@001A *, ,SANGS RGYAS SUM CU SO LNGA'I MTSAN GYI PHAN YON
BZHUGS SO, ,

@001B NA MA GU RU, SANGS RGYAS SUM CU SO LNGA'I MTSAN GYI PHAN
YON NI, DE BZHIN GSHEGS MA SH'A-KYA THUB PA LA PHYAG 'TSAL LO,
,ZHES PAS, BSKAL PA KHRI PHRAG GCIG GI SDIG PA

'DAG GO ,RDO RJE SNYING PO DE DANG 'DRA, RIN CHEN 'OD 'PHROS
BSKAL PA SUM KHRI CHIG STONG GI SDIG PA 'DAG ,KLU DBANG GI
RGYAL POS BSKAL PA BRGYAD KYI SDIG PA 'DAG ,DPA' BO'I SDES
NGAG 'KHYAL GYI SDIG PA 'DAG ,DPAL

DGYES KYIS YID KYIS BSAGS PA'I SDIG PA 'DAG ,RIN CHEN MES DGE
'DUN GYI DKOR LA 'GAGS PA'I SDIG PA 'DAG ,RIN CHEN ZLA 'OD
KYIS BSKAL PA GCIG GI SDIG PA 'DAG ,MTHONG BA DON YOD KYIS
'PHAGS

PA LA SKUR BA BTAB PA'I SDIG PA 'DAG ,RIN CHEN ZLA BAS MA BSAD
PA'I SDIG PA 'DAG ,DRI MA MED PAS PHA BSAD PA'I SDIG PA 'DAG
,DPAL SBYIN GYIS DGRA BCOM PA BSAD PA'I SDIG PA 'DAG ,TSANGS
PAS DGE 'DUN

GYI DBYEN BYAS PA'I SDIG PA 'DAG ,TSANGS PAS BYIN GYIS DE
BZHIN GSHEGS PA LA NGAN SEMS KYIS KHRAG PHYUNG BA'I SDIG PA
'DAG ,CHU LHAS DGRA BCOM MA SUN PHYUNG BA'I SDIG PA 'DAG ,CHU
LHA'I LHAS BYANG CHUB

SEMS DPA' NGES PA LA GNAS PA BSAD PA'I SDIG PA 'DAG ,DPAL
BZANG GIS SLOB DPON BSAD PA'I SDIG PA 'DAG ,TZAN-DAN DPAL GYIS
DGE 'DUN 'DU BA'I SGO BKAG PA'I SDIG PA 'DAG ,GZI BRJID MTHA'

@002A *, ,YAS KYIS MCHOD RTEN BSHIG PA'I SDIG PA 'DAG ,'OD
DPAL GYIS ZHE SDANG GIS KUN NAS BSLANGS PA'I SDIG PA 'DAG ,MYA
NGAN MED PA'I DPAL GYIS 'DOD CHAGS KYIS KUN

NAS BSLANGS PA'I SDIG PA 'DAG ,SRED MED KYI BUS BSKAL PA
KHRI'I SDIG PA 'DAG ,ME TOG DPAL GYIS BSKAL PA 'BUM GYI SDIG
PA 'DAG ,TSANGS PA'I 'OD ZER GYIS BSKAL PA STONG GI SDIG PA
'DAG ,PAD-MA'I 'OD

ZER GYIS BSKAL PA BDUN GYI SDIG PA 'DAG ,NOR DPAL GYIS BAG
CHAGS KYI SDIG PA 'DAG ,DRAN PA'I DPAL GYIS LUS KYI SGO NAS
BYAS PA'I SDIG PA 'DAG ,MTSAN DPAL SHIN TU YONGS BSGRAGS KYIS
SANGS RGYAS

'BYUNG BA LA MNYES PAR MA BYAS PA'I SDIG PA 'DAG ,DBANG PO'I
TOG GI RGYAL MTSAN GYI RGYAL POS PHRAG DOG BYAS PA'I SDIG PA
'DAG ,SHIN TU RNAM PAR GNON PA'I DPAL GYIS GZHAN SDIG PA BYED
DU BCUG

