,@001A *, ,MKHAS GRUB THAMS CAD MKHYEN PA'I RNAM THAR MKHAS PA'I
YID 'PHROG CES BYA BA BZHUGS SO, ,

@001B *, ,AOm BDE LEGS SU GYUR CIG ,MKHYEN PA SHES BYA KUN TU
SONG YANG 'GRO BAS DPAG PAR MI NUS SHING, ,BRTZE BA THUGS KYI
GTER DU SBAS KYANG SRID PA NYI BZHIN LHANG NGER GSAL, ,MDZAD PA
LUS CAN KUN LA SNYOMS KYANG BDUD SDE'I

SNYING LA 'JIGS PA BSKYED, ,PHUN TSOGS YON TAN DPAL GYIS MTHO
BA'I 'JAM DBYANGS DE YIS 'GRO KUN SKYONGS, ,RGYAL BA KUN GYI
MKHYEN BRTZE DRI MED NOR BU'I DKYIL 'KHOR RAB RGYAS PA, ,BLO
BZANG THUGS KYI DAG PA'I MKHA' LA RNAM PAR BKOD

PA'I DPAL LDAN PAS, ,GRAGS PA'I 'OD DKAR PHYOGS KUN KHYAB PA
KHYOD KYI 'PHRIN LAS BZANG PO YI, ,DPAL GYIS 'GRO 'DIR LAM MCHOG
GSAL MDZAD GANG DER GUS PAS PHYAG BGYID DO, ,RDO RJE 'CHANG GIS
MNGON PAR DBANG BSKUR DUS KYI

'KHOR LOS LUNG BSTAN PA, ,BLO BZANG MCHOG DE'I LEGS PAR BSHAD
PA'I BANG MDZOD KUN LA DBANG BSGYUR BAS, ,DGE LEGS RGYUN MI
'CHAD PA'I GTER GYUR DPAL LDAN MKHAS PA KUN GYI MGOR, ,BZANG
PO'I ZHABS PAD NGAL BSO

MDZAD PAS BDAG LA BLO GROS MCHOG STZOL MDZOD, ,DE LA 'DIR RGYAL
BA GNYIS PA SHAR TZONG KHA BA CHEN PO'I SRAS KYI THU BO RNAMS
KYI NANG NAS MCHOG TU GYUR PA KHAMS GSUM CHOS KYI RGYAL PO MKHAS
GRUB THAMS CAD MKHYEN PA DGE LEGS DPAL

BZANG PO'I RNAM PAR THAR PA RGYA MTSO LTA BU NAS CHA SHAS TZAM
ZHIG DAD PA'I SGO NAS BRJOD PA NI, DE YANG SANGS RGYAS SNANG BA
MTHA' YAS NGO BO CHOS KYI SKU LAS G-YO BA MED KYANG, SNYING RJE
CHEN POS MA DAG PA'I 'JIG RTEN GYI KHAMS RNAMS

@002A *, ,SU GANG LA GANG 'DUL GYIS SKU'I RNAM PAR SPRUL PA DPAG
TU MED PA JI LTAR NAM MKHA'I LAM NAS ZLA BA'I DKYIL 'KHOR GCIG
NYID KYIS SA STENG GI SNOD THA DAD PA DAG GI NANG DU CIG CAR
RANG GI GZUGS BRNYAN STON PA BZHIN DU

'BAD RTZOL MED PAR STON LA, KHYAD PAR BSKAL BZANG SANGS RGYAS
BZHI PA SH'AKYA THUB PA'I BSTAN PA 'DIR RGYA BOD GNYIS KA LA
BKA' DRIN CHE BA SLOB DPON PAD+MA SAMBHA BA, JO BO AA TI SHA
SOGS RNAM PAR SPRUL PA BSAM GYIS MI KHYAB PAS MTHA'

DAG BRJOD PAR GA LA NUS, 'ON KYANG MKHAS GRUB CHEN PO 'DI NYID
SKU SKYE BA GCIG NAS GCIG TU BAR MA CHAD PAR RIM BZHIN BRGYUD
PA'I THOG MA NI, ` THUB PA'I DBANG PO'I NYAN THOS KUN GYI MCHOG
GI GTZO BOR GYUR PA 'PHAGS PA GNAS BRTAN

CHEN PO RAB 'BYOR YIN CING, DE NAS RIM PA LTAR BYANG PHYOGS
SAMBHA LAR RIGS LDAN 'JAM DPAL GRAGS PA, RGYA GAR SHAR PHYOGS SU
'KHRUNGS PA RANG RGYUD SHING RTA'I SROL 'BYED SLOB DPON CHEN PO
LEGS LDAN 'BYED, SLAR YANG YUL

DER 'KHRUNGS PA AA BHYA KA RA ZHES RJE BTZUN RDO RJE RNAL 'BYOR
MAS RJES SU BZUNG BA'I MKHAS GRUB CHEN PO, RTA NAG PHUR LHAS KYI
KHUG PA ZHIG TU 'KHRUNGS PAS 'GOS KHUG PA LHAS BCAS SU GRAGS
PA'I LO TZTSA BA CHEN PO 'GOS LE DBANG

PHYUG RGYA MTSO, 'JAM MGON 'KHON RIGS SA SKYA'I GDUNG DRI MA MED
PAR 'KHRUNGS SHING, BOD GANGS CAN KYI LJONGS NA RIG GNAS KUN LA
MKHAS PA'I YANG RTZER GYUR PA'I PAndI TA KUN DGA' RGYAL MTSAN,
TSOD 'DUS ZHVA LU'I BYA

@002B 'DABS SU SNGAGS 'CHANG ZHIG GI SRAS SU 'KHRUNGS PA'I GSANG
SNGAGS RNYING MA'I GRUB THOB G-YUNG STON RDO RJE DPAL BA RNAMS
SU SKU'I SKYE BA BZHES SO, ,MKHAS GRUB RNAL 'BYOR GYI DBANG
PHYUG RGYAL BA G-YUNG STON RDO RJES DE MA THAG PA'I SKU'I SKYE
BA BDAG GI BLA MA MDO SNGAGS

BSTAN PA'I MNGA' BDAG MKHAS SHING GRUB PA'I DBANG PHYUG THAMS
CAD MKHYEN PA DGE LEGS DPAL BZANG PO 'DI NYID NI, LI YUL LCANG
RA SMUG BO NAS 'ONGS PA'I SE'I RIGS KYI SNGAGS 'CHANG ZHIG NGAM
RING RGYAB MKHAR DU CHAGS PA'I BRGYUD PA RIM PA DU MA ZHIG

'DAS PA'I 'OG TU GDUNG MA NYAMS PAR 'KHRUNGS PA YAB KUN DGA'
BKRA SHIS DPAL BZANG DANG, YUM RU 'DREN RGYAL MO GNYIS KYI SRAS
SU KHRO BO ZHES PA SHING MO GLANG GI LO LA, LA STOD BYANG GI
SA'I CHA PHO BRANG DKAR PO BDE LDAN DU SKU BLTAMS SO, ,DE LTAR
RIGS

BRGYUD PHUN SUM TSOGS PA'I YAB YUM DE GNYIS LA, BAR PA BA SO
CHOS KYI RGYAL MTSAN DANG, THA CHUNG BSOD NAMS BKRA SHIS TE SRAS
GSUM MNGA' BA LAS, RJE 'DI NYID CHE BA YIN, 'KHRUNGS MA THAG NAS
GUR MGON LCAM DRAL SOGS SKU TSE SNGA MA RNAMS NAS RJE 'DI NYID

LA LUS DANG GRIB MA BZHIN DU 'GROGS PA'I BSTAN SRUNG RNAMS KYIS
BAR CHAD LAS DNGOS SU BSKYAB CING, ZHAL GZIGS TE 'PHRIN LAS TSUL
BZHIN DU BSGRUB PAR ZHAL GYIS BZHES, GZHON NU NYID NAS BYIS PA
THA MAL PA'I SPYOD PA LAS RING DU 'DAS SHING, SNGON

GNAS RJES SU DRAN PA'I GSUNG MANG DU BYON, MKHAS GRUB LHA'I
DBANG PO SOGS DAM PA BRGYUD MAR BYON PA'I SPRUL PA YIN PAR SKYE
BO YONGS LA GRAGS PAS GZHON NU'I SKABS NAS MKHAS GRUB CHOS RJE
ZHES PA'I MTSAN THOGS, SKU TSE SNGON MA'I BAG CHAGS SAD

@003A *, ,PA'I RGYUS GZHUNG LA THOS BA TSOL BA LA BYANG CHUB
SEMS DPA' RTAG TU NGU SHER PHYIN GYI DON TSOL BA LA RIS PA LTAR
NGAM RING DANG SA SKYA SOGS SU PHEBS NAS, SDE SNOD 'DZIN PA'I
MKHAS PA MANG PO'I DBUS SU MTSAN NYID THEG PA'I GZHUNG LUGS LA
GSAN

