@263B ` RJE THAMS CAD MKHYEN PAS MDZAD PA'I BYA DGA'I SNYAN NGAG AA'I
DBYANGS NGES BZHUGS SO),, ` ,,YANG DAG LAM LA RAB GNAS PA, ,LAS NGAN
BAG CHAGS THAMS CAD SPANGS, ,GZHAN PHAN THABS MANG RAB MNGA' BA,
,DAG PA SAR GNAS 'JAM

DPAL DANG, ,GZHAN YANG 'PHAGS PA THAMS CAD LA, ,LHAG BSAM DAG PAS
RAB DAD NAS, ,ZAB LAM MAN NGAG DAM PA 'CHAD, ,LHAG PAR DGA' BAS
MNYAN PAR 'TSAL, ,LAS NGAN BAG CHAGS BSAGS PA LAS, ,MNGAL

DANG GZHAN YANG GNAS NGAN 'GAR, ,RANG DBANG SPANGS NAS BTZAL BA
DANG, ,RNAM MANG NA TSES YANG YANG MNAR, ,RGAS PAS YAN LAG NYAMS
DANG 'DAR, ,RKANG LAG ZHA DANG MDANGS NGAN PA, ,THAMS CAD LAS
NGAN DBANG LAS

LAGS, ,LAS NGAN CHAGS SDANG MA SPANGS NA, ,RANG GZHAN THAMS CAD
LAS NGAN LAS, ,NAM YANG THAR BAR DKA' BAS NA, ,CHAGS SDANG SPANG LA
'BAD PAR 'TSAL, ,RNAM DKAR LAS LAS THAR PA DANG, ,LAS NGAN BSAGS

PAS GNAS NGAN 'GAR, ,YANG YANG MNAR BA RAB BSAMS NAS, ,DKAR NAG LAS
LA GDAM GA 'TSAL, ,RAB GNAG LAS LA GANG DGA' BA, ,LAS NGAN DBANG LAS
BSAD PA DANG, ,BCAD DANG BTAGS PAS RNAM PAR

MNAR, ,NAGS TSAL YANGS PA MTHA' YAS PAR, ,BSHAD LAM BRDAR BAS BCAD
PA DANG, ,RAB TSA ZANGS NANG NYAM NGA BAR, ,SHA DANG PAGS PA ZHAG
RNAMS ZAD, ,MKHA' LA 'DAB MA 'BAR BA DANG, ,RNAM MANG MDA' TSAR

@264A *, ,YANG YANG 'BAB, ,RAB 'BAR TSA BA DANG LDAN PAR, ,DPAG YAS
BSKAL PAR GNAS KYANG 'TSAL, ,GZHAN YANG PADMA LTAR GAS NAS, ,NYAM
THAG PAR YANG GNAS PA DAG ,THAMS CAD LAS NGAN DBANG LAGS PA, ,

LAS NGAN SPANG LA 'BAD PAR 'TSAL, ,GZHAN YANG LAS NGAN BSAGS PA LAS,
,RTA 'AM BA GLANG MNGAL BTZAS NAS, ,RANG DBANG RAB SPANGS THAG PAS
BTAGS, ,BSAD DANG BCAD PAS NYAM THAG 'BAR, ,LA LA KHAL

MANG BKAL BAS MNAR, ,PHAN DANG DGA' BA SPANGS PA DAG ,THAMS CAD
LAS NGAN DBANG LAGS PAS, ,LAS NGAN SPANG LA 'BAD PAR 'CHAL, ,LAS NGAN
DBANG LAS GANG ZAG 'GAS, ,YANG DAG KHA ZAS MA 'TSAL BAR,,

THAL DANG BSHANG BA ZA BA 'AM, ,KHA ZAS GTAN NAS MA 'TSAL BAS, ,NYAM
THAG PAR YANG RNAM PAR GNAS, ,LA LA RKANG LAG MTHA' DAG ZHA, ,SNA
DANG YAN LAG MA TSANG BAS, ,GZHAN 'GAS SMAD DANG BRNYAS PAR
MDZAD, ,

LA LA GCAN GCAN MNGAL BTZAS NAS, ,GZHAN LA SDANG BAS RNAM PAR
GNAS, ,LA LA NYA DANG PHAG PAR GNAS, ,'DAM BCAS GNAS NA NYAL BA DAG
,THAMS CAD LAS NGAN DBANG LAGS PAS, ,LAS NGAN

