@01 *, ,DRANG BA DANG NGES PA'I DON RNAM PAR 'BYED PA'I BSTAN BCOS LEGS BSHAD SNYING PO BZHUGS SO, , @01A #, ,NA MO GU RU MANYDZU GHO sh'A YA, BDE 'BYUNG SPRIN LA ZHON DANG GSER GYI MNGAL, ,LUS MED BDAG PO THA GU'I LTO LA SOGS, ,SRID NA DREGS PA'I NGA RO CHER SKROGS PA'I, ,RLOM PAS 'GYID RNAMS KYIS KYANG GANG GI SKU, ,MTHONG BA'I MOD LA NYI MAS ME KHYER BZHIN, ,MDZAD PAR GYUR TSE MDZES PA'I COD PAN GYIS, ,GANG GI ZHABS PAD GUS PAS STEN BYED PA, ,THUB DBANG LHA YI LHA LA PHYAG 'TSAL LO, ,MKHYEN MRTZE'I GTING MTHA' SHIN TU DPAG PAR DKVA', ,BYANG CHUB SPYOD PA'I RLABS CHEN CHAL CHIL G-YO, ,LEGS BSHAD RIN CHEN GTER GYUR 'JAM PA'I DBYANGS, ,RGYAL TSAB RGYA MTSO CHE LA GUS PHYAG 'TSAL, ,BDER GSHEGS GSUNG RAB TSUL GNYIS SHING RTA'I SROL, ,LEGS PAR PHYE BAS RGYAL BA'I BSTAN PA MCHOG ,SA GSUM 'GRO NA NYI LTAR GSAL MDZAD PA, ,KLU SGRUB THOGS MED ZHABS LA SPYI BOS 'DUD, ,SHING RTA CHEN PO'I SROL GNYIS LEGS BZUNG NAS, ,'DZAM GLING BLO GSAL BYE BA'I MIG 'BYED PA, ,'PHAGS PA LHA DANG DPA' BO SANGS RGYAS BSKYANGS, ,LEGS LDAN 'BYED DANG ZLA BA GRAGS PA'I ZHABS, ,DBYIG GNYEN ZHABS DANG BLO BRTAN PHYOGS GLANG DANG, ,CHOS KYI GRAGS PA'I ZHABS SOGS 'DZAM GLING RGYAN, ,THUB BSTAN MI NUB RGYAL MTSAN 'DZIN PA'I MCHOG ,MKHAS PA'I DBANG PO RNAMS LA GUS PAS 'DUD, ,GZHUNG LUGS MANG THOS RIGS @02A *, ,PA'I LAM DU'ANG, ,NGAL BA MANG BSTEN MNGON PAR RTOGS PA YI, ,YON TAN TSOGS KYIS MI DMAN DU MAS KYANG, ,'BAD KYANG RTOGS PAR MA GYUR GNAS DE NI, ,'JAM MGON BLA MA'I DRIN GYIS LEGS MTHONG NAS, ,SHIN TU BRTZE BA'I BSAM PAS BDAG GIS BSHAD, ,BSTAN PA'I DE NYID RTOGS PA'I RNAM DPYOD KYIS, ,SMRA BA ZLA MED 'DOD RNAMS GUS PAS NYON, ,JI SKAD DU 'PHAGS PA YUL 'KHOR SKYONG GIS ZHUS PA LAS, STONG PA ZHI BA SKYE BA MED PA'I TSUL, ,MI SHES PAS NI 'GRO BA 'KHYAMS GYUR PA, ,DE DAG THUGS RJE MNGA' BAS THABS TSUL DANG, ,RIGS PA BRGYA DAG GIS NI 'DZUD PAR MDZAD, ,CES CHOS RNAMS KYI DE BZHIN NYID NI SHIN TU RTOGS PAR DKA' BA DANG, MA RTOGS NA 'KHOR BA LAS MI GROL BAR GZIGS NAS THUGS RJE CAN GYI STON PAS THABS KYI TSUL DANG RIGS PA'I SGO DU MA ZHIG GIS DE KHONG DU CHUD BA LA 'DZUD PAR GSUNGS SO, ,DE'I PHYIR RNAM DPYOD DANG LDAN PA DAG GIS DE NYID JI LTAR YIN KHONG DU CHUD PA'I THABS LA 'BAD DGOS LA DE YANG RGYAL BA'I GSUNG RAB KYI DRANG BA DANG NGES PA'I DON RNAM PAR PHYED PA LA RAG LAS SHING, DE GNYIS RNAM PAR 'BYED PA YANG 'DI NI DRANG BA'I DON NO 'DI NI NGES PA'I DON NO ZHES GSUNGS PA'I LUNG TZAM GYIS NUS PA MA @02B YIN TE, GZHAN DU NA SHING RTA CHEN PO DAG GIS DRANG NGES 'BYED BA'I DGONGS 'GREL BRTZAMS PA DON MED PAR 'GYUR BA'I PHYIR DANG, GSUNG RAB LAS DRANG NGES KYI 'JOG TSUL MI MTHUN PA DU MA GSUNGS PA'I PHYIR DANG, 'DI NI 'DI'O ZHES GSUNGS PA TZAM GYI LUNG GIS DE LTAR GZHAG PAR NI MI NUS LA DE'I TSE SPYO LA DE LTAR MA KHYAB PA NA BYE BRAG DRANG NGES LA YANG 'DI 'DI'O ZHES GSUNGS PA TZAM GYIS KYANG SGRUB PAR MI NUS PA'I PHYIR RO, ,DE'I PHYIR GSUNG RAB KYI DRANG NGES 'BYED PAR LUNG BSTAN PA'I SHING RTA CHEN PO DAG GIS DRANG NGES KYI DGONGS PA BKRAL ZHING DE YANG NGES DON GYI GSUNG RAB KYI DON GZHAN DU 'DREN PA LA GNOD BYED DANG, GZHAN DU DRANG DU MI RUNG BAR DON DER NGES PA'I SGRUB BYED KYI RIGS PAS LEGS PAR GTAN LA PHAB PA ZHIG GI RJES SU 'BRANGS NAS DGONGS PA 'TSOL DGOS PAS MTHAR GTUGS NA DRI MA MED PA'I RIGS PA NYID KYIS DBYE DGOS TE, RIGS PA DANG 'GAL BA'I GRUB MTHA' KHAS LEN NA SMRA BA PO TSAD MA'I SKYES BUR MI RUNG BA'I PHYIR DANG, DNGOS PO'I DE KHO NA NYID KYANG 'THAD BAS SKRUB PA'I RIGS PA'I SGRUB BYED DANG LDAN PA'I PHYIR RO, ,DON GYI DBANG 'DI GZIGS NAS, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ,ZHES GSUNGS SO, ,DE LTAR NA DRANG NGES 'BYED PA LA GNYIS, MDO SDE DGONGS 'GREL LA BRTEN PA'I PHYOGS DANG, BLO GROS MI ZAD PAS BSTAN PA LA BRTEN PA'I PHYOGS SO, ,DANG PO LA GNYIS, MDO SDE NAS JI LTAR GSUNGS PA DGOD @03A *, ,PA DANG, DE'I DON JI LTAR BKRAL BA'I TSUL LO, ,DANG PO LA BZHI, MDO SDE LA 'GAL SPONG GI DRI BA, 'GAL BA DE SPONG BA'I LAN, NGO BO NYID GSUM GYI NGO BO NGOS GZUNG BA, DE DAG GIS GRUB PA'I DON ZHUS PA'O, ,DANG PO NI DGONGS 'GREL LAS, BCOM LDAN 'DAS KYIS RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL, SKYE BA'I MTSAN NYID DANG, 'JIG PA'I MTSAN NYID DANG, SPANG BA DANG YONGS SU SHES PA YANG BKA' STZAL, PHUNG PO RNAMS KYI JI LTA BA DE BZHIN DU SKYE MCHED RNAMS DANG RTEN CING 'BREL PAR 'BYUNG BA DANG ZAS RNAMS KYI BAR YANG BKA' STZAL, DE BZHIN DU SBYAR NAS BDEN PA RNAMS KYI RANG GI MTSAN NYID DANG YONGS SU SHES PA DANG SPANG BA DANG MNGON DU BGYI BA DANG BSGOM PA DANG KHAMS RNAMS KYI RANG GI MTSAN NYID DANG KHAMS SNA TSOGS PA DANG KHAMS DU MA DANG SPANG BA DANG YONGS SU SHES PA DANG, BYANG PHYOGS SO BDUN GYI RANG GI MTSAN NYID DANG MI MTHUN PA DANG GNYEN PO DANG MA SKYES PA SKYE BA DANG SKYES PA GNAS PA DANG MI BSKYUD PA DANG SLAR ZHING 'BYUNG BA DANG 'PHEL ZHING YANGS BA NYID KYANG BKA' STZAL LA, BCOM LDAN 'DAS KYIS CHOS THAMS CAD NGO BO NYID MA MCHIS PA CHOS THAMS CAD MA SKYES PA MA 'GAGS PA GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES KYANG BKA' STZAL LAGS NA, BCOM LDAN 'DAS KYIS CI LA DGONGS NAS CHOS THAMS CAD NGO BO NYID MA MCHIS PA CHOS THAMS CAD MA SKYES PA MA 'GAGS PA BZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES BKA' STZAL SNYAM BGYID LAGS TE, BCOM LDAN @03B 'DAS KYIS CI LA DGONGS NAS CHOS THAMS CAD NGO BO NYID MA MCHIS PA CHOS THAMS CAD MA SKYES PA MA 'GAGS PA GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES KYANG BKA' STZAL BA'I DON DE NYID BCOM LDAN 'DAS LA BDAG YONGS SU ZHU LAGS SO, ,ZHES GSUNGS SO, ,'DIS NI MDO SDE KHA CIG TU CHOS THAMS CAD NGO BO NYID MED PA SOGS SU GSUNGS PA DANG, KHA CIG TU PHUNG PO LA SOGS PA'I RANG GI MTSAN NYID LA SOGS PA YOD PAR GSUNGS PA GNYIS SGRA SOR BZHAG NA 'GAL NA'ANG 'GAL BA MED DGOS PAS CI LA DGONGS NAS NGO BO NYID MED PA SOGS SU GSUNGS ZHES DRIS TE, DES NI RANG GI MTSAN NYID YOD PA SOGS SU GSUNGS PA YANG CI LA DGONGS NAS GSUNGS PA DON GYIS ZHUS SO, ,'DIR RANG GI MTSAN NYID CES PA RGYA NAG GI 'GREL CHEN SOGS LAS THUN MONG MA YIN PA'I MTSAN NYID LA BSHAD PA NI RIGS PA MA YIN TE, MDO NYID LAS KUN BRTAGS KYI SKABS SU RANG GI MTSAN NYID GYIS GRUB PA LA GSAL BAR GSUNGS PA'I PHYIR DANG, KUN BRTAGS LA'ANG THUN MONG MA YIN PA'I MTSON ? BYED YOD PAS MTSAN NYID NGO BO NYID MED PA KUN BRTAGS LA BSHAD DU MI RUNG BA'I SKYON DU 'GYUR BA'I PHYIR RO, ,KHAMS SNA TSOGS PA DANG DU MA LA 'GREL PA RNAMS KYIS GZHAN DU BSHAD KYANG 'OG NAS 'BYUNG BA'I MDO DANG SBYAR NA KHAMS BCO BRGYAD DANG KHAMS DRUG LA BYA'O, ,MI BSKYUD PA NI MI BRJED PA'O, ,GNYIS PA LA GNYIS, NGO BO NYID MED TSUL GANG LA DGONGS NAS NGO BO NYID MED PAR GSUNGS PA BSHAD PA DANG, GANG LA DGONGS NAS MA SKYES PA SOGS SU @04A *, ,GSUNGS PA BSHAD PA'O, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DE DAG GI DPE BSTAN PA'O, ,DANG PO NI, DGONGS 'GREL LAS, DON DAM YANG DAG 'PHAGS, NGAS CHOS RNAMS KYI NGO BO NYID MED PA NYID RNAM PA GSUM PO 'DI LTA STE, MTSAN NYID NGO BO NYID MED PA NYID DANG SKYE BA NGO BO NYID MED PA NYID DANG DON DAM PA NGO BO NYID MED PA NYID LA DGONGS NAS CHOS THAMS CAD NGO BO NYID MED PA'O, ,ZHES BSTAN TO ZHES NGO BO NYID MED PA GSUM GA LA DGONGS NAS NGO BO NYID MED PAR GSUNGS SO, ,BSDU BA LAS KYANG, BCOM LDAN 'DAS KYIS CI LA DGONGS NAS CHOS THAMS CAD NGO BO NYID MED PA ZHES GSUNGS SHE NA, SMRAS PA 'DUL BA'I DBANG GIS DE DANG DER NGO BO NYID MED PA NYID RNAM PA GSUM LA DGONGS NAS GSUNGS TE ZHES GSUNGS SHING, SUM CU PA LAS KYANG, NGO BO NYID NI RNAM GSUM GYI, ,NGO BO NYID MED RNAM GSUM PA, ,DGONGS NAS CHOS RNAMS THAMS CAD NI, ,NGO BO NYID MED BSTAN PA YIN, ,ZHES GSUNGS PAS GANG DAG SHER PHYIN LA SOGS PA'I MDO RNAMS LAS CHOS THAMS CAD NGO BO NYID MED PAR GSUNGS PA KUN RDZOB KYI CHOS THAMS CAD LA DGONGS KYI DON DAM PA LA DGONGS PA MIN NO ZHES 'CHAD PA NI DGONGS 'GREL DANG THOGS MED SKU MCHED KYI GZHUNG DANG 'GAL ZHING 'PHAGS PA YAB SRAS LA SOGS PA'I LUGS LAS KYANG PHYI ROL TU GYUR PA'O, ,'DI LTAR CI LA DGONGS NAS NGO BO NYID MED PAR GSUNGS PA DRIS PA NI CI LA BSAMS NAS NGO BO NYID MED PAR BSTAN PA DANG NGO BO NYID MED TSUL DRIS PA YIN LA LEN GYIS KYANG DE GNYIS @04B RIM PA BZHIN STON PA LAS DANG PO 'CHAD PA NI, GZUGS NAS RNAM MKHYEN GYI BAR GYI CHOS RNAMS KYI GSAL BA'I DBYE BA MTHA' YAS PA LA NGO BO NYID DAM RANG BZHIN MED DO ZHES GSUNGS PA RNAMS NGO BO NYID MED PA GSUM DU 'DU ZHING DE'I NGO BO NYID MED TSUL BSHAD NA GO SLA BAR DGONGS NAS NGO BO MED PA GSUM DU BSDUS TE, DON DAM PA DANG KUN RDZOB PA'I CHOS THAMS CAD DE GSUM GYIS BSDUS SO, ,DE LTAR MDZAD DGOS PA YANG YUM GYI MDO LA SOGS PAR PHUNG PO LNGA KHAMS BCO BRGYAD SKYE MCHED BCUIS ? KYI CHOS THAMS CAD LA RE RE NAS DNGOS PO MED PA DANG RANG BZHIN MED PA DANG NGO BO NYID MED PAR GSUNGS SHING, KHYAD PAR DU STONG PA NYID DANG CHOS KYI DBYINGS DANG DE BZHIN NYID LA SOGS PA DON DAM PA'I RNAM GRANGS THAMS CAD SMOS NAS DE DAG LA NGO BO NYID MED PAR GSUNGS PAS MDO SDE DE DAG LAS CHOS RNAMS NGO BO NYID MED PAR GSUNGS PA'I CHOS KYI NANG NA DON DAM MED DO ZHES SEMS DANG LDAN PA SU ZHIG SMRA, GNYIS PA NI, GAL TE NGO BO NYID MED PAR GSUNGS PA'I CHOS RNAMS NGO BO NYID MED PA GSUM DU SDUD NA DE GSUM GANG YIN NGO BO NYID MED TSUL JI LTAR YIN SNYAM NA NGO BO NYID MED PA DANG PO BSHAD PA NI DGONGS 'GREL LAS, DE LA CHOS RNAMS KYI MTSAN NYID NGO BO NYID MED PA NYID GANG ZHE NA, KUN BRTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRDAS RNAM PAR BZHAG PA'I MTSAN NYID YIN GYI RANG GI MTSAN NYID KYIS RNAM PAR GNAS PA NI MA YIN PAS DE'I PHYIR DE NI MTSAN NYID NGO BO NYID MED PA NYID CES BYA'O ZHES GSUNGS TE, TSIG DANG PO GNYIS KYI DRIS LAN GYIS KUN BRTAGS MTSAN @05A *, ,NYID NGO BO NYID MED PAR BSHAD NAS, DE CI'I PHYIR ZHE NA ZHES PAS DE'I RGYU MTSAN DRIS PA'I LAN DU DGAG PHYOGS NAS RANG GI MTSAN NYID KYIS MA GRUB PA DANG SGRUB PHYOGS NAS MING DANG BRDAS BZHAG PA YIN PA'I RGYU MTSAN GSUNGS SO, ,MDO YI DMIGS 'BYED PA 'DIS 'OG MA GNYIS KYANG SHES PAR BYA'O, ,KUN BRTAGS LA MED RGYU'I MTSAN NYID KYI NGO BO NYID NI RANG GI MTSAN NYID KYIS GRUB PA'AM GNAS PA LA BYA'O, ,'DIR RANG GI MTSAN NYID KYIS YOD MED BSTAN TSOD NI MING DANG BRDA LA LTOS NAS BZHAG MA BZHAG YIN LA, BZHAG PA LA YANG YOD PAS MA KHYAB CING 'JOG LUGS KYANG THAL 'GYUR BAS YOD PA RNAMS MING GI THA SNYAD KYI DBANG GIS BZHAG PA DANG CHES MI MTHUN PAS RANG GI MTSAN NYID KYIS YOD MED KYI DON YANG MI MTHUN NO, ,'ON KYANG 'DI'I RANG MTSAN KYIS YOD PAR 'DZIN PA YOD NA THAL 'GYUR BA'I RANG MTSAN GYIS GRUB PAR 'DZIN PA YANG YOD LA GZHI 'GA' ZHIG SNGA MA LTAR MI 'DZIN KYANG PHYI MA LTAR 'DZIN PA NI YOD DO, ,NGO BO NYID MED PA GNYIS PA NI DGONGS 'GREL LAS, CHOS RNAMS KYI SKYE BA NGO BO NYID MED PA NYID GANG ZHE NA, CHOS RNAMS KYI GZHAN GYI DBANG GI MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI RKYEN GZHAN GYI STOBS KYIS BYUNG BA YIN GYI BDAG NYID KYIS MA YIN PAS DE'I PHYIR DE NI SKYE BA NGO BO NYID MED PA NYID CES BYA'O ZHES GSUNGS SO, ,GZHAN DBANG LA MED RGYU'I SKYE BA'I NGO BO'AM NGO BO NYID KYIS SKYE BA NI BDAG NYID KYIS MA YIN PAS ZHES GSUNGS PAS BDAG NYID KYIS SKYE BA'O, ,DE NI RANG DBANG GIS SKYE BA YIN TE, BSDU BA LAS, 'DU BYED RNAMS NI RTEN CING 'BREL PAR @05B 'BYUNG BA YIN PA'I PHYIR RKYEN GYI STOBS KYIS SKYE BA YIN GYI RANG GI SKYE BA NI SKYE BA NGO BO NYID MED PA NYID CES BYA'O, ,ZHES GSUNGS PA LTAR RO, ,GZHAN DBANG LA RANG BZHIN GYIS SKYE BA DE 'DRA BA'I NGO BO NYID MED PAS NGO BO NYID MED PAR GSUNGS KYI RANG GI MTSAN NYID KYIS GRUB PA MED PAS NGO BO NYID MED PAR GSUNGS PA MIN PA'I LUGS SO, ,NGO BO NYID MED PA GSUM PA LA 'JOG TSUL GNYIS LAS GZHAN DBANG LA DON DAM PA NGO BO NYID MED PAR BZHAG PA NI DGONGS 'GREL LAS, CHOS RNAMS KYI DON DAM PA NGO BO NYID MED PA GANG ZHE NA, RTEN CING 'DREL PAR 'BYUNG BA TSOS GANG DAG SKYE BA NGO BO NYID MED PA NYID KYIS NGO BO NYID MED PA DE DAG NI DON DAM PA NGO BO NYID MED PA NYID KYIS NGO BO NYID MED PA YANG YIN NO, ,DE CI'I PHYIR ZHE NA, DON DAM YANG DAG 'PHAGS, CHOS RNAMS LA RNAM PAR DAG PA'I DMIGS PA GANG YIN PA DE NI DON DAM PA YIN PAR YONGS SU BSTAN LA, GZHAN GYI DBANG GI MTSAN NYID DE RNAM PAR DAG PA'I DMIGS PA MA YIN PAS DE'I PHYIR DON DAM PA NGO BO NYID MED PA NYID CES BYA'O, ,ZHES GSUNGS SO, ,GZHAN DBANG NI DON DAM PA'I NGO BO NYID DU MED PAS DON DAM PA NGO BO NYID MED PA ZHES BYA STE, DON DAM PA NI GANG LA DMIGS NAS GOMS NA SGRIB PA ZAD PAR 'GYUR BA YIN NA GZHAN DBANG LA DMIGS NAS GOMS PAS SGRIB PA DAG PAR BYED MI NUS PA'I PHYIR RO, ,'O NA KUN BRTAGS KYANG DON DAM PA NGO BO NYID MED PAR CI'I PHYIR MI GZHAG CE NA, RNAM PAR DAG PA'I DMIGS PA MA YIN PA TZAM GYIS 'JOG NA BDEN YANG LOG RTOG DGAG PA LA LTOS NAS GZHAN DBANG RNAM PAR @06A *, ,DAG PA'I DMIGS PA MIN PAS DON DAM NGO BO NYID MED PAR BZHAG GI KUN BRTAGS MA BZHAG GO , JI LTAR ZHE NA, GZHAN DBANG KUN BRTAGS KYIS STONG PA LA DMIGS NAS BSGOMS PAS SGRIB PA DAG BAR 'GYUR BAR SHES PA NA, DE LTA NA CHOS CAN GZHAN DBANG LA YANG DMIGS DGOS PAS DE YANG RNAM PAR DAG PA'I DMIGS PAR 'GYUR BAS DON DAM PAR 'GYUR RO SNYAM DU DOGS PA SKYE LA KUN BRTAGS LA DE 'DRA BA'I DOGS PA MED PA'I PHYIR RO, ,DOGS PA DE'I SKYON NI MED DE SGRA MI RTAG PAR NGES PAS SGRA RTAG 'DZIN ZLOG KYANG SGRA LA DMIGS PAS RTAG 'DZIN MI ZLOG PA MI 'GAL BA BZHIN NO, ,GZHAN DBANG RNAM PAR DAG PA'I DMIGS PA LA DON DAM DU BYAS PA'I DON DAM DER MA GRUB KYANG DON DAM GZHAN DU GRUB MA GRUB NI 'CHAD PAR 'GYUR RO, ,DON DAM PA NGO BO NYID MED PA'I 'JOG TSUL GNYIS PA YANG DGONGS 'GREL LAS, GZHAN YANG CHOS RNAMS KYI YONGS SU GRUB PA'I MTSAN NYID GANG YIN PA DE YANG DON DAM PA NGO BO NYID MED PA NYID CES BYA'O, ,DE CI'I PHYIR ZHE NA, DON DAM YANG DAG 'PHAGS, CHOS RNAMS KYI CHOS BDAG MED PA GANG YIN PA DE NI, DE DAG GI NGO BO NYID MED PA NYID CES BYA STE DE NI DON DAM PA YIN LA DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS DE'I PHYIR DON DAM PA NGO BO NYID MED PA NYID CES BYA'O, ,ZHES GSUNGS SO, ,CHOS RNAMS KYI CHOS KYI BDAG MED YONGS GRUB NI RNAM PAR DAG PA'I DMIGS PA YIN PAS DON DAM PA YANG YIN LA, CHOS RNAMS KYI BDAG GI NGO BO NYID MED PAS RAB @06B TU PHYE BA STE DE TZAM GYIS BZHAG PA YIN PA'I PHYIR CHOS RNAMS KYI NGO BO NYID MED PA ZHES KYANG BYA BAS DON DAM PA NGO BO NYID MED PA ZHES BYA'O, ,YANG DGONGS 'GREL LAS, GAL TE 'DU BYED KYI MTSAN NYID DANG DON DAM PA'I MTSAN NYID THA DAD PA YIN PAR GYUR NA NI, DES NA 'DU BYED RNAMS KYI BDAG MED PA TZAM DANG NGO BO NYID MED PA TZAM NYID DON DAM PA'I MTSAN NYID YIN PAR YANG MI 'GYUR, ZHES GSUNGS SHING, DPE'I SKABS SU YANG NAM MKHA' GZUGS MED PA TZAM LA 'JOG PA BZHIN DU BDAG MED 'JOG PAR GSUNGS PAS, CHOS CAN 'DUS BYAS LA CHOS KYI BDAG RNAM PAR BCAD TZAM GYI SPROS PA MED DGAG LA CHOS KYI BDAG MED KYI YONGS GRUB 'JOG PAR SHIN TU GSAL BA'I PHYIR, MDO 'DI'I DE KHO NA NYID KYI DON BSTAN PA NGES PA'I DON DU 'DOD BZHIN DU 'GYUR MED YONGS GRUB DGAG BYA BCAD TZAM GYI BCAD LDOG NAS MI 'JOG PAR BLO'I YUL DU 'CHAR BA DGAG BYA BCAD PA LA MI LTOS PAR SGRUB PA RANG DBANG BA LA 'DOD PA NI 'GAL BA'O, ,YONGS GRUB 'DI NI CHOS RNAMS KYI BDAG GI NGO BO RNAM PAR BCAD PA TZAM YIN PAS CHOS RNAMS KYI DON DAM PA NGO BO NYID MED PA ZHES GSUNGS KYI DGAG PA'I RANG GI NGO BO LA RANG GI MTSAN NYID KYIS GRUB PA MED PAS NGO BO NYID MED PAR MI BZHED PA'I LUGS SO, ,GSUM PA NI, NGO BO NYID MED PA GSUM PO DE DPE DI DANG 'DRA PA NI DGONGS 'GREL LAS, DE LA 'DI LTA STE DPER NA NAM KHA'I ME TOG JI LTA BA DE LTA BUR NI MTSAN NYID NGO BO NYID MED PA NYID BLTA BAR BYA'O, ,DON DAM YANG DAG 'PHAGS, DE LA 'DI LTA STE DPER NA SGYU MA BYAS PA JI LTA @07A *, ,BA DE LTA BUR NI SKYE BA NGO BO NYID MED PA NYID BLTA BAR BYA'O, ,DON DAM PA NGO BO NYID MED PA NYID DE LAS KYANG GCIG KYANG BLTA BAR BYA'O, ,DON DAM YANG DAG 'PHAGS, DE LA 'DI LTA STE DPER NA NAM KHA' NI GZUGS KYI NGO BO NYID MED PA TZAM GYIS RAB TU PHYE BA DANG THAMS CAD DU SONG BA JI LTA BA DE LTA BU NI DON DAM PA NGO BO NYID MED PA DE LAS CHOS BDAG MED PAS RAB TU PHYE BA DANG THAMS CAD DU SONG BA GCIG BLTA BAR BYA STE, ZHES SO, ,KUN BRTAGS NAM KHA'I ME TOG DANG 'DRA BA NI RTOG PAS BTAGS PA TZAM GYI DPE YIN GYI SHES BYA LA MI SRID PA'I DPE MIN NO, ,GZHAN DBANG SGYU MA DANG 'DRA TSUL NI 'CHAD PAR 'GYUR LA YONGS GRUB KYI DPE DON NI DKYUS NA GSAL LO, ,NGO BO NYID MED PAR GSUNGS PA'I NGO BO NYID MED TSUL NI DE LTAR DU BSHAD KYI DE LTA MIN PAR NGO BO NYID GSUM GA RANG GI MTSAN NYID KYIS MA GRUB PA LA NGO BO NYID MED PAR BSHAD NA NGO BO NYID MED PAR GSUNGS PA'I MDO SDE LA SGRA JI BZHIN PAR ZHEN PA YIN LA, DE LTA NA MED LTA'AM CHAD PAR LTA BA THOB PAR 'GYUR TE NGO BO NYID GSUM GA LA SKUR BA 'DEBS PAS MTSAN NYID MED PAR LTA BA CAN DU 'GYUR BA'I PHYIR RO, ,'DI LTAR GZHAN DBANG RANG GI MTSAN NYID KYIS GRUB PA MED NA SKYE BA DANG 'GAG PA MI RUNG BAS DE LA SKUR PA 'DEBS PA YIN LA YONGS GRUB RANG GI MTSAN NYID KYIS MED NA DNGOS PO'I GSHIS SU MI 'GYUR BA'I LUGS SO, ,GAL TE RANG GI MTSAN NYID KYIS MA GRUB PAR LTA BA NGO BO NYID GZHAN GNYIS LA SKUR @07B 'DEBS YIN DU CHUG KYANG KUN BRTAGS LA SKUR 'DEBS SU JI LTAR 'GYUR SNYAM NA, NGO BO NYING GZHAN GNYIS RANG GI MTSAN NYID KYIS MED NA DE GNYIS MED PAR 'GYUR LA DE LTA NA KUN BRTAGS 'DOGS PA'I GZHI DANG 'DOGS PA PO'I THA SNYAD KYANG MED PAS KUN BRTAGS YE MED DU 'GYUR BA'I PHYIR RO, ,DE LTAR YANG DGONGS 'GREL LAS, NGA'I DGONGS TE BSHAD PA ZAB MO YANG DAG PA JI LTA BA BZHIN TU RAB TU MI SHES TE CHOS DE LA MOS KYANG CHOS 'DI DAG THAMS CAD NI NGO BO NYID MED PA KHO NA YIN NO, , CHOS 'DI DAG THAMS CAD NI MA SKYES PA KHO NA'O, ,MA 'GAGS PA KHO NA'O, ,GZOD MA NAS ZHI BA KHO NA'O, ,RANG BZHIN GYIS YONGS SU MYA NGAN LAS 'DAS PA KHO NA'O ZHES CHOS KYI DON LA SGRA JI BZHIN KHO NAR MNGON PAR ZHEN PAR BYED DO, ,DE DAG GZHI DES NA CHOS THAMS CAD LA MED PAR LTA BA DANG MTSAN NYID MED PAR LTA BA 'THOB PAR 'GYUR TE, MED PAR LTA BA DANG MTSAN NYID MED PAR LTA BA THOB NAS KYANG CHOS THAMS CAD LA MTSAN NYID THAMS CAD KYIS SKUR PA 'DEBS TE, CHOS RNAMS KYI KUN BRTAGS PA'I MTSAN NYID LA YANG SKUR PA 'DEBS CHOS RNAMS KYI GZHAN GYI DBANG GI MTSAN NYID DANG YONGS SU GRUB PA'I MTSAN NYID LA YANG SKUR PA 'DEBS SO, ,DE CI'I PHYIR ZHE NA, DON DAM YANG DAG 'PHAGS, 'DI LTAR GZHAN GYI DBANG GI MTSAN NYID DANG YONGS SU GRUB PA'I MTSAN NYID YOD NA NI KUN BRTAGS PA'I MTSAN NYID KYANG RAB TU SHES PAR 'GYUR NA, DE LA GANG DAG GZHAN GYI DBANG GI MTSAN NYID DANG YONGS SU GRUB PA'I MTSAN NYID LA MTSAN NYID MED PAR MTHONG BA DE DAG GIS NI KUN BRTAGS PA'I MTSAN @08A *, ,NYID LA YANG SKUR PA BTAB PA YIN PA'I PHYIR TE, DE LTA BAS NA DE DAG NI MTSAN NYID RNAM PA GSUM CHAR LA YANG SKUR PA 'DEBS PA ZHES BYA'O, ,ZHES SO, ,DON LA SGRA JI BZHIN DU ZHEN ZHES PA'I SGRA NI NGO BO NYID MED PAR STON PA'I MDO SDE LAS CHOS THAMS CAD DON DAM PAR RANG BZHIN GYIS STONG PA DANG NGO BO NYID DANG RANG GI MTSAN NYID KYIS STONG ZHES GSUNGS PA RNAMS YIN LA DE DAG LA JI LTAR BSTAN PA LTAR 'DZIN PA NI SGRA JI BZHIN PAR 'DOD PA'I LUGS SO, ,GZHAN DBANG DANG YONGS GRUB KYI MTSAN NYID LA MTSAN NYID MED PAR MTHONG BA NI DE GNYIS RANG GI MTSAN NYID KYIS MA GRUB PAR LTA BA STE, DE CI'I PHYIR ZHE NA, ZHES PA MAN CHAD KYIS NGO BO NYID GSUM GA LA SKUR 'DEBS SU 'GRO BA'I RGYU MTSAN STON NO, ,RANG GI MTSAN NYID KYIS SKYE BA DANG 'GAG PA MED PAR GSUNGS PA LTAR BZUNG NA YANG GZHAN DBANG LA SKUR 'DEBS SU 'GYUR BA'I PHYIR GZHAN GNYIS LA YANG SKUR 'DEBS SU 'GRO BA SHES PAR BYA STE, SKYE 'GAG RANG GI MTSAN NYID KYIS MA GRUB NA SKYE 'GAG MED PAR 'GYUR BA'I LUGS SO, , GNYIS PA NI, NGO BO NYID MED PA'I TSUL DE LTAR YIN NA SKYE BA MED PA SOGS GANG LA DGONGS NAS GSUNGS SHE NA, 'DI NI NGO BO NYID MED PA DANG PO DANG THA MA LA DGONGS NAS GSUNGS TE, DE YANG DANG PO NI DGONGS 'GREL LAS, DE LA MTSAN NYID NGO BO NYID MED PA NYID LA DGONGS NAS NGAS CHOS THAMS CAD MA SKYES PA MA 'GAGS PA GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DE CI'I PHYIR ZHE NA, DON DAM YANG DAG 'PHAGS, 'DI LTAR RANG GI MTSAN NYID KYIS MED PA GANG @08B YIN PA DE NI MA SKYES PA YIN MA SKYES PA GANG YIN PA DE NI MA 'GAGS PA YIN NA, MA SKYES PA DANG MA 'GAGS PA GANG YIN PA DE DAG NI GZOD MA NAS ZHI BA YIN GZOD MA NAS ZHI BA GANG YIN PA DE NI RANG BZHIN GYIS YONGS SU MYA NGAN LAS 'DAS PA YIN, RANG BZHIN GYIS YONGS SU MYA NGAN LAS 'DAS PA GANG YIN PA DE LA NI YONGS SU MYA NGAN LAS BZLA BAR BYA BA CUNG ZAD KYANG MED DE, ZHES GSUNGS SO, ,KUN BRTAGS LA SKYE 'GAG MED PA'I RGYU MTSAN DU RANG GI MTSAN NYID KYIS MA GRUB PA BKOD PA'I PHYIR SKYE 'GAG YOD NA RANG MTSAN GYIS GRUB PA DANG GZHAN DBANG LA RANG GI MTSAN NYID KYIS GRUB PA'I SKYE 'GAG YOD PAR YANG BSTAN ? NO, ,SKYE 'GAG DANG BRAL BA NI 'DUS MA BYAS YIN PAS KUN NAS NYON MONGS KYI CHOS SU MI RUNG BA'I PHYIR GZOD MA NAS ZHI BA DANG RANG BZHAN GYIS MYA NGAN LAS 'DAS PAR BSTAN TE MYA NGAN NI 'DIR KUN NYON YIN PA'I PHYIR RO, ,GNYIS PA YANG DGONGS 'GREL LAS, YANG DON DAM PA NGO BO NYID MED PA NYID CHOS BDAG MED PAS RAB TU PHYE BA LA DGONGS NAS NGAS CHOS THAMS CAD MA SKYES PA MA 'GAGS PA GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA'O ZHES BSTAN NO, ,DE CI'I PHYIR ZHE NA, 'DI LTAR DON DAM PA NGO BO NYID MED PA NYID CHOS BDAG MED PAS RAB TU PHYE BA NI RTAG PA RTAG PA'I DUS DANG THER ZUG THER ZUG GI DUS SU RNAM PAR GNAS PA KHO NA YIN LA, DE NI CHOS RNAMS KYI CHOS ? NYID 'DUS MA BYAS PA NYON MONGS PA THAMS CAD DANG BRAL PA YIN TE, RTAG PA RTAG PA'I DUS DANG THER ZUG THER ZUG GI DUS SU CHOS NYID DE NYID KYI RNAM PAR GNAS PA 'DUS MA BYAS PA GANG YIN PA DE NI 'DUS MA BYAS PA'I PHYIR MA SKYES PA @09A *, ,DANG MA 'GAGS PA YIN LA, DE NI NYON MONGS PA THAMS CAD DANG BRAL BA'I PHYIR GZOD MA NAS ZHI BA DANG RANG BZHIN GYIS YONGS SU MYA NGAN LAS 'DAS PA YIN TE, ZHES GSUNGS SO, ,RTAG PA RTAG PA'I DUS NI SNGA MA SNGA MA'I DUS DANG THER ZUG THER ZUG GI DUS NI PHYI MA PHYI MA'I DUS LA RGYA NAG GI 'GREL CHEN LAS BSHAD DO, ,'O NA 'DIR NGO BO NYID MED PA'I GZHI GSUM GA LA MDZAD NAS SKYE BA SOGS MED PA'I GZHI NGO BO NYID MED PA BAR PA LA MI MDZAD PA DANG, KUN LAS BTUS LAS KYANG KUN BRTAGS PA'I NGO BO NYID LA MTSAN NYID NGO BO NYID MED PA DANG GZHAN GYI DBANG LA SKYE BA NGO BO NYID MED PA DANG YONGS SU GRUB PA LA DON DAM PA NGO BO NYID MED PA'I PHYIR RO, ,MA SKYES PA MA 'GAGS PA GZOD MA NAS ZHI BA RANG BZHIN GYIS MYA NGAN LAS 'DAS PA ZHES 'BYUNG BA'I DGONGS PA GANG YIN ZHE NA, JI LTAR NGO BO NYID MED PA DE LTAR MA SKYES SO, ,JI LTAR MA SKYES PA DE LTAR MA 'GAGS SO, ,JI LTAR MA SKYES PA DANG MA 'GAGS PA DE LTAR GZOD MA NAS ZHI'O, ,DE LTAR RANG BZHIN GYIS YONGS SU MYA NGAN LAS 'DAS SO, ,ZHES MTSAN NYID GSUM GA'I DBANG DU BYAS NAS MA SKYES PA SOGS SU BSHAD PA'I DON CI YIN ZHE NA, 'DI LA RGYA NAG GI 'GREL CHEN LAS, MDO LAS GZHAN DBANG SKYE BA MED PA SOGS KYI DGONGS GZHIR MA GSUNGS PA NI RTEN CING 'BREL PAR 'BYUNG BA'I DON MED PA MIN PAR BSTAN PA'I PHYIR YIN LA, KUN LAS BTUS LAS BSHAD PA NI BDAG NYID KYIS SKYE BA DANG RGYU MED LAS SKYE BA MED PA'I DBANG DU BYAS PAR BSHAD DO, ,GZHAN DBANG LA RANG GI MTSAN NYID KYIS SKYE BA DANG 'GAG PA YOD @09B PAS SKYE 'GAG MED PAR GSUNGS PA GZHAN DBANG LA DGONGS PA MIN LA GZHAN DBANG PHAL CHER KUN NYON GYIS BSDUS PAS TSIG PHYI MA GNYIS KYI GZHIR MA MDZAD PA NI MDO 'DI'I DGONGS PA'O, ,NGO BO NYID GSUM GYI RANG RANG GI SKABS KYI NGO BO MED RGYU DE'I DBANG DU BYAS NAS JI LTAR NGO BO NYID MED PA DE LTAR MA SKYES PA DANG MA 'GAGS LA GZOD MA NAS ZHI BA DANG, GDOD NAS MYA NGAN LAS 'DAS PA YANG YIN PA LA DGONGS NAS KUN LAS BTUS LAS DE LTAR BSHAD DO, ,GSUM PA NI, KUN BRTAGS MTSAN NYID NGO BO NYID MED PA YIN NA KUN BRTAGS NYID GANG YIN SNYAM NA, DE NI DGONGS 'GREL LAS, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA LA GZUGS KYI PHUNG PO ZHES NGO BO NYID DAM BYE BRAG GI MTSAN NYID DU MING DANG BRDAR RNAM PAR BZHAG PA DANG, GZUGS KYI PHUNG PO SKYE'O ZHE'AM 'GAG PA ZHE'AM GZUGS KYI PHUNG PO SPANG BA DANG YONGS SU SHES PA ZHES NGO BO NYID KYI MTSAN NYID DAM BYE BRAG GI MTSAN NYID DU MING DANG BRDAS RNAM PAR BZHAG PA GANG LAGS PA DE NI KUN BRTAGS PA'I MTSAN NYID LAGS TE, ZHES GSUNGS SO, ,DE LA TSIG DANG PO GSUM GYIS NI KUN BRTAGS 'DOGS PA'I GZHI BSTAN LA DE MAN CHAD KYIS KUN TU BRTAGS TSUL STON TE, 'DI GZUGS PHUNG PO ZHES NGO BO DANG GZUGS PHUNG SKYE'O ZHES SOGS SU BTAGS PA NI BYE BRAG KYI MKHYAD PAR DU BTAGS TSUL YIN TE ZHIB TU 'CHAD PAR 'GYUR RO, ,GZHAN DBANG SKYE BA NGO BO NYID MED PA YIN NA GZHAN DBANG GANG YIN SNYAM NA, DE NI DGONGS 'GREL LAS, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI @10A *, ,MTSAN MA GANG LAGS PA DE NI GZHAN GYI DBANG GI MTSAN NYID LAGS TE ZHES GSUNGS TE, DANG POS GANG GI YUL YIN PA DANG GNYIS PAS KUN BRTAGS KYI GDAGS GZHI DANG GSUM PAS RANG GI NGO BO BSTAN TO, ,YONGS GRUB DON DAM PA NGO BO NYID MED PA YIN NA DE NYID GANG YIN SNYAM NA, DE NI DGONGS 'GREL LAS, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA DE NYID, KUN BRTAGS PA'I MTSAN NYID DER YONGS SU MA GRUB CING NGO BO NYID DE KHO NAS NGO BO NYID MA MCHIS PA NYID CHOS LA BDAG MA MCHIS PA, DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE ZHES GSUNGS SO, ,CHOS LA ZHES SOGS KYIS CHOS KYI BDAG MED DE BZHIN NYID CES BRJOD PA GANG LA DMIGS NAS BSGOMS PAS SGRIB PA DAG PAR 'GYUR BA DE NYID YONGS GRUB TU NGOS BZUNG NGO, ,CHOS KYI BDAG MED DE GANG ZHE NA NGO BO NYID MA MCHIS PA NYID DE NYID NI DE KHO NA ZHES PA'I DON NO, ,GANG GI NGO BO NYID MED PA YIN SNYAM PA LA, NGO BO NYID DE KHO NAS ZHES KUN BRTAGS KYI NGO BO NYID GONG DU SMOS PA LA GSUNGS NAS KHO NAS ZHES PAS NI GZHAN GCOD PAS NGO BO NYID GZHAN GNYIS KYI NGO BO NYID MA MCHIS PA LA MI BYED KYI KUN BRTAGS KHO NA'I NGO BO MED PA LA YONGS GRUB TU BYED CES PA'I DON NO, ,DE NYID GONG MAS BSHAD PA NI RNAM PAR RTOG PA ZHES PA NAS DE NYID CES PA'I BAR GYIS GZHAN DBANG STONG GZHIR BSTAN NAS KUN BRTAGS KYI MTSAN NYID DU MA GRUB CES PAS DE NYID KUN BRTAGS KYIS STONG PA LA YONGS GRUB TU SHIN TU @10B GSAL BAS, MDO 'DIS STONG TSUL BSTAN PA NGES DON DU 'DOD PA DANG NGO BO NYID THA MA NGO BO NYID DANG PO GNYIS KYIS STONG PA YONGS GRUB TU 'DOD PA YANG 'GAL BA'O, ,STONG LUGS KYANG SA PHYOGS BUM PAS STONG PA LTAR DON GZHAN DU YOD PA BKAG PA MIN GYI GANG ZAG RDZAS SU MED PA LTAR GZHAN DBANG KUN BRTAGS KYI NGO BOR GRUB PAS STONG PA YIN NO, ,DE NYID KYI PHYIR MDO LAS, DE NYID KUN BRTAGS PA'I MTSAN NYID DER YONGS SU MA GRUB CING, ZHES GSUNGS SO, ,GANG GIS STONG PA'I KUN BRTAGS NI MDO 'DI'I KUN BRTAGS NGOS BZUNG BA'I SKABS GNYIS KAR NGO BO DANG KHYAD PAR DU BTAGS PA TZAM MIN PA'I KUN BRTAGS GZHAN MA GSUNGS PA'I RGYU MTSAN NI 'CHAD PAR 'GYUR RO, ,DE LTAR GZUGS PHUNG LA JI LTAR SBYAR BA BZHIN DU PHUNG PO LHAG MA BZHI DANG SKYE MCHED BCU GNYIS DANG RTEN 'BREL BCU GNYIS DANG ZAS BZHI DANG KHAMS DRUG DANG BCO BRGYAD PO RE RE LA YANG MTSAN NYID GSUM GSUM SBYAR BAR GSUNGS SO, ,SDUG BDEN LA NI GDAGS GZHI SNGAR BZHIN LA SDUG BSNGAL GYI BDEN PA'O ZHES NGO BO DANG SDUG BDEN YONGS SU SHES PA ZHES BYE BRAG TU MING DANG BRDAS BZHAG PA KUN BRTAGS DANG, GZHAN DBANG SNGAR BZHIN DANG YONGS GRUB KYANG SNGAR DANG 'DRA LA NGO BO NYID DE KHO NAS NGO BO NYID MA MCHIS PA ZHES GSUNGS SHING, DE BZHIN DU BDEN PA LHAG MA LA YANG SBYAR RO, ,BYANG PHYOGS SDE TSAN BDUN LA YANG SBYAR TE GDAGS GZHI SNGAR BZHIN LA YANG DAG PA'I TING NGE 'DZIN ZHES NGO BO DANG DE'I MI MTHUN PHYOGS DANG GNYEN PO SOGS SNGAR BSHAD PA RNAMS LA DE DANG DE'I 'O ZHES KHYAD PAR DU BTAGS PA'I KUN BRTAGS DANG, NGO BO NYID GZHAN @11A *, ,GNYIS SDUG BDEN BZHIN GSUNGS SO, ,DE DAG NI SNGAR 'GAL SPONG DRIS PA'I SKABS SU BSHAD PA'I GZUGS PHUNG NAS LAM GYI YAN LAG GI BAR GYI RE RE LA YANG MTSAN NYID GSUM GSUM GYI 'JOG LUGS BYAS NAS DE LA DGONGS NAS STON PAS NGO BO NYID MED PA GSUM DU BSHAD PAR BDAG GIS GO'O ZHES DON DAM YANG DAG 'PHAGS KYIS STON PA LA GSOL BA'O, ,BZHI PA LA GNYIS, MDO DGOD PA DANG, DE'I DON CUNG ZAD BSHAD PA'O, ,DANG PO NI, DE LTAR NA GSUNG RAB LA CHOS RNAMS RANG GI MTSAN NYID KYIS YOD PA DANG CHOS RNAMS RANG GI MTSAN NYID KYIS MA GRUB PAR STON PA DANG, RANG GI MTSAN NYID KYIS GRUB MA GRUB LEGS PAR PHYE BA'I MDO SDE GSUM BYUNG ZHING DE DAG KYANG NGO BO NYID YED MED LEGS PAR PHYE MA PHYE GNYIS SU 'GYUR LA PHYE BA NI DON GZHAN DU DRANG BAR MI BYA BAS NGES PA'I DON DANG, MA PHYE BA NI DON GZHAN DU DRANG DGOS PAS DRANG BA'I DON YIN LA, DE LA YANG GNYIS YOD PAS MDO SDE GNYIS DRANG DON DANG GCIG NGES DON DU SNGAR BSHAD PA RNAMS KYI SHUGS KYIS SHES PAR 'GYUR RO, , SHUGS LA GNAS PA'I DON DE NYID DUS KYI RIM PA'I SGO NAS 'KHOR LO GSUM DANG SBYAR BA'I DRANG NGES SU 'GYUR CHUL DON DAM YANG DAG 'PHAGS KYIS STON PA LA ZHUS PA NI DGONGS 'GREL LAS, BCOM LDAN 'DAS KYIS DANG POR YUL BA RA n'A SIR DRANG SRONG SMRA BA RI DVAGS KYI NAGS SU NYAN THOS KYI THEG PA LA YANG DAG PAR ZHUGS PA RNAMS LA 'PHAGS PA'I BDEN PA BZHI'I RNAM PA BSTAN PAS CHOS KYI 'KHOR LO NGO MTSAR RMAD DU BYUNG BA SNGON LHAR GYUR PA'AM MIR GYUR PA SUS KYANG MTHUN PAR @11B 'JIG RTEN DU MA BSKOR BA GCIG RAB TU BSKOR TE, BCOM LDAN 'DAS KYIS CHOS KYI 'KHOR LO RAB TU BSKOR BA DE YANG BLA NA MCHIS PA SKABS MCHIS PA DRANG BA'I DON RTZOD PA'I GZHI'I GNAS SU GYUR PA LAGS, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG 'GAG PA MA MCHIS PA DANG GZOD MA NAS ZHI BA DANG RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS THEG PA CHEN PO LA YANG DAG PAR ZHUGS PA RNAMS LA STONG PA NYID SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA SKABS MCHIS PA DRANG BA'I DON RTZOD PA'I GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG 'GAG PA MA MCHIS PA DANG GZOD MA NAS ZHI BA DANG RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS THEG PA THAMS CAD LA YANG DAG PAR ZHUGS PA RNAMS LA LEGS PAR RNAM PAR PHYE BA DANG LDAN PA NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO BSKOR BA 'DI NI BLA NA MA MCHIS PA SKABS MA MCHIS PA NGES PA'I DON LAGS TE RTZOD PA'I GZHI'I GNAS SU GYUR PA MA LAGS SO, ,ZHES GSUNGS SO, ,GNYIS PA LA GNYIS, MDO'I TSIG DON CUNG ZAD BSHAD PA DANG, DRANG NGES KYI TSUL CUNG ZAD BSHAD PA'O, ,DANG PO NI, DE LA 'KHOR LO DANG PO BSKOR BA LA GNAS NI TSIG DANG POS BSTAN LA @12A *, ,GDUL BYA NI GNYIS PAS SO, ,'PHAGS PA'I ZHES PA NAS BSKOR TE ZHES PA'I BAR GYIS 'KHOR LO'I NGO BO BSTAN NO, ,BDEN PA BZHI'I RNAM PA BSTAN ZHES PA NI BRJOD BYA GANG LAS BRTZAMS NAS BSTAN PA'O, ,NGO MTSAR SOGS NI DE'I BSNGAGS PA'O, ,DE YANG ZHES SOGS NI NGES DON MIN PAR STON PA'O, ,DE LA BLA NA MCHIS PA NI 'DI'I GONG NA KHYAD PAR CAN GYI BSTAN PA YOD PA'O, ,SKABS MCHIS PA NI 'DI LAS SKABS KHYAD PAR CAN GYI BSTAN PA YOD PA'O, ,STONG PA NYID MI STON ZHING YOD PAR STON PAS DRANG BA'I DON NO, ,RTZOD PA DANG BCAS PA NI GZHAN GYIS GZHIG PAR BYA BA DANG NYAN THOS SDE BA RNAMS KYI RTZOD PA SMRA BA'I GNAS SU GYUR PA'O, ,ZHES WEN TSEG GIS BSHAD DO, ,MDO'I DON NI DANG PO NI BLA NA STE 'DI'I GONG NA NGES DON GZHAN YOD PA'O, ,GNYIS PA NI, 'DI'I DON JI LTAR BSTAN PA LTAR KHAS BLANGS PA LA RGOL BA GZHAN GYI SKYON GYI SKABS MCHIS PA'O, ,'DI LA RGYA NAG GI 'GREL PA LAS RGOL BA DANG BCAS PA ZHES KYANG BSGYUR BAS DON DE LTAR RO, ,GSUM PA NI 'DI'I DON GZHAN DU DRANG DGOS PA'O, ,BZHI PA NI DON 'DI LTAR YIN STON PAS GSAL POR MA PHYE BAS DON LA MI MTHUN PAR RTZOD PA'O, ,'KHOR LO GNYIS PA LA CHOS RNAMS KYI ZHES PA NAS BRTZAMS NAS ZHES PA'I BAR NI BRJOD BYA GANG LAS BRTZAMS PA'O, ,THEG PA ZHES SOGS NI GANG LA BSKOR BA'I GDUL BYA'O, ,STONG PA NYID SMOS PA'I RNAM PAS ZHES PA'I DON CHOS KYI BDAG MED BSTAN PA LA 'GREL PA KHA CIG GIS BSHAD LA, RGYA NAG GI 'GREL CHEN LAS, MI @12B MNGON PA'I RNAM PAS ZHES KYANG 'BYUNG LA DE'I DON YOD PA MKHYUD PA LA BSHAD DO, ,'GYUR NI DE LEGS LA DON NI 'KHOR LO PHYI MA GNYIS BRJOD BYA NGO BO NYID MED PA LAS BRTZAMS NAS STON PAR 'DRA BA LA STON TSUL GYI KHYAD PAR NI BAR PAS NGO BO NYID YOD MED SNGAR LTAR MA PHYE BAS MI MNGON PA'I RNAM PAS ZHES GSUNGS LA THA MAS PHYE BAS LEGS PAR RNAM PAR PHYE BA ZHES GSUNGS SO, ,SDE SNOD GSUM PA WEN TSEG GIS GSUM PA LA LTES NAS BLA NA YOD PA SOGS LAS MA BSHAD CING, RGYA GAR GYI MKHAN PO YANG DAG BDEN PA'I BSHAD PA BKOD MOD KYANG LEGS PAR MI SNANG BAS MA BRIS LA RANG GI LUGS NI SNGA MA LTAR RO, ,'KHOR LO GSUM PA LA BRJOD BYA GANG LAS BRTZAMS PA BAR PA DANG 'DRA ZHING, GDUL BYA NI THEG PA THAMS CAD LA YANG DAG PAR ZHUGS PA STE SNGA MA GNYIS NI THEG PA CHE CHUNG SO SO BA YIN LA 'DI NI GNYI GA'I DBANG DU BYAS PA'O, ,LEGS PAR PHYE BA NI SNGAR BSHAD PA LTAR GZUGS LA SOGS PA'I CHOS RE RE LA MTSAN NYID GSUM GSUM GYI RNAM GZHAG DANG DE LA NGO BO NYID MED TSUL GSUM GSUM DU PHYE BA'O, ,CHOS KYI 'KHOR LO BSKOR BA 'DI NI ZHES NYE BA'I TSIG GIS SMOS PA NI DE MA THAG TU SMOS PA'I LEGS PAR RNAM PAR PHYE BA'I 'KHOR LO DGONGS 'GREL DANG DE BZHIN DU PHYE BA RNAMS LA ZER BA YIN GYI, DUS THA MAR GSUNGS KYANG NGO BO NYID YOD MED KYI TSUL 'DI BZHIN DU MA PHYE BA'I MDO SDE RNAMS LA ZER BA MIN NO, ,'KHOR LO DE'I CHE BA NI BLA NA MA MCHIS PA SOGS KYIS STON TE, 'DI MCHOG TU RMAD DU BYUNG ZHING DE LAS LHAG @13A *, ,PA GZHAN MED PAS BLA NA MA MCHIS PA DANG, PHYIS MCHOG TU 'GYUR PA'I SKABS DANG GZHIG PA'I SKABS MED PAS SKABS MA MCHIS PA DANG, YOD MED RDZOGS PAR BSTAN PAS NGES PA'I DON DANG, RTZOD PA SMRA BA'I GZHI'I GNAS MIN PA'O, ,ZHES WEN TSEG GIS BSHAD PA NI SKABS MED PA'I SNGA MA MA GTOGS PA SNGAR BDAG GIS BLA NA YOD PA SOGS KYI DON BSHAD PA LAS BZLOG PA DANG DON 'DRA'O, ,MDO SDE SNGA MA GNYIS KYI SGRA JI BZHIN PA'I DON LA SKYON GYI SKABS YOD LA 'DI LA MED PA NI SGRA JI BZHIN PA'I DON DE LAS GZHAN DU DRANG DGOS MI DGOS KYI RGYU MTSAN GYIS YIN LA, RTZOD PA YOD MED NI MDO SDE'I DON NGO BO NYID YOD MED STON PAS DE LTAR GTAN LA PHAB PA YIN MIN LA MKHAS PAS BRTAGS NA RTZOD SA MED PA LA BYA'I RTZOD PA GZHAN MED PAR STON PA MIN NO, ,GNYIS PA NI, DE 'DRA BA'I 'KHOR LO DANG PO LA BDEN BZHI'I CHOS 'KHOR DANG GNYIS PA LA MTSAN NYID MED PA DANG, GSUM PA LA DON DAM RNAM PAR NGES BA'I 'KHOR LO ZHES RGYA NAG GI 'GREL CHEN LAS BTAGS LA, MDO 'DI NYID KYI TSEG DANG BSTUN NA GSUM PA LA LEGS PAR RNAM PAR PHYE BA'I 'KHOR LO ZHES BYA'O, ,DE LA MDO 'DIS DRANG NGES SU 'JOG PA'I TSUL NI LEGS PAR PHYE MA PHYE GNYIS YIN LA, DRANG NGES SU 'JOG PA'I GZHI NI CHOS RNAMS PA RANG GI MTSAN NYID KYIS GRUB PA'I NGO BO NYID YOD MNYAM DU GSUNGS PA DANG MED MNYAM DU GSUNGS PA DANG YOD MED LEGS PAR PHYE BA GSUM YIN PA NI, MDO SDE LA 'GAL SPONG GI DRI BA DANG DE'I LAN BTAB PA DANG, CHOS RE RE LA NGO BO NYID GSUM @13B GSUM GYI RNAM GZHAG BYAS NAS DE LA DGONGS NAS NGO BO NYID MED PAR BSHAD TSUL ZHUS PA DANG, DE DAG LA BRTEN NAS DUS SNGA PHYIR GSUNGS PA'I 'KHOR LO GSUM GYI DRANG NGES ZHUS PA LAS SHIN TU GSAL BA YIN NO, ,DE'I PHYIR DUS DANG POR BDEN PA BZHI LA BRTZAMS NAS RANG GI MTSAN NYID YOD PA SOGS SU GSUNGS PA'I 'KHOR LO DANG PO DRANG DON DU STON PA YIN GYI DUS DANG POR GSUNGS TSAD KYI GSUNG RAB THAMS CAD LA MIN TE, DPER NA DUS DANG POR WA RA n'A SIR LNGA SDE LA SHAM THABS ZLUM POR BGO BAR BYA'O, , ZHES PA LA SOGS PA'I BSLAB BYA GSUNGS PA LA 'DIR DOGS PA GCOD MI DGOS PA BZHIN NO, ,DE BZHIN DU GNYIS PA YANG NGO BO NYID MED PA SOGS SU GSUNGS PA LA BYA'I, DUS GNYIS PAR GSUNGS KYANG NGO BO NYID MED PA SOGS LAS MA BRTZAMS PA'I MDO SDE LA 'GAL SPONG DRIS PA LTAR GYI DOGS PA MED PAS DE 'DIR DRANG DON DU STON MI DGOS SO, ,'KHOR LO GSUM PA NGES DON DU BSHAD PA YANG SNGAR BSHAD PA LTAR LEGS PAR PHYE BA RNAMS YIN GYI THAMS CAD MIN PA NI MDO NYID LAS KYANG SHIN TU GSAL LA, DPER NA MYA NGAN LAS 'DA' KHAR 'DUL BA MDOR BSDUS ZHES BYA BA RUNG MTHUN DU GRAGS PA GSUNGS KYANG DE MDO 'DIS NGES DON DU STON PA MIN PA BZHIN NO, ,MDO 'DIS CI ZHIG 'GRUB PAR 'DOD NAS CHOS 'KHOR GYI DRANG NGES PHYE BA YIN SNYAM NA, CHOS RNAMS LA SO SOR MA PHYE BAR RANG GI MTSAN NYID KYIS GRUB PA DANG MA GRUB PAR BSTAN PA SGRA JI BZHIN DU 'DZIN PA BZLOG NAS KUN BRTAGS RANG GI MTSAN NYID KYIS MA GRUB CING, NGO BO NYID GZHAN GNYIS RANG GI MTSAN NYID KYIS GRUB PA @14A *, ,DANG GZHAN DBANG LA KUN BRTAGS KYIS STONG PA'I STONG NYID LAM GYI DMIGS PA'I DON DAM MTHAR THUG TU DE'I GDUL BYA LA BSTAN PAR BZHED NAS YIN NO, ,DE'I PHYIR 'KHOR LO DANG PO GNYIS DRANG DON DANG THA MA NGES DON DU GSUNGS SO, , DE'I PHYIR KHA CIG GIS MDO 'DI LA BRTEN NAS DUS GSUM PAR GSUNGS PA'I MDO THAMS CAD NGES DON DU BSGRUBS NAS GZHAN SDE'I RIGS CAN BDAG TU SMRA BA LA ZHEN PA RNAMS DRANG BA'I PHYIR DU GSUNGS PA 'GA' ZHIG SGRA JI BZHIN PAR 'DOD CING, CHOS NYID MA GTOGS PA'I CHOS CAN THAMS CAD 'KHRUL PA'I BLOS RLOM PA MA GTOGS PA RANG GI NGO BO GRUB PA CUNG ZAD KYANG MED CING CHOS NYID BDEN PAR GRUB PA'I BDEN MI BDEN RNAM PAR PHYE BA NI SNGAR BSHAD PA'I LEGS PAR RNAM PAR PHYE BA'I DON DU 'DOD DO, ,DE LA GZHAN DAG GIS NI MDO 'DIS DRANG NGES PHYE BA LTAR YIN NA PHYOGS SNGA MAS SMRA BA LTAR 'GYUR RO SNYAM NAS DRANG NGES KYI TSUL DE SGRA JI BZHIN PA MIN NO ZHES 'GOG GO ,DE GNYIS KAS KYANG MDO 'DIR MDO SDE LA 'GAL SPONG GI DRI BA BYUNG LUGS DANG DE LA STON PAS LAN BTAB LUGS DANG DE LA BRTEN NAS DRANG NGES SU ZHAG LUGS RNAMS LA ZHIB TU MA BRTAGS PAR DRANG NGES KYI RNAM DBYE BYAS PA'I SKABS TZAM ZHIG LA RTZOD PAR SNANG NGO, ,GNYIS PA LA GNYIS, SLOB DPON THOGS MED KYIS GTZO BOR DGONGS 'GREL LA BRTEN TSUL DANG, DE LA BRTEN NAS DE KHO NA NYID GTAN LA PHAB PA'I TSUL LO, ,DANG PO NI, BSDU BA LAS, DON DAM PA MTSAN NYID LNGA DANG LDAN PA YANG DGONGS 'GREL LAS 'BYUNG BA BZHIN SHES PAR, @14B BYA'O, ,ZHES DGONGS 'GREL GYI DON DAM PA'I LE'U RNAMS DRANGS SHING, CHOS RNAMS KYI MTSAN NYID NI DGONGS 'GREL LAS 'BYUNG BA BZHIN BLTA BAR BYA'O, ,ZHES MTSAN NYID GSUM STON PA'I MTSAN NYID KYI LE'U RNAMS DRANGS LA, CHOS RNAMS KYI NGO BO NYID MED PA'I MTSAN NYID NI DGONGS 'GREL LAS 'BYUNG BA BZHIN BLTA BAR BYA'O, ,ZHES MDO SDE LA 'GAL SPONG GI DRIS LAN DANG DRANG NGES LA SOGS PA RNAMS STON PA'I NGO BO NYID MED PA'I LE'U RNAMS DRANGS SO, ,DE BZHIN DU RNAM SHES TSOGS BRGYAD DANG MTHAR THUG RIGS NGES PA YANG DGONGS 'GREL NAS GSUNGS PA RNAMS DRANGS SO, ,BYANG SA'I DE KHO NA'I LE'U DANG DE'I RNAM PAR GTAN LA DBAB PA DANG THEG BSDUS LAS KYANG DGONGS 'GREL LAS GZHAN DBANG NGO BO DANG KHYAD PAR DU BTAGS PA'I KUN BRTAGS KYIS STONG PA YONGS GRUB TU GSUNGS PA NYID BSHAD PA'I RNAMS GRANGS MANG POS GTAN LA 'BEBS PAR MDZAD DO, ,MDO SDE RGYAN DANG DBUS MTHA' LA SOGS PAR DE KHO NA'I DON BSHAD PA DANG DE DAG GI 'GREL PA RNAMS SU BSTAN PA'I GNAD RNAMS KYANG MDO SDE 'DI'I DON DANG SHIN TU MTHUN PAS LUGS 'DI LA MDO SDE 'DI'I DON GTAN LA 'BEBS PA NI RTZA BAR SNANG NGO, ,GNYIS PA LA GSUM, MTHA' GNYIS SPONG TSUL SPYIR BSTAN PA, SGRO 'DOGS KYI MTHA' BYE BRAG TU DGAG PA, DES GSUNG RAB KYI DRANG NGES 'BYED PA'I TSUL LO, ,DANG PO LA GSUM, BYANG SA NAS BSHAD PA'I TSUL DANG, BSDU BA NAS BSHAD PA'I TSUL DANG, DE DAG LAS GZHAN PA'I GZHUNG NAS BSHAD TSUL LO, ,DANG PO LA GNYIS, @15A *, ,SGRO SKUR DU LTA BA'I TSUL DANG, DE GNYIS 'GOG PA'I TSUL LO, ,DANG PO NI, BYANG SA LAS, JI LTAR YOD CE NA YOD PA MA YIN PA LA SGRO BTAGS PA'I LEGS PAR MA ZIN PA SPANGS PA DANG YANG DAG PA LA SKUR PA BTAB PA'I LEGS PAR MA ZIN PA SPANGS PA YOD DO, ZHES SGRO SKUR SPANGS PA'I TSUL GYIS YOD DO ZHES GSUNGS PA'I SGRO 'DOGS DANG SKUR 'DEBS NI JI LTA BU ZHIG YIN ZHE NA, DE GNYIS NI BYANG SA LAS, GZUGS LA SOGS PA'I CHOS RNAMS DANG GZUGS LA SOGS PA'I DNGOS PO LA 'DOGS PA'I TSIG GI NGO BO NYID KYI RANG GI MTSAN NYID YOD PA MA YIN PA LA SGRO BTAGS NAS MNGON PAR ZHEN PA GANG YIN PA DANG, ZHES PA 'DIS SGRO 'DOGS TSUL GSUNGS LA, BTAGS PA'I TSIG GI MTSAN MA'I GZHI BTAGS PA'I TSIG GI MTSAN MA'I RTEN DU GYUR PA, BRJOD DU MED PA'I BDAG NYID KYIS DON DAM PAR YOD PA YANG DAG PA'I DNGOS PO LA THAMS CAD KYI THAMS CAD DU MED DO ZHES SKUR BA 'DEBS SHING CHUD GZON PAR BYED PA GANG YIN PA 'DI GNYIS NI CHOS 'DUL BA 'DI LAS RAB TU NYAMS PA YIN PAR RIG PAR BYA'O, ,ZHES PA SNGA MAS NI SKUR PA 'DEBS TSUL BSTAN LA CHUD GZON ZHES PA MAN CHAD KYIS NI THEG PA CHEN PO'I CHOS ZAB MO LAS NYAMS PAR BSTAN NO, ,GZUGS ZHES PA NAS DNGOS PO LA ZHES PA'I BAR GYIS KUN BRTAGS 'DOGS PA'I GZHI BSTAN TE, DE LA 'DOGS PA'I TSIG GI NGO BO NYID CES PA NI TSIG GIS BTAGS PA'I NGO BO NYID LA BYA'I, 'DOGS BYED KYI TSIG LA MI BYA STE BSDU BA LA SOGS PA NAS GSAL @15B BAR BSHAD DO, ,BYANG SA'I SKABS GZHAN DU BYUNG BA RNAMS KYANG DE LTAR SHES PAR BYA'O, ,TSIG GIS BTAGS PA'I NGO BO DE NYID RANG GI MTSAN NYID KYIS YOD PA MIN PA LA DE'I RANG GI MTSAN NYID YOD DO ZHES ZHEN PA NI SGRO 'DOGS SO, ,BTAGS PA'I TSIG GI MTSAN MA'I GZHI NI BTAGS PA'I TSIG GI MTSAN MA'I RTEN ZHES PAS BSHAD DE KUN BRTAGS KYI GDAGS GZHI'O, ,DE NYID