` ,,AOm BDE LEGS

SU GYUR CIG ,RIG GNAS RGYA MTSO'I PHA ROL SON GYUR PAS, ,GSUNG RAB
NOR BU'I GLING LA MNGA' SGYUR ZHING, ,SNYAN GRAGS KUN GYI RNA BA'I
RGYAN GYUR PAS, ,NGO MTSAR BSNGAGS PA'I GNAS GYUR SA SKYA PA,
,MKHYEN PAS SHES BYA KUN GYI DE NYID GZIGS,,

BRTZE BAS LEGS BSHAD DGA' STON 'GRO LA STZOL, ,MDZAD PAS RGYAL BA
MNYES PA 'BA' ZHIG SGRUB, ,MTSAN NAS BRJOD PAR DKA' BA KHYOD LA 'DUD,
,KHYOD NI BLO GROS DRI MA MED, ,MU MTHA' BRAL BA'I SHES BYA LA, ,LHA YI
LAM LA 'OD STONG BZHIN, ,

@09A *, ,'JUG PAR MTHONG TSE BDAG GI YID, ,YA MTSAN GYUR NAS DE YI DPER,
,'JAM PA'I DBYANGS KYI MKHYEN PA BTZAL, ,DE NAS DE GNYIS DBYER MED PAR,
,MTHONG BAS BDAG GI DBE MA RNYED, ,RAB 'BYAMS RGYAL BA'I YE SHES 'JAM
PA'I DBYANGS, ,RAB DKAR

GANGS RI'I LJONGS SU 'GRO RNAMS KYI, ,RAB MDZES GTZUG GI RGYAN DU
BYON GYUR NAS, ,RAB RIB MA LUS SAL BA'I SA SKYA PA, ,MA LTAR BRTZE BA'I
THUGS RJES LUS CAN KUN, ,SRID LAS SGROL BA'I THABS LA SHIN TU DGA',
,MKHYEN BRTZE'I DPUNG GIS BDUD SDE'I DPUNG BCOM

NAS; ;BSTAN PA'I RGYAL MTSAN 'DZIN PA KHYOD LA 'DUD, ,KHYOD KYIS THUB
BSTAN NOR BU YI, ,DRI MA RIGS PA'I CHU YIS BKRUS, ,YID CHES LUNG GIS BYI
DOR BYAS, ,SGRUB PA'I RGYAL MTSAN RTZE RU MCHOD, ,NYIN MTSAN DUS NI
THAMS CAD DU, ,BSTAN PA 'BA' ZHIG DGONGS

PA KHYOD, ,SNYIGS DUS 'GRO BA SKYABS MED LA, ,RGYAL BA BAS KYANG
THUGS RJE CHE, ,THA SNYAD GTZUG LAG NANG GI SDE SNOD KYI, ,BDE GSHEGS
DGONGS PA THAMS CAD LEGS RTOGS NAS, ,MA RTOGS PA DANG PHYOGS RES
TSIMS PA DANG, ,JI BZHIN MIN PAR RTOG PA'I 'GRO BA

LA; ;LHAG PAR BRTZE BA SKYES NAS YIN LUGS DON, ,RNAR SNYAN YID 'BAB GO
BAR SLA BA YI, ,SKYON SPANGS GSUNG GIS YANG YANG 'DOMS MDZAD PA,
,KHYOD LA BSAM PA DAG PAS BDAG PHYAG 'TSAL, ,SA STENG 'GRAN ZLA BRAL
BA CHOS KYI RJE, ,SHES BYA KUN LA THOGS MED

'JAM PA'I DBYANGS, ,GNAS LNGA MNGON GYUR PA'I PAndITA, ,GANGS CAN 'GRO
BA'I SKYABS GCIG SA SKYA PA, ,NYIN MTSAN KUN TU GUS PAS GSOL BA 'DEBS,
,SKYE NAS SKYE BAR MTSAN DPE'I GZI 'BAR BA, ,KHYOD SKU MTHONG ZHING
THEG MCHOG SGROG PA YI, ,KHYOD GSUNG RGYUN

@09B CHAD MED PAR THOS PAR SHOG ,CES PA 'DI RGYUD SDE 'DZIN PA YAR
KLUNGS PA SENG GE RGYAL MTSAN PAS BSKUL BA'I DON DU CHOS RJE DE NYID
LA MI PHYED PA'I GUS PA DANG LDAN PA SHAR TZONG KHA PA BLO BZANG
GRAGS PA'I DPAL GYIS MON MKHAR BKRA SHIS GDONG DU SBYAR BA',,