` ,,AOm BDE LEGS SU GYUR CIG ,BYANG CHUB SEMS DPA' SEMS DPA' CHEN PO
GRAGS PA BYANG CHUB DPAL BZANG PO'I RTOGS PA BRJOD PA'I

SNYAN DNGAGS BYIN RLABS KYI LHUN PO ZHES BYA BA, THAMS CAD MKHYEN
PA LA PHYAG 'TSAL LO, ,PHRIN LAS RLABS PHRENG PHYOGS BCUR G-YO,
,DMIGS MED SNYING RJES KUN NAS BRLAN, ,YON TAN RIN CHEN DU MA'I GTER,
,THUB DBANG GANGS CAN

MTSO DE RGYAL, ,DGE LEGS SHAR RI'I RTZE NAS MNGON BYUNG KUN TA'I
MDZES PA RAB TU 'DZIN, ,MTSAN DPE'I 'OD DKAR DRA BA 'KHYUG CING MI
SHES MUN PA'I GO SKABS 'PHROG ,THUGS RJE'I BSIL ZER KUN LA SNYOMS
SHING PHAN BDE'I RI BONG RTAGS KYIS

@124A *, ,MTSAN, ,BDUD RTZI'I 'OD GTER DBYANGS CAN LHA MOS BDAG BLO'I
KU MUD RING DU SKYONGS, ,GANG GI GRAGS PA'I PAD RDZING DU, ,BDAG YID
GNYIS 'THUNG SONG GYUR PAS, ,BYANG CHUB THUGS KYI GTER GYUR DE'I,
BSNGAGS PA BRJOD LA

SPRO BAR GYUR, ,'DAB BZANG 'DAB MA'I SHUGS NI BSKYOD PA YIS, ,MKHA' LA
MKHA' YI MTHA' NI 'TSOL BA LTAR, ,BDAG GIS BDAG NYID CHEN PO'I YON TAN
RNAMS, ,BRJOD KYANG BRJOD PA'I YUL LAS 'DAS MOD KYANG, ,RAB BRTAN
DANG BA'I GSER GYI

GZHIR, ,PHUL BYUNG TSIG DON RGYAN GYIS MTHO, ,BYIN RLABS GZI 'OD LHAM
ME BA, ,RTOGS BRJOD LHUN PO BSKRUN PAR BYA, ,GANG ZHIG MTHONG NA
DAD LDAN DANG BA'I SPU LONG G-YO, ,RLOM PAS KHENGS RNAMS GDONG
NI SA LA DUD PAR BYED, ,PHRAG DOG CAN RNAMS

YID NI TSER MA'I MAL NA NYAL, ,GZUR GNAS RNAMS KYIS GRAGS BA'I RGYAL
MTSAN PHYOGS BCUR BSGRENG, ,DE DAG MKHAS PA'I DGA' STON MCHOG
,SNYAN DNGAGS DAG GI YON TAN YIN, ,DE PHYIR SNYAN DNGAGS SBRANG
RTZI'I ROS, ,BLO GSAL BUNG

BA'I DGA' STON BYA, ,GANG YANG 'JIG RTEN DANG 'JIG RTEN LAS 'DAS PA'I DGE
LEGS KYI NOR BU LA DBANG 'BYOR PA NI, DGE BA'I BSHES GNYEN GYI DED
DPON GYIS YONGS SU ZIN PA RNAMS 'BA' ZHIG LA YIN PAS, DE'I PHYIR BLO
DANG LDAN PA RNAMS

KYIS BSHES GNYEN BZANG PO BTZAL BA DANG, DE DAG GI RNAM PAR THAR PA
LA YANG MOS PAR BYA'O, ,DE YANG 'DIR RNAM PAR DAG PA'I MKHYEN PA NI
NAM MKHA' LTAR MTHA' YAS, DMIGS PA MED PA'I THUGS RJE NI CHU BO LTAR
RGYUN CHAD MED, DKON

@124B MCHOG GSUM DANG BLA MA NI COD PAN LTAR GTZUG TU 'KHUR, SKYE
BO'I TSOGS MTHA' DAG LA NI RGYU MED PAR MNYES BZHIN PA'I CHOS KYI RJE
GRAGS PA BYANG CHUB DPAL BZANG PO'I ZHI BA DANG RJES SU MTHUN PA'I
RNAM BAR THAR BA 'BA' ZHIG LAS BRTZAMS TE CHE LONG

TZAM ZHIG BRJOD PAR BYA'O, ,DRI ZHIM RGYAS PA'I 'DAB BRGYA DANG, ,'BRAS
BUS DUD PA'I RKANG 'THUNG DANG, ,DAM PA RNAMS KYI MDZAD PA YIS, ,YID
RAB DAD PAR MI 'GYUR SU, ,DE LA BDAG NYID CHEN PO 'DI'I RIGS NI THAMS
CAD MKHYEN PA ZHI BA 'TSO ZHES NYI ZLA LTAR

GRAGS PA DE LA, CHOS SKYONG BA'I RGYAL PO KHRI SRONG LDE BTZAN GYI
BLON PO SAD MI MI BDUN LA SOGS PA RAB TU BYUNG BA MDZED PA'I NANG
NAS, RLANGS KHAMS PA GO CA ZHES BYA BA'I LO TZ'A BA DE'I RIGS YIN TE, DE
NAS RIM PAR BRGYUD PA LA KHAMS GSUM CHOS KYI

RGYAL PO RJE SPYAN SNGA RIN PO CHE, RGYAL BA RIN PO CHE, BCU GNYIS RIN
PO CHE, SPYAN SNGA GRAGS YE BA, SPYAN SNGA GRAGS RIN PA'O, ,SPYAN
SNGA GRAGS YE BA'I GCUNG PO DPON RIN CHEN SKYABS PA'I SRAS, SPYAN
SNGA GRAGS PA RGYAL MTSAN PA, SPYAN SNGA GRAGS

SHE BA, TA'I SI TU BYANG CHUB RGYAL MTSAN PA, DPON BSOD NAMS BZANG
PO BA DANG BZHI LAS DPON BSOD NAMS BZANG PO'I SRAS, GU SHR'I CHEN PO
'JAM DBYANGS PA, DRUNG SH'AKYA RIN CHEN PA, DPON RIN RDOR BA DANG
GSUM MO, ,DE LA DPON RIN RDOR BA NI

BDAG NYID CHEN PO 'DI YI YAB DANG, YUM NI ZIN ZA BKRA SHIS SKYID CES
PA'O, ,YAB YUM GNYIS KA'ANG NGO TSA DANG KHREL YOD KYI GOS KYIS NI
DKRIS, RANG BZHIN GYI DBANG PO RNAMS NI DUL, DAD PA DANG GTONG BA'I
NOR GYIS NI 'BYOR, YA RABS

@125A *, ,KYI SPYOD TSUL GYI MTSAMS LAS MI 'DA' BA ZHIG GO ,YAB YUM DE
GNYIS LAS BLTAMS PA'I TSUL NI, LUG GI LO LA LHUMS SU ZHUGS SHING DE'I
CHE YUM LA 'ANG NYI MA SHAR BA LAN MANG DU RMIS PA DANG, MNGAL

BZUNG BA'I TSE NA'ANG BDE BA LA REG PAR GNAS PA SHA STAG BYUNG NGO,
,TSANGS PA GSER GYI SGO BZHI DANG, ,GZHON NU YIS NI AU MA DANG, ,DON
GRUB KYIS NI SGYU 'PHRUL BZHIN, ,YUM NI MNGAL GYI KHUR GYIS MDZES, ,DE
NI MNGAL NA GNAS NA YANG, ,DE

YIS NYES PA'I SKABS MED DE, ,'DAM GYI DBUS NA 'DAB STONG CAN, ,DAG CING
DRI MA BRAL BA BZHIN, ,BRTZE BAS DRANGS PA'I RAB DKAR SMON LAM GYIS,
,SRID PAR SKYES KYANG SRID LA MI GNAS PA'I, ,THABS NI KHO BO GCIG PU LA
YOD CES, ,KHENGS

PAR MI RIGS RGYAL SRAS KUN GYI YIN, ,DE LTAR ZLA BA'I GRANGS RDZOGS PA
NA ME PHE SPRE'U'I LO HOR ZLA BZHI PA'I YAR TSES BCU GSUM GYI NYI MA'I
DKYIL 'KHOR SHAR MA THAG ,DPAL KHRA 'BRUG GI GTZUG LAG KHANG CHEN
PO DANG 'DAB CHAGS PA DGON

GSAR DU, KHYE'U GZUGS MDZES SHING LTA NA SDUG PA MGO GDUGS LTAR
RGYAS PA, DPRAL BA'I DBYES CHE BA ZHIG BTZAS PAR GYUR TO, ,DRI YI GZHON
PAS GO SKABS PHYE BA YI, ,SPRIN RUM NAS 'THON RGYU SKAR BDAG PO BZHIN,
,MNGAL GYI KHRED NAS RAB

MDZES GZHON NU'I SKU, ,MTSAN BZANG CHA SHAS YONGS SU RDZOGS PAR
'KHRUNGS, ,ZLA ZHAL AUTPAL MIG LDAN PA'I, ,GSER GYI SA 'DZIN LHUN PO
ZHIG, GAL TE 'JIG RTEN 'DIR RNYED NA, ,DE DANG KHYOD NI MTSUNGS PAR
'GYUR, ,BYAMS PA YID LA RTAG

@125B TU NYAL PA DANG, ,MKHYEN PA SHES BYA KUN LA 'PHRO BA GNYIS,
,SKABS GSUM SA 'DZIN LA NI MA MCHIS PAS, ,SRID KYANG KHYOD KYI DPE RU
RUNG MA YIN, ,DE LTAR BCES NAS GDUGS BCU GNYIS 'DAS PA NA, ,GDAN GCIG
GI BRTUL ZHUGS LA GNAS PA'I

TSEGS CHEN PO'I DGE 'DUN RNAMS, DGON GSAR DU SPYAN DRANGS NAS, ,DE
BZHIN GSHEGS PA SMAN PA'I RGYAL PO DANG, RJE BTZUN MA SGROL MA LA
ZHAG BDUN GSOL BA BTAB PA'I TSE, MKHAN CHEN BSOD DBANG PAS YUM GYI
PANG PA NA KHYE'U ZHIG 'DUG

PA LA 'OD DKAR PO SUM BSGRIL CIG ZUG 'DUG PA NUB GSUM DU RMIS PA NA
KHYE'U 'DI LA NGO MTSAR BA CIG 'ONG BAR 'DUG CES GSUNGS SO, ,DE LTAR
SKU 'KHRUNGS PA NA LTAS KHYAD PAR CAN DU MA BYUNG ZHING, MTSAN
YANG BYANG CHUB RDO RJE ZHES BTAGS SO, ,DE

NAS DGUNG LO BZHI SONG BA DANG, KLOG YIG LA SBYANGS PAS RING POR MI
THOGS PAR THUGS SU CHUD CING SBYANGS PA'I GNAS DE RNAMS MTHAR SON
PAR GYUR TO, ,SNYING RJE CHA LA RING NAS GOMS PA'I YID, ,SNYING PO MED
PA'I YUL LA DGA' MI 'GYUR, ,MANG THOS

BAG CHAGS SEMS LA GOMS RNAMS KYIS, ,MANG PO'I SHES BYA SHES PAR DKA'
BA MIN, ,CHU SRIN 'BYUNG GNAS LTA BUR ZAB PA'I THUGS, ,GZHAN PHAN
BSGRUB LA PAD 'DAB BZHIN DU MNYEN, ,'GRO BA'I MIG GI BDUD RTZI'I ZLA BA
STE, ,GZHON NU 'KHRUNGS

PAS 'GRO NI MGON DANG BCAS, ,DE NAS RGYUD KYI RGYAL PO DPAL BRTAG
PA GNYIS PA RTZA 'GREL GYI TSIG THUGS LA BZUNG ZHING, NYID KYI GTZAN
PO RGYAL SRAS GRAGS RIN PA'I DRUNG DU GSAN SBYONG MDZAD PAS, RGYUD
DON RNAMS KHONG DU CHUD PAR MDZAD DO, , 

@126A *, ,DGUNG LO BCU
GNYIS PA ZHES PA NA, SPYAN SNGA BSOD GRAGS PA DANG THABS CIG TU
BYON NAS, LUG LO ZLA BA GSUM PA'I YAR TSES BDUN LA, SPYAN SNGA RIN PO
CHE GRAGS PA SHES RAB PA'I ZHABS LA GTUGS TE DGE BSNYEN GYI

SDOM PA MNOS MTSAN YANG GRAGS PA BYANG CHUB CES BTAGS SHING, SLOB
DPON CHEN PO TSUL KHRIMS RGYAL MTSAN PAS PHAG MO BRDA BZHI'I SGO
NAS RGYUD YONGS SU SMIN PAR MDZAD DO, ,NYI MA DE NYID NAS CHOS
DRUG GI KHRID KYI DBU BTZUGS SHING, TSES DGU'I

NYIN 'DUS PA RGYA MTSO'I DBUS SU RGYUD KYI RGYAL PO 'CHAD PA'I DGA'
STON PHUL DU BYUNG BA MDZAD NAS, ZLA BA PHYED DANG GNYIS LHAG
TZAM GYI BAR DU SKAL BAR LDAN PA'I GDUL BYA DPAG TU MED PA CHOS
DANG ZANG ZING GI DGA' STON GYIS TSIM PAR MDZAD DO, ,DE

