` ,,SRID PA'I PHUN TSOGS DU MA'I RTZER SON CING, MNGON RLOM RI BO
MTHON PO LA 'DZEGS PA, ,TSANGS DANG LHA CHEN RNAMS KYI GTZUG GIS
KYANG, ,GANG GI ZHABS

@262B RDUL GUS PAS RAB BSTEN PA, ,LHA YI LHAR GYUR RJE BTZUN MKHYEN
PA'I GTER, ,'JAM PA'I DBYANGS KYIS 'GRO BA'I DBUGS 'BYIN PA, ,'JAM PA'I
DBYANGS KYI ZHABS KYI PADMO DE, ,SKYE ZHING SKYE BAR GTZUG NA MDZES
GYUR CIG ,RNAM DKAR

LAS KYI BYED PO YIS, ,RNAM DPYOD BGO SKAL LHAG BYIN PAS, ,RNAM MANG
GZHUNG LA MNGA' BRNYES PA, ,RNAM 'DREN BSHES GNYEN DAM PA RGYAL,
,RGYAL BA'I GSUNG RAB MDO SNGAGS KYIS BSDUS PA'I NANG RIG PA DANG,
THA SNYAD KYI

GZHUNG DU MA LA RNAM DPYOD KYI SNANG BA CHES CHER RGYAS PA'I BSHES
GNYEN CHEN PO NGAG DBANG GRAGS PA SKU KHAMS RIN PO CHE 'GRO BA'I
BSOD NAMS KYI ZHING DU BRTAN CING, 'PHRIN LAS BZANG PO PHYOGS SU
RGYAS PA'I SKABS

NAS DON BZANG LA TSIG GI SBYOR BA LEGS PA'I 'PHRIN YIG GZUNGS SNGAGS
KYI SKYES DANG BCAS PA BDAG GI SUG PAR PHYIN PAS YID SHIN TU RANGS
PAR BYAS, 'DIR YANG DGE BAR MCHIS, DAM PA KHYED GZHAN GYI LEGS

PAR BSHAD PA PHUN SUM TSOGS PA MTHONG BAS, RANG GI YID TSER MA'I MAL
DU MI 'JUG PAR MA ZAD, ,TSIG DANG DON GYI RO MYANGS PA LAS BYUNG BA'I
DGA' BDE 'PHEL BAR BYUNG GSUNG BA NI, RIGS PA DANG MI RIGS PA TSUL

BZHIN DU DPYOD PAR NUS SHING, ,GZU BO'I BLO DANG LDAN PA'I DAM PA
RNAMS GANG NAS GSHEGS PA'I LAM DE NYID NAS SONG BAR MTHONG NAS,
BDAG GI YID KYANG CHES RANGS PAS DRANGS PA'I NGAG GIS DAM PA RNAMS
KYI KUN TU SPYOD

@263A *, ,PA NI 'DI 'DRA BAS SO ZHES GZHAN LA'ANG GRAGS PA'I 'PHRENG BA
SPEL ZHING MCHIS, THOS MANG MKHYEN PA RGYA CHE LA, ,RIGS LAM DU MAR
NGAL BYAS SHING, ,BRTZON LDAN GZUR GNAS NGANG TSUL CAN, ,KHYED LA
MANG DU SMOS CI

DGOS, ,DE LTAR NA YANG MA 'DRIS MDZA' BSHES LA, ,CUNG ZAD GSOL BA 'DI
YANG DGONGS PAR MDZOD, ,SRID ZHI'I PHUN TSOGS 'BYUNG BA'I SGO GCIG
PU, ,RGYAL BA'I BSTAN PA RING DU GNAS PA NI, ,GZHUNG LUGS

GDAMS PAR SHAR BA'I MANG THOS KYIS, ,SGRUB PA SNYING POR BYED LA RAG
LAS PAS, ,MKHAS KHYOD MANG THOS DON LDAN MDZAD PA YI, ,LHA DANG
BCAS PA'I 'JIG RTEN MGU BAR MDZOD, ,SKAL BZANG RNAM DPYOD CAN GYI
SKYE

BO YIS, ,SNYING NAS SHES PAR 'DOD PA'I 'BREL GTAM RO, ,YID LA SKAL BZANG
STZOL BA LAS LHAG PA'I, ,DGA' BA'I LONGS SPYOD 'DI NA MA MCHIS PAS, ,DE
PHYIR THEG MCHOG GTAM GYI BGRO BA LAS, ,BYUNG BA'I

DGA' DANG BDE DANG DANG BA YIS, ,LUS KYI SPU LONG RGYAS PA'I DGA'
STON LA, ,YANG YANG 'DU BA'I SMON PA'ANG BGYID PAR 'TSAL, ,ZHES DBO ZLA
BA'I NYER GNYIS LA 'BROG RI BO CHE DGE LDAN RNAM PAR RGYAL BA'I GLING
NAS

BLO BZANG GRAGS PA'I DPAL GYIS PHUL BA DGE LEGS SU GYUR CIG ,CES PA'I
SKYES KYI BRDA MTSON TZAM DU DAR CHEN DKAR PO MCHU 'GRIL YOD PA
KHA GANG 'BUL, ,('DI SA SKYA PA NGAG DBANG GRAGS PA'I ZHU LAN DU
GNANG BA'O,, ,,