@00 *, ,TSAD MA'I BSTAN BCOS CHEN PO RIGS PA'I RGYAN CES BYA BA BZHUGS SO, , @01A #, ,{DD} TSAD MA'I BSTAN BCOS RIGS PA'I RGYAN CES BYA BA, PHYOGS BCU'I RGYAL BA SRAS DANG SLOB MAR BCAS PA THAMS CAD LA PHYAG 'TSAL LO, ,GRANGS MED BSKAL PAR SNYING RJE'I 'PHRIN LAS TSOGS GNYIS KHA BA RAB 'KHRIGS RAB DKAR DGE LEGS SA 'DZIN SPO LA DGES PAR ROL, ,RDZU 'PHRUL RKANG PA'I ZHABS BRTAN STOBS BCU'I RTZAL 'CHANG PHA ROL PHYIN PA'I RAL PA RAB RGYAS MI 'JIGS RNAM BZHI'I MCHE BA GCIGS, ,SO SOR RIG BZHI'I SDER KHYIM 'JIGS RUNG RAB BGRAD BDUD DANG MU STEGS BYED KYI GNYIS 'THUNG DREGS PA'I MYOS BU MA 'JIG MDZAD CING, ,SRID PA GSUM NA RIGS PA'I GAD RGYANGS RGYA CHEN SGROGS LA SMRA BA ZLA MED SH'AKYA SENG GE RTAG TU RGYAL GYUR CIG , GSUNG GI DBANG PHYUG RAB MDZES GZHON NU'I SKU, STON KA'I MKHA' LTAR DAG PA'I RAL GRI DANG, ,RGYAL BA'I CHOS MDZOD PO TI 'DZIN MDZAD PA, ,BLO GTER MI ZAD 'JAM PA'I {DD} @02A #, ,{DD} DBYANGS LA 'DUD, ,RGYAL BA KUN GYI 'PHRIN LAS MTHA' YAS RNAMS, ,GCIG TU BSDUS PA RAB MDZES LHA MO'I SKU, ,DRAN PAS BDE STER THUGS RJE'I SPYAN YANGS MA, ,RJE BTZUN AUTPALA PA SNA MAS PAS DGE LEGS MDZOD, ,PAD DKAR CAN GYI ZHAL GYI PADMO'I YI, ,TSEMS KYI ZE'U 'BRU DKAR PO RGOD PA LAS, ,RAB 'KHRUNGS NGANG PA'I BU MO DBYANGS CAN KHYOD, ,BDAG BLO PADMO'I TSAL 'DIR RTAG TU ROL, ,PHYOGS LAS RNAM RGYAL PHYOGS KYI GLANG PO CHOS MIN PHA MA MDZAD CHOS KYI GRAGS PA KUN TU BZANG POR SA GSUM PHRAGS PA DANG, ,RIGS PA'I DBANG PHYUG LHA DBANG BLO DANG SH'AKYA BLO GROS RGYAL SRAS RGYAL RNGA ? BDUN PA KHRIMS GTZANG MCHOG GYUR CHOS KYI MCHOG ,SHES RAB PHUN TSOGS SHES RAB 'BYUNG GNAS SBAS PA NYI MA SBAS PA LA SOGS MDO DANG RNAM 'GREL 'GREL BSHAD MDZAD RNAMS DANG, ,BLO GROS MTSUNGS MED BLO BZANG GRAGS PA'I DPAL SOGS DPAL @02B LDAN BLA MA PHYAG NGOS KUN LA KUN NAS GUS PAS PHYAG BGYI'O, ,'DIR GSUNG RAB KYI DGONGS PA PHYIN CI MA LOG PA 'GREL PAR BYED PA'I TSAD MA'I BSTAN BCOS CHEN PO RIGS PA'I RGYAN CES BYA BA 'CHAD PA LA GSUM, BSTAN BCOS KYI DGOS PA BSHAD PA DANG, BRJOD BYA NGOS GZUNG BA DANG, DE RGYAS PAR GTAN LA DBANG BA'O, ,DANG PO LA GNYIS, GZHAN LUGS DGAG PA DANG, RANG LUGS BZHAG PA'O, ,DANG PO NI, BOD KHA CIG NA RE, TSAD MA'I BSTAN BCOS 'DI DAG GROL BA DON GNYER LA NYE BAR MKHO BA MIN TE, RTOG GE'I BSTAN BCOS YIN PA'I PHYIR DANG, NANG RIG PA'I BSTAN BCOS LAS PHYI ROL TU GYUR PA'I GTAN TSIGS RIG PA YIN PA'I PHYIR, ZHES ZER RO, ,DE NI MI 'THAD DE, RTOG GE ZHES PA PHYI ROL PA'I STON PA DRANG SRONG GLING SKYES LA SOGS PAS DON MTHA' DAG MNGON DU MA GYUR BAR RTOG PAS BTAGS BTZAM GYIS BZHAG PA DANG, DE'I RJES SU 'BRANGS PA'I BSTAN BCOS LA RTOG GER BYAS PA DANG, RTOG GE RTEN CING MA NGES LA, ,MA KHYAB KUN RDZOB SKYO BA CAN, ,BYIS PA LA NI BRTEN PAR 'DOD, ,CES GSUNGS PA LTAR, DNGOS PO'I DE KHO NA NYID DON SPYI TZAM GYI SGO NAS RTOGS PA LA RTOG GER BYAS PA LAS, DANG PO GROL BA DON GNYER LA MI MKHO ? BA BDEN YANG RIGS PA'I BSTAN BCOS 'DI DAG NI DE LTAR KHAS MI LEN TE, RANG GI STON PA SHES BYA THAMS CAD MNGON SUM GYIS GZIGS PA'I RJES SU 'BRANGS PA'I BSTAN BCOS YIN PA'I PHYIR RO, ,GNYIS PA'I DBANG DU BYAS PA'I RTOG GE YIN PAS GROL BA DON GNYER LA MI @03A *, ,MKHO NA, SBYOR LAM CHOS MCHOG MAN CHAD GROL BA DON GNYER LA NYE BAR MKHO BA MA YIN PAR THAL, DNGOS PO'I DE KHO NA NYID DON SPYI TZAM GYI SGO NAS RTOGS PA'I PHYIR, NANG RIG PA'I BSTAN BCOS MA YIN PA'ANG MI 'THAD DE; RIGS PA'I BSTAN BCOS 'DI DAG GIS GANG ZAG DANG CHOS LA BDAG MED PA'I STONG NYID RIGS PAS PHYIN CI MA LOG PAR GTAN LA PHAB NAS LHAG PA SHES RAB KYI BSLAB PA BRJOD BYA'I GTZO BOR STON PA'I PHYIR DANG, 'KHOR BA 'JUG LDOG RGYAS PAR GTAN LA PHAB NAS NANG GI SEMS RGYUD 'DUL BA'I THABS BDAG MED RTOGS PA'I SHES RAB SKYED PA'I TSUL PHYIN CI MA LOG PAR STON PA'I PHYIR RO, ,GTAN TSIGS RIG PA YIN PA TZAM GYIS GROL BA DON GNYER LA NYE BAR MI MKHO BA'ANG MI 'THAD DE; GTAN TSIGS RIG PA'I DON NI RGYU MTSAN RIG PA LA ZER LA, BSTAN BCOS 'DI DAG GIS KYANG GSUNG RAB KYI DGONGS PA RGYU MTSAN YANG DAG GI SGO NAS RIG PAR BYED PA'I PHYIR, DES NA 'DI DAG NI GTAN TSIGS RIG PA DANG NANG RIG PA'I BSTAN BCOS GNYIS KA YIN LA, NANG RIG PA'I BSTAN BCOS KHO NA YIN PA 'DUL BA'I MDO LTA BU DANG, GTAN TSIGS RIG PA KHO NA YIN LA NANG RIG PA MA YIN PA NI, RTAGS DANG DPE DANG RGOL PHYI RGOL RTZOD PA'I TSUL LA SOGS PA TZAM ZHIG GTAN LA 'BEBS PA RNAMS SO, ,GNYIS KA MA YIN PA NI BZO DANG GSO BA RIG PA'I BSTAN BCOS LTA BU'O, ,GTAN TSIGS RIG PA YIN PAS GROL BA DON GNYER LA NYE BAR MI MKHO NA, RIG PA'I GNAS LNGA DAG LA BRTZON PAR MA BYAS NA, ,'PHAGS MCHOG @03B GIS KYANG THAMS CAD MKHYEN NYID MI 'GYUR TE, ,DE LTA BAS NA GZHAN DAG TSAR GCOD RJES GZUNG DANG, ,BDAG NYID KUN SHES BYA PHYIR DE LA DE BRTZON BYA, ,ZHES RJE BTZUN GYIS GSUNGS PA RNAMS MI 'THAD PAR 'GYUR RO, ,GZHAN YANG TSAD MA RNAM PA GNYIS DANG RTAGS DANG SGRUB DAG LA SOGS PA BSTAN PAS NANG RIG PA'I BSTAN BCOS MA YIN PAR 'GYUR NA, RGYAL BA'I GSUNG RAB KUN KYANG NANG RIG PA MA YIN PAR THAL, TSAD MA RNAM PA GNYIS DANG RTAGS DANG SGRUB DAG LA SOGS PA BSTAN PA'I PHYIR, JI LTAR BSTAN NA, MIG GI RNAM PAR SHES PAS SNGON PO SHES KYI SNGON PO'O SNYAM DU NI MA YIN NO ZHES DANG, GZUGS SHES PA NI RNAM PA GNYIS TE, MIG DANG YID LA BRTEN PA'O ZHES PAS MNGON SUM BSTAN LA, DU BA LAS NI ME SHES DANG, ,CHU SKYAR LAS NI CHU SHES LTAR, ,BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES, ,ZHES PAS 'BRAS RTAGS DANG DE LA BRTEN PA'I RJES DPAG BSTAN CING, GANG CUNG ZAD SKYE BA'I BDAG NYID CAN DE THAMS CAD NI 'GAG PA'I CHOS CAN NO, ,ZHES PAS RANG BZHIN RTAGS KYI SGRUB DAG DANG, NGA'AM NGA ? DANG 'DRA BAS GANG ZAG GI TSOD BZUNG GI, GANG ZAG GIS GANG ZAG GI TSOD BZUNG BAR MI BYA; ZHES PAS MA DMIGS PA'I RTAGS BSTAN TO, ,'DI DAG NI GSUNG RAB LAS TSAD MA GNYIS KYI RNAM GZHAG LAN DU MAR MA GSUNGS PAR LAN RE TZAM GSUNGS PA DPER BKOD PA MA YIN GYI, MNGON SUM DANG RJES DPAG GI RTEN GTAN TSIGS LA SOGS PA MA GSUNGS PA'I GSUNG RAB MI SRID PAS, GSUNG RAB MTHA' DAG LAS GSUNGS PA MTSON BYED DU BKOD PA YIN NO, ,KHA CIG NA RE, MNGON SUM RJES DPAG DGOS PA MED, ,MU STEGS RTZOD PA BZLOG PA'I PHYIR, ,MKHAS PA RNAMS KYIS BYAS PA YIN, ,ZHES BSHAD PA LTAR, TSAD MA'I BSTAN BCOS 'DI DAG @04A *, ,PHYI ROL MU STEGS PA'I LOG RTOG DGAG PA'I PHYIR DU GSUNGS PA YIN PAS, PHYI ROL PA MED PA'I SA PHYOGS SU NYAN PA DANG 'CHAD PA SOGS BYED PA LA DGOS PA MED PAR 'GYUR RO, ,ZHES ZER BA MI 'THAD DE, PHYI ROL PA MED PA'I SA PHYOGS SU RANG RGYUD KYI PHUNG PO GTZANG BDE RTAG BDAG TU 'DZIN PA'I SGRO 'DOGS DANG, SKYE BA SNGA PHYI DANG THAR PA DANG THAMS CAD MKHYEN PA MED PAR 'DZIN PA'I SKUR 'DEBS KYI LTA BA BSAL NAS, PHUNG PO MI RTAG SDUG BSNGAL STONG BDAG MED DANG, SKYE BA SNGA PHYI DANG THAR PA DANG THAMS CAD MKHYEN PA YOD PA LA NGES SHES LEGS PAR DRANG DGOS LA TSAD MA'I BSTAN BCOS 'DI DAG GIS KYANG SKYE BA SNGA PHYI MED PA DANG, THAR PA DANG THAMS CAD MKHYEN PA MED PAR 'DZIN PA'I SKUR 'DEBS DANG, PHUNG PO GTZANG BDE RTAG BDAG TU 'DZIN PA'I SGRO 'DOGS BSAL BA'I SGO NAS RGYAS PAR GTAN LA 'BEBS PA'I PHYIR RO, ,KHA CIG ;BSTAN BCOS 'DI DAG ZAS KYI LAN TSVA DANG 'DRA BAR 'DI NYID GTZO BOR NYER MKHO MED KYANG, 'DI DAG GI DON KHONG DU CHUD NA GTZO BO'I DON GZHAN KHONG DU CHUD PA LA NYE BAR MKHO BA TZAM YIN NO, ,ZHES ZER BA'ANG MI 'THAD DE, THOS PA DANG BSAM PA DANG SGOM PA'I GZHI 'DI NAS GTAN LA PHAB PA LAS MCHOG TU GYUR PA GZHAN RNYED PAR DKA' BA'I PHYIR RO, ,GNYIS PA RANG LUGS BZHAG PA NI, RANG DANG GZHAN GROL BA DON DU GNYER BA RNAMS KYIS SKYE 'CHI GCIG NAS GCIG TU BRGYUD PA'I 'KHOR BA'I SDUG BSNGAL 'GOG PAR BYED PA'I THABS LA 'BAD DGOS TE, THABS DE YOD BZHIN DU 'BAD PA MA BYAS NA DON CHEN PO LAS NYAMS PAR 'GYUR BA'I PHYIR RO, ,'O NA GANG GI RJES SU 'BRANGS NAS THABS DE LA 'BAD PAR BYA ZHE NA, BDAG NI SANGS RGYAS PHYOGS MI 'DZIN, ,SER SKYA SOGS LA MI SDANG YANG, ,GANG ZHIG RIGS PAR LDAN PA'I TSIG ,DE NYID STON PAR @04B 'DZIN PA YIN, ,ZHES BSHAD PA LTAR, LUGS GANG 'THAD PA'I PHYOGS YIN DPYAD PA NA, SANGS RGYAS BCOM LDAN 'DAS KYI BSTAN PA NYAG ? GCIG SKYON MED PAR GRUB PAS DE'I RJES SU 'BRANG BAR BYA BA YIN LA, RIGS PA'I BSTAN BCOS 'DI DAG GIS KYANG LUNG DANG RTOGS PAS BSDUS PA'I SANGS RGYAS KYI BSTAN PA RIN PO CHE SKYON MED PA DANG, DE STON PA'I STON PA TSAD MA'I SKYES BU DANG, BSTAN PA'I DON TSUL BZHIN DU NYAMS SU LEN PA'I DGE 'DUN RNAMS SKYON MED PAR RIGS PAS GTAN LA 'BEBS PA YIN PAS DE LTAR RTOGS PA NI RIGS PA'I BSTAN BCOS 'DI DAG GI DGOS PA YIN NO, ,JI SKAD BSHAD PA'I DGOS PA DE DAG RIGS PA'I BSTAN BCOS 'DI DAG LA RAG LAS PA YIN TE, BSTAN BCOS 'DI DAG LA BRTEN NAS STON PA SANGS RGYAS DANG, DE'I BSTAN PA SKYON MED PAR DNGOS STOBS KYI RIGS PAS NGES PAR BYED NUS KYI GZHAN LA BRTEN NAS NGES PAR BYED PA'I THABS RNYED PAR DKA' BA'I PHYIR RO, ,DES NA GROL BA DON GNYER RNAMS KYIS RIGS PA'I BSTAN BCOS 'DI DAG LA GCES PAR BZUNG NAS, THOS BSAM SGOM PA LA 'BAD PAR BYA ZHING, DE YANG 'KHOR BA 'JUG LDOG NYID LA SKOR NAS NYAN PA LA SOGS PA DE'I THABS SU 'GYUR BA LA 'BAD PAR BYA'I, GZHAN DANG KHA GSHAGS 'GYED PA TZAM GYI CHED DU MI BYA STE, RANG NYID NYAMS PAR 'GYUR ZHING GZHAN YANG BSTAN BCOS LA GUS PA SKYED PA'I GEGS BYED PA'I PHYIR RO, ,GNYIS PA BSTAN BCOS KYI BRJOD BYA NGOS GZUNG BA LA GNYIS, DNGOS DANG DOGS PA BCAD PA'O, ,DANG PO NI; 'O NA SDE BDUN MDO DANG BCAS PA'I BRJOD PAR BYA BA GANG ZHE NA, PHAN PA DANG MI PHAN PA THOB PA DANG SPONG BA NI NGES PAR YANG DAG PA'I SHES PA SNGON DU 'GRO BA CAN YIN PAS, DE MI MKHAS PA RNAMS LA BSTAN PA'I DON DU 'DI BRTZAM MO ZHES GSUNGS PA LTAR, GNAS SKABS DANG MTHAR THUG GI @05A *, ,PHAN PA THOB PA DANG, MI PHAN PA SPONG BA NI DE'I RGYU LA BLANG DOR BYED PA LA RAG LAS PA YIN LA, DE YANG NGES PAR YANG DAG PA'I SHES PA SNGON DU 'GRO BA CAN YIN PAS, YANG DAG PA'I SHES PA 'KHOR DANG BCAS PA RNAMS SDE BDUN MDO DANG BCAS PA'I BRJOD BYA YIN NO, ,'O NA PHAN PA DANG MI PHAN PA THOB PA DANG SPONG BA LA NGES PAR YANG DAG PA'I SHES PA SNGON DU 'GRO BA'I RGYU MTSAN CI YIN ZHE NA, DE LA DE SNGON DU 'GRO BA YIN TE, MTHAR THUG GI PHAN PA 'KHOR BA'I SDUG BSNGAL NYE BAR ZHI BA'I THAR PA DANG THAMS CAD MKHYEN PA THOB PA LA; BDAG MED MNGON SUM GYIS RTOGS PA'I RNAL 'BYOR MNGON SUM GOMS PA SNGON DU 'GRO DGOS LA, DE LA BDAG MED DON SPYI'I TSUL GYIS BSGOMS PA SNGON DU 'GRO DGOS SHING, DE LA 'KHOR BA'I RTZA BA GANG ZAG GI BDAG 'DZIN GYI ZHEN YUL SUN PHYUNG BA'I GANG ZAG GI BDAG MED RTOGS PA'I RJES DPAG SNGON DU 'GRO DGOS LA, RJES DPAG DE SKYE BA LA GANG ZAG GI BDAG MED SGRUB PA'I RTAGS KYI TSUL RNAMS THA SNYAD PA'I DBANG PO'I MNGON SUM DANG, RANG RIG MNGON SUM LA THUG GI BAR DU BAR MA CHAD DU SGRUB DGOS PA'I PHYIR DANG, DE BZHIN DU NGAN 'GRO'I SDUG BSNGAL CHE CHUNG DANG TSE RING THUNG SOGS DANG, NGAN 'GRO'I RGYU BKAG NAS PHYI MA LA MNGON MTHO SGRUB PA SOGS SHIN TU LKOG GYUR RNAMS DPYAD PA GSUM GYIS DAG PA'I LUNG GI RTAGS LA BRTEN NAS 'GRUB CING, DE'I TSUL GSUM RNAMS KYANG SNGAR BSHAD PA LTAR SGRUB DGOS PA'I PHYIR RO, ,DE BZHIN DU GRUB MTHAS BLO MA BSGYUR BA'I GANG ZAG RNAMS KYIS 'DOD PA'I DON THOB PA DANG, MI 'DOD PA'I DON SPONG BA LA YANG DAG PA'I SHES PA SNGON DU 'GRO BA YIN TE, THE TSOM DRANGS NAS 'JUG PA LA'ANG THE TSOM 'DREN PA'I TSAD MA SNGON DU 'GRO @05B DGOS PA'I PHYIR, 'O NA SDE BDUN MDO DANG BCAS PAS YANG DAG PA'I SHES PA 'KHOR DANG BCAS PA BRJOD BYAR JI LTAR BYED CE NA, MNGON SUM DANG NI RJES SU DPAG ,LTAR SNANG BCAS PA BDAG RIG PHYIR, ,SGRUB PA DANG NI SUN 'BYIN DAG ,LTAR SNANG BCAS PA GZHAN RTOGS PHYIR, ,ZHES BSHAD PA'I RTOG GE'I TSIG DON BRGYAD DANG KHYAD PAR DU YANG DAG PA'I SHES PA DON TSAN DRUG TU BSDUS NAS GTAN LA 'BEBS PA TSAD MA KUN LAS BTUS PA MDZAD DE, MNGON SUM GYI LE'U DANG, RANG DON GYI LE'U DANG, DE LA 'PHROS PA SEL BA BRTAG PA DANG, GZHAN DON LE'U DANG, DE LA 'PHROS PA DPE BRTAG PA DANG, SUN 'BYIN BRTAG PA GSUNGS SO, ,DE'I DGONGS PA 'GREL BA LA DPAL LDAN CHOS KYI GRAGS PAS SDE 'DUN MDZAD DE, GTZO BO LUS LTA BU'I BSTAN BCOS GSUM DANG 'PHROS PA YAN LAG LTA BU'I BSTAN BCOS BZHI'O, ,GTZO BO LUS LTA BU'I BSTAN BCOS GSUM NI; RGYAS PA'I BSTAN BCOS TSAD MA RNAM 'GREL DANG, CUNG ZAD BSDUS PA TSAD MA RNAM NGES DANG, LUS SHIN TU BSDUS PA TSAD MA RIGS PA'I THIGS PA'O, ,'O NA RNAM 'GREL 'DIS CI BSTAN CE NA, RANG NYID KYIS GZHAL BYA'I GNAS PHYIN CI MA LOG PAR RTOGS NAS, DE GZHAN LA 'DOMS PA'I THABS RTOG GE'I TSIG DON BRGYAD TSAD MA MDO'I TSIG GI CHA DANG SBYAR NAS STON PA YIN LA, DE'I NANG NAS MNGON SUM LE'U'I DON RNAL 'BYOR MNGON SUM GYI GTZO BO THAMS CAD MKHYEN PA SGRUB PA RTOGS DKA' BA DANG, DE BSTAN BYA'I GTZO BO YIN ZHING SLOB DPON PHYOGS KYI GLANG POS THUB PA TSAD MAR BSGRUBS PA'I SGO NAS GSUNG RAB KYI DGONGS PA 'GREL PA'I TSUL LA NGO MTSAR BSKYED PA'I PHYIR DU, STON PA DANG BSTAN PA SKYON MED PAR SGRUB PA TSAD MA GRUB PA'I LE'U ZUR BA MDZAD PA YIN LA, DE YANG THAMS CAD MKHYEN PA LA SKYED BYED KYI RGYU MED PAR 'DZIN PA'I LOG PAR RTOG PA DANG @06A *, ,SHES BYED KYI RGYU MED PAR 'DZIN PA'I LOG PAR RTOG PA GNYIS LAS, LOG RTOG DANG PO BSAL NAS THAMS CAD MKHYEN PA LAM GANG NAS BYON PA RTOGS PA'I PHYIR DU LUGS LAS 'BYUNG BA'I BSHAD PA MDZAD CING, LOG RTOG GNYIS PA BSAL BA'I PHYIR DU LUGS LAS BZLOG PA'I BSHAD PA MDZAD PA YIN NO, ,TSAD MA RNAM NGES KYIS CI BSTAN ZHE NA, SLOB DPON PHYOGS GLANG GIS RTOG GE MI SHES ZHES SMOD PA LA SOGS PA'I LOG RTOG BSAL BAR 'DOD PA'I SNYING RJES KUN NAS BSLANGS TE, RNAM 'GREL LTA BU'I RIGS PA RGYAS PAR MA BSTAN PAR TSAD MA'I DE KHO NA NYID RTOGS PAR 'DOD PA'I GDUL BYA RJES SU GZUNG BA'I PHYIR DU RTOG GE'I LUS CUNG ZAD BSDUS NAS BSTAN LA, DE YANG CHA THAMS CAD NAS RGYAS PA RNAM 'GREL LTA BU MED KYANG GZHAN DON LE'U RNAM NGES 'DIR RGYAS BAR BSHAD PA YIN NO, ,RIGS PA'I THIGS PAS CI BSTAN ZHE NA, GDUL BYA SPROS PA RGYAS PA'I RJES SU 'JUG MI NUS PA DANG, TSIG NYUNG DUS DON RGYA CHEN PO BDE BLAG TU RTOGS PA'I GDUL BYA RJES SU GZUNG BA'I PHYIR DU RTOG GE'I LUS SHIN TU BSDUS NAS BSTAN PA YIN NO, ,LUS KYI CHA SHAS GSAL BAR BYED PA 'PHROS PA YAN LAG LTA BU'I BSTAN BCOS BZHI NI, GTAN TSIGS THIGS PA DANG, 'BREL PA BRTAG PA DANG, RGYUD GZHAN SGRUB PA DANG, RTZOD PA'I RIGS PA'O, ,BZHI PO 'DI 'PHROS PA YAN LAG LTA BU'I BSTAN BCOS JI LTAR YIN ZHE NA, DANG PO GNYIS RANG DON LE'U LA 'PHROS PA YIN TE, GZHAL BYA LKOG GYUR RTOGS PA RJES DPAG LA RAG LAS LA, DE YANG MTHA' CHOD PAR RTOGS PA RTAGS KYI TSUL RGYAS PAR GTAN LA PHAB PA LA RAG LAS SHING RTAGS KYI TSUL DRUG DANG GCIG TU 'DOD PA LA SOGS PA'I LOG RTOG BSAL NAS, RTAGS KYI TSUL GSUM DU GRANGS NGES PA YIN NO, ,ZHES BSTAN @06B PA'I PHYIR DU GTAN TSIGS THIGS PAS, PHYOGS CHOS DE CHOS KHYAB PA YI, ,GTAN TSIGS DE NI RNAM GSUM NYID, ,CES PA 'DI RGYAS PAR 'CHAD PA YIN PA'I PHYIR DANG, TSUL GSUM GYI RTZA BA 'BREL PA LA RAG LAS PA YIN LA, 'BREL PA LA LDAN 'DU'I 'BREL PA DANG, 'BREL PA RDZAS GRUB 'DOD PA'I LOG RTOG BSAL NAS, 'BREL PA LA BDAG GCIG DANG DE BYUNG GI 'BREL PA GNYIS SU GRANGS NGES PAR BSGRUB PA'I PHYIR DANG, THAR PA THOB PAR BYED PA'I THABS BDAG MED RTOGS PA'I SHES RAB DANG, 'KHOR BA'I RTZA BA BDAG 'DZIN YIN LA, DE'I ZHEN YUL GANG ZAG GI BDAG MED PAR 'BREL PA RDZAS GRUB BKAG PAS 'GRUB PAR DGONGS NAS, 'BREL PA BRTAG PAS, MED NA MI 'BYUNG NGES PHYIR RO, ,ZHES PA'I GZHUNG RGYAS PAR 'CHAD PA'I PHYIR RO, ,PHYI MA GNYIS NI GZHAN DON GYI YAN LAG YIN TE, MNGON SUM LE'UR PHYI ROL KYI DON BKAG NAS RNAM PAR RIG PA TZAM DU BSTAN PA LA, GAL TE PHYI ROL KYI DON MED PAR RNAM PAR RIG PA TZAM YIN NA, RGYUD GZHAN MA GRUB PAS GZHAN DON BYED PA MI 'THAD DO SNYAM NA, RNAM PAR RIG PA TZAM YIN YANG LUS NGAG GI BYA BA LAS KUN SLONG DPAGS NAS, DE RANG GI RGYUD DANG 'BREL PA BKAG NAS RGYUD GZHAN BSGRUB PA'I PHYIR DU, RANG LUS BLO SNGON 'GRO BA YI, ,BYA BA MTHONG NAS GZHAN LA DE, ,'DZIN PHYIR GAL TE BLO SHES 'GYUR, ,TSUL 'DI SEMS TZAM LA YANG MTSUNGS, ,ZHES RGYUD GZHAN SGRUB PA MDZAD PA YIN NO, ,KHA CIG TSAD MA GRUB PA'I LE'UR THAMS CAD MKHYEN PA'I RGYU'I RTZA BA SNYING RJE CHEN POR BSHAD PA DE'I DMIGS YUL BSGRUB PA'I CHED YIN PAS, LE'U DE LA 'PHROS PA YIN NO ZHES ZER RO, ,RTZOD PA'I RIGS PA GZHAN DON GYI YAN LAG YIN TE, GZHAN DON BYED PA NA ZAS GOS SBYIN PA LA SOGS PAS, GNAS SKABS SU BDE BA TZAM 'GRUB KYANG @07A *, ,GTAN GYI BDE BA MI 'GRUB LA, GZHI LAM 'BRAS GSUM LA MTHA' GCIG TU 'DZIN PA'I LOG RTOG DANG, MTHA' GNYIS SU DVOGS PA'I THE TSOM SUN 'BYIN DANG SGRUB NGAG GIS BSAL NAS YANG DAG PA'I LAM LA BKOD PAS GTAN GYI BDE BA 'GRUB PA'I RTZOD PA'I TSUL SHES PA'I PHYIR DU RTZOD PA'I RIGS PA MDZAD PA'I PHYIR RO, ,MDOR NA SDE BDUN GYI DANG PO GSUM GYIS RTOG GE'I TSIG DON BRGYAD KA TSANG BAR STON PAS LUS LTA BU DANG, PHYI MA BZHIS DE LAS 'PHROS PA'I DON TZAM STON GYI RTOG GE'I TSIG DON BRGYAD KA CHANG BAR MI STON PAS, 'PHROS PA YAN LAG LTA BU'I BSTAN BCOS ZHES BYA'O, ,DE LTAR NA TSAD MA SDE BDUN PO 'DIS THEG PA CHEN PO'I RIGS CAN RANG NYID SANGS RGYAS SU 'GROD PAR BYED PA'I LAM GYI RIM PA DANG, SANGS RGYAS NAS GZHAN DON BYED PA'I RIM PA STON PA YIN LA, DE YANG MDO LAS, DGE SLONG DAG GAM MKHAS RNAMS KYIS, ,BSREGS BCAD PA DAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ,ZHES GSUNGS PA LTAR, GZHAL BYA'I GNAS DANG PO GNYIS LA DNGOS STOBS KYI RIGS PAS DPYAD PA DAG PAR BYED PA DANG, SHIN TU LKOG GYUR LUNG GI RTAGS LA BRTEN NAS DPOG CING, DE LA YANG KHAS BLANGS SNGA PHYI 'GAL BA DANG, RANG TSIG DNGOS SHUGS 'GAL BA SOGS YOD MED DNGOS STOBS KYI RIGS PAS DPYOD PA'I TSUL GTAN LA 'BEBS PA YIN LA, DE RNAMS KYI DANG PO RNAM 'GREL YIN PAS DE LA RTOG PA'I DRA BA RNAM BSAL CING, ,ZHES SOGS KYI MCHOD BRJOD MDZAD CING THA MA NI RTZOD PA'I RIGS PA YIN NO, ,GNYIS PA DOGS PA BCAD PA LA GNYIS, LE'U'I GRANGS NGES LA DOGS PA BCAD PA DANG, GO RIM LA DOGS PA BCAD PA'O, ,DANG PO NI, BSTAN @07B BCOS RNAM 'GREL 'DI KUN LAS BTUS KYI RNAM 'GREL DU RTZOM NA, KUN LAS BTUS SU LE'U DRUG GSUNGS LA 'DIR LE'U BZHIR BYAS PA JI LTAR YIN ZHE NA, SKYON MED DE, DPE BRTAG PA DANG SEL BA BRTAG PA'I LE'U GNYIS 'DIR RANG DON LE'U'I NANG DU BSDUS NAS BSTAN CING, LTAG CHOD BRTAG PA GZHAN DON LE'U'I NANG DU 'DUS SHING RTZOD RIGS SU RGYAS PAR GTAN LA PHAB PAS 'DIR LE'U LOGS SU MA BSTAN LA, KUN LAS BTUS KYI MCHOD BRJOD NAS BSHAD PA'I THAR PA DANG THAMS CAD MKHYEN PA GTAN LA DBAB BYA'I GTZO BO YIN PAS, DE GTAN LA 'BEBS PA LA TSAD MA GRUB PA'I LE'U LOGS SU MDZAD PAS LE'U BZHIR 'GYUR BA'I PHYIR RO, ,DES NA BSTAN BCOS 'DI'I LE'U BZHIR GRANGS NGES PA YIN TE, GTAN LA DBAB BYA'I GTZO BO THAR PA DANG THAMS CAD MKHYEN PA LAM DANG BCAS PAR NGES SHING, DE NYID RANG GIS RTOGS PAR BYED PA'I THABS MNGON SUM DANG RDZAS DPAG GNYIS SU NGES, RANG GIS RTOGS NAS GDUL BYA GZHAN RDZAS SU 'DZIN PA'I THABS KYI GTZO BO GZHAN DON RJES DPAG TU NGES PA'I PHYIR RO, ,GNYIS PA LE'U'I GO RIM LA DVOGS PA BCAD PA LA GNYIS, LHA DBANG BLO'I LUGS DANG, RGYAN RJES 'BRANG DANG BCAS PA'I LUGS SO, ,DANG PO NI, BSTAN BCOS 'DI KUN LAS BTUS KYI RNAM 'GREL DU RTZOM NA, CI'I PHYIR LE'U'I GO RIM PA ZLOG NAS RANG DON DANG POR BSHAD CE NA, SPYIR GO RIM PA RGYUN LA SKYE BA'I GO RIM DANG, DGOS PA LA LTOS PA'I GO RIM SOGS DU MA YOD PA LAS, DANG PO'I DBANG DU BYAS NA DANG POR MNGON SUM GYI LE'U DANG DE'I 'OG TU RANG DON GYI LE'U DANG DE'I 'OG TU GZHAN DON GYI LE'U 'CHAD PAR RIGS PA YIN TE, 'DUS BYAS MI RTAG PA DANG GANG ZAG GI BDAG MED PA YIN NO ZHES SGRUB NGAG GI SGO NAS GZHAN LA 'DOMS PA LA DANG POR RANG NYID KYIS RTOGS DGOS LA, DE YANG SO SKYE RNAMS KYI MNGON SUM GYIS RTOGS @08A *, ,PAR MI NUS PAS RJES DPAG GIS RTOGS DGOS SHING, RJES DPAG GI RTEN GTAN TSIGS KYI TSUL GSUM PO YANG, MTHAR MNGON SUM GYIS GRUB PA LA RAG LAS PA'I PHYIR RO, ,DON GNYIS SGRUB PA'I RIM PA LA LTOS NAS KYANG GO RIM DE 'THAD PA YIN NO, ,DES NA KUN LAS BTUS DANG RNAM NGES LAS BSHAD PA NI RGYUD LA SKYE BA'I GO RIM YIN LA, RNAM 'GREL 'DIR NI DGOS PA LA LTOS PA'I GO RIM GYI DBANG DU BYAS NAS, RANG DON LE'U DANG POR GSUNGS TE, RANG DON LE'U DANG POR 'CHAD PA'I RGYU MTSAN RANG DON RJES DPAG KUN LAS BTUS 'CHAD PA'I RGYU YIN PAS DANG POR 'CHAD CES STON PA LA, RANG 'GREL LAS, DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA'I PHYIR LA, DE LA LOG PAR RTOG PAS DE RNAM PAR BZHAG PA'I PHYIR BSHAD PA ZHES GSUNGS LA, 'DI'I DON LA KHA CIG ,DON PHAN PA DANG DON MA YIN PA NI MI PHAN PA YIN LA, DE RNAM PAR 'BYED PA NI THOB PA DANG SPONG BA YIN NO ZHES ZER BA MI 'THAD DE, 'O NA PHAN PA DANG MI PHAN PA RNAM PAR 'BYED PA NI RJES DPAG KHO NA LA BRTEN PA'I PHYIR DANG POR 'CHAD CES ZER RAM, PHAN PA DANG MI PHAN PA KHO NA RNAM PAR 'BYED PA RJES DPAG LA BRTEN PA'I PHYIR, RJES DPAG DE LA LOG PAR RTOG PAS DE RNAM PAR BZHAG PA'I PHYIR BSHAD PA ZHES ZER, DANG PO MI RIGS TE, PHAN PA DANG MI PHAN PA RNAM PAR 'BYED PA MNGON SUM LA YANG BRTEN PA'I PHYIR TE, PHAN PA DANG MI PHAN PA THOB PA DANG SPONG BA NI NGES PAR YANG DAG PA'I SHES PA SNGON DU 'GRO BA CAN YIN PAS ZHES DANG, 'DI DAG GIS DON YONGS SU BCAD NAS 'JUG PAS NA DON BYA BA LA BSLU BA MED PA'I PHYIR RO ZHES GSUNGS PA'I PHYIR RO, ,GNYIS PA'ANG MI RIGS TE, BLANG DOR BTANG SNYOMS SU BYA BA'I CHOS RNAM PAR 'BYED PA YANG RJES DPAG LA BRTEN PA'I PHYIR RO, ,RANG LUGS NI, DON NI @08B SLOB DPON GYIS MDZAD PA'I TSAD MA'I MTSAN NYID DANG DBYE BA LA SOGS PA RNAMS YIN TE, RIGS PA DANG LDAN PA'I PHYIR RO, ,DON MA YIN PA NI PHYI ROL PA'I TSAD MA'I MTSAN NYID DANG DBYE BA LA SOGS PA YIN TE, RIGS PA DANG MI LDAN PA'I PHYIR RO, ,DE GNYIS RIGS PA DANG LDAN MI LDAN RNAM PAR 'BYED PA NI RJES DPAG KHO NA LA BRTEN PA'I PHYIR DANG POR RANG DON RJES DPAG BSHAD PA YIN NO, ,DE MNGON SUM LA BRTEN PA MA YIN TE, MNGON SUM NI YUL LA DPYAD PA MI 'JUG PA'I PHYIR, 'O NA SLOB DPON GYIS RJES DPAG BSHAD ZIN PA MIN NAM ZHE NA, BSHAD MOD DE LA YANG LOG PAR RTOG PA MTHONG BAS DE RNAM PAR BZHAG PA'I PHYIR DU BSHAD PA YIN NO, ,GNYIS PA NI, SLOB DPON RGYAL BA CAN NA RE, SPYI'I MTSAN NYID MA BSTAN PAR KHYAD PAR GYI MTSAN NYID MI RTOGS PAS, TSAD MA SPYI'I MTSAN NYID BRJOD PA'I PHYIR DU TSAD MA GRUB PA'I LE'U DANG POR BSTAN, DE NAS RANG GI DON 'PHEL BA'I RTZA BA YIN PAS MNGON SUM GYI LE'U BSTAN, RANG GI DON GYI RJES SU DPAG PA NI MNGON SUM LA RAG LAS PA'I TSAD MA YIN PAS MNGON SUM GYI LE'U'I 'OG TU BSTAN, DE'I RJES THOGS DE MA THAG TU GZHAN DON GYI LE'U BSTAN LA, LHA DBANG ZLOS, RANG DON LE'U DANG POR BYAS PA NI LE'U'I GO RIM LA 'KHRUL PA YIN NO, ,'O NA SLOB DPON GYIS RANG DON RJES DPAG DANG POR BSHAD PA CI YIN ZHE NA, DE NI RTOGS PAR DKA' BAS DANG POR BSHAD PA YIN NO ZHES ZER RO, ,DE LA SLOB DPON YA MA RI NA RE, DE NI MI 'THAD DE, RTZA BA'I BO TIR RANG DON DANG POR BSTAN PA'I PHYIR RO, ,DE TSAD MAR MI BYED NA TSAD MA'I MTSAN NYID LA SOGS PA LA YANG SLOB DPON GYI YIN PAR YID CHAS PA MED DO, ,RTZA BA'I BO TIR RANG DON DANG POR 'BYUNG BA NI LHA DBANG BLOS BYAS PA YIN GYI SLOB DPON GYIS MDZAD PA MIN NO ZHE NA, 'O NA TSAD MA BSLU MED CAN SHES PA, ,ZHES SOGS KYANG LHA DBANG BLOS BYAS PA YIN @09A *, ,GYI SLOB DPON GYIS MDZAD PA LA YID CHES PA CI YOD, GZHAN YANG LHA DBANG BLO LE'U'I GO RIM 'CHAD PA LA NUS PA NYAMS PA CI ZHIG YOD, 'KHRUL PA'I PHYIR RO ZHE NA, 'KHRUL PA'I RGYU CI YIN, RANG DON RJES DPAG DANG POR BSHAD PA NI 'KHRUL PA'I RGYU YIN NO ZHE NA, 'O NA SLOB DPON MI MKHAS PAR THAL, RANG DON LE'U DANG PO MA YIN BZHIN DU DE LA RANG 'GREL DANG POR MDZAD PA'I PHYIR, SKYON MED DE, RANG DON LE'U DKA' BA'I PHYIR ZHE NA, DE YANG MI 'THAD DE, BSTAN BCOS SU DKA' BA'I CHA DBUS DANG MTHAR MTHONG YANG DANG POR 'CHAD PA MIN PA'I PHYIR DANG, MNGON SUM GYI LE'U LAS RANG DON LE'U DKA' BAR MA GRUB PA'I PHYIR RO, ,RANG DON LE'U RTOGS PAR DKA' BAS DE'I RANG 'GREL DANG POR RTZOM NA, RANG DON LE'U RTOGS PAR DKA' BAS DANG POR CI'I PHYIR MI RTZOM, GAL TE RANG DON RJES DPAG NI MNGON SUM LAS SKYE BA YIN PAS, MNGON SUM GYI 'OG TU RTZOM PAR RIGS SO ZHE NA, 'O NA 'CHAD PAR YANG CI'I PHYIR MI RIGS, GZHAN YANG, RANG DON LE'U DANG PO MA YIN NA, DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA'I PHYIR LA ZHES GSUNGS PA DANG 'GAL LO, ,GZHAN YANG TSAD MA GRUB PA LE'U DANG PO YIN NA, RTOG PA'I DRA BA RNAM BSAL CING, ,ZHES SOGS KYI MCHOD BRJOD DANG, SKYE BO PHAL CHER ZHES SOGS KYI RTZOM PAR DAM BCA' YANG TSAD MA GRUB PA'I LE'UR 'BYUNG RIGS KYI RANG DON LE'U'I DANG POR 'BYUNG BA MI RIGS SO, ,GAL TE TSIGS BCAD DE GNYIS SLOB DPON GYIS RANG DON LE'U'I DANG POR GSUNGS KYANG TSAD MA GRUB PA'I LE'U'I DANG POR 'BYUNG RGYU YIN NO ZHE NA, DE NI MI RIGS TE, DE LTA NA DON 'DI LA SLOB DPON NI MI MKHAS PA YIN LA, BDAG CAG NI MKHAS PA YIN NO ZHES BYA BAR 'GYUR BA'I PHYIR RO, ,DES NA LHA DBANG BLO BSTAN @09B BCOS KYI BRJOD BYA ZAB MO LA 'KHRUL YANG GO RIM LA 'KHRUL PA MIN NO, ,GAL TE LHA DBANG BLO SLOB DPON LA DNGOS SU NYAN PA BRJOD BYA LA 'KHRUL PA MI 'THAD DE, 'DIS 'DI BSHAD DO ZHES 'DZIN PA'I NUS PA BYIS PA LA YANG YOD PA'I PHYIR RO, ,GAL TE BRJOD BYA LA 'KHRUL NA LE'U'I GO RIM LA YANG CI'I PHYIR MI 'KHRUL ZHE NA, LHA DBANG BLOS RNAM 'GREL NI RNAM 'GREL MDZAD PA LAS DNGOS SU MA THOS KYI PHYOGS KYI GLANG PO'I DNGOS KYI SLOB MA YIN PAS DE'I NGA RGYAL GYIS RNAM 'GREL 'DI KUN LAS BTUS KYI RNAM 'GREL DU BKRAL BA YIN NO, ,DES NA LHA DBANG BLO LA RNAM 'GREL NYE BAR BSTAN PA MED PAS BRJOD BYA LA 'KHRUL PA SRID LA, MA 'KHRUL NA YANG PHYOGS KYI GLANG PO LA MNGON PAR ZHEN PA'I DBANG GIS KUN LAS BTUS KYI RNAM 'GREL DU BKRAL BA YIN GYI LE'U'I GO RIM LA 'KHRUL PA MIN NO, ,'O NA RGYAN MKHAN POS, RANG GI DON GYI RJES SU DPAG PA'I DE MA THAG TU GZHAN GYI DON GYI RJES SU DPAG PA BRJOD DE ZHES GSUNGS PA DANG 'GAL LO ZHE NA, MI 'GAL TE, RANG DON RJES DPAG GI 'JUG THOGS SU GZHAN DON RJES DPAG 'CHAD PA'I DON MIN GYI, RANG DON RJES DPAG GI PHYIS GZHAN DON RJES DPAG 'CHAD PA MTSON PA'I PHYIR DU DE MA THAG CES SMOS PA YIN TE, GZHAN GYI DON GYI RJES SU DPAG PA NI RANG GI DON GYI RJES SU DPAG PA SNGON DU 'GRO BA CAN YIN PA'I PHYIR RO ZHES GSUNGS PA'I PHYIR RO, ,RANG DON RJES DPAG GI 'JUG THOGS DE MA THAG TU GZHAN DON RJES DPAG 'JUG PAR MA NGES TE, PHYI RGOL GYI SHES 'DOD LA SOGS PA'I DUS KYIS BAR DU CHOD PA SRID PA'I PHYIR, DES NA RANG DON RJES DPAG GI DE MA THAG TU GZHAN DON RJES DPAG 'JUG PA YANG NGES PA MED NA 'CHAD PA LTA CI SMOS, YANG NA RJES DPAG GZHAN MED PAS RIGS MTHUN GYIS BAR MCHOD PAS DE MA THAG CES SMOS PA YIN @10A *, ,TE, 'DAS NAS YUN RING DU LON PA YANG MTSUNGS PA DE MA THAG PA'I RKYEN YIN PA BZHIN NO ZHES YA MA RI'I 'GREL BA LAS 'BYUNG NGO, ,NYI MA SBAS PA'I LUGS LA YANG, RNAM 'GREL GYI DON GYI CHA LA LHA DBANG BLO 'KHRUL YANG LE'U'I GO RIM LA MA 'KHRUL PAR BZHED DO, ,'O NA RGYAN RANG GI LUGS GANG YIN ZHE NA, 'DI LA KHA CIG TSAD MA GRUB PA LE'U DANG PO YIN TE, RGYAN GYI 'GREL PAR TSAD MA GRUB PA LA LE'U DANG PO ZHES 'BYUNG BA'I PHYIR, DE NI RANG GI 'GREL PA LA LTOS PA YIN NO ZHE NA, MA YIN TE, DE LTA NA GZHAN DON GYI LE'U LA LE'U GSUM PA ZHES 'BYUNG RIGS PA LA LE'U BZHI PA ZHES 'BYUNG BA'I PHYIR, RTOGS PA'I DRA BA RNAM BSAL CING, ,ZHES SOGS NI RANG 'GREL GYI MCHOD BRJOD YIN NO ZHES ZER RO, ,GSUM PA BRJOD BYA RGYAS PAR BSHAD PA LA GNYIS, TSAD MA BSHAD PA DANG, DE'I YUL BSHAD PA'O, ,DANG PO LA GSUM, MTSAN NYID DANG, MTSAN GZHI'I STENG DU MTSAN NYID NGES BYED KYI TSAD MA BSHAD PA DANG, MTSAN GZHI'I DBYE BA BSHAD PA'O, ,DANG PO NI KHA CIG NA RE, LHA DBANG BLO'I LUGS LA, TSAD MA BSLU MED CAN SHES PA, ,ZHES PAS TSAD MA'I MTSAN NYID YONGS RDZOGS GCIG BSTAN; MA SHES DON GYI GSAL BYED KYANG, ,ZHES PAS KYANG TSAD MA'I MTSAN NYID YONGS RDZOGS GCIG BSTAN PA YIN TE, LHA DBANG BLO'I 'GREL PAR, DE BAS NA DE LTAR TSAD MA'I MTSAN NYID MI BSLU BA GCIG CIG BSHAD DO, ,MA SHES DON GYI GSAL BYED KYANG, ,GZHAN TSAD MA'I MTSAN NYID GNYIS PA YIN NO, ,ZHES BSHAD PA'I PHYIR, DE 'GOG PA LA, MTSON BYA TSAD MA DE RANG LDOG THA DAD PA GNYIS SU THAL, TSAD MA'I MTSAN NYID GNYIS YOD PA'I PHYIR ZHES ZER RO, ,'O NA MTSON BYA GZHAN DON BSGRUB BYA DE RANG LDOG THA DAD PA GNYIS SU THAL, GZHAN DON @10B BSGRUB BYA'I MTSAN NYID GNYIS YOD PA'I PHYIR TE, KUN LAS BTUS NAS KYANG GZHAN DON BSGRUB BYA'I MTSAN NYID YONGS RDZOGS GCIG BSTAN, RIGS SGO NAS KYANG GZHAN DON BSGRUB BYA'I MTSAN NYID YONGS RDZOGS GCIG BSTAN PA'I PHYIR, 'KHOR GSUM MO, ,KHA CIG RGYAN MKHAN PO'I LUGS LA, GZHUNG SNGA MAS THA SNYAD PA'I TSAD MA'I MTSAN NYID DANG, GZHUNG PHYI MAS DON DAM PA'I TSAD MA'I MTSAN NYID BSTAN PA YIN LA, DE YANG MI 'THAD DE, RNAM 'GREL 'DIR TSAD MA SPYI'I MTSAN NYID CHAD PA'I SKYON YOD PAR THAL, GZHUNG SNGA MAS THA SNYAD PA'I TSAD MA'I MTSAN NYID BSTAN, GZHUNG PHYI MAS DON DAM PA'I TSAD MA'I MTSAN NYID BSTAN PA GANG ZHIG, DE GNYIS LAS GZHAN PA'I TSAD MA SPYI'I MTSAN NYID STON PA'I GZHUNG MED PA'I PHYIR ZHES ZER RO, ,'O NA TSAD MA MDOR YANG TSAD MA SPYI'I MTSAN NYID CHAD PA'I SKYON YOD PAR THAL, MING DANG RIGS SOGS SBYOR BA YI, ,RTOG PA DANG BRAL MNGON SUM MO, ,ZHES PAS MNGON SUM TSAD MA'I MTSAN NYID BSTAN, RJES DPAG RNAM GNYIS RANG DON NI, ,TSUL GSUM RTAGS LAS DON MTHONG YIN, ,ZHES PAS RJES DPAG TSAD MA'I MTSAN NYID BSTAN PA GANG ZHIG, ,DE GNYIS LAS GZHAN PA'I TSAD MA SPYI'I MTSAN NYID STON PA'I GZHUNG MED PA'I PHYIR, 'KHOR GSUM, RGYAN GYI DGONGS PA DE LTAR BYAS NAS RANG LUGS SU BYED PA'ANG MI 'THAD DE, DON DAM PA'I TSAD MA CHOS CAN, THA SNYAD PA'I TSAD MA YIN PAR THAL, RANG GI GZHAL BYA LA MI BSLU BA'I SHES PA YIN PA'I PHYIR, RTAGS MA GRUB NA, TSAD MA MA YIN PAR THAL LO, ,THA SNYAD PA'I TSAD MA'ANG CHOS CAN, DON DAM PA'I TSAD MA YIN PAR THAL, MA SHES DON GYI GSAL BYED YIN PA'I PHYIR, RTAGS MA GRUB NA, TSAD MA MA YIN PAR THAL LO, ,GAL TE TSAD MA BSLU MED CAN SHES PA, ,ZHES PAS THA SNYAD PA'I TSAD MA'I MTSAN NYID BSTAN, @11A *, ,TE; THA SNYAD PA'I TSAD MA YIN TE, THA SNYAD PA LA GSAR DU MI BSLU BA'I SHES PA YIN PA'I PHYIR ZHES BSTAN PA'I PHYIR, DE BZHIN DU MA SHES DON GYI GSAL BYED KYANG ZHES PAS, DON DAM PA'I TSAD MA'I MTSAN NYID BSTAN TE, DES DON DAM PA'I TSAD MA YIN TE DON DAM PA MA SHES PA GSAL BAR BYED PA'I PHYIR ZHES BSTAN PA'I PHYIR RO, ,ZHE NA, 'O NA GZHUNG SNGA MAS DON DAM PA'I TSAD MA'I MTSAN NYID BSTAN PAR THAL, DES DON DAM PA'I TSAD MA YIN TE, DON DAM PA LA GSAR DU BSLU BA MED PA'I SHES PA YIN PA'I PHYIR ZHES BSTAN PA'I PHYIR, DE BZHIN DU GZHUNG PHYI MAS KYANG THA SNYAD PA'I TSAD MA'I MTSAN NYID BSTAN PA YIN PAR THAL, DES THA SNYAD PA'I TSAD MA YIN TE, THA SNYAD PA SNGAR MA SHES PA GSAL BAR BYED PA'I PHYIR ZHES BSTAN PA'I PHYIR RO, ,'DOD NA, DE GNYIS SO SOR SMOS PA DON MED DO, ,RANG LUGS LA, LHA DBANG BLOS TSAD MA'I MTSAN NYID KYI ZUR LA MTSAN NYID KYI SGRAS BSTAN PA YIN TE, TSAD MA BSLU MED CAN SHES PA, ,ZHES PAS MTSAN NYID KYI ZUR MI BSLU BA BSTAN LA, MA SHES DON GYI GSAL BYED KYANG, ,ZHES PAS MTSAN NYID KYI ZUR GSAR DU ZHES PA BSTAN PA YIN LA, GNYIS KA DRIL PAS TSAD MA'I MTSAN NYID YONGS RDZOGS BSTAN PA YIN NO, ,DES NA, SNGO SNANG DBANG SHES LTA BU MTSAN GZHI, TSAD MA YIN PAR MTSON, GSAR DU MI BSLU BA'I SHES PA YIN PA ZHES BYA'O, ,'O NA CI'I PHYIR TSAD MA ZHES BYA ZHE NA, TSAD MA'I SKAD DOD, PRA M'A nA ZHES PA'I PRA DANG PO DANG M'A nA 'JAL BA LA 'JUG PAS, DANG POR 'JAL BA'I DON GYIS TSAD MA ZHES BYA'O, ,GAL TE KUN MKHYEN YE SHES SKAD CIG GNYIS PA CHOS CAN, GSAR DU MI BSLU BA'I SHES PA YIN PAR THAL, TSAD MA YIN PA'I PHYIR, RTAGS MA GRUB NA, STON PA TSAD MA'I SKYES BUR BSGRUBS PA DON MED PAR 'GYUR RO, ,RTZA BAR 'DOD NA, CHOS @11B CAN; GSAR DU MI BSLU BA'I SHES PA MA YIN PAR THAL, KHYOD KYIS GZHAL BYA GSAR DU RTOGS PA MA YIN PA'I PHYIR, DER THAL, RNAM MKHYEN SKAD CIG DANG POS SHES BYA THAMS CAD MNGON SUM DU GZIGS PA'I PHYIR ZHE NA, RNAM MKHYEN SKAD CIG DANG PO'I RJES DE MA THAG TU RNAM MKHYEN SKAD CIG GNYIS PA GSAR DU SKYES SAM MA SKYES, PHYI MA LTAR NA, DE GNYIS DNGOS RGYU DNGOS 'BRAS MA YIN PAR 'GYUR LA, DANG PO LTAR NA, RNAM MKHYEN SKAD CIG GNYIS PAS GZHAL BYA GSAR DU RTOGS PAR THAL, RNAM MKHYEN SKAD CIG DANG PO'I RJES DE MA THAG TU RNAM MKHYEN SKAD CIG GNYIS PA SKYES PA DE, RNAM MKHYEN SKAD CIG GNYIS PAS GSAR DU RTOGS PA'I PHYIR, GZHAN YANG RNAM MKHYEN SKAD CIG DANG PO SKYES PHYIN CHAD SHES BYA GSAR YOD MI SRID NA, DNGOS PO RTAG PAR 'GYUR LA, SRID NA GSAR YOD DE NYID GSAR DU RTOGS DGOS PAS GSAR RTOGS MED PA NYAMS SO, ,GNYIS PA MTSAN GZHI'I STENG DU MTSAN NYID NGES BYED KYI TSAD MA BSHAD PA LA GSUM, GZHAN LUGS DGAG PA, RANG LUGS BZHAG PA, RTZOD PA SPANG BA'O, ,DANG PO NI, RIG BYED PA RNAMS, RIG BYED KYI SGRA'I YUL LA TSAD MA GZHAN MI 'JUG PAS TSAD MA MA YIN PAR MA GYUR CIG SNYAM DU BSAMS NAS, TSAD MA YIN NA TSAD MA YIN PAR RANG NYID KYIS GRUB PA YIN GYIS GZHAN GYIS GRUB PA MIN NO ZHES SMRA BAR BYED DO, ,'O NA TSAD MA YIN NA RANG NYID KYIS GRUB PA'I DON, RANG NYID LAS SKYES PA'AM RANG NYID KYIS GSAL BAR BYED PA YIN, DANG PO LTAR NA RANG NYID SKYES SAM MA SKYES, SKYES SO ZHE NA, TSAD MA CHOS CAN, TSAD MAS SKYED MI DGOS PAR THAL, TSAD MA'I DUS NA SKYES PA'I PHYIR, MA SKYES NA, CHOS CAN, KHYOD KYIS TSAD MA SKYED MI NUS PAR THAL, KHYOD MA SKYES PA'I PHYIR, GAL TE RANG NYID KYIS GRUB PA'I DON, TSAD MA YIN NA TSAD MA YIN PAR RANG NYID KYIS GSAL BAR BYED PA YIN NO ZHE NA, 'O NA TSAD MIN GYI @12A *, ,BLO YIN NA TSAD MIN GYI BLO YIN PAR RANG NYID KYIS NGAS DGOS PAR THAL, TSAD MA YIN NA TSAD MA YIN PAR RANG NYID KYIS NGES DGOS PA'I PHYIR, 'DOD NA, TSAD MA DANG TSAD MIN GYI RNAM DBYE LA RMONGS PA MI SRID PAR THAL, TSAD MA YIN NA TSAD MA YIN PAR RANG NYID KYIS NGES DGOS, TSAD MIN GYI BLO YIN NA TSAD MIN GYI BLO YIN PAR RANG NYID KYIS NGES DGOS PA'I PHYIR, 'DOD NA, TSAD MA'I MTSAN NYID STON PA'I BSTAN BCOS BRTZAMS PA DON MED PAR THAL, BSTAN BCOS RMONGS PA ZLOG BYED YIN NA, TSAD MA DANG TSAD MIN GYI RNAM DBYE LA RMONGS PA MI SRID PA'I PHYIR, GZHAN YANG, BSTAN BCOS RTZOM PA PO RNAMS TSAD MA'I MTSAN NYID MI MTHUN PA SMRA BA MI SRID PAR THAL LO, ,'DOD NA, RIG BYED PAS KYANG GSAR DU MI BSLU BA'I SHES PA DE NYID TSAD MA'I MTSAN NYID DU 'JOG PAR THAL LO, ,'DOD MI NUS TE, SKYES BUS MA BYAS PA'I RIG BYED TSAD MAR KHAS LEN PA'I PHYIR, GZHAN YANG RANG RIG MNGON SUM GRUB PAR THAL, TSAD MA YIN NA TSAD MA YIN PAR RANG NYID KYIS RIG DGOS PA'I PHYIR, SKYON DE SPANG BAR 'DOD NAS TSAD MA GZHAN GYIS GRUB PAR 'DOD NA DE YANG MI 'THAD DE, RIG BYED TSAD MA DANG DE'I YUL LA TSAD MA GZHAN MI 'JUG PAR KHAS BLANGS PA'I PHYIR, DES NA TSAD MA YIN NA TSAD MA YIN PAR RANG KHO NA LAS NGES PAS MA KHYAB STE, TSAD MA YIN PA LA MA YIN PA DANG MA YIN PA LA YIN PAR THE TSOM ZA BA MTHONG BA'I PHYIR RO, ,KHA CIG TSAD MA LA RANG LAS NGES KYI TSAD MA DANG GZHAN LAS NGES KYI TSAD MA GNYIS YOD KYANG TSAD MA YIN NA RANG LAS NGES KYI TSAD MA YIN DGOS TE, TSAD MA YIN NA RANG GI GZHAL BYA LA RANG STOBS KYIS NGES PA 'DREN PAS KHYAB PA'I PHYIR ZHE NA, DON LA ME YIN ZHING RTOG PAS ME YIN MIN THE TSOM ZA BA'I RGYANG RING PO'I DMAR PO 'DZIN PA'I @12B DBANG PO'I MNGON SUM DE TSAD MA MA YIN PAR THAL, TSAD MA YIN NA RANG LAS NGES KYI TSAD MA YIN PAR KHYAB PA'I PHYIR, KHA CIG, RANG GI GZHAL BYA LA NGES PA 'DREN PA'I TSAD MA DE RANG LAS NGES KYI TSAD MA DANG, RANG GI GZHAL BYA LA NGES PA 'DREN MI NUS PA'I TSAD MA DE GZHAN LAS NGES KYI TSAD MA YIN NO ZHES ZER BA MI 'THAD DE, TSAD MA YIN NA RANG GI GZHAL BYA LA NGES PA 'DREN PAS KHYAB PA'I PHYIR TE, TSAD MA YIN NA RANG GI GZHAL BYA LA GSAR DU MI BSLU BA'I SHES PA YIN PAS KHYAB PA'I PHYIR, KHA CIG, DE GNYIS KYI KHYAD PAR TSAD MA YIN PA GZHIR BZHAG NAS RANG NYID LA RANG STOBS KYIS NGES PA 'DREN NUS PA DANG MI NUS PA ZHES ZER, DE LA KHA CIG, DE MI 'THAD DE, TSAD MA YIN NA RANG NYID LA RANG STOBS KYIS NGES PA 'DREN NUS PAS KHYAB PA'I PHYIR TE, RANG LAS RANG GI NGO BO RTOGS, ,ZHES GSUNGS PA'I PHYIR RO ZHES ZER RO, ,DE GNYIS KA MI 'THAD DE; DON BYED SNANG GI DBANG PO'I MNGON SUM CHOS CAN, KHYOD RANG NYID LA RANG STOBS KYIS NGES PA 'DREN NUS PA MA YIN PAR THAL, KHYOD KYIS KHYOD RANG YUL DU MI BYED PA'I PHYIR TE, KHYOD GZUGS KYI SKYE MCHED PA'I YUL CAN DU NGES PA'I PHYIR TE, DBANG PO'I SEMS NI NGES PHYIR DANG, ,ZHES GSUNGS PA'I PHYIR, RANG LAS RANG GI NGO BO RTOGS, ,ZHES GSUNGS PA DANG MI 'GAL TE, RANG RIG MNGON SUM LAS MNGON SUM RANG GI NGO BO RTOGS PAR BSTAN PA YIN GYI, DBANG PO'I MNGON SUM DE NYID KYIS RANG GI NGO BO RTOGS PAR BSTAN PA MA YIN PA'I PHYIR RO, ,LO TZ'A BA CHEN PO NA RE, TSAD MA YIN NA RANG GI GZHAL BYA LA TSAD MA YIN PA'I DON LA RANG STOBS KYIS NGES PA 'DREN NUS YIN PAS KHYAB KYANG, RANG GI GZHAL BYA LA TSAD MA YIN PA'I THA SNYAD LA RANG STOBS KYIS NGES PA 'DREN NUS PA RANG LAS NGES DANG, DE LA RANG STOBS KYIS NGES PA 'DREN MI NUS PA GZHAN LAS @13A *, ,NGES KYI TSAD MA YIN NO ZHES GSUNGS, 'DI LA KHA CIG, MNGON SUM RTOG PAR 'DOD PA'I SKYES BU'I RGYUD KYI GZUGS 'DZIN DBANG PO'I MNGON SUM CHOS CAN, RTOG BRAL MA 'KHRUL PA'I SHES PA LA RANG STOBS KYIS NGES PA 'DREN NUS PAR THAL, MNGON SUM TSAD MA YIN PA'I PHYIR ZHES SUN 'BYIN NO, ,DE NI MI 'THAD DE, KHYAB PA MI 'GRIG PA'I PHYIR DANG, DE LTA BU'I DBANG PO'I MNGON SUM CHOS CAN, RANG GI GZHAL BYA LA TSAD MA YIN PA'I DON LA RANG STOBS KYIS NGES PA 'DREN NUS PAR THAL, TSAD MA YIN PA'I PHYIR ZHES ZER NA, LO TZ'A BA CHEN PO'I LUGS LA 'DOD LAN DON MTHUN THEBS PA'I PHYIR, 'ON KYANG LO TZ'A BA CHEN PO'I BZHED PA DE YANG 'THAD PA MIN TE, 'DI LTAR BRDA LA MA BYANG BA'I SKYES BU'I RGYUD LA RANG LAS NGES KYI TSAD MA MED PAR THAL, RANG LAS NGES KYI TSAD MA YIN NA, RANG GI GZHAL BYA LA TSAD MA YIN PA'I THA SNYAD LA RANG STOBS KYIS NGES PA 'DREN NUS PAS KHYAB PA'I PHYIR, 'DOD MI NUS TE, BRDA LA MA BYANG BA'I SKYES BU'I RGYUD LA GOMS PA CAN GYI MNGON SUM TSAD MA YOD PA'I PHYIR, GZHAN YANG, RGYANG 'PHEN GYI RGYUD KYI DU LDAN GYI LA LA ME YOD PAR RTOGS PA'I RJES DPAG TSAD MA CHOS CAN, RANG LAS NGES KYI TSAD MA MA YIN PAR THAL, RANG NYID RANG GI GZHAL BYA LA TSAD MA YIN PA'I THA SNYAD LA RANG STOBS KYIS NGES PA 'DREN MI NUS PA'I PHYIR, 'DOD MI NUS TE, RJES DPAG YIN PA'I PHYIR, RTZA BA'I RTAGS GRUB STE, RGYANG 'PHEN PA RJES DPAG TSAD MA MED PAR 'DOD PA'I PHYIR, KHA CIG, DANG PO PA DANG YID MA GTAD, ,'KHRUL RGYU CAN RNAMS GZHAN LAS NGES, ,ZHES PA'I DGONGS PAR BYAS NAS, MNGON SUM DANG PO PA DANG, YID MA GTAD PA DANG, 'KHRUL RGYU CAN RNAMS GZHAN LAS NGES KYI TSAD MA YIN LA, DANG PO PA NI BYIS PA SKYES MA THAG PA'I GZUGS 'DZIN DBANG PO'I MNGON SUM LTA @13B BU'O; ;YID MA GTAD NI YID GZUGS MDZES LA LHAG PAR CHAGS PA'I SKYES BU'I RGYUD KYI SGRA 'DZIN NYAN SHES LTA BU'O, ,'KHRUL RGYU CAN NI SMIG RGYU LA CHUR 'DZIN GYI SGRO 'DOGS DNGOS SU SKYE BYED KYI SMIG RGYU MTHONG BA'I DBANG PO'I MNGON SUM LTA BU'O ZHES ZER, YID GZUGS MDZES LA LHAG PAR CHAGS PA'I SKYES BU'I RGYUD KYI SGRA 'DZIN NYAN SHES CHOS CAN, TSAD MA MA YIN PAR THAL, RANG GI GZHAL BYA LA NGES PA 'DREN NUS MA YIN PA'I PHYIR, SMIG RGYU LA CHUR 'DZIN GYI SGRO 'DOGS DNGOS SU SKYE BYED KYI SMIG RGYU MTHONG BA'I DBANG PO'I MNGON SUM CHOS CAN, TSAD MA MA YIN PAR THAL; TSAD MA'I BYA BA DNGOS SU 'GOG PA'I PHYIR TE, SMIG RGYU LA CHUR 'DZIN GYI SGRO 'DOGS DNGOS SU SKYE BYED YIN PA'I PHYIR RO, ,KHA CIG, RANG RIG MNGON SUM YIN NA RANG LAS NGES KYI TSAD MA YIN PAS KHYAB STE, DON RIG GNYIS DANG RANG RIG DANG, ,RJES SU DPAG PA RANG LAS NGES, ,ZHES GSUNGS PA'I PHYIR ZHE NA, MI 'THAD DE, RANG RIG MNGON SUM YIN NA TSAD MA YIN PAS MA KHYAB PA'I PHYIR TE, RANG RIG MNGON SUM YIN NA RANG GI GZHAL BYA LA NGES PA 'DREN NUS YIN PAS MA KHYAB PA'I PHYIR RO, ,GNYIS PA RANG LUGS BZHAG PA LA GNYIS, MTSAN NYID DANG, MTSAN GZHI'I DBYE BA'O, ,DANG PO NI, RANG LAS NGES KYI TSAD MA'I MTSAN NYID, TSAD MA GANG ZHIG, RANG GI GZHAL BYA'I BDAG NYID YUL STENG DU GNAS PA MED NA RANG NYID MI 'BYUNG BA LA RANG STOBS KYIS NGES PA 'DREN NUS PA, DE SKAD DU'ANG CHOS MCHOG GIS MNGON SUM GOMS PA CAN 'CHAD PA'I SKABS SU; DES NA RANG GI NGO BO LAS DON MED NA MI 'BYUNG BAR GRUB BO ZHES BSHAD DO, ,GZHAN LAS NGES KYI TSAD MA'I MTSAN NYID, TSAD MA GANG ZHIG RANG GI GZHAL BYA'I BDAG NYID YUL STENG DU GNAS PA MED NA RANG NYID MI 'BYUNG BA LA GZHAN STOBS KYIS NGES PA 'DREN DGOS PA, DE SKAD DU'ANG @14A *, ,CHOS MCHOG GIS, GZHAN LAS NGES KYI TSAD MA 'CHAD PA'I SKABS SU, SHING SHA PA NYID KYI KHYAD PAR MED NA MI 'BYUNG BAR NGES PA NI GZHAN LAS NGES YIN NO ZHES BSHAD DO, ,GNYIS PA NI, GZHAN LAS NGES KYI TSAD MA LA DBYE NA, SNANG BA RANG LAS NGES SHING BDEN PA GZHAN LAS NGES PA DANG, SPYI RANG LAS NGES SHING KHYAD PAR GZHAN LAS NGES PA GNYIS, DANG PO NI DON LA ME YIN ZHING RTOG PAS ME YIN MIN THE TSOM ZA BA'I RGYANG RING PO'I DMAR PO MTHONG BA'I MNGON SUM LTA BU STE, DES DMAR POR SNANG BA LA NGES PA RANG STOBS KYIS DRANGS NAS DE'I RJES SU 'DI ME YIN NAM 'ON TE MA YIN SNYAM DU THE TSOM ZA BZHIN DU ZHUGS PA NA PHYIS DON BYED SNANG GI MNGON SUM GYIS SNGAR GYI DMAR PO ME YIN PA DE MED NA MNGON SUM DE MI 'BYUNG BAR NGES PA 'DREN DGOS PA YIN NO, ,DE YANG NGES SHES SNGAR DRANGS NAS DE'I RJES SU THE TSOM SKYED PA YIN GYI, THE TSOM DNGOS SU SKYE BYED KYI TSAD MA MED DE, SGRO 'DOGS KYIS TSAD MA'I BYA BA 'GOG PA BZHIN DU THE TSOM GYIS KYANG TSAD MA'I BYA BA 'GOG PA'I PHYIR, 'ON TE, SNGAR GYI MNGON SUM DE DMAR PO ME YIN PA LA TSAD MA YIN NAM MIN, MIN NA, DE LA GZHAN LAS NGES KYI TSAD MA MA YIN PAR 'GYUR LA, YIN NA; PHYIS DMAR PO ME YIN PA MTHONG BA'I MNGON SUM DE BCAD SHES SU 'GYUR RO ZHE NA, BCAD SHES SU MI 'GYUR TE, SNGAR GYI MNGON SUM DE DMAR PO ME YIN PA LA, THE TSOM SKYE BYED YIN GYI TSAD MA YIN PAR KHAS MI LEN PA'I PHYIR RO, ,'O NA DMAR PO ME YIN PA LA GZHAN LAS NGES KYI TSAD MA MA YIN PAR THAL LO, ,'DOD NA, DE GZHAN LAS NGES KYI TSAD MA MA YIN PAR THAL, DE DMAR PO LA YANG GZHAN LAS NGES KYI TSAD MA MA YIN, DMAR PO ME YIN PA LA'ANG GZHAN LAS NGES KYI TSAD MA MA YIN PA'I PHYIR ZHE NA, SGRA MI RTAG PAR RTOGS PA'I RJES DPAG DE 'KHRUL PA'I TSAD @14B MA MA YIN PAR THAL, DE SGRA MI RTAG PA LA YANG 'KHRUL BA'I TSAD MA MA YIN, SGRA MI RTAG PA'I DON SPYI LA YANG 'KHRUL PA'I TSAD MA MA YIN PA'I PHYIR, DANG PO GRUB STE, SGRA MI RTAG PA LA MA 'KHRUL PA'I PHYIR, GNYIS PA GRUB STE, SGRA MI RTAG PA'I DON SPYI LA TSAD MA MA YIN PA'I PHYIR, SPYI RANG LAS NGES SHING KHYAD PAR GZHAN LAS NGES PA NI DON LA TZAN DAN YIN ZHING RTOG PAS TZAN DAN YIN MIN THE TSOM ZA BA'I RGYANG RING PO'I YAL GA LO 'DAB DANG LDAN PA MTHONG BA'I MNGON SUM LTA BU'O, ,RANG LAS NGES KYI TSAD MA LA DBYE NA, GOMS PA CAN GYI MNGON SUM TSAD MA DANG RJES DPAG GNYIS NI MTHA' GCIG TU RANG LAS NGES YIN LA, DON BYED SNANG GI MNGON SUM DANG RANG RIG MNGON SUM LA RANG LAS NGES DANG GZHAN LAS NGES CI RIGS SU YOD PA YIN NO, ,GAL TE SNGO SNANG DBANG SHES MI BSLU BA'I TSAD MA YIN NA, SNGO SNANG DBANG SHES DE NYID GANG GIS RTOGS, MI BSLU BA DANG TSAD MA YIN PAR GANG GIS RTOGS SHE NA, SNGO SNANG DBANG SHES CHOS CAN, RANG GI NGO BO TSAD MA GZHAN GYIS SGRUB MI DGOS TE, RANG RIG MNGON SUM LAS RANG GI NGO BO RTOGS PA'I PHYIR, RANG NYID SNGON PO LA TSAD MA YIN PA NI RANG RIG MNGON SUM LAS RTOGS PA MIN TE, PHYIS KYI THA SNYAD PA'I TSAD MA LAS RANG NYID SNGON PO LA TSAD MA YIN PAR RTOGS DGOS PA'I PHYIR, GAL TE SNGO SNANG DBANG SHES NYAMS SU MYONG BA'I RANG RIG MNGON SUM CHOS CAN, SNGO SNANG DBANG SHES TSAD MA YIN PA DE'ANG RTOGS PAR THAL, SNGO SNANG DBANG SHES TSAD MA YIN PA DE'ANG BZUNG BA'I PHYIR TE, SNGON SNANG DBANG SHES SGRUB PA'I SGO NAS BZUNG BA GANG ZHIG, SNGO SNANG DBANG SHES DANG DE TSAD MA YIN PA GRUB PA DE RDZAS GCIG YIN PA'I PHYIR ZHE NA, SNGO SNANG DBANG SHES NYAMS SU MYONG BA'I RANG RIG MNGON SUM DE RANG YUL LA CHA SHAS SU PHYE NAS 'JUG PA MA YIN PAS, DES SNGO SNANG DBANG SHES TSAD MA YIN PA'ANG BZUNG MOD KYI DE TZAM GYIS DE RTOGS PAR MI 'GYUR @15A *, ,TE, BZUNG BA LA YANG NGES BSKYED PAR BYED PA'I RTOGS PA YIN PA'I PHYIR, 'O NA DE CHOS CAN, SNGO SNANG DBANG SHES DANG DE TSAD MA YIN PA GNYIS LA, NGES PA 'DREN MI 'DREN GYI KHYAD PAR MED PAR THAL, DE GNYIS KA MTHONG BA LA KHYAD PAR MED PA'I PHYIR ZHE NA, MA KHYAB STE, MTHONG BAR MTSUNGS KYANG DON DU GNYER BA DANG GOMS PA LA SOGS PA'I MTHUN RKYEN TSANG NA NGES PA 'DREN PA YIN GYI, MTHUN RKYEN MA TSANG NA NGES PA MI 'DREN PA'I PHYIR, DES NA SNGO SNANG DBANG SHES TSAD MA YIN PA'I CHA BZUNG YANG MA BZUNG BA DANG 'DRA BA YIN TE, DE GLA NGES SHES 'DREN PAR MI NUS PA'I PHYIR, DE SKAD DU'ANG LHA BLOS, SHES PA YOD PA NYID DMIGS PA NA TSAD MA NYID DU ZIN KYANG MA BZUNG BA DANG 'DRA BA YIN TE MA NGES PA MED PA'I PHYIR RO ZHES GSUNGS SO, ,GSUM PA RTZOD PA SPANG BA NI, YID GZUGS MDZES LA LHAG PAR CHAGS PA'I SKYES BU'I RGYUD KYI SGRA 'DZIN NYAN SHES CHOS CAN, TSAD MA YIN PAR THAL, MNGON SUM TSAD MA YIN PA'I PHYIR TE, MNGON SUM YIN PA'I PHYIR, MA KHYAB NA, RJES DPAG YIN NA RJES DPAG TSAD MA YIN MI DGOS PAR THAL, MNGON SUM YIN NA MNGON SUM TSAD MA YIN MI DGOS PA'I PHYIR ZHE NA, MI MTSUNGS TE, CHOS DE RJES DPAG YIN NA DE LA NGES PAR GSAR DU 'DREN PA'I SHES PA YIN DGOS, CHOS DE LA MNGON DUM YIN NA CHOS DE LA NGES PA GSAR DU 'DREN PA'I SHES YIN MI DGOS PA'I PHYIR, GSUM PA MTSAN GZHI'I DBYE BA LA GNYIS, GRANGS NGES DANG, PHYE BA SO SO'I DON NO, ,DANG PO LA GSUM, RTAGS DGOD ,TSUL BSGRUB, GRANGS NGES KYI DON, ,DANG PO NI, TSAD MA LA MNGON SUM TSAD MA DANG, RJES DPAG TSAD MA GNYIS SU GRANGS NGES TE, TSAD MA'I SNANG YUL GYI GZHAL BYAR RANG MTSAN DANG SPYI MTSAN GNYIS SO GRANGS NGES PA'I PHYIR RO, ,GNYIS PA LA GNYIS, PHYOGS CHOS BSGRUB PA DANG, KHYAB PAR BSGRUB PA'O, ,DANG PO LA @15B DGAG BZHAG SPANG GSUM MO, ,DANG PO NI, KHA CIG ,RGYAN MKHAN PO'I DGONGS PA BSAMS NAS, GZHAL BYA LA RANG SPYI GNYIS SU NGES TE, GZHAL BYA LA RANG 'DZIN SHES PA DNGOS SU SKYED NUS MI NUS GNYIS SU NGES PA'I PHYIR, SPYI MTSAN GYIS RANG 'DZIN SHES PA DNGOS SU SKYED MI NUS PA YIN GYI RANG 'DZIN GYI SHES PA SKYED MI NUS PA YIN TE, DON BYED MI NUS PA TSAD MA'I GZHAL BYAR MI RUNG BA'I PHYIR TE, TSAD MA GNYIS KA DNGOS PO'I YUL CAN DU GSUNGS PA'I PHYIR ZHE NA, DE NI MI 'THAD DE, TSAD MA GNYIS KA DNGOS PO'I YUL CAN DU GSUNGS PA DE, SGRA MI RTAG PAR 'DZIN PA'I MNGON SUM TSAD MA DANG, SGRA MI RTAG PAR RTOGS PA'I RJES DPAG TSAD MA GNYIS LTA BU 'JUG YUL GYI GZHAL BYA RANG MTSAN DU MTSUNGS PAR BSTAN PA YIN GYI, TSAD MA YIN NA 'JUG YUL GYI GZHAL BYA RANG MTSAN PA YOD PAS MA KHYAB PA'I PHYIR, RTAGS MA GRUB NA, BUM PAS DAG PA'I SA PHYOGS BUM MED DU RTOGS PA'I RJES DPAG TSAD MA LA 'JUG YUL RANG MTSAN YOD PAR THAL LO, ,'DOD NA, DGAG GZHI BUM PAS DAG PA'I SA PHYOGS DE DE'I 'JUG YUL YIN NAM, DGAG CHOS BUM PA DE DE'I 'JUG YUL YIN NAM, RJES DPAG DE'I GZUNG RNAM DE DE'I 'JUG YUL YIN, DANG PO LTAR NA, BUM PAS DAG PA'I SA PHYOGS BUM MED DU RTOGS PA'I RJES DPAG TSAD MA CHOS CAN, DE LTA BU'I SA PHYOGS DE KHYOD KYI 'JUG YUL MA YIN PAR THAL, KHYOD TSAD MA GANG ZHIG ,KHYOD DE LTA BU'I SA PHYOGS DE LA TSAD MA MA YIN PA'I PHYIR, GNYIS PA LTAR NA, GANG ZAG GI BDAG DE NYER LAN GYI PHUNG PO GANG ZAG GI BDAG MED DU RTOGS PA'I RJES DPAG TSAD MA'I 'JUG YUL YIN PAR THAL LO, ,'DOD MI NUS TE, GANG ZAG GI BDAG GZHI MA GRUB PA'I PHYIR, GSUM PA LTAR NA, SGRA RTAG 'DZIN RTOG PA'I GZUNG RNAM DE'ANG SGRA RTAG 'DZIN RTOG PA'I 'JUG YUL YIN PAR THAL LO, ,'DOD @16A *, ,NA; 'JUG YUL RANG MTSAN MED PA'I KHA PHYIR BLTAS KYI SHES PA MA GRUB PAR THAL LO, ,YANG KHA CIG ,GZHAL BYA LA RANG SPYI GNYIS SU NGES TE, GZHAL BYA LA 'DRA BA GZHAN DANG THUN MONG BA DANG MI 'DRA BA GZHAN DANG THUN MONG MA YIN PA GNYIS SU NGES PA'I PHYIR ZHES ZER, DE'ANG MI 'THAD DE, LDOG PA GZHAN DANG THUN MONG BA YIN PA TZAM GYIS SPYI MTSAN DU SGRUB MI NUS, RANG GI 'GAL ZLA DANG THUN MONG BA YIN PA MI SRID PA'I PHYIR, KHA CIG ,CHOS 'DRA, GZHAL BYA LA CHOS GZHAN LA THUN MONG DU RJES 'GRO BYED PA DANG, THUN MONG DU RJES 'GRO MI BYED PA GNYIS SU NGES PA'I PHYIR ZHES ZER, 'O NA SGRA CHOS CAN, SPYI MTSAN YIN PAR THAL, CHOS GZHAN LA THUN MONG DU RJES 'GRO BYED PA'I PHYIR TE, RANG GI GSAL BA DU MA LA RJES 'GRO BYED PA'I PHYIR, 'DOD MI NUS TE, DON BYED NUS PA YIN PA'I PHYIR RO, ,KHA CIG ,GZHAL BYA LA RANG SPYI GNYIS SU GRANGS NGES TE, GZHAL BYA LA SGRA'I YUL YIN PA DANG SGRA'I YUL MA YIN PA GNYIS SU NGES PA'I PHYIR ZHES ZER BA MI 'THAD DE, RANG MTSAN YANG SGRA'I BRJOD BYA YIN PA'I PHYIR, RTAGS MA GRUB NA, RANG MTSAN SGRA'I BRJOD BYA MA YIN PAR DAM 'CHA' BA MI RIGS PAR THAL, DAM BCA' DE KHAS BLANGS SNGA PHYI 'GAL BA'I DAM BCA' YIN PA'I PHYIR TE, RANG MTSAN SGRA'I BRJOD BYA MA YIN ZHES PA'I TSIG ZUR GYI RANG MTSAN ZHES PA'I SGRA DES RANG MTSAN BRJOD PA'I PHYIR TE, NGA'I MA MO GSHAM YIN ZHES PA'I TSIG ZUR GYI NGA'I MA ZHES PA DES BU SKYED PA'I NUS LDAN DE BRJOD PA'I PHYIR, KHA CIG ,SGRA'I DNGOS KYI YUL YIN MIN GNYIS SU NGES PA'I PHYIR ZHES PA'ANG MI 'THAD DE, BUM PA DE'ANG SGRA'I DNGOS KYI YUL YIN PA'I PHYIR TE, SGRA'I DNGOS KYI BRJOD BYA YIN PA'I PHYIR TE, BUM PA ZHES PA'I SGRAS DNGOS SU BRJOD PA'I PHYIR TE, BUM PA ZHES PA'I SGRAS PA RJOD PA GANG ZHIG ,DES SHUGS LA MA BRJOD @16B PA'I PHYIR RO, ,YANG KHA CIG ,GZHAL BYA LA RANG SPYI GNYIS SU GRANGS NGES TE, GZHAL BYA LA RTOG PA'I YUL DANG RTOG MED SHES PA'I YUL GNYIS SU GRANGS NGES PA'I PHYIR ZER RO, ,'O NA BUM PA CHOS CAN, SPYI MTSAN YIN PAR THAL, RTOG PA'I YUL YIN PA'I PHYIR, BUM 'DZIN RTOG PA LA BUM PAR SNANG BA CHOS CAN, RANG MTSAN YIN PAR THAL, RTOG MED SHES PA'I YUL YIN PA'I PHYIR TE, BUM 'DZIN RTOG PA NYAMS SU MYONG BA'I RANG RIG MNGON SUM GYI YUL YIN PA'I PHYIR, KHYAB PA SNGA MA GNYIS KHAS BLANGS SO, ,GNYIS PA NI, GZHAL BYA LA RANG SPYI GNYIS SU GRANGS NGES TE, DE LA DON BYED NUS PA DANG MI NUS PA'I CHOS GNYIS SU NGES PA'I PHYIR DANG, RANG SNANG YUL DU BYED PA'I BLO NGOR CHOS GZHAN LA RJES 'GRO BYED PAR SNANG BA DANG MI SNANG BA'I CHOS GNYIS SU GRANGS NGES PA'I PHYIR DANG, RANG SNANG YUL DU BYED PA'I BLO LA JI LTAR SNANG BA LTAR SGRA'I YUL YIN PA DANG MIN PA'I CHOS GNYIS SU NGES PA'I PHYIR DANG, RTOG PA'I SNANG YUL DANG RTOG MED SHES PA'I SNANG YUL GNYIS SU NGES PA'I PHYIR, DE DAG NI, DON BYED NUS DANG MI NUS PHYIR, ,'DRA DANG MI 'DRA NYID PHYIR DANG, ,SGRA YI YUL DANG YUL MIN PHYIR, ,RGYU MTSAN GZHAN NI YOD PA NA, ,BLO NI YOD DANG MED PHYIR RO, ,ZHES GSUNGS PA'I DON YIN NO, ,GSUM PA NI, GZUNG 'DZIN RDZAS GZHAN GYIS STONG PA'I STONG NYID CHOS CAN, RANG MTSAN YIN PAR THAL, RANG SNANG YUL DU BYED PA'I BLO LA JI LTAR SNANG BA LTAR SGRA'I YUL MA YIN PA'I CHOS YIN PA'I PHYIR, 'DOD MI NUS TE, DON BYED MI NUS PA'I PHYIR ZHE NA, SKABS 'DIR GZUNG 'DZIN RDZAS GZHAN GYIS STONG PA'I STONG NYID KHAS MI LEN TE, SKABS 'DIR MDO SDE PA'I LUGS YIN PAS PHYI ROL KYI DON GRUB PA'I PHYIR RO, ,'O NA RNAL 'BYOR MNGON SUM 'CHAD PA'I SKABS SU GZUNG 'DZIN RDZAS GZHAN GYIS STONG PAR RTOGS PA'I RNAL 'BYOR MNGON SUM MA BSTAN PAR THAL, SKABS 'DIR GZUNG @17A *, ,'DZIN RDZAS GZHAN GYIS STONG PA'I STONG NYID KHAS MI LEN PA'I PHYIR ZHE NA, 'DOD DE, DE LA SNGAR BSHAD DNGOS PO BZHIN, ,ZHES BDEN BZHI MI RTAG SOGS BCU DRUG RTOGS PA'I RNAL 'BYOR MNGON SUM TZAM ZHIG BSTAN PA'I PHYIR RO, ,'O NA GANG ZAG GI BDAG MED CHOS CAN, RANG MTSAN YIN PAR THAL, RTOG MED SHES PA'I SNANG YUL YIN PA'I PHYIR TE, GANG ZAG GI BDAG MED RTOGS PA'I RNAL 'BYOR MNGON SUM GYI SNANG YUL YIN PA'I PHYIR TE, DE LA GSAL BAR SNANG BA'I PHYIR, RTAGS MA GRUB NA, GANG ZAG GI BDAG MED RTOGS PA'I RJES DPAG GI RGYUN GOMS PA LAS GOMS BYA'I DON LA GSAL SNANG THOB PA MI SRID PAR THAL, GANG ZAG GI BDAG MED GSAL BAR SNANG BA'I RNAL 'BYOR MNGON SUM MA GRUB PA'I PHYIR, 'DOD MI NUS TE, DE PHYIR YANG DAG YANG DAG MIN, ,GANG GANG SHIN TU GOMS GYUR PA, ,SGOM PA YONGS SU RDZOGS PA NA, ,DE GSAL MI RTOG BLO 'BRAS CAN, ,ZHES GSUNGS PA DANG 'GAL LO ZHE NA, GANG ZAG GI BDAG MED GSAL BAR SNANG BA'I RNAL 'BYOR MNGON SUM MA GRUB NA, GANG ZAG GI BDAG MED RTOGS PA'I RJES DPAG GI RGYUN GOMS PA LAS GOMS BYA'I DON LA GSAL SNAD THOB PA MI SRID MI DGOS PAR THAL, DE MA GRUB KYANG GANG ZAG GI BDAG MED RTOGS PA'I RJES DPAG GI RGYUN GOMS PA LAS GANG ZAG GI BDAG GIS DBEN PA'I 'DU BYED LA GSAL SNANG THOB PAR 'GYUR BA'I PHYIR, RNAL 'BYOR MNGON SUM LA GANG ZAG GI BDAG MED GSAL BAR SNANG BA MA YIN TE, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG, ,ZHES GSUNGS PA'I MA 'DRES PA'I DON NI RANG MTSAN YIN LA, TZAM SGRAS LHAG MA 'GOG CING, RANG MTSAN 'DIR MDO SDE PA'I SKABS YIN PAS DON BYED NUS PA KHO NA YIN PA'I PHYIR RO, ,DES NA GANG ZAG GI BDAG MED RTOGS PA'I RNAL 'BYOR MNGON SUM GYI GANG @17B ZAG GI BDAG GIS DBEN PA'I 'DU BYED DNGOS SU RTOGS SHING, GANG ZAG GI BDAG MED SHUGS LA RTOGS PA YIN TE, DAG 'DZIN MNGON SUM GYIS BUM PAS DAG PA'I SA PHYOGS DNGOS SU RTOGS SHING, SA PHYOGS DE'I STENG GI BUM PA SNANG RUNG MA DMIGS PA SHUGS LA RTOGS PA BZHIN NO, ,MDOR NA; MED LA DBANG SKYES BLO MIN TE, ,DON GYI STOBS LAS SKYES PA'I PHYIR, ,ZHES PA'I RIGS PA LA BRTEN NAS, MDO SDE PA'I LUGS LA MNGON SUM GYIS SPYI MTSAN DANG DNGOS MED DNGOS SU MA RTOGS PAR 'DOD PA YIN NO, ,KHO NA RE, GANG ZAG GI BDAG MED CHOS CAN, SPYI MTSAN YIN PAR THAL, DON BYED MI NUS PA'I CHOS YIN PA'I PHYIR, KHYAB RTAGS KHAS BLANGS, 'DOD MI NUS TE, KUN RDZOB BDEN PA MA YIN PA'I PHYIR TE, DON DAM BDEN PA YIN PA'I PHYIR TE, RNAM DAG GI DMIGS PA YIN PA'I PHYIR, KHYAB STE, MNGON PA KUN LAS BTUS SU, RNAM DAG GI DMIGS PA LA DON DAM BDEN PAR GSUNGS PA'I PHYIR ZHE NA, SKYON MED DE, KUN LAS BTUS SU GSUNGS PA SEMS TZAM PA'I LUGS YIN PA'I PHYIR, YANG SHES BYA CHOS CAN, RTOG PA'I SNANG YUL YIN PAR THAL, SPYI MTSAN YIN PA'I PHYIR, 'DOD MI NUS TE, SGRA SPYI YANG MA YIN, DON SPYI YANG MA YIN PA'I PHYIR TE, GZHI GRUB NA KHYOD YIN DGOS PA'I PHYIR ZHE NA, RTOG PA LA BLO'I YUL DU BYAR RUNG DU SNANG BA CHOS CAN, DON SPYI MA YIN PAR THAL, GZHI GRUB NA KHYOD YIN DGOS PA'I PHYIR, 'DOD MI NUS TE, BLO'I YUL DU BYAR RUNG DE MTSAN NYID YIN PA'I PHYIR, RTOG PA LA SHES BYAR SNANG BA CHOS CAN, SGRA SPYI MA YIN PAR THAL, GZHI GRUB NA KHYOD YIN DGOS PA'I PHYIR, 'DOD MI NUS TE, SHES BYA DE MTSON BYA YIN PA'I PHYIR, KHO NA RE, SHES BYA CHOS CAN, RANG 'DZIN RTOG PA'I SNANG YUL YIN PAR THAL, RTOG PA'I SNANG YUL YIN PA GANG ZHIG ,RANG 'DZIN RTOG PA LAS GZHAN PA'I RTOG PA'I SNANG YUL MA @18A *, ,YIN PA'I PHYIR, 'DOD NA DE MA YIN PAR THAL, RANG 'DZIN RTOG PA'I ZHEN YUL YIN PA'I PHYIR ZHE NA, SGRA DON CHOS CAN, RTOG PA'I SNANG YUL MA YIN PAR THAL, RTOG PA'I ZHEN YUL YIN PA'I PHYIR TE, GZHI GRUB PA'I PHYIR RO, ,GNYIS PA KHYAB PA BSGRUB PA LA, DGAG BZHAG GNYIS, DANG PO NI, KHO NA RE, GZHAL BYA LA RANG SPYI GNYIS SU GRANGS NGES NA, TSAD MA LA MNGON RJES GNYIS SU GRANGS NGES PAS KHYAB STE, RANG MTSAN GYI YUL CAN NI MNGON SUM KHO NA YIN LA, SPYI MTSAN GYI YUL CAN NI RJES DPAG KHO NA YIN PA'I PHYIR, DE SKAD DU'ANG RGYAL DBANG BLOS, RANG MTSAN GYI YUL CAN MNGON SUM KHO NA DANG, SPYI MTSAN GYI YUL CAN RJES DPAG KHO NA'O ZHES GSUNGS PA'I PHYIR ZER NA, DE NI MI 'THAD DE, RJES DPAG GIS KYANG RANG MTSAN YUL DU BYED PA YOD LA, MNGON SUM GYIS KYANG SPYI MTSAN YUL DU BYED PA YOD PA'I PHYIR, GNYIS PA NI, TSAD MA'I SNANG YUL GYI GZHAL BYA LA RANG SPYI GNYIS SU GRANGS NGES NA, TSAD MA LA MNGON RJES GNYIS SU GRANGS NGES PAS KHYAB STE, RANG MTSAN SNANG YUL DU BYED PA'I TSAD MA YIN NA MNGON SUM TSAD MA YIN PAS KHYAB, SPYI MTSAN SNANG YUL DU BYED PA'I TSAD MA YIN NA RJES DPAG TSAD MA YIN PAS KHYAB PA'I PHYIR, DE LA DGONGS NAS RGYAL DBANG BLOS, RANG MTSAN GYI YUL CAN MNGON SUM KHO NA DANG SPYI MTSAN GYI YUL CAN RJES DPAG KHO NAR GSUNGS PA YIN NO, ,'O NA TSAD MA CHOS CAN, KHYOD MNGON SUM TSAD MA YIN PAR THAL, RANG MTSAN SNANG YUL DU BYED PA'I TSAD MA YIN PA'I PHYIR TE, TSAD MA GANG ZHIG ,SPYI MTSAN SNANG YUL DU BYED PA'I TSAD MA MA YIN PA'I PHYIR, RTAGS PHYI MA MA GRUB NA, RJES DPAG TSAD MA YIN PAR THAL LO, ,KHYAB PA KHAS BLANGS ZER NA, TSAD MA CHOS CAN, RANG YUL GSAL BAR SNANG BA'I TSAD MA YIN PAR THAL, TSAD MA YIN PA GANG ZHIG RANG YUL MI @18B GSAL BAR SNANG BA'I TSAD MA MA YIN PA'I PHYIR, KHYAB PA KHAS, RTAGS PHYI MA MA GRUB NA, CHOS CAN, RTOG PA YIN PAR THAL, RANG YUL MI GSAL BAR SNANG BA'I SHES PA YIN PA'I PHYIR, RTZA BAR 'DOD NA, CHOS CAN, RTOG MED KYI SHES PA YIN PAR THAL, RANG YUL GSAL BAR SNANG BA'I SHES PA YIN PA'I PHYIR, DE GNYIS KA LA KHYAB PA YOD DE, RNAM PAR RTOG DANG RJES 'BREL NI, ,DON GSAL SNANG BA CAN MA YIN, ,ZHES DANG, GNYID LOG PA 'AM SAD PA NA, ,GSAL BAR SNANG BA CAN BLO GANG, ,DE NI RTOG MED GNYIS KAR YANG, ,DE LTA MIN NA RTOG PA YIN, ,ZHES GSUNGS PAS SO, , GSUM PA NI, KHA CIG NA RE, TSAD MA LA MNGON RJES GNYIS SU GRANGS NGES PA'I DON MNGON RJES GNYIS LAS RDZAS GZHAN PA'I TSAD MA MED PA'O ZHES ZER, DE NI MI 'THAD DE, TSAD MA LA MNGON RJES GNYIS SU GRANGS NGES PA'I DON BLO NGOR GRUB NA, MNGON RJES LA DGAG PHYOGS DANG SGRUB PHYOGS KYI PHUNG PO GSUM PA BLO NGOR KHEGS DGOS PA GANG ZHIG ,MNGON RJES GNYIS LAS GZHAN PA'I TSAD MA MED PA BLO NGOR GRUB KYANG, SGRUB PHYOGS KYI PHUNG PO GSUM PA BLO NGOR KHEGS MI DGOS PA'I PHYIR, GZHAN YANG RGYANG 'PHEN CHOS CAN, KHYOD KYIS TSAD MA LA MNGON RJES GNYIS SU GRANGS NGES PA'I DON GRUB PAR THAL, KHYOD KYIS TSAD MA LA MNGON RJES GNYIS LAS RDZAS GZHAN MED PAR GRUB PA'I PHYIR, KHYAB PA KHAS BLANGS, 'DOD MI NUS TE, RJES DPAG TSAD MA KHAS MI LEN PA'I PHYIR, KHA CIG NA RE, TSAD MA YIN NA MNGON RJES GANG RUNG YIN DGOS PA DE, TSAD MA LA MNGON RJES GNYIS SU GRANGS NGES PA'I DON YIN ZER NA, SHES BYA CHOS CAN, TSAD MA YIN NA MNGON RJES GANG RUNG YIN PAS KHYAB PAR THAL, TSAD MA LA MNGON RJES GNYIS SU GRANGS NGES PA'I PHYIR, KHYAB PA KHAS, 'DOD NA, TSAD MED TSAD MA YIN NAM MIN, YIN NA, TSAD MA CHOS CAN, MNGON RJES GANG RUNG @19A *, ,YIN PAR THAL, TSAD MA YIN PA'I PHYIR, MA YIN NA MNGON SUM TSAD MA DE YANG MNGON SUM TSAD MA MA YIN PAR THAL, TSAD MED TSAD MA MA YIN PA'I PHYIR, 'DOD NA, MNGON SUM TSAD MA CHOS CAN, TSAD MA MA YIN PAR THAL, MNGON SUM TSAD MA'ANG MA YIN, RJES DPAG TSAD MA'ANG MA YIN PA'I PHYIR, RTAGS KHYAB KHAS, 'DOD NA, TSAD MA YIN PA MI SRID PAR THAL, TSAD MA DE YANG TSAD MA MA YIN, MNGON SUM TSAD MA DE'ANG TSAD MA MA YIN, RJES DPAG TSAD MA DE'ANG TSAD MA MA YIN PA'I PHYIR, RTAGS KHAS, KHA CIG NA RE, TSAD MA LA MNGON RJES GNYIS SU GRANGS MA NGES TE, TSAD MA DE TSAD MA YIN ZHING MNGON RJES GANG YANG MA YIN PA'I PHYIR, DES NA TSAD MA'I KHYAD PAR LA MNGON RJES GNYIS SU GRANGS NGES PA YIN NO ZHES ZER, 'O NA TSAD MA'I KHYAD PAR LA MNGON RJES GNYIS SU GRANGS NGES PA MA YIN PAR THAL, SO SKYE'I RGYUD KYI TSAD MA DE TSAD MA'I KHYAD PAR YIN ZHING MNGON RJES GANG RUNG MA YIN PA'I PHYIR, KHYAB BSAL KHAS BLANGS, GZHAN YANG TSAD MA'I GRANGS NGES MI SRID PAR THAL, DBYE GZHI TSAD MA TSAD MAR KHAS BLANGS NA TSAD MA MNGON RJES GNYIS SU GRANGS NGES PA LA GNOD CING, DBYE GZHI MED NA DBYE BA'I YA GYAL MA GRUB PA'I PHYIR, RTAGS DANG PO KHAS BLANGS SO, ,RANG LUGS LA, TSAD MA'I GRANGS NGES BSGRUB PA LA, SGRUB PHYOGS KYI PHUNG GSUM SEL BA DANG, DGAG PHYOGS KYI PHUNG GSUM SEL BA GNYIS LAS, DANG PO NI, MNGON RJES GNYIS KYI BAR NA SGRUB PHYOGS KYI PHUNG GSUM MED DE, SNGO SNANG DBANG SHES LTA BU MNGON SUM TSAD MA YIN PAR DNGOS SU GZHAL STOBS KYIS RJES DPAG TSAD MA MA YIN PAR SHUGS LA RTOGS NUS, SGRA MI RTAG PAR RTOGS PA'I RJES DPAG LTA BU RJES DPAG TSAD MA YIN PAR DNGOS SU GZHAL STOBS KYIS MNGON SUM TSAD MA MA @19B YIN PAR SHUGS LA RTOGS NUS PA'I PHYIR RO, ,GNYIS PA NI, KHA CIG NA RE, SNGO SNANG DBANG SHES CHOS CAN, MNGON SUM TSAD MA YIN TE, KHYOD TSAD MA YIN PA GANG ZHIG ,KHYOD YIN DU GYUR PA'I RJES DPAG TSAD MA MED PA'I PHYIR ZHES PA DANG, SGRA MI RTAG PAR RTOGS PA'I RJES DPAG CHOS CAN, RJES DPAG TSAD MA YIN TE, TSAD MA GANG ZHIG ,KHYOD YIN DU GYUR PA'I MNGON SUM TSAD MA MED PA'I PHYIR ZHES PA'I RTAGS LA BRTEN NAS, TSAD MA LA MNGON RJES GNYIS LAS GZHAN PA'I DGAG PHYOGS KYI PHUNG GSUM KHEGS PA YIN NO ZER, 'O NA MNGON RJES GNYIS KA CHOS CAN, MNGON SUM TSAD MA YIN PAR THAL, KHYOD TSAD MA YIN PA GANG ZHIG ,KHYOD YIN DU GYUR PA'I RJES DPAG MED PA'I PHYIR, KHYAB PA KHAS, RANG LUGS NI, SNGO SNANG DBANG SHES CHOS CAN, MNGON SUM TSAD MA YIN TE, KHYOD TSAD MA YIN ZHING, KHYOD YIN YOD PA GANG ZHIG ,KHYOD YIN DU GYUR PA'I RJES DPAG MED PA'I PHYIR ZHES PA DANG, SGRA MI RTAG PAR RTOGS PA'I RJES DPAG CHOS CAN, RJES DPAG TSAD MA YIN TE, KHYOD TSAD MA YIN ZHING, KHYOD YIN YOD PA GANG ZHIG ,KHYOD YIN DU GYUR PA'I MNGON SUM MED PA'I PHYIR ZHES PA'I RTAGS LA BRTEN NAS, TSAD MA LA MNGON RJES GNYIS LAS GZHAN PA'I DGAG PHYOGS KYI PHUNG GSUM KHEGS PA YIN NO, ,ZHES GSUNGS SO, ,TSAD MA MNGON RJES GNYIS KYI BAR NA SGRUB PHYOGS KYI PHUNG GSUM KHEGS PA DANG DGAG PHYOGS KYI PHUNG GSUM KHEGS PA DE TSAD MA MNGON RJES GNYIS SU GRANGS NGES PA'I DON YIN NO, ,GNYIS PA PHYE BA SO SO'I DON LA, MNGON SUM TSAD MA DANG, RJES DPAG TSAD MA GNYIS SO, ,DANG PO LA GNYIS, MNGON SUM GYI NGO BO DANG, TSAD 'BRAS KYI RNAM GZHAG GO, DANG PO LA GSUM, MTSAN NYID DANG, DBYE BA, LOG PHYOGS MNGON SUM LTAR SNANG BSHAD PA'O, ,DANG PO LA GNYIS, DNGOS DANG, MTSAN GZHI LA LOG RTOG BSAL BA'O, ,DANG @20A *, ,PO NI; KHA CIG NA RE, MNGON SUM TSAD MA'I MTSAN NYID, RTOG BRAL MA 'KHRUL PA'I SHES PA ZHES ZER BA MI 'THAD DE, MNGON SUM TSAD MA YIN NA RANG YUL LA NGES SHES 'DREN DGOS PA'I PHYIR, DES NA MNGON SUM GYI MTSAN NYID, RTOG BRAL MA 'KHRUL BA'I SHES PA, MNGON SUM TSAD MA'I MTSAN NYID, GSAR DU MI BSLU BA'I SHES PA GANG ZHIG ,RTOG BRAL MA 'KHRUL BA'O, ,DE YANG SPYIR MTSAN NYID LA RIGS MI MTHUN SEL BA DANG, LOG RTOG SEL BA GNYIS LAS, DANG PO'I DBANG DU BYAS NAS GSAR DU MI BSLU BA'I SHES PA GZHIR BYAS LA, RTOG BRAL DANG MA 'KHRUL BA GANG RUNG RE RES KYANG MNGON SUM TSAD MA'I RIGS MI MTHUN SEL NUS TE, MNGON SUM TSAD MA'I RIGS MI MTHUN LA TSAD MIN DANG RJES DPAG TSAD MA GNYIS SU NGES LA, TSAD MIN NI GSAR DU MI BSLU BA'I SHES PAS SEL NUS SHING, RJES DPAG TSAD MA NI RTOG BRAL DANG MA 'KHRUL BA GANG RUNG RE RES KYANG SEL NUS PA'I PHYIR TE, RJES DPAG TSAD MA DE RTOG BRAL DANG MA 'KHRUL BA GANG YANG MIN PA'I PHYIR RO, ,GAL TE RJES DPAG TSAD MA DE CHOS CAN, MA 'KHRUL BAR THAL, 'JUG YUL LA MA 'KHRUL BA'I PHYIR, KHYAB STE, 'JUG YUL LA TSAD MA YIN NA TSAD MA YIN PAS KHYAB PA'I PHYIR ZHE NA, DE CHOS CAN, 'KHRUL PAR THAL, DE MA YIN LA DER 'DZIN GYI BLO YIN PA'I PHYIR TE, RANG LA SNANG BA DON MA YIN PA LA DON DU SNANG BA'I SHES PA YIN PA'I PHYIR, 'O NA MNGON SUM TSAD MA'I MTSAN NYID KYI ZUR DU RTOG BRAL DANG MA 'KHRUL BA GNYIS KA SMOS PA LA DON MED PAR THAL, DE GNYIS GANG RUNG RE RES KYANG RIGS MI MTHUN SEL NUS PA'I PHYIR ZHE NA, SKYON MED DE, DE GNYIS GANG RUNG RE RES KYANG RIGS MI MTHUN SEL NUS KYANG GNYIS KA SMOS PA LOG RTOG SEL BA'I DBANG DU BYAS PA'I PHYIR TE, ZLA BA GNYIS SNANG GI DBANG SHES LTA BU'ANG RTOG BRAL YIN @20B PAS MNGON SUM TSAD MA YIN NAM SNYAM PA'I LOG RTOG SEL BA'I DBANG DU BYAS NAS MA 'KHRUL PA SMOS LA, RIGS PA CAN PA SOGS MNGON SUM RTOG PAR 'DOD PA'I LOG RTOG SEL BA'I PHYIR DU RTOG BRAL SMOS PA'I PHYIR, 'O NA MNGON SUM TSAD MA'I MTSAN NYID LA RIGS MI MTHUN SEL BYED MED PAR THAL, RTOG BRAL DANG MA 'KHRUL BA GNYIS KA SMOS PA LOG RTOG SEL BA'I DBANG DU BYAS PA'I PHYIR ZHE NA SKYON MED DE, RTOG BRAL DANG MA 'KHRUL BA GANG RUNG RE RES RIGS MI MTHUN SEL BA DANG, GNYIS KA SMOS PAS LOG RTOG SEL BA LA 'GAL BA MED PA'I PHYIR RO, ,'O NA MNGON SUM LA RTOG BRAL DGOS NA BRAL BYA RTOG PA DE GANG ZHE NA, SGRA DON 'DRES RUNG DU 'DZIN PA'I BLO THAMS CAD BRAL BYA RTOG PA YIN NO, ,'O NA SGRA DON 'DRES PAR 'DZIN PA'I TSAD GANG, RUNG BA SMOS PA'I DON CI ZHE NA, CHOS DE'I SGRA SPYI DANG DON SPYI GNYIS KA RTOG PA DE'I YUL DU BYED PAR NUS PA DE'I TSE SGRA DON 'DRES PA 'DZIN PA ZHES BYA LA, BRDA LA MA BYANG BA'I BYIS PA'I RGYUD KYI RTOG PAS SGRA SPYI DANG DON SPYI GANG RUNG YUL DU BYED KYANG GNYIS KA TSOGS PA YUL DU MI BYED PAS, SGRA DON 'DRES RUNG 'DZIN PA YIN GYI SGRA DON 'DRES PAR 'DZIN PA NI MIN NO, ,DES NA 'DRES RUNG 'DZIN PA ZHES SMOS PA LA DGOS PA YOD DE, BRDA LA MA BYANG BA'I BYIS PA'I RGYUD KYI RTOG PA BSDU BAR BYA BA'I PHYIR, 'ON KYANG BRDA LA BYANG BA'I RTOG PA YIN NA SGRA SPYI DANG DON SPYI GNYIS KA SNANG YUL DU BYED PAS MA KHYAB STE, BDAG MED LA MYONG BA THON BA'I SKYES BUS SGRA SPYI LA MA LTOS PAR BDAG MED KYI DON SPYI SNANG YUL DU BYED PA YOD PA'I PHYIR, 'O NA SGRA DON 'DRES RUNG DU 'DZIN PA'I BLO THAMS CAD BRAL BYA RTOG PA YIN NA, SLOB DPON GYIS, MING DANG RIGS SOGS SBYOR BA YI, ,RTOG PA DANG BRAL MNGON SUM MO, ,ZHES MING SBYOR RTOG PA DANG RIGS SOGS RDZAS LA SBYAR NAS 'DZIN PA'I RTOG PA TZAM @21A *, ,ZHIG SMOS PA CI YIN ZHE NA, RANG LUGS KYI RTOG PA'I DBANG DU BYAS NAS MING SBYOR RTOG PA DANG, GZHAN LUGS KYI RTOG PA'I DBANG DU BYAS NAS RIGS SOGS RDZAS LA SBYAR NAS 'DZIN PA'I RTOG PA SMOS PA'AM, YANG NA GNYIS KA YANG GZHAN LUGS DGAG PA'I DBANG DU BYAS PA YIN TE, RIG BYED PAS, SGRA YI RJES 'JUG MA GTOGS PA'I, ,SHES DE 'JIG RTEN NA YOD MIN, ,SHES PA THAMS CAD SGRA DANG NI, ,LDAN PA NYID DU MTHONG BA YIN, ,ZHES SHES PA THAMS CAD MING SBYOR RTOG PAR 'DOD CING, RIGS PA CAN PAS DBANG SHES THAMS CAD RIGS SOGS RDZAS LA SBYAR NAS 'DZIN PA'I RTOG PAR 'DOD PAS DE DGAG PA'I PHYIR DU SMOS PA'I PHYIR RO, ,'O NA RTOG PA DANG BRAL BA'I DON CI ZHE NA, KHA CIG ,RTOG PA'I RANG LDOG DANG BRAL BA'O ZER, 'O NA SGRA MI RTAG RTOGS KYI RJES DPAG CHOS CAN, RTOG BRAL YIN PAR THAL, RTOG PA'I RANG LDOG DANG BRAL BA'I PHYIR TE, RTOG PA'I BYE BRAG YIN PA'I PHYIR, RTOG PA'I RDZAS DANG BRAL BA LA BYED PA'ANG MI 'THAD DE, RTOG MYONG RANG RIG MNGON SUM CHOS CAN, RTOG PA DANG BRAL BA MA YIN PAR THAL, RTOG PA'I RDZAS DANG BRAL BA MIN PA'I PHYIR TE, RTOG PA DANG RDZAS GCIG YIN PA'I PHYIR, RANG LUGS NI, SGRA DON 'DRES RUNG DU 'DZIN PA'I RTOG PA YIN PA'I TSUL GYIS MI BRTEN PA NI RTOG BRAL GYI DON YIN NO, ,'O NA MA 'KHRUL BA'I DON JI LTA BU ZHE NA, 'KHRUL RGYU BZHI PO GANG RUNG GIS MA BSKYED PA'I SGO NAS SNANG YUL LA MA 'KHRUL BA'O, ,'KHRUL RGYU BZHI PO GANG ZHE NA, 'KHRUL RGYU RTEN LA YOD PA NI, MIG RAB RIB KYIS DKRUGS PA LAS ZLA GNYIS GSAL BAR SNANG BA'I DBANG SHES LTA BU'O, ,'KHRUL RGYU YUL LA YOD PA NI, MGAL ME MYUR DU BSKOR BA LAS 'KHOR LOR SNANG BA'I SHES PA LTA BU'O, ,GNAS LA YOD PA NI, GRUR ZHUGS PA LAS LJON SHING 'GRO BAR SNANG BA'I DBANG SHES LTA BU'O, ,'KHRUL RGYU DE MA THAG RKYEN LA @21B YOD PA NI, ZHE SDANG GIS YID DKRUGS PA LAS SA GZHI DMAR POR SNANG BA'I DBANG SHES LTA BU'O, ,'O NA 'DIR BSTAN MNGON SUM GYI MTSAN NYID 'DI, MDO SDE PA KHO NA'I LUGS YIN NAM, MDO SEMS THUN MONG BA'I LUGS YIN ZHE NA, KHA CIG NA RE, MDO SEMS THUN MONG BA'I LUGS YIN TE, MA 'KHRUL BA'I DON MI BSLU BA YIN LA, SEMS TZAM PAS KYANG MNGON SUM MI BSLU BAR 'DOD PA'I PHYIR ZHES SMRA, YANG KHA CIG ,DE'I SGRUB BYED MA 'KHRUL BA'I DON 'KHRUL RGYU BZHI PO GANG RUNG GIS MA BSKYED PA YIN LA, SEMS TZAM PAS KYANG MNGON SUM RNAMS 'KHRUL RGYU BZHI PO GANG RUNG GIS MA BSKYED PAR 'DOD PA'I PHYIR ZHES ZER, DE GNYIS KA MI 'THAD DE, 'DIR MNGON SUM RTOG BRAL DU SGRUB PA'I SKABS SU, DON GYI MTHU YIS NI, ,YANG DAG SKYE BA YIN PHYIR RO, ,ZHES GSUNGS LA, SEMS TZAM PAS DBANG MNGON RNAMS GZUNG DON LAS SKYE BAR MI 'DOD PA'I PHYIR, DES NA, MDO SDE PA'I THUN MONG MA YIN PA'I LUGS YIN NO, ,'O NA SDE BDUN GYI GZHUNG GANG DU YANG, SEMS TZAM PA'I LUGS KYI MNGON SUM GYI MTSAN NYID STON PA'I GZHUNG MED PAR 'GYUR RO ZHE NA, SKYON MED DE, SEMS TZAM PA'I LUGS LA RTOG PA DANG BRAL ZHING BAG CHAGS BRTAN PA LAS BYUNG BA'I SHES PA DE, MNGON SUM YIN PAR RNAM NGES LAS GSUNGS PA'I PHYIR, GNYIS PA LA GNYIS, RTOG MED 'KHRUL SHES YUL GYI CHA SHAS LA TSAD MA YIN PA DGAG ,RTOG MED MA 'KHRUL BA'I SHES PA DON GZHAN LA TSAD MA YIN PA DGAG PA'O, ,DANG PO LA GSUM, RNAM PA LA 'KHRUL PA TSAD MA YIN PA DGAG ,YUL LA 'KHRUL PA TSAD MA YIN PA DGAG ,DUS LA 'KHRUL PA TSAD MA YIN PA DGAG PA'O, ,DANG PO NI, KHA CIG NA RE, DUNG SER 'DZIN GYI DBANG SHES DE DUNG GI KHA DOG LA 'KHRUL YANG DBYIBS LA MA 'KHRUL BA'I TSAD MA YIN NO ZHE NA, DE CHOS CAN, DUNG GI DBYIBS LA TSAD MA MA YIN PAR @22A *, ,THAL, DE LA DNGOS RTOGS TSAD MA YANG MA YIN, SHUGS RTOGS TSAD MA YANG MA YIN PA'I PHYIR, RTAGS DANG PO MA GRUB NA, KHYOD LA DUNG GI DKAR PO SNANG BAR THAL, DUNG GI DKAR PO DANG DUNG GI DBYIBS GNYIS GRUB BDE RDZAS GCIG YIN PA GANG ZHIG ,KHYOD DUNG GI DBYIBS DNGOS SU RTOGS PA'I SGRUB 'JUG TSAD MA YIN PA'I PHYIR, RTAGS KHAS, 'DOD MI NUS TE, KHYOD LA DUNG SER POR SNANG BA'I PHYIR, RTZA BA'I RTAGS GNYIS PA GRUB STE, KHYOD DNGOS RTOGS TSAD MAR SONG BA'I YUL MI SRID PA'I PHYIR RO, ,KHA CIG ,LJON SHING 'GROR SNANG GI DBANG SHES DE LJON SHING SDOD PA LA 'KHRUL YANG LJON SHING SNGON PO YIN PA LA TSAD MA YIN ZER BA'ANG MI 'THAD DE, DNGOS RTOGS TSAD MA DANG SHUGS RTOGS TSAD MA GANG YANG MA YIN PA'I PHYIR, GNYIS PA LA GNYIS, DNGOS DANG, MTHA' DPYAD PA'O, ,DANG PO NI, KHA CIG NA RE, KHANG PHUGS KYI NOR BU'I 'OD SGO GSEB DU SHAR BA'I TSE, SGO GSEB KYI NOR BU'I 'OD 'DZIN PA'I DBANG SHES DE NOR BU LA TSAD MA YIN TE, NOR BU THOB NUS YIN PA'I PHYIR ZHE NA, DE CHOS CAN, NOR BU LA TSAD MA MA YIN TE, NOR BU BCAD SAR MA THOB, THOB SAR MA BCAD PA'I PHYIR, GNYIS PA LA, DGAG BZHAG SPANG GSUM MO, ,DANG PO LA GNYIS RGYAN GYI LUGS DGAG ,LHA SH'AKA GI LUGS DGAG PA'O, ,DANG PO NI, RGYAN MKHAN PO, NOR BU SGRON ME'I 'OD DAG LA, ,ZHES PA'I SKABS NAS BSTAN PA'I NOR BU'I 'OD LA NOR BUR 'DZIN PA'I BLO MNGON SUM TSAD MAR BZHED DE, DE PHYIR NOR BU'I 'OD LA NI, ,NOR BUR SHES PA'I SHES PA DE, , DE NYID DU NA MNGON SUM MAM, ,YANG NA RJES DPAG NYID DU NGES, ,ZHES GSUNGS LA, MNGON SUM MAM ZHES PA RGYAN RANG GI 'DOD PA DANG, RJES DPAG NYID DU NGES ZHES PA SH'AKA BLO'I 'DOD PA BSTAN PA YIN TE, YA MA RIS MNGON SUM MAM ZHES BYA BA NI RANG GI 'DOD PA'O, ,YANG NA RJES DPAG @22B NYID DU NGES ZHES BYA BA NI SH'AKYA BLO'I 'DOD PA'O, ,ZHES DANG, RGYAL BA CAN GYIS, DE NYID DU NA MNGON SUM MAM ZHES BYA BA NI RANG GI LUGS SO, ,YANG NA RJES DPAG NYID, CES BYA BA NI SH'AKYA BLO'I 'O ZHES GSUNGS SO, ,GAL TE NOR BU'I 'OD LA NOR BUR 'DZIN PA'I BLO MNGON SUM TSAD MA MA YIN PAR THAL, 'KHRUL SHES YIN PA'I PHYIR ZHE NA, SKYON MED DE, MI BSLU BA TZAM GYIS TSAD MAR 'GYUR GYI MA 'KHRUL BA'I SHES PA DGOS NA RJES DPAG KYANG TSAD MAR MI 'GYUR BA'I PHYIR RO, ,GAL TE 'KHRUL SHES KYANG YIN TSAD MA YANG YIN NA RJES DPAG DANG KHYAD PAR CI YOD CE NA, RANG YUL GSAL MI GSAL GYI KHYAD PAR YOD DO, ,'KHRUL SHES YIN NA KHYAD PAR DE YANG MI 'THAD DO ZHE NA, SKYON MED DE, RGYU'I DBANG GIS RANG YUL GSAL MI GSAL DU SKYES PA'I PHYIR, DPER NA RTOG PA DANG RTOG MED MNGON SUM LTAR SNANG BZHIN NO, ,MNGON SUM TSAD MA YIN PAS MA 'KHRUL BA'I SHES PA YIN DGOS NA, NOR BU RANG MTSAN PA MTHONG BA'I MNGON SUM YANG MA 'KHRUL BA'I SHES PAR 'GYUR RO, ,ZHES GSUNGS SO, ,DE DGAG PA NI, 'DIR BSTAN NOR BU'I 'OD LA NOR BUR 'DZIN PA'I BLO DE MNGON SUM TSAD MA MA YIN PAR THAL, NOR 'OD NOR BUR 'DZIN PA'I BLO YANG MNGON SUM TSAD MA MA YIN, SGO GSEB NA NOR BU YOD PAR 'DZIN PA'I BLO YANG MNGON SUM TSAD MA MA YIN, NOR BU'I 'OD MTHONG BA'I DBANG SHES DE YANG MNGON SUM TSAD MA MIN PA'I PHYIR, RTAGS DANG PO GNYIS GRUB STE, DE GNYIS ZHEN YUL LA 'KHRUL PA'I LOG SHES YIN PA'I PHYIR TE, NOR BU'I 'OD NOR BU YIN PA MI SRID PA'I PHYIR, RTAGS GSUM PA GRUB STE, DE SGRO 'DOGS DNGOS SU SKYED BYED YIN PA'I PHYIR TE, NOR BU'I 'OD NOR BUR 'DZIN PA'I BLO DNGOS SU SKYED BYED YIN PA'I PHYIR, GNYIS PA LA GNYIS, 'DOD PA BRJOD PA, DE DGAG PA'O, ,DANG PO NI, GNYIS PA 'KHRUL PA YIN PAR BZHED, ,CES @23A *, ,RJES DPAG 'KHRUL SHES SU BSTAN PA LA, DE CHOS CAN, TSAD MA MA YIN PAR THAL, 'KHRUL SHES YIN PA'I PHYIR, DPER NA ZLA BA GNYIS SNANG GI DBANG SHES BZHIN, DE LTAR THAL BA LAS, MA 'KHRUL BA'I SHES PA YIN TE, TSAD MA YIN PA'I PHYIR, DPER NA MNGON SUM BZHIN, ZHES DVOGS PA BKOD NAS, 'DI LA LHA DBANG BLOS, LDOG PA'I SBYOR BA DANG PO LA, NOR BU'I 'OD LA NOR BU'I BLOS MA NGES SO ZHES NOR BU'I 'OD LA NOR BUR 'DZIN PA'I BLO TSAD MAR BZHAD LA, DE'I 'GREL BSHAD DU SH'AKYA BLOS KYANG, 'DIR BSTAN NOR BU'I 'OD LA NOR BUR 'DZIN PA'I BLO DE 'KHRUL PA YIN YANG TSAD MA YIN TE, TSAD MA SPYI'I MTSAN NYID MI BSLU BA ZHUGS PA'I PHYIR RO, ,GAL TE DE LTA BU'I BLO DE MNGON RJES GANG YANG MA YIN PA'I TSAD MA PHUNG GSUM PA YIN PAR THAL, TSAD MA GANG ZHIG ,MNGON RJES GANG YANG MIN PA'I PHYIR, MNGON SUM MIN TE, 'KHRUL SHES YIN PA'I PHYIR DANG, RTOG BRAL MA YIN PA'I PHYIR, RJES DPAG MA YIN TE, TSUL GSUM PA'I RTAGS LA BRTEN NAS SKYES PA'I SHES PA MA YIN PA'I PHYIR ZHE NA, MNGON RJES GANG YANG MA YIN PA'I TSAD MA PHUNG PO GSUM PAR MI 'GYUR TE, RJES DPAG TSAD MA'I NANG DU 'DU BA'I PHYIR TE, LKOG TU GYUR PA'I DON GZHAN 'BREL PA LA BRTEN NAS RTOGS PA'I BLO YIN PA'I PHYIR TE, THOG MAR NOR 'OD MTHONG BA'I MNGON SUM LA BRTEN NAS NOR BUR 'DZIN PA'I BLO SKYE ZHING, NOR BU'I 'OD DE NOR BU LA DE BYUNG DU 'BREL PA'I PHYIR RO, ,DES NA 'BRAS RTAGS LA BRTEN PA'I RJES DPAG YIN NO, ,DE YANG THOG MAR NOR BU'I 'OD MTHONG BA'I MNGON SUM DE RTAGS 'DZIN SEMS YIN LA, DE'I RJES SU SKYES PA'I NOR BU'I 'OD NOR BUR NGES PA'I SHES PA NI RTAGS CAN RJES DPAG YIN NO, ,GAL TE DE LTA BU'I BLO DE RJES DPAG MA YIN PAR THAL, BLO DES RTAGS NOR BU'I 'OD DE NYID NOR BUR ZHEN PA'I PHYIR, @23B KHYAB STE, DU BA'I RTAGS LAS DU LDAN GYI LA LA ME YOD PAR RTOGS PA'I RJES DPAG GIS DU LDAN GYI LA LA ME YOD PAR BZUNG GI, DU BA MER MA BZUNG BA'I PHYIR ZHE NA, SKYON MED DE, NOR BU'I 'OD NOR BUR BZUNG BAS 'KHRUL PA LHAG PO YOD PA TZAM YIN GYI, DE TZAM GYIS TSAD MA MA YIN PAR MI 'GYUR TE; NOR BU TZAM LA MI BSLU BA'I PHYIR RO, ,DE LTA BU'I BLO DE RJES DPAG MA YIN PAR THAL, NOR BU'I 'OD DANG NOR BU GNYIS KYI RTAGS CHOS KYI 'BREL PA DRAN PA LAS MA SKYES PA'I PHYIR ZHE NA, SKYON MED DE, ME DU'I 'BREL PA DRAN PA MED PAR YANG DU BA GLO BUR DU MTHONG BA'I RTAGS LAS DU LDAN GYI LA LA ME YOD PAR RTOGS PA'I RJES DPAG SKYE BA YOD PA'I PHYIR ZHES BZHED DO, ,GNYIS PA LA GSUM, RTAN GTAN TSIGS DGAG ,YUL CAN GYI TSAD MA DGAG ,DPER MI RUNG BAS DGAG PA'O, ,DANG PO NI, DE LTA BU'I BLO DE RJES DPAG YIN NA RTEN GTAN TSIGS LAS SKYE DGOS PAS, NOR BU'I 'OD NOR BUR SGRUB PA'I RTAGS YANG DAG YIN NAM, NOR BU'I 'OD DE NOR BU TZAM YOD PAR SGRUB PA'I RTAGS YANG DAG YIN NAM, NOR BU'I 'OD DE SGO GSEB NA NOR BU YOD PAR SGRUB PA'I RTAGS YANG DAG YIN NAM, 'ON TE KHANG PHUGS NA NOR BU YOD PAR SGRUB PA'I RTAGS YANG DAG YIN NAM, SGO GSEB KYI NOR BU'I 'OD DE SGO GSEB NA NOR BU YOD PAR SGRUB PA'I RTAGS YANG DAG YIN NAM, NOR BU'I 'OD DANG NOR BU GANG RUNG GZHI DER NOR BU YOD PAR SGRUB PA'I RTAGS YANG DAG YIN, DANG PO MI 'THAD DE, NOR BU'I 'OD NOR BUR SGRUB MI NUS PA'I PHYIR TE, NOR BU'I 'OD NOR BU YIN PA MI SRID PA'I PHYIR, GNYIS PA MI 'THAD DE, NOR BU'I 'OD YOD PAR NGES NAS SPYIR NOR BU YOD MED THE TSOM ZA BA MI SRID PA'I PHYIR, GSUM PA MI 'THAD DE, KHYAB PA YANG MA NGES PA'I PHYIR, BZHI PA MI 'THAD DE, DE SGRUB KYI KHYAB PA MA NGES SHING, PHYOGS CHOS MA GRUB PA'I PHYIR, LNGA PA MI 'THAD DE, SGO GSEB NAS NOR BU @24A *, ,THOB PA MA YIN PA'I PHYIR, DRUG PA MI 'THAD DE, NOR BU RTAGS SU 'GOD NA RTAGS CHOS THA DAD MED PAR 'GYUR LA, NOR BU'I 'OD RTAGS SU 'GOD NA PHYOGS CHOS MA GRUB PAR 'GYUR BA'I PHYIR TE, GZHI DER NOR BU'I 'OD TSAD MAS MA GRUB PA'I PHYIR TE, NOR BU'I 'OD MTHONG BA'I MNGON SUM DE GZHI DER NOR BU'I 'OD LA TSAD MA MA YIN, DE LAS GZHAN GZHI DER NOR BU'I 'OD SGRUB BYED KYI TSAD MA MED PA'I PHYIR, RTAGS DANG PO GRUB STE, NOR BU'I 'OD MTHONG BA'I MNGON SUM DE, SGRO 'DOGS DNGOS SU SKYE BYED YIN PA'I PHYIR TE, NOR BU'I 'OD NOR BUR 'DZIN PA'I BLO DNGOS SU SKYE BYED YIN PA'I PHYIR RO, ,GNYIS PA NI, 'DIR BSTAN NOR BU'I 'OD LA NOR BUR 'DZIN PA'I BLO DE NOR BU LA TSAD MA MIN TE, SGO GSEB KYI NOR BU LA YANG TSAD MA MA YIN, KHANG PHUGS KYI NOR BU LA YANG TSAD MA MA YIN, NOR BU TZAM LA YANG TSAD MA MA YIN PA'I PHYIR, RTAGS DANG PO GRUB STE, SGO GSEB TU NOR BU MA THOB PA'I PHYIR, RTAGS GNYIS PA GRUB STE, KHANG PHUGS SU NOR BU MA BZUNG BA'I PHYIR, RTAGS GSUM PA GRUB STE, YUL DUS GANG GIS KYANG KHYAD PAR DU MA BYAS PA'I NOR BU TZAM MA BZUNG BA'I PHYIR, DES NA 'DIR BSTAN NOR BU'I 'OD LA NOR BUR 'DZIN PA'I BLO CHOS CAN, NOR BU LA TSAD MA MA YIN TE, NOR BU BZUNG SAR MA THOB, THOB SAR MA BZUNG BA'I PHYIR RO, ,GSUM PA NI, DE LTA BU'I BLO DE RJES DPAG SNANG YUL LA 'KHRUL SHES YIN YANG MI BSLU BA'I DPER MI 'THAD PAR THAL, DE LTA BU'I BLO DE RJES DPAG GANG ZHIG ,SKABS 'DIR DGAG DGOS KYI ? GANG ZAG DES RJES DPAG THAMS CAD LA SKUR BA BTAB PA'I PHYIR, GNYIS PA RANG LUGS NI, 'DIR BSTAN NOR BU'I 'OD LA NOR BUR 'DZIN PA'I BLO NI, KHANG PHUGS NA NOR BU YOD PA'I 'OD SGO GSEB TU MTHONG BA LAS SGO GSEB TU NOR BU YOD PAR 'DZIN PA'I RTOG PA YIN LA, DE RJES DPAG @24B 'KHRUL SHES YIN YANG TSAD MA YIN PA'I DPER BKOD PA MIN GYI 'KHRUL SHES YIN YANG MI BSLU BA'I DPER BKOD PA YIN NO, ,GAL TE RJES DPAG 'KHRUL SHES YIN YANG TSAD MA YIN PA'I DPER BKOD PA YIN TE, DON GYI SKABS SU, TSAD MA NYID DU RNAM PAR BZHAG ,CES GSUNGS PA'I PHYIR ZHE NA, 'O NA RJES DPAG LOG SHES YIN YANG TSAD MA YIN PA'I DPER BKOD PAR THAL, DPE'I SKABS SU, LOG PA'I SHES PAR KHYAD MED KYANG, ,ZHES GSUNGS PA'I PHYIR, GSUM PA NI, SNGO SNANG DBANG SHES CHOS CAN, SNGON PO LA TSAD MA MA YIN PAR THAL, SNGON PO'I SKAD CIG MA BZUNG YANG, DE MA THOB PAR SNGON PO TZAM THOB PA'I PHYIR ZHE NA, MI MTSUNGS TE, 'DIR BSTAN NOR BU'I 'OD LA NOR BUR 'DZIN PA'I BLOS SGO GSEB KYI NOR BU DANG KHANG PHUGS KYI NOR BUR MA ZAD NOR BU TZAM YANG BCAD THOB GNYIS KA'I YUL DU MA BYAS LA, SNGO SNANG DBANG SHES KYIS SNGON PO TZAM BCAD THOB GNYIS KA'I YUL DU BYAS PA'I PHYIR, DES NA SNGO SNANG DBANG SHES CHOS CAN, SNGON PO'I CHA THAMS CAD LA TSAD MA MIN YANG SNGON PO TZAM LA TSAD MA YIN TE, SNGON PO'I CHA THAMS CAD LA TSAD MA MIN YANG SNGON PO TZAM GZUNG YUL DU BYAS NAS DE LA GSAR DU MI BSLU BA'I SHES PA YIN PA'I PHYIR, DE SKAD DU'ANG CHOS MCHOG GIS, NGES PAR YUL DU BYAS PA'I DNGOS PO'I CHA THAMS CAD MA THOB PA DE LTA'ANG MTHONG BA LAS GZHAN THOB PA MIN NO, ,ZHES GSUNGS SO, ,'O NA SNGO SNANG DBANG SHES CHOS CAN, SNGON PO LA TSAD MA MA YIN PAR THAL, KHYOD KYIS RAGS PA'I SNGON PO KHO NA MTHONG BA GANG ZHIG ,KHYOD TSAD MAR SONG BA'I SNGON PO DE SNGON PO'I RDUL PHRAN DANG BCAS PA'I PHYIR ZHE NA, RTAGS DANG PO MA GRUB STE, SNGON PO'I RDUL PHRAN YANG MTHONG BA'I PHYIR TE, SNGO RDUL GYIS BRTZAMS BA'I SNGON PO SGRUB PA'I SGO NAS MTHONG BA'I PHYIR, KHYAB STE, BKOD PA CAN NI MA BZUNG BAR, ,BKOD PA 'DZIN PA MI RUNG PHYIR, ,ZHES @25A *, ,GSUNGS PA'I PHYIR RO, ,GSUM PA NI, KHA CIG ,MTSAN PHYED LA NYIN PHYED DU 'KHRUL NAS NYIN PHYED LA BU BYUNG BAR RMIS PA'I SHES PA DE NYIN PHYED KYI BU LA TSAD MA YIN ZHES ZER BA MI 'THAD DE, DE LA DNGOS RTOGS TSAD MA DANG SHUGS RTOGS TSAD MA GANG YANG MA YIN PA'I PHYIR RO, ,DES NA RTOG MED KYI SHES PA RNAMS RANG YUL GYI CHA GCIG LA 'KHRUL NA BDAG NYID THAMS CAD LA 'KHRUL BA DANG, CHA GCIG LA MA 'KHRUL NA BDAG NYID THAMS CAD LA MA 'KHRUL BA YIN TE, RTOG MED KYI SHES PA RNAMS RANG YUL LA CHA SHES SU MA PHYE BAR SGRUB PA'I SGO NAS 'JUG PA'I PHYIR, DE SKAD DU'ANG, DON GYI RANG GI NGO BO GCIG ,BDAG NYID MNGON SUM YIN PA LA, ,TSAD MA RNAMS KYIS BRTAG BYA GANG, ,MA MTHONG CHA GZHAN CI ZHIG YOD, ,CES DANG, DE PHYIR DNGOS PO MTHONG BA YIS, ,YON TAN MTHA' DAG MTHONG BA NYID, ,CES GSUNGS SO, ,GNYIS PA NI; KHA CIG ,DUNG GI KHA DOG MTHONG BA'I MIG SHES DE DUNG GI REG BYA 'JAM PO LA TSAD MA YIN TE, DES DE LA NGES SHES 'DREN PA'I PHYIR ZHES ZER, DUNG GI KHA DOG 'DZIN PA'I MIG SHES CHOS CAN, DUNG GI REG BYA 'JAM PO LA TSAD MA MA YIN PAR THAL, DE LA DNGOS RTOGS TSAD MA DANG SHUGS RTOGS TSAD MA GANG YANG MA YIN PA'I PHYIR, RTAGS DANG PO MA GRUB NA, CHOS CAN, KHYOD LA DUNG GI REG BYA 'JAM PO GSAL BAR SNANG BAR THAL, KHYOD MNGON SUM TSAD MA GANG ZHIG ,KHYOD DUNG GI REG BYA 'JAM PO LA DNGOS RTOGS TSAD MA YIN PA'I PHYIR, 'DOD NA, DUNG GI REG BYA 'JAM PO 'JAL BA'I LUS SHES MNGON SUM DON MED DU 'GYUR RO, ,DE LA SHUGS RTOGS TSAD MA'ANG MIN TE, DE LA SGRO 'DOGS DANG MI 'GAL BAR 'JUG PA'I PHYIR RO, ,GZHAN YANG DU LDAN LA LA DU BA MTHONG BA'I MNGON SUM CHOS CAN, LA ME'I TSOGS DON LA TSAD MA YIN PAR THAL, @25B LA ME'I TSOGS DON LA NGES SHES 'DREN PA'I PHYIR, RTAGS MA GRUB STE, DU LDAN GYI LA LA DU BA MTHONG BA LA BRTEN NAS DU LDAN GYI LA LA ME YOD PAR NGES PA'I SHES PA DE GLO BUR BA'I RTAGS LA BRTEN PA'I RJES DPAG YIN NO ZHE NA, DE NI CIG SHOS LA'ANG MTSUNGS SO, ,RTZA BAR 'DOD NA, DU LDAN GYI LA LA ME YOD PAR SGRUB PA'I RTAGS DANG RJES DPAG DON MED DU 'GYUR RO, ,GNYIS PA MNGON SUM GYI DBYE BA LA GSUM, DBYE BA DNGOS, GRANGS NGES, PHYE BA SO SO'I DON NO, ,DANG PO NI, MNGON SUM NI GZUNG YUL LA MA 'KHRUL BA'I SHES PA YIN PAS DE LA BZHI STE, DBANG PO'I MNGON SUM DANG, YID KYI MNGON SUM DANG, RANG RIG MNGON SUM DANG, RNAL 'BYOR MNGON SUM MO, ,GNYIS PA NI, MNGON SUM LA BZHIR GRANGS NGES PA YIN TE, GZUNG YUL LA MA 'KHRUL BA'I SHES PA LA, RANG GI RDZAS GZUNG YUL DU BYED PA DANG RANG LAS RDZAS GZHAN GZUNG YUL DU BYED PA GNYIS SU NGES LA, RANG LAS RDZAS GZHAN GZUNG YUL DU BYED PA LA'ANG, DBANG PO GZUGS CAN LA BRTEN PA DANG YID DBANG LA BRTEN PA GNYIS SU NGES SHING, PHYI MA LA YANG, YID TZAM LA BRTEN PA DANG YANG DAG PA'I DON BSGOMS PA'I STOBS LAS BYUNG BA'I YID KHYAD PAR CAN LA BRTEN PA GNYIS SU NGES PA'I PHYIR RO,, KHA CIG NA RE, MNGON SUM LA BZHIR GRANGS NGES PA MIN TE, MNGON SUM LA BZHI PO DE LAS MANG BA YOD PA'ANG MI KHEGS, NYUNG BA'ANG MI KHEGS PA'I PHYIR, DANG PO GRUB STE, GZHAN SEMS SHES PA'I MNGON SHES DE MNGON SUM YIN PA GANG ZHIG ,BZHI PO DE GANG YANG MA YIN PA'I PHYIR TE, BDAG RKYEN DBANG PO GZUGS CAN PA LA BRTEN PA MA YIN PA'I PHYIR DANG, DBANG PO'I MNGON SUM GYI DE MA THAG RKYEN BYAS PA LAS BYUNG BA MA YIN PA'I PHYIR DANG, KHA PHYIR BLTAS KYI SHES PA YIN PA'I PHYIR DANG, TSUR MTHONG GI RGYUD LA'ANG YOD PA'I PHYIR RO, ,GRANGS NYUNG BA'ANG MI KHEGS TE, YID KYI MNGON SUM @26A *, ,SGRUB BYED KYI TSAD MA MED PA'I PHYIR TE, YID MNGON SHIN TU LKOG GYUR YIN PA'I PHYIR, DES NA LOG RTOG BSAL BA'I PHYIR DU BZHIR GRANGS NGES ZHES BSHAD PA YIN TE, BYE BRAG SMRA BA MIG GI DBANG PO DON LA LTA BA'I TSAD MAR 'DOD PA'I LOG RTOG BSAL BA'I PHYIR DU DBANG PO'I MNGON SUM DANG, MU STEGS RNA BA MA PHUG PA YID MNGON MED PAR 'DOD PA'I LOG RTOG BSAL BA'I PHYIR DU YID KYI MNGON SUM DANG, BYE BRAG PA SOGS RANG RIG MED PAR 'DOD PA'I LOG RTOG BSAL BA'I PHYIR DU RANG RIG MNGON SUM DANG, RGYANG 'PHEN PAS RNAL 'BYOR MNGON SUM MED PAR 'DOD PA'I LOG RTOG BSAL BA'I PHYIR DU RNAL 'BYOR MNGON SUM BSTAN PA'I PHYIR RO ZHES ZER, GZHAN SEMS SHES PA'I MNGON SHES DE MNGON SUM BZHI PO GANG YANG MA YIN PA'I SKYON MED DE, DE YID KYI MNGON SUM YIN PAR GRUB PA'I PHYIR RO, ,MU STEGS RNA BA MA PHUG PAS YID MNGON MED PAR 'DOD PA'I LOG RTOG BSAL BA'I PHYIR DU YID MNGON BSTAN PA DON MED PAR THAL, YID MNGON SGRUB BYED KYI TSAD MA MED PA'I PHYIR, 'O NA MNGON SUM LA BZHIR DBYE BA 'DI MDO SDE PA KHO NA'I LUGS YIN NAM, SEMS TZAM PA SOGS DANG THUN MONG BA YIN ZHE NA, 'DI LA KHA CIG ,BYE BRAG SMRA GSUM RNAM RIG GNYIS, ,MNGON SUM BZHI PO MDO SDE'I LUGS, ,ZHES PA'I DON DU BSAMS NAS, MNGON SUM BZHIR PHYE BA MDO SDE PA KHO NA'I THUN MONG MA YIN PA'I LUGS YIN GYI SEMS TZAM PA DANG THUN MONG BA MA YIN TE, SEMS TZAM PAS DBANG MNGON DANG YID MNGON MI 'DOD PA'I PHYIR TE, SO SKYE'I KHA PHYIR BLTAS KYI SHES PA THAMS CAD 'KHRUL SHES YIN PA'I PHYIR ZHES ZER YANG, GZUNG YUL LA MA 'KHRUL BA'I SHES PA LA BZHIR PHYE BA MDO SDE PA KHO NA'I LUGS YIN YANG, SEMS TZAM PAS KYANG MNGON SUM LA BZHIR 'DOD PA YIN @26B TE; SEMS TZAM PA'I LUGS LA 'KHRUL SHES DANG MNGON SUM MI 'GAL BA'I PHYIR TE, DE'I LUGS LA BAG CHAGS BRTAN BYUNG GI DBANG SHES RNAMS 'KHRUL SHES DANG MNGON SUM DU 'DOD PA'I PHYIR RO, ,'O NA MNGON SUM BZHI PO 'DI'I GO RIM JI LTAR NGES SHE NA, NGES TE RNAL 'BYOR MNGON SUM 'PHAGS PA KHO NA'I RGYUD LA YOD PAS MJUG TU BSTAN, GZHAN GSUM PO SKYE 'PHAGS GNYIS KA'I RGYUD LA YOD PAS DANG POR BSTAN, DE'I NANG NAS KYANG GZHAN GNYIS NYAMS SU MYONG BYA YIN PAS DANG POR BSTAN, RANG RIG DE GNYIS KA NYAMS SU MYONG BYED YIN PAS DE'I MJUG TU BSTAN, DE'I NANG NAS KYANG DBANG MNGON RGYU YIN PAS DANG POR BSTAN LA, YID MNGON ? 