` ,,PHYOGS BCU'I RGYAL BA SRAS DANG BCAS PA THAMS CAD LA PHYAG 'TSAL
LO, ,MTHA' YAS 'GRO BA SRID LAS BSGRAL BYA'I PHYIR, ,MTHA' MED SMON LAM
LHAG BSAM DAG PAS GDAB, ,BSLU MED DKON MCHOG GSUM DANG MTHU
STOBS CAN, ,DRANG

SRONG MTHU YIS BDEN TSIG 'GRUB GYUR CIG ,BDAG NI SKYE ZHING SKYE BA
THAMS CAD DU, ,NGAN SONG NGAN 'GRO LOG PAR LTUNG BA YI, ,SKYE GNAS
RNAMS SU NAM YANG MI SKYE ZHING, ,DAL 'BYOR TSANG ? BA'I MI LUS THOB
PAR SHOG ,SKYES MA THAG NAS SRID PA'I BDE BA

LA; ;NAM YANG MA CHAGS THAR PA THOB BYA'I PHYIR, ,NGES 'BYUNG BSAM
PAS TSANGS SPYOD TSOL BA LA, ,BRTZON 'GRUS LHOD PA MED PAR 'JUG PAR
SHOG ,BDAG NI RAB TU 'BYUNG BAR BYED PA LA, ,'KHOR DANG NYE DU LONGS
SPYOD GANG GIS KYANG, ,GEGS BYED MED

PAR MTHUN PA'I RKYEN RNAMS KUN, ,JI LTAR BSAMS PA JI BZHIN 'GRUB PAR
SHOG ,RAB TU BYUNG NAS JI SRID 'TSO YI BAR, ,MKHAN SLOB SPYAN SNGAR JI
BZHIN KHAS BLANGS BZHIN, ,BCAS DANG RANG BZHIN KHA NA MA THO BA'I,
,NYES PAS NAM YANG GOS PAR MA

@237A *, ,GYUR CIG ,TSANGS SPYOD RTEN LA THEG PA CHEN PO YI, ,ZAB CING
RGYA CHE'I CHOS RNAMS JI SNYED PA, ,MA RNAMS DON DU DKA' BA DU MA
YIS, ,BSKAL PA DPAG TU MED PAR SGRUB PAR SHOG ,LUNG RTOGS YON TAN DU
MAS RGYUD BLTAMS SHING, ,DBANG PO ZHI ZHING

RAB DUL SNYING BRTZER BCAS, ,GZHAN DON SKYO MED SGRUB PA'I SNYING
STOBS CAN, ,BSHES GNYEN DAM PAS RJES SU 'DZIN PAR SHOG ,RTAG TU NGU
YIS CHOS 'PHAGS BSTON PA LTAR, ,LUS SROG LONGS SPYOD KUN GYIS G-YO
MED PAR, ,BSHES GNYEN

DAM PA LEGS PAR MNYES BYAS NAS, ,MI MNYES SKAD CIG TZAM YANG MI BYED
SHOG ,ZAB ZHI SPROS DANG BRAL BA'I SHER PHYIN DON, ,LOG RTOG DRI MA'I
CHU YIS MA BSLAD PAR, ,JI LTAR RTAG TU NGU LA BSNYAD PA LTAR, ,DE LTAR
BDAG LA RTAG TU 'DOMS PAR SHOG

THUB PA'I DGONGS PA'I DON LAS PHYIR PHYOGS PA'I, ,RTAG CHAD LTA BA
STON PAR BYED PA PO, ,MI DGE'I BSHES GNYEN SDIG PA'I GROGS RNAMS KYI,
,DBANG DU NAM YANG 'GRO BAR MA GYUR CIG ,LHAG BSAM RNAM PAR DAG
PA'I DAR CHEN 'PHYAR, ,BRTZON 'GRUS

LHED PA MED PA'I RLUNG GIS BSKYOD, ,THOS BSAM SGOM PA'I GRU GZINGS
LEGS BSDAMS NAS, ,LUS CAN 'KHOR BA'I MTSO LAS SGROL BAR SHOG ,CI TZAM
MANG DU THOS DANG LHAG PAR GTONG, ,RNAM DAG TSUL KHRIMS RNAM
DPYOD SHES RAB KYIS, ,BDAG

RGYUD LHAG PAR GYUR PA DE TZAM DU, ,PHYI PHYIR KHENGS PA KUN DANG
BRAL BAR SHOG ,RNAM DAG RIGS PA'I STOBS KYIS GSUNG RAB DON, ,JI BZHIN
'BYED LA GZHAN DRING MI 'JOG PA'I, ,MKHAS PA'I GAM DU MTHA' YAS GSUNG
RAB LA, ,NGOMS PA MED PA'I THOS

@237B BYED PAR SHOG ,JI LTAR THOS PA'I DON LA RIGS PA BZHIS, ,NYIN DANG
MTSAN DU TSUL BZHIN RAB BRTAGS NAS, ,BSAM BYA'I GNAS LA BSAM LAS
BYUNG BA YI, ,RNAM DPYOD BLO YIS THE TSOM CHOD PAR SHOG ,GANG TSE
SHIN TU ZAB PA'I CHOS TSUL LA, ,BSAM BYUNG BLO

YIS NGES SHES RNYED PA'I TSE, ,TSE 'DI'I 'KHRI BA CHOD PA'I BRTZON 'GRUS
KYIS, ,DBEN PA BSTEN NAS TSUL BZHIN SGRUB PAR SHOG ,DE LTAR THOS BSAM
SGOM PAS RGYAL BA YI, ,DGONGS PA'I GNAD RNAMS RGYUD LA BSKRUN PA'I
TSE, ,SRID LA BRKAM PA'I TSE 'DI'I

