@001A *, ,BDEN GNYIS KYI RNAM GZHAG DANG LTA BA'I KHRID YIG RIN PO CHE'I 'PHRENG BA BZHUGS SO, , @001B #, ,STONG PA RTEN 'BYUNG DON DU THUGS CHUD NAS, ,THUGS RJES GZHAN LA 'DOMS MDZAD BLA MA YI, ,ZHABS PAD BTUD NAS DE NYID ZAB MO'I DON, ,MDOR BSDUS TZAM ZHIG TSUL BZHIN BSHAD PAR BYA, ,DE LA 'DIR BDEN PA GNYIS MGON PO KLU SGRUB KYIS JI LTAR BKRAL BA DE NYID NGES PAR BYA BA LA, GZHI'I GNAS LUGS GTAN LA DBAB PA DANG, LAM BGROD PA'I RIM PA DANG, 'BRAS BU MNGON DU BYED PA'I TSUL LO, ,DANG PO LA BDEN GNYIS KYI MTSAN GZHI DANG, DBYE BA DANG, GCIG DANG THA DAD BRTAGS PA DANG, GRANGS NGES SO, ,DANG PO LA KUN RDZOB BDEN PA NI, PHUNG PO LA SOGS PA DON DAM BDEN PA MIN PA'I CHOS THAMS CAD DO, ,DON DAM BDEN PA GTAN LA DBAB PA LA, GZHI GANG GI STENG DU BKAG NA CHOS KYI BDAG MED DU 'JOG PA'I DGAG BYA'I CHOS BDAG NGOS BZUNG BA DANG, DE BKAG PA DON DAM BDEN PAR SGRUB PA DANG, DE NAS SGYU MA LTA BUR 'CHAR TSUL GYI DPE BSTAN PA'O, ,DANG PO NI, MDO LAS, RTOG PA'I DBANG GIS 'JIG RTEN RNAMS BTAGS TE, ZHES GSUNGS PA DANG, STONG NYID BDUN CU PA LAS, 'JIG RTEN MA RIG RKYEN CAN DU, ,GANG PHYIR RDZOGS PA'I SANGS RGYAS GSUNGS, ,DE YI PHYIR NA 'JIG RTEN 'DI, ,RNAM RTOG YIN ZHES CIS MI 'THAD, ,CES DANG, BZHI BRGYA PA LAS, RTOG PA MED PAR 'DOD CHAGS LA, ,SOGS LA YOD NYID YOD MIN NA, ,YANG DAG DON DANG RTOG PA ZHES, ,BLO DANG LDAN PA SU ZHIG 'DZIN, ,CES DANG, DE'I 'GREL PAR, RTOG PA YOD PA KHO NAS YOD PA @002A *, ,DANG, RTOG PA MED PAR YOD PA NYID MAD PA DE DAG NI THAG PA BSDOGS PA'I CHUN PO LA SGRUL LTAR RANG GI NGO BOS MA GRUB PAR NGES SO, ,ZHES GSUNGS PAS, 'JIG RTEN BTAGS PA TZAM GYIS YOD PAR GSUNGS PA'I LDOG PHYOGS NI BDEN PAR YOD PA DANG, YANG DAG PAR YOD PA DANG, RANG BZHIN GYIS YOD PA DANG, RANG GI MTSAN NYID KYIS DANG, RANG GI NGO BOS DANG, RANG DBANG GIS YOD PA ZHES BSNYAD DO, ,DE YANG MING GI THA SNYAD KYI DBANG GIS BZHAG PA TZAM MA YIN PA'I YOD PA STE, RTAG PA MTHA' BZUNG GI TSUL DU BDEN TSAD BZUNG BA'O, ,DE LA LHA SBYIN ZHES PA DANG, DE'I MIG DANG RNA BA ZHES SOGS KYI THA SNYAD MTHONG LA, THA SNYAD BTAGS PA TZAM GYIS MA TSIM PAR THA SNYAD 'JUG PA'I GZHI DE JI LTAR YIN SNYAM DU BTZAL BA NA, THA SNYAD 'JUG PA'I GZHI DE THA SNYAD DAM YIN ZHING, 'JUG GZHI'I NGOS NAS SDOD LUGS SU GRUB PA GANG YANG RUNG BA ZHIG RNYED NA, BDEN PAR GRUB PA DANG, RANG GI NGO BOS GRUB PA ZHES PA YIN LA, DE YOD NA GDAGS PA'I GZHI DANG RANG BZHIN GCIG DANG THA DAD GANG RUNG DU RNYED DGOS PA LA MA RNYED PAS RANG BZHIN MED DO, ,DES NA MING TZAM DANG BRDA TZAM DANG BTAGS PA TZAM DU BSHAD PA STE, DPER NA THAG PA BSDOGS PA'I CHUN PO LA SGRUL LO SNYAM DU BTAGS PA'I TSE THAG PA DE'I CHA SHAS RE RE BA DANG, TSOGS PA DANG, RGYUN DANG RGYUN CAN GANG YANG SPRUL GYI MTSAN GZHIR MI RUNG ZHING, SKABS DER DE LAS GZHAN YANG SPRUL GYI MTSAN GZHIR MI RUNG YANG, SBRUL DU BTAGS PA LTAR PHUNG PO'I TSOGS PA DANG, YA GYAL DANG, RGYUN DANG, RGYUN CAN GANG @002B YANG GANG ZAG GI MTSAN GZHIR MI RUNG LA, DE LAS RANG BZHIN GZHAN YANG MI RUNG BAS, PHUNG PO LA BRTEN NAS GANG ZAG TU BTAGS SHING GANG ZAG BYA BA BYED NUS SU YANG GNAS PA YIN NO, ,DPE DE GNYIS BTAGS TSUL MTSUNGS PA YIN GYI DPE LAS SKABS DER SGRUL GYI MTSAN GZHI GANG YANG MED PA DANG MI MTSUNGS TE, LHA SBYIN SOGS GANG ZAG GI MTSAN GZHIR RUNG BAS SO, ,'O NA LHA SBYIN GYI MTSAN GZHI GANG YIN SNYAM NA, DE YANG THA SNYAD BTAGS PA TZAM GYIS MA TSIM PA YIN PAS, DE LTAR BTZAL BA'I TSE LHA SBYIN YANG DPYOD BYED DE'I NGOR MI RNYED PAS SO, ,DE YANG LHA SBYIN RANG GI NGO BOS GRUB PA MA RNYED PA MA YIN GYI LHAS SBYIN MA RNYED PA MA YIN TE, DE NI THA SNYAD PA'I TSAD MAS RNYED DGOS PA'I PHYIR RO, ,LHA SBYIN ZHES PA'I THA SNYAD 'JUG PA'I GZHI DE JI LTAR YOD BTZAL BA'I TSE MI RNYED NA DE YE MED DU 'GYUR RO ZHE NA, DE NI RTZA SHE LAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,CES PA'I RTZOD PA DE NYID 'ONG BA YIN PAS, ,BZHI BRGYA BA'I 'GREL PAR, DNGOS PO DANG DNGOS POR YOD PAR SMRA BA DE'I LTAR NA, JI LTAR NYID DNGOS PO DE'I YOD PA DE SRID DU RANG GI NGO BO YANG YIN LA, RANG GI NGO BOS MED NA RI BONG GI RVA DANG 'DRA BAR 'GYUR BAS, DE'I MNGON PAR 'DOD PA THAMS CAD 'GRIG DKA' BAR 'GYUR RO ZHES GSUNGS PAS, RANG GI NGO BOS MED NA GTAN MED DANG, YOD NA RANG GI NGO BOS YOD PAR 'DOD PA LA, BDEN PA GNYIS KYI RNAM GZHAG BYAS PA RNAMS MED DE KUN RDZOB RANG LUGS LA KHAS BLANGS NA DON DAM BDEN PA KHAS BLANGS SA MED, DE KHAS BLANGS NA CIG SHOS KHAS BLANGS SA MED PA'I PHYIR RO, ,DES NA MGON PO KLU SGRUB KYIS, CHOS RNAMS STONG PA 'DI SHES NAS, ,LAS @003A *, ,DANG 'BRAS BU