'BRAS BU YIN PAS DE'I 'JUG TU BSTAN PA'I PHYIR RO, ,GSUM PA LA BZHI, DBANG PO'I MNGON SUM DANG, YID KYI MNGON SUM DANG, RANG RIG MNGON SUM DANG, RNAL 'BYOR MNGON SUM MO, ,DANG PO LA GSUM, MTSAN NYID DANG, MTSAN GZHI'I DBYE BA DANG, MTSAN GZHI'I STENG DU MTSAN NYID NGES BYED DO, ,DANG PO NI, DBANG SHES KYI MTSAN NYID, RANG GI BDAG RKYEN DBANG PO GZUGS CAN LAS DNGOS SU SKYES PA'I KHA PHYIR BLTAS KYI SHES PA, DBANG PO'I MNGON SUM GYI MTSAN NYID, RANG GI BDAG RKYEN DBANG PO GZUGS CAN LAS DNGOS SU SKYES PA'I GZHAN RIG GI SHES PA GANG ZHIG ,RTOG BRAL MA 'KHRUL BA, DBANG PO'I MNGON SUM TSAD MA'I MTSAN NYID, RANG GI BDAG RKYEN DBANG PO GZUGS CAN LAS DNGOS SU SKYES PA'I GSAR DU MI BSLU BA'I SHES PA GANG ZHIG ,RTOG BRAL MA 'KHRUL BA'O, ,GNYIS PA NI, GZUGS 'DZIN DBANG PO'I MNGON SUM LA SOGS PA LNGA'O, ,GSUM PA LA GSUM, RTOG BRAL DU BSGRUB PA DANG, MA 'KHRUL BAR BSGRUB PA DANG, DBANG PO GZUGS CAN SOGS LA BRTEN PAR BSGRUB PA'O, ,DANG PO NI, MNGON SUM RTOG BRAL DE MNGON GYUR YIN NAM, LKOG GYUR YIN, DANG PO LTAR NA @27A *, ,MNGON SUM RTOG BRAL DU RTAGS KYIS SGRUB PA DANG 'GAL LA, GNYIS PA LTAR NA, MNGON SUM RTOG DANG BRAL BAR NI, ,MNGON SUM NYID KYIS 'GRUB PAR 'GYUR, ,ZHES GSUNGS PA DANG 'GAL BAR 'GYUR RO ZHE NA, 'DI'I LAN LA, KHA CIG ,MNGON SUM RTOG BRAL GYI DON MNGON SUM GYIS GRUB LA, THA SNYAD RTAGS KYIS SGRUB DGOS PAS SKYON MED DO ZHES SMRA BA MI 'THAD DE, DE'I DON RTAGS KYIS SGRUB DGOS PO DANG THA SNYAD MNGON SUM GYIS GRUB PA'ANG YOD PA'I PHYIR RO, ,KHA CIG ,RTOG PA DANG DBANG SHES YUL LA CIG CAR DU 'JUG PA'I TSE MNGON SUM RTOG BRAL DU RTAGS KYIS SGRUB DGOS LA, DBANG SHES KHO NA YUL LA 'JUG PA'I TSE MNGON SUM RTOG BRAL DU MNGON SUM GYIS GRUB PAS SKYON MED CES ZER BA'ANG MI 'THAD DE, RTOG PA DANG DBANG SHES GNYIS KA YUL LA CIG CAR DU 'JUG PA'I TSE DE RTOG BRAL DU MNGON SUM GYIS GRUB PA DANG, DBANG SHES KHO NA YUL LA 'JUG PA'I TSE DE RTAGS KYIS SGRUB DGOS PA'ANG YOD PA'I PHYIR RO, ,RANG LAN NI, GRUB MTHAS RGYUD MA BSLAD PA'I MKHAS PAS RANG YUL GSAL BAR SNANG BA'I STOBS KYIS MNGON SUM RTOG BRAL DU MNGON SUM NYID KYIS GRUB LA, GRUB MTHAS RGYUD BSLAD PA'I RIGS PA CAN PA LTA BU LA MNGON SUM RTOG BRAL DU RTAGS KYIS SGRUB DGOS LA, DE LA'ANG DON SGRUB KYI RTAGS DANG THA SNYAD SGRUB KYI RTAGS GNYIS KA YOD PA YIN NO, ,DES NA GZUGS 'DZIN DBANG SHES LTA BU CHOS CAN, RTOG BRAL YIN TE, RANG YUL GSAL BAR SNANG BA'I SHES PA YIN PA'I PHYIR, KHYAB STE, RTOG PA YIN NA RANG YUL MI GSAL BAR SNANG BA YIN DGOS PA'I PHYIR RO, ,'O NA RIGS PA CAN PAS MNGON SUM DE TSAD MAS GRUB BAM MA GRUB, DANG PO LTAR NA RIGS PA CAN PA CHOS CAN, RTOG BRAL MA 'KHRUL BA'I SHES PA DE TSAD MAS GRUB PAR THAL, @27B MNGON SUM TSAD MAS GRUB PA'I PHYIR, KHYAB STE, RTOG BRAL MA 'KHRUL BA'I SHES PA DE MNGON SUM GYI MTSAN NYID YIN PA'I PHYIR, 'DOD NA, DE CHOS CAN, KHYOD KYI NGOR RTOG BRAL MA 'KHRUL BA'I SHES PA RTAGS KYIS SGRUB MI DGOS PAR THAL LO, ,GNYIS PA LTAR NA, CHOS CAN, KHYOD KYI NGOR MNGON SUM DE RTOG BRAL DU RTAGS KYIS SGRUB MI DGOS PAR THAL, KHYOD KYIS MNGON SUM DE TSAD MAS MA GRUB PA'I PHYIR RO, ,ZHE NA SKYON MED DE, RIGS PA CAN PA'I NGOR RTOG BRAL DU SGRUB PA'I RTZOD GZHI MNGON SUM DE, RTOG BRAL MA 'KHRUL BA'I SHES PA'I MTSON BYA MIN GYI DON MNGON DU BYED PAS MNGON SUM STE GZUGS 'DZIN DBANG SHES LTA BU YIN LA, GZUGS 'DZIN DBANG SHES GRUB ZIN PA DANG DE RTOG BRAL DU RTAGS KYIS SGRUB DGOS PA LA 'GAL BA MED PA'I PHYIR RO, ,DE LA DGONGS NAS SLOB DPON CHOS MCHOG GIS, MTSON BYA RJES BRJOD KYI SGRA DANG MTSAN NYID SGRUB PA'I SGRA ZHES GSUNGS SO, ,'O NA GZUGS 'DZIN DBANG SHES CHOS CAN, RTOG PAR THAL, SPYI 'DZIN PA'I BLO YIN PA'I PHYIR TE, TSOGS PA LA DMIGS PA'I BLO YIN PA'I PHYIR TE, BSAGS PA LA DMIGS PA'I BLO YIN PA'I PHYIR TE, MDO LAS, RNAM PAR SHES PA'I TSOGS LNGA NI BSAGS PA LA DMIGS PA CAN YIN NO ZHES GSUNGS PA'I PHYIR ZHE NA, DE LTAR GSUNGS PAS BSAGS PA LA DMIGS MI DGOS PAR THAL, DBANG SHES SKYED NUS KYI RDUL DU MA LA DMIGS PA LA BSAGS PA LA DMIGS PA ZHES BRJOD PA TZAM YIN PA'I PHYIR, DES NA DBANG SHES KYIS SPYI DANG TSOGS PA DANG BSAGS PA LA DMIGS PA MA YIN TE, DE GSUM GA DNGOS PO MIN PA'I PHYIR, KHA CIG ,TSOGS PA DNGOS PO MA YIN BSAGS PA DNGOS PO YIN ZHES GSUNG NGO, ,GNYIS PA NI, GZUGS 'DZIN DBANG SHES CHOS CAN, MA 'KHRUL BA'I SHES PA YIN TE, RANG LA @28A *, ,SNANG BA DE SNANG BA LTAR GRUB PA'I SHES PA YIN PA'I PHYIR TE, GZUNG DON GYIS RANG 'DRA'I RNAM PA GTAD PA'I SHES PA YIN PA'I PHYIR RO, ,KHA CIG ,GZUGS 'DZIN DBANG SHES DE SNANG YUL LAM 'KHRUL BA'I SHES PAR KHAS BLANGS NAS, GZUGS 'DZIN DBANG SHES LA GZUGS SU SNANG BA DE GZUGS 'DZIN DBANG SHES LA GZUGS SU SNANG BA YIN ZHING, GZUGS 'DZIN DBANG SHES LA GZUGS SU SNANG BA DE GZUGS 'DZIN DBANG SHES KYI GZUNG RNAM YIN ZHES ZER, GZUGS 'DZIN DBANG SHES LA GZUGS SU SNANG BA DE CHOS CAN, GZUGS YIN PAR THAL, KHYOD GZUGS 'DZIN DBANG SHES LA GZUGS SU SNANG BA GANG ZHIG ,GZUGS 'DZIN DBANG SHES DE SNANG YUL LA MA 'KHRUL BA'I SHES PA YIN PA'I PHYIR, RTAGS GNYIS KHAS BLANGS, 'DOD NA, BEM POR THAL LO, ,'DOD NA, GZUGS 'DZIN DBANG SHES DANG RDZAS THA DAD DU THAL LO, ,'DOD NA, GZUGS 'DZIN DBANG SHES KYI GZUNG RNAM YIN PA 'BUD, 'O NA, DE CHOS CAN, RTZA BA'I THAL BA DER THAL, DE'I PHYIR, 'DOD NA, DE MA YIN PAR THAL, BEM PO MA YIN PA'I PHYIR TE, GZUGS 'DZIN DBANG SHES DANG RDZAS THA DAD MA YIN PA'I PHYIR TE, GZUGS 'DZIN DBANG SHES KYI GZUNG RNAM YIN PA'I PHYIR, RTAGS MA GRUB NA, GZUGS 'DZIN DBANG SHES KYI GZUNG RNAM MED PAR THAL LO ZHE NA, PHYI MA LA KHYAB PA MED DE, DE GZUGS 'DZIN DBANG SHES KYI GZUNG RNAM MA YIN YANG, GZUGS 'DZIN DBANG SHES LA GZUGS GSAL BAR SNANG BA DE DE'I GZUNG RNAM YIN PA'I PHYIR, 'O NA GZUGS 'DZIN DBANG SHES LA GZUGS GSAL BAR SNANG BA CHOS CAN, GZUGS YIN PAR THAL, GZUGS 'DZIN DBANG SHES LA GZUGS SU SNANG BA GANG ZHIG ,GZUGS 'DZIN DBANG SHES DE SNANG YUL LA MA 'KHRUL BA'I SHES PA @28B YIN PA'I PHYIR ZHE NA, RTAGS DANG PO MA GRUB BO, ,YANG KHA CIG NA RE, GZUGS 'DZIN DBANG SHES CHOS CAN, GZUGS KYI CHA DANG CHA CAN RDZAS THA DAD YIN PAR THAL, KHYOD MA 'KHRUL BA'I SHES PA GANG ZHIG ,KHYOD LA GZUGS KYI CHA DANG CHA CAN THA DAD DU SNANG BA'I PHYIR TE, KHYOD LA GZUGS CHA BCAS SU SNANG BA'I PHYIR TE, KHYOD LA GZUGS RAGS PAR SNANG BA'I PHYIR ZHE NA, 'DI LA MDO SDE PA NA RE, DBANG SHES LA GZUGS RAGS PAR SNANG NA BDEN YANG DBANG SHES LA GZUGS RAGS PAR SNANG BA MIN PAS SKYON MED DO ZHES LAN 'DEBS LA, 'O NA RAGS PAR SNANG BA DANG 'GAL LO ZHE NA, DE NI RTOG PA LA SNANG BA YIN GYI DBANG SHES LA SNANG BA MIN NO ZHES ZER, DE LA SEMS TZAM PA NA RE, DE NI MI 'THAD DE, RAGS PA GSAL BAR SNANG BA'I PHYIR DANG, RTOG PA LA YUL GSAL BAR MI SNANG BA'I PHYIR, GZUGS 'DZIN DBANG SHES LA GZUGS RAGS PAR SNANG YANG GZUGS KYI CHA DANG CHA CAN RDZAS THA DAD DU MI 'GYUR TE, GZUGS 'DZIN DBANG SHES 'KHRUL SHES YIN PA'I PHYIR TE, GZUGS PHYI DON MA YIN PA LA DER SNANG BA'I SHES PA YIN PA'I PHYIR ZHES ZER, KHA CIG ,SEMS TZAM PA'I LUGS LA, GZUGS 'DZIN DBANG SHES LA GZUGS PHYI ROL DON DU MI SNANG STE, GAL TE SNANG NA MI GSAL BAR SNANG NGAM, GSAL BAR SNANG, DANG PO LTAR NA, GZUGS 'DZIN DBANG SHES CHOS CAN, RTOG PA YIN PAR THAL, RANG YUL MI GSAL BAR SNANG BA'I SHES PA YIN PA'I PHYIR, GNYIS PA LTAR NA, DE CHOS CAN, MED PA GSAL SNANG CAN GYI SHES PA YIN PAR THAL, GZUGS PHYI DON MA YIN PA GANG ZHIG ,GZUGS PHYI DON DU GSAL BAR SNANG BA'I SHES PA YIN PA'I PHYIR, 'DOD NA, 'KHRUL RGYU BZHI PO GANG RUNG GIS BSLAD PA'I SHES PA YIN PAR THAL LO, ,'DOD NA, MNGON SUM MA YIN PAR THAL, 'DOD PA'I PHYIR, 'ON TE GZUGS @29A *, ,'DZIN DBANG SHES MED PA GSAL SNANG CAN GYI BLO YIN YANG MNGON SUM MA YIN PAR MI 'GYUR TE, GZUGS 'DZIN DBANG SHES LA SNANG BA'I GZUGS DES DON BYED NUS PA'I PHYIR ZHES ZER NA, ZLA BA GNYIS SNANG GI DBANG SHES DE YANG MNGON SUM DU THAL, ZLA BA GNYIS SNANG GI DBANG SHES LA ZLA GNYIS SU SNANG BA DES DON BYED NUS PA'I PHYIR, DES NA MDO SDE PA'I LUGS LA, DBANG SHES LA GZUGS PHYI ROL DON DU SNANG LA, SEMS TZAM PA'I LUGS LA DE LTAR SNANG BA MIN NO ZHES GSUNG, DE NI MI 'THAD DE, SEMS TZAM PA'I LUGS LA GZUGS 'DZIN DBANG SHES DANG ZLA BA GNYIS SNANG GI DBANG SHES GNYIS MED PA GSAL SNANG CAN GYI BLOR MTSUNGS KYANG MNGON SUM YIN MIN GYI KHYAD PAR YOD DE, GZUGS 'DZIN DBANG SHES DE BAG CHAGS BRTAN BYUNG GI DBANG SHES YIN LA, ZLA BA GNYIS SNANG GI DBANG SHES NI 'KHRUL RGYU GLO BUR BAS BSLAD PA'I SHES PA YIN PA'I PHYIR, GZHAN YANG SEMS TZAM PA'I LUGS LA, DBANG SHES LA PHYI DON MI SNANG NA, RNAM PA RJES ZHUGS CAN DE YOD, ,CES DANG, MTHONG BA PHYIN CI LOG RNAMS KYIS, ,GZUNG BA 'DZIN PA MYONG BA DAG ,THA DAD LDAN BZHIN RTOGS PAR 'GYUR, ,ZHES DANG, MA RIG GIS BSLAD BDAG NYID LA, ,JI LTA'I RANG RKYEN LA LTOS NAS, ,RNAM RIG DE BZHIN MIN RNAM PA, ,SKYE 'GYUR RAB RIB LA SOGS BZHIN, ,ZHES GSUNGS PA DANG 'GAL LO, ,GSUM PA LA GNYIS, MDO SDE PA'I LUGS DANG, SEMS TZAM PA'I LUGS SO, ,DANG PO LA GSUM, BDAG RKYEN LA BRTEN PAR BSGRUB, DMIGS RKYEN LA BRTEN PAR BSGRUB, DE MA THAG RKYEN LA BRTEN PAR BSGRUB PA'O, ,DANG PO NI, GZUGS 'DZIN DBANG SHES KYI STENG NA, MYONG TZAM DANG YUL GYI RNAM LDAN DU SKYES PA DANG, YUL 'DZIN NUS SU SKYES PA'I CHA GSUM YOD PA LAS, MYONG TZAM @29B DE DE MA THAG RKYEN GYI LAG RJES YIN YANG, DE TZAM GYI SGO NAS GZUGS 'DZIN DBANG SHES THUN MONG MA YIN PAR MTSON MI NUS TE, SHES PA THAMS CAD KYI STENG NA MYONG TZAM RE YOD PA'I PHYIR, YUL GYI RNAM LDAN DU SKYES PA DE DMIGS RKYEN GYI LAG RJES YIN YANG, DE TZAM GYI SGO NAS KYANG GZUGS 'DZIN DBANG SHES THUN MONG MA YIN PAR MTSON MI NUS TE, YUL GYI RNAM LDAN DU SKYES PA YID SHES LA'ANG YOD PA'I PHYIR, DES NA MIG GI DBANG PO'I SGO NAS MIG SHES THUN MONG MA YIN PAR MTSON NUS TE, MIG GI DBANG PO DE MIG SHES KYI THUN MONG MA YIN PA'I RGYU YIN PA'I PHYIR, 'O NA MIG DBANG LA BRTEN PAR GANG GIS 'GRUB CE NA, GZUGS 'DZIN DBANG SHES CHOS CAN, DMIGS RKYEN DANG DE MA THAG RKYEN LAS GZHAN PA'I RGYU ZHIG YOD DE, DE GNYIS YOD KYANG MI SKYE BA SRID, RES 'GA' SKYE BA SRID PA'I PHYIR, ,ZHES PA'I RTAGS LA BRTEN NAS 'GRUB BO, ,'O NA MIG DBANG GI NGO BO GANG ZHE NA, 'BYUNG BA LAS GYUR PA GANG ZHIG ,MIG SHES KYI BDAG RKYEN GYI RIGS SU GYUR PA'I GZUGS CAN DANG BA ZHIG GO, GNYIS PA NI, BYE BRAG TU SMRA BA NA RE, GZUGS DE GZUGS 'DZIN DBANG SHES KYI DMIGS RKYEN YIN ZHING DE DANG DUS MNYAM YIN NO ZHES ZER, 'O NA GZUGS CHOS CAN, KHYOD KYIS GZUGS 'DZIN DBANG SHES SKYED MI DGOS PAR THAL, GZUGS 'DZIN DBANG SHES DE KHYOD KYI DUS NA GRUB ZIN PA'I PHYIR, 'DOD NA, DMIGS RKYEN YIN PAR 'GAL, KHO NA RE, GZUGS 'DZIN DBANG SHES CHOS CAN, KHYOD KYIS GZUGS MI 'DZIN PAR THAL, KHYOD KYI DUS NA GZUGS MA GRUB PA'I PHYIR ZHE NA, SKYON MED DE, DE'I DUS NA GZUGS MA GRUB KYANG, GZUGS KYI RNAM PA SHAR BA GRUB LA, GZUGS KYI RNAM PA SHAR BA'I SGO NAS GZUGS 'DZIN PAR 'JOG NUS PA'I PHYIR, KHA CIG ,DMIGS RKYEN DANG GZUNG DON DON GCIG TU BYAS NA, @30A *, ,DBANG SHES KYI DMIGS RKYEN GYI MTSAN NYID, DBANG SHES LA RANG 'DRA'I RNAM PA DNGOS SU GTONG BYED YIN PA ZHES ZER, ZLA GCIG CHOS CAN, ZLA BA GNYIS SNANG GI DBANG SHES LA RANG 'DRA'I RNAM PA DNGOS SU GTONG BYED YIN PAR THAL, DE'I DMIGS RKYEN YIN PA'I PHYIR TE; DE YUL GYI RNAM LDAN DU GTZO BOR DNGOS SU SKYE BYED YIN PA'I PHYIR, KHA CIG ,BLO DE'I GZUNG DON DANG GZUNG YUL DON GCIG TU BYAS NAS, BLO DE'I GZUNG YUL YIN NA BLO DE'I RGYU YIN DGOS TE, RGYU YI DNGOS PO MA GTOGS PA, ,GZUNG BA ZHES BYA GZHAN CI'ANG MED, ,CES DANG, RGYU MIN YUL YANG JI LTAR YIN, ,ZHES GSUNGS PA'I PHYIR ZHE NA, DBANG SHES CHOS CAN, RANG NYAMS SU MYONG BA'I RANG RIG MNGON SUM GYI GZUNG DON YIN PAR THAL, DE'I GZUNG YUL YIN PA'I PHYIR TE, DE'I SNANG YUL YIN PA'I PHYIR TE, DES SNANG BA TZAM GYI SGO NAS RIG BYA YIN PA'I PHYIR, GZHAN YANG, BUM 'DZIN RTOG PA LA BUM PAR SNANG BA CHOS CAN, BUM 'DZIN RTOG PA'I RGYU YIN PAR THAL, DE'I GZUNG YUL YIN PA'I PHYIR TE, DE'I SNANG YUL YIN PA'I PHYIR RO, ,KHA CIG DBANG SHES MA 'KHRUL BA'I GZUNG YUL DANG GZUNG DON DON MI GCIG STE, DBANG SHES MA 'KHRUL BA'I GZUNG RNAM DE DBANG SHES MA 'KHRUL BA'I GZUNG YUL YIN PA'I PHYIR ZHES GSUNG NGO, ,GZUGS 'DZIN DBANG SHES MA 'KHRUL BA CHOS CAN, KHYOD KYI GZUNG RNAM DE KHYOD KYI GZUNG YUL MA YIN PAR THAL, KHYOD GZUGS KYI SKYE MCHED KYI YUL CAN DU NGES PA'I PHYIR, DE SKAD DU'ANG, DBANG PO'I SEMS NI NGES PHYIR DANG, ,ZHES GSUNGS SO, ,RANG LUGS NI, DBANG SHES KYI DMIGS RKYEN GYI MTSAN NYID, DBANG SHES YUL GYI RNAM LDAN DU GTZO BOR DNGOS SU SKYE BYED, DBANG SHES KYI GZUNG DON GYI MTSAN NYID, DBANG SHES RANG 'DRA'I RNAM LDAN DU GTZO BOR DNGOS SU SKYE BYED, DE YANG GZUGS KYIS @30B GZUGS 'DZIN DBANG SHES GZUGS KYI RNAM LDAN DU GTZO BOR DNGOS SU BSKYED PA YIN GYI, GZUGS 'DZIN DBANG SHES GZUGS KYI RNAM LDAN DU SKYES PA'I CHA DE GZUGS KHO NAS DNGOS SU BSKYED PA NI MIN TE, MIG GI DBANG POS KYANG DE DNGOS SU BSKYED PA'I PHYIR, MA GRUB NA, MIG GI DBANG PO CHOS CAN; GZUGS 'DZIN DBANG SHES GZUGS KYI RNAM LDAN DU SKYES PA'I CHA DE DNGOS SU BSKYED PAR THAL, DE DANG GZUGS 'DZIN DBANG SHES GRUB BDE RDZAS GCIG YIN PA GANG ZHIG ,GZUGS 'DZIN DBANG SHES DNGOS SU BSKYED PA'I PHYIR RO, ,GSUM PA NI, GZUGS 'DZIN DBANG SHES KYI SNGA LOGS SU BYUNG BA'I GZUGS YID LA BYED PA DE MTSAN GZHI, GZUGS 'DZIN DBANG SHES KYI MTSUNGS PA DE MA THAG RKYEN DU MTSON, GZUGS 'DZIN DBANG SHES MYONG TZAM DU GTZO BOR DNGOS SU SKYE BYED YIN PA, DE MA THAG RKYEN NI, RIGS MTHUN KHO NAS BYED PAR MA NGES TE, RTOG PAS DBANG SHES DANG, DBANG SHES KYIS RTOG PA DANG, DKAR 'DZIN DBANG SHES KYIS SER 'DZIN DBANG SHES KYI DE MA THAG RKYEN BYED PA'ANG YOD PA'I PHYIR RO, ,GNYIS PA, SEMS TZAM PA'I LUGS LA, MDO SDE PA'I LUGS DGAG ,RANG LUGS BZHAG PA'O, ,DANG PO NI, MDO SDE PA NA RE, PHYI ROL GYI DON DE DBANG SHES MA 'KHRUL BA'I DMIGS RKYEN YIN NO ZHES ZER, PHYI ROL KYI DON RDUL PHRA RAB DE DBANG SHES KYI DMIGS RKYEN YIN NAM, PHYI ROL GYI DON RDUL RAGS PA DE DBANG SHES KYI DMIGS RKYEN YIN, DANG PO MI 'THAD DE, RDUL PHRA RAB DE DBANG SHES LA RANG 'DRA'I RNAM PA DNGOS SU GTOD BYED MA YIN PA'I PHYIR TE, DBANG SHES LA RDUL PHRA RAB KYI RNAM PA MA SHAR BA'I PHYIR TE, DBANG SHES LA RAGS PA LING POR SNANG BA'I PHYIR RO, ,RTZA BA'I KHYAB PA KHAS BLANGS, GNYIS PA YANG MI 'THAD DE, RAGS PA DE DBANG SHES LA RANG 'DRA'I RNAM PA DNGOS SU GTOD BYED MA YIN PA'I PHYIR TE, RAGS PA DBANG SHES KYI RGYU @31A *, ,MA YIN PA'I PHYIR TE, RIGS PA RDZAS SU MA GRUB PA'I PHYIR, DPER NA ZLA BA GNYIS BZHIN NO, ,DES NA PHYI DON DBANG SHES KYI DMIGS RKYEN MA YIN PAR THAL, RDUL PHRA RAB DANG RAGS PA GANG YANG DBANG SHES KYI DMIGS RKYEN MA YIN PA'I PHYIR TE, RDUL PHRA RAB DBANG SHES KYI RKYEN YIN DU CHUG KYANG DBANG SHES KYI DMIGS PA MA YIN, RAGS PA DBANG SHES KYI DMIGS PA YIN YANG RKYEN MA YIN PA'I PHYIR, YANG MDO SDE PAS, NANG GI BEM POR GYUR PA'I DBANG PO GZUGS CAN PA DE DBANG SHES KYI BDAG RKYEN DU 'DOD PA'ANG MI 'THAD DE, BEM PO MA GRUB PA'I PHYIR TE, RDUL PHRAN CHA MED MA GRUB PA'I PHYIR RO, ,GNYIS PA NI, SNGO SNANG DBANG SHES KYI DMIGS RKYEN NI GNYIS TE, SNANG BA'I DMIGS RKYEN DANG, NUS PA 'JOG PA'I DMIGS RKYEN NO, ,DANG PO NI, SNGO SNANG DBANG SHES DANG DUS MNYAM PA'I SNGON PO LTA BU'O, ,GAL TE SNGO SNANG DBANG SHES DANG DUS MNYAM PA'I SNGON PO CHOS CAN, SNGO SNANG DBANG SHES KYI RKYEN YIN PAR THAL, SNGO SNANG DBANG SHES KYI DMIGS RKYEN YIN PA'I PHYIR, 'DOD MI NUS TE, DE DANG RDZAS GCIG YIN PA'I PHYIR DANG, DE DANG DUS MNYAM YIN PA'I PHYIR, MA KHYAB NA, BDAG SKYE YOD PAR 'GYUR RO ZHE NA, SKYON MED DE, DE SNGO SNANG DBANG SHES LA SNANG BA'ANG YIN, SNGO SNANG DBANG SHES DE DE DANG RJES SU 'GRO LDOG MI 'KHRUL BAS SNGO SNANG DBANG SHES KYI DMIGS RKYEN DU BSHAD PA TZAM YIN GYI, DMIGS RKYEN MTSAN NYID PAR KHAS MI LEN PA'I PHYIR RO, ,NUS PA 'JOG PA'I DMIGS RKYEN NI, SNGO SNANG DBANG SHES KYI SNGA LOGS SU BYUNG BA'I SNGON PO LTA BU YIN LA, DE LA DMIGS RKYEN GYI CHOS GNYIS TSANG STE, RANG 'DZIN SHES PAS DMIGS PA YANG YIN LA, SNGO SNANG DBANG SHES YUL GYI RNAM LDAN DU GTZO BOR DNGOS SU SKYE BYED KYANG YIN PA'I PHYIR, GAL TE SNGO SNANG @31B DBANG SHES KYI SNGA LOGS SU BYUNG BA'I SNGON PO CHOS CAN, SNGO SNANG DBANG SHES KYIS DMIGS PAR THAL, DE'I DMIGS RKYEN YIN PA'I PHYIR, 'DOD NA, SNGO SNANG DBANG SHES KYI GZUNG 'DZIN RDZAS THA DAD DU GRUB PAR THAL, SNGO SNANG DBANG SHES KYI SNGA LOGS SU BYUNG BA'I SNGON PO DE SNGO SNANG DBANG SHES KYIS DMIGS PA YANG YIN, SNGO SNANG DBANG SHES KYI RKYEN YANG YIN PA'I PHYIR ZHE NA, 'DI'I LAN LA KHA CIG NA RE, DE LTAR YIN YANG SNGO SNANG DBANG SHES KYI GZUNG 'DZIN RDZAS THA DAD DU MI 'GYUR TE, DE GNYIS RDZAS GCIG YIN PA'I PHYIR ZHES ZER, 'O NA BDAG SKYE GRUB PAR THAL, DE GNYIS RGYU 'BRAS GANG ZHIG ,DE GNYIS RDZAS GCIG YIN PA'I PHYIR, 'DOD NA, GZHAN DBANG SKYE BA NGO BO NYID MED PA MA YIN PAR THAL, BDAG SKYE YOD PA'I PHYIR, RANG LAN NI, SNGO SNANG DBANG SHES KYI DMIGS RKYEN YIN NA, SNGO SNANG DBANG SHES KYIS DMIGS MI DGOS TE, SNGO SNANG DBANG SHES YUL GYI RNAM LDAN DU GTZO BOR DNGOS SU SKYE BYED YIN NA, SNGO SNANG DBANG SHES KYI DMIGS RKYEN YIN PAR 'JOG NUS LA, SNGO SNANG DBANG SHES YUL GYI RNAM LDAN DU GTZO BOR DNGOS SU SKYE BYED YIN NA, SNGO SNANG DBANG SHES KYIS DMIGS MI DGOS PA'I PHYIR, KHA CIG SNGON PO DE SNGO SNANG DBANG SHES KYI DMIGS RKYEN YIN ZHES ZER, SNGON PO CHOS CAN, SNGO SNANG DBANG SHES KYI DMIGS RKYEN MA YIN PAR THAL, SNGO SNANG DBANG SHES DANG RDZAS GZHAN MA YIN PA'I PHYIR TE, SNGO SNANG DBANG SHES KYI BDAG NYID YIN PA'I PHYIR RO, ,DBANG SHES KYI BDAG RKYEN JI LTA BU ZHE NA, DBANG SHES YUL 'DZIN NUS SU GTZO BOR DNGOS SU SKYE BYED NI, DBANG SHES KYI BDAG RKYEN YIN LA, DE YANG SHES PA'I BDAG NYID YIN GYI BEM PO NI MA YIN NO, ,DBANG SHES SNGA MA'I RDZAS KYI STANG NA DBANG SHES PHYI MA YUL GYI RNAM LDAN DU DNGOS SU SKYED PA'I NUS PA DANG, MYONG TZAM DU DNGOS SU SKYED PA'I NUS PA DANG YUL 'DZIN NUS @32A *, ,SU DNGOS SU SKYED PA'I NUS PA GSUM YOD LA, GSUM PO DE, NGO BO GCIG LA LDOG PA THA DAD PA YIN NO, ,GNYIS PA YID KYI MNGON SUM LA, DGAG BZHAG SPANG GSUM MO, ,DANG PO NI, KHA CIG NA RE, YID KYI MNGON SUM MED DE, MIG GZUGS LA BLTA BA LA MNGON DU PHYOGS PA'I DUS KYI GZUGS GSAL BAR SNANG BA'I SHES PA NI DBANG SHES KHO NA YIN LA, MIG GZUGS LA BLTA BA LA MI PHYOGS PA'I DUS SU GZUGS GSAL BAR SNANG BA'I SHES PA MED PA'I PHYIR, GZHAN YANG, YID MNGON MED DE, YID MNGON GYI SGRUB BYED LUNG TZAM DU ZAD KYI DNGOS STOBS KYI TSAD MAS MA GRUB PA'I PHYIR TE, CHOS MCHOG GIS, YID KYI MNGON SUM SGRUB PA LA TSAD MA GZHAN NI BTZAL BAR BYA BA MA YIN NO, ,ZHES GSUNGS PA'I PHYIR ZHE NA, SHES BYA CHOS CAN, SNGAR MYONG BA NI 'DZIN PA NA, ,ZHES SOGS RANG LUGS DANG, DE PHYIR DBANG PO'I RNAM PAR SHES, ,ZHES SOGS GZHAN LUGS YIN PAR THAL, YID MNGON MED PA'I PHYIR, RTAGS KHAS, SBYIN PA BTANG BA LAS LONGS SPYOD 'BYUNG BA CHOS CAN, KHYOD TSAD MAS MA GRUB PAR THAL, KHYOD KYI SGRUB BYED LUNG TZAM DU ZAD KYI DNGOS STOBS KYI TSAD MAS MA GRUB PA'I PHYIR TE, SHIN TU LKOG GYUR YIN PA'I PHYIR RO, ,KHYAB PA SNGA MA KHAS, GZHAN YANG, GZUGS SHES PA NI RNAM PA GNYIS TE MIG DANG YID LA BRTEN PA'O, ,ZHES PA'I LUNG BSTAN BYA'I DON LA MI BSLU BA MA YIN PAR THAL, YID MNGON MED PA'I PHYIR, KHA CIG NA RE, GZUGS 'DZIN DBANG PO'I MNGON SUM SKAD CIG DANG PO DBANG MNGON KHO NA YIN LA, SKAD CIG GNYIS PA PHAN CHAD DBANG MNGON DANG YID MNGON GNYIS KA YIN NO, ,DBANG MNGON LA YID MNGON GYI THA SNYAD BYAS PA YOD DAM ZHE NA, YOD DE, RTOG BCAS RTOG PA MED PA'I YID, ,CES DANG, YID KYANG DE DANG MTSUNGS PA YIN, ,ZHES GSUNGS PA'I PHYIR ZHES @32B ZER; GZUGS 'DZIN DBANG SHES SKAD CIG SNGA MA DANG PHYI MA CHOS CAN, KHYOD GNYIS DBANG SHES KHO NA YIN MIN GYI KHYAD PAR MED PAR THAL, KHYOD GNYIS RANG GI BDAG RKYEN DBANG PO GZUGS CAN LAS DNGOS SU SKYES PA'I GZHAN RIG GI SHES PAR MTSUNGS PA'I PHYIR, BSAL PA KHAS, GZHAN YANG, TSAD MA MDOR, YID KYANG DON DANG ZHES PA'I, KYANG SGRA SMOS PA DON MED PAR THAL, KHYOD LTAR NA YID KYANG DON DANG ZHES PA'I DON, DBANG MNGON GZUNG DON LA MA 'KHRUL BAR MA ZAD DBANG MNGON YANG GZUNG DON LA MA 'KHRUL ZHES PAR 'GYUR BA'I PHYIR, RTAGS KHAS, GZHAN YANG ZLA GNYIS GSAL BAR SNANG BA'I DBANG SHES PHYI MA RNAMS YID BLO 'KHRUL PAR THAL, DBANG MNGON SKAD CIG GNYIS PA PHAN CHAD YID MNGON YIN PA'I PHYIR, RTAGS KHAS, 'DOD MI NUS TE, SNGO DANG ZLA GNYIS LA SOGS BLO'I, ,ZHES PA'I GZHUNG DANG 'GAL BA'I PHYIR RO, ,GZHAN YANG, YID SHIN TU MI GSAL LA MIG SHIN TU GSAL BA'I GANG ZAG MI SRID PAR THAL, DBANG MNGON SKAD CIG GNYIS PA PHAN CHAD YID MNGON YIN PA'I PHYIR, KHA CIG ,RGYAN MKHAN PO'I DGONGS PAR BSAMS NAS, DANG POR DBANG MNGON SKAD CIG MA GCIG SKYE, DE NAS YID MNGON SKAD CIG MA GCIG SKYE, DE NAS DBANG MNGON SKAD CIG MA GCIG SKYE STE, MDOR NA DBANG MNGON GYIS 'GO DRANGS YID MNGON GYIS MJUG BSDUS TE, DBANG MNGON DANG YID MNGON SPEL MAR SKYE'O ZHES ZER, DBANG MNGON CHOS CAN, RANG YUL BAR MA CHAD DU 'DZIN PA MA YIN PAR THAL, RANG YUL 'DZIN PA'I BAR DU YID MNGON GYIS CHOD PA'I PHYIR, RTAGS KHAS, KHYAB STE, RIM GYIS 'DZIN NA DE MYONG BA, ,RNAM CHAD MED PAR SNANG MI 'GYUR, ,ZHES GSUNGS PA'I PHYIR RO, ,KHA CIG ,DANG POR GZUGS 'DZIN DBANG MNGON SKAD CIG MA GCIG SKYE, DES DE MA THAG RKYEN DANG, DE DANG DUS MNYAM @33A *, ,PA'I GZUGS KYIS DMIGS RKYEN DANG, MIG GI DBANG POS BDAG RKYEN BYAS NAS, GZUGS 'DZIN DBANG MNGON SKAD CIG GNYIS PA SKYE, 'DI DANG DUS MNYAM DU GZUGS 'DZIN DBANG MNGON SKAD CIG DANG PO DES DE MA THAG RKYEN DANG, DE DANG DUS MNYAM PA'I GZUGS DANG YID DBANG GIS DMIGS RKYEN DANG BDAG RKYEN BYAS NAS GZUGS 'DZIN YID MNGON SKAD CIG DANG PO SKYE, DE PHAN CHAD DBANG MNGON DANG YID MNGON GRANGS MNYAM DU SKYE LA, DE LTAR NA NANG LTA RANG RIG GI 'GROS GCIG DANG PHYIR LTA DON RIG GI 'GROS GNYIS TE, MNGON SUM 'GROS GSUM PA YIN ZHING, YID DBANG LAS YID DBANG MI SKYE BAS YID DBANG RGYUN MED DANG, MIG DBANG LAS MIG DBANG SKYE BAS MIG DBANG LA RGYUN YOD PA'I PHYIR, DBANG MNGON DANG YID MNGON GNYIS LA NGES DKA' SLA'I KHYAD PAR YOD DO ZHES ZER, 'O NA NANG LTA RANG RIG GI 'GROS GCIG PA'I DON, RANG RIG MNGON SUM GNYIS PO DE KHA NANG DU PHYOGS PAR MTSUNGS PA'I SGO NAS 'JOG PA YIN NAM, MNGON SUM GNYIS PO DE RANG RIG MNGON SUM GCIG GIS MYONG BA'I SGO NAS 'JOG PA YIN, DANG PO LTAR NA, PHYIR LTA DON RIG GI 'GROS KYANG GCIG TU THAL, MNGON SUM DE GNYIS KHA PHYIR BLTAS SU MTSUNGS PA'I PHYIR, 'KHOR GSUM, GNYIS PA LTAR NA, GZUGS 'DZIN DBANG MNGON DANG GZUGS 'DZIN YID MNGON CHOS CAN, RANG RIG MNGON SUM GCIG GIS NYAMS SU MYONG BYA MA YIN PAR THAL, RDZAS THA DAD YIN PA'I PHYIR, GZHAN YANG, YID DBANG LAS YID DBANG MI SKYE BA'I RGYU MTSAN CI YIN, MDZOD LAS, DRUG PO 'DAS MA THAG PA YI, ,RNAM SHES GANG YIN DE YID DO, ,ZHES GSUNGS PA LTAR, RNAM SHES 'DAS MA THAG PA DE YID DBANG YIN LA DE LAS YID DBANG MI SKYE BA'I PHYIR ZHE NA, @33B RNAM SHES 'DAS MA THAG PA CHOS CAN, YID MNGON GYI BDAG RKYEN MA YIN PAR THAL, DNGOS MED YIN PA'I PHYIR, RTAGS BSAL BAS, GZHAN YANG, DE CHOS CAN, RNAM SHES YIN PAR THAL, YID DBANG YIN PA'I PHYIR, RTAGS KHAS, YID MNGON GYI SNGA LOGS DE MA THAG TU BYUNG BA'I RNAM SHES DE YID DBANG YIN NO ZHE NA, 'O NA YID DBANG LA RGYUN YOD PAR THAL, YID MNGON GYI SNGA LOGS DE MA THAG TU BYUNG BA'I RNAM PAR SHES PA DE YID DBANG YIN PA'I PHYIR, RTAGS BSAL KHAS, KHA CIG ,RGYAN MKHAN POS, GOMS LAS MDUN NA GNAS PA LA, ,'DI'O ZHES NI SHES PA GANG, ,MNGON DU BYED PHYIR DE LA NI, ,YID KYI MNGON SUM YIN PAR 'DOD, ,CES GSUNGS PAS, 'DI'O SNYAM PA'I YID KYI SHES PA ZHIG YID KYI MNGON SUM YIN NO ZHE NA, 'O NA YUL LA SGRUB PAS 'JUG PA'I RTOG PA YOD PAR THAL, 'DI'O SNYAM PA'I YID KYI SHES PA ZHIG YID KYI MNGON SUM YIN PA'I PHYIR, DES NA RGYAN MKHAN PO'I LUGS NI GOMS PA'I DBANG GIS DON MNGON DU BYED PA'I RNAM PAS 'JUG PA'I SHES PA ZHIG YID KYI MNGON SUM YIN NO, ,DE DBANG PO'I MNGON SUM MA YIN NAM ZHE NA, MIN TE, DBANG MNGON NI YUL LA SNANG BA TZAM GYIS 'JUG PA YIN LA, 'DI NI YUL LA NGES PA'I RNAM PAS 'JUG PA'I PHYIR RO, ,'O NA SLOB DPON GYIS, MNGON SUM NI GANG GIS KYANG NGES PAR BYED PA MIN NO, ,ZHES GSUNGS PA DANG 'GAL LO ZHE NA, MI 'GAL TE, DE NI DBANG MNGON LA DGONGS TE GSUNGS PA'I PHYIR, ZHES BZHED DO, ,DE YANG MI 'THAD DE, GZUGS 'DZIN YID MNGON CHOS CAN, KHYOD KYIS GZUGS KYI MI RTAG PA NGES PAR THAL, KHYOD GZUGS KYI MI RTAG PA LA SGRUB 'JUG YIN PA GANG ZHIG ,NGES SHES YIN PA'I PHYIR, RTAGS PHYI MA KHAS, KHYAB STE, NGES PA RNAMS KYIS MA NGES PA, ,DE NI JI LTAR DE YUL YIN, ,ZHES GSUNGS PA'I PHYIR RO, ,'DOD NA, GZUGS MI RTAG PAR SGRUB PA'I RTAGS @34A *, ,DANG RJES DPAG 'JUG PA DON MED PAR THAL LO, ,GZHAN YANG, DBANG MNGON NGES SLA LA YID MNGON NGES DKA' BA'I KHYAD PAR MI 'THAD PAR THAL, YID MNGON NGES SHES YIN PA'I PHYIR, RTAGS KHAS, GZHAN YANG, CHOS MCHOG GI RJES SU 'BRANGS NAS GZHAN LUGS DE RNAMS DGAG PAR BYA STE, DBANG MNGON SKAD CIG GNYIS PA PHAN CHAD YID MNGON DU 'DOD PA DANG DBANG MNGON DANG YID MNGON SPEL MAR SKYE BA DANG MNGON SUM 'GROS GSUM PA DANG RGYAN GYIS YID MNGON 'DOD TSUL RNAMS MI 'THAD PAR THAL, MIG SHES GZUGS BLTA BA LA MNGON DU PHYOGS PA'I DUS KYI GZUGS GSAL BAR SNANG BA'I SHES PA NI DBANG SHES KHO NA YIN PA'I PHYIR, RTAGS MA GRUB STE, DBANG SHES MIN NO ZHE NA, 'O NA DBANG SHES GZHI MA GRUB PAR THAL, MIG SHES GZUGS LA BLTA BA LA MNGON DU PHYOGS PA'I DUS KYI GZUGS GSAL BAR SNANG BA'I SHES PA DE DBANG SHES MA YIN PA'I PHYIR PHYIR, DE SKAD DU'ANG CHOS MCHOG GIS, MIG BYED PA DANG LDAN PA'I TSO GZUGS SHES PA GANG YIN PA DE NI MIG LA BRTEN PA KHO NA YIN NO, ,DE LTA MIN NA RNAM PAR SHES PA GANG YANG MIG LA BRTEN PA MED PAR 'GYUR RO, ,ZHES GSUNGS SO; ;GNYIS PA RANG LUGS LA BZHI, YID MNGON SGRUB BYED KYI TSAD MA BSHAD PA, YID MNGON GYI MTSAN NYID DBYAD PA, YID MNGON GYI RKYEN GSUM DPYAD PA, YID MNGON GYI SKYE TSUL DPYAD PA'O, ,DANG PO NI, KHA CIG NA RE, YID MNGON YOD PAR DNGOS STOBS KYI TSAD MAS GRUB STE, RANG RIG MNGON SUM TSAD MAS GRUB PA'I PHYIR TE, SHES PA YIN PA'I PHYIR ZHES ZER YANG 'THAD PAR DKA' BAS, GZUGS SHES PA NI RNAM PA GNYIS TE MIG DANG YID LA BRTEN PA'O, ,ZHES PA'I LUNG CHOS CAN, RANG GI BSTAN BYA'I DON LA MI BSLU STE, DPYAD PA GSUM GYIS DAG PA'I LUNG YIN PA'I @34B PHYIR; ZHES PA'I RTAGS LA BRTEN PA'I YID CHES RJES DPAG GIS GRUB STE, CHOS MCHOG GIS, YID KYI MNGON SUM SGRUB PA LA TSAD MA GZHAN NI BTZAL BAR BYA BA MA YIN NO, ,ZHES GSUNGS PA'I PHYIR, GNYIS PA NI, YID KYI MNGON SUM GYI MTSAN NYID, RANG GI BDAG RKYEN YID KYI DBANG PO LAS DNGOS SU SKYES PA'I GZHAN RIG GI YID SHES GANG ZHIG ,RTOG BRAL MA 'KHRUL BA, 'DIR DNGOS SU BSTAN PA'I YID KYI MNGON SUM GYI MTSAN NYID, DBANG PO'I MNGON SUM GYIS MTSUNGS PA DE MA THAG RKYEN BYAS PA LAS BYUNG BA'I GZHAN RIG GI YID KYI SHES PA GANG ZHIG , RTOG BRAL MA 'KHRUL BA, GSUM PA NI, YID MNGON RANG GI SNGA LOGS DE MA THAG TU BYUNG BA'I DBANG PO'I MNGON SUM NI DE MA THAG RKYEN DANG, DE DANG DUS MNYAM PA'I DON DMIGS RKYEN DANG, DRUG PO 'DAS MA THAG PA YI, ,RNAM SHES GANG YIN DE YID DO, ,ZHES GSUNGS PA LTAR, YID MNGON RANG GI SNGA LOGS DE MA THAG TU BYUNG BA'I RNAM SHES NI BDAG RKYEN YIN TE, SDE BDUN GYI GZHUNG GANG DU YANG YID MNGON GYI BDAG RKYEN GZHAN GSAL POR MA BSHAD CING DE YID MNGON GYI BDAG RKYEN YIN PA LA RIGS PAS GNOD PA MED PA'I PHYIR RO, ,GZHUNG DE'I DON YANG, YID MNGON GYI DUS SU 'DAS SHING SNGA LOGS DE MA THAG TU BYUNG BA'I RNAM PAR SHES PA DE YID DBANG DU BSTAN PA YIN GYI, RNAM SHES 'DAS PA YID DBANG DU BSTAN PA MA YIN TE, RNAM SHES 'DAS PA DNGOS MED YIN PA'I PHYIR, BZHI PA NI, YID MNGON DE DBANG MNGON GYI RGYUN MTHAR SKYE BA YIN TE, DE SKYE BA GANG ZHIG , DBANG MNGON SKAD CIG GNYIS PA PHAN CHAD YID MNGON YIN PA DANG SPEL MAR SKYE BA DANG 'GROS GSUM PA DANG ,RGYAN MKHAN PO'I LUGS KYI YID MNGON SKYE TSUL RNAMS MI 'THAD PAR BSGRUBS ZIN PA'I PHYIR, DES NA YID MNGON RGYUN MTHAR SKYE TSUL NI MTHA' GZHAN 'GOG PA'I RIGS PAS @35A *, ,GRUB PA YIN NO, ,KHA CIG, YID MNGON RGYUN MTHAR SKYE TSUL 'DI YID CHES PA'I LUNG GIS GRUB PA YIN GYI DNGOS STOBS KYI TSAD MAS MA GRUB STE, SKYE TSUL 'DI SHIN TU LKOG GYUR YIN PA'I PHYIR TE, KHYAD GZHI YID MNGON SHIN TU LKOG GYUR YIN PA'I PHYIR ZHE NA YID MNGON SKYE TSUL DE SHIN TU LKOG GYUR MA YIN PAR THAL, SHIN TU LKOG GYUR YI NA SGRUB BYED LUNG LA BRTEN NAS RTOGS DGOS PA GANG ZHIG ,YID MNGON RGYUN MTHAR SKYE TSUL LUNG LAS GSAL BAR MA BSHAD PA'I PHYIR RO, ,DE YANG YID MNGON RGYUN MTHAR SKYE SRID PA YIN GYI MTHA' GCIG TU SKYE BAR NGES PA NI MA YIN TE, MAR ME'I SKAD CIG THA MA 'DZIN PA'I DBANG MNGON GRUB PA'I PHYIR RO, ,DE LTAR NA, 'DIR BSTAN YID MNGON DE SKAD CIG MA GCIG SKYE BA YIN GYI RGYUN LDAN DU SKYE BA MIN TE, 'DIR BSTAN YID MNGON DE DBANG SNGON GYIS DE MA THAG RKYEN BYAS PA LAS BYUNG DGOS PA GANG ZHIG ,YID MNGON GYI DUS NA DBANG MNGON GYI RIGS 'DRA MED PA'I PHYIR, DES NA, TSUR MTHONG GI RGYUD LA 'DIR BSTAN YID KYI MNGON SUM TSAD MA MED DE, 'DIR BSTAN YID MNGON DE SKAD CIG MA GCIG YIN PA'I PHYIR, KHYAD STE, TSAD MA YIN NA NGES SHES 'DREN DGOS PA GANG ZHIG ,TSUR MTHONG GI MNGON SUM SKAD CIG MA GCIG GIS NGES SHES 'DREN MI NUS PA'I PHYIR, 'O NA 'DIR BSTAN YID KYI MNGON SUM TSAD MA MED PAR 'GYUR RO ZHE NA, SKYON MED DE, 'PHAGS PA'I RGYUD LA 'DIR BSTAN YID KYI MNGON SUM TSAD MA YOD PA'I PHYIR, 'PHAGS PA'I SHES PA SKAD CIG MA GCIG GIS KYANG NGES SHES 'DREN PA MI 'GAL TE, BLO GROS CHEN POS MTHONG NYID LAS, ,RNAM PA THAMS CAD NGES PAR BYED, ,CES GSUNGS PA LTAR RO, ,'O NA 'JUG SHES LNGA CIG CAR 'GAGS PA'I TSE YID MNGON LNGA CIG CAR SKYE'AM MI SKYE ZHE NA, DE'I TSE @35B YID MNGON GANG RUNG GCIG SKYE BA SRID KYI LNGA CIG CAR SKYE BA MA YIN LA, DE YANG YID YUL GANG LA 'DRES PA SHAS CHE BA DE'I YID MNGON SKYE BA YIN GYI GOMS PA CHA MNYAM NA MI SKYE BA YIN NO, ,SKYE NA SKYON CI YOD CE NA, SKYES BU GCIG GI RGYUD THA DAD PA LNGAR THAL BA DANG, RNAM SHES TSOGS DRUG DU GRANGS MA NGES PA'I SKYON YOD CES GSUNG NGO, ,GSUM PA RTZOD SPANG LA, KHO NA RE, YID MNGON CHOS CAN, SHIN TU LKOG GYUR MA YIN PAR THAL, RANG RIG MNGON SUM TSAD MAS GRUB PA'I PHYIR TE, SHES PA YIN PA'I PHYIR ZHE NA, GANG ZAG GI BDAG MED KYIS KHYAD PAR DU BYAS PA'I SO SKYE'I SHES PA CHOS CAN, RANG RIG MNGON SUM TSAD MAS GRUB PAR THAL, SHES PA YIN PA'I PHYIR, 'DOD NA, SO SKYE CHOS CAN, 'PHAGS PAR THAL, RANG RGYUD KYI MNGON SUM GYIS GANG ZAG GI BDAG MED KYIS KHYAD PAR DU BYAS PA'I SHES PA GRUB PA'I PHYIR, RTAGS KHAS, KHA CIG, YID MNGON SHIN TU LKOG GYUR MA YIN TE, RANG BLO RANG LA LKOG GYUR MI SRID PA'I PHYIR TE, RANG BLO RANG LA LKOG GYUR YIN PA LA, GZHAN YANG MNGON SUM MED PAS NA, ,BLO NI RTAGS LAS RTOGS PAR 'GYUR, ,ZHES GNOD BYED BSTAN PA'I PHYIR ZHE NA, DE YANG MI 'THAD DE, GZHUNG DES RGYAL DPAG PAS RANG BLO RANG LA LKOG GYUR YIN PAR 'DOD PA BKAG PA YIN GYI, RANG BLO YANG YIN LKOG GYUR YANG YIN PA'I GZHI MTHUN PA 'GOG PA MA YIN PA'I PHYIR TE, RANG BLO YANG YIN LKOG GYUR YANG YIN PA'I GZHI MTHUN DU MA YOD PA'I PHYIR RO, ,KHA CIG ;YID MNGON DE RANG RIG MNGON SUM TSAD MAS MA GRUB KYANG RANG RIG MNGON SUM GYIS GRUB STE, DES MYONG BA'I PHYIR TE, SHES PA YIN PA'I PHYIR, DES NA YID MNGON LKOG GYUR MA YIN NO ZHE NA, 'O NA KHYED RANG GI NYIN ZHAG GCIG LA RNAM RTOG GI GRANGS JI TZAM BRGYUS PA'I @36A *, ,RTOG PA CHOS CAN, RANG RIG MNGON SUM GYIS GRUB PAR THAL, SHES PA YIN PA'I PHYIR, 'DOD NA, LKOG GYUR MA YIN PAR THAL LO, ,'DOD MI NUS TE, SEMS CAN GZHAN LA RTAGS MED PA'I, ,RNAM RTOG LA SOGS MI 'GRUB BZHIN, ,ZHES GSUNGS PA'I PHYIR RO, ,GAL TE YID MNGON CHOS CAN, TSAD MA MA YIN PAR THAL, KHYOD YIN DU GYUR PA'I TSAD MIN GYI BLO YOD PA'I PHYIR, 'DOD NA, MNGON SUM TSAD MA LA BZHIR GRANGS NGES PA MA YIN PAR THAL LO ZHE NA, GZUGS 'DZIN DBANG SHES CHOS CAN, KHYOD TSAD MA MA YIN PAR THAL, KHYOD YIN DU GYUR PA'I TSAD MIN GYI BLO YOD PA'I PHYIR TE, YID SGRA LA LHAG PAR CHAGS DUS KYI GZUGS 'DZIN DBANG SHES DE KHYOD YIN PA'I PHYIR, GAL TE DBANG MNGON GYI RGYUN MTHAR YID MNGON SKYE LA, DE'I SNGA LOGS RNAMS SU MI SKYE BA'I KHYAD PAR MI 'THAD PAR THAL, RGYUN MTHA' DANG SNGA LOGS RNAMS SU YID MNGON GYI RKYEN GSUM TSANG MA TSANG GI KHYAD PAR MED PA'I PHYIR ZHE NA, RTAGS MA GRUB STE, SNGA LOGS RNAMS SU DBANG MNGON RGYUN CHAGS SU SKYE BAS YID MNGON SKYE BA'I GO SKABS BKAG PA'I PHYIR RO, ,GAL TE GZHAN SEMS SHES PA'I MNGON SHES CHOS CAN, YID MNGON YIN PAR THAL, RANG GI BDAG RKYEN YID DBANG LAS DNGOS SU SKYES PA'I GZHAN RIG GI YID SHES GANG ZHIG ,RTOG BRAL MA 'KHRUL PA YIN PA'I PHYIR, 'DOD NA, DBANG MNGON GYIS DE MA THAG RKYEN BYAS PA LAS BYUNG BAR THAL LO, ,KHYAB STE, DE PHYIR DBANG PO'I RNAM PAR SHES, ,DE MA THAG RKYEN LAS BYUNG CAN, ,ZHES GSUNGS PAS SO ZHE NA, SKYON MED DE, GZHUNG DES YID MNGON GYI MTSAN GZHI TZAM BSTAN PA YIN PA'I PHYIR, DE CHOS CAN, MNGON SUM BZHI PO GANG RUNG MA YIN PAR THAL, DBANG MNGON YANG MA YIN, YID @36B MNGON YANG MA YIN, RANG RIG MNGON SUM YANG MA YIN, RNAL 'BYOR MNGON SUM YANG MA YIN PA'I PHYIR, 'DOD NA MNGON SUM LA BZHIR GRANGS NGES PA MA YIN PAR THAL LO, ,'DOD NA, TSAD MA LA MNGON RJES GNYIS SU GRANGS NGES PA MA YIN PAR THAL LO, ,GZHAN YANG, RANG GI BDAG RKYEN DBANG PO GZUGS CAN LAS DNGOS SU SKYES PA'I GZHAN RIG GI SHES PA GANG ZHIG ,RTOG BRAL MA 'KHRUL BA YIN NA DBANG MNGON YIN PAS MA KHYAB PAR THAL, RANG GI BDAG RKYEN YID DBANG LAS DNGOS SU SKYES PA'I GZHAN RIG GI YID SHES GANG ZHIG ,RTOG BRAL MA 'KHRUL BA YIN NA YID MNGON YIN PAS MA KHYAB PA'I PHYIR, RTAGS KHAS, GSUM PA RANG RIG MNGON SUM LA, DGAG BZHAG SPANG GSUM MO, ,DANG PO NI, KHA CIG NA RE, SHES PA THAMS CAD RANG GI NGO BO LA RANG RIG MNGON SUM TSAD MA YIN NO, ,ZHES ZER, 'O NA SGRA MI RTAG RTOGS KYI RJES DPAG TSAD MA DE RANG GI NGO BO 'DZIN RNAM LA RANG RIG MNGON SUM TSAD MA YIN NAM, RANG GI NGO BO GZUNG RNAM LA RANG RIG MNGON SUM TSAD MA YIN NAM, DE GNYIS GANG DU'ANG MA GTOGS PA'I RANG GI NGO BO LA RANG RIG MNGON SUM TSAD MA YIN, DANG PO LTAR NA, SGRA MI RTAG RTOGS KYI RJES DPAG TSAD MA CHOS CAN; RANG GI GZUNG RNAM LA MNGON SUM DU THAL, RANG GI 'DZIN RNAM LA MNGON SUM TSAD MA YIN PA GANG ZHIG ,RANG GI GZUNG RNAM DANG RANG GI 'DZIN RNAM GNYIS YUL DUS RANG BZHIN GANG LA LTOS NAS KYANG GRUB BDE ? RDZAS GCIG YIN PA'I PHYIR, 'DOD NA, RTOG BRAL YIN PAR THAL LO; ;GZHAN YANG, RANG GI GZUNG RNAM GSAL BAR SNANG BAR THAL, DE LA MNGON SUM YIN PA'I PHYIR, RTAGS KHAS, DE GNYIS GANG DU'ANG MA GTOGS PA'I RANG GI NGO BO LA RANG RIG MNGON SUM TSAD MA MA YIN PAR THAL, DE GNYIS GANG DU'ANG MA GTOGS PA'I RANG GI NGO BO MA GRUB @37A *, ,PA'I PHYIR, GAL TE RTOG BRAL DU THAL BA'I SKYON MED DE, RANG GI 'DZIN RNAM GSAL BAR SNANG LA GZUNG RNAM MI GSAL BAR SNANG BA'I PHYIR ZHE NA, SGRA MI RTAG RTOGS KYI RJES DPAG CHOS CAN, RTOG MED DANG RTOG PA GNYIS KA YIN PAR THAL, RANG GI 'DZIN RNAM GSAL BAR SNANG LA GZUNG RNAM MI GSAL BAR SNANG BA'I SHES PA YIN PA'I PHYIR, GZHAN YANG, 'DZIN RNAM GZHAL BYA, GZUNG RNAM TSAD MA, RANG RIG 'BRAS BUR BYAS PA'I TSAD 'BRAS KYI RNAM GZHAG 'THAD PAR THAL, SGRA MI RTAG PAR RTOGS PA'I RJES DPAG GIS RANG GI 'DZIN RNAM DNGOS SU RTOGS PA'I PHYIR, GZHAN YANG, GRANGS CAN SOGS KYIS SNGO SNANG DBANG SHES KYIS BDE BA MYONG BAR KHAS BLANGS PA LA, DBANG PO'I SEMS NI NGES PHYIR DANG, ,ZHES GNOD BYED BSTAN PA MI 'THAD PAR THAL, SNGO SNANG DBANG SHES KYIS RANG GI 'DZIN RNAM RTOGS PA'I PHYIR, RTAGS KHAS, GZHAN YANG, SGRA RTAG 'DZIN GYI RTOG PA CHOS CAN, KHYOD LA KHYOD RANG LOG SHES YIN PA DE SNANG BAR THAL, KHYOD RANG GI 'DZIN RNAM LA MNGON SUM TSAD MA YIN PA GANG ZHIG ,KHYOD LOG SHES YIN PA DANG KHYOD KYI 'DZIN RNAM GNYIS PO YUL DUS RANG BZHIN GANG LA LTOS NAS KYANG GRUB BDE ? RDZAS GCIG YIN PA'I PHYIR, RTAGS DANG PO KHAS, 'DOD NA, KHYOD KYIS KHYOD RANG LOG SHES YIN PA DE NGES PAR THAL, KHYOD KHYOD RANG LOG SHES YIN PA SNANG BA'I SGRUB 'JUG YIN PA GANG ZHIG ,KHYOD NGES SHES YIN PA'I PHYIR; 'DOD NA, KHYOD ZHEN YUL LA LOG SHES MA YIN PAR THAL, KHYOD SGRA RTAG 'DZIN GYI RTOG PA DE LOG SHES YIN PAR NGES PA'I SHES PA YIN PA'I PHYIR, KHA CIG NA RE, RNAM SHES BEM PO'I RANG BZHIN LAS LOG NAS RIG PAR SKYES TZAM LA RANG RIG TU 'JOG PA YIN @37B PAS RANG RIG LA YUL MED DE, MAR ME DE RANG GI NGO BO GSAL BAR SKYES TZAM LA RANG GSAL BA ZHES BRJOD KYI GSAL BYA GSAL BYED THA DAD MED PA BZHIN NO ZHE NA, RANG RIG CHOS CAN, KHYOD SHES PA MA YIN PAR THAL, KHYOD KYI YUL MED PA'I PHYIR, RTAGS KHAS, GZHAN YANG, GZUNG RNAM GZHAL BYA, 'DZIN RNAM TSAD MA, RANG RIG 'BRAS BUR BYAS PA'I TSAD 'BRAS KYI RNAM GZHAG MI 'THAD PAR THAL, RANG RIG LA YUL MED PA'I PHYIR, GZHAN YANG, RANG RIG MNGON SUM TSAD MA CHOS CAN, RANG GI GZHAL BYA LA GSAR DU MI BSLU BA'I SHES PA MA YIN PAR THAL, KHYOD KYI YUL MED PA'I PHYIR, 'DOD NA, KHYED TSAD MA MA YIN PAR THAL LO, ,GNYIS PA RANG LUGS LA GNYIS, MTSAN NYID DANG, MTSAN GZHI'O, ,DANG PO NI, RANG RIG MNGON SUM GYI MTSAN NYID, KHA NANG KHO NAR PHYOGS PA'I SHES PA, RANG RIG MNGON SUM TSAD MA'I MTSAN NYID, GSAR DU MI BSLU BA'I SHES PA GANG ZHIG ,KHA NANG KHO NAR PHYOGS PA'I SHES PA, GNYIS PA NI, SNGO SNANG DBANG SHES LTA BU LA, YUL GYI RNAM PA SHAR BA'I CHA DANG, MYONG TZAM GYI BA ? DANG GNYIS YOD PA'I DANG PO GZUNG RNAM DANG, GNYIS PA NI RANG RIG MNGON SUM YIN NO, ,'O NA RANG RIG MNGON SUM YOD PAR TSAD MA GANG GIS GRUB CE NA, SPYIR RANG RIG SGRUB PA'I RIGS PA DU MA GSUNGS KYANG, 'DIR DRAN PA'I RTAGS KYIS RANG RIG SGRUB PA'I TSUL SHES PAR BYA'O, ,DE YANG SNGO SNANG DBANG SHES LTA BU CHOS CAN, RANG RIG YOD DE, DRAN PA YOD PA'I PHYIR ZHES NI BSGRUB PAR BYA BA MA YIN TE, RTAGS CHOS GNYIS LDAN GYI MTHUN DPE MA ? GRUB PA'I PHYIR RO, ,'O NA JI LTAR SGRUB CE NA, SNGO SNANG DBANG SHES CHOS CAN, MYONG BA YOD DE, DRAN PA YOD PA'I PHYIR, DPER NA GZUGS BZHIN ZHES PA'I RTAGS LA BRTEN NAS RANG RIG 'GRUB STE, RTAGS DE LA BRTEN NAS MYONG @38A *, ,BA YOD PAR GRUB LA, MYONG BA LA RANG MYONG DANG GZHAN MYONG GNYIS SU KHA TSON CHOD CING, GZHAN MYONG RIGS PAS KHEGS PA'I PHYIR, RTAGS MA GRUB STE, RJES SU SKYES PA'I SHES PAS NYAMS SU MYONG BA'I PHYIR ZHE NA, 'DI LA MYONG BYED THUG MED DU THAL BA DANG, SHES PA PHYI MA YUL LA 'PHO BA MED PA'I NYES PA GNYIS YOD DE, RJES SU SKYES PA LA MYONG BYED RDZAS GZHAN DGOS SAM, MI DGOS, MI DGOS NA, SNGO SNANG DBANG SHES LA MYONG BYED RDZAS GZHAN MI DGOS PAR THAL, DE GANG ZHIG ,RGYU MTSAN MTSUNGS PA'I PHYIR, DGOS NA, SNGO SNANG DBANG SHES MYONG BYED THUG MED DU THAL, SNGO SNANG DBANG SHES DE MYONG BYED RDZAS GZHAN GYIS MYONG DGOS, MYONG BYED RDZAS GZHAN DE LA'ANG MYONG BYED RDZAS GZHAN DGOS PA'I PHYIR, 'DOD NA, SNGO SNANG DBANG SHES LA MYONG BYED MED PAR THAL LO, ,NYES PA GNYIS PA NI, SNGO SNANG DBANG SHES PHYI MA CHOS CAN, KHYOD PHYI ROL GYI YUL LA 'PHO BAR MI 'GYUR BAR THAL, RANG GI NYER LEN DU GYUR PA'I SHES PA SNGA MA GZUNG DON DU BYAS NAS NYAMS SU MYONG BA'I PHYIR, KHYAB STE, SHES PA SNGA MA GZUNG DON DU BYAS NAS MYONG NA, RANG LA NYE BA'I SHES PA GZUNG DON DU BYED PA BOR NAS RING BA'I DON GZUNG DON DU BYED PA MI RIGS PA'I PHYIR RO, ,GSUM PA RTZOD PA SPONG BA NI, GAL TE SHES PA THAMS CAD RANG GI NGO BO LA RANG RIG MNGON SUM MA YIN NA, RANG GI NGO BO SGRA DON MIN, ,DE PHYIR DE LA KUN MNGON SUM, ,ZHES GSUNGS PA DANG 'GAL LO ZHE NA, MI 'GAL TE; GZHUNG DES SHES PA KUN GYI STENG GI 'DZIN RNAM MNGON SUM DU BSTAN PA TZAM YIN PA'I PHYIR, GAL TE SGRA MI RTAG RTOGS KYI RJES DPAG CHOS CAN, GZHAN MI RIG PAR THAL, RANG MI RIG PA'I PHYIR, KHYAB STE, CI STE RANG DNGOS MI RIG NA, ,JI LTAR GZHAN GYI NGO BO RIG ,CES GSUNGS @38B PA'I PHYIR ZHE NA, SKYON MED DE, DE'I DON RANG GI NGO BO 'DZIN RNAM GYIS MI RIG NA GZHAN MI RIG PAR BSTAN PA TZAM YIN PA'I PHYIR RO, ,GAL TE SHES PA KUN RANG RIG MA YIN NA, RTOG PA'ANG RANG RIG NYID DU 'DOD, ,CES PA DANG, KUN LAS BTUS KYI 'GREL PAR, 'DOD CHAGS DANG ZHE SDANG DANG GTI MUG DANG BDE BA DANG SDUG BSNGAL LA SOGS PA RNAMS LA RANG RIG PA NI ZHES GSUNGS PA DANG 'GAL LO ZHE NA, MI 'GAL TE, DE NI RANG RIG MNGON SUM GYIS RIG PAR BYA BA YIN PAS RANG RIG CES BSHAD PA YIN GYI, RANG RIG PAR BYED PAS RANG RIG TU BSHAD PA MIN PA'I PHYIR, BZHI PA RNAL 'BYOR MNGON SUM LA LNGA, MDO'I DON BSHAD PA, MTSAN NYID, MTSAN GZHI'I DBYE BA, YUL BDEN BZHI GTAN LA DBAB PA, THAR PA DANG THAMS CAD MKHYEN PA RIGS PAS SGRUB PA'I TSUL LO, ,DANG PO NI, TSAD MA MDOR, RNAL 'BYOR RNAMS KYI BLA MAS BSTAN, ,MA 'DRES PA YI DON TZAM MTHONG, ,ZHES RNAL 'BYOR PA RNAMS KYI BLA MA YANG DAG PAR RDZOGS PA'I SANGS RGYAS KYIS BDEN BZHI'I GNAS LUGS BSTAN PA LTAR RTOGS NAS GOMS PAR BYAS PA LAS, SGRA SPYI DANG DON SPYI MA 'DRES PA'I DON RANG MTSAN TZAM GSAL BAR MTHONG BA'I SHES PA DE RNAL 'BYOR MNGON SUM DU BSTAN PA YIN NO, ,DES NA MDO SDE PA'I LUGS LA, GANG ZAG GI BDAG MED RTOGS PA'I RNAL 'BYOR MNGON SUM LA GANG ZAG GI BDAG MED GSAL BAR SNANG BA MA YIN TE, MNGON SUM GYI SNANG YUL YIN NA RANG MTSAN YIN DGOS LA; GANG ZAG GI BDAG MED RANG MTSAN MA YIN PA'I PHYIR RO, ,DES NA GANG ZAG GI BDAG MED DON SPYI'I TSUL GYIS RTOGS PA'I BLOS GANG ZAG GI BDAG MED DNGOS SU RTOGS LA, RNAL 'BYOR MNGON SUM GYIS GANG ZAG GI BDAG MED SHUGS LA RTOGS PA YIN NO, ,'O NA GANG ZAG GI @39A *, ,BDAG MED RTOGS PA'I RJES DPAG GI RGYUN GOMS PAR BYAS PA LAS, GOMS BYA'I DON LA GSAL SNANG THOB PA MI SRID PAR THAL, GANG ZAG GI BDAG MED GSAL BAR SNANG BA'I RNAL 'BYOR MNGON SUM MA GRUB PA'I PHYIR, 'DOD NA, MI NUS TE, DE PHYIR YANG DAG YANG DAG MIN; ;GANG GANG SHIN TU BSGOMS GYUR PA, ,SGOM PA YONGS SU RDZOGS PA NA, ,DE GSAL MI RTOG BLO 'BRAS CAN, ,ZHES GSUNGS PA'I PHYIR ZHE NA, 'DI'I LAN SNGAR BSHAD ZIN TO, ,GNYIS PA NI, RNAL 'BYOR MNGON SUM GYI MTSAN NYID, YANG DAG PA'I DON BSGOMS PA'I STOBS LAS BYUNG BA'I 'PHAGS RGYUD KYI SHES PA GANG ZHIG ,YANG DAG PA'I DON LA RTOG BRAL MA 'KHRUL BA, GSUM PA NI, RNAL 'BYOR MNGON SUM LA RTEN GYI SGO NAS DBYE NA GSUM STE, NYAN THOS DANG, RANG RGYAL DANG, THEG CHEN 'PHAGS PA'I RNAL 'BYOR MNGON SUM MO, ,DE RE RE LA YANG MTHONG LAM; SGOM LAM, MI SLOB LAM, GSUM GSUM YOD DO, ,YUL GYI SGO NAS DBYE NA GNYIS TE, JI LTA BA DANG JI SNYED PA MKHYEN PA'I RNAL 'BYOR MNGON SUM MO, ,BZHI PA LA BZHI, BDEN BZHI'I GRANGS NGES, GO RIM NGES PA, MTSAN GZHI, DE NGES BYED KYI TSAD MA BSHAD PA'O, ,DANG PO NI; THAR PA DON GNYER GYI GTAN LA DBAB BYA'I GTZO BO NI BDEN PA BZHIR NGES TE, THAR PA DON GNYER GYI DOR BYA 'KHOR BA LA, RGYU KUN 'BYUNG BDEN PA DANG 'BRAS BU SDUG BSNGAL BDEN PA GNYIS SU NGES LA, BLANG BYA MYA NGAN LAS 'DAS PA LA 'KHOR BA LAS GROL BA'I THABS LAM GYI BDEN PA DANG 'KHOR BA LAS GROL BA'I NGO BO 'GOG PA'I BDEN PA GNYIS SU GRANGS NGES PA'I PHYIR RO, ,GNYIS PA NI, BDEN PA BZHI LA RGYU 'BRAS DON GYI RIM PA DANG, YUL CAN MNGON PAR RTOGS PA'I RIM PA GNYIS LAS 'DIR NI PHYI MA'I DBANG DU BYAS PA YIN TE, DANG POR SDUG @39B BSNGAL MNGON PAR RTOGS PA 'BYUNG, DE NAS KUN 'BYUNG, DE NAS 'GOG PA, DE NAS LAM MNGON PAR RTOG PA 'BYUNG BA'I PHYIR, DE YANG DANG POR 'KHOR BA SPYI DANG BYE BRAG GI NYES DMIGS BSAMS PAS SDUG BSNGAL LA 'BRAL 'DOD KYI BLO SKYE LA, DE SKYES PA NA KUN 'BYUNG LA SPONG 'DOD KYI BLO BSKYED DGOS TE, SDUG BSNGAL RANG GI NGO BO TSER MA 'DON PA LTAR SPONG BA'I THABS MED PA'I PHYIR RO, ,DES NA SDUG BSNGAL LA RGYU YOD MED DANG RGYU DE RTAG GAM MI RTAG SNYAM DU DPYAD PAR BYA STE, SDUG BSNGAL RGYU MED DU 'BYUNG BA DANG RGYU RTAG NA SDUG BSNGAL BZLOG PAR MI NUS PA'I PHYIR RO; ;DE LTAR DPYAD PA NA RES 'GA' SKYE BA'I RTAGS KYIS SDUG BSNGAL GYI RGYU YOD PA DANG MI RTAG PAR GRUB LA, RGYU MI RTAG PA DE YANG GANG YIN DPYAD PA NA GANG ZAG GI BDAG 'DZIN DE RGYU YIN PAR GRUB STE, DE LAS BDAG LA SRED PA 'BYUNG LA, DE LAS BDAG GI BDE BA LA SRED PA 'BYUNG, DE LAS BDE BA SGRUB BYED DBANG SOGS BDAG GI BA LA SRED PA 'BYUNG ZHING, BDAG GI BDE BA BSGRUB PA'I PHYIR DU SGO GSUM GYI LAS MNGON PAR 'DUS BYAS PA LAS 'KHOR BAR SKYE BA'I PHYIR, DE SKAD DU YANG, GANG ZHIG BDAG MTHONG DE LA NI, ,NGA ZHES RTAG TU ZHEN PAR 'GYUR, ,ZHEN PAS BDE LA SRED 'GYUR ZHING, ,ZHES SOGS GSUNGS PA'I PHYIR RO, ,DE LTAR DPYAD PA LA BRTEN NAS KUN 'BYUNG SPONG NUS SU MTHONG BAR 'GYUR BAS KUN 'BYUNG DUS GNYIS PAR BSTAN, DE LTAR MTHONG BA NA SDUG BSNGAL 'GOG NUS DANG, SDUG BSNGAL 'GAGS PA'I 'GOG PA MNGON DU BYED NUS SU MTHONG BAS 'GOG BDEN DUS GSUM PAR BSTAN, 'GOG PA MNGON DU BYED PA YANG LAM RGYUD LA BRTEN PA LA RAG LUS PAR MTHONG BAS, LAM BDEN DUS BZHI PAR BSTAN PA YIN NO, ,GSUM PA MTSAN GZHI NI, SDUG BSNGAL GYI SDUG BSNGAL DANG, 'GYUR BA'I SDUG BSNGAL DANG, KHYAB PA 'DU BYED @40A *, ,KYI SDUG BSNGAL RNAMS SDUG BSNGAL GYI BDEN PA DANG, ZAG PA DANG BCAS PA'I LAS DANG NYON MONGS PA RNAMS KUN 'BYUNG GI BDEN PA DANG, SDUG BSNGAL SPANGS PA'I BRAL BA NI 'GOG PA'I BDEN PA DANG, BDAG MED MNGON SUM DU RTOGS PA'I SHES RAB NI LAM GYI BDEN PA'O, ,BZHI PA LA GNYIS, LOG RTOG BCU DRUG NGOS GZUNG BA DANG, DE DANG 'GAL BA BDEN PA'I RNAM PA BSHAD PA'O, ,DANG PO NI, SDUG BSNGAL BDEN PA'I LOG RTOG BZHI NI, GCANG BA DANG BDE BA DANG RTAG PA DANG BDAG TU 'DZIN PA'O, ,KUN 'BYUNG BDEN PA'I LOG RTOG BZHI NI, SDUG BSNGAL RGYU MED DU 'DZIN PA DANG, MI MTHUN PA RGYUR 'DZIN PA GNYIS LAS PHYI MA LA YANG, RGYU GCIG 'BA' ZHIG LAS SKYE BAR 'DZIN PA DANG, DBANG PHYUG SOGS LAS SKYE BAR 'DZIN PA DANG, RANG BZHIN RTAG LA GNAS SKABS 'GYUR BAR 'DZIN PA'O, ,'GOG BDEN GYI LOG RTOG BZHI NI, THAR PA YE MED DU 'DZIN PA DANG, ZAG BCAS KYI KHYAD PAR 'GA' ZHIG THAR PAR 'DZIN PA DANG, SDUG BSNGAL GYI KHYAD PAR 'GA' ZHIG THAR PAR 'DZIN PA DANG, THAR PA YOD KYANG SLAR LDOG PAR 'DZIN PA'O, ,LAM BDEN GYI LOG RTOG BZHI NI, THAR LAM YE MED DU 'DZIN PA DANG, BDAG MED RTOGS PA'I SHES RAB THAR LAM MA YIN PAR 'DZIN PA DANG, BSAM GTAN GYI KHYAD PAR 'GA' ZHIG THAR LAM DU 'DZIN PA DANG, SDUG BSNGAL GTAN NAS ZAD PAR BYED PA'I LAM MED PAR 'DZIN PA'O, ,GNYIS PA NI, NYER LEN GYI PHUNG PO CHOS CAN, MI RTAG PA'I RNAM PA YIN TE, RES 'GA' SKYE BA'I PHYIR, SDUG BSNGAL BA'I RNAM PA YIN TE, LAS DANG NYON MONGS PA'I GZHAN DBANG CAN YIN PA'I PHYIR, STONG PA'I RNAM PA YIN TE, DON GZHAN GYI BDAG GIS STONG PA'I PHYIR, BDAG MED PA'I RNAM PA YIN TE, RANG GI NGO BOR GYUR PA'I BDAG MED PA'I PHYIR, SRED PA CHOS CAN, KUN 'BYUNG GI @40B RGYU'I RNAM PA YIN TE, RANG 'BRAS SDUG BSNGAL GYI RTZA BA YIN PA'I PHYIR, KUN 'BYUNG GI RNAM PA YIN TE, RANG 'BRAS SDUG BSNGAL YANG YANG SKYED PA'I PHYIR, RANG SKYE'I RNAM PA YIN TE, RANG 'BRAS SDUG BSNGAL DRAG TU SKYED PA'I PHYIR, SRID PA'I SRED PA CHOS CAN, RKYEN GYI RNAM PA YIN TE, SDUG BSNGAL GYI LHAN CIG BYED RKYEN YIN PA'I PHYIR, GNYEN PO'I STOBS KYIS SDUG BSNGAL SPANGS PA'I BRAL BA CHOS CAN, 'GOG BDEN GYI 'GOG PA'I RNAM PA YIN TE, SDUG BSNGAL SPANGS PA'I BRAL BA YIN PA'I PHYIR, ZHI BA'I RNAM PA YIN TE, NYON MONGS SPANGS PA'I BRAL BA YIN PA'I PHYIR, GYA NOM GYI RNAM PA YIN TE, PHAN BDE'I NGO BOR GYUR PA'I THAR PA YIN PA'I PHYIR, NGES PAR 'BYUNG BA'I RNAM PA YIN TE, SPANGS PA SLAR MI LDOG PA'I THAR PA YIN PA'I PHYIR, BDAG MED MNGON SUM DU RTOGS PA'I SHES RAB CHOS CAN, LAM BDEN GYI LAM GYI RNAM PA YIN TE, THAR PA'I GRONG KHYER DU BGROD PAR BYED PA'I LAM YIN PA'I PHYIR, RIGS PA'I RNAM PA YIN TE, MI RIGS PA NYON MONGS PA'I DNGOS GNYEN YIN PA'I PHYIR, SGRUB PA'I RNAM PA YIN TE, SEMS KYI GNAS LUGS PHYIN CI MA LOG PAR SGRUB PA'I PHYIR, NGES 'BYIN GYI RNAM PA YIN TE, SDUG BSNGAL GTAN ZAD DU BYED PA'I LAM YIN PA'I PHYIR, LNGA PA LA GNYIS, GZHAN LUGS DANG, RANG LUGS BZHAG PA'O, ,DANG PO LA BZHI, BYE BRAG PA'I LUGS, GRANGS CAN PA'I LUGS, GCER BU PA'I LUGS, DPYOD PA PA'I LUGS SO, ,DANG PO NI, BYE BRAG PA'I LUGS LA, RDZAS DANG YON TAN LAS DANG SPYI, ,BYE BRAG 'DU BA RNAM PA DRUG ,CES PA'I TSUL GYIS SHES BYA THAMS CAD TSIG GI DON DRUG TU 'DUS PAR 'DOD CING, DE'I NANG NAS RDZAS LA THAMS CAD DU SONG BA MA YIN PA'I RDZAS DANG, THAMS CAD DU SONG BA'I RDZAS GNYIS LAS, DANG PO NI, 'BYUNG BA BZHI DANG YID DO, , @41A *, ,GNYIS PA NI, BDAG DUS PHYOGS NAM MKHA' BZHI YIN NO, ,YANG RDZAS LA RTAG PA'I RDZAS DANG MI RTAG PA'I RDZAS GNYIS LAS, BDAG DUS PHYOGS NAM MKHA' NI RNAM PA THAMS CAD DU RTAG PA'I RDZAS YIN LA, 'BYUNG BZHI LA RAGS PA DANG RDUL PHRA RAB GNYIS LAS; DANG PO NI, MI RTAG PA YIN PA, PHYI MA NI RTAG RDZAS YIN TE, MI RTAG PA YIN NA KHO RTZOM BYED KYI RDUL PHRAN YOD DGOS PA LAS MED PA'I PHYIR RO, ,CI'I PHYIR RDZAS ZHES BYA ZHE NA, RANG RKYA THUB PAS GZHAN LA RTEN MI DGOS SHING, YON TAN DON GZHAN GYI RTEN BYED PA'I PHYIR RO, ,YON TAN LA DBYE NA, GZUGS DRI RO REG GRANGS TSAD DANG, ,SO SO DANG LDAN RNAM DBYE DANG, ,GZHAN DANG GZHAN MIN BLO RNAMS DANG, ,BDE SDUG 'DOD DANG 'BAD PA DANG, ,LCI GSHER DRO SNUM 'DUS BYAS DANG, ,CHOS DANG CHOS MIN NYI SHU BZHI, ,ZHES NYER BZHI YOD DO, ,YON TAN GYI NGO BO GANG ZHE NA, RDZAS LA BRTEN PA DANG, YON TAN GNYIS PA MI BRTEN PA DANG, 'PHROD PA 'DU BA'I RGYU BYED PA DANG, RTAGS LA MI LTOS PA'O, ,'O NA DE DAG RDZAS GANG GI YON TAN YIN ZHE NA, GZUGS NI MIG SHES KYI GZUNG BYA YIN PAS SA CHU ME GSUM GYI YON TAN DANG, DRI NI SNA'I RNAM SHES KYI GZUNG BYA YIN PAS SA DANG, RO NI LCE'I RNAM SHES KYI GZUNG BYA YIN PAS SA CHU DANG, REG BYA NI LUS KYI RNAM SHES KYI GZUNG BYA YIN PAS 'BYUNG BA BZHI KA'I YON TAN YIN NO, ,GRANGS NI GCIG GNYIS LA SOGS PA'I THA SNYAD 'JUG PA'I RGYUR GYUR PA'I DNGOS PO ZHIG GO, DBYE NA GCIG DANG DU MA LA SOGS PA YOD DO, ,TSAD NI CHE CHUNG LA SOGS PA'I THA SNYAD 'JUG PA'I RGYUR GYUR PA'I DNGOS PO ZHIG GO, ,DBYE NA CHEN PO DANG CHUNG DU DANG RING PO DANG THUNG NGU STE BZHI'O, ,CHEN PO LA RTAG PA'I CHEN PO DANG MI RTAG PA'I CHEN PO'O, ,DANG PO NI, BDAG DUS PHYOGS NAM MKHA' RNAMS KYI @41B YON TSAN YIN LA, DE RNAMS LA MCHOG TU CHEN PO ZHES KYANG BYA'O, ,GNYIS PA NI, RDUL PHRAN GSUM YAN CHAD KYIS BRTZAMS PA'I RDZAS KYI TSAD YIN NO, ,CHUNG NGU LA YANG RTAG PA DANG MI RTAG PA GNYIS, DANG PO NI, RDUL PHRA RAB YID LA ZLUM POR SNANG BA'I RDZAS KYI TSAD DU 'DOD DO, ,GNYIS PA NI RDUL PHRA RAB GNYIS KYIS BRTZAMS PA'I RDZAS KYI TSAD DO, ,RING PO NI RDUL PHRAN GSUM YAN CHAD KYIS BRTZAMS PA'I RDZAS KYI TSAD YIN LA, THUNG NGU NI RDUL PHRAN GNYIS KYIS BRTZAMS PA'I RDZAS KYI TSAD YIN NO, ,DES NA MCHOG TU CHEN PO MA GTOGS PA'I RDZAS KYI TSAD RNAMS THAMS CAD DU SONG BA MA YIN PA'I RDZAS KYI TSAD YIN NO, ,SO SO BA NI, KA BUM LTA BU SO SO BA'I THA SNYAD 'JUG PA'I RGYUR GYUR PA'I DNGOS PO ZHIG GO, LDAN PA NI, SNAM BU'I GNAS SKABS NA SNAL MA RNAMS PHRAD PA LA 'DI RNAMS NI PHRAD PA'O SNYAM DU 'DZIN PA'I BLO'I RGYUR RGYUR PA'I DNGOS PO ZHIG GO, RNAM DBYE NI, SNGAR PHRANG PA PHYIS SO SOR SONG BA LA BYE PAR 'DZIN PA'I BLO'I RGYUR GYUR PA'I DNGOS PO ZHIG GO, GZHAN NI BUM PA LTA BU KA BA LTA BU LAS GZHAN DU 'DZIN PA'I BLO'I RGYUR GYUR PA'I DNGOS PO ZHIG GO, GZHAN MIN PA NI, BUM PA LTA BU RANG LAS GZHAN MA YIN PAR 'DZIN PA'I BLO'I RGYUR GYUR BA'I DNGOS PO ZHIG GO, BLO RNAMS NI 'JUG SHES LNGA PO YIN LA, DE RNAMS NI RANG NYID RIG PA MA YIN PAR YID KYI RNAM SHES KYI RIG BYED 'DOD PA YIN NO, ,BDE BA NI SIM PA DANG, SDUG PA NI GDUNG BA DANG, 'DOD PA NI 'DOD CHAGS DANG, LDANG BA NI ZHE SDANG DANG, 'BAD PA NI RTZOL BA YIN LA, DE RNAMS NI BEM PO YIN ZHING RANG GANG LA LDAN PA'I YON TAN CAN DE LAS RDZAS THA DAD PA DANG, THA SNYAD PA'I TSAD MAS RIG PAR BYA BA YIN NO, ,LCI BA NI YAN LAG CAN KHYAD PAR GSUM LDAN GYI RDZAS THUR DU 'DREN PAR BYED PA'I DNGOS PO ZHIG GO ,GSHER BA NI CHU'I YON @42A *, ,TAN DANG, DRO BA NI ME'I YON TAN DANG, SNUM PA NI SNUM LTA BU DANG CHU PHRAD PA'I RDZAS KYI YON TAN DU 'DOD DO, ,'DUS BYAS LA DBYE NA, SHUGS DANG, BAG CHAGS DANG, GNAS PA 'JIG PA DANG GSUM MO, ,DANG PO NI, 'BAD RTZOL GYIS BSKYED PA'I KHYAD PAR ZHIG STE, DPER NA; MDA' 'PHANGS PA 'BAD RTZOL GYIS BSKYED PAS BAR DUS LA MI LTUNG BAR BYED PA LTA BU'O, ,DE YANG MDA' DANG 'BAD RTZOL LAS DON GZHAN DU GYUR BA ZHIG GO, GNYIS PA NI, RANG RGYU RNAM SHES LAS SKYES PA DANG RANG 'BRAS SKYED PAR BYED PA'I NUS PA'I NGO BOR GYUR PA ZHIG GO, DE YOD PAR CIS GRUB CE NA, MTHONG BA DANG THOS PA DANG DRAN PA SKYE BA'I RTAGS LAS 'GRUB STE, MTHONG THOS KYI BAG CHAGS MA BZHAG NA PHYIS DRAN PA SKYE BA MI 'THAD PA'I PHYIR, GSUM PA NI, 'BAD PAS GNAS PAR BYAS KYANG 'BAD PA BTANG BA NA SNGAR GYI JI LTA BA BZHIN DU 'DUG PA ZHIG YIN TE, DPER NA SHING TA LA'I 'DAB MA 'BAD PAS BRKYAENGS PA BTANG BA NA SNGAR BLTAB PA BZHIN DU SLAR YANG 'GYUR BA LTA BU'O, ,CHOS NI KHRUS DANG MCHOD SBYIN SOGS MA 'ONGS PA NA BDE BA STER BAR BYED PA'I LAS SO, ,CHOS MIN PA NI MA 'ONGS PA NA SDUG BSNGAL STER BAR BYED PA'I LAS SO, , DES NA BLO DANG BDE SDUG 'DOD SDANG CHOS DANG CHOS MIN PA DANG 'BAD PA DANG 'DUS BYAS TE, DGU NI BDAG KHO NA'I YON TAN YIN NO, ,RGYAS PAR PHYE NA, BLO LA LNGA DANG 'DUS BYAS LA GSUM DU PHYE BAS BCO LNGA YOD DO, ,'O NA BDAG GI NGO BO GANG ZHE NA, YON TAN DGU PO'I RTEN BYED PA DANG, LUS DBANG BLO GSUM LAS NGO BO THA DAD PA YIN PA DANG, YON TAN DGU PO DE RANG LA 'PHROD PA'I RGYU BYED PA DANG, RTAG PA DANG, THAMS CAD LA KHYAB PA'O, ,'O NA DE LTA BU'I BDAG YOD PAR CIS GRUB CE NA, DE LTA BU'I BDAG MED NA LAS BYAS PA'I 'BRAS BU RNAM SMIN MYONG BA PO MED PA @42B DANG, GZHAN GYIS LAS BYAS PA GZHAN GYIS MYONG BA DANG, LAS BYAS PA CHUD ZOS PA DANG, LAS MA BYAS PA DANG PHRAD PAR 'GYUR BAS, LAS BYED PA PO DANG RNAM SMIN MYONG BA PO'I BDAG RTAG PA YOD PA YIN NO, ,'O NA BDAG GI NGO BO RTAG PA YIN NA, DE LAS BYED PA PO DANG RNAM SMIN MYONG BA PO YIN PAR 'GAL LO ZHE NA, MI 'GAL TE, BDAG GI NGO BO RTAG PA YIN KYANG, BDAG LA 'DU BA'I SHES PA DANG 'BAD PA LA SOGS PAS LAS BYED PA LA BDAG GIS LAS BYED PA ZHES PA DANG, BDAG LA 'DU BA'I RNAM SHES KYIS BDE BA LA SOGS PA MYONG BA LA BDAG GIS BDE BA MYONG BAR 'JOG PA'I PHYIR, DPER NA, BDAG LA 'DU BA'I MIG GI RNAM SHES KYIS GZUGS MTHONG BA LA BDAG GIS GZUGS MTHONG BAR 'JOG PA BZHIN NO, ,GAL TE BDAG GI NGO BO RTAG PA YIN NA BDAG SKYE 'CHI BYED PAR 'GAL LO ZHE NA, MI 'GAL TE, BDAG RTAG KYANG DE LUS DBANG BLO SOGS DANG GSAR DU 'BREL BA LAS BDAG SKYE BA DANG, DE DE RNAMS DANG GSAR DU BRAL BA LAS 'CHI BAR 'JOG PA'I PHYIR RO, ,DPER NA 'DUS MA BYAS KYI NAM MKHA'I NGO BO RTAG PA YIN YANG, DE LA BRTEN NAS 'DU 'GOD KYI BYA BA BYED PA BZHIN NO, ,GZHAN YANG, GSON LUS CHOS CAN, BDAG DANG BCAS PA YIN TE, SROG LDAN YIN PA'I PHYIR ZHES PA'I RTAGS LA BRTEN NAS KYANG BDAG YOD PAR GRUB BO, ,LAS LA BRKYANGS BSKUMS 'DEGS 'JOG 'GRO BA DANG LNGA'O, ,SPYI LA YOD PA NYID LTA BU THAMS CAD LA KHYAB PA'I SPYI DANG, BA LANG NYID LTA BU NYI TSE BA'I SPYI GNYIS SO, ,BYE BRAG NI, SO SOR MA 'DRES PA'I GSAL BA RNAMS YIN LA, DE YANG SPYI GSAL BYED DU 'DOD DO, ,'DU BA NI RDZAS LA SOGS PA RTEN DANG BRTEN CAN DU 'DU BA ZHIG YIN LA, DE YANG TSIG GI DON GZHAN LNGA LAS NGO BO GZHAN DU 'DOD DO, ,JI SRID YON TAN DGU PO DE BDAG LA 'PHROD PA 'DU BA @43A *, ,DE SRID DU CHOS DANG CHOS MA YIN PA'I LAS BSAGS NAS BDE 'GRO DANG NGAN 'GROR 'KHOR BAR 'GYUR ZHING, BDAG GI BA RNAMS SDUG BSNGAL DU BSGOMS NAS YON TAN RNAMS MA LUS PAR SPANGS TE, BDAG RTAG PA 'BA' ZHIG GNAS PA DE'I TSE 'KHOR BA LAS THAR PA YIN NO ZER RO, ,GNYIS PA GRANGS CAN GYI LUGS NI, GRANGS CAN GYI LUGS LA, SHES BYA THAMS CAD NYER LNGAR GRANGS NGES PAR 'DOD LA, NYER LNGA GANG ZHE NA, BDAG SHES RIG GI SKYES BU DANG, GTZO BO DANG, CHEN PO DANG, NGA RGYAL DANG, DE TZAM LNGA DANG, DBANG PO BCU GCIG DANG, 'BYUNG BA LNGA'O, ,BDAG YOD PAR GANG GIS GRUB CE NA, SKYES BU CHOS CAN, BDAG YIN TE, BCING THAR GYI RTEN BYED PA'I PHYIR, ZHES PA'I RTAGS LA BRTEN NAS BDAG YOD PAR GRUB CING, MIG SOGS CHOS CAN, GZHAN DON BYED DE, 'DUS SHING BSAGS PA YIN PA'I PHYIR ZHES PA'I RTAGS LA BRTEN NAS MIG SOGS BDAG GI LONGS SPYAD BYAR GRUB LA, DE LTAR NA LONGS SPYOD PA PO'I BDAG YOD PAR GRUB BO, ,SPYI DANG GTZO BO DANG RANG BZHIN RNAMS RNAM GRANGS YIN LA, NGO BO NI RDUL MUN SNYING STOBS GSUM CHA MNYAM PA'I GNAS SKABS MI GSAL BA NUS PA'I NGO BOR GNAS PA NI GTZO BO YIN NO, ,DE LTA BU'I GTZO BO YOD PAR GANG GIS GRUB CE NA, GSAL BA RNAMS CHOS CAN, YON TAN GSUM CHA MNYAM PA NUS PA'I NGO BOR GYUR PA'I GTZO BO YOD DE, RIGS GCIG PA'I SGRA BLO 'JUG PA'I PHYIR DANG, YON TAN GSUM GYI RIGS CHA MNYAM PA RJES SU 'GRO BAR MTHONG BA'I PHYIR DANG, RGYU DU MAS 'BRAS BU GCIG SKYED PA'I NUS PA MTHONG BA'I PHYIR DANG, NAS KYI SA BON LAS NAS KYI MYU GU 'BYUNG LA, SRAN MI'I MYU GU MI 'BYUNG BA'I DBYE BA YOD PA'I PHYIR DANG, KHAMS GSUM PO 'DI DBYER MED DU THIM PAR 'GYUR BA'I GNAS @43B YOD PA'I PHYIR, ZHES RTAGS LNGA BKOD DE, KHYAD PAR TSAD PHYIR RJES 'GRO'I PHYIR, ,NUS PA'I SGO NAS 'JUG PA'I PHYIR, ,RGYU DANG 'BRAS BU DBYER YOD PHYIR, ,RANG BZHIN SNA TSOGS DBYER MED PHYIR, ,MI GSAL BA YI RGYU YOD DO, ,ZHES BSHAD DO, ,BLO DANG CHEN PO NI MIG GI RNAM GRANGS YIN LA, DE YANG PHYE NAS YUL DANG NANG NAS SKYES BU GNYIS KA'I GZUGS BRNYAN 'CHAR BA ME LONG NGOS GNYIS PA LTA BU ZHIG YOD DO, ,NGA RGYAL DANG SNYAM SEMS PA NI RNAM GRANGS YIN LA, DBYE NA SNYING STOBS CAN GYI NGA RGYAL DANG, RNAM PAR 'GYUR BA CAN GYI NGA RGYAL DANG, MUN PA CAN GYI NGA RGYAL TE GSUM MO, ,DE TZAM LNGA NI, GZUGS SGRA DRI RO REG BYA LNGA'O, ,DBANG PO BCU GCIG NI, MIG DANG RNA BA DANG, SNA DANG LCE DANG PAGS PA'I DBANG PO STE BLO'I DBANG PO LNGA DANG, NGAG DANG, LAG PA DANG, RKANG PA DANG, RKUB DANG, 'DOMS KYI DBANG PO STE LAS KYI DBANG PO LNGA DANG, YID KYI DBANG PO RNAMS YIN NO, ,'BYUNG BA LNGA NI, SA CHU ME RLUNG NAM MKHA' 'O, ,SHES BYA NYER LNGA LA, RGYU YIN LA 'BRAS BU MA YIN PA, RGYU 'BRAS GNYIS KA YIN PA, 'BRAS BU YIN LA RGYU MA YIN PA, RGYU 'BRAS GNYIS KA MA YIN PA RNAMS SU YOD DE, DBANG PHYUG NAG PO'I GZHUNG LAS, RTZA BA'I RANG BZHIN RNAM PAR 'GYUR MIN LA, ,CHEN PO SOGS BDUN RANG BZHIN RNAM 'GYUR ZHING, ,BCU DRUG PO NI RNAM PAR 'GYUR BA STE, ,SKYES BU RANG BZHIN MA YIN RNAM 'GYUR MIN, ,ZHES 'BYUNG BA LTAR, RTZA BA'I RANG BZHIN RGYU YIN GYI RNAM 'GYUR MA YIN NO, ,CHEN PO SOGS RGYU DANG 'BRAS BU GNYIS KA YIN TE, RTZA BA'I RANG BZHIN GYI 'BRAS BU YIN LA, RANG GI RNAM 'GYUR RNAMS KYI RGYU YIN PA'I PHYIR, BCU DRUG PO NI 'BRAS BU YIN TE, NGA RGYAL LA SOGS PA'I 'BRAS BU YIN PA'I PHYIR, RGYU MA YIN TE, RANG GI 'BRAS BU MI SRID PA'I PHYIR, BDAG SHES RIG GI SKYES BU NI RGYU YANG MA YIN 'BRAS BU YANG MA YIN NO, ,RGYU LAS 'BRAS BU 'BYUNG BA'I TSUL NI, SKYES BU YUL LONGS SPYOD PAR 'DOD @44A *, ,PA SKYES PA'I TSE, SKYES BU'I 'DOD PA SHES PA'I RANG BZHIN DANG SKYES BU GNYIS LHAN CIG TU SBYAR NAS RNAM 'GYUR RNAMS 'BYIN PAR BYED DO, GTZO BO LAS BLO'AM CHEN PO 'BYUNG LA, DE LAS NGA RGYAL 'BYUNG, NGA RGYAL GSUM YOD PA LAS, SNYING STOBS CAN GYI NGA RGYAL LAS DBANG PO BCU GCIG 'BYUNG, RNAM PAR 'GYUR BA CAN GYI NGA RGYAL LAS, DE TZAM LNGA 'BYUNG LA, DE LAS 'BYUNG BA LNGA 'BYUNG NGO, ,MUN PA CAN GYI NGA RGYAL NI, DE GNYIS KA'I 'JUG BYED YIN NO, ,DE LTAR JI SRID DU RANG BZHIN DANG SKYES BU GCIG TU ZHEN NAS YUL LA LONGS SPYOD PA DE SRID DU 'KHOR BA YIN LA, RANG BZHIN DANG SKYES BU THA DAD DU SHES NAS GOMS PAR BYAS PAS MNGON SHES THOB PA'I TSE, MNGON SHES GYIS GTZO BO LA BLTAS PAS GTZO BO SKYE NGAS PA'I TSUL GYIS SKYES BU DANG BRAL BAR 'GYUR LA, DE'I TSE RGYU LOG PA'I RIM GYIS RNAM 'GYUR RNAMS KYANG LDOG CING, BDAG SHES RIG GI SKYES BU GCIG TU GNAS PA'I TSE 'KHOR BA LAS GROL BA YIN NO ZHES ZER RO, ,GSUM PA GCER BU PA'I LUGS NI, GCER BU PA'I LUGS LA, , SHES BYA THAMS CAD DON DGUR 'DUS TE, SROG DANG, ZAG PA DANG, SDOM PA DANG, NGES PAR RGA BA DANG, 'CHING BA DANG, LAS DANG, SDIG PA DANG BSOD NAMS DANG, THAR PA'O, ,DE LA SROG NI BDAG YIN LA, DE YANG SKYES BU'I LUS KYI TSAD JI LTA BA BZHIN DU YOD PAR 'DOD DO, ,ZAG PA NI DGE BA DANG MI DGE BA'I LAS TE, DE'I DBANG GIS 'KHOR BAR ZAG PAR BYED PA'I PHYIR RO, ,SDOM PA NI ZAG PA 'GOG PAR BYED PA STE, LAS GSAR DU MI GSOG PA'O, ,NGES PAR RGA BA NI, ZAS MI ZA BA DANG, LUS GDUNG BA LA SOGS PA'I @44B DKA' THUB KYIS SNGAR BSAGS PA'I LAS RGAS PAR BYED PA STE, LAS ZAD PAR BYED PA'I RGYU YIN PA'I PHYIR RO, ,'CHING BA NI, LOG PAR LTA BA'O, ,LAS NI RNAM PA BZHI STE, PHYIS MYONG BAR 'GYUR BA DANG, MING DANG, RUS DANG, TSE'O, ,SDIG PA NI CHOS MIN PA'O, ,BSOD NAMS NI CHOS SO, ,THAR PA NI, DKA' THUB LA SOGS PAS SNGAR BYAS PA'I LAS THAMS CAD ZAD PAR BYAS SHING, LAS GSAR DU MA BSAGS PAS, 'JIG RTEN THAMS CAD KYI STENG NA 'DUG PA'I GNAS 'JIG RTEN 'DUS PA ZHES BYA BA GDUGS DKAR PO GYEN LA BSLANGS PA LTA BU YOD PAS DER 'GRO BA YIN NO, ,DE SKAD DU'ANG, RGYAL BA DAM PAS, KHA BA RGYA SPOS ME TOG DANG, ,BZHO BA MO MU TIG MDOG ,GDUGS DKAR BZUNG BA'I DBYIBS 'DRA BA, ,THAR PA YIN PAR RGYAL BAS BSHAD, ,CES 'BYUNG NGO, ,BZHI PA DPYOD PA PA'I LUGS NI, DPYOD PA PA'I LUGS LA, RIG BYED LAS GANG SNANG BA NI RANG BYUNG YIN TE, DE NI DE KHO NA NYID YIN NO ZHES SGRO BTAGS NAS MCHOD SBYIN LA SOGS PA 'BA' ZHIG GIS GROL BA THOB PAR 'GYUR LA, DE YANG MTHO RIS DANG THAR PA TZAM ZHIG YOD KYI, THAMS CAD MKHYEN PA NI MED DO ZHES SKUR PA 'DEBS TE, THUB PA CHOS CAN, THAMS CAD MKHYEN PA MA YIN TE, NGAG SMRA BA'I PHYIR, SKYON RNAMS ZAD PA MA YIN TE, LUS DANG BLO DANG DBANG PO DANG LDAN PA'I PHYIR ZHES SMRA'O, ,DE YANG RIG BYED BZHI TSAD MAR SMRA BAS NA RIG BYED BA ZHES KYANG BYA LA, RIG BYED BZHI NI, SNYAN NGAG GI RIG BYED DANG, SRED SRUNGS KYI RIG BYED DANG, NGES BRJOD KYI RIG BYED DANG, MCHOD SBYIN GYI RIG BYED DO, ,RIG BYED DE DAG GI BRJOD BYA'I DON MTHA' GCIG TU NGES PA YIN GYI, 'DOD PA'I DBANG GIS DON GANG YANG RUNG BA LA 'JUG PA MIN NO, ,DES NA RIG BYED KYI SGRA RNAMS CHOS CAN, BDEN PA'I DON CAN YIN TE, SKYES @45A *, ,BUS MA BYAS PA'I PHYIR DANG, PHYOGS GCIG BDEN PA'I PHYIR ZHES 'DOD DO, ,GZHAN SDE 'DI RNAMS LA KUN NAS NYON MONGS PA DANG, RNAM BYANG LA BRTEN PA'I 'GAL 'DU GNYIS YOD DE, KUN NAS NYON MONGS LA BRTEN PA'I 'GAL 'DU NI, 'KHOR BA'I SKYE 'CHIS BSDUS PA'I SDUG BSNGAL RGYUN CHAD PAR 'DOD PA DANG, DE DAG GI RTZA BA GANG ZAG GI BDAG DANG, GTZO BO LA SOGS PA RTAG PAR 'DOD PA 'GAL TE, RGYU MA LOG PAR 'BRAS BU MI LDOG CING, RTAG DNGOS DUS NAM YANG MI LDOG PA'I PHYIR RO, ,RNAM BYANG LA BRTEN PA'I 'GAL 'DU NI, SDUG BSNGAL 'GAGS PA'I THAR PA THOB PAR 'DOD PA DANG, GANG ZAG GI BDAG RIGS PAS GRUB PA 'GAL TE, GANG ZAG GI BDAG 'DZIN YOD NA 'KHOR BA'I SDUG BSNGAL MI 'DOD BZHIN DU NA NI GYIS 'BYUNG BA'I PHYIR RO, ,DPYOD PA PA'I LUGS 'GOG BYED RGYAS PAR RTZA BA'I GZHUNG LAS BSHAD LA, 'DIR RIG BYED KYI SGRA THOS PA'I NYAN SHES KYIS RIG BYED KYI SGRA RTAG PA GZUNG DON DU GSAL BA LA, GNOD BYED, BLO NI SKYES BU'I RTEN CAN MIN, ,ZHES PA'I DON BSHAD PAR BYA STE, RIG BYED KYI SGRA THOS PA'I NYAN SHES CHOS CAN, RTAG DNGOS YIN PAR THAL, RIG BYED KYI SGRA RTAG DNGOS GZUNG DON DU GSAL BA'I PHYIR, 'DOD NA, SKYES BU LA MI BRTEN PAR THAL LO, ,'DOD NA, RGYU MTSAN MTSUNGS PAS BLO THAMS CAD SKYES BU LA MI BRTEN PAR 'GYUR LA, DE 'DOD NA, BLO NI SKYES BU'I BRTEN CAN MA YIN PA'I RTAG PAR KHAS LEN PA LA, KHAS BLANGS MNGON SUM GRAGS PA DANG RJES SU DPAG PAS CIG CAR DU GNOD DO, ,JI LTAR GNOD NA, DPYOD PA PAS BLO RNAMS SKYES BU LA MI BRTEN PAR KHAS BLANGS PAS KHAS BLANGS 'GAL BAS GNOD DE, DPYOD PA PAS BLO THAMS CAD SKYES BU'I @45B YON TAN DU KHAS BLANGS SHING, YON TAN YANG YON TAN CAN LA BRTEN PAR KHAS BLANGS PA'I PHYIR DANG, NYES RNAMS SKYES BU LA BRTEN PHYIR, ,ZHES NYES PA CHAGS SOGS RNAMS SKYES BU LA BRTEN PAR KHAS BLANGS PA'I PHYIR RO, ,BLO NYAN SHES MA BYAS PAR KHAS BLANGS PA'I DON LA MNGON SUM GYIS GNOD DE, NYAN SHES DE DBANG YID SOGS RKYEN GSUM TSOGS PA'I SKABS LA LAR SKYE, RKYEN GSUM MA TSOGS NA MI SKYE BAR MYONG BAS GRUB PA'I PHYIR, NYAN SHES SKYES BUS MA BYAS PA'I THA SNYAD LA, DNGOS STOBS RJES DPAG GIS GNOD DE, DE LA RIG BYED KYI SGRA THOS PA'I NYAN SHES CHOS CAN, SKYES BUS BYAS TE, DBANG YID DANG LCE RKAN GYI RTZOL BA SOGS PHAN 'DOGS BYED DU YOD MED KYI RJES SU 'GRO LDOG BYED PA'I PHYIR, ZHES PA'I RTAGS LA BRTEN PA'I RJES DPAG GIS GNOD PA'I PHYIR, RIG BYED KYI SGRA THOS PA'I NYAN SHES RTAG PA'I DAG TU KHAS BLANGS PA LA GRAGS PAS GNOD DE, DE LA NGAG THAMS CAD 'DOD PA'I DBANG GIS DON THAMS CAD LA 'JUG RUNG DU RTOGS PA'I GRAGS PA'I RJES DPAG GIS GNOD PA'I PHYIR, KHA CIG MNGON RJES KYIS GRUB PA'I DON YIN NA, GRAGS PAS GRUB PAS KHYAB PA'I PHYIR, DE LA GRAGS PAS GNOD ZER BA MI 'THAD DE, GRAGS PA ZHES PA GAGS PA'I TSAD MA LA 'DOD DAM, 'JIG RTEN PA LA DE LTAR GRAGS PA LA 'DOD, DANG PO LTAR NA, DNGOS STOBS KYIS GRUB NA 'DOD PA TZAM GYIS GRUB PAS KHYAB PAR THAL, MNGON RJES KYIS GRUB PA'I DON YIN NA GRAGS PA'I TSAD MAS GRUB PAS KHYAB PA'I PHYIR, TSAD MA BZHI PO GNOD YUL SO SOR BSTAN PA'ANG MI 'THAD PAR THAL, DE'I PHYIR, GNYIS PA LTAR NA, GRAGS PAS GNOD PA DAM BCA'I SKYON YIN NAM MIN, MIN NA, DAM BCA' YANG DAG YIN NA GRAGS PAS MI GNOD PA @46A *, ,ZHIG DGOS PA MA YIN PAR THAL LO, ,'DOD NA, MNGON SUM DON DANG RJES DPAG DANG, ,YID CHES GRAGS PAS MA BSAL BA, ? ,ZHES GSUNGS PA DANG 'GAL LO, ,GRAGS PAS GNOD PA DAM BCA'I SKYON YIN NA, BUM PA YUL DUS RANG BZHIN MA 'DRES PAR DAM BCAS PA LA GRAGS PAS GNOD PAR THAL, 'JIG RTEN NA SNGA DRO'I BUM PA PHYI DRO YOD PAR GRAGS PA'I PHYIR, KHYAB PA KHAS, 'DOD NA, BUM PA YUL DUS MA 'DRES PAR DAM 'CHA' BA MI RIGS PAR THAL, DE LA GRAGS PAS GNOD PA'I PHYIR, KHYAB RTAGS KHAS, GZHAN YANG, 'JIG RTEN PA YIN NA BSTAN BCOS KYI BRDA LA BYANG ? BAS KHYAB PAR THAL, MNGON RJES KYIS GRUB NA 'JIG RTEN PA LA GRAGS PAS KHYAB PA'I PHYIR, 'DIR KHAS BLANGS KYIS GNOD PA NI, KHAS BLANGS SNGA PHYI 'GAL BAS GNOD PA YIN GYI, KHAS BLANGS PA'I LUNG GIS GNOD PA MIN TE, BLO SKYES BU LA MI BRTEN PA LUNG GIS BSAL BA YIN NA, BLO SKYES BU LA BRTEN PA SHIN TU LKOG GYUR DU THAL BA'I PHYIR RO, ,SPYIR KHAS BLANGS KYIS GNOD PA DANG MNGON SUM GYIS GNOD PA GNYIS GZHI GCIG LA 'JUG PA MI 'GAL TE, SNGAR SGRA MNYAN BYAR KHAS BLANGS NAS DE MA DOR BZHIN DU SGRA MNYAN BYA MA YIN PAR KHAS BLANGS PA LTA BU'O, ,GNYIS PA RANG LUGS BZHAG PA LA GNYIS, THAR PA RIGS PAS BSGRUB PA DANG, THAMS CAD MKHYEN PA RIGS PAS BSGRUB PA'I TSUL LO, ,DANG PO NI, GANG CHOS DE'I RGYU'I RIGS LA GNOD BYED STOBS LDAN YOD NA, CHOS DE RGYUN CHAD PA SRID PAS KHYAB, DPER NA GRANG REG LA GNOD BYED STOBS LDAN PA YOD PAS GRANG 'BRAS SPU LONG BYED RGYUN CHAD PA SRID PA BZHIN, SDUG BSNGAL GYI RGYU'I RIGS LA GNOD BYED STOBS LDAN PA YOD PA YIN NO, ,ZHES PA'I RTAGS LA BRTEN NAS SDUG BSNGAL RGYUN CHAD PA'I THAR PA YOD PAR GRUB PA'O, ,RTAGS 'DI'I KHYAB PA MNGON SUM GYIS @46B GRUB LA, PHYOGS CHOS DNGOS STOBS KYI RIGS PAS GRUB STE, DE'I TSUL NI, YUL GYI GNAS LUGS LA PHYIN CI LOG TU ZHUGS PA'I BLO YIN NA, GNOD BYED STOBS LDAN YOD PAS KHYAB, DPER NA DU LDAN GYI LA LA DU BA MED PAR 'DZIN PA'I BLO BZHIN, GANG ZAG GI BDAG 'DZIN DE YANG YUL GYI GNAS LUGS LA PHYIN CI LOG TU ZHUGS PA YIN NO, ,RTAGS 'DI'I KHYAB PA MNGON SUM GYIS GRUB LA, PHYOGS CHOS GANG ZAG GI BDAG MED SGRUB PA'I RIGS PAS 'GRUB PA YIN NO, ,GANG ZAG GI BDAG 'DZIN LA GNOD BYED YOD PAS SDUG BSNGAL GYI RGYU LA GNOD BYED YOD PAR GANG GIS 'GRUB CE NA, 'GRUB STE GANG ZAG GI BDAG 'DZIN DE SDUG BSNGAL GYI RTZA BA YIN PA'I PHYIR TE, GANG ZHIG BDAG MTHONG DE LA NI, ,ZHES GSUNGS PA LTAR, GANG ZAG GI BDAG 'DZIN LAS BDAG DANG MI 'BRAL BAR 'DOD PA'I SRED PA SKYE LA, DE LAS BDAG GI BDE BA LA SRED PA SKYE, DE LAS BDAG GI BDE BA SGRUB BYED DBANG SOGS BDAG GI BA DANG, PHYI ROL GYI ZAS GOS SOGS LA SRED PA SKYE LA, DES SGO GSUM GYI LAS MNGON PAR 'DUS BYAS PA LAS 'DOD PA'I DON MA THOB PA DANG, MI 'DOD PA'I DON THOB PA'I SDUG BSNGAL SKYE BA'I PHYIR, DES TSE 'DI'I SDUG BSNGAL DANG GANG ZAG GI BDAG 'DZIN GNYIS RGYU 'BRAS SU GRUB PA YIN NO, ,'CHI KHA'I SRED PAS SRED PA PHYI MA MTSAMS SBYOR BAR SGRUB PA'I RTAGS LA BRTEN NAS, GANG ZAG GI BDAG 'DZIN DANG TSE PHYI MA'I SDUG BSNGAL GNYIS RGYU 'BRAS SU DNGOS STOBS RJES DPAG GIS GRUB PA YIN NO, ,'O NA GANG ZAG GI BDAG 'DZIN YUL GYI GNAS LUGS LA PHYIN CI LOG TU ZHUGS PA'I BLO YIN PAR GANG GIS GRUB CE NA, 'DI LA DGAG BYA GANG ZAG GI BDAG NGOS GZUNG BA DANG, GANG ZAG GI BDAG MED RIGS PAS SGRUB PA DANG, GANG ZAG GI BDAG MED NYAMS SU LEN PA'I TSUL LO, , @47A *, ,DANG PO NI, BLO LHAN SKYES 'DI LA PHUNG PO'I TSOGS RGYUN GANG YANG MA YIN PA'I RANG DBANG BA'I GANG ZAG TU ZHEN PA ZHIG YOD LA, BDAG 'DZIN DES GANG ZAG DE PHUNG PO LA BTAGS PA TZAM DANG RNAM PAR SHES PA LA BTAGS PA TZAM DU 'DZIN PA MIN TE, DA LTA'I PHUNG PO DANG RNAM SHES MI GSAL BA 'DI DANG, PHUNG PO DANG RNAM SHES KHYAD PAR CAN GZHAN PA RJES BYUNG NA BRJE BA LA 'JUG PA'I PHYIR, DES NA GANG ZAG GI BDAG 'DZIN DE'I ZHEN YUL RANG DBANG BA'I GANG ZAG YOD NA DE DGAG BYAR GYUR PA'I GANG ZAG GI BDAG YIN NO, ,GNYIS PA NI, RANG DBANG BA'I GANG ZAG CHOS CAN, RANG BZHIN GYIS MED DE, PHUNG PO DANG RANG BZHIN GCIG TU YANG MA GRUB, RANG BZHIN THA DAD DU YANG MA GRUB PA'I PHYIR, DE SGRUB PA LA PHUNG PO CHOS CAN, RANG DBANG BA'I GANG ZAG DANG RANG BZHIN GCIG TU MA GRUB STE, RGYU RKYEN GYI GZHAN DBANG CAN YIN PA'I PHYIR, CHOS CAN, DE DANG RANG BZHIN THA DAD DU MA GRUB STE, RANG BZHIN THA DAD DU GRUB NA TSAD MAS DMIGS SU RUNG BA LAS DE LTAR DU TSAD MAS MA DMIGS PA'I PHYIR, DE LTAR GTAN TSIGS GNYIS PO DE LA BRTEN NAS GANG ZAG GI BDAG 'DZIN KUN BRTAGS KYI ZHEN YUL RNAM PAR BCAD PA'I SDUG BSNGAL BDEN PA'I KHYAD CHOS STONG BDAG MED GNYIS GRUB LA, RTZA BA'I RTAGS LA BRTEN NAS GANG ZAG GI BDAG 'DZIN LHAN SKYES KYI ZHEN YUL RNAM PAR BCAD PA'I BDAG MED GRUB PA YIN NO, ,GSUM PA NI, DANG POR GANG ZAG GI BDAG 'DZIN NGOS GZUNG LA GANG ZAG GI BDAG MED SGRUB PA'I RIGS PA LA BRTEN NAS RANG DBANG BA'I GANG ZAG CUNG ZAD KYANG MED DO SNYAM DU YANG DANG YANG DU MNYAM PAR 'JOG CING, DE LAS LANGS PA'I TSE GANG ZAG 'DI PHUNG PO LA BRTEN NAS BTAGS PA TZAM DU KHONG DU CHUD PAR BYAS NAS @47B MNYAM RJES GNYIS SU GOMS PAR BYAS PA LAS, SDUG BSNGAL GNYEN PO'I STOBS KYIS SPANGS PA'I BRAL BA DE NYID THAR PA DANG 'GOG BDEN YIN NO, ,KHA CIG CHOS MCHOG GIS, NGES PAR LEGS PA'I RANG BZHIN DU GYUR PA'I SEMS NI 'GOG PA'O, ,ZHES PA'I DON DU BSAMS NAS 'GOG BDEN YIN NA SHES PA YIN PAS KHYAB BO ZHES ZER RO, ,DE NI MI RIGS TE, 'GOG BDEN LAN CIG THOB PHYIN CAD 'KHOR BA JI SRID MA STONGS KYI BAR DU RES 'JOG MIN PAR RGYUN MI CHAD LA, 'GOG BDEN DU GYUR PA'I SEMS LA DE MI SRID PA'I PHYIR, GZHAN YANG, GNYEN PO'I STOBS KYIS SPANG BYA SPANGS PA'I BRAL BA ZHIG YOD DAM MED, MED NA, NGES LEGS KYI RANG BZHIN DU GYUR PA'I SEMS MED PAR 'GYUR LA, YOD NA NGES LEGS KYI RANG BZHIN DU GYUR PA'I SEMS LA 'GOG BDEN DU BTAGS PA DON MED PAR THAL, GNYEN PO'I STOBS KYIS SPANG BYA SPANGS PA'I BRAL BA DE NYID 'GOG BDEN DU KHAS BLANGS PAS CHOG PA'I PHYIR, MA KHYAB STE, BRAL BA DE NYID 'GOG BDEN DANG SEMS GNYIS KA YIN PA'I PHYIR ZHE NA, MI RIGS TE, DE NYID 'DUS MA BYAS PA'I PHYIR, CHOS MCHOG GI 'GREL BA'I DON NI, SEMS KYI STENG GI NGES LEGS KYI RANG BZHIN DU GYUR PA'I BRAL BA DE 'GOG BDEN YIN ZHES PA'O, ,GNYIS PA NI, GANG GNOD BYED STOBS LDAN YIN NA, DE'I RIGS LA GNOD BYA MTHA' DAG DANG BRAL BA DANG LHAN CIG TU TSOGS PA YOD PAS KHYAB, DPER NA, GNOD BYED ME STOBS LDAN PA DE GNOD BYA GRANG REG MTHA' DAG ZAD PA DANG LHAN CIG TU TSOGS PA BZHIN, BDEN BZHI'I GNAS LUGS MNGON SUM DU RTOGS PA'I YE SHES 'DI YANG GNOD BYED STOBS LDAN PA YIN NO, ,ZHES PA'I RTAGS LA BRTEN NAS DE LTA BU'I YE SHES DE DRI MA MTHA' DAG ZAD PA DANG LHAN CIG @48A *, ,TU TSOGS PA YOD PAR GRUB LA, DRI MA MTHA' DAG ZAD PA DANG LHAN CIG TU TSOGS PA'I BDEN BZHI'I GNAS LUGS MNGON SUM DU RTOGS PA'I YE SHES DE NYID LA KUN MKHYEN ZHES BRJOD DO, ,GZHAN YANG, RNAL 'BYOR MNGON SUM SGRUB PA'I RIGS PA LA GNYIS, BYUNG ZIN GYI RNAL 'BYOR MNGON SUM DANG, 'BYUNG 'GYUR GYI RNAL 'BYOR MNGON SUM SGRUB PA'I RIGS PA'O, ,DANG PO NI, BKA' RGYAS 'BRING BSDUS GSUM PO CHOS CAN, RANG RGYU MKHYEN PA RNAM DAG SNGON DU SONG STE, RJOD PA RNAM DAG YIN PA'I PHYIR, ,ZHES PA'I RTAGS LA BRTEN NAS 'GRUB BO; ;'O NA 'DUS BYAS MI RTAG PAR STON PA'I SO SKYE'I TSIG CHOS CAN, RANG RGYU MKHYEN PA RNAM DAG SNGON DU SONG BAR THAL, RJOD PA RNAM DAG YIN PA'I PHYIR, ,'DOD MI NUS TE, SO SKYE'I RGYUD LA MKHYEN PA RNAM DAG MED PA'I PHYIR, RTAGS MA GRUB NA, MKHYEN PA RNAM DAG SNGON DU SONG BAR BSGRUBS PAS RNAL 'BYOR MNGON SUM 'GRUB PA LA MI PHAN PAR 'GYUR RO ZHE NA, SKYON MED DE, SPYIR MKHYEN PA RNAM DAG SNGON DU SONG BAR BSGRUBS PA YIN GYI, RANG RGYUD LA MKHYEN PA RNAM DAG SNGON DU SONG BAR BSGRUBS PA MA YIN PA'I PHYIR RO, ,GNYIS PA NI, BDAG MED RTOGS PA'I SHES RAB CHOS CAN, GOMS BYED KYI YAN LAG DANG MA BRAL NA RANG 'BRAS GSAL LA MI RTOG PA'I BLO 'BYUNG DU RUNG STE, RTEN BRTAN ZHING GOMS ZIN 'BAD RTZOL BSKYAR MA LA MI LTOS PA'I SEMS KYI CHOS YIN PA'I PHYIR, DE'ANG BDAG MED RTOGS PA'I SHES RAB NI BDAG MED SGRUB PA'I RIGS PAS 'GRUB PA YIN LA RTEN NI SEMS YIN LA, DE BRTAN PA NI RIG PA'I YA MTHA' DANG MA MTHA' THUG MED DU SGRUB PA'I RIGS PAS 'GRUB PA YIN NO, ,JI LTAR 'GRUB NA, MNGAL DU SKYES MA THAG PA'I SEMS LA RGYU YOD MED GNYIS SU NGES LA, MED PA LA RES @48B 'GA' SKYE BA'I RTAGS KYIS GNOD PAS RGYU YOD PAR GRUB, RGYU DE YANG RTAG MI RTAG GANG RUNG DU KHA TSON CHOD LA, RTAG DNGOS RGYUR MI 'THAD DE, DE DANG RJES SU 'GRO LDOG MI 'GRUB PA'I PHYIR, DES NA RGYU MI RTAG PAR NGES LA, DE LA YANG BEM PO DANG RIG PA GNYIS LAS BEM POS NYER LEN GYI RGYU MI BYED DE, NANG GI BEM PO DANG PHYI'I BEM PO GANG GIS KYANG NYER LEN MI BYED PA'I PHYIR TE, DBANG SOGS RE RE BA DANG TSOGS PA GANG GIS KYANG NYER LEN MI BYED PA'I PHYIR DANG, RDUL PHRAN DANG YAN LAG CAN GYI RDZAS GANG GIS KYANG NYER LEN MI BYED PA'I PHYIR, DES NA RIG PAS NYER LEN BYED PAR GRUB LA, GZHAN GYI RIG PAS NYER LEN MI BYED DE, BYED NA PHA MA BLO GSAL BA LA BU TSA YANG BLO GSAL BAS KHYAB PAR THAL BA'I PHYIR RO, ,DES NA RANG GI RIG PAS NYER LEN BYED PAR GRUB BO, ,DE LTAR NA, MNGAL DU SKYES MA THAG PA'I RIG PA CHOS CAN, RIG PA SNGA MA SNGON DU SONG STE, RIG PA YIN PA'I PHYIR, DPER NA DA LTAR GYI RIG PA 'DI BZHIN, ZHES PA'I RTAGS LA BRTEN NAS, RIG PA'I YA MTHA' THUG MED DU GRUB LA, LUS LA SRED BCAS KYI SKYES BU 'CHI KHA MA'I SEMS CHOS CAN, SEMS PHYI MA MTSAMS SBYOR BA YIN TE, LUS LA SRED BCAS KYI SEMS YIN PA'I PHYIR, DPER NA DA LTAR GYI RIG PA 'DI BZHIN ZHES PA'I RTAGS LA BRTEN NAS RIG PA'I MA MTHA' THUG MED DU 'GRUB PA YIN NO, ,KHA CIG RTEN BRTAN ZHING GOMS ZIN LUS KYI 'BAD RTZOL BSKYAR MA LA MI LTOS PA'I RTAGS LA BRTEN NAS, BDAG MED RTOGS PA'I SHES RAB LA GSAL SNANG 'BYUNG RUNG DU BSGRUB PA MA YIN TE, BDAG MED MA RTOGS PA'I SKYES BU'I RGYUD LA GSAL SNANG 'BYUNG RUNG YOD PA'I PHYIR, ,GSAL SNANG 'BYUNG NGES SU BSGRUB PA MIN TE, DE LTAR DU BSGRUB PAR MI NUS PA'I PHYIR, DES NA GOMS @49A *, ,BYED KYI YAN LAG DANG MA BRAL NA, GSAL SNANG 'BYUNG BAR NGES TE, ZHES BSGRUB PAR BYA BA YIN NO ZHE NA, BDAG MED RTOGS PA'I SHES RAB CHOS CAN, KHYOD LAS GSAL SNANG 'BYUNG BAR NGES PAR THAL, KHYOD LAS GSAL SNANG 'BYUNG BAR TSAD MAS GRUB PA'I PHYIR RO, ,LOG PHYOGS MNGON SUM LTAR SNANG BSHAD PA LA, TSAD MA MDOR, 'KHRUL DANG KUN RDZOB SHES PA DANG, ,RJES DPAG RJES SU DPAG LAS BYUNG, ,DRAN DANG MNGON 'DOD CES BYA'O, ,MNGON SUM LTAR SNANG RAB RIB BCAS, ,ZHES SMIG RGYU LA CHUR 'DZIN GYI RTOG PA LTA BU 'KHRUL BA'I SHES PA DANG, 'DI NI BUM PA'O SNYAM PA'I RTOG PA LTA BU KUN RDZOB PA'I SHES PA DANG, RJES DPAG NI RTAGS 'DZIN SEMS DANG, RJES SU DPAG PA LAS BYUNG BA RTAGS CAN RJES DPAG DANG, 'DAS PA'I DON DRAN PA'I SHES PA DANG, MA 'ONGS PA'I DON MNGON PAR 'DOD PA'I SHES PA STE, RTOG PA MNGON SUM LTAR SNANG DRUG DANG, RTOG MED MNGON SUM LTAR SNANG GCIG STE, MNGON SUM LTAR SNANG BDUN BSTAN PA YIN NO, ,BSTAN PA'I DGOS PA GANG ZHE NA, RIGS SGOR, MNGON SUM DANG NI RJES SU DPAG ,LTAR SNANG BCAS PA BDAG RIG PHYIR, ,SGRUB PA DANG NI SUN 'BYIN NGAG ,LTAR SNANG BCAS PA GZHAN RTOGS PHYIR, ,ZHES GSUNGS PA'I RTOG GE'I TSIG DON BRGYAD KYI NANG NAS LTAR SNANG BZHIN BSTAN PA'I DGOS PA NI, LTAR SNANG BZHI PO DE YANG DAG TU 'KHRUL NAS DE'I RJES SU ZHUGS NA MI 'DOD PA'I DON 'THOB CING 'DOD PA'I DON MI 'THOB PAS LAM GYI GOL SA SHES PAR BYA BA'I PHYIR YIN LA, KHYAD PAR DU 'DIR MNGON SUM LTAR SNANG BSTAN PA'I DGOS PA NI, SLOB DPON PHYOGS GLANG GIS MA 'KHRUL BA MNGON SUM GYI MTSAN NYID KYI ZUR DU DNGOS SU MA @49B GSUNGS KYANG, SPYIR BTANG DMIGS BSAL GYI TSUL DU BSTAN PA DANG, RANG NYID KYIS MA 'KHRUL PA MNGON SUM GYI MTSAN NYID KYI ZUR DU BSTAN PA GNYIS DGONGS PA MTHUN PAR BYA BA'I PHYIR DU BSTAN PA YIN NO, ,TSAD MA MDOR, MNGON SUM LTAR SNANG BDUN BSTAN PA'I DGOS PA NI, RTOG BRAL GYI RNAM PAR BCAD BYA RTOGS PA'I PHYIR DU RTOG PA MNGON SUM LTAR SNANG DRUG DANG, MA 'KHRUL BA'I RNAM PAR BCAD BYA RTOGS PA'I PHYIR DU RTOG MED MNGON SUM LTAR SNANG GCIG BSTAN PA YIN NO, ,DE YANG RIGS PA CAN PAS RTOG PA'I KHYAD PAR 'GA' ZHIG MNGON SUM DU 'DOD PAS, DE RTOG PA MNGON SUM LTAR SNANG DU SGRUB PA'I MTHUN DPER SHES PAR BYA BA'I PHYIR DU RTOG PA PHYI MA BZHI BSTAN PA YIN LA, RTOG PA MNGON SUM LTAR SNANG DU SGRUB PA'I RTZOD GZHI SHES PA'I PHYIR DU 'KHRUL BA'I SHES PA DANG, KUN RDZOB PA'I SHES PA GNYIS BSTAN PA YIN NO, ,'O NA RNAM 'GREL DU RTOG PA PHYI MA BZHI PO GCIG TU BSDUS NAS STON PA'I RGYU MTSAN CI YIN ZHE NA, RANG YUL LKOG TU GYUR PA'I TSUL GYIS 'JAL BAR MTSUNGS PA'I PHYIR DANG, RTOG PA MNGON SUM LTAR SNANG DU SGRUB PA'I MTHUN DPER RIGS GCIG PA'I PHYIR RO, ,RTOG PA SNGA MA GNYIS GCIG TU BSDUS NAS MI STON PA'I RGYU MTSAN CI YIN ZHE NA, RIGS PA CAN PAS, SMIG RGYU LA CHUR 'DZIN GYI RTOG PA MNGON SUM MA YIN YANG DBANG SHES SU 'DOD LA, KUN RDZOB PA'I SHES PA DBANG PO'I MNGON SUM DU 'DOD PAS, RTOG PA MNGON SUM LTAR SNANG DU SGRUB PA'I RTZOD GZHI DE LA MI 'DRA BA'I CHA GNYIS YOD PA DE SHES PA'I PHYIR DU SNGA MA GNYIS SO SOR BSTAN PA YIN NO, ,RTOG MED MNGON SUM LTAR SNANG BSTAN PA'I DGOS PA NI, MA 'KHRUL BA MNGON SUM GYI MTSAN @50A *, ,NYID KYI ZUR DU RTOGS PAR BYA BA'I CHED YIN TE, TSAD MA MDOR, MING DANG RIGS SOGS SBYOR BA YI, ,RTOG PA DANG BRAL MNGON SUM MO, ,ZHES MA 'KHRUL BA MNGON SUM GYI MTSAN NYID KYI ZUR DU DNGOS SU MA BSTAN KYANG, MNGON SUM LTAR SNANG RAB RIB BCAS, , ZHES RAB RIB CAN GYI SHES PA DE, RTOG PA MNGON SUM LTAR SNANG GI SDE TSAN LAS LOGS SU BSTAN PAS RTOG PA MNGON SUM LTAR SNANG MA YIN PAR RTOGS NUS LA, MNGON SUM LTAR SNANG DU BSTAN PAS RTOG MED YIN YANG 'KHRUL NA MNGON SUM MA YIN NO ZHES RTOGS NUS PA'I PHYIR RO, ,GNYIS PA TSAD 'BRAS KYI RNAM GZHAG LA GNYIS, GZHAN LUGS DGAG ,RANG LUGS BZHAG PA'O, ,DANG PO NI, BYE BRAG TU SMRA BA NA RE, GZUGS SOGS GZHAL BYA, RTAN BCAS KYI DBANG PO GZUGS CAN PA TSAD MA, DE LAS SKYES PA'I DON RTOGS 'BRAS BU ZHES ZER, RTEN BCAS KYI DBANG PO GZUGS CAN PA CHOS CAN, DON RTOGS 'JOG NUS KYI TSAD MA MA YIN PAR THAL, DON RTOGS PA DANG MA RTOGS PA'I DBANG SHES KUN GYI THUN MONG GI RGYU YIN PA'I PHYIR, DPYOD PA BA NA RE, GZUGS SOGS GZHAL BYA, DANG POR DON LA LTA BA'I SHES PA DAG PA PA RTOG MED TSAD MA, DE LAS SKYES PA'I DON RTOGS 'BRAS BU'O ZHES ZER, DE SKAD DU YANG, DANG POR YOD PA'I LTA BA PO, ,SHES PA RTOG PA MED PA CAN, ,BYIS DANG LKUGS SOGS BLO 'DRA BA, ,DAG PA DNGOS LAS SKYES PA GANG, ,DE NI TSAD MA NYID DU 'DOD, ,DE YI 'OG TU BLO GANG ZHIG , DNGOS CHOS RIGS LA SOGS RNAMS SU, ,BLO NI ZHEN PAR BYED PA GANG, ,DE YANG 'BRAS BU NYID DU 'DOD, ,CES 'BYUNG NGO, ,DE LTA BU'I SHES PA DAG PA BA RTOG MED DE DON RTOGS 'JOG BYED KYI TSAD MAR MI 'THAD PAR THAL, YUL GYI RNAM PA SHAR BA'I BLO MED NA DON LA LTA BA MA GRUB @50B LA; YUL GYI RNAM PA SHAR BA'I BLO YOD NA DE NYID DON RTOGS 'JOG BYED KYI TSAD MAR KHAS BLANGS PAS CHOG PA'I PHYIR, RIGS PA CAN PA NA RE, KHYAD PAR MA BZUNG BAR KHYAD PAR CAN GYI BLO MI SKYE BAS, GZUGS SOGS GZHAL BYA SPYI SOGS KHYAD PAR 'DZIN PA'I BLO TSAD MA, KHYAD PAR CAN RDZAS 'DZIN PA'I BLO 'BRAS BU ZHES ZER, 'O NA YUL GYI RNAM PA SHAR BA'I BLO GRUB BAM MA GRUB, MA GRUB NA BUM PA'I KHYAD PAR 'DZIN PA'I BLO DANG SNAM BU'I KHYAD PAR 'DZIN PA'I BLO GNYIS YUL CAN THA DAD DU 'BYED BYED MED PAR THAL, YUL GYI RNAM PA SHAR BA'I BLO MA GRUB PA'I PHYIR, RTAGS KHAS, 'DOD NA, BUM PA 'DZIN PA'I BLO DANG SNAM BU 'DZIN PA'I BLO GNYIS YUL CAN THA DAD DU 'BYED BYED MED PAR THAL LO, ,GZHAN YANG, KHYAD PAR GYI BLO CHOS CAN, KHYOD KYIS KHYAD PAR DNGOS SU RTOGS LA KHYAD PAR CAN DNGOS SU MA RTOGS PA'I KHYAD PAR MI 'THAD PAR THAL, KHYOD LA YUL GYI RNAM PA MA SHAR BA'I PHYIR, RTAGS KHAS, YUL GYI RNAM PA SHAR BA'I BLO GRUB NA, KHYAD PAR GZHAL BYA, KHYAD PAR GYI BLO 'BRAS BU, KHYAD PAR GYI RNAM PA SHAR BA'I SHES PA TSAD MA DANG, KHYAD PAR CAN GZHAL BYA, KHYAD PAR CAN GYI BLO 'BRAS BU, KHYAD PAR CAN GYI RNAM PA SHAR BA'I SHES PA TSAD MAR BYAS PA'I TSAD 'BRAS KYI RNAM GZHAG KHAS LEN RIGS PAR THAL, YUL GYI RNAM PA SHAR BA'I SHES PA TSAD MAR RIGS PA'I PHYIR, RTAGS KHAS, 'DOD NA, KHYAD PAR GYI BLO TSAD MA, KHYAD PAR CAN GYI BLO 'BRAS BUR BYAS PA'I TSAD 'BRAS KYI RNAM GZHAG KHAS BLANGS PA LA DGOS PA CUNG ZAD KYANG MED PAR THAL, KHYAD PAR GYI BLO 'BRAS BU DANG, KHYAD PAR CAN GYI BLO 'BRAS BUR BYAS PA'I TSAD 'BRAS KYI RNAM GZHAG GNYIS KHAS LEN RIGS PA'I PHYIR, GZHAN YANG, KHYAD PAR GYI @051A *, ,BLO DE KHYAD PAR CAN GYI BLO'I 'JOG BYED MA YIN PAR THAL, DE GNYIS KYI BYED PA 'JUG PA'I YUL RDZAS THA DAD YIN PA'I PHYIR, RTAGS KHAS, BYE BRAG PA NA RE, SHES BYA TSIG GI DON DRUG GANG RUNG GZHAL BYA, DBANG DON 'BREL PA TSAD MA, DE LAS SKYES PA'I DON RTOGS 'BRAS BU, DE YANG 'BREL PA NI DRUG STE, SBYOR BA'I 'BREL PA DANG, SBYOR BA LA 'DU BA'I 'BREL PA DANG, SBYOR BA LA 'DU BA LA 'DUS PA'I 'BREL PA DANG, SBYOR BA DANG KHYAD PAR DANG KHYAD PAR CAN GYI 'BREL PA DANG, 'DU BA'I 'BREL PA DANG, 'DU BA LA 'DUS PA'I 'BREL PA'O, ,DANG PO NI MIG GI DBANG PO DANG BUM PA LTA BU'O, ,GNYIS PA NI MIG GI DBANG PO DANG BUM PA'I GZUGS DRI SOGS LTA BU'O, ,GSUM PA NI, MIG GI DBANG PO DANG BUM PA'I GZUGS KYI SPYI LTA BU'O, ,BZHI PA NI, MIG GI DBANG PO DANG BUM PAS DAG PA'I SA PHYOGS KYI BUM MED LTA BU'O, ,LNGA PA NI, RNA BA'I DBANG PO DANG SGRA LTA BU'O, ,DRUG PA NI, RNA BA'I DBANG PO DANG SGRA NYID KYI SPYI LTA BU'O, ,ZHES ZER, DBANG DON PHRAD PA DON RTOGS 'JOG BYED KYI TSAD MA MA YIN PAR THAL, DBANG DON PHRAD PA DANG DON RTOGS GNYIS RTOGS PA PHAN TSUN BRTEN PA'I SKYON YOD PA'I PHYIR TE, DON RTOGS 'JOG PAR BYED PA LA, DBANG DON PHRAD PA RTOGS PA SNGON DU 'GRO DGOS, DBANG DON PHRAD PA RTOGS PA LA PHRAD RGYU'I DBANG PO DANG DON RTOGS PA SNGON DU 'GRO DGOS PA'I PHYIR, GZHAN YANG, BUM GZUGS 'DZIN PA'I MIG SHES CHOS CAN, KHYOD KYIS BUM GZUGS DNGOS SU RTOGS LA, BUM PA'I DRI RO SOGS MA RTOGS PA'I KHYAD PAR MED PAR THAL, KHYOD KYI BDAG RKYEN DBANG PO GZUGS CAN PA DE, BUM PA'I GZUGS DRI SOGS DANG 'BREL BAR KHYAD PAR MED PA'I PHYIR, KHYAB RTAGS KHAS, DES NA DBANG DON PHRAD PA DON @051B RTOGS 'JOG BYED DU MI 'THAD DE, DBANG PO GZUGS CAN PA DE BUM PA'I DRI RO SOGS DANG 'BREL PAR KHYAD PAR MED KYANG, DON GYI RNAM PA SHAR MA SHAR GYI SGO NAS DON RTOGS PA DANG MA RTOGS PAR 'JOG DGOS PA'I PHYIR RO, ,'DI LA KHA CIG ,BYE BRAG PAS SGRA 'DZIN NYAN SHES CHOS CAN, KHYOD KYIS SGRA RTOGS LA SGRA'I MI RTAG PA MA RTOGS PA'I KHYAD PAR MED PAR THAL, KHYOD LA SGRA DANG SGRA'I MI RTAG PA'I RNAM PA SHAR MA SHAR KHYAD PAR MED PA'I PHYIR, ZHES BRJOD NA LAN CI YOD, SKYON MED DE, DON GYI RNAM PA SHAR BA DON RTOGS 'JOG BYED DANG DON LA NGES PA 'DREN NUS KYI DON GYI RNAM PA SHAR BA DON RTOGS TSAD MA'I 'JOG BYED YIN PAS, SGRA MI RTAG PAR RTOGS PAR THAL, SGRA MI RTAG PA'I RNAM PA SHAR BA'I PHYIR ZER NA, 'DOD LA, SGRA MI RTAG PAR RTOGS PA'I TSAD MA YIN PAR THAL, SGRA MI RTAG PA'I RNAM PA SHAR BA'I PHYIR ZER NA, KHYAB PA MA NGES, SGRA MI RTAG PAR RTOGS PA'I TSAD MA YIN PAR THAL, SGRA MI RTAG PA LA NGES PA 'DREN NUS KYI RNAM PA SHAR BA'I PHYIR ZER NA, RTAGS MA GRUB KYI LAN THEBS PA'I PHYIR ZER NA, BYE BRAG PAS KYANG, DBANG DON PHRAD PA DON RTOGS 'JOG BYED DANG, DON LA NGES PAR 'DREN NUS KYI DBANG DON PHRAD PA DON RTOGS TSAD MA'I 'JOG BYED DU 'JOG NUS PAR MTSUNGS SO ZHE NA, MI MTSUNGS TE, DON GYI RNAM PA SHAR BA TZAM DON RTOGS KYI 'JOG BYED MA YIN LA, DON GYI RNAM PA SHAR NAS RNAM PA LA RANG RIG GIS NGES SHES 'DREN NUS PA DE DON RTOGS TSAD MA'I 'JOG BYED DU KHAS LEN PA'I PHYIR RO, ,GRANGS CAN NA RE, GZUGS SOGS GZHAL BYA, RNA BA LA SOGS PA DBANG PO'I 'JUG PA TSAD MA, DE LAS SKYES PA'I DON RTOGS 'BRAS BU ZHES ZER, DE RNAMS MI 'THAD DE, TSAD MA DANG 'BRAS BU RDZAS THA DAD DU KHAS BLANGS PA'I PHYIR RO, ,GNYIS PA @052A *, ,RANG LUGS NI, SPYIR TSAD MA'I 'BRAS BU LA BAR DU CHOD PA'I 'BRAS BU DANG, BAR DU MCHOD PA'I 'BRAS BU GNYIS, DANG PO NI, BLANG DOR PHYIN CI MA LOG PAR RTOGS NAS ZHUGS PAS, MI 'DOD PA'I DON SPANGS SHING 'DOD PA'I DON THOB PA'I MNGON MTHO DANG NGES LEGS YIN LA, DE SGRUB PA YANG BAR DU MA CHOD PA'I 'BRAS BU LA RAG LAS SHING, DE NI GZHAL BYA RTOGS PA'I TSAD MA YIN LA, DE GANG GIS 'JOG PAR NUS PA DE TSAD MA YIN NO, ,DE YANG BYE BRAG TU SMRA BA DANG PHYI ROL PAS BTAGS PA LTAR MIN GYI YUL GYI RNAM PA SHAR BA'I SHES PA ZHIG YIN LA, DE LTA BU'I TSAD 'BRAS KYI RNAM GZHAG LA DON SMRA BA KHA DRANG BA'I PHYIR DU RE ZHIG PHYI DON GZHAL BYAR BZHAG PA'I TSAD 'BRAS DANG, PHYI DON GZHAL BYA YIN PA BKAG NAS SHES PA'I BDAG NYID DU GYUR PA'I GZUGS SOGS GZHAL BYAR BYAS PA'I TSAD 'BRAS DANG, DON SMRA BAS PHYI ROL DON DU 'DOD PA'I GZUGS SOGS GZHAL BYAR BYED NA'ANG SHES PA'I BDAG NYID DU GYUR PA'I GZUGS SOGS RIG PA 'BRAS BUR KHAS BLANG DGOS SO ZHES BYA BA'I TSAD 'BRAS KYI RNAM GZHAG GSUM LAS, 'BRAS RTOG DANG PO'I RNAM GZHAG LA GNYIS, GZHAN LUGS DGAG ,RANG LUGS BZHAG PA'O, ,DANG PO NI, KHA CIG ,'BRAS RTOG DANG PO 'DI MDO SDE PA'I THUN MONG MA YIN PA'I LUGS YIN NO ZHES ZER BA MI 'THAD DE, 'BRAS RTOG DANG PO'I SKABS 'DIR GZUGS SOGS GZHAL BYAR BYAS PA'I TSAD 'BRAS KYI RNAM GZHAG CIG MDO SEMS GNYIS KAS KHAS LEN PA'I PHYIR, KHA CIG ,DON GZHAL BYA, DON GYI RNAM PA SHAR NAS DON LA GSAR DU MI BSLU BA'I SHES PA TSAD MA, DON RTOGS PA'I TSAD MA 'BRAS BU ZHES ZER, BUM PAS DAG PA'I SA PHYOGS 'DZIN @052B PA'I DAG 'DZIN DBANG PO'I MNGON SUM CHOS CAN, KHYOD BUM PAS DAG PA'I SA PHYOGS KYI BUM PA SNANG RUNG MA DMIGS PA'I RNAM PA SHAR NAS DE LA GSAR DU MI BSLU BA'I SHES PA YIN PAR THAL, DE RTOGS PA'I TSAD MA YIN PA'I PHYIR, KHYAB PA KHAS, 'DOD MI NUS TE, DE DNGOS SU MA RTOGS PA'I PHYIR, KHA CIG DON GZHAL BYA DON GYI RNAM PA SHAR NAS DON LA GSAR DU MI BSLU BA'I SHES PA TSAD MA, DON DNGOS SU RTOGS PA'I BLO 'BRAS BU ZHES ZER, SNGO SNANG DBANG SHES KYI RJES SU SKYES PA'I SNGON PO DON MTHUN DU NGES PA'I NGES SHES CHOS CAN, SNGON PO'I RNAM PA SHAR NAS SNGON PO LA GSAR DU MI BSLU BA'I SHES PA YIN PAR THAL, SNGON PO DNGOS SU RTOGS PA'I BLO YIN PA'I PHYIR, ,KHYAB PA KHAS, RTAGS GRUB STE, SNGON PO RTOGS PA GANG ZHIG ,SNGON PO'I RNAM PA SHAR BA'I PHYIR, KHA CIG ,DON GZHAL BYA, DON GYI RNAM PA SHAR NAS DON LA GSAR DU MI BSLU BA'I SHES PA TSAD MA, DON DNGOS SU RTOGS PA'I GZHAN RIG GI TSAD MA 'BRAS BU ZHES ZER, SNGO SNANG DBANG SHES NYAMS SU MYONG BA'I RANG RIG MNGON SUM CHOS CAN, SNGO SNANG DBANG SHES DNGOS SU RTOGS PA'I GZHAN RIG GI TSAD MA YIN PAR THAL, SNGO SNANG DBANG SHES KYI RNAM PAR SHAR NAS DE LA GSAR DU MI BSLU BA'I SHES PA YIN PA'I PHYIR, KHYAB PA KHAS, RTAGS GRUB STE, DE LA GSAR DU MI BSLU BA'I SHES PA GANG ZHIG ,DE'I RNAM PA SHAR BA'I PHYIR, PHYI MA MA GRUB NA, CHOS CAN, KHYOD KYIS SNGO SNANG DBANG SHES DNGOS SU RTOGS LA SER SNANG DBANG SHES DNGOS SU MA RTOGS PA'I KHYAD PAR MED PAR THAL, KHYOD LA SNGO SNANG DBANG SHES KYI RNAM PA MA SHAR BA'I PHYIR, KHA CIG ,GZUGS 'DZIN DBANG SHES KYIS PHYI ROL KYI GZUGS DNGOS SU MA RTOGS TE, DE GNYIS KYI @053A *, ,BAR DU RNAM PAS CHOD PA'I PHYIR TE, GZUGS 'DZIN DBANG SHES LA GZUGS KYI RNAM PA SHAR BA'I PHYIR, DE LTAR YIN YANG PHYI ROL KYI GZUGS MI 'DZIN PAR THAL BA'I SKYON MED DE, PHYI ROL KYI GZUGS KYI RNAM PA SHAR BA'I CHA NAS PHYI ROL KYI GZUGS 'DZIN PAR 'JOG PA'I PHYIR RO, ,DE SKAD DU YANG, PHYI ROL DON NI DNGOS SU MIN, ,ZHES DANG, BDAG NYID BYED PO MIN NA YANG, ,DE YI DBANG GIS DER BZHAG PHYIR, ,ZHES GSUNGS PA'I PHYIR RO, ,ZHES ZER RO, ,GZUGS 'DZIN DBANG SHES CHOS CAN, KHYOD KYIS PHYI ROL KYI GZUGS SHUGS LA RTOGS PAR THAL, DE RTOGS PA GANG ZHIG ,DE DNGOS SU MA RTOGS PA'I PHYIR, RTAGS KHAS, 'DOD NA, PHYI ROL KYI GZUGS KYI RNAM PA SHAR BA 'GAL LA, GZHAN YANG, SHUGS RTOGS 'DOD NA, GANG DNGOS SU RTOGS PA'I SHUGS LA PHYI ROL KYI GZUGS RTOGS PA YIN, PHYI ROL KYI GZUGS KYI RNAM PA DNGOS SU RTOGS PA'I SHUGS LA, PHYI ROL KYI GZUGS RTOGS PA YIN NO ZHE NA, GZUGS 'DZIN DBANG SHES CHOS CAN, PHYI ROL GZUGS KYI RNAM PA'I RNAM PA SHAR BAR THAL, PHYI ROL GZUGS KYI RNAM PA DNGOS SU RTOGS PA'I PHYIR, 'DOD NA, PHYI ROL KYI GZUGS KYI RNAM PA SHAR BA THUG MED DU THAL LO, ,GZHAN YANG, PHYI ROL KYI GZUGS KYI RNAM PA DNGOS SU RTOGS PA MA YIN PAR THAL, KHYOD DANG DE'I BAR DU PHYI ROL KYI RNAM PA'I RNAM PAS CHOD PA'I PHYIR, 'KHOR GSUM, DES NA; DE CHOS CAN, PHYI ROL KYI GZUGS DNGOS SU RTOGS PA YIN TE, PHYI ROL KYI GZUGS KYI RNAM PAR SHAR NAS DE LA GSAR DU MI BSLU BA'I SHES PA YIN PA'I PHYIR, PHYI ROL DON NI DNGOS SU MIN, ,ZHES GSUNGS PA DANG MI 'GAL TE, DE NI PHYI ROL KYI DON DNGOS SU NYAMS SU @053B MYONG BA MIN, ZHES PA'I DON YIN PA'I PHYIR RO, ,KHA CIG ,GZUGS 'DZIN DBANG SHES KYIS PHYI ROL KYI GZUGS RTOGS PA MIN TE, PHYI ROL KYI GZUGS MNGON GYUR MA YIN PA'I PHYIR TE, DE LKOG GYUR YIN PA'I PHYIR TE, SEMS TZAM PA'I NGOR PHYI ROL KYI GZUGS YOD PAR RTAGS KYIS SGRUB DGOS PA'I PHYIR ZHES ZER, 'O NA GZUGS 'DZIN DBANG SHES MA 'KHRUL PA'ANG LKOG GYUR YIN PAR THAL, SEMS TZAM PA'I NGOR DE YOD PAR RTAGS KYIS SGRUB DGOS PA'I PHYIR, KHYAB RTAGS KHAS, 'DOD NA, DE MNGON GYUR MA YIN PAR THAL LO, ,'DOD NA, DE RANG RIG MNGON SUM GYIS GRUB PA MA YIN PAR THAL LO, ,'KHOR GSUM ME, ,GNYIS PA RANG LUGS LA, GZUGS GZHAL BYA, RANG YUL GYI RNAM PA SHAR NAS GZUGS LA GSAR DU MI BSLU BA'I SHES PA TSAD MA, GZUGS RTOGS PA'I TSAD MA 'BRAS BU ZHES BYA BA NI, MDO SDE PA DANG SEMS TZAM PA GNYIS KAS THUN MONG DU KHAS LEN PA'I TSAD 'BRAS YIN LA, PHYI ROL KYI GZUGS GZHAL BYA, RANG YUL GYI RNAM PA SHAR NAS PHYI ROL KYI GZUGS LA GSAR DU MI BSLU BA'I SHES PA TSAD MA, PHYI ROL KYI GZUGS RTOGS PA'I TSAD MA 'BRAS BU ZHES BYA BA NI, MDO SDE PA'I LUGS KYI THUN MONG MA YIN PA'I TSAD 'BRAS YIN NO, ,'O NA RANG YUL GYI RNAM PA SHAR NAS GZUGS LA GSAR DU MI BSLU BA'I SHES PA CHOS CAN, DON RTOGS 'JOG PAR BYED PA'I CHOS GSUM TSANG BAR THAL, GZUGS RTOGS PA'I TSAD MA'I 'JOG BYED YIN PA'I PHYIR, DPER NA STA RES SHING GCOD PA'I TSE SKYES BU'I LAG PAS BZUNG BA LA RAG LUS PA LTA BU BYED PA PO GZHAN GYI DBANG DU GYUR PA DANG, STA RE STENG DU 'PHAR ZHING 'OG TU 'BAB PA LTA BU RANG NYID BYA BA'I LAS DANG LDAN PA DANG, SHING @054A *, ,DUM BUR CHAD PA LTA BU GTZO BOR GYUR BA'I BSGRUB BYA LA NYE BAR SBYOR BA GSUM TSANG BA BZHIN ZHE NA, DE NI 'DOD PA YIN TE, DE CHOS CAN, BYED PA PO GZHAN GYI DBANG DU GYUR PA'I DON TSANG BA YIN TE, 'DZIN RNAMS KYIS RIG PA'I PHYIR, RANG NYID BYA BA'I LAS DANG LDAN PA DANG, GTZO BOR GYUR PA'I BSGRUB BYA LA NYE BAR SBYOR BA'I DON TSANG STE, RANG YUL GYI RNAM PA SHAR NAS GZUGS LA SGRO 'DOGS GCOD PA'I BYA BA BYED PA'I PHYIR, 'BRAS RTOG GNYIS PA'I RNAM GZHAG LA GSUM, MDO SDE PA'I LUGS DGAG PA DANG, RANG LUGS BZHAG PA, PHYI DON 'GOG BYED LHAN CIG DMIGS NGES KYI RTAGS BSHAD PA'O, ,DANG PO NI, MDO SDE PAS 'BRAS RTOG DANG PO'I SKABS SU, DON SNANG GI SHES PAS PHYI ROL KYI DON RIG PAR KHAS BLANGS PA LA PHYI ROL KYI DON RIG PA'I RGYU MTSAN DRIS PAS, DON SNANG GI SHES PA CHOS CAN, PHYI ROL KYI DON RIG PA YIN TE, PHYI ROL KYI DON DANG 'DRA BA'I PHYIR ZHE NA, 'DRA BA'I DON RNAM PA SHAR BA LA BYED DAM, PHYI ROL DON GYIS RANG 'DRA'I RNAM PA GTAD PA LA BYED, DANG PO LTAR NA, ZLA BA GNYIS SNANG GI DBANG SHES CHOS CAN, ZLA GNYIS RTOGS PAR THAL, ZLA GNYIS KYI RNAM PA SHAR BA'I PHYIR, GNYIS PA LTAR NA, DON SNANG GI SHES PA CHOS CAN, PHYI ROL DON GYIS RANG 'DRA'I RNAM PA MA GTAD PAR THAL, PHYI ROL KYI DON RAGS PAS KYANG RANG 'DRA'I RNAM PA MA GTAD, PHYI ROL KYI DON RDUL PHRA RAB KYIS KYANG RANG 'DRA'I RNAM PA MA GTAD PA'I PHYIR, RTAGS DANG PO GRUB STE, RAGS PA RDZAS SU MA GRUB PA'I PHYIR, RTAGS GNYIS PA GRUB STE, PHYI ROL KYI RDUL RE RE BAS KYANG RANG 'DRA'I RNAM PA MA GTAD, PHYI ROL KYI RDUL DU MAS KYANG RANG 'DRA'I RNAM PA MA GTAD PA'I PHYIR TE, @054B RDUL RE RE BA DANG RDUL DU MA RAGS PA LING PO GCIG TU MA GRUB PA GANG ZHIG ,KHYOD LA RAGS PA LING PO GCIG TU SNANG BA'I PHYIR, GAL TE PHYI ROL KYI DON RIG PA YIN TE, PHYI ROL KYI DON DANG SKYES 'DRA BA YIN PA'I PHYIR ZHE NA, SNGO SNANG DBANG SHES KYI RJES SU SKYES PA'I SNGON PO DRAN PA'I SHES PA CHOS CAN, SNGO SNANG DBANG SHES RIG PAR THAL, SNGO SNANG DBANG SHES DANG SKYES 'DRA BA YIN PA'I PHYIR TE, SNGO SNANG DBANG SHES LAS SKYES PA GANG ZHIG ,SNGO SNANG DBANG SHES DANG 'DRA BA'I PHYIR TE, SNGO SNANG DBANG SHES DANG SNGON PO'I RNAM PA CAN DU 'DRA BA'I PHYIR, GAL TE, CHOS CAN, SNGO SNANG DBANG SHES DANG 'DRA BA MA YIN PAR THAL, SNGO SNANG DBANG SHES DANG RNAM PA THAMS CAD DU 'DRA BA MA YIN PA'I PHYIR ZHE NA, 'O NA SNGO SNANG DBANG SHES CHOS CAN, PHYI ROL KYI SNGON PO DANG 'DRA BA MA YIN PAR THAL, PHYI ROL KYI SNGON PO DANG RNAM PA THAMS CAD DU 'DRA BA MA YIN PA'I PHYIR, RTAGS MA GRUB NA, CHOS CAN, PHYI ROL KYI DON YIN PAR THAL LO, ,'DOD NA, SHES PA LAS RDZAS THA DAD PA'I PHYI DON MA GRUB PAR THAL, SNGO SNANG DBANG SHES PHYI ROL KYI DON YIN PA'I PHYIR, GAL TE SNGO SNANG DBANG SHES CHOS CAN, PHYI ROL KYI SNGON PO DANG 'DRA BA YIN TE, PHYI ROL KYI SNGON PO'I RNAM PA SHAR BA'I PHYIR ZHE NA, 'O NA SNGO SNANG DBANG SHES KYI RJES SU SKYES PA'I DRAN SHES CHOS CAN, SNGO SNANG DBANG SHES DANG 'DRA BAR THAL, SNGO SNANG DBANG SHES KYI RNAM PA SHAR BA'I PHYIR RO, ,ZHES BYA BA NI LHA DBANG BLO'I DGONGS PA'O; ;GNYIS PA RANG LUGS LA, KHA CIG ,GZUNG RNAM GZHAL BYA, 'DZIN RNAM TSAD MA, RANG RIG 'BRAS BUR BYAS PA'I TSAD 'BRAS KYI RNAM GZHAG 'DI 'BRAS RTOG GNYIS PA'I THUN MONG MIN PA'I TSAD 'BRAS KYI RNAM GZHAG YIN ZHES ZER BA MI 'THAD DE, DE 'DRA'I TSAD @055A *, ,'BRAS KYI RNAM GZHAG MDO SDE PAS KYANG KHAS LEN PA'I PHYIR DANG, SHES PA'I BDAG NYID DU GYUR PA'I SNGON PO RTOGS PA'I GZUNG RNAM GZHAL BYAR BYAS PA'I TSAD 'BRAS KYI RNAM GZHAG CIG ,DES NA GZHAN RIG MED PA'I PHYIR, ,RANG RIG 'BRAS BU YIN PAR 'DOD, ,CES PA'I GZHUNG GIS 'PHANGS NAS BSTAN PA'I PHYIR TE, GZHUNG DES SHES PA'I BDAG NYID DU GYUR PA'I SNGON PO GZHAL BYAR BYAS PA'I TSAD 'BRAS KYI RNAM GZHAG BSTAN PA'I PHYIR, KHA CIG ,GZUNG RNAM GZHAL BYA, 'DZIN RNAM TSAD MA, RANG RIG TSAD MA 'BRAS BU ZHES ZER BA MI 'THAD DE, 'DZIN RNAM YIN NA TSAD MA YIN PAS MA KHYAB PA'I PHYIR RO, ,DES NA RANG LUGS LA, 'BRAS RTOG GNYIS PA'I TSAD 'BRAS LA, GZHAN RIG GI TSAD 'BRAS DANG, RANG RIG GI TSAD 'BRAS GNYIS LAS, DANG PO NI, SHES PA'I BDAG NYID DU GYUR PA'I SNGON PO GZHAL BYA, RANG YUL GYI RNAM PA SHAR NAS SHES PA'I BDAG NYID DU GYUR PA'I SNGON PO LA GSAR DU MI BSLU BA'I SHES PA TSAD MA, SHES PA'I BDAG NYID DU GYUR PA'I SNGON PO RTOGS PA'I TSAD MA 'BRAS BU'O, ,GNYIS PA NI, SHES PA'I BDAG NYID DU GYUR PA'I SNGON PO RTOGS PA'I GZUNG RNAM GZHAL BYA, DE LA NGES PA GSAR DU 'DREN NUS KYI 'DZIN RNAM TSAD MA, DE YONGS SU GCOD BYED KYI RANG RIG TSAD MA 'BRAS BU'O, ,GSUM PA LA GNYIS, DNGOS DANG, RNAM BDEN RDZUN GYI KHYAD PAR RO, ,DANG PO LA GNYIS, LHAN CIG DMIGS NGES KYI RTAGS GTAN LA PHAB PA'I DGOS PA, LHAN CIG DMIGS NGES KYI RTAGS KYI DON GTAN LA DBAB PA'O, ,DANG PO NI, GZUNG 'DZIN RDZAS THA DAD DU MNGON PAR ZHEN PA'I SHES SGRIB SPANG BA'I CHED YIN TE, SHES SGRIB DE SPONG BA LA GZUNG 'DZIN RDZAS GZHAN GYIS STONG PA'I STONG NYID @055B MNGON SUM DU RTOGS PA'I SHES RAB SKYED DGOS LA, DE SKYED PA LA GZUNG 'DZIN RDZAS GZHAN GYIS STONG BA THOS BSAM GYIS GTAN LA 'BEBS DGOS SHING, LHAN CIG DMIGS NGES KYI RTAGS KYIS GZUNG 'DZIN RDZAS GZHAN GYIS STONG BAR GTAN LA 'BEBS PA'I PHYIR RO, ,GNYIS PA LA DGAG BZHAG SPANG GSUM MO, ,DANG PO NI, SNGO SNANG DBANG SHES DANG DE LA SHAR BA'I RNAM PA GNYIS RDZAS GZHAN MA YIN PAR MDO SDE PA DANG BYE BRAG TU SMRA BA'I NGOR SGRUB PA MI 'THAD DE, DE GNYIS KAS DE GNYIS RDZAS GZHAN MIN PAR 'DOD PA'I PHYIR TE, BYE BRAG TU SMRA BAS SNGO SNANG DBANG SHES LA SHAR BA'I RNAM PA KHAS MI LEN PA'I PHYIR DANG, MDO SDE PAS DE GNYIS RDZAS GCIG TU 'DOD PA'I PHYIR RO, ,SNGON POR SNANG BA DANG SNGO SNANG DBANG SHES GNYIS RDZAS GZHAN MA YIN PAR MDO SDE PA'I NGOR SGRUB PA MI 'THAD DE, MDO SDE PAS DE GNYIS RDZAS GZHAN MA YIN PAR 'DOD PA'I PHYIR TE, MDO SDE PAS SNGON POR SNANG BA DNGOS POR MI 'DOD PA'I PHYIR, SNGON PO DANG SNGO SNANG DBANG SHES GNYIS LHAN CIG DMIGS NGES KYI RTAGS KYIS RDZAS GZHAN MA YIN PAR SGRUB PA'ANG MI 'THAD DE, DE GNYIS LHAN CIG DMIGS NGES MA YIN PA'I PHYIR, RTAGS MA GRUB NA, SNGON 'DZIN YID KYI MNGON SUM CHOS CAN, SNGO SNANG DBANG SHES DMIGS BYED KYI BDAG NYID DU SKYES PAR THAL, SNGON PO DMIGS PA'I PHYIR, KHYAB PA KHAS, KHA CIG ,LHAN CIG DMIGS NGES KYI RTAGS KYIS SNGON PO DANG SNGO SNANG DBANG SHES RDZAS GCIG TU SGRUB PA YIN ZER BA'ANG MI 'THAD DE, BUM 'DZIN RTOG PA DANG BUM 'DZIN RTOG PA LA BUM PAR SNANG BA CHOS CAN, RDZAS GCIG YIN PAR THAL, LHAN CIG DMIGS NGES YIN PA'I PHYIR RO, ,GNYIS PA LA GNYIS, RTAGS DGOD PA DANG, TSUL BSGRUB PA'O, ,DANG PO NI, CHOS CAN GYI DON NI SNGON @56A *, ,PO DANG SNGON 'DZIN SHES PA LTA BU STE, LHAN CIG DMIGS PA NGES PA'I PHYIR, ,SNGO DANG DE BLO LAS GZHAN MIN, ,ZHES DANG, SNGON PO DANG DE'I BLO DAG LHAN CIG DMIGS PA NGES PA'I PHYIR ZHES GSUNGS SO, ,BSGRUB BYA'I CHOS KYI DON NI, RDZAS GZHAN BKAG TZAM YIN NO, ,RTAGS KYI DON NI, LHAN CIG PA NI DUS GCIG PA, DMIGS PA NI RTOGS PA, NGES PA NI KHYAB PA'O, ,DES NA SNGON PO DANG SNGON 'DZIN SHES PA CHOS CAN, RDZAS GZHAN MIN TE, LHAN CIG DMIGS NGES YIN PA'I PHYIR, DPER NA ZLA BA GNYIS SU SNANG BA BZHIN NO, , GNYIS PA LA GNYIS, PHYOGS CHOS BSGRUB PA DANG, KHYAB PA BSGRUB PA'O, ,DANG PO NI, SNGON PO CHOS CAN, SNGON 'DZIN SHES PA DANG LHAN CIG DMIGS NGES YIN TE, SNGON 'DZIN SHES PA DANG THA DAD GANG ZHIG ,KHYOD DMIGS NA SNGON 'DZIN SHES PA DMIGS PA'I BDAG NYID DU SKYES PAS KHYAB, DE DMIGS NA YANG KHYOD DMIGS BYED KYI BDAG NYID DU SKYES PAS KHYAB PA'I PHYIR, 'DI NI CHOS MCHOG GI DGONGS PA YIN TE, CHOS MCHOG GI 'GREL PAR, SHES BYA DMIGS PA NI SHES PA DMIGS PA'I BDAG NYID CAN YIN GYI, GZHAN DU MIN LA SHES PA DMIGS PA YANG SHES BYA DMIGS PA'I BDAG NYID YIN NO ZHES GSUNGS SO, ,GNYIS PA NI, LHAN CIG DMIGS NGES YIN NA RDZAS GZHAN MA YIN PAS KHYAB STE, RDZAS GZHAN LA LHAN CIG DMIGS NGES KHEGS PA'I PHYIR, DPER NA SNGO SER BZHIN, SNGO SER LA'ANG LHAN CIG DMIGS PA YOD PA MIN NAM ZHE NA, LHAN CIG DMIGS PA TZAM YOD KYANG DMIGS PA'I NGES PA MED DO, ,GSUM PA RTZOD SPANG LA 'GAL BA'I RTZOD SPANG NI, LHAN CIG DMIGS NGES KYI RTAGS KYIS SNGON PO DANG SNGON 'DZIN SHES PA RDZAS GZHAN MIN @56B PAR SGRUB PA'I KHYAB PA 'GAL BA YIN TE, LHAN CIG DMIGS NGES YIN NA THA DAD YIN DGOS, DE YIN NA THA DAD DU TSAD MAS GRUB DGOS, DE LTAR NA YUL RANG NGOS NAS THA DAD YIN DGOS, DE LTAR NA RDZAS THA DAD YIN DGOS PA'I PHYIR ZHE NA, SGRA RTOG DNGOS DBANG GIS 'JUG PAR 'DOD PA LA SKYON DE YOD MOD, KHO BO LA SKYON MED DE, NGO BO GCIG LA LDOG PA THA DAD PA'I RNAM GZHAG KHAS LEN PA'I PHYIR RO, ,MA GRUB PA'I RTZOD SPANG NI, SNGON PO DANG SNGON 'DZIN SHES PA LHAN CIG DMIGS NGES MIN PAR THAL, SNGON 'DZIN SHES PA DMIGS NA SNGON PO DMIGS PAS MA KHYAB PA'I PHYIR TE, SNGON 'DZIN SHES PA NYAMS SU MYONG BA'I RANG RIG MNGON SUM GYIS SNGON 'DZIN SHES PA DMIGS KYANG SNGON PO MA DMIGS PA'I PHYIR ZHE NA, SKYON MED DE, SNGON PO MA DMIGS KYANG SNGON PO DMIGS BYED KYI BDAG NYID DU SKYES PA'I PHYIR RO, ,MA NGES PA'I RTZOD SPANG NI, SEMS DANG SEMS BYUNG CHOS CAN, RDZAS GZHAN MIN PAR THAL, LHAN CIG DMIGS NGES YIN PA'I PHYIR ZHE NA, MA GRUB STE, SEMS MA DMIGS PAR SEMS BYUNG DMIGS PA DANG SEMS BYUNG MA DMIGS PAR SEMS DMIGS PA YOD PA'I PHYIR, DE SKAD DU YANG CHOS MCHOG GIS, SEMS DANG SEMS LAS BYUNG BAS KYANG 'KHRUL BAR MI 'GYUR TE, DE DAG RNAMS KYANG SO SOR BDAG NYID YANG DAG PAR RIG PA'I PHYIR RO, ,ZHES GSUNGS SO, ,SANGS RGYAS KYI YE SHES DANG SEMS CAN GYI SHES PA CHOS CAN, RDZAS GZHAN MA YIN PAR THAL, LHAN CIG DMIGS NGES YIN PA'I PHYIR ZHE NA, RTAGS MA GRUB STE, SEMS CAN GYI SHES PA DMIGS KYANG SANGS RGYAS KYI YE SHES MA DMIGS PA YOD PA'I PHYIR, SNANG GZUGS CHOS CAN, RDZAS GZHAN MIN PAR THAL, LHAN CIG DMIGS NGES YIN @57A *, ,PA'I PHYIR ZHE NA, BAR MA CHOD PA'I SNANG GZUGS LA BYED DAM, SNANG GZUGS TZAM LA BYED, DANG PO LTAR NA 'DOD DE, DE GNYIS DNGOS RGYU TSOGS PA CHAR GCIG LA RAG LAS PA'I SGO NAS NGO BO GCIG TU SKYES PA'I PHYIR TE, SNANG BA SNGA MAS BAR MCHOD PA'I SNANG BA'I NYER LEN DANG, BAR MA CHOD PA'I GZUGS KYI LHAN CIG BYED RKYEN DANG, GZUGS SNGA MAS BAR MA CHOD PA'I GZUGS KYI NYER LEN DANG, BAR MA CHOD PA'I SNANG BA'I LHAN CIG BYED RKYEN BYAS PA'I SGO NAS BDAG NYID GCIG TU SKYES PA'I PHYIR RO, ,SNANG GZUd TZAM LA BYED NA, LHAN CIG DMIGS NGES SU MA GRUB STE, 'UG PA'I MIG SHES KYIS MTSAN MO SNANG BA MA DMIGS KYANG GZUGS DMIGS PA DANG, GZUGS MA DMIGS KYANG BAR GYI SNANG BA DMIGS PA YOD PA'I PHYIR RO, ,GAL TE LHAN CIG DMIGS NGES KYI RTAd KYIS SNGON PO DANG SNGON 'DZIN SHES PA RDZAS GZHAN MIN PAR BSGRUBS PAS CHOS KYI BDAG MED MI 'GRUB STE, DE GNYIS RDZAS GZHAN MIN PAR BSGRUB PAS PHYI DON MI KHEGS PA'I PHYIR ZHE NA, MA GRUB STE, DE GNYIS RDZAS GZHAN MA YIN PAR BSGRUB PAS, SNGON PO SNGON 'DZIN SHES PA'I BDAG NYID DU GRUB LA, DE LTAR NA SNGON PO SHES PA'I BDAG NYID DU GRUB LA, DE LTAR NA, SNGON PO SHES PA LAS RDZAS GZHAN MIN PA DANG, PHYI ROL GYI DON MIN PAR GRUB PA'I PHYIR RO, ,GAL TE SNGON PO DANG SNGON 'DZIN SHES PA LHAN CIG DMId NGES YIN NA, GYAD GZUGS LA BLTA BA'I LHAS BYIN GYI MIG SHES DANG, LHAS BYIN GYI MIG SHES LA SNANG BA'I GYAD GZUGS GNYIS CHOS CAN, RDZAS GZHAN MIN PAR THAL, LHAN CIG DMIGS NGES YIN PA'I PHYIR, 'DOD NA, LHAS BYIN GYI MIG SHES LA SNANG @57B BA'I GYAD GZUGS DMIGS NA, GYAD GZUGS SNANG BA'I LHAS BYIN GYI MIG SHES DMIGS BYED KYI BDAG NYID DU SKYES PAS KHYAB PAR THAL LO, ,'DOD NA, LHAS BYIN DANG MCHOD SBYIN GNYIS KYIS GYAD GZUGS GCIG LA THUN MONG DU DMIGS PA'I TSE NA, GYAD GZUGS SNANG BA'I MCHOD SBYIN GYI MIG SHES CHOS CAN, GYAD GZUGS SNANG BA'I LHAS BYIN GYI MIG SHES DMIGS BYED KYI BDAG NYID DU SKYES PAR THAL, LHAS BYIN GYI MIG SHES LA SNANG BA'I GYAD GZUGS DMIGS PA'I PHYIR TE, DE'I TSE LHAS BYIN DANG MCHOD SBYIN GYI MIG SHES GNYIS KAS GYAD GZUGS GCIG LA THUN MONG DU DMIGS PA'I PHYIR ZHE NA, PHYI MA MA KHYAB STE, LHAS BYIN DANG MCHOD SBYIN GNYIS KYI ZLA BA GNYIS SNANG GI DBANG SHES LA ZLA GNYIS SNANG BAR MTSUNGS KYANG, GCIG LA SNANG BA CIG SHES LA MI SNANG BA GZHIN NO, ,GONG DU LHAN CIG DMId NGES KYI RTAGS KYIS PHYI DON BKAG PA LA, KHO NA RE, SA BON LAS MYU GU SKYE BA DANG DU BA LAS ME SGRUB PA MI 'GRUB PAR THAL, PHYI ROL GYI DON MA GRUB PA'I PHYIR, KHYAB STE, DE 'DRA'I RNAM GZHAG DE PHYI ROL LA BRTEN PA'I PHYIR ZHE NA, MA KHYAB STE, PHYI DON MA GRUB KYANG BLO'I RDZAS LA BRTEN NAS MA DU SOGS RGYU 'BRAS SU KHAS LEN PA LA 'GAL BA MED PA'I PHYIR, BYAS PA LA KHO NA RE, 'O NA DU BA DUR SNANG GI BAG CHAGS 'BA' ZHIG LAS SKYE DGOS LA, DE LTA NA DU BA MES SKYES PA MA YIN PAR 'GYUR RO, ,'DOD NA, DU BA DU LDAN GYI LA LA ME YOD PAR SGRUB PA'I 'BRAS RTAGS YANG DAG MA YIN PAR 'GYUR RO, ,GAL TE DUR SNANG DE ME'I RGYUR KHAS LEN NA YANG, DU BA DE DE SGRUB KYI 'BRAS RTAGS YANG DAG MA YIN PAR THAL, DUR SNANG ME'I RGYU YIN PA GANG ZHIG ,, RGYU 'BRAS BU LA 'KHRUL BA'I PHYIR ZHE NA, KHA CIG GIS DE'I LAN DU @58A *, ,BSAMS NAS, 'GOD TSUL LA, LAR SNANG CHOS CAN, MER SNANG YOD DE, DUR SNANG YOD PA'I PHYIR, ZHES BKOD NAS SONG TSOD LA DUR SNANG GI RTAGS LAS MER SNANG GI BAG CHAGS GSAL BAR SAD PA CAN GYIS, MER SNANG GI BLO MA 'ONGS PA NA 'BYUNG RUNG DPOG PA YIN ZER BA MI 'THAD DE, MDO SDE PAS DU BA DE SGRUB KYI 'BRAS RTAGS YANG DAG MA YIN PAR 'GYUR ZHES BRTZOD PA'I LAN DU, RTAGS SBYOR DE LTAR 'GOD PA 'BREL MED PA'I PHYIR, DUR SNANG GI RTAGS LAS MER SNANG GI BLO MA 'ONGS PA NA 'BYUNG RUNG DPOG MI NUS SHING, NUS NA YANG RANG BZHIN GYI RTAGS YANG DAG DU 'GYUR PA'I PHYIR, GZHAN YANG MDO SDE PAS, PHYI ROL DON DU GYUR PA'I DU LDAN GYI LA CHOS CAN, PHYI ROL DON DU GYUR PA'I ME YOD DE, PHYI ROL DON DU GYUR PA'I DU BA YOD PA'I PHYIR, ZHES 'GOD RId PAR THAL, SEMS TZAM PAS LAR SNANG CHOS CAN, MER SNANG YOD DE, DUR SNANG YOD PA'I PHYIR, ZHES 'GOD RIGS PA'I PHYIR, KHYOD KYI LUGS LA ME DU DANG SA MYUG SOGS KHAS LEN NAM MI LEN, LEN NA, LAR SNANG CHOS CAN, MER SNANG YOD DE, DUR SNANG YOD PA'I PHYIR, ZHES SNANG BA'I KHYAD PAR RTAGS SU SBYAR BA DON MED PAR THAL, MDO SDE PA LTAR DU, DU LDAN LA CHOS CAN, ME YOD DE, DU BA YOD PA'I PHYIR, ZHES BKOD PAS CHOG PA'I PHYIR, KHO NA RE, ME DU KHAS LEN YANG RGYU 'BRAS SU KHAS LEN PA MA YIN NO ZHE NA, MI 'THAD DE, PHYI DON BKAG PA LA ME DU SOGS RGYU 'BRAS SU MI 'THAD PAR THAL BA LA, MA KHYAB STE, PHYI DON MA GRUB KYANG BLO'I RDZAS LA BRTEN NAS ME DU RGYU 'BRAS SU KHAS LEN PA LA 'GAL BA MED PA'I PHYIR ZHES LAN BTAB PA DON MED PAR 'GYUR TE, KHYOD LTAR @58B NA; ME DU SOGS RGYU 'BRAS MA YIN PAR THAL BA LA 'DOD LAN 'DEBS RIGS PA'I PHYIR, KHO NA RE RGYU 'BRAS SU 'DOD PA'I ME DU SOGS RGYU 'BRAS SU SNANG YANG RGYU 'BRAS MA YIN PAS DUR SNANG RTAGS SU BKOD PA YIN NO ZHE NA, 'O NA DUR SNANG CHOS CAN, LAR SNANG LA MER SNANG YOD PAR SGRUB PA'I RTAGS YANG DAG MA YIN PAR THAL, MER SNANG DANG 'BREL BA GRUB PAR SNANG YANG, DE DANG 'BREL BA MA GRUB PA'I PHYIR, GZHAN YANG, GZUGS NAS RNAM MKHYEN GYI BAR GYI CHOS RNAMS DER SNANG YANG DER MA GRUB PAR THAL, ME DU ME DUR SNANG YANG ME DUR MA GRUB PA'I PHYIR, KHO NA RE, ME DU GRUB NA PHYI ROL GYI ME DU GRUB DGOS PA LAS PHYI ROL GYI ME DU MA GRUB PAS, LAR SNANG CHOS CAN, MER SNANG YOD DE, DUR SNANG YOD PA'I PHYIR ZHES 'GOD PA YIN NO ZHE NA, 'O NA SEMS TZAM PA'I LUGS LA GZUGS PHUNG MA GRUB PAR THAL, GZUGS GRUB NA PHYI ROL GYI GZUGS GRUB DGOS PA LAS, PHYI ROL GYI GZUGS MA GRUB PA'I PHYIR, 'DOD NA, PHUNG PO LNGA KHAMS BCO BRGYAD SKYE MCHED BCU GNYIS LA SOGS PA'I RNAM GZHAG MA GRUB PAR THAL LO, ,YANG KHA CIG , ME DU GRUB KYANG DU LDAN GYI LA ME YOD DU SGRUB PA'I TSE, LAR SNANG GI RGYUD LA CHOS CAN, MER SNANG GI BLO YOD DE, DUR SNANG GI BLO YOD PA'I PHYIR ZHES 'GOD PA YIN GYI, MDO SDE PA LTAR DU DU LDAN GYI LA CHOS CAN, ME YOD DE, DU BA YOD PA'I PHYIR ZHES 'GOD PA MA YIN TE, RGYUD GZHAN SGRUB PAR, PHA ROL PO'I RGYUD LA SEMS YOD PAR SGRUB PA'I TSE, MDO SDE PAS, PHA ROL PO'I RGYUD LA CHOS CAN, SEMS YOD DE, NGAG GI RNAM PAR RIG BYED YOD PA'I PHYIR ZHES 'GOD, SEMS TZAM PAS PHA ROL PO'I RGYUD LA CHOS CAN, SEMS YOD DE, NGAG GI RNAM PAR RIG BYED DU SNANG BA'I BLO YOD PA'I PHYIR ZHES 'GOD PA'I PHYIR ZHE NA, DE GNYIS MI MTSUNGS TE, NGAG GI RNAM PAR RIG BYED DU SNANG BA'I BLO YOD @59A *, ,PA'I RTAGS LAS, PHA ROL PO'I RGYUD LA SEMS YOD PAR BDE BLAG TU 'GRUB CING, DUR SNANG GI BLO YOD PA'I RTAGS KYIS LAR SNANG GI RGYUD LA MER SNANG GI BLO YOD PAR BSGRUBS PAS, DU LDAN GYI LA LA ME YOD PAR 'GRUB PA LA CUNG ZAD KYANG MI PHAN PA'I PHYIR DANG, GZHAN YANG LAR SNANG GI RGYUD LA MER SNANG GI BLO YOD PAR SGRUB PA 'DI, DE'I RGYUD LA MER SNANG GI BLO TZAM DANG ME 'DZIN RTOG PA DANG ME 'DZIN MNGON SUM YOD PAR SGRUB PA GANG YIN, DANG PO GNYIS MI 'THAD DE, DE GNYIS YOD PAR BSGRUBS PAS, DU LDAN GYI LA LA ME YOD DU MI 'GRUB PA'I PHYIR, PHYI MA YANG MI 'THAD DE DUR SNANG GI BLO YOD NA ME 'DZIN MNGON SUM YOD PA'I KHYAB PA MA NGES PA'I PHYIR RO, ,GNYIS PA RNAM BDEN RDZUN GYI KHYAD PAR BSHAD PA LA, DGAG BZHAG GNYIS, DANG PO NI, KHA CIG NA RE, RNAM BDEN RDZUN GYI KHYAD PAR THA SNYAD DU PHYI DON 'DOD MI 'DOD YIN NO ZHE NA, DE MI 'THAD DE, RNAM BDEN PA'I LUGS LA YANG THA SNYAD DU PHYI DON MA GRUB PA'I PHYIR TE, THA SNYAD DU YANG GZUNG 'DZIN RDZAS GZHAN GYIS STONG PA'I PHYIR TE, LHAN CIG DMIGS NGES DE SNGON PO DANG SNGON 'DZIN SHES PA RDZAS GZHAN MA YIN PAR SGRUB PA'I RTAGS YANG DAG YIN PA'I PHYIR, GAL TE RTAGS MA GRUB STE, SNGON PO DANG SNGON 'DZIN SHES PA DON DAM PAR RDZAS GZHAN MA YIN YANG THA SNYAD DU RDZAS GZHAN DU 'DOD DO ZHE NA, 'O NA RNAM BDEN PA'I LUGS LA, THA SNYAD DU PHYI DON RANG GI MTSAN NYID KYIS GRUB PAR THAL LO,, 'DOD NA, DON DAM DPYOD BYED KYI RIGS PAS THA SNYAD PA'I TSAD MAS GRUB PA'I DON LA GNOD PAR THAL, THA SNYAD DU PHYI DON RANG GI MTSAN NYID KYIS GRUB PA GANG ZHIG , DON DAM DPYOD BYED KYI RIGS PAS SNGON PO DANG SNGON 'DZIN SHES PA RDZAS GZHAN MA YIN PAR GRUB PA'I PHYIR, @59B RTAGS KHAS, GZHAN YANG, RNAM BDEN PA'I LUGS LA THA SNYAD DU CHOS KYI BDAG GRUB PAR THAL, THA SNYAD DU SNGON PO DANG SNGON 'DZIN SHES PA RDZAS GZHAN YIN PA'I PHYIR, 'DOD NA, THA SNYAD DU CHOS KYI BDAG MED RIGS PAS MA GRUB PAR THAL LO, ,KHA CIG , THA SNYAD DU GZUGS PHUNG 'DOD MI 'DOD KYI KHYAD PAR YIN NO ZHE NA, MI 'THAD DE, RNAM RDZUN PA'I LUGS LA YANG GZUGS PHUNG 'DOD PA'I PHYIR TE, THA SNYAD DU PHUNG PO LNGA'I RNAM GZHAG DON MTHUN KHAS LEN PA'I PHYIR RO, ,GZHAN YANG, RNAM RDZUN PA'I LUGS LA, SNGO SNANG DBANG SHES DANG ZLA BA GNYIS SNANG GI DBANG SHES GNYIS MNGON SUM YIN MIN GYI KHYAD PAR MI 'THAD PAR THAL, RNAM RDZUN PA'I LUGS LA SNGON PO MA GRUB PA'I PHYIR, RTAGS KHAS, 'DOD MI NUS TE, SNGO SNANG DBANG SHES DE BAG CHAGS BRTEN BYUNG GI DBANG SHES YIN PA'I PHYIR RO, ,KHA CIG , GZUNG RNAM GYI DNGOS PO 'DOD MI 'DOD KYI KHYAD PAR YIN NO ZHE NA, MI 'THAD DE, RNAM RDZUN PA'I LUGS LA YANG GZUNG RNAM GYI DNGOS PO GRUB PA'I PHYIR, MA GRUB NA, SNGO SNANG DBANG SHES CHOS CAN, 'DZIN RNAM YIN PAR THAL, SHES PA GANG ZHIG , GZUNG RNAM GYI DNGOS PO MA YIN PA'I PHYIR, RTAGS KHAS, 'DOD NA, RANG RIG YIN PAR THAL, 'DOD NA, KHA NANG KHO NAR PHYOGS PA'I SHES PA YIN PAR THAL LO, ,'DOD NA, GNYIS SNANG CAN GYI SHES PA YIN NA, RTOG PA YIN PAS KHYAB PAR THAL LO, ,KHA CIG , SNGON ? PO DANG SNGON 'DZIN SHES PA RDZAS GCIG TU SGRUB PA SEMS TZAM RNAM BDEN PA DANG, RDZAS GZHAN BKAG PA TZAM DU 'DOD PA RNAM RDZUN PA YIN NO ZHES SMRA BA'ANG MI 'THAD DE, RNAM BDEN RDZUN GNYIS KA DE GNYIS RDZAS GCIG TU 'DOD PAR 'DRA LA, RNAM BDEN PA'I LUGS LA YANG LHAN CIG DMIGS NGES KYI RTAGS KYIS RDZAS GCIG TU BSGRUB PAR @60A *, ,MI 'DOD PA'I PHYIR TE, RNAM BDEN PA'I LUGS LA YANG LHAN CIG DMIGS NGES YIN NA RDZAS GCIG YIN PAS MA KHYAB PA'I PHYIR, RTAGS MA GRUB NA BUM 'DZIN RTOG PA DANG BUM 'DZIN RTOG PA LA BUM PAR SNANG BA CHOS CAN, RDZAS GCIG YIN PAR THAL, LHAN CIG DMIGS NGES YIN PA'I PHYIR, KHYAB PA KHAS SO, ,GNYIS PA RANG LUGS BZHAG PA LA GSUM, RTZOD GZHI'I RNAM PA NGOS GZUNG BA DANG, BDEN RDZUN GYI DON, RNAM RDZUN PA'I PHYOGS 'THAD PAR BSGRUB PA'O, ,DANG PO NI SEMS TZAM PA'I LUGS LA, CHOS THAMS CAD KUN BRTAGS GZHAN DBANG YONGS GRUB GSUM DU 'DUS PA LAS, KUN BRTAGS KYI PHYOGS RNAMS NI RNAM BDEN RDZUN RTZOD PA'I GZHIR MI RUNG STE, RNAM BDEN RDZUN GNYIS KAS DE SNANG BA LTAR DU MA GRUB PAR 'DOD PA'I PHYIR RO, ,YONGS GRUB KYANG RTZOD GZHIR MI RUNG STE, RNAM BDEN RDZUN GNYIS KAS DE SNANG BA LTAR BDEN PAR 'DOD PA'I PHYIR TE, RNAM BDEN RDZUN GNYIS KAS DE MNGON SUM DU RTOGS PA'I BLO SNANG YUL LA MA 'KHRUL BA'I SHES PAR 'DOD PA'I PHYIR RO, ,GZHAN DBANG LA SHES PA DANG GZUNG BAR SNANG BA GNYIS LAS, SHES PA NI RTZOD GZHI'I RNAM PAR MI RUNG STE, RNAM BDEN RDZUN GNYIS KAS DE SNANG BA LTAR DU BDEN PAR 'DOD PA'I PHYIR TE, SHES PA MA 'KHRUL BA'I SNANG YUL DU 'DOD PA'I PHYIR TE, RANG RIG MNGON SUM GYI SNANG YUL DU 'DOD PA'I PHYIR RO, ,DES NA DBANG SHES LA RAGS PAR SNANG BA 'DI RNAM BDEN RDZUN RTZOD PA'I RTZOD GZHI'I RNAM PA YIN TE, RNAM PA BDEN PA 'GOG PA'I SKABS SU, DE PHYIR DON DANG SHES PA LA, ,RAGS SNANG YO MIN ZHES DANG, SLOB DPON CHOS MCHOG GIS, LUS CAN ZHES BYA BA RVA ZENG NGE BA NI MED KYI, ZHES DBANG SHES LA RAGS PAR @60B SNANG BA LTAR BDEN NA, PHYI ROL KHAS LEN DGOS PAR GSUNGS PA'I PHYIR RO, ,GNYIS PA NI, DON BYED NUS MI NUS KYI SGO NAS BDEN RDZUN DU 'BYED PA YANG MA YIN TE, RNAM BDEN RDZUN GNYIS KAS DBANG SHES LA RAGS PAR SNANG BA DE DON BYED NUS PAR KHAS LEN PA'I PHYIR RO, ,YONGS GRUB DANG GZHAN DBANG GANG RUNG LA BDEN PA DANG, KUN BRTAGS LA RDZUN PAR BYAS PA'ANG MA YIN TE, DE GNYIS KAS RNAM PA DE YONGS GRUB DANG GZHAN DBANG GANG RUNG DU 'DOD PA'I PHYIR RO, ,BDEN PAR GRUB MA GRUB LA BDEN RDZUN DU BYAS PA'ANG MIN TE, DE GNYIS KAS RNAM PA DE BDEN GRUB TU 'DOD PA'I PHYIR RO, ,DES NA RNAM RDZUN PAS SO SO SKYE BO'I RGYUD LA RANG RIG MNGON SUM MA GTOGS PA MA RIG PAS BSLAD PA MA ZHUGS PA'I SHES PA MED PAR 'DOD LA, RNAM BDEN PAS SNGO SNANG DBANG SHES DE MA RIG PA'I BSLAD PA CUNG ZAD KYANG MA ZHUGS PA'I SHES PAR 'DOD PAS SHES PA MA 'KHRUL PA'I SNANG YUL DANG SHES PA 'KHRUL PA'I SNANG YUL LA BDEN RDZUN DU 'BYED PA 'THAD DO, ,GSUM PA LA GNYIS, RTAGS DGOD PA DANG, TSUL BSGRUB PA'O, ,DANG PO NI, SNGO SNANG DBANG SHES LA RAGS PAR SNANG BA CHOS CAN, DON DAM BDEN PA YIN PAR THAL, KHYOD SNANG YUL DU BYED PA'I RANG RIG MNGON SUM MED CING, KHYOD SNANG YUL DU BYED PA'I TSUR MTHONG GI MNGON SUM GRUB, KHYOD SNANG YUL DU BYED PA'I MNGON SUM DE MA RIG PA'I BSLAD PA CUNG ZAD KYANG MA ZHUGS PA'I SHES PA YIN PA'I PHYIR, RTAGS KHAS, 'DOD NA, DON DAM BDEN PA MA YIN PAR THAL, DON DAM BDEN PA'I GCIG TU YANG MA GRUB, DON DAM BDEN PA'I DU MAR YANG MA GRUB PA'I PHYIR, GNYIS PA LA GNYIS, KHYAB PA BSGRUB PA DANG, PHYOGS CHOS BSGRUB PA'O, ,DANG PO NI, DON DAM BDEN PA'I GCIG DANG DU MAR MA GRUB @61A *, ,NA; DON DAM BDEN PA MA YIN PAS KHYAB STE, GCIG DANG DU MA PHAN TSUN SPANGS TE GNAS PA'I DNGOS 'GAL YIN PA'I PHYIR TE, ZLA BCAS DANG ZLA MED PHAN TSUN SPANGS TE GNAS PA'I DNGOS 'GAL YIN PA'I PHYIR RO, ,GNYIS PA NI, CHOS CAN, DON DAM BDEN PA'I GCIG TU MA GRUB STE, RANG 'DZIN MNGON SUM LA GOS KHEBS PA'I TSUL GYIS CHA BCAS SU SNANG BA'I PHYIR, DON DAM BDEN PA'I DU MAR MA GRUB STE, GCIG YIN PA'I PHYIR RO, ,KHA CIG RNAM BDEN RDZUN GNYIS KA'I LUGS LA, SNGO SNANG DBANG SHES 'KHRUL SHES YIN TE, SNGON PO PHYI DON MA YIN PA LA DER SNANG BA'I SHES PA YIN PA'I PHYIR, RNAM RDZUN PA'I LUGS LA, SNGO SNANG DBANG SHES SNGON PO LA'ANG 'KHRUL SHES YIN TE, SNGON PO PHYI DON MA YIN PA LA DER SNANG BA'I SHES PA YIN PA'I PHYIR, RNAM BDEN PA'I LUGS LA, DE SNGON PO PHYI DON YIN PA LA 'KHRUL SHES YIN YANG SNGON PO LA MA 'KHRUL BA'I SHES PA YIN TE, SNGON PO YIN PA LA YIN PAR RTOGS PA'I SHES PA YIN PA'I PHYIR, RNAM RDZUN PA'I LUGS LA, SNGON PO CHOS CAN, BDEN PAR MED DE, BDEN PA'I GCIG DANG DU BRAL YIN PA'I PHYIR, BDEN PA'I GCIG TU MA GRUB STE, MNGON SUM LA SNA TSOGS SU BDEN PAR SNANG BA'I PHYIR, BDEN PA'I DU MAR MA GRUB STE, BDEN PA'I GCIG KHEGS PA'I PHYIR, GAL TE RNAM PA DNGOS PO MA YIN NAM JI LTAR BDEN PAR MA GRUB CE NA, RNAM BDEN PA DANG MDO SDE PA'I LUGS LA, DNGOS PO YIN NA BDEN GRUB YIN PAS KHYAB KYANG, RNAM RDZUN PA'I LUGS LA, RNAM PA BDEN PA MA YIN TE, SHES PA 'KHRUL BA'I DMIGS PA YIN PA'I PHYIR RO, ,'O NA BDEN PA GANG ZHE NA, GZUNG 'DZIN RDZAS GZHAN GYIS STONG BA DE BDEN PA YIN TE, BLO MA 'KHRUL BA'I @61B DMIGS PA YIN PA'I PHYIR, DE LTAR NA GZUNG 'DZIN RDZAS GZHAN GYIS STONG PA BDEN PAR GRUB NA, DE'I RTEN BDEN PAR GRUB PA ZHIG KHAS BLANG DGOS TE, BDEN PA RDZUN PA LA 'KHYUD PA MI SRID PA'I PHYIR, 'O NA DE'I RTEN BDEN PA GANG ZHE NA, SHES PA DE BDEN PA YIN TE, BLO MA 'KHRUL BA'I DMIGS PA YIN PA'I PHYIR TE, GNYIS SNANG DANG BRAL BA'I 'DZIN RNAM GYI DMIGS PA YIN PA'I PHYIR, ZHES SMRA BA MI 'THAD DE, BDE SDUG CHOS CAN, BDEN PA'I DU MAR MA GRUB PAR THAL, BDEN PA'I GCIG KHEGS PA'I PHYIR, RTAGS KHYAB KHAS BLANGS, 'DOD NA, BDEN PAR MA GRUB PAR THAL LO, ,'DOD NA, BDEN PAR GRUB PAR THAL, BLO MA 'KHRUL BA'I DMIGS PA YIN PA'I PHYIR, 'KHOR GSUM, GZHAN YANG, SNGON PO CHOS CAN, GZUNG 'DZIN RDZAS GZHAN GYIS STONG BA'I RTEN MA YIN PAR THAL, DE BDEN PAR GRUB, KHYOD RDZUN PA YIN PA'I PHYIR, KHYAB RTAGS KHAS, 'DOD MI NUS TE, DE KHYOD KYI DE KHO NA NYID YIN PA'I PHYIR, DE SKAD DU YANG, DE PHYIR GNYIS STONG GANG YIN PA, ,DE NI DE'I YANG DE NYID YIN, ,ZHES GSUNGS SO, ,GSUM PA 'BRAS RTOG GSUM PA'I RNAM GZHAG LA, DGAG BZHAG SPANG GSUM MO, ,DANG PO NI, KHA CIG NA RE, 'BRAS RTOG GSUM PA 'DI BYE BRAG TU SMRA BA DANG DBU MA PA'I LUGS MA YIN TE, 'DIR RANG RIG BDEN GRUB 'DOD PA'I PHYIR RO, ,MDO SDE PA'I LUGS MA YIN TE, MA YIN DU MAS BDAG SKYON PHYIR, ZHAS DBANG SHES 'KHRUL PAR BSTAN PA'I PHYIR RO, ,SEMS TZAM PA'I LUGS MA YIN TE, PHYI ROL DON NI YOD NA YANG, ,ZHES PHYI DON GZHAL BYAR BSTAN PA'I PHYIR RO, ,DES NA GRUB MTHA' SMRA BA BZHI PO GANG GI YANG LUGS MA YIN GYI, PHYOGS GLANG YAB SRAS KYI DNGOS STOBS KYI RIGS PAS GRUB PA YIN NO, ,ZHES ZER BA MI 'THAD DE, SANGS @62A *, ,RGYAS PA LA BZHI BA DANG, ,LNGA PA THUB PA'I DGONGS PA MIN, ,ZHES SANGS RGYAS PA LA GRUB MTHA' BZHI LAS GZHAN PA'I GRUB MTHA' MED PAR GSUNGS PA'I PHYIR RO, ,KHA CIG ,PHYI DON GZHAL BYA, GZUNG RNAM TSAD MA, RANG RIG 'BRAS BUR BYAS NAS 'DI SEMS TZAM PA'I LUGS YIN NO ZHES ZER, 'O NA 'BRAS RTOG GSUM PA'I SKABS 'DIR CHOS CAN, GZUNG 'DZIN RDZAS GZHAN GRUB PAR THAL, PHYI DON GRUB PA'I PHYIR, 'DOD NA, GZUNG 'DZIN RDZAS GZHAN MA YIN BZHIN DU DER SNANG BA'I GZHAN DBANG MA GRUB PAR THAL LO, ,'DOD NA, GZUNG 'DZIN RDZAS GZHAN MA YIN BZHIN DU DER BTAGS PA'I KUN BRTAGS DANG, GZUNG 'DZIN RDZAS GZHAN GYIS STONG PA'I YONGS GRUB MA GRUB PAR THAL, DE GNYIS KYI GDAGS BZHI GZHAN DBANG MA GRUB PA'I PHYIR, 'DOD NA, NGO BO NYID GSUM MA GRUB PAS RNAM PAR RIG PA TZAM GYI LUGS YIN PA NYAMS SO, ,GAL TE SKYON MED DE, PHYI DON THA SNYAD DU YOD KYANG, DON DAM DPYOD BYED KYI RIGS PAS PHYI DON KHEGS PA'I PHYIR ZHE NA, THA SNYAD DU PHYI DON YOD PA'I DON, PHYI DON YOD PA THA SNYAD PA'I TSAD MAS GRUB PA LA BYED DAM, ,TSAD MAS MA GRUB PAR 'KHRUL NGOR YOD PA TZAM LA BYED, DANG PO LTAR NA, DON DAM DPYOD BYED KYI TSAD MAS, THA SNYAD PA'I TSAD MAS GRUB PA'I DON LA GNOD PAR THAL, THA SNYAD PA'I TSAD MAS PHYI DON YOD PAR GRUB PA GANG ZHIG DON DAM DPYOD BYED KYI TSAD MAS PHYI DON KHEGS PA'I PHYIR, 'DOD NA, DON DAM DPYOD BYED KYI TSAD MA LA YANG YID BRTAN DU MI RUNG BAR THAL, TSAD MA'I MTSAN NYID DANG LDAN PA'I THA SNYAD PA'I TSAD MAS GRUB PA'I DON LA GNOD PA YOD PA'I PHYIR, KHYAB STE, @62B MTSAN NYID DANG LDAN PA GCIG LA GNOD PA SRID NA, DE'I MTSAN NYID SUN BYUNG BA KHO NAR 'GYUR BAS THAMS CAD LA YID BRTAN DU MI RUNG NGO ZHES GSUNGS PA'I PHYIR, GNYIS PA LTAR NA, 'BRAS RTOG GSUM PA'I TSAD 'BRAS KYI RNAM GZHAG 'DI, RANG LUGS KYI TSAD 'BRAS KYI RNAM GZHAG DON MTHUN MA YIN PAR THAL, GZHAL BYA TSAD MAS MA GRUB PA'I PHYIR, RTAGS KHAS, GZHAN YANG, SEMS TZAM PA'I RANG LUGS YIN PA DANG PHYI DON GZHAL BYAR 'JOG PA'I GZHI MTHUN KHAS LEN PAR MI RIGS TE, MDO LAS KHAMS GSUM PO 'DI NI SEMS TZAM MO ZHES PA'I TZAM GYI SGRUB PHYI DON 'GOG PA SEMS TZAM PA'I LUGS YIN PA'I PHYIR, YANG KHA CIG NA RE, 'BRAS RTOG GSUM PA 'DI SEMS TZAM PA'I LUGS MIN GYI MDO SDE PA'I LUGS YIN TE, {SH'A-KYA} BLOS, SHES BYA NANG GI YIN PAR SMRA BA'I PHYOGS KYI {DVOGS} PA BSAL BA'I PHYIR ZHES GSUNGS PA'I PHYIR ZHE NA, SKYON MED DE, DES SEMS TZAM PA PHYOGS SNGA MAR BSTAN PA MIN GYI, SHES BYA NANG GI YIN PA STE SHES PA GZHAL BYA LA RANG RIG 'BRAS BUR BYAS PA'I TSE 'DZIN RNAM TSAD MA YIN PA BZHIN DU, 'BRAS RTOG GSUM PA'I SKABS 'DIR YANG, RANG RIG PA 'BRAS BU YIN NA, 'DZIN RNAM TSAD MAR 'GYUR SNYAM PA'I PHYOGS KYI {DVOGS} PA BSAL BA'I PHYIR ZHES BSHAD PAR BYA BA YIN PA'I PHYIR, YANG KHA CIG ,PHYI DON YOD NA GZHAL BYA ZHES BRTAG PA MTHA' BZUNG GI SGO NAS GZHAL BYAR 'JOG PA YANG MI 'THAD DE, PHYI DON GRUB NA BRTAG PA MTHA' BZUNG GI SGO NAS 'JOG PA DON MED LA, PHYI DON MA GRUB NA, TSAD MA DANG 'BRAS BU YANG MA GRUB PAR 'GYUR BA'I PHYIR RO, ,KHA CIG ,PHYI DON GZHAL BYA, GZUNG RNAM TSAD MA, DON LA RANG RIG KYANG THA SNYAD DU DON RIG PA'I DON RIG BTAGS PA BA 'BRAS BUR @63A *, ,BYAS PA'I 'BRAS RTOG GSUM PA 'DI MDO SDE PA'I LUGS YIN NO ZHE NA, DE LTAR NA, 'DIR PHYI DON GZHAL BYA LA, RANG RIG 'BRAS BU YIN NA, 'DZIN RNAM TSAD MAR 'GYUR SNYAM PA DANG, RANG RIG 'BRAS BU YIN NA, DON RIG 'BRAS BUR BSHAD PA DANG 'GAL SNYAM PA DANG, TSAD 'BRAS KYI BYED PA 'JUG PA'I YUL RDZAS THA DAD DU 'GYUR SNYAM DU {DVOGS} PA SKYE BA'I RGYU MTSAN MED PAR 'GYUR TE, MDO SDE PA PHYI DON GZHAL BYAR BYAS PA'I TSE RANG RIG DANG SHES PA'I BDAG NYID DU GYUR PA'I YUL RIG PA 'BRAS BUR MI 'DOD PA'I PHYIR DANG PHYI DON GZHAL BYA LA RANG RIG 'BRAS BUR 'DOD NA, TSAD 'BRAS KYI BYED PA 'JUG PA'I YUL RDZAS THA DAD DU THAL BA'I RTZOD PA SPONG BAR MI NUS PA'I PHYIR RO, ,GNYIS PA RANG LUGS NI, DE YANG RE ZHIG PHYI DON KHAS LEN PA'I MDO SDE PA DANG THUN MONG DU 'BRAS RTOG DANG PO BSTAN LA, PHYI DON GZHAL BYA YIN PA BKAG NAS, SHES PA'I BDAG NYID DU GYUR PA'I GZUGS SOGS GZHAL BYA DANG, SHES PA'I BDAG NYID DU GYUR PA'I GZUGS SOGS RIG PA 'BRAS BUR BYAS PA'I 'BRAS RTOG GNYIS PA DANG, PHYI DON GZHAL BYA YIN PA BKAG PA'I RANG LDOG NAS MA BSTAN PAR DON SMRA BA KHYED RANG DON DU 'DOD PA'I GZUGS SOGS GZHAL BYAR BYAS PA'I TSE NA'ANG, SHES PA'I BDAG NYID DU GYUR PA'I GZUGS SOGS RIG PA 'BRAS BUR BZHAG DGOS SO ZHES 'BRAS RTOG GSUM PA BSTAN TE, 'DI YANG SEMS TZAM PA'I LUGS YIN NO, ,TSAD 'BRAS KYI RNAM GZHAG NI, MDO SDE PAS PHYI ROL DON DU 'DOD PA'I GZUGS GZHAL BYA, RANG YUL GYI RNAM PA SHAR NAS GZUGS LA GSAR DU MI BSLU BA'I SHES PA TSAD MA, SHES PA'I BDAG NYID DU GYUR PA'I GZUGS RTOGS PA'I TSAD MA 'BRAS BU'O, ,DE LTAR BZHAG PA'I TSE NA, 'BRAS RTOG GSUM PA 'DIR PHYI ROL @63B KYI DON GZHAL BYA LA, SHES PA YONGS SU GCOD BYED KYI RANG RIG 'BRAS BUR BZHAG 'DUG SNYAM DU BSAMS NAS, GAL TE PHYI DON GZHAL BYA LA RANG RIG 'BRAS BUR 'JOG NA, 'DZIN RNAM TSAD MAR 'GYUR TE, DPER NA SHES PA GZHAL BYA LA, DE YONGS SU GCOD BYED KYI RANG RIG 'BRAS BUR BZHAG PA'I TSE, 'DZIN RNAM TSAD MA YIN PA BZHIN ZHE NA, SHES PA YONGS SU GCOD BYED KYI RANG RIG 'BRAS BUR BZHAG NA BDEN YANG DE 'BRAS BUR 'JOG PA MIN GYI, SHES PA'I BDAG NYID DU GYUR PA'I GZUGS RTOGS PA 'BRAS BUR 'JOG LA, SHES PA'I BDAG NYID DU GYUR PA'I GZUGS RTOGS PA DE GANG GIS 'JOG NUS PA DE TSAD MAR 'THAD CING, DE YANG GZUNG BA'I RNAM PAS 'JOG NUS KYI 'DZIN RNAM GYIS 'JOG MI NUS TE, 'DZIN RNAM NI KHA NANG KHO NAR PHYOGS PA'I SHES PA YIN PA'I PHYIR RO, ,YANG 'DI SNYAM DU GAL TE PHYI DON GZHAL BYA LA, GZUNG RNAM TSAD MA YIN NA, DON RIG 'BRAS BUR BYA DGOS TE, 'BRAS RTOG DANG PO BZHIN, PHYI DON GZHAL BYA LA GZUNG RNAM TSAD MAR BYAS PA'I TSE RANG RIG 'BRAS BUR MI RIGS TE, TSAD MAS PHYI DON YONGS SU BCAD PA'I 'BRAS BU LA, SHES PA RANG RIG PA MI 'THAD PA'I PHYIR, DPER NA STA RES SHA PA BCAD PA'I 'BRAS BU LA, TZAN DAN DUM BUR SONG BA MI 'THAD PA BZHIN, YANG RANG RIG 'BRAS BU YIN NA, DON RIG 'BRAS BUR BRJOD PA DANG 'GAL LA, TSAD MA DANG 'BRAS BU GNYIS KYI BYED PA 'JUG PA'I YUL RDZAS THA DAD DU YANG 'GYUR TE, TSAD MAS PHYI ROL GYI DON GZHAL BYA LA, 'BRAS BU SHES PA RANG RIG YIN PA'I PHYIR SNYAM NA, 'DIR PHYI DON GZHAL BYA LA, RANG RIG 'BRAS BUR BZHAG NA, SKYON DE DAG SPONG MI NUS MOD, 'ON KYANG MDO SDE PAS PHYI ROL DON DU 'DOD PA'I GZUGS SOGS GZHAL BYA LA, SHES PA'I BDAG NYID DU GYUR PA'I GZUGS SOGS RTOGS PA 'BRAS BUR 'JOG LA, DE'I TSE @64A *, ,SKYON DE DAG MED DE, TSAD MA DANG 'BRAS BU GNYIS KAS SHES PA'I BDAG NYID DU GYUR PA'I GZUGS SOGS RTOGS PA'I PHYIR RO, ,DON RIG PA 'BRAS BUR BRJOD PA DANG MI 'GAL TE, RJES KYI SHES PA ZHAN YUL LA 'KHRUL BA'I LOG SHES LA LTOS NAS PHYI DON RIG PA 'BRAS BUR BRJOD PA TZAM MIN PA'I PHYIR RO, ,'O NA 'BRAS RTOG GSUM PA 'DI, RNAM BDEN RDZUN GANG GI LUGS YIN ZHE NA, KHA CIG NA RE, 'DI RNAM BDEN PA'I LUGS YIN GYI RNAM RDZUN PA'I LUGS MA YIN TE, 'DIR CHOS MCHOG GIS, 'DOD MI 'DOD KYI RNAM PA RANG RIG GIS NYAMS SU MYONG BAR BSHAD LA, RNAM RDZUN PA 'DOD MI 'DOD KYI RNAM PA RANG RIG GIS NYAMS SU MYONG BAR MI 'DOD PA'I PHYIR TE, RANG RIG GIS NYAMS SU MYONG BYA YIN NA BDEN GRUB YIN DGOS SHING, RNAM RDZUN PA 'DOD MI 'DOD KYI RNAM PA RDZUN PAR 'DOD PA'I PHYIR ZHES, SMRA'O, ,'DOD MI 'DOD KYI RNAM PA RANG RIG GIS NYAMS SU MYONG BAR BSHAD PAS, RNAM RDZUN PA'I LUGS MA YIN MI DGOS TE, RANG RIG GIS NYAMS SU MYONG BAR BSHAD PA'I RNAM PA NI, 'DOD MI 'DOD KYI RNAM PA SHAR BA'I SHES PA YIN LA, DE NI RNAM RDZUN PAS KYANG RDZUN PAR MI 'DOD PA'I PHYIR DANG, RNAM BDEN RDZUN RTZOD PA'I GZHI'I RNAM PA DE RNAM BDEN PAS KYANG RANG RIG GIS NYAMS SU MYONG BAR MI 'DOD PA'I PHYIR RO, ,GSUM PA RTZOD PA SPANG BA NI, GAL TE 'BRAS RTOG GSUM PA 'DI SEMS TZAM PA'I LUGS YIN NA, GANG GI TSE PHYI ROL GYI DON 'BA' ZHIG GZHAL BYAR BYAS PA DE'I TSE ZHES PA DANG, PHYI ROL DON NI YOD NA YANG, ,ZHES PA DANG LHA DBANG BLOS, GANG KHO NA PHYI ROL LA SGRUB PAR BYED PA DE NYID KHO NA LA BYA BA YIN PA DE'I PHYIR, {DZ-NY'A NA SHR'IS,} DE LTAR NA RTOG PA 'DI RANG RIG PA YIN YANG PHYI ROL LAS SKYES PA'I PHYIR, DE'I 'BRAS BU YIN PAS DON RIG @64B PAR BLTA BAR BYA'O, ,ZHES GSUNGS PA DANG 'GAL LO ZHE NA, MI 'GAL TE, PHYI ROL GYI DON 'BA' ZHIG CES PA, {SH'A-KYA} BLOS, PHYI ROL GYI DON YANG ZHES PA'I DON DU BSHAD LA, DE NI, PHYI ROL DON NI YOD NA YANG, ZHES PA DANG DON 'DRA BAS, MDO SDE PAS PHYI ROL DON DU 'DOD PA'I GZUGS SOGS GZHAL BYAR BYAS NA YANG, ZHES BSHAD PAR BYA BA YIN GYI, RANG LUGS LA PHYI ROL GYI DON KHAS LEN PA MA YIN NO, ,GAL TE 'BRAS RTOG GSUM PA 'DI SEMS TZAM PA'I LUGS YIN NA, CHOS MCHOG GIS, 'DIR 'THAD PA 'DIS PHYI ROL GYI DON LDOG PAR 'DOD PA MA YIN GYI, 'ON KYANG PHYI ROL KYI DON YOD KYANG RING RIG PA NYID 'BRAS BUR RIGS KYI DON RIG PA NI MIN NO, ,'DI LTAR PHYI ROL KYI DON GYI TSUL LA, DON NI GZHAL BYA, GZUNG BA'I RNAM PA TSAD MA, DON RIG PA NI 'BRAS BU YIN LA, RNAM PAR SHES PA SMRA BA LA NI, BDAG NYID GZHAL BYA, 'DZIN PA'I RNAM PA TSAD MA, BDAG NYID RIG PA NI 'BRAS BU YIN NO, ,YANG PHYI ROL KYI DON GYI TSUL LA, 'BRAS BU'I RNAM PAR BZHAG PA GNYIS PA, DON GZHAL BYA, GZUNG BA'I RNAM PA TSAD MA, RANG RIG PA 'BRAS BU'O, ,ZHES BYA BA 'DI NI 'BRAS BU 'DI LTAR RNAM PAR BZHAG PA'I 'THAD PA YIN NO; ;ZHES GSUNGS PA DANG 'GAL LO ZHE NA, MI 'GAL TE, 'DIR 'THAD PA 'DIS PHYI ROL GYI DON LDOG PAR 'DOD PA MIN ZHES PA'I DON 'DIR PHYI DON BKAG PA'I RANG LDOG NAS GZHAL BYA MI 'JOG CES PA YIN LA, PHYI ROL GYI DON GYI TSUL LA 'BRAS BU'I RNAM PAR BZHAG PA GNYIS PA ZHES PA'I DON YANG, 'BRAS RTOG DANG PO'I SKABS SU PHYI ROL GYI GZUGS SOGS GZHAL BYAR BYAS PA'I TSAD 'BRAS KYI RNAM GZHAG SEMS TZAM PAS MI 'DOD KYANG, GZUGS SOGS GZHAL BYAR BYAS PA'I TSAD 'BRAS KYI RNAM BZHAG 'DOD PAS DE LA LTOS PA'I @65A *, ,GNYIS PA YIN NA, ,DE LTA MA YIN PAR PHYI ROL KYI DON GZHAL BYAR BYAS PA'I TSAD 'BRAS KYI RNAM GZHAG 'DIR STON NA, PHYI ROL GYI DON RIG PA 'BRAS BUR BZHAG DGOS LA, DE LTAR NA, RANG RIG PA NYID 'BRAS BUR RIGS KYI DON RIG PA NI MA YIN NO, ,ZHES GSUNGS PA DANG 'GAL LO;; ` GNYIS PA RJES DPAG BSHAD PA LA GNYIS, RANG DON RJES DPAG DANG, GZHAN DON RJES DPAG GO ,DANG PO LA GSUM, RJES DPAG GI RANG BZHIN, RGYU RTAGS 'DZIN SEMS, RTEN GTAN TSIGS BSHAD PA'O, ,DANG PO LA GSUM, MTSAN NYID, DBYE BA, MTSAN GZHI LA LOG RTOG BSAL BA'O, , DANG PO NI, RJES DPAG TSAD MA'I MTSAN NYID, TSUL GSUM TSANG BA'I RTAGS LA BRTEN NAS RANG GI GZHAL BYA LKOG GYUR LA GSAR DU MI BSLU BA'I SHES PA, DE SKAD DU'ANG, TSAD MA MDOR, RJES DPAG RNAM GNYIS RANG DON NI, ,TSUL GSUM RTAGS LAS DON MTHONG YIN, ,ZHES GSUNGS SO,, GNYIS PA NI, RJES DPAG TSAD MA LA DBYE NA, DNGOS PO STOBS ZHUGS KYI RJES DPAG ,GRAGS PA'I RJES DPAG ,YID CHES PA'I RJES DPAG DANG GSUM MO, ,DANG PO'I MTSAN NYID, DNGOS PO STOBS ZHUGS KYI RTAGS YANG DAG LA BRTEN NAS, RANG GI GZHAL BYA LKOG GYUR LA GSAR DU MI BSLU BA'I SHES PA'O, ,DBYE NA, DNGOS PO STOBS ZHUGS KYI 'BRAS RANG MA DMIGS PA'I RTAGS LA BRTEN PA'I RJES DPAG GSUM MO, ,YID CHES RJES DPAG GI MTSAN NYID, YID CHES PA'I RTAGS YANG DAG LA BRTEN NAS RANG GI GZHAL BYA LKOG GYUR LA GSAR DU MI BSLU BA'I SHES PA, KHA CIG ,YID CHES RJES DPAG GI MTSAN NYID, YID CHES PA'I KHAS BLANGS 'BRAS RTAGS YANG DAG LA BRTEN NAS, RANG GI GZHAL BYA LKOG GYUR LA GSAR DU MI BSLU BA'I SHES PA, ZHES ZER BA MI 'THAD DE, YID CHES PA'I RTAGS YANG DAG YIN NA, 'BRAS RTAGS YANG DAG YIN PAS MA KHYAB PA'I PHYIR, @65B RTAGS MA GRUB NA, DPYAD PA GSUM GYIS DAG PA'I LUNG CHOS CAN, SBYIN PAS LONGS SPYOD KHRIMS KYIS BDE ZHES PA'I LUNG RANG GI BSTAN BYA'I DON LA MI BSLU BAR SGRUB PA'I 'BRAS RTAGS YANG DAG YIN PAR THAL, DE SGRUB KYI YID CHES PA'I RTAGS YANG DAG YIN PA'I PHYIR, {DVOGS} GCOD RGYAS PAR 'OG TU 'CHAD PAR 'GYUR RO, ,GRAGS PA'I RJES DPAG GI MTSAN NYID, GRAGS PA'I RTAGS YANG DAG LA BRTEN NAS RANG GI GZHAL BYA LKOG GYUR LA GSAR DU MI BSLU BA'I SHES PA'O, ,GSUM PA LA GSUM, RJES DPAG 'KHRUL SHES YIN MIN DPYAD PA, RJES DPAG MA YIN PA LA YIN PAR RTOG PA DGAG PA, RJES DPAG YIN PA LA MA YIN PAR RTOG PA DGAG PA'O, ,DANG PO NI ,KHA CIG ,RJES DPAG SNANG YUL LA 'KHRUL SHES YIN TE, RANG LA SNANG BA DON MA YIN PA LA DON DU MNGON PAR ZHEN PA'I BLO YIN PA'I PHYIR, SNANG YUL LA 'KHRUL SHES YIN YANG MA 'KHRUL BA'I SHES PA YIN TE, ZHEN YUL LA MA 'KHRUL BA'I SHES PA YIN PA'I PHYIR, KHYAB STE, RTOG PA RNAMS KYI YUL GYI GTZO BO NI ZHEN YUL YIN PA'I PHYIR TE, RTOG PA RNAMS YUL LA ZHEN PA'I DBANG GIS 'JUG PA'I PHYIR, DES NA RTOG PA RNAMS ZHEN YUL LA MA 'KHRUL NA MA 'KHRUL PA DANG, ZHEN YUL LA YANG DAG PA'I SHES PA YIN NA YANG DAG PA'I SHES PA DANG, ZHEN YUL LA TSAD MA YIN NA TSAD MA YIN DGOS LA, ZHEN YUL LA LOG SHES YIN NA LAG SHES DANG, ZHEN YUL LA TSAD MIN GYI BLO YIN NA TSAD MIN GYI BLO YIN PAS KHYAB BO, ,GAL TE RJES DPAG 'KHRUL SHES YIN TE, DE MA YIN LA DER 'DZIN GYI SHES PA YIN PA'I PHYIR TE, DON SPYI RANG MTSAN MA YIN PA LA, DER SNANG BA'I SHES PA YIN PA'I PHYIR ZHE NA, 'O NA RJES DPAG LOG SHES YIN PAR THAL, SNANG YUL LA LOG SHES YIN PA'I PHYIR ZHES ZER RO, ,DE NI MI 'THAD DE, 'O NA @66A *, ,MNGON SUM TSAD MA SNANG YUL LA MA 'KHRUL BA'I SHES PA YIN PAS, MA 'KHRUL BA'I SHES PA YIN PAR 'JOG NUS SAM MI NUS, MI NUS NA, DE MA 'KHRUL BA'I SHES PA YIN PAR 'JOG BYED MED PAR 'GYUR LA, 'JOG NUS NA, RJES DPAG 'KHRUL SHES YIN PAR THAL, SNANG YUL LA 'KHRUL SHES YIN PA'I PHYIR, 'KHOR GSUM, GZHAN YANG, SGRA MI RTAG PAR RTOGS PA'I RJES DPAG CHOS CAN, ZHEN YUL LA 'KHRUL BA'I LOG SHES YIN PAR THAL, RANG LA SNANG BA DON MA YIN PA LA DON DU ZHEN PA'I BLO YIN PA'I PHYIR, RTAGS BSAL KHAS, MA KHYAB NA, SGRA RTAG 'DZIN GYI RTOG PA ZHEN YUL LA 'KHRUL BA'I LOG SHES YIN PA'I SGRUB BYED MED PAR THAL, DE MA YIN LA DER ZHEN GYI BLO YIN NA ZHEN YUL LA 'KHRUL BA'I LOG SHES YIN PAS MA KHYAB PA'I PHYIR, RTAGS KHAS, GZHAN YANG, SGRA RTAG GAM MI RTAG SNYAM DU THE TSOM ZA BA'I BLO CHOS CAN, LOG SHES YIN PAR THAL, 'KHRUL SHES YIN PA'I PHYIR, KHYAB PA KHAS, GZHAN YANG, SGRA MI RTAG PAR RTOGS PA'I RJES DPAG LA ZHEN STANGS MI MTHUN PA GNYIS YOD PAR THAL, DES RANG LA SNANG BA SGRA MI RTAG PAR ZHEN CING, SGRA MI RTAG PAR YANG ZHEN PA'I PHYIR, RTAGS KHAS BLANGS, 'DOD NA, SGRA MI RTAG CES PA'I TSIG LA ZHEN PA'I BRJOD BYA MI MTHUN PA GNYIS YOD PAR THAL LO, ,KHA CIG SGRA MI RTAG PAR RTOGS PA'I RJES DPAG ZHEN YUL LA 'KHRUL SHES YIN TE, RTOG PA YIN NA 'KHRUL SHES YIN PAS KHYAB PA GANG ZHIG ,DE ZHEN YUL LA RTOG PA YIN PA'I PHYIR ZHE NA, SGRA MI RTAG PAR RTOGS PA'I RJES DPAG DES SGRA MI RTAG PAR ZHEN PA'I ZHEN STANGS LA GNOD BYED KYI TSAD MA YOD PAR THAL, DE ZHEN YUL LA 'KHRUL SHES YIN PA'I PHYIR, 'DOD NA, SGRA DE MI RTAG PA MA YIN PAR THAL LO, ,'O NA RJES @66B DPAG DE RANG LA SNANG BA DON MA YIN PA LA DON DU MNGON PAR ZHEN PA'I BLO MA YIN NA, RNAM NGES LAS, RANG GI SNANG BA DON MED PA LA DON DU MNGON PAR ZHEN NAS 'JUG PA'I PHYIR ZHES DANG, DE YI NGO BOS STONG DE DAG ,DE YI NGO BOR ZHEN PA'I PHYIR, ,ZHES GSUNGS PA DANG 'GAL LO ZHE NA, MI 'GAL TE, DE NI RANG LA SNANG BA DON ? DU SNANG BA'I SGO NAS DON DU ZHEN PA SKYE ZHES PA'I DON YIN GYI, RANG LA SNANG BA DE NYID DON DU ZHEN PA'I DON MA YIN PA'I PHYIR, DPER NA BUM 'DZIN RTOG PA LA BUM PA'I SNYAM PA'I ZHEN PA YOD KYI, RANG LA SNANG BA 'DI BUM PA'O SNYAM DU MA ZHEN PA BZHIN NO, ,'DI GANG LAS SHES SHE NA, SLOB DPON LHA DBANG BLOS, DE'I RNAM PA GRUB PAS DNGOS PO'I RNAM PA GRUB PA YIN NO ZHES RTOGS PAR 'GYUR TE, TSOGS PA'I KHYAD PAR LAS SKYE BA CAN BZHIN GYI GZUGS BRNYAN GYIS SHES PA'I YUL LA MTSAN MA LA SOGS PA GRUB PAS BZHIN GYI MTSAN MA LA SOGS PA GRUB PA BZHIN NO, ,ZHES GSUNGS PA'I DPE DON SBYOR SHES NA DON 'DI RTOGS PAR 'GYUR BAS, DE'I DPE DON SBYAR NA, BYED BZHIN LA NAG PO LTA BU'I MTSAN MA YOD MED RTOG PA'I PHYIR DU MA LONG LA BLTAS PA NA, DNGOS SU ME LONG NANG GI GZUGS BRNYAN LA, NAG PO LTA BU'I MTSAN MA SNANG YANG BRDA LA BYANG BA'I SKYES BU YIN NA, BYED BZHIN RANG MTSAN PA'I STENG DU NAG PO LTA BU YOD PAR ZHEN GYI, ME LONG NANG GI GZUGS BRNYAN GYI STENG DU NAG PO LTA BU YOD PAR MI ZHEN PA BZHIN DU, SGRA MI RTAG PAR RTOGS PA'I RJES DPAG LA DNGOS SU SGRA MI RTAG PA'I DON SPYI SNANG YANG SGRA DE MI RTAG PAR ZHEN PA YIN GYI, DON SPYI SGRA MI RTAG PAR ZHEN PA MA YIN NO, ,GNYIS PA NI, KHA CIG ,KHANG PHUGS NA NOR BU YOD PA'I 'OD SGO GSEB TU SHAR BA LAS NOR BU'I 'OD LA NOR BUR ZHEN PA'I BLO @67A *, ,DE RJES DPAG YIN NO ZHES ZER BA MI 'THAD PAR SNGAR BSHAD ZIN TO, ,GSUM PA NI, KHA CIG ,SGRA MI RTAG PAR RTOGS PA'I RJES DPAG DE, SGRA'I STENG DU SGRA'I MI RTAG PA DANG BUM PA'I MI RTAG PA LA TSAD MA MA YIN PA BZHIN DU, SGRA'I STENG DU MI RTAG PA LA'ANG TSAD MA MIN NO ZHES SMRA BA MI 'THAD DE, BYAS PA DE SGRA'I STENG DU SGRA'I MI RTAG PA DANG BUM PA'I MI RTAG PA SGRUB PA'I RTAGS YANG DAG MA YIN YANG, SGRA MI RTAG PAR SGRUB PA'I RTAGS YANG DAG YIN PA'I PHYIR, GNYIS PA RJES DPAG GI RGYU RTAGS 'DZIN SEMS BSHAD PA LA, DGAG BZHAG SPANG GSUM MO, ,DANG PO LA GNYIS, 'DOD PA BRJOD PA DANG, DE DGAG PA'O, ,DANG PO NI, CHOS MCHOG GIS, RTAGS CHOS KYI 'BREL PA 'DZIN PA'I BLO NI RNAM PA GNYIS TE, RTZOD GZHI LA MI LTOS PAR MTHUN DPE'I STENG DU KHYAB PA SPYIR 'DZIN PA'I BLO DANG, RTZOD GZHI'I STENG DU RTAGS CHOS KYI 'BREL PA 'DZIN PA'O, ,DANG PO RTAGS 'DZIN SEMS DANG, GNYIS PA RTAGS CAN RJES DPAG YIN LA, GNYIS KAS KYANG RTAGS DANG BSGRUB BYA'I CHOS GNYIS KA 'DZIN PA YIN TE, RTAGS CHOS KYI 'BREL PA 'DZIN PA'I PHYIR RO, ,DE LTAR YIN YANG, DE GNYIS KHYAD MED DU THAL BA'I SKYON MED DE, RTAGS 'DZIN SEMS KYIS RTAGS GTZO BO DANG RTAGS CAN PHAL BA'I TSUL DU 'DZIN LA, RTAGS CAN RJES DPAG GIS RTAGS CAN GTZO BO DANG RTAGS PHAL PA'I TSUL DU 'DZIN PA'I PHYIR, ZHES 'DOD PA LA, RGYAN MKHAN PO NA RE, RTAGS CAN RJES DPAG GIS RTAGS 'DZIN BZHIN DU RTAGS 'DZIN GYI SEMS LOGS SU DPYAD DGOS NA THUG MED DU 'GYUR LA, RTAGS CHOS KYI 'BREL PA MNGON SUM GYIS 'DZIN NA RTAGS 'DZIN SEMS MNGON SUM LTAR SNANG DU BSHAD PA DANG 'GAL LO, @67B ZHES GSUNG, RGYAN RANG GI LUGS LA, MA DMIGS PA'I RTAGS LA RTAGS 'DZIN SEMS DPYAD PAR MI BYA STE, MA DMIGS PA'I RTAGS CHOS DNGOS POR MA GRUB PA'I PHYIR, RANG BZHIN RTAGS LA RTAGS CAN RJES DPAG LAS LOGS SU RTAGS 'DZIN GYI SEMS DPYAD MI DGOS TE, RTAGS CAN RJES DPAG GIS RTAGS 'DZIN PA'I PHYIR TE, RANG BZHIN GYI RTAGS DANG RTAGS CAN GNYIS NGO BO GCIG YIN PA'I PHYIR, 'BRAS BU'I RTAGS CAN RJES DPAG GIS RTAGS 'DZIN PAR MI NUS TE, 'BRAS BU'I RTAGS DANG RTAGS CAN RDZAS THA DAD YIN PA'I PHYIR, DES NA 'BRAS BU'I RTAGS CAN RJES DPAG LAS LOGS SU RTAGS 'DZIN SEMS DPYAD PAR BYA DGOS LA, DE YANG DU LDAN LA'I DU BA MTHONG BA'I MNGON SUM DE RTAGS 'JAL BA'I TSAD MA DANG, DE'I RJES SU SKYES PA'I BCAD SHES DE RTAGS 'DZIN SEMS YIN NO ZHES GSUNG NGO, , GNYIS PA DE DGAG PA NI, RANG BZHIN RTAGS KYI RTAGS 'DZIN SEMS THUG MED DU THAL, RANG BZHIN GYI RTAGS DE RTAGS CAN RJES DPAG GIS 'JAL DGOS PA'I PHYIR, 'KHOR GSUM, RTAGS DANG RTAGS CAN NGO BO GCIG YIN PAS RTAGS CAN RJES DPAG GIS RTAGS 'DZIN PAR 'DOD PA'ANG MI 'THAD DE, GANG GIS GO BAR 'GYUR BA DE, DE LAS GZHAN GYIS NUS MA YIN, ZHES GSUNGS PA LTAR, BYAS MI RTAG NGO BO GCIG YIN YANG RTOGS DKA' SLA'I KHYAD PAR YOD PAS, DANG POR BYAS PA'I RTAGS KYIS SGRA MI RTAG PAR SGRUB PA'I TSUL GSUM 'JAL BA'I TSAD MA DANG BCAD SHES SKYES NAS DE'I RJES SU SGRA MI RTAG PAR RTOGS PA'I RJES DPAG SKYE DGOS PA'I PHYIR, GZHAN YANG, RTAGS 'DZIN SEMS MNGON SUM LTAR SNANG MA YIN PAR THAL, 'BRAS RTAGS KYI RTAGS MNGON SUM GYIS 'JAL BA'I PHYIR, @68A *, ,'KHOR GSUM, DGAG RTAGS KYI RTAGS CHOS RDZAS SU MA GRUB PAS, DGAG RTAGS LA, RTAGS 'DZIN SEMS DPYAD PAR MI BYA ZHES PA'ANG MI 'THAD DE, RTAGS 'DZIN SEMS RTAGS CHOS GNYIS LAS MTHA' GCIG TU SKYE BAR MA NGES PA'I PHYIR, GZHAN YANG, DGAG RTAGS LA RTAGS CAN RJES DPAG DPYAD PAR BYA BA MA YIN PAR THAL, RTAGS CAN RJES DPAG RTAGS 'DZIN SEMS LAS SKYE DGOS PA GANG ZHIG ,DGAG RTAGS LA RTAGS 'DZIN SEMS DPYAD PAR BYA BA MA YIN PA'I PHYIR, 'DOD NA, DGAG RTAGS YANG DAG MA GRUB PAR THAL LO, ,KHA CIG ,SH'AKYA BLOS, RTAGS KYI YUL CAN MNGON SUM GYI PHYIS 'BYUNG BA GANG YIN PA DE YANG TSAD MAR THA SNYAD BYAS PA YIN TE, TSAD MA'I RGYU YIN PA'I PHYIR ZHES GSUNGS PAS, RTAGS 'DZIN SEMS KYI MTSAN NYID PHYOGS CHOS 'JAL BA'I BCAD SHES GANG ZHIG ,RANG 'BRAS RTAGS CAN RJES DPAG GI BRGYUD RGYU YIN PA ZHES BYA LA, DU LDAN LA'I DU BA MTHONG BA'I MNGON SUM DANG, SGRA BYAS PAR MTHONG BA'I MNGON SUM LTA BU, PHYOGS CHOS 'JAL BA'I TSAD MA DANG, DE'I RJES SU SKYES PA'I BCAD SHES NI RTAGS 'DZIN SEMS YIN NO ZHES ZER NA, DE NI MI 'THAD DE, SH'AKYA BLOS, PHYOGS CHOS 'JAL BA'I BCAD SHES RTAGS 'DZIN SEMS SU BSHAD KYI, DE KHO NA RTAGS 'DZIN SEMS SU MA BSHAD PA'I PHYIR, DE LTA MIN NA, PHYOGS CHOS KHO NA RTAGS YANG DAG GI TSUL YIN PAR THAL, PHYOGS CHOS 'JAL BA'I BCAD SHES KHO NA RTAGS 'DZIN SEMS YIN PA'I PHYIR RO, ,GNYIS PA RANG LUGS LA GSUM, MTSAN NYID, DBYE BA, RTAGS CAN RJES DPAG DANG RTAGS 'DZIN SEMS MI BSLU BAR BSTAN PA'O, ,DANG PO NI, RTAGS 'DZIN SEMS KYI MTSAN NYID, RANG 'BRAS @68B RJES DPAG GI RGYUR GYUR BA'I RTAGS KYI TSUL 'JAL BA'I BLO, GNYIS PA NI, RTAGS 'DZIN SEMS LA DBYE NA, PHYOGS CHOS 'JAL BA'I RTAGS 'DZIN SEMS DANG, KHYAB PA 'JAL BA'I RTAGS 'DZIN SEMS GNYIS, DANG PO LA DBYE NA, PHYOGS CHOS 'JAL BA'I TSAD MA DANG BCAD SHES GNYIS, DANG PO LA, PHYOGS CHOS 'JAL BA'I MNGON SUM DANG RJES DPAG GNYIS, DPER BRJOD RIM BZHIN DU, DU LDAN GYI LA LA DU BA MTHONG BA'I MNGON SUM LTA BU DANG, SGRA BYAS PAR RTOGS PA'I RJES DPAG LTA BU'O, ,PHYOGS CHOS 'JAL BA'I BCAD SHES LA DBYE NA, PHYOGS CHOS 'JAL BA'I TSAD MA GNYIS PO DE'I RJES SU SKYES PA'I BCAD SHES GNYIS SO, ,KHYAB PA 'JAL BA'I RTAGS 'DZIN SEMS LA DBYE NA, KHYAB PA 'JAL BA'I TSAD MA DANG BCAD SHES GNYIS, DANG PO LA KHYAB PA 'JAL BA'I MNGON SUM DANG RJES DPAG GNYIS, DPER BRJOD RIM BZHIN, TSAD MANG GI STENG DU ME LAS DU BA SKYE BAR MTHONG BA'I MNGON SUM LTA BU DANG, SGRA MI RTAG SGRUB LA BYAS PA RTAGS SU BKOD PA'I TSE, RTAG PA BYAS STONG DU RTOGS PA'I RJES DPAG LTA BU'O, ,KHYAB PA 'JAL BA'I BCAD SHES LA DBYE NA, KHYAB PA 'JAL BA'I MNGON RJES GNYIS KYI RJES SU SKYES PA'I BCAD SHES GNYIS SO, ,GSUM PA LA GNYIS, DNGOS DANG, GZHAN GYI LOG RTOG DGAG PA'O, ,DANG PO NI, SGRA MI RTAG PAR RTOGS PA'I RJES DPAG CHOS CAN, SGRA MI RTAG PA LA MI BSLU BA YIN TE, SGRA MI RTAG PAR ZHEN PA GANG ZHIG ,SGRA MI RTAG PA LA 'BREL BA'I PHYIR TE, KHYOD SGRA MI RTAG PAR SGRUB PA'I RTAGS 'DZIN SEMS LA 'BREL, DE SGRA MI RTAG PAR SGRUB PA'I TSUL GSUM LA 'BREL, SGRA MI RTAG PAR SGRUB PA'I TSUL GSUM PO DE, SGRA MI RTAG PA LA 'BREL BA'I PHYIR RO, ,DE YANG SGRA 'DZIN MNGON SUM DE SGRA MI RTAG PA GZUNG DON DU BYAS PA LAS SKYES SHING, DE LAS SGRA BYAS PAR RTOGS PA'I TSAD MA SKYE, DE DANG SGRA MI RTAG PAR SGRUB @69A *, ,PA'I KHYAB 'BREL 'JAL BA'I TSAD MA LAS, DE SGRUB KYI TSUL GSUM 'JAL BA'I BCAD SHES SKYE LA, DE LAS SGRA MI RTAG PAR RTOGS PA'I RJES DPAG SKYE BA YIN NO, ,DES RTAGS 'DZIN SEMS MI BSLU BA'I TSUL YANG SHES PAR BYA'O, ,KHA CIG ,DE CHOS CAN, SGRA MI RTAG PA LA 'BREL PA YIN TE, DE SGRUB KYI RTAGS 'DZIN SEMS LA 'BREL, DE DE SGRUB KYI RTAGS BYAS PA LA 'BREL, BYAS PA DE DE SGRUB KYI BSGRUB BYA'I CHOS MI RTAG PA LA 'BREL BA'I PHYIR, ZHES ZER BA MI 'THAD DE, MI RTAG PA LA 'BREL BAS SGRA MI RTAG PA LA 'BREL PAR SGRUB MI NUS PA'I PHYIR RO, ,GNYIS PA LA GSUM, CHOS MCHOG GI 'GREL PAR RTZOD LAN JI LTAR 'BYUNG BA'I TSUL, DE LA LO TZ'A BA CHEN POS SKYON RJOD MDZAD PA'I TSUL, DE MI 'THAD PAR BSTAN PA'O, ,DANG PO NI, DER SNANG BA YIS NI, ,STONG YANG SLU BYED NYID MA YIN, ZHES PA'I SKABS SU, RTAGS 'DZIN SEMS DANG RTAGS CAN RJES DPAG MI BSLU BAR BSTAN PA LA, MU STEGS KYI STON PA BDE BYED NA RE, DE LA MI 'THAD PA DANG, SKABS SU MA BAB PA'I SKYON GNYIS YOD LA, MI 'THAD PA'I SKYON YOD DE, RTAGS 'DZIN SEMS MI BSLU NA, RTAGS LA MI BSLU 'AM, RTAGS CAN LA MI BSLU, DANG PO LTAR NA, MNGON SUM YIN NAM RJES DPAG YIN, DANG PO MI 'THAD DE, DER SNANG BA YIS NI, STONG YANG SLU BYED NYID MA YIN, ,ZHES GSUNGS PA DANG 'GAL BA'I PHYIR RO, ,GNYIS PA MI 'THAD DE, RTAGS CAN MI BSLU BAR SGRUB PA'I RTZA BA'I DAM BCA' LAS MA 'DAS PA'I PHYIR, RTAGS CAN LA MI BSLU BA MI 'THAD DE, RTAGS CAN MA BZUNG BA'I PHYIR, SKABS SU MA BAB PA'I SKYON YOD DE, RTAGS CAN RJES DPAG MI BSLU BAR SGRUB PA'I SKABS SU RTAGS 'DZIN SEMS MI BSLU BAR SGRUB PA SKABS SUM BAB PA'I PHYIR @69B ZER BA LA, SLOB DPON CHOS MCHOG NA RE, MI 'THAD PA'I SKYON MED DE, RTAGS 'DZIN SEMS KYIS RTAGS SU MA ZAD, RTAGS CAN BSGRUB BYA'I CHOS KYANG BZUNG BA'I PHYIR, ,SKABS SU MA BAB PA'I SKYON YANG MED DE, RTAGS CAN RJES DPAG MI BSLU BAR SGRUB PA LA, DE RTAGS 'DZIN SEMS LA 'BREL, RTAGS 'DZIN SEMS RTAGS LA 'BREL, RTAGS BSGRUB BYA LA 'BREL BAR SGRUB DGOS PA'I PHYIR ZHES GSUNG, GNYIS PA NI, LO TZ'A BA CHEN PO NA RE, MI 'THAD PA'I SKYON SO NA GNAS TE, RTAGS 'DZIN SEMS MI BSLU NA MI BSLU BA TSAD MA'I MTSAN NYID YIN PAS, MNGON SUM YIN NAM RJES DPAG YIN, DANG PO MI 'THAD DE, SLOB DPON GYIS RTAGS 'DZIN SEMS MNGON SUM LTAR SNANG DU BSTAN PA'I PHYIR, GNYIS PA MI 'THAD DE, KUN LAS BTUS SU, RJES DPAG RJES SU DPAG LAS BYUNG, ,ZHES, RTAGS 'DZIN SEMS DE RJES DPAG GI SDE TSAN LAS LOGS SU BSHAD PA'I PHYIR, SKABS SU MA BAB PA'I SKYON SON GNAS TE, RNAM NGES LAS, MNGON SUM YANG NI DON MED NA, MI 'BYUNG BA LAS TSAD MA NYID, ,CES GSUNGS PA LTAR, MNGON SUM MI BSLU BAR SGRUB PA LA, RANG YUL LA 'BREL BAR SGRUB DGOS KYANG, SLAR YANG 'BREL YUL MI BSLU BAR SGRUB MI DGOS PA BZHIN DU, RTAGS CAN RJES DPAG MI BSLU BAR SGRUB PA LA, DE RTAGS 'DZIN SEMS LA 'BREL PAR SGRUB DGOS KYANG, SLAR YANG ? BRTAGS 'DZIN SEMS MI BSLU BAR BSGRUBS PA LA DGOS PA MED PA'I PHYIR ZHES ZER RO, ,GSUM PA NI, RTAGS 'DZIN SEMS MI BSLU NA, MI BSLU BA TSAD MA'I MTSAN NYID YIN PAS, MNGON SUM YIN NAM RJES DPAG YIN, ZHES ZER BA'ANG MI 'THAD DE, MI BSLU BA TSAD MA'I MTSAN NYID DU MI 'THAD PA'I PHYIR TE, TSAD MA'I MTSAN @70A *, ,NYID KYI ZUR DU GSAR DU MI BSLU BA ZHES SMOS PA LA RNAM BCAD YONGS GCOD KYI DGOS PA YOD PA'I PHYIR RO, ,RTAGS 'DZIN SEMS SU GYUR PA'I MNGON SUM YOD KYANG RTAGS 'DZIN SEMS MNGON SUM LTAR SNANG DU BSHAD PA DANG MI 'GAL TE, RTAGS 'DZIN SEMS LA MNGON SUM DANG RTOG PA GNYIS SU YOD PA LAS, RTOG PAR GYUR BA'I RTAGS 'DZIN SEMS DE MNGON SUM LTAR SNANG DU BSHAD PA YIN PA'I PHYIR, RTAGS 'DZIN SEMS LA RJES DPAG YOD KYANG RTAGS 'DZIN SEMS RJES DPAG LAS LOGS SU GSUNGS PA DANG MI 'GAL TE, RANG 'BRAS RJES DPAG LAS LOGS SU GYUR PA YIN LA, DE TZAM GYIS RJES DPAG MA YIN PAR MI 'GYUR BA'I PHYIR RO, ,SKABS SU MA BAB PA'I SKYON SO NA GNAS PA'ANG MI 'THAD DE, RTAGS CAN RJES DPAG MI BSLU BAR SGRUB PA LA RTAGS 'DZIN SEMS RANG YUL LA 'BREL BAR SGRUB DGOS LA, RTAGS 'DZIN SEMS RANG YUL LA 'BREL PAR SGRUB PA DANG, RTAGS 'DZIN SEMS MI BSLU BAR SGRUB PA SKABS 'DIR DON GCIG YIN PA'I PHYIR RO, ,GSUM PA RTZOD SPANG NI, RJES DPAG GI DNGOS RGYUR GYUR BA'I RTAGS KYI TSUL 'JAL BA'I BLO CHOS CAN, RTAGS 'DZIN SEMS YIN PAR THAL, RANG 'BRAS RJES DPAG GI RGYUR GYUR PA'I RTAGS KYI TSUL 'JAL BA'I BLO YIN PA'I PHYIR, KHYAB PA KHAS, 'DOD NA, RANG 'BRAS RJES DPAG GI BRGYUD RGYU YIN PAR THAL LO, ,KHYAB STE, KUN LAS BTUS KYI 'GREL PAR, RTAGS SHES PA NI RJES DPAG GI DNGOS KYI RGYU MA YIN TE, DRAN PAS BAR DU CHOD PA'I PHYIR, ZHES GSUNGS PA DANG 'GAL LO ZHE NA, MI 'GAL TE, RTAGS 'JAL BA'I TSAD MA DE RJES DPAG GI DNGOS KYI RGYU MA YIN TE, KHYAB 'BREL 'JAL BA'I DRAN PAS @70B PAR DU CHOD PA'I PHYIR ZHES PA'I DON YIN PA'I PHYIR, RTAGS 'DZIN SEMS CHOS CAN, RJES DPAG MA YIN PAR THAL, RJES DPAG LAS LOGS SU BSHAD PA'I PHYIR ZHE NA, YID CHES RJES DPAG CHOS CAN, RJES DPAG MA YIN PAR THAL, RJES DPAG LAS LOGS SU BSHAD PA'I PHYIR, RJES DPAG LAS LOGS SU BSHAD PA MA YIN GYI, DNGOS STOBS RJES DPAG LAS LOGS SU BSHAD PA TZAM YIN NO ZHE NA, 'O NA RTAGS 'DZIN SEMS KYANG RJES DPAG LAS LOGS SU BSHAD PA MA YIN GYI, RANG 'BRAS RJES DPAG LAS LOGS SU BSHAD PA YIN NO, ,ZHES MTSUNGS SO, ,GSUM PA RJES DPAG GI RTEN GTAN TSIGS BSHAD PA LA GNYIS, RTAGS YANG DAG BSHAD PA DANG, RTAGS LTAR SNANG BSHAD PA'O, ,DANG PO LA GSUM, MTSAN NYID, DBYE BA, RTAGS DPE PHYOGS GSUM GYI SKYON YON BSHAD PA'O, ,DANG PO LA, DGAG BZHAG GNYIS, DANG PO LA; SLOB DPON DBANG PHYUG SDE NA RE, PHYOGS CHOS DANG MTHUN PHYOGS LA MTHONG BA TZAM GYIS RJES 'GRO DANG, MI MTHUN PHYOGS LA MA MTHONG BA TZAM GYIS LDOG PA DANG, DAM BCA' LA TSAD MAS GNOD PA MED PA'I YUL CAN DANG, LOG PHYOGS SGRUB BYED KYI TSAD MA MED PA'I BRJOD PAR 'DOD PA'I GRANGS GCIG PA DANG, LNGA PO DE BLO YUL DU NGES PA'I SHES PA NYID DE, RTAGS YANG DAG GI MTSAN NYID TSUL DRUG YIN NO, ,RTAGS MI MTHUN PHYOGS LA MED PA'I DON RTAGS DANG DGAG BYA'I CHOS KYI GZHI MTHUN MA MTHONG BA YIN GYI GZHI MTHUN MED PAR NGES PA NI MA YIN TE, DE LTAR YIN NA RTAGS MI MTHUN PHYOGS MTHA' DAG LA YOD NA SNANG RUNG DU NGES DGOS LA, DE LTA NA, MI MTHUN PHYOGS MTHA' DAG YOD NA SNANG RUNG DU 'GYUR DGOS LA, MI MTHUN PHYOGS MTHA' DAG YOD KYANG PHYI RGOL LA SNANG RUNG MA YIN PA'I @071A *, ,PHYIR, ZHES ZER RO, ,TSUL PHYI MA GSUM MI RIGS TE, DAM BCA' LA TSAD MAS GNOD PA MED PA'I DON GNOD PA MA MTHONG BA LA BYED NA PHYOGS CHOS KYIS GRUB ZIN LA, GNOD PA MED PAR TSAD MAS NGES PA LA BYED NA GTAN TSIGS YANG DAG TU MI RUNG BA'I PHYIR RO, ,LOG PHYOGS SGRUB BYED KYI TSAD MA MED PA'I DON LOG PHYOGS SGRUB BYED KYI TSAD MA MA MTHONG BA LA BYED NA PHYOGS CHOS KYIS GRUB ZIN LA, LOG PHYOGS SGRUB BYED KYI TSAD MA MED PAR NGES PA LA BYED NA, GTAN TSIGS YANG DAG TU MI RUNG BA'I PHYIR RO, ,TSUL GSUM LAS LOGS SU SHES PA NYID KYI TSUL SMOS PA MI RIGS PAR THAL, ,SLOB DPON GYIS TSUL GSUM SO SO'I MTHAR NGES PA SMOS ZIN PA'I PHYIR, GZHAN YANG, RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB NA, LDOG PA LA THE TSOM ZA BA RTAGS LTAR SNANG DU BRJOD BYA MA YIN PAR THAL, MI MTHUN PHYOGS LA MA MTHONG BA TZAM GYIS LDOG KHYAB GRUB PA'I PHYIR, KHYAB STE, RTAGS MI MTHUN PHYOGS LA MA MTHONG BA TZAM 'BA' ZHIG TU ZAD NA LDOG PA LA THE TSOM ZA BA'I PHYIR TE, THE TSOM MI ZA NA DE YOD PA 'AM MED PAR NGES PAR 'GYUR BA'I PHYIR, 'DOD NA, SLOB DPON GYIS PHYOGS CHOS MA GRUB PA BZHI DANG, KHYAB PA LA THE TSOM ZA BA SOGS BZHI CI RIGS PAR DPE DON DU SBYAR BA MI RIGS PAR THAL LO, ,'DOD MI NUS TE, PHYOGS KYI CHOS NI RGOL BA DANG PHYIR RGOL BA GNYIS KA LA NGES PAR BZUNG NGO, ,DE BZHIN DU MTHUN PA'I PHYOGS LA YOD PA DANG MED PA LA SOGS PA DAG LA YANG CI RIGS PAR BRJOD PAR BYA'O ZHES GSUNGS PA DANG 'GAL LO, ,GAL TE MI 'GAL TE, LDOG PA LA THE TSOM ZA NA LDOG PA MI 'GRUB BAM SNYAM PA DGAG @071B PA'I PHYIR DU CI RIGS PA SMOS PAS, THE TSOM ZA BA LA LDOG KHYAB GRUB PA SLOB DPON GYIS MA BKAG GZHEN, DE YANG MI RIGS TE, RJOD PA GANG ZHIG GNYIS KA LA NGES PA DE KHO NA SGRUB PA'AM SUN 'BYIN PA YIN GYI GANG YANG RUNG BA LA MA GRUB PA DANG, THE TSOM ZA BA BRJOD PA NI MA YIN TE, YANG SGRUB PAR BYED PA LA LTOS PA'I PHYIR ZHES GSUNGS PAS SO, ,'O NA CI RIGS PA'I DON CI YIN ZHE NA, PHYOGS CHOS RGOL PHYI RGOL GNYIS KA LA MA GRUB PA DANG, GANG RUNG LA MA GRUB PA DANG, THE TSOM ZA BA DANG, CHOS CAN GZHI MA GRUB NAS MA GRUB PA'I DPE BZHI DANG, DE BZHIN DU MTHUN PA'I PHYOGS LA KHYAB BYED DU YOD PA DANG, KHYAB BYED DU MED PA DANG, RNAM GNYIS SU 'JUG PA'I PHYOGS CHOS CAN DGU'I RJES SU 'GRO LDOG RGOL PHYI RGOL GNYIS KA LA MA GRUB PA DANG, GANG RUNG LA MA GRUB PA DANG, THE TSOM ZA BA DANG, MI MTHUN DPE GZHI MA GRUB PA BZHI CI RIGS PAR DPE DON DU SBYAR TE, SNGA MA GSUM DPE DON SBYOR ZHING PHYI MA MI SBYOR BA'I DON NO, ,DPE DON SBYOR TSUL NI, PHYOGS CHOS RGOL PHYI RGOL GNYIS KA LA MA GRUB NA PHYOGS CHOS MA GRUB PA DANG, PHYOGS CHOS CAN DGU'I 'GAL RTAGS GNYIS KYI RJES SU 'GRO LDOG RGOL PHYI RGOL GNYIS KA LA MA GRUB PAS KHYAB PA MI 'GRUB CES DPE DON DU SBYOR BA DANG, DE BZHIN DU PHYOGS CHOS RGOL PHYI RGOL GANG RUNG LA MA GRUB NA, PHYOGS CHOS MA GRUB PA DANG, PHYOGS CHOS CAN DGU'I THUN MONG GI MA NGES PA'I RTAGS BZHI PO'I RJES SU 'GRO LDOG RGOL PHYI RGOL GANG RUNG LA MA GRUB PAS, KHYAB PA MA GRUB PA DPE DON SBYOR BA DANG, PHYOGS CHOS LA THE TSOM ZA BA DANG, PHYOGS CHOS CAN DGU'I THUN MONG MA YIN PA'I RTAGS KYI RJES SU 'GRO LDOG LA THE TSOM ZA BAS KHYAB PA MA GRUB PA DPE DON DU SBYOR BA RIGS LA, CHOS @072A *, ,CAN GZHI MA GRUB NAS PHYOGS CHOS MA GRUB PA DANG, PHYOGS CHOS CAN DGU'I YANG DAG GNYIS KYI MI MTHUN DPE GZHI MA GRUB NA, RJES SU 'GRO LDOG GI KHYAB PA MI 'GRUB PA DPE DON MI SBYOR TE, CHOS CAN GZHI MA GRUB PAS PHYOGS CHOS MA GRUB PAR 'GYUR LA, MI MTHUN DPE GZHI MA GRUB PAS RJES SU 'GRO LDOG GI KHYAB PA MA GRUB PAR MI 'GYUR BA'I PHYIR ZHES PA'O, ,'DI YANG GZHAN DON GYI RTAGS KYI DBANG DU BYAS KYI, RTAGS THAMS CAD KYI DBANG DU BYAS PA MA YIN TE, PHYOGS CHOS DANG RJES SU 'GRO LDOG RGOL PHYI RGOL GNYIS KAS MA GRUB KYANG, RTAGS YANG DAG TU 'GYUR BA'I RANG DON SKABS KYI RTAGS YANG DAG YOD PA'I PHYIR RO, ,GZHAN DON GYI RTAGS KYI NANG NAS KYANG SGRUB RTAGS KYI DBANG DU BYAS KYI RTAGS THAMS CAD KYI DBANG DU BYAS PA MA YIN TE, GZHI MA GRUB CHOS CAN DU BZUNG BA'I GZHAN DON GYI RTAGS YANG DAG YOD PA'I PHYIR TE, RANG BZHIN DU MAR MED PA DE BA LANG GI SPYI RTAG DNGOS GSAL BA DU MA LA DON DAM PAR 'PHROD 'DU MA 'BREL BAR SGRUB PA'I RTAGS YANG DAG YIN PA'I PHYIR, SGRUB RTAGS KYANG THAMS CAD LA NI MA YIN TE, SKYES BU 'DI CHOS CAN, SDUG BSNGAL BA YIN TE, RI BONG GI RVAS PHUG PA'I PHYIR ZHES BKOD PA'I TSE NA, RI BONG GI RVAS PHUG PA CHOS CAN, SKYES BU SDUG BSNGAL BAR SGRUB PA'I RTAGS LTAR SNANG YIN TE, DE SGRUB KYI RTAGS SU BKOD PA GANG ZHIG ,PHYOGS CHOS MA GRUB PA'I PHYIR ZHES BKOD PA NA, DE SGRUB KYI RTAGS SU BKOD NAS PHYOGS CHOS MA GRUB PA DE, RI BONG RVAS PHUG PA SKYES BU SDUG BSNGAL BAR SGRUB PA'I RTAGS LTAR SNANG DU SGRUB PA'I SGRUB RTAGS YANG DAG YIN PA'I PHYIR RO, ,GZHAN YANG, MI MTHUN PHYOGS LA MA MTHONG BA TZAM GYIS LDOG KHYAB GRUB NA, MNYAN @072B BYA CHOS CAN, SGRA MI RTAG PAR SGRUB PA'I LDOG KHYAB GRUB PAR THAL, DE SGRUB KYI MI MTHUN PHYOGS LA MA MTHONG BA TZAM GRUB PA'I PHYIR, 'DOD NA, DE SGRUB KYI RTAGS YANG DAG YIN PAR THAL, PHYOGS CHOS GANG ZHIG ,'DOD PA DE'I PHYIR, 'DOD MI NUS TE, SLOB DPON GYIS, KHYAD PAR NI RNAM PAR GCOD PA'I GTAN TSIGS MA YIN NO, ,ZHES GSUNGS PA DANG 'GAL BA'I PHYIR RO, ,GAL TE MNYAN BYA CHOS CAN, SGRA MI RTAG PAR SGRUB PA'I RTAGS YANG DAG YIN PAR THAL, DE SGRUB KYI PHYOGS CHOS GANG ZHIG, SGRA MI RTAG PAR SGRUB PA'I MTHUN PHYOGS KHO NA LA YOD PA'I PHYIR, RTAGS MA GRUB NA, SGRA DE YANG MI RTAG PA MA YIN PAR THAL, MNYAN BYA DE SGRA MI RTAG PAR SGRUB PA'I MTHUN PHYOGS KHO NA LA YOD PA MA YIN PA'I PHYIR, ZHE NA, CHOS CAN, SGRA MI RTAG PAR SGRUB PA'I RTAGS YANG DAG MA YIN PAR THAL, KHYOD SGRA MI RTAG PAR SGRUB PA'I PHYOGS CHOS CAN DU SONG BA'I GANG ZAG GI NGOR KHYOD SGRA MI RTAG PAR SGRUB PA'I RJES SU 'GRO LDOG GI KHYAB PA GRUB PA MI SRID PA'I PHYIR TE, DE'I NGOR KHYOD YIN NA MI RTAG PA YIN PAS KHYAB PA DE DPE STENG DU NGES PA MI SRID PA'I PHYIR TE, DE'I NGOR SGRA MI RTAG PAR MA GRUB PA GANG ZHIG ,KHYOD DANG SGRA GNYIS MI RTAG PAR RTOGS DKA' SLA MTSUNGS PA'I PHYIR TE, KHYOD SGRA'I MTSAN NYID YIN PA'I PHYIR, GAL TE RMONGS PAS 'BREL PA NGES PA DPEL LTOS PA YIN GYI MKHAS PAS DPE MED PAR YANG, SNGAR KHYAB PA MNGON SUM GYIS GRUB NAS RTAGS MTHONG MA THAG 'BREL BA DRAN PA'I RJES SU SGRA MI RTAG PAR GO BAS, MNYAN BYA SGRA MI RTAG PAR SGRUB PA'I RTAGS YANG DAG YIN NO ZHE NA, MI RIGS TE, SGRA DANG MNYAN BYA MI RTAG PAR RTOGS DKA' SLA MTSUNGS PA'I PHYIR, SGRA DANG MNYAN BYA'I MING DON GYI 'BREL PA MA SHES PA'I SNGAR MNYAN BYA LA MI RTAG PA'I KHYAB PA NGES NUS SAM MI NUS, MI NUS NA, KHANG PA DE'I THUN MONG MA @073A *, ,YIN PA'I MING MI SHES PAR KHANG BA DE 'JIG PAR MNGON SUM GYIS GRUB PA MI SRID PAR THAL LO, ,NGES NUS NA, MNYAN BYA SGRA MI RTAG PAR SGRUB PA'I RTAGS YANG DAG YIN PAR THAL, SNGAR MNYAN BYA LA MI RTAG PA'I KHYAB PA NGES PA'I NGANG NAS, MING DON GYI 'BREL PA LA BRTEN PA'I PHYOGS CHOS PHYIS GA BAR BYAR YOD PA'I PHYIR ZHE NA, DE LTAR YIN NA YANG MNYAN BYA SGRA MI RTAG PAR SGRUB PA'I RTAG YANG DAG TU MI 'GYUR TE, SNGAR MNYAN BYA LA MI RTAG PA'I KHYAB PA NGES, DE'I RJES SU MNYAN BYA SGRA'I THUN MONG MA YIN PA'I CHOS SU NGES, DA'I RJES SU SGRA MI RTAG PAR NGES KYANG TSUL GSUM GYI BYED PA LA BRTEN NAS SGRA MI RTAG PAR NGES PA MA YIN PA'I PHYIR, 'O NA DE'I TSE SGRA MI RTAG PAR MNGON SUM GYIS RTOGS PAR THAL, DE'I TSE SGRA MI RTAG PAR GSAR DU RTOGS PA GANG ZHIG ,SGRA MI RTAG PAR RJES DPAG GIS MA RTOGS PA'I PHYIR ZHE NA, SNGAR MNYAN BYA LA MI RTAG PA'I KHYAB PA NGES PA'I MNGON SUM DANG, PHYIS MNYAN BYA DANG SGRA'I MING DON GYI 'BREL PA NGES PA'I TSAD MA GNYIS KYI BYED PA LA BRTEN NAS SGRA MI RTAG PAR NGES PA YIN NO, ,GZHAN YANG, RTAGS MI MTHUN PHYOGS LA MA MTHONG BA TZAM GYIS LDOG KHYAB GRUB CING, DE NYID SLOB, DPON GYI BZHED PA'ANG YIN NA, BYE BRAG PAS GRANG MIN DRO MIN GYI REG BYA BTANG SNYOMS PA DE RLUNG GI RDZAS KYI YON TAN DU SGRUB PAR 'DOD NAS, RTZVA DANG SHING MED PA'I MYA NGAM GYI THANG NA CHOS CAN, RLUNG GI RDZAS YOD DE, GRANG MIN DRO MIN GYI REG BYA BTANG SNYOMS PA DMIGS PA'I PHYIR ZHES 'GOD LA, GZHI DER REG BYA BTANG SNYOMS PA DMIGS PAS RLUNG GI RDZAS YOD PAR JI LTAR 'GRUB DRIS PAS, REG BYA BTANG SNYOMS PA DMIGS PAS RLUNG GI RDZAS 'GRUB PA YIN TE, REG BYA BTANG SNYOMS PA DE SPYIR YON TAN YIN PAS RDZAS LA BRTEN DGOS SHING, BYE BRAG TU REG @073B BYA CAN GYI YON TAN YIN PAS, 'BYUNG BA BZHI GANG RUNG LA BRTEN DGOS LA, SA CHU ME GSUM NI REG BYA BTANG SNYOMS PA'I RTEN DU MI RUNG BA'I PHYIR ZER, SA CHU ME GSUM LA JI LTAR MI BRTEN DRIS PAS, SA CHU ME GSUM CHOS CAN, GRANG MIN DRO MIN GYI REG BYA BTANG SNYOMS PA MED DE, DE MA MTHONG BA'I PHYIR ZHES ZER RO, ,KHYOD LTAR NA, REG BYA BTANG SNYOMS PA MA MTHONG BA CHOS CAN, DE SGRUB KYI LDOG KHYAB GRUB PAR THAL, DE SGRUB KYI MI MTHUN PHYOGS LA MA MTHONG BA TZAM GRUB PA'I PHYIR, KHYAB PA KHAS, 'DOD NA, DE SGRUB KYI RTAGS YANG DAG YIN PAR THAL, PHYOGS CHOS GANG ZHIG ,LDOG KHYAB GRUB PA'I PHYIR, 'DOD MI NUS TE, SLOB DPON GYI RLUNG GI RAB BYED LAS, GANG YANG MA MTHONG BA DAG GIS MTHONG BA DAG LA 'GOG PAR BYED NA DE YANG RIGS PA MA YIN NO, ,ZHES GSUNGS PA DANG 'GAL LO, ,GAL TE REG BYA BTANG SNYOMS PA YOD NA, SNANG RUNG GI SA SOGS LA REG BYA BTANG SNYOMS PA MA MTHONG BAS MED PAR 'GRUB PA MA YIN NAM, CI'I PHYIR SA SOGS GSUM LA REG BYA BTANG SNYOMS PA MA MTHONG BAS MED PAR MI 'GRUB CE NA, REG BYA GZHAN DANG LDAN PA'I SA SOGS GSUM LA REG BYA BTANG SNYOMS PA YOD NA, DMIGS SU RUNG BA LAS MA DMIGS PAS MED PAR 'GRUB MOD DE TZAM LA 'GOG PA MA YIN TE, BYE BRAG PAS SPYIR SA SOGS GSUM LA REG BYA BTANG SNYOMS PA DGAG PAR SMRAS PA'I PHYIR DANG, SA SOGS TZAM LA REG BYA BTANG SNYOMS PA YOD NA DMIGS RUNG DU MA GRUB STE, BAR DU CHOD PA DANG BSKAL PA LA SOGS PA LA REG BYA BTANG SNYOMS PA YOD KYANG DMIGS RUNG MA YIN PA'I PHYIR, GAL TE REG BYA GZHAN DANG LDAN PA'I MTHONG BA'I SA SOGS LA REG BYA BTANG SNYOMS PA BKAG PAS MA MTHONG BA'I SA SOGS GSUM LA'ANG @074A *, ,REG BYA BTANG SNYOMS PA 'GOG PAR NUS TE, DE GNYIS SA SOGS SU RIGS GCIG PA'I PHYIR ZHE NA, MA KHYAB STE, SA SOGS KYI REG BYA'I KHYAD PAR GCIG TU MA NGES PA'I PHYIR TE, SRIN PA LA DANG RDO BA DANG LO MA LA SOGS PA'I REG BYA THA DAD PAR DMIGS PA'I PHYIR RO, ,RNAM NGES LTAR NA, GAL TE MA MTHONG BA'I SA SOGS LA'ANG REG BYA BTANG SNYOMS PA MED DE, MA MTHONG BA'I PHYIR ZER NA, KHYOD LTAR NA REG BYA BTANG SNYOMS PA MA MTHONG BA CHOS CAN, MA MTHONG BA'I SA SOGS GSUM LA REG BYA BTANG SNYOMS PA MED PAR SGRUB PA'I LDOG KHYAB GRUB PAR THAL, DE SGRUB KYI MI MTHUN PHYOGS LA MA MTHONG BA TZAM GRUB PA'I PHYIR, KHYAB PA KHAS, 'DOD NA, DE SGRUB KYI RTAGS YANG DAG YIN PAR THAL, PHYOGS CHOS GANG ZHIG ,LDOG KHYAB GRUB PA'I PHYIR, 'DOD PAR MI NUS TE, SLOB DPON GYIS, GAL TE MA MTHONG BA TZAM GYIS MI SNANG BA DAG LA 'GOG PAR BYED NA DE YANG RAGS PA MA YIN NO, ,ZHES GSUNGS PA DANG 'GAL LO, ,DE YANG BYE BRAG PAS SA SOGS THAMS CAD LA REG BYA BTANG SNYOMS PA 'GOG PAR 'DOD PAS, MTHONG BA DANG MA MTHONG BA'I SA SOGS GSUM PO THAMS CAD LA REG BYA BTANG SNYOMS PA 'GOG DGOS PAS, RNAM 'GREL LAS MTHONG BA'I SA SOGS DANG, RNAM NGES LAS MA MTHONG BA'I SA SOGS LA REG BYA BTANG SNYOMS PA 'GOG PA'I DBANG DU BYAS NAS BSHAD PA YIN NO, ,'O NA MI MTHUN PHYOGS LA MA MTHONG BA TZAM GYIS LDOG KHYAB GRUB PAR 'DOD PA RIGS PAS MI 'GAG PAR LUNG GIS 'GOG PA'I RGYU MTSAN CI YIN ZHE NA, LUNG DNGOS STOBS KYI YUL LA GNOD SGRUB DU 'JUG PAS LUNG GIS BKAG PA MA YIN GYI, RTAGS MI MTHUN PHYOGS LA MA @074B MTHONG BA TZAM GYIS LDOG KHYAB GRUB PAR 'DOD PA DANG, SLOB DPON GYI LUNG TSAD MAR KHAS LEN PA GNYIS KHAS BLANGS NANG 'GAL BAR BSTAN PA'I PHYIR DU LUNG GIS BKAG PA YIN NO, ,LUNG 'GAL GZHAN RNAMS NI TSIG MANG DU DVOGS NAS MA BRIS SO, ,SLOB DPON PHYA PA NA RE, RTAGS YANG DAG GI MTSAN NYID KYI ZUR GYI LDOG PAS, SEL MA NUS PA'I LOG RTOG DANG RIGS MI MTHUN GANG YANG RJES 'GROS SEL MI NUS PAS, PHYOGS CHOS DANG LDOG PA TSANG BA TZAM RTAGS YANG DAG GI MTSAN NYID YIN ZER, PHYOGS CHOS DANG RJES 'GRO TSANG BA TZAM RTAGS YANG DAG GI MTSAN NYID YIN PAR THAL, RTAGS YANG DAG GI MTSAN NYID KYI ZUR GYI RJES 'GROS SEL MI NUS PA'I LOG RTOG DANG RIGS MI MTHUN GANG YANG LDOG PAS SEL MI NUS PA'I PHYIR, KHYAB RTAGS KHAS, 'DOD NA, RTAGS YANG DAG GI DON LDOG MA 'DRA BA GNYIS YOD PAR THAL, PHYOGS CHOS DANG LDOG PA TSANG BA'ANG RTAGS YANG DAG GI MTSAN NYID YIN, PHYOGS CHOS DANG RJES 'GRO TSANG BA'ANG RTAGS YANG DAG GI MTSAN NYID YIN PA'I PHYIR RO, ,KHA CIG ,TSUL GSUM TSAD MA'I STOBS KYIS NGES PA'I GTAN TSIGS DE RTAGS YANG DAG GI MTSAN NYID YIN ZHES ZER, SGRA MI RTAG PAR SGRUB PA'I TSUL GSUM CHOS CAN, TSAD MA'I STOBS KYIS NGES PA YIN TE, TSAD MA'I STOBS KYIS GZHAL BA YIN PA'I PHYIR, ZHES BKAD PA'I TSON TSAD MA'I STOBS KYIS GZHAL BA CHOS CAN, SGRA MI RTAG PAR SGRUB PA'I RTAGS YANG DAG YIN PAR THAL, SGRA MI RTAG PAR SGRUB PA'I TSUL GSUM TSAD MA'I STOBS KYIS NGES PA'I GTAN TSIGS YIN PA'I PHYIR, KHYAB PA KHAS, KHA CIG ,TSUL GSUM PA CAN GYI RTAGS DE RTAGS YANG DAG GI @075A *, ,MTSAN NYID YIN ZHES ZER, 'ON NOG ? SOGS 'DUS PA'I BA LANG DE BA LANG GI MTSAN NYID DU THAL LO, ,KHA CIG ,TSUL GSUM TSANG BA RTAGS YANG DAG GI MTSAN NYID YIN GYI, TSUL GSUM NI RTAGS YANG DAG GI MTSAN NYID MA YIN TE, GAL TE YIN NA, BYAS PA CHOS CAN, SGRA MI RTAG PAR SGRUB PA'I TSUL GSUM YIN PAR THAL, SGRA MI RTAG PAR SGRUB PA'I RTAGS YANG DAG YIN PA'I PHYIR, 'DOD NA, LDOG PA THA DAD PA GSUM YIN PAR THAL LO, ,ZHES ZER, 'O NA BYAS PA CHOS CAN, LDOG PA THA DAD PA GSUM YIN PAR THAL, RTAGS YOD CHOS GSUM TSANG BA YIN PA'I PHYIR, KHYAB PA KHAS, GZHAN YANG, SGRA MI RTAG PA CHOS CAN, LDOG PA THA DAD PA LNGA YIN PAR THAL, NGO BO'I DON SOGS CHOS LNGA YIN PA'I TSUL GYIS TSANG BA'I PHYIR, KHYAB PA KHAS, MU STEGS KYI STON PA GNOD KYI RJEN RE, RTAGS YANG DAG GI MTSAN NYID, GZHAN DU MI 'THAD PA ZHES BYA BA'I TSUL GCIG YIN NO ZHES ZER, 'O NA GZHAN DU MI 'THAD PA'I DON SHES 'DOD CHOS CAN LAS GZHAN DU MI 'THAD PA LA BYED DAM, BSGRUB BYA'I CHOS LAS GZHAN DU MI 'THAD PA LA BYED DAM, TSOGS DON LAS GZHAN DU MI 'THAD PA LA BYED, DANG PO LTAR NA, MNYAN BYA CHOS CAN, SGRA MI RTAG PAR SGRUB PA'I RTAGS YANG DAG YIN PAR THAL, SGRA LAS GZHAN DU MI 'THAD PA'I PHYIR, GNYIS PA LTAR NA, DU BA CHOS CAN, DU LDAN GYI LA LA ME YOD PAR SGRUB PA'I RTAGS YANG DAG MA YIN PAR THAL, DE SGRUB KYI BSGRUB BYA'I CHOS LAS GZHAN YIN PA'I PHYIR, GSUM PA LTAR NA, CHOS CAN, CHOS 'DRA, DE SGRUB KYI BSGRUB BYA LAS GZHAN YIN PA'I PHYIR, GNYIS PA RANG LUGS NI, DE SGRUB KYI @075B RTAGS YANG DAG GI MTSAN NYID, DE SGRUB KYI TSUL GSUM, TSUL GSUM NI, PHYOGS CHOS DANG RJES SU 'GRO LDOG GI TSUL RNAMS YIN PAS 'DI LA GNYIS, PHYOGS CHOS DPYAD PA DANG, RJES SU 'GRO LDOG GI KHYAB PA DPYAD PA'O, ,DANG PO NI, PHYOGS CHOS KYI MTSAN NYID, RANG GI RTEN SHES 'DOD CHOS CAN GYI STENG DU 'GOD TSUL DANG MTHUN PAR YOD PA NYID DU NGES PA, ZHAR LA SHES 'DOD CHOS CAN GYI MTSAN NYID, DE SGRUB KYI PHYOGS BTAGS PA BA GANG ZHIG ,BSGRUB BYA MA GRUB PA'I SNGA ROL TU BSGRUB BYA'I CHOS KYI DPAG GZHIR BLOS BZUNG BA, GAL TE GTAN TSIGS LA PHYOGS KYI CHOS ZHES SMOS PA MI RIGS TE, PHYOGS PHYI RGOL GYIS GRUB NA RTAGS BKOD PA DON MED PAR 'GYUR LA, MA GRUB NA, RTAGS PHYOGS KYI CHOS SU MA GRUB PAR 'GYUR RO ZHE NA, SKYON MED DE, PHYOGS KYI SGRA DNGOS MING DU 'JUG PA'I DBANG DU BYAS NA BDEN YANG 'DIR SHES 'DOD CHOS CAN LA PHYOGS KYI SGRAS BTAGS NAS BSTAN PA'I PHYIR, PHYOGS KYI SGRA DE SHES 'DOD CHOS CAN DANG BSGRUB BYA'I CHOS DANG TSOGS DON GSUM GA LA 'JUG STE, KUN LAS BTUS SU, RTAGS KYI BSGRUB BYA TSOGS PA NYID, ,YIN PHYIR CHOS DANG CHOS CAN DAG ,GTZO BO MIN YANG PHYOGS GCIG PHYIR, ,BSGRUB BYA NYID DU 'DOGS PA YIN, ,ZHES GSUNGS SO, ,'O NA SHES 'DOD CHOS CAN LA PHYOGS SU 'DOGS PA'I CHOS GSUM TSANG NGAM ZHE NA, TSANG STE, 'DOGS PA'I RGYU MTSAN BTAGS PA'I DGOS PA DNGOS LA GNOD BYED GSUM LAS, 'DOGS PA'I RGYU MTSAN LA, 'DRA BA RGYU MTSAN DU BYAS PA DANG, 'BREL PA RGYU MTSAN DU BYAS PA GNYIS, DANG PO NI, MI DPA' BO LA SENG GE ZHES RJOD PA BZHIN, GNYIS PA LA, DE BYUNG 'BREL PA RGYU MTSAN DU BYAS PA DANG, BDAG GCIG 'BREL PA RGYU MTSAN DU BYAS PA GNYIS, DANG PO LA, RGYU MING 'BRAS BU @76A *, ,LA BTAGS PA DANG, 'BRAS MING RGYU LA BTAGS PA GNYIS, DANG PO NI, NYI MA'I 'OD ZER LA NYI MA ZHES RJOD PA LTA BU'O, ,GNYIS PA NI, SGRUB NGAG LA RJES DPAG CES RJOD PA LTA BU'O, ,BDAG GCIG 'BREL PA RGYU MTSAN DU BYAS PA LA, TSOGS PA'I MING GIS YA GYAL LA BTAGS PA DANG, YA GYAL GYI MING GIS TSOGS PA LA BTAGS PA GNYIS LAS, 'DIR NI TSOGS PA'I MING GIS YA GYAL LA BTAGS PA YIN PAS, SHES 'DOD CHOS CAN SGRA LTA BU CHOS CAN, PHYOGS SU 'DOGS PA'I RGYU MTSAN YOD DE, PHYOGS MTSAN NYID PA DE'I PHYOGS GCIG YIN PA'I PHYIR, DPER NA RAS YUG GI PHYOGS GCIG TSIG PA LA RAS YUG TSIG CES BRJOD PA BZHIN NO, ,RTZOD GZHI LA PHYOGS KYI MING GIS BTAGS PA LA DGOS PA YOD DE, RTZOD GZHI DE PHYOGS KYI MING GIS GDAGS RUNG GI CHOS CAN DU GO BA'I CHOD YIN PA'I PHYIR, DE LTAR GO BA LA'ANG DGOS PA YOD DE, CHOS CAN GANG YANG RUNG BA'I CHOS SU GRUB PA TZAM GYIS TSUL DANG PO GRUB BAM SNYAM PA'I DVOGS PA KHEGS PAR 'GYUR BA'I PHYIR, DES NA TSUL DANG PO 'CHAD PA'I SKABS SU RTZOD GZHI LA PHYOGS KYI MING GIS GDAGS PAR RIGS SO, ,GAL TE CHOS CAN GYI CHOS ZHES SMOS PAS KYANG RTAGS SHES 'DOD CHOS CAN GYIS CHOS SU GO BAR 'GYUR TE, CHOS ZHES SMOS PAS CHOS CAN ZHIG LA BRTEN PAR GRUB LA, CHOS CAN GYI SGRA LHAG PO SMOS PAS, CHOS CAN KHYAD PAR CAN LA BRTEN PAR GRUB PA'I PHYIR ZHE NA, CHOS CAN KHYAD PAR CAN GYI CHOS SU GO BAS RTZOD GZHI CHOS CAN GYI CHOS SU GO BAS MA KHYAB PAR THAL, MTHUN DPE CHOS CAN YANG CHOS CAN KHYAD PAR CAN YIN PA'I PHYIR, CHOS CAN GYI CHOS ZHES SMOS PAS MTHUN DPE CHOS CAN GYI CHOS SU MI GO BAR THAL, BSGRUB @76B BYA SGRUB PA'I DUS SU CHOS CAN ZHES PA'I SGRA RTZOD GZHI KHO NA LA NYE BA'I PHYIR ZHE NA, RTAGS MA GRUB STE, DE'I DUS SU CHOS CAN ZHES PA'I SGRA MTHUN DPE CHOS CAN LA'ANG NYE BA'I PHYIR, GAL TE CHOS CAN GYI CHOS ZHES SMOS PAS, RTZOD GZHI CHOS CAN GYI CHOS SU GO BAR 'GYUR BA'I PHYIR TE, CHOS CAN GYI CHOS ZHES PAS MTHUN DPE CHOS CAN LA YOD PA GTAN TSIGS YIN PAR BRJOD NA, RJES KHYAB STON PA'I SKABS SU MTHUN DPE GZHIR BZUNG NAS, MTHUN PHYOGS KHO NA LA YOD CES BSTAN PA DANG, SGRA ZLOS PAR 'GYUR BA'I PHYIR ZHE NA, NGAG GZHAN GYIS MTHUN DPE LA YOD PAR BSTAN PAS CHOS CAN GYI CHOS ZHES PA'I NGAG GIS MTHUN DPE LA YOD PAR BSTAN PA'I DVOGS PA MI KHEGS PAR THAL, GRUB BZHIN DU BSNAN NAS BSTAN NAM SNYAM PA'I DVOGS PAR 'GYUR BA'I PHYIR TE, RJES DPAG BYA DANG DE MTSUNGS LA, ,YOD DANG MED LA MED PAR NI, ,NGES PA ZHES PA'I NGAG BAR PAS MI MTHUN PHYOGS LA MED PAR BSTAN NAS, YANG DAG PHYI MAS DON DE NYID BSTAN PAR DVOGS PA MTHONG BA'I PHYIR, DES NA TSUL DANG PO 'CHAD PA'I SKABS SU, RTZOD GZHI LA PHYOGS KYI SGRAS GDAGS PAR RIGS KYI CHOS CAN RANG MING GIS SMOS MI RIGS TE, CHOS CAN RANG MING GIS SMOS NA, RTZOD PA BRGYUD MA SPANG DGOS PAS BSHAD DKA' LA BSHAD DKA' BA DE ? YANG PHYOGS SGRAS BDE BLAG TU SPANGS PA'I PHYIR, CHOS CAN RANG MING GIS SMOS NA CHOS KYI SGRAS CHOS CAN TZAM GO BA DANG, CHOS CAN GYI SGRA LHAG POS CHOS CAN KHYAD PAR CAN DANG NYA BA'I SHUGS KYIS RTZOD GZHI DANG ZLOS SKYON DANG BRAL BAS MTHUN DPE LA MI GO BA'I SHUGS KYIS NYAN PA POS RTZOD GZHI KHO NA LA GO DGOS NA RTOGS DKA' BAS, PHYOGS CHOS ZHES PA'I SGRAS RTZOD GZHI CHOS CAN GYI CHOS SU BDE BLAG TU GO @77A *, ,PA'I PHYIR TE, RTAGS KYI TSUL BSGRUB PA'I SKABS SU PHYOGS SU GDAGS RUNG GI CHOS CAN RTZOD GZHI MA GTOGS PA GZHAN MED PA'I PHYIR RO, ,RTZOD GZHI SGRA LTA BU CHOS CAN, PHYOGS MTSAN NYID PA MA YIN TE, BSGRUB BYA MA GRUB PA'I SNGA ROL TU GRUB ZIN PA'I PHYIR RO, ,GAL TE RNAM 'GREL LAS, PHYOGS CHOS DE CHAS KHYAB PA ZHES SMOS MI RIGS PAR THAL, PHYOGS NI RTZOD GZHI DANG CHA NI DE'I PHYOGS GCIG YIN PAS RTZOD GZHI'I PHYOGS GCIG GIS RTAGS LA KHYAB PA MA YIN PA'I PHYIR ZHE NA, SKYON MED DE, CHA NI SMRA BA POS CHOS LA BRJOD PAR 'DOD LA, RJOD BYED KYI SGRA RNAMS KYIS BRJOD 'DOD DANG MTHUN PAR DON STON PA MA GTOGS, RANG DBANG DU DON STON PA'I NUS PA MED PA'I PHYIR RO, ,GNYIS PA RJES SU 'GRO LDOG GI KHYAB PA DPYAD PA LA GNYIS, DNGOS DANG, MTHUN PHYOGS MI MTHUN PHYOGS DPYAD PA'O, ,DANG PO LA DGAG BZHAG SPANG GSUM MO, ,DANG PO NI, KHA CIG ,RJES KHYAB KYI MTSAN NYID, KHYAB PA'I TSUL GANG ZHIG ,MTHUN PHYOGS KHO NA LA YOD PAR NGES PA, LDOG KHYAB KYI MTSAN NYID, GANG ZHIG ,MI MTHUN PHYOGS KHO NA LA YOD PAR NGES PA, ZHES ZER, BLO'I YUL DU BYAR RUNG CHOS CAN, BUM PA SHES BYAR SGRUB PA'I LDOG KHYAB MA GRUB PAR THAL, DE SGRUB KYI MI MTHUN PHYOGS MA GRUB PA'I PHYIR, KHYAB PA KHAS, 'DOD NA, KHYOD DE SGRUB KYI RTAGS YANG DAG MA YIN PAR THAL LO, ,GZHAN YANG, BYAS PA'I STENG DU SGRA MI RTAG PAR SGRUB PA'I LDOG KHYAB MA GRUB PAR THAL, SGRA MI RTAG PAR SGRUB PA'I LDOG KHYAB YIN NA, DE SGRUB KYI MI MTHUN PHYOGS KHO NA LA YOD DGOS PA'I PHYIR, 'DOD NA, BYAS PA DE SGRA MI RTAG PAR SGRUB PA'I RTAGS YANG DAG MA YIN PAR THAL LO, ,KHA CIG BYAS NA MI RTAG PAS KHYAB PA DE SGRA MI RTAG PAR SGRUB PA'I RJES @77B KHYAB DANG, RTAG NA MA BYAS PAS KHYAB PA DE SGRA MI RTAG PAR SGRUB PA'I LDOG KHYAB YIN LA, DE GNYIS LAS GZHAN PA'I DE SGRUB KYI RJES SU 'GRO LDOG GI KHYAB PA MED DO, ,ZHES ZER NA 'DUS MA BYAS KYI NAM MKHA'I STENG DU RTAG NA MA BYAS PAS KHYAB PA NGES PA'I BLO CHOS CAN, KHYOD KYIS NAM MKHA'I STENG DU SGRA MI RTAG PAR SGRUB PA'I RJES KHYAB DNGOS SHUGS GANG RUNG LA NGES PAR THAL, KHYOD KYIS NAM MKHA'I STENG DU SGRA MI RTAG PAR SGRUB PA'I LDOG KHYAB DNGOS SU NGES PA'I PHYIR, RTAGS KHAS, KHYAB STE, GNYIS LAS GANG YANG RUNG SMRAS PAS, ,DON GYI GO BAS CIG SHOS LA, ,DRAN PA YANG DAG SKYE BAR 'GYUR, ,ZHES SO, ,GZHAN YANG, DNGOS PO YIN NA MI RTAG PAS KHYAB PA NGES PA'I BLO YIN NA, MNYAN BYA'I DNGOS PO YIN NA MI RTAG PAS KHYAB PA NGES PA'I BLO YIN PAR THAL, DNGOS PO YIN NA MI RTAG PAS KHYAB PA NGES PA'I BLO YIN NA, RTAG NA DNGOS PO MA YIN PAS KHYAB PA NGES PA'I BLO YIN DGOS, RTAG NA DNGOS PO MA YIN PAS KHYAB PA NGES PA'I BLO YIN NA, RTAG NA MNYAN BYA'I DNGOS PO MA YIN PAS KHYAB PA NGES PA'I BLO YIN DGOS, RTAG NA MNYAN BYA'I DNGOS PO MA YIN PAS KHYAB PA NGES PA'I BLO YIN NA, MNYAN BYA'I DNGOS PO YIN NA MI RTAG PAS KHYAB PA NGES PA'I BLO YIN DGOS PA'I PHYIR, RTAGS SNGA PHYI GNYIS KHAS BLANGS, 'DOD NA, DNGOS PO'I RTAGS KYIS MNYAN BYA'I DNGOS PO MI RTAG PAR SGRUB PA'I KHYAB PA NGES PA'I TSE NA BSGRUB BYA NGES PAR THAL LO, ,GNYIS PA RANG LUGS NI, DE SGRUB KYI RJES KHYAB KYI MTSAN NYID, DE SGRUB KYI BSGRUB BYA NGES PA'I SNGA ROL DU, DE SGRUB KYI BSGRUB BYA'I CHOS LA 'BREL STOBS KYIS DE SGRUB KYI MTHUN PHYOGS KHO NA LA YOD PAR NGES PA, DE SGRUB KYI LDOG KHYAB KYI MTSAN NYID, DE SGRUB KYI BSGRUB BYA NGES PA'I SNGA ROL TU, DE SGRUB KYI BSGRUB @78A *, ,BYA'I CHOS LA 'BREL STOBS KYIS, DE SGRUB KYI MI MTHUN PHYOGS LA MED PA KHO NAR NGES PA, GSUM PA RTZOD PA SPANG BA NI, BTAGS YOD CHOS GSUM TSANG BA CHOS CAN, BUM PA MTSON BYAR SGRUB PA'I MTHUN PHYOGS KHO NA LA YOD PAR NGES PA YIN PAR THAL, DE SGRUB KYI RJES KHYAB YIN PA'I PHYIR, KHYAB PA KHAS, 'DOD MI NUS TE, DE SGRUB KYI MI MTHUN PHYOGS LA YOD PA'I PHYIR TE, MTSON BYA MA YIN PA LA YOD PA'I PHYIR TE, MTSON BYA MA YIN PA DE KHYOD YIN PA'I PHYIR ZHE NA, 'DI'I LAN LA KHA CIG ,MTSON BYA MA YIN PA LA YOD NA, BUM PA MTSON BYAR SGRUB PA'I MI MTHUN PHYOGS LA YOD MI DGOS PAR THAL, MTSON BYA MA YIN PA DE BUM PA MTSON BYAR SGRUB PA'I MTHUN PHYOGS YIN PA'I PHYIR, ZER BA MI 'THAD DE, BUM PA MTSON BYAR SGRUB PA'I MI MTHUN PHYOGS LA YOD NA, BUM PA MTSON BYAR SGRUB PA'I MI MTHUN PHYOGS LA YOD MI DGOS PAR THAL, BUM PA MTSON BYAR SGRUB PA'I MI MTHUN PHYOGS DE BUM PA MTSON BYAR SGRUB PA'I MTHUN PHYOGS YIN PA'I PHYIR TE, DE MTSON BYA YIN PA'I PHYIR RO, ,RANG LAN NI, BTAGS YOD CHOS GSUM TSANG BA CHOS CAN, BUM PA MTSON BYAR SGRUB PA'I MI MTHUN PHYOGS LA MED DE KHYED YIN PA YANG YOD, BUM PA MTSON BYAR SGRUB PA'I MI MTHUN PHYOGS YIN PA YANG YOD PA GANG ZHIG ,KHYOD KYANG YIN BUM PA MTSON BYAR SGRUB PA'I MI MTHUN PHYOGS KYANG YIN PA'I GZHI MTHUN MED PA'I PHYIR TE, KHYOD YIN NA MTSON BYA YIN DGOS, BUM PA MTSON BYAR SGRUB PA'I MI MTHUN PHYOGS YIN NA, MTSON BYA MA YIN DGOS PA'I PHYIR RO, ,GAL TE GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES PA'I SGRUB NGAG GIS BYAS PA'I RTAGS @78B KYIS SGRA MI RTAG PAR SGRUB PA'I RJES KHYAB DNGOS SU BSTAN NAS, LDOG KHYAB SHUGS LA BSTAN PA MA YIN PAR THAL, BYAS NA MI RTAG PAS KHYAB PA DE, DE SGRUB KYI RJES KHYAB MA YIN PA'I PHYIR, DE BZHIN DU, GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN SGRA NI BYAS SO ZHES PA'I SGRUB NGAG DES SGRA MI RTAG PAR SGRUB PA'I LDOG KHYAB DNGOS SU BSTAN NAS RJES KHYAB SHUGS LA BSTAN PA MA YIN PAR THAL, RTAG NA MA BYAS PAS KHYAB PA DE DE SGRUB KYI LDOG KHYAB MA YIN PA'I PHYIR ZHE NA, SKYON MED DE, SGRUB NGAG DES BYAS NA MI RTAG PAS KHYAB PA DANG, SGRA BYAS PAR DNGOS SU BSTAN PAS BYAS PA DE SGRA MI RTAG PAR SGRUB PA'I MTHUN PHYOGS KHO NA LA YOD PAR RTOGS LA, DE'I SHUGS LA BYAS PA DE SGRA MI RTAG PAR SGRUB PA'I MI MTHUN PHYOGS LA MED PA KHO NAR RTOGS PAS RJES KHYAB DNGOS BSTAN DANG, LDOG KHYAB SHUGS BSTAN DU BRJOD PA YIN LA, DE BZHIN DU SGRUB NGAG DES RTAG NA MA BYAS PAS KHYAB PA DANG SGRUB BYAS PAR DNGOS SU BSTAN PAS BYAS PA DE SGRA MI RTAG PAR SGRUB PA'I MI MTHUN PHYOGS LA MED PA KHO NAR RTOGS LA, DE'I SHUGS LA BYAS PA DE DE SGRUB KYI MTHUN PHYOGS KHO NA LA YOD PAR RTOGS PAS LDOG KHYAB DNGOS BSTAN DANG, RJES KHYAB SHUGS BSTAN DU BRJOD PA YOD PA YIN PA'I PHYIR RO, ,GNYIS PA MTHUN PHYOGS MI MTHUN PHYOGS DPYAD PA LA, DGAG BZHAG SPANG GSUM LAS, DANG PO NI, KHA CIG ,MTHUN PHYOGS KYI MTSAN NYID, SHES 'DOD CHOS CAN DANG BSGRUB BYA'I CHOS KYI SPYIS DON MTHUN PA, MI MTHUN PHYOGS KYI MTSAN NYID, SHES 'DOD CHOS CAN DANG BSGRUB BYA'I CHOS KYI SPYIS DON MI MTHUN PA ZHES ZER NA, GZHAL BYA'I RTAGS KYIS SGRA RTAG PAR SGRUB PA'I MTHUN PHYOGS MA GRUB PAR @79A *, ,THAL, SGRA DANG RTAG PAR CHOS MTHUN PA MA GRUB PA'I PHYIR TE, SGRA RTAG PAR MA GRUB PA'I PHYIR, 'DOD NA, GZHAL BYA DE SGRA RTAG PAR SGRUB PA'I MTHUN PHYOGS LA KHYAB BYED DU 'JUG PA MA YIN PAR THAL LO, ,GZHAN YANG, BYAS PA'I RTAGS KYIS SGRA MI RTAG PAR SGRUB DGOS KYI PHYI RGOL CHOS CAN, SGRA DANG MI RTAG PAR CHOS MTHUN PA NGES PAR THAL, SGRA MI RTAG PAR SGRUB PA'I MTHUN PHYOGS NGES PA'I PHYIR, KHYAB PA KHAS, RTAGS GRUB STE, BYAS PA DE SGRA MI RTAG PAR SGRUB PA'I MTHUN PHYOGS KHO NA LA YOD PAR NGES PA'I PHYIR TE, BYAS PA'I RTAGS KYIS SGRA MI RTAG PAR SGRUB PA'I RJES KHYAB NGES PA'I PHYIR TE, DE SGRUB KYI TSUL GSUM NGES PA'I PHYIR TE, BYAS PA DE KHYOD KYI NGOR SGRA MI RTAG PAR SGRUB PA'I RTAGS YANG DAG YIN PA'I PHYIR RO, ,RTZA BAR 'DOD NA, CHOS CAN, KHYOD KYIS SGRA MI RTAG PAR NGES PAR THAL LO, ,'DOD NA, KHYOD KYI NGOR SGRA MI RTAG PAR SGRUB MI DGOS PAR THAL LO, ,KHA CIG ,DE SGRUB KYI MTHUN PHYOGS KYI MTSAN NYID, DE SGRUB KYI SGRUB TSUL LTAR BSGRUB BYA'I CHOS KYIS MI STONG BA, DE SGRUB KYI MI MTHUN PHYOGS KYI MTSAN NYID, DE SGRUB KYI SGRUB TSUL LTAR BSGRUB BYA'I CHOS KYIS STONG BA, ZHES ZER NA, BUM PA CHOS CAN, SGRA MI RTAG PAR SGRUB PA'I SGRUB TSUL LTAR BSGRUB BYA'I CHOS KYIS MI STONG BAR THAL, SGRA MI RTAG PAR SGRUB PA'I MTHUN PHYOGS YIN PA'I PHYIR TE, MI RTAG PA DE DE SGRUB KYI BSGRUB BYA'I CHOS YIN PA GANG ZHIG ,DE SGRUB KYI SGRUB TSUL LTAR MI RTAG PAS MI STONG BA'I PHYIR TE, DE SGRUB KYI SGRUB TSUL YIN SGRUB YIN PA GANG ZHIG ,MI RTAG PA YIN PA'I PHYIR, RTZA BAR 'DOD NA, CHOS CAN, DE SGRUB KYI BSGRUB BYA'I CHOS YIN PAR THAL, DE SGRUB KYI SGRUB TSUL YIN SGRUB GANG ZHIG ,'DOD PA DE'I PHYIR, 'DOD MI NUS TE, SGRA'I STENG DU @79B MA GRUB PA'I PHYIR RO, ,GNYIS PA RANG LUGS NI, SGRA MI RTAG PAR SGRUB PA'I MTHUN PHYOGS KYI MTSAN NYID, MI RTAG PA DE SGRA MI RTAG PAR SGRUB PA'I BSGRUB BYA'I CHOS YIN PA GANG ZHIG ,SGRA MI RTAG PAR SGRUB PA'I SGRUB TSUL LTAR MI RTAG PAS MI STONG BA, SGRA MI RTAG PAR SGRUB PA'I MI MTHUN PHYOGS KYI MTSAN NYID, DE GANG ZHIG ,SGRA MI RTAG PAR SGRUB PA'I SGRUB TSUL LTAR MI RTAG PAS STONG BA, DE BZHIN DU GZHAN LA'ANG SHES PAR BYA'O, ,KHA CIG SGRA DE SGRA MI RTAG PAR SGRUB PA'I MTHUN PHYOGS MA YIN TE, DE SGRUB KYI MTHUN PHYOGS YIN NA, SGRA DANG MI RTAG PAR CHOS MTHUN DGOS LA, RANG NYID RANG DANG CHOS MTHUN PA MA GRUB PA'I PHYIR, GAL TE DE SGRUB KYI MTHUN PHYOGS YIN NA, MNYAN BYA CHOS CAN, SGRA MI RTAG PAR SGRUB PA'I MTHUN PHYOGS LA MTHONG BAR THAL, SGRA DE DE SGRUB KYI MTHUN PHYOGS YIN PA GANG ZHIG ,SGRA LA MTHONG BA'I PHYIR, 'DOD NA, SGRA MI RTAG PAR SGRUB PA'I THUN MONG MA YIN PA'I MA NGES PA'I GTAN TSIGS MA YIN PAR 'GYUR RO, ,DES NA SGRA DE DE SGRUB KYI MTHUN PHYOGS KYANG MA YIN, MI MTHUN PHYOGS KYANG MA YIN NO, ,ZHES ZER RO, ,'O NA MI RTAG PA YANG SGRA MI RTAG PAR SGRUB PA'I MTHUN PHYOGS MA YIN PAR THAL, DE SGRUB KYI MTHUN PHYOGS YIN NA, SGRA DANG MI RTAG PAR CHOS MTHUN DGOS LA, RANG NYID RANG DANG CHOS MTHUN PA MA GRUB PA'I PHYIR, ZHES MTSUNGS SO, ,GZHAN YANG, BYAS PA CHOS CAN, SGRA MI RTAG PAR SGRUB PA'I MI MTHUN PHYOGS LA MTHONG BAR THAL, SHES BYA DE DE SGRUB KYI MI MTHUN PHYOGS YIN PA GANG ZHIG ,SHES BYA LA MTHONG BA'I PHYIR, KHYAB PA KHAS, GZHAN YANG, MNYAN BYA CHOS CAN, SGRA MI RTAG PAR SGRUB PA'I MTHUN PHYOGS LA MTHONG BAR THAL, KHYOD MI RTAG PA LA MTHONG BA'I PHYIR TE, SGRA MI RTAG PAR SGRUB PA'I PHYI RGOL GYI NYAN SHES MNGON SUM GYIS KHYOD MI RTAG PA LA MTHONG BA'I PHYIR, 'O NA @80A *, ,MNYAN BYA DE SGRA MI RTAG PAR SGRUB PA'I MTHUN PHYOGS MI MTHUN PHYOGS GNYIS KA LA MA MTHONG BAR BSHAD PA DANG 'GAL LO ZHE NA, MI 'GAL TE, MNYAN BYA SGRA MI RTAG PAR SGRUB PA'I PHYOGS CHOS CAN DU SONG BA'I GANG ZAG DES MNYAN BYA MI RTAG PAR YANG MA GRUB, RTAG PAR YANG MA GRUB PA LA DGONGS PA'I PHYIR RO, ,GZHAN YANG, BYAS PA DE SGRA MI RTAG PAR SGRUB PA'I MI MTHUN PHYOGS LA MED PA KHO NAR NGES PAS, DE SGRUB KYI MTHUN PHYOGS KHO NA LA YOD PAR NGES MI NUS PAR THAL, SGRA MI RTAG PAR SGRUB PA'I MTHUN PHYOGS DANG MI MTHUN PHYOGS GNYIS KYI BAR NA GNYIS MA YIN GYI PHUNG GSUM GRUB PA'I PHYIR, RTAGS KHAS, 'DOD NA, LDOG PA RKYANG PA CAN GYI RTAGS YANG DAG YOD PAR THAL LO, ,KHA CIG MTHUN PHYOGS DE RJES KHYAB KYI LTOS GZHI DANG, MI MTHUN PHYOGS DE LDOG KHYAB KYI LTOS GZHI YIN ZHES ZER BA MI 'THAD DE, DE SGRUB KYI LDOG KHYAB YIN NA, DE SGRUB KYI MI MTHUN PHYOGS LA MED PA KHO NAR NGES DGOS PA'I PHYIR RO, ,GSUM PA NI, SHES 'DOD CHOS CAN DANG BSGRUB BYA'I CHOS KYI SPYIS DON MTHUN PA DE, MTHUN PHYOGS KYI MTSAN NYID MA YIN NA, RIGS THIGS LAS, MTHUN PA'I PHYOGS NI BSGRUB PAR BYA BA'I CHOS KYI SPYIS DON MTHUN PA'O, ,ZHES GSUNGS PA DANG 'GAL LO ZHE NA, MI 'GAL TE, DE NI MTHUN PHYOGS KYI SGRA BSHAD KYI DBANG DU BYAS PA'I PHYIR RO, GNYIS PA RTAGS YANG DAG GI DBYE BA LA DRUG ,NGO BO'I SGO NAS DBYE BA, BSGRUB BYA'I CHOS KYI SGO NAS DBYE BA, BSGRUB BYA'I SGO NAS DBYE BA, SGRUB TSUL GYI SGO NAS DBYE BA, MTHUN PHYOGS LA 'JUG TSUL GYI SGO NAS DBYE BA, RGOL BA'I SGO NAS DBYE BA'O, ,DANG PO LA PHYE BA SO SO'I DON, GRANGS NGES LA DVOGS PA BCAD BA'O, ,DANG PO NI, RTAGS YANG DAG LA DBYE NA GSUM STE, 'BRAS @80B RTAGS, RANG BZHIN GYI RTAGS, MA DMIGS PA'I RTAGS SO, ,DANG PO LA GNYIS, MTSAN NYID DANG, DBYE BA'O, DANG PO LA GNYIS, GZHAN LUGS DGAG, RANG LUGS BZHAG PA'O, ,DANG PO NI, ,KHA CIG ,'BRAS RTAGS YANG DAG GI MTSAN NYID, SGRUB RTAGS YANG DAG GANG ZHIG ,BSGRUB BYA'I CHOS LA DE BYUNG DU 'BREL PA, ZHES ZER NA, DU BA CHOS CAN, DU LDAN GYI LA LA ME YOD PAR SGRUB PA'I 'BRAS RTAGS YANG DAG MA YIN PAR THAL, DE SGRUB KYI BSGRUB BYA'I CHOS LA DE BYUNG DU MA 'BREL BA'I PHYIR TE, DE SGRUB KYI BSGRUB BYA'I CHOS DANG RDZAS THA DAD MA YIN PA'I PHYIR TE, DE SGRUB KYI BSGRUB BYA'I CHOS RDZAS SU MA GRUB PA'I PHYIR, MA GRUB NA, SGRA MI RTAG PAR SGRUB PA'I BSGRUB BYA'I CHOS KYANG RDZAS SU GRUB PAR THAL LO, ,'DOD NA, SGRA CHOS CAN YIN PA DANG, MI RTAG PA BSGRUB BYA'I CHOS YIN PA RDZAS SU GRUB PAR THAL, 'DOD NA, SGRA DANG MI RTAG PA GNYIS BLO MA 'KHRUL BA LA CHOS DANG CHOS CAN DU SNANG BAR THAL, SGRA DANG MI RTAG PA GNYIS CHOS DANG CHOS CAN YIN PA DON DAM PAR GRUB PA'I PHYIR, RTAGS KHAS, 'DOD NA, SGRA DANG MI RTAG PA GNYIS BLO MA 'KHRUL BA LA THA DAD DU SNANG BAR THAL LO, 'DOD NA, DE GNYIS RDZAS THA