` ,,NA MA: SHR'I GU RU MANYDZU GHO sh'A YA, PHUL BYUNG MDZAD PAS 'GRO
LA MI ZAD DPAL STER ZHING, ,LAN CIG DRAN PAS 'CHI BDAG 'JIGS PA RING DU
'DOR, ,RTAG TU BRTZE BAS 'GRO LA

BU BZHIN DGONGS GYUR PA, ,LHA MI'I 'DREN PA TSE DPAG MED LA PHYAG
'TSAL LO, ,THUB PA'I DBANG POS LAN GRANGS DU MA RU, ,LEGS PAR YONGS SU
BSNGAGS PA'I ZHING GI MCHOG ,BDE BA CAN DU SKYE BA'I SMON LAM 'GA',
,BRTZE BA'I DBANG GIS JI

@085B LTAR NUS BZHIN BRJOD, ,DE LA DRI MA MED PA'I GSUNG RAB RNAMS
LAS RGYAL BA'I DBANG PO RNAMS KYIS SNGON BYANG CHUB SEMS DPA'I
SPYOD PA RLABS PO CHE LA SLOB PA NA JI LTAR THUGS BSKYED CING SMON
LAM BTAB PA DE BZHIN DU YONGS SU GRUB PA'I SPRUL PA'I SKU YI ZHING GI

BKOD PA MANG DU GSUNGS PA YOD MOD, ,'ON KYANG BDE BA CAN GYI ZHING
'DI NI THUB PA'I DBANG POS ZHING GI YON TAN GYI BKOD PA RGYAS PAR
GSUNGS SHING, ZHING GZHAN DPAG TU MED PA NAS KYANG RANG RANG GI
BDE BAR GSHEGS PAS BSNGAGS PA LAN GRANGS

DU MAR GSUNGS PA LA BRTEN NAS, BYANG CHUB SEMS DPA' DPAG TU MED PA
RNAMS ZHING DER SKYE BAR GSUNGS PA DANG, ZHING 'DIR YANG DE'I DUS
DANG MA 'ONGS PA'I GANG ZAG GI DBANG DU MDZAD NAS BDE BA CAN DU
'GRO BA LA MOS PA DRAG PO BSKYED DGOS PAR

GSUNGS PA DANG, GZHAN YANG MDO DANG RTOG PA DANG GZUNGS DU MAR
PHAN YON GYI SKABS SU BDE BA CAN DU SKYE BAR BKA' STZAL BA'I SGO NAS
ZHING DER SKYE BA'I THABS MANG DU GSUNGS SHING, DE RNAMS KYANG DA
LTAR GYI GANG ZAG RNAMS KYIS KYANG SGRUB PAR MI NUS PA MI

SNANG BA DANG, GZHAN YANG ZHING KHA CIG NI SNYIGS MA LNGAS SBAGS
PAS DER SKYES PA RNAMS NYAMS PAR SLA ZHING, KHA CIG NI BYANG CHUB
SEMS DPA'I 'KHOR SHA STAG GIS GANG BA LA SOGS PA SNOD BCUD KYI 'BYOR
PA HA CANG YANG RLABS CHE BAS SKYE BAR DKA' PA

DANG; BDE BA CAN DU SKYES PA RNAMS NI YANG DAG PA NYID KYI TSOGS 'GA'
ZHIG TU NGES PA'I PHYIR DANG, MDOR NA ZHING GANG LA 'DUN PA SHES CHE
BA DE ZHING DER SKYE BA MYUR ZHING 'DI'I GANG ZAG RNAMS BDE BA CAN
LA MOS PA MANG BA'I PHYIR, BDAG CAG RNAMS

@086A *, ,KYIS SANGS RGYAS KYI ZHING DU SKYE BA 'DZIN PA'I SMON LAM NI
GTZO BOR BDE BA CAN GYI ZHING LA DMIGS TE BGYID PAR RIGS SO, ,RGYU JI
LTA BU BSGRUBS PAS ZHING DER SKYE BA NI, ZHING BKOD KYI MDO LAS 'BYUNG
BA BZHIN DU JI SKAD DU, KUN

DGA' BO SEMS CAN GANG DAG KHA CIG DE BZHIN GSHEGS PA DE, RNAM PAS
YANG DANG YANG DU YID LA BYED PA DANG, DGE BA'I RTZA BA MANG PO
DPAG TU MED PA SKYED PA DANG, BYANG CHUB TU SEMS BSKYED PA YANGS
SU BSNGOS TE, 'JIG RTEN GYI KHAMS DER SKYE BAR

SMON LAM 'DEBS PA DE DAG 'CHI BA'I DUS NYE BAR GNAS PA NA DE BZHIN
GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD
DPAG MED DE DGE SLONG GI TSOGS DU MAS YONGS SU BSKOR ZHING MDUN
GYIS BLTAS NAS BZHUGS PAR GYUR TE,

DE DAG GIS BCOM LDAN 'DAS 'OD DPAG MED MTHONG NAS RAB TU DANG BA'I
SEMS KYIS SHI 'PHOS TE 'JIG RTEN GYI KHAMS BDE BA CAN NYID DU SKYE BAR
'GYUR RO, ,KUN DGA' BO RIGS KYI BU 'AM, RIGS KYI BU MO GANG LA LA BDAG
GIS TSE 'DI LA 'OD DPAG

MED MTHONG YANG CI MA RUNG SNYAM DU SEMS PA DES BLA NA MED PA
YANG DAG PAR RDZOGS PA'I BYANG CHUB TU SEMS BSKYED LA LHAG PA'I
BSAM PA'I RGYUD KYI SANGS RGYAS KYI ZHING DER SKYE BAR BYA BA'I PHYIR
SEMS YANG DAG PAR BTANG STE, DGE BA'I RTZA BA RNAMS BSKYED

PAR BYA ZHING YANGS SU BSNGO BAR BYA'O, ,KUN DGA' BO GANG DAG YANG
DE BZHIN GSHEGS PA DE YANG DANG YANG DU YID LA BYED CING, DGE BA'I
RTZA BA MANG PA DPAG TU MED PA RGYUN DU BSKYED LA, SANGS RGYAS KYI
ZHING DER SEMS YANG DAG PAR GTONG BA DE DAG 'CHI

@086B BA'I DUS NYE BAR GNAS PA NA DE BZHIN GSHEGS PA DGRA BCOM PA
YANG DAG PAR RDZOGS PA'I SANGS RGYAS 'OD DPAG MED DE'I KHA DOG
DANG, DBYIBS DANG, CHU ZHENG DANG, ZHAM RING BA DGE SLONG GI DGE
'DUN CI 'DRA BA DE 'DRA BA'I SANGS RGYAS KYI SPRUL PA

DAG MDUN DU GNAS PAR GYUR TE, DE DAG DE BZHIN GSHEGS PA MTHONG
BAS RAB TU DANG BA LA DMIGS PA'I TING NGE 'DZIN DE DANG, BRJED PA MED
PA'I DRAN PAS SHI 'PHOS NAS SANGS RGYAS KYI ZHING DE NYID DU SKYE BAR
'GYUR RO ZHES GANG GSUNGS PA'O, ,DE

LA MDO DANG POS RGYAL BA 'OD DPAG MED YANG YANG DRAN PA DANG,
DGE RTZA SGO DU MA NAS DPAG TU MED PA GSOG PA DANG, BYANG CHUB TU
SEMS BSKYED PA DANG, BSAGS PA'I DGE BA RNAMS ZHING DER SKYE BA'I PHYIR
DU SMON LAM 'DEBS PA DANG BZHI BYAS NA SKYE BAR

GSUNGS PA'I GSUM PA NI, ZHING DE NA THEG PA CHE CHUNG GNYIS YOD PA'I
THEG CHEN GYI RIGS SU SKYE BA 'DZIN PA'I DBANG DU MDZAD LA, LHAG MA
GSUM NI THUN MONG GI DBANG DU MDZAD PA'O, ,MDO GSUM PAS NI ZHING
DER SEMS YANG DAG PAR GTONG BA YANG SKYE BA'I

RGYUR GSUNGS PA NI SNGA MA LA YANG DGOS LA, DE'I DON NI ZHING GI YON
TAN GYI BKOD PA YANG YANG DRAN PAR BYAS NAS BSAM PA THAG PA NAS
ZHING DER SKYE BA 'DZIN PAR 'DOD PA'O, ,MDO BAR PAS NI SHI 'PHOS NAS
ZHING DER SKYE BA'I RGYUR BSTAN PA RNAMS TSE 'DI NYID LA

'OD DPAG MED MTHONG BAR 'DOD PAS KYANG BYA BAR GSUNGS SO, ,DE LTAR
NA BYANG CHUB KYI SEMS KYIS ZIN PAR BYAS LA DGE BA'I RTZA BA SGO DU
MA NAS RGYUN DU BSAG CING DE DAG KYANG BDE BA CAN GYI ZHING DU
THEG PA CHEN PO'I RIGS CAN KHO NAR SKYE BA GZUNG BA'I PHYIR

@087A *, ,DU BSAM PA THAG PA NAS SMON LAM GDAB CING RGYAL BA 'OD
DPAG MED YANG YANG YID LA BYA BAR GSUNGS PA NI MTSON PA TZAM STE,
ZHING DE'I SNOD BCUD KYI YON TAN GYI BKOD PA MDO LAS GSUNGS PA
RNAMS YANG YANG DRAN PAR BYA ZHING, KHYAD PAR DU

SMON LAM 'DEBS PA'I THOG MAR ZHING GI YON TAN RNAMS DRAN NAS RGYAL
BA 'OD DPAG MED 'KHOR DANG BCAS PA LA DMIGS PA'I DAD PA BRTAN PO
DANG ZHING GI YON TAN GYI BKOD PA PHUL DU BYUNG BA RNAMS LA DMIGS
NAS DER SKYE BA'I 'DUN PA DRAG PO DANG SMON PA'I

GNAS RNAMS GEGS MED PAR BDE BLAG TU 'GRUB PA'I DBANG PO MDZAD NA
CI MA RUNG SNYAM PA'I BSAM PA SHUGS DRAG POR BYA BA NI GNAD DU
CHE'O, ,DE LTAR NA DBANG PO DANG ZHING GI YON TAN BRJOD PA 'JUG PA
GCIG TU BYAS NA BDE ZHING, ZHING DU SKYE BA'I 'DUN PA DRAG PO