NAS LO DE'I ZLA BA LNGA PA LA CHOS GRVA CHEN PO RTZES THANG DU BYON
NAS SDE SNOD 'DZIN PA CHEN PO MANG PO ZHIG LA SLAR YANG, DPAL BRTAG
PA GNYIS PA GSUNGS PAS THAMS CAD KYI THUGS TSIM ZHING DAD PA'I SA
BON KUN NA BRTAS PAR GYUR TO, ,GANG GI MKHYEN

PA'I BYA LAM DU, ,RGYUD DON 'OD STONG LHANG NGER GSAL, ,GDANGS
SNYAN GSUNG GI TSA ZER GYIS, ,'GRO BA'I NYES TSOGS TSING TSING SREG, RIGS
KYIS MTHO YANG KHENGS DANG BRAL, ,LANG TSO LDAN YANG DUL BAR GNAS,
,GZHON YANG RGAN PO'I BLO GROS CAN, ,

DE YIS GZHAN YID CIS MI 'PHROG, LEGS TSOGS BDUD RTZI'I GTER CHEN LAS
'KHRUNGS PA'I, ,KHYOD SKU MTSAN MO'I MGON 'DI MTHONG BA NA, ,DRI MAS
GOS SHING SEMS KYI GTONG BA YIS, ,RI BONG CAN LA BLTA BA'I GO SKABS
BCOM, ,NAM YANG

@126B BRI BA MA MCHIS PA'I, ,KHYOD KYI YON TAN DKYIL 'KHOR LA, ,NAG
PHYOGS LA NI ZAD 'GYUR BA'I, ,ZLA BAS JI LTAR 'GRAN PAR NUS, ,DE NAS GU
SHR'I CHEN POS DGON GSAR DU RIGS BSKRUN PA'I ZHAL TA MDZAD PA NA,
GZHON NU 'DI SKYE BA DPAG TU MED PAR

TSANGS PAR SPYOD PA LA GOMS SHING, KHYIM 'KHOR BA'I RGYA MTSO LA
NYES DMIGS KYI RNAM PAR MTHONG BAS THUGS SHIN TU MA BDE BAR GYUR
TO, ,DE'I TSE GAL GYIS 'CHUS KYANG 'DOD PA'I DON MA GNANG BAS LAN GCIG
DANG GNYIS SU 'BYON DGOS PA BYUNG

YANG 'DOD PA'I RNAM PAR RTOG PA CUNG ZAD KYANG MA SKYES TE, GZHAN
DU NA KHYIM NAS KHYIM MED PAR RAB TU BYUNG BA NAM ZHIG NA RNYED
PAR 'GYUR SNYAM DU YID LA BYED CING, NGO TSA SHES PA DANG KHREL YOD
PA'I KHRIMS GROGS DANG BCAS PA KHO NAR GNAS PA MDZAD

DO, ,DE'I TSE GZHON NU 'DI YI YID LA 'DI LTA BU'I BSAM PA RNAMS SKYES PAR
SEMS SO, ,SNYING RJE'I CHU YIS YID KYI BZHIN RAS KYI, ,ZHE SDANG DRI MA
DAG PAR MA BYAS NA, ,GSER GYI BUM PAR BLUGS PA'I DRIS BSGOS CHUS,
,GDONG GI DRI MA DAG LA DGOS PA

CI; ;BLO DANG LDAN PA RNAMS KYI NGO TSA'I GOS, ,TSUL KHRIMS YIN GYI DU
GU LA YIS MIN, ,MGRIN RGYAN LEGS BSHAD YIN GYI DO SHAL MIN, ,GTZUG
RGYAN BLA MA YIN GYI NOR BUS MIN, ,'TSO BA'I SROG NI SPRIN LTAR MI G-YO
ZHING, ,'BYOR TSOGS RGYUD

PA'I NYES PAS MI RDZI LA, ,DBANG PHYUG MKHA' BZHIN RTAG TU MI 'GYUR NA,
,'DOD PA SPYOD LA DGA' BAR SU MI 'GYUR, ,DE LTA NA YANG SRID PA'I DPAL,
,GLOG PHRENG GZHON NU'I BRO GAR BZHIN, ,G-YO BAR MTHONG NAS DE YI
YID, ,'DOD LA CHAGS DANG BRAL

@127A *, ,BAR GYUR, ,DE NAS ZHI BA'I PHAN YON LA NI SHIN TU DGA', 'KHOR
BA'I SKYON LA NI RGYAB KYIS PHYOGS, KHYIM GYI GTAM LA NI MI SMRA BA'I
BRTUL ZHUGS DANG LDAN, DBEN PA'I BSNGAGS PA LA NI YID RAB TU RANGS
PAR GYUR PA'I GZHON

NU DE YI DAM BRTAN PO LA GNAS PAR RIG NAS SPYAN SNGA GRAGS SHE BA
DANG, 'JAM DBYANGS BU SHR'I BA DANG, SKU ZHANG RDZING PHYI BA RNAMS
BKA' BGRE BA MDZAD NAS GZHON NU DE GANGS RI'I KHROD KYI SGRUB
RGYUD KYI BSTAN PA'I RGYAL MTSAN 'DZIN PA RNAMS KYI GTZUG NA

MNGON PAR MTHO ZHING MTHA' YAS PA'I YON TAN DU MA'I GTER CHEN PO
'GRO BA'I MGON PO PHAG MO GRU PA ZHES YONGS SU GRAGS PA DE'I RGYAL
TSAB TU DMIGS TE KUN TU BZANG PO'I NAGS KHROD DPAL MTHA' RTZA'I DBEN
GNAS SU BTANG BAR GYUR TO, ,SLONG LA DPAG

BSAM LJON PA TSA BAS GDUNGS LA BSIL GRIB DANG, ,LAM GOL RNAMS LA LAM
STON RAB RIB CAN LA MIG SMAN LTAR, ,SRID PA'I DGON PAR 'KHYAMS PA
RNAMS KYI SKYABS GCIG DAM CHOS SU, ,YANG YANG YID LA BYAS PA DE NI
ZHI BA'I NAGS SU GSHEGS,,

RING NAS SMON PA'I RANG GI 'DOD PA'I DON, ,'GRUB PAR MTHONG TSE
GZHON NU'I BZHIN GYI MDANGS, ,ZLA ZER 'THUNGS PA'I KUN TA'I TSAL BZHIN
DU, ,'DZUM DKAR 'OD KYIS LHAM MAR BYAS PAR GYUR, ,AINDA N'I LA'I STOD
G-YOGS MDZES, ,MRGAD 'KHYUG

PA'I RKANG STEGS CAN, ,GRUB PA DU MAS BSTEN PA YI, ,SA 'DZIN NGOS DER
GSHEGS PA'I TSE, ,DRI YI BZHON PAS DAL GYIS BSKYOD PA YI, ,G-YU LO'I NGOS
CAN RKANG 'THUNG PHRENG BA RNAMS, ,LAG PA'I YAL 'DAB MDZES PAR
G-YOB PA YIS, ,PHAN TSUN

@127B DU NI SPRON PAR BYED PA 'DRA, ,'JIGS BRAL BAG NI PHAB PA YI, ,DUL
BA'I RI DVAGS PHRUG GU RNAMS, ,DKYUS RING AUTPALA MIG GIS NI, ,MGRIN
PA KYOGS NAS YANG YANG BLTA, ,'BRAS BZANG KHUR GYI LCID KYIS NON PA
YI, ,LJON PA'I GSEB NAS SPU YI MDOG SDUG

PA'I, ,'DAB BZANG RNAMS KYI SGRA SNYAN SGROG PA NI, ,GZHON NU 'ONGS
LA LEGS ZHES BRJED PA BZHIN, ,BYANG CHUB SEMS DPA' SEMS DPA' CHEN PO
GRAGS PA BYANG CHUB DPAL BZANG PO'I RTOGS PA BRJOD PA'I SNYAN
DNGAGS BYIN RLABS KYI LHUN PO ZHES BYA BA LAS

RAB TU MA BYUNG BA'I DUS KYI RTOGS PA BRJOD PA'I BANG RIM STE DANG
PO'O,, ,,PADMO'I BZHIN LA G-YO LDAN BUNG BA'I SPYAN, ,MTHON MTHING
RAL PA'I RTZE NA 'OD DKAR CAN, ,ROL SGEG GZUGS KYIS 'GYING BA'I DBYANGS
CAN MAS, ,DA DUNG BDAG LA

NGAG GI DBANG PHYUG STZOL, ,DE NAS DGUNG LO BCO LNGA LA BAB PA NA,
GDAN SA RIN PO CHER LCAGS PHO KHYI LO ZLA BA DANG PO'I YAR TSES BCU
GSUM GYI NYIN, BDE BAR GSHEGS PA THAMS CAD KYI MKHYEN BRTZE GCIG TU
BSDUS PA'I BDAG NYID GANGS RI'I KHROD KYI

LUS CAN RNAMS KYI MGON GCIG PU, RJE BTZUN 'JAM PA'I DBYANGS SNYIGS
MA'I DUS KYI 'GRO BA RNAMS KYI CHED DU SKYE BA BZHES PA MTSAN BRJOD
PAR DKA' BA CHOS RJE BSOD NAMS RGYAL MTSAN DPAL BZANG POS MKHAN
PO DANG, MKHAN CHEN GZHON NU

DBANG PHYUG PAS SLOB DPON DANG, SLOB DPON CHOS SGO BA TSUL KHRIMS
BZANG POS DUS GO BA MDZAD CING, SPYAN SNGA GRAGS PA SHES RAB PAS
THOG DRANGS PA'I DGE 'DUN BCU GNYIS KYI DBUS SU DGE TSUL GYI BRTUL
ZHUGS YANG DAG PAR BLANGS TE, BCOM LDAN

@128A *, ,'DAS KYIS LEGS PAR GSUNGS PA'I CHOS 'DUL BA LA RAB TU BYUNG
NGO, ,YID KYI SHEL NI SPONG SEMS TSON GYIS BSGYUR, ,LAG PA'I PADMA
LHUNG BZED BUNG BAS MDZES, ,SKU YI GSER RI DMAR SER BLA GOS KYI,
,MTSAMS SPRIN GZHON

NUS YONGS SU KHEBS PAR GYUR, ,SEMS KYI GNYIS 'THUNG MI SRUN PA, ,DRAN
DANG SHES BZHIN LCAGS KYU YIS, ,DBANG DU GYUR DE MKHAS RNAMS KYIS,
,SMAD PA'I LAM DU GA LA 'JUG, THUB BSTAN RGYA MTSO KUN GYI SNYING PO
MCHOG, SKAL LDAN 'GRO BA'I RE

PA SKONG BA'I DPAL, ,DAM PA LAG 'GRO'I DBANG PO'I GTZUG GI RGYAN, ,TSUL
KHRIMS 'PHAGS PA'I NOR GYIS 'BYOR PAR GYUR, ,DE NAS DGUNG LO BCU DRUG
BZHES PA NA GDAN SAR BYON PA'I ZHU BA PHUL NAS PHAG LO ZLA BA DANG
PO'I TSES LNGA LA CHOS KYI RGYAL TSAB TU

MNGA' GSOL, 'DUS PA RGYA MTSO'I TSOGS LA SMON PA BYANG CHUB KYI
MCHOG TU THUGS BSKYED PA'I CHOS GSUNGS PAS SA G-YO BA DANG, SHAR
PHYOGS NAS SGRA CHEN PO GRAGS PA LA SOGS PA'I LTAS KHYAD PAR CAN
RNAMS BYUNG ZHING DPAG TU MED PA'I GDUL

BYA RNAMS BLA NA MED PA'I BYANG CHUB TU RIGS NGES PAR MDZAD DO,
,LOG SMRA'I WA SKYES ZIL GNON GDONG LNGA'I KHRI, ,ZAB CING RGYA CHE'I
CHOS SGRA SGROG PA'I GZHI, ,NOR BU'I 'OD TSOGS 'DRES PA'I GZI BRJID KYIS,
,NYIN BYED DBANG POR 'KHRUL PA SKYED BYED PA,,

LHA YI RI BO BZHIN DU BYIN CHAGS SHING, ,DUL BA'I SPYOD PAS YID 'PHROG
DE 'DZEGS TA, ,DUNG LTAR DKAR BA'I TSEMS KYI SPRIN GSEB NAS, ,GSAL BRJID
'BRUG GI SGRA YIS LEGS BSHAD BSTAN, ,DE TSE LHA YI ROL MO'I SGRAS,
,PHYOGS RNAMS

@128B KHEBS PA BZHIN DU GYUR, ,DBANG PO'I GZHU YIS 'CHI MED LAM, ,GO
SKABS MED PAR BKRA BAR BYAS, ,SRID NA BLA NA MED PA'I YON GNAS DE,
,MCHOD PAR BYED LA SEMS LDAN SMOS CI DGOS, ,SEMS MED RNAMS KYANG
'OS PA LTA BUR NI, ,MCHOD PAR BYED LA BRTZON

PA DE RMAD DO, ,DE NAS GLANG LO DPYID ZLA RA BA'I YAR TSES BCU'I NYIN
SNE GDONG DU SNYIGS DUS KYI SH'AKYA'I RGYAL PO MKHYEN BRTZE'I GTER
CHEN PO CHOS KYI RJE DPAL LDAN BLA MA DAM PAS MKHAN PO DANG,
MKHAN CHEN GZHON NU DBANG PHYUG PAS LAS KYI SLOB DPON DANG,