BRJOD DU MED PA'I TSUL KYI DON DAM PAR YOD PA LA THAMS CAD KYI THAMS CAD DU MED DO ZHES 'DZIN PA NI SKUR 'DEBS SO, ,DE LTAR BYAS NA KUN BRTAGS DON DAM PAR YOD DO, ,ZHES PA NI SGRO 'DOGS DANG NGO BO NYID GZHAN GNYIS DON DAM PAR MED DO ZHES PA NI SKUR 'DEBS YIN TE, DANG PO KUN RDZOB DANG GZHAN GNYIS DON DAM PAR YOD PA'I PHYIR RO, ,DON DAM PAR YOD PA LA MED PAR LTA BSKUR 'DEBS SU BSHAD PA'I ZLAS DRANGS NA DON DAM PAR MED PA LA YOD PAR LTA BA SGRO 'DOGS SU BSHAD DGOS LA SKABS 'DIR KUN BRTAGS RANG GI MTSAN NYID KYIS YOD PAR 'DZIN PA LA SGRO 'DOGS SU GSUNGS KYIS DE DON DAM PAR YOD PAR 'DZIN PA TSIG GIS GSAL BAR MA BSTAN KYANG RANG GI MTSAN NYID KYIS YOD NA DON DAM PAR YOD PA GZHUNG GI DON YIN PAS KUN BRTAGS DON DAM PAR YOD PA SGRO 'DOGS SU 'GRO BA'I PHYOGS SO, ,DGONGS 'GREL LAS, KUN BRTAGS PA'I MTSAN NYID KYI GNAS 'DU BYED KYI MTSAN MA NGO BO DANG KHYAD PAR DU 'DOGS PA'I GZHI GZHAN DBANG LA GSUNGS PAS, GZHUNG 'DIS BTAGS PA'I TSIG GI MTSAN MA'I GZHI DON DAM PAR YOD PA LA MED CES GSUNGS PA'I DNGOS BSTAN @16A *, ,GZHAN DBANG YIN MOD KYANG, DE DON DAM PAR MED NA YONGS GRUB KYANG DON DAM DU MED PAR 'GYUR BAS GNYIS KA LA BSHAD PA LA SKYON MED DE BYANG SA LAS, GZUGS LA SOGS PA'I CHOS RNAMS KYI DNGOS PO TZAM LA SKUR PA 'DEBS PA LA NI DE KHO NA YANG MED LA 'DOGS PA YANG MED DE DE GNYIS KA YANG MI RIGS SO, ,ZHES GSUNGS PA'I PHYIR TE DNGOS PO GZHAN DBANG LA SKUR PA 'DEBS TSUL NI THA SNYAD DU MED DO ZHES PA'AM SPYIR MED DO ZHES PA MIN GYI SNGAR GONG DU DON DAM PAR YOD PA LA MED CES PA SKUR 'DEBS SU GSUNGS PA LTAR RO, ,GNYIS PA NI, GAL TE SGRO SKUR BYED TSUL DE LTAR YIN NA DE GNYIS SPONG TSUL JI LTAR YIN SNYAM NA, DE LA SGRO 'DOGS KYI MTHA' NI CHOS GANG LA YANG DE'I NGO BO DANG KHYAD PAR DU BTAGS PA DES DE DON DAM PAR STONG PAR BSTAN PAS 'GOG STE ZHIB TU 'CHAD PAR 'GYUR RO, ,SKUR 'DEBS NI BYANG SA LAS, DE MA THAG TU DRANGS PA'I LUNG DE DANG DE'I RJES THOGS SU 'DI LTA STE DPER NA GZUGS LA SOGS PA'I PHUNG PO RNAMS YOD NA GANG ZAG GDAGS SU RUNG GI MED DU ZIN NA NI DNGOS PO MED PA LA GANG ZAG GDAGS SU MED DO, ,DE BZHIN DU GZUGS LA SOGS PA'I CHOS RNAMS KYI DNGOS PO TZAM YOD NA GZUGS LA SOGS PA'I CHOS 'DOGS PA'I TSIG NYE BAR GDAGS SU RUNG GI, MED DU ZIN NA DNGOS PO MED PA LA GDAGS PA'I TSIG GIS NYE BAR 'DOGS PA MED DO, ,DE LA 'DOGS PA'I GZHI MED DU ZIN NA NI GZHI MED PAR 'GYUR BAS 'DOGS PA YANG MED PAR 'GYUR RO ZHES GSUNGS PAS BKAG @16B GO ,DE LA 'DIR SKUR 'DEBS 'GOG PA'I PHYOGS SNGA KHAS LEN MKHAN NI GZHAN SDER 'ONG DON MED LA RANG SDE YANG NYAN THOS SDE PA LA MING DANG BRDAS THA SNYAD 'DOGS PA'I GZHI'I GZUGS SOGS KYI DNGOS PO RANG GI MTSAN NYID KYIS MED CES KHAS LEN PA YANG MED DO, ,DES NA BSDU BA LAS BSHAD PA LTAR THEG PA CHEN PO'I GRUB MTHA' SMRA BA YIN LA DE YANG CHOS RNAMS RANG GI MTSAN NYID KYIS MA GRUB CES SMRA BA'I NGO BO NYID MED PAR SMRA BA RNAMS SO, ,DE DAG GIS NI GZHAN DBANG LA SOGS PA'I CHOS RNAMS SPYIR MI SRID PA DANG THA SNYAD DU MED CES 'DOD PA GTAN MIN PAS DON DAM PAR MA GRUB CES SMRA'O, ,DES NA DNGOS PO TZAM MED NA ZHES 'GOG PA NI SNGAR BSHAD PA LTAR DON DAM PAR YOD PA'I YANG DAG GI DNGOS PO MI SRID CES 'GOG PA YIN TE, 'DI'I LUGS KYIS KUN BRTAGS LA RANG GI MTSAN NYID KYIS MA GRUB PA DANG DON DAM PAR MED NA MED MI DGOS KYANG, NGO BO NYID GZHAN GNYIS DON DAM PAR RAM RANG GI MTSAN NYID KYIS MA GRUB NA MED PA YIN NO, , GZHAN DBANG SEMS SEMS BYUNG RANG GI RGYU RKYEN LA BRTEN NAS SKYE BA DE RANG GI RANG MTSAN GYIS GRUB PA'I SKYE BA YIN NA DON DAM PA'I SKYE BAR 'GYUR LA, DE MIN NA BLOS SKYE BAR RLOMS NAS SKYE'O ZHES BTAGS PA TZAM DU ZAD KYI SEMS SEMS BYUNG GI DNGOS PO LA SKYE BO YOD BAR MI 'GYUR RO SNYAM DU LUGS 'DIS BSAMS SO, ,DES NA GZHAN DBANG GI SKYE 'GAG BLO 'KHRUL PAS SKYE 'GAG TU ZHEN PA TZAM GYI NGOR YIN PAS KUN RDZOB TU SKYE 'GAG YOD PAS SKUR 'DEBS SU MI 'GYUR RO ZHES @17A *, ,PAS LAN MI THEBS TE, THAG PA LA SPRUL DU ZHEN PA'I 'KHRUL NGOR THAG PA SBRUL YIN LA SPYIR THAG PA SBRUL DU GRUB MA MYONG ZHES PA DANG 'DRA BAR GZHAN DBANG GI RGYU 'BRAS KYANG RGYU 'BRAS BDEN 'DZIN GYI 'KHRUL NGOR RGYU 'BRAS YIN GYI, GZHAN DBANG KHO RANG RGYU 'BRAS SU MA GRUB CES 'DOD NA NI DE 'DRA KHAS BLANGS KYANG DGE SDIG LAS BDE SDUG SKYE BA'I LAS 'BRAS GZHAG SA MED PAR SONG BAS SKUR 'DEBS SPONG MI NUS LA, DE 'DRA MIN PA'I RGYU 'BRAS 'DOD NA NI RANG Gi ? MTSAN NYID KYIS GRUB PA'I RGYU 'BRAS YIN PAS DON DAM PAR YOD PA'I DON GRUB PA YIN NO SNYAM DU BSAMS NAS, GDAGS GZHI MED NA 'DOGS PA YANG MED PAS CHOS THAMS CAD BTAGS PA TZAM YIN PA DANG DE NYID DE KHO NA'i ? DON DU BYED PA GNYIS KA MI SRID PAS CHAD LTA'I GTZO BOR 'GYUR RO ZHES BSHAD DE, BYANG SA LAS, DE BAS NA GANG ZAG KHA CIG SHES PAR DKA' BA'I MDO SDE THEG PA CHEN PO DANG LDAN PA ZAB MO STONG PA NYID DANG LDAN PA DGONGS PA'I DON BSTAN PA DAG THOS NAS BSHAD PA'I DON YANG DAG PA JI LTA BA BZHIN DU MA SHES NAS TSUL BZHIN MA YIN PAR RNAM PAR BRTAGS TE RIGS PA MA YIN PAS BSKYED PA'I RTOG PA TZAM GYIS 'DI THAMS CAD NI BTAGS PA TZAM DU ZAD DE, 'DI NI DE KHO NA YIN NO SU 'DI LTAR LTA BA DE NI YANG DAG PAR LTA BA YIN NO ZHES DE LTAR LTA ZHING DE SKAD SMRA'O, ,DE DAG GI LTAR NA 'DOGS PA'I GZHI'I DNGOS PO TZAM YANG MED PAS 'DOGS PA DE NYID KYANG THAMS CAD KYI THAMS CAD DU MED PAR 'GYUR NA GDAGS PA TZAM GYI DE KHO NA LTA YOD PAR GA LA 'GYUR TE, DE @17B BAS NA RNAM GRANGS DES NA DE DAG GIS NI DE KHO NA DANG BTAGS PA DE GNYIS KA LA YANG SKUR PA BTAB PAR 'GYUR TE, BTAGS PA DANG DE KHO NA LA SKUR BA BTAB BAS NA MED PAR LTA BA'I GTZO BO YIN PAR RIG PAR BYA'O ZHES GSUNGS SHING, DE LA DGONGS NAS GANG ZAG TU LTA BA NI BLA'I STONG NYID LA LOG PAR ZIN PA DE NI DE LTA MIN NO ZHES GSUNGS TE, SNGA MA NI SHES BYA LA RMONGS PA TZAM YIN GYI SHES BYA THAMS CAD LA SKUR PA MI 'DEBS SHING GZHI DES DMYAL BAR MI SKYE LA, GZHAN CHOS 'DOD PA YANG PHUNG BAR MI BYED BSLAB PA'I GZHI LA YANG G-YEL BAR MI 'GYUR LA, PHYI MA NI DE DAG LAS BZLOG PAR 'GYUR BAS SO ZHES BYANG SA LAS GSUNGS SO, ,DE LTAR BYAS NA GANG LA GANG MED PA DE NI DES STONG ZHING LHAG MA GANG YIN PA DE NI YOD PA YIN LA DE LTAR MTHONG BA NI STONG NYID LA PHYIN CI MA LOG PAR ZHUGS PA YIN TE, GZUGS LA SOGS PA'I DNGOS PO RNAMS DE DAG TU TSIG GIS BTAGS PA'I NGO BOS STONG PA NI TSIG SNGA MA'I DON YIN LA, LHAG MA YOD PA NI GDAGS GZHI'I DNGOS PO TZAM DANG 'DOGS PA TZAM YOD PAR BYANG SA LAS GSUNGS TE, GANG GIS STONG PA NI KUN BRTAGS DANG GANG STONG PA'I GZHI GZHAN DBANG DANG SNGA MAS PHYI MA STONG PA'I STONG PA YONGS GRUB YIN LA DE DAG GI YOD MED KYI DON NI SNGAR BSHAD PA LTAR RO, ,DE LTAR SGRO 'DOGS KYI MTHA' SPANGS PAS NI YOD PA'I MTHA' DANG SKUR 'DEBS SPANGS PAS MED PA'I MTHA' SPANGS PAS GNYIS SU MED PAR RAB TU PHYE BA YAR YIN ZHING, 'DI 'DRA BA'I STONG NYID NI DON DAM PA'I MTHAR THUG TU BSHAD DE, BYANG SA @18A *, ,LAS DNGOS PO SNGA MA GANG YIN PA DANG DNGOS PO MED PA 'DI GNYIS KYI YOD PA DANG MED PA LAS RNAM PAR GROL BA'I CHOS KYI MTSAN NYID KYIS BSDUS PA'I DNGOS PO DE NI GNYIS SU MED PA YIN NO, ,GNYIS SU MED PA GANG YIN PA DE NI DBU MA'I LAM MTHA' GNYIS SPANGS PA BLA NA MED PA ZHES BYA STE ZHES SO, ,GNYIS PA LA GNYIS, PHYOGS SNGA MA DGOD CING DE'I DON LA DRIS LAN BYA BA DANG, LAN BTAB PA'I PHYOGS DGAG PA'O, ,DANG PO NI, BSDU BA LAS, THEG PA CHEN PO PA LA LA RANG GIS NYES PAR BZUNG BAS 'DI SKAD CES KUN RDZOB TU NI THAMS CAD YOD LA DON DAM PAR NI THAMS CAD MED DO ZHES ZER RO, ,ZHES GSUNGS TE, CHOS KUN DON DAM PAR NI MED LA THA SNYAD DU YOD PA'O ZHES SMRA BA'I DBU MA PA RNAMS KYIS CHOS RNAMS KYI YOD MED KYI KHYAD PAR PHYE BA BRJOD PA'O, ,DE NAS DE LA 'DI SKAD CES TSE DANG LDAN PA DON DAM PA NI GANG YIN KUN RDZOB NI GANG YIN ZHES BRJOD PAR BYA'O, ,DE SKAD DRIS PA NA GAL TE 'DI SKAD CES CHOS THAMS CAD KYI NGO BO NYID MED PA GANG YIN PA DE NI DON DAM PA YIN LA, NGO BO NYID MED PA'I CHOS DE DAG LA NGO BO NYID DU DMIGS PA GANG YIN PA DE NI KUN RDZOB YIN NO, ,DE CI'I PHYIR ZHE NA, 'DI LTAR DE NI YOD PA MA YIN PA DAG LA KUN RDZOB TU BYED PA DANG 'DOGS PA DANG MNGON PAR BRJOD PA DANG THA SNYAD DU BYED PA'I PHYIR RO ZHES LAN 'DEBS PAR GYUR NA, ZHES PA NI BDEN GNYIS GANG YIN DRIS NAS DE'I LAN BTAB PA PHYOGS SNGAR MDZAD PA'O,, @18B DE LA 'DIR DON DAM GANG YIN DRIS PA NI DON DAM BDEN PA'I MTSAN GZHI DRIS PA YIN GYI DON DAM PAR MED CES PA'I JI 'DRA ZHIG TU MED PAS DON DAM DU MED PA'I MED SA DRIS PA MIN TE, GZHAN DU NA CHOS RNAMS KYI NGO BO NYID MED PA DON DAM MO ZHES SMRA BAR MI RIGS TE, DBU MA PAS DON DAM DU 'DOD PA'I CHOS KYI BDAG MED DU YOD PAS DON DAM DU YOD PAR MI 'JOG PA'I PHYIR RO, ,KUN RDZOB GANG YIN DRIS PA YANG KUN RDZOB BDEN PA ZHES PA GANG GI NGOR BDEN PA 'JOG PA'I KUN RDZOB DRIS PA YIN GYI THA SNYAD DU YOD PA'I YOD SA'I THA SNYAD DE GANG YIN ZHES DRIS PA MIN TE, GZHAN DU NA NGO BO NYID MED PA LA NGO BO NYID DU 'DZIN PA KUN RDZOB BO ZHES SMRA BAR MI RIGS TE, DE NI BDEN 'DZIN YIN PAS DE'I ZHEN YUL THA SNYAD DU YANG MED PAR DBU MA PAS 'DOD PA'I PHYIR TE NGO BO NYID MED CES PA'I MED RGYU'I NGO BO NI BDEN PA'I NGO BO NYID LA BYA DGOS PA'I PHYIR RO, ,GNYIS PA LA GNYIS, GZHAN GYI GRUB MTHA' LA 'GAL BA BSTAN PA DANG, RANG GI GRUB MTHA' LA 'GAL BA SPANG BA'O, ,DANG PO NI, DE LA THOG MAR KUN RDZOB KYI NGOS 'DZIN 'GOG PA NI BSDU BA LAS, DE LA 'DI SKAD CES BRJOD PAR BYA STE NGO BO NYID DU DMIGS PA DE MNGON PAR BRJOD PA DANG KUN RDZOB KYI RGYU LAS BYUNG BA YIN PAR 'DOD DAM 'ON TE MNGON PAR BRJOD PA DANG KUN RDZOB TZAM ZHIG YIN PAR 'DOD, GAL TE MNGON PAR BRJOD PA DANG KUN RDZOB KYI RGYU LAS BYUNG BA YIN NA NI DES NA MNGON PAR BRJOD PA DANG KUN RDZOB KYI RGYU LAS BYUNG BA YIN @19A *, ,PAS YOD PA MA YIN NO ZHES BYAR MI RUNG NGO, ,GAL TE MNGON PAR BRJOD PA DANG KUN RDZOB TZAM ZHIG YIN NA NI DES NA GZHI MED PAR MNGON PAR BRJOD PA DANG KUN RDZOB CES BYAR MI RUNG NGO ZHES GSUNGS SO, ,DE'I DON NI 'DI YIN TE DON DAM PAR NGO BO NYID MED PA LA NGO BO NYID YOD DO SNYAM DU 'DZIN PA'I KUN RDZOB DE NANG GI MNGON PAR BRJOD PAR YANG 'GYUR LA DE'I TSE RANG GI RIGS 'DRA SNGA MA'I RGYUS BSKYED PA YIN NAM, KUN RDZOB PA DANG MNGON PAR BRJOD PA'I RNAM RTOG GIS BTAGS PA TZAM ZHIG YIN, DANG PO LTAR NA RGYUS BSKYED PAS YOD PA MIN ZHES PA MI RUNG ZHES PA NI DON DAM PAR YOD PA MIN ZHES PA YIN TE 'DIR DON DAM DU YOD MED RTZOD PA'I SKABS YIN PA'I PHYIR DANG, PHA ROL POS DON DAM DU MED PAR KHAS BLANGS KYI SPYIR MED TZAS MA SMRAS PA'I PHYIR RO, ,GNYIS PA LTAR NA RTOG PAS BTAGS PA TZAM DU MI RUNG STE, 'DOGS PA'I GZHI MED PA'I PHYIR TE KUN RDZOB DANG MNGON PAR BRJOD PA RTOG PAS BTAGS TZAM YIN NA GZHAN RNAMS KYANG DE TZAM DU 'GYUR BA'I PHYIR RO, ,DON DAM PA'I NGOS 'DZIN 'GOG PA NI DE NYID LAS, DE LA 'DI SKAD CES CHO DANG LDAN PA CI'I PHYIR NA GANG DMIGS PA DA MED PA YIN ZHES KYANG BRJOD PAR BYA'O, ,DE SKAD CES DRIS PA NA GAL TE DE 'DI SKAD CES PHYIN CI LOG GI DNGOS PO YIN PA'I PHYIR RO ZHES LAN 'DEBS PAR GYUR NA, DE LA 'DI SKAD CES BRJOD PAR BYA STE PHYIN CI LOG DE YOD PAR 'DOD DAM 'ON TE MED PAR 'DOD, GAL TE YOD NA NI DES NA CHOS THAMS CAD KYI NGO BO NYID MED @19B PA NYID NI DON DAM PA'O ZHES BYAR MI RUNG NGO, ,GAL TE MED NA NI DES NA PHYIN CI LOG GI DNGOS PO YIN PA'I PHYIR GANG DMIGS PA DE NGO BO NYID MED DO ZHES BYAR MI RUNG NGO, ,ZHES GSUNGS SO, ,DE'I DON NI CHOS 'DI DAG LA RANG GI MTSAN NYID KYIS GRUB PA'I RANG MTSAN ? DMIGS BZHIN DU DE MED CES JI LTAR RIGS TE, DE LA NI DE LTAR DMIGS PA'I TSAD MAS GNOD PA'I PHYIR RO, ,GAL TE DE LTAR DMIGS PA'I BLOS MI GNOD DE BLO DE NYID 'KHRUL PA'I DNGOS PO YIN PA'I PHYIR RO, ,ZHE NA, 'O NA 'KHRUL PA DE RANG GI MTSAN NYID KYIS YOD NA NI NGO BO NYID MED PA DON DAM DU MI RUNG LA, MED NA NI 'KHRUL PA'I PHYIR DMIGS KYANG MED DO, ,ZHES PA DE MI 'THAD DO, ,'DIR YANG DON DAM DU YOD MED KYI BRTAG PA BYA DGOS MOD KYANG DON 'DRA ZHING BRTAG PA SNGA MA GO SLA BAS DE LTAR BSHAD DO, ,DE LTAR NA 'DIR KUN BRTAGS DANG YONGS GRUB GNYIS DON DAM PAR MED CING THA SNYAD DU YOD PA LA SKYON MA BSTAN PAR KUN RDZOB PA'I SHES PA DANG 'KHRUL PA'I SHES PA DON DAM PAR YOD MED LA BRTAGS NAS SKYON BSTAN PA NI, GZHAN DBANG DON DAM PAR MED LA KUN RDZOB TU YOD PA BKAG PA YIN TE, 'DI NYID YONGS GRUB KYI CHOS CAN DANG KUN BRTAGS KYI 'DOGS PA PO DANG GDAGS GZHI YIN BAS MKHAS PA RNAMS GTZO BOR 'DI NYID DON DAM PAR YOD MED LA RTZOD PA YIN NO, , GZHAN YANG BSDU BA LAS, DE LA GZHAN GYI DBANG GI NGO BO NYID DANG YONGS SU GRUB PA LA KUN BRTAGS PA'I NGO BO NYID DU MNGON PAR ZHEN PA GANG YIN PA DE NI SGRO 'DOGS PA'I MTHA' YIN PAR RIG PAR BYA'O ZHES DANG, SKUR PA 'DEBS PA'I MTHA' @20A *, ,NI GZHAN GYI DBANG GI NGO BO NYID DANG YONGS SU GRUB PA'I NGO BO NYID YOD PA LA MED DO ZHES RANG GI MTSAN NYID LA SKUR PA 'DEBS PA GANG YIN PA STE DE LTAR MTHA' GNYIS RNAM PAR SPANGS PA'I TSUL GYIS DE KHO NA'I DON GYI TSUL KHONG DU CHUD PAR BYA'O, ,ZHES NGO BO NYID THA MA GNYIS RANG GI MTSAN NYID KYIS YOD PA LA DER MA GRUB BO ZHES PA RANG MTSAN LA SKUR 'DEBS SU GSUNGS TE, BYANG SA DANG 'DI GNYIS SGRO SKUR GYI MTHA' DANG DE SPONG TSUL GCIG GO ,KUN BRTAGS MED PA YANG DON DAM DU YIN GI THA SNYAD DU MED PA MIN TE, BSDU BA LAS, MNGON PAR RTOG PA DE DAG MING GANG DANG MNGON PAR BRJOD PA GANG GIS RNAM PAR 'JOG PA DE'I NGO BO NYID YIN PAR BRJOD PAR BYA'AM 'ON TE DE'I NGO BO NYID MA YIN PAR BRJOD PAR BYA ZHE NA, SMRAS PA, THA SNYAD LAS NI DE'I NGO BO NYID YIN PAR BRJOD PAR BYA'O, ,DON DAM PAR NI DE'I NGO BO NYID MA YIN PAR BRJOD PAR BYA'O, ,ZHES DANG, DE LA MNGON PAR BRJOD PA LA YONGS SU GOMS PA'I MING LA BRTEN PA'I RNAM PAR SHES PA'I DMIGS PA KUN BRTAGS PA'I NGO BO NYID GANG YIN PA DE NI ZHES GSUNGS NAS 'DI LTAR DE NI BTAGS PA'I YOD PA YIN GYI DON DAM PAR YOD PA MA YIN PA'I PHYIR RO ZHES GSUNGS SO, ,DES NA BDAG GNYIS KYI KUN BRTAGS LTA BU SHES BYA LA MI SRID KYANG DE TZAM GYIS KUN BRTAGS THAMS CAD MI SRID PA MIN BAS RDZAS SU YOD PA DANG DON DAM PAR YOD PA DGAG LA BTAGS YOD DANG THA SNYAD DU YOD PAR GZHAG GO ,DE'I PHYIR DGONGS 'GREL GYI 'GREL CHEN KHA CIG LAS KUN BRTAGS BDEN PA GNYIS @20B KAR MED LA GZUNG 'DZIN GNYIS KYI GZHAN DBANG GI RTEN CING 'BREL PAR 'BYUNG BA SGYU MA BYAS PA DANG 'DRA BAR KUN RDZOB TU YOD PA DANG, YONGS GRUB DON DAM PA YANG YIN LA NGO BO NYID MED PA'I TSUL DU YOD PA DON DAM PAR YOD PA YIN NO, ,ZHES BSHAD PA NI MDO DE'I DGONGS PA MIN NO, ,THEG BSDUS SU DGONGS 'GREL DRANGS TE PHYI ROL MED PAR BSGRUBS NAS PHYI NANG GI GZUNG 'DZIN KUN BRTAGS SU BSHAD PA DANG 'GAL ZHING, BYANG SA DANG BSDU BA DANG YANG 'GAL LA DER RNAM NGES KYI LUNG YANG DRANGS PAS, KHA CIG DE THOGS MED KYIS MDZAD ZER BA NI MA BRTAGS PA CHEN PO'O, ,BSDU BAR DGONGS 'GREL GYI GLENG GZHI'I LE'U MA GTOGS PA ? LE'U LTAG MA RNAMS PHAL MO CHE DRANGS SHING DKA' GNAS RNAMS LEGS PAR GTAN LA PHAB 'DUG PAS SLOB DPON 'DIS 'GREL BA ZUR DU MDZAD DGOS PAR YANG MI SNANG NGO, ,PHYIS KYI KHA CIG KYANG NGO BO NYID DANG PO THA SNYAD DU YANG MED PAR BA THA SNYAD DU YOD KYANG DON DAM PAR MED THA MA DON DAM PAR YOD PA THAGS MED SKU MCHED KYI DGONGS PAR 'CHAD PA YANG LUGS 'DI LAS PHYI ROL TU GYUR PA YIN LA, KHYAD PAR DU GZHAN DBANG THA SNYAD DU YOD PA'I DON 'KHRUL PA'I BLOS DE LA SKYE 'GAG SOGS YOD PAR ZHEN PA TZAM YIN GYI, DNGOS PO LA SKYE 'GAG SOGS MED DO ZHES 'DOD PA NI, GZHAN DBANG LA SKUR 'DEBS KYI MTHAR THUG DE'I RGYU MTSAN GYIS NGO BO NYID GZHAN GNYIS LA YANG SKUR PA BTAB PAS MTSAN NYID GSUM GA LA SKUR 'DEBS CHAD LTA'I GTZO BOR SNGAR BYANG SA LAS BSHAD PA DE YIN ZHING, @21A *, ,MDO SDE DGONGS 'GREL NGES DON YIN PAR 'DOD PA'I PHYOGS LA SPANG DU MED PA'I 'GAL BAR SHES PAR GYIS SHIG ,GNYIS PA NI, GAL TE BYANG SA DANG BSDU BA LAS, GZHAN DBANG DON DAM PAR YOD PAR GSUNGS PA LTAR YIN NA DGONGS 'GREL LAS, JI LTAR 'PHAGS PA'I LAM YAN LAG BRGYAD PA PHAN TSUN MTSAN NYID THA DAD PA YIN PA DE BZHIN DU, GAL TE CHOS DE DAG GI DE BZHIN NYID DON DAM PA CHOS BDAG MED PA YANG MTSAN NYID THA DAD PA YIN PAR 'GYUR NA NI DES NA DE BZHIN NYID DON DAM PA CHOS LA BDAG MED PA YANG RGYU DANG BCAS PA YIN PAR 'GYUR RO, ,RGYU LAS BYUNG BA NYID YIN NA NI 'DUS BYAS YIN PAR 'GYUR RO, ,'DUS BYAS YIN NA NI DON DAM PA YIN PAR MI 'GYUR RO, ,ZHES 'DUS BYAS YIN NA DON DAM MIN PAR GSUNGS PA DANG, DBUS MTHA' LAS, DAM PA'I DON NI GCIG PU'O, ,ZHES GSUNGS SHING DE'I 'GREL PA LAS KYANG, DON DAM PA'I BDEN PA NI YONGS SU GRUB PA'I NGO BO NYID GCIG PUR RIG PAR BYA'O, ,ZHES GSUNGS PA DANG, MDO SDE'I RGYAN LAS KYANG, YOD MIN MED MIN DE BZHIN MIN GZHAN MIN, ,SKYE DANG 'JIG MED 'BRI BAR MI 'GYUR TE, ,'PHEL BA MED CING RNAM PAR DAG PA'ANG MED, ,RNAM PAR DAG 'GYUR DE NI DON DAM MTSAN, ,ZHES DON DAM BDEN PA MTSAN NYID LNGA LDAN DU GSUNGS PA'I SKABS SU SKYE 'JIG MED PAR BSHAD CING 'GREL PAR YANG KUN BRTAGS DANG GZHAN DBANG GI MTSAN NYID KYIS YOD PA MIN LA YONGS GRUB KYI MTSAN NYID KYIS MED PA MIN PAR GSUNGS PA DANG, BSDU BA LAS KYANG, RGYU @21B MTSAN KUN RDZOB TU YOD PA BRJOD PAR BYA'AM DON DAM PAR YOD PAR BRJOD PAR BYA ZHE NA, SMRAS PA KUN RDZOB TU YOD PAR BRJOD PAR BYA'O, ,ZHES DANG, RNAM PAR RTOG PA KUN RDZOB TU YOD PAR BRJOD PAR BYA'AM, DON DAM PAR YOD PAR BRJOD PAR BYA ZHE NA, SMRAS PA KUN RDZOB TU YOD PAR BRJOD PAR BYA'O, ,ZHES GSUNGS PA RNAMS DANG JI LTAR MI 'GAL ZHE NA, JI LTAR MI 'GAL BA BSHAD PAR BYA STE, 'DI LTAR KUN RDZOB DANG DON DAM PAR YOD PA LA 'JOG TSUL GNYIS YOD DE, DANG PO NI, THA SNYAD KYI DBANG GIS BZHAG PA'I YOD PA LA THA SNYAD DU YOD PA DANG, DE'I DBANG GIS BZHAG PA MIN GYI RANG GI MTSAN NYID KYIS YOD PA LA DON DAM PAR YOD PAR BZHAG PA STE, MDO LAS DE YANG 'JIG RTEN GYI THA SNYAD KYI DBANG GIS YIN GYI DON DAM PAR NI MA YIN NO, ,ZHES MANG DU GSUNGS PA LTA BU'O, ,'DI NI DBU MA PA DANG RANG GZHAN GYI SDE PA DNGOS POR SMRA BA RNAMS DON DAM PA DANG THA SNYAD DU YOD MED RTZOD PA'I GZHIR GYUR PA'O, ,DE'I DBANG DU BYAS NA SNGAR BSHAD PA'I NGO BO NYID DANG PO THA SNYAD DU YOD LA DON DAM PAR MED PA DANG, NGO BO NYID THA MA GNYIS DON DAM PAR YOD LA THA SNYAD DU MED PAS BYANG SA DANG BSDU BA LAS SNGAR LTAR GSUNGS SHING, YANG BSDU BA LAS, MNGON PAR BRJOD PA LA YONGS SU GOMS PA'I MING LA GNAS PA'I RNAM PAR SHES PA'I DMIGS PA GZUGS LA SOGS PA'I MING CAN GYI DNGOS PO GZUGS LA SOGS PA'I BDAG NYID GANG GIS YOD PA DE NI BDAG NYID DES RDZAS DANG DON DAM PA GNYIS KAR YANG MED DO, ,DE LTA BAS NA GZUGS LA SOGS PA'I MING CAN GYI CHOS DE DAG GI NGO BO NYID YOD PA MA @22A *, ,YIN PA LAS DES KUN BRTAGS PA GANG YIN PA DE NI BTAGS PA LAS YOD PA YIN PAR RIG PAR BYA'O, ,MNGON PAR BRJOD PA LA YONGS SU GOMS PA RNAM PAR BSAL BA'I MING CAN GYI RNAM PAR SHES PA'I DMIGS PA GZUGS LA SOGS PA'I MING CAN GYI DNGOS PO BRJOD DU MED PA'I BDAG NYID GANG GIS YOD PA DE NI, RDZAS DANG DON DAM PA GNYI GAR YANG DE BZHIN DU YOD PAR RIG PAR BYA'O, ,ZHES KYANG GSUNGS SO, ,RDZAS BTAGS KYANG BSDU BA LAS, GANG CI YANG RUNG STE, DE LAS GZHAN PA DAG LA MI LTOS SHING, DE LAS GZHAN PA DAG LA MI RTEN PAR RANG GI MTSAN NYID 'DOGS PAR BYED PA DE NI MDOR NA RDZAS SU YOD PA YIN PAR RIG PAR BYA'O, ,GANG CI YANG RUNG STE DE LAS GZHAN PA DAG LA LTOS SHING, DE LAS GZHAN PA DAG LA BRTEN NAS RANG GI MTSAN NYID 'DOGS PAR BYED PA DE NI MDOR NA BTAGS PA'I YOD PA YIN PAR RIG PAR BYA'I RDZAS SU YOD PA NI MA YIN TE, ZHES PHUNG PO LA BRTEN NAS BDAG GAM SEMS CAN DU BTAGS PA DE'I DPER MDZAD DO, ,CHOS GZHAN BZUNG BA LA MA LTOS PAR GZUNG DU MED CING LTOS NAS GZUNG DGOS PA'I BTAGS YOD DANG THA SNYAD KYI DBANG GIS MA BZHAG PAR RANG GI MTSAN NYID KYIS GRUB PA GNYIS KYANG LUGS 'DI LA MI 'GAL BAS KUN GZHI'I BAG CHAGS LTA BU BTAGS YOD DU GSUNGS KYANG SNGAR BSHAD PA'I DON DAM PAR YOD PA MI 'GAL GYI, MING DANG RTOG PAS BTAGS PA'I BTAGS YOD DANG NI 'GAL LO, ,'JOG TSUL GNYIS PA LTAR NA DBUS MTHA' LAS, DON DANG THOB DANG SGRUB PA NI, ,DON DANG RNAM PA GSUM @22B DU 'DOD, ,CES GSUNGS PA'I 'GREL PA LAS DON DON DAM PA NI DE BZHIN NYID DE YE SHES DAM PA'I DON YIN PA'I PHYIR RO, ,ZHES DAM PA NI ZAG MED KYI MNYAM GZHAG GI YE SHES LA BYAS NAS DE'I DON TE, YUL YIN PAS DAM PA'I DON NAM DON DAM PA ZHES GSUNGS PA NI BDAG MED PA'I DON DE BZHIN NYID DE DE NI RNAM PAR DAG PA'I DMIGS PA'I DON DAM YANG YIN NO, ,DER NI NGO BO NYID GZHAN GNYIS MED KYI YONGS GRUB GCIG PU YIN PAS DE LTAR GSUNGS TE, DBUS MTHA' LAS, RNAM DAG SPYOD YUL RNAM GNYIS TE, ,GCIG PU KHO NAR BRJOD PA YIN, ,ZHES DANG, DE'I 'GREL PA LAS, YONGS SU GRUB PA'I NGO BO NYID DU BRJOD DO NGO BO NYID GZHAN NI RNAM PAR DAG PA'I YE SHES RNAM PA GNYIS KYI YUL MA YIN NO, ,ZHES GSAL BAR GSUNGS SO, , YE SHES GNYIS NI SGRIB PA GNYIS DAG PAR BYED PA'I YE SHES SO, ,LUGS 'DIS YE SHES DE RANG RIG TU BZHED PAS YE SHES KYANG YUL DU 'GYUR RO SNYAM NA, YUL GANG LA LTOS NAS DE KHO NA NYID KYI DON RTOGS PA'I YUL DE LA DGONGS PAS SKYON MED DO, , DES NA DE 'DRA BA'I DON DAM NI 'DUS MA BYAS DANG DE 'DRA BA'I DON DAM DU MA GRUB KYANG THA SNYAD KYI DBANG GIS BZHAG PA MIN PA'I RANG GI MTSAN NYID KYIS GNAS PA'I DON DAM DU GRUB PA 'DI PA LA MI 'GAL LO, ,YE SHES SNYING PO KUN LAS BTUS LAS, GZUNG DANG 'DZIN PA LAS GROL BA'I, ,RNAM SHES DAM PA'I DON DU YOD, ,BLO MTSO'I PHA ROL PHYIN PA YI, ,RNAL 'BYOR SPYOD PA'I GZHUNG DU GRAGS, ,ZHES GSUNGS PA YANG DON DAM PAR YOD TSUL SNGA MA LA DGONGS SO, ,DBU MA PA'I BSTAN BCOS DU MA NAS RNAL @23A *, ,'BYOR SPYOD PA PA DANG RTZOD PA NA GZHAN DBANG YOD MED LA RTZOD PA YANG THA SNYAD KYI DBANG DU BYAS PA MIN GYI DON DAM PAR YOD MED LA RTZOD PA YIN PAS DON DAM PA DE GNYIS LEGS PAR PHYED DGOS SO, ,SLOB DPON SKU MCHED KYI GZHUNG DU NI DON DAM PA'I RNAM GZHAG PHYI MA'I PHYOGS LA BRTEN PA MANG DU 'BYUNG NGO, ,NGO BO NYID DANG PO GNYIS KUN RDZOB TU YOD TSUL NI, BSDU BA LAS, RGYU MTSAN DANG RNAM RTOG KUN RDZOB TU YOD PA'I RGYU MTSAN DU, KUN NAS NYON MONGS PA KUN NAS SLONG BA'I PHYIR DANG GDAGS PA'I GZHI YIN PA'I PHYIR, ZHES GSUNGS PA'I DANG PO NI, DGONGS 'GREL LAS, RNAM PAR DAG PA'I DMIGS PA LA DON DAM DU BSHAD PA'I ZLAS DRANGS PA NA GANG LA DMIGS PAS KUN NAS NYON MONGS KUN NAS SLONG BA'I DON GYIS KUN RDZOB TU YOD PAR BZHAG STE KUN LAS BTUS DANG MTHUN NO, ,GNYIS PA NI, MING DANG BRDA'I THA SNYAD KYIS BTAGS PA'I NGO BO NYID DANG THA SNYAD 'DOGS PA'I MTSAN MA'I GZHIR GYUR BAS THA SNYAD DU YOD PA ZHES BYA'O, ,RGYU MTSAN NI MNGON PAR BRJOD PA'I TSIG GI GNAS SU GYUR PA'I DNGOS PO LA BSHAD DO, ,RNAM BSHAD RIGS PA LAS KYANG, 'JIG RTEN PA'I SHES PA 'KHRUL PA'I YUL DANG 'JIG RTEN LAS 'DAS PA'I SHES PA'I YUL LA DGONGS NAS BDEN PA GNYIS PO KUN RDZOB GYI BDEN PA DANG DON DAM PA'I BDEN PA GSUNGS SO, , BRJOD PA NI KUN RDZOB YIN PAS DES KHONG DU CHUD PAR BYA BA'I BDEN PA NI KUN RDZOB KYI BDEN PA YIN TE GANG LA BRJOD PA 'JUG PA STE, DPER NA RKANG PA GNYIS KYIS RGAL BAR BYA BA'I 'BAB STEGS LA RKANG PA'I 'BAB STEGS ZHES BYA BA DANG, KO GRUS RGAL @23B BAR BYA BA'I 'BAB STEGS LA KO GRU'I 'BAB STEGS ZHES BYA BA LTA BU'O, ,ZHES GSUNGS SO, ,BSDU BA LAS, DE BZHIN NYID RTOGS PA'I MNYAM GZHAG GI 'PHAGS PA'I YE SHES NI DON DAM PAR YOD PAR GSUNGS TE KUN RDZOB TU YOD PAR 'JOG PA'I RGYU MTSAN SNGA MA GNYIS MED PA LA DGONGS SO, ,DE'I RJES THOB KYI YE SHES NI KUN RDZOB DANG DON DAM GNYIS KAR YOD PAR GSUNGS TE, THA SNYAD KYI MTSAN MA LA DMIGS PA'I SGO NAS THA SNYAD DU YOD PAR GSUNGS SO, ,THA SNYAD 'DOGS PA'I GZHI'I MTSAN MAR GYUR PA DANG KUN NAS NYON MONGS SLONG BA'I DMIGS PA BYED PAS KUN RDZOB TU YOD PA NI RANG GI MTSAN NYID KYIS GRUB PA'I DON DAM PAR YOD PA DANG MI 'GAL TE, RNAM BSHAD RIGS PA LAS, NYAN THOS SDE PAS DON DAM PA STONG PA NYID LAS, LAS DANG RNAM SMIN YOD LA BYED PA PO NI MI DMIGS SO ZHES GSUNGS PA DE DON DAM PA YIN NA JI LTAR NA CHOS THAMS CAD NGO PO NYID MED, KUN RDZOB TU YIN NA NI DER BYED PA PO YOD PAS DE MI DMIGS SO, ,ZHES JI LTAR BRJOD CES BRTZOD PA'I LAN DU KUN RDZOB DANG DON DAM GANG YIN SHES NA DE LAS DE GNYIS SU YOD PA SHES PAS DE GNYIS GANG YIN DRIS PA NA, MING DANG BRJOD PA DANG GDAGS PA DANG THA SNYAD NI KUN RDZOB YIN LA, CHOS RNAMS KYI RANG GI MTSAN NYID NI DON DAM PA YIN NO ZHE NA, 'O NA DE LTA NA LAS DANG RNAM PAR SMIN PA GNYIS MING DU YANG YOD, RANG GI MTSAN NYID DU YANG YOD PAS DE GNYIS JI LTAR 'DOD PAR YOD DU RTOG LA RAG GO, ZHES GSUNGS TE DON DAM PAR YOD TSUL NI SNGA MA DANG KUN RDZOB TU YOD TSUL NI PHYI MA LTAR TE, DE GNYIS KAR YOD CES PA'I DON NO, ,DON DAM @24A *, ,DER YOD PAR 'DOD KYANG DON DAM PAR CHOS THAMS CAD NGO BO NYID MED PAR GSUNGS PA NI SGRA JI BZHIN PAR MI 'DOD PAS 'DI PA LA MI 'GAL LO, ,GANG ZAG KUN RDZOB TU YOD KYANG RDZAS SU MED, LAS DANG RNAM SMIN KUN RDZOB TU YOD CING RDZAS SU YANG YOD LA 'JIG RTEN PA'I SHES PA'I YUL YIN PAS 'JOG TSUL GNYIS BA'I DON DAM DU MED PA DANG DE GNYIS 'JIG RTEN LAS 'DAS PA'I SHES PA'I YUL MIN TE DE'I YUL NI BRJOD DU MED PA SPYI'I MTSAN NYID YIN PA'I PHYIR RO ZHES DANG, THEG CHEN PA KHA CIG CHOS THAMS CAD RANG GI MTSAN NYID DU MED LA KUN RDZOB TU YOD PAR GSUNGS SO, ,ZHES SMRA BA LA SNGAR GYI KLAN KA DE 'JUG PAR RNAM BSHAD RIGS PA LAS BSHAD PA 'DI YANG SHIN TU GSAL LO, ,DBUS MTHA' LAS, BTAGS PA DANG NI SHES PA DANG, ,DE BZHIN BRJOD PAR RAGS PA YIN, ,ZHES RAGS PA'I DE KHO NA KUN RDZOB KYI BDEN PA LA BTAGS PA'I KUN RDZOB DANG SHES PA'I KUN RDZOB DANG BRJOD PA'I KUN RDZOB GSUM DU MDZAD NAS, NGO BO NYID GSUM DANG SBYAR BA'I PHYI MA NI MDO GZHAN LAS DE BZHIN NYID LA SOGS PA KUN RDZOB TU YOD PAR GSUNGS PA'I DGONGS PA 'CHAD PA LA SHES DGOS SO, ,DE LTAR GRUB MTHA' GONG 'OG GI RDZAS BTAGS DANG KUN RDZOB DANG DON DAM PAR YOD TSUL DANG GRUB MTHA' GCIG GI YANG DE DAG GI 'JOG TSUL MI 'DRA BA'I KHYAD PAR ZHIB PAR PHYED NA GRUB MTHA' GAL CAN RNAMS LEGS PAR GTAN LA 'BEBS NUS SHING, DNGOS POR SMRA BAS BTAGS YOD DANG KUN RDZOB TU YOD PAR KHAS BLANGS PA MANG PO DBU MA PAS DE DAG @24B LA DON DAM YAR MED PAR SGRUB DGOS PA RNAMS SHES PAR 'GYUR LA, GZHAN DU NA GRUB MTHA' GONG 'OG GI KHYAD PAR 'BYED PA LA DGA' BA TZAM DU ZAD DO, ,GSUM PA LA GNYIS, MDO SDE RGYAN LAS BSHAD PA'I TSUL DANG, DBUS MTHA' LAS BSHAD PA'I TSUL LO; ;DANG PO NI, RGYAN LAS, RANG DANG RANG GI MTSAN NYID DU, ,MED PHYIR RANG GI NGO BO LA, ,MI GNAS PHYIR DANG 'DZIN BZHIN DE, ,MED PHYIR NGO BO NYID MED 'DOD, ,CES 'DUS BYAS KYI MTSAN NYID GSUM DANG BYIS PAS ZHEN PA BZHIN GYI NGO BO NYID MED PA LA DGONGS NAS NGO BO NYID MED PAR GSUNGS PAR BSHAD DO, ,KUN LAS BTUS LAS NI, DE GNYIS DANG NGO BO NYID MED PA GSUM LA DGONGS NAS SHIN TU RGYAS PA LAS NGO BO NYID MED PAR GSUNGS PAR BSHAD DO, ,CHOS RNAMS RKYEN LA RAG LAS PAS RANG DBANG MED PA'I PHYIR NGO BO NYID MED DE, 'DI'I DON NI RANG GI BDAG NYID KYIS SKYE BA MED PA LA DBU MA SNANG BAR BSHAD PA LTAR RO, ,CHOS GANG 'GAGS PA NI SLAR YANG CHOS DE'I BDAG NYID DU MI SKYE BAS RANG GI BDAG NYID DU MED PA'I PHYIR NGO BO NYID MED DO, ,SKYES LA MA 'GAGS PA NI SKAD CIG MA YIN PAS RANG GI NGO BO LA DUS GNYIS PAR MI GNAS PA'I PHYIR NGO BO NYID MED DO, ,MDOR NA MYU GU MA 'ONGS PA RANG GI DBANG GIS MI SKYE ZHING MYU GU 'DAS PA BSKYAR NAS MYU GU'I BDAG NYID DU MI SKYE LA MYU GU DA LTAR BA RANG GRUB PA'I DUS GNYIS PAR MI SDOD PAS DUS GSUM GYI CHOS RNAMS LA NGO BO NYID MED PAR BSHAD CES PA'O, ,BYIS PAS GTZANG BDE RTAG BDAG GAM KUN BRTAGS GYI MTSAN NYID GZHAN DU ZHEN PA LTAR GYI NGO BO NYID MED PAS NGO BO NYID MED PAR DBYIG GNYEN @25A *, ,GYIS BSHAD DO, ,GZHAN NI GZUNG 'DZIN RDZAS THA DAD DU ZHEN PA'O, ,JI LTAR NGO BO NYID MED PA DE LTAR MA SKYES LA MA SKYES PA'I PHYIR DE LTAR MA 'GAGS ZHES SOGS SNGA MA SNGA MA RGYU MTSAN DU BYAS NAS PHYI MA PHYI MA 'GRUB PA NI DE NYID LAS, PHYI MA PHYI MA'I RTEN YIN PAS, ,NGO BO NYID NI MED PA YIN, ,SKYE MED 'GAG MED GZOD NAS ZHI, ,RANG BZHIN MYA NGAN 'DAS PA GRUB, ,CES GSUNGS TE BSHAD ZIN TO, ,YANG, THOG MA DANG NI DE NYID GZHAN NYID DANG, ,RANG GI MTSAN NYID RANG DANG GZHAN DU 'GYUR, ,KUN NAS NYON MONGS PA DANG KHYAD PAR LA, ,SKYE BA MED PA'I CHOS LA BZOD PAR BSHAD, ,CES MI SKYE BA'I CHOS LA BZOD PA THOB CES GSUNGS PA'I CHOS RNAMS KYI SKYE BA MED TSUL BSHAD DO, ,DE LA THOG MA NI 'KHOR BA LA THOG MA'I SKYE BA MED PA DANG, DE NYID NI SNGA MA STE CHOS GANG SNGAR SKYES PA DE DAG SLAR DE'I NGO BOR SKYE BA MED PA DANG GZHAN NI PHYI MA STE SNGON MED PA'I RNAM PAR MI SKYE BA LA 'GREL PAS BSHAD DO, ,DE'I DON NI 'KHOR BA NA SNGON MED PA'I SEMS CAN MI SKYE BA DANG SNGAR 'GAGS PA DANG RIGS MTHUN PA SKYE BAS CHOS SNGON MED PA MI SKYE BA LA DBU MA SNANG BAR BSHAD PA LTAR RO, ,RANG MTSAN NI KUN BRTAGS LA STE DE LA NAM YANG SKYE BA MED DO, ,RANG GI SKYE BA NI GZHAN DBANG LA'O, ,GZHAN 'GYUR GYI SKYE BA MED PA NI YONGS GRUB LA'O, ,NYON MONGS MI SKYE BA NI ZAD BA SHES PA THOB PA LA'O, ,KHYAD PAR DU SKYE BA MED PA NI SANGS RGYAS KYI CHOS SKU LA'O, ,NGO BO NYID MED LUGS DANG SKYE BA MED TSUL 'DI BZHIN 'CHAD PA NI CHOS THAMS @25B CAD DON DAM PAR NGO BO NYID KYIS STONG PA DANG 'DUS BYAS RNAMS LA DON DAM PAR SKYE BA MED PAR BSHAD PA SGRA JI BZHIN PAR MI 'DOD PA'I LUGS SO, ,DE LA DUS GSUM GYI CHOS LA NGO BO NYID MED TSUL GYI DA LTAR BA MA GTOGS PA DANG, BYIS PAS ZHEN PA BZHIN GYI NGO BO NYID MED TSUL SNGA MA NI NYAN THOS SDE GNYI GA DANG THUN MONG BA'O, ,BYE BRAG TU SMRA BA NI SKYES ZIN PA'I 'OG TU GNAS PA'I BYA BA DANG DE'I 'OG TU 'JIG PA'I BYA BA 'JUG PAR 'DOD DO, ,GAL TE DGONGS 'GREL LAS GZHAN DBANG SGYU MA BZHIN DU GSUNGS SHING, RGYAN LAS KYANG 'DUS BYAS THAMS CAD SGYU MA BZHIN DU GSUNGS PAS BDEN PAR GRUB PA DE DAG GI DON MIN NO ZHE NA, SGYU MA LA SOGS PA BZHIN DU BSHAD PAS BDEN PAR MI STON PA'I NGES PA MED DE SGYU MA LA SOGS PA DPER BYED LUGS LA RAG LAS SO, ,DE YANG RGYAN LAS JI LTAR SGYU MA DE BZHIN DU, ,YANG DAG MA YIN KUN RTOG 'DOD, ,SGYU MA'I RNAM PA JI LTA BAR, ,DE BZHIN GNYIS SU 'KHRUL PA BRJOD, ,CES GSUNGS PA 'DIS SGYU MA DPER BYED LUGS BSTAN TE, 'KHRUL PA'I GZHI BONG BA DANG SHING LA SOGS PA SGYU MA'I SNGAGS KYIS BTAB PA NI KUN RTEG GZHAN DBANG DANG 'DRA STE RKANG PA DANG PO GNYIS KYI DON NO, ,SGYU MA'I RNAM PA RTA GLANG LA SOGS PA'I GZUGS SU SNANG BA NI, GZHAN DBANG GZUNG 'DZIN RGYANGS CHAD GNYIS SU SNANG BA DANG 'DRA STE PHYI MA GNYIS KYI DON DU DBYIG GNYEN GYIS BSHAD DO, ,YANG RGYAN LAS, JI LTAR DE LA DE MED PA, ,DE BZHIN DU NI DON DAM 'DOD, ,JI LTAR DE NI DMIGS GYUR @26A *, ,PA, ,DE BZHIN DU NI KUN RDZOB NYID, ,CES SGYU MA LA GLANG PO CHE LA SOGS PA MED PA BZHIN DU GZHAN DBANG LA GZUNG 'DZIN GNYIS MED PA DON DAM DANG SGYU MA DE RTA GLANG GI NGO BOR DMIGS PA BZHIN DU YANG DAG PA MIN PA LA KUN BRTAGS PA DE KUN RDZOB KYI BDEN PAR DMIGS SO ZHES 'GREL PAR BSHAD DO, ,RGYAN LAS, NANG GI SKYE MCHED DRUG BDAG DANG SROG LA SOGS PAR MED BZHIN DU DER SNANG BA'I CHA NAS SGYU MA DANG, ,PHYI'I SKYE MCHED DRUG GANG ZAG GI BDAG GI NYE BAR SPYAD BYAR MED BZHIN DU DER SNANG BA'I CHA NAS RMI LAM LTA BUR MDO SDE LAS GSUNGS PAR BSHAD KYI PHYI NANG GI 'DUS BYAS RANG BZHIN GYIS STONG BZHIN DU DER SNANG BA'I DPER MA GSUNGS SO, ,THEG BSDUS LAS KYANG YUM GYI MDOR GSUNGS PA'I SGYU MA LA SOGS PA'I DPER GZHAN DBANG BSTAN PA'I DPE DON SBYOR BA NA, PHYI ROL GYI DON MED NA YUL DU JI LTAR DMIGS SNYAM PA BZLOG PA'I PHYIR SGYU MA DANG, DON MED NA SEMS DANG SEMS BYUNG JI LTAR SKYE SNYAM PA BZLOG PA'I PHYIR SMIG RGYU DANG, DON MED NA YID DU 'ONG MI 'ONG LA JI LTAR SPYOD SNYAM PA BZLOG PA'I PHYIR RMI LAM LA SOGS PA DPER BSHAD DO, ,SGYU MA SOGS MI BDEN PA'I DPER BYED PA LA YANG DBU SEMS SO SO'I MI BDEN LUGS KYI DPER BYED LUGS MA 'DRES PAR PHYED PAR BYA'O; ; GNYIS PA NI, DBUS MTHA' LAS, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG BA NYID NI 'DI LA YOD, ,DE LA YANG NI DE YOD DO, ,STONG PA MA YIN MI STONG MIN, ,DE LTA BAS NA THAMS CAD BSHAD, ,YOD PAS @26B MED PAS YOD PAS NA, ,DE NI DBU MA'I LAM YIN NO, ,ZHES GSUNGS TE TSIGS BCAD DANG POS STONG NYID KYI MTSAN NYID DANG GNYIS PAS DE NYID DBU MA'I LAM DU BSTAN NO, ,DE LA GANG NA GANG MED PA DE NI DES STONG PA DANG 'DI LA LHAG MA YOD PA NI 'DIR YOD PA'O ZHES YOD MED YANG DAG PA JI LTA BA BZHIN SHES PA NI STONG NYID LA 'JUG PA PHYIN CI MA LOG PAR GSUNGS LA, 'DIS KYANG DE STON PA'I PHYIR STONG NYID YANG DAG PA BSTAN TO, ,GANG NA ZHES PA NI STONG GZHI STE DE NI YANG DAG PA MA YIN PA'I KUN RTOG STE GZHAN DBANG NGO, ,GANG MED CES PA'I MED RGYU NI GZUNG 'DZIN RDZAS THA DAD PA GNYIS PO STE KUN BRTAGS SO, ,DE LA YOD MA YIN ZHES PAS NI SNGA MA DE PHYI MA 'DIS STONG PAR BSTAN NO, ,DE MED NA DE'I SHUL DU LHAG MA LUS PA'I YOD PA DE GANG YIN SNYAM NA, KUN RTOG YOD CES PA DANG, RKANG PA GSUM PAS GZHAN DBANG DANG YONGS GRUB GNYIS YIN NO ZHES BSTAN LA RKANG PA BZHI PAS NI DOGS PA GZHAN ZHIG GCOD DO, ,DBYIG GNYEN GYIS GANG STONG PA DANG GANG GIS STONG PA'I DON DU DE LTAR BSHAD PA DE NYID BLO BRTAN GYIS GSAL BAR BSTAN PA NI 'GREL BSHAD LAS, LA LA DAG CHOS THAMS CAD RI BONG GI RVA LTAR RANG BZHIN YE MED DO SNYAM DU SEMS PA DE'I PHYIR THAMS CAD LA SKUR PA DGAG PA'I DON DU, YANG DAG MA YIN KUN RTOG YOD, , CES BYA BA GSUNGS TE RANG BZHIN GYIS ZHES BYA BA TSIG GI LHAG MA'O, ,ZHES GSUNGS SO, ,KUN RTOG YOD CES PA'I TSIG DE DE TZAM GYIS MA RDZOGS PAS DE'I LHAG MA DBYUNG DGOS LA DE YANG RANG BZHIN GYIS ZHES PA 'DI'O, ,DE LTAR NA KUN RTOG YOD PA @27A *, ,TZAM MIN GYI RANG BZHIN GYIS YOD PA'AM RANG GI MTSAN NYID KYIS GRUB PA'I YOD PA'O, ,YOD TSUL DE DAG NI YONGS GRUB LA YANG 'DRA'O, ,TSIG GNYIS PAS DOGS PA SEL TSUL YANG DE NYID LAS, ,DE LTA NA MDO LAS CHOS THAMS CAD STONG PA'O ZHES BSHAD PAS MDO DANG MI 'GAL LAM ZHE NA, MI 'GAL TE 'DI LTAR, DE LA GNYIS PO YOD MA YIN, YANG DAG PA MA YIN PA KUN TU RTOG PA GZUNG BA DANG 'DZIN PA'I NGO BO DANG BRAL BAS STONG BA ZHES BYA'I RANG BZHIN YE MED PA NI MA YIN TE DE'I PHYIR MDO DANG MI 'GAL LO, ,ZHES GZHAN DBANG RANG BZHIN GYIS GRUB NA CHOS THAMS CAD RANG BZHIN GYIS YOD PAS STONG NGO ZHES GSUNGS PA DANG 'GAL LO ZHES PA'I LAN DU KUN RTOG DE PHYI'I GZUNG BA DANG NANG GI 'DZIN PAR SNANG BA'I GZUNG 'DZIN RGYANGS CHAD DU SNANG BA DE LTAR DU YOD PA'I NGO BOS STONG PA LA DGONGS NAS NGO BOS STONG PAR GSUNGS KYI RANG GI MTSAN NYID KYIS GRUB PA'I RANG BZHIN YE MED MIN NO ZHES GSUNGS TE SKU MCHED KYI GZHUNG GI DON NI 'DI KHO NA LTAR YIN ZHING DE NYID LA DON DAM PAR YOD PAR YANG BSHAD PAS LUGS 'DI LA GZHAN DBANG RANG STONG DU 'CHAD PA GTAN MA YIN NO, ,TSIG GSUM PAS DOGS PA SEL TSUL YANG DE NYID LAS, GAL TE DE LTAR GNYIS PO NI RI BONG GI RVA LTAR YE MED LA YANG DAG PA MA YIN PA KUN TU RTOG PA NI DON DAM PAR RANG BZHIN GYIS YOD NA DE LTA NA STONG PA NYID MED PAR 'GYUR RO ZHE NA, DE NI DE LTA MA YIN TE, 'DI LTAR STONG PA NYID NI 'DI LA YOD, YANG DAG PA MA YIN PA KUN TU RTOG PA LA GZUNG BA DANG 'DZIN @27B PA MED PA NYID GANG YIN PA DE STONG PA NYID YIN PAS STONG PA NYID MED PAR MI 'GYUR RO ZHES SO, ,KUN RTOG YOD PA DANG GNYIS PO MED CES PAS YOD PA SNGA MA DANG MED PA PHYI MA YIN PAR BSTAN PAS STONG NYID MED SNYAM PA'I DOGS PA BYUNG BA BSAL LO, , KUN RTOG DON DAM PAR RANG BZHIN GYIS YOD NA ZHES RTZOD PA NI RANG GI MTSAN NYID KYIS GRUB NA DON DAM PAR YOD PAR 'DOD PA'I BSAM PA BLANGS PA STE, LAN GYIS KYANG DE LTAR KHAS MA BLANGS ZHES MI ZER GYI DE LTAR KHAS BLANGS PA'I STENG NAS LAN MDZAD DO, ,SUM CU PA'I 'GREL PA LAS KYANG, YANG NA RNAM PAR SHES PA BZHIN DU SHES BYA YANG RDZAS NYID DU KHA CIG SEMS PA DANG, GZHAN DAG SHES BYA BZHIN DU RNAM PAR SHES PA YANG KUN RDZOB NYID DU YOD KYI DON DAM PAR YOD PA MIN NO SNYAM DU SEMS PA MTHA' GCIG TU SMRA BA 'DI RNAM PA GNYIS DGAG PA'I PHYIR RAB TU BYED PA BRTZAMS SO, ,ZHES SLOB DPON 'DIS GSUNGS SO, ,DE'I PHYIR GZHAN DBANG YE MED MIN ZHES GSUNGS PA NI SNGAR BYANG SA DRANGS PA LTAR DON DAM PAR YOD PA'I DNGOS PO YE MED DAM THAMS CAD KYI THAMS CAD DU MED CES 'GOG PA YIN GYI SHES BYA LA MI SRID PAR 'DOD PA BKAG PA MIN NO, ,RKANG PA BZHI PAS NI GNYIS STONG KUN RTOG LA GTAN DU YOD NA CI'I PHYIR MI RTOGS SNYAM PA'I DOGS PA SEL TE, STONG NYID DE LA GNYIS SNANG 'KHRUL PA'I KUN RTOG YOD PAS DES BSGRIBS PA'I PHYIR RO, ,CHOS THAMS CAD MTHA' GCIG TU STONG PA DANG MI STONG BA DANG YOD PA DANG MED PA NI MTHA' NYID DU 'GYUR GYI DBU MA'I LAM MA YIN @28A *, ,PAS DE DAG DGAG PA'I DON DU TSIGS BCAD GNYIS PA GSUNGS TE, KUN RTOG DANG STONG NYID KYIS STONG PA MIN ZHING GZUNG 'DZIN GNYIS KYIS MI STONG PA ? MIN PA THAMS CAD NI KUN RTOG GI 'DUS BYAS DANG STONG NYID KYI 'DUS MA BYAS SO, ,BSHAD PA NI YUM GYI MDO LA SOGS PA LAS 'DI THAMS CAD NI GCIG TU STONG PA YANG MA YIN LA MI STONG BA YANG MA YIN ZHES BSTAN PA STE DE DANG MTHUN PAR BYAS PAR DBYIG GNYEN GYIS BSHAD PA LTAR BYA'I STONG BA MA YIN PA YONGS GRUB DANG MI STONG PA MA YIN PA NGO BO NYID GZHAN GNYIS LA 'CHAD PA DON MIN NO, ,YOD PA NI KUN RTOG DANG MED PA NI GNYIS PO DANG YOD PA NI KUN RTOG DANG STONG NYID GNYIS PHAN TSUN YOD PA LA DBYIG GNYEN DPON SLOB KYIS BSHAD PA LTAR BYA'I DE GNYIS GCIG DON GZHAN DU YOD PAS CIG SHOS STONG PA'O ZHES 'DI DAG LAS BZLOG STE 'CHAD PA DE DAG GI BZHED PAR 'CHAD PA LTAR MI BYA'O, ,'OD SRUNGS KYI LE'U LAS YOD MED GNYIS MTHA' RE RER BSHAD NAS DE GNYIS KYI DBUS NI CHOS RNAMS LA SOR RTOG PA'I DBU MA'I LAM DU BSHAD PA NYID DE NI DBU MA'I LAM YIN NO, ,ZHES GSUNGS PA 'DI'I DON DU BLO BRTAN GYIS BSHAD DO, ,DES NA RNAM PAR RIG PA TZAM GYI TSUL 'DI NYID DBU MA'I DON DU 'GREL PAS DBU MA PA GZHAN GYI LTAR NA DE GNYIS SNGA MA LAS PHYI MA MCHOG TU BZHED KYANG TSUL 'DIS DE GNYIS DON GCIG TU MDZAD PA YIN NO, ,DE LTAR NA DBYIG GNYEN DANG BLO GROS BRTAN PAS BKRAL TSUL NI SKABS SKABS SU BRJOD ZIN LA, @28B PHYOGS KYI GLANG POS KYANG BRGYAD STONG PA'I DON ? RNAMS THEG BSDUS DANG MTHUN PAR BRGYAD STONG DON BSDUS SU BKRAL LO, ,CHOS KYI GRAGS PAS RNAM 'GREL LAS, DE LA GCIG NI MED PAS KYANG, ,GNYIS KA'ANG NYAMS PAR 'GYUR BA YIN, ,DE PHYIR GNYIS STONG GANG YIN PA, ,DE NI DE YI'ANG DE NYID YIN, ,ZHES GZUNG 'DZIN RDZAS GZHAN GYIS STONG PA'I STONG NYID GZHAN DBANG GI DE KHO NA NYID DU GSUNGS SHING, CHOS RNAMS RANG BZHIN MED PAR MDO SDE LAS GSUNGS PA'I DON YANG DE NYID DU 'GREL TE, DNGOS RNAMS THA DAD GNAS PA NI, ,DE THA DAD LA BRTEN PA YIN, ,DE NI BSLAD PA NYID YIN NA, ,DE DAG THA DAD KYANG BSLAD 'GYUR, ,GZUNG DANG 'DZIN PA'I RNAM PA LAS, ,MTSAN NYID GZHAN NI YOD MA YIN, ,DES NA MTSAN NYID STONG PA'I PHYIR, ,RANG BZHIN MED PAR RAB TU BSHAD, ,CES DNGOS PO RNAMS SKYE BA LA SOGS PAR THA DAD DU 'BYED PA NI RANG RIG PA TZAM GYIS MIN GYI GNYIS SU SNANG BA'I SHES PA NYID KYIS 'BYED DO, ,GNYIS SNANG YANG SLAD PA STE BRDZUN PA YIN PAS DES RNAM PAR BZHAG PA YANG BRDZUN PAR 'GYUR LA, GZUNG 'DZIN GYI RNAM PA LA DON GZHAN PA'I MTSAN NYID KYANG MED CING, GNYIS SU SNANG BA'I MTSAN NYID KYANG JI LTAR SNANG BA BZHIN DU MED PAS RANG BZHIN MED DO ZHES BSHAD DO, ,YANG RNAM 'GREL LAS, PHUNG PO LA SOGS BYE BRAG GIS, ,MTSAN NYID THAMS CAD BYED PA YI, ,KHYAD PAR CAN DE'ANG DE NYID MIN, ,DES KYANG DE DAG MTSAN NYID BRAL, ,ZHES GZUGS PHUNG LA SOGS PA MTSON BYA DANG, GZUGS SU RUNG BA LA SOGS PA MTSON BYED DU GSUNGS PA NI @29A *, ,THAMS CAD BYA BYED KYIS KHYAD PAR DU BYAS LA, DE DAG GI GZHI RDZAS SU YOD KYANG BYA BYED KYI CHA NAS DE KHO NA NYID DU MA GRUB PA LA DGONGS NAS KYANG MTSAN NYID KYIS STONG NGO ZHES GSUNGS PAR BSHAD DE 'DI NI NYAN THOS SNGA PA DANG YANG THUN MONG BA'O, ,RNAM 'GREL LAS, GAL TE THAMS CAD NUS MED NA, ,SA BON SOGS NI MYUG SOGS LA, ,NUS MTHONG GAL TE DE KUN RDZOB, ,'DOD NA JI LTAR DE LTAR 'GYUR, ,ZHES GSUNGS PA NI SNGAR BSDU BA LAS GSUNGS PA DANG GNAD GCIG GO , 'DI DAG GI BKRAL TSUL ZHIB PA NI MANGS SU DOGS NAS MA BRIS SO, ,GNYIS BA LA GNYIS, DGAG BYA SGRO 'DOGS NGOS GZUNG BA DANG, DE JI LTAR 'GOG PA'I TSUL LO, ,DANG PO NI, LUGS 'DI'I RIGS PA'I DGAG BYA LA GNYIS YOD PA'I SKUR 'DEBS NI GRUB MTHAS BZHAG PA KHO NA DANG, DE YANG RANG SDE NGO BO NYID MED PAR SMRA BA'I LUGS SU SNGAR BSHAD PA BZHIN NO, ,SGRO 'DOGS LA NI KUN BRTAGS DANG LHAN SKYES GNYIS YOD LA KUN BRTAGS NI GZHAN SDE DANG RANG SDE DON SMRA GNYIS GYI LUGS SO, ,LHAN SKYES LA GANG ZAG GI BDAG TU SGRO 'DOGS PA NI 'OG TU STON PAS CHOS KYI BDAG TU SGRO 'DOGS PA BSHAD PAR BYA STE, GRUB MTHAS CHOS BDAG BTAGS PA YANG LHAN SKYES KYIS BZUNG BA'I CHOS BDAG SGRUB PA'I DON YIN PA'I PHYIR DANG RIGS PA'I DGAG BYA'I GTZO BO YANG DE YIN PA'I PHYIR RO, ,'DI'I GZHUNG MANG POR GZUNG 'DZIN RDZAS GZHAN DU 'DZIN PA CHOS KYI BDAG 'DZIN DU BSHAD PA MA GTOGS PA CHOS KYI BDAG 'DZIN GZHAN MA BSHAD KYANG, MDO SDE DGONGS 'GREL LAS, @29B GZHAN DBANG NGO BO DANG KHYAD PAR DU KUN BRTAGS PA'I NGO BOR RANG GI MTSAN NYID KYIS GRUB PA MED PAS MTSAN NYID NGO BO NYID MED PA CHOS KYI BDAG MED DU BSHAD PA'I SHUGS KYIS GZHAN DBANG LA NGO BO DANG KHYAD PAR DU BTAGS PA RANG GI MTSAN NYID KYIS GRUB PA 'DZIN PA CHOS KYI BDAG 'DZIN DU BSTAN LA, BYANG SA DANG BSDU BA DANG THEG BSDUS LAS KYANG DES JI LTAR BZUNG BAS STONG PA'I STONG NYID DBU MA'I DON MTHAR THUG PA DANG CHOS KYI BDAG MED KYI YONGS GRUB TU 'BAD PA