*, ,BLA MA DANG YI DAM DBYER MED DU SGRUB TSUL SHIN TU ZAB PA BZHUGS SO, , @001A #, ,RJE BTZUN 'JAM DBYANGS GSUNG GI MDO RGYUD KYI, ,LEGS BSHAD DPAL LDAN KHYOD LA MNGON SUM DU, ,RTAG TU 'DOMS PA SBAS DON RGYA MTSO YIS, DE NYID RTOGS NAS SGRUB PA LHUR MDZAD PA, , RJE BTZUN BLA MA'I ZHABS LA GUS BTUD NAS, ,DE YIS DGYES BZHIN STZAL BA'I BDUD RTZI'I RGYUN, ,MA GOD DAD PA'I SNYIM PAS LEGS BZUNG NAS, ,BLO YI BUM PAR BZHAG PHYAR BRJED BYANG BRI, ,'DIR BDE LEGS THAMS CAD KYI RTZA BLA MA DANG YI DAM DBYER MED DU BYAS NAS RGYUN DU GSOL BA JI LTAR 'DEBS PA'I TSUL DANG, DE NYID DANG 'BREL BA'I TING NGE 'DZIN GYI DBANG BZHI RGYUN DU BLANG BA'I MAN NGAG THUN MONG MIN PA, RJE BTZUN THAMS CAD MKHYEN PA TZONG KHA PA CHEN POS PHYAG LEN JI LTAR MDZAD KYI ZHAL SHES NI 'DI LTAR YIN ZHES GSUNGS TE, DE LA THOG MAR BLA MA'I RNAL 'BYOR SGOM TSUL NI, SNGON DU RANG 'JAM DBYANGS SAM YI DAM GANG RUNG DU BSGOM PA'I SNYING GI NANG DU, RTEN BRTEN PA'I GZHAL YAS KHANG BSKYED PA NI, RANG GI SNYING SNA TSOGS PADMA 'DAB MA STONG DANG LDAN PA KHA GYIN DU BSTAN PA'I NANG DU, BHR'Um LAS RIN PO CHE LAS GRUB @002A *, ,PA'I GZHAL YAS KHANG GRU BZHI SGO BZHI PA, RTZIG PA RIM PA LNGA DANG LDAN PA RGYAN DU MAS SPRAS PA'I GZHAL YAS KHANG CHEN PO'I PHYI ROL TU, DUR KHROD BRGYAD, PHYOGS SKYONG BRGYAD, SHING BRGYAD, ZHING SKYONG BRGYAD LA SOGS PA THAMS CAD KYIS BSKOR BA'I DBUS SU, SENG GE BRGYAD KYIS BTEG PA'I RIN PO CHE'I KHRI'I STENG DU, PADMA DANG NYI MA'I GDAN LA DH'I: HR'I: DMAR PO 'OD DU ZHU BA, (RGYAS PAR BYED NA GZHAL YAS KHANG BSKYED TSUL 'JIGS BYED DPA' GCIG BZHIN BYED GSUNG PA RJE'I GSUNG YIN NO,) LAS, RJE BTZUN 'JAM DBYANGS DMAR PO RDO RJE DANG DRIL BU 'DZIN PA, DBYANGS CAN MA DMAR MO GRI GUG DANG THOD PA 'DZIN PA DANG MNYAM PAR SBYOR BA, GNYIS KA RUS PA DANG RIN PO CHE'I RGYAN DU MAS BRGYAN CING, YAB RDO RJE'I SKYIL KRUNG DANG, YUM PADMA'I SKYIL KRUNG GIS BZHUGS PA, YAB YUM GNYIS KYI DPRAL BAR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE LAS 'OD 'PHROS, PHYOGS BCU NA BZHUGS PA'I RTZA BA'I BLA MA, BKA' BRGYUD KYI BLA MA, SGRUB BRGYUD KYI BLA MA, BSHAD BRGYUD KYI BLA MA, MAN NGAG BRGYUD @002B KYI BLA MA, DBANG BSKUR BA'I BLA MA YI DAM SANGS RGYAS DANG BYANG CHUB SEMS DPA', DPA' BO DPA' MO, MKHA' 'GRO DANG