SLOB DPON TSUL KHRIMS RGYAL MTSAN PAS GSANG STE STON PA DANG, TSIG
DON GYI 'DUL BA 'DZIN PA CHEN PO TSOGS CHEN PA'I MKHAN PO BKRA SHIS
TSUL KHRIMS PAS DUS GO BA MDZAD CING, DAD PA'I DGE 'DUN NYI SHU RTZA
GSUM GYI DBUS SU BSNYEN PAR RDZOGS

PA DGE SLONG GI DNGOS PO THOB PAS RGYAL BA'I BSTAN PA RIN PO CHE'I
SNYING PO LHAG PA TSUL KHRIMS KYI BSLAB PA MTHA' DAG GI MDZOD DU
GYUR TO, ,DE NAS DPAL LDAN BLA MA DAM PA CHOS KYI RJE PA'I ZHAL TA
NAN CAN DANG, BKA' BGRO BA LA DBANG BA RNAMS KYIS KYANG,

BLA DPON PHYOGS GCIG TU MDZED PA'I ZHU BA NAN CHER PHUL BA LA
BRTEN NAS, SPYAN SNGA BSOD NAMS GRAGS PA LANG TSO MA SON GYI BAR
DU RE ZHIG ZHAL GYIS BZHES SO, ,DE LTAR ZHAL GYIS BZHES NAS RGYAL SRID
BSKYANGS PA'I DUS SU YANG BDAG NYID CHEN PO

'DI SKYE BA DU MAR BZHES PA LA GOMS PA DANG RLABS PO CHE'I BSOD NAMS
BSKRUN PA DANG, DAM PA'I CHOS KHO NAS RGYAL SRID BSKYANGS PA DANG,
RDZONG GONG 'OG THAMS CAD DU'ANG, CHO 'PHRUL GYI ZLA BA LA SROG
GCOD SPONG BA LA SOGS PA MDZAD PA'I MTHUS

@129A *, ,MNGA' RIS THAMS CAD DU 'KHRUG PA DANG, MU GE DANG, YAMS KYI
'TSE BA THAMS CAD NI MING GI LHAG MA TZAM DU SONG, LHAS DUS DUS SU
CHAR 'BEBS PA DANG, LO TOG PHUN SUM TSOGS PA DANG, SEMS CAN RNAMS
BDE BA LA REG PAR GNAS

PA NI RDZOGS LDAN GYI DUS BZHIN DU GYUR, BSHAD PA DANG SGRUB PAS
BSTAN PA RIN PO CHE CHES CHER SPEL BA'I SH'AKYA'I SRAS RNAMS NI LUNG
DANG RTOGS PA'I YON TAN RNAMS YAR NGO'I ZLA BA BZHIN DU 'PHEL TE,
MDOR NA RGYAL PO BYAMS PA'I STOBS KYIS, RGYAL

SRID BSKYANGS PA JI LTA BA DE BZHIN NO, ,RDO RJE LTA BUR BRTAN PA'I
THUGS MNGA' ZHING, ,RMONGS PA'I RAB RIB BCOM PA'I BLO GROS CAN,
,PHYAG GI PADMA GTONG PA'I MDANGS KYIS MDZES, ,KUN LA KHRO BA BRAL
BA'I SNYING RJE'I GTER, ,DE YIS BYAMS PA'I THUGS KYIS

SA 'DZIN 'DI, ,'TSE BA BRAL BAR BSKYANGS PA'I GRAGS PA'I TSOGS, ,SKYON BRAL
YID BAB BDUD RTZI'I ZER 'DRA DE, ,LUS CAN KUN GYI RNA BA'I RGYAN DU
BYAS, ,DE LTA NA YANG DAM PA DE, ,DBEN PA'I GNAS LA YI RANG BAS, ,'DU
'DZIS ZIL GYIS NON PA YI, ,GNAS

DE LA NI DGA' MA GYUR, ,DA'I TSE BDAG NYID CHEN PO 'DI RING MO NAS
SGRUB PA LA MOS PA BRTAN PAR MDZAD PA DANG, 'DU 'DZI'I G-YENG BAS
THUGS PHYUNG BA DANG, RGYAL SRID LA SNYING PO MED PAR DGONGS NAS
GRUB PA'I SKYES BU CHEN PO DVAGS PO RIN PO CHES BYIN GYIS

RLABS PA'I DBEN GNAS DAM PA SGAM POR GSHEGS PAR BYA'O, ,SNYAM DU
DGONGS NAS GDAN SA RIN PO CHER BYON TE, THUGS DAM RTZE GCIG TU DRIL
NAS RANG GI LHAG PA'I LHA LA GSOL BA BTAB PA'I TSE LAN CIG GI GZIGS
SNANG LA DGE SLONG NGUR

@129B SMRIG GI RTAGS CAN ZHIG SNGON LA BYUNG ZHING DE'I RJES LA BUD
MED RGYAN BZANG POS BRGYAN PA ZHIG BYUNG NAS DA NI GZHAN DU 'GRO
MI DGOS PAS 'DOD DON MYUR DU 'GRUB PAR 'GYUR RO ZHES ZER BA DANG,
THUGS LA DGA' BDE'I NYAMS KHYAD PAR CAN SKYES SHING, DA NI

BDAG THEL RANG DU BSDAD PAS CHOG PAR 'DUG SNYAM PA BYUNG STE,
'BYON BZHUD KYI THUGS THAG BCAD PAS RING POR MA THOGS PAR SNE
GDONG DU BZHUGS PA'I KHUR DANG BRAL BAR GYUR TO, ,GUR KUM GZHON
NU'I DPAL 'DZIN 'JAM PA'I DBYANGS, ,THUGS RJES

SRID LAS SGROL BA'I RJE BTZUN MA, ,RAB MDZES SKU YIS MIG GI DGA' STON
BSGRUBS, ,RNAR SNYAN GSUNG GIS SEMS KYI THE TSOM BCAD, ,ZHI BA'I GNAS
SU MI RTOG TING NGE 'DZIN, ,'PHEL BAR 'GYUR BA'I MTSAN MA MTHONG BA
NA, ,BDAG NYID CHE DE SKAD CIG DE NYID

LA, ,THUGS KYI CHU GTER DGA' BDE'I RLABS KYIS BSKYOD, ,GANG GI MTHU YIS
RGYAL BA'I SKU, ,YID KYI ME LONG LA GSAL BA, ,KYE MA DANG BA'I DAD PA YI,
,RMAD BYUNG MTHU 'DI BSAM MI KHYAB, ,DE LTA NA YANG DRI MED YID LA
NI, ,DAG PA'I RANG GZUGS 'CHAR LA

NGO MTSAR CI, ,RNYOG BRAL DANG BA'I CHU YI SNOD DAG TU, ,SPRIN BRAL
ZLA GZUGS SNANG BA NGANG TSUL YIN, ,BYANG CHUB SEMS DPA' SEMS DPA'
CHEN PO GRAGS PA BYANG CHUB DPAL BZANG PO'I RTOGS PA BRJOD PA'I
SNYAN DNGAGS BYIN RLABS KYI LHUN PO ZHES

BYA BA LAS RAB TU BYUNG ZHING BSNYEN PAR RDZOGS NAS RGYAL SRID
CHOS KYIS BSKYANGS PA'I RTOGS PA BRJOD PA'I BANG RIM STE GNYIS PA'O,,
,,CHU GTER 'GRAM DU CHU SKYES DKAR PO'I GDAN STENG NA, ,LANG TSO RAB
RGYAS LANG LING G-YO BA'I

@130A *, ,RGYAN GYIS SPUD, ,NGAG GI LHA MO NGAG LA SPOBS PA STZOL DE
LA, ,SNYING NAS 'DUD DO SNYING GI CHU SKYES DBUS SU ROL, ,GZHAN YANG
BDAG NYID CHEN PO 'DIS BSHES GNYEN DAM PA RNAMS KYI DRUNG DU MANG
DU GSAN PA'I THOS BSAM

GYIS SHES BYA'I GNAS RNAMS LA MA RTOGS PA DANG LOG PAR RTOG PA DANG
THE TSOM GYI DRA BA RNAMS BSAL BAR MDZAD DO, ,DE YANG 'DI LTAR, GSER
ZHUN BRTZEGS PA JI BZHIN MDZES PA'I SKU, ,TZAN DAN YAL 'DAB LTA BUR
MNYEN PA'I PHYAG, BCO LNGA'I ZLA BA BZHIN

DU RGYAS PA'I ZHAL, ,'GRO MANG DBUS NA LHUN PO LTA BUR MTHO,
,MKHYEN PAS NAM MKHA'I MTSAMS LAS BRGAL, ,BRTZE BAS SRID GSUM YONGS
LA SNYOMS, ,GRAGS PAS 'DZIN MA'I KHYON KUN 'GENGS, ,MDZAD PAS 'GRO
KUN DGE LA SBYOR, ,RTZOD DUS

THAMS CAD MKHYEN PA SA SKYA PA, ,LUS CAN BSOD NAMS DPAL DU BYON
GYUR NAS, ,MI NUB BSTAN PA'I RGYAL MTSAN 'DZIN PA'I MCHOG, SRID ZHI'I
DPAL MGON YONGS 'DZIN BZANG PO ZHES, ,KHOR YUG SA 'DZIN PAR DAG GI
,SKYE BO KUN GYIS BSNGAGS

PA YI, ,YA MTSAN GTAM GYI GZHIR GYUR DE'I, ,ZHABS RDUL ZOL MED SPYI BOS
LEN, ,MANG THOS 'DAB GSHOG RGYAS PA'I NAM MKHA' LDING, ,PHYI RGOL
GDENGS CAN 'JOMS PA'I MCHE SDER CAN, ,NAG PHYOGS LAG 'GRO'I GZI BYIN
'PHROG BYED PA, ,DPAL

LDAN BLA MA 'DAB BZANG DBANG POR 'DUD, ,BDE GSHEGS GCIG GI BSTAN PA
LA, ,THUB DBANG GNYIS PA MED PA BRDZUN, ,BDEN NA RGYAL BA'I DBANG PO
KHYOD, ,BSTAN PA 'DI LA GA LA 'BYON, ,DE LTAR BRJOD MA THAG PAS MTSON
PA'I BGRANG BA LAS 'DAS

@130B PA'I YON TAN DANG NI LDAN, MA DAG PA'I SKYON THAMS CAD NI ZAD,
DUL BA LA GNAS PA'I PHA ROL TU NI SON, MTHONG BA DANG THOS PA TZAM
GYIS NI YID THAR PA LA G-YO BAR NUS PA'I CHOS KYI RGYAL PO CHOS KYI
RJE CHOS KYI DBANG PHYUG ,SH'AKYA'I TOG CHEN PO DE'I

GSUNG GI BDUD RTZI RNA BA'I LAM DU 'ONGS PA'I RIGS PA'I RIM PA NI 'DI LTA
STE, SO SOR THAR PA'I SDOM PA'I TSIGS SNGA PHYI GNYIS KYI MKHAN PO ZHUS
SHING, SMON PA DANG 'JUG PA'I SEMS RIN PO CHE BSKYED PA'I SGO NAS
BYANG CHUB SEMS DPA'I SDOM PA MNOS TE, RDO RJE

THEG PA'I SGO NAS RGYUD SMIN PAR BYED PA LA, BDE MCHOG 'KHOR LO
DANG, DPAL GSANG BA 'DUS PA LA SOGS PA RGYUD SDE BZHI DANG 'BREL BA'I
DBANG BSKUR BA DANG, RJES SU GNANG BA PHAL MO CHE DANG, GROL BAR
BYED PA'I LAM LA'ANG LAM 'BRAS SBYOR DRUG

CHOS DRUG DMAR KHRID BDE MCHOG RIM LNGA LA SOGS PA DU MA DANG,
BSHAD PA LA BRTAG PA GNYIS PA RDO RJE GUR SAMBU tI RGYUD BLA MA LA
SOGS PA RNAMS GSAN NO, ,GZHAN YANG 'GRO BA DU MA'I DPAL MGON DAM
PA, SPYAN SNGA RIN PO CHE GRAGS PA SHES RAB PA

DANG, 'PHAGS PA 'JIG RTEN DBANG PHYUG SNYIGS DUS KYI 'GRO BA'I DON DU
BYON PA'I RGYAL SRAS THOGS MED BZANG PO DPAL DANG, THAMS CAD
MKHYEN PA BU STON ZHABS KYI THUGS SRAS MKHAN CHEN DHARMA SHR'I
BHA DRA DANG, 'JAM DBYANGS SH'AKYA RGYAL MTSAN DPAL

BZANG PO DANG, RGYAL BA'I SRAS PO GRAGS PA RIN CHEN PA DANG, GLAN
GYI MKHAN BRGYUD 'DUL BA 'DZIN PA CHEN PO MKHAN CHEN GZHON NU
DBANG PHYUG PA DANG, MANG DU THOS PA DANG BSGOMS PA'I NYAMS
RTOGS KHYAD PAR CAN GYI NOR BUS THUGS KYI

@131A *, ,BLTAMS PAR GYUR PA SLOB DPON CHEN PO TSUL KHRIMS RGYAL
MTSAN PA DANG, LHAG BSAM DAG PA'I THUGS KYIS 'GRO BA DU MA'I THAR PA'I
GO SKABS 'BYED PAR MDZAD PA, SLOB DPON CHOS SGO BA TSUL KHRIMS
BZANG PO DANG, RIM PA

