@246A *, ,PHYOGS BCU NA BZHUGS PA'I RGYAL BA SRAS DANG SLOB MAR
BCAS PA THAMS CAD KYI ZHABS LA PHYAG 'TSAL LO, ,DGE LEGS DPAG YAS
'BYUNG BA'I SGO GCIG BU, ,DAM CHOS RGYAL SRID KUN LA DBANG BSKUR
ZHING, ,'PHAGS SRAS

STONG GI DBUS NA LHAM ME BA, ,CHOS KYI 'KHOR LO BSGYUR RGYAL DE LA
'DUD, ,DE YI DRI MED SPYAN GYIS GZIGS GYUR NAS, ,RANG GI 'KHOR LA
LEGS PAR BCAS PA'I KHRIMS, ,'PHAGS TSOGS BYE BAS SPYI BOS MNOS GYUR
PA'I, ,RNAM DAG

BCA' BA DE YI RJES 'BRANGS NAS, ,THUB PA'I BSTAN PA RING DU GNAS
PHYIR DU, ,CHOS KYI BCA' KHRIMS PHYOGS 'GA' BRJOD PA 'DI, ,YID LA
SMON PA JI BZHIN LEGS 'GRUB PAR, ,THUB CHEN RNAMS KYIS BKA' DRIN
MDZAD DU GSOL, ,JI SKAD DU

SPYOD PA LA 'JUG PA LAS, ,'GRO BA'I SDUG BSNGAL SMAN GCIG BU, ,BDE
BA THAMS CAD 'BYUNG PA'I GNAS, ,BSTAN PA RNYED DANG BKUR STI DANG,
,BCAS TE YUN RING GNAS GYUR CIG ,CES GANG GSUNGS PA LTAR LUS CAN
RNAMS KYI SDUG BSNGAL MA

LUS PA SEL BA'I SMAN DANG, BDE BA THAMS CAD 'BYUNG BA'I GNAS GCIG
PU NI RGYAL BA'I BSTAN PA NYID YIN LA, DE LA YANG GNYIS LAS LUNG GI
BSTAN PA THAMS CAD NI SDE SNOD RNAM PA GSUM DU NGES PAS SGRUB PA'I
BSTAN PA YANG BSLAB PA RIN

PO CHE RNAM PA GSUM DU NGES SO, ,DE LA YANG TSUL KHRIMS KYI BSLAB
PA NI BSLAB PA GZHAN GNYIS SKYE BA DANG GNAS PA DANG 'PHEL BA'I
RTEN DU LAN CIG MA YIN PAR BKA' STZAL PAS NA 'DIR GTZO CHER TSUL
KHRIMS KYI BSLAB PA LAS BRTZAMS

@246B TE RANG RE'I GRVA GNAS PA RNAMS KYI KUN SPYOD DAG PAR BYA
BA'I THABS SU KHRIMS SU BCA' BA 'GA' ZHIG BRJOD PAR BYA'O, ,DE LA
MA THOB PA THOB PAR BYA BA'I SKABS LAS NI RAB TU 'BYUNG BA'I PHYIR
'ONGS PA RNAMS ZHU BAR 'OS PA'I DGE 'DUN THAMS CAD LA MA

ZHUS PA DANG, SKYE BA'I BAR CHAD DANG LDAN PA DANG, BSREL DGOS PA'I
RKYEN DANG LDAN PA LA ZHAG BDUN DU MA BSREL BA DANG, CHOS GOS GNYIS
DANG LHUNG BZED GDING BA CHU TSAGS MA TSANG BA DANG, RAB TU BYUNG
NAS KYANG SLOB DPON DU 'OS PA'I DGE SLONG LA BRTEN