SBYONG YANG DAG PAR GNANG, MKHYEN RAB THOGS PA MED PA'I BLO GROS
KYI RTZAL DANG LDAN PAS MKHAS PA RNAMS KYI YID PHROGS TE PHYOGS
LAS RNAM PAR RGYAL BA'I GRAGS PA THOB, MKHAS GRUB SENG GE RGYAL
MTSAN DPAL BZANG POS MKHAN PO DANG, RGYAL BA YON TAN

'OD KYIS SLOB DPON MDZAD NAS TSIG SNGA MA DGE TSUL GYI SDOM PA
YANG DAG PAR BZHES TE, MTSAN MKHAS GRUB DGE LEGS DPAL BZANG POR
GSOL, NGAM RING DU BO DONG PAn CHEN 'JIGS BRAL PHYOGS LAS RNAM
RGYAL GYIS RIGS GTER NANG 'GAL GYI PHUNG

PO 'DI, NGAS MGON SA MTHAR CHAGS SU DGAG PA BYED PA YIN PAS,
KHYED SA SKYA PA RNAMS GROS GYIS LA LAN THOB GSUNGS NAS RIM
BZHIN BKAG PAS, DE DUS SA SKYA PA'I DGE BSHES SUS KYANG LAN
MDZAD MA NUS PA NA, RJE 'DI NYID SKU SHIN TU GZHON

PAR GUNG LO BCU DRUG GI SKABS YIN KYANG NGAS LAN BYED GSUNGS
NAS, DNGOS STOBS KYI RIGS PA DANG DRI MA MED PA'I LUNG GIS DGAG
PA RNAMS PHAM PAR MDZAD DE, RIM BZHIN YI GER BKOD, MKHAS MCHOG
BO DONG PAn CHEN PA THUGS YID PHROGS TE

PHYIS KHONG GIS RJE 'DI LA SANGS RGYAS BCOM LDAN 'DAS 7 MKHAS
GRUB DGE LEGS DPAL BZANG PO LA CHED DU BRJOD PA BUNG BA RNAM PAR
RTZEN PA'I RGYUD MANG ZHES BYA BA'I BSTOD PA TSIG DON PHUN SUM
TSOGS PA ZHIG KYANG MDZAD, DE YANG SA PAn GYIS, MKHAS

@003B PA MKHAS PA'I NANG NA MDZES, ,BLUN POS MKHAS PA JI LTAR
'KHUR, ,ZHES DANG, LEGS BSHAD MKHAS PA'I BLO GROS KYIS, ,GO YI
BLUN POS DE LTA MIN, ZHES GSUNGS PA LTAR, BLUN PO PHRAG DOG
DANG, ZHE SDANG DANG, KHE 'DOD DANG, GRAGS 'DOD DANG, CHAGS
SDANG SOGS

KYIS KUN NAS BSLANGS NAS RTZOD KYI MKHAS PA RNAMS NI DE LAS
BZLOG STE BSTAN PA'I DAG THER GYI CHED DU DGAG SGRUB SPANG GSUM
GYI SGO NAS RTZOD PA CHOS PHYOGS SU ZHI BAR BYED DO, ,SHING MO
LUG GI LO SMIN DRUG ZLA BA'I SNGA DRO'I CHA LA RJE BTZUN MKHAS
PA'I DBANG PO

RED MDA' PA GZHON NU BLO GROS KYIS MKHAN PO, RJE DPAL 'BYOR SHES
RAB KYIS LAS SLOB, MNYAM PA BLO GROS MTSUNGS MED KYIS GSANG STON
MDZAD NAS, DAD PA'I DGE 'DUN GRANGS TSANG BA'I DBUS SU BSNYEN
PAR RDZOGS PA DGE SLONG GI SDOM PA YANG DAG PAR BZHES

TE 'DUL BA 'DZIN PA'I DBUS NA MNGON PAR MTHO BAR GYUR TO, ,DE
SKABS SU RED MDA' PA LA DBU TSAD 'DUL BA, MNGON PA, PHAR PHYIN
SOGS DKA' CHEN RNAMS KYI GZHI BSHAD, GZHAN YANG PHYI MTSAN NYID
THEG PA'I GZHUNG LUGS MTHA' YAS PA DANG SA LUGS KYI

KYEE RDOR BSKYED RDZOGS KYIS MTSON, RGYUD SDE BZHI'I DKA' GNAD
RNAMS KYI ZAB KHRID DANG, DBANG LUNG SOGS SNGAGS PHYOGS KYI CHOS
BKA' BSAM GYIS MI KHYAB PA GSAN TE, BLA MA 'DI NYID SKU DRIN CHE
SHOS GCIG TU MDZAD DO, ,MNYAM MED NAM MKHA'I RNAL 'BYOR BA LA

SHANGS LUGS KYI MGON PO'I CHOS SKOR YONGS RDZOGS GSAN NAS, GTOR
BSHAD LAS TSOGS SOGS YIG CHA RNAM PAR DAG PA MANG BA RTZAMS,
GZHAN YANG LAM 'BRAS PA YE SHES DPAL BA, BYANG SEMS KUN DGA'
RGYAL MTSAN, BUDDHA SHR'I, 'JAM DBYANGS

@004A *, ,RIN PO CHE, RGYAL CHEN MKHAS GRUB SENG GE RGYAL MTSAN
SOGS BLA MA MANG POR DPAL LDAN SA SKYA'I RING LUGS KYIS GTZO
BYAS RIS SU MA CHAD PA'I GRUB MTHA' MTHA' DAG GSAN NAS, DE YANG
RJE 'DI BA SNGON SLOB DPON KLU SGRUB KYI SRAS RIGS

PA'I KHU BYUG CHE BAR SKU'I SKYE BA BZHES SKABS YAB SRAS GNYIS
KAS MA 'ONGS KHA BA CAN DU THUB PA'I BSTAN PA MING TZAM GYUR
PA'I DUS SU GZHI NAS GSO BAR SMON LAM LHAN CIG TU BTAB CING, RJE
BTZUN 'JAM PA'I DBYANGS SOGS LHAG PA'I LHA RNAMS

KYIS KYANG SMON LAM 'GRUB PAR LUNG BSTAN PA'I 'BRAS BU DUS THOG
TU BABS PA'I STENG, RJE BTZUN TZONG KHA PA CHEN PO'I SNYAN PA'I
GRAGS PAS RGYA BOD HOR GSUM KHYAB PAR GSAN NAS, THUGS KYI BA SBU
G-YOS PAS RKYEN BYAS, RJE BTZUN RED MDA' BA CHEN POS

RJE THAMS CAD MKHYEN PA LA SNA SBYOR GYI ZHU SHOG BCAS BSKUL BAS
KYANG MTSAMS SBYAR TE, DGUNG LO NYER GSUM BZHES PA'I THOG RJE
THAMS CAD MKHYEN PA MJAL BAR DBUS LA PHEBS, PHEBS LAM DU NGO
MTSAR BA'I SPYAN LTAS KYANG MANG DU BYUNG DE SKABS

RJE RIN PO CHE SE RA CHOS SDINGS SU DBYAR GNAS MDZAD NAS BZHUGS
YOD PAS, RJE SE RA RTZER PHEBS PA NA, THOG MAR DGE SLONG ZHI DUL
CAN ZHIG DANG MJAL BAR RJE BTZUN TZONG KHA BA'I GZIMS KHANG GANG
YIN ZHES DRI BA GNANG BAS, DGE SLONG DES LAN MI SMRA

BAR NANG DU PHYIN NAS, SPOS RENG GCIG SPAR NAS BYUNG STE, GZIMS
KHANG SER PO'I MDUN DU SLEBS PA NA PHYAG GSUM BTZAL NAS PHYAG
GNYIS KYIS SPOS RENG BZUNG STE, DON GYI SLAD DU MTSAN NAS SMOS
TE BDAG GI MKHAN PO RIN PO CHE BLO BZANG GRAGS PA'I

@004B ZHAL SNGA NAS BZHUGS PA'I GTZUG LAG KHANG 'DI'O ZHES SPOS
RING BTZUGS PA DANG, 'DUL BA NAS BSHAD PA'I DGE SLONG GI RTAGS
CHA LUGS RNAMS LEGS PAR TSANG, SPYOD LAM DUL BA GZIGS PA DANG,
BDAG NYID NA BZA' PU THUNG MA BZHES PA SOGS MI CHEN GYI

CHA LUGS DANG LDAN ZHING, SNGAR MKHAS PA SUS KYANG 'GRAN PA'I
ZLA DANG BRAL BA'I STABS THUGS NGA RGYAL BA'I RNAM PA CAN YOD
PAS 'TSER NGOR 'KHRUNGS TE DPA' ZHUM PAR GYUR, DE NAS RJE BLA MA
DANG MJAL MA THAG THUGS LA GNAM SA NGO MA SHES PA 'KHRUNGS, RJE

