*, ,SLOB DPON AA BHA: Y'A KA RA'I RTOGS PA BRJOD PA TSANGS
PA'I DBYANGS SNYAN ZHES BYA BA BZHUGS SO, ,

@001A #, ,NA MO GU RU MANYDZU GHO sh'A YA, TSOGS GNYIS MTSAN
DPE'I RI MO YONGS SMIN 'JA' TSON GAR GYI ROL PA BZHIN, ,ZAG
MED LHAN SKYES BDE BA'I ROS GANG NU 'BUR

ZUNG GI 'JO SGEG GIS, ,DPA' BO'I BRTAN PA CIG CAR 'PHROG CING
RAB DGE'I SPU LONG RGYAS BYED PA, ,RJE BTZUN PHYAG ZUNG
PADMO'I SKUNG PAS BDAG CAG MGUL PA MDZES PAR MDZOD, ,GANG GI

YON TAN LHA LAM DBUS, ,NOR BU'I 'OD BRGYAS SA GSUM GYI, ,MUN
SEL AA BHYA KA RA YI, ,RTOGS BRJOD TSANGS PA'I DBYANGS SNYAN
SGROG ,DGE BCU'I RI DVAGS MTSAN MA YIS, ,

MDZES LDAN 'PHAGS YUL ZLA SHEL GYI, ,ME LONG 'CHAR BA'I PHYOGS
DAG TU, ,BRAM ZE'I RIGS KYI SA BON LAS, ,RGYAL SRAS PAndA RI
KA YI, ,MYU GU LANG TSO'I 'DAB MA BRGYA, ,DANG POR

@002A *, ,RGOD TSE RIG GNAS LNGAR, ,'JUG PA'I ME TOG G-YUR ZA
LDEM, ,DE YI RMI LAM AA MA YI, ,RKANG PAS 'THUNG BA'I GRIB
BSIL LA, ,RMI LAM BSKRUN PAS KHEBS PA'I

TSE; ;YID 'ONG MDZES LDAN GZHON NU MA, ,MNGON SUM BZHIN DU
MNGON DU GYUR, ,KHYOD CI 'DOD PA'I 'BRAS BU GANG, ,LAN DU KHO
MO GDOL PA MO, ,KHYOD DANG YID SRUBS RTZE DGA' 'BRAS, ,RIGS
KYIS DREGS

PA'I KHYI'U DES, ,BDUD RTZI'I MCHOG DANG RNAG KHRAG DAG ,'DRES
MAR RIGS MIN JI BZHIN DU, ,DMAN PA'I RIGS DANG NYE BA YANG,
,MI SNYAN RNA BA'I TSER MA ZHES, ,BZLOG TSE KHYOD KYIS SNGON
RABS 'GAR, ,

NGA NYID MNYES PAR BYAS PHYIR 'ONGS, ,'DOD BRAL GZHAN DU SONG
CHOG GI ,GAL TE NGA YI TSIG 'DZIN NA, ,RANG YUL MA BSTAN MA GA
DHA'I, ,RGYA MTSO'I NGOGS ZHUGS SANGS RGYAS KYI, ,BSTAN PA'I
GRU

GZINGS LEGS BZUNG STE, ,THOS BSAM NOR BU'I GLING SONGS CES,
,MGRIN PA'I DRIL CHUNG BSIL NAS SONG, ,SONG TSE GZHON NU DE YI
YID, ,SOM NYI'I 'CHING BAS DAM BCINGS PA, ,GRUB PA'I MTSON
GYIS

@002B BRAL BA BZHIN, ,'DEGS 'JOG GOM PA'I GUR KUM GYI,
,DBYANGS YIG SA LA 'DRI BZHIN DU, ,SNYIGS DUS KUN MKHYEN GNYIS
PA ZHES, ,SNYAN GRAGS GSAR PA'I GA BUR GYIS, ,SA GSUM MA LUS
DKAR BYAS PA, ,RIN

CHEN 'BYUNG GNAS ZHI BA YI, ,ZHABS SEN NOR BU'I 'OD 'BAR BA,
,RIN CHEN GTZUG RGYAN GZHAN BZHIN BSTEN, ,MTHA' YAS YON TAN
KUN GYI GZHI, ,RGYAL BA'I BSTAN PA'I SGOR ZHUGS NAS, ,RIM
BZHIN GNAS BRTAN