BSTAN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, ,ZHES GSUNGS PA LTAR, CHOS RNAMS LA RANG GI NGO BOS GRUB PA RDUL TZAM YANG MED PA DANG, BYA BYED KYI RNAM GZHAG THAMS CAD 'THAD PA GNYIS TSOGS RANG LUGS LA 'THAD PA STE, CHOS RNAMS LA RANG GI NGO BOS GRUB PA MA KHEGS NA, BDEN 'DZIN GYI DMIGS GTAD BYAS MED PAR MI 'GYUR BAS, DON DAM PA'I BDEN PA SKYON MED BZHAG SA MI 'ONG LA, RANG GI NGO BOS GRUB PA KHEGS PA'I LUGS SU BYAS NAS BYA BYED BZHAGS MA BYUNG NA CHOS THAMS CAD LA SKUR BA 'DEBS PA'I CHAD LTAR 'GYUR BAS SO, ,DES NA RGYU 'BRAS RANG LUGS LA TSAD MAS GRUB PA DANG, DE YANG RANG GI NGO BOS GRUB PA KHO NA LA BZHAG DGOS PAR MTHONG BA'I GNYIS TSOGS LA MKHAS PA BYUNG NA BDEN GNYIS KYI RNAM GZHAG LA MKHAS PA ZHES BYA BA'I GRANGS SU 'GRO BA YIN NO, ,SNGAR STONG NYID BDUN CU PA'I LUNG DRANGS PA LTAR, 'JIG RTEN NYER LEN GYI PHUNG PO LNGA NI GANG ZAG DANG PHUNG PO LA BDEN PAR ZHEN PA'I NYON MONGS CAN GYI MA RIG PA LAS BYUNG LA, DES PHUNG PO RANG GI NGO BOS GRUB PAR BTAGS SHING ZHEN PA'I SGO NAS LAS BSAGS NAS BSKYED LA, DES BTAGS PA LTAR GRUB PA BKAG PA NA, PHUNG PO MING GI THA SNYAD KYIS BZHAG PA TZAM RTOG BTAGS SU KHONG DU CHUD PAR 'GYUR RO, ,GNYIS PA NI, ,GANG ZAG GI BDAG 'DZIN DANG, CHOS KYI BDAG 'DZIN GYIS JI LTAR BTAGS PA LTAR GRUB PA BKAG PA NI DON DAM BDEN PA STE, DE LA DMIGS TE SGOMS PAS NYON MONGS PA DANG SHES BYA'I SGRIB PA'I SA BON MTHA' DAG ZAD PAR 'GYUR BA'I PHYIR, DE YANG GANG ZAG GI BDAG 'DZIN GYIS GANG ZAG DE LA DMIGS NAS RANG GI NGO @003B BOS YOD PAR BZUNG LA, CHOS KYI BDAG 'DZIN GYIS GZHI PHUNG PO LA DMIGS NAS RANG GI NGO BOS GRUB PAR BZUNG NGO, ,GANG ZAG DANG PHUNG PO RANG GI NGO BOS YOD PA BKAG TZAM DE LA DON DAM BDEN PA ZHES BYA'O, ,RANG GI NGO BOS GRUB PA KUN RDZOB TU YOD PA YIN GYI, DE YOD NA BDEN GRUB TU JI LTAR 'GYUR ZHE NA, THA SNYAD DU YOD PA'I LDOG PHYOGS KYI YOD PA DON DAM DU YOD PA YIN PAS, THA SNYAD DU YOD PA'I DON NI MING GI THA SNYAD KYIS BZHAG PA'I YOD PA TZAM YIN GYI ,THA SNYAD 'JUG PA'I GZHI JI LTAR YOD BTZAL NA MI RNYED PA YIN PAS RANG GI MTSAN NYID KYIS YOD NA THA SNYAD 'JUG PA'I GZHI JI LTAR YOD BTZAL BA'I TSE DPYOD BYED KYI NGOR RNYED PAS KHYAB PA'I PHYIR, GSUM PA NI, CHU ZLA DANG RMI LAM DANG SGYU MA LA SOGS PA LTAR RANG GI NGO BOS MA GRUB BZHIN DU RANG GI NGO BOS GRUB PAR SNANG BAS SNANG STONG GNYIS TSOGS KYI SGYU MA LTA BU ZHES BYA'O, ,DPER NA ME LONG GI NANG DU BYAD BZHIN GYI GZUGS BRNYAN SHAR BA'I TSE GZUGS BRNYAN GYI CHA 'DI BYAD BZHIN DU SNANG LA CHA GZHAN BYED BZHIN DU MI SNANG BA'I KHYAD PAR CUNG ZAD KYANG MED PAR CHA THAMS CAD KYI THAMS CAD DU BYAD BZHIN GYI CHA DE DANG DER SNANG LA, SDED LUGS LA GZUGS BRNYAN GYI CHA GANG DU YANG MA GRUB PA LTAR SNGON PO LTA BU DE 'DZIN DBANG SHES LA RANG GI NGO BOS GRUB PAR MI SNANG BA'I CHA CUNG ZAD TZAM MED KYANG, RANG GI NGO BOS GRUB PA'I CHA YANG CUNG ZAD TZAM MED PAS SGYU MA LTA BU STE, DE BZHIN DU THAMS CAD LA SHES PAR BYA'O, ,ME LONG NANG GI BYAD BZHIN GYI GZUGS BRNYAN BYAD BZHIN DU MA GRUB PAR RGAN PO BRDA BYANG GI THA SNYAD PA'I TSAD MAS KYANG GRUB LA, DE NI RDZUN PA RAGS PA TZAM ZHIG KHONG DU CHUD PA YIN GYI PHRA MO KHONG DU CHUD PA NI @004A *, ,MA YIN NO, ,DE LA NI, BYAD BZHIN DU SNANG BA DE NYID RANG GI NGOS NAS TSUGS THUB TU GRUB PAS STONG PAR RTOGS DGOS LA, DE LTAR RTOGS NAS BYAD BZHIN DU SNANG BA LA BLTAS PA'I TSE YANG TSUGS THUB TU SNANG LA, DE NYID SNANG BA LTAR THA SNYAD DU TSUGS THUB TU GRUB BO SNYAM NA, DE NI THA SNYAD DU RANG MTSAN KHAS LEN PA'I PHYOGS YIN PAS 'DIR DE MI 'DOD DO, ,SHER PHYIN GYI MDO LAS, GZUGS STONG PA'O, ,STONG PA NYID GZUGS SO, ,ZHES GSUNGS PA'I DON, GZUGS RANG GI NGO BOS GRUB PAS STONG PAR KHONG DU CHUD PA'I TSE DE'I BYED PA MA NYAMS PA'I NGANG NAS GZUGS LA SDOD LUGS JI LTAR YOD BLTAS PA'I TSE GZUGS RANG GI NGOS NAS NAM MKHA' LA 'JA' YAL BA LTAR SONG NAS, RANG GI NGO BOS GRUB PA CUNG ZAD KYANG MED PA GCIG LA GZUGS SU BTAGS PAR ZAD 'DUG SNYAM PA DANG, DE 'DRA ZHIG THA SNYAD PA'I BLO LA SNANG BA'O SNYAM DU SHES SHING, BSKYED BYA SKYED BYED LA SOGS PA'I BYA BYED THAMS CAD DE 'DRA ZHIG KHO NA LA BZHAG DGOS PAR TSAD MAS LEGS PAR KHONG DU CHUD PA ZHIG BYUNG NA DBU MA THAL 'GYUR BA'I LTA BA RTOGS PA ZHES BYA BA'I GRANGS SU 'GRO BAR SHES PAR BYA'O, ,DE LTAR BRTAGS PA'I TSE GZUGS RANG GI NGOS NAS GRUB PA'I BLO RTZE GTAD PA ZHIG BYUNG NA, DA DUNG STONG PA RTEN 'BYUNG GI DON DU KHONG DU CHUD PA MA YIN NO, ,GNYIS PA NI, 'JUG PA LAS, RAB RIB MTHU YIS SKRA SHAD LA SOGS PA'I NGO BO LOG PA GANG ZHIG RNAM BTAGS PA, ZHES SOGS DANG, SPYOD 'JUG LAS, DON DAM BLO YI SPYOD YUL