GNYIS KYI TING NGE 'DZIN LA BRTEN PAS MTHU PHUL DU BYUNG BA MNGA'
BA BLA MA 'BRI PHYUG PA RIN CHEN 'BUM PA RNAMS GUS PAS BSTEN NAS
DBANG RJES GNANG BSHAD PA LUNG GANG BZHUGS PA RNAMS YONGS SU
ZHUS SO, ,KHYAD PAR 'GRO MGON CHOS KYI RJE ZHI BA'I DBYINGS

LA SNYOMS PAR 'JUG PA LA NYE BA'I TSE, NGED LA MA THOB PA'I BKA' LUNG
RTZAD GCOD DGOS RNAMS MKHAN CHEN BYANG CHUB RTZE MO LA ZHUS
GSUNG BA'I ZHAL CHEMS GUS PA'I SPYI BOS MNOS NAS, RIG PA'I GNAS LNGA
LA NI MKHAS PA'I PHA ROL TU SON, BDAG PAS

GZHAN GCES PA'I BYANG CHUB KYI THUGS NI 'BYONGS PAR GYUR, BDE BA
DANG STONG PA ZUNG DU 'JUG PA'I TING NGE 'DZIN LA NI MNGA' BRNYES,
PHYI NANG GI RTEN 'BREL BSGRIG PA LA NI MTHU THOGS PA MED PA DANG
LDAN, CHOS BRGYAD KYI SNANG BA'I MTSAN MA THAMS CAD NI NYE BAR

ZHI BAR GYUR PA'I MKHAS GRUB DAM PA LO TZ'A BA CHEN PO BYANG CHUB
RTZE MO SPYAN DRANGS NAS GNYIS SU MED PA'I RGYUD KYI RGYAL PO DUS
KYI 'KHOR LO'I RGYUD 'GREL PA DANG BCAS PA, GSANG 'DUS BDE MCHOG
RTZA RGYUD GDAN BZHI RNAMS KYI BSHAD PA DANG, SBYOR DRUG

GSANG 'DUS RIM LNGA BSNYEN BSGRUB NE GU CHOS DRUG LA SOGS PA'I
KHRID DANG, DPAL MCHOG ,RTZE MO, RIGS BSDUS LA SOGS PA'I DBANG DANG
DPAG TU MED PA'I LUNG GIS RJES SU BZUNG BAR GYUR TO, ,DE LTAR NA BDAG
NYID CHEN PO 'DIS BSHES

@131B GNYEN DAM PA DE RNAMS LA, RGYA GAR NAS BOD DU 'GYUR BA'I
SNGAGS DANG MTSAN NYID KYI DBANG BSHAD PA LUNG MAN NGAG PHAL
CHER MA GSAN PA MI SNANG ZHING, BOD KYI RJE SA SKYA BA YAB SRAS THAMS
CAD KYI BKA' 'BUM DANG, 'JIG RTEN MGON PO DPAL PHAG MO GRU PA

DANG, CHOS RJE 'BRI KHUNG PA DANG, RJE SPYAN SNGA RIN PO CHE YAB SRAS
KYI BKA' 'BUM LA SOGS PA GRAGS CHE BA PHAL MO CHE LA GSAN PA MDZAD
PA NI, 'DIR TSIG MANGS SU DOGS NAS MA BRIS TE, RGYAS PAR DE NYID KYI
GSAN YIG TU BLTAS PAS NGO MTSAR BA'I SNANG

BA SKYED PAR BYED DO, ,GCIG GIS LHAG PA'I YONGS 'DZIN BCU PHRAG GCIG,
GCIG BU 'GRAN ZLA BRAL BA GTAN GYI SKYABS, ,SKYABS GSUM NGO BO RTZA
BA'I 'DREN PA MCHOG ,MCHOG GI BLA MA GSUM DANG BCAS PA YI, ,MDZES
MDZES BSDUS 'DRA'I ZHAL GYI

BUM PA NAS, ,MKHAS MKHAS GSUNG GI LEGS BSHAD BDUD RTZI'I RGYUN,
,YANG YANG RNA BA'I LAM DU 'ONGS PA NA, ,BSHAD BSHAD DON LA MTHA'
YAS MKHYEN PA RGYAS, ,DPAG MED MDO DANG RGYUD SDE'I THOS PA 'DZIN,
,BLA MED BLA MA'I GSUNG GI BDUD RTZIS NGOMS,,

GRANGS MED 'GRO LA RGYAL BA'I MDZAD PA BSTAN, ,MTSUNGS MED KHYOD
NI RGYAL BA GNYIS PA BZHIN, ,RGYA CHEN LUNG GI THOS PAS SGRO 'DOGS
BCAD, ,SKYON BRAL SDOM PA GSUM GYIS RANG RGYUD BTUL, ,LUNG RTOGS
'KHOR LO GNYIS KYIS BSTAN PA SPEL, ,MNYAM MED

KHYOD NI BSTAN 'DZIN GTZUG GI RGYAN, ,RAB RIB BRAL BA'I BLO MIG DANG,
,THOS LA DGA' PA'I 'DUN PA DANG, ,MKHAS LA 'DUD PA'I SPYI GTZUG DANG,
,LE LO DOR BA'I BRTZON 'GRUS CAN, ,DE DAG GZHUNG LUGS CHU GTER CHER,
,RNAM DPYOD GRU YIS LEGS ZHUGS

@132A *, ,NAS, ,RANG GZHAN GRUB MTHA'I RGYA MTSO YI, ,PHA ROL TU NI CIS
MI SON, ,GZHAN YANG BDAG NYID CHEN PO 'DIS RTOGS PA'I MTHU PHUL DU
BYUNG BA BRNYES PA'I TSUL YANG 'DI LTA STE, DGUNG LO BCU GSUM PA'I TSE
BDE MCHOG LHAN SKYES

KYI SGOM BZLAS LA BZHUGS PA'I DUS GCIG NA BSKYED BZLAS LA'ANG MUN
KHANG BYAS NA DGA' BA'I RIGS SU 'DUG GSUNG NAS MUN KHANG DU THUGS
DAM MDZAD PA'I SNGA DRO ZHIG LHA'I TING NGE 'DZIN BRTAN PA'I TSE, ROL
MO'I SGRA SIL SIL ZHIG GSAN

PAS LUS KYI SPU LONG G-YO BZHIN PA'I NGANG NAS, NAM MKHA' LA BDE
MCHOG LHAN SKYES KYI RNAM PA MANG PO BYON NAS LUS LA THIM PA
SNYAM BYED PA BYUNG BA DANG, CHOS KYI RJE LO TZ'A BA CHEN PO'I DRUNG
DU YAN LAG DRUG GI RNAL 'BYOR ZHUS PA'I TSE SOR SDUD KYI

TING NGE 'DZIN GYIS MTHA' YAS PA'I 'JIG RTEN GYI KHAMS RNAMS GSAL BAR
GZIGS SHING, GZHAN RGYUD KYI SEMS KYI RGYU BA PHRA MO'ANG MKHYEN
PA LA SOGS PA DANG, MTHONG SMON DU BZHUGS DUS ZHIG GI TSE, THIG LE
KHA DOG RNAM PA LNGA'I DBUS

SU, DE BZHIN GSHEGS PA'I SKU MTSAN DPES SPRAS PA DU MA GZIGS SHING,
GZHAN YANG STONG GZUGS KYI LHAG PA'I LHA LA BDE MCHOG RIM PA LNGA
PA GSAN PA DANG, MNYAM GZHAG LA BZHUGS PA'I TSE LUS KYI RTZA RNAMS
KYI GNAS TSUL,

RLUNG GI KHA DOG DANG RGYU BA'I TSUL RNAMS JI LTA BA BZHIN GZIGS PA
DANG, CHOS RJE LO TZ'A BA CHEN PO'I SKU GDUNG GI PHYAG PHEBS PA LA
BSGRUB MCHOD DANG, GSOL 'DEBS MDZAD PA'I RJES SU SGRA BSGYUR CHEN
PO'I THUGS RJE DANG, RANG NYID KYI

@132B RLABS PO CHE'I DAD PA DANG, DAM TSIG DANG SDOM PA RNAM PAR
DAG PA'I MTHUS ZLA PHYED TZAM GYI BAR DU BSAM GTAN GYI BDE BA'I RO
KHYAD PAR CAN RGYUN DU BYUNG BAS ZAS KYI SRED PA DANG BRAL ZHING
PHYI NANG GANG DU BZHUGS KYANG RNAM KUN MCHOG LDAN GYI STONG
GZUGS 'GAG MED DU

'CHAR BA DANG, SNYING RJE CHEN PO RTZOL MED DU SKYE BA DANG, MNAL
LAM DU CHOS RJE DE NYID LA CHOS MANG PO GSAN BA DANG, DAG PA'I
ZHING MANG POR BGROD PA LA SOGS PA'I NYAMS RTOGS KHYAD PAR CAN
RNAMS 'KHRUNGS SO, ,RDO RJE'I LUS LA RDO RJE'I RNAL 'BYOR GYIS, ,

GNAD DU BSNUN PAS GNAD DON PHYAG RGYA CHE, ,DMIGS BCAS STONG NYID
DMIGS MED SNYING RJES 'KHYUD, ,ZUNG DU 'BREL BA ZUNG 'JUG DBU MA'I
LAM, ,KUN RTOG RNYOG PA'I DRI MAS DAG, MI RTOG YAN LAG DRUG GI
MTSOR, ,'DAB STONG STONG GZUGS RDZOGS PA LA, ,

MI 'GYUR 'GYUR MED BUNG BAS RTZEN, ,ZLA NYI'I BGROD PA ZLA BA'I DGRA
YIS ZOS, ,'PHO BA'I DRI MA 'PHO MED CHU YIS BKRUS, ,SROG 'DZIN THUR SEL
SROG RTZOL LAM GYIS BSRES, ,MI 'GYUR BDE BA MI MCHOG KHYOD KYIS
BRNYES, ,GZHAN YANG GDAN SA RIN PO CHER

BZHUGS PA'I TSE, ,BLA MA RNOR 'DZIN PA DGE BA LA SBYOR 'DOD PA'I 'PHRO
CIG LA YUN RING MO ZHIG TZOG PU'I NGANG NAS GNYID DU SONG BA'I SANG
GI SNGA DRO DANG PO LA SHOG GSUNG BA'I ZHAL TAS SKU MDUN DU 'ONGS
PA NA, KHONG GI KUN SPYOD KYI LAD MO JI LTA BA BZHIN MDZAD

NAS BSTAN PA MTHONG BA DANG, BLA MA RIN PO CHE BDAG GIS DE 'DRA CIG
BGYIS LAGS ZER NAS DAD PA'I SHUGS KYIS MIG MCHI MAS GANG BAR GYUR TO,
,DE BZHIN DU KHRID GNYER BA DGE BSHES KUN YES KYIS MTSAMS LA SDOD
PA'I ZHU BA PHUL NAS ZHAG

@133A *, ,BCU SONG BA DANG, SLOB DPON GRAGS LEGS PA LA KHRID GNYER
BA JA BTUNG BAR 'DOD NAS KHANG SAR THOG NA YOD MCHI BA KHRID SHOG
GSUNGS PAS, KHONG MTSAMS LA SDOD PAR ZHUS NAS ZHAG MANG MI 'GRO
BAS MED MCHI ZHUS PA NA,

YOD MCHI BAS DA LTA BOS SHOG GSUNG BA LTAR PHYIN PAS, JI LTAR GSUNG
BA BZHIN 'DUG PA LA, ZHAL TA BSGYUR BAS, RJE RIN PO CHE LA THUGS
MKHYEN MNGA' BAR 'DUG, DE BZHIN DU BSAMS NAS 'ONGS PA YIN ZHES
SMRAS NAS DRUNG DU PHYIN NO, ,YANG

SLOB DPON GRAGS LEGS PA RLUNG SBYOR BSGOM ZHING MTSAMS LA YOD PA
NA, SEMS MI BDE ZHING LUS KYI STOD GZER BA ZHIG BYUNG BA'I TSE, SKU
MDUN DU MYUR POR SHOG GSUNG BA'I ZHAL TA BYUNG BAS, MTSAMS GROL
TE MJAL NAS PHYAG PHUL

BA NA, RLUNG SBYOR BSGOM ZHING YOD DAM GSUNG, CHER MED LAGS ZHUS
PAS, RDZUN MI DGOS SGOM PAR YOD 'DUG PAS, DE LA GEGS YONG BA YIN,
ZHAG BAR 'DIR SDOD LA 'PHRAL GYI BYA BA LA BRTZON PAR GYIS GSUNG BA
BZHIN BSGRUBS PAS,

SROD KYI SGRUB MCHOD CIG GI DUS SU, KHYOD LA RLUNG SBYOR GYI YON
TAN CIG SKYE 'DOD PA'I DUS SU BAR CHAD CIG 'ONG BAR 'DUG PAS GEGS SEL
THABS BYAS PA YIN, DA SONG LA BSGOM LUGS 'DI LTAR GYIS LA SGOMS SHIG
GSUNG BA DANG LHAG PAR

YANG DAD DO, ,GZHAN YANG BYI BA LO ZLA BA BZHI PA'I CHOS GCIG GI NYIN
YAB LA BSNYEN PAR RDZOGS PA BYED PA LA SHOG GSUNG BA'I ZHAL TA BSKUR
BA NA, RE SHIG MI 'ONG BA'I ZHU BA BYUNG BAS, KHYED GRONGS NAS BSNYEN
RDZOGS BYED PA MIN MCHI, DE LTA MIN