MKHA' 'GRO MA, CHOS SKYONG BSRUNG MA'I TSOGS DANG BCAS PA, MDUN GYI NAM MKHAR SPYAN DRANGS LA, AOm GU RU A'A R-YA MANYDZU SHRI SA PA RI W'A RA ARGHAm PRA T'I TZTSA H'Um SV'A H'A, ZHES SOGS CHU GNYIS DANG NYER SPYOD ROL MO DANG BCAS PAS MCHOD LA, JI LTAR MGON PO KHYOD KYIS NI, ,SNGON TSE 'GRO LA DBANG BSKUR LTAR, ,DE BZHIN THUGS RJES BDAG LA YANG, ,DBANG BSKUR DAM PA STZAL DU GSOL, ZHES GSOL BA BTAB PAS DE RNAMS KYIS BUM PA'I CHUS BLA MA YAB YUM GYI SPYI BO NAS DBANG BSKUR ZHING, JI LTAR SNGON TSE 'GRO RNAMS LA, ,DBANG BSKUR DAM PA MDZAD JI BZHIN, ,DE RING YE SHES BDUD RTZI'I CHUS, ,BU KHYOD LA NI DBANG BSKUR RO, ,AOm A'AR-YA MANYDZU SHRI SARBA TA TH'A GA TA AA BHI shE KA TA SA MA YA SHR'I YE H'Um, ZHES GSUNGS SHING, DBANG BSKUR BAS CHU RGYUN DES LUS THAMS CAD GANG, DRI MA THAMS CAD DAG ,DBANG BZHI THOB, CHU LHAG MA SPYI GTZUG TU GNAS PA LAS, RDO RJE RTZE LNGA PA RE RES DBU BRGYAN PAR GYUR PAR BSAM, SLAR YANG THUGS KA'I H'Um GI 'OD ZER GYIS BKA' BRGYUD BLA MA'I TSOGS RNAMS SPYAN DRANGS TE BLA MA YAB YUM GYI SPYI BOR THIM, YANG 'OD ZER GYIS YI DAM SANGS RGYAS DANG BYANG CHUB SEMS DPA' DPA' BO DANG DPA' MO MKHA' 'GRO DANG MKHA' 'GRO MA THAMS CAD SPYAN DRANGS TE BLA MA YAB YUM GYI SKU STOD LA THIM, YANG 'OD ZER GYIS CHOS SKYONG BSRUNG MA'I TSOGS RNAMS SPYAN DRANGS TE SKU SMAD LA THIM, YANG 'OD ZER GYIS SNOD BCUD KYI YON TAN THAMS CAD, RGYAL @003A *, ,SRID SNA BDUN, BKRA SHIS RTAGS BRGYAD, A'A LI DANG K'A LI BUM PA DANG, THOD PA BDUD RTZIS BKANG BA, NOR BU DANG RGYAL MTSAN DANG RAL GRI DANG GRI GUG LA SOGS PA PHYAG MTSAN GYI RNAM PAR BKUG NAS BLA MA YAB YUM GYI LUS KUN LA THIM PAR GYUR, CES BRJOD LA, DANG PA DRAN PA NI, DE RNAMS DANG GNYIS SU MED PA'I BLA MA YAB YUM GYI NYON MONGS PA LNGA YE SHES LNGA MI DGE BA BCU DGE BA BCU KHAMS BCO BRGYAD SANGS RGYAS KYI CHOS MA 'DRES PA BCO BRGYAD PHUNG PO LNGA SKU LNGA 'BYUNG BA BZHI YUM BZHI PHYAG SOR BCU KHRO BO BCU ZHABS SOR BCU KHRO MO BCU, SGAL TSIGS RNAMS LA SEMS DPA' BCU DRUG DANG SEMS MA BCU DRUG ,YAN LAG BZHI SGOM BZHI, TSIGS CHEN BCU GNYIS LA MCHOD PA'I LHA MO BCU GNYIS MCHOD RDZAS DU MA THOGS NAS, BLA MA 'KHOR BCAS LA MCHOD PA SPYI BO RNAM PAR SNANG MDZAD MGRIN PA 'OD DPAG MED THUGS KA MI BSKYOD PA, MIG SA'I SNYING PO, RNA BA