` ,,AOm BDE LEGS SU GYUR CIG ,

SGRA DBYANGS LHA MO DBYANGS CAN MA LA PHYAG 'TSAL LO, ,MAR GAD
ZHU BA 'KHYIL 'DRA'I MTSO 'GRAM DU, ,BSIL ZER BYED PA'I STENG NA KE LA
SHA'I, ,MDANGS KYIS RAB MDZES TZOG PU'I TSUL GYIS 'GYING, ,RGYUD MANG
SNGON PO'I SGRA YIS ROL DER 'DUD, ,THOR TSUGS ME TOG DKAR PO'I PHRENG

BA YIS, ,MDZES PAR BYAS PA'I RTZE MOR ZLA BAS SPUD, ,MTHON MTHING DBU
SKRA'I ZAR BUS SKU STED KHEBS, ,TSANGS PA'I BU MO GZHAN YID 'PHROG MA
KHYOD, ,LHA YI LAM LA RGYU SKAR BDAG PO'AM, ,PADMO'I MTSO LA NGNG
MO RTZEN PA BZHIN, ,RAB YANGS RNYOG BRAL SEMS KYI

DGA' TSAL DER, ,RING DU GNAS TE SPOBS PA MCHOG STZOL MDZOD, ,SA 'DZIN
DKAR PO'I RTZE LA STON DUS KYI, ,SPRIN BRAL MTSAN MO'I ZLA 'OD LHUNG
BA LTAR, ,GSAL MDZES CHES DKAR LTA BAS MI NGOMS PA'I, ,KHYOD SKU 'O
MA'I RGYA MTSO MTHONG BA'I TSE, ,RNAM DAG TSUL

KHRIMS SPU SDUG GOS KYIS KLUBS, ,LUNG DANG RIGS PA'I 'DAB GNYIS BSKYOD
PA YIS, ,RGYA CHEN SHES BYA'I MKHA' LA RNAM ROL BA, ,BLO GSAL DANG BA'I
YID DE DGA' BAS PHROGS, ,RAB BRJID TI SI'I GANGS KYIS LHA YI LAM, ,RAB
MDZES THOR CAG BYAS NAS ZUR MIG

GIS, ,RAB SNYAN RGYUD MANG SGROG LA LTA BYED NA, ,RAB DKAR LHA MO
KHYOD DANG MTSUNGS PAR 'GYUR, ,MNYEN LCUG PHYAG GI 'DU BYED
BSGYUR BA DANG, ,AUTPALA SPYAN GYI ZUR MIG G-YO BA GNYIS, ,RAB MDZES
PI WANG DOGS SU BKOD BYAS NAS, ,GDANGS SNYAN SGRA YIS RNA

@47B PA'I DGA' STON 'GYED, ,'OD 'BAR GSER GYI RNA CHAS SNYAN SHAL GNYIS,
,'OD STONG LDAN PAS PADMO'I TSIL LA BZHIN, ,RNAM DAG TSEMS KYI PHRENG
BAS ZHAL GYIS DOGS, ,RNAM BKRA RGYU SKAR PHRENG BAS MKHA' LA BZHIN,
,DRI MED SHEL GYI SA 'DZIN NGOS DAG LA, ,DBANG PO'I GZHU

YIS KUN NAS BKRA BA BZHIN, ,MDZES SDUG SKU YI CHA SHAS MA LUS PA, ,YID
'DZIN RGYAN RNAMS KUN GYIS LHAM MER GYUR, ,AINDRA RNYIL GYI MDOG
LTAR RAB SNGO BA'I, ,RKANG 'THUNG GOS KYI PHRENG BAS GANGS KYI RI,
,KUN NAS MDZES PA JI BZHIN KHYOD KYI SKU, ,RGYUD MANG SNGON POS
G-YON

GYI PHYOGS NA MDZES, ,DRUG LHAG BCU YI DBYANGS KYI PHRENG BA CAN,
,SNYING GI CHU SKYES DBUS NA KHYOD KYI SKU, ,MKHA' GOS DKAR GSAL
DKYIL NA MDANGS MDZES PA'I, ,YID 'ONG GLOG PHRENG GZHON NU 'GYU BA
BZHIN, ,GANG GSUNG DRI BRAL CHA YI CHA SHAS TZAM, ,GANG GI RNA BA'I
LAM

DU LHUNG TZAM GYIS, ,GANG GI SGRIB PA'I BLO YI MI SHES PA, ,GANG GIS
GCOD MDZAD KHYOD GSUNG TSANGS PA'I DBYANGS, ,LHA LA LHA YI YONGS
'DU'I SHING BZHIN DU, ,GANG LA GANG ZHIG 'DOD PA'I 'BRAS STER ZHING,
,SRID LA SRID PA'I BAR DU RAB BRTZE BA, ,KUN LA KUN NAS SGRIB MED KHYOD

KYI THUGS, ,NYES ZAD SKU NI GANGS RI LTA BUR DKAR, ,YID 'PHROG GSUNG
NI 'BRUG GI DBYANGS LTAR BRJID, ,SPROS BRAL THUGS NI MKHA' BZHIN G-YO
BA MED, ,DGE LEGS GTER CHEN KHYOD KYIS BDAG SKYONGS SHIG ,SGA CHED
NYI ZLA'I 'OD KYI GOS BZANG BGOS, ,SDEB SBYOR BANG RIM

BZHI YI SKU RAGS BCANGS, ,SNYAN DNGAGS GAS NOR BU'I CIG GI THOD KYIS
MDZES, ,MNGON BRJOD GZI LDAN RI DBANG LHA MO DE, ,MKHAS MCHOG KLU
DBANG STONG GIS YONGS BZUNG BAS, ,RTZOM 'CHAD RTZOD PA'I RLABS
'PHRENG BRGYA G-YO BA'I, ,BDAG YID ROL MTSO'I 'JING DE'I DPAL BSKYED

@48A *, ,NAS, ,DANG BA'I CHU GTER CHE DER RING DU ROL, ,RAB DANG SHUGS
LDAN GDUNG BA'I DOR YIS, ,BSTOD PA'I MOD LA RE BA RDZOGS MDZAD MA,
,SGRA DBYANGS LHA MO CHE RABS THAMS CAD DU, ,BDAG GI SNYING LA 'BRAL
BA MED GYUR CIG ,DE LTAR NYAMS DANG 'GYUR BA'I RO MCHOG

LDAN, ,NGO MTSAR RGYAN MANG MDANGS KYIS MDZES GYUR PA'I, ,BSTOD
TSIG BDUD RTZI'I RGYUN DE SNYAN DNGAGS KYI, ,RING NAS 'DRIS PA KHO NA'I
DGA' STON YIN, ,TSUL LUGS 'DI NI TSUL KHRIMS NOR GYIS 'BYOR, ,NGANG TSUL
BZANG PO'I NGANG TSANG DPON PO YIS, ,LHAG BSAM DAG PAS

LHAG PAR BSKUL BA'I NGOR, ,SNYAN DNGAGS GZHUNG BZHIN SNYAN PA'I
NGAG GIS SMRAS, ,SGRA DBYANGS LHA MO DBYANGS CAN MA LA BSTOD PA'I
TSIGS SU BCAD PA YUL BYANG PHYOGS KYI SNYAN DNGAGS MKHAN BLO
BZANG GRAGS PA'I DPAL GYIS BYA YUL DU CHOS BAR LA BYON PA'I TSE SBYAR
BA'O,, ,,