DU MAS BSGRUBS PAS, GZHAN DBANG LA CHOS BDAG SGRO BTAGS PA'I KUN BRTAGS 'DI JI LTAR YIN MI SHES NA LUGS 'DI'I CHOS KYI BDAG 'DZIN DANG CHOS KYI BDAG MED MTHA' CHOD PAR MI SHES SO, ,KUN BRTAGS RANG GI MTSAN NYID KYIS GRUB PAR 'DZIN PA CHOS KYI BDAG 'DZIN DU 'DOD PA'I KUN BRTAGS NI PHUNG PO LA SOGS PA LA 'DI GZUGS SO ZHES NGO BO DANG 'DI GZUGS KYI SKYE BA'O ZHES SOGS KHYAD PAR DU MING DANG BRDAR BTAGS PA'I NGO BO'O, ,DE TZAM ZHIG TU NI PHUNG PO LA SOGS PA YOD PAS DER YOD PAR 'DZIN PA SGRO 'DOGS MIN GYI PHUNG SOGS NGO BO DER RANG GI MTSAN NYID KYIS YOD PAR 'DZIN PA SGRO 'DOGS SO, ,GAL TE GZUGS SOGS MING DANG BRDA'I YUL YIN PA RANG GI MTSAN NYID KYIS GRUB PA 'GOG PA DE RJOD BYED KYI DNGOS YUL YIN PA 'GOG NA DNGOS KYI BRJOD BYA DANG RJOD BYED DON SPYI DANG SGRA SPYI DNGOS MED DU DON SMRA RNAMS LA GRUB ZIN PAS GZHAN DBANG DES STONG PAR BSGRUB MI DGOS PA DANG, ,DES STONG PAR GRUB PA'I TSAD MAS CHOS KYI BDAG MED MI 'GRUB CING DE LA DMIGS NAS BSGOMS @30A *, ,PAS SHES SGRIB DAG PAR MI 'GYUR BAS DGONGS 'GREL LAS KUN BRTAGS RANG MTSAN DU GRUB PAS STONG PA CHOS KYI BDAG MED YONGS GRUB TU BSHAD CING BYANG SA LAS STONG PA DE SHES SGRIB DAG PAR BYED PA'I DMIGS PAR BSHAD PA DANG 'GAL LO, ,GZUGS SOGS RJOD BYED KYI ZHEN YUL YIN PA 'GOG PA LA ZHEN YUL GYI GZHI LDOG RANG MTSAN GYIS YOD PA 'GOG NA GZHAN DBANG RANG MTSAN GYIS GRUB PA BKAG PAR 'GYUR LA, ZHEN YUL GYI RANG LDOG RANG MTSAN GYIS GRUB PA 'GOG NA'ANG RJES DPAG TSAD MA'I GZHAL BYA SPYI MTSAN DNGOS POR MED PAR MDO SDE BAS KYANG GRUB PAS MI 'THAD DO, ,GZHAN YANG SRID PA 'PHO BA'I MDO LAS, MING NI GANG DANG GANG GIS SU, ,CHOS RNAMS GANG DANG GANG BRJOD PA, ,DE LA DE NI YOD MA YIN, ,'DI NI CHOS RNAMS CHOS NYID DO, ,ZHES GSUNGS PA'I LUNG NYAN THOS SDE PA LA YANG GRUB PAS DE LAS LHAG PAR DGONGS 'GREL GYI KUN BRTAGS KYIS STONG PA'I CHOS NYID LA YANG MI SNANG NGO, ,STONG TSUL 'DI LA GZUNG 'DZIN RDZAS THA DAD BKAG PA'I RNAM PAR RIG PA TZAM GYI DON MED PAS CHOS KYI BDAG MED SHES SGRIB DAG PAR BYED PA'I DMIGS PAR BSHAD PA YANG JI LTAR 'THAD, DES NA LUGS 'DI LA 'GAL BA DE DAG JI LTAR MED PA'I RGYU MTSAN BSHAD PAR GYIS SHIG CE NA, BSHAD PAR BYA STE STONG TSUL 'DI BYAN SA LAS SHES SGRIB DAG PAR BYED PA'I YE SHES KYI DMIGS PA DANG DBU MA'I LAM MTHA' GNYIS SPANGS PA GONG NA MED PAR BSHAD CING, THEG BSDUS LAS 'DI'I SGO NAS 'JUG PA DE RNAM PAR @30B RIG PA TZAM DU 'JUG PAR GSUNGS PA'I PHYIR NYAN THOS SDE PAS GRUB ZIN PA MIN NO, ,DE'I PHYIR 'DI'I BZLOG PHYOGS KYI SGRO 'DOGS NGO BO DANG KHYAD PAR DU MING GIS BTAGS PA DER GZUGS SOGS RANG GI MTSAN NYID KYIS GRUB PAR 'DZIN PA'I GRUB MTHA'I KHAS LEN KYANG NYAN THOS SDE PA LA YOD DO, ,'DI LTAR 'DI 'GOG PAR BYANG SA LAS LUNG GIS KYANG BKAG CING GZHAN SDE LA RANG GI STON PA'I LUNG GIS 'GOG TU MI RUNG BAS DGAG PA'I YUL LA RANG SDE YANG YOD LA, NGO BO NYID MED PAR SMRA BA DANG RNAL 'BYOR SPYOD PA'I KHYAD PAR LA 'GOG PA MIN PAS NYAN THOS SDE PA'O, ,DE'I PHYIR DGONGS 'GREL GYI LUNG MA DRANGS PAR DE DAG LA GRUB PA'I LUNG GSUM GYIS BKAG GO , DE LA THOG MAR SGO 'DOGS LHAN SKYES NGOS GZUNG NA BSDU BA LAS, DE LA BYIS PA RNAMS NI BRJOD PAR BYA BA'I DNGOS PO LA RGYU LDAS MING JI LTA BA DANG BRJOD PA JI LTA BA BZHIN DU NGO BO NYID DU MNGON PAR ZHEN PAR RIG PAR BYA STE, ZHES GSUNGS SHING DNGOS PO DE'I NGO BO NYID GANG YIN DRIS NA NGO BO NYID GZUGS YIN NO ? ZHES LAN 'DEBS KYI MING GZUGS YIN NO ZHES LAN MI 'DEBS PA RGYU MTSAN DANG POR BSHAD DO, ,DE'I DON NI GZUGS ZHES BRJOD PA'I DON DE'I NGO BO NYID GANG YIN DRIS PA NA DE'I NGO BO NYID GZUGS YIN ZHES SMRA'I GZUGS ZHES PA'I MING DU BTAGS PA TZAM ZHIG GZUGS ZHES BRJOD PA'I DON DE'I NGO BO NYID YIN NO ZHES SMRA RGYU MED DO, ,DE'I PHYIR GZUGS ZHES THA SNYAD BTAGS PA'I TSE SNGON PO GZUGS KYI THA SNYAD 'DOGS PA'I GZHI YIN PA DE JI LTAR SNANG BLTAS PAS NA MING @31A *, ,DANG BRDAS BZHAG PA MIN PAR RANG GI GNAS LUGS KYI DBANG GIS GRUB PA BZHIN DU SNANG NGO, ,SNGON PO DE JI LTAR SNANG BA BZHIN DU GRUB PAR 'DZIN PA NI SNGON PO LA GZUGS SO ZHES MING DU BTAGS PA LA RANG GI MTSAN NYID KYIS GRUB PAR 'DZIN PA'I SGRO 'DOGS YIN LA, DE BYIS PA RNAMS LA YOD PAR SNGAR BSHAD PA DES 'GRUB CING DE 'DRA BA'I 'DZIN STANGS DE 'THAD LDAN DU DON SMRA SDE GNYIS KYIS KYANG 'DOD PAS SGRA'I BRJOD BYA'I RANG LDOG RTOG BTAGS YIN KYANG DE'I GZHI LDOG TU RANG MTSAN 'ONG BA'I LUGS DANG GA LA MTSUNGS, KHYAD PAR DU KUN BRTAGS PA LA SGRO 'DOGS TSUL DANG CHOS GZHAN LA 'DOGS TSUL YANG DES SHAS PAR BYA'O, ,DE BZHIN DU YUL YUL CAN GNYIS SU SHAR BA NA GNYIS KA RDZAS THA DAD DU SNANG BA BZHIN DU YOD PAR 'DZIN PA YANG CHOS KYI BDAG TU 'DZIN PA'I SGRO 'DOGS SO, ,RTZOD PA LHAG MA'I LAN NI 'CHAD PAR 'GYUR RO, ,GNYIS PA LA GNYIS, DGAG PA DNGOS DANG, DE LA RTZOD PA SPANG BA'O, ,DANG PO NI, DGONGS 'GREL LAS GZHAN DBANG KUN BRTAGS KYIS STONG BAR SGRUB PA'I RIGS PA MA GSUNGS PA RTOGS PAR BYA BA'I PHYIR BYANG SA DANG BSDU BA LAS RIGS PA GSUM GSUM GSUNGS SHING, THEG BSDUS LAS KYANG, GZHAN GYI DBANG GI NGO BO KUN BRTAGS PA'I BDAG NYID DU JI LTAR SNANG BA DE YI BDAG NYID MA YIN PAR CI MNGON ZHE NA, ZHES DRI BA BKOD PA'I LAN DU, MING GI SNGA ROL BLO MED PHYIR, ,MANG BA'I PHYIR DANG MA NGES PHYIR, ,DE YI BDAG NYID BDAG MANG DANG, ,BDAG 'DRES 'GRAL BAS @31B 'GRUB PAR 'GYUR, ,ZHES GSUNGS SO, ,DE LA CHOS DE'I BDAG NYID DU 'GAL BAS GZHAN DBANG KUN BRTAGS KYIS STONG PA 'GRUB TSUL GO SLA BAR BRJOD NA, LTO LDIR BA BUM PA'I THA SNYAD KYI GZHI 'AM GNAS YIN PA DE LTO LDIR BA'I GNAS LUGS SAM RANG GI MTSAN NYID KYIS GRUB NA, BRDA'I DBANG GIS MA BZHAG PAR 'GYUR LA DE LTA NA BRDA'I YUL CAN GYI BLO YANG BRDA LA MI LTOS PAS, BUM PA'I MING BTAGS PA'I SNGA ROL NAS LTO LDIR BA LA BUM PA'O SNYAM PA'I BLO SKYE BAR 'GYUR RO, ,DON GCIG NYID DON GYI BDAG NYID MANG POR 'GRAL BAS 'GRUB PA NI PHYOGS SNGA LTAR NA DON GCIG LA BRGYA BYIN DANG DBANG PO DANG GRONG 'JOMS LA SOGS PA'I MING DU MA 'JUG PA DE, DNGOS PO'I DBANG GIS 'JUG DGOS LA RTOG PA LA JI LTAR SNANG BA DE BZHIN DU DNGOS PO LA GNAS PA'I PHYIR DON DE DU MAR 'GYUR RO, ,DON MA 'DRES PA'I NGO BO 'DRES PAR 'GAL BAS 'GRUB PA NI PHYOGS SNGA LTAR NA, SKYES BU GNYIS LA NYER SBAS ZHES PA'I MING GCIG 'JUG PA'I TSE 'DI NYER SBAS SO SNYAM PA'I BLO SKYE BA LA KHYAD PAR MED PA'I PHYIR DANG, DE'I MING DANG RTOG PA YANG DNGOS PO'I DBANG GIS DE GNYIS LA 'JUG PA'I PHYIR DON GNYIS DON GCIG TU 'GYUR RO, ,GZUGS SOGS RTOG PA'I ZHEN GZHI YIN PA DE DON DAM PA'AM RANG GI MTSAN NYID KYIS GRUB PAR 'DZIN NA'ANG MING DU BTAGS PA'I GNAS RANG MTSAN GYIS GRUB PAR 'DZIN PA DANG 'DRA BAS, 'DI'I MING 'DI'O ZHES BRDA MI SHES PA LA YANG DGAG BYA SGRO 'DOGS YOD LA DE 'GOG PA'I RIGS PA YANG 'DRA'O, ,BYANG SAR DON SNGAR YOD LA 'DI @32A *, ,'DI'O ZHES MING PHYIS 'DOGS NA DE LTAR MA BTAGS PA'I TSE DON DE'I NGO BO MED PAR 'GYUR LA, MA BTAGS PA'I TSE YANG NGO BO YOD PA LA PHYIS 'DOGS NA MING MA BTAGS PA'I DUS SU 'DI GZUGS SO SNYAM PA'I BLO SKYE BAR 'GYUR ZHES BKAG GO, GANG LA BRDA 'DOGS PA'I DNGOS KYI YUL DE DON DE'I NGO BOR RANG MTSAN GYIS GRUB NA BRDA 'GREL BYAS PAR MI LTOS PAR MING GI BLO SKYE BA SOGS KYI SKYON YOD MOD KYANG, GZUGS SOGS BRDA 'DOGS BA'I GNAS DANG RTOG PA'I ZHEN GZHI YIN PA DE RANG GI MTSAN NYID KYIS GRUB PA LA SKYON DER MI 'GYUR RO, ,ZHES NYAN THOS SDE PA DAG SMRA MOD KYANG 'DRA'O, ,DE LTAR NA GZUGS SOGS RTOG PA'I ZHEN GZHI YIN PA DE MING DANG BRDAS BZHAG PA'I KUN BRTAGS YIN MOD KYANG TSAD MAS GRUB PAS DGAG MI NUS LA, DE NYID DNGOS PO DE DAG GI RANG GI MTSAN NYID KYIS GRUB PA NI MING TZAM GYIS BZHAG PA'I KUN BRTAGS SHES BYA LA MI SRID PA YIN PAS MING DANG BRDAS BZHAG PA LA TSAD MAS GRUB MA GRUB GNYIS YOD DO, ,'ON KYANG MING DANG BRDAS BZHAG PA TZAM YIN PHYIN CHAD DE LA RGYU 'BRAS MI RUNG BAR 'DI PA 'DOD DO, ,DON SMRA GNYIS KYIS GZUGS SOGS RTOG PA'I ZHEN GZHI DANG BRDA 'DOGS PA'I GNAS SU RANG MTSAN GYIS GRUB PA KHEGS NA DE DAG YOD PAR 'JOG MI SHES TE TSAD MA PA LA GRAGS PA'I RANG MTSAN NI MIN NO, ,DPER NA BUM MED MED DGAG YIN ZHING DE DANG SA PHYOGS GZHI MTHUN DU 'DU YANG MED DGAG DANG DNGOS PO GNYIS 'GAL BA MI 'GOG PA LTAR, @32B RNAM SHES RTOG PA'I ZHEN GZHI YIN PA DE DON DAM PAR MA GRUB PA'I KUN BRTAGS YIN PA DANG RNAM SHES DON DAM PAR GRUB PA GNYIS KYANG MI 'GAL LO, ,DE'I PHYIR MING NI GANG DANG GANG GIS SU, ,ZHES SOGS NYAN THOS SDE PA LA GRUB PA'I MDO YIN YANG DE DAG GIS BSHAD PA DANG DON KHYAD PAR MED PA MIN TE, DPER NA PHAL CHEN SDE PA'I LUNG LAS RTZA BA'I RNAM PAR SHAS BA ZHES 'BYUNG BA 'DI PAS KUN GZHI LA BSHAD PA BZHEN NO, ,SNGAR BSHAD PA'I NGO BO DANG KHYAD PAR DU BTAGS PA RANG MTSAN GYIS SAM DON DAM PAR YOD PAR 'DZIN PA NI SHES SGRIB KYI GTZO BO YIN PAS DES BZUNG BA LTAR MED PA GTAN LA PHAB PA'I DON NI SHES SGRIB DAG BYED KYI DMIGS PAR YANG 'THAD DO, ,RIGS PA 'DI DAG GIS RNAM PAR RIG PA TZAM LA JI LTAR 'JUG SNYAM NA, GZUGS NAS RNAM MKHYEN GYI BAR GYI CHOS RNAMS MING GI THA SNYAD 'DOGS PA'I GNAS DANG RNAM RTOG GI ZHEN PA'I GZHI YIN PA DE DON DAM PAR GRUB PA KHEGS PA NA, RDZOD BYED KYI MING DANG BRJOD BYA'I DON DANG MING DON 'BREL BA LA BRTAN NAS BRJOD BYA'I DON GYI NGO BO DANG KHYAD PAR DU SNANG BA'I YIN KYI RTOG PA NI, JI LTAR SNANG BA LTAR GYI ZHEN SA'I DON MED PAS DE LTAR 'DZIN PA MA 'KHRUL BA YANG MED DO SNYAM NAS GZUNG 'DZIN GNYIS MED PA'I RNAM RIG TZAM LA 'JUG STE, THEG BSDUS LAS, 'DI LTAR BYANG CHUB SEMS DPA' RNAM PAR RIG PA TZAM LA 'JUG PAR BRTZON PA DE LTA BU DE YI GE DANG DON SNANG BA'I YID KYI BRJOD PA DE LA YI GE'I MING DE YANG YID KYI RTOG PA TZAM DU ZAD PAR YANG DAG PAR RTOG GO, YI GE LA BRTEN @33A *, ,PA'I DON DE YANG YID KYI BRJOD PA TZAM DU ZAD PA NYID DU YANG DAG PAR RTOG GO, MING DE YANG NGO BO NYID DANG KHYAD PAR DU BTAGS PAR ZAD PA TZAM DU YANG DAG PAR RTOG GO, DE'I PHYIR YID KYI BRJOD PA TZAM DU ZAD PA NYID DU DMIGS SHING, MING DANG BCAS PA'I DON NGO BO NYID DANG KHYAD PAR DU BTAGS PA DANG BCAS SHING, NGO BO NYID DANG KHYAD PAR DU BCAS PA DON GYI MTSAN NYID DU MI DMIGS PA NA YONGS SU TSOL BA BZHI DANG, YANG DAG PA JI LTA BA BZHIN DU YONGS SU SHES PA BZHI PO DAG GIS YI GE DANG DON SNANG BA'I YID KYI RNAM PAR RTOG PA DE DAG LA RNAM PAR RIG PA TZAM NYID DU 'JUG GO, ZHES GSUNGS SO, ,GAL TE 'DI YID SHES RTOG PA LA LTOS PA'I GZUNG 'DZIN KHEGS PA YIN LA, BAG CHAGS BRTAN PA LAS BYUNG BA'I RTOG MED KYI SHES PA LA LTOS PA'I GZUNG 'DZIN RIGS PAS KHEGS PA MIN PAS RNAM RIG TZAM LA 'JUG PAR JI LTAR 'THAD CE NA, SKYON MED DE 'DI LTAR SNGON PO GZUNG BA DON GZHAN DU 'DZIN PA'I RTOG PA'I ZHEN GZHI YIN PA RANG MTSAN GYIS YOD PA RIGS PAS KHEGS NA SNGON PO ZHEN GZHI YIN PA SNANG BA'I SNGO 'DZIN DE SNANG YUL LA 'KHRUL BAR 'GRUB STE, DE SNANG BA NA RANG GI MTSAN NYID KYIS GRUB PAR SNANG BA'I PHYIR RO, ,DE GRUB NA SNGON PO DE RANG SNANG BA'I SHES PA LAS RDZAS GZHAN DU MED PA GRUB BO, ,'O NA RNAM SHES RTOG PA'I ZHEN GZHI YIN PA DE DON DAM PAR GRUB PA RIGS PAS KHEGS NA DE SNANG BA'I RANG RIG DE SNANG YUL LA 'KHRUL BAR 'GRUB STE, DE SNANG BA NA RANG MTSAN GYIS GRUB PAR SNANG BA'I PHYIR RO, ,DE GRUB NA RNAM @33B SHES DE MYONG BA'I NGO BOR RANG MTSAN GYIS GRUB PA MED PAS RNAL 'BYOR SPYOD PA'I GRUB PA'I MTHA' DOR BAR 'GYUR RO ZHE NA, DE'I SKYON MED DE RANG RIG LA RNAM SHES RTOG PA'I ZHEN GZHI YIN PA MI SNANG LA SNGO 'DZIN LA SNGON PO PHYI ROL TU ZHEN PA'I ZHEN GZHI YIN PA SNANG BA'I PHYIR TE, ZHEN GZHI YIN PA DE GNYIS SNANG NUB PA'I RANG RIG LA SOGS PA LA 'CHAR DU MI RUNG ZHING GNYIS SNANG CAN GYI SNGO 'DZIN LA SNANG BA MI 'GAL BA'I PHYIR RO, ,RTOG PA'I ZHEN GZHI DE SNANG BA NA GNYIS SNANG YOD DGOS PA'I RGYU MTSAN NI DE'I SPYI RTOG PA LA 'CHAR BA NA NGES PAR GNYIS SNANG GI RNAM PA CAN DU 'CHAR BA'I PHYIR RO, ,'DI SHES PA LA MTSUNGS PA MA YIN TE RTOG PA LA SPYI 'CHAR BA NA'ANG MYONG TZAM GYI RNAM PA CAN DU 'CHAR BA'I PHYIR RO, ,RTOG PA LA GNYIS SNANG NGES PAR YOD PAS MTSUNGS SA ZHES SMRA MI NUS TE, RTOG PA LA GNYIS SNANG YOD PA DANG YUL DE GNYIS SNANG GI RNAM PAR 'CHAR PA GNYIS DON MI GCIG PA'I PHYIR RO, ,DE LTA MA YIN NA GNYIS SNANG NUB PA RNAM RTOG LA 'CHAR MI SRID BAR KHAS BLANG DGOS NA DE YANG MI RIGS TE GNYIS SNANG NUB PA MI SRID PAR 'GYUR BA'I PHYIR RO, ,GAL TE SNGON PO RTOG PA'I ZHEN GZHI YIN PA DE RTOG PA'I DBANG GIS BZHAG PA TZAM YIN PA'I PHYIR RTOG BRAL LA MI SNANG NGO SNYAM NA, SGYU MA RTA GLANG YIN PA YANG RTOG BRAL LA MI SNANG BAR 'GYUR TE RTOG PAS BZHAG PA TZAM YIN PA'I PHYIR RO, ,DES NA NGO BO DANG KHYAD PAR DU BTAGS PA'I KUN BRTAGS KYIS STONG PA YONGS GRUB TU DGONGS 'GREL LAS GSUNGS PA DE LA GZUNG 'DZIN RDZAS GZHAN BKAG PA MED PA YANG YIN NO, ,MDO DE LAS ZHI GNAS KYI @34A *, ,SKABS SU NI PHYI ROL DGAG PA GSAL BAR GSUNGS SO, ,SPYIR KUN BRTAGS LA SPYI MTSAN THAMS CAD DANG NAM MKHA' LA SOGS BA DU MA ZHIG YOD KYANG DGONGS 'GREL LAS MA GSUNGS PA NI, KUN BRTAGS GANG GIS STANG PA YONGS GRUB TU 'JOG PA'I SKABS SU DE DAG MI MKHO BAS SO, ,DE DAG GI MANG PO ZHIG MING DANG BRDAS 'JOG MI NUS PA'I YOD PA YIN YANG RANG GI MTSAN NYID KYIS GRUB PA MIN TE RTOG PAS BTAGS PA TZAM YIN PA'I PHYIR, PHYI ROL LA LTOS PA'I GZUNG 'DZIN 'GOG PA NI THEG BSDUS SU RMI LAM DANG GZUGS BRNYAN LA SOGS PA'I RIGS PA DANG NYI SHU PAR RDUL CHA MED 'GOG PA'I RIGS PA DANG, CHOS KYI GRAGS PAS GZUNG 'DZIN GYI MTSAN NYID SKYES LA 'DRA BA 'GOG PA'I RIGS PA DANG PHYOGS GLANG GIS RDUL 'DUS PA DANG PHRA RAB GZUNG DON YIN PA 'GOG PA'I RIGS PA RNAMS YIN NO, ,YUM GYI MDO NAS MED CES GSUNGS PA THAMS CAD KYIS KUN BRTAGS DGOG PA THEG BSDUS LAS GSUNGS BA RNAMS LA DGONGS 'GREL GYI KUN BRTAGS 'GOG TSUL 'DI MI SHES NA, GZUNG 'DZIN RDZAS GZHAN GYI KUN BRTAGS KHO NA LA BSHAD PAS RNAL 'BYOR SPYOD PA BDAG GI LUGS LA YANG CHES MI RIGS PA DU MA ZHIG SMRA DGOS LA, RTAG MI RTAG LA SOGS PA GANG DU YANG GZUNG SA MED PAR GSUNGS PA RNAMS KYANG LUGS 'DIS BSHAD PAR SHIN TU DKA'O, ,DE'I PHYIR GANG DU GZUNGS MED PAR GSUNGS PA RNAMS LA MNYAM GZHAG DANG, 'DI YIN 'DI MIN PHYE NAS GZUNGS YOD PAR GSUNGS PA RJES THOB SHAN 'BYED PA'I DUS LA DGONGS @34B SO ZHES SMRA DGOS PA YANG BYUNG STE ZER RGYUS PHONGS PA YIN NO, ,BYANG SA DANG THEG BSDUS DANG KUN LAS BTUS LA SOGS PAR TSOL BA BZHI DANG YONGS SU SHES PA BZHI GSUNGS PA NI RNAM RIG PA'I LTA BA GTAN LA 'BEBS BYED RNAM PAR RIG PA TZAM LA 'JUG PA'I SGO DAM PA NYON MONGS PA RNAMS KYI'ANG GZHI BYED PA'I RNAM RTOG SHES SGRIB KYI GNYEN POR GSUNGS LA, DE DAG GI DON SHES PA LA DGONGS 'GREL LAS GSUNGS PA'I KUN BRTAGS 'GOG PA'I RIGS PA DANG DGAG BYA'I SGRO 'DOGS PHRA MO NAS SHES DGOS PAR SNANG, KHYAD PAR DU RIGS PA DE DAG GIS GZUNG 'DZIN RDZAS GZHAN KHEGS NAS RNAM PAR RIG PA TZAM LA 'JUG PA'I TSUL SHES DGOS PAR SNANG YANG DPYOD PA TZAM YANG MA ZHUGS PAR MTHONG NAS BLO GROS CAN RNAMS LA DPYOD PA'I SGO TZAM ZHIG BSTAN NO, ,GNYIS PA NI, DGONGS 'GREL LAS, GZHAN DBANG LA KUN BRTAGS KYI NGO BO NYID DU MNGON PAR ZHEN PAS NYON MONGS PA SKYED CING DES LAS BSAGS NAS 'KHOR BAR 'KHOR LA, GZHAN DBANG LA KUN BRTAGS KYI MTSAN NYID NGO BO NYID MED PAR MTHONG NA DE DAG RIM PA BZHIN LDOG PAR GSUNGS NAS NYAN RANG DANG BYANG SEMS GSUM GSAL MA 'DI NYID DANG SGRUB PA 'DI NYID KYIS MYA NGAN LAS 'DAS PA 'THOB PAS DE DAG GI RNAM PAR DAG PA'I LAM DANG RNAM PAR DAG PA YANG GCIG STE GNYIS PA MED PAR GSUNGS SHING, GZHAN DBANG KUN BRTAGS KYIS STONG TSUL SNGAR BSHAD PA LAS GZHAN PA YANG MA GSUNGS SO, ,DE'I PHYIR NYAN RANG GIS KYANG CHOS KYI BDAG MED RTOGS PA MDO 'DI'I DON DU BYED DAM MI BYED BYED NA SNGAR THUN MONG MA @35A *, ,YIN PAR BSHAD PA RNAMS DANG 'GAL LO, ,MI BYED NA MDO'I DON JI LTAR BSHAD CE NA, 'DI LA BYANG SAR YANG NGO BO DANG KHYAD PAR DU RTOG PA DANG RIL POR 'DZIN PA'I RNAM RTOG GIS RNAM RTOG GI DMIGS PA'I DNGOS PO SPROS PA'I GNAS SKYED LA DE LA BRTEN NAS 'JIG LTA SKYE ZHING DES NYON MONGS GZHAN RNAMS BSKYED NAS 'KHOR BAR 'KHOR LA, TSOL BA BZHI DANG YONGS SU SHES PA BZHIS RNAM RTOG GIS BZUNG BA'I DON MED PAR SHES NA DE DAG LDOG PAR GSUNGS SO, ,DE LTAR NA CHOS RNAMS LA NGO BO DANG KHYAD PAR DU BTAGS PA RANG GI MTSAN NYID KYIS GRUB PAR 'DZIN PA'I CHOS KYI BDAG 'DZIN GYIS 'JIG LTA'I RTZA BA BYED PAR BZHED LA, CHOS KYI BDAG 'DZIN GYIS GANG ZAG GI BDAG 'DZIN GYI GZHI BYED PA NI NYAN RANG LA CHOS KYI BDAG MED RTOGS PA MED PAR BZHED PA'I DBU MA PA RNAMS KYIS KYANG BZHED DO, ,DE LA NI CHOS KYI BDAG 'DZIN ZAD NA GANG ZAG GI BDAG 'DZIN LDOG KYANG CHOS KYI BDAG 'DZIN MA ZAD NA GANG ZAG GI BDAG 'DZIN MI LDOG PA MIN PAS 'KHOR BA'I GZHI MTHAR GTUGS PA MA LOG KYANG 'KHOR BA LAS GROL BA MI 'GAL LO, ,DE'I PHYIR LAM 'DI NYID CES GSUNGS PA NI GZHAN DBANG KUN BRTAGS KYI MTSAN NYID KYIS STONG PAR RTOGS PA'I LAM LA BYED KYANG CHOS KYI BDAG MED KYI LAM LA BYA MI DGOS TE; GZHAN DBANG KUN BRTAGS KYIS STONG PA LA GANG ZAG GI BDAG MED KYI DBANG DU BYAS PA YANG KUN LAS BTUS LAS GSUNGS PA'I PHYIR RO, ,GANG ZAG GI BDAG MED RTOGS PAS NYON MONGS DAG PAR BYED PA DANG NYON MONGS SPANGS PA TZAM GYI @35B RNAM GROL LA THEG PA CHE CHUNG KHYAD MED PAS RNAM DAG GI LAM DANG RNAM DAG GCIG PAR YANG GSUNGS SO, ,PHUNG PO LA SOGS PA GZHAN DBANG DANG DE LA CHOS KYI BDAG TU SKRO BTAGS PA KUN BRTAGS DANG DE DES STONG PA CHOS KYI BDAG MED KYI YONGS GRUB TU 'JOG PA THEG CHEN GYI MDO'I DON DU DGONGS 'GREL GYIS BKRAL BA'I SHUGS GYIS, PHUNG PO'I GZHAN DBANG GANG ZAG GI BDAG GI KUN BRTAGS KYIS STONG PA GANG ZAG GI BDAG MED KYI YONGS GRUB TU 'JOG PA'I NGO BO NYID GSUM GYI RNAM GZHAG DE TZAM ZHIG THEG DMAN GYI MDO'I DON DU GO NUS LA, DE'I PHYIR 'KHOR LO DANG PO GSUNGS PA'I GDUL BYA NI GANG ZAG GI BDAG MED KYI DBANG DU BYAS PA'I MTSAN NYID NGO BO NYID MED PA RTOGS PA'I SNOD DU RUNG LA, CHOS KYI BDAG MED KYI DBANG DU BYAS PA'I MTSAN NYID NGO BO NYID MED PA RTOGS PA'I SNOD DU MI RUNG BA LA GSUNGS PAR DGONGS 'GREL GYIS SHUGS KYIS 'GREL PAS, LEGS PAR RNAM PAR PHYE BA'I CHOS 'KHOR THEG PA THAMS CAD LA ZHUGS PA'I CHED DU GSUNGS PA'I DON NI DE'O, ,GAL TE NGO BO DANG KHYAD PAR DU BTAGS PA DANG GZUNG 'DZIN RDZAS GZHAN GYI KUN BRTAGS KYIS STONG PA'I SKABS THAMS CAD DU GZHAN DBANG NYID STONG GZHIR BYAS NAS, DE SNGA MA GNYIS KYIS YIN PA'I TSUL GYIS STONG PA YONGS GRUB TU BYA DGOS NA, DBYIG GNYEN GYIS YUM GSUM GNOD 'JEMS LAS, DE LA MIG CES BYA BA NI CHOS NYID KYI MIG GO ,MIG GIS ZHES BYA BA NI KUN BRTAGS PA DANG RNAM PAR BTAGS PA'I MIG GIS SO, ,STONG ZHES BYA BA NI BRAL ZHES BYA BA'I THA TSIG GO, DE BZHIN DU RNA BAS STONG ZHES BYA @36A *, ,BA LA SOGS PA LA YANG SBYAR BAR BYA'O, ,ZHES YONGS GRUB STONG GZHIR BYAS NAS NGO BO NYID GZHAN GNYIS KYIS STONG BAR GSUNGS PA JI LTAR DRANG ZHE NA, DE LA RNAL 'BYOR SPYOD PA PA DANG DBU MA PA SU'I LUGS LA YANG CHOS KYI BDAG MED KYI YONGS GRUB GTAN LA 'BEBS PA NA STONG GZHI GANG LA BYA DGOS PA NI CHOS KYI BDAG 'DZIN GYIS GZHI GANG LA CHOS KYI BDAG TU BZUNG BA DE LA RAG LAS TE, DPER NA THAG PA LA SBRUL DU BZUNG NAS SKRAG PA'I SDUG BSNGAL BSAL BAR 'DOD PA NA THAG PA STONG GZHIR BZUNG NAS DE SBRUL GYIS STONG NGO ZHES BSTAN DGOS KYI, THAG PA SBRUL GYIS STONG PA STONG GZHIR BZUNG NAS DE THAG PA DANG SBRUL DON GZHAN DU YOD PAS STONG NGO ZHES BRJOD DU MI RUNG BA BZHIN NO, ,CHOS KYI BDAG 'DZIN YANG RDUL PHRA RAB PHYOGS KYI CHA MED DANG DE BSAGS PA'I GZUNG BA DANG, DUS SNGA PHYI'I CHA SHAS MED PA'I SHES PA SKAD CIG MA DANG DE 'THUD PA'I RGYUN GYI SHES PA YOD PAR 'DZIN PA LTA BU GRUB MTHAS BLO BSGYUR BA KHO NAS BTAGS PA RNAMS NI GRUB MTHA' SMRA BA DE DAG KHO NA LA YOD KYI SEMS CAN GZHAN LA MED DO, ,DES NA DE TZAM ZHIG MED PA'I STONG PA BSTAN YANG THOG MA MED PA NAS RJES SU ZHUGS PA'I LHAN SKYES KYI BDAG 'DZIN LA CI YANG MI GNOD PAS, LHAN SKYES KYI BDAG 'DZIN GYIS GANG LA BDAG TU BZUNG BA'I GZHI DE JI LTAR BZUNG BA LTAR GYI BDAG GIS STONG NGO ZHES BSTAN DGOS SHING, GRUB MTHAS BTAGS PA 'GOG PA YANG DE 'GOG PA'I YAN LAG TU SHES DGOS SO, ,DE LTAR BYAS NA SEMS CAN RANG DGA' BA RNAMS KYIS NI @36B MTHONG BA DANG THOS PA LA SOGS PA'I DON MIG DANG GZUGS LA SOGS PA'I PHYI NANG GI DNGOS PO GZHAN DBANG 'DI TZAM LA BDAG TU 'DZIN PAS DE NYID STONG GZHIR BZUNG NAS STONG PA GTAN LA DBAB DGOS KYI YONGS GRUB LA NGO BO NYID GZHAN GNYIS DON GZHAN DU YOD DO SNYAM DU BZUNG NAS 'KHRUL BA MIN PAS YONGS GRUB NGO BO NYID GZHAN GNYIS DON GZHAN DU YOD PAS STONG NGO ZHES BDAG MED GTAN LA 'BEBS PA GA LA YIN, CHOS BDAG YOD PAR 'DZIN PA YANG LA LA ME YOD PAR 'DZIN PA LTA BU DON GZHAN CIG YOD PAR 'DZIN PA MIN TE, RANG GI SEMS PHYI'I YUL DANG NANG GI YUL CAN DU SO SO RGYANGS CHAD DU SNANG BA NA JI LTAR SNANG BA DE BZHIN DU GRUB PAR 'DZIN PAS DE'I GNYEN POR YUL YUL CAN DU SNANG BA DE GZUNG 'DZIN RDZAS GZHAN DU MA GRUB CES STON GYI GZUNG 'DZIN DON GZHAN DU DE LA MED DO ZHES STON PA MIN NO, ,DES NA DBUS MTHA'I 'GREL BSHAD LAS KYANG GTZUG LAG KHANG DGE SLONG LA SOGS PAS STONG BA LTAR MIN GYI THAG PA SPRUL GYIS STONG BA LTAR YIN PAR GSUNGS TE, CHOS BDAG GIS STONG TSUL GZHAN YANG DE LTAR RO, ,DES NA 'JIG RTEN NA 'DRE SHAR SGOR GNOD PA LA GLUD NUB SGOR GTONG ZHES PA LTAR MA SONG BAR GANG LA BDAG TU BZUNG BA'I GZHI GZHAN DBANG DE JI LTAR BZUNG BLTAR GYI KUN BRTAGS KYI BDAG GIS STONG PA YONGS GRUB YIN PA'I STONG TSUL DE 'DRA'I STONG NYID BSGOMS NA, BDAG 'DZIN GYI GNYEN POR 'GRO BA YIN GYI LUGS DE LAS GZHAN PA'I STONG TSUL GYI STONG PA BSGOMS NA NI BDAG 'DZIN LA CI YANG MI GNOD DO, ,GNOD @37A *, ,'JOMS KYIS BSHAD PA NI RTOG PA LA RJOD BYED SGRA SPYI DANG BRJOD BYA DON SPYI SNANG BA NI KUN BRTAGS KYI MIG DANG, GZUNG BA GZUGS KYI SKYE MCHED LA DE 'DZIN PA'I BDAG NYID KYI MIG TU SNANG BA NI RNAM BTAGS KYI MIG DANG, SGRA DON GYI SPYIR GYUR BA'I BRJOD PAR BYA BYED DANG BRAL BAS BRJOD DU MED CING, MIG GI GZUNG 'DZIN DU SO SOR SNANG BAR GYUR PA DANG BRAL TE MNYAM GZHAG SO SO RANG RIG GIS RIG PA'I YONGS GRUB NI CHOS NYID KYI MIG TU 'DOD PAS, MIG GI CHOS NYID DE 'PHAGS PA'I MNYAM GZHAG GIS RIG PA'I DON BRJOD BYA RJOD BYED DANG GZUNG 'DZIN DU SNANG BA'I GNYIS SNANG DANG BRAL BA LA NGO BO NYID GZHAN GNYIS KYES MNYAM GZHAG GI YUL DE STONG ZHES BYA STE GNYIS SNANG SNGA MA NI KUN BRTAGS DANG PHYI MA NI RNAM BTAGS YIN PA'I PHYIR RO, ,DE LTAR YANG DE NYID LAS, DE LA BRJOD PAR BYA BA DANG BRJOD PA'I RNAM PAR BZUNG BA'I MIG CES BYA BA'I DNGOS PO NI KUN BRTAGS PA'I MIG YIN NO, ,DE NYID GZUNG BA DANG 'DZIN PA'I BDAG NYID DU GNAS PA MIG GI RNAM PAR SO SOR SNANG BA NI RNAM PAR BTAGS PA'I MIG GO, DE NYID BRJOD PAR BYA BA DANG BRJOD PA'I RNAM BA DANG BRAL ZHING BRJOD DU MED PA SNANG BA DANG BCAS PAR GYUR PA DANG BRAL TE SO SO RANG GIS RIG PA YONGS SU GRUB PA'I NGO BO NYID NI CHOS NYID KYI MIG CES BYA'O, ,ZHES DANG, 'DI LTAR KHYOD DON DAM PA YID LA BYED BA SGOM PA'I TSE 'DU BYED KYI MTSAN MA'I DNGOS PO MI SNANG BAS DON DAM PAR NI DRE MED KYI KUN RDZOB TU YOD PAR SHES PAR GYIS SHIG ,CES 'PHAGS PA'I MNYAM GZHAG GI DON GNYIS SNANG MED @37B PA LA BSHAD PA'I PHYIR RO, ,DES NA DE GZHI'I LTA BA CHOS KYI BDAG MED KYI YONGS GRUB GTAN LA 'BEBS PA'I TSUL MIN NO, ,GNOD 'JOMS LAS 'PHAGS PA'I MNYAM GZHAG GI DO NA YOD PA TZAM LA DON DAM PAR YOD PA ZHES BSHAD KYANG MNYAM GZHAG GIS DE KHO NA NYID RTOGS PAR 'DOD PA THAMS CAD KYANG RANG GI YUL CAN GYI DON YUL YOD PAR 'DOD PA KHO NA YIN PAS DON DAM PAR YOD MED RTZOD PA'I DON DAM PAR YOD PA DE GA LA YIN, YIN LUGS DPYOD PA'I RIGS PAS DPYAD BZOD PA'I DON DAM PAR YOD PA DES GTAN MI 'DOD PA NI STONG PA NYID STONG PA NYID DANG DON DAM PA STONG NYID DANG 'DUS MA BYAS STONG PA NYID KYI SKABS SU DE LTAR 'DOD PA LA DMIGS KYIS PHYE BA'I DGAG BDUM BRJOD PAS SHES TE MANGS PAS 'JIGS NAS MA BRIS SO, ,YUM GYI MDE NYID LAS, GZUGS NAS RNAM MKHYEN GYI BAR RE RE LA GSUM GSUM GYI RNAM GZHAG BYAS NAS STONG GZHI RNAM BTAGS DGAG BYA KUN BRTAGS KYIS STONG BA CHOS NYID YONGS GRUB TU BSHAD PAS RNAM BTAGS KYI MIG KUN BRTAGS KYI MIG GIS STONG BA NI CHOS NYID DU BSHAD DGOS PA'I PHYIR, MNYAM GZHAG GI DON SNGA MA GNYIS KYIS PHYI MA STONG BA MDO'I DON DU 'CHAD PA YANG LEGS PAR MI SNANG NGO, ,'DI LAS NYAN THOS KYI SKYES BU CHEN PO'I RNAM RTOG BRGYAD RNAM 'GREL DU KHA 'PHANGS PA BZHIN DU NYI KHRI RNAM 'GREL NA YOD CING, GZHAN DBANG DANG YONGS GRUB GNYIS KA YIN LUGS DPYOD PA'I RIGS PAS DPYAD BZOD BKAG PA'I PHYIR DANG, DBYIG GNYEN GYIS YUM GYI MDO'I DGONGS PA'I DON DGONGS 'GREL @38A *, ,GYIS BSHAD PA BZHIN DU BYED DGOS PAR RNAM BSHAD RIGS PA LAS BSHAD PA DANG BSHAD TSUL CHES SHIN TU MI MTHUN PA'I PHYIR DBYIG GNYEN GYIS MDZAD PA MIN LA, SNGON GYI YI GE RNYING PA RNAMS LAS DAmshtA SE NAS MDZAD PAR GRAGS PA LTAR YIN NO, ,GSUM PA NI, DNGOS PO'I DE KHO NA NYID SLOB DPON SKU MCHED KYIS BKRAL BA'I TSUL DE LTAR BYAS NA, 'KHOR LO DANG PO LAS PHYI ROL GYI DBANG DU BYAS PA'I GZUNG 'DZIN GNYIS GSUNGS PA DRANG DON DU 'GREL BA'I DGONGS GZHI NI NYI SHU PA LAS, RANG GIS BAN GANG LAS SU, ,RNAM RIG SNANG BA GANG 'BYUNG BA, ,DE DANG DE YI SKYE MCHED NI, ,RNAM PA GNYIS SU THUB PAS GSUNGS, ,ZHES GSUNGS PA DANG, DGOS PA YANG DE NYID LAS, GZUGS SOGS SKYE MCHED YOD PAR NI, , DES 'DUL BA YI SKYE BO LA, ,DGONGS PA'I DBANG GIS GSUNGS PA STE, ,BRDZUS TE 'BYUNG BA'I SEMS CAN BZHIN, ,ZHES GSUNGS PA LTAR YIN TE, PHYI NANG GI SKYE MCHED LAS GZUGS LTA BA SOGS KYI RNAM SHES 'BYUNG PAR BSTAN PA NA DE DAG LAS MA GTOGS PA'I LTA BA PHO LA SOGS PA MED PAR RTOGS PA'I DON DU'O, ,SGRA JI BZHIN PA LA GNOD BYED NI PHYI ROL 'GOG PA'I RIGS PA RNAMS SO, ,CHOS RNAMS LA NGO BO DANG KHYAD PAR DU BTAGS PA'I KUN BRTAGS NI CHOS KYI KHAMS DANG SKYE MCHED YIN PAS DE GNYIS LAM PHYE BAR RANG GI MTSAN NYID KYIS GRUB PAR GSUNGS PA YANG DRANG DON NO, ,KUN LAS BTUS LAS SHIN TU RGYAS PA LAS CHOS THAMS CAD NGO BO NYID MED PAR GSUNGS PA NGO BO NYID MED PA GSUM LA DGONGS NAS @38B GSUNGS PAR BA SHAD CING, THEG BSDUS LAS SHIN TU RGYAS PA LAS MED CES GSUNGS PA THAMS CAD KYIS KUN BRTAGS DANG SGYU MA LA SOGS PA'I DPE BSTAN PA RNAMS KYIS GZHAN DBANG DANG RNAM PAR BYANG BA BZHIS YONGS GRUB BSTAN PAR GSUNGS PA'I MDO NI YUM GYI MDOR SNANG BAS 'KHOR LO GNYIS PA DRANG DON DU BSHAD PA YANG DE NYID DANG DE DANG MTHUN PA RNAMS LA BZHID DO, ,RNAM BSHAD RIGS PAR YANG YUM GYI MDO LAS NGO BO NYID MED PA SOGS SU BSHAD PA SGRA JI BZHIN PAR 'DOD PA BKAG CING; DGONGS PA NGES PAR 'GREL BA'I MDO LAS CHOS THAMS CAD NGO PO NYID MED PA ZHES BYA BA DE LTA BU LA SOGS PA DE THAMS CAD NGES PA'I DON MA YIN PAR 'RGYUR LA, ZHES GSUNGS PAS YUM GYI MDO 'KHOR LO GNYIS PAR BZHED DO, ,'DI DRANG DON DU 'CHAD TSUL NI 'KHOR LO DANG PO LAS GZUNG 'DZIN GSUNGS PA DRANG DON DU 'GRO LUGS DANG CHES SHIN TU MI 'DRA STE, 'DI LTAR MIG GI RNAM SHES RNAM SMIN GYI BAG CHAGS ZHES BYA BA RANG GI SA BON SMIN PA GANG LAS BYUNG BA'I SA BON DANG SNANG BA LA DGONGS NAS MIG DANG GZUGS KYI SKYE MCHED YOD PAR GSUNGS PA'I DGONGS PA'I DON NI THEG DMAN GYI MDO DE DAG GI BRJOD BYA'I DON DU MI RUNG LA, GANG LA DGONGS NAS NGO BO NYID MED PAR GSUNGS PA'I NGO BO NYID MED TSUL GSUM NI YUM GYI MDO'I DON DU 'CHAD PA'I PHYIR DANG, PHYI ROL DON GYI SKYE MCHED YOD PA THEG DMAN GYI MDO'I DON DU 'CHAD LA NGO BO NYID MED TSUL MA PHYE BAR DON DAM PAR NGO BO YE MED DU 'DOD PAR YUM GYI MDO'I DON YIN PAR MI 'CHAD PA'I PHYIR RO, ,DES NA 'DI DAG GIS @39A *, ,MA PHYE BAR CHOS THAMS CAD DON DAM PAR NGO BO NYID MED PAR 'CHAD PA YUM GYI MDO'I DON YIN YANG DE DRANG DON YIN ZHES MI 'GREL GYI DE 'DRA BA DE SGRA JI BZHIN PAR GZUNG DU MI RUNG BA'I PHYIR DON DE TZAM ZHIG TU MA NGES KYI DA DUNG DE'I DON BSHAD DGOS PA'I SGO NAS DRANG DON DU 'CHAD DO, ,'CHAD LUGS NI KUN BRTAGS KYI CHOS RNAMS RANG GI MTSAN NYID KYIS MA GRUB PAS DON DAM PAR NGO BO MED PA DANG, GZHAN DBANG GI CHOS RNAMS RNAM PAR DAG PA'I DMIGS PA'I DON DAM DER MA GRUB PAS DON DAM PAR NGO BO NYID MED PA DANG YONGS GRUB KYI CHOS RNAMS DON DAM PA YANG YIN LA CHOS RNAMS KYI BDAG GI NGO BOR MED PAS DON DAM PAR NGO BO NYID MED DO ZHES DE LTAR 'GREL BA'O, ,DE'I PHYIR SGRA JI BZHIN PA'I DON DU 'DZIN PA NI YUM GYI MDO GANG GI CHED DU GSUNGS PA'I GDUL BYAR MI 'DOD PAS DE'I CHED DU BYA BA'I GDUL BYA NI MDO DE'I DON DGONGS 'GREL GYIS BKRAL BA BZHIN DU RTOGS PA LA BZHED PAS 'KHOR LO PHYI MA GNYIS KYI DGONGS PA NI GCIG YIN NO, ,SHIN TU RGYAS PA LA MOS KYANG SGRA JI BZHIN PAR BZUNG NAS MDO DE'I DON SGRA JI BZHIN PA'I DON YIN NO ZHES SMU BA BKAG NAS SGRA JI BZHIN PA'I DON MIN PA'I MDO YI DON YOD PA DE DGONGS 'GREL GYIS GSAL BAR 'CHAD PAS DE LA NGES DON DANG, YUM GYI MDOS DON DE GSAL BAR MA PHYE ZHING SGRA JI BZHIN BAR GZUNG DU MI RUNG BAS DRANG DON ZHES ZER RO, ,SGRA JI BZHIN PA LA GNOD BYED NI SGRA JI BZHIN PAR BZUNG NA MTSAN NYID GSUM GA RANG GI MTSAN NYID KYIS MA GRUB PAR 'DZIN @39B PA'I SKUR 'DEBS SU SNGAR GSUNGS PA DE NYID DO, ,RNAM BSHAD RIGS PA LAS KYANG, SHES RAB KYI PHA ROL TU PHYIN PA LAS, CHOS THAMS CAD NI NGO BO NYID MED PA ZHES BYA BA DE LTA BU LA SOGS PA 'DI LAN MANG DU BSTAN LA, YANG DE NYID LAS BSHAD PA BYANG CHUB SEMS DPA' SKYON MED PA LA 'JUG PAR 'DOD PA DANG, ZHES PA NAS SDIG PA THAMS CAD SO SOR BSHAGS PA LA SOGS PA YANG BSTAN PA'O, ,ZHES PA'I BAR DU BSHAD NAS, GAL TE NGO BO NYID MED PA LA SOGS PA'I TSIG RNAMS SGRA JI BZHIN KHO NA'I DON YIN NA 'DI THAMS CAD DANG 'GAL BAR 'GYUR TE, BLANG BAR BYA BA RNAMS CI YANG MED PA'I PHYIR RGYU 'DI LAS 'DI LTA BUR 'GYUR RO ZHES DE LTAR BLANG BA NI RUNG BA MA YIN NO, ,YANG NA DE LTAR BLANG BAR BYA BA NI CI ZHIG BLANG BAR BYA BA NI CI ZHIG BLANG BAR SEMS, DE LTA BAS NA TSIG DE RNAMS NI SGRA JI BZHIN GYI DON DU NGES PAR GZUNG BAR MI BYA'O, ,'O NA CI ZHE NA DGONGS PA CAN NO, ,ZHES NGO BO NYID MED PA LA SEGS PA SGRA JI BZHIN PA YIN NA NANG 'GAL STON NO, ,'GAL TSUL NI NGO BO NYID MED NA 'DI DANG 'DI THOB PAR 'DOD PAS YUM LA BSLAB PAR BYA ZHES PA'I BLANG BYA DANG THOB 'DOD KYI 'DOD PA DANG, SPYIN PAS LONGS SPYOD CHEN PO SOGS SU 'GYUR BA'I RGYU 'BRAS MI RUNG ZHES SMRA STE GTZO CHER GZHAN DBANG MI RUNG ZHES BZHED DO, ,YUM GYI MDO NGES DON DU BZHED PA RNAmS KYANG DE YANG 'JIG RTEN GYI THA SNYAD DU YIN GYI DON DAM PAR NI MA YIN NO, ,ZHES BLANG DOR DANG RGYU 'BRAS SOGS LA YANG YANG GSUNGS BA LTAR 'DOD KYI SPYIR NGO BO YE MED DAM THA SNYAD DU MED PAR MI 'DOD LA MDO NAS RE RE LA MA SBYAR YANG SPYI LA SBYAR ZIN PAS @40A *, ,DON DAM PAR MED PA SGRA JI BZHIN PAR 'DOD NA RGYU 'BRAS SOGS MI RUNG ZHES PA'I DON YIN TE, BYANGS DANG BSDU BA LAS KYANG DON DAM PAR THAMS CAD MA GRUB PA SKUR 'DEBS SU BSHAD CING BKAG PA'I PHYIR RO, ,DON DAM PA LA BRTZAMS NAS GSUNGS PA'I GSUNG RAB KYI DRANG NGES 'BYED PA NI SGRA JI BZHIN PA LA RIGS BA'I GNOD PA YOD MED LA THUG LA 'DIR GNOD PA BSTAN PA LA NI, DON DAM PAR YOD PA LEGS POR 'GOG SHES SHING DE LTAR KHEGS PA'I DNGOS PO LA RGYU 'BRAS DANG 'CHING GROL SOGS TSAD MAS GRUB PAR 'JOG LEGS POR SHES NA LAN THEBS SO, ,DE LTA MIN PAR MYU GU'I SKYE BA CHAD MAS GRUB NA DON DAM PA'I SKYE BAR SONG NAS 'KHRUL SHES KYIS SKYE BAR RLOMS PA'I DOR SKYE BAS KUN RDZOB TU DE DAG THAMS CAD 'THAD DO, ,ZHES SMRA BAS NI GNOD PA SPONG MI NUS PAS RNAL 'BYOR SPYOD PA PA RNAMS KYIS BKRAL BA'I TSUL 'DI LA BRTEN NA MDZES SO, ,DRANG DEN DU 'GREL LUGS LA SGO MANG PO YOD KYANG RNAL 'BYOR SPYOD PA PAS 'KHOR LO GNYIS PA DRANG DON DU 'GREL LUGS NI DE KHO NA LTAR YIN PAR BLO DANG LDAN PA RNAMS KYIS SHES PAR BYOS SHIG ,DGONGS 'GREL LAS 'KHOR LO RIM PA GSUM GSUNGS PA NI 'KHOR GYI 'DU THEBS DANG STON PA'I SKU TSE'I TSIGS LA SOGS PAS 'JOG PA MIN GYI BRJOD BYA'I NGOS NAS YIN NO, ,DE YANG BDAG MED PA'I DON GTAN LA 'BEBS BA'I DBANG DU BYAS PA STE, DANG POR LWA RA n'A SIR GANG ZAG GA BDAG MED GSUNGS SHING PHUNG PO LA SOGS PA'I CHOS NYUNG SHAS GCIG MA GTOGS PA BDEN PAR GRUB PA MA BKAG CING @40B BDEN PAR YOD PA MANG DU GSUNGS PA'I SKOR GCIG GO , DE NAS RNAM DBYE MA MDZAD PAR PHUNG SOGS KYI CHOS THAMS CAD BDEN PAR GRUB PA BKAG PA'I SKOR GCIG GO , DE NAS DE LA NGO BO NYID DANG PO RANG GI MTSAN NYID KYIS MA GRUB CING GZHAN GNYIS RANG GI MTSAN NYID KYIS GRUB PA'I TSUL SO SOR PHYE BA'I SKOR GCIG BYUNG BAS DE'I DBANG DU MDZAD PA STE, STON TSUL DE DAG LAS GZHAN DU STON PA'I MDO SDE GZHAN RNAMS 'DI'I DRANG NGES DPYOD PA'I GZHIR 'OD DON MED DO, ,SHER PHYIN MAN NGAG LAS MDO GANG DAG GI DON SGRA JI BZHIN PA YIN PA DE NI NGES PA'I DON KHO NA'O, ,DON DE LA NI DON GNYIS PA YOD BA MA YIN TE 'DI'I DON NGES PA KHO NA'O ZHES BYA BAS NA NGES PA'I DON TO, ,GANG GIS DON NGES SHE NA MDO DE NYID DANG DE LAS GZHAN PA DANG GNYIS KAS KYANG NGO, ,ZHES BSHAD DE, DANG PO NI LANG GSHEGS DANG DGONGS 'GREL SOGS LA 'DOD DE DE DAG GIS NGO BO NYID YOD MED GSAL BAR PHYE'O SNYAM DU BSAM SO, ,GNYIS PA NI BRGYAD STONG PA SOGS LA 'DOD DE 'DI LAS NGO BO NYID YOD MED DGONGS 'GREL BZHIN DU PHYE BA MED PA LA BSAMSO, ,GSUM PA NI NYI KHRI LA SOGS LA 'DOD DE 'DI'I BYAMS ZHUS KYI LE'UR SGRA JI BZHIN GYI DON DU ZHEN PA'I PHYIN CI LOG SPONG BA DRANG DON GYI BSHAD PA YOD PA DANG DGONGS 'GREL GYIS KYANG 'DI'I DRANG DON 'GREL BAS SNYAM DU BSAMS SO, ,BAR PA LA BYAMS ZHAS KYI LE'U ME DPA'I GNAD KYIS SO, ,DE'I LTAR NA BYAMS ZHUS KYI LE'U MTSAN NYID GSUM RNAM PAR BZHAG PA DANG DGONGS 'GREL GYIS BSHAD PA GNYIS DON GCIG TU BZHED DO, ,DE GNYIS DON @41A *, ,GCIG NA DE LTAR 'THAD KYANG DBYIG GNYEN GYIS YUM GYI MDO LAS NGO BO NYID MED PA SOGS SU GSUNGS PA DGONGS 'GREL LA SOGS MDO SDE GZHAN GYIS DRANG DON DU BSGRUBS SHING, YUM GYI MDO NYID LA NI SGRA JI BZHIN PA LA SNGA PHYI'I 'GAL BA BSTAN GYI BYAMS ZHUS KYI LE'US MA BSGRUBS PAS SKU MCHED KYI DGONGS PA MIN NO, ,'DI GNYIS 'DRA MO YOD PAS KHYAD PAR DBYE DKA' BA DANG DE GNYIS DON GCIG NA CHOS THAMS CAD DON DAM PAR NGO BO NYID MED LA THA SNYAD DU YOD PA YUM GYI MDO'I DGONGS PA'I DON DU BSHAD DU MI RUNG BA RNAM RIG PA LTAR 'GYUR ZHING DPYAD GZHI YANG SHIN TU 'GANGS CHE STE DBU MA PA'I SKABS SU BSHAD PAR BYA'O, ,GNYIS PA BLO GROS MI ZAD PAS BSTAN PA LA BRTEN NAS DRANG NGES 'BYED PA'I PHYOGS LA GNYIS, MDO NAS JI LTAR GSUNGS PA DGOD PA DANG, DE'I DON JI LTAR BKRAL BA'O, ,DANG PO NI, MGON PO KLU SGRUB YAB SRAS KYIS DRANG NGES 'BYED PA'I MDO'I KHUNGS DNGOS SU SMOS NAS DRANG NGES PHYE BA MED KYANG MDO'I DON BSHAD PA'I TSUL LAS NI DON GYIS BSHAD PA YOD DO, ,DE YANG TSIG GSAL DANG SHES RAB SGRON MA'I 'GREL BSHAD DANG DBU MA SNANG BA RNAMS SU BLO GROS MI ZAD PAS BSTAN PA KHUNGS SU MDZAD NAS DE BZHIN DU DRANG NGES 'JOG BAR GSUNGS PAS 'DIR MDO DE KHUNGS SU BYA'O, ,MDO SDE DE LAS JI SKAD DU, NGES PA'I DON GYI MDO SDE NI GANG DRANG BA'I DON GYI MDO SDE NI GANG ZHE NA, MDO SDE GANG DAG KUN RDZOB SGRUB PA BSTAN PA DE DAG NI DRANG BA'I DON ZHES BYA'O, ,MDO SDE GANG @41B DAG DON DAM BSGRUB BA BSTAN PA DE DAG NI NGES PA'I DON ZHES BYA'O, ,MDO SDE GANG DAG TSIG DANG YI GE SNA TSOGS PA BSTAN PA DE DAG NI DRANG BA'I DON ZHES BYA'O, ,MDO SDE GANG DAG ZAB MO BLTAR DKA' BRTOGS PAR DKA' BA BSTAN PA DE DAG NI NGES PA'I DON ZHES BYA'O, ,MDO SDE GANG DAG BDAG DANG SEMS CAN DANG SROG DANG GSO BA DANG SKYES BU DANG GANG ZAG DANG SHED LAS SKYES DANG SHED BU DANG BYED PA PO DANG TSOR BA PO SKAD SNA TSOGS KYIS BSHAD PAR BYA BA BDAG PO MED PA LA BDAG PO LTA BUR BSTAN PA DE DAG NI DRANG BA'I DON ZHES BYA'O, ,MDO SDE GANG DAG DNGOS PO STONG PA NYID DANG MTSAN MA MED PA DANG SMON PA MED PA DANG MNGON PAR 'DU BYED PA MED PA DANG SKYE BA MED PA DANG MA SKYES PA DANG, SEMS CAN MED PA DANG SROG MED PA DANG GANG ZAG MED PA DANG BDAG PO MED PA RNAM PAR THAR PA'I SGO STON PA DE DAG NI NGES PA'I DON ZHES BYA STE, 'DI NI NGES PA'I DON GYI MDO SDE LA RTON GYI DRANG BA'I DON GYI MDO SDE LA MI RTON BA ZHES BYA'O, ,ZHES GSUNGS SO, ,DE LA DANG BA GNYIS KYIS NI BDEN PA GNYIS PO LA DRANG NGES SU MDZAD DE BRJOD BYA'I SGO NAS DRANG NGES PHYE BA'O, ,BAR PA GNYIS KYIS NI KUN RDZOB STAN PA NI TSIG MI 'DRA BA SNA TSOGS PAS DON SNA TSOGS STON PA DANG DON DAM STON PA NI RTOGS DKA' BA'I DON SPROS PA RNAM PAR BCAD PA'I RO GCIG PA STON PAR BSHAD DE 'JOG TSUL LOGS PA MIN NO, ,JI 'DRA ZHIG BSTAN PAS KUN RDZOB DANG DON DAM PA BSTAN PAR 'GRO BA'I BSTAN LUGS NI THA MA GNYIS KYIS STON TE, BDAG DANG SEMS CAN SOGS YOD BA LTAR BSTAN PA NI KUN RDZOB STON PA STE, DE @42A *, ,YANG DE TZAM ZHIG STON PA MIN GYI BYED PA PO DE LA LTOS NAS BYA BA DANG BYED PA'I DNGOS PO YOD PAR STON PA THAMS CAD LA BYA'O, ,DNGOS PO RNAMS STONG PA NYID DANG SKYE BA MED PA SOGS SU BSHAD PA NI CHOS RANG BZHIN MED PAR BSHAD PA YIN LA SEMS CAN MED PA SOGS SU STON PA NI GANG ZAG RANG BZHIN MED PAR BSHAD PA STE, STON LUGS DE LTAR STON PA NI DON DAM STON PA'O, ,'DI LA GNYIS BSHAD PA'I GNAD KYIS GONG MA LA YANG CHOS DANG GANG ZAG GNYIS KA YOD PAR STON PA DGOS SO, ,'DI YANG CHOS RTAG PA GZHAN ZHIG KHYAD GZHIR BZUNG NAS SKYE BA MED PA SOGS SU BSHAD PA MIN GYI MDO NYID LAS GSUNGS PA LTAR PHUNG PO LA SOGS PA'I DNGOS PO DANG GANG ZAG KHYAD GZHIR BZUNG NAS DE DAG BDEN PA MED PAR BSTAN PA STE GZHI DE DAG BDEN PAR GRUB PA RNAM PAR BCAD PA TZAM DE NYID DON DAM YIN PAS DON DAM STON PA ZHES BYA'O, ,TING NGE 'DZIN RGYAL PO LAS KYANG, STONG PA BDE BAR GSHEGS PAS BSHAD PA LTAR, ,NGES DON MDO SDE DAG GI BYE BRAG SHES, , GANG LAS SEMS CAN GANG ZAG SKYES BU BSTAN, ,CHOS DE THAMS CAD DRANG BA'I DON DU SHES, ,ZHES DRANG NGES PHYE BA YANG SNGA MA DANG DON MTHUN PAR TSIG GSAL LAS BSHAD DO, ,DRANG DON GYI MDO SDES GDUL BYA KHA DRANG BAR BYA BA YANG YIN MOD KYANG DE NI DRANG ZHES PA'I DON MIN GYI MDO'I DON DE'AM DE LAS GZHAN DU DRANG DGOS MI DGOS KYI DRANG TSUL DE YIN NO, ,DON DRANG DGOS PA 'DI LA GNYIS LAS, PHA DANG MA NI BSAD BYAS SHING, ZHES PHA MA BSAD PAR GSUNGS PA NI DNGOS ZIN GYI DON PHA MA LAS GZHAN DU @42B LAS KYI SRID PA DANG SRED PA LA DRANG DGOS PA LTA BU NI TSUL GCIG GO, TSUL GNYIS PA NI, LAS DKAR NAG LAS 'BRAS BU BDE SDUG 'BYUNG BAR GSUNGS PA LA LAS GNYIS KYIS BDE SDUG BSKYED PA DE DE GNYIS KYI YIN LUGS YIN GYI DE MIN PA'I DE DAG GI YIN LUGS MED PAS, MDO DE'I DON GYI DE KHO NA NYID NA DER NGES PAS DE LAS GZHAN DU DRANG DU MI RUNG NGO ZHES SMRA BA LA, DE'I DON GNYIS KYI DE KHO NA NYID NI DNGOS ZIN DE LAS GZHAN DU DRANG DGOS SO ZHES 'CHAD PA LTA BU'O, ,DES NA DBU MA SNANG BA LAS, NGES PA'I DON KYANG GANG LA BYA ZHE NA, TSAD MA DANG BCAS PA DANG DON DAM PA'I DBANG DU MDZAD NAS BSHAD PA GANG YIN PA STE, DE NI DE LAS LOGS SHIG TU GZHAN GYIS GANG DU YANG DRANG BAR MI NUS PA'I PHYIR RO, ,ZHES GSUNGS TE, JI LTAR BSTAN PA LTAR GYI DON YOD MED LA DRANG NGES SU BYED NA TSAD MA DANG BCAS PAS CHOG KYANG DES MI CHAG PAS DON DAM PA'I DBANG DU MDZAD PA ZHES GSUNGS SO, ,DES NAS BON LAS MYU GU SKYE BA SOGS GSUNGS PA LA BSTAN PA LTAR GYI DON LA TSAD MA'I SGRUB BYED YOD KYANG DON DAM PA'I DBANG DU MDZAD PA MIN PAS DRANG DON YIN TE 'DI'I DON LAS DON GZHAN 'DREN LUGS BSHAD ZIN PA LTAR RO, ,DES NA DNGOS PO RNAMS LA BDEN PA'I SKYE BA MED PAR GSUNGS PA NI TSAD MA DANG YANG LDAN LA JI LTAR BSTAN PA'I DON DE CHOS DE'I DE KHO NA NYID MIN PAR DON GZHAN DU YANG DRANG MI NUS PA DE 'DRA BA'I MDO SDE RNAMS NGES PA'I DON TE, 'DREN TSUL GNYIS GANG GI SGO NAS KYANG GZHAN DU DRANG BAR MI NUS PA'I PHYIR RO, ,'DI'I DON GZHAN DU DRANG DGOS MI DGOS KYI DBANG DU BYAS NAS DRANG NGES 'JOG @43A *, ,PA NA GSUNG RAB NYID DRANG NGES KYI MTSAN GZHIR GZUNG LA, GZHAN DU DRANG DGOS MI DGOS KYI DON LA DRANG NGES SU 'JOG PA NA KUN RDZOB DANG DON DAM LA DRANG NGES SU BYA STE, SA YI DNGOS GZHI LAS GANG ZAG LA MI RTON PAR CHOS LA RTON PA'I CHOS LA TSIG DON GNYIS DANG DON LA DRANG NGES GNYIS DANG NGES DON LA RNAM SHES LA MI RTON YE SHES LA RTON ZHES GSUNGS PA LTA BU'O, ,YE SHES SNANG BA RGYAN GYI MDO LAS KYANG, NGAS PA'I DON GANG YIN PA DE NI DON DAM PA'O, ,ZHES GSUNGS LA, BLO GROS MI ZAD PAS BSTAN PA LAS, SKYE BA MED PA LA SOGS PA DON DAM PAR BSTAN PAS SKYE BA MED PA LA SOGS PA KHO NA DON DAM PA DANG DE STON PA RNAMS KHO NA NGES PA'I DON DU GZUNG NGO, ,DGAG BYA LA KHYAD PAR SKABS DER MA SBYAR BA'I SKYE BA MED PA LA SOGS PA SGRA JI BZHIN PA MIN PAS NGES DON MA YIN NO SNYAM DU MI GZUNG STE DPER NA 'BUM LAS DE YANG 'JIG RTEN GYI THA SNYAD DU YIN GYI DON DAM PAR MIN NO, ,ZHES CHOS RNAMS KYI SKYE BA SOGS LA SKABS GCIG TU SBYAR NA SKABS GZHAN DU YANG DON GYIS SBYAR ZIN PAS DNGOS SU MA SMOS PA DE DAG KYANG SGRA JI BZHIN PA YIN NO, ,GNYIS PA LA GNYIS, MGON PO KLU SGRUB KYIS MDO'I DON JI LTAR BKRAL BA DANG, DE'I RJES SU 'BRANG BA RNAMS KYIS JI LTAR BKRAL BA'I TSUL LO, ,DANG PO LA GNYIS, RTEN 'BYUNG GI DON RANG BZHIN MED PA'I DON DU BKRAL TSUL DANG, DE NYID GSUNG RAB KYI DON GYI SNYING POR BSNGAGS PA'I TSUL LO, ,DANG PO NI, MDO LAS SKYE 'GAG LA SOGS PA YOD PA DANG MED PA GNYIS KA'ANG BSHAD LA, MDO KHA CIG LAS SKYE BA MED PA SOGS GSUNGS @43B PA NGES DON DANG, KHA CIG LAS DRANG DON DU BSHAD PA RNAMS LAS, DON DAM PAR RAM RANG GI MTSAN NYID KYIS SKYE BA SOGS MED PAR BSHAD PA'I SGRA JI BZHIN PA LA RIGS PA'I GNOD PA YOD NA, RANG GI MTSAN NYID KYIS GRUB PA'I NGO BO DANG SKYE 'GAG SOGS MED PA