PHYAG NA RDO RJE, SNA NAM MKHA'I SNYING PO, LCE 'JIG RTEN DBANG PHYUG ,LUS SGRIB PA RNAM SEL, YID KUN TU BZANG PO, A'A LI LUGS 'BYUNG DANG LUGS LDOG ,SUM CU RTZA GNYIS MTSAN SO GNYIS, K'A LI LUGS 'BYUNG DANG LUGS LDOG BRGYAD CU DANG BYAD BRGYAD CU'I RANG BZHIN DU GYUR, CES BRJOD CING DON YID LA BSAM MO, ,DE NAS MCHOD PA 'BUL BA NI, CI 'BYOR PA'I MCHOD PA DNGOS SU BSHAMS PA'AM YID KYIS SPRUL TE BYIN GYIS BRLAB PA NI, HR'I: shdR'I: 'Am YI DAM GANG YAN GYI LAS SNGAGS KYIS BSANG, SVA BH'A WAS STONG PAR SBYANGS LA, STONG PA'I NGANG LAS A'A: LAS @003B BYUNG BA'I THOD PA'I NANG DU CU LAS KHYUNG BA'I MCHOD RDZAS RNAMS RANG BZHIN STONG PA RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR GYUR, AOm ARGHAm A'A: H'Um, ARGHAm GYI GNAS SU P'A D-YA DANG PU shPE NAS SHAPTA'I BAR DANG, R'U PA NAS SPARASHA'I BAR SBYAR BA BRJOD LA PHYAG RGYA DANG BCAS PAS BYIN GYIS BRLABS TE, AOm GU RU A'AR-YA MANYDZU SHR'I SARBA BU DDHA BO DHI SATVA SA PA RI W'A RA ARGHAm PRA T'I TZTSA H'Um SV'A H'A, ZHES SOGS CU GNYIS NYER SPYOD ROL MO 'DOD YON LNGA DANG BCAS PAS MCHOD LA, NANG MCHOD BYIN RLABS BYAS TE 'BUL BA NI, NANG MCHOD LAS SNGAGS KYIS BSANGS, SVA BH'A WAS SBYANGS TE YAm LAS RLUNG RAm LAS ME A'A: LAS MI MGA'I SGYED BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, SHA LNGA BDUD RTZI LNGA YI GE GSUM DANG BCAS PAR GYUR, RANG GI THUGS KA NAS 'OD 'PHROS PAS RLUNG G-YOS ME SBAR TE, THOD PA'I NANG GI RDZAS RNAMS ZHU BA LAS, YE SHES KYI BDUD RTZI'I RGYA MTSO CHEN POR GYUR, AOm A'A: H'Um ZHES LAN GSUM BRJOD PAS BYIN GYIS BRLABS TE, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BO RTZA BA'I DPAL LDAN BLA MA DAM PA'I ZHAL DU AOm A'A: H'Um, RGYAL BA KHYAB BDAG RDO RJE 'CHANG CHEN PO'I x RJE BTZUN 'JAM PA'I DBYANGS KYI x RGYAL SRAS DPA' BO RDO RJE'I x THAMS CAD MKHYEN PA TZONG KHA PA CHEN PO'I ZHAL DU AOm A'A: H'Um, AOm GU RU A'A R-YA MANYDZU SHR'IS PA RI W'A RA AOm A'A: H'Um, ZHES PAS DBUL ZHING DE NAS PHYOGS @004A *, ,SKYONG LA SOGS PA LA'ANG 'BUL BA SPYI LTAR BYAS TE BSTOD PA BYA BA NI, GZHON NU'I SKU LUS 'CHANG BA PO, ,ZHES SOGS TSIGS BCAD GCIG GAM, YANG NA 'DUD NYI SHUS BSTOD PA'O, ,GZHAN YANG BSTOD PA RGYAS BSDUS GANG RUNG GIS BSTOD, DE NAS MAndAL RGYAS BSDUS GANG 'GRUB PHUL TE, RANG GI LUS LONGS