DAD YIN PAR THAL LO, ,KHA CIG ,'BRAS RTAGS YANG DAG GI MTSAN NYID, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS SU BZUNG LE BO DE'I 'BRAS BU YIN PA, ZHES ZER NA, DU BA CHOS CAN, DU LDAN GYI LA LA ME MA YIN PA LAS LOG PA YOD PAR SGRUB PA'I 'BRAS RTAGS YANG DAG YIN PAR THAL, DE SGRUB KYI TSUL GSUM GANG ZHIG ,MI MA YIN PA LAS LOG PA'I 'BRAS BU YIN PA'I PHYIR TE, ME'I 'BRAS BU YIN PA'I PHYIR RO, ,RTZA BAR 'DOD NA, DE SGRUB KYI SGRUB RTAGS YANG DAG YIN PAR THAL LO, ,'DOD MI NUS TE, ME MA YIN PA LAS LOG PA DGAG PA YIN PA'I PHYIR RO, ,GZHAN YANG, ME @081A *, ,MED CHOS CAN, ME MED MTSAN MO'I RGYA MTSO DU MED DU SGRUB PA'I RANG BZHIN GYI RTAGS YANG DAG YIN PAR THAL, DE SGRUB KYI TSUL GSUM GANG ZHIG ,DU MED KYI RANG BZHIN YIN PA'I PHYIR, KHYAB PA KHAS, GNYIS PA RANG LUGS LA GNYIS, MTSAN NYID DANG, MTSAN GZHI'I STENG DU MTSAN NYID NGES BYED KYI TSAD MA BSHAD PA'O, ,DANG PO NI, DE SGRUB KYI 'BRAS RTAGS YANG DAG GI MTSAN NYID, DE SGRUB KYI SGRUB RTAGS YANG DAG GANG ZHIG ,DE SGRUB KYI DNGOS KYI BSGRUB BYA'I CHOS YIN NA, RANG DANG RDZAS THA DAD PA'I KHYAB BYED YIN PA, 'DI LA KHA CIG ,DU BA CHOS CAN, DU LDAN GYI LA LA ME YOD PAR SGRUB PA'I 'BRAS RTAGS YANG DAG MA YIN PAR THAL, DE SGRUB KYI DNGOS KYI BSGRUB BYA'I CHOS YIN NA, KHYOD DANG RDZAS THA DAD PA'I KHYAB BYED YIN MI DGOS PA'I PHYIR, RTAGS MA GRUB NA, ME YOD CHOS CAN, DU BA DANG RDZAS THA DAD PA'I KHYAB BYED YIN PAR THAL, DE SGRUB KYI DNGOS KYI BSGRUB BYA'I CHOS YIN PA'I PHYIR, RTAGS GRUB STE, ME MED DE DE SGRUB KYI DGAG BYA'I CHOS YIN PA'I PHYIR, KHYAB STE, DGAG BYA'I CHOS LOG PA BSGRUB BYA'I CHOS YIN PA'I PHYIR ZHES ZER RO, ,'O NA RTAG PA MA YIN PA DE SGRA MI RTAG PAR SGRUB PA'I DNGOS KYI BSGRUB BYA'I CHOS YIN PAR THAL, RTAG PA DE DE SGRUB KYI DGAG BYA'I CHOS YIN PA'I PHYIR, KHYAB PA KHAS, GZHAN YANG, ME MIN DE DU LDAN GYI LA LA ME YOD PAR SGRUB PA'I DGAG BYA'I CHOS YIN PAR THAL, ME DE DE SGRUB KYI BSGRUB BYA'I CHOS YIN PA'I PHYIR, KHYAB PA YOD PAR THAL, BSGRUB BYA'I CHOS LOG PA DGAG BYA'I CHOS YIN PA'I PHYIR, KHYAB PA SNGA PHYI KHAS, GZHAN YANG, DU YOD DE DU LDAN GYI LA LA ME YOD PAR SGRUB PA'I 'BRAS RTAGS YIN PAR THAL, ME YOD DE DE SGRUB KYI BSGRUB BYA'I CHOS YIN PA'I PHYIR RO, ,GNYIS PA LA, DU BA'I @081B RTAGS KYI DU LDAN GYI LA LA ME YOD PAR SGRUB PA'I PHYOGS CHOS MNGON SUM GYIS GRUB LA, RJES SU 'GRO LDOG GI KHYAB PA ME DU RGYU 'BRAS SU NGES BYED KYI TSAD MA LA BRTEN NAS 'GRUB PAS, 'DI LA RGYU 'BRAS NGES BYED KYI TSAD MA DU DGOS DPYAD PA DANG, RGYUN DANG SKAD CIG MA GANG LAS NGES DPYAD PA'O, ,DANG PO NI, ME DU RGYU 'BRAS SU 'GRUB PA LA TSAD MA DU MA NGES PAR DGOS PA MA YIN TE, DU BA ME LAS SKYE BAR MTHONG BA'I MNGON SUM TSAD MA GCIG GIS KYANG ME DU RGYU 'BRAS SU 'GRUB PA'I PHYIR, GAL TE RTAGS MA GRUB STE, ME DU RGYU 'BRAS SU 'GRUB PA LA, DANG POR ME DMIGS PA'I MNGON SUM DANG, DE'I RJES SU DU BA DMIGS PA'I MNGON SUM MA NGES PAR DGOS PA'I PHYIR ZHE NA, 'O NA BUM PAS CHU SKYOR BAR MTHONG BA'I MNGON SUM TSAD MA GCIG GIS, BUM PAS CHU SKYOR BAR 'GRUB PA MA YIN PAR THAL, BUM PAS CHU SKYOR BAR 'GRUB PA LA, DANG POR BUM PA DMIGS PA'I MNGON SUM GCIG DANG, DE'I RJES SU CHU DMIGS PA'I MNGON SUM NGES PAR DGOS PA'I PHYIR, KHYAB RTAGS KHAS, GAL TE MI MTSUNGS TE, ME DU RGYU 'BRAS YIN LA BUM PA DANG RANG NANG GI CHU RGYU 'BRAS MA YIN PA'I PHYIR ZHE NA, RTAGS MA GRUB STE, BUM PA DE RANG NANG GI CHU THUR DU MI LTUNG BAR BYED PA PO YIN PA'I PHYIR, 'O NA DU BA ME LAS SKYE BAR MTHONG BA'I MNGON SUM GCIG GIS ME DU RGYU 'BRAS SU 'GRUB NA, ME DU RGYU 'BRAS SU 'GRUB PA LA TSAD MA PHRUGS GSUM LA SOGS PA BSHAD PA DGOS MED DU 'GYUR RO ZHE NA, MI 'GYUR TE, MNGON SUM TSAD MA GCIG GIS ME DU RGYU 'BRAS SU 'GRUB KYANG, DU BA RGYU MED DU 'DZIN PA DANG MI MTHUN PA RGYUR 'DZIN PA'I LOG RTOG RGYAS PAR 'GOG PA'I DBANG DU BYAS NAS TSAD MA PHRUGS GSUM LA SOGS PA BSHAD PA'I PHYIR, 'O NA DE LTA BU'I @082A *, ,TSAD MA DE GANG ZHE NA, KHA CIG ,DANG POR ME DU GNYIS KA MA DMIGS PA'I MNGON SUM GCIG ,DE'I RJES SU ME DMIGS PA'I MNGON SUM GCIG ,DE'I RJES SU DU BA DMIGS PA'I MNGON SUM GCIG ,DE'I RJES SU ME DU GNYIS KA DMIGS PA'I MNGON SUM GCIG ,DE'I RJES SU ME MA DMIGS PA'I MNGON SUM GCIG ,DE'I RJES SU DU BA MA DMIGS PA'I MNGON SUM GCIG STE, TSAD MA PHRUGS DRUG LA BRTEN NAS ME DU RGYU 'BRAS SU 'GRUB PA YIN NO ZHE NA, DE LA TSAD MA PHRUGS DRUG MI 'THAD DE, PHRUGS NI ZUNG YIN LA, DE LA TSAD MA YA DRUG YOD PA YIN GYI ZUNG DRUG MED PA'I PHYIR RO, ,GZHAN YANG, RTA BONG GNYIS KYANG RGYU 'BRAS SRID PAR THAL, DANG POR RTA BONG GNYIS KA MA DMIGS PA'I MNGON SUM GCIG ,DE'I RJES SU RTA DMIGS, DE'I RJES SU BONG BU DMIGS, DE'I RJES SU RTA BONG GNYIS KA DMIGS, DE'I RJES SU RTA MA DMIGS, DE'I RJES SU BONG BU MA DMIGS PA'I MNGON SUM GCIG SRID PA'I PHYIR, KHYAB PA KHAS BLANGS SO, ,RANG LUGS NI, DANG POR ME DU GNYIS KA MA DMIGS PA'I DAG 'DZIN MNGON SUM GCIG ,DE'I RJES SU ME'I RDZAS KHO NA GSAR DU DMIGS PA'I MNGON SUM GCIG ,DE'I RJES SU DU BA YUL GZHAN NAS 'ONGS PA LTA BU MA YIN PAR GZHI DER GSAR DU DMIGS PA'I MNGON SUM GCIG ,DE'I RJES SU ME DU GNYIS KA DMIGS PA'I MNGON SUM GCIG ,DE'I RJES SU ME MA DMIGS PA'I MNGON SUM GCIG ,DE'I RJES SU DU BA YUL GZHAN DU SONG BA LTA BU MA YIN PAR GZHI DE NYID DU GSAR DU MA DMIGS PA'I MNGON @082B SUM GCIG STE, TSAD MA PHRUGS GSUM LA BRTEN NAS DU BA RGYU MED DU 'DZIN PA DANG, MI MTHUN PA RGYUR 'DZIN PA'I LOG RTOG KHEGS PA YIN TE, SNGAR DU BA MA DMIGS PA'I DAG 'DZIN MNGON SUM TSAD MA GCIG DANG, DE'I RJES SU DU BA DMIGS PA'I MNGON SUM TSAD MA GNYIS KYI BYED PA LA BRTEN NAS DU BA RGYU MED LAS SKYE BA KHEGS PA YIN TE, DE GNYIS KYI BYED PA LA BRTEN NAS DU BA RES 'GA' BA'I DNGOS POR GRUB PA'I PHYIR, TSAD MA ZUNG PHYI MA GNYIS KYI BYED PA LA BRTEN NAS DU BA MI MTHUN PA'I RGYU LAS SKYE BA KHEGS PA YIN TE, DE GNYIS KYI BYED PA LA BRTEN NAS DU BA DE MES PHAN BTAGS STOBS KYIS ME YOD MED KYI RJES SU 'GRO LDOG BYED PAR GRUB PA'I PHYIR, DE YANG MED DU'I RGYU 'BRAS KYI 'BREL PA MNGON SUM TSAD MA'I STOBS KYIS GRUB PA YIN GYI, RGYU 'BRAS KYI 'BREL PA MNGON SUM TSAD MAS DNGOS SU 'DZIN PA NI MA YIN TE, RGYU 'BRAS KYI 'BREL PA RTOG PAS BTAGS PA YIN PA'I PHYIR, BSTAN BCOS SU ME DU'I RGYU 'BRAS KYI 'BREL PA NGES BYED KYI TSAD MA RGYAS PAR GTAN LA PHAB PA NI, ME DU TZAM RGYU 'BRAS SU SHES PAR BYA BA'I PHYIR DU BSTAN PA MA YIN GYI, ME LAS DU BA SKYE BA DPER BYAS NAS 'DUS BYAS MI RTAG PAR RTOGS PA LAS ZAG BCAS THAMS CAD SDUG BSNGAL BAR RTOGS PA 'BYUNG, DE LAS CHOS THAMS CAD BDAG MED DU RTOGS PA 'BYUNG, DE LAS MYA NGAN LAS 'DAS PA THOB PA'I RGYU 'BRAS KYI RIM PA DANG, BSLAB PA GSUM LA SOGS PA'I RGYU 'BRAS KYI RIM PA SHES PAR BYA BA'I PHYIR DU BSTAN PA YIN NO, ,GNYIS PA NI, ME DU'I RGYU 'BRAS KYI 'BREL PA DE RGYUN DANG SKAD CIG GANG LAS NGES SHE NA, RGYUN LA @083A *, ,LTOS NAS NGES PA YIN GYI, SKAD CIG RE RE LA MNGON SUM GYI STOBS KYIS NGES PA NI MA YIN TE, DUS MTHA'I SKAD CIG MA TSUR MTHONG GI MNGON SUM GYI STOBS KYIS NGES PAR MI NUS PA'I PHYIR RO, ,GNYIS PA MTSAN GZHI'I DBYE BA LA LNGA, RGYU DNGOS SGRUB PA, RGYU SNGON SONG SGRUB PA, RGYU'I SPYI SGRUB PA, RGYU'I KHYAD PAR SGRUB PA, RGYU'I CHOS DPOG PA'I 'BRAS RTAGS SO, ,DANG PO NI, DU LDAN GYI LA CHOS CAN, ME YOD DE, DU BA YOD PA'I PHYIR ZHES PA LTA BU'O, ,GNYIS PA NI, NAM MKHA'I DU BA SNGO LONG PO CHOS CAN, RANG RGYU ME SNGON DU SONG STE, DU BA YIN PA'I PHYIR ZHES PA LTA BU'O, ,GSUM PA NI, KHA CIG NA RE, NYER LEN GYI PHUNG PO CHOS CAN, RANG RGYU DANG BCAS PA YIN TE, RES 'GA' BA YIN PA'I PHYIR, ZHES PA LTA BU'O, ,ZHES ZER, DE NI MI 'THAD DE, RES 'GA' BA YIN NA RANG RGYU DANG BCAS PAS MA KHYAB PA'I PHYIR, RTAGS MA GRUB NA, BUM PA'I CHOS NYID CHOS CAN, RANG RGYU DANG BCAS PAR THAL, RES 'GA' BA YIN PA'I PHYIR TE, BUM PA YOD SAR YOD LA, BUM MED KYI SA PHYOGS NA MED PA'I PHYIR, RANG LUGS NI, NYER LEN GYI PHUNG PO CHOS CAN, RANG RGYU DANG BCAS PA YIN TE, RES 'GA' BA'I DNGOS PO YIN PA'I PHYIR, 'DI'I PHYOGS CHOS MNGON SUM GYIS GRUB LA KHYAB PA NI, RES 'GA' BA'I DNGOS PO YIN NA RANG RGYU DANG BCAS PAS KHYAB STE, RGYU MED DU 'BYUNG NA RES 'GA' BA'I DNGOS POR 'GAL BA'I PHYIR TE, RGYU MED DU 'BYUNG NA RTAG TU YOD PAS KYANG KHYAB GTAN NAS MED PAS KYANG KHYAB PA'I PHYIR RO, ,BZHI PA NI, @083B GZUGS 'DZIN DBANG SHES CHOS CAN, KHYOD LA DMIGS RKYEN DANG YID BYED LAS GZHAN PA'I RGYU ZHIG YOD DE, DE GNYIS YOD KYANG MI SKYE BA SRID CING, RES 'GA' SKYE BA'I PHYIR ZHES PA LTA BU'O, ,LNGA PA NI, KHA CIG NA RE, KHA NANG BU RAM GYI GONG BU CHOS CAN, GZUGS DA LTAR BA YOD DE, RO DA LTAR BA YOD PA'I PHYIR ZHES PA 'DI RGYU CHOS RJES SU DPOG PA'I 'BRAS RTAGS YANG DAG YIN ZHES ZER RO, ,RO DA LTAR BA CHOS CAN, DE SGRUB KYI 'BRAS RTAGS YANG DAG MA YIN PAR THAL, KHYOD DANG GZUGS DA LTAR BA GNYIS LA GO BYA GO BYED KYI 'BREL PA MA GRUB PA'I PHYIR TE, KHYOD DANG GZUGS DA LTAR BA GNYIS DUS MNYAM RDZAS THA DAD YIN PA'I PHYIR, GAL TE CHOS CAN, KHYOD KYI RTAGS LAS KHA NANG BU RAM GYI GONG BU'I STENG DU GZUGS DA LTAR BA RTOGS PA'I RJES DPAG SKYE BA MI SRID PAR THAL, KHYOD KHA NANG BU RAM GYI GONG BU'I STENG DU GZUGS DA LTAR BA SGRUB PA'I RTAGS YANG DAG MA YIN PA'I PHYIR DANG, KHYOD DANG GZUGS DA LTAR BA LA 'BREL PA MA GRUB PA'I PHYIR, GAL TE DE GNYIS 'BREL PA MA GRUB KYANG, RO DA LTAR BA'I RTAGS LAS KHA NANG BU RAM GYI GONG BU'I STENG DU GZUGS DA LTAR BA RTOGS PA'I RJES DPAG SKYE NA, BA LANG GI RTAGS LAS GZHI 'GAR RTA YOD PAR RTOGS PA'I RJES DPAG SKYE BAR 'GYUR RO ZHE NA, 'O NA BA LANG DE GZHI 'GAR RTA YOD PAR SGRUB PA'I 'BRAS RTAGS YANG DAG YIN PAR THAL, RO DA LTAR BA DE GZUGS DA LTAR BA'I 'BRAS BU MA YIN PA YANG DE SGRUB KYI 'BRAS RTAGS YIN PA'I PHYIR, 'KHOR GSUM, GAL TE RO DA LTAR BA CHOS CAN, DE SGRUB KYI RTAGS LTAR SNANG YIN PAR THAL, DE SGRUB KYI RTAGS SU BKOD PA GANG ZHIG ,DE SGRUB KYI RTAGS YANG DAG MA YIN PA'I PHYIR, 'DOD NA, DE SGRUB KYI MA NGES PA'I RTAGS YIN @084A *, ,PAR THAL, 'DOD PA GANG ZHIG ,DE SGRUB KYI 'GAL RTAGS KYANG MA YIN, MA GRUB PA'I RTAGS KYANG MA YIN PA'I PHYIR 'DOD NA, DE SGRUB KYI THUN MONG MA YIN PA'I MA NGES PA'I RTAGS YIN PAR THAL, 'DOD PA GANG ZHIG ,DE SGRUB KYI DNGOS KYI MA NGES PA'I RTAGS KYANG MA YIN, LHAG LDAN GYI MA NGES PA'I RTAGS KYANG MA YIN PA'I PHYIR, BAR PA MA GRUB NA, RO ? DA LTAR BA YOD NA GZUGS DA LTAR BA YOD PAS KHYAB PA LA DNGOS SKYON 'JUG PAR THAL LO, ,RTAGS PHYI MA GRUB STE, DE SGRUB KYI 'GAL BA LHAG LDAN DANG YANG DAG LHAG LDAN GANG YANG MA YIN PA'I PHYIR TE, DE SGRUB KYI MTHUN PHYOGS KHO NA LA YOD PAR NGES PA'I PHYIR RO ZHE NA, RO DA LTAR BA CHOS CAN, KHYOD DE SGRUB KYI RTAGS YANG DAG MA YIN YANG, KHYOD KYI RTAGS LA BRTEN NAS DE 'DRA'I RJES DPAG SKYE BA MI 'GAL BAR THAL, KHYOD KYI RTAGS LAS KHA NANG BU RAM GYI GONG BU'I STENG DU RO SNGA MAS GZUGS DA LTAR BA SKYED PA'I NUS PA DPAGS STOBS KYIS KHA NANG BU RAM GYI GONG BU'I STENG DU, GZUGS DA LTAR BA YOD PAR RTOGS PA'I RJES DPAG SKYE BA YIN GYI, KHYOD DE'I STENG DU GZUGS DA LTAR BA YOD PAR SGRUB PA'I RTAGS YANG DAG YIN PA'I RGYU MTSAN GYIS DE LTA BU'I RJES DPAG SKYE BA MA YIN PA'I PHYIR TE, KHYOD DANG GZUGS DA LTAR BA LA BDAG GCIG DANG DE BYUNG GI 'BREL PA GANG YANG MA GRUB PA'I PHYIR, DE SKAD DU YANG SH'AKYA BLOS, RO LAS DNGOS SU GZUGS RJES SU DPOG PA NI MIN NO, ,'ON KYANG RO'I RGYU KHO NA'I GZUGS KYI LHAN CIG BYED PA'I RGYU NUS PA THOGS PA MED PA NYID RJES SU DPOG PAR BYED CES DANG, DNGOS SU RTAGS NYID YIN PAS NI MIN TE, 'BREL PA MED PA'I PHYIR RO ZHES GSUNGS SO, ,RANG LUGS NI, KHA NANG BU RAM GYI GONG BU @084B CHOS CAN, BU RAM GYI RO SNGA MAS BU RAM GYI GZUGS DA LTAR BA SKYED PA'I NUS PA YOD DE, BU RAM GYI RO DA LTAR BA YOD PA'I PHYIR, ZHES PA LTA BU STE, DE YANG RO DA LTAR BA'I RGYU NI RO SNGA MA YIN LA, DE'I CHOS RO SNGA MAS GZUGS DA LTAR BA SKYED PA'I NUS PA DPOG PA'I 'BRAS RTAGS YIN PAS, RGYU CHOS RJES SU DPOG PA'I 'BRAS RTAGS ZHES BYA STE, DPER NA DU BAS DU LDAN GYI LA LA MES BUD SHING GI 'GYUR BA SKYED PA'I NUS PA DPAGS STOBS KYIS BUD SHING GI 'GYUR BA DPOG PA BZHIN NO, ,KHA CIG ,KHA NANG BU RAM GYI GONG BU'I STENG DU RO SNGA MAS GZUGS DA LTAR BA SKYED PA'I NUS PA YOD PAR RTOGS PA'I RJES DPAG DES, KHA NANG BU RAM GYI GONG BU'I STENG DU RO SNGA MAS GZUGS DA LTAR BA SKYED PA'I NUS PA DNGOS SU RTOGS PA'I SHUGS LA DE'I STENG DU GZUGS DA LTAR BA YOD PAR RTAGS PA YIN NO ZHES ZER, DE LTA BU'I RJES DPAG CHOS CAN, KHA NANG BU RAM GYI GONG BU'I STENG DU GZUGS DA LTAR BA SHUGS LA RTOGS PA MA YIN PAR THAL, KHA NANG BU RAM GYI GONG BU'I STENG DU GZUGS DA LTAR BA'I RNAM PA SHAR BA'I PHYIR TE, KHA NANG BU RAM GONG BU'I STENG DU RO SNGA MAS GZUGS DA LTAR BA SKYED PA'I NUS PA DE'I RNAM PA SHAR BA'I SGO NAS RTOGS PA'I PHYIR, KHYAB STE, RO SNGA MAS GZUGS DA LTAR BA SKYED PA'I NUS PA GZUGS DA LTAR BAS KHYAD PAR DU BYAS NAS DNGOS SU RTOGS DGOS PA'I PHYIR RO, , GNYIS PA RANG BZHIN GYI RTAGS LA GNYIS, GZHAN LUGS DGAG PA DANG, RANG LUGS BZHAG PA'O, DANG PO LA GNYIS, MTSAN NYID DGAG PA, MTSAN GZHI DGAG PA'O, ,DANG PO NI, KHA CIG ,DE SGRUB KYI RANG BZHIN GYI RTAGS YANG DAG GI MTSAN NYID, DE @085A *, ,SGRUB KYI SGRUB RTAGS YANG DAG GANG ZHIG ,DE SGRUB KYI BSGRUB BYA'I CHOS LA BDAG GCIG TU 'BREL PA ZHES ZER NA, DU BA CHOS CAN, DU LDAN GYI LA LA ME YOD PAR SGRUB PA'I RANG BZHIN GYI RTAGS YANG DAG YIN PAR THAL, DE SGRUB KYI SGRUB RTAGS YANG DAG GANG ZHIG ,DE SGRUB KYI BSGRUB BYA'I CHOS LA BDAG GCIG TU 'BREL BA'I PHYIR, KHYAB PA KHAS, RTAGS GRUB STE, DE SGRUB KYI BSGRUB BYA'I CHOS LA 'BREL PA GANG ZHIG ,DE SGRUB KYI BSGRUB BYA'I CHOS DANG RDZAS GZHAN MA YIN PA'I PHYIR TE, DE SGRUB KYI BSGRUB BYA'I CHOS RDZAS SU MA GRUB PA'I PHYIR, RTAGS MA GRUB NA, SGRA MI RTAG PAR SGRUB PA'I BSGRUB BYA'I CHOS KYANG RDZAS SU GRUB PAR THAL LO, ,'DOD NA, MI RTAG PA SGRA LA BRTEN PA DANG SGRA DE MI RTAG PA'I RTEN YIN PA'ANG RDZAS SU GRUB PAR THAL LO, ,'DOD NA, BYAS PA'I RTAGS KYIS SGRA MI RTAG PAR SGRUB PA'I RTOG PA SNANG YUL LA MA 'KHRUL BA'I SHES PA YIN PAR THAL LO, ,'DOD NA, BYAS PA DE SGRA'I STENG DU MI RTAG PA SNGAR MED GSAR DU SKYE BYED YIN PAR THAL, DE LTA BU'I RTOG PA SNANG YUL LA MA 'KHRUL BA'I SHES PA YIN PA GANG ZHIG ,RTOG PA DE LA DANG POR SGRA GRUB, DE'I RJES SU BYAS PA SNGAR MED GSAR DU GRUB, DE'I RJES SU MI RTAG PA SNGAR MED GSAR DU GRUB PA LTA BUR SNANG BA'I PHYIR, GAL TE DU BA CHOS CAN, DE SGRUB KYI BSGRUB BYA'I CHOS LA NGE BYUNG DU 'BREL PAR THAL, ME DE DE SGRUB KYI BSGRUB BYA'I CHOS YIN PA GANG ZHIG ,ME LA DE BYUNG DU 'GREL PA'I PHYIR ZHE NA, DU LDAN GYI LA LA ME YOD PAR SGRUB PA'I BSGRUB BYA'I CHOS CHOS CAN, DE SGRUB KYI BSGRUB BYA'I CHOS LA 'BREL PAR @085B THAL, GANG ZHIG ,ME LA 'BREL PA'I PHYIR, GNYIS PA NI, KHA CIG ,YOD PA DE SGRA MI RTAG PAR SGRUB PA'I RANG BZHIN GYI RTAGS YIN TE, 'JIG LA 'BRAS DANG YOD NYID BZHIN, ,ZHES GSUNGS PA'I PHYIR RO, ,DES NA RTOG PAS BTAGS PA'I CHOS THAMS CAD YOD PA MA YIN NO ZHE NA, YOD PA DANG MI RTAG PA'I 'BREL PA GRUB BAM MA GRUB, DANG PO LTAR NA, YOD PA DANG MI RTAG PA'I 'BREL PA CHOS CAN, MI RTAG PAR THAL, YOD PA'I PHYIR, KHYAB RTAGS KHAS, 'DOD NA, RTOG PAS BTAGS PA'I CHOS THAMS CAD YOD PA MA YIN PA BUD, GNYIS PA LTAR NA, YOD PA SGRA MI RTAG PAR SGRUB PA'I RTAGS YANG DAG MA YIN PAR THAL LO, ,GZHAN YANG, BYAS MI RTAG GI 'BREL PA CHOS CAN, MI RTAG PAR THAL, YOD PA'I PHYIR, 'DOD NA, DNGOS POR THAL LO, ,'DOD NA, BYAS MI RTAG GI THA DAD DNGOS POR THAL LO, 'DOD NA, BYAS MI RTAG RDZAS THA DAD DU THAL LO, ,GAL TE BYAS MI RTAG GI 'BREL PA MI RTAG PA YIN TE, DE GZHI GRUB PA GANG ZHIG ,RTAG PA MA YIN PA'I PHYIR TE, 'BREL PA CAN BYAS MI RTAG GNYIS MI RTAG PA'I PHYIR, KHYAB STE, 'BREL PA CAN RNAMS MI RTAG PHYIR, ,'BREL PA LA RTAG YOD MA YIN, ,ZHES GSUNGS PHYIR ZHE NA, MI 'THAD DE, GZHUNG GI DON NI, 'BREL PA CAN MI RTAG PA'I PHYIR 'BREL PA RTAG DNGOS YOD PA MIN PA'I DON YIN PA'I PHYIR RO, ,GZHAN YANG, 'DUS MA BYAS KYI NAM MKHA' CHOS CAN, MI RTAG PAR THAL, YOD PA'I PHYIR, MA GRUB NA, GZUGS CAN SKYE BA'I GO 'BYED PA MA GRUB PAR THAL LO, ,'DOD NA, SKYES BU 'GRO 'ONG BYED PA MA GRUB PAR THAL LO, ,GZHAN YANG, RANG MTSAN PHAN TSUN 'DRES @086A *, ,PA MED PA CHOS CAN, MI RTAG PAR THAL, YOD PA'I PHYIR, MA GRUB NA, RANG MTSAN PHAN TSUN 'DRES PAR THAL LO, ,KHA CIG, NAS KYI MYU GU'I RGYU TSOGS GRANGS CHANG DE, NAS KYI SA BON DANG CHU LUD DROD GSHER TSOGS PA'I ZHING STENG DU NAS KYI MYU GU 'BYUNG RUNG DU SGRUB PA'I RANG BZHIN GYI RTAGS YANG DAG YIN NO ZHES ZER, NAS KYI MYU GU'I RGYU TSOGS GRANGS CHANG DE CHOS CAN, KHYOD DE SGRUB KYI RANG BZHIN GYI RTAGS YANG DAG MA YIN PAR THAL, DE SGRUB KYI PHYOGS CHOS MA YIN PA'I PHYIR TE, ZHING STENG DER KHYOD NGES NAS NAS KYI MYU GU 'BYUNG MI 'BYUNG THE TSOM ZA BA'I GANG ZAG MI SRID PA'I PHYIR TE, ZHING STENG DER KHYOD NGES NA NAS KYI MYU GU 'BYUNG BA NGES DGOS PA'I PHYIR, RTAGS GRUB STE, GZHI DE NAS KYI MYU GU'I RGYU YIN PAR NGES NA NAS KYI MYU GU SKYED PAR NGES DGOS PA'I PHYIR TE, RANG 'BRAS SKYED PA DE RGYU'I MTSAN NYID YIN PA'I PHYIR, 'O NA DE DE SGRUB KYI RANG BZHIN GYI RTAGS YANG DAG MA YIN NA, RGYU TSOGS PA LAS 'BRAS SKYE BAR, ZHES GSUNGS PA JI LTAR YIN ZHE NA, DE NI SDEB SBYOR GYI DBANG GIS BSHAD PA YIN GYI, DON NI, NAS DANG CHU LUD DROD GSHER TSOGS PA'I ZHING CHOS CAN, NAS KYI MYU GU 'BYUNG DU RUNG STE, NAS DANG CHU LUD DROD GSHER TSOGS PA YIN PA'I PHYIR, ZHES PA LTA BU RANG BZHIN GYI RTAGS YANG DAG TU BSGRUB PA YIN NO, ,KHA CIG, RGYU TSOGS PA LAS 'BRAS SKYE BAR, ,ZHES SOGS KYIS NAS KYI SA BON DANG CHU LUD DROD GSHER TSOGS PA'I ZHING DE NAS KYI MYU GU 'BYUNG RUNG DU BSTAN, TSOGS PA'I 'BRAS BU NUS PA @086B RNAMS, ,ZHES SOGS KYIS DE LTA BU'I ZHING CHOS CAN, NAS KYI MYU GU 'BYUNG NGES MA YIN TE, NAS KYI MYU GU SKYED PA LA 'GAL RKYEN GYI GEGS BYED PA SRID PA'I PHYIR, ZHES BSTAN PA YIN NO, ,ZHES ZER, DE LTA BU'I ZHING CHOS CAN, NAS KYI MYU GU SKYED NGES YIN PAR THAL, NAS KYI MYU GU SKYED PAR TSAD MA'I STABS KYIS NGES PA'I PHYIR, GAL TE BLOS SKYED PAR DES KYANG DON GYI STENG NAS MA NGES SO ZHE NA, ZHING DES NAS KYI MYU GU SKYED PAR NGES PA'I CHAD MA CHOS CAN, ZHEN YUL LA 'KHRUL PA'I LOG SHES YIN PAR THAL, KHYOD ZHING DES NAS KYI MYU GU SKYED PAR NGES PA'I SHES PA YIN PA GANG ZHIG, ZHING DES DON GYI STENG NAS NAS KYI MYU GU SKYED PAR MA NGES PA'I PHYIR, GZHAN YANG, ZHING DES NAS KYI MYU GU SKYED PAR THAG CHOD DAM MA CHOD, MCHOD NA NAS KYI MYU GU SKYED PAR TSAD MAS NGES PA DANG 'GAL LA, THAG CHOD NA, ZHING DES NAS KYI MYU GU SKYED PAR MA NGES PA DANG 'GAL LO, ,GZHAN YANG, SA BRGYAD PA LA GNAS PA'I BYANG SEMS CHOS CAN, 'TSANG RGYA NGES MA YIN PAR THAL, 'TSANG RGYA BA LA 'GAL RKYEN GYA ? 'GEGS BYED PA SRID PA'I PHYIR TE, 'TSANG RGYA BA LA GNAS NGAN LEN GYI DRI MAS GEGS BYED PA'I PHYIR, KHA CIG, SHING SHA PA DE SHA PA'I SDONG SGUR SHING DU SGRUB PA'I RANG BZHIN GYI RTAGS YANG DAG YIN NO ZHES ZER NA, SHING SHA PA CHOS CAN, DE SGRUB KYI RANG BZHIN GYI RTAGS YANG DAG MA YIN PAR THAL, DE SGRUB KYI RTAGS YANG DAG MA YIN PA'I PHYIR TE, DE SGRUB KYI PHYOGS CHOS MA YIN PA'I PHYIR TE, DE SGRUB KYI SGRUB TSUL YIN SGRUB DANG 'GOD TSUL YIN 'GOD YIN PA GANG ZHIG, SHA PA'I SDONG SGYUR DE KHYOD YIN PAR NGES NAS DE SHING YIN MA YIN THE TSOM ZA BA MI SRID @087A *, ,PA'I PHYIR TE, DE KHYOD YIN PAR NGES NA DE SHING YIN PAR NGES DGOS PA'I PHYIR, RTAGS GRUB STE, DE SHING YANG YIN SHA PA'ANG YIN PA'I GZHI MTHUN DU NGES NA DE SHING YIN PAR NGES DGOS PA'I PHYIR RO, ,GNYIS PA RANG LUGS LA GNYIS, MTSAN NYID DANG, DBYE BA'I, ,DANG PO NI, DE SGRUB KYI RANG BZHIN GYI RTAGS YANG DAG GI MTSAN NYID, DE SGRUB KYI SGRUB RTAGS YANG DAG GANG ZHIG, DE SGRUB KYI DNGOS KYI BSGRUB BYA'I CHOS YIN NA, KHYOD KYI BDAG GCIG PA'I KHYAB BYED YIN DGOS PA, GNYIS PA LA GNYIS, DBYE BA DNGOS DANG, MTSAN GZHI'I STENG DU MTSAN NYID NGES BYED KYI TSAD MA BSHAD PA'O, ,DANG PO NI, RANG BZHIN GYI RTAGS YANG DAG LA DBYE NA GNYIS, KHYAD PAR LTOS PA BA DANG, RANG BZHIN DAG PA BA'I RANG BZHIN GYI RTAGS YANG DAG GNYIS, KHA CIG, KHYAD PAR LTOS PA BA'I RANG BZHIN GYI RTAGS YANG DAG GI MTSAN NYID, DE SGRUB KYI RANG BZHIN GYI RTAGS YANG DAG GANG ZHIG ,RANG BLO YUL DU 'CHAR BA RANG GI KHYAD PAR BYED CHOS BLOS YUL DU 'CHAR BA LA LTOS PA, RANG BZHIN DAG PA BA'I RANG BZHIN GYI RTAGS YANG DAG GI MTSAN NYID, GANG ZHIG RANG BLO YUL DU 'CHAR BA RANG GI KHYAD PAR BYED CHOS BLO YUL DU 'CHAR BA LA MI LTOS PA ZHES ZER, 'O NA, DNGOS PO CHOS CAN, SGRA MI RTAG PAR SGRUB PA'I KHYAD PAR LTOS PA BA'I RANG BZHIN GYI RTAGS YANG DAG YIN PAR THAL, DE SGRUB KYI RANG BZHIN GYI RTAGS YANG DAG GANG ZHIG, RANG BLO YUL DU 'CHAR BA RANG GI KHYAD PAR BYED CHOS BLO YUL DU 'CHAR BA LA LTOS PA'I PHYIR TE, RANG BLO YUL DU 'CHAR BA RANG GI KHYAD PAR BYED CHOS DON BYED NUS PA BLO YUL DU 'CHAR BA LA LTOS PA'I PHYIR TE, DON BYED NUS PA DE @087B KHYOD KYI MTSAN NYID YIN PA'I PHYIR, KHA CIG ,DNGOS POR YOD PA DE SGRA MI RTAG PAR SGRUB PA'I RANG BZHIN DAG PA PA'I RANG BZHIN GYI RTAGS YANG DAG YIN NO ZHE NA, DNGOS POR YOD PA CHOS CAN, SGRA MI RTAG PAR SGRUB PA'I RANG BZHIN DAG PA BA'I RANG BZHIN GYI RTAGS YANG DAG MA YIN PAR THAL, DE SGRUB KYI KHYAD PAR STOS PA BA'I RANG BZHIN GYI RTAGS YANG DAG YIN PA'I PHYIR TE, DE SGRUB KYI RANG BZHIN GYI RTAGS YANG DAG GANG ZHIG, RANG BRJOD PA'I SGRAS RANG GI KHYAD PAR BYED CHOS 'PHEN PA'I PHYIR TE, RANG BRJOD PA'I SGRAS RANG GI KHYAD PAR BYED CHOS DNGOS PO 'PHEN PA'I PHYIR, RTAGS MA GRUB NA, SKYE LDAN BRJOD PA'I SGRAS SKYE LDAN GYI KHYAD PAR BYED CHOS SKYE BA 'PHEN PA MA YIN PAR THAL, DNGOS POR YOD PA BRJOD PA'I SGRAS DNGOS POR YOD PA'I KHYAD PAR BYED CHOS DNGOS PO 'PHEN PA MA YIN PA'I PHYIR, RANG LUGS LA, DE SGRUB KYI KHYAD PAR LTOS PA PA'I RANG BZHIN GYI RTAGS YANG DAG GI MTSAN NYID, DE SGRUB KYI RANG BZHIN GYI RTAGS YANG DAG GANG ZHIG, RANG BRJOD PA'I SGRAS RANG GA KHYAD PAR BYED CHOS 'PHEN PA, DBYE NA, KHYAD PAR BYED CHOS RDZAS GZHAN 'PHEN PA DANG, KHYAD PAR BYED CHOS RDZAS GZHAN MA YIN PA 'PHEN PA GNYIS, DANG PO LA, KHYAD PAR BYED CHOS RDZAS GZHAN DNGOS SU 'PHEN PA DANG, SHUGS LA 'PHEN PA GNYIS, DPE RIM BZHIN, DUNG SGRA CHOS CAN, MI RTAG STE, RTZOL BYUNG YIN PA'I PHYIR DANG, DUNG SGRA CHOS CAN, MI RTAG STE, BYAS PA'I PHYIR, ZHES PA LTA BU'O, ,RDZAS GZHAN MA YIN PA 'PHEN PA NI, DUNG SGRA CHOS CAN, MI RTAG STE, SKYE LDAN YIN PA'I PHYIR, ZHES BYA BA LTA BU'O, ,RANG BZHIN DAG PA BA'I RANG BZHIN GYI RTAGS YANG DAG GA MTSAN NYID, DE SGRUB KYI RANG BZHIN GYI RTAGS YANG DAG GANG ZHIG, RANG BRJOD PA'I SGRAS RANG GI KHYAD PAR BYED CHOS MI 'PHEN PA, DPER NA, DUNG SGRA CHOS CAN, MI RTAG STE, DNGOS PO YIN PA'I PHYIR, ZHES BYA BA LTA BU'I, ,GNYIS PA NI @088A *, ,BSTAN BCOS 'DIR LTA BA BKAR BTAGS KYI PHYAG RGYA BZHI'I NANG NAS 'DUS BYAS THAMS CAD MI RTAG PAR GTZO BOR GTAN LA 'BEBS LA, DE GTAN LA PHAB PA LA BRTEN NAS GANG ZAG GI BDAG YOD PAR DAM 'CHA' BA KHEGS PA YIN TE, DE LA BRTEN NAS GANG ZAG GI BDAG RTAG PA KHEGS PA'I PHYIR, DES NA 'DIR 'DUS BYAS THAMS CAD MI RTAG PAR BSGRUB PA'I PHYIR DU BYAS PA'I RTAGS KYIS SGRA MI RTAG PAR SGRUB PA LTA BU LA MTSON NA, RTAGS DGOD PA DANG, TSUL BSGRUB PA GNYIS, DANG PO NI, GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES PA LTA BU'O, ,GNYIS PA LA GNYIS, PHYOGS CHOS BSGRUB PA DANG, KHYAB PA BSGRUB PA'O, ,DANG PO NI, 'DI'I PHYOGS CHOS PHAL CHER MNGON SUM GYIS GRUB LA, MNGON SUM GYIS MA GRUB NA, SGRA CHOS CAN, BYAS PA YIN TE, RGYU RKYEN LAS SKYES PA'I PHYIR ZHES PA'I THA SNYAD 'BA' ZHIG SGRUB KYI RTAGS LA BRTEN NAS 'GRUB LA, 'DI'I TSUL GSUM NI MNGON SUM GYIS GRUB BO, ,GNYIS PA LA GSUM, RJES SU 'GRO LDOG GI KHYAB PA 'GRUB PA LA TSAD MA DU DGOS DPYAD PA DANG, RJES SU 'GRO LDOG GI KHYAB PA NGES PA'I SNGA ROL TU 'BREL BA NGES DGOS PA, 'BREL BA NGES BYED KYI TSAD MA BSHAD BA'O, ,DANG PO NI, RJES SU 'GRO LDOG GI KHYAB PA 'GRUB PA LA TSAD MA GSUM DGOS TE, RTAGS KYI MTSAN GZHI NGES PA'I TSAD MA DANG, DGAG CHOS DANG BSGRUB CHOS DNGOS 'GAL DU NGES PA'I TSAD MA DANG, RTAGS DGAG BYA'I CHOS LA 'GOG PAR BYED PA'I TSAD MA GSUM DGOS PA'I PHYIR, GAL TE TSAD MA DANG PO MED PAR PHYI MA GNYIS YOD PA TZAM GYIS RJES SU 'GRO LDOG GI KHYAB PA 'GRUB NA, RI BONG GI RVA CHOS CAN, MI RTAG PA YIN PAR THAL, RTAG MI RTAG DNGOS 'GAL GANG ZHIG, RTAG PA LA KHEGS PA'I @088B PHYIR, KHA CIG, RTAGS MA GRUB STE, MI RTAG PA MA YIN PA'I PHYIR KHYAB STE, RTAG MI RTAG DNGOS 'GAL YIN PA'I PHYIR ZHE NA, 'O NA GANG ZAG GI BDAG RTAG PA YIN PAR THAL, DE MI RTAG PA MA YIN PA'I PHYIR, KHYAB PA KHAS, 'DOD NA, GANG ZAG GI BDAG MED PA MA YIN PAR THAL, GANG ZAG GI BDAG RTAG PA YOD PA'I PHYIR, RTAGS KHAS, TSAD MA BAR PA MED PAR SNGA PHYI GNYIS YOD PA TZAM GYIS RJES SU 'GRO LDOG GI KHYAB PA 'GRUB NA, DUNG CHOS CAN, SNGON PO KHO NA LA YOD PAR THAL, GZHI GRUB PA GANG ZHIG, SER PO LA KHEGS PA'I PHYIR, TSAD MA PHYI MA MED PAR DANG PO GNYIS YOD PA TZAM GYIS RJES SU 'GRO LDOG GI KHYAB PA 'GRUB NA, GZHAL BYA CHOS CAN, MI RTAG PA KHO NA LA YOD PAR THAL, GZHI GRUB PA GANG ZHIG, RTAG MI RTAG DNGOS 'GAL YIN PA'I PHYIR, GAL TE SGRA MI RTAG PAR SGRUB PA'I RJES SU 'GRO LDOG GI KHYAB PA 'GRUB PA LA, TSAD MA GSUM DGOS PA MA YIN PAR THAL, BYAS PA RANG GRUB TZAM NAS 'JIG NGES SU RTOGS PA'I RJES DPAG GCIG GAS DE SGRUB KYI RJES SU 'GRO LDOG GI KHYAB PA GRUB PA'I PHYIR ZHE NA, SKYON MED DE, DE LA TSAD MA GSUM GYI DOD THUB NGES PAR YOD PA'I PHYIR RO, ,GNYIS PA NI, RJES SU 'GRO LDOG GI KHYAB PA NGES PA LA 'BRAL PA NGES PA SNGON DU 'GRO DGOS TE, RANG 'GREL LAS, 'BREL PA MED PAR NI RJES SU 'GRO BA DANG LDOG PO NGES PA MED DE, ZHES DANG, DE NYID KYI PHYIR 'BREL SHES NA, ZHES GSUNGS PA'I PHYIR, BYAS PA MI RTAG PA LA 'BREL BA'I DON NI, BYAS PA MI RTAG PA LAS THA DAD, MI RTAG PA LOG STOBS KYIS BYAS PA LDOG PA YIN LA, BYAS MI RTAG THA DAD DU MNGON SUM GYI STOBS KYIS 'GRUB CING, MI RTAG PA LOG STOBS KYIS BYAS PA LDOG PAR GNOD PA CAN GYI RTAGS LA BRTEN NAS 'GRUB PA YIN NO, ,MI RTAG PA LOG STOBS KYIS BYAS PA LDOG PA DANG, RTAG NA MA BYAS PAS KHYAB PA GNYIS, BYAS PA MI RTAG PA @089A *, ,LA 'BREL BA'I DON LDOG GI PHYOGS GCIG YIN GYI, RTAG NA MA BYAS PAS KHYAB PA DE BYAS PA'I RTAGS KYIS SGRA MI RTAG PAR SGRUB PA'I LDOG KHYAB MA YIN TE, DE DE SGRUB KYI MI MTHUN PHYOGS LA YOD PA'I PHYIR, GAL TE RTAG NA MA BYAS PAS KHYAB PA DE, DE SGRUB KYI LDOG KHYAB MA YIN NA, GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN, SGRA NI BYAS SO ZHES PA'I NGAG DES DE SGRUB KYI LDOG KHYAB DNGOS SU BSTAN NAS RJES 'GRO SHUGS LA BSTAN PA MA YIN PAR THAL LO ZHE NA, SKYON MED DE, SGRUB NGAG DES SGRA BYAS PA DANG RTAG NA MA BYAS PA'I KHYAB PA GNYIS KA BRJOD PA LA BRTEN NAS, BYAS PA SGRA MI RTAG PAR SGRUB PA'I MI MTHUN PHYOGS LA MED PA KHO NAR RTOGS NUS LA, DE'I SHUGS LA BYAS PA DE DE SGRUB KYI MTHUN PHYOGS KHO NA LA YOD PAR RTOGS NUS PAS, SGRUB DAG DES LDOG KHYAB DNGOS SU BSTAN NAS, RJES 'GRO SHUGS LA BSTAN PAR BRJOD PA YIN PA'I PHYIR RO, ,GSUM PA LA GNYIS, 'BREL BA'I RANG LDOG SGRUB BYED LTOS MED KYI RTAGS BSHAD PA DANG, DON LDOG SGRUB BYED GNOD PA CAN GYI RTAGS BSHAD PA'O, ,DANG PO LA GNYIS, RTAGS DGOD PA DANG, TSUL BSGRUB PA'O, ,DANG PO NI, BYAS PA CHOS CAN, RANG GRUB TZAM NAS 'JIG PA'I BDAG NYID DU SKYES PA YIN TE, SKYES PA GANG ZHIG, RANG SKYE BYED LAS GZHAN PA'I RGYUS 'JIG PAR MI BYED PA'I PHYIR, GNYIS PA NI, KHYAB PA BSGRUB PA LA TSAD MA GSUM DGOS LA, PHYOGS CHOS BSGRUB PA NI, BYAS PA SKYE BYAD LAS GZHAN PA'I RGYU CHOS CAN, KHYOD KYIS BYAS PA'I 'JIG PA MI BSKYED PAR THAL, KHYOD KYIS BYAS PA'I 'JIG PA DNGOS MED KYANG MA BSKYED, BYAS PA'I 'JIG PA DNGOS PO YANG MA BSKYED PA'I PHYIR, RTAGS DANG PO GRUB STE, BYAS PA'I 'JIG PA DNGOS MED LA KHYOD KYI BYED PA NI 'JUG PA'I PHYIR @089B RTAGS MA GRUB NA, BYAS PA'I 'JIG PA DNGOS MED CHOS CAN, 'DUS BYAS YIN PAR THAL, RANG RGYU LAS SKYES PA'I PHYIR, RTAGS KHAS, RTAGS GNYIS PA MA GRUB NA KHYOD KYIS BYAS PA'I 'JIG PA DNGOS PO MA BSKYED PAR THAL, KHYOD KYIS BYAS PA'I 'JIG PA BYED PA DANG RDZAS GCIG PA'ANG MA BSKYED, RDZAS THA DANG PA'ANG MA BSKYED PA'I PHYIR, DANG PO MA GRUB NA, BYAS PA CHOS CAN, KHYOD KYI 'JIG PA RANG DANG RDZAS GCIG PA DE 'JIG RGYU DON GZHAN GYIS BSKYED MI DGOS PAR THAL, DE RANG RGYU LAS RDZOGS PAR GRUB ZIN PA'I PHYIR, RTAGS GNYIS PA MA GRUB NA, BYAS PA SKYE BYED LAS GZHAN PA'I RGYU CHOS CAN, KHYOD KYIS BYAS PA'I 'JIG PA MA BSKYED PAR THAL, KHYOD KYIS BYAS PA'I 'JIG PA BYAS PA DANG RDZAS THA DAD PA BSKYED PA'I PHYIR, GNYIS PA LA GSUM, RTAGS DGOD, CHUL BSGRUB, MTHA' DPYAD PA'O, ,DANG PO NI, RTAG PA CHOS CAN, BYAS PAS STONG STE, RIM DANG CAG CAR DON BYED NUS PAS STONG PA'I PHYIR, DPER NA 'DUS MA BYAS KYI NAM MKHA'I BZHIN, GNYIS PA LA GNYIS LAS, KHYAB PA BSGRUB PA LA CHED MA GSUM DGOS LA, PHYOGS CHOS BSGRUB PA NI, RTAGS PA CHOS CAN, RIM DANG CIG CAR DON BYED NUS PAS STONG STE, RIM DANG CIG CAR GYI SKAD CIG MAS STONG PA'I PHYIR TE, SKAD CIG MAS STONG PA'I PHYIR, GZHAN YANG, RIM DANG CIG CAR GYI DON BYED NUS PA STONG STE, RIM GYIS DON BYED NUS PAS KYANG STONG, CIG CAR DON BYED NUS PAS KYANG STONG PA'I PHYIR, DANG PO MA GRUB NA, 'BRAS BU CIG CAR SKYED PAR THAL, 'BRAS BU SKYED PA GANG ZHIG, RTAG PA'I PHYIR, RTAG KYANG RKYEN LA LTOS NAS 'BRAS BU RIM CAN DU SKYED DO ZHE NA, MI 'THAD DE, RTAG PA LA RKYEN GYIS KHYAD PAR BYAR MED PA'I PHYIR RO, ,RTZA BA'I RTAGS GNYIS PA MA GRUB NA, 'BRAS BU THAMS CAD CIG CAR DU 'BYUNG BAR THAL, RTAG BAS 'BRAS BU CIG CAR BSKYED PA'I PHYIR, 'DOD NA, 'BRAS BU SKYES PA'I SKAD CIG GNYIS PA @090A *, ,PHAN CHAD DU 'BRAS BU SKYE BA RGYUN CHAD PAR THAL LO, ,DE LTAR NA, SGRA BYAS PAR NGES PA'I TSAD MA DANG RTAG PA BYAS STONG DU NGES PA'I TSAD MA GNYIS KYI BYED PA LA BRTEN NAS, BYAS PA RTAG PAS STONG BAR RTOGS KYI RTAG PA BYAS STONG DU RTOGS PA'I TSAD MA GCIG PO DE NYID KYIS BYAS PA RTAG PAS STONG BAR NGES PA NI MA YIN NO, ,GSUM PA MTHA' DPYAD PA NI, 'O NA RTAG PA BYAS STONG DU NGES PA'I TSAD MA DES RTAG PA'I GSAL BA'I DBYE BA MTHA' DAG BYAS STONG DU NGES SAM MA NGES, NGES NA, RTZOL 'BYUNG LA MI RTAG PAS KHYAB PA NGES PA'I TSAD MA DES RTZOL BYUNG GI GSAL BA'I DBYE BA MTHA' DAG RTAGS PAS STONG BAR NGES PAR THAL LA, ,'DOD NA, DES RTZOL SGRA RTAG PAS STONG BAR NGES PAR THAL LO, ,'DOD NA, DES RTZOL SGRA RTAG 'DZIN GYI SGRO 'DOGS CHOD PAR THAL LO, ,'DOD NA, RTZOL BYUNG GI RTAGS LAS RTZOL SGRA MI RTAG PAR RTOGS PA'I RJES DPAG CHOS CAN, BCAD SHES YIN PAR THAL, RANG GI NYER LEN CHAD MA SNGA MAS SGRO 'DOGS BCAD ZIN GYI DON LA BSNAN NAS 'JUG PA'I SHES PA YIN PA'I PHYIR, GNYIS PA LTAR NA, RTAG PA BYAS STONG DU NGES PA'I GANG ZAG DES RTAG PA DE BYAS PA 'GA' ZHIG LA 'JUG PAR DVOGS SAM MI DVOGS, DVOGS NA, DE LTA BU'I GANG ZAG CHOS CAN, BYAS PA SGRA MI RTAG PAR SGRUB PA'I MI MTHUN PHYOGS LA 'JUG PA MA KHEGS PAR THAL, RTAG PA DE BYAS PA 'GA' ZHIG LA 'JUG PA MA KHEGS PA'I PHYIR, MI DVOGS NA RTAG PA BYAS STONG DU RTOGS PA'I CHAD MA DES DE LTA BU'I DVOGS PA KHEGS PAR THAL, DE LTA BU'I GANG ZAG DES DVOGS PA DE KHEGS PA GANG ZHIG, GANG ZAG DE'I RGYUD LA TSAD MA DE LAS GZHAN DVOGS PA DE GCOD BYED MED PA'I PHYIR, 'DOD PA DE LTA NA, RTZOL BYUNG LA MI RTAG PAS KHYAB PA NGES PA'I TSAD MA DE NYID KYIS RTZOL BYUNG GI GSAL BA'I @090B DBYE BA MTHA' DAG LA RTAG PA 'JUG PAR DVOGS PA'I SGRO 'DOGS CHOD PAR 'GYUR LA, DE LTAR NA RTZOL BA LAS BYUNG BA'I SGRA LA RTAG 'DZIN GYI SGRO 'DOGS CHOD PAR 'GYUR RO, ,DE LTAR NA RTZOL BYUNG GI RTAGS LA BRTEN PA'I RJES DPAG BCAD SHES SU THAL, RANG 'DREN BYED KYI TSAD MA SNGA MAS ? SGRO 'DOGS BCAD ZIN PA'I DON LA BSNAN NAS 'JUG PA'I SHES PA YIN PA'I PHYIR, DES NA RTAG PA LA BYAS PA 'GOG PA'I KHYAD GZHI'I NGOS NAS GNOD PA CAN GYI RTAGS LA BRTEN PA'I RJES DPAG GIS SGRO 'DOGS GCOD TSUL DE DPYAD MI BZOD LA, BSGRUB BYA'I CHOS BYAS STONG GI NGOS NAS BRTAGS NA YANG DPYAD MI BZOD DE, RTAG PA BYAS STONG DU RTOGS PA'I TSAD MA DES RTAG PA'I STENG DU BYAS PA'I GSAL BA'I DBYE BA MTHA' DAG GIS STONG BAR NGES SAM MA NGES, PHYI MA LTAR NA, BYAS PA'I GSAL BA'I DBYE BA 'GA' ZHIG RTAG PA LA 'JUG PAR DVOGS SAM MI DVOGS, DVOGS NA, RTAGS MI MTHUN PHYOGS LA 'JUG PAR DVOGS PAS DVOGS PA GCOD BYED GZHAN YANG MED PAS LDOG KHYAB MA GRUB PAR 'GYUR LA, DVOGS PA MED PA YANG MI 'THAD DE, TSAD MA DES DVOGS PA MCHOD LA DVOGS PA GCOD BYED GZHAN YANG MED PA'I PHYIR, , DANG PO LTAR NA, BYAS NA MI RTAG PAS KHYAB PA NGES PA'I TSAD MA DES BYAS PA'I STENG DU RTAG PA'I GSAL BA'I DBYE BA MTHA' DAG GIS STONG PA'I KHYAB PA NGES PAR 'GYUR LA, DE LTA NA, SGRA RTAG PAS STONG BA'I KHYAB PA YAN NGES DGOS PAS RJES KHYAB NGES PA NA BYAS PA'I RTAGS KYIS SGRA MI RTAG PAR SGRUB PA'I BSGRUB BYA NGES PAR 'GYUR RO ZHE NA, DE DAG GI LAN BRJOD PAR BYA STE, RTAG PA BYAS STONG DU NGES PA'I TSAD MA DES RTAG PA'I GSAL BA'I DBYE BA MTHA' DAG LA BYAS PA'I 'JUG PAR 'DZIN PA'I SGRO 'DOGS CHOD KYANG BYAS PAS STONG PA'I KHYAB PA MA NGES LA, GAL TE NGES DGOS NA BYAS NA MI RTAG PAS KHYAB PA NGES PA'I TSAD MA @91A *, ,DES BYAS PA'I GSAL BA'I DBYE BA MTHA' DAG LA RTAG PAS STONG BA'I KHYAB PA NGES DGOS PAR 'GYUR LA, DE LTAR NA BYAS PA'I RTAGS KYIS SGRA MI RTAG PAR SGRUB PA'I RTAGS KYI TSUL 'JAL BA'I TSAD MA DES BSGRUB BYA GRUB PAR 'GYUR TE, BYAS PA'I GSAL BA'I DBYE BA MTHA' DAG LA MI RTAG PAS KHYAB PA SGRA'I BYAS PA DANG TSOGS PA GZHAL BYA YIN PA'I PHYIR, YANG BYAS NA MI RTAG PAS KHYAB PA NGES PA'I TSAD MA DES BYAS PA'I GSAL BA'I DBYE BA MTHA' DAG LA MI RTAG PA'I KHYAB PA NGES SU CHUG KYANG, SGRA DANG SGRA'I BYAS PA LA MI RTAG PAS KHYAB PA NGES MI DGOS TE, SGRA DANG SGRA'I BYAS PA LA DNGOS SHUGS GANG LA YANG BLO KHA PHYOGS PA MED PA'I PHYIR RO, ,DE BZHIN DU RTZOL BYUNG LA MI RTAG PAS KHYAB PA NGES PA'I TSAD MA DES RTZOL BYUNG GI GSAL BA'I DBYE BA MTHA' DAG LA RTAG PAS STONG BA'I KHYAB PA NGES KYANG, RTZOL BA LAS BYUNG BA'I SGRA LA RTAG PAS STONG BA'I KHYAB PA NGES MI DGOS PAS, RTAGS DE LA BRTEN PA'I BLO BCAD SHES SU THAL BA'I SKYON MED DE, RANG 'DREN BYED KYI TSAD MA SNGA MAS SGRO 'DOGS BCAD ZIN GYI DON LA BSNAN NAS 'JUG PA'I SHES PA DE BCAD SHES KYI DON MA YIN PA'I PHYIR RO, ,'O NA SNGAR GYI GNOD PA CAN GYI TSAD MA DES RTAG PA'I GSAL BA'I DBYE BA MTHA' DAG LA BYAS PA 'JUG PAR 'DZIN PA'I SGRO 'DOGS MCHOD PAR THAL, RTAG PA'I GSAL BA'I DBYE BA MTHA' DAG LA DNGOS SHUGS GANG LA YANG BLO KHA MA PHYOGS PA'I PHYIR ZHE NA, MI MTSUNGS TE; RTAG PA TZAM MI SRID PAR NGES NA RTAG PA'I GSAL BA'I DBYE BA 'GA' ZHIG LA YOD PA KHEGS KYANG, DGAG BYA'I CHOS RTAG PA'I GSAL BA'I DBYE BA MTHA' DAG LA MI SRID PAS KHYAB PA NGES MI DGOS PA'I PHYIR, YOD MED DNGOS 'GAL DU NGES PA NA GZHI GANG GI STENG DU YANG @91B DE GNYIS GZHI MTHUN SRID PA'I DVOGS PA MED KYANG, SHES BYA MTHA' DAG GI STENG DU DE GNYIS 'GAL BAR NGES MI DGOS PA'I PHYIR, GZHAN YANG BYAS NA MI RTAG PAS KHYAB PA NGES PA'I TSAD MA DES BYAS PA'I STENG DU SGRA'I RTAG PAS STONG BA NGES SU CHUG KYANG SGRA KHYAD GZHIR BZUNG BA'I STENG DU RTAG PAS STONG BAR MA NGES PAS SKYON MED DO, ,GAL TE BYAS PA'I GSAL BA'I DBYE BA MTHA' DAG LA MI RTAG PAS KHYAB PA DANG SGRA'I BYAS PA TSOGS PA NGES PA'I TSAD MA DES BSGRUB BYA NGES DGOS NA BYAS PAS SGRA MI RTAG PAR SGRUB PA'I TSUL 'JAL BA'I TSAD MA DES KYANG BSGRUB BYA 'GRUB PAR 'GYUR RO ZHE NA, MI MTSUNGS TE, BYAS PA'I GSAL BA'I DBYE BA MTHA' DAG LA MI RTAG PAS KHYAB PA NGES PA'I TSAD MA DES SGRA'I BYAS PA LA MI RTAG PAS KHYAB PA MA NGES KYANG, SGRA'I BYAS PA LA BLO KHA PHYOGS NAS BYAS PA'I GSAL BA'I DBYE BA MTHA' DAG LA MI RTAG PA DANG TSOGS PA TSAD MA'I YUL DU SONG BA NA BSGRUB BYA GRUB DGOS PAR SEMS SO ZHES GSUNG NGO, ,GSUM PA MA DMIGS PA'I RTAGS LA GSUM, MTSAN NYID DANG, DBYE BA NGES PAR BSGRUB PA DANG, PHYE BA SO SO'I DON NO, ,DANG PO NI, DE SGRUB KYI MA DMIGS PA'I RTAGS YANG DAG GI MTSAN NYID, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS YIN NA DGAG PA YIN DGOS PA, GNYIS PA NI, TSAD MAS DMIGS PA'I SGO NAS YOD PA 'JOG DGOS PA BZHIN DU, GZHI GANG GI STENG DU'ANG DGAG BYA 'GOG PA LA DGAG BYA DMIGS PA'I TSAD MA BKAG PA'I SGO NAS DGAG BYA 'GOG DGOS TE, DGAG BYA 'GOG PA'I THABS GZHAN MED PA'I PHYIR RO, ,DE SKAD DU'ANG, DGAG PA NYID NI THAMS CAD DU, ,MI DMIGS PA LAS 'GRUB PA YIN, ,TSAD MAS GRUB PAR SMRA RNAMS KYI, ,DON GYI BZLOG PA NYID LAS YIN, ,ZHES DANG, DGAG PA GANG JI SNYED PA DE THAMS CAD @92A *, ,NI MI DMIGS PA LAS YIN NO ZHES GSUNGS SO, ,GAL TE DGAG BYA DMIGS PA'I TSAD MA BKAG PA'I SGO NAS DGAG BYA 'GOG PA'I DON, DGAG BYA DMIGS PA'I TSAD MA BKAG PA RTAGS SU BKOD NAS DGAG BYA 'GOG PA YIN NAM, DGAG BYA DMIGS BYED KYI TSAD MA BKAG PA BSGRUB BYA'I CHOS SU BYAS NAS DGAG BYA 'GOG PA YIN, DANG PO LTAR NA, DGAG RTAGS YANG DAG YIN NA RANG BZHIN MA DMIGS PA'I GTAN TSIGS YANG DAG YIN DGOS PAR THAL, DGAG RTAGS YANG DAG YIN NA DGAG BYA DMIGS PA'I TSAD MA BKAG PA RTAGS SU BKOD NAS DGAG BYA 'GOG DGOS PA'I PHYIR, GNYIS PA LTAR NA DGAG RTAGS YANG DAG YIN NA DON SGRUB KYI RTAGS YANG DAG YIN DGOS PAR THAL, DGAG RTAGS YANG DAG YIN NA DGAG BYA DMIGS PA'I TSAD MA BKAG PA BSGRUB BYA'I CHOS SU BYAS NAS DGAG BYA 'GOG DGOS PA'I PHYIR ZHE NA, SKYON MED DE, DGAG GZHI'I STENG DU PHYI RGOL GYIS DGAG BYA'I CHOS DMIGS PA'I TSAD MA BKAG PA GRUB KYANG DGAG BYA'I CHOS BKAG PA MA GRUB NA, DGAG BYA'I CHOS DMIGS PA'I TSAD MA DGAG PA RTAGS SU BKOD NAS DGAG BYA 'GOG PAR BYED LA, DGAG GZHI'I STENG DU PHYI RGOL GYIS DGAG BYA'I CHOS DMIGS PA'I TSAD MA BKAG PA MA GRUB NA, DGAG BYA'I CHOS DMIGS PA'I TSAD MA BKAG PA DANG, DGAG BYA'I CHOS BKAG PA GNYIS KA BSGRUB BYA'I CHOS SU BYAS NAS DGAG BYA 'GOG PAR BYED PA'I PHYIR RO, ,DE YANG DGAG BYA 'GOG PA LA DGAG GZHI MNGON SUM LA SNANG DU RUNG BA DANG MI RUNG BA GNYIS SU NGES LA, MI RUNG NA MNGON SUM GYI STOBS KYIS DGAG PA BYED PA MI SRID DE, MED DGAG YAN GAR BA MNGON SUM LA SNANG DU MI RUNG BA'I PHYIR, DES NA DGAG GZHI @92B MNGON SUM LA SNANG DU MI RUNG NA RJES DPAG GIS DGAG PA BYED DGOS SO, ,DGAG GZHI PHYI RGOL GYI MNGON SUM LA SNANG DU RUNG BA LA, DGAG BYA'I CHOS PHYI RGOL GYI MNGON SUM LA SNANG DU RUNG BA DANG MI RUNG BA GNYIS SU NGES LA, MI RUNG NA MI SNANG BA MA DMIGS PA'I RTAGS 'JUG PA'I DUS YIN LA, SNANG DU RUNG BA LA DGAG GZHI'I STENG DU DGAG BYA'I CHOS PHYI RGOL GYI MNGON SUM LA SNANG DU RUNG BA DANG MI RUNG BA GNYIS SU NGES LA, DANG PO LTAR NA, PHAL CHER MNGON SUM GYIS DGAG PA BYED LA, MNGON SUM GYIS MA GRUB NA THA SNYAD 'BA' ZHIG SGRUB KYI RTAGS LA BRTEN NAS SGRUB DGOS PAS RANG BZHIN MA DMIGS PA'I RTAGS 'JUG PA'I DUS YIN NO, ,DE PHYI RGOL GYI MNGON SUM LA SNANG DU MI RUNG BA LA DGAG PA BYED NA, DGAG GZHI'I STENG DU DGAG BYA'I CHOS KYI 'BREL ZLA MNGON SUM LA SNANG DU RUNG BA DANG, 'GAL ZLA MNGON SUM LA SNANG DU RUNG BA GNYIS SU NGES LA, DANG PO LTAR NA, DGAG BYA'I CHOS KYI 'BREL ZLA LA NGO BO RGYU 'BRAS GSUM DU NGES LA, NGO BO LA KHYAB CHUNG BA DANG, KHYAB MNYAM PA DANG, KHYAB CHE BA GSUM DU NGES SHING, KHYAB CHUNG BA BKAG PAS GZHI DER DGAG BYA'I CHOS 'GOG MI NUS LA, KHYAB MNYAM PA MNGON SUM LA SNANG DU RUNG NA RANG BZHIN MA DMIGS PA'I RTAGS 'JUG PA'I DUS YIN NO, ,KHYAB CHE BA MNGON SUM LA SNANG DU RUNG NA, KHYAB BYED MA DMIGS PA'I GTAN TSIGS 'JUG PA'I DUS YIN NO, ,DGAG BYA'I CHOS KYI RGYU PHYI RGOL GYI MNGON SUM LA SNANG DU RUNG NA, RGYU MA DMIGS PA'I RTAGS 'JUG PA'I DUS YIN NO, ,DGAG GZHI'I STENG DU DGAG BYA'I CHOS KYI DNGOS 'BRAS SNANG DU RUNG NA DNGOS 'BRAS MA DMIGS PA'I RTAGS 'JUG PA'I DUS YIN NO, ,DE LTAR NA 'BREL ZLA MA DMIGS PA'I RTAGS LA RGYU KHYAB BYED RANG BZHIN DNGOS 'BRAS MA DMIGS @93A *, ,PA'I RTAGS BZHIR NGES PA YIN NO, ,DGAG GZHI'I STENG DU DGAG BYA'I CHOS KYI 'GAL ZLA SNANG DU RUNG NA 'GAL ZLA DMIGS PA'I RTAGS 'JUG PA'I DUS YIN LA, DGAG BYA'I CHOS KYI 'BREL ZLA LA NGO BO RGYU 'BRAS GSUM DU NGES PA BZHIN DU, DE'I 'GAL ZLA LA NGO BO RGYU 'BRAS GSUM DU NGES PAS, DGAG BYA'I CHOS KYI 'GAL ZLA'I NGO BO DANG, DE'I 'BRAS BU SNANG DU RUNG NA RANG BZHIN 'GAL DMIGS DANG 'GAL 'BRAS DMIGS PA'I RTAGS 'JUG PA'I DUS YIN NO, ,DE'I 'GAL ZLA'I RGYU DNGOS DANG DE'I 'BRAS BU SNANG DU RUNG NA RGYU 'GAL DMIGS DANG RGYU DANG 'GAL BA'I 'BRAS BU DMIGS PA'I RTAG 'JUG PA'I DUS YIN NO, ,DE'I BDAG GCIG PA'I KHYAB BYED KYI 'GAL ZLA DNGOS SNANG DU RUNG NA, KHYAB BYED 'GAL DMIGS KYI RTAGS 'JUG PA'I DUS YIN NO, ,DE'I 'BRAS BU DNGOS KYI 'GAL ZLA SNANG DU RUNG NA 'BRAS BU 'GAL DMIGS KYI RTAGS 'JUG PA'I DUS YIN NO, ,DE LTAR NA, 'BREL ZLA MA DMIGS PA'I RTAGS BZHI 'GAL ZLA DMIGS PA'I RTAGS DRUG STE DGAG RTAGS BCUR 'GYUR BA YIN NO, ,GSUM PA PHYE BA SO SO'I DON LA GNYIS, MI SNANG BA MA DMIGS PA'I RTAGS DANG, SNANG RUNG MA DMIGS PA'I RTAGS SO, ,DANG PO LA DGAG BZHAG SPANG GSUM MO, ,DANG PO NI, KHA CIG MI SNANG BA MA DMIGS PA'I RTAG MA GRUB STE, DGAG RTAGS YANG DAG YIN NA SNANG RUNG MA DMIGS PA'I RTAGS YANG DAG YIN DGOS PA'I PHYIR TE, RANG BZHIN DANG NI 'BRAS BU'AM, ,SNANG BA MTHONG BA MED NYID RTAGS, ,ZHES GSUNGS PA'I PHYIR ZHE NA, 'O NA RGYU MTSAN YANG DAG MED BZHIN DU GANG ZAG PHA ROL PO 'DI SKYON 'DI LTA BU DANG LDAN NO ZHES DAM 'CHA' BA RIGS SAM MI RIGS, DANG PO LTAR NA MI 'THAD DE, MDO LAS, NGA 'AM NGA DANG 'DRA BAS GANG ZAG GI CHOD BZUNG @93B GI; GANG ZAG GIS GANG ZAG GI TSOD MI BZUNG STE, NYAMS PAR GYUR TE RE ZHES GSUNGS PA'I PHYIR RO, ,MI RIGS NA, MI RIGS PA'I RGYU MTSAN CI YIN, SKYES BU PHA ROL PO 'DI CHOS CAN, SKYON 'DI LTA BU DANG LDAN NO ZHES DAM 'CHA' BA MI RIGS TE, SKYON 'DI LTA BU CHAD MAS MA DMIGS PA'I PHYIR ZHE NA, 'O NA MI SNANG BA MA DMIGS PA'I RTAGS YANG DAG GRUB PAR THAL, SKYON 'DI LTA BU TSAD MAS MA DMIGS PA DE, DE SGRUB KYI RTAGS YANG DAG YIN PA'I PHYIR, KHA CIG, MI SNANG BA MA DMIGS PA'I RTAGS YANG DAG YOD MOD, DE SNANG RUNG MA DMIGS PA'I RTAGS YANG DAG YIN TE, DE RGYU MA DMIGS PA'I RTAGS YANG DAG YIN PA'I PHYIR TE, 'JUG PA BLO SNGON CAN NYID PHYIR, ,ZHES DANG, SH'AKYA BLOS, RGYU MED NA 'BRAS BU MED DO SNYAM DU BSAMS PA YIN NO, ,ZHES GSUNGS PA'I PHYIR, ZHES ZER BA MI 'THAD PAR 'OG NAS 'CHAD PAR 'GYUR RO, ,KHA CIG, MI SNANG BA MA DMIGS PA'I RTAGS YANG DAG GI MTSAN NYID, 'BREL ZLA MA DMIGS PA'I RTAGS YANG DAG GANG ZHIG ,RANG PHYOGS CHOS CAN DU SONG BA'I GANG ZAG GIS SHES 'DOD CHOS CAN GYI STENG DU DGAG BYA'I CHOS YOD KYANG BLTAR MI RUNG BA ZHES ZER, ME MED CHOS CAN, ME MED MTSAN MO'I RGYA MTSO DU MED DU SGRUB PA'I MI SNANG BA MA DMIGS PA'I RTAGS YANG DAG YIN PAR THAL, DE SGRUB KYI 'BREL ZLA MA DMIGS PA'I RTAGS YANG DAG GANG ZHIG ,RANG PHYOGS CHOS CAN DU SONG BA'I GANG ZAG GIS ME MED MTSAN MO'I RGYA MTSO'I STENG DU DU BA YOD KYANG SNANG DU MI RUNG BA'I PHYIR RO, ,KHA CIG MI SNANG BA MA DMIGS PA'I RTAGS YANG DAG GI MTSAN NYID, 'BREL ZLA MA DMIGS PA'I RTAGS YANG DAG GANG ZHIG ,RANG PHYOGS CHOS CAN DU SONG BA'I GANG ZAG GIS MTHUN DPE'I STENG DU DGAG BYA'I CHOS YOD KYANG SNANG DU MI RUNG BA @94A *, ,ZHES ZER NA, MDUN GYI GZHI 'DIR CHOS CAN, SHA ZA'I BUM PA BSKAL DON DU SONG BA'I GANG ZAG GIS SHA ZA'I BUM PA YOD CES DAM 'CHA' BA MI RIGS TE, SHA ZA'I BUM PA BSKAL DON DU SONG BA'I GANG ZAG GIS SHA ZA'I BUM PA TSAD MAS MA DMIGS PA'I PHYIR, ZHES BKOD PA'I TSE NA, DE LTA BU'I GANG ZAG GIS SHA ZA'I BUM PA CHAD MAS MA DMIGS PA CHOS CAN, DE SGRUB KYI MI SNANG BA MA DMIGS PA'I RTAGS YANG DAG MA YIN PAR THAL, RANG PHYOGS CHOS CAN DU SONG BA'I GANG ZAG GI TSAD MAS MTHUN DPE'I STENG DU DGAG BYA'I CHOS YOD NA BLTAR RUNG YIN PA'I PHYIR TE, RANG PHYOGS CHOS CAN DU SONG BA'I GANG ZAG GIS MTHUN DPE'I STENG DU DGAG BYA'I CHOS MED PAR NGES PA'I PHYIR, KHA CIG, MI SNANG BA MA DMIGS PA'I RTAGS YANG DAG GI MTSAN NYID, GANG ZHIG RANG PHYOGS CHOS CAN DU SONG BA'I GANG ZAG GI TSAD MAS DGAG BYA'I CHOS YOD KYANG BLTAR MI RUNG BA ZHES ZER, GANG ZAG GI BDAG TSAD MAS MA DMIGS PA CHOS CAN, NYER LEN GYI PHUNG PO GANG ZAG GI BDAG MED DU SGRUB PA'I MI SNANG BA MA DMIGS PA'I RTAGS YANG DAG YIN PAR THAL, DE SGRUB KYI 'BREL ZLA MA DMIGS PA'I RTAGS YANG DAG GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS GANG ZAG GI BDAG YOD KYANG BLTAR MI RUNG BA'I PHYIR, RTAGS MA GRUB NA, GANG ZAG GI BDAG TSAD MAS MA DMIGS PA DE, NYER LEN GYI PHUNG PO GANG ZAG GI BDAG MED DU SGRUB PA'I PHYOGS CHOS CAN DU SONG BA'I GANG ZAG CHOS CAN, KHYOD KYIS GANG ZAG GI BDAG MED PAR RTOGS PAR THAL, GANG ZAG GI BDAG YOD NA KHYOD KYIS DMIGS SU RUNG BA LAS KHYOD KYIS GANG ZAG GI BDAG TSAD MAS MA DMIGS PA'I @94B PHYIR, RTAGS KHAS, 'DOD NA, KHYOD KYIS NYER LEN GYI PHUNG PO GANG ZAG GI BDAG MED PAR RTOGS PAR THAL LO, ,KHA CIG ,MDUN GYI GZHI 'DIR CHOS CAN, BSKAL DON SHA ZA'I BUM PA YOD NGES MA YIN TE, BSKAL DON SHA ZA'I BUM PA TSAD MAS MA DMIGS PA'I PHYIR, ZHES PA 'DI NI MI SNANG BA MA DMIGS PA'I RTAGS YANG DAG YIN LA, MDUN GYI GZHI 'DIR BSKAL DON SHA ZA'I BUM PA YOD NGES 'GOG PA YIN GYI MED NGES SGRUB PA MIN NO ZHE NA MDUN GYI GZHI 'DIR CHOS CAN, BSKAL DON SHA ZA'I BUM PA MED NGES YIN PAR THAL, BSKAL DON SHA ZA'I BUM PA YOD NA DMIGS DGOS PA GANG ZHIG ,BSKAL DON SHA ZA'I BUM PA CHAD MAS MA DMIGS PA'I PHYIR, KHYAB BSAL DANG RTAGS PHYI MA KHAS, RTAGS DANG PO RTAGS SBYOR GYI LDOG KHYAB LA DNGOS, SGRUB PAR YANG NUS TE, DE CHOS CAN, BSKAL DON SHA ZA'I BUM PA YOD NA TSAD MAS DMIGS DGOS PAR THAL, DE YOD NA KUN MKHYEN YE SHES KYIS DMIGS DGOS PA'I PHYIR TE, BSKAL DON SHA ZA'I BUM PA YOD MED GANG RUNG GANG ZHIG ,YOD PA THAMS CAD KUN MKHYEN YE SHES KYIS DMIGS DGOS PA'I PHYIR, GZHAN YANG DE CHOS CAN, BSKAL DON SHA ZA'I BUM PA MED NGES YIN PAR THAL, DE YOD NGES MA YIN PA'I PHYIR, KHYAB PA MED DE, BSKAL DON SHA ZA'I BUM PA YOD NGES KYANG MA YIN MED NGES KYANG MA YIN PA'I PHYIR ZHE NA, CHOS CAN, BSKAL DON SHA ZA'I BUM PA YOD PA YANG MA YIN MED PA YANG MA YIN PAR THAL, DE YOD NGES KYANG MA YIN MED NGES KYANG MA YIN PA'I PHYIR, KHO NA RE 'DOD PA YIN TE, BSKAL DON SHA ZA'I BUM PA YOD PA'ANG THE TSOM ZA MED PA'ANG THE TSOM ZA BA'I PHYIR ZHE NA, CHOS CAN, BSKAL DON SHA ZA'I BUM PA YOD PA MA YIN PA MA YIN PAR THAL, DE YOD PA MA YIN PA LA THE TSOM ZA BA'I PHYIR, DE BZHIN DU DE MED @095A *, ,PA MA YIN PA'ANG MA YIN PAR THAL, DE MED PA LA'ANG THE TSOM ZA BA'I PHYIR, GZHI DER DE YOD PA YANG YIN MED PA YANG YIN ZHES BRJOD NA, CIS 'GOG , GAL TE DNGOS 'GAL BAR NA GNYIS YIN GYI PHUNG GSUM YOD PAR THAL, GZHI DER DE YOD PA YANG YIN MED PA YANG YIN PA'I PHYIR ZHE NA, 'O NA DNGOS 'GAL BAR NA GNYIS MA YIN GYI PHUNG GSUM YOD PAR THAL, GZHI DER NGA YOD PA YANG MA YIN MED PA YANG MA YIN PA'I PHYIR, KHA CIG MDUN GYI GZHI 'DIR CHOS CAN, BSKAL DON SHA ZA'I BUM PA YOD NGES KYI THA SNYAD DON MTHUN MI 'JUG STE, DE TSAD MAS MA DMIGS PA'I PHYIR ZHES PA 'DI MI SNANG BA MA DMIGS PA'I RTAGS YANG DAG YIN NO ZHE NA, CHOS CAN, DE YOD NGES KYI THA SNYAD DON MTHUN KHEGS PAR THAL, DE YOD NGES KYI THA SNYAD DON MTHUN MA 'JUG PA'I PHYIR, RTAGS KHAS, 'DOD NA, DE YOD NGES KHEGS PAR THAL LO, ,DE 'DOD NA, DE YOD PA KHEGS PAR THAL LO, ,'DOD NA, DE MED PAR THAL LO, ,KHA CIG ,CHOS CAN, BSKAL DON SHA ZA'I BUM PA BSKAL DON DU SONG BA'I GANG ZAG GI NGOR BSKAL DON SHA ZA'I BUM PA YOD NGES KYI TSAD MAS DRANGS PA'I BCAD SHES DON MTHUN MI 'JUG STE, DE LTA BU'I GANG ZAG GIS BSKAL DON SHA ZA'I BUM PA TSAD MAS MA DMIGS PA'I PHYIR, ZHES PA 'DI MI SNANG BA MA DMIGS PA'I RTAGS YANG DAG YIN NO ZHE NA, DE YANG MI 'THAD DE, GZHI DER GANG ZAG DES BSKAL DON SHA ZA'I BUM PA TSAD MAS MA DMIGS PAR NGES NAS GZHI DER GANG ZAG DE'I NGOR BSKAL DON SHA ZA'I BUM PA YOD NGES KYI TSAD MAS DRANGS PA'I BCAD SHES DON MTHUN 'JUG MI 'JUG THE TSOM ZA BA'I GANG ZAG MI SRID PA'I PHYIR RO, ,GNYIS PA RANG LUGS BZHAG PA NI, MI SNANG BA MA DMIGS PA'I RTAGS YANG DAG GI MTSAN NYID, MA @95B DMIGS PA'I RTAGS YANG DAG GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS DGAG BYA'I CHOS KYI YUL YOD KYANG BLTAR MI RUNG BA, DPER NA, MDUN GYI GZHI 'DIR CHOS CAN, SHA ZA'I BUM PA BSKAL DON DU SONG BA'I GANG ZAG GI NGOR SHA ZA'I BUM PA YOD NGES KYI BCAD SHES DON MTHUN MI 'JUG STE, SHA ZA'I BUM PA BSKAL DON DU SONG BA'I GANG ZAG GIS SHA ZA'I BUM PA TSAD MAS MA DMIGS PA'I PHYIR, ZHES PA LTA BU YIN LA, 'DI RGYU MA DMIGS PA'I RTAGS YANG DAG YIN TE, CHOS DE YOD NGES KYI BCAD SHES DON MTHUN 'JUG PA LA, CHOS DE DMIGS PA'I TSAD MA SNGON DU 'GRO DGOS PA'I PHYIR, DE SKAD DU'ANG, 'JUG PA BLO SNGON CAN NYID PHYIR, ,ZHES DANG SH'AKYA BLOS, DES NA RGYU MED NA 'BRAS BU MED DO SNYAM DU BSAMS PA YIN NO, ,ZHES GSUNGS SO, ,MDUN GYI GZHI 'DIR CHOS CAN, SHA ZA'I BUM PA BSKAL DON DU SONG BA'I GANG ZAG GI NGOR SHA ZA'I BUM PA YOD CES DAM 'CHA' BA MI RIGS TE, DE LTA BU'I GANG ZAG GIS SHA ZA'I BUM PA TSAD MAS MA DMIGS PA'I PHYIR, ZHES BKOD NA KHYAB BYED MA DMIGS PA'I RTAGS YANG DAG TU 'GYUR BA YIN NO, ,GSUM PA RTZOD SPANG NI, MDUN GYI GZHI 'DIR CHOS CAN, SHA ZA'I BUM PA MED PAR THAL, DE YOD NA DMIGS SU RUNG BA LAS, DE YOD PAR TSAD MAS MA DMIGS PA'I PHYIR RTAGS SNGA MA KHAS, PHYI MA MA GRUB NA, DE CHOS CAN, DE YOD PAR THAL, DE TSAD MAS DMIGS PA'I PHYIR ZHE NA, RTZA BA'I RTAGS PHYI MA LA THE TSOM ZA BA'I PHYIR RO, ,CHOS CAN, BSKAL DON SHA ZA'I BUM PA MED PAR THAL, DE YOD MED GANG RUNG GANG ZHIG, DE YOD PA MA YIN PA'I PHYIR ZHE NA, RTAG MI RTAG DNGOS 'GAL DU NGES SHING SGRA RTAG MI RTAG THE TSOM ZA BA'I GANG ZAG CHOS CAN, KHYOD KYIS SGRA MI RTAG PAR @096A *, ,NGES PAR THAL, SGRA RTAG MI RTAG GANG RUNG DU NGES PA GANG ZHIG ,KHYOD KYIS SGRA RTAG PAR MA NGES PA'I PHYIR, ZUR DANG PO MA GRUB NA, DER THAL, SGRA LA BLO KHA PHYOGS PA GANG ZHIG ,RTAG MI RTAG DNGOS 'GAL DU NGES PA'I PHYIR, GAL TE SHA ZA'I BUM PA BSKAL DON DU SONG BA'I GANG ZAG GIS SHA ZA'I BUM PA TSAD MAS MA DMIGS PA CHOS CAN, MDUN GYI GZHI 'DIR SHA ZA'I BUM PA BSKAL DON DU SONG BA'I GANG ZAG GI NGOR SHA ZA'I BUM PA YOD NGES KYI BCAD SHES DON MTHUN MI 'JUG PAR SGRUB PA'I MI SNANG BA MA DMIGS PA'I RTAGS YANG DAG MA YIN PAR THAL, DE SGRUB KYI SNANG RUNG MA DMIGS PA'I RTAGS YANG DAG YIN PA'I PHYIR TE, DE SGRUB KYI RGYU MA DMIGS PA'I RTAGS YANG DAG YIN PA'I PHYIR, RTAGS KHAS ZHEN, SKYON MED DE, RGYU MA DMIGS PA'I RTAGS YIN NA SNANG RUNG MA DMIGS PA'I RTAGS YIN MI DGOS PA'I PHYIR, YANG DE DE SGRUB KYI RGYU MA DMIGS PA'I RTAGS YANG DAG MIN PAR THAL, SHA ZA'I BUM PA BSKAL DON DU SONG BA'I GANG ZAG GIS SHA ZA'I BUM PA TSAD MAS DMIGS PA DE SHA ZA'I BUM PA BSKAL DON DU SONG BA'I GANG ZAG GIS SHA ZA'I BUM PA YOD NGES KYI BCAD SHES DON MTHUN DE'I RGYU MA YIN PA'I PHYIR ZHE NA, SKYON MED DE, DE DE'I RGYU MA YIN KYANG SPYIR CHOS DE TSAD MAS DMIGS PA DE CHOS DE YOD NGES KYI BCAD SHES DON MTHUN DE'I RGYU YIN PA'I PHYIR, DE LTA MIN NA, GANG ZAG GI BDAG SNANG RUNG MA DMIGS PA DE NYER LEN GYI PHUNG PO GANG ZAG GI BDAG MED PAR SGRUB PA'I RANG BZHIN MA DMIGS PA'I RTAGS YANG DAG MA YIN PAR THAL, GANG ZAG GI BDAG TSAD MAS DMIGS PA DE, GANG ZAG GI BDAG YOD PA'I RANG BZHIN MA YIN PA'I PHYIR, KHYAB RTAGS KHAS, MDUN GYI GZHI 'DIR CHOS CAN, BSKAL DON SHA ZA'I BUM PA @096B BSKAL DON MA YIN PAR THAL, BSKAL DON SHA ZA'I BUM PA YOD NA BLTAR RUNG BA'I PHYIR ZHE NA, SKYON MED DE, BSKAL DON SHA ZA'I BUM PA YOD NA BLTAR RUNG YIN YANG, YOD KYANG TSUR MTHONG GI TSAD MAS BLTAR MI RUNG BAS BSKAL DON DU BRJOD PA'I PHYIR, 'O NA SBYIN SOGS SPYAD PA LAS BDE BA 'BYUNG BA CHOS CAN, BSKAL DON YIN PAR THAL, YOD KYANG TSUR MTHONG GI TSAD MAS BLTAR MI RUNG BA'I PHYIR ZHE NA, MA GRUB STE, TSUR MTHONG GI MNGON SUM TSAD MAS BLTAR MI RUNG YANG RJES DPAG TSAD MAS BLTAR RUNG BA'I PHYIR, GAL TE MI SNANG BA MA DMIGS PA'I RTAGS YANG DAG 'JUG PA'I SKABS MED PAR THAL, MDUN GYI GZHI 'DIR BSKAL DON SHA ZA'I BUM PA TSAD MAS MA DMIGS PAR MA GRUB PA'I PHYIR ZHE NA, SKYON MED DE, SPYIR TSAD MAS MA DMIGS PAR MA GRUB KYANG, BSKAL DON SHA ZA'I BUM PA BSKAL DON DU SONG BA'I GANG ZAG GIS BSKAL DON SHA ZA'I BUM PA TSAD MAS MA DMIGS PAR GRUB PA'I PHYIR, MDUN GYI GZHI 'DIR BSKAL DON SHA ZA'I BUM PA TSAD MAS MA DMIGS PAR GRUB NA, MI SNANG BA MA DMIGS PA'I RTAGS 'JUG PA'I SKABS MI SRID DGOS TE, DER DE TSAD MAS MA DMIGS PAR GRUB NA, DER DE KUN MKHYEN GYI YE SHES KYIS MA DMIGS PAR GRUB DGOS LA, DE LTAR NA, DER DE MED PAR NGES DGOS PA'I PHYIR TE, THAMS CAD MKHYEN PA'I YE SHES KYIS GZIGS PA LOG PA NI THAMS CAD DU MED PA GO BAR BYED PA YIN PA'I PHYIR, MI SNANG BA MA DMIGS PA'I RTAGS BKOD PA'I DGOS PA NI, RGYANG 'PHEN GYIS THAR PA DANG THAMS CAD MKHYEN PA SOGS MED DE, DE MA DMIGS PA'I PHYIR ZHES ZER BA LA, SPYIR TSAD MAS MA DMIGS PA RTAGS SU 'GOD DAM, RGYANG 'PHEN GYI TSAD MAS MA DMIGS PA RTAGS SU 'GOD, DANG PO LTAR NA, RTAGS MA GRUB LA, GNYIS PA LTAR NA, THAR PA DANG THAMS CAD MKHYEN PA MED @097A *, ,DE; DE YOD NA RGYANG 'PHEN GYI TSAD MAS DMIGS SU RUNG BA LAS, YOD PAR TSAD MAS MA DMIGS PA'I PHYIR ZHES ZER RAM, SPYIR RGYANG 'PHEN GYI TSAD MAS MA DMIGS PA'I PHYIR ZHES ZER, DANG PO LTAR NA, RTAGS MA GRUB LA, GNYIS PA LTAR NA, THAR PA DANG THAMS CAD MKHYEN PA SOGS LA RGYANG 'PHEN GYIS YOD NGES KYI BCAD SHES DON MTHUN MI 'JUG STE, THAR PA DANG THAMS CAD MKHYEN PA RGYANG 'PHEN GYI TSAD MAS MA DMIGS PA'I PHYIR, ZHES PA TZAM ZHIG 'GOD PAR RIGS KYI, THAR PA DANG THAMS CAD MKHYEN PA MED DE, THAR PA DANG THAMS CAD MKHYEN PA RGYANG 'PHEN GYI TSAD MAS MA DMIGS PA'I PHYIR, ZHES 'GOD DU MI RUNG BAR RTOGS PA'I PHYIR DU MI SNANG BA MA DMIGS PA'I RTAGS YANG DAG BSTAN PA YIN NO, ,GNYIS PA SNANG RUNG MA DMIGS PA'I RTAGS LA GNYIS, MTSAN NYID, DBYE BA'O, ,DANG PO NI, SNANG RUNG MA DMIGS PA'I RTAGS YANG DAG GI MTSAN NYID, MA DMIGS PA'I RTAGS YANG DAG GANG ZHIG ,RANG PHYOGS CHOS CAN DU SONG BA'I GANG ZAG GI TSAD MA LA DE SGRUB KYI DGAG BYA'I CHOS KYI YUL DE YOD NA BLTAR RUNG BA, GNYIS PA LA GNYIS, 'BREL ZLA MA DMIGS PA DANG, 'GAL ZLA DMIGS PA'I RTAGS SO, ,DANG PO 'BREL ZLA MA DMIGS PA'I RTAGS YANG DAG GI MTSAN NYID, MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS KYI 'BREL ZLA BKAG PA RTAGS SU SBYAR BA, DBYE NA, RGYU, KHYAB BYED, RANG BZHIN, DNGOS 'BRAS MA DMIGS PA'I RTAGS BZHI LAS, DANG PO RGYU MA DMIGS PA'I RTAGS YANG DAG GI MTSAN NYID, DE SGRUB KYI 'BREL ZLA MA DMIGS PA'I RTAGS YANG DAG GANG ZHIG ,DE SGRUB KYI DGAG BYA'I CHOS KYI RGYU BKAG PA RTAGS SU SBYAR BA, DPER NA, ME MED MTSAN MO'I RGYA MTSO NA CHOS CAN, DU BA MED DE, ME MED PA'I PHYIR, ZHES PA @097B LTA BU'O, ,DE SGRUB KYI KHYAB BYED MA DMIGS PA'I RTAGS YANG DAG GI MTSAN NYID, GANG ZHIG ,DE SGRUB KYI DGAG BYA'I CHOS KYI BDAG GCIG PA'I KHYAB BYED BKAG PA RTAGS SU SBYAR BA, DPER NA, PO RDZA STUG PO DANG LDAN PA'I SHING GIS DAG PA'I BRAG RDZONG ? NA CHOS CAN, SHA PA MED DE, SHING MED PA'I PHYIR ZHES PA LTA BU'O, ,KHA CIG ,DE'I DPER BRJOD SHING GIS DAG PA'I BRAG RDZONG NA CHOS CAN, SHING SHA PA MED DE, SHING MED PA'I PHYIR, ZHES 'GOD PA MI 'THAD DE, GZHI DER SHING MED PAR NGES NA, GZHI DER SHING SHA PA MED PAR NGES DGOS PA'I PHYIR RO, ,GSUM PA RANG BZHIN MA DMIGS PA'I RTAGS YANG DAG GI MTSAN NYID, DE GANG ZHIG ,DE SGRUB KYI DGAG BYA'I CHOS KYI RANG BZHIN BKAG PA RTAGS SU SBYAR BA, DPER NA, BUM PA SNANG RUNG MA DMIGS PA'I SA PHYOGS NA CHOS CAN, BUM PA MED DE, BUM PA SNANG RUNG MA DMIGS PA'I PHYIR, ZHES PA LTA BU'O, ,KHA CIG BUM PAS DAG PA'I SA PHYOGS CHOS CAN, BUM PA MED PA'I THA SNYAD BYAR RUNG YIN TE, BUM PA SNANG RUNG MA DMIGS PA'I PHYIR ZHES BYA BA 'DI, MTSAN NYID RTAGS SU BKOD NAS MTSON BYA SGRUB PA'I RANG BZHIN MA DMIGS PA'I RTAGS YANG DAG YIN NO ZHE NA, BUM PA CHOS CAN, BUM PA SNANG RUNG MA DMIGS PAR THAL, BUM PA MED PA'I THA SNYAD BYA RUNG YIN PA'I PHYIR TE, BUM PA MED PA'I BRJOD PA SGRA'I THA SNYAD BYAR RUNG YIN PA'I PHYIR TE, BUM PA MED CES PA'I SGRA DE DON THAMS CAD LA 'JUG RUNG YIN PA'I PHYIR, GAL TE, CHOS CAN, BUM PA MED PA'I THA SNYAD BYAR RUNG MA YIN PAR THAL, BUM PA MED PA MA YIN PA'I PHYIR ZHE NA, CHOS CAN, ZLA BA ZHES PA'I THA SNYAD BYA RUNG MA YIN PAR THAL, ZLA BA MA YIN PA'I PHYIR, KHYAB PA KHAS, 'DOD MI NUS TE, BLA BA'I SGRAS BRJOD RUNG YIN PA'I PHYIR, KHA CIG ,RGYU LAS @098A *, ,'BRAS BU SGRUB PAS NA, ,ZHES SOGS KYI SKABS SU, BUM PAS DAG PA'I SA PHYOGS CHOS CAN, BUM MED KYI SHES BRJOD THA SNYAD DON MTHUN 'JUG RUNG YIN TE, DE'I RGYU TSOGS GRANGS TSANG YIN PA'I PHYIR ZHES PA RANG BZHIN MA DMIGS PA'I RTAGS SU BYAS NAS, RANG BZHIN MA DMIGS PA'I GTAN TSIGS CHOS CAN, PHYOGS CHOS CAN GYI RAB DBYE 'CHAD PA'I SKABS SU, RANG BZHIN RTAGS KYI DPER BRJOD LAS THA DAD PAR MA BSTAN PA LA RGYU MTSAN YOD DE, RANG BZHIN RTAGS KYI NANG DU 'DUS PA'I PHYIR TE, RGYU TSOGS GRANGS TSANG GI RTAGS LAS 'BRAS BU 'BYUNG RUNG SGRUB PA'I GTAN TSIGS YIN PA'I PHYIR, ZHES 'CHAD PA MI 'THAD DE, RANG BZHIN MA DMIGS PA'I RTAGS YANG DAG YIN NA, DGAG RTAGS YANG DAG GI MTSAN GZHI YIN DGAS LA, RGYU TSOGS GRANGS TSANG GIS 'BRAS BU 'BYUNG RUNG DPOG PA DGAG RTAGS YANG DAG MA YIN PA'I PHYIR, KHA CIG NA RE, RANG BZHIN MA DMIGS PA'I RTAGS YANG DAG YIN NA RANG BZHIN GYI RTAGS YANG DAG YIN TE, DE RANG BZHIN RTAGS KYI NANG DU 'DUS PA'I PHYIR TE, 'DI NI RANG BZHIN NANG 'DUS PHYIR, ,ZHES GSUNGS PA'I PHYIR ZHE NA, 'O NA DGAG RTAGS YANG DAG YIN NA, RANG BZHIN MA DMIGS PA'I RTAGS YANG DAG YIN DGOS PAR THAL, DE YIN NA RANG BZHIN MA DMIGS PA'I RTAGS YANG DAG GI NANG DU 'DUS PA'I PHYIR TE, RIGS THIGS LAS, 'BRAS BU MA DMIGS PA LA SOGS PA'I SBYOR BA BCU PO DE DAG THAMS CAD NI RANG BZHIN MA DMIGS PA'I NANG DU 'DU BAR 'GYUR RO, ,ZHES GSUNGS PA'I PHYIR, 'DOD NA, DGAG RTAGS YANG DAG YIN NA, RANG BZHIN GYI RTAGS YANG DAG YIN DGOS PAR THAL, 'DOD PA GANG ZHIG ,RANG BZHIN MA DMIGS PA'I RTAGS YANG DAG YIN NA, RANG BZHIN @098B GYI RTAGS YANG DAG YIN DGOS PA'I PHYIR, 'DOD NA, DGAG RTAGS YANG DAG YIN NA SGRUB RTAGS YANG DAG YIN DGOS PAR THAL LO, ,GAL TE RANG BZHIN MA DMIGS PA'I RTAGS NI DGAG PA'I YUL CAN GYI THA SNYAD SGRUB PA'I RTAGS LA DGAG PA'I RTAGS ZHES BTAGS PA TZAM YIN GYI DGAG PA'I GTAN TSIGS MA YIN TE, RANG 'GREL LAS, DGAG PA'I YUL CAN GYI THA SNYAD KYI GTAN TSIGS LA DE'I GTAN TSIGS ZHES BSHAD DE, ,ZHES GSUNGS PA'I PHYIR ZHE NA, DA NI DON MA YIN TE, SNGAR RGYU KHYAB BYED RANG BZHIN MA DMIGS PA GSUM GA DGAG PA'I GTAN TSIGS SU BSTAN PA LA, 'O NA DGAG PA'I DON DANG THA SNYAD GANG SGRUB SNYAM NA, RANG BZHIN MA DMIGS PAS DGAG PA'I THA SNYAD TZAM SGRUB KYI DON SGRUB PA MA YIN TE, CHOS DE SNANG RUNG MA DMIGS PA NYID RTAGS SU BKOD NAS CHOS DE MED PA SGRUB PAR BYED PA'I PHYIR, RGYU KHYAB BYED MA DMIGS PAS DGAG PA'I DON DANG THA SNYAD GNYIS KA SGRUB PAR BYED PA YIN NO, ,ZHES BSHAD PAR BYA BA YIN TE, RANG 'GREL LAS, DMIGS PAR NI RIGS LDAN DE MI DMIGS PAR YANG DGAG PA'I GTAN TSIGS YIN NO, ,DGAG PA'I THA SNYAD KYI YUL CAN GYI GTAN TSIGS LA DE'I GTAN TSIGS ZHES BSHAD DE, DE LTA BU MA DMIGS PA NI RANG NYID KYIS 'GOG PA'I NGO BO YIN PA'I PHYIR RO, ,RGYU DANG KHYAB PAR BYED PA MA DMIGS PA NI GNYIS KA'I YANG GTAN TSIGS YIN NO ZHES GSUNGS PA'I PHYIR RO, ,'O NA RANG BZHIN MA DMIGS PAS THA SNYAD 'BA' ZHIG SGRUB NA, GRUB ZIN GYI DON DANG BSGRUB RGYU'I THA SNYAD GANG ZHE NA, KHA CIG NA RE, BUM PAS DAG PA'I SA PHYOGS SU BUM MED NI GRUB ZIN GYI DON DANG, BUM PA MED PA'I SHES BRJOD KYI THA SNYAD NI BSGRUB RGYU'I THA SNYAD YIN PAS, BUM PAS DAG PA'I SA PHYOGS @099A *, ,CHOS CAN, BUM PA MED PA'I THA SNYAD BYAR RUNG STE, BUM PA SNANG RUNG MA DMIGS PA'I PHYIR ZHES 'GOD PAR BYA BA YIN GYI BUM PA MED DE, BUM PA SNANG RUNG MA DMIGS PA'I PHYIR, ZHES 'GOD PAR BYA BA MA YIN TE, PHYOGS CHOS GRUB PA'I TSE BSGRUB BYA GRUB ZIN PAR 'GYUR PA'I PHYIR ZHES ZER, PHYOGS CHOS GRUB PA'I TSE BSGRUB BYA GRUB ZIN PA'I NYES PA KHYED RANG LA'ANG MTSUNGS TE, BUM PAS DAG PA'I SA PHYOGS BUM MED KYI THA SNYAD BYA RUNG DU SGRUB DGOS KYI PHYI RGOL CHOS CAN, BUM PAS DAG PA'I SA PHYOGS SU BUM PA MED PA'I NGES PA BLO'I THA SNYAD GRUB ZIN PAR THAL, DER BUM PA MED PA GRUB ZIN PA'I PHYIR, RTAGS KHAS, 'DOD NA, CHOS CAN, DER BUM PA MED PA'I BRJOD PA SGRA'I THA SNYAD GRUB ZIN PAR THAL, 'DOD PA GANG ZHIG ,BUM PA MED CES SMRA SHES PA'I PHYIR, 'DOD NA, CHOS CAN, DER BUM PA MED PA'I THA SNYAD GRUB ZIN PAR THAL, DER BUM PA MED PA'I NGES PA BLO'I THA SNYAD DANG BRJOD PA SGRA'I THA SNYAD GRUB ZIN PA'I PHYIR, GZHAN YANG, DER BUM PA MED PA'I THA SNYAD BYAR RUNG STE, BUM PA SNANG RUNG MA DMIGS PA'I PHYIR, ZHES PA RANG BZHIN MA DMIGS PA'I RTAGS SU BYED PA MI 'THAD DE, BUM PA MED PA'I THA SNYAD BYA RUNG MED DGAG MA YIN PA'I PHYIR, 'O NA RGYU MTSAN CAN GYI SGRA SHES SGRUB, ,CES PA DANG 'GAL LO ZHE NA, MI 'GAL TE, RGYU MTSAN CAN GYI SGRA SHES SGRUB, ,CES PA SBYOR BA 'CHAD PA'I DBANG DU BYAS PA YIN GYI SBYOR BA 'GOD PA'I TSE, RIGS THIGS LAS, RANG BZHIN MA DMIGS PA NI DPER NA, 'DI NA DU BA MED DE, DMIGS PA'I RIG BYAR GYUR BA LAS MA DMIGS PA'I PHYIR RO ZHES BYA BA LTA BU'O, ,ZHES DANG 'DIR YANG DPER NA, SREG PAR BYED PA MA YIN PHYIR, ,ME MA YIN ZHES BYA BA BZHIN, ,ZHES DANG, RANG 'GREL LAS GSUNGS @099B KYI; SBYOR BA 'GOD PA'I CHE THA SNYAD BYAR RUNG STE, ZHES BKOD PA MED DO, ,RANG LUGS LA, BUM PA SNANG RUNG MA DMIGS PA'I SA PHYOGS CHOS CAN, BUM PA MED DE, BUM PA SNANG RUNG MA DMIGS PA'I PHYIR, ZHES BKOD PA'I TSE NA GZHI DER BUM PA SNANG RUNG MA DMIGS PA GRUB ZIN GYI DON DANG, GZHI DER BUM PA MED PA BSGRUB RGYU'I THA SNYAD YIN NO, ,RTAGS 'DI'I KHYAB PA MNGON SUM GYIS GRUB LA, PHYOGS CHOS SGRUB BYED KYI TSAD MA LA KHA CIG NA RE, DAG 'DZIN MNGON SUM GYIS BUM PA SNANG RUNG MA DMIGS PA'I SA PHYOGS SU BUM PA SNANG RUNG MA DMIGS PA GRUB PA YIN GYI DE RTOGS PA MA YIN TE, BUM PA SNANG RUNG MA DMIGS PA DNGOS MED YIN PA'I PHYIR, KHYAB STE, MED LA DBANG SKYES BLO MIN TE, ,ZHES GSUNGS PA'I PHYIR ZHES ZER, 'O NA BUM PA SNANG RUNG MA DMIGS PA'I SA PHYOGS SU BUM PA SNANG RUNG MA DMIGS PA RTOGS PA'I TSAD MA MED PAR THAL, DER DE MNGON SUM GYIS KYANG MA RTOGS, RJES DPAG GIS KYANG MA RTOGS PA'I PHYIR, RTAGS DANG PO KHAS, PHYI MA MA GRUB NA, BUM PA SNANG RUNG MA DMIGS PA'I SA PHYOGS SU BUM PA MED PA'I SGRUB BYED THUG MED DU 'GYUR RO, ,DES NA SA PHYOGS DAG PA BA 'DZIN PA'I DAG 'DZIN MNGON SUM GYIS, SA PHYOGS DER BUM PA SNANG RUNG MA DMIGS PA RTOGS PA YIN TE, DE LA BRTEN NAS SA PHYOGS 'DI NI DMIGS SO ZHES PA'AM, BUM PA 'DI NI MA DMIGS SO SNYAM PA'I RTOG PA DON MTHUN GNYIS 'DREN PA'I PHYIR, DAG 'DZIN MNGON SUM DES SA PHYOGS DE DNGOS SU RTOGS PA'I SHUGS LA BUM PA SNANG RUNG MA DMIGS PA RTOGS PA YIN NO, ,MED LA DBANG SKYES BLO MIN TE, ,ZHES GSUNGS PA DANG MI 'GAL TE, DES MED DGAG DBANG PO'I MNGON SUM GYI DNGOS YUL MIN PAR BSTAN PA TZAM YIN PA'I PHYIR, BZHI PA DNGOS 'BRAS MA DMIGS PA'I RTAGS YANG DAG GI MTSAN NYID, 'BREL ZLA MA DMIGS PA'I RTAGS YANG DAG GANG ZHIG, @100A *, ,DGAG BYA'I CHOS KYI DNGOS 'BRAS BKAG PA RTAGS SU SBYAR BA, DPER NA, DU BA MED PA'I MTHA' BZHI KUN NAS BSKOR BA'I DANG RA BLA GAB MED PA NA CHOS CAN, DU RGYU NUS PA THOGS MED MED DE, DU BA MED PA'I PHYIR ZHES BA LTA BU'O, ,GNYIS PA 'GAL ZLA DMIGS PA LA GNYIS, DNGOS DANG, 'GAL BA NGES BYED KYI TSAD MA BSHAD PA'O, ,DANG PO NI, 'GAL ZLA DMIGS PA'I RTAGS YANG DAG GI MTSAN NYID, MA DMIGS PA'I RTAGS YANG DAG GANG ZHIG ,DGAG BYA'I CHOS KYI 'GAL ZLA DMIGS PA RTAGS SU SBYAR BA, DBYE NA LHAN CIG MI GNAS 'GAL LA BRTEN PA'I 'GAL ZLA DMIGS PA'I RTAGS YANG DAG DANG, PHAN TSUN SPANG 'GAL LA BRTEN PA'I 'GAL ZLA DMIGS PA'I RTAGS YANG DAG GNYIS, DANG PO'I MTSAN NYID, 'GAL ZLA DMIGS PA'I RTAGS YANG DAG GANG ZHIG ,DGAG BYA'I CHOS DANG LHAN CIG MI GNAS 'GAL LA BRTEN PA'I SGO NAS MI MTHUN PAR GNAS PA, DBYE NA RNAM 'GREL LAS, RGYU 'GAL DMIGS KHYAB BYED 'GAL DMIGS, RANG BZHIN 'GAL DMIGS, 'GAL 'BRAS DMIGS PA, 'BRAS BU 'GAL DMIGS, RGYU DANG 'GAL BA'I 'BRAS BU DMIGS PA STE DRUG BSHAD, DPER BRJOD RIM PA BZHIN, ME STOBS CHEN PAS KHYAB PAR NON PA'I SHAR PHYOGS CHOS CAN, GRANG 'BRAS SPU LONG BYED STOBS CHEN RGYUN CHAGS PA MED DE, ME STOBS CHEN PAS KHYAB PAR NON PA'I PHYIR ZHES DANG, DE CHOS CAN, BA MO'I REG PA STOBS CHEN RGYUN CHAGS PA MED DE, ME STOBS CHEN PAS KHYAB PAR NON PA'I PHYIR, ZHES PA DANG, DE CHOS CAN, GRANG REG STOBS CHEN RGYUN CHAGS PA MED DE, ME STOBS CHEN PAS KHYAB PAR NON PA'I PHYIR, ZHES PA DANG, DU BA DRAG 'PHYUR BAS KHYAB PAR NON PA'I SHAR PHYOGS CHOS CAN, GRANG REG STOBS CHEN RGYUN CHAGS PA MED DE, DU BA DRAG 'PHYUR BAS KHYAB @100B PAR NON PA'I PHYIR ZHES PA DANG, ME STOBS CHEN PAS KHYAB PAR NON PA'I SHAR PHYOGS CHOS CAN, GRANG RGYU NUS PA THOGS MED MED DE, ME STOBS CHEN PAS KHYAB PAR NON PA'I PHYIR ZHES PA DANG, DU BA DRAG 'PHYUR BAS KHYAB PAR NON PA'I SHAR PHYOGS CHOS CAN, GRANG 'BRAS SPU LONG BYED STOBS CHEN RGYUN CHAGS PA MED DE, DU BA DRAG 'PHYUR BAS KHYAB PAR NON PA'I PHYIR, ZHES PA LTA BU'O, ,PHAN TSUN SPANG 'GAL LA BRTEN PA'I 'GAL ZLA DMIGS PA'I RTAGS YANG DAG GI MTSAN NYID, 'GAL ZLA DMIGS PA'I RTAGS YANG DAG GANG ZHIG ,DGAG BYA'I CHOS DANG PHAN TSUN SPANG 'GAL LA BRTEN PA'I SGO NAS MI MTHUN PAR GNAS PA DBYE NA, NGES PAS LTOS PA 'GOG PA DANG, LTOS PAS NGES PA 'GOG PA'I 'GAL ZLA DMIGS PA'I RTAGS YANG DAG GNYIS, DPER BRJOD RIM PA BZHIN, BUM PA CHOS CAN, 'JIG PA PHYIS RGYU DON GZHAN LA LTOS PA MED DE, RANG GRUB TZAM NAS 'JIG NGES YIN PA'I PHYIR, ZHES PA DANG, GOS DKAR PO CHOS CAN, RANG GRUB TZAM NAS TSON CAN DU MA NGES TE, TSON CAN DU 'GYUR BA PHYIS 'BYUNG GI RGYU LA LTOS PA'I PHYIR ZHES PA LTA BU'O, ,GNYIS PA 'GAL BA NGES BYED KYI TSAD MA BSHAD PA NI, LHAN CIG MI GNAS 'GAL DANG, PHAN TSUN SPANG 'GAL LA BRTEN PA'I 'GAL ZLA DMIGS PA'I RTAGS 'DI GNYIS KYI KHYAB 'BREL 'GRUB PA, LHAN CIG MI GNAS 'GAL DANG, PHAN TSUN SPANG 'GAL RTOGS PA LA RAG LAS PA YIN PAS, 'DI LA GSUM, MTSAN NYID, DBYE BA, 'GAL BA RTOGS PA'I DGOS PA'O, ,DANG PO LA, KHA CIG RNAM NGES LAS BSGRUB PAR BYA BA LA GNOD PAR BYED PA KHO NA 'GAL BA YIN NO, ,ZHES GSUNGS PAS, CHOS DE DANG 'GAL NA 'GOG PAS, SNGO SER LTA BU THA DAD PA TZAM YIN GYI 'GAL BA MA YIN NO ZHE NA, 'O NA RTAG MI RTAG GNYIS PHAN TSUN 'GOG NUS PAR THAL, DE GNYIS PHAN TSUN @101A *, ,'GAL BA'I PHYIR, KHYAB PA KHAS, 'DOD NA, DE GNYIS PHAN TSUN DNGOS SU 'GOG NUS PAR THAL, PHAN TSUN 'GOG NUS PA GANG ZHIG ,DE GNYIS RGYUD 'GAL MA YIN PA'I PHYIR, 'DOD NA, RTAG MI RTAG GNYIS GANG STOBS CHE, RTAG PA STOBS CHE NA MI RTAG PAS RTAG PA DNGOS SU 'GOG MI NUS PAR THAL LO, ,MI RTAG PA STOBS CHE NA RTAG PAS MI RTAG PA DNGOS SU 'GOG MI NUS PAR THAL LO, ,GAL TE DE GNYIS GZHI GANG RUNG LA MA BRTEN PAR DNGOS 'GAL DU NGES MI NUS LA, CHOS CAN SGRA LTA BU GCIG GI STENG DU MI RTAG PAS RTAG PA LA DNGOS SU GNOD PA DANG, CHOS CAN 'DUS MA BYAS KYI NAM MKHA' LTA BU'I STENG DU RTAG PAS MI RTAG PA LA DNGOS SU GNOD PAS, DE GNYIS DNGOS 'GAL YIN NO ZHE NA, 'O NA SNGO SER 'GAL BAR THAL, SNGON POS BEEd'UR YA'I ? KHA DOG SER PO YIN PA 'GOG NUS, SER POS GSER GYI KHA DOG SNGON PO YIN PA 'GOG NUS PA'I PHYIR, 'KHOR GSUM, GAL TE 'GAL NA 'GOG MI DGOS NA, BSGRUB PAR BYA BA LA GNOD PAR BYED PA KHO NA 'GAL BA YIN NO ZHES GSUNGS PA JI LTAR DRANG ZHE NA, GZHUNG DES BSGRUB PAR BYA BA LA GNOD PAR BYED PA'I RTAGS KHO NA 'GAL RTAGS YIN PAR BSTAN TO, ;RANG LUGS LA, 'GAL BA'I MTSAN NYID ,THA DAD GANG ZHIG GZHI MTHUN MI SRID PA, GNYIS PA DBYE BA LA GNYIS, LHAN CIG MI GNAS 'GAL DANG, PHAN TSUN SPANG 'GAL LO, ,DANG PO LA GNYIS, GZHAN LUGS DGAG ,RANG LUGS BZHAG PA'O, ,DANG PO NI, SLOB DPON PHYVA PA ? NA RE, LHAN CIG MI GNAS 'GAL GYI GNOD BYA LA GNOD PA'I TSUL LA, RANG GI NGO BOS GNOD PA'I TSUL DANG, RGYUS GNOD PA'I TSUL LO, ,DANG PO NI, TSA REG GIS GRANG REG LA GNOD PA LTA BU'O, ,GNYIS PA LA DNGOS RGYUS GNOD PA'I TSUL DANG, BRGYUD RGYUS GNOD PA'I TSUL GNYIS, @101B DANG PO NI, SBYOR LAM CHOS MCHOG CHEN POS, MTHONG SPANG GI SA BON LA DNGOS SU GNOD PA LTA BU YIN LA, GNYIS PA NI, SNANG BA'I BRGYUD RGYUS MUN PA LA GNOD PA LTA BU'O, ,DE YANG 'DAS LAM GYIS SPANG BYA LA GNOD PA'I TSUL DANG, SNANG BAS MUN PA LA GNOD TSUL MI MTHUN PA'I RGYU MTSAN NI, MTHONG LAM BAR CHAD MED LAM GYI DUS SU MTHONG SPANG GI SA BON 'GAGS NA, MTHONG LAM BAR CHAD MED LAM GYI DUS SU 'GOG PA THOB DGOS LA DE LTAR NA, MTHONG LAM PAR CHAD MED LAM DANG 'GOG BDEN DUS MNYAM DU 'GYUR BAS, MTHONG LAM BAR CHAD MED LAM GYI DUS NA MTHONG SPANG GI SA BON YOD LA, MTHONG SPANG GI SA BON LA MTHONG LAM BAR CHAD MED LAM GYIS DNGOS SU GNOD NA RGYU 'BRAS DUS MNYAM DU THAL BA'I SKYON YOD DE, GNYEN POS SPANG BYA LA DNGOS SU GNOD PA'I DON NI SPANG BYA RIGS 'DRA PHYI MA SKYED PA'I NUS MED DU BYED PA YIN PA'I PHYIR, DES NA SBYOR LAM CHOS MCHOG CHEN POS MTHONG SPANG GI SA BON LA DNGOS SU GNOD PA YIN NO, ,SNANG BA SKYES PA'I TSE MUN PA 'GAGS DGOS LA, SNANG BA'I DNGOS RGYUS MUN PA LA GNOD NA, RGYU 'BRAS DUS MNYAM DU 'GYUR BAS SNANG BA'I BRGYUD RGYUS MUN PA LA GNOD PA YIN NO, ,ZHES GSUNG NGO; ;MTHONG LAM SDUG BSNGAL CHOS BZOD KYIS MTHONG SPANG GI SA BON DNGOS SU SPONG MI NUS PAR SBYOR LAM CHOS MCHOG CHEN POS DNGOS SU SPONG NUS PAR THAL, MTHONG LAM SDUG BSNGAL CHOS BZOD KYIS MTHONG SPANG RIGS 'DRA PHYI MA SKYED PA'I NUS MED DU DNGOS SU SKYED MI NUS PAR SBYOR LAM CHOS MCHOG CHEN POS MTHONG SPANG RIGS 'DRA PHYI MA SKYED PA'I NUS MED DU DNGOS SU SKYED PA'I PHYIR, RTAGS KHYAB KHAS, 'DOD NA, SGOM LAM BAR CHAD MED LAM GYIS RANG GI NGO SKAL GYI SPANG BYA'I SA BON DNGOS SU SPONG MI NUS PAR THAL, MTHONG LAM BAR CHAD MED LAM GYIS @102A *, ,RANG GI NGO SKAL GYI SPANG BYA'I SA BON DNGOS SU SPONG MI NUS PA'I PHYIR, 'DOD NA, ZAG MED BAR CHAD MED LAM GYIS RANG GI NGO SKAL GYI SPANG BYA'I SA BON DNGOS SU SPONG MI NUS PAR THAL, MTHONG LAM BAR CHAD MED LAM DANG SGOM LAM BAR CHAD MED LAM GYIS RANG GI NGO SKAL GYI SPANG BYA'I SA BON DNGOS SU SPONG MI NUS PA'I PHYIR, 'DOD NA, ZAG MED KYI LAM GANG GIS KYANG RANG GI NGO SKAL GYI SPANG BYA'I SA BON DNGOS SU SPONG NUS PA MED PAR THAL, ZAG MED BAR CHAD MED LAM DANG ZAG MED RNAM GROL LAM GANG GIS KYANG RANG GI NGO SKAL GYI SPANG BYA'I SA BON DNGOS SU SPONG MI NUS PA'I PHYIR, GZHAN YANG, SO SKYE'I RGYUD LA SGRIB GNYIS KYI SA BON DNGOS SU SPONG BA'I GNYEN PO YOD PAR THAL, SBYOR LAM CHOS MCHOG CHEN POS, MTHONG LAM BAR CHAD MED LAM GYI NGO SKAL GYI SPANG BYA'I SA BON DNGOS SU SPONG NUS PA'I PHYIR, RTAGS KHAS, 'DOD NA, BDAG MED MNGON SUM GYIS MA RTOGS PAR 'GOG BDEN THOB PA YOD PAR THAL LO, ,GZHAN YANG, SBYOR LAM CHOS MCHOG CHEN PO CHOS CAN, MTHONG LAM BAR CHAD MED LAM GYI NGO SKAL GYI SPANG BYA'I SA BON DNGOS SU SKYED PAR THAL, DE'I NGO SKAL GYI SPANG BYA'I SA BON RIGS 'DRA PHYI MA SKYED PA'I NUS MED DU DNGOS SU SKYED PA'I PHYIR, RTAGS KHAS, 'DOD NA, DE LA DNGOS SU PHAN 'DOGS NUS PAR THAL LO, ,'DOD NA, DE LA DNGOS SU GNOD BYED MA YIN PAR THAL LO, ,RTAGS BSAL KHAS SO, ,GNYIS PA RANG LUGS BZHAG PA LA GSUM, MTSAN NYID DANG, DBYE BA DANG, GNOD BYA LA GNOD TSUL LO, ,DANG PO NI, LHAN CIG MI GNAS 'GAL GYI MTSAN NYID, RGYUN GCAD BYA GCOD BYED KYI SGO NAS MI MTHUN PAR GNAS PA, KHA CIG ,LHAN CIG MI GNAS 'GAL GNOD BYED KHO NAR 'DOD PA MI 'THAD DE, SNANG MUN LTA BU LHAN CIG MI GNAS @102B 'GAL YIN PA'I PHYIR, GNYIS PA NI DBYE NA, DNGOS SU GNOD PA DANG, BRGYUD NAS GNOD PA GNYIS, DANG PO NI, MUN PA LA DNGOS SU GNOD BYED KYI MAR ME DANG MUN PA LTA BU'O, ,GNYIS PA NI, YUL RING BA NAS RIM GYIS 'ONGS PA'I MAR ME SKAD CIG DANG PO DANG MUN PA LTA BU'O, ,GSUM PA LA GNYIS, 'DAS LAM GYIS SPANG BYA LA GNOD TSUL DANG, TSA RIG GIS GRANG REG LA GNOD TSUL SOGS BSTAN PA'O, ,DANG PO LA GSUM, DPE BSHAD PA DANG, SKABS DON LA SBYAR BA DANG, RTZOD PA SPANG BA'O, ,DANG PO NI, KHANG PHUGS NA YUN RING DU MUN PA GNAS PA LA SGO GSEB NAS RIM GYIS MAR ME'I 'OD 'ONGS PA'I TSE SKAD CIG DANG PO LA MUN PA RGYU MA TSANG BA MED PAR YOD LA, SKAD CIG GNYIS PA LA MUN PA'I RGYU DANG YUL 'DAB 'BYAR DU YOD PA'I MAR MES MUN PA RIGS 'DRA PHYI MA SKYED PA'I NUS MED DU BYED LA, SKAD CIG GSUM PA LA MAR ME SKYES PA DANG MUN PA 'GAGS PA DUS MNYAM PA YIN NO, ,GNYIS PA NI, DE BZHIN DU MTHONG LAM BAR CHAD MED LAM GYI NGO SKAL GYI SPANG BYA'I SA BON THA MA DE, SBYOR LAM CHOS MCHOG CHEN PO'I DUS NA YOD LA, DE'I TSE MTHONG LAM BAR CHAD MED LAM SKYE BA LA MNGON DU PHYOGS PA DANG, DE'I NGO SKAL GYI SPANG BYA'I SA BON 'GAG PA LA MNGON DU PHYOGS PA DUS MNYAM ZHING, DE SKYES PA DANG DE'I SPANG BYA'I SA BON 'GAGS PA DUS MNYAM PA YIN NO, ,DE'I DUS NA DE'I NGO SKAL GYI SPANG BYA'I SA BON MED PA DE RKYEN MA TSANG BA'I DBANG GIS YIN GYI DE SPANGS PA'I SO SOR BRTAGS 'GOG THOB PA MIN TE, DE SPANGS PA'I SO SOR BRTAGS 'GOG THOB PA LA LAM GYI BDEN PA SNGON DU 'GRO DGOS PA'I PHYIR RO, ,DES NA MTHONG LAM BAR CHAD MED LAM GYI DUS NA DE'I NGO SKAL GYI SPANG BYA'I SA BON MED KYANG ZAD PAR SPANGS PA NI MA YIN NO, ,DES MTSON NAS RGYUN MTHA'I BAR CHAD MED LAM GYI DUS NA GNAS NGAN LEN @103A *, ,GYI DRI MA MED KYANG, SPONG BZHIN PA YIN GYI ZAD PAR SPANGS PA MA YIN TE, DE'I TSE GNAS NGAN GYI DRI MA ZAD PAR SPANGS PA'I 'GOG BDEN MA THOB PA'I PHYIR, RTAGS MA GRUB NA, RGYU 'BRAS DUS MNYAM PAR THAL LO, ,DES NA RNAM MKHYEN SKAD CIG DANG PO SKYES PA'I TSE DRI MA DE ZAD PAR SPANGS PA YIN NO, ,KHA CIG ,RNAM MKHYEN SKAD CIG DANG POS DRI MA DE SPONG BA YIN ZER, 'O NA RNAM MKHYEN SKAD CIG DANG PO CHOS CAN, SLOB LAM YIN PAR THAL, SPANG BYA SPONG BA'I BYA BA DANG BCAS PA'I LAM YIN PA'I PHYIR RO, ,KHA CIG ,MTHONG LAM BAR CHAD MED LAM GYI DUS NA MTHONG SPANG GI SA BON MED PAR KHAS BLANGS NAS RGYUN MTHA'I BAR CHAD MED LAM GYI DUS NA GNAS NGAN LEN GYI DRI MA YOD PAR KHAS LEN PA NI MI 'THAD DE, SPANG BYA SKYE 'GYUR GYIS SPONG BA DANG 'GAG 'GYUR GYIS SPONG BA'I GRUB MTHA' GZHI MTHUN DU KHAS BLANGS PAR 'GYUR BA'I PHYIR RO, , GSUM PA NI, MTHONG LAM BAR CHAD MED LAM GYI DUS NA MTHONG SPANG GI SA BON MED NA, MNGON PA KUN LAS BTUS LAS, 'JIG RTEN LAS 'DAS PA'I LAM GYIS SPANG BYA MNGON GYUR 'DAS PA 'GAGS PA'I PHYIR MI SPONG, MA 'ONGS PA MA SKYES PA'I PHYIR MI SPONG, DA LTAR BA LAM DANG DUS MNYAM DU MI 'JUG PA'I PHYIR MI SPONG ZHES BSTAN PA'I SHUGS LA SPANG BYA'I SA BON LAM DANG DUS MNYAM DU 'JUG PAS SPONG BAR BSHAD PA DANG 'GAL LO ZHE NA, SKYON MED DE, KUN LAS BTUS KYI GZHUNG GI DON, MTHONG LAM BAR CHAD MED LAM GYI RANG GI NGO SKAL GYI SPANG BYA'I SA BON 'DAS PA BUM PA THOB PAS BCOM PA LTAR SPONG BA MA YIN TE, 'GAGS PA YIN PA'I PHYIR, MA 'ONGS PA MDUN NAS 'PHUL BA LTAR SPONG BA MA YIN TE, MA SKYES PA'I PHYIR, DA LTAR BA MDZO SBREL G-YANG LA LHUNG BA LTAR SPONG BA MA YIN TE, LAM DANG MNYAM DU MI 'JUG PA'I PHYIR, 'O NA JI @103B LTAR SPONG ZHE NA, YUN RING POR GNYEN PO'I PHYOGS GOMS PA LAS, MTHONG LAM BAR CHAD MED LAM SKYE BA LA MNGON DU PHYOGS PA DANG, DE'I NGO SKAL GYI SPANG BYA'I SA BON 'GAG PA LA MNGON DU PHYOGS PA DUS MNYAM ZHING, DE SKYES PA DANG, DE'I NGO SKAL GYI SPANG BYA'I SA BON 'GAGS PA DUS MNYAM PA YIN LA, MTHONG LAM BAR CHAD MED LAM GYI STOBS KYIS DE'I NGO SKAL GYI SPANG BYA'I SA BON SLAR SKYE MI RUNG GI CHOS CAN DU BYAS PA'I RNAM GROL LAM SKYES PA'I TSE SPANGS PA YIN TE, DPER NA SNANG BA SKYES PA DANG MUN PA 'GAGS PA DUS MNYAM PA BZHIN ZHES PA'I DON NO, ,GNYIS PA NI, TSA RIG GIS GRANG REG LA GNOD PA'I GNOD BYA LDOG DUS JI LTA BU, TSA GRANG LHAN CIG MI GNAS PA'I DON GANG ZHE NA, TSA REG GIS GRANG REG LA GNOD PA'I GNOD BYA LDOG DUS MYUR NA SKAD CIG GSUM PA LA LDOG STE, SKAD CIG DANG PO LA TSA GRANG PHRAD, SKAD CIG GNYIS PA LA GRANG REG NUS MED DU BYAS, SKAD CIG GSUM PA LA GRANG REG LDOG PA'I PHYIR, DE SKAD DU'ANG CHOS MCHOG GIS, GANG ZHIG GANG GIS LDOG PAR BYED PA DE NI MYUR NA SKAD CIG GSUM PA LA LDOG PAR BYED DE, SKAD CIG DANG PO LA NUS PA MED PA'I GNAS SKABS SU RUNG BAR BYED DO, ,SKAD CIG GNYIS PA LA 'GAL BAR NUS PA MED DO, ,SKAD CIG GSUM PA LA NUS PA MED PA 'GAGS PA'I YUL DER 'ONG BAR BYED DO, ,ZHES GSUNGS SO, ,GNOD BYA LDOG DUS YUN RING BA LA NI TSAD NGES PA MED DO, ,TSA GRANG LHAN CIG MI GNAS PA'I DON NI, TSA GRANG RGYUN GNOD MED DU LHAN CIG MI GNAS PA'I DON YIN NO, ,KHA CIG ,TSA GRANG RGYUN STOBS MNYAM LHAN CIG MI GNAS PA YIN NO ZHES ZER BA MI 'THAD DE, TSA REG GIS GRANG REG LA GNOD PA'I GNOD BYA LDOG DUS MYUR NA YANG SKAD CIG GSUM PA LA LDOG PA'I PHYIR, RTAGS MA GRUB STE, SKAD CIG DANG PO LA LDOG GO ZHE NA YANG, TSA GRANG PHRAD PA'I SKAD CIG DANG PO CHOS CAN, KHYOD @104A *, ,KYI SNGON DU GRANG REG NUS MED DU BYAS PAR THAL, KHYOD KYI DUS NA GRANG REG LDOG PA'I PHYIR, KHYAB STE, GRANG REG NUS MED DU BYAS PA'I SGO NAS GRANG REG LDOG PAR BYED DGOS PA'I PHYIR, 'DOD NA, KHYOD KYI SNGON DU CHA GRANG PHRAD PAR THAL, KHYOD KYI SNGON DU GRANG REG NUS MED DU BYAS PA'I PHYIR, KHYAB STE, TSA GRANG PHRAD PA'I SGO NAS GRANG REG NUS MED DU BYED DGOS PA'I PHYIR, SKAD CIG GNYIS PA LA GRANG REG LDOG GO ZHE NA, TSA GRANG PHRAD PA CHOS CAN, KHYOD DANG GRANG REG NUS MED DU BYAS PA DUS MNYAM PAR THAL, KHYOD KYI SKAD CIG GNYIS PA LA GRANG REG LDOG PA'I PHYIR, 'DOD NA, KHYOD KYI SNGON DU TSA GRANG PHRAD PAR THAL LO, ,KHA CIG GIS, GRANG REG RIGS 'DRA PHYI MA SKYED PA'I NUS MED DU BSKYED PA DE TSA REG GIS GRANG REG LA GNOD PA'I DON YIN ZHES ZER NA, TSA GRANG PHRAD DUS KYI GRANG REG CHOS CAN, KHYOD KYIS GRANG REG SKAD CIG GNYIS PA LA GNOD PAR THAL, KHYOD KYIS GRANG REG SKAD CIG GNYIS PA DE RIGS 'DRA PHYI MA SKYED PA'I NUS MED DU BSKYED PA'I PHYIR TE, KHYOD KYIS DE RIGS 'DRA PHYI MA SKYED PA'I NUS CAN DANG NUS MED GANG RUNG DU BSKYED PA GANG ZHIG ,NUS CAN DU MA BSKYED PA'I PHYIR, GAL TE NUS MED DU MA BSKYED NA, GRANG REG GNYIS PA NUS MED DU BSKYED PA'I NYER LEN GYI RGYU MA GRUB PAR THAL, TSA GRANG PHRAD DUS KYI GRANG REG DE'ANG DE'I NYER LEN MA YIN, DE GNYIS PHRAD DUS KYI TSA REG DE'ANG DE'I NYER LEN MA YIN, DE LAS GZHAN DE'I NYER LEN MA GRUB PA'I PHYIR, GZHAN YANG, GZUGS 'DZIN DBANG SHES GZUGS KYI RNAM LDAN DU DE MA THAG RKYEN LAS SKYE BA MA YIN PAR THAL, GRANG REG SKAD CIG GNYIS PA NUS MED DU TSA GRANG PHRAD DUS KYI GRANG REG GIS MA SKYED PA'I PHYIR, GAL TE MI MTSUNGS TE, GZUGS 'DZIN DBANG SHES LA SHAR BA'I GZUGS KYI RNAM PA DE SHES PA @104B YIN PAS GZUGS NYER LEN DU MI RIGS PAS DE MA THAG RKYEN NYER LEN DU RIGS SO ZHE NA, 'O NA GRANG REG NUS MED DE GRANG REG YIN PAS TSA REG NYER LEN DU MI RIGS PAS TSA GRANG PHRAD DUS KYI GRANG REG DE DE'I NYER LEN DU RIGS SO, ,GAL TE TSA GRANG PHRAD DUS KYI TSA REG KHO NAS GRANG REG SKAD CIG GNYIS PA NUS MED DU SKYED DE, TSA GRANG MI PHRAD NA GRANG REG SKAD CIG GNYIS PA NUS CAN DU 'BYUNG BA LA, TSA GRANG PHRAD PA'I DBANG GIS GRANG REG SKAD CIG GNYIS PA NUS MED DU SONG BA'I PHYIR ZHE NA, 'O NA GZUGS 'DZIN DBANG SHES SKAD CIG GNYIS PA GZUGS KYI RNAM LDAN DU GZUGS KHO NAS BSKYED PAR THAL, GZUGS DANG DE MA THAG RKYEN MA PHRAD NA GZUGS 'DZIN DBANG SHES GZUGS KYI RNAM LDAN DU MI SKYE BA LAS, DE GNYIS PHRAD PA'I DBANG GIS GZUGS 'DZIN DBANG SHES GZUGS KYI RNAM LDAN DU SKYES PA'I PHYIR, 'KHOR GSUM, DES NA TSA GRANG PHRAD DUS KYI GRANG REG DES GRANG REG SKAD CIG GNYIS PA NUS MED DU SKYED PA YIN NO, ,GAL TE DE LTAR NA, TSA GRANG PHRAD DUS KYI TSA REG DES KYANG GRANG REG SKAD CIG GNYIS PA NUS MED DU SKYED DGOS LA, DE LTAR NA TSA GRANG PHRAD DUS KYI TSA REG CHOS CAN, GRANG REG SKAD CIG GNYIS PA LA GNOD PA DANG PHAN 'DOGS PA GNYIS KA YIN PAR THAL, GRANG REG SKAD CIG GNYIS PA NUS MED DU BYAS PA GANG ZHIG ,DE SKYED PA'I PHYIR ZHE NA, 'O NA TSA GRANG PHRAD DUS KYI GRANG REG CHOS CAN, DER THAL, DE'I PHYIR, GAL TE TSA GRANG STOBS MNYAM GNYIS GNOD BYA GNOD BYED YIN NAM MIN, MA YIN PA MI 'THAD DE, TSA GRANG STOBS MNYAM SKAD CIG DANG PO LA PHRAD, SKAD CIG GNYIS PA LA GNYIS KA NUS MED DU BYAS, SKAD CIG GSUM PA LA GNYIS KA LDOG PA SRID PA'I PHYIR, DE GNYIS GNOD BYA GNOD BYED YIN PA'ANG MI 'THAD PAR THAL, DE GNYIS STOBS MNYAM PA'I PHYIR, KHYAB STE, @105A *, ,GNOD PA MA YIN GNYIS PO DAG ,NUS PA MTSUNGS PHYIR GEGS BYED 'GYUR, ,ZHES GSUNGS PA'I PHYIR ZHE NA, DE GNYIS STOBS MNYAM YANG GNOD BYA GNOD BYED YIN LA, GZHUNG DE'I DON NI DAM BCA' 'GAL BA NUS MTSUNGS YIN NA, GEGS BYED TZAM YIN PAS GNOD BYED MA YIN ZHES PA'I DON YIN NO, ,GAL TE TSA GRANG SKAD CIG DANG PO LA PHRAD, GNYIS PA LA NUS MED DU BYAS, SKAD CIG GSUM PA LA GRANG REG LDOG PA'I TSE, TSA GRANG PHRAD PA'I SKAD CIG DANG PO LA SNGA PHYI BAR GSUM GYI CHA YOD DAM MED, MED NA GRANG REG LDOG DUS TSUR MTHONG GI MNGON SUM GYI STOBS KYIS NGES MI NUS PAR 'GYUR LA, YOD NA DE'I SKAD CIG GSUM PA LA GRANG REG LDOG GAM MI LDOG ,LDOG NA GNOD BYA LDOG DUS GONG DU BSHAD PA DANG 'GAL LA, MI LDOG NA SKAD CIG GNYIS PA LA GRANG REG NUS MED DU BYAS PA MA YIN PAR THAL, DE'I SKAD CIG GSUM PA LA GRANG REG MI LDOG PA'I PHYIR ZHE NA, SKYON MED DE, TSA GRANG PHRAD PA'I SNGA PHYI BAR GSUM GYI CHA GSUM GA'ANG, SKAD CIG DANG PO LA PHRAD CES PA'I SKAD CIG DANG PO'I KHONGS SU GTOGS PA'I PHYIR, KHA CIG ,BEM PAR GYUR PA'I GNOD BYED KYI DON GNOD BYA DANG PHRAD PA'I DBANG GIS GNOD BYA RIGS 'DRA PHYI MA SKYED PA'I NUS MED DU BYED PA MA YIN TE, SNANG MUN LTA BU BEM PO LHAN CIG MI GNAS 'GAL YIN NA YANG PHRAD PA MI SRID PA'I PHYIR TE, SNANG BA SKYES PA NA MUN PA 'GAGS PA'I PHYIR, DES NA GNOD BYA DANG PHRAD NA GNOD BYA RIGS 'DRA PHYI MA SKYED PA'I NUS MED DU BYED PA DE BEM POR GYUR PA'I GNOD BYED KYI DON YIN NO ZHE NA, 'O NA TSA GRANG PHRAD PA MI SRID PAR THAL, CHA REG YOD PA'I GO SAR GRANG REG YOD PA MI SRID PA'I PHYIR, GAL TE TSA GRANG PHRAD PA SRID DE, CHA GRANG YUL 'DAB 'BYAR DU YOD PA SRID PA'I PHYIR ZHE NA, 'O NA SNANG MUN PHRAD PA SRID @105B PAR THAL, SNANG MUN YUL 'DAB 'BYAR DU YOD PA SRID PA'I PHYIR, GZHAN YANG, DPYID KYI TSA REG DES DGUN GYI GRANG REG LA GNOD PAR THAL, DE GNYIS PHRAD NA DGUN GYI GRANG REG RIGS 'DRA PHYI MA SKYED PA'I NUS MED DU BYED PA'I PHYIR, KHYAB PA KHAS, 'DOD NA, SANGS RGYAS KYI THUGS RGYUD KYI BDAG MED RTOGS PA'I SHES RAB DES SEMS CAN GYI RGYUD KYI BDAG 'DZIN LA DNGOS SU GNOD PAR THAL LO, ,'DOD NA, SEMS CAN 'BAD MED DU GROL BAR 'GYUR RO, ,GAL TE SANGS RGYAS KYI BDAG MED RTOGS PA'I SHAS RAB CHOS CAN, KHYOD KYIS SEMS CAN GYI RGYUD KYI BDAG 'DZIN LA DNGOS SU GNOD PAR THAL, KHYOD DANG DE GNYIS DMIGS PA GCIG LA DMIGS NAS 'DZIN STANGS 'GAL BA GANG ZHIG ,KHYOD RGYAB RTEN TSAD MA CAN YIN PA'I PHYIR, KHYAB STE, DE YI GNAD BYED NI, ,BDAG MED MTHONG BAS 'GAL BA YIN, ,ZHES DANG, DE DAG GANG LA TSAD MA YOD, ,DE NI GZHAN LA GNOD BYED 'GYUR, ,ZHES GSUNGS PA'I PHYIR ZHE NA, SKYON MED DE, DE NI RGYUD GCIG LA DGONGS PA'I PHYIR RO, ,KHA CIG ,GNOD BYA RIGS 'DRA PHYI MA SKYED PA'I NUS MED DU SKYED PA DE BEM POR GYUR PA'I GNOD BYED KYI DON YIN ZER BA MI 'THAD DE, SNANG BA CHOS CAN, MUN PA LA GNOD BYED MA YIN PAR THAL, KHYOD MUN PA RIGS 'DRA PHYI MA SKYED PA'I NUS MED DU SKYED PA MA YIN PA'I PHYIR TE, KHYOD SKYES PA NA MUN PA 'GAG PA'I PHYIR, GNYIS PA PHAN TSUN SPANG 'GAL LA GSUM, MTSAN NYID DANG, DBYE BA DANG, 'GAL BA'I RNAM GZHAG DPYAD PA'O, ,DANG PO NI, PHAN TSUN SPANG 'GAL GYI MTSAN NYID, RNAM BCAD YONGS GCOD KYI SGO NAS MI MTHUN PAR GNAS PA, SLOB DPON PHYVA ? BA NA RE, CHOS MCHOG GIS, 'BRAS BU GCIG LA LTOS TE NUS PA YOD MED GNYIS PHAN TSUN SPANG 'GAL GYI MTSAN NYID DU 'JOG PA MI 'THAD DE, DON SPYI DANG ZLA GNYIS LTA BU PHAN @106A *, ,TSUN SPANG 'GAL YIN PA'I PHYIR, ZER BA NI PHYOGS SNGA MA'I DGONGS PA MA LONGS PA YIN TE, CHOS MCHOG GIS, 'BRAS BU GCIG LA LTOS NAS NUS PA YOD MED GNYIS RTAGS SU BKOD NAS BSAL BA THA DAD PA RNAMS PHAN TSUN SPANG 'GAL DU SGRUB PA YIN GYI, PHAN TSUN SPANG 'GAL YIN NA 'GAL ZLA GANG RUNG ZHIG DNGOS PO YIN PAS KHYAB PA KHAS LEN PA MIN NO, ,GNYIS PA NI, DBYE NA, RTAG PA DANG MI RTAG PA LTA BU DNGOS 'GAL DANG, RTAG PA DANG BYAS PA LTA BU BRGYUD 'GAL GNYIS SO, ,DE YANG SGRA MI RTAG PAR YONGS GCOD LA GRUB NA SGRA RTAG PA RNAM BCAD LA KHEGS KYANG, DE TZAM GYIS RTAG MI RTAG GNYIS GZHI MTHUN KHEGS KYANG DNGOS 'GAL DU NGES MI NUS TE, DPER NA AUTPA LA'I KHA DOG SNGON PO YIN PA YONGS GCOD LA GRUB PAS SER PO YIN PA RNAM BCAD LA KHEGS KYANG DE TZAM GYIS SNGO SER DNGOS 'GAL DU NGES MI NUS PA BZHIN NO, ,GSUM PA NI, GCIG GI MTSAN NYID ZHUGS SAR CIG SHOS KYI MTSAN NYID MA ZHUGS, CIG SHOS KYI MTSAN NYID ZHUGS SAR GCIG GI MTSAN NYID MA ZHUGS PA NI PHAN TSUN SPANG 'GAL YIN TE, DPER NA RTAG PA'I MTSAN NYID ZHUGS SAR MI RTAG PA MA ZHUGS, MI RTAG PA'I MTSAN NYID ZHUGS SAR RTAG PA MA ZHUGS PAS RTAG MI RTAG PHAN TSUN SPANG 'GAL YIN PA BZHIN NO, ,DE YANG, DGAG BYA DMIGS BYED KYI TSAD MA BKAG PA'I SGO NAS, RTAG MI RTAG 'GAL BAR NGES DGOS TE, SGRA'I STENG DU RTAG PA DMIGS BYED KYI TSAD MA MA KHEGS NA SGRA RTAG PA MI KHEGS SHING SGRA MI RTAG PAR RTOGS MI NUS PA'I PHYIR, DES NA 'GAL BA GNYIS KA YANG SNANG RUNG MA DMIGS PA LAS 'GAL BAR NGES DGOS PA YIN NO, ,GAL TE CHA GRANG PHAN TSUN SPANG 'GAL YIN PAR THAL, DE GNYIS RNAM BCAD YONGS GCOD KYI @106B SGO NAS MI MTHUN PAR GNAS PA YIN PA'I PHYIR TE, GZHI DE TSAD REG YIN PAR YONGS GCOD LA GRUB NA, GRANG REG YIN PAR RNAM BCAD LA KHEGS PA'I PHYIR, 'DOD NA, ME STOBS CHEN PAS KHYAB PAR NON PA DES KHYAB PAR NON PA'I SHAR PHYOGS KYI GZHIR, GRANG REG STOBS CHEN MED PAR SGRUB PA'I PHAN TSUN SPANG 'GAL LA BRTEN PA'I 'GAL ZLA DMIGS PA'I RTAGS YANG DAG YIN PAR THAL, DE DE SGRUB KYI 'GAL ZLA DMIGS PA'I RTAGS YANG DAG YIN PA GANG ZHIG ME STOBS CHEN PA DANG GRANG REG STOBS CHEN PA GNYIS PHAN TSUN SPANG 'GAL YIN PA'I PHYIR ZHE NA, 'O NA ME MED DE ME MED MTSAN MO'I RGYA MTSO DU MED DU SGRUB PA'I KHYAB BYED MA DMIGS PA'I RTAGS YANG DAG YIN PAR THAL, DE SGRUB KYI 'BREL ZLA MA DMIGS PA'I RTAGS YANG DAG YIN PA GANG ZHIG ,ME DE DU BA'I KHYAB BYED YIN PA'I PHYIR, KHYAB BSAL KHAS SO, ,GSUM PA NI, LHAN CIG MI GNAS 'GAL DANG PHAN TSUN SPANG 'GAL RTOGS PA LA DGOS PA YOD DE, LTA BA BKAR BTAGS KYI PHYAG RGYA BZHI'I SGO NAS GTAN LA PHAB PA'I DON RTAGS KYIS SGRUB PA'I TSE RTAGS DGAG BYA'I CHOS DANG 'GAL BA DANG, RJES DPAG GIS SGRO 'DOGS LA GNOD TSUL DANG, LAM GYI GNAS SKABS SU BDAG MED MNGON SUM DU RTOGS PA'I SHES RAB KYIS BDAG 'DZIN GYI SA BON LA GNOD TSUL LA SOGS PA 'GAL BA'I RNAM GZHAG RTOGS PA LA RAG LAS PAS 'GAL BA GNYIS KYI RNAM GZHAG LA MKHAS PAR BYA'O, ,GNYIS PA GRANGS NGES LA DVOGS PA GCAD PA NI, GAL TE RTAGS YANG DAG LA 'BRAS RANG MA DMIGS PA'I RTAGS GSUM DU GRANGS NGES PA MI 'THAD DE, SGRUB RTAGS LA 'BRAS RANG GI RTAGS GNYIS SU 'BYED NA, DGAG RTAGS LA YANG 'BREL ZLA MA DMIGS PA DANG 'GAL ZLA DMIGS PA'I RTAGS GNYIS SU PHYE BAS RTAGS YANG DAG LA BZHIR @107A *, ,GRANGS NGES PAR 'GYUR LA, 'BREL ZLA MA DMIGS PA DANG 'GAL ZLA DMIGS PA'I RTAGS GNYIS DGAG RTAGS ZHES GCIG TU SDUD NA, 'BRAS RANG GI RTAGS GNYIS PO'ANG SGRUB RTAGS ZHES GCIG TU BSDUS NAS RTAGS YANG DAG GNYIS SU GRANGS NGES PAR 'GYUR PA'I PHYIR ZHE NA, 'DI'I LAN LA KHA CIG ,DGAG RTAGS KYI DNGOS KYI BSGRUB BYA'I CHOS MED DGAG YIN LA, MED DGAG LA DBYE BA MED PAS RTAGS YANG DAG GI GRANGS NGES BYED PA'I TSE DGAG RTAGS LA GNYIS SU MA PHYE BA YIN NO, ,ZHES ZER BA MI 'THAD DE, MED DGAG GI NGO BO LA DBYE BA MED DU CHUG KYANG DGAG GZHI'I SGO NAS DBYE BA BYAR RUNG BA'I PHYIR, YANG KHA CIG ,SGRUB RTAGS LA DE BYUNG 'BREL BA LA BRTEN PA DANG BDAG GCIG 'BREL BA LA BRTEN PA GNYIS YOD LA, DGAG RTAGS LA DE BYUNG 'BREL PA LA BRTEN PA DANG BDAG GCIG 'BREL PA LA BRTEN PA GNYIS MED PA YIN NO ZHE NA, MI 'THAD DE, DGAG RTAGS LA YANG DE BYUNG 'BREL PA LA BRTEN PA DANG, BDAG GCIG 'BREL PA LA BRTEN PA GNYIS YOD PA'I PHYIR, DE BYUNG 'BREL PA LA BRTEN PA JI LTAR YOD CE NA, YOD DE, ME MED KYI RTAGS KYIS ME MED MTSAN MO'I RGYA MTSO DU MED DU SGRUB PA'I RTAGS DE BYUNG 'BREL PA LA BRTEN PA LA BRTEN PA YIN PA'I PHYIR TE, DE SGRUB KYI 'BREL PA GRUB PA MED DU RGYU 'BRAS SU NGES BYED KYI TSAD MA LA BRTEN