` ,,SVA STI; BYANG CHUB MCHOG GI THUGS NI RAB BRTAN PAS, ,BDE BAR
GSHEGS PA'I GDUNG 'TSOB RGYAL BA'I SRAS, ,NGUR SMRIG 'DZIN PA'I DBANG
PO DAM PA KHYOD, ,MI MTHUN

PHYOGS LAS RING DU RGYAL GYUR CIG ,CES BSTAN PA RIN PO CHE MI NUB PA'I
RGYAL MTSAN GANGS KHROD KYI NGUR SMRIG 'DZIN PA'I GTZUG RGYAN DAM
PA RIN PO CHE BA'I SPYAN SNGAR ZHU BA, SKU KHAMS RIN PO CHE 'GRO BA'I
BSOD NAMS KYI ZHING DU BRTAN ZHING BSTAN PA RGYAS PA'I

'PHRIN LAS PHYOGS BCUR RGYAS PA'I THAD NAS BKA' STZAL SMAN MCHOG
LNGA BCU'I RTEN DANG BCAS PA BSKUR BA 'PHROD PAS SHIN TU YA RANGS
PAR GYUR LAGS, SO SKYE'I GDAMS NGAG GI NYAMS YOD PA CIG GIS BSGOMS
PA NA GSAL LA MI RTOG PA'I NGANG LA GNAS

PA'I TSE, GNAS CHA LA ZHI GNAS GSAL CHA LHAG MA THOD YIN NAM GSUNG
PA NI, MDO SDE DGONGS 'GREL DANG SA SDE SOGS KYI GZHUNG MANG PO
NAS LUS SEMS SHIN TU SBYANGS PA MA THOB GONG GI DGE BA'I SEMS RTZE
GCIG PA'I TING NGE 'DZIN RNAMS ZHI GNAS RJES

MTHUN PA DANG, CHOS RAB TU RNAM 'BYED KYI SHES RAB BSGOMS PA RNAMS
LHAG MTHONG RJES MTHUN PAR GSUNGS PAS ZHI GNAS MTSAN NYID BAR 'JOG
PA LA SHIN TU SBYANGS PA THOB DGOS SHING, RJES MTHUN PA DANG MTSAN
NYID PA GNYIS KA'I SKABS SU YANG MDO

@143B SDE RGYAN NAS GSUNGS PA BZHIN DU ZHI GNAS SEMS RTZE GCIG PA'I
TING NGE 'DZIN LA 'JOG CING, LHAG MTHONG CHOS RAB TU RNAM 'BYED KYI
SHES RAB LA BYA DGOS LA, ,LHAG MTHONG LA JI SNYED PA DANG JI LTA BA LA
DMIGS PA GNYIS GSUNGS PA'I PHYI MA LA NI BDAG MED PA'I

DON RTOGS PA'I GSAL CHA DGOS KYI BDAG MED KYI DON 'BYED MI NUS PA'I
GSAL CHAS MI CHOG LA, RGYUD LA GSUM DU PHYE BA'I RGYU RGYUD SEMS
KYI DE BZHIN NYID DRI MA THAMS CAD DANG BRAL ZHING ZAG MED KYI YON
TAN RDZOGS PA LA 'BRAS RGYUD DANG, NGO BO NYID KYI SKU YIN NAM
GSUNG

PA DE LTAR LAGS, SANGS RGYAS KYI SA NA JI LTA BA MKHYEN PA DANG JI
SNYED PA MKHYEN PA'I RJES THOB GNYIS GCIG YIN NAM GSUNG BA NI, YE
SHES NGO BO GCIG LA THA SNYAD SO SOR 'DOGS PA BDE, SANGS RGYAS KYI
GZUGS SKU RNAMS YE SHES MTHAR THUG GDUL BYA LA GZUGS SKUR SNANG

BA YIN NAM GSUNG BA YANG DA LTAR DU GO ,RGYAL BA'I YUM LAS 'OD GSAL
BSGOM PA DANG, RGYUD SDE RNAMS LAS ZUNG 'JUG BSGOM PAR GSUNGS PA
DE RIM PA BZHIN SPANGS PA MTHAR THUG DANG RTOGS PA MTHAR THUG DA
LTAR YIN NAM GSUNG BA NI, GSANG 'DUS NAS TSUL BZHI'I SKABS SU 'OD GSAL