SPYOD DUS GSUM DGE BA'I DNGOS PO THAMS CAD LTOS MED DU PHUL BAR DMIGS NAS 'DUN PA SHUGS DRAG POS THAL MO SBYAR TE GSOL BA GDAB PA NI, BLA MA KUN 'DUS KYI NGO BO DPAL LDAN BLA MA LA GSOL BA 'DEBS SO, ,YI DAM KUN 'DUS SANGS RGYAS DANG BYANG CHUB SEMS DPA', KUN 'DUS DPA' BO DANG DPA' MO, KUN 'DUS MKHA' 'GRO DANG CHOS SKYONG, KUN 'DUS KYI NGO BO BDE LEGS THAMS CAD KYI RTZA BA LEGS TSOGS KUN 'DUS KYI NGO BO, SA DANG LAM GYI BDAG NYID, 'BRAS BU SKU BZHI'I BDAG NYID, BYAMS PA DANG SNYING RJE BYANG CHUB KYI SEMS KYI BDAG NYID ZAB MO'I DON RTOGS, THAR PA CHEN PO'I GRONG KHYER, MTHO RIS KYI THEM SKAS THABS DANG SHES RAB KYI BDAG NYID, SRID ZHI'I RGUD PA KUN SEL YON TAN THAMS CAD KYI RTZA BA DPAL LDAN BLA MA LA GSOL BA 'DEBS SO, ,ZHES SOGS KYIS GSOL BA LAN MANG DU BTAB LA, BLA MA RJE BTZUN 'JAM PA'I DBYANGS KYIS SKYE BA DANG SRID PA THAMS CAD DU BDAG GI THEG PA CHEN PO'I DGE BA'I BSHEGS GNYEN MNGON SUM DU MDZAD NAS, TSE RABS THAMS CAD DU RGYAL BA RNAMS KYI DAM PA'I CHOS MA LUS PA RGYAL BA'I DGONGS PA JI LTA BA BZHIN DU 'DZIN NUS PAR BYIN GYIS BRLAB TU GSOL, , @004B ZHES SOGS SMON LAM GANG 'GRUB BTAB PA'I MTHAR, GANG TSE BLTA BAR 'DOD PA'AM, ZHES GSUNGS PA'I SMON LAM BRJOD, THOG MAR DE LTAR BSGOMS TE GSOL BA BTAB PA DE NAS BZUNG STE, BLA MA YAB YUM GZHAL YAS KHANG DANG BCAS PA GSHEGS GSOL MI BYED PAR, DUS DANG RNAM PA THAMS CAD DU YANG YANG GSAL BTAB KYAN, SKAD CIG KYANG 'BRAL MED DU SNYING NANG DU BZHUGS PAR SGOM PA GAL CHE'O, ,DE PHYIN CHAD BLA MA'I RNAL 'BYOR SGOM TSUL NI, MDUN GYI NAM MKHAR SNA TSOGS PADMA 'DAB MA STONG DANG LDAN PA'I STENG DU, ZHES PA NAS GEGS MED PAR YANG MTHONG BAR SHOG ,CES PA'I BAR MDUN DU BLA MA YAB YUM BSGOMS TE MCHOD BSTOD GSOL BA BTAB PA RNAMS SNGAR BZHIN BYAS PA'I MTHAR RANG GI THUGS KA'I 'OD ZER GYIS SPYAN DNGOS TE MDUN GYI BLA MA YAB YUM GZHAL YAS KHANG DANG BCAS PA RANG GI SNYING NANG GI BLA MA YAB YUM GZHAL YAS KHANG DANG BCAS PA LA THIM PAS MTHU STOBS DANG GZI BRJID PHUN SUM TSOGS PAR GYUR PAR BSAM MO, ,DE YANG RNAM PA RJE BTZUN YAB YUM DU SGOM YANG NGO BO RTZA BA'I BLA MA RANG DU SGOMS NAS RAB THUN DRUG 'BRING THUN BZHI THA MA'ANG NYIN ZHAG RE LA LAN RE MA CHAG PA BSGOM ZHING GSOL BA 'DEBS PA YIN TE, DE LTAR BYAS PA'I PHAN YON NI SHIN TU GNAD CHE BA