NAS BLANG 'DAS PHYOGS MTHUN DANG BCAS PA'I BSLAB BYA'I TSIG DON MA
MTHA' SDOM TSIG LA BRTEN PA SHES NAS BSRUNG MTSAMS MA ZIN GYI BAR
DU MI SDOD PA RNAMS RAB TU MI DBYUNG ZHING DGAG BYA DE DAG DANG MI
LDAN PA RNAMS RAB TU DBYUNG BAR BYA, BSNYEN

PAR RDZOGS PAR 'DOD NA'ANG SKYE BA'I BAR CHAD DANG MI LDAN ZHING
RTAGS RNAMS TSANG BA RNAM 'BYED KYI SDOM TSANG MA DANG GZHI'I DON
RAGS PA'I TSIG DON KHONG DU CHUD CING DE DAG GI BSRUNG MTSAMS ZIN
PA SNGAR YOD PA'AM MED PA DANG DE RNAMS DANG LDAN GYI BAR

DU SDOD NA BSNYEN PAR RDZOGS PAR BYA BAR BCAD, MI NYAMS PAR SRUNG
BAR BYED PA'I SKABS LAS NI, GRVA 'DIR GNAS NAS SDOM PA GSUM GYI
BSLAB KHRIMS CHEN MO'I GZHUNG SRONG BAR 'DOD PA'I DGE TSUL DANG,
DGE SLONG GRVA 'DIR LO GCIG TSUN CHAD DU GNAS

PAR 'DOD PA RNAMS KYIS 'OS PA'I SLOB DPON LA BRTEN NAS, MA MTHA'
YANG RNAM 'BYED KYI SDOM GYIS BSDUS PA'I BSLAB KHRIMS RNAMS DANG
GZHI'I SKABS KYI 'BYUNG NYE BA'I RAGS PA RNAMS KYI TSIG DON BZUNG
NAS BSRUNG MTSAMS NGES PA'I SGO NAS

@247A *, ,BSLABS TE CHOS THOG GNYIS TSUN CHAD SNGA MA DE LTAR BYED
PA RNAMS DANG MTHUN PAR BYED PAR BCAD, DE RNAMS KYI BLA GOS DANG
MTHANG GOS DANG GDING BA DANG LHUNG BZED RUNG BA TSAD LDAN DANG,
DGE SLONG YIN NA SNAM SBYAR RUNG BA TSAD LDAN RNAMS TSANG BA DGOS

SHING; SNGAR MA TSANG NA CHOS THOG GCIG TSUN CHAD DU TSANG BAR BYA
BAR BCAD, BSRUNG MTSAMS ZIN MA ZIN SOGS DGE BSKOS KYIS BRTAGS PA'I
TSE DE DAG LAS 'GAL BA BYUNG NA NYES PA CHOS BZHIN DU PHYIR 'CHO SA
SHING, DGE SLONG YIN NA DGE SLONG NYI TSE 'TSOGS

PA'I DGE 'DUN GYI DBUS SU JI LTAR GYUR PA ZHUS NAS PHYAG BRGYA BYAS
NAS DGE 'DUN GYI BKA' BCAG PA'I BZOD PA GSOL ZHING, DGE TSUL YIN NA
GNYIS KA 'TSOGS PA'I DBUS SU DE LTAR BYED PAR BCAD, RAB TU BYUNG BA
BZHIR LONGS YAN CHAD LA CHOS

GOS GSUM DANG LHUNG BZED DU GRUB PA SPYI 'BUL BYED PA BYUNG NA
BSLAB KHRIMS CHEN MO'I KHONGS SU GTOGS PA YO BYAD DE DAG MED PA LA
RGAN RIM BZHIN DU DGE BSKOS KYIS YO BYAD DE BSGRUB PA'I NUS PA YOD
MED BRTAGS NAS SBYIN PA DANG, RAB TU BYUNG BA

BCU YAN CHAD LA DAR RAS DANG SNAM BU SNAM SBYAR DANG RAS CHEN GYI
RGYUR RUNG BA BYUNG NA MI BGO BAR SNGAR LTAR BSLAB KHRIMS CHEN MO
LA GNAS PA RNAMS KYIS SBYIN PAR BCAD, SNGAR BSHAD PA'I BSLAB TSIGS
RNAMS KYI SDOM 'OS RNAMS BSDAMS PA DANG,