@133B NA MYUR POR SHOG GSUNG BA'I ZHAL TA BSKUR NAS DE MA THAG
BSNYEN RDZOGS MDZAD, DE NAS ZLA BA DE'I NYER LNGA LA YAB ZHI BAR
GSHEGS SO, ,DE LTAR NA DE LTA BU'I RNAM PAR THAR PA LA DPAGS NA, SHIN
TU LKOG TU GYUR PA'I YUL RNAMS LA YANG MNGON DU GYUR

PA'I MKHYEN PA 'JUG PAR KHONG DU CHUD DO, ,DUS GSUM SHES BYA'I GZUGS
BRNYAN MA LUS PA, ,TING 'DZIN ME LONG NANG DU LHANG NGE BA, ,GZHAN
LA LKOG TU GYUR PA'I GZHAN GYI SEMS, ,GSAL STONG THUGS KYI YUL DU
GSAL BAR GYUR, ,SHES BYA KUN LA

SGRIB MED SPYAN, ,SPYAN RAS GZIGS DANG 'JAM PA'I DPAL, ,DPAL LDAN
GSANG BA'I BDAG PO KUN, ,KUN MKHYEN KHYOD DANG DBYER MA MCHIS,
,RDO RJE'I LUS KYI RTZA RLUNG THIG LE'I GNAD, ,MA LUS MNGON DU GYUR
PAS GDUL BYA YI, ,NANG GI RTEN 'BREL SGRIG

LA MNGA' BRNYES PA, ,RNAL 'BYOR DBANG PHYUG KHYOD NI GRUB PA'I
MCHOG, ,GZHAN YANG ZE SNGON GYI RI'I STENG GI NAM MKHA' LA SPYAN
RAS GZIGS BCU GCIG ZHAL RNAM PA GSAL PE CIG BYON NAS NGA LA YI DAM
BYED NA SMYUNG GNAS KYIS GSUNG PA LA BRTEN NAS,

ZLA BA BYUNG NGO COG GI BCO LNGA LA, SMYUNG GNAS MA CHAG PAR
MDZAD PA DANG, MNAL LAM DU 'JIG RTEN GYI MGON PO RIN PO CHE DPAL
PHAG MO GRU PA BYON PA LA CHOS GSAN PA DANG, LHA SAR SPYAN RAS
GZIGS KYI DRI GTZANG KHANG GI NANG DU GZHAN GYIS

MA TSOR BA'I DRI PHUN SUM TSOGS PA RGYUN MI CHAD DU TSOR BA DANG,
MNAL LAM DU LHA SA'I SKOR SA THAMS CAD 'JA' 'OD KYIS GANG BA'I GSEB NA
DGE SLONG BLA GOS DANG SNAM SBYAR SBRAGS PA ZHIG GI PHYAG NA DAR
DKAR PO BZUNG BA CIG GIS DER 'DI

@134A *, ,LA 'JUS NA BDE BA CAN DU 'GRO ZHES GSUNG BA LA, 'DIR PHYAG
MCHOD BYED PA DANG, RE ZHIG LA MI 'GRO GSUNG PA'I SNANG BA BYUNG BA
DANG, MUN KHANG DU DPAL DUS KYI 'KHOR LO'I RNAL 'BYOR DANG BDE
MCHOG GI BSKYED RIM GYI TING NGE 'DZIN

MDZAD PA'I TSE, SKU DANG RGYAN DANG PHYAG MTSAN GYI 'OD SPYAN GYIS
LTA MI BZOD PA SNYAM BYED PA BYUNG BA DANG, DAG PA'I SNANG BA CAN
GYI GANG ZAG GZHAN GYIS KYANG NGO MTSAR BA'I GNAS SU MTHONG BA'I
RIM PA NI, YAR KLUNGS 'PHYOS SU THUGS BSKYED GSUNGS

PA'I DUS SU BSTAN PA RIN PO CHE'I RTZA LAG MKHAS PA'I DBANG PO SNYE
THANG PA BKRA SHIS SENG GES, DBU'I STENG NA RJE BTZUN MI PHAM PA
BYAMS BZHUGS MDZAD PA GSER BTZO MA'I MDOG CAN LAM PA CIG GZIGS PA
DANG, RTOGS LDAN TSUL RGYAL BAS

SKU MDUN DU DGE BA LA SBYOR 'DOD PA'I DUS GCIG NA SPYAN RAS GZIGS
ZHAL GCIG PHYAG BZHI PAR MTHONG NAS, DE LA SEMS ZIN PA RING RAB CIG
BYUNG BAS LO MANG PO ZHIG TU SGRUB PA BYAS PA BAS BOGS CHE BA BYUNG
BA DANG, KA BZHI'I STENG NA SKOR BA

MDZAD PA'I TSE SHOD NAS CHOS KHANG BLA MCHOD KYIS PHYAG BTZAL NAS
BLTAS PA NA, SPYAN RAS GZIGS SU MTHONG BA LA SOGS PA NGO MTSAR BA'I
RNAM PAR THAR PA NI MTHA' YAS SO, ,NGUR SMRIG RTAGS KYIS MTSAN PA'I
'OD DPAG MED, ,BRTZE BA'I

GTER LAS 'KHRUNGS PA'I SPYAN RAS GZIGS, ,SPYI GTZUG RGYAN DU MDZES PA'I
MI PHAM MGON, ,RGYAL DANG RGYAL BA'I SRAS KYIS RJES SU BZUNG, ,KHYOD
DANG 'JIG RTEN DBANG PHYUG LA, ,YAN LAG RGYAN GYIS STONG PA DANG,
,RAL PA'I KHUR NI DOR BA YI, ,

@134B KHYAD PAR 'DI TZAM ZHIG TU ZAD, ,YANG NA SNYING RJE'I GZHAN
DBANG GYUR PA DANG, ,'GRO BA'I SDUG BSNGAL BDAG GIR MJED NAS SU,
,SPYAN RAS GZIGS KYI 'PHRIN LAS SGRUB PAS NA, ,KHYAD PAR CUNG ZAD
TZAM YANG MED PAR NGES, ,GZHAN YANG BDAG NYID CHEN PO 'DI

BSNYEN PAR RDZOGS NAS DGE SLONG GI RTAGS DANG RDO RJE 'DZIN PA'I KUN
TU SPYOD PA RNAMS DANG, DPAL LDAN BLA MA CHOS KYI RJE DANG, SPYAN
SNGA RIN PO CHE GRAGS PA SHES RAB PA DANG, SGRA BSGYUR CHEN PO RTZE
MO'I ZHABS DANG GSUM GYI SKU DANG 'BRAL MED DU MDZAD PA DANG,

SPYIR RANG GI BLA MA GANG YIN DANG, KHYAD PAR DU MCHOG GI BLA MA
GSUM GYI MTSAN THOS PA TZAM GYIS BA SPU 'KHRUG PHYAG THAL MO SBYAR,
ZLA MCHOD MA CHAG PAR MJED PA DANG, DGE BA'I RTZA BA CHUNG NGU
TZAM SGRUB PA GSAN NA'ANG DBUL POS GTER RNYED PA LTA BU'I

DGA' BA BSGOM PA DANG, YI RANG MDZAD CING SKU GSUNG THUGS KYI RTEN
DANG, SKYES BU DAM PA RNAMS 'KHRUNGS PA DANG, CHOS GSUNGS PA DANG,
NYAMS LEN MDZAD PA'I GNAS THAMS CAD DU'ANG CHI BAS PA GZHOL NAS
PHYAG MCHOD MDZAD CING SMON LAM

'DEBS PA DANG, YUL PHYOGS SU 'KHRUG PA DANG, YAMS LA SOGS PAS NYE
BAR GTZES PA GSAN PA NA SPYAN CHAB 'DON SNYING RJE CHEN PO SKYE,
SBYOR BAS DE DAG ZHI BA'I THABS LA RTZOL BA LHUR LEN CING BSAM PAS
LHAG PA'I LHA LA GNOD PA DE DAG ZHI

BA'I GSOL BA 'DEBS PA BCOS MA MA YIN PA MDZAD DO, ,DE BZHIN DU LUNG
DANG RTOGS PAS GZHAN RJES SU BZUNG BA'I TSUL YANG RGYA NAG YAN
CHAD, KHA CHE PHYIN CHAD KYI BGRANG LAS 'DAS PA'I GDUL BYA RNAMS LA
RANG RANG GI SKAL BA DANG 'TSAM PAR

@135A *, ,YID THAR PA'I LAM GYI SNOD DU 'DZIN PA'I GSAL BA'I DBYE BA NI
BRJOD PAR MI NUS SHING, RAGS PA TZAM NI, 'JAM DBYANGS CHEN PO SH'AKYA
RGYAL MTSAN DPAL BZANG POS, CHOS RJE 'JAM PA'I DBYANGS BSOD NAMS
RGYAL MTSAN GYIS GTZO

MDZAD PA'I DBUS PHYOGS KYI YONGS KYI DGE BA'I BSHES GNYEN DGE 'DUN
KHRI PHRAG GSUM LHAG DANG BCAS PA SPYAN DRANGS NAS CHOS KYI 'KHOR
LO BSKOR BA'I DUS SU, GSANG BDE, ZUL SKYOR, RTZES THANG GUNG THANG
LA SOGS PA'I 'DUS PA RGYA MTSO LTA BU RNAMS LA

THEG PA CHEN PO RGYUD BLA MA GSUNGS PAS, GZHUNG LUGS RGYA MTSO
LTA BU LA RING NAS SBYANGS PA'I MKHAS PA RNAMS KYANG THUGS NI SHIN
TU TSIM ZHING, THAMS CAD KYANG DAD PA'I SPU LONG G-YO BAR MDZAD
PA DANG, GDAN SA RIN PO CHER RI PA BDUN BRGYA TZAM DBYAR

DGUN ZLA BA GNYIS GNYIS SU MTSAMS BCAD NAS THUGS DAM LHUR LEN PA'I
ZHAL TA GNANG NAS, DE DAG GI CHOS DANG ZANG ZING GI MTHUN RKYEN
PHUN SUM TSOGS PA MDZAD CING, KHRID BTAB PA'I TSE YANG DE DAG GIS
LUS KYI RTZA GNAS LA SOGS PA JI LTA BA

BZHIN MTHONG BA DANG, SKYIL KRUNG MA ZHIG PAR RTZIG PA LA 'GRO NUS
PA BYUNG ZHING, DE DAG SKU MDUN DU MJAL BA NA'ANG, LA LAS SPYAN RAS
GZIGS SU MTHONG BA DANG, LA LAS LHA GZHAN DU MTHONG BA LA SOGS
PA'I NGO MTSAR BA'I LTAS KYIS THUN MONG MA YIN

PA'I DAD PA THOB PA DANG, 'JIG RTEN MGON PO YAB SRAS KYI BKA' 'BUM
GSUNGS PA DANG, SEMS BSKYED CHEN MO MDZAD RES KYI ME TOG GI CHAR
RTZOD MED DU BAB PA DANG, CHOS KHANG SO MA RAB TU GNAS PA MDZAD
PA'I TSE, ME TOG DOR BA NAM MKHA' LA RTEN

@135B MED DU CHAGS PA KUN GYIS MTHONG BAS DAD PAR GYUR PA DANG,
DRUNG DU BSAD PA KUN KYANG TSUL KHRIMS KYI DRI GTZANG MAS YID
'PHROG PAR BYED DO, ,MKHA' GOS GLOG GI PHRENG BAS GTAMS PA LTAR,
,PHYI YI KUN SPYOD SO SOR THAR PAS MDZES, ,LHUN PO NYI ZLA'I SKA

RAGS BCINGS PA BZHIN, ,NANG GI THUGS NI RIM GNYIS ZAB MOS BSTAR, ,BRTZE
DANG MKHYEN PA THUGS LA BSDUS, ,KHRO DANG RMANGS PA RING DU
BSKRAD, ,LHA DANG BLA MA'I TING 'DZIN LA, ,DRAN DANG SHES BZHIN 'BRAL
BA MED, ,MKHAS MANG DBUS NA YON TAN GTER CHEN

KHYOD, ,RAB BRJID SENG GE'I KHRI LA SENG GE BZHIN, ,ZHUM MED THUGS
DANG TSANGS DBYANGS NGA RO YIS, ,KHRI PHRAG 'KHOR LA 'KHOR LO GSUM
PA BSKOR, ,SLAR YANG KUN BZANG NAGS KHROD DU, ,RGYUD SDE PADMO LAS
'ONGS PA'I, ,RDZOGS RIM ZAB MO'I SBRANG RTZA'I ROS, ,SKAL

LDAN BUNG BA TSIM PAR MDZAD, ,NYIN BYED 'CHAR KA'E MDANGS LAS CHES
LHAG PA'I, ,SKU YI DKYIL 'KHOR MTHONG BAR GYUR MA THAG, MIG GI 'BRAS
BUR MCHI MA'I CHU THIGS G-YE, ,LAG PA'I THAL MO SNYING KHAR ZUM PAR
BYED, ,BYANG CHUB SEMS DPA' SEMS

DPA' CHEN PO GRAGS PA BYANG CHUB DPAL BZANG PO'I RTOGS PA BRJOD PA'I
SNYAN DNGAGS BYIN RLABS KYI LHUN PO ZHES BYA BA LAS, LUNG DANG
RTOGS PA'I CHOS KYI 'KHOR LO BSKOR BA'I RTOGS PA BRJOD PA'I BANG RIM
STE GSUM PA'O,, ,,