NAS 'GRUB DGOS PA'I PHYIR, RANG LUGS LA RTAGS YANG DAG LA BSDU NA DGAG RTAGS YANG DAG LA BSDU NA DGAG RTAGS DANG SGRUB RTAGS GNYIS SU GRANGS NGES PA YIN TE, GZHAL BYA LKOG GYUR LA DGAG PA DANG SGRUB PA GNYIS SU NGES LA, DGAG PA DNGOS SU SGRUB PA'I RTAGS DE DGAG RTAGS DANG SGRUB PA DNGOS SU SGRUB PA'I RTAGS DE SGRUB RTAGS YIN PA'I PHYIR, SGRUB RTAGS LA RANG GI BSGRUB BYA'I CHOS LA DE BYUNG DU 'BREL @107B PA DANG BDAG GCIG TU 'BREL PA GNYIS YOD PAS RTAGS YANG DAG LA 'BRAS RANG MA DMIGS PA'I RTAGS GSUM DU GRANGS NGES PA YIN NO, ,'O NA RTAGS YANG DAG GI GRANGS NGES BYED PA'I TSE SGRUB RTAGS LA 'BRAS RANG GI RTAGS GNYIS SU PHYE BA LA DGOS PA CI YOD CE NA, DGOS PA YOD DE, RTAGS YANG DAG YIN NA RANG GI BSGRUB BYA'I CHOS LA DE BYUNG DU 'BREL PA DANG BDAG GCIG TU 'BREL PA GANG RUNG GI SGO NAS RANG GI BSGRUB BYA'I CHOS LA MI BSLU BA ZHIG DGOS PAR RTOGS PA'I CHED YIN PA'I PHYIR, DE LTAR RTOGS PA LA'ANG DGOS PA YOD DE; LDAN 'DU'I 'BREL PA LA BRTEN PA'I RTAGS RNAMS RTAGS YANG DAG MA YIN PAR RTOGS PA'I CHED YIN PA'I PHYIR RO, ,GNYIS PA RTAGS YANG DAG LA BSGRUB BYA'I CHOS KYI SGO NAS DBYE NA, SGRUB RTAGS YANG DAG DANG, DGAG RTAGS YANG DAG GNYIS, MTSAN NYID RIM PA BZHIN, DE SGRUB KYI TSUL GSUM GANG ZHIG ,DE SGRUB KYI DNGOS KYI BSGRUB BYA'I CHOS YIN NA SGRUB PA YIN PA DANG, GANG ZHIG , DE SGRUB KYI DNGOS KYI BSGRUB BYA'I CHOS YIN NA DGAG PA YIN PA, DBYE BA NI SNGAR BSHAD ZIN TO, ,GSUM PA RTAGS YANG DAG LA BSGRUB BYA'I SGO NAS DBYE BA LA GNYIS, GANG GI SGO NAS DBYE BA DANG, PHYE BA SO SO'I SON NO, ,DANG PO NI, KHA CIG ,RTAGS YANG DAG LA DNGOS PO STOBS ZHUGS KYI RTAGS YANG DAG YID CHES PA'I RTAGS YANG DAG GRAGS PA'I RTAGS YANG DAG GSUM DU PHYE BA 'DI TSUL GSUM NGES BYED KYI TSAD MA'I SGO NAS DBYE BA YIN TE, TSUL GSUM DNGOS PO STOBS ZHUGS KYI TSAD MAS GRUB PA'I RTAGS DE DNGOS PO STOBS ZHUGS KYI RTAGS YANG DAG DANG, TSUL GSUM YID CHES PA'I TSAD MAS GRUB PA'I RTAGS DE YID CHES PA'I RTAGS YANG DAG DANG, TSUL GSUM GRAGS PA'I TSAD MAS GRUB PA'I @108A *, ,RTAGS DE GRAGS PA'I RTAGS YANG DAG YIN PA'I PHYIR, ZHES ZER BA MI 'THAD DE, RTAGS YANG DAG THAMS CAD KYI TSUL GSUM MTHAR DNGOS PO STOBS ZHUGS KYI TSAD MAS GRUB DGOS PA'I PHYIR RO, ,RANG LUGS LA, RTAGS GSUM PO 'DI BSGRUB BYA'I SGO NAS DBYE BA YIN TE, DNGOS PO STOBS ZHUGS KYI RJES DPAG DANG, YID CHES PA'I RJES DPAG DANG, GRAGS PA'I RJES DPAG GSUM PO 'DI YUL GYI SGO NAS PHYE BA YIN PA'I PHYIR, DE SKAD DU'ANG, DES NA GNOD PHYIR RJES DPAG LAS, ,KHAS BLANGS PHYI ROL GYUR MIN YANG, ,YUL GYI KHYAD PAR BSTAN PA YI, ,PHYIR NA THA DAD BYAS PA YIN, ,ZHES DANG, DES NA YUL GYI KHYAD PAR NI, ,BSTAN PHYIR GRAGS PA RJES DPAG LAS, ,PHYI ROL GYUR PA MA YIN YANG, ,THA DAD BYAS YIN SNGA MA BZHIN, ,ZHES GSUNGS SO, ,GNYIS PA LA GSUM LAS, DNGOS PO STOBS ZHUGS KYI RTAGS YANG DAG GI MTSAN NYID, DE SGRUB KYI TSUL GSUM GANG ZHIG ,DE SGRUB KYI BSGRUB BYA DNGOS PO'I STOBS KYIS GRUB PA, DE YANG SNGAR BSHAD PA'I 'BRAS RANG MA DMIGS PA'I RTAGS RNAMS YIN NO, ,GNYIS PA YID CHES PA'I RTAGS YANG DAG LA, DGAG BZHAG SPANG GSUM MO, ,DANG PO LA GSUM, YID CHES PA'I RJES DPAG TSAD MA MA YIN PAR 'DOD PA DGAG ,TSAD MAR 'DOD KYANG PHYOGS GZHAN DU 'DOD PA DGAG ,BDEN BZHI SHIN TU LKOG GYUR YIN PA DGAG PA'O, ,DANG PO NI, KHA CIG NA RE, YID CHES RJES DPAG TSAD MA MA YIN TE, LUNG DE RANG GI BRJOD BYA'I DON SGRUB PA'I RTAGS YANG DAG MA YIN PA'I PHYIR, DE SKAD DU'ANG, RANG 'GREL LAS, RJES SU DPAG PA YANG NYES PA MED PA MIN TE, SGRA RNAMS DON DAG LA MED NA MI 'BYUNG BA MIN NO, ,ZHES GSUNGS SO ZHE NA, 'O NA MNGON MTHO SGRUB BYED KYI THABS MED @108B PAR THAL, DA LTA TSUL KHRIMS BSRUNGS PA LAS MA 'ONGS PA NA MTHO RIS SU SKYE BA TSAD MAS MA GRUB PA'I PHYIR, RTAGS KHAS, 'DOD MI NUS TE, NGES LEGS SGRUB BYED KYI THABS YOD PA'I PHYIR, DE SKAD DU'ANG, GTZO BO'I DON LA MI BSLU'I PHYIR, ,GZHAN LA RJES SU DPAG PA NYID, ,CES GSUNGS SO, ,GSUNG RAB LAS BSTAN PA'I RJES SU RTOGS LDAN 'BRANG BA MI RIGS PAR THAL, SHIN TU LKOG GYUR STON PA'I GSUNG RAB KYI DON TSAD MAS MA GRUB PA'I PHYIR, RTAGS KHAS, KHYAB STE, TSAD MAS MA GRUB DON CAN GYI, ,GRUB MTHA'I RJES SU 'BRANG NGAM CI, ,ZHES GSUNGS PA'I PHYIR, SHIN TU LKOG GYUR RTOGS PA'I THABS MED PAR THAL, SHIN TU LKOG GYUR LUNG RIGS GANG GIS KYANG MA GRUB PA'I PHYIR, RTAGS KHAS, 'DOD MI NUS TE, GZHAL BYA'I GNAS DANG PO GNYIS RTOGS PA'I THABS YOD PA'I PHYIR, KHYAB STE, 'DI NI KHAS LEN THABS YIN TE, ,ZHES GSUNGS PA'I PHYIR RO, , LAS 'BRAS SHIN TU PHRA BA STON PA'I GSUNG RAB LA THOS BSAM BYAS PAS YID CHES KYI DAD PA THOB PA MED PAR THAL, YID CHES RJES DPAG DE TSAD MA MA YIN PA'I PHYIR, SBYIN PAS LONGS SPYOD KHRIMS KYIS BDE, ,ZHES PA'I LUNG RANG GI BSTEN BYA'I DON LA MI BSLU BA MIN PAR THAL, RTAGS 'DRA, 'DOD MI NUS TE, DE DPYAD PA GSUM GYIS DAG PA'I LUNG YIN PA'I PHYIR, GNYIS PA NI, KHA CIG ,YID CHES RJES DPAG DE TSAD MA YIN LA DE'I RTEN GTAN TSIGS NI, DKAR CHOS CHOS CAN, SPYAD PA LAS BDE BA 'BYUNG STE, SPYAD PA LAS BDE BA 'BYUNG BAR BCOM LDAN 'DAS KYI LUNG LAS GSUNGS PA'I PHYIR, ZHES PA LTA BU ZHE NA, SHES BYA CHOS CAN, BCOM LDAN 'DAS KYI LUNG YIN NA SGRA JI BZHIN PAS KHYAB PAR THAL, SPYAD PA LAS BDE BA 'BYUNG BAR BCOM LDAN 'DAS KYI LUNG LAS GSUNGS NA SPYAD PA LAS BDE BA 'BYUNG BAS KHYAB PA'I PHYIR, 'ON TE, SPYAD PA LAS @109A *, ,BDE BA 'BYUNG STE, SPYAD PA LAS BDE BA 'BYUNG BAR BCOM LDAN 'DAS KYI LUNG RNAM DAG LAS DON MTHUN DU GSUNGS PA'I PHYIR, ZHES 'GOD DO ZHE NA, SPYAD PA LAS BDE BA 'BYUNG BAR BCOM LDAN 'DAS KYI LUNG RNAM DAG LAS DON MTHUN DU GSUNGS PA CHOS CAN, DKAR CHOS SPYAD PA LA BDE BA 'BYUNG BAR SGRUB PA'I RTAGS YANG DAG MA YIN PAR THAL, DKAR CHOS DE KHYOD YIN PAR NGES NAS DKAR CHOS SPYAD PA LAS BDE BA 'BYUNG MI 'BYUNG THE TSOM ZA BA'I GANG ZAG MA GRUB PA'I PHYIR TE, DKAR CHOS DE KHYOD YIN PAR NGES NA DKAR CHOS DE SPYAD PA LAS BDE BA 'BYUNG BAR NGES DGOS PA'I PHYIR, GZHAN YANG, SPYAD PA LAS BDE BA 'BYUNG BAR GSUNGS PA DE DKAR CHOS SPYAD PA LA BDE BA 'BYUNG BAR SGRUB PA'I RTAGS YANG DAG MA YIN PAR THAL, DKAR CHOS SU NGES NAS SPYAD PA LAS BDE BA 'BYUNG MI 'BYUNG THE TSOM ZA BA'I GANG ZAG MA GRUB PA'I PHYIR TE, DKAR CHOS SU NGES NA SPYAD PA LAS BDE BA 'BYUNG BAR NGES DGOS PA'I PHYIR TE, SPYAD PA LAS BDE BA 'BYUNG BA DE DKAR CHOS KYI MTSAN NYID YIN PA'I PHYIR, KHA CIG ,LUNG RNAM DAG YIN NA DPYAD PA GSUM GYIS DAG MA DAG MA BRTAGS PAR YANG RTOGS LDAN GYIS KHAS BLANG BAR BYA BA YIN NO ZHE NA, 'O NA RTOGS LDAN GYIS LUNG DPYAD PA GSUM GYIS DAG MA DAG BRTAGS NAS LUNG KHAS BLANG BAR RIGS PA MA YIN PAR THAL LO, ,'DOD MI NUS TE, DE LTAR YUL GNYIS RNAM DAG NAS, ,DE NI BSTAN BCOS YONGS 'DZIN PAR, ,'DOD PA'I DUS YIN ZHES DANG, RNAM NGES LAS, KHAS BLANGS NAS BRTAG PA 'JUG PA NI MIN GYI 'ON KYANG BRTAGS NAS KHAS LEN PA YIN NO, ,ZHES GSUNGS SO, ,GSUM PA NI, 'PHAGS PA'I BDEN PA BZHI SHIN TU LKOG GYUR YIN TE, KUN 'BYUNG BDEN PA LAS SDUG BSNGAL BDEN PA @109B 'BYUNG BA SHIN TU LKOG GYUR YIN PA'I PHYIR TE, SBYIN PA BTANG BA LAS LONGS SPYOD 'BYUNG BA DANG, SROG BCAD PA LAS SDUG BSNGAL 'BYUNG BA SHIN TU LKOG GYUR YIN PA'I PHYIR ZHE NA, DE NI MI 'THAD DE, RANG 'GREL LAS, LUNG LA LTOS PA MED PA'I RJES SU DPAG PA'I YUL DU 'DOD PA DAG LA DE BZHIN DU 'GYUR TE, DPER NA 'PHAGS PA'I BDEN PA BZHI DAG LTA BU'O, ,ZHES 'PHAGS PA'I BDEN PA BZHI DNGOS PO STOBS ZHUGS KYI RJES DPAG TSAD MA'I YUL DU GSUNGS PA'I PHYIR RO, ,KHA CIG ,YID CHES PA'I RTAGS YANG DAG LA 'BRAS RANG MA DMIGS PA GSUM DU BYAS NAS DPER BRJOD RIM PA BZHIN, BKA' RGYAS 'BRING BSDUS GSUM CHOS CAN, RANG RGYU MKHYEN PA RNAM DAG SNGON DU SONG STE, RJOD PA RNAM DAG YIN PA'I PHYIR ZHES DANG, DE CHOS CAN, RANG GI BSTAN BYA'I DON LA MI BSLU BA YIN TE, DPYAD PA GSUM GYIS DAG PA'I LUNG YIN PA'I PHYIR ZHES DANG, RDZOGS PA'I SANGS RGYAS CHOS CAN, SGRIB PA SPANGS PA YIN TE, DE'I RGYU BDAG 'DZIN SPANGS PA'I PHYIR, ZHES PA LTA BU'O ZHE NA, DE YANG MI 'THAD DE, RTAGS GSUM PO DE'I BSGRUB BYA DNGOS PO STOBS ZHUGS KYI TSAD MAS GRUB PA'I PHYIR, RO, ,GNYIS PA RANG LUGS LA GNYIS, MTSAN NYID DANG, MTSAN GZHI'I DBYE BA'O, ,DANG PO NI, YID CHES PA'I RTAGS YANG DAG GI MTSAN NYID, DE SGRUB KYI TSUL GSUM GANG ZHIG ,DE SGRUB KYI BSGRUB BYA SHIN TU LKOG GYUR YIN PA, GNYIS PA NI, YID CHES PA'I RTAGS YANG DAG LA DBYE NA GSUM LAS, YID CHES PA'I RANG BZHIN GYI RTAGS YANG DAG LA, RTAGS DGOD PA DANG, TSUL BSGRUB PA GNYIS, DANG PO NI, GANG DPYAD PA GSUM GYIS DAG PA'I LUNG YIN NA, RANG GI BSTAN BYA'I DON LA MI BSLU BAS KHYAB, DPER NA BDEN BZHI STON PA'I GSUNG RAB BZHIN, SBYIN PAS LONGS SPYOD KHRIMS KYIS BDE ZHES @110A *, ,PA'I LUNG 'DI YANG DPYAD PA GSUM GYIS DAG PA'I LUNG YIN NO, ,GNYIS PA LA GNYIS, PHYOGS CHOS BSGRUB PA DANG, KHYAB PA BSGRUB PA'O, ,DANG PO NI, SBYIN PAS LONGS SPYOD KHRIMS KYIS BDE ZHES PA'I LUNG CHOS CAN, DPYAD PA GSUM GYIS DAG PA'I LUNG YIN TE, DBU MA RIN CHEN PHRENG BA'I RANG GZHUNG GANG ZHIG , DBU MA RIN CHEN PHRENG BA DE DPYAD PA GSUM GYIS DAG PA'I PHYIR TE, DE LAS MTHONG BA MNGON 'GYUR BSTAN PA LA MNGON SUM TSAD MAS GNOD PA MED PAR MNGON SUM TSAD MAS GRUB, MTHONG BA LKOG GYUR BSTAN PA LA DNGOS PO STOBS ZHUGS KYI RJES DPAG TSAD MAS GNOD PA MED PAR DES GRUB, MA MTHONG BA SHIN TU LKOG GYUR BSTAN PA LA, KHAS BLANGS SNGA PHYI 'GAL BA DANG, RANG TSIG DNGOS SHUGS 'GAL BAS GNOD PA MED PA'I PHYIR RO, ,GNYIS PA KHYAB PA BSGRUB PA NI, DPYAD PA GSUM GYIS DAG PA'I LUNG YIN NA RANG GI BSTAN BYA'I DON LA MI BSLU BAS KHYAB STE, RANG GI BSTAN BYA'I DON LA BSLU NA DPYAD PA GSUM PO GANG RUNG GI MA DAG DGOS PA'I PHYIR RO, ,YID CHES PA'I 'BRAS RTAGS YANG DAG NI, SBYIN PAS LONGS SPYOD KHRIMS KYIS BDE ZHES PA'I LUNG CHOS CAN, RANG GI BRJOD BYA RTOGS PA'I BLO SNGON DU SONG STE, DPYAD PA GSUM GYIS DAG PA'I LUNG YIN PA'I PHYIR, ZHES PA LTA BU'O, ,YID CHES PA'I MA DMIGS PA'I RTAGS YANG DAG NI, DE CHOS CAN, RANG GI BSTAN BYA'I DON LA BSLU BA MA YIN TE, DPYAD PA GSUM GYIS DAG PA'I LUNG YIN PA'I PHYIR, ZHES PA LTA BU'O, ,GSUM PA RTZOD PA SPANG BA NI, DPYAD PA GSUM GYIS DAG PA'I LUNG CHOS CAN, SBYIN PAS LONGS SPYOD KHRIMS KYIS BDE ZHES PA'I LUNG RANG GI BSTAN BYA'I DON LA MI BSLU BAR SGRUB PA'I DNGOS PO STOBS ZHUGS KYI RTAGS YANG DAG YIN PAR @110B THAL, KHYOD KYI RTAGS KYIS DE LTAR SGRUB PA'I TSUL GSUM DNGOS PO STOBS ZHUGS KYI TSAD MAS GRUB PA'I PHYIR ZHE NA, SKYON MED DE, TSUL GSUM DNGOS PO STOBS ZHUGS KYI TSAD MAS GRUB KYANG, DE SGRUB KYI BSGRUB BYA SHIN TU LKOG GYUR YIN PA'I PHYIR RO, ,GAL TE SBYIN SOGS DKAR CHOS SPYAD PA LAS MA 'ONGS PA NA BDE BA MI 'BYUNG BA DE YID CHES RJES DPAG GIS BSAL BA MA YIN PAR THAL, SBYIN SOGS DKAR CHOS SPYAD PA LAS MA 'ONGS PA NA BDE BA 'BYUNG BA DE YID CHES KYI RTAGS YANG DAG GI BSGRUB BYA MA YIN PA'I PHYIR, 'DOD MI NUS TE, DE LA MA 'ONGS PA NA CHOS, ,BDE BA MI 'GRUB CES BYA YIN, ,ZHES SBYIN SOGS DKAR CHOS SPYAD PA LAS MA 'ONGS PA NA BDE BA MI 'BYUNG BA DE YID CHES BSAL BAR BSHAD PA'I PHYIR ZHE NA, MA KHYAB STE, YID CHES BSAL BA LA KHAS BLANGS SNGA PHYI 'GAL BA'I DON DANG MI 'GAL BA'I DON GNYIS LAS PHYI MA YID CHES RJES DPAG GIS BSAL BA YIN PA'I PHYIR RO, ,YANG DPYAD PA GSUM GYIS DAG PA'I LUNG DE DE SGRUB KYI RTAGS YANG DAG YIN NA, RANG 'GREL LAS, RJES SU DPAG PA YANG NYES PA MED PA MIN TE, ZHES SOGS GSUNGS PA DANG 'GAL LO ZHE NA, MI 'GAL TE, LUNG TZAM RANG GI BRJOD BYA'I DON DANG 'BREL MED DU BSTAN PA YIN GYI, DPYAD PA GSUM GYIS DAG PA'I LUNG RANG GI BSTAN BYA'I DON LA MI BSLU BA DANG 'BREL MED DU BSTAN PA MA YIN PA'I PHYIR RO, ,YANG DPYAD PA GSUM GYIS DAG PA'I LUNG CHOS CAN, SBYIN PAS LONGS SPYOD KHRIMS KYIS BDE ZHES PA'I LUNG RANG GI BSTAN BYA'I DON LA MI BSLU BAR SGRUB PA'I YID CHES KYI RTAGS YANG DAG MA YIN PAR THAL, DE SGRUB KYI BSGRUB BYA SHIN TU LKOG GYUR MA YIN PA'I PHYIR TE, DE LTA BU'I LUNG RANG GI BSTAN BYA'I DON LA MI BSLU BAR GRUB PAS, SBYIN PA BTANG BA LAS @111A *, ,LONGS SPYOD 'BYUNG BAR TSAD MAS GRUB MI DGOS PA'I PHYIR, RTAGS MA GRUB NA, PHA MA BSAD PA LAS 'KHOR BA LAS GROL BA THOB PAR THAL, PHA DANG MA NI BSAD BYA ZHING, ,ZHES PA'I LUNG RANG GI BSTAN BYA'I DON LA MI BSLU BA'I PHYIR ZHE NA, MI MTSUNGS TE, SBYIN PA BTANG BA LAS LONGS SPYAD 'BYUNG BA DE, SBYIN PAS LONGS SPYOD KHRIMS KYIS BDE, ,ZHES PA'I BRJOD BYA'I GTZO BO YIN LA, PHA MA BSAD PA LAS 'KHOR BA LAS GROL ? BA DE, PHA DANG MA NI BSAD BYA ZHING, ,ZHES PA'I LUNG GI DON MA YIN PA'I PHYIR RO, ,GSUM PA GRAGS RTAGS LA GNYIS, GZHAN LUGS DGAG ,RANG LUGS BZHAG PA'O, ,DANG PO NI, KHA CIG ,GRAGS RTAGS YANG DAG GI MTSAN NYID, DE SGRUB KYI TSUL GSUM GRAGS PA'I STOBS KYIS GRUB PA ZHES ZER BA MI 'THAD DE, RTAGS YANG DAG THAMS CAD KYI TSUL GSUM MTHAR DNGOS PO STOBS ZHUGS KYIS GRUB DGOS PA'I PHYIR TE, RTAGS YANG DAG THAMS CAD KYI TSUL GSUM MTHAR MNGON SUM GYIS GRUB DGOS PA'I PHYIR, DE LTAR MA YIN PAR GRAGS RTAGS YANG DAG GI TSUL GSUM GRAGS PA TZAM GYIS GRUB DGOS NA TSUL GSUM PO DE SGRUB BYED KYI RTAGS KYANG GRAGS PAS GRUB DGOS PAS THUG MED DU 'GYUR RO, ,KHA CIG ,GRAGS RTAGS YANG DAG LA 'DOD RGYAL GYI GRAGS RTAGS DANG, RGYU MTSAN CAN GYI GRAGS RTAGS GNYIS LAS, DANG PO NI, RI BONG CAN CHOS CAN, ZLA BA ZHES PA'I SGRAS BRJOD DU RUNG STE, RTAG YUL NA YOD PA'I PHYIR ZHES PA LTA BU'O, ,GNYIS PA NI, DE TRIG ? CHOS CAN, SHING SGRAS BRJOD DU RUNG STE, YAL GA LO 'DAB DANG LDAN PA'I PHYIR ZHES PA LTA BU'O, ,GNYIS SU 'BYED PA'I RGYU MTSAN NI, BSGRUB BYA'I CHOS LA 'DOD RGYAL GYI GRAGS PA DANG, RGYU MTSAN CAN GYI GRAGS PA GNYIS YOD PA'I PHYIR RO, ,GNYIS PO YANG, DES @111B MI RGYU MTSAN CAN SGRA YI, ,DON DAM SGRA RNAMS KYI NI DON, ,DON DAM PA NYID 'GOG PA LA, ,GNOD PA MED PAR BSTAN PA YIN, ,ZHES PAS BSTAN PA YIN LA, 'DOD RGYAL BA'I GRAGS PA NI DON THAMS CAD LA 'JUG TU RUNG STE, 'DOD PAS 'JUG CING 'DOD PA DON THAMS CAD LA 'JUG TU RUNG BA'I PHYIR, RGYU MTSAN CAN GYI GRAGS PA NI, RGYU MTSAN YOD PAR 'JUG GI RGYU MTSAN MED PAR MI 'JUG STE, DPER NA SHING ZHES PA'I SGRA YAL GA LO 'DAB DANG LDAN PA LA BRDA SBYAR RJES SU SHING KHO NA LA 'JUG GI GZHAN LA 'JUG TU MI RUNG BA BZHIN NO, ,ZHES ZER BA MI 'THAD DE, BYAS DANG MA BYAS PA RNAMS SU, ,SNA TSOGS RANG BZHIN NYID KYIS RUNG, ,ZHES PA'I RIGS PAS GNOD PA'I PHYIR RO, ,KHA CIG ,YAL GA LO 'DAB DANG LDAN PA DE DA TRIG SHING YIN PAR SGRUB PA'I GRAGS RTAGS YANG DAG YIN TE, DE DE SGRUB KYI TSUL GSUM YIN PA GANG ZHIG ,DA TRIG SHING MA YIN PA LA GRAGS PAS GNOD PA'I PHYIR TE, DE BZHIN DA TRIG SHING MIN ZHES, ,RJOD PA LA YANG GNOD PHYIR RO, ,ZHES GSUNGS PA'I PHYIR ZHE NA, DA TRIG SHING MA YIN PA LA GRAGS PAS GNOD NA, SGRA MNYAN BYA MA YIN PA LA YANG GRAGS PAS GNOD PAR 'GYUR LA, DE LTAR NA MNGON SUM DANG GRAGS PA'I GNOD YUL THA DAD DU BSTAN PA DANG 'GAL LO, ,DE BZHIN DA TRIG SHING MIN ZHES, ,ZHES SOGS KYI DON NI, DA TRIG SHING SGRAS BRJOD RUNG MA YIN PA LA GRAGS PAS GNOD PA'I DON NO, ,KHA CIG NA RE, RTOG YUL NA YOD PA DE RI BONG CAN ZLA BA'I SGRAS BRJOD RUNG DU SGRUB PA'I RTAGS YANG DAG YIN KYANG, RANG BZHIN GYI RTAGS YANG DAG MA YIN TE, DE SGRUB KYI DNGOS KYI BSGRUB BYA'I CHOS DE DNGOS MED YIN PA'I PHYIR ZHES ZER RO, ,'O NA RTOG YUL NA YOD PA CHOS CAN, DE SGRUB KYI SGRUB RTAGS YANG DAG MA YIN PAR THAL, DE SGRUB KYI 'BRAS RTAGS @112A *, ,YANG DAG KYANG MA YIN, DE SGRUB KYI RANG BZHIN GYI RTAGS YANG DAG KYANG MA YIN PA'I PHYIR, 'DOD NA, DE SGRUB KYI DGAG RTAGS YANG DAG YIN PAR THAL, DE SGRUB KYI RTAGS YANG DAG GANG ZHIG ,'DOD PA DE'I PHYIR, 'DOD NA, DE SGRUB KYI DNGOS KYI BSGRUB BYA'I CHOS YIN NA DGAG PA YIN DGOS PAR THAL LO, ,'DOD NA, ZLA BA'I SGRAS BRJOD RUNG CHOS CAN, DGAG PA YIN PAR THAL, DE SGRUB KYI DNGOS KYI BSGRUB BYA'I CHOS YIN PA'I PHYIR, 'DOD NA, DGAG BYA DNGOS SU BCAD PA'I TSUL GYIS RTOGS BYA YIN PAR THAL LO, ,'DOD NA, DGAG BYA GANG DNGOS SU BCAD PA'I TSUL GYIS RTOGS PAR BYA BA YIN, ZLA BA'I SGRAS BRJOD MI RUNG DNGOS SU BCAD PA'I TSUL GYIS RTOGS BYA YIN NO ZHE NA, 'O NA BUM PA DE YANG BUM PA MA YIN PA DNGOS SU BCAD PA'I TSUL GYIS RTOGS BYA YIN PAR THAL, ZLA BA'I SGRAS BRJOD RUNG DE ZLA BA'I SGRAS BRJOD MI RUNG DNGOS SU BCAD PA'I TSUL GYIS RTOGS BYA YIN PA'I PHYIR, 'DOD NA, BUM PA CHOS CAN, DGAG PA YIN PAR THAL, DGAG BYA DNGOS SU BCAD PA'I TSUL GYIS RTOGS BYA YIN PA'I PHYIR, 'DOD NA, KHYOD DNGOS SU 'JAL BA'I RTOG PA DE DGAG RTOG YIN PAR THAL LO, ,'ON TE ZLA BA'I SGRAS BRJOD RUNG CHOS CAN, DGAG PA YIN TE, DNGOS MED YIN PA'I PHYIR ZHE NA, SGRUB PA CHOS CAN, DER THAL, DE'I PHYIR RO, ,GNYIS PA RANG LUGS BZHAG PA LA GNYIS, MTSAN NYID DANG, MTSAN GZHI'O, ,DANG PO NI, GRAGS RTAGS YANG DAG GI MTSAN NYID, DE SGRUB KYI TSUL GSUM GANG ZHIG, DE SGRUB KYI BSGRUB BYA BRDA'I DBANG GIS BZHAG PA, GNYIS PA LA GSUM, RTAGS DGOD, TSUL BSGRUB, BSGRUB BYA BRDA'I DBANG GIS BZHAG PA'I TSUL LO, ,DANG PO NI, RTOG YUL NA YOD NA ZLA BA'I SGRAS BRJOD RUNG YIN PAS KHYAB, DPER NA, GA BUR DANG DNGUL CHU BZHIN, @112B RI BONG CAN 'DI YANG RTOG YUL NA YOD PA YIN NO ZHES BYA BA NI RANG BZHIN GYI RTAGS SO, ,GNYIS PA LA GNYIS, PHYOGS CHOS BSGRUB PA DANG, KHYAB PA BSGRUB PA'O, ,DANG PO NI, RI BONG CAN RTOG YUL NA YOD PA DE RANG RIG MNGON SUM GYIS GRUB STE, RI BONG CAN ? 'DZIN PA'I RTOG PA NYAMS SU MYONG BA'I RANG RIG MNGON SUM GYIS GRUB PA'I PHYIR TE, DES RI BONG CAN 'DZIN PA'I RTOG PA DE RI BONG CAN 'DZIN BYED DU DNGOS SU GZHAL STOBS KYIS, RI BONG CAN DE RTOG PA DE'I GZUNG BYAR SHUGS LA GZHAL BA'I PHYIR, GNYIS PA NI, YUL LA 'DOD PA'I DBANG GIS ? 'JUG NA DON THAMS CAD LA 'JUG RUNG YIN PAS KHYAB, DPER NA RNAM RTOG RANG DGA' BA BZHIN, ZLA BA ZHES PA'I SGRA 'DI YANG YUL LA 'DOD PA'I DBANG GIS 'JUG PA YIN NO, ,ZHES PA'I RTAGS LA BRTEN NAS RTOG YUL NA YOD NA ZLA BA'I SGRAS BRJOD RUNG YIN PAS KHYAB PA 'GRUB LA, DE'I TSUL GSUM YANG RANG RIG MNGON SUM GYIS GRUB PA YIN NO, ,GSUM PA NI, GRAGS RTAGS YANG DAG DANG DNGOS PO STOBS ZHUGS KYI RTAGS YANG DAG GI TSUL GSUM DNGOS PO STOBS ZHUGS KYIS GRUB PAR MTSUNGS NA DE GNYIS KYI KHYAD PAR CI ZHE NA, BSGRUB BYA DNGOS PO'I STOBS KYIS GRUB PA'I RTAGS NI DNGOS STOBS KYI RTAGS DANG, BSGRUB BYA BRDA'I DBANG GIS BZHAG PA'I RTAGS NI GRAGS PA'I RTAGS YIN TE, SLOB DPON CHOS MCHOG GIS, GRAGS PA'I YUL NI BRDA LAS BYUNG BA'I DON YIN LA, RJES SU DPAG PA'I YUL NI DNGOS PO YIN NO ZHES BYA BA NI YUL GYI DBYE BA'O, ,ZHES DANG, RJES SU DPAG PA NI DNGOS PO LA 'JUG PA'I PHYIR DANG, GRAGS PA'I RTAGS NI SGRO BTAGS PA'I RANG BZHIN GYI DON LA 'JUG PA'I PHYIR DNGOS PO LA MI 'JUG PA YIN NO, ,ZHES GSUNGS PA YIN NO, ,DES NA GZHI GRUB PA LA, DNGOS PAR YOD PA DANG, RTOG PAS @113A *, ,BTAGS PA GNYIS LAS, DANG PO NI, SGRA MI RTAG PA LTA BU DANG, GNYIS PA LA DNGOS PO'I STOBS KYIS GRUB PA DANG, BRDA'I DBANG GIS BZHAG PA GNYIS LAS, DANG PO NI, BYAS MI RTAG GI THA DAD LTA BU STE, DE RTOG PAS BTAGS PA YIN TE, DE GNYIS BLO LA THA DAD DU SNANG ZHING, YUL RANG NGOS NAS THA DAD DU MA GRUB PA'I PHYIR, RTAGS MA GRUB NA, DE GNYIS RDZAS THA DAD DU THAL LO, ,'DOD NA, DE GNYIS 'BREL MED THA DAD YIN PAR THAL, RDZAS THA DAD GANG ZHIG ,DE BYUNG DU MA 'BREL PA'I PHYIR, 'ON TE BYAS MI RTAG GI THA DAD CHOS CAN, MA GRUB PAR THAL, RTOG PAS BTAGS PA YIN PA'I PHYIR, DPER NA THAG PA LA SBRUL DU BTAGS PA BZHIN NO ZHE NA, MA KHYAB STE, RTOG PAS BTAGS PA YIN YANG GZHI GRUB PA LA GNOD BYED MED PA'I PHYIR RO, ,GAL TE RTAGS MA GRUB STE, BYAS MI RTAG CHOS CAN, THA DAD DU MA GRUB PAR THAL, GCIG YIN PA'I PHYIR TE, RDZAS GCIG YIN PA'I PHYIR ZHE NA, 'O NA RDZAS GCIG DANG GCIG LA 'BREL PA GRUB BAM MA GRUB, MA GRUB NA, RDZAS GCIG DE BYAS MI RTAG GCIG TU SGRUB BYED MIN PAR 'GYUR LA, GRUB NA BYAS MI RTAG KYANG THA DAD DU GRUB PAR MTSUNGS PAS, BYAS MI RTAG THA DAD YIN PA LA GNOD BYED MED PAR GRUB BO, ,GNYIS PA BRDA'I DBANG GIS BZHAG PA NI, RI BONG CAN ZLA BA'I SGRAS BRJOD RUNG LTA BU STE, DE 'DOD PA TZAM GYI RJES SU BYED PA YIN GYI DNGOS PO'I STOBS KYIS MA GRUB PA'I PHYIR TE, RI BONG CAN DNGOS DBANG GIS ZLA BA'I SGRAS BRJOD RUNG DU MNGON SUM DANG RJES DPAG GANG GIS KYANG MA GRUB PA'I PHYIR TE, SGRA DON LA DBANG 'JUG MED PHYIR, ,ZHES GSUNGS PA'I PHYIR DANG, DE SGRUB PA'I RTAGS YANG DAG MED PA'I PHYIR TE, YOD PA DE RI BONG CAN DNGOS DBANG GIS ZLA BA'I SGRAS BRJOD RUNG DU SGRUB PA'I MTHUN @113B PHYOGS LA RJES SU MI 'GRO BA'I THUN MONG MA YIN PA'I GTAN TSIGS YIN PA'I PHYIR, DE SKAD DU'ANG, YANG NA 'JIG RTEN BRJOD PA LA, ,RJES DPAG MED PAR BRJOD PA YIN, ,ZHES SOGS DANG, ZHI BA 'TSOS, ZLA BA NYID SGRUB GTAN TSIGS LA, ,THUN MONG MIN PA NYID 'GYUR TE, , GRAGS PA LAS NI THA DAD PA'I, ,DNGOS PO'I NGO BO LA BSTEN PA'O, ,ZHES GSUNGS SO, ,BZHI PA RTAGS YANG DAG LA SGRUB TSUL GYI SGO NAS DBYE BA LA GNYIS, DON SGRUB KYI RTAGS YANG DAG DANG, THA SNYAD SGRUB KYI RTAGS YANG DAG GO, DANG PO'I MTSAN NYID, DE SGRUB KYI TSUL GSUM GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS DE SGRUB KYI SHES 'DOD CHOS CAN GYI STENG DU, DE SGRUB KYI BSGRUB BYA'I CHOS KYI DON GRUB MA ZIN PA, GNYIS PA'I MTSAN NYID, GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS DE SGRUB KYI SHES 'DOD CHOS CAN GYI STENG DU BSGRUB BYA'I CHOS KYI THA SNYAD GRUB MA ZIN PA, DE GNYIS GA'I DPER BRJOD NI, ME MED MTSAN MO'I RGYU MTSO NA CHOS CAN, DU BA MED DE, ME MED PA'I PHYIR ZHES PA LTA BU'O, DE SGRUB KYI THA SNYAD 'BA' ZHIG SGRUB KYI RTAGS YANG DAG GI MTSAN NYID, GANG ZHIG ,RANG PHYOGS CHOS CAN DU SONG BA'I GANG ZAG GI TSAD MAS DE SGRUB KYI SHES 'DOD CHOS CAN GYI STENG DU DE SGRUB KYI BSGRUB BYA'I CHOS KYI DON GRUB ZIN PA, DPER NA BUM PA SNANG RUNG MA DMIGS PA'I SA PHYOGS NA CHOS CAN, BUM PA MED DE, BUM PA SNANG RUNG MA DMIGS PA'I PHYIR, ZHES PA LTA BU'O, DE LTAR NA RGYU KHYAB BYED MA DMIGS PA'I RTAGS GNYIS NI DON SGRUB KYI RTAGS DANG THA SNYAD SGRUB KYI RTAGS GNYIS KA YIN LA, RANG BZHIN MA DMIGS PA'I RTAGS NI THA SNYAD 'BA' ZHIG SGRUB KYI RTAGS YANG DAG YIN TE, RANG 'GREL LAS, RGYU DANG KHYAB PAR BYED @114A *, ,PA MA DMIGS PA NI GNYIS KA'I YANG GTAN TSIGS YIN NO ZHES DANG, DE'I 'GREL BSHAD DU SH'AKYA BLOS, GNYIS KA'I YANG ZHES BYA BA NI DGAG PA DANG DGAG PA'I THA SNYAD KYI'O, ,ZHES GSUNGS SHING, DGAG PA'I YANG ZHES PA'I 'GREL BSHAD DU SH'AKYA BLOS, YANG ZHES BYA BA NI DGAG PA'I THA SNYAD SGRUB PA'I YANG NGO ZHES GSUNGS PA'I PHYIR, RGYU KHYAB BYED MA DMIGS PA'I RTAGS GNYIS DON SGRUB DANG THA SNYAD SGRUB GNYIS KA YIN GYI, DE GNYIS THA SNYAD 'BA' ZHIG SGRUB PA'I RTAGS YANG DAG MA YIN TE, THA SNYAD 'BA' ZHIG SGRUB NA, DU BA MED DE; ? ME MED PA'I PHYIR, ZHES PA LTA BU'I RTAGS BKOD PA LA DGOS PA MED PA'I PHYIR RO, ,'O NA RNAM NGES LAS, 'BRAS BU DANG KHYAB BYA BLTAR MI RUNG BA LA NI RGYU DANG KHYAB PAR BYED PA MA DMIGS PAS DNGOS PO MED PA DANG MED PA'I THA SNYAD GO BAR BYED LA, 'BRAS BU DANG KHYAB BYA BLTAR RUNG BA LA NI MED PA'I THA SNYAD 'BA' ZHIG TU ZAD DE, ,ZHES GSUNGS PA DANG 'GAL LO ZHE NA, MI 'GAL TE, ME MED MTSAN MO'I RGYA MTSOR DU BA YOD NA SNANG DU MI RUNG NA, RGYU MA DMIGS PA'I RTAGS KYIS GZHI DER DU MED KYI DON DANG THA SNYAD GNYIS KA SGRUB LA, DU BA YOD NA SNANG DU RUNG NA RANG BZHIN MA DMIGS PA'I RTAGS KYIS GZHI DER DU BA MED PA'I THA SNYAD 'BA' ZHIG SGRUB PA'I DON YIN PA'I PHYIR RO, ,KHA CIG ,RGYU DANG KHYAB PAR BYED PA MA DMIGS PA NI GNYIS KA'I YANG GTAN TSIGS YIN NO ZHES PA'I DON, ME MED MTSAN MO'I RGYA MTSO NA CHOS CAN, DU BA MED DE ZHES SGRUB NA DON SGRUB KYI RTAGS DANG, DU BA MED PA'I THA SNYAD BYAR RUNG STE, ZHES SGRUB NA THA SNYAD SGRUB KYI RTAGS SU STON PA YIN GYI, ME MED DE, ME MED MTSAN MO'I RGYA MTSO DU MED DU SGRUB PA'I DON SGRUB DANG THA SNYAD SGRUB PA'I RTAGS GNYIS KA YIN @114B PAR STON PA MA YIN TE, ME MED DE DE SGRUB KYI DON SGRUB KYI RTAGS YIN NA THA SNYAD SGRUB KYI RTAGS YIN PAR 'GAL BA'I PHYIR TE, ME MED DE DE SGRUB KYI DON SGRUB KYI RTAGS YIN NA DE SGRUB KYI DGAG RTAGS YIN DGOS, ME MED DE DE SGRUB KYI THA SNYAD SGRUB KYI RTAGS YIN NA, DE SGRUB KYI SGRUB RTAGS YIN DGOS PA'I PHYIR ZHES ZER BA MI 'THAD DE, ME MED DE DE SGRUB KYI THA SNYAD SGRUB KYI RTAGS YIN NA YANG DE SGRUB KYI DGAG RTAGS YIN DGOS PA'I PHYIR, KHA CIG ,DON SGRUB KYI RTAGS DANG THA SNYAD SGRUB KYI RTAGS GNYIS 'GAL BA YIN TE, DON DANG THA SNYAD GNYIS 'GAL BA'I PHYIR TE, MTSAN NYID DANG MTSON BYA 'GAL BA'I PHYIR, RTZA BAR MA KHYAB NA, DGAG PA DANG SGRUB PA 'GAL BA'I SGO NAS DGAG RTAGS DANG SGRUB RTAGS GNYIS 'GAL BAR 'JOG PA MA YIN PAR THAL LO, ,'ON TE DON SGRUB KYI RTAGS DANG THA SNYAD SGRUB KYI RTAGS GNYIS MI 'GAL TE, ME MED DES ME MED MTSAN MO'I RGYA MTSOR DU BA MED PA'I DON DANG THA SNYAD GNYIS KA SGRUB PA'I PHYIR ZHE NA, DGAG RTAGS DANG SGRUB RTAGS GNYIS MI 'GAL BAR THAL, BYAS PAS SGRA MI RTAG PAR YANG SGRUB SGRA RTAG PA MA YIN PAR YANG SGRUB PA'I PHYIR ZHES ZER RO, ,DE NI MI MTSUNGS TE, DGAG RTAGS DANG SGRUB RTAGS GNYIS DNGOS KYI BSGRUB BYA'I CHOS DGAG PA DANG SGRUB PA YIN PA'I SGO NAS 'BYED LA, DON SGRUB DANG THA SNYAD SGRUB KYI RTAGS GNYIS DNGOS KYI BSGRUB BYA'I CHOS DON DANG THA SNYAD YIN PA'I SGO NAS 'BYED PA MA YIN PA'I PHYIR RO, ,'O NA BUM PA SNANG RUNG MA DMIGS PA DE, BUM PA SNANG RUNG MA DMIGS PA'I SA PHYOGS BUM MED DU SGRUB PA'I THA SNYAD 'BA' ZHIG SGRUB PA'I RTAGS YANG DAG YIN NA, GRUB ZIN GYI DON DANG BSGRUB RGYU'I THA SNYAD GANG ZHE NA, SNGAR RANG BZHIN MA DMIGS PA'I RTAGS @115A *, ,KYI SKABS SU BSHAD ZIN TO, LNGA PA MTHUN PHYOGS LA 'JUG TSUL GYI SGO NAS DBYE BA LA GNYIS, MTHUN PHYOGS LA KHYAB BYED DU 'JUG PA'I RTAGS YANG DAG DANG, MTHUN PHYOGS LA CHA GNYIS SU 'JUG PA'I RTAGS YANG DAG GO, DANG PO'I MTSAN NYID, DE SGRUB KYI TSUL GSUM GANG ZHIG ,DE SGRUB KYI MTHUN PHYOGS MTHA' DAG LA 'JUG PA, DPER NA, SGRA MI RTAG PAR SGRUB PA LA BYAS PA RTAGS SU BKOD PA LTA BU'O, ,GNYIS PA'I MTSAN NYID, GANG ZHIG ,DE SGRUB KYI MTHUN PHYOGS 'GA' ZHIG LA MI 'JUG PA, DPER NA DUNG SGRA MI RTAG PAR SGRUB PA LA RTZOL BYUNG RTAGS SU BKOD PA LTA BU'O, ,KHA CIG ,'BRAS RTAGS YANG DAG YIN NA MTHUN PHYOGS LA CHA GNYIS SU 'JUG PAS KHYAB STE, DE PHYIR 'BRAS RNAMS GNYIS SU 'JUG ,CES GSUNGS PA'I PHYIR ZHE NA, RES 'GA' SKYE BA CHOS CAN, KHYOD NYER LEN GYI PHUNG PO RANG RGYU DANG BCAS PAR SGRUB PA'I MTHUN PHYOGS LA CHA GNYIS SU 'JUG PAR THAL, DE SGRUB KYI 'BRAS RTAGS YANG DAG YIN PA'I PHYIR, 'DOD MI NUS TE, DE SGRUB KYI MTHUN PHYOGS LA KHYAB BYED DU 'JUG PA'I PHYIR TE, DE SGRUB KYI MTHUN PHYOGS LA 'JUG PA GANG ZHIG ,DE SGRUB KYI MTHUN PHYOGS YIN NA KHYOD YIN PAS KHYAB PA'I PHYIR RO, DRUG PA RGOL BA'I SGO NAS DBYE BA LA GNYIS, RANG DON GYI RTAGS YANG DAG DANG, GZHAN DON GYI RTAGS YANG DAG GNYIS, DANG PO'I MTSAN NYID, DE SGRUB KYI TSUL GSUM GANG ZHIG ,PHYI RGOL GYI NGOR MA BKOD PA, DPER NA, GLO BUR DU DU BA MTHONG BA'I RTAGS LAS DU LDAN GYI LA LA ME YOD PAR SGRUB PA LTA BU'O, ,GNYIS PA'I MTSAN NYID, GANG ZHIG ,PHYI RGOL GYI NGOR BKOD PA, DPER NA, PHYI RGOL SGRA RTAG MI RTAG THE TSOM ZA NAS DRIS PA'I LAN DU, GANG BYAS @115B NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES BKOD PA'I TSE NA BYAS PA LTA BU'O, ,GSUM PA RTAGS DPE PHYOGS GSUM GYI SKYON YON DPYAD PA LA GSUM, GZHAN LUGS DGAG, RANG LUGS BZHAG ,RTZOD PA SPANG PA'O, ,DANG PO NI, KHA CIG NA RE, SBYOR BA SKOR GCIG GI RTAGS SKYON CAN YIN NA, SBYOR BA SKOR GCIG GI RTAGS SKYON YIN PAS KHYAB STE, SKYON DANG SKYON CAN NGO BO GCIG PA'I PHYIR, DPER NA, CHANG DANG MYOS PA'I NUS PA BZHIN, RTAGS SKYON YIN NA PHYOGS SKYON MA YIN PAS KHYAB STE, 'DI DE DAG GI SKYON MIN NAM, ,YAN LAG PHYI MA LA LTOS PA, ,PHYOGS SKYON 'DOD MIN, ZHES GSUNGS PA'I PHYIR ZHE NA, SGRA CHOS CAN, MNYAN BYA MA YIN TE, SGRA MNYAN BYA MA YIN PA'I PHYIR, ZHES BKOD PA'I TSE NA, SGRA MNYAN BYA MA YIN PA CHOS CAN, SGRA MNYAN BYA MA YIN PAR SGRUB PA'I PHYOGS SKYON MA YIN PAR THAL, DE SGRUB KYI RTAGS SKYON YIN PA'I PHYIR, KHYAB PA KHAS BLANGS SHING RTAGS BSAL GNYIS KA KHAS BLANGS TE, DE SGRUB KYI RTAGS SKYON CAN YIN NA DE SGRUB KYI RTAGS SKYON DANG, DE SGRUB KYI PHYOGS SKYON CAN YIN NA, DE SGRUB KYI PHYOGS SKYON YIN PAS KHYAB PAR KHAS BLANGS PA'I PHYIR RO, ,GZHAN YANG, GZHAL BYA CHOS CAN, SGRA MI RTAG PAR SGRUB PA'I RTAGS SKYON YIN PAR THAL, SGRA MI RTAG PAR SGRUB PA'I RTAGS SKYON CAN YIN PA'I PHYIR, 'DOD NA, DE SGRUB KYI RTAGS YANG DAG YIN NA KHYOD MA YIN PAS KHYAB PAR THAL LO, ,GZHAN YANG, SGRA MNYAN BYA MA YIN PAR SGRUB PA LA SGRA MNYAN BYA MA YIN PA RTAGS SU BKOD PA'I TSE NA, SGRA MNYAN BYA MA YIN PAR SGRUB PA'I RTAGS DANG PHYOGS GNYIS KAR BZUNG NAS PHYI RGOL GYI TSAD MAS BSAL BA ZHUGS PA CHOS CAN, SGRA MNYAN BYA MA YIN PAR SGRUB PA'I PHYOGS SKYON MA YIN PAR THAL, DE SGRUB KYI @116A *, ,RTAGS SKYON YIN PA'I PHYIR TE, SGRA MNYAN BYA MA YIN PA DE SGRA MNYAN BYA MA YIN PAR SGRUB PA'I RTAGS SKYON CAN DU SGRUB PA'I TSUL GSUM YIN PA'I PHYIR, RTZA BAR 'DOD MI NUS TE, SGRA MNYAN BYA MA YIN PA DE SGRA MNYAN BYA MA YIN PAR SGRUB PA'I PHYOGS SKYON CAN DU SGRUB PA'I TSUL GSUM YIN PA'I PHYIR, KHA CIG ,SGRA MI RTAG PAR SGRUB PA LA MIG GIS GZUNG BYA RTAGS SU BKOD PA'I TSE NA, MIG GIS GZUNG BYAS SGRA MI RTAG PAR SGRUB PA'I PHYOGS CHOS MA GRUB PA DE, SGRA MI RTAG PAR SGRUB PA'I RTAGS SKYON YIN NO ZHIR ? ZER, MIG GIS GZUNG BYAS SGRA MI RTAG PAR SGRUB PA'I PHYOGS CHOS MA GRUB PA CHOS CAN, KHYOD YIN NA SGRA MI RTAG PAR SGRUB PA'I RTAGS SKYON CAN YIN PAS KHYAB PAR THAL, KHYED SGRA MI RTAG PAR SGRUB PA'I RTAGS SKYON YIN PA'I PHYIR, 'DOD NA, BYAS PA CHOS CAN, SGRA MI RTAG PAR SGRUB PA'I RTAGS SKYON CAN YIN PAR THAL, MIG GIS GZUNG BYAS SGRA MI RTAG PAR SGRUB PA'I PHYOGS CHOS MA GRUB PA'I PHYIR, KHA CIG ,SGRA MI RTAG PAR SGRUB PA'I PHYOGS CHOS MA GRUB PA DE, SGRA MI RTAG PAR SGRUB PA'I RTAGS SKYON YIN TE, SGRA MI RTAG PAR SGRUB PA'I RTAGS YANG DAG YIN NA SGRA MI RTAG PAR SGRUB PA'I PHYOGS CHOS GRUB DGOS PA'I PHYIR ZHE NA, SGRA MI RTAG PAR SGRUB PA'I BSGRUB BYA'I CHOS KYIS STONG PA DE SGRA MI RTAG PAR SGRUB PA'I DPE SKYON YIN PAR THAL, SGRA MI RTAG PAR SGRUB PA'I PHYOGS CHOS MA GRUB PA DE SGRA MI RTAG PAR SGRUB PA'I RTAGS SKYON YIN PA'I PHYIR, 'DOD NA, DE DE SGRUB KYI DPE'I YON TAN YIN PAR THAL, DE DE SGRUB KYI MI MTHUN DPE'I YON TAN YIN PA'I PHYIR, RTAGS BSAL KHAS, GZHAN YANG, GZHI MA GRUB PA DE SGRA MI RTAG PAR SGRUB PA'I RTAGS SKYON YIN PAR THAL, SGRA MI RTAG PAR SGRUB PA'I RTAGS YANG @116B DAG YIN NA GZHI GRUB DGOS PA'I PHYIR, YANG KHA CIG ,'GAL MA NGES MA GRUB PA RNAMS RTAGS LTAR SNANG GI SKYON MA YIN TE, DE'I YON TAN YIN PA'I PHYIR TE, DE'I RANG BZHIN YIN PA'I PHYIR, DES NA GSUM PO RTAGS YANG DAG GI SKYON YIN LA, RTAGS LTAR SNANG LA LDAN PA YIN NO ZHE NA, TSUL GSUM PO RTAGS LTAR SNANG GI YON TAN YIN PAR THAL, 'GAL MA NGES MA GRUB PA RNAMS RTAGS YANG DAG GI SKYON YIN PA'I PHYIR, 'DOD NA, RTAGS YANG DAG LTAR SNANG DANG RTAGS LTAR SNANG YANG DAG TU THAL, 'GAL MA NGES MA GRUB PA RNAMS RTAGS YANG DAG GI SKYON DANG, TSUL GSUM PO RTAGS LTAR SNANG GI YON TAN YIN PA'I PHYIR, KHYAB STE, RTAGS SKYON CAN YIN NA RANG GI BSGRUB BYA SGRUB MI NUS DANG, RTAGS YON TAN CAN YIN NA RANG GI BSGRUB BYA SGRUB NUS PAS KHYAB PA'I PHYIR, DE SKAD DU'ANG, RTAGS KUN RANG GI BSGRUB BYA LA, , SKYON DANG YON TAN DPYAD PHYIR RO, ,ZHES GSUNGS SO, ,GZHAN YANG, SEMS CAN GYI NYES PA CHAGS SOGS SANGS RGYAS KYI SKYON DANG, SANGS RGYAS KYI YON TAN STOBS SOGS SEMS CAN GYI YON TAN YIN PAR THAL, 'GAL MA NGES MA GRUB PA RNAMS RTAGS YANG DAG GI SKYON DANG, TSUL GSUM PO RTAGS LTAR SNANG GI YON TAN YIN PA'I PHYIR, 'GAL MA NGES MA GRUB PA RNAMS CHOS CAN, RTAGS YANG DAG LA LDAN PAR THAL, RTAGS YANG DAG GI SKYON YIN PA'I PHYIR, GNYIS PA RANG LUGS BZHAG PA LA GSUM, RTAGS SKYON DANG, DPE SKYON DANG, PHYOGS SKYON NO, ,DANG PO LA GNYIS, MTSAN NYID DANG, DBYE BA'O, ,DANG PO NI, DE SGRUB KYI RTAGS SKYON GYI MTSAN NYID, DE SGRUB KYI RTAGS SU GZUNG BYA DE RTAGS SKYON CAN DU SGRUB BYED DO, ,GNYIS PA RTAGS SKYON LA DBYE NA GSUM YOD DE, RTAGS SKYON CAN LA 'GAL MA NGES MA GRUB @117A *, ,PA'I RTAGS SKYON CAN DU DBYER YOD PA'I PHYIR, 'GAL BA'I RTAGS SKYON NI, SGRA RTAG PAR SGRUB PA LA BYAS PA RTAGS SU BKOD PA'I TSE NA, SGRA RTAG PAR SGRUB PA'I RTAGS SU BZUNG NAS DE SGRUB KYI KHYAB PA PHYIN CI LOG TU NGES PA LTA BU'O, ,MA NGES PA'I RTAGS SKYON NI SGRA MI RTAG PAR SGRUB PA LA GZHAL BYA RTAGS SU BKOD PA'I TSE NA, SGRA MI RTAG PAR SGRUB PA'I RTAGS SU BZUNG NAS KHYAB PA RNAL MAR MA NGES PA LTA BU'O, ,MA GRUB PA'I RTAGS SKYON NI, SGRA MI RTAG PAR SGRUB PA LA MIG GIS GZUNG BYA RTAGS SU BKOD PA'I TSE NA, SGRA MI RTAG PAR SGRUB PA'I RTAGS SU BZUNG NAS SHES 'DOD CHOS CAN GYI STENG DU 'GOD TSUL DANG MTHUN PAR MA GRUB PA LTA BU'O, ,DE YANG RTAGS LTAR SNANG GI SBYOR BA SKOR GCIG LA RTAGS SKYON DANG RTAGS SKYON CAN DANG RTAGS YANG DAG GI MTSAN NYID KYI BSAL BYA GSUM BRTZI BAR BYA STE, RTAGS SKYON YIN NA GZHI GRUB DGOS TE, RTAGS SU BZUNG BA DE RTAGS SKYON CAN DU SGRUB BYED YANG DAG YIN DGOS PA'I PHYIR RO, ,RTAGS SKYON CAN YIN NA GZHI GRUB PAS MA KHYAB STE, RI BONG GI RVAS PHUG PA DE SKYES BU SDUG BSNGAL BAR SGRUB PA'I RTAGS SKYON CAN YIN PA'I PHYIR, RTAGS SKYON CAN YIN NA GZHI MA GRUB PAS MA KHYAB STE, GZHAL BYA DE SGRA MI RTAG PAR SGRUB PA'I RTAGS SKYON CAN YIN PA'I PHYIR, RTAGS YANG DAG GI MTSAN NYID KYI BSAL BYA GZHI MA GRUB STE, DE SGRUB KYI RTAGS LTAR SNANG DE DE SGRUB KYI RTAGS YANG DAG YIN PA MI SRID PA'I PHYIR, DE YANG MIG GIS GZUNG BYAS SGRA MI RTAG PAR SGRUB PA LTA BU LA MTSON NA, SGRA MI RTAG PAR SGRUB PA'I RTAGS SU BZUNG NAS PHYOGS CHOS MA GRUB PA DE RTAGS SKYON DANG, MIG GIS GZUNG BYA RTAGS SKYON CAN DANG, MIG GIS GZUNG BYA'I RTAGS KYIS SGRA MI RTAG PAR SGRUB @117B PA'I PHYOGS CHOS GRUB PA NI RTAGS YANG DAG GI MTSAN NYID KYI BSAL BYA YIN NO, ,DE BZHIN DU DPE DANG PHYOGS KYI SKYON DANG SKYON CAN RNAMS LA YANG CI RIGS PAR SBYAR BAR BYA'O, ,GNYIS PA LA GNYIS, MTSAN NYID DANG, DBYE BA'O, ,DANG PO NI, DE SGRUB KYI DPE SKYON GYI MTSAN NYID, DE SGRUB KYI DPER GZUNG BA DE DPE SKYON CAN DU SGRUB BYED, GNYIS PA LA DBYE NA GNYIS, MTHUN DPE'I SKYON DANG, MI MTHUN DPE'I SKYON NO, ,DANG PO'I MTSAN NYID, MTHUN DPER BZUNG BA DE MTHUN DPE SKYON CAN DU SGRUB BYED, GNYIS PA'I MTSAN NYID, MI MTHUN DPER BZUNG BA DE MI MTHUN DPE SKYON CAN DU SGRUB BYED DO, ,GSUM PA PHYOGS SKYON LA GNYIS, MTSAN NYID DANG, DBYE BA'O, ,DANG PO NI, PHYOGS SKYON GYI MTSAN NYID, PHYOGS SU BZUNG BA DE PHYOGS SKYON CAN DU SGRUB BYED DO, ,DBYE BA LNGAR YOD DE, PHYOGS SKYON CAN DE LA LNGAR DBYER YOD PA'I PHYIR RO, ,GSUM PA RTZOD PA SPONG PA NI, GAL TE RTAGS SKYON DANG PHYOGS SKYON MI 'GAL NA, 'DI DE DAG GI SKYON MIN NAM, ,YAN LAG PHYI MA LA LTOS PA, ,PHYOGS SKYON 'DOD MIN, ZHES PA DANG 'GAL LO ZHE NA, MI 'GAL TE, DE NI RTAGS PHYOGS CHOS MA GRUB PA DANG, CHOS DPE LA RJES 'GRO MED PA CHOS CAN; PHYOGS SKYON MA YIN PAR THAL, RTAGS DPE KHA NA'I SKYON YIN PA'I PHYIR, ZHES PA'I DON YIN PA'I PHYIR, GAL TE TSUL GANG RUNG RE MA CHANG BA'I SGO NAS RTAGS SKYON CAN DU 'GYUR NA, TSUL GANG RUNG RE TSANG BA'I SGO NAS RTAGS YON TAN CAN DU 'GYUR LA, DE LTAR NA GZHAL BYA DE SGRA MI RTAG PAR SGRUB PA'I RTAGS YON TAN CAN DU 'GYUR LA, DE LTAR NA RTAGS SKYON CAN DANG RTAGS YON TAN CAN MI 'GAL BAR 'GYUR RO ZHE NA, SKYON MED DE, TSUL GANG RUNG RE MA TSANG BAS BSGRUB BYA SGRUB MI NUS SU 'GYUR LA, PHYOGS CHOS LTA BU GANG RUNG RE TSANG BAS RTAGS YON TAN @118A *, ,CAN DU 'JOG MI NUS PA'I PHYIR TE, RTAGS KUN RANG GI BSGRUB BYA SGRUB MI NUS KYI CHA NAS SKYON CAN DANG, RANG GI BSGRUB BYA SGRUB NUS KYI CHA NAS YON TAN CAN DU BZHAG PA'I PHYIR, DE SKAD DU'ANG, RTAGS KUN RANG GI BSGRUB BYA LA, ,SKYON DANG YON TAN DPYAD PHYIR RO, ,ZHES GSUNGS SO, ,GAL TE MTHUN DPE'I SKYON YIN NA DPE SKYON YIN DGOS SAM MI DGOS, DANG PO LTAR NA, GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN, SGRA NI BYAS SO ZHES BKOD PA'I TSE, SGRA MI RTAG PAR SGRUB PA'I BSGRUB BYA'I CHOS KYIS STONG PA CHOS CAN, SGRA MI RTAG PAR SGRUB PA'I DPE SKYON YIN PAR THAL, SGRA MI RTAG PAR SGRUB PA'I MTHUN DPE'I SKYON YIN PA'I PHYIR, 'DOD NA, DE SGRUB KYI DPE'I YON TAN YIN PAR THAL, DE SGRUB KYI MI MTHUN DPE'I YON TAN YIN PA'I PHYIR, GNYIS PA LTAR NA, MTHUN DPE YANG DAG YIN NA DPE YANG DAG YANG YIN MI DGOS PAR THAL, MTHUN DPE'I SKYON YIN NA DPE SKYON YIN MI DGOS PA'I PHYIR, 'DOD NA, DE SGRUB KYI DPE YANG DAG YIN PA MI SRID PAR THAL, DE SGRUB KYI MTHUN DPE YANG DAG DANG MI MTHUN DPE YANG DAG GNYIS KA YIN PA MI SRID CING, DE GANG RUNG ZHIG YIN PAS DPE YANG DAG YIN PA'I GO MI CHOD PA'I PHYIR ZHE NA, PHYOGS GNYIS PA KHAS MI LEN LA, PHYOGS DANG PO KHAS BLANGS KYANG SKYON MED DE, SGRA MI RTAG PAR SGRUB PA'I BSGRUB BYA'I CHOS KYIS STONG BA TZAM MTHUN DPE'I SKYON DANG MI MTHUN DPE'I SKYON GANG DU YANG KHAS MI LEN PA'I PHYIR RO, ,GAL TE SGRA MI RTAG PAR SGRUB PA'I PHYOGS CHOS MA GRUB PA CHOS CAN, MIG GIS GZUNG BYA'I RTAGS KYIS SGRA MI RTAG PAR SGRUB PA'I RTAGS SKYON YIN PAR THAL, MIG GIS GZUNG BYA DE SGRA MI RTAG PAR SGRUB PA'I RTAGS SKYON CAN @118B DU SGRUB BYED YANG DAG YIN PA'I PHYIR TE, MIG GIS GZUNG BYA DE SGRA MI RTAG PAR SGRUB PA'I RTAGS LTAR SNANG DU SGRUB BYED YIN PA'I PHYIR TE, MIG GIS GZUNG BYA DE SGRA MI RTAG PAR SGRUB PA'I RTAGS YANG DAG MA YIN PAR SGRUB PA'I SGRUB BYED YIN PA'I PHYIR RO, ,PHYI MA LA KHYAB PA YOD DE, TSUL GSUM TSANG BA MA YIN NA TSUL GSUM MA TSANG BA YIN DGOS PA'I PHYIR TE, TSUL GSUM TSANG MA TSANG GNYIS PHAN TSUN SPANGS TE GNAS PA'I DNGOS 'GAL YIN PA'I PHYIR ZHES ZER, 'O NA MNGON SUM YANG DAG MA YIN NA MNGON SUM LTAR SNANG YIN PAS KHYAB PAR THAL, RTOG BRAL MA 'KHRUL BA'I SHES PA MA YIN NA RTOG BRAL MA 'KHRUL BA'I SHES PA MA YIN PA YIN DGOS PA'I PHYIR TE, RTOG BRAL MA 'KHRUL BA'I SHES PA YIN MA YIN GNYIS PHAN TSUN SPANGS TE GNAS PA'I DNGOS 'GAL YIN PA'I PHYIR, GNYIS PA LOG PHYOGS GTAN TSIGS LTAR SNANG BSHAD PA LA GNYIS, MTSAN NYID DANG, DBYE BA'O, ,DANG PO NI, DE SGRUB KYI RTAGS LTAR SNANG GI MTSAN NYID, DE SGRUB KYI RTAGS SU BKOD PA GANG ZHIG ,DE SGRUB KYI TSUL GSUM MA TSANG BA, GNYIS PA LA GSUM, 'GAL BA'I RTAGS DANG, MA NGES PA'I RTAGS DANG, MA GRUB PA'I RTAGS SO, ,DANG PO LA GNYIS, MTSAN NYID DANG, DBYE BA'O, ,DANG PO NI, DE SGRUB KYI 'GAL RTAGS KYI MTSAN NYID, DE SGRUB KYI PHYOGS CHOS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI RJES SU 'GRO LDOG GI KHYAB PA PHYIN CI LOG TU NGES PA, DE YANG SPYIR RTAGS SU BKOD PA LA RTAGS YANG DAG DANG LTAR SNANG GNYIS SU NGES LA, RJES SU 'GRO LDOG GI KHYAB PA PHYIN CI LOG TU NGES PA, ZHES PAS RTAGS YANG DAG YIN PA BCAD DE, RTAGS YANG DAG YIN NA RJES SU 'GRO LDOG GI @119A *, ,KHYAB PA RNAL MAR NGES DGOS PA'I PHYIR, RTAGS LTAR SNANG LA YANG 'GAL MA NGES MA GRUB PA'I RTAGS GSUM DU NGES LA, PHYOGS CHOS ZHES PAS MA GRUB PA'I RTAGS YIN PA BCAD DE, MA GRUB PA'I RTAGS YIN NA PHYOGS CHOS MA YIN DGOS PA'I PHYIR, RANG PHYOGS CHOS CAN DU SONG BA'I GANG ZAG GIS RJES SU 'GRO LDOG GI KHYAB PA PHYIN CI LOG TU NGES PA, ZHES PAS MA NGES PA'I RTAGS YIN PA SEL TE, MA NGES PA'I RTAGS YIN NA, RANG PHYOGS CHOS CAN DU SONG BA'I GANG ZAG GIS KHYAB PA RNAL MA DANG PHYIN CI LOG GANG DU YANG MA NGES DGOS PA'I PHYIR, GNYIS PA LA GNYIS, GZHAN LUGS DGAG ,RANG LUGS BZHAG PA'O, ,DANG PO NI, KHA CIG ,'GAL RTAGS LA DBYE NA, CHOS KYI NGO BO 'GOG PA'I 'GAL RTAGS DANG, CHOS KYI KHYAD PAR 'GOG PA'I 'GAL RTAGS DANG, CHOS CAN GYI KHYAD PAR 'GOG PA'I 'GAL RTAGS DANG, CHOS CAN GYI NGO BO 'GOG PA'I 'GAL RTAGS DANG BZHI, DPER BRJOD RIM PA BZHIN, SGRA CHOS CAN, RTAG STE, BYAS PA'I PHYIR, MIG SOGS CHOS CAN, 'DUS PA MA YIN PA'I YUL CAN GZHAN GYI DON BYED DE, 'DUS BSAGS YIN PA'I PHYIR, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, DNGOS GYUR GYI NAM MKHA' CHOS CAN, RTAG STE, 'DUS MA BYAS YIN PA'I PHYIR, ZHES PA LTA BU'O, ,ZHES ZER, DE NI MI 'THAD DE, SGRUB BYED MED CING GNOD ? BYED YOD PA'I PHYIR RO, ,GAL TE SGRUB BYED YOD DE, BYAS PA CHOS CAN, SGRA RTAG PAR SGRUB PA'I CHOS KYI NGO BO 'GOG PA'I 'GAL RTAGS YIN TE, DE SGRUB KYI CHOS KYI NGO BO 'GOG PA'I SGO NAS SGRA RTAG PAR SGRUB PA'I 'GAL RTAGS YIN PA'I PHYIR ZHE NA, CHOS CAN, SGRA'I STENG DU RTAG PA 'GOG PA'I 'GAL RTAGS YIN PAR THAL, SGRA'I STENG DU RTAG @119B PA 'GOG PA'I SGO NAS SGRA RTAG PAR SGRUB PA'I 'GAL RTAGS YIN PA'I PHYIR, 'DOD MI NUS TE, SGRA'I STENG DU RTAG PA 'GOG PA'I RTAGS YANG DAG YIN PA'I PHYIR TE, SGRA'I STENG DU MI RTAG PA SGRUB PA'I RTAGS YANG DAG YIN PA'I PHYIR, GNOD BYED YOD DE, CHOS CAN, SGRA RTAG PAR SGRUB PA'I CHOS KYI NGO BO 'GOG PA'I 'GAL RTAGS MA YIN PAR THAL, SGRA RTAG PAR SGRUB PA'I CHOS KYI NGO BO SGRUB PA'I 'GAL RTAGS YIN PA'I PHYIR TE, SGRA RTAG PAR SGRUB PA'I 'GAL RTAGS YIN PA'I PHYIR RO, ,DES GZHAN GSUM LA'ANG GNOD BYED RIGS 'GRE'O, ,KHA CIG ,CHOS KYI NGO BO 'GOG PA'I 'GAL RTAGS LA SOGS PA'I THA SNYAD MI 'THAD DE, JI SKAD BSHAD PA'I RIGS PAS GNOD PA'I PHYIR, DES NA CHOS KYI NGO BO SGRUB PA'I 'GAL RTAGS DANG, CHOS KYI KHYAD PAR SGRUB PA'I 'GAL RTAGS DANG, CHOS CAN GYI KHYAD PAR SGRUB PA'I 'GAL RTAGS DANG, CHOS CAN GYI NGO BO SGRUB PA'I 'GAL RTAGS BZHI YOD LA, DPER BRJOD NI SNGAR BSHAD PA LTAR RO ZHE NA, MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR ZHES BKOD PA'I TSE NA, 'DUS BSAGS CHOS CAN, 'DUS PA MA YIN PA'I YUL CAN DE DE SGRUB KYI CHOS KYI KHYAD PAR DU BZUNG BAR THAL, KHYOD DE SGRUB KYI CHOS KYI KHYAD PAR SGRUB PA'I 'GAL RTAGS YIN PA'I PHYIR, 'DOD NA, GZHAN DON BYED PA DE DE SGRUB KYI CHOS KYI NGO BOR BZUNG BAR THAL LO, ,'DOD NA, MIG SOGS GZHAN DON BYED PA DE DE SGRUB KYI BSGRUB BYAR BZUNG BAR THAL LO, ,'DOD NA, KHYOD DE SGRUB KYI 'GAL RTAGS MA YIN PAR THAL, MIG SOGS GZHAN DON BYED PA DE DE SGRUB KYI BSGRUB BYAR GZUNG BA GANG ZHIG ,MIG SOGS GZHAN DON BYED PA LA MI GNOD CING, GZHAN DON BYED PA DANG KHYAB PA PHYIN CI LOG TU NGES PA MA YIN PA'I PHYIR, RTAGS DANG PO MA GRUB NA, MIG SOGS GZHAN @120A *, ,DON BYED PA MA YIN PAR THAL, 'DUS BSAGS KYI RTAGS KYIS MIG SOGS GZHAN DON BYED PA LA GNOD PA'I PHYIR RO, ,'DOD PAR MI NUS TE, MIG SOGS KYIS RANG 'BRAS RNAM SHES SKYED PA'I PHYIR DANG, MIG SOGS GZHAN DON BYED PA TZAM SANGS RGYAS PA'I NGOR SGRUB NA GRUB ZIN BSGRUBS PAR BSHAD PA'I PHYIR, GZHAN YANG, DE LTAR BKOD PA'I TSE NA, DE CHOS CAN, DE SGRUB KYI CHOS KYI KHYAD PAR SGRUB PA'I 'GAL RTAGS MA YIN PAR THAL, DE SGRUB KYI CHOS KYI NGO BO SGRUB PA'I 'GAL RTAGS YIN PA'I PHYIR TE, 'DUS PA MA YIN PA'I YUL CAN DE DE SGRUB KYI BSGRUB BYA'I CHOS KYI NGO BOR BZUNG BA GANG ZHIG ,MIG SOGS KYI STENG DU 'DUS PA MA YIN PA'I YUL CAN SGRUB PA'I 'GAL RTAGS YIN PA'I PHYIR TE, DE SGRUB KYI PHYOGS CHOS GANG ZHIG ,DE SGRUB KYI KHYAB PA PHYIN CI LOG TU NGES PA'I PHYIR, 'DUS PA MA YIN PA'I YUL CAN DE DE SGRUB KYI BSGRUB BYA'I CHOS KYI NGO BOR BZUNG BAR THAL, 'DUS PA MA YIN PA'I YUL CAN DE DE SGRUB KYI ZHE 'DOD KYI CHOS KYI NGO BOR BZUNG BA'I PHYIR TE, MIG SOGS BDAG DON BYED PA DE DE SGRUB KYI ZHE 'DOD KYI BSGRUB BYAR BZUNG BA'I PHYIR RO, ,GZHAN YANG, MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, ZHES BKOD PA'I TSE NA DE CHOS CAN, 'DUS PA MA YIN PA'I YUL CAN DE DE SGRUB KYI CHOS CAN GYI KHYAD PAR DU BZUNG BAR THAL, DE SGRUB KYI CHOS CAN GYI KHYAD PAR SGRUB PA'I 'GAL RTAGS YIN PA'I PHYIR, 'DOD MI NUS TE, DE DE SGRUB KYI BSGRUB BYA'I CHOS KYI NGO BOR BZUNG BA'I PHYIR TE, DE DE SGRUB KYI ZHE 'DOD KYI BSGRUB BYA'I CHOS KYI NGO BOR BZUNG BA'I PHYIR, KHA CIG ,'DUS BSAGS DE MIG SOGS 'DUS PA MA YIN PA'I YUL CAN DE GZHAN @120B DON BYED PAR SGRUB PA'I 'GAL RTAGS MA YIN ZHES ZER ZHING, KHA CIG ,SGRAS ZIN LA YANG 'GAL RTAGS YIN NO, ,ZHES ZER BA GNYIS KA MI 'THAD DE, CHOS CAN, DE SGRUB KYI 'GAL RTAGS YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI ZHE 'DOD KYI BSGRUB BYA'I CHOS DANG KHYAB PA PHYIN CI LOG TU NGES PA'I PHYIR, RTAGS DANG PO GRUB STE, MIG SOGS DE DE SGRUB KYI ZHE 'DOD KYI SHAS 'DOD CHOS CAN YIN PA GANG ZHIG ,MIG SOGS KYI STENG DU 'GOD TSUL DANG MTHUN PAR YOD PA NYID DU NGES PA'I PHYIR, RTZA BA'I RTAGS GNYIS PA GRUB STE, BDAG DON BYED PA DE DE SGRUB KYI ZHE 'DOD KYI BSGRUB BYA'I CHOS SU BZUNG BA GANG ZHIG ,DE DANG KHYAB PA PHYIN CI LOG TU NGES PA'I PHYIR, DE SGRUB KYI SGRAS ZIN GYI 'GAL RTAGS MA YIN PAR THAL, SGRAS ZIN LA PHYOGS CHOS KYANG MA YIN, KHYAB PA PHYIN CI LOG TU NGES PA YANG MA YIN PA'I PHYIR, RTAGS DANG PO GRUB STE, SGRAS ZIN LA SHES 'DOD CHOS CAN GYI STENG DU 'GOD TSUL DANG MTHUN PAR MA GRUB PA'I PHYIR TE, SGRAS ZIN LA MIG SOGS 'DUS PA MA YIN PA'I YUL CAN DE DE SGRUB KYI SHES 'DOD CHOS CAN YIN PA GANG ZHIG ,DE'I STENG DU 'GOD TSUL DANG MTHUN PAR MA GRUB PA'I PHYIR TE, DE SGRUB KYI 'GOD TSUL YIN 'GOD YIN PA GANG ZHIG ,DE KHYOD MA YIN PA'I PHYIR TE, KHYOD YIN NA GZHI GRUB DGOS LA, DE GZHI MA GRUB PA'I PHYIR RO, ,SGRAS ZIN LA KHYAB PA PHYIN CI LOG TU MA NGES PAR THAL, SGRAS ZIN LA GZHAN DON BYED PA BSGRUB BYA'I CHOS SU BZUNG BA GANG ZHIG , GZHAN DON BYED PA DANG KHYAB PA PHYIN CI LOG TU MA NGES PA'I PHYIR TE, KHYOD KYANG YIN GZHAN DON BYED PA YANG YIN PA'I GZHI MTHUN SRID PA'I PHYIR RO, ,DES NA 'DUS BSAGS DE DE SGRUB KYI 'GAL RTAGS YIN LA SGRAS ZIN LA 'GAL RTAGS MA YIN ZHING, DE SGRUB KYI CHOS CAN GYI @121A *, ,KHYAD PAR SGRUB PA'I 'GAL RTAGS MA YIN, MIG SOGS KYI STENG DU SGRAS ZIN GYI CHOS CAN GYI KHYAD PAR SGRUB PA'I 'GAL RTAGS YIN NO, ,GNYIS PA RANG LUGS LA GSUM, DBYE BA DNGOS DANG, 'DUS BSAGS KYI RTAGS KYIS MIG SOGS GZHAN DON BYED PAR SGRUB PA'I RTAGS CHOS DON GSUM NGOS GZUNG BA DANG, RTZOD PA SPANG BA'O, ,DANG PO NI, 'GAL RTAGS LA DBYE NA, CHOS KYI NGO BO SGRUB PA'I 'GAL RTAGS DANG, SGRAS ZIN GYI CHOS KYI KHYAD PAR SGRUB PA'I 'GAL RTAGS DANG, SGRAS ZIN GYI CHOS CAN GYI KHYAD PAR SGRUB PA'I 'GAL RTAGS DANG, SGRAS ZIN GYI CHOS CAN GYI NGO BO SGRUB PA'I 'GAL RTAGS DANG BZHI'O, ,DPER BRJOD NI SNGAR BSHAD ZIN TO, ,MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR, ZHES BKOD PA'I TSE NA, SGRAS ZIN LA GZHAN DON BYED PA DE DE SGRUB KYI BSGRUB BYA'I CHOS KYI NGO BO DANG, 'DUS PA MA YIN PA'I YUL CAN DE GZHAN DON BYED PA DANG, NGO BO THA DAD PA'I TSUL GYIS BRJOD PAS SGRAS ZIN LA CHOS KYI KHYAD PAR DANG, DE MIG SOGS KYI STENG DU SGRUB PA'I 'GAL RTAGS YIN PA'I DON GYIS NA SGRAS ZIN GYI CHOS KYI KHYAD PAR SGRUB PA'I 'GAL RTAGS YIN NO, ,MIG SOGS 'DUS PA MA YIN PA'I YUL CAN CHOS CAN, GZHAN DON BYED DE, 'DUS BSAGS YIN PA'I PHYIR, ZHES BKOD PA'I TSE NA MIG SOGS CHOS CAN GYI NGO BO DANG, SGRAS ZIN LA 'DUS PA MA YIN PA'I YUL CAN DANG NGO BO THA DAD PA'I TSUL DU BRJOD PAS SGRAS ZIN LA CHOS CAN GYI KHYAD PAR DANG, DE MIG SOGS KYI STENG DU SGRUB PA'I 'GAL RTAGS YIN PAS NA, SGRAS ZIN GYI CHOS CAN GYI KHYAD PAR SGRUB PA'I 'GAL RTAGS YIN NO, ,DNGOS GYUR GYI NAM MKHA' CHOS CAN, RTAG STE, 'DUS MA BYAS YIN PA'I PHYIR @121B ZHES BKOD PA'I TSE NA NAM MKHA' CHOS CAN GYI NGO BO DANG, DNGOS GYUR GYI NAM MKHA' ZHES PA'I SGRAS DNGOS PO DE NAM MKHA' DANG NGO BO GCIG PA'I TSUL GYIS BRJOD PAS DNGOS PO DE SGRAS ZIN LA CHOS CAN GYI NGO BO DANG, DE NAM MKHA'I STENG DU SGRUB PA'I 'GAL RTAGS YIN PAS NA SGRAS ZIN GYI CHOS CAN GYI NGO BO SGRUB PA'I 'GAL RTAGS YIN NO, ,BYE BRAG PA DANG SANGS RGYAS PA GNYIS NAM MKHA' MTHUN SNANG DU GRUB NAS KHYAD CHOS LA RTZOD PA MA YIN GYI NAM MKHA'I NGO BO LA MI MTHUN TE, BYE BRAG PAS NAM MKHA' SGRUB PA RANG DBANG BA'I DNGOS PO BLO YUL DU SHAR BA LA BRTEN NAS 'GRUB PAS NAM MKHA'I NGO BO DNGOS POR 'DOD LA, SANGS RGYAS PAS THOGS PA'I REG BYA BKAG TZAM GYI MED DGAG BLO YUL DU SHAR BA LA BRTEN NAS 'GRUB LA, DE'I NGO BO YANG DNGOS MED DU 'DOD PA YIN NO, ,GNYIS PA LA GSUM, CHOS CAN GYI DON DANG, BSGRUB BYA'I CHOS KYI DON DANG, RTAGS KYI DON NO, ,DANG PO NI, KHA CIG ,MIG GI SOGS KHONGS NAS DMIGS RKYEN DANG DE MA THAG RKYEN BTON NAS RKYEN GSUM CHOS CAN DU 'DZIN LA, DES BDAG GI DON BYED PA'I DON YANG RNAM SHES SKYED PA YIN NO ZHES ZER BA MI 'THAD DE, GRANGS CAN GYI LUGS LA, RNAM SHES DE RKYEN GSUM GYI 'BRAS BU DANG RKYEN GSUM PO DE RNAM SHES KYI RGYUR 'DOD PAR THAL LO, ,'DOD MI NUS TE, GRANGS CAN GYI LUGS LA RNAM SHES DE RGYA YANG MA YIN 'BRAS BU YANG MA YIN PAR 'DOD PA'I PHYIR TE, SKYES BU RANG BZHIN MA YIN RNAM 'GYUR MIN, ,ZHES 'BYUNG BA'I PHYIR RO, ,KHA CIG ,MIG GI SOGS KHONGS NAS DBANG PO LHAG MA BZHI 'DON PAS, DBANG PO LNGA TZAM CHOS CAN DU 'DZIN PA YIN NO ZHES ZER, 'O NA GRANGS CAN GYI LUGS LA MIG SOGS GZHAN DON BYED PAR BSGRUBS PAS MIG SOGS BDAG DON BYED PAR 'GRUB PA LA MI PHAN PAR THAL, DBANG PO LNGA TZAM DE DE SGRUB KYI ZHE 'DOD KYI @122A *, ,CHOS CAN YIN PA GANG ZHIG ,GRANGS CAN GYI LUGS LA DBANG PO LNGAS GZHAN GYI DON BYED PAR BSGRUBS PAS BDAG DON BYED PAR MI 'GRUB PA'I PHYIR RO, ,RANG GI LUGS LA, GDAGS GZHI DANG BCAS NA MIG GI SOGS KHONGS NAS SHES BYA NYER GSUM BTON NAS NYER BZHI CHOS CAN DU 'DZIN PA YIN NO, ,BSGRUB BYA'I CHOS KYI DON NI, NYER BZHI LAS GZHAN BDAG YIN PAS DE'I DON BYED TSUL YANG BDAG SKYED PA MA YIN GYI BDAG GI 'DOD PA'I DON SGRUB PA YIN TE, MAL CHA DANG STAN BZHIN ZHES DPER BKOD PAS SO, ,RTAGS KYI DON NI, RDU DU MA 'DUS SHING BSAGS PA 'BA' ZHIG GI DON MA YIN TE, YID DBANG SOGS KYI STENG DU 'GOD TSUL DANG MTHUN PAR MA GRUB PA'I PHYIR RO, ,DES NA SKAD CIG GAM RDUL DU MA 'DUS SHING BSAGS PA RTAGS KYI DON YIN NO, GSUM PA RTZOD PA SPANG BA NI, 'DUS BSAGS CHOS CAN, MIG SOGS GZHAN DON BYED PAR SGRUB PA'I PHYOGS CHOS MA YIN PAR THAL, BLO'AM CHEN PO DANG GTZO BO'I STENG DU 'GOD TSUL DANG MTHUN PAR MA GRUB PA'I PHYIR ZHE NA, SKYON MED DE, BLO'AM CHEN PO DANG GTZO BO'I STENG DU 'GOD TSUL DANG MTHUN PAR MA GRUB KYANG, BLO'AM CHEN PO DANG GTZO BO'I ? GDAGS GZHI'I STENG DU 'GOD TSUL DANG MTHUN PAR GRUB PA'I PHYIR RO, ,GAL TE 'DUS BSAGS DE MIG SOGS 'DUS PA MA YIN PA'I YUL CAN GZHAN DON BYED PAR SGRUB PA'I CHOS KYI KHYAD PAR SGRUB PA'I 'GAL RTAGS MA YIN NA, SLOB DPON GYIS 'DI NI CHOS KYI KHYAD PAR PHYIN CI LOG TU BYED PAS 'GAL BA YIN NO, ,ZHES GSUNGS PA DANG 'GAL LO ZHE NA, MI 'GAL TE, MIG SOGS CHOS CAN, 'DUS PA MA YIN PA'I YUL CAN GZHAN DON BYED DE, 'DUS BSAGS YIN PA'I PHYIR ZHES BKOD PA'I TSE NA 'DUS PA MA YIN PA'I YUL CAN DE @122B SGRAS ZIN LA CHOS KYI KHYAD PAR YIN LA, DE MIG SOGS KYI STENG DU SGRUB PA'I 'GAL RTAGS YIN PA LA DGONGS PA'I PHYIR RO, ,GNYIS PA ? NGES PA'I RTAGS LA GNYIS, MTSAN NYID DANG, DBYE BA'O, ,DANG PO NI, KHA CIG ,MA NGES PA'I RTAGS KYI MTSAN NYID, PHYOGS CHOS GANG ZHIG ,SKABS KYI PHYI RGOL GYIS KHYAB 'BREL MA NGES PA'I RTAGS ZHE NA, BYAS PA CHOS CAN, SGRA RTAG PAR SGRUB PA'I MA NGES PA'I RTAGS YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI PHYI RGOL GYIS KHYAB 'BREL MA NGES PA'I PHYIR, SGRA MI RTAG PAR SGRUB PA LA BYAS PA RANG DON SKABS KYI RTAGS YANG DAG TU SONG BA'I TSE NA, BYAS PA CHOS CAN, SGRA MI RTAG PAR SGRUB PA'I MA NGES PA'I RTAGS YIN PAR THAL, DE SGRUB KYI PHYOGS CHOS GANG ZHIG ,DE SGRUB KYI SKABS KYI PHYI RGOL GYIS KHYAB 'BREL MA NGES PA'I PHYIR RO, ,RANG LUGS LA, DE SGRUB KYI MA NGES PA'I RTAGS KYI MTSAN NYID, DE SGRUB KYI PHYOGS CHOS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB PA RNAL MAR YANG MA NGES PHYIN CI LOG TU YANG MA NGES PA, GNYIS PA LA GNYIS, THUN MONG MA YIN PA'I MA NGES PA'I RTAGS DANG, THUN MONG GI MA NGES PA'I RTAGS SO, ,DANG PO LA GSUM, MTSAN NYID DANG, DBYE BA DANG, THUN MONG MA YIN PA'I DON DPYAD PA'O, ,DANG PO NI, KHA CIG ,DE SGRUB KYI THUN MONG MA YIN PA'I MA NGES PA'I RTAGS KYI MTSAN NYID, DE SGRUB KYI PHYOGS CHOS GANG ZHIG, DE SGRUB KYI MTHUN PHYOGS LA YANG MA MTHONG MI MTHUN PHYOGS LA YANG MA MTHONG BA ZER BA DANG, KHA CIG ,GANG ZHIG ,MTHUN PHYOGS LA YANG TSAD MAS MA MTHONG MI MTHUN PHYOGS LA YANG TSAD MAS MA MTHONG BA ZHES DANG, KHA CIG ,GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YANG MA MTHONG MI MTHUN PHYOGS LA YANG MA MTHONG BA ZHES ZER NA, MNYAN BYA CHOS CAN, RANG PHYOGS CHOS CAN DU SONG BA'I GANG ZAG GIS KHYOD SGRA MI RTAG PAR SGRUB @123A *, ,PA'I MTHUN PHYOGS LA MA MTHONG BAR THAL, DE SGRUB KYI THUN MONG MA YIN PA'I MA NGES PA'I RTAGS YIN PA'I PHYIR, 'DOD MI NUS TE, RANG PHYOGS CHOS CAN DU SONG BA'I GANG ZAG GI MNGON SUM TSAD MAS KHYOD MI RTAG PA LA MTHONG BA'I PHYIR TE, DE'I SGRA 'DZIN MNGON SUM TSAD MAS SGRA MI RTAG PAR MTHONG BA GANG ZHIG ,SGRA MI RTAG PA DANG KHYOD MI RTAG PA GNYIS YIN KHYAB MNYAM PA'I RDZAS GCIG YIN PA'I PHYIR, RTAGS DANG PO GRUB STE, DE PHYIR DNGOS PO MTHONG BA YIS, ,YON TAN MTHA' DAG MTHONG BA NYID, ,CES GSUNGS PA'I PHYIR, RANG LUGS LA, DE SGRUB KYI THUN MONG MA YIN PA'I MA NGES PA'I RTAGS KYI MTSAN NYID, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS, DE SGRUB KYI MTHUN PHYOGS LA YANG YOD PAR MA GRUB MI MTHUN PHYOGS LA YANG YOD PAR MA GRUB PA, GNYIS PA LA GSUM, MTHUN PHYOGS LA MED NAS MA MTHONG ZHING MI MTHUN PHYOGS LA YOD KYANG YOD PA LTAR MA GRUB PA'I MA NGES PA'I RTAGS DANG, MI MTHUN PHYOGS LA MED NAS MA MTHONG ZHING MTHUN PHYOGS LA YOD KYANG YOD PA LTAR MA GRUB PA'I MA NGES PA'I RTAGS DANG, MTHUN PHYOGS MI MTHUN PHYOGS GNYIS KA LA YOD KYANG YOD PA LTAR MA GRUB PA'I MA NGES PA'I RTAGS SO, ,DPER BRJOD RIM BZHIN, SGRA CHOS CAN, RTAG STE, MNYAN BYA YIN PA'I PHYIR, MI RTAG STE, MNYAN BYA YIN PA'I PHYIR, SKYES BU PHA ROL PO CHOS CAN, LHA LAS TSE 'PHOS PA YIN TE, MIG DANG LDAN PA'I PHYIR ZHES PA LTA BU'O, ,KHA CIG ,MTHUN PHYOGS LA YANG MED NAS MA MTHONG MI MTHUN PHYOGS LA YANG MED NAS MA MTHONG BA DANG BZHIR BYAS NAS, DPER BRJOD NI, SGRA CHOS CAN, RTAG STE, MNYAN BYA YIN PA'I PHYIR, ZHES PA LTA BU YIN TE, PHYOGS CHOS MTHUN PHYOGS YOD MED DANG, RNAM GNYIS RE RE DAG LA YANG, ,RNAM GSUM MI MTHUN PHYOGS LA YANG, @123B YOD MED RNAM PA GNYIS PHYIR RO, ,ZHES MNYAN BYA DE SGRA RTAG PAR SGRUB PA'I MTHUN PHYOGS LA YANG MED MI MTHUN PHYOGS LA YANG MED PAR BSHAD PA'I PHYIR ZHE NA, MNYAN BYA CHOS CAN, SGRA RTAG PAR SGRUB PA'I MI MTHUN PHYOGS LA YOD PAR THAL, SGRA MI RTAG PAR SGRUB PA'I MTHUN PHYOGS LA YOD PA'I PHYIR TE, KHYOD KYANG YIN SGRA MI RTAG PAR SGRUB PA'I MTHUN PHYOGS KYANG YIN PA'I GZHI MTHUN GRUB PA'I PHYIR, SGRA RTAG PAR SGRUB PA'I MI MTHUN PHYOGS LA MED PAR BSHAD PA NI, RANG PHYOGS CHOS CAN DU SONG BA'I GANG ZAG GIS DE SGRUB KYI MI MTHUN PHYOGS LA YOD PAR MA GRUB TZAM LA DGONGS PA YIN NO, ,GSUM PA THUN MONG MA YIN PA'I DON DPYAD PA NI, CI'I PHYIR RTAGS 'DI THUN MONG MA YIN PA'I RTAGS ZHES BYA ZHE NA, KHA CIG ,CHOS CAN LAS GZHAN LA MI 'JUG PA'I PHYIR THUN MONG MA YIN PA ZHES BYA'O ZHE NA, DE'I DON CHOS CAN LAS LDOG PA GZHAN LA MI 'JUG PA YIN NAM, CHOS CAN LAS NGO BO GZHAN LA MI 'JUG PA YIN, DANG PO LTAR NA, MNYAN BYA CHOS CAN, SGRA MI RTAG PAR SGRUB PA'I THUN MONG MA YIN PA'I MA NGES PA'I RTAGS MA YIN PAR THAL, SGRA LAS LDOG PA GZHAN LA 'JUG PA'I PHYIR TE, SHES BYA SOGS LA'ANG 'JUG PA'I PHYIR, GNYIS PA LTAR NA, 'JIG PA PHYIS BYUNG GI RGYU GZHAN LA LTOS MED KYI DNGOS PO CHOS CAN, BYAS PA RANG GRUB TZAM NAS 'JIG NGES SU SGRUB PA'I THUN MONG MA YIN PA'I MA NGES PA'I RTAGS YIN PAR THAL, BYAS PA LAS NGO BO GZHAN MA YIN PA'I PHYIR, YANG MNYAN BYA MA YIN ZHING SGRA YIN PA MI SRID PA DE MNYAN BYA SGRA LAS GZHAN LA MI 'JUG PA'I DON YIN NO ZHE NA, 'JIG PA PHYIS BYUNG GI RGYU GZHAN LA LTOS MED KYIS DNGOS PO CHOS CAN, BYAS PA LAS GZHAN LA MI 'JUG PAR THAL, KHYOD MA YIN ZHING BYAS PA YIN PA MI SRID PA'I PHYIR, BSAL BA KHAS, YANG MNYAN BYA CHOS DE YIN PAR NGES NAS SGRA CHOS DE YIN PAR MA NGES PA MI SRID PA DE MNYAN BYA SGRA LAS @124A *, ,GZHAN LA MI 'JUG PA'I DON YIN NO ZHE NA, 'O NA MNYAN BYA MTSAN NYID YIN PAR NGES NA SGRA MTSAN NYID YIN PAR NGES DGOS PAR THAL, MNYAN BYA CHOS DE YIN PAR NGES NAS, SGRA CHOS DE YIN PAR MA NGES PA MI SRID PA'I PHYIR, RTAGS KHAS, YANG CHOS DE MNYAN BYA YIN PAR NGES NAS CHOS DE SGRA YIN PAR MA NGES PA MI SRID PA DE MNYAN BYA SGRA LAS GZHAN LA MI 'JUG PA'I DON YIN NO ZHE NA, 'O NA CHOS DE LTO LDING BA YIN PAR NGES NA, CHOS DE BUM PA YIN PAR NGES DGOS PAR THAL, CHOS DE MNYAN BYA YIN PAR NGES NA CHOS DE SGRA YIN PAR NGES DGOS PA'I PHYIR, RTAGS KHAS, 'DOD NA, THA SNYAD 'BA' ZHIG SGRUB KYI RTAGS YANG DAG MED PAR 'GYUR RO, ,YANG MNYAN BYA SGRA KHO NA'I THUN MONG MA YIN PA'I CHOS YIN PA'I SGO NAS SGRA MI RTAG PAR MA NGES PA DE SRID DU, MNYAN BYA YANG MI RTAG PAR MA NGES PA DE, MNYAN BYA SGRA MI RTAG PAR SGRUB PA'I THUN MONG MA YIN PA'I RTAGS YIN PA'I DON YIN NO ZHE NA, MNYAN BYA CHOS CAN, DUNG SGRA MI RTAG PAR SGRUB PA'I THUN MONG MA YIN PA'I MA NGES PA'I RTAGS MA YIN PAR THAL, KHYOD DUNG SGRA KHO NA'I THUN MONG MA YIN PA'I CHOS MA YIN PA'I PHYIR TE, RNGA SGRA LA SOGS PA'I YANG KHYAD CHOS YIN PA'I PHYIR, RANG LUGS NI, RANG PHYOGS CHOS CAN DU SONG BA'I GANG ZAG GIS DE SGRUB KYI RTZOD GZHI DANG MTHUN PHYOGS DANG MI MTHUN PHYOGS GNYIS KYI NANG NAS RTZOD GZHI LA YOD PAR NGES KYI, MTHUN PHYOGS LA YANG YOD PAR MA NGES MI MTHUN PHYOGS LA YANG YOD PAR MA NGES PA DE SGRA MI RTAG PAR SGRUB PA'I THUN MONG MA YIN PA'I RTAGS YIN PA'I DON YIN NO, ,GNYIS PA THUN MONG GI MA NGES PA'I RTAGS LA GNYIS, MTSAN NYID DANG, DBYE BA'O, ,DANG PO NI, DE SGRUB KYI THUN MONG GI MA NGES PA'I RTAGS KYI MTSAN NYID, DE SGRUB KYI MA NGES PA'I RTAGS GANG ZHIG ,RANG PHYOGS @124B CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YOD PAR NGES PA'AM MI MTHUN PHYOGS LA YOD PAR NGES PA GANG RUNG YIN PA, GNYIS PA LA GNYIS, DNGOS KYI MA NGES PA'I RTAGS DANG, LHAG LDAN GYI MA NGES PA'I RTAGS SO, ,DANG PO LA GNYIS, MTSAN NYID DANG, DBYE BA'O, ,DANG PO NI, DE SGRUB KYI DNGOS KYI MA NGES PA'I RTAGS KYI MTSAN NYID, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YANG YOD PAR NGES MI MTHUN PHYOGS LA YANG YOD PAR NGES PA, GNYIS PA LA BZHI, MTHUN PHYOGS MI MTHUN PHYOGS GNYIS KA LA KHYAB BYED DU 'JUG PA DANG, MTHUN PHYOGS MI MTHUN PHYOGS GNYIS KA LA CHA GNYIS SU 'JUG PA DANG, MTHUN PHYOGS LA KHYAB BYED MI MTHUN PHYOGS LA CHA GNYIS SU 'JUG PA DANG, MI MTHUN PHYOGS LA KHYAB BYED MTHUN PHYOGS LA CHA GNYIS SU 'JUG PA'O, ,DANG PO NI, DPER NA, SGRA CHOS CAN, RTAG STE GZHAL BYA YIN PA'I PHYIR, ZHES PA LTA BU'O, ,GNYIS PA NI, SGRA CHOS CAN, RTAG STE, REG BYA CAN MA YIN PA'I PHYIR, ZHES PA LTA BU'O, ,'DI DON LA MTHUN PHYOGS LA CHA GNYIS SU 'JUG PA MA YIN TE, RTAG PA YIN NA REG BYA CAN MA YIN DGOS PA'I PHYIR, 'O NA GANG GI DBANG DU BYAS NAS MTHUN PHYOGS LA CHA GNYIS SU 'JUG PAR BZHAG CE NA, BYE BRAG PA'I BLO DANG BSTAN NAS BZHAG PA YIN TE, BYE BRAG PAS RTAG PA YIN LA REG BYA CAN YIN PA DANG, RTAG PA YIN LA REG BYA CAN MA YIN PA'ANG 'DOD PA'I PHYIR, RTAGS DANG PO GRUB STE, BYE BRAG PAS 'BYUNG BZHI'I RDUL PHRAN DE RTAG PA DANG, REG BYA CAN DU 'DOD PA'I PHYIR, KHA CIG ,DE'I DPER BRJOD, SGRA CHOS CAN, RTAG STE, LUS CAN MA YIN PA'I PHYIR ZHES PA LTA BU YIN LA, MTHUN PHYOGS LA CHA GNYIS SU 'JUG PA'I DON, BYE BRAG PAS RTAG PA YIN LA LUS CAN YIN PA'ANG 'DOD, RTAG PA YIN LA LUS CAN MA YIN PA'ANG 'DOD PA'I DBANG DU BYAS PA YIN NO, ,BYE @125A *, ,BRAG PAS RTAG PA YIN LA LUS CAN YIN PA'ANG 'DOD DE, BYE BRAG PAS 'BYUNG BZHI'I RDUL PHRAN DE RTAG PAR YANG 'DOD LUS CAN DU'ANG 'DOD PA'I PHYIR ZHES ZER, DE NI MI 'THAD DE, BYE BRAG PA'I LUGS LA, 'BYUNG BZHI'I RDUL PHRAN RDZAS DANG, LUS CAN YON TAN DU 'DOD CING, RDZAS YIN NA YON TAN MA YIN PAR 'DOD PA'I PHYIR RO, ,GSUM PA NI, DPER NA, DUNG SGRA CHOS CAN, RTZOL BA LAS BYUNG STE, MI RTAG PA'I PHYIR ZHES PA LTA BU'O, ,BZHI PA NI, DPER NA, DUNG SGRA CHOS CAN, RTZOL BA LAS MA BYUNG STE, MI RTAG PA'I PHYIR ZHES PA LTA BU'O, ,GNYIS PA LHAG LDAN GYI MA NGES PA'I RTAGS LA GNYIS, YANG DAG LHAG LDAN DANG, 'GAL BA LHAG LDAN NO, ,DANG PO NI, DE SGRUB KYI YANG DAG LHAG LDAN GYI MA NGES PA'I RTAGS KYI MTSAN NYID, DE SGRUB KYI MA NGES PA'I RTAGS GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MTHUN PHYOGS LA YOD PAR NGES SHING, MI MTHUN PHYOGS LA MA MTHONG YANG MI MTHUN PHYOGS LAS LDOG PA LA THE TSOM DANG BCAS PA, DPER NA, NGAG SMRA BA'I SKYES BU PHA ROL PO 'DI CHOS CAN, 'DOD CHAGS DANG BCAS PA YIN TE, NGAG SMRA BA'I PHYIR ZHES PA LTA BU'O, ,GNYIS PA'I MTSAN NYID, GANG ZHIG ,RANG PHYOGS CHOS CAN DU SONG BA'I GANG ZAG GIS DE SGRUB KYI MI MTHUN PHYOGS LA YOD PAR NGES SHING, MTHUN PHYOGS LA MA MTHONG YANG MTHUN PHYOGS LAS LDOG PA LA THE TSOM DANG BCAS PA, DPER NA NGAG SMRA BA'I SKYES BU PHA ROL PO 'DI CHOS CAN, 'DOD CHAGS DANG BRAL BA YIN TE, NGAG SMRA BA'I PHYIR ZHES PA LTA BU'O, ,KHA CIG ,LHAG LDAN GYI MA NGES PA'I RTAGS MA NGES PA'I RTAGS KYI DBYE BA MA YIN TE, LHAG LDAN NI KHYAB PA LA THE TSOM GYI LHAG MA DANG BCAS SHING MTHUN PHYOGS KHO NA LA YOD PAR NGES PA DANG MI MTHUN PHYOGS LA MED PAR NGES PA GANG DU YANG MA NGES PA LA BRJOD PAS, LHAG LDAN GYI RTAGS DANG MA NGES PA'I RTAGS MING GI RNAM GRANG @125B YIN NO, ,DE'I MTSAN NYID, DE SGRUB KYI PHYOGS CHOS GANG ZHIG ,RANG PHYOGS CHOS CAN DU SONG BA'I GANG ZAG LA DE SGRUB KYI KHYAB 'BREL LA THE TSOM SKYED BYED KYI RGYU YIN PA, DE SKAD DU'ANG, GANG ZHIG MA MTHONG BA TZAM GYIS, ,LDOG PA RAB TU STON BYED PA, ,DE NI THE TSOM RGYU YIN PHYIR, ,DE LA LHAG MA LDAN ZHES BRJOD, CES DANG, DE'I 'GREL BSHAD DU SH'AKYA BLOS, YANG LHAG MA DANG LDAN PA ZHES BYA BA 'DI CI YIN ZHES 'DRI BAR BYED DO, ,MTSAN NYID BSTAN PA'I PHYIR GANG ZHIG CES BYA BA LA SOGS PA SMOS TE, LHAG MA DANG LDAN PA ZHES BYA BA'I SGRA 'DI NI MA NGES PA'I RNAM GRANGS YIN NO ZHES GSUNGS PA'I PHYIR ZHE NA, 'O NA GZHAL BYA CHOS CAN, RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL LA THE TSOM SKYED BYED KYI RGYU YIN PAR THAL, DE SGRUB KYI LHAG LDAN GYI MA NGES PA'I RTAGS YIN PA'I PHYIR, RTAGS KHYAB KHAS, 'DOD MI NUS TE, RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL MED PAR NGES PA'I PHYIR TE, RANG PHYOGS CHOS CAN DU SONG BA'I GANG ZAG GIS KHYOD KYANG YIN, DE SGRUB KYI MI MTHUN PHYOGS KYANG YIN PA'I GZHI MTHUN TSAD MAS NGES PA'I PHYIR, GZHAN YANG, DE SGRUB KYI RTAGS YANG DAG YIN NA RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL NGES BYED KYI RGYU YIN PAS KHYAB PAR THAL, DE SGRUB KYI MA NGES PA'I RTAGS YIN NA RANG PHYOGS CHOS CAN DU SONG BA'I GANG ZAG GIS DE SGRUB KYI KHYAB 'BREL LA THE TSOM SKYED BYED KYI RGYU YIN PAS KHYAB PA'I PHYIR, KHA CIG ,LHAG LDAN GYI GTAN TSIGS YIN NA, RANG PHYOGS CHOS CAN DU SONG BA'I GANG ZAG GIS DE SGRUB KYIS KHYAB 'BRAL LA THE TSOM GYI LHAG MA DANG BCAS PAS KHYAB ZER NA, NGAG SMRA BA CHOS CAN, RANG PHYOGS CHOS CAN DU SONG BA'I GANG ZAG GIS NGAG SMRA BA'I SKYES BU PHA ROL PO CHAGS BRAL DU SGRUB PA'I KHYAB 'BREL LA THE TSOM GYI LHAG MA DANG BCAS PAR THAL, DE SGRUB KYI LHAG LDAN GYI GTAN @126A *, ,TSIGS YIN PA'I PHYIR, 'DOD MI NUS TE, DE LTA BU'I GANG ZAG GIS DE SGRUB KYI KHYAB PA MED PAR NGES PA'I PHYIR TE, DE LTA BU'I GANG ZAG GIS KHYOD KYANG YIN DE SGRUB KYI MI MTHUN PHYOGS KYANG YIN PA'I GZHI MTHUN PA TSAD MAS NGES PA'I PHYIR, RANG LUGS NI, YANG DAG LHAG LDAN YIN NA RANG PHYOGS CHOS CAN DU SONG BA'I GANG ZAG GIS MI MTHUN PHYOGS LAS LDOG PA LA THE TSOM GYI LHAG MA DANG BCAS PA DANG, 'GAL BA LHAG LDAN YIN NA GANG ZAG DES MTHUN PHYOGS LAS LDOG PA LA THE TSOM GYI LHAG MA DANG BCAS PA YIN NO, ,GSUM PA MA GRUB PA'I RTAGS LA GNYIS, MTSAN NYID DANG, DBYE BA'O, ,DANG PO NI, DE SGRUB KYI MA GRUB PA'I RTAGS KYI MTSAN NYID, DE SGRUB KYI RTAGS SU BKOD PA GANG ZHIG ,DE SGRUB KYI PHYOGS CHOS MA GRUB PA, GNYIS PA LA GSUM, DON LA LTOS NAS MA GRUB PA DANG, BLO LA LTOS NAS MA GRUB PA DANG, RGOL BA LA LTOS NAS MA GRUB PA'O, ,DANG PO LA GNYIS, GZHI MA GRUB NAS MA GRUB PA DANG, THA DAD MED NAS MA GRUB PA'O, ,DANG PO LA LNGA, CHOS CAN GYI NGO BO MA GRUB NAS MA GRUB PA DANG, RTAGS KYI NGO BO MA GRUB NAS MA GRUB PA DANG, GZHI RTAGS GNYIS KA MED NAS MA GRUB PA DANG, CHOS CAN GYI PHYOGS GCIG LA RTAGS MED NAS MA GRUB PA DANG, RTAGS KYI PHYOGS GCIG CHOS CAN LA MED NAS MA GRUB PA'O, ,DANG PO NI, DPER NA, GANG ZAG GI BDAG CHOS CAN, MI RTAG STE, BYAS PA'I PHYIR ZHES PA LTA BU'O, ,GNYIS PA NI, DPER NA, SKYES BU 'DI CHOS CAN, SDUG BSNGAL BA YIN TE, RI BONG GI RVAS PHUG PA'I PHYIR ZHES PA LTA BU'O, ,GSUM PA NI, DPER NA, GANG ZAG GI BDAG CHOS CAN, THAMS CAD LA KHYAB PA YIN TE, GANG ZAG GI BDAG GI BDE SDUG KUN LA DMIGS PA'I PHYIR ZHES PA LTA BU'O, ,'O NA CHOS CAN GYI NGO BO GZHI MA GRUB PA LA SOGS PA'I RTAGS 'DI RNAMS, PHYOGS CHOS MA GRUB PA'I @126B RTAGS YIN NA CHOS CAN GZHI MA GRUB PA'I RTAGS YANG DAG BSHAD PA DANG 'GAL LO ZHE NA, 'DI'I LAN LA KHA CIG ,BSGRUB BYA'I CHOS SGRUB PA LA GZHI MA GRUB RTAGS SU BKOD NA RTAGS SKYON CAN DU 'GYUR GYI, BSGRUB BYA'I CHOS MED DGAG SGRUB PA LA GZHI MA GRUB RTAGS SU BKOD NA RTAGS SKYON CAN DU 'GYUR BA MIN NO, ,GTAN TSIGS SGRUB PA RTAGS SU BKOD NAS CHOS CAN GZHI MA GRUB NA PHYOGS CHOS MA GRUB PAR 'GYUR GYI, GTAN TSIGS RNAM BCAD TZAM RTAGS SU BKOD NAS CHOS CAN GZHI MA GRUB KYANG PHYOGS CHOS MA GRUB PAR MI 'GYUR RO, ,ZHES ZER BA MI 'THAD DE, GZHI DER CHOS DE YOD PAR SGRUB PA'I RTAGS YANG DAG YIN NA GZHI DER CHOS DE MED PAR SGRUB PA'I PHYOGS CHOS GRUB DGOS PA'I PHYIR DANG, GZHI MA GRUB RTAGS SU BKOD PA'I RTAGS YANG DAG MED PAR THAL, GZHI MA GRUB RTAGS SU BKOD NA RTAGS CHOS 'BREL BA MA GRUB PA'I PHYIR, RANG LAN NI, GZHI MA GRUB CHOS CAN DU BZUNG BA'I RTAGS YANG DAG BSHAD PA DANG, CHOS CAN GYI NGO BO MA GRUB NAS PHYOGS CHOS MA GRUB PA'I RTAGS BSHAD PA MI 'GAL TE, GZHI MA GRUB CHOS CAN DU BZUNG BA'I RTAGS YANG DAG YOD PAR SNGAR BSHAD ZIN LA, GZHI MA GRUB CHOS CAN DU BZUNG BA'I TSE RTAGS SU BZUNG BA DE YIN NA GZHI GRUB DGOS NA, CHOS CAN GYI NGO BO MA GRUB NAS, PHYOGS CHOS MA GRUB PAR 'GYUR BA'I PHYIR RO, ,BZHI PA NI, DPER NA, SHING CHOS CAN, SEMS LDAN YIN TE, MTSAN MO LO MA KHUMS TE NYAL BA'I PHYIR ZHES PA LTA BU'O, ,GAL TE BYAS PA CHOS CAN, SGRA MI RTAG PAR SGRUB PA'I RTAGS YANG DAG YIN TE, DE SGRUB KYI TSUL GSUM YIN PA'I PHYIR ZHES BKOD PA'I TSE NA, SGRA MI RTAG PAR SGRUB PA'I TSUL GSUM CHOS CAN, BYAS PA SGRA MI RTAG PAR SGRUB PA'I RTAGS YANG DAG TU SGRUB PA'I PHYOGS CHOS MA YIN PAR THAL, KHYOD BYAS PA'I PHYOGS GCIG LA MA GRUB PA'I PHYIR ZHE NA, SKYON MED DE, @127A *, ,CHOS CAN GYI PHYOGS GCIG LA MED NAS MA GRUB PA'I RTAGS KHAS BLANGS PA YIN GYI, CHOS CAN GYI PHYOGS GCIG LA MED NA PHYOGS CHOS MA GRUB PAS KHYAB PA KHAS BLANGS PA MA YIN PA'I PHYIR, BYAS PA TZAM SGRA MI RTAG PAR SGRUB PA'I RTAGS YANG DAG TU SGRUB NUS LA; SHING TZAM MTSAN MO LO MA KHUMS NAS NYAL BAR SGRUB MI NUS PA'I PHYIR RO, ,LNGA PA NI, DPER NA, ZLA BA GNYIS SNANG GI DBANG SHES CHOS CAN, MNGON SUM YIN TE, RTOG BRAL MA 'KHRUL BA'I SHES PA YIN PA'I PHYIR ZHES PA LTA BU'O, ,GNYIS PA THA DAD MED NAS MA GRUB PA'I RTAGS LA GSUM, RTAGS CHOS THA DAD MED NAS MA GRUB PA DANG, GZHI RTAGS THA DAD MED NAS MA GRUB PA DANG, GZHI CHOS THA DAD MED NAS MA GRUB PA'O, ,DPER BRJOD RIM BZHIN, SGRA CHOS CAN, MI RTAG STE, MI RTAG PA'I PHYIR ZHES PA DANG, SGRA CHOS CAN, MI RTAG STE, SGRA YIN PA'I PHYIR ZHES DANG, MI RTAG PA CHOS CAN, MI RTAG STE, BYAS PA YIN PA'I PHYIR ZHES PA LTA BU'O, ,GSUM PO 'DI PHYOGS CHOS MA GRUB PA'I RTAGS MA YIN PAR THAL, RTAGS CHOS CAN GYI STENG DU 'GOD TSUL DANG MTHUN PAR GRUB PA'I PHYIR ZHE NA, SKYON MED DE, PHYOGS CHOS YIN NA RTAGS NGES NAS BSGRUB BYA LA THE TSOM ZA BA DANG, RTAGS DANG CHOS CAN KHYAD GZHI KHYAD CHOS KYI TSUL DU BLO YUL DU 'CHAR BA DANG, CHOS CAN DE'I STENG DU BSGRUB BYA'I CHOS LA THE TSOM DANG LDAN PA DGOS LA, GSUM PO 'DI LA DE DAG RIM PA BZHIN MA TSANG BA'I PHYIR, KHA CIG ,GSUM PO 'DI DON LA MA GRUB PA'I RTAGS KYI DBYE BAR BYED PA MI 'THAD DE; 'DI DAG CHOS CAN GYI STENG DU 'GOD TSUL DANG MTHUN PAR GRUB PA'I PHYIR, DES NA GSUM PO 'DI DAG SHES 'DOD LA LTOS NAS MA GRUB PA'I RTAGS YIN NO ZHE NA, DE YANG MI 'THAD PAR THAL, SGRA SGRA YIN PAR NGES NAS SGRA RTAG MI RTAG SHES 'DOD DANG LDAN PA'I GANG ZAG YOD PA'I @127B PHYIR, 'KHOR GSUM MO, ,GNYIS PA BLO LA LTOS NAS MA GRUB PA LA BZHI, SHES 'DOD MED NAS MA GRUB PA DANG, CHOS CAN GYI NGO BO LA THE TSOM ZA NAS MA GRUB PA DANG, RTAGS KYI NGO BO LA THE TSOM ZA NAS MA GRUB PA DANG, GZHI RTAGS KYI 'BREL BA LA THE TSOM ZA NAS MA GRUB PA'O, ,DPER BRJOD RIM PA BZHIN, SGRA MI RTAG PAR GRUB ZIN MA BRJOD PA'I NGOR, SGRA CHOS CAN, MI RTAG STE, BYAS PA YIN PA'I PHYIR, ZHES DANG, BSKAL DON SHA ZA'I BUM PA CHOS CAN, MI RTAG STE, BYAS PA'I PHYIR ZHES DANG, DU BA DANG RLANGS PA GANG DU YANG MA NGES BZHIN DU SKYE RDZAS DANG LDAN PA'I LA LA CHOS CAN, ME YOD DE, DU BA YOD PA'I PHYIR, ZHES DANG, RMA BYA'I SGRA GANG NA GRAG MA NGES BZHIN DU RI SUL GSUM GYI DBUS MA NA CHOS CAN, RMA BYA YOD DE, RMA BYA'I SGRA GRAG PA'I PHYIR ZHES PA LTA BU'O, ,GSUM PA RGOL BA LA LTOS NAS MA GRUB PA LA GSUM, SNGA RGOL LA LTOS NAS MA GRUB PA DANG, PHYI RGOL LA LTOS NAS MA GRUB PA DANG, GNYIS KA LA LTOS NAS MA GRUB PA'O, ,DANG PO NI, DPER NA, GRANGS CAN GYIS SANGS RGYAS PA'I NGOR, BLO BDE CHOS CAN, SEMS MED YIN TE, SKYE 'JIG CAN YIN PA'I PHYIR, ZHES BKOD PA LTA BU'O, ,'DI SNGA RGOL LA LTOS NAS MA GRUB PA YIN TE, GRANGS CAN GYIS SNGAR YOD GSAL BA LAS SKYE BA DANG MI GSAL BA LA 'JIG PAR 'DOD PA MA GTOGS, SNGAR MED GSAR DU SKYE BA DANG SKAD CIG GIS 'JIG PA BLO BDE'I STENG DU TSAD MAS MA GRUB PA'I PHYIR, GNYIS PA NI, DPER NA, GCER BU PAS SANGS RGYAS PA'I NGOR, SHING CHOS CAN, SEMS LDAN YIN TE, SHUN PA BSHUS NA 'CHI BA'I PHYIR ZHES PA LTA BU'O, ,'DI PHYI RGOL LA LTOS NAS MA GRUB PA YIN TE, SROG 'GAG PA 'CHI BA'I DON YIN PA GANG ZHIG ,SANGS RGYAS PAS SHING LA SROG DANG RNAM SHES 'GAG PA MA GRUB PA'I PHYIR, RTAGS GNYIS PA 'DI YANG SO SOR BSHAD PA TZAM YIN GYI, RGOL PHYI RGOL @128A *, ,GNYIS KA LA LTOS NAS MA GRUB PA YIN NO, ,SNGA MA PHYI RGOL LA LTOS NAS MA GRUB PA YIN TE, PHYI RGOL GYI NGOR PHYOGS CHOS YIN NA PHYI RGOL BSGRUB BYA LA THE TSOM DANG LDAN PA DGOS LA, SANGS RGYAS PAS BLO BDE SEMS YOD DU TSAD MA'I STOBS KYIS NGES PA'I PHYIR RO, ,GNYIS PA 'DI SNGA RGOL LA LTOS NAS MA GRUB PA YIN TE, GCER BU PAS SHING GI STENG DU 'CHI BA DANG 'CHI BA'I DON GANG YANG TSAD MAS MA GRUB PA'I PHYIR, GAL TE 'DI SNGA RGOL LA LTOS NAS MA GRUB PA MA YIN TE, GCER BU PA DE SHUN PA BSHUS NA 'CHI BA'I DON SHUN PA BSHUS NA SKAM PA TZAM LA 'DOD PA GANG ZHIG ,GCER BU BAS SHING GI STENG DU SHUN PA BSHUS NA SKAM PAR 'DOD PA'I PHYIR ZHE NA, 'O NA RTAGS DANG PO DE YANG SNGA RGOL LA LTOS NAS MA GRUB PA MA YIN PAR THAL, GRANGS CAN DE SNGAR YOD GSAL BA LA SKYE BA DANG MI GSAL BA LA 'JIG PA'I DON DU 'DOD PA GANG ZHIG ,GRANGS CAN GYIS BLO BDE'I STENG DU DE 'DOD PA'I PHYIR RO, ,GSUM PA NI, DPER NA, SGRA CHOS CAN, MI RTAG STE, MIG SHES KYIS GZUNG BYA YIN PA'I PHYIR, ZHES PA LTA BU'O, ,DE LTAR NA RTAGS SU BKOD PA THAMS CAD RTAGS YANG DAG DANG 'GAL MA NGES MA GRUB PA'I RTAGS BZHIR NGES PA YIN TE, SPYIR RTAGS SU BKOD PA LA PHYOGS CHOS GRUB PA DANG MA GRUB PA GNYIS SU NGES LA, GRUB PA LA KHYAB PA RNAL MAR NGES MA NGES GNYIS SU NGES LA, GNYIS PA LA KHYAB PA PHYIN CI LOG TU NGES PA DANG MA NGES PA GNYIS SU NGES PA'I PHYIR RO,, ` GNYIS PA GZHAN DON RJES DPAG BSHAD PA LA GNYIS, RJOD BYED NGAG BSHAD PA DANG, BRJOD BYA DON GYI RANG BZHIN BSHAD PA'O, ,DANG PO LA GSUM, SGRUB NGAG BSHAD PA DANG, SUN 'BYIN BSHAD PA DANG, RGOL PHYI RGOL DBANG PO GSUM GYI RNAM GZHAG BSHAD PA'O, ,DANG PO LA GSUM, GZHAN LUGS DGAG ,RANG @128B LUGS BZHAG ,RTZOD PA SPANG BA'O, ,DANG PO NI, KHA CIG ,GZHAN DON RJES DPAG GI MTSAN NYID, RGOL BA RANG GIS MTHONG BA'I RTAGS KYI TSUL PHYI RGOL LA GSAL BAR STON PA'I NGAG YANG DAG YIN PA, DES NA SGRUB NGAG YAN LAG GCIG LDAN YANG YOD DE, BYAS PA'I RTAGS KYIS SGRA MI RTAG PAR SGRUB PA'I KHYAB PA SHAS ZIN MA BRJOD, PHYOGS CHOS MI SHES SHES RUNG DU YOD PA'I GANG ZAG GI NGOR, SGRA YANG BYAS ZHES PA'I NGAG DE SGRUB NGAG YANG DAG YIN PA'I PHYIR TE, DE LTA BU'I NGAG DE RGOL BA RANG GIS MTHONG BA'I RTAGS KYI TSUL PHYI RGOL LA GSAL BAR STON PA'I NGAG YANG DAG YIN PA'I PHYIR DANG, DE TZAM GYIS PHYI RGOL GYI RGYUD LA RTOGS PA SKYED NUS PA'I PHYIR, DE SKAD DU'ANG, MKHAS PA RNAMS LA NI, ,GTAN TSIGS 'BA' ZHIG BRJOD PAR ZAD, ,CES GSUNGS PA'I PHYIR, GSUM LAS TSUL GANG RUNG BA NYID, ,MA BSTAN MA TSANG YIN PAR BRJOD, ,CES GSUNGS PA DANG MI 'GAL TE, DE NI TSUL GSUM GA MI SHES SHES RUNG DU YOD PA'I GANG ZAG GI NGOR TSUL GSUM GANG RUNG ZHIG MA BRJOD NA SGRUB NGAG MA TSANG BA'I SKYON CAN DU BSTAN PA YIN PA'I PHYIR ZHES ZER, DE 'GOG PA LA KHA CIG ,DE LTA BU'I NGAG DE SGRUB NGAG YANG DAG MA YIN TE, SGRUB NGAG MA TSANG BA'I SKYON CAN YIN PA'I PHYIR TE, KHYAB PA MA BSTAN PA YIN PA'I PHYIR, DE LTA MA YIN NA, PHYOGS CHOS RKYANG PA CAN GYI RTAGS YANG DAG YOD PAR THAL, PHYOGS CHOS RKYANG BRJOD PA'I SGRUB NGAG YANG DAG YOD PA'I PHYIR, RTAGS KHAS BLANGS ZHES ZER ZHING, RGOL BA DE GNYIS KA'I LUGS LA YANG BYAS PA'I RTAGS KYIS SGRA MI RTAG PAR SGRUB PA'I TSUL GSUM MI SHES SHES RUNG DU YOD PA'I GANG ZAG GI NGOR, GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS ZHES PA'I NGAG DE SGRUB NGAG YANG DAG YIN PA'I PHYIR ZHES ZER, 'DOD PA DANG PO MI 'THAD DE, DE LTA BU'I RGOL BA'I NGOR PHYOGS @129A *, ,TSIG SGRUB NGAG GI YAN LAG TU 'GYUR BA YOD PAR THAL, DE'I NGOR SGRA YANG BYAS ZHES PA'I NGAG DE SGRUB NGAG YANG DAG YIN PA'I PHYIR, KHYAB STE, DE'I NGOR SGRA YANG BYAS ZHES PA'I NGAG DE PHYOGS TSIG YIN PA'I PHYIR TE, DE'I NGOR SGRA BYAS PA DE BSGRUB BYA YIN PA'I PHYIR, GZHAN YANG, DE'I NGOR BYAS PA DE SGRA MI RTAG PAR SGRUB PA'I RTAGS YANG DAG YIN PAR THAL, DE'I NGOR SGRA YANG BYAS ZHES PA'I NGAG DE DE SGRUB KYI SGRUB NGAG YANG DAG YIN PA'I PHYIR, GZHAN YANG, SGRA MI RTAG PAR MI SHES SHES RUNG DU YOD PA'I GANG ZAG GI NGOR SGRA MI RTAG CES PA'I NGAG DE SGRUB NGAG YANG DAG YIN PAR THAL, SGRA BYAS BAR MI SHES SHES RUNG DU YOD PA'I GANG ZAG GI NGOR SGRA YANG BYAS ZHES PA'I NGAG DE, SGRUB NGAG YANG DAG YIN PA'I PHYIR, RTAGS KHAS, 'DOD NA, PHYOGS TSIG YIN NA SGRUB NGAG YANG DAG YIN PAS KHYAB PAR THAL LO, ,GZHAN YANG, DE'I NGOR SGRA YANG BYAS ZHES PA'I NGAG CHOS CAN, KHYOD RGOL BA RANG GIS MTHONG BA'I RTAGS KYI TSUL PHYI RGOL LA GSAL BAR STON PA'I NGAG YANG DAG MA YIN PAR THAL, KHYOD PHYOGS CHOS GSAL BAR STON PA'I NGAG YANG DAG KYANG MA YIN, RJES SU 'GRO LDOG GI KHYAB PA GSAL BAR STON PA'I NGAG YANG DAG KYANG MA YIN PA'I PHYIR, RTAGS DANG PO GRUB STE, DE'I NGOR BYAS PA SGRA MI RTAG PAR SGRUB PA'I PHYOGS CHOS MA YIN PA'I PHYIR TE, DES BYAS PA SGRA'I STENG DU 'GOD TSUL DANG MTHUN PAR MA GRUB PA'I PHYIR, DES NA DE'I NGOR SGRA YANG BYAS ZHES PA'I NGAG DE SGRUB NGAG YANG DAG YIN PAR 'DOD PA DANG, SHES 'DOD CHOS CAN GYI STENG DU 'GOD TSUL DANG MTHUN PAR YOD PA NYID DU NGES PA, PHYOGS CHOS KYI MTSAN NYID DU 'DOD PA 'GAL BA YIN NO, ,'DOD PA PHYI MA DE YANG MI 'THAD DE, DE'I NGOR SGRA YANG BYAS ZHES PA'I NGAG CHOS CAN, SGRUB NGAG SKYON CAN MA YIN PAR @129B THAL, NGAG SKYON CAN MA YIN PA'I PHYIR, RTAGS MA GRUB NA, SGRA MI RTAG PAR MI SHES SHES RUNG DU YOD PA'I GANG ZAG GI NGOR, SGRA MI RTAG CES PA'I NGAG DE NGAG SKYON CAN YIN PAR THAL LO, ,'DOD NA, PHYOGS TSIG YIN NA NGAG SKYON CAN YIN PAS KHYAB PAR THAL LO, ,'DOD NA, DAM BCA' YANG DAG MI SRID PAR THAL LO, ,DES NA SGRA BYAS PAR MI SHES SHES RUNG DU YOD PA'I GANG ZAG GI NGOR SGRA YANG BYAS ZHES PA'I NGAG DE GANG ZAG DE'I NGOR PHYOGS TSIG TZAM YIN GYI, SGRUB NGAG YANG DAG DANG SKYON CAN GANG YANG MA YIN NO, ,BYAS PA'I RTAGS KYIS SGRA MI RTAG PAR SGRUB PA'I TSUL GSUM MI SHES SHES RUNG DU YOD PA'I GANG ZAG GI NGOR, GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS ZHES PA'I NGAG DE SGRUB NGAG YANG DAG YIN PAR 'DOD PA'ANG MI 'THAD DE, DE LTA BU'I GANG ZAG CHOS CAN, KHYOD KYIS SGRA MI RTAG PAR SGRUB PA'I TSUL GSUM TSAD MAS NGES PAR THAL, KHYOD KYI NGOR DE LTA BU'I NGAG DE DE SGRUB KYI SGRUB NGAG YANG DAG YIN PA'I PHYIR, RTAGS KHAS, KHYAB PA YOD DE, SLOB DPON GYIS, RJOD PA GANG ZHIG GNYIS KA LA NGES PA DE KHO NA SGRUB PA'AM, SUN 'BYIN PA YIN GYI GANG YANG RUNG BA LA MA GRUB PA DANG THE TSOM ZA BA NI MA YIN TE, YANG SGRUB PAR BYED PA LA LTOS PA'I PHYIR, ZHES GSUNGS SO, ,KHA CIG , SGRUB NGAG YANG DAG LA CHOS MTHUN SBYOR GYI SGRUB NGAG YANG DAG DANG, CHOS MI MTHUN SBYOR GYI SGRUB NGAG YANG DAG GNYIS, CHOS MTHUN SBYOR GYI SGRUB NGAG YANG DAG GI MTSAN NYID, SHES 'DOD CHOS CAN DANG MTHUN DPE GNYIS RTAGS DANG BSGRUB BYA'I CHOS SU CHOS MTHUN PAR DNGOS SU STON PA'I NGAG ,CHOS MI MTHUN SBYOR GYI SGRUB NGAG YANG DAG GI MTSAN NYID, SHES 'DOD CHOS CAN DANG MI MTHUN DPE GNYIS RTAGS DANG BSGRUB BYA'I CHOS SU CHOS MI MTHUN PAR DNGOS SU STON PA'I NGAG ,CHOS MTHUN PA'I DON YANG SGRUB TSUL YOD SGRUB RNAMS YOD PAR CHOS MTHUN PA DAG YIN SGRUB RNAMS YIN PAR CHOS MTHUN PA YIN ZHES ZER @130A *, ,NA; GANG BYAS NA MI RTAG PAS KHYAB, DPER NA BUM PA BZHIN SGRA YANG BYAS ZHES PA'I NGAG CHOS CAN, SGRA DANG BUM PA GNYIS MI RTAG PA YIN PAR CHOS MTHUN PAR DNGOS SU STON PA'I NGAG YIN PAR THAL, KHYOD DE SGRUB KYI CHOS MTHUN SBYOR GYI SGRUB NGAG YANG DAG YIN PA GANG ZHIG SGRA MI RTAG PAR SGRUB PA'I SGRUB TSUL YIN SGRUB YIN PA'I PHYIR, KHYAB PA KHAS BLANGS, 'DOD NA, SGRA MI RTAG PAR DNGOS SU STON PA'I NGAG YIN PAR THAL LO, ,'DOD NA, SGRA MI RTAG PAR SGRUB PA'I SGRUB NGAG YANG DAG MA YIN PAR THAL, DE SGRUB KYI BSGRUB BYA DNGOS SU STON PA'I NGAG YIN PA'I PHYIR, KHYAB STE, BSGRUB PAR BYA BA BRJOD PA YIS, ,BRGYUD PA YIS KYANG NUS PA MED, ,CES GSUNGS PA'I PHYIR, GNYIS PA RANG LUGS BZHAG PA LA BZHI, MDO'I RNAM BCAD KYI DGOS PA BSHAD PA DANG, GZHAN DON RJES DPAG GI MTSAN NYID DANG; DBYE BA DANG, MTSON BYA'I SGRA BSHAD PA'O, ,DANG PO NI, TSAD MA MDOR, GZHAN DON RJES SU DPAG PA NI, ,RANG GIS MTHONG DON RAB GSAL BYED, ,CES GSUNGS PA'I RKANG PA DANG POS MTSON BYA DANG, RKANG PA GNYIS PAS MTSAN NYID BSTAN PA YIN LA, DE YANG RANG GIS MTHONG BA DANG DON DANG RAB GSAL BYED GSUM GYIS RIM PA BZHIN DU, GZHAN DON RJES DPAG YIN NA, BLO SKYON DANG DON SKYON DANG SGRA SKYON GSUM DANG BRAL BA ZHIG DGOS PAR BSTAN TO, ,JI LTAR BSTAN NA, RANG GIS MTHONG BA ZHES PA'I TSIG GIS GZHAN DON RJES DPAG YIN NA BLO SKYON DANG BRAL BA ZHIG DGOS PAR BSTAN TE, BLO BDE SKYE 'JIG CAN LTA BU DON LA GRUB KYANG RGOL BAS MA MTHONG BAR PHYI RGOL GYI LUNG TZAM LAS BSHAD PA'I GTAN TSIGS DE GTAN TSIGS YANG DAG DANG, DE STON PA'I NGAG SGRUB NGAG YANG DAG YIN PA BCAD PA'I @130B PHYIR DU RANG GIS MTHONG BA ZHES PA'I TSIG SMOS PA'I PHYIR RO, ,RANG GIS MTHONG BA ZHES PA'I DON LA, RGYAN MKHAN PO NA RE, RANG GIS MTHONG BA ZHES PA'I TSIG GIS GZHAN DON GYI RTAGS YANG DAG YIN NA, TSUL GSUM RGOL PHYI RGOL GNYIS KA DANG DBANG PO YOD NA DES KYANG MTHONG BA ZHIG DGOS PAR BSTAN, ZHES GSUNGS, 'DI LA KHA CIG ,'O NA, GZHAN DON RJES SU DPAG PA NI, ,ZHES PA'I GZHAN DE RGOL PHYI RGOL GNYIS KA LAS GZHAN LA BYED RIGS PAR THAL, RANG GIS MTHONG BA ZHES PA RGOL PHYI RGOL GNYIS KAS MTHONG BA LA BYED RIGS PA'I PHYIR, RTAGS KHAS, 'DOD NA, DE LTA BU'I GZHAN DE PHYI RGOL LA BYED MI RIGS PAR 'GYUR RO ZHES ZER RO, ,DON ZHES PA'I TSIG GIS GZHAN DON RJES DPAG YIN NA DON SKYON DANG BRAL BA ZHIG DGOS PAR BSTAN TE, TSUL GSUM DON LA MA GRUB PAR RTOG PAS SGRO BTAGS TZAM DE RTAGS YANG DAG DANG, DE BRJOD PA'I TSIG SGRUB NGAG YANG DAG YIN PA BCAD PA'I PHYIR DU DON ZHES PA'I TSIG SMOS PA'I PHYIR RO, ,DON ZHES PAS GZHAN DON GYI RTAGS YANG DAG YIN NA, TSUL GSUM TSAD MAS GRUB PA ZHIG DGOS PAR BSTAN GYI DNGOS POR GRUB PA ZHIG DGOS PAR BSTAN PA MA YIN TE, DNGOS POR MED PA'I GZHAN DON GYI RTAGS YANG DAG DU MA YOD PA'I PHYIR, RAB GSAL BYED CES PA'I TSIG GIS GZHAN DON RJES DPAG YIN NA, SGRA SKYON DANG BRAL BA ZHIG DGOS PAR BSTAN TE, TSUL GSUM DON LA GRUB CING GRUB PA LTAR TSAD MAS NGES KYANG, GZHAN LA STON PA NA LHAG CHAD KYI SKYON DANG BCAS PA'I NGAG SGRUB NGAG YANG DAG YIN PA BCAD PA'I PHYIR DU RAB GSAL BYED CES SMOS PA'I PHYIR, 'O NA, GZHAN DON RJES SU DPAG PA NI, ,RANG GIS MTHONG DON RAB STON BYED, ,CES MI SMOS PAR CI'I PHYIR RAB GSAL BYED CES SMOS SHE NA, RGYAN MKHAN PO NA RE, NGAG GCIG GIS RJES SU 'GRO LDOG @131A *, ,GI KHYAB PA GNYIS KA DNGOS SU STON PA NI 'GA' YANG MED PAS RAB STON BYED CES MA SMOS PAR RJES SU 'GRO LDOG GI KHYAB PA GANG RUNG ZHIG DNGOS SU BSTAN PAS CIG SHOS DON GYIS GSAL BAR 'GYUR BAS RAB GSAL BYED CES SMOS PA YIN NO ZHES BZHED DO, ,DE LA KHA CIG NA RE, 'O NA NGAG GCIG GIS RJES SU 'GRO LDOG GI KHYAB PA GNYIS KA DNGOS SU GSAL BAR BYED PA NI 'GA' YANG MED PAS, RAB GSAL BYED CES MI SMOS PAR DE GNYIS GANG RUNG ZHIG DNGOS SU BSTAN PAS CIG SHOS DON GYIS STON PAR 'GYUR BAS RAB STON BYED CES SMOS RIGS PAR 'GYUR RO ZHES ZER RO, ,'O NA LHAG CHAD KYI SKYON DANG BCAS PA'I NGAG JI LTA BU ZHE NA, RANG GZHAN GYI SDE PA 'GA' ZHIG TSUL GSUM DON LA GRUB CING GRUB PA LTAR TSAD MAS NGES KYANG DE GZHAN LA STON PA NA, SGRA MI RTAG STE, BYAS PA'I PHYIR, DPER NA BUM PA BZHIN, BUM PA BYAS PA DE BZHIN DU SGRA YANG BYAS DE'I PHYIR NA SGRA MI RTAG CES STON PA'I NGAG LTA BU'O, ,'O NA, DE DAG CHAD PA DANG LHAG PA'I SKYON CAN JI LTAR YIN ZHE NA, DE LTA BU'I NGAG CHOS CAN, SGRUB NGAG CHAD PA'I SKYON CAN YIN TE, SGRUB NGAG TU BKOD PA GANG ZHIG ,DPE DNGOS SU BSTAN KYANG KHYAB PA DNGOS SU MA BSTAN PA'I PHYIR RO, ,CHOS CAN, SGRUB NGAG LHAG PA'I SKYON CAN YIN TE GANG ZHIG ,DAM BCA' DANG NYER GTOD DANG MJUG SDUD GSUM PO BRJOD PA LHAG PA'I PHYIR, DANG PO GRUB STE, SGRA MI RTAG CES PA'I TSIG GIS PHYI RGOL GYI RGYUD LA SGRA MI RTAG PA LA THE TSOM TZAM SKYED KYI, SGRA MI RTAG PAR RTOGS PA'I RJES DPAG SKYED PA'I NUS PA MED PA'I PHYIR, GNYIS PA GRUB STE, PHYOGS CHOS BRJOD PA DANG ZLOS PA'I PHYIR, GSUM PA GRUB STE, DAM BCA' DANG ZLOS PA'I PHYIR RO, ,'O NA, TSUL GSUM DON LA GRUB CING GRUB PA LTAR TSAD MAS NGES NA @131B DE LTA BU'I RTAGS STON PA'I TSIG JI LTAR SKYON CAN YIN ZHE NA, YIN TE, RNAM NGES LAS, GZHAN GYI DON GYI RJES SU DPAG PAR TSIG GI SKYON YON GTZO BOR BYED PA YIN GYI, DON GYI NI MA YIN TE DON JI LTA BA BZHIN MA YIN PAR BRJOD PAS SMRA BA PO LA KLAN KAR 'GYUR BA'I PHYIR RO, ,ZHES GSUNGS PA LTAR LHAG CHAD CAN GYI SGRUB NGAG BRJOD NA, DON SKYON BRJOD PA'I THOG MAR TSIG SKYON GYI SGO NAS SMRA BA PO SUN 'BYIN PAR 'GYUR BA'I PHYIR RO, ,TSIG GI SKYON YON GTZO BOR BYED PA'I DON YANG TSIG SKYON DANG BRAL BA DGOS PA YIN GYI, DON SKYON DANG BRAL BA MI DGOS PAR BSTAN PA MIN NO, , KHA CIG ,THOGS MED SKU MCHED SGRUB NGAG YAN LAG LNGA LDAN BZHED LA, PHYOGS GLANG YAB SRAS KYIS DE BKAG NAS SGRUB NGAG YAN LAG GNYIS LDAN BZHED DO ZHES SMRA BA MI 'THAD DE, SGRUB NGAG LA 'CHAD PA DANG 'GOD PA'I SKABS GNYIS LAS, 'CHAD PA'I TSE PHYOGS GLANG YAB SRAS KYIS KYANG SGRUB NGAG YAN LAG LNGA LDAN BZHED LA, PHYI RGOL LA 'GOD PA'I TSE NI THOGS MED SKU MCHED KYIS KYANG SGRUB NGAG YAN LAG GNYIS LDAN BZHED PA'I PHYIR RO, ,GNYIS PA GZHAN DON RJES DPAG GI MTSAN NYID, RGOL BA RANG GI TSAD MAS MTHONG BA'I RTAGS KYI TSUL GSUM PHYI RGOL LA GSAL BAR STON PA'I SGRUB NGAG YAN LAG GNYIS LDAN NO, ,GSUM PA DBYE BA LA GNYIS, CHOS MTHUN SBYOR GYI SGRUB NGAG YANG DAG DANG, CHOS MI MTHUN SBYOR GYI SGRUB NGAG YANG DAG GO ,DANG PO'I MTSAN NYID, RTAGS DE DE SGRUB KYI MTHUN PHYOGS KHO NA LA YOD PAR DNGOS SU STON PA'I YAN LAG GNYIS LDAN GYI NGAG ,DPER NA, GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS ZHES PA'I NGAG LTA BU'O, ,GNYIS PA'I MTSAN NYID, RTAGS DE DE SGRUB KYI MI MTHUN PHYOGS LA MED PA KHO NAR DNGOS SU STON PA'I YAN LAG GNYIS LDAN GYI NGAG ,DPER NA, @132A *, ,GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN, SGRA NI BYAS SO ZHES PA'I NGAG LTA BU'O, ,DE SKAD DU RIGS SGOR, DE LA CHOS MTHUN PA NI GANG LA RTAGS MTHUN PA'I PHYOGS NYID LA YOD PA STON PAR BYED PA STE, GANG BYAS PA DE MI RTAG PAR MTHONG STE, DPER NA BUM PA LA SOGS PA BZHIN ZHES PA'O, ,CHOS MI MTHUN PA YANG GANG LA BSGRUB PAR BYA BA MED PA LA RTAGS MED PA NYID DU STON PA STE, GANG RTAG PA DE BYAS PA MIN PAR MTHONG STE, DPER NA NAM MKHA' BZHIN ZHES PA'O, ,ZHES GSUNGS PA LTAR, CHOS MTHUN PAR STON PA'I DON DE SGRUB KYI RTAGS DANG MTHUN DPE GNYIS, DE SGRUB KYI MTHUN PHYOGS KHO NA LA YOD PAR DNGOS SU STON PA LA BYED PA YIN GYI, RTZOD GZHI DANG MTHUN DPE GNYIS RTAGS DANG BSGRUB BYA'I CHOS SU CHOS MTHUN PAR DNGOS SU STON PA'I DON MIN NO, ,DE LTAR NA CHOS MTHUN SBYOR GYI SGRUB NGAG GIS RJES 'GRO'I KHYAB PA DNGOS SU BSTAN NAS LDOG KHYAB SHUGS LA BSTAN PA YIN LA, CHOS MI MTHUN SBYOR GYI SGRUB NGAG GIS LDOG KHYAB DNGOS SU BSTAN NAS RJES 'GRO'I KHYAB PA SHUGS LA BSTAN PA YIN NO, ,GAL TE GANG BYAS NA MI RTAG PAS KHYAB DPER NA BUM PA BZHIN, SGRA YANG BYAS SO ZHES PA'I NGAG GIS SGRA MI RTAG PAR SGRUB PA'I RJES KHYAB DNGOS SU BSTAN PA DANG, GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN, SGRA NI BYAS SO ZHES PA'I NGAG GIS SGRA MI RTAG PAR SGRUB PA'I LDOG KHYAB DNGOS SU BSTAN PA MA YIN PAR THAL, BYAS NA MI RTAG PAS KHYAB PA DE SGRA MI RTAG PAR SGRUB PA'I RJES KHYAB MA YIN, RTAG NA MA BYAS PA'I KHYAB PA DE SGRA MI RTAG PAR SGRUB PA'I LDOG KHYAB MA YIN PA'I PHYIR ZHE NA, SKYON MED DE, SGRA MI RTAG PAR SGRUB PA'I CHOS MTHUN SBYOR GYI @132B SGRUB NGAG GIS SGRA BYAS PA DANG BYAS NA MI RTAG PAS KHYAB PA DNGOS SU BRJOD PA LA BRTEN NAS BYAS PA SGRA MI RTAG PAR SGRUB PA'I MTHUN PHYOGS KHO NA LA YOD PAR RTOGS NUS LA DE'I SHUGS LA BYAS PA SGRA MI RTAG PAR SGRUB PA'I MI MTHUN PHYOGS LA MED PA KHO NAR RTOGS NUS PAS, SGRUB NGAG DES RJES 'GRO DNGOS SU BSTAN LDOG KHYAB SHUGS LA BSTAN PAR BRJOD PA'I PHYIR RO, ,'O NA CHOS MTHUN SBYOR GYI SGRUB NGAG DANG CHOS MI MTHUN SBYOR GYI SGRUB NGAG GNYIS KA DNGOS SU BSTAN DGOS PA'I SGRA MI RTAG PAR SGRUB DGOS KYI PHYI RGOL YOD DAM MED CE NA, MED KYI GANG RUNG RE DNGOS SU BSTAN PAS CHOG STE, RJES SU 'GRO LDOG GI KHYAB PA GNYIS GANG RUNG ZHIG DNGOS SU BSTAN PAS CIG SHOS DON GYIS GO BAR 'GYUR BA'I PHYIR, DE SKAD DU'ANG, DE NYID KYI PHYIR 'BREL SHES NA, ,GNYIS LAS GANG YANG RUNG SMRAS PA, ,DON GYIS GE BAS CIG SHOS LA, ,DRAN PA YANG DAG SKYE BAR 'GYUR, ,ZHES GSUNGS PAS SO, ,KHA CIG, RGOL BA DBANG RNON GYI NGOR GNYIS KA DNGOS SU BSTAN MI DGOS KYANG, DBANG RTUL GYI NGOR GNYIS KA DNGOS SU BSTAN DGOS SO ZHES ZER NA, 'O NA RJES SU 'GRO LDOG GI KHYAB PA GNYIS KA DNGOS SU BSTAN PA'I SGRUB NGAG YOD PAR THAL, RJES SU 'GRO LDOG GI KHYAB PA GNYIS KA DNGOS SU BSTAN DGOS PA'I PHYI RGOL YOD PA'I PHYIR, 'DOD NA, SGRUB NGAG YAN LAG GSUM LDAN YOD PAR THAL LO, ,'DOD MI NUS TE, SGRUB NGAG YANG DAG YIN NA SGRUB NGAG YAN LAG GNYIS LDAN YIN DGOS PA'I PHYIR RO, ,SGRUB NGAG YAN LAG GSUM LDAN YOD PAR THAL BA'I SKYON MED DE, RJES SU 'GRO LDOG GI KHYAB PA GNYIS KA DNGOS SU BRJOD KYANG KHYAB PA BRJOD PA ZHES PA'I YAN LAG GCIG TU BGRANG BAR BYA BA YIN PA'I PHYIR ZHE NA, 'O NA RJES SU 'GRO LDOG GI KHYAB PA GNYIS PO KHYAB PA'I TSUL ZHES RTAGS KYI TSUL GCIG @133A *, ,TU BGRANG BAR RIGS PAR 'GYUR RO, ,GZHAN YANG, PHYI RGOL DBANG RTUL GYI NGOR CHOS MTHUN SBYOR GYI SGRUB NGAG DANG, CHOS MI MTHUN SBYOR GYI SGRUB NGAG GNYIS KA DNGOS SU BSTAN MI DGOS PAR THAL, GANG ZAG DES RTAGS MTHUN PHYOGS KHO NA LA YOD PAR DNGOS SU RTOGS PA'I SHUGS LA RTAGS MI MTHUN PHYOGS LA MED PA KHO NAR RTOGS NUS, RTAGS MI MTHUN PHYOGS LA MED PA KHO NAR DNGOS SU RTOGS PA'I SHUGS LA, RTAGS MTHUN PHYOGS KHO NA LA YOD PAR RTOGS NUS PA'I PHYIR, RTAGS MA GRUB NA, PHYI RGOL DBANG RTUL LA PHYOGS CHOS DANG RJES SU 'GRO LDOG GI KHYAB PA GANG RUNG GCIG DNGOS SU BRJOD PAS DE'I RGYUD LA DON GYI BSGRUB BYA RTOGS PA'I RJES DPAG SKYE BA MA YIN PAR THAL LO, ,'DOD NA, KHYAB SNGON CAN LA DE MED KYANG, ,SGRA NI BYAS YIN 'DI 'DRA KUN, ,MI RTAG CES NI BRJOD PAS KYANG, ,DON GYIS DE NI 'JIG BLOR 'GYUR, ,ZHES PA RGOL BA DBANG RNON KHO NA'I DBANG DU BYAS PA DANG, PHYI RGOL