*, ,'PHAGS PA'I GNAS BRTAN CHEN PO RAB 'BYOR GYI RTOGS PA BRJOD
PA TSANGS PA'I SGRA DBYANGS ZHES BYA BA BZHUGS SO, ,

@001A #, ,NA MO GU RU MANYDZU GHO sh'A YA, THUGS RJE'I RGYA MTSO
RLABS PHRENG G-YO BA'I MU TIG GSAR PA'I GRU CHAR GYIS, ,MTHA'
MED 'KHOR BAR DUG GSUM 'BRAS BU'I TSA BAS

MNAR BA'I 'BYUNG PO'I TSOGS, ,'DOD DGU SBYIN PA'I DPAG BSAM
RKANG 'THUNG GRIB BSIL JI BZHIN GDUNG SEL BA, ,SRID ZHI'I KLU
DBANG MTHA' DAG DPAL GNAS SH'AKYA SENG GE RGYAL GYUR

CIG ,DPAL RKANG MGUR GYI RGYUD MANG LAS, ,'DI SKAD THOS SO GANG
GI CHE, ,SNGON GYI RNAM 'DREN MCHOG RNAMS LA, ,BYA BA BYAS PA'I
GDENGS KA CAN, ,GZHON NU MKHA' 'GRO'I DBANG PO YIS, ,LCAGS

KYUS DRANGS NAS LHUN PO'I NGES, ,MYANG BYED LAM DU ZHUGS PA'I
TSE, ,BU RAM SHING PA'I TSANGS DBYANGS LAS, ,'KHRUNGS PA GUR KUM
PHANG PHUNG LA, ,'KHU LDAN DE YI BSOD NAMS BZHIN, ,

@002A *, ,MTHONG BAS YID KYI GANGG'A'I RGYUN, ,RAB DRANGS DBU
BA'I 'DZUM DKAR BCAS, ,DUS KYI RGYA MTSOR CHU BO BZHIN, ,DE NAS
ROL PA GSUM GNAS LA, ,PHRAG DOG BYED PA'I MNYAN

YOD DU, ,'BYOR PA RMUGS 'DZIN LA 'GRAN PA, ,GNYIS SKYES 'BYOR PA
ZHES BYA BA'I, ,DGA' MA'I MNGAL GYI PAD TSAL DU, ,KLU GZHON LAS
'ONGS BUNG BAS RTZEN, ,NAM ZHIG AINDRA N'I LA YI, ,

CHU 'DZIN RUM LAS STON ZLA BZHIN, ,MNGAL GYI 'DAB MA LAS GROL
BA'I, ,GZHON NU'I KUNDA RNAM PAR RGOD, ,DKA' BZLOG LAS NI GZHON
NU BZHIN, ,DA NI 'JIG RTEN CHOS BZHIN DU, ,BTZAS

STON ME TOG SIL MA BKRAM, ,SBRANG RTZI MAR DANG 'O MA YIS,
,RDZING GI PADMA LTAR BSKYED DE, ,'BYOR LDAN 'BYOR PAS BSKRUN
PA'I PHYIR, ,RAB 'BYOR ZHES PA'I RGYAL RNGA BRDUNGS, ,SKYES THOB
RKYEN GYIS BSKUL

BA YIS, ,RNAM DPYOD MU MEN KA LA SHA, RANG RIGS RIG GNAS GA BUR
GYI, ,THIGS PA BZUNG BAS SKAL BZANG BYAS, ,'ON KYANG SRID PA'I
PHUN TSOGS KYI, ,PADMA'I MAL STAN 'JAM PO YANG, ,LCAGS

@002B BSREGS TSER MA RNON PO YIS, ,BLTAMS PA'I KHRI STAN LTAR
MTHONG NAS, ,MRGAD LJON PA'I CHAL KHRIGS SHING, ,ME TOG 'BRAS
BU'I G-YUR GYIS DUD, ,SKYED MOS TSAL 'DRA'I BSTI GNAS SU,
,DRANG SRONG RNAMS KYI NANG DU SONG,

