` ,,NA MO GU RU MANYDZU GHO sh'A YA, KUN GYI MA 'DRIS MDZA' BSHES TE,
,BLA NA MED PA'I GROGS KYI PHUL, ,PHONGS PA RNAMS KYI GNYEN GCIG PU,
,ZLA MED STON

PA DER PHYAG 'TSAL, ,DE YI BSTAN PA GCIG PU NYID, ,'GRO BA'I NYER 'TSOR
MTHONG GYUR PA, ,DE YIS RANG GI SLOB MA LA, ,BRTZE BA'I BSAM PAS 'DI
SKAD GLENG, ,SKYE DGU RNAMS KYI PHAN BDE'I GTER, ,RGYAL BA RNAMS KYI
DAM PA'I CHOS, ,YONGS SU

'DZIN LA MA ZHUM PA, ,BU KHYOD RING DU RGYAL GYUR CIG ,BLO LDAN
KHYOD KYIS THUB BSTAN NYI MA'I 'OD, ,GANG DANG BRAL BA'I MTHA' 'KHOB
MUN GLING DU, ,THUB PA'I BRTUL ZHUGS DRI MED 'DZIN PA YI, ,SH'AKYA'I
SRAS KYIS GANG BAR BYAS ZHES GRAGS, ,

TSUL DE GSAL BAR BYED PA'I 'PHRIN YIG NI, ,DON BZANG TSOGS 'BRU BZANG
PO SKYES DANG BCAS, ,NYID KYI DRIN GYIS KHYIM NAS MNGON BYUNG BA,
,'GA' YIS BDAG GI GAM DU PHYIN PAR BYAS, ,DE TSE BDAG YID SHING BAL NI,
,NYID KYI KUN SPYOD

SKYON MED PA'I, ,DRI YI BZHON PAS DBANG BYAS PAS, ,PHYOGS DER KUN TU
SONG BAR GYUR, ,RGYAL BA'I GSUNG RAB MA LUS SDE SNOD GSUM, ,DE PHYIR
BSTAN PA'I SNYING PO BSLAB PA GSUM, ,DE DAG THOG MA TSUL KHRIMS BSLAB
PA STE, ,DE YI GNAS

@192A *, ,NI 'DUL BA YIN PAR GSUNGS, ,DE PHYIR LEGS PAR GSUNGS PA'I DAM
PA'I CHOS, ,'DUL BA'I TSUL LA MANG PO BKOD PA LA, ,BSTAN PA'I GO RIM SHES
PA'I MKHAS PA RNAMS, ,CI YI PHYIR NA DGA' BA SKYE MI 'GYUR, ,LHAG
MTHONG SHES

RAB BSLAB PA SKYE BA LA, ,ZHI GNAS TING 'DZIN DGOS PA'I MING TZAM
SNANG, ,'DI NA RNAM DAG TING 'DZIN SKYE BA LA, ,TSUL KHRIMS BSLAB PA
DGOS PA'I GTAM YANG NUB, ,KHAS LEN TZAM LA RAB TU DPA' BA YIS, ,DAM
BCAS RAB TU 'DOR BA PHAL

BA'I PHAL, ,RANG GIS CI TZAM KHAS LEN BYAS PA YI, ,TSUL KHRIMS BSRUNG LA
BRTZON PA DAM PA'I TSUL, ,DE LTAR MTHONG NAS NYES PA'I SGO GSUM LA,
,YANG DANG YANG DU RTOG PA'I SHES BZHIN DANG, ,DRAN DANG BAG YOD
NGO TSA KHREL YOD KYI, ,LOG

PA'I LAM DU ZHUGS PA'I DBANG PO'I RTA, ,'BAD PAS 'DUL BAR BYED PA DE YI
YID, ,DGE BA'I DMIGS PA GANG GANG 'DOD DE LA, ,DE LTA DE LTAR RAB TU
GNAS PAR GYUR, ,DE PHYIR TSUL KHRIMS TING 'DZIN RGYU RU BSNGAGS,
,'CHAL KHRIMS DRI MA'I RNYOG

PA DANG BRAL ZHING, ,DGE BA'I DMIGS PA RNAMS LA MI G-YO9N, ,DE LA
BDAG MED DE NYID RAB TU GSAL, ,DVANGS SHING MI G-YO'I CHU LA ZLA
GZUGS BZHIN, ,DE LTAR BSLAB PA GSUM GYI LAM GYI GNAD, ,YONGS SU
RDZOGS PAR SHES PA SDE SNOD