DBANG RTUL GYI RGYUD LA BSGRUB BYA LA RTOGS PA BSKYED PA'I PHYIR DU BSGRUB BYA YANG DNGOS SU BSTAN DGOS PAR THAL LO, ,GZHAN YANG, RGOL BA DES SGRA MI RTAG PAR DNGOS SU RTOGS PA'I SHUGS LA SGRA RTAG PA MA YIN PAR RTOGS MI NUS PAR THAL, DES RTAGS MTHUN PHYOGS KHO NA LA YOD PAR DNGOS SU RTOGS PA'I SHUGS LA, RTAGS MI MTHUN PHYOGS LA MED PA KHO NAR RTOGS MI NUS PA'I PHYIR, RTAGS KHAS BLANGS SO, ,BZHI PA MTSON BYA'I SGRA BSHAD PA NI, SNGA RGOL LAS GZHAN PHYI RGOL GYI DON YIN PAS GZHAN DON DANG RJES DPAG GI RGYU YIN PAS NA RJES DPAG TU BTAGS PA YIN GYI RJES DPAG DNGOS MA YIN TE, TSIG GI RANG BZHIN YIN PA'I PHYIR RO, ,RJES DPAG TU BTAGS PA LA DGOS PA YOD DE, NGAG DE LA BRTEN NAS BSGRUB BYA @133B RTOGS PA'I RJES DPAG RGYUD LA SKYE BAR KHONG DU CHUD PAR 'GYUR BA'I PHYIR RO, ,GSUM PA RTZOD PA SPANG BA NI, TSIG GI BYED PA LA BRTEN NAS RJES DPAG SKYE BAS GZHAN DON RJES DPAG 'JOG NA, RI DVAGS RGYUG PA LA LTOS ZHES PA'I TSIG GI BYED PA LA BRTEN NAS RI DVAGS RGYUG PA MTHONG BA'I MNGON SUM SKYE BAS GZHAN DON GYI MNGON SUM YOD PAR 'GYUR RO ZHE NA, MI MTSUNGS TE, RJES DPAG RTOG PA YIN PAS TSIG GI BYED PA LA BRTEN NAS SKYE BAR RIGS LA, DBANG PO'I MNGON SUM GZUNG DON LAS SKYE BAS TSIG GI BYED PA LAS SKYE BAR MI RIGS PA'I PHYIR RO, ,DE SKAD DU'ANG RGYAN LAS, JI LTAR TSIG LAS MTHONG BA YI, ,'BREL PA DRAN PAR GYUR PA NA, ,RJES DPAG SKYE BA DE BZHIN DU, ,'GAR YANG MNGON SUM SKYE MA YIN, ,ZHES GSUNGS SO, ,GAL TE PHYOGS TSIG SGRUB NGAG GI YAN LAG MA YIN NA, SLOB DPON GYIS, RANG NYID NGES BZHIN GZHAN DAG LA, ,NGES PA SKYED PAR 'DOD PA YIS, PHYOGS CHOS 'BREL PA BSGRUB BYA DAG ,BRJOD PA LAS GZHAN SPANG BAR BYA, ,ZHES PHYOGS CHOS DANG 'BREL PA DANG BSGRUB BYA BRJOD PAR BYA LA DE LAS GZHAN BRJOD PA SPANG BAR BYA, ,ZHES GSUNGS PA DANG 'GAL LO ZHE NA, MI 'GAL TE, PHYOGS CHOS DANG 'BREL PA BRJOD PAR BYA'O, ,GANG DANG 'BREL PA BRJOD PAR BYA ZHE NA BSGRUB BYA'I CHOS DANG 'BREL PA BRJOD PAR BYA'O, ,ZHES PA'I DON YIN PA'I PHYIR, GAL TE SGRUB NGAG YAN LAG GCIG LDAN MED NA, MKHAS PA RNAMS LA NI, GTAN TSIGS 'BA' ZHIG BRJOD PAR ZAD, ,CES GSUNGS PA DANG 'GAL LO ZHE NA, MI 'GAL TE, DE NI SGRA MI RTAG PAR SGRUB PA'I KHYAB 'BREL SHES ZIN MA BRJED, PHYOGS CHOS MI SHES SHES RUNG DU YOD PA'I GANG ZAG GI NGOR, SGRA MI RTAG PAR SGRUB PA'I KHYAB 'BREL MA SHES PA SHES PA'I PHYIR DU BRJOD MI DGOS ZHES PA'I DON YIN GYI, RJES SU 'GRO LDOG GI KHYAB PA BSTAN MI DGOS PA'I DON MA YIN PA'I PHYIR @134A *, ,RO, ,KHA CIG ,SGRA MI RTAG PAR SGRUB PA'I KHYAB PA SHES ZIN MA BRJED PHYOGS CHOS MI SHES SHES RUNG DU YOD PA'I GANG ZAG GI NGOR SGRA YANG BYAS ZHES PA'I NGAG CHOS CAN, SGRUB NGAG YANG DAG YIN PAR THAL, SGRUB NGAG TU BKOD PA GANG ZHIG ,SGRUB NGAG LHAG PA DANG CHAD PA'I SKYON CAN MA YIN PA'I PHYIR, PHYI MA MA GRUB NA, CHOS CAN, KHYAB PA DNGOS SU MA BSTAN PA'I CHA NAS SGRUB NGAG CHAD PA'I SKYON CAN YIN PAR THAL, SGRUB NGAG CHAD PA'I SKYON CAN DU 'JOG BYED CIG YOD, DE LAS GZHAN SGRUB NGAG CHAD PA'I SKYON CAN DU 'JOG BYED MED PA'I PHYIR, RTAGS KHAS, 'DOD MI NUS TE, KHYOD 'GOD DGOS KYI GANG ZAG DE'I NGOR KHYAB PA DNGOS SU BSTAN MI DGOS PA'I PHYIR TE, DES KHYAB PA SHES ZIN MA BRJED PA'I PHYIR DANG, DE LTA BU'I GANG ZAG GI NGOR KHYAB PA DNGOS SU MA BSTAN KYANG GANG ZAG DE'I RGYUD LA BSGRUB BYA LA RTOGS PA SKYE BA'I PHYIR ZHE NA, SGRA MI RTAG STE, BYAS PA'I PHYIR, DPER NA BUM PA BZHIN, BUM PA BYAS PA DE BZHIN DU SGRA YANG BYAS, DE'I PHYIR NA SGRA MI RTAG CES PA'I NGAG CHOS CAN, DE SGRUB KYI KHYAB PA DNGOS SU MA BSTAN PA'I CHA NAS SGRUB NGAG CHAD PA'I SKYON CAN MA YIN PAR THAL, KHYOD 'GOD DGOS KYI GANG ZAG DE'I NGOR DE SGRUB KYI KHYAB PA DNGOS SU BSTAN MI DGOS PA'I PHYIR TE, GANG ZAG DES DE SGRUB KYI KHYAB PA SHES ZIN MA BRJED PA'I PHYIR DANG, GANG ZAG DE LA DE SGRUB KYI KHYAB PA DNGOS SU MA BSTAN KYANG GANG ZAG DE'I RGYUD LA BSGRUB BYA LA RTOGS PA SKYE BA'I PHYIR, SNGA PHYI'I KHYAB RTAGS KHAS BLANGS SO, ,GAL TE CHOS MTHUN SBYOR DANG CHOS MI MTHUN SBYOR GYI SGRUB NGAG GNYIS KA DNGOS SU BSTAN DGOS KYI RGOL PA MED NA, RIGS SGOR, RE ZHIG 'GAL BA DANG MA NGES PA'I GNYEN POR GNYIS KA BRJOD PA GANG YIN PA DE NI RIGS PA YIN NO, ,ZHES GSUNGS PA DANG 'GAL LO ZHE NA, MI 'GAL TE, 'GAL BA DANG MA NGES @134B PA'I GNYEN POR RIM PA BZHIN DU CHOS MTHUN SBYOR GYI SGRUB NGAG DANG CHOS MI MTHUN SBYOR GYI SGRUB NGAG BRJOD RIGS PAR BSTAN PA YIN GYI, GANG ZAG GCIG LA GNYIS KA DNGOS SU BRJOD DGOS PAR MA BSTAN PA'I PHYIR RO, ,GNYIS PA SUN 'BYIN BSHAD PA LA, SUN 'BYIN DANG THAL 'GYUR DON GCIG PAS 'DI LA GNYIS, THAL 'GYUR GYI RNAM GZHAG DANG, 'BRAS MTSUNGS KYI LTAG CHOD BSHAD PA'O, ,DANG PO LA GSUM, MTSAN NYID DANG, DBYE BA DANG, RANG RGYUD 'PHEN PA DANG MI 'PHEN PA'I THAL 'GYUR GNYIS KYI BYED LAS BSHAD PA'O, ,DANG PO NI, THAL 'GYUR GYI MTSAN NYID, RTAGS DANG KHYAB PA PHA ROL PO'I BLO NGOR GRUB CING, DAM BCA' LA BSAL BA 'BAB PA'I RTAGS STON PA'I NGAG ,DE YANG DAM BCA' LA BSAL BA MED NA THAL 'GYUR DU MI RUNG LA, YOD NA PHYOGS CHOS MI 'GRUB PAS, PHYOGS CHOS DANG KHYAB PA BLO NGOR GRUB PA ZHES MA SMOS PAR RTAGS DANG KHYAB PA BLO NGOR GRUB PA ZHES SMOS PA YIN NO, ,DE YANG RGOL BA GNYIS KAS GRUB PA MI DGOS KYI 'GOD PAR BYA BA'I YUL GYIS GRUB PAS CHOG PAS PHA ROL PO'I BLO NGOR GRUB PA ZHES SMOS PA YIN NO, DE YANG TSAD MAS GRUB PA DANG YID DPYOD KYI SGRUB PA DANG LOG SHES KYI GRUB PA GSUM YOD PAS BLO NGOR GRUB PA ZHES SMOS PA YIN NO, ,DAM BCA' LA BSAL BA MED NA THAL 'GYUR DU MI RUNG BAS DAM BCA' LA BSAL BA 'BAB PA ZHES SMOS PA YIN NO, ,NGAG MA YIN NA THAL 'GYUR DU MI RUNG BAS RTAGS STON PA'I NGAG CES SMOS PA YIN NO, ,GNYIS PA LA GSUM, BKOD TSOD KYI DBYE BA DANG, DE LA YANG DAG DANG LTAR SNANG GNYIS SU DBYE BA DANG, YANG DAG BDUN LA RANG RGYUD 'PHEN PA DANG MI 'PHEN PA GNYIS SU DBYE BA'O, ,DANG PO LA BZHI, KHYAB RTAGS GNYIS KA MA GRUB PA DANG, RTAGS KHO NA MA GRUB PA DANG, KHYAB PA KHO NA MA GRUB PA DANG, KHYAB RTAGS GNYIS KA GRUB PA'O, ,DANG PO NI, SGRA CHOS CAN, GZHAL BYA @135A *, ,MA YIN PAR THAL, RTAG PA'I PHYIR ZHES PA LTA BU'O, ,GNYIS PA NI, SGRA CHOS CAN, MA BYAS PAR THAL, RTAG PA'I PHYIR ZHES PA LTA BU'O, ,GSUM PA NI, SGRA CHOS CAN, RTAG PAR THAL, GZHAL BYA YIN PA'I PHYIR ZHES PA LTA BU'O, ,BZHI PA LA BZHI, KHYAB RTAGS GNYIS KA TSAD MAS GRUB PA DANG, GNYIS KA KHAS BLANGS KYIS KYANG GRUB PA DANG, RTAGS TSAD MAS GRUB CING KHYAB PA KHAS BLANGS KYIS GRUB PA DANG, KHYAB PA TSAD MAS GRUB CING RTAGS KHAS BLANGS KYIS GRUB PA'O, ,DANG PO NI, SGRA CHOS CAN, MI RTAG PAR THAL, BYAS PA'I PHYIR ZHES PA LTA BU STE, DE YANG SNGAR SGRA RTAG PAR KHAS BLANGS NA KHYAB RTAGS TSAD MAS GRUB CING, DAM BCA' LA KHAS BLANGS KYIS BSAL BA 'BAB PA'I THAL 'GYUR YANG DAG DANG, SGRA RTAG PAR KHAS MA BLANGS NA KHYAB RTAGS TSAD MAS GRUB KYANG DAM BCA' LA BSAL BA MED PA'I THAL 'GYUR LTAR SNANG DU 'GYUR BA YIN NO, ,GNYIS PA NI, SGRA MIG GIS GZUNG BYA DANG MIG GIS GZUNG BYA LA RTAG PA'I KHYAB PA KHAS LEN PA'I GANG ZAG GI NGOR, SGRA CHOS CAN, RTAG PAR THAL, MIG GIS GZUNG BYA YIN PA'I PHYIR, ZHES PA LTA BU STE, SGRA MI RTAG PAR TSAD MAS GRUB NA KHYAB RTAGS KHAS BLANGS KYIS GRUB CING, DAM BCA' LA TSAD MAS BSAL BA 'BAB PA'I THAL 'GYUR YANG DAG DANG, SGRA MI RTAG PAR KHAS BLANGS NA KHYAB RTAGS KHAS BLANGS KYIS GRUB CING, DAM BCA' LA KHAS BLANGS KYIS BSAL BA 'BAB PA'I THAL 'GYUR YANG DAG DANG, SGRA MI RTAG PAR TSAD MAS KYANG MA GRUB, KHAS BLANGS PA'ANG MIN NA, KHYAB RTAGS KHAS BLANGS KYIS GRUB KYANG DAM BCA' LA BSAL BA GTAN NAS MED PA'I THAL 'GYUR LTAR SNANG DU 'GYUR BA YIN NO, ,GSUM PA NI, BYAS NA RTAG PAS KHYAB PA KHAS LEN PA'I GANG ZAG GI NGOR, SGRA CHOS CAN, RTAG PAR THAL, BYAS PA'I PHYIR ZHES PA LTA BU STE, SGRA MI RTAG @135B PAR TSAD MAS GRUB NA RTAGS TSAD MA DANG KHYAB PA KHAS BLANGS KYIS GRUB CING DAM BCA' LA TSAD MAS BSAL BA 'BAB PA'I THAL 'GYUR YANG DAG DANG, SGRA MI RTAG PAR KHAS BLANGS NA RTAGS TSAD MA DANG KHYAB PA KHAS BLANGS KYIS GRUB CING DAM BCA' LA KHAS BLANGS KYIS BSAL BA 'BAB PA'I THAL 'GYUR YANG DAG DANG, SGRA MI RTAG PAR TSAD MAS KYANG MA GRUB KHAS BLANGS PA'ANG MIN NA, RTAGS TSAD MA DANG KHYAB PA KHAS BLANGS KYIS GRUB KYANG DAM BCA' LA BSAL BA MED PA'I THAL 'GYUR LTAR SNANG DU 'GYUR BA YIN NO, ,BZHI PA NI, SGRA RTAG PAR KHAS LEN PA'I GANG ZAG GI NGOR, SGRA CHOS CAN MA BYAS PAR THAL, RTAG PA'I PHYIR ZHES PA LTA BU STE, SGRA BYAS PAR TSAD MAS GRUB NA KHYAB PA TSAD MA DANG, RTAGS KHAS BLANGS KYIS GRUB CING DAM BCA' LA TSAD MAS BSAL BA 'BAB PA'I THAL 'GYUR YANG DAG DANG, SGRA BYAS PAR KHAS BLANGS NA KHYAB PA TSAD MA DANG RTAGS KHAS BLANGS KYIS GRUB CING, DAM BCA' LA KHAS BLANGS KYIS BSAL BA 'BAB PA'I THAL 'GYUR YANG DAG DANG, SGRA BYAS PAR TSAD MAS KYANG MA GRUB KHAS BLANGS PA'ANG MIN NA, KHYAB PA TSAD MA DANG RTAGS KHAS BLANGS KYIS GRUB KYANG DAM BCA' LA BSAL BA MED PA'I THAL 'GYUR LTAR SNANG DU 'GYUR BA YIN NO; ;DE LTAR NA THAL 'GYUR DU BKOD TSOD LA DBYE NA BCU BZHI YOD PA YIN NO, ,GNYIS PA DE LA YANG DAG DANG LTAR SNANG GNYIS SU DBYE BA NI, KHYAB RTAGS GNYIS KA MA GRUB PA DANG, RTAGS KHO NA MA GRUB PA DANG, KHYAB PA KHO NA MA GRUB PA DANG, KHYAB RTAGS GNYIS KA TSAD MAS GRUB LA, DAM BCA' LA BSAL BA MED PA DANG, KHYAB RTAGS GNYIS KA KHAS BLANGS KYIS GRUB LA DAM BCA' LA BSAL BA MED PA DANG, RTAGS TSAD MA DANG KHYAB PA KHAS BLANGS KYIS GRUB LA DAM BCA' LA BSAL BA MED PA DANG, KHYAB PA TSAD MA DANG RTAGS KHAS BLANGS KYIS GRUB LA DAM BCA' LA BSAL @136A *, ,BA MED PA'I THAL 'GYUR NI LTAR SNANG DANG, DE LAS GZHAN PA BDUN NI YANG DAG YIN NO, ,GSUM PA YANG DAG BDUN LA RANG RGYUD 'PHEN PA DANG MI 'PHEN PA GNYIS SU DBYE BA NI, RTAGS PHA ROL POS KHAS BLANGS KHYAB PA TSAD MAS GRUB, DAM BCA' LA TSAD MAS BSAL BA 'BAB PA'I THAL 'GYUR NI RANG RGYUD 'PHEN PA'I THAL 'GYUR YANG DAG YIN LA, DE LAS GZHAN PA DRUG NI RANG RGYUD MI 'PHEN PA'I THAL 'GYUR YIN NO, ,DE YANG RANG RGYUD 'PHEN PA'I THAL 'GYUR YANG DAG YIN NA, RTAGS PHA ROL POS KHAS BLANGS PA DGOS KYI TSAD MAS MA GRUB PA ZHIG DGOS TE, RTAGS TSAD MAS GRUB NA RANG RGYUD KYI DAM BCA' LA TSAD MAS BSAL BA 'BAB PA'I PHYIR RO, ,KHYAB PA TSAD MAS GRUB PA ZHIG DGOS TE, KHYAB PA TSAD MAS MA GRUB NA RANG RGYUD KYI LDOG KHYAB MI 'GRUB PA'I PHYIR, DAM BCA' LA TSAD MAS BSAL BA ZHUGS PA ZHIG DGOS TE, DE LTA MA YIN NA RANG RGYUD KYI PHYOGS CHOS MI 'GRUB PA'I PHYIR RO, ,DES NA RANG RGYUD 'PHEN PA'I THAL 'GYUR YANG DAG GI MTSAN NYID, THAL 'GYUR YANG DAG GANG ZHIG DON ZLOG NA TSUL GSUM TSANG BA, DBYE NA, LDOG PA RANG RIGS 'PHEN PA DANG, LDOG PA GZHAN RIGS 'PHEN PA'I RANG RGYUD 'PHEN PA'I THAL 'GYUR GNYIS, LDOG PA RANG RIGS 'PHEN PA'I THAL 'GYUR YANG DAG GI MTSAN NYID, THAL 'GYUR YANG DAG GANG ZHIG ,LDOG PA RANG RGYUD RANG DANG RIGS GCIG PA 'PHEN PA, DBYE NA BZHI, RANG BZHIN DANG 'GAL BA'I RANG BZHIN DMIGS PA'I THAL 'GYUR GYIS DE'I RANG RGYUD 'PHEN PA NI, ME STOBS CHEN PAS KHYAB PAR NON PA'I GZHIR, GRANG REG STOBS CHEN PA YOD PAR KHAS LEN PA'I GANG ZAG GI NGOR, GZHI DER CHOS CAN, ME STOBS CHEN PAS KHYAB PAR NON PA MA YIN PAR THAL, GRANG REG STOBS CHEN PAS KHYAB PAR NON PA'I PHYIR ZHES PA LTA BU'O, ,KHYAB BYED DANG @136B 'GAL BA'I KHYAB BYA DMIGS PA'I THAL 'GYUR GYIS DE'I RANG RGYUD 'PHEN PA NI, TZAN DAN GYI ME STOBS CHEN PAS KHYAB PAR NON PA'I GZHIR, BA MO'I REG PA STOBS CHEN PA YOD PAR KHAS LEN PA'I NGOR GZHI DER CHOS CAN, TZAN DAN GYI ME STOBS CHEN PAS KHYAB PAR NON PA MA YIN PAR THAL, BA MO'I REG PA STOBS CHEN PAS KHYAB PAR NON PA'I PHYIR, ZHES PA LTA BU'O, ,RGYU DANG 'GAL BA'I 'BRAS BU DMIGS PA'I THAL 'GYUR GYIS DE'I RANG RGYUD 'PHEN PA NI, DU BA DRAG 'PHYUR BAS KHYAB PAR NON PA'I GZHIR, GRANG 'BRAS SPU LONG BYED STOBS CHEN PA YOD PAR KHAS LEN PA'I NGOR, GZHI DER CHOS CAN, DU BA DRAG 'PHYUR BAS KHYAB PAR NON PA MA YIN PAR THAL, GRANG 'BRAS SPU LONG BYED STOBS CHEN PAS KHYAB PAR NON PA'I PHYIR, ZHES PA LTA BU'O, ,KHYAB BYA 'GAL DMIGS KYI THAL 'GYUR GYIS DE'I RANG RGYUD 'PHEN PA NI, BUM PA 'JIG PA PHYIS 'BYUNG GI RGYU DON GZHAN LA LTOS PAR KHAS LEN PA'I NGOR, BUM PA CHOS CAN, RANG GRUB TZAM NAS 'JIG NGES MA YIN PAR THAL, 'JIG PA PHYIS 'BYUNG GI RGYU DON GZHAN LA LTOS PA DANG BCAS PA YIN PA'I PHYIR, ZHES PA LTA BU'O, ,LDOG PA GZHAN RIGS 'PHEN PA'I THAL 'GYUR YANG DAG GI MTSAN NYID, THAL 'GYUR YANG DAG GANG ZHIG ,LDOG PA RANG RGYUD RANG DANG RIGS MI MTHUN 'PHEN PA, DBYE NA BCU DRUG LAS, TSA REG GIS KHYAB PAR NON PA'I GZHIR, GRANG 'BRAS YOD PAR KHAS LEN PA'I NGOR, TSA REG MED PAR THAL, GRANG 'BRAS YOD PA'I PHYIR ZHES PA LTA BU, RANG GZHIN DANG 'GAL BA'I 'BRAS BU DMIGS PA'I THAL 'GYUR GYIS RGYU DANG 'GAL BA'I RANG BZHIN DMIGS PA'I RANG RGYUD 'PHEN PA YIN NO, ,GZHI DER BA REG YOD PAR KHAS LEN PA'I NGOR, TSA REG MED PAR THAL, BA REG YOD PA'I PHYIR ZHES PA LTA BU, RANG BZHIN DANG 'GAL BA'I KHYAB BYA DMIGS PA'I THAL 'GYUR GYIS KHYAB @137A *, ,BYED DANG 'GAL BA'I RANG BZHIN DMIGS PA'I RANG RGYUD 'PHEN PA YIN NO, ,TZAN DAN GYI ME STOBS CHEN PAS KHYAB PAR NON PA'I GZHIR, GRANG 'BRAS YOD PAR KHAS LEN PA'I NGOR, DES KHYAB PAR NON PA MA YIN PAR THAL, GRANG 'BRAS YOD PA'I PHYIR ZHES PA LTA BU, KHYAB BYED DANG 'GAL BA'I 'BRAS BU DMIGS PA'I THAL 'GYUR GYIS RGYU DANG 'GAL BA'I KHYAB BYA DMIGS PA'I RANG RGYUD 'PHEN PA YIN NO, ,GZHI DER GRANG REG YOD PAR KHAS LEN PA'I NGOR, DES KHYAB PAR NON PA MA YIN PAR THAL, GRANG REG YOD PA'I PHYIR, ZHES PA LTA BU KHYAB BYED DANG 'GAL BA'I RANG BZHIN DMIGS PA'I THAL 'GYUR GYIS RANG BZHIN DANG 'GAL BA'I KHYAB BYA DMIGS PA'I RANG RGYUD 'PHEN PA YIN NO, ,DU BA DRAG 'PHYUR BAS KHYAB PAR NON PA'I GZHIR, GRANG REG YOD PAR KHAS LEN PA'I NGOR, DES KHYAB PAR NON PA MA YIN PAR THAL, GRANG REG YOD PA'I PHYIR ZHES PA LTA BU RGYU DANG 'GAL BA'I RANG BZHIN DMIGS PA'I THAL 'GYUR GYIS RANG BZHIN DANG 'GAL BA'I 'BRAS BU DMIGS PA'I RANG RGYUD 'PHEN PA YIN NO, ,GZHI DER BA REG YOD PAR KHAS LEN PA'I NGOR, DES KHYAB PAR NON PA MA YIN PAR THAL, BA REG YOD PA'I PHYIR ZHES PA LTA BU; RGYU DANG 'GAL BA'I KHYAB BYA DMIGS PA'I THAL 'GYUR GYIS KHYAB BYED DANG 'GAL BA'I 'BRAS BU DMIGS PA'I RANG RGYUD 'PHEN PA YIN NO, ,ME MED MTSAN MO'I RGYA MTSOR DU BA YOD PAR KHAS LEN PA'I NGOR, ME YOD PAR THAL, DU BA YOD PA'I PHYIR ZHES PA LTA BU, 'BRAS BU'I THAL 'GYUR GYIS RGYU MA DMIGS PA'I RANG RGYUD 'PHEN PA YIN NO, ,SHING GIS DAG PA'I BRAG RDZONG NA SHA PA YOD PAR KHAS LEN PA'I NGOR, SHING YOD PAR THAL, SHA PA YOD PA'I PHYIR, ZHES PA LTA BU RANG BZHIN GYI THAL 'GYUR GYIS KHYAB BYED MA DMIGS PA'I RANG RGYUD 'PHEN PA YIN @137B NO; ;DE DAG LAS LDOG PA BRGYAD DANG BCU DRUG YOD PA YIN NO, ,GSUM PA RANG RGYUD 'PHEN PA DANG MI 'PHEN PA'I THAL 'GYUR YANG DAG GNYIS KYI BYED LAS NI, DANG POS DNGOS SU GZHAN PHYOGS TSAR GCOD PA YIN TE, RTAGS PHA ROL POS KHAS BLANGS KHYAB PA TSAD MAS GRUB, DAM BCA' LA TSAD MAS BSAL BA 'BAB PA'I GNAM LCAGS 'BAR BA'I THAL 'GYUR YIN PA'I PHYIR, BRGYUD NAS GZHAN RJES SU 'DZIN PA YIN TE, DE'I RGYUD LA YANG DAG PA'I RTOGS PA SKYED PA'I GNAM LCAGS 'BAR BA'I THAL 'GYUR YIN PA'I PHYIR, PHYI MAS GZHAN PHYOGS TSAR GCOD PA YIN TE, 'KHOR GSUM TSANG BA'I GNAM LCAGS 'BAR BA'I THAL 'GYUR YIN PA'I PHYIR, GNYIS PA 'BRAS MTSUNGS KYI LTAG CHOD BSHAD PA LA, LTAG CHOD NI SUN 'BYIN LTAR SNANG YIN LA, DE'I RNAM GZHAG RGYAS PAR GZHAN NAS BSHAD MOD, 'DIR GZHUNG GI DON GO BA LA NYE BAR MKHO BA 'BRAS MTSUNGS KYI RTAG CHOD BSHAD PAR BYA STE, 'DI LA GSUM, MTSAN NYID DANG, DBYE BA DANG, MTSON BYA'I SGRA BSHAD PA'O, ,DANG PO NI, BSGRUB BYA SGRUB NUS KYI SPYI RTAGS SU BKOD PA LA, KHYAD PAR LA BRTAGS NAS SUN 'BYIN PA'I SUN 'BYIN LTAR SNANG, GNYIS PA LA KUN LAS BTUS LAS, 'BRAS NYID GZHAN GYI CHA YIS NI, ,BSGRUB BYA MA GRUB PAR STON GANG, ,DE NI 'BRAS MTSUNGS SMRA BA PO'I, ,BSAM PA LAS DE GSUM DU 'GYUR, ZHES GSUNGS PA LTAR GSUM YOD LA, DE YANG DPER NA, SGRA MI RTAG SGRUB LA BYAS PA RTAGS SU BKOD PA'I TSE NA, BUM PA'I BYAS PA RTAGS SU 'GOD NA, DE SGRA'I STENG DU DGOD TSUL DANG MTHUN PAR MA GRUB PAS, BYAS PA SGRA MI RTAG PAR SGRUB PA'I MA GRUB PA'I RTAGS SU 'GYUR RO ZHES SUN 'BYIN PA NI MA GRUB PA'I SUN 'BYIN LTAR SNANG NGO, ,SGRA'I BYAS PA RTAGS SU 'GOD NA DE BUM PA'I MI RTAG PA LA GRUB PAR 'GAL BAS BYAS PA SGRA MI RTAG PAR SGRUB PA'I @138A *, ,'GAL RTAGS SU 'GYUR RO ZHES SUN 'BYIN PA NI 'GAL BA'I SUN 'BYIN LTAR SNANG NGO, ,SGRA'I BYAS PA BUM PA'I MI RTAG PA LA MED PAR MA ZAD RTAG PA LA YANG MED PAS BYAS PA SGRA MI RTAG PAR SGRUB PA'I THUN MONG MA YIN PA'I MA NGES PA'I RTAGS SU 'GYUR RO ZHES SUN 'BYIN PA NI MA NGES PA'I SUN 'BYIN LTAR SNANG NGO, ,GSUM PA NI 'BRAS BU DANG MTSUNGS PA'I LTAG CHOD YIN PAS NA 'BRAS MTSUNGS KYI LTAG CHOD DAM, 'BRAS BU MTSUNGS PA'I LTAG CHOD YIN PAS NA 'BRAS MTSUNGS KYI LTAG CHOD CES BYA'O, ,DANG PO'I DBANG DU BYAS NA RKANG MIG PAS, RIGS PA CAN PA'I NGOR, DUNG SGRA CHOS CAN, 'BRAS BU YIN TE, RTZOL BA LAS BYUNG BA'I PHYIR ZHES BKOD PA LA, RIGS PA CAN PA NA RE, SNGAR YOD RTZOL BA LAS BYUNG BA RTAGS SU 'GOD DAM, SNGAR MED RTZOL BA LAS BYUNG BA RTAGS SU 'GOD, DANG PO LTAR NA, KHYAB PA MA NGES LA, GNYIS PA LTAR NA PHYOGS CHOS MA GRUB PO ZHES SUN 'BYIN PA LA, RKANG MIG PA NA RE, 'BRAS BU BSGRUB BYA'I CHOS SU BYAS NAS RTZOL BYUNG RTAGS SU BKOD PA LA, RTZOL BYUNG GI KHYAD PAR LA BRTAGS NAS SUN 'BYIN PA DE, SUN 'BYIN PA PO KHYED RANG GI SGRUB BYED YANG DAG GANG BKOD PA THAMS CAD LA YANG MTSUNGS PAS 'BRAS MTSUNGS KYI LTAG CHOD YIN NO ZHES 'DOD LA, DE NI RKANG MIG PAS 'BRAS MTSUNGS KYI LTAG CHOD YIN PAR 'DOD PAR MA ZAD, SLOB DPON PHYOGS GLANG YANG DE 'BRAS MTSUNGS KYI LTAG CHOD YIN PAR BZHED DO, ,SGRA BSHAD GNYIS PA'I DBANG DU BYAS PA NI, BSGRUB BYA SGRUB NUS KYI SPYI RTAGS SU BKOD PA LA KHYAD PAR LA BRTAGS NAS SUN 'BYIN PA'I 'BRAS BU NYES PA DE, SUN 'BYIN PA PA KHYED RANG GIS SGRUB BYED YANG DAG GANG 'DOD PA THAMS CAD LA YANG MTSUNGS PAS 'BRAS BU MTSUNGS PA'I LTAG CHOD CES BYA'O, ,GSUM PA RGOL PHYI RGOL DBANG PO GSUM GYI RNAM @138B GZHAG LA GNYIS, DNGOS DANG, RTZOD PA BYED PA'I RNAM GZHAG GO, DANG PO NI, SNGA RGOL GYI MTSAN NYID, SGRUB BYED 'GOD PAR KHAS LEN PA'I GANG ZAG DE LA DBYE NA, YANG DAG DANG, LTAR SNANG GNYIS, SNGA RGOL YANG DAG GI MTSAN NYID, SNGA RGOL GANG ZHIG ,RANG GIS SGRUB BYED 'GOD PAR KHAS BLANGS PA'I DON DE GZHAN GYIS SUN 'BYIN MI NUS PA, SNGA RGOL LTAR SNANG GI MTSAN NYID, SNGA RGOL GANG ZHIG ,RANG GIS SGRUB BYED 'GOD PAR KHAS BLANGS PA'I DON DE GZHAN GYIS SUN 'BYIN NUS PA, PHYI RGOL GYI MTSAN NYID, SUN 'BYIN BRJOD PAR KHAS LEN PA'I GANG ZAG ,DBYE NA, YANG DAG DANG, LTAR SNANG GNYIS SO, ,DBANG PO'I MTSAN NYID, RGOL PHYI RGOL RGYAL PHAM SHAN 'BYED PA'I GRAVR ? ZHUGS PA'I GANG ZAG ,DE LA DBYE NA, SHAN 'BYED PA'I DBANG PO, RJES SU BRJOD PA'I DBANG PO, TSAR GCOD PA'I DBANG PO'O, ,DANG PO NI, BLO GZU BOR GNAS PA'I SGO NAS LEGS NYES SO SOR 'BYED PA'I GANG ZAG LA ZER, GNYIS PA NI, BLO GZU BOR GNAS PA'I SGO NAS LEGS NYES SHAN MI 'BYED PAR DE DAG MA 'KHRUGS PAR SO SOR BRJOD PA LA ZER, GSUM PA NI DE DAG GI NANG NAS LEGS PA LA GZENGS BSTOD PA DANG NYES PA LA SMAD PA'I SGO NAS GRUB MTHA' 'DOR DU 'JUG CING, ZHEN PAS MI 'DOR NA YUL NAS SKROD PA LA SOGS PAS TSAR GCOD PA'I GANG ZAG LA ZER RO, ,GNYIS PA RTZOD PA BYED PA'I RNAM GZHAG LA LNGA, RTZOD PA'I GANG ZAG DANG, GANG DU RTZOD PA'I DUS DANG, GANG LA RTZOD PA'I GNAS DANG, JI LTAR RTZOD PA'I TSUL DANG, RTZOD PA BYAS PA'I 'BRAS BU'O, ,DANG PO LA, NGO BO NGOS GZUNG BA DANG, TSAR GCOD KYI GNAS BSTAN PA'O, ,DANG PO NI, RTZOD PA'I DUS KYI GANG ZAG LA GSUM YOD DE, DAM BCA' SKYONG BAR KHAS LEN PA'I SNGA RGOL DANG, DAM BCA' SUN 'BYIN PAR KHAS LEN PA'I PHYI RGOL DANG, RTZOD PA'I SHAN 'BYED DANG ? KHAS LEN PA'I DBANG PO GSUM YOD PA'I PHYIR, GNYIS PA TSAR GCOD KYI @139A *, ,GNAS LA GSUM LAS, SNGA RGOL TSAR GCAD PA'I GNAS NI, GRUB BSAL ZHUGS PA DAM 'CHA' BA DANG, GZHAN GYIS DRIS KYANG LAN MI 'DEBS PA DANG, DAM BCA' BAR MI 'OS PA SGRUB PA DANG, SKABS SU MA BAB PA BSGRUB BYAR BYED PA DANG, KHAS BLANGS PA'I DON LA RTAGS MI 'GOD PA DANG, MA GRUB PA DANG MA NGES PA DANG BSAL BRJOD PA DANG, SHES 'DOD MED PA'I SGRUB BYED 'GOD PA'O, ,PHYI RGOL TSAR GCAD PA'I GNAS LA DANG POR 'DRI BA'I TSE TSAR GCAD PA'I GNAS GSUM STE, 'DRI BAR KHAS BLANGS NAS BTANG SNYOMS LA 'JOG PA DANG, GRUB BSAL ZHUGS PA 'DRI BA DANG, SKABS SU MA BAB PA 'DRI BA'O, ,SKYON BRJOD PA'I TSE NA TSAR GCAD PA'I GNAS GSUM STE, DON SKYON DANG BLO SKYON DANG SGRA SKYON BRJOD RGYU YOD KYANG MI RJOD PA DANG, SKYON MIN PA SKYON DU BRJOD PA DANG, SKABS SU MA BAB PA'I SKYON BRJOD PA'O, ,DBANG PO TSAR GCAD PA'I GNAS GSUM STE, RTZOD PA'I MJUG TU BDEN RDZUN SHAN MI 'BYED PA DANG, RGYAL PHAM PHYIN CI LOG TU SHAN 'BYED PA DANG, RTZOD PA MTHAR MA PHYIN PAR SHAN 'BYED PA'O, ,GNYIS PA GANG DU RTZOD PA'I DUS NI, RANG GZHAN BLO LEGS PAR MA SBYANGS PA DANG, DBANG PO MKHAS PA'I SKYE BOS DBEN PA DANG, PHA ROL PO CHOS MIN SNANG BAS YID DKRUGS PA'I TSE NA BRTZAD DU MI RUNG LA, DE LAS LDOG PA NI RTZOD PA'I DUS YIN NO, ,GSUM PA GANG LA RTZOD PA'I GNAS NI, MYONG BAS RTOGS PAR BYA BA'I MNGON GYUR DANG, RTAGS LA BRTEN NAS RTOGS PAR BYA BA'I LKOG GYUR DANG, YID CHES PA'I LUNG LA BRTEN NAS RTOGS PAR BYA BA'I SHIN TU LKOG GYUR NI BRTZOD PAR BYA BA'I GNAS SAM YUL YIN LA, DE LA RTZOD PA'I GRUB MTHA' YANG GSUM STE, YOD PA LA MED PAR 'DZIN PA'I SKUR 'DEBS DANG, MED PA LA YOD PAR 'DZIN PA'I SGRO 'DOGS DANG, YOD MED JI LTA BA BZHIN DU 'DZIN PA'I DBU @139B MA'O; ;LKOG GYUR GTAN LA 'BEBS PA LA, SGRUB BYED DANG SUN 'BYIN DGOS LA, SGRUB BYED LA BSGRUB BYA GO BAR BYED PA'I GTAN TSIGS DANG, DE GZHAN LA 'DOMS PAR BYED PA'I SGRUB NGAG GNYIS, DANG PO NI, LKOG 'GYUR GTAN LA 'BEBS PA'I CHOS CAN GSUM YOD DE, BSGRUB BYA GRUB BSAL MED PA'I RTZOD GZHI DANG, BSGRUB BYA'I CHOS TSAD MAS GRUB PA'I MTHUN DPE DANG, BSGRUB BYA'I CHOS TSAD MAS BSAL BA'I MI MTHUN DPE'O, ,RTZOD GZHI'I STENG DU BSGRUB BYA'I CHOS GO BAR BYED PA LA RTZOD GZHI LA YOD PA'I PHYOGS CHOS DANG MTHUN PHYOGS LA YOD PA'I RJES 'GRO DANG MI MTHUN PHYOGS LA MED PA'I LDOG KHYAB STE TSUL GSUM TSANG BA'I RTAGS NI RTAGS YANG DAG YIN LA, DE LTA BU'I GTAN TSIGS DE LA YANG NGO BO SGRUB PA'I RANG BZHIN GYI RTAGS DANG RGYU SGRUB PA'I 'BRAS BU'I RTAGS DANG DGAG PA SGRUB PA'I MA DMIGS PA'I RTAGS GSUM DU YOD CING, DE LAS GZHAN PA'I RTAGS NI RTAGS LTAR SNANG DU 'GYUR BA YIN LA, DE LA YANG PHYOGS CHOS MED PA MA GRUB PA'I RTAGS DANG, RJES KHYAB MED PA 'GAL BA'I RTAGS DANG, LDOG KHYAB MED PA MA NGES PA'I RTAGS GSUM DU 'GYUR BA YIN NO, ,SGRUB NGAG NI PHYOGS CHOS BRJOD PA DANG DPE'I STENG DU SPYI KHYAB BRJOD PA YIN LA, DE LA YANG PHYOGS CHOS DANG RJES 'GRO DNGOS SU BRJOD PA CHOS MTHUN SBYOR GYI SGRUB NGAG DANG, PHYOGS CHOS DANG LDOG KHYAB DNGOS SU BRJOD PA CHOS MI MTHUN SBYOR GYI SGRUB NGAG GNYIS YOD LA, DE LAS GZHAN DU LHAG CHAD CAN GYI NGAG NI SGRUB NGAG LTAR SNANG YIN NO, ,SUN 'BYIN LA YANG YANG DAG DANG LTAR SNANG GNYIS, DANG PO NI, GZHAN GYI BLO NGOR RTAGS BRJOD PA DANG RJES SU 'GRO LDOG GANG RUNG BRJOD CING 'DOD PA'I DON LA BSAL BA 'BAB PA'I NGAG YIN ZHING, 'DOD PA'I DON LA BSAL BA 'BAB PA LA YANG, TSAD MAS BSAL BA DANG, LUNG GIS BSAL BA DANG, RANG TSIG GIS BSAL BA 'BAB PA DANG @140A *, ,GSUM YOD PA YIN NO, ,SUN 'BYIN LTAR SNANG LA GSUM STE, RTAGS MED PA MTSON CHA KHRI SKYOGS DANG, KHYAB PA MED PA DPA' BO LAG RDUM DANG, BSAL BA MED PA RMA BYA DUG 'JOMS KYI THAL 'GYUR RO, ,BZHI PA JI LTAR RTZOD PA'I TSUL LA, DNGOS DANG, DE'I YAN LAG GNYIS SO, ,DANG PO NI, RTZOD PA'I RANG BZHAN NGES PAR BYA BA DANG, BRDA PHRAD PAR BYA BA'I DON DU TSIG GI LAM SBYONG BAR BYED PA DANG, DES GRUB PA'I SKABS DON SEMS PAR BYED PA YIN NO, ,DE'I YAN LAG LA BZHI, DRI BA DANG LAN 'DEBS TSUL, RTZOD PA LA MKHAS PA'I RGYU DANG MDZES PA'I RGYAN, RTZOD PA'I BSAM PA, RTZOD PA'I DPE'O, ,DANG PO LA GNYIS, DRI BA'I TSUL DANG, LAN 'DEBS PA'I TSUL LO, ,DANG PO NI, RTZOD PA'I TSE DRI BA'I RIGS GSUM YOD DE, KHYAD PAR GYI GZHI 'DRI BA DANG, DE'I STENG DU KHYAD PAR GYI CHOS 'DRI BA DANG, DE'I SGRUB BYED 'DRI BA'O, ,GNYIS PA LAN 'DEBS TSUL LA GSUM STE; MGO GCIG PA DANG, RNAM PAR PHYE BA DANG, BTANG SNYOMS SU BZHAG PAR BYA BA'O, ,GNYIS PA NI, SKYES THOB KYI SHES RAB CHE BA DANG, SGRA TSAD LA BLO SBYANGS PA DANG, RANG DANG GZHAN GYI GZHUNG LA LEGS PAR SBYANGS PA NI RTZOD PA LA MKHAS PA'I RGYU YIN LA, BZHIN GYI DKYIL 'KHOR 'DZUM PA DANG; DON DANG LDAN ZHING GSAL LA 'JAM PA'I NGAG DANG LDAN PA DANG, SGYID LUG PA DANG NGA RGYAL MED PA RNAMS NI RTZOD PA MDZES PA'I RGYAN YIN NO, ,GSUM PA RTZOD PA'I BSAM PA NI, PHA ROL PO DMA' BAR 'DOD PA'I ZHE SDANG DANG, RANG NYID MTHO BAR 'DOD PA'I 'DOD CHAGS DANG, RIGS LAM 'DOR BAR 'DOD PA'I G-YO SGYU RNAMS NI RTZOD PA'I BSAM PA THA SHAL YIN LA, RANG GIS RTOGS PAR 'DOD PA'I GUS PA DANG, GZHAN GYI LOG RTOG BSAL BAR 'DOD PA'I SNYING RJE DANG, PHA ROL PO LA ZAB MO'I CHOS BSTAN PAR 'DOD PA'I BYAMS PA RNAMS NI RTZOD PA'I BSAM PA PHUL DU BYUNG @140B BA YIN NO, ,BZHI PA RTZOD PA'I DPE NI, RTAB PA'I TSIG DGRA BAS NYE BAR BTUGS PA LTA BU DANG, BZHIN 'GYUR BA'I MDOG MTSON CHA KHA PHYE BA LTA BU DANG, NGA RO MI SNYAN PA SHA ZAS THEBS PA LTA BU NI RTZOD PA NGAN PA'I DPE YIN LA, RANG DANG GZHAN GYI GTI MUG GCOD PA 'KHOR LO LTA BU DANG, SUN 'BYIN PA'I RLUNG GIS MI G-YO BA LHUN PO LTA BU DANG, TSIG DANG DON LA MA RMONGS PA THUB PA'I DBANG PO'I SRAS LTA BU NI RNAM PAR DAG PA'I RTZOD PA'I DPE YIN NO, ,LNGA PA RTZOD PA'I 'BRAS BU NI, RANG NYID NYON MONGS PAS YID DKRUGS PA DANG, SKYE BO BRGYA PHRAG MANG POS SMOD PAR BYED PA DANG, TSO RABS GZHAN DU RNAM SMIN YID DU MI 'ONG BA MYONG BAR 'GYUR BA NI MA DAG PA'I RTZOD PA'I 'BRAS BU YIN LA, RTOGS PA 'PHEL BAS RANG RGYUD TSIM PA DANG, SNYAN PA'I GRAGS PAS PHYOGS KUN TU KHYAB PA DANG, BSTAN PA BSRUNGS PAS CHOS KYI RGYAL PO THOB PAR 'GYUR BA NI, RNAM PAR DAG PA'I RTZOD PA'I 'BRAS BU YIN NO, ,DE LTAR NA JI SKAD BSHAD PA'I RTZOD PA'I SKYON RNAMS LEGS PAR SHES PAR BYAS TE, RTZOD PA'I SKYON RNAMS SPANGS NAS BDE BAR GSHEGS PA'I GSUNG RAB KYI DON LA DGAG SGRUB BYAS NA SANGS RGYAS KYI BSTAN PA 'DZIN PAR 'GYUR BA YIN GYI, KUN SLONG PHYIN CI LOG DANG LDAN PAS DGAG SGRUB BYED PA NI 'KHOR BAR 'CHING BA'I RGYU CHEN POR 'GYUR BA YIN PAS, BDAG LEGS SU 'DOD PA RNAMS KYIS GNAS 'DI DAG LA GZAB PAR BYA'O, ,GNYIS PA BRJOD BYA DON GYI RANG BZHIN BSHAD PA LA GNYIS, DON GYI GO BYA BSGRUB BYA BSHAD PA DANG, DNGOS KYI BRJOD BYA GTAN TSIGS KYI RAB DBYE BSHAD PA'O, ,DANG PO LA GNYIS, RANG LUGS BZHAG PA, RIGS PA CAN PA'I BSGRUB BYA DGAG PA'O, ,DANG PO LA GSUM, DNGOS DANG, TSAD MAS BSAL BA BSHAD PA DANG, DAM BCA' LTAR SNANG LA GNOD TSUL LO, ,DANG PO LA GSUM, MTSAN NYID DANG, DBYE BA, MTSON BYA'I SGRA DON NO, ,DANG PO NI, @141A *, ,CHOS DANG CHOS CAN GYI TSOGS DON GANG ZHIG ,RTAGS LAS DPAG PAR BYA BA, GNYIS PA LA GNYIS, RANG DON BSGRUB BYA DANG, GZHAN DON BSGRUB BYA'O, ,DANG PO'I MTSAN NYID, GANG ZHIG ,RANG DON GYI RTAGS LAS DPAG PAR BYA BA, GNYIS PA LA GNYIS, KUN LAS BTUS LAS BSHAD PA'I TSUL DANG, RIGS SGO NAS BSHAD PA'I TSUL LO, ,DANG PO NI, TSAD MA MDOR, NGO BO KHO NA BSTAN BYA BA, ,RANG NYID 'DOD DANG MA BSAL BA, ,ZHES NGO BO'I DON SOGS CHOS LNGA TSANG BA DE GZHAN DON BSGRUB BYA'I MTSAN NYID DU BSTAN LA, 'DI LA RIGS MI MTHUN SEL BA DANG, LOG RTOG SEL BA GNYIS, DANG PO NI, TSIG GANG GIS GANG SEL ZHE NA, NGO BO DANG 'DOD PA DANG MA BSAL BA'I TSIG GSUM GYIS RIGS MI MTHUN SEL LA, KHO NA DANG RANG NYID CES PA'I TSIG GIS LOG RTOG SEL LO, ,SEL TSUL NI, NGO BO ZHES PA'I TSIG GIS GZHAN DON BSGRUB BYA YIN NA, GRUB ZIN BSAL NAS MA GRUB PA ZHIG DGOS SO ZHES BSTAN, RGOL PHYI RGOL GANG GIS MA GRUB CE NA, SPYIR BSGRUB BYA YIN NA RANG GANG LA BSGRUB BYAR SONG BA DES MA GRUB PA ZHIG DGOS LA, KHYAD PAR DU GZHAN DON BSGRUB BYA YIN NA PHYI RGOL GYIS MA GRUB PA ZHIG DGOS SHING, DE YANG YID DPYOD TZAM GYIS GRUB KYANG TSAD MAS MA GRUB PA DGOS SO, ,'DOD PA ZHES PA'I TSIG GIS RGOL BAS DPAG 'DOD KYI YUL DU MA BYAS PA GZHAN DON BSGRUB BYA MA YIN PAR BSTAN, MA BSAL BA ZHES PA'I TSIG GIS TSAD MAS BSAL BA ZHUGS PA GZHAN DON BSGRUB BYA MA YIN PAR BSTAN TO, ,KHA CIG ,GZHAN DON BSGRUB BYA YIN NA PHYI RGOL GYI TSAD MAS MA BSAL BA DGOS KYI SNGA RGOL GYI TSAD MAS MA BSAL BA MI DGOS PAR 'DOD PA MI 'THAD DE, SNGA RGOL GYI TSAD MAS BSAL BA ZHUGS NA SNGA RGOL DE BSGRUB PA'I PHYIR DU GTAN TSIGS 'GOD PA LA MI 'JUG PA'I PHYIR, RIGS MI MTHUN SEL BA LA GSUM PO DE DGOS @141B PA'I RGYU MTSAN CI ZHE NA, GZHAN DON BSGRUB BYA'I RIGS MI MTHUN LA SNGA RGOL LA LTOS PA'I RIGS MI MTHUN, PHYI RGOL LA LTOS PA'I RIGS MI MTHUN, RGOL PHYI RGOL GNYIS KA LA LTOS PA'I RIGS MI MTHUN GSUM LAS, RGOL BAS DPAG 'DOD KYI YUL DU MA BYAS PA NI SNGA RGOL LA LTOS PA'I RIGS MI MTHUN YIN TE, RGOL BAS DPAG 'DOD KYI YUL DU MA BYAS NA DE BSGRUB PA'I PHYIR DU SNGA RGOL GTAN TSIGS 'GOD PA LA MI 'JUG PA'I PHYIR, PHYI RGOL GYI TSAD MAS GRUB PA NI PHYI RGOL LA LTOS PA'I RIGS MI MTHUN YIN TE, PHYI RGOL GYI TSAD MAS GRUB NA, PHYI RGOL DE LA SHES 'DOD MI 'BYUNG BA'I PHYIR, TSAD MAS BSAL BA ZHUGS PA NI RGOL PHYI RGOL GNYIS KA LA LTOS PA'I RIGS MI MTHUN YIN TE, SNGA RGOL GYI TSAD MAS BSAL BA ZHUGS NA DE BSGRUB PA'I PHYIR DU SNGA RGOL GTAN TSIGS 'GOD PA LA MI 'JUG ,PHYI RGOL GYI TSAD MAS BSAL BA ZHUGS NA DE LA PHYI RGOL SHES 'DOD MI 'BYUNG BA'I PHYIR RO, ,GNYIS PA LOG RTOG NI KHO NA DANG RANG NYID CES PA'I TSIG GIS SEL LA, SEL TSUL NI, KHO NA ZHES PA'I TSIG GIS MA 'ONGS PA NA BSGRUB BYAR 'GYUR RUNG GI DPE RTAGS MA GRUB PA DA LTA GZHAN DON BSGRUB BYA YIN NAM SNYAM PA'I LOG RTOG SEL LO, ,DE 'DRA'I LOG RTOG JI LTAR 'BYUNG ZHE NA, KUN LAS BTUS LAS, RANG NYID 'DOD PA BSTAN BYA BA, ,ZHES RANG NYID 'DOD PA ZHES PA'I TSIG DE BSTAN BYA BA DANG KHYAD GZHI KHYAD CHOS SU 'BREL LA, BSTAN BYA BA YANG DUS GSUM GA LA 'JUG PA'I YUL CAN YIN PAS DPE RTAGS MA GRUB PA YANG MA 'ONGS PA NA BSGRUB BYAR 'GYUR BAS, GZHAN DON BSGRUB BYA YIN NAM SNYAM PA'I LOG RTOG 'BYUNG NGO, ,'O NA RANG NYID DANG 'DOD PA ZHES PA'I TSIG GIS MA 'ONGS PA NA BSGRUB BYAR 'GYUR RUNG GI DPE RTAGS MA GRUB PA BSGRUB BYA YIN PA GCOD MI NUS NA, KHO NA ZHES PA'I TSIG GIS KYANG GCOD MI NUS PAR MTSUNGS SO ZHE NA, MI MTSUNGS TE, BSGRUB BYAR RGOL BA @142A *, ,RANG NYID 'DOD PA ZHES PA'I TSIG GIS GZHI GCIG DUS GCIG TU BSGRUB BYA SGRUB BYED GNYIS KA YIN PA'I DVOGS PA MI KHEGS LA, BSGRUB BYA KHO NA RGOL BA RANG NYID 'DOD PA ZHES PA'I TSIG GIS GZHI GCIG DUS GCIG TU BSGRUB BYA SGRUB BYED GNYIS KA YIN PA'I DVOGS PA KHEBS PA'I PHYIR TE, BSGRUB BYA SGRUB BYED GNYIS KYI NANG NAS BSGRUB BYA KHO NA YIN PAR NGES NA, SGRUB BYED MA YIN PAR NGES NUS PA'I PHYIR, GAL TE DPE RTAGS MA GRUB PA BSGRUB BYA YIN PA GCAD PA'I PHYIR DU KHO NA ZHES PA'I TSIG SMOS NA, DPE RTAGS MA GRUB PA JI LTA BU ZHE NA, DPYOD PA BA DANG GRANGS CAN PA'I NGOR, SGRA CHOS CAN, MI RTAG STE, BYAS PA'I PHYIR DPER NA BUM PA BZHIN ZHES BKOD PA'I TSE NA, SGRA BYAS PA DPYOD PA PA LA MA GRUB, BUM PA MI RTAG PA GRANGS CAN PA LA MA GRUB PA LTA BU'O, ,KHA CIG NA RE, DPE RTAGS MA GRUB PA BSGRUB BYA YIN PA GCAD PA'I PHYIR DU KHO NA ZHES PA'I TSIG SMOS PA MI 'THAD DE, DPE RTAGS MA GRUB PA BSGRUB BYA YIN PA'I PHYIR TE, DPE RTAGS MA GRUB PA MA 'ONGS PA NA BSGRUB BYA YIN PA'I PHYIR TE, DE RGYU RKYEN LAS SKYES PA'I RTAGS KYIS SGRA BYAS PAR SGRUB PA'I BSGRUB BYA YIN PA'I PHYIR, DES NA DE BSGRUB BYA YANG DAG YIN PA GCAD PA'I PHYIR DU KHO NA ZHES PA'I TSIG SMOS SO ZHES ZER RO, ,'O NA DE YANG MI 'THAD PAR THAL, DPE RTAGS MA GRUB PA BSGRUB BYA YANG DAG YIN PA'I PHYIR TE, DE MA 'ONGS PA NA BSGRUB BYA YANG DAG YIN PA'I PHYIR TE, DE RGYU RKYEN LAS SKYES PA'I RTAGS KYIS SGRA BYAS PAR SGRUB PA'I BSGRUB BYA YANG DAG YIN PA'I PHYIR, ZHES MTSUNGS SO, ,'O NA KUN LAS BTUS KYI GZHAN DON BSGRUB BYA'I MTSAN NYID 'CHAD PA'I TSIG ZUR GYI NGO BO DANG KHO NA ZHES PA'I TSIG GNYIS LA RNAM BCAD KYI DGOS PA SO SO BA YOD NA, KUN LAS BTUS SU, NGO BO KHO NA BSTAN BYA BA, ,ZHES DE GNYIS LHAN CIG TU @142B SBYAR NA STON PA'I RGYU MTSAN CI ZHE NA, KHA CIG NA RE, DE GNYIS LA RNAM BCAD KYI DGOS PA SO SO BA MED LA, NGO BO ZHES PA'I TSIG DE PHYI RGOL GYIS GRUB ZIN BSGRUB BYA YIN PA GCAD PA'I PHYIR DU SMOS PA MIN TE, DE MA SMOS KYANG SGRUB BYED GTAN TSIGS 'GOD PA'I SHUGS LAS PHYI RGOL GYIS GRUB ZIN BSGRUB BYA MA YIN PAR RTOGS NUS PA'I PHYIR, DE SKAD DU'ANG, SGRUB BYED BSTAN PA'I SHUGS NYID LAS, DON DE BSGRUB BYA NYID DU RTOGS, ZHES GSUNGS PA'I PHYIR RO, ,DES NA NGO BO DANG, KHO NA ZHES PA'I TSIG GNYIS KYIS SGRUB BYED DU BKOD PA'I DPE RTAGS MA GRUB PA BSGRUB BYA YIN PA GCOD PAR BYED LA, DE LTAR MA YIN NA NGO BO KHO NA ZHES DE GNYIS LHAN CIG TU BSTAN PA DON MED DU 'GYUR BA'I PHYIR, DE SKAD DU'ANG RGYAN GYIS, RANG GI NGO BO SMOS PA NI GRUB PA LDOG PA'I DON DU MIN TE, SGRUB BYED NYID DU BSTAN PA LDOG PA'I DON YIN PA'I PHYIR, DE NYID KYI PHYIR RANG GI NGO BO KHO NA ZHES NGES PAR BZUNG BA 'BRAS BU ZHIG BSTAN PA YIN TE, DE LTA MIN NA GNYIS KA SO SOR BSTAN PAR 'GYUR BA'I PHYIR RO, ,ZHES GSUNGS PA'I PHYIR RO, ,ZHES ZER BA MI 'THAD DE, NGO BO TSIG PHRAD BDAG NYID 'DOD, CES SOGS KYIS DE GNYIS KYI RNAM BCAD KYI DGOS PA SO SOR BSHAD PA DANG 'GAL BA'I PHYIR RO, ,TSIG DE GNYIS LA RNAM BCAD KYI DGOS PA SO SO BA YOD KYANG LHAN CIG TU BSTAN PA LA 'GAL BA MED DE, KHO NA ZHES PA TSIG PHRAD YIN PAS TSIG GZHAN DANG SBYAR NAS MA BSTAN NA DON STON MI NUS LA, SBYAR NAS BSTAN NA DON STON NUS PA'I PHYIR RO, ,RANG NYID CES PA'I TSIG GIS BSTAN BCOS MKHAN PO'I 'DOD PA THAMS CAD GZHAN DON BSGRUB BYA YIN NAM SNYAM PA'I DVOGS PA SEL LA, SEL BAR NUS PA YIN TE, BSTAN BCOS MKHAN PO'I 'DOD PA THAMS CAD SNGA RGOL RANG NYID KYIS BSGRUB BYAR KHAS BLANGS PA MIN PA'I PHYIR RO, ,GNYIS PA RIGS SGO NAS BSHAD PA'I TSUL NI, KUN LAS BTUS @143A *, ,DANG RIGS SGO NAS GZHAN DON BSGRUB BYA'I MTSAN NYID RE RE BSTAN NA, GNYIS PO DON MTHUN NAM MI MTHUN, DANG PO LTAR NA, ZLOS PA'I SKYON DU 'GYUR LA, GNYIS PA LTAR NA, GANG RUNG ZHIG GZHAN DON BSGRUB BYA'I MTSAN NYID MA YIN PAR 'GYUR RO ZHE NA, KHA CIG ,KUN LAS BTUS LAS BSTAN PA DES LOG RTOG SEL LA RIGS SGO NAS BSHAD PA DES RIGS MI MTHUN SEL BAS ZLOS PA'I SKYON MED DO ZHE NA, DE'I KHYAD PAR MI 'THAD DE, DE GNYIS KAS KYANG LOG RTOG DANG RIGS MI MTHUN GNYIS KA SEL NUS PA'I PHYIR, KHA CIG ,KUN LAS BTUS NAS BSTAN PA'I GZHAN DON BSGRUB BYA'I MTSAN NYID DE RIGS PA CAN PA KHA DRANG BA'I PHYIR DU GSUNGS PA YIN PAS RANG LUGS MIN LA, RIGS SGO NAS BSHAD PA DE RANG LUGS YIN PAS ZLOS PA'I SKYON MED DO ZHE NA, MI 'THAD DE, RIGS SGO NAS BSHAD PA'I GZHAN DON BSGRUB BYA'I MTSAN NYID LA YANG KUN LAS BTUS NAS BSHAD PA BZHIN DU NGO BO'I DON SOGS CHOS LNGA TSANG BA YIN PA'I PHYIR RO, ,RANG LUGS LA, KUN LAS BTUS NAS GTZO BOR LOG RTOG RGYAS PAR SEL BA'I DBANG DU BYAS NAS TSIG RGYAS PAR BSTAN LA, RIGS SGOR TSIG BSDUS NAS BSTAN PAS ZLOS PA'I SKYON MED LA, GNYIS KAS KYANG GZHAN DON BSGRUB BYA'I MTSAN NYID YONGS SU RDZOGS PAR BSTAN PAS 'GAL BA'I SKYON YANG MED DO, ,'O NA KUN LAS BTUS NAS GTZO BOR LOG RTOG RGYAS PAR SEL BA'I DBANG DU BYAS NAS TSIG RGYAS PAR STON PA'I RGYU MTSAN CI ZHE NA, KUN LAS BTUS KYI GZHAN DON BSGRUB BYA'I MTSAN NYID 'CHAD PA'I TSIG ZUR GYI RANG NYID DANG 'DOD TSIG GNYIS MA 'ONGS PA 'KHRID ? BYED BSTAN BYA BA DANG KHYAD GZHI KHYAD CHOS SU 'BREL BAS, MA 'ONGS PA NA BSGRUB BYAR 'GYUR RUNG GI DPE RTAGS MA GRUB PA GZHAN DON BSGRUB BYA YIN NAM SNYAM PA'I DVOGS PA YOD PAS DE SEL BA'I PHYIR DU KHO NA ZHES PA'I TSIG SMOS @143B PA LA SOGS PA YIN NO, ,'O NA BSTAN BYA BA SMOS PA MI RIGS PAR 'GYUR RO ZHE NA, SKYON MED DE, RIGS PA CAN PAS PHYOGS TSIG SGRUB NGAG GI YAN LAG TU 'DOD PA DANG, MA GRUB PA BSTAN PAR BYA BA BSGRUB BYA'I MTSAN NYID DU 'DOD PAS DE LA PHYOGS TSIG SGRUB NGAG GI YAN LAG TU BSTAN PAR BYA BA MA YIN MOD, YIN DU CHUG KYANG BSGRUB BYA LA MTSAN NYID 'DI LTA BU DANG LDAN PA ZHIG DGOS SO ZHES RIGS PA CAN PA KHA DRANG BA'I PHYIR DU GSUNGS PA'I PHYIR RO, ,'O NA RIGS SGO NAS BSHAD PA'I BSGRUB BYA'I MTSAN NYID GANG ZHE NA, TSAD MAS MA BSAL ZHING RGOL BA RTOGS LDAN GYIS BSGRUB BYAR KHAS BLANGS PA ZHES PA YIN LA 'DI LA NGO BO'I DON SOGS CHOS LNGA TSANG BAR LHA DBANG BLOS BSHAD DO, ,GSUM PA SGRA DON NI, RTAGS KYIS BSGRUB BYAR BYA BAS NA BSGRUB BYA, TSUL GSUM NGES PA'I RJES SU DPAG PAR BYA BAS NA RJES SU DPAG BYA, RGOL BAS PHYOGS SU BYAS PAS NA PHYOGS RGOL BAS DAM BCAS PAS NA DAM BCA' ZHES BYA'O, ,GNYIS PA LA GSUM, MNGON SUM DANG DNGOS STOBS RJES DPAG GIS BSAL BA, YID CHES RJES DPAG GIS BSAL BA, GRAGS PA'I RJES DPAG GIS BSAL BA'O, ,DANG PO NI, TSAD MAS BSAL BA NI, TSAD MAS GRUB PA'I DON GYI LOG PHYOGS DNGOS YIN LA, DE LA DBYE NA, MNGON SUM GYIS BSAL BA, DNGOS STOBS RJES DPAG GIS BSAL BA DANG, YID CHES RJES DPAG GIS BSAL BA, GRAGS PA'I RJES DPAG GIS BSAL BA DANG BZHI STE, SEL BYED TSAD MA DE LA MNGON SUM DANG, DNGOS STOBS RJES DPAG LA SOGS PA BZHI YOD PA'I PHYIR, GAL TE SEL BYED TSAD MA LA BZHIR DBYE BA MI 'THAD DE, RGYAS PAR PHYE NA MNGON SUM LA BZHIR PHYE BAS BDUN DU 'GYUR LA BSDU NA MNGON SUM DANG RJES DPAG GNYIS SU NGES PA'I PHYIR ZHE NA, 'DI'I LAN LA KHA CIG ,TSAD MA LA MNGON GYUR 'JAL BA DANG, LKOG GYUR 'JAL @144A *, ,BA GNYIS SU NGES LA, DANG PO'I DBANG DU BYAS NAS MNGON SUM TSAD MA BZHAG ,LKOG GYUR 'JAL BA LA KHYAB PA KHAS BLANGS PA'I STOBS KYIS GRUB PA DANG, TSAD MAS GRUB PA GNYIS, DANG PO'I DBANG DU BYAS NAS YID CHES RJES DPAG DANG, GNYIS PA LA KHYAB PA DNGOS STOBS KYIS GRUB PA DANG, BRDA'I DBANG GIS GRUB PA GNYIS LAS, DANG PO'I DBANG DU BYAS NAS DNGOS STOBS RJES DPAG DANG, GNYIS PA'I DBANG DU BYAS NAS GRAGS PA'I RJES DPAG TSAD MAR BZHAG PA YIN NO, ,ZHES ZER BA MI 'THAD DE, YID CHES PA'I RTAGS LA YANG KHYAB PA TSAD MAS GRUB PA DGOS PA'I PHYIR RO, ,RANG LUGS LA, MNGON SUM LA BZHI YOD KYANG GZHAL BYA MNGON GYUR DANG LOG PHYOGS LA GNOD TSUL YANG MTSUNGS PAS 'DIR MNGON SUM LA BZHIR MA PHYE LA, RJES DPAG GI GZHAL BYA LKOG GYUR DU MTSUNGS KYANG, LOG PHYOGS LA DNGOS STOBS KYIS GNOD PA DANG, LUNG KHAS BLANGS PA'I STOBS KYIS GNOD PA DANG, GRAGS PA TZAM GYIS GNOD PA'I TSUL GSUM YOD PAS, RJES DPAG TSAD MA LA SEL BYED TSAD MA GSUM DU PHYE BA YIN NO, ,MNGON SUM TSAD MA'I BSAL BA NI MNGON SUM TSAD MAS GRUB PA'I DON GYI LOG PHYOGS DNGOS, DPER NA SGRA MNYAN BYA MA YIN PA LTA BU'O, ,KHA CIG ,SGRA MNYAN BYA YIN PAS SGRA MNYAN BYA MA YIN PA LA GNOD PA LA SGRA 'DZIN MNGON SUM GYIS SGRA MNYAN BYA MA YIN PA LA GNOD CES BTAGS PA YIN GYI, SGRA 'DZIN MNGON SUM GYIS SGRA MNYAN BYA MA YIN PA LA GNOD PA MA YIN TE, SGRA 'DZIN MNGON SUM DE SGRA MNYAN BYA MA YIN PA DANG MI 'GAL BA'I PHYIR TE, SGRA MNYAN BYA MA YIN PA YIN PA'I PHYIR TE, SGRA'I RANG BZHIN MA YIN PA'I PHYIR ZHE NA, SGRA 'DZIN MNGON SUM GYIS SGRA MNYAN BYA MA YIN PA LA GNOD PA YIN TE, SGRA MNYAN BYA YIN PAR GRUB @144B PA'I PHYIR RO, ,DE LTAR SGRA 'DZIN MNGON SUM DE SGRA MNYAN BYA MA YIN PA LA GNOD BYED MTSAN NYID PA DANG DNGOS SU GNOD BYED BTAGS PA BA YIN NO, ,'O NA SGRA MNYAN BYA YIN PAR TSAD MAS GRUB BAM MA GRUB, DANG PO LTAR NA, SGRA MNYAN BYA MA YIN PAR DAM BCA' BA MA GRUB PAR 'GYUR LA, DE LTAR NA SGRA MNYAN BYA MA YIN PAR DAM BCAS PA'I DON LA TSAD MAS GNOD PA MA YIN PAR THAL LO, ,GNYIS PA LTAR NA'ANG, SGRA MNYAN BYA MA YIN PAR DAM BCAS PA'I DON LA TSAD MAS MI GNOD PAR THAL LO ZHE NA, SKYON MED DE, SGRA MNYAN BYA YIN PAR TSAD MAS MA NGES PA'I DUS SU SGRA MNYAN BYA MA YIN PAR DAM BCAS PA YIN PAS DAM BCA' MA GRUB PA'I SKYON MED LA, PHYIS SGRA MNYAN BYA YIN PAR TSAD MAS GRUB PAS GNOD BYED KYI TSAD MA MED PA'I SKYON YANG MED DO, ,'O NA SGRA MNYAN BYA MA YIN PAR DAM BCAS PA'I DON LA TSAD MAS MI GNOD PAR THAL, SGRA MNYAN BYA MA YIN PAR DAM BCAS PA'I DUS SU GNOD BYED KYI TSAD MA MED LA, SGRA MNYAN BYA YIN PAR TSAD MAS GRUB PA'I DUS SU SGRA MNYAN BYA MA YIN PAR DAM 'CHA' BA MED PA'I PHYIR ZHE NA, 'O NA SGRON MES MUN PA MI SEL BAR THAL, SEL BYED SGRON ME YOD PA'I DUS SU BSAL BYA MUN PA MED, BSAL BYA MUN PA YOD PA'I DUS SU SEL BYED SGRON ME MED PA'I PHYIR, DNGOS STOBS RJES DPAG GIS BSAL BA NI, DNGOS STOBS RJES DPAG GIS GRUB PA'I DON GYI LOG PHYOGS DNGOS, DPER NA, SGRA RTAG PA LTA BU'O, ,SEL TSUL NI, SGRA MI RTAG PAS SGRA RTAG PA LA DNGOS SU GNOD LA, SGRA MI RTAG PAR RTOGS PA'I RJES DPAG GIS SGRA MI RTAG PAR GZHAL STOBS KYIS SGRA RTAG PA LA GNOD PA YIN NO, ,GNYIS PA YID CHES RJES DPAG GIS BSAL BA LA GNYIS, LUNG GNOD BYED DANG GEGS BYED GANG YIN DPYAD PA DANG, BSAL BYA SEL BA'I TSUL LO, ,DANG PO LA GNYIS, THUN MONG GI 'DOD PA DANG, SO SO'I 'DOD @145A *, ,PA'O, ,DANG PO NI, LUNG GNOD BYED DANG GEGS BYED DU 'DOD PA GNYIS KA'I LUGS LA, SGRA MI RTAG CES PA'I RANG TSIG DE'I DON JI LTA BA BZHIN KHONG DU CHUD NAS SMRAS PA YIN PAS TSIG TSAD MA YIN PA DE BZHIN DU SHIN TU LKOG GYUR GYI SGRUB BYED DU KHAS BLANGS PA'I LUNG DE YANG LUNG TSAD MA YIN TE, DE LTA MIN NA SHIN TU LKOG GYUR LA DPYAD PA MI 'JUG PA'I PHYIR, SGRA MI RTAG CES PA'I TSIG DE TSAD MA YIN NA, PHYOGS TSIG SGRUB BYED YANG DAG TU 'GYUR RO ZHE NA, SKYON MED DE, TSIG DE BSTAN BYA'I DON LA MI BSLU BAS TSAD MAR BSHAD KYI, RANG GI BRJOD BYA'I SGRUB BYED DU KHAS MA BLANGS PA'I PHYIR RO, ,BSTAN BYA'I DON LA JI LTAR MI BSLU ZHE NA, TSIG DE BSTAN BYA'I DON LA MI BSLU BA YIN TE, TSIG DE SGRA MI RTAG RTOGS KYI RJES DPAG TSAD MA LAS SKYES SHING, RJES DPAG DE SGRA MI RTAG PA LA 'BREL BA'I PHYIR RO, ,GNYIS PA LA GNYIS, LUNG GNOD BYED DU 'DOD PA'I LUGS DANG, LUNG GEGS BYED DU 'DOD PA'I LUGS SO, ,DANG PO NI, SLOB DPON PHYOGS GLANG GIS, LUNG RNAM DAG RANG LUGS LA BRJOD BYA SGRUB PA'I RTAGS YANG DAG TU MI BZHED KYANG, RE ZHIG GZHAN NGOR BRJOD BYA SGRUB PA'I RTAGS YANG DAG YIN PA'I RNAM GZHAG MDZAD PA LA 'KHRUL NAS, SLOB DPON GYI SLOB MA KHA CIG NA RE, LUNG RNAM DAG DE RANG GI BRJOD BYA SGRUB PA'I RTAGS YANG DAG DANG LOG PHYOGS LA GNOD BYED YIN TE, GZHAL BYA'I GNAS DANG PO GNYIS LA DPYAD PA DAG NAS, SBYIN SOGS DKAR PO'I CHOS NI TSE 'PHOS NAS, BDE BA STER BA DANG SDUG BSNGAL STER BA LA 'JUG LDOG BYA DOGS LA, 'JUG LDOG BYED PA LA DE'I GZHI TSAD MAS GRUB DGOS SHING, LUNG LAS GZHAN PA'I SGRUB BYED YANG DAG MED PA'I PHYIR, GAL TE LUNG GNOD BYED MIN NA GEGS BYED DU YANG MI 'GYUR TE, GEGS BYAS PA'I @145B GZHI TSAD MAS MA GRUB PA'I PHYIR RO, ,ZHES ZER RO, ,DE YANG LUNG GNOD BYED DU 'DOD PA DAG GIS LUNG GANG YANG RUNG BA GNOD SGRUB TU KHAS LEN PA YANG MA YIN, GZHAL BYA'I GNAS DANG PO GNYIS LA LUNG GNOD SGRUB TU KHAS LEN PA YANG MA YIN GYI, SHIN TU LKOG GYUR STON PA'I LUNG RNAM DAG RANG GI BRJOD BYA BSGRUB PA'I RTAGS YANG DAG TU KHAS LEN PA YIN NO, ,GNYIS PA NI, LUNG GEGS BYED DU 'DOD PA RNAMS NA RE, LUNG RNAM DAG DE RANG GI BRJOD BYA'I LOG PHYOGS LA GEGS BYED DANG, RANG GI BRJOD BYA LA THE TSOM BSKYED PA YIN GYI, BRJOD BYA SGRUB PA'I RTAGS YANG DAG DANG LOG PHYOGS LA GNOD BYED MA YIN PAR THAL, RANG GI BRJOD BYA DANG 'BREL PA MA GRUB NA DE SGRUB MI NUS SHING, 'BREL PA GRUB NA RANG GI BRJOD BYA GRUB ZIN PA'I PHYIR, GZHAN YANG, LUNG RNAM DAG DE KHAS BLANGS PA TZAM GYIS RANG GI BRJOD BYA SGRUB PA'I RTAGS YANG DAG YIN PAR THAL, RANG GI BRJOD BYA SGRUB PA'I RTAGS YANG DAG GANG ZHIG ,NGO BO NYID KYIS BRJOD BYA SGRUB PA'I RTAGS YANG DAG MA YIN PA'I PHYIR, 'DOD NA, SGRA MI RTAG PAR KHAS BLANGS PA TZAM GYIS SGRA MI RTAG PAR GRUB PAR THAL LO, ,DOD NA, LUNG DANG RANG TSIG GNYIS LA GNOD BYED DANG GEGS BYED KYI KHYAD PAR MED PAR THAL LO, ,DES NA LUNG GEGS BYED DU 'DOD PAR RIGS SO, ,'O NA GEGS BYED YIN PA'I DON JI LTA BU ZHE NA, SBYIN SOGS DKAR CHOS SPYAD PA LAS BDE BA 'BYUNG BAR DAM BCAS PA DANG, BDE BA MI 'BYUNG BAR DAM BCAS PA GNYIS GEGS BYED DU STON PA MA YIN TE SNGA MA RGYAB RTEN TSAD MA CAN DANG PHYI MA RGYAB RTEN TSAD MA MED PA YIN PA'I PHYIR, SBYIN SOGS DKAR CHOS SPYAD PA LAS BDE BA 'BYUNG BA DANG MI 'BYUNG BA GNYIS GEGS BYED DU STON PA'ANG MA YIN TE, SNGA MA TSAD MAS GRUB LA PHYI MA TSAD MAS MA GRUB PA'I PHYIR, SBYIN SOGS DKAR CHOS SPYAD PA LAS BDE BA 'BYUNG BA @146A *, ,DANG MI 'BYUNG BA GANG DU YANG MA NGES PA'I GANG ZAG GI NGOR, SBYIN SOGS DKAR CHOS SPYAD PA LAS BDE BA 'BYUNG BAR DAM BCAS PA DANG BDE BA MI 'BYUNG BAR DAM BCAS PA GNYIS GEGS BYED DU STON PA TZAM YANG MA YIN TE, SPYIR YANG GEGS BYED KYI DON KHAS LEN PA'I PHYIR RO, ,DES NA SBYIN SOGS DKAR CHOS SPYAD PA LAS BDE BA 'BYUNG BAR STON PA'I LUNG DE RANG GI BRJOD BYA SGRUB PA'I RTAGS YANG DAG YIN PAR DAM BCAS PA DANG, SBYIN SOGS DKAR CHOS SPYAD PA LAS, BDE BA MI 'BYUNG BAR STON PA'I LUNG DE RANG GI BRJOD BYA SGRUB PA'I RTAGS YANG DAG YIN PAR DAM BCAS PA GNYIS PO DE GEGS BYED DU STON PA YIN TE, SBYIN SOGS DKAR CHOS SPYAD PA LAS BDE BA 'BYUNG BAR STON PA'I LUNG DE, RANG GI BRJOD BYA SGRUB PA'I RTAGS YANG DAG YIN NA, SBYIN SOGS DKAR CHOS SPYAD PA LAS BDE BA MI 'BYUNG BAR STON PA'I LUNG DE YANG RANG GI BRJOD BYA SGRUB PA'I RTAGS YANG DAG YIN PAR STOBS MTSUNGS PA'I PHYIR, DPER NA SGRA MI RTAG PAR DAM BCAS PA DANG SGRA RTAG PAR DAM BCAS PA YANG STOBS MI MTSUNGS, SGRA MI RTAG PA DANG SGRA RTAG PA YANG STOBS MI MTSUNGS KYANG SGRA MI RTAG CES PA'I TSIG DE SGRA MI RTAG PAR SGRUB PA'I RTAGS YANG DAG YIN PA DANG, SGRA RTAG CES PA'I TSIG DE SGRA RTAG PAR SGRUB PA'I RTAGS YANG DAG YIN PA GNYIS STOBS MTSUNGS PA BZHIN NO, ,DE GNYIS STOBS MTSUNGS PA YIN TE, SGRA RTAG PA DANG SGRA MI RTAG CES PA'I TSIG 'JUG PAR MTSUNGS SHING, MI RTAG PAR BSHAD PAS MI RTAG PA YIN DGOS NA, RTAG PAR BSHAD PAS RTAG PA YIN DGOS PA'ANG MTSUNGS PA'I PHYIR, 'O NA LUNG RNAM DAG DE RANG LUGS LA BRJOD BYA SGRUB PA'I RTAGS YANG DAG MA YIN NA, GZHAN NGOR RANG GI BRJOD BYA SGRUB PA'I RTAGS YANG DAG TU BSTAN PA LA DGOS PA CI YOD CE NA, LUNG DON LA DPYAD PA RDZOGS @146B MA RDZOGS KYI GDUL BYA DBANG PO RNO RTUL GNYIS KAS SPYAD PA LAS BDE BA 'BYUNG BA'I SBYIN SOGS DKAR CHOS DANG, SPYAD PA LAS SDUG BSNGAL 'BYUNG BA'I SROG GCOD PA SOGS LA BLANG DOR BYA DGOS TE, DE LTA MIN NA DON CHEN PO LAS NYAMS PAR 'GYUR BA'I PHYIR RO, ,BLANG DOR BYED PA LA NGES DGOS SHING LUNG MA GTOGS NGES PA'I THABS MED LA, LUNG DON LA DPYAD PA MA RDZOGS PA'I GDUL BYA DBANG RTUL GYIS RE ZHIG LUNG DPYAD PA GSUM GYIS DAG PAR NGES MI NUS PAS, SBYIN SOGS CHOS CAN, SPYAD PA LAS BDE BA 'BYUNG STE, SPYAD PA LAS BDE BA 'BYUNG BAR LUNG LAS GSUNGS PA'I PHYIR, ZHES PA'I RTAGS LA BRTEN NAS SBYIN SOGS SPYAD PA LAS BDE BA 'BYUNG BAR YID DPYOD TZAM GYIS NGES NAS 'JUG PAS, GDUL BYA DBANG RTUL RJES SU GZUNG BAR BYA BA'I PHYIR RO, ,PHYI RGOL DBANG RNON GYI NGOR, SBYIN PAS LONGS SPYOD KHRIMS KYIS BDE, ,ZHES PA'I LUNG CHOS CAN, RANG GI BSTAN BYA'I DON LA MI BSLU BA YIN TE DPYAD PA GSUM GYIS DAG PA'I LUNG YIN PA'I PHYIR, ZHES 'GOD LA, RTAGS DE LA BRTEN NAS SBYIN SOGS DKAR CHOS SPYAD PA LAS BDE BA 'BYUNG BAR TSAD MA'I STOBS KYIS NGES NAS 'JUG PAR 'GYUR BA YIN NO, ,DES NA LUNG GEGS BYED DU 'DOD PA'I DON LUNG RANG GI BRJOD BYA'I LOG PHYOGS LA GEGS BYED TZAM DU BZHED PA YIN GYI, SHIN TU LKOG GYUR LA LUNG GNOD SGRUB MTSAN NYID PA MA YIN PAR 'DOD PA MIN TE, DE LTA NA SHIN TU LKOG GYUR TSAD MAS MA GRUB PAR THAL BA'I PHYIR RO, ,GNYIS PA BSAL BYA SEL BA'I TSUL LA GNYIS, YID CHES BSAL BA'I MTHA' DPYAD PA DANG, SEL BYED GANG GIS BSAL BYA SEL BA'I TSUL LO, ,DANG PO NA, KHA CIG ,YID CHES BSAL BA YIN NA, KHAS BLANGS SNGA PHYI 'GAL BA'I DON DANG RANG TSIG 'GAL BA'I DON GANG RUNG YIN DGOS TE, RNAM NGES LAS, NGAG SNGA MAS @147A *, ,BZHAG PA PHYI MAS NYAMS PAR BYAS PA NI, KHAS BLANGS DANG 'GAL BA YIN LA, TSIG RANG NYID KYIS RANG GI NUS PA NYAMS PAR BYAS PA NI, RANG TSIG DANG 'GAL BA YIN NO ZHES GSUNGS PA'I PHYIR ZHE NA, MI 'THAD DE, SEL BYED YID CHES PA'I TSIG DE LA LUNG TSIG DANG RANG TSIG GNYIS YOD LA, PHYI MA LA YANG RANG 'GAL GYI DAM BCA' LA GNOD BYED DANG GEGS BYED KYI TSIG GNYIS YOD PA'I PHYIR, SNGA MA GRUB STE, BDAG GZHAN YID CHES MTSUNGS PA YI, ,ZHES GSUNGS PA'I PHYIR, GNYIS PA GRUB STE, DE DAG GANG LA TSAD MA YOD, ,DE NI GZHAN LA GNOD BYED 'GYUR, ,ZHES DANG, TSIG GAM BRJOD LA GEGS BYED YIN, ,ZHES GSUNGS PA'I PHYIR, KHA CIG , LUNG DANG 'GAL BA'I RNAM PA GSAL BA'I DPER BRJOD YIN NA, KHAS BLANGS 'GAL BA'I KHYAB STE, DE LA MA 'ONGS PA NA CHOS, ,BDE BA MI 'GRUB CES BYA YIN, ,ZHES SBYIN SOGS DKAR CHOS SPYAD PA LAS BDE BA MI 'BYUNG BAR STON PA'I TSIG DE, LUNG DANG 'GAL BA'I RNAM PA GSAL BA'I DPER BRJOD YIN PA'I PHYIR ZHE NA, MA KHYAB STE, SBYIN SOGS DKAR CHOS SPYAD PA LAS MA 'ONGS PA NA BDE BA MI 'BYUNG BAR STON PA'I TSIG DE LUNG DANG 'GAL BA'I RNAM PA GSAL BA'I DPER BSTAN GYI, LUNG DANG 'GAL BA'I RNAM PA GSAL BA'I DPE YIN NA KHAS BLANGS 'GAL BAS KHYAB PAR MA BSTAN PA'I PHYIR DANG, SBYIN PA BTANG BA LAS MA 'ONGS PA NA BDE BA MA 'BYUNG BAR DAM BCAS PA'I TSIG DE, LUNG DANG 'GAL BA'I RNAM PA GSAL BA'I DPE YIN YANG KHAS BLANGS SNGA PHYI 'GAL BA MA YIN PA'I PHYIR RO, ,KHA CIG , LUNG DANG 'GAL BA'I RNAM PA GSAL BA'I DPER BRJOD YIN NA DE'I GZHI CHOS CAN LUNG KHO NAS GRUB DGOS TE, RNAM NGES LAS, CHOS CAN RNAM PAR BZHAG PA DE LA BRTEN PA'I PHYIR DE LA GNOD NA, GZHI MED PAS KHYAD PAR GYI @147B CHOS LA DPYAD PA MI 'JUG PA'I PHYIR, RNAM PA DE LTA BU'I DON LA GDON MI ZA BAR BSTAN CHOS TSAD MAR 'GYUR BAR BYA DGOS SO, ,ZHES GSUNGS PA'I PHYIR ZHE NA, SKYON MED DE, DE NI SLOB DPON PHYOGS GLANG GI SLOB MA LUNG KHAS BLANGS PA TZAM GYIS GNOD BYED DU 'DOD PA DAG GI LUGS BKOD PA YIN GYI RANG LUGS MA YIN NO, ,RANG LUGS LA, RANG GI BSTAN BYA'I DON LA MI BSLU BAR KHAS BLANGS PA'I TSIG GI DON GYI 'GAL ZLA DNGOS NI YID CHES PA'I BSAL BA YIN LA, RANG GI BSTAN BYA'I DON LA MI BSLU BAR KHAS BLANGS PA'I TSIG DE YID CHES SEL BA YIN NO, ,YID CHES BSAL BA LA DBYE NA, RANG TSIG DANG 'GAL BA'I DON DANG, KHAS BLANGS SNGA PHYI 'GAL BA'I DON GNYIS SAM, RANG TSIG GIS BSAL BA DANG, LUNG TSIG GIS BSAL BA GNYIS SO, ,DANG POR RANG TSIG DANG 'GAL BA'I DON NI, TSIG RANG NYID KYIS RANG GI NUS PA NYAMS PAR BYED PA'I NGAG, DPER NA GZHAL BYA'I DON CAN GYI TSAD MA MED PAR BDEN ZHEN GYIS SMRAS PA'I NGAG LTA BU'O, ,DE LTA BU'I TSIG DE TSIG RANG NYID KYIS RANG GI NUS PA NYAMS PAR BYED PA YIN TE, TSIG DE'I DNGOS KYI BRJOD BYA GZHAL BYA'I DON CAN GYI TSAD MA MED PAR DAM BCAS PA DE DE'I SHUGS KYI BRJOD BYA TSIG RANG NYID MI BSLU BAR DAM BCAS PA DES NYAMS PAR BYED LA, DE YANG SNGA MAS NYAMS PAR BYED PA'I PHYIR TE, TSIG RANG NYID MI BSLU NA GZHAL BYA'I DON CAN GYI TSAD MA MED PAR 'GAL LA, GZHAL BYA'I DON CAN GYI TSAD MA MED NA TSIG RANG NYID MI BSLU BAR 'GAL BA'I PHYIR RO, ,DES NA TSIG DE'I SHUGS KYI BRJOD BYA'I DON DE RANG TSIG DANG 'GAL BA'I BSAL BA DANG YID CHES BSAL BA YIN NO, ,KHAS BLANGS SNGA PHYI 'GAL BA'I DON NI, NGAG SNGA MAS BZHAG PA PHYI MAS NYAMS PAR BYED PA'I NGAG, DPER NA SBYIN SOGS DKAR CHOS SPYAD PA LAS, MA 'ONGS PA NA BDE BA MI 'BYUNG BAR BDEN ZHEN GYIS SMRAS PA'I @148A *, ,NGAG LTA BU'O, ,NGAG DE DAG SNGA MAS BZHAG PA PHYI MAS NYAMS PAR BYED PA YIN TE, SBYIN SOGS DKAR CHOS ZHES KHAS BLANGS PAS DE SPYAD PA LAS BDE BA 'BYUNG BAR KHAS BLANGS LA, DE'I RJES SU SPYAD PA LAS BDE BA MI 'BYUNG BAR DNGOS SU SMRAS PA'I PHYIR RO; ;TSIG DE'I BRJOD BYA'I DON DE KHAS BLANGS SNGA PHYI 'GAL BA'I BSAL BA DANG YID CHES PA'I BSAL BA YIN NO, ,SEL BYED YID CHES PA'I TSIG DE LA DBYE NA, RANG TSIG DANG LUNG TSIG GNYIS, GZHAN GYIS BRTZAMS PA LA MA LTOS PAR RANG GI BSTAN BYA'I DON LA MI BSLU BAR RANG NYID KYIS KHAS BLANGS PA'I TSIG NI RANG TSIG YIN NO, ,'DIR SMOS RANG TSIG YIN NA BSTAN BYA'I DON LA MI BSLU BAR RANG NYID KYI BDEN ZHEN GYIS SMRAS PA ZHIG DGOS TE, BSTAN BYA'I DON LA MI BSLU BAR RANG NYID KHAS MI LEN NA, DON RTOGS PA'I PHYIR DU TSIG STON PA LA MI 'JUG PA'I PHYIR, GZHAL BYA SHIN TU LKOG GYUR RTOGS PAR YID CHES PA'I BSTAN BCOS MKHAN POS GSUNGS PA'I LUNG RNAM DAG NI 'DIR SMOS YID CHES PA'I LUNG TSIG YIN NO, ,GZHAL BYA'I GNAS DANG PO GNYIS TZAM STEN PA'I LUNG NI 'DIR SMOS YID CHES PA'I LUNG TSIG MA YIN TE, DE YIN NA SHIN TU LKOG GYUR STON PA'I LUNG YIN PA'I PHYIR RO, ,'O NA RANG TSIG DANG LUNG TSIG GNYIS 'GAL LAM MI 'GAL ZHE NA, GANG ZAG GCIG LA LTOS TE 'GAL LA SO SO LA LTOS TE MI 'GAL TE, DPER NA BKA' RGYAS 'BRING BSDUS GSUM BCOM LDAN 'DAS LA LTOS NAS RANG TSIG DANG GDUL BYA LA LTOS NAS LUNG TSIG YIN PA'I PHYIR RO, ,GNYIS PA NI, YID CHES PA'I RJES DPAG DES SBYIN SOGS DKAR CHOS SPYAD PA LAS BDE BA MI 'BYUNG BA SEL BAR BYED LA, SEL TSUL NI DE LA GNOD PA'I TSUL GYIS SEL BAR BYED DO, ,SBYIN SOGS DKAR CHOS SPYAD PA LAS MA 'ONGS PA NA BDE BA MI 'BYUNG @148B ZHES BDEN ZHEN GYIS SMRAS PA'I DAM BCA' GNYIS PO SEL BYED DANG, DAM BCA' GNYIS PO'I DON DE BSAL BYA DANG, SEL TSUL NI GEGS BYED PA'I TSUL GYIS SEL GYI GNOD PA NI MA YIN TE, TSIG DE'I DAM BCA' SNGA PHYI GNYIS PO DE GANG ZAG GCIG GIS GZHI GCIG GI STENG DU CHOS 'GAL BA GNYIS DAM BCAS PA GANG ZHIG ,GANG ZAG DES DAM BCA' DE GNYIS KYI DON GANG RUNG TSAD MAS MA GRUB PA'I PHYIR RO, ,SBYIN SOGS DKAR CHOS SU NGES NA DAM BCA' SNGA MAS PHYI MA LA GNOD PA YIN NO, ,GZHAL BYA'I DON CAN GYI TSAD MA DAG MED DO, ,ZHES BDEN ZHEN GYIS SMRAS BA'I TSE TSIG DE'I DNGOS SHUGS KYI DAM BCA' GNYIS PO SEL BYED DANG, DAM BCA' GNYIS PO'I DON BSAL BYA DANG, SEL TSUL GEGS BYED PA'I TSUL GYIS SEL BA YIN NO, ,DE LTA BU'I DAM BCA' DE LUNG DANG 'GAL BA'I PHYOGS TZAM MTSON PA'I DPER BRJOD YIN GYI, RNAM PA GSAL BA'I DPER BRJOD NI MA YIN TE, DE'I ZLOG PHYOGS KYI DON 'GRUB PA LUNG LA MI LTAS PA'I PHYIR TE, DE'I ZLOG PHYOGS KYI DON DNGOS STOBS TSAD MAS GRUB PA'I PHYIR RO, ,LUNG DANG 'GAL BA'I RNAM PA GSAL BA'I DPER BRJOD NI, SBYIN SROGS DKAR CHOS SPYAD PA LAS MA 'ONGS PA NA BDE BA MI 'BYUNG ZHES DAM BCAS PA LTA BU YIN TE, CHOS CAN LUNG KHO NAS GRUB PA'I STENG DU LUNG DANG 'GAL BA'I DAM BCA' GANG ZHIG ,DE'I ZLOG PHYOGS KYI DON 'GRUB PA LUNG LA LTOS PA'I PHYIR RO, ,GSUM PA GRAGS PA'I RJES DPAG GIS BSAL BA LA GSUM LAS, MDO DGOD PA DANG, MDO'I DON BSHAD PA DANG, GRAGS PAS GNOD TSUL DNGOS SO, ,DANG PO NI, KUN LAS BTUS LAS, GANG LA THUN MONG MA YIN PA'I PHYIR RJES SU DPAG PA MED LA, SGRA LAS BYUNG BA'I GRAGS PA DANG 'GAL BA'I DON GYIS NA BSAL BA DA YANG PHYOGS MA YIN NO, ,RI BONG CAN NI ZLA BA MA YIN TE, YOD PA'I PHYIR RO, ,ZHES @149A *, ,GSUNGS SO, ,'DI LA KHA CIG , BRDA SPROD PAS RI BONG CAN LA BSIL ZER CAN DANG, 'OD DKAR CAN ZHES PA'I SGRA BZANG POS BRJOD PAR BYA BA YIN GYI ZLA BA ZHES PA'I SGRAS BRJOD RUNG MA YIN PAR 'DOD LA, DE GRAGS PA DANG 'GAL BAR BSTAN PA'I DON DU MDO 'DI BKOD PA YIN NO ZHES ZER BA MI 'THAD DE, BRDA SPROD PA YANG RI BONG CAN GRAGS PA'I DBANG GIS ZLA BA'I SGRAS BRJOD MI RUNG DU 'DOD KYI, RI BONG CAN ZLA BA'I SGRAS BRJOD RUNG DU 'DOD PA YIN TE, LHA DBANG BLOS, DE RI BONG CAN ZLA BA NYID DU MI 'DOD PA NI MIN GYI, 'ON KYANG DE GRAGS PA NYID THAMS CAD LA TSAD MAR MI BYED DO, ,ZHES GSUNGS SO, ,GNYIS PA NI, LHA DBANG BLOS, MDO DANG POS RI BONG CAN ZLA BA'I SGRAS BRJOD RUNG LA GNOD BYED MED PAR BSTAN LA, MDO GNYIS PAS SGRUB BYED YOD PAR BSTAN ZHING, DNGOS STOBS RJES DPAG LA 'GRAN ZLA'I TSAD MA MED PAR YANG MDO GNYIS PAS BSTAN PAR 'DOD, SLOB DPON CHOS MCHOG GIS DE BKAG NAS, MDO DANG POS RI BONG CAN ZLA BA'I SGRAS BRJOD RUNG LA SGRUB BYED KYI TSAD MA YOD PAR BSTAN ZHING, DE'I SGO NAS DNGOS STOBS RJES DPAG DANG MNGON SUM TSAD MA LA 'GRAN ZLA'I TSAD MA MED PAR BSTAN PAR BZHED DO, ,RGYAN MKHAN PO NI, LUNG GNYIS KAS RI BONG CAN ZLA BA'I SGRAS BRJOD RUNG LA GNOD BYED KYI TSAD MA MED PAR YANG BSTAN, SGRUB BYED KYI TSAD MA YOD PAR YANG BSTAN, LUNG DANG PO GTZO BO DANG GNYIS PA PHAL PAR BYAS PA'I TSE, DE LA GNOD BYED KYI TSAD MA MED PAR BSTAN LA, LUNG GNYIS PA GTZO BO DANG DANG PO PHAL PAR BYAS PA'I TSE, DE LA SGRUB BYED KYI TSAD MA YOD PAR BSTAN LA, DE'I SGO NAS DNGOS STOBS RJES DPAG DANG MNGON SUM TSAD MA LA YANG 'GRAN ZLA'I TSAD MA MED PAR RTOGS PA'I DON DU LUNG GNYIS PA BSTAN PAR BZHAD DO, ,'O NA 'BRAS BU DANG RANG @149B BZHIN DANG 'GAL BA'I DON GYIS BSAL BA DE NI PHYOGS MA YIN NO ZHES MI SMOS PAR, CI'I PHYIR SGRA LAS BYUNG BA'I GRAGS PA DANG ZHES SMOS SHE NA, DNGOS STOBS RJES DPAG DANG MNGON SUM TSAD MA SOGS LA 'GRAN ZLA'I TSAD MA MED PAR RTOGS PA'I DON DU SGRA LAS BYUNG BA'I GRAGS PA DANG ZHES SMOS PA LA RGYU MTSAN YOD DE, GRAGS PA'I RJES DPAG LA 'GRAN ZLA'I TSAD MA MED PAR BSTAN PAS, DNGOS STOBS RJES DPAG DANG MNGON SUM LA 'GRAN ZLA'I TSAD MA MED PAR BDE BLAG TU RTOGS NUS PA'I PHYIR TE, YUL LA 'DOD PA TZAM GYIS 'JUG PA'I TSAD MA LA YANG 'GRAN ZLA'I TSA MA MED NA, YUL LA DNGOS STOBS KYIS 'JUG PA'I TSAD MA LA 'GRAN ZLA'I TSAD MA MED PA LTA CI SMOS SNYAM DU RTOGS NUS PA'I PHYIR, DE SKAD DU'ANG RGYAN GYIS, GANG DU BSTAN MIN RJES DPAG LA, ,BZLOG PA'I RJES DPAG YOD MIN PA, ,DER NI BSTAN PA'I RJES DPAG LA, , SHIN TU RING BAR NGES BYAS NYID, ,CES GSUNGS SO, ,DNGOS RTOGS RJES DPAG DANG MNGON SUM SOGS LA 'GRAN ZLA'I TSAD MA MED PAR RTOGS PA'I DON DU 'BRAS BU DANG RANG BZHIN DANG 'GAL BA'I DON GYIS GSAL BA DE NI PHYOGS MIN NO ZHES MI SMOS PA'I RGYU MTSAN YOD DE, DNGOS STOBS RJES DPAG DANG MNGON SUM LA 'GRAN ZLA'I TSAD MA MED PAR BSTAN PAS GRAGS PA'I RJES DPAG LA 'GRAN ZLA'I TSAD MA MED PAR BDE BLAG TU RTOGS MI NUS PA'I PHYIR TE, YUL LA DNGOS RTOBS KYIS 'JUG PA'I TSAD MA LA 'GRAN ZLA'I TSAD MA MED MOD, YUL LA 'DOD PA TZAM GYIS 'JUG PA'I TSAD MA LA 'GRAN ZLA'I TSAD MA YOD DAM SNYAM DU DVOGS PA SRID PA'I PHYIR RO, ,'O NA RI BONG CAN ZLA BA'I SGRAS BRJOD RUNG LA GNOD BYED MED PAR BSTAN PAS SGRUB BYED YOD PAR RTOGS NUS, SGRUB BYED YOD PAR BSTAN PA LA GNOD BYED MED PAR RTOGS NUS PA'I PHYIR, LUNG SNGA @150A *, ,PHYI ZLOS PA'I SKYON CAN DU 'GYUR RO ZHE NA, MI 'GYUR TE, DPER NA MDUN GYI GZHI 'DIR BSKAL DON SHA ZA'I BUM PA YOD PA LA GNOD BYED MA MTHONG YANG YOD PA'I SGRUB BYED KYANG MED PA BZHIN DU, RI BONG CAN ZLA BA'I SGRAS BRJOD RUNG LA GNOD BYED MED MOD, SGRUB BYED KYANG MED DAM SNYAM PA'I LOG RTOG 'BYUNG BAS DE DGAG PA'I PHYIR DU LUNG GNYIS PA DANG, RI BONG CAN ZLA BA'I SGRAS BRJOD RUNG LA SGRUB BYED TZAM YOD MOD, GNOD BYED KYANG YOD DAM SNYAM PA'I LOG RTOG 'BYUNG BAS DE DAG DGAG PA'I PHYIR DU LUNG DANG PO SMOS PA'I PHYIR, LUNG DANG POS GNOD BYED MED PAR BSTAN NA GNOD BYED MED PA'I TSUL JI LTAR YIN ZHE NA, RI BONG CAN ZLA BA'I SGRAS BRJOD RUNG LA GNOD BYED MED DE , RI BONG CAN ZLA BA'I SGRAS BRJOD MI RUNG DU 'JAL BA'I TSAD MA MED PA'I PHYIR TE, DE LTA BU'I MNGON SUM TSAD MA DANG RJES DPAG TSAD MA GANG YANG MED PA'I PHYIR TE, SGRA DON LA DBANG 'JUG MED PHYIR, ,ZHES GSUNGS PA'I PHYIR DANG, RI BONG CAN ZLA BA'I SGRAS BRJOD MI RUNG DU SGRUB PA'I RTAGS YANG DAG MED PA'I PHYIR TE, YOD PA DE RI BONG CAN ZLA BA'I SGRAS BRJOD MI RUNG DU SGRUB PA'I MTHUN PHYOGS LA RJES SU MI 'GRO BA'I GTAN TSIGS YIN PA'I PHYIR, DES NA CHOS THAMS CAD LA RJES SU 'GRO BA'I YOD PA YANG RI BONG CAN ZLA BA'I SGRAS BRJOD MI RUNG DU SGRUB PA'I MTHUN PHYOGS LA RJES SU MI 'GRO NA, YOD PA'I KHYAD PAR 'GA' ZHIG DE SGRUB KYI MTHUN PHYOGS LA RJES SU 'GRO BA GA LA SRID SNYAM DU RTOGS PA'I PHYIR DU, SLOB DPON GYIS RI BONG CAN NI ZLA BA MA YIN TE, YOD PA'I PHYIR, ZHES GTAN TSIGS YOD PA DPER SMOS PA YIN NO, ,YOD PA MTHUN PHYOGS LA RJES SU MI 'GRO BA MA GRUB STE, BUM PA LA SOGS PA ZLA BA'I SGRAS BRJOD MI RUNG LA RJES SU 'GRO BA'I PHYIR ZHE NA, DE YANG MA GRUB STE, BUM SOGS @150B ZLA BA'I SGRAS BRJOD MI RUNG MA YIN PA'I PHYIR TE, DE ZLA BA'I SGRAS BRJOD RUNG YIN PA'I PHYIR TE, ZLA BA ZHES PA'I SGRA DE DON THAMS CAD LA 'JUG RUNG YIN PA'I PHYIR TE, DE YUL LA 'DOD PA TZAM GYIS 'JUG PA'I SGRA YIN PA'I PHYIR RO, ,'O NA YOD PA DE DE SGRUB KYI THUN MONG MA YIN PA'I GTAN TSIGS MA YIN PAR THAL, DE SGRUB KYI MTHUN PHYOGS LA GTAN NAS MED PA'I 'GAL BA'I GTAN TSIGS YIN PA'I PHYIR ZHE NA, 'DI LA KHA CIG NA RE, YOD PA DE SGRUB KYI MTHUN PHYOGS LA GTAN NAS MED, GRAGS PA MTHA' DAG LA LOG PAR ZHUGS PA'I GANG ZAG GI NGOR MI MTHUN PHYOGS LA YANG MA MTHONG BA'I PHYIR, YOD PA DE DE SGRUB KYI THUN MONG MA YIN PA'I MA NGES PA'I GTAN TSId YIN NO ZHE NA, BYAS PA CHOS CAN, SGRA RTAG PAR SGRUB PA'I THUN MONG MA YIN PA'I MA NGES PA'I GTAN TSIGS YIN PAR THAL, DE SGRUB KYI MTHUN PHYOGS LA GTAN NAS MED, RGOL BA 'GA' ZHIG GI NGOR MI MTHUN PHYOGS LA MA MTHONG BA'I PHYIR, RANG LAN NI, YOD PA DE DE SGRUB KYI 'GAL RTAGS YIN YANG DE SGRUB KYI THUN MONG MA YIN PA'I GTAN TSIGS SU BSHAD PA'I RGYU MTSAN YOD DE, YOD PA DE DE SGRUB KYI MTHUN PHYOGS LA RJES SU MI 'GRO BA'I RGYU MTSAN GYIS DE SGRUB KYI THUN MONG MA YIN PA'I GTAN TSIGS SU BSHAD PA TZAM YIN PA'I PHYIR, DE SKAD DU'ANG CHOS MCHOG GIS, DES NA MTHUN PA'I PHYOGS LA 'JUG PA MED PA'I PHYIR THUN MONG MA YIN MA YIN GYI MA NGES PA NYID NI MA YIN TE, 'DI LTAR RNAM PAR RTOG PA LA YOD PA NYID NI 'GAL BA YIN TE, YOD PA THAMS CAD ZLA BA YIN PA'I PHYIR RO, , ZHES GSUNGS PA'I PHYIR RO, ,GSUM PA NI, GRAGS PA'I RJES DPAG GIS BSAL BA NI, GRAGS PA'I RJES DPAG GI SGRUB PA'I DON GYI LOG PHYOGS DNGOS YIN LA, DE LA GRAGS PAS GNOD PA YIN PAS, GRAGS PA LA YUL GYI GRAGS PA DANG, YUL CAN GYI GRAGS PA GNYIS LAS, @151A *, ,DANG PO LA, GRAGS ZIN GYI GRAGS PA DANG, GRAGS RUNG GI GRAGS PA DANG GNYIS, DANG PO NI, BRDA SBYAR RJES SU RI BONG CAN LA ZLA BA'I SGRAS BRJOD RUNG DU GRAGS ZIN PA LTA BU'O, ,GNYIS PA NI, BUM PA ZLA BA'I SGRAS BRJOD RUNG LTA BU'O, ,YUL CAN GYI GRAGS PA LA RJOD BYED KYI SGRA DANG, RNAM PAR RTAG PA GNYIS LAS, DANG PO NI, RI BONG CAN ZLA BA'I SGRAS BRJOD RUNG DU STON PA'I NGAG LTA BU STE, GRAGS PA DAG KYANG MI RNAMS TSIG ,CES DANG, BKAG MED PHYIR NA GNOD MED DAG ,CES GSUNGS SO, ,GNYIS PA NI, RI BONG CAN ZLA BA'I SGRAS BRJOD RUNG DU RTOGS PA'I RJES DPAG LTA BU'O, ,GRAGS PA DNGOS NI DE YIN LA, DE'I YUL RI BONG CAN ZLA BA'I SGRAS BRJOD RUNG LA'ANG, GRAGS PA ZHES PA'I MING GIS BTAGS NAS DES RI BONG CAN ZLA BA'I SGRAS BRJOD MI RUNG LA DNGOS SU GNOD PA LA RI BONG CAN ZLA BA'I SGRAS BRJOD MI RUNG LA GRAGS PAS DNGOS SU GNOD CES BTAGS NAS BSTAN PA YIN LA, GRAGS PA'I RJES DPAG GIS RI BONG CAN ZLA BA'I SGRAS BRJOD MI RUNG LA DNGOS SU MI GNOD KYANG DE LA GNOD PA YIN TE, DES RI BONG CAN ZLA BA'I SGRAS BRJOD RUNG DU GRUB PA'I PHYIR RO, ,GSUM PA DAM BCA' LTAR SNANG LA GNOD TSUL LA GNYIS, GZHAN LUGS DGAG PA DANG, RANG LUGS BZHAG PA'O, ,DANG PO NI, KHA CIG, BYE BRAG PA'I CHOS KYI KHYAD PAR LA MNGON SUM GYIS GNOD DE, YAN LAG CAN RDZAS GZHAN YOD PA LA MNGON SUM GYIS GNOD PA'I PHYIR ZHES ZER BA MI 'THAD DE, DE LA MNGON SUM GYIS GNOD KYANG CHOS KYI NGO BO LA GNOD PAR SONG GI KHYAD PAR LA GNOD PAR MA SONG BA'I PHYIR, RTAGS MA GRUB STE, YAN LAG CAN RDZAS GZHAN NI CHOS KYI KHYAD PAR DANG, YAN LAG CAN GZHAN TZAM CHOS KYI NGO BO YIN PA'I PHYIR ZHE NA, SHES BYA CHOS CAN, YAN LAG CAN GZHAN TZAM DE BYE BRAG PAS SANGS RGYAS PA'I NGOR YAN @151B LAG RNAMS PAS YAN LAG CAN GZHAN YOD PAR SGRUB PA'I CHOS KYI NGO BO MA YIN PAR THAL, DE YAN LAG RNAMS LA YOD PAR SANGS RGYAS PAS GRUB ZIN MA BRJED PA'I PHYIR DANG, DE TZAM ZHIG BYE BRAG PAS SANGS RGYAS PA'I NGOR SGRUB 'DOD MED PA'I PHYIR, DES YAN LAG CAN GZHAN TZAM CHOS KYI NGO BO YIN PA'ANG KHEGS SO, ,CHOS KYI KHYAD PAR LA KHAS BLANGS KYIS GNOD PA'I TSUL LA, KHA CIG NA RE, YAN LAG CAN LA YAN LAG LA MED PA'I LCID LA SOGS PA KHAS BLANGS PA LA, SRANG NI DMA' BA DAG TU 'GYUR ,ZHES SOGS KYI RIGS PAS GNOD PA MA BZOD NAS; 'PHEL LDAN 'BRAS BU'I PHRENG BA YI, ,LCI PA RTOGS PA MA YIN NA, ,ZHES LCID LA SOGS PA MED PAR KHAS BLANGS PAS KHAS BLANGS 'GAL BA YIN NO ZHES ZER, 'O NA KHAS BLANGS SNGA MA BOR NAS PHYI MA KHAS BLANGS PA YIN NAM, SNGA MA MA BOR BZHIN DU PHYI MA KHAS BLANGS PA YIN, DANG PO LTAR NA, KHAS BLANGS 'GAL BA'I DON MA TSANG BAR THAL, KHAS BLANGS SNGA MA MA BOR GYI BAR DU PHYI MA KHAS MA BLANGS PHYI MA KHAS BLANGS PA'I TSE SNGA MA BOR BA'I PHYIR, MA KHYAB NA, GRANGS CAN GYI RGYUD LA SGRA MI RTAG PAR RTOGS PA'I RJES DPAG SKYES PA'I TSE SGRA MI RTAG PAR KHAS BLANGS PAS KYANG KHAS BLANGS 'GAL BAR THAL LO, ,'DOD NA, KHAS BLANGS 'GAL BA MED PA'I GANG ZAG MI SRID PAR THAL LO, ,GNYIS PA LTAR NA'ANG MI 'THAD DE, DE LTAR NA KHAS BLANGS DNGOS SU 'GAL BA'I SGO NAS GNOD BYED STON RIGS PA LA MA BSTAN PAR RIGS PA'I GNOD BYED BSTAN PA'I PHYIR, YANG KHA CIG NA RE, YAN LAG CAN DE YAN LAG LAS RDZAS GZHAN DU DAM BCAS PA LA RANG TSIG GIS GNOD PA YIN TE, YAN LAG CAN ZHES SMRAS DUS NYID NAS YAN LAG TSOGS TZAM GYI KUN RDZOB PA ZHIG TU SHUGS LA DAM BCAS PA'I PHYIR, ZHES ZER RO, ,BUM PA CHOS @152A *, ,CAN; YAN LAG TSOGS TZAM GYI KUN RDZOB PA YIN PAR THAL, YAN LAG CAN YIN PA'I PHYIR, MA KHYAB NA, YAN LAG CAN DU KHAS BLANGS PA'I SHUGS LA YAN LAG TSOGS TZAM GYI KUN RDZOB PAR KHAS LEN DGOS PA 'BUD, 'DOD NA, BDEN PAR MA GRUB PAR THAL LO, ,'DOD NA, BDEN PAR GRUB NA CHA MED YIN DGOS PAR THAL LO, ,'DOD NA, RIGS PA YIN NA RDZAS SU MA GRUB PAR THAL LO, ,GRAGS PAS GNOD TSUL LA KHA CIG NA RE, YAN LAG CAN YAN LAG LAS RDZAS GZHAN DU DAM BCAS PA LA GRAGS PAS GNOD PA YIN TE, 'JIG RTEN NA YAN LAG CAN NI YAN LAG TSOGS TZAM LA GRAGS PA'I PHYIR ZHES ZER, 'O NA GRAGS PAS GNOD PA DAM BCA'I SKYON YIN NAM MIN, MA YIN PA MI 'THAD DE, DAM BCA' YANG DAG YIN NA GRAGS PAS MA BSAL BA ZHIG DGOS PA'I PHYIR, SKYON YIN NA, DNGOS PO RNAMS DUS MA 'DRES PAR KHAS BLANGS PA LA GRAGS PAS GNOD PAR THAL, 'JIG RTEN NA SNGA DRO'I LHAS BYIN PHYI DRO'I DUS NA YOD PAR GRAGS PA'I PHYIR, KHYAB PA KHAS BLANGS, 'DOD NA, DNGOS PO RNAMS YUL DUS RANG BZHIN MA 'DRES PAR DAM 'CHA' BA MI RIGS PAR THAL LO, , RTAGS KHYAB KHAS, KHA CIG ,MNGON SUM DANG DNGOS STOBS RJES DPAG GIS GRUB PA'I DON YIN NA 'JIG RTEN NA GRAGS PAS KHYAB PA'I PHYIR, GRAGS PAS GNOD PA YIN NO ZHES ZER, 'O NA 'JIG RTEN GYI GRAGS PA DE 'JIG RTEN PA RNAMS THA SNYAD DE LTAR BYAD PA LA ZER RAM, BRJOD RUNG GI GRAGS PA LA ZER RAM, GRAGS PA'I RJES DPAG LA ZER, DANG PO LTAR NA 'JIG RTEN PA YIN NA BSTAN BCOS KYI BRDA LA BYANG BAS KHYAB PAR THAL, MNGON RJES KYIS GRUB PA'I DON YIN NA 'JIG RTEN NA THA SNYAD DE LTAR BYED PAS KHYAB PA'I PHYIR, PHYI MA GNYIS LTAR NA, GZHI GRUB NA @152B 'DOD PA TZAM GYIS BZHAG PAS KHYAB PAR THAL, MNGON RJES KYIS GRUB PA'I DON YIN NA GRAGS PA'I RJES DPAG GIS GRUB PA'I PHYIR, CHOS CAN GYI KHYAD PAR LA MNGON SUM GYIS GNOD TSUL LA, KHA CIG NA RE, YAN LAG CAN NI YAN LAG LAS GZHAN MA YIN TE, MNGON SUM MA YIN PA NYID DU THAL BA'I PHYIR RO, ,ZHES YAN LAG CAN CHOS CAN DU BZUNG BA'I TSE YAN LAG CAN CHOS CAN GYI NGO BO DANG, MNGON SUM GYIS MTHONG DU RUNG BA CHOS CAN GYI KHYAD PAR YIN LA, YAN LAG NI YAN LAG CAN LAS GZHAN MA YIN TE, MNGON SUM MIN PA NYID DU THAL BA'I PHYIR RO, , ZHES YAN LAG CHOS CAN DU BZUNG BA'I CHA YAN LAG CHOS CAN GYI NGO BO DANG, MNGON SUM GYIS MTHONG DU MI RUNG BA CHOS CAN GYI KHYAD PAR YIN NO ZHES ZER, 'O NA BUM PA LTA BU MNGON SUM GYIS MTHONG DU RUNG BA LA MNGON SUM GYIS GNOD PAR THAL, BYE BRAG PAS YAN LAG CAN NI YAN LAG LAS GZHAN YIN NO ZHES DAM BCAS PA'I TSE, YAN LAG CAN CHOS CAN GYI NGO BO DANG, MNGON SUM GYI MTHONG RUNG CHOS CAN GYI KHYAD PAR DU BYAS NAS DE LA MNGON SUM GYIS GNOD PA GANG ZHIG, YAN LAG CAN GYI RANG LDOG YAN LAG LAS RDZAS GZHAN YIN MIN RTZOD PA MIN GYI, GZHI LDOG BUM PA LTA BU RANG GI YAN LAG LAS RDZAS GZHAN DU YOD MED RTZOD PA YIN PA'I PHYIR, CHOS CAN GYI KHYAD PAR LA KHAS BLANGS KYIS GNOD TSUL LA, KHA CIG NA RE, YAN LAG CAN RDZAS GZHAN YOD NA DMIGS RUNG MA DMIGS PAS, BYE BRAG PAS YAN LAG CAN RDZAS GZHAN MED PAR KHAS BLANGS DGOS PAS KHAS BLANGS 'GAL BA YIN NO ZHES ZER, KHAS BLANGS DGOS PAS KHAS BLANGS 'GAL NA, GRANGS CAN PAS SGRA MI RTAG PAR KHAS BLANGS PAR THAL, SGRA MI RTAG PAR KHAS BLANG DGOS PA'I PHYIR TE, SGRA BYAS PA YIN PA'I PHYIR, PHYI ROL PA RNAMS KYIS @153A *, ,GANG ZAG GI BDAG MED KHAS BLANGS PAR THAL, DE KHAS BLANG DGOS PA'I PHYIR TE, 'DUS BYAS THAMS CAD SKYE BA DANG 'JIG PA YIN PA'I PHYIR, 'DOD NA, YANG DAG PA'I LTA BA KHAS MA BLANGS PA'I GANG ZAG MI SRID PAR THAL LO, ,GNYIS PA NI TSAD MA MDOR, MNGON SUM DON DANG RJES DPAG DANG, ,YID CHES GRAGS PAS MA BSAL BA, ,ZHES DAM BCA' YANG DAG YIN NA, TSAD MA BZHI PO GANG GIS KYANG MI GNOD PA ZHIG DGOS ZHES BSTAN, DE'I ZLOG PHYOGS DAM BCA' LTAR SNANG DE LA CHOS KYI NGO BO DANG KHYAD PAR DANG CHOS CAN GYI NGO BO DANG KHYAD PAR LA GNOD PA'I DAM BCA' LTAR SNANG BZHI GSUNGS LA, CHOS KYI NGO BO LA GNOD PA'I DAM BCA' LTAR SNANG LA GNOD TSUL NI SNGAR BSHAD ZIN LA, DAM BCA' PHYI MA GSUM LA MNGON SUM SOGS KYIS GNOD TSUL LA GSUM LAS, DANG PO CHOS KYI KHYAD PAR LA GNOD PA'I DAM BCA' LA GNOD TSUL LA GNYIS, DAM BCA' NGOS GZUNG BA DANG, GNOD TSUL DNGOS SO, ,DANG PO NI, SLOB DPON GYIS, YAN LAG CAN NI YAN LAG RNAMS LAS GZHAN MIN TE, SRANG DMA' BA'I KHYAD PAR 'DZIN PA MED PA'I PHYIR RO, ,ZHES GNOD BYED DNGOS SU BSTAN NAS GNOD BYA SHUGS LA 'PHANGS NAS BSTAN LA, DE YANG YAN LAG CAN YAN LAG RNAMS LAS GZHAN TZAM YIN PA NI, CHOS KYI KHYAD PAR LA GNOD PA'I DAM BCA' MIN TE, DE TZAM ZHIG SANGS RGYAS PA'I NGOR SGRUB NA GRUB ZIN BSGRUBS PAR 'GYUR BA'I PHYIR TE, SANGS RGYAS PAS YAN LAG CAN BUM PA DANG, DE'I YAN LAG GZUGS SOGS GZHAN TZAM DU GRUB ZIN PA'I PHYIR, 'O NA BUM PA DANG BUM PA'I GZUGS SOGS CHOS CAN, RDZAS GZHAN YIN PAR THAL, GZHAN YIN PA'I PHYIR ZHE NA, 'O NA CHOS CAN, RDZAS THA DAD YIN @153B PAR THAL, THA DAD YIN PA'I PHYIR, DES NA DE GNYIS GZHAN YIN YANG GZHAN DE RTOG PAS SGRO BTAGS PA YIN PAS RDZAS GZHAN DU THAL BA'I SKYON MED DO, ,KHA CIG NA RE, DE GNYIS RDZAS GZHAN YIN TE, KHYAD PAR CAN MIN GZHAN YOD NI, ,SGRUB NA GRUB PA BSGRUBS PA NYID, ,CES GSUNGS PA'I PHYIR ZHES ZER RO, ,DE GNYIS RDZAS GZHAN MA YIN PAR THAL, DE GNYIS SNANG TSUL THA DAD YIN YANG GNAS TSUL NGO BO GCIG YIN PA'I PHYIR TE, DE GNYIS CHA DANG CHA CAN YIN PA'I PHYIR, 'ON TE BUM PA RTZOM BYED KYI RDUL PHRAN DANG BUM PA GNYIS LA BSAMS NA NI DE GNYIS RDZAS THA DAD YIN NO, ,'O NA CHOS KYI NGO BO DANG KHYAD PAR GANG ZHE NA, YAN LAG LAS RDZAS GZHAN CHOS KYI NGO BO DANG LCID SOGS YON TAN GSUM CHOS KYI KHYAD PAR YIN TE, BYE BRAG PAS LCID SOGS YON TAN GSUM GYIS KHYAD PAR DU BYAS NAS, YAN LAG CAN YAN LAG RNAMS LAS RDZAS GZHAN DU DAM BCAS PA'I PHYIR, BYE BRAG PA'I LUGS LA YAN LAG CAN DANG YAN LAG RDZAS THA DAD YIN TE, DE GNYIS MNGON SUM GYIS MTHONG DU RUNG MI RUNG DANG SGRIB THOGS SOGS BYED MI BYED RDZAS THA DAD PA'I PHYIR, YAN LAG RNAMS DANG LCID SOGS YON TAN RNAMS KYANG RDZAS THA DAD YIN TE, SGRA RTOG THA DAD 'JUG PA'I PHYIR ZHES 'DOD DO, ,GNYIS PA NI, BYE BRAG PAS YAN LAG CAN YAN LAG RNAMS LAS RDZAS GZHAN DU DAM BCAS PA'I CHOS KYI KHYAD PAR LA RJES DPAG GIS GNOD DE, BYE BRAG PAS LCID SOGS CHOS GSUM GYIS KHYAD PAR DU BYAS NAS, YAN LAG CAN YAN LAG RNAMS LAS RDZAS GZHAN DU DAM BCAS PA GANG ZHIG ,LCID SOGS CHOS GSUM PO DE LA RJES DPAG GIS GNOD PA'I PHYIR, JI LTAR GNOD NA, YAN LAG CAN CHOS CAN, YAN LAG LA MED PA'I YON TAN LCID LHAG PO MED DE, DE YOD NA SRANG @154A *, ,DMA' BA'I KHYAD PAR 'DZIN DGOS PA GANG ZHIG ,SRANG DMA' BA'I KHYAD PAR MI 'DZIN PA'I PHYIR, ZHES PA'I RTAGS LA BRTEN PA'I RJES DPAG GIS YON TAN LCID LHAG PO MED PAR GRUB LA, DE LTAR NA, CHOS CAN, YAN LAG LA MED PA'I YON TAN LCID DES DRANGS PA'I 'OG TU 'GRO BA'I BYA BA MED PAR THAL LO, ,'DOD NA, YON TAN LCID DANG DES DRANGS PA'I 'OG TU 'GRO BA'I BYA BA GNYIS 'PHROD PA 'DU BA'I RGYU MA YIN PAR THAL, DE GNYIS MA GRUB PA'I PHYIR ZHES PA'I TSUL GYIS GNOD DO, ,YANG DE LTAR DAM BCAS PA'I CHOS KYI KHYAD PAR LA MNGON SUM GYIS GNOD DE, BYE BRAG PAS DE LTAR DAM BCAS PA GANG ZHIG ,YAN LAG LA MED PA'I YON TAN LCID SOGS YOD PA LA MNGON SUM GYIS GNOD PA'I PHYIR TE, DE LTA BU YOD NA MNGON SUM GYIS DMIGS SU RUNG BA LAS MA DMIGS PA'I PHYIR, YANG DE LTAR DAM BCAS PA'I CHOS KYI KHYAD PAR LA YAN LAG CAN CHA MED DU KHAS BLANGS PAS GNOD DE, BYE BRAG PAS DE LTAR DAM BCAS PA GANG ZHIG ,LCID SOGS RDZAS GZHAN KHYAD CHOS SU YOD NA, CHA MED YIN PAR 'GAL BA'I PHYIR, YANG DE LTAR DAM BCAS PA LA RANG TSIG 'GAL BAS GNOD DE; GANG ZHIG YAN LAG CAN DU SMRAS PA'I SHUGS LA YAN LAG RNAMS LAS RDZAS GZHAN MA YIN PAR DAM BCAS PA'I PHYIR, DE LTAR DAM BCAS PA'I CHOS KYI KHYAD PAR LA GRAGS PAS GNOD DE, SGRA RTOG DNGOS DBANG GIS 'JUG PA'I RGYU MTSAN GYIS, YAN LAG CAN LA LCID SOGS RDZAS GZHAN YOD PAR DAM BCAS PA GANG ZHIG, DE LA SGRA RTOG 'DOD PA'I DBANG GIS DON THAMS CAD LA 'JUG RUNG DU GRUB PAS GNOD PA'I PHYIR, DES NA GRAGS PAS GNOD PA MTSAN NYID PA YIN GYI, 'JIG RTEN NA THA SNYAD DE LTAR BYED PA'I GRAGS PA TZAM GYIS GNOD PA MA YIN NO, , @154B CHOS CAN GYI KHYAD PAR LA GNOD PA'I DAM BCA' LA GNOD TSUL NI, YAN LAG CAN NI YAN LAG CAN RNAMS LAS GZHAN MIN TE, MNGON SUM MIN PA NYID DU THAL BA'I PHYIR RO, ,ZHES YAN LAG CAN CHOS CAN DU BZUNG BA DANG, YAN LAG NI YAN LAG CAN LAS GZHAN MIN TE, MNGON SUM MIN PA NYID DU THAL BA'I PHYIR RO, ,ZHES YAN LAG CHOS CAN DU BZUNG BA GNYIS GSUNGS LA, 'DI LA KHA CIG NA RE, YAN LAG CAN CHOS CAN DU BZUNG BA'I TSE, YAN LAG CAN CHOS CAN GYI NGO BO DANG MNGON SUM GYIS MTHONG RUNG CHOS CAN GYI KHYAD PAR DANG, YAN LAG CHOS CAN DU BZUNG BA'I TSE, YAN LAG CHOS CAN GYI NGO BO DANG MNGON SUM GYIS MTHONG MI RUNG CHOS CAN GYI KHYAD PAR YIN LA, KHYAD PAR DE GNYIS LA MNGON SUM GYIS GNOD CES ZER, DE NI MI 'THAD DE, BYE BRAG PAS YAN LAG CAN DANG YAN LAG GI RANG LDOG TZAM ZHIG RDZAS GZHAN DU SGRUB PA MIN GYI, GZHI LDOG BUM PA LTA BU RANG GI YAN LAG GZUGS SOGS LAS RDZAS GZHAN DU SGRUB PA YIN LA, DE'I TSE YAN LAG CAN BUM PA MNGON SUM GYIS MTHONG DU RUNG BA LA TSAD MAS MI GNOD PA'I PHYIR, 'O NA JI LTAR YIN ZHE NA, YAN LAG CAN CHOS CAN DU BYAS PA'I TSE NA, YAN LAG CAN CHOS CAN GYI NGO BO DANG CHA MED CHOS CAN GYI KHYAD PAR YIN LA, DE LA MNGON SUM MIN PA NYID DU THAL BA'I PHYIR RO, ,ZHES GNOD BYED GSUNGS SHING, DE'I DON YANG, YAN LAG CAN BUM PA CHOS CAN, MNGON SUM GYIS NGES SHES 'DREN NUS KYI TSUL GYIS MTHONG BA MA YIN PAR THAL, CHA MED YIN PA'I PHYIR, 'DOD NA, MNGON SUM GYIS RTOGS PAS BSAL, DE LTAR THAL BA LAS, CHOS CAN, CHA MED MA YIN TE, DBANG PO'I MNGON SUM GYIS RTOGS PA'I PHYIR ZHES PA STE, THAL RANG DES RIM PA BZHIN DU KHAS BLANGS DANG @155A *, ,RJES DPAG GIS GNOD TSUL BSTAN TO, ,BUM PA CHA MED YIN PA'I DON LA MNGON SUM GYIS KYANG GNOD DE, BUM PA CHA BCAS YIN PA'I DON MNGON SUM GYIS GRUB PA'I PHYIR, YAN LAG CAN BUM PA CHA MED YIN PAR DAM BCAS PA LA RANG TSIG GIS KYANG GNOD DE, YAN LAG CAN ZHES YAN LAG YOD PAR DAM BCAS PA'I SHUGS LA CHA BCAS SU KHAS BLANGS SHING, DNGOS SU CHA MED YIN PAR DAM BCAS PA'I PHYIR, YAN LAG CHOS CAN DU BYAS PA'I TSE YAN LAG CHOS CAN GYI NGO BO DANG MNGON SUM GYIS MTHONG MI RUNG CHOS CAN GYI KHYAD PAR YIN LA, DE LA MNGON SUM MIN PA NYID DU THAL BA'I PHYIR RO ZHES GNOD BYED GSUNGS SHING, DE'I DON NI YAN LAG CAN BUM PA LTA BU DE MNGON SUM GYIS MTHONG RUNG BA YIN PAR THAL LO, ,YAN LAG BUM PA'I GZUGS SOGS KYI RDUL MNGON SUM GYIS MTHONG RUNG MA YIN PA'I PHYIR ZHES PA'O, ,'O NA KHYOD RANG LTAR NA YANG BUM PA MNGON SUM GYIS MTHONG RUNG MA YIN PAR THAL, BUM PA'I GZUGS RDUL MNGON SUM GYIS MTHONG RUNG MA YIN PA'I PHYIR, MA GRUB NA, BUM PA'I GZUGS RDUL CHOS CAN, MNGON SUM GYIS MTHONG RUNG MA YIN PAR THAL, RDUL PHRAN YIN PA'I PHYIR, KHYAB PA KHAS BLANGS TE, DBANG YUL DE PHYIR RDUL PHRAN MIN, ,ZHES BSHAD PA'I PHYIR ZHE NA, SKYON MED DE, RDUL PHRAN YIN NA DBANG SHES KYIS NGES SHES 'DREN NUS KYI YUL MA YIN PAR BSTAN GYI, DBANG SHES KYI YUL MA YIN PAR MA BSTAN PA'I PHYIR, DE LTA MIN NA, RTEN MTHONG MED PAR GANG LAS RTOGS, ,ZHES PA'I DON DANG 'GAL BAR 'GYUR RO, ,CHOS CAN GYI NGO BO LA GNOD PA'I DAM BCA' LTAR SNANG LA GNOD TSUL NI, SLOB DPON GYIS, RDZAS NI YOD PA MIN TE, YON TAN DANG RDZAS DAG RDZAS DANG RDZAS MIN PAR @155B THAL BA'I PHYIR RO, ,ZHES RDZAS RDZAS MIN PA DANG, YON TAN RDZAS SU THAL BA'I SGO NAS GNOD BYED BRJOD LA, DE YANG RDZAS KYI RANG LDOG TZAM 'GOG PA MIN GYI DON LDOG 'GOG PA YIN TE, BYE BRAG PAS YON TAN DON GZHAN GYI RTEN BYED PA DE RDZAS KYI MTSAN NYID DU KHAS BLANGS PA LA, 'O NA RDZAS BUM PA LTA BU CHOS CAN, RANG GI YON TAN DANG 'BREL MED DU THAL, DE DANG BDAG GCIG TU YANG MA 'BREL, DE BYUNG DU YANG MA 'BREL BA'I PHYIR, RTAGS DANG PO KHAS BLANGS TE, DE DANG RDZAS GZHAN DU KHAS BLANGS PA'I PHYIR, GNYIS PA KHAS BLANGS TE, DE DANG DUS MNYAM DU KHAS BLANGS PA'I PHYIR, 'DOD NA, DE DANG RTEN DANG BRTAN PA MA YIN PAR THAL, DE DANG 'BREL MED THA DAD YIN PA'I PHYIR, 'DOD NA, CHOS CAN, RDZAS MA YIN PAR THAL, YON TAN DON GZHAN GYI RTEN MA YIN PA'I PHYIR, ZHES PAS KHAS BLANGS KYIS GNOD TSUL BSTAN TO, ,DE LTAR THAL BA LAS, CHOS CAN, RANG GI YON TAN GYI DUS MNYAM PA'I RTEN DON GZHAN YIN TE, DE DANG 'BREL PA GRUB PA'I PHYIR, ZHES PA 'DIS RJES DPAG GIS GNOD PAR BSTAN TO, ,CHOS CAN, RANG GI YON TAN GYI DUS MNYAM PA'I RTEN DON GZHAN YIN PA LA MNGON SUM GYIS GNOD DE, DE YIN NA MNGON SUM GYIS MTHONG DGOS PA LAS MA MTHONG BA'I PHYIR, RANG GI YON TAN GYI RTEN DON GZHAN YIN PA LA RANG TSIG GIS KYANG GNOD DE, DE DANG RTEN DANG BRTEN PAR KHAS BLANGS PAS 'BREL PA GRUB PAR KHAS BLANGS, DUS MNYAM RDZAS GZHAN DU KHAS BLANGS PAS 'BREL MED DU KHAS BLANGS PA'I PHYIR, RANG GI YON TAN GYI RTEN DON GZHAN DU KHAS BLANGS PA LA GRAGS PAS KYANG GNOD DE, BYE BRAG PAS SGRA RTOG DNGOS DBANG GIS 'JUG PA'I RGYU MTSAN GYIS, RANG GI YON TAN DANG DUS MNYAM RDZAS GZHAN DU KHAS BLANGS LA, DE LA SGRA RTOG 'DOD PA'I DBANG GIS @156A *, ,DON THAMS CAD LA 'JUG RUNG DU GRUB PAS GNOD PA'I PHYIR RO, ,YON TAN RDZAS SU THAL BA NI, RDZAS BUM PA DE YON TAN DON GZHAN GYI RTEN YIN PA'I RGYU MTSAN CI, BUM PA 'DI NI SNGON PO'O SNYAM PA'I BLO SKYE BA'I PHYIR ZHE NA, 'O NA SNGON PO DE YON TAN DON GZHAN GYI RTEN YIN PAR THAL, SNGON PO 'DI NI MDZES SO SNYAM PA'I BLO SKYE BA'I PHYIR, 'DOD NA, DE RDZAS SU THAL LO, ,'DOD MI NUS TE, YON TAN DANG RDZAS 'GAL BAR KHAS BLANGS PA'I PHYIR, CHOS KYI NGO BO DANG KHYAD PAR DANG CHOS CAN GYI NGO BO DANG KHYAD PAR BZHI GA LA GNOD PA'I DAM BCA' LTAR SNANG NI, NGAG THAMS CAD RDZUN PA'I DON CAN YIN NO ZHES DAM BCAS PA LTA BU YIN TE, NGAG THAMS CAD RDZUN PA'I DON CAN YIN NA, NGAG GANG GIS KYANG DON STON MI NUS LA, DE LTAR NA DON BDEN PA STON PA DANG, RDZUN PA STON PA MI SRID CING, 'DUS BYAS MI RTAG PA DANG RTAG PAR SMRA BA'I TSIG LA SOGS PA MI SRID DGOS PA'I PHYIR RO, ,GNYIS PA RIGS PA CAN PA'I BSGRUB BYA DGAG PA LA GSUM, MTSAN NYID DGAG PA DANG, MTSAN GZHI LA BTAGS NAS DGAG PA DANG, NGES GZUNG GI SBYAR SA LA BRTAGS NAS DGAG PA'O, ,DANG PO NI, TSAD MA MDOR, BSGRUB BYA BSTAN PA ZHES BYA 'DIR, ,GRUB PA MED LA DON BCAS NYID, ,DE LTA NA NI RTAGS DANG DPE, ,MA GRUB BRJOD PA THAL BAR 'GYUR, ,ZHES GSUNGS LA, DE'I DON, RIGS PA CAN PA NA RE, BSGRUB PAR BYA BA BSTAN PAR BYA BA DE BSGRUB BYA'I MTSAN NYID YIN NO ZHE NA, 'O NA DPE RTAGS MA GRUB PA CHOS CAN, BSGRUB BYA YIN PAR THAL, BSGRUB PAR BYA BA BSTAN PAR BYA BA YIN PA'I PHYIR TE, MA 'ONGS PA NA BSGRUB BYAR BSTAN PAR BYA BA YIN PA'I PHYIR, KHYAB STE, BSTAN BYA BA DE DUS GSUM GA LA 'JUG PA'I YUL CAN YIN PA'I PHYIR, 'O NA DPE RTAGS MA GRUB PA JI LTA BU ZHE NA, DPYOD @156B PA PA DANG GRANGS CAN GYI NGOR, SGRA CHOS CAN, MI RTAG STE, BYAS PA'I PHYIR, DPER NA BUM PA BZHIN ZHES BKOD PA'I TSE NA, SGRA BYAS PA DPYOD PA PA LA MA GRUB, DPE BUM PA MI RTAG PA GRANGS CAN LA MA GRUB PA LTA BU'O, ,YANG NA SGRA CHOS CAN, RTAG STE, MIG GIS GZUNG BYA YIN PA'I PHYIR, DPER NA BLO BZHIN ZHES PA LTA BU'O, ,DE LTAR 'PHANGS PA LA KHO NA RE, DPE RTAGS MA GRUB PA BSGRUB BYAR THAL BA'I SKYON MED DE, LAS LA BYED PA PO'I RKYEN YOD PAS LAS DE BYED PA PO'I 'DOD PHUGS DAM PA YIN LA, DPE RTAGS MA GRUB PA LA BSGRUB PAR BYA BAS KHYAB KYANG RGOL BA'I 'DOD PHUGS DAM PA MA YIN TE, DPER NA 'O MAS 'BRAS CHAN TSOS ZHES BRJOD PA'I TSE, 'O MA LA ZA BA'I BYA BAS KHYAB KYANG 'O MA DE BYED PA POR BRJOD PAS, 'O MA DE BYED PA PO'I 'DOD PHUGS DAM PA MA YIN GYI, 'BRAS CHAN BYED PA PO'I 'DOD PHUGS DAM PA YIN PA BZHIN NO, ,DES NA DPE RTAGS MA GRUB PA BSGRUB BYAR THAL BA'I SKYON MED DE, DE RGOL BA'I 'DOD PHUGS DAM PA MA YIN PA'I PHYIR TE, DE SGRUB BYED DU BKOD BZHIN PA TZAM YIN PA'I PHYIR, GZHAN YANG, DPE RTAGS MA GRUB PA BSGRUB BYAR THAL BA'I SKYON MED DE, DE BSGRUB PAR BYA BA BSTAN PAR BYA BA MA YIN PA'I PHYIR TE, DE RJOD PA SGRUB NGAG YAN LAG LNGA'I NANG NAS DAM BCA'I YAN LAG MA YIN PA'I PHYIR TE, DE SGRUB BYED DU BKOD BZHIN PA TZAM YIN PA'I PHYIR, SNGA MA LA KHYAB PA YOD DE, BSGRUB PAR BYA BA BSTAN PAR BYA BA YIN NA, DE RJOD PA SGRUB NGAG YAN LAG LNGA'I NANG NAS DAM BCA'I YAN LAG YIN DGOS PA'I PHYIR, GZHAN YANG, DPE RTAGS MA GRUB PA DAM BCAR THAL BA'I SKYON MED DE, DE GRUB MTHA' BZHI'I NANG NAS KHAS BLANGS PA'I GRUB MTHA' MA YIN PA'I PHYIR TE, SGRUB BYED DU BKOD BZHIN PA TZAM YIN PA'I PHYIR, SNGA MA LA KHYAB PA YOD DE, RTZOD @157A *, ,GZHI'I STENG DU KHYAD PAR GYI CHOS KHAS BLANGS NAS DPYAD PA BYED PA DE KHAS BLANGS KYI GRUB MTHA'I MTSAN NYID YIN PA'I PHYIR, GRUB MTHA' BZHI PO GANG ZHE NA, RGYUD THAMS CAD PA'I GRUB MTHA', RGYUD SO SO'I GRUB MTHA', SKABS KYI GRUB MTHA' KHAS BLANGS PA'I GRUB MTHA', ,DANG PO NI, GZHAL BYA'I DON CAN GYI TSAD MA DAG YOD DO CES DAM BCAS PA LTA BU STE, GZHAL BYA'I DON CAN GYI TSAD MA YOD PAR GRUB MTHA' SMRA BA THAMS CAD KYIS KHAS LEN PA'I PHYIR RO, ,GNYIS PA NI GANG ZAG GI BDAG YOD CES PA'AM GANG ZAG GI BDAG MED CES PA LTA BU STE, GRUB MTHA' SMRA BA SO SO'I 'DOD PA YIN PA'I PHYIR, GSUM PA NI, LUS CAN MA YIN PA'I BDAG NI SHI NAS 'BRAS BU LA LONGS SPYOD CES PA LTA BU STE, BDAG KHAS BLANGS PA'I GNAS SKABS KYI 'DOD PA KHYAD PAR BA YIN PA'I PHYIR RO, ,BZHI PA NI, MA BRTAGS PAR KHYAD GZHI SGRA LTA BU'I STENG DU KHYAD CHOS MI RTAG PA LTA BU KHAS BLANGS NAS DPYOD PA LTA BU'O, ,RTZOD PA GSUM PO DE'I LAN RIM PA BZHIN, THAMS CAD RNAM 'GAS MA GRUB PHYIR, ,ZHES SOGS DANG, SNGAR MA GRUB PA'I RANG BZHIN PHYIR; ;ZHES SOGS DANG, GANG GIS KHAS BLANGS MTSAN NYID 'GYUR, ,ZHES SOGS KYIS BSTAN TO, ,GNYIS PA NI, BSGRUB PAR BYA BA BSTAN PAR BYA BA BSGRUB BYA'I MTSAN NYID YIN NA, BSGRUB BYA'I MTSAN GZHI JI LTA BU YIN, SGRA MI RTAG PAR SGRUB PA LA SKYE LDAN RTAGS SU BKOD NAS BUM PA MTHUN DPER BZUNG BA'I TSE, CHOS MI RTAG PA BSGRUB BYA YIN NAM, CHOS CAN SGRA BSGRUB BYA YIN NAM, CHOS CAN SGRA DANG CHOS MI RTAG PA GNYIS KA BSGRUB BYA YIN, DANG PO LTAR NA, DE 'GOG PA LA KUN LAS BTUS LAS, CHOS BSGRUB BYA NA CHOS MTHUN @157B MED; ;CES GSUNGS PA LTAR, MI RTAG PA CHOS CAN, PHYI RGOL GYIS MA GRUB PAR THAL, SGRA MI RTAG PAR SGRUB PA'I BSGRUB BYA YIN PA'I PHYIR, 'DOD NA, DE SGRUB KYI BSGRUB BYA MA GRUB PA'I SNGA ROL TU KHYOD DANG BUM PA GNYIS SKYE LDAN DU CHOS MTHUN PAR PHYI RGOL GYIS MA GRUB PAR THAL LO; ;GNYIS PA LTAR NA, DE 'GOG PA LA KUN LAS BTUS LAS, CHOS CAN BSGRUB BYA RTAGS DON MED, ,CES PA LTAR, SGRA CHOS CAN, SGRA MI RTAG PAR SGRUB PA'I BSGRUB BYA MA YIN PAR THAL, KHYOD BSGRUB PA'I PHYIR DU RTAGS BKOD PA DON MED PA'I PHYIR TE, KHYOD PHYI RGOL GYIS GRUB ZIN MA BRJOD PA'I PHYIR, GSUM PA LTAR NA, DE'I DON SGRA YANG BSGRUB BYA YIN MI RTAG PA YANG BSGRUB BYA YIN ZHES PA'I DON YIN NAM, SGRA DANG MI RTAG PA'I TSOGS DON BSGRUB BYA YIN ZHES PA'I DON YIN, DANG PO LTAR NA KUN LAS BTUS KYI 'GREL PAR, CI STE GNYIS KA YIN NA GNYIS KA'I SKYON DU 'GYUR ZHES GSUNGS PA LTAR, CHOS BSGRUB BYA NA CHOS MTHUN MED,, CES DANG, CHOS CAN BSGRUB BYA RTAGS DON MED, ,CES PA'I SKYON DU 'GYUR RO, ,GNYIS PA LTAR NA, DE NYID 'GOG TSUL KUN LAS BTUS LAS MA GSUNGS PAS, 'DIR KHA BSKANGS NAS DGAG PAR BYA BA YIN LA, DE KUN LAS BTUS LAS MI GSUNG PA'I RGYU MTSAN YANG, RIGS PA CAN PA'I DPE RTAGS KYI MTSAN NYID DANG KHAS BLANGS NANG 'GAL BAS KHAS BLANGS 'GAL BA SKYON DU 'GYUR BA RTOGS SLA BA LA DGONGS PA'I PHYIR RO, ,'O NA CHOS DANG CHOS CAN GYI TSOGS DON BSGRUB BYA YIN PA LA SKYON CI YOD CE NA, CHOS BSGRUB BYA YIN PA DANG CHOS CAN BSGRUB BYA YIN PA LA SKYON YOD PAR MA ZAD, CHOS DANG CHOS CAN GYI TSOGS DON BSGRUB BYA YIN PA LA YANG KHAS BLANGS 'GAL BA'I SKYON YOD DO, ,JI LTAR YOD NA SGRA DANG MI RTAG PA PHAN TSUN KHYAD PAR @158A *, ,CAN DU BYAS PA BSGRUB BYAR THAL, SGRA DANG MI RTAG PA'I TSOGS DON BSGRUB BYA YIN PA'I PHYIR, 'DOD NA, DPE DANG CHOS MTHUN PAS BSGRUB BYA SGRUB PAR BYED PA DE RTAGS YANG DAG GI MTSAN NYID MA YIN PAR THAL, MI RTAG PAS KHYAD PAR DU BYAS PA'I SGRA BSGRUB BYA YIN PA'I PHYIR, RTAGS KHAS BLANGS, DE'I KHYAB 'BREL NI, SGRA CHOS CAN, MI RTAG STE, SKYE LDAN YIN PA'I PHYIR, DPER NA BUM PA BZHIN ZHES BKOD PA'I TSE NA, SKYE LDAN CHOS CAN, MI RTAG PAS KHYAD PAR DU BYAS PA'I SGRA DE PHYI RGOL GYIS MA GRUB PAR THAL; DE BSGRUB BYA YIN PA'I PHYIR, 'DOD NA, MI RTAG PAS KHYAD PAR DU BYAS PA'I SGRA DANG BUM PA GNYIS KHYOD DU CHOS MTHUN PAR PHYI RGOL GYIS MA GRUB PAR THAL LO, ,'DOD NA, DE DANG BUM PA GNYIS KHYOD DU CHOS MTHUN PA'I SGO NAS SGRA MI RTAG PAR SGRUB PA'I SGRUB BYED MA YIN PAR THAL LO, ,'DOD NA ,KHYOD SGRA MI RTAG PAR SGRUB PA'I RTAGS YANG DAG MA YIN PAR THAL LO, ,MA KHYAB NA, DPE DANG CHOS MTHUN PAS BSGRUB BYA SGRUB PAR BYED PA DE RTAGS YANG DAG GI MTSAN NYID YIN PAR 'GAL LO, ,GZHAN YANG, BSGRUB PAR BYA BA DANG CHOS MTHUN PAS DE'I CHOS YOD PA CAN DE MTHUN DPE'I MTSAN NYID MA YIN PAR THAL, MI RTAG PAS KHYAD PAR DU BYAS PA'I SGRA BSGRUB BYA YIN PA'I PHYIR, DE'I KHYAB 'BREL NI, DE LTAR BKOD PA'I TSE NA BUM PA CHOS CAN, MI RTAG PAS KHYAD PAR DU BYAS PA'I SGRA DE PHYI RGOL GYIS MA GRUB PAR THAL, DE BSGRUB BYA YIN PA'I PHYIR, 'DOD NA, KHYOD DANG MI RTAG PAS KHYAD PAR DU BYAS PA'I SGRA GNYIS SKYE LDAN DU CHOS MTHUN PAR PHYI RGOL GYIS MA GRUB PAR THAL LO, ,'DOD NA, KHYOD DANG DE SKYE LDAN DU CHOS MTHUN PA'I SGO NAS SKYE LDAN YOD PA CAN MA @158B YIN PAR THAL, MI RTAG PAS KHYAD PAR DU BYAS PA'I SGRA DE DE SGRUB KYI BSGRUB BYA YIN PA GANG ZHIG ,'DOD PA DE'I PHYIR, 'DOD NA, SGRA MI RTAG PAR SGRUB PA'I MTHUN DPE MA YIN PAR THAL LO, ,MA KHYAB NA, BSGRUB PAR BYA BA DANG CHOS MTHUN PAS DE'I CHOS YOD PA CAN DE DPE'I MTSAN NYID YIN PAR 'GAL LO, ,GAL TE RIGS PA CAN PA'I DPE RTAGS KYI MTSAN NYID KYI ZUR GYI BSGRUB PAR BYA BA'I SGRA DE TSOGS DON LA 'JUG NA BDEN YANG TSOGS DON LA 'JUG PA MI SRID PA'I PHYIR RO, CHOS CAN LA 'JUG PAR 'DOD DO ZHE NA, BSGRUB PAR BYA BA DANG CHOS MTHUN PAS DE'I CHOS YOD PA CAN DE, DPE'I MTSAN NYID YIN PA SOGS DPE RTAGS KYI MTSAN NYID STON BYED KYI BSTAN BCOS KYIS CI BYA STE DON MED PAR THAL, DPE RTAGS KYI MTSAN NYID LA RGOL BA RANG NYID KYIS CI RIGS PAR DPYAD NAS 'JUG PAR 'GYUR BA'I PHYIR, GZHUNG 'DI'I DON LA KHA CIG NA RE, SLOB DPON LHA DBANG BLOS, RIGS PA CAN PA'I BSGRUB PAR BYA BA BSTAN PAR BYA BA PHYOGS YIN ZHES PA'I BSGRUB BYA'I MTSAN NYID KYI ZUR GYI BSGRUB PAR BYA BA'I SGRA DE CHOS CAN LA 'JUG PAR 'DOD DO, ,ZHES DVOGS PA BSUS NAS 'GOG PA MI RIGS TE, CHOS CAN BSGRUB BYA YIN PAR 'DOD PA LA, SLOB DPON RANG NYID KYIS, CHOS CAN BSGRUB BYA RTAGS DON MED, CES SOGS KYIS BKAG ZIN PA'I PHYIR, 'ON KYANG GNOD BYED GZHAN BSTAN PA'I PHYIR DU 'DIR 'GOG NA, BSGRUB BYA'I CHOS BSGRUB BYA YIN PA'I DVOGS PA BSUS NAS KYANG CI'I PHYIR MI 'GOG ,DE NYID DVOGS PA CHANG BAS SO ZHE NA, DE YANG MI RIGS TE BSGRUB BYA'I SGRA DE CHOS CAN DANG BSGRUB BYA'I CHOS LA BTAGS MING DU 'JUG PAR MTSUNGS SHING, DNGOS MING DU MI 'JUG PAR MTSUNGS PA'I PHYIR, ZHES ZER RO, ,DE NI MI 'THAD DE, SLOB DPON LHA DBANG BLOS, BSGRUB PAR BYA BA BSTAN PAR BYA BA PHYOGS @159A *, ,YIN ZHES PA'I BSGRUB BYA'I SGRA SHES 'DOD CHOS CAN LA 'JUG PA'I DVOGS PA MA BKOD PA'I PHYIR, DES NA, RANG LUGS LA, RIGS PA CAN PA NA RE, DPE RTAGS KYI MTSAN NYID KYI ZUR GYI BSGRUB PAR BYA BA'I SGRA DE TSOGS DON