` ,,RGYAL BA SRAS DANG BCAS PA RNAMS LA PHYAG 'TSAL LO, ,BYAMS PA GLING
NA BZHUGS PA'I DGE 'DUN RNAMS

KYIS SPYI'I KHRIMS SU BYA BA'I BCA' YIG CHUNG DU MDZAD PA LA, DBYAR
DGUN GYI MTSAMS KYI DUS SU NANG GI RKYEN GYI DBANG DU BYAS NA,
LTUNG BA'I PHYIR CHOS PA DANG, NAD PA'I PHYIR DANG, DGE BSKOS DANG
ZHAL TA BA DANG, SPYI LAS BYED PA'I DGE BSNYEN DANG, THAB

GCIG LA 'DU PA'I SPYIL PO SO SOR 'DUG PA DANG, MTHUN RKYEN GYIS GTUGS
PA DANG CHOS MTHUN GYI BYA BA LA MI 'GRO KA MED KYIS PHYI ROL TU
'GRO DGOS PA DANG, CHOS KYI NYIN MO MA GTOGS PA SPYIL PO PHAN TSUN
DANG GLING GI PHYI ROL TU ME 'GRO ZHING, PHYI ROL

@251A *, ,TU 'GRO DGOS PA'I RKYEN DANG LDAN PA'I TSE YANG DGE BSKOS LA
DRIS NAS MNGON CHUNG BAR BYAS TE 'GRO BAR BCAD, DE RNAMS DANG 'GAL
NA DGE 'DUN LA BRJOD DE NYES PA PHYIR BCOS NAS PHYAG BRGYA 'TSAL BAR
BCAD, GDAMS NGAG GSAR DU

ZHU BAS 'OS PA LA MA DRIS PAR GLING GI PHYI ROL TU PHYIN NA GDAMS
NGAG DE'I 'PHRO MI SBYIN PAR BCAD, PHYI'I RKYEN GYI DBANG DU BYAS NA
GLO BUR DU BYON PA THAMS CAD BSKOS PA'I DGE BSNYEN GYIS MA BRTAGS
PAR MTSAMS MTHO YAN LA BTANG NA NYES PA

BSGRAGS NAS DGE BSNYEN PHYAG NYI SHU RTZA GCIG 'TSAL DU 'JUG PAR
BCAD, DGOS PA KHYAD PAR CAN MA GTOGS MTSAMS MTHO'I NANG DU MI
GTONG BA DANG, NGES PAR PHRAD DGOS KYI RKYEN DANG LDAN NA DGE
BSNYEN GYIS BRDA SBYAR TE MTSAMS KYI PHYI ROL

TU PHRAD PAR BCAD, GLING GSEB TU BUD MED ZHAG TU MI BZHAG CING
CHOS LDAN GYI DGOS PA MA GTOGS GLING GSEB TU'ANG MI BTANG, RTZA
SHING LA SOGS PA'I YO BYAD PHRAN TSEGS 'TSONG BA DANG, SPRANG PO
GLING GSEB TU MI BTANG ZHING GAL TE BTANG NA CHAD PA

GONG BZHIN BYED PAR BCAD CING KHA ZAS DGE BSNYEN GYIS BSDUS NAS
MTSAMS KYI PHYI ROL TU SKYEL BAR BCAD, GLING GSEB TU KHYI RKUN BYUNG
NA GLING SGOM GANG DU BYUNG BA DE'I MTSAMS KYI PHYI ROL TU 'DOD PAR
BCAD, BRE SRANG SOGS BYA BA ZIN MA THAG SPYI

SA SKOR DU BSKYAL BA DANG, ZHING BTAB PA'I STENG DU LAM MI BYA BA
DANG, DUD 'GROS ZHING ZOS PA BYUNG NA CI TZAM BRLAG PA'I RIN ZHING
BDAG LA SBYIN PAR BCAD, CHU NGOGS CHU 'GRAM LONGS SPYAD DU RUNG
BA'I SHING KUN LA MKHO BA'I GNAS DGE 'DUN GYI KUN DGA' RA