DER YANG SKYE GNAS SNGON MA YI, ,BAG CHAGS TZANDAN DRIS BSGOS
PAS, ,KHRO BA'I RLUNG ZAS CAN NYE ZHING, ,ZHE SDANG GNAG PA'I
SMAG RUM 'THIBS, ,DE TSE 'JIG TSOGS LTA BA YI, ,SRA BRTAN BRAG
RI LNGA PHRAG BZHI, ,YE SHES RDO RJES

BCOM PA YI, ,DER GNAS LAGS BRIS BRTZER LDAN PAS, ,GNYIS SKYES
LAS BYUNG DRANG SRONG DE, ,RDZU 'PHRUL GYIS DRANGS LHA DANG
MI'I, ,STON PA'I ZHABS KYI DRUNG DU BZHAG ,'JIG RTEN KUN GYI
LEGS SPYAD TSOGS, ,MA LUS GSER

SBYANGS BTZO MA YI, ,LHUN POR BGYIS PAS TSANGS DBYANGS GYI,
,SGRA BRGYA DAL GYIS RGOD 'DRA BA, ,MTHONG BAS DE YI YID KYI
MKHA', ,RAB DGA'I DBYAR SKYES SNGON PO YI, ,LHA RJES BLA BRES
YONGS SU KHEBS, ,STON PA'I LJAGS YANGS

DBYANGS CAN MA'I, ,RGYUD MANG TSUR SHOG MDANGS SNYAN GYIS, ,SKAD
CIG DE LA DRANG SRONG DE, ,BSNYEN PAR RDZOGS PA'I BKA' DRIN
BSTZAL, ,NYI MA'I GNYEN GYI ZHAL BZANG NOR BU'I DGA' TSAL NGOGS,
,MCHU SGROS BYU RU'I 'DAB PHRENG RNAM

PAR G-YO BA'I NANG, ,TSEMS KYI ZLA SHEL ZE'U 'BRU DKAR PO RGOD
PA'I GSEB, ,SNGON MED LEGS BSHAD RO 'DZIN DGA' STON RDUL MANG
LDAN, ,DE YIS DGA' LDAN LONGS SPYOD CING, ,GOMS PA'I YAN LAG
BRGYAD LDAN CHUS, ,

@003A *, ,NYON MONGS SGRIB PA SA BON BCAS, ,RNAM DAG DGRA BCOM
MNGON SUM BYAS, ,DE TSE DE YI MNGON SHES GYIS, ,RANG GI SNGON
RABS BRTAG PA NA, ,ZHE SDANG KHRO BO'I MUN 'THIBS PAS, ,RGYA
MTSOR GNAS

PA'I TSUL MTHONG NAS, ,DGRA BCOM GZHAN LAS CHES LHAG PAR, ,SGO
GSUM DANG BA'I MTSO NANG DU, ,RNYOG MA'I BAG CHAGS PHRA MO YANG,
,RGYUN BCAD DE PHYIR BCOM LDAN GYIS, ,NGA YI NYAN THOS NYON
MONGS DANG, ,BRAL BA'I

RGYU SKAR BYA BA'I NANG, ,PA WA SANGS NI RAB 'BYOR ZHES,
,BSNGAGS PA'I RNGA BO CHE YI SGRA, ,SRID PA GSUM GYI KHONGS LAS
BRGAL, ,YON TAN CHA SHAS RGYAS PA YI, ,SMRA BA'I ZLA BA RAB
'BYOR GYI, ,CHO 'PHRUL GSUM GYI BSIL 'OD BRGYAS,  

SRID 'DIR PHAN BDE'I GOS DKAR BYIN, ,RANG SNGON RLUNG ZAS CAN
PHRENG GI ,SKYED BYED GDON GYIS YID PHYUNG BAS, 'PHAGS MCHOG DE
YIS 'GRO MANG GI ,YID DBANG NOR GYI BLO GROS MAR, ,'CHI MED DGA'
BA'I TSAL BZHIN DU, ,

BYAMS PA'I ME TOG CI YANG BSKRUN, ,RI DBANG BYA RGOD PHUNG PO'I
RIR, ,THAMS CAD MKHYEN PA PADMO'I GNYEN, ,ZHING BRGYA 'OD KYIS
'GENGS MDZAD DE, ,DUS GSUM RGYAL BA'I YUM GSUNG TSE, ,SHER PHYIN
ZAB MO 'DOMS PA