AA BHYA Y'A, ,KA RA ZHES BYA SGRA BRGYA RGOD, ,RNAM MANG RIG
GNAS MANG RGYUD KYI, ,GDANGS CAN PHO BRANG NYAMS DGA' BAR,
,RNAM DPYOD BRTZON PA'I GRUR ZHUGS TE, ,PHUN TSOGS NOR GYI BU
LA SPYOD, ,NAM ZHIG RNAM GNON NGANG

TSUL DU, ,THOS BSAM GSER GYI RTZIBS STONG CAN, ,MGAL ME BZHIN
DU BSKOR BA NA, ,TZANDAN DMAR PO SPANGS 'DRA BA'I, ,RAKTA
'DZAG PA'I BA GLANG SHA, ,KHYER BA'I BSHAN PA MO ZHIG DANG,
,SLANG NAS NU LDAN SMIN PA'I GZUGS,

'PHRAL DU GZHON NU MAR BSGYUR BA'I, ,RBA RLABS G-YO ZHING
BYUNG BA YANG, ,BDE GSHEGS BSLAB PA'I RA BA LAS, ,'DA' BAR
DKA' BA'I CHU LON GYIS, ,YANG DANG YANG DU BZLOG PAR BYAS,
,'ON KYANG DE DAG CI 'DRA ZHES, ,

THE TSOM DPYOD THAG LA 'JUG PA, ,RANG DANG SLOB DPON GYIS GSOL
BA'I, ,ZLA SHEL LAS 'ONGS ZAB RGYAS KYI, ,BDUD RTZI'I 'OD DKAR
'DZAG PA YIS, ,RNAM DPYOD DRANG SRONG SNOD 'GENGS SHING, ,SGO
GLEGS GSUM GYI RGYAS

@003A *, ,BSDAMS PA'I, ,BSAM GTAN KHANG BUR BSGRUB PA'I DUS,
,SLOB DPON CHEN PO SHANTI PA'I, ,MNGAG GZHUG MA STE SLOB DPON
GYIS, ,NYID DANG GA nA TZA KRA'I GYIS, ,MNGAGS CES TSOGS KYI
YO BYAD GYUR, ,BDAG NYID CHEN

PO DGE SLONG GI ,BRTUL ZHUGS BRTAN PAS SNGON CHAD KYANG, ,MA
BYAS MI BYED BLA MA YANG, ,MDZAD PA MTHONG BA'I YUL 'DAS CES,
,SMRAS TSE SNGON CHAD DE LTA NA'ANG, ,DENG 'DIR GYIS CES SMRA
BA YANG, ,DANG DU MA BLANGS BU MO SONG, ,

BLTAS TSE SGO GSUM NANG NGOS NAS, ,BCINGS PA'I RGYA LAS MA
'DAS PA, ,MTHONG BAS YID MKHAR THE TSOM GYI, ,'JA' TSON DRA
BAS MNGON PAR KHEBS, ,SKYA RENGS DKAR PO'I BYA MA RTA, ,SNGON
DU BTANG NAS 'OD GZI'I DAG ,

SHING RTA ZHON NAS SHAR PHYOGS KYI, ,SA 'DZIN RGYAN DU 'KHOD
PA'I TSE, ,BLA MA'I ZHABS KYI CHU SKYES LA, ,BTUD NAS DE YI
TSUL GSOL BAS, ,LAN DU DE 'DRA'I G-YOG MOS DBEN, ,RGYAL YUM
RJE BTZUN RNAL 'BYOR MA'I, ,

BKA' BZHIN BSGRUBS NA LHAN SKYES KYI, ,YE SHES MNGON DU 'GYUR
ZHIG NA, ,ZAG MED BDUD RTZI'I AAKshA HA, ,RO MCHOG 'DZIN PA'I
STENG LHUNG BA, ,LUD PA LU BAS PHYIR BSAL BA, ,DE BZHIN SPANGS
PA KYE MA SMAD, ,SNGON LAS NGAN

