*, ,RIGS LDAN GRAGS PA'I RTOGS PA BRJOD PA DRI MED 'OD DKAR
'KHYIL BA'I ZLA BA ZHES BYA BA BZHUGS SO,,

@001A #, ,NA MO GU RU MANYDZU GHOsh'A YA, DUS GSUM RNAM 'DREN
THAMS CAD KYIS, ,BSNGAGS BYA KUN GYIS BSNGAGS PA YI, ,YE SHES
LNGA LDAN ME TOG GIS, ,THOD

MDZES 'JAM DPAL DPA' BOS SKYONGS, ,GANG GI PHUN TSOGS DPAL 'BYOR
GYIS, ,ROL PA GSUM GNAS PHAM BYED CING, ,KUN GZIGS ZHING LA
'GRAN BZOD PA, ,SHAMBHA LA ZHES BYA

'BYUNG, ,KHOR YUG KE LA SHA YI RI, ,SHEL DKAR MCHOD RTEN BRTZEGS
'DRA BA'I, ,GZI BYIN MA BZOD CHA SHAS CAN, ,GLING BZHI MYUL BA'I
ZOL GYIS BROS, ,SKED SKABS MDONGS

LDAN GZHON NU YI, ,MGRIN PA'I SPU LTAR YID 'ONG BA'I, ,SPANG
LJONGS ME TOG SNA TSOGS PAS, ,RNAM BKRA 'JA' TSON BKRAM PA
BZHIN, ,DE 'OG NAGS TSAL BU MO MDZES LDAN MA, ,

@002A *, ,SNGO LJANG GOS GYON G-YU YI SPU LONG RGYAS, ,ME TOG
SNA RGYAN 'BRAS BU'I MGO LCOGS CAN, ,MRGAD LAG MNYEN LO MA'I
LHAB LHUB 'DZIN, ,NOR GYI 'DAB MA 'OD ZER RTZE DGA'

RGOD PA YI, ,SNA TSOGS TSON RIS STONG 'BAR NOR BU'I BA GAM CAN,
,DRUG LHAG BCU PHRAG DGU YI GRANGS LDAN GRONG DAG GI ,MU TIG
TSOM BU RGYU SKAR DO SHAL MDZES PA BZHIN, ,DE DBUS PHYI ROL MU
KHYUD KYI, ,

SNANG BRNYAN SHAR BZHIN GNYIS PAS MDZES, ,LTE BAR RNAM PAR RGYAL
BA YI, ,KHANG BZANG LA 'GRAN KA L'A PA, ,RIN CHEN TOG MDZES NOR
BU YI, ,BA GAM NYI ZLA BYE BA BRGYA'O, ,'OD ZER SPRO LA MNGON
DGA'

BA'I, ,PHO BRANG SHIN TU YANGS PA YOD, ,DER NI 'GRO BA'I BLA MA
YIS, ,LO 'DI NAS NI DRUG BRGYA'I LOS, ,DRANG SRONG RNAMS NI SMIN
DON DU, ,'JAM DBYANGS MI BDAG GRAGS PA NI, ,SHAMBHA LA

ZHES BYA BAR 'BYUNG, ,DE YI LHA MO SGROL MA CHE, ,SRAS NI PAD
'DZIN 'JIG RTEN DBANG, ,ZHES PA JI BZHIN LHA LAM GYI, ,SNYING PO
MI DBANG TSUL 'DZIN PA'I, ,LHA YI DBANG LDAN DE NYID LA,

@002B LHAN CIG SKYES DGA'I MCHOG STER BA, ,SNA TSOGS YUM NI
BTZUN MO'I MCHOG ,DE GNYIS 'JAM PA'I RDO RJE NI, ,SRAS KYI ZOL
GYIS SKAL BZANG BYAS, ,NA TSOD GSAR PA'I ZLA TSES DE, ,LANG
TSO'I CHA SHAS RGYAS PA'I

TSE, ,DAM CHOS STON PA'I SENG GE'I KHRI, ,SHAR GYI SA 'DZIN
RTZER 'KHOD DE, ,RGYUD RGYAL STONG PHRAG BCU GNYIS PA, ,ZLA
BZANG RGYAS 'GROL DANG SBYAR TE, ,STON PA'I LEGS BSHAD 'OD DKAR
GYIS, ,SA GSUM

PHAN BDE'I SNANG BAS BKANG, ,NAM ZHIG RGYAL BAS LUNG BSTAN
BZHIN, ,NYI MA'I SHING RTA LA SOGS PA, ,'BRAS BU SMIN PA'I DGA'
TSAL LTAR, ,YE SHES ME LONG NGOS SU SHAR, ,DE NAS RIN CHEN BRGYA
LAS