MANG DU YOD DO, ,DE LTAR SNGON DU BLA MA'I RNAL 'BYOR SGOM TSUL BSTAN PA DE DANG SGREL TE TING NGE 'DZIN GYI DBANG BZHI LEN PA'I GDAMS PA KHYAD PAR CAN NI, (,RJE RIN PO CHE BDAG BSKYED GTZO BAR GSANG SGRUB LA MDZAD, MDZAD, RDO RJE 'JIGS @005A *, ,BYED LA'ANG MANG DU MDZAD, DES NA GSANG 'DUS DANG BDE MCHOG LA BYAS KYANG CHOG ,BDAG GIS NI NANG SGRUB LA GTZO BOR BYAS NANG SGRUB NI GTZO CHER DGONGS LA, GSANG SGRUB NI BLA MED KYI THUN MONG MIN PA 'JIGS BYED LA DGONGS PAS BDAG BSKYED NANG SGRUB DANG, MDUN BSKYED GSANG SGRUB LA BYAS NA LEGS SO,) ,SNGON DU BDAG BSKYED 'JAM DPAL NANG SGRUB LA SOGS PA GANG LA BYED KYANG 'DRA STE, DE'I MCHOD BSTOD KYI BAR RDZOGS PAR BYAS NAS MDUN BSKYED BLA MA YAB YUM SNGAR LTAR BSKYED NAS MCHOD, BSTOD GSOL BA BTAB PA SOGS BYAS NAS RANG LA MA STIM PA'I GONG DU BZLAS PA GANG GRUB BYAS TE DBANG LEN PA YIN LA, DE'I TSUL NI, YAB KYI THUGS KAR NYI MA'I GDAN LA DH'I: YUM GYI THUGS KAR NYI GDAN LA HR'I: 'I MTHA' MAR AOm AA RA PA TZA NA DH'I: HR'I: SA BSKOR BAR GYUR (BAR BSAMS LA, AOm AA RA PA TZA NA DH'I: HR'I: ZHES BSNYEN PA GANG GRUB BYAS PA'I MTHAR MCHOD BSTOD GANG GRUB BYAS LA MAndAL PHUL TE, DKON MCHOG GSUM LA BDAG SKYABS MCHI, ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR LAN GSUM BLA MA'I RJES ZLOS BYED PAR BSGOM STE BRJOD PAS THUN MONG GI SDOM PA GZUNG, DE BZHIN DU, SANGS RGYAS BYANG CHUB SEMS DPA' KUN, ZHES PA NAS, SEMS CAN MYA NGAN 'DAS LA DGOD, ,CES PA'I BAR LAN GSUM GYIS RIGS LNGA'I SDOM PA GZUNG LA, DBANG LEN PA DANG PO NI, BUM DBANG GI DNGOS GZHI RDO RJE RJES SANGS RGYAS LA, ,'GRO BA SKYOB PA'I CHED DU DBANG, , RJES SANGS RGYAS LA, ,'GRO BA SKYOB PA'I CHED DU DBANG, , @005B YON TAN 'BYUNG GNAS JI LTAR STZAL, ,DE LTAR BDAG LA'ANG STZAL DU GSOL, ,ZHES LAN GSUM GSOL BA BTAB PAS, BLA MA YAB YUM RANG GI SPYI BOR BYON, ,SNYOMS PAR ZHUGS PA'I DGA' BA'I SGRAS SANGS RGYAS DANG BYANG CHUB SEMS DPA' THAMS CAD SPYAN DRANGS, YAB KYI ZHAL NAS ZHUGS, SKU'I DBYIBS BRGYUD, YUM GYI SBYOR MTSAMS NAS BYANG SEMS KYI BDUD RTZI'I RGYUN BYUNG BA RANG GI SPYI GTZUG NAS ZHUGS, BDE BA CHEN POS LUS THAMS CAD GANG BAR GYUR PAR BSAM, RANG NYID KYIS RDOR DRIL DANG BCAS PAS RIG MA LA 'KHYUD PA'I BDE BA BSKYED PA RDO RJE SLOB DPON GYI DBANG GI NGO BO YIN NO SNYAM DU BSAM