YIN, ,BLO NI KUN RDZOB YIN PAR 'DOD, ,CES GSUNGS PA RNAMS DON GCIG PAS, DE'I DON RKANG PA SNGA MA @004B BSGRUB BYAR BYAS NAS, RKANG PA PHYI MA SGRUB BYED DU BYED PA MA YIN NO, ,DE NI DON DAM BDEN PA SHES BYA MA YIN PAR 'DOD PA'I LUGS YIN LA PHYIN CI LOG TU SHES PAR BYA'O, ,DE'I BLO ZHES PA YUL RGYANGS CHAD DU SNANG BA'I GNYIS SNANG CAN GYI BLO LA BYA LA, DON NI RANG BZHIN GYIS STONG PA DON DAM BDEN PAR MTSON PA LA, SHES BYA GANG ZAG GI RANG 'JAL BA'I MNGON SUM TSAD MA DE LA RANG NYID GNYIS SU SNANG BA'I SGO NAS RTOGS PAR BYA BA MA YIN PA ZHES BYA LA, SHUGS LA RANG 'JAL BA'I MNGON SUM TSAD MAS CHU LA CHU BZHAG PA'I TSUL GYIS RTOGS BYA YIN PAR GO NUS SO, ,SANGS RGYAS KYI MNYAM GZHAG YE SHES DES JI LTA BA GNYIS SNANG NUB PA'I TSUL GYIS 'JAL YANG JI SNYED PA GNYIS SNANG GI TSUL DU 'JAL BAS, DON DAM BDEN PA 'JAL BA'I MNGON SUM TSAD MA LA GNYIS SNANG MED PAS KHYAB PA MA YIN NO, ,KUN RDZOB BDEN PA'I MTSAN NYID NI, RANG NYID DNGOS SU RTOGS PA'I TSAD MA DE LA RANG NYID GNYIS SU SNANG BA'I SGO NAS RTOGS PAR BYA'O, ,DES NA SANGS RGYAS KYI JI LTA BA MKHYEN PA'I YE SHES DES DON DAM BDEN PA CHU LA CHU BZHAG GI TSUL DU RTOGS LA, KUN RDZOB BDEN PA RANG LAS THA DAD DU SNANG BA'I SGO NAS RTOGS PAR BYA BA YIN NO, ,DON DAM BDEN PA 'JAL BA'I YUL CAN LA, RNAM GRANGS PA'I DON DAM DANG, RNAM GRANGS MA YIN PA'I DON DAM GNYIS YOD PA'I DBANG GIS DON DAM BDEN PA YANG BLO NGO LA LTOS NAS GNYIS SU DBYE BA YIN GYI, RIG SHES RJES DPAG GI GZHAL BYAR GYUR PA'I MYU GU BDEN MED LTA BU RNAM GRANGS PA'I DON DAM BDEN PA YIN GYI, DON DAM BDEN PA MTSAN NYID PA MA YIN PAR SMRA BA NI RNAM PA THAMS CAD DU MI RIGS PAR SHES PAR BYA'O, ,DES NA @005A *, ,RIG SHES RJES DPAG DES BDEN PA'I SPROS PA CHOD KYANG RTAGS KYI DGAG BYA SNANG BA DANG DON DAM BDEN PA GNYIS SU SNANG BA'I SPROS PA MCHOD PAS RNAM GRANGS PA'I DON DAM PA ZHES BYA LA, 'PHAGS PA'I MNYAM GZHAG GI NGOR SPROS PA DE DAG RNAM PA THAMS CAD DU LOG PAS RNAM GRANGS PA MA YIN PA'I DON DAM PA ZHES BYA'O, ,DES NA DON DAM BDEN PA BLO NGO GNYIS LA LTOS NAS RNAM GRANGS PA DANG, RNAM GRANGS PA MA YIN PA'I DON DAM BDEN PA ZHES BYA'O, ,KUN RDZOB BDEN PA LA GNYIS SU PHYE BA YANG, THA SNYAD PA'I BLO NGO LA LTOS NAS YANG DAG KUN RDZOB DANG LOG PA'I KUN RDZOB CES BSNYAD PA YIN GYI, DBU MA PA RANG GI LUGS LA, BUM SOGS YANG DAG KUN RDZOB TU GRUB PA MA YIN TE, BDEN PAR GRUB PA THA SNYAD DU YANG MI BZHED PA'I PHYIR RO, ,DES NA BUM PA DANG SNAM BU LA SOGS PA STONG NYID MA RTOGS PAR DE SNANG DANG DE RTOGS KYI TSOGS PA THA SNYAD PA'I MNGON SUM TSAD MAS RTOGS MI NUS PA'I RIGS SU GNAS PA DE DAG NI, 'JIG RTEN PA'I BLO KUN RDZOB PA'I NGOR BDEN PAR GRUB PA ZHES BSNYAD LA, ME LONG NANG GI BYAD BZHIN GYI GZUGS BRNYAN SOGS SNGA MA DE DAG LAS LOG STE RTOGS NUS PA'I RIGS SU GNAS PA DE DAG NI 'JIG RTEN PA'I BLO KUN RDZOB PA'I NGOR RDZUN PA ZHES BSNYAD DO, ,BZHI PA NI, 'JUG PA LAS, DNGOS KUN YANG DAG RDZUN PA MTHONG BA YIS, ,DNGOS RNYED NGO BO NYID NI 'DZIN PAR 'GYUR, ,ZHES PHYI NANG GI DNGOS PO RNAMS NGO BO GNYIS GNYIS 'DZIN PAR GSUNGS TE, THA SNYAD PA'I TSAD MAS RNYED PA'I NGO BO DANG, DON DAM PA'I TSAD MAS RNYED PA'I NGO BO YOD LA, NGO BO THA DAD @005B YIN NO, MDO SDE DGONGS 'GREL LAS GNOD BYED BZHI BRKOD PA SOGS KYIS GNOD PAS NGO BO GCIG ,SDOG PA GCIG YIN NA DER BSHAD PA'I GNOD BYED BZHI 'BA' BAS NGO BO GCIG LA LDOG PA THA DAD YIN GYI ,BDEN BA'I GCIG DANG THA DAD TZAM LAS GROL BAR SMRA BA NI DBU MA RANG LUGS LA KHAS BLANG RGYU CUNG ZAD KYANG MED PAR 'DOD PA'I LUGS YIN PAS RNAM PA THAMS CAD DU MI RIGS PAR SHES PAR BYA'O, ,LNGA PA NI, SHES BYA TZAM GZHIR BYAS PA LA, BSLA BA'I DON CAN DANG, MI SLU BA'I DON CAN GNYIS GCIG RNAM PAR BCAD PA NA CIG SHOS YONGS SU GCOD DGOS LA, GCIG YONGS SU GCOD PA NA CIG SHOS RNAM PAR BCAD DGOS PAS BDEN PA GNYIS SU GRANGS NGES PA YIN NO, ,DON DAM BDEN PA ZHES PA'I TSIG ZUR GYI BDEN PA ZHES PA MI SLU BA'I DON YIN GYI BDEN PAR GRUB PA'I DON MA YIN NO, ,DE YANG RANG GIS 'JAL BA'I MNGON SUM TSAD MA LA RANG GI SDOD LUGS LAS LOG PAR SNANG NAS YONGS SU 'KHRID CING 'KHRUL PA MI SRID LA, SNAM BU SOGS LA DE LTA BU YOD PA'I PHYIR RO, ,MDOR BSDU NA GZHI'I LTA BA GTAN LA 'BEBS PA'I TSE, MTSAN 'DZIN GYI DMIGS GTAD RDUL TZAM YANG MED PAR RTOGS PA DANG, BYA BYED THAMS CAD 'THAD CING, DE YANG TSAD MA'I LAM NAS LEGS PAR 'DREN NUS PA ZHIG BYUNG NA, GZHI'I LTA BA MTHAR THUG GTAN LA KHEBS ZHES BYA BA YIN GYI, BUM SNAM SOGS RANG LUGS LA KHAS BLANGS NA MTSAN 'DZIN GYI DMIGS GTAD BZHAG PA'I DON DAM BDEN PA RANG LUGS LA BZHAGS MI 'ONG LA DE BZHAG NA KUN RDZOB BDEN PA RANG LUGS