KUN BRTAGS LA DGONGS SHING GZHAN GNYIS RANG GI MTSAN NYID KYIS GRUB PA DANG, DE'I TSE GANG BKAG PAS BDAG MED PAR STON PA'I CHOS KYI BDAG NI CHOS RNAMS LA NGO BO DANG KHYAD PAR DU BTAGS PA'I NGO BOR RANG GI MTSAN NYID KYIS GRUB PA DANG, GZUNG 'DZIN RDZAS THA DAD KYI KUN BRTAGS TZAM LA BSHAD NAS, DE DAG GIS DBEN PA NYID DE KHO NA NYID MTHAR THUG PAR 'CHAD PA YANG RIGS NA, GNOD PA DE NI YOD PA MA YIN TE, 'DI LTAR DON DAM PAR RAM RANG GI MTSAN NYID KYIS GRUB PA'I RANG BZHIN YOD NA 'BRAS BU RNAMS RGYU DANG RKYEN LA LTOS PAR SHIN TU 'GAL BA'I PHYIR RO, ,DES NA RGYU RKYEN LA RAG LAS PA NYID KYIS RANG GI MTSAN NYID KYIS GRUB PA MED PA YIN PA LA, RANG GI MTSAN NYID KYIS MA GRUB NA BCINGS GROL DANG BLANG DOR DANG RGYU 'BRAS SOGS MED PAR 'GYUR RO ZHES SMRA BA NI, RANG GI MTSAN NYID KYIS GRUB PA'I RANG BZHIN GYIS STONG PA'I SGRUB BYED MTHAR THUG PA LA GNOD BYED MTHAR THUG PAR 'DZIN PA YIN NO ZHES 'CHAD BA 'DI NI MGON PO KLU SGRUB KYIS YUM GYI MDO DANG DE DANG RJES SU MTHUN PA'I GSUNG RAB RNAMS KYI DON GZHAN DU DRANG DU MI RUNG BAR DON DER NGES PA'I NGES DON DU SGRUB PA'I SGRUB BYED KYI RIGS PA DANG, DE DAG DANG MI MTHUN PAR STON PA'I MDO RNAMS KYI SGRA JI BZHIN PA LA RIGS PA'I @44A *, ,GNOD PA STON PA'I SHING RTA'I SROL PHYE BA YIN NO, ,RANG GI MTSAN NYID KYIS MA GRUB PAR MTHONG NA MTSAN NYID GSUM GA LA SKUR 'DEBS KYI LTA BA SKYE BAR DGONGS 'GREL LAS GSUNGS PA NI, DE LTAR GANG MTHONG THAMS CAD LA MIN GYI BLO MCHOG DANG MI LDAN PA'I GDUL BYA LA YIN NO, ,DE'I PHYIR GDUL BYA'I BSAM PA'I DBANG GIS DE LTAR GSUNGS KYI STON PA'I BZHED PA MIN TE, BLO MCHOG GI GDUL BYAS NI RGYU 'BRAS RNAM PAR GZHAG DGOS PA NYID KYIS RANG GI MTSAN NYID KYIS STONG PAR RTOGS PAS DE LA NI DE NYID SKUR 'DEBS KYI LTA BA 'GOG PA'I THABS SU 'GYUR BA'I PHYIR RO, ,GDUL BYA DE LA LTOS TE YUM GYI MDO DRANG DON DANG DGONGS 'GREL NGES DON DU 'GRO STE, BZHI BRGYA PA LAS, BDAG MED PA BSTAN PA'I SNOD DU MI RUNG BA'I GDUL BYA LA BDAG DANG BDAG MED BSTAN PA GNYIS SNGA MA MCHOG TU GSUNGS PA BZHIN NO, ,RTZA SHE LAS KYANG, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL PAR 'GYUR, ,ZHES SOGS KYIS, CHOS RNAMS RANG GI MTSAN NYID KYIS YOD PA'I RANG BZHIN GYIS STONG NA SKYE 'JIG MI RUNG BAS 'KHOR 'DAS KYI RNAM GZHAG THAMS CAD MI 'THAD PAR BRTZAD PA NI YUM GYI MDO LA SOGS PA SGRA JI BZHIN PA LA GNOD BYED KYI RIGS PA BSTAN PA'O, ,DE'I LAN DU, GAL TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES SOGS KYIS RANG BZHIN GYIS MI @44B STONG BA LA SKYE 'JIG GI RTEN 'BREL MI RUNG BAS RNAM GZHAG THAMS CAD MI 'THAD LA RANG BZHIN GYIS STONG PA'I PHYOGS LA DE DAG THAMS CAD CHES 'THAD DO ZHES RANG BZHIN GYIS STONG BA'I DON RTEN 'BYUNG GI DON DU GSUNGS SO, ,SLOB DPON GYIS TSUL 'DI NYID DBU MA'I BSTAN BCOS RNAMS SU RIGS PAS GTAN LA 'BEBS PAS NI, SKYE BA LA SOGS PA BDEN PA MED PAR GSUNGS PA'I GSUNG RAB KYI SGRA JI BZHIN PA LA RIGS PA'I GNOD PA CUNG ZAD KYANG MED PAR 'CHAD PA YIN LA, DE MED NA SGO GZHAN NAS DE DAG DRANG DON DU 'GREL BA'I THABS KYANG MED PAS DE RNAMS NGES PA'I DON DU SHIN TU 'GRUB PA LA DGONGS NAS TSIG GSAL LAS, SLOB DPON GYIS DRANG BA DANG NGES PA'I DON GYI MDO'I RNAM PAR DBYE BA BSTAN PAR BYA BA'I PHYIR DBU MA'I BSTAN BCOS 'DI MDZAD PA YIN NO, ,ZHES CHOS RNAMS LA 'GAG PA NAS DON THA DAD PA'I BAR BRGYAD YOD PAR GSUNGS PA DANG MED PAR GSUNGS PA GNYIS 'GAL LO ZHES BRTZAD PA'I LAN DU DE LTAR GSUNGS SHING, YANG DE NYID LAS, DE LTA BUR BSTAN BA'I DGONGS PA MI SHES PAS, 'DIR DE KHO NA'I DON CAN GYI BSTAN PA NI GANG ZHIG YIN, DGONGS PA CAN NI 'DIR GANG ZHIG YIN SNYAM DU GANG ZHIG THE TSOM DU 'GYUR BA DANG, GANG ZHIG BLO ZHAN PA NYID KYIS DRANG BA'I DON GYI BSTAN PA LA NGES PA'I DON DU RTOGS PA DE GNYI GA'I THE TSOM DANG LOG PA'I SHES PA DAG RIGS PA DANG LUNG GNYIS KYI SGO NAS BSAL BAR BYA BA'I PHYIR, SLOB DPON GYIS 'DI BRTZAMS SO, ,ZHES KYANG GSUNGS SO, ,MDO KUN LAS BTUS BA LAS CHOS ZAB MO GANG YIN DRIS PA'I @45A *, ,LAN DU 'BUM DANG RDO RJE GCOD PA DANG SHER PHYIN BDUN BRGYA PA LA SOGS PA ZAB MO STON PA'I MDO RNAMS DRANGS SHING, RIGS TSOGS KYIS KYANG 'DI DAG GI DON JI LTAR BSTAN PA LAS GZHAN DU DRANG DU MI RUNG BAR NGES PAR MDZAD PA'I PHYIR DE DAG NGES PA'I DON DANG DE DAG LAS GZHAN DU GSUNGS PA RNAMS DGONGS PA CAN DU BZHED DE, BYANG CHUB SEMS 'GREL LAS, 'DI DAG THAMS CAD SEMS TZAM ZHES, ,THUB PA YIS NI GANG GSUNGS PA, ,BYIS RNAMS SKRAG PA SPANG DON DE, ,DE NI DE BZHIN NYID MA YIN, ,ZHES PHYI ROL BKAG NAS SEMS TZAM ZHIG LA RANG BZHIN SGRUB PA SGRA JI BZHIN PA MIN PAR GSUNGS LA RIN CHEN PHRENG BA LAS KYANG, BRDA SPRAD PA DAG JI LTA BUR, ,YI GE'I PHYI MO KLOG 'JUG LTAR, ,DE BZHIN SANGS RGYAS GDUL BYA LA, , JI TZAM BZOD PA'I CHOS STON TE, ,KHA CIG LA NI SDIG PA LAS, ,RNAM PAR BZLOG PHYIR CHOS STON TO, ,KHA CIG BSOD NAMS BSGRUB PA'I PHYIR, ,KHA CIG LA NI GNYIS RTEN PA, ,KHA CIG LA NI GNYIS MI RTEN, ,ZAB MO KHU 'PHRIG CAN 'JIGS PA, , STONG NYID SNYING RJE'I SNYING PO CAN, ,BYANG CHUB SGRUB PA KHA CIG LA'O, ,ZHES TSIGS BCAD DANG POS STON PAS GDUL BYA LA BLO DANG JI TZAM 'TSAM PA'I CHOS STON PA DANG, DE NAS RKANG PA GSUM GYIS MNGON MTHO LAS BRTZAMS TE STON PA DANG, DE NAS GCIG GIS DON SMRA GNYIS KYI RIGS CAN LA GANG ZAG GI BDAG NI MED KYI GZUNG 'DZIN GNYIS YOD PA LAS BRTZAMS NAS DANG, DE NAS GCIG GIS THEG PA CHEN PO'I RIGS CAN 'GA' ZHIG LA GZUNG 'DZIN GNYIS MED KYI GNYIS STONG YOD @45B PA DANG, DE NAS GSUM GYIS NI GDUL BYA BLO RAB KYI THEG CHEN LA DMIGS PA CAN RNAMS SKRAG PA SKYE BA'I CHOS RANG BZHIN MED PA DANG SNYING RJE CHEN PO LAS BRTZAMS NAS STON PAR GSUNGS SO, ,DES NA JI SRID DU GANG BDEN PA MED PAR BSTAN PA DE LA BCINGS GROL SOGS KYI RNAM GZHAG THAMS CAD BZHAG PAS MI CHOG PA DE SRID DU KHA CIG MI BDEN LA KHA CIG BDEN PA'I RNAM DBYE MDZAD DGOS TE, BDAG MED PA'I PHYOGS RE BSTAN NAS RIM GYIS 'KHRID DGOS LA RGYU 'BRAS 'JUG PA'I GZHI MED NA NYI TSE BA'I STONG PA DE YANG GZHAG TU MI RUNG BA'I PHYIR RO, ,DE'I PHYIR GANG ZAG LA RANG BZHIN BKAG NAS PHUNG PO LA PHAL CHER MA BKAG PA DANG, GZUNG 'DZIN RDZAS GZHAN BKAG NAS GNYIS STONG LA RANG BZHIN MI 'GOG PA'I TSUL GSUNGS SO, ,GANG GI TSE RTEN 'BYUNG GI DON NYID RANG BZHIN MED PA'I DON DU RTOGS PAR NUS PA NA DE 'DRA BA'I RNAM DBYE MDZAD DON MED DE, RANG BZHIN BKAG PA'I GZHI DE NYID LA RNAM GZHAG THAMS CAD 'THAD PA KHAS BLANGS PAS CHOG PA'I PHYIR RO, ,DE LTA NA'ANG THEG PA MCHOG GI RIGS CAN LA YANG LAS 'BRAS SOGS LA CHAD PAR LTA BA'I NYEN CHUNG BA RNAMS LA NI DGAG BYA BDEN PA RAGS PA 'GA' ZHIG BKAG KYANG PHRA MO NAS MI KHEGS PA SHIN TU MANG LA, PHRA MO NAS 'GEGS PA RNAMS LA NI CHAD MAS GRUB PA'I RNAM GZHAG THAMS CAD BYA SA MED PAR SONG BA CHES SHIN TU MANG BAS MDO DGONGS 'GREL GYIS DRANG NGES PHYE BA DE NI GDUL BYA SHIN TU MANG PO ZHIG THEG PA CHEN PO LA BKRI BA'I @46A *, ,THABS MKHAS CHEN POR SNANG NGO, ,MDO SDE DE GDUL BYA'I DBANG GIS GSUNGS PAR BSHAD PA DE BZHIN DU DE DANG RJES SU MTHUN PAR STON PA RNAMS KYANG SHES PAR BYA LA, DE DAG GI DGONGS PA 'GREL BA'I BSTAN BCOS MDZAD PA POS JI LTAR BKRAL BA LTAR GYA DON DE RANG LUGS LA MI BZHED PA'I BSTAN BCOS KYANG GDUL BYA'I DBANG GIS DE'I BSAM PA DANG MTHUN PAR BKRAL BAR KHONG DU CHUD PAR BYA'O, ,GNYIS PA NI, DE LTAR RGYU DANG RKYEN LA BRTEN NAS 'BYUNG BA'I GTAN TSIGS NYID KYIS CHOS RNAMS LA RANG GI MTSAN NYID KYIS GRUB PA'I RANG BZHIN MED DO, ,ZHES RANG BZHIN GYIS STONG PA'I DON RTEN 'BYUNG GI DON DU GSUNGS PA 'DI NYID RANG GI STON PA SMRA BA GZHAN LAS KHYAD PAR DU 'PHAGS PA'I 'PHAGS CHOS BLA NA MED PAR GZIGS NAS SLOB DPON GYIS GZHUNG MANG POR BCOM LDAN 'DAS LA RTAN 'BYUNG GSUNGS PA'I SGO NAS BSTOD DE, RTZA BA SHES RAB LAS, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BRTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES DANG, RIGS PA DRUG CU PA LAS KYANG, GANG GIS SKYE DANG 'JIG PA DAG ,TSUL 'DI YIS NI SPANGS GYUR PA, ,RTEN CING 'BYUNG BA GSUNG BA YI, ,THUB DBANG DE LA PHYAG 'TSAL LO, ,ZHES DANG, RTZOD ZLOG LAS KYANG, GANG GIS STONG DANG RTEN 'BYUNG DANG, ,DBU MA'I LAM DU DON GCIG PAR, ,GSUNG MCHOG MTSUNGS PA MED PA YI, , @46B SANGS RGYAS DE LA PHYAG 'TSAL LO, ,ZHES DANG, BSAM GYIS MI KHYAB PAR BSTOD PA LAS KYANG, GANG GIS DNGOS PO RTEN 'BYUNG RNAMS, ,NGO BO MED PA NYID DU GSUNGS, ,YE SHES MNYAM MED BSAM MI KHYAB, ,DPE MED DE LA PHYAG 'TSAL LO, ,ZHES GSUNGS TE, DANG POS RTEN 'BYUNG 'GAG SOGS BRGYAD DANG BRAL BAR GSUNGS PA DE GNYIS PAS RTEN 'BYUNG YIN BA'I RGYU MTSAN GYIS DE DAG DANG BRAL BA DANG, GSUM PAS RTEN 'BYUNG DANG DBU MA'I LAM DANG RANG BZHIN GYIS STONG PA RNAMS DON GCIG PA DANG, BZHI PAS RGYU MTSAN DES 'GAG SOGS RANG MTSAN GYIS GRUB PA'I NGO BO DANG BRAL BAR BSTAN NO, ,STON PA'I GSUNG RAB THAMS CAD NI KUN RDZOB DANG DON DAM PA'I BDEN PA GNYIS LA BRTZAMS NAS 'JUG LA, DE GNYIS KYI RNAM DBYE MI SHES NA BSTAN PA'I DE KHO NA NYID MI SHES PAS BDEN PA GNYIS KYI SGO NAS GSUNG RAB 'GREL PA'I TSUL YANG DE NYID YIN TE, GANG BRTEN NAS BTAGS PA DANG BRTEN NAS SKYE BA'I CHOS CAN SNA TSOGS PA ZHIG BSTAN PA THAMS CAD NI KUN RDZOB KYI BDEN PA YIN LA, DON DAM PA NI RGYU MTSAN DES RANG GI MTSAN NYID KYIS GRUB PA MED PA'I STONG PA DE TZAM ZHIG TU ZAD PA'I PHYIR TE, STONG NYID BDUN CU PA LAS, DNGOS PO THAMS CAD RANG BZHIN GYIS, ,STONG PA YIN PAS DNGOS RNAMS KYI, ,RTEN 'BYUNG 'DI NI DE BZHIN GSHEGS, ,MTSUNGS PA MED PAS NYE BAR BSTAN, ,DAM PA'I DON NI DER ZAD DO, ,SANGS RGYAS BCOM LDAN 'DAS KYIS NI, ,'JIG RTEN THA SNYAD BRTEN NAS SU, ,SNA TSOGS THAMS CAD YANG DAG BRTAGS, ,ZHES SO, ,DE'I RANG 'GREL LAS, DON DAM PA NI RTEN CING 'BREL PAR 'BYUNG BA'I @47A *, ,DNGOS PO THAMS CAD RANG BZHIN GYIS STONG NGO ZHES BYA BA DER ZAD DO, ,ZHES GSUNGS PA BZHIN DU DON DAM BDEN PA BZHED PAS DGAG BYA LA MI 'DRA BA'I KHYAD PAR YOD PA MA GTOGS PA DGAG GZHI RTEN 'BREL LA RANG GI DGAG BYA'I BDAG RNAM BAR BCAD PA TZAM LA DON DAM BDEN PAR 'JOG PA NI, SHING RTA'I SROL GNYIS MTHUN PAS DE LAS GZHAN PA'I DON DAM 'JOG PA MI RIGS LA, DE NYID BDEN PAR 'DOD PA YANG RTZA SHES LAS, GANG DAG STONG PA NYID LTA BA, ,DE DAG BSGRUB TU MED PAR GSUNGS, ,ZHES GSOR MI RUNG BA'I LTA BA CAN DU BSHAD CING, 'JIG RTEN LAS 'DAS PAR BSTOD PA LAS KYANG, KUN RTOG THAMS CAD SPANG BA'I PHYIR, ,STONG NYID BDUD RTZI STON MDZAD NA, ,GANG ZHIG DE LA ZHAN GYUR PA, ,DE NYID KHYOD KYIS SHIN TU SMAD, ,CES SHIN TU SMAD PA'I GNAS SU GSUNGS SO, ,CHOS CAN RTEN 'BREL DANG CHOS NYID DON DAM PA'I BDEN PA GNYIS RTAN DANG BRTEN PAR YOD PA NI THA SNYAD PA'I SHES NGOR YIN LA MNYAM GZHAG ZAG MED KYI RIGS SHES KYI NGOR MIN PAS DE'I DON CHOS NYID YOD KYANG CHOS CAN MED PAR MI 'GAL MOD, CHOS RNAMS RANG GI MTSAN NYID KYIS GNAS TSUL LA JI LTAR YOD DPYOD PA'I DON DAM DU YOD PA LA NI CHOS CAN MED NA CHOS NYID YAN GAR BA LA GNAS PA'I MTHU MED PAS GZHAN DBANG GI RTEN 'BREL RANG BZHIN GYIS GRUB PAS STONG NA YONGS GRUB KYANG RANG GI MTSAN NYID KYIS MA GRUB PAR 'GYUR ZHES LUGS SNGA MAS KYANG SMRA LA, LUGS 'DIS KYANG DE LTAR SMRA STE, 'DUS BYAS RAB TU MA GRUB BAS, ,'DUS MA BYAS NI JI @47B LTAR 'GRUB, ,CES GSUNGS LA, MDO LAS GZUGS NYID KYANG MI DMIGS NA GZUGS KYI DE BZHIN NYID DMIGS PAR LTA GA LA 'GYUR, ZHES GSUNGS PA BZHIN DU LUGS GNYIS KAS LAN DU MAR GSUNGS SO, ,RIGS PA DRUG CU PA LAS, MYA NGAN 'DAS PA BDEN GCIG PU, ZHES DE GCIG PU BDEN GYI 'DU BYED RNAMS BRDZUN BSLU BA'I CHOS CAN NO ZHES GSUNGS BA NI MI BDEN PA BRDZUN PA'I DON SKABS 'DIR SLU BA LA GSUNGS PAS DA'I BZLOG PHYOGS BDEN PA'I DON YANG MI BSLU BA YIN GYI YIN LUGS LA GRUB MA GRUB DPYAD BA'I TSE RANG GI MTSAN NYID KYIS YOD PA'I BDEN PA MIN NO, ,SLU BA NI DPER NA PHAN 'DOGS PA YIN YANG PHAN 'DOGS PA ? LTAR BCOS NAS 'DRID PA LA SLU ZHES BRJED PA BZHIN DU 'DU BYED 'DI RNAMS RANG GI MTSAN NYID KYIS MA GRUB BZHIN DU DER SNANG NAS BYIS PA SLU BAS BRDZUN PA'AM SLU BA ZER LA, MYANG 'DAS DON DAM BA'I BDEN PA NI DE MNGON SUM DU MTHONG BA'I NGOR SNGA MA LTAR SNANG NAS SLU BA MED PAS MI SLU BA'AM BDEN PA ZHES GSUNGS SO, ,GANG ZAG DANG CHOS BRTEN NAS 'BYUNG BA'I RTEN 'BREL MI 'DOD PAR DE GNYIS BDEN PAR 'DOD PA'I GZHAN SDE NI RTAG CHAD KYI LTA BA'I G-YANG DU LTUNG LA, DE GNYIS RTEN 'BREL DU 'DOD KYANG DE KHO NA NYID DU GRUB PA DANG RANG GI MTSAN NYID KYIS GRUB PAR 'DOD PA'I RANG SDE DE DAG KYANG RTAG CHAD KYI LTA BA'I DBANG DU 'GYUR BAS, RTAG CHAD KYI LTA BA DANG BRAL BAR 'DOD NA GANG ZAG DANG CHOS RNAMS BRTEN NAS 'BYUNG BA CHU ZLA BZHIN DU RANG BZHIN GYIS STONG PAR KHAS BLANG NGO ZHES TSUL 'DI NYID RTAG CHAD SPONG BA'I SGO DAM BAR BZHED DE, RIGS PA DRUG CU PA LAS, GANG DAG GIS NI MA @48A *, ,BRTEN PAR, ,BDAG GAM 'JIG RTEN MNGON ZHEN PA, ,DE DAG KYE MA RTAG MI RTAG ,LA SOGS LTA BAS 'PHROGS PA YIN, ,GANG DAG BRTEN NAS DNGOS PO RNAMS, ,DE NYID DU NI GRUB 'DOD PA, ,DE DAG LA YANG RTAG SOGS SKYON, ,DE DAG JI LTAR 'BYUNG MI 'GYUR, ,GANG DAG BRTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LTAS MI 'PHROGS, ,ZHES GSUNGS TE YANG DAG PAR MA GRUB PAS RTAG LTA SPONG LA RANG RANG GI BYA BA BYED NUS PAS CHAD LTA SPONG STE DE LTAR MI NUS PA'I LOG PA YANG MIN NO, ,DES NA PHYI NANG GI DNGOS PO 'DI RNAMS RAB BZHIN GYIS STONG PAR YANG 'DOD LA STONG PA DE KUN RDZOB CHAD STONG NGO ZHES SMRA BA NI RTEN 'BREL RTAG CHAD GNYIS KA DANG BRAL BAR NAN TAN GYIS SGRUB BA SHING RTA CHEN PO'I LUGS GNYIS KA DANG 'GAL BAR SMRA BA YIN LA DBU MA PAR RLOM PA MANG PO YANG DA DANG RANG NYID KUN RDZOB RNAMS RANG GI NGO BOS STONG BAR 'DOD PA GNYIS MTHUN PAR 'DOD PA GNYIS KA YANG RANG STONG GI DON PHYIN TZA LOG TU GZUNG BA YIN ZHING, KHO BO CAG LA PHYI NANG GI RTEN 'BREL 'DI RNAMS RTAG CHAD DANG BRAL BAR STON PA'I THABS MED DO ZHES SGROG PA YANG YIN NO, ,DNGOS PO RNAMS RTAG PAR SMRA BA'I PHYI ROL PA RTEN 'BREL KHAS MI LEN PAS CHOS BDEN PAR GRUB PAR 'DOD PA NI, RANG GI STON PA'I LUGS YIN PAS MTSAR PA'I GNAS MIN LA RGYU RKYEN LA BRTEN NAS SKYE ZHING 'BYUNG BA'I RTEN 'BREL KHAS BLANGS NAS BDEN PAR GRUB PAR 'DOD PA NI CHES BZHAD GAD KYI GNAS SO ZHES GSUNGS TE, RIGS PA @48B DRUG CU PA LAS, GAL TE YOD PAR SMRA BA RNAMS, ,DNGOS MCHOG BZUNG NAS GNAS PA NI, ,LAM DE NYID LA GNAS PA STE, ,DE LA YA MTSAN CHUNG NGU'ANG MED, ,SANGS RGYAS LAM LA BRTEN NAS NI, ,KUN LA MI RTAG SMRA BA RNAMS, ,RTZOD PAS DNGOS RNAMS MCHAG BZUNG NAS, ,GNAS PA GANG YIN DE RMAD DO, ,ZHES SO, ,'DIS NI BDEN PAR MED PA DANG RANG GI MTSAN NYID KYIS MED PA LA SKYE 'GAG SOGS MTSAN NYID PA GZHAG TU MED PAR 'DOD PA RNAMS BZHAD GAD KYI GNAS SU GSUNGS SO, ,RTEN 'BREL RTAG CHAD DANG BRAL BA 'DI NI CHES SHIN TU RTOGS DKA' BAS STON PAS KYANG NGAS CHOS ZAB MO KHONG DU CHUD PA DE GZHAN LA BSTAN NA DE DAG GIS MI RTOGS PAS RE ZHIG MI SMRA BAR GNAS PAR BYA'O SNYAM DU DGONGS PA YIN TE, RTZA SHE LAS, DE PHYIR ZHAN PAS CHOS 'DI YI GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR PA YIN, ,ZHES GSUNGS TE, SROL PHYE BA DANG PO LTAR YIN NA DE TZAM DU MI DKA' 'O, ,DE PHYIR ZHES PA NI TSUL DE LA LAG PAR BZUNG BAS NI PHUNG BAR BYED LA, BLO MCHOG DANG MI LDAN PAS KYANG RTOGS PAR DKA' BA LA BSHAD DO, DES NA TSUL 'DI'I TSIG DANG DON GNYIS KA DANG DON SPONG BA DANG RGYU 'BRAS SOGS GZHAGS MED PA'I MED LTA SPANGS LA DE KHO NA NYID KYI DON SHES PA LA 'BAD PAR GYIS SHIG CES GSUNGS TE, RIN CHEN PHRENG BA LAS, DE BZHIN LOG BAR BZUNG BA DES, ,PHUNG BA DAG NI THOB 'GYUR ZHING, ,LEGS PAR SHES PAS BDE BA DANG, ,BYANG CHUB BLA NA MED PA 'THOB, ,DE PHYIR 'DI LA SPONG BA DANG, ,MED PA'I LTA @49A *, ,BA SPANGS NAS NI, ,DON KUN BSGRUB PHYIR YANG DAG PA'I, ,SHES LA NAN TAN MCHOG MDZOD CIG ,CES SO, ,SLOB DPON GYIS GSUNG RAB KYI ZAB DON 'GREL PA LA RIGS PA'I RNAM GRANGS MANG DU GSUNGS PA GZHAN RNAMS NI 'DI KHONG DU CHUD PA'I YAN LAG TU SHES PAR GYIS LA DBU MA'I DON LA SBYANG BAR BYA'O, ,RIGS PA'I TSUL 'DI NI GZHAN DU MANG DU BSHAD ZIN CING, RTZA BA SHES RAB KYI RNAM 'GREL YANG BYED PAR 'DOD PAS 'DIR DE TZAM LAS MI SPRO'O, ,GNYIS PA NI, SLOB DPON 'DI YI RJES SU 'BRANG BA'I GTZO BO NI SLOB DPON 'PHAGS PA LHA YIN TE, 'DIS RNAL 'BYOR SPYOD PA BZHI BRGYA PAR SLOB DPON GYI SROL 'DI RGYAS PAR BKRAL ZHING, SANGS RGYAS BSKYANGS DANG LEGS LDAN 'BYED ZLA BA GRAGS PA DANG ZHI BA 'TSO LA SOGS PA DBU MA PA CHEN PO RNAMS KYIS KYANG SLOB DPON DANG 'DRA BAR YID CHES PA'I KHUNGS SU BYED DO, ,DE'I PHYIR PHYIR DPON SLOB GNYIS KA'I GZHUNG LA GZHUNG PHYI MO ZHES SNGA RABS PA RNAMS ZER BA LTAR YIN PAS 'DIR 'PHAGS PA YAB SRAS KYI RJES SU DE DAG GI DGONGS PA BKRAL BA'I TSUL BRJOD BAR BYA LA, DE YANG SLOB DPON DPA' BO DANG KLU'I BYANG CHUB LA SOGS PA MKHAS PA'I DBANG PO MANG PO YOD MOD KYANG 'DI DAG GIS BKRAL BA'I DBU MA'I BSTAN BCOS 'GYUR BA MI SNANG BAS DE LAS GZHAN PA GZHUNG YOD PA RNAMS KYI LUGS KHYAD PAR CHE BA RNAMS BSHAD PAR BYA'O, ,'DI LA GNYIS, DBU MA RANG RGYUD PAS 'PHAGS PA'I GZHUNG JI LTAR BKRAL BA DANG, DBU MA THAL 'GYUR BAS 'PHAGS PA'I GZHUNG JI LTAR BKRAL BA'O, ,DANG PO LA GNYIS, SLOB DPON @49B LEGS LDAN 'BYED KYIS JI LTAR BKRAL BA DANG, ZHI BA 'TSO YAB SRAS KYIS JI LTAR BKRAL BA'O, ,DANG PO LA GSUM, DON DAM PAR GANG ZAG DANG CHOS LA RANG BZHIN YOD MED JI LTAR BSHAD PA DANG, THA SNYAD DU PHYI ROL GYI DON YOD MED JI LTAR BSHAD PA DANG, DON DAM PAR YOD PA 'GOG PA'I RIGS PA'I GTZO BO GANG LA BYED BSTAN PA'O, ,DANG PO NI, SLOB DPON GYI DBU MA'I BSTAN BCOS RNAMS KYI GTZO BO NI, RTZA BA SHES RAB YIN LA, DE LA 'GREL PA GA LAS 'JIGS MED DANG DE BA SHAR MA DANG GU NA MA TI DANG GU NA SHRI DANG STHI RA MA TI DANG SANGS RGYAS BSKYANGS DANG LEGS LDAN 'BYED DANG ZLA BA GRAGS PA'I 'GREL PA STE BRGYAD YOD CING, LEGS LDAN 'BYED NI DE BA SHAR MA'I 'GREL PA DKAR PO RNAM PAR 'CHAR BA'I RJES SU 'BRANG BAR SPYAN RAS GZIGS BRTUL ZHUGS KYIS BSHAD DO, ,RAB BYED NYER BDUN PA'I 'GREL BA GA LAS 'JIGS MED LAS ,BTZUN PA 'PHAGS PA LHAS KYANG, NYAN PA PO DANG MNYAN BYA LA, ,SMRA PO 'BYUNG BA SHIN TU DKON, ,DE PHYIR MDOR NA 'KHOR BA NI, ,MTHA' YOD MA YIN MTHA' MED MIN, ,ZHES BSHAD DO, ,ZHES BZHI BRGYA PA'I LUNG SHES BYED DU DRANGS PAS RANG 'GREL GYI DON MED DO, ,SANGS RGYAS BSKYANGS DANG LEGS LDAN 'BYED DANG ZLA BA GRAGS PA'I 'GREL PAR 'GREL PA DE'I ZUR TZAM YANG MA BYUNG BAS KYANG SHES SO, LEGS LDAN 'BYED KYIS 'PHAGS PA'I DGONGS PA BKRAL BA LA DON DAM PA BDAG MED GNYIS JI LTAR BSHAD PA NI SLOB DPON 'DIS MTSAN NYID GSUM GTAN LA PHAB CHUL SHES NA GSAL TE, DE YANG SHES RAB SGRON MA LAS, DE LA 'DIR @50A *, ,GAL TE GZUGS ZHES BYA BAR YID LA BRJOD PA DANG TSIG TU BRJOD PA'I KUN BRTAGS PA'I NGO BO NYID GANG YIN PA DE MED DO ZHEN NI, DNGOS PO LA SKUR PA 'DEBS PA YIN TE YID LA BRJOD PA DANG TSIG TU BRJOD PA LA SKUR PA 'DEBS BA'I PHYIR RO, ,ZHES KUN BRTAGS LA MTSAN NYID NGO BO NYID MED DO ZHES SMRA BA'I KUN BRTAGS DE NGO BO DANG KHYAD PAR DU 'DOGS PA'I RTOG PA DANG MING LA BYED NA DE GNYIS PHUNG POR GTOGS PAS GZHAN DBANG LA MTSAN NYID NGO BO MED PA'I SKUR 'DEBS SU BSHAD PAS GZHAN DBANG LA MTSAN NYID NGO BO NYID YOD PAR BZHED DO, ,DE YANG DGONGS 'GREL LAS RANG GI MTSAN NYID KYIS MA GRUB PAS MTSAN NYID NGO BO NYID MED PAR BSHAD CING 'DI DAG KYANG MDO DE'I DON GTAN LA 'BEBS PA YIN PAS GZHAN DBANG LA RANG GI MTSAN NYID KYIS GRUB PA'I NGO BO YOD PAR BZHED PAR GSAL LO, ,SHES RAB SGRON MA LAS, KUN BRTAGS MING DANG RGYU MTSAN DANG RNAM PAR RTOG PA DANG YANG DAG PA'I YE SHES DANG DE BZHIN NYID LNGA PO GANG GI YANG KHONGS SU MI GTOGS PAS MTSAN NYID NGO BO NYID MED PA'I ZHES PHYOGS SNGA BLANGS PA NI, BSDU BA LAS, DE LNGA'I KHONGS SU MI GTOGS PAR BSHAD PA YIN LA, DER MING LDAN MIN DU BSHAD LA RGYU MTSAN KUN BRTAGS KYI GDAGS GZHIR BSHAD CING KUN BRTAGS DNGOS POR MED PAS CHOS GZHI MA YIN LA, RTOG PAS BTAGS PA TZAM DU ZAD PAS DE BZHIN NYID KYANG MA YIN NO, ,DBUS MTHA' LAS, MING KUN BRTAGS SU BSHAD PA NI MING GIS BTAGS PA'I DON YIN GYI MING GI NGO BO MIN PAR @50B BLO BRTAN GYIS BSHAD DO, ,DER RGYU MTSAN GZHAN DBANG DU BSHAD PA YANG 'DU BYED KYI RGYU MTSAN LA DGONGS TE DE LA 'DUS MA BYAS KYANG BSDU BA LAS BSHAD PAS SO, ,DES NA CHOS LNGAR MI GTOGS PA'I RGYU MTSAN GYIS MTSAN NYID NGO BO NYID MED PA YIN KYANG DER MI GTOGS PA MTSAN NYID NGO BO NYID MED PA'I DON MIN NO, ,THA SNYAD DU YOD PA LA YANG DE'I NGO BO NYID DANG RANG BZHIN DANG DE'I RANG GIS MTSAN NYID SOGS SU THAL 'GYUR BA'I GZHUNG NAS BSHAD PA YANG MANG LA RANG GI NGO NYID KYIS MA GRUB PA DANG NGO BO NYID KYIS MA SKYES PA DANG RDZAS SU MA GRUB PA LA SOGS PA SLOB DPON 'DI YI GZHUNG NA'ANG MANG BAS DBYE DKA' BAR SNANG NA'ANG DGONGS 'GREL LAS GSUNGS PA'I MTSAN NYID NGO BO NYID YOD MED KYI DON BSHAD PA 'DI NYID SLOB DPON 'DIS DNGOS PO LA RANG GI MTSAN NYID KYIS GRUB PA THA SNYAD DU BZHED PA'I KHUNGS GSAL SHOS YIN NO, ,DE'I PHYIR GANG ZAG DANG CHOS LA RANG GI MTSAN NYID KYIS GRUB PA'I RANG BZHIN MED PAR MA RTOGS KYANG BDAG MED GNYIS MTSAN NYID TSANG BAR RTOGS PAR BZHED LA, RANG GI MTSAN NYID KYIS GRUB PA TZAM MIN PA'I JI 'DRA ZHIG BKAG BAS BDAG MED GNYIS SU 'JOG PA'I DGAG BYA NI 'CHAD PAR 'GYUR RO, ,YANG SHES RAB SGRON MA LAS, CI STE GANG YANG RUNG BAS DE GNYIS KYIS DON KUN BRTAGS PA DE MED DE DPER NA THAG PA LA SBRUL GYI BLA BZHIN NO ZHE NA NI, KUN BRTAGS PA MED PA MA YIN TE, DE LA RNAM PA 'DRA BAS BLO GROS 'KHRUL BAS KUN BRTAGS PA'I DON MED KYANG THA SNYAD DU SBRUL 'KHYIL BA LA DE MED PA MA YIN PA'I PHYIR RO, ,ZHES KUN BRTAGS DE 'DOGS @51A *, ,BYED MIN GYI BYIS PA GANG YANG RUNG BAS MING DANG RTOG PAS BTAGS PA'I BTAGS DON YIN LA DE LA MTSAN NYID NGO BO NYID MED DE THAG PA LA SBRUL DU BTAGS PA BZHIN ZHES ZER NA DPER MI 'THAD PA'I SKYON STON NO, ,DE'I DON NI GZUGS LA SOGS PA LA 'DI DANG 'DI'O ZHES NGO BO DANG KHYAD PAR DU BTAGS PA'I DON DE MCHAN NYID NGO BO NYID MED PA'I DPER THAG PA LA SBRUL LO SNYAM DU BTAGS PA'I BTAGS DON MED PA 'JOG PA MI RIGS TE, DE LA PHA ROL POS THAG PA LA SBRUL LO SNYAM DU BZUNG BA DE'I DON MED KYANG SBRUL 'KHYIL BA LA SBRUL LO SNYAM DU BZUNG BA'I DON THA SNYAD DU MOD PA BZHIN DU GZUGS LA TSOR BA'I SNYAM DU BZUNG BA'I YUL, MED KYANG GZUGS LA GZUGS SO SNYAM DU BZUNG BA'I YUL THA SNYAD DU YOD DO ZHES SMRA BAR NUS PA'I PHYIR RO, ,'DIR YOD MED NI MTSAN NYID NGO BO NYID YOD MED YIN PAS GZUGS SOGS LA NGO BO DANG KHYAD PAR DU BTAGS PA'I YUL THA SNYAD DU MTSAN NYID NGO BO NYID MED BA MIN ZHES PA'O, ,CI STE THA SNYAD DU SBRUL 'KHYIL PA LA SBRUL MED NA Ni GRAGS PAS GNOD PAR GSUNGS TE THA SNYAD DU SBRUL 'KHYIL BA LA 'DI SBRUL LO SNYAM DU BZUNG BA'I YUL DE MED NA ZHES PA'O, ,DON DAM PAR DNGOS PO SEL NA DBU MA PA'I RJES SU SMRA BA YIN TE ZHES GSUNGS TE, SBRUL 'KHYIL BA LA SBRUL LO SNYAM DU BZUNG BA'I YUL DE DON DAM PAR MTSAN NYID NGO BO NYID MED PAR SGRUB NA DBU MA PA'I LUGS SU 'GYUR ZHES PA'O, ,DES NA NGO BO DANG KHYAD PAR DU KUN BRTAGS PA'I KUN BRTAGS MTSAN NYID NGO BO NYID MED PAR STON 'DOD PAS NI DBU MA'I @51B RIGS PA 'DOD PAR BYA'O ZHES SHES RAB SGRON MA LAS GSUNGS TE, RIGS PA NI RTZA SHE LAS, BRJOD PAR BYA BA LDOG PA STE, ,SEMS KYI SPYOD YUL LDOG PAS SO, ,MA SKYES PA DANG MA 'GAGS PA, ,CHOS NYID MYA NGAN 'DAS DANG MTSUNGS, ,ZHES PA'O, ,DE YANG LTO LDIR BA LA BUM PA ZHES BTAGS PA'I BRDAS BZHAG PA'I YUL DON DAM PAR GRUB PA 'GOG PA LA DBU MA'I RIGS PA DGOS ZHES SMRA BA MIN TE, RTOG GE 'BAR BA LAS, LKUGS PA DANG 'ON PA LA SOGS PA BRDA MI SHES PAS KYANG BUM PA LA SOGS PA'I DON SHES SHING, BA LANG LA SOGS PAS KYANG DRI DANG GZUGS LA SOGS PA LAS RANG GZHAN GYI BU SHES NUS PAS MING GI BRDAS BZHAG PA DNGOS PO'I DE KHO NA NYID DU MI GNAS PA RNAL 'BYOR SPYOD PA PA DANG DBU MA PA GNYIS KA LA 'DRA BAR BSHAD PAS SO, ,DES NA 'DI GZUGS SO 'DI GZUGS KYI SKYE BA'O ZHES SOGS SU 'DOGS PA'I ZHEN YUL NI DES BTAGS PA'I DON YIN LA, DE YANG THA SNYAD DU RANG GI MTSAN NYID KYIS YOD PAS MTSAN NYID NGO BO NYID MED PA'I PHYIR DON DAM PAR YOD PA 'GOG PAS DON DAM PAR MTSAN NYID NGO BO NYID MED PAR STON PA MDO'I DON DU 'CHAD PA'O, ,DE'I TSE KUN BRTAGS LA MTSAN NYID NGO BO NYID MED DO ZHES GSUNGS PA'I KUN BRTAGS NI ZHEN YUL DE DON DAM PAR KUN BRTAGS PA DE YIN LA, DE NYID MING DANG BRDAS BZHAG PAR GSUNGS PA NI SGRA RTOG GIS BTAGS PA TZAM DU ZAD PA'I DON NO, ,DE LTA NA GZHAN DBANG MTSAN NYID NGO BO NYID MED PAR GSUNGS KYI KUN BRTAGS MA YIN NO SNYAM DU MI GZUNG STE, GZHAN DU NA RNAL 'BYOR SPYOD PA'I LUGS LA YANG GZHAN DBANG NGO BO DANG KHYAD PAR DU @52A *, ,BTAGS PA'I NGO BOR RANG GI MTSAN NYID KYIS MA GRUB PA LA KUN BRTAGS MTSAN NYID NGO BO NYID MED PAR BSHAD DU MI RUNG BA'I PHYIR RO, ,DE'I PHYIR DON DAM PAR GZUGS KYI NGO BO DANG DE'I SKYE BA SOGS KYIS STONG PA YONGS GRUB YIN BA MDO'I DON YIN GYI, RNAL 'BYOR SPYOD PA PAS BSHAD PA LTAR MDO'I DON MIN PA SMRA BA'O, ,DE BZHIN DU GZHAN DBANG BDAG NYID KYIS SKYE BA MED PA SKYE BA NGO BO NYID MED PAR GSUNGS PA'I BDAG NYID KYIS SKYE BA MED PA NI MDO GZHAN LAS NGO BO NYID LAS SKYE BA DANG RANG BZHIN GYIS SKYE BA MED PAR GSUNGS PA DANG DON GCIG TU SLOB DPON 'DI BZHED LA DE NYID DON DAM PAR SKYE BA MED PA'I DON DU BZHED DO, ,DE LTAR NA RANG BZHIN GYIS SKYE BA NI RANG GI MTSAN NYID KYIS GRUB PA'I SKYE BA YIN LA DE DNGOS PO LA 'GOG PA NA DON DAM PA'I KHYAD PAR NGES PAR SBYOR BAS RANG GI MTSAN NYID KYIS GRUB PA'I SKYE BA THA SNYAD DU BZHED DO, ,RNAL 'BYOR SPYOD PA BA RNAMS KYANG DGONGS 'GREL LAS BDAG NYID KYIS SKYE BA DANG GZHAN LAS RANG BZHIN GYIS SKYE BAR GSUNGS PA RNAMS DON MTHUN PAR BZHED CING, DE'I SKYE BA MED PA NI RANG DBANG DU SKYE BA MED PA LA 'DOD PAS DE MED PAS DON DAM PA'I SKYE BA MED MI DGOS PAS BZHED DO, ,GZHAN DBANG BDEN PAR GRUB NA JI LTAR SNANG BA LTAR GRUB DGOS PAS SGYU MA BZHIN DU MDO LAS GSUNGS PA MI 'THAD PAR BZHED PAS DE RANG BZHIN GYIS STONG PA DGONGS 'GREL GYI DON DU 'CHAD PA'O, ,GNYIS PA NI, DE NI KUN RDZOB PA'I DNGOS PO DON DANG SHES PA GANG DU 'DOD BSHAD PAR BYA STE, 'DI LA 'PHAGS PA @52B YAB SRAS KYIS NI THA SNYAD DU PHYI ROL YOD MED PHYE NAS GSAL POR BSHAD PA MED LA SLOB DPON 'DIS THA SNYAD DU PHYI ROL YOD PA DANG DBANG PO'I SHES PAS DON RNAM MED DU MI 'DZIN GYI RNAM LDAN GYI SGO NAS 'DZIN LA DANG DE GNYIS RGYU 'BRAS SNGA PHYI BAR BZHED DO,, SA BCU PA LAS, KHAMS GSUM SEMS TZAM DU GSUNGS PA NI GZHAN SDE 'DOD PA LTAR SEMS LAS GZHAN PA'I 'JIG RTEN GYI BYED PA PO 'GOG PA MDO'I DON YIN PAS DON 'GOG PA MIN NO, ,LANG KAR GSHEGS PA LAS, PHYI ROL SNANG BA YOD MIN TE, ,LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA, ,SEMS TZAM DU NI NGA SMRA'O, ,ZHES GSUNGS PAS KYANG PHYI ROL BKAG PA MIN PAR BZHED PAS PHYI ROL BKAG PA DE MDO GANG GI YANG DON MIN PAR BZHED DAM DPYAD PAR BYA'O, ,LUNG DE'I RKANG PA DANG PO'I DON NI PHYI ROL NGO BO NYID LAS YOD PA MIN PA'O, ,LUS DANG LONGS SPYOD DANG GNAS KYI DON DANG 'DRA BAR SEMS SNA TSOGS SU SKYE BA NI DON DE DAG DANG 'DRA BA'I RNAM PA CAN DU SKYES PA LA SHES RAB SGRON MA LAS BSHAD DO; SEMS TZAM GYI DON NI SNGAR LTAR RO, ,GZUGS SGRA LA SEGS PA BSAGS PA'I SKABS SU NI RDUL PHRA RAB RE RES KYANG DBANG PO'I SHES PA'I DMIGS RKYEN BYED PAS DE DAG DE LA MI SNANG BA MA YIN NO, ,DMAG DANG NAGS CHEL LA SOGS PA RIGS THA DAD LA BRTEN PA NI 'DUS PA YIN LA, DE RDZAS SU MED KYANG RTEN GCIG LA BRTEN PA'I RIGS MTHUN PA'I PHRA RAB RNAMS NI BSAGS PA YIN ZHING DE BZHIN DU BUM PA LA SOGS PA YANG YIN PAS DE NI RDZAS SU YOD DO, ,ZLA BA GNYIS SU SNANG BA LA SOGS @53A *, ,BA'I SHES PA YANG ZLA GCIG DMIGS PA LA BRTEN NAS SKYE DGOS PAS PHYI ROL GYI DMIGS PA MED PAR MI SKYE'O, ,PHYI ROL MED NA MDO SDE LAS DBANG PO'I SHES PA RNAMS DMIGS RKYEN LAS SKYE BAR GSUNGS PA LA SKUR PA BTAB PAR YANG 'GYUR TE, DON DAM DANG THA SNYAD GANG DU YANG DMIGS RKYEN LAS SKYE BA MI 'THAD PA'I PHYIR RO, ,DE'I PHYIR KUN GZHI RNAM PAR SHES PA YANG MI BZHED DE, DE 'DOD NA PHYI ROL MED KYANG DE'I BAG CHAGS SMIN PA LAS DON DU SNANG BA'I RNAM RIG SKYE BAR 'JOG DGOS PAS PHYI ROL KHAS LEN DON MED PA'I PHYIR RO, ,DES NA DBU MA SNYING PO LAS, RNAM SHES ZHES BYA'I RNAM GRANGS KYIS, ,BDAG NI NGES PAR BSTAN PA YIN, ,ZHES GSUNGS TE, DE MI 'DOD NA NYON YID KYANG MI 'JOG GO , YANG DE NYID LAS, YUL DU SNANG LAS GZHAN GYUR PA'I, ,SEMS NYID JI 'DRA BA ZHIG SNANG, ,ZHES RNAM SHES PHYI ROL YUL GYI RNAM PAR SNANG BA DANG, RNAM PA DER MI SNANG BAR 'DZIN RNAM MYONG BA'I NGO BOR SNANG BAS RNAM PAR SHES PA NYID RANG SNANG BA DANG YUL DU SNANG BA GNYIS SU SNANG BA 'BYUNG BA DANG YUL DU SNANG BA SNGA MAS MYONG BA'I RANG RIG DANG DE GNYIS DMIGS BYA DMIGS BYAD KYI DMIGS RKYAN 'JOG PA RNAMS THA SNYAD DU YANG 'GOG PAS RANG RIG KYANG MI BZHED DE RANG RIG 'DOD PA'I TSUL NI 'DI NYID GSAL LO, ,SLOB DPON YE SHES SNYING POS DBU MA'I TSUL BKRAL BA YANG THA SNYAD DU RANG GI MTSAN NYID KYIS GRUB PA MI 'GEGS PA DANG PHYI ROL YOD PA'I TSUL LUGS 'DI DANG MTHUN PAR SNANG NGO, ,GSUM PA NI, SLOB @53B DPON 'DIS DON DAM PAR YOD PA 'GOG PA'I RIGS PA GTZO BOR GANG LA BYED CEN, DGAG PA'I RTAGS KYIS 'GOG PA LA 'GA' ZUNG TZAM MA GTOGS PA 'GAL ZLA DMIGS PA NYID KYIS 'GOG CING, DE YANG GTAN TSIGS DANG BSGRUB BYA'I CHOS RJES SU 'GRO BA'I DPE SLA BA LA BSAMS NAS, MIG NI DON DAM PAR GZUGS LA MI LTA STE DBANG PO YIN PA'I PHYIR RNA BA'I DBANG PO BZHIN NO ZHES PA DANG, SA'I KHAMS NI DON DAM PAR SRA BA'I NGO BO NYID MA YIN TE, 'BYUNG BA YIN PA'I PHYIR CHU BZHIN NO, , ZHES PA LA SOGS PA 'DI 'DRA BA'I SBYOR BA RNAMS KYIS SGRUB BO, ,'DI NI 'PHAGS PA YAB SRAS KYI GZHUNG LAS RGYU MTSAN MTSUNGS PA'I MGO SNYOMS MANG DU MDZAD PA'I RIGS PA DE NYID LA GTZO BOR MDZAD PA YIN TE, DON DAM PAR SRA BA DANG GZUGS LA LTA BA'I NGO BOR GRUB NA 'BYUNG BAR MTSUNGS PA LA SRA MI SRA'I KHYAD PAR DANG DBANG POR MTSUNGS PA LA GZUGS LA LTA MI LTA'I KHYAD PAR MI RUNG STE, KHYAD PAR DE LTAR 'BYED PA'I GTAN TSIGS MI RNYED PA'I PHYIR RO SNYAM DU DGONGS TE, 'DI LTAR DON DAM PAR YOD NA NI JI LTAR SNANG BA BZHIN GYI BLO'I DBANG GIS BZHAG PA MIN PAR DON RANG NYID KYI GNAS LUGS KYI DBANG GIS YOD PA YIN LA, DE LTA NA RANG DBANG DU YOD PAR 'GYUR BAS GZHAN SU LA YANG MI LTOS SO, ,DE'I PHYIR KHYAD PAR DE DAG DBYE BAR NUS PA'I TSAD MA MED DE, DPER NA DU BA RGYU LA MI LTOS PAR 'BYUNG NA YANG NA THAMS CAD LA LTOS PA DANG YANG NA ME LA YANG MI LTOS PAR THAL BA 'PHEN PA LTA BU'O, ,DES NA NGO BO NYID LAS YOD PA DON DAM DU YIN NA RGYU RKYEN DANG @54A *, ,'DUS PA'I NGO BO LAS LOGS SHIG NA RANG GI NGO BO NYID YAN GAR BAR 'BA' ZHIG PA GNAS DGOS NA 'BYUNG BA DANG 'BYUNG 'GYUR RNAMS NI RDZAS BRGYAD 'DUS PA DANG SEMS SEMS BYUNG NI PHAN TSUN MED PAR MED LA, DNGOS PO THAMS CAD KYANG RANG GI RGYU RKYEN TSOGS PA LAS 'BYUNG ZHING DE DANG BRAL NA CUNG ZAD KYANG MED PAS DON DAM PAR MED PA DANG RDZAS SU MED PAR 'CHAD DO, ,'DUS PA LAS LOGS SHIG NA NGO BO MED PAR BSTAN PA YANG DON DAM PAR YOD NA 'BA' ZHIG PAR YOD DGOS PAR BSTAN NAS DE LA GNOD PA STON PA SHAS CHE BAR BSTAN GYI, SLOB DPON GZHAN BZHED PA LTAR CHA DANG CHA CAN LA GCIG DANG DU MA'I BRTAG PA BYAS NAS 'GOG PA SHAS MI CHE'O, ,'PHAGS PA'I RJES 'BRANG CHEN PO RNAMS KYI RIGS PA'I GNAD GANG GTZO BOR BTON PA RNAMS LEGS POR GO NA RIGS PA LA BLO RGYAS PA'I PHUL CHER 'GRO BAS LUGS 'DI'I DON DAM PAR YOD NA RGYU MTSAN MTSUNGS PA'I MGO SNYOMS BYED LUGS KYI RIGS PA YANG LEGS POR BSLAB PAR BYA'O, ,GNYIS PA LA BZHI, DON DAM PAR GANG ZAG DANG CHOS LA RANG BZHIN YOD MED JI LTAR BSHAD PA DANG, THA SNYAD DU PHYI ROL GYI DON YOD MED JI LTAR BSHAD PA DANG, MDO SDE DGONGS 'GREL GYI DON JI LTAR BSHAD PA DANG, DON DAM PAR YOD PA 'GOG PA'I RIGS PA'I GTZO BO GANG LA BYED BSTAN PA'O, ,DANG PO NI, MDO DGONGS 'GREL LAS, MTSAN NYID NGO BO NYID MED PA DANG, SKYE BA NGO BO NYID MED PAR GSUNGS PA'I DON LEGS LDAN 'BYED BZHIN @54B DU DBU MA SNANG BAR BKRAL BA ZHI BA 'TSO'I YANG BZHED PA YIN PAS THA SNYAD DU RANG GI MTSAN NYID KYIS GRUB PA'I RANG BZHIN BZHED DO, ,TSAN MA SDE BDUN LA SOGS PA'I RGYU 'BRAS RNAM PAR 'JOG PA'I RIG PA RNAMS THUN MONG BAR BZHED PAS KYANG SHES SO, ,GNYIS PA NI, THA SNYAD DU PHYI ROL YOD DAM MED CE NA, 'DI LA SHES RAB SGRON MA LAS, DANG PO RNAM PAR RIG PA TZAM BLANGS NAS PHYIS DE YONGS SU GTONG BAR 'DOD NA YANG 'DAM RDZAB KYIS SBAGS NAS 'KHRU BA LAS DANG PO NAS MA REG PAR THAG SRING BA BZANG STE, PHYI ROL GYI DON NGO BO NYID MED PAR RTOGS PA BZHIN DU RNAM SHES KYANG BDAG MED PA DANG SKYE BA MED PAR RTOGS PAR BYAR RUNG NGO, ,ZHES GSUNGS TE 'GREL BSHAD LAS RNAL 'BYOR SPYOD PA PA 'GA' ZHIG GIS DANG POR KUN RDZOB KYI BDEN PA LA 'JUG PA'I SKABS SU PHYI ROL DGAG CING RNAM SHES TZAM DU KHAS BLANG LA, PHYIS DON DAM BDEN PA RTOGS PAR BYA BA'I DUS SU RNAM SHES TZAM YANG SPANG BAR BYA'O ZHES 'DOD PA'I LUGS YIN PAR 'CHAD DO, ,DE NI DANG POR RNAM SHES BDEN PAR 'DZIN DU BCUG NAS PHYIS DE BDEN PA 'GOG PA LAS DANG PO NAS BDEN MED DU STON PA LAGS TE, DON BDEN PAR MED PA BZHIN DU RNAM SHES KYANG BDEN PAR MED PA RTOGS PAR BYAR RUNG BA'I PHYIR RO ZHES PAR SNANG BAS, DBU MA PA KHA CIG GDUL BYA LA RIM PA DE LTAR NGES PAR STON DGOS ZHES 'DOD PA 'GOG PAR MNGON NO, ,DE BZHIN DU DE GNYIS DUS GCIG TU MI SGOM PAR RIM CAN DU BSGOM PAR BYA ZHES PA LA YANG SNGA NAS CIG CAR DU SGOM PA LA SER SNA BYA MI DGOS SO ZHES DE NYID LAS GSUNGS PA YANG RNAL 'BYOR SPYOD PA PA KHA CIG @55A *, ,'DOD PAR 'GREL BSHAD LAS BSHAD MOD KYANG SNGA MA DANG 'DRA BAR SEMS SO, ,DES NA 'DI 'DRA BA'I LUGS KYANG RE RE TZAM BYUNG MOD KYANG GZHUNG RGYAS PAR BRTZAMS NAS THA SNYAD DU PHYI ROL MED PA'I TSUL GYI DBU MA'I GRUB MTHA' NI SLOB DPON ZHI BA 'TSOS SROL PHYE BAR SLOB DPON YE SHES SDE BZHED PA LTAR LEGS SO, ,DE YANG DBU MA RGYAN GYI RANG 'GREL LAS, GANG DAG GIS RGYU DANG 'BRAS BU'I DNGOS PO DAM BCAS PAS RGOL BA NGAN PA THAMS CAD KYI LAN BTAB PAR 'DOD PA'I KUN RDZOB PA'I DNGOS PO DON GANG YIN PA DE DPYAD PAR BYA'O, ,CI SEMS DANG SEMS LAS BYUNG BA TZAM GYI BDAG NYID KHO NA'AM CI PHYI'I BDAG NYID KYANG YIN ZHE NA, DE LA KHA CIG NI PHYOGS PHYI MA LA BRTEN TE, BSTAN BCOS SEMS TZAM ZHES GSUNGS PA, ,BYED PO ZA PO DGAG PHYIR RO, ,ZHES JI SKAD BRJOD PA LTA BU'O, ,GZHAN DAG SEMS PA NI, RGYU DANG 'BRAS BUR GYUR PA YANG, ,SHES PA 'BA' ZHIG KHO NA STE, ,RANG GIS GRUB PA GANG YIN PA, ,DE NI SHES PAR GNAS PA YIN, ,ZHES DBU MA SNYING PO'I LUNG DRANGS NAS PHYI ROL BZHED PA'I LUGS BZHAG PA NI SNGAR BSHAD PA LTAR RO, ,GZHAN DAG SEMS ZHES PA NI RANG GI BZHED PA'O, ,MDO GANG LA BRTEN NAS DE LTAR MDZAD PA YANG GZHUNG DE'I RANG 'GREL LAS, DE LTAR BYAS NA STUG PO BKOD PA DANG DGONGS PA NGES PAR 'GREL BA LA SOGS PA LAS 'BYUNG BA THAMS CAD DANG MTHUN PA YIN NO, ,LANG KAR GSHEGS PA LAS KYANG, PHYI ROL GZUGS NI YOD MIN TE, ,RANG GI SEMS NI PHYI ROL SNANG, ,ZHES BSTAN PA 'DI YANG LEGS @55B PAR BSHAD BA YIN NO SNYAM DU SEMS SO, ,ZHES GSUNGS PA LTAR RO, ,DE LTAR SEMS TZAM GYI TSUL LA BRTEN NAS GANG ZAG GI BDAG DANG BDAG GI BA DANG GZUNG 'DZIN RGYANGS CHAD LA SOGS PA RANG BZHIN MED PAR CHAGS CHUNG DUS RTOGS LA, BLO'I MTHU MI CHUNG BA DANG BRTZON PA LHAG PAR CHE BAS SEMS DE LA GCIG DANG DU MA'I RANG BZHIN GYIS BRTAGS PA NA DON DAM PAR SNYING PO MI MTHONG BAS DON DAM PAR MTHA' THAMS CAD SPANGS PA DBU MA'I TSUL RTOGS TE, DBU MA RGYAN LAS, SEMS TZAM LA NI BRTEN NAS SU, ,PHYI ROL DNGOS MED SHES PAR BYA, ,TSUL 'DIR BRTEN NAS DE LA YANG, ,SHIN TU BDAG MED SHES PAR BYA, ,ZHES GSUNGS SO, ,'DI YANG LANG KAR GSHEGS PA LAS, RGYU DANG RKYEN NI RNAM LOG DANG, ,RGYU YANG NGES PAR BKAG PA DANG, ,SEMS TZAM RNAM PAR BZHAG PA NI, ,SKYE BA MED PAR NGAS BSHAD DO, ,DNGOS PO RNAMS KYI PHYI DNGOS MED, ,SEMS KYANG YONGS SU BZUNG MA YIN, ,LTA BA THAMS CAD SPANGS BA'I PHYIR, ,SKYE BA MED PA'I MTSAN NYID DO, ,ZHES GSUNGS PAS BSTAN PAR RGYAN DU BSHAD LA, TSIGS BCAD SNGA MAS RNAM PAR RIG PA TZAM GYI TSUL GYI SKYE MED DANG, GNYIS PAS DBU MA PA'I LUGS KYI SKYE MED BSTAN PAR DE'I 'GRAL BSHAD LAS GSUNGS SO, ,THA SNYAD DU PHYI ROL GYIS STONG PAS RNAM PAR RIG PA TZAM GYI TSUL DANG, DON DAM PAR TSES THAMS CAD NGO BO NYID MED PA'I TSUL 'DI GNYIS KYI SGO NAS THEG PA CHEN PO 'THOB PAR BYED DE, DE NYID LAS, TSUL GNYIS SHING RTA ZHON NAS SU, ,RIGS PA'I SRAB SKYOGS 'JU BYED PA, ,DE DAG DE PHYIR JI BZHIN DEN, ,THEG PA CHEN PO PA NYID 'THOB, ,CES SO, ,'ON THA @56A *, ,SNYAD DU PHYI ROL MED PA'I TSUL 'DI MGON PO KLU SGRUB KYI DGONGS PAR 'CHAD DGOS NA DE'I GZHUNG GANG GIS BSTAN PAR 'DOD CE NA, DBU MA RGYAN LAS, 'DIR YANG GSUNGS PA, 'DI LA SKYE BA CI YANG MED, ,'GAG BAR 'GYUR BA'ANG CI YANG MED, ,SKYE BA DANG NI 'GAG PA DAG ,SHES PA 'BA' ZHIG KHO NA'O, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI 'BRAL 'GYUR NA, ,LOG PAR RNAM BRTAGS MA YIN NAM, ,ZHES PA 'DI DRANGS NAS PHYI DON MED PAR SGRUB STE, TSIGS BCAD PHYI MA 'DI RIGS PA DRUG CU PA LAS GSUNGS SO, ,TSIGS BCAD DANG POS SEMS TZAM DU BSTAN PA LA 'BYUNG BA 'BYUNG 'GYUR BSHAD PA JI LTAR YIN ZHE NA PHYI MAS DE GNYIS RNAM SHES DE DAG TU SNANG BA LA BZHAG PAS RNAM SHES SU 'DU'O, ,RNAM SHES SAM PHYI DON YIN YANG RUNG DON DAM PAR YOD DO ZHE NA YANG DAG PA'I YE SHES LA MI SNANG BAS LOG PAR BRTAGS PA'O, ,'GREL BSHAD LAS TSIGS BCAD DANG PO LANG GSHEGS LAS DRANGS PAR BSHAD DO, ,SH'ANTI PAS 'DI GNYI GA KLU SGRUB KYI YIN PAR BYAS NAS 'DIS SEMS TZAM DU BSTAN PA LA DBU MA DANG SEMS TZAM PA GNYIS 'DRA BAR BZHED DE, ZHI BA 'TSOS RGYUN GCIG TU DRANGS PA LA BSAM PAR MNGON YANG DER BYED PA PO SO SOS MDZAD PA RGYUN GCIG LA DRANGS PA GZHAN YANG YOD DO, ,LUGS 'DIS SNGO SER LA SOGS PA'I RNAM PA DNGOS POR 'DOD DE, CHOS KYI GRAGS PA'I BZHED PA YANG DE LTAR 'GREL BAS THA SNYAD DU RNAM BDEN PA LTAR 'DOD PA'I DBU MA PA'O, ,RANG RIG THA SNYAD DU 'JOG LA KUN GZHI 'JOG MI @56B 'JOG GI TSUL GSAL BAR MA BSHAD KYANG MI BZHED PA'I PHYOGS SU MNGON NO, ,THA SNYAD DU SNGO SER LA SOGS PA'I RNAM PA RNAMS DNGOS POR MED PA RNAM RDZUN PA LTAR 'DOD PA'I DBU MA PA NI, SLOB DPON LVA BA PAS BKRAL BA LTAR YIN NO ZHES PAndI TA LHAN CIG SKYES PA'I RDO RJES BSHAD DO, ,GSUM PA NI, 'O NA LUGS 'DIS MDO SDE DGONGS 'GREL GYI DON RNAL 'BYOR SPYOD PA BA DAG GIS JI LTAR BSHAD PA DE BZHIN DU 'DOD DAM JI LTAR 'DOD CE NA, DBU MA SNANG BA LAS, DE'I DON DU BCOM LDAN 'DAS KYIS SKYE BA MED PA LA SOGS PA BSTAN PA DON DAM PA'I DBANG DU MDZAD PA KHO NAR BRJOD CING, NGO BO NYID MED PA RNAM PA GSUM GYI DGONGS PA BSTAN PAS DBU MA'I LAM MTHA' GNYIS DANG BRAL BA RAB TU BSTAN PA'I PHYIR NGES PA'I DON KHO NA GZHUNG 'DZUGS PAR MDZAD PA YIN NO, ,ZHES DGONGS 'GREL GYIS NGO BO NYID MED PA GSUM GYI DGONGS PA BSTAN PA DE GNYIS KYIS YUM GYI MDO LA SOGS PA NGES PA'I DON YIN PA'I GZHUNG BTZUGS PAR 'CHAD DO, ,DE YANG KUN RDZOB PA'I NGO BO NYID LA SKUR PA 'DEBS PA DANG, THA SNYAD DU MED PA RTAG PA LA SOGS PA'I DNGOS PO DANG GZUGS LA SOGS PA JI LTAR SNANG BA DE BZHIN DU YOD PAR SGRO 'DOGS PA, DON DAM PA LA MI 'JUG PA DE DAG GI SGO SKUR GYI 'DZIN PA BSAL BA'I DON DU GSUNGS TE, SKYE BA MED PA LA SOGS PA GSUNGS PA SGRA JI BZHIN PA BKAG PAS NI SKYE 'GAG MED PA LA SOGS PA BSTAN PA DON DAM PA'I DBANG DU MDZAD PAR BSTAN LA DES NI THA SNYAD DU SKYE 'GAG SOGS YOD PAR 'DOD DGOS PAS SKUR 'DEBS SEL LO, , @57A *, ,GZHAN DBANG RKYEN GZHAN GYI DBANG GIS SKYE'I BDAG NYID KHO NAS MI SKYE BAS SKYE BA NGO BO NYID MED PAR BSHAD PA NI MKHAS PA RNAMS BRTEN NAS 'BYUNG BA GANG YIN PA DE RANG BZHIN GYIS STONG PA NYID DO ZHES 'DOD PAS, MA DROS PAS ZHUS PA LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,ZHES RKYEN LAS SKYES PA RANG BZHIN GYIS MA SKYES PAR BSTAN PA DANG 'DRA'O, ,DES NA RGYU RKYEN LAS SKYE BAS GZHAN DBANG YANG DAG PAR YOD MI DGOS TE; GZHAN DU NA SGYU MA LA SOGS PA'I BRDZUN PA RNAMS KYANG BDEN PA'I DNGOS POR 'GYUR RO, ,DE'I PHYIR BDEN PAR MED PA SGYU MA DANG KHYAD PAR MED PA LA DGONGS NAS DGONGS 'GEL LAS GZHAN DBANG SGYU MA BZHIN DU GSUNGS SO, ,DE LTA BAS NA DE LA MI RTAG PA LA SOGS PA DON DAM PAR YOD PAR BZUNG BA'I DON NI KUN BRTAGS YIN LA, DE YANG JI LTAR BTAGS PA BZHIN MA GRUB PAS KUN BRTAGS MTSAN NYID NGO BO NYID MED PAR GSUNGS TE 'DI SGRO 'DOGS SEL LO, ,GZHAN GYI DBANG NYID LA KUN BRTAGS KYI NGO BOR ZHEN PA YIN ZHING DE LTAR BZUNG BA'I MTSAN NYID KYI NGO BO NYID DU GZHAN DBANG MED PAR BSTAN DGOS PAS GZHAN DBANG DON DAM PAR MA GRUB PA NYID LA MTSAN NYID NGO BO NYID MED PAR GSUNGS PA MI 'GAL LO, ,DGONGS 'GREL LAS KUN BRTAGS RANG GI MTSAN NYID KYIS GRUB PA MED PAS MTSAN NYID NGO BO NYID MED PAR BSHAD CING NGO BO NYID GZHAN GNYIS RANG GI MTSAN NYID KYIS MA GRUB PA'I MTSAN NYID NGO BO NYID MED PAR MA GSUNGS PA NI, NGO BO NYID GZHAN GNYIS @57B DON DAM PAR MA GRUB PA NYID KUN BRTAGS RANG GI MTSAN NYID KYIS GRUB PA'I MTSAN NYID NGO BO NYID MED PAR BSHAD PA'I DON DU 'DI PA 'DOD CING, DON DAM PAR RANG GI MTSAN NYID KYIS MA GRUB PA MTSAN NYID NGO BO NYID MED PA'I DON YIN PAS SGRO 'DOGS DANG BRAL LA THA SNYAD DU RANG GI MTSAN NYID KYIS GRUB PA'I MTSAN NYID KYI NGO BO NYID YOD PAS SKUR 'DEBS SPONG BAR SHIN TU GSAL LO, ,DES NA GZHAN DBANG RANG GI MTSAN NYID KYIS MA GRUB NA RGYU 'BRAS LA SKUR 'DEBS SU 'GRO BA RNAL 'BYOR SPYOD PA PA DANG 'DRA LA