GSUM, ,SHES PA NYID LA RAG LAS DE YI PHYIR, ,MKHAS PA BSTEN NAS SDE
SNOD GSUM LA BSLAB, ,BSLABS PA'I DGOS PA SGRUB PA NYID YIN ZHES, ,SMRA
BA'I DAM PAS LAN CIG MIN PAR GSUNG, ,DE PHYIR JI TZAM SHES PA DE TZAM
NAS, ,PHYI BSHOL

@192B MI BYA 'PHRAL LA LAG TU BLANG, ,DE DAG NI TSUL KHRIMS LAM GYI
RTZA BAR 'GYUR BA'I RGYU MTSAN MDO TZAM BKOD PA YIN PAS DE DAG LA
GCES PAR BZUNG NAS YANG DANG YANG DU CHOD MDZOD, ,KHYOD KYIS
MTHA' 'KHOB MI BZAD PA DER, ,RAB TU BYUNG BA MANG PO'I SDE

GTZUGS SHING 'DUL BA'I BSHAD PA YANG BYED PAR YOD GDA' BA SHIN DU
LEGS PA YIN, ,SDOM PA LEN PA LA GTZO BOR BYAS NAS BSRUNG BA DANG,
PHYIR 'CHOS PA'I LAG LEN MA TSUGS NA, ,TSUL KHRIMS DAG PO 'ONG THABS
MED PAS, DA DER NYES PA RNAMS NGO

SHES PAR BYAS NAS LEGS PAR BSRUNG BA CIG DANG, MI SHES PA LA SOGS PA'I
RGYU BZHIS BCAS PA'I MTSAMS LAS 'DAS NA, BSHAGS BSDAMS BYED PA'I PHYIR
BCOS KYI LAG LEN CIG CI NAS KYANG TSUGS PA GYIS LA LTUNG BA BYUNG BA
LA JI MI SNYAM PAR 'JOG

PAR MA BYED PAS NAM BYUNG RES KYIS PHYIR BCOS GYIS DANG, NGO TSA
KHREL YOD DRAN SHES BZHIN SOGS SKYES NAS TSUL KHRIMS YONGS SU DAG
PAR 'GYUR BA YIN, DE LA YANG SPYIR DGE BA DANG MI DGE BA LAS PHAN YON
'BYUNG BAR GSUNGS PA RNAMS GRONG KHA 'DINGS PA LTA BU

DANG, NYES DMIGS 'BYUNG BAR GSUNGS PA RNAMS BSDIGS BSKUR BA LTA BUR
MI 'DZIN PAR GTING THAG PA NAS NGES PA 'DRONGS PA ZHIG DANG, KHYAD
PAR DU TSUL KHRIMS BSRUNGS PA DANG MA BSRUNGS PA'I PHAN YON DANG
NYES DMIGS MANG DU BSGOMS NAS NGES PA RNYED

PA ZHIG DGOS PA YIN, DE LTAR MA BYAS NA GZHAN NGO 'AM RNYED BKUR
GYI PHYIR DU BSRUNG BA ZHIG 'ONG BAS GNAD DU MI 'GRO, ,DE JI LTA BA
BZHIN DU SGRUB PA'I GEGS NI TSE 'DI'I BYA BA LHUR LEN PA YIN LA, DE YANG
TSE 'DIR RING DU SDOD PAR MTHONG BA LAS YIN ZHING

@193A *, , DE'I GNYEN POR GANG LAS KYANG 'CHI BA DRAN PA ZAB PA YIN PAS
'CHI BA YANG YANG DU BSGOM DGOS PA LAGS, MDOG NA LAS 'BRAS MI SLU
BA THAMS CAD MKHYEN PA'I KHYAD CHOS YIN PAS, DRAN PA NYER GZHAG
,LAS BRGYA PA, RTOGS BRJOD

BRGYA PA, MDZANGS BLUN, LUNG GI RGYUD GLING RNAMS DANG, GZHAN
YANG MDO DANG BSTAN BCOS MANG DU BLTAS NAS LAS 'BRAS LA NGES PA CI
BRTAN BYAS TE, NGAN PA'I LAS SNGAR BSAGS PA RNAMS STOBS BZHIS 'DAG
NGES SU SBYONG BA DANG, GSAR DU 'JUG

