@1A *,,DGE 'DUN NYI SHU BSDUS PA RJES GNANG BA DANG ZHUGS GNAS
BZHUGS SO,,

@1B *, ,AOm BDE LEGS SU GYUR CIG ,NYAN THOS KYI DGE 'DUN LA DBYE
NA, CHAGS BRAL SNGON SONG GI DANG, MTHAR GYIS PA DANG, CIG CAR
BA'I DGE 'DUN DANG GSUM MO, ,DANG PO'I MTSAN NYID,

MTHONG LAM GYI SNGON DU 'DOD PA'I SGOM SPANG DRUG PA SPANGS PA'I
NYAN THOS 'PHAGS PA SLOB PA GANG ZHIG ,KHYOD YIN PA'AM KHYOD KYI
NANG TSAN DU GYUR PA'I BCU DRUG PA'I RJES SU 'DOD PA'I SGOM SPANG
DGU PA SPANGS PA MED PA'O, ,

DBYE NA, DE'I ZHUGS 'BRAS GNYIS, DANG PO NI, MTHONG LAM GYI SNGON
DU 'DOD PA'I SGOM SPANG DRUG PA SPANGS SHING BDEN PA MNGON RTOGS
KYI SEMS DANG PO BCO LNGA GANG RUNG LA GNAS PA'I NYAN THOS, ,DBYE
NA DE'I PHYIR 'ONG DANG

PHYIR MI 'ONG ZHUGS PA GNYIS, DANG PO'I MTSAN NYID, SPYI'I MTSAN
NYID KYI STENG DU KHYOD DU GYUR PA'I 'DOD PA'I SGOM SPANG DGU PA
SPANGS PA MED PA BSNAN TO, ,GNYIS PA'I MTSAN NYID, ZHUGS PA
SPYI'I MTSAN NYID KYI DRUG PA

DGU PA BRJES PA TZAM MO, ,DE GNYIS KA LA'ANG RJES 'BRANG GNYIS
GNYIS YOD DO, ,DE'I 'BRAS GNAS KYI MTSAN NYID, MTHONG LAM GYI
SNGON DU 'DOD PA'I SGOM SPANG DRUG PA SPANGS SHING BCU DRUG PA
THOB PA'I NYAN THOS SLOB

PA GANG ZHIG ,KHYOD DU GYUR PA'I BCU DRUG PA THOB RJES SU 'DOD
PA'I SGOM SPANG DGU PA SPANGS PA MED PA, DBYE NA, DE'I 'BRAS GNAS
TZAM PO DANG KHYAD PAR CAN GNYIS, DE GNYIS KYI MTSAN NYID RIM PA
LTAR, CHAGS BRAL SNGON

@2A *, ,SONG GI 'BRAS GNAS GANG ZHIG ,'BRAS BU PHYI MA THOB PHYIR
MI BRTZON PA DANG BRTZON PA'O, ,DANG PO LA DBYE NA, DE'I PHYIR
'ONG DANG, PHYIR MI 'ONG TZAM PO GNYIS SO, ,DE GNYIS KYI MTSAN
NYID

RIM PA LTAR DE'I 'BRAS GNAS TZAM PO GANG ZHIG ,'DOD PA'I SGOM
SPANG DGU PA RGYUD LA LDAN PA DANG MI LDAN PA'O, ,GNYIS PA LA
DBYE NA, DE'I PHYIR 'ONG DANG PHYIR MI 'ONG GI 'BRAS GNAS KHYAD
PAR CAN GNYIS, DE GNYIS KYI

MTSAN NYID RIM PA LTAR DE'I 'BRAS GNAS KHYAD PAR CAN ZHES SBYAR
NAS ZUR 'OG MA TZAM PO BZHIN BYA'O, ,'BRAS GNAS DE GNYIS KA LA
DAD THOB GNYIS GNYIS YOD DO, ,GNYIS PA MTHAR GYIS PA'I DGE 'DUN
GYI