BTZUN RE MDA' BA CHEN POS DPON SLOB TU MTSAMS SBYOR BA'I PHYAG
RTAGS NAN CAN YOD PA DE RJE'I PHYAG TU PHUL NAS, RGYAN DRUG
MCHOG GNYIS KYI GZHUNG GI RTZA BA'I DGONGS PA LA RGYA GAR GYI
MKHAS PA DAG GIS KYANG, DBYIS PHYIN PA'I DGONGS 'GREL DU MA SONG
PA

'GA' RE SNANG NA, BOD KYI BLOS BYAS KYI GRUB MTHA' 'DI RNAMS
DGONGS 'GREL DU CI LA MCHIS, GSUNG RAB DGONGS 'GREL DANG BCAS
PA'I DON MA LUS PA NYAMS SU LEN NA JI LTA BU LAGS SOGS KYI DRI
BA DANG, YANG GZHUNG RNAMS KYI DKA' BA'I GNAD LA DOGS

PA SHAR TSUL RNAMS GUS PA DANG BCAS TE THOGS PA MED PAR ZHUS
PAS, RJE NYID ZHAL SHIN TU NAS 'DZUM ZHING BZHED CHUNG DANG
SPRAGS NAS DA CI GDA' ZHES YANG YANG GSUNGS SHING, SHIN TU DGYES
PAR GYUR, ZHU BA RNAMS RDZOGS PA DANG, KHYOD KYIS GO BA

'DI 'DRA DANG, DOGS PA 'DI LTA BU 'CHAR BA'I RGYU CI YIN ZHES
BKA' GNANG BA LA, GZHUNG LUGS RAM 'BYAMS LA THOS PA DANG, BLA MA
YI DAM DBYER MED LA GSOL BA 'DEBS PA LA 'BAD PA BGYID LAGS ZHUS
PAS, RJE'I ZHAL NAS 'O DE KA YIN, DAD LA YANG

@005A *, ,DE KA LAS BYED RGYU MED NA'ANG, RJE BTZUN 'JAM PA'I
DBYANGS KYI THUGS RJE LAS SNYED PA'I GDAMS PA RNAMS KHYOD LA
STON PA YIN PAS, DE RE LAM LA RMI LTAS JI LTAR BYUNG ZHES GSUNGS
PA LA, SNYE THANG DU SLEBS PA'I THO RANG BDAG MUN

KHROD GCIG TU CHUD NAS MGO 'KHOR TE YUN RING SONG 'DUG PA LA,
SHAR PHYOGS NAS RAL GRI'I DKYIL 'KHOR BRGYA PHRAG BCUS BSKOR
BA'I YU BA NANG LA BSTAN, RAL GRI'I RTZE RE RE LA NYI MA BRGYA
RE SHAR NAS 'DUG PA'I RAL GRI'I DKYIL 'KHOR DE LTA BUR

'JA' TSON SNA LNGA'I DRA BAS SPRAS PA'I DKYIL NA RJE BTZUN 'JAM
PA'I DBYANGS SKU MDOG DMAR SER RAL GRI DANG GLEGS BAM 'DZIN PA,
RIN PO CHE'I RGYAN BSAM GYIS MI KHYAB PAS SPRAS PA, GZHON NU'I
TSUL CAN RAL PA'I THOR TSUGS LA MU TIG GI SE MO

DO NYI KHRIS BCINGS PA SHIN TU DVANGS SHING YID DU 'ONG BA, RAB
TU MDZES SHING MIG GI BDUD RTZI BLTA BAS CHOG MI SHES PA ZHIG
DGYES BZHIN DU BYON TE BDAG LA THIM PA DANG, NYI MA'I DKYIL
'KHOR DE SHAR MA THAG TU MUN PA DE THAMS CAD SANGS, 'OD ZER

GYI DRA BAS PHYOGS BCU'I 'JIG RTEN GYI KHAMS THAMS CAD MA LUS PA
KHYAB SONG BAS, BDAG LA BDE BA'I NYAMS KHYAD PAR CAN ZHIG SKYES
BYUNG BA RMIS LAGS ZHUS PAS, KHYOD KYIS BLA MA DANG YI DAM DBYER
MED DU MTHONG BA LEGS, DE KA DON LA'ANG

GNAS MOD, GZHAN BLO DMAN PA'I GANG ZAG 'GA' ZHIG GIS BLA MA DANG
YI DAM THA DAD DU MTHONG BA YIN, SNGAGS MTSAN NYID KYI LUS YONGS
SU RDZOGS PA'I BSHES GNYEN MTSAN NYID DANG LDAN PA DANG, MCHOG
THUN MONG GI DNGOS GRUB STER BA'I YI DAM

@005B LA MI 'BAD PAR, GZHI RTZA MED PA'I PHYOGS RE'I RTZA DANG
RLUNG DANG, GCOD DANG, MAN NGAG LTAR SNANG TZAM LA BRTEN NAS,
RANG NYID RDO RJE 'CHANG DU RE BA TSO SNYING RE RJE, KHYED
SNGAGS KYI CHED DU BYA BA'I GDUL BYA RIN PO CHE LTA BU'I SNOD
LDAN BSTAN PA THAMS CAD GRU BZHI

LAM GYIS 'KHYER SHES PA ZHIG 'ONG BA 'DUG GSUNGS, YANG KHYED YI
DAM GANG LA BYED KYI YOD GSUNGS PAR, 'JAM DBYANGS SMRA SENG DANG
GSHED DMAR LA BYED KYI YOD LAGS ZHUS PAS, BKA' LAS, SPYIR DMAR
NAG 'JIGS GSUM GANG LA YI DAM

BYAS KYANG RJE BTZUN GYIS RJES SU 'DZIN MOD, 'ON KYANG, NGED KYI
BRGYUD PA 'DI LA RJE BTZUN 'JAM DBYANGS KYI BYIN GYIS BRLABS PA
YIN PAS DE SHES DGOS PA YIN, YI DAM KYANG DPAL RDO RJE 'JIGS
BYED LA BYED DGOS TE 'DI LA RGYU DUS 'BRAS DUS GNYIS

KA'I SKABS SU 'JAM DPAL GYI ZHAL DNGOS SU YONG BA YIN PAS DGOS
PA KHYAD PAR CAN ZHIG YOD PA YIN, GZHAN RNAMS KYIS 'DI'I GNAD
GTAN NAS MA GO BAR 'DUG ,'JAM DBYANGS ZHI KHRO SBRAGS SGRUB CES
RJE BTZUN 'JAM DBYANGS KYIS DNGOS SU

GSUNGS PA'I GNAD KHYAD PAR CAN THUN MONG MA YIN ZHING, ,ZHAN LA
GTAN NAS MED PA'I LEGS BSHAD RGYA BOD KYI MKHAS PA SUS KYANG MA
MTHONG ZHING, RJE BTZUN GYIS KHO BO KHO NA CHED DU BYA BA'I GDUL
BYAR GZIGS NAS GSUNGS PA'I ZHAL 'PHRENG 'DI LTA

BU KHYOD LA STON PA YIN GSUNGS NAS, ZHU MA DGOS PAR RJE RANG GI
PHYAG GIS DKYIL 'KHOR BRIS THIG MDZAD NAS, DPAL RDO RJE 'JIGS
BYED BCU GSUM MA'I DBANG DANG, RGYUD RTOG PA BDUN PA DANG, RTOG
PA GSUM PA DANG, RGYA 'GREL DANG, BOD 'GREL

@006A *, ,MANG PO DANG, BSKYED RDZOGS KYI ZAB KHRID SOGS DPAL
RDO RJE 'JIGS BYED KYI CHOS SKOR CHA LAG DANG BCAS PA YONGS SU
RDZOGS PA DGYES BZHIN DU GNANG, DE NAS BZUNG STE YI DAM RDO RJE
'JIGS BYED KYI BDAG 'JUG CHAG CHEN DU MDZAD

DE DUS RGYAL TSAB DAR MA RIN CHEN, 'DUL 'DZIN GRAGS PA RGYAL
MTSAN, RTOGS LDAN 'JAM DKAR BA, RJE 'JAM DBYANGS RGYA MTSO RNAMS
LA YANG MDO SNGAGS KYI CHOS MANG DU GSAN, SLAR YANG RJE THAMS
CAD MKHYEN PA LA ZLA BA BCU'I RING LA NYIN MO LAM RIM

DANG DBU MA, MNGON PA DANG TSAD MA SOGS MTSAN NYID DANG, GSANG
'DUS KYEE RDOR BDE MCHOG DUS 'KHOR SOGS BLA MED KYI DBANG DANG,
RGYUD SDE 'OG MA GSUM GYI DBANG RJES GNANG SOGS DANG, MDO RGYUD
DGONGS 'GREL DANG BCAS PA'I GZHUNG RNAMS KYI DON