DER SKYE BA'I RGYU'I GTZO BO YIN LA, DE YANG ZHING GI YON TAN SHES NAS
YANG YANG SEMS PA LA RAG LAS PAS NA DE'I PHYIR THOG MAR ZHING GI
BSNGAGS PA BRJOD PAR BYA'O, ,MI MDZED ZHING NAS NUB KYI PHYOGS NYID
DU, ,BYE BA KHRAG KHRIG BRGYA STONG SANGS RGYAS KYI, ,ZHING

KHAMS RNAMS NI 'DAS PAR GYUR PA NA, ,RMAD BYUNG BDE BA CAN ZHES BYA
BA YOD, ,DE NI SA GZHI RIN CHEN DU MAS SPRAS, ,SHIN TU NYAMS DGA' LAG
MTHIL LTA BUR MNYAM, ,RIN CHEN LAS GRUB RI BO MA GTOGS PA, ,NAG PO'I
RI RNAMS KUN GYIS DBEN ZHING GTZANG, ,MDZES

SHING YID 'ONG RNAM DAG ZHING GI MTHA', ,RIN CHEN BDUN GYI CHU
SHING LJON PA DANG, ,RIN CHEN TA LA'I SHING GI PHRENG BA YIS, ,YONGS SU
BSKOR BAS SKAR MAS ZLA BA BZHIN, ,DE LTA BU'I SA GZHI DE NI SHING LJON
PA RNAM PA DU MAS MDZES PAR BYAS PA STE, SHING LJON PA RE RE

@087B LA'ANG RTZA BA DANG SDONG PO DANG, YAL GA DANG, LO MA DANG,
'DAB MA DANG, ME TOG DANG, 'BRAS BU BDUN BDUN YOD LA, DE YANG KHA
CIG GI RTZA BA NI GSER, SDONG PO NI DNGUL, YAL GA NI BEEd'U R+YA, LO MA
NI SHEL, 'DAB MA NI SPUG ,ME TOG NI MU

TIG DMAR PO, 'BRAS BU NI RDO'I SNYING PO LAS BYAS PA YOD LA, KHA CIG NI
RTZA BA LA SOGS PA BDUN KA RIN PO CHE SNA RE RE LAS BYAS PA DANG, DE
BZHIN DU RIN PO CHE SNA GNYIS DANG, GSUM DANG BZHI DANG LNGA DANG
DRUG LAS BYAS PA DANG, RTZA BA LA SOGS PA RE

RE YANG RIN PO CHE SNA BDUN KA LAS BYAS PA'ANG YOD DE, DE LTA BU LA
SOGS PA'I SHING LJON PA RNAMS LA COD PAN DANG, RNA RGYAN DANG, DO
SHAL DANG, GDU BU DANG, DPUNG RGYAN DANG, SOR GDUB DANG, GSER GYI
SKA RAGS DANG, GSER GYI DRA BA DANG, MU TIG

GI DRA BA DANG, RIN PO CHE THAMS CAD KYI DRIL BU G-YER KHA'I DRA BA
LA SOGS PA RGYAN JI LTA BU 'DOD PA DE LTA BU'I RGYAN RIN PO CHE BRGYA
STONG DU MAS SPRAS PA 'PHYANG BAS SANGS RGYAS KYI ZHING DE YONGS SU
GANG BA, SNGA DRO'I DUS KYI TSE PHYOGS BZHI NAS SRLUNG LANGS TE,

RLUNG DES LHA'I SPOS DRI RAB TU ZHIM PA SNA TSOGS KYIS BSGOS SHING
KHA DOG DU MA DANG LDAN PA'I RIN PO CHE'I SHING LJON PA DE DAG
BSKYOD CING BSGUL BA NA YID DU 'ONG BA'I DRI BSUNG DANG LDAN ZHING,
LTA NA SDUG PA'I ME TOG RNAM PA MANG PO RIN PO CHE'I SA GZHI CHEN PO
LA BRUL TE,

ME TOG DE DAG GIS SANGS RGYAS KYI ZHING DE MI'I BONG TSOD BDUN TZAM
DU KHYAB PAR GYUR TO, ,ME TOG DE DAG NI GOS KAN TZA LINTI KA LTAR
'JAM ZHING REG NA BDE BA'O, ,DE LA RKANG PA BZHAG PA NA SOR BZHI TZAM
GYIS DMA' BAR 'GYUR ZHING, RKANG PA BTEG PA NA SOR

@088A *, ,BZHI TZAM GYIS MTHOB PAR 'GYUR RO, ,SNGA DRO'I DUS 'DAS MA
THAG ME TOG RNYING PA DE DAG MA LUS PA MED PAR GYUR TE, DE'I 'OG TU
SANGS RGYAS KYI ZHING DE DBEN PA DANG, NYAMS DGA' BA DANG, DAG PAR
'GYUR ZHING, DE NAS YANG

PHYOGS BZHI NAS RLUNG LANGS TE SNGAR BZHIN DU ME TOG SAR PA DAG
'GREMS PAR BYED DO, ,SNGA DRO'I DUS JI LTA BAR NYIN GUNG DANG, PHYI
DRO DANG SROD DANG NAM GYI GUNG DANG THO RANGS KYANG DE BZHIN
NO, ,GSER DNGUL BEd'U R+YA DANG SHEL DANG SDUG ,MU TIG DMAR PO

RDO YI SNYING PO STE, ,RIN CHEN BDUN LAS GRUB PA'I LJON PA LA, ,YID LA
BSAM DGU'I RGYAN BZANG DPAG MED 'PHYANG, ,SHING GI RTZA BA SDONG
BU YAL GA SOGS, ,'JAM ZHING REG NA BDE STER DRI ZHIM LDAN, ,DRI YI
BZHON PAS BSKYOD TSE RNAR SNYAN PA'I, ,MNYAN

PAS CHOG MI SHES PA'I SGRA RNAMS 'BYUNG, ,SA GZHI MDZES PAR BYED PA'I
RGYAN GYI SHING GI YON TAN BRJOD PA'I SKABS SO,, ,,GZHAN YANG SA GZHI
DE NI SPOS MCHOG GIS YONGS SU BSGOS PA'I CHU KLUNG RNAM PA SNA
TSOGS PAS MDZES PAR BYAS

PA RNAMS KYI ZABS SU NI DPAG TSAD BCU GNYIS PAR MTSUNGS LA, KHA
ZHENG NI DPAG TSAD GCIG DANG BCU DANG NYI SHU DANG SUM CU DANG
BZHI BCU DANG LNGA BCU'I BAR DANG BRGYA STONG GI TSAD DAG KYANG
YOD DO, ,DE YANG 'BAB STEGS BDE BA, 'DAM RDZAB MED PA,

GSER GYI BYE MA BDAL BA, LHA'I ME TOG AUTPAL DANG, PADMA DANG, KU MU
TA DANG, PADMA DKAR PO LA SOGS PA, DRI RAB TU ZHIM PA'I ME TOG GIS
KHEBS PA, KHOL KHOL DAG NA BYA NGANG PA DANG, BZHAD DANG, KHRUNG
KHRUNG DANG, NGUR PA DANG, KA RAN DA

@088B DANG; NE TZO DANG, RI SKEGS DANG, KHU BYUG DANG, KU NA LA
DANG, KA LA PINGKA DANG, RMA BYA LA SOGS PA SGRA YID DU 'ONG BA 'BYIN
PA'I SBUL PA'I BYA'I TSOGS DU MAS BSTEN PA, 'GRAM GNYIS NI RIN PO CHE'I
SPOS KYI SHING LJON PAS GANG BA'O, ,DAG PA'I

SEMS CAN RNAMS KYI NYER 'TSO'I GZHI, ,YID 'DZIN TA MA LA DANG AA KA RU,
,RGYA SPOS TZAN DAN SBRUL SNYING GIS BSGOS PA'I, ,NYAL 'GRO'I RGYUN
RNAMS SGRA SNYAN SGOG CING 'BAB, ,SA GZHI MDZES PAR BYED PA'I RGYAN
GYI CHU'I YON TAN BRJOD PA'I SKABS SO,, ,,

GZHAN YANG SA GZHI THAMS CAD KYANG GSER GYI DRA BAS KHEBS SHING
RIN PO CHE SNA BDUN GYI PADMAS GANG BA STE, PADMA KHA CIG NI DPAG
CHED PHYED TZAM YOD KHA CIG NI DPAG TSAD GCIG DANG GNYIS DANG
GSUM DANG BZHI DANG LNGA NAS BCU'I BAR GYI TSAD TZAM YOD DE

RIN PO CHE'I PADMA THAMS CAD KYANG 'OD ZER BYE BA STONG PHRAG SUM
CU RTZA DRUG DUG 'BYUNG ZHING 'OD ZER GYI RTZE MO THAMS CAD LAS
KYANG SANGS RGYAS KYI SKU GSER GYI KHA DOG CAN SKYES BU CHEN PO'I
MTSAN SUM CU RTZA GNYIS MNGA' BA BYE BA BRGYA STONG PHRAG SUM CU

RTZA DRUG DRUG BYUNG NAS PHYOGS BCU'I 'JIG RTEN GYI KHAMS GRANGS
MED DPAG TU MED PA DAG TU GSHEGS NAS SEMS CAN RNAMS LA CES STON
TO, ,RAB 'BYAMS SMON LAM STOBS LAS 'ONGS PA YI, ,RIN CHEN PADMOS
BSKRUN PA'I 'OD ZER RTZER, ,

DAM CHOS SBRANG RTZI'I DGA' STON 'GYED PA YI, ,SPRUL SKUS GDUL BYA'I
BUNG BA CHIM PAR MDZAD, ,SA GZHI MDZES PAR BYED PA'I RGYAN GYI
PADMA'I YON TAN BRJOD PA'I SKABS SO,, ,,GZHAN YANG SA GZHI DE NI KHANG
BZANG RNAMS KYIS

@089A *, ,MDZES PAR BYAS PA STE, DE YANG RIN PO CHE SNA TSOGS KYI BA
GAM BRGYA STONG GIS BRGYAN PA, RIN PO CHE'I KHRI LHA'I RAS BCOS BU SNA
TSOGS BTING PA SNGAS KHRA BO BZHAG PA DANG LDAN PA'I GZHAL MED
KHANG DU MA DANG, GZHAN YANG SA

GZHI DE NI SPOS DANG PHRENG BA DANG BYUG PA DANG PHYI MA DANG
GDUGS DANG RGYAL MTSAN DANG BA DAN DANG SIL SNYAN DANG GOS KHA
DOG BRGYA STONG DU MA JI LTA BU 'DOD PA DE LTA BU'I SPOS DANG PHRENG
BA NAS GOS KYI BAR GYIS YONGS SU KHYAB BO, ,DE BZHIN DU ZHING DE NI
SPOS