@251B BA RNAMS SU MCHIL MA DANG SNABS DANG MI GTZANG BA LA SOGS
PA'I DNGOS PO MI 'DOR BA DANG, GLING GSEB TU RGYANG SKAD MI 'BOD PA
DANG, KHA TON GYI SGRA CHEN PO DANG, THUG RUM GYI SGRA MI BYED PAR
BCAD, NYE 'KHOR DU YO BYAD NYO BA RNAMS KYIS SNGA MAS THAG MA BCAD
PAR

DNGOS PO'I STENG DU MI RUB CING HAB BSHUR MI BYA, RIN THANG JI LTAR
BCAD PA LAS RIN THANG LHAG CHAD DU MI 'JAL ZHING, GLING GSEB NANG
TSUN CHAD MA GTOGS RIN THANG GCOD PAR BSKOS PA LA MA GTUGS PAR
NYO TSONG BYAS PA BYUNG NA DGE 'DUN GYI TSOGS LA PHAN

PAR CHU BAN GSUM SKYEL BAR BCAD CING DE LAS 'DAS NA DGE 'DUN GYI
DBUS SU BZOD PA GSOL BAR BCAD, DGE 'DUN 'DUS PA'I SHUL DU BSKOS PA'I
MI DANG NAD PA'I PHYIR DANG ZHAL TA BA DANG DGE BSKOS LA DRIS NAS
MA GTOGS GLING GSEB TU BRANG KHANG

PHAN TSUN DU MI 'GRO BA DANG, GLING GSEB TU DUD 'GRO ZHAG GSUM MIN
PAR MI BSTEN PAR BCAD, SBYIN BDAG DANG LAS BYED PA MA GTOGS THAB
RTZAR MI SDOD CING TSOGS CHE CHUNG GANG DU 'DU BA'I TSE SGRUB NUS
PA RNAMS KYIS BEM PO DANG PHYAM TSE MI BGO BAR BLA

GOS DANG RDUL GZAN SOGS DBYIBS RUNG BA LA BRTEN PAR BCAD, KHA 'THAB
BYED PA BYUNG NA LTUNG BA BSHAGS NAS DGE 'DUN GYI DBUS SU PHYAG
DANG BCAS PA'I LTUNG BSHAGS TSAR BDUN BTON NAS BZOD PA GSOL ZHING
TSOGS SU CHU BAN GSUM SKYEL BAR

BCAD, GRAL LA 'DU BA'I KUN SPYOD LHAG MA RNAMS MDZAS CHOS PA DANG
ZHAL TA BAS BSGO BA BZHIN DU BYED PAR BCAD, MTHO NANG DU SHING
DANG LO MA MI GCOD PA DANG, MTSAMS KYI SNGA ROL NA YOD PA RNAMS
KYIS MTSAMS BSDAMS NAS MA GROL BAR MKHAR

@252A *, ,LAS GSAR DU MI BYA BA DANG, GLO BUR DU SLEB PAS MI BYED KHA
MED KYI MKHAR LAS DGOS PA BYUNG NA DGE BSKOS DANG ZHAL TA BA LA
DRIS NAS JI LTAR 'OS PA'I SAR BYED PAR BCAD, RTZA BDAG YIN YANG NAM
'GRO BA'I TSE SPYIL PO

MI BSHIG PA DANG, SONG BA'I SHUL DU'ANG SPYIL PO PHAN TSUN BSHIG NAS
GCIG TU 'DRIL BA MI BYED PA DANG, SPYIL PO BZHAG SA'I DO DAM DNGOS SU
BYED PA MED NA DGE BSKOS DANG ZHAL TA BA LA GTOD PAR BCAD, GNAS
'DIR CHOS

THEG RE SDOD PAR 'DOD PA'I RAB BYUNG RNAMS KYIS ZANGS RI MAN CHAD
KYI MI SDE LA 'U LAG BSKUL NA BLA MA LA DMIGS PA'I SDIG KHAM PO CHE
GSOG PAR SNANG BAS DE MI BYED PA DANG, CHES NAS GSUNG SHOG BLANGS
NAS NAN GYIS YO BYAD

STER DU BCUG NA SBYIN BDAG RNAMS YID SUN NAS DGE 'DUN SPYI LA MI MOS
PA'I DGAG BYA CHEN PO 'DUG PAS DE LTAR MI BYED PAR BCAD, GAL TE DE
GNYIS DANG 'GAL BAR BYAS NA DGE 'DUN GYI DBUS SU NYES PA BSGRAGS NAS
BZOD PA