LA KHAS BLANGS SA MED PA'I .THAGS MKHAN GYI RKANG PA BZHIN DU @006A *, ,SONG NA LTA BA'I PO LA SA CHEN PO LA GNAS PAR SHES PAR BYA'O, ,GNYIS PA NI, RTZA BA SHES RAB KYI DGONGS 'GREL GYI SNGA 'GREL DU, TSIGS GSAL LAS, MGON PO KLU SGRUB KYIS, DBU MA LA 'JUG PA'I MCHOD BRJOD KYI SKABS SU BSTAN PA'I LAM GYI RIM PA THOG MAR MNGON DU MDZAD NAS, MTHAR SHES RAB KYI PHA ROL TU PHYIN PA'I TSUL PHYIN CI MA LOG PAR THUGS SU CHUD PAR GSUNGS PA LTAR, TSOGS SBYOR GYI SKABS SU SNYING RJE CHEN PO RNAM PA GSUM DANG, DES KUN NAS BSLANGS PA'I KUN RDZOB BYANG CHUB KYI SEMS DANG, MTHA' GNYIS DANG BRAL BAR RTOGS PA'I GNYIS SU MED PA'I BLO GSUM POS LAM GYI GZHI BZUNG NAS, 'BRAS BU'I SKABS KYI YE SHES SDE CHAN NYER GCIG GI RIGS MA LUS PA NYAMS SU BLANGS, DE NAS SA BCU'I SKABS SU SBYIN PA LA SOGS PA'I PHA ROL TU PHYIN PA BCU RDZOGS PAR BYAS NAS LAM BGROD PA YIN TE, RIGS PA DRUG CU PA'I BSNGO BA'I SKABS DANG, RTZA BA SHES RAB KYI MDOR BSTAN RGYAS BSHAD KYI SKABS SU BSTAN PA LTAR, PHUNG PO DANG GANG ZAG CHOS CAN, RANG BZHIN GYIS STONG STE, RTEN 'BREL YIN PA'I PHYIR, CES PA'I GTAN TSIGS GCIG PO DE'I RTAGS KUN RDZOB KYI BDEN PA DANG, BSGRUB BYA DON DAM PA'I BDEN PA YIN ZHING, DE DAG TSAD MAS RTOGS PA NA GZHI BDEN GNYIS GTAN LA PHEBS PA YIN LA, PHYOGS CHOS RTOGS PA'I BLO DE NYID RGYAS PAR NA, RTEN 'BREL GYI 'DOR LEN TSUL BZHIN BYED PA'I BLOR 'GYUR ZHING, DE GOMS PA LAS THABS BSOD NAMS KYI TSOGS SU 'GYUR RO, ,THABS LAS BYUNG BA BSGRUB BYA RTOGS PA'I BLO DE NYID SNGAR GYI @006B THABS KYIS BRGYAN NAS GOMS PAR BYAS PA LAS YE SHES KYI TSOGS SU 'GYUR LA, LAM TSOGS GNYIS GOMS PAR BYAS PA LAS 'BRAS BU CHOS SKU DAM PA DANG, GZUGS SKU DAM PA GNYIS THOB PAR 'GYUR BA YIN NO, ,GZHI BDEN GNYIS ZUNG DU 'JUG PA DE 'PHYUGS NA, LAM TSOGS GNYIS DANG, 'BRAS BU SKU GNYIS 'PHYUGS PA YIN PAS, RTEN 'BREL RANG LUGS LA KHAS MI LEN PA DANG, MNYAM GZHAG NA BLO MED PA DANG, GZUGS SKU GDUL BYA'I GZHAN SNANG KHO NA LA SKYEL BA SOGS 'BYUNG BA YIN NO, ,SNGAR GONG DU BSHAD PA'I DGAG BYA PHRA MO BKAG PA'I STONG PA NYID DON DAM BDEN PA DE MA RTOGS PAR NYAN THOS DANG RANG RGYAL RNAMS KYIS KYANG SRID PA LAS GROL MI NUS PA MGON PO KLU SGRUB KYI DGONGS PA YIN PAR SLOB DPON SANGS RGYAS BSKYANGS DANG, ZHI BA LHA DANG ZLA BA GRAGS PA SOGS BZHED DO, ,KHA CIG NYAN THOS LA CHOS KYI BDAG MED RTOGS PA YOD PAR KHAS LEN BZHIN DU, GANG ZAG DANG PHUNG PO BDEN 'DZIN SHES SGRIB TU BYED PA NI MTHA' LEGS PAR MCHOD PA YIN TE, BDEN STONG MNGON SUM DU RTOGS PA DANG, RTOGS ZHIN GOMS PAR BYAS BZHIN DU BDEN 'DZIN KUN BRTAGS DANG LHAN SKYES GANG GI YANG SA BON MI SPONG BAR 'DOD PA NI RIGS PA'I LAM LAS 'DAS PA YIN NO, ,YANG NA DE DAG GIS KYANG SHES SGRIB KYI SA BON SPANGS PAR KHAS LEN DGOS SO, ,DES NA BDEN 'DZIN NYON SGRIB DANG, DE YANG NYAN THOS DGRA BCOM PA DANG, SA BRGYAD PA THOB PA NA ZAD PAR SPANGS PA YIN NO, ,BDEN 'DZIN GYI BAG CHAGS DANG, DNGOS PO BDEN PAR SNANG BA'I GNYIS SNANG 'KHRUL PA'I CHA SHES SGRIB TU BZHED LA, NYON MONGS PA'I BAG CHAGS YIN NA NYON MONGS PA'I SA BON YIN MI DGOS SO, ,GSUM PA NI, ,'BRAS BU'I DUS NA MNYAM @007A *, ,RJES 'GAL MI 'GAL DPYAD PA DANG, GZUGS KYI SKU JI LTAR 'GRUB PA'I TSUL GNYIS KYIS SHES PAR BYA'O, ,DANG PO NI, SLOB LAM NA KUN RDZOB DANG DON DAM PA'I BDEN PA GNYIS GCIG MNGON SUM DU RTOGS PA'I BLO DE NYID KYIS CIG SHOS MNGON SUM DU RTOGS MI NUS PAS MNYAM GZHAG DANG RJES THOB GZHI MTHUN DU 'DUR MI RUNG BA YIN NO, ,DE YANG BDEN GNYIS NGO BO THA DAD DU 'DZIN PA'I DRI MA ZAD PAR MA SPANGS PA LAS YIN NO, ,SA BCU RGYUN GYI THA MA'I BAR CHAD MED LAM GYI TSE STONG NYID LA MNYAM PAR BZHAG BZHIN PA'I NGANG NAS DE'I SKAD CIG GNYIS PA LA CHOS KYI SKU MNGON DU BYED PA YIN LA, DE'I TSE SHES SGRIB ZAD PAR SPANGS PA'I STOBS KYIS JI LTA BA MNGON SUM DU MKHYEN PA'I BLO DE NYID KYIS SHES BYA JI SNYED PA THAMS CAD LAG MTHIL DU SKYU RU RA BZHAG PA LTAR MNGON SUM DU RTOGS LA, DES KYANG JI LTA BA MNGON SUM DU RTOGS PAS JI LTA BA DANG JI SNYED PA MKHYEN PA GNYIS GZHI MTHUN DU 'DU BA YIN NO, ,SHES BYA JI SNYED PA RTOGS PA'I CHA NAS RJES LA THOB PA ZHES BYA'I, MNYAM GZHAG LAS NGO BO THA DAD PA'I RJES THOB NI MED DO, , SA BCU RGYUN MTHA'I BAR CHAD MED LAM GYI DUS NA GNAS NGAN LEN GYI DRI MA PHRA MO MED KYANG DE SPANGS PA'I RNAM GROL LAM MA SKYES PAS ZAD PAR SPANGS PA MA YIN NO, ,GANG DAG DE'I DUS NA GNAS NGAN LEN GYI DRI MA PHRA MO MED NA RDZOGS PA'I SANGS RGYAS SU 'GYUR SNYAM NAS YOD PAR 'DOD CING, MTHONG LAM CHOS BZOD PAR CHAD MED LAM GYI DUS NA RANG GI NGOS SKAL GYI SPANG BYA DE'I SA BON MED PAR 'DOD PA NI, SPANG BYA DGAG 'GYUR GYIS