@001A *, ,BZHI BRGYA PA'I RNAM BSHAD LEGS BSHAD SNYING PO RGYAL TSAB RJES MDZAD PA BZHUGS SO, , @001B #, ,RJE BTZUN DAM PA THUGS RJE CHEN PO DANG LDAN PA RNAMS LA PHYAG 'TSAL LO, ,GANGS RI'I DOGS LTAR SHIN TU DKAR BA'I DGE TSOGS LA, ,YID BZHIN NOR MTSUNGS 'DOD RGU 'BYUNG BA'I GZHIR MTSUNGS PA, ,SA STENGS 'DI NA KUN MKHYEN ZHES NI RAB GRAGS PA, ,'GRO BA'I BLA MA THUB DBANG ZHABS LA PHYAG 'TSAL LO, ,SANGS RGYAS GSUNG MTHA' YAS PA LTA BA'I MIG GCIG PU, ,RGYAL BA'I GSUNG RAB KUN GYI SNYING PO'I MTHAR THUG SOGS, ,THUB BSTAN RDZOGS PAR BKRAL NAS KUN MKHYEN SAR GSHEGS PA, ,MGON PO KLU SGRUB ZHABS LA SGO GSUM GUS PAS 'DUD, ,GZHON NU'I DUS NAS MANG THOS PHA ROL SON, ,PHA MTHA' YAS PA'I BLO GROS MKHYEN PA RGYAS, ,GANG GI BLO YIS SRID PA'I RGYUD PA BCOM, ,BZANG PO'I THUGS RJES ZHI BA'I RGUD PA BSAL, ,GRAGS PA'I 'OD KYIS 'GRO BA'I RMONGS PA SEL, ,RJE BTZUN YAB SRAS ZHABS LA SPYI BOS 'DUD, ,SHING RTA CHEN PO'I BZHED PA RTOGS DKA' NA'ANG, ,RANG NYID LEGS BSHAD GOMS PA 'PHEL PHYIR DANG, SKAL LDAN GZHAN LA'ANG PHAN PAR BYA BA'I PHYIR, ,BSTAN BCOS CHEN PO'I RNAM BSHAD DBYE BAR SPRO, ,DE LA 'DIR BYANG CHUB SEMS DPA'I RNAL 'BYOR SPYOD PA BZHI BRGYA PA'I BSTAN BCOS KYI TSIG LE'UR BYAS PA 'DI LA DON BZHI STE, MTSAN GYI DON, 'GYUR GYI PHYAG ,GZHUNG GI DON DANG, MJUG GI DON, @002A *, ,TO, ,DANG PO NI, RGYA GAR GYI SKAD DU, TZA TU SHA TA KA NI BOD KYI SKAD DU BZHI BRGYA PA DANG SHA STA NI BSTAN BCOS ZHES PA DANG, KA RI KA NI TSIG LE'UR BYAS PA DANG NA MA NI ZHES BYA'O, ,BSTAN BCOS 'DI LA LE'U BCU DRUG PO RE RE LA TSIGS SU BCAD PA NYI SHU RTZA LNGA RE YOD LA, TSIGS BCAD RE RES KYANG PHAL CHER DON TSEN? RDZOGS PA RE STON CING, TSIGS BCAD BZHI BRGYA YOD PAS NA BZHI BRGYA BA ZHES BYA'O, ,RTZA BA'I GLEGS BAM DU SHA TA KA SHA STA ZHES BSTAN BCOS BRGYA PA ZHES 'BYUNG BA NI, 'GREL PAR BSTAN BCOS BZHI BRGYA PA 'DI NI, BZHI'I SGRA MI MNGON PAR BYAS PA DANG, RTOG RNAMS SEL BAR BYED PA'I PHYIR, ,BRGYA PA ZHES BYAR BRJOD PA STE, ,'DZIN PA CHOS PHYIR BSTAN BCOS SO, ,ZHES TZA TU ZHES PA'I SGRA MI MNGON PAR MDZAD PA YIN LA, NGA'I DGOS PA NI, PHYIN CI LOG GI RTOG PA BRGYAS MTSON PA'I MTHA' YAS PA SAL BAR BYED PAS, BSTAN BCOS BRGYA PA ZHES BYED LAS KYI SGO NAS MING BTAGS PA MDZAD PA YIN LA, BRGYA PA ZHES PA LA BRTEN NAS, 'GREL BYED GZHAN GYIS DON LOG PAR BKRAL BA MI 'THAD PAR BSHAD DO, ,MTSAN DEN 'DI LTAR 'BYUNG BA NI RTZA BA'I DGONGS PAR DON GYIS 'THOB PAS, GZHAN GYI LOG RTOG DGAG PA'I CHED DU 'GREL PA MDZAD PAS GSAL DU BTANG BA YIN NO, ,GNYIS PA NI, 'PHAGS PA 'JAM DPAL LA PHYAG 'TSAL LO, ,ZHES TE LHAG @002B PA SHES RAB KYI BSLAB PA DMIGS PA'I SGO NAS RGYAS PAR GTAN LA 'BEBS SHING, BRJOD BYA'I GTZO BO YIN PAS MNGON PA'I BSTAN BCOS SU SHES PA'I CHED DU YIN NO, ,GSUM PA LA GNYIS, SPYI'I DON DANG, SO SO'I DON TO, ,DANG PO LA GSUM, BSTAN BCOS MDZAD PA PO'I CHE BA DANG, 'GREL BYED GZHAN GYI LOG RTOG BSAL BA DANG, GNAS PA'I PHYOGS MDOR BSDUS TE BSTAN PA'O, ,DANG PO NI, 'GREL PA LAS, GANG GI PHYIR NA SLOB DPON 'PHAGS PA'I LHA 'DI NI, SLOB DPON KLU SGRUB SLOB MAR GNANG BAR 'DOD GYUR PA, DE PHYIR 'DI YI DE NYID LUGS LAS LUGS GZHAN MIN, ,'DI LTAR SLOB DPON 'PHAGS PA LHA NI SING GHA? LA'I GLING DU 'KHRUNGS PA'I RGYAL PO'I SRAS ZHIG STE, MTHAR RGYAL TSAB BOR NAS RAB TU BYUNG ZHING, DE NAS LHO PHYOGS KYI RGYUD LTAR 'ONGS TE, SLOB DPON KLU SGRUB KYI NYE GNAS SU GYUR CING, MDO SNGAGS KYI BSTAN PA RGYAS PAR THUGS SU CHUD NAS DE DAG GI DON NYAMS SU BLANGS PAS, SKU TSE DE NYID LA NGES PAR SANGS RGYAS KYI GO 'PHANG BRNYES PA ZHIG STE, SLOB DPON NYID KYI MDZAD PA'I SPYOD BSDUS SU RNAL 'BYOR BLA MED KYI THUN MONG MIN PA'I SGYU LUS THOB PAR ZHAL GYIS BZHES SHING, DE THOB PA'I TSE DE NYID LA MCHOG GI DNGOS GRUB NGES PAR THOB PA MGON PO KLU SGRUB KYI BZHED PA YIN NO, ,DPE KHA CIG LAS, BSKYED RIM SNGON DU SONG NAS RDZOGS RIM THOB CES 'BYUNG YANG DON SNGA MA LTAR BZHED DO, ,DES NA SKU TSE'I STOD LA SO SKYER BSHAD PA YANG 'GAL BA MED CING, YE SHES RDO RJE KUN LAS BTUS PA'I 'GREL PAR SLOB DPON 'DIS SA BRGYAD PA THOB PAR @003A *, ,PAR BSHAD DO, ,'DIS MDZAD PA'I MDO SNGAGS KYI GZHUNG MANG DU YOD PA MA SPROS SO, ,GNYIS PA NI, 'GREL PA LAS, DE 'DI DA LTA'I SNYAN DNGAGS MKHAN GYIS RNAM PA GNYIS SU BYAS ZHES BTZUN PA CHOS SKYONG GIS BRGYA PA ZHES PA'I TSIG LA BRTAN NAS BSTAN BCOS KYI LUS GNYIS SU BYAS TE, RAB BYED DANG PO BRGYAD LA CHOS STON PA BRGYA PA DANG, PHYI MA BRGYAD LA BRTZOD PA BRGYA PA ZHES PA DANG, SNYING PO'I DON YANG KUN BRTAGS RANG GI MTSAN NYID KYIS GRUB PA 'GOG PA RNAM PAR RIG PA TZAM GYI TSUL DU 'GREL PAR MDZAD DO, ,DE NI RTZA BA'I DGONGS PA MIN TE, 'GREL PA LAS, GANG ZHIG GZHUNG LUGS MTSAN NYID SO SOR BYAS NAS SMRA BYED PA, DE YI GZHUNG LUGS SO SOR SMRA BA SHIN TU BAB COL YIN, , ZHES GSUNGS PAS, RTEN GYI GANG ZAG THEG PA CHEN PO'I RIGS CAN BLA NA MED PA'I BYANG CHUB TU BGROD PA'I LAM GYI RIM PA YONGS SU RDZOGS PA GCIG 'BREL CHAGS SU STON PA YIN PA'I PHYIR DANG, SNYING PO'I DON YANG, RTEN CING 'BREL PAR 'BYUNG BA RANG BZHIN GYIS GRUB PA CUNG ZAD TZAM YANG MED PA GSAL BAR GTAN LA PHAB PAS, GZHAN DBANG BDEN GRUB RANG LUGS LA KHAS LEN NAM SNYAM PA'I DOGS PA'I GNAS MED DO, ,GZHAN YANG LUGS DE DAG GI NI, SRID PA LAS GROL BA LA BDAG MED PA MA RTOGS MI DGOS PAR 'DOD LA, BSTAN BCOS 'DIR DE DGOS PA GSAL BAR BSGRUBS PA'I PHYIR RO, ,GSUM PA NI, 'O NA BSTAN BCOS 'DI BRTZAMS PA LA DGOS PA MED DE, SLOB DPON KLU SGRUB KYIS DBU MA RTZA BA SHES RAB LA SOGS PAR @003B RGYAS PAR BSTAN PA'I PHYIR RO ZHE NA, SKYON MED DE, SLOB DPON GYIS BSTAN BCOS RNAMS SU RANG GZHAN GYI SDE PA DAG GI 'DOD PA RIGS PA'I TSOGS DU MAS DGAG PA MDZAD PA NA, DBU MA'I BSTAN BCOS NI, RGOL BA GZHAN ZIL GYIS GNON PA'I CHED DU BYAS PA NI RTZOD PA LHUR LEN PA'I BSTAN BCOS SNYAM DU DOGS PA NA, RTZA BA SHES RAB SOGS NI, RTZOD PA LHUR LEN PA'I CHED DU MIN GYI ,THAR PA DON DU GNYER PA RNAMS KYIS DNGOS PO'I DE KHO NA NYID RTOGS PA'I DON DU YIN LA, DE YANG THEG PA CHEN PO'I RIGS CAN RNAMS RNAL 'BYOR GYI SPYOD PA NYAMS SU LEN PA'I LAM GYI RIM PA 'DIS SANGS RGYAS THOB PAR BYED PA SLOB DPON GYI BZHED PA RTOGS SHI CHED DU BSTAN BCOS 'DI MDZAD LA, THEG PA DMAN PA'I GANG ZAG RNAMS KYIS BYANG CHUB THOB PA, DNGOS PO'I DE KHO NA NYID RTOGS PA LA RAG LAS PA YANG ZHAR LA BSTAN TO, ,DON DE DAG KYANG DBU MA RIN CHEN PHRENG BA SOGS SU BSTAN ZIN PA MIN NAM ZHE NA, SKYON MED DE THEG PA CHEN PO'I SEMS BSKYED SKYE BA LA, GTZANG BDE RTAG BDAG TU 'DZIN PA'I PHYIN CI LOG BZHI SPONG BA SKYES BU CHUNG 'BRING GI BSAM PA SBYANG BA SNGON DU 'GRO DGOS PA'I TSUL CHOS GSAL LA RGYAS PAR BSTAN PA DANG, MGON PO KLU SGRUB KYIS BDEN PA GNYIS KYI RNAM GZHAG MDZAD PA LAS, GZHAN GYI LOG RTOGS 'GOG PA'I TSUL CHAG ZUR PHYIN LA RGYAS PAR MDZAD PAS BLOS PA'I SKYON MED LA, RTZA BAR MCHOD BRJOD KYI TSIG MA BKOD PA YANG, SLOB DPON GYI GZHUNG LA DOGS PA GCOD PA'I CHA SHAS TZAM DU SHES PA'I CHED DU MA MDZAD PA YIN NO, ,BSTAN BCOS 'DIS @004A *, ,LAM GYI RIM PA JI LTAR BSTAN CE NA, 'GREL PAR, GANG LAS 'JIG RTEN PA'I DNGOS PO JI LTAR GNAS PA BZHIN, ,RNAM PAR PHYI NAS RIM GYIS DON DAM STON GYUR PA, ZHES BSHAD PAS, RAB BYED DANG PO BZHIS ZAG PA DANG BCAS PA'I PHUNG PO LNGA RTAG SOGS SU 'DZIN PA PHYIN CI LOG TU BSTAN NAS 'KHOR BA LA YID 'BYUNG BSKYED PA'I TSUL RGYAS PAR BSTAN LA, DE YANG RAB BYED DANG POS, PHUNG PO LNGA RGYU DANG RKYEN LA RAG LAS NAS SKYE BAS MI RTAG PA YIN LA, DE YANG 'CHI BA MI RTAG PA SGOM TSUL RGYAS PAR BSTAN PA'I SGO NAS RTAG 'DZIN PHYIN CI LOG SPANG DGOS PAR BSTAN LA, RAB BYED GNYIS PAS, GANG MI RTAG PA DE NI RANG DON MTHAR THUG PA'I YID BRTAN PA'I GNAS SU MI RUNG LA, ZAG PA DANG BCAS PA'I PHUNG PO DE YANG GNOD PA'I BDAG NYID CHAN YIN PAS ZAG BCAS NGO BO NYID KYI BDE BAR 'DZIN PA'I PHYIN CI LOG SONG TSU BSTAN TO, ,RAB BYED GSUM PA LAS, GANG SDUG BSNGAL BA DE RTAG TU SKYO BA BSKYED PAR BYED PAS 'KHOR BA GTZANG BAR 'DZIN PA'I PHYIN CI LOG SPONG TSUL BSTAN LA, RAB BYED BZHI PAS, GANG MI GTZANG ZHING DOR BAR BYA BA DE NI BDAG DANG, BDAG GIR BZUNG NAS NGA RGYAL BYA BAR MI 'OS PAS NGA RGYAL GYI ZHEN YUL 'GOG PA RIGS PA'I BDAG PHYIN CI LOG SPONG TSUL BSTAN TO, ,DE LTAR RAB BYED BZHI PO DES SKYES BU 'BRING GI BSAM PA LEGS PAR SBYANG NAS LAS NYON GYI DBANG GIS 'KHOR BAR GNAS PA LA ME DONG DU CHUD PA LTA BU'I 'DU SHES BSKYED NAS, THEG PA CHEN PO'I RIGS CAN DES SANGS RGYAS NYID LA THOB 'DOD BSKYED @004B PA'I SMON SEMS BSKYED TSUL DON GYI SHUGS KYI BSTAN LA, DMAN PA'I RIGS CAN YIN NA THAR PA TZAM DON GNYER BSKYED PA'I THABS STON PA YIN NO, ,RAB BYED LNGA PAS NI, SANGS RGYAS THOB PA DE YANG BYANG CHUB SEMS DPA'I SPYOD PA LA RAG LAS PAR MTHONG NAS 'JUG PA'I SEMS BSKYED DE SPYOD PA LA 'JUG PA'I TSUL BSTAN TO, ,NYON MONGS PA'I GZHAN DBANG DU GYUR PAS RANG DON YANG RDZOGS PAR MI NUS NA GZHAN DON RDZOGS PA LTA CI ZHIG SMOS SNYAM DU MTHONG NAS, RAB BYAD DRUG PAS NYON MONGS SKYE TSUL SOGS RGYAS PAR BSTAN TO, ,DE YANG NYON MONGS SKYE BA DANG, GNAS PA DANG, 'PHEL BA'I RGYU GZUGS LA SOGS PA'I YUL YIN PAS, RAB BYED BDUN PAS YUL RNAMS LA DMIGS NAS NYON MONGS MNGON GYUR SKYE BA 'GOG PA'I TSUL BSTAN TO, ,RAB BYED BRGYAD PAS NI, GZUGS LA SOGS PA'I YUL RNAMS GNAS LUGS MA RTOGS SHING, TSUL MIN YID BYED DANG LDAN PA RNAMS LA NYON MONGS SKYE BA'I RGYU YIN PAS, NYON MONGS SPONG 'DOD BSKYED PA DANG, GNAS LUGS KYI DON LA THE TSOM TZAM GYI SGO NAS KYANG 'JUG RIGS PAR GDAMS PA SOGS SLOB MA'I RGYUD SNOD RUNG DU BYED PA'I TSUL BSTAN TO, ,DE LTAR RAB TU BYED PA DANG PO BRGYAD KYIS RGYUD YONGS SU SMIN PAR BYED PA'I LAM BSTAN LA, RAB TU BYED PA PHYI MA BRGYAD KYIS, NYON MONGS PA DANG SHES BYA'I SGRIB PA 'JOMS PAR BYED PA DON DAM PA'I BDEN PA LA BRTEN PA'I LAM GYI RIM PA BSTAN TE, ,DE LA RAB BYED DGU PAS, 'DUS BYAS LA RTAG PA'I SNYING PO CUNG ZAD KYANG MED PAR BSTAN PA'I PHYIR TU DNGOS PO RTOG @005A *, ,PA DGAG PA BSGOM PA BSTAN, BCU PAS, NANG DANG PHYI'I BDAG MED PAR BSTAN LA, BCU GCIG PAR, DUS RTAG PA DGAG PAR BSTAN BCU GNYIS PAR, MTHAR LTA 'GOG PA RGYAS PAR BSTAN, BCU GSUM PAR, DBANG PO DANG DON BDEN PA MED PAR BYE BRAG TU BSTAN, BCU BZHI PAR, RTEN 'BREL GYI CHOS RNAMS MGAL ME'I 'KHOR LO LTAR RANG BZHIN CUNG ZAD KYANG MED PA LA THAR PA DANG THAMS CAD MKHYEN PA THOB PA 'THAD PAR BSTAN PA SOGS KYI SGO NAS MTHAR 'DZIN DGAG PA BSTAN TO, ,BCO LNGA PAS, 'DUS BYAS SKYE 'JIG GNAS GSUM RANG BZHIN GYIS GRUB PAS STONG PAR SGOM TSUL RGYAS PAR BSTAN, BCU DRUG PAS BSTAN PA BCOS BRTZAMS PA'I DGOS PA DANG, RGOL BA NGAN PA'I KLAN KA LHAG MA SPANG BA'I SGO NAS, SLOB DPON DANG, SLOB MA RNAM PAR GTAN LA DBAB PA BSGOM PA BSTAN TO, ,DES NA LAM GYI DMIGS PA BSHAD PA'I SGO NAS, KUN RDZOB BDEN PA LA BRTEN PA DANG, DON DAM PA'I BDEN PA LA BRTEN PA'I LAM GYI RIM PA RGYAS PAR BSHAD PA YIN NO, ,GNYIS PA SO SO'I DON LA GNYIS, KUN RDZOB BDEN PA LA BRTEN PA'I LAM GYI RIM PA BSHAD PA DANG, DON DAM PA'I BDEN PA LA BRTEN PA'I LAM GYI RIM PA BSHAD PA'O, ,DANG PO LA GNYIS, PHYIN CI LOG BZHI SPANGS PAR BSTAN PA'I SGO NAS SKYES BU 'BRING GI BSAM PA SBYANGS TE SMON SEMS SKYED TSUL BSTAN PA DANG, 'JUG SEMS BSKYED NAS SPYOD PA LA SLOB TSUL BSHAD PA'O, ,DANG PO LA BZHI, 'CHI BA RJES DRAN RGYAS PAR @005B BSAMS PA'I SGO NAS RTAG 'DZIN PHYIN CI LOG SPONG TSUL BSHAD PA DANG, ZAG BCAS KYI LUS SDUG BSNGAL DU SGOM PA'I SGO NAS BDE BAR 'DZIN PA PHYIN CI LOG SPONG BA'I THABS BSHAD PA DANG, 'KHOR BA MI GTZANG BA'I RANG BZHIN DU BSAMS PA'I SGO NAS GTZANG BAR 'DZIN PA PHYIN CI LOG SPONG BA'I THABS BSHAD PA DANG, ZAG BCAS KYI DNGOS PO RNAMS LA BDAG DANG BDAG GI BAR BZUNG MI NUS PAR BSTAN PA'I SGO NAS BDAG 'DZIN PHYIN CI LOG SPONG TSUL BSHAD PA'O, ,DANG PO LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GSUM, 'CHI BA RJES SU DRAN PA'I SGO NAS THAR LAM LA BRTZON PA'I BAG YOD LA BSKUL BA MDOR BSTAN PA DANG, MI RTAG PA SGOM TSUL RGYAS PAR BSHAD PA DANG, MI RTAG PA SGOM PA'I PHAN YON NO, ,DANG PO NI, 'PHAGS PA'I LAM BSGRUB PA LA BRTZON PA BSKYED PA'I GEGS KYI GTZO BO NI 'CHI BA LA MI 'CHI SNYAM PA'I PHYIN CI LOG GI BLO 'DI NYID YIN PAS YANG DANG YANG DU 'CHI BA MI RTAG PA BSAMS NAS 'PHAGS LAM SGRUB PA LA BRTZON PAR BYA STE, DE GOMS NA SDUG BSNGAL SOGS KYANG KHONG DU CHUD SLA BA'I PHYIR RO, ,DNGOS PO LA BDEN PAR ZHEN PAS KHAMS GSUM GYI 'CHING BA LAS MA GROL ZHING, 'CHI BDAG GI BDUD KYI GZHAN DBANG DU GYUR PA'I SKYES BU GANG LA 'DOD PA DANG GZUGS DANG GZUGS MED PA'AM, SA 'OG SA STENG SA SLA'O 'JIG RTEN GSUM LA DGA' MGUR DBANG BYED PA'I MNGA' BDAG RANG NYID 'CHI BDAG GI RGYAL PO GZHAN GYIS BSKUL BAR BYED PA PO MED CING, RANG GIS KYANG @006A *, ,GZHAN BSKUL BA MIN PAS RANG NYID KYIS CHAD PA GCOD PAR BYED PAS RANG NYID 'CHI BDAG CES BYA'O, ,DE LTA BU'I 'CHI BDAG GSHED MA RAL GRI RNON PO GDENGS PA LTA BU SROG BCAD PAR BYA BA'I PHYIR TU ZHUGS PA YOD CING GSON MI GSON 'CHI BDAG DE LA RAG LAS PA YOD PA DES 'CHI LTAS KYIS ZIN PA'AM MGO LA ME SHOR BA LTAR BAG YOD PAS 'PHAGS LAM SGRUB PA LA BRTZON PAR MI BYED PAR 'CHI BDAG GI BDUD BCOM PA'I RNAL MA SANGS RGYAS DANG DGRA BCOM PA BZHIN DU GNYID LOG CING 'CHI BDAG PHYIR BCOS PA'I THABS LA 'BAD PAR MI BYED NA DE LAS MA RUNGS SHING BAG MED LA BLUN PA GZHAN CI YOD DES NA MI RTAG PA YANG DANG YANG DU BSGOMS NAS DAL 'BYOR GYI RTEN LA SNYING PO LEN PA LA 'BAD PAR BYA'O, ,DPER NA, BLON PO ZHIG GIS RGYAL PO'I MAR ME 'DEGS PA KHA CIG MGU PAR MA BYAS PAS DE DAG GI BLON PO GSOD PAR 'GYUR BA DE LTAR, RGYAL PO LOG PAR 'DZIN DU BCUG LA, BLON POS KYANG RGYAL POS BSAD DOGS NAS BSGRIM PA DANG BCAS PA LTAR RANG CAG KYANG BAG YOD LA GNAS TE, 'CHI BDAG GI MI GNOD PA'I THABS LA BSGRIM PAR BYA'O, ,YANG DPER NA SKYES BU ZHIG LAM BZANG PO NOR NAS 'BROG DGON PAR 'JIGS PA SHIN TU CHE BA'I GRONG ZHIG TU YID BRTAN PAR BYAS PAS BCOM ZHING SHI BAR GYUR PA BZHIN DU KHAMS GSUM GYI GRONG 'CHI BDAG GI CHAD PA NYE BAR BAG MED PAS GNAS NA 'CHI BDAG GIS NGES PAR 'JOMS @006B PAS, DAM PA'I CHOS SGRUB PA LA BRTZON PAR BYA'O, ,GNYIS PA LA GSUM, RANG NYID 'CHI BA RJES SU DRAN PA BSGOM PA'I TSUL DANG, RANG NYID 'CHI BA'I 'JIGS PA LAS MA GROL BZHIN DU DE'I NYES DMIGS MI SEMS PAR GZHAN 'CHI BA 'BA' ZHIG LA MYA NGAN MI RIGS PA DANG, BYA BA NGAN PA LA CHAGS PA SPANGS NAS THAR PA'I LAM SGRUB PA LA BRTZON PAR GDAMS PA'O, ,DANG PO LA GNYIS, RAGS PA'I MI RTAG PA SGOM PA DANG, PHRA BA'I MI RTAG PA SGOM PA'O, ,DANG PO LA LNGA, GSON PA 'CHI BA ZLOG BYED MIN ZHING DE TZAM LA YID BRTAN MI BYA BA DANG, 'CHI BA KUN GYI THUN MONG YIN PAS MI 'JIGS PA MI RIGS PA DANG, NA BA DANG RGA BA BCOS THABS LA BRTEN NAS 'CHI BA LA MI 'JIGS PA MI RIGS PA DANG, NAM 'CHI NGES PA MED PAS 'CHI BA LA MI 'JIGS PA CHES MI RIGS PA DANG, DPA' BO LA 'CHI BA 'JIGS PA'I RGYU MIN PA DGAG PA'O, ,DANG PO LA GNYIS, DNGOS DANG, GSON PA YUN RING BAR BSAMS NAS MI 'JIGS PA DGAG PA'O, , DANG PO NI, 'JIG RTEN GSUM LA MNGA' BSGYUR BA'I 'CHI BDAG YOD KYANG SNGA ROL NA 'CHI BA ZLOG BYED GSON PA YOD PAS GSON PA'I BAR DU 'CHI BA LA MI 'JIGS SO ZHE NA, GSON PA NI 'CHI BA ZLOG BYED MIN TE, DE NYID 'CHI BA'I DON DU ZHUGS PA'I PHYIR RO, ,'DI LTAR RGA SHI SKYE BA'I RKYEN CAN TZAM YIN PA'I PHYIR, BYIS PA THAMS CAD 'CHI BAR BYED PAR BYA BA'I PHYIR TU DANG POR SKYES PAR GYUR CING GSHED MAS GSAD BYA GSOD PAR BKRI BA LTAR BAR YANG RGA BA DANG NA BA DANG RGUD PA SOGS RKYEN @007A *, ,GZHAN GYI DBANG GIS SKAD CIG KYANG MI SDOD PAR 'CHI BDAG GI DRUNG DU 'GRO BA'I NGANG TSUL CAN GYI GSON PA LA NI YID BRTAN CUNG ZAD KYANG BYAR MI RUNG STE, 'CHI BA BYA BA BYED BZHIN PA LTAR TE GSAD BYA MIG BO GCOD PA LTAR RO, ,GSON PA BYA BA BYED PA MIN PA LTAR TE, SKYES RABS LAS, MI DBANG DPA' BO THOG MA'I MTSAN MOR NI, ,GANG NAS 'JIG RTEN MNGAL NA GNAS GYUR PA, ,DE NAS BRTZAMS TE DE NI NYIN RE ZHING, ,'GROS BSHOL MED PAR 'CHI BDAG DRUNG DU 'GRO, ,ZHES BSHAD PA LTAR RO, ,DPER NA RGYAL PO GTUM PO SNYING RJE MED PAS DUS DE TZAM LA MA SLEBS NA GSOD PAS BSDIGS PA'I PHO NYA BA'I BYA BA NI 'ONG BA KHO NA YIN GYI SDOD PA MIN PA BZHIN DU 'GRO 'CHAG NYAL 'DUG GANG BYED KYANG TSE BRI MI 'GRO BA'I SKABS CUNG ZAD KYANG MED PAS GSON PA LA YID BRTAN MI BYA'O, ,KUN TU RGYU MO ZHIG KHYIM DU 'JUG PAR BYA'O SNYAM STE, SGO NA 'DUG PA'I RNGA MO LA 'GOM PAR ZHUGS PA DANG, RNGA MO 'JIGS NAS LANGS TE BRGYUGS PA DANG DE YANG DE'I GZHAN DBANG DU GYUR PA BZHIN DU RANG CAG SKYES PA RNAMS 'CHI BA'I GZHAN DBANG DU SHES PAR BYA'O, ,YANG GZHAN GSOD PA'I PHYIR GSHED BYED SLONG BA DANG, GZHAN GSAD MA NUS PAS SLONG BA PO DE NYID GSOD PA LTAR SKYES PAS NI 'CHI BA NYID BYA BA YIN GYI GSON PA MIN PAR SHES PAR BYA'O, ,GNYIS PA NI, DENG SANG NI MI RNAMS TSE LO BRGYA PA YIN LA, SNGAR LO BCU DRUG 'DAS SHING BRGYAD CU RTZA @007B BZHID DUNG GNAS PAS DE'I BAR DU BDE BA LA LONGS SPYOD CING, PHYIS 'CHI BDAG LDOG PA LA 'BAD PAS GSON PA'I DUS RING PAS DE LA RE 'CHA' BA RIGS SO ZHE NA, CHES MI RIGS TE, KHYOD KYIS 'DAS PA'I DUS THUNG NGU LTAR MTHONG ZHING MA 'ONGS PA'I TSE THUNG DU LAS GZHAN DU RING PO LTAR MTHONG NA STE DE LTAR BZUNG NAS BAG MED PAR SPYOD PA NI SHIN TU MI RIGS TE, RIN CHEN PHRENG BA LAS, 'CHI BA'I RKYEN NI MED PA STE, GSON PA YI NI CUNG ZAD GCIG ,DE DAG RNAMS KYANG 'CHI BA YANG, ,DE BAS RTAG TU CHOS MDZOD CIG ,CES PA LTAR NAM 'CHI NGES PA MED PAS KHYOD 'DAS MA 'ONGS KYI TSE RING THUNG MNYAM PA'AM 'ON TE 'DAS PA THUNG ZHING MA 'ONGS PA RING BAS MI MNYAM PA LTAR SEMS PA DE NI GSAL BAR 'CHI BAS 'JIGS PA GO BAR BYA BA YIN TE, LAM 'JIGS PA DANG BCAS PAR ZHUGS PA'I MI ZHIG CHOM RKUN PAS 'JIGS BZHIN DU MI 'JIGS PA SKAD BYAS NAS BRTAN PA'I 'O DONG 'BOD CING GLU LEN PA DANG 'DRA'O, ,YANG DPER NA GRONG GI KHANG MIG GCIG TU BYIS PA BRDAL GCIG GIS MTSAN MO BSNGAD NAS PHYOGS PHYOGS SU BSHAD PA BTANG STE GZHAN RNAMS SNGA MOR LANGS TE DONG LA, BRAM ZE KHA CIG RJES SU GNAS PA LA KHANG SKYONG GIS BLUN PO SMAD PA'I GNAS MA BSNUN GYI BAR DU BSHAD PA MYUR DU SOL CIG CES SMRAS PA DANG, BRAM ZE DE DAG GIS RANG RANG GI BSHAD PA SEL GYI GZHAN GYI MI SEL LO, ,ZHES SMRAS PAR GRAGS TE MI GTZANG BAR MTSUNGS PA LA RANG GI BSHAD PA GTZANG BAR @008A *, ,BZUNG NAS BDAG GIR 'DZIN PA BZHIN DU NAM 'CHI NGES PA MED PA'I MA 'ONGS PA'I TSE RING BAR BLTA BA YANG DE DANG 'DRA'O, ,GNYIS PA NI, GAL TE MA 'ONGS PA RING BAR NGES MI NUS KYANG 'CHI BA SEMS CAN KUN GYI THUN MONG BA YIN PAS DE LA RANG NYID 'BA' ZHIG SKRAG PA BYA MI DGOS SO ZHE NA, CHES MI RIGS TE, 'CHI BA SEMS CAN GZHAN LA YANG SPYI MTHUN YIN PA'I PHYIR KHYOD LA 'CHI BA'I 'JIGS PA MED NA, GANG ZAG GCIG LA 'CHI BDAG GI GNOD PA GANG YIN PA DE GZHAN LA MA MTHONG BA NA SDUG BSNGAL ZHING KUN LA MTHONG NA SDUG BSNGAL GYI BLO MI 'BYUNG BA NI, GCIG PO DE PHRAG DOG GI SGO NAS SDUG BSNGAL BAR GYUR PA YIN LA 'CHI BA YANG PHRAG DOG GI SGO NAS SDUG BSNGAL BSKYED PAR 'GYUR RAM DE NI MIN TE, RANG GI NGO BOS SDUG BSNGAL BSKYED PA YIN PAS THUN MONG BA NYID SDUG BSNGAL BZLOG PA'I RGYU MIN PAS SKRAG PA'I GNAS LA SKRAG PAR RIGS SO, ,DPER NA RGYAL POS GRONG BA GCIG LA THOG MAR DBYA? BLANGS PAS SDUG PAR GYUR LA, PHYIS THAMS CAD LA BLANGS PA NA SDUG BSNGAL MI BYED PA'I DANG PO DE NI PHRAG DOG GIS SDUG BSNGAL BA YIN LA, 'CHI BA'I SDUG BSNGAL NI DE LTA MIN NO, ,DMYAL BAR GNAS PA'I GROGS MANG BAS SDUG BSNGAL CHUNG BA LA MI PHAN PA BZHIN NO, ,GSUM PA NI, GAL TE NA BA DANG RGA BA MED PAS 'CHI BA MI 'BYUNG ZHING, DE DAG GSO DPYAD DANG BCUD LEN GYIS PHYIR BCOS @008B SU RUNG BA'I PHYIR, 'CHI BA LA MI 'JIGS SO ZHE NA, NA BA DANG RGA BA CUNG ZAD BCOS SU YOD PAS 'CHI BA LA MI 'JIGS PA MI RIGS PAR THAL, GSO DPYAD KYIS NAD BCO BA DANG RGA BA, BCUD LEN GYIS CUNG ZAD GSO BAR BYA BA YIN PA DES DE DAG LA KHYOD RE SHIG MI 'JIGS SU CHUG MOD CHAD PA PHYI MA 'CHI BA'I 'JIGS PA THABS GANG GIS KYANG BCOR MED PAS KHYOD CHES GSAL BAR DE LA 'JIGS DGOS PA'I PHYIR RO, ,DPER NA RGYAL PO'I BLON PO RENGS PA ZHIG PHO NYA BA GZHAN MNGAGS PA DES BCOS PAR GYUR LA, RGYAL PO RANG NYID DMAG LA CHAS PA BCOS SU MED PA BZHIN NO, ,YANG KHRUS MKHAN GYIS BRAM ZE RNAMS GOS CHUD GZHAN PA THABS KYIS BSTUN PAR BYED LA RGYAL PO'I NA BZA' BRLAG PA MGU BAR BYA MA NUS PA BZHIN, 'GREL PAR, TSIGS BCAD DRANGS PA LA RGYAL PO'I NA BZA' BRLAG PA LA BSTOD PA'I TSIG SNYAN DNGAGS LEGS PAR SBYAR BA'I ZHU BAS BCOS NUS PA SRID LA, 'CHI BDAG NI ZHU BAS BCOS MI NUS PA'I MI MTHUN DPE BKOD PA YIN LA, BCOS DKA' BA DE YANG BCOS NUS KYANG 'CHI BA ZHU BAS BCOS MI NUS PAS 'CHI BA LA CHES 'JIGS DGOS PAR BSTAN TO, ,BZHI PA LA GNYIS, 'CHI BA KUN GYI THUN MONG BA YIN ZHING MNGON SUM DU MTHONG BAS 'CHI BA LA 'JIGS DGOS PA DANG, NAM 'CHI NGES PA CAN DU MA MTHONG BAS 'JIGS MI DGOS PA DGAG PA'O, ,DANG PO NI, SO SO SKYE BO RNAMS KYIS BZLOG TU MED PA'I 'CHI BA YOD MOD KYI DA LTAR NGES PA MA ZIN PAS MI 'JIGS SO ZHE NA, 'CHI BA NI RTOGS PAR DKA' BA MIN TE GSAD PAR BYA BA'I PHYUGS @009A *, ,RNAMS LA 'CHI BA THUN MONG BA YIN ZHING GCIG GIS GCIG 'CHI BA YANG MTHONG BA LTAR 'CHI BA YANG RANG CAG SO SO SKYE BO KUN GYI THUN MONG BA YIN ZHING GZHAN YANG DU MA ZHIG SHI ZIN PA MTHONG ZHING DA LTA YANG DU MA ZHIG 'CHI BZHIN PA DANG 'CHI BAR SNAD PAR 'GYUR NA 'CHI BA MA MTHONG BA RGYU MTSAN DU BYAS NAS KHYOD LA 'CHI BDAG GI 'JIGS PA RGYU CIS MED 'CHI BA'I 'JIGS PA BSAMS PAR BYA'O, ,GSOD PA'I PHYUGS RNAMS BSHAN PAS PHYUGS GCIG GSOD PA MTHONG BZHIN DU GZHAN DAG GSOD PAR GNAS PA BZHIN DU MI BYA BAR DGE BA LA BAG YOD PAR GNAS PAR BYA'O, ,GNYIS PA NI, GAL TE 'CHI BA MNGON SUM DU DMIGS KYANG DUS MA NGES PAS 'CHI BA BZLOG PA LA SHIN TU GUS PAS CI BYA SNYAM NA MI RIGS TE, 'CHI BA'I DUS LA NGES PA MED PA'I PHYIR BDAG RTAG GO SNYAM DU SEMS NA NI SHIN TU BLUN PA NYID DE NAM 'CHI NGES PA MED PAS DE RING NYID NAS 'CHI BA'I ZON BYED DGOS TE, DE RING MA SHI NA'ANG SAD LA SOGS PA NAM ZHIG GI DUS NA 'CHI BDAG GIS KHYOD LA GNOD PA BYED PAR 'GYUR BAS GSON PA'I DUS LA RE BA DOR NAS 'CHI BA BSAMS NAS THAR LAM SGRUB PA LA BAG YOD PAR BYA'O, ,DPER NA SRIN PO BA GA'I ZA RES LA YUL DE'I MI KUN RIMS KYIS 'GRO BA BZHIN DU SKYES PA THAMS CAD 'CHI BAR 'GYUR RO, ,LNGA PA LA GNYIS, SNGAR MA KHO NA LA 'CHI BA'I 'JIGS PA BSKYED PA MI 'THAD PA DANG, RANG GI SROG BSRUNG BA'I PHYIR SDIG PA BYED PA MI 'OS PA'O, ,DANG PO NI, 'DIR 'CHI BAR NGES MOD KYI @009B 'CHI BA'I 'JIGS PA NI SNGAR MA KHO NA LA MI DGA' BA BSKYED PA YIN GYI, DPA' BO RNAMS NI BRNYED BKUR DANG GRAGS PA SGRUB PA'I PHYIR TU GA-YUL NGOR MTSON RNON PO LUS LA BAB PAS KYANG NYAM NGA BA MED PAS 'CHI BA LA MI 'JIGS SO ZHE NA, CHOS MI RIGS TE, TSE 'DI'I MA 'ONGS PA'I DON RNYED BKUR SOGS LA 'BAD PAS LTA ZHING LONGS SPYOD SGRUB PA'I RTEN LUS GSON PA ZAD PA LA BLTA BA MA YIN NA BDAG NYID KYI SROG 'TSOD PA'I BYA BAS MA 'ONGS PA'I RNYED BKUR SGRUB PA KHYOD LA BDAG NYID NI RNAM DPYOD DANG LDAN PA YIN NO, ,ZHES PA SU ZHIG SMRA STE SU YANG MIN GYI RMONGS PA KHO NAR SMRA BAR BYED DO, ,DES NA SROG DANG BRAL BA LA BRTAG PA BYA YI RNYED BKUR LA CHAGS PAR MI BYA'O, ,BYAMS LDAN ZHES 'DON PA 'GREL BA'I DON MIN NO, ,DPER NA TSONG BA'I BU CHAGS 'BREL MANG PO CAN ZHIG PHAR CHAGS PA KHO NA LTA'I TSUR 'BREL PA LA BLTA BA MIN PAS DE NAS CHAGS 'BREL BGOD SGO BYAS PAS DE MA THAG PHONGS PA BZHIN NO, ,YANG BRAM ZHE ZHIG LA BU GSUM YOD PA MU GE'I TSE KHYIM THABS LA BU GCIG BTZONG BAR SMRAS PA, RGYAL PO ZHIG GIS MTHONG NAS BLANGS PAS, PHAS THU BO BZUNG, MAS THA CHUNG BZUNG BAS 'BRING PO DES RGYAL BU LA KHO BO BTZONGS PAR GYUR GYI KHRID PAR MDZOD CES RANG GIS RANG BTZONGS PA DANG 'DRA'O, ,GNYIS PA NI, GAL TE NOR GYI DON DU SROG GTONG BA SMAD PA YIN NA, RANG GI SROG BSRUNG BA'I PHYIR SDIG PA SPYAD PAR 'OS SO ZHE NA, MI RIGS TE, BDAG NYID PHYI MAR SDUG BSNGAL CHEN PO MYONG BA'I GTA' MAR BZHAG @010A *, ,PAR BYAS TE TSE 'DI'I BZA' BTUNG CUNG ZAD KYI CHED DU SDIG PA'I LAS CI'I PHYIR NA BYED NGES PAR KHYOD NI MKHAS PA DGRA BCOM PA RNAMS LTAR BDAG LA 'DOD CHAGS DANG BRAL BAR ZAD DO, ,DPER NA SMAD 'TSOD MAS GA-YO CAN BTZONGS PA DANG, CHAD MANG PO 'THUNG BA LA RIN MA BYIN PA GTA' MAR BZUNG BA BZHIN NO, ,GNYIS PA PHRA BA'I MI RTAG PA SGOM PA LA GNYIS, GSON PA SKAD CIG RE RE BAR ZAD PAS DE LA YID BRTAN MI BYA BA DANG, YUN RING PO GSON PA LA DGA' BA DANG RGAS PA MI 'DOD PA 'GAL BAS RGYUN LA CHAGS PA MI RIGS PA'O, ,DANG PO NI, YUN RING DU GSON DU RE BAS TSE 'DIR BDAG NYID BTZONGS NAS SDIG PA SPYOD PA MI RIGS TE, DUS GNYIS PAR MI SDOD PA DNGOS PO'I CHOS NYID YIN PAS SEMS CAN SU LA'ANG GSON PA ZHES BYA BA SEMS KYI SKAD CIG RE RE BA LAS GZHAN MED LA RTAG PAR 'KHRUL BA'I RGYUS ZIN PA'I SKYE BOS DE NGES PAR MI RIGS PA DES NA 'JIG RTEN NA BDAG NYID KYI NGANG TSUL SHES PA DKON PAS PHRA BA'I MI RTAG PA BSGOM PA LA 'BAD PAR BYA'O, ,DPER NA CHU KLUNG DU LHUNG NAS YUN RING PO LON PA'I GOS TSOL BA BZHIN DANG LHA'I BU 'GRO 'GYOGS KYI 'GROS PAR SNANG LA SPYOD PA'I RTA SOGS GANG GIS KYANG MI THUB PA BZHIN DU SKAD CIG MAR 'JIGS PA'I GSON PA LAS DUS THUNG BA YOD PA MIN NO, ,GNYIS PA NI, GSON PA SKAD CIG MA YIN YANG DE RGYUN MI 'CHAD PAS TSE RING BA'I PHYIR NA DE LA ZHEN PAR RIGS SO ZHE NA, BLO PHYIN CI LOG PA ZHIG STE KHYOD TSE YUN RING DU GSON PA LA DGA' @010B ZHING SKRA DKAR DANG GNYER MA SOGS DANG LDAN PA'I RGAN PA NYID LA KHYOD MI DGA' NA RJES SU BRTZEBS NA AE MA KHYOD KYI SPYOD LOG 'DI NI DAM PA MIN PA'I SKYO BO NI KHYOD RANG DANG 'DRA BA KHO NA LA DAM PA LTA BUR SNANG GI MKHAS PA RNAMS LA NI MIN PAS RGAS PA MI 'DOD PAS RGYUN LA CHAGS PAR MI BYA'O, ,DPER NA SKYED MOS TSAL DU ZHUGS PA'I RGAN PO ZHIG LA GZHON NU KHA CIG GIS KHYOD GZUGS NGAN NO ZHES BZHAD GAD DU BYED CING DE RNAMS YUN RING DU GSON PAR YANG 'DOD PA DANG 'DRA'O, ,GNYIS PA LA GNYIS, MDOR BSTAN PA DANG, BRGAL LAN GYIS RGYAS PAR BSHAD PA'O, ,DANG PO NI, RGYA SHI MI 'DOD PA YIN MOD KYI DE GNYIS BU LA YOD PA MYA NGAN GYI RGYUR 'GYUR BA LTAR RANG LA YOD PA MIN PAS BU SOGS 'CHI BA LA MYA NGAN BYED PAR RIGS SO ZHE NA, MI RIGS TE, 'CHI BDAG GI GZHAN DBANG DU GYUR PA'I SKYES BU KHYOD RANG SDIG PA DANG BCAS BZHIN DU 'CHI BA LA MYA NGAN BYA BAR 'OS NA RANG 'CHI BA RJES SU DRAN PA YAL BAR BOR NAS BU LA SOGS PA RNAMS SHI BA'I PHYIR CI STE, MYA NGAN BYED RIGS PA YIN TE, RANG NYID 'CHI BDAG GIS SPYO BAR BYA BAR GYUR BZHIN DU DE SEMS PA BOR NAS GZHAN SHI'O ZHES MYA NGAN BYED PA'I SMRA BA PO NI JI LTA BUR NA DAM PA RNAMS KYIS SMAD PAR 'OS PAR MI 'GYUR SMAD PAR BYA BA KHO NA YIN PAS RANG 'CHI BA RJES SU DRAN PA LA 'BAD PAR BYA'O, ,DPER NA BRAM ZE'I BRAN MTSAN MA BTAB PA GZHAN GYI BRAN DU GO BAR BYED KYI RANG NYID BRAN YIN NO SNYAM DU MI SEMS PA BZHIN DU RANG NYID 'CHI BA'I CHOS CAN YIN PA BRJED NAS BU SHI'O ZHES MYA NGAN BYAD PA YANG @011A *, ,DE DANG 'DRA'O, ,GNYIS PA LA DRUG ,BU MA DRAS PAR PHA ROL TU SONG BAS MYA NGAN BYED RIGS PA DGAG PA DANG, BU LA CHES CHAGS PA MI RIGS PA DANG, 'JIG RTEN PA GZHAN GYI NGOR BU SHING LA MYA NGAN BYED MI RIGS PA DANG, NYE DU PHYI MA RNAMS DANG 'BREL BA ZAB MO THOB PA'I DON DU NYE DU SHI BA LA MYA NGAN BYED MI RIGS PA DANG, NYE DU SOGS DANG LHAN CIG TU 'DU BA LA CHAGS PA BYED MI RIGS PA DANG, DUS TSIGS PHUN TSOGS LA CHAGS PAR MI RIGS PA'O, ,DANG PO LA GNYIS, DNGOS DANG, RANG NYID RMONGS PAR ZAD KYI DON GYIS 'GRO BA DRIS PA'O, ,DANG PO NI, RANG 'CHI BA LA MYA NGAN BYA BAR RIGS MOD KYI DE LTA NA YANG BU NYID DU BDAG GIR BYAS PA MA DRIS PAR 'JIG RTEN PHA ROL TU 'GRO BA LA MYA NGAN BYA BAR RIGS SO ZHE NA, DE YANG MI 'THAD DE, GANG GI TSE 'GA' ZHIG KHYOD KYIS NGA'I BU GYIS ZHES MA BCOL BAR DE RANG GI LAS DBANG GIS RANG NYID KYI BUR GYUR PA DE'I TSE DE PHA ROL TU 'GRO'O ZHES PHA LA DRI BA MA BYAS PAR 'GRO BA RIGS PAR MI 'GYUR BAR MIN NO STE 'GRO 'ONG GNYIS KA RANG DGAR SPYOD PA DE'I CHOS NYID YIN PAS SO, ,DPER NA BUD MED ZHIG GLO BUR DU 'ONGS NAS SKYED MOS TSAL NA GNAS PA ZHIG GI CHUNG MAR KHAS BLANGS LA DE GANG NAS 'ONGS PA YANG MI SHES SO, , DUS PHYIS DE MA BRIS PAR SONG BA NA DE'I DUS MYA NGAN BYED DO, ,DE LA GZHAN GYIS DE GANG NAS 'ONGS SHES SAM ZHES DRIS PAS MI SHES ZHES SMRA'O, ,'O NA DE BZHIN DU DE'I 'GRO BA YANG NGA DANG 'DRA BAS CI'I PHYIR MYA NGAN BYED CES PA LTAR GANG NAS @011B 'ONGS PA DANG GANG DU 'GRO MI SHES PA SHI BA LA MYA NGAN MI RIGS SO, ,GNYIS PA NI, GCIG TU NA DE 'GRO BA MA DRIS PA YANG MIN TE, KHYOD RANG NYID GTI MUG PA'I PHYIR NA BU YIN NO PHA ROL TU 'GRO BA'I MTSAN MA BSTAN PA NA RNAM PAR RTOG PA MED PAR ZAD PA YIN TE, 'DI YI 'JIG RTEN PHA ROL TU 'GRO'O ZHES DON GYIS 'GRO BAR SPRO BA NYID GNYER MA DANG, SKRA DKAR BA SOGS DANG LDAN PA RGAS PAS STON PAR BYED PAR 'GYUR RO, ,DPER NA BU GCIG PA ZHIG KHUR GYI PHYIR TU PHAS BTANG LA 'GRO BAR CHAS PA DANG MYA NGAN BYED PA BZHIN DU BU SKYED PA'I PHYIR 'BAD NAS SKYES PA'I 'BRAS BU SHI BA LA MYA NGAN BYED MI RIGS SO, ,GNYIS PA LA GSUM, BU LA LHAG PAR CHAGS PA MI RIGS PA'I RGYU MTSAN DANG, PHA DANG RJES SU MTHUN MI MTHUN GANG LA YANG CHAGS PAR MI RIGS PA DANG, BU LA PHA'I CHAGS PA GZHAN LA MA LTOS PAR BRTAN PA YOD PA MI 'THAD PA'O, ,DANG PO NI, GAL TE PHA ROL TU 'GRO BA SPRO BAR BSTAN MOD KYI DE LTA NA YANG BU LA CHER CHAGS PA'I MYA NGAN GYI RGYUR 'GYUR RO ZHE NA, CHAGS PA MI RIGS TE, JI LTAR PHA LA BU YID LA SDUG PA SKYE BA DE LTAR BU DE LA PHA LA SDUG PA SKYE BA MIN TE, 'JIG RTEN PA BU LA SOGS PA 'OG MA DAG LA SRED PA SKYE BA LTAR 'OG MA DAG SKYE BO GONG MA LA SRID PA SKYE BA MIN TE, DKA' BA BRGYA PHRAG GIS BSKYED PA'I BU LA SOGS PA BYAS PA SHES PA LHOD PAS PHA LA SOGS PA SKAD CIG LA 'DOR BA'I PHYIR RO, ,SRED PA JI LTA BA BZHIN DU LAS 'PHEN PAS 'JIG RTEN PA 'DI NI PHAL CHER DMYAL BA LA SOGS PA 'OG TU 'GRO BA DE'I PHYIR MTHO RIS KYANG RNYAD DKA' NA THAR PA @012A *, ,LTA CI SMOS PAS SKYE BO GONG MA KUN LA GUS PA LHUR BLANG BAR BYA'O, ,DPER NA SHING KUN GYIS DRIL BU'I SKAD RIM GYIS CHUD ZOS PAS BRLAG PA BZHIN DU BYAS PA MI GZO BAS CHOS BSHIG PAS MTHO RIS KYANG RNYED DKA' BAR 'GYUR RO, ,GNYIS PA NI, GZHAN YANG RANG GI YID DANG RJES SU MTHUN PA DANG MI MTHUN PA'I BU GANG LA YANG CHAGS PA MI 'THAD DE, DE LA GANG GI TSE BU PHA'I RJES SU MI MTHUN PA LA 'GA' YANG YOD DU SDUG CES BYA BA YOD PA MA YIN PA'I PHYIR RO, ,RJES SU MTHUN PA LA CHAGS SO ZHE NA, DE'I TSE CHAGS PA TSONG DANG NI 'DRA BA 'BA' ZHIG SKYE BAR ZAD KYI BU'I RGYU MTSAN GYIS CHAGS PA MIN NO, ,DPER NA RGYAL PO ZHIG LA BU SHIN TU SDUG PA GCIG YOD PA DE DUS BYAS PA DANG BLON PO RNAMS KYIS RENGS SO ZHES ZHUS PAS 'KHRUGS NAS BSAD PA'I PHYIR ZHUGS SO, ,DE NAS SHI'O ZHES ZHUS PA DANG RGYAL PO DGYES PA BZHIN NO, ,GSUM PA NI, RJES SU MTHUN MI MTHUN LA MA LTOS PAR BU LA PHA'I CHAGS PA BRTAN PO YOD DO ZHE NA, CHAGS PA LA BRTAN PA YOD PA MIN TE, CHAGS YUL BU LA SOGS PA DANG BRAL BAS BSKYED PA'I SDUG BSNGAL NI MI RNAMS KYI SNYING LA MYUR POR LDOG STE YUN RING DU MI GNAS SO, ,CHAGS PA'I 'CHING BA LHOD PAR MI 'GYUR NA DES BSKYED PA'I SDUG BSNGAL MI LDOG RIGS PA LA CHAGS PA LA'ANG DE'I 'BRAS BU SDUG BSNGAL DANG BRAL BAR MTHONG BA YIS MTSON PA'I CHAGS PA MI BRTAN PA NYID LTOS SHIG PA'O, ,DPER NA RGYAL PO 'GA' @012B ZHIG CHU'I STENG NAS 'GRO BA NA MI MA YIN GYIS GRU GZUNG BA DANG, DE'I BLON PO GCIG GIS BDAG GI BU RNAMS BSKYANG 'TSAL LO ZHES BU RGYAL PO LA BCOL NAS TSUR 'CHONGS TE NGA KHYER LA RGYAL PO THONG ZHES BYAS PAS GRU BTANG BAR 'GYUR LA, BU RNAMS PHA SHI BA THOS NAS SDUG BSNGAL LA, RGYAL POS LEGS PAR BSKYANGS PAS PHA SHI BA YON TAN GYI RGYUR SEMS PA BZHIN DU MYA NGAN YANG GTAN DU BA MA YIN NO, ,GSUM PA NI, BU SHI BA SOGS LA YID LA MYA NGAN BYA BA MI RIGS KYANG 'JIG RTEN GYI MTHUN 'JUG LA LTOS TE LUS LA BRDEG PA SOGS BYA DGOS ZHE NA, MI RIGS TE, SKRA 'BAL BA SOGS LUS LA GNOD PAS GZIR BA BYAS SU ZIN KYANG YON TAN YE MED SNYAM DU SHES BZHIN DU KHYOD BDAG NYID LA PHYI TSUL 'CHOS PA'I GZIR BA THOB PAR BYED PAR 'GYUR NA DE YANG GA-YON CAN RNAMS KYI LUGS YIN PAS BDAG LA BYED PAR MI RIGS SO, ,DPER NA BUD MED GCIG BUD MED GZHAN LA LCEB PA BSLAB PAR BYA'O, ,ZHES BDAG NYID GSOD CING SLOB DPON DU BSNYEMS PA DANG 'DRA'O, , BZHI PA NI, GAL TE GZIR BA LA YON TAN MED MOD KYI NYE DU PHYI MA DANG 'BREL PA THOB PA'I PHYIR TU GZIR BA YANG SPANG DU MED DU ZHE NA, 'JIG RTEN PA RNAMS LAS DBANG GIS BU DANG BU MOR GYUR NAS SDUG BSNGAL RNAM PAR 'GED PA LTA BUR 'JIG RTEN PA 'DI NI YONGS SU 'KHYAM PAR BYED LA NGO BO NYID KYIS SDUG BSNGAL BAR GYUR PA'I SKYE BO LA SDUG BSNGAL GSAR PA GZHAN 'GOD PAS CI ZHIG BYA RMA LA RGYA TSVA 'DEBS PAR BYED PA DANG 'DRA BA DE DAG DANG 'BREL PA THOB PA LA DGOS PA CUNG ZAD KYANG MED PAS, RANG NYID @013A *, ,'KHOR BA LAS THAR PA'I THABS LA 'BAD PAR BYA'O, ,DPER NA SPUN GNYIS YOD PA GCIG GI THAD DU PHA SHI LA CIG SHOS KYI THAD DU MA SHI NAS PHRAD PA DANG PHAN TSUN SDUG BSNGAL BSKYED PA DANG 'DRA BAS DGOS PA CUNG ZAD KYANG MED DO, ,LNGA PA LA GNYIS, DNGOS PO DANG, 'GROGS PA YUN RING PA LA CHAGS PA MI RIGS PA'O, ,DANG PO NI, BRAL BA SDUG BSNGAL GYI RGYU YIN YANG GNYEN DANG 'DU BA BDE BA'I RGYU YIN PAS CHAGS PAR RIGS SO ZHE NA MIN TE, GANG GI STE 'DU BA DGA' BA'I RGYU YIN PA DE'I BRAL BA JI LTAR DGA' BA'I RGYUR SEMS RIGS PA MA YIN TE RIGS PAR THAL, 'DU BA DANG NI BRAL BA DAG LHAN CIG RGYU BAR SNANG BA MIN NAM STE GCIG KHO NAR RGYU BA'I PHYIR, DPER NA BKRA SHIS MA'I RJES SU RNA NAG MA NGES PAR 'BRANG BA DANG, KHA ZAS DUG BCAS KYIS BDE BA CUNG ZAD BSKYED KYANG MTHAR SDUG BSNGAL BSKYED PA DANG 'DRA BAR SHES PAR BYA'O, ,GNYIS PA NI, MTHAR 'BRAL BAR NGES KYANG 'GROGS PA YUN RING BAS BRAL BA'I SDUG BSNGAL DE LA RTZIS SU BYA BA YIN NO ZHE NA, BRAL BA DANG PHRAD PA YUN THUNG LA 'DU BA YIN RING BA YIN PAR THAL, 'KHOR BA PA'I SKYE BO RNAMS KYIS 'DAS PA'I DUS LA THOG MA YOD PA MIN ZHING MA 'ONGS PA'I DUS LA YANG THA MA YOD PA MIN NA RGYU MTSAN CIS NA KHYOD KYIS DUS SHIN TU THUNG BA'I 'DU BA MTHONG ZHING DUS RING POR GYUR KYANG BRAL BA MTHONG BA MIN ZHING DE LA SKYO BAR MI BYED DUS CUNG ZAD KYI 'DU BA LA CHAGS PA DES DUS RING POR BRAL BA LA SKYO BAR BYA DGOS SO, ,MI KHA CIG ,BYES NA GNAS PA'I CHUNG MA GZHAN GYIS BDAG GIR BYAS PA YUL DU SLEB MA @013B THAG SDUG BSNGAL BAR GYUR BZHIN DU 'JIG RTEN PA RNAMS DUS RING POR BRAL BA LA MYA NGAN MI BYED PAR CUNG ZAD BRAL BA LA MYA NGAN BYED PA MI RIGS SO, ,DRUG PA NI BRAL BA YUN RING YANG SOS KHA ME TOG RGYAS PA DANG, STON DUS ZLA BA GSAL BA SOGS DUS TSIGS PHUN TSOGS KYIS SEMS KHRID NAS BRAL BA'I SDUG BSNGAL MED DO ZHE NA, SKAD CIG DANG THANG CIG DANG YUD TZAM LA SOGS PA'I DUS DE RNAMS RIM GYIS 'PHEL BAS KHYOD KYI GSON PA'I SKAD CIG ZAD PAR BYED PAS NGES PAR SROG 'PHROG PA'I DGRA DANG 'DRA BAR 'GYUR TE RGYU MTSAN DES NA DGRAR GYUR PA DE DAG LA RNAM PA KUN TU KHYOD 'DOD CHAGS MI BYA'O, ,DPER NA RGAN MO RJE MOS SDUG BSNGAL 'KHOR MAR BSKYED KYANG RJE MO LA CHAGS PAR BYED KYI MYA NGAN MI BYED PA BZHIN DU, DUS TSIGS LA CHAGS PA'I 'JIG RTEN PA YANG DE DANG 'DRA'O, ,GSUM PA LA GNYIS, NGES PAR BYA DGOS PA CHAD LAS LA LTOS PAR MI RIGS PA DANG, BYA BA NGAN PA LA CHAGS PA BTANG NAS THOG MA NYID NAS DBEN PA BSTAN RIGS PAR GDAMS PA'O, ,DANG PO NI, SNGAR BSHAD PA DE LTAR RIGS MOD KYI GNYEN DANG 'BRAL BAR DKA' BAS DES 'JIGS NAS NAGS SU MI 'GRO'O ZHE NA, BLO GROS NGAN PA KHYOD GNYEN BSHES DANG BRAL BA'I 'JIGS PA YIS DBEN PA BSTEN PA'I CHED DU KHYIM NAS NGES PAR MI 'BYUNG NA GNYEN BSHES DANG BRAL BA DE NI 'CHI BDAG GIS NGES PAR BYED PAS BLANG DOR LA MKHAS PA SU ZHIG NGES PAR NI BYA DGOS PA'I LAS DE NI NGES PAR 'CHI BDAG GIS CHAD PAS BCAD PA'I DBANG GIS BYED PAR 'GYUR, DES NA 'CHI BDAG GI CHAD PAS @014A *, ,MA BSKUL BAR NAGS SU SONG STE THAR PAR BSGRUB PA LA BRTZON PAR BYA'O, ,DPER NA GRONG PA RNAMS NGES PAR 'BUL DGOS PA'I DBYA? SDUG BSNGAL GYIS MA GZIR PAR DU MI 'BUL BA LTAR MI BYA'O, ,GNYIS PA NI, NYE DU RNAMS NGES PAR BTANG DGOS MOD KYI DE LTA NA YANG BU BSKYAD DE KHYIM GYI KHUR PHOG NAS NGES PAR NAGS SU 'GRO'O ZHE NA, KHYOD BU BSKYED PA LA SOGS BYA BA 'DI BYAS NAS GSAL BAR TE NGES PAR NI PHYIS DBEN PA'I NAGS SU 'GRO BAR BYA'O SNYAM DU SEMS NA BYA BA GANG ZHIG BYAS KYANG GDON MI ZA BAR BTANG BAR BYA BA, 'DOD BYA'I 'BRAS BU CUNG ZAD KYANG MI 'BYIN PA DE BYAS PA LA YON TAN CI ZHIG YOD, DANG PO NAS DOR BAR RIGS SO, ,DPER NA DGOS PA MED PA'I RDO BDAR BA DANG SHING RTOG AA SGRA MI GTZANG PAS GOS PA BKRUS NAS 'DOR BA BZHIN NO, ,GSUM PA MI RTAG PA SGOM PA'I PHAN YON NI, GAL TE NAGS SU 'GRO BA GTZO BO YIN MOD KYI, BDAG DANG BDAG GI BA LA CHAGS PAS 'JIGS NAS 'GRO MI NUS SO ZHE NA, 'CHI BA MI RTAG PA BSGOM PA LA BRTZON PAR BYAS NA BDAG DANG BDAG GI BA LA YANG CHAGS PA DANG BRAL BAR 'GYUR TE, 'DI LTAR BDAG NI NAM 'CHI NGES PA MED CING MYUR DU 'CHI'O SNYAM DU SEMS PA GANG LA MYUR DU 'CHI BAR THAG CHOD PA'I NGES PA YOD PAR GYUR PA DE NI, 'DU 'DZI THAMS CAD SPANGS NAS BDAG LA YANG SRID PA'I CHAGS PA YONGS SU BTANG BA'I PHYIR 'CHI BDAG LA YANG GA LA 'JIGS 'JIGS PA SPANGS NAS THAR PA THOB PAR 'GYUR BAS NA NAGS SU 'GRO BA DANG BU DANG BRAL BA LA 'JIGS @014B PAR MI 'GYUR RO, ,DPER NA KHA ZAS DUG MED PAR BYA BA'I PHYIR SOR GDUB 'JUGS DANG, KHA ZAS DUG CAN 'DOR BA BZHIN NO, ,DPE KHA CIG LAS 'BYUNG BA LTAR NGES PAR YOD CES KYANG BSHAD PA LA 'GAL BA MED DO, ,DE LTAR SNGAR BSHAD PA LTAR 'CHI BDAG GI GZHAN DBANG DU GYUR NAS 'CHI NGES PA DANG NAM 'CHI NGES PA MED PA YANG DANG YANG DU BSAMS PAR BYA STE, 'DI LA KHRID LEGS PAR TSUD NA LAM GONG MA RNAMS KYANG 'BAD PA MED PAR SKYE LA GZHAN DU NA DGE BA'I BSHES GNYEN PO TO BA GSUNG PA LTAR 'CHI BA MI RTAG PA BLO LA MA SKYES PAR DU RTOGS PA SKYE BA'I LAM 'GAGS PA YIN PAS RAGS PA'I MI RTAG PA DANG, PHRA BA'I MI RTAG PA GNYIS KA RGYUN LDAN DU BSGOM PAR BYA'O, ,RNYED BKUR SRID PA'I 'CHING BA GCOD BYAD CING, ,DBEN PAR BSGRUB LA BRTZON PA'I BSKUL MA MCHOG ,GSUNG RAB KUN GYI GSANG BA'I DAM PA NI, THOG MAR 'CHI BA RJES SU DRAN PA'O, ,ZHES PA BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS RTAG PAR 'DZIN PA SPANGS PA'I THABS BSTAN PA STE RAB TU BYED PA DANG PO'I 'GREL PA'O,, ,,GNYIS PA ZAG BCAS KYI LUS SDUG BSNGAL DU SGOM PA'I SGO NAS BDE BAR 'DZIN PA PHYIN CI LOG SPONG BA'I THABS BSHAD PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, TSIG DON SO SOR BSHAD PA DANG, RAB TU BYED PA'I DGOS PA @015A *, ,BSDUS TE BSTAN PA'O, ,DANG PO LA GSUM, RAGS PA'I LUS SDUG BSNGAL DU SGOM TSUL, DES NA STON PAS LUS SDUG BSNGAL DU BSGOM PAR GSUNGS PA DANG, KHYAB PA 'DU BYED KYI SDUG BSNGAL SGOM PA'I TSUL LO, , DANG PO LA GSUM, SDUG BSNGAL DANG LDAN PA'I LUS BSTAN PA'I TSUL DANG, SDUG BSNGAL SGOM TSUL RGYAS PAR BSHAD PA DANG, BDE BA RANG MTSAN PA YOD PA DGAG PA'O, ,DANG PO LA GNYIS, LUS SDUG BSNGAL DU MTHONG YANG DE MA NYAMS PAR BSRUNG BA'I DGOS PA DANG, LUS LA HA CANG CHAGS PA SPONG BA'O, ,DANG PO NI, ZAG PA DANG BCAS PA'I LUS NI NANG GI GNOD PA NAD BZHI BRGYA RTZA BZHI DANG, PHYI'I GNOD PA DBYIG PA DANG BOD PA SOGS KYIS GLAGS SU BSNUN PAS SDUG BSNGAL GYI 'BYUNG KHUNGS SU GYUR PAS SDUG BSNGAL GYI RANG BZHIN MNGON SUM DU GZIGS PA'I 'PHAGS PA RNAMS KYIS DGRA LTAR MTHONG MOD KYI DE LTA NA YANG LUS DE MI NYAMS PAR BSRUNG BAR BYA STE, TSUL KHRIMS DANG LDAN PA YUN RING PO 'TSO BA NI DE LAS BSOD NAMS DANG YE SHES KYI TSOGS RGYA CHEN PO RDZOGS PAR BYED BSOD NAMS CHEN PO BYED PA'I PHYIR RO, ,DE NI LUS DGRA LTA BU YIN NA BSKYANG BAR BYA BA MIN NAM SNYAM PA'I DOGS PA GCOD PA YIN LA RNAM PA GCIG TU NA MI RTAG PA'I GTAM GYIS SEMS SKYO ZHING LUS DON MA YIN PA 'DREN PA 'DIS CI BYA SNYAM DU BRNYAS PA SPANGS PA'I PHYIR LUS NI DGRA LTAR ZHES SOGS BSHAD PAR BYA'O, ,DPER NA TSONG DPON GYI BU 'CHING BA GCIG GIS SPREL BA'I RKUN PO SRUNG BA BZHIN NO, ,GNYIS PA NI, @015B GAL TE LUS BSRUNG BYA YIN NA ZAS GOS KYI SGO NAS LHAG PAR CHAGS PAR BYA DGOS SO ZHE NA, SKYON MED DE, MI RNAMS BKRES SKOM LA SOGS PA'I SDUG BSNGAL GANG CUNG ZAD 'BYUNG BA DE NI LUS NYID LAS SKYE ZHING ZAS SKOM GYIS TSIM PA SOGS LUS LA BDE BA CUNG ZAD 'BYUNG BA DE NI PHYI'I RKYEN GZHAN KHO NA LA RAG LAS NA SDUG BSNGAL KUN GYI SNOD DU GYUR PA'I LUS KYI KHOG PA 'DI LA KHYOD CI STE GUS 'BAD PAS DGE BA BSGRUB NUS PA DANG, ZAS GOS LA BRTEN PA'I NYES PA MI 'BYUNG BA DE TZAM DU BCAD PAR BYA'O, ,DPER NA SHA ZA MO GZUGS MDZES PA'I CHA BYAD STON PA ZHIG MI ZHIG GIS SHING RTA LA BSKYON PA DANG, DE NAS RING PO MA LON PA'I MDUN DU SHA ZA MI SDUG PA ZHIG BYUNG BA RAL GRI RNON POS BCAD PA DANG SHA ZA GNYIS SU GYUR, DE GNYIS KYANG BCAD PAS BZHIR GYUR DE NAS NAM MKHA' NAS LHA ZHIG GIS BUD MED DE BSAD NAS THAMS CAD BSAD PAR 'GYUR RO ZHES SMRAS SO, ,DES KYANG DE LTAR BYAS PA LTAR MI RTAG PA DANG SDUG BSNGAL BSGOMS NAS LUS LA CHAGS PA SPANGS TE, LUS MI 'BYUNG BA LA 'BAD PAR BYAS NA SDUG BSNGAL THAMS CAD MED PAR 'GYUR RO, ,GNYIS PA LE BDUN, LUS 'DI TSOR BA SDUG BSNGAL SHAS CHE BA BSAM PA DANG, RTZOL BA CHEN PO MI DGOS PAR SDUG BSNGAL 'BYUNG SLA BA BSAM PA DANG, LUS SDUG BSNGAL GYI RANG BZHIN LAS MA 'DAS PA BSAM PA DANG, SDUG BSNGAL GYIS GNOD PA BYED TSUL BSAM PA DANG, SDUG BSNGAL CHES STOBS DANG LDAN PA BSAM PA DANG, TSOR BA BDE BA LUS KYI 'GRON PO LTA BUR BSAM @016A *, ,PA DANG, DES NA LUS SDUG BSNGAL GYI RANG BZHIN LA SKYO BA BSKYED PAR 'OS PA'O, ,DANG PO LA GNYIS, DNGOS DANG, BDE BA 'DOD CING SDUG BSNGAL MI 'DOD KYANG SDUG BSNGAL RJES SU 'BRANG BA'I TSUL BSAM PA'O, ,DANG PO NI, GAL TE SDUG BSNGAL LUS KHO NA LAS 'BYUNG YANG DE PHYIR BCOS SU YOD PAS STOBS CHUNG ZHING BDE BA CHE BAS SDUG BSNGAL LA MI 'JIGS SO ZHE NA, GANG GI TSE LHA SBYIN GDING BA 'JAM PO LA 'DUG STE YUL YID DU 'ONG BA LA SPYOD PA'I BDE BA MYONG BZHIN PA SBRANG BU MCHU RINGS KYIS PHUG PA NA BDE BA NYAMS NAS SDUG BSNGAL GYIS SKYO BAR 'GYUR BA BZHIN DU SDUG BSNGAL CHOS STOBS DANG LDAN PAS BDE BA SHAS CHER MI LA MI 'BYUNG NA DE LTAR STOBS CHEN PO DE CHUNG NGU SNYAM DU SEMS PAR BYED DAM STE SEMS PA MI RIGS PAS SDUG BSNGAL BSAMS LA SKYO BAR BYA'O, ,DPER NA SGRA BSGOGS KYIS SDUG BSNGAL CHEN POS MGRIN BZANGS KYI CHUNG MA 'PHROG PA BYAS MOD SDUG BSNGAL GYI DE LA BDE BA CHUNG NGU YANG YOD PA MIN PA LTAR SDUG BSNGAL GYI 'DAM DU BYING PA'I 'KHOR BA LA BDE BAR SEMS PA YANG DE DANG 'DRA'O, ,GNYIS PA NI, BDE BA SDUG BSNGAL GYIS NON PA DANG CHUNG BA NYID KYI PHYIR 'JIG RTEN PA RNAMS BDE BA BSGRUB PA LA MNGON PAR PHYOGS SHING SDUG BSNGAL LA 'DROS MOD KYI SDUG BSNGAL GYI RANG BZHIN GYI LUS BDE BAR GYUR PA DAG KYANG RNYED DKA' STE, BDE BA'I RE BAS SDUG BSNGAL GYI RGYU GSOG PA'I PHYIR RO, ,DES NA SO SO SKYE BO SKAD CIG GIS 'JIG CING MI RTAG PA 'DI LA SDUG BSNGAL LA BROS SU ZIN KYANG SDUG BSNGAL NI SKYES BU LA GRIB ME RJES SU SNYED PA DANG 'DRA BAR SDUG @016B BSNGAL RJES SU 'BRANG BAS SPANG BAR DKA'O, ,DPER NA, GLANG CHEN MYOS PAS 'JIGS PA KHRON PA'I CHED DU PHYIN NAS BDAG THAR PAR SEMS PA DANG 'DRA'O, ,GNYIS PA LA GNYIS, BDE BA DKON PA LA MOS NA MOD PA'I SDUG BSNGAL LA 'JIGS RIGS PA DANG, CHAGS PAS LAS LA GUS PA DGRA LA GUS PA DANG MTSUNGS PA'O, ,DANG PO NI, SDUG BSNGAL NI RTAG TU NYE BA DANG MI NYE YANG 'BAD PAS BSGRUB MI DGOS PAR 'DOD PAS RNYED PAR 'GYUR GYI 'DOD PAS BDE BA RNYED PA GA LA YIN TE SDUG BSNGAL CAN GYI LUS LA DKON PA'I PHYIR RO, ,NYI TSAN LA GANG BA DKON PA BZHIN NO, ,'JIG RTEN PA KHYOD RGYU CIS BDE BA DKON PA LA GUS SHING SDUG BSNGAL MOD PA LA CIS TE KHYOD MI 'JIGS 'DOD PA'I BDE BA DKON