MTSAN NYID, 'BRAS BU BZHI MNGON DU BYED TSUL DANG, KHAMS GSUM GYI
SGOM SPANG RNAMS SPANGS TSUL GANG RUNG GI SGO NAS RIM GYIS PAR
BZHAG PA'I NYAN THOS GANG ZHIG ,KHYOD DU GYUR PA'I TSOGS LAM PA
DANG STAN

GCIG PA MIN PA'I SBYOR LAM PA MI SRID PA, DBYE NA, SPANG BYA DANG
'BRAS BU MTHAR GYIS PA GNYIS, DANG PO'I MTSAN NYID, NYAN THOS
MTHAR GYIS PA GANG ZHIG ,KHAMS GSUM GYI SGOM SPANG CHEN PO'I CHEN
PO GSUM RIM GYIS

SPANGS PA'AM, SPONG BAR 'GYUR BA GANG RUNG YIN PA, 'DI SPANG BYA
CIG CAR BAS ZLAS DRANGS PA'I MTHAR GYIS PA YIN PAS, MTSAN NYID
'DI CHAGS BRAL SNGON SONG DANG 'BRAS BU MTHAR GYIS PA GNYIS KA LA
YOD,

@2B GNYIS PA'I MTSAN NYID, RGYUN ZHUGS ZHUGS PA'I RTOGS PA THOB
PA'I NYAN THOS GANG ZHIG ,RGYUN ZHUGS THOB RJES SU PHYIR 'ONG GI
'BRAS BU MNGON DU BYAS PA'AM BYED PA GANG RUNG YIN PA, YANG NA
KHYOD DU GYUR PA'I CIG CAR BA DANG CHAGS BRAL SNGON

SONG MI SRID PA ZHES SBYAR NAS ZUR DANG PO SNGAR LTAR RO, ,'DI
'BRAS BU THOD RGAL BAS ZLAS DRANGS PA'I MTHAR GYIS PA'O, ,DBYE
NA, DE'I ZHUGS 'BRAS GNYIS, DE'I ZHUGS PA'I MTSAN NYID, MTHAR
GYIS PA'I NYAN THOS GANG ZHIG ,'BRAS BU BZHI GANG RUNG

THOB PHYIR DU DNGOS SU BRTZON PA, DBYE NA, DE'I ZHUGS PA BZHI,
DANG PO'I MTSAN NYID, 'BRAS BU MTHAR GYIS PA'I ZHUGS PA BZHI'I YA
GYAL GANG ZHIG ,RGYUN ZHUGS KYI 'BRAS BU THOB PHYIR DU DNGOS SU
BRTZON PA, LHAG MA GSUM YANG DES 'GRE, DE'I 'BRAS GNAS

KYI MTSAN NYID, ZUR DANG PO SNGAR DANG 'DRA ZHING, BCU DRUG PA
THOB PA, DBYE NA, DE'I 'BRAS GNAS BZHI, DANG PO'I MTSAN NYID,
DE'I 'BRAS GNAS BZHI'I YA GYAL GANG ZHIG ,'DOD PA'I SGOM SPANG
DRUG PA RGYUD LA LDAN PA, DBYE NA TZAM KHYAD GNYIS, MTSAN

NYID RIM PA LTAR, MTHAR GYIS PA'I RGYUN ZHUGS 'BRAS GNAS GANG
ZHIG ,PHYIR 'ONG GI 'BRAS BU THOB PHYIR DU DNGOS SU MI BRTZON PA
DANG, BRTZON PA'O, ,SKYE BA LEN TSUL GYIS PHYE NA, RE LTAR THOGS
NA LAN BDUN PA DANG, RIGS NAS RIGS SKYE GNYIS,

DANG PO'I MTSAN NYID, 'DOD PA'I SGOM SPANG GCIG KYANG MA SPANGS
PA'I RIM GYIS PA'I 'BRAS GNAS GANG ZHIG ,'DOD PA'I SKYE SRID DU
SKYE BA GCIG LEN DGOS SHING, RIGS MTHUN SKYE SRID BRGYAD PA MI
LEN PA, DBYE NA MA NGES PA DANG, NGES PA'I