LA ZHIB BSHAD, MTSAN MO BSKYED RDZOGS KYI DKA' GNAD CHES SHIN TU
ZAB PA RNAMS LA MDZUB KHRID BCAS ZAB PA DANG RGYA CHE BA'I CHOS
TSUL BUM PA GANG BYO GSAN NAS, RJE BLA MA'I THUN MONG MA YIN
PA'I GSANG BA'I RNAM THAR DANG SNGAGS KYI GDAMS PA MANG PO LKOG

CHOS SU GNANG NAS, DA KHYED LA MAN NGAG RNAMS RDZOGS PAR BSHAD
YOD PAS NGA'I SNGAGS KYI YIG CHA 'DI RNAMS KYI DKA' GNAD RNAMS
LA ZIN BRIS THOB LA, RANG YANG NYAMS SU LONG, SNOD LDAN GYI GDUL
BYA RE GNYIS TZAM BYUNG NA DE RNAMS LA SHOD, NGA'I

MDO SNGAGS KYI YIG CHA'I DGONGS PA 'GREL BA'I BSTAN BCOS RNAM
PAR DAG PA RTZOM LA KHYAD PAR DU NGA'I SNGAGS KYI BSTAN PA 'DI
RNAMS RGYAS PAR GYIS SHIG GSUNGS NAS BSTAN PA THAMS CAD YONGS SU
GTAD DO, ,DE NAS RJE RIN PO CHE'I GSUNG GI DKA'

@006B BA'I GNAD 'GA' ZHIG LA ZIN BRIS MDZAD NAS GTZANG LA PHEBS,
NYANG STOD LCANG RA'I GDAN SA MDZAD CING 'PHRIN LAS SHIN TU CHE
BAS MKHAS GRUB LCANG RA DKA' BCU BA ZHES SNYAN GRAGS KYIS KHYAB,
DGON PA RI BO MDANGS CHEN BTAB STE RDO RJE 'JIGS BYED KYI SKU
SHIN

TU CHE ZHING BYIN RLABS KYI GZI 'OD 'BAR BA GTZO BOR BZHUGS PA'I
'KHOR DU MGON PO PHYAG DRUG PA, DAM CAN CHOS RGYAL, GNOD SBYIN
KshE TRA P'A LA SOGS KYIS BSKOR BA'I MGON KHANG KHYAD DU 'PHAGS
PA BZHENGS, RAB GNAS SKABS YE SHES SEMS DPA' DNGOS

SU THIM PA'I GZIGS SNANG SOGS BYUNG BA'I RNAM THAR BLO'I RVA BA
LAS 'DAS SO, ,DE NAS SHAR RGYAL MKHAR RTZE BA CHOS RGYAL RAB
BRTAN KUN BZANG PAS SBYIN BDAG MDZAD NAS MCHOD YON GNYIS KYIS
CHOS SDE CHEN PO DPAL 'KHOR BDE CHEN BTAB STE, NOR BU

DGA' LDAN PA, RGYANG RO LHA KHANG PA, ZHI GNAS PA, GRANG MO CHE
BA, LAS GRUB PA, GSER KHANG GONG 'OG, ,DGE LUGS KYI GRVA TSANG
MANG PO BTZUGS, SDE SNOD 'DZIN PA RNAMS ME TOG LA BUNG BA BZHIN
'KHOR TE, GTZANG PHYOGS SU RJE THAMS CAD MKHYEN PA'I BSTAN

PA GSAL BA'I SNANG BYED NYID DU GYUR, DE SKABS 'GRO MGON CHOS
RGYAL DANG, GONG MA SA CHEN BZHIN DU MCHOD YON GNYIS PO LHA
DANG
BCAS PAS SHIS PA BRJOD PA'I GNAS SU GYUR KYANG, BAR CHAD KYI
RNAM PA MNGON PAR GYUR TE BDAG PO RAB BRTAN PAS MKHYEN

BZHIN DU NA LENDRA NAS KUN MKHYEN RONG PO GDAN DRANGS, RTZOD PA
MDZAD PAR DRIL BSGRAGS, RJE 'DIS KYANG ZHAL GYIS BZHES, DE LTA
BU'I GTAM PHYOGS KUN TU GRAGS PA LAS, DBUS GTZANG GI MKHAS PA
MANG PO DPANG POR LHAGS BKA' BSTAN BCOS,

@007A *, ,MANG PO YANG DBANG POR BTZUGS TE TSES GRANGS DUS BTAB
PA'I TSE, BDAG PO RAB BRTAN PA DANG, RONG STON SH'AKYA RGYAL
MTSAN PA GNYIS THUGS 'GYUR NAS 'BYOL THABS MDZAD PA NA, 'JIGS
MED SMRA BA'I SENG GE MKHAS GRUB CHEN PO 'DIS 'DI

SKAD CES, THEG MCHOG RIGS KYI NUS PA MI DMAN TSOGS GNYIS RIN
CHEN KHAMS LAS GRUB, ,RNAM DPYOD MGYOGS 'GRO'I RTA LJANG GYIS
DRANGS SHES BYA'I MKHA' LA THEGS MED CING, ,GSUNG RAB RGYA
MTSO'I GOS CAN MA LUS RIGS PA'I ZER GYIS SNANG

BYED PA, ,SNGON MED NAM MKHA'I NOR BU DE DANG ME KHYER LHAN CIG
JI LTAR BGROD, ,'ON KYANG RONG SKYES SH'AKYA YI, ,BSTAN LA SDANG
BA'I YID LDAN ZHING, ,GSHEN RABS GZHUNG LUGS RGYAL MTSAN 'DZIN,
,BYIS PA MKHAS PAR RLOM PA GANG, ,RING NA GNAS TSE KHO

BO DANG, ,LHAN CIG BRGAL LAN BYA'O ZHES, ,GYA GYU'I YID LDAN
DRANG SRONG GI, DMOD PA'I TSIG BZHIN YANG YANG BSGRAGS, ,DE NAS
NAM ZHIG 'DIR PHYIN TSE, ,ZHUM PA BZHIN DANG SKRAG PA BZHIN,
,GNONG BA BZHIN DANG 'GYOD PA BZHIN, ,SKYABS MED BZHIN DU SKYABS

'TSOL BYED, ,DPAL LDAN ZLA BA'I 'OD DKAR LA, ,GLAGS 'TSOL 'DOD
PA'I MUN CAN DE, ,KHO BO'I RIGS TSUL RDO RJE YIS, ,GZHOM PAR BYA
ZHES MNGON DU SMRAS, ,BLA MA'I LEGS BSHAD NYIN BYED ZER, ,SGRIB
BYED PHRAG DOG RKANG 'THUNG RGYAS, ,NYES BSHAD NAGS

TSAL 'KHRIGS PA KHYOD, ,DA LTA THAL BAR BYA ZHES SMRA, ,DE TSE
SKRAG PA'I YID LDAN DES, ,DE DAG BDAG GIS MA BKAG CES, ,GTOL MED
GYUR PA'I TSIG SMRA ZHING, ,RDZUN GYI KHUNG BUR YANG YANG BROS,
,KHREL YOD NGO TSA'I GOS DANG BRAL, ,SDOM PA'I SKA RIGS LHOD PA

@007B CAN, ,BLUN MANG SLOB MA'I TSIG NGAN GYI, ,YOL BAS BSGRIB
PA'I PHAG TU 'CHEL, ,PHYOGS 'DIR MKHAS PA'I BKA' MCHID DAG ,BYA
BAR 'OS PA MIN ZHES PA'I, ,SBYIN BDAG TSIG LA SKYABS BCAS NAS,
,BDAG LA BKA' DRIN CHE ZHES SMRAS, ,LUNG RIGS

RLABS 'PHRENG ROL PA CAN, ,SDE CHEN RGYA MTSO SO SO NAS, ,MKHAS
PA GDONGS CAN DU MA DAG ,GNAS 'DIR DBANG POR LHAGS PA YANG, ,DE
YIS GANG LA MGON BCAS PA, ,DE NYID TSIG GIS RANG RANG GI ,CHU
GTER GNAS SU BSKRAD BYAS NAS, ,RGOL BA'I DKYIL 'KHOR

RDZOGS MA GYUR, ,'DI LTAR MNGON DU MA NUS PA'I, ,ZHUM TSIG SMRAS
PA DRAN BYOS LA, ,PHYI NAS MKHAS PA'I LEGS BSHAD LA, ,LKOG TU
NGAN SMRAS MA BYED CES, ,BDAG GIS GDAMS SHING TSAR BCAD NAS,
,BDEN MIN SMRA BA LHUR LEN CING, ,NGO TSAS GTOL

MED GYUR DE DAG ,LUG BONG BZHIN DU MKHAS RNAMS SGROGS, ,BDE
GSHEGS BSTAN PA GANGS RI'I SUL NA GNAS, ,GZHUNG LUGS 'BUM PHRAG
RAL PA'I KHUR GYIS BRJID, ,RIGS PA'I MCHE SDER MI BZAD STOBS
LDAN PA, ,MKHAS MCHOG GDONG LNGA'I DBANG PO

