` ,,THUGS RJE'I ZEGS MA'I CHA SHAS ZHUGS PAS KYANG, ,GSUNG RAB RO
MCHOG MYONG BA'I DPAL STER BA, ,'JAM DBYANGS BLA MA'I RNAM DKAR
'PHRIN LAS KYIS, ,RNAM DPYOD LDAN PA'I BU KHYOD RGYAL

GYUR CIG ,RGYA BA LA BOD KYI MTSAMS GNAS SKYID PA'I GRONG, ,RANG BYON
'PHAGS PAS BYIN BRLABS SA YI PHYOGS, ,DER NI 'GRAN ZLA BRAL BA'I BSHES
GNYEN MCHOG ,RGYA CHEN CHOS KYI SPYAN LDAN RED MDA' PA'I, ,ZHABS KYI
DRUNG NA NYER GNAS MANG RA BA, ,

@198B SDOM BRTZON MANG THOS YON TAN RGYAL MTSAN GYIS, ,DON LDAN
SNYAN PA'I 'PHRIN YIG SPRINGS PA YIS, ,BDAG GI YID NI RAB TU MGU BAR BYAS,
,LEGS BSHAD TSOL LA SNYING STOBS MI DMAN PA'I, ,DPA' KHYOD DAM PA LAS
'ONGS LEGS BSHAD GTAM,

SNGON MED 'GA' ZHIG RNYED CING DA DUNG YANG, ,MDO SNGAGS GTAM GYI
SNYING PO 'GA' YI PHYIR, ,DE NA RING DU SDOD CES SMRA BA LEGS, ,CI PHYIR
ZHE NA GSUNG RAB GNAD KYI DON, ,JI BZHIN NGES NAS ZHI BA'I NAGS SU NI,
,TSUL BZHIN SGRUB LAS YA MTSAN

GZHAN MED PHYIR, ,DE NAS KHA CHE BAL POR LEGS SBYAR SKAD, ,SLOB TU
'GRO ZHES SMRA BA SEMS CAN GYI, ,KHAMS RNAMS DU MA YIN PAS DE TZAM
GYI, ,DBANG DU GTONG NA DE LA SUS CI BYA, ,DE LTA MIN NA DON CHEN
SGRUB PA'I LAM, ,YAL BAR DOR NAS DON CHUNG

LHUR LEN PA, ,DGAG BYA CHE LA DGOS PA CHUNG BA'I GNAS, ,BLO GROS MA
SBYANGS PAS KYANG RING DU 'DOR, ,BDAG KYANG DGE LDAN RI BO'I NGOS
YANGS SU, ,RNAM G-YENG DOR NAS DBEN PA'I RO MYANG ZHING, ,MDO
SNGAGS LAM GYI MTHAR THUG GNAS RNAMS LA, ,SGOM

PA'I RTZOL BAS GLO BA DGA' ZHING MCHIS, ,DPAL LDAN BLA MA BDE ZHING
DGYES PAR SPYOD, ,ZAB MO'I DGE BA'I SBYOR BA 'PHEL ZHES PAS, ,YID LA DGA'
BSKYED RING POR MA THOGS PAR, ,ZHU BA'I 'PHRIN YIG SPYAN SNGAR 'BUL
BAR YOD, ,RIGS PA'I LAM

LA BYANG BA'I BLO MCHOG DANG, ,GSUNG RAB GDAMS PAR SHAR BA'I NYAMS
LEN DANG, ,TSIG SBYOR TSUL LA MKHAS PA'I NGAG GI DPAL, ,SA STENG 'DI NA
RIN CHEN RNAM GSUM SNANG, ,YON TAN DU MA'I GTER 'DZIN PAS, ,RGYAL
MTSAN TOG LTAR

@199A *, ,MNGON MTHO BA, ,KHYOD KYIS MNGON PAR 'DOD PA'I DON, ,THAMS
CAD YID BZHIN GYUR ZHIG GU ,ZHES ZLA BA BCU GNYIS PA'I TSES DRUG LA
'BROG RI BO CHE DGE LDAN RNAM PAR RGYAL BA'I GLING NAS, BLO BZANG
GRAGS PA'I DPAL GYIS SMRAS PA DGE LEGS SU GYUR

CIG ,