` PHYOGS BCU NA BZHUGS PA'I SANGS RGYAS DANG BYANG CHUB SEMS DPA'
THAMS CAD DUS LAS 'DAS PA MING 'DI ZHES BYA BA LA DGONGS SU GSOL,
,DUS LAS 'DAS PA MING 'DI ZHES BGYI BAS THOG MA MED PA'I DUS NAS
SBYIN PA LAS BYUNG BA DANG, ,

TSUL KHRIMS LAS BYUNG BA DANG, BSGOMS PA LAS BYUNG BA'I DGE BA'I
RTZA BA RANG GIS BGYIS PA DANG, BGYID DU STZAL BA DANG, BGYID PA LA
RJES SU YI RANG BA'I DGE BA'I RTZA BA RNAMS DANG, GZHAN YANG KHONG
GI PHYIR DU DMIGS TE 'BREL PA SHUL NA MCHIS

PA RNAMS KYIS BLA MA DANG DKON MCHOG MCHOD PA, DGE 'DUN LA BSNYEN
BKUR BA, DBUL PHONGS LA SBYIN PA BTANG BA, GZUNGS SNGAGS KYI BZLAS
BRJOD, GSUNG RAB BSGRAGS PA, DKYIL 'KHOR DU BCUG CING DBANG BSKUR
TE SDIG PA SBYANG BA SOGS KYI DGE

@244B BA'I RTZA BA THAMS CAD DUS LAS 'DAS PA DE DAG GAL TE LAS KYI
DBANG GIS 'GRO BA RIGS DRUG GANG DANG GANG DU SKYES SAM, SKYE BAR
'GYUR BA'I LAS CAN CIG YIN NA YANG, DGE BA'I RTZA BA 'DI DAG THAMS
CAD DE'I PHYI BZHIN DU 'BRANG ZHING RJES SU 'JUG PAR GYUR

CIG ,PHYI BZHIN DU 'BRANG ZHING ZHUGS NAS KYANG RIGS DRUG SO SO'I
SDUG BSNGAL MTHA' DAG LAS GROL TE, MYUR DU MNGON PAR RDZOGS PAR
'TSANG RGYA BAR GYUR CIG ,CES LAN GSUM BRJOD CING ,DE MA THOB PA'I
TSE RABS THAMS CAD DU'ANG LUS KYI RTEN DAL BA

PHUN SUM TSOGS PA THOB PAR GYUR CIG ,DE YANG MTHO RIS KYI YON TAN
BDUN DANG LDAN PAR GYUR CIG ,'PHAGS PA'I NOR BDUN DANG LDAN PAR
GYUR CIG ,GNAS SKABS THAMS CAD DU SANGS RGYAS MTHONG BA DANG MI
'BRAL BAR GYUR CIG ,DAM PA'I CHOS MNYAN PA

DANG MI 'BRAL BAR GYUR CIG ,'PHAGS PA'I DGE 'DUN LA BSNYEN BKUR
BYED PA DANG MI 'BRAL BAR GYUR CIG ,CES SO,,` ,,PHYOGS BCU NA
BZHUGS PA'I SANGS RGYAS DANG BYANG CHUB SEMS DPA' THAMS CAD, TSE
DANG LDAN PA MING 'DI ZHES BYA BA LA DGONGS SU GSOL, ,

TSE DANG LDAN PA MING 'DI ZHES BGYI BAS, THOG MA MED PA'I DUS NAS,
SBYIN PA DANG TSUL KHRIMS DANG BSGOMS PA LAS BYUNG BA'I DGE BA
BGYIS PA DANG, BGYID DU STZAL BA DANG, BGYID PA LA RJES SU YI RANG
BA'I DGE BA'I RTZA BA THAMS CAD PHYOGS GCIG TU BSDOMS

PA'I MTHU LA BRTEN NAS, TSE DANG LDAN PA MING 'DI ZHES BGYI BAS NAM
MKHA' DANG MNYAM PA'I SEMS CAN THAMS CAD KYI DON DU BLA NA MED PA
YANG DAG PAR RDZOGS PA'I SANGS RGYAS KYI GO 'PHANG RIN PO CHE MYUR
DU THOB PAR GYUR CIG ,CES LAN GSUM BRJOD,

@245A *, ,DE MA THOB PA'I TSE RABS THAMS CAD DU YANG, RIGS MTHO BA
DANG GZUGS BZANG BA RNAMS KYI NANG NAS MCHOG TU GYUR CIG ,TSE RING
BA DANG NAD MED PA RNAMS KYI NANG NA MCHOG TU GYUR CIG, 'BYOR PA
DANG DBANG PHYUG CHE BA RNAMS KYI NANG NA MCHOG TU