KHO BO TZAM, ,DRI MED RIGS PA'I GAD RGYANGS GCIG GIS KYANG,
,DREGS LDAN PHAS RGOL GLANG PO STONG GI SNYING, ,LKOG MAR 'BYIN
PA'I 'JIGS STER DGE LEGS DPAL, ,BZANG PO LAS GZHAN SMRA BA'I
SENG GE GANG, ,ZHES MI 'JIGS PA'I GSUNG BYON PA DPAL

'KHOR CHOS SDE'I RGYAL SGO LA GLAN NO, ,DE LTAR BDAG PO RAB
BRTAN PA'I SGO GSUM GYI RNAM 'GYUR RNAMS LEGS BSHAD DNGOS SU
'DOMS PA'I YUL MIN PAR DGOD NAS, SNUM ZAD MAR ME LTA BU'I BSTAN
PA 'DI, ,KHO BO'I LEGS BSHAD GO CHA BLO GROS

@008A *, ,KYIS, ,RDZOGS LDAN BZHIN DU BYA BAR NUS NA YANG, ,SKAL
NGAN RNAMS KYIS SA 'OG GTER BZHIN SBAS, ,DE NI DUS LA BSDAD PA
MED PA DANG, ,LANG TSO'I DPAL YANG STON KA'I SPRIN LTAR G-YO,
,SKYE BO PHAL CHER SKAL BA MED MTHONG NAS, ,MANG THOS

BDAG NI GCIG PUR CHOS DON SEMS, ZHES RANG GI RTOGS PA BRJOD NAS,
DBEN GNAS RI BO MDANGS CHEN NYID DU PHYAG PHEB STE THUGS DAM
NYAG GCIG TU GZHOL BAR MDZAD DO, ,DE'I TSE BDAG PO CHEN PO NYID
RJE 'DI PHYOGS GZHAN DU PHEBS DOGS NAS NYE GNAS

SOGS LA LKOG TU GSER GYI BYA DGA' STER BA SOGS THABS SNA TSOGS
KYI SGO NAS, TSUR PHEBS AE THUB GZIGS KYANG, MCHE BA MI BZAD
SBAR MO'I SHUGS 'CHANG BA, ,GANGS RI 'DZIN PA'I GDONG LNGA'I
DBANG PO NI, ,LCAGS KYIS BCINGS NAS BTZOG CHUS 'TSO BA YI, ,

SGO KHYER BYED 'DOD MKHAS PA'I BZHAD GAD YIN, ,GSUNGS NAS MA
PHEBS, GNAS 'DIR GSUNG RAB KYI RTZOM PA'ANG MANG DU MDZAD CING,
'DI DANG LHAN BA SO DANG, BYE GLING SOGS SU BZHUGS NAS MOS LDAN
GYI GDUL BYA MANG PO LA CHOS MANG DU GSUNGS, NYID DGUNG

LO ZHE DRUG TU PHEBS PA LCAGS MO PHAG GI LO LA, RGYAL TSAB DAR
MA RIN CHEN GNAS RNYING DU PHEBS SKABS, NYID KYIS MJAL BAR PHEBS
PA NA, SENG GE'I KHRI CHEN PO LA BKUR BA'I ZHAL TA SPYI BOR NOD
DE, RGYAL TSAB RIN PO CHE DANG LHAN RGYAS SU DBUS LA GDAN

BTEG ,SKYID SHED DU BYON PA'I TSE, CHOS RGYAL DPON PO SKU MCHED
KYIS RJE TZONG KHA PA DANG, RGYAL TSAB RJE GNYIS LA GUS 'DUD
BYED PA JI LTA BA BZHIN DU, RJE 'DI LA'ANG MOS PA CHEN POS ZHABS
SPYI BOR BLANGS, 'BRAS SPUNGS DANG SE RAR PHEBS DUS

@008B 'BRAS SPUNGS KYI SLOB DPON RNAMS KYIS 'JAM DBYANGS CHOS
RJE'I DRUNG DU, DA LAM RGYAL TSAB RIN PO CHE'I ZHABS PHYIR MKHAS
GRUB CHOS RJE PHEBS 'DUG PA, NGED DPON SLOB KYIS PHYAG BYED DGOS
SAM ZHUS PAS, 'JAM DBYANGS CHOS RJE'I ZHAL NAS, KHYED RNAMS

JI LTAR MDZAD PA YIN, KHO BO NI ZHABS SPYI BO'I GTZUG TU LEN NA
GSUNGS, DER 'BRAS SPUNGS KYI SLOB DPON THAMS CAD KYIS PHEBS BSU
DANG, SGO GSUM GUS PAS PHYAG MDZAD CING BZHUGS RING LA CHOS KYI
BKA' MCHID KYANG MANG DU MDZAD, MTSUNGS MED

CHOS RJE GUNG RU BA RGYAL MTSAN DPAL BZANG POS THOG DRANGS, SER
BA RNAMS KYIS KYANG DE BZHIN MDZAD DE, SER 'BRAS GNYIS KAR CHOS
KYI CHAR PHAB, DGA' LDAN SHAR NAS GNAS BRTAN CHEN PO RIN RGYAL
BAS, 'PHRANG NYAGS SU PHEBS BSU LA BYON NAS

DAR CHEN YUG GCIG GI PHYAG RTEN DANG BCAS TE PHYAG PHUL, DGE
'DUN RNAMS KYIS KYANG RGYAL BA GNYIS PA SHAR TZONG KHA PA BLO
BZANG GRAGS PA'I DPAL GYI GDAN SA CHEN PO 'BROG RI BO CHE DGA'
LDAN RNAM PAR RGYAL BA'I GLING DU SENG GE SA BTEG PA'I BZHUGS

GDAN GSER KHRI CHEN PO'I STENG DU ZHVA SER COD PAN 'CHANG BA'I
MKHAS MANG RAB BYUNG BYE BA PHRAG BRGYA'I GTZUG RGYAN DU SPYAN
DRANGS TE, RGYAL BA GNYIS PA'I MDO SNGAGS KYI BSTAN PA RIN PO
CHE MI NYAMS PAR SKYONG BA'I RGYAL TSAB DAM PAR MNGA' GSOL TE

BSTAN PA'I BDAG POR BZHUGS SO, ,DE'I TSE RGYAL BA TZONG KHA PA
CHEN PO LA SANGS RGYAS BYANG SEMS RGYA BOD KYI PAn GRUB MANG POS
BSKOR BA ZHAL GZIGS SHING, KHYAD PAR YI DAM RDO RJE 'JIGS BYED
KYIS ZHAL DNGOS SU BSTAN NAS, BLA MA RDO RJE 'CHANG

@009A *, ,CHEN PO'I SNGAGS MTSAN NYID KYI LUS YONGS SU RDZOGS
PAR BYED PA LA KHYOD RANG BSNGAGS SO GSUNGS PA DANG, YE SHES
MGON PO PHYAG DRUG PA, GUR ZHAL GNYIS, DAM CAN CHOS RGYAL SOGS
BSTAN BSRUNG RNAMS KYIS KYANG DBYANGS

GCIG MGRIN GCIG TU GANGS KHROD 'DI NA CHOS KYI DUNG 'BUD PA LA
KHYED LAS LHAG PA MA MCHIS SO GSUNGS 'PHRIN LAS THOGS PA MED PAR
SGRUB PAR KHAS BLANGS, DE NAS RGYAL TSAB RIN PO CHE RGYAL MKHAR
RTZER THUGS DAM ZAB MO LA BZHUGS, RJE 'DIS

TSOGS PA DANG GNYUG MAR GNAS PA RNAMS LA GANG 'TSAM GYI CHOS
'KHOR BSKOR, GONG MA GRAGS PA RGYAL MTSAN JO MJAL LA PHEBS PA'I
ZHABS PHYIR DBUS GTZANG GI DGE BSHES DRAG RIM RNAMS 'KHRID PAR
MDZAD PA DANG, MJAL DUS RGYAL BA

TZONG KHA PA CHEN PO'I LEGS BSHAD RNAMS KYI SGRA BSGRAGS PAS
MKHAS PA THAMS CAD DPA' ZHUM PAR GYUR, DE LTAR RJE 'DI LA DBUS
GTZANG KHAMS GSUM GYI GDUL BYA RNAMS NYI ZER LA RDUL 'KHRIGS PA
BZHIN 'KHOR TE, RGYAL BA GNYIS PA'I

GSUNG RAB KYI SGRA CHEN PO BSGRAGS PAS, DKAR PO SDE RIGS THAMS
CAD DAR CHEN 'PHYAR ZHING, NAG PHYOGS RNAMS MING GI LHAG MA TZAM
DU GYUR, SNYAN PA 'DI LAS DANG SPYIR YANG BLA MA 'DI'I YON TAN
DAN NAS BDAG PO RAB BRTAN PA THUGS 'GYOD PA