KHYAD PAR NI 'DI BAS DON DAM PAR RANG GI MTSAN NYID KYIS MA GRUB PAR SMRA LA RNAL 'BYOR SPYOD PA PAS RANG GI MTSAN NYID KYIS GRUB NA DON DAM PAR YOD DGOS ZHES SMRA BA'O, ,DGONGS 'GREL LAS GZUGS SOGS LA 'DI DANG 'DI'O ZHES NGO BO DANG KHYAD PAR DU BTAGS PA'I NGO BOR GZHAN DBANG GI CHOS DE RNAMS RANG GI MTSAN NYID KYIS MA GRUB PAS KUN BRTAGS KYIS GZHAN DBANG STONG PAR GSUNGS PA'I DON NI 'DI PAS KYANG LEGS LDAN 'BYED LTAR ZHEN YUL LA 'DOD PA SNGAR BSHAD PA DANG 'DRA'O, , GZHAN YANG DBU MA SNANG BAR, MDO SDE KHA CIG LAS CHOS THAMS CAD NI NGO BO NYID MED PA MA SKYES PA ZHES SOGS GSUNGS PA NI DRANG DON YIN TE, DGONGS 'GREL LA SOGS PA LAS MDO'I DON GYI DGONGS PA BSTAN NO ZHES BRTZAD PA'I LAN DU DE'I PHYIR DGONGS PA BSTAN PA YANG NGES PA'I DON NYID DU 'GAL BAR MI BYED DO, ,DE NYID KYI PHYIR SKYE BA MED PA LA SOGS PA BSTAN PA NGES PA'I DON NYID DU BSGRUB PA'I PHYIR DANG MTHONG BA LA SOGS PA DANG 'GAL BA SPANG PA'I PHYIR DANG SGRA JI BZHIN DU RTOG PA @58A *, ,BSAL BA'I PHYIR, 'PHAGS PA DGONGS PA NGES PAR 'GREL PA DE NYID LAS, ZHES CHOS BDAG MED PA'I DON DAM NGO BO NYID MED PA LA DGONGS NAS MA SKYES PA SOGS GSUNGS BA DRANGS SO, ,DE'I PHYIR ZHES PA NI DGONGS 'GREL LAS DON DAM PA YANG YIN LA CHOS RNAMS NGO BO NYID MAD PAS RAB TU PHYE BA YANG YIN PAS DON DAM PA NGO BO NYID MED PAR GSUNGS PA'I NGO BO NYID MED PA 'DIS CHOS THAMS CAD NGO BO NYID MED PA KHO NA YIN PA'I PHYIR ZHES PA LA BSHAD DO, ,'DIS NI NGO BO NYID MED PA SOGS GSUNGS PA'I DGONGS PA DGONGS 'GREL GYIS BKRAL TE SGRA JI BZHIN PAR 'DZIN PA BKAG NAS NGES DON DU SGRUB PAR BSHAD DO, ,DBU MA PAS DON DAM PAR SKYE BA MED PA LA SOGS PA KHAS LEN CING KUN RDZOB PA'I SKYE BA LA SOGS PA 'DAD PAS SKYE BA MED PA LA SOGS PA BSTAN PA LA SGRA JI BZHIN DU MI ZHEN ZHES GSUNGS PAS SKYE 'GAG LA SOGS PA YA MED DU 'DZIN PA SGRA JI BZHIN PAR 'DZIN PA YIN GYI, DE DAG DON DAM PAR MED PAR 'DOD PA NI SGRA JI BZHIN PAR 'DZIN PA MIN PA'I LUGS SO, ,GAL TE DE LTA YIN NA NGO BO NYID MED PA DANG SKYE BA MED PA SOGS BSHAD PA'I 'KHOR LO GNYIS PA DRANG DON DU MDO 'DIS BSHAD PA 'GAL TE, DE DAG MDO 'DIS NGES DON DU SGRUB PA YIN PA'I PHYIR RO ZHE NA, 'DI'I 'GAL SPONG DBU MA SNANG BA LAS MDZAD MOD KYANG DGONGS PA NI, DRANG DON DU GSUNGS PA DANG DGONGS PA BSTAN NAS NGES DON DU SGRUB PA GNYIS MDO GCIG YIN NA 'GAL MOD KYANG 'KHOR LO BAR PA TZAM DU GCIG PA YIN GYI MDO GCIG MIN @58B NO; ;DE YANG SHES RAB SNYING PO LTA BU MDO DE'I NANG DU DON DAM PA DANG BDEN PA'I KHYAD PAR GSAL BAR MA SBYAR BAR GZUGS MED CES PA LA SOGS PA BSTAN PA NI JI LTAR BSTAN PA DE TZAM GYIS SGRA JI BZHIN PAR GZUNG DU MI RUNG BAS GZHAN DU DRANGS DGOS PAS DRANG DON NO, ,'DREN LUGS NI MIG DANG RNA BA LA SOGS PA DON DAM PAR MED KYI THA SNYAD DU MED PA MIN PAS DON DAM PA LA SOGS PA'I KHYAD PAR SBYAR DGOS ZHES PA YIN NO, ,DE LTAR BYAS NA SHER PHYIN 'BUM PA LTA BU DGAG BYA LA DON DAM PA LA SOGS PA'I KHYAD PAR SBYAR BA RNAMS SGRA JI BZHIN PA'I NGES DON DU GRUB CES PA'I DON YIN PAS 'KHOR LO GNYIS PA DRANG DON DU GSUNGS PA DE GNYIS PA THAMS CAD MIN ZHES PA'I DON NO, ,'DI YANG DGONGS 'GREL LAS NGO BO NYID DANG SKYE 'GAG SOGS MED PAR GSUNGS PA LA DE KHO NA'O SNYAM DU 'DZIN PA'I SGRA JI BZHIN PAR 'DZIN PA BKAG KYANG, DON DAM PAR NGO BO NYID MED PA SOGS SU 'DZIN PA SGRA JI BZHIN PAR 'DZIN PA'I DON DU BYAS NAS DE 'GOG PA MA GSUNGS LA, GONG 'OG BSGRIGS NA RANG GI MTSAN NYID KYIS GRUB PA'I NGO BO DANG SKYE 'GAG SOGS MED PAR 'DZIN PA SGRA JI BZHIN PAR 'DZIN PA YIN KYANG MDO 'DIR RANG GI MTSAN NYID KYIS MA GRUB PAS MTSAN NYID NGO BO NYID MED PAR BSHAD PA DON DAM PAR YOD PA BKAG PA LA BZHED CING, THA SNYAD DU RANG GI MTSAN NYID KYIS GRUB PA BZHED PA'I GNAD KYIS DE LTAR 'CHAD DO, ,MDOR BSDU NA THEG CHEN LA ZHUGS PA LA 'KHOR LO GNYIS PA GSUNGS PA DE LA DGAG BYA LA DON DAM PA'I KHYAD PAR SBYAR BA DANG MA SBYAR @59A *, ,BA GNYIS BYUNG BA'I PHYI MA'I MDO NAS 'BYUNG BA BZHIN SGRA JI BZHIN PAR MI GZUNG BAR SNGA MA NAS 'BYUNG BA BZHIN SKYE 'GAG LA SOGS PA DON DAM DU MED CING THA SNYAD DU YOD PAR SHES PAR GYIS SHIG CES DGONGS 'GREL GYIS 'GREL PAS DGONGS 'GREL NI YUM 'BUM PA LTA BU RNAMS NGES DON DU GZHUNG 'DZUGS PA'I MDOR BZHED DO, ,'DI DAG GIS DANG PO DRANG DON DU 'GREL TSUL NI GO BAR ZAD DO, ,GAL TE RNAL 'BYOR SPYOD PA PA'I MTSAN NYID GSUM GYI 'JOG LUGS MDO 'DI'I DON MIN NA MDO GANG GI YANG DON MIN PAR BZHED DAM SNYAM NA, DBU MA SNANG BA LAS DGONGS 'GREL DANG LANG GSHEGS DANG RGYAN STUG PO BKOD PA SOGS LAS PHYI ROL BKAG NAS SEMS TZAM GYI LUGS SU BSGRUBS PA'I SKABS 'GA' ZHIG TU SEMS LA RANG BZHIN MA BKAG PA NI, CHOS THAMS CAD RANG BZHIN MED PA CIG CAR DU RTOGS MI NUS PA RIM GYIS BKRI DGOS PA RNAMS KYI BSAM PA DANG MTHUN PAR BSTAN PA YIN NO ZHES GSUNGS PAS MDO DE DAG LAS CIG CAR DU CHOS THAMS CAD RANG BZHIN MED PAR RTOGS NUS PA'I GDUL BYA LA BSHAD PA DANG SNGA MA GNYIS KA YOD PAS CHA PHYE NAS MDO'I DON DU 'JOG GO, SLOB DPON ZHI BA 'TSO'I GZHUNG 'GYUR BA RNAMS LAS MTSAN NYID GSUM GTAN LA 'BEBS TSUL SNGAR BSHAD PA BZHEN GSAL BAR MA BYUNG YANG SLOB DPON GNYIS KA DGONGS PA GCIG TU YOD DO, ,DGONGS 'GREL LAS MTSAN NYID GSUM GSUNGS PA'I DON RNAL 'BYOR SPYOD PA BDAG GIS JI LTAR BKRAL BA MDO'I DON MIN PAR DBU MA'I DON @59B DU 'GREL BA'I LAM SROL 'DI NI LEGS LDAN 'BYED KYIS PHYE BA ZHIB TU NI DBU MA SNANG BA LAS BSHAD DE, TSUL GNYIS KYIS MDO 'GREL TSUL ZHIB TU SHES NA SHING RTA CHEN PO RNAMS KYI RIGS PA'I RNAM 'GYUR DANG GSUNG RAB 'GREL TSUL DU MA ZHIG SHES SO, ,BZHI PA LA GNYIS, RIGS PA'I DGAG BYA NGOS GZUNG BA DANG, DE JI LTAR 'GOG PA'O, ,DANG PO NI, GAL TE CHOS RNAMS LA RANG GI MTSAN NYID KYIS GRUB PA'I RANG BZHIN TZAM ZHIG THA SNYAD DU 'DOD NA, 'O NA DE TZAM MIN PA'I BDEN PA DANG YANG DAG PA DANG DON DAM PAR GRUB PA ZHES BRJOD PA'I DGAG BYA DE JI 'DRA BA ZHIG SNYAM NA, 'DIR BDEN PAR GRUB PA SOGS SU 'DZIN PA'I 'DZIN LUGS SAM DES JI 'DRA ZHIG TU GZUNG BA'I DGAG BYA'I SPYI LEGS POR MA SHAR BAR DE RNAMS SU GRUB PA MI SRID CES PA'I BRDA 'JIGS PA TZAM LA BRTEN NAS, DE LTAR GRUB NA GNOD PA 'DI YOD DANG MA GRUB PA'I SGRUB BYED 'DI'O ZHES MANG DU SMRAS KYANG DON LEGS POR MI GO BAS DGAG BYA NGOS BZUNG BA NI SHIN TU GAL CHE'O, ,DE YANG SA LA SOGS PA DON DAM PAR 'BYUNG BA'I NGO BO NYID MA YIN ZHES GSUNGS PA'I 'GREL PAR RTOG GE 'BAR BA LAS, DON ZHES BYA BA NI SHES PAR BYA BA YIN PA'I PHYIR DON TE BRTAG PAR BYA BA DANG GO BAR BYA BA ZHES BYA BA'I THA TSIG GO, DAM PA ZHES PA NI MCHOG CES BYA BA'I TSIG GI SGRA YIN NO, ,DON DAM PA ZHES BSDU BA NI DE DON YANG YIN LA DAM PA YANG YIN PAS DON DAM PA'O, ,YANG NA DAM PA'I DON TE RNAM PAR MI RTOG PA'I YE SHES DAM PA'I DON YIN PAS DAM PA'I DON TO, ,YANG NA DON @60A *, ,DAM PA DANG MTHUN PA STE DON DAM PA RTOGS PA DANG RJES SU MTHUN PA'I SHES RAB LA DON DAM PA DE YOD PAS DON DAM PA DANG MTHUN PA'O ZHES GSUM GSUNGS PA'I PHYI MA NI SKABS KYI DAN YIN TE RTOG GE 'BAR BA LAS, DON DAM PA NI RNAM PA GNYIS TE, DE LA GCIG NI MNGON PAR 'DU BYED PA MED PAR 'JUG PA'I 'JIG RTEN LAS 'DAS PA ZAG PA MED PA SPROS PA MED PA'O, ,GNYIS PA NI, MNGON PAR 'DU BYED PA DANG BCAS PAR 'JUG PA BSOD NAMS DANG YE SHES KYI TSOGS KYI RJES SU MTHUN PA DAG PA 'JIG RTEN PA'I YE SHES ZHES BYA BA SPROS PA DANG BCAS PA STE, 'DIR DE DAM BCAS PA'I KHYAD PAR NYID DU BZUNG BAS NYES PA MED DO ZHES GSUNGS TE, DON DAM DPYOD PA'I RIGS SHES KYANG DER 'DOD DGOS KYI 'PHAGS PA'I RJES THOB KYI RIGS SHES KHO NA MIN NO, ,DE LTAR NA DBU MA PA DANG GZHAN DAG YOD MED DPYOD PA'I GZHI DE DON DAM PAR MED CES PA'I DON NI GZHI DE DON DAM DPYOD PA'I RIGS NGOR MED PA STE DES MA GRUB CES PA'O, ,SLOB DPON 'DI'I GZHUNG GI SKOR NAS DE LAS GSAL BA MA BSHAD LA SLOB DPON YE SHES SNYING PO'I BDEN GNYIS KYI SKOR DANG DBU MA RGYAN RANG 'GREL DANG BCAS PA LAS KYANG GSAL BAR NGOS BZUNG BA MI SNANG NGO, ,DBU MA SNANG BA LAS, YANG DAG PA'I DON THOS PA DANG, BSAM PA DANG, BSGOM PA LAS BYUNG BA'I SHES PA THAMS CAD NI PHYIN CI MA LOG PA'I YUL CAN YIN PA'I PHYIR DON DAM PA ZHES BYA STE, 'DI'I DON DAM PA YIN PA'I PHYIR RO, ,MNGON SUM DANG BRGYUD PAS BYAS PA'I KHYAD PAR NI YOD DE DE DAG GI BSAM PA'I @60B DBANG GIS DNGOS PO 'DI DAG THAMS CAD MA SKYES PA KHO NAR SHES SO, ,DES NA 'DI SKAD DU DON DAM PAR SKYE BA MED DO ZHES BYA BA NI 'DI DAG YANG DAG PA'I SHES PAS SKYE BAR MA GRUB PA'O ZHES BYA BA YIN NO ZHES BSHAD PAR 'GYUR RO, ,ZHES SHES RANG GSUM NI YUL DON DAM YIN PAS DON DAM DU BTAGS NAS BSHAD LA, YANG DAG PA'I SHES PAS SKYE BAR MA GRUB PAS DE'I BSAM PA'I DBANG GIS MA SKYES PAR BSHAD CING, BDAG MED GNYIS NI RIGS PA DANG LDAN PAS DAM PA YANG YIN LA SGRIB PA SPANG 'DOD PAS RTOGS BYA'I CHED DU DON DU GNYER BA DANG YE SHES DAM PA PHYIN CI MA LOG PA'I DON TE YUL YIN PAS DON DAM MTSAN NYID PAR BSHAD DO, ,DE BZHIN DU YANG DAG PA YANG RIGS SHES LA BYAS NAS DE'I DBANG GIS RANG BZHIN MED KYI THA SNYAD PA'I SHES PAS MIN PA DANG, YANG NA DE KHO NA NYID KYI NGO BO LA BYAS NAS DA KHO NA NYID KYI RNAM PAR DPYAD NA MOD DO ZHES RGYAN GYI 'GREL BSHAD LAS BSHAD DO, ,DNGOS PO'I SKYE BA LA SOGS PA DE KHO NA NYID DU YOD NA DE DAG GI DON DAM PA DANG DE KHO NA 'JAL BA'I BLOS 'GRUB DGOS NA DES MA GRUB PA'I PHYIR SKYE BA LA SOGS PA DNGOS PO RNAMS KYI DE KHO NA NYID DU MA GRUB CES STON PA YIN PAS DE NYID LA DON DAM PAR SKYE BA MED PA ZHES KYANG BYA'O, ,'O NA SKYE BA JI 'DRA ZHIG TU GRUB NA DE KHO NA NYID DU GRUB PA YIN SNYAM NA, DPER NA SGYU MA'I RTA GLANG DU SPRUL PA'I GZHI SHING DANG BONG BA LA SOGS PA DE MIG BSLAD PA LA RTA GLANG DU SNANG BA NA DE'I SHES PA LA DER SNANG BA TZAM @61A *, ,YIN GYI SHING LA SOGS PA DER MI SNANG ZHES SMRA MI NUS PA BZHIN DU, MYU GUS BON LAS SKYE BAR SNANG BA NA SHES PA LA DER SNANG BA KHO NAR ZAD KYI DE DE LAS SKYES PA MIN NO ZHES BYAR MI RUNG NGO, ,'O NA MYU GU RANG NGOS NAS SA BON LAS SKYES PAS DON DAM PA'I SKYE BA'O SNYAM NA, SKYON MED DE SPRUL GZHI'I NGOS NAS KYANG RTA GLANG DU SNANG BA YOD MOD KYANG MIG BSLAD PA'I SHES PA'I DBANG GIS DE LTAR SNANG BA YIN GYI RANG GI GNYUG MA'I RGYU RKYEN LAS DER SNANG DU BSKYED PA MIN TE, GZHAN DU MIG MA BSLAD PA LA YANG DER SNANG BAR 'GYUR RO, ,DE BZHIN DU SA BON LAS MYU GU SKYE BA YANG THA SNYAD PA'I BLO LA DE LTAR SNANG BA'I DBANG GIS MA BZHAG PAR MYU GU RANG GI GNAS LUGS KYI DBANG GIS SKYE BA MIN NO, ,DE LTAR YIN PA LA RANG GI YUL CAN GYI BLO'I SNANG BA'I DBANG GIS MA BZHAG PAR MYU GU RANG GI GNAS LUGS KYI DBANG GIS SKYE BA YOD PAR 'DZIN PA NI DON DAM PAR SKYE BA YOD PAR 'DZIN PA YIN LA, DES DON DAM PA DANG DE KHO NA NYID DU SKYE BA YOD CES PA YANG SHES PAR BYA LA CHOS GZHAN THAMS CAD KYI DON DAM PAR DANG DE KHO NA NYID DU DANG BDEN PA'I SKYE BA SOGS YOD MED KYANG SHES PAR BYA'O, ,'DI NI DBU MA SNANG BA LAS, DES KYANG SROG CHAGS THAMS CAD LA YANG DAG PAR DNGOS PO'I BDAG NYID LTA BUR NYE BAR STON PA MTHONG BAR 'GYUR TE, DE'I PHYIR DE DAG GI BSAM PA'I DBANG GIS DNGOS PO BRDZUN PA'I NGO BO THAMS CAD NI KUN RDZOB TU YOD PA KHO NA'O ZHES BYA'O, ,ZHES DON DAM PAR RANG BZHIN MED PA LA YOD PAR 'KHRUL BA'I KLO KUN @61B RDZOB PA THOG MA MED PA'I BAG CHAGS LAS BYUNG BA DES SEMS CAN RNAMS LA YANG DAG PA'I DNGOS PO YOD PA LTAR STON PAS DE DAG GI BSAM PA'I DBANG GIS YOD PA LA KUN RDZOB TU YOD PAR GSUNGS PAS, DE'I BZLOG PHYOGS LA DON DAM PAR YOD PAR BYA DGOS PAS DE LA BRTAN NAS BSHAD DE DBU MA RANG RGYUD PA THAMS CAD KYI LUGS KYANG 'DI DANG 'DRA'O, ,BDAG 'DZIN LHAN SKYES GNYIS LTA BU MA DPYAD PA'I BLO LA SNANG BA'I DBANG GIS THA SNYAD DU YOD PAR 'JOG MI NUS KYANG, THA SNYAD PA'I SHES PA TSAD MA GZHAN GYIS MI GNOD PA LA SNANG BA'I DBANG GIS NI THA SNYAD DU DON YOD PAR 'JOG NUS SO, ,'DI PA'I LUGS LA 'DI 'DRA BA'I SHES PA LA SNANG BA'I DBANG GIS BZHAG PA'I THA SNYAD PA'I GNAS LUGS KYANG YOD PAS RANG GI YUL CAN GYI BLO'I SNANG BA'I DBANG GIS MA BZHAG PA'I ZHES KHYAD PAR SMOS SO, ,BDEN 'DZIN GYI YUL DES GZHI DE DAG STONG PA'I STONG NYID DE DAG GI DON DAM PA'I GNAS LUGS SU 'DOD MOD KYANG DE DAG KYANG RANG GI YUL CAN LA SNANG BA'I DBANG GIS BZHAG PA MIN PA'I GNAS LUGS KYI DBANG GIS MA GRUB PA'O, ,'DIS NI STONG PA NYID STONG PA NYID KYI DON YANG SHES PAR BYA'O, ,SNGAR BSHAD PA'I BDEN 'DZIN DE NI 'DI PA'I LUGS KYI LHAN SKYES KYI BDEN 'DZIN YIN LA BRDA MA SHES PA'I SEMS CAN LA YANG DE DAG GI MING DON SBYOR BA'I TSUL GYIS 'DZIN PA MED KYANG DON YOD DO, ,DES NA BDEN 'DZIN GYI YUL DER GRUB NA MTHAR THUG DPYOD PA'I RIGS PAS DPYAD BZOD DANG CHA MED KYI DNGOS PO DANG RANG @62A *, ,BZHIN KHYAD PAR GSUM LDAN SOGS SU YOD PAR 'GYUR RO ZHES 'PHEN NUS KYI DE DAG TU 'DZIN PA BDEN 'DZIN GYI DON MIN TE, DE DAG BKAG KYANG BDEN MED KYI DON MI 'GRUB PA'I PHYIR RO, ,'DI PA'I BDEN 'DZIN GYI DON LEGS POR NGOS MA ZIN PAS RIGS SHES LA GZHAL BYA YOD NA BDEN GRUB TU SONG NAS SNGON GYIS MKHAS PA DAG KYANG KHA CIG DE NYID 'DOD LA, LA LA RIGS SHES YUL MED DANG, GZHAN DAG RIGS PA DANG RJES DPAG GI LDOG PA PHYE NAS YUL YOD MED DU 'JOG GO, MDOR NA CHOS KYI BDAG 'DZIN LHAN SKYES 'DI NGOS ZIN PAR BYAS LA CHOS BDAG 'GOG PA'I RIGS PA THAMS CAD 'DI 'GOG PA DNGOS DANG DE'I YAN LAG TU SHES PAR BYAS TE, MNYAN PA DANG BSHAD PA DANG BSAS PAS RANG RGYUD KYI 'DZIN PA DE LA CI TZAM ZHIG GNOD DU SONG BA YANG YANG BRTAG PA NI GDAMS PA'I DON POR SHES PAR BYA STE, RANG SDE'I BDAG MED 'CHAD PA'I SKABS GZHAN DU YANG DE BZHIN DU BLTA'O, ,GNYIS PA NI, DE LTA BU'I DGAG BYA DE 'GOG PA'I RIGS PA'I GTZO BO GANG LA BYED CE NA, LUGS 'DI'I DGAG BYA 'GOG PA'I RTAGS NI 'GA' ZUNG MA GTOGS PA 'BREL ZLA MA DMIGS PA'I RTAGS LA BRTEN NAS BYED LA, DE YANG LANG KAR GSHEGS PA DANG YAB SRAS MJAL BA LAS GSUNGS PA LA BRTEN NAS GCIG DANG DU BRAL GYI RTAGS NYID KYIS SGRUB PA NI DBU MA RGYAN LAS BSHAD DE, DBU MA SNANG BA LAS NI RDO RJE GZEGS MA DANG YOD MED SKYE 'GOG DANG MU BZHI SKYE 'GOG DANG GCIG DANG DU BRAL YANG GSUNGS LA, RTEN 'BREL GYI GTAN TSIGS @62B KYANG GSUNGS TE DE NI 'GAL ZLA DMIGS PA'I RTAGS SO, ,PHA ROL LA 'GAL 'DU STON PA'I MTSAMS MTHAR THUG PA NI, RANG GZHAN SDE PAS JI 'DRA ZHIG KHAS BLANGS PA LA YANG DUS KYI RIM PA'AM YUL GYI CHA'AM SHES PA'I YUL GYI RNAM PA SOGS CHA DU MA MED PA'I CHA MED MI SRID PAR BSTAN NAS, CHA DU MA DANG LDAN PAR GRUB PA NA CHOS GCIG CHA DU MA'I BDAG NYID DU YOD PA THA SNYAD PA'I DON LA MI 'GAL MDO DON DAM PAR GRUB PA LA NI CHA DANG CHA CAN GNYIS NGO BO THA DAD NA 'BREL MED DANG NGO BO GCIG NA CHA RNAMS GCIG TU 'GYUR BA DANG CHA CAN DU MAR 'GYUR BA'I GNOD PA BSTAN NAS CHOS DON DAM PAR GRUB PA 'GOG STE, 'PHAGS PA LHAS, TSIGS LAS SOR MO GZHAN MED DE ZHES SOGS GSUNGS PA'I RIGS PA LA RTZAL DU BTON NAS 'CHAD PA'O, ,DPER NA GZHAN SKYE 'GOG PA LA YANG RTAG MI RTAG GNYIS SU KHA TSON BCAD NAS RTAG PA LAS SKYE BA BKAG ,MI RTAG PA LA DUS MNYAM MI MNYAM GNYIS SU BCAD NAS DUS MNYAM LAS SKYE BA BRKAG ,MI MNYAM PA LA ZHIG MA ZHIG GNYIS SU BCAD NAS ZHIG PA LAS SKYE BA BKAG, SNGA MA MA ZHIG PA LAS SKYE BA LAS BAR DU CHOD MA CHOD GNYIS SU BCAD NAS CHOD PA LAS SKYE BA BKAG STE DE RNAMS 'GOG PA CUNG SLA'O, ,DE NAS MA CHOD PA LAS SKYE BA LA BDAG NYID THAMS CAD KYIS MA CHOD PA DANG PHYOGS RES MA CHOD PA GNYIS SU BCAD NAS SNGA MA LTAR NA DUS CAN GNYIS 'DRES DGOS TE, DPER NA RDUL PHRA RAB 'DAB CHAGS PA GNYIS BDAG NYID THAMS CAD KYIS BAR MA CHOD NA YUL GCIG TU 'DRE DGOS PA LTAR RO, ,PHYI MA @63A *, ,LTAR NA CHA DANG BCAS PAS KUN RDZOB PAR 'GYUR RO, ,ZHES DBU MA SNANG BA LAS 'CHAD DE, GNOD PA STON MTSAMS MTHAR THUG PA NI CHA CHA CAN LA GCIG THA DAD KYI BRTAG PA BYAS NAS 'GOG PA 'DI'O, ,DES NA GZHAN SKYA LTA BU CIG 'GOG PA LA YANG GNOD BYED STON PA'I RIGS PA'I SGO MANG NGO, ,SLOB DPON YE SHES SNYING POS BDEN GNYIS SU BDEN GRUB 'GOG PA'I RIGS PA'I DNGOS GZHI MU BZHI SKYE 'GOG LA MDZAD PA'I GNOD PA MTHAR GTUGS PA YANG ZHIB 'TSO YAB SRAS DANG 'DRA'O, ,'DI DAG KYANG MGON PO KLU SGRUB KYI RJES SU 'BRANG BA'I RIGS PA'I LAM CHEN PO STE RIGS PA LA BLO RGYAS PAR 'DOD PAS BSLAB PAR BYA'O, ,RANG RGYUD KYI PHYOGS LA 'DI DAG GI RIGS PA SHES NA GZHAN RNAMS KYI RIGS PA YANG BDE BLAG TU SHES PAR 'GYUR BAS RGYA MA BSKYED DO, ,GNYIS PA THAL 'GYUR BA RNAMS KYIS 'PHAGS PA'I DGONGS PA JI LTAR BKRAL BA LA GNYIS, GANG ZAG DANG CHOS LA RANG BZHIN YOD MED JI LTAR BSHAD PA DANG, DON DAM DU GRUB PA 'GOG PA'I RIGS PA'I GTZO BO GANG YIN BSTAN PA'O, ,DANG PO LA GSUM, GANG ZAG DANG CHOS LA RANG BZHIN 'GOG PA'I KHYAD PAR BSHAD PA DANG, DE LA BRTEN NAS 'PHAGS PA'I DGONGS PA 'GREL TSUL THUN MONG MA YIN PA BSTAN PA DANG, TSUL DE LA MDO SDE RNAMS DANG 'GAL BA SPANG BA'I, ,DANG PO LA GNYIS, RANG GI MTSAN NYID KYIS GRUB PA'I RANG BZHIN 'GOG PA KHYAD PAR YIN PAR BSTAN PA DANG, DGAG BYA DE NGOS BZUNG NAS JI LTAR MED PA BSTAN PA'O, , @63B DANG PO NI, SLOB DPON SANGS RGYAS BSKYANGS KYIS RTZA BA SHES RAB KYI 'GREL PA MDZAD PA LA LEGS LDAN GYIS SKYON MANG PO BZUNG YANG BDAG MED GNYIS LA MI MTHUN PA YOD PA'I SGO NAS SKYON MA BRJOD LA, SPYAN RAS GZIGS BRTUL ZHUGS KYIS KYANG, THA SNYAD DU PHYI NANG GI RTEN 'BREL SGYU MA TZAM DU BYA BA BYAD NUS SU YOD CANG DON DAM PAR NGO BO NYING MAD PAR SHES PA NI, 'PHAGS PA YAB SRAS DANG LEGS LDAN 'BYED DANG SANGS RGYAS BSKYANGS LA SOGS PA DBU MA'I LAM SMRA BA RNAMS KYIS SHES RAB KYI PHA ROL TU PHYIN PA'I TSUL BSTAN PA'O ZHES 'CHAD DE, THA SNYAD DU SGYU MA TZAM DU YOD PA DANG DON DAM PAR NGO BO NYID MED TSUL LA SLOB DPON GNYIS 'DRA BAR BSHAD DO, ,YE SHES SNYING PO DANG ZHI BA 'TSO DANG KA MA LA SH'I LA LA SOGS PA RNAMS KYIS KYANG SANGS RGYAS BSKYANGS DANG ZLA BA GRAGS PA'I LUGS DANG RANG GI LUGS GNYIS LA BDAG MED KYI KHYAD PAR YOD PA'I TSUL MA BSHAD DO, ,ZLA BA GRAGS PAS NI SANGS RGYAS BSKYANGS KYIS 'PHAGS PA'I DGONGS PA JI LTA BA BZHIN DU BKRAL BAS DE DANG RANG GI DON DAM PA DANG KUN RDZOB PA'I 'JOG TSUL KHYAD PAR MED PAR BZHED LA, RANG GI LUGS NI DBU MA PA GZHAN GYIS BKRAL BA DANG THUN MONG MA YIN PAR BSHAD DE, 'JUG 'GREL LAS, JI LTAR DBU MA'I BSTAN BCOS MA GTOGS PAR BSTAN BCOS GZHAN LAS STONG PA NYID CES BYA BA'I CHOS 'DI PHYIN TZAM LOG PAR MI BRJOD PA DE BZHIN DU, KHO BO CAG GIS 'DIR LUGS GANG ZHIG BRGAL LAN DANG BCAS PAR BSNYAD PA'I LUGS 'DI NAS 'BYUNG BA DE YANG STON PA NYID KYI CHOS LTAR BSTAN BCOS GZHAN NA MED DO ZHES MKHAS PA RNAMS KYIS NGAS PAR @64A *, ,MDZAD DU GSOL LA, ,DE'I PHYIR KHA CIG GIS MDO SDE PA RNAMS KYI LUGS DON DAM PAR SMRAS PA DE NYID DBU MA PA RNAMS KYIS KUN RDZOB TU 'DOD DO ZHES SMRAS PA GANG YIN PA DE NI DBU MA'I BSTAN BCOS KYI DE KHO NA NYID MNGON PAR MI SHES PA KHO NAS SMRAS PA YIN NO ZHES SHES PAR BYA'O, ,ZHES GSUNGS SHING BYE BRAG TU SMRA BA'I LUGS LA YANG DE LTAR GSUNGS PA'I MTHAR 'DI LTAR 'JIG RTEN LAS 'DAS PA'I CHOS NI 'JIG RTEN PA'I CHOS DANG MTSUNGS PAR MI RIGS BA'I PHYIR TE, LUGS 'DI NI THUN MONG MA YIN PA'O ZHES MKHAS PA RNAMS KYIS NGES PAR BYA'O ZHES GSUNGS SO, ,RANG GI LUGS DBU MA PA GZHAN DANG THUN MONG MA YIN PA'I GTAN TSIGS KYIS DON SMRA GNYIS KYIS DON DAM PAR SMRAS PA RNAMS DBU MA PA'I KUN RDZOB TU 'DOD PAS DBU MA'I DE KHO NA NYID MI SHAS PAR 'JOG PA'I RGYU MTSAN NI RANG GI LUGS LA THA SNYAD DU YANG RANG GI MTSAN NYID KYIS GRUB PA'I CHOS MI 'DOD LA DE DAG NI DE'I STONG NAS 'JOG PA SHA STAG YIN PA'I PHYIR RO, ,BDEN PA GNYIS GANG RUNG GCIG LAS NYAMS NA CIG SHOS LAS KYANG NYAMS PAR 'GYUR BAS BDEN GNYIS KYI TSUL LAS MA NYAMS PA'I 'JIG RTEN LAS 'DAS PA'I CHOS NI BDEN GNYIS LAS NYAMS PA'I 'JIG RTEN PA'I CHOS DANG BDEN GNYIS GANG DU YANG MTSUNGS PAR MI RIGS PAS 'PHAGS PA'I LUGS 'DI NI DON DAM DU MA ZAD KUN RDZOB TU YANG DNGOS POR SMRA BA'I GRUB MTHA' DANG THUN MONGS MA YIN NO, ,BDEN GNYIS RANG 'GREL LAS, GZHAN GYIS DON DAM BYAS GANG YIN, ,DE NI GZHAN @64B GYI KUN RDZOB STE, ,GZHAN GYI MAR 'DOD GANG YIN PA, ,GZHAN GYI CHUNG MAR YANG 'DOD BZHIN, ,ZHES KHUNGS SU DRANGS PA DE KLU SGRUB KYI YIN ZHES 'GREL BSHAD LAS 'TSAD MOD KYANG DA MIN PAR 'JUG 'GREL GYIS SHES SO, ,'GREL BSHAD DE TZOM PA PO ZHI BA 'TSO YIN ZHES PA YANG MING MTHUN PA'AM KHA G-YAR BA YIN GYI DBU MA RGYAN LA SOGS PA RTZOM MKHAN NI MIN TE, 'DIS BSTAN BCOS RTZOM PA'I DGOS PA BSHAD PA TSAD MA'I DE KHO NA NYID BSDUS PA'I 'GREL PAR BKAG PA'I PHYIR DANG, GZUNG 'DZIN JI LTAR SNANG BA BZHIN DU MED PAR SMRA BA MNGON SUM DANG 'GAL ZHING GRAGS PAS KYANG GNOD PAR BDEN GNYIS RANG 'GREL LAS BSHAD PA SGRA SOR BZHAG GI DON 'THAD PHYOGS SU 'GREL BA'I PHYIR RO, , GZHAN YANG 'JUG 'GREL LAS, DON DAM PAR SKYE BA MED PAS BDAG DANG GZHAN LAS SKYE BA DGAG LA RAG MOD, GZUGS DANG TSOR BA LA SOGS PA GANG DAG MNGON SUM DANG RJES SU DPAG PA DAG GIS DMIGS PA DE DAG GI RANG BZHIN GDON MI ZA BAR GZHAN LAS SKYE BAR 'GYUR RO, ,CI STE DE LTAR MI 'DOD NA NI BDEN PA GNYIS CI STE BRJOD DE BDEN PA GCIG KHO NAR 'GYUR RO, ,DE'I PHYIR GZHAN LAS SKYE BA YOD PA NYID DO, ,ZHES GSUNGS TE, GONG DU RANG MTSAN GYIS GRUB PA'I RGYU 'BRAS BKAG PA LA DON DAM PAR DE BKAG NAS GZHAN SKYE 'GOG PA RIGS KYANG THA SNYAD DU RANG BZHIN NAM RANG GI MTSAN NYID KYIS SKYE BA'I GZHAN SKYE 'DOD DGOS, DE MI 'DOD NA KUN RDZOB TU YANG BDEN PA MED PAS KUN RDZOB @65A *, ,KYI BDEN PA MED PAR 'GYUR RO ZHES RGOL BA LA RIM PA BZHIN DU RANG GI MTSAN NYID KYIS SKYE BA BDEN PA GNYIS CHAR DU MED PAR BSGRUBS TE, 'DI NI DBU MA BDON DAM PAR MI SKYE YANG THA SNYAD DU RANG MTSAN NYID KYIS SKYE BA YOD PAR 'DOD PA LA SGRUB KYI DNGOS POR SMRA BA LA MIN PAS, DBU MA PA GNYIS LA DGAG BYA'I KHYAD PAR DE TZAM YOD NA ZLA BA GRAGS PAS DE LA DMIGS BSAL CAN GYI DGAG PA CI'I PHYIR MA MDZAD CES SMRA BAR MI RIGS SO, ,GNYIS PA LA GNYIS, KUN BRTAGS DANG LHAN SKYES KYI SGRO 'DOGS KYIS BZUNG TSUL BSTAN NAS DE MED PAR BSTAN PA DANG, NYAN THOS KYI SDE SNOD LA BRTEN NAS KYANG BDAG MED GNYIS GSUNGS PA'I DON BSHAD PA'O, ,DANG PO NI, 'ON JI 'DRA ZHIG TU BZUNG NA RANG GI MTSAN NYID KYIS GRUB PAR BZUNG BA YIN ZHE NA, 'DI LA THOG MAR GRUB MTHA' SMRA BA'I LUGS BRJOD PAR BYA STE, GANG ZAG 'DIS LAS 'DI BYAS SO, ,'BRAS BU 'DI MYONG NGO ZHES PA'I THA SNYAD BTAGS PA LA RANG GI PHUNG PO 'DI NYID GANG ZAG YIN NAM 'ON TE DE DAG LAS DON GZHAN ZHES GANG ZAG GI THA SNYAD BTAGS PA DE'I DON BTZAL TE, DEN GCIG PA'I DON THA DAD LA SOGS PA'I PHYOGS GANG RUNG ZHIG RNYED NAS GANG ZAG DE 'JOG SA BYUNG NA LAS GSOG PA PO LA SOGS PAR 'JOG NUS LA, MA RNYED NA 'JOG MI NUS PAS GANG ZAG GI THA SNYAD BTAGS PA TZAM GYIS MI TSIM PAR DE'I THA SNYAD GANG LA BTAGS PA'I BTAGS GZHI DE JI LTAR YIN DPYAD CING BTZAL NAS 'JOG NA GANG ZAG RANG GI MTSAN NYID KYIS GRUB PAR @65B 'JOG PA YIN TE, RANG SDE BYE BRAG TU SMRA BA NAS DBU MA RANG RGYUD PA'I BAR THAMS CAD KYIS DE BZHIN DU 'DOD DO, ,DE BZHIN DU GZUGS DANG TSER BA LA SOGS PA'I CHOS 'DUS BYAS DANG, 'DUS MA BYAS KYI CHOS THA NA MDO SDE PAS THOGS PA'I REG BYA RNAM PAR BCAD TZAM GYI MED DGAG LA NAM KHAR BZHAG PA YIN CHAD KYANG RUNG STE, TSAD MAS GRUB PAR 'DOD PA THAMS CAD YOD PAR 'JOG PA NA RANG RANG GI MING GI THA SNYAD 'JUG PA'I 'JUG GZHI'I DON DE JI 'DRA ZHIG TU GRUB PA BTZAL BA NA DES RNYED PA'I DON MED NA YOD PAR 'JOG MI NUS PAS DE LAS BZLOG PA LA YOD PAR 'JOG GO , RTOG GE'I GZHUNG NAS DON BYED NUS PA KHO NA LA RANG MTSAN DANG, MNGON PA'I MDO LA SOGS PAR GZHAN DANG THUN MONG MA YIN PAR MTSON PA ME'I TSA BA LTA BU LA RANG GI MTSAN NYID DU BSHAD PA DANG, RANG GI MTSAN NYID KYIS GRUB PA'I RANG MTSAN NI CHES SHIN TU MI 'DRA'O, ,ZLA BA'I ZHABS KYI LUGS NI DE 'DRA BA'I SGO NAS YOD PAR 'JOG PA NI THA SNYAD DU YANG MI BZHED PAS RANG GI THA SNYAD 'JOG LUGS NI TSIG GSAL LAS, GZHAN YANG LUS KYI RTEN CAN KHYAD PAR DU BYED PA 'JIG RTEN PA'I THA SNYAD KYI YAN LAG TU GYUR PA MA BRTAGS NA GRUB PA RTEN PA PO MCHI GU DANG, MGO YI RTEN CAN RTEN PA PO DAG GCAN NI GANG ZAG LA SOGS PA BTAGS PA LTAR YOD PA'I PHYIR DPE 'DI RIGS PA MA YIN NO ZHES GSUNGS SO, ,'DIS NI 'JIG RTEN NA MCHI GU'I LUS DANG DAG GCAN GYI MGO ZHES THA SNYAD BYED PA LA LUS DANG MGO LAS THA DAD PA'I KHYAD PAR MED KYANG RTOG NGOR GZHI CHOS RUNG BA BZHIN DU SA'I RANG @66A *, ,GI MTSAN NYID SRA BA ZHES PA LA YANG SRA BA MIN PA'I SA MED KYANG DE LTA BU'I THA SNYAD BYED DO ZHES PA'I LAN DU, LUS DANG MGO ZHES PA'I SGRA LAS DE GNYIS LA DMIGS PA'I BLO SKYES PA NA KHYAD GZHIR BZUNG NAS GANG GI LUS DANG GANG GI MGO YIN SNYAM DU SHES PAR 'DOD PA NA, STON PA POS KYANG MCHI GU DANG DGRA GCAN MIN PA'I LUS DANG MGO YIN PA BSAL BAR 'DOD NAS 'JIG RTEN PA'I BRDA'I RJES SU BYED PA KHYAD PAR GYI CHOS MCHI GU DANG DGRA GCAN GYI SGRAS NYAN PA PO'I DOGS PA SEL BA NI RIGS NA, SRA BA MIN PA'I SA MED PAS SA YI RANG GI MTSAN NYID SRA BA'O ZHES PA LA DGOS PA DE 'DRA BSAL RGYU MED PA'I PHYIR DPE DON GNYIS MI MTSUNGS SO ZHES LAN MDZAD NAS, DPE MA GRUB PA'I RGYU MTSAN GZHAN ZHIG KYANG STON TE KHYAD PAR GYI GZHI RTEN LUS DANG MGO BO DANG KHYAD PAR GYI CHOS RTEN PA MCHI GU DANG DGRA GCAN 'JIG RTEN KYI THA SNYAD DU THA DAD DU GRUB PAS DE GNYIS THA DAD MED PA'I DPER MA GRUB BO ZHES 'CHAD DO, ,'DI LA THA SNYAD 'DOGS PA'I GZHI GANG YIN BTZAL NA DON THA DAD PA MI RNYED DE DGRA GCAN GYI MGO LA DGRA GCAN DU BAR BYAS PA'I PHYIR DANG MCHI GU DANG DE'I LUS ZHES PA'I DON BTZAL NA SO SOR MI RNYED PA'I PHYIR RO, ,DE LA BRGAL LAN MDZAD NAS BSAL BAR GSUNGS TE LUNG DE'I 'PHRO NYID NAS GAL TE DE TZAM ZHIG DMIGS PAS LUS DANG MGO LAS THA DAD PA'I DON GZHAN MA GRUB PA'I PHYIR DPE GRUB PA NYID DO ZHE NA, DE NI DE LTAR MA YIN TE, 'JIG RTEN PA'I THA SNYAD LA DE LTAR RNAM PAR DPYOD PA MI 'JUG PA'I @66B PHYIR DANG, 'JIG RTEN PA'I DNGOS PO RNAMS NI MA BRTAGS PAR YOD PA'I PHYIR RO ZHES SO, ,NYAN PA PO'I NGOR GZHI CHOS DE TZAM ZHIG YOD KYANG THA SNYAD DE'I DON LA BRTAGS PA NA LUS DANG MGO LAS SO SOR GRUB PA'I MCHI GU DANG DGRA GCAN MI RNYED PAS DE DAG GZHI CHOS SU MA GRUB BO ZHES RTZOD PA NI SNGAR BSHAD PA'I GZHAN GYIS CHOS RNAMS YOD PAR 'JOG LUGS SO, ,YOD PA NI 'JIG RTEN GYI THA SNYAD DU YIN LA DE LA NI DPYAD PA DE LTAR BYAS NAS 'JOG PA MA YIN GYI MA DPYAD PAR 'JOG GO ZHES LAN MDZAD DO, ,DPYAD NAS 'JOG NA 'JOG MI NUS PA DANG MA DPYAD PAR 'JOG LUGS KYANG LUNG DE'I 'PHRO NYID NAS JI LTAR RNAM PAR DPYAD NA GZUGS LA SOGS PA LAS THA DAD PAR BDAG MED MOD KYI 'ON KYANG PHUNG PO LA BRTEN NAS 'JIG RTEN GYI KUN RDZOB TU 'DI YOD PA NYID YIN LA DE BZHIN TU, DGRA GCAN DANG MCHI GU GNYIS KYANG YIN PAS DPE GRUB PA MED DO ZHES GANG ZAG 'JOG TSUL GSUNGS SO, ,LHAS BYIN GYI GZUGS LHAS BYIN GYI SEMS ZHES BRJOD PA LA YANG THA SNYAD DE GANG BTAGS PA'I GZHI LHAS BYIN DANG DE'I GZUGS DANG SEMS JI LTAR GRUB DPYAD PA NA CHOS DE DAG KYANG LHAS BYIN MIN LA DE'I GZUGS SEMS SOGS LAS DON GZHAN DU YANG LHAS BYIN MI RNYED PAS DPYAD CING BTZAL NAS RNYED PA'I DON LA LHAS BYIN 'JOG SA MED PA NI BDAG MED MOD KYI ZHES PA'O, ,DE NI LHAS BYIN RANG GI MTSAN NYID KYIS MA GRUB PA YIN GYI LHAS BYIN MED PA MIN PAS PHUNG PO LA BRTEN NAS KUN RDZOB TU YOD PA BZHIN @67A *, ,DU DPE GNYIS KYANG 'JOG CES PA'O, ,CHOS RNAMS KYI 'JOG TSUL YANG LUNG DE'I 'PHRO NYID NAS DE BZHIN DU RNAM PAR DPYAD PA NAS LA SOGS PA DE DAG LA YANG SRA BA LA SOGS PA DAG LAS THA DAD PA'I MTSAN GZHI MED LA, MTSAN GZHI LAS THA DAD PAR RTEN MED PA'I MTSAN NYID KYANG MED MOD KYI DE LTA NA'ANG 'DI NI KUN RDZOB TU YOD DE, DES NA SLOB DPON RNAMS KYIS PHAN TSUN LTOS PA TZAM GYI GRUB PA'I SGO NAS GRUB PAR RNAM PAR GZHAG PAR MDZAD DO, , ZHES GSUNGS TE SA DANG SRA BA SOGS MTSAN MTSON DU 'JOG PA LA YANG MTSAN MTSON GYI THA SNYAD 'JUG PA'I 'JUG GZHI DE SNGAR LTAR BTZAL NAS RNYED PA'I DON LA 'JOG NA DE GNYIS 'JOG MI NUS KYANG PHAN TSUN LTOS PA'I SGO NAS DE DAG YOD PAR 'JOG GO , GANG ZAG DANG CHOS KYI 'JOG TSUL 'DI NGES PA KHO NAR KHAS BLANG DGOS PA RGYU MTSAN DANG BCAS PA NI LUNG DE'I MJUG NYID NAS, 'DI NI DE KHO NA LTAR GDON MI ZA BAR KHAS BLANG BAR BYA STE, DE LTA MA YIN NA KUN RDZOB 'THAD PA DANG LDAN PA MA YIN NAM DES NA 'DI DE KHO NA NYID DU 'GYUR GYI KUN RDZOB TU MI 'GYUR RO, ,'THAD PAS RNAM PAR DPYAD PA NA MCHI GU LA SOGS PA DAG KHO NA MI SRID PA NI MA YIN TE, 'O NA CI ZHE NA, 'CHAD PAR 'GYUR BA'I 'THAD PAS GZUGS DANG TSOR BA LA SOGS PA RNAMS KYANG YOD PA MA YIN PAS DE DAG KYANG MCHI GU LA SOGS PA BZHIN KUN RDZOB TU YOD PA MA YIN PA NYID DU KHAS BLANGS PAR 'GYUR LA DE LTAR YANG MA YIN PAS 'DI NI YOD @67B PA MA YIN NO, ,ZHES BSHAD CING BRTEN NAS BTAGS PA RNAM PAR 'JOG TSUL 'JUG PA LAS SHES DGOS PAR GSUNGS SO, ,DES NI SNGAR LTAR DPYAD NAS RNYED PA'I DON LA THA SNYAD DU YOD PAR 'JOG NA DE KHO NAR GRUB MA GRUB DPYOD PA'I 'THAD PAS BZHAG PAS, DE NI KUN RDZOB TU YOD PA MIN GYI DON DAM DU YOD PAR 'GYUR ZHES STON PAS RANG MTSAN GYIS GRUB NA DON DAM PAR GRUB PA'O, ,'O NA BDEN GNYIS LAS, JI LTAR SNANG BZHIN NGO BO'I PHYIR, ,'DI LA DPYAD PA MI 'JUG GO , RNAM PAR DPYOD PAR BYED NA DON, ,GZHAN DU SONG BAS GNOD PAR 'GYUR, ,ZHES GSUNGS PA BZHIN DU, DBU MA RANG RGYUD PA RNAMS KYANG KUN RDZOB PA'I DON RNAMS RIGS PAS DPYAD NAS RNYED PA'I DON LA 'JOG PA 'GOG PA MA YIN NAM, THA SNYAD DU YOD PA RIGS PAS DPYAD DON LA MI 'JOG PA KHYED KYI KHYAD CHOS JI LTAR YIN ZHE NA, 'DI NI DBU MA PA GNYIS KYI LUGS KYIS DPYOD LUGS JI 'DRA ZHIG GIS DPYAD PAS DE KHO NAR GRUB MA GRUB DPYOD PAR 'GYUR BA'I KHYAD PAR MA PHYED PA'I RTZOD PA YIN TE, ,THAL 'GYUR BAS NI SNGAR LTAR DPYOD PA TZAM NAS DE KHO NAR GRUB MA GRUB DPYOD PAR BZHED DE, SNGAR LUNG DRANGS PA DANG YOD PA RNAMS KYANG MING DANG BRDA DANG THA SNYAD TZAM DU LAN MANG POR BSHAD PA'I PHYIR RO, ,MING TZAM GYI DON NI SNGAR LTAR THA SNYAD KYI DON BTZAL BA NA MI RNYED PA LA BYED KYI MING YOD CING DON MED PA'AM MING MA YIN PA'I DON MED PA NI MA YIN NO, ,'DIR MING GI THA SNYAD 'DOGS PA'I BLOS GANG GZHAG THAMS CAD THA SNYAD DU YOD PAR MI BZHED KYANG THA SNYAD 'DOGS PA'I BLO'I DBANG @68A *, ,GIS MA BZHAG PA'I THA SNYAD DU YOD PA MI BZHED DO, ,DBU MA RANG RGYUD PA RNAMS NI THA SNYAD 'DOGS PA'I BLO'I DBANG GIS GZUGS TSOR LA SOGS PA 'JOG MI NUS LA GNOD PA MED PA'I DBANG PO'I SHES PA LA SOGS PA LA SNANG BA'I DBANG GIS THA SNYAD DU YOD PA 'JOG NUS PAR 'DOD NGAS BLO'I DBANG GIS BZHAG MA BZHAG GI BLO LA YANG KHYAD PAR CHE'O, ,DE 'DRA BA'I BLO'I DBANG GIS BZHAG PA MIN PAR CHES RANG GI NGOS KYI GNAS LUGS KYI DBANG GIS YOD MED SOGS DPYOD PA NAS DE KHO NAR GRUB MA GRUB DPYOD PAR 'GRO BAR 'DOD KYI, SNGAR BSHAD PA'I DPYOD LUGS DE TZAM NAS MI 'DOD PAS THA SNYAD DU RANG GI MTSAN NYID KYIS GRUB PA BZHED DO, ,DE'I PHYIR GSUNG RAB LAS KUN RDZOB MING DANG BRDA DANG BTAGS PA TZAM DU GSUNGS PA'I TZAM GYI SGRAS GANG GCOD PA YANG MI MTHUN NO, ,'O NA 'JIG RTEN PA LA YANG 'ONGS SAM MI 'ONGS SKYES SAM MSKYES MA SKYES ZHES SOGS DPYAD PA MANG PO YOD PAS DE LTAR DRIS PA LA 'ONGS PA DANG SKYES ZHES SMRAR MI RUNG NGAM SNYAM NA, 'DI'I TSOL TSUL DANG DPYOD LUGS SNGA MA DANG CHES MI 'DRA STE, 'DIS NI 'GRO 'ONG BYED MKHAN DANG 'GRO 'ONG GI THA SNYAD BTAGS PA LA DE LTAR BTAGS PA TZAM GYIS MA TSIM PAR THA SNYAD DE DAG BTAGS PA'I DON DE GANG YIN SNYAM DU DPYAD NAS 'GRO 'ONG DRIS PA MIN GYI, 'GRO 'ONG GI THA SNYAD RANG DGA' BAR 'JUG PA LA RANG DGA' BA'I BRTAG PA BYAS PA YIN PAS DE'I BRTAG PA KHAS BLANGS PA LA 'GAL BA CI ZHIG YOD, DE LTAR THA SNYAD KYI DON LA DPYAD NAS RANG GI MTSAN @68B NYID KYIS GRUB PA'I RANG BZHIN YOD PAR 'DZIN PA NI BDAG 'DZIN LHAN SKYES KYI 'DZIN TSUL MIN LA, SEMS CAN 'KHOR BAR 'CHING BA NI LHAN SKYES NYID YIN PAS DE NYID RIGS PA RNAMS KYIS GTZO BOR DGAG DGOS PAS DE'I 'DZIN TSUL JI LTAR YIN ZHE NA, DE NI PHYI NANG GI CHOS RNAMS THA SNYAD KYI DBANG GIS BZHAG PA TZAM MIN PAR RANG GI NGO BO'I SGO NAS YOD PAR 'DZIN PA STE, DE YANG MCHOD SBYIN LA SOGS PA'I GANG ZAG LA DE LTAR 'DZIN NA GANG ZAG GI BDAG 'DZIN DANG MIG RNA LA SOGS PA'I CHOS LA DE LTAR 'DZIN NA CHOS KYI BDAG 'DZIN YIN LA DAS BDAG GNYIS KYANG SHES PAR BYA'O, ,'DI LTAR BZUNG BA DES THA SNYAD KYI DON GANG YIN DPYAD NAS BZUNG BA MIN KYANG 'DIS BZUNG BA LTAR GYI DON DE YOD NA, DE'I THA SNYAD BTAGS PA'I BTAGS SA DE JI LTAR YOD DPYAD PA NA DPYOD BYED KYIS RNYED DGOS SO, ,DES NA MA DPYAD PA'I LHAN SKYES KYI BDAG 'DZIN YUL DANG BCAS PA RIGS PA'I DGAG BYA'I GTZO BO YIN PA DANG, GZHUNG RNAMS NAS DPYAD NAS 'GOG PA SHA STAG 'BYUNG BA YANG MI 'GAL BAS KUN BRTAGS KYI 'DZIN PA YUL BCAS KHO NA 'GOG GO SNYAM DU MI BZUNG NGO, ,GRUB MTHAS BLO MA BSGYUR BA KHA CIG DANG BRDA MI SHES PA'I SEMS CAN GYIS THA SNYAD 'DOGS PA'I BLO'I DBANG GIS MA BZHAG PAR YOD PA'I MING DE NI SBYOR MI NUS KYANG DE'I DON NI YOD DE GZHAN DU NA BDAG GNYIS SU 'DZIN PA'I DON YANG MED PAR 'GYUR RO, ,RNAL 'BYOR SPYOD PA PA DANG DBU MA RANG RGYUD PA RNAMS GANG ZAG DANG CHOS @69A *, ,KYI STENG DU GANG BKAG PAS BDAG MED DU 'JOG PA'I BDAG GNYIS DANG DER ZHEN LUGS DON MI 'DRA BA KHO NAR 'DOD MOD KYANG, LUGS 'DIS GZHI CHOS CAN GYI SGO NAS BDAG MED GNYIS SU 'BYED KYI MED RGYU'I BDAG LA MI 'DRA BA MI BZHED DE, 'JUG PA LAS, BDAG MED 'DI NI 'GRO BA RNAM DGROL PHYIR, ,CHOS DANG GANG ZAG DBYE BAS RNAM GNYIS GSUNGS, ,ZHAS CHOS DANG GANG ZAG GI DBYE BAS PHYE YI BDAG GNYIS KYI SGO NAS PHYE PAR MA GSUNGS LA, BZHI BRGYA PA'I 'GREL PA LAS KYANG, DE LA BDAG CES BYA BA NI, GANG ZHIG DNGOS PO RNAMS KYI GZHAN LA RAG MA LAS PA'I NGO BO RANG BZHIN TE DE MED PA NI BDAG MED PA'O, ,DE NI CHOS DANG GANG ZAG GI DBYE BA GNYIS SU RTOGS TE CHOS KYI BDAG MED PA DANG GANG ZAG GI BDAG MED PA'O, ,ZHES SO, ,RAG MA LAS KYI NGO BO NI MING DU BTAGS PA TZAM MIN PAR DON GYI NGOS NAS SDOD LUGS YOD PA RANG DBANG BA'I NGO BO'O, ,GAL TE RANG SDE BYE BRAG SMRA BA NAS DBU MA RANG RGYUD PA LA THUG PA'I BAR DU TSAD MAS GRUB PAR 'DOD PA'I DON LA 'DI 'DRA BA'I RANG MTSAN GYIS GRUB PA 'DOD NA, 'O NA SNGAR RNAL 'BYOR SPYOD PA PAS GZUGS SOGS KYI NGO BO DANG KHYAD PAR DU BTAGS PA'I KUN BRTAGS YOD PAR 'DOD PA LA RANG GI MTSAN NYID KYIS GRUB PA BKAG NAS MING DANG BRDAS BZHAG PAR BSHAD PA DANG 'GAL LA SNYAM NA, SKYON MED DE DE NI MING DANG BRDAS 'JOG NUS PAS RANG GI MTSAN NYID KYIS MA GRUB CES SMRA BA YIN GYI, DE LA RANG GI MING BTAGS @69B PA'I BTAGS GZHI BTZAL NA MI RNYED PAR MI 'DOD PAS 'DI PAS BSHAD PA'I RANG MTSAN GYIS GRUB PAR 'DZIN PA YOD DO, ,DE DAG GI GZHUNG LAS NGO BO DANG KHYAD PAR DU BTAGS PA DE ? MING TZAM DU BSHAD PA YANG DE GNYIS SNANG BA'I BLO LA GZUNG 'DZIN RGYUNGS CHAD DU SNANG BA LTAR GYI DON MED PA LA BTAGS PA TZAM DU 'DOD PAS 'DI PA'I MING DU BTAGS PA TZAM DANG MI 'DRA'O, ,GNYIS PA NI, RNAL 'BYOR SPYOD PA PA DANG DBU MA RANG RGYUD PA RNAMS THEG DMAN GYI SDE SNOD LAS CHOS KYI BDAG MED MA BSTAN ZHING, GANG ZAG GI BDAG MED BSTAN PA NI NYAN THOS SDE PAS GTAN LA PHAB PA LAS LHAG PA THEG CHEN DU YANG BSHAD RGYU MED PAR BZHED LA, SLOB DPON GNYIS KYI LUGS KYIS NI DE GNYIS KA LAS BZLOG STE SMRA BA'I DANG PO THEG DMAN GYI SDE SNOD LAS CHOS KYI BDAG MED BSHAD PA'I TSUL NI, SANGS RGYAS BSKYANGS KYIS, BCOM LDAN 'DAS KYIS 'DU BYED RNAMS BDAG MED PA'I DPER SGYU MA DANG BRAG CHA DANG GZUGS BRNYAN DANG SMIG RGYU DANG RMI LAM DANG DNGUL RDOS PA DANG CHU'I CHU BUR DANG CHU SHING GI PHUNG PO DAG BSTAN TE, 'DI LA DE BZHIN NYID DAM MA NOR BA DE BZHIN NYID NI 'GA' YANG MED KYI 'DI DAG NI SPROS PA YANG YIN 'DI DAG NI RDZUN PA YANG YIN NO ZHES KYANG GSUNGS SO, , CHOS THAMS CAD BDAG MED DO ZHES GSUNGS PA LA BDAG MED PA ZHES BYA BA NI NGO BO NYID MED PA'I DON TE BDAG CES BYA BA'I SGRA NI NGO BO NYID KYI TSIG YIN PA'I PHYIR RO, ,ZHES GSUNGS TE, PHUNG PO LNGA BDAG MED PA'I DPER RIM PA BZHIN DU @70A *, ,DBU BA DANG CHU BUR DANG CHU SHING DANG SMIG RGYU DANG SGYU MA BSTAN PA DANG, 'DI DAG RDZUN PA YIN NA, ZHES GSUNGS PA DANG, CHOS THAMS CAD BDAG MED DO ZHES THEG DMAN GYI SDE SNOD LAS GSUNGS PAS CHOS THAMS CAD NGO BO NYID MED PAR BSTAN TA BDAG GI DON NI NGO BO'I DON YIN PA'I PHYIR RO ZHES BSHAD DO, ,'JUG 'GREL LAS KYANG, GZUGS NI DBU BA RDOS PA 'DRA, ZHES SOGS NYAN THOS LA BSTAN PA'I MDO LAS DRANGS NAS CHOS KYI BDAG MED BSTAN PAR GSUNGS SHING, RIGS PA DRUG CU PA'I 'GREL PA LAS KYANG, MED LTA ZLOG PA NI NYAN THOS SDE PA LA GSAL BAS DE'I RIGS PA MI BSHAD DO, ,YOD LTA ZLOG PA YANG BDEN PA DAM PA NI GCIG STE, 'DI LTA STE MI BSLU BA'I CHOS CAN MYA NGAN LAS 'DAS PA'O, ,'DU BYED THAMS CAD NI RDZUN PA SLU BA'I CHOS CAN NO ZHES SOGS KYIS GSUNGS MED KYANG, LAN MANG DU DANG BAR MED PA DANG GZHUNG GCIG TU BKOD NAS MA GSUNGS PAS DE'I RIGS PA BSHAD PAR GSUNGS SO, ,'DI LA LEGS LDAN GYIS DPE DE DAG GIS NI GANG ZAG GI BDAG TU SNANG YANG MED PA STON PAS GANG ZAG GI BDAG MED BSHAD KYI CHOS KYI BDAG MED MIN NO, ,BDAG GI SGRA'I DON KYANG CHOS KYI NGO BO NYID MA YIN GYI GANG ZAG GI BDAG YIN NO, ,NYAN THOS KYI THEG PAR CHOS KYI BDAG MED BSHAD NA NI THEG PA CHEN PO DON MED PAR 'GYUR RO ZHES BKAG GO, 'JUG 'GREL DU THEG PA CHEN POR NI CHOS LA BDAG MED PA TZAM ZHIG MI STON GYIS DANG PHA ROL TU PHYIN PA DANG SMON LAM DANG TSOGS GNYIS LA SOGS PA STON @70B PAS DON MED DU MI 'GYUR ZHES RIN CHEN 'PHRENG BA'I SHES BYED DANG BCAS PAS BSGRUBS SO, ,SLOB DPON GYIS BZHED PAR YANG RTZA SHE LAS, BCOM LDAN DNGOS DANG DNGOS MED PA, ,MKHYEN PAS K'A TY'A YA NA YI, ,GDAMS NGAG LAS NI YOD PA DANG, , MED PA GNYIS KA'ANG DGAG PA MDZAD, ,CES PA DANG, BCOM LDAN 'DAS KYIS CHOS GANG ZHIG ,SLU BA DE NI RDZUN ZHES GSUNGS, ,'DU BYED THAMS CAD SLU BA'I CHOS, ,DES NA DA DAG RDZUN PA YIN, ,ZHES SOGS KYIS ZLA BAS BSGRUBS TE, RIGS PA DRUG CU PA LAS KYANG, MYA NGAN 'DAS PA BDEN GCIG PU, ,RGYAL PA RNAMS KYIS NAM GSUNGS PA, ,DE TSE LHAG MA LOG MIN ZHES, ,MKHAS PA SU ZHIG RTOG PAR BYED, ,CES GSUNGS LA, RDZUN PA'I DON NGO BO NYID KYIS STONG PA'I RANG BZHIN MED PA LAS GZHAN DU 'DREN PA LA GNOD PA BRJOD NAS DON DER NGES PAR RTZA SHE LAS BSGRUBS PAS, THEG DMAN GYI SDE SNOD DU YANG CHOS KYI BDAG MED KYANG BSHAD PA NI 'PHAGS PA'I DGONGS PAR NGES PAR 'DOD PAR BYA'O, ,DE LTA NA'ANG NYAN THOS KYI SDE SNOD DU CHOS LA RANG MTSAN GYIS GRUB PA'I RANG BZHIN YOD DO ZHES MA GSUNGS PAR MI SGRUB KYI DE SKAD GSUNGS PA'I SKABS KYANG MANG NGO, ,GANG ZAG GI BDAG MED NI, RANG SDE THEG PA CHE CHUNG GI GRUB MTHA' SMRA BA GZHAN GYI LTAR NA GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I RDZAS SU MED PA TZAM LA 'DOD DO, ,DE'I TSUL NI NGA ZHES 'DZIN PA'I GZHI'I BDAG 'DI PHUNG PO'I RJE BO LTA BU DANG PHUNG PO RNAMS DE'I KHO LA LTA BUR 'DZIN TE, NGA'I @71A *, ,GZUGS NGA YI TSOR BA ZHES SOGS SU 'DZIN PAS PHUNG PO RNAMS BDAG DE'I YIN NO ZHES NGAS DBANG BAR 'DZIN PA'I PHYIR RO, ,DES NA RJE KHOL LTAR PHUNG PO DANG MTSAN NYID MI MTHUN PAR RANG RKYA BAR SNANG LA DE BZHIN DU YOD PAR ZHEN PA NI RDZAS SU YOD PAR 'DZIN PA'O, ,DE BKAG PA NA GANG ZAG DE PHUNG PO LA BTAGS PA TZAM DU 'GYUR TE TZAM GYIS NI PHUNG PO LAS DON GZHAN DU YOD PA GCOD DO, ,BTAGS LUGS NI RTOG GE 'BAR BA LAS, 'DI LTAR KHO BO CAG KYANG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, 'DI LTAR RNAM PAR SHES PA NI YANG SRID PA LEN PA'I PHYIR BDAG YIN NO ZHES LUS DANG DBANG PO'I TSOGS DAG LA NYE BAR 'DOGS PA'I PHYIR TE, ZHES YAN LAG TSOGS PA LA BRTEN NAS SHING RTA LTAR PHUNG PO LA BRTEN NAS SEMS CAN DU 'DOGS PAR GSUNGS PA 'DREN NO, ,DE YANG MDO KHA CIG LAS SEMS DUL NA BDE BA 'THOB PAR GSUNGS LA KHA CIG TU BDAG DUL BAS MTHO RIS 'THOB PAR GSUNGS PAS SEMS LA BDAG TU 'JOG CES LUNG DANG, PHUNG PO LEN MKHAN NI BDAG YIN LA RNAM SHES KYIS YANG SRID LEN PA'I PHYIR RNAM SHES BDAG TU BZHAG GO ZHES RIGS PA'I SGRUB BYED SMRA'O, ,SLOB DPON 'DI KUN GZHI MI BZHED PAS LUS LEN PA'I RNAM SHES NI YID KYI RNAM SHES YIN TE KUN GZHI MI 'DOD PA GZHAN YANG DE DANG 'DRA'O, ,KUN GZHI 'DOD PAS NI KUN GZHI'I RGYUN NYID GANG ZAG TU 'DOD DO, ,GANG ZAG GI BDAG DE DAG GIS DE LTAR 'DOD PA'I LUNG NI MANGS SU DOGS NAS @71B MA BRIS SO, ,ZLA BA'I LUGS KYIS DE 'DRA'I GANG ZAG RDZAS YOD KHEGS KYANG GANG ZAG THA SNYAD DU BTAGS PA TZAM MIN PA'I RANG GI NGO BOS GRUB PA MI KHEGS LA DE YOD PAR 'DZIN PA GANG ZAG BDEN 'DZIN YIN PAS GANG ZAG GI BDAG 'DZIN YIN TE CHOS KYI BDAG 'DZIN BZHIN NO, ,GZHAN YANG RANG RKYA THUB PA'I RDZAS YOD KYI BDAG DE NI PHYI ROL PAS PHUNG PO LAS DON GZHAN DU KUN BRTAGS PA'I NANG GI BYED PA'I SKYES BU YOD PAR BZUNG BA'I YUL YIN LA, DE MED PAR MNGON SUM DU RTOGS SHING MTHONG ZIN GOMS PAR BYAS KYANG GZUGS LA SOGS PA LA SNGAR BDEN PAR BZUNG BA CUNG ZAD KYANG KHA BRI BA MED PAS PHUNG PO BDEN PAR BZUNG NAS SKYE BA'I 'DOD CHAGS LA SOGS PA'I NYON MONGS PA LDOG PA'I DON MED PAR 'CHAD DE, ,'JUG PA LAS, KHYOD KYI RNAL 'BYOR BDAG MED MTHONG BA YIS, ,GZUGS SOGS DE NYID RTOGS PAR MI 'GYUR ZHING, ,GZUGS LA DMIGS NAS 'JUG PHYIR 'DOD CHAGS SOGS, ,SKYE 'GYUR DE YI NGO BO RTOGS MED PHYIR, ,ZHES DANG, RIGS PA DRUG CU PA'I 'GREL PA LAS KYANG, GANG DAG GZUGS LA SOGS PA RNAMS KYI RANG BZHIN DMIGS KYANG NYON MONGS PA RNAMS SPONG BAR 'DOD PA DE DAG LA NI NYON MONGS PA SPONG BA MI SRID PA NYID DO, ,ZHES BSTAN PA'I PHYIR GSUNGS PA, GNAS BCAS SEMS DANG LDAN RNAMS LA, , NYON MONGS DUG CHEN CES MI 'BYUNG, ,GANG TSE BAR MAR 'DUG PA YANG, ,NYON MONGS SPRUL GYIS ZIN PAR 'GYUR, ,ZHES