BSHAGS 'OS RNAMS BSHAGS PA DANG BYIN GYIS BRLAB PAR 'OS PA RNAMS
BYIN GYIS BRLABS SHING BSRUNG MTSAMS KYI SA TSIGS LEGS PAR ZIN PA'I
DGE SLONG MA GTOGS PAS GRVA 'DIR RAB BYUNG BSNYEN RDZOGS DANG DGE
'DUN LA BSHAGS DGOS

@247B KYI LTUNG BA PHYIR BCOS KYI YUL MI BYED PAR BCAD, GSO SBYONG
LA 'DU BA'I SPYI'I SA TSIGS LA RAB TU BYUNG BA'I RTAGS SDOM GANG
RUNG DANG MI LDAN PA'I RAB BYUNG LTAR SNANG DANG GSO SBYONG LHAN
CIG TU MI BYED CING, ,RTAGS SDOM LDAN NA DGE BSKOS KYIS BRTAGS NAS
BYED

PA DANG, DE YANG CHOS THOG GCIG GI BAR DU SDOD NA CHANG DANG PHYI
DRO'I KHA ZAS JI SRID 'TSO'I BAR DU SPONG MI NUS NA, GSO SBYONG
DANG DBYAR GNAS LHAN CIG MI BYED PAR BCAD, TSOGS SU ZANG ZING GI
LONGS SPYOD KYI GAndI DANG PO BYUNG BA'I TSE LUS KYI KUN SPYOD LA
SOGS

PA SNGA ROL TU SGRUB DGOS PA RNAMS SGRUB CING, ZANG ZING GI LONGS
SPYOD KYI GAndI PHYI MA DANG CHOS NYAN PA LA SOGS PA'I GAndI BTANG
BA'I TSE, GAndI MA BYUNG BAR DU MI 'DUL, BYUNG MA THAG TU SPYOD LAM
MDZES PAS 'DU BA DANG, DGE 'DUN SPYI'I GRAL GSEB TU RAB BYUNG GI
CHOS

GOS GNYIS MA TSANG BA DANG, SDOM PA DANG MI LDAN PA MI 'JUG CING,
SBYIN BDAG GIS CHED DU BOS PA SOGS KYI RTAGS LDAN YIN NA DGE BSKOS
KYIS BRTAGS NAS BYED, GLO BUR BA DANG, GNYUG MAR GNAS PA'I RAB
BYUNG GANG YIN YANG TSOGS SU PHU DUNG MA DANG KHA

MA BSGYUR BA'I GOS DANG KO LPAGS MI GYON, KO LPAGS KYI NANG DU ZAS
LA LONGS MI SPYAD, SPYIR GRVA 'DIR ZLA BA PHYED YAN CHAD GNAS PA
RNAMS KYIS KYANG CI TZAM SDOD KYI RING LA DE LTAR BYA, BSLAB KHRIMS
CHEN MO LA GNAS PAS DUS THAMS CAD DU DE LTAR BYED PA DANG,

GANG DU TSOGS KYANG BSLAB GRAL LA 'KHOD CING, GZHAN GYIS GRVA 'DIR
CHOS THOG RE SDOD NA TSOGS SU BSLAB GRAL JI LTA BA BZHIN DU 'KHOD,
DGE 'DUN GYI SPYI'I BYA BA BYED PA DANG, RAB TU 'BYUNG 'DOD DANG,
SBYIN BDAG GIS CHED DU POS PA'I KHYIM PA YIN NA DGE BSKOS