PA'I SGO RNAMS 'PHRO CHOD NGES SU SDOM PA DANG, BZANG PO'I LAS
SNGAR BYAS RNAMS SMON LAM RLABS PO CHES RGYA CHER SPEL BA DANG,
SNGAR MA SKYES PA RNAMS PHYOGS RE TZAM GYIS CHO GA SHES MI BYAS BAR
SGO SNA TSOGS NAS BSKYED DGOS PA YIN, DE DAG CI

'DRA ZHIG BYED KYANG DNGOS SAM CHA MTHUN TZAM YIN KYANG BLA'I,
BYANG CHUB KYI SEMS SHIG GIS ZIN PAR BYAS NAS BYED PA GNAD DU CHE BA
LAGS, RGYAL BAS MDO RGYUD DU MAR BSNGAGS PA'I STONG PA NYID KYI LTA
BA NI MTSAN MAR 'DZIN PA'I DMIGS GTAD THAMS

CAD 'JIG PAS, YOD PA DANG MED PA'I MTHA' SPONG LA, LAS DANG 'BRAS BU
LA NGES PA GTING NAS RNYED PA'I GROGS BYAS NAS, DGE MI DGE PHRA MO
NAS 'DOR LEN BYED PAS YOD PA DANG CHAD PA'I MTHA' SPONG BA ZHIG YIN
NA, ,SEMS CAN PHAL CHER YANG

NA NI STONG PA GSHIS LA GRUB PA'I RTAG PA DANG, YANG NA NI KUN RDZOB
KYI RNAM GZHAG THAMS CAD 'JIG PA'I CHAD PAR 'DZIN PA ZHIG 'ONG BAS
SHIN DU RTOGS PAR DKA' ZHING, RTOGS NA'ANG STON PA'I SNOD DU GYUR
PA SHIN TU NYUNG, DE BAS NA GNAS 'DI LA

@193B MOS PA NI, DE RTOGS PA'I RGYU BSAG SBYANG DANG, SMON LAM MANG
DU BYA ZHING DE LA MKHAS PA'I BSHES GNYEN BSTEN PA DANG, DE'I GZHUNG
LA 'DRIS PAR BYA ZHING, CUNG ZAD TZAM LA CHOG TSOD MI GZUNG BAR SO
SOR RTOG PA'I SHES RAB KYIS DPYAD PA ZHIB PAR BYA

STE 'TSOL DGOS PA YIN, DE LTAR NA BSHAD MA THAG PA RNAMS KYI DON
SGOM PA DANG 'CHAD NYAN SPEL MAR MDZAD NA GO PA'I NGES PA CHER
'GRO BA DANG, NYON MONGS KYI GNYEN POR 'GRO BA GNYIS KA 'ONG BA
LAGS PAS DE BZHIN DU BGYID PAR ZHU, GCIG

TU BDE GSHEGS BSTAN LA GUS, RNAM DPYOD NUS PA MI DMAN ZHING, ,SKYES
BU CHEN PO'I RJES SU SLOB, ,BLO LDAN NGAG DBANG GRAGS PA KHYOD, ,KHO
BOS SMRAS PA'I RJES SU ZHUGS SHIG DANG, TSE RABS KUN TU SPYOD DANG
SMON LAM KUN, ,MTSUNGS PAR SPYAD

DE NAM ZHIG SANGS RGYAS TSE, ,BDUD RTZI'I BGO BSHA' THOG MAR SBYIN
PAR BYA, ,ZHES PA 'DI NI YANG DAG PA'I DGE BA'I BSHES GNYEN TSA KHO BA
MKHAS CHEN NGAG DBANG GRAGS PAS, SHAR RGYAL MO RONG DU SNGON
MED PA'I RAB TU BYUNG BA'I SDE KHYAD PAR

CAN BTZUGS NAS PHRIN YIG SPRINGS BYUNG BA'I LAN DU MANG DU THOS PA'I
DGE SLONG BLO BZANG GRAGS PA'I DPAL GYIS, AE'I SA PHYOGS DBEN GNAS
TE'U RA NAS SPRINGS PA DGE LEGS SU GYUR CIG ,