@07B SVA STI, STON ZLA RGYAS PA'I DPAL LAS LHAG PAR MDZES, ,TSANGS
DBYANGS SNYAN PA'I GDANGS KYANG ZIL GYIS GNON, ,ZAB YANGS RGYA
MTSO'I GTING LAS DPAG DKA' BA, ,DBYANGS CAN LHA MO'I SKU GSUNG THUGS
LA 'DUD, ,'O MA'I RGYA MTSE KUN NAS 'KHYIL BAR

DANG MO'I PHANG PHUNG CHAS PA'AM, ,GANGS RI SHIN TU MTHO BA'I TOG
LA ZLA 'OD ZHU BA 'BAB 'DRA YI, ,GANG SKU YID LA DRAN PA TZAM GYIS 'GRO
LA SPOBS PA MCHOG STZOL BA, ,SGRA DBYANGS LHA MO RKANG DRUG LDAN
DE BDAG BLO'I PAD MTSOR ROL PAR MDZOD, ,GANG ZHIG RGYA CHEN TSOGS

GNYIS RGYA MTSO BSRUBS PA'I DPAL LAS LEGS 'KHRUNGS SHING, ,MTHA' YAS
YON TAN NOR BU'I RANG BZHIN GDUL BYA LHA MANG NYER 'TSO'I GZHI, ,RIM
GNYIS NYI ZLA'I SKA RAGS DANG LDAN SKYE DGU'I GLING BZHI'I DBUS NA
BRJID, ,DPAL LDAN BLA MA LHUN PO MCHOG DE

BSNGAGS LA SU ZHIG BTANG SNYOMS BYED, ,GANG GIS RAB RGYAS SDE BZHI'I
LUNG DANG SHIN TU MDOR BSDUS KA RI KA, KA MA LA LTAR DAG PA'I YID KYIS
LHUR BLANG CHOS GOS GUR KUM KHA, ,KHA DOG MDZES PAS KUN NAS KLUBS
PA'I SKU NI BANDU DZI BAG ,GNAS BLTAS KYANG

BRJID PA JI BZHIN 'GRO MANG DBUS NA NYAM MING, ,NGA YI GTZUG GI RGYAN
GYUR BLA MA MCHOG DES 'GRO LA DGE LEGS STZOL, ,KHENGS DANG DREGS
PA'I RGOD PA GANG GIS SKYED PAR BYED PA'I RGYAN RNA CA, ,CA CO BAG
MED SPYOD TSUL RING DU DOR BA KHYOD KYI GRAGS PA'I CHA, ,CHA SHAS

PHYOGS RNAMS KUN TU KHYAB CING DAM PAS BSNGAGS PA'I SHING LO'I JA,
,JA SOGS RNAM DAG 'TSO BAS CHOG SHES GYUR PA KHYOD SKU BCO LNGA'I
NYA, ,NYA RGYAS RGYU SKAR KHROD NA JI BZHIN 'PHRIN LAS 'OD KYIS
PHYOGS KUN KHYAB, ,GSUNG RAB ZAB MO'I DE NYID JI BZHIN LAGS PAR

@08A *, ,'BYED LA PAndITA, ,T'A RES RJES BZUNG LUS CAN RE BA RDZOGS PAR
SKONG LA A'A SHVAD THA, ,THA DAD 'DZIN PA NYE BAR ZHI BA KHYOD THUGS
ZUNG 'JUG THA MI DAD, ,DA LTA KHYOD SKU DUL BAS GZHAN YID RAB TU
PHROGS PA 'DI MTHONG NA, ,NA TSOD SONG SONG RING NAS DUL

BA'I DRANG SRONG RNAMS KYANG SPA BKONG 'GYUR, ,RMAD BYUNG RGYAL
BA'I RNAM THAR TSUL LA SKU TSE SNGA MAR LEGS SBYANGS PA, ,PA RA MI TA'I
SPYOD TSUL LHUR LEN LUS CAN RJES SU 'DZIN PA'I PHA, ,PHA MTHA' BRAL BA
ZAB MO'I MKHA' LA MKHYEN PA'I NYI 'OD KYIS KHYAB PA, ,BA MO'I