LA; ;SPOBS PAR BYOS CES STON PA YIS, ,BGYES PA'I ME TOG CHAR
LTAR PHAB, ,RGYA MTSO CHE LAS RIN CHEN BZHIN, ,SHER PHYIN ZAB
MO'I DE NYID DON, ,GNAS BRTAN RAB 'BYOR SARGA YI, ,CHU GTER CHE
LAS BTZAL BYA

@003B ZHES, ,SHES RAB CAN MCHOG DBYANGS KYIS BSNGAGS, ,RDO RJE'I
THOG MTSUNGS RA DANG MCHU SDER RAB 'BAR ZHING, ,DUS MTHA'I RLUNG
LTAR MI BZAD GSHOG PA'I SHUGS STOBS KYIS, ,RGYA MTSO'I GOS CAN
RI RAB DANG BCAS

'DAR BYED PA'I, ,MKHA' LDING DBANG PO DE BZHIN NOR BU'I GDENGS
KA CAN, ,'JIG DUS SPRIN BZHIN GDUG PA'I KHA RLANGS CHER G-YO
ZHING, ,MI BZAD MTHONG DANG REG PA'I DUG GI ZHAGS PA YIS, ,MKHA'
'GRO'I TSOGS RNAMS

CIG CAR MYOS SHING BRGYAL BYED PA, ,BRGYA PHRAG LNGAR SPRUL RANG
RIGS DE DAG GRANGS LDAN PA, ,MTHAR BYED MNGON SUM 'ONGS 'DRA'I
ZLOS GAR GYI, ,SKYE BA 'DZIN PA'I THABS MKHAS GRU BO CHES,
,MTHA' MED SDUG BSNGAL GLONG 'KHOR MI

BZAD PA'I, ,CHU SPRIN 'BYUNG GNAS CHE LAS PHA ROL BSGRAL, ,DE
BZHIN BGRANG PA'I MTHA' BRAL BA, ,MI DANG 'CHI BA MED PA'I
TSOGS, ,DGE LEGS GDONG LNGA PAS BTEG PA'I, ,NOR BU'I KHRI STAN
YANGS PAR BKOD, ,'DI LTAR BSKRUN

PA'I RNAM DKAR STON ZLA'I STENG, ,JI SNYED 'PHROS PAS 'GRO BA
MTHA' DAG GI ,YID KYI RMONGS MUN MA LUS DRUNG PHYUNG STE, ,RNAM
GROL KUNDA'I TSAL RAB RGYAS BYED SHOG ,DE LTAR LHA BCAS STON PA
MCHOG DE YI, ,GSUNG RAB 'DOD PA 'JO

BA'I BANG MDZOD LAS, ,STON PA GNYIS PA LTAR BSNGAGS NYAN THOS
MCHOG ,'DRI ZHING LAN LDON ZLA BRAL 'BYOR PA'I SRAS, ,GANG DE'I
RTOGS BRJOD TSANGS PA'I SGRA DBYANGS 'DI, ,SHANGS MDO RI BO DGE
'PHEL GDAN SA PA, ,YONGS

@004A *, ,RDZOGS BSTAN 'DZIN SANGS RGYAS DPAL BZANG SOGS, ,DAM
PA MANG POS SNGA PHYIR BSKUL BA'I NGOR, ,RIS MED BSTAN LA DAD
PA'I SPONG BA PA, ,SH'AKYA'I DGE SLONG BLO BZANG CHOS RGYAN
GYIS, ,SNYE MO

GZHIS KA RNAM RGYAL RAB BRTAN GYI, ,YANG RTZE GZHAL YAS KHANG DU
MGYOGS PAR SBYAR, ,PHYI MO'I SNANG BRNYAN ZLA SHEL GYI, ,BYANG
BU'I NGOS SU 'GOD PA PO, ,RNAM DPYOD YANGS PA SH'AKYA'I SRAS,
,BLO BZANG DAR RGYAS CES BYA'O,,