PA LA GUS PAR BYED NA MI 'DOD PA'I SDUG BSNGAL MOD PA LA YID 'BYUNG BYA BAR RIGS SO, ,DPER NA RGYAL PO'I MDZOD PHUG PA LA RANG 'DOD KYIS SDUG BSNGAL CAN GYI BDE BA MI 'THOB PA BZHIN NO, ,GNYIS PA NI, LUS GZHON SHAD CAN LA TSER MAS KYANG SDUG BSNGAL CHEN PO BSKYED PA LTAR CUNG ZAD BDE BAR GYUR PA'I LUS PO NI SDUG BSNGAL CHEN PO'I SNOD DU GYUR PA STE GANG ZAG DES LUS LA GUS PA DANG DGRA LA GUS PA DE DAG GNYIS NI MTSUNGS PAR SNANG STE SDUG BSNGAL GYI RGYU SDUD PAR 'DRA BA'I PHYIR RO, ,DPER NA SHING RTA LA NYAL BA'I MI GCIG RGYAL POS MTHONG NAS DE SNYING RJES LEGS PAR BSKYANGS PAS YUNGS KAR GYI 'BRU GCIG GIS REG PAS KYANG GNYID MI RNYED PA DE LTA 'GYUR BA LTAR BDE BA'I YO BYAD JI LTAR BSTEN PA DE LTAR SDUG BSNGAL GYI SLONG DU 'GYUR RO, ,GSUM PA NI, GZHAN YANG LUS NI YUN RING POR BDE BA'I RGYUR GYUR PA'I LONGS @017A *, ,SPYOD KYIS BSKYANGS TE SHIN TU 'GOR BAS KYANG BDE BA'I BDAG TU MA 'GYUR TE SDUG BSNGAL GYI RANG BZHIN CAN YIN PA'I PHYIR, RANG BZHIN RKYEN GZHAN GYIS ZIL GYIS GNON ZHES BYA BA RIGS PA MIN NO, ,DPER NA KHU BYUG GI PHRUG GU BYA ROG GIS JI TZAM BSKYED KYANG KHU BYUG KHO NA'I YIN PAR 'GYUR GYI, BYA ROG GI MIN PA BZHIN DU LUS BDE BA'I RANG BZHIN DU 'DOD PA YANG DE DANG 'DRA'O, ,BZHI PA NI, GAL TE RGYAL RIGS LA SOGS PAR SKYES NAS MA SHI BAR TSOR BA BDE BA KHO NA DANG LDAN PAR MTHONG BAS SDUG BSNGAL GYI RANG BZHIN YIN PA MI RIGS SO ZHE NA, 'KHOR DANG LONGS SPYOD CHEN PO DANG LDAN PA'I RGYAL PO LA SOGS PA MCHOG RANG GI PHUN TSOGS NYAMS DOGS PA DANG GZHAN GYI PHUN TSOGS LA MI BZOD PA'I YID KYI SDUG BSNGAL DANG RGYUN DU LDAN TE YO BYED KYIS PHYOGS PA'I THA MAL PA RNAMS LA TSOR BA SDUG BSNGAL LUS LAS SKYES SO, ,DE LTAR LUS SEMS KYI SDUG BSNGAL GNYIS KYIS 'JIG RTEN PA 'DI NYIN RE NYIN RE BZHIN DU 'JOMS PAR BYED DO, ,DPER NA RGYAL POS GLANG PO CHE LA BSKYON PA'I MI 'DUL SPYOD MKHAS PA DGA' BA DANG, DE MTHONG NAS GLANG PO CHE LA DBANG BYED PA'I MI YID MI BDE BA DANG, MI MKHAS PA RGYAL POS CHAD PA DANG SBYAR BAS LUS SDUG BSNGAL BA BZHIN NO, ,LNGA PA NI, GAL TE SDUG BSNGAL GNYIS YOD MOD KYI DE LTA NA'ANG BDE BA CHEN POS ZIL GYIS MNAN PAS MI SHES SO ZHE NA, SDUG BSNGAL ZIL GYIS GNON NUS PA'I BDE BA CHEN PO MED DE, BDE BA NI SDUG BSNGAL GYI DBANG DU GYUR PA'I RTOG PA LA RAG LAS TE, 'DI LTAR BDAG NI GTONG BA @017B PO'O SNYAM PA SOGS KYI TSE YID KYI BDE BA 'BYUNG NA 'BYOR PA YOD KYANG RGYUN CHAD KYIS DOGS PA'I RTOG PAS YID KYI BDE BA BZLOG PAR 'GYUR BA BDE BA SKYE BA DANG 'GAG PA RTOG PA'I DBANG DU GYUR CING BDE BAS BSDUS PA'I RTOG PA SDUG BSNGAL GYIS 'JOMS PAS SDUG BSNGAL GYI DBANG DU GYUR PA DE'I PHYIR 'JIG RTEN KUN NA SDUG BSNGAL LAS SHIN TU STOBS DANG LDAN PA'I TSOR BA BDE BA CI YANG MED DO, ,DPER NA CHEN CHUN GNYIS LAS GCIG RANG GI BU SHI BA LAS CIG SHOS KYI BU BKUR BA SDUG BSNGAL CHE BA BZHIN NO, ,DRUG PA NI, BDE BA RNYED DKA' YANG GNOD PA MI BYED PA'I PHYIR, LUS KYI RANG BZHIN YIN LA SDUG BSNGAL MANG YANG GNOD PA BYED PAS LUS KYI GZHAN PO LTA BU YIN NO ZHE NA, TSOR BA BDE BA LUS KYI RANG BZHIN MIN PAR THAL, BYIS PA DANG GZHON NU DANG DAR LA BAB PA DANG RGAS PA SOGS JI LTA JI LTAR DUS 'GRO BA DE LTA DE LTAR RGYAS PA SOGS SDUG BSNGAL 'PHEL LA BDE BA RGYAB NAS BYER PA DE'I PHYIR BDE BA LUS 'DI'I GZHAN PO ZHAG RE TZAM SGROD PA'I 'GRON PO LTA BUR SNANG BAR 'GYUR BA'I PHYIR RO, ,DPER NA LAM RING POR 'GRO BA'I SKYES BU NYIN RE BZHIN NGAL BA DANG LAM RGYAGS ZAD PAS SDUG BSNGAL 'PHEL BA BZHIN NO, ,BDUN PA NI, LUS SDUG BSNGAL GYI RANG BZHIN YIN YANG BDE BA'I RGYUS BCOS SU YOD PAS SKYO BAR MI BYA'O ZHE NA, MI RIGS TE, LUS 'DI LA SDUG BSNGAL GYI RGYU MANG PO STE NANG GI RKYEN NAD RNAMS DANG, GZHAN PHYI'I RKYEN MANG PO SNANG BAR GYUR PA YIN LA DE SNYED DU NI MI RNAMS LA BDE BA'I RGYU DAG SNANG BA MA YIN PA'I PHYIR RO, ,DES NA SDUG BSNGAL BA RGYUD MAR 'BYUNG BAS SKYO BAR BYA DGOS SO, ,DPER NA KHA CIG RGYAL PO'I @018A *, ,BU MO RANG GI KHYIM THAB LA DON DU GNYER BAS SDUG BSNGAL MANG PO DANG 'BREL BA BZHIN NO, ,GSUM PA BDE BA RANG MTSAN PA YOD PA DGAG PA LA LNGA, SDUG BSNGAL RANG MTSAN PA YOD KYANG RANG GI MTSAN NYID KYI BDE BA MED PAR BSTAN PA DANG, SDUG BSNGAL LA BDE BAR 'DZIN PA PHYIN CI LOG TU BSTAN PA DANG, BZHIN PA ZHON PA SOGS LA BDE BA RANG MTSAN PA DANG PO NAS MED PA DANG, 'JIG RTEN PA RNAMS SDUG BSNGAL PHYIR BCOS KYI TSOR BA SIM PA LA BDE BA RANG MTSAN PAR ZHEN PA DANG, BDE BA RANG MTSAN PA MED PA'I RGYU MTSAN GZHAN BSTAN PA'O, ,DANG PO LA GNYIS, BDE BA CUNG ZAD 'PHAL BA MTHONG BAS RANG MTSAN PA'I BDE BA YOD PAR MI 'GRUB PA'I RGYU MTSAN DANG, SDUG BSNGAL RANG MTSAN BSKYED PA'I RGYU YOD KYANG BDE BA RANG MTSAN PA'I RGYU MED PA'O, ,DANG PO NI, GAL TE BDE BA MED NA 'PHEL BA MI RIGS PA LA 'PHEL BA MTHONG BA'I PHYIR NGO BO NYID KYI BDE BA YOD DO ZHE NA, MIN TE, GONG NAS GONG DU 'PHEL BZHIN PA'I BDE BA LAS JI LTAR BZLOG PA SDUG BSNGAL 'BYUNG BA MTHONG BAR 'GYUR BA DE LTAR SDUG BSNGAL 'PHEL BZHIN PA LAS BZLOG PA MTHAR BDE BA 'BA' ZHIG GIS BSDUS PA DE LTA BU YOD PA MIN NO, ,SDUG BSNGAL 'PHEL NA LUS SEMS SHIN TU GDUNG BAR 'GYUR LA, BDE BA 'PHEL BA'I MTHA' SDUG BSNGAL GYIS SDUD PA YIN NO, ,DPER NA RGYAL PO NGA LA NU BRGYA BYIN GYI STAN PHYED 'DOD PAS 'OG TU LHUNG BA BZHIN NO, ,GNYIS PA NI, BDE BA'I RGYU KHA ZAS SOGS BSTEN GRAGS NA BDE BA RANG GI RKYEN DANG LHAN CIG BDE BA LAS BZLOG @018B PA SDUG BSNGAL 'BA' ZHIG 'BYUNG BAR MTHONG GI SDUG BSNGAL LA, DE'I RGYU BSTEN NA SDUG BSNGAL GYI RKYEN RNAMS DAG DANG LHAN CIG TU BZLOG PA BDE BAR 'GYUR BA YOD PA MIN NO, ,DPER NA, RGYAL PO MYA NGAN MED KYI BTZON RA NYAMS DGA' BA ZHES SOGS DANG POR RANG GANG DGA' BA'I SPYOD LAM BYED DU 'JUG LA DE NAS SPYOD LAM GZHAN BSTEN PA MED PAS PHYIS SDUG BSNGAL BAR 'GYUR BA BZHIN NO, ,GNYIS PA LA DRUG ,'CHI BZHIN PA LA BDE BAR ZHEN PA MI RIGS PA DANG, GNOD BZHIN PA LA BDE BAR ZHEN PA MI RIGS PA DANG, DGRA LTA BU MI MTHUN PA DU MA 'DUS PA LA BDE BAR ZHEN PA MI RIGS PA DANG, BRLAG BZHIN PA LA BDE BAR ZHEN PA MI RIGS PA DANG, NGAL DUB KYI LAS BYED BZHIN PA LA BDE BAR ZHEN PA MI RIGS PA DANG, BDE BA CUNG ZAD KYI DON DU SDUG BSNGAL GYI RGYU SGRUB PA BDE BAR ZHEN PA MI RIGS PA'O, ,DANG PO NI, LHAN CIG BDE BA DANG LDAN NO ZHES BRJOD PA LAS NA BDE BA YOD DO ZHE NA, 'DU BYED RNAMS NI SKAD CIG RE RE LA 'JIG PA'I NGANG TSUL CAN YIN ZHING DE YANG DUS GSUM LA MI 'KHRUL BAS KHYOD SNGAR 'JIG CING 'CHI BZHIN PA LA DUS SONG ZHING, DA LTAR YANG 'GRO BA DANG MI PHYIS KYANG 'GRO BAR 'GYUR NA 'CHI BZHIN PA NI BDE BAR 'GYUR RO, ,ZHES RNAM PA KUN TU'ANG RIG PA MIN NO, ,DPER NA BRAN NGAN PA ZHIG GIS KHYIM BDAG GI RDZAS MANG PO CHUD GSON PAS KHYOD NI BYAS PA MI SHES PA ZHIG GO ZHES BRJOD PA DANG, NGA LA YID LA BRTEN PA KHYOD NYID BYAS PA CHUD GSON PA YIN NO ZER BA LTAR PA BYIS PA RNAMS KYANG 'CHI BZHIN PA LA BDE'O SNYAM DU SEMS @019A *, ,SO; ;GNYIS PA NI, GZHAN YANG SDUG BSNGAL LA BDE BAR ZHEN PA MI RIGS PAR THAL, LUS CAN RNAMS LA BKRES PA DANG SKOM PA SOGS KYI GNOD PA RTAG TU YOD PAR GYUR NA SDUG BSNGAL GYI RGYUS GNOD BZHIN PA NI BDE'O ZHES RNAM PA KUN TU'ANG RIGS PA MIN PA'I PHYIR RO, ,DPER NA MNA' MA KHA CIG KHYIM GYI DBANG DON DU GNYER BAS DE BYAS PAS SDUG BSNGAL BAR 'GYUR KYANG BDE BAR RLOM PA BZHIN NO, ,GSUM PA NI, 'BYUNG BZHI GANG RUNG RE RE LA RANG GI LUS 'GRUB PA'I NUS PA MED PAS 'BYUNG BA KUN LA STE KUN TSOGS PA LAS LUS ZHES BYA BA SKYE BAR 'GYUR TE RLUNG GIS GZHAN RNAMS 'THOR BA DANG, MES SA BSREG CING CHU SKEM PA SOGS PHAN TSUN GNOD PA BYED PAR ZHUGS PA YIN LA, PHAN TSUN MI MTHUN ZHING 'GAL BA TSOGS PA RNAMS BDE'O ZHES RNAM PA KUN TU'ANG MI RIGS SO, ,DPER NA RTA DANG CE SPYANG DANG SBRUL DANG 'DAB CHAGS DANG, RI DVAGS DANG CHU SRIN BYIS PA GSOD DANG DRUG LHAN CIG TU 'DUS PA LA BDE BA MED PA DANG 'DRA'O, , BZHI PA NI, LUS CAN RNAMS GRANG BA DANG TSA BA SOGS RNAMS LA PHYIR 'CHOS PA'I THABS STOBS LDAN RTAG TU YOD PA MA YIN NA GNOD BYED KYI BRLAG BZHIN PA NI BDE'O ZHES RNAM PA KUN TU'ANG RIGS PA MIN NO, ,DPER NA ZHAGS PA DANG DBYUG PA CAN GYIS BDAS PA'I RKUN PO LA BDE BA MED PA BZHIN NO, ,LNGA PA NI, GANG GI PHYIR 'JIG RTEN NA LHAS BYIN BDE BAR NYAL 'DUG GO ZHES PA'I THA SNYAD YOD PAS BDE BA RANG MTSAN PA YOD DO ZHE NA, LUS SEMS KYI 'BAD RTZOL MED PAR NYAL BA @019B DANG 'GRO 'DUG LA SOGS PA'I SPYOD PA ZHES BYA BA 'GA' YANG SA STENGS NA YOD PA MIN NA NGAL DUB KYI LAS BYED PA BZHIN PA BDE BA YIN NO ZHES RNAM PA KUN TU'ANG MI RIGS SO, ,DPER NA BRDA SPROD PA LA SOGS PA'I MKHAN PO LNGAS GZIR BA'I RGYAL PO'I SRAS RTAG TU SDUG PA BZHIN NO, ,DRUG PA NI, BDE BA MED NA BDE BA'I DON DU SDUG BSNGAL MYONG BA MI 'THAD PA LA BDE BA BSGRUB PA'I CHED DU SDUG BSNGAL MYONG BA MTHONG BAS BDE BA YOD DO ZHE NA, MI MKHAS PA BDE BA CUNG ZAD KYI DON DU SDIG PA SPYAD PAS TSE 'DIR 'CHI BA SOGS DANG PHYI MAR NGAN 'GRO'I SDUG BSNGAL MYONG BAR 'GYUR BAS, MKHAS PA RNAMS NI BDE BA 'DOD PAS TSE 'DI DANG GZHAN DU BDAG NYID NI RTAG TU SDIG PA'I RGYU CAN GYI SDUG BSNGAL LAS BSRUNG BAR BYA DGOS PAS MI MKHAS PA BDE BA'I DON DU LAS BYAS PA'I 'BRAS BU NGAN 'GRO YOD NA DE LA BDE BA ZHES RNAM PA KUN TU'ANG RIGS PA MA YIN NO, ,DPER NA MA TSOR BAR 'JUG PA'I DGRA LA RTAG TU 'JIGS PA 'BYUNG BA BZHIN DU BDAG NYID SDIG PA LAS BSRUNG BAR BYA'O, ,GSUM PA NI, BDE BA DON DU GNYER BA RNAMS RKANG PA GNYIS KYIS 'GRO BA LA SDUG BSNGAL DMIGS NAS RTA DANG GLANG PO SOGS LA ZHON PA MTHONG BAS BDE BA YOD DO ZHE NA, BDE BA'I RGYUR 'DOD PA DE DAG DPYAD PA'I TSE DANG PO NAS SDUG BSNGAL CHUNG NGU BRTZAMS PA YIN TE, BZHIN PA ZHON PA DANG BZA' BTUNG LONGS SPYOD PA SOGS LA MI RNAMS KYI BDE BA DANG PO NAS RTAG TU YOD PA MA YIN TE, LHAG PAR SPYAD NA SDUG BSNGAL 'BA' ZHIG TU 'GYUR BA'I PHYIR RO, ,DANG PO GANG LA SDUG @020A *, ,BSNGAL RTZOM PA MED PA DE LA MTHAR SDUG BSNGAL CHEN POR 'PHEL BA GA LA YOD, DANG PO NAS SDUG BSNGAL GYI RGYU CHUNG NGU BRTZAMS PA LA BDE BAR ZHEN PA YIN NO, ,DPER NA, SKYES BU BLUN PO ZHIG PHA MA'I KHUR SKYA PHYED BKRES PA SEL BA'I RGYUR SEMS PA BZHIN NO, ,BZHI PA NI, GAL TE SDUG BSNGAL PHYIR BCOS PA'I RGYU CAN GYI BDE BA NI YOD DO ZHE NA, PHYUG PO 'GA' ZHIG GSER GYI SNOD DU SKYUGS PA NA BRAN PO SA'I SNOD DU SKYUGS PA MTHONG NAS SKYUG PA LA BDE BA MED PAR KHYAD PAR MED KYANG BDAG NI DBANG THANG PHUN SUM TSOGS PA'I SNYAM DU JI LTAR PHYUG PO 'GA' ZHIG DGA' BAR 'GYUR BA DE BZHIN DU SDUG BSNGAL PHYIR BCOS PA SHUGS CHUNG NGU SONG BA'I GNAS SKABS KYI TSOR BA SIM PA LA RANG MTSAN PA'I BDE BAR BZUNG NAS BDE'O SNYAM DU SEMS PAR BYAD PA YIN GYI BDE BA RANG MTSAN PA MED DO, ,DPER NA NYI MAS GDUNGS NAS GRIB MA LA 'DUG PA'I TSE TSIG PA'I SDUG BSNGAL CUNG ZAD SHUGS CHUNG BA'I SKABS KYI TSOR BA SIM PA LA SDUG BSNGAL PHYIR BCOS KYI BDE BA ZHES BYA LA, TSA BAS NYEN PA'I SDUG BSNGAL GYI SHUGS YAL MA THAG GRANG BA'I SDUG BSNGAL 'GO 'DZUGS PAS SDUG BSNGAL YE MED PA'I TSOR BA MI SRID LA 'JIG RTEN PA'I TSOR BA SDUG BSNGAL LA NI DE'I GZHIR TSOR BA BDE BA SHUGS CHUNG NGU TZAM YANG DGOS PA MIN NO, ,DES NA 'JIG RTEN PA RNAMS LA SDUG BSNGAL RANG MTSAN PA YOD LA, BDE BA RANG MTSAN PA MED CES BYA'O, ,THA SNYAD DU TSOR BA BDE BA MED CES KHAS BLANGS DU MI RUNG STE, SKUR 'DEBS SU 'GYUR BA'I @020B PHYIR RO, ,DPER NA SNGON PO DE SER PO DANG SGRIGS KYANG SNGON PO'I BLO SKYE YI SER PO'I BLO MI SKYE BA DANG, RING PO DE DE BAS CHES RING BA DANG BSGRIGS NA THUNG NGU'I BLO SKYE BA'I KHYAD PAR LTAR SHES PAR BYA'I, RTAGS KYI DGAG BYA'I CHOS KYI RANG MTSAN DANG 'DU BAR GO BAR MI BYA'O, ,DPER NA LTA STANGS KYIS BSNUN PA LA BDE BAR SEMS PA DANG 'DRA'O, ,LNGA PA LA GNYIS, SDUG BSNGAL CHUNG NGU BRTZAMS PAS SDUG BSNGAL CHEN PO GZHAN LDOG PAR MTHONG BAS BDE BA RANG MTSAN PA YOD PA MI 'GRUB PA DANG, SO SO SKYE BO LA SDUG BSNGAL LEGS PAR ZIL GYIS GNON PA'I BDE BA MED PA'O, ,DANG PO NI, BDE BA YOD DE, PHRAG PA GCIG NAS PHRAG PA GNYIS PAR KHUR SPO ZHING DE LA BDE BA'I BLO 'BYUNG BA LTA BU STE, BDE BA MED NA DE MI SPONG BA ZHIG GO ZHE NA, PHRAG PA GA-YAS PAS KHUR YUN RING DU KHYER PAS SDUG BSNGAL CHEN PO 'PHEL BA NA GA-YON PAR SPO LA DE YANG DANG POR SDUG BSNGAL CHUNG NGU BRTZAMS PAS SNGAR GYI SDUG BSNGAL CHEN PO SKYES PA LDOG PAR 'GYUR BA TZAM DU ZAD KYI DER YANG SDUG BSNGAL MED PA MIN NA SDUG BSNGAL GSAR PA GZHAN RTZOM PA LA'ANG BDE BA CI YOD SDUG BSNGAL CHEN PO 'GAG BZHIN PA LA YANG BDE BA CI YOD, SKYE BA NA YANG SDUG BSNGAL 'GA' ZHIG 'GAG PAS BDE'O SNYAM DU MI RIGS PA DE'I PHYIR THUB PAS KA TA YA NA LA GDAMS PA'I MDO LAS, KA TA YA NA'I BU SKYE BA NA YANG SDUG BSNGAL KHO NA SKYE'O, ,'GAG PA NA YANG SDUG BSNGAL KHO NA 'GAG GO ZHES GSUNGS PA SNYAM STE RTZOM PA PO RANG NYID DE LTAR SEMS SO ZHES PA'O, ,RGYAS PAR DGA' BO MNGAL 'JUG LAS GSUNGS PA LTAR SHES PAR BYA'O, ,DPE NI KHUR KHYER BAS SHES PAR @021A *, ,BYA'O, ,GNYIS PA NI, GAL TE SDUG BSNGAL RANG MTSAN PA YOD KYANG DE BDE BAS BSGRIBS PAS MI MNGON NO ZHE NA, SDUG BSNGAL RANG MTSAN PA YOD KYANG SO SO SKYE BOS SDUG BSNGAL DE NI TSOR BA BDE BAS GA-YOGS PA LTAR BYAS NAS MI MTHANG NA SDUG BSNGAL LAS STOBS CHE BA'I BDE BA YOD DGOS NA RGYU GANG GIS SDUG BSNGAL BSGRIB PAR 'GYUR BA'I BDE BA ZHES BYA BA CI YANG MED DE SO SO SKYE BO RNAMS LA BDE BA RANG MTSAN PA MED PA'I PHYIR RO, ,DPER NA MI ZHIG GLANG PO CHES BDAS PAS KHRON PA RNYING PAR LHUNG ZHING LAM PHYED DU RTZVA DUR BA'I RTZA BA BYI BAS ZA BZHIN PA LA 'JUS PAS THOGS PA 'OG NAS SPRUL CHEN POS BSGAGS PA NGOS NAS LTO 'PHYE CHEN POS BSNYEGS STENG NAS SBRANG RTZI'I THIGS PA BAB PA MYANGS PA LA BRTEN PA ZHIG BDE BAR SEMS PA BZHIN DU BYIS PA RNAMS KYANG 'KHOR BAR 'CHING BA'I GLANG CHEN GYIS BRDAS RGA BA'I KHRON PAR LHUNG CHE PHYED DU DGE BA'I LAS LAM GYI RTZVA DUR BA'I RTZA BA LA 'JUS PAS THOGS PA 'OG NAS NGAN SONG GI SBRUL GYIS BSGAGS NGOS NAS NYON MONGS PA'I LTO 'PHYES SNYAGS PA CHE'I RTZA DUR BA RTZA BA RNAM SMIN GYI BYI BAS ZA BZHIN PA YUL YID DU 'ONG BA SRED PA'I SBRANG RTZI'I THIGS PA'I RO MYANGS PA LA BRTEN PA YANG DE DANG 'DRA BAS SDUG BSNGAL MA GTOGS BDE BA RANG MTSAN PA CUNG ZAD KYANG MED DO, ,DPE GZHAN YANG 'GREL PA LTAR SHES PAR BYA'O, ,GNYIS PA DES NA STON PAS LUS SDUG BSNGAL DU BSGOM PAR GSUNGS PA NI, GAL TE LUS SDUG BSNGAL GYI RANG BZHIN YIN NA STON PAS LUS SDUG BSNGAL DU @021B GSUNGS PA LA DGAS PA MED PAR 'GYUR TE, NYI TSAN DRO ZHES BSTAN MI DGOS PA BZHIN NO ZHE NA, SKYON MED DE, LUS SDUG BSNGAL GYI RANG BZHIN YIN YANG GTI MUG GI DBANG GIS DE MI RTOGS SHING BDE BAR BZUNG NAS 'KHOR BAR 'KHOR BAS STON PAS KHYOD SDUG BSNGAL LA BDE BAR BZUNG NAS CHAGS PA DANG BRAL BA MED DO, ,ZHES SO SO SKYE BO RNAMS LA BSTAN PAR BYA DGOS SO, ,DES NA NGES PAR DE BZHIN GSHEGS PA RNAMS KYIS 'DI SKAD DU, CHE ZHES 'DI NI SGRIB PA RNAMS KYI MCHOG STE, GANG 'DI MA RIG PA'I SGRIB PA'O, ,ZHES SDUG BSNGAL RANG MTSAN PA LA BDE BAR RMONGS PA GTI MUG KUN GYI THA MAR TE THA SHAL BAR GSUNGS SO, ,DPER NA BRAN GCIG GLU BLANGS TE LAS BYED BYAS NAS POR BAR GYUR PA, DE LA MAS GANG BZUNG BA DE LA LEGS PAR BZUNGS SHIG CES SMRAS PA DANG, DES NAM ZHIG GI CHA BONG MJUG NAS BZUNG LA GZHAN GYIS MA 'DZIN ZHES SMRAS KYANG GANG BZUNG BA DE LEGS PAR BZUNG BAR BYA'O, ,ZHES MI GTONG BA BZHIN DU SKYE BO GTI MUG GI PHYIN CI LOG GIS BZUNG BA LA STON PAS SDUG BSNGAL LAS YID 'BYUNG BAR GYIS SHIG CES SLOB PAR MDZAD PA'O, ,GSUM PA KHYAB PA 'DU BYED KYI SDUG BSNGAL SGOM PA'I TSUL NI, GAL TE LUS MI RTAG PA YIN MOD KYI BDE BA YOD DO ZHE NA, MIN TE, RNAM SMIN GYI LUS LA SOGS PA GANG MI RTAG PA LA 'JIG BYED KYIS NGES PAR GNAD PAS YID 'BYUNG BAR BYED LA GANG LA, YID 'BYUNG SKYE BA'I MTSAN NYID CAN GYI GNOD PA YOD PA DE BDE BA MIN PAS DE'I PHYIR ZAG PA DANG BCAS PA'I MI RTAG PA GANG YIN PA THAMS CAD SDUG BSNGAL ZHES BYA BAR 'GYUR RO, @022A *, ,DPER NA LAN TSVA'I 'BYUNG KHUNGS SU GANG LHUNG BA LAN TSVA CAN DU 'GYUR BA BZHIN NO, ,GNYIS PA RAB TU BYED PA'I DGOS PA BSDUS TE BSTAN PA LA GSUM, DGOS PA DNGOS DANG, BDE BA RANG MTSAN PA MED PAR BSTAN PA DANG, GZHAN GYI KLAN KA SPANG BA'O, ,DANG PO NI BSTAN BCOS MDZAD PAS GDUL BYA 'KHOR BA LA SKYO BA BSKYED NAS BLA NA MED PA'I BYANG CHUB LA DGOD PA'I CHED DU MDO LAS SKYE BA SDUG BSNGAL LO ZHES GSUNGS PA DANG, STON PAS CHOS MNGON PA'I BSTAN BCOS LAS KYANG NYE BAR LEN PA'I PHUNG PO LNGA SDUG BSNGAL ZHES GSUNGS TE, SDUG BSNGAL KUN 'BYUNG 'JIG RTEN DANG, ,RTAG NAS SRID PA'ANG DE DAG YIN ZHES DANG, SDUG BSNGAL NYID GSUM LDAN PA'I PHYIR, ,CI RIGS MA LUS SDUG BSNGAL LO, ,ZHES DANG, YID 'ONG YID DU MI 'ONG DANG, ,DE LAS GZHAN ZAG BCAS RNAMS KYI, ,ZHES SOGS KYI DGONGS PA GTAN LA PHAB NAS 'KHOR BA'I NYES DMIGS BSHAD PAS SKRAG CING GROL BAR 'DOD PA RNAMS THEG PA CHEN PO LA SBYAR BA'I DON DU MDZAD DE, DE YANG STON PAS DGE SLONG DAG LA KHYED CAG YUN RING POR 'KHOR BAR 'KHOR BA NA PHA MA LA SOGS PA'I GNAS SU MA GYUR PA NI 'GA' YANG MED DE, ZHES GSUNGS PA MTHONG NAS BYANG CHUB SEMS DPA' RNAMS KYANG SEMS CAN RNAMS THEG PA CHEN PO'I TSUL GYI GZINGS KYIS 'KHOR BA LAS BSGRAL BA'I PHYIR MCHOD PAR BZOD PA LTAR BSTAN BCOS MDZAD PA POS, RAB BYED DANG PO BZHIS 'KHOR BA'I NYES DMIGS BSHAD NAS SMON PA BYANG CHUB KYI MCHOG TU @022B SEMS BSKYED PA'I TSUL RGYAS PAR STON PA YIN NO, ,'DIR DRANGS PA'I TSIGS BCAD 'DI DAG SLEB DPON DBYIG GNYEN GYIS MDZAD PA'I MDZOD LAS 'BYUNG YANG, CHOS MNGON PA'I MDO TSIG TU GSAL LA, 'DI LA BRTEN NAS BLA MA MKHAS PA KHA CIG ,SLOB DPON DBYIG GNYEN MNGON PA SDE BDUN GA MDO MIN PAR BZHED KYANG, KLU SGRUB YAB SRAS DE DAG CI RIGS MDOR BZHED PA 'DRA GSUNG NGO, ,GNYIS PA NI, CHOS RNAMS RANG BZHIN GYIS GRUB PA RDUL TZAM YANG MED PAR KHAS LEN PA'I MGON PO KLU SGRUB KYI BZHED PA LA NI SDUG BSNGAL RANG MTSAN PA YOD KYANG, ZAG BCAS KYI BDE BA RANG MTSAN PA CUNG ZAD KYANG MED CING DE YOD PA LA NYES PA DU MA DANG BCAS PAS SNGAR BSHAD PA LTAR SDUG BSNGAL PHYIR BCOS KYI BDE BA SDUG BSNGAL CUNG ZAD SHUGS CHUNG BA'I GNAS SKABS NA TSOR BA SIM PA 'BYUNG BA LA BDE BAR RNAM PAR BZHAG GO ,GSUM PA NI, SLOB DPON DBYIG GNYEN GYIS SLOB DPON 'PHAGS PA LHA LA, MDZOD KYI 'GREL PAR, RE SHIG BDE BA LA SKUR BA 'DEBS PA DE LA 'DI DRI BAR BYA STE, ZHES SOGS BDE BA RANG MTSAN PA DANG SDUG BSNGAL RANG MTSAN PA YOD MED MGO MTSUNGS SU MA MDZAD PA NI DNGOS PO BDEN GRUB KHAS LEN DGOS PA 'OS MED DU BYAS PA'I LUGS YIN LA, DE LA 'DIR 'GREL PA MDZAD PAS, DGAG PA DU MA MDZAD DE, TSOR BA BDE BA RANG BZHIN GYIS YOD NA SLAR SKYE BA DON MED PAR THAL BA DANG, GZHAN YANG 'BRAS BU'I TSOGS DE DAG DNGOS POR YOD PAR BDEN NA RGYUS BSKYED PA DGOS PA MED PAR THAL BA DANG, DNGOS POR MED PAR BDEN NA BSKYED MI NUS PAR THAL BA SOGS DANG, 'DAS MA @023A *, ,'DAS KYI DNGOS PO RANG BZHIN GYIS YOD NA DA LTAR BAR THAL BA SOGS GNOD PA DU MA BRJOD NAS SLOB DPON 'PHAGS PA LHA LA KLAGS DANG BCAS PA'I TSIG GSUNGS PA'I SKABS MED PAR GSUNGS SO, ,DES NA TING NGE 'DZIN RGYAL PO LAS, JI LTAR SO KA'I NYI MA PHYED DUS NA, ,SKYES BU SKOM PAS GDUNGS SHING 'GRO BA YIS, ,SMIG RGYU DAG LA CHU YI PHUNG POR MTHONG, ,CHOS RNAMS THAMS CAD DE BZHIN SHES PAR GYIS, ,SMIG RGYU LA YANG CHU NI YOD MED NA, , SEMS CAN RMONGS PA DE LA 'THUNG 'DOD DE, ,MI BDEN CHU NI CHUNG? BAR YOD MI NUS, ,CHOS RNAMS THAMS CAD DE BZHIN SHES PAR GYIS, ,ZHES SOGS GSUNGS PA LTAR RTEN CING 'BREL PAR 'BYUNG BA RANG BZHIN GYIS GAB PAS STONG PAR BLANGS NAS THA SNYAD LA LTOS TE GTZANG BDE SOGS SU 'DZIN PA PHYIN CI LOG TU SEMS PA LA 'BAD PAR BYA'O, ,'DIR SMRAS PA, 'KHOR BA'I RGYA MTSO GTING MTHA' MED PAR GNAS, ,NYON MONGS CHU SRIN DAG GIS LEGS PAR GZIR, ,SEMS SHES SU ZHIG SKYOB SKYE MI 'GYUR, ,'BAD DE BYANG CHUB BSGRUB LA BRTZON PAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS BDE BAR 'DZIN PA PHYIN CI LOG SPONG BA'I THABS BSTAN PA STE RAB TU BYED PA GNYIS PA'I 'GREL PA'O,, ` ,,GSUM PA 'KHOR BA MI GTZANG BA'I RANG BZHIN DU BSAM PA'I SGO NAS GTZANG @023B BAR 'DZIN PA PHYIN CI LOG SPONG BA'I THABS BSHAD PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA LNGA, YUL YID DU 'ONG BA SPYAD PA'I ROS TSIM PAS BDE BA MYONG BA DGAG PA DANG, LUS GTZANG BAR ZHEN PA MI RIGS PA'I RGYU MTSAN RGYAS PAR BSHAD PA DANG, DRI LA SOGS PAS BRGYAN PAS GTZANG BAR ZHEN PA DGAG PA DANG, GANG LA CHAGS BRAL SKYE RIGS PA'I YUL DE DAG GTZANG BAR ZHEN PA DGAG PA DANG, THA SNYAD LA LTOS TE PHYIN CI MA LOG PA'I YUL BZHI DNGOS PO GCIG LA SRID PAR BSTAN PA'O, ,DANG PO LA GNYIS, SRID PA'I YUL RDZOGS PAR LONGS SPYAD NAS TSIM PA DGAG PA DANG, SRAD PA'I YUL CI TZAM SPYAD PA TZAM GYIS 'PHEL BAR 'GYUR GYI CHAGS BRAL DU MI 'GYUR BA'I DPE'O, ,DANG PO NI, LUS SDUG BSNGAL GYI RANG BZHIN YIN YANG YUL YID DU 'ONG BA LONGS SPYAD PA'I ROS TSIM NAS BDE BAR 'GYUR BAS YUL BSTEN PAR RIGS SO ZHE NA, NA TSOD DANG PO LA YUL RDZOGS PAR LONGS SPYAD PAR DU NOR BSAGS YUL LA CHAGS PA DANG BRAL NAS PHYIS CHES BSTEN PA MI RIGS PAR THAL, BSKAL PA LA SOGS PA'I YUN NI SHIN TU RING POS KYANG SRID PA'I YUL LA MU THUG NAS ZAD PA YOD PA MIN TE, MA YIN PA'I PHYIR, SMAN PA NGAN PA NAD GSO BA'I NUS PA MED PAS GSO DPYAD BYAS KYANG 'BAD PA 'BRAS BU MED PA LTAR KHYOD LUS LA BDE BAS TSIM PA'I DON DU NGAL BA, BYAS PA 'BRAS BU MED PAR 'GYUR RO, ,DPER NA GZIG LPAGS BSKON PA'I SPRE'U RNAMS RTAG TU SKYE BA'I RGYUR 'GYUR BA BZHIN NO, ,GNYIS PA NI, 'DOD PAS TSIM PA DAG YUL @024A *, ,LA SRED PAR MI 'GYUR RO ZHE NA, SRIN BU SA'I ZHAG BSTEN PAR BYED PA 'GA' ZHIG LA SA'I SRED PA LDOG PA MED PA JI LTA BA BZHIN SRED PA'I YUL BSTEN BZHIN PA'I MI RNAMS LA YUL GYIS TSIM PA MED PAR MA ZAD 'DOD PA'I RE BA GONG NAS GONG DU 'PHEL BA'ANG DE BZHIN NO, ,DPER NA SKOM PAS NYEN PA'I RI DVAGS BZHIN NO, ,GNYIS PA LA GNYIS, BUD MED KYI LUS LA CHAGS PA DGAG PA DANG, LUS MI GTZANG BAR MI MTHONG BZHIN DU CHAGS PA DGAG PA'O, ,DANG PO LA DRUG ,BUD MED KYI GZUGS MDZES LA CHAGS PA MI RIGS PA DANG, GZUGS MDZES RNYED DKA' BAS CHAGS PA MI RIGS PA DANG, BUD MED YON TAN CAN LA CHAGS PA DGAG PA DANG, RANG LA LHAG PAR ZHEN PA'I BUD MED LA CHAGS PA MI RIGS PA DANG, LUGS KYI BSTAN BCOS LAS BUD MED BSTEN PAR BSHAD PA PHYIN CI LOG YIN PA DANG, BUD MED LA CHAGS PA MI RIGS PA'I RGYU MTSAN GZHAN BSTAN PA'O, ,DANG PO LA GNYIS, BUD MED KYI GZUGS MDZES LA CHAGS PA MI RIGS PA'I RGYU MTSAN DANG, GZUGS MDZES KHO NA CHAGS PA'I RGYUR MA NGES PA'O, ,DANG PO NI, GAL TE GONG GI NYES DMIGS BSTAN PAS BUD MED THUN MONG BA LA CHAGS PA BZLOG NUS KYANG GZUGS DANG SPYOD TSUL LHAG PAR MDZES PA'I BUD MED LA CHAGS PA BZLOG MI NUS SO ZHE NA, BUD MED KYI KHOG PA LA BRKAM PA KHYOD LA GZUGS DANG SPYOD TSUL MDZES PA'I MO MCHOG GIS CI BYED DE DE LA LHAG PAR CHAGS PA MI RIGS PAR THAL, BUD MED KUN GYI MI GTZANG BA'I TSOGS RANG GI NGANG GIS DRI NGA? ZHING RTAG TU 'JIGS PA @024B LUS KYI GRONG KHYER GYI MI GTZANG BA'I GTOR KHUNG DU GYUR PA, BSHAD KHANG LTAR SKYE BO MANG POS BLUG PA'I MI GTZANG BA KHA NED PA LHUR BYED PA BSHAD DANG LTAR MUN NAG GI MI GTZANG BA DE LA RANG GI BLO PHYIN CI LOG MA GTOGS PA DE LA 'KHRIG PA'I REG PA LA BZANG NGAN THA DAD CUNG ZAD KYANG YOD PA MIN ZHING BUD MED KYI GZUGS SKYES BU GZHAN DANG THA NA KHYI DANG BYA ROG LA SOGS PA GZHAN GYI YANG LONGS SPYOD YIN NA, GZUGS MDZES LA LHAG PAR CHAGS PA MI RIGS PA'I PHYIR RO, ,DPER NA BUD MED NGAN PA ZHIG LA KHYIM THAB KYIS KHYOD GZUGS NGAN NO ZHES SMRAS PAS DES GZUGS NGAN NAM, BZANG YANG RUNG 'KHRIG PA BSTEN PA LA KHYAD PAR MED DO ZHES SMRAS PA LTAR RO, ,DPE'I 'PHROS GZHAN 'GREL PA LAS SHES PAR BYA'O, ,GNYIS PA NI, BLO GROS NGAN PA PHYIN CI LOG KHYOD GZUGS BDZES KHO NA LA RGYU CIS CHAGS PAR MI RIGS PAR THAL, NYAG PO'I YID LA NYAG MO SDUG PA LTAR SKYES PA GANG LA BUD MED GANG YID DU 'ONG BAR GYUR PA DE NI DE YIS 'TSONGS PAR RLOM ZHING KHYI DANG BYA ROG RNAMS SOGS LA'ANG RANG RANG GI ME LA CHAGS PA THUN MONGS BA YIN PAS SO, ,DPER NA GNOD SBYIN RANG GI CHUNG MA LA PHYOGS SU LHUNG BA BZHIN NO, ,GNYIS PA NI, BUD MED YID 'PHROG RNYED DKA' ZHING RNYED PA NGO MTSAR BAS DE LA CHAGS PAR RIGS SO ZHE NA, KHYOD LA YAN LAG KUN MDZES PA'I MO GANG YIN PA DE KHYOD DANG PHRAD PA'I SNGAR YANG @025A *, ,SKYE BO KUN LA THUN MONG BA YIN NA THUN MONG BA DE RNYED PAS KHYOD LA NGO MTSAR LTAR JI LTAR YANG NI 'GYUR BA YIN PAR THAL LO, ,DPER NA RGYAL PO 'CHAR BYED KYIS BUD MED THUN MONG BA ZHIG RNYED PAS NGO MTSAR BAR RLOM PA BZHIN NO, ,GSUM PA LA GNYIS, BUD MED YON TAN CAN LA CHAGS PA MI RIGS PA DANG, CHAGS PA YON TAN KHO NA'I RJES SU 'GRO LDOG BYED PAR MA NGES PA'O, ,DANG PO NI, BUD MED KUN LA CHAGS PAR MI RIGS KYANG RANG BZHIN DRANG BA LA SOGS YON TAN DANG LDAN PA LA CHAGS PAR RIGS SO ZHE NA, GAL TE YON TAN DANG LDAN PA SDUG PA 'DOD CHAGS KYI RGYU DANG BZLOG PA SKYON DANG LDAN PA LA NI LDOG PA ZHE SDANG GI RGYUR MTHONG NAS YON TAN DANG LDAN PA KHO NA LA CHAGS PAR MI RIGS PAR THAL, GCIG LA YANG RIM GYIS SKYON YON GNYIS KA 'BYUNG BAS SKYON YON MTHA' GCIG TU RNAM PAR GNAS PA MED PAS SNGA MA YON TAN DANG LDAN PA'AM CIG SHOS PHYI MA SKYON DANG LDAN PA LAS NI GANG ZHIG BDEN NA CIG SHOS BDEN PAR 'GAL BAS MTHA' GCIG TU CHAGS SDANG MI RIGS SO, ,DPER NA KHA ZAS BZANG PO LONGS SPYOD PA'I TSE DGA' BA DANG, BSHAD KHANG DU 'JUG PA'I TSE MI DGA' BA BZHIN NO, ,GNYIS PA NI, YON TAN DANG LDAN PA'I BUD MED KHO NA YID LA RJES SU MTHUN PAS CHAGS PA'I RGYUR MI RIGS PAR THAL, BLUN PO'I 'DOD CHAGS YON TAN DANG LDAN PA 'BA' ZHIG LA MI SKYE'I SKYON LDAN LA YANG SKYE BAR MTHONG BA'I PHYIR DANG, YON TAN DANG LDAN PA'I RGYU MED PA LA CHAGS PA 'JUG PA RNAMS KYI CHAGS PA LDOG PA YON TAN DANG MI LDAN PA'I RGYU LAS @025B GA LA ZHIG YIN NGO TSA MED PA LA NGES PA MED PA'I PHYIR RO, ,DPER NA BRAM ZE MA NING MO BUD MED GZHAN GYI BDE BA MI TSOR BA LA DU BA BZHIN NO, ,BZHI PA NI, BUD MED KYIS SKYES PA SHI YANG PHYI BZHIN LCEB KYI SKYES PA NI DE LTAR MIN PAS RANG LA CHAGS PA'I BUD MED BSTEN PAR RIGS SO ZHE NA, BUD MED RANG KHO NA LA CHAGS PA MED PAR THAL, BUD MED JI SRID SKYES PA GZHAN GYI RO SHES PAR MA GYUR PA DE SRID DU NA DE NI KHYOD LA SNYING NYE ZHING 'DUG LA GZHAN GYI RO MYANG BA NA KHYOD YANG 'DOR BAS NANG NGAN DANG MTSUNGS PA'I BUD MED NI RTAG TU SKYES PA, GZHAN GYI RKYEN LAS BSRUNG BAR BYA DGOS PAS, YID BRTAN MI BYA'O, ,DPER NA BRAM ZE MO DON DU GNYER BA'I SKYES BU LA DES LEGS PAR BSGRUB PA BZHIN NO, ,LNGA PA NI, LUGS KYI BSTAN BCOS LAS, LANG TSO LA BAB PA'I NA TSOD DANG PO LA 'DOD PA BSTEN PAR BSHAD PAS DE LTA BYA BAR 'OS ZHE NA, RANG BZHIN BYA BA MIN PA LA SBYOR BA'I LUGS LTAR BYA BA MI RIGS PAR THAL, CHAGS CAN RNAMS KYIS BAR MAR GYUR PA'I TSE RANG GIS BYA BA NGAN PA BYAS PA GANG, YIN PA DE NI RGAN PO'I CHI? CHAGS BRAL MA THAB KYANG YID PA DRAN PA TZAM GYIS MI 'DOD NA RGYU MTSAN JI LTA BUR NA GROL BA DGRA BCOM PA RNAMS 'DOD CHAGS KYI SPYOD PA DE LA SHIN TU GDUNG ZHING SMAD PAR MI 'GYUR SHING TU SMAD PA DANG YID 'BYUNG GI GNAS KHO NAR GZIGS PAS BDAG LEGS SU 'DOD PAS SPANG BAR BYA'O, ,DPER NA BUD MED ZHIG DUS STON LA RINGS PAS GYOS PO'I SKE LA BE'U BTAGS PA DES CI BYED DRIS PAS SHIN TU NGO TSA BA BZHIN NO, ,DRUG PA LA @026A *, ,LNGA; BUD MED DANG PHRAD PA'I BDE BA 'DOD PA NA BDE BA'I MCHOG TU MI 'THAD PA DANG, BUD MED LA CHABS PAS RANG KHO NA'I DBANG DU BYED PAR MI 'THAD PA DANG, BUD MED DANG PHRAD PA'I BDE BA'I RGYU BUD MED KHO NAR MI 'THAD PA DANG, CHAGS CAN YANG DANG YANG DU BUD MED DON DU GNYER BAS DE'I BDE BA 'DOD BYAR MI 'THAD PA'O, ,DANG PO NI, BUD MED LA BRTEN PA'I BDE BA NI 'DOD KHAMS NA BDE BA'I MCHOG YIN PAS DE'I DON DU BUD MED BZUNG BAR BYA'O, ,ZHE NA, MI RIGS TE; BUD MED DE LA CHAGS PA GANG GI YID RTAG TU GNAS LUGS KYI DON LA PHYIR PHYOGS PA DE'I BDE BA MCHOG TU GYUR PA CI 'DRA ZHIG YIN BDE BA MCHOG MIN PAR THAL, BUD MED LA MA CHAGS PA LA, DE LA DMIGS PA'I BDE BA MED CING CHAGS PA DE YANG BLUN PO MIN PA LA MED NA STE MED PA'I PHYIR RO, ,DPER NA BYIS PA RGYAL PO'I BTZUN MO 'DOD PA ZHIG DE'I CHED DU SDUG BSNGAL YUN RING PO MYONG YANG 'DOD PA MA GRUB PA BZHIN NO, ,GNYIS PA NI, GAL TE BUD MED BDAG GIR BYED NA YANG 'DI NGA YI YIN GYI GZHAN GYI MA YIN NO ZHES, SKYES PA GZHAN LA PHRAG DOG GI SGO NAS YONGS SU 'DZIN PA 'DI KO STE 'DI NI CI ZHIG YIN MI RIGS PAR THAL, 'DOD LDAN KHYOD LA LONGS SPYOD KYI CHED DU BUD MED LA RGYUN DU GUS PA BZHIN DU RTAG PAR NI MO DANG LHAN CIG PHRAD PA'I SGO NAS BSTEN PA'I NUS PA MED PA'I PHYIR RO, ,DPER NA BRAM ZE MO DRANG NYAMS PA ZHIG KHA ZAS BZANG LA MANG BA DU MA RNYED CING GZHAN LA SBYIN PAR YANG MI BYED RANG GIS ZA MI NUS KYANG DA DUNG LEN PA BZHIN NO, ,GSUM PA NI, 'JIG RTEN @026B NA 'DOD CHAGS LA BDE BAR BRJOD LA DE BUD MED MED PAR MI 'BYUNG BAS BUD MED 'DOD PAR BYA'O ZHE NA, GAL TE 'DOD CHAGS BDE BA YIN NA DE 'JOMS PA'I THABS SU BUD MED DAG GIS DGOS PA MED PAR 'GYUR BAR THAL, BDE BA DOR BYA YIN NO ZHES BYA BAR JI LTAR YANG NI MA MTHONG STE, MA MTHONG BA'I PHYIR RO, ,DPER NA BKRES PA ZHIG KHYIM DU ZHUGS NAS SNOD GCIG TU THAL BA MTHONG GZHAN DU CHU MTHONG DE PHYIR 'DU SHES NAS SPRUS TE ZOS PA DANG BKRES PA DANG BRAL BAS THAL BAR SHES NAS DES SKYO STE ZAS YAD PA YANG BOR NAS SONG BA BZHIN NO, ,BZHI PA NI, BUD MED DANG SBYAR BAS BDE BA 'BYUNG NGO ZHE NA, BUD MED DANG LHAN CIG SBYAR BA'I BDE BA DE'I RGYU MDZA' MO NYID KHO NA YIN ZHES BLUN PO MIN PA SU ZHIG 'DZIN DE KHO NA MIN PAR THAL, BUD MED DANG LHAN CIG SBYOR BA NA'ANG DE'I BDE BA, TSUL MIN YID BYED KYI RGYU GZHAN LAS SKYE 'GYUR NA STE SKYE BA'I PHYIR RO, ,DPER NA BYIS PA RANG GI KHYIM THABS KYIS LAS BYED DU BCUG PAS MGU BA BZHIN NO, ,LNGA PA NI, GAL TE 'DOD PA MA SKYES PA'I BDE BA RANG MTSAN PA YOD DE, CHAGS CAN YANG DANG YANG DU 'DOD PA DON DU GNYER BA'I PHYIR RO ZHE NA, 'DOD CHAGS BDE BA'I RANG BZHIN YIN PAS DON DU GNYER BA MIN PAR THAL, KHRAG DANG CHU SER 'DZAG PA SOGS KYI NYES PA MA MTHONG BAS CUNG ZAD BDE BAS MDZE PHO PHRUGS PA BZHIN DU 'DOD CHAGS KYI BLO GROS KYI MIG MDONGS PAS 'DOD PA'I SKYON MI MTHONG BAS YIN PA'I PHYIR RO, ,'PHAGS PA CHAGS BRAL RNAMS LA MDZE PHO LTAR CHAGS CAN GYI GANG ZAG SDUG BSNGAL DANG LDAN PAR SNANG BAS MI RIGS SO, ,DPER NA RGYAN PO DANG CHAD @027A *, ,BSTEN PA SOGS RDZAS CHUD ZA BA'I RGYUR 'GYUR BA BZHIN NO, ,GNYIS PA LUS MI GTZANG BAR MTHONG BZHIN DU CHAGS PA DGAG PA LA DRUG ,BUD MED DANG 'PHRAD PA'I TSE DES BRNYAS PA CHEN PO BYAS PA BZOD PAS DE'I LUS NGAG GI GA-YO BA BDE BA YIN PA DGAG PA DANG, BUD MED KYI CHED DU SKYES PA GZHAN LA PHRAG DOG BYED PAS BUD MED KYI BDE BA YOD PA DGAG PA DANG, BUD MED KYI LUS MI GTZANG BAR RTOGS BZHIN DU CHAS CHAGS PAR MI RIGS PA DANG, SKYON CAN MIN PAS SMAD BYA MIN PA DGAG PA DANG, BUD MED KYI LUS GTZANG BAR ZHAN PA DGAG PA DANG, LUS GTZANG BAR ZHEN PA'I RGYU MTSAN LTAR SNANG BZHIN DGAG PA'O, ,DANG PO NI, GAL TE 'DOD PA DAG LA MI GTZANG BA YOD KYANG BUD MED DES MCHIL MA 'THOR BA SOGS KYI BRNYAS PA BZOD CING SLAR YANG DE LA BSTOD PA'I TSIG SMRA BA'I LUS NGAG GI GA-YO BA DE BDE BA YIN NO ZHE NA MI RIGS TE, MGON MED CING BKRES PAS NYEN PA RNAMS LA MU GER BYA BA PHYUG PO BRTZE BA MED PA DAG GIS LAN BRGYAR BRNYAS SU ZIN KYANG PHYIS 'DIS CUNG ZAD STER RO SNYAM DU BRNYES THABS GANG 'BYUNG BA DE NI BUD MED DANG PHRAD PA'I TSE CHAGS CAN KUN GYI LUS NGAG GI GA-YO BA NI DPE DE DANG 'DRA BA YIN PAS BDE BAR MI RIGS SO, ,DPER NA BTZON RANG TSUD PA 'GA' ZHIG LCI BA'I CHU 'THUNG 'DOD PA BZHIN NO, ,GNYIS PA NI, 'DI NA BUD MED KYI BDE BA LA CHAGS PAS GZHAN LA PHRAG DOG BYED PA MTHONG BA'I PHYIR BUD MED KYI BDE BA RANG MTSAN PA YOD DO ZHE NA, DES BUD MED LA BRTEN PA'I BDE BA RANG MTSAN PA YOD PAR MI 'GYUR BAR THAL, @027B NOR GYIS DREGS PA YIS NI PHYUG PO KHA CIG 'DIR GZHAN MA 'JUG CING CES BSHAD KHANG LA'ANG CHAGS PA SKYE ZHING DE DANG 'DRA BAR 'DOD LDAN KHA CIG BUD MED LA LA LA CHAGS PA 'GA' ZHIG SNYING PO MED PAR SKYES PA 'GA' LA PHRAG DOG BYED PA MTHONG BA'I PHYIR RO, ,DPER NA RGYAL PO SKAM PO RTZE MO MTHO DAM 'A? LA DREGS PAS BRAN MO CHU 'THUNG DU MA GNANG BA BZHIN NO, ,GSUM PA NI, BUD MED KYI LUS MI GTZANG BA YIN YANG DE LAS BDE BA 'BYUNG BAS CHAGS PAR RIGS SO ZHE NA, MI GTZANG BAR RTOGS BZHIN DU CHAGS PA MI RIGS PAR THAL, MI GTZANG BA RKANG PAS RDZIS PA LA DE MA MTHONG BAS GTI MUG 'BYUNG ZHING DRING BAS GNOD PAS KHRO BA 'BYUNG RIGS KYI RNAM PA KUN TU RJES SU MI MTHUN PA'I 'DOD CHAGS NI 'BYUNG BAR RIGS PA MA YIN NO, ,DES NA BUD MED KYI LUS LA CHAGS PAR MI RIGS SO, ,DPER NA MTSAN MO MI GTZANG BA MNAN PA BZHIN NO, ,BZHI PA NI, LUS MI GTZANG BA YIN YANG 'JIG RTEN NA SKYON CAN MIN PAS SMAD PAR BYA BA MIN TE, JI SKAD DU, GZHAN LAS BRAM ZE RNAMS GTZANG STE, ,BUD MED RNAMS NI KUN LAS GTZANG, ,ZHES GRAGS PAS SO ZHE NA, MI RIGS TE, SEMS RNAL DU MI GNAS PA'I MI RNAMS MA GTOGS BAN? SKYUGS SOGS MI GTZANG BA'I SNOD NI SHIN TU SMAD PAR 'BYUNG BAR 'GYUR NA LUS GANG LAS MI GTZANG BA RGYUN DU 'BYUNG BAR 'GYUR BA DE NI SMAD PAR SEMS RNAL DU GNAS PA SU ZHIG RGYU MTSAN CES MI SEMS BUD MED KYI LUS SMAD BYA BA MA YIN ZHES BYA BA MI RIGS SO, ,MI RNAMS MA RTOGS ZHES 'BYUNG BA LTAR NA BUD MED KYI LUS SKYON CAN DU MA GRAGS PA MI RNAMS @028A *, ,KYIS MA RTOGS PAR ZAD DE ZHES BSHAD DE 'GREL PA'I DON SNGA MA LTAR SEMS SO, ,DPER NA BUD MED MDZES PA ZHIG YOD PA 'DOD LDAN KHA CIG GIS YON TAN CAN DU 'DZIN LA, DE SKYUG PA'I SNOD THOGS PA MTHONG NAS SKYON CAN DU SEMS PA BZHIN NO, ,LNGA PA NI, BUD MED KYI LUS LA GTZANG BA YOD DO, ,SKYES BU RNAMS GTZANG BAR ZHEN PA'I PHYIR RO ZHE NA, BUD MED KYI LUS DE LA GTZANG BA RANG BZHIN DU YOD DO ZHES BLO LDAN MI NI GANG ZHIG SMA BAR MI RIGS PAR THAL, ME TOG DANG, DRI DANG, RGYAN LA SOGS PA DANG DNGOS PO GTZANG BA THAMS CAD KYI THA MA DANG BUD MED KYI LUS DANG PHRAD PA'I STOBS KYIS GANG DU DMIGS PAR 'GYUR BA'I PHYIR RO, ,DPER NA GANG-GA'I CHU MNGAR BA RGYA MTSO DANG GRAD PA NA BA TSVA CAN DU 'GYUR BA BZHIN NO, ,DRUG PA LA GSUM, LUS KYIS DREGS PA MTHONG BAS LUS GTZANG BAR ZHEN PA DGAG PA DANG, LUS KYI MI GTZANG BA'I CHA 'BAD PAS SPONG BA MTHONG BAS GTZANG BA YOD PA DGAG PA DANG, DRANG SRONG DKA' THUB CAN GYIS BUD MED KYI LUS BSTEN PA MTHONG BAS BUD MED KYI LUS SPANG BYA MIN PA DGAG PA'O, ,DANG PO NI, GAL TE LUS KYI DREGS PA MTHONG BA'I PHYIR LUS LA GTZANG BA YOD DO ZHE NA, MNGAL NAS SKYE BZHIN PA GANG ZHIG MA'I MNGAL DU PHO BA DANG LONG KA GNYIS KYI BAR BSHAD KHANG DANG 'DRA BA'I NANG NA 'DUG CING BSHAD PA'I NYING KHUS GNAS PAR BYAS PA DE MED PAR NI MI GNAS PA MI GTZANG BA'I SRIN BU LTA BU DA LA RMONGS PAS GTZANG NGO SNYAM DU DREGS PA SKYE BAR ZAD PA'I @028B PHYIR RO, ,DE TZAM GYIS DREGS MI RIGS PAR THAL LO, ,DPER NA BYI PHO MI GTZANG BA'I KHRON PAR BCUG PA MI GTZANG BAS SROG 'TSO BA ZHIG PHYIS DE LAS THAR PA NA GZHAN GYI GOS KYIS REG PAS KYANG MI GTZANG BAR SEMS PA BZHIN NO, ,GNYIS PA NI, GAL TE KHRUS LA SOGS PAS LUS LA MI GTZANG BA SPONG BA'I PHYIR NGES PAR LUS LA GTZANG BA YOD DO ZHE NA, CHU'I BSANG GTOR DANG KHRUS LA SOGS PA THABS GANG GIS KYANG LUS KYI NI NANG PHUGS GTZANG BAR MI 'GYUR NA KHYOD NI LUS KYI NANG LA GTZANG BA'I PHYIR TU 'BAD PA BYED PA DE LTAR LUS LAS BYUNG BA'I PHYI ROL GYI MI GTZANG BA LAM YIN, DE LA YANG GTZANG BA'I PHYIR 'BAD PAR RIGS SO, ,DPER NA, CE SBYANG GNYIS GCIG NI PA LA SHA'I ME TOG LHUNG BA LA BSAMS NAS SHING 'DI THAMS CAD 'DI 'DRA'O SNYAM PA DANG, CIG SHOS NI, LHUNG BA DA SHA MIN GYI BA LA SHA LA GNAS PA DE SHA YIN NO SNYAM PA LTAR LUS LAS BYUNG BA DE MI GTZANG, GANG GNAS PA DE GTZANG NGO SNYAM PA YANG DE DANG 'DRA'O, ,GSUM PA NI, BUD MED KYI LUS LA DRANG SRONG DKA' THUB CAN RNAMS KYIS KYANG MI SPONG BA'I PHYIR BUD MED LA SRED PA SPANG BYA MIN NO ZHE NA, BUD MED GCIG CAN YIN YANG DRANG SRONG DE DAG GIS MI SPONG BA NI RANG DANG RANG BZHIN 'DRA BAS YIN TE, GAL TE MDZE CAN 'GA' ZHIG KHO NA LA YOD PA BZHIN DU DE LTAR GCIN CAN KUN LA MTSUNGS PA MIN PAR 'GA' ZHIG KHO NA LA YOD NA MDZE CAN SNA 'GEBS PA DANG REG DOGS BYED PA JI BZHIN DU GCIN CAN DE DE LTAR DE MED PAR MI KUN GYIS SPONG BAR 'GYUR @029A *, ,PAS RANG BZHIN MTSUNGS PAS YIN GYI GTZANG BAS MIN NO, ,DPER NA LBA BA MED PA'I MI WA BA CAN GYI KHENGS PA'I YUL DU PHYIN PA NA DE LA GZUGS NGAN PAR RTOG PA BZHIN NO, ,RGYAL PO'I DPE NI 'GREL PA LTAR RO, ,GSUM PA NI, GAL TE BUD MED KYI LUS MI GTZANG BA YIN YANG DRI LA SOGS PAS MDZES PAR BYAS PAS MI GTZANG BA SEL NUS SO ZHE NA, YAN LAG NYAMS PA SNA SDUM 'GA' ZHIG NI BCOS MA'I SNA'I TSAB MAS DGA' BAR 'GYUR ZHING RLOM PA LTAR ME TOG LA SOGS PAS MI GTZANG BA PHYIR 'CHOS PA'I THABS ME TOG LA SOGS PA LUS LA 'DOGS SHING DE'I SGO NAS LUS GTZANG BAR 'GYUR RO SNYAM DU DE BZHIN DU 'DOD PAS LUS GTZANG BAR MI 'GRUB BO, ,DPER NA BYI LA'I SNA LA MAR BSKUS PAS KHA ZAS SKYA BO'I CHANG BU YANG SDUM BAG DANG LDAN PAR SEMS PA BZHIN NO, ,BZHI PA NI, GAL TE NGES PAR CHAGS RIGS PA'I DRI LA SOGS PA YOD DO ZHE NA, ,NGES PAR 'DOD CHAGS KYI RGYUR GYUR PA'I DNGOS PO GANG NA'ANG YOD PA MIN PAR THAL, MTHAR KUN LA CHAGS PHRAL DU 'GYUR BA'I PHYIR DANG, MTHAR LUS GANG DU 'PHAGS PA DGRA BCOM PA RNAMS 'DOD CHAGS DANG BRAL BA SKYE BA DE GTZANG ZHES BYA BAR MI RIGS LA STE MI RIGS PA'I PHYIR RO, ,DPER NA TSONG PA 'GA' ZHIG RANG GI BU MO MA SHES PA'I CHE CHAGS PA DRAG PO SKYES LA, SHES NAS CHAGS PA DANG BRAL BA BZHIN NO, ,LNGA PA NI, MI RTAG PA LA SOGS PA'I PHYIN CI MA LOG PA LA SOGS PA BZHI PO @029B 'DI DAG DNGOS PO GCIG LA SRID DAM 'ON TE MIN ZHE NA, MDOR NA MI RTAG PA DANG MI GTZANG BA DANG SDUG BSNGAL BA DANG BDAG MED CES BYA BA BZHING THAMS CAD NI DNGOS PO GCIG NYID LA NI SRID PAR 'GYUR TE GANG 'DUS BYAS YIN PA DE NI MI RTAG STE, SKAD CIG MA YIN PA'I PHYIR RO, ,GANG MI RTAG PA DE NA MI GTZANG STE, SKYO BA BSKYED PA'I PHYIR RO, ,GANG MI GTZANG BA DE NI SDUG BSNGAL BA STE, GNOD PA BYED PA'I PHYIR RO, ,GANG SDUG BSNGAL BA DE BDAG KRED? PA STE, RANG DBANG CAN MIN PA'I PHYIR RO, ,DES NA RANG GI LUS KYIS MTSON PA'I 'KHOR BA MI GTZANG BA'I RANG BZHIN CAN DU GNAS PA LA SKYO BA BSKYED DE, THAR PA'I LAM SGRUB PA LA BRTZON PAR BYA'O, ,MI GTZANG BTZON RANG RANG NYID BCINGS PA LTAR, ,SEMS CAN RNAMS KYANG DE LTAR SHES BYAS NAS, ,'GRO LA DMIGS PA'I SNYING RJE 'BAD PAS BSKYED, ,BLA MED BYANG CHUB SGRUB LA BRTZON PAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA BA'I RNAM BSHAD LEGS PAR BSHAD PA'I SNYING PO ZHES BYA BA LAS GTZANG BAR 'DZIN PA PHYIN CI LOG SPANG BAR BSTAN PA STE RAB TU BYED PA GSUM PA'I 'GREL PA'O,, ,,BZHI PA ZAG BCAS KYI DNGOS PO RNAMS LA BDAG DANG BDAG GI BAR BZUNG MI 'OS PAR BSTAN PA'I SGO NAS BDAG 'DZIN PHYIN CI LOG SPONG TSUL BSHAD PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, NGA RGYAL KYI ZHEN YUL 'GOG PA'I TSUL MDOR BSTAN PA DANG, RGYAS PAR BSHAD @030A *, ,PA'O, ,DANG PO NI, BDAG 'DZIN GYI SA BON DRUNGS 'BYIN PA'I GNYEN PO NI, RAB BYED PHYI MA BRGYAD KYI SKABS NAS STON LA, 'DIR NI BDAG 'DZIN MNGON GYUR ZIL GYIS GNON PA'I GNYEN PO STON TE, DE YANG NGA DANG NGA YIR 'DZIN PA NI, , RGYAL PO LA NGA RGYAL SHAS CHE BAS DE LA BRTZAMS TE GTZO BOR STON TO, ,BDAG NYID LA BSTOD PA'I KHYAD PAR YONGS SU RTOGS PA LAS NGA NI MNGA' BDAG GO ZHES BDAG GAM STE BDAG TU 'DZIN PA DANG, YUL 'DI DAG NI BDAG GI'O SNYAM DU DREGS PA'I NGA RGYAL NA SRID PAR GNAS LUGS LA TSUL BZHIN DU SEMS PA'I DAM PA SU LA 'BYUNG BAR 'GYUR TE MI 'GYUR LA, GANG GI PHYIR NA SKYE BO 'GA' ZHIG LA YUL 'GA' ZHIG SKYE BA THAMS CAD DU DBANG BYAR YOD NA DE LTAR BSKYED RIGS NA YANG SO SO SKYE BO 'I LUS CAN THAMS CAD LA SNOD LA SOGS PA'I YUL RNAMS THAMS CAD LAS DBANG GIS RIM GYIS SPYAD BYAR MTSUNGS PA'I PHYIR RO, ,DPER NA NAGS TSAL DANG KHANG MIG MTHUN MONG BA BZHIN ZLOS GAR MKHAN BZHIN NO, ,GNYIS PA LA GSUM, DBANG PHYUG GIS DREGS PA DGAG PA DANG, RIGS KYIS DREGS PA DGAG PA DANG, SDIG PA SPONG BA'I THABS GZHAN BSTAN PA'O, ,DANG PO LA LNGA, RGYU MTSAN LNGAS RGYAGS PA SPANG BA DANG, RGYAL POS NGA RGYAL BYA MI RIGS PA DANG, CHOS DANG CHOS MIN PA BSAM PA DANG, RGYAL POS SKYO BA BSKYED RIGS PA DANG, RGYAL SRID LA CHAGS PA DRAG PO MI RIGS PA'O, ,DANG PO LA LNGA, KHRAN? LA RGYAL POR MING BTAGS PAS DREGS PA MI RIGS PA DANG, NOR GTONG BA DANG SDUD PA LA DBANG YOD @030B PAS DREGS PA MI RIGS PA DANG, 'DOD RGYUR YUL LA LONGS SPYOD PAS DREGS PA MI RIGS PA DANG, 'JIG RTEN GYI BSRUNG BA PO YIN PAS DREGS PA MI RIGS PA DANG, SKYE RGYU SKYONG BAR BYED PA'I BSOD NAMS CAN YIN PAS DREGS PA MI RIGS PA'O, ,DANG PO NI, 'JIG RTEN GYI RTZOM PA THAMS CAD RGYAL PO LA DBANG DU BYAR YOD PAS DREGS PAR RIGS SO ZHE NA, BSKAL PA DANG PO'I MI RNAMS KYIS MA BTAB PA'I 'BRAS SA LU NUB PA'I 'OG TU ZHING SO SOR BGOS PA'I 'BRAS BU RNAMS PHAN TSUN RKU BAR BYED PA NA DE BSRUNG BA'I CHED DU RANG GI 'BRAS BU'I DRUG CHA GLA RNGAN PHYIN NAS ZHING BSRUNG BA POR BSKOS PA LA RGYAL PO ZHES BSNYAD PA YIN PAS, RGYAL PO KHYOD KYI DREGS PA BYA RIGS PA CI ZHIG YIN MI RIGS PAR THAL, SKYE BO MANG PO'I TSOGS KYI PRAN 'BRAS BU'I DRUG CHAS BTAB PA'I BRAN DU GYUR PA YIN PA'I PHYIR, BYA BA THAMS CAD NGA DBANG ZHES DREGS PAR MI RIGS PAR THAL, GANG DAM STE LAS GANG BYA BA DE BYED PA PO DE RU 'GYUR BAR BYA BA NI 'JIG RTEN PA RNAMS KYIS DBANG BYED PA PO NYID DU BYAS SHING BSKOS PA LA RAG LAS NAS DER 'GYUR DGOS PA'I PHYIR RO, ,DPER NA RJE BOS BRAN LAS BYED PA POR BSKOS PA LA'ANG NGA RGYAL MI RIGS PA BZHIN NO, ,GNYIS PA NI, GAL TE RGYAL PO NOR GTONG BA DANG SDUD PA LA DBANG BAS DREGS PAR RIGS SO ZHE NA, JI LTA JI LTAR, RGYAL PO'I GSO BYA'I TSOGS RANG GI ZHABS 'BRING BYAS PA LAS BYUNG BA'I LO PHOGS SOGS 'THOB THOB PA PHOGS BYIN PA NA RANG NYID DMA' BA DANG, RJE BO GTONG BA PAR SEMS PA DE BZHIN DU RJE BOS @031A *, ,GSO BYA'I TSOGS NOR SBYIN BYA BYIN PAR BYAS NAS RGYAL PO DE DAG NI GTONG BA PO SNYAM DU RLOM ZHING DREGS PAR MI RIGS TE, DPER NA KHOL? PO LA GLANG RGAN BYIN PAS GTONG BA POR DREGS PA BZHIN NO, ,GSUM PA NI, RGYAL PO YUL RNAMS LA RANG DBANG DU LONGS SPYOD PAS SREGS PAR RIGS SO ZHE NA, DE MI RIGS PAR THAL, SO SOR RTOGS PA'I SHES RAB DANG LDAN ZHING DBANG PO THUL BA GZHAN RNAMS KYIS NI SDUG BSNGAL GYI GNAS RGYAL PO KHYOD LA PHYIN CI LOG TU BDE BA PHUN TSOGS KYI RGYUR DRAN PA'I PHYIR, BDE BA 'BA' ZHIG GI RGYUR MI RIGS PAR THAL, SKYE BO'I TSOGS MANG PO BSRUNG BA'I LAS KYIS SDUG BSNGAL BAR CHAD MED PAR MYONG BA'I GZHAN GYI LAS KYIS 'TSO DGOS PA KHYOD LA DGA' BA'I RGYU GANG GIS BSKYED PAR 'GYUR RGUD PA DU MA'I RGYU YIN PA'I PHYIR RO, ,BUD MED DANG CHANG SOGS LA CHAGS PA BZHIN NO, ,DPER NA RKUN PO CHAD PAS GCOD PA'I LAS SU BSKOS PA LA DGA' BAR MI RIGS PA BZHIN NO, ,BZHI PA NI, RGYAL PO 'JIG RTEN GYI SRUNG BA PO YIN PAS DREGS PAR RIGS SO ZHE NA, DE TZAM GYIS DREGS MI RIGS PAR THAL, RGYAL PO 'JIG RTEN GYI NI SRUNG BA PO DANG STE SRUNG BA PO YIN PAS DREGS NA 'JIG RTEN PAS MA BSRUNGS NA RGYAL PO BYAR MED PAS 'JIG RTEN PA'I BSRUNG BYAR SA BDAG NYID KYANG SNANG BAR 'GYUR NA CI STE RGYU GCIG GIS DREGS PA YOD CING CI STE BSRUNG BYA YIN PA'I RGYU GZHAN GYIS DREGS PA DANG BRAL BA RIGS PA MIN PA RGYAL BYA BAR MI RIGS @031B SO, ,DPER NA KHYOD? SHUG GNYIS PA NI TSUN GCIG GIS GCIG ,BSRUNG BA LA NGA RGYAL BYA MI RIGS PA DANG, NAGS DANG SENG GE BZHIN NO, ,LNGA PA NI, GAL TE RGYAL PO SKYE RGU BU LTAR SKYONG BA'I BSOD NAMS CAN YIN PAS DREGS PAR RIGS SO ZHE NA, DA LTA SNYIGS MA LNGA'I 'JUG PA SHAS CHE BAS BRAM ZE LA SOGS PA'I RIGS KUN GYI NANG NAS RANG RANG GI LAS LA DGA' BAS TSEGS MED PAR 'TSO BA