@248A *, ,KYIS DGE 'DUN LA GNANG BA ZHUS NAS STER BA MA GTOGS PA
KHYIM PA LA DGE 'DUN GYI ZAS DANG GOS LA SOGS PA'I RNYED PA SBYIN
DU MI RUNG BAR NAN TAN DU GSUNGS PA LTAR BYA BAR BCAD, DGE 'DUN
SPYI'I ZAS SNYOMS PAR BRIM ZHING NAD PA'I

PHYIR DANG THEM PA PHYIR LA MI 'DA' BA'I MTSAMS LA BSDAD PA DANG
SBYIN BDAG GIS SGOS SU STER BA RNAMS MA GTOGS PA TSOGS SU MA 'DUS
PA RNAMS KYIS ZAS KYI SKAL BA MI BLANG ZHING 'GRO BAR CHAS PA LA
SOGS PA SPYI'I ZAS KYI SNGA ROL DU BYA

DGOS PA RNAMS MA GTOGS PA SNGON DU SKAL BA MI LEN PAR BCAD, CHUD
'DZA' BA'I RNYED PA MI GSHEGS PA DANG, DGE 'DUN GYI SPYI 'BUL BYUNG
BA'I TSE BSNYEN PAR RDZOGS MA RDZOGS KYI RNYED PA MNYAM POR 'THOB
MI 'THOB 'DUL BA NAS GSUNGS PA BZHIN BYA,

TSOGS KYI CHOS SPYOD NAR MA LA, GNAS BCU'I GSOL 'DEBS, YAN LAG BDUN
PA MAndAL DANG BCAS PA DANG, MDO SGRUB SGROL MA 'DON PA DANG, BSTAN
'DZIN GYI SKYES BU DAM PA RNAMS KYI SKU TSE BSRING BA'I PHYIR TSE
DPAG MED KYI GZUNGS BRGYA RTZA RE BGRANG

BA DANG, GTOR MA BRGYA RTZA RE GTONG ,DGE 'DUN GYI GNAS BRTAN GYIS
TSOGS KYI KUN SPYOD DAG PAR BYA BA LA BSKUL BA LTAR, TSOGS SU DUS
THAMS CAD DU LONG GTAM MI GLENG ZHING, CHOS SPYOD KYI DUS SU GTAM
GZHAN MI GLENG BA DANG DE GNYIS LAS

'DAS NA DGE BSKOS KYIS DGE 'DUN GYI DBUS SU PHYAG 'TSAL DU BCUG NAS
BZOD PA GSOL BA'I BRDA SPROD PAR BCAD, BYA BA GLO BUR BA MA BYUNG
NA BSNGO BA MA TSAR GONG DU GRAL NAS MI 'GRO ,DGE 'DUN GYI MKHO
ZHING 'OS PA'I SPYAD PA MA GTOGS DGE

@248B 'DUN GYI SNOD SPYAD YAN CHAD GANG ZAG GIS LONGS MI SPYAD
CING, SPYAD NA DGE BSKOS KYIS DGE 'DUN LA NYES PA BSGRAGS NAS BZOD
PA GSOL DU 'JUG PAR BCAD, GRVA 'DIR LAG 'DRES PA'I 'THAB RTZOD
DANG, MA BYIN LEN CHE CHUNG GANG BYAS PA DANG, LUS KYI REG

PA'I SBEM PO LAS MI BSKYED NA'ANG SUN 'BYIN GYI BAR CHAD KYI DOGS
PA MI CHOD PA'I NYES PA'I GNAS LA ZHUGS PA RNAMS GNAS NAS DBYUNG
ZHING DE'I NGAN RGYAB BYED PA SNANG NA YANG GNAS NAS DBYUNG BAR
BCAD, 'DIR RAB BYUNG BSNYEN RDZOGS DANG SDOM PA GONG

MA BLANGS PA DANG, SNGAR BSHAD PA'I KHRIMS KHOG TU ZHUGS NAS 'DIR
LO GCIG SDOD PA RNAMS KYIS PHYOGS GZHAN DU PHYIN PA'I TSE YANG
SNGAR BSHAD PA'I GNAS DBYUNG GI RGYU GSUM BSHAD PA DANG, RANG GIS
LAG BSTAD DE SO NAM BYAS PA DANG, CHANG DANG