SNANG BA DANG, ,RANG BDE 'DOD PA'I BLO RNAMS MI 'BYUNG SHOG ,BDAG
GIS BDEG PA'I DNGOS PO THAMS CAD LA, ,MA CHAGS BLO YIS SER SNA BCOM
BYAS TE, ,THOG MAR ZANG ZING SBYIN PAS SEMS CAN RNAMS, ,'KHOR DU
BSDUS NAS CHOS KYIS TSIM BYED

SHOG ,JI LTAR MNOS PA'I BSLAB PA PHRA MO YANG, ,NGES 'BYUNG BSAM PAS
BYANG CHUB THOB KYI BAR, ,SROG GI PHYIR YANG GTONG BAR MI BYED PA'I,
,THAR PA'I RGYAL MTSAN RTAG TU 'DZIN PAR SHOG ,BDAG LA BRDEG 'TSOG
MTSANG 'BRU'I SEMS CAN RNAMS, ,

MTHONG NGAM THOS SAM YID LA DRAN PA'I TSE, ,KHONG KHRO BRAL ZHING
SLAR YANG DE DAG GI ,YON TAN BRJOD CING BZOD PA SGOM PAR SHOG ,DKAR
PO'I CHOS RNAMS MA THEB THOB PA DANG, ,THOB RNAMS GONG NAS GONG
DU 'PHEL BA LAS, ,NYAMS PAR BYED PA'I LE LO RNAM

PA GSUM, ,KUN NAS SPANGS PA'I BRTZON 'GRUS RTZOM PAR SHOG ,SRID MTHA'
GNON PA'I LHAG MTHONG STOBS DANG BRAL, ,ZHI MTHA' GNON PA'I SNYING
RJE'I RLAN GYIS DBEN, ,PHAL CHER SRID PAR 'PHEN PAR BYED PA YI, ,ZHI GNAS
SPANGS TE ZUNG 'BREL SGOM PAR SHOG ,

@238A *, ,GNAS LUGS ZAB MO'I DON LA SKRAG GYUR NAS, ,BLOS BYAS NYI TSE'I
STONG PA MCHOG 'DZIN PA'I, ,LOG PA'I LTA NGAN MTHA' DAG RAB SPANGS TE,
,CHOS KUN GDOD NAS STONG PAR RTOGS PAR SHOG ,RNAM DAG BSLAB PA
KHREL MED SEMS KYIS DRAL, ,

DAM PAS SMAD PA'I LAS LA 'JIGS MI BYED, ,KHRIMS 'CHAL ? DGE SBYONG SHA
TSUGS CAN RNAMS KYANG, ,BDAG GIS SKYON MED KHRIMS LA SBYOR BAR
SHOG ,YANG DAG LAM STOR LOG PA'I LAM NGAN ZHUGS, ,MI DGE'I BSHES
GNYEN SDIG GROGS DBANG DU SONG, ,

GANG YIN DE YANG BDAG GIS BDE BLAG TU, ,RGYAL BAS BSNGAGS PA'I LAM LA
'GOD PAR SHOG ,BDAG GI 'CHAD RTZOD RTZOM PA SENG GE'I SGRAS, ,LOG
SMRA'I WA TSOGS SPOBS PA PHROGS BYAS NAS, ,GANG GIS 'DUL BA'I THABS
KYIS RJES BZUNG STE, ,MI NUB

BSTAN PA'I RGYAL MTSAN 'DZIN PAR SHOG ,BDAG NI GANG DU SKYES NAS
THUB PA YI, ,GSUNG GI BDUD RTZI 'THUNG BA DE YI TSE, ,RIGS GZUGS 'BYOR
DANG DBANG PHYUG SHES RAB DANG, ,TSE RING NAD MED BDE DANG LDAN
PAR SHOG ,BDAG GI LUS DANG SROG DANG LONGS

SPYOD LA, RGYUN DU 'TSE BA'I BSAM PA DANG LDAN ZHING, ,BDAG LA MI
SNYAN BRJOD PA DE DAG LA'ANG, ,BDAG NI LHAG PAR MA BZHIN BYAMS GYUR
CIG ,BDAG GIS DE DAG RING POR MI THOGS PAR, ,BDAG PAS GZHAN GCES
BSGOM PA'I BYANG CHUB SEMS, ,LHAG

BSAM DAG PA RGYUD LA SKYED BYAS NAS, ,BLA MED BYANG CHUB GO 'PHANG
STER BAR SHOG ,SMON LAM 'DI DAG GANG GIS MTHONG NGAM THOS, ,YID LA
DRAN PAR BYED PA DE DAG KYANG, ,RGYAL SRAS RNAMS KYI SMON LAM RLABS
PO CHE, ,MA LUS SGRUB LA ZHUM PA MED PAR

@238B SHOG ,LHAG BSAM DAG PA'I STOBS KYIS LEGS BSGRUB PA'I, ,RGYA CHEN
SMON LAM BTAB PA 'DI YI MTHUS, ,SMON LAM PHA ROL PHYIN PA YONGS
RDZOGS NAS, ,LUS CAN KUN GYI RE BA BSKONG BAR SHOG ,CES THOG MA
DANG BAR DANG THA MAR DGE BA'I SMON LAM 'DI NI, MANG

DU THOS PA'I RGYAL KHAMS PA BLO BZANG GRAGS PA'I DPAL GYIS GZHO STOD
DPAL GYI 'BRI GUNG THEL DU SBYAR BA'O,,