ROL RTZED GAR GYI NYAMS LDAN RI DVAGS MIG ,MIG GIS BLTA BAS MI NGOMS
DBYANGS CAN MA, ,MA LTAR BRTZE BA KHYOD KYIS BDAG GI NGAG, NGAG
DBANG LHA MO NYID DANG MTSUNGS PAR MDZOD, ,DE LTA BU'I BDAG SNYID
CHEN PO 'DIS SKAL BA DANG LDAN PA'I GDUL BYA 

@136A *, ,RNAMS KYI RGYUD SMIN PAR BYAS PA'I MTHAR, GLANG LO NAS SKU
BSNYUNG BA'I TSUL BSTAN CING, DE'I TSE'ANG THEL SHOD KYI NANG SO GNYIS
KYIS THOG DRANGS NAS BU SLOB SPYI BYE BRAG DANG BCAS PAS BLA MA DANG
DKON MCHOG LA NI BCOS MA MA YIN PA'I

GSOL BA BTAB, DPAG TU MED PA'I DGE 'DUN LA NI GYA NOM PA'I BSNYEN
BKUR GYIS MCHOD, BSTAN SKYONG GI TSOGS RNAMS LA NI BSTAN PA RIN PO
CHE YUN RING DU GNAS PA'I 'PHRIN LAS GZHOL BA'I CHED DU NYIN MTSAN
BAR MA CHOD DU 'BAD PA'I SHUGS DRAG

PO BSKYED DO, ,DE LTAR BYAS KYANG GSOL BA MI THEBS PA'I SNGA LTAS SA
BSAM GTAN PA RNAMS KYI MNAL LAM DU, ZE SNGON GYI RI NYIL BA DANG,
THEL GYI GLING RNAMS PHAG GRU'I RONGS SU LHUNG BA DANG, GSER 'BRU'I
STENG DU KHYE'U DANG BU MO GOS BZANG PO BGOS

SHING ME TOG GI THOD DANG PHRENG BA BCINGS PA MANG PO RIN PO CHE'I
KHRI 'OD 'BAR BA GCIG BTEG NAS 'DUG PA LA BDAG NYID CHEN PO 'DI BLA
GOS NGUR SMRIG CIG GSOL NAS, KHRI DE'I STENG DU BYON PA DANG, NAM
MKHA' LA GSHEGS SO, ,DE'I TSE BDAG RJES SU

BZUNG DU GSOL ZHES GSOL BA BTAB PA NA PHYIR LA ZHAL PHYOGS NAS
PHYAG BRKYANG BA'I SNANG BA BYUNG ZHING, DE DAG GI RGYU MTSAN
RNAMS ZHU BAR BYA'O SNYAM DU GNYID LAS SAD PA DANG, YANG AA TZA RA
RAS DKAR PO'I GOS GYON ZHING DUNG LONG GIS RNA BA

BRGYAN PA ZHIG GIS SENG GE GCIG KHRID NAS BYUNG BA LA BDAG NYID
CHEN PO 'DIS PHYAG G-YAS NA RDO RJE DANG, G-YON PAS BUD MED GCIG
GI PHRAG PA LA BRTEN PA LHO NUB MTSAMS KYI NAM MKHA' LA GSHEGS PA
DANG, NYI MA DANG ZLA BA'I DKYIL 'KHOR

@136B SHAR MA THAG NUB PA LA SOGS PA'I MTSAN MA RNAMS BYUNG NGO,
,ZE SNGON ZE BA'I TOG NI NYIL BA DANG, ,GLING RNAMS GLING GI 'OG TU
LHUNG BA YI, ,RMI LAM RMI BA'I MTSAN MA MTHONG BA NA, ,YID LA YID MI
BDE BA'I ZUG RNGUS KHYAB, ,GSER MDOG CHU 'DZIN MKHA'

LA RGYU BA BZHIN, ,LHA YI LAM NAS 'ONGS PA'I RIN CHEN KHRI, ,GANGS RI
BAR SNANG DBYINGS SU G-YO 'DRA YI, ,RI DVAGS RGYAL PO'I BZHON PA
SNANG BA NI, ,MA PHAM RGYAL BA'I PHO NYA BA, ,ME TOG THOD KYI MDZES
RNAMS KYIS, ,MU MTHA' BRAL BA'I LUS CAN SKYABS,,

MI YI YUL NAS SPYAN 'DREN LTAS, ,DE TSE MI RUNG 'JIGS PA STER BYED PA'I, ,MI
DGE'I MTSAN MA MTHONG ZHING THOS PA KUN, ,BZHIN LA 'DZUM BRAL SGRA
YI SBYOR BA ZHAN, ,MIG GI LTA STANGS DMA' ZHING SHUGS RINGS 'DON, ,DE
LTAR BDAG NYID CHEN PO

'DIS, ,GDAN SA RIN PO CHER CHOS KYI RGYAL SRID LO BCU DRUG GI BAR DU
BSKYANGS NAS, GLANG LO'I DGUN TSOGS KHRID GSUNG BA LA BYON TE,
'KHOR 'DUS PA RGYA MTSO LTA BU RNAMS LA, LHAG PA TSUL KHRIMS KYI
BSLAB PA RIN PO CHE MIG GI 'BRAS BU LTAR

GCES PAR SRUNG BA DANG, BDAG GZHAN BRJE BA'I BYANG CHUB KYI SEMS RIN
PO CHE DANG MI 'BRAL BAR BYED PA DANG, RANG RE'I BRGYUD PA 'DI BKA'
PHYAG GNYIS SU MED PA BYA BA YIN PAS, PHYI'I KUN SPYOD LEGS PAR
GSUNGS PA'I CHOS 'DUL BA DANG MTHUN

ZHING NANG DU RGYUD SDE RIN PO CHE'I DGONGS PA'I BCUD RIM PA GNYIS
KYI RNAL 'BYOR LA BRTZON PA SHIN TU GAL CHE BA DANG, PHYOGS RIS NAS
'DUS PA'I GRVA PA RNAMS KYANG RANG RANG GI BLO DANG 'TSAM PA'I KLOG
PA THOS BSAM DANG SGRUB PA BSAM GTAN GYI 'KHOR

@137A *, ,LO GNYIS LA 'BAD PA THON LA, MDOR NA SKYES BU DAM PA RNAMS
KYI RNAM PAR THAR PA LA BLTAS NAS SGO GSUM GYI KUN SPYOD THAMS CAD
DE DAG GI RJES SU BSLAB DGOS PA DANG, SPYAN SNGA RIN PO CHE BSOD
NAMS GRAGS PA

LA YANG, CHOS KYI RGYAL SAR BZHUGS LA BSTAN PA RIN PO CHE'I KHUR
SNOMS, BRGYUD PA RIN PO CHE'I RNAM PAR THAR PA ZUNGS ZHES PA DANG,
MI'I DBANG PO GRAGS PA RGYAL MTSAN DPAL BZANG PO PA DANG, SKU
ZHANG GRAGS PA RIN CHEN PA LA'ANG SDE SRID

CHOS KYIS SKYONG DGOS PA DANG, BSTAN PA RIN PO CHE'I ZHABS TOG TU
'GYUR BA'I THABS LA 'BAD DGOS PA'I ZHAL TA RNAMS MDZAD DO, ,BRTZE BA'I
LTA STANGS DAG GES 'KHOR LA GZIGS, ,RGYAL BA'I DGONGS PA GSUNG GI THA
MAS BSTAN, ,KUN KYANG

THOG MTHA' BAR DU DGE LA BKOD, ,KHYOD KYI MDZAD PA MTHA' DAG
SKYON DANG BRAL, ,PAD DKAR PHRENG BAS BRGYAN PA'I MTSO, ,RGYANG NAS
MTHONG BA'I NGANG PA BZHIN, ,GZHAN PHAN KHO NA DGONGS PA KHYOD,
,GZHAN GYI DON LA SKYO BA BRAL, ,THOS PA'I MDO LA MCHI MA

LHUNG BYED PA'I, ,GSUNG GI THA MA THOS TSE GDUL BYA RNAMS, ,BLO DANG
'TSAM PA'I GTAM GYIS RANGS PA DANG, ,MYA NGAN KHUR GYIS NON PA
MNYAM DU BYUNG, ,DE LTAR BDAG NYID CHEN PO SKU BSNYUNG BA'I TSUL
BSTAN PA'I TSE MUN KHANG DU SPOS KYI DRI ZHIM PO RGYUN

CHAD MED PAR LDANG BA DANG, MTSAN MO LHA'I ROL MO SGRA SNYAN POS
BAR SNANG GANG BA DRUNG DU NYE BAR GNAS PA PHAL MO CHES THOS
SHING, STAG LO ZLA BA GNYIS PA'I TSES BZHI'I NYIN, BDE BA CAN GYI ZHING
BKOD CHOS RJE RNAM PA'I SKU 'DRA SHOMS

@137B GSUNG NAS KUN TU BZANG PO'I MCHOD SPRIN GYIS MCHOD, THUGS
THAG PA NAS GSOL BA BTAB, DRI MA MED PA'I SMON LAM RGYA CHEN PO
MDZAD NAS, DE'I PHYI DRO'I TSE NAD 'DON PA RANG LA 'DI LTAR BYAS KYANG
CHOG STE, 'ON KYANG DA RANG DUS TSOD DANG BYAS

PAS ZHES GSUNGS NAS 'KHRUL 'KHOR MDZAD NAS LJAN LJIN DANG BCAS PA'I
KHA DOG NAG PO JA SUN TZAM KHA YAR SKU NAS 'THON PA MDZAD CING,
TSES LNGA'I SNGA DRO DANG PO'I TSE, SLOB DPON CHEN PO TSUL KHRIMS
RGYAL MTSAN PA GDAN DRONGS GSUNG NAS SPYAN

DRANGS, DE NYIN NYIN ZHAG PHRUGS GCIG GI THUGS DAM SNGA PHYIR
MDZAD DGOS RNAMS SNGON LA MDZAD PA NA, SPYAN SNGA NA 'KHOD PA
RNAMS KYIS, SKU SHED CHUNGS PAS THUGS DAM GYI RIM PA RNAMS SNGAR
BZHIN MDZAD PA BYUNG NA ZHUS PAS, DE RING SNGON LA

BYED SANG NAS DE BZHIN BYED DO GSUNG, DE NAS THUGS DAM GYI RIM PA
THAMS CAD GRUB PA DANG, DA NI LEGS PA YIN, YID BDE BAR GYIS SHIG
GSUNGS TE, DE'ANG NYIN ZHAG GCIG GI THUGS DAM LA, THO RANGS BLA MA'I
RNAL 'BYOR TSAR GSUM KHUG

PA, N'A RO MKHA' SPYOD MA'I BSKYED RIM GSAL BA'I NGANG NAS AOm GSUM
MA BRGYA RTZA RE, AA RA PA TZA NA'I SGOM BZLAS DANG, NAM LANGS MA
THAG SKU KHRUS MDZAD NAS DKON MCHOG GI DRUNG DU BRGYA PHYAG
YAN LAG BDUN PA DANG BCAS PA RE, DE NAS SEMS BSKYED

RANG GIS BLANG BA'I CHO GA CHER RE, TSA GONG DU DKAR GTOR CHA BZHI,
THUN GTER LNGA, DZAM LHA SER NAG GI CHU SBYIN, ZA BYED RDO RJE MKHA'
'GRO'I SBYIN SREG DANG, DRO RJES LA TSA TSA BDUN NAM BCU GCIG GANG
RUNG RE, BRGYA RTZA, DBYU GU, MI G-YO BA SGROL

@138A *, ,MA 'OD ZER CAN, RNAM 'JOMS KYI GZUNGS, GTOR MA CHA GSUM
CHA BCU, DUS 'KHOR GYI THUN MTSAMS KYI GTOR MA, YUM GYI SGRUB PA YIG
DRUG STONG, SMAN BLA'I GZUNGS NYER GCIG RE, 'JAM DBYANGS KYI BSTOD
PA

GNYIS DANG 'JIG RTEN DBANG PHYUG GI PO BSTOD DANG, PHYAG 'TSAL NYER
GCIG RNAMS TSAR BDUN RE, SPYAN RAS GZIGS KYI GZUNGS RING THUNG
DANG, YI GE BCU PA DANG, T'A RE BRGYA PHRAG RE, RGYAL BA'I BKA' LA GANG
GRUB KYI GLOG THUN RE, SROD THUN LA BDE

MCHOG DANG, DPAL KYE RDO RJE GANG RUNG RE'I SGRUB MCHOD RGYAS PA
RE DANG, DE NAS BLA MA'I RNAL 'BYOR DANG, BSKYED RIM SNGON DU 'GRO
BA CAN GYI SGO NAS, MTSAN MO'I CHA LA PHYAG RGYA CHEN PO'I DON LA
RTZE GCIG TU MNYAM PAR 'JOG PA DANG, NYIN MO'ANG SNGAR BSHAD

PA'I SKABS SU MTSAN MED KYI THUGS DAM LA GTZO BOR MDZAD DO, ,DE LTA
BU'I RIM PA 'DI NI GDAN SAR BZHUGS NAS MYA NGAN LAS 'DAS PA'I NYIN MO
YAN CHAD LA CUNG ZAD TZAM YANG CHAG PA MED PAR MDZAD PAS CHOS
BRGYAD KYI MTSAN MA'I RNAM PAR RTOG PA

RGYU BA'I SKABS MI RNYED DO, ,DE NAS SPYAN CUNG ZAD ZUM PA'I LTA
STANGS DANG BCAS PA LAS, ZHAL 'JUM MDZAD NAS, DA LTA BUD MED RGYAN
GYIS MDZES PA GNYIS BYUNG BA'I GCIG GIS 'O MA DKAR YOL 'BRUG RGYAB
GANG BZUNG NAS 'DREN PA'I RNAM PA BYED,