SPONG BA DANG, SKYE 'GYUR GYIS SPONG BA'I GRUB MTHA' 'GAL BA GZHI MTHUN DU KHAS LEN PA YIN NO, ,GNYIS PA @007B NI, SA BCU RGYUN GYI THA MA'I GNAS SKABS KYI MTSAN DPES SPRAS PA'I SKU DE NYID KYI RIGS 'DRA PHYI MA'I DRI MA MTHA' DAG ZAD PA'I TSE LONGS SPYOD RDZOGS PA'I SKUR 'GYUR BA YIN NO, ,YE SHES KYI CHOS KYI SKU DANG, LONGS SPYOD RDZOGS PA'I SKU GNYIS DNGOS RGYU TSOGS PA TSAR GCIG LA RAGS LAS KYI 'BREL PA GRUB PA YIN LA, DUS CIG CAR DU MNGON DU BYED PA YIN NO, ,MCHOG GI SPRUL PA'I SKU MNGON DU BYED PA'I NUS PA DUS MNYAM DU THOB KYANG MNGON DU 'GYUR BA NA LONGS SPYOD RDZOGS PA'I SKUS BDAG RKYEN MDZAD PA LA LTOS PA YIN NO, ,SANGS RGYAS KYI YE SHES DE NYID LONGS SPYOD RDZOGS PA'I SKU DANG MCHOG GI SPRUL PA'I SKUR SHAR BA YIN GYI, RDUL PHRA RAB BSAGS PA'I NGO BO NI MA YIN NO, ,SANGS RGYAS RANG RGYUD KYIS BSDUS PA'I SKU GSUM MED PAR GZUGS SKU GDUL BYA'I SNANG NGO KHO NA LA 'JOG PA NI BSOD NAMS KYI TSOGS RDZOGS PA 'BRAS BU MED PA LA SOGS PA'I GNOD PA SHIN TU MANG ZHING, GZHI'I LTA BA GTAN LA 'BEBS PA'I TSE RTEN 'BREL RANG LUGS LA KHAS BLANG BA MED PAR GZHAN NGO KHO NA LA SKYEL BA SOGS KYIS NONGS PA YIN NO, , DES NA GZHI'I BDEN PA GNYIS ZUNG DU 'JUG PA DANG, LAM TSOGS GNYIS ZUNG DU 'JUG PA DANG, 'BRAS BU CHOS GZUGS GNYIS ZUNG DU 'JUG PA'I TSUL RIGS PA'I LAM NAS DRANGS PA, DBU MA PA RANG GI LUGS LA GRUB PA'I TSUL LA MKHAS PAR BYA'O, 'PHAGS MCHOG BYE BAS BGROD PA'I LAM BZANG PO, ,GSUNG RAB KUN GYI SNYING PO ZLA MED PA, ,KLU SGRUB ZHABS KYI BZHED PA DRI MED PA, ,SLOB DPON GSUM GYIS JI LTAR BKRAL BA LTAR, ,RJE BTZUN BLA MA'I GSUNG ZER 'BA' ZHIG LAS, ,RIGS PA SMRA BA DAR MA RIN CHEN GYIS @008A *, ,LUNG RIGS MCHOG TU GZHOL BA'I BLO GROS CAN, ,RIN CHEN CHOS RGYAL CHED DU SBYAR BA YIN, ,'DIR 'BAD DGE BA RAB DKAR DRI MED DES, ,'GRO KUN RTEN 'BYUNG ZAB MO'I DON RTOGS NAS, ,MI SHES MUN PA'I TSOGS RNAMS RAB BCOM STE, ,YE SHES MCHOG GI SNANG BA RGYAS PAR SHOG ,'DIS BSTAN PA RIN PO CHE SGO THAMS CAD DU DAR ZHING RGYAS LA YUN RING DU GNAS PAR GYUR CIG, ,,BLA MA DAM PA'I ZHABS LA PHYAG 'TSAL LO, ,LHAG MTHONG SGOM PA LA BZHI, LHAG MTHONG GI TSOGS, RAB DBYE, JI LTAR SGOM PA'I TSUL, BSGOM PAS GRUB PA'I TSAD DO, ,DANG PO NI, DE KHO NA NYID KYI DON DRI MA MED PA'I RIGS PA'I LAM NAS DRANGS TE STON PA LA BZO BA'I DGE BA'I BSHES GNYEN NI THUN MONG MA YIN PA NYID YIN TE, RGYAL BA'I GSUNG RAB KYI GRANGS NGES 'BYED PA LA TSAD MAR GYUR PA'I SHING RTA CHEN PO ZHIG GI RJES SU 'BRANGS NAS NGES DON GYI DON LA DPYAD DE SGOM PA'I PHYIR RO, ,GNYIS PA NI, JI SNYED PA LA DMIGS TE SGOM PA RNAM PAR 'BYED PA DANG, JI LTA BA LA DMIGS PA RAB TU RNAM PAR 'BYED PA'O, ,DE GNYIS RE RE LA YANG, DON RAGS PA LA YONGS SU DPYOD PA DANG, PHRA BA RNAM PAR PHYE STE YONGS SU DPYOD PA GNYIS SO, ,GSUM PA LA GSUM, GRANGS NGES PA, GO RIMS NGES PA, SGOM TSUL DNGOS SO, ,DANG PO NI, RAB TU RNAM PAR 'BYED PA LA, GANG ZAG DANG CHOS LA BDAG MED PA GNYIS SU GRANGS NGES SO, ,GNYIS PA NI, DGAG GZHI GANG ZAG GI STENG DU DGAG BYA GANG ZAG GI BDAG DANG, DE RNAM PAR BCAD PA GANG ZAG GI BDAG MED PA DANG, DGAG GZHI PHUNG POS STENG @008B DU DGAG BYA CHOS KYI BDAG DANG, DE RNAM PAR BCAD TZAM CHOS KYI BDAG MED PA GNYIS LA PHRA RAGS MI 'ONG YANG, NGES DKA' SLA YOD PAS GANG ZAG GI BDAG MED THOG MAR BSGOMS NAS, DE NAS CHOS KYI BDAG MED SGOM PA'I RIM PA NGES TE, JI LTAR KHYOD KYIS BDAG GI 'DU SHES NI, ,SHES PA DE NI KUN LA BLOS SBYAR BYA, ,ZHES SO, ,GSUM PA LA GNYIS, GANG ZAG GI BDAG MED SGOM PA DANG, CHOS KYI BDAG MED SGOM PA'O, ,DANG PO LA GNYIS, NGA RANG BZHIN MED PAR SGOM PA DANG, NGA YI BA RANG BZHIN MED PAR SGOM PA'O, ,DANG PO LA GNYIS, MNYAM GZHAG NAM MKHA' LTA BU'I RNAL 'BYOR DANG, RJES THOB SGYU MA LTA BU'I RNAL 'BYOR RO, ,DANG PO LA BZHI, NGA'O SNYAM PA'I BLO LHAN SKYES LA KHYAD GZHI NGA'I RNAM PA LEGS PAR SHAR NAS NGA SNANG BAR BYED PA'I GNAD SHES PA DANG, SNANG TSUL DER GRUB NA GCIG DANG THA DAD LAS PHUN GSUM MI SRID PAS NGA DANG NGA'I PHUNG PO GNYIS SNANG TSUL LTAR RANG BZHIN GYIS GRUB NA, RANG BZHIN GYIS GRUB PA'I GCIG DANG ZLA BCAS KYI THA DAD GANG RUNG DU NGES PA'I KHYAB PA NGES PA DANG, NGA DANG BA'I PHUNG PO GNYIS RANG BZHIN GYIS GRUB PA'I GCIG DANG THA DAD MA YIN PAR NGES PA'I PHYOGS CHOS NGES PA DANG, DGAG GZHI LA DGAG BYA RNAM PAR BCAD PA RTAGS KYI BSGRUB BYA NGES PAR BYED PA GCIG DANG DU BRAL GYI RTAGS SO, ,DANG PO NI, SPYIR NGA'O SNYAM PA'I BLO LA BDON STENG NAS GRUB PA LTA BU ZHIG SNANG LA, DE'I RJES SU PHUNG PO LNGA'I RNAM PAR 'CHAR, YANG NA BLO DE LA GDAGS GZHI PHUNG PO LNGA'I RNAM PAR SHAR NAS, DE'I RJES SU NGA? DE