` ,,SVA STI, SKYE DGU RNAMS KYI PHAN BDE'I GTER GCIG PUR GYUR PA, BSTAN
PA RIN PO CHE 'BAD PA DU MAS PHYOGS 'DIR

GSAL BAR MDZAD NAS, BOD KYI MNGA' RIS CHOS LDAN DU SKYONG BA'I SA
SKYONG CHEN PO RNAMS KYI GDUNG RABS SU 'KHRUNGS SHING, YA RABS
DAM PA'I YON TAN GYIS BRGYAN PA, DPAL LHA BTZAN PO SKU KHAMS BZANG
PO'I THAD NAS GSUNG YIG TSIG

DON BZANG PO DAR KHA DKAR PO'I SKYES DANG BCAS PA BSKUR BA, DGE
BSHES SHES RAB DBANG PHYUG GIS BDAG GIS GAM DU 'PHROD PAS SPRO BA
'PHEL BAR GYUR, BDAG KYANG RGYAL BA'I BSTAN PA SKYONG BA LA CHER
RNGO MI THOGS NA'ANG BSAM PA BZANG PO MA DOR

TZAM, GANG GI NOR GYIS LHA DBANG 'BYOR PA YANG, ,ZIL GNON 'PHAGS PA'I
NOR MCHOG DAD PA DANG, ,RNAM DPYOD SHES RAB NOR GYI DPAL YON CAN,
,LHA RIGS DAM PA'I BRGYUD 'DZIN SH'AKYA SHR'I, ,SRID ZHI'I PHUN TSOGS
GANG LAS LEGS GRUB PA'I,,

DRI MED RNAM DPYOD YAR NGO'I ZLA BZHIN DU, ,'PHEL BYED SMON LAM
'DEBS PA SPRO BA LEGS, ,GANG PHYIR SHES RAB LAM GYI SROG YIN PHYIR, ,'ON
KYANG SHES RAB 'PHEL BA'I ZLA MED RGYU, ,DAM PA'I MGON LAS NGAM CHOS
YANG YANG DU, ,GSAN ZHING DE DON

RING DU SEMS PA YIN, ,DE PHYIR DE MDZOD NYID KYIS LEGS SPYAD KYANG,
,BDEN GNYIS 'BYED LA GZHAN DRING MI 'JOG PA'I, ,RGYAL BA DGYES PA'I SHES
RAB THOB BYA'I PHYIR, ,NYIN RE BZHIN YANG LAN GSUM BSNGO BA'I TSE,
,BYANG CHUB SEMS MCHOG GNYIS

@205B KYIS LEGS BZUNG NAS, ,'KHOR BCAS RGYAL BA'I TSOGS LA DBANG GSOL
TE, ,SHUGS DRAG 'DUN PAS YANG DANG YANG GSOL NA, ,BZHED DON BDE
BLAG NYID DU 'GRUB PAS NA, ,LHA KHYOD TSUL DER RTAG TU DGYES PA
BSKYED, ,BDAG GI LEGS SPYAD DUS GSUM DANG, ,'DREL

BA JI SNYED MCHIS PA YIS, ,RGYAL BA'I MKHYEN RAB THOB PAR SHOG ,DER MA
SON PA KUN TU YANG, ,RAB 'BYAMS GSUNG RAB DON RNAMS NI, ,JI BZHIN
'BYED LA MNGA' 'BYOR BA'I, ,RLABS CHEN SHES RAB THOB PAR SHOG ,JI LTA JI
SNYED DON RNAMS KYI, ,PHRA PA'I GNAS

RNAMS 'BYED PA LA, ,KU SHA'I RTZE MO DANG 'DRA'I BLO, ,GSAL BA'I SHES RAB
THOB PAR SHOG ,MA RTOGS PA DANG LOG RTOG DANG, ,THE TSOM DRI MAS
YID BSKYOD TSE, ,DE MA THAG TU 'GOG NUS PA'I, ,MYUR BA'I SHES RAB THOB
PAR SHOG ,ZAB DANG RGYA CHE'I GNAS RNAMS KYI, ,DON

BZANG RE RE'I CHA LA YANG, ,GTUGS PA MED PAR 'JUG PA YI, ,ZAB PA'I SHES
RAB THOB PAR SHOG ,MDOR NA 'CHAL BA'I SHES RAB KYI, ,SKYON DANG BRAL
BA'I RNAM DPYOD KYIS, ,RANG GZHAN DON GNYIS SGRUB PA LA, ,BDAG NI 'JAM
PA'I DBYANGS BZHIN SHOG ,CES BDE

CHEN STENG NAS NYER LNGA LA PHUL BA'I SKYES KYI MTSON PAR PHYAG
PHYIS SHIG 'BUL, ,ZHES PA 'DI NI YAR KLUNGS JO BO LA GDAMS PA'O,,