GCIG GIS DAR YUG DKAR PO SNA BRKYANGS TE 'DI'I STENG NAS 'BYON PAR
ZHU ZER GAD MO BRO GSUNG BA DANG, GZIGS SNANG GZHAN CI 'DRA GDA'
LAGS ZHUS PAS KHAR SING NAS MANG PO BYUNG STE KHYED RNAMS MCHI MA
'DON PA GDA' BA GSUNG, DE

@138B RTING SLOB DPON CHEN PO PA LA 'DA' KHA MA BSDUS PA DE GSUNG
BAR ZHU DANG GSUNG BA NA, DE MI DGOS PAR GDA' LAGS ZHUS PAS, KHAR
SANG NAS RTAGS 'DRA BA BYUNG, DA SA CHU LA THIM PA'I RTAGS 'CHAR
ZHING 'DUG ,DA LTA GSUNG BAR

ZHU GSUNG, DE NAS YUD CIG NA NGA NI GANG BYAS KYANG BDE BA'I RIGS
CIG GDA'O GSUNG NGO, ,DE'I RJES LA SPYAN BTZUMS NAS YUD TZAM ZHIG
BZHUGS SHING ZHAL GYI SGROS CUNG ZAD YO TZAM MDZAD PA NA, PHYAG
'TSAL BA NI NYI SHU RTZA GCIG

CES GSUNG LHANG PA CIG BYON NAS, NAM MKHA' LA SPYAN HRIG GE GZIGS
TE RJE BTZUN MA RJE BTZUN MA GSUNG ZHING DBU DUD DUD MDZAD PAS,
SKU MDUN PA RNAMS 'JIGS PA'I RNAM 'GYUR BYUNG BA LA KHYED RNAMS MA
'TSUB SEMS LAS

MI DGOS YI DAM GYI LHA 'DRA BA BYON PA YIN, CHOS THAMS CAD SGYU MA
DANG RMI LAM LTA BU YIN MOD GSUNG, DE DUS SLOB DPON CHEN PO BAS
LAN GSUM GYI BAR DU THUGS DAM GYI GSAL 'DEBS MDZAD DO, ,DE NAS
BSTAN PA RIN

PO CHE 'GRIB PA'I MTHAR NI SON, LUS CAN RNAMS KYI BSOD NAMS KYI DPAL
NI 'GRIBS, DKAR PHYOGS KYI NYIN BYED NUB RI'I RTZER NA LHUNG, NAG
PHYOGS KYI BDUD RIS MUN PA'I STOBS NI 'PHEL BA LA BRTEN NAS, STAG LO
ZLA BA GNYIS

PA'I YAR TSES LNGA'I NYI MA'I DKYIL 'KHOR NUB TU NYE BA'I MTSAMS SU
LONGS SPYOD RDZOGS PA'I SKU YIS GANG NAS BYON PA DE NYID DU SPRUL
PA'I SKU YIS GSHEGS PAR GYUR TO, ,LHAG BSAM RTZA BA BRTAN CING BRTZE
BA'I YAL 'DAB KUN TU G-YO, ,TSUL

@139A *, ,KHRIMS DRI BSUNG RGYAS SHING GZHAN PHAN BSIL GRIB PHYOGS
BCUR 'BAB, ,RNAM GROL 'BRAS BUS BRJID CING SKAL LDAN 'DOD LHA'I DGA'
STON DU, ,LEGS PAR 'KHRUNGS PA'I DPAG BSAM LJON PA GRE BUR NYID DU
LHUNG, ,

KYI HUD BSIL ZER CAN GYI SPUN, ,'DREN MCHOG YONGS 'DU'I LJON PA 'GYEL,
,'DOD LHA GNYIS PA'I GDUL BYA RNAMS, ,YID KYI RE BA 'BRAS MED BYAS,
,RLABS CHEN SMON LAM RTA LJANG STOBS KYIS DRANGS, ,PHUN TSOGS DGE
MTSAN BYA YI LAM NA MDZES,

LHUN GRUB 'PHRIN LAS 'OD STENG DRA BA CAN, ,'DREN MCHOG BLA MA'I
NYIN BYED DKYIL 'KHOR NUB, ,KYI HUD THUB BSTAN MKHA' YI RGYAN, ,LUS
CAN PADMO'I GNYEN GCIG MED, ,'GRO BA'I RKANG DRUG LDAN PA YI, ,DAM
CHOS SBRANG RTZI'I DGA' STON NYAMS, ,BSLAB GSUM

'DZIN MA'I KHYON DU DU MA'I 'GRO LA DMIGS PA YI, ,SHUGS DRAG SNYING
RJE'I CHU RGYUN RGYUN CHAD MED PAR 'BAB PA YI, ,DAM PA RNAMS KYI
RNAM THAR THANG 'DOD BUNG BA'I YID 'PHROG PA, ,SPYOD TSUL BZANG PO'I
'DAB BRGYA BRGYA STONG GIS MDZES RDZING BU SKAM, ,KYI HUD

DGE LEGS PADMO'I TSAL, ,BSKRUN PA'I YONGS 'DZIN RDZING BU MED, ,GDUL
BYA DANG PA'I NYER 'TSO'I GZHI, ,SGRA YI LHAG MA TZAM DU ZAD, ,DA LTAR
BDE BAR GSHEGS PA NAS BZUNG STE ME TOG GI CHAR PA DANG, 'JA' TSON KHA
DOG SNA TSOGS PA'I PHUNG PO DANG, GLING

BYIN POR SPOS KYI DRI ZHIM PO DANG, NAM MKHA' LA ROL MO'I SGRA DANG,
'OD ZER DKAR SNGON RENG BU'I DU PA TZAM GZIMS KHANG GI NANG DANG,
STENG DU KHYUG KHYUG 'GRO BA BYUNG, ZHAG BCU BZHI'I BAR DU SKU'I
MDANGS LHAG PAR GSAL BA DANG, DE NYE BAR BSDUS

@139B PA'I TSE 'ANG BYANG SEMS DKAR PO GYEN DU DANG, DMAR PO 'OG TU
GSHEGS PA RGYUD SDE NAS BSHAD PA'I RTAGS KHYAD PAR CAN BYUNG ZHING,
DE'I DUS NA BDAG NYID CHEN PO 'DI LA SANGS RGYAS DNGOS KYI 'DU SHES
DANG LDAN ZHING DAM TSIG SGOM PA RNAM PAR DAG PA'I SLOB MA 'GA'
ZHIG GIS

GSOL BA DRAG PO BTAB, RJES KYI RMI LAM DU BAD BAR GSHEGS PA'I SNANG
BA 'DUG PA'I NGANG NAS, SPYAN SNGA RIN PO CHE BYAMS MGON GYI DRUNG
DU BZHUD CES NGAG TU GSOL BA 'DEBS SHING, LUS NYAMS BABS PA SNYAM
BYED NAS 'KHRABS PA'I TSE SKU GDUNG GI DRUNG DU 'GRO SNYAM

NAS PHYIN PA NA, BUD MED GSUM GYIS GDUNG GNYER BYED CING SPOS 'BUL
BAR 'DUG PA'I BZHUGS GDAN GYI RTZA NA RIN PO CHE'I KHRI ZUNG GSUM PA
YAR MAR GYI 'PHYAD LA RIN PO CHE'I PHRA 'OD 'PHRO BAS BRGYAN PA ZHIG
'DUG PA, DGA' LDAN DU GDAN 'DREN PA'I KHRI YIN ZER PA RMIS

PA DANG, DE BZHIN DU BDAG NYID CHEN PO 'DI 'DI NAS SHAR PHYOGS KYI
'JIG RTEN GYI KHAMS SU, DE BZHIN GSHEGS PA CHOS GRAGS RGYA MTSO'I
DBYANGS KYI DRUNG DU 'BYON, DE NAS SKYE BA GSUM PA LA 'DZAM BU'I
GLING GI LHO NUB KYI PHYOGS SU 'BYOR LDAN CIG TU SKYE BA BZHES TE, SA

LAM PHAL CHER BGROD DE, DE'I SKYE BA PHYI MA LA MNGON PAR RDZOGS
PAR 'TSANG RGYA BAR 'GYUR RO, ,ZHES SGRA GRAGS PA RMI LAM DU BYUNG
ZHING GZHAN YANG, SANGS RGYAS PA'I YAB YUM MTSAN 'KHOR SKU TSE'I
TSAD SKYE BA GNYIS PA'I TSUL RNAMS NI GSAL BAR RMIS KYANG SAD PA DANG
DRAN LAM

NA GSAL BAR MA GYUR ZHES ZER RO, ,DE NAS BDE BAR GSHEGS PA'I ZLA BA
DE'I NYER GNYIS KYI NUB MO SKU GDUNG ZHUGS LA PHUL ZHING, DE'I TSE
GLING GI SPYIL BO THAMS CAD KYI STENG DU SO SO NAS MAR ME'I PHRENG
BA TSAR DU DNGAR BA PHUL BA'I 'OD KYIS MUN PA'I GO SKABS THAMS CAD
PHROGS

@140A *, ,SHING ZLA BA'I DKYIL 'KHOR SA NAS NAM MKHA' LA 'PHAGS PA LTAR
GYUR TO, ,DE'I TSE'ANG 'DAB MA'I GRANGS DANG KHA DOG GCIG TU MA NGES
PA'I ME TOG RNAMS NI BAR MTSAMS MED PAR BAB, SNGO SER DKAR DMAR GYI
KHA DOG BKRA BA'I 'JA' TSON RNAMS NI GUR

PHUB PA DANG BLA RES BRES PA BZHIN DU SNANG, DAD PA'I GDUNG SHUGS
KYIS GSOL BA 'DEBS PA'I TSE DE'I SGRA RNAMS KYIS NI SA GZHI THAMS CAD
BAR BER POR GYUR TE, ,DE NAS GANGS RI'I KHROD KYI NGUR SMRIG 'DZIN PA
RNAMS KYI GTZUG NA RGYAL MTSAN KYI TOG LTAR MTHO BO, TA DBEN BZHI

THOG PA KUN DGA' RIN CHEN PAS GTZO MDZAD PA'I DGE BA'I BSHES GNYEN
DU MAS GDAN SA RIN PO CHER PHYI NANG GI DKYIL 'KHOR DPAG TU MED PA'I
SGRUB MCHOD MDZAD CING GSOL BA 'DEBS PA DANG, SNE GDONG DANG
GONG DKAR DU'ANG DGE BA'I BSHES GNYEN DGE 'DUN DANG BCAS

PA DU MAS ZHAG MANG PO'I BAR DU SGRUB MCHOD GSOL 'DEBS MDZAD DO,
,ZLA BA DE'I NYER BRGYAD KYI NYIN TA DBEN BZHI THOG PAS GTZO MDZAD
PA'I DGE 'DUN SKYE BO'I TSOGS DANG BCAS PA KHRI PHRAG MANG PO LA THEL
SHOD KYI NANG SO GNYIS NAS PHUL DU BYUNG BA'I BSNYEN BKUR GYIS

MCHOD CING, RE BA RDZOGS PA'I SBYIN GTONG GIS TSIM PAR MDZAD PAS
THUGS KYI DGONGS PA YONGS SU RDZOGS PAR BYAS SO, ,DE NAS GNAM
STONG GI NYIN SKU GDUNG GI PHO BRANG ZHAL PHYE BA'I DUS SU RING
BSREL GYIS BYUR BUR GTAMS PAR GYUR CING, 'JA' 'OD DANG ME TOG GIS

BKRA BAR BYAS PAS THAMS CAD LA NGO MTSAR BA'I SNANG BA BSKYED PAR
MDZAD DO, ,DE NAS 'CHI MED BU MO'I LAG PA YIS, ,GTOR BAR GYUR PA'I
PADMO GZHON NU RNAMS, ,MKHA' LAS 'ONGS PAS LA 'KHRIGS PA NI, ,RAB
GSAL GANGS RI'I STOD G-YOGS NYIL BA BZHIN, ,TSIG

@140B MDA'I DBANG POS BSGRUBS PA'I DBANG PO'I GZHUS, ,NAM MKHA' ZA
'OG GOS KYI SBUBS SU BTZUD, ,SGRON MI'I 'OD TSOGS 'DUS PA'I 'OD KYI
MTHUS, ,SA GZHI ZLA BA'I 'OD KYIS BYUGS BZHIN BYAS, ,RAB MCHOG DRI YI
BSUNG GIS GLING RNAMS KUN, ,MA LA YA YI RI BO BZHIN DU GYUR, ,

'DZIN MA BCUD KYIS SPANGS PAR MTHONG BA NA, ,YID KYI DGA' BA 'KHRUGS
PAS RING ZHIG 'DAR, ,DE TSE MCHIL MAS 'GAGS PA'I MGRIN PA NAS, ,'DZER
'DZER SGRA YI TSE DE DRAG PO BTON, ,KHA CIG SA LA 'GYEL ZHING SMRE
SNGAGS 'DON, ,GZHAN DAG DRAN PA NYAMS TE G-YO

BA MED, ,THAMS CAD MYA NGAN KHANG BUR BTZUD, ,SEMS KYI BDE BA'I GO
SKABS BCOM, ,BRTZE CHEN KHYOD KYI BRTZE BA YANG, ,BDAG CAG RNAMS LA
MING DU SONG, ,MYA NGAN RI BOS SEMS LA NON PA YI, ,NYAM THAG GYUR
PA'I GNAS SKABS DE MTHONG NAS, ,SKABS GSUM PA YIS MYA