@3A *, ,LAN BDUN PA GNYIS, DANG PO'I MTSAN NYID, ZUR DANG PO
SNGAR DANG 'DRA ZHING, 'DOD PA'I SKYE SRID BZHI NAS DRUG GI BAR
GANG RUNG LEN DGOS SHING, BDUN PA MI LEN PA, GNYIS PA'I MTSAN
NYID, ZUR DANG PO SNGAR BZHIN 'DOD

PA'I SKYE SRID DU SKYE BA BDUN LEN DGOS SHING, RIGS MTHUN BRGYAD
PA MI LEN PA'O, ,GNYIS PA RIGS NAS RIGS SKYE'I MTSAN NYID, 'DOD
PA'I SGOM SPANG GSUM PA SPANGS, LNGA PA MA SPANGS SHING 'DOD PAR
SKYE SRID GNYIS LEN DGOS PA'I 'BRAS

GNAS KHYAD PAR CAN GANG ZHIG ,SKYE SRID BZHI MI LEN PA, DBYE NA,
LHA DANG MI'I RIGS NAS RIGS SKYE GNYIS, MTSAN NYID NI RIM PA
LTAR, RGYUN ZHUGS RIGS NAS RIGS SKYE GANG ZHIG ,'DOD PA'I LHA
DANG MI'I SKYE SRID BAR MA CHAD DU LEN DGOS

PA'O; ;KHAMS SU 'DA' TSUL GYI SGO NAS DBYE NA, KHAMS GONG MA'I
DANG, 'DOD RTEN LA 'DA' BA GNYIS, GNYIS PA DE'I PHYIR 'ONG 'BRAS
GNAS KYI MTSAN NYID, 'DOD PA'I SGOM SPANG DRUG PA SPANGS PA'I
'BRAS BU MTHAR GYIS PA'I 'BRAS GNAS GANG

ZHIG 'DOD PA'I SGOM SPANG DGU PA RGYUD LA LDAN PA, DBYE NA, TZAM
KHYAD GNYIS, MTSAN NYID RGYUN ZHUGS KYIS 'GRE, KHAMS SU 'DA' TSUL
GYI DBYE BA NI RGYUN ZHUGS LTAR RO, ,PHYIR 'ONG BAR CHAD GCIG
PA'I MTSAN NYID, 'DOD PA'I SGOM SPANG BRGYAD

PA SPANGS, DGU PA MA SPANGS SHING ZAG MED KYI DBANG PO THOB PA'I
PHYIR 'ONG KHYAD PAR CAN GANG ZHIG  ,'DOD PAR SKYE SRID GCIG LEN
DGOS SHING, RTEN DE LA 'DA' BA, 'DI LA CHAGS BRAL SNGON SONG ZHIG
KYANG YOD, GSUM PA DE'I PHYIR MI 'ONG 'BRAS

@3B GNAS KYI MTSAN NYID, GANG ZHIG SNGAR BZHIN LA 'DOD PA'I SGOM
SPANG DGU PA SPANGS PA'I SLOB PA, DBYE NA TZAM KHYAD GNYIS, MTSAN
NYID GONG GI 'GRE'O, ,KHAMS SU 'DA' TSUL GYI [*GYIS] DBYE NA,
KHAMS GONG MAR 'GRO BA DANG, 'DOD PAR 'DA' BA GNYIS, DANG PO

LA GZUGS DANG GZUGS MED NYER 'GRO GNYIS, DANG PO'I MTSAN NYID,
'DOD PA'I RTEN CAN GYI PHYIR MI 'ONG GANG ZHIG  ,GZUGS KHAMS SU
SKYE BA GCIG LEN DGOS PA, DBYE NA BAR DER 'DA' BA, SKYES NAS 'DA'
BA, GONG DU 'PHO BA STE GSUM, DANG PO'I

MTSAN NYID GANG ZHIG SNGAR BZHIN GZUGS KHAMS KYI BAR SRID DU
SKYES NAS RTEN DE LA 'DA' BA, DBYE NA TSANG CHEN MA GTOGS PA'I
GNAS GZHAN GYI BAR DER 'DA' BA BCU DRUG ,GNYIS PA'I MTSAN NYID,
GANG ZHIG SNGAR BZHIN, GZUGS KYI SKYE SRID

