` ,,AOm BDE LEGS SU GYUR CIG ,RMAD BYUNG LEGS BSHAD SKYES KYIS NI, ,DAM
PA'I YID RAB 'PHROG PA LTAR, ,TZANDAN LJON PA DRI BZHON GYIS, ,BSKYOD
PA'I BSUNG GIS DE LTA MIN, ,DE PHYIR MKHAS PA'I MGRIN PA'I RGYAN, ,NGAG

GI DPAL STER DBYANGS CAN LA, ,GUS PAS 'DUD DO BCOM LDAN MA, ,TSIG GI
MCHOD SBYIN RGYAS PAR MDZOD, ,CHU GTER BZHI YI SKA RAGS CAN, ,SA
CHEN 'DI YI LHO PHYOGS KYI, ,RGYAL PHRAN DU MA'I SPYI GTZUG NA, ,GANG
GI BKA' LUNG NGAL BSO BA, ,'DZAM GLING SA YI

@199B THIG LE TA MING ZHES, ,YONGS SU GRAGS PA'I SNYAN PAS PHYOGS KUN
GYI, ,SKYE DGU'I RNA BA'I RGYAN DU BYAS PA DES, ,ZHABS RDUL 'OD 'BAR
GTZUG RGYAN BZHIN MDZAD PA, ,DE NI DPAL LDAN THUB PA'I RING LUGS PA,
,'GRO BA'I YON GNAS BLA NA MED PA'I ZHING, ,SNYIGS DUS 'GRO BA'I RE

SKONG DPAG BSAM SHING, ,MGON KHYOD BSOD NAMS ZHING DU ZHABS
BRTAN CIG ,DE LTAR 'DOD PA'I LHA LA PHYAG 'TSAL BA DANG SKABS SU BAB
PA'I SHIS PA BRJOD PA'I NGAG SNGON DU BTANG NAS RNAM PAR DKAR BA'I
DGE LEGS GSER GYI SA GZHI CHEN PO'I KHYEN LAS

NI 'KHRUNGS, ,THABS LA MKHAS PA'I BSDU BZHI'I BANG RIM GDUL BYA'I NYER
'TSO'I GNAS DAM PAS NI MDZES, ,DPAL DANG 'BYOR BA'I RLABS KYI PHRENG BA
CHAL CHIL G-YO BA'I RGYA MTSO CHEN PO'I DBUS NA PHYOGS THAMS CAD
LAS RNAM PAR RGYAL BA'I TSUL GYIS

LHAM ME LHAN NE LHAD NGER BZHUGS PA'I RI'I DBANG PO GNYIS PA DE'I
SPYAN SNGAR ZHU BA NI, GANGS RI'I KHROD PA DANG, RGYA NAG PO'I 'GRO
BA DU MA'I MTHO RIS DANG BYANG GROL GYI LAM LTA BA'I BLO GROS KYI MIG
LEGS PAR BSHAD PA'I GTAM GYIS YONGS SU SBYANGS NAS

SLAR YANG SKU LA SNYUN MED PAR, DBUS KYI PHYOGS SU PHEBS PA'I GTAM
GLENGS PA YANG DANG YANG DU THOS PAS YID KYI SHING BAL DGA' BA'I
RLUNG GI SHUGS KYIS KUN NAS BSKYOD PAR GYUR TO, ,DE LTA BU'I SKABS SU
'PHAGS PA RNAMS NI MTHONG NA BDE, ,DAM PA RNAMS

DANG 'GROGS PA BDE, ,ZHES JI SKAD GSUNGS PA BZHIN, ,SKU YI RGYAL MTSAN
LTA BA'I PHYIR DU, NYID KYI GAM DU LHAGS PAR RIGS NA'ANG, LO KHA CIG
GI RING LA RI MI 'BAB KYI DAM BCA' BRTAN PO ZHIG BGYIS NA SHIN TU DGA'
BAR MTHONG NAS YES LO'I

@200A *, ,DPYOD STOD NAS, DE 'DRA BA'I YI DAM BRTAN PO ZHIG BGYIS PA'I
GZHAN DBANG DU GYUR PAS RE ZHIG LA MJAL BAR RNGO MA THOG MOD,
,'ON KYANG LUS NI RING NA GNAS NA YANG, ,SEMS DAG MDZA' BA MI NYAMS
TE, ,DPAG TSAD DU MA'I BAR GNAS PA'I, ,

PADMO'I GNYEN DANG PAD TSAL BZHIN, ,SKABS KYI DON NYE BAR BSDUS TE
ZHU BA NI, ,SKYE DGU'I BDE LEGS 'BYUNG BA'I SGO GCIG PU, ,THUB BSTAN
RGYAS PA'I KHUR CHEN 'KHYER BA LA, ,NYID LAS MTHU CHEN GZHAN 'GA' MA
MCHIS PAS, ,TSUL DER BRTZON PA'I

RGYAL SRAS SPYOD PA LA, ,BDAG 'DRAS GSOL BA BTAB LA LTOS CI 'TSAL, ,'ON
KYANG YID 'PHROG DMAR SER LI KHRI'I MTSOR, ,NYI MA GZHON NU'I 'OD ZER
ZHUGS PA NA, ,SNGON LAS CHES CHER MDZES LA 'GAL BA CI, ,MI MNYAM BSOD
NAMS RTA

BDUN SHING RTA YIS, ,GANGS CAN BYA LAM YANGS PAR LEGS DRANGS SHING,
,PHRIN LAS 'OD STONG 'GYED PA'I MDZAD PA CAN, ,THUB BSTAN PADMO'I TSAL
GYI GNYEN GCIG PU, ,MANG THOS LUNG GI 'DAB BRGYA DGOD PA DANG, ,TSUL
BZHIN SGRUB PA'I GE SAR

'DZUM PA YIS, ,GSUNG RAB SBRANG RTZI'I DPAL LA ROL 'DOD PA'I, ,SKAL
BZANG BUNG BA'I DGA' STON RGYAS PAR MDZOD, ,LHA BU GZHON NU'I RTZED
'JOR DGA' BA'I TSAL, ,CHAGS LDAN MIG GI BDUD RTZIR LANG TSO'I DPAL,
,GTAM SNYAN DON GNYER

RNA BAR YID 'ONG 'PHRIN, ,TING 'DZIN LA SOGS YID LA BSAM GTAN BDE, ,JI
LTAR DE BZHIN BRTZON PA'I GO BGOS SHING, ,RNAM DPYOD YANGS PA'I YID
RAB TSIM BYED PA, ,THUB PA'I LEGS BSHAD LAS GZHAN DGA' STON GANG, ,DE
SLAD

@200B RGYAL BA'I BSTAN PA RGYAS PAR MDZOD, ,RGYU MTSAN ZHIB PAR DGE
BA'I BSHES GNYEN DPON SLOB KYIS ZHU BAR BDOG ,CES NYER BZHI LA RI BO
DGE LDAN RNAM PAR RGYAL BA'I GLING NAS ZHUS PA'I SKYES KYI MTSON PAR,
BYANG RVA SGRENG GI RTEN BYIN RLABS

CAN ZHIG TU BYED PA'I MI PHAM CHOS RJE'I SKU BZANG PO'I BZHUGS STANGS
MDZAD PA'I LI MA GCIG ,SRAB MO DKAR PO BUBS GCIG ,PHRUG DMAR GCIG
,PANG KHEBS GCIG ,BTZUGS ZHVA DMAR PO GCIG 'BUL BA LAGS, 'DI CHOS RJE
KARMA PA DE BZHIN

GSHEGS PA'I DRUNG DU ZHU YIG GO ,