SNA TSOGS DRI RAB TU ZHIM PA'I NGAD LDANG ZHING DUS DUS SU LHA'I SPOS
CHU'I SPRIN GYI CHAR DANG, LHA'I ME TOG THAMS CAD DANG LDAN PA DAG
DANG, LHA'I RIN PO CHE SNA BDUN DANG, LHA'I TZAN DAN GYI PHYE MA
DANG, LHA'I GDUGS DANG RGYAL MTSAN DANG,

BA DAN GYI CHAR 'BAB PA DANG, NAM MKHA' LA LHA'I BLA BRE DANG LHA'I
RIN PO CHE'I GDUGS RNGA MA'I BSIL YAB DANG BCAS PA 'DZIN ZHING, LHA'I
ROL MO'I SGRA DBYANGS DAG KYANG SGROG LA, LHA'I BU MO DAG KYANG
GAR BYED DO, ,YID KYI RE BA

RDZOGS BYED LONGS SPYOD RDZOGS, ,PHUN TSOGS 'BYOR BAS SA DANG BAR
SNANG KUN, ,MI MNYAM MED PAR YONGS SU DKRIGS PA NI, ,GSER GYI GZHI LA
CHU GTER CHEN PO BZHIN, ,SA GZHI MDZES PAR BYED PA'I RGYAN GYI KHANG
PA DANG LONGS

SPYOD KYI YON TAN BRJOD PA'I SKABS SO,, ,,DE DAG NI BDE BA CAN GYI SNOD
KYI YON TAN YID LA BYA BA'I TSUL MDOR BSDUS PA'O, ,GZHAN YANG DE NA
NGAN SONG GSUM DANG LHA MA YIN GYI RIS MED CING DER SKYES NAS 'GRO
BA DE

@089B BZHIR SLAR LDOG PA YANG MED, MI KHOM PA LHAG MA RNAMS KYANG
MED, MA NGES PA DANG LOG PA NYID DU NGES PA'I SEMS CAN MED CING,
YANG DAG PA NYID DU NGAS PA SHA STAG YIN LA, SMON LAM GYI DBANG MA
GTOGS PA DUS MA YIN PAR 'CHI

BA MED; DER SKYES PA'I SEMS CAN RNAMS NI RIN PO CHE'I PADMA LAS BRDZUS
TE SKYES PA SHA STAG YIN ZHING, 'GRO BA NI LHA DANG MI GNYIS SU NGES
LA DE YANG LHA MI'I THA SNYAD TZAM MA GTOGS PA MTSUNGS TE, LONGS
SPYOD NI GZHAN 'PHRUL

DBANG BYED PA'I LHA RNAMS JI LTA BA BZHIN NO, ,DE DAG THAMS CAD
KYANG LUS LA MTSAN SUM CU RTZA GNYIS KYIS BRGYAN PA DANG, SEMS KYIS
SKAD CIG THANG CIG LA SANGS RGYAS KYI ZHING BYE BA KHRAG KHRIG
BRGYA STONG 'DAS PA'I RDZU 'PHRUL GYI MNGON

SHES DANG, BSKAL PA BYE BA KHRAG KHRIG BRGYA STONG RJES SU DRAN PA'I
SNGON GYI GNAS RJES SU DRAN PA'I MNGON SHES DANG, 'JIG RTEN GYI KHAMS
BYE BA KHRAG KHRIG BRGYA STONG MTHONG BA'I LHA'I MIG GI MNGON SHES
DANG, SANGS RGYAS KYI

ZHING BYE BA KHRAG KHRIG BRGYA STONG DU CIG CAR DU CHOS NYAN PA'I
LHA'I RNA BA'I MNGON SHES DANG, SANGS RGYAS KYI ZHING BYE BA KHRAG
KHRIG BRGYA STONG DU GTOGS PA'I SEMS CAN RNAMS KYI SEMS SHES PA'I PHA
ROL GYI SEMS SHES PA'I MNGON

SHES TE MNGON PAR SHES PA LNGA TSANG BA THOB PA DANG, SNGA DRO
BZHIN DU SANGS RGYAS KYI ZHING GZHAN DAG TU PHYIN NAS SANGS RGYAS
BRGYA PHRAG MANG PO NAS SANGS RGYAS BYE BA KHRAG KHRIG BRGYA
STONG PHRAG MANG PO LA SANGS RGYAS KYI MTHUS MCHOD PA'I RDZAS

@090A *, ,THAMS CAD KYIS RNYING BKUR PAR NUS PA STE, THE TSOM ZOS PA'I
LAS KYI DBANG GIS PADMA'I SBUBS NA RING DU GNAS DGOS PA'I SEMS CAN
RNAMS NI MNGON SHES TSANG BA DANG, ZHING GZHAN DU DE BZHIN
GSHEGS PA

RNAMS LA MCHOD DU 'GRO BA'I NUS PA DANG MI LDAN NO, ,GZHAN YANG
SEMS CAN DE RNAMS KHAMS KYI ZAS RAGS PA NI MI ZA MOD, 'ON KYANG KHA
ZAS RNAM PA JI LTA BU 'DOD PA DE LTA BU'I KHA ZAS DANG, SNGAR BSHAD
PA'I GOS DANG RGYAN GYI BYE BRAG JI LTAR

'DOD PA DE RNAMS BSAMS MA THAG TU RNYED NAS LUS TSIM PA DANG, LUS
LA BGOS PA DANG, LUS BRGYAN PAR 'GYUR ZHING CHU KLUNG CHEN PO
RNAMS LAS LHA'I GLU DBYANGS YAN LAG BYE BA BRGYA STONG DANG LDAN
PA'I SIL SNYAN MKHAN MKHAS PA RNAMS KYIS

BYAS PA BAS KYANG LHAG PA'I SGRA SNYAN CING YID DU 'ONG BA MNYAN PAS
CHOG MI SHES PA 'BYUNG BA RNAMS KYIS CHOS KYI RNAM GRANGS DPAG TU
MED PA SEMS CAN DE DAG LA JI LTAR RIGS PA STON CING SPRUL PA'I BYA'I
TSOGS KYIS KYANG SANGS RGYAS KYI ZHING

DE THAMS CAD SGRAS GO BAR BYED CING DES BYANG CHUB SEMS DPA' RNAMS
SANGS RGYAS RJES SU DRAN PA DANG MI 'BRAL BAR 'GYUR RO, ,SEMS CAN DE
DAG SNGAR BSHAD PA LTA BU'I GZHAL MED KHANG JI LTA BU 'DOD PA DE LTA
BU'I GZHAL MED KHANG MDUN

DU BYUNG STE, DE RNAMS DE'I NANG NA LHA'I BU MO BDUN STONG BDUN
STONG GIS BSKOR CING RTZE DGA' ZHING DGA' BAR BYED DO, ,DE LTAR BCUD
KYI YON TAN GYI SKABS SU SNGON ZHING BZUNG BA'I DUS KYI GNAS DANG
GNAS MA YIN PA'I SMON LAM CI RIGS SU

@090B SNANG BA'I NANG NAS YON TAN 'GA' ZHIG BKOD PA NI ZHING DU SKYE
BA 'DZIN PA'I 'DUN PA SHUGS DRAG PO'I RGYUR BKOD DO, ,DAG PA'I SEMS CAN
LAS BZANG GIS SPRUL PA, ,MTSAN DPE'I RGYAN GYIS LUS NI RAB TU MDZES,
,YON TAN DU MAS RGYUD NI LEGS PAR GTAMS, ,

GNAS SKABS KUN TU CHOS KYI DGA' BAS 'TSO, ,GLOG BZHIN 'KHYUG PA'I
THOGS MED RDZU 'PHRUL GYIS, ,ZHING MANG BGRED NAS RGYAL BA'I SPYAN
SNGA RU, ,RAB 'BYAMS TSOGS GNYIS BSKRUN NAS SLAR YANG NI, ,RANG GI
ZHING DU DGA' BA DES ROL BAR MDZAD, ,BCUD KYI

ZHING MDZES PAR BYED PA'I RGYAN GYI YON TAN THUN MANG BA BRJOD PA'I
SKABS SO,, ,,GZHAN YANG ZHING DE'I RGYAL BA'I 'KHOR NI GNYIS TE, NYAN
THOS DANG BYANG CHUB SEMS DPA' 'O, ,DE YANG NYAN THOS KYI 'KHOR 'DUS
PA DANG PO LTA BU LA YANG 'DOD NA STONG GSUM GYI SKAR

MA THAMS CAD NYIN ZHAG GCIG GIS BRTZI BAR NUS PA, RDZU 'PHRUL DPAG
TU MED PA DANG LDAN PA MOO GAL GYI BU LTA BU BYE BA KHRAG KHRIG
BRGYA STONG GIS LO BYE BA KHRAG KHRIG BRGYA STENG DU LAS GZHAN MI
BYED PAR BRTZIS KYANG CHA SHAS TZAM YANG GRANGS CHOD PAR MI 'GYUR
NA,

'DUS PA GNYIS PA DANG GSUM PA LTA CI SMOS TE, DE LTA BU'I NYAN THOS KYI
'KHOR GRANGS MED PA YOD LA, DE THAMS CAD KYANG 'OD 'DOM GANG PA
SHA STAG GO ,NYAN THOS KYI 'KHOR GYI YON TAN BRJOD PA'I, ,BYANG CHUB
SEMS DPA'I 'KHOR NI, GRANGS DPAG TU MED CING YON TAN

MTHA' YAS PA MU MED PA DANG LDAN PA SHA STAG STE, DE YANG SEMS CAN
THAMS CAD LA MNYAM PA'I SEMS DANG PHAN PA'I SEMS DANG BYAMS PA'I
SEMS DANG LDAN PA, SEMS KYI RGYUD SGYU MA'I RANG BZHIN LA BLO RAB TU
ZHUGS PA SHES RAB RGYA MTSO CHEN PO DANG MNYAM PA BLO RI 

@91A *,,RAB DANG MTSUNGS PA, YON TAN DU MA BSAGS PA, YE SHES KYI
MNGON PAR 'PHAGS PAS RI RAB DANG MTSUNGS PA, 'KHRUG PA MED PAS RGYA
MTSO CHEN PO DANG 'DRA BA, SEMS CAN THAMS CAD KYI DGE BA DANG MI DGE
BA BZOD PAS SA DANG MTSUNGS PA, NYON MONGS PA'I

