*, ,GZUGS KYI CHUNG MTHA' DANG DUS KYI THUNG MTHA' SOGS LAS
BRTZAMS PA'I DRI LAN RJE NYID KYIS MDZAD PA BZHUGS SO, ,

@001A *, ,SASTI PRA DZA BHYA: 'JIG RTEN GSUM NA SANGS RGYAS
GNYIS PA ZHES, ,GANG GI MCHAN GYIS RNA BA'I LAM MDZES PA, ,DBYIG
GNYEN NYIN BYED GSUNG GI 'OD ZER TSOGS, ,DA DUNG GDUL BYA'I
GLING NA

GSAL GYUR CIG ,KUN MKHYEN DE YIS DPAG TSAD LO DANG NI, ,DE DAG
BRJOD PA'I THA SNYAD MTSON PA'I SLAD, ,GZUGS MING DUS MTHA' RDUL
YIG SKAD CIG DANG, ,DRUG TSAN NYI SHU'I SKAD CIG GSUNGS PA DANG,
,NYIN BYED

DBANG PO BYANG DU PHYOGS PA YI, ,DBYAR ZLA GNYIS PA'I THA MA'I
CHOS DGU DANG, ,DBYAR 'BRING NYA LA RGYU SKAR GANG BYUNG DANG,
,GZHAN YANG NYIN MTSAN THOG MTHA' GANG YIN ZHES, ,GSUNG RAB
DGONGS DON RAGS DANG PHRA BA

RNAMS, ,RNAM DAG RIGS PA'I RJES 'BRANGS PHRA BA'I BLOS, ,MA
'DRES 'BYED PAR NUS PA'I SPOBS PA CAN, ,GANG DES DRIS PA'I DON
RNAMS 'DI LTAR KHUMS, ,GZUGS KYI CHUNG MTHAR BZHAG PA'I PHRA
RDUL NI, ,SHAR LA

SOGS PA'I CHA DANG BRAL BA STE, ,DE YANG JI SRID PHYOGS KYI CHA
YOD PA, ,DE SRID CHUNG MTHAR BZHAG TU MI RUNG PHYIR, ,DUS MTHA'I
SKAD CIG RGYU TSOGS DU MA YIS, ,'BRAS BU BSKYED PA'I YUN DANG SE
GOL GCIG ,RDZOGS

@002A *, ,PA'I DUS LA RE LNGAR BYAS PA YI, ,CHA GCIG DANG NI
RDUL GCIG GO 'PHOS DANG, ,MNYAM PA'I SHED KYIS BAL NYAG GCIG
GCOD PA'I, ,YUN LA BSHAD PA'I RNAM GRANGS MANG YOD KYANG, ,MDOR
NA DE LAS

THUNG BA BYAR MED PA'I, ,DUS GCIG MTSON PAR BZHED NAS DE DAG
GSUNGS, ,MING MTHA' YI GER BZHAG PA'I DPE BRJOD LA, ,RANG GI
'GREL PAR BA LANG BZHIN NO GSUNGS, ,'DI NI YI GE DU MA TSOGS
PA'I PHYIR, ,

DON 'DI DA DUNG KHO BO DBYOD PA'I SKABS, ,DRUG TSAN NYI SHU'I
SKAD CIG TSOGS PA NI, ,DE YI SKAD CIG CES PA'I THA SNYAD BTAGS,
,DUS MTHA'I SKAD CIG BRGYA DANG NYI SHU'I MING, ,'DI NI DUS
MTHA' RTOGS NA THE TSOM

BRAL, ,DBYAR ZLA GNYIS PA'I THA MA'I TSES DGU DANG, ,DE BZHIN
DGUN ZLA BZHI PA'I TSES DGU LA, ,DBYAR DGUN NYI MA LDOG PAR
GSUNGS PA'I DUS, ,STON DPYID RA BA'I DKAR TSES DGU LA YIN, ,ZLA
BA DE GNYIS NYI MA GANG

LOG PA'I, ,ZLA BA DE NYID YIN PAR MANG PO 'DOD, ,'ON KYANG MDZOD
KYI DGONGS PA KHRUMS DANG KHRA'I, ,ZLA BA YIN PAR RGYA DPER
SNANG NGO ZHES, ,BDAG GI BLA MA NAM MKHA' BZANG PO BZHED, ,DE
LTA NA NI DBYAR 'BRING NYA YI DUS, ,CHU

STOD ZLA BA YIN PAR SHES PAR 'GYUR, ,TSUL DE MDO RTZA'I RGYA DPE
LAS KYANG GSUNGS, ,GDAGS GZHAG MDZOD DANG NYI MA'I SNYING PO
DANG, ,ME TOG PHRENG RGYUD MDO RTZA LO DRI BA, ,'GREL CHEN SOGS
NAS

