` ,,NA MO GU RU MANYDZU

GHO sh'A YA, ,RGYAL BA THAMS CAD MKHYEN CING THAMS CAD GZIGS PA 'JIG
RTEN THAMS CAD KYI MA 'DRIS PA'I MDZA' BSHAS CHEN PO LHA DANG MI
RNAMS KYI STON PA SNGON MED PA DE YI ZHABS KYI PADMA LA LAN CIG MA
YIN PAR GUS PAS PHYAG 'TSAL LO, ,GRANGS MED

BSKAL PAR YANG DANG YANG GOMS PAS, ,MTHA' YAS YON TAN TSOGS KYI PHA
ROL BYON, ,LEGS PAR BSHAD PA'I GTER CHEN SMRA BA'I MCHOG ,BDEN PA
GSUNG BA DE NI BDAG GI SKYABS, ,BLA NA MED PA'I MKHYEN PA'I GTER, ,GCIG
TU GZHAN LA PHAN PAR DGONGS,,

'JIG RTEN RNAM PAR 'DREN PA DES, ,KHYED LA RTAG TU SKYONG GYUR CIG ,DE
LTAR 'JIG RTEN THAMS CAD KYI SKYABS GCIG BU LA MCHOD PA DANG SHIS PA
BRJOD PA'I NGAG SNGON DU BTANG NAS SKABS RTZOM PA NI, STON DANG
BSTAN PA GTZUG GI RGYAN DU 'DZIN, ,DGE BA'I BSHES

GNYEN CHEL LA MNGON PAR BRTZON, ,LEGS NYES 'BYED PA'I RNAM DPYOD
MI DMAN ZHING, ,BSOD NAMS STOBS KYIS SA CHEN LEGS SKYONG BA, ,MI
DBANG DE YI LHAG BSAM LAS 'ONGS PA'I, ,BKA' LUNG SNYAN DNGAGS PHRENG
BA BSGRIGS PA YIS, ,BDAG YID KUN TU TSIM

PAR BYAS PA NI, ,YONGS 'DU'I LJEN PAS LHA RNAMS JI BZHIN NO, ,DE LTAR BKA'
STZAL SNYAN PA'I 'PHRIN YIG SNYAN DNGAGS KYI LAM NAS 'ONGS PA, SKYE
BO BLO'I NOR CAN RNAMS MGU BAR BYED PA'I DON, SANGS RGYAS BCOM
LDAN 'DAS KYI GSUNG THOG MA DANG BAR

@202A *, ,DANG THA MAR DGE BA'I LEGS PAR BSHAD PA'I 'BEL BA'I GTAM GYI
DGA' STON SPEL BA'I PHYIR DU MJAL BAR BZHED PA KHUMS NA'ANG, JI SKAD
DU, SU DAG NAGS KHROD MNGON PAR DGA' BA YI, ,DGE SBYONG DE NI SHIN
TU BDE BA MYONG, ,ZHES DANG,

TSUL KHRIMS YONGS SU DAG PAR RAB GNAS TE, ,BSAM GTAN BSAM MI KHYAB
LA RTAG GNAS SHING, ,SU DAG NAGS KHROD ZHI BAR DGA' BA NI, ,DE DAG
NAM YANG YID GNYIS 'ONG MI 'GYUR, ,ZHES THUB PAS RNAM GRANGS DU MA'I
SGO NAS BSTEN PAR

BSNGAGS PA'I DBEN PA'I GNAS GANGS RI'I DPAL DANG LDAN PA'I KHROD SMAN
GYI KHYAD PAR RO DANG MTHU DANG RNAM PAR SMIN PA'I YON TAN MANG
PO DANG LDAN PA'I SA PHYOGS ME TOG DANG 'DAB MA DANG LO MA DANG,
LDUM BU SNA TSOGS PA RNAMS KYIS BRGYAN