MO, ,DES BUM PA'I DBANG THOB LUS KYI DRI MA SROG GCOD SOGS GSUM DAG LUS THA MAL DU 'DZIN PA'I DRI MA 'KHRUD PAS SKU RDO RJE SBYONG, LAM BSKYED RIM YAN LAG DANG BCAS PA BSGOM PA LA DBANG PAR BYAS, 'BRAS BU SPRUL PA'I SKU 'GRUB PA'I NUS PA KHYAD PAR CAN BZHAG ,CES BRJOD KYIN DON YID LA BYA'O, ,DE NAS GSANG DBANG GI DON DU MAndAL GSOL BTAB SNGAR BZHIN BYAS LA, BLA MA YAB YUM SNYOMS PAR ZHUGS PA'I DGA' BA'I SGRAS SANGS RGYAS DANG BYANG CHUB SEMS DPA' SPYAN DRANGS YAB KYI SPYI BO NAS ZHUGS, SKU'I DBYIBS BRGYUD, YAB YUM GYI SBYOR MTSAMS NAS BYUNG BA'I BYANG SEMS DKAR DMAR MYANGS PAS, CHU RGYUN DE MGRIN PA'I GNAS RNAMS LA THIM, LCE STENG DU MYANGS PA LAS SKYES PA'I BDE BAS STONG PA YUL DU BYAS PA'I BDE STONG DBYER MED KYI TING NGE 'DZIN GSANG DBANG GI NGO BOR GYUR PAR BSAMS LA, DES GSANG DBANG THOB, @006A *, ,NGAG GI DRI MA BRDZUN DU SMRAS PA SOGS BZHI DANG, RLUNG SNGAGS SO SOR SNANG ZHING ZHEN PA'I DRI MA 'KHRUD PAS GSUNG RDO RJE SBYONG, LAM KUN RDZOB SGYU MA'I SKU BDAG BYIN RLABS SGOM PA LA DBANG, 'BRAS BU LONGS SPYOD RDZOGS PA'I SKU 'GRUB PA'I NUS PA KHYAD PAR CAN BZHAG GO ,ZHES DON BSAMS LA BRJOD DO, ,DE NAS SHES RAB YE SHES KYI DBANG GI DON DU SNGAR LTAR, RANG 'JAM DBYANGS DPA' BO GCIG PA SOGS SU BSAM PA LA, BLA MAS DBYANGS CAN MA RIG MA LO BCU DRUG LON PA ZHIG PHYIN PAR BSAMS PA'AM, YANG NA RANG GI RIG MA DE NYID GSAL BTAB LA RANG GI GSANG GNAS H'Um LAS BYUNG BA'I RDO RJE SNGON PO RTZE LNGA PA RVA DBUS MA'I NOR BU LA AOm YIG GES MTSAN PA, YUM GYI GSANG GNAS A'A: LAS PADMA DMAR PO 'DAB MA LNGA PA ZE'U 'BRU LA A'A: SA MTSAN PAR BSAM, YAB YUM SNYOMS PAR ZHUGS PAS LUS THAMS CAD THIG LES GANG, THIG LE THAMS CAD BDE BA'I RANG BZHIN STONG PA YUL DU BYAS PA'I BDE STONG DBYER MED KYI LHAN SKYES KYI DGA' BA SHES RAB YE SHES KYI DBANG GI NGO BO THOB PAR BSAMS LA, DES SHES RAB YE SHES KYI DBANG THOB, YID KYI DRI MA BRNAB SEMS LA SOGS PA DAG ,GANG SNANG KUN BDE STONG DBYER MED DU 'CHAR BA LA SGRIB PA'I DRI MA 'KHRUD PA'I THUGS RDO RJE SBYONG, LAM 'OD GSAL PHYAG RGYA CHEN PO SGOM PA LA DBANG, 'BRAS BU CHOS KYI SKU MNGON DU 'GYUR PA'I NUS PA KHYAD PAR CAN BZHAG ,CES BRJOD LA DON BSAM MO, ,'DIR BDE BA'I YUL GYI STONG PA NI, GANG ZAG DANG GZUGS SOGS PHYI'I YUL @006B LNGA, MIG SHES LA SOGS PA'I