GRUB PA'I YE SHES RANG BZHIN DANG PO'I SANGS RGYAS PHO BRANG
CHE'I, ,DBANG PHYOGS SGO YI NOR BU'I KHAMS DBUS GSER GYI MYU GU
RNAM PAR BKRA BA'I SENG GE'I KHRIR, ,'JAM PA'I RDO RJE'I ZHABS
SEN MDZES BKOD

PHYED LHAG BYE BA GSUM GYI GRANGS LDAN DRANG SRONG LA, ,THAMS
CAD MKHYEN PA'I GO 'PHANG THOB BYED DE YI TSIG NYON ZLA BA PHYI
MA'I NAG NYA LA, ,DPAL LDAN RDO RJE THEG PA YI, ,SKYED TSAL
NYAMS DGAR KHYED RNAMS 'JUG ,

RANG RIGS KUN SPYOD GRUB PA'I MTHA', ,GSAL BAR MYUR DU STON CES
BSTZAL, ,DE TSE 'GA' ZHIG THOD PAR ZA, ,KHA CIG CHANG 'THUNG BA
GLANG DANG, ,MA HE'I SHA ZA GZHAN DAG NI, ,MA DANG SRIN MO CHUNG
MAR BYED, ,LHA DANG

@003A *, ,PHA MES TSIM BYAS NA, ,SHA ZOS SKYON GYI CHU YOD MIN,
,GANG ZHIG GDUG LA GDUG SPYOD PA, ,DE LA SKYON NI MA MTHONG NGO,
,ZHES SOGS GDUG PA'I DRANG SRONG GI ,TSIG DAG GCES 'DZIN DE
BZHIN

GZHAN, ,SNGAGS BTAB RAL GRIS BSANG BA'I SHA, ,BZA' SOGS 'GAL BA
SNA TSOGS PA, ,MTHONG NAS DE DAG 'DZIN MAR 'GYEL, ,DE TSE MI
DBANG ZHAL GYI BAR NANG LJAGS KYI BUNG BA'I KHOR BA'I SGRAS,
,SNA TSOGS TSON

BRGYAS RNAM PAR PHYE BA'I 'OD ZER RTZE DAGS YONGS SU BSKOR,
,SNYOMS 'JUG ZAG MED DGA' BAS DGYES PA LHA DANG LHA MO'I TSOGS
KYIS GANG, ,THAR PA CHEN PO'I GRONG KHYER MCHOG 'DIR KHYED CAG
GZHUG CING DBANG BSKUR

SBYIN, ,DE BZHIN RDO RJE'I RIGS LDAN PA'I, ,BZA' DANG BTUNG BA
BAG MA LEN, ,BRTUL ZHUGS SPYOD PA THAMS CAD KYANG, ,RIGS GCIG
NYID DU KHYOD KYIS GYIS, ,GAL TE RGYA 'DI LAS 'GOD NA, ,DE YI
BKA' RTAGS GTZUG

RGYAN LTAR, ,BSTEN LAS GZHAN PA'I YUL DU SONG, ,DE SKAD DRANG
SRONG RNAMS KYI MGOR, ,GNAM LCAGS THOG DANG MTSUNGS PA BAB, ,DE
NAS DE DAG GDUNG BA YIS, ,LHAN CIG 'DUS TE DBEN PAR MOL, ,BSAM
PA GCIG

PO'I SHEL GYI SKYOGS, ,BDAG CAG RANG RIGS GRUB PA'I MTHA', ,SA
LE SBRAM GYI SNYING PO 'DI, ,BSREGS BCAD BRDAR YANG GZHAN DU CI,
,RGYAL PO'I BKA' YANG 'DA' DKA' BAS, ,DE PHYIR 'PHAGS YUL 'GRO
ZHES PA'I, ,SBRANG

@003B RTZI'I CHANG GIS LEGS BKANG STE, ,MI DBANG SNYAN GYI RO
'DZIN DU, ,NYI MA'I SHING RTAS LEGS PAR GSOL, ,DE TSE CHOS KYI
RGYAL PO YIS, ,SONG ZHIG MYUR DU SONG ZHES BSTZAL, ,DE NAS GSER
GYI SGO NGA LAS, ,'KHRUNGS PA'I DRANG SRONG TSOGS DE

DAG ,BU DANG MCHIS 'BRANG MNGAG GZHUG BCAS, ,RKANG GNYIS BSKYOD
PA'I RAS 'JAG GI ,'DAB GSHOG G-YO BA'I GAR BYED CING, MA LA YA
YI SKYED TSAL NAS, ,NYI MA BCU GNYIS PAR SONG STE, ,RKANG 'THUNG
'KHRIGS PA'I TSAL DU ZHUGS, ,DE NAS

MI DBANG GRAGS PA YIS, ,DGAG DGOS GZIGS PAS DRANG SRONG TSOGS,
,LHA BCAS MYOS SHING RMONGS BYED PA'I, ,TING 'DZIN SGO BRGYA
MNGON PAR PHYE, ,DE'I MTHUS TSAL DER GNAS PA YI, ,RI KHROD MI
MIN TSOGS RNAMS KYIS, ,MYOS PA'I