DU SKYE BA GCIG BLANGS NAS RTEN DE LA 'DA' BA, DBYE NA, SKYES PA
TZAM GYIS DANG, 'DU BYED MIN PAR DANG, 'DU BYED DANG BCAS TE 'DA'
BA GSUM, MTSAN NYID RIM PA LTAR, GZUGS SU NYER 'GRO'I SKYE GNAS
'DA' BA GANG ZHIG ,GZUGS SU SKYES PA'I DANG

PO DANG, TSE DKYIL DANG, TSE'I MJUG TU 'DA' BA, PHYI MA NI MDZOD
DU GO LDOG TU BSHAD PA NI, BYE BRAG TU SMRA BAS KUN BTAGS PA YIN
PAS, SLOB DPON SKU MCHED DANG MI MTHUN NO, ,DE GSUM GA LA TSANGS
CHEN MA GTOGS PA'I GNAS GZHAN GYI RTEN

LA 'DA' BA BCU DRUG PA RE RE YOD DO, ,GSUM PA'I MTSAN NYID, GANG
ZHIG SNGAR BZHIN GZUGS KYI SKYE SRID DU SKYE BA GNYIS BLANGS NAS
'DA' BA, DBYE NA 'OG MIN DANG, SRID RTZE'I MTHAR THUG 'GRO
GNYIS, DANG PO'I MTSAN NYID, GZUGS SU NYER 'GRO'I

@4A *, ,GONG 'PHO GANG ZHIG ,'OG MIN DU SKYE BA BLANGS PA'I RTEN
LA 'DA' BA, DBYE BA, 'PHAR BA DANG, PHYED DU 'PHAR BA DANG, GNAS
THAMS CAD DU 'PHO BA STE GSUM MO, ,DANG PO'I MTSAN NYID, GZUGS SU
NYER 'GRO GONG 'PHO

GANG ZHIG  ,'DOD PA NAS TSANGS RIS SU SKYES NAS BAR GYI GNAS
GZHAN RNAMS DOR TE 'OG MIN GYI RTEN LA 'DA' BA, GNYIS PA'I MTSAN
NYID, GANG ZHIG SNGAR BZHIN 'DOD PA NAS TSANG RIS SU SKYES NAS,
BAR GYI GNAS GZHAN RNAMS DOR ZHING

GNAS GTZANG DANG PO GNYIS GANG RUNG DU SKYES NAS BAR PA RNAMS DOR
TE, 'OG MIN GYI RTEN LA 'DA' BA, GSUM PA'I MTSAN NYID, GANG ZHIG
SNGAR BZHIN TSANGS CHEN MA GTOGS PA'I GZUGS KHAMS GNAS RIGS BCU
DRUG TU RIM GYIS

BRGYUD NAS 'OG MIN GYI RTEN LA 'DA' BA, TSUL 'DI NYID 'PHAR BA
GSUM 'OG MIN 'GROR NGES PA'I DBANG DU BYAS PA YIN LA, MDZOD 'GREL
DU, DE GSUM 'OG MIN 'GRO BAR MA NGES PAR GSUNGS PA LTAR NA, DANG
PO'I MTSAN NYID, 'DOD PA NAS

TSANG RIS SU SKYES NAS BAR PA RNAMS BOR TE, GNAS GTZANG LNGA GANG
RUNG DU SKYES PA'I RTEN LA 'DA' BA, GNYIS PA'I MTSAN NYID, 'DOD
PA NAS TSANGS RIS SU SKYES NAS BAR PA RNAMS DOR ZHING, GNAS
GTZANG DANG PO GNYIS GANG RUNG DU SKYES

NAS BAR GYI GNAS GZHAN 'GA' ZHIG BRGAL TE GNAS GTZANG THA MA
GSUM GANG RUNG GI RTEN LA 'DA' BA, GSUM PA'I MTSAN NYID, TSANGS
CHEN MA GTOGS PA 'BRAS BU CHE BA MAN CHAD KYI GNAS THAMS CAD DU
BRGYUD NAS, GNAS GTZANG GI

