` ,,(BLA MA'I RNAL 'BYOR CHUNG NGU BZHUGS SO,,) ` ,,SKYABS 'GRO SEMS BSKYED BYA, MDUN GYI NAM MKHA'I GNAS SU, SENG GE CHEN PO BRGYAD KYIS BTEG PA'I RIN PO CHE'I KHRI'I STENG DU, SNA TSOGS PADMA DANG ZLA BA DANG NYI MA'I GDAN LA, RTZA BA'I BLA MA NGO BO BLA MA LA, RNAM PA BCOM LDAN 'DAS RDO RJE 'CHANG CHEN PO SKU MDOG SNGON PO ZHAL GCIG PHYAG GNYIS PA, G-YAS PAS RDO RJE DANG, G-YON PAS DRIL BU THUGS KAR BSNOL NAS 'DZIN PA, MTSAN SO GNYIS DANG DPE BYAD BRGYAD CUS BRGYAN PA, DBU SKRA RAL PA THOR TSUGS SU BYAS PA, RIN PO CHE'I DBU RGYAN, SNYAN RGYAN, MGUL RGYAN, DPUNG RGYAN, PHYAG GDUB, ZHABS GDUB KYIS BRGYAN PA, DAR SNA TSOGS KYI SHAM THABS CAN, DE'I DPRAL BAR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD 'PHROS, RTZA BA DANG BRGYUD PAR BCAS PA'I BLA MA RNAMS DANG, YI DAM DKYIL 'KHOR SANGS RGYAS DANG BYANG CHUB @260A *, ,SEMS DPA' DPAG TU MED PA SPYAN DRANGS, DE NYID LA THIM, MKHA' 'GRO CHOS SKYONG DRAG PO'I MTSON CHA SNA TSOGS BZUNG NAS, RANG GI PHYOGS BZHI MTSAMS DANG BRGYAD, STENG 'OG GNYIS DANG BCUR GNAS PAS, RANG GI BAR CHAD THAMS CAD SEL BAR GYUR, MAndAL PHUL, GSOL BA BTAB PAS, BLA MA'I DPRAL BA'I AOm DKAR PO LAS 'OD ZER DKAR PO BYUNG RANG GI DPRAL BAR THIM, LUS KYI SDIG SGRIB DAG ,BUM PA'I DBANG THOB, SKU'I DBYIBS ZHUGS, MGRIN PA'I A'A: DMAR PO LAS 'OD ZER DMAR PO BYUNG, RANG GI MGRIN PAR THIM, NGAG GI SGRIB PA DAG ,GSANG BA'I DBANG THOB, GSUNG GI DBYIBS ZHUGS, THUGS KA'I H'Um LAS 'OD ZER SNGON PO BYUNG, RANG GI SNYING KHAR THIM, SEMS KYI SDIG SGRIB DAG ,SHES RAB YE SHES KYI DBANG THOB, THUGS KYI DBYIBS ZHUGS, SKU GSUNG THUGS KYI YI GE GSUM LAS, 'OD ZER DKAR DMAR SNGO GSUM BYUNG, RANG GI LUS NGAG YID GSUm SPYI LA THIM, LUS NGAG YID GSUM SPYI'I SDIG SGRIB DANG, BAG CHAGS KYI SDIG SGRIB THAMS CAD SBYANGS, DBANG BZHI PA TSIG DBANG RIN PO CHE THOB, SKU GSUNG THUGS DBYER MI BYED PA RDO RJE 'CHANG CHEN PO'I DBYIBS ZHUGS PAR BSAM LA, RANG THA MAL DU GNAS PA'I RNAM PAR SHES PA H'Um DU GYUR PA SPYI BO TSANGS BUG NAS THON PA, RDO RJE RNAL 'BYOR MA DMAR MO ZHAL GCIG PHYAG GNYIS GRI GUG DANG THOD PA 'DZIN PAR GYUR, NANG GI MDUN DU YAm LAS @260B RLUNG GI DKYIL 'KHOR SNGON PO, ,GZHU'I DBYIBS CAN, DE'I STENG DU RI ? LAS ME'I DKYIL 'KHOR DMAR PO GRU GSUM PA, DE'I STENG DU A'A: LAS MI MGO'I SGYED BU GSUM, RDO RJE RNAL 'BYOR MAS RANG GI LUS THA MAL DU GNAS PA'I SMIN MTSAMS NAS THEGS PA'I THOD PA, MI MGO'I SGYED BU GSUM GYI STENG DU BKAL BAS, STONG GSUM 'JIG RTEN GYI KHAMS DANG MNYAM PAR GYUR ,LAG PA G-YON PA, RKANG PA G-YON PA, LAG PA G-YAS PA, RKANG PA G-YAS PA, BUm LNGAR RNAMS RIM PA BZHIN DU, THOD PA'I NANG DU BSKYUR, 'OG GI RLUNG G-YOS ME SBAR, THOD PA'I RDZAS RNAMS BSKOL BA'I NANG DU, AOm A'A: H'Um GSUM GYI YI GE GSUM GNAS PA LAS 'OD 'PHROS, SANGS RGYAS BYANG CHUB SEMS DPA'I YE SHES KYI BDUD RTZI SPYAN DRANGS, YI GE GSUM LA THIM, YI GE DANG BCAS PA THOD PA'I NANG DU LHUNG BAS YE SHES KYI BDUD RTZI'I RGYA MTSO CHEN POR GYUR, RDO RJE RNAL 'BYOR MA'I THUGS KA NAS, RDO RJE RNAL 'BYOR MA THOD PA THOGS PA DPAG TU MED PA 'PHROS THOD PA'I NANG GI BDUD RTZI THOD PHOR GYIS BCUS TE, RTZA BA'I BLA MA LA DRANGS, THUGS DGYES PAR BSAM, YI DAM DKYIL 'KHOR GYI LHA TSOGS SANGS RGYAS DANG BYANG CHUB SEMS DPA' DPAG TU MED PA LA DRANGS, DE RNAMS THUGS DGYES MKHA' 'GRO CHOS SKYONG DPAG TU MED PA LA DRANGS, DE RNAMS NUS PA DANG LDAN PAR GYUR, GZHAN YANG RIGS DRUG SEMS CAN THAMS CAD LA DRANGS, DE RNAMS SDUG @261A *, ,BSNGAL MTHA' DAG DANG BRAL BAR GYUR, GNOD BYED 'BYUNG PO LAN CHAGS RNAMS LA DRANGS, DE RNAMS GNOD PA DANG, GDUG PA'I BSAM PA THAMS CAD DANG BRAL BAR GYUR, RIGS DRUG PHYIN GYI MGRON STONG PA NYID DU GYUR, RDO RJE RNAL 'BYOR MA THAMS CAD KYANG RANG LA THIM, BLA MA KHRI DANG BCAS PA DANG, SANGS RGYAS DANG BYANG CHUB SEMS DPA' THAMS CAD 'OD DU ZHU NAS, RANG LA THIM PAS RANG GI LUS NGAG YID GSUM DANG BLA MA'I SKU GSUNG THUGS DBYER MED DU GYUR, RANG YANG 'OD DU ZHU NAS STONG PA NYID DU GYUR, DMIGS MED KYI NGANG LA BZHAG ,BSNGO BA SMON LAM BYA, ,(ZHES PA'I BLA MA'I RNAL 'BYOR THAMS CAD MKHYEN PA SHAR TZONG KHA PA BLO BZANG GRAGS PA'I DPAL GYIS 'BROG RI BO CHE DGE LDAN RNAM PAR RGYAL BA'I GLING DU SBYAR BA'O,,