GSUNGS TE GNAS NI RANG MTSAN GYIS GRUB PA BDEN 'DZIN SKYE BA'I DMIGS PA'O, ,GZHAN GYI GANG ZAG BTAGS @72A *, ,YOD DU 'JOG TSUL NI NYAN THOS KYI SDE SNOD LAS, JI LTAR YAN LAG TSOGS RNAMS LA, ,BRTEN NAS SHING RTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES GSUNGS PA'I DON YANG MIN TE, YAN LAG LA BRTEN NAS BZHAG PA'I SHING RTA YAN LAG TU MI RUNG BA LTAR PHUNG PO LA BRTEN NAS BTAGS PA'I GANG ZAG KYANG PHUNG POR MI RUNG BA'I PHYIR RO, ,GAL TE YAN LAG TSOGS PA LA BRTEN NAS SHING RTAR BTAGS PA TSOGS TZAM DE NYID SHING RTA YIN PA LTAR PHUNG PO YANG YIN NO SNYAM NA, DE LA BRTEN NAS BTAGS PA NYID KYIS GDAGS GZHI MA YIN PAR 'DOD DGOS TE 'BYUNG BA RGYUR BYAS NAS SNGON PO DANG MIG LA SOGS PA BTAGS PA BZHIN NO, ,BUM PA LA SOGS PA YANG BDAG DANG 'DRA BAS DE DAG GIS MA NGES PA MED DO, ,'JUG PA LAS KYANG, MDO LAS PHUNG PO BRTEN NAS YIN GSUNGS PA, ,DE'I PHYIR PHUNG PO 'DUS TZAM BDAG MA YIN, ,ZHES SO, ,GAL TE MDO LAS, DGE SBYONG DANG BRAM ZE GANG DAG BDAG GO SNYAM DU LTA BA NI PHUNG PO LNGA PO 'DI DAG KHO NA LA LTA'O, ,ZHES GSUNGS PAS PHUNG PO BDAG LTA'I DMIGS PAR GSUNGS LA DE LTA NA DE DAG BDAG YIN NO SNYAM NA, DE NI SGRUB PA'I TSUL GYIS PHUNG PO BDAG LTA'I DMIGS PAR STON PA MIN GYI PHUNG PO LAS DON GZHAN DU BDAG LTA'I DMIGS PA YOD PA KHO NA'I SGRAS 'GOG PA YIN TE, MDO GZHAN LAS, GZUGS BDAG MA YIN ZHES SOGS KYIS PHUNG PO RE RE NAS BDAG YIN PA BKAG PA'I PHYIR TE, 'JUG PA LAS, GANG PHYIR STON PAS PHUNG PO BDAG GO ZHES, , @72B GSUNGS PA DE PHYIR PHUNG PO BDAG 'DOD NA, ,DE NI PHUNG LAS GZHAN BDAG 'GOG PA STE, ,GZUGS BDAG MIN SOGS MDO GZHAN GSUNGS PHYIR RO, ,ZHES SO, ,'DIS 'JIG TSOGS LA LTA BA ZHES GSUNGS PA'I SGRA'I DON YANG SHES PAR BYA'O, ,DE DAG GIS NI NGAR 'DZIN LHAN SKYES LA DMIGS PA DANG RNAM PA GNYIS YOD PA'I DMIGS PA'I YUL THA SNYAD DU YOD PA NGOS BZUNG BA YIN NO, ,RNAM PA'I YUL NI BDAG DE RANG GI NGO BOS YOD DO SNYAM DU BZUNG BAS BDAG RANG GI MTSAN NYID KYIS GRUB PA'O, ,'DI NI THA SNYAD DU YANG MED DO, ,NGA YIR 'DZIN PA'I 'JIG LTA LHAN SKYES KYI DMIGS PA NI NGA YI BA'O, ,RNAM PA NI NGA YI BA RANG GI MTSAN NYID KYIS GRUB PAR 'DZIN PA'O, ,GAL TE NGAR 'DZIN LHAN SKYES KYI DMIGS PAR PHUNG PO MI 'THAD NA, MDO LAS, GZUGS LA SOGS PA BDAG MA YIN, ,ZHES 'GOG PA MI 'THAD DE, DE DAG BDAG TU 'DZIN PA'I 'JIG LTA LHAN SKYES KYI YUL LAM GZHIR MI RUNG BA'I PHYIR RO ZHE NA, PHUNG PO DANG BDAG GCIG DANG DON GZHAN DU 'DZIN PA GNYIS KA KUN BRTAGS KYI 'DZIN PA YIN GYI LHAN SKYES MIN PAS SKYON MED LA, 'ON KYANG LHAN SKYES KYI 'JIG LTAS BZUNG BA LTAR YOD NA GCIG DANG DON GZHAN LAS MI 'DA' BAS DE LTAR BRTAGS NAS 'GOG PA YANG 'THAD DO, ,DE DAG GIS NI LUNG GI SGRUB BYED YOD PA DANG GNOD BYED MED PAR BSTAN NAS RIGS PA NI PHUNG PO BDAG GI NYE BAR BLANG BYA BDAG NI NYE BAR LEN PA PA YIN PAS RNAM SHES SAM GZHAN YANG RUNG PHUNG PO NI BDAG TU MI RIGS TE GZHAN DU NA BYED PA PO DANG LAS GCIG TU 'GYUR BSO, ,'DI NYID 'PHAGS PA'I DGONGS PA @73A *, ,YIN TE, RTZA SHE LAS, GAL TE SHING DE ME YIN NA, BYED PA PO DANG LAS GCIG 'GYUR, ZHES DANG, ME DANG SHING GIS BDAG DANG NI, ,NYE BAR BLANG BA'I RIM PA KUN, ,BUM SNAM LA SOGS LHAN CIG TU, ,MA LUS PAR NI RNAM PAR BSHAD, ,CES GSUNGS PA'I PHYIR RO, ,GZHAN YANG RTZA SHE LAS, DE BZHIN NYER LEN SHES PAR BYA, ,ZHES LAS DANG BYED PA PO GNYIS PHAN TSUN LA BRTEN NAS BTAGS PAR YOD KYI RANG GI NGO BO NYID KYIS GRUB PA MIN PA BZHIN DU NYE BAR BLANG BYA DANG LEN PA PO YANG 'JOG PAR GSUNGS TE, MIG GIS GZUGS MTHONG BA LA BRTEN NAS MCHOD SBYIN GYIS MTHONG BA DANG MCHOD SBYIN GYIS GZUGS BLTAS PA LA BRTEN NAS DE'I MIG GIS GZUGS MTHONG BAR LEGS PAR 'JOG NUS LA, 'ON KYANG GZUGS MTHONG BA'I MIG MCHOD SBYIN MIN ZHING GZUGS LTA MKHAN GYI MCHOD SBYIN YANG MIG MIN PA MI 'GAL LO, ,DE BZHIN DU MIG NA BA DANG BSOS PA NA NGA NA BA DANG BSOS SO ZHES THA SNYAD 'DOGS PA BZHIN DU 'JOG NUS SHING NGA'I MIG NA ZHING BSOS SO ZHES THA SNYAD 'DOGS PA LTAR YANG 'JOG NUS MOD KYANG, MIG DE NYID BDAG DANG BDAG GI BA GNYIS KAR 'JIG RTEN GYI THA SNYAD KYIS 'JOG PA MIN NO, ,TSUL DES PHYI NANG GI SKYE MCHED LHAG MA DANG BDAG GNYIS KYANG GCIG LA BRTEN NAS CIG SHOS THOS PA PO SOGS SU 'JOG PA YANG SHES PAR BYA'O, ,'DI LA PHYI ROL PAS MIG LA SOGS PA'I CHOS GANG ZAG TU 'JOG TU MI RUNG BAR MTHONG NAS DE DAG LAS RDZAS GZHAN GYI MTHONG BA PO LA SOGS PA'I GANG ZAG KHAS BLANGS SHING, RANG SDE GZHAN @73B GYIS RDZAS GZHAN LA GNOD PA MTHONG NAS RNAM SHES SAM PHUNG PO'I CHOS GZHAN GANG ZAG TU 'DOD LA, RGYAL BA'I GSUNG RAB PHYIN CI MA LOG PAR KHONG DU CHUD PA RNAMS NI THA SNYAD DU BTAGS PA TZAM MA GTOGS PA'I NGO BO MED PAR RTOGS NAS GROL BAR 'JUG 'GREL LAS GSUNGS TE, BTAGS PA TZAM DE NYID LA LAS GSOG PA DANG 'BRAS DU MYONG BA SOGS LEGS PAR 'JOG SHES PA ZHIG DGOS SO, ,DES NA GANG ZAG GI BDAG MED NI JI LTAR YAN LAG TSOGS RNAMS LA ZHES SOGS KYI DGONGS PA 'JUG BA RTZA 'GREL DU GTAN LA PHAB PA BZHIN, RNAM PA BDUN DU GANG ZAG GI THA SNYAD KYI DON BTZAL BAS MA RNYED PA'I RANG BZHIN MED PA LA 'DOD PAS GZHAN GYIS 'CHAD PA DANG KHYAD PAR SHIN TU CHE'O, ,'DI NYID SANGS RGYAS BSKYANGS KYI 'GREL PA'I DGONGS PA'I YANG DNGOS GZHIR SNANG NGO, ,GNYIS PA LA GSUM, BDAG MED RTOGS PA DANG BDAG 'DZIN PHRA RAGS SOGS KYI THUN MONG MA YIN PA'I KHYAD PAR DANG, PHYI DON 'JOG CING KUN GZHI DANG RANG RIG KHAS MI LEN PA'I THUN MONG MIN PA'I KHYAD PAR DANG, RANG RGYUD KHAS MI LEN PA'I THUN MONG MIN PA'I KHYAD PAR BSHAD PA'O, ,DANG PO NI, DE LTAR BDAG DANG CHOS RNAMS KYI THA SNYAD KYI DON BTZAL BA NA GCIG DANG THA DAD SOGS CUNG ZAD KYANG MI RNYED LA, 'ON KYANG MCHOD SBYIN NO, ,MIG GO ZHES PA SOGS KYI THA SNYAD KYANG NGES PAR BYA DGOS PAS THA SNYAD KYI DBANG GIS MA BZHAG PA'I NGO BO MED PA DANG, THA SNYAD KYI DBANG GIS YOD PAR BZHAG PA LA 'KHOR 'DAS KYI RNAM GZHAG THAMS CAD CHAS SHIN TU 'THAD PA'I BDEN PA GNYIS KYI RNAM GZHAG 'DI NI SANGS RGYAS @74A *, ,BSKYANGS DANG ZLA BA'I ZHABS KYIS 'PHAGS PA YAB SRAS KYI DGONGS PA BKRAL BA 'GREL PA GZHAN LAS KHYAD ZHUGS PA'I KHYAD CHOS BLA NA MED PA'O, ,THA SNYAD DU YOD PA DANG SKYE BA SOGS NI THA SNYAD KYI DBANG GIS DE LTAR BZHAG PA YIN PAR CHOS YANG DAG PAR SKUD PA LAS, RIGS KYI BU 'JIG RTEN GNAS PA NI SKYE BA DANG 'GAG PA LA MNGON PAR ZHEN PA YIN PAS, DE LA DE BZHIN GSHEGS PA THUGS RJE CHEN PO CAN GYIS 'JIG RTEN GYI SKRAG PA'I GNAS YONGS SU SPANG BA'I PHYIR THA SNYAD KYI DBANG GIS SKYE'O 'GAG GO ZHES GSUNGS KYI, RIGS KYI BU 'DI LA CHOS 'GA' YANG SKYE BA NI MED DO, ,ZHES GSUNGS SHING, STONG NYID BDUN CU PA LAS KYANG, GNAS PA'AM SKYE 'JIG YOD MED DAM, ,DMAN PA'AM MNYAM PA'AM KHYAD PAR CAN, ,SANGS RGYAS 'JIG RTEN SNYAD DBANG GIS, ,GSUNGS KYI YANG DAG DBANG GIS MIN, ,ZHES SO, ,YUM GYI MDO LA SOGS PA LAS 'JIG RTEN GYI THA SNYAD DU YOD DO, ,ZHES GSUNGS PA LTAR DBU MA PAS THA SNYAD DU 'JOG DGOS LA 'JIG RTEN PA'I THA SNYAD NI SA BON LAS MYU GU SKYE BA SOGS KYI RNAM GZHAG BYAD KYANG THA SNYAD KYI DON DE JI LTAR YIN BTZAL NAS BDAG GAM GZHAN GANG LAS SKYE BA SOGS KYI DPYAD PA MED PA KHO NAR 'JOG PA YIN ZHING, 'PHAGS PAS KYANG DA KHO NA LTAR BSHAD PA'I PHYIR DANG MA DPYAD PA'I 'JIG RTEN GYI THA SNYAD KYI DON NI SNGAR GANG ZAG 'JOG TSUL BSHAD PA LTAR LUGS 'DIS BZHAG PA LTAR SNANG GI, PHUNG PO LAS RDZAS THA DAD PA DANG PHUNG PO TSOGS TZAM LA SOGS PA GANG ZAG TU 'JOG PA 'JIG RTEN GYI THA SNYAD KYI DON DU GTAN MI RUNG BA'I PHYIR TE, BDAG DANG BDAG GI @74B BA NI 'JIG RTEN NA RJE KHOL LTAR 'JOG PA'I PHYIR RO, ,GANG ZAG DANG CHOS DON DAM PAR MED PA DANG YOD PA'I TSUL DE LTA YIN DANG BDAG MED GNYIS KYANG BSHAD PA LTAR BYA DGOS LA, DE'I TSE CHOS BDAG GRUB MTHAS YOD PAR KHAS LEN NA GANG ZAG GI BDAG MED RTOGS PA 'ONG SA MED PAS 'JUG 'GREL LAS KYANG, CHOS LA BDAG TU 'DZIN PA MI 'DOR NA GANG ZAG GI BDAG MED MI RTOGS PAR GSUNGS SO, ,DE'I PHYIR NYAN RANG GIS KYANG BDAG MED GNYIS RTOGS DGOS SO, ,'DI NI 'PHAGS PA'I BZHED PA DAM PA YIN TE, RIGS PA DRUG CU PA LAS, YOD PAS RNAM PAR MI GROL TE, ,MED PAS SRID PA 'DI LAS MIN, ,DNGOS DANG DNGOS MED YONGS SHES PAS, ,BDAG NYID CHEN PO RNAM PAR GROL, ,ZHES CHOS RNAMS RANG GI MTSAN NYID KYIS YOD PAR 'DZIN PA'I YOD LTA DANG RGYU 'BRAS LA SOGS PA MI RUNG BAR MTHONG BA'I MED LTA GNYIS JI SRID MI 'DOR BA DE SRID DU MA GROL BA DANG, DNGOS PO DNGOS MED KYI DE NYID MTHA' GNYIS DANG BRAL BA SHES PAS GROL BAR GSUNGS PA'I PHYIR RO, ,GROL ZHES PA SHES SGRIB LAS GROL BA LA DRANG DU MI RUNG STE SRID PA 'DI LAS ZHES GSUNGS PA'I PHYIR RO, ,DE BZHIN DU RIN CHEN PHRENG BA LAS KYANG, DE BZHIN SMIG RGYU LTA BU YI, ,'JIG RTEN YOD CE'AM MED PA ZHES, ,'DZIN PA DE NI RMONGS PA STE, ,RMONGS PA YOD NA MI GROL LO, ,YOD PA PA NI BDE 'GROR 'GRO, MED PA PA NI NGAN 'GROR 'GRO, YANG DAG JI BZHIN YONGS SHES PHYIR, ,GNYIS LA MI RTEN THAR PAR 'GYUR, ,ZHES 'KHOR BA LAS GROL BA LA YOD MED KYI MTHA' GNYIS SPANGS PA DGOS PAR GSUNGS SO, ,DES NA THEG PA CHEN PO LAS GZUNG 'DZIN RDZAS GZHAN @75A *, ,BKAG PA LA CHOS KYI BDAG MED DU GSUNGS NAS GNYIS STONG GI SHES PA LA RANG BZHIN MA BKAG PA DANG DE LA YANG RANG BZHIN BKAG PA'I CHAS KYI BDAG MED PHRA RAGS GNYIS GSUNGS PA'I PHYI MA NGES DON DU BYED PA BZHIN DU, NYAN THOS KYI SDE SNOD LAS KYANG GANG ZAG GI BDAG MED PHRA RAGS GNYIS GSUNGS PA'I PHRA BA'I BDAG MED NGES DON DU 'DOD PAR BYA STE RGYU MTSAN RNAM PA KUN NAS MTSUNGS PA'I PHYIR RO, ,DE LTAR BYAS NA BDAG 'DZIN SGRIB PA GNYIS SU 'JOG TSUL YANG MI 'DRA STE DBU MA PA GZHAN GYIS SHES SGRIB TU BYED PA'I CHOS KYI BDAG 'DZIN NI LUGS 'DIS NYON MONGS SU BZHED PA'I PHYIR RO, ,'DI LTAR SANGS RGYAS BSKYANGS KYIS SEMS CAN SDUG BSNGAL SNA TSOGS KYIS NYEN PA GZIGS NAS GROL BAR BYA BA'I PHYIR DU DNGOS PO'I YANG DAG PA JI LTA BA NYID BSTAN PAR BZHED NAS RTZA SHE BRTZAMS LA, YANG DAG PA'I DON DE YANG NGO BO NYID MED PA YIN TE GTI MUG GI MUN PAS BLO'I MIG BSGRIBS TE DNGOS PO LA NGO BO NYID DU RTOG PA NA CHAGS SDANG SKYE BA DANG, RTEN 'BYUNG SHES PA'I SNANG BAS GTI MUG GI MUN PA BSAL ZHING DNGOS PO'I NGO BO NYID MED PA MTHONG BA'I TSE GNAS MED PA LA CHAGS SDANG MI SKYE BA DANG, DE DAG GI SHES BYED DU BRGYA PA LAS, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,ZHES GSUNGS PA DRANGS SO, ,DES NI CHAGS SDANG GNYIS KYI YA GYAL GYI GTI MUG DNGOS PO'I BDEN 'DZIN DANG SRID PA'I SA BON DU BSHAD CING, DE LDOG PA LA BDAG MED MTHONG DGOS PA DANG DE @75B YANG DNGOS PO RANG BZHIN MED PAR MTHONG BA NYID LA GSUNGS PAS GANG ZAG DANG CHOS KYI DNGOS PO BDEN PAR 'DZIN PA NYID NYON MONGS CAN GYI MA RIG PAR BZHED DO, ,BRGYA BA'I 'GREL BA LAS KYANG, RNAM PAR SHES PA DNGOS PO'I RANG GI NGO BO LHAG PAR SGRO 'DOGS PAR BYED PA NYIN MONGS PA CAN GYI MI SHES PA'I DBANG GIS DNGOS PO RNAMS LA CHAGS PA DANG LDAN ZHING, 'KHOR BA 'JUG PA'I SA BON DU GYUR PA RNAM PA THAMS CAD DU 'GAGS PA LAS 'KHOR BA LDOG PAR RNAM PAR GZHAG GO, ZHES DANG, 'JUG 'GREL LAS KYANG, MA RIG PA DNGOS PO'I RANG GI NGO BO YOD PA MA YIN PA SGRO 'DOGS PAR BYED PA RANG BZHIN MTHONG BA LA SGRIB PA'I BDAG NYID CAN NI KUN RDZOB BO ZHES DANG, DE LTAR NA SRID PA'I YAN LAG GIS YONGS SU BSDUS PA'I NYON MONGS PA CAN GYI MA RIG PA'I DBANG GIS KUN RDZOB KYI BDEN PA RNAM PAR BZHAG GO, ZHES DNGOS PO BDEN 'DZIN NYID NYON MONGS CAN GYI MA RIG PA YAN LAG BCU GNYIS KYI DANG BOR GSAL BAR BSHAD DO, ,MA RIG PA LHAN SKYES 'DI LA GANG ZAG DANG CHOS KYI BDAG 'DZIN GNYIS SU YOD PAS GANG ZAG GI BDAG 'DZIN LHAN SKYES KYANG NYON MONGS CAN GYI MA RIG PA'O, ,DE'I PHYIR RES 'GA' MA RIG PA 'KHOR BA'I RTZA BAR GSUNGS LA RES 'GA' 'JIG LTA LHAN SKYES RTZA BAR GSUNGS PA YANG MI 'GAL LO, ,NGAR 'DZIN LHAN SKYES KYI DMIGS PA NI NGA ZHES 'DZIN PA'I GZHI YIN PAS RGYUD GZHAN GYI GANG ZAG RANG GI MTSAN NYID KYIS GRUB PAR 'DZIN PA GANG ZAG GI BDAG 'DZIN YIN YANG 'JIG LTA MIN NO, ,TSUL 'DI 'PHAGS PA YAB SRAS KYI BZHED PA DAM PA YIN TE, STONG NYID BDUN CU PA @76A *, ,LAS, RGYU DANG RKYEN LAS SKYES DNGOS RNAMS, ,YANG DAG PAR NI RTOGS PA GANG, ,DE NI STON PAS MA RIG GSUNGS, ,DE LAS YAN LAG BCU GNYIS 'BYUNG, ,ZHES GSUNGS SHING DNGOS POR RANG BZHIN GYIS STONG PAR SHES PA LAS MA RIG PA 'GAG CING DE LAS YAN LAG BCU GNYIS 'GAG PAR GSUNGS SO, ,MA RIG PA'I RIGS 'DRA SNGA MA LAS PHYI MA 'BYUNG BAS BCU GNYIS ZHES GSUNGS SO, ,BRGYA PA LAS KYANG, LUS LA LUS DBANG JI BZHIN DU, ,GTI MUG KUN LA GNAS 'GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ,RTEN CING 'BREL PAR 'BYUNG BA NI, ,MTHONG NA GTI MUG 'BYUNG MI 'GYUR, ,DE PHYIR 'BAD PA KUN GYIS 'DIR, ,GTAM DA KHO NA BSNYAD PAR BYA, ,ZHES DUG GSUM GYI YA GYAL GYI MA RIG PA LDOG PA LA RTAN 'BYUNG MTHONG BA DGOS PAR GSUNGS TE, RTEN 'BYUNG GI DON NI RANG BZHIN GYIS STONG PA'I DON DU LUGS 'DI LAS LAN MANG DU GSUNGS SO, ,DES NA DBU MA'I RIGS PA THAMS CAD NI 'KHOR BA'I RTZA BA MA RIG PA'I 'DZIN STANGS SUN DBYUNG BA'I YAN LAG YIN PAS, RANG RGYUD KYI LHAN SKYES KYI MA RIG PAS JI LTAR BZUNG NGOS ZIN PAR BYAS LA, DE NYID 'GOG PA LA BRTZON PAR BYA'I GRUB MTHA' SMRA BA DANG GSHAGS 'GYAD PA TZAM GYI MKHAS PA LA DGA' BAR MI BYA'O, ,'O NA CHOS DANG GANG ZAG GI BDAG 'DZIN LHAN SKYES 'DZIN STANGS MI MTHUN PA GNYIS GNYIS NI MED PAS RANG RGYUD PAS BSHAD PA DE DAG JI LTAR YIN SNYAM NA, DE LA PHUNG PO DANG MTSAN NYID MI MTHUN PA'I GANG ZAG RANG RKYA THUB PA'I @76B RDZAS YOD DU 'DZIN PA NI GANG ZAG RKANG LAG SOGS KYI CHOS LAS RDZAS GZHAN DU 'DZIN PA YIN PAS GRUB MTHAS BLO MA BSGYUR BA LA MED DE, 'JUG PA LAS, GANG PHYIR 'JIG RTEN SA BON TZAM BTAB NAS, ,BDAG GIS BU 'DI SKYED CES SMRA BYED CING, ,SHING YANG BTZUGS SO SNYAM DU RTOGS DES NA, ,GZHAN LAS SKYE BA 'JIG RTEN LAS KYANG MED, ,CES GSUNGS PA LTAR SANGS RGYAS BSKYANGS KYIS KYANG GSUNGS TE, SHING SDONG GI SA BON TZAM ZHIG BTAB NAS BSKYED PA LA SHING SDONG BSTAN NAS 'DI BDAG GIS BTZUGS SO ZHES THA SNYAD 'DOGS PAS NA DE GNYIS RDZAS GZHAN DU MI 'DZIN TE, GZHAN DU NA SHUG SDONG BSKYED PA LA SHA BA'I SDONG PO BTZUGS SO ZHES THA SNYAD 'DOGS PAR THAL BAS SO, ,DE LTAR BSHAD PA'I RIGS PA SBYAR NA, GANG PHYIR 'JIG RTEN LAG PA NA BA LA, ,BDAG NI NA'O SNYAM DU RTOGS DES NA, ,DE GNYIS RDZAS GZHAN 'JIG RTEN LAS KYANG MED, ,CES SMRA DGOS PA'I PHYIR RO, ,'DI DAG NI 'JIG RTEN GYIS DE LTAR SMRA BA TZAM DU MA ZAD DE BZHIN DU 'DOD DGOS TE, BTZUGS PA'I SA BON DANG NA BA'I LAG PA SHING SDONG DANG GANG ZAG MA YIN PAS SHING SDONG BTZUGS PA DANG GANG ZAG DE NA BAR 'JOG MI NUS NA DE GNYIS MI SRID BAR 'GYUR BAS RNAM GZHAG THAMS CAD 'JIG PAR 'GYUR RO, ,RIGS PA DE DAG GI GNAD KYIS RANG RGYUD PAS BSHAD PA'I CHOS KYI BDAG 'DZIN LHAN SKYES SU 'DOD PA YANG KUN BRTAGS SU BYA'O, ,DE LTA NA SHES SGRIB GANG LA BYED SNYAM NA, 'JUG 'GREL LAS, DE LA MA RIG PA'I BAG CHAGS NI SHES BYA YONGS SU GCOD PA'I GEGS SU GYUR PA YIN LA, 'DOD CHAGS LA SOGS PA'I BAG CHAGS YOD PA NI LUS @77A *, ,DANG NGAG DAG GI 'JUG PA DE LTA BU'I RGYU YANG YIN TE, MA RIG PA DANG 'DOD CHAGS LA SOGS PA'I BAG CHAGS DE YANG RNAM PA THAMS CAD MKHYEN PA DANG SANGS RGYAS KHO NA LA LDOG PAR 'GYUR GYI GZHAN DAG LA NI MA YIN NO, ,ZHES GSUNGS PA 'DI LAS GSAL BA'I NGOS 'DZIN LUGS 'DI'I SKOR DANG YAB SRAS KYI GZHUNG RTZOD MED LAS MA BYUNG NGO, ,LUS DANG NGAG GI 'JUG PA NI DGRA BCOM PA LA YOD PA SPRE'U LTAR MCHONG BA DANG GZHAN LA RMANGS MO ZHES ZER BA'I LUS NGAG GI GNAS NGAN LEN STON PAS BKAG KYANG MA LOG PA LTA BU YIN NO, ,YANG ZHES PAS CHAGS SOGS KYI BAG CHAGS SHES BYA GCOD PA'I GEGS SU YANG BSTAN PAS NYON MONGS PA'I BAG CHAGS THAMS CAD SHES SGRIB YIN TE, DE'I 'BRAS BU GNYIS SNANG 'KHRUL BA'I CHA THAMS CAD KYANG DER BSDU'O, ,BAG CHAGS KYI NGO BO NI 'JUG 'GREL LAS, GANG GIS SEMS KYI RGYUD 'BAG PAR BYED CING SGO BAR BYED LA RJES SU BGROD PAR BYED PA DE NI BAG CHAGS TE, NYON MONGS PA'I MUR THUG PA DANG GOMS PA DANG RTZA BA DANG BAG CHAGS ZHES BYA BA RNAM GRANGS SO, ,ZHES SO, ,SHES SGRIB 'DI SPONG BA LA DE KHO NA NYID RTOGS PA'I LAM SNGAR BSHAD PA LAS GZHAN PA MED MOD KYANG THABS KYI YAN LAG TSANG MA TSANG DANG DUS RING POR GOMS MA GOMS LAS THEG PA CHE CHUNG GI SPANGS PA'I KHYAD PAR BYUNG NGO, ,GSUNG RAB LAS BDAG 'DZIN GNYIS KYI NGOS 'DZIN DANG BDAG MED GNYIS KYI PHRA RAGS MI 'DRA BA MANG DU GSUNGS PA'I GNAD KYIS BDAG 'DZIN GNYIS MI 'DRA ZHING BDAG MED MTHONG BAS SGRIB PA JI 'DRA BA @77B LAS GROL BA'I TSUL YANG MI 'DRA BA MANG DU YOD PA RNAMS KYI DRANG NGES KYI KHYAD PAR YANG SNGAR BSTAN PAS SHES PAR BYA'O, ,KUN GZHI KHAS MI LEN PA LA BAG CHAGS KYI 'JOG LUGS DANG GNAS TSUL DANG NGO BO JI LTAR YIN DKA' BAS BSHAD DGOS MOD KYANG NYUNGS NA MTHA' MI CHOD CING MANGS PAS 'JIGS NAS MA SPROS SO, ,GANG ZAG DANG CHOS LA BDEN GNYIS JI LTAR 'JOG PA'I TSUL MI 'DRA BAS DE GNYIS KYI BDAG MED GNYIS MI 'DRA BA'I PHYIR THEG PA CHE CHUNG GIS DE RTOGS MA RTOGS DANG BDAG TU 'DZIN PA GNYIS DANG SGRIB PA GNYIS KYANG LUGS GZHAN DANG MI 'DRA BA'I KHYAD CHOS RNAMS BYUNG NGO, ,GNYIS PA NI, DE LTAR GANG ZAG DANG CHOS KYI 'JOG TSUL SNGAR LTAR YIN PAS RGYUN ZHUGS LA SOGS PA'I GANG ZAG NI THA SNYAD DU YOD LA DMYAL BA LA SOGS PA'I GANG BAG NI MED DO ZHES KHYAD PAR DBYE MI NUS TE, DON DAM PAR MED MNYAM DANG THA SNYAD DU YOD MNYAM DU MTSUNGS PA'I PHYIR RO, ,DE BZHIN DU PHUNG PO DANG KHAMS DANG SKYE MCHED KYI CHOS LA YANG GZUGS CAN NI MED LA SEMS DANG SEMS LAS BYUNG BA NI YOD PA'I KHYAD PAR DBYE BAR MI NUS TE BDEN PA GNYIS CHAR DU YOD MED MTSUNGS PA'I PHYIR RO, ,'DI LA DBU MA PA GZHAN DAG PHYI ROL DANG SHES PA YOD MNYAM DU SMRA BA DANG DBU MA PA KHA CIG DANG RNAM RIG PA SHES PA YOD PHYI ROL MED CES SMRA BA THAMS CAD KYANG YOD NA YANG RANG GI MTSAN NYID KYIS GRUB CING RANG GI MTSAN NYID KYIS MED NA MED PAR SMRA BA KHO NA'O, ,LUGS 'DIS KYANG PHYI ROL RANG GI MTSAN NYID KYIS GRUB PA MI SRID PAR BZHED MOD KYANG DE LA PHYI ROL MED DGOS MI DGOS KYI SGO NAS MI MTHUN @78A *, ,PA YIN NO, ,DE'I PHYIR SPYIR CHOS GANG RUNG ZHIG RANG GI MTSAN NYID KYIS MED KYANG YOD PAR 'JOG SHES NA DON SHES YOD MED 'BYED MI NUS PA'I RIGS PA LEGS POR GO NUS LA DE MED NA MI NUS SO, ,DES NA RDUL PHRA RAB CHA MED BKAG NAS DE MED PAS DE BSAGS PA'I RAGS PA YANG MED LA PHRA RAGS GNYIS KA MED PA'I PHYIR PHYI ROL MED DO ZHES PA LA SOGS PA'I RIGS PAS NI, PHYI ROL CHA MED 'GOG NUS KYANG PHYI ROL YOD PA 'GOG MI NUS PAS DE LA NI LUNG DANG 'JIG RTEN GYI GRAGS PA GNYIS KAS GNOD PAR BRGYA PA'I 'GREL PA LAS GSUNGS SO, ,LUNG YANG SA BCU PA LAS KHAMS GSUM PO SEMS TZAM DU GSUNGS PA'I TZAM GYI SKRAS DE DAG 'GOG PA NI MDO DE'I DON MIN TE SEMS LAS GZHAN PA'I 'JIG RTEN GYI BYED PA PO BKAG PAR MDO LAS GSAL BAR GSUNGS PA LEGS LDAN DANG 'DRA'O, ,PHYI ROL SNANG BA YOD MIN TE, ZHES SOGS NI LUNG DES PHYI ROL MA BKAG CES LEGS LDAN GYIS 'CHAD PA LTAR ZLA BA MI BZHED KYI MDO DES DE LTAR BSTAN KYANG DE DRANG DON YIN ZHES 'GREL LO, ,DES NA SA BCU PA'I MDO LA DRANG DON YIN ZHES MI ZER GYI MDO'I DON MIN ZHES BKAG LA LANG GSHEGS KYI LUNG 'DI LA MDO'I DON MIN ZHES MA GSUNGS KYI LUNG DE DRANG DON NO ZHES BSHAD DO, ,YUM GYI MDOR PHUNG PO LNGA GA KHYAD MED PAR RANG BZHIN GYIS STONG PAR BSTAN ZHING MNGON PA LAS LNGA GA'I RANG SPYI'I MTSAN NYID YOD MNYAM DU BSHAD PA LTAR 'DOD PAR BYA STE , DON SHES GNYIS KA @78B LA THA SNYAD BTAGS PA'I BTAGS DON YOD TSUL DPYAD NA MI RNYED BAR MTSUNGS LA , DE LTA NA'ANG THA SNYAD KYI DBANG GIS KUN RDZOB TU YOD PAR 'JOG PA YANG KHYAD PAR MED PA'I PHYIR RO SNYAM DU DGONGS SO, ,DES NA DE 'DRA BA DE LA YOD MED KYI KHYAD PAR 'BYED PA NI 'JIG RTEN PA'I THA SNYAD LAS KYANG RGAL LA DON DAM PA'I RNAM GZHAG LAS KYANG RGAL BAS BDEN PA GNYIS CAR LAS NYAMS PA YIN TE, BRGYA PA LAS, GCIG YOD GCIG MED CES BYA BA, ,DE MIN 'JIG RTEN PA'ANG MIN, ,DES NA 'DI YOD 'DI MED CES, ,BRJOD PA NYID DU NUS MA YIN, ,ZHES SO, ,'PHAGS PA'I DGONGS PA YANG 'DI NYID DO, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,ZHES SOGS KYI DON NI, GZUGS DANG SEMS SEMS BYUNG DANG LDAN MIN RNAMS NI RANG LA DMIGS PA'I RNAM SHES LA RANG GI RNAM PA BZHAG PA'I SGO NAS 'BYUNG BA LA SOGS PAR NYE BAR 'DOGS PAR BYED DE, RNAM PA MA BZHAG PA NI 'GAS KYANG YOD PAR GZHAG MI NUS PA'I PHYIR RO, ,DES NA 'BYUNG BA LA SOGS PA DE DAG NI RNAM SHES KYI KHONGS SU 'DU BA YIN TE DES RNAM PAR BZHAG PA TZAM YIN PA'I PHYIR RO, ,GANG GI TSE RNAM SHES KYI TSANGS PA DE RANG BZHIN GYIS SKYE BA MED PAR MNGON SUM DU SHES PA DE'I TSE GZUGS 'GAGS NA GZUGS BRNYAN 'GAG PA BZHIN DU DES BZHAG PA'I DON SNA TSOGS PA DE DAG KYANG BRAL ZHING NUB PAR 'GYUR RO, ,ZHES PA'I DON DU DE'I 'GREL PA LAS BKRAL BA LTAR YIN PAS LUNG DES PHYI ROL 'GOG PA MIN NO, ,KUN GZHI KHAS MI LEN PA LA YANG SKYON MED DE 'DI LTAR, LAS KYIS RNAM SMIN YUN @79A *, ,RING DU LON NAS SKYED LA, LAS KYANG RANG GI DUS GNYIS PAR ZHIG CING ZHIG PA LAS 'BRAS BU 'BYUNG BA MED PA'I PHYIR LAS 'BRAS KYI RTEN DU KUN GZHI 'DOD PA YIN NA, RANG GI MTSAN NYID KYIS MA GRUB KYANG DNGOS POR 'JOG NUS PA LA ZHIG PA DNGOS POR SHIN TU 'THAD PAS KUN GZHI MI DGOS TE, 'JUG PA LAS, GANG PHYIR RANG BZHIN GYI DE MI 'GAG PA, ,DE PHYIR KUN GZHI MED KYANG 'DI NUS PHYIR, ,LA LAR LAS 'GAGS YUN RING LON NAS KYANG, ,'BRAS BU YANG DAG 'BYUNG BAR RIG PAR GYIS, ,ZHAS GSUNGS SO, ,KUN RDZOB TU YANG RANG MTSAN GYIS GRUB PA 'GOG CING RANG BZHIN MED PA'I RGYU 'BRAS 'JOG SHES PA LA BDEN PA GNYIS KAR RTAG CHAD KYI LTA BA SPANG SLA BAR MA ZAD KUN GZHI MI 'DOD KYANG LAS 'BRAS KYI 'BREL PA YANG 'THAD PAR GSUNGS TE, 'JUG 'GREL LAS, DE'I PHYIR DE LTAR BDEN PA GNYIS GAR YANG RANG BZHIN MED PAS RTAG PA DANG CHAD PAR LTA BA RGYANG RING DU SPANGS PA 'BA' ZHIG TU MA ZAD KYI, LAS RNAMS 'GAGS NAS YUN RING DU LON YANG LAS RNAMS KYI 'BRAS BU DANG 'BREL PA NI KUN GZHI RNAM PAR SHES PA'I RGYUN DANG CHUD MI ZA BA DANG THOB PA LA SOGS PA YONGS SU RTOG PA MED PAR YANG 'THAD PA YIN NO, ,ZHES SO, ,DE'I PHYIR ZHES PA NI RANG BZHIN MED PA LAS RANG BZHIN MED PA LAS RANG BZHIN MED BA SKYE BAR DE'I GONG DU BSHAD PA'O, KUN GZHI MI 'DOD PAS THA MA'I 'CHI SEMS DANG DANG PO'I SKYE SEMS MI RUNG BA SOGS KYI SKYON GZHAN YANG SPANG DGOS MOD KYANG TSUL 'DI SHES NA DES GZHAN RNAMS SHES NUS PA LA DGONGS NAS ZLA BAS MA BSHAD LA, MANGS PAS 'DZIGS NAS 'DIR @79B MA SPROS SO, ,PHYI ROL KHAS LEN PA'I GNAD KYIS KYANG KUN GZHI MI 'JOG PA YIN TE, DE KHAS LEN NA DBUS MTHA' LAS, DON DANG SEMS CAN BDAG RNAM RIG ,SNANG BA'I RNAM PAR SHES PA NI, ,RAB TU SKYE'O DE DON MED, ,DE MED PAS NA DE YANG MED, , CES GSUNGS PA LTAR 'DOD DGOS PA'I PHYIR RO, ,ZHIG PA DNGOS POR SGRUB TSUL TSIG GSAL DANG RIGS PA DRUG CU PA'I 'GREL PA LAS GSUNGS TE RTZA SHE'I RNAM PA SHAD DU 'CHAD PAR 'GYUR RO, ,ZHIG PA DNGOS POR BZHED PA'I GNAD KYIS DUS GSUM 'JOG PA LA YANG THUN MONG MA YIN PA'I KHYAD PAR CHE'O, ,RANG RIG 'DOD PA'I PHYOGS SNGA MA DANG DE 'GOG PA 'JUG PA RTZA 'GREL LAS 'DI LTAR GSUNGS TE, SNGAR MA MYONG BA DRAN PA MI SRID PAS DRAN PA NI MYONG BA LAS SKYE LA, DE YANG SNGAR 'DI MTHONG NGO ZHES YUL DANG NGAS MTHONG NGO ZHES YUL CAN DRAN PA YOD PAS SNGAR GYI SNGO 'DZIN GYI SHES PA LTA BU DE LA MYONG BA YOD DO, ,DE YANG SHES PA DON GZHAN GYIS MYONG NA DE YANG GZHAN GYIS MYONG DGOS PAS THUG MED DANG, SHES PA SNGA MA PHYI MA'I MYONG BYA YIN NA PHYI MA'I SHES PAS GZUGS SOGS KYI YUL GZHAN MI GCOD PAR 'GYUR BAS RANG GIS MYONG DGOS TE, MYONG BA LA DE GNYIS SU NGES PA'I PHYIR RO, ,DES NA PHYIS KYI DRAN PAS SNGAR GYI YUL MYONG BA RANG RIG TU 'GRUB BO ZHE NA, 'DIR RDZAS GRUB SGRUB PA'I DBANG DU BYED NA DE 'DRA'I DRAN PA MED PAS BSGRUB BYA DANG MTSUNGS LA, THA SNYAD KYI DBANG DU YIN NA RANG RIG PHYIR RGOL LA MA GRUB PAS DE DANG DRAN PA RGYU 'BRAS SU MI 'GRUB PA DANG CHU DANG ME YOD PAS CHU SHEL DANG ME SHEL YOD PAR SGRUB PA DANG DRAN PA YOD PAS @80A *, ,RANG RIG YOD PAR SGRUB PA GNYIS 'DRA BAR BSHAD DO, ,'DI 'BRAS RTAGS YIN ZHING BSGRUB BYA'I CHOS SU RANG RIG BZUNG BA'I DBANG DU MDZOD DO, ,DE LTAR BYED NA DPE MI RNYED PAS SNGO 'DZIN NI MYONG BYED YOD DE DUS PHYIS DRAN PA YOD PA'I PHYIR DPER NA SNGON PO BZHIN ZHES 'GOD NA'ANG DPE LA RTAGS CHOS RJES SU 'GRO BA TZAM ZHIG YOD MOD KYANG, KHYAB PA SGRUB MI NUS BAS RANG RIG BSGRUB BYA'I CHOS SU BZUNG BA DANG 'DRA BAS DNGOS SU MA SMOS TE, MYONG BA TZAM SGRUB NA'ANG GRUB ZIN PAS DE DANG 'DRA BAR MA SMOS SO, ,RANG LUGS KYIS RANG RIG MED KYANG DRAN PA SKYE BA MI 'GAL BA NI, GANG PHYIR GANG GIS YUL MYONG GYUR DE LAS, ,DRAN PA 'DI GZHAN NGAL YOD MIN PA, ,DE PHYIR NGA YIS MTHONG SNYAM DRAN 'GYUR TE, ,'DI YANG 'JIG RTEN THA SNYAD TSUL LUGS YIN, ,ZHES PAS STON NO, ,RANG RIG MED NA DRAN PA SKYE BA 'GAL LO SNYAM DU 'DZIN PA'I RGYU MTSAN SNGAR BSHAD PA DE 'DIS SEL BA MIN TE, 'DI NI DRAN PA SKYE BA'I DRAN TSUL KHYAD PAR BA LA BRTEN NAS SNGA MA RANG RIG TU 'DZIN PA ZHIG GO ,DE YANG SNGAR SNGON PO MTHONG BA GYIS DRAN PA NA NGAS SNGAR MTHONG NGO ZHES SNGAR MTHONG BA DE NYID RANG GIS MTHONG BAR DRAN PAS DRAN TSUL DE NI SNGAR GYI SNGO 'DZIN RANG GIS RANG MA MYONG NA SKYE BAR 'GAL BAS SNGA MA RANG RIG GO SNYAM PA'O, ,'DI NI RANG RIG GI DBANG GIS MA BYUNG YANG SNGAR GYI YUL SNGON PO MYONG BA DANG PHYIS KYI DRAN SHES GNYIS YUL GCIG LA 'JUG PA'I DBANG GIS SNGAR NGAS MTHONG SNYAM DU DRAN PA SKYE'O ZHES SGRUB BO, ,DE LA SNGAR GYI SNGO 'DZIN GYIS MYONG BA DANG BCAD PA'I YUL PHYIS KYI SNGO @80B 'DZIN DRAN PAS MA MYONG BA DANG MA BCAD PA MIN PA'I SGRUB BYED DU NGED KYI LTAR NA MYONG DRAN GNYIS RANG MTSAN GYIS GZHAN MIN PA'I PHYIR ZHES BKOD DO, ,RGYU MTSAN DE TZAM ZHIG YIN NA BYAMS PAS MYONG BA NYER SBAS KYIS DRAN PAR YANG 'GYUR RO, ,DES NA 'DI NI DE GNYIS GZHAN GYI LTAR RDZAS THA DAD DU GRUB NA LHAN SKYES KYI BLOS RDZAS GZHAN DU 'DZIN LA, DE LTA NA SNGAR SNGO 'DZIN GYIS MTHONG BA LA PHYIS DRAN PAS MTHONG ZHES MI 'DZIN PAS MYONG DRAN GNYIS YUL GCIG PA 'GAL BAS SNGAR NGAS MTHONG SNYAM PA'I DRAN PA YANG SKYE BAR 'GAL LO, ,NGED KYI LTAR NA DE GNYIS RDZAS GZHAN MIN ZHING LHAN SKYES KYI BLOS DE LTAR 'DZIN BA'ANG MED PAS SNGA MAS YUL DE BCAD PA LA DRAN PAS NGAS BCAD NGO ZHES 'DZIN PA YANG MI 'GAL BAR STON NO, ,DE YANG MYONG BA SNGA MAS DRANGS BA'I DBANG GIS YUL LA 'JUG GI RANG DBANG DU YUL BCAD RGYU MED PA LA YIN GYI GZHAN LA MIN NO, ,DES NA RANG RIG THA SNYAD DU MI BZHED PA YANG THA SNYAD DU YANG RANG GI MTSAN NYID KYIS GRUB PA 'GOG BA 'DI'I MTHAR THUG PA YIN NO, ,MYONG BA LA RANG GIS DANG GZHAN GYIS MYONG BA GNYIS SU KHA CHON ? CHOD MA CHOD GSAL BAR MA GSUNGS KYANG MCHOD PA DGONGS PA YIN TE, MAR MES RANG GIS RANG GSAL BAR BYED PA MI BZHED CING GSAL BAR YANG BZHED PAS RANG GIS DANG GZHAN GYIS GSAL BAR BYED PA GNYIS SU KHA CHON MA CHOD PA BZHIN NO, ,GAL TE MAR ME RANG GIS GSAL BAR MI BYED KYANG TSAD MAS MA GRUB PA'I SKYON MED LA, SHES PA RANG GIS SHES PAR MI BYED NA TSAD MAS MA GRUB PAR 'GYUR BAS MAR ME DANG MI 'DRA'O ZHE NA, SGRON ME RANG GIS @81A *, ,GSAL BAR MI BYED NA GZHAN GYIS KYANG GSAL BAR MI BYED PAS GSAL BAR MI 'GRUB CING GZHAN DU YANG MI 'GRUB PAS TSAD MAS MA GRUB BO ZHES SMRAS NA LAN CI YOD, RANG GZHAN GNYIS KYIS GSAL BAR MI BYED KYANG BUM SOGS GSAL BAR BYED PAS GSAL BAR GRUB BO SNYAM NA, 'O NA SHES PA LA YANG MTSUNGS SO, ,GAL TE YUL SHES PA NYID RANG RIG LA RAG LAS PAS DE MED NA YUL SHES PA MI 'GRUB BO SNYAM NA, MAR ME LA YANG MTSUNGS SO, ,DE LTA NA KHO BO CAG MAR ME RANG GIS RANG GSAL BAR SMRA'O SNYAM NA, MI RIGS TE MUN PAS SGRIB PA MI SRID PA'I PHYIR DANG MUN PA YANG RANG GIS RANG LA SGRIB PAR 'GYUR LA DE 'DOD NA MUN PA MI MTHONG BAR 'GYUR RO, ,MDOR NA SHES PA SHES BYA LA BRTEN NAS BTAGS PAS RANG GI MTSAN NYID KYIS MA GRUB LA SHES BYA YANG DE LTAR YIN PA'I RGYU MTSAN GYIS DE GNYIS KYI THA SNYAD PHAN TSUN LTOS PAR MA ZAD DON YANG PHAN TSUN LTOS BTAGS TZAM YIN PAS RANG RIG MI 'DOD PA YIN NO, ,RTZOD ZLOG LAS KYANG, GAL TE RANG LAS TSAD MA GRUB, ,GZHAL BYA RNAMS LA MA LTOS PAR, ,KHYOD KYI TSAD MA GRUB 'GYUR 'DIR, ,GZHAN LA MI LTOS RANG 'GRUB 'GYUR, ,ZHES RANG RAG BKAG PA'I RIGS PAS KYANG SHES SO, ,'O NA NGAS SNGAR SNGON PO MTHONG NGO ZHES DRAN PA'I NGA NI GANG ZAG YIN LA SNGO 'DZIN GYI SHES PA DANG DE GNYIS 'GAL BAS DE LTAR DRAN PA DE SNGO 'DZIN DRAN PAR JI LTAR 'GYUR SNYAM NA, SNGO 'DZIN GYI MIG SHES DANG SNGON PO MTHONG MKHAN GYI GANG ZAG GNYIS 'GAL YANG SHES PA DES SNGON PO MTHONG BA LA BRTEN NAS NGAS MTHONG NGO ZHES 'JOG PA MI 'GAL BA @81B BZHIN DU SNGO 'DZIN GYI SHES PAS SNGON PO MTHONG BA DRAN PA LA BRTEN NAS NGAS SNGAR SNGON PO MTHONG NGO ZHES GANG ZAG DRAN PA DES SNGO 'DZIN GYI SHES PA DRAN PA YANG CI ZHIG 'GAL, GSUM PA LA GNYIS, RANG RGYUD BKAG PA'I BYUNG TSUL DANG DE'I DON JI LTAR BSHAD PA'I GZHAN LUGS DANG, RANG LUGS KYI BSKRUB BYA SGRUB PA'I RTAGS YOD PA DANG RANG RGYUD KYI RTAGS MED TSUL LO, ,DANG PO NI, GSUNG RAB KYI DON 'DI LTAR 'GRAL NA RANG RGYUD 'DOD DGOS LA, 'DI LTAR 'GREL NA DE 'DOD DU MI RUNG NGO ZHES PA'I DON NI GSUNG RAB LA SHIN TU GNAS MOD KYANG, RANG SDE'I GZHUNG 'GYUR BA RNAMS LAS THAL RANG GANG 'DOD BRTAGS NAS RANG RGYUD MI 'THAD THAL 'GYUR 'THAD CES PA NI ZLA BA'I GZHUNG RJES 'BRANG DANG BCAS PA MIN PA NAS DNGOS SU MA BYUNG NGO, ,BYUNG TSUL NI SANGS RGYAS BSKYANGS KYIS, BDAG LAS MA YIN GZHAN LAS MIN, ,ZHES SOGS KYI TSIGS BCAD KYI DON BKRAL BA LA LEGS LDAN GYIS SKYON BZUNG BA MI 'JUG PAR STON PA'I SKABS SU TSIG GSAL LAS, SANGS RGYAS BSKYANGS RANG RGYUD MI BZHED PA DANG, DBU MA PAS RANG RGYUD BYA MI RIGS PA'I SGRUB BYED DANG BZLOG PHYOGS LA GNOD BYED MANG DU BSTAN NAS SHING RTA'I SROL PHYE LA, BRGYA PA'I 'GREL PA LAS KYANG SLOB DPON CHOS SKYONG GI 'DOD PA 'GOG PA'I SKABS SHIG TU RANG RGYUD 'GOG TSUL MDOR BSDUS SHIG GSUNGS SO, ,LEGS LDAN LA YANG SANGS RGYAS BSKYANGS DANG RANG NYID RANG RGYUD KHAS LEN MI LEN MI MTHUN SNYAM PA MI 'DUG GI RANG RGYUD KHAS LEN PA 'OS MED DU BYAS PA'I LUGS SU SNANG NGO, ,DE'I GNAD KYIS KYANG @82A *, ,RANG NYID DANG SANGS RGYAS BSKYANGS GNYIS LA CHOS DANG GANG ZAG LA RANG BZHIN 'GOG PA'I DGAG BYA LA YANG KHYAD PAR YOD PAR MI BZHED DO, ,LEGS LDAN GYI RJES 'BRANG SPYAN RAS GZIGS BRTUL ZHUGS LA 'GREL PA TSIG GSAL GYI RGYUS 'DUG PAS, SHES RAB SGRON MAR SANGS RGYAS BSKYANGS BKAG PA'I 'GREL BSHAD KYI SKABS SU ZLA BAS LEGS LDAN LA SKYON BRJOD PA RNAMS 'JUG MI 'JUG GI BSHAD PA 'ONG RGYUR SNANG ZHING, ZHI BA 'TSO DPON SLOB LA SOGS PAS KYANG ZLA BAS RANG RGYUD BKAG PA'I SKYEN SPONG MDZAD RGYUR SNANG YANG MA MDZAD DO, ,DE LA SPYIR SLOB DPON GNYIS KYIS RANG GI MTSAN NYID KYIS GRUB PA THA SNYAD DU YANG BKAG PA'I RANG BZHIN MED PA LA RGYU 'BRAS LA SOGS PA'I RNAM GZHAG THAMS CAD CHES 'THAD PA DANG DE YANG 'JIG RTEN LAS 'DAS MA 'DAS KYI RTEN 'BYUNG NGES PAR KHAS BLANG DGOS PA'I RTEN 'BYUNG GI RGYU MTSAN NYID KYIS DGAG BYA DE 'GOG PAR BSHAD PA'I RIGS PA RNAMS RIGS PA RNAMS KYI ZAB LA PHRA BA'I MTHAR THUG TU SNANG LA, DE'I NANG NAS KYANG RANG RGYUD 'GOG PA 'DI RIGS PA PHRA BAR SNANG NGO, ,'DI LA PAndI TA KHA CIG NA RE BSGRUB BYA SGRUB PA'I RTAGS DANG KHYAB PA TSAD MAS GRUB PA CIG YOD NA RANG RGYUD KYI RTAGS 'THAD NA'ANG DE MED PAS RANG RGYUD MI 'THAD DO, ,DE LA RGOL PHYI RGOL GNYIS KA LA TSAD MAS GRUB PA RTAGS SU 'DOD PA NI MI RIGS TE, PHYI RGOL GYIS TSAD MAS GRUB PAR SNGAR RGOL GYIS MI SHES PA'I PHYIR TE DE'I MNGON RJES KYIS GZHAN GYI SEMS KYI @82B KHYAD PAR MI SHES PA'I PHYIR RO, ,RANG GIS TSAD MAS GRUB PA YANG MI SHES TE DER THAG BCAD KYANG SLU BA SRID PA'I PHYIR RO ZHES ZER RO, ,DE NI SHIN TU MI RIGS TE DE LTA YIN NA GZHAN GYIS KHAS BLANGS PA'I SGO NAS KYANG 'GOG PAR MI RIGS TE DES DE LTAR 'DOD PA YIN PAR RANG GIS MI SHES PA'I PHYIR TE GZHAN SEMS MI SHES PA'I PHYIR RO, ,RANG GIS GNOD BYED BSTAN NAS 'GOG PA YANG MI RIGS TE GNOD BYED DU THAG BCAD KYANG SLU BA SRID PAS SO, ,KHYAD PA TSAD MAS MA GRUB PA'I RGYU MTSAN NI MNGON SUM GYIS NI TSAD MAD GI DU YOD LA ME YOD KYI KHYAB PA RTOGS KYI YUL DUS THAMS CAD KYI DU YOD LA ME YOD KYIS KHYAB PA MA RTOGS SO, ,RJES DPAG GIS KYANG YUL DUS THAMS CAD NA YOD PA'I RTAGS LA BSGRUB BYA'I CHOS KYIS KHYAB PA MI RTOGS PAS 'JIG RTEN PA'I KHAS BLANGS PA TZAM GYIS KHYAB PA GRUB PA YIN GYI TSAD MAS GRUB PA MIN NO ZHES ZER RO, ,'DI YANG SHIN TU MI RIGS TE RIGS PA'I GZHUNG LAS KHYAB PA 'GRUB TSUL BSHAD PA'I DON LOG PAR BZUNG NAS 'GOG PA'I PHYIR TE, 'DI LTAR TSAD MAD GI STENG DU DU YOD LA ME YOD KYIS KHYAB PAR SGRUB PA NI TSAD MAD GI DU YOD LA TSAD MAD GI ME YOD KYIS KHYAB PAR SGRUB PA GZHUNG GI DON GTAN MA YIN PA'I PHYIR RO, ,DE LTA MA YIN NA DU BA DANG LDAN PA'I LA LA TSANG MANG GI DU BA YOD PA'I RTAGS KYIS TSAD MAD GI ME YOD PAR SGRUB PAR 'GYUR TE, LA LA DU YOD KYI RTAGS KYIS ME YOD PA'I KHYAB PA SGRUB PA NA RTAGS SU GANG BZUNG BA LA CHOS SU BZUNG BA DES KHYAB PA SGRUB PA YIN PA'I PHYIR DANG DE'I SGRUB TSUL YANG SNGAR LTAR YIN PA'I PHYIR RO, ,DES NA TSAD MAD NI DU YOD LA ME YOD KYIS KHYAB PA NGES PA'I GZHI @83A *, ,DANG KHYAB PA NI DER NGES RGYU'I DON YIN GYI KHYED 'DOD PA LTAR YIN NA KHYAB PA DE GZHI GANG GI STENG DU NGES PA'I DPE'I CHOS CAN ZUR PA CIG STON CIG ,DE BZHIN DU BYAS PA'I RTAGS KYIS SGRA MI RTAG PAR SGRUB PA'I KHYAB PA BUM PA'I STENG DU SGRUB PA YANG BUM PA'I BYAS PA LA BUM PA'I MI RTAG PAS KHYAB PAR SGRUB PA GA LA YIN, YUL DUS 'DI'I DU BA DANG BYAS PA ZHES SOGS YUL DUS KYI KHYAD PAR DU MA BYAS PAR DU BA DANG BYAS PA TZAM LA ME YOD DANG MI RTAG PAS KHYAB PAR SGRUB PA KHO NA YUL DUS THAMS CAD DU MI 'KHRUL BA NGES PAR 'GYUR BA'I THABS YIN PAS DE LA LOG PAR MA 'DZIN CIG ,DE'I PHYIR RIGS PA 'DI YI RJES SU 'BRANGS NAS LDOG PA GCIG PA'I DPUNG 'PHUL 'DOD PA NI CHUS KHYER BAS RTZVA PHUNG DRUNG PHYUNGS LA 'JU BA DANG 'DRA'O, ,DE BZHIN DU DNGOS PO STOBS ZHUGS SAM 'DZIN STANGS DON LA MI 'KHRUL BA'I TSAD MA BKAG NAS MA DPYAD PA 'JIG RTEN GRAGS PA'I TSAD MA 'JOG CING, BKAG PA'I SKYON RANG LA MI 'JUG PA'I RGYU MTSAN DU RANG LUGS LA RIGS PAS DPYAD BZOD MI 'DOD CING PHA ROL POS 'DOD PA'I PHYIR RO ZHES SMRA MOD KYANG, THA SNYAD PA DANG DE KHO NAR GRUB MA GRUB DPYOD PA'I KHYAD PAR DANG DBU MA PA GNYIS KYI DE KHO NAR GRUB MA GRUB DPYOD PA'I KHYAD PAR PHYED PA YANG MI SNANG LA, SNGAR BSHAD PA LTAR GYI THA SNYAD BTAGS PA'I BTAGS DON BTZAL BAS MI RNYED PA'I MING DU BTAGS PA TZAM LA RGYU 'BRAS SOGS 'JOG MI SHES PAR SNANG PAS THA SNYAD DU YANG RANG MTSAN MED CES MANG DU SMRAS KYANG SMRAS PA TZAM DU ZAD DO, ,YANG KHA CIG TSAD MAS GRUB PA'I DON THAMS CAD DU MED PAS @83B PHA ROL POS KHAS BLANGS PA'AM BLANGS PA'I MTHAR THUG PA LA BRTAN PA'I THAL 'GYUR GYIS LOG RTOG 'GOG LA, BDEN PA RNAM PAR BCAD TZAM GYI BDEN MED BSGRUB RGYU MED PA RANG RGYUD KYI RTAGS DANG DAM BCA' MED PA'I DON DU 'DOD DO, ,GZHAN DAG KUN RDZOB DANG DON DAM LA BRTZAMS PA'I RNAM GZHAG THAMS CAD GZHAN NGOR SMRAS KYI RANG LUGS LA MIN NO, ,DE SKAD SMRAS PA DE YANG RANG GIS MA BYAS KYI GZHAN GYI NGOR SNANG BA TZAM MO ZHES SMRA STE 'DI NI SNGON GYI DUS KYI RANG RGYUD 'GOG PA RNAMS LA MED KYI PHYIS KYI RNAMS KYIS SMRAS PA TZAM MO, ,DE DAG GI KHA CIG GIS NI LUGS 'DI'I THUN MONG MA YIN PA'I DGAG BYA KHAS BLANGS LA PHAL MO CHES NI RTEN 'BREL TSAD MAS GRUB PA YANG BKAG PAS LUGS 'DI'I PHYOGS SNGA MA'I GTZO BOR SNANG NGO, ,DE DAG GI DGAG GZHAG RGYAS PAR BYANG CHUB LAM GYI RIM PAR BSHAD ZIN PAS MI SPRO'O, ,GNYIS PA LA GNYIS, RTAGS KYIS BSGRUB BYA SGRUB PA YOD TSUL DANG, RANG RGYUD KYI RTAGS KHAS MI LEN PA'I TSUL LO, ,DANG PO NI, RANG GI LUGS NI DGONGS 'GREL LAS GSUNGS PA LTAR RANG GI MTSAN NYID KYIS GRUB PA 'DOD NA NI NGES PAR RANG RGYUD BYA DGOS TE, RANG SDE DNGOS POR SMRA BA RNAMS DANG LEGS LDAN LA SOGS PA BZHIN NO, ,THA SNYAD DU YANG RANG MTSAN GYIS GRUB PA'I CHOS MI 'DOD NA NI RANG RGYUD KHAS MI LEN PA GDON MI ZA BAR BYA DGOS PAS 'DI YANG DGAG BYA PHRA MO NAS 'GOG PA 'DI LA THUG GO ,DE YANG THA SNYAD DU YANG RANG MTSAN GYIS GRUB PA MED NA RANG PHYOGS KYI BSGRUB BYA DANG DE SGRUB PA'I SGRUB BYED DANG TSAD MA DANG GZHAL BYA RNAMS 'JOG PA 'GAL BAR MTHONG NAS RANG RGYUD KHAS MI LEN PA NI MIN TE, 'JUG @84A *, ,PA RTZA 'GREL LAS RGYUS 'BRAS BU PHRAD NAS SAM MA PHRAD PAR SKYED CES BRTAGS NAS PHYOGS GNYIS BKAG CING, SKYON DE PHA ROL PO LA 'JUG PA'I SGRUB BYED DU 'GREL PA LAS GANG GI LTAR NA RANG GI MTSAN NYID BSKYOD PAR BYA BA NYID DANG SKYED PA BYED PA YIN PA DE LA NI RNAM PAR DPYAD PA 'DIR 'GYUR ZHES RANG MTSAN GYIS GRUB PA'I RGYU 'BRAS 'DOD PA LA BRTAG PA GNYIS BYAS PA'I SKYON DE 'JUG LA SGYU MA LTAR RANG BZHIN MED PAR SMRA BA LA SKYON DE MED CES GSUNGS SO, ,DE LA PHA ROL POS SUN 'BYIN LA MGO MTSUNGS BYAS PA'I LAN DU, SUN 'BYIN PAS SUN DBYUNG BYA MA PHRAD SUN NI 'BYIN BYED DAM, ,'ON TE PHRAD NAS YIN ZHES SMRAS ZIN NYES PA 'DIR GANG LA, ,NGES PAR PHYOGS YOD DE LA 'GYUR GYI BDAG LA PHYOGS 'DI NI, ,YOD PA MIN PAS THAL BAR 'GYUR BA 'DI NI SRID MA YIN, ,ZHES DE GNYIS MI MTSUNGS PA'I RGYU MTSAN DU RANG LA PHYOGS MED DO ZHES RTZA BA LAS GSUNGS SHING DE'I 'GREL PA LAS, SUN DBYUNG BYA DANG SUN 'BYIN PA GNYIS KA RANG BZHIN GYIS MA GRUB PA'I PHYIR RO, , ZHES SO, ,PHYOGS MED PA NI RANG MTSAN NAM RANG BZHIN GYIS GRUB PA'I KHAS LEN MED PA'I DON DU BSHAD DE, RGYU 'BRAS KYI SKABS SU MI MTSUNGS PA'I RGYU MTSAN BSHAD PA DANG DON GCIG GO, SKABS 'DIR 'JUG 'GREL LAS, SH'A RI'I BUS RAB 'BYOR LA SKYES PA'I CHOS KYIS MA SKYES PA'I THOB PA 'THOB PA MA SKYES PA'I THOB PA 'THOB CES DPYAD NAS DRIS PA LA LAN DU DE GNYIS KA MI 'DOD DO ZHES GSUNGS PA NA CI THOB PA DANG MNGON PAR RTOGS PA MED DAM ZHES DRIS PA LA DE GNYIS YOD MOD KYI @84B GNYIS KYI TSUL GYIS NI MIN NO ZHES GSUNGS SO, ,DE GNYIS DANG RGYUN DU ZHUGS PA LA SOGS PA YANG 'JIG RTEN GYI THA SNYAD DU YIN GYI DON DAM PAR NI THOB PA MED CING MNGON PAR RTOGS PA MED DO ZHES GSUNGS PA DRANGS NAS, DE NYID LAS, 'DIR JI LTAR GNYIS SU THAL BAR 'GYUR BA'I PHYIR SKYES PA DANG MA SKYES PA'I CHOS KYI THOB PA 'THOB PA BKAG CING, GNYIS KYANG DNGOS PO MED PA LA MI RIGS PA'I PYIR MA BRTAGS PAR 'JIG RTEN GYI THA SNYAD DU THOB PA 'THOB PAR KHAS BLANGS PA DE BZHIN DU, SUN DBYUNG BAR BYA BA DANG SUN 'BYIN PA DAG KYANG PHRAD PA DANG MA PHRAD PAR MA YIN MOD KYI 'ON KYANG THA SNYAD DU SUN 'BYIN PAS SUN DBYUNG BYA SUN 'BYIN PAR BYAD DO ZHES SHES PAR BYA'O, ,ZHES DANG, RANG BZHIN GYIS STONG PA'I SUN 'BYIN PAS SUN DBYUNG BYA SUN 'BYIN PA DANG, RANG BZHIN GYIS STONG ZHING 'THAD PA DANG BRAL BA'I GTAN TSIGS KYIS BSGRUB PAR BYA BA SGRUB PA YIN LA, ZHES SGRUB PA DANG SUN 'BYIN THAMS CAD KYANG GNAS BRTAN GNYIS KYIS DRIS LAN MDZAD PA DE BZHIN DU BYA BAR GSUNGS SO, ,DE LA THOB PA NI THOB BYA'O, , DPYAD NAS THOB BYA GANG 'THOB DRIS PA'I TSE GNYIS KA MI 'DOD NA THOB BYA THOB PA MED DAM ZHES PA NI DPYOD BYED KYIS MA RNYED PA NA DES DE BKAG PAR 'DZIN PA'O, ,YOD MOD KYI ZHES PA NI RIGS SHES KYIS MA RNYED PA YIN GYI BKAG PA MIN PAS YOD CES PA'O, ,GNYIS KYI TSUL GYIS MIN PAR GSUNGS PA NI SKYES MA SKYES GANG 'THOB CES PA LTA PUR DPYAD PA'I GNYIS PO DE GANG YANG MI 'THOB CES PA'O, ,DE MAN CHAD KYIS NI GNYIS KYI TSUL GYIS DPYAD NA MI RNYED PA DON DAM DU MED PA DANG MA DPYAD @85A *, ,PAR YOD PA THA SNYAD DU YOD PA'I DON DU BSHAD DO, ,'DI SHIN TU GSAL YANG DPYAD MA DPYAD KYI SA TSIGS DKA' BAS DE LA NI SNGAR BSHAD PA'I DPYOD LUGS BZHI PO SHES DGOS SO, ,GNYIS KYANG DNGOS PO MED PA LA MI RIGS ZHES PA NI RANG MTSAN GYIS YOD PA'AM THA SNYAD KYI DBANG GIS BZHAG PA TZAM MIN PA'I YOD PA SOGS SU 'DOD NA GNYIS KYI DPYAD PA RIGS KYANG DNGOS PO'AM RANG BZHIN MED PA LA DE'I DPYAD PA MI RIGS PA'I DON NO, ,DES NA TSIG GSAL LAS KYANG TSAD MA DANG GZHAL BYA RNAMS NGO BO NYID KYIS GRUB PA BKAG NAS PHAN TSUN LTOS NAS 'JOG PAR GSUNGS LA RTZOD ZLOG RANG 'GREL LAS KYANG RANG BZHIN MED KYANG BSGRUB BYA SGRUB NUS PA DPE DANG BCAS TE GSUNGS SO, ,SPYIR, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,ZHES GSUNGS PA'I TSUL GYIS RANG MTSAN GYIS GRUB PA'I RANG BZHIN STONG PA'I PHYOGS LA 'KHOR 'DAS KYI RNAM GZHAG THAMS CAD 'THAD PAR YANG DANG YANG DU GSUNGS PA LA, RTAGS KYIS BSGRUB BYA SGRUB PA DANG TSAD MAS GZHAL BYA 'JAL BA'I BYA BYED MI RUNG BAR 'DZIN PA RANG GI BLO GROS YANG BAR STON PA TZAM MO, ,GANG YANG RTZOD ZLOG LAS, GAL TE NGAS DAM BCAS 'GA' YOD, ,DES NA NGA LA SKYON DE YOD, ,CES PA'I DON NI GANG LA PHYOGS YOD DE LA 'GYUR GYI ZHES PA'I DON YIN LA, NGA LA DAM BCA' MED PAS NA, ,NGA NI SKYON MED KHO NA YIN, ,ZHES PA'I DON YANG, BDAG LA PHYOGS 'DI NI YOD PA MIN PAS THAL BAR 'GYUR BA SRID MA YIN ZHES PA'I DON YIN PAS, DAM BCA' DANG PHYOGS MED PA'I DON NI @85B 'JUG 'GREL GYIS BSHAD PA LTAR RO, ,BRGYA PA LAS, YOD DANG MED DANG YOD MED CES, ,GANG LA PHYOGS NI YOD MIN PA, ,DE LA YUN NI RING PO NA'ANG, ,KLAN KA BRJOD PAR NUS MA YIN, ,ZHES PHYOGS MED PAS SKYON GDAGS SU MED PAR GSUNGS PA YANG, 'JUG 'GREL LAS BTAGS PAR YOD PA LA GNYIS SU SMRA BA 'DI MI RIGS PA DE NYID KYI PHYIR GNYIS LA BRTEN NAS SUN 'BYIN PA DANG LAN SMRA BAS, DBU MA PA LA RNAM PA THAMS CAD DU GLAGS MI RNYED DO, ,ZHES THA SNYAD KYI DBANG GIS BZHAG PA'I BTAGS YOD MA DPYAD PAR 'JOG PA'I TSUL LA SKYES MA SKYES GANG 'THOB CES DPYAD NAS SUN 'BYIN PA MI RIGS PA'I