RNAMS RNYED DKA' BAS PHAL CHER MI BRTAN PAR MI DGE BA LA 'JUG PAS GAL TE KHYOD DE DAG GI BSOD NAMS KYI DRUG CHA'I 'PHROG PA PO YIN NA, SDIG PA'I YANG DRUG CHA 'PHROG PA POR 'GYUR BAS KHYOD LA MI DGE BAR 'GYUR BAS DES NA KHYOD LA 'GRO BA BZANG PO DKON PAS DREGS PAR MI RIGS SO, ,DPER NA MDZE CAN SMAN MI BSTEN PAR 'O MA DANG NYA ZA BAR 'DOD PA BZHIN NO, ,GNYIS PA NI, GAL TE RGYAL PO NI 'JIG RTEN GYI MGON DANG RANG DBANG CAN YIN PAS NGA RGYAL BYA BAR RIGS SO ZHE NA, MIN TE, NGES PAR BYA DGOS PA'I LAS GANG ZHIG RANG GIS BYAR YOD BZHIN DU MI BYED PAR GZHAN GYIS BSKUL TE BYED PA GANG YIN PA DE NI SA STENG MAN BLUN PO ZHES BYA LA RGYAL PO YANG BYA BA THAMS CAD GZHAN GYIS ZHUS SHING BSKUL BA LA RAG LAS PAS KHYOD DANG MTSUNGS PA'I GZHAN DBANG CAN GZHAN 'GA' YANG YOD PA MIN NO, ,DES NA NGA RGYAL BYA BAR MI RIGS SO, ,DPER NA, KHYI DANG SPRE'U GZHAN GYIS BSGO BA NYAN PA LA NGA RGYAL BYA MI RIGS PA BZHIN NO, ,GSUM PA LA LNGA, RGYAL POS GZHAN LA 'TSE BA'I LAS CHOS MIN PAR SGRUB PA DANG, CHOS YIN PA DGAG PA DANG, DRANG SRONG GIS BSHAD PA KUN CHAD MAR MI BYED PA @032A *, ,DANG, DGRA BO LA 'TSE BA CHOS MIN PA DANG, GA-YUL NGOR SHI BA BDE 'GRO'I RGYU MIN PA'O, ,DANG PO LA GSUM, 'JIG RTEN SRUNG BA RGYAL PO LA RAG LAS PAS NGA RGYAL BYA MI RIGS PA DANG, RGYAL POS SDIG TO CAN TSAR GCOD PA CHOS SU MI RUNG BA DANG, RGYAL POS MA RUNGS PA TSAR GCOD PA SDIG PAR MI 'GYUR BA DGAG PA'O, ,DANG PO NI, GAL TE 'JIG RTEN PA RNAMS LA GZHAN GYI GNOD PA SRUNG BA RGYAL PO LA RAGS LAS PAS NGA RGYAL RIGS SO ZHE NA, SDIG PA SPYOD PA'I RGYAL PO DE DANG MTSUNGS PA'I BRTZE BA MED PA SU ZHIG YOD DE MED PAR THAL, 'JIG RTEN PA RNAMS BSRUNG BA NGA LA RAG LAS SO ZHES 'JIG RTEN PA LA NI GLA MANG PO MA BYIN PAR NAN GYIS LEN CING RANG NYID KYIS KYANG SROG GCOD SOGS SDIG PA MANG PO BYED NA STE BYED PA'I PHYIR RO, ,DPER NA SMAN PA NGAN PA NOR MANG PO 'DOD NAS ZUG RDU DE MA THAG MI 'BYIN PAR RIM GYIS 'BYIN PA BZHIN NO, ,GNYIS PA NI, SDIG PA CAN LA CHAD PA MA BCAD NA 'JIG RTEN PA GZHAN NYAMS PAR 'GYUR BAS DE SRUNG BA'I CHED DU TSAR BCAD PAR RIGS SO ZHE NA, MIN TE, SKYE BO SROG GCOD SOGS SDIG TO BYED PA RNAMS LA GAL TE BRTZE BA BYA BAR RIGS PA MIN NA, SDIG PA CAN GYI BYIS PA SO SO'I SKYE BO NI THAMS CAD BRTZE BA'I SGO NAS BSRUNG BYAR MI 'GYUR RO, , DES NA SDIG PA BYED PA RNAMS LA LHAG PAR YANG BRTZE BAR BYA STE, GZHAN DU NA CHOMS RKUN PAR MA GRAGS PA'I CHOMS RKUN PAR 'GYUR RO, ,DPER NA RANG GI LUS DANG NOR BSRUNG BA BZHIN DU RGYAL POS KYANG BSRUNG BAR BYA'O, ,GSUM PA NI, @032B GAL TE SKYE RGU BSKYANG BA'I PHYIR SDIG PA CAN TSAR BCAD PAS RGYAL PO LA SDIG PAR MI 'GYUR TE, DAM PA RNAMS LA PHAN 'DOGS PAR ZHUGS PA'I PHYIR RO ZHE NA, PHYIN CI LOG TU ZHEN PAS BDAG NYID DGA' BA BSKYED PA YI RGYU NI GANG DU YANG MED PAR MI 'GYUR TE, NYA DANG PHAG GSOD PA LA DGA' BA RNAMS KYANG 'DI NI BDAG GI RIGS RGYUD LAS 'ONGS PA'I LAS SO ZHES DGA' BAR SEMS PA'I PHYIR RO, ,BRAM ZE'I BSTAN BCOS NGAN PA LAS DUD 'GRO RNAMS NI SKYE RGU'I BDAG POS 'CHI BA'I CHED DU SPRUL PAS BSAD KYANG SDIG PA MED DO ZHES SMRA BA'I LUNG DANG RIGS PA LTAR SNANG BA LA SOGS PA'I RGYU RNAMS KYIS GSOD PA'I SBYOR BA LA BRTZON PA DANG, DE LTAR GRUB MTHA' 'CHA' BA RNAMS KYI BSOD NAMS MIN PA SDIG PA LA'ANG 'JIG CING ZAD PA YOD PA MIN TE, DE'I SDIG PA MTHA' YAS PA'I PHYIR RO, ,YOD MI 'GYUR ZHES PA NI DPE MA DAG PA'O, ,DPER NA KHA ZAS SNGA MA MA ZHU BA ZHU BAR BSAMS NAS KHA ZAS ZAB BZHIN NO, ,GNYIS PA LA GSUM, MA RUNGS PA TSAR BCAD NAS 'JIG RTEN SKYONG BA CHOS YIN PA DGAG PA DANG, BLO PHUN TSOGS DANG LDAN PA'I RGYAL PO SBED PAS 'JIG RTEN SKYONG BA CHOS MIN PA'I DPE DANG, RGYAGS PA DANG BAG MED KYI GZHI YIN PAS CHOS MIN PA'I RGYU MTSAN NO, ,DANG PO NI, RGYAL POS 'JIG RTEN SKYONG BA MTHO RIS KYI RGYU YIN PAS CHOS YIN LA RGYAL PO LA CHOS GZHAN MI DGOS SO ZHE NA, DRUG CHAS GLAS PA'I RGYAL POS 'JIG RTEN YANG DAG PAR SRUNG BAR BYED KYANG DE LTAR BYED DO ZHES BYA BA GAL TE SA BDAG LA CHOS SU 'GYUR BA YIN NA GZHAN BSRUNG BA'I CHED DU GO MTSON BRDUNG BA DANG 'OBS BYED PA SOGS NYON MONGS BZO MKHAN RNAMS @033A *, ,LA YANG LAS DE DAG CI STA CHOS SU 'GYUR BA MA YIN DE DAG KYANG CHOS SU 'GYUR DGOS LA, 'DOD NA CHOS MIN PA MED PAR 'GYUR RO, ,DPER NA GRONG KHYER BSRUNG BA'I GLA MI BZHIN NO, ,GNYIS PA NI, BLO PHUN TSOGS DANG LTAR BA'I RGYAL POS SRED PAS 'JIG RTEN SKYONG BAS, RGYAL PO LA SMAD PAR BYA BA MIN NO ZHE NA, 'JIG RTEN BSRUNG BAS BDAG LA RAG LAS KYIS BDAG DE NI RGYAGS PA DANG BAG MED PA DU MA'I GZHIR GYUR PAS SMAD DO, ,DPER NA PHYIN CI MA LOG PA GZIGS PA'I 'PHAGS PA DAM PAS 'JIG RTEN PA RNAMS SKYED PAR BYED PAS 'JIG RTEN PA KUN GYI MA SRID PA YI NI SRID PA 'JIG RTEN PA SKYED BYED YIN YANG, SKYON DU GZIGS NAS RTZA BA RNAMS DRUNGS 'BYIN PA BZHIN NO, ,DPER NA 'BROG DGON PA'I TSENG BA RDZAS LA HA CANG RIN THANG CHEN PO BYED PA SMAD PAR BYA BA BZHIN NO, ,GSUM PA NI, BRTZE BA DANG LDAN PAS 'JIG RTEN SKYONG BA RGYAL PO LA CHOS SU 'GYUR RO ZHE NA, MIN TE, TSUL KHRIMS LA SOGS PA'I LAM BZANG PO BOR NAS, DBANG PHYUG TZAM LA CHAGS PA'I BLUN PO MIN PAS RGYAL SRID MI 'THOB LA LAS 'BRAS LA RMONGS PA'I BLUN PO LA BRTZE BA YOD PA MIN NA 'JIG RTEN GYI BSRUNG BA PO YIN YANG MI'I BDAG PO RGYAL PO BRTZE BA MED PA LA CHOS MI GNAS SHING RGYAGS PA DANG BAG MED KYI GZHIR GYUR PA'I PHYIR, DPER NA RGYAL PO DRAG PO'I BLON PO BRTZE BA MED PA BZHIN NO, ,GSUM PA LA GNYIS, DRANG SRONG GIS BSHAD PA KUN TSAD MAR MI RUNG BA'I RGYU MTSAN DANG, LUGS KYI BSTAN BCOS TSAD MAR BYAS PAS 'JIG RTEN PA BDE BA'I NGES PA MED PAR BSTAN PA'O, ,DANG @033B PO NI, BRANG SRONG GIS BYAS PA'I BSTAN BCOS LAS, RGYAL RIGS KYIS CHOS KYI 'TSE BA BYAS KYANG RGYAL PO LA SDIG TU MI 'GYUR BAR BSHAD PAS SO ZHE NA, DRANG SRONG RNAMS KYI BSTAN BCOS LAS BSHAD PA'I SPYOD PA KUN DRANG SRONG MKHAS PAS BYED PA MA YIN TE RGYU MTSAN GANG GI PHYIR NA DRANG SRONG DE DAG LA YANG DMAN PA DANG 'BRING PO DANG KHYAD 'PHAGS SNA TSOGS YOD PA'I PHYIR RO, ,DPER NA DRANG SRONG KHA CIG GI BSTAN BCOS LAS BGROD BYA MIN PAR BGROD PAR BSHAD PA BZHIN NO, ,GNYIS PA NI, RGYAL PO SNGA RABS PA RNAMS KYIS LUGS KYI BSTAN BCOS TSAD MAR BYAS NAS, 'JIG RTEN PA LEGS PAR BSKYANGS PAS BSTAN BCOS TSAD MA YIN NO ZHE NA, LUGS KYI BSTAN BCOS KYI RJES SU 'BRANGS PAS 'JIG RTEN PA BDE BA'I NGES PA MED PAR THAL, 'KHOR LOS BSGYUR BA'I RGYAL PO LA SOGS PA SNGAR GYIS BDAG DGE BA BZANG PO RNAMS KYIS 'JIG RTEN PA BU LTAR BSKYANGS PA DE DAG GIS BDE ZHING RGYAS LA, RTZOD DUS KYI CHOS LA BRTEN PA RNAMS KYIS DANG SANGS RI DVAGS KYI DGON PA LTAR 'JIG RTEN PA STONGS PAR BYAS PAS CHOS DANG MI MTHUN PA'I BSTAN BCOS TSAD MA MIN NO, ,DPER NA, KLA KLO'I RKUN PO BUR SHING MA SMIN PA 'TSIR BA BZHIN NO, ,BZHI PA NI, GAL TE RGYAL POS GLAGS DAG LA BABS NA DGRA LA GNOD PA BYAS KYANG CHOS MIN PA MED PA BSTAN BCOS LAS BSHAD PA'I PHYIR RO ZHE NA, GAL TE DGRA'AM GZHAN YANG RUNG MI RIGS PA BYED PA LA GLAGS RNYAD CING GLAGS SU BABS PA NA DGYUG PA SOGS KYIS BSNUN ZHING GNOD PA BYED PA'I RGYAL PO LA GAL TE SDIG PA YOD PA MIN NA RKUN PO GZHAN RNAMS LA YANG SDIG PA DE DANG PO NYID DU YOD PA MIN @034A *, ,PAR THEL, RKUN PO RNAMS KYIS NOR BDAG LA GLAGS SU BSNUN PA DANG PO YIN PA'I PHYIR DANG, RGYAL POS RKUN PO GLAGS SU BSNUN PA GYIS YIN PA'I PHYIR RO, ,SLAGS SU BSNUN PA STE GLAGS RNYED PA LA YANG BSHAD PAR BYA'O, , DPER NA BLON PO KHA CIG GIS RGYAL PO SHI BA DANG RGYAL BU GZHON NU BSAD CING RANG NYID KYIS RGYAL SRID BZUNG BAS 'DI PHYIR MI 'DOD PA DU MA 'BYUNG BA BZHIN NO, ,LNGA PA NI, ,GAL TE GA-YUL NGOR DGRA BA PHAM PAR BYAS TE, DE LA BRTEN NAS NOR THOB CING RGYAL PO DGA' BAR BYAS PA DANG RGYAL PO'I CHED DU GA-YUL NGOR SHI NA, MTHO RIS SU 'GRO BAS RGYAL POS GA-YUL LA DGA' BAR BYA'O ZHE NA, JI LTAR CHANG DANG RGYAN PO DANG BUD MED SOGS DAG LA BDOG PA KUN YONGS SU GTONG BA DAM PA MNYES PA'I MCHOD PA MA YIN NA STE MIN ZHING BSOD NAMS KYANG MIN PA DE BZHIN DU, GA-YUL NGOR KHRO ZHING RNGAM PAS BDAG KYANG YONGS SU GTONG BA DAM PA MNYES PA'I MCHOD PA SNYAM DU SEMS SAM CA RGYU MTSAN GANG GIS NA DE LAS MTHO RIS SU 'GYUR BA MI RIGS SO, ,DPER NA, GANG RDZI MOS GYIS PO LA LUS STON PA BZHIN NO, ,BZHI PA RGYAL POS SKYO BA BSKYED RIGS PA NI, RGYAL PO 'JIG RTEN THAMS CAD KYIS, MGON YIN PAS RGYAL PO LA DGA' BAR RIGS SO ZHE NA, RGYAL PO NI 'JIG RTEN GYI MGON YIN PAS DES RJES SU BSTAN PA LAS MI RIGS PA SPANGS NAS RIGS PA'I LAS LA 'JUG GO RGYAL PO KHYED LA RJES SU 'DOMS PA'I MGON 'GA' YANG YOD PA MA YIN NA MGON MED PA GYA RGUD KYI SPANG NA GNAS PAS SPYOD PA RANG YAN DU GYUR CING, 'DOMS @034B PA PO DANG BRAL NGAS MGON NYID THOB PA DE YIS BDAG NYID NI NGAN SONG GI SDUG BSNGAL GYI RGYUS MA BTANG ZHING BZUNG BA YIN NA, RGYAL SRID THOB PAS SU ZHIG DGA' BAR 'GYUR DGA' BAR MI RIGS SO, ,DPE PHAL CHER LAS 'DI LTAR 'BYUNG GI DON LA DPYAD NA MI GTONG, ZHES BSHAD NAS GTONG DANG GROGS DANG MGON DANG BRAL BAS DGA' BAR MI RIGS ZHES KYANG BSHAD DU RUNG BA 'DRA'O, ,DPER NA DGE 'DUN GYI GNAS BRTAN MGON MED PA ZHIG PHYAG LA SOGS PA BYAS PAS DGA' BAR SEMS PA BZHIN NO, ,LNGA PA NI, GAL TE CHAD PA ZHAN PA'I RGYAL PO LA GRAGS PA MI 'BYUNG LA, CHAD PA DRAG PO CAN LA SHI YANG GRAGS PA RJES SU 'JUG PAS CHAD PA DRAG PO CAN DU BYA RIGS SO ZHE NA, SHI BA'I RJES SU GRAGS PAS YON TAN GYI KHYAD PAR 'GA' ZHIG 'BYUNG NA DE LTAR RIGS KYANG RGYAL PO SHI BAR GYUR PA LA'ANG GRAGS PAS SDIG PA 'JOMS PA SOGS KYI YON TAN 'GA' YANG MI 'BYUNG NGO, ,GAL TE GRAGS PAS SDIG PA'I DRI MA 'KHRU BAR BYED NA KHYOD GZHAN GYI NOR 'PHREG PA LA SOGS PA YON TAN MED PA DANG KHYI 'TSED PA RNAMS LA KHYI RNAMS BRJID DANG LDAN PA NYID KYIS GRAGS PA CHEN PO CI STE MED, DES NA BDAG LEGS SU 'DOD PAS CHAD PA DRAG PO CAN DU BYA BAR MI RIGS SO, ,DPER NA, PHYUG PO'I BU MO SHI BA'I RO 'BYOR BA CHEN POS PHYIR 'BYIN PA MTHONG NAS KHU MO GZHAN ZHIG BDAG KYANG 'DI LTA BU'I 'BYOR BA DANG LDAN PAR 'GYUR RO SNYAM NAS SROG DANG BRAL BAR BYED PA BZHIN DU, RGYAL PO GRAGS PA'I CHED DU SDIG PA BYED PA YANG DE DANG 'DRA'O, ,GNYIS PA RIGS KYIS DREGS PA DGAG PA LA GSUM, RGYAL PO'I SRAS KYIS DREGS PA @035A *, ,DGAG PA DANG, RGYAL RIGS TZAM GYIS DREGS PA DGAG PA DANG, SKYE RGU SKYED BA'I LAS KYIS RGYAL RIGS SU 'GYUR BA DGAG PA'O, ,DANG PO NI, RIGS DANG LDAN PA'I RGYAL BU DE NYID RGYAL THABS LA 'OS KYI GZHAN MIN PAS DREGS PAR RIGS SO ZHE NA, MEN TE GANG GI TSE KUN GYI RGYAL SRID KYI DBANG PHYUG NYID LA LONGS SPYOD PA NI RANG GI BSOD NAMS KYIS BSKYED PA YIN PA DE'I TSE SEMS CAN 'DI NI SKYE BA NAM YANG DANG PHYUG LA BRTEN PA MIN NO, ,ZHES BRJOD PA RNYED PA MIN NO, ,DES NA DE NGA RGYAL BYA BA MI RIGS SO, ,BSOD NAMS KYI LAS CAN KUN GYI THUN MONG BA YIN PA'I PHYIR RO, ,DPER NA BZO SLOB PA KUN GYI THUN MONG BA YIN PAS DREGS PAR MI RIGS PA BZHIN NO, ,GNYIS PA LA GNYIS, THOG MA MED PAS NAS RIGS SO SOR NGES PA MED PA DANG, RIGS BZHI YOD PAS NGO BO NYID KYIS RGYAL RIGS SU NGES PA MED PA'O, ,DANG PO NI, GANG GI PHYIR RGYAL SRID SKYONG BA'I CHOS NI RGYAL RIGS KHO NA LA BSHAD KYI RIGS GZHAN GSUM RNAMS MIN PAS, RGYAL RIGS KHO NAS RGYAL SRID BYA DGOS PAS RIGS KYIS DREGS PAR RIGS SO ZHE NA, NGO BO NYID KYIS RIGS SO SOR NGES PA MED DO, ,BSKAL PA DANG PO'I MI RNAMS RDZUS TE SKYE ZHING YID LAS BYUNG BA, RANG GI 'OD CAN RDZU 'PHRUL DANG LDAN ZHING NAM MKHA' LA 'GRO BA, , DGA' BA'I ZAS CAN PHO MO'I DBANG PO DANG BRAL BA YIN LA, DUS PHYIS RIM GYIS KHAM GYI ZAS LA ZHUGS NAS PHO DANG MO'I DBANG POS BYAS PA'I DBYIBS THA DAD PAR GYUR TE, MNGAL NAS SKYE BA'I SKYE GNAS BYUNG BAR GYUR TO, ,DE NAS GSOG 'JOG @035B GI SKYON GYIS MA BYIN PAR LEN PA SOGS LA ZHUGS PA BSRUNG BA'I PHYIR MI DBUS LA BAB PA ZHIG SKYE BO'I TSOGS PHAL PO CHAS ZHING BSRUNG BA LA BSKOS SHING LAS DE KHAS BLANGS PA LA RGYAL RIGS ZHES GRAGS SO, ,DBANG PO THUL BAR 'DOD PA DAG DKA' THUB BSGRUB PA GRONG NAS YID PHYIR PHYOGS PA DE DAG LA BRAM ZE ZHES DANG, RGYAL PO'I BKA' BZHIN BYED PA LA RJE'U'I RIGS DANG, ZHING RMO BA LA SOGS LAS NGAN PA LA SBYOR BDAG NI DMANGS RIGS ZHE GRAGS PAS 'TSO BA'I TSUL MI 'DRA BA'I 'TSE THABS SO COG LA YANG 'JIG RTEN NA NA RIGS ZHES BSNYAD PA DAS NA SEMS CAN THAMS CAD LA NGO BO NYID KYIS SO SOR NGES PA'I RIGS LAS BYAS PA'I DBYE BA YOD PA MA YIN NO, ,DPER NA BCUD MI 'DRA BAS BYAS PA'I BUM PA BZHIN NO, , DES NA DRANG SRONG GIS BYAS PA'I BSTAN BCOS LAS, RGYAL RIGS KYIS 'CHI BA BYAS KYANG CHOS MIN PA MED PAR 'DOD PA SHIN TU MI RIGS SO, ,GNYIS PA NI, GAL TE MI RNAMS LA RUS MI 'DRA BA BZHI YOD PA DE'I PHYIR NGO BO NYID KYIS RIGS THA DAD PA YOD DO ZHE NA, PHA DANG MA DAG LAS SKYES PA'I RIGS NGES PA CAN RNYED DKA' STE, 'JIG RTEN DU RIGS BZHI'I DBYE BA BYUNG BA NAS 'DAS PA'I DUS SHIN TU RING BA DANG MI MO BUD MED RNAMS KYI YID SKYES PA GZHAN LA SHIN TU GA-YO BA STE DE'I PHYIR RGYAL RIGS ZHES BYA BA RIGS LAS SO SOR NGES PA CAN 'GA' YANG YOD PA MA YIN PAS RIGS RGYUD KYIS NGA RGYAL MI RIGS SO, ,DPER NA KHA CIG GIS BRAM ZE'I KHYIM DU GSER GYI SPYI BLUGS BLTAMS, DUS RING PO LON NAS KHYIM GYI BDAG PO YANG DU MA 'PHOS @036A *, ,SHING SPYI BLUGS KYANG MI 'DRA BA 'PHOS PA BZHIN NO, ,GSUM PA NI, GAL TE RGYAL RIGS KYIS RGYAL RIGS SU MI 'GYUR NA, ,SKYE RGU SKYONG BA'I LAS KYIS RGYAL RIGS SU 'GYUR RO ZHE NA, GAL TE 'JIG RTEN SKYONG BA LA SOGS PA'I RGYAL RIGS KYI LAS KYIS DMANGS RIGS KYANG RGYAL RIGS ZHES BYA BAR 'GYUR NA NI RIGS BYED 'DON PA LA SOGS PA'I BRAM ZE'I LAS BYAS PA NYID KYIS DMANGS RIGS KYANG BRAM ZER NI RGYU MTSAN GANG GIS 'GYUR BA MIN PAR SEMS NGES NA LAS KYIS RGYAL RIGS SU 'GYUR RO, ,ZHES 'DOD PA MI RIGS TE, DPER NA, GRU PHA ROL DANG TSUL ROL TU 'GRO'O 'ANG NGO ZHES SMRA MOD KYANG, PHA ROL DANG TSUL ROL NGO BO NYID KYIS GRUB PA MED PA BZHIN NO, ,GSUM PA LA GNYIS, RGYAL POS DUS LA BAB PA NA SKYE BO PHAL PO CHE LA NOR LA SOGS PA'I DBANG PHYUG CHEN PO 'GED NUS PAS LONGS SPYOD CHEN PO CAN YIN PAS DREGS RIGS PA DGAG PA DANG, DES NA RGYAL POS RLOM PA CHEN PO BYA RIGS PA DGAG PA'O, ,DANG PO NI, RGYAL SRID KYI DBANG PHYUG CHEN POS DUS LA BAB PA NA SKYE BO PHAL PO CHE LA LONGS SPYOD 'GED NUS PAS DREGS PAR RIGS SO ZHE NA, YUN RING POR BSAGS PA'I LONGS SPYOD 'GED NUS PA BDEN MOD KYI RGYAL PO DE'I DON DU BSAGS PA'I SDIG PA LA DBANG PHYUG LTAR 'GED NUS PA YOD PA MA YIN PAR SNGAG PA'I 'BRAS BU RANG KHO NAS MYONG DGOS NA GZHAN GYI DON DU DGOS PA CHUNG NGUS MKHAS PA NI SU ZHIG RANG NYID 'JIG RTEN PHYI MAR 'JOMS PAR BYED DES NGO TSA BAR RIGS KYI DREGS PAR MI RIGS SO, ,DPER @036B NA MA HE BSAD NAS MCHOD SBYIN BYED PA MANG POS ZAN YANG SNGAG PA DE GSOD PA PO KHO NA LA 'BYUNG BA BZHIN NO, ,GNYIS PA NI, DBANG PHYUG CHEN PO LA GNAS PAS NGA RGYAL BYA BAR RIGS SO ZHE NA, RGYAL SRID LA SOGS PA'I DBANG PHYUG GIS BSKYED PA BDAG NI GZHAN LAS PHUL DU PHYIN PA'O SNYAM PA'I NGA RGYAL NI, RANG DANG DBANG PHYUG MNYAM PA DANG RANG LAS CHOS KHYAD PAR 'PHAGS PA'I PHA ROL NUS PA DANG LDAN PA'I DBANG PHYUG PHUN TSOGS LA BLTA BAR BYA STE, DE LTAR BYAS NA TSUL LUGS LEGS PAR RTOG SHES PA'I DAM PA SNYING LA NGA RGYAL MI GNAS SO, ,DPER NA BRAM ZE NOR 'DZIN GYI CHUNG MA GZUGS KYIS DRAGS NAS NGA RGYAL BA RGYAL PO'I BTZUN MO'I 'KHOR DU BCUG NAS RIM GRO MA MTHONG BAS DREGS PA NYAMS PA BZHIN NO, , LUS 'DI NI RTAG MI GTZANG BSAM BYAS SHING, ,LUS LA SRED PA'I NYES PA SHES BYAS TE, ,BLA MED BYANG CHUB BSGRUB LA BRTZON BYA ZHING, ,BDAG DANG BDAG GIR DREGS PA SPANG BAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD PA'I SNYING PO ZHES BYA BA LAS BDAG TU 'DZIN PA PHYIN CI LOG SPONG BA'I THABS BSTAN PA STE RAB TU BYED PA BZHI ` GNYIS PA 'JUG SEMS BSKYED NAS SPYOD PA LA SLOB TSUL BSHAD PA LA BZHI, DNGOS KYI DON DANG, SKYOD PA'I GEGS NYON MONGS SPANG BA'I THABS BSHAD PA DANG, NYON MONGS KYI DMIGS PA 'DOD PA'I LONGS SPYOD LA ZHEN PA SPANG BA DANG, @037A *, ,LAM RGYUD LA SKYE BA'I SNOD RUNG DU BSGRUB PA SLOB MA'I RGYUD YONGS SU SBYONG BA'I THABS BSTAN PA'O, ,DANG PO LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA BZHI, THOB BYA'I 'BRAS BU SANGS RGYAS KYI CHE BA BSTAN PA DANG, DE'I RGYU BYANG CHUB SEMS DPA'I SPYOD PA NYAMS SU LEN TSUL BSHAD PA DANG, 'BRAS BU KUN MKHYEN GYI SGRUB BYED DANG, BLO DMAN THEG CHEN LA SKRAG PA'I RGYU BSTAN PA'O, ,DANG PO LA GSUM, SANGS RGYAS KYI MDZAD PA'I KHYAD PAR DANG, DE'I 'BRAS BU DANG, DRI BA BCU BZHI'I LAN LUNG DU MA BSTEN PA KUN MKHYEN MIN PA'I SGRUB BYED DU MI RUNG BA'O, ,DANG PO NI, SNGAR BSHAD PA'I LEGS PAR BSHAD PA RIN PO CHE'I KHYAD PAR DMAN PA'I RIGS CAN RNAMS 'KHOR BA LA SKYO NAS THAR PA DON DU GNYER ZHING, THEG PA CHEN PO'I RIGS CAN RNAMS SNYING RJE CHEN PO BSKYED DE SANGS RGYAS DON DU GNYER BA'I RGYU 'DI DAG GANG LAS RNYED CE NA, SANGS RGYAS LAS SO, ,DE CI 'DRA ZHIG CE NA, THUGS RJE CHEN POS 'GREL BA MA LUS PA'I DON DU BSAM GYIS MI KHYAB PA'I MDZAD PA ZHIG STE, 'DI LTAR SANGS RGYAS RNAMS KYI SGO GSUM GYI GA-YO BA NI SEMS CAN LA PHAN PA'I RGYU MED PA 'GA' YANG YOD PA MIN TE, TING NGE 'DZIN RGYAL PO LAS, 'OD ZER BRGYA STONG DPAG TU MED PA DAG, CHOS KYI RGYAL PO'I ZHABS KYI MTHIL NAS BYUNG, ,SEMS CAN DMYAL BA THAMS CAD BSIL BAR GYUR, ,SDUG BSNGAL MED PAR BYAS NAS BDE BA MYONG ZHES PA DANG, RGYAL BAS SGO YI THEM STENGS ZHABS BZHAG TSE, ,DMUS LONG @037B GYUR PA'I MI GANG CI YOD DANG, ,RNA BAS MI THOS MGON MED BSOD NAMS CHUNG, ,DE DAG THAMS CAD MIG DANG RNA BA THOB, ,CES GSUNGS PA LTAR RO, ,DE BZHIN DU 'PHEN PA LA MI LTOS PAR RANG GI NGANG GIS 'BYUNG BA'I DBUGS KYANG DMYAL BA PA RNAMS KYI SNOD KYI STENG DU SPRIN CHEN PO MIG SMAN GYI PHUNG PA DANG 'DRA ZHING DMYAL BA PA'I YID 'PHROG PA LAS CHAR GYI TSOGS RO ZHIM ZHING BSIL BA BAB PAS DMYAL BA'I ME'I PHUNG PO ZHI BAR BYAS PAS, DMYAL BA PA RNAMS SDUG BSNGAL DANG BRAL NAS GANG GI MTHUS SDUG BSNGAL ZHI BAR BYAS SNYAM DU SEMS PA NA SANGS RGYAS KYI SKU MTSAN DPAS SPRAS PA MTHONG NAS DE LA DAD PA'I MTHUS DMYAL BA'I SDUG BSNGAL ZHI ZHING, THAR PA CHA MTHUN GYI DGE BA RGYUD LA BSKYED PAS DBUGS KYANG SEMS CAN RNAMS LA NI, GNAS SKABS DANG MTHAR THUG TU SMAN PA'I SLAD KHO NAR YANG DAG PAR 'BYUNG NA CHOS STON PA LA SOGS PA'I MDZAD PAS PHAN THOGS PA LTA CI SMOS, DES NA BA DANG, LEGS SU 'DOD PA RNAMS KYIS DANGS RGYAS BCOM LDAN 'DAS LA DAD CING GUS PAR BYA'O, ,DPER NA RTZIBS LOGS SKYES KYI DGE SLONG 'KHRUL 'KHOR GYI KHYIM DU DBYAR KHAS BLANGS PA'I BYUNG BA 'GREL PA LTAR RO, ,GNYIS PA NI, SANGS RGYAS LA NYE BAR BSTEN PA RNAMS NI 'CHI BA'I 'JIGS PA LA THUG PA'I 'JIGS PA THAMS CAD LAS THAR PAR 'GYUR TE, 'DI LTAR 'JIG RTEN PA KUN LA 'CHI BDAG GI SGRA JI LTAR 'JIGS PA BSKYED PAR 'GYUR BA DE BZHIN DU KUN MKHYEN ZHES PA'I SGRA 'DI NI GANG GIS THOS PA LAS MYA NGAN @038A *, ,LAS 'DA' BA'I SKAL PA CAN DU 'GYUR BAS 'CHI BDAG LA YANG 'JIGS PA BSKYED DE 'CHI BDAG 'JOMS PAR 'GYUR RO, ,MDO LAS, GANG DAG GIS NGA'I MTSAN THOS PAR GYUR PA DE DAG THAMS CAD KYANG THEG PA GSUM LAS THEG PA GANG YANG RUNG BA ZHIG GIS YONGS SU MYA NGAN LAS 'DA' BAR 'GYUR RO ZHES GSUNGS PA LTA BU'O, ,DPER NA, RGYAL PO ZHIG LA BU SKYES PA DANG, BTZON? THAMS CAD BTANG BAR DRIL BSGRAGS PA DANG 'BANGS RNAMS DGA' BA SKYES PA BZHIN NO, ,GSUM PA NI, GAL TE BDAG DANG 'JIG RTEN RTAG MI RTAG SOGS DRI BA BCU BZHI'I BRDA MI SGROD PA'I PHYIR THAMS CAD MKHYEN PA MIN PAR 'GYUR BA MIN NAM ZHE NA MIN TE, DE NI KUN MKHYEN MIN PA'I SGRUB BYED DU 'GYUR BA MIN PAR MA ZAD KUN MKHYEN GYI SGRUB BYED DU 'GYUR TE, GANG GI PHYIR NA THUB PA LA GNAS SKABS DANG MTHAR THUG GI MDZAD PA'I DUS DANG DUS MIN PA DANG MDZAD PAR BYA BA MIN PA MI PHAN PA DANG GNOD PA DANG GSUNG BYA MTHA' DAG MNGON SUM DU GZIGS SHING GSUNG BYA MIN PA YANG MNGON SUM DU GZIGS PA'I GZIGS PA MNGA' BA YIN PAS LAN LUNG MI STON PA NI GANG ZAG DANG CHOS KYI BDAG LAS BRTZAMS NAS 'DRI BA YIN PAS KHYAD GZHI BKAG PA'I KHYAD CHOS MI RUNG ZHING BDAG MED PA BSTAN NA ZAB MO'I SNOD DU MI RUNG BAR GZIGS NAS LAN LUNG MA BSTAN PA DES NA SNOD DANG SNOD MIN PA MTHA' DAG MNGON SUM DU GZIGS PA'I KUN MKHYEN KUN MKHYEN NI MIN ZHES BYA BA LA RGYU MTSAN CI YOD MED LA, DE NI KUN MKHYEN KUN MKHYEN YIN @038B PA'I RGYU MTSAN DU 'GYUR BA YIN NO, ,RIN CHEN PHRENG BA LAS, 'JIG RTEN MTHA' DANG LDAN NAM ZHES, ,ZHUS NA RGYAL BA MI GSUNG BZHUGS, ,GANG PHYIR DE LTAR ZAB PA'I CHOS, ,SNOD MIN 'GRO LA MI GSUNG BA, ,DE NYID PHYIR NA MKHAS RNAMS KYIS KUN MKHYEN THAMS CAD MKHYEN PAR SHES, ,ZHES GSUNGS PA LTAR RO, ,DPER NA RGYAL PO 'GA' ZHIG BRAM ZE 'BYOR BA CAN CHAD PAS BCAD 'DOD PAS KHYOD KYI KHYIM NA KHRON PA 'DUG PA MYUR DU THONG ZHIG DE LTA MIN NA CHAD PAR 'GYUR RO ZHES SMRAS PA DANG, BRAM ZA'I MU MOS NOR GYIS NOR 'GUGS PA BZHIN DU KHRON PA GZHAN ZHIG MNGAG 'TSAL LO ZHES PA'I THABS KYIS CHAD PA DANG BRAL BA BZHIN DU, SANGS RGYAS KYANG THABS MKHAS PAS 'GRO BA'I DON MDZAD PA YIN NO, , GAL TE GSUNG BYA MIN PA MI GSUNG NA, LHAS SBYIN LA BRTZAMS TE GOS DUM CAN GYI BU MCHIL ZAN LA CI ZHES GSUNGS PA MIN NAM ZHE NA, GSUNG MOD KYI 'DI NI GZHAN LA GNOD PA YANG MIN LA, SDIG PA LAS LDOG PA'I CHED DU GSUNGS PA'O, ,DE'I CHE LHAS SBYIN DMA' PHAB PAR MA MDZAD NA 'GRO BA MANG PO LA GNOD PA CHEN POR 'GYUR BA GZIGS PAS SO, ,GNYIS PA LA GSUM, SPYOD PA LA SLOB PA'I KUN SLONG GI KHYAD PAR DANG, SEMS BSKYED PA'I BSOD NAMS DANG, SPYOD PA LA SLOB TSUL DNGOS SO, ,DANG PO LA GNYIS, SGO GSUM GYI NANG NAS YID GTZO BO'I DON CAN DU BSTAN PA DANG, GZHAN LA MI DGE BAR 'GYUR BA YANG BYANG CHUB SEMS DPA' LA BSAM PA'I DBANG GIS DGE LEGS SU 'GYUR BAR BSTAN PA'O, ,DANG @039A *, ,PO NI, SGO GSUM GYI LAS KUN LA YID NI DON CHEN POR TE GTZO BOR BSGRUB PAR BYA STE, GANG GI PHYIR NA KUN SLONG GI SEMS DGE MI DGE'I DBANG DU MA GTOGS PAR 'GRO BA DANG 'ONG BA SOGS LA BSOD NAMS DANG BSOD NAMS MIN PA LA SOGS PA MA MTHONG BA DE'I PHYIR, DPER NA GCER BU BA ZHIG LHA KHANG DU ZHUGS STE SKU GZUGS GCIG LA PHYAG 'TSAL LO, ,GZHAN LA 'OG SOGS REG PAR BYED PAS DE DGE BA DANG SDIG PAR 'GYUR BA BZHIN NO, ,GNYIS PA NI, LAS KUN LA YID GTZO BO YIN PA DE'I PHYIR GZHAN LA PHAN PA'I BSAM PAS KUN NAS SLANG BAS SEMS LA DBANG THOB PA'I BYANG CHUB SEMS DPA' LA SBYIN SOGS DGE BA'AM 'ON TE, SROG GTZOD SOGS GZHAN LA MI DGE BAR GYUR KYANG RUNG BYANG CHUB SEMS DPA' DE LA THAMS CAD DGE LEGS NYID DU 'GYUR TE, GANG GI PHYIR NA YID JI LTAR 'DOD PA BZHIN MI DGE BA LA MI 'JUG CING DAG PA LA 'JUG PA DE'I DBANG DU GYUR PA THOB PA'I PHYIR, DPER NA BYANG CHUB SEMS DPA' SNYING RJE CHEN PO ZHES BYA BA DED DPON DU GYUR PA ZHIG GIS BYANG CHUB SEMS DPA' LNGA BRGYA TSOGS PAR GYUR PA GSOD PAR 'DOD PA'I DED DPON RKUN PO ZHIG MDUNG THUNG GIS BSAD PAS BSKAL PA 'BUM DU 'KHOR BA LA RGYAB KYIS PHYOGS PAR BSHAD PA BZHIN NO, ,GNYIS PA GNYIS, DON DAM PA'I SEMS DANG PO BSKYED PA'I BSOD NAMS DANG, GZHAN SEMS BSKYED DU BCUG PA'I BSOD NAMS KYI KHYAD PAR RO, ,DANG PO NI, BYANG CHUB SEMS DPA' 'DI LA @039B GANG NAS BZUNG STE DON DAM PA'I BYANG CHUB SEMS DPA' ZHES BYA ZHE NA, SA DANG PO THOB PA NAS SO, ,DE'I YON TAN GYI KHYAD PAR NI BYANG CHUB SEMS DPA'I DON DAM PA'I SEMS DANG PO BSKYED PA'I BSOD NAMS NI BSOD NAMS GANG ZHIG NYE BAR BSAGS PAS GLING BZHI PA'I BDAG PO 'KHOR LOS BSGYUR BA'I RGYAL POR 'GYUR PA'I BSOD NAMS CHES MANG NA SA STENG GI SKYE BO THAMS CAD DER 'GYUR BA'I BSOD NAMS MANG BA LTA CI SMOS, SNGAR BSHAD PA'I BSOD NAMS DE NI SA STENG GI SKYE BO THAMS CAD NI 'KHOR LOGS BSGYUR BA NYID DU 'GYUR BA DE DAG GI BSOD NAMS LAS CHES KHYAD PAR 'PHAGS SO, ,DPER NA RGYAL PO'I DRIL BSGRAGS NAS RIGS PA RNAM PAR DPYOD PA NI DE'I NOR MANG PO NYID 'DU BA'I SGO YIN PA BZHIN NO, ,KHA CIG KUN RDZOB PA DANG DON DAM PA'I BYANG CHUB SEMS DPA'I KHYAD PAR MA PHYED PAR, ,SO SO SKYE BO YIN NA, BYANG CHUB SEMS DPA' MTSAN NYID PA MIN PAR 'DOD PA NI SDIG PA'I PHUL DU BYUNG BA YIN PAS MCHIL MA'I THAL PA BZHIN DU DOR BAR BYA'O, ,GNYIS PA NI, GZHAN THEG PA CHEN POR SEMS BSKYED DU BCUG PA'I BSOD NAMS JI LTA BU ZHE NA, SANGS RGYAS KYI SLAD DU DE'I RING BSREL GYI SNYING PO CAN RIN CHEN GSER DANG, BEEd-NYU RYA LA SOGS PA RIN PO CHE SNA BDUN GYI RANG BZHIN GYI MCHOD RTEN NI RGYAR STONG GSUM GYI STONG CHEN PO'I 'JIG RTEN GYI KHAMS KYI TSAD DANG MNYAM PA, 'PHANG DU 'OG MIN GYI 'JIG RTEN SNYED DU MTHO BA RGYAN THAMS CAD KYIS BRGYAN PA SKYES BU 'GAS BYAS PA'I BSOD NAMS DE BAS SEMS BSKYED DU BCUG NA 'DUL BA PO'I BSOD NAMS @040A *, ,MCHOG TU BKRA BAS SHING KHYAD PAR 'PHAGS PAR BRJOD PA YIN NO, ,DPER NA SKYES BU GCIG SHI BA NA MDZA' BA SHES GCIG GIS RAS BYIN PA DANG, CIG SHOS KYIS BU MANG SKYONG BA PHYI MA MCHOG YIN PA BZHIN DU SANGS RGYAS KYI BUR SBYANG BA LAS GDUNG RGYUN MI 'CHAD PAR BYA BA'I DON GZHAN BYANG CHUB MCHOG TU SEMS BSKYED DU BCUG PA BSOD NAMS MCHOG TU GYUR PA YIN NO, ,GSUM PA LA LNGA, GZHAN DON MDZAD PA'I LUS NGAG GI KUN SPYOD DANG, BSAM PA'I KHYAD PAR DANG, SNYING RJE DMAN PA'I NYES DMIGS DANG, BYANG CHUB SEMS DPA' LA MA DAD PA'I NYES PA DANG DAD PA BSGOM RIGS PA DANG, SPYOD PA MTHAR PHYIN PAR MDZAD NUS PA'I RGYU MTSAN NO, ,DANG PO NI, BYANG CHUB SEMS DPAS JI LTAR SEMS CAN GYI DON BYA ZHE NA, DE'I BSAM PA DANG MTHUN PAR BYA STE SLOB MA DE LA PHAN PAR 'DOD PA'I BLA MA YIS SLOB MA LA NI DE'I BSAM PA DANG MTHUN PAR LUS NGAG GIS SRI ZHU BYA STE, GANG GI PHYIR NA, SLOB MA DES BYA BA GANG BYAS NA RANG LA PHAN PA MI SHES PA GZHAN GYI RJES SU BSTAN DGOS PA DE'I PHYIR SLOB MA ZHES BYA'O, ,DPER NA STENG RGYAS 'OD SRUNGS STON PAS CHO 'PHRUL GYIS RIM GYIS RJES SU BZUNG BA BZHIN NO, ,GNYIS PA LA LNGA, GNOD MI BKUR BA'I GANG ZAG LA BRTZA BA BYA BA'I DPE DANG, GDUL BYA DKRI BA'I RIM PA DANG, NYON MONGS SHAS CHE BA LA LHAG PAR BRTZE BAR BYA BA DANG, DBANG PO DANG BSAM PA DANG MTHUN PAR GZHAN DON MDZAD PA'I TSUL DANG, SNYING RJE'I STOBS RGYAS PA'I 'BRAS BU'O, ,DANG PO NI, SLOB MA GNOD MI BKUR NA YANG DE'I @040B NYON MONGS GZHOM PA LA 'BAD PAR BYA STE, DPER NA GDON GYI DBANG GIS NAD PA SMAN PA LA LHAG PAR KHRO YANG 'BYUNG POS BZUNG BA'I NAD PA LA SMAN PA 'KHRUG PA MIN PA LTAR THUB PA, GDUL BYA'I RGYUD KYI NYON MONGS PA DAG ,SEMS CAN MA RUNGS PAR BYED PAS SKYON DU GZIGS KYI NYON MONGS DANG 'BREL PA'I GANG ZAG LA KHRO BA MIN PAS GDUL BYA RJES SU 'DZIN PAR 'DOD PA RNAMS KYIS TSUL DE LTAR SLAB PAR BYA'O, ,DPER NA SENG-GE MTSON 'PHEN PA PO LA BSNUN GYI 'PHANGS PA'I MTSON LA MI BSNUN PA BZHIN NO, ,GNYIS PA NI, SLOB MA LA RJES SU STON PA'I SLOB DPON GYIS GDUL BYA LA, GANG ZHIG SBYIN PA SOGS GANG DANG GANG LA DGA' BA DE'I GTZAM DE DANG DE CHES SNGAR LAGS PAR BSTAN NAS DPYAD PAR BYA STE THOG MA'I GDAMS PA DANG RJES SU GDAMS PA BYAS NAS PHYIS ZAB MO'I GTAM BYA STE, DANG PO NAS ZAB MO'I GTAM GYIS YID PHYIR PHYOGS NAS RGYUD NYAMS PAR GYUR PA YIN NA, DON DAM PA'I CHOS KYI SNOD NI CIS KYANG MA YIN NO, ,DE YANG SER SNA CAN NI SBYIN PA'I GTAM LA MI DGA' BAS LONGS SPYOD 'DOD PA DAG SBYIN PA BTANG BAR BYA'O ZHES SOGS BRJOD PA BZHIN NO, ,DPER NA BYANG CHUB SEMS DPA' SKRA MDZES KYIS TSONG BA'I BUD MED RIM GYIS DE'I BSAM PA DANG MTHUN PAR KHRID PA BZHIN NO, ,GSUM PA NI, NYES PA LAS LAN BRGYAR BZLOG TU ZIN KYANG YANG DANG YANG DU MI RIGS PA'I LAM DU 'JUG PA DE LA BYANG CHUB SEMS DPAS LHAG PAR BRTZE BAR BYA STE, JI LTAR TE DPER NA MA NI KHYAD PAR DU NAD KYIS THEBS PA'I BU LA GDUNG BAR 'GYUR BA DE BZHIN DU BYANG @041A *, ,CHUB SEMS DPA'I BRTZE BA YANG DAM PA MIN PA LA KHYAD PAR DU SKYE'O, ,DPER NA GDOL BA MO'I BU DRUG PA BYA BA MIN PAS RGYAL POS BSAD PAR DOGS PA SHAS CHE BA BZHIN NO, ,BZHI PA NI, BYANG CHUB SEMS DPAS SEMS CAN GYI DON BYED PA NA SEMS CAN RNAMS BSAM PA DANG MOS PA DANG DBANG PO THA DAD PAS LA LA'I SLOB MAR 'GYUR BAR BYA STE PHAN PA RJES SU STON PAR BYED DO, ,RANG NYID DMAN PAR SEMS PA LA LA YI NI BLA MAR 'GYUR BAR BYAS NAS KHYAD PAR BSTAN PA'I SGO NAS RJES SU STON PAS SEMS CAN 'DUL BA'I THABS DANG RIG PA SNA TSOGS PA'I THABS RNAMS KYIS CHOS KYI DE KHO NA NYID MA RTOGS PA'I SEMS CAN RNAMS KYIS DE KHO NA NYID RTOGS PAR BYED DO, ,DPER NA SMAN PA MKHAS PA NANG PA LA SNUM CHOS DANG SKYA CHOS SNA TSOGS BYED PA BZHIN NO, ,LNGA PA LA GNYIS, SNYING RJE'I STOBS LHAG PAR RGYAS NA GDUL BYA MIN PA DKON PA DANG, GZHAN DON LA BSKUL MA MA BYAS PA'I NYES DMIGS SO, ,DANG PO NI, SEMS CAN YONGS SU SMIN PAR BYED PA LA MTHU'I KHYAD PAR 'PHEL BA'I BYANG CHUB SEMS DPAS JI LTAR SMAN PA MKHAS PAR GYUR PAS NANG, GSOR MI RUNG ZHING SGRUB TU MED PA DKON PA DE BZHIN DU DBANG PO MCHOG DANG MCHOG MIN PA SHES SHING BSDU BA'I DNGOS PO BZHI LA MKHAS PA'I BYANG CHUB SEMS DPA'I STOBS RNYED NAS GDUL BYA MIN PA SHIN TU DKON PAR SHES PAR BYA'O, ,DPER NA SLOB DPON KLU SGRUB KYIS RGYAL PO'I BU'I SEMS KYI NANG BUD MED 'DOD PAS BSKYED PA SMAN PA GZHAN THAMS CAD KYIS MA SHES PA @041B ZHI BAR MDZAD PA BZHIN NO, ,GNYIS PA NI SEMS CAN 'DUL BA'I MTHU'I KHYAD PAR RNYED PA'I BYANG CHUB SEMS DPA'I SPYOD YUL DU NI GDUL BYA BSKUL NA NGAN 'GRO MI 'GRO BA DE LA GAL TE 'GA' ZHIG MA BSKUL BAR SEMS CAN DE NGAN SONG DU 'GRO BAR 'GYUR NA DE SEMS CAN THAMS CAD LA PHAN PAR DAM BCAS PA'I DAM BCA' NYAMS PAS BLO LDAN GZHAN GYIS SMAD BYAR 'GYUR BAS SEMS CAN RNAMS LA JI LTAR 'TSAM PA'I CHOS BSTAN PAS BSKUL BAR BYA'O, ,DPER NA DED DPON CHEN PO RANG RANG GI 'KHOR NA GNAS PA'I GROGS MA BYAS NA SMAD PAR 'GYUR BA BZHIN NO, ,GSUM PA NI, LAS DANG PO PA'I BYANG CHUB SEMS DPA' GANG ZHIG ,SDUG BSNGAL RGYU DANG BCAS PAS NYAN PA'I SEMS CAN GZHAN DAG LA PHRAG DOG PA'I SNYING BRTZE BA BYED PA LEGS SO, ,ZHES MI 'DOD PA DE RJES SU BRTZE BAS SEMS CAN MGON MED PA DAG LA LUS LONGS SPYOD DGE RTZA JI LTAR SBYIN PA GTONG BAR BYED MI BYED DO, ,DPER NA LONG BA LAS RDZAS 'PHROG PA DANG LHAM GYI DON DU GSOD PA BZHIN NO, ,DES NA SNYING RJE'I STOBS RGYAS PA LA 'BAD PAR BYA'O, ,BZHI PA LA GNYIS, BYANG CHUB SEMS DPA' LA MA DAD PA'I NYES DMIGS DANG, DAD PA BSGOM PAR RIGS PA'O, ,DANG PO NI, BYANG CHUB SEMS DPA' SNYING RJE'I GZHAN DBANG DU GYUR PA DE DAG LA SDANG BA'I NYES DMIGS JI LTA BU ZHE NA, SEMS CAN GYI KHAMS MA LUS PA PHUNG PO LHAG MA MED PA'I MYA NGAN LAS 'DAS PA'I MTHAR THUG PAR 'DOD PA'I BSAM PA CAN GYIS 'GRO BA LA PHAN PA'I PHYIR TU GANG ZHIG LA 'JIG RTEN JI SRID DU GZHAN DON DU GNAS PA'I MTHU YOD PA DE LA DAD PA DANG @042A *, ,BKUR STE SOGS MA BYAS PA'I SOR GNAS DAG KYANG PHUNG NA DE LA ZHE SDANG BA LA SDIG PA BSAM THAG CI ZHIG YOD, RAB TU ZHI BA RNAM PAR NGES PA CHO 'PHRUL GYI MDO DANG, DAD PA'I STOBS BSKYED PA LA 'JUG PA PHYAG RGYA'I MDO LAS GSUNGS PA LTAR NGAN 'GRO'I SDUG BSNGAL BRGYA PHRAG LHAG PAR NGES PAR RAB TU PHUNG BAR 'GYUR RO, ,DPER NA GLANG PO CHE MANG PO DBANG DU BYED PA'I MI LA KHA CIG GIS GNAS LUGS BLTAMS LA DUS GZHAN ZHIG NA KHYED CAG BDE'AM DRIS PAS, GANG LA BDE CHAR KLUNG GIS GLANG CHEN DAG GA-YENGS SO ZHES ZER BA NA, DUD 'GRO GZHAN GYIS GO BAS MA DRIS PA DANG, SNUM 'KHUR DANG DBYUG PA'I DPE BZHIN NO, ,GNYIS PA LA GNYIS, BYA DKA' BA'I SPYOD PA MDZAD PA LA DAD RIGS PA DANG, YON TAN MTHA' YAS PA BSAMS NAS DAD PA BYA BA'O, ,DANG PO NI, BYANG CHUB SEMS DPA' NI MCHOG TU BYA DKA' BA MDZAD PAS SDANG BA SPANGS NAS LHAG PAR DAD PAR RIGS TE, SEMS DPA' BZOD PA THOB PA GANG LA SKYE BA THAMS CAD DU MI NYAMS PA'I MNGON SHES LNGA CHAR YANG YOD PA DE'I SEMS CAN LA PHAN PA'I CHED DU NGAN SONG GI 'GRO BA DMAN PAR SRIN BU DANG, PHYE MA LEB DANG, MA HE DANG KHYI LA SOGS PA DMAN PA LTA BU'I LUS KYI DNGOS PO YONGS SU BZUNG NAS GZUGS DE DANG, SKAD DANG DES SEMS CAN YONGS SU SMIN PAR MDZAD PA'I SPYOD PA 'DI NI SHIN TU BYA DKA' BA'O, ,DPER NA BYANG CHUB SEMS DPA' GCIG GIS MA 'ONGS PA NA KHYI MANG PO LA GNOD PA YOD PA GZIGS NAS DE BZLOG PA'I CHED DU KHYI'I SKYE GNAS BZUNG BA BZHIN NO, , @042B GNYIS PA NI, YON TAN MTHA' YAS PA BSAMS NAS DAD PA BSKYED PAR BYA STE, SEMS CAN GYI DON BYA DKA' BA 'BAD MED DU SGRUB NUS PA'I THABS KYIS DUS KUN GYI TSE SGO GSUM GYIS BSTEN PA'I BSOD NAMS GANG SHIN TU YUN RING PO BSKAL PA GRANGS MED PAR BSAGS PA DE, NAM MKHA' LTAR MTHA' YAS PA'I PHYIR, ,THAMS CAD MKHYEN PA'I GZHAL BYA YANG MIN ZHES DE BZHIN GSHEGS PAS GANG ZHIG RGYA MTSO'I CHU THIGS DANG ZHES SOGS GSUNGS SO, ,DPE NI GO BAR ZAD DO, , LNGA PA SPYOD PA MTHAR PHYIN PAR MDZAD NUS PA'I RGYU MTSAN LA LNGA, SBYIN PA LA LHAG PAR SPRO BA'I RGYU MTSAN DANG, DMAN PA'I SBYIN PA LA SMAD PA DANG, SPYOD PA MTHA' DAG SGRUB NUS PA'I RGYU MTSAN DANG, RANG NYID 'BA' ZHIG ZHI BDE DON DU MI GNYER BA'I RGYU MTSAN DANG, LUS RTEN KHYAD PAR CAN LEN NUS PA'I RGYU MTSAN NO, ,DANG PO NI, SKYES PA'I RABS LA SOGS PAR BYANG CHUB SEMS DPA' LA SBYIN PA'I GTAM SNYAN PAR 'DON GYI TSUL KHRIMS LA SOGS PA DE TZAM DU MIN ZHE NA, SBYIN PA'I SGRA DHA NA NI YI GE BSNAN PA'I NGES TSIG GIS BSHAD PA NA, SKYE BA DANG RJES SU MTHUN PA'I SHI BA GSAL BAR GO BAR BYED PA DANG, RES DGA' SBYIN PA GSUM GYI DBYE BAS PHAR PHYIN DRUG GIS BSDUS PA'I CHOS GO BAR BYED PA DANG, RES DGA' SGO GSUM YONGS SU DAG PAR BSRUNGS PAS JI LTAR 'DOD PA'I SKYE BA GZHAN 'GRUB PA GO BAR BYED PAS NA, 'CHI BA DANG CHOS DANG SRID PA GZHAN SBYIN PA'I SGRA YIS GSAL BAR BYED PA DE'I PHYIR BYANG CHUB SEMS DPA' LA SBYIN PA'I SGRA NI RTAG TU SNYAN PAS SBYIN PA LA LHAG PAR @043A *, ,SPRO BAR MDZAD DO, ,DPER NA GSAD PAR BYA BA NYES PA LAS THAR PA'I GTAM THOS PA BZHIN NO, ,GNYIS PA NI, BYANG CHUB SEMS DPA'I SBYIN PA KHO NA MTHA' YAS KYI GZHAN GYI MIN ZHE NA, TSE 'DIR BYIN PA YI SBYIN PA LA 'BRAS BU LONGS SPYOD CHEN PO 'BYUNG BAR 'GYUR RO ZHES BSAMS NAS RDZAS LAN PA DANG, YONGS SU GTONG BA NI KHE'I CHED DU RDZAS GTONG BA'I TSOD SOGS BZHIN DU DAM PAS SMAD PAR 'GYUR RO, ,DPER NA YO BAD THAMS CAD BTZONGS PA'I KHE BA BZHIN NO, ,GSUM PA NI, BSOD NAMS MTHA' YAS PA GSOG PA'I BYANG CHUB SEMS DPA' GANG LA SNGAR BYAS PA'I SDIG PA YANG CUNG ZAD YOD PA NYID KYANG 'BRAS BU 'BYIN NUS SU YOD PA MA YIN PA JI SKAD DU, LAN TSVA SRANG 'GAS CHU NI NYUNG NGU ZHAG , RO BSGYUR BGYID KYI GANG-G'A'I KLUNG MIN LTAR, ,DE BZHIN SDIG PA'I LAS NI CHUNG NGU YANG, ,DGE BA'I RTZA BA YANGS PA MKHYEN PAR MDZOD, ,CES GSUNGS PA LTAR STOBS DANG LDAN PA'I DGE BA'I LAS CAN SEMS DPA' DE LA NI GZHAN DON BSGRUB MIN ZHES BYA BA YOD PA MA YIN PAS SEMS CAN GYI DON MTHA' DAG 'GRUB PAR 'GYUR RO, ,DPE NI TSIGS SU BCAD PA DRANGS PA LTAR RO, ,BZHI PA NI, BYANG SEMS 'PHAGS PA RNAMS GCIG TU DGE ZHING LAS NYON GYI DBANG GIS 'KHOR BAR MI SKYE NA, ZHI BA'I DBYINGS SU SNYOMS PAR MI 'JUG PA CI ZHE NA, BYANG CHUB SEMS DPA' LHAG PA'I BSAM PA BRLABS CHEN PO'I YID CAN DE LA NI SDIG PA CUNG ZAD KYANG MI BYED CING 'KHOR BAR GNAS KYANG SRID PA'I NYES PAS MI GOS PAS @043B 'KHOR BA 'DI NA'ANG GNOD PA YOD PA MIN TE NGES NA DE LA SRID PAR GNAS PA DANG MYA NGAN LAS 'DAS PAR ZHUGS PA LA GNOD PA MED PAR KHYAD PAR MED PAS ZHI BA LAS ZHI BA LA LHAG PAR MI SPRO'O, ,DPER NA BU GCIG PA NA BA'I MA RIM GRO BYED PA LA MI SKYO BA BZHIN NO, ,LNGA PA NI, DON DAM PA'I SEMS BSKYED PA DANG PO THOB PA NAS BYANG CHUB SEMS DPA'I LAS PHAL CHER DBANG 'BYOR BAR 'GYUR BA LA RGYU CI YOD CE NA, SA THOB PA'I SEMS DPA' GANG LA KUN GYI TSE SEMS LA DBANG NI THOB PA NYID LAS BSAMS BZHIN DU SRID PAR SKYE BA LEN PA'I NUS PA YOD PAR GYUR PA DE KO DE NI RGYU CIS SEMS CAN GYI DON LA DBANG 'BYOR BA'I 'JIG RTEN NI KUN GYI MNGA' BDAG TU GYUR PA MA YIN, GLING BZHI'I BDANG PO SOGS SU SKYE BA BLANGS NAS GZHAN GYI DON MDZAD PA'O, ,DPER NA YID BZHIN GYI NOR BU DANG DPAG BSAM GYI SHING DANG BUM PA BZANG PO BZHIN NO, ,GSUM PA 'BRAS BU KUN MKHYEN GYI SGRUB BYED NI, BYANG CHUB SEMS DPA'I SPYOD PA SPYAD PA'I 'BRAS BU JI LTA BU ZHE NA, SANGS RGYAS BCOM LDAN 'DAS DPE MI MNGA' BA'I MTHU'I KHYAD PAR BSAM GYIS MI KHYAB PA RNAMS SO, ,DE LA MOS PA PHYIN CI LOG TU BZHUGS PA SPYOD PA BA LA SOGS PA NA TE, DE BZHIN GSHEGS PA NI KUN MKHYEN MIN TE, SKYES BU NYID YIN PA'I PHYIR, LAM SO SO'I MI BZHIN NO ZHES SMRA'O, ,DE NI MI RIGS TE, KHYOD KYI RTAGS DE'I RTZOD GZHI DANG BSGRUB BYA'I CHOS GNYIS GCIG GAM THA DAD DANG PO LTAR NA, GZHI CHOS SU MI 'THAD DE, GCIG YIN PA'I PHYIR BUM PA RANG NYID RANG GI KHYAD CHOS @044A *, ,SU MI 'THAD PA BZHIN NO, ,GNYIS PA LTAR NA YANG DER MI 'THAD DE, THA DAD PA'I PHYIR, BUM SNAM BZHIN ZHES KUN NAS MTSUNGS SO, ,DE BZHIN RTAGS DANG DAM BCA' RANG BZHIN GYIS GRUB PAR KHAS BLANGS PAS RANG BZHIN GYIS GRUB PA'I GCIG YIN NA GCIG YIN DGOS LA, RANG BZHIN GYIS GRUB PA'I THA DAD YIN NA 'BREL PA MED PAS, GNYIS KA LTAR YANG GO BYA GO BYED DU MI 'GYUR RO, ,GZHAN YANG RIG BYED KYI SGRA CHOS CAN, RTAG PA DANG MA BYAS PA DANG, RANG BYUNG DANG, TSAD MA MIN TE, SGRA YIN PA'I PHYIR, SMYON PA'I SGRA BZHIN NO, ,KHYOD KYANG BRAM ZER MI 'GYUR TE, LAG PA DANG LDAN PA'I PHYIR, NYA GSOD PA BZHIN ZHES KHYOD LA MI 'DOD PA DU MAR 'GYUR RO, ,DES NA RGYU'I KHYAD PAR LAS 'BRAS BU'I KHYAD PAR PHUL DU BYUNG BA DMIGS PAR ZHIN DU, ,KUN MKHYEN YANG NGES PAR KHAS BLANGS NUS TE, KHYAD PAR 'PHAGS SHING PHUL DU 'GRO BA LAS CHES PHUL DU STE KHYAD PAR DU 'PHAGS PAR 'GRO BA 'GA' ZHIG 'JIG RTEN 'DIR YANG SNANG STE, RIGS KYI PHUL DU BYUNG BA BRAM ZE DANG, SKYE GNAS KYI PHUL DU BYUNG BA SRID RTZE DANG, RI'I PHUL DU BYUNG BA RI RAB DANG, RGYAL PO'I PHUL DU BYUNG BA 'KHOR LOS BSGYUR BA'I RGYAL PO MTHONG BA DES NA BYANG CHUB SEMS DPA' RNAMS KYIS BSKAL PA GRANGS MED GSUM DU TSOGS BSAGS PA'I MTHU LAS SHES PA'I PHUL DU BYUNG BA DE BZHIN GSHEGS PA RNAMS KYI BSAM GYIS MI KHYAB PA'I MTHU YANG NGAS PAR YOD CES RTOGS PAR GYIS SHIG ,KUN MKHYEN YOD BSGRUB BYED LUNG LA MI BRTEN PA'I RIGS PAS GRUB PA 'DIR YANG KHAS BLANGS PAR BYA'O, ,SANGS @044B RGYAS KYI GZUGS SKU SANGS RGYAS MIN PAR 'DOD PA NI, DPYOD PA PA'I LUGS YIN PAS MCHIL MA'I THAL BA BZHIN DU DOR BAR BYA'O, ,DPER NA 'BRU MAR GYI BUM PA BRGYA NYE BAR SBYOR LA, DGE SBYONG GI RKYEN BZHIN TE, 'GREL PA LTAR RO, ,GSUM PA NI, YANG CI'I PHYIR SEMS CAN PHAL CHER THEG PA CHEN PO LA SKRAG CING, SANGS RGYAS THOB PA'I CHED DU GUS PAR MI BYED CE NA, MOS PA DMAN PA'I PHYIR RO, ,'DI LTAR BLO MA SBYANGS PA'I BLUN PO LA SHIN TU ZAB PA'I CHOS RTEN 'BREL RANG BZHIN GYIS MA SKYES PA BYA BYED THAMS CAD 'THAD PA LA SKRAG PA SKYE BA JI LTA BA DE BZHIN DU MOS PA ZHEN PA LA SHIN TU NI SMAD DU BYUNG BA'I CHOS ZAB PA DANG RGYA CHA BA'I THEG PA CHEN PA DANG, SANGS RGYAS KYI MTHU PHUL DU BYUNG BA LA SKRAG PA SKYE BAR 'GYUR RO, ,DPER NA, BDAG LUS BZANG DGE SLONG RNAMS LA YID MI CHES PA BZHIN NO, ,'DIR SMRAS PA, 'KHOR BA'I NYES DMIGS LEGS PAR BSAM BYA STE, ,BLO GROS DMAN PA SKRAG PA SKYE BA'I GZHI, ,ZAB DANG RGYA CHE'I THEG CHEN 'DIR ZHUGS TE, ,BYANG CHUB SPYOD LA BSGRUB PA SNYING POR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA BA'I RNAM BSHAD LEGS PAR BSHAD PA'I SNYING PO ZHES BYA BA LAS BYANG CHUB SEMS DPA'I SPYOD PA BSTAN PA STE RAB TU BYED PA LNGA PA'I 'GREL PA'O,, ` ,,GNYIS PA SPYOD PA'I GEGS NYON MONGS PA SPONG BA'I THABS BSHAD PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, LUS GZER BA'I DKA' @045A *, ,THUB KYIS LAS DANG NYON MONGS SPONG BAR 'DOD PA 'GAG PA DANG, NYON MONGS SPONG BA'I THABS BSHAD PA'O, ,DANG PO NI, 'GRO BA'I GNYEN DU GYUR PA'I BYANG CHUB SEMS DPA' DES NI RGYUD PA KUN GYI GNAS 'KHOR BA YIN LA DE'I RGYU LAS DANG NYON MONGS PA YIN PAS, GDUL BYA'I LAS DANG NYON MONGS PA TSAR BCAD PA LA SBYAR BAR BYA'O, ,GAL TE DE LTA NA RAB TU BYUNG BA RNAMS LA KHANG PA BRTZEGS PA LNGA BRGYA PA DANG, KHA ZAS RO BRGYA PA GNANG BA MI RIGS PAR 'GYUR TE DE DAG GI BDE BA DANG RJES SU MTHUN PAS 'DOD CHAGS 'PHEL BAR 'GYUR BAS, THOG MAR 'DOD CHAGS SKYE BA'I GZHI GZUGS LA SOGS PA'I YUL SPANG BAR BYA STE, LUS TSA GRANG GIS GZIR BA DANG, SKRA 'BAL BA LA SEMS PA'I SDUG BSNGAL MNGON PA LA LAS DANG NYON MONGS 'JOMS PA'I DKA' THUB CAN ZHES BYA'O ZHE NA, LUS LONGS SPYOD LA SOGS PA'I BDE BAS 'DOD CHAGS 'PHEL BAR 'GYUR ZHING BDE BA RGYU DANG BCAS PA SPANG BYA YIN NA LUS SEMS SDUG PAS KHRO BA 'PHEL BAR 'GYUR BAS DE YANG SPANG DGOS NA RGYU MTSAN CIS BDE BA DANG LDAN PA DKA' THUB CAN MIN ZHING ZAS BCOD? PA DANG, LUS NYI LHAGS KYIS GZIR BA'I SDUG PA DKA' THUB CAN CIS YIN, NYON MONGS 'JOMS PA LA DKA' THUB CAN ZHES BYA'I LAS GZIR BA LA MIN NO, ,BCOM LDAN 'DAS KYIS 'DOD CHAGS SKYE BA DGAG PA'I PHYIR TU, GANG ZAG GI KHYAD PAR LA SBYANGS PA'I YON TAN BCU GNYIS GNANG LA, ZHE SDANG CAN RNAMS LA ZHE SDANG SKYE BA DGAG PA'I CHED DU ZAS DANG CHOS GOS SOGS KYI NOM @045B PA GNANG BAS NYON MONGS 'JOMS PA'I SH'A-KYA PA RNAMS KHO NA DKA' THUB CAN ZHES BYA'O, ,DPER NA BUR SHING BTZIR BAS BU RAM SOGS THOB PA BZHIN NO, ,NYON MONGS BTZIR BAS 'DI DANG PHYI MAR BDE BA SNA TSOGS THOB PAR 'GYUR RO, ,GNYIS PA LA GNYIS, NYON MONGS MNGON GYUR SPONG BA'I TSUL DANG, SA BON DRUNGS 'BYIN PA'I GNYEN PO SGOM TSUL LO, ,DANG PO LA GSUM, DUG GSUM SPONG TSUL SPYIR BSTAN PA DANG, SO SOR BSHAD PA DANG, KHRO CHAGS SPONG TSUL BYE BRAG TU BSHAD PA'O, ,DANG PO LA LNGA, DUG GSUM KYI BYED LAS SHES PAR BYA BA DANG, DUG GSUM SPANG DGOS PA'I RGYU MTSAN DANG, KHRO CHAGS KYI GNYEN PO SO SOR BSTEN PAR BYA BA DANG, KHRO CHAGS CAN GYI SLOB MA BSTEN PA'I TSUL DANG, NYON MONGS SKYE BA'I DUS KYI RIM PA SHES NAS GNYEN PO BSTEN PA'I TSUL LO, ,DANG PO NI, DUG GSUM GYI BYED LAS SHES PAR BYAS NAS SPANG BAR BYA STE, 'DOD CHAGS KYI BYED LAS NI SEMS CAN DANG SEMS CAN MIN PA'I DNGOS PO SDUD PA STE DE'I GNYEN POR MA SDUG PA BSGOM PA DANG, 'KHOR DANG LONGS SPYOD SPONG BA'O, ,KHRO BA LAS NI 'THAB CING RTZOD PA'O, ,DE'I GNYEN POR BYAMS PA BSGOM PA DANG, YID DANG MTHUN PA'I GTZUG LAG KHANG LA SOGS LONGS SPYOD PA'O, ,ME LA SOGS PA'I 'BYUNG BA KUN LA RLUNG GIS STOBS BSKYED PA BZHIN DU GTI MUG GI LAS NI CHAGS SDANG GNYIS KA'I GSOL 'DEBS SO, ,DE'I GNYEN POR RTEN 'BREL BSGOMS SOGS SO, ,DPER NA CHU'I SRIN PO MES GSOD PA BZHIN NO, ,GNYIS PA NI, DUG GSUM GYI GNYEN PO YOD KYANG CI'I PHYIR SPANG BYA YIN ZHE NA, SDUG BSNGAL BSKYED PA'I PHYIR RO, ,DE YANG MNGON PAR 'DOD @046A *, ,PA'I YUL DANG MA PHRAD PA LAS 'DOD CHAGS NI SDUG BSNGAL BSKYED LA, STOBS LDAN 'JOMS PA'I DPUNG MED PA LAS KHRO BAS SDUG BSNGAL BSKYED DO, ,DON BZHI PA MO YONGS SU MI SHES PA LAS GTI MUG GIS SDUG BSNGAL 'DREN PA STE, CHAGS SOGS DE DAG GIS ZIL GYIS MNAN PA NA SDUG BSNGAL DE DAG MI RTOGS PA NI CHER SDUG BSNGAL BA YIN PAS NYON MONGS SPONG BA LA BRTZON PAR BYA'O, ,DPER NA DBUL PO'I BU BTZUN MO DON DU GNYER BAS SDUG BSNGAL BSKYED PA BZHIN NO, ,GSUM PA NI, GTI MUG CHAGS SDANG GNYIS PHRAD PA BZHIN DU DE PHRAD PA YOD DAM MED CE NA, JI LTAR BAD KAN LA MKHRIS PA DANG, LHAN CIG PHRAD PA MED PA MTHONG BA DE BZHIN DU KHRO BA LA 'DOD CHAGS DANG RGYUD GCIG LA MNGON GYUR DUS LHAN CIG PHRAD PA MED PAR MTHONG STE, 'DOD PA DANG RGYAB KYIS PHYOGS PA'I RNAM PA CAN YIN PAS GNYIS PO SO SOR BSTEN PAR BYA'O, ,DPER NA, CHU'I BUM PAR MED 'DZUD PA BZHIN NO, ,BZHI PA NI, SLOB MA 'CHOS PA'I SLOB DPON GYIS CHAGS SDANG GI MTSAN NYID DANG, BYAD LAS SHES PAR BYAS NAS SLOB MA LA 'DOD CHAGS CAN BRAN BZHIN DU BSKOL BAR BYA STE, GANG GI PHYIR NA MI PHONGS SHING SRI BA MED PA CHAGS PA DE'I SMAN YIN PA'I PHYIR, KHRO BA CAN LA RJE BO BZHIN DU BLTA STE PHANGS SHING RIM GRO BYAS PAS ZHE SDANG MI SKYE BAS DE'I GNYEN PO NI PHANGS PA YIN PA'I PHYIR RO, ,DPER NA KHRUS MKHAN PONG BU SREL BA'I RIM PA BZHIN NO, ,LNGA PA NI, NYON MONGS SKYE BA'I DUS SHES PAR BYAS NAS GNYEN PO BSTEN PAR BYA STE, MTSAN MO GNYID @046B RMUGS 'PHEL ZHING, BAD KAN SHAS CHE