SKYE MCHED TSOGS DRUG ,DE RNAMS RANG BZHIN GYIS STONG PA DANG, BDEN PAS STONG PA DANG, DON DAM PAR STONG PA DANG, RANG GI MTSAN NYID KYIS STONG PA DE RNAMS DON GCIG CING, GANG ZAG DANG YUL GZUGS SGRA SOGS DE RNAMS KYI STENG DU GANG GIS STONG PA'I DGAG BYA NI THOG MA MED PA NAS RTOG PA'I DBANG GIS BZHAG PA MA YIN PA'I YOD PA YIN LA, YOD PA DE NI DON DAM PAR GRUB PA DANG, RANG GI MTSAN NYID KYIS GRUB PA DANG, BDEN PAR GRUB PA DANG, RANG GI NGO BOS GRUB PA YIN LA, DE RNAMS DON GCIG CING, RANG BZHIN GYIS STONG PA'I STONG RGYU'I DGAG BYA DANG, DON DAM PAR MED RGYU'I DGAG BYA NI, DON DAM PAR GRUB PA SOGS DE RNAMS YIN NO, ,DON DAM PAR GRUB PA DANG RANG BZHIN GYIS GRUB PA SOGS DE RNAMS KHYAD GZHI GANG ZAG GI STENG DU MED PA NI, GANG ZAG GI BDAG MED DANG MIG LA SOGS PA CHOS KYI STENG DU MED PA NI CHOS KYI BDAG MED YIN NO, ,GANG ZAG DANG RANG NYID RANG GI MTSAN NYID KYIS MA GRUB PA'I STONG NYID DANG, CHOS RANG GI MTSAN NYID KYIS MA GRUB PA'I STONG NYID NI BDE BA'I YUL GYIS BSGOM BYA YIN NO, ,GANG ZAG RANG BZHIN GYIS STONG PA DANG, CHOS RANG BZHIN GYIS STONG PA NI GANG ZAG DANG CHOS KYI BDAG MED KYANG YIN PAS DON GCIG GO ,GANG ZAG DANG CHOS RANG GI MTSAN NYID KYIS GRUB PAR 'DZIN PA DANG, GANG ZAG DANG CHOS DON DAM PAR GRUB PAR 'DZIN PA'I BLO NI, NYON MONGS CAN GYI MA RIG PA 'KHOR BA'I RTZA BA YIN LA GANG ZAG DANG CHOS KYI BDAG 'DZIN YANG YIN TE, 'DZIN TSUL NI GANG ZAG DANG CHOS RTOG PA'I DBANG @007A *, ,GE PHAR BZHAG PA MIN PAR, GANG ZAG DANG CHOS KHO RANG GI NGOS NAS GRUB PAR 'DZIN PA YIN LA, SPYIR GYI GONG DU BSHAD PA'I RANG BZHIN STONG PA NYID DE BLO'I YUL DU BYAS NAS BSGOM PA YIN ZHING, BDE BAS STONG PA YUL DU BYAS NAS BSGOM PA'I CHE BLAS STENG PA YUL DU BYAS NAS BSGOM PA BZHIN DU, BDE BA DANG BLO GNYIS GOL SA BRJES NAS BDE BAS STONG PA YUL DU BYAS NAS BSGOM PAR BYA'O, ,DE LTA BU'I STONG PA SGOM TSUL NI GSANG DBANG SHER DBANG, DBANG BZHI PA'I SKABS KYI BDE BAS STONG PA YUL DU BYAS NAS BSGOM PA'I TSUL YIN NO, ,DAS NA DBANG BZHI PA'I DON DU MAndAL PHUL TE, KHYOD ZHABS PADMO'I ZHES SOGS KYIS GSOL BA BTAB PAS BLA MAS 'DI LTAR GSUNGS PAR BSAMS TE, SHES RAB YE SHES KYI DBANG GI SKABS SU RANG DANG RIG MA GNYIS 'DOD LHA YAB YUM DU SNANG BZHIN PA'I NGANG NAS SNYOMS PAR ZHUGS PA'I DUS NA