CHEN PO SKYES PAR GRAGS, GZHAN YANG BLA MA 'DI'I SKU CHE BA'I
YON TAN NI 'KHRUNGS RABS KYI DBANG DU BYAS NA YANG SRID RIM
BZHIN BRGYUD PAR RAB 'BYOR TSUN GANG DU GSAL BA LTAR 'DIR SMOS
MA DGOS LA, THUGS BRGYUD GCIG PA DUS MTSUNGS

@009B SU 'BYUNG BA RAGS RIM ZUR TZAM NI, RJE TZONG KHA PA CHEN
PO 'OD BSRUNG GI SKABS SU, BLA MA 'DI 'OD BSRUNG GI DGE TSUL
PADMA'I NGANG TSUL DU GYUR PA'I 'BRAS RTAGS SU, SKU TSE 'DIR
YANG RJE BLA MA DAG ZHING LA PHEBS GRUB PA'I SKABS LTA BA'I GNAD
LA DOGS PA PHRAN BU BYUNG

BA NA, RJE BLA MA LA GSOL BA BTAB PAS MNAL LAM DU RJES DKON
MCHOG BRTZEGS PA'I 'OD BSRUNG GI LE'U GSAL BAR GSUNGS PAS RTEN
CING 'BREL PAR 'BYUNG BA'I ZAB MO'I DON LA NGES SHES GTING TSUGS
PA RNYED DE, LTA NGAN GYI DRI MA MTHA' DAG BSAL BA NAS,

CHOS NYID STONG PA NYID KYI DON MNGON DU GYUR PA DANG, RJE RIN
PO CHE MGON PO KLU SGRUB KYI DUS SU RIGS PA'I KHU BYUG TU GYUR
NAS YAB SRAS SMON LAM LHAN CIG TU BTAB TSUL SNGAR BSHAD PA LTAR
GYI 'BRAS RTAGS SU SKU TSE 'DIR MJAL NAS THUB PA'I BSTAN PA GZHI

NAS GSOS PA DANG, RJE LA DPAL DUS KYI 'KHOR LOS ZLA BA BZANG PO
KHYED KYIS RIGS LDAN GYI RGYAL PO PADMA DKAR PO DANG 'JAM DPAL
GRAGS PA RJES SU BZUNG ZHIG ,KHYAD PAR 'JAM DPAL GRAGS PA RJES
SU BZUNG ZHIG ,CES LUNG BSTAN PA'I ZLA BA BZANG PO RJE

DANG, PADMA DKAR PO RGYAL TSAB RJE, 'JAM DPAL GRAGS PA BLA MA
'DI YIN ZHES CHOS LDAN RAB 'BYOR PA GSUNG BA LTAR DANG, RJE RANG
GIS KYANG 'JAM DPAL GRAGS PA'I SKYE BAR ZHAL GYIS BZHES TSUL,
BKA' 'BUM LAS, RIGS LDAN GRAGS PA DUS KYI

MTHAR YANG NI, ,NGUR SMRIG 'DZIN PA'I ZLOS GAR CI YANG MDZAD,
,CES GSUNGS, YANG RJES KHYOD 'GOS LO TZTSA BA'I SKYAB YIN PAS,
GSANG 'DUS 'PHAGS LUGS LA MKHAS PA YONGS GSUNG BA DANG, GZHAN
YANG MKHAS GRUB CHED LDAN GYI GSUNG 'GA' ZHIG

@010A *, ,LAS, SLOB DPON PADMA SAMBHA BA, JO BO RJE, CHOS RGYAL
DVAGS PO LHA RJE SOGS SU'ANG SPRUL PA MDZAD PAR BSHAD YOD PAS,
SO SO SKYE BO RNAMS KYIS DPAG PAR DKA' BA'I GNAS LAGS SO, ,LHA
DANG BLA MA'I GZIGS SNANG GI DBANG DU BYAS NA, RJE BTZUN

'JAM DBYANGS, LHA MO DBYANGS CAN MA, BCOM LDAN 'DAS DPAL 'KHOR
LO SDOM PA, GSANG 'DUS LHA SUM CU RTZA GNYIS, BCOM LDAN 'DAS
KYEE RDOR, DUS KYI 'KHOR LO'I LHA TSOGS, YI DAM RDO RJE 'JIGS
BYED, MGON PO PHYAG DRUG PA, GUR MGON, ZHAL

PHYAG BZHI PA, DAM CAN GSHIN RJE'I RGYAL PO SOGS KYI SKU'I SNANG
BA MNGON SUM DU BSTAN CING, CHOS SKYONG GI BZHON PA PHAG GIS
SKAD 'DON PA MCHOD G-YOG PAS TSOR BA SOGS CHOS SKYONG RNAMS
KYANG BRAN DU KHOL BA'I RTAGS PHYAG PHYI RNAMS KYIS DNGOS SU

MTHONG ZHES GRAGS, KHYAD PAR RJE BTZUN BLO BZANG GRAGS PA DAG
PA'I ZHING DU PHEBS NAS KYANG, DNGOS DANG RMI LAM CI RIGS PAR
GZIGS NAS, GSUNG GI SNANG BA YANG YANG STZAL BA SOGS BRJOD KYIS
MI LANG NGO, ,BSTAN BCOS LA 'BYAMS BSHAD MDZAD PA'I

DBANG DU BYAS NA, THOGS MED SKU MCHED CHOS MNGON PA 'CHAD PA LA
ZHUGS PA LTA BU'I MKHAS PA RNAMS YID 'PHROGS TE, DE SKABS KYI
DBUS GTZANG GI BSHES GNYEN PHAL CHE BAS BLA MA 'DI NYID KYI
ZHABS LA MA GTUGS PA'AM GUS PAS MA MCHOD

PA MED CING SLOB MA'ANG GRANGS KYIS MI ZIN, NYIS KYI SKU GSUNG
THUGS LAS 'KHRUNGS PA'I SRAS KYI GTZO BOR GYUR PA NI, CHOS RJE
BLO GROS CHOS SKYONG, ZHVA LU LEGS PA RGYAL MTSAN, RJE SHES RAB
SENG GE, MKHAN CHEN BSOD NAMS MCHOG GRUB, KUN MKHYEN

@010B 'PHAGS PA 'OD, GSANG SNGAGS MKHAR PA CHOS LDAN RAB 'BYOR,
RJE RANG GI GCUNG PO BA SO CHOS KYI RGYAL MTSAN, LHA'I BTZUN PA
RIN CHEN RGYA MTSO BLO GROS, SPYAN SNGA BLO GROS RGYAL MTSAN,
TSA KHO BA CHOS KYI GRAGS PA, CHOS RJE DON GRUB DPAL BA, ZHANG
ZHUNG BA CHOS

DBANG GRAGS PA, GNAS BRTAN CHOS SKYONG BA SOGS TE ZUR TZAM MO,
,MKHAS PA'I MDUN SAR RTZOD PA MDZAD PA'I DBANG DU BYAS NA,
PHYOGS GLANG CHOS GRAGS MU STEGS KYI STON PA 'DUL BA LA CHAS PA
LTA BU STE, PAn CHEN 'JIGS MED GRAGS PA LTA BU YANG DNGOS

STOBS KYI RIGS PAS TSAR BCAD, KUN MKHYEN RONG PO'ANG RTZOD PA
BYED 'PHRO LA BSHOL NAS MA NUS PA SOGS NYID KYI MDUN SA RA GANGS
CAN GYI MKHAS PAR GRAGS PA THAMS CAD DPA' ZHUM STE BAG 'KHUM PAR
GYUR PAS, SUS KYANG 'GRAN DU MED PA'I SMRA BA'I

KHYU MCHOG CHEN PO LAGS SO, ,RTZOM PA SNYAN NGAG SDEB SBYOR SPEL
BA'I DBANG DU BYAS NA, MKHAS MCHOG DPA' BO BCOM LDAN 'DAS KYI
YON TAN BRJOD PA LA ZHUGS PA LTA BU STE, NYID KYI BKA' 'BUM LAS,
RAB BYED 'DI YANG GANGS RI'I KHROD 'DI NA, ,SNYAN NGAG DBANG

PO KUN GYI MGO BO LA, ,TSIG GI GOM PA 'GOD MKHAS DGE LEGS DPAL,
,ZHES GSUNGS SHING, NYID KYI SNYAN NGAG GI YA MTSAN GZIGS PA'I
MKHAS PA RNAMS NGA RGYAL CHAG CES GRAGS, BSTAN BCOS GSUNG 'BUM
YANG PO TI BCU PHRAG BRGAL

BA MCHIS PA LAS, KHO BOS THOS PA RAGS RIM THOR BKOD PA LA, RGYAL
BA TZONG KHA PA CHEN PO'I RNAM PAR THAR PA THUN MONG BA DAD PA'I
'JUG NGOGS, THUN MONG MA YIN PA GSANG BA'I RNAM PAR THAR PA RIN
PO CHE'I SNYE MA, RNAM THAR BSTOD PA DANG PA'I