@4B RTEN LA 'DA' BA, SNGAR GYI GANG ZHIG 'DI GSUM GA LA SBYAR RO,
,GNYIS PA SRID RTZE'I MTHAR THUG 'GRO'I MTSAN NYID, GZUGS SU NYER
'GRO'I GONG 'PHO GANG ZHIG GZUGS MED DU SKYES PA'I RTEN LA 'DA'
BA, 'DI YANG SRID RTZER 'GROR NGES PA MED PAR

GSUNGS SO, ,GNYIS PA PHYIR MI 'ONG GI GZUGS MED NYER 'GRO'I MTSAN
NYID, 'DOD PA'I RTEN CAN GYI PHYIR MI 'ONG GANG ZHIG ,GZUGS KHAMS
SU MA SKYES PAR GZUGS MED KHAMS SU SKYES NAS 'DA' BA, DBYE NA,
SKYES 'DA' DANG, GONG 'PHO

GNYIS, DANG PO'I MTSAN NYID, GZUGS MED NYER 'GRO'I PHYIR MI 'ONG
GANG ZHIG GZUGS MED DU SKYE BA BLANGS PA'I RTEN DE NYID LA 'DA'
BA, DBYE NA, SKYES PA TZAM GYIS 'DA' BA LA SOGS PA GSUM STE,
GZUGS SU NYER 'GRO LA BSHAD PA BZHIN

SHES PAR BYA'O, ,GNYIS PA'I MTSAN NYID, GANG ZHIG SNGAR BZHIN
GZUGS MED DU SKYE BA BLANGS NAS 'DA' BA, GNYIS PA 'DOD PA'I RTEN
LA 'DA' BA'I PHYIR MI 'ONG DANG, MTHONG CHOS ZHI GNYIS DON GCIG
PAS, PHYIR MI 'ONG MTHONG CHOS BZHI'I [*ZHI'I]  MTSAN

NYID 'DOD PA'I SGOM SPANG DGU PA SPANGS SHING BCU DRUG PA THOB
PA'I NYAN THOS SLOB PA GANG ZHIG ,MTHONG LAM DANG POR THOB PA'I
RTEN DE NYID LA 'DA' BA, PHYIR MI 'ONG LUS MNGON BYED KYI MTSAN
NYID, 'GOG PA'I RNAM THAR RGYUD LA LDAN BZHIN PA'I NYAN

THOS SLOB PA, DBYE NA, 'DOD PA DANG GZUGS KYI RTEN CAN GNYIS,
DANG PO LA, KHAMS GONG MAR 'GRO BA DANG, 'DOD RTEN LA 'DA' BA
GNYIS TE, PHYI MA NI MTHONG CHOS ZHI YIN CING, DANG PO LA 'DI
NAS GZUGS MED DU 'GRO NA GZUGS MED NYER 'GRO

@5A *, ,DANG; 'GOG SNYOMS LAS NYAMS RJES SU GZUGS KHAMS SU 'GRO
NA GZUGS SU NYER 'GRO YIN NO, ,GZUGS KYI RTEN CAN GYI LUS MNGON
BYED LA GZUGS MED DU 'GRO DANG, RTEN DE LA 'DA' BA GNYIS SO,
,PHYIR

MI 'ONG TSE GYUR GYI MTSAN NYID 'PHAGS PA THOB RJES SU SKYE BA
GCIG BLANGS PA'I PHYIR MI 'ONG DE LA DBYE NA, 'DOD GZUGS GZUGS
MED KYI TSE GYUR GSUM, BZHI PA DE'I DGRA BCOM 'BRAS GNAS KYI
MTSAN NYID, GANG ZHIG SNGAR BZHIN, SRID RTZE'I

SGOM SPANG CHUNG NGU'I CHUNG NGU SPANGS PA'I NYAN THOS, RIGS KYI
SGO NAS DBYE NA, NYAMS PA'I DANG, BDAG GSOD PA'I DANG, RJES SU
BSRUNG BA'I DANG, GNAS PA LAS MI BSKYED PA'I DANG, RAB TU RTOGS
PA'I 'OS SU GYUR PA'I DANG, MI G-YO BA'I CHOS CAN TE DRUG GO  ,