PA; ;GANGS KYI PHRENG BA NI YOL BA BRES PA LTAR SNANG ZHING, RMUGS
PA'I SKED CHINGS NI DO SHAL LTAR GNAS PA, THEL SDINGS SHANG SHOD
RNAM PA MANG PO DAG NI CHED DU BSHAMS PA BZHIN YOD PA, 'BAB CHU
RNAM PA MANG PO NI NGOS DU MA NAS SGRA SNYAN PA SGROGS SHING

'BAB PA, ? BYANG BA MANG PO NI SGRA DI RI RI ZER BA, DGE SLONG RNAL
'BYOR SPYOD PA RNAL 'BYOR LA BRTZON PA DANG RJES SU MTHUN PA'I GNAS
LHA'I SDINGS, MING GZHAN RNAM PAR RGYAL BA'I GLING ZHES PA ZHIG GIS
YON TAN GYIS YID KUN TU DRANGS PAS, CHU HA CANG BSIL BA'I NYES

PAS ZIL GYIS MA MNAN NA, LO KHA YAR LA GRENG DU MI RGYU BAR RNAL
'BYOR LHUR LEN CING BSDAD PAR BYA'O SNYAM PA'I YI DAM BRTAN PO GCIG
LO SNGA MA'I SMIN DRUG GI ZLA BA LA BGYIS BDOG PAS NYID KYI PHO BRANG
DU, DA RES LA MJAL DU MCHI

@202B BAR RNGO MA THOGS PA LAGS, DE'I RGYU MTSAN YANG SKYES BU DAM
PA RNAMS NI JI LTAR NAN TAN GYIS KHAS BLANGS PA'I DGOS PA CHEN PO
DANG LDAN PA'I DAM BCA' BA'I KHUR BAR MA DOR MI 'DOR BAR BDEN PA
BSRUNG BA LA CHED CHER BYED DE, JI SKAD DU, YA RABS

RNAMS NI BDEN PA SROG DANG 'DRA, ,DE BAS RAB TU PHONGS KYANG DE MI
'DOR, ,BDEN PA MED NA TSE 'DI'I BDE BA'AM, ,SROG KYANG NGAN 'GRO DAG
LAS SRUNG MI NUS, ,ZHES DANG, 'GRO BA MTHA' DAG KHYAB PA'I GRAGS PA
'PHEL, ,BDEN PA 'JIG RTEN

GSUM LAS 'DAS PA'I LAM, ,LHA YI GNAS SU 'JUG PA'I SGO YANG YIN, ,'KHOR BA'I
RDZONG LAS THAR BA'I ZAM PA YIN, ,ZHES GSUNGS PA'I PHYIR RO, ,DA NI LEGS
PAR BSHAD PA'I SKYES KYI DGA' STON BYA BAR 'DOD NAS, MDOR BSDUS TE
CUNG ZAD

CIG GSOL BA NI, RANG SROD TSUL BZHIN SKYONG BA'I GRAGS PA YIS, ,RGYAL
MTSAN TOG LTAR KUN GYI KHROD NA MTHO, ,LEGS TSOGS DPAL GYIS RAB TU
MDZES GYUR CING, ,BZANG PO'I LAM LA KUN NAS LHAG PAR DGYES, ,BKA'
LUNG SNYAN PO 'GRO 'DIS SPYI

BOS NOD, ,GZI BYIN PHAS KYI RGOL BAS MI BZOD KYANG, ,DUL BA'I DPAL GYIS
MNGON PAR BSTAR BA YI, ,SA YI BDAG PO KHYOD LA 'DI YANG GSOL, ,'KHOR
DANG 'BYOR BA'I KHYAD PAR RGYA CHE BAS, ,YANGS PA'I MNGA' RIS GNAS LA
MNGA' BSGYUR BA, ,RGYAL

PO'I GO 'PHANG SKYE BA GZHAN DAG NAS, ,BSNAMS TE MA BYON DGE BA'I
MTHU LAS YIN, ,DE PHYIR RANG GI CHOS KYI LAM BZUNG NAS, ,'BANGS KYANG
TSUL DER BKRI BA'I THABS MKHAS KYIS, ,RGYAL SRID CHOS KYIS BSKYANGS PAR
MDZAD NA NI, ,'DI DANG PHYI MAR DON CHEN