DRI MA 'KHRUD PAS 'BAB CHU DANG 'DRA BA, CHOS THAMS CAD LA RLOM
SEMS SU BYED PA DANG NYON MONGS PA RNAMS SREG PAR BYED PAS ME'I
RGYAL PO DANG MTSUNGS PA, 'JIG RTEN THAMS CAD LA MA CHAGS PA'I PHYIR
RLUNG DANG 'DRA BA, CHOS THAMS CAD NGES PAR PHIGS PA DANG CI LA

YANG MI DMIGS PA'I PHYIR NAM MKHA' DANG MTSUNGS PA, 'JIG RTEN GYI
SKYON THAMS CAD KYIS MA GOS PA'I PHYIR PADMA DANG 'DRA BA, CHOS
DANG CHOS MA YIN PA MNGON PAR SGROGS PAS DUS KYI RJES SU 'BRANG BA'I
'BRUG CHEN PO DANG MTSUNGS PA, CHOS KYI CHU YI CHAR MNGON

PAR 'BEBS PAS SPRIN CHEN PO DANG 'DRA BA, TSOGS CHEN PO ZIL GYIS GNON
PAS KHYU MCHOG DANG MTSUNGS PA, SEMS MCHOG TU DUL BAS GLANG PO
CHE DANG 'DRA BA, SHIN TU DUL BAS RTA CANG SHES BZANG PO DANG 'DRA
BA, RTZAL DANG MI 'JIGS PAS SKRAG PA MED PA'I PHYIR RI

DVAGS KYI RGYAL PO SENG GE DANG 'DRA BA, SEMS CAN THAMS CAD YONGS
SU SKYOB PAS SHING GI RGYAL PO NYA GRO TA DANG MTSUNGS PA, PHAS KYI
RGOL BA THAMS CAD KYIS MI G-YO BAS RI'I RGYAL PO RI RAB DANG 'DRA BA,
BYAMS PA TSAD MED PA BSGOMS PAS NAM MKHA' DANG 'DRA BA, DGE

BA'I CHOS THAMS CAD KYI DBANG DU BYA BA'I SNGON DU 'GRO BAS TSANGS
PA CHEN PO DANG 'DRA BA, GNAS SU GSOG PA MED PAS BYA DANG MTSUNGS
PA, PHAS KYI RGOL BA THAMS CAD RNAM PAR 'JOMS PAS BYA'I RGYAL PO NAM
MKHA' LDING DANG 'DRA BA, 'JIG RTEN NA 'BYUNG BAR DKA'

@91B BA'I PHYIR AU DUM W'A RA DANG MTSUNGS PA, CHOS KYI RNGA CHEN
PO BRDUNG BA, CHOS KYI DUNG CHEN PO 'BUD PA, CHOS KYI RGYAL MTSAN
CHEN PO BSGRANG BA, CHOS KYI BA DAN CHEN PO 'DZIN PA, CHOS KYI SGRON
ME CHEN PO RAB TU 'BAR BAR BYED PA, SANGS RGYAS BYE BA KHRAG KHRIG
BRGYA STONG PHRAG MANG PO LA DAG

BA'I RTZA BA MANG PA BSKYED BA, RGYAL BA RNAMS KYIS BSNGAGS PA, SKYON
MED PA'I TSUL KHRIMS LHUR LEN PAS SEMS KYI RGYUD BEE d'URYA LTAR
RNAM PAR DAG PA, CHOS THAMS CAD LA THOS PA RGYA MTSO LTA BUR GYUR
PA, RGYAL SRAS RE RE YANG DPAG CHAD BYE BA BRGYA STONG GI 'OD DANG
LDAN PA,

SRAS KYI THU BO GNYIS KYI 'OD KYIS NI 'JIG RTEN GYI KHAMS DE KHOR YUG
TU SNANG BAS KHYAB PAR BYED DE, ,DE NI BYANG CHUB SEMS DPA' SEMS DPA'
CHEN PO SPYAN RAS GZIGS DBANG PHYUG DANG MTHU CHEN THOB PO, ,YE
SHES RGYA MTSO SEMS CAN RGYA MTSO'I

PHYIR; ;SNYING STOBS RGYA MTSOS MA ZHUM GO BGOS SHING, ,RGYAL BA
RGYA MTSO'I DRUNG DU THUGS BSKYED NAS, ,THOS PA RGYA MTSO'I 'TSOL BAS
NGOMS PA MED, ,MA LUS CHOS TSOL TSUL LA RAB TU MKHAS, ,'JIG RTEN 'DAS
PA'I GTAM GYI SNYING PO RTOGS, ,CHOS KYI GTAM LA NAM YANG 'JIGS

PA MED, ,RTAG TU SEMS CAN GROL BAR BYED LA BRTZON, ,DE NI 'DREN PA'I
GTZO BO 'OD DPAG MED, ,THUB MCHOG DE YI RIGS SU SKYES GYUR PA, ,RGYAL
BA'I GDUNG 'TSOB GRAGS LDAN DPA' BO CHE, ,DAG PA'I ZHING GI RGYAL SRAS
RNAMS YIN NO, ,BYANG CHUB SEMS DPA'I 'KHOR GYI

YON TAN PHYOGS TZAM BRJOD PA'O, ,DE LTA BU'I SNOD BCUD KYI YON TAN
PHUL DU BYUNG BA DANG LDAN PA'I ZHING GI MCHOG DE'I DBUS NA BYANG
CHUB KYI SHING GI DBANG PO CHEN PO 'PHANG DU DPAG TSAD STONG DRUG
BRGYA YOD PA, YAL GA DANG LO MA DANG 'DAB MA DPAG CHED BRGYAD
BRGYA

@92A *, ,TSUN CHAD DU 'PHYANG BA, RTZA BA'I SPOMS DANG KHRUR DPAG
TSAD LNGA BRGYA YOD PA, LO MA DANG ME TOG DANG 'BRAS BU RNAMS
RGYUN DU 'PHYANG BA, KHA DOG THA DAD PA BRGYA STONG DU MA YOD PA,
LO MA DANG ME TOG DANG 'BRAS BU THA DAD PA DU MA DANG

LDAN PA, ZLA BA LTAR SNANG BA'I NOR BU RIN PO CHES YONGS SU GSAL BA,
BRGYA BYIN GYIS THOGS PA'I NOR BU RIN PO CHES RNAM PAR SPRAS PA, YID
BZHIN GYI NOR BU RIN PO CHES GANG BA, RGYA MTSO'I NOR BU RIN PO CHE
MCHOG GIS SPRAS PA, GSER GYI SKUD PA

DANG SE MO DOS MDZES PA DANG RIN PO CHE'I CHUN PO DANG DE SHAL
TSIG RKYANG DANG MU TIG SNGON PO DANG MU TIG DMAR PO'I RGYAN
PHRENG DANG SENGGE'I KHA NAS 'PHYANG BA'I SKA RAGS KYI TSOGS YOD PA,
RIN PO CHE THAMS CAD KYI DRA BA DANG DRIL BU G-YER KHA'I DRA BAS BLA
BRER

BRES PA, CHU SRIN DANG BKRA SHIS DANG G-YUNG DRUNG 'KHYIL BA DANG
ZLA GAM LTA BUS LEGS PAR BRGYAN PA STE, MDOR NA SEMS CAN GYI BSAM
PA'I RNAM PAR RIG PA JI LTA BU BZHIN DU RNAM PAR BRGYAN PA'O, ,BYANG
CHUB KYI SHING DE RLUNG GIS BSKYOD PA NA SGRA

DBYANGS 'BYUNG BA GANG YIN PA DES 'JIG RTEN GYI KHAMS TSAD MED PA GO
BAR BYED DO, ,SHING DE'I SGRA THOS PA DANG MTHONG BA DANG DE'I DRI
TSOR BA DANG DE'I 'BRAS BU'I RO MYONG BA DANG DE'I 'OD KYIS REG PA
THAMS CAD NI BYANG CHUB MA THOB KYI BAR DU RNA BA DANG

MIG DANG SNA DANG LCE DANG LUS LA NAD KYIS BTAB PA MI 'BYUNG NGO,
,SHING DE YID LA SEMS PA DE DAG KYANG BYANG CHUB MA THOB KYI BAR DU
SEMS G-YENG BAR MI 'GYUR RO, ,BYANG CHUB KYI SHING GI DBANG PO DE'I
DRUNG NA BCOM LDAN 'DAS DE BZHIN GSHEGS

@92B PA DGRA BCOM PA YANG DAG PAR RDZOGS PA'I SANGS RGYAS 'OD DPAG
TU MED PA RDUL MED CING RNAM PAR DAG PA BZHUGS SHING 'TSO ZHING
GZHES LA 'KHOR RGYA MTSO LTA BU'I DBUS NA CHOS STON PAR MDZAD DO,
,DE YANG BSKAL PA BRGYA PHRAG NAS BSKAL PA BYE

BA KHRAG KHRIG BRGYA STONG PHRAG GI BAR 'DI SNYED CIG THUB PO ZHES
SKU TSE'I TSAD RTOGS PAR MI NUS TE DE'I PHYIR RGYAL BA DE NI TSE DPAG
MED CES BYA'O, ,DE BZHIN DU PHYOGS BCU RE RER YANG SANGS RGYAS KYI
ZHING BYE BA KHRAG KHRIG BRGYA STONG GANGG'A'I KLUNG GI BYE MA'I

GRANGS JI SNYED PA DE'I 'OD KYIS KHYAB PAR GNAS TE DE'I PHYIR RGYAL BA
DE NI 'OD DPAG MED CES BYA STE, 'ON KYANG SMON LAM GYI DBANG GIS 'OD
'DOM GANG PA SOGS SU 'GYUR BA NI MA GTOGS SO, ,'OD DE NI SHEL GONG
LTAR DRI MA MED PA,

NAM MKHA' SHIN TU RGYAS PA, LUS LA BDE BA SKYED PA, SEMS DGA' BAR BYED
PA, GANG LA REG PA'I SEMS CANR NAMS MCHOG TU DGA' BAR BYED PA'O, ,DE
LTAR 'OD ZER GYI PHUNG PO CHEN PO MTHA' YAS PAS ROL MTSOS

GSER GYI RI RNAMS LA 'KHYUD PA BZHIN DU YONGS SU BSKOR BA'I DRANG
SRONG CHEN PO 'OD DPAG TU MED PA'I SKU'I GZI BRJID KYI NYAN THOS DANG
BYANG CHUB SEMS DPA'I 'KHOR GYI TSOGS THAMS CAD ZIL GYIS MNAN NAS
MNGON PAR 'PHAGS TE LHAM ME