SPANG LA 'BAD PAR 'TSAL, ,LAS NGAN DBANG LAS NYA PA DANG, ,BSHAN PA
DAG LA RAB DGA' BAS, ,RAB GNAG LAS LAM MANG BSAGS NAS, ,LAS NGAN
NYAM PAR RTAG PAR GNAS, ,MTHAR YANG THAR BAR DKA'

@264B BAS NA, ,LAS NGAN SPANG LA 'BANG PAR 'TSAL, ,DAR MAR GNAS PA
RGAS PAS NYAMS, ,RNAM MANG NA TSAS MDANGS BZANG YAL, ,BSAGS PA
THAMS CAD NAM YANG 'DZAD, ,GNAS PA THAMS CAD MTHAR 'GAG PAS, ,BSAM
PA

THAR PA LA GTAD NAS, ,RNAM DKAR LAS LA 'BAD PA DANG, ,CHAGS SDANG
MTHA' DAG SPANGS NA 'THAD, ,PAD MA R'A GA 'BAR BA DANG, ,MRGAD KHANG
PA BA DAN CAN, ,CHANG DANG KHA ZAS RAB MANG BAR, ,DGA' MA MDANGS
BZANG DANG BCAS

PA, ,DAR ZAB STAN LA NYAL BA DANG, ,SA BDAG DPAL LAS MTHAR NYAMS NAS,
,'DAM BCAS KHANG PA DAG NA NYAL, ,KHA ZAS YANG DAG MA 'TSAL BAS,
,RANG DBANG DGA' BA RAB SPANGS NAS, ,NYAM THAG PAR YANG GNAS 'TSAL
LAGS,,

DAL 'BAB PADMA GSAR GNAS PA, ,YAL 'DAB DANG LDAN DPAG BSAM CAN,
,DGA' TSAL DAG DANG LHA RNAMS DANG, ,DBANG MDZAD DPAL LDAN LHA
DBANG YANG, ,LHA DBANG DPAL LAS MTHAR NYAMS NAS, ,PHAG GAM BA
LANG MNGAL NAS

BTZAS, ,KHA ZAS RTZVA DANG BSHANG BA ZA, ,SA DANG GNAS MAL NGAN PA
'GAR, ,NYAM NGA BAR YANG GNAS 'TSAL LAGS, ,SNGAR BSHAD LAS NGAN RAB
SPANGS NAS, ,RNAM DKAR GZHAN PHAN BSAM PA DANG, ,YANG DAG LAM LA
RAB GNAS

PAS, ,LAS DANG BAG CHAGS SDANGS PA DANG, ,THAR LAM DAG LA 'BAD NA
'THAD, ,RAB DKAR LAS LA GANG DGA' BA, ,YANG DAG KHA ZAS RNAM MANG
LDAN, ,KHANG BZANG BA DAN CAN LA DBANG, ,THAMS CAD BKA' LA RAB
MNYAN PA, ,

@265A *, ,SA LA DPAL 'BAR SA BDAG DANG, ,BSAM GTAN RAB MNGA' 'TSANGS
DBANG YANG, ,YANG DAG PAR GNAS 'PHAGS PA DANG, ,GZHAL YAS KHANG
GNAS LHA DBANG YANG, ,RNAM DKAR LAS LA RAG LAS PAS, ,YANG

DAG LAM LA 'BAD NA 'THAD, ,YAL 'DAB RAB BZANG DPAG BSAM DANG,
,GDANGS GSAL DAL 'BAB PAD GSAR CAN, ,DGA' TSAL MA LA YAS KHANG BA,
,DPAG YAS DAD LDAN GNAS GTZANG NA, ,KHANG BZANG

RNAM DKAR BA DAN CAN, ,LTA NA RAB DKAR YANGS PA DANG, ,DAR DKAR NA
BZA' MAL CHA STAN, ,RNAM MANG DAR ZAB RATNA DANG, ,YANG DAG KHA
ZAS DPAL LA DBANG, ,SA DANG BAR SNANG MTHA' DAG NA, ,DPAG YAS BSNAGS
PA DANG