DANG ZUNG 'JUG GNYIS MTHAR THUG TU BSHAD PA LA, BOD KYI BLA MA
GONG MA RNAMS DE GNYIS GANG GI MTHAR THUG YIN DPYOD PA NA DE
GNYIS SPANGS PA DANG RTOGS PA'I MTHAR THUG TU 'CHAD PAR SNANG
YANG, RGYUD DANG 'GREL BA'I DGONGS PA SEMS DE KHO NA NYID KYI MTHAR
THUG LA 'OD GSAL GYI MTHAR

THUG DANG, LUS DAG PA'I SGYU MA'I SKU YI MTHAR SLEB PA DANG, SEMS
KYANG SNGAR LTAR MTHAR THUG PA'I BDEN GNYIS KYI RDZOGS RIM GNYIS
RES 'JOG MED PAR ZUNG 'JUG GI MTHAR THUG TU GO LAGS, SEMS GSAL STONG
DU SHAR BA LA, KHAMS RANG BZHIN RNAM DAG DANG, BDE GSHEGS

@144A *, ,SNYING POR BYED DAM GSUNG BA NI, GSAL STONG GI CHOS NYID
STONG PA LA DE LTAR THA SNYAD 'DOGS PA LEGS, SANGS RGYAS KYI JI SNYED
PA MKHYEN PA'I YE SHES KYI NGOR SNANG BA NI RNAM PA 'GAG GAM SNANG
LA RANG BZHIN MED PAR 'CHAR GSUNG BA NI PHYI MA LAGS, 'OD

GSAL GYI NGANG NAS SEMS CAN SDUG BSNGAL GYIS NYEN PA RNAMS LA
SNYING RJE BRTZE LHANG SKYE BA LA STONG NYID SNYING RJE'I SNYING PO
CAN ZER RGYU YIN NAM GSUNG BA NI THEG PA CHEN PO SPYI SKAD KYI
STONG NYID SNYING RJE'I SNYING PO CAN ZHES PA DA LTA'I RNAL 'BYOR PAS
SPYOD NA, STONG NYID KYI LTA BA'I NYAMS MYONG BRTAN

PO'I RTZI MA ZHIG PAR, SEMS CAN LA SNYING RJE CHEN PO SKYE BA LA BYA
DGOS LA, GSANG SNGAGS BLA MED NAS STONG PA SNYING RJE DBYER MED
BSHAD PA PHAL MO CHE KHAMS GNYIS KYI ZHU BDE LA BRTEN NAS DE KHO
NA NYID KYI DON RTOGS PA'I BDE STONG DBYER MED LA BKRAL BA MANG BAS,
'DI DANG SNGA MA

GNYIS KA 'TSAL BA LAGS, DRI BA'I LAN TSIG NYUNG LA GO BDE BA GYIS GSUNG
PA GDA' BAS, RANG RE'I GO TSOD MDO TZAM GSOL BA MA GTOGS, LUNG RIGS
KYI SHES BYED MANG PO MA BKOD PA LAGS, BKA' SHOG KHAR SANG SNGA
RABS NAS MDZAD 'DUG KYANG, 'DIR DGUN GZHUG KHA MIN

PA MA 'PHROD, DE NAS BREL BA 'GA' ZHIG GIS 'GYANGS PAS, DA BAR DU MA
GRUB PA CHED CHUNG BGYIS PA MA LAGS PAS THUGS KYI MI BAS PAR ZHU,
SKYE DGU'I PHAN BDE BSTAN PA LA RAG LAS SHING, BSTAN PA RING DU GNAS
PA LA NYID LTA BU'I BSHES GNYEN DAM PA RNAMS 'JIG

RTEN NA RING DU ZHABS BRTAN PA LA RAG LAS PAS, SKU KHAMS YUN RING
DU BZANG BA'I RTEN 'BREL SGO DU MA NAS ZHU, SLAD NAS KYANG SKU
KHAMS RIN PO CHE 'GRO BA'I BSOD NAMS KYI ZHING DU ZHABS BRTAN PA'I
THAD NAS LEGS PAR BSHAD PA'I 'BEL BA'I GTAM GYI DGA' STON LA

@144B LONGS SPYOD PAR SMON LAGS, 'DI RIN PO CHE RGYAL DBANG PA LA
MJAD PA'O,,