` ,,RGYAL BA DPAG MED RNAMS KYI TSANGS DBYANGS

KYIS; ;ZAB CING RGYA CHE'I 'KHOR LO BSKOR BA'I KHUR, ,GANG GIS BZUNG
BA'I RI YI DBANG PO NI, ,DPAL LDAN BYA RGOD PHUNG PO ZHES SU GRAGS,
,RMAD BYUNG SA 'DZIN MCHOG DER MNGON GSHEGS NAS, ,PHYOGS BCU'I
ZHING DU 'OD KYIS RAB 'GENGS SHING, ,SA CHEN RNAM PA

DRUG TU G-YO MDZAD PA'I, ,SH'AKYA SENG GE'I ZHABS LA MGOS PHYAG
'TSAL, ,DER NI THUB PA'I DPAL GYI MGUR NAS NI, ,PHUN TSOGS 'KHOR LA LEGS
PAR BKA' STZAL PA, ,LEGS BSHAD KUN GYI RAB DANG PHUL NYID NI, ,LEGS
BSHAD ZLA MED SHES RAB PHA ROL

@240A *, ,PHYIN; ;DE NI LHA MI'I 'DREN PAS LAN GSUM DU, ,RGYAL BAS GSUNGS
PA'I CHOS MDZOD KUN 'DZIN PA, ,CHOS 'DZIN KUN DGA' BO LA GTOD PA NA,
,NGA YIS BSHAD PA'I CHOS KYI RNAM GRANGS GZHAN, ,MA LUS BOR TAM
CHUD GZON GYUR KYANG BLA'I, ,RGYAL

BA'I YUM 'DI CUNG ZAD CHUD GZAN NA, ,DE TSE KHYOD LA SKYON DU BZUNG
NGO ZHES, ,NAN TAN CHEN POS BKA' STZAL MDZAD PA DANG, ,MDO SDE
MCHOG 'DI GANG DU BZHUGS PA'I YUL, ,DER NI RGYAL BA'I DBANG PO
BZHUGS SO ZHES, ,STON PA NYID DANG KHYAD PAR MA MCHIS

PAR; ;NYID KYI ZHAL NAS RNAM PA DU MAR BSNGAGS, ,'DI BRIS PA DANG KLOG
DANG MCHOD LA SOGS, ,GSUNG RAB GZHAN LAS CHES CHER KHYAD ZHUGS
PAR, ,YANG DANG YANG DU GTAN TSIGS DANG BCAS TE, ,GSUNGS PHYIR 'DI LA
'JUG RNAMS SKAL BA BZANG, ,TSUL

'DI GZIGS NAS MKHAS PA DU MA YIS, ,'BAD PA CHEN POS YANG YANG BSNGAGS
MDZAD PAS, ,DAD LDAN RNAMS LA BZANG PO'I SROL BTOD PA, ,DA DUNG BAR
DU NYAMS PAR MA GYUR TE, ,DE PHYIR MNGON MTHO'I DPAL GYIS RAB TU
MDZES, ,SKYABS GSUM

BLA MA GTZUG GI RGYAN DU 'DZIN, ,RANG SRID TSUL BZHIN SKYONG BA'I
KHUR KHYER BA, ,BSTAN PA'I SBYIN BDAG NAM MKHA' BZANG PO DANG,
,BSTAN LA GUS SHING GTONG LA RAB TU DGA', ,MI DBANG CHEN PO'I LCAM
MO RIN CEN SGRON, ,GZHON YANG RGAN PO'I BLO GROS CAN

GYUR PA, ,GRAGS PA DBANG PHYUG YAB YUM SRAS GSUM NI, ,DGE LEGS 'BUM
PHRAG DU MA'I GZHIR GYUR PA, ,LAM BZANG 'DI LA SHIN TU MES GYUR TE,
,STENG PHRAG BRGYA PA LA SEGS SHER PHYIN DANG, ,TING 'DZIN RGYAL PO
DAM CHOS PADMA DKAR, ,RGYA CHE ROL PA

@240B GZUGS MCHOG GRA LNGA DANG, ,YANGS PA'I GRONG 'JUG BSKAL PA
BZANG PE STE, ,MDO SDE'I RNAM GRANGS NYI SHU RTZA DGU NI, ,BEE d'URYA
LTAR DAG PA'I GLEGS BAM LA, ,RIN CHEN SA LE SBRAM GYIS LEGS BRIS PA, ,MIG
LA BDUD RTZI'I DGA' STON 'GYED PA'I MCHOG ,NGO MTSAR GNAS SU