PA'I SDIG PA 'DAG ,G-YUL LAS SHIN TU RNAM PAR RGYAL BAS NGA
RGYAL GYIS KUN NAS BSLANGS PA'I SDIG PA 'DAG ,RNAM PAR GNON PA
GSHEGS PAS PHRA MA BYAS PA'I SDIG PA 'DAG ,KUN NAS SNANG BA

BKOD PA'I DPAL GYIS GZHAN GYIS SDIG PA BYAS PA LA YI RANG BYAS
PA'I SDIG PA DAG ,RIN CHEN PAD-MAS RNAM PAR GNON PAS CHOS
SPONG GI LAS BYAS PA'I SDIG PA 'DAG ,RIN PO CHE'I PAD-MA LA
RAB TU BZHUGS PA SANGS

@002B RGYAS RI DBANG GI RGYAL PO LA PHYAG 'TSAL LO, ,ZHES PAS,
DAM TSIG NYAMS PA'I SDIG PA 'DAG GO ,'DI DAG NI JO BO RJE'I
BZHED PA YIN NO, ,BYANG CHUB LTUNG BSHAGS 'DIS SDIG PA'I GNYEN
PO STOBS BZHI TSANG BA BSTAN TE, DE YANG DKON CHOG GSUM

LA SKYABS SU 'GRO BAS RTEN GYI STOBS DANG, DE BZHIN GSHEGS PA
SO LNGA LA PHYAG BTZAL BAS, GNYEN PO KUN TU GCOD PA'I STOBS
DANG, BDAG GI SKYE BA 'DI DANG ZHES PA NAS, MI 'CHAB BO, ,ZHES
PA'I BAR GYIS RNAM PAR SUN 'BYIN BZHI STOBS DANG,

SLAN CHAD KYANG GCOD CING SDOM PAR BGYID LAGS SO, ,ZHES PAS
SLAR LDOG PA'I STOBS BSTAN TO, ,SANGS RGYAS BCOM LDAN 'DAS DE
DAG BDAG LA DGONGS SU GSOL, ,ZHES PA NAS, BDAG GIS KYANG YONGS
SU BSNGO BAR BGYI, ,ZHES PA'I BAR GYI PHYIN

DRUG GIS BSDUS PA'I DGE RTZA THAMS CAD BLA NA MED PA'I BYANG
CHUB THOB PA'I RGYUR BSNGO BA DANG, SDIG PA THAMS CAD NI SO
SOR BSHAGS, ,ZHES PA NAS, BDAG BLA NA MED PA YE SHES KYI MCHOG
THOB PAR GYUR CIG ,CES PA'I BAR GYIS GONG GI

STOBS BZHI PO PHUNG PO GSUM DU BSDUS NAS BSTAN LA, MI MCHOG
RGYAL BA GANG DAG DA LTAR BZHUGS PA DANG, ZHES SOGS NI DE GSUM
BRTAN PAR BYED PA'O, ,BSHAGS PA BYED PA'I TSE MDUN GYI NAM
MKHAR RGYAL BA SH'A-KYA THUB PAR BUS DANG,

GZHAN RNAMS PHYOGS BZHI DANG, STENG 'OG RNAMS SU BZHUGS PA'I
MDUN DU RANG NYID GNAS PA MOS PAR BA'O, ,JI SNYED CIG BZHUGS
TE DANG, 'CHE ZHING ZHES PA'I BAR NI, RIM PA LTAR CHOS LONGS
SPRUL GSUM GYI SKU BRNYES PA'AM, DUS GSUM DU

@003A *, ,BZHUGS PA'AM, RANG DANG GZHAN GNYIS KA'I DON PHUN
SUM TSOGS PA'O, ,SDIG PA MI DGE BA'I LAS BGYIS PA DANG, ZHES
SOGS NYES PA RANG RANG GI NGO BO'I SGO NAS 'GYOD PA BSGOM PA
DANG, YE SHES

SU GYUR PA SOGS BZHI NI, SHES BYA JI LTA BA DANG JI SNYED PA
THAMS CAD MKHYEN PAS YE SHES SU GYUR PA DANG, DE NAS SHA'I MIG
GIS MTHONG BA LTAR GSAL BAR MKHYEN PAS SPYAN DU GYUR PA DANG,
RANG GI DGE MI DGE'I 'DUS BYAS PA RNAMS