LA 'JUG NA BDEN YANG, TSOGS DON LA 'JUG PA MI SRID PA'I PHYIR NA, SHES 'DOD CHOS CAN LA BSGRUB BYA'I SGRA BTAGS MING DU 'JUG STE, DPER NA KHYED RANG GI LUGS LA SHES 'DOD CHOS CAN LA PHYOGS KYI SGRA BTAGS MING DU 'JUG PA BZHIN NO ZHE NA, DE LTAR YIN NA'ANG BSGRUB PAR BYA BA DANG CHOS MTHUN PAS DE'I CHOS YOD PA CAN DE DPE'I MTSAN NYID YIN, ZHES SOGS RIGS PA CAN PA'I DPE RTAGS KYI MTSAN NYID STON BYED KYI BSTAN BCOS DON MED PAR THAL, RIGS PA CAN PA'I DPE RTAGS KYI MTSAN NYID LA MA KHYAB PA DANG KHYAB CHES PA GCOD MI NUS PAR DPE RTAGS KYI MTSAN NYID LA RGOL BA RANG NYID KYIS CI RIGS PAR DPYAD NAS 'JUG DGOS PA'I PHYIR, 'O NA MA KHYAB PA DANG KHYAB CHES PA'I SKYON GCOD MI NUS PA'I RGYU MTSAN CI ZHE NA, SROG LDAN CHOS CAN, GSON LUS DANG MTHUN DPE GNYIS KHYOD DU CHOS MTHUN PA'I SGO NAS, GSON LUS BDAG BCAS SU SGRUB BYED YIN PAR THAL, KHYOD GSON LUS BDAG BCAS SU SGRUB PA'I RTAGS YANG DAG YIN PA'I PHYIR, RTAGS KHYAB KHAS, 'DOD NA, DE SGRUB KYI MTHUN PHYOGS LA RJES SU MI 'GRO BA'I LDOG PA RKYANG PA CAN GYI RTAGS YANG DAG YIN PAR 'GAL LO, ,GZHAN YANG, SGRA MI RTAG PAR SGRUB PA LA SKYE LDAN RTAGS SU BKOD NAS BUM PA MTHUN DPER BZUNG BA'I TSE NA, BUM PA CHOS CAN, DE SGRUB KYI MTHUN DPE YIN PAR THAL, KHYOD SGRA DANG SKYE LDAN DU CHOS MTHUN PA'I SGO NAS SKYE LDAN YOD PA CAN YIN PA'I PHYIR, KHYAB RTAGS KHAS BLANGS, 'DOD NA, KHYOD SGRA RTAG PAR SGRUB PA'I MTHUN DPE YIN @159B PAR THAL, KHYOD SGRA DANG SKYE LDAN DU CHOS MTHUN PA'I SGO NAS SKYE LDAN YOD PA CAN YIN PA'I PHYIR, 'DOD NA, SGRA RTAG PAR SGRUB PA'I MTHUN DPE YIN NA SGRA MI RTAG PAR SGRUB PA'I MTHUN DPE YIN DGOS PAR 'GAL LO, ,GAL TE MTHUN DPE YIN NA RTAGS CHOS GNYIS KA RU CHOS MTHUN PA ZHIG DGOS PAS SKYON MED DO ZHE NA, BUM PA CHOS CAN, KHYOD SGRA DANG MI RTAG PAR CHOS MTHUN PAR PHYI RGOL GYIS GRUB PAR THAL, KHYOD SKYE LDAN GYI RTAGS KYIS SGRA MI RTAG PAR SGRUB PA'I MTHUN DPE YANG DAG YIN PA'I PHYIR, 'DOD NA, PHYI RGOL GYIS SGRA MI RTAG PAR GRUB PAR THAL LO, , 'DOD NA, SGRA MI RTAG PAR BSGRUB PA'I PHYIR DU RTAGS BKOD PA DON MED PAR THAL LO, ,GSUM PA NI, TSAD MA MDOR, SNGAR NGES GZUNG NA DON MED 'GYUR, ,CIG SHOS LTAR NA MI 'DOD 'GYUR, ,ZHES PA'I DON LA KHA CIG GIS, ,RIGS PA CAN PA NA RE, DPE RTAGS MA GRUB PA BSGRUB BYA YIN PA GCAD PA'I PHYIR DU NGES GZUNG GI TSIG SMOS PAS, DPE RTAGS MA GRUB PA BSGRUB BYAR THAL BA'I SKYON MED DO ZHES PA'I DVOGS PA BKOD NAS, DE'I LAN LA DPE RTAGS MA GRUB PA BSGRUB BYA YIN PA GCAD PA'I PHYIR DU NGES GZUNG GI TSIG SMOS NA, BSGRUB PAR BYA BA BSTAN PAR BYA BA KHO NA PHYOGS YIN ZHES SMOS SAM, BSGRUB PAR BYA BA BSTAN PAR BYA BA PHYOGS YIN PA KHO NA ZHES NGES GZUNG GI TSIG SMOS, DANG PO LTAR NA, GRUB ZIN BSGRUB BYA YIN PA GCAD PA'I PHYIR DU SMOS SAM, DPE RTAGS MA GRUB PA BSGRUB BYA YIN PA GCAD PA'I PHYIR DU SMOS, DANG PO LTAR NA, SGRUB BYED BSTAN PA'I SHUGS NYID LAS, ,DON DE BSGRUB BYA NYID DU RTOGS, ,ZHES PAS 'GOG ,GNYIS PA LTAR NA, GTAN TSIGS SOGS MTSAN GYIS KHYAB PHYIR, ,SGRUB PAR BYED LA DVOGS PA'ANG MED, ,CES PAS 'GOG PA YIN ZHES ZER BA MI 'THAD DE, RIGS PA CAN PAS DPE RTAGS MA GRUB PA BSGRUB @160A *, ,BYA YIN PA GCAD PA'I PHYIR DU NGES GZUNG SMOS PAS, DPE RTAGS MA GRUB PA BSGRUB BYAR THAL BA'I SKYON MED CES SMRA BA LA, 'O NA DE LTAR SMOS NA BSGRUB BYA'I MTSAN NYID KYI ZUR DU SMOS SAM, MTSON BYA'I ZUR DU SMOS ZHES PA'I DRI BA LA, RIGS PA CAN PAS DPE RTAGS MA GRUB PA BSGRUB BYA YIN PA GCAD PA'I PHYIR DU NGES GZUNG GI TSIG SMOS PAS, DPE RTAGS MA GRUB PA BSGRUB BYAR THAL BA'I SKYON MED CES PA LA, DPE RTAGS MA GRUB PA BSGRUB BYA YIN PA GCAD PHYIR DU NGES GZUNG SMOS NA, GRUB ZIN BSGRUB BYA YIN PA GCAD PA'I PHYIR DU NGES GZUNG SMOS SAM, DPE RTAGS MA GRUB PA BSGRUB BYA YIN PA GCAD PA'I PHYIR DU NGES GZUNG SMOS ZHES 'DRI BA BLUN PO YIN PA'I PHYIR RO, ,DES NA RANG LUGS LA, BSGRUB PAR BYA BA BSTAN PAR BYA BA DE, BSGRUB BYA'I MTSAN NYID YIN NA TSIG RNAMS NI NGES GZUNG GI SNYING PO CAN YIN PAS NGES GZUNG SMOS DGOS LA, DE LTAR NA BSTAN BYA BA'I SNGAR SMOS SAM, BSTAN BYA BA'I MJUG TU SMOS, DANG PO LTAR NA GRUB ZIN BSGRUB BYA YIN PA GCAD PA'I PHYIR DU NGES GZUNG SMOS SAM, SGRUB BYED BSGRUB BYA YIN PA GCAD PA'I PHYIR DU SMOS, DANG PO LTAR NA, GRUB ZIN BSGRUB BYA YIN PA GCAD PA'I PHYIR DU BSGRUB BYA'I MTSAN NYID KYI ZUR DU NGES GZUNG SMOS PA DON MED PAR THAL, SGRUB BYED DPE RTAGS KYI MTSAN NYID BSTAN PA'I SHUGS NYID LAS GRUB ZIN BSGRUB BYA MA YIN PAR RTOGS NUS PA'I PHYIR, RTAGS MA GRUB NA, DPE DANG CHOS MTHUN PAS BSGRUB BYA SGRUB PAR BYED PA DE RTAGS YANG DAG GI MTSAN NYID YIN PA 'BUD, GNYIS PA LTAR NA, SGRUB BYED BSGRUB BYA YIN PA NGES GZUNG GI TSIG GIS GCAD DGOS PA MED PAR THAL, SGRUB BYED BSGRUB BYA MIN PAR RIGS PA CAN PA'I DPE RTAGS KYI MTSAN NYID KYIS 'PHANGS ZIN PA'I PHYIR, RTAGS @160B SNGAR KHAS BLANGS SO, ,'O NA KHYED RANG GI LUGS LA YANG GRUB ZIN BSGRUB BYA YIN PA GCAD PA'I PHYIR DU NGO BO ZHES SMOS PA DON MED PAR THAL, SGRUB BYED GTAN TSIGS KYI MTSAN NYID BSTAN PA'I SHUGS NYID LAS GRUB ZIN BSGRUB BYA MA YIN PAR RTOGS NUS PA'I PHYIR ZHE NA, DE'I LAN LA KHA CIG ,NGO BO ZHES PA'I TSIG DE GRUB ZIN BSGRUB BYA YIN PA GCAD PA'I PHYIR DU SMOS PA MA YIN TE, SGRUB BYED DPE RTAGS KYI MTSAN NYID BSTAN PA'I SHUGS LAS GRUB ZIN BSGRUB YA MA YIN PAR RTOGS NUS PA'I PHYIR, 'O NA GANG GI CHED DU NGO BO ZHES PA'I CHOG SMOS SHE NA, DPE RTAGS MA GRUB PA BSGRUB BYA YIN PA GCAD PA'I PHYIR DU NGO BO KHO NA ZHES SMOS PA YIN NO ZHE NA, DPE RTAGS MA GRUB PA BSGRUB BYA YIN PA GCAD PA'I PHYIR DU NGO BO KHO NA ZHES SMOS PA MI RIGS PAR THAL, DPE RTAGS KYI MTSAN NYID BSTAN PA'I SHUGS LAS DPE RTAGS MA GRUB PA BSGRUB BYA MA YIN PAR RTOGS NUS PA'I PHYIR, 'KHOR GSUM, RANG LUGS LA, KHO'I THAL 'GYUR DE'I RTAGS LA LAN 'DEBS PA YIN NO, ,` GNYIS PA DNGOS KYI BSTAN BYA GTAN TSIGS KYI RAB DBYE BSHAD PA LA GNYIS, PHYOGS CHOS CAN DGU NGOS BZUNG BA DANG, DE'I DGOS PA DNGOS SO, ,DANG PO NI, RTAG DANG MI RTAG RTZOL BYUNG DANG, ,BAR DU RTAG PA GSUM DAG DANG, ,RTZOL BYUNG MIN DANG MI RTAG RTAG ,CES DANG, GZHAL BYA BYAS DANG MI RTAG DANG, ,BYAS DANG MNYAN BYA RTZOL LAS BYUNG, ,MI RTAG RTZOL BYUNG REG MIN PA, ,DGU PO 'DI NI RTAGS SOGS LA, ,ZHES GSUNGS PA LTAR, SGRA CHOS CAN, RTAG STE, GZHAL BYA YIN PA'I PHYIR DANG, MI RTAG STE, BYAS PA'I PHYIR DANG, RTZOL BYUNG YIN TE, MI RTAG PA'I PHYIR, ZHES PA GSUM NI MTHUN PHYOGS LA KHYAB BYED DU YOD PA DANG, DUNG SGRA CHOS CAN, RTAG STE, BYAS PA'I PHYIR DANG, RTAG STE, MNYAN BYA YIN PA'I PHYIR DANG, RTAG STE, RTZOL BYUNG YIN PA'I @161A *, ,PHYIR, ZHES PA GSUM NI MTHUN PHYOGS LA KHYAB BYED DU MED PA DANG, DUNG SGRA CHOS CAN, RTZOL BYUNG MA YIN TE, MI RTAG PA'I PHYIR DANG, MI RTAG STE, RTZOL BYUNG YIN PA'I PHYIR DANG, RTAG STE, REG BYA CAN MA YIN PA'I PHYIR, ZHES PA GSUM NI MTHUN PHYOGS LA CHA GNYIS SU 'JUG PA YIN LA, DE BZHIN DU GSUM TSAN GSUM GYI DANG PO GSUM NI MI MTHUN PHYOGS LA KHYAB BYED DU YOD PA DANG, BAR PA GSUM NI MI MTHUN PHYOGS LA KHYAB BYED DU MED PA DANG, THAM GSUM NI MI MTHUN PHYOGS LA CHA GNYIS SU 'JUG PA STE, DE SKAD DU'ANG, PHYOGS CHOS MTHUN PHYOGS YOD MED DANG, ,RNAM GNYIS RE RE DAG LA YANG, ,RNAM GSUM MI MTHUN PHYOGS LA YANG, ,YOD MED RNAM PA GNYIS PHYIR RO, ,ZHES GSUNGS SO, ,MNYAN BYA SGRA RTAG PAR SGRUB PA'I MTHUN PHYOGS MI MTHUN PHYOGS GNYIS KA LA MED PAR BSTAN PA NI, RANG PHYOGS CHOS CAN DU SONG BA'I PHYI RGOL GYIS MTHUN PHYOGS LA'ANG MA GRUB, MI MTHUN PHYOGS LA YANG MA GRUB PA TZAM LA DGONGS KYI MI MTHUN PHYOGS LA GTAN NAS MED PA MIN TE, MNYAN BYA YIN NA MI RTAG PA YIN PAR TSAD MAS GRUB PA'I PHYIR RO, ,DE SKAD DU'ANG, MA MTHONG BA TZAM LA BRTEN NAS, , LDOG PA'ANG 'BA' ZHIG CAN DU BSHAD, ,CES GSUNGS PA LTA BU'O, ,'DIR REG BYA CAN MA YIN PA SGRA RTAG PAR SGRUB PA'I MTHUN PHYOGS MI MTHUN PHYOGS GNYIS KA LA CHA GNYIS SU 'JUG PAR BSTAN PA NI, BYE BRAG PA'I BLO NGO LA LTOS NAS BZHAG PA YIN TE, BYE BRAG PAS NAM MKHA' LTA BU RTAG CING REG BYA CAN MA YIN PA DANG, 'BYUNG BZHI'I RDUL PHRAN RTAG PA DANG REG BYA CAN YIN PAR 'DOD PA'I PHYIR RO, ,DON LA MTHUN PHYOGS LA CHA GNYIS SU 'JUG PA MA YIN TE, RTAG PA YIN NA REG BYA CAN MA YIN PAS KHYAB PA'I PHYIR RO, ,LUS CAN MA YIN PA RTAGS @161B SU BYAS NAS BYE BRAG PA'I NGOR SGRA RTAG PAR SGRUB PA'I MTHUN PHYOGS LA CHA GNYIS SU 'JUG PAR 'DOD PA MI 'THAD DE, BYE BRAG PA'I LUGS LA'ANG 'BYUNG BZHI'I RDUL PHRAN LUS CAN MA YIN PA'I PHYIR TE, BYE BRAG PA'I LUGS LA 'BYUNG BZHI'I RDUL PHRAN RDZAS YIN ZHING LUS CAN YON TAN YIN LA YON TAN YIN NA RDZAS YIN PAR 'GAL BA KHAS LEN PA'I PHYIR RO, ,GAL TE DUNG SGRA'I STENG DU MI RTAG PA NGES SLA LA RTZOL BYUNG NGES DKA' BAR THAL, MI RTAG PA DE DUNG SGRA RTZOL BYUNG DU SGRUB PA'I PHYOGS CHOS YIN PA'I PHYIR, RTAGS KHAS, 'DOD NA, DUNG SGRA'I STENG DU RTZOL BYUNG NGES SLA LA MI RTAG PA NGES DKA' BAR THAL, RTZOL BYUNG DE DUNG SGRA MI RTAG PAR SGRUB PA'I RTAGS YANG DAG YIN PA'I PHYIR, RTAG BSAL KHAS, KHYAB PA YOD DE, SGRUB BYED NGES PA'I 'OG TU BSGRUB BYA NGES DGOS PA'I PHYIR ZHE NA, SKYON MED DE, PHYI RGOL GCIG GI NGOR RTAGS DE GNYIS KAR BKOD PA YIN NA BDEN YANG PHYI RGOL SO SO'I NGOR 'GOD PA YIN LA, PHYI RGOL KHA CIG GIS DUNG SGRA MI RTAG PAR NGES NAS RTZOL BYUNG DU MA NGES PA DANG, LA LAS DUNG SGRA RTZOL BYUNG DU NGES NAS MI RTAG PAR MA NGES PA SRID PA'I PHYIR RO, ,GNYIS PA NI 'BRAS RANG GI RJES SU 'GRO LDOG 'BREL PA GRUB PA'I DBANG GIS NGES PA YIN NO ZHES RTOGS PA'I PHYIR DU 'BRAS RANG GI SBYOR BA GNYIS GSUNGS SHING, DE LTA MA YIN PAR RJES SU 'GRO LDOG 'DOD PA TZAM GYIS GRUB NA 'GAL RTAGS 'DI DAG KYANG RTAGS YANG DAG TU 'GYUR DGOS NA YANG, 'DI DAG RNAM PA THAMS CAD DU KHYAB PA 'KHRUL PA YIN PAS, RJES SU 'GRO LDOG GI KHYAB PA NGES PA 'BREL PA GRUB PA LA RAG LAS PA YIN NO ZHES RTOGS PA'I PHYIR DU 'GAL RTAGS GNYIS SMOS LA, 'BRAS RANG GNYIS KYI LDOG KHYAB DNGOS PO'I DBANG GIS GRUB PAR BSTAN PA'I SHUGS LA RGYU KHYAB BYED MA DMIGS PA GNYIS RTAGS YANG @162A *, ,DAG YIN PAR BDE BLAG TU GRUB PAR 'GYUR BAS, RTAGS YANG DAG GI MTSAN GZHI LA 'BRAS RANG MA DMIGS PA GSUM DU GRANGS NGES PAR BSGRUB PA'I PHYIR DU PHYOGS CHOS CAN BZHI PO DE GSUNGS SO, ,LDOG PA RKYANG PA CAN DANG RJES 'GRO RKYANG PA CAN GYI RTAGS YANG DAG YOD PA DGAG PA'I PHYIR DU RJES SU 'GRO LDOG PHAN TSUN MI 'KHRUL BAR BSGRUBS SHING, DE YANG PHYOGS CHOS CAN GZHIR BYAS NAS BSGRUBS PAS RTAGS YANG DAG TU MTSON PA'I MTSAN NYID KYI TSUL DE LA GSUM DU GRANGS NGES PAR BSGRUB PA'I PHYIR PHYOGS CHOS CAN GNYIS GSUNGS LA, DE YANG LDOG PA RKYANG PA CAN GYI RTAGS YANG DAG YOD NA, MNYAN BYA YANG SGRA RTAG PAR SGRUB PA'I RTAGS YANG DAG TU 'GYUR BA LAS, LDOG PA RKYANG PA CAN DU 'DOD PA'I RTAGS THAMS CAD MNYAN BYA DANG LDOG KHYAB 'KHRUL BAR MTSUNGS SO ZHES RTOGS PA'I PHYIR DU MNYAN BYA SMOS LA, RJES 'GRO RKYANG PA CAN GYI RTAGS YANG DAG YOD NA, GZHAL BYA YANG SGRA RTAG PAR SGRUB PA'I RTAGS YANG DAG TU 'GYUR DGOS PA LAS, RJES 'GRO RKYANG PA CAN DU 'DOD PA'I RTAGS THAMS CAD GZHAL BYA DANG RJES 'GRO 'KHRUL BAR MTSUNGS SO ZHES RTOGS PA'I PHYIR DU GZHAL BYA SMOS PA YIN NO, ,MTHUN PHYOGS LA RJES SU 'GRO BA TZAM DANG RJES 'GRO GTZO BOR GRUB PA TZAM DANG RJES SU 'GRO LDOG CHA MNYAM PA TZAM GYIS BSGRUB BYA GO BAR BYED PA MIN GYI, GO BYED YANG DAG YIN NA MI MTHUN PHYOGS MTHA' DAG LAS LDOG PA ZHIG DGOS PAR BSTAN PA'I SGO NAS, RTZOD GZHI'I STENG DU SKABS GYI MI MTHUN PHYOGS MTHA' DAG BCAD PA ZHIG BSGRUB BYAR BYED DGOS SO ZHES RTOGS PA'I PHYIR DU PHYOGS CHOS LHAG MA GSUM SMOS LA, DE YANG MTHUN PHYOGS LA RJES SU 'GRO BA TZAM GYIS GO BYED YANG DAG TU 'GYUR NA, MI RTAG @162B PA DE DUNG SGRA RTZOL BYUNG DU SGRUB PA'I RTAGS YANG DAG TU 'GYUR RO ZHES RTOGS PA'I PHYIR DU, DUNG SGRA CHOS CAN, RTZOL BYUNG YIN TE, MI RTAG PA YIN PA'I PHYIR ZHES SMOS LA, RJES 'GRO GTZO CHE BA TZAM GYIS GO BYED YANG DAG TU 'GYUR NA, MI RTAG PA DE DUNG SGRA RTZOL MA BYUNG DU SGRUB PA'I RTAGS YANG DAG TU 'GYUR RO ZHES RTOGS PA'I PHYIR DU, DUNG SGRA CHOS CAN, RTZOL BYUNG MIN TE, MI RTAG PA'I PHYIR, ZHES SMOS SO, ,RJES SU 'GRO LDOG CHA MNYAM PA TZAM GYIS GO BYED YANG DAG TU 'GYUR NA, REG BYA CAN MA YIN PA DE SGRA RTAG PAR SGRUB PA'I RTAGS YANG DAG TU 'GYUR RO ZHES RTOGS PA'I PHYIR DU, SGRA CHOS CAN, RTAG STE, REG BYA CAN MA YIN PA'I PHYIR, ZHES SMOS PA YIN NO, ,MDOR NA RTZOD GZHI'I STENG DU SKABS KYI MI MTHUN PHYOGS MTHA' DAG BCAD PA BSGRUB BYA DANG, DE SGRUB PAR BYED PA'I RTAGS YANG DAG GI MTSAN NYID TSUL GSUM DU NGES PA DANG, MTSAN NYID DE DANG LDAN PA'I RTAGS YANG DAG GI MTSAN GZHI 'BRAS RANG MA DMIGS PA GSUM DU NGES PAR BSTAN PA'I SGO NAS, RTAGS YANG DAG DANG LTAR SNANG GI SBYOR BA 'GOD PA'I NGAG GI DBYE BA RTOGS PA'I PHYIR DU PHYOGS CHOS CAN DGU'I RAB DBYE BSTAN LA, DGOS PA DE MDOR BSTAN PA NI, RANG BZHIN 'BRAS BU GRUB DON DU, ,ZHES SOGS RKANG PA BZHES BSTAN, GZHUNG LHAG MA RNAMS KYIS DGOS PA RGYAS PAR BSHAD PA YIN NO, ,RGYAS BSHAD KYI SKABS SU, YANG DAG GNYIS SMOS PA'I DGOS PA DANG MNYAN BYA SMOS PA'I DGOS PA BSTAN NAS, LHAG MA DRUG SMOS PA'I DGOS PA DNGOS SU MA GSUNGS PA'I RGYU MTSAN NI, YANG DAG GNYIS SMOS PA'I DGOS PA DNGOS SU BSHAD PAS 'GAL RTAGS GNYIS SMOS PA'I DGOS PA SHUGS LA RTOGS PA'I PHYIR DANG, LDOG PA RKYANG PA CAN GYI RTAGS YANG DAG YOD PAR 'DOD PA DGAG PA'I PHYIR @163A *, ,DU GNYAN ? BYA SMOS PA'I DGOS PA BSHAD PA'I SKABS SU RJES SU 'GRO LDOG GI KHYAB PA PHAN TSUN MI 'KHRUL BAR SGRUB PA'I SHUGS KYIS RJES 'GRO RKYANG PA CAN GYI RTAGS YANG DAG YOD PAR 'DOD PA SOGS DGAG PA'I PHYIR DU SMOS PA'I PHYOGS CHOS CAN LHAG MA BZHI'I DGOS PA YANG BDE BLAG TU RTOGS PAR 'GYUR BAS DE DAG LA RGYAS BSHAD DNGOS SU MA GSUNGS SO, , ` GNYIS PA TSAD MA'I GZHAL BYA BSHAD PA LA GNYIS, MTSAN NYID DANG, DBYE BA'O, ,DANG PO NI, YUL DANG, SHES BYA DANG, GZHAL BYA DANG YOD NGES DANG, GZHI GRUB RNAMS DON GCIG PAS, YUL GYI MTSAN NYID, BLOS RIG PAR BYA BA, SHES BYA'I MTSAN NYID, BLO'I YUL DU BYAR RUNG BA, GZHAL BYA'I MTSAN NYID, TSAD MAS RTOGS PAR BYA BA, YOD NGES KYI MTSAN NYID, TSAD MAS DMIGS PA, GZHI GRUB KYI MTSAN NYID, TSAD MAS GRUB PA, KHA CIG NA RE, ZLA BA GNYIS SNANG GI DBANG SHES LA SNANG BA'I ZLA GNYIS CHOS CAN, YUL YIN PAR THAL, BLOS RIG BYA YIN PA'I PHYIR TE, ZLA BA GNYIS SNANG GI BLOS RIG BYA YIN PA'I PHYIR ZHE NA, CHOS CAN, BLO'I YUL YIN PAR THAL, ZLA BA GNYIS SNANG GI BLO'I YUL YIN PA'I PHYIR, 'KHOR GSUM, GAL TE YUL DANG GZHAL BYA DON MI GCIG STE, YUL CAN YIN NA TSAD MA YIN PAS MA KHYAB PA'I PHYIR ZHE NA, YUL DANG SHES BYA DON MI GCIG PAR THAL, YUL CAN YIN NA SHES PA YIN PAS MA KHYAB PA'I PHYIR RO, ,SGRA RTAG PA'I DON SPYI CHOS CAN, SGRA RTAG 'DZIN RTOG PA'I GZHAL BYA YIN PAR THAL, SGRA RTAG 'DZIN RTOG PA'I YUL YIN PA'I PHYIR, KHYAB PA KHAS, 'DOD NA, SGRA RTAG 'DZIN RTOG PA DE KHYOD LA TSAD MA YIN PAR THAL LO, ,KHYAB STE, TSAD MAS RTOGS PAR BYA BA DE GZHAL BYA'I MTSAN NYID YIN PA'I PHYIR ZHE NA, SGRA MI RTAG PA'I DON SPYI CHOS CAN, SGRA MI @163B RTAG RTOGS KYI RJES DPAG DE KHYOD LA TSAD MA YIN PAR THAL, KHYOD DE'I GZHAL BYA YIN PA'I PHYIR TE, KHYOD DE'I SNANG YUL GYI GZHAL BYA YIN PA'I PHYIR, ,GNYIS PA DBYE BA LA BRGYAD, RANG SPYI GNYIS SU DBYE BA DANG, YUL BZHIR DBYE BA DANG, MNGON LKOG GNYIS SU DBYE BA DANG, 'DUS BYAS 'DUS MA BYAS GNYIS SU DBYE BA DANG, DGAG SGRUB GNYIS SU DBYE BA DANG, SNANG SEL GNYIS SU DBYE BA DANG, SPYI DANG BYE BRAG GNYIS SU DBYE BA DANG, BDEN PA GNYIS SU DBYE BA'O, ,DANG PO LA GSUM, GZHAN LUGS DGAG PA DANG, RANG LUGS BZHAG PA DANG, RTZOD PA SPANG BA'O, ,DANG PO NI, KHA CIG NA RE, RANG MTSAN GYI MTSAN NYID, YUL DUS RANG BZHIN MA 'DRES PAR GNAS PA'I DNGOS PO, SPYI MTSAN GYI MTSAN NYID, YUL DUS THUN MONG DU RJES 'GRO BYED PA'I CHOS, YUL DUS RANG BZHIN MA 'DRES PA'I DON NI, YUL SHAR NA YOD NA NUB NA MED PAS KHYAB PA DE YUL MA 'DRES PA'I DON, SNGA DRO'I DUS NA YOD NA PHYI DRO'I DUS NA MED PAS KHYAB PA DE DUS MA 'DRES PA'I DON DANG, KHRA BO DANG RDZAS GCIG YIN NA SER SKYE DANG RDZAS GCIG MA YIN PAS KHYAB PA DE RANG BZHIN MA 'DRES PA'I DON YIN LA, BUM PA LTA BU YUL DUS RANG BZHIN 'DRES PA YIN PAS DNGOS PO YIN YANG RANG MTSAN MIN NO ZHE NA, SHES BYA CHOS CAN, YUL 'DRES PAR 'DZIN PA'I BLOS SHAR NA YOD NA NUB NA YOD PAS KHYAB PAR BZUNG BAR THAL, YUL SHAR NA YOD NA NUB NA MED PAS KHYAB PA DE YUL MA 'DRES PA'I DON YIN PA'I PHYIR, 'DOD PAR MI NUS TE, YUL 'DRES PAR 'DZIN PA'I BLOS BUM PA LTA BU'I SHAR DANG NUB PHYOGS LA REG PA NA SHAR LA REG PA DE NYID KYIS NUB LA YANG REG PAR 'DZIN PA YIN GYI, SHAR NA YOD NA NUB NA YOD PAS KHYAB PAR 'DZIN TSUL YUL 'DRES PAR 'DZIN PA'I BLO LA MED PA'I PHYIR, DE BZHIN DU DUS 'DRES PAR 'DZIN @164A *, ,PA'I BLOS SNGA DRO'I DUS NA YOD NA PHYI DRO'I DUS NA YOD PA LA KHYAB PAR BZUNG BAR THAL, SNGA DRO'I DUS NA YOD NA PHYI DRO'I DUS NA MED PAS KHYAB PA DE DUS MA 'DRES PA'I DON YIN PA'I PHYIR, RANG BZHIN 'DRES PAR 'DZIN PA'I BLOS KHRA BO DANG RDZAS GCIG YIN NA SER SKYE DANG RDZAS GCIG YIN PAS KHYAB PAR BZUNG BAR THAL, KHRA BO DANG RDZAS GCIG YIN NA SER SKYE DANG RDZAS GCIG MA YIN PAS KHYAB PA DE RANG BZHIN MA 'DRES PA'I DON YIN PA'I PHYIR, 'DOD MI NUS PAR SNGAR BZHIN SHES PAR BYA'O, ,GZHAN YANG, BUM PAS DON BYED NUS SAM MI NUS MI NUS NA DNGOS PO YIN PAR 'GAL LA, NUS NA SGRO MA BTAGS PAR DON BYED NUS SAM, RTOG PAS BTAGS PA TZAM GYIS DON BYED NUS, DANG PO LTAR NA, DON DAM PAR DON BYED NUS PAR THAL LO, ,'DOD NA, RANG MTSAN MA YIN PAR 'GAL LO, ,GNYIS PA LTAR NA, BUM PA CHOS CAN, DON BYED MI NUS PAR THAL, KHYOD KYIS DON BYED NUS PA RTOG PAS BTAGS PA TZAM YIN PA'I PHYIR, RTAGS KHAS, KHYAB PA MED NA, SA BON SOGS NI MYUG SOGS LA, ,NUS MTHONG GAL TE DE KUN RDZOB, ,'DOD NA CI STE DE LTAR 'GYUR, ,ZHES PA'I RTZOD LAN 'BREL MED DU 'GYUR RO, ,GAL TE, DON DAM DON BYED NUS PA GANG, ,ZHES DON DAM 'BUR DOD DU SMOS PA LA DGOS PA MED PAR THAL, DON BYED NUS NA DON DAM PAR YOD DGOS PA'I PHYIR ZHE NA, SKYON MED DE, DON BYED NUS PA YANG YIN DON DAM PAR MED PA YANG YIN PA'I GZHI MTHUN KHAS LEN PA MIN GYI, DBU MA PAS SA BON LAS MYU GU SKYE BA LTA BU RTOG PAS BTAGS PA TZAM YIN GYI, DON DAM PAR DON BYED NUS PA MED PAR 'DOD PA'I LOG RTOG BSAL BA'I PHYIR DU DON DAM ZHES PA'I KHYAD PAR SMOS PA'I PHYIR RO, ,KHYOD LTAR NA, DON BYED NUS PA GANG YIN PA, ,DE 'DIR DON DAM YOD PA YIN, ,ZHES GSUNGS PA DON MED @164B PAR THAL, DON BYED NUS NA DON DAM PAR YOD PAS MA KHYAB PA'I PHYIR, 'KHOR GSUM, KHA CIG ,DNGOS PO YIN NA RANG MTSAN YIN PAS KHYAB PAS BUM PA DNGOS PO MA YIN NO ZHES ZER, 'O NA DNGOS PO DE SGRA MI RTAG PAR SGRUB PA'I RTAGS YANG DAG MA YIN PAR THAL, DNGOS PO DE SGRA DANG MTHUN DPE BUM PA'I STENG DU 'GOD TSUL DANG MTHUN PAR MA GRUB PA'I PHYIR, SKYON MED DE, DON LA MA GRUB KYANG SEL NGOR GRUB PA'I PHYIR ZHE NA, 'O NA SEL NGOR GRUB NA GRUB PA'I GO CHOD DAM MI CHOD, MI CHOD NA SKYON SON GNAS LA, CHOD NA, BUM PA CHOS CAN, DNGOS PO YIN PAR THAL, SEL NGOR DNGOS PO YIN PA'I PHYIR, KHA CIG BUM PA SPYI MTSAN YIN ZHING SPYI MTSAN GZHAL BYA MIN TE, RANG GI MTSAN NYID GCIG GZHAL BYA, ZHES GSUNGS PA'I PHYIR ZHE NA, SHES BYA CHOS CAN, GZHAL BYA YIN PA MED PAR THAL, BUM PA SPYI MTSAN YIN PA GANG ZHIG ,SPYI MTSAN GZHAL BYA MA YIN PA'I PHYIR SPYI MTSAN GZHAL BYA MA YIN PAR TSAD MAS GRUB PAR THAL, SPYI MTSAN GZHAL BYA MA YIN PAR DAM BCAS PA'I DAM BCA' DE DAM BCA' YANG DAG YIN PA'I PHYIR, 'DOD NA, SPYI MTSAN GZHAL BYA MA YIN PA CHOS CAN, RANG MTSAN YIN PAR THAL, GZHAL BYA YIN PA'I PHYIR, 'KHOR GSUM GZHAN YANG SPYI MTSAN GZHAL BYA MA YIN PAR TSAD MAS GRUB NA, MNGON SUM GYIS GRUB PA MA RJES DPAG GIS GRUB, DANG PO MI 'THAD DE, MED LA DBANG SKYES BLO MIN TE, ,ZHES SOGS KYI RIGS PAS GNOD PA'I PHYIR, GNYIS PA LTAR NA SPYI MTSAN GZHAL BYA MA YIN PAR SGRUB PA'I RTAGS YANG DAG YOD PAR THAL LO, ,GZHAN YANG, BUM PA RANG RGYU'I DUS NA MED PA CHOS CAN, RANG MTSAN YIN PAR THAL, GZHAL BYA YIN PA'I PHYIR, KHYAB PA KHAS, RTAGS MA GRUB NA, RGYU 'BRAS DUS MNYAM DU 'GYUR RO, ,GZHAN YANG, RANG MTSAN PHAN TSUN 'DRES PA MED PA CHOS CAN, @165A *, ,RANG MTSAN YIN PAR THAL, GZHAL BYA YIN PA'I PHYIR, RTAGS MA GRUB NA, RANG MTSAN PHAN TSUN 'DRES PAR THAL LO, ,GNYIS PA RANG LUGS BZHAG PA LA GNYIS, MTSAN NYID DANG, GRANGS NGES SO, ,DANG PO NI, DNGOS PO THAMS CAD YUL DUS RANG BZHIN MA 'DRES PA YIN YANG, YUL DUS RANG BZHIN MA 'DRES PA TZAM RANG MTSAN GYI MTSAN NYID MA YIN TE, 'DUS MA BYAS KYI NAM MKHA' YANG YUL DUS RANG BZHIN MA 'DRES PA YIN PA'I PHYIR TE, NAM MKHA' SHAR PHYOGS KYI NAM MKHA' LA KHYAB PA'I CHA DE NUB PHYOGS KYI NAM MKHA' LA MA KHYAB, KHA SANG GI DUS KYI BUM NANG GI NAM MKHA' LA KHYAB PA'I CHA DE DE RING GI DUS KYI BUM NANG GI NAM MKHA' LA MA KHYAB, GSER BUM GYI NANG GI NAM MKHA' LA KHYAB PA'I CHA DE DNGUL BUM GYI NANG GI NAM MKHA' LA MA KHYAB PA'I PHYIR, YUL DUS RANG BZHIN MA 'DRES PA'I DNGOS PO DE YANG RANG MTSAN GYI MTSAN NYID MA YIN TE, DNGOS SMRA BAS RANG MTSAN GYI DON LDOG TU GANG KHAS BLANGS PA DE, DBU MA THAL 'GYUR BA'I LUGS LA THA SNYAD DU'ANG GZHI MA GRUB PA GANG ZHIG ,DBU MA BAS ? KYANG YUL DUS RANG BZHIN MA 'DRES PA'I DNGOS PO KHAS LEN PA'I PHYIR RO, ,'O NA YUL DUS RANG BZHIN MA 'DRES PA'I DON GANG ZHE NA, SHAR PHYOGS KYI BUM PA NUB PHYOGS NA MED PA LTA BU YUL MA 'DRES PA'I DON DANG, SNGA DRO'I DUS KYI BUM PA PHYI DRO'I DUS NA MED PA LTA BU DUS MA 'DRES PA'I DON DANG, KHRA BO'I NGO BO DE SER SKYA'I NGO BO MA YIN PA LTA BU RANG BZHIN MA 'DRES PA'I DON YIN GYI, KHRA BO'I NGO BO YIN NA SER SKYA'I NGO BO MA YIN PAS KHYAB PA DE RANG BZHIN MA 'DRES PA'I DON MA YIN TE, DE LTAR YIN NA, KHRA BO YI NI NGO BO GANG, ,DE NI SER SKYE LA YOD MIN, ,ZHES DANG, DE 'BRAS CAN MIN LAS LDOG PA, ,GNYIS KA LA YANG YOD PA YIN, ,ZHES PA'I GZHUNG SNGA @165B PHYI DON 'GAL BAR 'GYUR BA'I PHYIR RO, ,DES NA YUL 'DRES PAR 'DZIN PA'I BLOS SHAR PHYOGS KYI BUM PA NUB PHYOGS NA YOD PAR 'DZIN PA DANG DUS 'DRES PAR 'DZIN PA'I BLOS SNGA DRO'I DUS KYI PHYI DRO'I DUS NA ? YOD PAR 'DZIN PA DANG, RANG BZHIN 'DRES PAR 'DZIN PA'I BLOS KHRA BO'I NGO BO DE SER SKYA'I NGO BOR 'DZIN PA YIN GYI, KHRA BO'I NGO BO YIN NA SER SKYA'I NGO BO YIN PAS KHYAB PAR 'DZIN PA MIN NO, ,RTOG PAS SGRO MA BTAGS PAR DON RANG NGOS NAS GRUB PA DE'ANG RANG MTSAN GYI MTSAN NYID MA YIN TE, DE GZHI GCIG GI STENG DU TSAD MAS KHEGS NA DE LA BRTEN NAS GZHI GZHAN GYI STENG DU YANG TSAD MAS KHEGS DGOS LA, MDO SDE PAS KYANG, RANG MTSAN GYI MTSAN NYID DON SPYI'I STENG DU TSAD MAS KHEGS PA'I PHYIR RO, ,DES NA RANG MTSAN GYI MTSAN NYID, DON DAM PAR DON BYED NUS PA, SPYI MTSAN GYI MTSAN NYID, DON DAM PAR DON BYED MI NUS PA'I CHOS, YUL DUS THUN MONG DU RJES 'GRO BYED PA TZAM SPYI MTSAN GYI MTSAN NYID MA YIN TE, BUM PA LA SOGS PA'I RANG MTSAN RNAMS KYANG YUL DUS THUN MONG DU RJES 'GRO BYED PA'I PHYIR RO, ,GNYIS PA GRANGS NGES NI, DON BYED NUS DANG MI NUS PHYIR, ,ZHES SOGS KYIS GTAN TSIGS BZHI GSUNGS SHING, DE YANG SNGAR TSAD MA'I GRANGS NGES KYI SKABS SU BSHAD ZIN LA; 'DIR, SGRA YI YUL DANG YUL MIN PHYIR, ,ZHES GSUNGS PA DE'I RGYAS BSHAD, BRJOD BYA NYID PHYIR DE DNGOS MIN, ,ZHES PA'I DON CUNG ZAD BSHAD PA NA, RTOG PA LA GZUGS SU SNANG BA CHOS CAN, DNGOS PO MA YIN TE, RANG SNANG YUL DU BYED PA'I BLO LA JI LTAR SNANG BLTAR SGRAS BRJOD PAR BYA BA YIN PA'I PHYIR, 'O NA GZUGS CHOS CAN, DER THAL, DE'I PHYIR ZHE NA, RTAGS MA GRUB STE, GZUGS GSAL BAR SNANG BA LA GZUGS 'DZIN DBANG SHES DON MED PAR THAL, GZUGS DE RANG SNANG YUL DU BYED PA'I BLO LA JI LTAR SNANG BA LTAR SGRAS BRJOD BYA YIN PA'I PHYIR, DE'I KHYAB 'BREL NI, @166A *, ,GZUGS CHOS CAN, RANG SNANG YUL DU BYED PA'I BLO LA JI LTAR SNANG BA LTAR RTOG PAS YUL DU BYED NUS PAR THAL, RANG SNANG YUL DU BYED PA'I BLO LA JI LTAR SNANG BA LTAR SGRAS BRJOD BYA YIN PA'I PHYIR, KHYAB STE, SGRA RTOG YUL LA 'JUG YUL LA 'JUG TSUL GCIG PA'I PHYIR, 'DOD NA; RTOG PA LA GSAL BAR SNANG BAR THAL, RANG SNANG YUL DU BYED PA'I BLO LA GSAL BAR SNANG BA GANG ZHIG ,'DOD PA'I PHYIR, RTAGS DANG PO KHAS BLANGS TE, GZUGS 'DZIN DBANG SHES LA GSAL BAR SNANG BA'I PHYIR, 'DOD NA, LONG BA'I RTOG PA LA GSAL BAR SNANG BAR THAL, LONG BA'I RTOG PAS YUL DU BYED PA GANG ZHIG ,RTOG PA LA GSAL BAR SNANG BA'I PHYIR, KHYAB STE, LONG BA DANG MA LONG BA'I RTOG PA GNYIS LA RANG YUL GSAL BAR SNANG MI SNANG GI KHYAD PAR MED PA'I PHYIR, 'DOD NA, GZUGS GSAL BAR SNANG BA LA GZUGS 'DZIN DBANG SHES DON MED PAR THAL LO, ,GSUM PA RTZOD PA SPONG BA NI, GAL TE BUM PA CHOS CAN, KHYOD LAS 'BRAS BU MI 'BYUNG BAR THAL, KHYOD GSAL BA RNAMS LA THUN MONG DU RJES 'GRO BYED PA'I PHYIR, KHYAB STE, RJES 'GRO DE LAS 'BRAS MI 'BYUNG, ,ZHES GSUNGS PA'I PHYIR ZHE NA, SKYON MED DE, GZHUNG DES RJES SU 'GRO BA'I SPYI GTZO BO LAS 'BRAS BU MI 'BYUNG BAR BSTAN PA YIN GYI GSAL BA LA RJES 'GRO BYED NA, 'BRAS BU MI 'BYUNG BAR BSTAN PA MA YIN TE, DE LTAR YIN NA, GCIG DANG BRAL NA'ANG 'BRAS MED PHYIR, ,BYE BRAG RNAMS LAS DE DAG 'BYUNG, ,ZHES GSUNGS PA DANG 'GAL BAR 'GYUR BA'I PHYIR RO, ,KHA CIG ,RANG MTSAN RJOD BYED KYI SGRA'I BRJOD BYA MA YIN TE, BRJOD BYA NYID PHYIR DE DNGOS MIN, ,ZHES GSUNGS PA'I PHYIR DANG, BUM PA DNGOS PO MA YIN TE, SPYI YIN PA'I PHYIR, KHYAB STE, SPYI NI DNGOS MED NGO BO YIN, ,ZHES GSUNGS PA'I PHYIR ZHE NA, GZUGS @166B RANG MTSAN PA CHOS CAN, DNGOS PO MA YIN PAR THAL, SPYI YIN PA'I PHYIR, 'DOD NA, KHYOD SNANG YUL DU BYED PA LA GZUGS 'DZIN DBANG PO'I MNGON SUM DON MED PAR THAL LO, ,GZHAN YANG, RANG MTSAN CHOS CAN, SPYI MTSAN YIN PAR THAL, GZHI GRUB, RANG MTSAN MA YIN PA'I PHYIR, 'DOD NA, RJOD BYED KYI SGRA'I BRJOD BYA MA YIN PA NYAMS SO, ,GNYIS PA YUL BZHIR DBYE BA LA DGAG BZHAG GNYIS, DANG PO NI, KHA CIG NA RE, RTOG PA'I SNANG YUL MED DE, YOD NA, RTOG PA CHOS CAN, RANG YUL LA SNANG BA'I SGO NAS 'JUG PAR THAL, KHYOD KYI SNANG YUL YOD PA'I PHYIR, 'DOD NA, RANG YUL LA SEL 'JUG MA YIN PAR THAL LO, ,DES NA DON SPYI DE RTOG PA'I DNGOS YUL YIN GYI SNANG YUL MA YIN NO ZHE NA, CHOS CAN, RANG YUL LA DNGOS DBANG GIS 'JUG PAR THAL, KHYOD KYI DNGOS YUL YOD PA'I PHYIR, 'KHOR GSUM, KHA CIG ,DNGOS YUL DANG SNANG YUL DON GCIG CING, DNGOS YUL GYI DON NI, YUL DANG SHES PA'I BAR DU RNAM PAS MA CHOD PAR SNANG BA YIN LA, DE NI DON SPYI DANG SHES PA KHO NA YIN ZHING, DE GNYIS DNGOS YUL DU BYED PA'I SHES PA NI RTOG PA DANG RANG RIG KHO NA YIN NO, ,GZUGS 'DZIN DBANG SHES KYIS GZUGS DNGOS YUL DU BYED PA MA YIN TE, RNAM PAS BAR DU CHOD PA'I PHYIR, MA GRUB NA, SKYES BU GCIG GI GZUGS DE YID DU 'ONG MI 'ONG DU MAR THAL, DGRA GNYEN GYI MIG SHES LA YID DU 'ONG BA DANG MI 'ONG BAR SNANG BA GANG ZHIG ,MIG SHES GNYIS DANG DE'I BAR DU RNAM PAS MA CHOD PA'I PHYIR ZHE NA, SKYES BU GCIG GI GZUGS KYI RNAM PA DE YID DU 'ONG MI 'ONG DU MAR THAL, DGRA GNYEN GYI MIG SHES KYI 'DZIN RNAM LA YID DU 'ONG BA DANG MI 'ONG BAR SNANG BA GANG ZHIG ,'DZIN RNAM GNYIS DANG DE'I BAR DU RNAM PAS MA CHOD PA'I PHYIR, 'KHOR GSUM, KHA CIG ,RTOG PA YIN NA RANG MTSAN @167A *, ,ZHEN YUL DU MI BYED PAS KHYAB STE, RTOG PAS RANG MTSAN RTOGS PA MI SRID PA'I PHYIR, RTOG PA YIN NA ZHEN YUL YOD PAS KHYAB STE, RTOG PAS GZUGS SGRA SOGS LA DMIGS NAS PHYI ROL DON DU ZHEN PA'I PHYIR, ZHES ZER, 'O NA RTOG PA LA ZHEN YUL LA 'KHRUL MA 'KHRUL GYI KHYAD PAR MED PAR THAL, RTOG PA YIN NA ZHEN YUL YOD PAS KHYAB, RTOG PA YIN NA RANG MTSAN ZHEN YUL DU MI BYED PAS KHYAB PA'I PHYIR, RTAG KHAS, KHA CIG ,TSAD MA'I YUL LA GZUNG YUL DANG ZHEN YUL GNYIS SU NGES LA, SKAD CIG RE RE BA RNAMS MNGON SUM GYI GZUNG YUL YIN YANG 'JUG YUL MA YIN TE, SKYES BUS THOB PAR MI NUS PA'I PHYIR, DON SPYI RNAMS RTOG PA'I GZUNG YUL YIN YANG ZHEN YUL MA YIN TE, TSAD MA GNYIS KA DNGOS PO'I YUL CAN DU GSUNGS PA'I PHYIR, DES NA SKAD CIG DU MA MTHUD PA'I RGYUN DANG RDUL DU MA BSAGS PA'I RIGS PA TSAD MA'I ZHEN YUL MA YIN LA, RAGS RGYUN YIN NA DNGOS MED YIN PAS KHYAB BO ZHES ZER, 'O NA RDUL DU MA BSAGS PA'I SNGON PO DE SKAD CIG RE RE BA YIN NAM RAGS RGYUN YIN, DANG PO LTAR NA, DE CHOS CAN, TSAD MA'I ZHEN YUL MA YIN PAR THAL, SKAD CIG RE RE BA YIN PA'I PHYIR, 'KHOR GSUM, GNYIS PA LTAR NA, DE CHOS CAN, TSAD MA'I ZHEN YUL MA YIN PAR THAL, DNGOS MED YIN PA'I PHYIR TE, RAGS RGYUN YIN PA'I PHYIR, SNGA PHYI GNYIS KA'I 'KHOR GSUM, KHA CIG NA RE, SNGO SNANG DBANG SHES KYI RJES SU SKYES PA'I SNGON PO NGES PA'I NGES SHES KYI ZHEN YUL DE NYID SNGO SNANG DBANG SHES KYI ZHEN YUL YANG YIN TE, SNGO SNANG DBANG SHES KYI STOBS KYIS ZHEN PA'I YUL YIN PA'I PHYIR, ZHES ZER, 'O NA SNGO SNANG DBANG SHES NGES SHES YIN NAM @167B MIN; YIN NA, MNGON SUM NI GANG GI YANG NGES PAR BYED PA MIN, ZHES GSUNGS DANG 'GAL LA, MIN NA, SNGO SNANG DBANG SHES KYI RJES SU SKYES PA'I SNGON PO NGES PA'I NGES SHES KYI YUL DE SNGO SNANG DBANG SHES KYI NGES YUL YIN PAR THAL, SNGO SNANG DBANG SHES KYI STOBS KYIS NGES PA'I YUL YIN PA'I PHYIR, 'KHOR GSUM, KHA CIG NA RE, BUM PA ZHES PA'I SGRA LA ZHEN PA'I BRJOD BYA MED DE, GAL TE YOD NA, DE'I RGYU MTSAN CI, KHOS RANG GI BRJOD BYA LA ZHEN PA'I PHYIR ZHES ZER RAM, KHO KUN NAS SLONG BYED KYI RTOG PA'I ZHEN YUL DE KHOS BRJOD BYAR BYED PA'I PHYIR ZHES ZER, DANG PO MI 'THAD DE, KHO BEM PO YIN PA'I PHYIR, GNYIS PA LTAR NA, BUM PA ZHES PA'I SGRA CHOS CAN, KHYOD LA SNANG BA'I BRJOD BYA YOD PAR THAL, RANG KUN NAS SLONG BYED KYI RTOG PA DE'I SNANG YUL DE KHYOD KYI BRJOD BYAR BYED PA'I PHYIR ZHES ZER, 'O NA RJOD BYED KYI SGRA LA DON DANG MTHUN MI MTHUN GYI KHYAD PAR MED PAR THAL, RJOD BYED KYI SGRA YIN NA ZHEN PA'I BRJOD BYA MED PAS KHYAB CING, KHO'I BRJOD BYA YOD PAS KHYAB PA'I PHYIR, KHA CIG ,RTOG PA LA GZUNG YUL MED DE, RANG 'DRA'I RNAM PA DNGOS SU GTOD BYED KYI RGYU MED PA'I PHYIR, KHYAB STE, RGYU YI DNGOS PO MA GTOGS PA; ;GZUNG BA ZHES BYA GZHAN CI'ANG MED, ,CES GSUNGS PA'I PHYIR ZHE NA, 'O NA DE'I YUL YIN NA RGYU YIN PAR THAL, RGYU MIN YUL YANG JI LTAR YIN, ,ZHES GSUNGS PA'I PHYIR, KHYAB PA KHAS, KHA CIG ,GZUNG YUL DANG SNANG YUL DON GCIG CING, SNANG YUL LA RTOG MED SHES PA'I SNANG YUL DANG RTOG PA'I SNANG YUL GNYIS, DANG PO NI, RTOG MED SHES PA LA GSAL BAR SNANG BA'I SGO NAS RNAM PA SHAR BA'I YUL DE YIN LA, DE LA SHES PA DANG PHYI ROL GYI DON GNYIS YOD CING, DE'I YUL CAN GYI SHES PA NI GZHAN RIG MNGON SUM PHAL CHE BA DANG RANG RIG MNGON @168A *, ,SU MA YIN NO, ,'O NA RTOG MED 'KHRUL SHES LA GZUNG YUL YOD DAM MED CE NA, PHYI DON LA MI LTOS PA'I SKRA SHAD 'DZAG SNANG GI DBANG SHES LTA BU LA GZUNG YUL MED DE, PHYI ROL GYI DON LA MI LTOS PAR BDAG RKYEN DBANG PO BSLAD PA DANG, DE MA THAG RKYEN NYE BAR YOD PA TZAM GYIS YUL GYI RNAM PAR SHAR BA'I PHYIR, ZLA BA GNYIS SNANG GI DBANG SHES LTA BU LA GZUNG YUL YOD DE, BDAG RKYEN DBANG PO BSLAD PA DANG DE MA THAG RKYEN NYE BAR YOD PA LAS SKYE BAR MA ZAD PHYI DON NYE BAR YOD PA LAS KYANG YUL GYI RNAM LDAN DU SKYE BA'I PHYIR, DES NA DBANG SHES LA ZLA GNYIS KYI RNAM PA SHAR BA'I TSE ZLA BA GCIG GI RNAM PA JI LTAR SNANG BA BZHIN MA SHAR YANG ZLA BA GCIG GI RNAM PA SHAR BA YIN PAS, ZLA GCIG DBANG SHES DE'I GZUNG DON YIN LA, SKRA SHAD 'DZAG SNANG GI DBANG SHES LA GZUNG DON MED PA LA DGONGS NAS, SKRAR SNANG DON MED CAN YIN NO, ,ZHES GSUNGS SHING, ZLA BA GNYIS SNANG GI DBANG SHES DANG MAR ME'I RTZE MO KHRA SGOR BA MTHONG BA'I DBANG SHES LTA BU LA GZUNG DON YOD PA LA DGONGS NAS, MAR ME TZAM GYIS YOD PA'I PHYIR, ,ZHES GSUNGS PA'I PHYIR ZHES ZER, ZLA BA GNYIS SNANG GI DBANG SHES CHOS CAN, MA 'KHRUL BA'I SHES PAR THAL, GZUNG DON CAN GYI SHES PA YIN PA'I PHYIR, RTAGS KHAS, GZHAN YANG, SKRA SHAD 'DZAG SNANG GI DBANG SHES CHOS CAN, KHYOD LA GZUNG YUL YOD PAR THAL, KHYOD LA SNANG YUL YOD PA'I PHYIR, KHYAB BSAL KHAS, RTAGS GRUB STE, KHA PHYIR BLTAS KYI SHES PA YIN PA'I PHYIR, KHA CIG ,RTOG MED SHES PA'I GZUNG YUL YIN NA, RTOG MED SHES PA'I GZUNG DON YIN PAS KHYAB ZER BA MI 'THAD DE, RTOG MED SHES PA THAMS CAD LA GZUNG YUL YOD CING, GZUNG DON CAN GYI SHES PA YIN NA, GZUNG @168B DON GYI MTHU LAS SKYE DGOS PA'I PHYIR, KHA CIG ,CHOS DE'I SNANG YUL GYI MTSAN NYID, CHOS DES SNANG BA'I SGO NAS RIG PAR BYA BA ZHES ZER, GZUGS CHOS CAN, RTOG PA'I SNANG YUL YIN PAR THAL, RTOG PAS SNANG BA'I SGO NAS RIG PAR BYA BA YIN PA'I PHYIR TE, RTOG PAS RNAM PA SHAR BA'I SGO NAS RIG PAR BYA BA YIN PA'I PHYIR, RTZA BAR 'DOD NA, RTOG PA CHOS CAN, MA 'KHRUL BA'I SHES PA YIN PAR THAL, PHYI DON SNANG YUL DU BYED PA'I SHES PA YIN PA'I PHYIR, KHA CIG ,SNANG YUL RANG MTSAN YOD PA'I SHES PA YIN NA MA 'KHRUL BA'I SHES PA YIN PAS KHYAB ZER BA MI 'THAD DE, ZLA BA GNYIS SNANG GI DBANG SHES DE YANG SNANG YUL RANG MTSAN YOD PA'I SHES PA YIN PA'I PHYIR TE, ZLA BA GNYIS SNANG GI DBANG SHES LA ZLA GNYIS SU SNANG BA DE DNGOS PO YIN PA'I PHYIR RO, ,GNYIS PA RANG LUGS NI, CHOS DE'I SNANG YUL GYI MTSAN NYID, CHOS DES SNANG TZAM GYI SGO NAS RIG PAR BYA'O, SNANG YUL DANG GZUNG YUL DON GCIG GO, CHOS DE'I 'JUG YUL GYI MTSAN NYID, CHOS DES BLANG DOR BYA BA'I PHYIR ZHUGS PA NA, MI BSLU BA, DBYE NA GNAS SKABS KYI 'JUG YUL DANG, MTHAR THUG GI 'JUG YUL GNYIS, DANG PO NI, GTZO SREG GI DON BYED NUS PA'I ME LTA BU, GNYIS PA NI DRI MA THAMS CAD DANG BRAL BA'I 'GOG BDEN LTA BU'O, ,KHA CIG ,TSAD MA YIN NA 'JUG YUL RANG MTSAN 'JAL BAS KHYAB CING, TSAD MA'I 'JUG YUL YIN NA RANG MTSAN YIN PAS KHYAB STE, BLANG DOR BYA BA'I PHYIR ZHUGS PA NA MI BSLU BA'I DNGOS PO DE, 'JUG YUL GYI MTSAN NYID YIN PA'I PHYIR, DE SKAD DU'ANG, BLANG DANG DOR BYA'I 'BRAS CAN PAS, ,SKYES BU THAMS CAD 'JUG PA YIN, ,ZHES GSUNGS PA'I PHYIR ZHE NA, TSAD MA YIN NA 'JUG YUL RANG MTSAN 'JAL BAS KHYAB PA SNGAR BKAG ZIN LA, 'DUS MA BYAS KYI NAM MKHA' DNGOS POR MED PA CHOS CAN, 'DUS MA @169A *, ,BYAS KYI NAM MKHA' DNGOS MED DU RTOGS PA'I RJES DPAG GIS BLANG DOR BYA BA'I PHYIR ZHUGS PA NA MI BSLU BA'I DNGOS PO YIN PAR THAL, DE'I 'JUG YUL YIN PA'I PHYIR TE, DES BLANG DOR BYA BA'I PHYIR ZHUGS PA NA MI BSLU BA YIN PA'I PHYIR TE, DES 'DUS MA BYAS KYI NAM MKHA' DNGOS MED DU GZHAL BA GANG ZHIG ,'DUS MA BYAS KYI NAM MKHA' DE DNGOS MED YIN PA'I PHYIR, CHOS DE'I ZHEN YUL GYI MTSAN NYID, CHOS DES ZHEN PA'I SGO NAS RIG PAR BYA BA, DBYE NA, SKYES BU'I ZHEN YUL DANG, RTOG PA'I ZHEN YUL GNYIS, DE YANG SHES BYA THAMS CAD YIN NO, ,CHOS DE'I GZUNG DON GYI MTSAN NYID, CHOS DE LA RANG 'DRA'I RNAM PA GTZO BOR DNGOS SU GTOD BYED, KHA CIG NA RE, RTOG PA LA PHYI ROL DON LA LTOS PA'I GZUNG DON MED KYANG NANG SHES PA LA LTOS PA'I GZUNG DON YOD DE, KHO RANG GI SNGA LOGS SU BYUNG BA'I SHES PA DE GZUNG DON DU BYAS NAS 'DZIN PA'I PHYIR TE, DE KHO'I NYER LEN GANG ZHIG ,DE KHOS BZUNG BA YIN PA'I PHYIR, KHYAB STE, 'DZIN PA YI NI NYER LEN DANG, ,MYONG BA SEMS KYI GZUNG MTSAN NYID, ,CES GSUNGS PA'I PHYIR ZHE NA, SNGO SNANG DBANG SHES KYI RJES SU SKYES PA'I SNGON PO DON MTHUN DU NGES PA'I NGES SHES CHOS CAN, SNGO SNANG DBANG SHES GZUNG DON DU BYAS NAS 'DZIN PAR THAL, DE KHYOD KYI NYER LEN GANG ZHIG ,DE KHYOD KYIS GZUNG BA'I PHYIR, 'DOD NA, KHYOD PHYI ROL GYI YUL LA 'PHO BAR MI 'GYUR BAR THAL LO, ,'O NA, 'DZIN PA YI NI NYER LEN DANG, ZHES SOGS KYI DON GANG ZHE NA, 'DI LA GNYIS, GZHAN LUGS DGAG PA DANG, RANG LUGS BZHAG PA'O, ,DANG PO NI, GZHUNG 'DIS SEMS KYI GZUNG DON GYI MTSAN NYID BSTAN PAR BSAMS NAS BSTAN TSUL LA, KHA CIG NA RE, SEMS KYI GZUNG DON GYI MTSAN NYID KHAS LEN NA, 'DI LTA BU @169B ZHIG KHAS LEN DGOS ZHES BRTAGS PA MTHA' BZUNG GI SGO NAS BSTAN PA YIN GYI RANG LUGS LA KHAS LEN PA MA YIN TE, RANG LUGS LA SEMS KYI GZUNG DON MI SRID NA, DE'I MTSAN NYID KHAS BLANGS PA LA DGOS PA MED DE, SEMS KYI GZUNG DON MED NA SHES PA YUL LA 'PHO BA MED PA'I NYES PA RANG LA YANG MTSUNGS PA'I PHYIR ZHES ZER RO, ,KHA CIG NA RE, RANG LUGS LA SEMS KYI GZUNG DON GYI MTSAN NYID BSTAN PA YIN GYI BRTAG PA MTHA' BZUNG NI MIN TE, DE LTA MA YIN NA, 'DZIN PA YI NI NYER LEN DANG, ,MYONG BA SEMS KYI GZUNG MTSAN NYID, ,CES SMRAS PA LA, GZHAN GYI SEMS CHOS CAN, RNAL 'BYOR MNGON SUM GYI GZUNG DON MA MIN PAR THAL, RNAL 'BYOR MNGON SUM GYI NYER LEN MA YIN PA'I PHYIR, ZHES BRTZAD PA'I LAN DU, GZUGS SOGS DANG NI SEMS DE LTAR, ,GZUNG BA'I MTSAN NYID DPYOD PA 'DI, ,MA DAG BLO CAN LA YIN GYI, ,RNAL 'BYOR RTOGS PA BSAM MI KHYAB, ,CES PA'I SKYON SPONG BYAS PA LA DGOS PA MED PA'I PHYIR, ZHES ZER RO, ,DE GNYIS KA'ANG MI 'THAD DE, SEMS KYI GZUNG MTSAN NYID CES PA, GZUNG BA'I NGO BO LA GZUNG BA'I MTSAN NYID KYI SGRAS BSTAN PA YIN GYI, RANG LUGS DANG BRTAG PA MTHA' BZUNG GANG LA YANG SEMS KYI GZUNG DON MTSON PAR BYED PA'I MTSAN NYID BSTAN PA MA YIN PA'I PHYIR, 'DI GANG LAS SHES SHE NA, GZUNG BA'I MTSAN NYID LAS 'DI YI, ,DE DNGOS NGES PA GZHAN CI YOD, ,CES SOGS DANG, LHA DBANG BLOS, GZUNG BA'I MTSAN GZHI LA MTSAN NYID KYI SGRAS LAN CIG MA YIN PAR BSTAN PA'I PHYIR, KHA CIG ,DON LA 'PHO KHA MA'I BLO DE SHES PA PHYI MA'I NYER LEN YIN YANG, GZUNG BA MA YIN PAR KHAS LEN PA'I GANG ZAG GI NGOR, DON LA 'PHO KHA MA'I BLO CHOS CAN, SHES PA PHYI MA'I GZUNG DON YIN PAR THAL, RANG 'DZIN @170A *, ,PA'I SHES PA PHYI MA'I NYER LEN DANG DES MYONG BA YIN PA'I PHYIR, ZHES SMRA BA'ANG MI 'THAD DE, THAL 'GYUR GYI RTAGS TSAD MAS MA GRUB CING PHA ROL POS KHAS BLANGS PA'ANG MED PA'I PHYIR TE, DON LA 'PHO KHA MA'I BLO DE SHES PA PHYI MAS MA BZUNG BAR KHAS LEN BZHIN DU, DON LA 'PHO KHA MA'I BLO DE SHES PA PHYI MA'I NYER LEN DANG DES MYONG BAR 'DOD PA GA LA SRID, GNYIS PA NI, SNGO SNANG DBANG SHES CHOS CAN, MYONG BYED YOD DE, DRAN PA YOD PA'I PHYIR, GZUGS BZHIN ZHES BKOD PA LA, DE NI GRUB ZIN BSGRUBS PA YIN TE; PHYIS 'BYUNG GI SHES PAS GZUNG DON DU BYAS NAS MYONG BA'I PHYIR ZHE NA, 'O NA SHES PA PHYI MA CHOS CAN, PHYI ROL LA 'PHO BA MED PAR THAL, RANG GI NYER LEN DU GYUR PA'I SHES PA GZUNG DON DU BYED PA'I PHYIR, GAL TE SKYON MED DE, SHES PA SNGA MAS SHES PA PHYI MA SKYED PA'I NUS PA RIM GYIS ZAD NAS SHES PA PHYI MA YUL LA 'PHO BA YIN NO ZHES ZER NA, 'O NA DON LA 'PHO KHA MA'I BLO LA RGYU MED PAR THAL, SHES PA SNGA MAS SHES PA PHYI MA SKYED PA'I NUS PA ZAD PA'I PHYIR, 'DOD NA, SHES PA PHYI MA DON LA 'PHO BA MED PAR 'GYUR RO, ,SKYON DE SPANG BAR 'DOD NAS; SHES PA SNGA MA'I STENG NA SHES PA PHYI MA'I GZUNG DON BYED PA'I NUS PA DANG, SHES PA PHYI MA'I NYER LEN BYED PA'I NUS PA GNYIS LAS, GZUNG DON BYED PA'I NUS PA ZAD NAS NYER LEN BYED PA'I NUS PA MA ZAD PAS SHES PA PHYI MA YUL LA 'PHO'O ZHE NA, DE YANG MI 'THAD DE, GZUNG DON LA GZUNG DON GYI NUS PA LAS SKYED BYED KYI NUS PA RDZAS GZHAN MED PA'I PHYIR, DPER NA GZUGS SOGS BZHIN, GZHAN YANG, SNGO SNANG DBANG SHES DE SHES PA PHYI MA'I GZUNG DON YIN PA'I RGYU MTSAN CI YIN, SHES PA PHYI MA'I GZUNG DON YIN TE, DE'I NYER LEN GANG ZHIG ,MYONG BA BLO YIN PA'I PHYIR ZHE @170B NA; DON LA 'PHO KHA MA'I BLO CHOS CAN, SHES PA PHYI MA'I GZUNG DON GYI MTSAN NYID CAN YIN PAR THAL, DON 'DZIN PA'I SHES PA PHYI MA'I NYER LEN DANG, MYONG BA BLO YIN PA'I PHYIR RO, ,PHA ROL POS GZUNG DON GYI SGRUB BYED DU NYER LEN DANG MYONG BA GNYIS SMOS PA'I RGYU MTSAN CI ZHE NA, MYONG BA BLO YIN PA TZAM GZUNG DON DU MI 'GRUB STE, GZHAN GYI SHES PA GZUNG DON DU THAL BA'I PHYIR RO, ,NYER LEN YIN PA TZAM GYIS KYANG GZUNG DON DU MI 'GRUB STE, DBANG PO'ANG GZUNG DON DU THAL BA'I PHYIR RO, DES NA GZHAN GYI SHES PA GCAD PA'I PHYIR DU NYER LEN SMOS LA, DBANG PO GZUGS CAN PA GCAD PA'I PHYIR DU MYONG BA BLO SMOS SO, ,DE SKAD DU'ANG LHA DBANG BLOS, DE LTAR NA BLO SHES PA'I GZUNG BA MIN TE, GZHAN GYI SHES PA GZUNG BA'I MTSAN NYID DU 'GYUR BA'I PHYIR RO, ,NYE BAR LEN PA'I RGYU'I NGO BO 'BA' ZHIG KYANG MIN TE, DBANG PO'ANG GZUNG BA'I MTSAN NYID KYI DNGOS POR 'GYUR BA'I PHYIR RO, ,DE BAS NA DE GNYIS KA 'KHRUL PA MIN NO, ,ZHES GSUNGS SO, ,'O NA GZUGS SOGS SNGAR RAGS PA PHYIS CHA PHRA BAR SONG BAS GZUNG DON MA YIN PA DANG, GZHAN GYI SEMS NYER LEN MA YIN PAS GZUNG DON MA YIN PAR 'DOD PA LA, RNAL 'BYOR MNGON SUM GYIS MA NGES SO ZHES SKYON BRJOD PAR RIGS TE, RNAL 'BYOR MNGON SUM GYIS GZUGS SOGS CHA PHRA BA DANG GZHAN GYI SEMS GNYIS KA GZUNG DON DU BYED PA'I PHYIR ZHE NA, DE LA RNAL 'BYOR MNGON SUM GYIS MA NGES PA MI RJOD PA'I RGYU MTSAN YOD DE, GZUGS SOGS CHA PHRA BAS GZUNG DON MA YIN PA DANG, GZHAN GYI SEMS NYER LEN MA YIN PAS GZUNG DON MA YIN ZHES GZUNG BA'I MTSAN NYID DPYOD PA 'DI MA DAG PA'I BLO CAN TSUR MTHONG GIS YUL MTHONG TSUL GYI DBANG DU BYAS PA YIN PA'I PHYIR RO, ,'O NA SHES PA YUL LA 'PHO BA MED PA'I NYES PA KHYOD RANG @171A *, ,LA MTSUNGS TE, SNGO SNANG DBANG SHES KYI RJES SU SKYES PA'I DRAN PA CHOS CAN, PHYI ROL GYI YUL LA 'PHO BA MED PAR THAL, RANG GI NYER LEN SNGO SNANG DBANG SHES BZUNG BA'I PHYIR ZHE NA, MI MTSUNGS TE, PHA ROL POS SHES PA PHYI MAS SHES PA SNGA MA GZUNG DON DU BYAS NAS MNGON SUM DU MYONG BAR KHAS BLANGS PAS DE LTA NA NANG GI YAN LAG NYE BA GZUNG DON DU BYED PA BOR NAS RING BA'I PHYI ROL LA 'PHO BA MI SRID LA, KHO BO CAG DRAN SHES KYIS SNGO SNANG DBANG SHES BZUNG YANG, GZUNG DON GYI STOBS KYIS MI SKYE BAR RANG GI BAG CHAGS SAD PA LAS YUL LA 'DOD PA TZAM GYIS 'JUG PAR KHAS LEN PA'I PHYIR RO, ,GSUM PA MNGON LKOG GNYIS SU DBYE BA LA GSUM, MTSAN NYID DANG, DBYE BA DANG, MNGON LKOG 'GAL MI 'GAL DPYAD PA'O, ,DANG PO LA GNYIS, DGAG BZHAG GO ,DANG PO NI, KHA CIG ,MNGON GYUR GYI MTSAN NYID, MNGON SUM TSAD MAS RANG GI NGO BO MYONG BA'I RNAM PAS RTOGS PAR BYA BA, LKOG GYUR GYI MTSAN NYID, RJES DPAG TSAD MAS 'BREL BA LA BRTEN NAS SPYI'I TSUL GYIS RTOGS PAR BYA BA ZHES ZER, SNGON PO CHOS CAN, KHYOD MNGON GYUR MA YIN PAR THAL, KHYOD MNGON SUM TSAD MAS RANG GI NGO BO MYONG BA'I RNAM PAS RTOGS PAR BYA BA MA YIN PA'I PHYIR TE, KHYOD SHES PA GANG DANG YANG MYONG BYA MYONG BYED DU MI 'THAD PA'I PHYIR TE, KHYOD PHYI ROL DON YIN PA'I PHYIR RO, ,KHA CIG ,MNGON GYUR GYI MTSAN NYID, RANG GI NGO BO MNGON SUM TSAD MAS RTOGS PAR BYA BA, LKOG GYUR GYI MTSAN NYID, RJES DPAG TSAD MAS DON SPYI'I TSUL GYIS RTOGS PAR BYA BA, LA RGYAB KYI ME LTA BU RES 'GA' MNGON SUM TSAD MAS RTOGS PAR BYA BA YIN ZHING, RES 'GA' RJES DPAG TSAD MAS RTOGS PAR BYA BA YIN LA, MNGON LKOG GNYIS 'GAL LO ZHES ZER RO, ,'O NA MNGON SUM TSAD MAS RTOGS PAR BYA BA DANG, RJES DPAG TSAD MAS RTOGS @171B PAR BYA BA GNYIS 'GAL BAR THAL, MNGON GYUR DANG LKOG GYUR GNYIS 'GAL BA'I PHYIR, RTAGS KHYAB KHAS, 'DOD NA, LA RGYAB KYI ME RES 'GA' MNGON SUM TSAD MAS RTOGS PAR BYA BA DANG, RES 'GA' RJES DPAG TSAD MAS RTOGS PAR BYA BA YIN PAR 'GAL LO, ,KHA CIG ,MNGON GYUR GYI MTSAN NYID, RANG GI NGO BO MNGON SUM TSAD MAS RTOGS PAR BYA BA, DE LA DBYE NA, SHES PA DANG DON GNYIS, DON RANG GI NGO BO MNGON SUM TSAD MA LA SNANG BA NI MA YIN TE, DE LTAR NA DON GCIG 'DOD MI 'DOD DU MA'I BDAG NYID DU THAL BA'I SKYON YOD PA'I PHYIR RO, ,DES NA DON GYI RNAM PA SNANG BA TZAM GYI SGO NAS DON SNANG BAR 'JOG PA YIN ZHES ZER, 'O NA DON RANG GI NGO BO MNGON SUM TSAD MAS RTOGS PAR BYA BA MA YIN PAR THAL, DE LTAR NA DON GCIG 'DOD MI 'DOD DU MA'I BDAG NYID DU THAL BA'I SKYON YOD PA'I PHYIR, DES NA DON GYI RNAM PA SHAR BA TZAM GYI SGO NAS DON RTOGS PAR 'JOG PA YIN NO, , ZHES MTSUNGS SO, ,GNYIS PA RANG LUGS BZHAG PA NI, MNGON GYUR GYI MTSAN NYID, MNGON SUM TSAD MAS DNGOS SU RTOGS PAR BYA BA, LKOG GYUR GYI MTSAN NYID, RJES DPAG TSAD MAS DNGOS SU RTOGS PAR BYA BA ZHES 'JOG PA YIN NO, ,GNYIS PA DBYE BA NI, KHA CIG ,MNGON GYUR LA DBYE NA, RNAM PA THAMS CAD DU MNGON GYUR YIN PA DANG, RES 'GA' MNGON GYUR YIN PA GNYIS DPE RIM BZHIN, SHES PA LTA BU DANG, SGRA MI RTAG PA LTA BU'O, ,LKOG GYUR LA DBYE NA, RNAM PA THAMS CAD DU LKOG GYUR YIN PA DANG, RES 'GA' LKOG GYUR YIN PA GNYIS, DPE RIM BZHIN, MIG DBANG GZUGS CAN PA LTA BU DANG SGRA MI RTAG PA LTA BU'O ZHES ZER, 'O NA SHES PA RNAM PA THAMS CAD DU MNGON GYUR YIN PA'I RGYU MTSAN CI YIN, GANG ZAG THAMS CAD KYI RGYUD KYI MNGON SUM LA MNGON GYUR YIN PA'I PHYIR ZHES ZER RAM, GANG ZAG 'GA' ZHIG GI RGYUD KYI MNGON SUM LA MNGON GYUR YIN PA'I PHYIR ZHES @172A *, ,ZER RAM, RANG RGYUD LDAN GYI GANG ZAG GI RGYUD KYI MNGON SUM LA MNGON GYUR YIN PA'I PHYIR ZHES ZER, DANG PO LTAR NA MI 'THAD DE, GANG ZAG THAMS CAD KYI RGYUD LA MNGON SUM DU GYUR PA'I THUN MONG GI CHOS MI SRID PA'I PHYIR, GNYIS PA LTAR NA, SGRA MI RTAG PA CHOS CAN, RNAM PA THAMS CAD DU MNGON GYUR YIN PAR THAL, GANG ZAG 'GA' ZHIG GI RGYUD KYI MNGON SUM LA MNGON GYUR YIN PA'I PHYIR, 'KHOR GSUM, GSUM PA LTAR NA, GNAS SKABS LNGA BRAL GYI BUM PA ZHES PA'I TSIG SMRA BA'I SKYES BU'I RGYUD KYI RTOG PA CHOS CAN, RNAM PA THAMS CAD DU MNGON GYUR YIN PAR THAL, RANG RGYUD LDAN GYI GANG ZAG GI RGYUD LA MNGON GYUR YIN PA'I PHYIR, 'KHOR GSUM, MIG GI DBANG PO RNAM PA THAMS CAD DU LKOG GYUR YIN PA'ANG MI 'THAD DE, RES 'GA' MNGON SUM TSAD MAS RTOGS PAR BYA BA YIN PA'I PHYIR TE, KUN MKHYEN YE SHES KYIS RTOGS PAR BYA BA YIN PA'I PHYIR, GAL TE PHYI MA MA KHYAB STE, MNGON LKOG GI DBYE BA 'DI DAG SO SKYE'I DBANG DU BYAS PA'I PHYIR ZHE NA, 'O NA SO SKYE LHA'I MIG THOB PA MI SRID PAR THAL, SO SKYE'I MNGON SUM GYIS MIG GI DBANG PO RTOGS PA MI SRID PA'I PHYIR, RTAGS KHAS, RANG LUGS LA, MNGON GYUR LA DBYE NA, RANG RIG MNGON SUM DANG GZHAN RIG MNGON SUM GYI BYED PA 'JUG PA'I YUL GNYIS, LKOG GYUR LA DBYE NA, DNGOS STOBS RJES DPAG DANG, YID CHES RJES DPAG DANG, GRAGS PA'I RJES DPAG GI BYED PA 'JUG PA'I YUL GSUM MO, ,GSUM PA DE GNYIS 'GAL MI 'GAL DPYAD PA LA, KHA CIG ,GANG ZAG GANG LA MNGON GYUR YIN PA DE DE LA LKOG GYUR MA YIN, GANG ZAG GANG LA LKOG GYUR YIN PA DE DE LA MNGON GYUR YIN PA MI SRID PAS, RTOGS PA PO GCIG @172B GI DBANG DU BYAS NAS MNGON LKOG GNYIS SO SOR NGES PAS 'GAL BA YIN LA, DE LTA MA YIN PAR GANG ZAG SO SO LA LTOS NAS MI 'GAL BAS MI 'GAL BA'I GO CHOD NA, TSAD MA DANG TSAD MIN GYI BLO GNYIS KYANG MI 'GAL BAR THAL, DE GNYIS YUL SO SO LA LTOS NAS MI 'GAL BA'I PHYIR, GZHAN YANG, BUM PA YOD MED GNYIS KYANG MI 'GAL BAR THAL, DE GNYIS GZHI SO SO LA LTOS NAS MI 'GAL BA'I PHYIR ZHE NA, GANG ZAG GCIG LA MNGON GYUR YIN NA MNGON GYUR YIN DGOS PAR THAL, GANG ZAG GCIG LA LTOS NAS MI 'GAL NA MI 'GAL DGOS PA'I PHYIR, RTAGS KHYAB KHAS, 'DOD NA, MNGON LKOG GNYIS 'GAL BA NYAMS SO, ,GZHAN YANG, RGYU DANG 'BRAS BU 'GAL BAR THAL, GANG GI RGYU YIN PA DE DE'I 'BRAS BU MA YIN, GANG GI 'BRAS BU YIN PA DE DE'I RGYU MA YIN PA'I PHYIR, DES NA BLO DE LA MNGON GYUR YIN PA DE DE LA LKOG GYUR MA YIN, BLO DE LA LKOG GYUR YIN PA DE DE LA MNGON GYUR MA YIN PAS, RTOG PA PO GCIG LA LTOS NAS 'GAL YANG SPYIR MI 'GAL TE, MNGON SUM TSAD MAS DNGOS SU RTOGS PA DANG RJES DPAG TSAD MAS DNGOS SU RTOGS PA GNYIS MI 'GAL BA'I PHYIR; RTOGS PA PO GCIG LA LTOS NAS KYANG DA LTA MNGON GYUR YIN NA, DA LTA LKOG GYUR YIN PAR 'GAL BA YIN GYI DUS SO SO LA LTOS NAS MI 'GAL TE, LA RGYAB KYI ME LTA BU SNGA DRO MNGON GYUR YIN PA PHYI DRO LKOG TU GYUR PA DANG, SNGA DRO LKOG GYUR YIN PA PHYI DRO MNGON DU GYUR PA YOD PA'I PHYIR, DE SKAD DU'ANG LHA DBANG BLOS, MNGON SUM DANG LKOG TU GYUR PA'I MTSAN NYID DE YANG RTOGS PA PO'I DA LTAR GYI GNAS SKABS LA LTOS PA YIN NO, ,ZHES DANG SH'AKYA BLOS, 'CHOL BAR YANG SNANG BA YIN TE MNGON SUM YANG DUS GZHAN DU LKOG TU GYUR PA NYID KYI PHYIR DANG, LKOG @173A *, ,GYUR YANG MNGON SUM NYID DU 'GYUR BA'I PHYIR RO, ,ZHES BSHAD DO, ,GAL TE MNGON SUM DANG RJES DPAG GNYIS MI 'GAL BAR THAL, GZHAL BYA MNGON LKOG GNYIS MI 'GAL BA'I PHYIR, KHYAB STE, GZHAL BYA LA MNGON LKOG GNYIS SU GRANGS NGES PA'I RTAGS KYIS TSAD MA LA MNGON RJES GNYIS SU GRANGS NGES PAR SGRUB NUS PA'I PHYIR TE, MNGON SUM LKOG TU GYUR PA LAS, ,GZHAL BYA GZHAN NI YOD MA YIN, ,DE PHYIR GZHAL BYA GNYIS NYID KYIS, ,TSAD MA GNYIS SU BZHED PA DANG, ,ZHES GSUNGS PA'I PHYIR ZHE NA, 'O NA 'GAL MA NGES MA GRUB PA GSUM MI 'GAL BAR THAL, RTAGS YANG DAG GI MTSAN NYID TSUL GSUM PO MI 'GAL BA'I PHYIR, KHYAB PAR THAL, RTAGS YANG DAG GI MTSAN NYID LA TSUL GSUM DU GRANGS NGES PA'I RTAGS KYIS, RTAGS LTAR SNANG DE LA 'GAL MA NGES MA GRUB PA GSUM DU GRANGS NGES PAR SGRUB NUS PA'I PHYIR, 'KHOR GSUM, GAL TE RJES DPAG TSAD MAS DNGOS SU RTOGS PAR BYA BA DE LKOG GYUR GYI MTSAN NYID MA YIN PAR THAL, RJES DPAG TSAD MAS RANG GI GZHAL BYA DON SPYI'I TSUL GYIS RTOGS PA GANG ZHIG ,RANG GI GZHAL BYA DNGOS SU RTOGS NA, RANG GI GZHAL BYA DON SPYI'I TSUL GYIS RTOGS PAR 'GAL BA'I PHYIR TE, RANG GI GZHAL BYA MNGON SUM DU RTOGS NA, RANG GI GZHAL BYA DON SPYI'I TSUL GYIS RTOGS PAR 'GAL BA'I PHYIR ZHE NA, RJES DPAG TSAD MA CHOS CAN, RANG GI GZHAL BYA SHUGS LA RTOGS PAR THAL, RANG GI GZHAL BYA RTOGS PA GANG ZHIG ,RANG GI GZHAL BYA DNGOS SU MA RTOGS PA'I PHYIR, RTAGS KHAS, 'DOD NA, RANG GI GZHAL BYA MA YIN PA ZHIG DNGOS SU RTOGS PA'I SHUGS LA RANG GI GZHAL BYA RTOGS PAR THAL, RANG GI GZHAL BYA SHUGS LA RTOGS PA @173B GANG ZHIG ,DE DNGOS SU RTOGS PA MI SRID PA'I PHYIR, RTAGS KHAS SO, ,'O NA TSAD MAS GZHAL BYA DNGOS SU RTOGS PA DANG SHUGS LA RTOGS PA'I DON GANG YIN, BYE BRAG TU MNGON SUM TSAD MA DANG RJES DPAG TSAD MAS GZHAL BYA DNGOS SU RTOGS PA DANG SHUGS LA RTOGS PA'I DON GANG YIN ZHE NA, TSAD MA LA YUL DE'I RNAM PA SHAR BA'I SGO NAS YUL DE LA NGES PA 'DREN NUS PA DE TSAD MAS YUL DE DNGOS SU RTOGS PA DANG TSAD MA LA YUL DE'I RNAM PA MA SHAR YANG, YUL GZHAN GYI RNAM PA SHAR BA'I SGO NAS YUL DE LA NGES PA 'DREN NUS PA DE TSAD MAS YUL DE SHUGS LA RTOGS PA'I DON YIN NO, ,MNGON SUM TSAD MA LA YUL DE'I RNAM PA SHAR BA'I SGO NAS YUL DE LA NGES PA 'DREN NUS PA DE MNGON SUM TSAD MAS YUL DE DNGOS SU RTOGS PA DANG, MNGON SUM TSAD MA DE LA YUL DE'I RNAM PA MA SHAR YANG YUL GZHAN GYI RNAM PA SHAR BA'I SGO NAS YUL DE LA NGES PA 'DREN NUS PA DE MNGON SUM TSAD MA DES YUL DE SHUGS LA RTOGS PA'I DON YIN NO, ,DPER NA DAG 'DZIN DBANG PO'I MNGON SUM TSAD MAS BUM PAS DAG PA'I SA PHYOGS DNGOS SU RTOGS PA DANG DE'I STENG DU BUM MED SHUGS LA RTOGS PA LTA BU'O, ,DAG 'DZIN MNGON SUM DE DE'I STENG GI BUM MED LA MNGON SUM TSAD MA YIN YANG MNGON SUM MA YIN TE, DE'I RNAM PA MA SHAR BA'I PHYIR, DE LA RJES DPAG MA YIN TE, DE'I DON SPYI YUL DU MI BYED PA'I PHYIR, 'O NA TSAD MA LA MNGON RJES GNYIS SU GRANGS NGES PA MA YIN PAR THAL, DAG 'DZIN MNGON SUM DE DE'I STENG GI BUM MED LA TSAD MA YIN YANG MNGON SUM YANG MA YIN, RJES DPAG KYANG MA YIN PA'I PHYIR ZHE NA, MA KHYAB STE, SPYIR MNGON SUM TSAD MA YIN NA MNGON SUM YIN PAS KHYAB KYANG, DE'I STENG GI BUM MED LA MNGON SUM TSAD MA @174A *, ,YIN NA DE LA MNGON SUM YIN MI DGOS PA'I PHYIR RO, ,BUM PAS DAG PA'I SA PHYOGS KYI STENG GI BUM MED CHOS CAN, KHYOD MNGON SUM GYI GZHAL BYA YIN PAR THAL, MNGON SUM DE KHYOD LA TSAD MA YIN PA'I PHYIR, 'DOD NA, RANG MTSAN YIN PAR THAL LO ZHE NA, RANG BZHIN MA DMIGS PA'I RTAGS KYI PHYOGS CHOS MNGON SUM TSAD MAS MA GRUB PAR THAL, MNGON SUM GYI GZHAL BYA YIN NA RANG MTSAN YIN PAS KHYAB PA'I PHYIR, GAL TE MA KHYAB STE, RANG BZHIN MA DMIGS PA'I PHYOGS CHOS MNGON SUM TSAD MAS GRUB PA YIN GYI, MNGON SUM TSAD MAS GZHAL BA MA YIN PA'I PHYIR ZHE NA, 'O NA TSAD MAS GRUB NA TSAD MAS GZHAL MI DGOS PAR THAL, RJES DPAG TSAD MA LA YUL DE'I RNAM PA SHAR BA'I SGO NAS YUL DE LA NGES PA 'DREN NUS PA DE, RJES DPAG TSAD MA DES YUL DE DNGOS SU RTOGS PA DANG, RJES DPAG TSAD MA DE LA YUL DE'I RNAM PA MA SHAR YANG, YUL GZHAN GYI RNAM PA SHAR BA'I SGO NAS YUL DE LA NGES PA 'DREN NUS PA DE, RJES DPAG TSAD MA DES YUL DE SHUGS LA RTOGS PA'I DON YIN PA'I PHYIR, DPER NA SGRA MI RTAG PAR RTOGS PA'I RJES DPAG TSAD MAS SGRA MI RTAG PA DNGOS SU RTOGS PA DANG SGRA RTAG PA MA YIN PA SHUGS LA RTOGS PA LTA BU'O, ,BZHI PA 'DUS BYAS DANG, 'DUS MA BYAS GNYIS SU DBYE BA LA GNYIS, 'DUS BYAS DANG, 'DUS MA BYAS SO, ,DANG PO LA GNYIS, MTSAN NYID DANG, DBYE BA'O, ,DANG PO NI, 'DUS BYAS KYI MTSAN NYID, RANG GI RGYU RKYEN LAS SKYES PA, GNYIS PA DBYE BA LA GSUM, BEM RIG GNYIS, RGYU 'BRAS GNYIS, ZHAR LA DUS GSUM GYI RNAM GZHAG GO ,DANG PO LA GNYIS LAS, BEM PO'I MTSAN NYID, RDUL DU GRUB PA, DBYE NA PHYI'I BEM PO DANG, NANG GI BEM PO GNYIS @174B PHYI'I BEM PO'I MTSAN NYID, PHYI'I RDUL DU GRUB PA, DBYE NA, GZUGS SGRA DRI RO REG BYA DANG LNGA, NANG GI BEM PO'I MTSAN NYID, NANG GI RDUL DU GRUB PA, DBYE NA, MIG ,RNA BA, SNA, LCE, LUS KYI DBANG PO STE LNGA, YANG BEM PO LA DBYE NA, RAGS PA DANG, RDUL PHRA RAB GNYIS, RAGS PA'I MTSAN NYID, RANG GI BDAG NYID DU GYUR BA'I PHYOGS CHA DANG BCAS PA'I RDUL, RAGS PA RDZAS SU MA GRUB KYANG RAGS PA YIN NA RDZAS SU GRUB DGOS TE, RAGS PA YIN NA RANG GI BDAG NYID DU GYUR BA'I PHYOGS CHA DANG BCAS PA'I RDUL YIN DGOS PA'I PHYIR, RAGS PA RDZAS SU MA GRUB PA'I RGYU MTSAN CI YIN ZHE NA, SNGON PO RAGS PA RDZAS SU MA GRUB STE, DE RDZAS SU GRUB NA DE SNGO SNANG DBANG SHES LA SNANG DGOS PA GANG ZHIG ,DE SNGO SNANG DBANG SHES LA MI SNANG BA'I PHYIR, RTAGS MA GRUB NA, SNGO SNANG DBANG SHES CHOS CAN, SNGON PO CHA BCAS SU SNANG BAR THAL, SNGON PO RAGS PA YIN PA SNANG BA'I PHYIR, 'DOD NA, SNGON PO'I CHA DANG CHA CAN THA DAD DU SNANG BAR THAL LO, ,'DOD NA, SNGON PO'I CHA DANG CHA CAN RDZAS THA DAD YIN PAR THAL, SNGON PO'I CHA DANG CHA CAN THA DAD DU SNANG BA GANG ZHIG ,KHYOD SNANG YUL LA MA 'KHRUL BA'I SHES PA YIN PA'I PHYIR, 'O NA CHOS CAN, SNGON POS RANG 'DRA'I RNAM PA DNGOS SU MA GTAD PAR THAL, SNGON PO RAGS PA YIN PA GANG ZHIG ,KHYOD LA SNGON PO RAGS PAR MI SNANG BA'I PHYIR ZHE NA, SKYON MED DE, SNGON PO RAGS PA YIN PA'I RNAM PA DNGOS SU MA GTAD KYANG, SNGON POS SNGO SNANG DBANG SHES LA SNGON PO'I RNAM PA GTZO BOR DNGOS SU GTAD PA'I PHYIR, KHA CIG NA RE, RAGS PA YIN NA RDZAS SU MA GRUB DGOS TE, RAGS PA RDZAS SU MA GRUB PA'I PHYIR ZHES KHAS LEN ZHING, RDUL PHRAN YIN NA DBANG SHES KYI YUL MA YIN DGOS TE, DBANG YUL DE PHYIR RDUL PHRAN MIN, ,ZHES GSUNGS PA'I PHYIR @175A *, ,ZHES ZER RO, ,'O NA SNGON PO CHOS CAN, RDZAS SU MA GRUB PAR THAL, RAGS PA YIN PA'I PHYIR, 'DOD NA, DBANG SHES MA 'KHRUL BA'I DNGOS YUL MIN PAR THAL LO, ,RTZA BA'I RTAGS MA GRUB NA, DER THAL, BEM PO GANG ZHIG RDUL PHRAN MA YIN PA'I PHYIR, RTAGS PHYI MA MA GRUB NA, DE CHOS CAN, DBANG SHES KYI YUL MA YIN PAR THAL, RDUL PHRAN YIN PA'I PHYIR, GNYIS PA RDUL PHRA RAB KYI MTSAN NYID, RANG GI BDAG NYID DU GYUR PA'I PHYOGS CHA MED PA'I RDUL, GNYIS PA RIG PA LA GNYIS, MTSAN NYID DANG, DBYE BA'O, ,DANG PO NI, RIG PA'I MTSAN NYID, RANG YUL SNANG BA'I BLO, KHA CIG ,RIG PA'I MTSAN NYID, YUL GYI RNAM PA SHAR BA'I BLO ZHES ZER ZHING, RANG RIG LA YUL GYI RNAM PA MI 'CHAR BAR 'DOD PA NI 'GAL BA YIN NO, ,GNYIS PA DBYE BA LA GNYIS, GTZO BO SEMS DANG 'KHOR SEMS BYUNG GNYIS, TSAD MA DANG TSAD MIN GYI BLO GNYIS SO, ,DANG PO LA BZHI, MTSAN NYID DANG, DBYE BA DANG, GCIG DANG THA DAD DPYAD PA DANG, SGRA DON NO, ,DANG PO LA GNYIS, GZHAN LUGS DGAG PA, RANG LUGS BZHAG PA'O, ,DANG PO NI, KHA CIG NA RE, SEMS KYI MTSAN NYID, DON GYI NGO BO RIG PA, SEMS BYUNG GI MTSAN NYID, DON GYI KHYAD PAR RIG PA, DE SKAD DU'ANG DBUS MTHA' LAS, DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES DANG, DE'I 'GREL PAR, DON TZAM MTHONG BA NI RNAM PAR SHES PA'O, ,DE'I KHYAD PAR 'DZIN PA NI SEMS LAS BYUNG BA'O, ,ZHES DANG, DE'I 'GREL BSHAD DU, TZAM ZHES BYA BA'I SGRAS NI BYE BRAG SEL BA'I PHYIR TE, NGO BO TZAM DMIGS KYI KHYAD PAR MA DMIGS SO, ,ZHES BYA BA'I THA TSIG GO ZHES GSUNGS SO, ,DON GYI NGO BO DANG KHYAD PAR NI, GZUGS 'DZIN DBANG SHES GTZO 'KHOR GYI GZUGS @175B DMIGS PA LTA BU DPER MTSON NA, GZUGS TZAM DON GYI NGO BO YIN ZHING, GZUGS RING THUNG DANG MDZES MI MDZES DANG SNGO SER DKAR DMAR SOGS KHYAD PAR YIN NO ZHES ZER RO, ,'O NA DON GYI NGO BO DANG KHYAD PAR RIG MI RIG GI DON CI LA BYED, SNANG MI SNANG GI KHYAD PAR RO ZHE NA, GZUGS 'DZIN DBANG SHES GTZO 'KHOR CHOS CAN, KHYED GNYIS KA LA GZUGS KYI NGO BO DANG KHYAD PAR GNYIS KA SNANG BAR THAL, KHYED GNYIS KA GZUGS LA SGRUB 'JUG YIN PA'I PHYIR, MA KHYAB NA, CHOS CAN, KHYED GNYIS DMIGS RNAM MI MTSUNGS PAR THAL, SGRUB 'JUG YIN YANG GCIG LA SNANG BA CIG SHOS LA MI SNANG BA'I PHYIR, 'ON TE SNANG MI SNANG GI KHYAD PAR MIN GYI NGES MA NGES KYI KHYAD PAR YIN NO ZHE NA, DE'I DON RANG NYID KYIS NGES MA NGES LA BYED DAM, NGES SHES 'DREN NUS MI NUS LA BYED, DANG PO LTAR NA, RTOG MED SHES PA GTZO 'KHOR BZHAG TU MED PAR THAL, DES RANG YUL MA NGES PA'I PHYIR, GNYIS PA LTAR NA YANG, MI 'THAD DE, GZUGS 'DZIN DBANG SHES KYIS GZUGS MDZES PA MTHONG BA'I TSE, GZUGS SO SNYAM PA'I NGES SHES SEMS KYIS BSKYED LA SEMS BYUNG GIS MA BSKYED PA DANG, GZUGS MDZES SO SNYAM PA'I NGES SHES SEMS BYUNG GIS BSKYED LA SEMS KYIS MA BSKYED PA'I KHYAD PAR MI 'THAD PA'I PHYIR, GZHAN YANG, SNANG LA MA NGES PA'I SHES PA LA GTZO 'KHOR BZHAG TU MED PAR THAL, SEMS DANG SEMS BYUNG YIN NA DON GYI NGO BO DANG KHYAD PAR LA NGES SHES BSKYED DGOS PA'I PHYIR, KHA CIG NA RE, SEMS DANG SEMS BYUNG GNYIS KAS DON GYI NGO BO DANG KHYAD PAR RIG KYANG MI 'DRA BA'I KHYAD PAR NI, SEMS KYIS DON GYI NGO BO LA RANG STOBS KYIS NGES SHES BSKYED CING, DON GYI KHYAD PAR LA GROGS SEMS BYUNG DANG 'GROGS PA'I @176A *, ,STOBS KYIS NGES SHES BSKYED, SEMS BYUNG GIS DON GYI KHYAD PAR LA RANG STOBS KYIS NGES SHES BSKYED CING, DON GYI NGO BO LA SEMS DANG 'GROGS PA'I STOBS KYIS NGES SHES BSKYED LA, SEMS DANG SEMS BYUNG RDZAS THA DAD YIN NO ZHES ZER, 'O NA SEMS KYIS SEMS BYUNG LA PHAN BTAGS SAM MA BTAGS, MA BTAGS NA SEMS BYUNG CHOS CAN, DON GZHAN SEMS DANG 'GROGS PA'I STOBS KYIS DON GYI NGO BO LA NGES SHES BSKYED PA MA YIN PAR THAL, SEMS KYIS PHAN MA BTAGS PA'I PHYIR, PHAN GTAGS NA DE GNYIS DUS MNYAM MAM MI MNYAM, MNYAM NA, RTAG DNGOS YOD PAR THAL, SEMS SEMS BYUNG GNYIS DUS MNYAM RDZAS GZHAN GANG ZHIG, DE GNYIS PHAN TSUN GCIG GIS GCIG LA MI 'DRA BA'I KHYAD PAR BSKYED PA'I PHYIR, DE BZHIN DU RGYU 'BRAS DUS MNYAM YOD PAR THAL LO, ,'DOD MI NUS TE, MED PA SNGAR NUS MED PHYIR DANG, ,PHYIS KYANG NYE BAR MI SBYOR PHYIR, ,RGYU RNAMS THAMS CAD SNGAR YOD YIN, ,ZHES GSUNGS PA'I PHYIR, RGYU 'BRAS DUS MNYAM YOD PA 'DOD DE, SEMS DANG SEMS BYUNG MTSUNGS LDAN GYI RGYU 'BRAS DANG, LHAN CIG 'BYUNG BA'I RGYU 'BRAS YIN PAR BSHAD PA'I PHYIR ZHE NA, MI 'THAD DE, DE GNYIS RGYU 'BRAS BTAGS PA BA YIN PA'I PHYIR RO, ,GNYIS PA NI, GTZO BO SEMS KYI MTSAN NYID, RANG GI 'KHOR SEMS BYUNG DANG MTSUNGS LDAN RNAM PA LNGAS MTSUNGS PAR LDAN PA, SEMS BYUNG GI MTSAN NYID, RANG GI GTZO BO SEMS DANG MTSUNGS LDAN LNGAS MTSUNGS PAR LDAN PA, DE SKAD DU'ANG PHUNG PO LNGA PAR, SEMS LAS BYUNG BA'I CHOS RNAMS CI ZHE NA, GANG SEMS DANG MTSUNGS PAR LDAN PA'I CHOS RNAMS SO ZHES GSUNGS SO, ,MTSUNGS LDAN LNGA NI, RTEN DANG, DMIGS PA @176B DANG, RNAM PA DANG, DUS DANG, RDZAS MTSUNGS PA'O, ,DE YANG SEMS GANG LA BRTEN PA'I DBANG PO DE LA, SEMS BYUNG YANG BRTEN PAS RTEN MTSUNGS, SEMS KYIS GANG LA DMIGS PA'I YUL DE LA SEMS BYUNG GIS KYANG DMIGS PAS DMIGS PA MTSUNGS, SEMS SNGON PO LTA BU'I RNAM PA CAN DU SKYES NA, SEMS BYUNG YANG SNGON PO LTA BU'I RNAM PA CAN DU SKYES PAS RNAM PA MTSUNGS, SEMS DANG SEMS BYUNG SKYE GNAS 'GAG GSUM DUS GCIG PAS DUS MTSUNGS, SEMS RIGS MTHUN RDZAS RE RE BA YIN PA LTAR, SEMS BYUNG TSOR BA LTA BU'ANG RDZAS RIGS MTHUN RE RE BA YIN PAS RDZAS MTSUNGS PA YIN NO, ,GAL TE SEMS DANG SEMS BYUNG RNAM PA MTSUNGS NA, SLOB DPON BLO BRTAN GYIS, SEMS DANG SEMS LAS BYUNG BA 'DI DAG GNAS DANG DMIGS PA DANG DUS DANG RDZAS MTSUNGS PA NYID KYIS MTSUNGS PAR LDAN PA YIN GYI, RNAM PAR SHES PA DANG KHYAD MED DU THAL BAR 'GYUR BA'I PHYIR, RNAM PA MTSUNGS PAS NI MIN NO ZHES GSUNGS PA DANG 'GAL LO ZHE NA, 'DI'I LAN LA KHA CIG NA RE, GNYIS KA LA GNYIS KA SNANG YANG NGO BO DANG KHYAD PAR DU SO SOR ZHEN PA'I PHYIR DANG, SEMS TZAM PA LTAR NA, NGO BO DANG KHYAD PAR DU SGRO 'DOGS THA DAD PAS SKYON MED DO ZHES ZER BA MI 'THAD DE, RTOG MED KYI SEMS SEMS BYUNG LA SGRO 'DOGS MED PAS JI SKAD BSHAD PA'I SKYON SPONG MI NUS PA'I PHYIR RO, ,YANG KHA CIG NA RE, GNYIS KAS GNYIS KA 'DZIN MOD KYI SEMS KYIS DON GYI NGO BO RANG STOBS KYIS 'DZIN LA, DON GYI KHYAD PAR GZHAN SEMS BYUNG GI STOBS KYIS 'DZIN CING, SEMS BYUNG GIS DON GYI KHYAD PAR RANG STOBS KYIS 'DZIN LA, DON GYI NGO BO GZHAN SEMS KYI STOBS KYIS 'DZIN PAS, RANG STOBS KYI RNAM PA MI MTSUNGS PAS RNAM PA MI MTSUNGS @177A *, ,PAR BSTAN PA YIN NO ZHES ZER, DE YANG MI 'THAD DE, RANG STOBS DANG GZHAN STOBS KYI KHYAD PAR DE BKAG ZIN PA'I PHYIR, BCOM LDAN RIGS PA'I RAL GRI NA RE, GNYIS KA LA GNYIS KA SNANG YANG RTOG PA'I RNAM PA MI GCIG PA YIN TE, SEMS KYIS KHYAD PAR MTHONG YANG MA RTOGS, SEMS BYUNG GIS NGO BO MTHONG YANG MA RTOGS PA, SEMS KYIS NGO BO RTOGS LA SEMS BYUNG GIS KHYAD PAR RTOGS PA'I PHYIR, ZHES GSUNG NGO, ,DE'ANG MI 'THAD DE, SEMS BYUNG GIS DON GYI NGO BO MA RTOGS PA LA SHES BYED MED PA'I PHYIR, RANG LAN NI, GTZO BO GZUGS 'DZIN DBANG SHES LTA BU BDAG RKYEN MIG GI DBANG PO LAS DNGOS SU SKYES SHING GZUGS KYI RNAM PA SHAR BA'I SGO NAS GZUGS DMIGS PA TZAM GYIS MTSAN NYID YONGS SU RDZOGS LA, SEMS BYUNG LA DE TZAM GYIS MTSAN NYID MI RDZOGS ZHES PA'I DON YIN ZHES GSUNG NGO, , GAL TE SEMS DANG SEMS BYUNG GNYIS KA PHAN TSUN MTSUNGS LDAN YIN NA GTZO 'KHOR DU JI LTAR 'JOG CE NA, SEMS LA RTEN LA SOGS PA RANG DBANG DU YOD CING, SEMS BYUNG LA RANG DBANG GI RTEN LA SOGS PA MED PAR SEMS KYI RTEN LA SOGS PA LA RAG LAS PAS SEMS GTZO BO DANG SEMS BYUNG 'KHOR DU BZHAG PA YIN NO, ,GNYIS PA DBYE BA LA GNYIS, SEMS KYI DBYE BA DANG, SEMS BYUNG GI DBYE BA'O, ,DANG PO NI, KUN GZHI KHAS MI LEN PA LTAR NA RNAM SHES TSOGS DRUG GO, ,DE LA MIG GI RNAM SHES KYI MTSAN NYID, RANG GI BDAG RKYEN MIG DBANG LAS DNGOS SU SKYES PA'I GTZO BO RNAM RIG , ,DES RIGS 'GRE'O, ,KUN GZHI KHAS LEN NA, RNAM SHES TSOGS BRGYAD LAS, KUN GZHI'I RNAM SHES KYI MTSAN NYID, MA BSGRIBS LA LUNG DU MA BSTAN PA'I GTZO BO RNAM RIG GANG ZHIG, RNAM SMIN DANG LAS KYI SA BON THAMS CAD KYI RTEN BYED PA'I @177B RIGS SU GYUR PA, NYON MONGS PA CAN GYI YID KYI MTSAN NYID, BSGRIBS LA LUNG MA BSTAN GYI GTZO BO RNAM RIG GANG ZHIG, KUN GZHI LA DMIGS NAS NGAR 'DZIN PA, YANG NA SEMS BCU GNYIS YOD DE, KHAMS GSUM GYI DGE BA'I SEMS GSUM 'DOD PA'I MI DGE BA'I SEMS, KHAMS GSUM GYI BSGRIBS LA LUNG MA BSTAN GYI SEMS GSUM, MA BSGRIBS LA LUNG MA BSTAN GYI SEMS GSUM, ZAG MED KYI SEMS SLOB MI SLOB GNYIS SO, ,'O NA SDE BDUN GYI SKABS 'DIR TSOGS DRUG LAS NGO BO THA DAD PA'I KUN GZHI'I RNAM SHES KHAS LEN NAM MI LEN ZHE NA, SPYIR SEMS TZAM PA LA TSOGS DRUG LAS NGO BO THA DAD PA'I KUN GZHI KHAS LEN PA DANG MI LEN PA GNYIS YOD PA LAS, 'DIR NI TSOGS DRUG LAS NGO BO THA DAD PA'I KUN GZHI KHAS MI LEN TE, CIG CAR RIGS MI MTHUN SKYE YANG, ,SHIN TU GSAL BA'I SEMS GCIG GIS, , NUS PA NYAMS PAR BYAS PA'I PHYIR, ,KUN GZHI LAS GZHAN 'BYUNG BA MIN, ,ZHES PA MA GTOGS SDE BDUN GYI SKABS 'DIR TSOGS DRUG LAS NGO BO THA DAD PA'I KUN GZHI ZUR TZAM YANG MA GSUNGS SHING, GZHUNG DE'I DON YANG KUN GZHI'I RNAM SHES LAS CIG CAR RNAM SHES RIGS MI MTHUN PA SKYE BAR KHAS LEN DU CHUG NA YANG ZHES BRTAG PA MTHA' BZUNG GI TSUL DU BSHAD PA'I PHYIR RO, ,GNYIS PA SEMS BYUNG LA GNYIS, KUN LAS BTUS NAS BSHAD PA DANG, MDZOD NAS BSHAD PA'I TSUL LO, ,DANG PO NI, SEMS BYUNG LNGA BCU RTZA GCIG YOD DE, KUN 'GRO LNGA, ,YUL NGES LNGA, DGE BA BCU GCIG, RTZA NYON DRUG, NYE NYON NYI SHU, GZHAN 'GYUR BZHI YOD PA'I PHYIR, TSOR BA DANG, 'DU SHES DANG, SEMS PA DANG, YID LA BYED PA DANG, REG PA LNGA NI KUN 'GRO YIN TE, LNGA PO 'DI DAG GANG RUNG GCIG 'KHOR DU MA CHAD NA, YUL @178A *, ,GYI LONGS SPYOD MI RDZOGS PAS SEMS KUN GYI 'KHOR DU 'GRO BA'I PHYIR, SEMS PA DANG YID LA BYED PA GNYIS SEMS KUN GYI 'KHOR DU 'GRO BA YIN TE, SEMS PA MED NA SEMS YUL LA PHYOGS PA MED CING, YID LA BYED PA MED NA DMIGS PA BYE BRAG PA LA SEMS GTOD PA MED PA'I PHYIR TE, MDO LAS YID LA BYED PA DANG SEMS PAS MNGON PAR MA BSGRUBS SHING, MNGON PAR 'DUS MA BYAS PAR RNAM PAR SHES PA JI LTAR 'BYUNG BAR 'GYUR ZHES GSUNGS PAS SO, ,TSOR BA DANG 'DU SHES GNYIS SEMS KUN GYI 'KHOR DU 'GRO BA YIN TE, TSOR BA MED NA MYONG BA MED CING 'DU SHES MED NA YUL GYI THUN MONG MA YIN PA'I MTSAN MA 'DZIN PA MED LA, DE GNYIS MED NA RNAM SHES DON MED DU 'GYUR BA'I PHYIR RO, ,REG PA SEMS KUN GYI 'KHOR DU 'GRO BA YIN TE, REG PA MED NA RTEN MED PAS TSOR BA SOGS MI 'BYUNG BA'I PHYIR RO, ,'DUN PA DANG, MOS PA DANG, DRAN PA DANG, TING NGE 'DZIN DANG, SHES RAB LNGA NI YUL NGES YIN TE, YUL BYE BRAG CAN KHO NA LA 'JUG PAR NGES PA'I PHYIR, DE YANG RANG RANG GI MTSAN NYID LA DPYAD PAS SHES SO, ,DAD PA DANG, NGO TSA SHES PA DANG, KHREL YOD PA DANG, MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS DANG, SHIN TU SBYANGS PA DANG, BAG YOD DANG, BTANG SNYOMS DANG, RNAM PAR MI 'CHA BA STE, BCU GCIG NI DGE BA YIN TE, MA DAD PA SOGS KYI GNYEN PO DANG NGO BO DANG MTSUNGS LDAN CI RIGS PA'I SGO NAS DGE BA YIN PA'I PHYIR, 'DOD CHAGS DANG, KHONG KHRO DANG, NGA RGYAL DANG, MA RIG PA DANG, THE TSOM DANG, LTA BA STE DRUG NI RTZA NYON YIN TE, SEMS NYON MONGS PAR BYED PA'I GTZO BO YIN PA'I PHYIR, KHRO BA DANG, 'KHON DU 'DZIN PA DANG, 'CHAB PA DANG, 'TSIG PA DANG, PHRAG DOG DANG, SER SNA DANG, SGYU DANG, G-YO DANG, @178B RGYAGS PA DANG, RNAM 'TSO DANG, NGO TSA MED PA DANG, KHREL MED PA DANG, RMUGS PA DANG, RGOD PA DANG, MA DAD PA DANG, LE LO DANG, BAG MED DANG, BRJED NGAS DANG, SHES BZHIN MA YIN PA DANG, RNAM G-YENG STE, NYI SHU NI NYE NYON YIN TE, RTZA NYON GYI CHAR GTOGS YIN ZHING SEMS NYE BAR NYON MONGS PAR BYED PA'I PHYIR, GNYID DANG, 'GYED PA DANG, RTOG PA DANG, DPYOD PA BZHI NI GZHAN 'GYUR YIN TE, KUN SLONG DANG MTSUNGS LDAN GYI DBANG GIS DGE MI DGE LUNG MA BSTAN GZHAN DANG GZHAN DU 'GYUR BA'I PHYIR RO, ,GNYIS PA MDZOD NAS BSHAD PA LA GNYIS, SDE TSAN DU NGES PA DANG, MA NGES PA'I SEMS BYUNG NGO, ,DANG PO LA LNGA, SEMS KYI SA MANG PO PA DANG, DGE BA'I SA MANG PO PA DANG, NYON MONGS PA'I SA MANG PO PA DANG, MI DGE BA'I SA MANG PO PA DANG, NYON MONGS CHUNG NGU'I SA MANG PO PA'O, ,DE LA TSOR BA LA SOGS PA BCU NI, SEMS KYI SA MANG PO PA YIN TE, SEMS THAMS CAD KYI 'KHOR DU 'BYUNG BA'I PHYIR, DAD PA LA SOGS PA BCU NI, DGE BA'I SA MANG PO PA YIN TE, DGE BA'I SEMS THAMS CAD KYI 'KHOR DU 'BYUNG ZHING, SEMS GZHAN GYI 'KHOR DU MI 'BYUNG BA'I PHYIR, RMONGS PA LA SOGS PA DRUG NI, NYON MONGS PA'I SA MANG PO PA YIN TE, NYON MONGS PA CAN GYI SEMS THAMS CAD KYI 'KHOR DU 'BYUNG ZHING, SEMS GZHAN GYI 'KHOR DU MI 'BYUNG BA'I PHYIR RO, ,KHREL MED DANG NGO TSA MED PA CHOS CAN, MI DGE BA'I SA MANG PO PA YIN TE, MI DGE BA'I SEMS THAMS CAD KYI 'KHOR DU 'BYUNG ZHING SEMS GZHAN GYI 'KHOR DU MI 'BYUNG BA'I PHYIR, KHRO BA LA SOGS PA BCU NI NYON MONGS CHUNG NGU'I SA PA YIN TE, MTSUNGS LDAN GROGS KYI SA CHUNG, SPANG BYA RIGS KYI SA CHUNG, 'BYUNG SA RTEN GYI SA CHUNG BA'I PHYIR, DE SKAD DU'ANG, MDZOD LAS, TSOR DANG SEMS PA 'DU @179A *, ,SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,DAD DANG BAG YOD SHIN TU SBYANGS, ,BTANG SNYOMS NGO TSA SHES KHREL YOD, ,RTZA BA GNYIS RNAM MI 'TSE DANG, ,BRTZON 'GRUS RTAG TU DGE LA 'BYUNG, ,RMONGS DANG BAG MED LE LO DANG, ,MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG, ,MI DGE LA NI KHREL MED DANG, ,NGO TSA MED PA'O KHRO BA DANG, ,'KHON DU 'DZIN DANG G-YO DANG NI, ,PHRAG DOG 'TSIG 'CHAB SER SNA DANG, ,SGYU DANG RGYAGS DANG RNAM 'TSE NI, , NYON MONGS CHUNG NGU'I SA PA RNAMS, ,ZHES BSHAD DO, ,SDE TSAN DU MA NGES PA NI, DBYIG BSHES KYIS, RTOG DANG DPYOD DANG 'GYOD PA DANG, ,GNYID DANG KHONG KHRO CHAGS RNAMS DANG, ,NGA RGYAL THE TSOM ZHES BYA BA, ,BRGYAD NI NGES PA MIN PAR BSHAD, ,CES BSHAD PA LTAR, BRGYAD PO 'DI SDE TSAN DU MA NGES PA YIN TE, SDE TSAN LNGA PO GANG RUNG DU MA NGES PA'I SEMS BYUNG YIN PA'I PHYIR, 'O NA SEMS BYUNG 'DI DAG LAS RDZAS YOD NI DU BTAGS YOD NI DU ZHE NA, SPYIR RDZAS YOD LA, RANG RKYA THUB PA DANG, DON BYED NUS PA DANG, RIGS PAS GRUB PA DANG, BRTAN PA BZHI LAS 'DIR NI DANG PO YIN GYI BAR PA GNYIS MA YIN TE, SEMS BYUNG THAMS CAD DON BYED NUS PA DANG RIGS PAS GRUB PA'I PHYIR, BZHI PA'ANG MA YIN TE, KUN GZHI KHAS LEN PA LTAR NA, NYON YID KYI 'KHOR DU 'BYUNG BA'I 'JIG LTA'ANG BRTAN PA YIN PAS RDZAS YOD DU THAL BA'I PHYIR RO, ,BTAGS YOD LA'ANG CHA LA BTAGS PA DANG, GNAS SKABS LA BTAGS PA DANG, MED BZHIN DU BTAGS PA DANG, DE LAS GZHAN PA'I BTAGS YOD BZHI LAS, DANG PO YIN GYI GZHAN RNAMS MA YIN TE, GNAS SKABS RNAM PAR 'GYUR BA LA BTAGS PA @179B DANG, MED BZHIN DU BLOS BTAGS PA DANG, RNAM 'JOG GZHAN LA BRTEN NAS RTOGS BYA MA YIN PA'I PHYIR, DES NA KUN 'GRO LNGA DANG, YUL NGES LNGA DANG, GTI MUG MED PA DANG, BAG YOD DANG, BTANG SNYOMS DANG, RNAM PAR MI 'TSE BA MA GTOGS PA'I DGE BA BDUN DANG, LTA BA MA GTOGS PA'I RTZA NYON LNGA STE, NYI SHU RTZA GNYIS NI RDZAS YOD DANG LHAG MA RNAMS NI BTAGS YOD YIN NO, ,GSUM PA NI, 'O NA SEMS DANG SEMS BYUNG 'DI DAG RDZAS GCIG GAM THA DAD CE NA, KHA CIG NA RE, RDZAS THA DAD YIN TE, GAL TE RDZAS GCIG YIN NA, PHUNG PO LNGA MI 'THAD PAR THAL, TSOR BA DANG 'DU SHES DANG MTSUNGS LDAN GYI 'DU BYED RNAMS RNAM PAR SHES PA LAS RDZAS THA DAD MA YIN PA'I PHYIR, DE SKAD DU'ANG, RNAM PAR GTAN LA DBAB PA BSDU BA LAS, LNGA NYID 'THAD PA MED PHYIR DANG, ,DE YI GNAS SKABS SKYON PHYIR DANG, ,BYED RGYU BYE BRAG MED PHYIR DANG; ;LUNG DANG 'GAL BAR 'GYUR PHYIR RO, ,ZHES GSUNGS PA'I PHYIR ZHE NA, 'O NA SEMS TZAM PA LTAR NA, PHUNG PO LNGA MI 'THAD PAR THAL, ,GZUGS DANG RNAM SHES RDZAS THA DAD MA YIN PA'I PHYIR KHYAB PA KHAS, RTAGS MA GRUB NA, PHYI ROL GYI DON GRUB PAR THAL, GZUGS DANG RNAM SHES RDZAS THA DAD YIN PA'I PHYIR, MDO SEMS GNYIS KA'I LUGS LA, PHUNG PO LNGA MI 'THAD PAR THAL LO, ,PHUNG PO GZHAN RNAMS DANG LDAN MIN 'DU BYED RDZAS THA DAD MA YIN PA'I PHYIR, 'O NA BSDU BA'I LUNG DE'I DON CI ZHE NA, SEMS DANG SEMS BYUNG RDZAS GCIG PA LA SKYON BRJOD PA MIN GYI, SEMS BYUNG MED PAR SEMS TZAM ZHIG ? RDZAS SU GRUB PAR 'DOD PA BKAG PA YIN TE, RNAM PAR GTAN LA DBAB PAR BSDU BA LAS, DGE SBYONG NGAM BRAM ZE LA LA MING LAS SEMS TZAM ZHIG RDZAS SU 'DOD LA, SEMS LAS BYUNG BA'I CHOS RNAMS NI MI 'DOD PA GANG DAG YOD PA DE @180A *, ,YANG MI 'THAD DE, DE CI'I PHYIR ZHE NA, LNGA NYID 'THAD PA MED PHYIR DANG, ,DE YI GNAS SKABS SKYON PHYIR DANG, ,BYED RGYU BYE BRAG MED PHYIR DANG, ,LUNG DANG 'GAL BAR 'GYUR PHYIR RO, ,ZHES GSUNGS LA, DE'I DON PHUNG PO LNGA MI 'THAD PAR THAL, TSOR BA DANG 'DU SHES DANG MTSUNGS LDAN GYI 'DU BYED KYI PHUNG PO RNAMS RDZAS SU MA GRUB PA'I PHYIR, GAL TE SKYON MED DE, SEMS KYI GNAS SKABS LA PHUNG PO LNGA 'JOG PA'I PHYIR ZHE NA, DE YANG MI 'THAD DE, SEMS KYI GNAS SKABS LA BTAGS PA'I TSOR BA LA SOGS PA DON BYED NUS PA YIN NA, SEMS BYUNG RDZAS SU GRUB PA YIN LA, DON BYED MI NUS NA PHUNG PO LNGA MI 'THAD PA'I SKYON YOD PA'I PHYIR RO, ,GZHAN YANG, SEMS KYI GNAS SKABS LA PHUNG PO LNGA 'JOG PA MI 'THAD PAR THAL, DE LTAR 'JOG PA'I BYED RGYU'I BYE BRAG MED PA'I PHYIR, GZHAN YANG, LUNG LAS SEMS 'DOD CHAGS DANG BCAS PA ZHES GSUNGS PA MI 'THAD PAR THAL, SEMS BYUNG RDZAS SU MA GRUB PA'I PHYIR ZHES PA'I DON NO, ,KHA CIG NA RE, SEMS DANG SEMS BYUNG RDZAS THA DAD YIN TE, GCIG TSE GSAL BAS BSGRIBS NA YANG, SEMS KYI KHYAD PAR RGYUN DAG LA, ,THA DAD PAR NI MTHONG BA'I PHYIR, ,THA DAD RNAM GZHAG GRUB PA YIN, ,ZHES GSUNGS PA'I PHYIR ZHES ZER BA MI 'THAD DE, DES SEMS GCIG GI 'KHOR DU BYUNG BA'I SEMS BYUNG KUN 'GRO LNGA PO THA DAD DU BSTAN PA YIN GYI, SEMS DANG SEMS BYUNG RDZAS THA DAD DU BSTAN PA MA YIN TE, 'DI'I 'GREL PAR, NYI MA SBAS PAS, SEMS LAS BYUNG BA NI SEMS LAS THA DAD PAR BSTAN PA MA YIN TE, SEMS LAS SEMS BYUNG GZHAN MA YIN ZHES BRJOD PA'I PHYIR, ZHES DANG, RGYAN GYI 'GREL PAR YANG DE LTAR GSUNGS PA'I PHYIR RO, , @180B DE LTAR MA YIN NA, SEMS GCIG GI 'KHOR DU BYUNG BA'I SEMS BYUNG KUN 'GRO LNGA PO DE RDZAS THA DAD YIN PAR THAL, SEMS DANG SEMS BYUNG RDZAS THA DAD YIN PA GANG ZHIG ,RGYU MTSAN MTSUNGS PA'I PHYIR, 'DOD NA, SKYES BU GCIG GI RGYUD LA RTOG PA RDZAS THA DAD PA DRUG CIG CAR DU SKYE BA YOD PAR THAL, DE'I RGYUD LA YOD PA'I GTZO BO RNAM PAR RTOG PA DANG, DE'I 'KHOR DU BYUNG BA'I SEMS BYUNG YANG RDZAS THA DAD, DE'I 'KHOR DU BYUNG BA'I KUN 'GRO LNGA YANG RDZAS THA DAD PA'I PHYIR, 'DOD MI NUS TE, SNANG RUNG MA DMIGS PAS KHEGS PA'I PHYIR DANG, RTOG GNYIS CIG CAR MTHONG BA MED PA'I RIGS PAS GNOD PA'I PHYIR RO, ,GAL TE RTOG GNYIS CIG CAR MTHONG BA MED PA'I RIGS PAS RIGS MTHUN GYI RTOG PA RDZAS THA DAD PA GNYIS CIG CAR MI SKYE BAR BSTAN PA YIN GYI, RIGS MI MTHUN GYI RTOG PA RDZAS THA DAD PA GNYIS CIG CAR MI SKYE BAR MA BSTAN TO ZHE NA, 'O NA RIGS MTHUN RIGS MI MTHUN GYI DON DE RNAM SHES TSOGS DRUG TU GRANGS NGES PA'I YA GYAL DU 'DRA BA LA BYED, DANG PO LTAR NA, RTOG PA RDZAS THA DAD PA 'DRA BA LA BYED, DANG PO LTAR NA, RTOG PA RDZAS THA DAD PA GNYIS CIG CAR MI SKYE BAR THAL, YED SHES RDZAS THA DAD PA GNYIS CIG CAR MI SKYE BA GANG ZHIG ,RTOG PA YIN NA YID KYI SHES PA YIN PAS KHYAB PA'I PHYIR, RTAGS BSAL KHAS, GNYIS PA LTAR NA, RIGS PA CAN PAS 'DI NI GZUGS 'DZIN PA'O SNYAM PA'I RTOG PA DANG, 'DI NI GZUGS SO SNYAM PA'I RTOG PA GNYIS CIG CAR SKYE BAR KHAS BLANGS PA LA, DPAL LDAN CHOS KYI GRAGS PAS RTOG GNYIS CIG CAR MTHONG BA MED PA'I RIGS PAS GNOD BYED BSTAN PA MI 'THAD PAR THAL, DE LTA BU'I RTOG PA GNYIS PO DE YUL MI 'DRA BA'I PHYIR, KHYAB PA KHAS, GZHAN YANG, @181A *, ,SKYES BU GCIG GI RGYUD LA RTOG PA RDZAS THA DAD PA GNYIS CIG CAR SKYE NA, DE RNAMS RIGS MTHUN PA NYID LA, ,NUS PA NGES PAR 'GYUR BA YIN, ,'DI LTAR RNAM PAR RTOG PA RNAMS, ,RIM GYIS 'BYUNG BAR YANG DAG RTOGS, ,ZHES GSUNGS PA JI LTAR GRANG GAL TE RTOG PA RDZAS THA DAD PA GNYIS CIG CAR MI SKYE BA'I DON MIN GYI, GTZO BO RIGS MTHUN GYI RTOG PA SNGA MA RE RE KHO NA LAS PHYI MA RE RE KHO NA SKYE BAR NGES PAS, GTZO BO RIGS MTHUN GYI RTOG PA RNAMS RIM GYIS 'BYUNG BAR RTOGS KYI CIG CAR SKYE BA MA MTHONG BA'I PHYIR, ZHES ZER NA, 'O NA RIGS MTHUN RTOG PA RDZAS THA DAD PA GNYIS CIG CAR MI SKYE BAR THAL, RIGS MTHUN GYI RTOG PA RDZAS THA DAD PA RNAMS RIM GYIS 'BYUNG GI CIG CAR SKYE BA MA MTHONG BA'I PHYIR, RTAGS KHYAB KHAS, 'DOD NA, SKYES BU GCIG GI RGYUD LA GTZO BO RTOG PA GCIG GI 'KHOR DU SEMS BYUNG KUN 'GRO RDZAS THA DAD PA LNGA CIG CAR DU SKYE BA 'GAL LO, ,GZHAN YANG, GTZO 'KHOR GYI RTOG PA RDZAS THA DAD PA LNGA CIG CAR SKYE BA MNGON SUM GYIS DMIGS RUNG YIN NAM MIN, MA YIN NA, DA 'DRA CIG CAR MI SKYE BAR 'GYUR LA, YIN NA, DE 'DRA CIG CAR MI SKYE BAR THAL, DE MNGON SUM GYIS DMIGS RUNG MA DMIGS PA'I PHYIR, DES NA RANG LUGS LA, SKYES BU GCIG GI RGYUD LA YOD PA'I GTZO BO RNAM PAR RTOG PA DANG DE'I 'KHOR DU BYUNG BA'I SEMS BYUNG NGO BO GCIG LA LDOG PA THA DAD PA YIN LA, DE'I 'KHOR DU BYUNG BA'I SEMS BYUNG KUN 'GRO LNGA YANG NGO BO GCIG LA LDOG PA THA DAD PA YIN NO, ,BZHI PA SGRA DON NI, SEMS DANG YID DANG RNAM PAR SHES PA RNAMS DON GCIG MING GI RNAM GRANGS YIN LA, DE YANG CI NYA GSOG PA LA 'O ZHES 'BYUNG BAS, DGE MI DGE'I BAG CHAGS @181B GSOG PA'I DON GYIS NA SEMS DANG, YUL SHES PAS NA YID DANG, YUL SO SOR RNAM PAR SHES PAS NA RNAM PAR SHES PA'O, ,SEMS LA BRTEN NAS 'PHRAL LA 'BYUNG BAS NA SEMS BYUNG NGO, ,'O NA SEMS BYUNG DE SEMS DANG DUS MNYAM MA YIN PAR THAL, SEMS LA BRTEN NAS BYUNG BA'I PHYIR ZHE NA, SKYON MED DE, RANG DANG DUS MNYAM PA'I SEMS LAS BYUNG BA MIN GYI, SEMS SNGA MA LAS BYUNG BAS SEMS BYUNG ZHES BRJOD PA YIN TE, DPER NA, TSOR BA DANG REG PA DUS MNYAM YIN YANG, TSOR BA DE REG PA SNGA MA LAS BYUNG BA'I PHYIR, REG PA'I RKYEN GYIS TSOR BA ZHES BRJOD PA BZHIN NO, ,GNYIS PA TSAD MA DANG TSAD MIN GYI BLO GNYIS SU DBYE BA LA, TSAD MA NI SNGAR BSHAD ZIN LA, TSAD MIN GYI BLO'I MTSAN NYID, RANG GI GZHAL BYA LA GSAR DU MI BSLU BA MA YIN PA'I SHES PA, DBYE NA LNGA, MA RTOGS PA'I BLO DANG, LOG SHES DANG, THE TSOM DANG, BCAD SHES DANG, YID DPYOD DO, ,MA RTOGS PA'I BLO'I MTSAN NYID, RANG YUL SNANG YANG DE LA NGES SHES DON MTHUN 'DREN MI NUS PA'I SHES PA, DPER NA ZLA BA GNYIS SNANG GI DBANG SHES LTA BU DANG, SGRA RTAG 'DZIN GYI RTOG PA LTA BU'O, ,SGRA 'DZIN MNGON SUM LTA BU SGRA MI RTAG PA LA SNANG LA MA RTOGS PA'I BLO YIN LA, SPYIR SNANG LA MA RTOGS PA'I BLO MA YIN TE, TSAD MA YIN PA'I PHYIR RO, ,LOG SHES KYI MTSAN NYID, RANG YUL PHYIN CI LOG TU 'DZIN PA'I BLO, DBYE NA GNYIS, RTOG PA LOG SHES DANG, RTOG MED LOG SHES SO, ,DANG PO'I MTSAN NYID, RANG YUL PHYIN CI LOG TU ZHEN PA'I BLO, DPER NA SGRA RTAG 'DZIN GYI RTOG PA LTA BU'O, ,GNYIS PA'I MTSAN NYID, RANG YUL PHYIN CI LOG TU GSAL BAR SNANG BA'I BLO, DPER NA ZLA BA GNYIS SNANG GI DBANG SHES LTA BU'O, ,THE TSOM GYI MTSAN NYID, RANG YUL LA MTHA' GNYIS SU @182A *, ,DVOGS PA'I BLO, DBYE NA GNYIS, SHAS CHER 'DZIN PA DANG, CHA MNYAM DU 'DZIN PA'I THE TSOM MO, ,DANG PO LA YANG, PHAL CHER SGRA MI RTAG LAS CHE SNYAM DU 'DZIN PA'I BLO LTA BU DON 'GYUR GYI THE TSOM DANG, PHAL CHER SGRA RTAG LAS CHE SNYAM DU 'DZIN PA'I BLO LTA BU DON MI 'GYUR GYI THE TSOM GNYIS SO, ,CHA MNYAM DU 'DZIN PA'I THE TSOM NI, SGRA RTAG GAM MI RTAG SNYAM DU 'DZIN PA'I BLO LTA BU'O, ,BCAD SHES KYI MTSAN NYID, RANG GI NYER LEN TSAD MA SNGA MAS RTOGS ZIN BYED PA MA NYAMS PA'I DON LA BSNAN NAS 'DZIN PA'I BLO, DPER NA SNGO SNANG DBANG SHES KYI RJES SU SKYES PA'I SNGON PO DRAN PA'I SHES PA LTA BU'O, ,YID DPYOD KYI MTSAN NYID, RTAGS YANG DAG LA MA BRTEN PAR SNGAR MA RTOGS PA'I LKOG GYUR 'DZIN PA'I BLO, DPER NA KHRON PA RNYING PA NA CHU YOD DAM SNYAM DU 'DZIN PA'I BLO LTA BU'O, ,GNYIS PA RGYU 'BRAS LA GNYIS, DANG PO RGYU'I MTSAN NYID, RANG 'BRAS SKYE BYED, DBYE NA DNGOS RGYU DANG BRGYUD RGYU GNYIS, CHOS DE'I DNGOS RGYU'I MTSAN NYID, CHAS DE DNGOS SU SKYE BYED, CHOS DE'I BRGYUD RGYU'I MTSAN NYID, CHOS DE BRGYUD NAS SKYE BYED, YANG RGYU LA DBYE NA, NYER LEN DANG, LHAN CIG BYED RKYEN GNYIS, CHOS DE'I NYER LEN GYI MTSAN NYID, CHOS DE'I RANG BZHIN DANG GNAS SKABS GNYIS KYI NANG NAS RANG BZHIN GYI RDZAS LA GTZO BOR PHAN 'DOGS BYED, DPER NA, MIG DBANG SKAD CIG DANG PO DE MIG DBANG SKAD CIG GNYIS PA'I NYER LEN YIN PA LTA BU'O, ,'O NA TSE PHYI MA'I MIG DBANG SKAD CIG DANG PO DE'I NYER LEN GYI RGYU GANG YIN ZHE NA, TSE 'DI'I ? MIG DBANG SKAD CIG THA MA DE NYID YIN TE, TSE 'DI NYID KYI SKYE MCHED LNGA, ,LUS GZHAN SKYED PA'I RGYU NYID YIN, ,ZHES GSUNGS PA LTAR RO, ,DA NI 'DI DPYAD PAR BYA STE, 'DOD KHAMS NAS GZUGS MED KHAMS SU SKYES DE NAS 'DOD KHAMS @182B SU SKYES MA THAG PA'I DBANG PO GZUGS CAN PA DE LA DNGOS KYI NYER LEN YOD DAM MED, MED NA, DE LA LHAN CIG BYED RKYEN MED PAR THAL, DE LA NYER LEN MED PA'I PHYIR, KHYAB PA YOD DE, NYER LEN GYI RGYUS 'BRAS BU SKYED PA'I GROGS DE NYID LA LHAN CIG BYED RKYEN DU BRJOD PA YIN PA'I PHYIR, 'DOD NA, DE LA RGYU MED PAR THAL, DE LA NYER LEN YANG MED, LHAN CIG BYED RKYEN YANG MED PA'I PHYIR, 'DOD NA, DE RTAG TU YOD PA'AM MED PAR 'GYUR BAR THAL, RGYU MED DU 'BYUNG BA'I PHYIR, DES NA, DE LA DNGOS KYI NYER LEN YOD DE, DE DNGOS PO YIN PA'I PHYIR, GZUGS MED KHAMS NAS 'CHI KHA MA'I SEMS DE DE'I DNGOS KYI NYER LEN YIN NO ZHE NA, MI 'THAD DE, BEM RIG PHAN TSUN NYER LEN BYED PA MI 'THAD PA'I PHYIR TE, GANG GI RNAM PAR SHES PA NI, ,MI SHES PA YI NYER LEN RGYU, ,ZHES DANG, RNAM SHES MIN PA RNAM SHES KYI, NYER LEN MIN PA'I PHYIR YANG GRUB, ,CES 'BYUNG BA'I PHYIR RO, ,GZUGS MED KHAMS NAS 'CHI KHA MA'I DBANG PO GZUGS CAN PA DES DE'I NYER LEN BYED DO ZHE NA, DE YANG MI 'THAD DE, GZUGS MED KHAMS NA DBANG PO GZUGS CAN PA MED PA'I PHYIR TE, GZUGS MED KHAMS NA GZUGS MED PA'I PHYIR RO, ,GAL TE 'DOD KHAMS NAS 'CHI KHA'I DBANG PO GZUGS CAN BA DE DE'I DNGOS KYI NYER LEN YIN NO ZHE NA, 'DOD KHAMS NAS GZUGS MED DANG DE NAS 'DOD KHAMS SU SKYE 'GYUR GYI 'DOD PA'I SKYES BU 'CHI KHA MA DE CHOS CAN, KHYOD SHI MA THAG 'DOD KHAMS SU SKYE BAR THAL, KHYOD KYI DBANG PO GZUGS CAN PA DES PHYI MA'I 'DOD PA'I DBANG PO GZUGS CAN PA DE'I DNGOS KYI NYER LEN BYED PA'I PHYIR, DE CHOS CAN, KHYOD SHI MA THAG 'DOD KHAMS DANG GZUGS MED KHAMS SU CIG CAR DU SKYE BAR THAL, RTAGS DE GANG ZHIG, KHYOD SHI MA THAG GZUGS MED KHAMS SU SKYE BA'I PHYIR, @183A *, ,GAL TE SHI MA THAG 'DOD PA'I KHAMS SU SKYE BA'I SKYON MED DE, SNGAR GYI DBANG PO GZUGS CAN THA MA DES, PHYIS KYI 'DOD PA'I DBANG PO GZUGS CAN DANG PO DE SKYED PA'I LHAN CIG BYED RKYEN GZUGS MED NAS 'CHI KHA MA'I SEMS DE SNGAR MED PA'I PHYIR ZHE NA, 'O NA SNGAR GYI DBANG PO GZUGS CAN THA MA DE GZUGS MED NAS 'CHI KHA'I SEMS SKYES KYI BAR DU GNAS SAM DE'I SNGAR 'GAGS, DANG PO LTAR NA, SNGAR GYI 'DOD PA'I DBANG PO GZUGS CAN THA MA DE RTAG DNGOS SU THAL LO, ,GNYIS PA LTAR NA, PHYIS KYI 'DOD PA'I DBANG PO GZUGS CAN DANG PO DE CHOS CAN, SNGAR GYI 'DOD PA'I DBANG PO GZUGS CAN THA MA DE KHYOD KYI DNGOS KYI NYER LEN MIN PAR THAL, DE KHYOD KYI DNGOS KYI LHAN CIG BYED RKYEN SKYES PA'I TSE 'GAGS PA'I PHYIR, DBANG PO GZUGS CAN SNGA PHYI DE GNYIS KYI BAR DU RIGS MI MTHUN GYI CHOD KYANG RIGS MTHUN GYIS MA CHOD PAS DNGOS KYI NYER LEN YIN NO ZHE NA, DE MI 'THAD DE, DE LA SNGAR BSHAD PA'I GNOD BYED SPONG BAR MI NUS PA'I PHYIR, RANG GI LUGS NI, SNGAR 'DOD PA NAS 'CHI 'PHO BA'I TSE SEMS KYI STENG DU DBANG PO GZUGS CAN PA'I BAG CHAGS BZHAG PA'I STOBS KYIS GZUGS MED KYI SEMS KYI STENG NA YOD PA'I DBANG PO GZUGS CAN PA'I BAG CHAGS DE NYID, PHYIS 'DOD PA'I KHAMS SU SKYES PA'I DBANG PO GZUGS CAN DANG PO DE'I NYER LEN YIN NO, ,'O NA GZUGS MED KYI SEMS KYI STENG NA YOD PA'I DBANG PO GZUGS CAN PA'I BAG CHAGS DE BEM PO YIN NAM, RIG PA YIN NAM, DE GNYIS KA MA YIN, DANG PO LTAR NA, GZUGS MED KHAMS NA GZUGS YOD PAR THAL LO, ,GNYIS PA LTAR NA, GANG GI RNAM PAR SHES PA NI, ,MI SHES PA YI NYER LEN RGYU, ,ZHES GSUNGS PA DANG 'GAL LO, , @183B GSUM PA LTAR NA, DE CHOS CAN, DNGOS PO MA YIN PAR THAL, BEM PO YANG MA YIN, RIG PA YANG MA YIN PA'I PHYIR, RTAGS BSAL KHAS, KHYAB STE, DNGOS PO LA BEM PO DANG RIG PA GNYIS SU GRANGS NGES PA'I PHYIR ZHE NA, SKYES BU CHOS CAN, DNGOS PO MA YIN PAR THAL, BEM PO YANG MA YIN, RIG PA YANG MA YIN PA'I PHYIR, DES NA DBANG PO GZUGS CAN PA'I BAG CHAGS DE DNGOS PO YIN YANG BEM RIG GANG DU YANG KHAS MI LEN GYI LDAN MIN 'DU BYED DU KHAS LEN PA YIN NO, ,'O NA GZUGS MED KHAMS NA GZUGS YOD PAR THAL, DE NA GZUGS KYI SA BON YOD PA'I PHYIR ZHE NA, 'O NA GZUGS MED KHAMS NA MI DGE BA YOD PAR THAL, DE NA MI DGE BA'I SA BON YOD PA'I PHYIR, CHOS DE'I LHAN CIG BYED RKYEN GYI MTSAN NYID, CHOS DE'I RANG BZHIN DANG GNAS SKABS GNYIS KYI NANG NAS GNAS SKABS KYI RDZAS LA GTZO BOR PHAN 'DOGS BYED, DPER NA MIG GI DBANG PO DE GZUGS 'DZIN DBANG SHES KYI LHAN CIG BYED RKYEN YIN PA LTA BU'O, ,GNYIS PA 'BRAS BU'I MTSAN NYID, RANG RGYUS PHAN GDAGS PAR BYA BA, DBYE NA, DNGOS 'BRAS DANG BRGYUD 'BRAS GNYIS, CHOS DE'I DNGOS 'BRAS KYI MTSAN NYID, CHOS DES DNGOS SU PHAN GDAGS PAR BYA BA, DPER NA, DU BA ME'I DNGOS 'BRAS YIN PA LTA BU'O, ,CHOS DE'I BRGYUD 'BRAS KYI MTSAN NYID, CHOS DES BRGYUD NAS PHAN GDAGS PAR BYA BA, DPER NA, DU BA DE BUD SHING GI BRGYUD 'BRAS YIN PA LTA BU'O, ,GSUM PA ZHAR LA DUS GSUM GYI RNAM GZHAG LA GNYIS, BYE BRAG TU SMRA BA'I LUGS DGAG PA DANG, RANG LUGS BZHAG PA'O, ,DANG PO LA GNYIS, 'DOD PA BRJOD PA DANG, DE DGAG PA'O, ,DANG PO LA GNYIS, DUS GSUM RDZAS SU YOD PAR BSGRUB PA, DUS GSUM GYI 'JOG TSUL LO, ,DANG PO NI, 'DAS MA 'ONGS DA LTA RDZAS @184A *, ,SU YOD DAM MED, MED NA, DA LTA LDAN PAR 'GAL LA, YOD NA, RTAG PAR 'GYUR RO ZHE NA, DA LTA RDZAS SU YOD KYANG RTAG PAR MI 'GYUR TE, 'DUS BYAS KYI MTSAN NYID SKYE GNAS 'JIG PA DANG LDAN PA'I PHYIR, 'O NA 'DAS MA 'ONGS DA LTA RDZAS SU YOD PA'I RGYU MTSAN CI ZHE NA, 'DAS MA 'ONGS DA LTA RDZAS SU YOD DE, MDO LAS GAL TE 'DAS PA'I GZUGS SHIG YOD PAR MA GYUR NA 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BAR MI 'GYUR BA ZHIG NA, GANG GI PHYIR 'DAS PA'I GZUGS YOD PA DE'I PHYIR, 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BA YIN NO, ,GAL TE MA 'ONGS PA'I GZUGS SHIG YOD PAR MA GYUR NA 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR MI DGA' BAR MI 'GYUR BA ZHIG NA, GANG GI PHYIR MA 'ONGS PA'I GZUGS YOD PA DE'I PHYIR, 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR MI DGA' BA YIN NO, ,ZHES GSUNGS PA'I PHYIR, YANG DE GNYIS DA LTA RDZAS SU YOD DE, RNAM PAR SHES PA RNAMS YUL DANG DBANG PO GNYIS LA BRTEN NAS SKYE BAR GSUNGS SHING, 'DAS MA 'ONGS DA LTA RDZAS SU MED NA DE LA DMIGS PA'I RNAM SHES DE GNYIS LA BRTEN NAS SKYE BA MI 'THAD PA'I PHYIR, GNYIS LA BRTEN NAS SKYE BAR JI LTAR GSUNGS SHE NA, MDO LAS RNAM PAR SHES PA NI GNYIS LA BRTEN NAS SKYE'O, ,GNYIS GANG ZHE NA, MIG DANG GZUGS NAS YID DANG CHOS KYI BAR ZHES GSUNGS SO, ,YANG DE YOD DE, 'DAS MA 'ONGS PA DMIGS PA'I RNAM SHES DA LTAR BA LA YUL YOD PA'I PHYIR, RTAGS @184B MA GRUB NA, 'DAS MA 'ONGS LA DMIGS PA'I RNAM SHES DE RNAM SHES MA YIN PAR THAL, DE LA SHES BYA MED PA'I PHYIR, YANG 'DAS PA RDZAS SU YOD DE, DGE MI DGE'I LAS 'DAS NAS YUN RING DU LON PA LAS DA LTA 'BRAS BU 'BYUNG BA YOD PA'I PHYIR, DES NA DUS GSUM THAMS CAD RDZAS SU YOD PAR SMRA BA NI THAMS CAD YOD PAR SMRA BA YIN GYI, DA LTAR BA DANG 'DAS PA 'BRAS BU PHYUNG MA ZIN PA CUNG ZAD CIG RDZAS SU YOD LA, 'DAS PA 'BRAS BU PHYUNG ZIN PA DANG MA 'ONGS PA RDZAS SU MED PAR SMRA BA DE DAG NI RNAM PAR PHYI STE SMRA BA YIN GYI THAMS CAD YOD PAR SMRA BA NI MA YIN NO, ,GNYIS PA NI, THAMS CAD YOD PAR SMRA BA DU ZHIG YOD CE NA, RNAM PA BZHI STE, DNGOS PO GZHAN DU 'GYUR BA DANG, MTSAN NYID GZHAN DU 'GYUR BA DANG, GNAS SKABS GZHAN DU 'GYUR BA DANG, GZHAN DANG GZHAN DU 'GYUR PAR SMRA BA'O, ,DANG PO NI BCUN PA CHOS SKYOB YIN TE, DE'I LUGS LA MYU GU LTA BU ZHIG MA 'ONGS PA NAS DA LTAR BA DANG, DA LTAR BA NAS 'DAS PAR 'JUG PA'I TSE, DNGOS PO GZHAN DU 'GYUR BA YIN GYI RDZAS GZHAN DU 'GYUR BA MA YIN TE, DPER NA, GSER GYI SNOD BCOM NAS RGYAN LTA BU BYED PA NA, DBYIBS GZHAN DU 'GYUR YANG KHA DOG GZHAN DU MI 'GYUR BA DANG, 'O NA ZHOR 'GYUR BA NA RO DANG NUS PA GZHAN DU 'GYUR GYI KHA DOG GZHAN DU MI 'GYUR BA BZHIN ZHES ZER RO, ,GNYIS PA NI, BTZUN PA DBYANGS SGROGS YIN TE, DE'I LUGS LA, MYU GU LTA BU ZHIG MA 'ONGS PA NAS DA LTAR BA DANG DA LTAR BA NAS 'DAS PAR 'JUG PA'I TSE, DUS GSUM GA'I MTSAN NYID DANG LDAN YANG MTSAN NYID GANG SHES CHE BA DE'I SGO NAS DUS GSUM 'JOG STE, DPER NA SKYES PA GCIG BUD MED GCIG LA LHAG PAR CHAGS @185A *, ,PAS DE LA CHAGS ZHES BRJOD KYI DE'I TSE GZHAN LA'ANG CHAGS BRAL MA YIN PA BZHIN NO, ,ZHES ZER RO, ,GSUM PA NI, BTZUN PA DBYIG BSHES YIN TE, DE'I LUGS LA, MYU GU LTA BU ZHIG MA 'ONGS PA NAS DA LTAR BA DANG, DA LTAR BA NAS 'DAS PAR 'JUG PA'I TSE 'DAS MA 'ONGS KYI GNAS SKABS DE DANG DER PHYIN PAS DUS GSUM 'JOG GI RDZAS KYI SGO NAS NI MA YIN TE, DPER NA, RTZIS PA'I RIL BU GCIG GCIG DANG BRGYA DANG STONG GI SHOL MIG TU BZHAG PA NA, RIM PA BZHIN GCIG DANG BRGYA DANG STONG DU 'JOG PA BZHIN NO, ,BZHI PA NI, BTZUN PA SANGS RGYAS LHA YIN TE, DE'I LUGS LA MYU GU LTA BU ZHIG MA 'ONGS PA NAS DA LTAR BA DANG DA LTAR BA NAS 'DAS PAR 'JUG PA'I TSE, SNGA PHYI BAR GSUM GYI CHA NAS DUS GSUM DU 'JOG STE, DPER NA, BUD MED GCIG RANG GI MA LA LTOS NAS BU MO DANG BU MO LA LTOS NAS MAR 'DZIG ? PA BZHIN ZHES ZER RO, ,GNYIS PA NI, DE DAG LAS DANG PO NI GRANGS CAN GYI PHYOGS SU BSLAN PAR BYA BA YIN TE, DNGOS PO GZHAN DU 'GYUR GYI RDZAS GZHAN DU MI 'GYUR BAR 'DOD LA, DE GNYIS NGO BO GCIG TU KHAS BLANGS PA'I PHYIR RO, ,GNYIS PA LA DUS GSUM PO MTSAN NYID 'CHOL BAR THAL BA'I SKYON YOD DE, DNGOS PO GCIG DUS GSUM GA'I MTSAN NYID DANG LDAN PAR KHAS BLANGS PA'I PHYIR RO, ,BZHI PA LA YANG, 'DAS PA LTA BU GCIG KYANG DUS GSUM GAR DU 'GYUR BA'I SKYON YOD DE, SNGA PHYI BAR GSUM GYI CHA GSUM YOD PA'I PHYIR, DE DAG GI NANG NAS GSUM PA CUNG ZAD BZANG STE, BYA BA 'GAGS PA DANG MA SKYES PA DANG SKYES LA MA 'GAGS PA'I SGO NAS DUS RNAMS 'JOG PA'I PHYIR, DE