LHANG NGE LHAN NOR PHYOGS KUN DU GSAL BAR SNANG BA NI RI'I RGYAL
PO RI RAB RI THAMS CAD KYI DBUS NA MNGON PAR MTHO BA BZHIN NO,
,THUB PA'I MCHOG CHEN PO DE MTHONG MA THAG TU YID TSIM PAR BYED
PA'I SKYIS BU CHEN PO'I MTSAN SUM CU RTZA GNYIS DANG, DPE

@93A *, ,BYAD BZANG PO BRGYAD CU BSKAL PA DPAG TU MED PAR BSGRUBS
PA'I DGE BA'I RTZA BA DU MA'I RGYU LAS BYUNG BA DAG CING GSAL LA MDZES
PA THAMS CAD YONGS SU RDZOGS PA RNAMS KYIS SKU'I KHYON THAMS CAD
MDZES PAR BYED PA LA 'GRAN PA BZHIN

DU GYUR PA, STON GYI DUS KYI MTSAN MO SPRIN DANG BRAL BA'I NAM
MKHA'I DKYIL DU CHA SHAS THAMS CAD YONGS SU RDZOGS PA'I ZLA BA'I
DKYIL 'KHOR SHAR BA MU TIG GI 'BRUM BU LTA BU'I RGYU SKAR BYE BA'I DKYIL
NA MDZES PA BZHIN DU RGYUD DANG DBANG PO DANG DGE

BA'I RTZA BA SHIN TU RLABS CHE BA YONGS SU SMIN PA'I BYANG CHUB SEMS
DPA'I 'KHOR DPAG TU MED PAS YONGS SU BSKOR BA RAB TU BRJID PA'I GZUGS
DANG LDAN ZHING SHIN TU DAL BA'I 'GROS KYIS MDZES PA'I KHYU MCHOG
BA LANG BRGYA STONG GI RJES SU 'BRANG BA

DANG BCAS NAS 'GRO BA BZHIN DU SPYAN DANG RDZU 'PHRUL DANG MNGON
PAR SHES PA DU MAS BRTZE BA'I DGRA BCOM PA'I 'KHOR GYI MDUN DU BDAR
BA, SHES BYA THAMS CAD LA CHAGS PA DANG THOGS PA MED PA'I MKHYEN
PA DANG, 'KHOR BA JI SRID DU JI LTAR 'TSAM

PAR CHAS STON PA ZAD MI SHES PA'I SPOBS PA DANG MTHA' YAS PA'I SEMS
CAN GYI DON 'BA' ZHIG LHUR MDZAD PA'I THUGS RJE CHEN PO LA BRTEN NAS
DPA' ZHING YANG RTZAL CHE BA'I RI DVAGS KYI RGYAL PO SENGGE RI DVAGS
DU MA'I TSOGS KYI 'KHOR GYI NANG NA BAG

TSA BA MED PAR PHYOGS KUN TU SENG GE'I SGRA SGROGS PA LTAR GRANGS
MED PA'I 'KHOR GYI DBUS NA PHAS KYI RGOL BA'I 'JIGS PA THAMS CAD DANG
BRAL BA ZAB PA DANG RGYA CHE BA'I SENGGE'I SGRA CHEN PO RGYUN MI
'CHAD DU SGROG PA'O, ,BDE BA CAN GYI ZHING NA 'GRO BA'I SKYABS, ,

@93B LJON PA'I DBANG PO'I DRUNG NA 'OD DPAG MED, ,RGYA CHEN 'KHOR GYI
DBUS NA BRJID PA'I SKU, ,MTHA' YAS BSOD NAMS PHUNG PO KHYOD LA 'DUD,
,'DREN PA KHYOD KYI 'OD KYI TSOGS, ,'JIG RTEN KHAMS SU SHONG GYUR PA,
,KYE MA RGYAL BA'I ZHING GI NI, ,RGYA KHYON KHONGS DAG SHIN TU

YANGS, ,RGYAL BA KUN GYI SPANG RTOGS YON TAN RNAMS, ,KHYOD NYID
GCIG PUS BDAG GIR MDZAD PAS NA, ,MI MDZED ZHING GI SEMS CAN 'DI DAG
RNAMS, ,SNYIGS MA LNGA YI NYES PAS SBAGS SAM SNYAM, ,RAB MTHO RI YI
DBANG PO STE, ,RAB RGYAS ZLA BA'I BZHIN LDAN ZHING, ,RAB MDZES

AUTPAL SRON PO'I MIG ,RAB TU LDAN NA KHYOD DANG MTSUNGS, ,MKHYEN
BRTZE'I YON TAN DU MA'I DPAL 'BAR ZHING, ,'KHOR TSOGS DBUS SU LEGS
BSHAD DGA' STON 'GYED, ,SRID MTHA'I BAR DU GZHAN GYI DON BZHUGS PA,
,GNAS SKABS KUN TU KHYOD KYIS

'GRO KUN SKYONGS, ,ZHING GI GTZO BO'I YON TAN PHYOGS TZAM BRJOD
PA'O, ,DE DAG NI BCUD KYI YON TAN YID LA BYA BA'I TSUL MDOR BSDUS PA
STE, RGYAS PAR PHYE NA RGYAL BA 'DIS SANGS RGYAS 'JIG RTEN DBANG
PHYUG RGYAL PO'I SPYAN SNGAR

ZHING 'DI SMON LAM JI LTA BUS BZUNG BA DANG, DE NAS BYANG CHUB SEMS
DPA'I SPYOD PA RLABS PO CHE RNAMS JI LTAR RDZOGS PAR SPYAD PA DANG,
MTHAR SMON PA'I GNAS 'GRUB PA'I ZHING GI YON TAN RNAMS SHIN TU GSAL
BAR ZHING BKOD

KYI MDOR GSUNGS PAS DER BLTA BAR BYA'O, ,DE LTAR NA 'DUN PA'I YUL
ZHING GI YON TAN MDOR BSDUS PA DE RNAMS DMIGS PHYED PAR BYAS NAS
ZHING DER SKYE BA LA 'DUN PA YANG YANG SBYANGS NAS 'DUN PO SHUGS
DRAG PA SHIN TU GAL CHE BA DANG, DE LTAR BYAS PA'I

@94A *, ,PHAN YON NI, ZHING BKOD KYI MDO LAS JI SKAD DU, GANG GI PHRA
RAB RDUL SNYED 'JIG RTEN KHAMS, ,BSHIG CING GSHEGS TE RDUL DU BYAS
GYUR PA, ,DE BAS MANG PA'I 'JIG RTEN KHAMS KYI RNAMS, ,RIN CHEN BKANG
STE SBYIN PA BYIN PAS NI, ,GANG GIS

DPAG TU MED PA'I 'OD MTSAN DANG, ,BDE BA CAN GYI YON TAN KHYAD
'PHAGS RNAMS, ,THOS NAS DGA' STE THAL MO SBYOR BYED PA, ,BSOD NAMS
'DI YI CHAR YANG 'GYUR ME YIN, ,DE LTA BAS NA DE BZHIN GSHEGS DE YI,
,YON TAN THOS NAS MGU DANG DAD SKYED LA, ,BDE BA

CAN GYI 'JIG RTEN KHAMS MCHOG TU, ,'GRO BAR BYA PHYIR MOS PA DRAG PO
SKYED, ,GANG GIS BDE BA CAN GYI 'JIG RTEN GYI, ,MING THOS PA YI BSOD
NAMS DE LA NI, ,ZHING MCHOG THA GRU CHEN PO DE DAG KUN, ,CHA DANG
DPER YANG 'GYUR BA MA YIN NO, ,YANG DAG RGYAL BA'I BKA' DANG SHES

RAB CAN, ,DE DAG DE BAS BSOD NAMS MANG DU 'GYUR, ,DON DAM THOB
PHYIR DAD PA RTZA BA STE, ,DE LTA BAS NA THOS NAS YID GNYIS SOL, ,ZHES
GANG GSUNGS PA'O, ,DE'I PHYIR THUB PA'I DBANG POS ZHING GI YON TAN GYI
BKOD PA GSUNGS PA DANG RGYU 'DI LTA BU BSGRUBS NA DER SKYE

'O ZHES GSUNGS PA RNAMS NI RGYAL BA'I YE SHES DBANG DU BYAS TE, THE
TSOM CUNG ZAD KYANG MI ZA BAR YID CHES PA SHIN TU GAL CHE STE, THE
TSOM ZA BZHIN DU DER SKYE BA'I RGYU BSGRUBS PA RNAMS NI ZHING DER
SKYES KYANG PADMA'I SBUBS NAS THOGS MED DU 'BYUNG MI NUS PAR

PADMA'I MNGAL NA LO LNGA BRGYAR SANGS RGYAS MTHONG BA DANG CHOS
NYAN PA SOGS BYAR MED PAR GNAS DGOS PA'I NYES DMIGS SHIN TU CHE BAR
GSUNGS PA'I PHYIR RO, ,'DUN PA'I YUL DU ZHING GI YON TAN SNGAR GYI DE
TZAM ZHIG SMOS PA DE NI, MGO SMOS PAS GO BA'I

@94B DBANG PO RNON PO RNAMS LA DE DAM MI DGOS MOD, 'ON KYANG
BDAG LTA BU'I DBANG PO RTUL PO RNAMS LA DE BZHIN DU MA SMOS NA SKYE
BAR 'DOD PA'I 'DUN PA'I YUL DMIGS MI PHYED CING, DMIGS MA PHYED NA
ZHING GI YON TAN MTHONG BAS RGYU BYAS PA'I 'DUN PA DRAG PO MI SKYE
BAR SNANG BAS

CUNG ZAD SPROS TE BSHAD PA YIN NO, ,DE LTAR JI SKAD BSHAD PA'I RGYAL
BA 'KHOR DANG BCAS PA LA SMAN PA'I GNAS THAMS CAD BDE BLAG TU 'GRUB
PA'I DBANG PO MDZAD DU GSOL BA NI,, ,,BLANG DOR GNAS RNAMS MA RIG
'THUG POS BSGRIBS, ,KHONG KHRO'I MTSON GYIS