PHYI DRO'I KHA ZAS 'DZEM MED DU SPYAD PA DANG, KHA MCHU'I GSEB TU
ZHUGS PA DANG, KHRIMS GROGS MED PAR NYE DU MA YIN PA'I BUD MED DANG
GNAS GCIG TU ZHAG TU NYAL BA LA PHAM PA DANG POR MI 'GRO BA'I DOGS
PA CHOD NGES PA'I RGYU MTSAN YANG DAG MI 'DUG

PA DANG, DGE 'DUN GYI NANG KHRIMS DANG 'GAL BA'I NYES PA NGOS MA
BLANGS PAR SONG BA RNAMS GRVA 'DIR SLAR MI BSTEN PAR BCAD, NAD PA
BYUNG NA GANG DU BYUNG BA'I SA SKOR DE'I DGE BSKOS KYIS BRTAGS NAS
NAD PA NYID LA RIM GRO'I CHIS 'DUG NA LEGS, MI 'DUG

NA DGE 'DUN GYI SPYI RDZAS YOD NA DE LAS STER BA DANG, DE YANG MED
NA SANGS RGYAS KYI SKU LA GSOL BA MAN CHAD KYIS KYANG BYA BAR
GSUNGS PA LTAR BYED CING NAD GSOS NAS 'BYOR PA YOD NA DKON MCHOG GI
RDZAS LA SPYAD PA PHYIR GSAB PAR BYA, YOD MED

@249A *, ,CI 'DRA ZHIG YIN YANGS RIS DER GTOGS PA'I DGE 'DUN RNAMS
'DUS NAS CI TZAM 'OS PA'I RIM GRO LA 'BAD PA 'DON, SA RIS GZHAN NAS
MED KHA MED GYI RIM GRO BA SOGS MA GTOGS MA MI G-YENG BAR BCAD,
DGE 'DUN SPYI'I DGE

BSKOS DANG ZHAL TA BA DANG GNAS RIS SO SO'I DGE SKOS LA SOGS PA
SPYI LAS PA RNAMS KYIS DGE 'DUN GYI KHRIMS YIG BZHIN BYAS PA LA LOG
SGRUB BYED PA BYUNG NA GNAS NAS 'BYIN PAR BCAD, MA BCOL, BA'I KHA
GTOGS BYED PA BYUNG NA

LTUNG BA PHYIR BCOS NAS DGE 'DUN GYI DBUS SU NANG KHRIMS DANG 'GAL
BA'I BZOD PA GSOL BAR BCAD, RAB TU BYUNG BA LA DUS MA YIN PA'I KHA
ZAS MI STER ZHING KHYIM PA YAN CHAD LA MYOS 'GYUR GYI BTUNG BA MI
BLUD PA DANG DE'I RIN YANG MI SBYIN,

NYAMS NA PHYIR BCOS PA'I SKABS LAS NI PHAM PA 'TSAB BCAS BYUNG NA
SLAR BCOS SU MI RUNG LA, DE DAG MA GTOGS PA'I LTUNG BA BYUNG BA
RNAMS LA BSLAB KHRIMS CHEN MO LA GTOGS PA RNAMS KYIS DGE 'DUNG YI
GNAS BRTAN DGE BSKOS

DANG BCAS PAS 'GROS NAS JI LTAR BSKUL BA BZHIN PHYIR MA BCOS NA
CHAD PA JI LTAR PHAB PA LTAR 'KHUR PAR BCAD, GRVA 'DIR SDOM PA GONG
MA LEN PA YIN NA BSLAB KHRIMS CHEN MO'I NANG DU GTOGS SHING LAM GYI
RIM PA LA BLO SBYANGS PA, SMON