LTAR DU SNANG YANG BLO RANG NYID LA NGA DANG DUS MNYAM DU SNANG TSUL DE DANG, SNANG TSUL ZHEN DON DU BYAS PA'I 'DZIN PA MED NA, BDEN @009A *, ,'DZIN LHAN SKYES SU MI 'GYUR RO, ,NGA'O SNYAM PA'I BLO LHAN SKYES LA NI NGA'I KHYAD CHOS GANG YANG MI SNANG LA, GDAGS GZHI DANG GCIG DANG THA DAD GANG GI YANG RNAM PA MI 'CHAR BAR, KHYAD GZHI NGA DE SGRA SPYI TZAM MA YIN PAR NGA DON STENG NAS GRUB PA LTA BU ZHIG SNANG DGOS, BLO DE LA NGA DE LTAR SNANG BA LA NGA RANG BZHIN GYIS GRUB PAR SNANG BA, RANG GI NGO BOS GRUB PAR SNANG BA, RANG GI MTSAN NYID KYIS GRUB PA DANG, BDEN PAR GRUB PAR SNANG BA ZHES ZER TO, ,SNANG TSUL DE LTAR DU GRUB NA, GZHI BDAG DANG BDEN PAR GRUB PA SOGS SU 'GYUR RO, ,BLO DE SNANG TSUL DE LTAR DU GRUB PAR 'DZIN PA BDAG 'DZIN LHAN SKYES SU 'GYUR RO, ,DE LTA BU'I SNANG TSUL YOD PAS BDAG 'DZIN LHAN SKYES SU 'GYUR NA, MIG SHES KYANG CHOS CAN, NGAR 'DZIN LHAN SKYES SU 'GYUR BAR THA LA, GZUGS DE LTAR DU SNANG BA'I PHYIR, DE LTA BU'I 'DZIN PA YOD PAS DER 'GYUR NA, NGA'O SNYAM PA'I BLO CHOS CAN, DER THAL, DE LTAR DU 'DZIN PA'I PHYIR, 'DOD NA, RTOG PA LA BDEN 'DZIN GYIS KHYAB PA KHAS BLANGS SO, ,DES NA NGA'O SNYAM PA'I BLO LHAN SKYES LA NGA DANG DUS MNYAM PA'I KHYAD CHOS RNAMS DANG BRAL BA'I NGA TZAM DON STENG NAS GRUB PAR SNANG BA SNANG BA DANG, SNANG BA DE LTAR DU GRUB PAR 'DZIN PA DANG ZHEN PA YIN NO, ,BYIS PA LA ME LONG GI NANG DU BYAD BZHIN GYI GZUGS BRNYAN SNANG BA'I TSE NA GZUGS BRNYAN GYI CHA 'DI DANG 'DI BYAD BZHIN DU SNANG LA, 'DI DANG 'DI MI SNANG BA'I KHYAD PAR MED PAR THAMS CAD BYAD BZHIN DU SNANG, DE @009B BZHIN DU, NGA'I CHA 'DI DANG 'DI DON STENG NAS GRUB PAR SNANG LA 'DI DANG 'DI DER MA GRUB PA'I CHA MED PAR CHA THAMS CAD DON STENG NAS GRUB PAR SNANG NGO, ,GZUGS BRNYAN DANG BYAD BZHIN GNYIS BRDA LA MA BYANG BA LA GCIG TU 'DRES NAS SNANG BAS, DE'I BLOS GZUGS BRNYAN LA BYAD BZHIN DU ZHE NA, NGA'O SNYAM PA'I BLO LA DON STENG NAS GRUB PAR SNANG BA DANG, NGA DON STENG NAS GRUB PA GNYIS GCIG TU 'DRES NAS, DE'I SNANG BA LA DON STENG NAS GRUB PAR ZHEN PA'O, ,DPE DON DE GNYIS 'JAL BA'I SHES PA DE GNYIS LA, DE 'DRA BA'I SNANG TSUL GNYIS MI SNANG NA BLO DE GNYIS 'KHRUL PAR MI 'GYUR, DE GNYIS LA DE GNYIS SNANG BA LTAR DU GRUB NA MA 'KHRUL BAR DE GNYIS 'GYUR RO, ,SKYE BO'I RTOG PA DANG RTOG MED KYI SHES PA GANG YIN KYANG RANG GI MTSAN NYID KYIS GRUB PAR SNANG BA'I PHYIR, 'KHRUL SHES YIN PA'I RGYU MTSAN YANG DE'O, ,DES NA NGA'O SNYAM PA'I BLO LHAN SKYES LA NGA'I SNANG TSUL JI LTAR 'DUG LEGS PAR THIGS NA DGAG BYA NGES PA YIN PAS, NGA YI BA DANG PHUNG SOGS GZHAN GYI STENG DU YANG, BTAGS CHOS DE'I RNAM PA 'CHAR TSUL DANG ZHEN TSUL THIGS PAR BYA'O, ,GNYIS PA NI, SNANG TSUL DE LTAR GRUB NA NGA DANG NGA'I PHUNG PO GNYIS NGES PAR DON STENG NAS GRUB PA'I GCIG DANG, DON STENG NAS GRUB PA'I THA DAD DU 'GYUR TE, DON STENG NAS DE GNYIS LA PHUNG GSUM KHEGS PA'I PHYIR, SHES PA GANG LA YUL GANG SNANG YANG ZLA MED KYI GCIG DANG ZLA BCAS KYI THA DAD DU SNANG BAS KHYAB STE, SNANG TSUL DE GNYIS LA PHUNG GSUM MED PA'I PHYIR, DE LTAR GCIG DANG THA DAD DU MED PA'I PHYIR BDEN PAR MED PAS KHYAB PA'I KHYAB PA NGES PA'O, ,GSUM PA LA GNYIS, DE @010A *, ,GNYIS DON STENG NAS GRUB PA'I GCIG MA YIN PAR NGES PA DANG, DE GNYIS DON STENG NAS GRUB PA'I THA DAD MA YIN PAR NGES PA'O, ,DANG PO NI, NGA DANG PHUNG PO GNYIS SNANG TSUL DE LTAR DON STENG NAS GRUB PA'I GCIG YIN NA THA DAD GTAN MED KYI GCIG TU GRUB DGOS, DE LTAR NA DA LTAR GYI PHUNG PO DANG YANG DE LTAR 'GYUR BAS, NGA DA LTAR GYI LUS SEMS TSOGS TZAM DANG GCIG YIN NAM, SO SO BA DANG GCIG YIN, DANG PO LTAR NA, DE LTA BU'I TSOGS TZAM DANG BCAS TE TSE SNGA MA NAS 'DIR 'ONGS PA DANG 'DI NAS PHYI MAR 'GRO BAR THAL, NGA DA LTAR GYI DE DANG GCIG YIN PA'I PHYIR, GNYIS PA LTAR NA, LUS DANG GCIG YIN NAM, SEMS DANG GCIG YIN, DANG PO LTAR NA, LUS KYI YAN LAG TSOGS TZAM DANG GCIG YIN NAM, RE RE BA DANG GCIG YIN, DANG PO LTAR NA, LUS SEMS BRAL NAS LUS MAL NA GNAS PA'I TSE NGA YANG DE LTAR GNAS PA DANG, LUS MES BSREGS NAS RGYUN CHAD PA'I TSED YANG RGYUN CHAD PA SOGS SU THAL, DE GNYIS GCIG GANG ZHIG ,LUS DE LTAR GYUR PA'I PHYIR, 'DOD NA, NGA 'GRO BA RIGS DRUG SOGS SU SKYE BA RGYUN CHAD PAR THAL LO, ,GNYIS PA LTAR NA, NGA RKANG PA'I SEN MO'I BAR GYI CHA RE RE NAS DANG, MGO BO'I SKRA RE RE DANG YANG GCIG YIN PAR THAL, NGA LUS KYI YAN LAG RE RE BA RNAMS DANG GCIG YIN PA'I PHYIR, 'DOD NA, SKYES BU GCIG GI MGO'I SKRA JI SNYED YOD PA DE'I GRANGS DANG MNYAM PA'I NGA DANG GANG ZAG SKYES BU GCIG PO DE LA YOD PAR THAL LO, ,GNYIS PA LTAR NA, RNAM SHES TSOGS