BAS SNGA DRO DANG POR GTI MUG YANG DAG PAR 'BYUNG LA, BAR DU CHOL KHRO BA'I SDUG? BSNGAL GYI 'KHOR LO LA ZHON TE, BKRES SKOM GYIS GDUNGS PAS KHRO BA 'BYUNG BAR 'GYUR ZHING SROD KYI DUS PHYIS NI DAL DUB SROG DANG BRAL NAS 'DOD CHAGS 'BYUNG BA STE LUS KYI SKYON GYI RJES SU BYED PAS NYON MONGS RNAMS NYIN LA RIM PA GSUM DU 'BYUNG BA'O, ,DE DANG RJES SU MTHUN PAR BAG YOD PA'I GNYEN PO BSTEN PAR BYA'O, ,DPER NA RGYAL PO MDZE TA KAS BRAM ZHE LA ZHUS PAS ZHE SDANG SKYES BA DANG, 'BRU MAR GYI BUM PA BYIN PAS 'DOD CHAGS SKYES PA BZHIN NO, ,GNYIS PA LA GSUM, 'DOD CHAGS SPONG TSUL DANG, ZHE SDANG SPONG TSUL DANG, GTI MUG SPONG TSUL LO, ,DANG PO LA GNYIS, 'DOD CHAGS SPANG BYAR RIG DKA' BAS 'BAD PAS SPANG BA DANG, RGYU RKYEN GYI KHYAD PAR SHES PAR BYAS NAS SPANG BAR BYA BA'O, ,DANG PO NI, 'DOD CHAGS NI MDZA' BSHES KYI GSOB TU GYUR NAS 'JIG RTEN BSLU BAR BYED PA STE RIG DKA' BAS GUS PAS SPANG BAR BYA STE, MTHAR SDUG BSNGAL BSKYED PAS 'DOD CHAGS MDZA' BO MIN YANG PHAN PA LTAR SNANG BAS MDZA' BO 'DRA BA DES NA 'DOD CHAGS DE LA KHYOD MI 'JIGS TE, DES NA MI PHAN PA'I MNGA' BO KHYAD PAR DU SKYES BUS 'BAD PAS SPANG BAR BYA BA MIN NAM SPANG BYA YIN PA BZHIN NO, ,DPER NA RGYAL PO SKYA BSED GIS, DRANG SRONG RI DVAGS MO LA LOG PAR ZHUGS PA LA MDA' BSNUN PAS DES DMOD PA BOR BAS BUD MED DANG LHAN CIG SBYAR MA THAG SHI BA BZHIN NO, ,GNYIS PA NI, 'DOD CHAGS SKYE BA'I SKABS DBYE BAR MI BYA STE, 'DOD CHAGS NI GNYIS LAS SKYE STE, 'DOD CHAGS KHA CIG NI SNGON YANG YANG GOMS PA'I RIGS @047A *, ,MTHUN GYI RGYU LAS SKYE BAR 'GYUR ZHING, KHA CIG NI BLO BUR DU YUL NYE BA'I RKYEN LAS KYANG NI SKYE BA STE, DE DAG LAS 'DOD CHAGS RKYEN LAS SKYE BA GANG YIN PA DE NI GNYEN PO BSGRUB SLA STE, YUL SPANGS PAS SPONG NUS PA'I PHYIR RO, ,CIG SHOS NI DE LTA MIN TE, GNYEN PO STOBS CHEN POS SPANG DGOS PA'I PHYIR RO, ,DPER NA, RKYEN LAS SKYE BA NI 'DAB CHAGS GSHOG PA ZHIG MED NA 'PHUR MI NUS PA BZHIN DANG, SPANG DKA' BA PHUG RON GYI 'DOD CHAGS BZHIN NO, ,GNYIS PA NI, KHRO BA NI 'DOD CHAGS LAS NYES PA CHE BAS 'BAD PAS SPANG BAR BYA STE, KHRO BA NI KHO NA 'JIN BSTEN ZHING DAM DU 'JIN PAS NGES PAR NI RANG GZHAN GYI RGYUD SREG PA DANG, GZHAN LA GNOD PA BSKYED PAS MTHA' GCIG TU MI DGE ZHING MTSAMS MED SOGS NYES PA CHEN PO BYED PA STE, DE LTAR RNAM PA KUN TU NYON MONGS RNAMS KYI SKYON GYI DBYE BA DANG, NYES DMIGS DANG, GZHI DANG SPONG BA'I THABS SHES PAR BYAS PAS NYON MONGS PA RNAMS MTHAR BYED PAR 'GYUR BAS SO SO'I GNYEN PO SHES NAS SPANG BAR BYA'O, ,DPER NA CHOS SRID KHONG KHROS BSKAL PA DGU BCU RTZA GCIG DUD 'GROR SKYES SHING, STON PA'I BSTAN PA LA DGRA BCOM PA THOB PA BZHIN NO, ,GSUM PA LA GNYIS, NYON MONGS KYI RTZA BA NGOS BZUNG BA DANG, DE SPONG BYED KYI GNYEN PO NGOS BZUNG BA'O, ,DANG PO NI, 'DOD CHAGS DANG ZHE SDANG GI MTSAN NYID KYIS DBYE BA SMRAS ZHIN NA, GTI MUG GI MTSAN NYID KYI DBYE BA JI LTA BU ZHE NA, LUS LA LUS KYI DBANG PO MIG LA SOGS PA'I DBANG PO GZHAN RNAMS LA KHYAB CING, DE DAG GI RTEN DU GNAS LA DE MED NA DBANG PO GZHAN RNAMS KYANG MI @047B GNAS PA JI LTA BA BZHIN DU RTEN CING 'BREL PAR 'BYUNG BA RANG BZHIN GYIS GRUB PAS STONG PA LA BDEN PAR ZHEN PA'I GTI MUG NYON MONGS CAN GYI MA RIG PA NI, CHAGS SDANG LA SOGS PA'I NYON MONGS KUN LA KHYAB CING GNAS PAR 'GYUR TE, GTI MUG GIS BTAGS PA'I DNGOS PO RANG BZHIN GYIS GRUB PA'I YID DU 'ONG BA DANG, MI 'ONG BAR ZHEN NAS 'DOD PA DANG, RGYAB KYIS PHYOGS PA SOGS SU ZHEN PA'I PHYIR RO, ,DES NA CHAGS SDANG GNYIS KA'I 'DZIN STANGS LA, ,BDEN 'DZIN GYI 'DZIN STANGS 'DRES PA'I TSUL SHES PAR BYA'O, ,NYON MONGS GZHAN RNAMS NYON MONGS CAN GYI MA RIG PA LA BRTEN CING DE GTZO BO YIN PA DE'I PHYIR NYON MONGS GZHAN THAMS CAD KYANG RTEN CING 'BREL PAR 'BYUNG BA RANG BZHIN GYIS GRUB PAS STONG PA BSGOM STE, GTI MUG BCOMS PAS BCOMS PAR 'GYUR BAS, STONG PA RTEN 'BREL GYI DON DU SHES PA LA 'BAD PAR BYA'O, ,DPER NA NGAG GI LJON SHING BCAD NA DE LA BRTEN PA'I DON MIN PA RNAMS MED PAR 'GYUR BA BZHIN NO, ,GNYIS PA NI, DON MIN PA'I RTZA BA GTI MUG 'DI THABS GANG GIS SPANG BAR BYA ZHE NA, MYU GU DANG 'DU BYED LA SOGS PA RANG GI NGO BOS YOD NA, SA BON DANG MA RIG PA SOGS LA LTOS PAR MI 'GYUR BA ZHIG NA, DE DAG LA LTOS PA'I PHYIR, MYU GU SOGS KYI YOD PA NI LTOS NAS YOD PA KHO NA YIN GYI RANG GI NGO BOS YOD PA MIN PAR RIGS PA'I TSOGS DU MA LA BRTEN NAS SHES PAR BYA STE, DE LTAR RTEN CING 'BREL PAR 'BYUNG BA RANG GI NGO BO NYID KYIS MED PA NI MNGON SUM TSAD MAS MTHONG BA NA GTI MUG 'BYUNG BAR MI 'GYUR LA GTI MUG ZAD PAS NYON MONGS GZHAN THAMS CAD ZAD PAR 'GYUR BA @048A *, ,DE'I PHYIR, 'BAD PA KUN GYIS BSTAN BCOS BZHI BRGYA BA 'DIR STONG PA RTEN 'BREL GYI DON DU 'GYUR BA'I TSUL GYI GTAM DE KHO NA BSNYAD PAR BYA BA YIN NO, ,MYU GU RTEN 'BREL DU RTOGS PA TZAM GYIS BDEN STONG DU RTOGS PA MIN TE, DE BDEN STONG DU BSGRUB PA'I RTAGS MIN PAR 'GYUR BA'I PHYIR, DES NA RANG GI NGO BOS YOD PA LA GNOD PA DU MA MTHONG NAS CHOS RNAMS KYI YOD PA RNYED PA NI, LTOS NAS YOD PA KHO NAR KHONG DU CHUD PA NA, RANG GI NGO BOS MED PAR SHUGS LA RTOGS PA ZHIG DGOS PA'I DON YIN TE, RIGS PA DRUG CU PA'I MCHOD BRJOD RTZA 'GREL LAS 'BYUNG BA LTAR RO, ,DPER NA ZLA BA NYA BA NA MUN PA 'JIGS PA BZHIN NO, ,GSUM PA LA GNYIS, 'DOD CHAGS SPONG TSUL DANG, KHRO BA SPONG TSUL RGYAS PAR BSHAD PA'O, , DANG PO LA GNYIS, 'DOD CHAGS LA SPYOD PA'I GANG ZAG GI MTSAN NYID DANG, DE RJES SU 'DZIN PA'I THABS SO, ,DANG PO NI, 'DOD CHAGS SHAS CHER SPYOD PA'I SEMS CAN JI LTAR SHES PAR BYA ZHE NA, RTAG TU SA 'DZIN SOGS GANG DANG BZHAD GANG DANG, 'JO SGEG DANG, ME TOG DANG, DRI DANG, PHRENG BA DANG, RGYAN DANG, KHA DOG SOGS LA DGA' LA GZHAN LA GTONG BA PO DANG BZA' BA PO DANG GTZANG ZHING MKHAS LA BAG DANG LDAN PAR 'GYUR BA DANG, GSONG? POR SMRA BA SOGS DE 'DRA LA SOGS MTSAN NYID RNAMS 'DOD CHAGS CAN GYI MI LA SNANG LA, DE LAS LDOG PA ZHE SDANG LA SPYOD PA DANG, 'DRES MAR SPYOD PA GTI MUG LA SPYOD PA'O, ,DPER NA NOR SGYUR GYI SHA ZA 'TSOG CHAS SNA TSOGS SDUD PA DANG, 'DOR BAR BYED PA @048B BZHIN NO, ,GNYIS PA NI, 'DOD CHAGS SHAD CHER SPYOD PA 'DUL BA'I THABS GANG ZHE NA, SANGS RGYAS RNAMS KYIS CHAGS CAN LA KHA ZAS DANG CHOS GOS DANG GTZUG LAG KHANG LA SOGS PA DGE LEGS TE, CHAGS PA SKYE BA'I GZHI MDZES PA DANG, BZANG PO SPANGS PA THAMS CAD DANG, RTAG TU BLA MA'I THAD DU GNAS PAR GSUNGS SO, ,RTAG TU BLA MAS BSKUL BAS 'DOD CHAGS THUL BAR 'GYUR LA BSLAB PAS GDAMS PAS TSUL MIN YID BYED SPONG BAR 'GYUR RO, ,CHAGS CAN LA GNAS DANG MAL STAN DANG, ZAS DANG CHOS GOS LA ZHEN PA'I GNYEN POR SBYANGS PA'I YON TAN BCU GNYIS GSUNGS SO, ,ZHE SDANG LA SPYOD PA RNAMS LA, GNAS LA SOGS PA DE LAS BZLOG PA BSTEN PAR BYA'O, ,DPER NA BRAM ZE SRIN POS BSKUR BA LA, MI GTZANG BA BYIN PAS 'GRO BA BZHIN NO, ,GNYIS PA LA LNGA KHONG KHRO'I NYES DMIGS BSAMS PA DANG, KHRO BA'I GNYEN PO BSTEN TSUL RGYAS PAR BSHAD PA DANG, SKYON MED PA LA GSHE BA TSAR BCAD KYANG NYES PA MED PA DGAG PA DANG, BZOD PA'I PHAN YON BSAMS NAS KHRO BA DGAG PA DANG, GZHAN GYIS KHYAD DU BSAD PA LA BZOD PA BSGOM RIGS PA'O, ,DANG PO NI, KHRO BA SPONG BAR 'DOD PAS DE'I NYES DMIGS BSAMS PAR BYA STE, GZHAN LA GNOD PA'I NUS PA MED PA LA KHROS PAS BZHIN RAS NAG POR BYED CING, KHRO GNYER SDUD PA SOGS BDAG NYID LA MDOG MI SDUG PA 'BA' ZHIG BYED LA STOBS CAN NUS PA CAN GANG LA'ANG BRTZE BA MED PA'I KHRO BA DE NI THA CHAD CES BYAR BRJOD DE, DES RANG BZHIN KUN NYAMS PAR BYED PA'I PHYIR, DPER NA BRAM ZE GCIG GIS RIGS DANG 'GAL BA'I NYES PA BYAS PAS @049A *, ,GZHAN LA'ANG GNOD PA BZHI NO, ,GNYIS PA LA LNGA, RANG GI SDIG PA'I 'BRAS BU ZAD BYED KYI RKYEN LA KHRO BA MI RIGS PA DANG, YID DU MI 'ONG BA'I TSIG RANG GIS GNOD PA BTAGS PA YIN GYI NGO BO NYID KYIS GNOD BYED MIN PAS KHOR BAR MI RIGS PA DANG, LUGS KYI BSTAN BCOS LAS GSHE BA PO LA CHAD PA BYA BAR BSHAD PA PHYIN CI LOG YIN PA DANG, GZHAN GYI BLO YUL DU SKYON BSAL BAR BYED PA LA KHRO BA MI RIGS PA DANG, DMAN PAS TSIG NGAN SMRAS PA LA KHRO BA MI RIGS PA'O, ,DANG PO NI, TSIG RTZUB SMRA BA THOS PA DE LA KHRO BA BSGOM PA NI BLUN PA YIN TE, YID DU MI 'ONG BA'I SGRA THOS PA NI RANG GIS SNGAR BYAS PA'I SDIG PA'I 'BRAS BU PHYUNG NAS MTHAR BYED PAR BRJOD PA'I 'BRAS BU ZAD PA'I RKYEN BYED PA LA DGA' BA MI BYED PAR KHRO BA BSGOM PA NI, LAS 'BRAS LA RMONGS SHING DAM PA MA YIN PA BDAG NYID SDIG PA RNAM PAR DAG PAR MI 'DOD PAR ZAD DE, DPER NA GLANG RGAN LA SMAN STER PA'I RDZI'O GSOD PA BZHIN NO, ,GNYIS PA NI, RGYU MTSAN 'DIS KYANG TSIG RTZUB LA KHRO BA MI RIGS TE, TSIG RTZUB MO'I MNYAN PA YID DU MI 'ONG BA'ANG RANG LA NGO BO NYID KYIS GNOD PAR MI BYED DE, DE BYED NA SMRA BA PO LA YANG GNOD PAR 'GYUR BAS SO, ,DE'I PHYIR BDAG LA 'DIS SMAD DO SNYAM DU RANG GI RNAM RTOG LAS ZHE SDANG GI GNOD PA BYUNG BA NA GNOD PA 'DI GZHAN LAS YIN SNYAM DU RLOM PAR ZAD DO, ,RANG GI RTOG PAS GNOD PAR BYAS PA LA GZHAN LA KHRO BA MI RIGS SO, ,DPER NA PHYUG RDZI MO ZHIG MUN KHUNG NA ZAS BZA' BA'I SGRA THOS PAS, CHUN MA'I BU MO YIN SNYAM NAS BAN GLANG MO 'DI CI ZA ZHES SMRAS LA, RANG GI BU MO YIN PAR SHES PA NA BYA BA MO ZHIG BZA'O @049B ZHES SMRA BA BZHIN NO, ,GSUM PA NI, LUGS KYI BSTAN BCOS LAS GSHE BA PO LA TSAD PA BYA BAR BSHAD PAS SO ZHE NA, DA NI MI SNYOMS PA 'BA' ZHIG GIS KUN NAS SLANG BA YIN TE, JI LTAR GSHE BA PO LA NI CHAD PAS BCAD PAR BYA BAR MNGON PAR BRJOD PAD BZHIN DU SNYAN PAR SMRA BA PO LA MCHOD PAR BYA BAR CIS MI 'GYUR MCHOD RIGS PA LA DE LTAR MI BRJOD PAS BSTAN BCOS PHYIN CI LOG ZHIG GO ,DPER NA 'GRO LDING PA 'THAB PA TZAM GYIS GSOD PA'I SEMS BSKYED CING, TSIG SNYAN PAR SMRA BA MCHOD PAR MI BYED PA BZHIN NO, , BZHI PA NI, GSHE BAS RANG GI SKYON GZHAN LA GSAL BAR BYAS PAS KHRO BAR RIGS SO ZHE NA, KHYOD KYIS ZHAR BA DANG, 'THENG PO LA SOGS PA KHYOD KYIS SMAD BYA LA MA SMRAS KYANG GAL TE GZHAN GYIS SHES NA NI SMRA BA PO LA KHRO BAR MI RIGS TE MA SMRAS KYANG GZHAN GYIS MNGON SUM DU GYUR PA'I PHYIR, DE MA RIG NA RANG LA SKYON MED BZHIN DU YANG DAG PA MIN PA SMRA BA LA KHRO BA MI RIGS PA LTA CI SMOS DES NA RNAM PA KUN TU KHRO BAR MI RIGS SO, ,DPER NA ZHAR BA LA ZHAR BA ZHES SMRAS PA DANG, MA ZHAR BA LA ZHAR BA ZHES SMRAS PA GNYIS KA LA RGYAL POS CHAD PA MI RIGS PA BZHIN NO, ,LNGA PA NI, DMAN PA LA MI SNYAN PA THOS PA LA KHRO BAR RIGS SO ZHE NA, SKYE BO DMAN PA CHOS MIN PA 'DOD CING, SDIG PA KUN TU SPYOD PA GZHAN SDUG BSNGAL BA LA DGA' BA DAG LAS TSIG MI SNYAN PA ZHES BYA BA DE TZAM LAS NGES PAR 'BYUNG BA MA YIN TE, BRDEG PA DANG, GSOD PA SOGS BYED PA'I PHYIR RO, ,DE'I PHYIR DMAN PA LAS BYUNG BA'I TSIG MI SNYAN PA DE TZAM NI SKYON YIN GAR BA NYUNG ZAD LTA BUR SNANG BAS DGA' BAR RIGS SO, ,DPER NA 'PHAGS PA @050A *, ,GANG POS KLU SHO NA'I PHA MTHA'I MIS JI LTAR BYAS KYANG BZOD PA BSGOM PAR KHAS BLANGS PA LA, STON PAS 'DI DAG 'DUL BAR GNANG BA BZHIN NO, ,GSUM PA NI, GAL TE SKYON MED PA LA GSHE BA DE TSAR BCAD PA LA NYES PA MED DO ZHE NA, GSHE BA SOGS GZHAN LA LAN DU GNOD PA BYAS PAS BDAG LA NI SNGAR BYAS ZIN LDOG PA LA SOGS PA'I YON TAN CUNG ZAD KYANG MED NA KHYOD KHRO BA SKYON MA GTOGS YON TAN MANG BA LA GUS PA PHYIN CI LOG LA ZHEN PA RKYANG BAR ZAD DE, DPER NA MTSON CHA RNO MI RNO RTOGS PA BZHIN NO, ,BZHI PA LA GSUM, GSHE BA LA BZOD PA BSGOM RIGS PA DANG, ZHEN PA KHO NA 'JOMS PA'I KHRO BA LA GUS PAR MI RIGS PA DANG, KHRO BA LA BZOD PA YON TAN KUN GYI GNAS YIN PAS DGA' BA BSGOM RIGS PA'O, ,DANG PO NI, MKHAS PA SU ZHIG GZHAN GYI GSHE BA YON TAN MED PA LA BLOS BZOD PAR BYED CE NA, GAL TE BZOD PAS KHRO BA'I SKABS MI 'BYED CING, GZHAN LA GNOD PA MI BYED PAS 'BAD PA MED PAR DRI DANG RGYAN DANG GNOD SEMS KYIS MI 'JOMS PA'I CHU'I RGYUN DANG, GZUGS BZANG PO BSGRUB PA SOGS BSOD NAMS CHEN PO THOB PAR 'GYUR NA SKYES BU GANG ZHIG LAM GYI MCHOG DE LA GEGS BYED PA DE DANG MTSUNGS PA'I BLUN PO SU ZHIG YOD RANG GI YON TAN NAN GYIS 'JOMS PAR BYED PA'I PHYIR RO, ,DES NA GSHE BA LA BZOD PA KHO NA MKHAS PA ZHES BYA'O, ,DPER NA BU MED 'GA' ZHIG RANG GI KHYE SROG GI 'PHRO CUNG ZAD LUS PA GSOD PAR BYED PA BZHIN NO, ,GNYIS PA NI, RGYU MTSAN 'DIS KYANG KHRO BA SPANG BAR BYA STE, KHRO BA ZHES @050B BYA BA KHYAD PAR DU STOBS LDAN DAG LA GNOD PA BYED MI NUS PAS SKYE BAR MI 'GYUR BA DES NA ZHEN PA 'JOMS PA'I NGAN PA 'BA' ZHIG LA SDANG BA'I KHRO BA LA RGYU CI NAS KHYOD GUS PAR GYUR TA RE GUS PAR MI RIGS SO, ,DPER NA BUD MED 'JOMS PA LA DPA' BA BZHIN NO, ,GSUM PA NI, GAL TE BZOD PA BYAS NA GNOD PA BDE MI NUS SO SNYAM NAS GZHAN GYIS BRNYAS PAR 'GYUR BAS KHRO BA BYED PAR RIGS SO ZHE NA MI RIGS TE, GANG GI KHRO BO'I GNAS LA BZOD PA DE LA BYAMS PA'I TING NGE 'DZIN LA SOGS PA'I BSGOM PA SKYE BAR 'GYUR LA BYAMS PA THA NA PA 'JOMS TZAM GYI DUS SU BSGOMS PAS GOMS PAR BYED NA YON TAN BRGYAD 'DREN PAR BYED DE, RIN CHEN PHRENG BA LAS, LHA MI DGA' BAR 'GYUR BA DANG, DE DAG KYANG NI BSRUNG BA DANG, ,YID BDE BA DANG BDE MED DANG, ,DUG DANG MTSON GYIS MI TSUGS DANG, ,'BAD PA MED PAR DON 'THOB DANG, ,TSANGS PA'I 'JIG RTEN SKYE 'GYUR TE, ,GAL TE GROL BAR MA GYUR KYANG, ,BYAMS CHOS YON TAN BRGYAD 'THOB BO, ,ZHES GSUNGS PA LTAR RO, ,JI SKAD GSUNGS PA'I YON TAN GYI GNAS BZOD PA LA GNOD LAN BYED NUS SAM ZHES öBRNYAS PAS 'JIGS ZHES BZOD PA SPONG BA NI KHYOD KYI BLUN PA 'BA' ZHIG YIN TE, YON TAN GYI GNAS PHUL DU BYUNG BA 'JOMS PA'I PHYIR RO, ,DPER NA SKYES BU 'GA' ZHIG NYES SPYOD LAS BZLOG PA NGO TSA BAR SEMS PA BZHIN NO, ,LNGA PA NI, DMAN PA DAG GIS KHYAD DU BSAD PA STOBS LDAN GYIS BSRAN PAR DKA' GBAS TSAR BCAD PAR RIGS SO ZHE NA, SKYES BU SU ZHIG DGRA THAMS CAD BCOMS ZHING KHYAD BSAD NAS MTHAR CHUNG @051A *, ,ZAD MED PAR BYAS NAS, 'JIG RTEN PHA ROL TU 'GRO BA'AM SONG BA YOD CUNG ZAD KYANG MED PA DE'I PHYIR, GNOD LAN BYAS PAS SDIG PA BSAGS NAS NGAN 'GROR 'GRO BAS BDAG NI, DGRA 'DUL BA'I SDIG PA BSAGS PA LAS BRNYAS PA LEGS SO SNYAM DU SEMS PAS BRNYAS PA BZOD PAR BYA STE, DES NGAN 'GROR MI 'GRO LA SDIG PAS NGAN 'GROR 'GRO BA'I PHYIR, DPER NA ZO CHUN GYI 'KHRUL 'KHOR LA MTHA' MED PA BZHIN DU, KHYAD GSOD SOGS LA YANG NGO, ,GNYIS PA SA BON DRUNGS 'BYIN PA'I GNYEN PO SGOM TSUL NI, RNAM PAR SHES PA NI RKYEN LA RAG LAS TE, SKYE BAS 'DUS BYIS YIN LA, 'DUS BYAS NI SKAD CIG RE RE LA GZHAN DU 'GYUR BAS, RANG BZHIN GYIS GNAS PA MED LA DE MED PAS SKYE BA DANG, 'JIG PA YANG RANG BZHIN GYIS GRUB PA MED DO, ,SKYE 'JIG GNAS GSUM RANG BZHIN GYIS MED PAS, KHAMS GSUM PO THAMS CAD SGYU MA DANG 'DRA BAR KHONG DU CHUD PAR BYAS NAS NYON MONGS THAMS CAD SPANG BAR BYA STE, RNAL 'BYOR PA GANG GIS RNAM PAR SHES PA'I SKYE BA DANG 'GAG PA DANG, GNAS PA LA SOGS PA YANG DAG TU NA RANG BZHIN GYIS GRUB PA RDUL TZAM YANG MED PA RNAM PAR SHES PA DE YOD NA NI DE GOMS PAR BYAS PAS NYON MONGS PA RNAMS NAM YANG YID KYI BLO GROS LA MI GNAS SO, ,DPER NA DUG GI SHING GI RTZA BA 'DON PA BZHIN NO, ,DES NA THOG MAR NYON MONGS MNGON GYUR ZIL GYIS GNON PA'I GNYEN PO GOMS PAR BYAS NAS, MTHAR RTEN 'BYUNG RANG BZHIN MED PAR RTOGS PA LAS NYON MONGS PA'I SA BON MA LUS PA SPANG BAR BYA'O, , @051B 'DIR SMRAS PA, 'GRO BA BYANG CHUB SGRUB PA'I SPYOD PA'I GEGS, ,CHAGS SOGS NYON MONGS GZHAN DBANG GYUR PA RNAMS, ,BYAMS DANG MI SDUG GOMS PA'I RNAL 'BYOR DANG, ,DE NYID BSTAN PAS THAR PA'I BDE LA 'GOD, ,BSDU BA'I TSIGS SU BCAD PA'O, , GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS NYON MONGS SPONG BA'I THABS BSTAN PA STE RAB TU BYED PA DRUG PA'I 'GREL PA'I,, ,, GSUM PA NYON MONGS KYI DMIGS PA 'DOD PA'I LONGS SPYOD LA ZHEN PA SPANG PA NI, 'KHOR BA'I NYES DMAGS BSHAD PAS DE LA SKYO BA BSKYED PA'I CHED DU YANG SRID 'PHEN BYED KYI LAS LA CHAGS BRAL BSGOM PAR BYED PA STE, DE LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GSUM, 'KHOR BA'I NYES DMIGS BSAM PA DANG, DER SKYE BA'I RGYU ZAG BCAS KYI LAS SPANG BA DANG, LAS SPANGS PA'I DGOS PA BSTAN PA'O, ,DANG PO LA GNYIS, 'KHOR BA SPYI'I NYES PA BSAM PA DANG, BYE BRAG BDE 'GRO LA SRED PA SPANGS PA'O, ,DANG PO LA GNYIS, 'KHOR BA LA 'JIGS PA BSGOM DGOS PA'I RGYU MTSAN DANG, SKYO BA JI LTAR BSKYED PA'I TSUL LO, ,DANG PO NI, 'KHOR BA'I RGYU LAS SPANG BA'I CHED DU THOG MAR 'KHOR BA'I NYES DMIGS BSAM PAR BYA STE, MA RIG PA DANG, NGA RGYAL DANG, SRID PA LAS BYUNG BA SRED PA'I KUN TU SBYOR BA SUM CU RTZA DRUG GI SPRUL GYIS KHYAB PA, LTA NGAN DRUG CU RTZA GNYIS KYI CHU'I SRIN POS DKRUGS PA SKYE 'CHI'I KLONG 'KHOR MANG BA THOG MA MED PA'I DUS @052A *, ,CAN GYI 'KHOR BA SDUG BSNGAL GYI RGYA MTSO 'DI LA MTHA' RNAM PA KUN TU'ANG YOD PA MIN NA BYIS PA SO SO'I SKYE BO KHYOD 'KHOR BA 'DIR NI THOG MA MED PA NAS BYING BA LA NI 'JIGS PA RGYU CIS NA SKYE BAR MI 'GYUR 'JIGS PAR BYA STE, GTING DANG PHA ROL MNGON PA'I MTSOR BYING BA LA YANG 'JIGS DGOS NA, CIG SHOS LA LTA CI SMOS SO, ,DPER NA DRANG SRONG MNGON SHES LNGA DANG LDAN PA ZHIG ,'JIG RTEN GYI PHA MTHAR 'GRO'O SNYAM NAS, RKANG 'GROS KYI RDZU 'PHRUL GYIS LHUN PO'I ZOM DU RKANG PA BZHAG NAS MTHAR MA PHYIN PAR SHI NAS LHAR SKYES PA BZHIN NO, ,GNYIS PA LA BZHI, LANG TSUL CHAGS PAR MI RIGS PA DANG, LAS NYON GYI GZHAN DBANG CAN YIN PAS 'JIGS PAR RIGS PA DANG, 'KHOR BAR SKYE BA'I RGYU SPONG BA LA 'BAD PAR GDAMS PA DANG, 'KHOR BA SPANG BA'I CHED DU 'BAD PA LA DGOS NUS MED PA SPANG BA'O, ,DANG PO NI, 'KHOR BA'I NYES DMIGS MANG YANG LANG TSO LA SOGS PAS RGYAGS PA DAG LA 'JIGS PA MI 'BYUN GOG ZHE NA, LANG TSO LA SOGS YUN RING DU MI GNAS PAS DE'I SGO NAS RGYAGS PAR MI RIGS TE, TSE 'DIR LANG TSO RGAS PA'I RGYAB TU 'BYUNG BAR GYUR NAS SHI BA'I 'OG TU SLAR YANG MDUN DU 'BYUNG BAR 'GYUR ZHING, YANG RGAS PA'I RGYAB TU BYUNG NAS LANG TSO'I SKABS LA GNAS PAR RLOM MOD KYANG 'JIG RTEN 'DI LA NI LANG CHA DANG, RGA BA DANG 'CHI BA RNAMS KHO BO SNGON LA'O, ,KHO BO SNGON LA'O ZHES 'GRAS KYIS 'GAN PA LTA BUR SNGON GYI GNAS SKABS DE LA RTAG TU GNAS PA MED PAS DAS RGYAGS PAR @052B MI RIGS SO, ,DPER NA TIL 'TSIR BA'I 'KHOR LO'I GRIB MA BZHIN NO, ,GNYIS PA NI, 'JIG RTEN PHA ROL TU 'GRO YANG DES MI 'JIGS SO ZHE NA, SRID PAR BYIS PA KHYOD LA RANG 'DOD KYIS LHA DANG MI LA SOGS PA'I 'GRO BA BZANG PO GZHAN DU SKYE BA'I DBANG YOD PA MIN NA LAS NYON GYI DBANG DANG, 'JIG PA'I GNAS SKABS LAS MA 'DAS BZHIN DU 'JIGS PA MED PAR BLO DANG LDAN PA SU ZHIG 'GYUR LAS NYON GYI GZHAN DBANG DU GYUR PAS RTAG TU SKYE BAR BYA'O, ,DPER NA CHU KLUNG GIS DAD PA'I SHING BZHIN NO, ,DPE KHA CIG LAS GZHAR YANG ZHES 'BYUNG BA LTAR NA, NAM YANG ZHES DUS BSHAD PA LTAR RO, ,GSUM PA NI, TSE 'DIR BDE BAS PHROGS NAS SRID PA BCAD MA NUS KYANG, MA 'ONGS PA'I SKYE BA LA 'BAD DO ZHE NA, MA 'ONGS PA'I SKYE BA LA THA MA YOD PA MIN ZHING 'DAS PA'I DUS LA YANG THOG MA MED LA, 'DAS PA'I DUS KUN GYI TSE'ANG SO SO SKYE BO STE SO SO SKYE BO KHO NA BYAS PA YIN LA KHYOD 'DAS PA'I DUS SU SRID PA LAS MA GROL BA JI LTA BA DE BZHIN DU DA LTA DANG MA 'ONGS PAR YANG DAN MAD PAR MI 'GYUR BA DE LTAR BYOS SHIG ,DPE KHA CIG LAS, DE YANG ZHES 'BYUNG BA LTAR NA MA 'ONGS PA'I DUS DE YANG ZHES SBYOR RO, ,DPER NA GZHAN GYI BUD MED LA 'PHYAN PA MDZA' POS LDOG KYANG PHYIS KYANG DE LTAR BYED PA BZHIN NO, ,SDONG PO BKOD PA LAS, KHYOD KYI 'DOD RGYUS DON MED CHUD GSAN PA'I, ,LUS KYI SNGON GYI MTHA' GANG DRAN BYA STE, DE RING BYANG CHUB YONGS TSEL BRTUL ZHUGS DANG, ,BCAS TE BRTUL ZHUGS KYI NI 'DOD PA CHOM, ,ZHES BSHAD PA LTAR, @053A *, ,SRID PAR SKYE BA RGYUN BCAD PAR BYA'O, ,BZHI PA LA GNYIS, DNGOS KYI DON DANG, TSE 'DIR MI 'BAD PAR PHYI MA'I DUS LA RE BA DGAG PA'O, ,DANG PO NI, GAL TE 'KHOR BA 'DI LA MTHA' YOD DAM 'ON TE MED, DANG PO LTAR NA 'BAD MI DGOS PAR GROL BAR 'GYUR LA, GNYIS PA LTAR NA 'BAD KYANG MI GROL BAS 'KHOR BA BCAD PA'I PHYIR 'BAD PA DON MED DO ZHE NA, DAL 'BYOR GYI RTEN KHYAD PAR CAN THOB NAS LAM RGYUD LA SKYE BA'I NYAN PA PO DANG MNYAN BYA DE KHO NA NYID STON PA'I GSUNG DANG, 'CHAD PA PO DE BZHIN GSHEGS PA RNAMS AU DUM WA RA'I ME TOG LTAR 'JIG RTEN DU 'BYUNG BA SHIN TU RNYED DKA' STE, DE BZHIN GSHEGS PA BSKAL PA GRANGS MED GSUM DU TSOGS GSOG PA LA LTOS PAS RNYED DKA' LA, GZHAN GNYIS KYANG DE LA LTOS PAS DES NA MDOR NA 'KHOR BA NI LAM RGYUD LA SKYE BA'I RGYU DKON MCHOG GSUM TSOGS PA'I GANG ZAG LA LTOS TE, MTHA' MED PA MIN TE 'KHOR BA LDOL PA'I RGYU RKYEN TSOGS PA'I PHYIR, DE DAG MA TSOGS PA'I GANG ZAG LA LTOS TE MTHA' DANG BCAS PA MIN TE, 'DI TZAM NA 'KHOR BA LDOG DES MI NUS PA'I PHYIR RO, ,DON DAM PA'I GNAS LUGS LA LTOS NAS KYANG MTHA' YOD MED GNYIS GA DON DAM PAR GRUB PA LUNG BSTAN DU MED PA'O, ,DE GSUM NI DPER NA AU DUM WA RA'I ME TOG BZHIN NO, ,GNYIS PA NI, GAL TE GSUNG RAB GNAS PA DE SRID DU DGE BA'I BSHES GNYAN DANG, DE'I LUNG 'BOGS PA YOD PAS SKYE BA GZHAN DU SRID PA ZAD PA LA 'BAD DO ZHE NA, GSUNG RAB GNAS @053B PA DANG GNYIS PO YOD KYANG RANG NYID NYAN PA POR 'GYUR BA DKA' STE, 'DI LTAR PHAL MO CHER NA MI RNAMS NI DAM PA MA YIN PA MI DGE BA BCU'I LAS LAM GYI PHYOGS YONGS SU 'DZIN PA DES NA LAS DBANG GIS SKYE GNAS SO SOR SKYE BAS SO SO SKYE BO RNAMS PHAL CHER NGES PAR NGAN 'GROR 'GRO BAS CHOS GNYIS TSOGS PA'I TSE, CHOS NYAN PA LA 'BAD PAR BYA'O, ,THOD LA ME 'BAR BA LTAR THAR PA LA BRTZON PAR MI BYED PA NI, RGYAL POR BLUN PO DBANG BSKUR BA BZHIN NO, ,DPER NA SHA NA'I SHING KHUR BA DANG 'DRA BA 'GREL PA LTAR RO, ,GNYIS PA LA GNYIS, BDE 'GRO LA YANG SKYE BA BSGOM PAR BYA BA DANG, SRED PAS 'KHOR BAR GNAS PA SMON PA DANG 'DRA BAR BSTAN PA'O, ,DANG PO NI, NGAN 'GRO NI MI KHOM PA'I GNAS DANG SDUG BSNGAL SNA TSOGS YOD PAS SPANG BAR BYA BA YIN YANG, BDE 'GRO NI DGA' BA'I GNAS YIN PAS SKYE BAR MI BYA'O, ,ZHE NA, NGAN 'GRO LTAR BDE 'GRO LA YANG SKYO BAR RIGS TE, BDE 'GROR SKYES PA RNAMS KYANG SNGON GYI LAS KYI LHAG MA LUS PAS YAN LAG DANG NYING LAG NYAMS PA DANG, DBANG PO MA TSANG BA DANG, DBUL BA SOGS SA'I STENGS NA GNAS PA'I MI RNAMS KYI SDIG PA'I RNAM SMIN NI MI 'DOD BZHIN DU CO 'DRI BA KHO NA YIN PAR MTHONG DO DES NA SRID PA NI SROG CHAGS GSOD PA'I SROG GNAS BSHAS RA DANG MTSUNGS PA 'PHAGS PA DAM PA RNAMS LA SNANG NGO, ,DPER NA SHIN TU GCES PA'I BLON PO ZHIG RGYAL PO LA MI 'JIGS PAS PHYIS CHAD PA DANG SBYAR BA BZHIN, GNYIS PA NI, DAM PA RNAMS KYIS SRID PA SROG GNAS DANG MTSUNGS PAR MTHONG NA CI'I PHYIR 'JIG RTEN PA NGAG MI SKYO ZHE NA, GLANG CHEN SMYON PA LTAR SMYO BA'I RANG BZHIN YIN PA'I PHYIR, JI LTAR SMYO ZHE NA, @054A *, ,'JIG RTEN NA KHAMS MA SNYOMS PA LAS RNAM SHES KYI 'JUG PA SON GNAS PA MED PA LAS SMYON PA ZHES BRJOD CING, DE GAL TE SMYON PAR 'GYUR NA NI SRID PA NA GNAS PA RNAMS SMYON PA MA YIN ZHES MKHAS PA SU ZHIG SMRA BAR 'GYUR SO SO SKYE BO RNAMS KYANG CHES MI RIGS PA'I TSUL MANG PO 'DOD CING, GDOL THABS SU SMRA BA LA SEMS RNAL DU MI GNAS SO, ,DPER NA RGYAL PO ZHIG BU LA CHOS 'DOD PA YOD LA SEMS RNAL DU MI GNAS PAS, BU MTHONG BAR MI 'DOD PA'I BLO SKYES PA BZHIN NO, ,GNYIS PA LA GSUM, YANG SRID 'PHEN BYED KYI LAS SPANG BAR GDAMS PA DANG, SPANG DGAS PA'I RGYU MTSAN DANG, JI LTAR SPONG BA'I TSUL DNGOS SO, ,DANG PO NI, MKHAS PA DAG GIS LAS DBANG GIS 'KHOR BAR SKYE BA SPANG PAR BYA LA, NGA YANG LAS KYI 'JUG PA BKAG PA'I SGO NAS SPANG BAR BYA STE, 'GRO BA DANG 'CHAG PA DANG NYAL BA LA SOGS PA'I SPYOD LAM GYIS SKYED PA'I SDUG BSNGAL DAG SDOD PA SOGS SPYOD LAM DA LAS BZLOG PA LA SNGA MA'I SHUGS RIM GYIS ZAD NAS NYAMS PA MTHONG BAR 'GYUR TE, LAS THAMS CAD RGYUN BCAD PAS SDUG BSNGAL THAMS CAD 'GAG PAR 'GYUR RO, ,DES NA YANG SRID 'PHEN BYED KYI LAS KUN ZAD PA'I GO 'PHANG MYA NGAN LAS 'DAS PA THOB PA LA BLO GROS DANG LDAN PAS DE THOB PA'I THABS LA BLA BSKYED DO, ,DPER NA BYIS PA 'KHOR BAR GNAS PA NI LAM RING POR 'GRO BA'I NGAL BA'I SDUG BSNGAL DANG, LAM BRGYAGS CHAD PAS SDUG BSNGAL BAR 'GYUR BA BZHIN NO, ,GNYIS PA LA BZHI, 'KHOR BA 'JIGS PA'I GNAS @054B YIN PAS DE'I RGYU LAS SPANG BAR BYA BA DANG, LAS KYI 'BRAS BU LA BSAMS NAS 'JIGS PA BSGOMS PA DANG, LAS RANG GI NGO BO LA BSAMS NAS 'BAD PAS SPANG BAR BYA BA DANG, LAS BDE BA'I RGYU YIN PAS CHAGS PAR MI RIGS PA'O, ,DANG PO NI, BLO DANG LDAN PA RNAMS KYIS ZAG PA DANG BCAS PA'I LAM GYI 'JUG PA BKAG PA'I SGO NAS 'KHOR BA SPANG BAR BYA STE, GANG GI TSE THOG MA MED PA NAS BRGYUD DE 'ONGS PA'I 'BYUNG BA 'BYUNG 'GYUR DANG, SEMS LA SOGS PA 'BRAS BU GCIG GI YANG THOG MA'I RGYU NI SU LA YANG SNANG BA MIN PA DE'I TSE 'BRAS BU GCIG LA YANG RGYU MTHA' YAS PA RGYAS PAR MTHONG NAS BYIS PA GANG LA 'JUGS PA MI 'BYUNG STE, 'DI NI RGYUN DPAG GIS MI LANG PA'I MA RIG PA'I TSANG TSING GIS CHES RGYU DKA' BA'I 'KHOR BA'I 'BROG CHEN PO LA RTAG TU SKYO BA DANG, DE LAS THAR PA'I THABS LA 'BAD PAR BYA'O, ,DPER NA RDZA'I BUM PA LTA BU GCIG LA YANG RGYU'I GSAL BA'I DBYE BA MTHA' YAS PA DGOS PA BZHIN NO, ,GNYIS PA NI, GANG GI DON DU SRID PAS KUN NAS SLANGS NAS LAS BYED PA'I 'BRAS BU NGES PAR 'GRUB NA 'BAD RIGS NA'ANG, BDE BA PHUN SUM TSOGS PA LA SOGS PA'I 'BRAS BU YANG THAMS CAD NGES PAR NI 'GRUB PAR 'GYUR BA MA YIN ZHING GRUB PA THAMS CAD KYANG NGES PAR MTHAR 'JAG PAR 'GYUR NA, PHYIN CI LOG DE'I DON DU SGO GSUM CI STE 'JOMS NGES NA 'KHOR BA 'PHAN PA'I LAS SPANG BA LA 'BAD PAR BYA'O, ,DPER NA GRUB PAR MA NGES SHING GRUB PA RNAMS NGES PAR 'JIG PA'I RDZA MKHAN SO GTONG BA BZHIN NO, ,GSUM PA NI, 'BRAS BU BZHIN DU @055A *, ,LAS KYANG NGES PAR 'JIG PAS DGOS PA MED PAR 'BAD PAR MI BYA STE, MKHAR BRTZIG PA LA SOGS PA'I LAS NI 'BAD PAS BYED PAR 'GYUR ZHING BYAS ZIN PA 'BAD PA MED PAR 'JIG PAS DE LTAR GYUR KYANG KHYOD LA KA KHYOD LA NI DA DUNG DE DAG BYED PAS LAS LA CHAGS PA DANG BRAL BA 'GA' YANG YOD PA MIN PAS BDAG NYID BLUN POR STON PAR BYAD PA YIN NO, ,DPER NA RI'I RTZER RDO 'BAD PAS 'DZUGS SHING DE 'BAD PA MED PAR 'GYEL BA BZHIN NO, ,BZHI PA NI, GAL TE 'BAD PA'I LAS 'JIG KYANG BDE BA'I RGYU YIN PAS CHAGS PA DANG BRAL BAR MI BYA'O, ,ZHE NA, RNAM SHES 'DAS PA LA BRTAN PA'I BDE BA RANG MTSAN PA YOD PA MIN ZHING STE 'GAG PA'I PHYIR, RNAM SHES MA 'ONGS PA LA'ANG YOD PA MIN LA STE, DE MA SKYES PA'I PHYIR RO, ,RNAM SHES DA LTAR BYUNG BA'ANG SKAD CIG GIS 'JIG CING 'GRO BA NYID DE, YID BRTAN DU RUNG BA'I BDE BA MED NA KHYOD KYI NGAL BA 'DI GANG GI PHYIR YIN 'BRAS BU MED PA LA 'BAD PAR MI RIGS SO, ,DPER NA CHU 'GRAM DU KHANG PA BRTZIG PA BZHIN NO, ,GSUM PA LA GNYIS, BSOD NAMS KYI LAS LA SRED PA DGAG PA DANG, BSOD NAMS MIN PA'I LAS GSOG PA DGAG PA'O, ,DANG PO LA GSUM, SRID PAS MTHO RIS KYI DON DU LAS GSOG PA SPYIR DGAG PA DANG, BDE BA NAS BDE BAR 'GRO BA RNYED DKA' BA DANG, MTHO RIS KYI DON DU LAS GSOG PA BYE BRAG TU DGAG PA'O, ,DANG PO LA GNYIS, 'PHAGS PA RNAMS KYIS MTHA'? RIS KYANG DMYAL BA DANG, MTSUNGS PAR GZIGS PAS 'JIGS PAR RIGS PA @055B DANG DE LTAR SO SO SKYE BO RNAMS KYIS RTOGS NA DE MA THAG RGYAL BAR 'GYUR BA'O, ,DANG PO NI, MTHO RIS KYI BDE BA'I DON DU DGE BA'I LAS BYA'O ZHE NA, DE KHO NA NYID MNGON SUM DU GZIGS PA'I MKHAS PA RNAMS LA LHA LA SOGS PA'I MTHO RIS KYANG NYON MONGS DRAG PO'I ME 'BAR BA DANG, GTI MUG GI MUN PAS SGRIBS PA SOGS DMYAL BA DANG MTSUNGS PAR 'JIGS PA BSKYED PAR 'GYUR TE RNAM PA KUN TU 'PHAGS PA DE RNAMS LA SRID PA GANG 'JIGS PA MI BSKYED PA DKON PAS BLO DANG LDAN PA RNAMS KYIS 'KHOR BA'I NYES DMIGS BSAM PAR BYA'O, ,SRID PA LA SKYO BA MI BSGOM PAR MTHO RIS LA RANG GI NGO BO'I SGO NAS YID 'ONG DU MTHONG NAS DE'I DON DU SRED PAS LAS GSOG PA BKAG PA YIN GYI, THAR PA'I CHED DU LHA MI'I RTEN GYI RGYU GSOG PA 'GAG PA LOG NA RNAM PA THAMS CAD DU MI RUNG NGO, ,DPER NA RGYAL PO BYIS PA'I BTZON RA NAS THAR YANG TSE'I MTHAR THUG PAR SPYOD LAM GCIG KHO NAS GNAS DGOS PAS 'CHING BA LAS MI GROL BA BZHIN NO, ,GNYIS PA NI, 'PHAGS PA RNAMS KYIS GZIGS PA DE LTAR GAL TE BYIS PA'ANG RNAM PA KUN TU 'KHOR BA'I SDUG BSNGAL MNGON SUM DU SHES PAR GYUR NA SKAD CIG DE LA SEMS TE SNYING DANG NI LUS LHAN CIG GTAN DU 'JIG PAR 'GYUR BA ZHIG NA MA RTOGS PAS BDE BA LTAR GNAS SO, ,DPER NA DBANG BA'I BYAS PA SDE DPON LA CHAGS PAS DE'I DON DU SROG GTONG BA BZHIN NO, ,GNYIS PA LA GNYIS, DNGOS KYI DON DANG, SDIG PA MI SPYOD PAS MTHO RIS KYI DON DU SRED PA DGAG PA'O, ,DANG PO NI, 'KHOR BA NA RIGS DANG LONGS SPYOD PHUN SUM TSOGS PA DANG LDAN PA @056A *, ,BDE BAR GRAGS NA, DE LA YANG SKYO BAR RIGS TE, RIGS BZANG PO LA SOGS PA'I SEMS CAN NGA RGYAL GYIS RLOM PA CAN MIN PA DKON ZHING RLOM PA CAN DE YANG RANG MCHOG TU RTOG CING RANG DANG MNYAM PA DANG LHAG PA LA PHRAG DOG GIS GZHOM PAR 'DOD PAS SNYING RJE DANG LDAN PA MED PA DES NA SNANG BA NAS SNANG BAR NI 'GRO BA SHIN TU RNYAD DKA' BAR LUNG BZHI LA SOGS PA LAS GSUNGS SO, ,DPER NA DZNYA MANG DAG NA'I BUS LAN NYAR GCIG TU SA STENGS NA RGYAL RIGS MED PAR BYAS PA BZHIN NO, ,GNYIS PA NI, NGA RGYAL CAN SDIG PA LA SPYOD PAS SMAD PA YIN YANG NGA RGYAL CAN MIN PAS, MTHO RIS KYI DON DU 'BAD PAR RIGS SO, ,ZHE NA, 'JIG RTEN 'DI NA, PHYI MA'I MTHO RIS KYI DON DU TSANGS SPYOD KHAS BLANGS TE, 'DOD PA'I YUL LA YID 'BYUNG BSGOMS NAS YID LOG PAR GYUR PA LA SLAR YANG MTHO RIS SU SKYES NAS CHOS KYI 'BRAS BU YUL YID DU 'ONG BA NI DMIGS PAR TE 'DOD BZHIN DU BYUNG BAR GRAGS PA 'GYUR TE DE LTAR NA RANG GIS THOB PA'I YUL SKYO BZHIN DU SPANGS NAS SLAR YANG DE NYID DON DU GNYER BAS DE NI PHYIN CI LOG TU GYUR PA'I CHOS YIN LA MKHAS PA DAG DE LTA BU'I 'JUG PA RGYU CI ZHIG GIS YANG DAG PAR 'DOD PAR BYED, RAN? GYIS DAR BA DE NYID LEN PAR MI RIGS SO, ,DPER NA LUG RDUNG BAR 'DOD PA RING POR SONG YANG DA DUNG LOG PA MIN PA BZHIN NO, ,GSUM PA LA LNGA, LONGS SPYOD KYI DON DU LAS GSOG PA DGAG PA DANG, 'JIG RTEN GYI CHOS LUGS LA ZHEN PAS LAS GSOG PA DGAG PA @056B PA DANG, YUL YID DU 'ONG BA'I DON DU GSOG PA DGAG PA DANG, DBANG PHYUG GI DON DU GSOG PA DGAG PA DANG, PHYI MAR PHYUG PA'I DON DU SRED PAS LAS GSOG PA DGAG PA'O, ,DANG PO NI, 'BRAS BU LONGS SPYOD CHEN PO CAN YANG DE LA SRED PA MI BYA STE, SBYIN PA LA SOGS PA'I BSOD NAMS KYI 'BRAS BU PHYUG PA STE KHYOD LONGS SPYOD DE CHOM RKUN DANG, ME DANG CHU SOGS GZHAN LAS YI RTAG PAR BSRUNG BAR BYA DGOS NA RTAG TU GZHAN LAS 'BAD PAS BSRUNG BAR BYA BA GANG YIN PA DE NI JI LTAR RANG DBANG DU GYUR PA'I BDAG GI PAR 'GYUR 'BRAS BU GRUB KYANG 'DOD BZHIN PHAN THOGS MI NUS SO, ,RTAG TU DE'I CHED DU 'BAD DGOS PA DPER NA BLA MA BZHIN NO, ,GNYIS PA NI, SBYIN SOGS KYI CHOS PHYIN CI LOG YIN NA 'JIG RTEN NA GRAGS PA'I CHOS LUGS KYI RJES SU 'JUG PAR BYA'O, ,ZHE NA, DE LA ZHEN PA YANG MI RIGS TE, 'JIG RTEN GYI TSUL LUGS BAG MA GTONG LEN SOGS GANG DANG GANG YIN PA DE DANG DE LA CHOS KYI SGRA RJES SU 'JUG STE, TSUL LUGS DE LA CHOS ZHES GRAGS PAS SO, ,DE YANG YUL DANG DUS KYI KHYAD PAR LAS RNAM PA GZHAN DANG GZHAN DU 'GYUR BA DE'I PHYIR NA CHOS PAS KYANG 'JIG RTEN PA STOBS DANG LDAN PA LTA BUR SNANG YANG MTHA' GCIG TU MI GNAS PA DE LA ZHEN PAR MI RIGS SO, ,DPER NA YUL 'GA' ZHIG NA BU MO BAG MAR LEN PA BZHIN NO, , GSUM PA NI, YUL YID DU 'ONG BA MED PAR BDE BA MI 'BYUNG LA, DE YANG BSOD NAMS KYI 'BRAS BU YIN PAS BDE BA'I DON DU YUL YID DU 'ONG BA LA SRED PAS BSOD NAMS BYA'O ZHE NA, GZUGS SGRA LA SOGS PA'I YUL NI SBYIN SOGS DGE @057A *, ,BAS YID DU 'ONG BA THOB PAR NUS NA 'DOD PA'I YUL DE'ANG THAR PA 'DOD PA RNAMS KYIS NGAN PAR BRTZI ZHING SMAD PAR BYA BA YIN TE, DON MIN PA'I RTZA BA YIN PA'I PHYIR DANG, MI RTAG PA DANG SDUG BSNGAL SOGS KYIS RTAG TU RNAM PAR GA-YENG BAR BYED PA'I PHYIR RO, ,NYES PA'I 'BYUNG KHUNGS GANG ZHIG BTANG BAS SHIS SHING DGE BAR GYUR PA'I GRUB PA YIS CI ZHIG DGOS TE, DGOS PA CI YAR MED DO, ,DPER NA DGE SLONG 'GA' ZHIG GAM PO RTZE'I YUL DU BSOD SNYOMS LA SONG BA NA GA-YO SKYU CAN ZHIG GIS YUL 'DIR CI YANG MA SMRA ZHIG CES SMRAS PA BZHIN TE, 'GREL PA LTAR RO, ,BZHIN PA NI, YUL SMAD PAR BYA BA YIN YANG RGYAL SRID NI BDE BA PHUL DU BYUNG BA'I RGYU YIN PAS DE'I DON DU BSOD NAMS DAG BYA'O ZHE NA, MI RIGS TE, SEMS LA DBANG THOB PA'I RNAL 'BYOR PA GANG LA 'DOD PA'I DON 'BAD PA MED PAR 'GRUB PAS BKA' LUNG DGOS PA MED PA DE LA DE'I DON DU SBYIN PA GTONG PA SOGS CHOS DON MED PAR 'GYUR RO, ,GANG YANG TSIG TZAM GYI MNGA' BSGYUR BA'I BKA' LUNG DON DU GNYER BA NYID DE NI SKYE BO'I NANG NA BLUN PO ZHES BYA STE, DON MIN PA CHEN PO'I RTZA BA RGYAL SRID DON DU GNYER BA'I PHYIR RO, ,DPER NA RTZAS MKHAN GCIG LA BU YID DU 'ONG BA ZHIG YOD PA NYI MA DRUG NA 'CHI BAR SHES NAS BU BZHIN BU DE BSAD PA BZHIN NO, ,LNGA PA NI, GAL TE MA 'ONGS PA'I SKYE BAR PHYUG PA LA SOGS PA'I 'BRAS BU 'DOD PAS BSOD NAMS BYA'O ZHE NA, PHYUG PA LA SOGS PA'I MA 'ONGS PA YI 'BRAS BU 'BYUNG BAR MTHONG NAS SBYIN PA LA SOGS PA'I CHOS 'DOD CING CHAGS PAS @057B SRED NA CHAGS PA DE'I 'BRAS BU NGAN 'GRO DU MA MYONG DGOS PAS CHAGS PA DE'I MA 'ONGS PA'I 'BRAS BU'I MTHA' NGAN 'GRO NYID MTHONG BAR GYUR NA 'JIGS PA MED DAM, CHAGS PAS CI ZHIG BYED NGAN 'GRO LTAR CHOS LA YANG SRED PAR MI BYA'O, ,DPER NA MI MKHAS PA SDUG BSNGAL BSKYED PA'I GNAS NYO BA BZHIN NO, ,GNYIS PA NI, GLA'I DON DU LAS BYED PA GLA BA LTA BU'I BSOD NAMS NI RNAM PA KUN TU DRAN PA DANG MTSUNGS PAR 'GYUR DU 'ONG BAS MKHAS PAS SRED PAS KUN NAS SLANGS TE BSOD NAMS KYI LAS KYANG MI BYA'O, ,MKHAS PA GANG DAG 'KHOR BA'I RGYUR MTHONG NAS SRED PA BSKYED PA'I DGE BA'ANG MI 'DOD PA DAG MI DGE BA BSOD NAMS MIN PA'I LAS JI LTAR BYED RNAM PA THAMS CAD DU SPANG BAR BYA'O, ,DPER NA RANG KA TAS RANG GI KHAM 'PHRO KHYIS ZOS PA NA, RGYAL BU BSNYUNG BAR GNAS PA DES ZOS SO ZHES SKUR BA BTAB PA BZHIN NO, ,GSUM PA LA GNYIS, GNAS LUGS RTOGS PA'I MKHAS PA RNAMS SRED PA SPANGS NAS THAR PAR 'GRO BA DANG, MKHAS PA RNAMS MTHO RIS LA'ANG SRED PAS DGA' BAR MI SEMS NA SKYO BA DANG RJES SU MTHUN PA'I GNAS LA DGA' BA MI SRID PA'O, ,DANG PO NI, BYIS PA RNAMS 'KHOR BA LA DGA' BAR ZAD KYI RTEN 'BREL LA RANG BZHIN MED PAR MNGON SUM DU MTHONG BA'I MKHAS PA GANG GIS PHYI NANG GA 'GRO BA SHING LAS BSGRUBS PA'I SKYES PA DANG BUD MED KYI RNAM PAR SNANG BA'I 'KHRUL 'KHOR GYI TSOGS 'DRA BAS DANG RANG BZHIN GYIS GRUB PAS STONG YANG DER SNANG BA SGYU MA'I SKYES BU LTAR MTHONG BAR GYUR PA DE DAG 'KHOR BA LAS BRGAL NAS CHES GSAL BAR GO 'PHANG DAM PA THAR PA DANG THAMS @058A *, ,CAD MKHYEN PAR 'GO BAR 'GYUR BAS GNAS LUGS KYI DON SEMS PA LA MKHAS PAR BYA'O, ,DPER NA 'KHRUL 'KHOR MKHAN GYI 'KHRUL 'KHOR GYI BU MOS RI MO MKHAN NGO TSA BAR BYAS PA NA, DES RI MOS 'KHRUL 'KHOR MKHAN LA SDUG BSNGAL BSKYED PA BZHIN NO, ,GNYIS PA NI, GNAS LUGS KYI DON LA MKHAS PA GANG DAG LA NI 'KHOR BA NA DGA' BA SKYE BA DANG RJES SU MTHUN PA'I YUL RNAMS KYIS KYANG DGA' ZHING SRED PA MED PA DE DAG SKYO BA DANG RJES SU MTHUN PA'I SKYE BA RGA BA SOGS KYIS GNAS LA DGA' BA YOD PAR JI LTAR 'GYUR, DES NA DE DAG LA 'KHOR BA 'DIR RNAM PA KUN TU SRED PAS DGA' BA 'THAD PA MA YIN PA NYID DO, ,DPER NA KU SHA'I GRONG KHYER DU LEGS MTHONG CHEN POS 'KHOR LOS BSGYUR BA'I RGYAL SRID LA GNAS PA BTZUN MO BRGYAD KHRI BZHI STONG SPANGS NAS BSAM GTAN BZHI BSKYED PA BZHIN NO, ,DES NA SNGAR BSHAD PA LTAR GZUGS SGRA LA SOGS PA'I YUL GYI NYES DMIGS BSAMS NAS GNAS LUGS KYI DON LA MKHAS PAR BYA STE BLA NA MED PA'I BYANG CHUB SGRUB PA LA BRTZON PAR BYA'O, ,'DIR SMRAS PA, MI RTAG SDUG BSNGAL LEGS PAR BSAMS BYAS NAS, ,SDUG BSNGAL RGYA MTSO GTING MTHA' MED PA'I RGYU, ,GZUGS SOGS YUL LA SRED PA RNAM SPANGS TE, ,BLA MED BYANG CHUB SGRUB LA BRTZON PAR BYA; ;BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, ,BYANG CHUB SEMS DPA'I RNAL 'BYOR SPYOD PA BZHI BRGYA BA'I RNAM BSHAD LEGS PAR BSHAD PA'I SNYING PO ZHES BYA BA LAS MI NYID KYIS 'DOD PA'I LONGS SPYOD LA @058B MNGON PAR ZHEN PA SPANG PA'I THABS BSTAN PA STE RAB TU BYED PA BDUN PA'I 'GREL PA'O,, ` ,,BZHI PA LAM RGYUD LA SKYE BA'I SNOD RUNG DU SGRUB PA SLOB MA'I RGYUD YONGS SU SBYONG BA'I THABS BSTAN PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GSUM, NYON MONGS SPONG NUS PA'I RGYU MTSAN DANG, NYON MONGS SPONG TSUL RGYAS PAR BSHAD PA DANG, YANG SRID PHYI MAR NYID MTSAMS SBYOR BA'I SKYE BA LA THOG MA MED KYANG ZAD PA'I MTHA' YOD PA'I DPE BSTAN PA'O; ,DANG PO LA GNYIS, DNGOS KYI DON DANG, NYON MONGS SPANG DU RUNG BA'I TSUL BSTAN PA'O, ,DANG PO NI, THOG MA MED PA NAS GOMS PA'I 'DOD CHAGS KYI 'CHING BA JI LTAR SPONG NUS ZHE NA, JI LTAR MTHUN ZHING MDZA' BA'I MI RNAMS LA, CHAGS PAS KUN NAS SLANG BA'I MJA' BA YUN RING DU MI GNAS PA DE BZHIN DU RNAL 'BYOR PA PHYI NANG GI DNGOS PO KUN LA MI 'DOD PA DU MA BSKYED PA'I SKYON SHES PA LA 'DOD CHAGS YUN RING DU MI GNAS SO STE LEGS PAR BRTAGS NA RTZA BA MI BRTAN PAS SPANG NUS SO; ;DPER NA BRAM ZE RGYU ZHES BYA BA BAG MA LEN PA'I DUS SU GZHON NU MA'I LAG PA NAS 'DZIN 'DOD PA LA STON PAS BRAM ZE'I KHYI'I 'BREL NA 'CHING, BRAL NA RNAM PAR GROL LO ZHES GSUNGS PA THOS NAS 'PHAGS PA'I BDEN PA BZHI LA BRTAGS PAS, DGRA BCOM PA THOB PA BZHIN NO, ,GNYIS PA LA BZHI, NYON MONGS GANG LA DMIGS PA'I GZHI NGES PA MED PAS SPANG DU RUNG BA DANG, NYON MONGS SKYE BA'I RGYU BDEN PAR MAD PA DANG, NYON MONGS SPONG MI NUS PA'I SGRUB BYED DGAG PA DANG, NYON @059A *, ,MONGS MA SPANGS PA DU MA MTHONG BA 'GAL BA MED PA'O, ,DANG PO NI, YUL GYI NYES PA MTHONG BAS NYON MONGS SPONG NUS PAR MA ZAD GZHI BDEN PA BA MED PA'I PHYIR YANG SPONG NUS TE, 'DOD CHAGS NI CHAGS BYA'I DNGOS PO LA RAG LAS TE 'JUG LA, DE YANG RANG GI NGO BO NYID KYIS GRUB PA MED DE, LA LA YUL DE NYID LA CHAGS TE GNAS LA, LA LA DE NYID LA ZHE SDANG ZHING LA LA DE NYID LA RMONGS PA SKYE BA DE'I PHYIR, CHAGS BYA'I YUL NGO BO NYID KYIS GRUB NA DE NYID LA CHAGS PA 'BA' ZHIG SKYE RIGS PA LA NGES PA MED PAS DMIGS PA THAMS CAD RTOG PAS BTAGS PA TZAM MA GTOGS 'DOD PA'I DON NGO BO NYID KYIS GRUB PA MED PAS GZHI LA LTOS NAS KYANG SPANG NUS SO, ,DPER NA SKYES BU 'GA' ZHIG LA CHUNG MA GNYIS YOD LA GCIG GI MA DE NI RANG GI BU MO MTHONG BAS DGA' LA, CHUN MA DE NI MTHONG BAS SDUG BSNGAL BA DANG, BRAN MO BAR MAR GNAS PA BZHIN NO, ,GNYIS PA NI, DMIGS PA BDEN PAR MED PAS SPONG BAR NUS PAR MA ZAD RGYU BDEN PA MED PA'I SGO NAS KYANG SPONG NUS TE, 'DOD CHAGS ZHE SDANG GTI MUG NI, ,KUN TU RTOG LAS 'BYUNG BAR GSUNGS, ,ZHES BSHAD PA LTAR, TSUL BZHIN MIN PA'I YID BYED KYI RTOG PA DANG, THAG KHRA LA SBRUL DU BTAGS PA LTAR RTOG PAS BTAGS PA MED PAR 'DOD CHAGS LA SOGS PA'I KUN NAS NYON MONGS PA RNAMS LA YOD PA NYID RNYED PA YOD PA MIN NA DE DAG GI YOD PA LTOS NAS YOD PA KHO NAR MA ZAD KYI, NGO BO NYID KYIS GRUB PA MED PAS NGO BO NYID KYIS GRUB NA YANG DAG PAR GRUB @059B PA'I DON DANG 'GAL BA RTOGS PAS BTAGS PA ZHES BLO DANG LDAN PA SU ZHIG 'DZIN RTOG PAS BTAGS PA DANG NGO BO NYID KYIS GRUB PA 'GAL BA'I PHYIR RO, ,THAG PA LA SBRUL DU BTAGS PA'I TSE THAG PA'I CHA DANG, CHA CAN DANG RGYUN DANG RGYUN CAN GANG YANG SBRUL GYI MTSAN GZHIR MI RUNG BA BZHIN DU, PHUNG PO'I YANG TSOGS PA DANG TSOGS PA CAN DANG RGYUN DANG RGYUN CAN GANG YANG GANG ZAG TU MI RUNG ZHING PHUNG PO LA BRTEN NAS BTAGS PA YIN PAS NGO BO NYID KYIS GRUB PA MED PAR CHOS THAMS CAD KYANG SHES PAR BYA'O, ,PHYIN CI LOG TU 'KHRUL PA DPER NA BSAM GTAN PA 'GA' ZHIG THOD PA GZHAN ZHIG MGO LA 'BYOR RO SNYAM DU 'KHRUL PA NA, 'GA' ZHIG GIS 'DI KHYOD KYI MGO LAS LHUNG NGO ZHES THOD PA GZHAN ZHIG BSGYUR BAS RTOG PA LOG PA BZHIN NO, ,SKABS 'DIR BSHAD PA'I RTZA 'GREL GYI DON NI, RIGS PA DRUG CU PAR, 'JIG RTEN MA RIG RKYEN 'BYUNG BA, ,GANG PHYIR RDZOGS PA'I SANGS RGYAS GSUNGS, ,DE YI PHYIR NA 'JIG RTEN 'DI, ,RNAM RTOG YIN ZHES CIS MI 'THAD, CES PA'I DON LEGS PAR KHONG DU CHUD PA LAS SHES PAR BYA'O, ,GSUM PA NI, GAL TE SKYES PA DANG BUD MED PHAN TSUN GCIG GI GCIG YUL CAN GYI CHAGS PAS LHAN CIG BCINGS PAS BUD MED MI GTONG BAS CHAGS PA SPONG MI NUS SO SNYAM NA, SKYES PA 'GA' LA'ANG BUD MED GANG DANG LHAN CIG TU NGO BO NYID KYIS BCINGS PA ZHES BYA BA YOD PA MIN TE RANG BZHIN LAS LDOG PA MED PAS NGO BO NYID KYIS GZHAN DANG LHAN CIG BCINGS PA LA BRAL BA RIG PA MA YIN NA STE, BRAL MI RIGS PA LA BRAL BA MTHONG BA'I PHYIR, DPER NA GLANG NAG @060A *, ,PO DANG DKAR PO NGO BO NYID KYIS BCINGS PA MIN YANG, GNYA' SHING DANG CHU THAG LA SOGS PAS BCINGS PA BZHIN DU YUL DANG DBANG PO YANG SRED PAS BCINGS PA YIN NO, ,BZHI PA NI, GAL TE DE LTAR RNAM PAR DPYAD PAS NYON MONGS LDOG NA SKYE BO PHAL CHER NYON MONGS MA SPANGS PA DAG SNANG ZHE NA, ZAB MO'I CHOS LA LHAG PAR MOS PA DANG BRAL BA'I PHYIR RO, ,DES MA BSOD NAMS CHU'I DU RTEN 'BYUNG RANG BZHIN GYIS GRUB PAS STONG BZHIN DU BYA BYED THAMS CAD 'THAD PA'I BDEN PA GNYIS KYI CHOS SLOB DPON KLU SGRUB KYI BZHED PA 'DI LA DE LTAR YIN NAM, 'ON TE MIN SNYAM DU THE TSOM ZA BAR YANG MI 'GYUR BAS NYON MONGS SPANGS PA'I THAR PA GA LA THOB, STONG PA NYID BSTAN PA NA CI 'DI LTAR YIN NO SNYAM DU THE TSOM ZA BA TZAM ZHIG GIS SRID PA HRUL POR BYAS PAR 'GYUR TE, GNAS LUGS KYI DON YID KYI YUL CUNG ZAD BYAS PA'I PHYIR RO, ,THE TSOM ZA BA PO NGES PA DON DU GNYER ZHING YANG DAG PA'I LTA BA LUNG RIGS KYIS NGES PAR BYAS PA LAS NYON MONGS ZAD NAS THAR PA THAB PAR 'GYUR RO, ,DPER NA DED DPON SRIN MOS BZUNG BA DES LHO PHYOGS SU MA BLTA ZHIG CES SMRAS PA DANG THE TSOM ZA NAS DER PHYIN PAS RTA'I RGYAL PO BHA LA HA KA DANG PHRAD NAS, SRIN MO LAS THAR ZHING, RGYA MTSO'I PHA MTHAR PHYIN PA BZHIN NO, ,'DIS KYANG THAR PA TZAM THOB PA LA YANG GNAS LUGS KYI DON NGES PAR RTOGS DGOS PAR BSTAN TO, ,GNYIS PA LA BZHI, STONG PA NYID KYI DON RTOGS PAR GDAMS PA DANG, THAR PA DON DU GNYER BAR GDAMS PA DANG, GNAS LUGS @060B KYI DON LA BKRI BA'I RIM PA DANG, NYON MONGS NGES PAR ZAD NUS PAR GDAMS PA'O, ,DANG PO LA LNGA, GNAS LUGS KYI DON LA GUS PAR BYA BAR GDAMS PA DANG, THAR PA THOB PA LA STONG NYID RTOGS DGOS PAR BSTEN PA DANG, 'KHOR BA LAS LDOG PA'I THABS BSTAN PA DANG, STONG NYID LA SKRAG PA SPANG BA DANG, RANG PHYOGS LA LHAG PAR ZHEN PA SPANG BA'O, ,DANG PO NI, GANG LA THE TSOM ZOS PAS SRID PA HRUL POR 'GYUR BA STONG PA NYID KYI CHOS GANG ZHIG MNGON SUM DU RTOGS PA DANG, DES ZIN PA'I SBYIN SOGS LA THUB PA YIS MTHONG LAM SKAD CIG DANG PO NAS BZUNG STE JI SRID THAR PA'I BAR DU MI NYAMS SHING 'PHEL BA NYID DU GSUNGS PA'I CHOS STONG PA NYID KYI DON DER SKYE BO GANG LA GUS PA MED PA DE NI GSAL BAR BLO DANG LDAN PA MIN GYIS BDAG NYID SHIN TU BLUN PAR STON PA YIN PAS, MKHAS PA RNAMS KYIS STONG PA NYID DU BLTA BA LA GUS PA BZHAG PAR BYA'O, ,'JIG RTEN PA'I CHOS RNAM NI RNAM SMIN PHYUNG NAS ZAD PAR YANG 'GYUR LA, STONG NYID RTOGS PAS MI SBYIN SOGS KYANG RNAM MKHYEN GYI GRONG KHYER DU 'KHRID PAR BYED PAS SO, ,DPER NA LI KHA RA'I LA DU KUN NAS MYANG BAR BYED PA BZHIN NO, ,GNYIS PA NI, GAL TE DNGOS PO RNAMS MI STONG BZHIN DU CHAGS PA DANG BRAL BAR BYA BA'I PHYIR STONG NYID BSGOM PA YIN NAM, BDEN PAR GRUB PAS STONG PA LAS DE LTAR BA LTA BA YIN ZHE NA, STONG PA LA STONG PAR RTOGS NAS GOMS PAR BYED PA YIN TE, GANG ZAG DANG PHUNG PO BDEN STONG DU MA RTOGS PAR BDEN PAR ZHEN NAS BDAG NI STONG NYID BSGOMS PAS MYA NGAN LAS 'DA' BAR 'GYUR RO ZHES DNGOS @061A *, ,PO STONG PA MIN PA LA STONG PA LTAR MTHONG BA MIN TE, GNAS LUGS LA PHYIN CI LOG TU ZHEN PA'I LOG LTAS MYA NGAN LAS MI 'DA' BAR DE BZHIN GSHEGS PA RNAMS GSUNG NGO, ,STON PAS CHOS THAMS CAD NI STONG PA NYID DE RANG BZHIN MED PA'I TSUL GYIS SO, ,ZHES GSUNGS PA LTAR RO, ,MYANG 'DAS GSUM GANG DU 'JUG KYANG STONG PA NYID KYI DON LA MKHAS PAR BYA'O, ,DPER NA MTSAN MO DGE TSUL BTUNG BYA MIN PA LA MNGAGS PA BZHIN NO, ,GSUM PA NI, GAL TE DNGOS PO RNAMS RANG BZHIN GYIS GRUB PAS STONG PA YIN NA, DE KHO NA