SEMS CHO GAS GZUNG NAS DE'I BSLAB BYA LA SLOB PA SNGON DU SONG BA,
TSUL KHRIMS LE'U'I BSLAB BYA RDZOGS PA DANG, LAM GYI RIM PA'I PHAR
PHYIN GZHAN LNGA DANG, BSDU BA BZHI'I BSLAB BYA RAGS PA'I MTSAMS
ZIN PA RNAMS LA RGYAL SRAS KYI SDOM PA

@249B SBYIN ZHING, DE RNAMS KYI STENG DU BLA MA NGA BCU PA'I DAM
TSIG RNAMS KYI BSRUNG MTSAMS ZIN PA, RTZA BA DANG SBOM PO'I LTUNG
BA RNAMS BSRUNG BA LA SLOB NUS PA YIN NA SNGAGS KYI SDOM PA SBYIN
PAR BYA, BSKYED RDZOGS KYI KHRID RGYAS PA DANG SNGAGS KYI GZHUNG
RGYAS

PA NYAN NA SDOM PA GSAR DU BZUNG PA'AM NYAMS PA GSOS NAS RTZA BA
DANG YAN LAG GI BSRUNG MTSAMS ZIN PA LA BYA, GAL TE GRVA 'DIR RING
DU GNAS PA'I LONG SKABS MA BYUNG BAS LAM GYI RIM PA LA BSLAB PA
DANG, BSLAB KHRIMS CHEN MOL ZHUGS PA MA YIN

YANG SDOM PA GONG MA DON DU GNYER ZHING DE'I BSLAB CHIGS SHES PA
BSTAN PA LA PHAN PA RGYA CHEN PO THOGS PA'I GANG ZAG YIN NA BRTAGS
TE BYA, DBYAR DGUN GYI MTSAMS GNYIS KYI SKABS SU THUN MONG MA YIN
PA'I LA MA GYI RIM PA LA BLO SBYONG BA'I

SGRUB PA BSAM GTAN GYI 'KHOR LO LA GTZO BOR BYA ZHING ,STON DPYID
KYI SKABS SU SNGAGS DANG PHA ROL TU PHYIN PA'I GZHUNG LA BLO DANG
BSTUN PA'I KLOG PA THOS BSAM GYI 'KHOR LO LA GTZO BOR NAN TAN DU
BYA, DUS GNYIS KAR YANG RANG GIS GANG KHAS BLANGS PA'I

BSLAB KHRIMS RNAMS LA THUN DRUG TU SDOM SEMS GTONG BA SPYOD LAM KUN
TU SDOM PA GSUM GYI NYAMS LEN DANG MA 'GAL BAR SPYOD PA'I BYA BA
LAS KYI 'KHOR LO LA 'BAD PAR BYA BAR BCAD, YUL DUS KYI DBANG GIS
DGE 'DUN GYI KHRIMS SU BCA'

BA MANG NYUNG SNA TSOGS PHAR 'GYUR BA'I MA NGES PA RNAMS NI BCA'
YIG CHUNG BA ZUR NA YOD PA BZHIN BYA, SNGON GYI DUS SU BSTAN PA RIN
PO CHE LA CHES CHER GCES SPRAS SU MDZAD PA'I SKYES BU DAM PA BSTAN
PA'I GNAD MKHYEN PA RNAMS KYIS DGE 'DUN GYI

@250A *, ,KHRIMS SU BCA' BA RIM PA BZHIN DU MDZAD NAS BSTAN PA RIN
PO CHE RGYAS PAR SPEL BA'I SROL BZANG PO RNAMS DUS KYI DBANG GIS
CHES CHER NYAMS PA'I SKABS 'DIR SKYE DGU THAMS CAD KYI PHAN BDE'I
GTER CHEN PO THUB PA'I BSTAN PA RIN PO CHE