GYUR CIG, SHES RAB DANG DAD PA CHE BA RNAMS KYI NANG NA MCHOG TU
GYUR CIG, MANG DU THOS PA DANG, TSUL KHRIMS SRUNG BA RNAMS KYI NANG
NA MCHOG TU GYUR CIG, GTONG BA LA DGA' BA DANG NGO TSA SHES SHING
KHREL YOD PA RNAMS KYI NANG NA MCHOG TU GYUR CIG ,GZHAN YANG

DGE BA'I RTZA BA 'DI'I MTHU LA BRTEN NAS, SKYE DGU THAMS CAD KYI
PHAN BDE RAB 'BYAMS KYI RTZA BA, SANGS RGYAS BCOM LDAN 'DAS KYI
BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING
RGYAS PAR GYUR CIG ,BSTAN PA RIN PO CHE BSHAD PA DANG

SGRUB PA'I SGO NAS 'DZIN PA'I DAM PA THAMS CAD SKU KHAMS BZANG
ZHING SKU TSE RING BAR GYUR CIG ,DE DAG GI RNAM PAR DKAR BA'I
'PHRIN LAS PHYOGS THAMS CAD DU DAR ZHING RGYAS PAR GYUR CIG ,DGE
'DUN THAMS CAD KYI 'ANG CHOS SPYOD BCU'I SGRUB PA

THAMS CAD GONG NAS GONG DU 'PHEL ZHING RGYAS PAR GYUR CIG ,DE DAG
GI THUGS RJE DANG BYIN RLABS LA BRTEN NAS SBYIN PA'I BDAG PO 'KHOR
DANG BCAS PA THAMS CAD KYI'ANG 'GAL RKYEN PHYI NANG GI BAR DU GCOD
PA THAMS CAD NYE BAR ZHI BAR GYUR CIG,

MTHUN PA'I RKYEN TSE DANG DPAL DANG 'BYOR PA DANG DBANG PHYUG THAMS
CAD ZLA BA YAR GYI NGO BZHIN DU GONG NAS GONG DU 'PHEL ZHING RGYAS
PAR GYUR CIG ,DE DAG GI 'GAL RKYEN SEL ZHING MTHUN RKYEN SGRUB PA
LA, SNGON SANGS RGYAS MTHONG BA, CHOS THOS PA,

@245B DGE 'DUN LA BRTEN PA, BSTAN PA DANG 'KHOR RNAM BZHI SKYONG
BAR ZHAL GYIS BZHES PA'I SRUNG MA DAM TSIG CAN RNAMS KYIS SKAD CIG
KYANG G-YEL BA MED PAR GROGS MDZAD PAR GYUR CIG ,GZHAN YANG DGE
BA'I RTZA BA 'DI'I MTHU LA BRTEN NAS, NAM MKHA' DANG

MNYAM PA'I SEMS CAN THAMS CAD LA BDE SKYID DPAL RGYA CHEN PO 'BYUNG
BAR GYUR CIG ,'JIG RTEN GYI KHAMS THAMS CAD DU'ANG LE PHYUGS RTAG
TU LEGS PAR GYUR CIG ,CHAR CHU DUS SU 'BAB PAR GYUR CIG ,MI NAD
DANG PHYUGS NANG THAMS CAD RGYUN

CHAD PAR GYUR CIG ,DUS KYI 'KHRUG PA DANG, MTSON GYI BSKAL PA THAMS
CAD NYE BAR ZHI BAR GYUR CIG ,SEMS CAN GDUL RTZUB CAN RNAMS KYI
BSAM SBYOR NGAN PA THAMS CAD NYE BAR ZHI BAR GYUR CIG ,SEMS CAN
THAMS CAD PHAN TSUN DU PHA MA LTAR

BYAMS PA LA GNAS PAR GYUR CIG ,SEMS CAN THAMS CAD BDUD KYI ZHABS PA
LAS YONGS SU THAR BAR GYUR CIG ,SEMS CAN THAMS CAD RANG RANG GI
RDZAS DANG LONGS SPYOD DANG DBANG PHYUG DAG GIS CHOG SHES PAR GYUR
CIG ,SEMS CAN THAMS CAD BDE

DANG LDAN GYUR CIG ,NGAN 'GRO THAMS CAD RTAG TU STONGS PAR SHOG
,BYANG CHUB SEMS DPA' GANG DAG SU BZHUGS PA, ,DE DAG KUN GYI SMON
LAM 'GRUB GYUR CIG ,MTHONG ZHING THOS SAM RJES SU DRAN KYANG RUNG,
,REG GAM GTAM DU BRJOD PA TZAM GYIS KYANG, ,RNAM

PA KUN TU 'GRO LA PHAN DON DU, ,BDE DANG LDAN PA RTAG TU BGYID
GGYUR CIG ,'DI NA RGYAL BA DGRA RGYAL BDEN GANG GIS, ,SHIN TU BDEN
PA GSUNG ZHING RDZUN MED PA, ,BDEN PA DE YIS DENG 'DIR BDE LEGS
SHOG ,'GRO KUN 'JIGS PA CHE LAS THAR GYUR CIG ,