PHYIR, GNYIS SU DPYAD NAS SUN 'BYIN PA'I KLAN KAS NAM YANG GLAGS MI RNYED PA'I DON DU BSHAD PAS MA DPYAD PA'I THA SNYAD DU YANG BSGRUB BYA BSGRUB BYED KHAS MI LEN PA'I KHUNGS MA YIN NO, ,DE'I PHYIR TSIG GSAL LAS, DBU MA PA YIN NA RANG RGYUD BYA MI RIGS PA'I RGYU MTSAN DU PHYOGS GZHAN KHAS BLANGS PA MED PA'I PHYIR RO ZHES BKOD PA'I SHES BYED DU, LUNG DE RNAMS DRANGS PA YANG DBU MA PA LA DON DAM PAR GRUB PAR KHAS BLANGS PA MED PA'AM RANG MTSAN GYIS GRUB PA'I KHAS LEN MI RIGS PA'I SHES BYED YIN LA, DE MED PA'AM MI RIGS NA RANG RGYUD KYI RTAGS MI RIGS ZHES RANG RGYUD 'GOG PA YIN GYI BSGRUB BYA SGRUB PA'I RTAGS TZAM ZHIG 'GOG PA MIN NO, , GNYIS SU SMRA BA ZHES PA LA DGAG BYA BDEN PA DANG DE BKAG PA'I BKAG PA BDEN PAR SMRA BA DANG RANG MTSAN GYIS YOD PA DANG YE MED DU SMRA BA DANG, SNGAR BSHAD PA LTA BU'I GNYIS SU SMRA BA STE TSUL GSUM GSUNGS SO, ,GNYIS PA NI, GAL TE RANG MTSAN GYIS GRUB @86A *, ,PA'I PHYOGS DANG RTAGS DANG DPE GANG YANG MI SRID PAS DE'I DBANG DU BYAS NA RANG RGYUD RTAGS SU MA ZAD BYA BYED GANG YANG MI 'THAD MOD, 'ON KYANG DE BKAG NAS BSGRUB BYA SGRUB BYED LA SOGS PA'I BYA BYED THAMS CAD 'THAD PAR SGRUB PA'I LUGS LA RANG RGYUD KYI RTAGS DANG BSGRUB BYA'I BYA BYED KHAS BLANG DU MI RUNG BA'I RGYU MTSAN GANG YIN SNYAM NA, 'DI LA TSIG GSAL LAS RANG RGYUD 'GOG PA'I RIGS PA DANG RIGS PA DE PHA ROL POS KYANG DON GYIS KHAS BLANGS TSUL DANG SKYON BRJOD DE RANG GI SBYOR BA LA MI MTSUNGS PA'I RGYU MTSAN GSUM GYIS 'CHAD DO, ,DE YANG LEGS LDAN GYIS DON DAM PAR NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR SHES PA YOD PA NYID BZHIN NO ZHES BKOD PA LA, DON DAM PA ZHES PA DE DAM BCA'I KHYAD PAR DU SBYOR NA RANG GIS NI BDAG SKYE KUN RDZOB TU YANG KHAS BLANGS PA MED PAS RANG LA LTOS NAS SBYAR MI DGOS LA, GZHAN LA LTOS TE YIN NA BDEN GNYIS LAS NYAMS PA'I MU STEGS NI BDEN PA GNYIS KA'I SGO NAS 'GOG PAR RIGS PAS KHYAD PAR MA SBYAR BAR BKAG NA LEGS SO, ,'JIG RTEN GYI THA SNYAD DU BDAG SKYE 'DOD PA DGAG MI RIGS PAS DE LA LTOS NAS KHYAD PAR SBYOR BA YANG MI RIGS TE, 'JIG RTEN PAS NI RGYU LAS 'BRAS BU 'BYUNG BA TZAM ZHIG 'DOD KYI BDAG DANG GZHAN GANG LAS SKYE ZHES MI DPYOD PA'I PHYIR RO, ,GZHAN YANG PHA ROL POS DON DAM PAR 'DOD PA'I MIG SOGS LA KUN RDZOB TU YANG SKYE BA DGAG 'DOD NAS YIN NA NI DE'I TSE GZHI CHOS CAN MA GRUB PA'I PHYOGS MA RTAGS KYI SKYON DU 'GYUR TE, RANG GIS DON DAM PAR @86B MIG SOGS KHAS MA BLANGS PA'I PHYIR RO, ,GAL TE DON DAM PA'I MIG SOGS MA GRUB KYANG KUN RDZOB PA'I MIG SOGS YOD PAS SKYON DE MED DO ZHE NA, 'O NA DON DAM PA ZHES PA DE GANG GI KHYAD PAR YIN, MIG SOGS KUN RDZOB PA RNAMS DON DAM PAR SKYE BA 'GOG PAS SKYE BA 'GOG PA'I KHYAD PAR RO ZHE NA, MI RIGS TE DE SKAD DU MA SMRAS PA'I PHYIR DANG, SMRAS NA'ANG GZHAN LA CHOS CAN MA GRUB PA'I NYES PAR 'GYUR BA'I PHYIR RO ZHES BKAG GO, DE'I SKYON SPONG LA CI STE SANGS RGYAS PAS BYE BRAG PA LA SGRA MI RTAG PAR SGRUB PA NA SPYI 'DZIN GYI KHYAD PAR MI 'DZIN TE 'DZIN NA BSGRUB BYA SGRUB BYED MED PAR 'GYUR RO, ,'DI LTAR 'BYUNG 'GYUR GYI SGRA CHOS CAN DU 'DZIN NA BYE BRAG PA LA MA GRUB LA NAM MKHA'I YON TAN GYI SGRA 'DZIN NA SANGS RGYAS PA LA MA GRUB PA'I PHYIR RO, ,DE'I PHYIR KHYAD PAR DOR BA'I SPYI SGRA TZAM ZHIG CHOS CAN DU 'DZIN PA BZHIN DU DON DAM PA DANG KUN RDZOB PA'I KHYAD PAR DOR NAS MIG SOGS TZAM ZHIG CHOS CAN DU 'DZIN PAS CHOS CAN MA GRUB PA'I SKYON MED CES ZER RO, ,DE'I LAN DU MIG SOGS KYI CHOS CAN GYI RANG GI NGO BO DE PHYIN CI LOG TZAM GYIS RNYED PA MIN PAR LEGS LDAN RANG NYID KYIS KHAS BLANGS LA, PHYIN CI LOG MA LOG THA DAD PA STE DNGOS 'GAL YIN PA LA SOGS PA'I RIGS PA BSTAN NAS BKAG GO, DE DAG GI DON NI MIG SOGS BDAG LAS MI SKYE BAR SGRUB PA'I CHOS CAN DU BDEN GNYIS KYI KHYAD PAR DOR BA'I MIG SOGS TZAM GZHAG TU MI RUNG STE, CHOS CAN DE 'JAL BA'I TSAD MA NI MIG SOGS KYI RANG BZHIN LA MA 'KHRUL BA'I SHES PA YIN @87A *, ,LA SHES PA PHYIN CI MA LOG PA RANG BZHIN LA MA 'KHRUL BA'I GNAS SKABS TE, DES RNYED PA'I YUL NI SHES BYA PHYIN CI LOG RANG MTSAN GYIS MED BZHIN DU DER SNANG BA'I RDZUN SNANG MED PA'I PHYIR RO, ,RTAGS SNGA MA DE KHAS BLANGS PA'I TSUL NI, YOD PA GANG YIN RANG GI NGO BOS YOD PAR 'DOD PA'I LUGS LA RANG MTSAN SNANG BA LA LTOS TE 'KHRUL PAR SONG NA DES RANG GI GZHAL BYA RNYED PAR 'JOG MI NUS PAS, RTOG PA DANG RTOG MED KYI TSAD MA GANG YIN KYANG TSAD MAR SONG SA SNANG YUL DANG ZHEN YUL RANG MTSAN LA MA 'KHRUL BA CIG DGOS SO, ,DE'I TSE THA SNYAD DU MING DU BTAGS PA TZAM MIN PA'I DON RANG GI GNAS TSUL KYI NGO BO'AM RANG BZHIN CIG LA TSAD MAR 'GRO DGOS SHING RANG GIS KHAS LEN PA YANG YIN NO, , DE 'DRA BA'I TSAD MAS RNYED PA'I DON YIN NA SHES BYA PHYIN CI LOG YIN PAR 'GAL BAS RTAGS PHYI MA 'GRUB BO, ,DE BZHIN DU SHES PA 'KHRUL PAS RNYED PA'I DON YIN NA YANG SHES BYA PHYIN CI MA LOG PA YIN PA 'GAL LO, ,DE'I PHYIR CHOS CAN MA GRUB PA'I SKYON SPONG MI NUS SO, ,GAL TE SGRA 'JAL BA'I TSAD MA LA RTAG MI RTAG GNYIS SU KHA TSON CHOD KYANG MI RTAG PA'I TSAD MA ZHE'AM RTAG PA'I TSAD MA ZHES GANG RUNG GIS KHYAD PAR DU BYAS PA'I TSAD MA CHOS CAN SGRA SGRUB BYED KYI TSAD MAR SGRUB MI DGOS PA BZHIN DU, SHES PA LA 'KHRUL MA 'KHRUL GNYIS SU KHA TSON CHOD KYANG CHOS CAN SGRUB BYED KYI TSAD MA STON PA NA DE GNYIS GANG RUNG GIS KHYAD PAR DU BYAS NAS BSGRUB MI DGOS SO, ,DE BZHIN DU SGRA LA RTAG MI RTAG GNYIS SU KHA TSON @87B CHOD CING SGRA 'JAL BYED KYI TSAD MAS SGRA RTAG MI RTAG GANG DU YANG MA RNYED KYANG SGRA 'JAL BA MI 'GAL BA BZHIN DU, MIG SOGS LA SHES BYA PHYIN CI LOG MA LOG GNYIS SU KHA TSON CHOD CING MIG SOGS 'JAL BYED KYI TSAD MAS MIG SOGS SHES BYA PHYIN CI LOG MA LOG GANG DU YANG MA RNYED KYANG MIG SOGS 'JAL BA MI 'GAL BAS, MIG SOGS TZAM CHOS CAN DU GZUNG DU MI RUNG BA'I RIGS PA DE RNAMS MI 'THAD DO SNYAM NA, DOGS PA 'DI 'DRA NI LEGS LDAN LA SOGS PA DANG DNGOS POR SMRA BA'I MKHAS PA RNAMS LA YANG SKYE DON MED PAS ZLA BAS KYANG DE'I SEL PHYOGS MA MDZAD DO, ,'ON KYANG DA LTA'I DUS 'DRA BA'I RGOL BA MI SHES PA LA SKYE BAS DE BSHAD NA, DON DE TSAD MAS GRUB MA GRUB DPYOD PA'I DUS SU TSAD MAS GRUB CES PA NI RTOG MED KYI TSAD MA YIN NA DON DE RANG LA SNANG BA LTAR GRUB PA DANG RTOG PA'I TSAD MA YIN NA DON DE RANG GIS NGES PA'AM ZHEN PA LTAR GRUB PA CIG TU GANG LA STON PA'I YUL DES GO DGOS SO, ,DE NI MA 'KHRUL BA'I DON YIN TE YUL DE RANG LA SNANG BA LTAR DANG RANG GIS NGES PA BZHIN DU GRUB PA'I RNAM 'JOG GIS BLO DE SNANG YUL DANG ZHEN YUL LAM DES YUL LAM 'KHRUL BAR 'JOG PA'I PHYIR RO, ,DES NA DNGOS PO LA KHA TSON CHOD PA TZAM YIN GYI BLOS 'GRUB PA LA MCHOD PA LTA BU GA LA YIN, DE LTAR NA SHES PA RANG MTSAN SNANG BA LA LTOS TE MA 'KHRUL BA'I RNYED DON NI SHES BYA YANG DAG PA'I RNAM 'JOG TU GRUB PAS SHES BYA YANG LOG KYANG DNGOS PO LA KHA TSON CHOD CING BLO NGOR MCHOD PA GA LA YIN, 'DI DAG NI YOD PA RNAMS RANG GI NGO BOS YOD PAR @88A *, ,'DOD PA'I RGOL BA RNAMS KYI TSAD MAS 'GRUB LUGS YIN GYI RANG GI LUGS MIN NO, ,DE'I PHYIR RANG RGYUD PA RNAMS KYI LTAR NA MIG SOGS KYI CHOS CAN SHES BYA YANG DAG PA DE 'DRA BAR SHES PA MA 'KHRUL BAS RNYED KYANG BDEN GNYIS SU GRUB PA'I THA SNYAD DANG DON GANG GIS KYANG KHYAD PAR DU BYAS NAS GRUB MI DGOS SHING, DE KHYAD GZHIR BZUNG NAS DON DAM PAR YOD MED DPYAD PAS CHOG PAS SPYI CHOS CAN DU BZUNG BA LA BDEN GNYIS KYI KHYAD PAR LA BRTAGS PA'I SKYON BRJOD GA LA 'JUG SNYAM DU SEMS SO, ,ZLA BAS DE 'DRA BA DE RANG GI NGO BOS YOD PAR SONG LA DE NYID DON DAM PAR YOD PA'I DON YIN PAS DE KHYAD GZHIR BZUNG BA'I CHOS CAN TZAM PO GA LA SRID SNYAM DU DGONGS NAS KHYAD PAR DOR BA'I SPYI CHOS CAN DU 'DZIN PA 'GOG GO, 'DI DAG GI GNAD RTOGS NA RANG RGYUD PAS, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PAS, ,KUN RDZOB KYI NI DBYE BA BYAS, ZHES BSHAD PA DANG, DE YANG YUL CAN LA YANG LOG GNYIS SU MI BYED PA DANG, THAL 'GYUR BAS 'JIG RTEN NYID LA LTOS TE YANG LOG YUL YUL CAN GNYIS KA LA 'JOG LA RANG LUGS LA MI 'JOG PA'I RGYU MTSAN RNAMS SHES PAR 'GYUR RO, ,CI STE RTOG PA DANG RTOG MED LA RANG MTSAN SNANG BA LTAR MED PA'I 'KHRUL SHES KYIS CHOS CAN GRUB PAR 'JOG NA NI BSGRUB BYA RANG BZHIN MED PA'I DON GRUB ZIN PAS DE BSGRUB DGOS KYI PHYI RGOL DU GA LA RUNG, DES NA CHOS CAN MA GRUB PA'I SKYON SO NA GNAS SO, ,GAL TE SHES PA 'KHRUL PAS RNYED PA'I DON DANG SHES BYA @88B PHYIN CI MA LOG PA GNYIS 'GAL NA, RIGS SHES RJES DPAG GIS RNYED PA'I DON DANG DON DAM BDEN PA GNYIS KYANG 'GAL BAR 'GYUR LA, SHES PA PHYIN CI LOG TZAM GYIS RNYED PAR MI 'DOD PAS RANG BZHIN LA MA 'KHRUL BA'I SHES PAS RNYED DGOS NA KUN RDZOB PA THAMS CAD KYANG DER 'GYUR TE, DE DAG RGYAL BA'I JI SNYED PA MKHYEN PA'I YE SHES KYIS 'JAL BA'I PHYIR DANG, TZAM GYI SGRAS NI MA 'KHRUL BAS RNYED PA GCOD PA'I PHYIR RO ZHE NA, SKYON DANG PO NI MED DE RIGS SHES RJES DPAG SNANG YUL LA 'KHRUL PA'I 'KHRUL SHES YIN KYANG DES RNYED PA 'KHRUL SHES KYIS RNYED PA MIN PA MI 'GAL BA'I PHYIR TE, SGRA YANG YIN LA BRDZUN PA YANG YIN PA'I DUNG SGRA RNYED KYANG DUNG SGRA RDZUN PA MA RNYED PA MI 'GAL BA BZHIN NO, ,TZAM GYI NGES BZUNG SBYOR SA LA BLTAS NA DE 'DRA'I DOGS PA SKYE YANG SMRA BA PO'I BRJOD 'DOD NI YOD TSUL JI LTAR YIN DPYOD PA'I DPYOD BYED KYIS RNYED PA DGAG PAR 'DOD NAS TZAM SMOS KYI MA 'KHRUL BA YIN PA'I SHES PAS RNYED PA 'GOG PA MIN TE, TSIG GSAL LAS, DPYAD PA ZHIB MO 'JIG RTEN GYI THA SNYAD LA BCUG PA 'DIS CI DGOS ZHES KHO BO CAG KYANG DE SKAD DU SMRA STE KUN RDZOB PHYIN CI LOG TZAM GYIS BDAG GI NGO BO YOD PAR RNYED PA, ZHES GSUNGS PA'I PHYIR RO, ,RTEN CHOS CAN DE KHO NAR GRUB PA NYAMS PAR KHAS BLANGS PA'I STENG NAS KYANG GZHAN DU BSHAD PA DANG BSHAD TSUL 'DI GNYIS MI MTHUN KYANG RANG RGYUD 'GOG PA'I GRUB MTHA' MI MTHUN PA MIN NO, ,DE DAG GIS DON BKAG NAS DA NI DPE DGAG PAR BYA STE, SANGS RGYAS PAS BYE BRAG PA LA SGRA MI RTAG PAR SGRUB PA NA GNYIS @89A *, ,KA'I LUGS KYIS 'BYUNG GYUR DANG NAM MKHA'I YON TAN CHOS CAN 'JAL BA'I TSAD MAS MA GRUB KYANG, GANG LA TSAD MAR SONG SA'I SGRA TZAM ZHIG GI DON 'DI'O ZHES STON RGYU YOD LA, MIG SOGS BDAG LAS MI SKYE BAR SGRUB PA'I RANG BZHIN GYIS STONG BAR SMRA BA DANG RANG BZHIN GYIS MI STONG BAR SMRA BA LA NI GNYIS KA LA YANG RANG GI NGO BOS YOD PA DANG RANG GI NGO BOS MA GRUB BA GNYIS GANG YANG MI 'JAL KYANG CHOS CAN GYI NGO BO 'DI 'DRA ZHIG GZHAL LO ZHES PHAN TSUN STAN PAR MI NUS PAS MI 'DRA'O, ,'DI LA LEGS LDAN LA SOGS PA RANG RGYUD PA RNAMS KYIS DE 'DRA'I KHYAD PAR DAR BA'I SPYI PHAN TSUN DU STON RGYU MED KYANG DON DAM PAR DANG BDEN PAR YOD MED KYIS KHYAD PAR DU MA BYAS PA'I SPYI CHOS CAN DU GZUNG RGYU YOD CES SGRUB MI NUS TE, RANG GI NGO BOS YOD NA BDEN PAR YOD PA'I DON YIN PA'I PHYIR RO, ,DES NA DGAG BYA'I TSAD LA MI MTHUN PA'I GNAD KYIS DA LTAR BYUNG BA YIN PAS SGRA MI RTAG PAR SGRUB PA LA YANG DE GNYIS KYI LUGS KYIS KHYAD PAR GNYIS KYIS KHYAD PAR DU BYAS PA MA GRUB KYANG SGRA SGRUB SA YOD CES SNGON PO YIN GYI DE GNYIS KYIS SGRA 'JAL BA'I TSAD MA SGRA'I DON 'DI 'DRA BA ZHIG LA TSAD MAR SONG ZHES SMRAS PA LTAR GYI TSAD MA NI MED DO, ,DE NI SNGAR RGOL RANG GI NGO BOS YOD PA KHAS LEN PA'I DBANG DU BYAS LA THAL 'GYUR BAS SNGAR RGOL BYAS KYANG PHYI RGOL DE LA RANG GI NGO BOS YOD MED GANG GIS KYANG KHYAD PAR DU MA BYAS PAR CHOS CAN 'JAL BA'I TSAD MAS GRUB TSUL BSTAN RGYU MED DO, ,RIGS PA DE DAG GIS GTAN TSIGS @89B MA GRUB PA'I TSUL YANG SHES PAR BYA'O, ,LEGS LDAN RANG NYID KYIS KYANG NANG GI SKYE MCHED RNAMS NI SKYED BYAD KYI RGYU RKYEN YOD DE DE LTAR RGYAL BAS GSUNGS PA'I PHYIR ZHES BA'I RTAGS KYI DON LA GSUNGS PA DE KUN RDZOB TU YIN NA KHYED RANG DANG DON DAM DU YIN NA NGED LA MA GRUB BO ZHES BDEN GNYIS LA BRTAGS NAS SKYON BRJOD PA'I PHYIR, CHOS CAN 'KHRUL MA 'KHRUL GYI SHES PA GANG GIS RNYED CES BYED BRAG LA BRTAGS NAS SKYON BRJOD PAR RIGS SO, ,'DI'I RGYU MTSAN NI 'JUG PA LAS, DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG YIN DE NYID DE, ,MTHONG BA BRDZUN PA KUN RDZOB BDEN PAR GSUNGS, ,ZHES SHES BYA YANG DAG PA MTHONG BA DANG SHES BYA BRDZUN PA STE LOG PA MTHONG BA'I SHES PAS RNYED PA GNYES BDEN GNYIS KYI DON DU GSUNGS PA'I GNAD KYIS SO, ,RTAGS LA BDEN GNYIS KYI BRTAG PA GNYIS LAS MA MDZAD PA LTAR NA RTAGS KYI DON GANG YIN ZHES DRI DGOS LA DE GNYIS GANG GIS KYANG KHYAD PAR DU MA BYAS PA'I TZAM PO DANG BCAS PA'I BRTAG PA GSUM BYAS PA'I SKABS SU RTAGS SU GANG 'GOD CES DRI DGOS SO, ,DE 'DRA'I SKYON BRJOD RNAMS RANG GI SBYOR BA LA MI MTSUNGS PA'I RGYU MTSAN DU RANG RGYUD KHAS MI LEN PA BKOD NAS RANG GI LUGS KYI BSGRUB BYA SGRUB PA'I SBYOR BA RNAMS PHYI RGOL LA GRUB PAS CHOG STE DE NYID KYIS LAG RTOG ZLOG BA TZAM GYI TSAD YIN PA'I PHYIR RO ZHES GSUNGS SHING, GANG RUNG LA GRUB PAS MI CHOG GAM SNYAM PA LA 'JIG RTEN PA'I RTZOD PA DPER BYAS NAS DES CHOG PA DANG, SGRUB PA DANG @90A *, ,SUN 'BYIN GNYIS KA LA GNYIS KAS GRUB PA DGOS PAR 'DOD PA'I PHYOGS GLANG GIS KYANG LUGS SNGA MA 'DOD PAR BYA STE, LUNG GI GNOD PA DANG RANG DON RJES DPAG LA RANG LA GRUB PAS CHOG PA'I PHYIR ZHES 'CHAD DO, ,DES NA SHES RAB SGRON MAR GZHAN GYI SKYON BRJOD KYI SKABS SHIG TU RANG DBANG DU BYAS NAS SAM SUN 'BYIN PA'I DBANG DU BYAS NAS BRJOD CES RANG DBANG ZHES BSGYUR BA 'DI DANG RANG RGYUD GNYIS DON GCIG PAS, PHYI RGOL GYI KHAS BLANGS LA ME 'KHRIS PAR TSAD MAS DON GYI SDOD LUGS NAS RANG DBANG DU CHOS CAN GNYIS DANG RTAGS KYI TSUL RNAMS GRUB TSUL NGES PAR BYAS NAS BSGRUB BYA RTOGS PA'I RJES DPAG SKYED PA CIG RANG RGYUD KYI DON YIN NO, ,DE NI YOD PA RNAMS RANG GI NGO BOS YOD PAR 'DOD PA'I PHYI RGOL LA BSGRUB BYA GRUB MA ZIN GYI GONG DU RANG GI NGO BOS YOD MED GANG GIS KYANG KHYAD PAR DU MA BYAS PA'I TSAD MAS GZHAL BYA GRUB LUGS 'DI 'DRA ZHIG YIN NO ZHES NGES PAR BYA MI NUS PAS RTAGS DANG BSGRUB BYA 'DOD KYANG RANG RGYUD KYI RTAGS DANG BSGRUB BYA MI 'DOD PA YIN NO, ,RTEN 'BYUNG GI GTAN TSIGS DANG GZUGS BRNYAN GYI DPE LA BRTEN NAS MYU GU RANG GI NGO BOS GRUB PA'I RANG BZHIN MED PAR SGRUB PA'I GZHAN GRAGS KYI RJES DPAG BKOD PA LA, RANG NYID MYU GU RTEN 'BYUNG DANG BRTEN NAS 'BYUNG BA LA RANG BZHIN MED PA'I KHYAB PA KHAS MI LEN PA'I RGYU MTSAN GYIS GNYIS KA LA MA GRUB PA DANG GZHAN GRAGS ZHES ZER BA MIN GYI SNGAR LTAR PHYI RGOL LA TSAD MAS RANG DBANG DU BSGRUB SA MA BYUNG @90B BAS DE LTAR DU TSAD MAS RANG GZHAN GNYIS KA LA MA GRUB PA'I DON NO, ,MYU GU DANG DE RTEN 'BYUNG SOGS SU THA SNYAD PA'I LHAN SKYES KYI TSAD MAS GRUB PA YANG RGOL PHYI RGOL GNYIS KA'I RGYUD LA YOD MOD KYANG DE DANG RANG GI NGO BOS YOD PA 'JAL BA'I TSAD MA GNYIS PHYI RGOL GYI NGOR 'DRES NAS LTA BA MA SKYES BAR DU MI PHYED PAS SNGAR RGOL GYIS PHYED KYANG DE'I RING LA STON MI NUS SO, ,THAL 'GYUR BA NANG PHAN TSUN LA KHAS BLANGS LA MA 'KHRIS PAR TSAD MAS GRUB TSUL BSTAN DU YOD KYANG MING GI THA SNYAD KYI DBANG GIS BZHAG PA'I TSAD MA YIN GYI DNGOS PO'I RANG GI NGO BO'I DBANG GIS BZHAG PA MIN PAS RANG RGYUD MI RUNG NGO, ,MYU GU LTA BU LA RANG GI NGO BOS YOD PAR 'DZIN PA DANG DER MED PAR 'DZIN PA DANG DE GNYIS GANG GIS KYANG KHYAD PAR DU MA BYAS PA'I 'DZIN PA GSUM YOD LA, LTA BA SKYES PA'I RGYUD LA GSUM GA YOD KYANG LTA BA MA RNYED PA'I RGYUD LA DANG PO DANG THA MA GNYIS LAS MED PA'I KHYAD PAR RNAMS LEGS PAR SHES NA, RTOG PAS 'DI'O SNYAM DU GANG BZUNG THAMS CAD RIGS PAS MI 'GOG PA DANG, LTA BA RGYUD LA MA SKYES GONG GI BYANG CHUB SEMS SBYONG LA SOGS PA THAMS CAD BDEN 'DZIN NAM MTSAN 'DZIN DU 'DUG SNYAM NAS, LTA BA RGYUD LA SKYES PAR RLOM PA'I 'OG TU SPYOD PHYOGS THAMS CAD LA ZHE RTZIS MED PA'I LOG LTA RNAMS LEGS PAR KHEGS PAR 'GYUR RO, ,DES NA GZHAN 'GRAGS KYI RTAGS KYIS BSGRUB BYA SGRUB PA LA PHA ROL POS KHAS BLANGS PA TZAM GYIS MI CHOG GI CHOG GI CHOS CAN GNYIS DANG RTAGS LA SOGS PA RANG NGOS NAS GZHAL NA @91A *, ,TSAD MAS KYANG GRUB LA KHO RANG YANG NGES PAR 'DOD DGOS PA'AM 'DOD PA CIG DGOS TE, DE MED PAR ZHEN YUL LA 'KHRUL NA DES DE KHO NA NYID RTOGS PA'I LTA BA SKYED PAR MI NUS PA'I PHYIR RO, ,THA SNYAD PA'I TSAD MA DON DAM PA 'JAL BA'I RGYUR MED MI RUNG YIN PA 'DI NYID, THA SNYAD LA NI MA BRTEN PAR, ,DAM PA'I DON NI RTOGS MI 'GYUR, ,ZHES GSUNGS PA'I DON NO, ,'DI PA LTAR NA LEGS LDAN LA SOGS PA'I RANG RGYUD PA RNAMS DON DAM PAR DANG BDEN PAR GRUB PA'I DON KHAS LEN PAS DBU MA PAR MI 'JOG GAM SNYAM NA, LTO LDIR BA NGES KYANG GZHI DE BUM PAR MA NGES PA LA TSAD MAS GDOD SGRUB DGOS PAS DES GZHI DE BUM PAR 'DOD DO ZHES SMRA MI NUS PA DANG, BYE BRAG PAS BUM PA LA RANG GI YAN LAG LAS RDZAS GZHAN PA'I YAN LAG CAN MED PA'I DON TSAD MAS GRUB KYANG YAN LAG CAN RDZAS GZHAN 'DOD PA'I GRUB MTHA' BA MIN NO ZHES SMRA MI NUS PA BZHIN DU, MKHAS PA DE DAG KYANG CHES BDEN PAR YOD PA'I GRUB MTHA' RIGS PA'I SGO DU MAS 'GOG CING BDEN MED DU LEGS PAR ZHAL GYIS BZHES PAS DBU MA PA NI YIN NO, ,DBU MA PA YIN NA RANG RGYUD BYA MI RIGS PAR GSUNGS PA DANG MI 'GAL TE BCAS LDAN GYI DGE SLONG GIS BCAS PA DANG 'GAL BAR MI RIGS KYANG DE DANG 'GAL BA TZAM GYIS DGE SLONG MIN MI DGOS PA BZHIN NO, ,GSUM PA LA GNYIS, DGONGS 'GREL DANG 'GAL BA SPANG BA DANG, DE DANG BYAS @91B ZHUS KYI LE'U GNYIS MI MTSUNGS PAR BSTAN PA'O, ,DANG PO NI, DGONGS 'GREL GYI MTSAN NYID GSUM GYI SGO NAS NGO BO NYID YOD MED PHYE BA DANG DRANG NGES 'JOG TSUL SLOB DPON GZHAN GYI BZHED PA SNGAR BSHAD PA LTAR YIN NA SLOB DPON 'DI JI LTAR BZHED CE NA, 'DI LA 'PHAGS PA YAB SRAS GNYIS KYI GZHUNG KHUNGS MA NAS GSAL BAR BSHAD PA MED LA, SANGS RGYAS BSKYANGS KYIS KYANG DE'I KHYAD PAR GSAL BAR MA BSHAD DO, ,'ON KYANG 'JUG PA LAS, RNAM PA DE LTA'I MDO SDE GZHAN YANG NI, , DRANG DON NYID DU LUNG 'DIS GSAL PAR BYED, ,CES PA'I RANG 'GREL LAS RNAM PA DE LTA BU'I MDO SDE GANG ZHE NA, JI SKAD DU DGONGS PA NGES PAR 'GREL BA'I MDO LAS, BTAGS PA DANG GZHAN GYI DBANG DANG YONGS SU GRUB PA ZHES BYA BA'I RANG BZHIN GSUM BSTAN PA LAS, BTAGS PA MED PA NYID DANG GZHAN GYI DBANG YOD PA NYID DANG DE BZHIN DU, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, ,'DI NI BYIS PA RNAMS LA NGAS MA BSTAN, ,ZHES BYA BA LA SOGS PA STE 'DI, JI LTAR NAD PA NAD PA LA, ,SMAN PA SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES BYA BA'I LUNG 'DIS DRANG BA'I DON NYID DU GSAL BAR BYED DO, ,ZHES NGO BO NYID DANG PO GNYIS LA RANG GI MTSAN NYID KYIS YOD MED DANG KUN GZHI BSHAD PA GNYIS DANG SOGS KYIS BSDUS PA PHYI ROL MED PA DANG MTHAR THUG RIGS NGES PA BSHAD PA STE BZHI DRANG DON DU 'CHAD DO, ,PHYI MA 'DI DRANG @92A *, ,DON YIN PA MDO KUN LAS BTUS PA LAS THEG PA GCIG TU BSGRUBS PAS GO NUS PAR DGONGS NAS SNGA MA GSUM 'JUG PA RTZA 'GREL LAS LUNG RIGS GNYIS KYIS DRANG DON DU SGRUB PA LA SKABS 'DIR LUNG GIS DRANG DON DU STON NO,, SEMS TZAM DU GSUNGS PA LA PHYI ROL 'GOG MI 'GOG GNYIS LAS 'GOG PA'I MDO PHYI ROL SNANG BA YOD MIN TE, ZHES SOGS GSUNGS PA NI NAD PA SO SO LA SMAN STER BA NI SMAN PA'I RANG DBANG GIS MA YIN GYI NAD PA'I NANG KYI TSUL DANG BSTAN DGOS PA BZHIN DU, SEMS TZAM DU GSUNGS PA YANG STON PA'I RANG LUGS KYI DBANG GIS MIN GYI GDUL BYA'I BSAM PA'I DBANG GIS YIN PAR LANG GSHEGS LAS GSUNGS PAS DRANG DON DU GSAL LO, ,DE NAS DE BZHIN DU BCOM LDAN 'DAS KYIS MDO BRJOD PA LAS DE BZHIN GSHEGS PA'I SNYING PO GSUNGS PA DE ZHES SOGS DRANGS PA'I MTHAR DE LTAR NA RNAM PA DE LTA BU'I MDO SDE RNAM RIG PAS NGES DON DU KHAS BLANGS PA THAMS CAD DRANG DON YIN PAR LUNG 'DIS GSAL BAR BYAS ZHES GSUNGS SO, ,'DIR 'JUG PA'I 'GREL BSHAD LAS, SNYING PO DANG DON DU GSUNGS PA DPER BYAS NAS SEMS TZAM DU GSUNGS PA YANG DRANG DON DU STON PA DANG, LUNG 'DIS ZHES PA SA BCU PA'I MDO YI RTEN 'BREL LA RTOG PA'I SKABS SU BYED PA PO BKAG PA LA 'CHAD DO,, DE NI MI RIGS TE RANG 'GREL LAS, SEMS TZAM DU GSUNGS PA DRANG DON YIN PA DPER BYAS NAS SNYID PO DRANG DON DU GSUNGS PA'I RGYU MTSAN GYIS RNAM PA DE LTA BU'I MDO SDE SEMS TZAM PAS NGES DON DU KHAS BLANGS PA DRANG DON DU BSGRUBS @92B PAS LUNG 'DIS ZHES PA LA GNYIS GSUNGS PA'I GCIG NI SKABS 'DIR LANG GSHEGS LAS SNYING PO DRANG DON DANG RANG BZHIN MED PA MDO SDE THAMS CAD KYI NANG DU CHUD PAR BSTAN PAS DRANGS PA'O, ,BYED PA PO GZHAN BKAG PA NI SA BCU PA LAS SEMS TZI MO ZHES GSUNGS PA'I TZAM GYI SGRAS PHYI ROL MI 'GOG PA'I SHES BYED DU GSUNGS KYI PHYI ROL BKAG PA DRANG DON DU STON PA'I SHES BYED MIN NO, ,RNAM PA DE LTA BU'I MDO NI SNGAR DGONGS 'GREL LA BSHAD PA LTAR YIN GYI SNYING PO DRANG DON DU STEN PA'I MDO LA RNAM RIG PAS NGES DON DU 'DOD PAR STON PA MIN TE DE LA NI GNYIS KA LA RTZOD PA MED DO, ,RANG LUGS NI SNYING PO DRANG DON DU GSUNGS PA DRANGS PA DES DGONGS 'GREL LAS KUN GZHI BSTAN PA SGRA JI BZHIN PA MIN PAR SGRUB PA YIN NO, ,DE LA NI THOG MAR SNYING PO BSTAN PA SGRA JI BZHIN PA MIN PAR SHES DGOS PAS, LANG GSHEGS LAS, MDO SDE NI SEMS CAN GYI BSAM PA BZHIN BSTAN PA DON 'KHRUL BA YIN TE DE KHO NA'I GTAM MIN NO, ,DPER NA SMIG RGYU NI CHU MED PAS CHUR ZHEN PA'I RI DRAGS SLU BA BZHIN DU BSTAN PA'I CHOS KYANG BYIS PA MGU BAR BYED KYI 'PHAGS PA'I YE SHES RNAM PAR 'GOD PA'I GTAM NI MIN NO, ,DES NA KHYOD KYIS DON GYI RJES SU 'BRANG BAR BYA'I BRJOD PA LA CHAGS PAR MI BYA'O ZHES BKA' STZAL PA DANG, BLO GROS CHEN POS MDO SDE LAS DE BZHIN GSHEGS PA'I SNYING PO GSUNGS PA DE RANG BZHIN GYIS 'OD GSAL BA THOG MA NAS RNAM PAR DAG PA MTSAN SO GNYIS DANG LDAN PA SEMS CAN THAMS CAD KYI LUS KYI NANG NA YOD PAR BRJOD DE, NOR BU RIN PO CHE GOS DRI MA CAN GYIS DKRIS PA @93A *, ,BZHIN DU PHUNG KHAMS SKYE MCHED KYI GOS KYIS DKRIS SHING DRI MA CAN DU GYUR PA RTAG BRTAN THER ZUG TU BRJOD NA SNYING PO SMRA BA 'DI MU STEGS KYI BDAG SMRA BA DANG JI LTAR MI 'DRA BA LAGS, MU STEGS KYANG RTAG PA BYED PA MED PA YON TAN MED PA KHYAB PA MI 'JIG PA ZHES BDAG TU SMRA'O ZHES ZHUS SO, ,DE'I LAN DU SANGS RGYAS RNAMS KYIS NI BYIS PA BDAG MED LA SKRAG PA SPANG BA DANG MU STEGS BYED BDAG TU SMRA BA LA ZHEN PA RNAMS DRANG BA'I PHYIR STONG NYID MTSAN MED SMON MED LA SOGS PA'I TSIG GI DON CHOS KYI BDAG MED SNANG MED KYI SPYOD YUL LA DE BZHIN GSHEGS PA'I SNYING PO ZHES STON PAS MU STEGS KYI BDAG SMRA BA DANG MI 'DRA STE 'DI LA DA LTAR DANG MA 'ONGS PA'I BYANG SEMS KYIS BDAG TU ZHEN PAR MI BYA'O, ,BDAG TU LTA BAR LHUNG BA'I BSAM PA CAN RNAMS RNAM THAR GSUM GYI SPYOD YUL LA GNAS PA'I BSAM PA DANG LDAN ZHING MYUR DU 'TSANG RGYA BAR GYUR NA SNYAM NAS DE'I DON DU SNYING PO STON PAS, MU STEGS KYI LTA BA BZLOG PA'I PHYIR SNYING PO BDAG MED PA'I RJES SU 'JUG PAR BYA'O ZHES GSUNGS TE MANGS SU DOGS NAS RGYAS PAR MA DRANGS SO, ,DES NI DGONGS GZHI CHOS KYI BDAG MED KYI STONG NYID LA DGONGS NAS DGOS PA BDAG MED LA SKRAG PA SPONG BA DANG, BDAG SMRA LA ZHEN PA RNAMS RIM GYIS BDAG MED LA DRANG BA'I PHYIR DU GSUNGS PA'I RTAGS KYIS SNYING PO DANG BDAG YOD PAR SMRA BA GNYIS MI MTSUNGS PAR BSGRUBS LA, DE LTAR BYAS NA BDAG YOD PAR SMRA BA RNAMS KYIS GANG LA BSAMS NAS SMRAS PA NI BSTAN TSOD DE NYID YIN LA, STON PAS @93B GANG LA BSAMS NAS GSUNGS PA'I DGONGS PA'I DON DANG SGRAS ZIN GYI DON GNYIS CHES MI MTHUN PA DANG, BDAG YOD PAR SMRA BA RNAMS KYIS BDAG RTAG PA SOGS SU BSTAN PA NI SGRAS ZIN GYI DON DE NYID LA DUS KUN TU NGES PA BRTAN DU GTONG BA'I PHYIR YIN LA, STON PAS GSUNGS PA NI RE ZHIG SGRAS ZIN GYI DON DE YOD PAR BSTAN NAS PHYI NAS GANG LA BSAMS NAS GSUNGS PA'I DON DE LA DRANG BA'I PHYIR YIN PAS DE GNYIS MI MTSUNGS SO ZHES MTSUNGS PA 'BYED DGOS PAS, SNYING PO SNGAR LTAR GSUNGS PA SGRA JI BZHIN PAR 'DZIN NA BDAG YOD PAR SMRA BA DANG MTSUNGS PAR GSAL BAR BSTAN TE DNGOS LA GNOD BYED KYANG DE NYID DO, ,SGRA JI BZHIN PAR GZUNG DU MI RUNG BA NI SNGAR SMIG RGYU'I DPE DON SBYAR NAS DON GYI RJES SU 'BRANG BAR BYA'I BRJOD PA LA CHAGS PAR MI BYA'O ZHES SOGS KYIS KYANG SHIN TU GSAL BAS MDO 'DIS MDO GZHAN LAS DE LTAR GSUNGS PA DE DGONGS GZHI DANG DGOS LA DANG SGRA JI BZHIN PA LA GNOD BYED BSTAN PA'I SGO NAS DRANG DON DU BSGRUBS MA BSGRUBS LA SHES RAB CAN SU ZHIG RTZOD, 'ON KYANG 'DIS BKRAL BA LTAR MI 'DOD NA 'DI'I SGRA JI BZHIN PA LA RIGS PA'I GNOD PA BSTAN NAS, 'DI NYID DRANG DON DU 'CHAD PA RGYA GAR MKHAS PA'I MAN NGAG YIN PAS DE LTAR DU BYA'I MDO SNGA MAS KYANG DE LTAR MA BSTAN ZHES BYAS NA RANG GI DE KHO NA NYID BSTAN PA TZAM DU ZAD DO, ,MDO KUN LAS BTUS PA LAS KYANG, DE BZHIN GSHEGS PAS 'DUL BA'I DBANG GIS THEG PA'I SGO SNA TSOGS NYE BAR STON PAS CHOS NYID ZAB MO 'DI STON @94A *, ,TE, ZHES MTSAMS SBYAR NAS SNGAR DRANGS PA'I MDO RNAMS DRANGS LA CHOS NYID ZAB MO 'DI ZHES NYE TSIG GIS SMOS PA NI DE'I GONG NYID DU SHER PHYIN GYI MDO LA SOGS PA MANG DU DRANGS NAS CHOS BDAG MED PA'I STONG NYID GSUNGS PA RNAMS SO, ,'DUL BA'I DBANG GIS ZHES PA NI GDUL BYA'I BSAM PA'I DBANG GIS BSHAD CES PA STE SNGAR BYIS PA MGU BAR BYED PA'I GTAM YIN GYI DE KHO NA'I GTAM MIN ZHES GSUNGS PA'I DON NO, ,SGRA JI BZHIN PAR BZUNG NA BDAG YOD PAR SMRA BA DANG MTSUNGS LUGS NI, STONG PA NYID DANG MA SKYES PA DANG BDAG MED PA LTA BU RANG GI MTSAN NYID KYIS YOD CING SKYE BA DANG CHOS KYI BDAG GI SPROS PA RNAM PAR BCAD TZAM GYI DGONGS PA'I DON LA BSAMS NAS SNYING PO YOD PAR GSUNGS PA MIN PAR SGRAS ZIN GYIS JI LTAR BSTAN PA LTAR YIN NA, DE YI RTAG PA YANG DGAG BYA 'JIG PA RNAM PAR BCAD TZAM GYI 'JIG MED MIN PAS DGAG BYA BCAD PA'I NGOS NAS 'JOG MI DGOS PAR SNGO SER BZHIN DU SGRUB PA'I NGO BOR 'CHAR BA'I RTAG PAR 'GYUR RO, ,DE LTA NA MU STEGS KYI BDAG RTAG PAR SMRA BA'I RTAG LUGS DANG KHYAD PAR MED PAS DNGOS PO RTAG PA KHAS BLANGS PAR 'GYUR BA'O, ,DE LA GNOD BYED NI GZHAN SDE 'DOD PA'I RTAG PA 'GOG PA'I RIGS PA RANG SDE GONG 'OG GIS BSHAD PA RNAMS YIN PAS DE DAG GIS KYANG DE 'DRA BA'I DON KHAS MI LEN NO, ,RTAG PA'I DON 'JIG PA RNAM PAR BCAD TZAM GYI RNAM BCAD MIN PA'I YONGS GCOD LA 'DOD PHYIN CHAD BDAG @94B GNYIS KYI SPROS PA RNAM PAR BCAD TZAM YANG BDAG MED PA'I DE KHO NA NYID DU STON PA'I BDAG MED GNYIS GANG YANG RE ZHIG BSHAD PA'I SNOD DU MI RUNG BAS MDO SDE DE DAG GIS SNGAR LTAR GSUNGS PA DE BDAG MED LA SKRAG PA SPANG BA DANG BDAG TU SMRA BA LA ZHEN PA RNAMS DRANG BA'I PHYIR DU GSUNGS SO, ,DE'I PHYIR DRANG DON LA TSUL GNYIS YOD DE RE ZHIG GANG ZAG GI BDAG MED THUN MONG BA DANG CHOS KYI BDAG MED RAGS PA BSHAD PA'I SNOD DU RUNG BA'I RANG SDE DE KHO NA NYID LA RIM GYIS DRANG BA'I PHYIR DU GSUNGS PA'I DRANG DON ? GYI SGRA JI BZHIN PA LA NI GNOD BYED STON SHIN TU DKA'O, ,SNGAR BSHAD PA LTAR GZHAN SDE BDAG TU SMRA BA DNGOS SAM DE'I LTA BA LA TSE RABS SNGA MAR GOMS PA CHES PAS RE ZHIG LA GANG ZAG GI BDAG MED THUN MONG BA YANG RDZOGS PAR BSHAD DU MI RUNG BA'I GZHAN SDE'I RIGS CAN DRANG BA'I PHYIR GSUNGS PA'I DRANG DON GYI SGRA JI BZHIN PA LA GNOD BYED STON PAR SLA BA YIN NO, ,DE LTAR RTAG PA SOGS KYI SNYING PO YOD PAR BSTAN PA DRANG DON YIN PAS KUN GZHI DRANG DON DU JI LTAR 'GRUB CE NA, RGYAN STUG PO BKOD PA LAS, SA RNAMS SNA TSOGS KUN GZHI STE, ,BDER GSHEGS SNYING PO DGE BA'ANG DE, ,SNYING PO DE LA KUN GZHI'I SGRAS, ,DE BZHIN GSHEGS RNAMS STON PAR MDZAD, ,SNYING PO KUN GZHIR BSGRAGS PA YANG; ;BLO ZHEN RNAMS KYIS MI SHES SO, ,ZHES GSUNGS SHING LANG KAR GSHEGS PA LAS KYANG, DE BZHIN GSHEGS PA'I SNYING PO KUN GZHI RNAM PAR SHES PAR BSGRAGS PA RNAM PAR SHES PA BDUN DANG BCAS PA ZHES DE GNYIS MING @95A *, ,GI RNAM GRANGS SU LAN DU MAR GSUNGS SO, ,DE YANG DE GNYIS GCIG RTAG LA GCIG MI RTAG PAR BSHAD PAS SGRA ZIN GYI DON GNYIS GCIG TU BSTAN PA MIN YANG GANG LA BSAMS NAS SNYING PO BSTAN PA'I DON DE NYID LA DGONGS NAS KUN GZHI BSTAN PAS DGONGS PA'I DON LA LTOS TE MING GI RNAM GRANGS YIN PAS DON GCIG GO , DE LTAR NA SNGA MA DRANG DON DU BSTAN PA NYID KYIS PHYI MA YANG DRANG DON DU 'GRUB BO, ,'JUG 'GREL LAS, DNGOS PO THAMS CAD KYI RANG BZHIN GYI RJES SU ZHUGS PA'I PHYIR STONG PA NYID KHO NA KUN GZHI RNAM PAR SHES PA'I SGRAS BSTAN PAR RIG PAR BYA'O, ,ZHES GSUNGS PAS ZLA BA'I BZHED PA NI DE LTAR RO, ,DE LTAR DGONGS GZHI'I DON GCIG YIN KYANG GDUL BYA NI MI GCIG STE KUN GZHI GANG GI CHED DU GSUNGS PA NI GANG ZAG GI BDAG MED THUN MONG BA DANG GZUNG 'DZIN GNYIS STONG GI CHOS KYI BDAG MED BSTAN PA'I SNOD DU RUNG LA, GANG ZAG DANG CHOS THAMS CAD RANG BZHIN MED PAR RTOGS MI NUS PA'I GDUL BYA YIN PA'I PHYIR TE, 'JUG PA LAS, KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CES, ,BSTAN PA 'DI NI DE LTAR CHES ZAB DON, ,RIG PAR MI 'GYUR GANG YIN DE LA'O, ,ZHES GSUNGS SHING KUN GZHI 'JOG PA NA PHYI ROL DON GYIS STONG PAR BSTAN DGOS PA'I PHYIR RO, ,'JUG 'GREL LAS SNGAR LTAR DRANG DON DU STON PA'I MDO DRANGS PA'I 'OG NYID DU, BLO GROS CHEN PO STONG PA NYID DANG @95B MI SKYE BA DANG MI GNYIS PA DANG RANG BZHIN MED PA'I MTSAN NYID SANGS RGYAS THAMS CAD KYI MDO SDE'I NANG DU CHUD PA 'DI, ,ZHES DRANGS PA NI NGO BO NYID DANG PO GNYIS LA RANG GI MTSAN NYID KYIS YOD MED KYI KHYAD PAR PHYE BA DRANG DON DU STON PA'I KHUNGS YIN TE, LANG KAR GSHEGS PA LAS CHUD PA ZHES PA'I BAR SNGAR BZHIN GSUNGS NAS 'DI NI MDO SDE GANG DU YANG RUNG STE DE DAG TU DON 'DI NYID KHONG DU CHUD PAR BYA'O, ,ZHES GSUNGS PA'I PHYIR RO, ,'O NA LUGS 'DIS 'KHOR LO GSUM GYI DRANG NGES JI LTAR 'JOG CE NA, 'KHOR LO DANG POR GANG ZAG DANG CHOS RANG BZHIN MED PAR GSUNGS PA RNAMS NGES DON YIN LA, GANG ZAG LA PHUNG PO DANG MTSAN NYID MI MTHUN PA'I RANG RKYA THUB PA'I RDZAS YOD TZAM BKAG NAS RANG GI MTSAN NYID KYIS GRUB PA BKAG PA GANG ZAG GI BDAG MED DU MA BSHAD PA DANG, PHUNG PO LA SOGS PA'I CHOS RNAMS RANG GI MTSAN NYID KYIS GRUB PAR GSUNGS PA NI DRANG DON NO, ,DE'I DGONGS GZHI NI THA SNYAD DU YOD PA TZAM MO, ,DGOS PA NI GANG ZAG DANG CHOS RANG GI MTSAN NYID KYIS STONG PAR BSTAN NA CHAD LTA SKYE BAS DE BZLOG PA'I PHYIR DANG RIGS PA'I BDAG MED BSTAN PAS RGYUD SBYANGS NAS PHRA BA'I BDAG MED LA GZHUG PA'I DON NO, ,SGRA JI BZHIN PA LA GNOD BYED NI RANG MTSAN GYIS YOD PA 'GOG PA'I RIGS PA RNAMS SO, ,DE NAS 'KHOR LO GNYIS PAR GANG ZAG DANG CHOS RNAMS DON DAM PAR RAM RANG GI MTSAN NYID KYIS YOD PAS STONG ZHING 'JIG RTEN GYI THA SNYAD DU YOD PAR GSUNGS PA NI, RANG GI MTSAN NYID KYIS GRUB PA LA 'CHING GROL SOGS GTAN MI RUNG ZHING 'CHING GROL @96A *, ,SOGS KYI RTEN 'BYUNG KHAS BLANG DGOS PA KHO NAS DE DAG RANG GI MTSAN NYID KYIS GRUB PAS STONG PA RTEN 'BYUNG GI DON RANG BZHIN GYIS STONG PA'I DON DU RTOGS NUS PA'I THEG CHEN PA LA GSUNGS PA YIN PAS NGES PA'I DON MTHAR THUG PA'O, ,SHES RAB SNYING PO LA SOGS PA DGAG BYA LA DON DAM GYI THA SNYAD DNGOS SU MA SBYAR BA LA YANG PHUNG PO LNGA PO DE DAG KYANG RANG BZHIN GYIS STONG PAR RNAM PAR YANG DAG PAR RJES SU BLTA'O, ,ZHES MDOR BSTAN DU RANG MTSAN GYIS STONG PAR GSUNGS PA RGYAS BSHAD KYI SKABS SU SBYAR DGOS PAS DON GYIS SBYAR ZIN LA, DE LTA MIN YANG YUM 'BUM PA LTA BUR DON DAM GYI KHYAD PAR SBYAR NA DE DAG RIGS MTHUN PA'I MDO SDE THAMS CAD LA GO DGOS PAS DON GYIS SBYAR BA YIN TE, DPER NA DA LTAR GYI RTZOM PA PO GCIG GIS BRTZAMS PA'I BSTAN BCOS BRJOD BYA MTHUN PA GCIG TU BYUNG BA MA BYUNG SAR 'KHYER DGOS PA DANG 'DRA'O, ,DES NA THEG PA CHEN PO'I RIGS CAN YIN YANG RANG GI MTSAN NYID KYIS GRUB PAS STONG PA'I RANG BZHIN MED PA LA LAS 'BRAS DANG 'CHING GROL SOGS BZHAG SA MED PAR 'GRO BA LA NI, 'KHOR LO BAR PAS BSTAN PA LTAR BSTAN NA CHAD LTA CHEN PO SKYE BAS DE SPANG BA'I PHYIR DANG, RAGS PA'I CHOS KYI BDAG MED BSTAN NAS RGYUD SBYANGS NAS PHRA BA'I CHOS KYI BDAG MED LA GZHUG PA'I PHYIR DU NGO BO NYID DANG PO DANG, GZHAN GNYIS LA THA SNYAD DU RNAL 'BYOR SPYOD PA PA 'DOD PA LTAR GYI MING DANG BRDAS BZHAG MA BZHAG GI KHYAD PAR YOD PA LA DGONGS NAS RANG GI MTSAN NYID KYIS YOD PA DANG MED PAR GSUNGS SO, ,SGRA JI @96B BZHIN PA LA GNOD BYED NI GANG ZAG DANG CHOS RNAMS DON DAM PAR MA GRUB PA LA RIGS PA'I GNAD BYED CI YANG MED LA DON DAM PA'AM RANG GI MTSAN NYID KYIS GRUB PA LA RGYU 'BRAS SOGS RNAM GZHAG THAMS CAD MI RUNG BAR DBU MA'I BSTAN BCOS NAS GSUNGS PA RNAMS SO, ,DE 'DRA BA'I DRANG NGES 'JOG TSUL NI MDO SDE DGONGS 'GREL GYIS BZHAG PA DANG MI MTHUN YANG TING 'DZIN RGYAL PO DANG BLO GROS MI ZAD PAS BSTAN PA DANG MTHUN NO, ,GZUNGS KYI DBANG PHYUG RGYAL POS ZHUS PA LAS, NOR BU MKHAN GYIS BKRU BA GSUM DANG PHYI BA GSUM GYIS RIM GYIS NOR BU SBYONG BA'I DPES, RGYAL BAS KYANG MA DAG PA'I SEMS CAN GYI KHAMS MKHYEN NAS MI RTAG SDUG BSNGAL BDAG MED MI SDUG PA YID 'BYUNG BA'I GTAM GYIS 'KHOR BA LA DGA' BA RNAMS YID 'BYUNG BA DANG CHOS 'DUL BA LA 'JOG PAR BYED DO, ,DE YI 'OG TU STONG NYID DANG MTSAN MED DANG SMON MED KYI GTAM GYIS DE BZHIN GSHEGS PA'I GTAM GYI TSUL KHONG DU CHUD PAR BYED DO, ,DE YI 'OG TU PHYIR MI LDOG PA'I 'KHOR LO'I GTAM DANG 'KHOR GSUM YONGS DAG GI GTAM GYIS SEMS CAN DE DAG SANGS RGYAS KYI YUL LA 'DZUD PAR MDZAD DO, ,SEMS CAN RGYU DANG RANG BZHIN SNA TSOGS PA DE DAG MNYAM DU ZHUGS NAS DE BZHIN GSHEGS PA'I CHOS NYID KHONG DU CHUD PAS SBYIN GNAS BLA NA MED PA RNAMS ZHES BYA'O, ,ZHES GSUNGS PA NI CHOS 'KHOR LAN GSUM DU BSKOR BA DANG DON MI GCIG STE, 'DI NI GANG ZAG GCIG DANG POR THEG DMAN DU 'KHRID DE, DE NAS SANGS RGYAS KYI YUL THEG CHEN LA BTZUD NAS MTHAR @97A *, ,SANGS RGYAS THOB PAR BYED PA'I RIM PA YIN LA, CHOS 'KHOR GSUM NI THEG PA CHE CHUNG GI GDUL BYA RGYUD THA DAD KYI DBANG DU MDZAD PA'I PHYIR TE, MDO KUN LAS BTUS PA LAS, MDO 'DI THEG DMAN RNAMS KYANG MTHAR THEG CHEN DU ZHUGS NAS 'TSANG RGYA BA MTHAR THUG THEG PA GCIG YIN PA'I SGRUB BYED DU DRANGS PA'I PHYIR RO, ,DES NA RIM PA DANG PO GNYIS KA THEG DMAN DU KHRID PA YIN PAS DANG PO'I SKABS KYI BDAG MED NI, BZHI BRGYA PA LAS, STONG NYID KYI LTA BA STAN PA'I SNGA ROL TU RGYUD SBYONG BYED LA MI RTAG PA LA SOGS PA BZHI BSHAD PA'I BDAG MED DANG 'DRA STE, BDAG GI NGA RNAMS RANG DBANG DU GYUR PA'I BDAG MED PA'O, ,PHYIR MI LDOG PA NI DER ZHUGS NAS THEG PA GZHAN DU 'GRO MI DGOS PA'I DON NO, ,GAL TE RNAM RIG PAS BKRAL BA DE MDO'I DON YIN NA DE DANG MI MTHUN PAR DBU MA PAS BKRAL BA YANG MDO'I DON YIN PAS, GSUNG BA PO LA NANG 'GAL YOD PAR 'GYUR ZHING MDO'I DON BKAG PAR YANG 'GYUR RO SNYAM NA, 'O NA RKYEN LA LTOS TE SROG GCOD LA GNANG BA MED PA DE NYAN THOS KYI SDE SNOD KYI DON YIN NAM MIN, MIN NA THEG PA CHE CHUNG GI SDE SNOD LA SROG GCAD LA GNANG BKAG GI KHYAD PAR MED PAR 'GYUR RO, ,YIN NA DGOS PA 'GA' ZHIG LA LTOS NAS SROG GCED LA GNANG BA YOD PA YANG THEG CHEN GYI SDE SNAD KYI DON YIN PAS GSUNG BA PO LA NANG 'GAL YOD PAR 'GYUR RO ZHES SMRAS NA LAN CI YOD, GDUL BYA THEG DMAN LA LTOS TE SROG GCOD LA NAM YANG GNANG BA MED LA, THEG CHEN GYI KHYAD PAR 'GA' ZHIG LA LTOS @97B TE GNANG BA YOD PA GSUNG BA PO'I DGONGS PA YIN PAS MI 'GAL LO ZHE NA, THEG PA CHEN PO'I RIGS CAN RE ZHIG ZAB MO'I DON RDZOGS PAR BSHAD PA'I SNOD DU MI RUNG BA'I GDUL BYA'I BLO LA LTOS TE RANG GI MTSAN NYID KYIS GRUB PA YOD LA, ZAB MO'I DON RDZOGS PAR GO BA'I SNOD RUNG GI GDUL BYA LA LTOS TE TSES THAMS CAD RANG GI MTSAN NYID KYIS GRUB PA MED PA LA CI ZHIG 'GAL, PHA DANG MA NI GSANG BYAS SHING, ZHES GSUNGS PA LTAR SGRAS ZIN BRJOD BYA'I DON MIN YANG SMRA BA PO'I BRJOD 'DOD KYI DON SRID SRED BRJOD BYA'I DON YIN PA LTAR 'DI LA BYAR MED DE, GSUNG BA POS 'DI'I GDUL BYA LA DNGOS BSTAN GYI DON DE NYID 'DZIN DU GZHUG PAR BZHED PA'I PHYIR RO, ,DES NA 'DI LA BRJOD BYA CIG BSTAN DGOS LA SGRAS ZIN LAS GZHAN PA'I BRJOD BYA YANG BSTAN DU MED PA'I PHYIR DNGOS ZIN GYI DON RNAMS BRJOD PAR BYA DGOS SHING SGRA JI BZHIN PA'I DON LA GNOD PA BSTAN NAS NGES DON MIN PAR SGRUB PA NI 'DOD PA YIN NO, ,DES NA GSUNG RAB KYI BRJOD BYA'I DON YANG YIN LA, GSUNG BA PO'I DGONGS PA YANG YIN PA DANG GSUNG BA PO'I DGONGS PA MIN KYANG GSUNG RAB KYI DON DU BZHAG DGOS PA GNYIS YOD DO, ,GNYIS PA NI, GAL TE DGONGS 'GREL GYI MTSAN NYID GSUM GYI RNAM GZHAG RNAL 'BYOR SBYOD PA'I LUGS SU 'CHAD NA BYAMS ZHUS KYI LE'U LAS MTSAN NYID GSUM GSUNGS PA YANG DE BZHIN DU 'DOD DAM MI 'DOD, 'DOD NA YUM GYI MDO RNAMS SGRA JI BZHIN PAR 'DOD PA MI RIGS TE DGONGS 'GREL BZHIN NO, ,MI 'DOD NA MDO DE LAS, BYAMS PA GANG KUN BRTAGS @98A *, ,PA'I GZUGS DE NI RDZAS SU MED PAR BLTA BAR BYA'O, ,RNAM PAR BTAGS PA'I GZUGS GANG YIN PA DE NI RNAM PAR RTOG PA RDZAS SU YOD PA'I PHYIR RDZAS SU YOD PAR BLTA BAR BYA STE, RANG DBANG DU 'BYUNG BA'I PHYIR NI MA YIN NO, , GANG CHOS NYID KYI GZUGS DE NI RDZAS SU MED PA'ANG MA YIN RDZAS SU YOD PA'ANG MA YIN ZHING DON DAM PAS RAB TU PHYE BAR BLTA BAR BYA'O, ,ZHES GZHAN DBANG RDZAS YOD DU GSUNGS SHING, GZUGS NAS SANGS RGYAS KYI BAR GYI CHOS RNAMS MING TZAM DU SGRUB PA NA MING GI SNGA ROL BLO MED PHYIR LA SOGS PA'I RIGS PA GSUM GYIS BSGRUBS PAS DGONGS 'GREL DANG MTHUN NO ZHE NA BSHAD PAR BYA STE, BYAMS PAS SHER PHYIN LA SPYOD PA BYANG SEMS KYI SPYOD PA LA SLOB 'DOD PAS GZUGS NAS SANGS RGYAS KYI BAR LA JI LTAR BSLAB PAR BYA BA DRIS PA'I LAN DU DE DAG MING TZAM MO ZHES BSLAB PAR GSUNGS TE, DE LA GZUGS ZHES BYA BA LA SOGS PA'I MING RNAMS 'DOGS GZHI'I DNGOS PO DANG BCAS PAR DMIGS NA GZUGS ZHES SOGS NI MING TZAM DU MI RUNG BAS GZUGS SOGS MING TZAM MO ZHES JI LTAR BSLAB PAR BYA, DNGOS PO DE MED NA MING DE YANG MING TZAM ZHES MI RUNG NGO ZHES DRIS TE, DON GYI DNGOS PO YOD NA TZAM GYI SGRAS GCOD RGYU MED LA MED NA MING 'JUG PA'I GZHI MED PAS MING YANG MED CES PA'O, ,DE'I LAN DU GZUGS ZHES BYA BA NAS SANGS RGYAS ZHES BYA BA'I BAR NI DNGOS PO LA GLO BUR DU MING BTAGS PA'O ZHES GSUNGS TE MING DU BTAGS PA NI GLO BUR BA'O ZHES SBYOR, , @98B GLO BUR BA NI 'DIR BCOS MA'I DON YIN PAS RANG BZHIN 'GOG PA'O, ,'DIS RNAM RIG PA LTAR GZUGS SOGS BDEN GRUB MI 'GOG PAR GZUGS LA SOGS PAR MING BTAGS PA'I NGO BOR GZUGS SOGS BDEN PAR GRUB PA BKAG NA NI, SNGAR ? GZUGS NAS SANGS RGYAS KYI BAR MING TZAM DU GSUNGS PA'I DGONGS PA NI 'DI GZUGS SO ZHES SOGS SU BTAGS PA'I NGO BO MING DU BTAGS PA TZAM YIN GYI 'DOGS PA'I GZHI GZUGS SOGS MING DU BTAGS PA TZAM MIN ZHES BSTAN PAR 'GYUR RE, ,DE LTA NA 'OG NAS GZUGS SOGS MTSAN NYID THAMS CAD KYIS MED DAM ZHES ZHUS PA'I LAN DU DE LTAR NGA MI SMRA'O ZHES GSUNGS PA NA 'O NA JI LTAR MCHIS ZHUS PA'I LAN DU 'JIG RTEN GYI BRDA DANG THA SNYAD KYIS YOD KYI DON DAM PAR NI MA YIN NO ZHES GZUGS NAS SANGS RGYAS KYI BAR THAMS CAD DON DAM PAR MED MNYAM DANG THA SNYAD DU YOD MNYAM DU GSUNGS PA MI RIGS PAR 'GYUR RO, ,DE'I PHYIR LE'U 'DIS YUM GYI MDO LAS SNGAR CHOS THAMS CAD DON DAM PAR MED CING THA SNYAD DU YOD PAR GSUNGS PA'I DGONGS PA BSTAN NAS DRANG DON DU BKRAL LO ZHES PA NI MI RIGS PA SMRA BA'O, ,DES NA MING DU BTAGS PA'I CHOS RNAMS NI THA SNYAD KYI DBANG GIS YOD PAR BZHAG PA'I BCOS MA YIN PAS, THA SNYAD KYI DBANG GIS YOD PAR BZHAG PA TZAM MIN PA'I MING 'JUG PA'I GZHI MED KYI SPYIR MING 'JUG PA'I GZHI'I DNGOS PO MED PA MIN PAS DE YID PA DANG MING DU BTAGS PA TZAM DU GSUNGS PA MI 'GAL BA'I DON NO, , @99A *, ,DE LA GZUGS ZHES BYA BA'I MING MED PAR GZUGS KYI DNGOS PO MTHONG BA'I DBANG GIS 'DI GZUGS SO SNYAM PA MI SKYE'I MING GI DBANG GIS SKYE BAS GZUGS ZHES BYA BA NI KLO BUR DU MING DU BTAGS PA'O ZHES JI LTAR RIGS ZHES DRIS TE, GZUGS THA SNYAD KYI DBANG GIS BZHAG NA DE'I MING MA BTAGS PA'I DUS SU YANG THA SNYAD KYI DBANG GIS BZHAG PA YOD PAS GZUGS SO SNYAM PA SKYE BAR RIGS ZHES PA'O, ,DE NAS BYAMS PA NYID LA MING LA MA BRTEN PAR DNGOS PO LA GZUGS SO SNYAM PA'I BLO SKYE'AM ZHES DRIS PA NA MI SKYE'O ZHES ZHUS PA'I TSE RGYU MTSAN DO NYID KYIS GZUGS ZHES BYA BA LA SOGS PA NI GLO BUR DU MING DU BTAGS PAR GSUNGS SO, ,'DIS RGYU MTSAN DE GZUGS SOGS THA SNYAD KYI DBANG GIS BZHAG PA'I SGRUB BYED YIN GYI DE LAS BZLOG PA'I SGRUB BYED MIN PAR BSTAN PA NI, GZUGS SOGS RANG GI MTSAN NYID KYIS GRUB NA DE LA GZUGS SO SNYAM PA SKYE BA DE MING BTAGS PA LA MI LTOS PAR SKYE DGOS ZHES PA STE DPER NA MYU GU RANG GI MTSAN NYID KYIS GRUB NA SA BON LA MI LTOS PAR 'PHEN PA DANG 'DRA'O, ,DNGOS PO GCIG LA MING 'DRA BA DU MA DANG DON DU MA LA MING GCIG 'JUG PA'I RGYU MTSAN GYIS KYANG GZUGS SOGS SU BTAGS PA GLO BUR BAR GSUNGS PA YANG GZUGS SOGS THA SNYAD KYI DBANG GIS BZHAG PA'I GLO BUR BA MIN NA MING GI THA SNYAD RNAMS RANG MTSAN GYI DBANG GIS 'JUG DGOS LA DE LTA NA DE RNAMS MI RIGS PA'I DON NO, ,RIGS PA 'DI @99B RNAMS KYIS BSGRUBS PAS THEG BSDUS LTAR SGRUB DGOS PA'I NGES PA CI YANG MED DE, ZHIB MO RNAM 'THAG LAS, DE YANG DON DAM PAR GRUB PA YANG MA YIN PA DE'I PHYIR RJOD PAR BYED PA DANG BRJOD PAR BYA BA DAG RNAM PA DU MA 'DRES PA'I SKYON MTHONG BA'I PHYIR DANG MA NGES PA'I PHYIR MA GRUB PA YIN NO, ,ZHES RIGS PA GSUM PO'I PHYI MA GNYIS KYIS DON DAM PAR GRUB PA BKAG PA BZHIN NO, ,DE NAS DE LTA YIN NA GZUGS ZHES PA NAS, SANGS RGYAS ZHES PA'I BAR DU DNGOS PO GANG NYE BAR BZUNG NAS MING DANG THA SNYAD 'DOGS PA'I GZUGS SOGS KYI NGO BO NYID DMIGS PA KHO NAR MI 'GYUR RAM ZHES ZHUS PA NI, MING 'DOGS PA'I GZHI'I DNGOS PO 'DUG PAS GZUGS SOGS LA RANG BZHIN GYIS GRUB PA'I NGO BO NYID YOD PA MIN NAM ZHES PA'O, ,DE'I LAN DU GZUGS ZHES PA LA SOGS PA'I MING DANG THA SNYAD 'DOGS PA'I DON DE GZUGS SOGS KYI NGO BO NYID YIN NAM BTAGS PA TZAM DU ZAD CES GSUNGS PA NA, BTAGS PA TZAM DU ZAD CES ZHUS PA'I TSE 'O NA DRI BA SNGA MA LTAR SEMS PA JI LTAR YIN ZHES GSUNGS SO, ,'DIS NI RANG MTSAN