NYID BSTAN RIGS KYI SEMS CAN DANG SNOD KYI 'JIG RTEN GYI 'JUG PA BSTAN PAS CI BYA ZHE NA, 'JIG RTEN GYI 'JUG TSUL MA BSTAN PAR STONG PA NYID RTEGS MI NUS PAS, DE KHO NA NYID RTOGS PA'I THABS SU NGES PAR BSTAN DGOS TE, GSUNG RAB GANG LAS DNGOS PO BDEN PAR ZHEN PA'I SGO NAS RGYU MED DANG MI MTHUN PA'I RGYU LAS SKYE BA DGAG PA'I DON DU MA RIG PA'I RKYEN GYI 'DU BYED LA SOGS PA SEMS CAN DANG SNOD KYI 'JIG RTEN BSTAN PA 'BYUNG BA DE LAS 'KHOR BAR 'JUG PA'I RIM PA GSUNGS PA STE, DON DAM PA RTOGS PAS THABS YIN PAS SO, ,GANG LAS DON DAM PA CHOS RANG BZHIN GYIS GRUB PAS STONG PA BSNYAD PA 'BYUNG BA DE LAS 'KHOR BA LAS LDOG PA'I RIM PA GSUNGS PA'O, ,DPER NA GTING KHUNG DU 'JUG PA NA CHA RKYEN GYI 'JUG PA CUNG ZAD YOD PA DOR BAR BYA BA BZHIN NO, ,BZHI PA NI, GAL TE DNGOS PO THAMS CAD STONG PA YIN NA LAS BYA BYED THAMS CAD @061B LA SKUR BA BTAB PAS THAR PA YANG MED PAR 'GYUR BA'I PHYIR MI 'DOD PA DU MA ZHIG TU 'GYUR RO ZHE NA, RANG BZHIN GYIS GRUB PAS STENG NA DNGOS PO KUN YOD PA MA YIN PAS THAR PA'I CHED DU 'BAD PAS CI BYA ZHES STONG PA NYID LA SKRAG PA KHYOD LA 'JIG PA SKYE BAR 'GYUR DRANG NA GAL TE DON DAM PAR BYA BA YOD NA NI STONG PA NYID KYI CHOS 'DI RTOGS PA LAS 'KHOR BA ZLOG PAR BYED PAR NUS PAR MI 'GYUR RO STE, DON DAM PAR GRUB PA LA BYA BYED MI 'THAD PAS SUS KYANG LDOG MI NUS PA'I PHYIR RO, , PHUNG PO LA BDEN PAR ZHEN PA NI, DPER NA SMIG CHU LA CHUR ZHEN PA BZHIN NO, ,LNGA PA NI, GAL TE 'KHOR BA ZLOG BYED STONG PA NYID KYI PHYOGS NI MCHOG TU GYUR PA YIN LA, GZHAN PHYIN CI LOG YIN NO ZHES RANG PHYOGS LA LHAG PAR CHAGS SHING GZHAN PHYOGS LA ZHE SDANG BA'I MI KHYOD LA RANG PHYOGS STONG PA NYID LA LHAG PAR CHAGS PAR YOD CING GZHAN GYI PHYOGS LA ZHE SDANG ZHING MI DGA' NA DE MA DOR BAR THAR PA MYA NGAN LAS 'DAS PAR MI 'GRO STE BLANG DOR GNYIS SU BDEN PAR ZHEN PA'I SPYOD PAS JI SRID DU ZHI BAR YONG STE GTAN MI 'GYUR RO, ,DPER NA SDOM BRTZON 'GA' ZHIG 'PHAGS PA DGE 'DUN SDES DGE BSNYEN BYAS TE, DES BRAM ZE MTHONG NAS DE GSOD PAR 'DOD PA SKYES PA BZHIN NO, ,GNYIS PA LA BDUN, 'BAD NA THAR PA THOB SLA BA DANG, 'KHOR BA LA SKYO BA MA BSKOM NA THAR PA THOB MI NUS PA DANG, 'KHOR BA LA NYES DMIGS SHIN TU CHE BAS THAR PA LA 'BAD RIGS PA DANG, THOG MA NYID NAS GNAS LUGS KYI DON BSTAN PAR BYA BA MIN PA DANG, JI LTAR BKRI BA'I RIM PA DANG, DNGOS PO KUN @062A *, ,GYI GNAS LUGS MTHAR THUG LA NGO BO'I DBYE BA MED PA DANG, DES NA SBYIN SOGS BSOD NAMS KYI TSOGS DGOS PAR GSUNGS PA LA 'GAL BA MED PA'O, ,DANG PO NI, GAL TE MYA NGAN LAS 'DAS PA'I BDE BA DAM PA NI BSGRUB SHIN TU DKA' BA'I PHYIR, THOB MI NUS LA, SRID PA NI 'BAD PA MED PAR THOB SLABS BDAG CAG DE LA 'JUG GO ZHE NA, DGE MI DGE BA'I LAS THAMS CAD LA BYA BA BYED PA MED PAR KHONG DU CHUD PAS MYA NGAN LAS 'DA' BAR 'GYUR ZHING DGE MI DGE'I BYA BA SNA TSOGS BYED PA LAS YANG SRID PA 'GRUB PAR 'GYUR TE, DES NA BYA BA THAMS CAD LA BYED PA LOG CING BSAM KHRAL MED PAS MYA NGAN LAS 'DAS PA THOB SLA LA CIG SHOS 'KHOD PA'I BDE BA NI, BDE BLAG TU THOB PA MIN PAS MKHAS PAS NGAL DUB SNA TSOGS KYIS SGRIM MI DGOS PAR THOB PA'I MYANG 'DAS DON DU GNYER BA SPANGS NAS, NGAL DUB SNA TSOGS KYIS THOB PA'I 'KHOR BA DON DU GNYER BA MI RIGS SO, ,DPER NA NAD MED PA'I STOBS BSGRUB PA LA RKYEN MANG PO YOD KYANG, DE MI 'DOD NA NGA'I RKYEN DON DU MI GNYER BA BZHIN NO, ,GNYIS PA NI, GAL TE DON DAM PAR BYA BA CI YANG MI BYED PAS MYA NGAN LAS 'DA' BAR 'GYUR RO, ,BSTAN BCOS 'DIR MI RTAG PA DANG SDUG BSNGAL LA SOGS BSTAN CE NA, 'KHOR BA'I BYA BA THAMS CAD BRAL BA'I THAR PA THOB PA'I CHED DU 'KHOR BA LA SKYO BA BSKYED PA'I PHYIR RO, ,GANG ZAG GANG LA 'KHOR BA 'DI LA SKYO BA YOD PA MIN PA DE LA 'KHOR BA'I SDUG BSNGAL ZHI BA'I THAR PA LA GUS PA GA LA YOD SKOMS PAS GDUNG BA'I SDUG BSNGAL MED PAR DE ZHI BA'I THABS BTUNG BA LA DON GNYER CHEN PO @062B MI SKYE BO BZHIN NO, ,DPER NA, RANG GI KHYIM SNYING PO CHUNG YANG DE LAS CHAGS PA YONGS SU SPYAD MI NUS PA BZHIN DU BLO CHUNG BA RNAMS KYIS SRID PA 'DI NAS NGES PAR 'BYUNG BA'ANG THOB PAR DKA' STE, SRED PAS BCINGS PA'I PHYIR RO, ,DPER NA YUL LA SRID PA MI LDOG PA DE MA THAG GSAD PAR BYA BA BTUNG BA DON DU GNYER BA BZHIN NO, ,GSUM PA NI, GZHAN YANG DBANG PHUG CHEN PO RNAMS YUL GYI BDE BA LA CHAGS NAS KHYIM SPONG BA DANG, DGON PAR THAR PA THOB PA'I CHED DU 'BAD PAR MI NUS KYANG NAD DANG DBUL BA LA SOGS PA'I SDUG BSNGAL GYIS GZER BA DAG 'KHOR BA LA DGA' BA DOR BAR RIGS TE, GANG ZAG LA LA DBUL BA DANG, SDUG PA DANG BRAL BA LA SOGS PA'I SDUG BSNGAL GYIS ZIL GYIS MNAN ZHING DE LAS THAR PA'I CHED DU ME DANG CHUR 'JUG PA DANG, GA-YANG DU SKYUR BA LA SOGS RANG NYID 'CHI BAR 'DOD PA DAG SNANG STE DE KHO NA LTAR 'KHOR BA LA SDUG BSNGAL DU NGES PAR BYAS NAS BDAG LA CHAGS PA SPANGS NA THAR PA'I BDE BA MYUR DU THOB PA ZHIG NA DE'I TSE DE DAG BLANG DOR LA GTI MUG SHAS CHE BA'I PHYIR MYA NGAN LAS 'DAS PA'I GO 'PHANG DAM PAR MI 'GRO BAR ZAD DO, ,DPER NA NAD PA KHA CIG SMAN MA 'THUNGS PAR NAD LAS MI GROL BA BZHIN DU, NYON MONGS MNGON GYUR CUNG ZAD ZIL GYIS MNAN YANG, NYON MONGS SRUNGS 'BYIN PA'I GNYEN PO MA BSTAN PAR 'KHOR BA LAS MI THAR PA'O, ,BZHI PA NI, 'KHOR BA ZAD PA'I THAR PA DON DU GNYER BAR BYA BA YIN NA DE THOB PA'I CHED DU DE KHO NA NYID SGOM PA'I GTAM KHO NA BYA BAR RIGS KYI STON PAS SBYIN PA DANG TSUL KHRIMS KYI GTAM DAG KYANG MDZAD @063A *, ,CI ZHE NA, SKYON MED DE, DBANG PO DMAN PA DANG 'BRING PO DANG RAB KYI DBYE BAS RIM GYIS BKRI BAR BYA DGOS PA YIN TE, 'DI LTAR THOG MA SBYIN PA TZAM NUS KYI SROG GCOD SOGS SPONG MI NUS PA DAG LA SBYIN PA'I GTAM BYA BA YIN PAS SBYIN PA'I GTAM DBANG PO DMAN PA LA GSUNGS SHIG ,RE ZHIG TSUL KHRIMS DANG SGOM PA'I SNOD MIN PA'I PHYIR RO, ,SBYIN PA LA GNAS ZIN PA'I DBANG PO 'BRING LA TSUL KHRIMS GSUNGS PA STE, LHA DANG MIR SKYE BA'I SNOD DU GYUR PA'I PHYIR RO, ,DBANG PO MCHOG LA 'KHOR BZHI PA'I THABS DE KHO NA NYID SGOM PA'I GTAM GTZO BOR GSUNGS PAR GYUR PA, DES NA BDAG THAR PA THOB NA CI MA RUNG SNYAM DU RTAG TU MCHOG TU 'GYUR BAR BYOS SHIG GO ,DPER NA RGYAL BU GSUM NA TSOD LA LTOS TE GCIG LA YI GE DANG, GNYIS PA LA SGRA'I BSTAN BCOS 'DON PA DANG, GSUM PA LA MTSON BYA'I THABS 'DON PA STON PA BZHIN NO, ,GANG ZAG GCIG LA YANG DE RIM GYIS BSTAN PAR BYA BA YIN PAS GDUL BYA BKRI BA'I RIM PA LA MKHAS PAR BYA BA'I DON TO, ,LNGA PA NI, RE SHIG DE NYID BSTAN PA'I SNOD DU MI RUNG BA LA BSTAN NA, BYA BYED MTHA' DAG LA SKUR BA BTAB NAS DGE SDIG LA KHYAD PAR MED PAR SHES TE, SDIG PA BYAS NAS NGAN 'GROR 'GRO BAS, THOG MAR DGE MI DGE'I LAS RGYU DANG 'BRAS BUR BCAS PA BSTAN NA RTOGS SLA BAS, BSOD NAMS MIN PA SDIG PA LA 'JUG PA DANG POR LDOG PAR BYA BA YIN TE, DE NYID SKABS SU BAB PA'I PHYIR RO, ,BAR DU PHUNG PO DANG RNAM PA LNGAR DPYAD PA'I SGO NAS 'JIG TSOGS LA @063B LTA BA NYI SHU'I ZHEN YUL BKAG NAS RAGS PA'I BDAG NI LDOG PA DANG PHYIS NAS RGYUD SNOD RUNG DU SONG BA LA GANG ZAG GI BDAG MED BSTAN, BDAG MED KYANG BDEN PAR MED PAR BSTAN NAS MTHAR 'DZIN GYI LTA BA KUN LDOG PA STON PA'I RIM PA GANG GIS SHES PA DE GDUL BYA BKRI BA'I RIM PA DE LA MKHAS PA YIN NO, ,DPER NA SMAN PA MKHAS PAS NAD PA LA SKYA BCOS DANG, SNUM BCOS SNA TSOGS BYED PA BZHIN NO, ,DRUG PA NI, THAR PA LAM GANG GIS THOB CE NA, DNGOS PO THAMS CAD RANG BZHIN GYIS GRUB PAS STONG PAR RTOGS PA LAS SO, ,DNGOS PO MTHA' YAS PAS DE'I CHOS NYID KYANG MTHA' YAS PA'I PHYIR, DE MTHA' DAG SU ZHIG GIS SHES PAR NUS, CHOS GCIG MA SHES SHING MA SPANGS PAR THAR PA THOB MI NUS PAR YANG GSUNGS PAS SO ZHE NA, SKYON MED DE, DNGOS PO GCIG RANG BZHIN GYIS GRUB PAS STONG PA'I GNAS LUGS LTA BA PO GANG YIN PA DE NI DNGOS PO KUN GYI CHOS NYID LTA BA POR BSHAD DE, TING NGE 'DZIN RGYAL PO LAS, GCIG GIS THAMS CAD SHES 'GYUR ZHING, GCIG GIS THAMS CAD MTHONG BAR 'GYUR, ZHES DANG, 'PHAGS PA NAM MKHA' MDZOD KYI TING NGE 'DZIN LAS, GANG GIS CHOS GCIG SGO NAS CHOS RNAMS KUN, ,SGYU MA SMIG RGYU 'DRA ZHING BZUNG MED LA, ,ZHES GSUNGS PA LTAR RO, ,DPER NA RGYA MTSO'I CHU THIGS PA GCIG 'THUNGS PAS, GZHAN RNAMS LAN TSVA CAN DU SHES PA BZHIN, ,DNGOS PO GCIG GI STONG PA GANG YIN PA, ,DE NI KUN GYI STONG PA NYID DO, ,BDEN STONG DE NYID CHOS KUN GYI GNAS LUGS DANG, ,DE LA SNGOS SER LTAR @064A *, ,RNAM PA MI 'DRA BA MI 'CHAR BA'I DON YIN GYI, RJES DPAG LA LTOS NA BUM PA BDEN STONG DU RTOGS PA DE NYID KYIS SNAM BU BDEN STONG DU RTOGS PAS KHYAB CES MI BYA'O, ,SNOD THA DAD PA'I NANG GI NAM MKHA' BZHIN NO, ,BDUN PA NI, GAL TE THAMS CAD STONG PA YIN PAS SPANG BAR BYA BA YIN NO, ,MDO LAS, GUS PAR BYA STE BSOD NAMS DAG BYA'O, ,ZHES GSUNGS PA CI ZHE NA, 'GAL BA MED DO, ,DE KHO NA NYID RTOGS PA BTANG SNYOMS SU BYAS NAS SBYIN SOGS KYI CHOS LA CHAGS PA DE BZHIN GSHEGS PA RNAMS KYIS NGAN 'GROS 'JIGS LA SKYE 'JIG SOGS PHRA MO BSGOM MI NUS PA'I MTHO RIS 'DOD PA RNAMS LA GSUNGS PA THAR PA 'DOD PA RNAMS LA MTHO RIS TZAM DON DU GNYER BA DE NYID KYANG SNANG BAR 'GYUR NA GZHAN DU SDIG PA LA CHAGS PA SMOS CI DGOS MYA NGAN LAS 'DAS PA'I DBYINGS SU CHOS RNAMS KYANG SPANG BAR BYA NA, CHOS MIN PA LTA CI SMOS ZHES GSUNGS PA LTAR RO, ,DPER NA 'KHOR LOS BSGYUR BA'I RGYAL PO DUNG ZHES BYA BA 'BYUNG BAR LUNG BSTAN PA NI, DGE SLONG ZHIG GIS BDAG DER GYUR GCIG CES SMON LAM BTAB PAS STON PAS SMAD PA BZHIN NO, ,GSUM PA LA LNGA, SNOD MIN PA LA DE KHO NA NYID BSTAN PAR BYA BA MIN PA DANG, DE KHO NA NYID RTOGS PA'I THABS DANG, SGO SNA TSOGS NAS BSTAN PA'I DGOS PA DANG, DE KHO NA NYID RTOGS PA LA 'BAD PAR GDAMS PA DANG, DE LTAR GOMS NA NGES PAR MYANG 'DAS THOB NUS PA'O, ,DANG PO NI, GAL TE STONG NYID RTOGS PAS SDUG BSNGAL MTHA' DAG LDOG NA DE KHO NA NYID GCIG PU BSTAN PAR RIGS SO ZHE NA, @064B MIN TE, SNOD KYI KHYAD PAR LA LTOS PA'I PHYIR RO, ,SNOD MIN PA LA STONG PA NYID BSTEN NA PHUNG PA'I RGYUR 'GYUR TE, YANG NA STONG PA NYID SPONG BAR 'GYUR LA, YANG NA THAMS CAD YOD PA MIN PA'I DON STONG PA NYID KYI DON DU GO NAS NGAN SONG DU 'GRO BAR 'GYUR RO, ,DE'I PHYIR SNYING RJE CAN SEMS CAN RJES SU 'DZIN PA'I BSOD NAMS 'DOD PAS STONG PA NYID SNOD MA BRTAGS PAR DUS KUN GYI TSE BRJOD PAR BYA BA MIN TE, GNAS MA YIN PAR SBYAR BA'I SMAN CHEN PO RO ZHIM PA YIN YANG GTANG NA DUG TU 'GYUR BA MIN NAM YIN PA BZHIN NO, ,DPER NA DUG ZHI BAR BYED PA'I SMAN DUG MED PA ZHIG LA BTANG BAS DE BSAD PA LTAR RO, ,DPAL LDAN MA KHOL GYIS, DRI BRAL GOS LA TSON BZHIN DU, ,DANG POR SBYIN SOGS GTAM RNAMS KYIS, ,SEMS LA LEGS PA NYID BSKYED DE, ,DE NAS CHOS NI BSGOS PAR MDZAD, ,CES GSUNGS PA LTAR SNOD BRTAG PAR BYA'O, ,GNYIS PA NI, THOG MAR 'JIG RTEN RNAMS LA GRAGS PA'I JI LTAR GNAS PA'I DNGOS PO DANG MTHUN PAR BSTAN PAR BYA STE, JI LTAR KLA KLO SKAD GZHAN GYIS RJES SU BZUNG BAR MI NUS KYI RANG GI SKAD KYIS BSTAN PAR BYA BA DE BZHIN DU 'JIG RTEN LA GRAGS PA'I SBYIN SOGS KYI DNGOS PO BLO DANG 'TSAMS PAR THOG MAR BSTAN PAR BYA STE, KUN RDZOB PA'I DNGOS PO JI LTAR GNAS PA BSTAN PA 'JIG RTEN PA YI MA RTOG PAR 'JIG RTEN PA DON DAM PA'I BDEN PA RTOGS PA LA BZUNG BAR NUS PA MIN GYI, 'JUG PAR, THA SNYAD BDEN PA THABS SU GYUR PA DANG, DON DAM PA BDEN PA THABS BYUNG GYUR PA STE, ZHES BSHAD PA LTAR, KUN RDZOB RANG LUGS LA KHAS BLANGS NAS DON DAM PA'I BDEN PA BSTAN PAR @065A *, ,BYA'O; ;DPER NA KHYI'U GZHON NU SKAD GZHAN GYIS DON KHONG DU CHUD MI NUS PA BZHIN NO, ,GSUM PA NI, 'JIG RTEN BZUNG BA'I THABS SU STON PAS, MED PAR LTA BA SPANG BA'I CHED DU GDUL BYA RNAMS LA THAMS CAD YOD PA DANG; BDEN 'DZIN SPANG BA'I PHYIR TU BDEN PAR MED PA DANG, THA SNYAD PA'I SHES PA DANG, RIGS SHES KYI BLO'I NGO SO SO LA LTOS NAS YOD PA DANG MED PA DANG, YOD MED KYI MTHAR LTA BA GNYIS KA SPANG BA'I PHYIR DNGOS PO YOD MED GNYIS KA BDEN PAR GRUB PA MIN ZHES KYANG BSTAN TE, PHYIN CI LOG TU ZHEN PA'I NAD KYI DBANG GIS THAMS CAD KYANG NI DE SEL BA'I SMAN ZHES BYA BAR 'GYUR MIN NAM 'GYUR PA KHO NA YIN PAS STON PA'I GSUNG MTHA' DAG GDUL BYA SO SO LA LTOS NAS THAMS CAD MYA NGAN LAS 'DAS PA THOB PA'I THABS SU 'GYUR RO, ,DPER NA SPUN GSUM ZHIG YOD LA GCIG NI RAB TU BYUNG, GNYIS PA NI GNOD SBYIN RDZU 'PHRUL CHEN PO ZHIG TU GYUR, GSUM PA NI YI DRAGS SU GYUR PA'I DPE DON 'GREL PA LTAR RO, ,BZHI PA NI, YOD PA DANG MED PA SOGS KYI BSTAN PA 'DI DAG LAS YOD MED KYI MTHA' BRAL DU BSTAN PA, DON DAM PA'I BSTAN PA YIN LA DON DAM PA DE YANG 'JIG RTEN LAS 'DAS PA'I YE SHES KYIS YANG DAG PAR MTHONG NA GNAS MCHOG THAR PA THOB LA, 'JIG RTEN PA'I SGOM BYUNG DANG THOS BSAM GYI SHES RAB KYIS CUNG ZAD MTHONG NA BZANG 'GRO STE, GANG GI PHYIR DE LTA YIN PA DE'I PHYIR NANG GI BDAG STONG PA NYID BSAM PA LA MKHAS PAS RTAG TU BLO GROS BSKYED PAR BYA'O, ,DPER NA RGYAL @065B PO'I PHO BRANG DU RKUN PO CHOS MIN PAS 'GRON DU BOS PA BZHIN NO, ,LNGA PA LA GNYIS, DNGOS DANG, DE NYID SHES PAS GROL YANG KHA CIG MA GROL BA'I RGYU MTSAN NO, ,DANG PO NI, GAL TE DE KHO NA NYID RTOGS PA LA GOMS PAR BYAS PA'I SGO NAS RTEN 'BYUNG SGROS PA'I MTHA' THAMS CAD DANG BRAL BA'I DE NYID SHES PAS GAL TE SKYE BA 'DIR MYA NGAN LAS 'DAS PA MA THOB KYANG SKYE BA PHYI MAR RKYAN DBEN PA BSTEN PA TZAM GYIS 'BAD PA MED PAR NGES PAR THOB PAR 'GYUR TE, GTI MUG GIS BYAS PA'I SKYES NAS MYONG 'GYUR GYIS LAS BZHIN NO, ,RNAM DPYOD DANG LDAN PA SU ZHIG DE KHO NA NYID RTOGS PA LA 'BAD PAR MI BYED DE, ,DPER NA AA SMRA'I 'BRAS BU SMIN PA ZOS NAS SA BON 'DZUGS PA DES DUS GZHAN DU YANG SHING THEG THOB PA BZHIN NO, ,RTZA BA SHES RAB LAS, RDZOGS SANGS RGYAS RNAMS MA BYUNG ZHING, ,NYON MONGS RNAMS KYANG ZAD PA NA, ,RANG SANGS RGYAS KYI YE SHES NI, ,BSTEN PA MED PAR RAB TU 'BYUNG, ,ZHES PA LTAR RO, ,GNYIS PA NI, GAL TE DE KHO NA NYID SHES PA DU MA YOD KYANG SRED PA LAS GROL BA DAG MI SNANG BA CI ZHE NA, LA LAR SNANG MOD KYI BSAM PA TZAM 'BRAS BU'I SGRUB BYED MIN GYI RGYU RKYEN TSOGS PA YIN LA, DE YANG SHIN TU RNYED PAR DKA'O, ,DES NA BSAMS BZHIN PA NA DE TZAM GYIS 'BRAS BU'I BYA BA NI THAR PAR MA ZAD KUN LA GRUB PA SHIN TU DKON PAS SANGS RGYAS KYI BSTAN PA 'DI NA'ANG MYANG 'DAS DON DU GNYER BA MED PA MIN GYI DE LTA NA YANG PHYI'I RKYEN DGE BA'I BSHES GNYEN DANG, NANG GI RKYEN TSUL BZHIN YID LA BYED PA SOGS RGYU RKYEN KUN SBYOR ZHING PHRAD PA RNYED DKA' BA DANG, DE'I PHYIR @066A *, ,GROL BA RNAMS RNYED PAR DKA' BA YIN NO, ,DPER NA GTUM ME LAGS 'DAG PA BZHIN TE 'GREL PA LTAR RO, ,BZHI PA NI, GAL TE DUS YUN RING PO THOG MA MED PA NAS ZHUGS PA'I NYON MONGS PA'I TSOGS 'DI LA ZAD PA YOD DO ZHES BYA BA JI LTAR NGES NUS ZHE NA, JI LTAR RANG GI LUS LA YUN RING PO LONGS SPYOD SNA TSOGS KYIS GSOS KYANG 'JIG PA'I CHOS CAN BYAS PA MI SHES SHING BSKYOD DKA' BA 'DI RTOG SHES PA'I MKHAS PA RNAMS KYIS YON TAN MED PAR THOS NAS LUS LA CHAGS PA'I 'DOD CHAGS YUN RING DU MI GNAS TE DE BZHIN DU RTEN 'BYUNG SPROS PA'I MTHA' DANG BRAL BA YUN RING DU SGOM PA'I LAM DE NYID KYIS NYON MONGS THAMS CAD KYANG ZAD PAR 'GYUR BA MA YIN NAM NGES PAR ZAD PAR NUS PAS THAR PA THOB PAR 'GYUR BA YIN NO, ,DPER NA CAN KAS GSER BSGYUR GYI RTZIS GSER CUNG ZAD GRUB PA NA, THABS 'DIS GSER MANG PO BSGRUB NUS SO SNYAM NAS CUNG ZAD DE DOR BA BZHIN DU, MKHAS PAS LUS LA YON TAN MED PA THOS NAS CHAGS PA DOR BAR BYA'O, ,GSUM PA NI, THOG MA MED PA'I DUS NAS ZHUGS PA'I SKYE BA'I RGYUN LA JI LTAR MTHA' YOD PAR 'GYUR ZHE NA, JI LTAR NAS LA SOGS PA'I SA BON MES TSIG PA SOGS LAS MTHA' MTHONG ZHING DE LA THOG MA YOD PA MIN PA LTAR DE BZHIN DU GNYEN PO'I STOBS KYIS GANG ZAG GI BDAG 'DZIN ZAD PAR SPANGS PAS SRID PAR SKYE BA'I RGYU NI MA CHAD PA'I PHYIR, LAS NYON GYIS YANG SRID PAR SKYE BA'ANG 'BYUNG BAR MI 'GYUR RO, ,DPER NA MAR ME RKYEN ZAD MI 'BYUNG @066B BA BZHIN NO, ,SLOB DPON SANGS RGYAS BSKYANGS KYIS, 'GRO BA STONG PAR GZIGS MOD KYI, ,'GRO BA'I SDUG BSNGAL BSAL BZHED PAS, ,YUN RING KHYOD NYON MONGS PA GANG, ,DE NI MCHOG TU RMAD BYUNG BA'O, ,ZHES GSUNGS PA LTAR, 'GRO BA RANG BZHIN MED PAR MTHONG YANG, SEMS CAN GYI DON LA SBYOR BA'I BYANG CHUB SEMS DPA'I SPYOD PA NI MCHOG TU RMAD DU BYUNG BAS RANG NYID KYANG DE'I RJES SU BSLAB PAR BYA'O, ,'DIR SMRAS PA, LAS KYIS LHA MI'I GO 'PHANG MCHOG THOB KYANG, ,BTZON RAR CHUD PA'I 'DU SHES BSKYED BYA STE, ,RTEN 'BYUNG MTHA' BRAL BSGOM PA GOMS PA YIS, ,RANG NYID THOG CHEN SNOD DU RUNG BAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD, LEGS PAR BSHAD PA'I SNYING PO ZHES BYA BA LAS SLOB MA YONGS SU SBYONG BA ZHES BYA BA STE RAB TU BYED PA BRGYAD PA'I 'GREL BA'O,, ` ,,GNYIS PA DON DAM PA'I BDEN PA LA BRTEN PA'I LAM GYI RIM PA BSHAD PA LA GNYIS, DON DAM PA'I BDEN PA RGYAS PAR BSHAD PA DANG, RAB TU BYED PA BRTZAMS PA'I DGOS PA DANG, KLAN KA LHAG MA SPANG BA'I SGO NAS DPON SLOB GTAN LA DBAB PA BSGOM PA BSTAN PA'O, ,DANG PO LA GSUM, RTAG DNGOS BKRAG PA'I SGO NAS BDEN GRUB SPYIR DGAG PA DANG, DNGOS PO BDEN GRUB SO SOR DGAG PA DANG, 'DUS BYAS KYI MTSAN NYID SKYE 'JIG GNAS GSUM RANG BZHIN GYIS GRUB PA DGAG PA'O, ,DANG PO LA GNYIS, LE'U'I GZHUNG BSHAD PA @067A *, ,DANG, LE'U'I MTSAN BSTAN PA'O, ,DANG PO LA GSUM, RTAG DNGOS SPYIR DGAG PA DANG, BYE BRAG TU DGAG PA DANG, BDEN GRUB BKAG PA MI 'THAD PA'I RTZOD PA'O, ,DANG PO LA GNYIS, DNGOS DANG, DE'I LAN DGAG PA'O, ,DANG PO NI, DE LTAR RAB TU BYED PA SNGA MA RNAMS KYIS DE KHO NA NYID RTOGS PA'I THABS KYI CHU'I GA-YO BAS, RGYUD BSHAL NAS DE KHO NA NYID KYI BDUD RTZI BSTAN PA'I SNOD RUNG DU BYAS NAS, 'DI MAN GYIS 'DUS BYAS SKYE BA DANG 'JIG PA DANG LDAN PA'I RANG BZHIN GYIS GRUB PA'I SNYING PO CUNG ZAD KYANG MED PA RGYAS PAR 'CHAD PA YIN NO, ,'JIG RTEN NA GLA BA RNGAN PA'I DON DU LAS LA 'BAD PA NI 'BRAS BU'I DON DU YIN GYI, KHO RANG GI RANG BZHIN MIN PAR GRAGS PA LTAR PHYI DANG NANG GI DNGOS PO THAMS CAD CHIG KYANG DU SKYE BA MED PAS CI RIGS PAR TSOGS PA KHO NA SKYE ZHING TSOGS PA DE YANG PHAN TSUN RGYU DANG 'BRAS BU'I DNGOS POR GNAS PAS 'BRAS BU'I DON DU SKYE BA YIN PAS DES NA RTAG PA STE RANG BZHIN GYIS SKYE BA DANG, BDEN PA DANG DPYAD BZOD KYI SNYING PO DANG DNGOS POR YOD PA MIN PA DE'I PHYIR, MI SLOB PA'I SKU GSUNG THUGS THUB PA DANG LDAN PAS NA THUB PA BCOM LDAN 'DAS NYAG CIG MA GTOGS MI RTAG PA DANG STONG PA NYID JI LTA BA'I DNGOS PO MA LUS PA MNGON SUM DU THUGS SU CHUD PA GZHAN MED PAS NA DE BZHIN GSHEGS PA GZHAN YOD PA MA YIN NO, ,YANG NA STON PAS GANG SKYE BA'I CHOS CAN NI GDON MI ZA BAR 'GAG PA'I CHOS CAN TE, SKYE BA'I RKYEN GYIS RGA SHI'O ZHES BSTAN PAS SKYE BA NI 'JIG PA'I DON @067B DU YIN PA'I PHYIR, NGO BO NYID KYIS GNAS PA MED DO, ,KHA CIG GIS RTAG PA DANG BDEN GRUB 'GOG PA NI, RANG RGYUD KYI GTAN TSIGS KYIS 'GOG PA NI MI 'THAD PA 'GREL PAR BSHAD DE, DE YANG CHOS CAN MYU GU LTA BU 'JAL BA'I MNGON SUM TSAD MA DE TSAD MAR SONG SA? LA, GRUB MTHAS BZHAG PA'I MTHUN SNANG MED PA YIN TE, THAL 'GYUR BA MA GTOGS MYU GU RANG GI MTSAN NYID KYIS GRUB PA LA TSAD MAR SONG BAR 'DOD LA, THAL 'GYUR BA NI DE MI SRID PAR 'DOD PAS YIN NO, ,GNYIS PA NI, BYE BRAG PA NA RE, 'BRAS BU'I DON DU SKYES PA RNAMS RTAG PA MIN YANG, DNGOS PO GANG DAG BSKYED BYA SKYED BYED KYI YAN LAG GNYIS KA MA CHING PA NAM MKHA' NAS YID KYI MTHAR THUG PA DANG, SKYED BYED YIN YANG BSKYED BYAR MED PAS RDUL PHRA RAB RNAMS RTAG PA BDEN PAR GRUB PA YIN NO ZHE NA, DNGOS PO GRANG ZHAG YUL GANG NA DUS NAM GYI TSE'ANG, LTOS PA LA MA BRTEN PAR NI DE DAG GI YOD PA NYID RNYED PA'I GO SKABS MED PA DES NA NAM YANG YUL GANG ZHIG TU'ANG DNGOS PO RTAG PA 'GA' YANG YOD PA MA YIN NO, , YOD PA JI SNYED CIG LTOS NA YOD PA KHO NA YIN PAS, RANG GI NGO BOS GRUB PA CUNG ZAD KYANG MED DO, ,GNYIS PA LA LNGA, GANG ZAG GI BDAG DGAG PA DANG, 'DUS MA BYAS GSUM RDZAS SU YOD PA DGAG PA DANG, DUS RTAG PA DGAG PA DANG, RDUL PHRAN RTAG PA DGAG PA DANG, THAR PA RDZAS SU GRUB PA DGAG PA'O, ,DANG PO LA GNYIS, DNGOS DANG, DE'I LAN DGAG PA'O, ,DANG PO NI, GAL TE BDE BA LA SOGS PA'I RTEN CING 'BREL PAR 'BYUNG BA NI YOD LA, BDAG NI DE DAG GI 'DU BA CAN GYI RGYU YIN PAS @068A *, ,YOD LA DE YANG RTAG PA YIN NO ZHE NA, GANG ZAG GI BDAG YOD PA MIN PAR THAL, RANG BSKYED PA'I RGYU DE MED PAR NA DNGOS PO MED LA RGYU DANG LDAN PA'I RTAG PA YOD PA MA YIN PA DES NA'I PHYIR, RGYU MED LAS GRUB PA'I DNGOS PO NI DE NYID MKHYEN PAS GRUB PA MIN PAR GSUNGS TE, RGYU BCAS RKYEN BCAS CHOS NI SHES 'GYUR TE, RGYU MED RKYEN MED CHOS NYID YOD MA YIN, ,ZHES GSUNGS SO, ,GNYIS PA NI, GAL TE BUM PA DANG BDE BA SOGS MI RTAG PA BYAS PAR MTHONG BAR GYUR NAS DON GYI GO BAS BDAG LA SOGS PA MA BYAS PA GAL TE RTAG PAR KHAS LEN NA NI BUM PA LA SOGS PA'I BYAS PA YOD PA NYID MTHONG NAS TE, MTHONG BA'I PHYIR, BDAG LA SOGS PA'I RTAG PA YOD PA NYID MIN PAR 'GYUR BAR THAL LO, ,DPER NA, NAM MKHA'I ME TOG BZHIN NO, ,GNYIS PA LA GNYIS, SPYIR DGAG PA DANG, NAM MKHA' RTAG KHYAB BYE BRAG TU DGAG PA'O, ,DANG PO NI, CHOS MNGON PA'I BSTAN BCOS LAS NAM MKHA' DANG SO SOR RTAGS 'GOG DANG, RTAGS MIN GYI 'GOG PA, RTAG RDZAS SU YOD PAR GSUNGS PAS BKAG NA KHAS BLANGS PAS GNOD DO ZHE NA, MIN TE, THOGS BCAS KYI GZUGS BKAG PA TZAM LA NAM MKHAR THA SNYAD BTAGS PA SOGS KYI DON MA RTOGS PAR 'DUS MA BYAS KYI NAM MKHA' LA SOGS PA DNGOS PO RNAMS RTAG GO ZHES MI MKHAS PA'I SO SO'I SKYE BO DAG GIS RTOG PAR BYED KYI DNGOS PO'I DE KHO NA NYID LA MKHAS PA RNAMS KYIS DE DAG LA DON DAM PAR GRUB PA LTA ZHOG 'JIG RTEN PAS KYANG STE THA SNYAD PA'I TSAD MA'I GZHAL BYA'I @068B DON TZAM DU YANG RTAG DNGOS MA MTHONG BA'I PHYIR RO, ,GZHAN DU 'GYUR BA MED PA TZAM LA RTAG PAR BTAGS PA YIN GYI, MDO LAS GSUNGS PA NI, SGRUB PA GTZO BOR STON PA NI MIN NO, ,GNYIS PA NI, NAM MKHA' NI RTAG PA YIN TE, PHYOGS THAMS CAD LA KHYAB PA'I PHYIR, GANG MI RTAG PA DE NI KHYAB PA MIN TE, DPER NA BUM PA BZHIN NO ZHE NA, KHYAB PA BKAG PA'I SGO NAS RTAG PA BKAG PA NI, NAM MKHA'I PHYOGS THAMS CAD LA KHYAB PA DANG CHA MED DU KHAS LEN PA 'GAL BAR THAL, THAR GYI BUM PA LA SBYOR BA'I NAM MKHA'I PHYOGS ZHES BYA BA PHYOGS CAN NAM MKHA' NI GAR KHYAB KYI DUS KYI BUM PA LA SOGS PA KUN LA GNAS PA MIN TE, DE LTA NA NUB KYI BUM PA SHAR NA GNAS PA DANG, SHAR GYI DUM PA NUB NA GNAS PA SOGS SU 'GYUR PA'I PHYIR RO, ,NYES PA DE SPANG BAR 'DOD NAS, SHAR LA KHYAB PA'I NAM MKHA'I CHA NUB LA MI GNAS PAR KHAS LEN NO DE'I PHYIR PHYOGS CAN NAM MKHA' LA PHYOGS TE CHA SHAS NI GZHAN YANG SHIN TU GSAL BAR YOD DGOS PAS RTAG KHYAB KYI DNGOS PO GSAL BAR KHAS BLANG BAR MI BYA'O, ,MDO LAS 'OD SRUNG RTAG CES BYA BA 'DI NI MTHA' GCIG GO ,MI RTAG CES BYA BA 'DI NI MTHA' GNYIS PA'O, ,ZHES SOGS GSUNGS SO, ,DON DAM PA'I BDEN PA RTAG DNGOS SU 'DOD PA NI CHOS 'DI LAS PHYI ROL TU GYUR PA'O, ,GSUM PA LA LNGA, DUS RTAG PA RGYUR KHAS BRANGS NA 'BRAS BU YANG KHAS LEN DGOS PA DANG, DE'I RGYU MTSAN DANG, GZHAN DU 'GYUR BA RTAG PAR 'GAL BA DANG, BDAG LAS SKYES PA RGYU LA LTOS PAR 'GAL @069A *, ,BA DANG, RTAG PA LAS SKYES PA MI RTAG PAR 'GAL BA'O, ,DANG PO NI, RIGS BYED GSANG BA'I MTHA' SMRA BA SOGS NA RE, DUS RTAG PA GANG ZHIG YOD NA MYU GU LA SOGS PA'I DNGOS PO LA DUS 'GA' ZHIG GI TSE 'JUG CING SKYE BA DMIGS PA DANG, RKYEN GZHAN YOD KYANG DGUN LA SOGS PA'I TSE LDOG PA'ANG DMIGS PAR 'GYUR BA LAS DUS YOD PAR RJES SU DPOG NUS LA, DE YANG RGYU LA MI LTOS PAS RTAG PA YIN NO ZHE NA, 'O NA MYU GU LA SOGS PA MI SKYE BA'I DUS MED PAR DUS RTAG TU SKYE BAR THAL, RGYU RTAG PA LAS SKYE BA'I PHYIR RO, ,GAL TE DE SKYE BA RKYEN GZHAN LA LTOS ZHE NA, DUS DON 'BRAS BUR YANG 'GYUR TE 'GYUR BAR THAL, MYU GU RES 'GA' SKYED PA RKYEN GZHAN GYI DBANG DU 'GYUR TE, DROD GSHER LA SOGS PA'I RKYEN LA LTOS PA DES NA'I PHYIR, DUS MED PAR KHAS LEN PA MA YIN TE, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NI, ,'BRAS BU NYID DU SMIN PAR 'GYUR, ,ZHES GSUNGS SO, ,GNYIS PA NI, DUS RGYUR SMRA BAS DUS RGYUR KHAS LEN NA, 'BRAS BUR YANG KHAS LEN DOGS TE, RANG GI BSKYED BYA'I 'BRAS BU MED PAR RGYU LA NI RGYU NYID DU 'JOG BYED YOD PA MA YIN TE RGYUR 'JOG PA RANG GI 'BRAS BU LA LTOS PA'I PHYIR, DE'I PHYIR NA RGYU RNAMS KUN 'BRAS BU NYID DU THAL PAR 'GYUR BAS 'BRAS BU MED PA'I RGYUR KHAS BLANG BAR MI BYA'O, ,GSUM PA NI, RGYUR KHAS LEN NA 'BRAS BU LA PHAN 'DOGS BYED DU KHAS LEN DGOS TE, SA BON LA SOGS PA'I RGYU NI SNGAR LAS NUS PA RNAM PAR 'GYUR BA MYU GU LA SOGS PA GZHAN GYI RGYU RU 'GYUR BA @069B STE DNGOS PO GANG LA, SKAD CIG SNGA PHYI MI 'DRA BAR RNAM PAR 'GYUR BA YOD PA DE NI RTAG CES BYA BAR YOD PA MIN PAS, DUS LA SOGS PA'I RTAG PA RNAM PA THAMS CAD DU RGYUR KHAS LEN PAR MI BYA'O, ,BZHI PA NI, CI STE DUS KYANG 'GYUR BAR KHAS MI LEN NA 'GYUR BA MED PA'I DUS RTAG PA MYU GU LA SOGS PA GANG GI RGYU YIN PA'I MYU GU'I DNGOS PO DE MA BYUNG BA'I RGYU LAS SKYE BAS RANG DBANG DU 'BYUNG BAR THAL LO, ,RANG NYID RANG DBANG DU 'BYUNG BAR 'GYUR BA DE LA SKYED BYED KYI RGYU NI LOG PAR 'GYUR BA STE, RGYU LA LTOS PA MI 'THAD PA'I PHYIR RO, ,LNGA PA NI, MYU GU LA SOGS PA'I DNGOS PO NI CHOS CAN, JI LTA BUR NA MI RTAG PAR 'GYUR MI 'GYUR BAR THAL, RTAG PA LA SKYES PA'I PHYIR, KHYAB PA YOD PAR THAL, DUS NAM YANG RGYU DANG 'BRAS BU GNYIS GCIG RTAG LA CIG SHOS MI RTAG PA'I MTSAN NYID MI MTHUN PA MTHONG BA MIN PA'I PHYIR RO, ,BZHI PA LA GSUM, RDUL PHRAN RTAG PA DGAG PA DANG, RDUL PHRAN CHA MED RNAL 'BYOR PA'I SHES PAS MTHONG BA MI 'THAD PA DANG, RDUL PHRAN RTAG PA YOD PAR SANGS RGYAS KYIS MA GSUNGS PA'I RGYU MTSAN NO, ,DANG PO LA GSUM, CHA BCAS RTAG DNGOS SU MI 'THAD PA DANG, RDUL PHRAN RIGS MTHUN PHRAD PAS LDAN PA RDZAS GZHAN SKYE BA MI 'THAD PA DANG, YAN LAG CAN MA BRTZAMS PA'I SNGAR RDUL PHRAN LA CHA SHAS MED PA DGAG PA'O, ,DANG PO NI, BYE BRAG PA NA RE, 'BYUNG BZHI'I RDUL PHRAN RTAG PA SNGON GYI LAS KYIS BSKUL NAS YAN LAG CAN GYI RDZAS RTZOM ZHING SNOD KYI 'JIG RTEN SOGS SKYED PAR BYED DO ZHE NA, MI RIGS TE RDUL PHRAN PHRAD NAS YAN LAG CAN RTZOM NA @070A *, ,BDAG NYID THAMS CAD KYI PHRAD NA BONG TSOD RGYAS PA MI SRID LA CHA 'GA' ZHIG PHRAD NA PHRAD PA'I CHA DE RGYUR 'GYUR LA, MA PHRAD PA'I CHA RGYUR MI 'GYUR BAS RDUL PHRA RAB CHA BCAS SU THAL, RDUL PHRAN GANG GI PHYOGS 'GA' YAN LAG CAN GYI RGYU YIN ZHING PHYOGS 'GA' RGYU MA YIN PA'I PHYIR, DES NA RDUL PHRAN DE NI CHA SNA TSOGS PA CAN DU 'GYUR NA KO 'GYUR NA NI DNGOS PO RTOG PAR MI RIGS SO MI RIGS PAR THAL, CHA SNA TSOGS PA CAN YIN PA'I PHYIR, GNYIS PA LA GNYIS, DNGOS DANG, RDUL PHRAN BDAG NYID THAMS CAD KYIS MI SBYOR BA LA KHAS BLANGS 'GAL BA'O, ,DANG PO NI, RDUL PHRAN CHA MED YIN PAS BDAG NYID THAMS CAD KYIS SBYOR YANG, RDUL PHRAN PHRAD PA'I LDAN PA DON GZHAN SKYE LA DES YAN LAG CAN BSKYED ZHE NA, YAN LAG CAN RNAMS BRTZAMS PA'I TSE BDAG NYID KUN PHRAD CING SBYOR BA RDUL PHRAN RNAMS LA MI 'THAD DO STE MI 'THAD PAR THAL, BDAG NYID THAMS CAD KYIS PHRAD NA YAN LAG CAN DANG PO DANG GNYIS PA SOGS BONGS? TSOD GONG NAS GONG DU RGYAS PAR MI 'GYUR BA GANG ZHIG ,YID LA CHA SHAD KYIS STONG PA'I ZLUM PO SNANG BA'I MTSAN NYID CAN GYI RGYU'I ZLUM PO GANG YIN PA DE NI 'BRAS BU'I RDZAS YAN LAG CAN LA YOD PA MIN PA DES NA'I PHYIR, GNYIS PA NI, BDAG NYID THAMS CAD KYI THAMS CAD DU MI SBYOR BA DE'I TSE RDUL PHRAN GCIG GI GNAS GANG YIN PA'I GO SA DER NI RDUL GZHAN GYI YANG MI 'DOD PA DE'I PHYIR, RGYU RDUL PHRAN DANG 'BRAS BU YAN LAG CAN GNYIS BONG TSOD MNYAM YANG 'DOD PA MA YIN PAS YAN LAG CAN DBANG @070B PO'I YUL LAS 'DAS PAR THAL BA'I SKYON MED KYANG, RDUL PHRAN CHA BA BCAS LAS MA 'DAS PAS RTAG DNGOS SU MI 'THAD PAR THAL BA SON GNAS SO, ,GSUM PA LA GNYIS, DNGOS DANG, RDUL PHRAN CHA? MED LA YUL BGROD PA'I 'GRO BA MI 'THAD PAS YAN LAG CAN RTZOM PA 'GAL BA'O, ,DANG PO NI, 'BRAS BU'I RDZAS RTZOM PA'I DUS NA CHA BCAS KYI NYES PA 'DIR 'GYUR GYI, DE'I SNGA ROL NA RDUL PHRA RAB RNAMS KYI CHA SHAS MED DO ZHE NA, MI RIGS TE, RDUL PHRAN DE'I PHYOGS MI SRID NA DE'I PHYOGS BZHIN RDUL MI GNAS PAR 'GYUR LA, SHAR LA SOGS PA'I PHYOGS YOD NA CHA NGES PAR YOD DGOS TE, RDUL GANG LA SHAR GYI PHYOGS YOD PA DE LA PHYOGS CAN SHAR GYI CHA YANG DOD DGOS LA, RGYU MTSAN DES NA RGOL BA GANG GI YAN LAG CAN RTZOM PA'I SNGA ROL GYI RDUL LA PHYOGS YOD NA DES RDUL CHA MED KYI RDUL PHRAN MIN PAR SNYAD DE, PHYOGS BCU MTHA' YAS PA'I DBUS NA GNAS PAR KHAS BLANGS PA'I PHYIR RO, ,GNYIS PA NI, RDUL PHRAN DE NI YUL GO SA BGROD PA'I 'GRO BA PAR YANG MI 'GYUR BAR THAL, YUL BGROD PA'I 'GRO BA PO YIN NA MDUN GYIS MDUN PHYOGS LEN CID RGYAB KYIS NI RGYAB PHYOGS GTONG PAR 'GYUR NA, GTONG LEN DE DAG GNYIS CHA MED KYI RDUL GANG LA YOD PA MA YIN PA'I PHYIR, 'DOD NA RDUL PHRAN CHA MED PA YAN LAG CAN GYI RDZAS RTZOM PA 'GAL BAR THAL LO, ,DES NA RDUL PHRAN BDEN GRUB RNAM PA THAMS CAD DU KHAS BLANG PAR MI BYA'O, ,GNYIS PA LA GNYIS, DNGOS DANG, RAGS PA YOD PAS RDUL PHRAN RTAG PA YOD PAR 'DOD PA DGAG PA'O, ,DANG PO NI, RDUL PHRAN RTAG PA RNAL 'BYOR PA RNAMS @071A *, ,KYIS LHA'I MIG GIS MTHONG BAS YOD DO ZHE NA, RDUL PHRAN RTAG PA DE NI RNAL 'BYOR PA GANG GIS MTHONG MTHONG BA MI 'THAD PAR THAL LO, ,RDUL GANG LA DANG PO BDUN GYI CHA YOD PA MIN ZHING, GANG ZHIG LA DKYIL YOD PA MIN LA GANG LA THA MA RGYAB KYI CHA YAD PA MIN PA'I GZUGS CAN DE NI SHES PA GANG LA'ANG MNGON DU MED PA'I PHYIR RO, ,GNYIS PA NI, RDUL PHRAN MED NA RAGS PA RGYU MED PAR 'GYUR BAS YOD LA DE YANG RTAG PA ZHIG STE, DNGOS PO YIN LA RGYU DANG MI LDAN PA'I PHYIR RO, ,ZHE NA, RGYU RDUL PHRAN NI RTAG PA MIN PAR THAL, MYU GU SKYES PA NA SA BON RNAMS 'GYUR ZHING 'JIG PA BZHIN DU 'BRAS BU YAN LAG CAN SKYES PA YIS NI RGYU RDUL PHRAN BSHIG PA DES NA'I PHYIR, MA GRUB STE, RGYU'I RANG BZHIN MI GTONG ZHING 'BRAS BU DON GZHAN BSKYED DO ZHE NA, YANG NA YUL GANG NA RGYU RDUL PHRAN YOD PA DES NA 'BRAS BU YAN LAG CAN YOD PA MA YIN PAS YUL SO SOR GNAS PA'I BUM SNAM BZHIN DU DUS MNYAM DU YUL SO SOR GNAS PAS RGYU 'BRAS MIN PAR THAL LO, ,GSUM PA NI, RGYU MTSAN 'DIS KYANG RDUL PHRAN RTAG PA MIN TE, RDUL LA RDUL GZHAN RNAMS BDAG NYID THAMS CAD KYIS 'JUG PA MED PA'I THOGS BCAS YIN LA, THOGS BCAS RTAG PAR MI RIGS SO, ,DUS NAM YANG SANGS RGYAS RNAMS RDUL PHRAN RTAG PA NYID YOD PAR MI GSUNG BA'I RGYU MTSAN YOD DE THOGS LDAN GYI DNGOS PO RTAG PA NI GANG DU SNANG BA MA YIN TE MA GZIGS PA DES NA'I PHYIR RO, ,SEMS TZAM PA GANG DAG DON DAM DPYOD BYED KYI RIGS PA BCU GNAS RDUL PHRAN @071B 'GOG PAR BYED CING, RNAM SHES BDEN GRUB KHAS LEN PA NI RIGS PA RNAM PA THAMS CAD DU MTSUNGS PAS DON DANG SHES PA GNYIS KA 'JIG RTEN NA JI LTAR GRAGS PA BZHIN KHAS BLANG PAR BYA'O, ,LNGA PA LA GNYIS, RANG SDE'I THAR PA RDZAS GRUB DGAG PA DANG; GZHAN SDE'I BDAG GI RANG BZHIN GYI THAR PA DGAG PA'O, ,DANG PO LA GNYIS, 'GOG PA RDZAS GRUB MI 'THAD PA DANG, MYA NGAN LAS 'DAS PA'I DBYINGS SU SDUG BSNGAL MA LUS PAR SPANGS PAR BSHAD PA DANG 'GAL BA'O, ,DANG PO NI, RANG GI SDE PA 'DUS MA BYAS MING TZAM DU MA RTOGS PA DAG NA RE, SANGS RGYAS RNAMS RDUL PHRAN RTAG PA MI GSUNG BA BDEN MOD KYI, CHOS 'DUS MA BYAS PA RNAMS NI RTAG GO ZHES GSUNGS PAS LAM BDEN GYIS THOB PAR BYAS PA'I 'GOG PAR RDZAS GRUB CHU LEN LTA BU NI YOD DE, DE MED NA, 'PHAGS PA'I BDEN PA GSUM PA ZHES GSUNGS PA YANG MI RIGS PAR 'GYUR RO ZHE NA, 'KHOR BAR 'CHING BYED KUN 'BYUNG BDEN PA DANG, BCINGS PA SDUG BSNGAL BDEN PA DANG, SDUG KUN LAS THAR PAR BYED PA'I THABS LAM BDEN LAS GZHAN THAR PA DNGOS POR GYUR PA GAL TE YOD NA NI DES PHAN PA'I 'BRAS BU 'GA' ZHIG BYED DGOS NA DE LAS 'BRAS BU CI YANG MI SKYE STE PHAN PA CUNG ZAD KYANG 'BYUNG BA MED PA DES NA 'GOG PA RDZAS GRUB DE THAR PA ZHES MI BRJOD CING BRJOD PAR MI RIGS SO, ,STON PAS DGE SLONG DAG ,LNGA PO 'DI NI MING TZAM STE, 'DAS PA'I DUS DANG, MA 'ONGS PA'I DUS DANG, NAM MKHA' DANG, MYA NGAN LAS 'DAS PA DANG, GANG ZAG GO ZHES GSUNGS PA DANG 'GAL BAS, THAR PA BRDA TZAM BTAGS PA TZAM @072A *, ,ZHIG KHAS BLANG BAR BYA'I RDZAS GRUB KHAS BLANG BAR MI BYA'O, ,GNYIS PA NI, BCOM LDAN 'DAS KYIS GANG SDUG BSNGAL 'DI MA LUS PAR SPANGS PA BSAL BA ZAD PA ZHES PA NAS, PHUNG PO KUN SPANGS PA SRED PA ZAD PA 'DOD CHAGS DANG BRAL BA 'GOG PA MYA NGAN LAS 'DAS PA'O ZHES GSUNGS PA'I LUNG 'DI LAS NA RNAM PA THAMS CAD DU MYA NGAN LAS 'DAS PA'I DBYINGS LA PHUNG PO RNAMS YOD PA MIN ZHING, DE LA BRTAN NAS BTAGS PA'I GANG ZAG KYANG SRID PA MIN TE, DNGOS PO BDEN PAR SMRA BA LTAR NA, RTEN DANG BRTEN PA GANG DU YANG MA GRUB PA'I PHYIR RO, ,RTEN BDEN PAR GRUB PA GANG DU NYON MONGS DANG SKYE BA ZAD PAS MYA NGAN LAS 'DAS PAR GYUR PA PHUNG PO DANG GANG ZAG GANG YANG MA MTHONG BA DER BRTEN PA MYANG 'DAS BDEN GRUB GANG ZHIG YOD CUNG ZAD KYANG MED PAS THAR PA YANG BTAGS TZAM ZHIG TU KHAS BLANG BAR BYA'O, ,GNYIS PA LA GSUM, GRANGS CAN GYIS BTAGS PA'I SHES RIG GIS BSDUS PA'I THAR PA RTAG PA DGAG PA DANG, SHES PA YOD PA'I NUS PAS BSDUS PA'I THAR PA RTAG PA DGAG PA DANG, BDAG 'DZIN ZAD PAR SPANGS PA THAR PAR RIGS PA'O, ,DANG PO NI, GRANGS CAN PA NA RE, KHO BO CAG LTAR NA MYA NGAN LAS 'DAS PA NI, RTEN MOD PAS THANG BA MED PA'I NYES PA MED DE, RNAL 'BYOR PAS GTZO BO DANG, SKYES BU THA DAD DU SHES PA LAS CHEN PO LA SOGS PA 'KHOR BAR 'JUG PA'I RIM PA LOG NAS RNAM 'GYUR THAMS CAD GTZO BO'I BAG LA ZHA BA'I TSE SHES RIG GI SKYES BU NYAG GCIG GNAS PAS GROL @072B BA'I BDAG YOD CE NA, YUL LA SRED PA DANG BRAL BA LA THAR PA'I TSE, SHES RIG GI SKYES BU YOD PAR KHAS BLANGS PA MI RIGS PAR THAL, BLOS ZHEN PA'I DON LA SKYES BU SHES PAR BYED CING, SHES PA YOD PA NYID KYANG SKYES BU'I NGO BOR 'GYUR MED KYI RTAG PAR KHAS BLANGS PA'I PHYIR, GROL BA'I GNAS SKABS NA SHES PA YOD PAS KHAS BLANGS LA YON TAN CI ZHIG YOD CUNG ZAD KYANG MED PAR THAL, SHES RIG GI SKYES BU YUL LA LONGS SPYOD BYED DU KHAS BLANGS PA GANG ZHIG ,LONGS SPYOD BYA RNAMS 'GYUR RNAMS PHAG LA ZHA NAS MED PA'I PHYIR, CI STE THAR PA'I TSE SKYES BU SHES PA YOD PA MIN PAR GNAS SO ZHE NA, SHES PA MED PA'I GROL BA'I SKYES BU YOD PAR KHAS BLANGS PA YANG GSAL BAR YOD PA MIN PA DANG MTSUNGS PAR THAL, ME DANG TSA BA LTAR SKYES BU DANG SHES PA KHYAB MNYAM PA'I RANG BZHIN GCIG TU KHAS BLANGS PA'I PHYIR, GNYIS PA NI, GAL TE GROL BA'I GNAS SKABS NA SHES PA DNGOS MED KYANG, YUL SHES PA'I NUS PA YOD PAS BDAG YOD DO ZHE NA, DE YANG MI RIGS PAR THAL, THAR PAR RTEN PA DAG CIG YOD NA NI SHES PA YOD PA'I SA BON NUS PA SRID PA NA YANG DE'I TSE SHES PA MED PA'I PHYIR, GAL TE GROL BA'I BDAG MED NA THAR PA MED PAS 'KHOR BA MI 'JIG PAR 'GYUR BA'I PHYIR, MI 'DOD PA DU MA ZHIG TU 'GYUR RO ZHE NA, SHES PA YOD PA'I 'JUG PA DANG DE'I NUS PA BDEN PAR YOD PA'I RGYU MTSAN GYIS SRID PA LA SKYES BU RNAMS 'JUG GAM MI 'JUG SNYAM PA'I BSAM PA'ANG, 'THAD PAR YOD PA MIN TE MIN PAR THAL, RTEN BDAG YOD NA DE 'THAD @073A *, ,NA YANG GROL BA'I BDAG DE MED NA NI STE MED PA'I PHYIR RO, ,GSUM PA NI, NYON MONGS ZAD PAR SPANGS PA'I SGO NAS NYER LEN GYI PHUNG PO MA LUS PA ZAD PAR SPANGS PAS SDUG BSNGAL LAS THAR PA'I MI RNAMS LA MYA NGAN LAS 'DAS PA'I GNAS SKABS NA GZHAN LAS TE, PHUNG PO LA MA BRTEN PAR RGYU MED PA'I BDAG RTAG PA YOD PA MIN PAR DES PHA DE'I PHYIR, RNAM GROL DON GNYER GYI SKYES BU DAG RNAM PA KUN TU'ANG BDAG 'DZIN RNAM PA THAMS CAD DU ZAD PA SPANGS LEGS ZHES BYA BAR BRJOD PAR BYA'I DGOS PA MED PA'I GROL BA'I BDAG KHAS BLANG BAR MI BYA'O, ,GSUM PA NI, GAL TE GROL BA'I GNAS SKABS NA GROL BA'I BDAG MED CING, DON MED PA'I MING CAN MYA NGAN LAS 'DAS PA YANG 'DU BYED RNAMS SLAR MI 'BYUNG BAS BDAG 'DZIN ZAD BTZAM DU SMRA BA NA, DE 'DRA BA'I DON NAM DON DU GNYER BAS CI ZHIG BYA, BDAG NYID LAGS SU 'DOD PAS 'JIG RTEN PA MIG LA SOGS PA DANG, MYU GU LA SOGS 'DI NYID KHAS LEN PA SLA'I DON DAM RNAM PA KUN TU KHAS BLANG BAR BYA BA MA YIN TE, 'JIG RTEN PA LA KHAS BLANG PAR BYA BA DGE MI DGE'I LAS DANG KHYIM DANG NAGS LA SOGS PA CUNG ZAD YOD LA DAM PA'I DON LA KHAS BLANG BAR BYA BA'I DON CUNG ZAD KYANG YOD PA MA YIN PA'I PHYIR CAS ZER TO, ,TSIGS SU BCAD PA 'DI LE'U 'OG MAS BDAG RGYAS PAR 'GOG PA'I 'BREL GYI DBANG DU BYAS NAS 'GREL PAR RTZOD PA'I GZHUNG DU MDZAD PAS, RANG GZHUNG DU KHAS BLANG BAR MI BYA'O, ,'DIR SMRAS PA, PHYI DANG NANG GI RTEN 'BYUNG CHOS RNAMS NI, ,LTOS NAS YOD @073B PA DAG LA RNYED PA STE, ,RANG GI NGO BOS STONG PAR SHES BYAS NAS, ,MTHA' BRAL DBU MA'I DON LA MKHAS PAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS DNGOS PO RTAG PA DGAG PA BSGOM PA BSTAN PA STE RAB TU BYED PA DGU PA'I 'GREL PA'O,, ` ,,GNYIS PA DNGOS PO BDEN GRUB SO SOR DGAG PA LA LNGA, BDAG DGAG PA DANG, DUS BDEN GRUB DGAG PA DANG, BLTA BYA BDEN GRUB DGAG PA DANG, DBANG PO DANG DON BDEN GRUB DGAG PA DANG, MTHAR 'DZIN DGAG PA'O, ,DANG PO LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GSUM, BDAG SO SOR DGAG PA DANG, SPYIR DGAG PA DANG, BDAG MED LA CHAD PA'I NYES PA SPANG BA'O, ,DANG PO LA BZHI, BYE BRAG PA'I BDAG DGAG PA DANG, GRANGS CAN GYI BTAGS PA'I BDAG DGAG PA DANG, RIGS PA CAN PAS BTAGS PA'I BDAG DGAG PA DANG, BDAG GI YON TAN SOGS DGAG PA GZHAN BSTAN PA'O, ,DANG PO LA GNYIS, BDAG GI NGO BO DGAG PA DANG, SGRUB BYED DGAG PA'O, ,DANG PO LA GSUM, DNGOS DANG, DE'I LAN DGAG PA DANG, GZHAN GYI BDAG LA DMIGS NAS KYANG NGA'O SNYAM PA'I BLO SKYE RIGS PAR THAL PA'O, ,DANG PO NI, GAL TE BDAG CES BYA BA 'GA' ZHIG RANG GI NGO BOS YOD NA, MYA NGAN LAS 'DAS PA'I DUS NA DE MA MTHONG BAS CHAD PAS 'JIG PA'I PHYIR, 'JIG RTEN PA 'DI NYID SLA'I ZHES SOGS SU 'GYUR BA ZHIG NA BDAG RANG GI @074A *, ,NGO BOS YOD PA MA YIN TE, DE YOD NA SKYES PA'AM BUD MED DAM MA NING ZHIG TU 'GYUR NA DE MI RIGS PA'I PHYIR RO, ,MU STEGS CAN RNAMS BDAG GNYIS KHAS LEN TE, NANG GI BDAG DANG PHYI'I BDAG GO ,DANG PO NI, LUS KYI KHONG NA GNAS SHING DBANG PO'I TSOGS YUL LA 'JUG PAR BYED PA NANG GO BYED PA'I SKYES BU DAR 'DZIN GYI YUL DU GYUR PA'O, ,GNYIS PA NI, LUS DANG DBANG PO 'DUS PA'I NGO BO CAN NANG GI BDAG LA PHAN 'DOGS PA'O ZHES ZER TO, ,NANG GI BDAG PO BO NYID KYIS YOD PA MIN PAR THAL, DE LTAR NA BUD MED KYANG SKYE BA GZHAN DU'ANG BUD MED KHO NAR 'GYUR NA 'TSOL BAR DMIGS PA'I PHYIR DANG BUD MED LA SOGS PA BDAG GI YON TAN DU'ANG MED PA'I PHYIR RO, ,DES NA NANG BYED PA'I SKYES BU NGO BO NYID KYIS YOD PA MIN PAR THAL, GANG GI TSE NANG GI BDAG BUD MED MIN ZHING SKYES PA YANG MIN LA MA NING YANG MIN PA DE'I TSE MI SHES PA GTI MUG 'BA' ZHIG LAS KHYOD BDAG PO'O SNYAM DU RLOM ZHING THAG KHRA LA SBRUL 'DZIN LTAR SGRO 'DOGS PA'O, ,MDO LAS, DOGS PA'I 'DU SHES KYIS NI DUG LANGS PA, DUG DE'I KHONG DU SONG PA MED KYANG RGYAL PAR 'GYUR, ZHES GSUNGS PA LTAR RO, ,GNYIS PA NI, SKYES PA DANG BUD MED SOGS NI, PHYI'I BDAG GI RTAGS YIN LA DE DANG 'BREL BA LAS NANG GI BDAG SKYES PA SOGS PHYI'I 'BYUNG BA CHEN PO BZHI SKYES PA SOGS KYANG BDAG TU 'THAD PAR THAL, DE LTAR NA DNGOS PO BDEN PAR GRUB PA LA SKYES PA SOGS SU 'GYUR MI 'GYUR GYI KHYAD PAR MED PAS 'BYUNG BA THAMS CAD SKYES BUR 'GYUR NA GANG GI TSE 'BYUNG BA THAMS CAD LA PHO MO MA @074B NING YOD PA MIN PA DE'I TSE CI STE PHYI'I BDAG 'BYUNG BA DE DAG NYID LA BRTEN NAS NANG GI BDAG PHO MO MA NING YIN PA MI RIGS TE, DE LTAR NA NUR NUR PO LA SOGS PA'I SKABS NA YANG SKYES PA SOGS DMIGS PAR THAL LO, ,KHYOD LA YANG NYES PAR THAL BAR 'GYUR RO ZHE NA, KHO BO CHAG 'BYUNG BA RANG BZHIN MED PA LA BRTEN NAS 'DOGS PAS NYES PA MED DO, ,GSUM PA NI, GANG ZAG GI BDAG RANG GI NGO BO NYID KYIS MA GRUB PAR THAL, DE GRUB NA LHA SBYIN GYI BDAG LA MCHOD SBYIN GYIS DMIGS PA'I TSE NA YANG DE LA NGA'O SNYAM PA'I BLO SKYE DGOS PA LAS DE MED PA'I PHYIR, KHYOD KYI BDAG GANG YIN PA DE NGA'I BDAG MA YIN PA DES NA KHYOD KYI NGAR 'DZIN GYI YUL NGA RANG GI NGO BOS BDAG MA YIN PAR THAL, KHO BO CAG GI NGAR 'DZIN GYI YUL DANG BDAG TU CHAGS PA'I YUL DU MA NGES PA'I PHYIR, SNGON PO LA THUN MONG DU SNGON PO'I BLO SKYE BA BZHIN NO, ,DES NA DNGOS PO MI RTAG PA GZUGS LA SOGS PA'I MING CAN RANG BZHIN MED PA RNAMS LA NGA'O SNYAM PA'I RTOG PA SKYE BAR 'GYUR BA MA YIN NAM BRTEN NAS BTAGS PA KHO NA'O, , GNYIS PA LA GSUM, BDAG RTAG PA 'KHOR BAR 'JUG LDOG GI RGYU YIN PA DGAG PA DANG, LUS SKUL BYED YIN PA DGAG PA DANG, BDAG RTAG PA'I SGRUB BYED DGAG PA'O, ,DANG PO NI, BDAG RTAG PA YOD DE, 'KHOR BAR 'JUG PA PO DANG LDOG PA PO YAN PA'I PHYIR BDAG MED NA SU ZHIG LAS BSAGS NAS 'KHOR BA DANG 'KHOR BA LAS THAR PAR 'GYUR, DES NA BDAG YOD DO ZHE NA, KHYOD KYIS SKYES BU DE LA LUS LAS RDZAS GZHAN NYID DANG RTAG PA NYID MI RIGS SO STE MI RIGS PAR THAL, LHA DANG MI LA SOGS @075A *, ,PA'I SKYE BA DANG SKYE BAR SKYES BU NI LUS GZHAN DU 'GYUR BA BZHIN RNAM PAR 'GYUR BAR 'GYUR BA'I PHYIR, GNYIS PA LA GNYIS, DNGOS DANG, BDAG RTAG PA LA GNOD PA BSTAN PA'O, ,DANG PO NI, GAL TE BDAG MED NA LUS SKUL BYED MED PAS LUS KYI GA-YO BAR BRKYANGS BSKUMS SOGS SU MI 'GYUR NA, SHING RTA SKUL BYED LHA SBYIN LTAR LUS SKUL BYED NANG GI BYED PA'I SKYES BU YOD DO ZHE NA, MI RIGS TE LUS KYI GA-YO BA LA KHYOD KYI SROG NI SKUL BAR BYED PA POR MI 'GYUR BAR THAL, BDAG REG BYA DANG MI LDAN PA'I PHYIR, KHYAB PAR THAL, SHING RTA NI REG PA DANG LDAN PA KHA NAS SKUL BAR BYED KYI MI LDAN PAS MIN PA LTAR REG PA DANG MI LDAN PA'I DNGOS PO LAS GZUGS CAN GNAS GZHAN DU DNGOS SU BSKUL BAR ZHES BYA BA MI SKYE STE MI SKYE BA DA'I PHYIR, BYE BRAG PAS BDAG GZUGS CAN DU KHAS BLANGS KYANG PHYI'I REG BYA SOGS SU KHAS MA BLANGS PAS SO, ,GNYIS PA NI, GAL TE BDAG RTAG PA YIN NA BDAG NGAN 'GRO LA SOGS PA'I GNOD PA BSRUNG BA'I DON DU MI 'TSE BA DANG CHOS SU BSTAN PA DANG, BDAG RTAG PA 'DI LA MI 'GAL BA'I RGYU NI CI YOD SNYAM PA 'GAL BAR THAL, RTAG DNGOS LA SUS KYANG GNOD MI NUS PA'I PHYIR, DPER NA GNOD PA'I DOGS MED PA'I RDZAS KYI RDO RJE NI RNAM PA KUN TU'ANG SHING GI SRIN BU LAS BSRUNG BYAR MI 'GYUR RO BSRUNG MI DGOS PA BZHIN NO, ,GSUM PA LA GSUM, SKYE BA DRAN PA MTHONG BAS BDAG RTAG PA'I SGRUB BYED MI RUNG BA DANG, SEMS MED BEM POS SKYE BA DRAN PA MI 'THAD PA DANG, BLO LA @075B SOGS PA'I YON TAN DANG LDAN PAS SKYE BA DRAN NA MI RTAG PAR THAL BA'O, ,DANG PO NI, BDAG NI RTAG PA YIN TE, SKYE BA DRAN PA YOD PA'I PHYIR, 'DU BYED SKYES MA THAG TU 'JIG PA'I NGANG CAN LA TSE RABS GZHAN DRAN PA MI RIGS SO ZHE NA, KHO BO SKYE BA SNGA MA LA MIR GYUR TO SNYAM PA LA SOGS PA'I SKYE BA DRAN PA YOD PA'I PHYIR, GAL TE KHYOD KYI BDAG RTAG GO SNYAM DU SEMS NA SKYE BA SNGA MA LA LUS LA RMA SROL GTONG BA'I SMAN PA MTHONG NAS SNGON BYAS PA'I RMA DANG 'DRA BA'I SMAN PA MTHONG BAS SKYE BA SNGA MA LA RMA BYAS PA'I SMAN PA 'DI YIN NO ZHES MTHONG BA'I PHYIR, KHYOD KYI LUS KHO CIS MI RTAG RTAG PAR THAL LO, ,KHO BO CHAG LTAR NA, NGA'O SNYAM PA'I YUL NGA? DE SKYE BA SNGA MA DANG TSE 'DI'I NGA GNYI GA LA RJES SU 'GRO ZHING, BRTEN NAS BTAGS PA TZAM DU ZAD PAS SKYE BA DRAN PA 'THAD DO, ,DPER NA ZHO'I SNOD KHANG PA'I NANG NA GNAS PA LA RTZVA THOG CHES MANG POS GA-YOGS PA'I STENG NA GNAS PA'I PHUG RON SKYE BO'I RKANG RJES DER DMIGS MOD KYI, RKANG PA DER ZHUGS PA MIN PA SOGS DE BZHIN DU RTEN 'BYUNG RANG BZHIN MED PA LA BYA BYED THAMS CAD 'THAD PA YIN NO, ,GNYIS PA NI, BDAG GIS SKYE BA DRAN PA MI 'THAD PAR THAL, SEMS MED BEM POR KHAS BLANGS PA'I PHYIR, CI STE SEMS DPA' DANG LDAN PAS, SKYE BA DRAN PAR KHAS LEN PA YANG MI RIGS TE, SNGAR DRAN MED YIN PA LA PHYIS DRAN PA DANG LDAN PAS RANG GI NGO BO BTANG BAR 'GYUR BA'I PHYIR RO, ,'DI LTAR BDAG BEM PO YIN YANG SEMS PA CAN DANG LDAN PAS BDAG NYID KYANG GAL TE SKYE BA SNGA MA SOGS SHES PA PO NYID YIN NA RGYU MTSAN DE YIS YON @076A *, ,TAN SEMS PA CAN YANG BEM POS BSDUS PA'I BDAG DANG LDAN PA'I PHYIR, SEMS PA CAN MIN ZHING BEM POR