@203A *, ,'GRUB PAR 'GYUR, ,DE YI TSUL GYIS RGYAL SRID SKYONG BA NA, ,LHA
RNAMS DGA' MGU RANGS NAS BSRUNG BA DANG, ,PHUN TSOGS DPAL GYIS 'JIG
RTEN 'BYOR BYED PA'I, ,BKRA SHIS MTSAN MA MANG DU 'BYUNG BAR GSUNGS,
,SKYE DGU'I 'PHRAL

DANG YUN GYI PHAN BDE RNAMS, ,GANG LAS 'BYUNG BA THUB PA'I BSTAN PA
NI, ,BSHAD DANG SGRUB PAS RJES SU 'DZIN PA RNAMS, ,SA YI BDAG POS RNAM
PA DU MAS MCHOD, ,MGON SKYABS GZHAN MED NYID LA LTOS GYUR PA'I,
,'BANGS LA RGYAL POS BYAMS

PA'I SEMS BZUNG STE, ,NYES SPYOD BU LA MDZANGS PA'I PHA BZHIN DU, ,MI
RIGS SPYOD LAS BZLOG PA MKHAS PA'I LUGS, ,RGYAL BA'I BSTAN DANG PHRAD
PA CHES DKA' ZHING, ,LUS SROG RI GZAR CHU BZHIN G-YO BA DANG, ,'JIG
RTEN PHA ROL TSUL LA'ANG

GZIGS NAS NI, ,SA YI BDAG PO RTAG TU BAG YOD MDZOD, ,SKYE DGU SRID NAS
SRID DU 'KHYAMS PA'I TSE, ,MI 'DOD SDUG BSNGAL DU MAS GZIR BA LA, ,DGE
DANG 'DRA BA'I SKYABS GZHAN YOD MA YIN, ,DE PHYIR LAS DER RTAG TU
DGYES PA BSKYED, ,

SNGON GYI GLING BZHI'I DBANG PHYUGS BDAG RNAMS, ,GZHAN DRING MI
'JOG BLO GROS STOBS MNGA' BAS, ,DE DAG RANG SRID SKYONG LA 'JUG PA'I
TSE, ,LUGS KYI BSTAN BCOS DAG LA LTOS MI 'TSAL, ,DE NAS RIM GYIS BLO YI
MTHU BRI BAS, ,RGYAL

SRID SKYONG BA'I KHUR KHYER RGYAL PO RNAMS, ,LUGS KYI BSTAN BCOS RE
RE'I RJES 'BRANGS NAS, ,SA YI BDAG PO'I BGYI BA BGYID PAR GSUNGS, ,DRANG
SRONG YANG DAG PA DANG LTAR SNANG GIS, ,BRTZAMS PA'I LUGS KYI BSTAN
BCOS DE DAG

@203B KYANG; ;TSAD MA DAG DANG DE LAS BZLOG PA 'BYUNG, ,DE PHYIR LUGS
KYI BSTAN BCOS DAM PA BSTEN, ,LEGS NYES 'BYED LA YID NI RNAM PAR
'THOMS, ,GZU LUM TZAM GYIS RANG GI SRID 'DZIN PA'I, ,RGYAL RIGS NGAN PA
MAN NGAG YUL MIN PAS, ,DE LA MKHAS

RNAMS LEGS BSHAD GA LA 'DOMS, ,RIGS DANG MI RIGS RTOGS PA'I MKHYEN PA
CAN, ,SNGON GYIS BDAG DGE BA'I RJES SU SLOB, ,DAM PA'I MGON LA DMA' BA'I
THUGS 'DZIN PA, ,SA YI BDAG PO KHYOD NI GDAMS PA'I YUL, ,DE PHYIR GANGS
RI'I LJONGS