DBANG POR YOD PAS DBANG DU GYUR PA DANG, RGYU MTSAN DE NYID
KYI PHYIR TSAD MAR GYUR PA'O, ,SNGAR SDIG PA BYAS PA RNAMS
NGAG TU BRJOD PA'I SGO NAS MTHOL BA DANG, LUS KYI THAL MO
SBYOR BA DANG, PHYAG 'TSAL BA SOGS GUS PA'I SPYOD LAM GYIS
BSHAGS

PA DANG, YID KYIS GSANG SEMS MED PAS MI 'CHAB PA DANG, PHYIN
CHAD SROG LA BAB KYANG MI BYED PA NI, SLAN CHAD KYANG SDOM PAR
BGYID LAGS SO ZHES PA'O, ,SBYIN PA THA NA DUD 'GRO'I SKYE GNAS
SU SKYES PA LA ZAS KHAM GCIG TZAM SKYIN PAS

MTSON PA'I SBYIN PA BTANG BA DANG, MI DGE BCU LA SDOM SEMS
BTANG BA LA SOGS PA'I TSUL KHRIMS BSRUNGS PA DANG, MI GNAS
PA'I MYA NGAN LAS 'DAS PA NI TSANGS PA YIN LA, DE'I RGYU BYAMS
SOGS TSAD MED PA BZHI BSGOM PA NI, TSANGS PAR

SPYOD PA LA GNAS PA STE, DE YANG BYAMS SOGS KYIS KHONG KHRO
'DZEMS PAS GZHAN GYIS GNOD PA BYED PA LA BZOD PAR BYED LA, DES
MTSON NAS BZOD PA BSGOM PA DANG, SEMS CAN YONGS SU SMIN PA'I
CHED DU SPRE BA'I BRTZON 'GRUS BRTZAM

@003B PA DANG, BLA NA MED PA'I BYANG CHUB LA SEMS RTZE GCIG TU GNAS
PA'I BSAM GTAN BSGOM PA DANG, BLA NA MED PA'I YE SHES NI, STONG NYID
MNGON SUM DU RTOGS PA'I CHOS SKU YIN LA, DE DANG RJES SU MTHUN PA'I
STONG NYID LA MNYAM PAR BZHAG PA'I SHES RAB BSGOM PA STE,

PHYIN DRUG GIS BSDUS PA'I DGE RTZA BSNGO BA'O, ,PHUNG PO GSUM
NI, TSOGS GSOG PA, SGRIB PA SBYONG BA, DGE RTZA SPEL BA YIN
LA, SDIG PA THAMS CAD NI SO SOR BSHAGS SO, ,ZHES PAS GNYIS PA
DANG, BSOD NAMS THAMS CAD LA RJES SU YI RANG NGE ZHES PAS

DANG PO DANG, BDAG BLA NA MED PA YE SHES KYI MCHOG TU GYUR CIG
,CES PAS GSUM PA DANG, SANGS RGYAS THAMS CAD LA GSOL BA 'DEBS
PA BSTAN TE, GONG GI STOGS BZHI PO THAMS CAD DE GSUM PO DER
'DUS SO, ,GSOL BA 'DEBS PA LA CHOS 'KHOR BSKOR BAR GSOL

BA 'DEBS PA DANG, MYA NGAN LAS MI 'DA' BAR GSOL BA 'DEBS PA
GNYIS, BDAG BLA NA MED PA'I YE SHES KYI MCHOG THOB PAR GYUR
CIG ,CES PAS RDZOGS BYANG LA THOB BYAR SMON PA'I SOGS BSKYED
NAS DGE RTZA BSNGO BA'O, ,DE RNAMS BRTAN PAR BYED PA NI MI

MCHOG RGYAL BA SOGS YIN NO, ,'DI NI KUN MKHYEN DAR MA RIN CHEN
GYI GSUNG LAS JI LTAR BYUNG BA ZIN BRIS SU BKOD PA'O,, ,,