MTHO RES SROG 'PHROG CING, ,'DOD SRED ZHAGS PAS 'KHOR BA'I BTZON RAR
BCINGS, ,LAS KYI CHU POS SRID PA'I RGYA MTSOR KHYER, ,NA RGA'I SDUG
BSNGAL RVA RLABS MANG POS G-YENGS, ,MI BZANG 'CHI BDAG CHU SRIN
KHAR CHUD PAS, ,MI 'DOD SDUG BSNGAL KHUR GYIS NON GYUR

BA, ,MGON MED BDAG GI NYAM THAG NGA RO YI, ,YID LA SMON PA 'GRUB PA'I
DPANG PO RU, ,PHONGS PA'I GNYEN GCIG 'DREN PA 'OD DPAG MED, ,SPYAN
RAS GZIGS DBANG RGYAL SRAS MTHU CHEN THOB, ,'KHOR DANG BCAS LA GUS
PAS GSOL 'DEBS NA, ,DPAG MED BSKAL

PAR BDAG CAG RNAMS KYI PHYIR, ,THUGS MCHOG SKYED PA'I DAM BCA' MA
BSNYEL BAR, ,'DAB BZANG GTZO BO LHA YI LAM LA BZHIN, ,RDZU 'PHRUL
STOBS KYIS BRTZE BAS 'DIR GSHEGS SHIG , BDAG DANG GZHAN GYI DUS GSUM
DANG 'BREL BA'I TSOGS GNYIS KYI RGYA MTSO

RNAMS PHYOGS GCIG TU BSDOMS PA'I MTHU LA BRTEN NAS BDAG 'CHI BA'I
DUS NYE BAR GNAS PA NA 'DREN PA 'OD DPAG TU MED PA SRAS KYI THU BO
GNYIS LA SOGS PA'I 'KHOR GYIS BSKOR BA MNGON SUM DU MTHONG ZHING,
DE'I TSE RGYAL BA 'KHOR BCAS LA DMIGS PA'I

@95A *, ,RAB TU DAD PA DRAG PO SKYES TE, GNAD GCOD KYI SDUG BSNGAL
MED PA DANG, DAD PA YUL DANG BCAS PA MA BRJED PA'I DRAN PAS SHI 'PHOS
MA THAG TU RGYAL BA'I SRAS PO BRGYAD RDZU 'PHRUL GYIS LHAGS NAS BDE
BA CAN DU 'GRO BA'I LAM JI LTA BA BZHIN DU

BSTAN PA LA BRTEN NAS BDE BA CAN GYI ZHING DU RIN PO CHE'I PADMA LAS
THEG PA CHEN PO'I RIGS CAN DBANG PO RNON PO SHA STAG TU SKYE BAR
GYUR CIG ,SKYES MA THAG TU GZUNGS DANG TING NGE 'DZIN DANG, DMIGS
PA MED PA'I BYANG CHUB KYI SEMS DANG, ZAD MI SHES PA'I SPOBS

PA LA SOGS PA YON TAN GYI TSOGS DPAG TU MED PA THOB PA DANG, STON
PA BLA NA MED PA 'OD DPAG TU MED PA LA SOGS PA PHYOGS BCU'I RGYAL BA
SRAS DANG BCAS PA THAMS CAD MNYES PAR BYAS NAS THEG PA CHEN PO'I
BKA' LUNG YANG DAG PAR NOD PAR GYUR CIG ,DE RNAMS

KYI DON JI LTA BA BZHIN DU KHONG DU CHUD NAS SKAD CIG RE RE LA SANGS
RGYAS KYI ZHING RAB 'BYAMS SU RDZU 'PHRUL GYIS THOGS MED DU 'GROD
NAS BYANG CHUB SEMS DPA'I SPYOD PA RLABS PO CHE THAMS CAD YONGS SU
RDZOGS PAR BYAD PAR GYUR CIG , DAG PA'I ZHING DU SKYES NAS KYANG
BRTZE

BA SHUGS DRAG POS KUN NAS BSLANGS TE THOGS PA MED PA'I RDZU 'PHRUL
GYIS GTZO BOR MA DAG PA'I ZHING DU PHYIN NAS SEMS CAN THAMS CAD KYI
RANG RANG GI SKAL BA JI LTA BA BZHIN DU CHOS BSTAN PA LA BRTEN NAS
RGYAL BAS BSNGAGS PA'I LAM RNAM PAR DAG PA LA 'GAD

NUS PAR GYUR CIG , SPYOD PA RMAD DU BYUNG BA DE DAG MYUR DU
RDZOGS PAR BYAS PA'I SGO NAS MTHA' YAS PA'I 'GRO BA'I DON DU RGYAL BA'I
GO 'PHANG BDE BLAG TU THOB PAR GYUR CIG ,NAM ZHIG TSE YI 'DU BYED
GTONG BA NA, ,'KHOR TSOGS RGYA MTSOS BSKOR BA'I 'OD DPAG

@95B MED, ,MIG GI LAM DU GSAL BAR MTHONG GYUR TE, ,DAD SOGS SNYING
RJES BDAG RGYUD GANG BAR SHOG ,BAR DO'I SNANG BA SHAR BA GYUR MA
THAG ,RGYAL SRAS BRGYAD KYIS MA NOR LAM BSTAN TE, ,BDE BA CAN DU
SKYES NAS SPRUL PA YIS, ,MA DAG ZHING GI 'GRO BA 'DREN GYUR CIG ,

DE LTA BU'I GO 'PHANG MCHOG MA THOB PA'I SKYE BA THAMS CAD DU'ANG
RGYAL BA'I BSTAN PA LUNG DANG RTOGS PA LA THOS PA DANG BSAM PA
DANG SGOM PA RNAM PAR DAG PA SGRUB PA'I RTEN SHA STAG THOB PAR
GYUR CIG ,RTEN DE YANG MTHO RIS KYI YON TAN BDUN GYI RGYAN DANG MI
'BRAL BAR GYUR

CIG ,DE LTA BU'I GNAS SKABS THAMS CAD DU'ANG SNGON GYI GNAS JI LTA BA
DRAN PA'I TSE RABS DRAN PA THOB PAR GYUR CIG ,SKYE BA THAMS CAD DU
SRID PA MTHA' DAG SNYING PO MED PAR MTHONG ZHING, THAR PA'I YON TAN
GYIS YID PHROGS PA'I BSAM PAS KUN NAS BSLANGS TE BCOM

LDAN 'DAS KYIS LEGS PAR GSUNGS PA'I CHOS 'DUL BA LA RAB TU BYUNG BA
BYED PAR GYUR CIG ,RAB TU BYUNG BA'I TSE YANG NYES LTUNG PHRA MOS
KYANG MA GOS PAR TSUL KHRIMS KYI PHUNG PO MTHAR PHYIN PAR MDZAD
PA'I SGO NAS BYANG CHUB CHEN PO BRNYES PA DGE SLONG MI 'KHRUGS PA

LTA BUR GYUR CIG ,GZHAN YANG SKYE BA THAMS CAD DU KUN NAS NYON
MONGS PA DANG, RNAM PAR BYANG BA'I TSUL JI LTA BA BZHIN DU KHONG DU
CHUD NAS MTHAR PHYIN PA'I YAN LAG CHOS RNAMS KYI TSIG DANG DON MA
LUS PA MI BRJED PAR 'DZIN PA'I GZUNGS PHUN SUM TSOGS PA THOB

PAR 'GYUR CIG ,RANG NYID KYIS GZUNG BA BZHIN DU GZHAN LA STEN PA LA
THOGS PA MED PA'I SDOBS PA RNAM PAR DAG PA THOB PAR GYUR CIG ,GZHAN
YANG SKYE BA THAMS CAD DU DPA' BAR 'GRO BA LA SOGS PA'I TING 'DZIN GYI
SGO RNAMS DANG, SHA'I MIG LA SOGS PA' 

@096A *, ,SPYAN RNAMS DANG, RDZU 'PHRUL GYI YUL SHES PA LA SOGS PA'I
MNGON PAR SHES PA RNAMS THOB PA DANG MI 'BRAL BAR GYUR CIG, GZHAN
YANG SKYE BA THAMS CAD DU BLANG DOR GYI GNAS RNAMS RANG STOBS KYIS
'BYED NUS PA'I SHES RAB RLABS CHE BA THOB PAR

GYUR CIG ,KUN NAS NYON MONGS PA DANG RNAM PAR BYANG BA'I CHA SHAS
PHRA ZHING PHRA BA RNAMS JI LTA BA BZHIN DU MA 'DRES PAR 'BYED NUS
PA'I SHES RAB GSAL BA THOB PAR GYUR CIG, MA RTOGS PA DANG LOG PAR
RTOG PA DANG THE TSOM GYI BSAM PA SKYES MA THAG TU MA LUS PAR

'GOG NUS PA'I SHES RAB MYUR BA THOB PAR GYUR CIG ,GZHAN GYIS TSAD
GZUNG MI NUS PAR GSUNG RAB KYI TSIG DON LA GTUGS PA MED PAR 'JUG PA'I
SHES RAB ZAB PA THOB PAR GYUR CIG, MDOR NA 'CHAL BA'I SHES RAB KYI
SKYON THAMS CAD DANG BRAL BA'I SHES

RAB KYIS GSUNG RAB KYI TSIG DON 'BYED PA LA THABS MKHAS PA'I SHES RAB
KYI SGO NAS BYANG CHUB SEMS DPA'I SPYOD PA THAMS CAD KYI MTHAR SON
PA RJE BTZUN 'JAM PA'I DBYANGS LTA BUR GYUR CIG, DE LTAR SHES RAB CHE
BA GSAL BA MYUR BA ZAB PA BDE BLAG TU RNYED NAS SKAL

LDAN RJES SU 'DZIN PA DANG LOG SMRA TSAR GCOD PA DANG, MKHAS PA
MGU BA SKYED PA'I YAN LAG RGYAL BA'I GSUNG RAB MTHA' DAG LA DMIGS
PA'I 'CHAD PA DANG RTZOD PA DANG RTZOM PA LA MKHAS PA'I PHA ROL TU
PHYIN PAR GYUR CIG, GZHAN YANG SKYE BA THAMS CAD DU RANG GI DON

GTZO BOR 'DZIN PA'I YID LA BYED PA DANG, BYANG CHUB SEMS DPA'I SPYOD
PA RLABS PO CHE LA SGYID LUG CING ZHUM PA'I BSAM PA THAMS CAD BKAG
NAS, GZHAN GYI DON LHUR LEN CING SNYING STOBS MCHOG GI PHA ROL TU
SON PA LA THABS MKHAS PA'I BYANG CHUB KYI SEMS KYI