NA GNAS BCAS SHING, ,TSUL BZHIN SGRUB PA DAM PA'I RJES ZHUGS NAS,
,RGYAL BA DGYES PA BSKYED PAR 'DOD PA YI, ,DGE SBYONG BDAG GIS DE LTAR
GSOL BA LAGS, ,GTZO BO RNAMS NI CI DANG CI SPYOD PA, ,'BANGS RNAMS
DAG KYANG PHAL CHER DE DE BZHIN, ,TSUL

'DI MTHONG NAS SKYE DGU SKYONG BA LA, ,RGYAL BA'I GSUNG LAS BYUNG
BA'I SKYES 'DI PHUL, ,GSUNG YIG SNGA MA'I DUS NA YANG RGYU MTSAN MDOR
BSDUS ZHIG GSOL MOD KYI, 'ON KYANG DA RES MJAL DU BZHED PA LA THUGS
KYI SPRO BA YOD TSUL DANG, RANG GZHAN GYI DON

BGYID PA LA BSKUL BA KHENGS SKYUNGS DANG BCAS PA'I PHRIN YIG DON
BZANG LA TSIG SBYOR LEGS PA BSKUR BYUNG BA'I LAN DU, SLAR YANG MJAL
DU MI SPRO BA MIN NA'ANG, RE ZHIG LA GRONG DU MI RGYU BA'I RI MI 'BAB
KYI DAM BCA'I KHUR DE BZHAG TU MA BDE BA'I RGYU MTSAN

TSE BA DANG, NYID KYI THUGS LA SNGA NAS MNGA' NA'ANG, RDO THAL GYIS
BYUGS PA'I KHANG BZANG LA DGUNG ZLA'I 'OD KYIS PHOG NA SHIN TU DKAR
BAR 'GYUR BA'I TSUL DU THUB PA'I GSUNG LAS BYUNG BA'I GDAMS PA DANG
RJES SU BSTAN PA'I KHYAD PAR 'GA' ZHIG

@204A *, ,GSOL BA LAGS, SLAD NAS KYANG 'DOD PAR BYA BA'I GNAS LA SMON
PA'I TSUL NI, MI DBANG DGE BCU'I KHRIMS KYIS SRID SKYONG ZHING ,DE LA
GEGS KYI MTSAN MA MED PA DANG, ,CHOS DANG SRID DANG 'BYOR PA'I
KHYAD PAR KUN, ,YAR NGO'I ZLA DANG PHAN

TSUN 'GRAN PAR SHOG ,'GRO BA 'DIS KYANG SDUG BSNGAL BRGYA PHRAG
RGYU, ,NYES SPYOD BTANG NAS DGE BA'I LAM BZUNG STE, ,YA RABS DAM PA'I
SPYOD TSUL LHUR BLANGS PAS, ,RDZOGS LDAN DUS BZHIN PHUN SUM TSOGS
PAR SHOG ,'GRO KUN BYAMS PA'I SEMS DANG LDAN

PAR SHOG ,'THAB CING RTZOD PA'I MING YANG MED PAR SHOG ,RTAG TU NAD
MED BDE DANG LDAN PAR SHOG ,DGE LA SPYOD PAS NYIN MTSAN 'DA' BAR
SHOG ,TSE YI MTHAR YANG RGYAL BA 'OD DPAG MED, ,'KHOR DANG BCAS PA
MTHONG ZHING DE MA THAG ,BU BU BDE BA CAN DU TSUR

SHOG CES, ,'DREN PA'I GSUNG GIS DBUGS 'BYIN THOB PAR SHOG ,CES MI
DBANG CHEN PO GRAGS PA RGYAL MTSAN DPAL BZANG PO ZHES YONGS SU
GRAGS PA LA GTAM DU BYA BA'I 'PHRIN YIG 'DI NI, MANG DU THOS PA'I DGE
SLONG SHAR TZONG KHA PA BLO BZANG GRAGS

PA'I DPAL GYIS, GANGS CAN GYI KHROD KYI GANGS RI'I DBANG PO 'O DE GUNG
RGYAL GYI LHA ZHOL LHA'I SDINGS MING GZHAN RNAM PAR RGYAL BA'I
GLING NAS PHUL BA'O,,