DRANG SRONG TSOGS BCINGS TE, ,NOR BU'I KHYAMS DER ZHABS DRUNG
DU, ,BZHAG TSE DE DAG YID KYI MKHA', ,MYOS SHING RMONGS PA'I MUN
SANGS TE, ,'DI 'DRA CI ZHES NGO MTSAR BA'I, ,NYI 'OD SNANG BAS
KUN TU KHYAB, ,DE NAS BLON PO RGYA MTSO YI, ,

BLO GROS ZHES BYAS MTSAMS SBYAR GYI, ,'OD DKAR THUR MAS TSANGS
SRAS RNAMS, ,BSOD NAMS KUN DA'I TSAL 'DZUM ZHING, ,BSTAN BCOS
KUN GYI PUSTA KA, NYI MA'I SHING RTA LA BRGYUD DE, ,RIN CHEN
GSER GYI MAndAL BCAS, ,SRID GSUM

BLA MA MI DBANG GIS, ,RNAM PAR ROL DER 'DI SKAD GSOL, ,GANG GI
'BRAS BUS RI RAB KYANG, ,THAL BAR SREG BYED MTSAMS MED LNGA,
,DAG BYED DANG PO'I SANGS RGYAS KYI, ,DBANG DANG RGYUD KYI RGYAL
PO GSUNGS, ,DE TSE MI YI DBANG PO DE, ,LHAG

@004A *, ,PAR DGYES PA'I 'DZUM ZHAL LAS, ,LEGS SO ZHES BYA'I
BDUD RTZI SKYUGS, ,ZHAL BZHES JI BZHIN NAG NYA YI, ,RGYU SKAR
RGYAL PO RGYAS PA'I DUS, ,NYI MA'I SHING RTA LA SOGS PA'I,
,DRANG SRONG BYE BA PHYED DANG

BZHI, ,YUL CHEN DGU BCU RTZA DRUG GI ,RIGS BZHI'I 'GRO BA MA LUS
PA, ,DKYIL 'KHOR CHEN PO'I NANG BCUG STE, ,RDO RJE'I RIGS SU
NGES PAR MDZAD, ,SLAR YANG DUS DANG SHES RAB CHE, ,'GRIB PHYIR
RGYANG RGYAL RGYAS PA LAS

BSDU BAR GSOL BA BTAB PA'I PHYIR, ,BRANG 'DZIN TSIGS BCAD SUM CU
NI, ,LHAG PA'I PHYOGS BRGYA LE'U LNGAS, ,DPAL LDAN RGYUD DAG
RDZOGS PAR NI, ,SMRA BA'I RGYAL POS LEGS PAR BSTAN, ,SA GA'I NYA
LA NYI MA SOGS, ,TSANGS

PA'I SRAS PO DE RNAMS KYIS, ,SHES DANG SHES BYA GCIG PA YI,
,ZUNG 'JUG GO 'PHANG MNGON DU BYAS, ,NAM ZHIG RANG SRAS 'JIG
RTEN DBANG PHYUG PAD DKAR 'DZIN, ,SENG GE'I KHRIR BKOD DANG PO'I
SANGS RGYAS STON PA DANG, ,

BSDUS PA'I RGYUD LA RGYAS 'GREL BYOS CES BKA' STZAL TE, ,BDE
BA'I GO 'PHANG LONGS SPYOD RDZOGS PA'I GNAS SU GSHEGS, ,TSUL 'DI
DAM PA DU MAS BSKUL BA'I NGOR, ,RGYAS 'GREL DRI MED 'OD LAS
GSUNGS PA BZHIN, ,

MANG DU THOS PA'I DGE SLONG SPONG BA PA, ,BLO BZANG CHOS KYI
RGYAL MTSAN ZHES BYA BAS, ,MKHAS GRUB CHEN PO KHYUNG PO RNAL
'BYOR PA'I, ,'KHRUNGS GNAS SNYE MO RA MANG 'DAB CHAGS PA, ,LHUN
PO DPAL 'BAR ZHES PA'I RDZONG DU SBYAR, ,

@004B 'DIS MTSON RNAM DKAR JI SNYED BSKRUN PA'I MTHUS, ,PHA MAR
GYUR PA'I 'GRO BA MA LUS PA, ,GRUB PA'I GNAS MCHOG SHAMBHA LAR
SKYES NAS, ,MI 'GYUR BDE BA CHE LA SPYOD PAR SHOG ,PHYI MO'I SUG
BRIS THUR MA YIS, THOG MAR

LEN PAR BYED PA PO, ,SH'AKYA'I DGE TSUL RNAM DPYOD CAN, ,BLO
BZANG BSTAN 'DZIN CES BYA'O,, ,,