@096B SGO NAS BYANG CHUB SEMS DPA'I SPYOD PA THAMS CAD KYI MTHAR
SON PA RJE BTZUN SPYAN RAS GZIGS DBANG PHYUG LTA BUR GYUR CIG,
GZHAN YANG SKYE BA THAMS CAD DU RANG DANG GZHAN GYI DON LA 'JUG
PA NA BDUD DANG MU STEGS DANG PHAS KYI RGOL BA THAMS CAD 'JOMS PAR
BYED PA LA THABS

MKHAS PA'I NUS PA'I SGO NAS BYANG CHUB SEMS DPA'I SPYOD PA THAMS CAD
KYI MTHAR SON PA RJE BTZUN GSANG BA'I BDAG PO LTA BUR GYUR CIG, SKYE
BA THAMS CAD DU LE LO SPANGS PA'I BRTZON 'GRUS KYIS BYANG CHUB KYI
SPYOD PA YONGS SU RDZOGS PAR BYED PA LA DANG PO THUGS BSKYED PA
NAS SKAD

CIG KYANG G-YEL BA MED PAR RLABS PO CHE'I BRTZON 'GRUS KYIS BYANG
CHUB CHEN PO BRNYES PA MNYAM MED SH'AKYA'I RGYAL PO LTA BUR GYUR
CIG, SKYE BA THAMS CAD DU BYANG CHUB SGRUB PA'I BAR CHAD LUS DANG
SEMS KYI NAD THAMS CAD 'JOMS PA LA MTSAN NAS SMOS PA TZAM GYIS LUS

NGAG YID GSUM GYI ZUG RDU THAMS CAD ZHI BAR BYED NUS PA BDE BAR
GSHEGS PA SMAN PA'I RGYAL PO LTA BUR GYUR CIG, GZHAN YANG SKYE BA
THAMS CAD DU JI LTAR 'DOD PA BZHIN TSE MTHAR PHYIN PA LA MTSAN NAS
SMOS PA TZAM GYIS DUS MA YIN PA'I 'CHI BA THAMS CAD 'JEMS PAR

NUS PA RGYAL BA TSE DPAG TU MED PA LTA BUR GYUR CIG ,TSE'I BAR CHAD
'BYUNG DU NYE BA NA SKYOB PA TSE DPAG TU MED PAS 'PHRIN LAS BZHI
GANG GIS 'DUL BA DANG RJES SU MTHUN PA'I SKU'I SNANG BA RAB TU BSTAN
PA MTHONG ZHING, MTHONG MA THAG TU TSE'I BAR DU GCOD PA MA LUS PA
NYE BAR ZHI BAR

GYUR CIG, GANG GIS 'DUL BA DANG 'TSAM PA'I SKU'I SNANG BA BSTAN PA DE
YANG MGON PO TSE DPAG TU MED PA YIN PAR NGO SHES NAS BCOS MA MA
YIN PA'I DAD PA BRTAN PO SKYES SHING DE'I MTHU LA BRTEN NAS SKYE BA
THAMS CAD DU RGYAL BA TSE DPAG MED KYIS DGE BA'I BSHES

@097A *, ,GNYEN DNGOS SU MDZAD PA DANG MI 'BRAL BAR GYUR CIG, GZHAN
YANG SKYE BA THAMS CAD DU 'JIG RTEN DANG 'JIG RTEN LAS 'DAS PA'I YON
TAN THAMS CAD KYI RTZA BA THEG PA CHEN PO'I DGE BA'I BSHES GNYEN
MTSAN NYID DANG LDAN PAS MNYES BZHIN

DU RJES SU 'DZIN PAR GYUR CIG, RJES SU BZUNG BA'I TSE NA DGE BA'I BSHES
GNYEN LA MI PHYED PA'I DAD PA BRTAN PO THOB STE SGO THAMS CAD NAS
MNYES PA KHO NA BYED PAR GYUR CIG, MI MNYES PA SKAD CIG TZAM YANG
MI SGRUB PAR GYUR CIG, DGE BA'I BSHES GNYEN

GYIS GDAMS PA DANG, RJES SU BSTAN PA THAMS CAD MA TSANG BA MED PA
'DOMS PAR GYUR CIG, DE'I DON THAMS CAD JI LTA BA BZHIN DU KHONG DU
CHUD NAS SGRUB PAS MTHAR PHYIN PAR BYED NUS PAR GYUR CIG, MI DGE
BA'I BSHES GNYEN DANG SDIG PA'I GROGS PO'I DBANG DU SKAD

CIG TZAM YANG MI 'GRO BAR GYUR CIG, SKYE BA THAMS CAD DU LAS 'BRAS LA
YID CHES PA'I DAD PA DANG, NGES 'BYUNG DANG, BYANG CHUB KYI SEMS
DANG, LTA BA RNAM PAR DAG PA MTHA' DAG PA KHONG DU CHUD NAS
RTZOL BA MED PA'I MYONG BA RGYUN MI 'CHAD DU 'JUG PAR GYUR

CIG, SKYE BA THAMS CAD DU LUS DANG NGAG DANG YID KYI SGO NAS DGE
BA'I RTZA BA JI SNYED CIG BYAS PA THAMS CAD GZHAN DON DANG BYANG
CHUB RNAM PAR DAG PA KHO NA'I RGYUR GYUR CIG, JI SRID THUB MCHOG GO
'PHANG DAM PA DE, ,BDAG GIS MNGON DU MA BYAS DE SRID

DU, ,RNAM DAG LAM BZANG SGRUB PA'I RTEN RNYED CING, ,RAB TU 'BYUNG
ZHING TSE RABS DRAN PAR SHOG, GZUNGS SPOBS TING 'DZIN MNGON SHES
RDZU 'PHRUL SOGS, ,MTHA' YAS YON TAN DU MA'I MDZOD 'DZIN CING,
,MKHYEN BRTZE NUS PA ZLA DANG BRAL THOB NAS, ,

@097B BYANG CHUB SPYOD PA MYUR DU MTHAR PHYIN SHOG, DUS MIN 'CHI
BA'I MTSAN MA MTHONG BA NA, ,DE YI MOD LA TSE DPAG MED MGON SKU,
,GSAL BAR MTHONG NAS 'CHI BDAG DPA' BCOM STE, ,'CHI MED RIG 'DZIN MYUR
DU THOB PAR SHOG, TSE RABS KUN TU TSE DPAG MED PA YIS, ,THEG

MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS
PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG
, ,,DE LTAR BDE BA CAN GYI ZHING DU SKYE BA 'DZIN PA LAS BRTZAMS PA'I
SMON LAM RNAM PAR DAG PA BTAB PA'I DGE BA'I RTZA

BA 'DIS MTSON NAS, ZAG PA DANG BCAS PA DANG ZAG PA MED PA'I DGE BA
THAMS CAD PHYOGS GCIG TU BSDOMS PA'I MTHU LA BRTEN NAS BDAG GIS
NAM MKHA' JI SRID PA DE SRID DU KHYAB PA'I SEMS CAN THAMS CAD KYI
CHED DU KUN MKHYEN CHOS KYI RGYAL PO'I GO 'PHANG MYUR DU THOB PAR

GYUR CIG, BDAG MA 'ONGS PA NA GANG DU MNGON PAR RDZOGS PAR 'TSANG
RGYA BA'I SANGS RGYAS KYI ZHING DE YANG BYANG CHUB SEMS DPA' SEMS
DPA' CHEN PO 'JAM DPAL GZHON NUR GYUR PA RGYAL BA KUN TU GZIGS PA
ZHES PAR 'TSANG RGYA BA'I SANGS RGYAS KYI ZHING PHYI RIN PO CHES

BSKOR BA'I MTHO KHYAD SRID PA'I RTZE MO TZAM DU MTHO BA, RIN PO CHE
RE RE'I YON TAN BRJOD PA LA YANG LO BYE BA'I BAR DU BRJOD DGOS PA DE
LTA BUS ZHING DE YONGS SU GANG BA, SA GZHI NI GANG ZAG DER SKYES PA
RNAMS KYIS RIN PO CHE SNA BDUN LA SOGS PA GANG 'DOD KYIS KHA DOG

DU MAR DUS CIG CAR DU MTHONG BA LA SOGS PA'I SNOD KYI YON TAN DANG
STONG SUM CU'I TSAD DANG MNYAM PA'I BYANG CHUB KYI SHING GI DRUNG
NA RGYAL BA KUN TU GZIGS BA SKU THA MAL PA DPAG TSAD BRGYAD KHRI
BZHI STONG TZAM YOD PA BZHUGS NAS PHYOGS BCU GRANGS MED PA

@98A *, ,RNAMS SU SPRUL PA DPAG TU MED PA 'GYED PA'O, ,'KHOR RNAMS NI
LUS THA MAL DPAG TSAD BZHI KHRI NYIS STONG TZAM PA, ZHING DER TSE'I
'DU BYED MI GTONG BA, YON TAN GYI MTHU BSAM GYIS MI KHYAB PA MNGA'
BA'I BYANG CHUB SEMS DPA' RAB TU BYUNG BA

SHA STAG STE, NYAN RANG LA SOGS PA SEMS CAN GZHAN MED CING, DE
RNAMS KYIS SANGS RGYAS KUN TU GZIGS YID LA BSAM MA THAG, DE DAG GI
MDUN NYID NA BZHUGS PAR MTHONG NAS CHOS BSTAN MI DGOS PAR THE
TSOM GCOD NUS PA LA SOGS PA BCUD KYI YON

TAN GYI BKOD PA PHUL DU BYUNG BA'I SGO NAS, DAG PA'I ZHING GZHAN DU
MA LAS KHYAD PAR DU 'PHAGS PA'I ZHING DE BAS KYANG CHES SHIN TU THA
GRU CHE BA, CHES SHIN TU YANGS PA, CHES SHIN TU GYA NOM PA, ZHING DES
CHA SHAS TZAM DU YANG BSGRUN PAR MI NUS PA'I ZHID DE LTA BU

ZHIG TU GYUR CIG, ZHING DER SKYES PA'I BYANG CHUB SEMS DPA' DE THAMS
CAD KYANG SPYAN DANG MNGON PAR SHES PA MTHA' YAS PAS 'JIG RTEN LA
GZIGS PA NA MA DAG PA'I 'JIG RTEN GYI KHAMS KYI SEMS CAN RNAMS KYI
NYON MONGS PA DANG, LAS DANG, DE'I 'BRAS