GSOL BAR BCAD, GLENG NA SKYON BRJOD DU 'GRO BA'I NYES PA RNAMS LA
GRVA 'DIR CHOS THOG RE SDOD PA TSUN CHAD DU SDOD PA'I RAB TU BYUNG
BA RNAMS KYIS 'DIR BZHUGS KYI RAB BYUNG LA SMRAS PA LA, DGE BSKOS KYIS
GANG LAS THOS PA

SOGS JI LTAR YIN RTZAD BCAD PA'I TSE GZHI DE GANG YIN GYI NGES PA MI
SNANG NA GCIG NAS GCIG TU BRGYUD PA'I GANG SMRAS THAMS CAD KYIS
NYES PA PHYIR BCOS NAS DGE 'DUN 'DUS PA'I SPYAN SNGAR PHYAG NYI SHU
RTZA GCIG BYAS TE

@252B BZOD PA GSOL BAR BCAD, BSLAB KHRIMS CHEN MO LA GTOGS PA
RNAMS KYIS YUL DUS KYI DBANG GIS SGRUB PAR MA NUS PA MIG GNYA' SHING
GANG TZAM LAS PHAN CHAD DU MI LTA BA LA SOGS PA 'GA' ZHIG MA GTOGS
GRVA 'DI NA PHYIR BCOS KYI

LAG LEN YOD PA'I SDE LNGA'I LTUNG BA KHRIMS CHEN MO'I KHOG TU ZHUGS
PA'I GROGS LA BYUNG BA, DGE SLONG BSKOS PA LA SOGS PAS GLENGS NA
LTUNG BA PHYIR 'CHOS PA'I THABS SGRUB PA GANG YANG RUNG BA LA MA
SMRAS PAR GSANG BA DANG, GRVA 'DIR DGE

'DUN GYI BCA' YIG CHE CHUNG DANG 'GAL BA'I NYES PA BYUNG BA SHES
BZHIN DU BSKOS PA'I DGE SLONG LA MA BSHAD PAR GSANG NA'ANG CHAD BA
SNGA MA BZHIN BYED PAR BCAD, GRVA 'DIR PHYOGS RIS NAS BYON PA'I SDOM
BRTZON RNAMS KYI KUN SPYOD YONGS SU DAG PA

LA BRTEN NAS RGYAL BA'I BSTAN PA RIN PO CHE PHYOGS THAMS CAD DU DAR
ZHING RGYAS PAR BYA BA'I PHYIR DGE 'DUN GYI KHRIMS SU BCA' BA MDZAD
PA 'DI MTHO DMAN GYI SA THAMS CAD NAS SO SO NAS THUGS KHUR CHEN PO
BSNAMS TE, BSTAN PA RIN PO CHE

RGYAS PA'I THABS LA DGE 'DUN GYI KHRIMS SU BCA' BA 'DI'I GZHUNG SRONG
BAR MDZED, GTZUG LAG KHANG RNAMS KLOG PA DANG, ,KHA TON GYIS
RGYAS LEGS GNAS SHOG ,RTAG TU DGE 'DUN MTHUN PA DANG, ,DGE 'DUN
DON YANG 'GRUB PAR

SHOG ,BSLAB PA 'DOD PA'I DGE SLONG DAG ,DBEN PA DAG NI THOB GYUR TE,
,G-YENG BA THAMS CAD RAB SPANGS NAS, ,SEMS NI LAS RUNG SGOM GYUR
CIG ,BYA LO ZLA BA LNGA PA'I YAR NGO'I TSES BZHI'I NYIN GANGS RI'I DBANG
PO 'O DE GUNG

@253A *, ,RGYAL GYI LHA ZHOL DBEN GNAS BYAMS PA GLING DU YONGS SU
RDZOGS PA'I DGE BA'I BSHES GNYEN CHEN PO BLO BZANG GRAGS PA'I DPAL
GYI ZHAL SNGA NAS BKA' GNANG STE, SDOM BRTZON SDE SNOD 'DZIN PA'I
GNAS BRTAN,

BSTAN PA RIN PO CHE LA GCES SPRAS SU MDZAD PA RNAMS KYI KHRIMS SU
BCA' BA CHUNG BA DANG POR MDZAD PA'O,,