LHAN CIG SKYES PA'I BDE BAS RANG BZHIN STONG PA NYID YUL DU BYAS NAS MNYAM SBYOR DU YOD PA DE BZHIN DU, BDE BAS STONG PA YUL DU BYAS NAS BSGOM PA'I RGYUN GOMS PAR BYAS PA LAS MTHAR RLUNG SEMS TZAM LAS GRUB PA'I LONGS SPYOD RDZOGS PA YE SHES KYI SKU RANG SNANG GI RIG MA DANG KHA SBYOR BA'I LUS CAN, DE'I DUS NYID NA THUGS LHAN CIG SKYES PA'I DGA' BA DANG, RANG BZHIN STONG PA GNYIS RO GCIG TU ZHUGS PA'I THAMS CAD STONG PA 'OD GSAL DANG NGO BO DBYER MED PA'I GNYIS SU MED PA'I YE SHES ZUNG 'JUG GI GO 'PHANG THOB PA DBANG BZHI PA'I NGO BO YIN NO, ,DES NA DBANG BZHI PA TSIG GI SGO NAS BRDA SPRAD NAS @007B NGO SPROD PAR BYED PAS NA DBANG BZHI PA TSIG GI DBANG ZHES PA'I DON DE YIN NO, ,ZHES GSUNGS TE BRDA SPRAD PAR BSAMS LA, DES DBANG BZHI PA TSIG DBANG THOB, LUS NGAG YID GSUM GYI SGRIB PA'I BAG CHAGS 'KHRUD PA'I NUS PA KHYAD PAR CAN BZHAG , LAM BDEN PA GNYIS DBYER MED ZUNG 'JUG GI RDZOGS RIM SGOM PA LA DBANG, 'BRAS BU ZUNG 'JUG RDO RJE 'CHANG GI SKU MNGON DU BYED PA'I SKAL PA DANG LDAN PAR BYAS SO, ,ZHES DBANG GI DAG PA BYIN PAR BSAMS LA BRJOD, DE NAS SKU GSUNG THUGS SPYI'I DBANG GI DON DU MAndAL PHUL TE, JI LTAR MGON PO KHYOD KYI NI, ,SKU GSUNG THUGS KYI YON TAN RNAMS, ,GZHAN PHYIR MNGON DU MDZAD PA BZHIN, ,MGON POS BDAG LA STZAL DU GSOL, ,ZHES GSOL BA BTAB PAS, JI LTAR MGON PO 'JAM DBYANGS LA, ,YON TAN DPAG MED MNGA' JI BZHIN, ,'JAM PA'I DBYANGS KYI THUGS RJE YIS, ,SKAL LDAN 'DI LA 'JUG PAR SHOG ,CES GSUNGS TE, BLA MA YAB YUM LAS MAR ME GCIG LAS GNYIS TSAD KYI TSUL DU BLA MA YAB YUM GNYIS PA BYON TE, RANG GI SPYI GCUG NAS ZHUGS PAS BLA MA YAB YUM GYI SKU GSUNG THUGS DANG RANG GI LUS NGAG YID GSUM DBYER MED DU GYUR PAR BSAM MO, ,DE NAS BKA' DRIN GYI YON DU MAndAL PHUL TE, MCHOD BSTOD GANG 'GRUB BYAS LA BZOD GSOL DANG SMON LAM GANG 'GRUB BYAS TE, SNGAR BSHAD PA LTAR, SNYING GA'I 'OD ZER GYIS SPYAN DRANGS TE, RANG GI SPYI BO NAS ZHUGS TE SNYING NANG GI BLA MA YAB YUM LA THIM PA SNGAR LTAR BSAM MO, ,BLA MA YI DAM DBYER MED DU @008A *, ,BYAS NAS GSOL BA 'DEBS PA DANG TING NGE 'DZIN GYI DBANG BZHI RGYUN DU LEN PA'I GDAMS PA RJE BTZUN TZONG KHA PA CHEN PO'I ZHAL SHES KHYAD PAR CAN 'DI NI, RTOGS LDAN 'JAM DPAL RGYA MTSO'I GSUNG RGYUN LAS JI LTAR BYUNG BA BZHIN YI GER BKOD PA'O,, MANG+GA LAm,,