GYIS GRUB PA'I NGO BO MED KYANG MING GI GZHI'I DNGOS PO YOD PA DANG DE LA MING DU BTAGS PA TZAM DU GSUNGS PA YANG MI 'GAL BAR BSTAN NO, ,DE NAS GZUGS SOGS MING DANG THA SNYAD TZAM YIN NA GZUGS SOGS KYI NGO BO NYID DMIGS PAR 'GYUR RAM ZHES ZHUS PA NI SNGAR BTAGS PA TZAM DU ZAD NA NGO BO NYID DMIGS PAR MI 'GYUR RAM ZHES PA GNYIS 'GAL BAR BSTAN PA LA, BTAGS PA TZAM DU SMRA BAS KYANG 'DOGS GZHI DANG 'DOGS @100A *, ,BYED KHAS BLANGS DGOS LA DE LTA NA GZUGS SOGS KYI NGO BO NYID YOD DGOS PAS MI 'GAL ZHES PA'O, ,DE'I LAN DU MING DU BTAGS PA TZAM DE LA SKYE 'JIG DANG KUN BYANG YOD DAM GSUNGS PA LA MED DO ZHES ZHUS PA NA, 'O NA BTAGS PA TZAM YIN NA NGO BO NYID YOD PAR MI 'GYUR RAM ZHES 'DRI BA JI LTAR 'THAD CES GSUNGS SO, ,DE NAS SNGAR BSHAD PA LTAR GZUGS SOGS RNAM PA THAMS CAD DU MED DAM ZHES PA'I DRIS LAN MDZAD PAS NGO BO NYID DANG SKYE 'GAG DANG KUN BYANG BKAG PA DON DAM PAR YIN LA, THA SNYAD DU GZUGS SOGS YOD PAR BSTAN PAS MING DU BTAGS PA TZAM YANG THA SNYAD DU YIN PAS DGONGS 'GREL DANG 'CHAD TSUL GA LA MTHUN, SLOB DPON SKU MCHED KYIS KYANG LE'U 'DIS YUM GYI MDO DRANG DON DU MI 'GREL ZHING DGONGS 'GREL GYIS 'GREL BA'I RGYU MTSAN YANG 'DIS KYANG CHOS THAMS CAD DON DAM PAR MED LA THA SNYAD TZAM DU YOD PAR BSTAN PAS SGRA JI BZHIN PAR GZUNG DU MI RUNG BA 'DRA'O SNYAM DU DGONGS SO, ,GZHAN DBANG RDZAS YOD DU GSUNGS PA DANG MI 'GAL BA NI THOG MAR MDO DE LAS MTSAN NYID GSUM GSUNGS TSUL SHES DGOS PAS BSHAD PAR BYA STE, DE NYID LAS, BYAMS PA GANG 'DU BYED KYI MTSAN MA'I DNGOS PO DE DANG DE LA GZUGS ZHES BYA BA'I MING DANG 'DU SHES DANG BTAGS PA DANG THA SNYAD LA BRTEN NAS GZUGS KYI NGO BO NYID DU YONGS SU RTOG PA 'DI NI KUN BRTAGS PA'I GZUGS SO ZHES PA NAS 'DI DAG NI KUN BRTAGS PA'I SANGS RGYAS KYI CHOS RNAMS KYI BAR RNAMS SO, ,ZHES KUN BRTAGS NGOS @100B BZUNG NGO, ,BRTEN NAS ZHES PA NI MING DU BTAGS PA'I DON GZUGS LA DMIGS NAS ZHES PA'O, ,GZUGS KYI NGO BO NYID DU RTOG CES PA NI 'DIS RTOG PA MIN GYI GANG DU RTOG PA'I NGO BO NYID KUN BRTAGS SU STON NO, ,RNAM PAR BTAGS PA YANG DE NYID LAS 'DU BYED KYI MTSAN MA'I DNGOS PO DE RNAM PAR RTOG PA TZAM GYI CHOS NYID LA GNAS PA'I RNAM PAR RTOG PA LA BRTEN NAS MNGON PAR BRJOD DE, GANG LA 'DI NI GZUGS SO ZHES BYA BA DANG TSOR BA'O ZHES BYA BA DANG 'DU SHES SO ZHES BYA BA DANG 'DU BYED RNAMS SO ZHES BYA BA DANG RNAM PAR SHES PA'O ZHES BYA BA NAS SANGS RGYAS KYI CHOS RNAMS SO ZHES BYA BA'I BAR GYI MING DANG 'DU SHES DANG BTAGS PA DANG THA SNYAD GANG YIN PA 'DI NI RNAM PAR BTAGS PA'I GZUGS SO, ,ZHES PA NAS 'DI DAG NI RNAM PAR BTAGS PA'I SANGS RGYAS KYI CHOS KYI BAR DAG GO ZHES RNAM BTAGS NGOS BZUNG NGO, ,DE LA DNGOS PO DE ZHES PA NI BRJOD BYA'O, ,RNAM RTOG LA BRTEN NAS DE BRJOD PA'I BRJOD TSUL NI GZUGS ZHES SOGS SO, ,DE LTAR BRJOD PA'I MING SOGS RNAM BTAGS SU BSHAD PAS NI SNGAR BSTAN PA'I BRJOD BYA DANG RNAM RTOG KYANG RNAM BTAGS SU BSHAD BAR BZUNG STE 'DIS RNAM PAR BTAGS PA DANG 'DI LA RNAM PAR BTAGS PA'I GZHI GNYIS SO, ,CHOS NYID KYANG DE NYID LAS, GANG KUN BRTAGS PA'I GZUGS DES RNAM PAR BTAGS PA'I GZUGS RTAG PA RTAG PA'I DUS DANG THER THUG THER ZUG GI DU SU NGO BO NYID MED PA KHO NA DANG CHOS LA BDAG MED PA DANG DE BZHIN NYID DANG YANG DAG PA'I MTHA' NI CHOS NYID KYI GZUGS SO ZHES @101A *, ,PA NAS 'DI DAG NI CHOS NYID KYI SANGS RGYAS KYI CHOS RNAMS KYI BDAG GO ZHES CHOS NYID NGOS BZUNG NGO, ,DE LA RNAM BTAGS KYI GZUGS KYI NGO BO NYID MED PA DANG CHOS KYI BDAG MED SOGS NI CHOS NYID KYI GZUGS SO, ,CHOS DE YANG RNAM BTAGS KYI GZUGS KUN BRTAGS PA'I GZUGS DES NGO BO NYID DANG BDAG MED BA YIN PAS MED RGYU'I BDAG GAM NGO BO NI KUN BRTAGS SO, ,RTAG PA ZHES SOGS KYIS NI DUS THAMS CAD DU NGAS DE STONG PAR STON NO, ,TSUL 'DI NI 'JUG 'GREL LAS, SBRUL DE THAG PA LA MED PAS KUN BRTAGS DANG SBRUL DNGOS LA YONGS SU GRUB PA STE DE DE LA KUN TU MA BRTAGS PAS SO, ,DE BZHIN DU RANG BZHIN YANG GZHAN DBANG GI RTEN 'BREL BYAS PA CAN LA NI KUN BRTAGS YIN TE RANG BZHIN BCOS MIN DANG GZHAN LA MI LTOS PAR GSUNGS PAS SO, ,SANGS RGYAS KYI SPYOD YUL LA NI DNGOS YIN TE KUN TU MA BRTAGS PA'I PHYIR TE, DNGOS PO BYAS PA CAN LA MA REG PAR RANG BZHIN 'BA' ZHIG MNGON SUM DU MDZAD PAS SANGS RGYAS ZHES BRJOD DO, ,NGO BO NYID GSUM GYI 'JOG LUGS 'DIS MDO'I DGONGS BA BSHAD PAR BYA'O ZHES GSUNGS PA DANG MTHUN PAS DBU MA PA'I MTSAN NYID GSUM GYI 'JOG LUGS NI YUM GYI MDO'I DON 'JUG 'GREL LAS BSHAD PA 'DI BZHIN BYA'O,, DE LA RNAM BTAGS NI GZUGS NAS SANGS RGYAS KYI BAR GYI RTEN 'BYUNG GI GZHAN DBANG LA BYA STE GTZO BO'I DBANG DU BYAS PA'O, ,GZUGS NAS SANGS RGYAS KYI BAR LA NGO BO NYID DU BTAGS PA KUN BRTAGS SU BSHAD PA'I NGO BO NYID NI GSHIS SAM @101B RANG BZHIN LA BYA ZHING, GZHAN DBANG DER YOD PA KUN BRTAGS YIN YANG SANGS RGYAS KYI JI LTA BA MKHYEN PA'I YUL NA DE YOD PA YONGS GRUB BO, ,DE YANG GZHAN DBANG YIN LUGS SU YOD PA'I KUN BRTAGS KYIS STONG PA DE GZHAN DBANG GI YIN LUGS YIN PA DE NYID SANGS RGYAS KYI DON DAM MKHYEN PA'I YUL NA YOD PAS YIN LUGS GCIG NYID GZHI SO SO LA LTOS NAS KUN BRTAGS DANG YONGS GRUB GNYIS SU 'JOG PA'O, ,DES NA RANG GI MTSAN NYID KYIS GRUB PA'I RANG BZHIN DU DON DAM DANG KUN RDZOB BA'I CHOS GANG YANG MA GRUB KYANG CHOS NYID LA RANG BZHIN DU BZHAG PA DER NI KUN RDZOB PA'I CHOS MA GRUB KYANG DON DAM BDEN PA GRUB BA YIN PAS RANG BZHIN YOD MED RNAMS ZHIB TU RTOGS PAR BYA'O, ,DNGOS PO BYAS PA CAN LA MA RIG PAR RANG BZHIN 'BA' ZHIG MNGON SUM DU RTOGS BAR GSUNGS PA NI DON DAM BDEN PA MNGON SUM DU RTOGS PA'I DON CHOS CAN YOD PA 'GOG PA YIN TE DE MI 'GAL BA NI SNGAR YANG BSHAD DO, ,'JUG 'GREL LAS, GZHAN DBANG LAS MA GTOGS PA'I GZUNG 'DZIN MED PAS GZHAN DBANG LA GZUNG 'DZIN GNYIS SU KUN BRTAGS PA BSAM BAR BYA'O ZHES GSUNGS PA NI, PHYI ROL DANG SHES PA LA YOD MED KYI KHYAD PAR MED PAS GZUNG 'DZIN GNYIS KA GZHAN DBANG DU 'GYUR LA DE LTA NA DE GNYIS KUN BRTAGS 'DOGS PA'I GZHI YIN GYI DE GNYIS LA GZUNG 'DZIN GNYIS SU KUN BRTAGS PA MI 'THAD PA'I DON NO, ,DE'I PHYIR BYAMS ZHUS LAS RDZAS SU YOD MED GSUNGS PA'I RDZAS NI GZHUNG GZHAN LAS RDZAS BTAGS GNYIS SU BSHAD @102A *, ,PA'I RDZAS KYANG MIN LA, DBU MA PAS RANG GI MTSAN NYID KYIS GRUB PA LA RDZAS SU BSHAD PA YANG MIN PAS YOD PA TZAM MO, ,DE LTA NA KUN BRTAGS RDZAS SU MED PA NI GZHAN DBANG YIN LUGS SU YOD PA MI SRID PA LA DGONGS KYI MING DANG BRDA'I YUL LA SOGS BA'I KUN BRTAGS SRID PA RNAMS MIN NO, ,RNAM BTAGS RDZAS SU YOD BA NI MDO NYID LAS RNAM RTOG RDZAS SU YOD PAS RDZAS YOD DU BZHAG GI RANG DBANG DU 'BYUNG BA'I DON GYIS RDZAS YID MIN PAR GSUNGS PAS, RANG DBANG BA NI SLOB DPON YAB SRAS KYI GZHUNG LAS RANG GI MTSAN NYID KYIS GRUB PA LA BSHAD PA DE YIN PAS MDO GZHAN LAS GZHAN DBANG RANG GI MTSAN NYID KYIS GRUB PAR GSUNGS PA DANG MI 'DRA'O, ,RNAM RTOG RDZAS SU YOD PAS RDZAS YOD DU BZHAG PA YANG RNAM RTOG GI DBANG GIS BZHAG PA'I YOD PAS YOD PAR BZHAG GI RANG GI MTSAN NYID KYIS GRUB PA'I YOD PA MIN PA'I DON NO, ,RNAM RTOG GI DBANG GIS BZHAG PA LA THA SNYAD DU YOD MED KYI KHYAD PAR PHYE BAS THAG PA LA SBRUL DU RNAM RTOG GIS BZHAG PA DANG MI 'DRA'O, ,CHOS NYID RDZAS SU YOD MED GNYIS KA MIN PAR GSUNGS PA NI SNGAR LTAR GYI KUN BRTAGS KYI NGO BOR MED PA DANG DE BKAG PA'I RANG BZHIN DU YOD PA LA DGONGS SO, ,DE LTAR BYAS NA LE'U 'DIS YUM GYI MDO'I LE'U GZHAN RNAMS KYIS CHOS THAMS CAD MING DU BTAGS PA TZAM DU GSUNGS PA'I 'KHRUL SA RNAMS BRGAL LAN GYIS GTAN LA PHAB CING, MTSAN ? NYID GSUM GYI YOD MED KYI KHYAD BAR RNAMS KYANG LEGS PAR PHYE NAS @102B SNGAR BSHAD PA RNAMS KYI GZHUNG BCUGS PAR SHES PAR BYA'O, ,DUS GSUM GYI RGYAL BA THAMS CAD KYI BGROD PA GCIG PA'I LAM SHES RAB KYI PHA ROL TU PHYIN PA'I MDO LA MDO DE NYID KYI NANG NAS DGONGS 'GREL DANG 'DRA BAR DRANG DON DU GTAN LA PHAB 'DUG SNYAM DU RTOG LDAN MKHAS PA LA 'KHRUL BA SKYA BA'I GNAS CHES NI BYAMS ZHUS KYI LE'UR SNANG ZHING DE NYID KYI DON DBU MA PA CHEN PO DAG GIS ZHIB TU BKRAL BA YANG MI SNANG BAS ZHIB TU GTAN LA PHAB PA'O, ,GNYIS PA LA GSUM, RIGS PA'I GTZO BO NGOS BZUNG BA DANG, DES RANG MTSAN 'GOG TSUL DANG, BKAG PA'I RANG BZHIN MED PAR BSGRUB BYA YIN MIN BSAM PA'O, ,DANG PO NI, LUGS 'DIS CHAS RNAMS DON DAM PAR GRUB PA 'GOG PA'I RIGS PA'I GTZO BO GANG LA BYED CE NA, 'JUG PA LAS, BSTAN BCOS LAS DPYAD RTZAD LA CHAGS PA'I PHYIR, ,MA MDZAD RNAM GROL PHYIR NI DE NYID BSTAN, ,ZHES GSUNGS PA LTAR DBU MA'I BSTAN BCOS LAS RIGS PA'I DPYAD PA JI SNYED CIG GSUNGS PA THAMS CAD NI SEMS CAN GYIS RNAM GROL THOB PA KHO NA'I CHED YIN LA, SEMS CAN RNAMS KYANG GANG ZAG DANG CHOS KYI BDAG TU MNGON PAR ZHEN PA NYID KYIS 'KHOR BAR BCINGS SO, ,DE YANG GANG LA NGA'O SNYAM PA SKYE BA'I DMIGS PA GANG ZAG DANG DE'I RGYUD KYI CHOS GNYIS LA BDAG GNYIS SU MNGON PAR ZHEN PA 'CHING BYED KYI GTZO BO YIN BAS, RIGS PAS GANG DU BDAG TU 'DZIN PA 'GOG PA'I GZHI'I GTZO BO YANG DE GNYIS YIN NO, ,DE'I PHYIR RIGS PA RNAMS KYANG BDAG GNYIS 'GOG BAR 'DU ZHING, 'JUG PA LAS DE KHO NA NYID @103A *, ,GTAN LA 'BEBS PA'I RIGS PA GSUNGS PA RNAMS 'GREL PAR BDAG MED GNYIS GTAN LA 'BEBS PAR BSDUS PA'I SKABS SU MTHA' BZHI'I SKYE BA 'GOG PA'I RIGS PA RNAMS KYIS CHOS KYI BDAG MED BSTAN PAR GSUNGS SHING, SA BCU PA'I MDO LAS MNYAM PA NYID BCUS SA DRUG PA LA 'JUG PAR GSUNGS PA'I CHOS THAMS CAD SKYE BA MED PAR MNYAM PA NYID KHO NA RIGS PAS BSTAN PAS, CHOS MNYAM PA NYID GZHAN BSTAN SLA BAR DGONGS TE SLOB DPON GYIS DANG POR, BDAG LAS MA YIN GZHAN LAS MIN, ZHES SOGS BKOD PA YIN ZHES GSUNGS PAS CHOS KYI BDAG MED SGRUB PA'I RIGS PA'I GTZO BO NI MTHA' BZHI'I SKYE BA 'GOG PA'I RIGS PA'O, ,'DI YANG 'JUG PA LAS, GANG PHYIR RGYU MED PA DANG DBANG PHYUG GI, RGYU LA SOGS DANG BDAG GZHAN GNYIS KA LAS, ,DNGOS RNAMS SKYE BAR 'GYUR BA MA YIN PA, ,DE PHYIR BRTEN NAS RAB TU SKYE BAR 'GYUR, ,GANG PHYIR DNGOS PO BSTAN NAS RAB 'BYUNG BAS, ,RTOG PA 'DI DAG BRTAG PAR MI NUS PA, ,DE PHYIR RTEN 'BYUNG RIGS PA 'DI YIS NI, ,LTA NGAN DRA BA MTHA' DAG GCOD PAR BYED, ,CES GSUNGS PAS MYU GU LA SOGS PA PHYI DANG 'DU BYED LA SOGS PA NANG GI DNGOS PO RNAMS SA BON DANG MA RIG PA LA SOGS PA'I RGYU RKYEN LA BRTEN NAS 'BYUNG BA NYID KYIS, DE DAG SKYE BA LA SOGS PA RANG GI MTSAN NYID KYIS GRUB PA'I RANG BZHIN GYIS STONG PA DANG BDAG GZHAN GNYIS KA RGYU MED LAS SKYE BA MIN NO ZHES 'GOG PAS LTA NGAN GYI DRA PA THAMS CAD GCOD BYED RIGS PA'I RGYAL PO RTEN 'BYUNG GI RIGS @103B PA NYID LA GTUGS NAS 'GOG GO ,GANG ZAG GI BDAG 'GOG PA'I RIGS PA'I GTZO BO NI, 'JUG PA LAS, DE NI DE NYID DU'AM 'JIG RTEN DU, ,RNAM PA BDUN GYIS 'GRUB 'GYUR MIN MOD KYI, ,RNAM DPYAD MED PAR 'JIG RTEN NYID LAS NI, ,RANG GI YAN LAG BRTEN NAS 'DOGS PA YIN, ,ZHES SHING RTA RANG GI YAN LAG DANG GCIG DANG THA DAD DANG LDAN PA DANG PHAN TSUN BRTEN PA'I TSUL GNYIS DANG TSOGS TZAM DANG TSOGS ? PA'I DBYIBS TE BDUN DU BTZAL BAS MI RNYED KYANG, RANG GI YAN LAG LA BRTEN NAS BTAGS PA'I BTAGS YOD DU 'JOG PA BZHIN DU GANG ZAG KYANG 'JOG PAR GSUNGS LA, DE NYID ZAB MO'I LTA BA BDE BLAG TU RNYED PA'I THABS SU GSUNGS PAS DE'I RIGS PA RNAMS NI GANG ZAG GI BDAG 'GOG PA'I RIGS PA'I GTZO BOR SHES PAR BYA STE, 'JUG PA LAS, RNAM BDUN GYIS MED GANG DE JI LTA BUR, ,YOD CES RNAL 'BYOR PAS 'DI'I YOD MI RNYED, ,DES DE NYID LA'ANG BDE BLAG 'JUG 'GYUR BAS, ,'DIR DE'I GRUB PA DE BZHIN 'DOD PAR BYA, ,ZHES GSUNGS TE, THOG MAR GANG ZAG LA RNAM PA BDUN DU BTZAL NA MI RNYED PA DANG RANG GI PHUNG PO LA BRTEN NAS 'DOGS PA 'DI GO SLA BAS 'KHRID PA'I RIM PA YANG DE BZHIN NO, ,'DI YANG PHUNG PO LA BRTEN NAS BTAGS PA NYID KYIS BDUN PO DER GANG ZAG MI RNYED PA GANG ZAG GI BDAG MED KYI DON YIN PAS RTEN 'BYUNG GI RIGS PA LA THUG GO, ,DE LTAR NA BRTEN NAS SKYE BA DANG BRTEN NAS BTAGS PA'I GTAN TSIGS KYIS RANG LAS SKYE BA LA SOGS PA BZHI DANG RANG BZHIN GCIG THA DAD LA SOGS PA BDUN CHOS DANG GANG @104A *, ,ZAG LA 'GOG PA 'DI NYID RIGS PA RNAMS KYI DON POR ZUNGS SHIG ,GNYIS PA NI, 'O NA RTEN 'BYUNG GI RTAGS DE DAG GIS RANG GI MTSAN NYID KYIS GRUB PA KUN RDZOB TU YANG 'GOG PA 'DI LUGS 'DIS 'PHAGS PA'I DGONGS PA 'GREL BA'I KHYAD CHOS SU SNANG NA DE LA DMIGS BSAL CAN GYI DGAG PA JI LTAR MDZAD CE NA, 'DI NI SHIN TU GNAD CHE BAS BSHAD PAR BYA'O, ,'DI LA 'JUG PA'I RTZA BAR RIGS PA GSUM DANG 'GREL PAR RIGS PA GCIG STE BZHIS BKAG GO, DE LA DANG PO 'PHAGS PA'I MNYAM GZHAG DNGOS PO'I 'JIG RGYUR THAL BA NI, GAL TE DNGOS PO RNAMS LA RANG GI MTSAN NYID KYIS GRUB PA'I RANG BZHIN YOD NA RNAL 'BYOR PAS CHOS THAMS CAD RANG BZHIN MED PAR MNGON SUM DU RTOGS PA'I TSE YE SHES DES GZUGS TSOR LA SOGS PA DMIGS DGOS PA LAS MA DMIGS PA'I PHYIR DE DAG MED PAR 'GYUR RO, ,DNGOS PO SNGAR YOD PHYIS MED PA NI ZHIG PA YIN LA DE'I 'JIG RGYU NI YE SHES DES BYAS PAS DE NI 'JIG RGYUR 'GYUR NA DE NI MI RIGS PAS RANG MTSAN GYI SKYE BA NI THAMS CAD KYI TSE KHAS MI BLANG STE, 'JUG PA LAS, GAL TE RANG GI MTSAN NYID RTEN GYUR NA, ,DE LA BSKUR PAS DNGOS PO 'JIG PA'I PHYIR, ,STONG NYID DNGOS PO 'JIG PA'I RGYUR 'GYUR NA, ,DE NI RIGS MIN DE PHYIR DNGOS YOD MIN, ,ZHES SO, ,GAL TE RANG GI MTSAN NYID KYIS YOD PA TZAM LA YE SHES DES DMIGS MI DGOS KYI DON DAM PAR YOD NA DMIGS DGOS LA DE YANG KHAS MI LEN TE RANG GI MTSAN NYID KYIS GRUB PA NI THA SNYAD DU YIN @104B PA'I PHYIR RO ZHE NA, 'DI NI SKYON SPONG DNGOS GZHI YIN MOD KYANG SPANG MI NUS TE RIGS PA 'OG MA'I SKABS SU BSHAD PAR BYA'O, ,THA SNYAD BDEN PA RIGS PAS DPYAD BZOD DU THAL BA NI, DNGOS PO RNAMS RANG GI MTSAN NYID KYIS GRUB NA DPER NA SKYE BA'I THA SNYAD BTAGS PA'I BTAGS SA'I DON LA CI MYU GU 'DI SA BON LAS RANG BZHIN THA DAD PA ZHIG GAM 'ON TE RANG BZHIN GCIG PA ZHIG SKYE ZHES DPYAD PA NA DPYOD BYED KYIS RNYED DGOS TE, GZHAN DU NA THA SNYAD KYI DBANG GIS BZHAG PA TZAM DU 'GYUR BAS RANG MTSAN GYIS GRUB PA'I DON MED PA'I PHYIR RO, ,DE LTAR BTZAL ZHING DPYAD PA NA DE KHO NA NYID KYI BDAG NYID CAN MA SKYES SHING MA 'GAGS PA LAS GZHAN DU SKYE BA SOGS MI RNYED PAS, KUN RDZOB PA'I DON RNAMS DE LTAR DPYAD PAS RNYED PA'I DON DU MI BZUNG STE, 'JUG PA LAS, GANG PHYIR DNGOS PO 'DI DAG RNAM DPYAD NA, ,DE NYID BDAG CAN DNGOS LAS TSU ROL TU, ,GNAS RNYED MA YIN DE PHYIR 'JIG RTEN GYI, ,THA SNYAD BDEN LA RNAM PAR DPYAD MI BYA, ,ZHES SO, ,'DI LA SNGAR BSHAD PA LTAR DPYOD LUGS CI TZAM ? NAS DE KHO NA NYID DU GRUB MA GRUB DPYOD PA'I RIGS PA'I SA MTSAMS LA MI MTHUN PA'I GNAD KYIS 'DIR BSHAD PA 'DRA BA'I DPYOD LUGS KYIS DPYAD BZOD YIN YANG DE KHO NAR GRUB MA GRUB DPYOD PA'I RIGS PAS DPYAD BZOD DU MI 'DOD PAS MI GNOD PAR SMRA BA SKYON SPONG GI DNGOS GZHI YIN TE SKYON SPONG SNGA MA DANG GNAD GCIG GO, DE DAG GI SKYON SPANG MI NUS PA'I RGYU MTSAN NI SNGAR MANG DU BSHAD PA BZHIN ZLA BAS SKABS 'DI DANG GZHAN MANG POR KUN RDZOB TU YOD PA NI 'JIG RTEN GYI THA SNYAD @105A *, ,DU YOD PAR GSUNGS PA LTAR YIN LA, 'JIG RTEN PA'I THA SNYAD KYIS GANG ZAG DANG TSOS GANG YOD PAR 'JOG PA RNAMS THA SNYAD KYI DON JI LTAR YOD YE MA DPYAD PA KHO NAR 'JOG PAS, DE'I BZLOG PHYOGS DPYAD NAS YOD PAR 'JOG PA NI DON DAM DU YOD PAR GSUNGS PA NYID DO, ,DES NA RANG GI MTSAN NYID KYIS YOD NA RIGS SHES KYIS DPYAD BZOD DANG DON DAM MNGON SUM DU 'JAL BA'I YE SHES KYIS DMIGS DGOS SO, ,GAL TE DBANG PO'I SHES PA LA SOGS PA SHES PA GNOD MED LA SNANG BA'I DBANG GIS BZHAG PA MIN PAR DNGOS PO RANG GI GNAS LUGS KYI DBANG GIS YOD PA NI DON DAM PAR YOD PA'O, ,DE'I PHYIR DNGOS PO RANG GI GNAS LUGS KYI DBANG GIS YOD PA MIN PAR SHES PA GNOD MED LA SNANG BA'I DBANG GIS YOD PA NI 'JIG RTEN PA'I THA SNYAD DU YOD PA YIN GYI MING GI THA SNYAD KYI DBANG GIS BZHAG PA NI MIN NO ZHE NA, DE LTA YIN NA CHOS THAMS CAD MING DANG BRDA DANG BTAGS PA TZAM DU GSUNGS PA DANG DE YANG 'JIG RTEN GYI BRDA DANG THA SNYAD KYIS YOD KYI DON DAM PAR NI MA YIN NO ZHES GSUNGS PA DANG 'GAL TE, THA SNYAD BTAGS PA'I BTAGS DON JI LTAR YOD DPYAD PAS RNYED PA'I DON YOD NA TZAM GYI SGRAS CI ZHIG GCOD CING 'JIG RTEN GYI BRDAS YOD PA'O ZHES KYANG JI LTAR BRJOD PAR RIGS, 'JIG RTEN PAS THA SNYAD BTAGS PA'I DON JI LTAR KHAS LEN PA'I TSUL DANG CHES MI MTHUN PA LA 'JIG RTEN GYI THA SNYAD DU YOD PA'O, ,ZHES SMRAS KYANG DON MI 'DOD PAS SMRAS PA TZAM DU ZAD DO, ,GANG ZAG GI THA SNYAD KYI DON LA BTZAL ZHING DPYAD PAS @105B RNYED PA'I DON GANG ZAG TU BZHAG TU MI RUNG BA NI RNAM PA BDUN GYI DPYAD PA DANG, SKYE BA LA SOGS PA'I CHOS KYI THA SNYAD KYI DON LA DPYAD NAS RNYED PA'I DON SKYE BA LA SOGS PAR BZHAG TU MI RUNG BA NI THA SNYAD DU YANG GZHAN SKYE 'GOG PA SOGS KYI RIGS PAS GZHAN DU RGYAS PAR GTAN LA PHAB ZIN PA LAS SHES PAR BYA'O, ,DES NA MYU GU SKYE'O ZHES PA DANG NGAS MTHONG NGO ZHES PA LTA BU'I CHOS DANG GANG ZAG GI THA SNYAD DANG, MYU GU SA BON RDZAS GZHAN LAS SKYE'O ZHES PA DANG RDZAS YOD KYI BDAG GIS MTHONG NGO ZHES PA'I THA SNYAD RNAMS GANG LA THA SNYAD BYAS PA'I DON JI LTAR YOD PA TZAL BA NA MI RNYED PA LA KHYAD PAR MED KYANG, JI LTAR BTAGS PA BZHIN GYI DON YOD PA LA TSAD MA GZHAN GYIS GNOD MI GNOD SHIN TU KHYAD CHE BAS SNGA MA GNYIS NI THA SNYAD DU YOD LA PHYI MA GNYIS NI THA SNYAD DU YANG MED DO, ,'DI YANG RIGS SHES KYIS GNOD PA DANG DPYAD MI BZOD PA GNYIS KYI KHYAD PAR DANG, RIGS SHES KYIS YOD PAR MA RNYED PA DANG MED PAR MTHONG BA GNYIS KYI KHYAD PAR SHIN TU CHE BA LEGS POR PHYED PA LA RAG STE DE DAG NI GZHAN DU RGYAS PAR BSHAD ZIN TO, ,DE DAG ZHIB TU 'BYED PA'I DPYAD PA MA RDZOGS PAR RIGS PA LTAR SNANG RES DON DAM DU GRUB PA BKAG CING, KUN RDZOB TU YOD PA RNAMS 'KHRUL SHES RES YOD PAR BZUNG NA DE'I NGOR YOD PA TZAM GYIS 'JOG NUS TE, DE'I DON NI 'KHRUL NGOR YOD PA TZAM YIN PA'I PHYIR RO SNYAM DU BSAMS NA NI, DBANG PHYUG DANG GTZO BO LA SOGS PA LAS BDE SDUG SKYE BA DANG DKAR NAG GI LAS GNYIS LAS BDE SDUG SKYE BA GNYIS 'THAD NA 'THAD MNYAM DANG MI 'THAD NA'ANG @106A *, ,MI 'THAD MNYAM DU 'GRO STE, SNGAR BZHIN DPYAD NA NI DPYOD BYED KYIS PHYI MA YANG MI RNYED LA 'KHRUL NGOR NI SNGA MA YANG YOD PA'I PHYIR RO, ,DE LTA NA 'JUG PA LAS, 'DI NI NGAR 'DZIN RTEN DU'ANG MI RIGS LA, ,'DI NI KUN RDZOB TU YANG YOD MI 'DOD, ,CES DANG, MI SHES GNYIS KYIS RAB BSKYOD MU STEGS CAN, ,RNAMS KYIS BDAG NYID JI BZHIN BRTAGS PA DANG, ,SGYU MA SMIG RGYU SOGS LA BRTAGS PA GANG, ,DE DAG 'JIG RTEN LAS KYANG YOD MIN NYID, ,CES SOGS KYIS RANG GZHAN GYI SDE PA GZHAN GYI GRUB MTHA' THUN MONG MIN PAS BTAGS PA RNAMS DANG, SGYU MA LA RTA GLANG DANG SMIG RGYU LA CHUR 'DZIN PA SOGS KYI YUL RNAMS KUN RDZOB TU YANG MED DO ZHES GSUNGS PA RNAMS MI RIGS PAR 'GYUR TE, BLO 'KHRUL PAS KYANG DE LTAR MA BZUNG BAR 'GYUR BA DANG 'KHRUL NGOR YOD PA'I PHYIR THA SNYAD DU YOD PAR 'GYUR BA'I PHYIR DANG, BDAG GZHAN LAS SKYE BA SOGS THA SNYAD DU YANG MA GRUB BO ZHES RIGS PAS BKAG PA RNAMS KYIS KYANG 'GOG MI NUS PAR 'GYUR RO, ,'KHRUL PA DE DAG THOGS, MED NAS BRGYUD DE 'ONGS BA'I SEMS CAN RANG DGA' BA'I 'KHRUL PA MIN LA, MA DPYAD PA THOG MED NAS BRGYUD DE 'ONGS PA'I 'KHRUL NGOR YOD PA TZAM LA KUN RDZOB TU YOD PAR 'JOG PAS SKYON MED DO ZHES KYANG SMRA MI NUS TE, DE LTA NA SNGA PHYI GCIG 'DZIN GYI RTAG 'DZIN DANG GANG ZAG DANG CHOS RANG GI MTSAN NYID KYIS GRUB PAR 'DZIN PA'I BDAG 'DZIN LHAN SKYES KYI ZHEN YUL YANG THA SNYAD DU YOD PAR 'GYUR BA'I PHYIR RO, ,DES NA THA SNYAD DU YOD NA RIGS SHES KYIS JI LTAR YOD BTZAL BAS RNYED PA @106B 'GAL MED KYANG, RIGS SHAS TSAD MAS MI GNOD PA CIG NGES PAR DGOS LA THA SNYAD PA'I TSAD MA GZHAN GANG GIS KYANG MI GNOD PA CIG KYANG DGOS TE, THA SNYAD DU YOD PA LA TSAD MAS GRUB PA DGOS PA'I PHYIR RO, ,DE LTA NA THA SNYAD DU YOD PA RNAMS MING GI THA SNYAD KYI DBANG GIS BZHAG PA TZAM YIN PA 'GAL LO ZHE NA SKYON MED DE GANG ZAG LTA BU KUN RDZOB TU YOD PA DE MING GI THA SNYAD KYI DBANG GIS BZHAG PA TZAM MO ZHES PA'I TZAM GYI SGRAS GANG ZAG MING GI THA SNYAD KYI DBANG GIS MA BZHAG PA GCOD KYI, GANG ZAG TSAD MAS GRUB PA YANG MI GCOD LA MING GI THA SNYAD KYI DBANG GIS GANG BZHAG THAMS CAD KUN RDZOB TU YOD PAR STON PA YANG MIN NO, ,'O NA MING GI THA SNYAD KYI DBANG GIS MA BZHAG PA JI 'DRA ZHIG GCOD SNYAM NA, GANG ZAG GI THA SNYAD BTAGS PA'I DON DE RANG GI MTSAN NYID KYIS GRUB NA DON KHO RANG GI RANG GI NGO BO NYID KYIS YOD PAR SONG GI YUL CAN THA SNYAD DE'I DBANG GIS YOD PAR MA SONG BAS DE GCOD DE, ,DE 'DRA BA DE RIGS SHES KYIS KHEGS KYANG MCHOD SBYIN GYIS MTHONG NGO ZHES PA'I THA SNYAD KYI DON MED NA THA SNYAD PA'I TSAD MAS GNOD PAS YOD PAR NI GRUB LA, DON DANG THA SNYAD GNYIS KYI NANG NAS DON RANG GI NGO BO NYID KYIS YOD PAR MA SONG BA NA THA SNYAD KYI DBANG GIS YOD PAR 'OS MED KYIS 'GRUB BO, ,DE'I PHYIR DON DAM BDEN PA'I YOD TSUL YANG JI LTAR YIN DPYAD PA NA DE DANG 'DRA BA KHO NAR ZAD PAS DE'I YOD PA YANG THA SNYAD KYI DBANG GIS BZHAG PAR SMRA'I DON DAM BDEN PA THA SNYAD PA'I TSAD MAS GRUB PAR MI SMRA'O, ,DON DAM BDEN PA YOD PA THA SNYAD PA'I SHES NGOR @107A *, ,'JOG CES PA YANG DON DAM PA YOD PAR BZUNG BA DE RIGS SHES KYI 'DZIN STANGS LA MED PA'I RGYU MCHAN GYIS YIN GYI DES GRUB CES PA MIN NO, ,SANGS RGYAS BSKYANGS KYIS KYANG RGYAL BAS THA SNYAD KYI DBANG GIS SKYE BA LA SOGS PA GSUNGS PA DANG SKYE BA LA SOGS PA BRJOD PA TZAM DU GRUB PAR BSHAD DO, ,RANG RGYUD PA RNAMS KYIS THA SNYAD DU YOD PAR 'JOG PA'I SHES PA GNOD MED NI SNANG YUL LAM ZHEN YUL RANG GI MTSAN NYID KYIS GRUB PA'I DON LA MA 'KHRUL BA ZHIG LA 'DOD LA, 'DI LA SNANG YUL LA 'KHRUL BAS DON 'JOG NUS PA DU MA ZHIG YOD PAS 'DI GNYIS KYI SHES PA GNOD MED KYI GNOD PA YOD MED KYANG KHYAD PAR CHE'O, ,'DI 'DRA BA'I THA SNYAD KYI DBANG GIS YOD PA LA BTAGS YOD DU GSUNGS KYI CHOS DE DNGOS MIN BZHIN DU DER BTAGS PA'I BTAGS YOD GTAN NAS MIN PAS 'DI LA SANGS RGYAS DANG SEMS CAN MTSAN NYID PA DANG 'CHING GROL MTSAN NYID PA LA SOGS PA THAMS CAD 'THAD KYI GZHAN GYI LUGS LA YI MI 'THAD DO, ,DE NYID 'PHAGS PA YAB SRAS KYI DGONGS PA MTHAR THUG TU SLOB DPON 'DI GNYIS KYIS 'GREL PA LA RNAM GZHAG MTSAN NYID PA 'JOG SA MA BYUNG NA RGYU 'BRAS MTSAN NYID PA LA SOGS PA THAMS CAD RANG GI MTSAN NYID KYIS GRUB PA'I STENG DU KHYER BA'I GOMS PA CHES PAS LAN ZHING, DA DUNG RTEN 'BYUNG GI DON RANG BZHIN GYIS STONG PA'I DON DU MA SHAR BA YIN PAS LUGS 'DI'I GOL SA CHEN PO LA GNAS PAR SHES PAR GYIS SHIG ,DON DAM PA'I SKYE BA MI KHEGS PAR THAL BA NI, DNGOS PO RNAMS @107B THA SNYAD DU RANG GI MTSAN NYID KYIS GRUB PA LA BDAG GZHAN GANG LAS SKYE DPYAD NAS 'GOG PAS MI KHEGS NA DON DAM PAR GRUB PA LA YANG DE LTAR DPYAD NAS 'GOG PAS MI KHEGS PAR 'GYUR NA DE MI RIGS PA'I PHYIR THA SNYAD DU RANG MTSAN KYIS GRUB PA YANG 'GOG PAR NUS SO, ,RANG MTSAN GYIS GRUB NA DON DAM PAR GRUB DGOS PA'I GNAD KYIS DON DAM PA'I SKYE BA 'GOG PA'I RIGS PAS THA SNYAD DU RANG MTSAN GYIS GRUB PA YANG BKAG GO, DE'I PHYIR RANG MTSAN GYIS SKYE BA DE BDEN PA GNYIS KAR YANG MED DO, ,DE YANG 'JUG PA LAS, DE NYID SKABS SU RIGS PA GANG ZHIG GIS, ,BDAG DANG GZHAN LAS SKYE BA RIGS MIN PA'I, ,RIGS DES THA SNYAD DU YANG RIGS MIN NA, ,KHYED KYI SKYE BA GANG GIS YIN PAR 'GYUR, ZHES SO, ,CHOS RNAMS RANG BZHIN GYIS SGRUB PAR GSUNGS PA MI 'THAD PA NI, RIGS PA DANG PO STON PA'I 'GREL PA LAS, 'OD SRUNGS GZHAN YANG DBU MA'I LAM CHOS RNAMS LA YANG DAG PAR SO SOR RTOG PA NI, GANG STONG PA NYID KYIS CHOS RNAMS STONG PAR MI BYED CHOS RNAMS NYID STONG PA DANG ZHES GSUNGS SHING, DE BZHIN DU GANG MTSAN MA MED PA DANG GANG SMON PA MED PA DANG GANG MNGON PAR 'DU BYA BA MED PA DANG GANG MA SKYES PA DANG GANG MA BYUNG BAS CHOS RNAMS MTSAN MA MED PAR MI BYED PA NAS CHOS RNAMS MA BYUNG BAR MI BYED DE, CHOS RNAMS NYID MTSAN MA MED PA NAS CHOS RNAMS NYID MA BYUNG BA'I BAR DU 'OD SRUNGS KYIS ZHUS PA LAS GSUNGS PA DRANGS NAS RANG GI MTSAN NYID KYIS STONG PAR BSGRUBS SHING, LUNG DES RNAM RIG PA'I STONG PA YANG MI @108A *, ,'THAD PAR BSTAN PAR BSHAD DO, ,CHOS RNAMS LA RANG MTSAN GYIS GRUB PA'I RANG BZHIN YOD NA CHOS DE RNAMS RANG NGOS NAS STONG PAR MA SONG BAS CHOS RNAMS NYID STONG PA DANG ZHES PA MI 'THAD LA, RANG NGOS NAS NGO BO NYID KYIS YOD PA MA BKAG PAR GZHAN ZHIG GIS STONG PA'I SGO NAS STONG PAR BSTAN DGOS PAS STONG PA NYID KYIS CHOS RNAMS STONG PAR MI BYED DO ZHES PA DANG 'GAL TE MDOR NA RANG GI NGO BOS STONG PA'I RANG STONG MIN ZHES PA'I DON NO, ,DES NA CHOS RNAMS RANG GI MTSAN NYID KYIS GRUB PA'I RANG BZHIN GYIS STONG PA MI 'DOD NA RANG STONG DU MING BTAGS KYANG GZHAN STONG LAS MI 'DA' LA, RNAM RIG PAS GZHAN DBANG GZUNG 'DZIN RDZAS GZHAN DU MED PAR BSTAN PA YANG GZHAN DBANG RANG BZHIN MED PA'I DON YIN BYAS NA MI KHAGS ZHES PA'O, ,DGAG GZHI DE DGAG BYA'I NGO BOR MED PA DANG GZHI DE DGAG BYAS STONG TSUL YANG YIN PAS STONG PAR 'DRA BZHIN DU CHOS RNAMS RANG GI MTSAN NYID KYIS GRUB PAS STONG PA NI RANG GI NGO BOS STONG PA'I DON YIN LA, DE LAS GZHAN PA'I STONG TSUL RNAMS RANG GI NGO BOS STONG PA MIN PA'I RGYU MTSAN NI STONG TSUL SNGA MTSAD MAS GRUB ZIN BYED PA MA NYAMS PA'I RING LA GRUB MTHAS GZHI DE BDEN PA'AM DE'I DON DU YOD PAR 'DZIN PA'I SGRO 'DOGS SKYE MI SRID LA, PHYI MA RNAMS KYI DON TSAD MAS GRUB CING BYED PA MA NYAMS KYANG GRUB MTHAS BDEN PA'AM BDEN PA'I DON DU SGRO 'DOGS PA MI 'GAL BA'O, ,GSUM PA NI, 'O NA GANG ZAG DANG CHOS LA RANG BZHIN RTAGS KYIS @108B BKAG PA TZAM ? YIN GYI MA BSGRUBS ZHES SMRA BA LTAR YIN NAM, 'ON TE RANG BZHIN MED PA RTAGS KYIS SGRUB PA YIN SNYAM NA, 'DI LA THOG MAR DGAG PA GNYIS KYI MTSAN NYID SHES DGOS PAS DE BSHAD PAR BYA'O, ,DE LA DGAG PA NI SGRAS BRJOD PA NA TSIG GIS ZIN PAR DGAG BYA BCAD PA'AM DE'I RNAM PA BLO LA 'CHAR BA NA DGAG BYA BKAG PA'I RNAM PA CAN DU DNGOS SU SHAR NAS RTOGS PAR BYA BA ZHIG STE, DANG PO NI BDAG MED LTA BU'O, ,GNYIS PA NI, CHOS NYID LTA BU STE 'DI LA TSIG GIS ZIN PAR DGAG BYA BCAD PA MED KYANG DE'I DON 'CHAR BA NA SPROS PA BCAD PA'I RNAM PA CAN DU 'CHAR BA YOD DO, ,DE LTAR DGAG BYA DNGOS SU BCAD PAS RTOGS PAR BYA BA'I DON DE LA GNYIS LAS MA YIN DGAG NI DGAG BYA DNGOS SU BCAD NAS CHOS GZHAN 'PHEN PA STE, RTOG GE 'BAR BA LAS, MA YIN PAR DGAG PA NI DNGOS PO'I NGO BO NYID DGAG PAS DE DANG 'DRA BA DE LAS GZHAN PA'I DNGOS PO'I NGO BO NYID SGRUB PAR BYED PA STE, DPER NA 'DI BRAM ZE MA YIN NO ZHES DGAG PAS BRAM ZE 'DRA BA DE LAS GZHAN PA BRAM ZE MA YIN PA DKA' THUB DANG THOS PA LA SOGS PAS DMAN PA'I DMANGS RIGS YIN PAR SGRUB PA LTA BU'O ZHES SO, ,MED DGAG NI DGAG BYA DNGOS SU BCAD NAS CHOS GZHAN MI 'PHEN PA STE, RTOG GE 'BAR BA LAS, MED PAR DGAG PA NI DNGOS PO'I NGO BO NYID TZAM ZHIG 'GOG PAR ZAD KYI DE DANG 'DRA BA DE MA YIN PA GZHAN GYI DNGOS PO SGRUB PAR MI BYED PA STE DPER NA BRAM ZES CHANG BTUNG BAR MI BYA'O, ,ZHES BYA BA DE TZAM ZHIG 'GOG PAR ZAD KYI DE LAS GZHAN PA'I @109A *, ,BTUNG BA BTUNG NGO ZHE'AM MI BTUNG NGO ZHES MI BRJOD PA LTA BU'O ZHES SO, ,DE LA SGRUB MI SGRUB NI 'PHEN MI 'PHEN DANG DON GCIG LA DE LAS GZHAN PA NI DGAG BYA BKAG TZAM MIN PA'O, ,MA YIN ZHES PA DANG MED CES PA'I TSIG GIS BKAG PA NI DE GNYIS KYI KHYAD PAR MIN TE, BDAG LAS MA YIN ZHES BKAG PA MED DGAG TU LEGS LDAN DANG ZLA BA GNYIS KAS BSHAD PA'I PHYIR DANG TSE DPAG MED CES PA MA YIN DGAG TU BYA DGOS PA'I PHYIR RO, ,DES NA DGAG PA LA CHOS KUN KYANG RANG MA YIN BKAG PAS DNGOS PO LA DGAG BYA BCAD PAS MI CHOG GI RANG BRJOD PA'I SGRAS BCAD PA DANG RANG RTOGS PA'I BLO LA DNGOS SU DGAG BYA BCAD PA'I RNAM PA CAN DU 'CHAR BA GANG RUNG DGOS SO, ,KHA CIG BDAG MED LTA BU MED DGAG YIN GYI GANG ZAG LA BDAG MED CES PA LTA BU GZHI SGRUB PA DANG TSOGS NA MED DGAG MIN ZHES 'DOD LA GZHAN DGAG ZHI DANG TSOGS NA CHOS GZHAN 'PHANGS PAS MED DGAG MIN ZHES SMRA BA NI MI RIGS TE, DGAG PA GNYIS KYI KHYAD PAR NI SNGAR BSHAD PA KHO NA BZHIN GZHUNG GZHAN LAS KYANG 'BYUNG LA DE'I TSE BRAM ZES CHANG MI BTUNG NGO ZHES PA LTA BU LA GZHI SGRUB PA DANG TSOGS KYANG MED DGAG GI MTSAN NYID GNAS PA'I PHYIR DANG, BRAM ZE LTA BU DE DGAG BYA BCAD NAS CHOS GZHAN 'PHEN MI 'PHEN RTZI BA'I GZHI YIN GYI 'PHANGS PA'I CHOS GZHAN MA YIN PA'I PHYIR RO, ,DES NA CHOS GZHAN 'PHANGS TSUL LA SHUGS DANG DNGOS DANG DE GNYIS KA DANG SKABS KYIS 'PHANGS PA BZHI @109B YOD DE SHES RAB SGRON MA'I 'GREL BSHAD DU DRANGS PA LAS, DGAG PA DON GYIS BSTAN PA DANG, ,TSIG GCIG SGRUB PAR BYED MA DANG, ,DE LDAN RANG TSIG MI STEN PA, ,MA YIN GZHAN PA GZHAN YIN NO, ,ZHES SO, ,DE LA DON GYIS BSTAN PA NI MCHOD SBYIN TSON PO NYIN PAR MI ZA BA ZHES PA LTA BU'O, ,TSIG GCIG GIS DNGOS PO SGRUB PA NI BDAG LAS MA SKYES PA YOD CES PA LTA BU DGAG BYA GCOD PA DANG CHOS GZHAN DNGOS SU 'PHEN PA GNYIS KA TSIG GCIG GIS ZIN PA'O, ,DE LDAN NI DNGOS SHUGS LA CHOS GZHAN 'PHANGS PA DE GNYIS KA YOD PA'I TSIG STE MCHOD SBYIN TSON PO NYIN PAR MI ZA BA RID PA MIN PA YOD CES PA LTA BU'O, ,RANG GI TSIG GIS MI STON PA NI SKYES BU GCIG RGYAL RIGS DANG BRAM ZE GANG RUNG GCIG TU NGES SHING KHYAD PAR MA NGES PA'I SKABS SU 'DI BRAM ZE MA YIN ZHES PA LTA BU'O, ,'PHEN TSUL BZHI PO DE GANG BYUNG YANG MA YIN DGAG YIN LA DE LAS GZHAN PA DE BZHI GANG YANG MA 'PHANGS PA NI MA YIN DGAG LAS GZHAN MED DGAG GO, 'DI LA SNGON GYI KHA CIG DBU MA PA LA RANG BZHIN 'GOG PA'I RTAGS DANG RJES DPAG YOD KYI RANG BZHIN MED PA SGRUB PA'I DE GNYIS MED CES SMRA BA NI MI 'THAD DE, BSGRUB BYA MED PA'I RTAGS YANG DAG DANG GZHAL BYA MED PA'I RJES DPAG TSAD MA MI SRID PA'I PHYIR RO, ,GZHAN DAG DBU MA RANG RGYUD PA LA BDAG MED SGRUB PA'I RTAGS DANG RJES DPAG YOD KYI THAL 'GYUR BA LA MED DE, TSIG GSAL LAS, KHO BO CAG NI 'DI MED PAR SGRUB PA MA YIN @110A *, ,GYI 'O NA CI ZHE NA, 'DI GZHAN GYIS YOD PA NYID DU YONGS SU BRTAGS PA 'GOG PA YIN NO, ,DE BZHIN DU KHO BO CAG NI 'DI YOD PA NYID DU SGRUB PA MA YIN TE 'O NA CI ZHE NA, 'DI GZHAN GYIS MED PA NYID DU BRTAGS PA SEL BA YIN TE MTHA' GNYIS BSAL NAS DBU MA'I LAM SGRUB PAR 'DOD PA'I PHYIR RO, ,ZHES DANG, THAL 'GYUR RNAMS NI GZHAN GYI DAM BCA' BA 'GOG PA TZAM GYI DGOS PA CAN DU BSHAD CING, 'JUG PA LAS KYANG, RTOG RNAMS LOG PAR GYUR PA GANG YIN TE, RNAM PAR DPYOD PA'I 'BRAS BUR MKHAS RNAMS GSUNGS, ,ZHES BSHAD PA'I PHYIR RO, ,DES NA GZHAN LUGS BKAG PA TZAM YIN GYI RANG BZHIN MED PA SGRUB PA MIN NO ZHES ZER RO, ,DGAG BYA BCAD TZAM GYI DGOS PA CAN DU BSHAD PA NI THAL 'GYUR BA'I KHYAD CHOS MIN TE, RTOG GE 'BAR BA LAS KYANG, SA LA SOGS PA DON DAM PAR NA 'BYUNG BA'I NGO BO NYID MA YIN PAR DGAG PA TZAM ZHIG BYED PAR ZAD KYI GZHAN GYI NGO BO NYID YIN PA DANG DNGOS PO MED PA'I NGO BO NYID YIN PAR MI SGRUB PA YIN NO, ,ZHES BSHAD PA'I PHYIR RO, ,DES NA CHOS RNAMS RANG GI MTSAN NYID KYIS GRUB PA 'GOG PA NA DGAG BYA BCAD PA TZAM DANG GZHAN GYI LOG RTOG LOG PA TZAM YIN ZHES PA'I TZAM GYI SGRAS NI, RIGS PA'I YUL DU DGAG BYA BKAG TZAM MIN PA'I CHOS GZHAN 'PHEN PA GCOD PAS MA YIN DGAG YIN NAM SNYAM PA BKAG NAS MED DGAG TU STON PA YIN TE, DE NI RANG GI DGAG BYA BCAD TZAM YIN GYI CHOS GZHAN MI SGRUB BO ZHES SNGAR BSHAD PA'I PHYIR RO, ,DPER NA MTSO LA DU BA MED CES PA NI MTSO LA DU BA RNAM @110B PAR BCAD TZAM YIN GYI DE LAS GZHAN PA'I CHOS MA 'PHANGS KYANG TSIG DES MTSO DU MED MA BSTAN PA DANG, DE'I RJES SU 'BRANG BA'I BLOS KYANG MTSO DU MED MA NGES PA MIN PA BZHIN DU MYU GU LA RANG BZHIN MED CES BSTAN PA NA'ANG MYU GU LA RANG BZHIN RNAM PAR BCAD TZAM YIN KYANG DE'I SGRA DANG BLOS MYU GU RANG BZHIN MED BA BRJOD PA DANG NGES PA CI ZHIG 'GAL, DES NA MTSO LA DU BA TSIG GIS RNAM PAR BCAD PA NYID DU MED BRJOD PA YIN ZHING BLOS KYANG DU BA BCAD PA NYID DU MED NGES PA YIN TE, DGAG BYA RNAM PAR GCOD PA DANG BKAG PA YONGS SU GCOD PA GNYIS GCIG MED NA CIG SHOS MED PA'I PHYIR RO, ,DE BZHIN DU RANG BZHIN MED PA STON PA'I LUNG RNAMS KYIS RANG BZHIN BKAG PA NYID RANG BZHIN MED PA BRJOD PA DANG, RANG BZHIN 'GOG PA'I RIGS SHES KYIS RANG BZHIN BKAG PA NYID RANG BZHIN MED PA SHES PA DANG RANG BZHIN 'GOG PA'I RTAGS KYIS RANG BZHIN BKAG PA NYID RANG BZHIN MED PA BSGRUBS PAR 'DONG PAR BYA'I, LUNG LA BRJOD BYA DANG SHES PA LA SHES BYA DANG RTAGS LA BSGRUB BYA MED CES SMRA BAR MI BYA'O, ,DE'I PHYIR RIGS PAS RANG BZHIN BKAG TZAM YIN TE RANG BZHIN MED PA BSGRUBS PA MIN ZHES SMRA BA NI DBU TSAD GANG GI YANG RIGS PAR MI SNANG NGO, ,SA NI DON DAM PAR 'BYUNG BA'I NGO BO NYID MA YIN ZHES PAS DON DAM PAR 'BYUNG BA'I NGO BO NYID YIN PA BKAG PA TZAM ZHIG BYED CES SMRA BA NA MED DGAG DE BSGRUB BYAR BYED CES PA'I DON YIN PAS DNGOS PO MED PA'I NGO BO NYID YIN PAR MI SGRUB CES PAS DON DAM PAR 'BYUNG BA'I DNGOS POR MED PA MI SGRUB CES PA MIN GYI BKAG @111A *, ,TZAM LAS MA GTOGS PA'I DNGOS MED KYI NGO BO NYID DU MI SGRUB PA'I DON NO, ,DES NA DGAG BYA BCAD TZAM LAS GZHAN CIG SGRUB MI SGRUB 'DRI NA BDEN MOD DGAG BYA RNAM PAR GCOD PAR KHAS BLANGS NAS DGAG PA RTAGS DANG SGRA BLOS YUL DU BYAS MA BYAS DPYOD PA GA LA 'THAD, GAL TE RANG BZHIN GYIS YOD PA RTAGS KYIS RNAM PAR BCAD PAS RANG BZHIN MED PA RTAGS KYIS SGRUB NA, 'PHAGS PAS, 'DI NI YOD NYID 'GOG PA STE, ,MED NYID YONGS SU 'DZIN PA MIN, , NAG PO MIN ZHES SMRAS PA NA, ,DKAR PO MIN ZHES MA BRJOD BZHIN, ,ZHES GSUNGS PA JI LTAR DRANG ZHE NA, DPER NA NAG POR MED PA TZAM ZHIG STON PAR 'DOD PAS 'DI NAG PO MIN ZHES SMRAS PA NA NAG PO BKAG PA TZAM ZHIG YIN GYI, DE LAS GZHAN PA'I DKAR PO YIN ZHES MI STON PA BZHIN DU MYU GU LTA BU LA DON DAM PAR RANG BZHIN MED DO ZHES SMRAS PA YANG DON DAM PAR RANG BZHIN YOD PA BKAG PA TZAM SGRUB PA YIN GYI, DE LAS GZHAN PA'I BDEN MED YOD PAR SGRUB PA MIN ZHES PA'I DON TE, SHES RAB SGRON MA 'GREL BSHAD DANG BCAS PAS KYANG MA YIN DGAG BSGRUB BYA MIN LA MED DGAG YIN PA'I DON DU BSHAD DO, ,DPER BRJOD KYIS KYANG SHES TE NAG PO MIN ZHES PAS NAG PO MIN PA MA BSTAN MI ZAR BAR DKAR PO YIN ZHES MA BSTAN CES GSUNGS PAS SO, ,LUNG 'DI 'JIG RTEN BRTAG PA NA YOD CES SPYAN RAS GZIGS BRTUL ZHUGS GSUNG NGO, ,DOGS PA 'DI'I SKYE TSUL NI, MYU GU DON DAM PA'I SKYE BA MED PA DE YOD PAR RIGS SHES KYIS 'GRUB DGOS LA DE YI TSE @111B MYU GU DON DAM PAR SKYE BA MED PAR SGRUB PA NA DON DAM PA'I SKYE MED YOD PA BSGRUB BYAR 'GYUR TE RJES DPAG GIS DE 'GRUB PA'I PHYIR RO SNYAM DU DOGS PA SKYE'O, ,'DI LA RANG BZHIN MED PA YOD PAR RIGS SHES KYIS MI 'GRUB PA NI RTZA SHE'I RNAM BSHAD DU 'CHAD PAR 'GYUR LA, BSGRUB BYA MED DGAG YIN PA RTOGS NA DON DAM PAR SKYE BA RNAM PAR BCAD TZAM SGRUB KYI DE MIN PA'I DON DAM PA'I SKYE MED YOD PAR MI SGRUB PAR GO BAS TSIG GSAL LAS KYANG, GZHAN GYIS YOD PAR BRTAGS PA 'GOG GI MED PAR MI SGRUB PAR GSUNGS LA, MED PA NYID DU BRTAGS PA 'GOG PA NI DON DAM PA'I SKYE MED BDEN PAR BZUNG BA MED DO ZHES 'GOG PA LTA BU'O, ,YOD PA NYID DU MI SGRUB PA NI DON DAM PA'I SKYE BA YOD PAR MI SGRUB PA'O, ,DES NA MYU GU BDEN GRUB DANG BDEN MED BDEN GRUB GNYIS KA DGAG NUS PAS GCIG RNAM PAR BCAD PAS CIG SHOS YONGS SU GCOD PA MA YIN KYANG, MYU GU BDEN YOD DANG BDEN MED GNYIS NI GCIG RNAM PAR BCAD NA CIG SHOS YONGS SU GCOD DGOS PAS GNYIS KA 'GOG MI NUS TE, RTZOD ZLOG LAS, GAL TE RANG BZHIN MED NYID KYIS, ,JI STE RANG BZHIN MED PA ZLOG ,RANG BZHIN MED PA NYID LOG NA, ,RANG BZHIN NYID DU RAB GRUB 'GYUR, ,ZHES RANG BZHIN MED PA'I TSIG GIS, DNGOS PO RNAMS KYI RANG BZHIN MED PA 'GOG NA DNGOS PO RNAMS RANG BZHIN YOD PA NYID DU 'GYUR BAR GSAL BAR GSUNGS SO, ,DON DAM PAR YOD MED GNYIS KYANG DE DANG 'DRA BAS GNYIS KA DGAG MI NUS LA, DON DAM PAR YOD PA DANG DON DAM DU MED PA DON DAM DU @112A *, ,YOD PA NI GNYIS KA'ANG DGAG PAR NUS SO, ,'DI LA DNGOS POR SMRA BA RNAMS NI DGAG BYA MI BDEN NA DE BKAG PA BDEN LA BKAG PA MI BDEN NA DGAG BYA BDEN PAR 'DOD PAS GNYIS KA BDEN PA 'GOG MI NUS SO, ,DBU MA PA RNAMS NI MTHA' DE GNYIS KA SPANGS PA'I DBU MA'I LAM ZAB MO DMIGS PA MED PA NGES PA'I DON LUNG DANG RIGS PAS LEGS PAR BSGRUBS NAS RGYAL BA'I BSTAN PA'I SNYING PO PHYOGS KUN TU RGYAS PAR MDZAD DO, ,DA NI 'DI DRI BAR BYA STE CI SHING RTA CHEN PO'I CHUL GNYIS KYIS GSUNG RAB KYI DRANG BA DANG NGES PA'I DON RNAM PAR PHYE BA DANG, DE DAG GI DGONGS PA MKHAS PA'I DBANG PO RNAMS KYIS SO SOR BKRAL BA'I SGO MANG DU SNANG NA KHYOD CAG DE GNYIS KYI DGONGS 'GREL MKHAN PO GANG GI RJES SU 'BRANGS NAS, NGES PA'I DON DU BZHAG PA GANG LA MTHAR THUG PA'I DON DU 'DOD PA BRJOD PAR GYIS SHIG CES 'DRI NA, 'DZAM GLING MKHAS PA'I RGYAN GYUR 'DI RNAMS KYI, ,LEGS BSHAD KUN LA SNYING NAS GUS MOD KYANG, ,'KHOR 'DAS RTEN 'BYUNG MI SLU'I GTAN TSIGS KYIS, ,MTSAN 'DZIN DMIGS GTAD THAMS CAD 'JIG BYED PA, ,ZLA BA LAS 'ONGS LEGS BSHAD 'OD DKAR GYIS, ,BLO MIG KUN TA'I TSAL RAB PHYE BA'I CHE, ,SANGS RGYAS BSKYANGS KYIS BSTAN PA'I LAM MTHONG NAS, ,KLU SGRUB LUGS BZANG GTZO BOR MI 'DZIN SU, ,ZHES KHO BO CAG NI DE SKAD DU SMRA'O, ,DE LTAR SNGAR BSHAD PA'I TSUL GYIS GSUNG RAB KYI DRANG NGES PHYE NAS DE KHO NA NYID GTAN LA 'BEBS PA'I SHING RTA'I SROL GNYIS PO 'DI NI PHA ROL TU PHYIN PA'I THEG @112B PA'I SKABS SU RGYAS MOD KYANG, GSANG SNGAGS KYI GZHUNG 'GREL BA'I PAndI TA DANG, GRUB THOB RNAMS KYIS KYANG DE GNYIS GANG RUNG CIG DANG MTHUN PAR DE KHO NA NYID KYI DON GTAN LA 'BEBS PA LAS GZHAN PA'I PHUNG GSUM MED PAS TSUL 'DI NI GSUNG RAB MDO SNGAGS MTHA' DAG GI DE KHO NA NYID GTAN LA 'BEBS PA'I LAM DU SHES PAR BYA'O, ,DE'I PHYIR TSUL GNYIS KYI SHING RTA CHEN PO'I SROL LA MI BRTEN PAR DE KHO NA NYID 'TSOL PA NI LONG KHRID MED PA'I LONG BA NYAM NGA BA'I PHYOGS SU RGYUGS PA DANG 'DRA LA, BRTEN PAR 'DOD KYANG 'DI DAG GI GZHUNG LA RING DU MA 'DRIS PA DANG KHYAD PAR DU 'DI DAG GI RIGS PA'I GNAD PHRA MO RNAMS MI SHES PAR GSUNG RAB KYI DRANG NGES 'BYED PA'I TSIG 'GA' ZHIG LA BRTEN NAS LUNG TZAM SKYABS SU GYUR PA RNAMS KYIS DE KHO NA NYID KYI GTAM BYAS SU ZIN KYANG TSIG TZAM ZHIG SNYING POR ZAD PAR MTHONG NAS, DON GYI GNAD CHE LONG TZAM DU MA ZHIG MTHONG YANG YID MI TSIM PAR SHING RTA CHEN PO RNAMS KYIS GSUNG RAB LTA BA'I MIG TU PHYIN PA'I RIGS PA'I GNAD PHRA RAGS RNAMS LA LEGS PAR 'DRIS PAR BYAS NAS, GSUNG RAB KYI RGYA CHE BA DANG ZAB PA DANG ZAB PA LAS KYANG CHES ZAB PA'I ZAB GNAS RNAMS GTAN LA 'BEBS PA LA BRTZON PA CHU BO'I RGYUN LTAR RTZOM ZHING, JI TZAM SHES PA DE TZAM DU SGRUB PA SNYING POR BYAS TE RGYAL BA'I BSTAN PA RING DU GNAS PAR 'DOD PA'I RNAM DPYOD CAN RNAMS LA KHO BOS LEGS PAR BSHAD PA'I SNYING PO 'DI GTAM DU BYAS SO,, ,,RGYAL BA'I @113A *, ,DGONGS ZAB ZAB MO'I MDO YIS RAB BSTAN BSTAN PA'I SNYING PO 'DZIN, ,THUB PA'I RING LUGS LUGS MCHOG GNYIS KYI GZHUNG MANG MANG DU THOS PA DANG, ,DE DON RNAM DPYOD DBYOD LDAN YID 'PHROG RIGS TSUL TSUL BZHIN BSAMS PA DANG, ,'JAM DBYANGS ZHES GRAGS GRAGS PA'I PHRENG BAS KUN KHYAB KHYAB BDAG DE YI ZHABS, ,SHUGS DRAG RGYUN MI 'CHAD PA'I DAD PA YIS, ,SNYING GI PAD MA'I LTE BAR GUS BSTEN PAS, ,GSUNG RAB DE NYID MTHONG BA'I RIGS SMRA DES, ,RMAD BYUNG GTAM GYI SBYOR BA 'DI BYAS SO, ,LEGS BSHAD GTER CHEN DE YI GSUNG RAB DON, ,SMRA BA'I KHYU MCHOG KLU SGRUB THOGS MED KYIS, ,JI BZHIN BKRAL BA'I TSUL GNYIS SHING RTA'I SROL, ,DE BZHIN 'CHAD PA'ANG 'DI LAS GZHAN NA GANG, ,RLABS CHEN SPYOD LA RING NAS ZHUGS PA YI, ,RGYAL SRAS RIG GNAS KUN LA MKHAS PAS KYANG, ,SHIN TU DPAG DKA' ZLA BA DANG RGYA CHE'I GNAS, ,JI BZHIN RNYED NAS TSUL BZHIN 'DRIS BYAS PAS, ,TING 'DZIN SHES RAB TSUL KHRIMS YONGS DAG PA'I, ,DGA' STOD CHEN POS YID RAB TSIM GYUR NAS, ,NGES 'GA' RGYAL LA DAD PA'I DGA' BA RGYAS, ,SKABS 'GAR SHING RTA CHEN PO'I SKU DRIN DRAN, ,GZHAN TSE MKHAS PA'I BSHES LA GUS PA DANG, ,NYAM CHUNG 'GRO LA SNYING NAS BRTZE BA DANG, ,BSTAN PA RIN CHEN RING DU GNAS 'DOD PA, ,'DI DAG PHAN TSUN 'GRAN BZHIN 'PHEL BAR 'GYUR, ,DE TSE RING NAS NYAMS PA'I RTOGS DKA'I GNAS, ,GANG GIS BTZAL BAS RNYED BA'I RIGS PA'I LAM, , @113B DE YI RNAM 'PHRUL KYE MA'O NGO MTSAR ZHES, ,GCIG PUR GNAS KYANG DGA' BA'I CA CO 'TSOR, ,DE 'DRA DE LA SMRA BA'I ZLA BA YIS, ,'DI NI SHES RAB MCHOG GI BSAM GTAN PA, ,TSUL KHRIMS DAG PA'I MGO LA 'DUG PA BO, ,RGYAL BA'I GDUNG 'CHOB NGES DON RNYOD PA ZHES, ,BSTOD BA'I PHRENG BAS YANG DANG YANG DU BSNGAGS, ,DE LTAR RGYAL BA'I BSNGAGS PA GANG GIS 'DOD, ,BLO LDAN DE YIS RNAM BSHAD 'DIR ZHUGS NAS, ,BLO MIG RIGS PA'I LAM GYIS DAG PAR GYIS, ,TSUL GNYIS SHING RTA'I SROL 'BYED 'DIR 'BAD PAS, ,BDAG GIS BSOD NAMS GANG ZHIG BSAGS PA DES, ,KLU SGRUB THOGS MED JI BZHIN RGYAL BA YI, ,DAM CHOS MTHA' DAG YUN RING 'DZIN PAR SHOG ,TSUL DES RGYAL BA DGYES BA SKYED PA LA, ,RGYAL SRAS MKHAS PA KUN BZANG 'JAM DBYANGS KYIS, ,JI LTAR SPYAD PA DE LTAR BDAG GIS KYANG, ,RLABS CHEN SPYOD LA KUN NAS SPYOD PAR SHOG CES MGON PO KLU SGRUB KYIS NGO BO NYID MED PA'I TSUL DANG, BDAG NYID CHEN PO THOGS MED KYIS RNAM PAR RIG PA TZAM GYI TSUL GYI SHING RTA CHEN PO'I SROL GNYIS PHYE NAS, GSUNG RAB KYI DRANG BA DANG NGES PA'I DON RNAM PAR PHYE BA GSAL BAR BYED PA LEGS PAR BSHAD PA'I SNYING PO ZHES BYA BA 'DI NI, SH'AKYA'I DGE SLONG MANG DU THOS PA RIGS PA SMRA BA SHAR TZONG KHA PA BLO BZANG GRAGS PA'I DPAL GYIS SBYAR BA'I YI GE PA NI DGE SBYONG SDOM BRTZON BSOD NAMS BLO GROS SO, SVA STI, ,BDE BAR GSHEGS GSUNG ZAB BRLING ZLA BAS 'PHEL,, @114A *, ,DRI MED LUNG RIGS 'GYOGS 'GROS BSRUBS SKYES 'BRAS, ,LTA SPYOD RTZE DGAR 'GROGS PA'I TSUL GNYIS KYI, ,LAM SROL NYI ZLA'I SNANG BA 'BAR GYUR CIG , ,,MANGGA LAm,,