DANG PO'I MTSAN NYID, NYAN THOS DBANG PO RTUL SHOS GANG ZHIG
,MTHONG CHOS LA BDER GANS KYI TING NGE 'DZIN LAS NYAMS PAR 'GYUR
NGES PA, GNYIS PA'I MTSAN NYID, DANG PO LAS DBANG PO RNO ZHING,
GSUM PA LAS DBANG PO BRTUL BA'I DGRA BCOM GANG

ZHIG ,RANG NYID KYIS RANG NYID GSOD NA DER MI 'GYUR ZHING MI GSOD
NA 'GYUR NGES PA, GSUM PA'I MTSAN NYID, 'DI DANG 'OG MA GNYIS LA
GANG ZHIG SKABS DANG MTHUN PAR GNYIS PA LTAR SBYAR RO, ,'DOD YON
LAS SEMS BSRUNGS NA DER MI

'GYUR ZHING MA BSRUNGS NA DER 'GYUR NGES PA, BZHI PA'I MTSAN
NYID, 'DOD YON LAS SEMS MA BSRUNGS KYANG DER MI 'GYUR ZHING,
DBANG PO'ANG MI 'PHO BA, LNGA PA'I MTSAN NYID, MI G-YO BA'I RIGS
SU DBANG PO 'PHO BAR RUNG BA, DRUG PA'I MTSAN

@5B NYID; NYAN THOS DGRA BCOM DBANG PO RNO SHOS GANG ZHIG ,MTHONG
CHOS LA BDER GNAS KYI TING NGE 'DZIN LAS NYAMS PAR 'GYUR MI SRID
PA, DBANG PO'I SGO NAS DBYE NA, DUS SBYOR DANG, DUS MIN SBYOR
GNYIS, DANG PO LNGA NI DANG PO YIN LA, DRUG PA NI GNYIS

PA'O; ;YON TAN GYI SGO NAS DBYE NA, SHES RAB KYI RNAM GROL DANG,
GNYIS KA'I CHA LAS RNAM GROL GNYIS TE, RIM PA LTAR 'GOG PA'I
SNYOMS 'JUG MA THOB PA DANG THOB PA'I NYAN THOS DGRA BCOM MO,
,SNGAR GYI MTSAN NYID DRUG NI KUN LAS BTUS

LTAR YIN NO, ,GSUM PA, NYAN THOS CIG CAR BA'I DGE 'DUN GYI MTSAN
NYID, ZHUGS PA'I RTOGS PA THOB PA'I NYAN THOS GANG ZHIG ,KHAMS
GSUM GYI SGOM SPANG CHEN PO'I CHEN PO GSUM CIG CAR DU SPANGS PA
DANG, SPONG BAR 'GYUR BA GANG RUNG

YIN PA, DBYE NA, ZHUGS 'BRAS GNYIS, DANG PO'I MTSAN NYID, NYAN
THOS CIG CAR BA'I DGE 'DUN GANG ZHIG ,RGYUN ZHUGS DANG DGRA BCOM
GYI 'BRAS BU GANG RUNG THOB PHYIR DU BRTZON PA, DBYE NA, ZHUGS
'BRAS GNYIS, DANG PO'I MTSAN NYID, NYAN

THOS CIG CAR BA'I DGE 'DUN GANG ZHIG ,RGYUN ZHUGS DANG DGRA BCOM
GYI 'BRAS BU GANG RUNG THOB PHYIR DU BRTZON PA, DBYE NA, DE'I
RGYUN ZHUGS ZHUGS PA DANG, DGRA BCOM ZHUGS PA GNYIS, DANG PO'I
MTSAN NYID, NYAN THOS CIG CAR BA'I ZHUGS

PA GANG ZHIG RGYUN ZHUGS KYI 'BRAS BU THOB PHYIR DU BRTZON PA,
GNYIS PA'I MTSAN NYID, GANG ZHIG DGRA BCOM GYI 'BRAS BU THOB
PHYIR DU BRTZON ZHING BCU DRUG PA THOB PA, DE'I 'BRAS GNAS KYI
MTSAN NYID, GANG ZHIG DANG PO BZHIN, BCU DRUG PA