DRUG GI DANG GCIG YIN NAM, YID KYI RNAM SHES DANG GCIG YIN, DANG PO LTAR NA, SKYES BU GCIG GI RGYUD LA RNAM SHES TSOGS DRUG CIG CAR SKYES PA'I TSE GANG ZAG GCIG GI RGYUD THA DAD PA DRUG TU THAL, DANG PO LTAR YIN PA'I PHYIR, GNYIS PA LTAR NA, 'DU SHES MED PA'I SNYOMS 'JUG LA GNAS PA DANG @010B BRGYAL BA'I TSER RGYUN CHAD PAR THAL, YID KYI RNAM SHES RGYUN CHAD PA'I PHYIR, YID KYI RNAM SHES KYI MGO DANG LAG PA NA BA SOGS KYANG YOD PAR THAL LO, ,DES NA NGA DANG PHUNG PO SNANG TSUL DE LTAR GRUB PA'I GCIG MA YIN PAR NGES SO, ,GNYIS PA NI, DE GNYIS DE LTA BU'I THA DAD YIN NA 'BREL MED SO BAR 'GYUR BAS PHUNG PO BLANG BYA DANG NGA LEN PA POR MI 'THAD PAR THAL BA DANG, MIG GIS GZUGS MTHONG BA LA NGAS GZUGS MTHONG BA DANG, LAG PA NA BA LA NGAN PA SOGS KYI THA SNYAD MI 'THAD PAR THAL, DE GNYIS 'BREL MED SO SO BAR 'DUG PA'I PHYIR, THA DAD KYANG MA YIN PAR NGES PA NI PHYOGS CHOS NGES PA'O, ,YANG NGA DE RTAG GAM MI RTAG ,DANG PO LTAR NA SKYE 'CHI RGYUN 'CHAD LA, GNYIS PA LTAR NA, NGA'I CHA SHAS RNAMS DANG GCIG GAM THA DAD ,DANG PO LTAR NA, NGA SKYES TZAM NAS SMRA MI SHES PA BZHIN DU NGA RGAS NAS KYANG SMRA MI SHES PA DANG, PHYIS RAB TU BYUNG NA SKYES TZAM NAS RAB TU BYUNG BA DANG, NGA SMRA BA NA SKYES TZAM NAS SMRA BA SOGS SU THAL, CHA SHAS RNAMS DANG SNANG TSUL DE LTAR GRUB PA'I GCIG YIN PA'I PHYIR, GNYIS PA LTAR NA, NGA SKYE BA DRAN PA DANG 'DAS PA DRAN? MI 'THAD PAR THAL BA DANG, LAS GSOG PA PO'I NGA DANG RNAM SMIN MYONG BA PO'I NGA GNYIS KYANG 'BREL MED SO SO BAR THAL PHYI MA LTAR YIN PA'I PHYIR, DE LTAR 'BREL MED SO SO BAR 'GYUR BA SNGA MA LTAR RO, ,BZHI PA BSGRUB BYA NGES PA NI, GNAD GSUM PO DE LA BRTEN NAS 'DZIN TSUL DANG SNANG TSUL DE LTAR DU GRUB PA CUNG ZAD KYANG MI 'DUG ,YE MI 'DUG SNYAM DU NGES PA NI BSKYED RGYU'I LTA BA NGES PA DANG GO BA YIN PAS DE SKYONG TSUL LNGA YOD KYANG 'DIR NI LTA BA NGES ZIN MA BRJED PA'I LAS DANG PO PA'I SKYONG TSUL LO, ,DE LA YANG GNAD GSUM TSANG DGOS TE, NGES PA'I GNAD, 'DZIN PA'I GNAD, SNANG BA'I GNAD DO, GNAD DE GSUM DANG LDAN PA'I SKYONG TSUL NI, NGA 'DZIN TSUL DANG SNANG TSUL DE LTAR DU GRUB PA GTAN MI 'DUG SNYAM PA'I NGES SHES LHANG BA ZHIG SKYES PA GNAD GSUM TSANG BA'I RGYUN @011A *, ,LA NGES PA DRAG PO THENGS KHA YAR 'DREN NO, ,DE LTAR GRUB NA GCIG GAM THA DAD KYIS DBYAD PA HRIL BA GCIG GIS NGES SHES LHANG BA DRANGS, NGES PA NA NGES SHES BRGYUD MAR 'DREN NO, ,YANG DE LTAR BYED PA YIN NO, ,GNAS PA MA GRUB PA'I DBANG DU BYAS PA YIN PAS PHYI MA RNAMS LA DPYAD PA SHUGS CHUNG NGE BA RE BYED, NGES SHES DRAG PO BRGYUD MAR BYA'O, ,'DI LTAR GCIG DANG THA DAD KYI DPYAD PA BYED PA NAS DPYAD DON MA NGES KYI BAR LA YANG RTOG PA RIGS MI MTHUN GYIS BAR MA CHAD PA DRAN SHES DANG, DPYAD DON NGES PA'I NGES SHES BRGYUD PA MA GTOGS PA GZHAN GYIS BAR MCHOD PA'I DRAN SHES DANG, RIG PA DE'I NGOR YUL RIGS MTHUN RIGS MI MTHUN GANG GI YANG MTSAN MA 'CHAR BA 'GOG PA LA DRAN SHES BSTEN TSUL SOGS ZHI GNAS JI LTA BA BZHIN SHES PAR BYA'O, ,NGES SHES BRGYUD PA'I MTHA' DANG SNANG TSUL DE LTAR GRUB NA SNYAM SLAR DPYOD PA'I BAR DU YANG RTOGS PA GZHAN GYIS BAR MA CHOD PAR BYA'O, ,DE LTAR BSGOMS PA LAS YUL CAN DE YUL STONG PA NYID DE'I DBANG DU SONG BA LTA BU DANG, YUL DE SHES PA DE'I NGANG DU SKYES PA LTA BU 'BYUNG NGO, ,CHOS RAB TU RNAM 'BYED KYI SHES RAB SGOM PA DANG, LHAG MTHONG SGOM PA LA KHYAD PAR AE YOD SNYAM NA, GZHAN DU BSHAD PAR BYA'O, ,GNYIS PA NI, MING TZAM DANG, BTAGS PA TZAM DANG, SGYU MA LTA BU GSUM GYIS BSHAD PAR BYA'O, ,DANG PO NI, NGA'O SNYAM PA'I BLOS BZUNG BA RANG GI DON DE LTAR DU GRUB NA BKAG PA'I RJES SU NGA ZHES PA'I MING TZAM DE LAS MA LUS, DE RI BONG GI RVA ZHES PA'I MING SKAM PO DE DANG MTSUNGS SO @011B SNYAM NA, MING TZAM DE MTSUNGS KYANG DON BYED NUS MI NUS KYI KHYAD PAR YOD DO, ,MING RKYANG DE'I RJES SU MA BRTAGS MA DPYAD PAR ZHUGS PA NA NGA 'GRO ZHES LAM ME LAM ME 'GRO, NGA SDOD CES KYIL? GYIS SDOD, DE BZHIN DU DGE BA SGRUB, SDIG PA BSHAGS PA SOGS 'THAD PA NI, MING RKYANG LA BYA BYED 'THAD PA YIN NO, ,DE BZHIN DU BRDA DANG THA SNYAD TZAM LA YANG SHES PAR BYA ZHING KUN LA SBYAR RO, ,GNYIS PA NI, NOG SOGS 'DUS PA MTHONG BA NA BA GLANG NGO SNYAM PA'I BLO SKYE LA KHYI'I BLO MI SKYE BA NI GDAGS GZHI DE LA DER BTAGS MA BTAGS KYI KHYAD PAR YIN PA DE BZHIN DU GDAGS GZHI PHUNG PO'I TSOGS PA DANG YA GYAL GANG RUNG MTHONG BA NA NGA'O SNYAM PA'I BLO SKYE BA YANG GDAGS GZHI DE LA NGA DANG NGA YI'O ZHES BTAGS PAS SO, ,DE LTAR CHOS KUN LA SHES PAR BYA'O, ,SUS BTAGS NA RTOG PAS BTAGS, DE'I RGYU MTSAN GYIS RANG GI MTSAN NYID KYIS MA GRUB, KUN RDZOB