THAMS CAD KYANG MI 'THAD DE, 'DAS MA 'ONGS CHOS CAN, BYA BA BYED PA LA GEGS MED PAR THAL, DA LTA RDZAS SU YOD PA'I PHYIR, @185B GZHAN YANG, BYA BA DE DUS LAS GZHAN YIN NAM MIN, DANG PO LTAR NA, BYA BA CHOS CAN, 'DUS MA BYAS YIN PAR THAL, DUS LAS GZHAN YIN PA'I PHYIR, 'DOD NA, RTAG PAR THAL, GZHI GRUB, 'DUS MA BYAS YIN PA'I PHYIR GNYIS PA LTAR NA 'DAS MA 'ONGS CHOS CAN, 'DAS MA 'ONGS KYI DUS SU MA 'BYUNG BAR THAL, BYA BA'I BDAG NYID GANG ZHIG ,DA LTA RDZAS SU YOD PA'I PHYIR, BYA BA ZHIG PA DANG MA SKYES PAS, 'DAS MA 'ONGS SU BZHAG GO ZHE NA, CHOS CAN, BYA BA ZHIG PA DANG MA SKYES PAR MI RUNG BAR THAL, DA LTA RDZAS SU YOD PA'I PHYIR, GZHAN YANG, 'DUS BYAS KYI MTSAN NYID DANG LDAN PAS RTAG PAR THAL BA'I SKYON MED CES SMRA BA DE YANG MI 'THAD DE, RTAG PAR YOD NA MI RTAG PAR 'GAL BA'I PHYIR RO, ,ZHES GSUNGS PA'I PHYIR, ZHES SMRA BA'ANG MI 'THAD DE, LUNG DES 'DAS MA 'ONGS KYI GZUGS YOD PAR BSTAN GYI, DA LTA RDZAS SU YOD PAR MA BSTAN PA'I PHYIR DANG, KHO BO CAG KYANG 'DAS MA 'ONGS KYI GZUGS YOD PAR KHAS LEN PA'I PHYIR, YID DANG CHOS LA BRTEN NAS YID KYI RNAM PAR SHES PA SKYE'O ZHES GSUNGS PA DE YANG 'DAS MA 'ONGS RDZAS SU YOD PA'I SGRUB BYED DU MI RUNG STE, GAL TE RUNG NA, YID DANG CHOS LA BRTEN NAS YID KYI RNAM PAR SHES PA SKYE'O ZHES GSUNGS PA'I DON, YID DE YID KYI RNAM SHES SKYE BYED YIN PA BZHIN DU, CHOS KYANG YID KYI RNAM SHES SKYE BYED YIN ZHES PA YIN NAM, CHOS DE YID KYI RNAM SHES KYI DMIGS PA YIN PA'I DON YIN, DANG PO MI 'THAD DE, MA 'ONGS PA BSKAL PA STONG NAS 'BYUNG BA DANG MI SKYE BA'I CHOS CAN DANG MYA NGAN LAS 'DAS PA 'JUG PA THAMS CAD DANG BRAL BA RNAMS DE DAG LA DMIGS PA'I RNAM SHES DA LTAR BA SKYE BYED MA YIN PA'I PHYIR, GNYIS PA LTAR NA, DE MA 'ONGS PA RDZAS SU YO @186A *, ,PA'I SGRUB BYED MA YIN PAR THAL, RDZAS SU MED KYANG YID KYI RNAM SHES KYI DMIGS PA YIN PA LA 'GAL BA MED PA'I PHYIR, GZHAN YANG, 'DAS PA'I LAS LAS RNAM SMIN 'BYUNG BA DE, 'DAS PA RDZAS SU YOD PA'I SGRUB BYED MA YIN TE, 'DAS PA LAS 'BRAS BU 'BYUNG BA MIN GYI, RGYUD YONGS SU GYUR PA'I KHYAD PAR LAS 'BRAS BU 'BYUNG BA'I PHYIR, DES NA DUS GSUM PO THAMS CAD RDZAS SU YOD PAR SMRA BAS THAMS CAD YOD PAR SMRA BA'I SDE PA ZHES 'DOD PA NI BSTAN PA LA LEGS PA MIN GYI, MDO LAS CHOS THAMS CAD YOD DO ZHES GSUNGS PA BZHIN DU KHAS LEN PA NI LEGS PA YIN NO, ,'O NA CHOS THAMS CAD GANG ZHE NA, SKYE MCHED BCU GNYIS YIN TE, MDO LAS BRAM ZE CHOS THAMS CAD CES BYA BA NI, SKYE MCHED BCU GNYIS KYI TSIG BLA DVAGS SO ZHES GSUNGS PA'I PHYIR, GNYIS PA RANG LUGS BZHAG PA NI, CHOS DE SKYES ZIN SLAR YANG 'GAGS PA'I CHA NI 'DAS PA DANG, CHOS DE'I RGYU YOD KYANG DA LTA MA SKYES PA'I CHA NI MA 'ONGS PA DANG, CHOS DE SKYES LA MA 'GAGS PA NI DA LTAR BA YIN NO, ,'O NA 'DAS MA 'ONGS JI LTAR RDZAS SU MED CE NA, MED DE, MYU GU LTA BU ZHIG PA'I TSE MYU GU'I CHA SHAS KYI DNGOS PO THAMS CAD NI BTANG, DE LAS GZHAN BUM PA LA SOGS PA'I DNGOS PO NI MA THOB PA'I PHYIR DANG, MYU GU 'DAS PA DANG MA SKYES PA LA DGAG BYA RNAM PAR BCAD TZAM MA GTOGS PA RNAM PA MI 'DRA BA 'CHAR RGYU MED PA'I PHYIR, DES NA, 'DAS PA'I MTSAN NYID, DNGOS PO GZHAN ZHIG RANG GRUB DUS KYI SKAD CIG GNYIS PAR ZHIG PA'I CHA, MA 'ONGS PA'I MTSAN NYID, DNGOS PO GZHAN ZHIG SKYE BYED KYI RGYU YOD KYANG, RKYEN MA TSANG BA'I DBANG GIS YUL DUS 'GA' ZHIG TU MA SKYES PA'I CHA, DA LTAR BA'I MTSAN NYID, SKYES LA @186B MA 'GAGS PA, DE YANG RI BONG GI RVA DANG DNGOS MED MA SKYES PA YIN YANG MA 'ONGS PA YIN PA BCAD PA'I PHYIR DU CHOS MNGON PA'I MDO LAS RGYU YOD KYANG ZHES SMOS PA YIN NO, ,DES NA KHA CIG , 'DAS PA'I MTSAN NYID, THAL ZIN PA, MA 'ONGS PA'I MTSAN NYID, MA SLEB PA, ZHES ZER BA NI RGYU YOD KYANG ZHES PA'I RNAM BCAD KYI DGOS PA MA RTOGS PA YIN NO, ,MTSAN GZHI NI, MYU GU RANG GRUB DUS KYI SKAD CIG GNYIS PAR ZHIG PA NI 'DAS PA DANG, MYU GU SKYE BYED KYI RGYU YOD KYANG RKYEN MA TSANG BA'I DBANG GIS YUL DUS 'GA' ZHIG TU MA SKYES PA NI MA 'ONGS PA DANG, MYU GU NI DA LTAR BA YIN NO, ,KHA CIG , KHA SANG DANG DE RING DANG SANG GSUM RIM PA BZHIN DU 'DAS PA DANG DA LTAR BA DANG, MA 'ONGS PA YIN NO, ,ZHES ZER BA MI 'THAD DE, KHA SANG CHOS CAN, 'GAGS PAR THAL, 'DAS PA YIN PA'I PHYIR, 'DOD NA, ZHIG PAR THAL LO, , 'DOD NA, DNGOS PO MA YIN PAR THAL LO, ,'DOD NA, DE RING SKYE BYED KYI RGYU MED PAR THAL, KHA SANG DE DNGOS PO MA YIN PA'I PHYIR, SANG CHOS CAN, MA SKYES PAR THAL, MA 'ONGS PA YIN PA'I PHYIR, RTAGS KHAS, 'DOD NA, 'DUS MA BYAS YIN PAR THAL LO, ,'DOD NA, KHYOD SKYE BYED KYI RGYU MED PAR THAL LO, ,'DOD NA, DE RING DE DON BYED NUS PA MA YIN PAR THAL, SANG SKYE BYED KYI RGYU MED PA'I PHYIR, KHO NA RE, KHA SANG CHOS CAN, 'DAS PA YIN TE, DE RING LA LTOS NAS 'DAS PA YIN PA'I PHYIR TE, DE RING GI DUS NA 'DAS PA YIN PA'I PHYIR ZHE NA, DE RING CHOS CAN, 'DAS PA YIN PAR THAL, SANG LA LTOS NAS 'DAS PA YIN PA'I PHYIR, 'KHOR GSUM, GZHAN YANG, SA BON CHOS CAN, MYU GU LA LTOS NAS 'DAS PA YIN PAR THAL, MYU GU'I DUS NA 'DAS PA YIN PA'I PHYIR, RTAGS KHYAB KHAS, 'DOD NA, MYU GU LA LTOS NAS ZHIG PAR @187A *, ,THAL LO, ,'DOD NA, MYU GU LA LTOS NAS RGYU MA YIN PAR THAL LO, ,KHA CIG , 'DAS PA SRID DE, ZHIG PA SRID PA'I PHYIR TE, 'JIG PA SRID PA'I PHYIR, 'DAS PA YIN PA MI SRID DE, ZHIG PA YIN PA MI SRID PA'I PHYIR TE, MED PA YIN PA MI SRID PA'I PHYIR, KHYAB STE, CHOS DE ZHIG PA YIN NA CHOS DE MED PA YIN DGOS PA'I PHYIR ZHE NA, 'O NA ZHIG PA MI SRID PAR THAL, MED PA MI SRID PA'I PHYIR, 'KHOR GSUM, KHYAB PA YOD PAR THAL, CHOS DE ZHIG PA SRID NA, CHOS DE MED PA SRID DGOS PA'I PHYIR, 'KHOR GSUM, KHA CIG , BUM PA THO BAS BCOM PA'I TSE NA, BUM PA ZHIG PA ZHIG PA MIN TE, GAL TE DE'I TSE NA BUM PA ZHIG PA ZHIG NA DE'I TSE BUM PA MA ZHIG PAR 'GYUR RO, ,KHYAB STE, DGAG PA GNYIS KYIS RNAL MA GO BA'I PHYIR ZHE NA, 'O NA BUM PA MA 'ONGS PA'I TSE NA BUM PA MA SKYES PA SKYES SAM MA SKYES, DANG PO LTAR NA, BUM PA MA SKYES PA CHOS CAN, DNGOS POR THAL, SKYES PA'I PHYIR, 'DOD NA, MA 'ONGS PA DNGOS PO MA YIN PA NYAMS SO, ,GNYIS PA LTAR NA, DE'I TSE BUM PA SKYES PAR THAL, DE'I TSE BUM PA MA SKYES PA MA SKYES PA'I PHYIR, 'KHOR GSUM, KHYAB PA YOD PAR THAL, DGAG PA GNYIS KYIS RNAL MA GO BA'I PHYIR RO, 'KHOR GSUM, KHA CIG NA RE, 'DAS PA'I BUM PA 'DAS PA YIN TE, BUM PA 'DAS PA DE 'DAS PA YIN PA'I PHYIR ZHE NA, 'DAS PA'I BUM PA CHOS CAN, 'DAS PA MA YIN PAR THAL, DA LTAR BA YIN PA'I PHYIR TE; SKYES LA MA 'GAGS PA YIN PA'I PHYIR TE, DNGOS PO YIN PA'I PHYIR TE, KHYOD LAS DA LTAR BA'I BUM PA SKYES PA'I PHYIR, RTAGS GRUB STE, KHA SANG GI BUM PA LAS DA RING GI BUM PA SKYES PA'I PHYIR, KHO NA RE, 'DAS PA'I BUM PA CHOS CAN, 'DAS PA YIN PAR @187B THAL, 'DAS PA'I BUM PA YIN PA'I PHYIR ZHE NA, KHYAB PA MED DE, BUM PA SKYES ZIN ZHIG PA DE 'DAS PA MTSAN NYID PA DANG, DE BUM PA'I PHYIS GRUB PA DANG, BUM PA'I RGYU YOD KYANG MA SKYES PA DE MA 'ONGS PA MTSAN NYID PA DANG, DE BUM PA'I SNGAR GRUB PA YIN LA, BUM PA LA DGAG SGRUB BYED PA'I DE RING GI SKYES BU'I SNGA ROL GYI BUM PA DE 'DAS PA BTAGS PA BA DANG, DE'I PHYIS 'BYUNG BA'I BUM PA DE MA 'ONGS PA BTAGS PA BA YIN NO, ,KHA CIG , BSKAL PA DANG PO'I MI DE 'DAS PA YIN TE, DE ZHIG PA YIN PA'I PHYIR TE, DE SHI BA YIN PA'I PHYIR TE, DE SHI BA'I 'OG TU SNYIGS DUS KYI MI SKYES PA'I PHYIR ZHE NA, 'O NA TSES GCIG GI DUS KYI MI DE ZHIG PAR THAL, DE ZHIG PA'I 'OG TU TSES GNYIS KYI DUS KYI MI DE SKYES PA YIN PA'I PHYIR, ME DE ZHIG PAR THAL, ME DE ZHIG PA'I 'OG TU DU BA SKYES PA'I PHYIR, RTAGS KHYAB KHAS 'DOD NA, ME DE 'DAS PA YIN PAR THAL LO, ,RTAGS KHYAB KHAS, DES NA BSKAL PA DANG PO'I MI DE SNYIGS MA'I DUS SU SHI BA YIN YANG BSKAL PA DANG PO'I MI DE SHI BA MA YIN LA, DE SNYIGS MA'I DUS SU DNGOS PO MA YIN YANG DE DNGOS PO YIN PAR KHAS LEN TE, DPER NA; ME DE DU BA'I DUS SU DNGOS PO MA YIN YANG ME DE DNGOS PO YIN PA BZHIN NO, ,GNYIS PA 'DUS MA BYAS LA GNYIS, MTSAN NYID DANG, DBYE BA'O, ,DANG PO NI, 'DUS MA BYAS KYI MTSAN NYID, RANG GI RGYU RKYEN LAS MA SKYES PA, GNYIS PA NI, 'DUS MA BYAS LA DBYE NA, 'DUS MA BYAS KYI NAM MKHA', SO SOR BRTAGS 'GOG , SO SOR BRTAGS MIN GYI 'GOG PA DANG GSUM, MTSAN NYID RIM PA BZHIN, THOGS BCAS KYI REG BYA BKAG TZAM GYI SGO NAS GZUGS CAN SKYE BA'I GO 'BYED PA, SO SOR RTOG PA'I SHES RAB KYI STOBS KYIS SPANG BYA SPANGS @188A *, ,PA'I BRAL BA SO SOR RTOG PA'I SHES RAB KYI STOBS KYIS MA THOB PAR RKYEN MA TSANG BA'I DBANG GIS MA SKYES PA'I CHA, LNGA PA DGAG SGRUB GNYIS SU DBYE BA LA GNYIS, DGAG PA DANG, SGRUB PA'O, ,DANG PO NI, DGAG PA'I MTSAN NYID, DGAG BYA DNGOS SU BCAD PA'I TSUL GYIS RTOGS PAR BYA BA, DBYE NA, MED DGAG DANG, MA YIN DGAG GNYIS, MED DGAG GI MTSAN NYID, DGAG BYA DNGOS SU BCAD PA'I TSUL GYIS RTOGS BYA GANG ZHIG , DGAG BYA BKAG SHUL DU CHOS GZHAN MI 'PHEN PA, DPER NA, SA PHYOGS BUM MED LTA BU'O, ,KHA CIG , BUM MED MED DGAG YIN YANG GZHI SA PHYOGS DANG 'BREL BAS SA PHYOGS BUM MED MA YIN DGAG YIN TE, DGAG BYA DNGOS SU BCAD PA'I TSUL GYIS RTOGS BYA GANG ZHIG , DGAG BYA BKAG SHUL DU CHOS GZHAN 'PHEN PA'I PHYIR TE, DGAG BYA BKAG SHUL DU CHOS GZHAN SA PHYOGS 'PHEN PA'I PHYIR ZHE NA, RTAGS MA GRUB STE, SA PHYOGS NA BUM PA MED CES BRJOD PA'I TSE, SA PHYOGS DE CHOS GZHAN 'PHEN MI 'PHEN BRTZI BA'I GZHI YIN GYI 'PHANGS PA'I CHOS GZHAN MA YIN PA'I PHYIR RO, ,DES NA BUM PAS DAG PA'I SA PHYOGS ZHES BRJOD PA'I TSE NA SA PHYOGS DE 'PHANGS PA'I CHOS GZHAN YIN LA, SA PHYOGS NA BUM PA MED CES BRJOD PA'I TSE SA PHYOGS DE CHOS GZHAN 'PHEN MI 'PHEN BRTZI BA'I GZHI YIN NO, ,'O NA BUM PAS DAG PA'I SA PHYOGS ZHES BRJOD PA'I TSE NA YANG SA PHYOGS DE 'PHANGS PA'I CHOS GZHAN MA YIN PAR THAL, CHOS GZHAN 'PHEN MI 'PHEN BRTZI BA'I GZHI YIN PA'I PHYIR, RTAGS MA GRUB NA, DE'I TSE CHOS GZHAN 'PHEN MI 'PHEN BRTZI BA'I GZHI MA GRUB PAR 'GYUR RO ZHE NA, SKYON MED DE, SHES BYA DE DE LTA @188B BU'I GZHIR KHAS BLANGS PAS CHOG PA'I PHYIR RO, ,MA YIN DGAG GI MTSAN NYID, DGAG BYA DNGOS SU BCAD PA'I TSUL GYIS RTOGS BYA GANG ZHIG , DGAG BYA BKAG SHUL DU CHOS GZHAN 'PHEN PA, DE LA DBYE NA, CHOS GZHAN DNGOS SU 'PHEN PA DANG, SHUGS LA 'PHEN PA DANG, SKABS STOBS KYIS 'PHEN PA DANG GSUM, DANG PO NI, DPER NA, RI MED PA'I THANG ZHES PA LTA BU STE, TSIG GCIG PO DES DGAG BYA BCAD PA DANG CHOS GZHAN GNYIS KA DNGOS SU 'PHANGS PA'I PHYIR RO, ,GNYIS PA NI, DPER NA LHAS BYIN TSON PO NYIN BAR ZAS MI ZA BA ZHES PA LTA BU STE, TSIG DES CHOS GZHAN DON GYIS 'PHEN PA'I PHYIR TE, TSIG DES LHAS BYIN TSON POS MTSAN MO ZAS ZA BAR BSTAN PA'I PHYIR TE, TSON PO ZHES PAS ZAS ZA BAR BSTAN LA, NYIN BAR ZAS ZA BA DNGOS SU BKAG CING ZAS ZA BA'I DUS NYIN MTSAN GNYIS SU NGES PA'I PHYIR RO, ,CHOS GZHAN DON GYIS 'PHANGS PA DANG DNGOS SU 'PHANGS PA GNYIS KA DANG LDAN NA NI LHAS BYIN TSON PO NYIN BAR ZAS MI ZA BA RID PA MA YIN PA YOD CES PA LTA BU'O, ,GSUM PA NI, DPER NA, GANG ZAG GCIG NYID RGYAL RIGS DANG BRAM ZE'I RIGS GANG RUNG DU NGES SHING RGYAL RIGS SU 'ANG MA NGES BRAM ZE'I RIGS SU'ANG MA NGES PAR DRIS PA'I TSE NA, RGYAL RIGS YIN ZHES PA'I RANG TSIG GIS MI STON PAR BRAM ZE MA YIN ZHES PA LTA BU'O, ,DE SKAD DU'ANG, DGAG PA DON GYIS BSTAN PA DANG, ,TSIG GCIG SGRUB PAR BYED PA DANG, ,DE LDAN RANG TSIG MI STON PA, , MA YIN GZHAN PA GZHAN YIN NO, ,ZHES GSUNGS SO, ,KHA CIG , DGAG PA'I MTSAN NYID, BLOS RNAM BCAD DU RTOGS PAR BYA BA, ZHES ZER ZHING, BUM PAS DAG PA'I SA PHYOGS LTA BU MA YIN DGAG RNAMS DGAG PA MIN NO, ,ZHES ZER, BUM PAS DAG PA'I SA PHYOGS @189A *, ,CHOS CAN, DGAG PA YIN PAR THAL, BLOS RNAM BCAD DU RTOGS BYA YIN PA'I PHYIR TE BLOS DGAG BYA DNGOS SU BCAD PA'I TSUL GYIS RTOGS PAR BYA BA YIN PA'I PHYIR RO, ,SGRUB PA'I MTSAN NYID, GZHI GRUB PA GANG ZHIG , DGAG BYA DNGOS SU BCAD PA'I TSUL GYIS RTOGS PAR BYA BA MA YIN PA, DPER NA, MI RTAG PA LTA BU'O, ,KHA CIG ,MI RTAG PA MA YIN DGAG YIN TE, SGRUB BYED SNGA MA DAG GIS NI, ,MA YIN SGRUB PAR BYED PHYIR RO, ,ZHES 'BRAS RANG GI RTAGS GNYIS KYIS MA YIN DGAG SGRUB PAR BSHAD PA'I PHYIR ZHE NA, DE MI 'THAD DE, GZHUNG DES 'BRAS RANG GI RTAGS GNYIS KYIS DNGOS SU SGRUB PA SGRUB CING, SHUGS LA MA YIN DGAG SGRUB PAR BYED CES PA TZAM ZHIG BSTAN PA'I PHYIR, DE LTA MIN NA, 'BRAS RANG GI RTAGS GNYIS PO DE DGAG RTAGS SU THAL, DGAG PA DNGOS SU SGRUB PA'I RTAGS YIN PA'I PHYIR, RTAGS KHAS, 'O NA KHYED RANG GI LUGS LA YANG DE GNYIS DGAG RTAGS SU THAL, DGAG PA SGRUB PAR BYED PA'I PHYIR ZHE NA, SKYON MED DE, DGAG PA SGRUB PAR BYED KYANG DGAG PA DNGOS SU SGRUB PA MA YIN PA'I PHYIR, KHYAB STE, BSGRUB BYA'I CHOS DGAG PA DNGOS SU SGRUB PA'I CHA NAS DGAG RTAGS DANG, SGRUB PA DNGOS SU SGRUB PA'I CHA NAS SGRUB RTAGS SU BZHAG PA'I PHYIR RO, ,KHA CIG NA RE, SGRUB PA'I MTSAN NYID, BLOS YONGS GCOD DU RTOGS PAR BYA BA, ZHES ZER BA MI 'THAD DE, YONGS SU GCOD DANG GO BYED DANG, ,ZHES YONGS SU GCOD BYED DANG GO BYED RNAMS DON GCIG MING GI RNAM GRANGS YIN PA'I PHYIR, DRUG PA SNANG SEL LA, SNANG BA NI SGRUB PA DANG DON GCIG YIN LA, SEL BA LA GNYIS, DVOGS PA DGOD PA DANG, DE'I LAN BSTAN PA'O, ,DANG PO NI, @189B KHA CIG , SPYI DANG GZHI MTHUN BSGRUB BYA DANG SGRUB BYED GCIG DANG THA DAD DGAG SGRUB SOGS RTOG PAS SGRO BTAGS SU BSHAD PA LA BRTEN NAS BSGRUB BYA SGRUB BYED SOGS YIN NA, RTOG PAS SGRO BTAGS YIN DGOS NA, SKYES BU LA NYE BAR MKHO BA'I DON BYED NUS PA PHAL CHE BA DANG, THAMS CAD MKHYEN PA'I YE SHES LA SOGS PA'I RNAM GZHAG THAMS CAD NYAMS PAR 'GYUR BAS SPYI DANG GZHI MTHUN SOGS RTOG PAS SGRO BTAGS YIN PA DANG, RNAM GZHAG DE DAG PHYIN CI MA LOG PAR KHAS BLANGS PAS CHOG PA'I GNYIS TSOGS DE JI LTA BU YIN SNYAM PA DANG, RTOG PA'I NGES YUL RANG MTSAN YIN NA RTOG PA SNANG YUL LA MA 'KHRUL BAR 'GYUR LA, RTOG PA'I NGES YUL RANG MTSAN MIN NA RANG MTSAN YANG RTOG PA'I NGES YUL MA YIN PAR 'GYUR LA, DE LTAR NA, RANG MTSAN YOD NGES MA YIN PAR 'GYUR BAS, RTOG PA'I NGES YUL RANG MTSAN MA YIN PA DANG RANG MTSAN RTOG PA'I NGES YUL YIN PA'I GNYIS TSOGS DE JI LTA BU YIN SNYAM PA DANG, RTOG PAS SNANG BTAGS GCIG TU BSRES NAS YUL LA 'JUG PAR BSHAD PAS DE'I TSUL JI LTA BU, RTOG PA DE RANG GI SNANG BA DON MA YIN LA DON DU MNGON PAR ZHEN NAS 'JUG PAR BSHAD PAS RANG GI GZUNG RNAM DANG, RANG GI SNANG BA DON MA YIN PA LA DON DU ZHEN NAS 'JUG NA ZHEN YUL LA 'KHRUL BA'I LOG SHES SU 'GYUR BAS DE'I TSUL JI LTAR BU SNYAM DU SEMS PAR BYED LA, KHA CIG ,SPYI DANG GZHI MTHUN DANG RTOG PA'I NGES YUL RNAMS SGRO BTAGS SU BSHAD PA LA BRTEN NAS RTOG PAS RANG MTSAN LA RLOM NAS 'JUG PA MA GTOGS DNGOS PO'I GNAS TSOD LA 'JUG PA MI SRID CING, YUL LA 'JUG PA'I TSE NA YANG RANG GI SNANG BA DON MA YIN PA LA DON DU MNGON @190A *, ,PAR ZHEN NAS 'JUG PAS, ZHEN YUL LA 'KHRUL BA'I LOG SHES YIN LA, RANG MTSAN LA THA SNYAD BYED PA'I TSE NA SEL NGOR RANG MTSAN YOD CES DNGOS SU MA SBYAR BAR RANG MTSAN GYI THA SNYAD LAS LEN MI NUS PAR 'DOD CING, RANG MTSAN GCIG NYID SHAR NA YOD NA NUB NA YOD PAR 'GAL BA DANG, SNGA DRO YOD NA PHYI DRO YOD PAR 'GAL BA DANG, KHRA BO'I NGO BO YIN NA SER SKYA'I NGO BO MA YIN PA DE, RANG MTSAN YUL DUS RANG BZHIN MA 'DRES PAR GNAS PA'I DON YIN PAS, RANG MTSAN GYI MTSAN NYID KHAS BLANGS NA SNGAR GYI RNAM GZHAG DE DANG 'GAL BAS, SEL NGOR RANG MTSAN YIN ZHES PA MA GTOGS PAR RANG MTSAN GYI RNAM GZHAG KHAS MI LEN ZHING, GTAN TSIGS SGRO BTAGS DANG, BYAS PA GTAN TSIGS SU BSHAD PA LA BRTEN NAS BYAS PA DNGOS PO MA YIN PAR 'DOD PA DANG, DNGOS PO'I NGO BO GCIG NYID PHYIR, ,NGO BO THA DAD BLO GANG LAS, ,ZHES PA DANG, THA DAD PA, ,MED NA CIG CAR SKYE 'JIG 'GYUR, ,ZHES PA DON KHONG DU MA CHUD PA LA BRTEN NAS DNGOS PO DE BUM SNAM DANG RDZAS GCIG NA, BUM SNAM YANG RDZAS GCIG TU 'GYUR BA DANG SKYE 'JIG CIG CAR BYED PAR 'GYUR BAS, DNGOS PO DANG BUM SNAM RDZAS GCIG DANG THA DAD GANG YANG MA YIN PAR 'DOD PA DANG, SHES LA YOD PA'I DON DE RNAMS, ,ZHES SOGS KYI DON KHONG DU MA CHUD PA LA BRTEN NAS RANG MTSAN YIN NA SPYI DANG GZHI MTHUN MA YIN PAS KHYAB PAR 'DOD PA DANG, SGRA RNAMS KYIS NI BRDA BTAGS STON, ,ZHES SOGS KYI DON KHONG DU MA CHUD PA LA BRTEN NAS, BRDA DUS KYI RANG MTSAN THA SNYAD KYI DUS SU RJES 'GRO MI BYED, THA SNYAD DUS KYI RANG MTSAN BRDA DUS SU RJES 'GRO MI BYED CING, DE GNYIS KA LA THUN MONG DU RJES 'GRO BYED @190B PA'I RANG MTSAN MI SRID PAS, DNGOS MED LA BRDA SBYOR BA MA GTOGS RANG MTSAN LA BRDA SBYOR BA MI SRID PAR 'DOD PA DANG, DE PHYIR DNGOS PO THAMS CAD KYI, ,'BREL BA YANG DAG NYID DU MED, ,CES BSHAD PA LA BRTEN NAS ME DU LA 'BREL BA MTSAN NYID PA MED PA DANG, BYAS MI RTAG GI THA DAD RTOG PAS SGRO BTAGS YIN PAS DE GNYIS LA THA DAD MTSAN NYID PA MED PAR 'DOD DO, ,GNYIS PA LAN BSTAN PA LA GNYIS, DBU TSAD GNYIS KA'I LUGS KYI 'KHRUL GZHI NGOS GZUNG BA DANG, LAN DNGOS SO, ,DANG PO NI, DBU MA PA'I LTA BA GTAN LA 'BEBS PA'I SKABS SU SA BON LAS MYU GU SKYE BA RANG GI MTSAN NYID KYIS MA GRUB NA SA BON LAS MYU GU MI SKYE BA DANG, SA BON LAS MYU GU SKYE NA SA BON LAS MYU GU SKYE BA RANG GI MTSAN NYID KYIS GRUB SNYAM DU BSAMS NAS SA BON LAS MYU GU SKYE BAR KHAS BLANGS NA DON DAM BDEN PA 'JIG CING, SA BON LAS MYU GU SKYE BA RANG GI MTSAN NYID KYIS MA GRUB NA, KUN RDZOB BDEN PA 'JIG PAS BDEN GNYIS GANG RUNG GCIG KHAS BLANGS NA, CIG SHOS SUN 'BYIN PAR BYED PA'I LOG PAR RTOG PA'I 'KHRUL GZHI NI, RTOG PAS BTAGS PA TZAM LA BYA BYED MI 'THAD PAR 'DZIN PA DE YIN PAS, RANG GI MTSAN NYID KYIS GRUB PA RDUL TZAM YANG MED PA LA BYA BYED THAMS CAD 'THAD KYI, GZHAN LA MI 'THAD PA'I BDEN GNYIS KYI RNAM DBYE LA MKHAS PAR BYA DGOS SO, ,DE BZHIN DU RIGS PA'I GZHUNG LUGS 'DIR YANG RTOG PA'I YUL RANG GI MTSAN NYID KYIS GRUB PA MA KHEGS NA, KUN RDZOB BDEN PA MA GRUB PAR 'GYUR LA, DE LTA NA, DON DAM BDEN PA YANG BZHAG TU MED PAR 'GYUR TE, DON DAM BDEN PA NI KUN RDZOB BDEN PA'I RNAM GZHAG LA BRTEN NAS RTOGS DGOS PA'I PHYIR RO, ,GZHAN YANG RTOG PA'I YUL RANG GI MTSAN NYID KYIS @191A *, ,GRUB PA MA KHEGS NA, GANG ZAG GI BDAG 'DZIN SNANG YUL LA MA 'KHRUL BAR 'GYUR LA, DE LTAR NA, THAR PA DANG THAMS CAD MKHYEN PA THOB PAR MI 'GYUR RO, ,RTOG PA'I YUL RANG GI MTSAN NYID KYIS GRUB PA BKAG PA NA, RANG MTSAN GYI RNAM GZHAG BYED PA MA BDE BAR RTOG NGOR RANG MTSAN YIN ZHES SMRA BA MA GTOGS, RANG MTSAN GYI RNAM GZHAG BYED MI NUS PA'I 'KHRUL GZHI NI, RTOG PA'I YUL RANG MTSAN MA YIN NA, RANG MTSAN RTOG PA'I YUL MA YIN PAR 'DZIN PA 'DI YIN PAS, DES NA KUN RDZOB BDEN PA RTOG PAS BTAGS PA TZAM GYIS TSAD MAS GRUB PA DANG, DNGOS PO RNAMS RANG GI MTSAN NYID KYIS GRUB PA'I BDEN GNYIS KYI RNAM DBYE LA MKHAS PAR BYA'O, ,GNYIS PA LAN DNGOS LA BZHI, RTOG PA YUL LA 'JUG TSUL DANG, RTOG PA'I YUL DON DAM BDEN PAR GRUB PA DGAG PA, SPYI DANG GZHI MTHUN SOGS KYI THA SNYAD 'JUG PA'I YUL NGOS GZUNG BA DANG, DE DAG LA BRTEN NAS GZHAN SEL GYI RNAM GZHAG BSTAN PA'O, ,DANG PO NI, GSER BUM 'DZIN PA'I RTOG PA LA GSER BUM YANG BUM PAR SNANG ZHING, RANG LA GSER BUM DU SNANG BA DE YANG BUM PAR SNANG BA YIN LA, RTOG PA DE'I DON SNANG BA DE GNYIS GCIG TU 'DRES NAS SO SOR MA PHYED PA YIN PAS, SNANG BTAGS GCIG TU BSRES NAS 'DZIN PA ZHES BYA'O, ,'O NA SNANG BA GANG, BTAGS PA GANG ZHE NA, GSER BUM RANG MTSAN PA SNANG BA DANG, GSER BUM GYI SGRA DON NI BTAGS PA YIN NO, ,GSER BUM GYI SGRA DON GANG ZHE NA, GSER BUM 'DZIN PA'I RTOG PA LA MDUN NA 'DUG PA LTA BUR SNANG BA'I GSER BUM DU SNANG BA DANG, GSER BUM DU SNANG BA DE YANG GSER BUM MA YIN PA LAS LOG PAR SNANG BA GNYIS @191B KA GSER BUM GYI SGRA DON YIN LA, RTOG PA'I DON SNANG BA GNYIS KA YANG GCIG TU 'DRES NAS SO SOR MA PHYED PA YIN GYI, SNANG BA 'DI GNYIS GCIG YIN NO SNYAM DU 'DZIN PA MIN NO, ,RTOG PA'I SNANG BA DE RANG RIG MNGON SUM GYI GZUNG BYA YIN YANG, RTOG PA DE DE LA RANG RIG MNGON SUM MIN TE, YIN NA RTOG PA'I SNANG BA RANG MTSAN YIN PA DANG, RTOG PA SNANG YUL LA MA 'KHRUL BA'I SHES PAR THAL BA'I SKYON GNYIS YOD PA'I PHYIR, KHA CIG ,RTOG PA LA RANG GI GZUNG RNAM PHYI ROL DON DU SNANG BAR 'DOD PA MI 'THAD DE, RTOG PA'I GZUNG RNAM RTOG PA YIN PAS RTOG PA'I GZUNG RNAM LA YANG RANG GI GZUNG RNAM PHYI ROL DON DU SNANG BAR KHAS LEN DGOS PA SOGS THUG MED DU 'GYUR BA'I PHYIR DANG, RTOG PA YANG RTOG PA'I GZUNG RNAM YIN PAS RANG NYID RANG LA PHYI ROL DON DU SNANG BA MI 'THAD PA'I PHYIR RO, ,GSER BUM 'DZIN PA'I RTOG PA LA GSER BUM DU SNANG BA SGRA DON YIN YANG GSER BUM DE'I MTSAN GZHIR 'ONG BA DANG, GSER BUM 'DZIN PA'I RTOG PA DE RANG GI SNANG BA LA 'KHRAS NAS GSER BUM 'DI NI BUM PA'O SNYAM DU ZHEN PA LTAR RTOGS PAR 'GYUR BAS, ZHEN YUL LA MA 'KHRUL BA'I SHES PA YIN LA, DE LA DGONGS NAS RTOG PAS RANG GI MTSAN NYID DPYIS PHYIN PA KHO NA RTOGS PAR BSHAD DO, ,DE LTAR YIN YANG RTOG PA'I SNANG BA DNGOS POR MED PAS SNANG YUL LA 'KHRUL SHES YIN NO, ,GAL TE ZHEN YUL LA 'KHRUL SHES YIN PAR THAL, RANG GI SNANG BA DON MA YIN PA KHA ? DON DU MNGON PAR ZHEN PA'I SHES PA YIN PA'I PHYIR, DE SKAD DU'ANG, DE YI NGO BOS STONG DE DAG ,DE YI NGO BOR ZHEN PA'I PHYIR, ,ZHES BSHAD DO ZHE NA, 'DI'I LAN SNGAR BSHAD ZIN TO, ,GAL TE RTOG PA'I SNANG BA DNGOS POR MED NA RTOG PAS RANG MTSAN JI LTAR THOB CE NA, @192A *, ,DANG POR RANG MTSAN 'DZIN PA'I MNGON SUM GYIS BAG CHAGS BZHAG PA LAS SKYES PA'I RTOG PAS RANG MTSAN LA ZHEN NAS ZHUGS PAS RANG MTSAN THOB PA YIN NO, ,GNYIS PA LA GNYIS, SPYI DANG GZHI MTHUN 'DZIN PA'I RTOG PA'I YUL DON DAM PAR GRUB PA DGAG PA DANG, BSGRUB BYA SGRUB BYED SOGS 'DZIN PA'I RTOG PA'I YUL DON DAM PAR GRUB PA DGAG PA'O, ,DANG PO NI, ME TOG 'DI NI AUTPAL SNGON PO'O SNYAM DU 'DZIN PA'I RTOG PA'I YUL DON DAM PAR GRUB NA, DE LTA BU'I RTOG PA CAN, SNANG YUL LA MA 'KHRUL BA'I SHES PA YIN PAR THAL, KHYOD KYI YUL DON DAM PAR GRUB PA'I PHYIR, 'DOD NA, AUTPAL DANG SNGON PA RDZAS THA DAD YIN PAR THAL, 'DOD PA GANG ZHIG ,KHYOD LA DE GNYIS RDZAS THA DAD DU SNANG BA'I PHYIR, 'DOD NA, DE GNYIS KYI GZHI MTHUN MA GRUB PAR THAL LO, ,'DOD NA KHYOD ZHEN YUL LA 'KHRUL SHES SU THAL, KHYOD ME TOG 'DI AUTPAL SNGON PO'O SNYAM DU ZHEN PA'I SHES PA GANG ZHIG ,'DOD PA DE'I PHYIR 'DOD NA, SNANG YUL LA MA 'KHRUL BA'I SHES PA YIN PAR 'GAL LO, ,DE BZHIN DU SHING 'DZIN RTOG PA'I YUL RTOG PA LA SHING MA YIN LAS LOG PAR SNANG BA DON DAM PAR GRUB NA, RTOG PA CHOS CAN, SNANG YUL LA MA 'KHRUL BA'I SHES PA YIN PAR THAL, KHYOD LA SHING MA YIN LAS LOG PAR SNANG BA DON DAM PAR GRUB PA'I PHYIR, 'DOD NA, TZAN DAN DANG RTOG PA LA SHING MA YIN PAS LOG PAR SNANG BA GNYIS RTOG PA LA THA DAD DU SNANG NGAM MI SNANG, SNANG NA, TZAN DAN CHOS CAN, RTOG PA LA SHING MA YIN LAS LOG PAR SNANG BA DANG RDZAS THA DAD YIN PAR THAL, RTOG PA DE SNANG YUL LA MA 'KHRUL BA'I SHES PA GANG ZHIG ,DE LA KHYOD DANG RTOG PA LA SHING MA YIN LAS LOG PAR SNANG BA @192B GNYIS THA DAD DU SNANG BA'I PHYIR, KHYAB STE, RTOG PA LA DE GNYIS THA DAD DU SNANG PHYIN CAD RDZAS THA DAD LTA BUR SNANG DGOS PA'I PHYIR RO, ,'DOD NA, RTOG PA LA SHING MA YIN LAS LOG PAR SNANG BA DANG BDAG GCIG TU MA 'BREL BAR THAL LO, ,'DOD NA, DE LA MA 'BREL BAR THAL, DE LA BDAG GCIG TU YANG MA 'BREL, DE BYUNG DU YANG MA 'BREL BA'I PHYIR, RTAGS PHYI MA DER THAL, DE'I RGYU YANG MA YIN, 'BRAS BU YANG MA YIN, DE DANG DNGOS RGYU TSOGS PA GCIG LAS SKYES PA'ANG MA YIN PA'I PHYIR RO, ,'DOD NA, KHYOD RTOG PA LA SHING MA YIN LAS LOG PAR SNANG BA MA YIN PAR THAL, ,KHYOD RTOG PA LA SHING MA YIN LAS LOG PAR SNANG BA DANG 'BREL MED RDZAS THA DAD YIN PA'I PHYIR, 'DOD NA, KHYOD SHING MA YIN LAS LOG PAR SNANG BA MA YIN PAR THAL LO, ,'DOD NA, KHYOD SHING MA YIN PAR THAL LO, ,'DOD NA, SHING YIN PA MI SRID PAR 'GYUR RO, ,GNYIS PA LTAR NA, TZAN DAN DANG RTOG PA LA SHING MA YIN LAS LOG PAR SNANG BA CHOS CAN, THA DAD MA YIN PAR THAL, RTOG PA LA THA DAD DU MI SNANG BA'I PHYIR, RTAGS KHAS, 'DOD NA, GCIG YIN PAR THAL, GZHI GRUB, THA DAD MA YIN PA'I PHYIR, 'DOD NA, TZAN DAN CHOS CAN, KHYOD SHUG PA'I SPYI YIN PAR THAL, RTOG PA LA SHING MA YIN PA LAS LOG PAR SNANG BA DE SHUG PA'I SPYI YIN PA GANG ZHIG ,DE DANG GCIG YIN PA'I PHYIR, 'DOD NA, SHUG PA DE KHYOD YIN PAR THAL LO, ,GAL TE RTOG PA LA SHING MA YIN LAS LOG PAR SNANG BA CHOS CAN, SHUG PA DE KHYOD YIN PAR THAL, KHYOD SHUG PA'I SPYI YIN PA'I PHYIR, 'DOD NA, SHUG PA CHOS CAN, KHYOD RTOG PA'I SNANG YUL YIN PAR THAL, KHYOD RTOG PA LA SNANG BA'I PHYIR ZHE NA, MA KHYAB STE, RTOG PA LA SNANG YANG RTOG PA LA GSAL BAR MI SNANG BA GANG ZHIG ,RANG MTSAN SNANG YUL DU BYED NA RANG MTSAN GSAL BAR SNANG DGOS PA'I PHYIR RO, @193A *, ,DES NA, RANG MTSAN RTOG PA'I YUL YIN YANG, DON DAM PAR RTOG PA'I YUL MA YIN LA, RANG MTSAN SGRA DANG BRDA'I YUL YIN YANG DON DAM PAR SGRA DANG BRDA'I YUL MA YIN PA MI 'GAL TE, RANG MTSAN SGRA'I BRJOD BYA MA YIN, ZHES PA'I TSIG DE RANG TSIG 'GAL BA YIN PA DANG, RANG MTSAN DON DAM PAR SGRA'I BRJOD BYA MA YIN PAR SLOB DPON KA MA LA SH'I LAS BSHAD PA LTAR KHAS BLANG DGOS PA'I PHYIR RO, ,GNYIS PA NI, DE PHYIR DNGOS DNGOS MED RTEN CAN, ,ZHES PA'I GZHUNG GIS DGAG SGRUB KYI DNGOS RTEN RANG MTSAN MA YIN PAR BSTAN GYI, RANG MTSAN DGAG SGRUB KYI DNGOS RTEN MA YIN PAR BSTAN PA MA YIN TE, TSAD MAS RANG MTSAN GYI STENG DU DNGOS SU DGAG SGRUB DU MA BYED DGOS PA'I PHYIR RO, ,DE LTA MA YIN PAR RANG MTSAN DGAG SGRUB KYI GZHIR MI RUNG NA, RANG MTSAN DGAG SGRUB KYI GZHIR MI RUNG ZHES PA'I TSIG DE RANG TSIG 'GAL BA YIN TE, TSIG DES RANG MTSAN DE DGAG SGRUB KYI GZHIR RUNG BA 'GOG PA'I GZHIR KHAS BLANGS PA'I PHYIR DANG, MED CES LDOG PA DE NYID NI, ,JI LTAR MED LAS LDOG PAR 'DOD, ,CES PA'I RIGS PAS GNAD PA'I PHYIR, ,'O NA RANG MTSAN RTOG PA'I DNGOS YUL YIN YANG, RTOG PA'I DNGOS YUL RANG MTSAN MA YIN PA'I RGYU MTSAN JI LTAR YIN ZHE NA, DE LA DANG POR SGRA 'DZIN RTAG PA LA SGRA DE SNGAR MED GSAR DU GRUB PA LTA BUR SNANG LA, DE'I RJES SU SGRA BYAS PAR 'DZIN PA'I RTOG PA LA SGRA GRUB ZIN PA'I 'OG TU BYAS PA SNGAR MED GSAR DU GRUB PA LTA BUR SNANG LA, DE'I RJES SU SGRA MI RTAG PAR 'DZIN PA'I RTOG PA LA SGRA DANG BYAS PA GRUB ZIN PA'I 'OG TU MI RTAG PA SNGAR MED GSAR DU GRUB PA LTA BUR SNANG LA, RTOG PA DE DAG GI NGES YUL DON DAM PAR GRUB NA, RTOG PA DE DAG RANG GI NGES YUL LA @193B SGRUB 'JUG TU 'GYUR LA, DE LTAR NA SGRA 'DZIN RTOG PAS SGRA'I STENG DU BYAS MI RTAG THAMS CAD CIG CAR DU NGES PAR THAL BA DANG, SGRA LA DMIGS PA'I SGRO 'DOGS THAMS CAD CIG CAR DU CHOD PAR 'GYUR RO ZHES STON PA LA, DE LTA MIN NA DON RNAMS KYI, ,CHOS GCIG BSGRUBS SAM BKAG PA NA, ,BDAG NYID THAMS CAD BSGRUBS PA DANG, ,BKAG 'GYUR BDAG LTA THAD MED PHYIR, ,ZHES SOGS GSUNGS SO, ,GZHAN YANG, RTOG PA'I NGES YUL DON DAM PAR GRUB NA, SGRA BYAS MI RTAG PA GSUM SNGA PHYI RIM CAN DU SNANG BA LTAR GRUB DGOS LA, DE LTAR NA SGRA MA BYAS PA DANG RTAG PAR 'GYUR RO, ,GZHAN YANG, SGRA 'DZIN RTAG PAS SGRA'I NGO BO SNGAR MED GSAR DU GRUB PAR THAL, SGRA 'DZIN RTOG PA'I SNANG BA DON DAM PAR GRUB PA'I PHYIR, RTAGS KHAS, 'DOD NA, SGRA 'DZIN RTOG PA CHOS CAN, KHYOD SGRA SKYE BYED YIN PAR THAL, KHYOD KYIS SGRA SNGAR MED GSAR DU GRUB PA'I PHYIR, RTAGS KHAS, 'DOD NA, KHYOD KYIS SGRA'I STENG DU BYAS MI RTAG SOGS KYANG GRUB BAR THAL, KHYOD SGRA SKYE BYED YIN PA'I SGO NAS KHYOD KYIS SGRA GRUB PA'I PHYIR, DES NA DGAG SGRUB KYI DNGOS RTAN RANG MTSAN MA YIN TE, SGRA'I STENG DU KHYAD CHOS SNGA PHYI'I RIM PA DE 'DRA MED NA'ANG SGRA DE SNGA PHYI'I RIM PA DE DAG DANG 'BREL BAR DGAG SGRUB BYED PA'I RTOG PA LA SNANG BA'I PHYIR ZHES DANG, DE 'DRA MED NA'ANG CHOS CAN DE, ,DE DAG DANG NI 'BREL PAR SNANG, ,ZHES PAS BSTAN TO, ,GAL TE SGRA'I STENG DU SGRA BYAS MI RTAG PA GSUM CIG CAR DU GRUB BA MA, RIM CAN DU GRUB, DANG PO MI 'THAD DE, RIM CAN DU GRUB PA'I PHYIR TE, BYAS PA DE SGRA MI RTAG PAR SGRUB PA'I RTAGS YANG DAG YIN PA'I PHYIR RO, ,GNYIS PA'ANG MI 'THAD DE, DE GSUM CIG CAR DU GRUB PA'I PHYIR TE, DON RANG NGOS NAS CIG CAR DU GRUB PA'I PHYIR TE, SGRA'I STENG DU @194A *, ,SGRA BYAS MI RTAG PA GSUM GRUB BDE RDZAS GCIG YIN PA'I PHYIR ZHE NA, SKYON MED DE, SGRA'I STENG DU DE GSUM RIM GYIS GRUB PA DANG, DON RANG NGOS NAS CIG CAR DU GRUB PA LA 'GAL BA MED PA'I PHYIR RO, ,DES NA, SGRA BYAS MI RTAG PA GSUM RANG MTSAN YIN YANG, SGRA SHES 'DOD CHOS CAN YIN PA DANG, MI RTAG PA BSGRUB BYA'I CHOS YIN PA DANG, BYAS PA GTAN TSIGS YIN PA RNAMS RTOG PAS BTAGS PA YIN TE, DE LTA MA YIN PAR DON DAM PAR GRUB NA SGRA SHES 'DOD CHOS CAN DU 'DZIN PA'I RTOG PA LA, SGRA DE MI RTAG PA'I RTEN DON GZHAN LTA BUR SNANG BA DE SNANG BA LTAR GRUB DGOS LA, DE LTAR NA, SGRA DANG MI RTAG PA GNYIS RDZAS THA DAD DU 'GYUR BA'I PHYIR RO, ,DE LA DGONGS NAS, CHOS DANG CHOS CAN RNAM GZHAG DANG, ,ZHES SOGS DANG, DPAG BYA DPOG PAR BYED PA YI, ,DON GYI THA SNYAD GNAS PA 'DI, ,SHES PA LA GRUB THA DAD LA, ,BRTEN NAS RNAM PAR BTAGS PA YIN, ,ZHES GSUNGS SO, ,GAL TE SGRA BYAS MI RTAG PA RNAMS RANG MTSAN MA YIN TE, GSAL BA DU MA LA RJES SU 'GRO BA'I PHYIR ZHE NA, MI 'THAD DE, RANG NYID KYIS RANG MTSAN GYI MTSAN GZHI KHAS LEN PA LA'ANG SKYON MTSUNGS PA'I PHYIR RO, ,GAL TE MI MTSUNGS TE, RANG LUGS LA RANG MTSAN KHAS MI LEN PAR RTOG NGOR RANG MTSAN KHAS LEN PA'I PHYIR ZHE NA, DE YANG MI 'THAD DE, RANG MTSAN GANG GI NGOR 'JOG PA'I RTOG PA KHAS LEN DGOS PAS DE LA YANG SKYON MTSUNGS PA'I PHYIR RO, ,GSAL BA DU MA LA RJES SU 'GRO BAS RANG MTSAN MA YIN PAR 'DOD PA 'DI NI, RANG MTSAN YUL DUS RANG BZHIN MA 'DRES PAR GNAS PA'I DON KHONG DU MA CHUD PA'I SKYON YIN TE, DE NI SNGAR BSHAD ZIN TO, ,GSUM PA SPYI DANG GZHI MTHUN GYI THA SNYAD 'JUG PA'I YUL NGOS GZUNG BA LA GNYIS, @194B SPYI DANG GZHI MTHUN GYI THA SNYAD 'JUG PA'I GZHI NGOS GZUNG BA DANG, BRDA SBYOR BA'I YUL NGOS GZUNG BA'O, ,DANG PO NI, 'DI NI BA LANG NGO SNYAM PA'I RTOG PA DANG, BA LANG 'DI NI DKAR PO'O SNYAM PA'I RTOG PA DANG, DE LTAR BRJOD PA'I SGRA'I THA SNYAD 'JUG PA'I GZHI RTOG PAS BTAGS PA'I SGRA DON YIN GYI RANG MTSAN MA YIN TE, DA LTAR GONG DU BSGRUBS ZIN PA'I PHYIR RO, ,SHES LA YOD PA'I DON DE RNAMS, ,ZHES SOGS DANG, BYE BRAG 'DI NI BLO DON LA, ,ZHES PA'I GZHUNG GIS SPYI DANG GZHI MTHUN GYI THA SNYAD 'JUG PA'I GZHI RANG MTSAN MA YIN PAR BSTAN GYI, RANG MTSAN YIN NA SPYI DANG GZHI MTHUN GYI THA SNYAD 'JUG PA'I GZHI MA YIN PAS KHYAB PAR BSTAN PA MA YIN TE, GSAL BA RANG MTSAN RNAMS LA RJES SU 'GRO BA'I DNGOS POR GYUR PA'I SPYI DANG, DNGOS MED DU GYUR PA'I SPYI GNYIS KHAS BLANGS PAS CHOG PA'I PHYIR TE, DON GYI GZHAN SEL GYI MTSAN GZHI BUM PA MA YIN PA LAS LOG PA DE YANG BUM GSAL RNAMS KYI SPYI YIN, BLO'I GZHAN SEL GYI MTSAN GZHI RTOG PA LA BUM PA MA YIN PA LAS LOG PAR SNANG BA DE YANG BUM GSAL RNAMS KYI SPYI YIN PA'I PHYIR RO, ,GAL TE DNGOS POR GYUR PA'I SPYI YOD NA SPYI DNGOS PO BA KHAS LEN PA'I GZHAN SDE LA BRJOD PA'I SKYON MI 'JUG GAM ZHE NA, MI 'JUG STE, GRANGS CAN GYIS SNGON PO LA RJES SU 'GRO BA'I SPYI GTZO BO DE SER PO'I RANG BZHIN DANG GNAS TSUL DANG DON DAM BDEN PA DANG SES PO'I SPYI DANG, SNGON PO'I NGO BO DE NYID SER PO'I NGO BO YIN PAR KHAS BLANGS PAS DE LA, DNGOS PO'I NGO BO GCIG NYID PHYIR, ,NGO BO THA DAD BLO GANG LAS, ,ZHES GSUNGS PA LTAR, SNGO SER GNYIS BLO LA THA DAD DU MI SNANG BAR THAL, SNGON PO'I NGO BO DANG SER PO'I NGO BO GCIG YIN PA'I PHYIR, ZHES PA DANG, DE BZHIN DU SNGO SER GNYIS @195A *, ,LA RJES SU 'GRO BA'I SPYI GNYIS PO CHA MED DU KHAS BLANGS PA LA, SKYE 'JIG CIG CAR BYED PAR THAL BA'I SKYON BRJOD PA YIN GYI, DNGOS PO DANG BUM PA LTA BU RDZAS GCIG PA TZAM LA SKYON BRJOD PA MA YIN PA'I PHYIR RO, ,BYE BRAG PAS KYANG SNGO SER GNYIS LA RJES SU 'GRO BA'I SPYI CHA MED DU KHAS BLANGS PA YIN TE, DE LTA MA YIN NA, PHYIS YOD CHA DANG LDAN PA'ANG MIN, ,ZHES PA'I SKYON BRJOD PA MI RIGS PA'I PHYIR RO, ,GNYIS PA NI, BRDA DUS KYI BA LANG DKAR ZAL LTA BU BRDA SBYOR BA'I GZHIR BZUNG NAS BRDA SBYAR PAS, BA LANG GI GSAL BA RNAMS LA RE RE NAS BRDA SBYOR MI DGOS PAR DE RNAMS BA LANG DU GO BAR 'GYUR BA DANG, THA SNYAD KYI DUS SU DON GO BA DE BRDA SBYAR BA'I DGOS PA YIN PAR SANGS RGYAS PA DANG PHYI ROL PA GNYIS KA MTHUN LA, GO BAR NUS PA'I RGYU MTSAN LA MI MTHUN TE, SANGS RGYAS PA'I LUGS LA BA LANG MA YIN PA LAS LOG PA'I GZHAN SEL BRDA SBYOR BA'I YUL YIN LA, DE BA LANG GI GSAL BA THAMS CAD LA YOD PA'I RGYU MTSAN GYIS BA LANG DU GO BA YIN NO, ,PHYI ROL PA'I LUGS LA BA LANG GI SPYI RTAG DNGOS BRDA SBYOR BA'I YUL DANG, DE BA LANG GI GSAL BA KUN LA YOD PA'I RGYU MTSAN GYIS BA LANG DU GO BA YIN NO ZHES ZER RO, ,'O NA BRDA DUS KYI BA LANG DKAR ZAL CHOS CAN, BA LANG ZHES PA'I BRDA SBYOR BA'I GZHI MA YIN PAR THAL, BA LANG ZHES PA'I BRDA'I 'JUG YUL MA YIN PA'I PHYIR ZHE NA, SKYON MED DE, SGRA MI RTAG PAR SGRUB PA'I TSE SGRA DE SGRA MI RTAG PAR SGRUB PA'I GZHI YIN YANG, SGRA MI RTAG PAR RTOGS PA'I RJES DPAG GI 'JUG YUL MIN PA BZHIN DU, BRDA DUS KYI BA LANG DKAR ZAL DE YANG BA LANG ZHES PA'I BRDA SBYOR BA'I GZHI YIN GYI BA LANG ZHES PA'I @195B BRDA'I 'JUG YUL MA YIN NO, ,'O NA SGRA DANG MI RTAG PA'I TSOGS DON DE SGRA MI RTAG PAR RTOGS PA'I RJES DPAG GI 'JUG YUL YIN PA BZHIN DU, BRDA DUS KYI BA LANG DKAR ZAL DANG BA LANG MA YIN PA LAS LOG PA'I TSOGS DON DE BA LANG ZHES PA'I BRDA'I 'JUG YUL DU 'GYUR RO ZHE NA, MI 'GYUR TE, SGRA MI RTAG PAR BSGRUBS PA'I DGOS PA NI SGRA'I STENG DU MI RTAG PA GO BA TZAM YIN LA, BRDA DUS KYI BA LANG DKAR ZAL GZHIR BZUNG NAS BA LANG ZHES PA'I BRDA SBYAR BA'I DGOS PA NI, THA SNYAD KYI DUS SU BA LANG GI GSAL BA RNAMS PA LANG DU GO BA'I CHOD YIN PA'I PHYIR RO, ,'O NA THA SNYAD KYI DUS KYI BA LANG NAG SGUR LA BA LANG ZHES PA'I BRDA DNGOS SU SBYAR RAM MA SBYAR, DANG PO MI 'THAD DE, DE BRDA DUS KYI BA LANG RANG MTSAN LA RJES SU MI 'GRO BA'I PHYIR RO, ,GNYIS PA LTAR NA, DE BA LANG DU MI GO BAR 'GYUR RO ZHE NA, DE LA BRDA SBYOR BA'I DUS SU BA LANG ZHES PA'I BRDA DNGOS SU MA SBYAR YANG DE BA LANG DU MI GO BA'I SKYON MED DE, DNGOS SU BA LANG MA YIN PA LAS LOG PA LA BRDA SBYAR BA YIN LA, THA SNYAD KYI DUS KYI BA LANG NAG SGUR SOGS KYANG BA LANG MA YIN PA LAS LOG PA YIN PA'I PHYIR RO, ,DES NA BRDA DUS KYI BA LANG DKAR ZAL LTA BU BA LANG ZHES PA'I BRDA SBYOR BA'I GZHI DANG, RTOG PA LA BA LANG MA YIN PA LAS LOG PAR SNANG BA SNANG YUL DANG, BA LANG MA YIN PA LAS LOG PA 'JUG YUL DU BYAS NAS BA LANG ZHES PA'I BRDA SBYOR BA YIN LA, BRDA DUS KYI BA LANG DKAR ZAL BA LANG ZHES PA'I BRDA'I 'JUG YUL MA YIN TE, DE THA SNYAD KYI DUS SU RJES 'GRO MI BYED PA'I PHYIR, KHYAB STE, SGRA RNAMS KYIS RANG GANG LA BRDA BTAGS PA'I DON DE STON LA, DE YANG THA SNYAD KYI DUS SU DON DE GO BA'I CHOD YIN PA'I PHYIR, DE SKAD @196A *, ,DU'ANG, SGRA RNAMS KYIS NI BRDA BTAGS STON, ,DE NI THA SNYAD CHAD DU BYAS, ,DE TSE RANG GI MTSAN NYID MED, ,DES NA DE LA BRDAR MA YIN, ,ZHES GSUNGS SO, ,RTOG PA LA BA LANG MA YIN PA LAS LOG PAR SNANG BA DE BA LANG ZHES PA'I BRDA'I YUL YIN YANG, DE BA LANG ZHES PA'I BRDA'I 'JUG YUL MA YIN TE, DES ZHO BKAL LA SOGS PA'I DON BYED MI NUS PA'I PHYIR, DE SKAD DU'ANG, CI NAS SKYES BU DON BYED BAR, ,NUS PA SHES NAS DE BSGRUB PHYIR, ,'JUG PAR 'GYUR NAS DON RNAMS LA, ,RJOD PAR BYED PA SBYOR BAR BYED, ,DE LA RIGS DON BYED RUNG MED, ,CES GSUNGS SO, ,DES NA BA LANG MA YIN PA LAS LOG PA DE BA LANG ZHES PA'I BRDA'I 'JUG YUL YIN TE, DE BRDA DANG THA SNYAD KYI DUS KYI BA LANG GI GSAL BA LA RJES SU 'GRO BA GANG ZHIG ,DES ZHO BKAL LA SOGS PA'I DON BYED NUS PA'I PHYIR RO, ,BZHI PA DE DAG LA BRTEN NAS GZHAN SEL GYI RNAM GZHAG BSTAN PA LA GSUM, SGRA RTOG GI 'JUG TSUL DANG, GZHAN SEL GYI MTSAN NYID DBYE BA DANG BCAS PA DANG, SEL 'JUG GI MTSAN NYID DBYE BA DANG BCAS PA'O, ,DANG PO LA GNYIS, SGRA RTOG SGRUB PAS 'JUGS PA DANG SEL BAS 'JUG PAR SMRA BA'I LUGS SO SOR BRJOD PA DANG, SEL BAS 'JUG PAR BSGRUB PA'O, ,DANG PO NI, GZHAN SDE RNAMS NA RE, 'DI BUM PA'O SNYAM PA'I RTOG PA LA DGAG BYA BCAD LDOG MI SNANG BAR SGRUB PA RANG DBANG BA'I TSUL GYIS SNANG BA RGYU MTSAN DU BYAS NAS, SGRA RTOG THAMS CAD DNGOS PO'I DBANG GIS 'JUG PAS SGRUB PAS 'JUG GI SEL BAS 'JUG PA MA YIN NO ZHES ZER RO, ,DE YANG SGRUB PA'I SGRA RTOG SGRUB PAS 'JUG PA'I DVOGS PA CHE BAS DE 'GOG PA'I RIGS PA RGYAS PAR GSUNGS @196B NAS, DGAG PA'I SGRA RTOG SGRUB PAS 'JUG PA'I DVOGS PA CHUNG BAS, DE LA ,DNGOS MED NGO BO MED PA'I PHYIR, ,NGO BO RJOD PA DPYAD BYA NYID, ,MA YIN, ZHES PA TZAM LAS MA GSUNGS SO, ,SEL BA SMRA BA RNAMS BUM PA LTA BU LA 'JUG PA'I SGRA RTOG RNAMS SEL BAS 'JUG PA YIN TE, DANG POR DON GYI GZHAN SEL GYI STOBS LAS 'ONGS PA'I PHYIR DANG, DA LTA RIGS MI MTHUN LAS LOG PAR SNANG LA, PHYIS KYANG RIGS MI MTHUN LAS LOG PA'I DON GYI GZHAN SEL THOB PA'I MTHAR THUG PA YIN PA'I PHYIR, ZHES 'DOD DO, ,GNYIS PA NI, SGRA RTOG SEL 'JUG TU RIGS KYI SGRUB PAS 'JUG PA MI RIGS TE, SGRA 'DZIN MNGON SUM GYI RJES SU SKYES PA'I SGRA NGES PA'I RTOG PA DES SGRA MA YIN PA LAS LOG PAR GO'AM MA GO ,MA GO NA, SGRA MA GO BAR THAL, SGRA MA YIN PA LAS LOG PAR MA GO BA'I PHYIR, GO NA SGRA DE RTAG PA LAS LOG PAR GO'AM MA GO ,MA GO NA, SGRA NGES PA'I RTOG PA CHOS CAN, SEL 'JUG YIN PAR THAL, RANG YUL LA CHA SHAS SU PHYE NAS 'JUG PA'I PHYIR, RTAGS BSAL KHAS, SGRA RTAG PA LAS LOG PAR GO NA, SGRA'I STENG DU CHOS GCIG BSGRUBS PAS KUN BSGRUBS PA DANG, GCIG BKAG PAS KUN BKAG PAR 'GYUR BAR THAL, SGRA NGES PA'I RTOG PA DES SGRA RTAG PA LAS LOG PAR GO BA'I PHYIR, 'DOD NA, SGRA LA LTOS PA'I KUN MKHYEN DU THAL, SGRA'I STENG NA SHES BYA LA SRID TSAD KYI GRANGS DANG MNYAM PA'I LDOG PA YOD LA, DE SGRA NGES PA'I RTOG PA GCIG PO DES MYONG STOBS KYIS NGES PA'I PHYIR, GZHAN YANG, SGRA NGES PA'I RJES SU SGRA MI RTAG PAR SGRUB PA'I RTAGS DANG RJES DPAG 'JUG PA DON MED PAR THAL, SGRA NGES PA'I RTOGS DES SGRA MI RTAG PAR NGES PA'I PHYIR, DES NA SGRA NGES PA'I RTOG PA CHOS CAN, SEL 'JUG YIN TE, @197A *, ,RANG YUL LA CHA SHAS SU PHYE NAS 'JUG PA'I PHYIR TE, SGRA DANG SGRA'I BYAS MI RTAG YUL DUS RANG BZHIN GANG LA LTOS NAS KYANG GRUB BDE RDZAS GCIG GANG ZHIG ,KHYOD KYIS SGRA NGES KYI SGRA'I BYAS MI RTAG MA NGES PA'I PHYIR, 'O NA KHYOD RANG LA YANG SGRA MI RTAG PAR SGRUB PA'I RTAGS DANG RJES DPAG 'JUG PA DON MED PAR THAL, SGRA 'DZIN MNGON SUM GYIS SGRA'I BYAS MI RTAG KUN MTHONG BA'I PHYIR ZHE NA, SKYON MED DE, SGRA'I BYAS MI RTAG MTHONG YANG SGRA RTAG PAR 'KHRUL BA'I RGYUS SGRA MI RTAG PAR MA RTOGS PA'I PHYIR RO, ,GNYIS PA GZHAN SEL GYI MTSAN NYID DBYE BA DANG BCAS PA NI, TSAD MA'I DE KHO NA NYID BSDUS PAR, 'DIR NI SEL BA RNAM GNYIS TE, ,MA YIN PA DANG MED PA'O, ,MA YIN PA YANG RNAM GNYIS TE, ,BLO DANG DON GYI DBYE BAS SO, ,ZHES PA DANG, DE'I 'GREL PAR, KA MA LA SH'I LAS, MA YIN PA DANG MED PA'O, ,ZHES BYA BA NI, MA YIN PAR DGAG PA DANG MED PA STE MED PAR DGAG PA'I MTSAN NYID CES BYA BA'I THA TSIG GO ,ZHES GSUNGS PA LTAR, DGAG PA DANG GZHAN SEL DON GCIG YIN PAS, 'DI LA GZHAN SEL GYI MTSAN NYID, DGAG BYA DNGOS SU BCAD PA'I TSUL GYIS RTOGS PAR BYA BA, DE LA DBYE NA, DON GYI GZHAN SEL, BLO'I GZHAN SEL, MED DGAG GI GZHAN SEL DANG GSUM MO, ,DON GYI GZHAN SEL GYI MTSAN NYID, MA YIN DGAG GI GZHAN SEL DON GANG ZHIG ,SGRO MA BTAGS PAR DON RANG NGOS NAS GRUB PA, DPER NA BUM PA MA YIN PA LAS LOG PA LTA BU'O, ,DE LA CI'I PHYIR, GZHAN SEL ZHES BYA ZHE NA, 'DI LA GZHAN SEL BAR BYED PA'I GZHI YIN PAS GZHAN SEL ZHES BYA STE, SH'AKYA BLOS, RE ZHIG GCIG NI 'DI LA GZHAN DANG GZHAN SEL BAR BYED PA'I PHYIR RANG GI MTSAN NYID @197B LDOG PA KHO NA YIN NO, ,ZHES SO, ,DE YANG SGRA BSHAD PA'I DBANG DU BYAS PA YIN GYI GZHAN SEL BAR BYED PA'I GZHI YIN NA GZHAN SEL YIN PAS KHYAB PA NI MA YIN NO, ,KHA CIG ,BUM PA RANG MTSAN PA LTA BU DON GYI GZHAN SEL YIN PAR 'DOD PA MI 'THAD DE, DE DGAG PA MA YIN PA'I PHYIR RO, ,'ON TE GZHAN SEL YIN TE, BSAL BYA RIGS MI MTHUN SEL BA'I PHYIR ZHE NA, 'O NA DE DGAG PA YIN PAR THAL, DGAG BYA RIGS MI MTHUN 'GOG PA'I PHYIR RO, ,DE DGAG PA MA YIN TE, DGAG PA YIN NA DGAG BYA DNGOS SU BCAD PA'I TSUL GYIS RTOGS PAR BYA BA YIN DGOS PA'I PHYIR ZHE NA, DE GZHAN SEL MA YIN PAR THAL, GZHAN SEL YIN NA BSAL BYA DNGOS SU BSAL BA'I TSUL GYIS RTOGS PAR BYA BA YIN DGOS PA'I PHYIR RO, ,MED DGAG GI GZHAN SEL GYI MTSAN NYID, DGAG BYA DNGOS SU BCAD PA'I TSUL GYIS RTOGS PAR BYA BA GANG ZHIG ,DGAG BYA BKAG SHUL DU CHOS GZHAN MI 'PHEN PA, DPER NA BUM PA LA BUM MA YIN MED PA LTA BU'O, ,DE LA CI'I PHYIR GZHAN SEL ZHES BYA ZHE NA, GZHAN BSAL BA'I CHA YIN PAS GZHAN SEL ZHES BYA STE, SH'AKYA BLOS, GNYIS PA NI GZHAN GCOD PA'I PHYIR GZHAN RNAM PAR GCOD PA TZAM YIN ZHING, GANG SNGON GYI SLOB DPON DAG GIS THAMS CAD LA KHYAD PAR MED PAR RNAM PAR BZHAG PA YIN TE, THAMS CAD LA DGAG PA TZAM LA KHYAD PAR MED PA'I PHYIR RO, ,ZHES GSUNGS SO, ,KHA CIG ,LDOG PA NGO BO NYID MED PHYIR, ZHES BSHAD PAS, BUM PA MA YIN PA LAS LOG PA DE MED DGAG GI GZHAN SEL YIN NO ZHES ZER, BUM PA MA YIN PA LAS LOG PA CHOS CAN, MED DGAG GI GZHAN SEL MA YIN PAR THAL, MED DGAG MA YIN PA'I PHYIR TE, BUM PA YIN PA'I PHYIR TE, BUM PA MA @198A *, ,YIN PA LAS LOG PA YIN PA'I PHYIR, RTAGS MA GRUB NA, BUM PA DE BUM PA MA YIN PAR THAL BUM PA MA YIN PA LAS LOG PA DE BUM PA MA YIN PA LAS LOG PA MA YIN PA'I PHYIR, DE CHOS CAN, MED DGAG MA YIN PAR THAL, DGAG BYA BKAG SHUL DU CHOS GZHAN 'PHEN PA'I PHYIR TE, DGAG BYA BKAG SHUL DU CHOS GZHAN BUM PA 'PHEN PA'I PHYIR, RTAGS GRUB STE, BUM MIN LAS LOG PA ZHES PA'I SGRAS BUM PA SHUGS LA BRJOD PA'I PHYIR TE, BUM PA DANG BUM MIN GNYIS PHAN TSUN SPANGS TE GNAS PA'I DNGOS 'GAL YIN PA'I PHYIR RO, ,'O NA, LDOG PA NGO BO NYID MED PHYIR, ,ZHES GSUNGS PA DANG 'GAL LO ZHE NA, MI 'GAL TE, DES LDOG PA MED DGAG GI GZHAN SEL DE DNGOS MED YIN PAR BSTAN PA TZAM YIN PA'I PHYIR, BLO'I GZHAN SEL GYI MTSAN NYID, MA YIN DGAG GI GZHAN SEL GANG ZHIG ,RTOG PAS SGRO BTAGS PA TZAM YIN PA, DPER NA RTOG PA LA BUM PA MA YIN PA LAS LOG PAR SNANG BA LTA BU'O, ,DE LA CI'I PHYIR GZHAN SEL ZHES BYA ZHE NA, 'DIS GZHAN SEL BAR BYED PA'I PHYIR GZHAN SEL ZHES BYA STE, SH'AKYA BLOS, GSUM PA NI, 'DIS GZHAN SEL BAR BYED PA'I PHYIR RNAM PAR RTOG PA'I BLO LA SNANG BA YIN TE, GANG BSTAN BCOS MDZAD PAS SGRA'I BRJOD PAR BYA BA NYID DU BZHED PA ZHES BYA BA 'DI YIN NO, ,ZHES GSUNGS SO, ,KHA CIG ,RTOG PA LA BUM PAR SNANG BA LTA BU BLO'I GZHAN SEL YIN ZHES SMRA BA MI 'THAD DE, DGAG PA MA YIN PA'I PHYIR RO, ,KHA CIG ,'DI DGAG PA YIN TE, BLO LA 'CHAR BA NA DGAG BYA BCAD PA'I RNAM PA CAN DU 'CHAR BA'I PHYIR TE, DE DNGOS SU 'JAL BA'I BLO YIN NA RTOG PA YIN DGOS PA GANG ZHIG ,RTOG PA LA DGAG BYA BCAD PA'I RNAM PA CAN DU @198B 'CHAR BA'I PHYIR, DES NA DNGOS MED YIN NA DGAG PA YIN DGOS ZHES ZER RO, ,'O NA BLO CHOS CAN, RTOG PA YIN PAR THAL, RTOG PA LA BUM PAR SNANG BA DNGOS SU 'JAL BA'I BLO YIN PA'I PHYIR, RI BONG RVA CHOS CAN, DGAG PA YIN PAR THAL, DNGOS MED YIN PA'I PHYIR, 'DOD NA GZHAN SEL YIN PAR THAL LO, ,'O NA BUM PA LTA BU LA GZHAN SEL GSUM JI LTAR YOD CE NA, GZHAN BSAL BA'I GZHI DANG, GZHAN BSAL BA'I CHA DANG, GZHAN SEL BAR BYED PA GSUM YOD PAS SO, ,GSUM PO DE LA LAS DANG BYA BA DANG BYED PA'I KHYAD PAR YOD KYANG, BUM GSAL GYI SPYI YIN PA LA KHYAD PAR MED DE, GSUM GA'ANG BUM GSAL THAMS CAD LA THUN MONG DU RJES SU 'GRO BA'I PHYIR RO, ,'O NA GZHAN SEL LA GSUM DU GRANGS NGES PA JI LTAR YIN ZHE NA, GZHAN SEL LA GSUM DU GRANGS NGES TE, GZHAN SEL LA MED DGAG DANG MA YIN DGAG GNYIS SU 'DUS SHING, MA YIN DGAG LA YANG RTOG PAS SGRO MA BTAGS PAR DON RANG NGOS NAS GRUB PA DANG, RTOG PAS SGRO BTAGS PA GNYIS SU NGES PA'I PHYIR RO, ,GSUM PA SEL 'JUG GI MTSAN NYID DBYE BA DANG BCAS PA LA GNYIS, MTSAN NYID DANG DBYE BA'O, ,DANG PO NI, SEL 'JUG GI MTSAN NYID, RANG YUL LA CHA SHAS SU PHYE NAS 'JUG PA, GNYIS PA LA GNYIS, RTOG PA DANG, RJOD BYED KYI SGRA'O, ,DANG PO NI, RTOG PA'I MTSAN NYID, SGRA DON 'DRES RUNG DU 'DZIN PA'I BLO, SGRA DON 'DRES RUNG BA DANG, 'DRES PA'I TSAD DANG, RUNG BA SMOS PA'I DGOS PA RNAMS SNGAR BSHAD ZIN TO, ,DBYE NA, DON SBYOR RTOG PA DANG, MING SBYOR RTOG PA GNYIS, DON SBYOR RTOG PA'I MTSAN NYID, KHYAD GZHI LA KHYAD CHOS SBYAR NAS 'DZIN PA'I BLO, DPER NA SKYES BU DBYUG PA CAN DU 'DZIN PA'I BLO LTA BU'O, ,MING SBYOR RTOG @199A *, ,PA'I MTSAN NYID, BRDA DUS KYI MING DANG THA SNYAD KYI DUS KYI DON SBYAR NAS 'DZIN PA'I SHES PA, DPER NA LTO LDIR BA LA BUM PAR 'DZIN PA'I BLO LTA BU, DE GNYIS 'GAL BA NI MIN NO, ,YANG RTOG PA LA DBYE NA, BRDA RTEN CAN GYI RTOG PA DANG, DON GZHAN LA SGRO 'DOGS PA'I RTOG PA DANG, LKOG TU GYUR PA'I DON CAN GYI RTOG PA DANG GSUM MO, ,DANG PO NI, BUM 'DZIN RTOG PA LTA BU'O, ,GNYIS PA NI, SMIG RGYU LA CHUR 'DZIN GYI RTOG PA LTA BU'O, ,GSUM PA NI SGRA MI RTAG PAR RTOGS PA'I RJES DPAG LTA BU'O, ,GNYIS PA RJOD BYED KYI SGRA LA GNYIS, MTSAN NYID DANG, DBYE BA'O, ,DANG PO NI, RJOD BYED KYI SGRA'I MTSAN NYID, BRDA'I DBANG GIS RANG GI BRJOD BYA GO BYED, GNYIS PA LA BZHI, NGO BO'I SGO NAS DBYE BA, BRJOD BYA'I SGO NAS DBYE BA, RJOD TSUL GYI SGO NAS DBYE BA, RNAM GCOD KYI SGO NAS DBYE BA'O, ,DANG PO LA MING TSIG YI GE GSUM LAS, MING GI MTSAN NYID, DON GYI NGO BO TZAM RJOD PA'I SGRA, DBYE NA DNGOS MING DANG, BTAGS MING GNYIS, DNGOS MING GI MTSAN NYID, DON DE LA THOG MAR BRDA SBYAR BA'I MING GANG ZHIG ,KHYOD LAS DON DE 'KHRUL MED DU GO BAR NUS PA, DPER NA RI DVAGS KYI RGYAL PO LA SENG GE ZHES PA'I SGRA LTA BU'O, ,BTAGS MING GI MTSAN NYID, DNGOS MING DU 'JUG PA'I DON DE DANG 'DRA BA'AM 'BREL BA GANG RUNG RGYU MTSAN DU BYAS NAS GZHI DE LA PHYIS BRDA SBYAR BA'I MING, DBYE NA, 'BREL PA RGYU MTSAN DU BYAS PA'I BTAGS MING DANG, 'DRA BA RGYU MTSAN DU BYAS PA'I BTAGS MING GNYIS, DANG PO LA DE BYUNG 'BREL PA RGYU MTSAN DU BYAS PA DANG, BDAG GCIG 'BREL PA RGYU MTSAN DU BYAS PA GNYIS, DANG PO LA RGYU MING 'BRAS BU LA BTAGS PA DANG, 'BRAS MING RGYU LA BTAGS PA GNYIS, DPE RIM @199B BZHIN, NYI MA'I 'OD ZER LA NYI MA ZHES PA DANG, SGRUB NGAG LA RJES DPAG CES BRJOD PA BZHIN NO, ,BDAG GCIG 'BREL PA RGYU MTSAN DU BYAS PA NI, TSOGS PA'I MING GIS LA GYAL LA BTAGS PA SGRA LA BSGRUB BYA'I MING GIS BRJOD PA LTA BU'O, ,'DRA BA RGYU MTSAN DU BYAS PA NI, MI DPA' BO LA SENG GE ZHES BRJOD PA LTA BU'O, ,'O NA YUL MI'I 'DOD DON SGRUB NUS KYI MI RGAN LA GTZO BO ZHES PA'I SGRA BTAGS MING DU MI 'JUG PAR THAL, DE GTZO BO DANG 'DRA BA DANG 'BREL PA GANG RUNG MA YIN PA'I PHYIR TE, GTZO BO GZHI MA GRUB PA'I PHYIR ZHE NA, SKYON MED DE, GRANGS CAN GYIS GTZO BOS RNAM 'GYUR THAMS CAD BYED PAR 'DOD PA DANG 'DRA BAR 'DIS KYANG YUL MI'I 'DOD DON THAMS CAD SGRUB PAR BYED PAS GTZO BO ZHES BTAGS PA YIN PA'I PHYIR RO, ,TSIG GI MTSAN NYID, DON GYI NGO BO DANG KHYAD CHOS SBYAR NAS STON PA'I SGRA, DPER NA, KYE MA 'DUS BYAS RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'JIG PAR 'GYUR BA STE, ,DE BAS MYUR DU ZHI NA BDE, ,ZHES PA LTA BU'O, ,YI GE'I MTSAN NYID, MING TSIG GI GZHIR GYUR PA'I SKAD KYI GDANGS, DBYE NA, DBYANGS DANG, GSAL BYED GNYIS, DBYANGS NI AA A'A LA SOGS PA'O, ,GSAL BYED NI, KA KHA LA SOGS PA'O, ,KHA CIG NA RE, YI GE YIN NA DON MI STON PAS KHYAB STE, YI GE DON MED CAN 'GYUR ZHING, ,ZHES GSUNGS PA'I PHYIR ZHE NA, MI 'THAD DE, MDZOD 'GREL LAS, MING GI MTHAR THUG PA YI GE DANG DE YANG BA LANG ZHES PA LTA BU LA DPER MDZAD PAS SO, ,KHA CIG NA RE, MING TSIG YI GE 'DI DAG RDZAS SU MA GRUB STE, RGYUN YIN PA'I PHYIR, KHYAB STE, RGYUN DNGOS MED YIN PA'I PHYIR, RTZA BA'I RTAGS GRUB STE, YI GE'I BDAG NYID KUN MTHA' YANG, , @200A *, ,MIG 'DZUM TSAD DU GNAS PA YIN, ,ZHES GSUNGS PA'I PHYIR ZHES ZER, 'O NA MING TSIG YI GE CHOS CAN, PHUNG PO MA YIN PAR THAL, RDZAS SU MA GRUB PA'I PHYIR, GAL TE MING TSIG YI GE GANG RUNG YIN NA RDZAS SU MA GRUB PAS KHYAB STE, DE DAG YIN NA, RJOD BYED KYI SGRA YIN PAS KHYAB CING, SGRA RANG MTSAN GYIS DON STON MI NUS PA'I PHYIR TE, THA SNYAD KYI DUS SU RJES 'GRO MI BYED PA'I PHYIR, DES NA DON SPYI KHO NA BRJOD BYA DANG SGRA SPYI KHO NA RJOD BYED YIN NO ZHES ZER, YI GE CHOS CAN, KUN SLONG GI SHES PA LAS SKYE BA MA YIN PAR THAL, RDZAS SU MA GRUB PA'I PHYIR, 'DOD NA, YI GE KUN SLONG SHES PA LAS, ,SKYE LA SHES PAS SGRA SKYE'O, ,ZHES GSUNGS PA DANG 'GAL LO, ,SHES BYA CHOS CAN, RDZUN TSIG GIS 'BRAS BU MI SKYED PAR THAL, TSIG YIN NA RDZAS SU MA GRUB PA'I PHYIR, 'DOD MI NUS TE, RDZUN TSIG GIS RNAM SMIN DANG RGYU MTHUN DANG BDAG PO'I 'BRAS BU GSUM 'BYIN PAR GSUNGS PA'I PHYIR RO, ,GZHAN YANG, SGRA MI RTAG CES PA'I TSIG DE RANG SMRA BA PO'I RGYUD LA KUN SLONG YOD PAR SGRUB PA'I 'BRAS RTAGS YANG DAG MA YIN PAR THAL, RJOD BYED KYI SGRA YIN NA RDZAS SU MA GRUB DGOS PA'I PHYIR, 'DOD MI NUS TE, PHYOGS KYI TSIG DE SMRA BA PO'I, BSAM PA STON PAR BYED PA LA, ,TSAD YIN ZHES GSUNGS PAS SO, ,DE LTA MIN NA, DU BA YANG DU LDAN GYI LA LA ME YOD PAR SGRUB PA'I 'BRAS RTAGS YANG DAG MA YIN ZHES MTSUNGS SO, ,GZHAN YANG, RIG BYED KYI SGRA THOS PA'I NYAN SHES DE RANG RGYU RKYEN GSUM LAS MA SKYES PAR THAL, RJOD BYED KYI SGRA YIN NA RDZAS SU MA GRUB DGOS PA'I PHYIR, GAL TE MING TSIG RDZAS SU GRUB NA, TSIG SOGS KUN BTAGS DNGOS MED LA, , @200B DNGOS PO YI NI 'BREL PA 'DI, ,JI LTA BUR NI 'JUG PAR 'GYUR, ,ZHES GSUNGS PA DANG 'GAL LO, ,ZHE NA, DE'I DON TSIG SOGS RANG GI BRJOD BYA'I RJOD BYED YIN PA RTOG PAS KUN BTAGS PA'I DNGOS MED YIN PAS TSIG SOGS DANG RANG GI BRJOD BYA'I 'BREL PA DNGOS POR JI LTAR GRUB CES PA YIN PA'I PHYIR RO, ,'O NA TSIG CHOS CAN, RANG GI BRJOD BYA'I RJOD BYED YIN PA DNGOS POR THAL, RANG GI BRJOD BYA'I RJOD BYED YIN PA GANG ZHIG ,DNGOS PO YIN PA'I PHYIR ZHE NA, MA KHYAB STE, BUM PA ZHES PA'I SGRA LTO LDIR BA'I RJOD BYED YIN ZHING DNGOS PO YIN YANG BUM PA ZHES PA'I SGRA LTO LDIR BA'I RJOD BYED YIN PA DNGOS PO MA YIN PA'I PHYIR, GAL TE DNGOS PO YIN NA BUM PA ZHES PA'I SGRA LTO LDIR BA'I RJOD BYED YIN PA DE BUM PA ZHES PA'I SGRA THOS PA'I NYAN SHES LA SNANG BAR THAL, BUM PA ZHES PA'I SGRA LTO LDIR BA'I RJOD BYED YIN PA DE DNGOS PO YIN PA'I PHYIR, DPER NA, SGRA MI RTAG PA DNGOS PO YIN PAS DE SGRA 'DZIN NYAN SHES LA SNANG BA BZHIN, 'DOD NA, BUM PA ZHES PA'I SGRA'I RJES SU 'BRANGS PA'I RTOG PAS BUM PA ZHES PA'I SGRA LTO LDIR BA'I RJOD BYED YIN PA DE NGES PAR THAL, 'DOD PA DE GANG ZHIG ,BUM PA ZHES PA'I SGRA LTO LDIR BA'I RJOD BYED YIN PA DE MTHONG YANG YID GTAD PAS NGES MI NUS PA'I SGRA MI RTAG PA LTA BU MA YIN PA'I PHYIR, 'DOD NA, LTO LDIR BA'I STENG DU BUM PA'I THA SNYAD LA RMONGS PA'I GANG ZAG MI SRID PAR THAL LO, ,'DOD NA, LTO LDIR BA LA BUM PA ZHES PA'I BRDA SBYOR BA DON MED DU THAL LO, ,DE BZHIN DU LTO LDIR BA BUm PA ZHES PA'I SGRA'I BRJOD BYA YIN ZHING DNGOS PO YIN YANG LTO LDIR BA BUM PA ZHES PA'I SGRA'I BRJOD BYA YIN PA'ANG DNGOS PO MIN NO, ,GAL TE DNGOS @201A *, ,PO YIN NA LTO LDIR BA BUM PA ZHES PA'I SGRA'I BRJOD BYA YIN PA DE LTO LDIR BA 'DZIN PA'I MNGON SUM LA SNANG BAR THAL, LTO LDIR BA BUM PA ZHES PA'I SGRA'I BRJOD BYA YIN PA DNGOS PO YIN PA'I PHYIR, 'DOD NA, LTO LDIR BA 'DZIN PA'I MNGON SUM GYI RJES SU SKYES PA'I RTOG PAS LTO LDIR BA BUM PA ZHES PA'I SGRA'I BRJOD BYA YIN PA DE NGES PAR THAL, DE DE LA SNANG BA GANG ZHIG ,LTO LDIR BA BUM PA ZHES PA'I SGRA'I BRJOD BYA YIN PA DE MTHONG YANG YID GTAD PAS NGES MI NUS PA'I SGRA MI RTAG PA LTA BU MA YIN PA'I PHYIR, 'DOD NA, LTO LDIR BA DANG BUM PA ZHES PA'I BRDA 'BREL MI SHES PA'I GANG ZAG GIS LTO LDIR BA MTHONG BA NA 'DI BUM PA'O SNYAM PA'I BLO SKYE BAR THAL LO, ,GNYIS PA BRJOD BYA'I SGO NAS DBYE BA LA, RIGS RJOD KYI SGRA DANG, TSOGS RJOD KYI SGRA GNYIS, RIGS RJOD KYI SGRA'I MTSAN NYID, TSIG RANG GIS DNGOS SU ZIN PAR BSTAN PA'I BRJOD BYA DE'I BYE BRAG DU MA GRUB PA, DPER NA, SHES BYA ZHES PA LTA BU'O, ,TSOGS RJOD KYI SGRA'I MTSAN NYID, TSIG RANG GIS DNGOS SU ZIN PAR BSTAN PA'I BRJOD BYA DE RAGS PA YIN PA, DPER NA BUM PA ZHES PA LTA BU'O, , 'O NA SGRA DE GNYIS 'GAL LAM MI 'GAL ZHE NA, GZHI GCIG LA LTOS NAS 'GAL BA YIN TE, BUM PA ZHES PA'I SGRA DE GSER BUM LA LTOS NAS RIGS RJOD YIN LA TSOGS RJOD YIN PA MI SRID DE, BUM GZUGS LA LTOS NAS TSOGS RJOD YIN LA RIGS RJOD YIN PA MI SRID PA'I PHYIR, GZHI SO SO LA LTOS NAS MI 'GAL TE, BUM PA ZHES PA'I SGRA DE GSER BUM LA LTOS NAS RIGS RJOD DANG BUM GZUGS LA LTOS NAS TSOGS RJOD YIN PA'I PHYIR TE, GSER BUM DE BUM PA'I BYE BRAG YIN LA BUM PA DE BUM PA'I GZUGS SOGS RDZAS BRGYAD TSOGS @201B PA YIN PA'I PHYIR, SPYIR RIGS RJOD DANG TSOGS RJOD LA MU BZHI STE, GNYIS KA YIN PA NI BUM PA ZHES PA'I SGRA LTA BU YIN TE, BUM PA'I BYE BRAG DU MA GRUB CING BUM PA DE RAGS PA YIN PA'I PHYIR RO, ,GNYIS KA MIN PA NI RI BONG GI RVA ZHES PA LTA BU'O, ,RIGS RJOD YIN LA TSOGS RJOD MIN PA NI BDE BA ZHES PA LTA BU STE, BDE BA'I BYE BRAG DU MA GRUB CING BDE BA DE RAGS PA MA YIN PA'I PHYIR, TSOGS RJOD YIN LA RIGS RJOD MA YIN PA NI RI BO GANGS CAN DANG 'BIGS ? BYED CES PA LTA BU STE, DE GNYIS RAGS PA YIN ZHING DE GNYIS KYI BYE BRAG MA GRUB PA'I PHYIR RO, ,DE YANG PHYI ROL PA RNAMS KYI RIGS RJOD KYI SGRAS RIGS DON GZHAN DANG TSOGS RJOD KYI SGRAS TSOGS PA DON GZHAN BRJOD PAR 'DOD PA BKAG NAS, RIGS RJOD KYI SGRAS RIGS CAN BRJOD BYAR MI SPONG LA TSOGS RJOD KYI SGRAS TSOGS PA CAN BRJOD BYAR SPONG BA YIN NO ZHES BSTAN TO, ,'O NA RIGS RJOD KYI SGRAS RIGS CAN BRJOD BYAR MI SPONG LA TSOGS RJOD KYI SGRAS TSOGS PA CAN BRJOD BYAR SPONG BA'I DON CI YIN ZHE NA, 'DI LA KHA CIG NA RE, RIGS RJOD KYI SGRAS RIGS CAN THAMS CAD BRJOD BYAR BYAS PAS KHYAB, TSOGS RJOD KYI SGRAS TSOGS PA CAN BRJOD BYAR MA BYAS PAS KHYAB PA'I DON YIN NO ZHE NA, SHES BYA ZHES PA'I SGRAS GSER BUM BRJOD PAR THAL, RIGS RJOD KYI SGRAS RIGS CAN THAMS CAD BRJOD BYAR BYAS PAS KHYAB PA'I PHYIR, 'DOD NA, SGRA RTOG SEL 'JUG MA YIN PAR THAL LO, ,GZHAN YANG, BUM PA ZHES PA'I SGRA'I RJES SU 'BRANGS PA'I RTOG PAS BUM GSAL THAMS CAD YUL DU BYAS PAR THAL, BUM PA ZHES PA'I SGRAS BUM GSAL THAMS CAD BRJOD PA'I PHYIR, RANG LUGS NI BUM GSAL THAMS CAD LA BUM PA ZHES PA'I SGRA DON MTHUN DU 'JUG PAS, BUM PA ZHES PA'I SGRAS @202A *, ,BUM GSAL THAMS CAD BRJOD BYAR MI SPONG BA DANG, BUM GZUGS SOGS LA BUM PA ZHES PA'I SGRA DON MTHUN DU MI 'JUG PAS, BUM PA ZHES PA'I SGRAS BUM GZUGS SOGS BRJOD BYAR SPONG ZHES BRJOD PA MIN NO, ,GSUM PA RJOD TSUL GYI SGO NAS DBYE BA LA, CHOS RJOD KYI SGRA DANG CHOS CAN RJOD PA'I SGRA GNYIS YOD PA LAS, 'DI LA KHA CIG ,SGRA'I MI RTAG PA TZAM SHES PAR 'DOD NAS DRIS PA'I TSE, SGRA'I MI RTAG PA ZHES PA'I SGRA CHOS CAN, CHOS RJOD KYI SGRA YIN TE, KHYAD PAR GZHAN SPONG GI SGRA YIN PA'I PHYIR TE, RTOG PA LA SGRA DE MI RTAG PA LAS KHYAD CHOS GZHAN BYAS SOGS KYI RTEN DU MI RUNG BAR SNANG BA'I SGO NAS SGRA LA MI RTAG PA GO BYED KYI NGAG YIN PA'I PHYIR, YANG SGRA RTAG MI RTAG THE TSOM ZA NAS DRIS PA'I TSE SGRA MI RTAG CES PA'I NGAG CHOS CAN, CHOS CAN RJOD PA'I SGRA YIN TE, KHYAD PAR GZHAN MI SPONG BA'I SGRA YIN PA'I PHYIR TE, RTOG PA LA SGRA DE MI RTAG PA LAS KHYAD CHOS GZHAN BYAS SOGS KYI RTEN DU RUNG BAR SNANG BA'I SGO NAS SGRA LA MI RTAG PA GO BYED KYI NGAG YIN PA'I PHYIR, DES NA BUM PA ZHES PA'I SGRAS BUM PA'I KHYAD CHOS THAMS CAD MI SPONG BAR BRJOD BYAR BYED LA, BUM PA'I GZUGS ZHES PA'I SGRAS BUM PA'I DRI RO SOGS KHYAD CHOS GZHAN RNAMS SPONG ZHING BRJOD BYAR MI BYED DO ZHES ZER, 'O NA BUM PA'I KHYAD CHOS YIN NA, BUM 'DZIN RTOG PAS RTOGS DGOS PAR THAL, BUM PA'I KHYAD CHOS YIN NA BUM PA ZHES PA'I SGRAS BRJOD DGOS PA'I PHYIR RO, ,KHYAB STE, SGRA RTOG 'JUG PA GCIG PA'I PHYIR TE, SPYI RJOD NGANG TSUL CAN SGRA DANG, ,RTOG PA'ANG DE DANG DON GCIG NA, ,ZHES GSUNGS SO, ,'DOD NA, BUM PA TSAD MAS GRUB PA'I RJES SU BUM PA MI RTAG PA DANG BDAG @202B MED LA SOGS PAR SGRUB PA'I RTAGS DANG RJES DPAG 'JUG PA DON MED PAR THAL LO, ,GZHAN YANG, BUM PA ZHES PA'I SGRA CHOS CAN, KHYOD KYIS BUM GZUGS BRJOD BYAR BYED PA MIN PAR THAL, KHYOD BUM GZUGS LA LTOS TE TSOGS RJOD KYI SGRA YIN PA'I PHYIR, KHYAB STE, RIGS RJOD KYI SGRAS RIGS CAN BRJOD BYAR MI SPONG LA, TSOGS RJOD KYI SGRAS TSOGS PA CAN BRJOD BYAR SPONG BA DE RIGS RJOD KYI SGRA DANG TSOGS RJOD KYI SGRA'I KHYAD PAR YIN PA'I PHYIR, YANG KHA CIG , CHOS RJOD KYI SGRA DANG CHOS CAN RJOD PA'I SGRA'I KHYAD PAR GZHI DE KHYAD CHOS GZHAN GYI RTEN DU MI RUNG BAR BRJOD PA DANG RUNG BAR BRJOD PA LA 'DOD 'ANG MI 'THAD DE, CHOS RJOD KYI SGRA YIN NA SGRA DON MI MTHUN PA YIN PAS KHYAB PAR THAL, CHOS RJOD KYI SGRA YIN NA GZHI DE KHYAD CHOS GZHAN GYI RTEN DU MI RUNG BAR BRJOD PA GANG ZHIG ,DNGOS SU BRJOD PA'I KHYAD CHOS GCIG PO DE LAS GZHAN PA'I KHYAD CHOS KYI RTEN DU MI RUNG BA'I CHOS MI SRID PA'I PHYIR, RANG LUGS NI CHOS RJOD KYI SGRA'I MTSAN NYID, SMRA BA PO DANG NYAN PA PO'I 'DOD PAS DMIGS PA'I DON DE NYID KHYAD CHOS LTA BUR STON PA'I SGRA, DPER NA BA LANG GI DKAR PO ZHES PA LTA BU'O, ,DE YANG BA LANG GI DKAR PO ZHES PA'I SGRA CHOS CAN, KHYAD PAR GZHAN SPONG BA'I SGRA YIN TE, DON DE KHYAD CHOS GZHAN GYI RTEN BYED PA'I KHYAD GZHI LTA BUR BLO YUL DU 'CHAR BA SPANGS NAS KHYAD CHOS LTA BUR STON PA'I PHYIR, DE YANG NYAN PA POS DKAR PO ZHES PA TZAM ZHIG THOS PA'I TSE DKAR PO DE DUNG DANG BA LANG SOGS GANG GI DKAR PO YIN SNYAM DU SHES PAR 'DOD NAS DRIS PA NA, 'CHAD PA POS BA LANG GI DKAR PO ZHES BRJOD PA'I TSE DKAR PO KHYAD GZHI DANG BA LANG KHYAD CHOS SU STON PA YIN TE, BA LANG DE DKAR PO DUNG GI @203A *, ,DKAR PO SOGS LAS KHYAD PAR DU BYED PA'I BYED CHOS SU STON PA'I PHYIR, CHOS CAN RJOD PA'I SGRA'I MTSAN NYID, SMRA BA PO DANG NYAN PA PO'I 'DOD PAS DMIGS PA'I DON DE NYID KHYAD GZHI LTA BU STON PA'I SGRA, DPER NA, BA LANG DKAR PO ZHES PA LTA BU'O, ,BA LANG DKAR PO ZHES PA'I SGRA CHOS CAN, KHYAD PAR GZHAN MI SPONG BA'I SGRA YIN TE, DON DE KHYAD CHOS GZHAN GYI RTEN BYED PA'I KHYAD GZHI LTA BUR BLO'I YUL DU 'CHAR BA MI SPONG BAR KHYAD GZHI LTA BUR BLO'I YUL DU STON PA'I PHYIR, DE YANG NYAN PA POS BA LANG ZHES THOS PA'I TSE BA LANG SNGON PO DANG DKAR PO GANG YIN SNYAM DU SHES PAR 'DOD NAS DRIS PA NA, 'CHAD PA POS BA LANG DKAR PO ZHES BRJOD PA'I TSE BA LANG KHYAD GZHI DANG DKAR PO KHYAD CHOS SU STON PA YIN TE, DKAR PO DE BA LANG SNGON PO SOGS LAS KHYAD PAR DU BYED PA'I BYED CHOS SU STON PA'I PHYIR, DES NA BA LANG GI DKAR PO DANG BA LANG DKAR PO ZHES BRJOD PA'I TSE, BA LANG ZHES PA'I TSIG GNYIS KAS BA LANG GI LDOG PA GCIG BRJOD PAR KHYAD PAR MED KYANG, BA LANG GI DKAR PO ZHES PA'I TSIG ZUR GYI BA LANG ZHES PA'I SGRAS BA LANG KHYAD CHOS SU BRJOD PAS BA LANG LA LTOS NAS CHOS RJOD KYI SGRA DANG, BA LANG DKAR PO ZHES PA'I TSIG ZUR GYI BA LANG ZHES PA'I SGRAS PA LANG KHYAD GZHI BRJOD PAS BA LANG LA LTOS NAS CHOS CAN RJOD PA'I SGRA YIN NO, ,DE LTAR NA, GNYIS KAS GCIG CIG BRJOD MOD KYI, ,ZHES SOGS KYI DON YANG LEGS PAR BSHAD PA YIN NO, ,'DI MA GO BAR BA LANG GI DKAR PO ZHES PA'I SGRAS KYANG BA LANG KHYAD GZHI DANG DKAR PO KHYAD CHOS SU BRJOD PAR 'DOD PA 'DI NYID NI MI 'THAD PA YIN NO, ,BZHI PA RNAM GCOD KYI SGO NAS DBYE BA LA, MI LDAN RNAM GCOD, GZHAN @203B LDAN RNAM GCOD, MI SRID RNAM GCOD KYI SGRA DANG GSUM MO, ,'DI LA GNYIS, GZHAN LUGS DGAG , RANG LUGS BZHAG PA'O, ,DANG PO NI, KHA CIG ,MI LDAN RNAM GCOD KYI MTSAN NYID, KHYAD CHOS KYI RJES DE MA THAG NGES GZUNG SBYAR NAS KHYAD GZHI LA KHYAD CHOS LDAN PAR STON PA'I NGAG ,DPER NA, SGRA MI RTAG PA KHO NA YIN ZHES PA'I NGAG LTA BU'O, ,GZHAN LDAN RNAM GCOD KYI MTSAN NYID, KHYAD GZHI'I RJES DE MA THAG NGES GZUNG SBYAR NAS KHYAD GZHI LA KHYAD CHOS LDAN PAR STON PA'I NGAG ,DPER NA SGRA KHO NA MI RTAG CES PA'I NGAG LTA BU'O, ,MI SRID RNAM GCOD KYI MTSAN NYID, BYA BA SRID PA'I RJES DE MA THAG NGES GZUNG SBYAR NAS KHYAD GZHI LA KHYAD CHOS LDAN PAR STON PA'I NGAG ,DPER NA, BA LAS BE'U SKYE BA SRID PA KHO NA ZHES PA'I NGAG LTA BU ZHES ZER ZHING, MI LDAN RNAM GCOD DANG GZHAN LDAN RNAM GCOD GNYIS 'GAL LO ZHES ZER, 'O NA SGRA KHO NA MNYAN BYA KHO NA YIN ZHES PA'I NGAG CHOS CAN, MI LDAN RNAM GCOD YIN PAR THAL, KHYAD CHOS KYI RJES DE MA THAG TU NGES GZUNG SBYAR NAS KHYAD GZHI LA KHYAD CHOS LDAN PAR STON PA'I NGAG YIN PA'I PHYIR TE, MNYAN BYA'I RJES DE MA THAG TU NGES GZUNG SBYAR NAS KHYAD GZHI LA KHYAD CHOS MNYAN BYA LDAN PAR STON PA'I NGAG YIN PA'I PHYIR, 'DOD NA, GZHAN LDAN RNAM GCOD YIN PAR THAL, KHYAD GZHI'I RJES DE MA THAG TU NGES GZUNG SBYAR NAS KHYAD GZHI LA KHYAD CHOS LDAN PAR STON PA'I NGAG YIN PA'I PHYIR TE, SGRA'I RJES DE MA THAG TU NGES GZUNG SBYAR NAS KHYAD GZHI SGRA LA KHYAD CHOS MNYAN BYA LDAN PAR STON PA'I NGAG YIN PA'I PHYIR, 'DOD NA, 'KHOR GSUM MO, ,GZHAN YANG, DON GYI RNAM GCOD KYIS RNAM GCOD KYI GO MI CHOD PAR THAL, RNAM GCOD YIN NA NGAG YIN DGOS @204A *, ,PA'I PHYIR, 'DOD NA, BYAS PA DE SGRA LA MI LDAN PA RNAM PAR GCOD PA MIN PAR THAL LO, ,'DOD NA, BYAS PA DE SGRA MI RTAG PAR SGRUB PA'I PHYOGS CHOS MA YIN PAR THAL LO, ,GZHAN YANG, SGRA KHO NA MI RTAG PA YIN ZHES PA'I NGAG DE GZHAN LDAN RNAM GCOD KYI NGAG MA YIN PAR THAL, GZHAN LDAN RNAM GCOD KYI NGAG YIN NA SMRA BA PO'I 'DOD PAS DMIGS PA'I DON GYI 'GAL ZLA RNAM PAR GCOD PA'I NGAG YIN DGOS PA GANG ZHIG ,SGRA KHO NA MI RTAG PA YIN ZHES PA'I NGAG DES MI RTAG PA DE SGRA LAS GZHAN LA LDAN PA RNAM PAR GCOD MI NUS PA'I PHYIR TE, SGRA LAS GZHAN BUM SOGS KYANG MI RTAG PA YIN PA'I PHYIR RO, ,GNYIS PA RANG LUGS BZHAG PA NI, MI LDAN RNAM GCOD KYI SGRA'I MTSAN NYID, CHOS DE GZHI DE LAS GZHAN LA LDAN PA MI GCOD PAR CHOS DE GZHI DE LA MI LDAN PA RNAM PAR BCAD NAS LDAN PA KHO NAR STON PA'I NGAG ,DPER NA SGRA MI RTAG PA KHO NA YIN ZHES PA LTA BU'O, ,GZHAN LDAN RNAM GCOD KYI SGRA'I MTSAN NYID, CHOS DE GZHI DE LAS GZHAN LA LDAN PA RNAM PAR BCAD NAS, GZHI DE LA LDAN PAR STON PA'I NGAG ,DPER NA SGRA KHO NA MNYAN BYA YIN ZHES PA LTA BU'O, ,MI SRID RNAM GCOD KYI SGRA'I MTSAN NYID, CHOS DE GZHI DE LA LDAN MI SRID PA RNAM PAR BCAD NAS LDAN SRID PA KHO NAR STON PA'I NGAG ,DPER NA, BA LAS BE'U 'BYUNG BA SRID PA KHO NA YIN ZHES PA LTA BU'O, ,GZHAN LDAN RNAM GCOD KYI SGRA DANG MI LDAN RNAM GCOD KYI SGRA GNYIS 'GAL BA YIN TE, CHOS DE GZHI DE LAS GZHAN LA LDAN PA RNAM PAR GCOD PA DANG, MI GCOD PA 'GAL BA'I PHYIR RO, ,GZHAN LDAN RNAM GCOD DANG MI LDAN RNAM GCOD KYI DON GNYIS MI 'GAL TE, MNYAN BYA DE SGRA LAS GZHAN LA LDAN PA RNAM PAR @204B GCOD PA YANG YIN SGRA LA MI LDAN PA RNAM PAR GCOD PA YANG YIN PA'I PHYIR, DANG PO GRUB STE, MNYAN BYA SGRA'I MTSAN NYID YIN PA'I PHYIR, GNYIS PA GRUB STE, MNYAN BYA DE SGRA MI RTAG PAR SGRUB PA'I PHYOGS CHOS YIN PA'I PHYIR RO, ,'O NA NGES GZUNG GI TSIG DNGOS SU MA SBYAR YANG RNAM GCOD GSUM GYI DON GO BA YOD DAM ZHE NA, YOD DE, DPER NA, 'JIG RTEN NA NAG PA LAS SRID SGRUB 'PHONG SKYEN PAR GRAGS SHING, NAG PA 'PHONG SKYEN MI SKYEN SHES PAR 'DOD NAS DRIS PA'I TSE NAG PA 'PHONG SKYEN ZHES PA'I NGAG DE MI LDAN RNAM GCOD YIN GYI GZHAN LDAN RNAM GCOD MA YIN TE, NAG PA LAS GZHAN LA 'PHONG SKYEN PA GCOD MI NUS PA'I PHYIR, MI SRID RNAM GCOD MA YIN TE, MI SRID PA GCOD MI DGOS PA'I PHYIR RO, ,'JIG RTEN NA RGYAL PO SRID SGRUB 'PHONG SKYEN PAR NI GRAGS SHING, DE BAS KYANG 'PHONG SKYEN PA YOD MED THE TSOM ZA NAS DRES PA'I TSE SRID SGRUB 'PHONG SKYEN ZHES PA'I NGAG DE GZHAN LDAN RNAM GCOD YIN GYI MI LDAN RNAM GCOD DANG MI SRID RNAM GCOD MIN TE, MI LDAN PA DANG MI SRID PA GCOD MI DGOS PA'I PHYIR, MTSO SKYES LA SNGON PO YIN PAS MA KHYAB CING MTSO SKYES LAS GZHAN LA SNGON PO MTHONG BA'I GANG ZAG GIS MTSO SKYES LA SNGON PO SRID DAM MI SRID THE TSOM ZA NAS DRIS PA'I TSE, MTSO SKYES SNGON PO SRID CES PA'I NGAG DE MI SRID RNAM GCOD YIN GYI MI LDAN RNAM GCOD DANG GZHAN LDAN RNAM GCOD MIN TE, DE GNYIS RNAM PAR GCOD MI NUS PA'I PHYIR, BDUN PA SPYI DANG BYE BRAG GNYIS SU DBYE BA LA GNYIS, SPYI DANG BYE BRAG GO ,DANG PO SPYI'I MTSAN NYID, RANG GI GSAL BA DU MA LA RJES 'GRO BYED PA, SPYI DNGOS POR MED KYANG SPYI YIN NA DNGOS POR MED PAS MI KHYAB CING, SPYI DE SPYI MTSAN YIN YANG SPYI YIN NA SPYI MTSAN YIN PAS MA KHYAB STE, RGYU MTSAN SNGAR @205A *, ,BSHAD ZIN PA'I PHYIR RO, ,SPYI LA DBYE NA, RIGS SPYI, TSOGS SPYI, DON SPYI DANG GSUM, RIGS SPYI'I MTSAN NYID, RANG GI BYE BRAG DU MA GRUB PA, DPER NA, SHES BYA LTA BU, TSOGS SPYI'I MTSAN NYID, YA GYAL DU MA 'DUS PA, DPER NA, BUM PA LTA BU'O, , DON SPYI MTSAN NYID, RANG 'DZIN RTOG PAS ZHEN STANGS GANG LA ZHUGS PA'I DON DE DANG GCIG MA YIN YANG GCIG LTA BUR SNANG BA'I SGRO BTAGS, DPER NA, BUM 'DZIN RTOG PA LA BUM PAR SNANG BA LTA BU'O, ,GNYIS PA NI, CHOS DE'I BYE BRAG GI MTSAN NYID, CHOS DE YIN, CHOS DE LA BDAG GCIG TU 'BREL, KHYOD MA YIN ZHING CHOS DE YIN PA DU MA GRUB PA ZHES BYA'O, ,BRGYAD PA BDEN PA GNYIS BSHAD PA LA GNYIS, SO SO'I 'DOD PA DANG, NYAMS SU LEN PA'I RIM PA'O, ,DANG PO LA GSUM, BYE BRAG TU SMRA BA'I LUGS DANG, MDO SDE PA'I LUGS DANG, SEMS TZAM PA'I LUGS SO, ,DANG PO NI, KUN RDZOB BDEN PA'I MTSAN NYID, BCOM PA'AM BLOS GZHIG PAS DER 'DZIN GYI BLO 'DOR BA'I CHOS, DE YANG BCOM PAS DER 'DZIN GYI BLO 'DOR BA NI BUM PA LTA BU YIN TE, BUM PA THO BAS BCOM PA NA BUM PAR 'DZIN PA'I BLO 'DOR BA'I PHYIR, BLOS GZHIG PAS DER 'DZIN GYI BLO 'DOR BA NI CHU LTA BU YIN TE, CHU LA GZUGS DRI SOGS BLOS SO SOR BSAL NAS, ZHIG PA NA CHUR 'DZIN PA'I BLO 'DOR BA'I PHYIR, DON DAM BDEN PA'I MTSAN NYID, BCOM PA'AM BLOS GZHIG PAS DER 'DZIN GYI BLO MI 'DOR BA'I CHOS, DPER NA, SNGON PO'I RDUL PHRA RAB DANG 'DUS MA BYAS KYI NAM MKHA' BZHIN NO, ,DE SKAD DU'ANG MDZOD LAS, GANG LA BCOM DANG BLO YIS GZHAN, ,BSAL NA DE BLO MI 'JUG PA, ,BUM CHU BZHIN DU @205B KUN RDZOB TU, ,YOD DE DON DAM YOD GZHAN NO, ,ZHES GSUNGS SO, ,KHA CIG ,BYE BRAG TU SMRA BAS RAGS PA DANG RGYUN YIN NA BDEN MED DU RTOGS PA LA DBU MA PA DANG KHYAD PAR MED LA, BYE BRAG TU SMRA BAS RDUL PHRAN CHA MED DANG SHES PA SKAD CIG CHA MED BDEN PAR 'DOD CING, DBU MA PAS DE YANG BDEN MED DU RTOGS PA'I KHYAD PAR YOD DE, 'JUG PAR, BUM SOGS 'DI DAG DE NYID DU MED CING, ,'JIG RTEN RAB TU GRAGS PAR YOD JI BZHIN, ,DE BZHIN DNGOS PO THAMS CAD 'GYUR BAS NA, ,ZHES DNGOS SMRA BA RANG LA GRAGS PA DPER BKOD NAS, DNGOS PO THAMS CAD BDEN MED DU BSGRUB PA'I PHYIR ZHE NA, DE NI MI 'THAD DE, CHOS GCIG DBU MA PA 'DOD PA LTAR GYI BDEN MED DU TSAD MAS GRUB NA, RIGS PA DE LA BRTEN NAS CHOS GZHAN GYI STENG DU YANG BDEN PAR YOD MED BLO KHA PHYOGS PA TZAM GYIS BDEN MED DU RTOGS NUS PA'I PHYIR, DES NA BYE BRAG TU SMRA BA'I LUGS LA, BUM PA DANG CHU LA SOGS PA RANG GI RDZAS BRGYAD LA BRTEN NAS BZHAG PA'I BTAGS YOD DANG, KUN RDZOB BDEN PA YIN YANG BUM PA DNGOS PO DANG BDEN GRUB TU MI 'DOD PA MIN NO, ,GAL TE BUM PA CHOS CAN, BDEN GRUB MA YIN PAR THAL, RTOG PAS BTAGS PA TZAM DU YOD PA'I PHYIR TE, BTAGS YOD YIN PA'I PHYIR, DE CHOS CAN, RDZAS SU GRUB PAR THAL, DNGOS PO YIN PA'I PHYIR, 'DOD MI NUS TE, RDZAS SU YOD PA MA YIN PA'I PHYIR TE, RDZAS YOD MA YIN PA'I PHYIR, RTAGS MA GRUB NA, BTAGS YOD YIN PA 'GAL LO ZHE NA, DE YANG MI 'THAD DE, DE DAG NI RDZAS SU YOD PA DANG RDZAS YOD DANG, BTAGS YOD DANG RTOG PAS BTAGS PA TZAM DU YOD PA'I KHYAD PAR MA PHYED PA'I SKYON YIN PA'I PHYIR, DE LTA MIN NA YANG NA BUM PA RDZAS YOD DU KHAS LEN DGOS @206A *, ,LA YANG NA DON BYED MI NUS PAR KHAS LEN DGOS SO, ,GAL TE DON BYED MI NUS PAR KHAS BLANGS NA SKYON CI YOD CE NA, BUM PA CHOS CAN, CHU SKYOR BA'I DON BYED MI NUS PAR THAL, DON BYED MI NUS PA'I PHYIR, RTAGS KHAS, 'DOD NA, BUM PA MA YIN PAR THAL LO, ,DE YANG 'DOD NA, CHOS GANG LA YANG RANG NYID YIN PA MI SRID PAR KHAS BLANGS DGOS PAS THA SNYAD KYI RNAM GZHAG THAMS CAD KHAS BLANG DU MED PAR 'GYUR RO, ,KHA CIG , GANG LA BCOM DANG BLO YIS GZHAN, ,ZHES PA'I RANG 'GREL DU, SEMS TZAM PA'I BDEN GNYIS 'JOG TSUL LOGS SU BSTAN NAS, MDO SDE PA'I BDEN GNYIS KYI 'JOG TSUL LOGS SU MA BSTAN PAS, GANG LA BCOM DANG BLO YIS GZHAN, ,ZHES PA'I GZHUNG 'DIS NYAN THOS SDE PA GNYIS CAR GYI BDEN GNYIS KYI 'JOG TSUL BSTAN PA YIN NO, ,ZHES ZER RO, ,MDO SDE PA LA CHOS MNGON PA'I MDO SDE PA DANG RIGS PA SMRA BA'I MDO SDE PA GNYIS SU 'BYED NA MA GTOGS, BYE BRAG TU SMRA BA DANG SDE BDUN NAS BSHAD PA'I MDO SDE PA GNYIS BDEN GNYIS KYI MTSAN GZHI DANG MTSAN NYID GANG YANG MI MTHUN TE, BYE BRAG TU SMRA BAS BUM PA KUN RDZOB BDEN PA DANG, 'DUS MA BYAS DON DAM PAR 'DOD LA, SDE BDUN NAS BSHAD PA'I MDO SDE PAS BUM PA DON DAM BDEN PA DANG, 'DUS MA BYAS KUN RDZOB BDEN PAR 'DOD PA'I PHYIR DANG, SDE BDUN NAS BSHAD PA'I MDO SDE PA'I LUGS LA, BCOM PA'AM BLOS GZHIG PAS DER 'DZIN GYI BLO 'DOR BA'I CHOS YIN NA, KUN RDZOB BDEN PA YIN PAS MA KHYAB CING, BCOM PA'AM GZHIG PAS DER 'DZIN GYI BLO MI 'DOR BA'I CHOS YIN NA, DON DAM BDEN PA YIN PAS MA KHYAB PAR KHAS LEN PA'I PHYIR RO, ,GNYIS PA MDO @206B SDE PA'I LUGS NI, DON DAM DON BYED NUS PA GANG, ,ZHES PA'I RGYAN GYI 'GREL BSHAD DU YA MA RIS, ZHAR LA THEG PA THA SHAL GYI BDEN PA GNYIS KYI RNAM PAR GZHAG PA BSTAN PA'I PHYIR, ZHES BSHAD PA'I THEG PA THA SHAL NI NYAN THOS KYI THEG PA YIN LA, DE'I NANG NAS KYANG 'DIR NYAN THOS MDO SDE PA'I BDEN GNYIS KYI RNAM GZHAG SKABS SU BAB PAS, 'DI LA GNYIS, MTSAN NYID DANG, BDEN GNYIS KYI SGRA DON NO, ,DANG PO NI, DON DAM BDEN PA'I MTSAN NYID, RTOG PAS SGRO MA BTAGS PAR DON BYED NUS PA, KUN RDZOB BDEN PA'I MTSAN NYID, RTOG PAS SGRO BTAGS PA'I CHOS, GNYIS PA NI, CI'I PHYIR DON DAM BDEN PA ZHES BYA ZHE NA, BLO DON DAM PA SNANG YUL LA MA 'KHRUL BA'I NGOR BDEN PAS NA DON DAM BDEN PA ZHES BYA'O, ,CI'I PHYIR KUN RDZOB BDEN PA ZHES BYA ZHE NA, BLO KUN RDZOB PA RTOG PA'I NGOR BDEN PAS NA KUN RDZOB BDEN PA ZHES BYA'O, ,'DI YANG SGRA BSHAD PA'I DBANG DU BYAS PA YIN GYIS BLO KUN RDZOB PA RTOG PA'I NGOR BDEN PA YIN NA KUN RDZOB BDEN PA YIN PAS KHYAB PA NI MED DE, DON DAM BDEN PA YANG BLO KUN RDZOB PA RTOG PA'I NGOR BDEN PA'I PHYIR DANG, GANG ZAG GI BDAG DANG SGRA RTAG PA LTA BU YANG BLO KUN RDZOB PA RTOG PA'I NGOR BDEN PA YIN YANG THA SNYAD DU YANG MA GRUB PA'I PHYIR, 'O NA RTOG PA LA CI'I PHYIR BLO KUN RDZOB PA ZHES BYA ZHE NA, RANG MTSAN MNGON SUM DU MTHONG BA LA SGRIB PA'I DON GYIS NA KUN RDZOB PA ZHES BYA STE, GANG GIS RANG GI NGO BO YI, ,GZHAN GYI NGO BO SGRIB BYED PA, ,KUN RDZOB DE DAG THA DAD KYANG, ,ZHES BSHAD PA LTAR RO, ,'DI NI GTI MUG RANG BZHIN SGRIB PHYIR KUN RDZOB STE, ,ZHES DANG, GANG ZHIG GIS SAM GANG ZHIG LA, ,YANG DAG SGRIB BYED KUN RDZOB 'DOD, ,CES GSUNGS PA DANG TSUL MTSUNGS PA YIN NO, ,DE YANG RTOG PA DE DON SPYI SNANG @207A *, ,YUL DU BYAS PAS RANG MTSAN MNGON SUM DU MTHONG BA LA SGRIB PAS SGRIB BYED DANG KUN RDZOB PA ZHES BSHAD PA YIN GYI, RTOG PA DE KUN RDZOB TZAM DANG KUN RDZOB BDEN PA NI MA YIN TE, DON DAM BDEN PA YIN PA'I PHYIR TE, DON DAM PAR DON BYED NUS PA YIN PA'I PHYIR, DE LTAR NA, MDO SDE PA'I LUGS LA RANG MTSAN YIN NA DON DAM BDEN PA DANG, SPYI MTSAN YIN NA KUN RDZOB BDEN PA YIN NO, ,KHA CIG NA RE, MDO SDE PA'I LUGS LA, DNGOS PO YIN NA DON DAM BDEN PA YIN PAS MA KHYAB STE, DNGOS PO LA DON DAM PA'I DNGOS PO DANG KUN RDZOB PA'I DNGOS PO GNYIS YOD PA'I PHYIR TE, DON DAM DON BYED NUS PA GANG, ,ZHES SOGS KYIS DON DAM PA'I DNGOS PO BSTAN, KUN RDZOB PA YI DNGOS RNAMS LA, ,ZHES PAS KUN RDZOB PA'I DNGOS PO BSTAN PA'I PHYIR, KUN RDZOB PA'I DNGOS PO'I DON YANG RTOG NGOR DON BYED NUS PA LA BYED DO, ,ZHES ZER, 'O NA RTOG PA GANG YANG RUNG BA'I NGOR DON BYED NUS PAS RTOG NGOR DON BYED NUS PAR 'JOG GAM, RTOG PA DON MTHUN ZHIG GI NGOR DON BYED NUS PAS RTOG NGOR DON BYED NUS PAR 'JOG , DANG PO LTAR NA, GANG ZAG GI BDAG CHOS CAN, KUN RDZOB PA'I DNGOS PO YIN PAR THAL, RTOG NGOR DON BYED NUS PA'I PHYIR, RTAGS KHYAB KHAS, 'DOD MI NUS TE, GZHI MA GRUB PA'I PHYIR, GNYIS PA LTAR NA, RTOG PA DON MTHUN ZHIG GI NGOR DON BYED NUS PA'I DON, RTOG PA DON MTHUN LA DON BYED NUS PAR SNANG BA LA BYED DAM, RTOG PA DON MTHUN GYIS DON BYED NUS PAR ZHEN PA LA BYED, DANG PO LTAR NA, BUM PA'I DON SPYI CHOS CAN, KUN RDZOB PA'I DNGOS PO YIN PAR THAL, RTOG PA DON MTHUN LA DON BYED NUS PAR SNANG BA'I PHYIR TE, BUM 'DZIN RTOG PA LA DON BYED NUS PAR SNANG BA'I PHYIR TE, BUM 'DZIN RTOG @207B PA LA BUM PAR SNANG BA'I PHYIR RO, ,GNYIS PA LTAR NA, KUN RDZOB PA'I DNGOS PO YIN NA DON DAM PA'I DNGOS PO YIN DGOS PAR THAL, KUN RDZOB PA'I DNGOS PO YIN NA RTOG PA DON MTHUN GYIS DON BYED NUS PAR ZHEN PA YIN DGOS PA'I PHYIR RO, ,GZHAN YANG, GAL TE THAMS CAD NUS MED NA, ,SA BON SOGS NI MYUG SOGS LA, ,NUS MTHONG, ZHES PA'I RTZOD LAN 'BREL MED DU THAL, MYU GU SKYED NA DON DAM PAR DON BYED NUS PAS MA KHYAB PA'I PHYIR, KHA CIG , DON BYED NUS NA DON DAM PAR DON BYED NUS PAS MA KHYAB STE, KUN RDZOB PA'I DNGOS PO YOD PA'I PHYIR TE, SPYI YIN PAR GYUR PA'I DNGOS PO YOD PA'I PHYIR ZHE NA, DE YANG MI 'THAD DE, SPYI YIN PAR GYUR PA'I DNGOS PO YIN NA DON DAM PAR DON BYED NUS PA YIN DGOS PA'I PHYIR RO, ,GAL TE DNGOS PO YIN NA DON DAM PAR DON BYED NUS PA YIN DGOS NA, KUN RDZOB PA YI DNGOS RNAMS LA, ,ZHES GSUNGS PA DANG 'GAL LO ZHE NA, MI 'GAL TE, DE NI BYAS MI RTAG GI THA DAD LTA BU BLO KUN RDZOB PA RTOG PA'I NGOR DNGOS POR SNANG BA LA KUN RDZOB PA'I DNGOS PO ZHES BRTAGS PA YIN GYI, DNGOS PO LA KUN RDZOB PA DANG DON DAM PA GNYIS SU YOD PAR BSTAN PA MA YIN PA'I PHYIR RO, ,GSUM PA SEMS TZAM PA'I LUGS LA GSUM, BDEN GNYIS KYI MTSAN NYID DANG, NGO BO NYID GSUM DU DBYE BA DANG, DE BDEN PA GNYIS SU SDUD PA'I TSUL LO, ,DANG PO NI, DON DAM BDEN PA'I MTSAN NYID, KHYOD LA DMIGS NAS BSGOMS PAS SGRIB PA DAG PAR 'GYUR BA'I DMIGS PA MTHAR THUG , KUN RDZOB BDEN PA'I MTSAN NYID, LHAG PAR DMIGS NA KUN NAS NYON MONGS 'PHEL BAR 'GYUR BA'I DMIGS PA'I RIGS SU GNAS PA, GNYIS PA NI, DGONGS 'GREL LAS, DON DAM YANG DAG 'PHAGS LA CHOS RNAMS @208A *, ,KYI NGO BO NYID MED PA RNAM PA GSUM PO 'DI LTA STE, ,MTSAN NYID NGO BO NYID MED PA DANG, SKYE BA NGO BO NYID MED PA DANG, DON DAM PA NGO BO NYID MED PA LA DGONGS NAS, CHOS THAMS CAD NGO BO NYID MED PA'O ZHES BSTAN TO, ,ZHES DANG, DE'I DGONGS PA 'GREL PA LA, SUM CU PA LAS, NGO BO NYID NI RNAM GSUM GYI, ,NGO BO NYID MED RNAM GSUM LA, ,DGONGS NAS CHOS RNAMS THAMS CAD KYI, ,NGO BO NYID MED BSTAN PA YIN, ,ZHES BSHAD PA LTAR, CHOS THAMS CAD KUN BRTAGS GZHAN DBANG YONGS GRUB GSUM DU 'DUS PA LAS, KUN BRTAGS MTSAN NYID NGO BO NYID MED PA DANG, GZHAN DBANG SKYE BA NGO BO NYID MED PA DANG, YONGS GRUB DON DAM PA NGO BO NYID MED PA LA DGONGS NAS, SHER PHYIN GYI MDO LAS CHOS THAMS CAD NGO BO NYID MED PAR BSTAN PA YIN NO, ,'O NA CI'I PHYIR KUN BRTAGS MTSAN NYID NGO BO NYID MED PA YIN ZHE NA; MING DANG BRDAS BZHAG PA TZAM YIN GYI RANG GI MTSAN NYID KYIS MA GRUB PA'I PHYIR RO, ,CI'I PHYIR GZHAN DBANG SKYE BA NGO BO NYID MED PA YIN ZHE NA, RANG GI RGYU RKYEN LAS SKYE DGOS KYI RANG GI BDAG NYID LAS SKYE BA MED PA'I PHYIR RO, ,CI'I PHYIR YONGS GRUB DON DAM PA NGO BO NYID MED PA YIN ZHE NA, DON DAM PA YANG YIN LA BDAG GNYIS KYI NGO BO NYID MED PA YANG YIN PA'I PHYIR RO, ,DE SKAD DU YANG, DGONGS 'GREL LAS, DE LA CHOS RNAMS KYI MTSAN NYID NGO BO NYID MED PA GANG ZHE NA, KUN BRTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRDAS BZHAG PA'I MTSAN NYID YIN GYI, RANG GI MTSAN NYID KYIS RNAM PAR GNAS PA NI MA YIN PAS, DE'I PHYIR DE NI MTSAN NYID NGO BO NYID MED PA NYID CES BYA'O, ,ZHES DANG, CHOS RNAMS KYI SKYE BA NGO BO NYID MED PA GANG ZHE @208B NA, CHOS RNAMS KYI GZHAN GYI DBANG GI MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI RKYEN GZHAN GYI STOBS KYIS 'BYUNG BA YIN GYI BDAG NYID KYIS MA YIN PAS, DE'I PHYIR DE NI SKYE BA NGO BO NYID MED PA NYID CES BYA'O, ,ZHES DANG, GZHAN YANG CHOS RNAMS KYI YONGS SU GRUB PA'I MTSAN NYID GANG YIN PA DE YANG, DON DAM PA NGO BO NYID MED PA NYID CES BYA'O, ,DE CI'I PHYIR ZHE NA, DON DAM YANG DAG 'PHAGS, CHOS RNAMS KYI CHOS BDAG MED PA GANG YIN PA DE NI DE DAG GI NGO BO NYID MED PA NYID CES BYA'O, ,DE NI DON DAM PA YANG YIN LA DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS, DE'I PHYIR DON DAM PA NGO BO NYID MED PA NYID CES BYA'O, ,ZHES GSUNGS SO, ,'O NA NGO BO NYID GSUM GYI MTSAN NYID GANG ZHE NA, KUN BRTAGS KYI MTSAN NYID, RDZAS SU MED BZHIN DU PHYIN CI LOG GI RTOG PAS KUN BRTAGS PA, DE LA DBYE NA, MTSAN NYID YONGS SU CHAD PA'I KUN BRTAGS DANG, RNAM GRANGS PA'I KUN BRTAGS GNYIS, DPER BRJOD RIM PA BZHIN GANG ZAG GI BDAG LTA BU DANG, BYAS MI RTAG GI THA DAD LTA BU'O, ,DES NA KUN BRTAGS MTSAN NYID NGO BO NYID MED PA'I DON RANG GI MTSAN NYID KYIS MED PA YIN GYI MTSAN NYID GTAN NAS MED PA NI MA YIN TE, SPYI MTSAN THAMS CAD KUN BRTAGS YIN PA'I PHYIR RO, ,GZHAN DBANG GI MTSAN NYID, RGYU RKYEN GZHAN GYI DBANG LAS SKYES PA, DE LA DBYE NA, MA DAG GZHAN DBANG DANG, DAG PA GZHAN DBANG GNYIS, DPER BRJOD RIM PA BZHIN, MA DAG PA'I SNOD BCUD LTA BU DANG, 'PHAGS PA'I RJES THOB YE SHES LTA BU'O, ,GZHAN DBANG YIN NA LAS DANG NYON MONGS PA'I GZHAN DBANG CAN YIN DGOS PAR 'DOD PA MI 'THAD DE, @209A *, ,'DUS BYAS THAMS CAD GZHAN DBANG YIN PA'I PHYIR RO, ,YONGS GRUB KYI MTSAN NYID, CHOS RNAMS KYI GNAS LUGS SU GYUR PA'I CHOS NYID, DE LA DBYE NA, PHYIN CI MA LOG PA'I YONGS GRUB DANG, 'GYUR MED YONGS GRUB GNYIS, DPER BRJOD RIM PA BZHIN, GZUNG 'DZIN RDZAS GZHAN GYIS STONG PA'I STONG NYID MNGON SUM DU RTOGS PA'I MNYAM GZHAG YE SHES LTA BU DANG, GZUNG 'DZIN RDZAS GZHAN GYIS STONG PA'I STONG NYID LTA BU'O, ,GSUM PA NI, RNAM GRANGS PA'I KUN BRTAGS DANG GZHAN DBANG GNYIS NI KUN RDZOB BDEN PA YIN LA, 'GYUR MED YONGS GRUB NI DON DAM BDEN PA YIN NO, ,'O NA 'PHAGS PA'I MNYAM GZHAG YE SHES DE DON DAM BDEN PA YIN NAM MIN, YIN NA, DE LA DMIGS NAS BSGOMS PAS SGRIB PA DAG PAR 'GYUR BA'I DMIGS PA MTHAR THUG YIN PAR THAL, DE DON DAM BDEN PA YIN PA'I PHYIR, 'DOD MI NUS TE, 'DUS BYAS YIN PA'I PHYIR, MIN NA, YONGS GRUB TU BSHAD PA DANG 'GAL LO ZHE NA, MI 'GAL TE, BLO DON DAM PA SNANG YUL LA MA 'KHRUL BA'I SHES PA YIN PAS PHYIN CI MA LOG PA'I YONGS GRUB TU BSTAN PA YIN GYI YONGS GRUB MTSAN NYID PAR 'DOD PA NI MA YIN PA'I PHYIR RO, ,DES NA KUN RDZOB BDEN PA YIN NO, ,SEMS TZAM PA'I LUGS LA DNGOS PO YIN NA RANG MTSAN YIN PAS KHYAB KYANG, RANG MTSAN YIN NA DNGOS PO YIN PAS MA KHYAB STE, GZUNG 'DZIN RDZAS GZHAN GYIS STONG PA'I STONG NYID DE YANG RANG MTSAN YIN PA'I PHYIR TE, DE RANG GI MTSAN NYID KYIS GRUB PA'I PHYIR TE, DE BDEN PAR GRUB PA'I PHYIR TE, DE DON DAM BDEN PA YIN PA'I PHYIR TE, DE CHOS RNAMS KYI DE KHO NA NYID YIN PA'I PHYIR TE, DE PHYIR GNYIS STONG GANG YIN PA, ,DE NI DE'I YANG DE NYID YIN, , @209B ZHES GSUNGS PA'I PHYIR RO, ,RNAM PAR RTOG PA LA SOGS PA'I DNGOS PO RNAMS DON DAM PAR GRUB KYANG DON DAM PA BDEN PA MIN TE, MDO SDE RGYAN LAS DON DAM BDEN PA SKYE 'JIG DANG BRAL BAR GSUNGS SHING, BSDU BA LAS, RNAM PAR RTOG PA KUN RDZOB TU YOD PAR BRJOD PAR BYA'AM, DON DAM DU YOD PAR BRJOD PAR BYA ZHE NA, SMRAS PA KUN RDZOB TU YOD PAR BRJOD PAR BYA'O, ,ZHES RNAM RTOG KUN RDZOB BDEN PA YIN PAR GSUNGS PA'I PHYIR, LUNG DES RNAM RTOG DON DAM PAR MED PAR KUN RDZOB TZAM DU YOD PAR BSTAN PA YIN NO ZHE NA, MIN TE, DBUS MTHA' LAS, YANG DAG MA YIN KUN RTOG YOD, ,CES PA'I 'GREL PAR, RANG BZHIN GYIS ZHES BYA BA NI TSIG GI LHAG MA'O ZHES YANG DAG PA MA YIN PA'I KUN TU RTOG PA RANG BZHIN GYIS YOD PAR GSUNGS SHING, KUN LAS BTUS LAS, GANG LA GANG MED PA DE NI DES STONG PAR YANG DAG PAR RJES SU MTHONG STE, 'DI LA LHAG MA GANG YIN PA DE NI 'DIR YOD PA'I ZHES GZUNG 'DZIN RDZAS GZHAN MED CING, DE'I LHAG MA GZHAN DBANG DANG GZUNG 'DZIN RDZAS GZHAN GYIS STONG PA BDEN PAR YOD PAR GSUNGS PA'I PHYIR RO, ,'O NA GZUNG 'DZIN RDZAS GZHAN GYIS STONG PA'I STONG NYID DON DAM BDEN PA YIN NA, DE'I STONG NYID DE SHES PA TZAM LA LTOS PA'I GZUNG 'DZIN RDZAS GZHAN GYIS STONG PA'I STONG NYID LA BYED DAM, RTOG PA LA LTOS PA'I GZUNG 'DZIN RDZAS GZHAN GYIS STONG PA'I STONG NYID LA BYED DAM, DBANG SHES TZAM LA LTOS PA'I GZUNG 'DZIN RDZAS GZHAN GYIS STONG PA'I STONG NYID LA BYED DAM, ,DBANG SHES MA 'KHRUL BA LA LTOS PA'I GZUNG 'DZIN RDZAS GZHAN GYIS STONG PA'I STONG NYID LA BYED, DANG PO MI 'THAD DE SHES PA LA LTOS PA'I GZUNG 'DZIN RDZAS GZHAN GYIS STONG PAR THA SNYAD PA'I TSAD MAS GRUB PA'I PHYIR TE, SHES PA TZAM LA LTOS PA'I GZUNG BA @210A *, ,RDZAS SU MA GRUB PAR THA SNYAD PA'I TSAD MAS GRUB PA'I PHYIR RO, ,GNYIS PA'ANG MI 'THAD DE, RTOG PA LA LTOS PA'I GZUNG 'DZIN RDZAS GZHAN GYIS STONG PAR THA SNYAD PA'I TSAD MAS GRUB PA'I PHYIR TE, RTOG PA LA LTOS PA'I GZUNG BA RDZAS SU MA GRUB PA THA SNYAD PA'I TSAD MAS GRUB PA'I PHYIR RO, ,GSUM PA'ANG MI 'THAD DE, DBANG SHES TZAM LA LTOS PA'I GZUNG 'DZIN RDZAS GZHAN GYIS STONG PAR THA SNYAD PA'I TSAD MAS GRUB PA'I PHYIR TE, ZLA BA GNYIS SNANG GI DBANG SHES DANG DE'I GZUNG BA RDZAS GZHAN GYIS STONG PAR THA SNYAD PA'I TSAD MAS GRUB PA'I PHYIR RO, ,BZHI PA'ANG MI 'THAD DE, DBANG SHES MA 'KHRUL PA LA LTOS PA'I GZUNG 'DZIN RDZAS GZHAN GYIS STONG PAR THA SNYAD PA'I TSAD MAS GRUB PA'I PHYIR TE, DBANG SHES MA 'KHRUL BA MA GRUB PA'I PHYIR TE, DBANG SHES RNAMS 'KHRUL SHES YIN PA'I PHYIR TE, DBANG SHES RNAMS PHYI ROL GYI DON MED BZHIN DU DER SNANG BA'I SHES PA YIN PA'I PHYIR RO ZHE NA, GLO BUR BA'I 'KHRUL RGYUS MA BSLAD PA'I DBANG SHES DANG DE'I GZUNG BA RDZAS GZHAN DU MNGON PAR ZHEN PA'I BLO NI SHES SGRIB DANG, DE'I ZHEN YUL GRUB NA CHOS KYI BDAG DANG, BLO DE'I ZHEN YUL BKAG PA'I STONG NYID NI CHOS KYI BDAG MED DANG 'GYUR BA MED PA'I YONGS GRUB YIN LA, STONG NYID DE SGRUB PA'I RIGS PA NI SNGAR LHAN CIG DMIGS NGES KYI RTAGS KYI SKABS SU BSHAD ZIN TO, ,GNYIS PA BDEN GNYIS NYAMS SU LEN PA'I RIM PA NI, NYAMS SU LEN PA'I TSUL RGYAS PAR RIGS PA'I GZHUNG LUGS DANG SBYAR NAS BDAG GIS GZHAN DU BSHAD PAR BYA LA, 'DIR NI MDOR BSDUS PA TZAM ZHIG BRJOD PAR BYA STE, DAL 'BYOR GYI RTEN LA SNYING PO BLANG BAR BYA BA'I PHYIR DU DANG POR RNAM PAR MI G-YENG BA'I RGYUR SO SOR THAR PA @210B RIGS BDUN GYI TSUL KHRIMS GANG YANG RUNG BA YANG DAG PAR BLANGS NAS DE LA GNAS SHING, DE NAS MI RMONGS PA'I RGYUR BDEN PA MNGON PAR RTOGS PA DANG RJES SU MTHUN PA'I CHOS NYAN NAS THOS PA'I SHES RAB BSKYED PAR BYA LA, DE'I RJES SU THOS PA'I DON GTAN LA 'BEBS PA'I RGYUR THOS PA'I DON RNAMS RIGS PAS YANG DANG YANG DU BSAMS NAS BSAM PA'I SHES RAB SKYED, DE'I RJES SU NYON MONGS PA DANG 'BRAL BA'I RGYUR BSAMS PA'I DON LEGS PAR BSGOMS NAS BDEN PA MNGON PAR RTOGS PA'I SGOM BYUNG GI SHES RAB BSKYED DE NYON MONGS PA DANG BRAL BA'I BYANG CHUB THOB PAR 'GYUR BA YIN TE, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR RO, ,DE YANG RANG NYID 'BA' ZHIG ZHI BDE DON GNYER GYI BSAM PA DANG LDAN PAS GOMS PAR BYAS NA, NYAN THOS DANG RANG SANGS RGYAS KYI BYANG CHUB THOB PAR 'GYUR LA, SGRUB BYED THUGS RJE GOMS LAS DE, ,ZHES DANG, RNAM PA DU MAR THABS MANG PO, ,YUN RING DUS SU GOMS PA LAS, ,ZHES GSUNGS PA LTAR, BRTZE BA SNYING RJE CHEN PO DANG BYANG CHUB KYI SEMS LA SOGS PA THABS MKHAS KHYAD PAR CAN GYI GROGS DANG BCAS TE, BSKAL PA GRANGS MED GSUM DU GOMS PAR BYAS PA LAS SKYON THAMS CAD SPANGS SHING YON TAN THAMS CAD DANG LDAN PA'I YANG DAG PAR RDZOGS PA'I SANGS RGYAS KYI GO 'PHANG RIN PO CHE BDE BLAG TU THOB NAS, GANG DAG BRTZE BA CHEN PO BA, ,GZHAN GYI NGOR NI BZHUGS PA YIN, ,ZHES GSUNGS PA LTAR, GZHAN DON DU 'KHOR BA JI SRID MA STONGS KYI BAR DU BZHUGS TE, 'PHRIN LAS LHUN GYIS GRUB PA DANG, RGYUN MI CHAD PA'I SGO NAS GDUL BYA SEMS CAN THAMS CAD SMIN GROL GYI LAM LA 'GOD PAR MDZAD PA YIN NO, ,GANG GI THABS LA MKHAS PA'I GRUB BO CHER, ,RNAM DKAR SPOBS @211A *, ,PA'I BA DAN LEGS BTZUGS NAS, ,'DOD DGU 'BYUNG BA'I BRTZON PA'I RLUNG DANG BCAS, ,'GRO RNAMS SRID PA'I RGYA MTSO LAS SGROL ZHING, ,MKHYEN RAB NOR BU'I GLING LA DBANG BSGYUR BA'I, ,DED DPON BLA MA MCHOG DE'I BKA' DRIN LAS, ,LEGS PAR THOB PA'I LEGS BSHAD NOR BU'I TSOGS, ,GCIG TU BSDUS NAS RIGS PA'I RGYAN 'DI BSGRUBS, ,LEGS BSHAD 'DZUM DKAR STON PA'I BZHIN RAS KYI, ,RNAM DPYOD ZUR MIG G-YO BA'I DPAL YON CAN, ,MKHAS PA'I DOR 'GRIM BA'I MDZES MA DAG ,BSTAN BCOS RIGS PA'I RGYAN 'DI BLANG BAR MDZOD, ,MANG DU THOS BA'I SGRON ME MA BSTAN NA, ,RMONGS PA'I MUN PA SEL BAR MI NUS SHING, ,YANG YANG BSAM PA'I DRAN PA SA MA BSKYANGS NA, ,THOS PA'I NOR MCHOG BSRUNG BAR NUS MA YIN, ,BSAMS PA'I DON LA RTZE GCIG MA BSGOMS NA, SRID PA'I SA BON SPONG BAR GA LA NUS, DE PHYIR THOS BSAM SGOM PAS RGYUD SBYANGS NAS, ,DAL BA'I RTEN LA SNYING PO LEN PA GCES, ,GZHAN DANG RTZOD PA TZAM LA MI CHAGS SHING, ,TSIG GI SBU BAS NAM YANG MI NGOMS PAR, ,THOS PA'I DON RNAMS NYAMS SU BLANGS PA LAS, ,RGYAL PA DGOS PA'I LAM LA 'JUG PAR 'GYUR, ,DGE BA 'DI YIS TSOGS GNYIS RA BAR RNAM DAG RIGS KYI SA BON SNYING RJE'I CHU YIS LAN CIG MIN PAR SIM BYAS BYANG CHUB SEMS KYI RTZA BA RAB BRTAN MKHYEN RAB YAL GA'I KHYON YANGS SHING, ,PHYOGS KUN SNYAN PA'I DRI BZANG GIS 'GENGS YON TAN SGRANG RTZI'I 'BYUNG GNAS LEGS BSHAD ME TOG DKAR PO RAB RGYAS MKHAS BA'I BUNG BAS NAM YANG GTONG BAR MI PHOD 'PHUR LDING ROL PAS RNAM PAR MDZES, ,GSUNG SKYES RANG RGYAL RGYAL SRAS 'KHRI SHING GZHON NU'I TSOGS KYIS RAB 'KHYUD SRID PA'I RTZE PA RTZE MOR SON GYUR MTSAN DPE'I RIN CHEN RGYAN 'CHANG SKU GSUM 'BRAS BU MCHOG GI GO 'PHANG MNGON PAR MTHO, ,PHYOGS BCUR PHRIN LAS @211B RNAM BZHI'I GRIB BSIL BAB PAS LUS CAN KUN GYI SRID ZHI'I GDUNGS PA KUN SEL 'DOD DGU 'BYUNG BA'I KUN MKHYEN DPAG BSAM DBANG PO KUN GYIS BDE BLAG THOB GYUR CIG ,GNAS SKABS SU YANG DAL DANG 'BYOR BA'I RTEN, ,MTHO RIGS YON TAN KUN GYIS RAB BRGYAN CING, ,MI NUB BSTAN PA'I RGYAL MTSAN 'DZIN PA'I MCHOG ,RIG GROL PHUN TSOGS DGE 'DUN GRUB PAR SHOG ,TSAD MA'I BSTAN BCOS RIGS PA'I RGYAN CES BYA BA 'DI NI CHOS KYI RGYAL PO SHAR TZONG KHA PA CHEN PO DANG, DE'I RGYAL TSAB DAM PA DAR MA RIN CHEN DANG, SEMS DPA' CHEN PO KUN DGA' BZANG PO DANG, YONGS SU 'DZIN PA CHEN PO AA BHA YA K'I RTI DANG, CHOS KYI RJE SHES RAB SENG GE LA SOGS PA MKHAS GRUB DPAL LDAN BLA MA DAM PA RNAMS KYI ZHABS KYI PADMO DRI MA MED PA LA SPYI BOS GTUGS PA'I BKA' DRIN LA BRTEN NAS, RANG GI SLOB MA BLO GSAL ZHING DON DU GNYER BA DU MAS YANG YANG DU NAN GYIS BSKUL BA'I NGOR RIGS PA SMRA BA'I DGE SLONG DGE 'DUN GRUB PA DPAL BZANG POS, RJE BTZUN SPYAN RAS GZIGS KYIS DNGOS SU BYIN GYIS BRLABS PA'I GNAS MCHOG RI BO PO TA LA DANG KHYAD PAR MA MCHES SHING, GRUB PA BRNYES PA'I RNAL 'BYOR BA MANG PO RGYUN DU BZHUGS PA DPAL BYANG CHUB CHEN PO'I DPEN GNAS THEG CHEN PHO BRANG DU DMAR SER CAN GYI LO SMIN DRUG GI ZLA BA'I YAR NGO'I TSES BZANG PO LA SBYAR BA RDZOGS SO,, ,,'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG , ` AOm SVA STI, STON PA TSAD MA RNAM 'DREN NYI MA'I GNYEN, ,DAM CHOS TSAD MA 'GOG LAM BDEN PA DANG, ,SKYES BU TSAD MA 'PHAGS TSOGS DGE 'DUN TE, ,SKYABS YUL TSAD MA MCHOG GSUM GTZUG NA RGYAL, ,TSAD MIN STON DANG BSTAN PA DER BZHUGS BCAS, ,LOG SMRA'I SDE SOGS 'DZOMS MDZAD DPAL YON CAN, ,RIGS PA'I DBANG PHYUG PHYOGS KYI GLANG PO DANG, ,CHOS KYI GRAGS @212A *, ,{DD} PA 'JAM GLING MDZES PA'I RGYAN, ,LAM DANG LAM MIN 'BYED PA'I RIGS PA'I MDZOD, ,TSAD MA SDE BDUN DGONGS 'GREL DANG BCAS PA'I, ,GNAD KUN BSDUS NAS STEN MDZAD DGE 'DUN GRUB, ,DES GSUNGS RIGS PA'I RGYAN BCAS BSNGAGS 'OS MCHOG ,BLANG DANG DOR BYA'I GNAD KUN MA 'DRES PAR, ,LEGS PHYE ZHI SGOR 'JUG DANG BGROD BYED PA'I, ,BLO GSAL SKYES BU'I TSOGS LA SMAN SLAD DU, ,RIGS PA'I RGYAN 'DI SLAR YANG PAR DU BSKRUN, ,TSUL 'DIS RNAM DPYOD MKHA' LTAR RAB YANGS PA'I, ,SKYE BOS NOR 'DZIN KHYON RNAMS YONGS GANG ZHING, ,'GRO BA'I RMONGS MUN SEL TE LUNG RTOGS KYI, ,CHOS TSUL YAR ZLA'I 'PHEL BAR 'GRAN GYUR CIG , ,,RGYAL DBANG DGE 'DUN GRUB KYI GSUNG TSAD MA RIGS RGYAN 'DI RNAM 'GREL DON GNYER PA RNAMS LA MKHE SHIN TU CHE YANG DBUS PHYOGS SU 'DI'I PAR MED GSHIS, 'DIR DPE RGYUN YANG DKON PAR SNANG BAS CHOS SBYIN 'DZAD MED SBEL PHYIR SHING RTA LO NANG PAR GSAR BSKRUN BGYIS PA'I 'BRAS BU DON LDAN DU 'GYUR PHYIR SMON PA'I TSIGS 'DI YANG RGYAL BA'I CHOS RGYAL 'DZIN PA NGAG DBANG BLO BZANG THUB BSTAN RGYA MTSO 'JIGS BRAL DBANG PHYUG PHYOGS LAS RNAM PAR RGYAL BA'I SDES SBYAR PA'O,, ,,SARBA MANGGA LAm,, ,, {DD}