@011A *, ,ROL MTSO, DPAL LDAN SA GSUM MA, RNAM DAG GANGS RI
MA, RJE BTZUN RE MDA' BA SRAS KYI THU BO BDUN DANG BCAS PA LA
BSTOD PA MI MJED MA, RGYAL TSAB DAR MA RIN CHEN LA BSTOD PA
CHANGS DBYANGS MA, KUN MKHYEN SHES RAB DPAL BZANG LA

BSTOD PA BYIN RLABS KYI 'DOD 'JO, 'DUL 'DZIN GRAGS PA RGYAL
MTSAN LA BSTOD PA MI MJED MA, TSVA KHO DBON PO NGAG DBANG
GRAGS PA LA BSTOD PA TSOGS GNYIS CHA SHAS MA, SNYING PO DEN
GSUM GYI RGYUD 'DEBS, GSANG 'DUS LHA SO GNYIS LA BSTOD PA, BDE

MCHOG YAB YUM LA BSTOD PA, 'JAM DBYANGS SMRA SENG LA BSTOD PA,
DE NYID KYI DKYIL 'KHOR DANG BCAS PA LA BSTOD PA, 'JAM DBYANGS
LA BSTOD PA LE TSAN GSUM DANG, DE LA SMON LAM DU GSOL BA SHIS
PA BRJOD PA, MI G-YO BA'I BSTOD PA, SKYES BU GSUM

GYI LAM RNAM PAR DAG PA BYA DKA'I MDZES RGYAN, SGRA RGYAN DPE
RAB TU GSAL BA TSIG GI 'DOD 'JO, SMRA BA RNAM NGES RAB DGA'I
'JUG PA, RANG GI RTOGS PA BRJOD PA GTAM DU BSNYAD PA, RTOGS PA
DANG LDAN PA RNAMS LA GTAM DU BYA BA GZUGS BRNYAN GSAL BA'I

ME LONG, KUN MKHYEN RONG POS RTZOD PA BYOL BA'I CHE MDZAD PA'I
TSIGS BCAD, SNGAGS KYI BSLAB BYA BSDUS PA THUN GYI NYAMS LEN,
DKYIL 'KHOR NYIN ZHAG GCIG LA THUN BZHIR BSGOM PA'I DRIS LAN,
SNANG THANG DU PHUL BA'I TSIG MANG THOS MA DANG NAM MKHA'

BKRA SHIS LA GNANG BA'I CHAB SHOG BSHES GNYEN SHER BZANG DANG
GU GA KHRI LCAM DRUNG BDAG ME BA, BSHES GNYEN THAR RGYAN,
BYANG PA RNAM RGYAL DPAL BZANG, RIN SPUNGS NOR BZANG, DGE
BSHES SANGS DPAL RNAMS LA GNANG BA'I CHAB SHOG LE TSAN

@011B RE RE, KON TING GO'U SHR'IS GSANG 'DUS LUS DKYIL LA LAN
BTAB PA'I YANG LAN, NGOR LAN GNAM LCAGS 'KHOR LO, RJE TZONG
KHA PA LA PHUL BA'I CHAB SHOG, SH'A KYA'I RGYAL POR GSER GYI
MAndAL PHUL BA'I ZHAL BYANG SMON LAM MA LUS CHOS KUN MA, LTA
BA'I DOGS

GCED LTA NGAN MUN SEL, STONG BDUN BSKAL BZANG MIG 'BYED, SDOM
GSUM RNAM GZHAG THUB BSTAN BYI DOR, PHAR PHYIN GYI RNAM BSHAD,
RNAM 'GREL t'IKA CHEN RIGS PA'I RGYA MTSO DANG, DE'I t'IKA
CHUNG RIG PA'I SNYING PO, TSAD MA YID KYI MUN SEL, TSAD 'BRAS
KYI

BSHAD CHEN MO SNGAGS RIM LHAN THABS RNAL 'BYOR ROL PA'I DGA'
STON, RGYUD SDE SPYI RNAM, DPAL GSANG BA 'DUS PA'I MNGON DKYIL
GYI LHAN THABS, ZHI RGYAS KYI SBYIN SREG, BSKYED RIM DNGOS
GRUB RGYA MTSO, NYID KYI GSUNG JI LTA BAR RJE CHOS LDAN RAB
'BYOR

GYIS ZIN BRIS SU BTAB PA'I GSANG BA 'DUS PA'I RDZOGS RIM LAM
GYI DMIGS PHYED CING GO BDE BAR BKOD PA, DPAL 'KHOR LO BDE
MCHOG L'U AI PA'I LUGS KYI DKYIL CHOG BDE CHEN ROL MTSO, DPAL
RDO RJE 'JIGS BYED KYI BSKYED RDZOGS RTZOM 'PHRO CAN NYID

KYI GSUNG BZHIN MKHAS GRUB BLO GROS CHOS SKYONG GIS KHA BKANG
BA, 'JIGS BYED KYI RGYUD RTOG PA GSUM PA'I RGYA CHER 'GREL PA
KHAMS GSUM LAS RNAM PAR RGYAL BA'I NYI 'OD, 'PHRUL 'KHOR GYI
SBAS DON YIG CHUNG HA LA'I LI 'DAB, DRAG PO'I MAN NGAG

YANG CHUNG ZIN BRIS SU BKOD PA, GSHIN RJE NAG PO'I 'KHOR LO'I
BLTE BA TSUL GYI MAN NGAG ZIN BRIS, DAM CAN CHOS KYI RGYAL PO
PHYI NANG GSANG GSUM GYI SGRUB THABS, MYUR MDZAD YE SHES MGON
PO'I SGRUB THABS, GTOR CHOG, DE'I RNAM BSHAD, BE'U BUM

@012A *, ,BSNYEN SGRUB LAS GSUM RNAM GZHAG SOGS MGON PO'I CHOS
SKOR CHES SHIN TU ZAB PA DU MA, BRTAG GNYIS t'IK CHEN, SNYING
PO KYEE RDO RJE'I SGRUB THABS, DKYIL CHOG MCHOD PHRENG SMON
LAM SHIS BRJOD DANG BCAS PA'I CHO GA CHA LAG TSANG BA, DPAL

DUS KYI 'KHOR LO'I MNGON DKYIL, DUS 'KHOR GYI t'IKA CHEN, DE
KHO NA NYID SNANG BA'I STOD CHA DE'I SMAD CHA DANG SMON LAM
SHIS BRJOD, NYID KYI GSUNG RGYUN JI LTA BAR RJE BLO GROS CHOS
SKYONG GIS MDZAD PA, DUS 'KHOR LUGS KYI BSTAN RTZIS RNAMS SOGS
GSUNG

RAB DE THAMS CAD KYANG RJE BTZUN 'JAM DPAL DPA' BO NGUR SMRIG
GAR ROL SHAR TZONG KHA PA BLO BZANG GRAGS PA'I DPAL GYI DGONGS
PA SHA STAG LAS GZHAN DU MA MCHIS SO, ,GZHAN YANG RI BO DGA'
LDAN DU MTSAN NYID KYI BSHAD GRVA BTZUGS PA DANG, RJE

BLA MA'I DNGUL GDUNG RIN PO CHE'I DBU THOG TU GSER GYI RGYA
PHIBS BKAL BA DANG, RGYAL TSAB THAMS CAD MKHYEN PA'I SKU GDUNG
PO TA LA NAS DGA' LDAN DU GDAN DRANGS TE ZHUGS LA PHUL NAS
RJE'I DNGUL GDUNG RIN PO CHE'I GZHOGS G-YAS SU BZHUGS SU GSOL

BA SOGS LUGS GNYIS RNAM DKAR GYI MDZAD PA BSAM GYIS MI KHYAB
PAS SO, ,MDOR NA RGYAL BA TZONG KHA PA'I THUGS SRAS MKHAS GRUB
THAMS CAD MKHYEN PA DGE LEGS DPAL BZANG PO 'DI NYID SKU TSE
DPAG TU MED PA'I SNGA ROL DU SA BCU YONGS SU

RDZOGS PAR MDZAD DE, SANGS RGYAS SNANG BA MTHA' YAS SU MNGON
PAR RDZOGS PAR SANGS RGYAS SU ZIN NA'ANG, SNGON GYI THUGS
BSKYED DANG DAM CHOS 'DZIN PA'I SMON LAM RLABS PO CHE'I MTHU
LEGS PAR GRUB PAS, MA DAG PA'I 'JIG RTEN GYI

@012B KHAMS RNAMS SU GANG LA GANG 'DUL GYI SPRUL PA BSAM GYIS
MI KHYAB CING, BRJOD KYIS MI LANGS LA, KHYAD PAR 'JAM MGON
CHOS KYI RGYAL PO THAMS CAD MKHYEN PA SHAR TZONG KHA PA BLO
BZANG GRAGS PA'I DPAL GYI MDO SNGAGS KYI BSTAN PA BLA NA MED
PA 'DI NYID MI