MDANGS LTAR DKAR BA'I THUGS RJES 'GRO BA KUN LA SNYOM PA'I MA, ,MA
LUS SRAS BCAS RGYAL BA'I MKHYEN BRTZE GCIG TU BSDUS LA GUS PAS 'DUD,
,KHYOD NI LE LO'I MTSON GYIS MI PHIGS BRTZON 'GRUS MCHOG GI KA BA TZA,
,TZA RI DANG MTSUNGS GNAS 'DIR

BSGOMS NAS LUS LA GNOD PA'I GRANG DANG TSA, ,TSA GRANG SDUG BSNGAL
KHYAD DU BSAD CING 'GRO GDUNG SEL LA KA RAN DZA, ,DZA LA DREGS LDAN
CHER RLOM RNAMS KYANG NYID KYI GAM NA SROG CHAGS WA, ,WA SKYES DU
MAS BSKOR YANG RI DVAGS DBANG PO'I DRUNG NA ZHUM BZHIN 'GYUR,,

LHAR BCAS 'GRO BA DU MA'I RAB DANG YID KYI BSTENG 'OG ? SKYE DGU'I
ZHVA, ,ZHVA BZANG TOG LTAR KUN GYIS BKUR YANG MI G-YENG TING 'DZIN
ZAS SU ZA, ,ZA MA NOR LA SRED PA DOR ZHING RTZE GCIG ZHI GNAS LHAN
NE 'A, ,'A CAG 'GRO BA'I SKYABS GCIG TSUL KHRIMS DRI BZANG DANG LDAN

MA LA YA, ,YA MTSAN DU MAS MNGON PAR MTHO BA KHYOD LA SU ZHIG 'DUD
MI BYED, ,KHYOD KYI THUGS LA BRKAM DANG KHRO BA JI BZHIN RI BONG
MGO NA RVA, ,RVA YI MING KYANG MI DMIGS JI BZHIN KUN NAS SPANGS PA
KHYOD SKU LA, ,LA LAS REG DANG MTHONG DANG THOS PA GANG YIN DE

@08B YANG LUS KYI SHA, SHA RUS GTING NAS DAD PA'I SPU LONG G-YO BA
MED DE SEMS MED SA, ,SA STENG 'GRAN ZLA BRAL BA KHYOD NI 'GRO BA'I
DPAL DU BRTAN GYUR CIG ,BHO tA'I YI GE SUM CU'I BYA DKA' MKHAS PA'I DGA'
SKYED GAD RGYANGS HA, ,HA HA ZHES SGROG NGO MTSAR GNAS 'DI

KA NAS BRTZAMS TE THA MA'I AA, ,AA YIG BAR DU THOG THA' TSUL GYIS RJES
KHRID RGYAN DU BYAS PA 'DI, ,'DI PHYI'I SKYABS GYUR BLA MA MCHOG GI
YON TAN CHA TZAM BSGRAG PHYIR BKOD, ,BKOD PA'I DGE DES GRAGS PA'I
GZHIR GYUR BYANG CHUB MCHOG DE THOB PAR

SHOG ,CES MI 'PHREGS PA'I MKHYEN RAB DANG THUGS RJE GCIG TU BSDUS PA'I
MNGA' BDAG LHA DANG BCAS PA'I 'GRO BA DU MA'I DBUS NA RGYAL MTSAN
GYI RTZE MO LTAR MNGON PAR MTHO BA CHOS KYI RJE GRAGS PA BYANG
CHUB DPAL BZANG PO'I CHE BA'I YON TAN RGYA

MTSO LTA BU LAS CHU THIGS TZAM ZHIG BLANGS TE BYA DKA' BA'I TSUL GYIS
SBYAR BA 'DI NYID CHOS RJE DE NYID KYI ZHABS KYI RDUL SPYI BOS MANG DU
REG PA'I SNYAN DNGAGS MKHAN SHAR TZONG KHA PA BLO BZANG GRAGS PA'I
DPAL GYIS SBYAR BA'O,,