THAL LO, ,SKYES BU'ANG RTAG PAR MI 'GYUR PAR THAL, SNGAR MI DRAN PA PHYIS GSAR DU SKYE BA DRAN PA'I PHYIR, GSUM PA NI, BLO LA SOGS PA'I YON TAN DANG LDAN PAS SEMS PA CAN DU 'GYUR NA, BDE BA DANG SDUG BSNGAL LA SOGS PA'I YON TAN DANG LDAN PAS SROG STE BDAG BDE SOGS BZHIN DU SIM PAR MYONG BA DANG, GDUNG BAR MYONG BA LA SOGS PA'I GNAS SKABS SNA TSOGS MTHONG DGOS PAS DE'I PHYIR BDE BA LA SOGS PA BZHIN DU BDAG DE RTAG PA NYID DU'ANG MI RUNG NGO, ,GNYIS PA LA GSUM, SHES RIG GI SKYES BU RTAG PAR KHAS BLANGS PA MI 'THAD PA DANG, SHES PA YOD PA'I RDZAS SKYES BU MA ZHIG BAR DU MI 'JIG PAR THAL BA DANG, SKYES BU SNGAR SHES PA YOD PA GSAL BA LAS SHES PA YOD PA'I NUS PA NGO BOR KHAS LEN PA MI 'THAD PA'O, ,DANG PO NI, GRANGS CAN PA NA RE, BDAG BEM POR KHAS LEN PA LA NYAS PA 'DIR 'GYUR GYI, KHO BO CAG LTAR NA SKYES BU SHES PA YOD PA'I RANG BZHIN YIN PAS MI 'DOD PA CI YANG MED DO ZHE NA, GRANGS CAN GYIS SHES BYA NYAR LNGAR NGES LA, NYER BZHI BEM PO DANG, NYER LNGA PA RIG PA DANG, SKYES BU DANG BDAG TU 'DOD CING BLOS ZHEN PAR BYAS PA'I DON LA, SKYES BUS LONGS SPYOD PAR 'DOD DE GZHAN DU RGYAS PAR BSHAD ZIN TO, ,GAL TE YUL LA LONGS SPYOD BYED KYI SKYES BU SHES PA YOD BRTAG PAR KHAS LEN NA YUL LA LONGS SPYOD PA'I BYED PA MIG LA SOGS PA LOG PAR 'GYUR @076B PA STE DON MED PAR THAL, SKYES BU YUL LA LONGS SPYOD BYED RTAG PA'I DNGOS POR YOD PA'I PHYIR, GAL TE MI 'BYUNG BA'I CHED DU BUD SHING DGOS PA YIN NA ME NI RTAG PAR 'GYUR NA BUD SHING GIS DON YOD PAR MI 'GYUR BA BZHIN NO, ,GNYIS PA NI, GAL TE SKYES BU NI SHES PA YOD PA'I NUS PA'I NGO BO YUL LA LONGS SPYOD PA PO YIN LA, SHES PA YOD PA NI YUL LA LONGS SPYOD PA'I BYA BA YIN LA, DE MIG LA SOGS PA'I BYED PA LA LTOS PAS NYES PA MED DO ZHE NA, SHING LA SOGS PA RLUNG LA SOGS PAS BSKYED SA MED PAR GA-YO BA'I BYA BA MED LA SKYON DE DAG LA BRTEN NAS MA ZHIG PAR DU GA-YO BA LAS MI 'DA' BAS BYA BA'I CHOS NI RDZAS LA BRTEN PA DANG GA-YO BA NYID DO, ,MI MTHUN DPE STON PA NI, RDZAS NI GA-YO BA'I BYA BA RDZAS LA BRTEN PA DANG, RDZAS MA ZHIG PA YANG 'JIG PA JI LTA BA BZHIN DU RDZAS RANG NYID SKYES NAS 'JIG PA'I BAR DU GA-YO BA MED LA DE BZHIN DU SHES PA YOD PA DANG, SKYES BU NGO BO THA MI DAD KYI RTAG PA YIN PA DES NA YUL LA LONGS SPYOD PA'I TSE SKYES BU YOD LA SHES PA YOD PA MED CES BYA BAR MI RIGS SO, ,GSUM PA NI, YUL LONGS SPYOD PA'I SNGAR SHES PA YOD PA NYID MED KYANG DE'I NUS PA YOD PAS SKYES BU YOD DO ZHE NA, YUL LONGS SPYOD PA'I GNAS SKABS LAS GZHAN DU SHES PA YOD PA'I KHAMS NUS PA MTHONG ZHING GZHAN DU YUL LA LONGS SPYOD PA'I TSE SHES PA YOD PA MTHONG STE, DE LTAR NA LCAGS KYI BZHU BA NYID PHYIS LCAGS KYI GONG BUR 'GYUR BA BZHIN DU SNGAR SHES PA YOD PA'I NUS PA DE NYID PHYIS SHES PA YOD PA GSAL @077A *, ,BA'I NGO BOR 'GYUR BA DE'I PHYIR SKYES BU RNAM PAR 'GYUR BAR 'GYUR BAR THAL, SHES PA DANG SKYES BU NGO BO GCIG TU KHAS BLANGS PA'I PHYIR, GSUM PA LA GNYIS, BDAG GI PHYOGS RDUL PHRAN TZAM ZHIG GI YID DANG LDAN PAS YUL SHES PA DGAG PA DANG, BDAG RTAG KHYAB TU 'DOD PA DGAG PA'O, ,DANG PO NI, RIGS PA CAN PA NA RE, KHO BO CHAG GI SKYES BU SHES PA YOD PA'I NGO BO MIN TE, BDAG GI PHYOGS RDUL PHRA RABS TZAM ZHIG GI YID DANG LDAN PAS YUL SHES PA'I SHES PA YOD PA NI YID LDAN PA TZAM ZHIG LA BRTEN TE YID DANG SBYAR NAS DE DANG YUL THA MI DAD PA'I SHES PA SKYES BU BSKYED LA, SKYES BU NAM MKHA' BZHIN DU RTAG PA DANG KHYAB PA SHIN TU CHE BA YIN NO ZHE NA, RTAG PA DANG KHYAB PA'I BDAG GI RDUL PHRAN TZAM GYI PHYOGS LAS GZHAN SHES PA DANG 'BREL BA MED PA DE'I PHYIR, BDAG DE YI NGO BO NI, YUL SHES PA YOD PA NYID MIN PA LTAR MTHONG STE, RDUL PHRAN TZAM GYI LAN TSVA DANG 'BREL BAS GANG-GA'I CHU LAN TSVA DANG BCAS SO ZHES BRJOD MI NUS PA BZHIN SHES PA YOD PA MIN PA DE LA SKYES BUR KHAS LEN PA MI RIGS SO, ,GNYIS PA NI, GAL TE SEMS CAN KUN LA RE RE ZHING BDAG CHA SHAS MED PA RTAG PA DANG, NAM MKHA' BZHIN DU KHYAB PA'I TSUL DU YOD NA SKYES BU GZHAN GYIS RANG GI BDAG DE LA YANG NGAR CIS MI RTAG NGA'O SNYAM DU 'DZIN PAR THAL, BDAG DE GNYIS GCIG YIN PA'I PHYIR, GZHAN GYI BDAG 'DZIN GYI YUL NA RANG GI BDAG MED NA NI THAMS CAD LA KHYAB PAR 'GAL LO, ,GZHAN GYI BDAG @077B DE NYID KYIS BSGRIBS NAS MI MTHONG NGO ZHE NA, BDAG DE NYID KYIS NI DE NYID LA SGRIB CES BYA BAR MI 'THAD DO, ,SGRIB BYA SGRIB BYED GNYIS MED PA'I PHYIR RO, ,BZHI PA LA GSUM, GTZO BO BEM PO YANG YIN LA THAMS CAD KYI BYED POR KHAS LEN PA SMYON PA DANG MTSUNGS PA DANG, DGE MI DGE'I LAS BYED PA POR KHAS BLANGS NAS RNAM SMIN MI MYONG BA 'GAL BA DANG, BDAG RTAG PA LAS BYED PA PO DANG RNAM SMIN ZA BA PO YIN PA DGAG PA'O, ,DANG PO NI, GRANGS CAN NA RE, BDE SDUG BTANG SNYOMS GSUM CHA MNYAM PA'I GTZO BO BEM PO LAS BLO'I MING GI RNAM GRANGS CHEN PO ZHES PA 'BYUNG LA, DE LAS NGA RGYAL GSUM 'BYUNG ZHING, SNYING STOBS CAN GYI NGA RGYAL LAS, BLO'I DBANG PO LNGA DANG LAS KYI DBANG PO LNGA DANG, YID KYI DBANG PO DANG, BCU GCIG 'BYUNG NGO, ,RDUL CAN GYI NGA RGYAL LAS, DE TZAM LNGA DANG, DE LAS 'BYUNG BA LNGA 'BYUNG NGO, ,MUN PA CAN GYI NGA RGYAL NI, NGA RGYAL GZHAN GNYI GA'I 'JUG BYED YIN NO ZHES ZER TO, ,GRANGS CAN PA GANG GI LTAR NA YON TAN GSUM CHA MNYAM PA'I GTZO BO DE RNAM 'GYUR MTHA' DAG GI BYED PA PO DANG, RNAM PA KUN TU SHES PA YOD PA MA YIN PAR KHAS LEN PA 'GAL BAR THAL, DE LTAR KHAS LEN PA DE DAG DANG NI SHES PA PHYIN CI LOG TU GNAS PA'I SMYON PA LA KHYAD PAR CI YANG YOD PA MA YIN PA'I PHYIR, GNYIS PA NI, SMRA BA 'DI NI RIGS PA DANG 'GAL BA DANG, 'JIG RTEN PA LAS PHYIN CI LOG TU GYUR PAS CHES MI RIGS TE, BDE SDUG BTANG SNYOMS GSUM GYI RANG BZHIN YON TAN RNAMS KYIS RNAM KUN TU KHYIM LA SOGS PA DAG BYED SHES KYI LONGS SPYAD BYA ZA BA RNAM PAR MI SHES PA 'DI LAS @078A *, ,MI RIGS PA GZHAN CI YOD RIGS PA DANG, 'JIG RTEN DANG 'GAL BA'I PHYIR RO, ,GSUM PA NI, BYE BRAG PA NA RE, BDAG KHO NA LAS BYED PA PO DANG, RNAM SMIN ZA BA PO YIN NO ZHES 'DOD DO, ,DE LTA NA YANG BDAG RTAG PAR MI RIGS TE BDAG BYED PA PO YIN NA BYA BA'I RGYU CAN DU KHAS BLANGS DGOS TE, BYA BA MI BYED PA BYED POR MI RIGS PA'I PHYIR RO, ,'GRO 'ONG LA SOGS PA'I BYA BA DANG LDAN PA LA RTAG PA MED DO, SNGAR LAS KHYAD PAR GZHAN KHAS LEN DGOS PA'I PHYIR, BDAG NYID THAMS CAD KYIS YUL DUS KUN TU SONG BA LA 'GRO 'ONG SOGS KYI BYA BA MED DE, DES MA NON PA'I YUL DUS MED PA'I PHYIR, 'ON TE BYA BA DANG BRAL BA'I BDAG YOD DO ZHE NA, BYA BA MED PA'I BDAG NI MED PA NAM MKHA'I ME TOG DANG MTSUNGS PAS BDAG MED LA, KHYOD CIS MI DGA' BAR RIGS TE, DE RTOGS PAS 'JIGS PA THAMS CAD LAS GROL BAR 'GYUR BA'I PHYIR RO, ,GNYIS PA SPYIR DGAG PA LA BZHI, GANG ZAG GI BDAG YOD PAR 'DZIN PA PHYIN CI LOG YIN PA DANG, BDAG RTAG PA LA 'KHOR BA LAS THAR PA MI SRID PA DANG, THAR PA'I SKABS SU BDAG KHAS LEN PA MI RIGS PA DANG, BDAG MED PA'I GROL BA RDZAS GRUB DGAG PA'O, ,DANG PO NI, GANG ZAG GI BDAG TU 'DZIN PA PHYIN CI LOG TU THAL, BDAG YOD NA RANG GI NGO BOS KHYAD PAR MED PAR MTHONG DGOS PA LA BYE BRAG PA DANG, GRANGS CAN PA LA SOGS PA LA LAR LUS RE RE ZHING NAM MKHA' LTAR KUN TU SONG BAR MTHONG LA, GCER BU BA LA LAR SKYES BU GROG MA DANG, GLANG PO CHE LA SOGS PA LUS CHE CHUNG DANG 'TSAM PA'I LUS TZAM ZHIG MTHONG @078B STE, GCER BU LUS KYI TSAD BZHIN DU, ,SROG GI ZHUM DANG RGYAS PAR SMRA, ,ZHES PA LTAR RO, ,DE MI BZOD PAS LA LAR RDUL TZAM ZHIG TU MTHONG SDE DNGOS PO'I DE KHO NA NYID PHYIN CI MA LOG PAR MTHONG BA'I SHES RAB CAN GYIS BDAG MED PAR MTHONG BAS BDAG RANG GI NGO BOS YOD NA MU STEGS PA RNAMS KYANG LTA BA THA DAD PAR MI 'GYUR RO, ,GNYIS PA NI, RGOL BA GANG GIS BDAG RTAG PA KHAS LEN PA DE LA THAR PA THOB PA MI RIGS SO, ,RTAG PA LA 'KHOR BA NA NYER 'TSE SOGS KYIS GNOD PA GA LA ZHIG YOD 'KHOR BAR GNOD PA MED DE PHYIS LAM BSGOMS PAS THAR PA GA LA YOD MED PA DES NA'I PHYIR, GSUM PA NI, GAL TE BDAG CES BYA BA RANG GI NGO BOS YOD NA GANG ZAG GI BDAG MED SNYAM PA DE MI RIGS SHING, THAR PA THOB PA MI RIGS PAR THAL, BDAG 'DZIN 'JUG PA'I RGYU MA NYAMS PAR YOD PA'I PHYIR, YA MTSAN CAN THAMS CAD KYIS BDAG GI DE NYID RIG PA BDAG 'DZIN SPANGS PA'I NGES PA LAS MYA NGAN LAS 'DA' BAR 'GYUR ZHES BYA BA'ANG RDZUN PAR 'GYUR BAS THAR PA 'DOD PA RNAMS KYI BDAG MED PA KHAS BLANG PAR BYA'O, ,BZHI PA NI, BDAG YOD NA THAR PA'I GNAS SKABS NA BDAG 'DZIN 'JUG PAR THAL BAS 'JIGS NAS, GAL TE BDAG MED KYANG GROL BA'I SKYES BU BDEN PAR GRUB PA YOD PA NYID DU KHAS LEN NA GROL BA'I SKYES BU BDEN GRUB DE NI SNGAR YANG 'KHOR BA'I DUS NA MED PA MED PAR THAL, 'BREL PA CAN GZHAN DANG MI LDAN PA LA RKYANG BA'I RANG GI NGO BO SHES PA MA 'KHRUL PAS GANG MTHONG BA DE RANG BZHIN ZHES BYA BAR BSHAD PA'I PHYIR RO, ,GROL BA'I TSE BDAG MED NA 'KHOR BA'I TSE YANG YOD PAR KHAS BLANGS PAR MI BYA'O, , @079A *, ,GSUM PA LA BZHI, BDAG MED KYANG 'DU BYED SKAD CIG ME LA CHAD PAR THAL BA'I SKYON MED PA DANG, BDAG YOD NA'ANG 'JUG LDOG GI RGYUR MI RIGS PA DANG, BSKYED BYA SKYED BYED DNGOS PO NI RTAG PA KHO NA LA 'THAD PA DANG, THA SNYAD PA'I RTAG TSAD SPONG TSUL BSDUS TE BSTAN PA'O, ,DANG PO NI, GAL TE BDEN MED DE 'DU BYED SKAD CIG RE RE 'JIG PA'I NGANG TSUL CAN RNAMS SKYES MA THAG 'JIG PAS CHAD PAR 'GYUR RO ZHE NA, MI RTAG PA CHAD PA'I DON DU RTOGS PA MI 'THAD DE, DE LTA NA THOG MA MED PA NAS RGYUD DE 'ONG BA'I DA DUNG RTZVA SHING SOGS RNAMS CIS YOD MED PAR THAL, GAL TE MI RTAG CHAD NA NI STE MI RTAG PA YIN NA CHAD PA'I SKYON CHAGS PA'I PHYIR RO, ,MI RTAG PA YIN NA RGYUN CHAD PA YIN NO ZHES PA'I LTA BA 'DI NI GAL TE BDEN PAR 'GYUR NA GANG ZAG SU LA'ANG GTI MUG KYANG MI 'BYUNG BAR THAL, MI RTAG PA'I PHYIR, DE BZHIN DU BDE BA DANG 'DOD CHAGS SOGS KYANG MI 'BYUNG BAR THAL LO, ,GNYIS PA NI, BDAG NI YOD PAR GYUR NA'ANG 'GRO BA MTHA' DAG 'JUG PA'I RGYUR MI 'THAD PAR THAL, NOR BU ME SHEL DANG, NYI MA PHRAD PA LAS MED DANG, CHU SHEL DANG ZLA BA PHRAD PA LAS CHU DANG, SA BON LAS MYU GU DANG, MER MER PO LAS DBANG PO SOGS GZUGS RGYU GZHAN KHO NA LAS 'BYUNG BAR SNANG BAR 'GYUR LA BUD SHING LAS ME 'BAR BA SOGS GZHAN LAS GNAS PAR SNANG BAR 'GYUR ZHING BUD SHING MA TSANG BA LAS ME MI 'BAR BA LTAR GZHAN LAS RNAM PAR 'JIG PAR SNANG BA'I PHYIR, BDAG YOD PAR MI RIGS TE, DE YOD NA DE KHO NAS 'BRAS @079B BU MTHA' DAG SKYED DGOS PA'I PHYIR, GSUM PA NI, GANG GI CHA RTAG PA LAS 'BRAS BU SKYE BA MI SRID PA DE'I TSE 'JIG RTEN NA JI LTAR NA SA BON BYAS PA LAS MYU GU BYAS PA SKYE BAR 'GYUR BA DE BZHIN DU MI RTAG PA THAMS CAD NI RGYU MI RTAG PA DAG LAS 'BYUNG BAR 'GYUR BAS 'DU BYED SKAD CIG GIS SKYE 'GAG BYED PA RNAMS LA RTAG PA DANG CHAD PA'I GO SKABS MED PA NYID DO, BZHI PA NI, 'DU BYAD RNAMS LA RTAG CHAD KYI RDO RJE'I THOG RGYU 'BRAS KYI 'BREL PA 'JOMS PA 'BAB PA DE YANG MKHAS PA RTEN CING 'BREL BAR 'BYUNG BA'I RIGS SNGAGS KYIS RGYANG RING DU BZLOG PAR BYA STE, GANG GI PHYIR NA MYU GU LA SOGS PA'I 'BRAS BU'I DNGOS PO 'JUG CING SKYE BAR 'GYUR BA DES NA RGYU'I RGYUN CHAD PA'I NYES PAR MI 'GYUR ZHING, GANG GI PHYIR MYU GU SKYAS NAS SA BON GYI DNGOS PO LDOG PAR 'GYUR BA DES NA RGYU RTAG PA'I NYES PAR MI 'GYUR RO, ,RTZA SHE LAS, GANG LA BRTEN TE GANG BYUNG BA, ,DE NI RE SHIG DE NYID ME NA, ,ZHES SOGS KYI DON BSDUS PA THA SNYAD PA'I RTAG CHAD SPONG TSUL BSTAN PA YIN NO, ,'DIR SMRAS PA, 'KHOR BA MI RTAG SDUG BSNGAL DANG, MI GTZANG BSGOM PA GOMS PA YIS, ,GRUB MTHAS BTAGS PA'I BDAG DANG NI, ,LHAN SKYES BDAG LTA MTHA' YAS SPANG, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA BA'I RNAM BSHAD LEGS PAR BSHAD PA'I SNYING PO ZHES BYA BA LAS BDAG DGAG PA BSGOM PA BSTAN PA SKYE RAB TU BYED PA BCU PA'I 'GREL PA'O,, ` ,,GNYIS PA DUS BDEN GRUB DGAG PA LA GNYIS, @080A *, ,LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, DUS RDZAS GRUB KYI NGO BO DGAG PA DANG, SGRUB BYED DGAG PA'O, ,DANG PO LA GSUM, 'DAS MA 'ONGS DGAG PA DANG, 'BRAS BU YOD MED BRTAGS LA DGAG PA DANG, DA LTAR BA BDEN GRUB DGAG PA'O, ,DANG PO LA GSUM, MA 'ONGS PA RDZAS GRUB DGAG PA DANG, 'DAS PA RDZAS GRUB DGAG PA DANG, MA 'ONGS PA BYE BRAG TU DGAG PA'O, ,DANG PO LA BZHI, MA 'ONGS PA DNGOS POR YOD PA LA GNOD PA BSTAN PA DANG, DE'I LAN DGAG PA DANG, RDZAS SU GRUB NA DA LTAR BAR THAL BA DANG, DUS GSUM GA RDZES SU YOD NA MI RTAG PA MI SRID PAR THAL BA'O, ,DANG PO NI, RIG BYED GSANG BA'I MTHA' SMRA BA SOGS DUS SMRA BA DAG NA RE, MNGON SUM DANG RJES DPAG GIS KYANG MA GRUB PAS BDAG RTAG PA MED PAR RIGS SU CHUG KYANG RTAG PA'I DNGOS PO MED PA MIN TE, DUS RTAG PA YOD PA'I PHYIR RO, ,'DI LTAR CHU LUD DANG SA BON SOGS YOD KYANG, MYU GU DANG ME TOG SOGS SKABS 'GAR MI SKYE YANG RES 'GA' SKYE BAR DMIGS PAS RGYU GZHAN YOD PA RJES SU DPOG NUS LA, DE YANG DUS YIN ZHING DUS GSUM NA GNAS PA'I DNGOS PO LAS RDZAS THA DAD PA'I RTAG PA YIN NA, DE NI SKAD CIG THANG CIG YUD TZAM SOGS KYIS GSAL BAR BYA BA YIN NO ZHES ZER TO, , DE MI 'THAD DE, DNGOS PO LAS RDZAS THA DAD PA'I DUS YOD NA DMIGS DGOS PA LAS MA DMIGS PA'I PHYIR DANG, SNGAR BKAG ZIN PA'I PHYIR RO, ,DE LA MA 'ONGS PA'I DUS MTSON PA'I DON DU MA 'ONGS PA'I BUM PA BKOD NAS DGAG PAR BYA LA, @080B DE BZHIN DU GZHAN GNYIS LA'ANG SHES PAR BYA'O, ,DE LA MA 'ONGS PA'I BUM PA LA DA LTA BA'I BUM PA YOD PA MIN ZHING DE'I TSE NA 'DAS PA'I BUM PA YANG MED PAR THAL, DE'I TSE DE GNYIS 'ONGS NA PHYIS 'BYUNG RGYU'I DNGOS PO SNGA DUS NA GNAS PAS DUS 'TSOL BAR THAL BA DANG, GCIG GI DUS NA CIG SHOS MI SRID PA'I PHYIR RO, ,GANG GI PHYIR RGYU MTSAN DES NA 'DAS DA LTAR DE GNYIS MA 'ONGS PA'I BUM PA'I DUS NA 'ONGS NA, MA 'ONGS PA'I DUS SU THAL BAS DE'I TSE MA 'ONGS PA DE'I PHYIR, MA 'ONGS PA'I MA 'ONGS PA NGO BO NYID KYIS GRUB NA MA 'ONGS PAR 'GYUR DGOS LA, DE LTAR NA DUS GSUM CHAR MA 'ONGS PAR 'GYUR DGOS PAS, 'DAS DA LTA MI SRID PAR 'GYUR DGOS LA, DE LTA NA GANG DU MA 'ONGS PAR BZHAG MI NUS PAS, MA 'ONGS PA NYID KYANG YOD PA MA YIN PAR 'GYUR RO, ,GNYIS PA NI CI STE 'DAS PA'I BUM PA MA 'ONGS PO'I BUM PA LA YE MED PA MIN GYI, MA 'ONGS PA'I NGO BOR MA 'ONGS PA'I CHA DER YOD PAS NYES PA MED DO ZHE NA, GAL TE BUM PA ZHIG PA MA 'ONGS PA'I BUM PA'I DUS DER MA 'ONGS PA'I NGO BOR MA 'ONGS PA LA YOD NA 'DAS PA'I BUM PA DE, MA 'ONGS PAR THAL, MA 'ONGS PA'I BUM PA'I DUS SU MA 'ONGS PAR NGO BO NYID KYIS GRUB PA'I PHYIR, 'DOD NA 'DAS PA MIN PAR THAL LO, ,KHYAB PA YOD DE, MA 'ONGS PA'I BDAG NYID DU BDEN PAR YOD PA GANG YIN PA DE NI JI LTAR 'DAS PAR 'GYUR 'GAL BA'I PHYIR RO, ,RIGS PA 'DI DAG NI, BUM PA'I NGOR MA 'ONGS PA BDEN GRUB TU KHAS BLANGS NA YANG, MA 'ONGS PA TZAM DU KHAS LEN DGOS PAS GNOD PA 'JUG @081A *, ,PA YIN NO, ,GSUM PA NI, DUS SMRA BA KHYOD LTAR NA MA 'ONGS PA'I DNGOS PO YOD NA MA 'ONGS PA'I BUM PA'I DNGOS PO DA LTAR BAR 'GYUR TE 'GYUR BAR THAL, GANG GI PHYIR MA 'ONGS PA'I RDZAS KYI DNGOS PO BDAG TU GNAS PAR 'GYUR BA DE'I PHYIR NA'O, ,RDZAS SU GRUB PA'I NGO BOR GNAS NA SKYES LA MA ZHIG PAS DA LTAR BAR 'GYUR DGOS SO, ,'DOD NA, MA 'ONGS PA NYID DU MI SRID PAR THAL LO, ,BZHI PA NI, BYE BRAG PA DANG, BYE BRAG TU SMRA BA SOGS PA GANG DAG DNGOS PO RANG GI MTSAN NYID KYIS GRUB PA RNAMS MA 'ONGS PA'I DUS NA YOD CING 'DAS PA'I DUS NA YOD LA DA LTA BA'I TSE YANG YOD NA DNGOS PO'I CHA CI ZHIG DUS NAM GYI TSE MED RGOL BA GANG GI DUS KUN RDZAS SU YOD PA NYID DE YI MI RTAG PA NYID GANG LAS DNGOS PO MI RTAG PA MI SRID PAR THAL, DUS GSUM GA RDZAS SU YOD NA SNGA DUS NA YOD PA PHYI DUS DANG PHYI DUS NA YOD PA DE NYID SNGA DUS NA YOD PAR KHAS LEN DGOS PA'I PHYIR RO, ,GNYIS PA NI, MA 'ONGS PA'I DUS LA MA 'ONGS PA'I DUS NYID MI SRID PAS, MA 'ONGS PA RDZAS SU MED PA BZHIN DU 'DAS PA'I DUS DE 'DAS PA'I RANG GI NGO BO LAS 'DAS SAM 'ON TE MA 'DAS, DANG PO LTAG NA, RGYU MTSAN CI'I PHYIR NA 'DAS PAR 'GYUR 'DAS PA MIN PAR THAL, 'DAS PA'I DUS LAS NI 'DAS PAR GYUR PA 'DAS PA'I DUS LAS THAL ZAN PA'I PHYIR, GNYIS PA LTAR NA, RGYU MTSAN CI'I PHYIR NA 'DAS PAR 'GYUR 'DAS PA MIN PAR THAL, 'DAS PA'I RDZAS LAS NI MA 'DAS PAR GYUR PA BYA BA BYED BZHIN PA'I RDZAS KYI BDAG NYID DU GNAS PA'I PHYIR RO, ,GSUM PA LA GNYIS, BYE BRAG SMRA BA SOGS KYI 'DOD PA DGAG PA DANG, MDO SDE PA SOGS KYI 'DOD PA DGAG PA'O, ,DANG PO LA LNGA, MA 'ONGS @081B PA SKYES MA SKYES BRTAGS LA DGAG PA DANG, DUS GNYIS RDZAS SU GRUB NA MI RTAG PA MI SRID PAR THAL BA DANG, MA 'ONGS PA'I DNGOS PO YOD PA LA HA CANG THAL BA BSTAN PA DANG, MA 'ONGS PA'I DNGOS PO YOD NA SKYES ZIN SLAR SKYE BAR THAL BA DANG, RNAL 'BYOR PA SMON GNAS SHES PAS MA 'ONGS PA'I DNGOS PO MNGON SUM DU MTHONG BA DGAG PA'O, ,DANG PO LA GNYIS, DNGOS DANG, DE'I LAN DGAG PA'O, ,DANG PO NI, BYE BRAG TU SMRA BA DAG BUM PA DANG MA 'ONGS PA GZHI MTHUN DU KHAS LAN PA DE LA GAL TE MA 'ONGS PA'I BUM PA SKYES PA ZHIG TU YOD NA JI LTAR DA LTA BAR MI 'GYUR 'BYUNG BAR THAL, SKYES LA MA 'GAGS PA'I PHYIR, CI STE DE LA SKYE BA MED NA MA 'ONGS PA'I BUM PA RTAG PAR 'GYUR RAM CI RTAG PAR THAL, DNGOS PO GANG ZHIG MA SKYES PA'I PHYIR, GNYIS PA NI, CI STE MA 'ONGS PA MA SKYES KYANG RGYU RKYEN GYIS DA LTAR BA NYID DU 'GYUR BAR BYAD PAS RTAG PAR MI 'GYUR RO ZHE NA, MA 'ONGS PA SKYE BA MED KYANG PHYIS 'JIG PA LAS GAL TE MA 'ONGS PA'I BUM PA MI RTAG NA 'DAS PA'I BUM PA LA 'JIG PA YOD PA MIN TE, DE NA RTAG PAR CIS MI RTOG RTAG PAR THAL, DNGOS PO GANG ZHIG MI 'JIG PA'I PHYIR, GNYIS PA NI, YANG NA KHYOD LTAR NA, GANG ZHIG MI RTAG PAR 'GYUR 'DAS PA DANG NI DA LTAR BA 'DI NI MI RTAG PAR 'GYUR BA MIN LA STE, 'DAS PA NI 'JIG PA MI SRID PA'I PHYIR DANG, DA LTAR BA MI RTAG PAR NGO BO NYID KYIS GRUB NA PHYIS ZHIG PA DANG 'BREL BAS ZHIG PA YANG MI RTAG PAR THAL BAR 'GYUR RO, ,'DAS DA LTAR DE DGU LAS GZHAN RNAM PA NI GSUM PA MA 'ONGS PA'ANG MA 'ONGS PA DA LA MI RTAG PA YOD PA MA @082A *, ,YIN PAS, DNGOS PO RANG BZHIN GYIS GRUB PAR SMRA BA LA MI RTAG PA MED PAS DUS KHAS LEN PA MI RIGS SO, ,GSUM PA NI, GAL TE MA 'ONGS PA YOD DE, RKYEN YOD NA PHYIS SKYE BA'I PHYIR, SNGA NAS MED PA MO GSHAM GYI BU PHYIS SKYE BA MED DO ZHE NA, DNGOS PO GANG ZHIG BYIS SKYA BA DE NI GAL TE SKYES PA'I SNGAR YANG RDZAS SU YOD NA, DE'I PHYIR RANG BZHIN DU SMRA BA DNGOS PO RNAMS SKYES BU'I BYED PAS STONG ZHING RGYU MED DU KHAS LEN PA RNAMS KYI DNGOS PO RGYU MED DU RANG BZHIN GYIS GRUB PA'I PHYOGS NI LOG PAR MI 'GYUR BA ZHIG NA, DE DAG GI SMRA BA NI PHYIN CI LOG YIN TE, MTHONG BA DANG MA MTHONG BA'I PHYOGS THAMS CAD 'GAL BA'I PHYIR RO, ,BZHI PA NI, GZHAN YANG MA 'ONGS PA RDZAS SU YOD NA DNGOS PO GANG ZHIG PHYIS 'BYUNG BAR BYED PA DE, SKYES PA'I SNGAR RDZAS SU YOD CES BYA BAR MI RIGS TE, GAL TE SNGAR YOD PA PHYIS SKYE BAR 'GYUR NA, SKYES ZAN PA SLAR YANG 'BYUNG BAR 'GYUR NA, DGOS PA MED PA'I PHYIR DANG, RGYU RANG NYID MTHA' BAR DU SKYA DGOS PAS 'BRAS BU SKYE BA'I GO SKABS MI RNYED PAR THAL BAR 'GYUR BA'I PHYIR, LNGA PA LA GSUM, DNGOS DANG, MA 'ONGS PA RDZAS SU YOD NA GSIR DU MI DAG PA SDOM PA SOGS DGOS PA MED PAR THAL BA DANG, MI RTAG PA YIN NA SKYES PA'I SNGAR NAS YOD PA 'GAL BA'O, ,DANG PO NI, MA 'ONGS PA NI YOD DE, MA 'ONGS PA'I DNGOS PO LA DMIGS PA'I RNAL 'BYOR PA'I SMON GNAS SHES PA YOD PA'I PHYIR DANG, MA 'ONGS PA LUNG BSTAN PA RNAMS PHYIS DE KHO NA LTAR @082B MTHONG BA'I PHYIR, MO GSHAM GYI BU LA DE MI SRID DO ZHE NA, SKYE BA'I SNGA ROL GYI GNAS SKABS NA MA 'ONGS PA YI DNGOS PO NGO BO NYID KYIS MNGON SUM DU MTHONG NA DNGOS PO MED PA CIS MI MTHONG MTHONG BAR THAL, MED PA LA MTHONG MI MTHONG GI KHYAD PAR MI 'THAD PA'I PHYIR, 'DAS MA 'ONGS RANG GI NGO BOS YOD PAR KHAS LEN PA DE LA NYES PA DAR 'GYUR BA YIN GYI, KHO BO CHAG DUS GSUM RTEN 'BREL RANG BZHIN MED PAR KHAS LEN PA LA NYES PA MED DE, SANGS RGYAS RNAMS KYIS BSKAL PA BYE BA'I PHA ROL TU 'BYUNG BA'I DNGOS PO RNAMS KYANG DA LTA MNGON SUM DU GZIGS PA'I PHYIR RO, ,GZIGS DUS KYI SHES PA DE'I DUS NA MA 'ONGS KYANG DNGOS PO MED PA DANG, RTAG PAR MI 'GYUR TE, RANG GRUB PA'I DUS GNYIS PAR MI SDOD PA'I PHYIR RO, ,SANGS RGYAS LA DA LTAR BA DNGOS SU RTAGS PA'I SHUGS LA 'DAS MA 'ONGS RTOGS DGOS PA MIN TE, DUS DE'I TSE MED KYANG SPYIR MNGON SUM DU GZIGS PA'I PHYIR RO, ,DE BZHIN DU RNAL 'BYOR PA'I SMON GNAS SHES PA GZHAN LA YANG DE'I TSE SMON BYA'I DON MED KYANG RMI LAM BDEN PA MTHONG BA BZHIN DU GSAL BAR SNANG BA 'GAL BA MED PA'I PHYIR RO, ,NAS KYI SA BON YOD KYANG DA DUNG MYU GU MA BYUNG BA LA MA 'ONGS PA ZHES BYA BA'I MYU GU DE NYID MA 'ONGS PA YIN ZHES MI BYA'O, ,DUS GZHAN GNYIS LA YANG DE LA DPAGS NAS SHES PAR BYA'O, ,SANGS RGYAS KYI DUS GSUM MTHA' DAG MNGON SUM DU GZIGS PA RANG LUGS LA KHAS BLANG BAR BYA BA YIN GYI, GDUL BYA'I BSAM NGO TZAM DU BYAD PA RNAM PA THAMS CAD DU KHAS BLANG BAR @083A *, ,MI BYA'O, ,GZHAN YANG RGOL BA GANG LA MA 'ONGS PA RANG GI NGO BOS YOD PAR 'GYUR BA DE LA DUS RING BA YOD PA MA YIN PAR THAL, MA 'ONGS PA RANG GI NGO BO'I SGO NAS YOD PA'I PHYIR, GNYIS PA NI, GAL TE DGE BA'I BSHES GNYEN DANG PHRAD PA'I CHOS MNYAN PA'I SGO NAS DBANG PO SMIN PA LAS TSUL KHRIMS BSRUNG BA SOGS BYAS PA MED KYANG MA 'ONGS PA RDZAS SU YOD PA'I SGO NAS CHOS YOD NA MA 'ONGS PA'I 'BRAS BU'I DON DU 'CHAL TSUL SOGS NGES PAR SDOM PA DON MED PAR 'GYUR TE, DE MA BYAS PAR YANG YOD PA'I PHYIR, CI STE MTHUS GRUB PA'I CHED DU CUNG ZAD BYED NA YANG 'BRAS BU MA 'ONGS PA RDZAS SU YOD PA MI SRID DO MI SRID PAR THAL LO, ,GSUM PA NI, 'DU BYED THAMS CAD MI RTAG PAR KHAS LEN PA DE'I LTAR NA DNGOS PO THAMS CAD MI RTAG PA YIN NA JI LTA BUR 'BRAS BU SKYES PA'I SNGAR YOD CES BYA BAR 'GYUR MI RIGS TE, MI RTAG PA DANG SKYES PA'I SNGAR YOD PA 'GAL BA'I PHYIR, DNGOS PO GANG LA, GSAR DU SKYES PA'I THOG MA DANG, RANG GRUB PA'I DUS LAS DUS GNYIS PAR MI SDOD PA'I MTHA' YOD PA DE LA NI 'JIG RTEN NA MI RTAG PAR BRJOD DO, ,GNYIS PA NI, MDO SDE PA SOGS GANG DAG MA 'ONGS PA'I DNGOS PO CUNG ZAD KYANG MED PAR SMRA BA DE'I LTAR NA, MA 'ONGS PA'I NYON MONGS DANG SDUG BSNGAL LDOG PA'I CHED DU 'PHAGS LAM BSKYED PA'I SGRIM PA MED PAR THAR PAR 'GYUR TE, DNGOS PO MA 'ONGS PA MED PA'I PHYIR, GROL BA DGRA BCOM PA LA MA 'ONGS PA'I NYON MONGS SOGS YOD PA MIN PAS DE'I @083B CHED DU SGRIM MI DGOS PA BZHIN NO, ,MA 'ONGS PA MED PA DE LTA YIN NA RTEN GANG ZAG DANG RNAM SHES SOGS CHAGS PA MED PAR BRTEN PA 'DOD CHAGS YANG MI 'BYUNG BAR 'GYUR NA RGYU MED DU 'BYUNG NA DGRA BCOM PA LA YANG 'DOD CHAGS SKYE BAR THAL BA'I PHYIR RO, ,YANG GI SGRAS YANG NA MA 'ONGS PA MED PA MIN ZHES PA'O, ,GNYIS PA NI, GRANGS CAN PA NA RE, MED PA SKYED MI NUS PA'I PHYIR DANG, RGYU LA 'BRAS BU NUS PA'I NGO BOR YOD PAS THAMS CAD LAS THAMS CAD SKYE BAR THAL BA'I NYES PA MED DO ZHES SMRA BA DANG, BYE BRAG TU SMRA BA KHA CIG ,DUS GSUM GA RDZAS SU YOD PAR KHAS LEN PA SOGS SKYES PA'I SNGAR 'BRAS BU YOD PA NYID DU GANG 'DOD PA DANG MDO SDE PA SOGS DNGOS PO BDEN PAR YOD KYANG 'BRAS BU MA 'ONGS PA MED PA NYID GANG 'DOD PA DE DAG LA 'BRAS BU KHYIM GYI DON DU KA BA LA SOGS PA'I RGYAN NI DON MED PAR 'GYUR BAR THAL, KHA CIG LTAR NA, DANG PO NAS YOD PA'I PHYIR DANG, GZHAN DAG LTAR NA KHYIM MA 'ONGS PA MED PA MO GSHAM GYI BU DANG MTSUNGS PA'I PHYIR, RTEN CING 'BREL PAR 'BYUNG BA RANG BZHIN MED PAR SMRA BA LA NYES PA'I GO SKABS MED PAS THAMS CAD LEGS PAR GRUB BO, ,RTEN 'BYUNG GI CHOS RNAMS 'PHAGS BSLOB PA'I MNYAM GZHAG GIS YOD PAR MA GZIGS PA DANG, YOD PA MA YIN PAR GZIGS PA GNYIS KYI KHYAD PAR MA PHYED PA DANG, RANG LUGS KYI THA SNYAD PA'I TSAD MA LEGS PAR 'JOG MA SHES PAS 'KHRUL PA BSKYED PA DU MA BYUNG SNANG BAS RANG LUGS KYI BDEN PA GNYIS TSAD MAS GRUB PA'I DON LA MKHAS PAR @084A *, ,BYA'O, ,GSUM PA NI, GAL TE 'DAS MA 'ONGS BKAG KYANG DA LTA BA NYID YOD LA, DE YOD PAS MA 'ONGS PA YANG YOD PAR 'GYUR TE, GTZO BO DE'I MA 'ONGS PA'I GNAS SKABS LOG NAS, DA LTAR BA'I ZHE'I GNAS SKABS SU 'GYUR BA'I PHYIR DA LTAR BA YOD DO ZHE NA, GTZO BO BEM PO DE NYID RANG BZHIN RTAG LA GNAS SKABS 'O MA DANG ZHOR 'GYUR BA'I DNGOS PO RNAMS KYI YONGS SU 'GYUR BA YANG MI 'THAD PAR THAL, DE LTA BU'I 'GYUR BA DBANG SHES LNGAS DMIGS PA LTA CI SMOS SHIN TU PHRA BA'I GNAS LA 'JUG PA'I YID KYIS KYANG NI 'DZIN PAR MI 'GYUR BA'I PHYIR, DA LTA BA DANG DE'I RGYU YONGS SU 'GYUR BA MA DMIGS PA DE LTA NA YANG DA LTAR BA BDEN PAR YOD PAR DE KHO NA'I DON LA RMONGS PA'I MI MKHAS PA RNAMS KYIS RTOG PAR BYED DO, ,RGYAS PAR GRANGS CAN GYI 'DOD PA DGAG PA LA SBYAR BAR BYA'O, ,GNYIS PA SGRUB BYED DGAG PA LA GNYIS, DUS KYI RGYU DNGOS PO RDZAS GRUB YOD PA DGAG PA DANG, 'DAS PA DRAN PA'I SGRUB BYED DGAG PA'O, , DANG PO LA LNGA, DNGOS PO GNAS MI GNAS BRTAGS LA DGAG PA DANG, DUS LA GNAS PA YOD MED BRTAGS LA DGAG PA DANG, DNGOS PO DANG MI RTAG PA GCIG DANG THA DAD BRTAGS LA DGAG PA DANG, GNAS PA DANG MI RTAG PA STOBS CHE CHUNG BRTAGS LA DGAG PA DANG, DE GNYIS LHAN CIG TU GNAS PA DGAG PA'O, ,DANG PO LA GNYIS, DNGOS DANG, GNAS PA RANG BZHIN GYIS MED PA'I SGRUB BYED DO, ,DANG PO NI, DUS YOD DE, DUS SU 'DOGS PA'I RGYU DNGOS PO YOD PA'I @084B PHYIR, DNGOS PO BZUNG BA'I SGO NAS DUS YONGS SU DPYAD NUS KYIS RANG NYID MIN PAS DUS BDEN PAR GRUB PA YOD DO ZHE NA, DUS KYI RGYU DNGOS PO BDEN GRUB GA LA ZHIG MED PAR THAL, DNGOS PO RANG BZHIN GYIS GNAS PA MED PA'I PHYIR, RANG BZHIN GYIS GNAS PA GA LA YOD YANG DANG YANG DU MI RTAG PAS ZOS PA'I PHYIR RO, ,GZHAN YANG GAL TE DANG POR RANG BZHIN GYIS GNAS PA YOD PAR GYUR NA THA MAR RNYINGS PAR MI 'GYUR RO RNYINGS PAR MI 'GYUR BAR THAL, RANG BZHIN GYIS GRUB PA LA LDOG PA MI SRID PA'I PHYIR, GNYIS PA NI, GZHAN YANG RANG BZHIN GYIS GNAS PA MED DE RNAM SHES SKAD CIG MA GCIG GIS NI JI LTAR DON SNGA PHYI GNYIS DANG 'DRA'I RNAM PA DNGOS SU GTAD PA'I SGO NAS RNAM PAR MI SHES PA DE BZHIN DU RNAM SHES SKAD CIG SNGA PHYI GNYIS PA NI DAN GCIG DUS GCIG TU RNAM PAR MI SHES SA STE, SKAD CIG GIS SKYE 'GAG BYED PA'I PHYIR RO, ,'O NA CHOS MNGON PA'I MDO LAS, GZUGS LA SOGS PA'I DON LNGA PO RNAM SHES RE RE ZHING RNAM SHES KYIS SHES PAR BYA BAR 'DOD PA DANG 'GAL LO ZHE NA, SKAD CIG MAR 'JIG PAR KHAS MI LEN NA SANGS RGYAS PA MIN PAR 'GYUR LA, KHAS LEN NA, MIG SHES KYI DMIGS RKYEN DE PHYIS 'BYUNG GI SHES PA'I DMIGS RKYEN BYED PA MI SRID DE, MDO'I DON NI; MIG SHES KYI GZUGS DE GSAL POR DPYOD LA, DE'I RJES SU SKYES PA'I YID KYIS MI GSAL BA'I TSUL DU RTOGS PAS SKYON MED DO, ,GNYIS PA NI, GNAS PA RANG BZHIN GYIS YOD DE, DA LTA BA'I DUS KYI MTSAN NYID YIN PA'I PHYIR CE NA, DUS @085A *, ,DANG GNAS PA THA DAD CING, DE BDEN PAR GRUB PAS 'BREL BA YOD NA RTEN DANG BRTEN PAR 'GYUR DGOS LA GAL TE DUS LA GNAS PA DON GZHAN GYI TSUL DU BRTEN YOD NA GNAS PA DUS SU MA 'GYUR RO STE 'GAL BA'I PHYIR, CI STE DUS LA GNAS PA MED NA GNAS PA MED PAR MTHAR 'JIG PA YANG YOD PA MA YIN PAS DUS RANG BZHIN GYIS MI GNAS PAS GNAS PA DA LTAR BA'I MTSAN NYID DU MI RIGS SO, ,GSUM PA NI, GNAS PA YOD DO, ,DE LDAN PA'I MI RTAG PA YOD PA'I PHYIR CE NA, GAL TE MI RTAG PA DNGOS PO LAS RANG BZHIN GZHAN YIN NA, DNGOS PO MI RTAG PAR MI 'GYUR BAR THAL, 'DOD NA RTAG PAR THAL LO, ,DNGOS PO DANG MI RTAG PA GCIG NA MI RTAG PA NYID GANG YIN PA DE NYID KHO NA DNGOS TE DNGOS PO YIN PAS RANG BZHIN GYIS GA LA GNAS GNAS PA MI SRID DO, ,BZHI PA LA GSUM, MI RTAG PA GNAS PA LAS STOBS CUNG NA PHYIS GO LOG PA MI 'THAD PAR THAL BA DANG, MI RTAG PA STOBS CHE NA KUN LA GNAS PA MED PAR THAL BA DANG, STOBS CHE NA SNGAR RTAG CING PHYIS MI RTAG PAR THAL BA'O, ,DANG PO NI, GNAS PA'I DUS NA GNAS PA STOBS CHE ZHING MI RTAG PA STOBS CHUNG LA, STOBS CHUNG NGUS CHEN PO 'JOMS MI NUS PA MIN NO, ,ZHE NA, 'O NA PHYI NAS DE DAG MTHAR MI RTAG PAR GYUR NAS NGES PAR GO LDOG PAR CI YIS MTHONG BAR 'GYUR MTHONG BA MI 'THAD PAR THAL, GNAS PA'I DUS MI RTAG PA NYID GANG STOBS CHUNG BA NGES GNAS PA STOBS CHUNG BA MA YIN NA STE, RANG BZHIN GYI STOBS DANG LDAN LA DE LA SUS KYANG GNOD @085B MI NUS PA'I PHYIR, GNYIS PA NI, GAL TE MI RTAG PA STOBS CHUNG BA MIN ZHING DNGOS PO KUN LA DUS NAM YANG YOD NA NI DNGOS PO KUN LA RANG BZHIN GYIS GNAS PA MED PAR THAL, DE 'JOMS PA'I MI RTAG PA DU KUN TU KHYAB PA'I PHYIR, YANG NA DNGOS PO THAMS CAD MI RTAG PA MIN PA MIN PAR 'GA' ZHIG RTAG PAR 'GYUR BAR THAL, MI RTAG PA STOBS CHUNG ZHING GNAS PA RANG BZHIN GYIS STOBS DANG LDAN PA'I PHYIR, GSUM PA NI, GZHAN YANG MI RTAG PA MTSAN GZHI 'DUS BYAS DANG LHAN CIG 'BYUNG BA DUS PHYIS 'BYUNG, GAL TE MTSAN GZHI MTSAN YID LA MI 'KHRUL BAS RTAG TU MI RTAG PA NYID YOD NA GNAS PA RANG BZHIN GYIS YOD PA MIN PAR THAL LO, ,YANG NA SNGAR RTAG PAR GYUR ZIN NAS PHYI NAS MI RTAG PAR 'GYUR RO, ,DE BZHIN DUS GNYIS PAR GNAS NA RTAG PAR 'GYUR BAS DNGOS PO GCIG RTAG PA DANG, MI RTAG PA GNYIS KAR 'GYUR NA DE NI MI RIGS SO, ,LNGA PA NI, 'DUS BYAS KYI MTSAN NYID RNAMS PHAN TSUN MA 'KHRUL BAS GAL TE DNGOS PO SDOD PA'I GNAS PA MI SDOD PA'I MI RTAG PA DANG LHAN CIG TU DNGOS PO LA BDAG GCIG TU YOD PAR KHAS LEN NA DNGOS PO MI RTAG PA YIN PA LOG PAR 'GYUR BA'AM, YANG NA RANG BZHIN GYIS GNAS PA RDZUN PAR 'GYUR BA'I PHYIR RO, ,'DUS BYAS RDZUN PA LA DE GNYIS LHAN CIG GNAS PA RANG GI DNGOS PO BDEN GRUB LA GZHI MTHUN DU 'DU BA MI SRID DO, ,GNYIS PA NI, GAL TE DUS YOD DE, 'DU BYED 'DAS PA'I RTEN CAN 'DAS PA'I DUS YOD PA'I PHYIR, ,GAL TE DE MED NA BDAG 'DAS PA'I DUS NA 'DI DANG 'DI LTA BU ZHIG TU GYUR TO SNYAM DU SKYE BA DRAN PA MI @086A *, ,SRID PAR 'GYUR RE ZHE NA, DUS BDEN GRUB YOD PA'I SGRUB BYED DE LA YANG SNYING PO CUNG ZAD KYANG MED DO, ,DRAN PA NI NYAMS SU MYONG BA'I DON LA DMIGS PA YIN LA SNGAR MTHONG ZIN PA'I DNGOS PO SLAR YANG PHYIS MI SNANG ZHING SLAR YANG SKYE BA SNGA MA'I DON LA DMIGS PA'I SEMS SKYE BA MIN YANG DE LTAR BA'I YUL LTAR MTHONG NGO SNYAM DU RLOM PA'I DRAN PA SKYE BA DES NA DRAN PA ZHES BYA BA YUL MIG 'KHRUL LTA BU RDZUN ZHING LOG PA YI DON LA YUL CAN DRAN PA 'KHRUL ZHING LOG PA KHO NA 'BYUNG BA YIN GYI KHO BO CAG 'DAS PA'I YUL CAN GYI DRAN PA RTEN CING 'BREL PAR 'BYUNG BA SEL BA MIN ZHING, RANG LUGS LA NGES PAR KHAS LEN PA YIN NO, ,'DIR SMRAS PA, RGYUN DANG SKAD CIG 'JOG TSUL MA SHES PAS, ,RTAG PA'I DUS DANG DUS GSUM RDZAS YOD SMRA, ,CHOS KUN MIG 'KHYAL LTA BUR SHES BYAS NAS, DUS GSUM GZIGS PA'I TSUL LA MKHAS PAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA BA'I RNAM BSHAD LEGS PAR BSHAD PA'I SNYING PO ZHES BYA BA LAS DUS DGAG PA BSGOM PA BSTAN PA STE RAB TU BYED PA BCU GCIG PA'I 'GREL PA'O,, ` ,,GSUM PA BLTA BAR BYA BA BDEN GRUB DGAG PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GSUM, CHOS 'DI LA 'JIG RTEN PHAL CHER MI 'JUG PA'I RGYU MTSAN DANG, LEGS BSHAD MDOR BSDUS TE BSTAN PA DANG, GROL BA DON GNYER LEGS BSHAD @086B BLANG BAR GDAMS PA'O, ,DANG PO LA BZHI, NYAN PO'I MTSAN NYID DANG LDAN PA RNYED PAR DKA' BA DANG, GNAS LUGS KYI DON RTEGS DGA' BA DANG, ZAB MO RTZOD PA MDZAD PA'I CHAD DU GSUNGS PA MIN PA DANG, RANG GZHAN GYI BSTAN PA'I PHRA RAGS BSTAN PA'O, ,DANG PO LA GSUM NYAN PA PO'I MTSAN NYID, MTSAN NYID MA TSANG BA'I NYES DMIGS DANG, RTZOD PA SPANG BA'O, ,KHYOD KYIS BDAG MED PO 'DI CHOS GSAL BAR RGYAS PAR BSTAN LA, DE BZHIN GSHEGS PA YANG 'DI THUGS SU CHUD PA PO DANG, 'DOMS PA PA YIN NA CI'I PHYIR CHOS 'DI LA 'JIG RTEN PHAL CHER MI 'JUG CE NA, CHOS 'DI NI MDZAD PA PO DANG, 'CHAD PA PO DANG, CHE BA'I BDAG NYID CHES DKAR BA ZHIG YIN YANG NYAN PA MO'I CHE BA'I BDAG NYID SHIN TU RNYED PAR DKA' BA'I PHYIR RO, ,MTSAN NYID JI LTA BU DANG LDAN PA DGOS ZHE NA, 'DI LTAR RANG PHYOGS LA CHAGS PA DANG, GZHAN PHYOGS LA RGYAB KYIS PHYOGS PA DANG BRAL BA'I GZU BOR GNAS PA DGOS TE, DBU MA SNYING PO LAS, PHYOGS SU LHUNG BAS YID GDUNGS PAS, ,ZHI BA NAM YANG RTOGS MI 'GYUR, ,ZHES PA LTAR, GZU BOR MI GNAS NA GZHAN GYI YIN PA'I 'DU SHES KYIS LEGS BSHAD MI RTOGS PA'I PHYIR RO, ,LEGS BSHAD NYES BSHAD PHYED PA'I BLO DANG LDAN PA DGOS TE, DE MED NA LEGS BSHAD DOR NAS NYES BSHAD 'DZIN PA'I PHYIR, LEGS BSHAD DON DU GNYER BA'I DON GNYER CHE BA DGOS TE, DE MED NA RI MO'I MI LTAR MI RTZOL BA'I PHYIR RO, ,CHOS DANG CHOS SMRA BA BA LA GUS PA DANG YID GTOD PA ZHES BYA BA MTSAN NYID LNGA DANG LDAN PA'I NYAN PA PO CHOS KYI SNOD CES BYA BAR @087A *, ,BSHAD DO, ,SNOD MTSAN NYID TSANG NA SMRA BA BO'I YON TAN ZUR DOD PA DANG GSAL BA DANG MA 'KHRUGS PA DANG, NYAN PO'I LHAG PA'I BSAM PA KHONG DU CHUD PA DANG, SEMS LA ZANG ZING MED PA SOGS DE LAS RNAM PA GZHAN DU SKYON DU SNANG BAR MI 'GYUR BAR YON TAN KHO NAR SNANG LA, NYAN PA PO LA'ANG YON TAN SKYON GYI NGO BOR 'GYUR BA MIN NO, ,GNYIS PA NI, SMRA BA PO CHOS DAG PA YIN YANG NYAN PA PO'I MTSAN NYID MA TSANG BA RANG GI NYES PAR MI RTZI BAR SKYON YON TAN DANG YON TAN SKYEN DU 'DZUD PAR BYED DE, THUB PAS SRID PA SDUG BSNGAL NYER LEN GYI PHUNG PO LNGA DANG SRID PA'I THABS RGYUR GYUR PA KUN 'BYUNG BDEN PA DANG, ZHI BA YI THABS 'PHAGS LAM YAN LAG BRGYAD SOGS KYI LAM BDEN DANG, DE BZHIN DU ZHI BA THAR PA MYA NGAN LAS 'DAS PA GSUNGS TE, THAR PA 'DOD PA RNAMS LA 'PHAGS PA'I BDEN PA BZHI GSUNGS KYANG THOS BSAM BSGOM PA LA MI BRTZON PA'I 'JIG RTEN PA RANG NYID SNOD KYI MTSAN NYID MA TSANG BAR MI SHES PAR DON JI LTA BA BZHIN DU YONGS SU MI SHES PA GANG YIN PA DE NI THUB PAS ZHIB TU MA GSUNGS PA'O ZHES NYES PA DE THUB PA'I LTA BUR MNGON PAR BYED DE, DE TZAM GYIS STON PA NONGS PA DANG LDAN PA MIN TE, DMUS LONG GIS MA MTHONG BA NYI MA'I SKYON MIN PA BZHIN NO, , GSUM PA LA GNYIS, THUB PA KUN MKHYEN DU SGRUB PA DANG, GZHAN GYI STON PA LTAR SNANG DU BSTAN PA'O, ,DANG PO LA GSUM, SDUG KUN SUN 'BYIN PA'I STONG PA NYID BSTAN PA LA DGA' BAR RIGS PA DANG, STON PA'I BSTAN PA LAS GZHAN LA THAR @087B PA MED PA'I RGYU MTSAN DANG, STON PAS GSUNGS PA'I SHIN TU LKOG GYUR GYI DON RNAMS NGES PAR BYED PA'I THABS SO, ,DANG PO NI, THUB PA'I MNGON MTHO'I GTAM RNAMS NI CHOS DON GSAL BA YIN NA, NGES PAR LEGS PA'I GTAM THAMS CAD RANG BZHIN MED PAR STON PA NI RANG GI NGO BO SUN 'BYIN PA LA ZHUGS PA'I PHYIR, KHO BO CHAG GIS MI RTOGS SHING YID MGU BAR MI MDZAD DO ZHE NA, BDE SDUG LA SOGS PA KUN NAS NYON MONGS KYI DNGOS PO THAMS CAD LA CHAGS PA BTANG BAS MYA NGAN LAS 'DA' BAR GRANGS CAN PA DANG BYE BRAG PA LA SOGS THAR PA KHAS LEN PA'I YA MTSAN CAN KUN 'DOD PA YIN LA GANG ZHIG RTOGS NA KUN NAS NYON MONGS KUN SUN 'BYIN PA GANG ZAG DANG PHUNG PO RANG GI NGO BOS GRUB PAS STONG PA DE DAG NI BSTAN NA MI DGA' BAR 'GYUR BA RGYU CI ZHIG DGA' BAR RIGS SO, ,MDO LAS, MYA NGAN 'DAS LA CHOS RNAMS CHOS YOD MIN, ,'DI NA GANG MED DE DAG GZHAN YANG MED, ,YOD DANG MED CES RTOG PA DANG LDAN ZHING, ,DE LTAR SPYOD RNAMS SDUG BSNGAL ZHI MI 'GYUR, ,ZHES GSUNGS SO, ,DE KHO NA NYID PHYIN CI MA LOG PAR SMRA BA NI THUB PA'I GSUNG MA GTOGS, GRANGS CAN SOGS CUNG ZAD KYANG SMRA BA MED PAS MTHUN MONG MIN PA'I CHOS SU SHES PAR BYA'O, ,GNYIS PA NI, THAMS CAD BTANG BAS MYA NGAN 'DA' BAR YA MTSAN CAN KUN 'DOD PA YIN NA, KHYOD DANG MU STEGS CAN LA KHYAD CI YOD CE NA, DE DAG NI GTONG BA'I BSAM PA TZAM DU ZAD KYI GTONG BA'I THABS MI SHES PAS KHYAD PAR DU BYAS PAS GZHAN SDE GANG ZHIG 'KHOR BA GTONG BA'I @088A *, ,THABS CHOS THAMS CAD RANG BZHIN GYIS STONG PA MI SHES PA DE CI ZHIG GTONG BAR BYED PAR 'GYUR, THABS PHYIN CI LOG LA ZHEN PA'I PHYIR RO, ,DES NA NGES PAR THUB PA YIS DGE SBYONG DANG PO NI 'DI NYID DU'O, ,GNYIS PA DANG GSUM PA NI 'DI NYID DU'O, ,BZHI PA NI 'DI NYID DU'O, ,PHA ROL PO'I SMRA BA NI, DGE SBYONG DAG GIS STONG NGO ZHES SOGS DON 'DI LA DGONGS NAS GSUNGS PAS CHOS 'DI LAS GZHAN DU ZHI BA MED CES GSUNGS SO, ,GSUM PA NI, GAL TE THAMS CAD MKHYEN PA YIN NA, RI GLING GI TSAD LA SOGS PA LKOG GYUR GYI DON THAMS CAD MNGON DU SHES DGOS NA, DE JI LTAR NGES NUS ZHE NA, RJES SU DPAG PA LA BRTEN NAS NGES NUS TE, SANGS RGYAS KYIS GSUNGS PA'I YUL DANG DUS KYIS CHOS PA'I 'DOD LHA RIGS DRUG LA SOGS PA'I GNAS KYI TSAD LUS DANG, TSA CHED SOGS DANG DE BZHIN MI'I SNOD KYI 'JIG RTEN GYI CHAD SOGS SO SO SKYE BO LA LKOG TU GYUR LA GANG ZHIG GSUNGS PA DE LTAR YOD DAM MED SNYAM DU THE TSOM SKYE BAR 'GYUR BA DE YIS THE TSOM BCAD PA'I PHYIR TU CHOS THAMS CAD RANG BZHIN GYIS GRUB PAS STONG PA NYID BSTAN TE, BYA BYED THAMS CAD 'THAD PA'I BDEN PA GNYIS KYI GNAS SHIN TU PHRA ZHING RTOGS PAR DKA' BA RNAMS JI LTAR GSUNGS PA BZHIN DU GNAS PA DPER BYAS NAS SHIN TU LKOG GYUR GYI DON BSTAN PA RNAMS DE KHO NA LTAR GNAS PA'I SGO NAS 'DI NYID KHO NAR THAMS CAD MKHYEN PAR YID CHES PAR BYA STE, RTEN 'BYUNG SPOS PA'I MTHA' DANG BRAL BA SGRUB BYED LUNG LA MI BRTEN PAR RIGS @088B PA YANG DAG GIS NGAS PAR BYAS NAS, DE'I RJES SU SHIN TU LKOG GYUR GYI DON SANGS RGYAS KYI GSUNG GI RTAGS LA BRTEN NAS NGAS PAR BYA'O, ,SPYI'I RNAM GZHAG NI PHYOGS GLANG YAB SRAS KYIS BSHAD PA DANG, SHING RTA CHEN PO RNAMS 'DRA BAR YOD DO, ,SKABS 'DIR NI TSAD MA BZHI'I RNAM GZHAG LAS DON RTOGS PAR BYED PA YIN NO, ,GNYIS PA NI, PHYI ROL PA'I STON PA GANG GIS SNOD BCUD KYI 'JIG RTEN 'DI'I RGYU 'BRAS RAGS PA'I GNAS TSED KYANG MTHONG DKA' BA DE NI PHRA BA'I GNAS GZHAN LA BLUN PA NYID YIN PAS GANG ZAG GANG DAG DE'I RJES SU 'GRO BA DE DAG SPANG BYA LHAN SKYES DANG, KUN BTAGS DU MA'I GZHAN DBANG DU GYUR PAS SHIN TU YUN RING DU BSLUS PAR 'GYUR BAS, BDAG LEGS SU 'DOD PA RNAMS KYIS LOG PA'I STON PA SPANGS NAS YANG DAG PA'I STON PA LA DAD CING GUS PAR BYA'O, ,GNYIS PA LA LNGA, STONG PA NYID LA SKRAG PA'I RGYU DANG, STONG PA NYID RTOGS PA LA GEGS BYED PA'I NYES DMIGS DANG, DE KHO NA NYID KYI LTA BA MA NYAMS PA LA BAG DANG LDAN PAR BYA BA DANG, DE KHO NA NYID LA BKRI BA'I RIM PA DANG, DE KHO NA NYID NGOS BZUNG BA'O, ,DANG PO LA GSUM, THAR PA 'DOD KYANG KHA CIG MU STEGS BYED KYI RJES SU 'GRO BA'I RGYU MTSAN DANG, STONG PA NYID LA SKRAG PA'I GANG ZAG NGOS GZUNG BA DANG, BYIS PA RNAMS STONG NYID LA SKRAG PA'I RGYU MTSAN NO, ,DANG PO NI, CI'I PHYIR THAR PA 'DOD PA DE DAG MU STEGS BYED KYI RJES SU 'GRO ZHE NA, STONG PA NYID KYI CHOS NYAN PA LA 'JIGS PA'I PHYIR, 'DI LTAR DGE BA'I BSHES GNYEN GYIS @089A *, ,BZUNG BA DANG, DNGOS PO BDEN PAR 'DZIN PA'I DRI MA DOR NAS MYA NGAN LAS 'DAS PAR RANG NYID DE'I GRONG KHYER DU 'GRO BA GANG YIN PA DE DAG SHIN TU BYA DKA' BA BYED DE, BYA DKA' BA MDZAD PA THUGS CHEN MNGA' BA 'DREN PA'I SLAD BZHIN DU'ANG SKYES BU DAM PA NI MA YIN PA 'DREN PA DE'I PHYI BZHIN DU YID 'GRO BAR SPRO BA MA YIN TE, STONG PA NYID LA SKRAG PA'I PHYIR, GNYIS PA NI, GANG ZHIG SKRAG PAR 'GYUR ZHE NA, SKYON YON GANG YANG MA MTHONG BA'I BA LANG RDZI LA SOGS PA LAN BRGYAR NYAN YANG SKRAG PA MI RTZOM STE SKYON YON GANG YANG MA MTHONG BA'I PHYIR, THOS BSAM SGOM PA'I RIM PAS STONG PA NYID MNGON SUM DU MTHONG NA RNAM PA KUN TU SKRAG PA DE LDOG PAR 'GYUR TE 'JIGS PA'I RGYU BDAG 'DZIN DANG BRAL BA'I PHYIR, DES NA NGES PAR STONG PA NYID KYI DON CUNG ZAD GCIG SHES PA'I GANG ZAG LA SKRAG PA 'BYUNG BAR BRJOD PAR BYA'O, ,DPER NA GLANG PO MYOS PA LA BSKYON PA NA LEGS PAR BSLABS PA MI 'JIGS SHING, SHIN TU RMONGS PA YANG MI 'JIGS LA, SKYON YON CUNG ZAD SHES PA 'JIGS PA BZHIN NO, ,GSUM PA NI, STONG PA NYID LA SKRAG PA'I RGYU CI ZHE NA, MA SGOM PA'I PHYIR RO, ,BYIS PA RNAMS NGES PA KHO NAR NI 'KHOR BAR 'JUG PAR BYED PA'I CHOS BDAG 'DZIN LHAN SKYAS DANG, KUN BTAGS LA GOMS PA STE BYIS PA DE DAG SNGAR GOMS PA MED PA YIS 'KHOR BA LAS LDOG BYED KYI CHOS STONG PA NYID LA 'JIGS PAR 'GYUR BAS DAM PA MIN PA'I CHOS LOG SPANG BAR BYA'O, ,GNYIS PA NI, DES NA DE BZHIN @089B GSHEGS PA LA BYAS PA GZO ZHING 'JIGS PA CHEN POS SPANG BAR 'DOD PAS DAM PA'I CHOS KYI SNOD DU GYUR PA LA BSTAN PAR BYA'O, ,GANG ZHIG STONG PA NYID LA MI GUS PA 'BA' ZHIG TU MA ZAD GTI MUG 'BA' ZHIG GIS SGRIBS SHING, ,PHRAG DOG DANG SER SNA LA SOGS PA'I DBANG GIS DE KHO NA NYID STON PA DANG NYAN PA DANG SEMS PA SOGS LA GEGS BYED PA DE LA DGE LEGS 'GRO BA, MTHO RIS THOB PA YANG MED NA THAR PA THOB PA LTA GA LA YOD SDIG PA SHIN TU CHE BA'I PHYIR RO, ,MA DUNG PHYUR GSOD PA LAS KYANG RTEN 'BYUNG SPROS PA'I MTHA' DANG BRAL BA SPONG BA SDIG PA CHE BAS RANG GIS RANG LA BSLUS MI BYED NA GNAS 'DI LA GZAB PAR BYA'O, ,GSUM PA NI, STONG PA NYID LA SKUR BA 'DEBS PA RANG GZHAN LA GNOD PA SHIN TU CHE BAS TSUL KHRIMS LAS NI NYAMS PA SLA YI STONG PA NYID KYI LTA BA LAS CIS KYANG NYAMS PAR BYA BA MA YIN TE, TSUL KHRIMS KYIS NI 'BRAS BU MTHO RIS 'GRO LA DE KHO NA NYID RTOGS PA'I LTA BAS THAR PA DANG THAMS CAD MKHYEN PA'I GO 'PHANG MCHOG TU 'GRO BAR 'GYUR RO, ,MDO LAS, TSUL KHRIMS NYAMS PA NI SLA'I, LTA BA NYAMS PA NI MA YIN NO, ,ZHES GSUNGS SO, ,BZHI PA NI, DE KHO NA NYID KYIS LTA BA DE YANG MKHAS PAS SNOD NYE BAR BRTAGS NAS BSTAN PAR BYA STE, JI SKAD DU, BLUN LA NYE BAR BSTAN PA NA, ,'KHRUG PAR 'GYUR GYI ZHI PHYIR MIN, , LAG 'GRO'I 'O MA 'THUNG BA NI, ,DUG 'PHEL 'GYUR BA 'BA' ZHIG GO ,ZHES BSHAD PA LTAR, BLO MA SBYANGS PA'I DAM PA MIN PA LA BDAG 'DZIN DANG MTHUN PAR BDAG BSTAN PA MCHOG YIN TE, BDAG LA CHAGS PAS NYES SPYOD LAS LDOG NAS BDE 'GRO @090A *, ,RNYED SLA BA'I PHYIR, BDAG MED STON PA NI MCHOG MA YIN TE, SPONG BA DANG PHYIN CI LOG TU GO NAS SGO GSUM 'JOMS PAR 'GYUR BA'I PHYIR RO, ,DES NA STONG PA NYID BSTAN PA LA NYIS DMIGS PHAN YON GYI PHYOGS GNYIS YOD DE, GCIG NI MA GUS PAR SPONG BA DANG, YANG NA YOD PA MA YIN PA STONG PA'I DON DU BZUNG NAS LAS 'BRAS LA SKUR BA BTAB PAS NGAN 'GRO NYID DU 'GRO LA, DE KHO NA NYID LA MKHAS PA'I THA MAL PA MIN PA LA ZHI BA NYID DU 'GRO'O, ,LNGA PA LA GNYIS GNAS LUGS NGOS BZUNG BA DANG, DMAN PA SKRAG PA SKYE BA'I RGYU MTSAN NO, ,DANG PO NI, THEG PA GSUM GA'I BYANG CHUB TU BGROD PA LA NGES PAR RTOGS DGOS KYI DE KHO NA NYID MA RTOGS PAR SRID PA'I RTZA BA GCOD MI NUS PAS ZHI BA'I SGO GNYIS PA MED PA DANG; GANG ZHIG RTOGS NA MTHAR 'DZIN GYI LTA BA NGAN PA RNAMS 'JIG PAR BYED CING NYAN RANG 'PHAGS PA DANG, SANGS RGYAS 'PHAGS PA SOGS SANGS RGYAS KUN GYI YUL DU GYUR PA RTEN 'BYUNG RANG BZHIN GYIS GRUB PAS STONG PA NI, GNAS LUGS DANG DON DAM BDEN PA DANG, STONG PA NYID DANG BDAG MED CES NI BYA BAR BRJOD DO, ,GNYIS PA NI, BDAG MED 'DI NI SKYE BO BLO ZHAN PA LA BSTAN PAR BYA BA MIN TE, STONG PA NYID KYI CHOS 'DI YI NI MING LAS KYANG DAM PA MIN PA 'JIGS PA SKYE STE, STOBS ZHAN PA LA 'JIGS PA MI SKYED PA'I STEBS LDAN ZHES BYA BA GANG ZHIG MTHONG STE, DPER NA STAG DANG SENG-GE LA SOGS PA MTHONG BA TZAM GYIS RI DVAGS PHRA MO 'JIGS PA BSKYED PA BZHIN NO, ,GSUM PA LA GSUM, CHOS 'DI RTZOD PA'I CHAD DU @090B MA GSUNGS KYANG SMRA BA NGAN PA MTHA' DAG PA SPOG PA CHES NYID YIN PA DANG, DE'I RGYU MTSAN DANG, LAM GOL BAR ZHUGS PA LA SNYING RJE BYA BAR RAGS PA'O, ,DANG PO NI, CHOS 'DIS LTA BA NGAN PA MTHA' DAG 'JOMS PAR BYED PAS PHAS KYI RGOL BA CHAR BCAD PA'I CHED DU, SNOD MIN PA DAG LA NYE BAR BSTAN PAR BYA'O ZHE NA, STONG PA NYID KYI CHOS 'DI DE BZHIN GSHEGS PA RNAMS KYIS RGOL BA GZHAN ZIL GYI MNAN PA 'BA' ZHIG GI RTZOD PA'I CHAD DU MA GSUNGS PA STE, RNAM PAR THAR PA'I SGO NYID DU BSTAN PA'I PHYIR, DE LTA NA'ANG STONG PA NYID KYI CHOS 'DIS NI GZHAN GYI SMRA BA NGAN PA RNAMS BSREG STE, ME LA BSREG PAR BYA'O SNYAM PA MED KYANG ME YIS BUD SHING BSREG PA BZHIN NO, ,SLOB DPON GYIS KYANG, RTZA RTZE'I CHU YI ZIL PA RNAMS, ,NYI MA'I 'OD DANG MDA' BA BZHIN, ,RGAL BA RNAMS KYI RTZOD DANG SKYON, ,KHYOD DANG MJAL NA 'JIG PAR 'GYUR, ,ZHES GSUNGS SO, ,GNYIS PA LA GNYIS, DNGOS DANG, 'PHAGS PA RNAMS LA SKRAG PA MI SKYE BA'I RGYU MTSAN NO, ,DANG PO NI, CHOS 'DI DAD PA CAN GYI RGYUD LA SKYES PA NA JI LTAR GZHAN GYI SMRA BA SRAG CE NA, RANG BZHIN STONG PA NYID KYI CHOS 'DI'I BDUD RTZI'I RO GANG