NYAMS SHING CHE CHER DAR RGYAS SU BYA BA'I CHED DU BSAM BZHIN
BOD GANGS CAN GYI LJONGS 'DIR SKU'I SKYE BA BZHES NAS GZHON NU
NYID NAS RJE BLA MA DANG MJAL TE ZAB PA DANG RGYA CHE BA'I DAM
PA'I CHOS KYI GDAMS PA YONGS SU RDZOGS PAR GSAN NAS, DBEN

GNAS RI BO MDANGS CAN SEGS SU SGRUB PA YANG DAG PAR MDZAD, DE
NAS DGUNG LO ZHE DRUG GI THOG RJE THAMS CAD MKHYEN PA'I GDAN
SAR PHEBS NAS LO BRGYAD KYI BAR DU 'CHAD RTZOD RTZOM GSUM GYI
DUS 'DA' BAR MDZAD DE, SKAL LDAN GYI GDUL BYA MTHA' DAG

THAR PA DANG THAMS CAD MKHYEN PA'I LAM LA BKOD PAS BKA' DRIN
GZHAL DU MA MCHIS, DE YANG THAMS CAD MKHYEN PA DGE 'DUN GRUB
KYIS, RJE 'DI LA BSTOD PA LAS, BLA MA MCHOG DANG RGYAL BA'I GSUNG
GI MDZOD, ,MTHA' DAG BZUNG NAS TSUL BZHIN BSGRUB

PA DANG, ,DE DON GZHAN LA LEGS PAR 'DOMS PA LA, ,MI 'JIGS
SPOBS PA BRNYES LA GSOL BA 'DEBS, ,ZHES DANG, YANG DE LTAR
GSUNG RAB SPYI DANG RGYUD SDE LA, ,THOS BSAM MTHAR SON SGRUB
PA SNYING POR MDZAD, ,RGYAL BA DGYES PA'I LAM DER 'GRO

KUN 'KHRID, ,PHAN MDZAD KHYOD LA GUS PAS GSOL BA 'DEBS, ,ZHES
GSUNGS SO, ,DE LTAR THUB PA'I BSTAN PA'I YANG SNYING CHOS KYI
RGYAL PO TZONG KHA PA CHEN PO'I BSTAN PA RIN PO CHE MI NUB
PA'I RGYAL MTSAN BTZUGS TE, GDUL BYA RTAG 'DZIN CAN RNAMS

@013A *, ,LA MI RTAG PA MTSON BYED DU RE ZHIG DAG PA'I ZHING
DU 'BYON PAR DGONGS PA GTAD DE, RJE BTZUN BLA MA BLO BZANG
GRAGS PA'I DPAL, ,MOS GUS SNYING NAS YID KYIS GSOL BA 'DEBS,
,MGON KHYOD GANG DU BZHUGS PA'I ZHING KHAMS DER

BDAG KYANG MYUR DU 'ONG BAR BYIN GYIS RLOBS, ,ZHES GDUNGS
DBYANGS KYIS RJE BLA MA LA GSOL BA BTAB PAS, BLA MAS ZHAL
DNGOS SU BSTAN NAS, SKYE BA DE KHAS KHYOD KYIS BSTAN 'GRO'I
BYA BA BYED DGOS RNAMS RDZOGS PA YIN, MKHA' SPYOD DU YONG BA'I

'DUN PA KHYOD RANG LA 'DUG PA LTAR BYAS CHOG GSUNGS PA'I BKA'I
SNANG BA STZAL, DE NAS MKHAS GRUB RIN PO CHE 'DI NYID DGUNG LO
LNGA BCU NGA BZHIR PHEBS PA SA PHO RTA'I LO HOR GYI ZLA BA
GNYIS PA'I NYI SHU GCIG GI SNGA DRO'I CHA LA RJE BTZUN TZONG
KHA PA CHEN

PO'I DRUNG NAS DAM CAN CHOS RGYAL PHEBS SHING, GZHAN YANG DPA'
BO MKHA' 'GRO DU MA'I BSU BA DANG BCAS DGA' LDAN CHOS KYI PHO
BRANG DU RGYAL BA TZONG KHA PA CHEN PO'I ZHABS DRUNG DU GSHEGS
SO, ,DE'I TSE LAS DAG PA 'GA' RE'I MTHONG SNANG LA

DGA' LDAN DU BYON PA DANG, KHA CIG GIS RGYA NAG RI BO RTZE
LNGAR PHEBS PA DANG, LA LAS BDE BA CAN SOGS SU PHEBS PA SOGS
MTHONG SNANG KYANG SNA TSOGS BYUNG BAR GRAGS, DE LTAR SKU TSE
MTHAR MA PHYIN PA'I TSUL DANG, BKA' CHOS 'CHAD 'PHRO

BSHOL ZHING, BSTAN BCOS 'GA' ZHIG RTZOM 'PHROR 'JOG PA RNAMS
NI, RJES 'JUG MKHAS PA MANG PO'I 'PHRIN LAS KYI BGO SKAL DU
'JOG PA DANG, RANG NYID KYANG SNGON GYI THUGS BSKYED DANG,
SMON LAM RLABS CHE BA BRTAN PAS 'GYUR BA MED

@013B PAR BSAM BZHIN DU SLAR YANG SPRUL PA'I SKU MYUR DU PHEBS
NAS RGYAL BA TZONG KHA PA'I BSTAN PA SLAR YANG CHES CHER GSAL
BAR MDZAD PA'I RTEN 'BREL GYI KHYAD PAR SOGS DGONGS BZHED BLA
NA MED PA YIN SNYAM DU SEMS SHING, SKU'I SKYE BA 'DI NYID TZAM
DU MA

ZAD YANG SRID PHYI MA RNAMS SU'ANG ZHVA SER COD PAN 'DZIN PA
MNYAM MED RI BO DGA' LDAN PA'I BSTAN PA 'DI LA, RJE 'DI LAS
BKA' DRIN LHAG PA MI DGOS SHING MNYAM PA TZAM YANG MI 'BYUNG
BAR KHO BO MGRIN PA CUNG ZAD BTEG NAS LAN CIG MIN PAR

SMRA'O, ,DE NAS RJE 'DI NYID KYI ZHAM RING BA RNAMS DANG MKHAS
GRUB BU CHEN MANG POS DGANGS PA ZAB MO RDZOGS THABS SU SKU
GSUNG THUGS RTEN MANG DU BZHENGS SHING, DGE 'DUN GYI BSNYEN
BKUR SOGS BSAM LAS 'DAS PAR MDZAD, KHYAD PAR SKU GDUNG

ZHUGS SU PHUL NAS ZHUN THAG LAS GRUB PA'I RTEN MANG DU PHEBS
PA RNAMS NANG DU BZHUGS PA DNGUL GYI RNAM RGYAL MCHOD RTEN
KHYAD PAR DU 'PHAGS PA BZHENGS TE, RJE BDAG NYID CHEN PO'I SKU
GDUNG RIN PO CHE'I G-YON 'GRAM DU GDUL BYA'I BSOD NAMS

KYI ZHING DAM PAR BZHUGS SU GSOL, GZHAN YANG ZHvA LU BA LEGS
PA RGYAL MTSAN DGE LDAN GYI KHRI LA SPYAN DRANGS TE, RGYAL
TSAB TU MNGA' GSOL, KHRI RIN PO CHES THOG DRANGS G-YAG SDE BA
BLO GROS CHOS SKYONG SOGS BU SLOB THAMS CAD KYIS RJE BTZUN

THAMS CAD MKHYEN PA TZONG KHA PA BLO BZANG GRAGS PA, RGYAL
TSAB CHOS RJE DAR MA RIN CHEN, MKHAS SHING GRUB PA MCHOG PA
RNYES DGE LEGS DPAL BZANG PO STE, RJE YAB SRAS GSUM GYI MDZAD
PA'I RGYUN RNAMS MI NYAMS PAR GONG 'PHEL DU MDZAD

@014A *, ,PA 'DI GA LAGS SO, ,DE LTAR SANGS RGYAS SNANG BA
MTHA' YAS KYI RNAM SPRUL MKHAS GRUB CHOS KYI RGYAL PO THAMS
CAD MKHYEN PA DGE LEGS DPAL BZANG PO'I RNAM PAR THAR PA MDOR
BSDUS KYI TSUL DU BKOD PA MKHAS PA'I YID 'PHROG

CES BYA BA 'DI NI, GZHON NU NYID NAS RJE YAB SRAS LA DAD STOBS
DANG LDAN PA RJES 'JUG GI THA SHAL SvA STI'I MING CAN GYIS DAM
PA 'GA'I GSUNG LA BRTEN NAS SBYAR BA 'DIS KYANG TSE RABS THAMS
CAD DU RJE YAB SRAS KYIS RJES SU 'DZIN PAR GYUR I
CIG ,SARBA MANGGA LAm, ,