GYUR PA 'DI DAG BZHENGS, ,DE NI LHA DANG BCAS PA'I 'JIG RTEN GYI, ,'PHRAL
DANG YUN GYI PHAN DANG BDE BA'I GZHI, ,RGYAL BA'I BSTAN PA LUNG DANG
RTOGS PA'I CHOS, ,PHYOGS DUS KUN TU RGYAS PA'I PHYIR DU YIN, ,MKHAS PAR
SBYANGS PA'I YI GE PA RNAMS LA, ,RNYED DANG BKUR STI MCHOG

GIS MCHOD BA DANG, ,BSHES GNYEN MKHAS PA DAG GIS GROGS MDZAD PAS,
,GLEGS BAM 'DI RNAMS GZHAN LAS PHUL DU BYUNG, ,SNYIGS DUS 'GRO BA'I
BSOD NAMS ZHING GCIG BU, ,SH'AKYA'I RGYAL PO'I PHO BRANG LHA SA YI,
,NYE 'KHOR GNAS SU GYUR PA'I SA YI CHA, ,PHUN

TSOGS DPAL GYI DGE MTSAN RAB 'DZIN PA, ,BKRA SHIS CHU BO DAL GYIS 'BAB
PA'I NGOGS, ,YID 'DZIN SKYED TSAL PHRENG BAS BSKOR BA LA, ,SA YI THIG LER
GNAS PA'I GZHIS KA NI, ,SNE'U ZHES BYAR BDE BLAG NYID DU GRUB, ,BDE
GSHEGS KUN GYI LAM GCIG PU, ,RGYAL

BA SRAS BCAS SKYED PA'I YUM, ,RAB ZAB BSTAN PA'I SNYING PO MCHOG
,GZHUNG BZANG STONG PHRAG BRGYA PA SOGS, ,BSGRUBS LAS BSOD NAMS
GANG THOB DES, ,RKANG GNYIS GTZO BO SANGS RGYAS SU, ,RING POR MI
THOGS BDAG GYUR TE, ,'GRO KUN SANGS RGYAS SAR 'DERN

SHOG ,JI SRID DE MA THOB PA YI, ,SKYE BA GZHAN DANG GZHAN DAG TU,
,THEG MCHOG RIGS SU SKYE BA DANG, ,BSHES GNYEN DAM PA RNYED PAR
SHOG ,DE LAS SHES RAB PHA ROL PHYIN, ,LEGS PAR THOS SHING SEMS PA
DANG, ,DE DON TSUL BZHIN SGRUB PA YIS, ,RGYAL RNAMS MNYES

@241A *, ,PAR BYED PAR SHOG ,SEMS NI NYON MONGS DBANG SONG BAS,
,LUS DANG NGAG DANG YID KYIS NI, ,SDIG PA GANG DAG BGYIS PA RNAMS,
,DE DAG THAMS CAD BYANG GYUR CIG ,SANGS RGYAS BYANG CHUB SEMS DPA'
DANG, ,RNAM PA KUN TU MI 'BRAL ZHING, ,DE YIS BSTAN PA'I

LAM BZANG LA, ,RLABS CHEN BRTZON 'GRUS RTZOM PAR SHOG ,RIGS MTHO
GZUGS MDZES GZI BRJID CHE, ,TSE MTHAR PHYIN DANG NAD MED DANG,
,CHOS LDAN 'BYOR PA PHUN TSOGS SHING, ,SHES RAB RGYA CHEN THOB PAR
SHOG ,YUL PHYOGS KUN TU DPAL 'BAR ZHING, ,DGE

LEGS RGYUN MI 'CHAD PA DANG, ,DKAR PHYOGS SKYONG BA'I LHA RNAMS
KYIS, ,RTAG TU BRTZE BAS SKYONG GYUR CIG ,'DI YI CHED DU LUS DANG NGAG
,YID KYIS MTHUN PA'I RKYEN RNAMS NI, ,CUNG ZAD TZAM RE BYAS PA RNAMS,
,KUN KYANG BYANG CHUB MCHOG THOB SHOG ,SHIN TU RGYAS

PA'I MDO SDE 'DI, ,GANG DANG GANG DU BZHUGS GYUR PA, ,DE DANG DER NI
MI MTHUN PHYOGS, ,ZHI ZHING BDE LEGS RGYAS GYUR CIG ,DE LTAR NGO
MTSAR YON TAN KUN GYI GZHI, ,DAM CHOS RIN CHEN 'DI YI BYIN RLABS KYIS,
,TSE RABS 'DIR YANG BAR CHAD KUN ZHI NAS,

SMON LAM THAMS CAD CHOS BZHIN 'GRUB PAR SHOG ,CES PA 'DI NI BLO
BZANG GRAGS PA'I DPAL GYIS SBYAR BA'O,,