@002B GSUNGS PA'I DUS TSOGS KYI, ,RNAM GZHAG RGYAS PAR GZHAN DU
SPRO BAR 'DOD, ,DE PHYIR 'DIR NI SA BON TZAM ZHIG BSTAN, ,'DI
DANG DENG SANG NYI MA'I LDOG DUS GNYIS, ,CHES CHER MI MTHUN GYUR
BA MTHONG NAS NI, ,RNGAMS DE SU NA 'BYIN BYED RNAMS RE

ZHIG BZHAG ,NYIN GYI DANG PO SKYA RENGS DANG PO DANG, ,THA MA
NYI MA NUB PA'I MTHA' LA BSHAD, ,DE YIS MTSAN GYI THOG MTHA'
DPAG PAR NUS, ,'DI LAS GZHAN DU'ANG GSUNGS MOD DGONGS PA'I
DBANG, ,KUN RDZOB BDEN PAR 'DOD PA'I RIGS PA

RNAMS, ,BDAG GIS PHRA RDUL YIN ZHES SMRAS PA MED, ,SDE PA GNYIS
KYI GRUB MTHA' GZHIR BYAS LA, ,DBANG PO'I SHES PAS PHRA RDUL
MTHONG ZHES SMRAS, ,RNAM SHES LNGA YIS BSAGS LA DMIGS SO ZHES,
,GSUNGS PA 'DI LA 'KHRUL NAS MI MKHAS

PA'I, ,SKYE BO DU MA MGRIN GCIG BYAS NAS NI, ,DBANG PO'I YUL NA
PHRA RDUL MED DO LO, ,GZIGS ZAN LUGS 'DI 'THAD PAR MA MTHONG
NAS, ,RDUL GYI RAGS PA BRTZAM TSUL DBU TSAD DANG, ,PHYI ROL DON
GRUB MNGON PA'I SDE SNOD NAS, ,GSUNGS PA RNAMS KYI

DON BZHIN BDAG GIS SMRAS, ,DON SMRA GNYIS KYIS RAGS PA RTZOM
PA'I TSE, ,REG NA PHRA RDUL NYAMS PAR GYUR MTHONG NAS, ,BSKOR BA
PAR BCAS BAR MED MA GTOGS PA, ,REG PA MED PAR 'DAB SBYOR GNAS
PAR 'DOD, ,DE CHE YAN LAG CAN GZHAN MI

SKYE ZHING, ,GCIG LA GCIG THIM GYUR PA'ANG MA YIN LA, ,PHRA RDUL
RANG BZHIN 'DOR BA'ANG MA YIN TE, ,'ON KYANG RDUL RNAMS 'DUS PA
TZAM DU ZAD, ,DE LTA NA NI PHRA RDUL DU MA DAG ,MNGON SUM MTHONG
ZHING PHRA RDUL GTAN MA MTHONG, ,ZHES SMRA DE LA RIG

@003A *, ,PA'I GTAM GYIS CI, ,DA DUNG YI GE'I PHYI MO BSLAB PAR
RIGS, ,DBANG PO'I SHES PAS PHRA RDUL SIL BU DAG ,MTHONG MOD RJES
KYI NGES PAS RAGS PAR BZUNG, ,DUS MTHA'I SKAD CIG BZUNG YANG
DPYAD SHES KYIS, ,DE LA

RJES 'GRO'I RGYUN RNAMS NGES PA BZHIN, ,GAL TE RNAM PA GTOD PA'I
NUS MED PAS, ,PHRA RDUL DBANG PO'I YUL DU MI RUNG NA, ,RNAM PA
MA GTAD CES PA BRTAG PAR BYA, ,SHES LA SNANG BA'I RNAM PA RDUL
PHRAN BZHIN, ,SIL BU NYID DU MI SNANG ZHES

SMRA NA, ,SO SO'I DUS MTHA'I SKAD CIG RE RE YANG, ,RANG 'DRA'I
RNAM PA GTAD PA MED 'GYUR BAS, ,DBANG PO'I YUL DU SMRA BA NGAL
SOS SHIG ,RIGS PA MKHYEN PA KHYED LA 'DI LTA BU'I, ,LOG RTOG
PHAL CHER MED PAR KHO BO SEMS, ,PHRA BA'I

GNAS LA DPYAD PA MA RDZOGS PA'I, ,BLO GROS GZHON NU 'GA' ZHIG
'DOD PA MTHONG, ,DE PHYIR 'DIR NI RANG 'DOD ZUR TZAM BSTAN, ,'DI
LA BRTEN NAS SLAR YANG 'DOD PA RNAMS, ,YONGS SU RDZOGS PA'I RAB
TU BYED PA ZHIG ,GRUB PAR BGYIS NAS

GZIGS SU 'BUL BA LAGS, ,TSUL 'DI MANG THOS BLO BZANG GRAGS PA
YIS, ,CHOS 'KHOR CHEN PO DPAL GYI LHA SA RU, ,MKHAS PA CHEN PO
GZHON NU BLO LDAN GYI, ,GSUNG GIS BRIS PA'I LAN DU SBYAR BA YIN,
,SARBA MNGGA LAm,, ,,