SGO THAMS CAD NAS PHYOGS THAMS CAD DU DAR ZHING RGYAS LA RING DU
GNAS NA CI MA RUNG SNYAM PA'I BSAM PAS KUN NAS BSLANGS NAS BYAS
PA'I BCA' YIG 'DI'I LUGS BZHIN DU BSTAN PA RIN PO CHE'I SROL KA
TSUGS PA'I THABS LA GZHIN GNYUG MAR

BZHUGS PA DANG, BYES NAS GLO BUR DU SBYON PA'I SDOM BRTZON DAM PA
SEMS CAN LA SNYING BRTZE BA DANG, RGYAL BA SRAS DANG SLOB MAR BCAS
PA LA GUS PA DANG, BSTAN PA RIN PO CHE LA GCES SPRAS SU 'DZIN PA
DANG, BSTAN PA PHYOGS RE BAR MA SONG BAR RGYAL

BA'I DGONGS PA'I GNAD YONGS SU RDZOGS PA'I LUGS BZANG PO MI NUB PA
LA BRTZON PAR MDZAD PA RNAMS KYIS SHIN TU RLABS CHE BA'I THUGS KHUR
BSNAMS NAS RANG YANG DE LA GNAS, GZHAN YANG DE LA 'GOD, CHOS MTHUN
PA MTHONG NA LEGS PAR BSNGAGS

PA'I SGO NAS BRTZON PA CHEN PO THUGS LA 'DOGS PAR ZHU, MDOR NA MTHO
DMAN 'BRING GSUM GYI SA THAMS CAD NAS THUGS KHUR RGYA CHEN PO
BSNAMS LA DGE 'DUN GYI SPYI'I KHRIMS SU BCA' BA 'DI'I GZHUNG SRONG
BAR MDZED, ,RGYAL BA SRAS DANG SLOB MA'I TSOGS

BKA' SDOD DANG BCAS PA RNAMS KYIS KYANG MNGON PAR 'DOD PA'I GNAS
'DI DAG GEGS MED PAR BDE BLAG TU 'GRUB PAR MDZAD DU GSOL, ,BSLAB
PAR BYA BA'I GZHI PHYOGS RE BA MA YIN PA'I BSTAN PA'I GNAD YONGS SU
RDZOGS PA LA SLOB TSUL PHYOGS

@250B RE BA MA YIN PA'I THOS PA DANG, BSAM PA DANG, SGOM PA GSUM
CHAR GYI SGO NAS SLOB PA'I KHRIMS SU BCA' BA 'DI, SGO THAMS CAD NAS
PHYOGS THAMS CAD DU DAR ZHING RGYAS LA YAN RING DU GNAS PAR GYUR
CIG, ,,GTZUG LAG KHANG RNAMS KLOG PA DANG, ,KHA TON

GYIS RGYAL LEGS GNAS SHOG ,RTAG TU DGE 'DUN MTHUN PA DANG, ,DGE
'DUN DON YANG 'GRUB PAR SHOG, BSLAB PA 'DOD PA'I DGE SLONG DAG
,DBEN PA DAG NI THOB GYUR TE, ,G-YENG BA THAMS CAD RAB SPANGS NAS,
,SEMS NI LAS RUNG SGOM GYUR CIG ,

BYA LO ZLA BA LNGA PA'I YAR GYI NGO'I TSES GZHI'I NYIN GANGS RI'I
DBANG PO 'O DE GUNG RGYAL GYI LHA ZHOL DBEN GNAS BYAMS PA GLING DU
DGE BA'I BSHES GNYEN CHEN PO BLO BZANG GRAGS PA'I DPAL GYI ZHAL
SNGA NAS DKA' GNANG STE, SDOM BTZON SDE SNOD 'DZIN

PA GNAS BRTAN BSTAN PA RIN PO CHE LA GCES SPRAS SU MDZAD PA RNAMS
KYIS DGE 'DUN GYI KHRIMS SU BCA' BA DANG POR MDZAD PA'O,,