BU SDUG BSNGAL RNAM PA GSUM DANG BCAS PA JI LTA BA BZHIN DU
MTHONG BAR GYUR CIG, MTHONG BA'I MOD LA SEMS CAN DE RNAMS KYI
SDUG BSNGAL LA DMIGS PA'I BRTZE BA'I 'GYUR BA DRAG POS YID RANG DBANG
MED PAR GZHAN GYI DON LA BSKUL BA, YID DANG SNYING DU

GCAGS PA'I BU GCIG PA ME'I KHROD DU LHUNG BA MTHONG BA'I MA BZHIN
DU GYUR CIG, MA DAG PA'I ZHING GI SEMS CAN RNAMS MNOG CHUNG ZHING
SHIN TU NYES DMIGS CHE BA'I RNYED BKUR GYIS DBYEN SPYOS NAS, NYON
MONGS PA'I DBANG DU 'GRO BAR MTHONG BA NA, MI

@98B BZAD PA'I DUG DANG 'DRES PA'I KHA ZAS BZANG PO ZA BA'I SDUG PA'I
BU MTHONG BA'I MA BZHIN DU GYUR CIG, MA DAG PA'I ZHING GI SEMS CAN
RNAMS SDIG PA'I LAS SHIN TU LCE BA SOGS LHUR BLANGS NAS, NGAN 'GROR
LTUNG BAR 'GYUR BA MTHONG BA NA, PHAN PA DANG GNOD PA NGO MI SHES

PA'I BU CHUNG DU DPAG TSAD DU MA'I 'PHANG DANG LDAN PA'I G-YANG
KHAR RAB TU 'GRO BA MTHONG BA'I MA BZHIN DU GYUR CIG, MA DAG PA'I
ZHING GI SEMS CAN LAS DANG NYON MONGS PA'I 'CHING BA DAM POS BCINGS
PA MTHONG BA NA, BRTZE BA MED CING GTUM LA SHA 'KHON CHEN PO DANG

BCAS SHING, STOBS DANG LDAN PA'I DGRA BOS THAR DKA' BA'I BTZON RAR
LCAGS SGROG GIS BCINGS NAS NYIN RE BZHIN DU GNOD PA DU MAS NYE BAR
'TSE BA'I BU MTHONG BA'I MA BZHIN DU GYUR CIG, MA DAG PA'I ZHING GI
SEMS CAN RNAMS SHUGS DRAG PO'I NYON MONGS KYI NAD KYIS

GZIR NAS 'PHRAL DANG, PHUGS KYI BDE BA RNAMS DANG BRAL BAR MTHONG
BA NA, 'CHI NGES PA'I LTAS KYIS ZIN PA'I LHA'I BU GZHON NUS RANG NYID
MTHO RIS KYI DGA' TSAL DANG, BRTZE BA'I DBANG GIS SKYE BA 'DZIN PAR
'DOD PA,

BSAM PA SKYES NAS KYANG DAG PA'I ZHING GI BDE BA'I KHYAD PAR RNAMS
LA CHUNG ZAD KYANG MI CHAGS PAR DMAN PA'I SEMS CAN RNAMS KYI RANG
RANG GI RIGS DANG MTHUN PAR THABS MKHAS PA'I SMON LAM DANG, BRTZE
BA'I DBANG GIS SKYE BA 'DZIN PAR 'DOD PA,

SHIN TU SKOM PA LA CHU'I GTAM GLENG BA BZHIN DU GYUR CIG, SEMS CAN
DE RNAMS KYI DON DU 'GYUR BAR MTHONG NA NI MNAR MED PA'I DMYAL
BA'I GNAS SU YANG TSAM TSOM MED PAR 'JUG PA, PADMA'I TSAL GYIS LEGS PAR
BRGYAN PA'I SHIN TU DANG

@099A *, ,BA'I MTSO CHEN POR DANG BA'I RGYAL PO 'JUG PA BZHIN DU GYUR
CIG, SEMS CAN DE RNAMS SDUG BSNGAL BRGYA PHRAG DU MA'I NANG NAS
'DON PA'I SBYOR BA LA MA ZHUM PA'I SGO NAS 'JUG PA LA BU GCES PA G-YUL
DU LUS PA'I PHYIR DU PHA DPA' BO

G-YUL DU 'JUG PA BZHIN DU GYUR CIG, SEMS CAN DE RNAMS KYI DON
BSGRUBS PA NYID KYIS RANG LA DGA' BA DANG, MCHOG TU DGA' BA RGYA
CHEN PO SKYE BA DBUL POS GTER RNYED PA LTA BUR GYUR CIG, SEMS CAN DE
RNAMS KYI NYON MONGS PA'I CHE GDUNG BSAL

BA'I PHYIR DU SDUG BSNGAL GYI RGYA MTSOR SPRO BZHIN DU 'JUG PA SOGS
KA'I DUS KYI TSA BAS GDUNGS PA'I GLANG PO CHE NYI MA'I GUNG LA BAB PA
NA CHU'I DBUS SU 'JUG PA BZHIN DU GYUR CIG, MDOR NA BDAG MA 'ONGS PA
NA MNGON PAR RDZOGS PAR SANGS RGYAS PA'I TSE, RGYAL BA

DE'I MTSAN CUNG ZAD BRJOD PA DANG YID LA DRAN PA TZAM GYIS DE DAG
GI MDUN DU 'OD ZER GYI PHUNG PO CHEN PO'I YON TAN DU MAS SPRAS PA'I
BDE BAR GSHEGS PA'I SKU LHAM ME LHAN NE LHANG NGER BZHUGS PA LA
'KHER BYANG CHUB SEMS DPA' NYAN THOS DANG, RANG SANGS RGYAS

KYI TSUL BZUNG NAS NAM MKHA' LA 'GRO BA DANG, 'GRENG BA DANG, 'DUG
PA DANG, NYAL BA DANG, BDUD 'DUL BA LA SOGS PA MDZAD PA MTHA' YAS
PA STON PA DPAG TU MED PA RNAMS LA LHA DANG, KLU DANG, GNOD SBYIN
DANG, SRIN PO DANG, DRI ZA DANG, MI

'AM CI DANG, LTO 'PHYE CHEN PO LA SOGS PA RNAMS KYIS MCHOD PA'I
KHYAD PAR DPAG TU MED PA THOGS NAS MCHOD PAR BYED PA MNGON SUM
DU MTHONG BAR GYUR CIG, MTHONG BA'I MOD LA DE DAG GI RGYUD KYI
SRID PA DANG ZHI BA LA GZHOL BA'I SKYON THAMS CAD DRUNGS

@099B PHUNG NAS BLA NA MED PA YANG DAG PAR RDZOGS PA'I BYANG CHUB
'BA' ZHIG LA SBYOR BAR GYUR CIG, DAG PA'I ZHING MANG NANG NA PHUL
BYUNG ZHING, ,KUN GZIGS ZHING GI YON TAN JI SNYED PA ,THAMS CAD BDAG
GI ZHING LA 'DUS NAS KYANG, ,DA BAS CHES LHAG ZHING MCHOG 'GRUB PAR

SHOG  ,SHIN TU BSGRUB DKA'I ZHING DE SBYONG PHYIR DU, ,PHRA RAB RDUL
DE'I STENG DU'ANG MA LUS PA'I, ,RDUL GYI GRANGS DANG MNYAM PA'I ZHING
YID LA, ,DE DAG KUN KYANG SRAS BCAS RGYAL BAS GANG, ,DE LTA'I RGYAL BA
RE RE'I SPYAN SNGAR YANG, ,CHOS TSUL KUN 'DZIN MTHA' MED

MCHOD RDZAS KYIS, ,MCHOD PA'I LAS TSUL MA LUS SGRUB PA LA, SKAD CIG
TZAM YANG SKYO BA MED GYUR CIG, MCHOG TU GYUR PA'I ZHING DE BSGRUB
PA'I PHYIR, ,THOG MA MED NAS SRID PA'I THA MA YI, ,BSKAL PA JI SNYED YOD
PA DE SNYED KYI, ,BSKAL BAR 'JUG LA ZHUM PA

MED PAR SHOG, NAM MKHA' JI SRID KHYAB PA DE SRID KYI, ,LUS CAN KUN GYIS
KUN MKHYEN MA THOB PAR, ,DA DUNG RGYAL SRAS SPYOD PA SLOB DGOS
KYANG, ,GO 'PHANG MCHOG PHYIR BRTZON PA NYAMS MA GYUR, ,SEMS CAN
YAL BAR DOR NAS RANG DON LA, ,RE BA'I BLO NI NAM YANG MI SKYE

ZHING, ,GZHAN DON SGRUB PA'I TSUL LA MA RMONGS PA'I, ,THABS LA MKHAS
PAS GZHAN DON LHUR LEN SHOG, BDAG GI ZHING GI RGYAN GYUR RGYAL
SRAS KUN, ,MA DAG ZHING GI SEMS CAN MTHONG BA NA, ,BZOD GLAGS MED
PA'I SNYING RJES RAB BSKYOD NAS, ,THABS MKHAS SPYOD

PAS 'GRO BA'I MGON BGYID SHOG, BDAG GI MING TZAM BRJOD DANG DRAN
PAS KYANG, ,SDIG PA'I LAS KYI 'BRAS BUS MNAR BA KUN, ,PHUN TSOGS BDE BA'I
DPAL RAB 'BYOR GYUR NAS, ,THEG MCHOG BGROD PA'I THEM SKAS 'DZEG
GYUR CIG, RGYAL BA'I SRAS KYI RNAM THAR

@100A *, ,PHYOGS TZAM ZHIG, MTSON PAR BYAS PAS RGYAL SRAS SPYOD PA'I
GEGS, ,MA LUS ZHI ZHING MTHUN PA'I 'TSOG CHAS KUN, ,YID LA BSAMS PA
TZAM GYIS THOB PAR SHOG, SH'AKYA'I DBANG PO 'DREN PA 'OD DPAG MED,
,MI PHAM 'JAM DBYANGS

GSANG BDAG SPYAN RAS GZIGS, ,BDE GSHEGS 'KHOR BCAS RTEN 'BREL MI BSLU
BA'I, ,BDEN PAS SMON LAM 'DI DAG MYUR 'GRUB SHOG, BDE BA CAN GYI ZHING
DU SKYE BA 'DZIN PA'I SMON LAM ZHING MCHOG SGO 'BYED CES BYA BA 'DI
NI BLO BZANG GRAGS PA'I DPAL

GYIS RDZING PHYI'I GTZUG LAG KHANG DU SBYAR BA'I YI GE PA NI BZANG
SKYONG GIS BGYIS SO,,