MING TZAM DU GRUB PA YIN NO, ,GSUM PA NI, SGYU MA RNAL 'BYOR DE SGOM PAS DPER MDZAD DO, ,DE YANG SGYU MA MKHAN RANG LA SGYU MA'I SNANG BA YOD KYANG ZHEN PA MED PA LTAR RO, ,DE LTAR BSGOM PA LA GNYIS, GNYEN PO'I STOBS KYIS SGOM PA DANG, DRAN SHES KYIS SGOM PA'O, ,DANG PO NI, MNYAM GZHAG NUS PA MTHU CAN DU GYUR PA'I STOBS KYIS DRAN SHES LA MI LTOS PAR SNANG TZAM NAS RANG BZHIN CUNG ZAD KYANG MED PA'I RGYUN SGYU MA LTA BU SGOM MO, ,LTA BA'I NGES PA MED PAR GANG SNANG BUN LONG SEMS GNAS KYI MTHU LAS 'BYUNG BAS SGYU MA LTA BU SGOM PA'I DON DU MI RUNG NGO, ,GNYIS PA NI, DRAN SHES KYIS BZUNG STE NGA'O SNYAM PA'I BLO LA NGA RANG BZHIN GYIS GRUB PAR SNANG YANG NGA SNANG TZAM NAS RANG BZHIN CUNG ZAD KYANG MED PA'I NGES PA DRANGS TE BSGOM PAR @012A *, ,BYA'O, ,DE YANG BLO DE LA SNGAR NGA RANG BZHIN GYIS GRUB PA DANG, NGA RANG BZHIN MED PA GNYIS CIG CAR SNANG YANG DE GNYIS SO SOR NGES PA'I RTOG PA GNYIS GANG ZAG GCIG LA DUS GCIG LA YANG MI 'BYUNG BAS SHES PA GZHAN GYIS BAR MCHOD PAR NGES PA 'DREN NO, ,'DI NI DE LTAR SO SO SKYE BOS GANG ZAG GI BDAG MED SGOM PA'I RJES THOB DNGOS SO, ,DE BZHIN DU GZHAN LA YANG SHES PAR BYOS SHIG ,GNYIS PA LA GNYIS, MNYAM GZHAG TU SGOM PA DANG, RJES THOB TU SGOM PA'O, ,DANG PO NI, MIG SNA SOGS NGA YI BA'I GDAGS GZHI YIN LA, NGA'O SNYAM PA DANG, BDAG GI'O SNYAM PA'I BLO LA DBANG BSGYUR BYA LTA BUR SNANG LA, BLO DES BZUNG BA LTAR DON STENG NAS GRUB NA, NGA YI BA RANG GI MTSAN NYID KYIS GRUB PA YIN NO, ,DE ZHEN DON DU BYAS NAS NGA YI'O SNYAM DU 'DZIN PA BDAG GIR 'DZIN PA LHAN SKYES GANG ZAG GI BDAG GAM DER 'DZIN GYI KHONGS SU BSDUR RUNG BA YIN NO, ,DBANG BSGYUR BYA DE DON STENG NAS GRUB NA, BSGYUR BA PO GANG ZAG KYANG DON STENG NAS GRUB PA LA DE SNGAR BSHAD PA'I RIGS PAS CUNG ZAD KYANG MA GRUB PAR RTOGS PAS, BDAG GI BA LA YANG RANG BZHIN CUNG ZAD KYANG MED PAR RTOGS PA NI, GANG ZAG GI BDAG MED KYI PHYOGS SU GTOGS PA SGOM RGYU'I LTA BA YIN LA, SGOM TSUL DANG DRAN SHES BSTEN TSUL SNGAR LTAR RO, ,GNYIS PA RJES THOB TU MING TZAM DANG BTAGS PA TZAM DANG SGYU MA LTA BUR SGOM PA YANG SNGAR GYI RIGS PA KHA SPOS LA BYA'O, ,SNGAR BSHAD PA'I RIGS PA DES DMYAL BA NAS SANGS RGYAS KYI BAR GYI GANG ZAG DANG, DE'I BDAG GI BA THAMS CAD GDAGS GZHI GANG YIN PA DE DANG NGO BO GCIG @012B YIN PA DANG, NGO BO THA DAD YIN PA RANG BZHIN GYIS GRUB PA MED PA'I GANG ZAG GI BDAG MED PA DANG, BDAG GI BA THAMS CAD KYANG RANG BZHIN GYIS MED PA SGRUB TSUL SHES PAR BYA'O, ,GNYIS PA CHOS KYI BDAG MED SGOM TSUL LA GNYIS, MNYAM GZHAG TU SGOM PA DANG, RJES THOB TU SGOM PA'O, ,DANG PO NI, RANG RGYUD KYIS BSDUS PA DANG MA BSDUS PA'I PHUNG PO DANG KHAMS DANG SKYE MCHED RNAMS YIN LA, DE RNAMS DON STENG NAS GRUB PA LTA BUR SNANG LA, SNANG BA LTAR GRUB PA DANG ZHEN PA CHOS KYI BDAG DANG BDAG 'DZIN YIN LA, DE LTAR DU MA GRUB PA CHOS KYI BDAG MED YIN NO, ,DE GTAN LA 'BEBS PA NI, GZUGS CAN RNAMS RANG GI SHAR LA SOGS PA'I PHYOGS KYI CHA RNAMS DANG, CHA CAN DANG, SHES PA RANG GI SNGA PHYI LA SOGS PA DUS KYI CHA DANG CHA CAN RNAMS DON STENG NAS GRUB PA'I GCIG DANG THA DAD GANG DU GRUB SNGAR BZHIN BRTAGS NAS 'GOG PA'O, ,CHOS DANG GANG ZAG KYANG RANG GI GDAGS GZHI'I TSOGS PA LA BRTEN NAS BTAGS PA YIN LA, BRTEN NAS SKYES PA DANG, BRTEN NAS BTAGS PA YIN NO, ,GANG LA BRTEN PA DE DANG DE'I NGO BO NYID KYIS GRUB PA'I GCIG TU MED DE, GCIG TU YOD NA BYA BYED THAMS CAD GCIG TU 'GYUR LA, DE GNYIS NGO BO NYID KYIS GRUB PA'I GZHAN DU MED DE, DER YOD NA 'BREL PA KHEGS PAS DE LA LTOS PA 'GAL BA'I PHYIR RO, ,'DI DANG SNGA MA'I RIGS PAS RANG BZHIN CUNG ZAD KYANG MED PAR NGES PA DE SNGAR LTAR DRAN SHES BSTEN NAS SGOM MO, ,GNYIS PA NI, GANG ZAG GI BDAG MED PA'I SKABS SU BSHAD PA BZHIN DU SGYU MA LTA BU'I SGOM TSUL BYA'O, ,YOD TZAM DU GRUB KYANG BDEN PA KHEGS PA DON DAM BDEN PA LA SGYU MA LTA BUR BYAS PA DANG, STONG BZHIN DU SNANG BA'I SNANG BA SGYU MA LTA BU GNYIS LAS, 'DIR PHYI MA @013A *, ,SGOM BYA YIN NO, ,RTOG PA LA DRAN PA SKYONG TSUL LTAR, DA LTAR GYI GANG ZAG GI DBANG SHES LA DE LTAR BSGOM PA NI, DBANG SHES YUL LA 'JUG PA NA DRAN SHES KYIS DE LTAR BZUNG STE, DBANG SHES LA YUL DE LTAR SNANG BA DANG, YID SHES KYIS RANG BZHIN CUNG ZAD KYANG MED PA'I NGES SHES DUS GCIG TU DRANGS LA, SNANG BZHIN DU STONG PA DANG, STONG BZHIN DU SNANG BA'I SGYU MA LTA BUR 'CHAR BA LA BSLAB PAR BYA'O, ,GZHAN YANG BRTEN NAS BTAGS PA DANG, BRTEN NAS GRUB PA DANG, BRTEN NAS SKYES PA'I TSUL LA NGES SHES BRTAN PO 'DREN NO, ,ZAB MO LTA KHRID KYI YI GE RIN PO CHE'I 'PHRENG BA ZHES BYA BA 'DI NI DAR MA RIN CHEN GYIS SBYAR BA'O, DGE'O,