GIS THOS BSAM SGOM GSUM GYIS SHES PAR GYUR PA DE NI DNGOS PO LA BDEN PAR ZHAN PA'I LTA BA GZHAN LA MI DGA' STE, DES NA SLOB DPON BDAG LA STONG PA NYID KYIS CHOS 'DI NI LTA BA NGAN PA THAMS CAD 'JIGS PA'I SGO THABS DANG 'DRA BAR SNANG NGO, ,YANG NA, GSUNG RAB KYI CHOS LA DGONGS NAS 'JIG PA'I SGO DANG 'DRA BAR SNANG ZHAS BSHAD DO, ,STONG PA NYID STON PA'I @091A *, ,SANGS RGYAS KYI GSUNG YANG SLOB DPON LA DE DANG 'DRA BAR SNANG ZHES PA'O, ,GNYIS PA NI, CE STE 'PHAGS PA RNAMS LA STONG PA NYID SKRAG PA'I RGYU RU MI 'GYUR ZHE NA, BDAG LA CHAGS PA'I SA BON BCOMS PA'I PHYIR PHYI DANG NANG GI CHOS RNAMS DE KHO NA NYID DU BDAG MED SNYAM DU DE LTAR GANG LA DGONGS SHING MNGON SUM DU MKHYEN PAS GNAS PA DE NI BDAG YOD PAS GA LA DGA' BAR 'GYUR BDAG MED PAS 'JIGS PAR GA LA 'GYUR, BDAG LTA LA RJES SU CHAGS PA MED CING, BDAG MED LA KHRO BAR MI RIGS SO, ,DES NA BDAG MED PAR MNGON SUM DU RTOGS PA LA NI 'JIGS PA'I RGYU LOG PAS 'JIGS PA MI 'BYUNG NGO, ,GSUM PA NI, DON MIN PA 'KHOR BA'I SDUG BSNGAL MU MTHA' MED PA'I SA BON DU GYUR PA YI DNGOS PO BDEN PAR ZHEN PA'I LTA BA NGAN PA'I TSER BA'I TSANG TSING DU BCUG NAS, THAR PA CHA MTHUN GYI DGE BA'I SROG GI DBANG PO BCAD PA'I SGO NAS, NYIN RE BZHIN RANG GI SLOB MA RNAMS GSOD PAR BYED PA'I MU STEGS CAN MANG PO'I SPRUL GDUG PA MTHONG NAS NI 'KHOR BA LAS GROL BA'I CHOS 'DOD PA YI SKYE BO LA CHOS 'DI'I RANG BZHIN KHONG DU CHUD PA'I BYANG CHUB SEMS DPA'I RIGS CAN SU ZHIG SNYING BRTZE SKYE BAR MI 'GYUR, DES NA SEMS CAN RNAMS MU STEGS CAN GYI SBRUL GYIS PHROGS PAR MI 'GYUR BA RANG BZHIN MED PA'I LAM NYE BAR BSTAN PAR BYA'O, ,BZHI PA LA GNYIS, BLA DMAN PA GZHAN GYI BSTAN PA LA GUS SHING STON PA'I BSTAN PA LA MI GUS PA'I RGYU MTSAN SPYIR BSTAN PA DANG, SO SOR BSHAD PA'O, ,DANG PO NI, @091B CI'I PHYIR SEMS CAN RNAMS DAG PA'I BSAM PA CAN YIN YANG PHAL CHER MU STAGS CAN GYIS LUGS DANG RJES SU 'BREL GYI, SANGS RGYAS KYI BSTAN PA DANG MIN ZHE NA, DE NI PHRA ZHING RTOGS PAR DKA' BA'I PHYIR RO, ,'DI LTAR SH'A-KYA PA DANG GOS MED GCER BU PA DANG BRAM ZE STE GSUM PO RNAMS KYIS CHOS RIM PA BZHIN DU YID DANG MIG DANG RNA BA YIS 'DZIN PA DE'I PHYIR, THUB PA'I GZHUNG LUGS PHRA BAS DE LA PHAL CHER MI 'JUG GO ,SH'A-KYA PA'I CHOS NI RANG BZHIN MED PAR RTOGS PA'I LTA BA'I NYI MAS SEMS KYI RGYUD SNANG BAR GSUNGS SHING, DAM PA MIN PA'I LTA BA'I TSANG TSING MA LUS PA BCOMS PA, 'DUS BYAS RMI LAM DANG 'DRA BAR MTHONG BAS SEMS KYI RGYUD DRI MA MED PAR GYUR PA RNAMS MNYAM PAR BZHAG PAS GO BAR BYA DGOS PAS PHRA LA, GCER BU PA RNAMS LUS NYI LHAGS KYIS GZIR ZHING, GTZANG SBRA GCOD PA DANG BRAL BAS MTHONG BA KHO NAS GO BA DANG, BRAM ZE RNAMS 'DON PA 'BA' ZHIG SNYING POR BYED PAS, THOS PAS GO BAR BYA BA YIN PAS RTOGS PAR SLA BA YIN NO, ,GNYIS PA LA GSUM, LUGS NGAN DE DAG THAR 'DOD KYI DPYAD BYA MIN PA DANG, DBANG PO DMAN PA GUS PA SKYE BA'I TSUL DANG, LUGS DE DAG DAM PA'I CHOS MIN PA'I RGYU MTSAN NO, ,DANG PO NI, GAL TE BLO RTOGS PA'I YUL YIN PA'I PHYIR, 'JIG RTEN PA PHYI ROL PA'I CHOS LA 'JUG NA KHYOD KYIS KYANG DE LTAR BSGRUB RIGS SO, ,ZHE NA, MI RIGS TE, JI LTAR BRAM ZE RNAMS LA CHOS PHAL CHER BZLAS BRJOD DANG, SBYIN SREG DANG, BKRA SHIS DANG, 'GYOD MTSANGS SOGS RNYED BKUR GYI CHED DU PHYI TSUL 'CHOS PA SHAS CHE BAS @092A *, ,THAR PA 'DOD PA RNAMS KYI DPYAD BYA MA YIN PAR BRJOD PA LTAR DE BZHIN DU GCER BU PA RNAMS LA CHOS PHAL CHER SKRA 'BAL BA DANG, ME LNGA BSTEN PA SOGS TE BLUN PA BRJOD PA YIN PAS THAR PA 'DOD PA RNAMS KYIS RNAM PA THAMS CAD DU SPANG BAR BYA BA YIN NO, ,GNYIS PA NI, BRAM ZE RNAMS KYIS CHOS PHYIR 'CHOS PA GTZO BO YIN PAS DBANG PO DMAN PA KHA CIG ,JI LTAR RIG BYED 'DON PA SOGS RIGS PA BLANGS PA LAS BRAM ZER GUS PA SKYE BA LTAR DE BZHIN DU LUS NYI LHAGS KYIS GZIR BA SOGS SDUG BSNGAL ZHING NYON MONGS PA'I KUN SPYOD BLANGS PA LAS GCER BU PA LA GUS SHING BRTZE BAR 'GYUR RO, ,GSUM PA NI, LUS GZIR BA LA SOGS PA'I TSOR BA SDUG BSNGAL MI DGE BA'I LAS KYI RNAM SMIN YIN PA'I PHYIR, JI LTAR DMYAL BA'I SDUG BSNGAL BZHIN DU CHOS SU MI 'GYUR BA DE BZHIN DU BRAM ZE RNAMS KYI SKYE GNAS BZUNG BA'I SKYE BA YANG SNGON GYI LAS KYI NI RNAM SMIN YIN PA'I PHYIR, ,MIG LA SOGS PA BZHIN MTHO RIS THOB BYED KYI CHOS MA YIN NO, ,GNYIS PA LA GNYIS, DNGOS DANG, PHYI ROL PA STON PA'I CHOS LA MI GUS PA'I RGYU MTSAN NO, ,DANG PO NI, SKYE BA DANG SDUG BSNGAL CHOS MIN NA CHOS GANG ZHIG YIN ZHE NA, GZHAN LA GNOD PA'I BSAM PA DANG, DES KUN NAS BSLANGS PA'I LUS NGAG GI LAS NI, GZHAN LA 'TSE BA YIN LA, MI 'TSE BA NI, DE LAS LOG PA'I DGE BA BCU'I LAS KYI LAM MO, ,DES NA MTHO RIS THOB BYED KYI CHOS NI MDOR NA MI 'TSE BAR DE BZHIN GSHEGS PA RNAMS GSUNGS SO, ,THAR PA @092B THOB PAR BYED PA'I CHOS NI CHOS RNAMS RANG BZHIN GYIS GRUB PAS STONG PA NYID RANG BZHIN GYI MYANG 'DAS DANG, DON DE NYID MNGON SUM DU BYAS PAS SDUG BSNGAL KUN GTAN MI SKYE BA'I CHOS CAN DU MTHONG NAS GLO BUR GYI DRI MA DANG BRAL BA, GLO BUR GYI DRI BRAL GYI MYA NGAN LAS 'DAS PA STE 'DIR NI MI 'TSE BA DANG MYANG 'DAS DE GNYIS 'BA' ZHIG GO ,RIGS PA DRUG CU PA LAS, DE NYID MTHONG CHOS MYA NGAN LAS, ,'DAS SHING BYA BA BYAS PA'ANG YIN, ,ZHES BSHAD PA LTAR, MTHONG LAM THOB NAS MYANG 'DAS TZAM ZHIG THOB PAR BZHAG GI DE THOB PA LA PHUNG PO MA LUS PA 'GAGS PA MI DGOS SO, ,SKABS 'DIR BSHAD PA'I DGOS PA NI, THAR PA THOB PA LA NGES PAR STONG PA NYID RTAGS DGOS PAR BSTAN PA'I CHED DU YIN NO, ,GNYIS PA NI, PHYI ROL PA RNAMS KYIS THUB PA'I BSTAN PA 'DI MTHONG BZHIN DU YANG CHOS GNYIS PO 'DI LA MI GUS ZHE NA, RANG PHYOGS NGAN PA LA CHAGS PA'I PHYIR, 'DI LTAR RANG GI PHYOGS LA CHAGS PA NI 'JIG RTEN THAMS CAD LA THOG MA MED PA NAS GOMS PAS RANG GI SKYE SA YI YUL BZHIN DU SDUG CING CHAGS PAS GTONG MI 'DOD PAR 'GYUR NA RANG PHYOGS DE'I LDOG PAR BYED PA'I RGYU DE DANG 'GAL BA MI CHE BA DANG STONG PA NYID CES BYA BA CHOS GNYIS PO 'DI PHYI ROL PA KHYOD LA RGYU GANG GI SDUG PAR 'GYUR TE, RANG GI LTA BA NGAN PA LA MNGON PAR ZHE NA PAS SANGS RGYAS KYI CHOS 'DI LA MI 'JUG GO ,GSUM PA LEGS BSHAD BLANG BAR GDAMS PA NI, MKHAS PAS RANG GI SKYES RGUD PA'I RGYUR MTHO NAS DE SPANGS NAS 'BYOR BA'I YUL GZHAN LA BRTAN PA LTAR, GANG ZHIG GOMS PAS MNGON MTHO DANG @093A *, ,THAR PA THOB PA'I RIGS PA'I DON NI GZHAN GYI GZHUNG LAS KYANG BLO LDAN LEGS PAR 'DOD PAS BLANG BAR BYA STE, DPER NA NYI MA PHYOGS LHUNG DANG BRAL BAS SA STENGS NA GNAS PA'I MIG LDAN LA SNANG BA'I BYA BA BYED PAS KUN GYI SPYI MTHUN DU BYED PA MIN NAM YIN PA DE BZHIN DU, CHOS 'DI GNYIS KYANG NYAMS SU BLANGS NA THAMS CAD LA PHAN THOGS PA KHO NA YIN PAS GUS PA DANG LDAN PAS CHOS 'DI DAG BYA BAR RIGS SO, ,'DIR SMRAS PA, LEGS BSHAD SNOD KYI MTSAN NYID LDAN BYA STE, ,GANG ZHIG RTOGS PAS MTHAR 'DZIN LA CHAGS BRAL, ,SRID GCOD LAM GYI DMIGS PA MTHAR THUG PA, ,RTEN 'BYUNG RANG BZHIN MED LA MKHAS PAR BYA, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS LTA BA DGAG PA BSGOM PA BSTAN PA STE RAB TU BYED PA BCU GNYIS PA'I 'GREL PA'O,, ` ,,BZHI PA DBANG PO DANG DON BDEN GRUB DGAG PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, DON BDEN GRUB 'GOG PA'I RIGS PA RGYAS PAR BSHAD PA DANG, BDEN PAS STONG PA SGYU MA SOGS DANG MTSUNGS PAR BSTAN PA'O, ,DANG PO LA GSUM, GZUNG BYA DBANG DON BDEN PA DGAG PA DANG, 'DZIN BYED YUL CAN BDEN PA DGAG PA DANG, BDEN MED MIG 'KHRUL LTA BU NGO MTSAR GYI RGYUR BSTAN PA'O, ,DANG PO LA GNYIS, SPYIR DGAG PA DANG, SO SOR DGAG PA'O, ,DANG PO LA GNYIS, DNGOS DANG, @093B RIGS PA GZHAN BSTAN PA'O, ,DANG PO LA LNGA, BUM PA RANG GI MTSAN NYID KYIS GRUB PA DBANG SHES KYI MNGON SUM DU MTHONG BA DGAG PA DANG, RIGS PA DE GZHAN LA SBYAR BA DANG, GZUGS RANG MTSAN MTHONG BAS GZHAN MTHONG BAR 'JOG PA HA CANG THAL BA DANG, GZUGS RANG MTSAN PA KHO NA LA MNGON SUM YIN PA DGAG PA DANG, SGRUB BYED BSGRUB BYA DANG MTSUNGS PAR BSTAN PA'O, ,DANG PO NI, RIGS PA'I DON NI GZHAN LAS KYANG, BLO LDAN LEGS PA 'DOD LAS BLANGS, ,ZHES SMRAS NA, LEGS BSHAD GANG YIN ZHE NA, DNGOS PO THAMS CAD RANG BZHIN MED PAR MTHONG BA'O, ,DNGOS PO THAMS CAD RANG BZHIN MED PAR RTOGS MI NUS TE, RANG BZHIN MED NA YE MED DU 'GYUR BAS BONG BU'I RVA LA SOGS PA MNGON SUM DU GRUB PA MIN PAS BUM PA DANG SNGON PO LA SOGS PA MNGON SUM DU GRUB PA'I PHYIR, DNGOS PO THAMS CAD RANG BZHIN GYIS YOD PA KHO NA'O ZHE NA, BUM PA NGO BO NYID KYIS GRUB PA MNGON SUM DU MTHONG BA MI 'THAD PAR THAL, DE LTA NA BUM PA'I GZUGS MTHONG BA'I BLO DES CHA THAMS CAD MTHONG DGOS PA GANG ZHIG MIG SHES KYI BUM PA'I GZUGS MTHONG BA'I TSE NA BUM PA'I CHA THAMS CAD KHO NA MTHONG BAR MI 'GYUR BA'I PHYIR, BUM PA MNGON SUM ZHES BYA BA'ANG DNGOS PO'I DE NYID RIGS PA SU ZHIG SMRA, 'ANG GI SGRAS SNGON PO RANG MTSAN PA YANG ZHES PA'O, ,BUM PA NI RDUL RDZAS BRGYAD LA BRTEN NAS BTAGS PA RANG GI MTSAN NYID KYIS GRUB PA DANG, PHYOGS GCIG MTHONG BAS THAMS CAD MTHONG BA MI RUNG BA'I PHYIR, ,DE BZHIN DU ME LA SOGS PA RANG GI NGO BOS GRUB NA, BUD SHING LA MI LTOS PAS RTAG TU 'BAR BA LA SOGS PA'I NYES PAR 'GYUR RO, ,RTOG GO PA DAG DBANG PO SO SO LA @094A *, ,BRTEN NAS NA MNGON SUM ZHES 'DRES RUNG 'DZIN PA'I RTOG PA DANG BRAL BA'I SHES PA MNGON SUM DU 'DOD PA NI RIGS PA DANG, GRAGS PA DANG 'GAL BA'I PHYIR RO, ,SHES PA SKAD CIG RE RE BA LA MNGON SUM MI RUNG BAR RNGAL? BA DANG, 'JIG RTEN NA YANG ZLA BA TSES PA SOGS SKYES BU DU MAS MNGON SUM DU GRUB PA'I YUL MNGON SUM DU GRAGS KYI YUL CAN LA MA GRAGS PA'I PHYIR, DE BZHIN DU DBANG PO'I SHES PA MNGON SUM DU KHAS BLANGS PAS, ZHES PA GZHAN TSAD MAR RTOGS PA YANG MA 'BREL BA ZHIG STE, RGYAS PAR 'GREL PA LAS SHES PAR BYA'O, ,TSIG MNGAS SU DOGS NAS MA BRIS SO, ,GNYIS PA NI, BUM PA DANG SNGON PO LA SOGS PA RANG GI NGO BO NYID KYIS GRUB PA LA DBANG SHES MNGON SUM DU 'DOD PA 'GOG PA'I RIGS PA'I RNAM PAR DPYAD PA 'DI NYID KYIS BLO MCHOG DANG LDAN PA'I MKHAS PAS SNA MA'I ME TOG GI DRI LA SOGS DRI ZHIM PA DANG RO MNGAR DANG, REG BYA 'JAM PA THAMS CAD DAG RANG GI NGO BO NYID KYIS GRUB PA LA DBANG SHES MNGON SUM DU 'DOD PA YANG SO SOR DGAG PAR BYA BA YIN NO, ,DNGOS PO BDEN PAR GRUB PA LA CHA GCIG MTHONG NAS CHA GZHAN MA MTHONG BA DANG, PHRAD MA PHRAD NYE RING GI KHYAD PAR SOGS BZHAG TU MI RUNG BAS NYES PA DE DAG 'JUG PA YIN NO, ,GSUM PA NI, BUM PA GZUGS LAS RDZAS THA DAD PA MED PA'I PHYIR, GZUGS MTHONG BAS BUM PA'I CHA THAMS CAD MTHONG BAR 'GYUR RO ZHE NA, GAL TE MIG SHES KYIS BUM PA'I GZUGS MTHONG BA YIS BUM PA'I CHA DE THAMS CAD MTHONG BAR 'JOG NUS PAR 'GYUR NA NI MIG SHES KYIS BUM @094B BA'I DRI MA MTHONG BA YIS GZUGS MTHONG BAR 'DOD PA YANG MTHONG BA MIN PAR CIS MI 'GYUR, PHYOGS GCIG MTHONG BAS THAMS CAD MTHONG BAR 'JOG NA, CHA GCIG MA MTHONG BAS MA MTHONG BAR 'DOD PA YANG MTHONG BAR BZHAG MI NUS SO, ,BZHI PA NI, GAL TE BUM PA MNGON SUM GYI GZHAL BYAR MED KYANG BUM PA'I GZUGS MNGON SUM GYIS GRUB LA, RGYUD NAS BUM PA RANG GI NGO BO NYID KYIS GRUB PA YANG MNGON SUM DU GRUB PO ZHE NA, GZUGS NI RANG GI NGO BO NYID KYIS GRUB PA 'BA' ZHIG KHO NA LA MNGON SUM NYID NI YOD PA MA YIN PAR THAL, GANG GI PHYIR GZUGS DE LA'ANG PHA ROL GYI CHA DANG TSUL ROL GYI CHA DANG DBUS KYI CHA DU MA YOD PAS CHA DU MA LA BRTEN NAS BTAGS PA YIN PA'I PHYIR, GANG LA MNGON SUM DU 'GYUR BA'I RANG GI NGO BO NYID KYIS GRUB PA CUNG ZAD KYANG MED DO, ,LNGA PA NI, DE LTAR CHA DANG CHAR PHYE BA NA GZUGS DE RDUL PHRA RAB KYI MTHAR THUG PAR GNAS LA RDUL LA CHA SHAS YOD DAM MED CES DPYAD PA RDUL DER YANG 'JUG PAR 'GYUR TE, MDUN RGYAB SOGS KYI CHA YOD NA BUM PA LA SOGS PA BZHIN DU CHA DU MA LA BRTEN NAS BTAGS PAS RDUL PHRA RABS NYAMS LA, CHA SHAS MED NA GZUNG DU MED PAS MED PAR 'GYUR RO, ,DE'I PHYIR DNGOS PO RANG MTSAN PA MA GRUB BSGRUB PAR BYA BA YIS BSGRUB BYA BUM PA RANG GI NGO BO NYID KYIS GRUB PA MNGON SUM GYI GZHAL BYAR 'GYUR BAR MI 'THAD DO, ,GNYIS PA NI, GZHAN YANG DBANG PO GZUGS CAN GYIS GZUNG BAR BYA BA'I DON LA BRTAGS PA NA KUN KYANG RANG GI YAN LAG CAN LA LTOS NAS YAN LAG TU GYUR NAS SLAR YANG, RANG GI @095A *, ,YAN LAG LA LTOS NAS YAN LAG CAN DU 'GYUR BA DE'I PHYIR, RANG GI CHA SHES LA BRTEN NAS BTAGS PA TZAM DU ZAD LA, RDUL PHRA RAB LA DPYAD PA BYAS PA DE BZHIN MING GI MTHAR GNAS PA'I YI GE AA LA SOGS PA BRJED PA YANG 'JIG RTEN 'DI NA THA SNYAD TZAM MA GTOGS RANG GI NGO BO NYID KYIS YOD PA MA YIN NO, ,DAS NA RTEN 'BYUNG GI CHOS THAMS CAD MING TZAM BRDA TZAM DU SHES PAR BYA'O, ,GNYIS PA LA GNYIS, YUL RANG GI NGO BOS GRUB PA DBANG POS 'DZIN PA DGAG PA DANG, YID KYIS 'DZIN PA DGAG PA'O, ,DANG PO LA GNYIS, BLTA BYA BDEN GRUB DGAG PA DANG, MNYAN BYA BDEN GRUB DGAG PA'O, ,DANG PO LA GNYIS, YUL DGAG PA DANG, YUL CAN DGAG PA'O, ,DANG PO LA GNYIS, RANG SDE DGAG PA DANG, GZHAN SDE DGAG PA'O, ,DANG PO LA GSUM, KHA DOG DANG DBYIBS KYIS BSDUS PA'I GZUGS RANG MTSAN MIG SHES KYI GZUNGS DON DU BYED PA DE GNYIS RANG BZHIN GCIG DANG THA DAD BRTAGS LA DGAG PA DANG, 'BYUNG BA YOD PA'I RGYU MTSAN GYIS GZUGS GZUNG DON DU BYED PA'I MIG SHES KYIS GNYIS KA 'DZIN PAR THAL BAS DGAG PA DANG, 'DOD PA LA GNOD PA BSTAN PA'O, ,DANG PO NI, KHA DOG DANG DBYIBS KYIS BSDUS PA'I BUM PA'I GZUGS RANG MTSAN MIG SHES KYIS MTHONG BAS BUM PA MNGON SUM DU GRUB BO ZHE NA, KHA DOG DANG DBYIBS GNYIS RANG BZHIN GZHAN NAM GCIG ,GAL TE MDOG LAS RING THUNG LA SOGS PA'I DBYIBS RANG BZHIN GZHAN YIN NA JI LTA BUR NA MIG SHES KYIS DBYIBS @095B GZUNG DON DU BYAS NAS 'DZIN PAR 'GYUR MI 'GYUR BAR THAL, KHA DOG LAS RDZAS GZHAN YIN PA'I PHYIR, 'ON TE GZHAN MIN PAR RANG BZHIN GYIS GRUB PA'I GCIG YIN NA, LUS KYIS MUN KHUNG DU RING THUNG LA SOGS PA'I DBYIBS 'DZIN PA LTAR MDOG KYANG CI STE 'DZIN PAR MI 'GYUR 'DZIN PAR THAL, DE GNYIS GCIG YIN PA'I PHYIR, GNYIS PA NI, GZUGS KYI SKYE MCHED YOD DE, RGYU GZUGS 'BYUNG BA CHEN PO BZHI YOD PA'I PHYIR CE NA, 'BRAS BU'I GZUGS NI LTA ZHIG MA GTOGS PAR SA LA SOGS PA'I GZUGS KYI RGYU NI MI SNANG STE, 'BRAS BU GZUGS LA BRTEN NAS BTAGS PAS RANG BZHIN THA DAD DU MI 'THAD LA, RANG BZHIN GYIS GRUB PA'I GCIG YIN NA, GCIG YIN DGOS PAS RGYU GZUGS DANG 'BRAS GZUGS GNYIS KA YANG NI MIG SHES NYID KYIS 'DZIN PAR CI'I PHYIR MI 'GYUR 'DZIN PAR THAL, GCIG YIN PA'I PHYIR, GSUM PA NI, SA NI SRA ZHING BRTAN PA ZHES BYA BAR MTHONG LA DE YANG LUS SHES KYIS 'DZIN PAR 'GYUR BA DES NA REG PA'I KHYAD PAR 'BA' ZHIG NI SA'O ZHES NI BYA BAR BRJOD PAS GZUGS KYI SKYE MCHED NI MIG SHES KYI GZUNG YUL DANG, 'BYUNG BZHI LUS SHES KYI GZUNG YUL YIN PAS THA DAD PA YIN LA DE GNYIS BDEN GRUB TU KHAS BLANGS NA 'BREL PA MED PAS GZUGS RGYU MED DU THAL BAR 'GYUR RO, ,GNYIS PA NI, BYE BRAG PA NA RE, BUM PA NI RANG GI NGO BOS BLTA BYA MIN LA BLTA BYA MIN PA YANG MA YIN TE, BLTA BYA NYID CES PA'I SPYI DON GZHAN DANG LDAN PAS MNGON SUM DU 'GYUR RO, ,ZHE NA, DE YANG MI RIGS TE BUM PA RANG RGYU LAS BLTA BYAR SKYES SAM MA SKYES, DANG PO LTAR NA, @096A *, ,BUM PA NI 'DI LA BLTA BYA NYID KYI SPYI DON GZHAN DANG 'BREL BAS MNGON SUM DU GRUB PA'I YON TAN 'GAR YANG MI 'GYUR BAR THAL, RANG RGYU LAS BLTA BYAR SKYES PAS SO, ,RGYU MTSAN DES NA BUM PA LA BLTA BYA NYID DON GZHAN SKYE BA MA GRUB PA LTAR BLTA BYA DANG 'BREL MED CING BLTA BYAR MA GYUR PA'I BUM PA'I YOD PA'I NGO BO RANG BZHIN GYIS YOD PA MIN PAS BUM PA KHYOD LTAR NA MNGON SUM DNGOS DANG, BTAGS PA BA GANG DU YANG MI RIGS SO, ,GNYIS PA LA LNGA, MIG GZUGS LA LTA BYED DU NGO BO NYID KYIS GRUB PA DGAG PA DANG, RNAM SHES BYED PA PO YIN PA DGAG PA DANG, MIG BYED PA PO YIN PA DGAG PA DANG, MIG DE MIG LA LTOS NAS LTA BYED DU THAL BA DANG, RKYEN GSUM TSOGS PA GZUGS LA LTA BYED YIN PA DGAG PA'O, ,DANG PO NI, YUL GZUGS LA SOGS PA MNGON SUM PA DAG NI YOD DE, DE 'DZIN PAR BYED PA MIG LA SOGS PA'I DBANG PO YOD PA'I PHYIR CE NA, MIG GI DBANG PO NI CHOS CAN, GZUGS KYI SKYE MCHED MIG GIS TA KHYOD KYIS MTHONG GI DBANG PO GZHAN GYIS MIN PA'I PHYIR NGO BO NYID KYIS GZUGS 'DZIN BYED MA YIN TE, 'BYUNG 'GYUR YIN PA'I PHYIR, RNA BA'I DBANG PO DE BZHIN NO, ,KHYAB PA LA GNOD PA CAN GYI TSAD MA STON PA NI 'OG TU 'CHAD DO, ,MIG LA SOGS PA MI SRID NA LAS KYI RNAM PAR SMIN PAR BSHAD PA DANG 'GAL LO ZHE NA, DE NI KHO BO CAG GIS KYANG MA BKAG GO ,CI'I PHYIR MA BKAG CE NA, KHO BO CAG DNGOS PO RNAMS RANG GIS NGO BOS GRUB PA 'GOG @096B PA YIN GYI, RTEN CING 'BREL PAR 'BYUNG BAS BSDUS PA RNAMS NI MI 'GOG PAR MA ZAD RANG LUGS LA KHAS LEN PA YIN NO, ,DE KHO NA NYID 'JAL BA'I RIGS PAS NI BSAM PAR MI NUS SHING RANG GI NGO BOS MA GRUB KYANG MIG GIS GZUGS MTHONG LA SGRA MI THOS PA LA BSNYON MI NUS PA DES NA LAS KYI RNAM PAR SMIN PA BSAM GYIS MI KHYAB PAR RIG PAR BYAS NAS, RIGS PA'I 'THAD PA MA BCUG PAR KHAS BLANG BAR BYA BA YIN PAS NGES PAR LAS RNAMS KYI RNAM SMIN THUB PAS BSAM GYIS MI KHYAB PAR GSUNGS TE, MDO LAS SEMS CAN LAS KYI RNAM SMIN BSAM YAS PAS, ,RGYU LAS 'JIG RTEN 'DI KUN 'BYUNG 'GYUR TE, ,ZHES GSUNGS PAS SO, ,GNYIS PA NI, MIG LA SOGS PA RANG BZHIN GYIS YOD DE, DE'I 'BRAS BU RNAM SHES MTHONG BA'I PHYIR CE NA, MIG GI SHES PA NI GZUGS LA BLTA BA'I SNGA ROL TU YOD PA MA YIN TE, DE'I SNGA ROL TU DE SKYED PA'I RKYEN MA TSANG BA'I PHYIR, 'ON TE GZUGS LA BLTA BA'I PHYIS YOD NA GZUGS BLTA BA LA MIG SHES DON MED PAR THAL, NGA'I SNGA ROL TU BLTA BA YOD PA'I PHYIR, ,'ON TE RTAG PA GSUM PA LTA BA DANG SHES PA GNYIS CIG CAR 'BYUNG BAR RTOG NA, MIG SHES SKYE BA LA LTA BAR BYA BA'I BYED PA DON MED PAR 'GYUR BAR THAL, LTOS MED DU CIG CAR 'BYUNG BA'I PHYIR RO, , GSUM PA LA GSUM, MIG GZUGS LA BLTA BA'I 'GROS DANG LDAN NA HA CANG THAL BA DANG, GZUGS MTHONG NAS LTA BA'I CHED DU 'GRO NA DGOS PA MED PA DANG, MIG MA SONG BAR NGO BO NYID KYIS GZUGS 'DZIN NA YUL KUN MTHONG BAR THAL BA'O, , @097A *, ,DANG PO NI, GAL TE MIG NI BLTA BA'I BYED PA PO YIN NO ZHE NA, MIG GIS GZUGS LA BLTA NA YUL GYI DRUNG DU SONG NAS BLTA'AM, MA SONG BAR BLTA, DANG PO LTAR NA, MIG DE GZUGS LA BLTA BA'I TSE YUL GYI DRUNG DU 'GRO BA'I 'GROS DANG LDAN PAR GYUR NA THAG RING GI YUL, YUN RING GIS MTHONG DGOS PAR 'GYUR BAR THAL LO, ,GAL TE MIG GIS PHRAD NAS 'DZIN NA HA CANG NYE BA'I MIG SMAN DANG THUR MA SOGS PA DANG TSES RING DU GNAS PA'I GZUGS DE GSAL BAR CI STE MTSUNGS PA MIN MTSUNGS PAR THAL, PHRAD NAS 'DZIN PA'I PHYIR, GNYIS PA NI, GAL TE GZUGS MTHONG NAS MIG GZUGS KYI DRUNG DU 'GRO NA SONG BAS YON TAN 'GA' YANG MED DE, GZUGS BLTA BA'I CHED DU YIN NA SNGA NAS MTHONG ZIN PA'I PHYIR CI STE MA MTHONG BAR 'GRON YANG NA BLTA BYAR 'DOD PA'I GZUGS NI NGES PAR MTHONG ZHES BYA BA RDZUN PAR 'GYUR BAR THAL, LONG PA LTAR MA MTHONG BAR BLTA BYA'I DRUNG DU 'GRO BA'I PHYIR, GSUM PA NI, CI STE SKYON 'DI SPANG BAR 'DOD NAS MIG MA SONG BAR GZUGS NGO BO NYID KYIS 'DZIN NA NI 'DI NA GNAS PA'I MIG GIS, THAG NYE RING DANG, SGRIBS MA SGRIBS KYIS 'GRO BA 'DI KUN MTHONG BAR 'GYUR TE, MIG GANG LA YUL GYI DRUNG DU 'GRO BA YOD PA MA YIN PA GZUGS NGO BO NYID KYIS MTHONG BA DE LA YUL THAG NYE RING MED CING MA SGRIBS PA DANG SGRIBS PA'ANG KHYAD PAR MED DGOS PA'I PHYIR RO, ,BZHI PA NI, JI LTAR ME TOG TZAM PA KA DANG, AUT-PAL LA SOGS PA'I DRI DANG POR RANG GI RTEN LA DMIGS NAS PHYIS DE DANG PHRAD PA LAS TIL LA @097B SOGS PA DMIGS PA LTAR DNGOS PO KUN GYI RANG BZHIN NI DANG POR BDAG LA SNANG BAR 'GYUR BA LUGS YIN NA STE YIN PAS, MIG LTA BYED YIN PA RANG GI NGO BO NYID KYIS GRUB NA, MIG LA LTOS NAS KYANG RANG BZHIN 'DOR MI SRID PAS MIG NI MIG NYID KYIS 'DZIN PAR RGYU MTSAN GANG GI PHYIR NA 'GYUR BA MA YIN PAR THAL, MIG GI DBANG PO DE MIG LAS SU BYAS PA LA LTOS NAS KYANG LTA BYAD KYI RANG BZHIN DE 'DOR MI SRID PA'I PHYIR, DES NA MIG GIS MIG 'DZIN PA TSAD MAS KHEGS PAS MIG NI CHOS CAN, NGO BO NYID KYIS GZUGS LA BLTA BAR BYED PA MIN TE, RANG LA MI LTA BA'I PHYIR, SNGON PO BZHIN NO, ,LNGA PA NI, GAL TE MIG 'GA' ZHIG LA GZUGS BLTA BA'I NUS PA MED KYI RKYEN GSUM TSOGS PA LA BRTEN NAS GZUGS MTHONG BAR 'GYUR RO ZHE NA, MIG LA BEM PO YIN PAS YUL RNAM PAR SHES PA YOD PAS MIN ZHING RNAM PAR SHES PA LA YANG GZUGS LA BLTA BA'I BYED PAR MED LA BLTA BA DANG RNAM SHES GNYIS KA DMIGS RKYEN GZUGS LA YOD PA MIN NA RKYEN GSUM TSOGS PA DE DAG GIS GZUGS NGO BO NYID KYIS JI LTAR MTHONG MTHONG BA MI 'THAD PAR THAL, YA GYAL GZUGS LA YANG MTHONG BA'I NUS PA DANG BRAL BA'I PHYIR RO, ,GNYIS PA LA GSUM, SGRA SMRA BA'I BYED PA PO YIN MIN BRTAGS LA DGAG PA DANG, SGRA DANG PHRAD NAS 'DZIN MI 'DZIN BRTAGS LA DGAG PA DANG, SGRA'I CHA DANG PO MI 'DZIN PA LA GNOD PA BSTAN PA'O, ,DANG PO NI, DE KHO NA NYID DU GZUGS BLTA BAR MI 'OS PA LTAR SGRA MNYAN PAR YANG MI 'OS TE, SGRA THOS NA NYAN PA'I YUL DU PHYIN PA'I MA PHYIN @098A *, ,PA ZHIG THOS DRANGS, DANG PO LTAR NA, SGRA NYAN SHES KYI YUL DU 'GRO BA NA SGRA 'BYIN CING 'GRO'AM, SGRA MED PAR 'GRO, DANG PO LTAR NA, GAL TE SMRA ZHING SGRA DE NYAN SHES KYI DRUNG DU 'GRO NA, RGYU MTSAN GANG GIS SMRA BA POR MI 'GYUR 'GYUR BAR THAL, LHAS BYAN LTAR SGRA SGRAG CING 'GRO BA'I PHYIR, 'DOD NA SGRA MIN PAR THAL LO, ,'ON TE MI SMRA BAR NYAN SHES KYI DRUNG DU 'GRO NA RGYU MTSAN GANG GIS SGRA DE LA, DMIGS PA'I SHES PA BSKYED SGRA CI YANG MI GRAGS PA'I PHYIR RO, ,GNYIS PA NI, GZHAN YANG GAL TE RNA BA'I DBANG PO DANG PHRAD DE SGRA 'DZIN NA PHRAD PA'I SNGA ROL GYI SGRA YI DANG PO GANG GIS 'DZIN 'DZIN BYED MED PAR THAL, RNA BA'I DANG POS KYANG MI 'DZIN GZHAN GYIS KYANG MI 'DZIN PA'I PHYIR, 'DOD NA, SGRA MIN PAR THAL, SGRA NI RDZAS DGU'I BDAG NYID CAN YIN PAS RKYANG PAR MI 'ONG NA SGRA TZAM RENG BU JI LTAR 'DZIN PAR 'GYUR TE, DE DANG TSOGS PA THA MI DAD PA'I DRI LA SOGS PA YANG 'DZIN PAR THAL, KHYOD LTAR NA SGRA BZHIN DU DE DAG KYANG RNA BA'I DBANG PO DANG PHRAD DGOS PA'I PHYIR, GSUM PA NI, SGRA'I DANG PO MA BZUNG NA NYES PA CI YOD CE NA, SGRA NYID NYAMS PA'I PHYIR RO, ,JI SRID SGRA THOS PAR MA GYUR PA DE YI BAR DU SGRAR MI 'GYUR TE, RNA BA'I YUL MIN PA'I PHYIR, DRI LA SOGS PA BZHIN, THOS PA NA SGRAR 'GYUR RO ZHE NA, DANG PO SGRA'I NGO BOR MED PA YANG MTHAR SGRA NYID DU 'GYUR NA DRI LA SOGS PA YANG DER THAL BAS, DNGOS PO RTAG PA LA DE NI MI RIGS SO, ,MDO LAS, DPER NA SHING DANG BRGYUD LA BRTEN BYAS NAS, ,LAG PA'I RTZOL PA BYAS PA GSUM TSOGS NA, , @098B SGROGS BYED PA'I WANG GLING BU LA SOGS PA, ,DE DAG LA SKYES SGRA YANG 'BYUNG BAR 'GYUR, ,DES NA MKHAS PA LA LAS BRTAG BYAS TE, ,DE NI GANG NAS 'ONGS LA GAR SONG ZHES, PHYOGS DANG PHYOGS MTSAMS KUN TU BTZAL BYAS NAS, ,SGRA YI 'ONGS PA'I 'GRO BA MI DMIGS SO, ,ZHES GSUNGS PA LTA BU'O, ,GNYIS PA YID KYIS YUL 'DZIN PA DGAG PA NI, SEMS YUL GYI DRUNG DU SONG NAS 'DZIN TO ZHE NA, MI RIGS TE, NYAN PA'I SHES PA RNA BA'I DANG PO DANG LHAN CIG YUL GYI DRUNG DU MI 'GRO STE, DBANG PO LUS KHO NA LA GNAS PA'I PHYIR, DBANG PO RNAMS DANG BRAL BA'I NYAN SHES LA SOGS PA'I SEMS KYIS YUL DU SONG STE'ANG, NYAN PA DANG BLTA BA LA SOGS PA'I BYA BA CI ZHIG BYED PAR 'GYUR LONG BA LA SOGS PA BZHIN DU YUL 'DZIN PA'I NUS PA MED PA'I PHYIR, DE LTA YIN DANG SROG STE BDAG DE NI RTAG TU YID MED PA CI STE MIN DE LTAR RIGS PAS DPYAD NA YUL DBANG RNAM SHES RNAMS LA YUL 'DZIN PA'I NUS PA RANG GIS NGO BOS GRUB PA MED DO, ,GNYIS PA 'DZIN BYED YUL CAN BDEN PA DGAG PA LA GNYIS, 'DU SHES KYI PHUNG PO'I MTSAN NYID, DE BDEN PAR GRUB PA DGAG PA'O, ,DANG PO NI, DBANG DON DE DAG RANG BZHIN MED NA DE DAG THUN MONG MIN PAR YONGS SU DPYOD PA'I 'DU SHES KYI PHUNG PO MED PAR 'GYUR RO ZHE NA, RIGS PAS DPYAD PA NA DE YANG MED MOD KYI THA SNYAD DU MED PA MA YIN TE, GZUGS LA SOGS PA SNGAR MTHONG BA'I DON GANG ZHIG YID KYIS THUN MONG MIN PA'I DON 'DZIN PAR BYED DO, ,DPER NA SMIG RGYU CHU'I BAG TZAM MED KYANG CHU'I RNAM PA CAN GYI @099A *, ,'DU SHES 'BYUNG BA LTAR YUL GYI THUN MONG MIN PA'I RNAM PA 'DZIN PA DE NI CHOS KUN GYI THUN MONG MIN PA'I MTSAN MA RNAM PAR BZHAG PA'I SEMS BYUNG LA 'DU SHES KYI PHUNG PO ZHES BYA'O, ,CHOS RNAMS 'DU SHES KYI RNAM PAR BZHAG PA TZAM DU ZAD KYI RANG GIS NGO BOS GRUB PA MA YIN NO, ,GNYIS PA NI, 'DU SHES KYI PHUNG PO RANG BZHIN GYIS MED NA CHOS THAMS CAD BZHAG MI NUS SO ZHE NA, SKYON MED PAR THAL, RANG GI NGO BOS MED KYANG MIG DANG GZUGS LA BRTEN NAS YID SGYU MA BZHIN DU SKYE BAR 'GYUR BA'I PHYIR RO, ,CHOS GANG LA YOD PA NYID DOO NYID KYIS YOD PA DE LA SGYU MA ZHES BYA BAR MI RIGS SO, ,'JIG RTEN NA YOD PAR GYUR PA'I BUD MED LA SGYU MAR MA GRAGS PA BZHIN NO, ,GSUM PA NI, CI NAS KYANG DBANG PO RNAMS YUL LA 'DZIN PA MI SRID LA, MIG DANG GZUGS LA BRTEN NAS MIG GI RNAM PAR SHES PA SKYE'O ZHES BYA BA 'DI NI NGO MTSAR BA ZHIG GO ZHE NA, DE KHO NA NGO MTSAR GYI RGYU MA YIN TE, RIGS PAS DPYAD PA'I TSE SA BON 'GAGS PA DANG MA 'GAGS PA LAS MYU GU 'BYUNG BA SOGS GANG GI TSE MKHAS PA LAS STENG NA, MIG 'KHRUL LTA BU'I NGO MTSAR CAN MIN PA CANG MED PA DE'I TSE DBANG SHES BDEN MED KYIS DON RTOGS PA DE 'DRA LA DGOS SU YA MTSAN ZHES BYA BA CI ZHIG YOD KUN GYI SPYI MTHUN YIN PA'I PHYIR RO, ,GNYIS PA NI, GANG GI PHYIR DA LTAR YIN PA DE'I PHYIR, RTEN 'BREL GYI CHOS RNAMS ME DANG BCAS PA'I YOG PA MYUR DU BSKOR BA'I MGAL ME'I 'KHOR LO DANG, TING NGE 'DZIN GYI SPRUL PA'I BUD MED @099B DANG RMI LAM GYI LUS BDEN PAR MED KYANG BDAG LA CHAGS PA PHYIN CI LOG GI RGYU BYED PA DANG, SGYU MA MKHAN GYIS SPRUL PA'I SGYU MA'I NA CHUNG BDEN PAR MED KYANG SEMS RMONGS PAR BYED PA DANG, DE BZHIN DU CHU ZLA DANG KHUG SNA DANG, RI'I TSANG TSING DANG, RI KHROD KYI PHUG SOGS LA BRTEN NAS NANG GI BRAG CHA SNANG BA LTAR SHES PA PHYIN CI LOG TU BYED PA DANG, DE BZHIN SMIG RGYU 'KHRUL SHES KYI RGYU BYED PA DANG SPRIN THAG RING PO NAS RI'I RNAM PAR SNANG BA DANG, SNOD BCUD KYI SRID PA RANG BZHIN GYIS GRUB PAS STENG BZHIN DU BYA BA BYED NUS PA DPE DAG DANG MTSUNGS PAR SHES PAR BYA'O, ,MDO LAS, JI LTAR BU MO GZHON NU'I RMI LAM NA, ,BU PHO BYUNG ZHING SHI BA NGES MTHONG NA, ,BYUNG NAS DGA' ZHING SHI NA MI DGA' LTAR, ,CHOS RNAMS THAMS CAD DE BZHIN SHES PAR BYA, ,SGYU MA BYAD PA DAG GIS GZUGS SPRUL TE, ,RTA DANG GLANG PO SHING RTA SNA TSOGS BYAS, ,DE LA JI LTAR SNANG BA GANG YANG MED, ,CHOS RNAMS THAMS CAD DE BZHIN SHES PAR GYIS, ,JI LTAR NAM MKHA' BAR SNANG ZLA SHAR BA, ,DE YI GZUGS BRNYAN DANG BA'I MTSOR SNANG STE, ,ZLA BA CHU YI NANG DU 'PHOS PA MED, ,CHOS KUN MTSAN NYID DE 'DRAR SHES PAR GYIS, ,BRAG PHUG RI RTZONG CHU KLUNG DOGS DAG TU, ,DE DAG LA BRTEN BRAG CHA 'BYUNG JI LTAR, ,DE BZHIN 'DUS BYAS 'DI KUN SHES PAR BGYIS, ,'GRO BA THAMS CAD SGYU MA SMIG RGYUR MTSUNGS, JI LTAR SOS KA'I NYI MA PHYED DUS NA, ,SKYES BU SKOMS PAS GDUNGS SHING 'GRO BA YIN, ,SMIG RGYU DAG LA CHU YI PHUNG POR MTHONG, ,CHOS RNAMS THAMS CAD DE BZHIN SHES PAR BGYIS, ,SMIG RGYU LA YANG CHU NI YOD @100A *, ,MED NA, ,SEMS CAN RMONGS PA DE LA 'THUNG 'DOD DE, ,MI BDEN CHU NI BTUNG BAR YOD MI NUS, ,CHOS RNAMS THAMS CAD DE BZHIN SHES PAR GYIS, ,JI LTAR BAR SNANG CUNG ZAD SPRIN MED PAR, ,SKAD CIG TU NI SPRIN GYI DKYIL 'KHOR SNANG, ,THOG MA GNAS BYUNG BA SHES PAR BYA, ,DE BZHIN CHOS RNAMS THAMS CAD SHES PAR GYIS, ,JI LTAR SMIG RGYU DRI ZA'I GRONG KHYER DANG, ,SGYU MA JI BZHIN RMI LAM JI LTA BUR, ,MTSAN MA BSGOM PA NGO BO NYID KYIS STONG, ,CHOS RNAMS THAMS CAD DE BZHIN SHES PAR GYIS, ,ZHES BYA BA LA SOGS PA GSUNGS SO, ,'DIR SMRAS PA, SRID GSUM RDZUN PA SGYU MA'I GRONG KHYER NA, ,LAS KYI 'KHRUL 'KHOR MKHAN GYIS BSKYOD PA YI, ,DRI ZA'I NA CHUNG SGYU MA'I GAR BYED CING, ,'DOD PA SMIG RGYU'I RJES SU BSNYEGS PA MTSAR, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS DBANG PO DANG DON DGAG PA SGOM PA BSTAN PA STE RAB TU BYED PA BCU GSUM PA'I 'GREL PA'O,, ` ,,LNGA PA MTHAR 'DZIN DGAG PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA BZHI, DNGOS PO RANG BZHIN GYIS STONG PAR SGRUB PA DANG, DNGOS PO RTAG PA DANG BDEN PAR 'KHRUL PA'I RGYU DANG, BDEN MED SGRUB PA'I RIGS PA BSDUS TE BSTAN PA DANG, BDEN MED RTOGS PA'I DGOS PA BSTAN PA'O, ,DANG PO LA GNYIS, MDOR @100B BSTAN PA DANG, RGYAS BSHAD DO, ,DANG PO NI, 'DIR SMRAS PA, GAL TE RTEN 'BREL YIN PA'I PHYIR, SRID PA MGAL ME'I 'KHOR LO SOGS LTAR RANG BZHIN MED NA GANG ZHIG LA RANG BZHIN YOD CE NA, RANG BZHIN GYIS GRUB PA'I DNGOS PO CUNG ZAD KYANG MED PA'I PHYIR RO, ,'DI LTAR DNGOS PO GANG ZHIG RANG GI NGO BO NYID KYIS GRUB NA GZHAN 'GA' LA YANG RAG LAS PAR NI MI 'GYUR NA RANG DBANG DU GRUB PA DANG, GZHAN LA RAG MA LAS PA'I DNGOS PO CUNG ZAD KYANG MED DO, ,RANG BZHIN GYIS YOD NA, DON DAM DPYOD BYED KYI RIGS PAS DPYAD PA'I TSE RANG DBANG DU GRUB PA DE'I BDAG NYID DU 'GRUB PAR 'GYUR NA DE NI GANG NA'ANG YOD PA MA YIN NO, ,'DI NI CHOS RNAMS KYI YOD PA MING GI THA SNYAD KYIS BZHAG PA TZAM MIN PA'I YOD PA LA RANG DBANG BA'I YOD PA DANG, RANG GI NGO BOS YOD PA DANG, RANG GI MTSAN NYID KYIS YOD PA DANG, RANG BZHIN GYIS YOD PA DANG, BDEN PAR YOD PA ZHES SOGS GZHI GCIG GI STENGS SU GANG BKAG PAS MTSAN 'DZIN GYI DMIGS GTAD BYAR MED PA'I DGAG BYA'I CHOS GSAL BAR BSTAN PA YIN NO, ,BDEN PA'I SPROS PA 'GOG PA'I TSE DGAG BYA LA KHYAD PAR SBYAR BA 'GREL PA 'DIR YANG DANG YANG DU GSUNGS PAS, DBU MA'I LTA BA LA SKUR BA GDAB PAR MI BYA'O, ,GNYIS PA LA BZHI, TSOGS PA BDEN GRUB MU BZHIR BRTAGS LA DGAG PA DANG, TSOGS PA CAN BDEN GRUB DGAG PA DANG, GCIG DANG DU MAR BRTAGS LA DGAG PA DANG, MTHA' BZHI 'GOG PA'I RIGS PA GZHAN LA SBYAR BA'O, ,DANG PO LA GNYIS, BSTAN PA DANG, BSHAD @101A *, ,BA'O, ,DANG PO NI, DUM PA ZHES BYA BA TSOGS PA RANG GI NGO BOS GRUB PA YOD NA, GZUGS DANG BUM PA RANG BZHIN GCIG GAM RANG BZHIN THA DAD, DANG PO LTAR NA, GZUGS NYID BUM PA'O ZHES GZUGS DANG BUM PA RANG BZHIN GYIS GRUB PA'I GCIG MA YIN PAR THAL, DE LTA NA GANG NA GZUGS YOD PA DE NA BUM PA YOD PAR THAL BA'I PHYIR, LHAS BYIN DON GZHAN PA'I BA LANG DANG LDAN PA LTAR GZUGS LAS DON GZHAN PA'I BUM PA GZUGS DANG LDAN PAR RTOG NA GZUGS DANG LDAN PA'I BUM PA GZUGS LAS RANG BZHIN GZHAN DU YOD PA MIN LA STE YOD PA MIN PAR THAL, GZUGS LA LTOS MED DU 'DZIN PAR THAL BA'I PHYIR RO, ,BUM PA LA GZUGS DON GZHAN BRTEN PA'I TSUL DU YOD PA MIN ZHING GZUGS LA BUM PA 'KHAR GZHONG LA RGYA SHUG LTAR BRTEN PA'I TSUL DU YOD PA MA YIN TE, RANG BZHIN GZHAN DU MED PA'I PHYIR RO, ,GNYIS PA LA GNYIS, GZHAN SDE DGAG PA DANG, RANG SDE DGAG PA DANG, DANG PO LA GNYIS, MTSAN NYID DGAG PA DANG, MTSAN GZHI DGAG PA'O, ,DANG PO LA GNYIS, RDZAS SPYI DON GZHAN GYI RTEN YIN PA DGAG PA DANG, YON TAN DON GZHAN GYI RTEN YIN PA DGAG PA'O, ,DANG PO NI, BYE BRAG PA NA RE, GZUGS DANG BUM PA RDZAS GZHAN MIN MOD KYI YOD PA DANG RDZAS GZHAN YIN TE, BUM PA RDZAS YIN LA YOD PA NYID CES PA'I SPYI CHEN PO DON GZHAN DANG 'BRES PAS YOD PAR BSNYAD DO ZHE NA, YOD PA NYID DANG BUM PA GNYIS SPYI DANG KHYAD PAR GYI MTSAN NYID MI MTHUN PA MTHONG NAS NI, @101B GAL TE DNGOS PO YOD PA NYID LAS BUM PA RDZAS GZHAN YIN NAM 'THAD PA MA YIN PAR THAL, DE BZHIN DU DNGOS PO YOD PA YANG BUM PA LAS RDZAS GZHAN DU RGYU MTSAN CIS MI 'GYUR 'GYUR BAR THAL LO, ,'DOD NA BUM PA YOD PA MA YIN PAR 'GYUR RO, ,GNYIS PA LA GNYIS, DNGOS DANG, YON TAN LA YON TAN DON GZHAN MI BRTEN PA DANG KHAS BLANGS 'GAL BA'O, ,DANG PO NI, RDZAS BUM PA YOD DE, GCIG GNYIS LA SOGS PA'I YON TAN DON GZHAN GYI RTEN BYED PA'I PHYIR RO ZHE NA, YON TAN DANG RDZAS KYI TSIG DON SO SO THA DAD PA'I PHYIR RO, ,GAL TE GCIG GI GRANGS BUM PAR MI 'DOD NA BUM PA'ANG GCIG TU MI 'GYUR RO, ,TSIG DON THA DAD PA'I PHYIR, GNYIS NYID LA SOGS PA BZHIN NO, ,'DOD NA BUM PA LA GCIG GI SGRA BLO DON MTHUN MI 'JUG PAR 'GYUR RO, ,BUM PA GCIG DANG LDAN PAS GCIG TU 'GYUR GYI GCIG BUM PAR MI 'GYUR RO, ,ZHE NA, LDAN PA 'DI MTSUNGS PA GNYIS LA YIN GYI MI MTSUNGS PA LA MIN TE, YUL CAN BZHIN NO, ,BUM PA DANG GCIG GNYIS LA LDAN PA MTSUNGS PA'ANG MA YIN LA STE BUM PA GCIG DANG LDAN GYI GCIG BUM PA DANG MI LDAN PA'I PHYIR RO, ,DES KYANG BUM PA GCIG TU MI 'GYUR RO, ,GCIG NYID LAS RDZAS GZHAN YIN PA'I PHYIR RO, ,GNYIS PA NI, GZHAN YANG KHYOD KYIS YON TAN RDZAS LA BRTEN GYI YON TAN LA YON TAN GNYIS PA MI BRTEN PAR 'DOD PA 'GAL TE, GANG GI TSE RDZAS BUM PA LA SOGS PA'I MTSU ZHENG GI BDAG NYID DBYIBS JI TZAM PA, DE TZAM GZUGS KYI MTSU @102A *, ,ZHING GI BDAG NYID YIN NA, DE TSE RDZAS CHEN PO YIN PA BZHIN DU, YON TAN GZUGS CHEN PO CI STE MA YIN GZUGS LA YANG CHEN PO ZHES PA'I YON TAN DON GZHAN KHAS LEN DGOS PA'I PHYIR RO, ,YON TAN LA YON TAN GNYIS PA MI BRTEN PA KHO BO CAG GI GZHUNG LUGS YIN PAS GZUGS LA PHRA BA DANG CHEN PO BRTEN PA MIN ZHE NA, GAL TE PHYI RGOL KHYOD RANG GI SDE TSAN LAS GZHAN MIN NA KHYOD KYI GZHUNG LUGS GNOD BYED DU BSNYAD PAR BYA BAR 'GYUR NA YANG 'DIR NI MI RIGS TE, GRUB MTHA' DE SEL BA LA ZHUGS PA'I PHYIR RO, ,GNYIS PA MTSAN GZHI DGAG PA NI, GZHAN NYID LA SOGS PA'I YON TAN DON GZHAN BKAG KYANG, MTSAN GZHI BUM PA MA BKAG PAS BUM PA RANG GI NGO BO NYID KYIS YOD DO ZHE NA, YOD PA NYID LA SOGS PA NI RJES SU 'JUG PA'I MTSAN NYID CAN DANG BUM PA NI LDOG PA'I MTSAN NYID CAN DU SMRAS PA NA, LDOG PA ZHES BYA BA'I MTSAN NYID KYIS KYANG MTSAN GZHI BUM PA NI, GANG DU YANG NGO BO NYID GRUB PA YOD PA MIN PA DAR NI GCIG GNYIS LA SOGS PA'I GRANGS SOGS LAS THA DAD PAR RANG GI NGO BOS GRUB PA'I BUM PA'I DNGOS PO YOD PA MIN TE, ,MDOR NA MTSAN NYID LAS NGO BO THA DAD PA'I MTSAN GZHI DANG, MTSAN GZHI LAS NGO BO THA DAD PA'I MTSAN NYID RNYED PA MIN NO, ,GNYIS PA RANG SDE DGAG PA LA GNYIS, TSOGS PA GCIG LA BDEN PAR GRUB PA RGYAS PAR DGAG PA DANG, TSOGS PA CAN DU MA YIN YANG TSOGS PA GCIG TU BDEN PA BSDUS @102B TE DGAG PA'O, ,DANG PO LNGA, GCIG DANG THA DAD BRTAGS LA DGAG PA DANG, YAN LAG RNAMS PHAN TSUN PHRAD PA LAS, TSOGS PA GCIG TU BDEN PA DGAG PA DANG, TSOGS PA GCIG TU BDEN PA 'GOG PA'I RIGS PA GZHAN BSTAN PA DANG, BUM PA RANG GI RGYU LAS BDEN PAR SKYES PA DGAG PA DANG, RANG GI CHA SHES LA LTOS PAS BDEN PAS SKYES PA DGAG PA'O, ,DANG PO NI, MDO SDE PA NA RE, BUM PA RDUL RDZAS BRGYAD DANG NGO BO GCIG TU BDEN PAR GRUB BO ZHE NA, BUM PA GCIG TU BDEN PA MA YIN PAR THAL, MTSAN NYID SNA TSOGS PA CAN GYI RDUL RDZAS BRGYAD PO RNAMS DANG SO SO NI MIN PAR NGO BO NYID KYIS GRUB PA'I GCIG YIN PA'I PHYIR, BUM PA MANG PO NYID DU GYUR TO ZHE NA, DE LTAR NA RDUL RDZAS BRGYAD RE RE BA BUM PAR 'GYUR DGOS NA RE RER BUM PA MED NA NI STE MED PA'I PHYIR, BUM PA MANG PO NYID DU 'THAD PAR MI 'GYUR RO, ,GNYIS PA LA GNYIS, DGAG PA DNGOS DANG, DE'I LAN DGAG PA'O, ,DANG PO NI, RDUL RDZAS BRGYAD PHAN TSUN PHRAD PA LAS BUM PA GCIG TU 'GYUR RO ZHE NA, REG PA DANG LDAN LA 'BYUNG BZHI DANG REG PA DANG MI LDAN PA GZUGS DRI SOGS DANG LHAN CIG REG CING SBYOR BA ZHES BYA BA MED PA DE'I PHYIR, GZUGS SOGS RDUL RDZAS BRGYAD PO RNAMS SBYAR BA LAS BUM PA'I TSOGS PA GCIG TU BDEN PA RNAM PA KUN TU RIGS PA MIN NO, ,GNYIS PA NI, PHAN TSUN REG PA MED PAR YANG DE DAG GI TSOGS PA BUM PAR BDEN NO ZHE NA, BUM PA'I GZUGS NI, BUM PA'I YAN LAG STE CHA SHAS YIN PA DES NA RE ZHIG DE BUM PA YIN TE, DRI LA SOGS @103A *, ,PA BZHIN NO, ,YAN LAG LA LTOS PA'I YAN LAG CAN YOD PAS DE YOD PAS DE BUM PA YIN DO ZHE NA, GANG GI PHYIR GZUGS DRI SOGS RE RE LA BUM PA MED PAS YAN LAG CAN BUM PA RANG GI NGO BOS GRUB PA MED PA DES NA YAN LAG KYANG RANG GI NGO BOS GRUB PA YOD PA MIN TE, CHA DANG BCAS PAS KHYAB PA'I PHYIR, GSUM PA LA GNYIS, BUM PA BDEN PAR GRUB NA GZUGS CAN KUN BUM PAR THAL BA DANG, BUM PA'I RDUL RDZAS BRGYAD KYANG GCIG TU THAL BA'O, , DANG PO NI, GZUGS CAN GCIG LA BUM PA YOD PAR 'GYUR ZHING GZUGS CAN GZHAN DAG LA MIN PA RGYU CI ZHIG BUM PAR MTSUNGS PAR THAL, DRI RO LA SOGS PA BUM SNAM LA SOGS PA GZUGS RNAMS KUN LA'ANG GZUNGS NYID NI GZUGS SU RUNG BA TZAM DU MTSAN NYID MI MTHUN PA MA YIN NA, GZUGS CAN BDEN PAR GRUB PA LA RNAM PA THAMS CAD DU MTSUNGS PA'I PHYIR RO, ,GNYIS PA NI, GZUGS DRI SOGS KYANG GCIG YIN PAR THAL, BUM PA DANG GCIG YIN PA'I PHYIR, GZUGS DRI SOGS THA DAD DO ZHE NA, GAL TE DBANG PO THA DAD PA'I BZUNG BYA YIN PA'I PHYIR, DRI SO SOGS DAG LAS GZUGS GZHAN YIN ZHING BUM PA LAS GZUGS GZHAN MIN ZHES KHYOD 'DOD NA JI LTAR GZUGS LAS GZHAN PA'I RO LA SOGS PA DE RNAMS MED PAR BUM PA RANG BZHAG TU MED PA'I BUM PA GANG DE GZUGS LAS GZHAN MIN GZHAN DU THAL, BUM PA GZUGS DRI SOGS DANG NGO BO NYID KYIS THA DAD PA'I PHYIR RO, ,BZHI PA NI, BUM PA LA NI GZUGS LA SOGS PA RANG GI NGO BO NYID KYIS GRUB @103B PA'I RGYUR YOD PA MIN PAS BUM PA RANG NYID NGO BOS GRUB PA'I 'BRAS BUR MI 'GYUR TE, DE'I PHYIR GZUGS SOGS YAN LAG RNAMS LAS GZHAN GANG DU GZHAN BUM PA NGO BO NYID KYIS GRUB PA 'GA' YANG YOD PA MIN PAS GZUGS LA SOGS PA LAS LOGS SU BUM PA MA DMIGS PA'I PHYIR, DE DAG LAS NGO BO THA DAD PA'I BUM PA MED DO, ,LNGA PA NI, CI STA BUM PA NI RANG GI YAN LAG GYO MO SOGS KYI 'BRAS BU YIN LA DE DAG RGYU YIN NO ZHE NA, BUM PA RANG GI RGYU LAS GRUB PAR 'GYUR ZHING RGYU NI RGYU GZHAN LAS GRUB PAR 'GYUR NA GANG LA RANG GI NGO BO NYID LAS GRUB PA MED PA DE YIS 'BRAS BU GZHAN PA JI LTAR BSKYED PAR BYED, DES NA RGYU LA LTOS DGOS PA RNAMS NI RANG GI NGO BOS GRUB PA MED LA, RANG GI NGO BOS GRUB NA RGYU MED DU THAL BAR 'GYUR BA'I PHYIR RO, ,BUM PA RANG GI NGO BOS GRUB PA 'GOG PA'I RIGS PA 'DIR 'BRAS BU THAMS CAD LA SBYAR BAR BYA'O, ,GNYIS PA NI, YAN LAG RNAMS MANG PO YIN YANG BUM PA GCIG TU BDEN ZHE NA, GZUGS DRI LA SOGS PA PHAN TSUN 'PHROD PA 'BUS PAR GYUR KYANG GZUGS DRI NYID DU NI MI 'THAD DE TSOGS PA LA GNAS PA RNAMS KYIS RANG GI MTSAN NYID MI 'DRA BA MI 'DOR BA'I PHYIR, GZUGS DRI SOGS PHAN TSUN 'DUS KYANG RANG BZHIN GCIG TU MI 'GYUR BA DES NA MTSAN NYID RNAMS DANG SO SO NI MIN PHYIR BUM PA GCIG MIN ZHES BUM PA GCIG TU BDEN PA DGAG PA BZHIN DU TSOGS PA GCIG NYID DU MI BDEN PAR GRUB PA MI RIGS SO, ,GNYIS PA TSOGS PA CAN BDEN PAR GRUB PA DGAG PA LA @104A *, ,BZHI, GZUGS DRI SOGS MA GTOGS PAR TSOGS PA BDEN PAR MED PA BZHIN 'BYUNG BA LA LTOS MED DU 'BYUNG 'GYUR YANG BDEN PAR MED PA DANG, 'BYUNG BA BDEN PAR GRUB PA DGAG PA DANG, NGA'I LAN DGAG PA DANG, ME'I RDUL MER BDEN PA DGAG PA'O, ,DANG PO NI, SNGAR BSHAD PA'I RIGS PAS RNAM PAR DPYAD NA JI LTAR GZUGS DRI SOGS MA GTOGS PAR TSOGS PA BUM PA BDEN PAR YOD PA MIN PA DE BZHIN DU RLUNG LA SOGS PA 'BYUNG BA CHEN PO BZHI NI MA GTOGS PA YAN LAG GZUGS KYANG BDEN PAR YOD PA MIN TE, DE DAG LA BRTEN NAS BTAGS PA'I PHYIR RO, ,GNYIS PA NI, RLUNG LA SOGS PA MA GTOGS PAR GZUGS DRI SOGS MI SRID PA BZHIN DU 'BYUNG BA CHEN PO RNAMS KYANG PHAN TSUN LTOS MED DU NGO BO NYID KYIS GRUB PA MED DE, 'DI LTAR ME NI SREG PA PO YIN LA 'BYUNG BA GSUM BSREG BYA YIN NO, ,'BYUNG BA GSUM GYI BDAG NYID KYI BUD SHING KHO NA MES BSREG PA NA, BUD SHING TSA BA ME NYID DU 'GYUR TE BSREG BYA'I BUD SHING MIN NO TSA BA MIN PA JI LTAR BSREG STE, ME DANG MA 'BREL BA'I PHYIR RO, ,DES NA ME LA MA BLTOS PA'I BUD SHING ZHES BYA BA RANG GI NGO BOS YOD PA MIN LA DE MED PAS BUD SHING LA MA LTOS PA'I ME YANG RANG GI NGO BOS YOD PA MIN NO, ,GSUM PA NI, BUD SHING NI SRA BA LA SOGS PA'I NGO BO YIN GYI TSA BA'I NGO BO MIN LA, MES ZIL GYIS MNAN PA NA TSA BAR GYUR PAS BSREG BYA YIN NO ZHE NA, GAL TE BUD SHING MES ZIL GYIS MNAN PA'I TSE TSA BAR GYUR PA YIN NA YANG @104B DE YANG CI STE MER MI 'GYUR 'GYUR BAR THAL, TSA ZHING BSREG PA'I PHYIR, 'ON TE DE'I TSE BUD SHING MI TSA NA, TSA BA MIN PA'I DNGOS PO GZHAN MED LA YOD CES BYA BAR MI RUNG LA, DE'I PHYIR 'BYUNG BA GSUM DANG BRAL BA'I TSA BA TZAM ZHIG MER 'GYUR NA 'BYUNG BA CHEN PO RNAMS GCIG MED PAR CIG SHOS MED PA'I PHYIR, GZHAN DU NA, LHAN CIG 'BYUNG GANG PHAN TSUN 'BRAS, ,'BYUNG BZHIN ZHAS BSHAD PA DANG 'GAL BAR 'GYUR BA'I PHYIR RO, ,BZHI PA NI, GAL TE ME'I RDZAS KYI RDUL PHRA RAB LA 'BYUNG BA GSUM MED PAS BUD SHING MED PAR YANG ME YOD DO ZHE NA, GAL TE ME'I RDUL PHRA RAB LA BUD SHING MED NA DES NA SHING MED PA'I ME YOD DO STE YOD PAS RGYU MED PA'I ME YOD PAR THAL BAR 'GYUR BAS BYE BRAG PA LTAR RDZAS KYI RDUL PHRAN KHAS BLANGS PAR MI BYA'O, ,RGYU MED DU THAL BAS 'JIGS NAS GAL TE ME RDUL DE LA'ANG BUD SHING YOD NA GCIG GI BDAG NYID CAN GYI RDUL YOD PA MIN PAR THAL, RDUL RE RE LA GNAS GSUM NGES PAR YOD PA'I PHYIR RO, ,GSUM PA LA GNYIS, GCIG DANG DU BRAL GYI RTAGS KYIS DNGOS PO BDEN GRUB DGAG PA DANG, NYES PA DE GZHAN SDE LA'ANG MTSUNGS PA'O, ,DANG PO NI, BUM SNAM LA SOGS PA'I DNGOS PO GANG DANG GANG BDEN PAR GRUB MA GRUB YONGS SU BRTAGS PA NA DNGOS PO DE DANG DE LA BDEN PAR GRUB PA'I GCIG NYID MED DE CHA DANG BCAS PA'I PHYIR, RGYU MTSAN GANG GIS BDEN PAR GRUB PA'I GCIG KYANG YOD PA MIN PA DES NA BDEN PAR GRUB PA'I DU MA DAG KYANG MED DE, DU MA GCIG BSAGS PA LAS 'BYUNG @105A *, ,BA'I PHYIR, ,PHYI DANG NANG GI DNGOS PO RNAMS CHOS CAN, BDEN PAR MED DE, BDEN PA'I GCIG DANG DU MA DANG BRAL BA'I PHYIR, DPER NA GZUGS BRNYAN BZHIN ZHES PA'O, ,GNYIS PA NI, SUN 'BYIN 'DI RANG GI SE PA LA 'BYUNG BA DANG, 'BYUNG 'GYUR LHAN CIG 'BYUNG BAR KHAS BLANGS PA LA 'THAD KYI PHYI ROL PA LA MIN TE, GAL TE DE DAG NI GANG NA SA LA SOGS PA'I RDUL PHRA RAB DE LAS GZHAN PA'I DNGOS PO DE RNAMS MED PA DER SA'I RDUL PHRAN RTAG PA GCIG YOD CES 'DOD NA DE DAG GI LUGS LA YANG SA'I RDUL PHRA RAB LA RDZAS NYID DANG, GCIG NYID DANG, YOD PA NYID CES BYA BA GSUM YOD LA YON TAN LA YANG YON TAN NYID DANG, GCIG NYID DANG, YOD PA NYID GSUM YOD PAS RGYU MTSAN GANG GIS KUN LA GSUM NYID YOD PA DES NA ZLA MED KYI GCIG NYID KHO NA LUGS DE LA YANG YOD PA MA YIN PAS, DE DAG LA YANG NYES PA MTSUNGS PA KHO NA'O, ,BZHI PA MTHA' BZHI 'GOG PA'I RIGS PA GZHAN LA SBYAR BA NI, RGYU DUS NA 'BRAS BU YOD PAR SMRA BA GRANGS CAN PA SOGS DANG, RGYU DUS NA 'BRAS BU MED KYANG RGYU 'BRAS BDEN PAR KHAS LEN PA, MDO SDE PA SOGS SOGS DANG, RANG BZHIN RTAG LA GNAS SKABS MI RTAG PA YOD MED GNYIS KA KHAS LEN PA GCER BU PA SOGS DANG, DNGOS PO RDZAS SU YOD KYANG DE NYID DANG GZHAN DU BRJOD DU MED PAS YOD MED GNYI GA MIN ZHES BYA BA KHAS LEN PA 'GOG PA'I RIGS PA'I TSUL 'DI NI DE KHO NA NYID KYI DON LA RNAM PAR SPYOD PA BZANG? BA'I MKHAS @105B PAS BDEN PAR GRUB PA'I GCIG NYID DANG, GZHAN NYID DANG, GNYI GA DANG, GNYI GA MIN PA SOGS 'GOG PA DAG LA RTAG TU SBYAR BAR BYA'I, SNGAR GONG DU BSHAD PA'I, 'BRAS BU YOD NYID GANG 'DOD DANG, ZHES SOGS DANG, RTEN 'BREL GYI GTAN TSIGS DANG, GCIG DU BRAL DANG, RDO RJE GZEGS MA'I GTAN TSIGS SOGS MTHA' DAG SBYAR BAR BYA'O, ,GNYIS PA DNGOS PO RTAG PA DANG BDEN PAR 'KHRUL BA'I RGYU NI, DE LTAR DNGOS PO RNAMS RANG BZHIN GYIS GRUB PA CUNG ZAD KYANG MED NA RGOL BA DE DAG 'THAD PA GANG GIS RANG SDE DNGOS PO YOD PAR RTOG CE NA, 'THAD PA 'GA' YANG MED MED KYI ZHAG GSUM GNAS NA SNGA DUS NA YOD PA DE NYID PHYI DUS NA YOD PAR KHAS LEN DGOS SNYAM NAS SKAD CIG SNGA PHYI BAR GSUM LA BRTAGS NAS BZHAG PA'I JI LTAR RGYUN LA LTA NYES NA DNGOS PO RAG PA YOD CES BYA BAR 'GYUR BA, DE BZHIN DU TSOGS PA LA LTA NYES NA, BDEN PA'I DNGOS PO YOD CES BYA BAR 'GYUR RO, ,TSOGS RGYUN 'JOG MA SHES PA LA BRTEN NAS TSAD MA SDE BDUN GYI RJES SU 'BRANG BA DAG KYANG, PHYI ROL PA'I RJES SU 'JUG PA NI SHIN TU MANG BAR SNANG NGO, ,GSUM PA BDAG MED SGRUB PA'I RIGS PA BSDUS TE BSTAN PA NI, GAL TE KHO BO CAG DNGOS POR LTA BA PHYIN CI LOG YIN NA, KHYOD DNGOS PO KHAS MI LEN PAS DNGOS PO MED PAR LTA BAR 'GYUR LA, DE MI RIGS TE, MTHONG BA DANG, ,MA MTHONG BA DANG 'GAL BA'I PHYIR RO ZHE NA, KHO BO CAG DNGOS PO MED PAR SMRA BA MIN TE, RTEN 'BREL SMRA BA YIN PA'I PHYIR RO, ,DNGOS PO BDEN PAR SMRA BA ZHIG GAM ZHE NA, MIN TE, RTEN 'BREL SMRA BA YIN PA'I PHYIR RO, ,DE'I DON CI ZHE NA, SGYU