LDAN PA'ANG, ,RNAM DKAR LAS LA RAG LAS PAS, ,YANG DAG LAM LA 'BAD NA
'THAD, ,ZAB YANGS GANGG'A PAD GSAR CAN, ,PAD DKAR MDANGS BZANG 'DAB
MA 'DAB, ,TZANDAN MA LA YA NGAD LDAN, ,SNANG BA RAB 'BAR

RNAM MANG GSAL, ,RAB BZANG NGAD LDAN TZANDAN 'BAR, ,ZHAL ZAS BZA'
BA LHA RDZAS MANG, ,RDZA RNGA CHA LANG SKAD SNYAN DANG, ,DGA' CHA
MDANGS GSAL GAR NYAMS CAN, ,LHA RDZAS GZHAN YANG MANG LDAN PA,
,RAB

DKAR LAS LA RAG LAS PAS, ,YANG DAG LAM LA 'BAD NA 'THAD, ,RNAM DKAR
LAS LA 'BAD NA YANG, ,MTSAN MA DANG LDAN BSAM GTAN LAS, ,ZAG BCAS
GNAS NAS THAR BAR DKA', ,YANG DAG LAM LA

@265B GNAS PA LA, ,ZAG PA THAMS CAD 'GAGS PA NA, ,MTSAN MAR LTA BA RAB
SPANGS NAS, ,BKA' DANG MAN NGAG MNYAN PAR 'TSAL, ,YANG DAG LAM LA
MKHAS PA DANG, ,GZHAN PHAN BSAM PA RAB MNGA' BA, ,SA DANG LAM LA
GNAS PA YANG, ,GANG

ZAG DAM PA GZHAN BCAL NAS, ,ZAB LAM YANG YANG NYAN NA BZANG,
,RNAM DAG BKA' DANG 'GAL BA RNAMS, ,GZHAN 'GAS 'THAD PAR BSTAN NA
YANG, ,TSAD MAS RNAM PAR BKAG PAS NA, ,NYAN YANG RAB GZHAN NGAL
BAR ZAD, ,BSAM GTAN

DAG LA MA 'BAD NA, ,NYAN PA TZAM LAS THAR DKA' BAS, ,RANG RANG KHANG
PA BAS MTHA' DANG, ,GANG BSAM NAGS TSAL NYAMS DGA' BA, ,'DAB CHAGS
SKAD SNYAN DANG LDAN PAR, ,BSAM PA GZHAN DAG RAB BTANG NAS,
,MNYAN GZHAG

LAM LA 'BAD NA 'THAD, ,BDAG LTA MTHA' DAG RNAM SPANGS NAS, ,ZAB LAM
YANG DAG LTA BA LA, ,RNAM DAG BSAM PAS 'BAD PA NA, ,THAR PA DAM PA
RANG LA GNAS, ,YANG DAG LAM LA 'BAD NA YANG, ,RANG LA PHAN BSAM MA
SPANGS

NA; ;NYAN RANG DAG LAS MA 'DAS PAS, ,GZHAN PHAN LAS LA 'BAD NA 'THAD,
,GANG ZAG GZHAN DAG THAMS CAD LA, ,PHA DANG MAR YANG RAB BSAMS
NAS, ,RANG LAS GZHAN LA LHAG PAR YANG, ,RNAM DKAR BSAM PA LDAN PAR
'TSAL,,

GZHAN PHAN BSAM PAS RAB 'PHANGS NAS, ,KHA ZAS MAL CHA GNAS KHANG
DANG, ,YAN LAG DAG DANG DGA' MA YANG, ,MA PHANGS GZHAN LA GTANG
BAR 'TSAL, ,LA LAS 'DAB MA 'BAR BA DANG, ,RNAM MANG MDA' CHAR PHAB NA
YANG, ,BDAG DANG

@266A *, ,LAS LA RAB BSAMS NAS, ,RNAM DKAR BSAM PAS GNAS PAR 'TSAL,
,THAMS CAD RANG LA RAG LAS PAS, ,RANG BSAM STAG LTAR YAN PA DAG ,ZAB
LAM KA BA DAM PA LA, ,BSAM GTAN THAG PAS BTAGS NA BZANG, ,LTA