@6A *, ,THOB PA, DBYE NA, RGYUN ZHUGS DANG, DGRA BCOM 'BRAS GNAS
GNYIS, DANG PO'I MTSAN NYID, NYAN THOS CIG CAR BA'I SLOB PA'I
'BRAS GNAS GANG ZHIG ,KHAMS GSUM GYI SGOM SPANG CHUNG NGU'I CHUNG
NGU GSUM CIG CAR SPONG BAR GYUR

PA DBYE NA TZAM KHYAD GNYIS, MTSAN NYID SNGA MA RNAMS KYIS 'GRE,
GNYIS PA'I MTSAN NYID, KHAMS GSUM GYI SGOM SPANG CHUNG NGU'I
CHUNG NGU GSUM CIG CAR SPANGS PA'I NYAN THOS, YANG NA, NYAN THOS
KYI DGE 'DUN LA DBYE NA, DE'I ZHUGS 'BRAS GNYIS,

DANG PO'I MTSAN NYID, 'BRAS BU BZHI GANG RUNG THOB PHYIR DU
BRTZON PA'I NYAN THOS GANG ZHIG ,KHYOD DU GYUR PA'I NYAN THOS
TSOGS LAM PA DANG, STAN GCIG MIN PA'I SBYOR LAM PA MI SRID PA
DBYE NA, ZHUGS PA BZHI, DANG PO'I MTSAN NYID, NYAN THOS KYI

ZHUGS PA BZHI'I YA GYAL GANG ZHIG ,RGYUN ZHUGS KYI 'BRAS BU THOB
PHYIR DU BRTZON PA, GNYIS PA'I MTSAN NYID PHYIR 'ONG GI 'BRAS BU
THOB PHYIR DU BRTZON PA'I NYAN THOS ZHUGS PA GANG ZHIG ,KHYOD DU
GYUR PA'I RGYUN ZHUGS ZHUGS PA MI SRID PA, GSUM PA'I

MTSAN NYID, PHYIR MI 'ONG GI 'BRAS BU THOB PHYIR SOGS GANG ZHIG
,KHYOD DU GYUR PA'I RGYUN ZHUGS ZHUGS PA DANG, PHYIR 'ONG ZHUGS
PA MI SRID PA, BZHI PA'I MTSAN NYID, DGRA BCOM GYI 'BRAS BU SOGS
GANG ZHIG ,KHYOD DU GYUR PA'I 'BRAS BU GSUM

PO GANG RUNG THOB PHYIR BRTZON PA MED PA, GNYIS PA DE'I 'BRAS
GNAS GYI MTSAN NYID, BCU DRUG PA THOGS PA'I NYAN THOS, DBYE NA,
RGYUN ZHUGS, PHYIR 'ONG, PHYIR MI 'ONG, DGRA BCOM 'BRAS GNAS
BZHI, DANG PO'I MTSAN NYID, NYAN THOS 'BRAS GNAS

@6B BZHI'I YA GYAL GANG ZHIG ,KHYOD DU GYUR PA'I PHYIR 'ONG
DANG 'DOD PA'I SGOM SPANG DGU PA SPANGS PA MED PA, GNYIS PA'I
MTSAN NYID, GANG ZHIG ,KHYOD DU GYUR PA'I RGYUN ZHUGS ZHUGS PA
DANG, 'DOD PA'I SGOM SPANG DGU PA SPANGS PA MED PA, GSUM PA'I

MTSAN NYID, 'DOD PA'I SGOM SPANG DGU PA SPANGS PA'I NYAN THOS
SLOB PA, 'BRAS GNAS, BZHI PA NI BSHAD ZIN,, ,,MKHAS PA'I MKHAS PA
BLO BZANG GRAGS PA'I DPAL GYIS SBYAR BA YIN,, ` ,,'DOD NYON

DRUG PA MA SPANGS PAR [*PA'I], ,SBYOR LAM STAN GCIG NAS BZUNG
STE, ,LAM LA RJES BZOD BAR DAG LA, ,GNAS PA DE NI RGYUN ZHUGS
ZHUGS, ,LAN BDUN PA LA SKYE 'PHAGS GNYIS, ,'PHAGS PA LA YANG
NGES MA NGES, ,RNAM GNYIS NYER BRGYAD SKYE NA