NGAN BSAL BA'I PHYIR, ,NGO MTSAR MIG GI DGA' STON BSGRUBS PA 'DRA,
,BRTZE MED LHA YI DBANG PO YIS, ,MI YI 'DREN PA SPYAN DRANGS NAS, ,ME
TOG 'JA' TSON SGYUS BRID KYANG, ,BDAG CAG DGA' BAR GA LA 'GYUR, ,YANG
NA 'DREN MCHOG BLA MAS BDAG CAG RNAMS, ,YONGS SU BZUNG

BA BTANG NAS DGA' LDAN DU, ,MI PHAM CHOS RJE'I DRUNG DU GSHEGS PA YI,
,'GYOD 'DAL KHYOD LA BYAS NA BZHAD GAD RGYU, ,DE NAS SNGAR GYI ZHAL
CHEMS KYI LUGS BZHIN, ,TA DBEN BZHI THOG PA DANG, ,BDAG PO GRAGS PA
RGYAL MTSAN PA DPON ZHANG DANG, MKHAN SLOB GYIS THOG DANGS PA'I
CHE BGRES

RNAMS KYIS ZHU BA PHUL NAS, SPYAN SNGAR RIN PO CHE BSOD NAMS GRAGS
PA ZLA BA GSUM PA'I TSES BZHI LA, CHOS KYI RGYAL TSAB TU MNGA' GSOL
ZHING, DPAG TU MED PA'I LUS CAN GYI MGOR SKYABS SU DBANG SKUR RO, ,DE
NYIN NAS GZIMS MANG GSER SGYUR DANG, TSOGS DANG GZIMS 

@141A *, ,SPYIL GYI DAR SKU BZHENGS PA'I 'GE BTZUGS SHING, GZIMS MAL
GSER SKU'I LUGS BTANG? BA'I NYIN BZO'I GRVAR 'JA' TSON KHA DOG SNA LNGA
PA ZUG PA DANG, ME TOG KHA DOG DKAR PO DANG SER PO DANG CUNG ZAD
SNGO BA 'DAB MA BZHI PA DANG, LNGA PA YU

BA CAN MANG DU BAB CING, BZO'I GNAS RNAMS MYUR DU GRUB NAS ZLA BA
BZHI PA'I YAR TSES BRGYAD LA YANG DGON DU GDAN DRANGS, DBU THOD RIL
POR BYON PA GZIMS MAL GSER SKU'I THUGS KAR BZHUGS SU GSOL TE RAB TU
GNAS PA MDZAD DO, ,DE NAS SPYAN SNGA RIN PO CHE DANG,

BDAG PO BA'I ZHAL TA'I LUGS BZHIN SKU ZHANG GRAGS PA RIN CHEN PA
DANG, SLOB DPON GRAGS LEGS PAS RTZOL BA CHEN PO DANG, BLA MA SENG
GE RGYAL MTSAN PAS ZHAL BCOS PHUN SUM TSOGS PA MDZAD PA LA BRTEN
NAS, ,GSER GYI SGO MANGS MTHO ZHING TSAD DANG LDAN PA BZO'I

ZHING? CHA RNAMS YONGS SU RDZOGS PA DGAS SU THON PA SNGON MED PA
ZHIG MYUR POR GRUB PA'I SKU'I RTEN DANG, GONG DKAR DU'ANG GSUNG GI
RTEN DU DMIGS NAS BSTAN BCOS 'GYUR RO COG DGAS SU THON PA BZHENGS
PA DANG, THUGS KYI RTEN MNGON PAR RDZOGS PAR BYANG CHUB

PA'I GSER GYI 'BUM PA CHEN PO DANG BCAS PAS CHOS KYI RJE SPYAN SNGA
RIN PO CHE'I THUGS KYI DGONGS PA RNAMS YAR NGO'I ZLA BA BZHIN DU
RGYAS PAR MDZAD DO, ,GZI BRJID RAB GSAL GZI 'OD 'KHYUG PA YI, ,PHYOGS
KUN 'GENGS PA'I PHYOGS KYI BANG RIM KUN, ,KUN NAS

MDZES SKU KUN GYIS BSKOR BA YI, ,BKRA SHIS 'OD 'BAR BKRA SHIS SGO MANGS
'DI, ,MTHONG BA'I YID RAB 'PHROG LA RGYAL BA BZHIN, ,BYIN RLABS RLABS
CHEN G-YO LA RGYA MTSO BZHIN, ,LHUN GRUB DPAL GYIS BRJID LA RI
DBANG BZHIN, ,BYED POS MDZES MDZES

@141B GCIG TU BSGRIGS PA BZHIN, ,PAD CHAL GYIS NI BUNG BA DANG, ,'OD
DKAR GYIS NI RI BONG DANG, ,SMIN LEGS GZUGS LA YID SRUBS BZHIN, ,'DI NI
'GRO BA'I YID RNAMS 'DZIN, ,'CHI MED LAM GYI SKYED TSAL DU, ,RGYU SKAR
PHRENG BAS ZLA BA BZHIN, ,NGO MTSAR RTEN GYI

PHRENG BA YI, ,DBUS NA SHIN TU MDZES PAR GYUR, ,MGON PO KHYOD KYI
MDZAD PA LA, ,LA LAS GNAS SKABS THAMS CAD DU, ,DU MA'I BLO YIS BRTAGS
PA KUN, ,KUN MKHYEN DNGOS KYI 'DU SHES THOB, ,DE LTA NA YANG SKAL
NGAN LA, ,RANG GI NYES PAS GZHAN DU SNANG, ,RNYOG

PA'I CHU LA STEN ZLA'I GZUGS, ,MED KYANG ZLA BA'I SKYON MA YIN, ,'DREN
MCHOG MCHOG TU GYUR PA SRID PA'I DPAL, ,DPAL GRAGS GRAGS PA'I GTER
DU GYUR PA GANG, ,GANG DE DE BZHIN GSHEGS PA'I ZHING GZHAN GSHEGS,
,GSHEGS SHUL SHUL BZANG

LAM DER KUN GYIS BSNGAGS, ,BYANG CHUB SEMS DPA' SEMS DPA' CHEN PO
GRAGS PA BYANG CHUB DPAL BZANG PO'I RTOGS PA BRJOD PA'I SNYAN
DNGAGS BYIN RLABS KYI LHUN PO ZHES BYA BA LAS MYA NGAN LAS 'DA' BA'I
TSUL BSTAN PA DANG, DGONGS PA YONGS SU

RDZOGS PAR MDZAD PA'I RTOGS PA BRJOD PA'I BANG RIM STE BZHI PA'O,, ,,YID
'PHROG NYAMS DANG 'GYUR BA'I RO LDAN PA'I, ,SPEL LEGS LE'U'I BANG RIM
MDZES PA'I NANG, ,DON BZANG RIN CHEN BZHI YI BRJOD BYA'I LUS, ,DBYANGS
CAN PIR GYIS BRIS

PA'I MDZES SDUG SKU, ,YONGS SU GANG BA'I RTOGS BRJOD LHUN PO CHE,
,BYIN RLABS GZI 'OD 'BAR BA'I GTZUG LAG KHANG, ,GTING ZAB PHA MTHA'
BRAL BA'I RNAM DPYOD KYI, ,BLO GROS CHU GTER CHE DER KHO BOS
BZHENGS, ,GANG DE 'DZIN MA'I KHYON YANGS YANGS

@142A *, ,PA'I RGYAL SRID SRID LA RAB BRTZE BYAMS PA'I THUGS NI DUL BA YIS,
,GANG GIS BSKYANGS PA'I GRAGS DKAR DKAR BA'I 'PHRIN LAS LAS KYIS BCINGS
PA RNAMS LA RAB MCHOG BDE BA STER, ,GANG GI MTHU YIS THUB BSTAN
BSTAN

PA'I RGYAL MTSAN MTSAN ME RGYU 'DRA'I NAG PHYOGS RNAMS KYIS MI BZOD
PA, ,GANG DU GUS PAS RAB 'DZAN? 'DZIN MA'I DKYIL 'KHOR 'KHOR LOS
BSGYUR ZHING SKYONG BA'I GSUNG GIS BSKUL BA DANG, ,DPAL LDAN BLA MA
MNYES PAR BYAS PA YI, ,GRAGS

PA BZANG POS PHYOGS RNAMS KUN KHYAB CING, ,BDE LEGS YID LA SMON
BZHIN GRUB PA DES, ,PHUN TSOGS MTHUN RKYEN SBYAR BA'I MTHU LAS YIN,
,GRAGS PA'I MTSAN CAN YONGS 'DZIN GYI, ,'KHOR LOS MTSAN PA'I ZHABS KYI
RDUL, ,GANG GI SPYI

GTZUG LA 'PHOS PA, ,DPAL LDAN DPA' BO GNYIS PA YIS, ,'DREN PA DE YI CHOS
KYI KUN SPYOD NI, ,'BA' ZHIG SNYAN DNGAGS LAM DU MTSON PAR BYAS, ,DAM
PA RNAMS KYIS MTHONG NA KHREL BA'I GZHI, ,ZANG ZING GTAM GYI SBYOR
BA 'DIR MA BKOD, ,LEGS

BSHAD DGA' STON MYONG BA'I GEGS, ,KHENGS PA DOR NAS MKHAS PA BSTEN,
,RAB 'BYAMS GSUNG RAB DON LA SBYANGS, ,TSIG RGYAN GZHUNG LA 'DRIS PAR
BYAS, ,DE PHYIR SNYAN DNGAGS GZHUNG DANG MI 'GAL ZHING, ,SNYAN
DNGAGS CHE LA RING NAS

SBYANGS RNAMS KYI, ,RNA BA'I LAM DU BDE BA STER BYED PA'I, ,RTOGS BRJOD
LHUN PO 'DI 'DRA BDAG GIS RNYED, ,PHRAG DOG ZUG RNGU'I RAB RIB KYIS,
,BLO MIG KHEBS PA DE YIS NI, ,LEGS BSHAD 'GRAN ZLA BRAL 'DI YI, ,PHUN
TSOGS JI LTAR

@142B BZOD PAR NUS, ,DE LTA NA'ANG LEGS BSHAD 'JIG RTEN DU, ,BYUNG NA
MKHAS RNAMS DGA' ZHING PHRAG DOG CAN, ,YID MI BDE BA 'PHEL BA NGANG
TSUL YIN, ,DE PHYIR DE LA BDAG GIS CI BYAR YOD, ,RGYAL SRAS BLA MA
BLTAMS PA NAS, ,ZHI BA'I DBYINGS SU

ZHUGS KYI BAR, ,RGYAL BA'I MDZAD PA RMAD BYUNG TSUL, ,SNYAN DNGAGS
RGYAN GYIS SPEL BA 'DI, ,'PHAGS PA'I YUL GYI SMRA BA'I DBANG PO MCHOG
,DPAL LDAN DPA' BO RGYA GAR NAS GSHEGS PA, ,GANGS RI'I KHROD KYI
SNYAN DNGAGS MKHAN GCIG PU, ,

BLO BZANG GRAGS PA'I DPAL DU GYUR PAS SBYAR, ,TSUL 'DIR ZHUGS LAS LAS
DKAR GANG ZHIG BSAGS PA DES?, ,DPAL LDAN BLA MA MA LUS 'GRO BA'I
SKYABS GYUR DE'I, ,DRI MED THUGS DGONGS DGONGS PA JI BZHIN RDZOGS PA
DANG, ,LUS CAN MTHA' DAG DAG PA'I

SA LA GNAS PAR SHOG ,RTOGS BRJOD LHUN NO LHUN? NO JI SRID GNAS KYI
BAR, ,BLO GSAL GZHON NU GZHON NU'I DUS NAS SBYANGS RNAMS KYIS, ,DGE
LEGS DPAG MED DPAG MED 'GRO LA STZOL BA DANG, ,BLO GROS MTHA' MED
MTHA' MED SHES BYA LA RGYAS SHOG ,BYANG

CHUB SEMS DPA' SEMS DPA' CHEN PO GRAGS PA BYANG CHUB DPAL BZANG
PO'I RTOGS PA BRJOD PA'I SNYAN DNGAGS BYIN RLABS KYI LHUN PO ZHES BYA
BA 'DI NI, MI'I DBANG PO BDAG PO RIN PO CHE GRAGS PA RGYAL MTSAN DPAL
BZANG PO'I BKAS BSKUL

ZHING, CHOS KYI RJE DE NYID KYI ZHABS RDUL GUS PAS SPYI BOS LEN PA SLOB
DPON SGOM PA GRAGS PA LEGS GRUB KYIS MTHUN RKYEN PHUN SUM TSOGS
PA BSGRUBS PA LA BRTEN NAS, BDAG DANG GZHAN GYI GRUB PA'I MTHA' RGYA
MTSO'I PHA ROL TU SON KYANG KHENGS

@143A *, ,PA BRAL ZHING, THUB PA'I BRTUL ZHUGS LA LEGS PAR GNAS PA, YUL
GANGS CAN GYI MTHAR SKYES PA'I SNYAN DNGAGS MKHAN SHAR TZONG KHA
PA BLO BZANG GRAGS PA'I DPAL GYIS, KUN TU BZANG PO'I NAGS KHROD DU
PHYIN PA'I TSE SBYAR

BA'I YI GE PA NI MDO STOD DU SKYAS PA'I BCUN PA SDE SNOD 'DZIN PA GRAGS
PA BLO GROS SO,,