NGAN RNAM PAR MA BSAL NA, ,THAR LAM DAG LAS NYAMS LAGS PAS, ,RTAG
CHAD LTA BA RAB SPANGS NAS, ,YANG DAG MTHA' LA MNYAM GZHAG 'TSAL,
,BRTAGS NAS TSAD MAS BSAL BA DANG, ,THA SNYAD SNANG TZAM MA 'GAGS
PAS, ,RTAG

CHAD MTHA' LAS RAB 'DAS PAR, ,YANG DAG LAM LA MKHAS PAS BSHAD, ,YANG
DAG LAM LA MA 'BAD NA, ,LAS NGAN BAG CHAGS SPANG DKA' BAS, ,MTSAN MA
THAMS CAD RAB SPANGS NAS, ,SA LAM DAG LA 'BAD PAR 'TSAL, ,BKA'

RNAMS GDAMS PAR RAB SHAR NAS, ,ZAB LAM BSAM GTAN DAG LA 'BAD,
,MNYAM GZHAG LAM LAS LANGS PA DANG, ,BKA' DANG MAN NGAG 'CHAD PAR
'TSAL, ,GZHAN PHAN MDZAD PA BSAM LAS 'DAS, ,LAS NGAN BAG CHAGS

MTHA' DAG SPANGS, ,ZAB LAM THAMS CAD CHANG BAR MNGA', ,MTSAN DANG
LDAN PA GZHAN LAS LHAG ,RAB DANG BAR DANG THA MA LA, ,RANG RANG
KHAMS DANG BSAM PA DANG, ,'TSAM PAR LAM RNAMS THAMS CAD 'CHAD,
,TSANGS DANG LHA

DBANG BKA' LA NYAN, ,MDA' LNGA PA RNAMS RANG DBANG SPANGS, ,'PHAGS
PA GZHAN LAS MKHAS PA DAG ,YANG DAG LAM LA RAG LAS PAS, ,LAS NGAN
THAMS CAD RAB SPANGS NAS, ,YANG DAG LAM LA 'BAD PAR 'TSAL, ,GZHAN

@266B PHAN BSAM PAS RAB 'PHANGS NAS, ,ZAB LAM BAG TZAM BSTAN PA LA,
,BDAG LA PHAN BSAM LDAN PA RNAMS, ,DGA' DANG DAD PAS NYAN NA 'THAD,
,THA MAL NAD DANG BCAS PA YANG, ,SMAN PA DAG LA RAB NYAN NA, ,CHAGS
DANG SDANG BAS NA BA DAG ,

BKA' LAS 'DA' BA GA LA 'THAD, ,YAN LAG ZHAGS PAS BSDAMS PA YANG, ,BCAD
THABS DAG LA RAB 'BAD NA, ,LAS NGAN ZHAGS PAS BTAB PA DAG ,DAL BAR
GNAS PA GA LA 'THAD, ,DAD LDAN SPA BAS YANG DANG YANG, ,NAN MDZAD
NGAG LAS

RAB NYAN NAS, ,SNYAN NGAG GNAS RNAMS MTHA' DAG LA, ,MKHAS PAS LHAG
BSAM DAG PAS BRTZAMS, ,ZAB LAM MAN NGAG BSHAD PA LA, ,'GAL BA SNANG
NA MKHAS LA BSHAGS, ,RNAM DKAR LAS DANG GANG LDAN PAS, ,RANG
GZHAN

BAG CHAGS SPANG BAR 'TSAL, ,GZHAN 'GAS BSKAL PAR 'BAD NA YANG,
,BRTZAM PAR RAB DKA' SNYAN NGAG DAG ,LHAG BSAM RNAM PAR DAG PAS
BRTZAMS, ,MKHAS PA RNAMS LA YA MTSAN GNAS, ,CHAGS DANG SDANG BAS
SMAD NA

YANG; ;RANG RTAGS GZHAN LA BSTAN PAR ZAD, ,BDAG LA 'DAR DANG NYAM
NGA BA, ,NAM YANG MNGA' BA GA LA 'TSAL, ,(ZHES PA 'DI NI BSHES GNYEN SPA
? PAS BSKUL BA'I NGOR,) BDE BAR GSHEGS PA'I GSUNG RAB PHAL MO CHE LA
BLO GROS KYI PADMO RGYAS PA SHAR TZONG KHA

PA BLO BZANG GRAGS PA'I DPAL GYIS SBYAR BA'O,,)