YANG; ;BDUN TSAN 'DRA PHYIR BDUN ZHES DANG, ,DANG POR THOB PA'I
RTEN DE LA, ,MYANG 'DAS MNGON DU BYED PA DE, ,GONG 'OG GNYIS KYI
GZHUNG RNAMS KYIS, ,SKU MCHED GNYIS KYIS DGONGS PAR BSGRUBS,
,NYON MONGS GSUM DANG SKYE BA GNYIS, ,

RIM BZHIN NGES SPANGS NGES PAR LEN, ,BZHI PA SPANGS DANG SKYE BA
NI, ,GSUM PA BLANGS DANG MA BLANGS 'DRA, ,SPANG BYA LNGA PA SKYE
BA BZHI, ,NGES PAR MA SPANGS MA BLANGS PA, ,RIGS NAS RIGS SKYE'I
KHYAD CHOS SU, ,MKHAS PA RNAMS KYIS RTOGS PAR

BYA; ;DRUG PA'I BAR SPONG BRTZON PA DANG, ,NGES PAR DRUG PA SPONG
BRTZON PA, ,PHYIR 'ONG ZHUGS YIN ZHES PA NI, ,GONG 'OG GNYIS KYI
LUGS SU BSHAD, ,PHYIR 'ONG BAR CHAD GCIG PA STE, ,NYON MONGS BDUN
NAM BRGYAD SPANGS SHING, ,TSE 'PHOS 'DOD

@7A *, ,LHA'I RTEN DAG LA, ,MYANG 'DAS MNGON DU BYED PAR BSTAN,
,GZUGS SU NYER 'GRO RNAM PA BCU, ,'DOD PA'I RTEN LA PHYE BA DANG,
,GNAS GTZANG SKYE RGYU SPEL SGOM LNGA, ,MKHAS PA'I DGONGS PA JI
BZHIN BSHAD, ,DGRA BCOM SPANGS

PA LDOG CES PA'I, ,BYE BRAG SMRA BA'I NGAN RTOG RNAMS, ,SANGS
RGYAS GNYIS PAS LUNG RIGS KYIS, ,LEGS PAR BKAG RNAMS RGYAS PAR
BKRAL, ,MANGS KYIS DOGS NAS SHES BYED RNAMS, ,RGYAS PAR MA BKOD
RANG 'GREL DANG, ,'GREL BSHAD

DGONGS PA TSUL BZHIN DU, ,PHYE BA YIN GYI SOM NYI DOR, ,THOD RGAL
BA LA RDZAS BDUN DANG, ,ZHUGS PA DANG PO RNAM PA GSUM, ,RGYUN
ZHUGS SOGS SU 'DOD PA YI, ,NGAN RTOG BKAG NAS THOD RGAL BA'I,
,'PHAGS PA RNAMS KYI SPANGS RTOGS DAG ,

MA NOR BSHAD NAS BDAG GZHAN RNAMS, ,MKHAS PA'I RJES SU KHRID NAS
NI, ,BLUN PO'I NGAN RTOG BRAL BAR BYAS, ,ZHUGS PA DANG GNAS PA'I
SKYES BU CHEN PO RNAMS KYI DKA' GNAS, SHAR TZONG KHA PA BLO
BZANG GRAGS PAS SBYAR BA'O,, ,,

AOm SVA STI, PHAN BDE'I 'BYUNG GNAS KUN MKHYEN SH'AKYA'I BSTAN,
,YONGS 'DU'I LJON PA YAR ZLA'I 'PHEL BAR 'GRAN, ,'GRO KUN BYANG
CHEN GO 'PHANG LA SPYOD PHYIR, ,MCHOD SBYIN 'DZAD MED BSTAN
'GRO'I GSOS SU SPEL,, SARVA MANG+GA LAm, ,

PAR 'DI DGA' LDAN PHUN TSOGS GLING DU BZHUGS,, ,,

@7B [BP]