MA @106A *, ,DANG SMIG RGYU SOGS BZHIN DU RANG BZHIN GYIS GRUB PAS STONG BZHIN DU 'BRAS BU BSKYED NUS PA'I DON TO, ,'DI LTAR LTOS PA GANG LA BRTEN NAS 'BYUNG ZHING YOD PA RNYED PA DE NI RANG DBANG DU YOD PA RNYED PAR MI 'GYUR RO, ,CHOS 'DI KUN RANG DBANG BA'I SDOD LUGS SU MED PA STE, DES NA GANG ZAG DANG CHOS KYI BDAG NI YOD PA MA YIN NO, ,GANG ZAG DANG PHUNG PO CHOS CAN, RANG BZHIN GYIS MED DE, RTEN 'GREL YIN PA'I PHYIR CES PA'O, ,'BRAS BU RANG DBANG MED PA KHO BO CAG KYANG KHAS LEN PAS KHYAD PAR CI YOD CE NA, KHYOD KYIS RTEN 'BYUNG BLTOS CHOS KYI DON MA RTAGS PA NI KHYAD PAR RO, ,BZHI PA BDEN MED RTOGS PA'I DGOS PA BSNYAN PA LA GNYIS, BRTEN 'BYUNG RANG BZHIN GYIS GRUB PA 'PHAGS PA RNAMS KYIS MA GZIGS PA DANG, STONG NYID RTOGS PAS 'KHOR BA LAS GROL BAR 'GYUR BA'O, ,DANG PO NI, 'GA' LA NGO BO NYID KYIS SKYE BA YOD PA MIN PA DE'I PHYIR, RANG GI BSKYED BYA'I 'BRAS BU MED PAR DNGOS PO NI KUN LA 'BRAS BU'I DON DU TSOGS ZHING, 'DU BA YOD PA MA YIN LA RANG BZHIN GYIS GRUB PA NI RTAG PAS 'BRAS BU LA LTOS PA MED LA 'BRAS BU'I DON DU 'DU BA GANG YIN PA DE NI, DE KHO NA NYID GZIGS PA'I 'PHAGS PA RNAMS KYI MNYAM GZHAG GI GZIGS PA LA MA 'DUS PA'O STE, DNGOS PO RANG BZHIN MED PAR MNGON SUM DU GZIGS PA'I PHYIR RO, ,GNYIS PA NI, DNGOS PO BDEN PAR 'DZIN PA'I NYON MONGS CAN GYI MA RIG PA ZAD PA LAS, 'KHOR BA LAS GRAL BAR 'GYUR LA, DE @106B YANG RANG BZHIN GYIS STONG PAR RTOGS PA LA RAG LAS TE, SRID PA'I SA BON DNGOS PO BDEN 'DZIN GYI RNAM SHES TE, GZUGS LA SOGS PA'I YUL RNAMS DE'I SPYOD YUL LO, ,YUL LA RANG BZHIN GYIS GRUB PA'I BDAG MED PAR MTHONG NAS NI GOMS PAR BYAS PAS SRID PA'I SA BON 'GAG PAR 'GYUR ZHING THAR BA THOB PAR 'GYUR RO, ,NYAN RANG DGRA BCOM PA DANG SA BRGYAD PA THOB NAS BDEN 'DZIN ZAD PAR SPANGS PA THOB BO, ,'DIR SMRAS PA, DAL 'BYOR MI LUS THOB PA'I SKYE BO DAG ,KLU SGRUB YAB SRAS RIGS PA'I RJES 'BRANGS NAS, ,STONG PA RTEN 'BYUNG DON DU RTOGS BYA ZHING, ,DE DON SGRUB LA BRTZON 'GRUS SU MI BRTZON, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS MTHAR 'DZIN PA DAG PA BSGOM PA BSTAN PA STE RAB TU BYED PA BCU BZHI PA'I 'GREL PA'O,, ` ,, GSUM PA 'DUS BYAS KYI MTSAN NYID SKYE 'JIG GNAS GSUM RANG BZHIN GYIS GRUB PA DGAG PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, RTEN 'BYUNG RANG BZHIN GYIS SKYE BA MED PA SGYU MA'I TSUL DU RGYAS PAR BSGRUB PA DANG, RANG BZHIN GYIS GRUB PA BKAG PA'I MJUG BSDU BA'O, ,DANG PO LA GSUM, SKYE BA RANG BZHIN GYIS GRUB PA BYE BRAG TU DGAG PA DANG, SKYE 'JIG GNAS GSUM RANG BZHIN GYIS GRUB PA SPYAR @107A *, ,DGAG PA DANG, SKYE BZHIN PA RANG BZHIN GYIS SKYE BA DGAG PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA LNGA, YOD MED SKYE BA BRTAGS LA DGAG PA DANG, THOG MTHA' BAR GSUM LA BRTAGS LA DGAG PA DANG, RANG GZHAN GNYIS LA BRTAGS LA DGAG PA DANG, RIMS DANG RIM CAR BRTAGS LA DGAG PA DANG, DUS GSUM LA BRTAGS LA DGAG PA'O, ,DANG PO LA BZHI, YOD MED SKYE 'GOG GI GTAN TSIGS DANG, DE'I TSUL SGRUB PA DANG, SKYE BA'I DUS LA BRTAGS LA DGAG PA DANG, RANG DNGOS DANG, GZHAN DNGOS SU BRTAGS NAS DGAG PA'O, ,DANG PO NI, 'DUS BYAS RANG BZHIN GYIS YOD DE DE'I MTSAN NYID SKYE BA SOGS YOD PA'I PHYIR CE NA, MTSAN NYID YOD NA 'DUS BYAS YOD PAR 'GYUR NA DE RANG BZHIN GYIS YOD PA MIN NO, ,SKYE BAS 'DUS BYAS BSKYED PAR KHAS BLANGS NA, 'BRAS BU MED PAR SMRA BA LTAR NA, SA BON GYI DUS NA MYU GU MED PAS RGYU RKYEN TSOGS PA'I SA BON GYI MTHA' SKAD CIG MA LA MYU GU SKYE'O, ,SA BON GYI SKAD CIG MA THA MAR TE DE'I DUS NA MYU GU MED PA NGO BO NYID KYIS SKYE BAR 'GYUR NA DE NI MI RIGS TE, BONG BU'I RVA LA SOGS PA YANG SKYE BAR THAL BA'I PHYIR RO, ,DES NA RGYU DUS NA MED PA NGO BO NYID KYIS GA LA SKYE SKYE BA MI SRID DO, ,RGYU DUS NA YOD PA GA LA SKYE MI SKYE BAR THAL, RGYU DUS NA YOD PA GDOD NAS RANG GI SNGA LOGS SU SKYE BAR 'GYUR BA DES NA NI YIN PA'I PHYIR RO, ,MYU GU CHOS CAN, NGO BO @107B NYID KYIS SKYE BA MED DE, RGYU DUS NA YOD PA YANG NGO BO NYID KYIS MI SKYE RGYU'I DUS NA MED PA YANG NGO BO NYID KYIS MI SKYE BA'I PHYIR, GNYIS PA NI, SA BON MA 'GYUR BAR MYU GU SKYE BA MI SRID PAS 'BRAS BU MYU GU SKYE BZHIN PA YIS NI, RGYU SA BON BSHIG PA DES NA SA BON GYI DUS NA MED PA NGO BO NYID KYIS SKYE BAR MI 'GYUR RO, ,SPYIR SA BON GYI DUS NA MED PA'I MYU GU SKYE YANG SKYE BA BDEN GRUB KHAS LEN PA LA MI 'THAD DE, RI BONG GI RVA YANG SKYE BAR KHAS LEN DGOS PA'I PHYIR RO, ,RGYU DUS NA GRUB PA LA SGRUB BYED DGOS PA YOD PA MIN PA DE'I PHYIR, RGYU DUS NA YOD PA MI SKYE'O, ,GSUM PA NI, MYU GU RANG NYID YOD PA'I DUS DE'I TSE SKYE BA YOD PA MIN ZHING SKYED MI DGOS PA'I PHYIR RO, ,GZHAN RANG NYID MED PA'I TSE SKYE BA YOD PA MIN TE, BSKYED MI NUS PA'I PHYIR RO, ,DE'I TSE YANG MI SKYE GZHAN GYI TSE YANG MI SKYE NA DUS NAM ZHIG SKYE BA YOD PAR 'GYUR SKYE BA'I DUS MI SRID PA'I PHYIR RO, ,BZHI PA NI, 'O MA ZHO'I DNGOS POR 'BYUNG BA SKYE BA YIN NO ZHE NA, MI RIGS TE, 'O MA'I DNGOS POR GNAS PA DE LA 'O MA DE'I DNGOS PO RU DGOS PA MED PAS JI LTAR SKYE BA YOD PA MIN PA LTAR DE BZHIN DU GZHAN GYI ZHO'I DNGOS POR YANG 'O MA DE LA SKYE BA YOD PA MIN TE, NGO BO THA DAD PA'I PHYIR, GNYIS PA NI, RGYU MTSAN 'DIS KYANG RANG BZHIN GYIS SKYE BA MED DE, 'DI LTAR THOG MAR SKYE BA DANG, BAR DU GNAS PA DANG, THA MAR 'JIG PA RNAMS SKYE BA'I SNGA ROL TU SRID PA MIN TE, MA SKYES PAR SKYE 'JIG GNAS PA MI SRID PA'I PHYIR RO, ,CI STE @108A *, ,SKYE BA'I DUS NA SKYE BA, GNAS PA'I DUS NA GNAS PA, 'JIGS PA'I DUS NA 'JIG PA DUS RIM CAN DU NGO BO NYID KYIS YOD DO ZHE NA, RE RE'I DUS NA GZHAN GNYIS GNYIS DAG NI MED PA RU JI LTAR RE RE RTZOM PAR 'GYUR SKYE BA MED PAR GNAS PA DANG, 'JIG PA MI SRID PA LTAR GZHAN GNYIS LA YANG SBYAR BAR BYA'O, ,MTSAN NYID 'DI DAG RE RE MED NA YANG 'DUS BYAS MI 'THAD PA'I PHYIR RO, ,GSUM PA NI, 'DI LAS KYANG 'DUS BYAS RANG BZHIN GYIS SKYE BA MI RIGS TE, GYO MO LA SOGS PA'I GZHAN GYI DNGOS PO MED PAR NI RDZAS BUM BDAG GI DNGOS PO 'BYUNG BA MED DE, GYO MO LA LTOS PA'I PHYIR RO, ,GYO MO YANG RANG GI NGO BOS MA GRUB STE, GSEG MA LA LTOS PA'I PHYIR RO, ,DE'I PHYIR NA BUM PA BDAG GZHAN NI GNYIS KA LAS 'BYUNG BA YOD PA MIN TE, BDAG DANG GZHAN NGO BO NYID KYIS GRUB PAS SKYE BA RANG BZHIN GYIS GRUB PA MED DO, ,BZHI PA LA GNYIS, DNGOS DANG, RANG BZHIN GYIS SKYE BA'I SGRUB BYAD DGAG PA'O, ,DANG PO NI, GZHAN YANG SKYE BA RANG BZHIN GYIS MED DE, SKYE BA SOGS BUM PA'I SNGON DANG PHYIS DANG CIG CAR YOD DO ZHES BRJOD PA NYID DU MI NUS PA DE'I PHYIR BUM PA'I SKYE BA DANG BUM PA LA CIG CAR NGO BO NYID KYIS, 'BYUNG BA YOD PA MA YIN TE, DE LTA NA RTEN DANG BRTEN PA DUS MNYAM PAS BUM PA SKYE BA LA MNGON DU PHYOGS PA'I TSE YANG BUM PA YOD DGOS PAS SKYES PAR THAL BA'I PHYIR RO, ,GNYIS PA NI, BUM PA'I SKYE BA @108B YOD DE, DE MED NA RNYING PA MI SRID PA LA SOGS PA'I MTSAN NYID CAN GYI RNYING PA YOD PA'I PHYIR CE NA, MI RIGS TE, BUM PA SNGAR SKYES PA'I PHYIR NA NI STE SNGAR SKYES PA'I TSE RNYING PA MIN TE, DE'I TSE GSAR BA YIN PA'I PHYIR, SNGAR SKYES PA NGO BO NYID GYIS RNYING PAR MI 'GYUR ZHING PHYI NAS KUN TU SKYES PA YANG RNYING PA MIN TE, DE'I TSE YANG GSAR BA YIN PA'I PHYIR, PHYI NAS GSAR DU SKYES PAS NGO BO NYID KYIS RNYING PAR MI 'GYUR RO, ,DE YANG SKYE BA NGO BO NYID KYIS GRUB PA BKAG PA'I SGO NAS RNYING PA NGO BO NYID KYIS GRUB PA 'GOG PA YIN GYI, RNYING PA TZAM ZHIG RANG LUGS LA YANG KHAS LEN PA YIN NO, ,LNGA PA NI, DUS GSUM DU RANG BZHIN GYIS SKYE BA MED PAS KYANG SKYE BA BDEN PA MED DO, ,RGYU 'BRAS DUS MI MNYAM PAS DA LTA BA'I DNGOS PO NI DA LTAR BA DE NYID LAS 'BYUNG BA MA YIN ZHIG, MA 'ONGS PA LAS 'BYUNG BA YOD PA MA YIN LA 'DAS PA LAS KYANG 'BYUNG BA YOD PA MA YIN NO, ,RANG BZHIN GYIS SKYE BA DUS GSUM CHAR DU YANG MED PAS SKYE BA RDZUN PA SGYU MA LTA BU KHAS BLANG BAR BYA'O, ,GNYIS PA DON BSDUS TE SKYE BA BKAG PA'I 'BRAS BU BSTAN PA NI, MDO LAS, DGE SLONG DAG DE LTAR NA MIG GI SKYE BA NI GANG NAS 'ONG BA MA YIN LA, 'GAG PA NA, GAR YANG 'GRO BA MIN NO, , ZHES GSUNGS PAS RANG BZHIN GYIS SKYE BA YOD NA SKYES PA'I TSE, ZLA BA SHAR BA LTAR GSHED NAS 'ONG DGOS LA, 'GAG PA NA YANG ZLA BA NUB PA LTAR GSHAD 'GRO DGOS NA, DE LTA NA RTAG PAR 'GYUR PAS SKYE BA DANG 'GAG PA MING GIS @109A *, ,BTAGS PA TZAM DU ZAD PAS, SKYE 'GAG SGYU MA LTA BUR KHAS BLANG BAR BYA'O, ,DNGOS PO SKYES PA LA NI GA? SHED NAS 'ONG BA DANG, DE BZHIN DU 'GAG PA LA GA? SHED DU DNGOS PO DE NYID 'GRO BA MED PA DE LTA YIN NA JI LTA BUR PHYI DANG NANG GI SRID PA SGYU MA DANG 'DRA BA MA YIN RTAN CING 'BREL PAR 'BYUNG BA NI JI LTA BA BZHIN MTHONG BA NA SGYU MA BYAS PA LTAR 'GYUR GYI MO GSHAM GYI BU LTAR 'GYUR BA MIN NO, ,SKABS 'DIR 'GREL PAR SKYE BA TZAM YANG BKAG NA, MO GSHAM GYI BU'I GZHAL BYA DANG MTSUNGS PAS RTEN 'BREL LA SKUR BA 'DEBS PAR GSUNGS PAS SKYE BA RANG LUGS LA KHAS LEN MI NUS PAR YOD PA YANG MIN ZHES PA'I ZER LUGS TZAM LA RE BA NI, DBU MA'I LTA BA 'JIG PA DBYED PA DE 'DRA'I GO BA RNYED PA DE NYID KYIS NGAN 'GRO'I RGYU BYED PAS MCHIL MA'I THAL BA BZHIN DU DOR BAR BYA'O, ,GNYIS PA LA BZHI, MTSAN NYID GSUM RANG BZHIN GYIS GRUB PA RIMS DANG CIG CAR BRTAGS LA DGAG PA DANG, MTSAN NYID THUG MED DU THAL BAS DGAG PA DANG, GCIG DANG THA DAD BRTAGS LA DGAG PA DANG, NGO BO NYID KYIS YOD MED BRTAGS LA DGAG PA'O, ,DANG PO NI, 'DUS BYAS KYI MTSAN NYID SKYES PA DANG, GNAS PA DANG, 'JIG PA RNAMS NGO BO NYID KYIS CIG CAR 'BYUNG BA YOD PA MIN ZHING RIM GYIS 'BYUNG BA'ANG NGO BO NYID KYIS YOD PA MIN NA DUS NAM ZHIG NGO BO NYID KYIS 'BYUNG BA YOD @109B PAR 'GYUR, SKYE 'JIG GNAS GSUM CHOS CAN, RANG BZHIN GYIS MED DO, RANG BZHIN GYIS RIM PA DANG CIG CAR MED PA'I PHYIR, GNYIS PA NI, 'DUS BYAS KYI MTSAN NYID SKYE BA DANG GNAS PA DANG 'JIG PA LA SOGS PA THAMS CAD LA SLAR YANG SKYE BA'I SKYE BA'I GOS THAMS CAD 'BYUNG BA STE 'BYUNG DGOS PA DE'I PHYIR, 'JIG PA LA YANG SKYE BA DANG 'DRA BAR 'JIG PA GZHAN YOD PAR 'GYUR ZHING GNAS PA LA YANG 'JIG PA DANG 'DRA BAR SNANG ZHING, GNAS PA DON GZHAN KHAS LEN DGOS PAS THUG PA MED PAR 'GYUR ZHING DE LTA NA RTZA BA'I MTSAN NYID MA GRUB PAS RANG BZHIN GYIS GRUB PA RDUL TZAM YANG MED DO, ,GSUM PA NI, MTSAN NYID DANG, MTSAN GZHI RANG BZHIN GCIG GAM THA DAD MTSAN NYID SKYE 'JIG GNAS GSUM LAS MTSAN GZHI 'DUS BYAS BUM PA LTA BU RANG BZHIN GZHAN YIN NO ZHE NA, MTSAN GZHI 'DUS BYAS BUM PA LTA BU MI RTAG PA NYID GANG LAS YIN MIN PA THAL, RANG BZHIN GYIS THA DAD PA'I PHYIR, YANG NA RANG BZHIN GYIS GRUB PA'I THA MI DAD YIN NA MTSAN NYID GSUM DANG MTSAN GZHI BZHI GA'ANG DNGOS POR YOD PA YI NGO BOR GSAL BAR YOD PA MIN PAR THAL, MTSAN NYID MTSAN NYID MIN PAR THAL, MTSAN GZHI DANG GCIG YIN PA'I PHYIR, DE BZHIN DU MTSAN NYID DANG GCIG YIN PA'I PHYIR, MTSAN GZHI'ANG MTSAN GZHIR MI 'GYUR BAS RANG BZHIN GYIS GRUB PA'I GCIG THA DAD GANG DU YANG KHAS BLANG BAR MI BYA'O, ,BZHI PA LA GNYIS, SKYED BYED KYI RGYU BDEN GRUB YOD PAS SKYE SOGS BDEN GRUB YOD PA DGAG PA DANG, SKYE SOGS DNGOS PO @110A *, ,DNGOS MED GANG DU YANG BDEN PAR MA GRUB PA'O, ,DANG PO NI SKYE BA SOGS RANG BZHIN GYIS YOD DE, SKYED BYED KYI BYED PA RANG BZHIN GYIS YOD PA'I PHYIR CE NA, MYU GU'I DNGOS PO GRUB ZIN DE NYID SA BON GYI DNGOS PO GRUB PA'I DUS LAS SLAR YANG MI SKYE STE, SA BON MA 'GYUR BAR MYU GU MI SKYE BA'I PHYIR DANG, MYU GU SKYES ZIN SLAR YANG SKYE BA MI RIGS PA'I PHYIR, MYU GU'I DNGOS PO SA BON GYI DNGOS PO MED PA LAS MI SKYE STE, DNGOS PO MED PA LA 'BRAS BU BSKYED PA'I NUS PA MED PA'I PHYIR, YANG 'BRAS BU DNGOS MED RGYU DNGOS MED LAS MI SKYE STE, SA BON TSIGS PAS MYU GU TSIG PA MI SKYED PA'I PHYIR RO, ,'BRAS BU DNGOS MED RGYU DNGOS PO LAS MI SKYE'O, ,BSHAD ZIN PA'I NYES PA THOG TU BAB PA'I PHYIR RO, ,DE'I PHYIR RANG BZHIN GYIS SKYE BA MI SRID PAS DE BSKYED PA'I RGYU RKYEN DON MED PA'I PHYIR RO, ,GNYIS PA NI, GZHAN YANG SKYE BA DANG 'JIG PA DNGOS PO'I RANG BZHIN LA RTOG GAM, DNGOS MED KYI RANG BZHIN LA RTOG ,GNYI GA LTAR YANG MI RIGS TE, SKYES ZIN PA'I DNGOS PO SLAR YANG SKYE BA'I DNGOS POR MI 'GYUR TE, SLAR YANG SKYE BA DON MED PA'I PHYIR DNGOS MED SLAR YANG SKYE BA DNGOS POR MI 'GYUR RO, ,MO GSHAM GYI BU YANG SKYE BAR THAL BU'I PHYIR RO, ,DES NA DNGOS PO DANG DNGOS MED GNYI GA LA SKYE BA RANG BZHIN GYIS MED DO, , ZHIG PA DNGOS PO MED SLAR YANG 'JIG PA'I DNGOS PO MED PAR MI 'GYUR TE, YOD PA MAN PA LA MO GSHAM GYI BU LTAR 'JIG PA MED PA'I PHYIR, SKYES ZIN GYI DNGOS PO DNGOS PO MED PAR MI 'GYUR RO, ,PHAN TSUN 'GAL BA'I PHYIR RO, , @110B MDO LAS, 'DUS BYAS 'DUS MA BYAS KUN RNAM PAR DPEN, ,DRANG SRONG DE DAG RNAM RTOG MI MNGA' STE, ,'GRO BA KUN LA 'DUS MA BYAS THOB CING, ,BDAG TU LTA BAR GYUR BAS RNAM PAR DPEN, ,ZHES GSUNGS SO, ,GSAM PA SKYE BZHIN PA RANG BZHIN GYIS SKYE BA DGAG PA LA GSUM, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO NI, SKYES PA DANG MA SKYES PA GANG YANG MI SKYE YANG, SKYE BZHIN PA SKYE'O ZHE NA, MYU GU SKYE BZHIN PA NI NGO BO NYID KYIS SKYE BAR MI 'GYUR BAR THAL, SKYE BZHIN PA NI PHYED SKYES PHYED MA SKYES PA LA BZHAG DGOS LA, SKYES PA'I CHA NI SKYES PA'I KHONGS SU GTOGS, MA SKYES PA'I CHA MA SKYES PA'I KHONGS SU GTOGS PAS DE LAS MA GTOGS PA'I CHA CAN NGO BO NYID KYIS GRUB PA MED PA'I PHYIR, CI STE SKYES PA DANG MA SKYES LA DAG PA SKYE BZHIN PAR RTOG NA, 'DAS MA 'ONGS GNYIS KYANG SKYE BZHIN PAR 'GYUR BAS, YANG NA DUS GSUM PO THAMS CAD SKYE BZHIN PA NYID NI YIN PAR THAL BAR 'GYUR TE, DNGOS PO SKYES PA DANG MA SKYES PA MTHA' DAG SKYE BZHI PA YIN PA'I PHYIR, GNYIS PA LA BZHI, SKYE BZHIN PA'I DON LA BRTAGS LA DGAG PA DANG, 'DAS MA 'ONGS KYI BAR NA GNAS PA'I DNGOS PO SKYE BZHIN PAR 'DOD PA DGAG PA DANG, SKYES PA'I SNGAR GYI DNGOS PO SKYE BZHIN PAR 'DOD PA DGAG PA DANG, MA SKYES PA SKYE BZHIN PAR 'DOD PA DGAG PA'O, ,DANG PO NI, SKYE BZHIN PA NGO BO NYID KYIS GRUB NA DE'I BDAG NYID DU GYUR PA ZHIG GAM, MA GYUR PA ZHIG LA RTOG NA, GNYI GA LTAR YANG MI RIGS @111A *, ,DE, SKYE BZHIN PAR MI 'GYUR BAR THAL, SKYE BZHIN PA BDAG NYID DU BYA BA STE DE'I BDAG NYID DU MA GRUB PA'I PHYIR SKYE BZHIN PA'I BDAG NYID DU MI BYA BA'ANG SKYE BZHIN PAR MI 'GYUR BAR THAL, DE MIN PA DER 'GAL BA'I PHYIR RO, ,GNYIS PA NI, SKYE BZHIN PA YOD DE, 'DAS MA 'ONGS KYI BAR NA GNAS PA'I PHYIR, SKYE BZHIN PA LA LTOS NAS DUS GNYIS PO DE BZHAG RIGS SO ZHE NA, RGOL BA GANG GI LUGS LA 'DAS MA 'ONGS GNYIS PO BAR MED PAR SRID PA YOD PAR MIN PAR NGES PAR BAR YOD PA'I LUGS DE LA SKYE BZHIN PA NGO BO NYID KYIS GRUB PA MED DE GANG GI PHYIR NA SKYE BZHIN PA DE LA'ANG BAR GZHAN YOD DE LA YANG BAR GZHAN YOD PA SOGS THUG MED DU 'GYUR BA'I PHYIR, GSUM PA NI, GAL TE PHYED SKYES PA NI SKYE BZHIN PA MIN NO, ,'O NA CI ZHE NA, GANG GI PHYIR NA SKYE BZHIN PA SA BON LTA BU 'GAGS PAS MYU GU LTA BU SKYES PA SKYE BAR 'GYUR BA SKYES PA'I GNAS SKABS KYI DON GANG YIN PA SKYE BZHIN PA ZHES BYA'O; ;DE'I PHYIR NA SKYE BZHIN PA PHYED SKYED PHYED MA SKYES LAS GZHAN YOD PA'I NGO BOR SNANG NGO ZHE NA, GAL TE SKYE BZHIN PA 'DI LAS DNGOS PO 'DI SKYES SA ZHES BSTAN NUS NA SKYE BZHIN PA LA SKYES PA'I DNGOS PO LA SKYE BZHIN PA NGO BO NYID KYIS GRUB PA RTOGS NUS NA YANG GANG GI TSE DNGOS PO SKYES PA DE'I TSE SKYE BZHIN PA LA NGO BO NYID KYIS SRID PA MED DO, 'GAGS ZIN PA'I PHYIR, SKYE BZHIN PA RJES SU DPOG PA'I DE LAS BYUNG BA'I SKYES PA'I DNGOS PO YANG MA GRUB BO, ,CI @111B STE SKYES PA SKYE BZHIN PA YIN NO ZHE NA, GANG GI TSE SKYES PA SKYE BZHIN PA YIN NA DE'I TSE CI'I PHYIR SLAR YANG SKYE BAR 'GYUR MI 'THAD PAR THAL, SKYES ZIN PA'I PHYIR, BZHI PA LA GSUM, DNGOS DANG, SKYON SPONG DGAG PA DANG, SKYE BZHIN PA NGO BO NYID KYIS SKYE NA MA SKYES PA SKYE BAR KHAS LEN DGOS PA'O, ,DANG PO NI, SKYE BZHIN PA'I DON 'DI MA SKYES KYANG SKYE BA LA MNGON DU PHYOGS PA YIS SKYES SO ZHES BRJOD DO ZHE NA, SKYE BZHIN PA NI MA SKYES PA KHO NA SKYE BA LA MNGON DU PHYOGS PAS SKYES ZHES BYA BAR GRAG NA, MA SKYES PA LA SKYES PA ZHES BRJOD PA DE'I TSE BUM PA BYA BA BYED PA'I TSE YANG DNGOS PO MED PAR CIS MI RTOG KHAS LEN RIGS PAR THAL, SKYES PA DANG MA SKYES PA DAG LA KHYAD PAR MED PA'I PHYIR, GNYIS PA NI, SKYE BZHIN PA DANG MA SKYES PA LA KHYAD PAR YOD DE, SKYE BZHIN PA NI SKYE BA'I BYA BA DANG 'BREL PA LA BRJOD LA, MA SKYES PA NI SKYE BA'I BYA BA DANG 'BREL BA'I NGES PA MED PA'I PHYIR CE NA, SKYE BZHIN PA NI SKYE BA'I BYA BA MA RDZOGS KYANG SKYE BA'I BYA BA DANG 'BREL BAS MA SKYES PA MA 'ONGS PA LAS PHYI ROL TU GYUR PAR KHAS BLANGS MOD KYI DE LTA NA'ANG GANG GI PHYIR SKYE BZHIN PA SKYES PA LAS PHYI ROL TU GYUR PA'I PHYIR MA SKYES PA SKYE ZHES BYA BAR 'GYUR RO, ,GSUM PA NI, SKYE BZHIN PA SKYES PA LAS PHYI ROL TU GYUR PA'I PHYIR, MA SKYES PA SKYE BAR KHAS LEN DGOS PAR MA ZAD, SKYE BZHIN PA SNGAR MA BYUNG YANG PHYIS NAS SKYE BA'I BYA BA DANG 'BREL BAS DNGOS POR YOD PA YIN PAR GRAG NA, RGYU MTSAN DES KYANG SKYE BA'I BYA BA DANG 'BREL @112A *, ,BA'I MA SKYES PA KHO NA SKYE'O ZHES BYA BAR 'GYUR NA, DE YANG MI RIGS TE, MA SKYES PA NI MA BYUNG BA ZHES BYA BA BDAG GI DNGOS PO MA THOB PA YIN LA, DE LA SKYE BA'I BYA BA MI 'JUG PAS SKYE BA MIN NO, ,GSUM PA DON BSDU BA NI, SKYE BA'I BYA BA RDZOGS PA DNGOS PO YOD CES BYA BAR 'GYUR LA SKYE BA'I BYA BA MA BYAS PA NI DNGOS POR MED CES BRJOD PA GANG GI TSE NA SKYE BA'I BYA BA RDZOGS PA DANG MA RDZOGS PA'I SKYE BZHIN PA MED PA DE'I TSE GANG ZHIG SKYE BZHIN PA DER BRJOD SKYE BZHIN PA NGO BO NYID KYIS GRUB PA CUNG ZAD MED DO, ,GNYIS PA BKAG PA'I MJUG BSDU BA NI, GANG GI TSE RIGS PAS RNAM PAR DPYAD PA NA RGYUN MA RTOGS PAR 'BRAS BU YOD PA MIN PA DE'I TSE NA RGYU 'BRAS BDEN PAR MED PAS RTEN BDEN PA MED PA'I PHYIR, 'BRAS BU SKYE BA'I 'JUG PA DANG RGYU 'GAG PA'I LDOG PA NGO BO NYID KYIS GRUB PA 'THAD PA NYID DU MI 'GYUR RO, ,MDO LAS, SEMS CAN MI DANG SHES SKYES KYANG RUNG STE, ,'DIR SKYES SHI BA 'GA' YANG SKYE MI 'GYUR, ,CHOS KUN RANG BZHIN SGYU 'DRA STONG PA STE, ,MU STEGS CAN GYIS SHES PAR NUS PA MIN, ,ZHES SOGS RGYA CHER GSUNGS SO, ,DPER NA SGYU MA MKHAN GYIS SPRUL PA'I SKYES PA DANG BUD MED LA SOGS LAS SGYU MA'I BLTAD DO BA RNAMS SKYES PA DANG BUD MED DU ZHEN NAS, CHAGS SDANG SOGS SKYE LA SGYU MA MKHAN RANG NYID LA DER SNANG YANG ZHEN PA MED LA, SNGAGS KYI MA BSLAD PA RNAMS LA DER SNANG BA TZAM YANG MED PA DE BZHIN DU, RTEN 'BYUNG RANG BZHIN GYI STONG PA KHONG DU MA @112B CHUD PA'I SO SO SKYE BO RNAMS DANG 'PHAGS PA RNAMS KYI RJES THOB KYI YE SHES DANG, 'PHAGS PA'I MNYAM GZHAG GI GZIGS PA'I NGOS NAS DPE DE DAG DANG RIM PA BZHIN DU 'DRA BAR SHES PAR BYA'O, ,KUN RDZOB PA'I CHOS RNAMS THA SNYAD PA'I TSAD MAS GRUB PA DANG, DON DAM PA'I BDEN PA RIGS SHES RTOG PA BCAS DANG, RTOG MED KYIS RTOGS PA'I TSUL SOGS NI SPYOD PA LA 'JUG PA'I RNAM BSHAD SOGS SU RGYAS PAR GTAN LA PHAB PA LAS SHES PAR BYA'O, ,'DIR SMRAS PA, 'DU BYED SKYE DANG 'JIG DANG GNAS PA RNAMS, ,RMI LAM JI BZHIN SGYU MA JI BZHIN DU, ,BRDA TZAM BTAGS PA TZAM DU ZAD PAS NA, 'DUS MA BYAS LTA BDEN PAR GA LA GNAS, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS 'DUS BYAS KYI DON DGAG PA BSGOM PA BSTAN PA STE RAB TU BYED PA BCO LNGA PA'I 'GREL PA'O,, ,, GNYIS PA RAB TU BYED PA BRTZAMS PA'I DGOS PA DANG, RGOL BA NGAN PA'I KLAN KA LHAG MA SPANG PA'I SGO NAS SLOB DPON DANG SLOB MA RNAM PAR GTAN LA DBAB PA BSGOM PA BSTAN PA LA GNYIS, LE'U'I GZHUNG BSHAD PA DANG, LE'U'I MTSAN BSTAN PA'O, ,DANG PO LA GNYIS, RAB TU BYED PA BRTZAMS PA'I DGOS PA BSDUS TE BSTAN PA DANG, RGOL BA NGAN PA'I KLAN KA LHAG MA SPANG BA'O, ,DANG PO NI, RAB TU BYED PA BRTZAMS PA'I DGOS PA NI, GDUL BYA 'KHOR BA LA @113A *, ,CHAGS PA SPANGS NAS THAR PA LA GZHUG PA'I CHED DU YIN LA, STONG PA NYID KYI DON JI LTA BA BZHIN DU NGES PAR MA BYAS PAR, 'GA' YANG 'KHOR BA LA CHAGS PA SPANGS NAS THAR PA TZAM DANG THAMS CAD MKHYEN PA LA DGA' BA BSKYED MI NUS SO, ,CHOS THAMS CAD RANG BZHIN GYIS GRUB PAS STONG PA DE BDAG TU ZHEN PA'I ZHAGS PAS BCINGS SHING THOS PA DANG MI LDAN PA RNAMS SKRAG PAR BYED PA YIN PAS SNGAR BSHAD PA LTAR, RGYAL PO'I BTZUN MO SDUG PA SHI BA BRDAS SPROD PA'I TSUL DU THOG MAR RGYUD SMIN PAR BYAS NAS SRID PA LAS GROL BA'I LAM BSTAN PAR BYA BA YIN PAS, DNGOS PO RANG BZHIN GYIS GRUB PAS STONG PA YANG BDEN PAR ZHEN PA LA SOGS PA'I RGYU 'GA' ZHIG GIS STONG PA MIN PA LTA BUR SNANG ZHING ZHEN PAS SNGAR BSHAD PA'I RAB TU BYED PA BCO LNGA PO THAMS CAD KYIS 'DIS NI SO SOR 'GOG PAR BYED DO, ,GNYIS PA LA BRGYAD, STONG NYID 'GOG PA'I RIGS PA 'GAG PA DANG, MTHAR LTUNG PHYOGS LA ZHEN PA DGAG PA DANG, YOD MED BDEN GRUB RIGS PA MTSUNGS PAR BSTAN PA DANG, MED PA PHYOGS SU 'GYUR BA 'GAG PA DANG, STONG NYID SGRUB PA'I DPE RTAGS YOD PAS STONG PAR MI 'GYUR BA 'GAG PA DANG, STONG NYID BSTAN PA'I DGOS PA BSHAD PA DANG, YOD MED KYI MTHAR 'DZIN PA PHYIN CI LOG TU BSTAN PA DANG, MTHA' BRAL RIGS PAS DGAG MI NUS PA'O, ,DANG PO LA GSUM, STONG PA NYID KYI PHYOGS SUN 'BYIN MI NUS PA DANG, STONG @113B PA MIN PA'I PHYOGS BSGRUB MI NUS PA DANG, RIGS PA GZHAN DGAG PA'O, ,DANG PO LA GNYIS, DNGOS DANG, MGO MTSUNGS KYIS DGAG PA'O, ,DANG PO NI, DGOS PA DE DAG GI DON DU RAB TU BYED PA BRTZAMS NAS, DNGOS PO RNAMS STONG PA MIN PAR GRUB STE, GANG GI TSE RAB TU BYED PA SMRA BA PO KHYOD YOD PA'I PHYIR DANG, BRJOD BYA RAB BYED BCO LNGAS BSTAN PA'I DON YOD PA'I PHYIR DANG, NA'ANG GI SGRAS KHYOD NYID TSIG STONG PA NYID KYI DON RJOD BYED YOD PAS DNGOS PO RANG BZHIN GYIS GRUB PAS STONG PA ZHES BYAR MI RUNG NGO ZHE NA, KHO BO CAG LTAR NA, TSIG DANG BRJOD BYA DANG SMRA BA PO RNAMS GCIG LA BRTEN NAS CIG SHOS 'DOG PAR BYED KYI RANG DBANG DU GRUB PA MIN LA GANG ZHIG BRTEN NAS KUN 'BYUNG BA DE NI RANG BZHIN GYIS YOD PA MIN LA, SMRA BA PO DANG BRJOD BYA DANG TSIGS GSUM BRTEN NAS BTAGS PA YIN PA'I PHYIR, DE GSUM GANG LA'ANG RANG BZHIN GYIS GRUB PA YOD PA MA YIN PAS STONG NYID LEGS PAR GRUB BO, ,GNYIS PA NI, GAL TE 'DI THAMS CAD STONG PA YIN NA DE'I TSE DBANG PO DANG DON DAG BONG BU'I RVA DANG 'DRA BAR YOD NA DE DAG YOD PA'I PHYIR DNGOS PO THAMS CAD RANG BZHIN GYIS GRUB BO ZHE NA, GAL TE STONG NYID SGRUBS PA'I NYES PA YIS TSIG LA SOGS PA KHAS LEN DGOS PAS STONG PA MA YIN PAR GRUB PAR 'GYUR NA KHYOD KYIS DNGOS PO MI STONG PAR SGRUB PA'I NYES PAS STONG PA NYID NI CI STE 'GRUB PAR 'GYUR BA MA YIN STONG NYID NGES PAR KHAS LEN DGOS PAR THAL, TSIG LA SOGS PA'I RTEN 'BRAL KHAS BLANGS PA'I PHYIR, GNYIS PA LA GNYIS, DNGOS DANG, SKYON SPANG DGAG PA'O, ,DANG PO NI, STONG PA NYID DU @114A *, ,SMRA BA BSAL BA TZAM GYIS RANG GI PHYOGS GRUB PAR RIGS PA MIN NO, ,DNGOS PO BDEN GRUB KHAS BLANGS PA'I RGOL BAS NI GZHAN GYI PHYOGS STONG PA NYID NI LDOG PA DANG, RANG GI PHYOGS DNGOS PO BDEN PAR GRUB PA NI SGRUB PA STE GNYIS BYA DGOS PA YIN NA, KHYOD NI STONG PA NYID SMRA BA SEL BA TZAM LA ZHUGS PA'I PHYIR, GAL TE GZHAN PHYOGS SUN 'BYIN PAR BYED PA PHYOGS GCIG LA DGA' NA RANG PHYOGS SGRUB PAR BYED PA LA CIS DGA' BA MIN DGA' BAR BYA DGOS NA RANG PHYOGS BSGRUB PA'I SGRUB BYED GANG BKOD PA THAMS CAD STONG PA NYID SMRA BA LA BSGRUB BYA DANG MTSUNGS PAR MA GRUB PAS DNGOS PO BDEN PAR BSGRUB PA'I PHYOGS YONGS SU 'DZIN PA DOR ZHIG ,GNYIS PA NI, GAL TE STONG PA NYID DU SMRA BA'I PHYOGS 'DI YONGS SU BRTAGS PA NA MI RIGS PAS 'THAD PA MIN NO, ,SHES BYA LA MED PA GANG DE KHAS BLANGS PAR BYA BA'I PHYOGS SU MI 'GYUR BAS DNGOS PO BDEN PAR SMRA BA'I PHYOGS GRUB BO ZHE NA, DON DAM DPYOD BYED KYI RIGS PAS BRTAGS PA'I TSE PHYOGS GANG YANG MI 'THAD PA DES NA RGOL BA GANG GIS KHAS BLANGS PA'I BDEN GRUB KYI GCIG NYID DANG GZHAN NYID DANG, BRJOD DU MED PA LA SOGS PA GSUM PO KUN KYANG RIGS PAS KHEGS PAS PHYOGS MA YIN PAR 'GYUR BA'I PHYIR, BDEN GRUB CUNG ZAD KYANG KHAS BLANG PAR MI BYA'O, ,GSUM PA LA GNYIS, MNGON SUM GYIS BDEN STONG KHEGS PA MI 'THAD PA DANG, STONG NYID GRUB PAS LOG PHYOGS BDEN GRUB GRUB PA MI 'THAD PA'O, ,DANG PO NI, BUM @114B PA BDEN PAS STONG PAR BSGRUB PA'I GTAN TSIGS DON MED CING NUS PA MED PAR 'GYUR TE, GZHI GANG DU MNGON SUM GYI BUM PA BDEN PAR GRUB PA DOR TE, KHO BO CAG LTAR NA BUM PA BDEN GRUB MNGON SUM GYIS GRUB PA'I PHYIR CE NA, BDEN STONG RIGS PAS GRUB PAR SMRA BA'I PHYOGS 'DI NA RGOL BA GZHAN GYI GZHUNG LUGS LAS BYUNG BA'I GTAN TSIGS KHAS LEN PA YOD PA MIN TE, DE SEL BA LA ZHUGS PA'I PHYIR RO, ,'O NA GZHUNG LUGS KYI GTAN TSIGS GANG DU YANG MA RUNG NGAM ZHE NA, GZHAN DU RGOL BA GNYIS KA GRUB MTHA' MTSUNGS PA DER YOD PAS 'GAL BA MED DO, ,GNYIS PA NI, CI STE STONG PA NYID SMRA BA KHYED KYIS STONG NYID KYI NGO BO KHAS BLANGS SHING, STONG PA MIN PA LA MA LTOS PA'I STONG PA YANG MI 'THAD PAS DNGOS PO BDEN PAR GRUB CE NA, STONG NYID YOD PAS LOG PHYOGS BDEN GRUB YOD PAR MI 'GRUB PAR THAL, STONG NYID BDEN GRUB YOD NA GZHI CHOS CAN DNGOS PO BDEN GRUB 'THAD NA YANG BDEN PAS MI STONG PA, MED PAS DE MED PAR STONG PA NA BDEN GRUB GANG LAS 'BYUNG BA NYID DU 'GYUR GZHI CHOS CAN, BDEN PAR GRUB PA MI SRID PA'I PHYIR RO, ,RGYU MTSAN JI LTA BUR NA CIG SHOS GZHI CHOS CAN BDEN GRUB NI MED PAR DE 'GOG BYED KYI GNYEN PO BDEN GRUB 'BYUNG BAR 'GYUR, STONG NYID BDEN PAR GRUB NA GZHI CHOS CAN BDEN GRUB KYI BDAG NYID DU LDAN DGOS PA'I PHYIR, RTZA SHE LAS, GAL TE MI STONG CUNG ZAD YOD, ,STONG PA CUNG ZAD YOD PAR 'GYUR, ZHES SOGS DANG, BDEN GNYIS LAS, DGAG BYA YOD PA MA YIN PAS, ,YANG DAG TU NI BKAG MED GSAL, ZHES @115A *, ,GSUNGS PA LTAR RO, ,GNYIS PA MTHAR LTUNG PHYOGS LA ZHEN PA DGAG PA LA GNYIS, DGAG PA DNGOS DANG, SKYON SPONG DGAG PA'O, ,DANG PO LA GSUM, PHYOGS MED PHYOGS SU 'GYUR BA DGAG PA DANG, BDEN DNGOS YOD PA'I SGRUB BYED DGAG PA DANG, MTHA' BRAL KUN LA MTSUNGS PAR BSTAN PA'O, ,DANG PO NI, GAL TE STONG NYID CUNG ZAD KYANG MED PAS DE RANG GI PHYOGS SU MI 'GYUR MOD DE LTA NA YANG, RANG LUGS MED PA RANG LUGS SU KHAS BLANGS PAS PHYOGS KHAS BLANGS PAR 'GYUR LA, MI MTHUN PHYOGS LA MA LTOS PAR PHYOGS MED PAS MI MTHUN PHYOGS DNGOS PO BDEN PAR YOD DO ZHE NA, GAL TE KHO BO CAG LA RANG GI NGO BOS GRUB PA'I PHYOGS NYID DU 'GYUR NA PHYOGS MED PA RANG GI NGO BOS GRUB PA'I PHYOGS KYI NGO BOR 'GYUR NA YANG, RANG GI NGO BOS GRUB PA'I PHYOGS CUNG ZAD KYANG MED PAS DE LA LTOS PA'I MI MTHUN PHYOGS KYANG MI SRID DO, ,DE YANG DNGOS PO BDEN GRUB KYI PHYOGS THAMS CAD GONG DU BSAL ZIN PA'I PHYIR, DE LTAR PHYOGS MED PA RANG GI NGO BOS GRUB PA NYID MED NA DNGOS PO BDEN GRUB GANG ZHIG MI MTHUN PHYOGS SU 'GYUR MTHUN PHYOGS DANG MI MTHUN PHYOGS BDEN PAR GRUB PA RDUL TZAM YANG MED PA'I PHYIR, 'DIS NI STONG NYID BDEN GRUB RANG LUGS YIN PA BKAG PA YIN GYI, RANG LUGS MED PA BSTAN PAR BSHAD PAR MI BYA'O, ,GNYIS PA LA GSUM, DNGOS PO'I KHYAD PAR BDEN PAR GRUB PAS BDEN PAR GRUB PA MI 'THAD PA DANG, MTHA' BZHI GA RIGS PAS KHEGS @115B BA DANG, BDEN PAR GRUB PA RDUL PHRA RAB TZAM YANG MA DMIGS PA'O, ,DANG PO NI, DNGOS PA BDEN PAR GRUB PA YOD DE, ME LA SOGS PA'I KHYAD PAR BDEN PAR GRUB PA'I PHYIR CE NA, GAL TE ME NI JI LTAR CHA BAR RANG GI NGO BOS GRUB PAR 'GYUR TE MI 'GYUR LA, BDEN PAR GRUB PA'I DNGOS PO YOD PA MIN NA STE MIN PA'I PHYIR RO, ,TSA BA'I ME YANG RANG BZHIN GYIS YOD PA MIN ZHES GONG NYID DU NI, TSA BA ME NYID DU 'GYUR TE, ,TSA BA MIN PA JI LTAR BSREGS, ,DES NA BUD SHING ZHES BYA BA, ,YOD MIN DES NA ME YOD MIN, ,ZHES PA DER LDOG PAR BYAS ZIN PA'I PHYIR RO, ,GNYIS PA NI, GZHAN YANG GAL TE MI'I DNGOS PO MTHONG NAS ME'I DNGOS PO NI, BDEN PAR MED PA, ZHES BYA BAR LDOG RIGS PAR 'GYUR NA DE LTAR RTEN 'BREL LA SOGS PA'I GTAN TSIGS KYIS GCIG DANG THA DAD SOGS DANG YOD MED SOGS PHYOGS NI BZHI CHAR BDEN PAR GRUB PA LA NYES PA SPANGS PA GANG ZHIG MTHONG PHYOGS BZHI CHAR LA SKYON MTHONG BA'I PHYIR, BDEN GRUB KYI PHYOGS GANG YANG KHAS BLANG BAR MI BYA'O, ,GSUM PA NI, RGYU MTSAN 'DIS KYANG BDEN GRUB KHAS LEN PA MI RIGS TE, RDUL LA CHA SHAS YOD MED CES, ,DPYAD PA DER YANG 'JUG PAR 'GYUR, ,ZHES PA'I SKABS SU BSHAD PA LTAR, DNGOS PO SHIN TU PHRA BA RDUL PHRAN LA YANG BDEN PAR YOD PA'I DNGOS PO YOD NA DMIGS SU RUNG BA LAS MA DMIGS PAS GANG DU MED PA DE JI LTAR SKYE BA BDEN PAR GRUB PA 'BYUNG BAR 'GYUR TE, DNGOS PO'I DE KHO NA NYID THUGS SU CHUD PA'I NYI MA'I 'OD ZER GYIS MA RIG PA'I MUN PA MTHA' DAG BSAL BA'I SANGS RGYAS @116A *, ,RNAMS KYI GZIGS NGO LA LTOS TE MED PA NYID KYANG YOD PAR KHAS LEN PA RNAM PA THAMS CAD DU MI RUNG BA DE NYID KYI PHYIR NA BDEN GRUB KHAS LEN PA 'THAD PA'I PHYOGS GANG DANG YANG MA 'BREL BA'O, ,GSUM PA LA GNYIS DNGOS DANG, CHOS GANG LA YANG BDEN PAR GRUB MA GRUB KYI RNAM DBYE KHAS LEN MI RIGS PA'O, ,DANG PO NI, GAL TE CHOS KUN LA BDEN PAR GRUB PA DANG, BDEN PAS STONG PA GNYIS SU YOD PA MIN NA RDUL PHRAN SOGS GZHAN GANG ZHIG BDEN PAR YOD PA'I DNGOS PO YOD BDEN GRUB MTHA' DAG KHEGS PA'I PHYIR RO, ,GAL TE KHYOD LA'ANG KHO BO CAG GIS BSHAD PA'I 'THAD PA KHO NAS MTHA' GNYIS SPANGS PA'I TSUL DE KHAS LEN RIGS NA, BDEN GRUB KYI PHYOGS BZUNG NAS KHO BO CAG LA BRGAL BA GZHAN PO CI STE BYED, SNGAR BSHAD PA'I RIGS PA LA BRTEN NAS SPROS PA'I MTHA' DANG BRAL BA KHAS BLANG PAR BYA'O, ,GNYIS PA NI, RIGS PA GANG GIS BDEN STONG GI PHYOGS 'DI MI 'GRUB PA SRID NA, KHO BO CAG YID CHES PAR 'GYUR BA'I DNGOS GZHAN PO CI STE BYED, SNGAR BSHAD PA'I RIGS PA LA BRTEN NAS SPROS PA'I MTHA' DANG BRAL BA KHAS BLANG BAR BYA'O, ,GNYIS PA NI, RIGS PA GANG GIS BDEN STONG GI PHYOGS 'DI MI 'GRUB PA SRID NA, KHO BO CAG YID CHES PAR 'GYUR BA'I DNGOS PO BDEN PAR GRUB PA BSGRUB MI NUS PA'I PHYIR, KHO BO CAG GI PHYOGS KHO NA LAS BLANGS PAR BYA'O, ,PHYI DANG NANG GI DNGOS PO KUN GYI RANG BZHIN BDEN PAR GRUB PA YOD NA, RGYU DANG RKYEN LA MI LTOS PAR 'GYUR LA BDEN PAR GRUB PA'I DNGOS PO MED PA LA BDEN PAR GRUB MA GRUB KYI RNAM PAR DBYE BA MI RIGS TE, THOGS BCAS KYI GZUGS BKAG PA TZAM GYIS NAM MKHA' LA NGO BO THA DAD MED PA BZHIN DU RDZAS RNAMS KUN LA BDEN STONG GI RANG BZHIN GANG MTHONG BA DE NI, DNGOS PO GCIG GI LTA BO GANG, , @116B DE NI KUN GYI LTA BOR BSHAD, ,GCIG GI STONG NYID GANG YIN PA, ,DE NI KUN GYI STONG PA NYID, ,CES BSHAD PA DANG, MDO LAS, GANG GI DNGOS PO DE RNAMS DNGOS MED SHES GYUR PA, ,DE NI DNGOS PO KUN LA CHAGS PA MED, ,CES GSUNGS PA LTAR, CHOS GANG LA YANG BDEN PAR GRUB PA DANG MA GRUB PA'I RNAM DBYER MI 'GYUR RO, ,GNYIS PA LA GNYIS, BDEN STONG GI PHYOGS KHAS BLANGS RIGS SHING DE KHAS MI LEN NA LAN GDAB RIGS PA LA DE MI NUS PA DANG, BDEN STONG SUN 'BYIN PA'I PHYOGS RNYED DKA' BA'O, ,DANG PO NI, GAL TE RTOGS PA SNGON DU 'GRO BAS BDEN STONG KHAS BLANG BAR BYA BA'AM YANG NA DE LA LAN GDAB PAR BYA'O, ,CUNG ZAD CIG YOD PAS KHAS LEN PA DE LA LAN GDAB RIGS KYI KHYOD LTAR NA THAMS CAD MED PAS JI LTAR LAN GDAB PAR BYA, DES NA LAN MA SMRAS PA NYID DO SNYAM NA, GAL TE THAMS CAD MED PA'I PHYIR DBU MA PA GZHAN GYI PHYOGS LA LAN BRJOD PA MIN PAR GRAGS NA NI STONG NYID SGRUB PA'I GTAN TSIGS KYIS LDOG PA'I KHYOD RANG GI PHYOGS KYANG CI'I PHYIR NA BSGRUB PAR RIGS PAR MI 'GYUR RANG PHYOGS MI BSGRUB NA GZHAN PHYOGS 'GOG MI NUS PA'I PHYIR, KHYOD NYID MED PAR GYUR TO, ,GNYIS PA NI, RANG LUGS BSGRUB PA MI NUS KYANG, GZHAN PHYOGS SUN 'BYIN PAR BYED PA'I GTAN TSIGS RNYED PAR SLA ZHES 'JIG RTEN NA BRJOD CING GRAGS SO ZHE NA DE LTA NA SUN 'BYIN BYED PA'I GTAN TSIGS RNYED SLA BA KHYOD LA YANG YOD PAS, KHYOD KYIS KYANG GZHAN GYI PHYOGS DBU MA PA LA SKYON BRJOD PA NYID DU CI'I PHYIR MI @117A *, ,NUS DES NA KHYOD KYIS GZHAN PHYOGS LA SKYON BRJOD MI NUS PAS STONG NYID SUN 'BYIN PA'I GTAN TSIGS RNYED MI SLA'O, ,GSUM PA YOD MED BDEN GRUB RIGS PA MTSUNGS PAR BSTAN PA LA GSUM, BDEN STONG DANG BDEN GRUB GNYIS TSIG TZAM GYIS 'GRUB MI 'GRUB MTSUNGS PA DANG, BDEN YOD DU MING BTAGS PA TZAM GYIS DON MI 'GRUB PA DANG, 'JIG RTEN PAS BDEN PAR YOD PAR THA SNYAD BTAGS PAS BDEN PAR YOD NA 'JIG RTEN NA YOD PA DE KHO NA NYID DU GRUB PAR MI 'THAD PA'O, ,DANG PO NI, RIGS PA MED PAR YANG YOD CES BYA BA TSIG TZAM ZHIG GIS GAL TE DE KHO NA NYID DU DNGOS PO YOD NA KHO BO CAG GI BDEN PAR MED CES BYA BA TSIG TZAM ZHIG GIS BDEN PAR MED PAR YANG NI RGYU MTSAN CIS 'GRUB PAR MI 'GYUR RNAM PA THAMS CAD DU RIGS PA MTSUNGS PA'I PHYIR RO, ,DE'I PHYIR 'U BU CAG GNYI GAS GNYIS SU SMRA BA BSAL NAS GNYIS MED PAR SMRA BA SPROS PA THAMS CAD DANG BRAL BA'I GZHUNG BTZUGS PAR 'GYUR RO, ,GNYIS PA NI, 'DIR SMRAS PA, DON DAM PAR DNGOS PO MED NA DNGOS PO YOD DO ZHES PA'I MING MI RIGS PAR 'GYUR TE, MO GSHAM GYI BU LA YOD DO ZHES PA'I MING MI RUNG BA BZHIN NO ZHE NA, BSHAD PAR BYA STE, GANG GI PHYIR DNGOS PO YOD CING BDOG CES MING BRTAGS PA DE'I PHYIR, BDEN PAR MED PAR MI 'GYUR NA GANG GI PHYIR BDEN PAR YOD CES MING BYAS PA DE'I PHYIR BDEN PAR YOD PAR YANG MI 'GYUR RO, ,MIG LEGS PA LA ZHAR BA BZHES PA DANG, TSE THUNG BA LA TSE RING ZHES PAS DON MI 'GRUB @117B PA BZHIN NO, ,GZHAN YANG TSIG TZAM GYIS DON 'GRUB NA BDEN PAR YOD CES RTOG PA LTAR BDEN PA MED PAR YANG KHAS LEN RIGS SO, ,GSUM PA NI, KHA CIG NA RE, SGRA RNAMS NI DON GYI RANG GI NGO BO STON PAR BYED PA MIN TE, STON NA MED ZHES SMRAS NA KHA TSIG PAR 'GYUR LA, BUM PA ZHES SMRAS NA KHENGS PAR 'GYUR BA DE'I PHYIR KHO BO CAG GIS, DON GYI RANG GI NGO BO LA MI RIG PA'I RJOD BYED DANG, BRJOD BYA'I BRDA 'JIG RTEN PA THAMS CAD LA YOD DO ZHE NA, GAL TE DNGOS PO THAMS CAD RANG BZHIN GYIS YOD CING DE DAG GI NGO BO LA MI REG PA'I SGRA RNAMS KYIS 'JIG RTEN PAS BRJOD PAS 'JIG RTEN PA LA YOD PA YIN NA DNGOS PO GANG RANG BZHIN GYIS YOD PA NI DE KHO NA NYID DU YOD PA YIN GYI DE NI 'JIG RTEN PAR CIS 'GYUR DON DAM PAR YOD PA KHO NAR 'GYUR RO, , BZHI PA MED PA PHYOGS SU 'GYUR BA DGAG PA LA GNYIS, DNGOS PO BDEN GRUB BKAG PAS DNGOS PO YE MED DU 'GYUR BA DGAG PA DANG, DNGOS PO BDEN GRUB MED PAS DNGOS MED BDEN GRUB KYANG MI 'THAD PA'O, ,DANG PO NI, KHYOD KYIS DNGOS PO BDEN PAR GRUB PA BSAL BAS DNGOS PO RNAMS MED PA NYID DU 'GYUR RO ZHE NA, GAL TE DNGOS PO KUN BDEN PAR MED PA'I PHYIR DNGOS PO CUNG ZAD KYANG MED PA NYID DU 'GYUR NA NI DE LTA YIN NA DBU MA PA'I PHYOGS RNAMS KUN DNGOS PO BDEN GRUB SNGAR YOD GSAR DU BKAG PA'I DNGOS PO MED PAR MI RIGS SO, ,BDEN GRUB SNGAR NAS YOD MA MYONG BA'I PHYIR, GNYIS PA NI, DGAG BYA DNGOS PO BDEN GRUB MED PA'I PHYIR DE BKAG PA'I DNGOS MED LA BDEN PAR GRUB PA SRID PA YOD PAR MI 'GYUR RO, ,'JIG RTEN @118A *, ,NA DNGOS PO ZHIG PA LA DNGOS PO MED PAR SMRA BA LTAR, BUM PA YOD MA MYONG NA BUM PA ZHIG PA MI 'THAD PAS DNGOS PO MED GRUB MED PAR DNGOS PO NI MED PA BDEN GRUB GANG LAS 'GRUB PAR 'GYUR, ,BLTOS PA MED PAR BLTOS CHOS GRUB PA MI 'THAD PA'I PHYIR, LNGA PA STONG NYID SGRUB PA'I DPE RTAGS YOD PAS STONG PAR MI 'GYUR BA DGAG PA LA GNYIS, GTAN TSIGS YOD PAS BDEN GRUB YOD PA LA HA CANG THAL BA'I GNOD PA BSTAN PA DANG, DPE YOD PAS STONG PAR MI 'GYUR BA LA HA CANG THAL BA'I GNOD PA BSTAN PA'O, ,DANG PO NI, KHYOD KYIS STONG NYID SGRUB PA LA GTAN TSIGS BSTAN PAR BYA DGOS LA, DE LTA NA GTAN TSIGS YOD PAS DNGOS PO THAMS CAD STONG PA MIN TE, GTAN TSIGS LTAR SNANG GZHAN YANG BDEN PAR YOD PA'I PHYIR RO ZHE NA, BDEN PAS STONG PA GTAN TSIGS LAS 'GRUB PAR 'GYUR BA DE'I PHYIR STONG PAR MI 'GYUR NA DAM BCA' DANG, GTAN TSIGS RANG BZHIN GYIS GRUB PA'I GZHAN YIN NA, 'BREL MED DU 'GYUR LA DAM BCA' GTAN TSIGS LAS GZHAN NI MIN PAR RANG BZHIN GYIS GRUB PA'I GCIG YIN NA GCIG YIN DGOS PAS GTAN TSIGS LA BRTEN NAS BSGRUB BYA GO MI NUS PA DES NA GTAN TSIGS YANG DAG MED PAR 'GYUR BAR THAL, DNGOS PO BDEN GRUB KHAS LEN PA LA GTAN TSIGS MED PA'I NYES PA CHAGS PA YIN NO, ,DE'I PHYIR CHOS THAMS CAD RANG BZHIN MED PAR GRUB BO, ,GNYIS PA NI, GANG GI PHYIR RANG BZHIN GYIS GRUB PAS STONG PA'I DPE, GZUGS @118B BRNYAN SOGS YOD PA DES NA DPE DANG 'DRA BAR GZHAN YANG YOD PA'I PHYIR, STONG PAR MI 'GYUR RO ZHE NA DPE DE YANG GTAN TSIGS KYI DON DANG 'BREL BA ZHIG GAM, MA 'BREL BA ZHIG DANG PO LTAR NA, GTAN TSIGS BDEN GRUB 'GOG PA'I RIGS PA NYID KYIS BSAL ZIN LA, GNYIS PA LTAR NA, GTAN TSIGS DANG MA 'BREL PA'I DPE TZAM LAS DON 'GRUB NA, DNGOS POR MTSUNGS PA'I PHYIR RO, ,BYA ROG NAG PO JI LTA BA DE BZHIN DU BDAG KYANG NAG PO YIN ZHES BRJOD NUS SAM NUS DGOS NA, DPE YOD PA TZAM GYIS BDEN GRUB KYI DPER MI RIGS SO, ,DRUG PA STONG NYID BSTAN PA'I DGOS PA BSHAD PA NI, GAL TE DPE DANG GTAN TSIGS MED CING DNGOS PO THAMS CAD KYANG MED NA KHYOD KYI BSTAN BCOS BYED PA'I TSOGS PA NYID DGOS PA GANG GI CHED DU YIN ZHE NA, DE KHO NA NYID KYI DON RTOGS NAS THAR PA DANG THAMS CAD MKHYEN PA THOB PA'I CHED DU YIN NO, ,GAL TE RANG BZHIN GYIS GRUB PA'I DNGOS PO YOD NA DE NYID RTOGS PA MDZES KYI STONG NYID MTHONG BA LA YON TAN CI ZHIG YOD PHYIN CI LOG TU 'GYUR BA'I PHYIR RO, ,DNGOS PO BDEN PAR ZHEN PA YOD NA DES LAS BSAGS NAS 'KHOR BAR 'KHOR LA, CHOS THAMS CAD RANG BZHIN MED PAR THUGS SU CHUD PA LAS SRID PA LAS GROL BAR 'GYUR BAS BDEN PAR ZHEN PA'I RTOG PAS BDEN PAR MTHONG BA NA 'KHOR BAR 'CHING BA STE, DES NA BDEN 'DZIN GYI ZHEN YUL GANG ZAG DANG PHUNG PO BDEN PAR GRUB PA DE NI BSTAN BCOS 'DI RU RIGS PA'I TSOGS RGYA CHEN PO NAS DGAG PAR BYA BA YIN NO, ,MDO LAS, @119A *, ,CHOS THAMS CAD NI STONG PA STE RANG BZHIN MED PA'I TSUL GYIS SO, ,ZHES SOGS GSUNGS PA LTAR RTEN 'BREL GYI CHOS THAMS CAD RANG LUGS LA KHAS LEN PA DANG MI 'GAL BA RANG BZHIN MED PA STON PAR MDZAD PA YIN NO, ,BDUN PA YOD MED KYI MTHAR 'DZIN PA PHYIN CI LOG TU BSTAN PA NI, RANG GI SDE PA RNAMS RIGS PA LA SOGS PA GANG DAG GSUNG RAB KYI DON JI LTA BA BZHIN DU MA RTOGS PAS SHES PA BDEN PAR YOD CING, PHYI ROL GYI DON THA SNYAD DU YANG MED PAR KHAS LEN PAS PHYIN CI LOG TU BSTAN PA'I PHYIR, THA SNYAD DU GNYIS KA YOD CING, DON DAM PAR GNYIS KA MED PAR MTSUNGS PA'I PHYIR, GCIG YOD LA CIG SHOS MED CES BYA BA DE NYID KYI RNAM GZHAG MIN TE, GNYI GA DON DAM PAR GRUB PA DANG, DON DAM PA'I BDEN PA GANG YANG MIN PA'I PHYIR, 'JIG RTEN PA'ANG MIN TE, GNYI GA THA SNYAD DU YOD CING, KUN RDZOB KYI BDEN PA YIN PA'I PHYIR RO, ,DES NA THA SNYAD DU PHUNG PO LNGA CHAR YOD CING, DON DAM PAR MED PA DES NA SEMS SEMS BYUNG 'DI BDEN PAR YOD LA PHYI ROL GYI DON 'DI THA SNYAD DU YANG MED CES BRJOD PA NYID DU NUS PA MIN NO, ,DES NA PHYI ROL GYI DON DANG SHES PA GNYIS GA 'JIG RTEN NA GRAGS PA LTAR DBU MA PAS KYANG KHAS BLANG PAR BYA'O, ,BRGYAD PA MTHA' BRAL RIGS PAS DGAG MA NUS PA NA, DE LTAR RIGS PA'I TSOGS RGYA CHEN PO NAS DNGOS PO BDEN PAR SMRA BA SOGS, LEGS PAR BDAG PA NA STONG PA NYID DU SMRA BA LA SUN 'BYIN BRJOD MI NUS PAR 'DI SKAD CES, DA LTA KHO @119B BOS KHYOD LA LAN GDAB PAR MI NUS MOD, DE LTA NA YANG KHYOD LA LAN 'DEBS PAR 'GYUR BA DE BZHIN GSHEGS PA'I BSTAN PA LA MNGON PAR BRTZON PA DAG 'GYUR BAR 'GYUR RO ZHE NA, KHYOD KYI RE BA 'DI NI RDZUN PA ZHIG STE, 'DI LTAR KHO BO CAG LA SKYON DANG BCAS PA'I PHYOGS YONGS SU 'DZIN PA YOD NA DE RNAM PA GZHAN DU BSGRUBS PA LAS SUN 'BYIN NUS PA SRID KYANG, DBU MA PA GANG LA DNGOS PO RANG BZHIN GYIS YOD PA DANG DNGOS PO CUNG ZAD KYANG MED CING DNGOS PO MED PA RANG BZHIN GYIS GRUB PAS YOD MED GNYI GA DANG, GNYI GA MIN PA'O, ,ZHES GANG LA NYES PA DANG BCAS PA'I PHYOGS NI YOD PA MIN PA DE LA DUS YUN RING PO NA'ANG KLAN KA BRJOD PAR NUS PA MA YIN TE, MKHAS PA STONG PA NYID SMRA BA LA SUN 'BYIN PA NI, NAM MKHA' LA RI MO 'DRI MI NUS PA DANG, LCAGS KYIS BZHUS PAS GZIR BAR BYED MI NUS PA LTAR SHES PAR BYA'O, ,SLOB DPON CHOS KYI 'BANGS KYIS RAB BYED DANG PO BRGYAD KYI, TSIGS BCAD RE RE LA DPE RE SBYAR BA NI, TSIGS MANGS SU DOGS PAS MDO TZAM MA GTOGS ZHIB TU MA SPROS SO, ,'DIR SMRAS PA, NYI MA'I 'OD KYIS MUN PA KUN SEL ZHING, ,MUN LA NYI 'OD 'JOMS PA'I NUS MED LTAR, ,YANG DAG LTA BAS MTHAR 'DZIN KUN 'JOMS SHING, , DE LA KLAN KA'I GO SKABS RING DU SPANGS, ,BSDU BA'I TSIGS SU BCAD PA'O, ,GNYIS PA LE'U'I MTSAN BSTAN PA NI, BYANG CHUB SEMS DPA'I RNAL 'BYOR SPYOD PA BZHI BRGYA PA'I RNAM BSHAD LEGS PAR BSHAD PA'I SNYING PO ZHES BYA BA LAS @120A *, ,SLOB DPON DANG SLOB MA RNAM PAR GTAN LA DBAB PA BSGOM PA BSTAN PA STE RAB TU BYED PA BCU DRUG PA'I 'GREL PA'O,, ` ,,BZHI PA MJUG GI DON LA GNYIS, BSTAN BCOS GANG GIS MDZAD PA DANG, BSGYUR BYED GANG GIS BSGYUR BA'O, ,DANG PO NI, SHING RTA CHEN PO BYANG CHUB SEMS DPA' SLOB DPON 'PHAGS PA LHA'I ZHAL SNGA NAS MDZAD PA'O, ,BYANG CHUB SEMS DPA'I RNAL 'BYOR SPYOD PA BZHI BRGYA PA'I TSIG LE'U BYAS PA, DE'I 'GREL PA SLOB DPON ZLA BA GRAGS PAS MDZAD PA GNYIS KYI RNAM BSHAD RDZOGS SO,, ,,GNYIS PA NI, DPAL KHA CHE'I GRONG KHYER DPE MED KYI DPUNG RIN CHEN PAS PA'I KUN DGA' RA BAR, RGYA GAR GYI MKHAN PO BRAM ZE RIN CHEN RDO RJE'I DPON PO BRAM ZE RDZA'I SRAS SU RMA DZA NA DANG, DON GYI LO TZTSA BA MDO SNGAGS KYI GZHUNG MA LUS PA THUGS SU CHUD PA'I PA TSAB NYI MA GRAGS KYIS RGYA GAR GYI SKAD LAS, BOD KYI SKAD DU BSGYUR TE 'CHAD NYAN GYIS LEGS PAR GTAN LA PHAB PA'O,, ,,RGYAL BAS LUNG BSTAN GO 'PHANGS MCHOG BRNYES SHING, ,KLU SGRUB LUGS BZANG CHES CHAR GSAL MDZAD PA, ,'PHAGS PA LHA DANG DPAL LDAN ZLA BA GRAGS, ,BDAG SOGS KUN GYI GTZUG NA RGYAL GYUR CIG ,SHING RTA CHEN PA'I GZHUNG LUGS YAL BAR 'DOR, ,DRI MED RIGS PA'I MIG DANG MI LDAN PAR, ,GZU LUM RANG DGAR 'JUG PA'I DON RTOG GIS, ,LUGS 'DI LOG PAR 'CHAD PA MA BZOD @120B NAS, ,THEG MCHOG RIGS LA GNAS PA'I SKYE BO RNAMS, ,RANG RGYUD SMIN DANG GROL BAR BYED PA'I LAM, ,GSAL LA MA 'DRES RDZOGS PAR 'GREL PA YI, ,GZHUNG 'DI'I TSIG DON GO SLA'I NGAG GIS BSHAD, ,'PHAGS PA'I BZHED PA SHIN TU RNYED PAR DKA', ,BDAG BLO DMAN ZHING SBYANGS PA'I STOBS ZHAN PAS, ,GAL TE 'DI LA NONGS PA'I TSOGS MCHIS RNAMS, ,BLA MA LHAR BCAS RNAMS KYIS BZOD MDZAD RIGS, MTHA' BRAL DBU MA'I LAM BZANG GSAL BYED PA, ,'DIR 'BAD RAB DKAR DGE BA CI BSAGS DES, ,SRID PA'I BTZON RAR BCINGS PA'I 'GRO BA RNAMS, ,THAR PA'I BDE BA BLA MED THOB GYUR CIG ,BDAG KYANG DENG NAS TSE RABS THAMS CAD DU, ,THEG MCHOG BSHES DANG NAM YANG MI 'BRAL ZHING, ,LAM 'DIR THOS BSAM BSGOMS PAS RAB ZHUGS TE, ,KUN MKHYEN RGYAL BA'I GO 'PHANGS THOB PAR SHOG ,BSTAN BCOS BZHI BRGYA BA'I RNAM BSHAD LEGS PAR BSHAD PA'I SNYING PO ZHES BYA BA 'DI NI, BSLAB PA RIN CO CHE LA GCES SPRAS SU MDZAD CING, SDOM PA GSUM DANG LDAN PA'I BLA MA NAM MKHA' BZANG PO BA DANG, KHYAD PAR DU THUB PA'I BSTAN PA RGYAS PA'I KHUR GYIS MI NGAL BA'I BLA MA GRAGS SENG BAS 'BUL BA ME TOG GI RIM PA RGYA CHEN PO DANG BCAS PAS MDO KHAMS STOD NAS YANG DANG YANG DU BSKUL ZHING, MDO SNGAGS KYI GZHUNG MANG DU THOS PA'I SDE SNOD 'DZIN PA CHEN PO, RTZA THANG PA KUN DGA' SENG-GE LA SOGS PA, SDE SNOD 'DZIN PA DU MAS BSKUL BA LA BRTEN NAS, RGYAL BA'I RING LUGS PA CHEN PO KHYAD PAR DU PHYI NANG GI RTEN 'BREL RNAMS CHU NANG GI ZLA BA'I GZUGS BRNYAN @121A *, ,LTAR THUGS SU CHUD PA'I SEMS DPA' CHEN PO RJE BTZUN DAM PA RED MDA' BA GZHON NU BLO GROS KYI ZHAL SNGA NAS DANG, RGYAL PA RNAMS KYI DAM PA'I CHOS 'DZIN PA'I SMON LAM LEGS PAR GRUB PA, SNYIGS DUS KYI THAMS CAD MKHYEN PA CHEN PO, RJE RIN PO CHE BLO BZANG GRAGS PA'I DPAL BZANG PA'I ZHAL SNGA NAS DANG, YAB SRAS GNYIS KYI ZHABS KYI RDUL YUN RING DU GUS PAS BSTEN CING, DE GNYIS KYI LEGS PAR BSHAD PA'I BKA' DRIN LAS, RIGS PA SMRA BA DGE SLONG DAR MA RIN CHEN GYIS, 'BROG RI BO CHE DGE LDAN RNAM PAR RGYAL BA'I GLING DU SBYAR BA'O, ,YI GI PA NI SDOM BRTZON SDE SNOD 'DZIN PA RIN CHEN CHOS RGYAL LO, , 'DIS KYANG RGYAL BA'I BSTAN PA RIN CHE SGO THAMS CAD NAS PHYOGS THAMS CAD DU DAR ZHING RGYAL LA YUN RING DU GNAS PAR GYUR CIG ,MANG-GA LAM, BKRA SHIS,,