PA'I 'BRAS YIN GSUNGS, ,DE THOS DE YI YID KYI MKHA', ,DGA'
BA'I NYI 'OD KYIS STONGS SHING, ,MYA NGAN MUN PAS GTIBS PA
BZHIN, ,YI DAM BDE BA'I ZAS RNYED PAS, ,BZA' DANG BTUNG BAS CI
BYA ZHES, ,ZHAG DRUG BAR DU SMYUNG BAR

@003B GNAS, ,LNGA PA'I MTHA' YI RMI LAM DU, ,DUS GSUM RGYAL
BA'I YUM BYON NAS, ,BU GCIG LTOGS NYAL MA BYED LONGS, ,RGYUD
SDE MANG PO'I DON SHES KYANG, ,DMAN PA'I RNAM RTOG DAG GIS
BCINGS, ,TSE RABS MANG POR BU KHYOD

KYIS; ;BSNYEN SGRUB MCHOD PAS KHO MI MNYES, ,DER NI LAN GSUM
'ONGS BYAS KYANG, ,BKA' BCAG TSE 'DIR MCHOG GI GEGS, ,DE NI
MDO RGYUD 'O MA'I MTSO, ,RNAM DPYOD SRUB SHING GIS BSRUBS PA,
,RTZI BCUNG SNYING PO LTA BU YI, ,

BSTAN BCOS MANG DU RTZOMS SHIG DANG, ,SNGON GYI NGAN PA'I LAS
ZAD NAS, ,BAR DOR MCHOG GI DNGOS GRUB 'THOB, ,LAN DU MTHAR
THUGS MA DHI'I, ,SGRON ME GSAL BAR MI LDAN PAS, ,DGONGS 'GREL
'ONG ZER 'BUM SPROS KYANG, ,

GZHAN PHAN SNANG BA JI LTAR 'BYUNG, ,RGYAL YUM MGUR GYI PAD
MTSO'I DBUS, ,NGA YI AA DHI shthI TA YIS, ,DAR ZHING BSTAN
DANG 'GRO GNYEN ZHES, ,BUNG BA'I DBYANGS SNYAN CI YANG
BSGRAGS, ,DE NAS BTZUN MO'I BKA' BZHIN DU, ,BLO GROS

YONGS 'DU SA BRTOL LAS, ,MDO RGYUD 'GREL PA BSGRUB PA'I THABS,
,DBANG CHOG RJES GNANG LA SOGS PA'I, ,NGO MTSAR ME TOG 'BUM
PHRAG BSKRUN, ,SHING STAN TZAN GYI SA SKYONG BAS, ,AINDRA AU
LI'I GNAS GZHI YI, ,SKYED TSAL

PHUL BAR PAndI TA'I, ,BYA BA RNAM GSUM GYIS 'DA' BA'I, ,AINDRA
SA RAR BSGRUB PA YI, ,TING 'DZIN SGO BRGYA LEGS PHYE BAS, ,YI
DAM MANG PO'I ZHAL SKYIN RNAMS, ,'DREN BYED BDUD RTZI LTA BUR
GYUR, ,TZA RA SIDHA'I GRONG KHYER DU, ,

@004A *, ,RIGS NGAN GDOL PA'I RGYAL PO NI, ,GRUB MTHA'I NGAN
PA'I DUG CHU YIS, ,MYOS PAS GCIG LHAG BRGYA PHRAG MI, ,PHYUGS
SU BSGYUR BA'I MCHOD SBYIN PHYIR, ,BTZON RAR BSNGAMS PA'I NYAM
PA'I SGRAS, ,

BDAG NYID CHEN PO'I THUGS RJE NI, ,BSKUL BAS SEMS KYI TSER MAR
GYUR, ,DE LA YANG YANG BDE SDUG GI ,SNANG BRNYAN CI YANG 'CHAR
BA YI, ,LAS 'BRAS ME LONG GSAL BSTAN PAS, ,DE LTAR BDEN NA 'DI
DAG GI ,LCING MNYAM SA LE

SBRAM STZOL NA, ,MCHOD SBYIN RGYU RNAMS 'GROL ZHES SMRAS, ,DE
TSE GNAS BRTAN CHEN PO DES, ,NYAM THAG PHONGS PA KUN GYI
GNYEN, ,BSLU MED DKON MCHOG GSUM PO LA, ,DE RNAMS PHYIR DU
GSOL BA'I MTHUS, ,'JIGS RUNG DUG

GI KHA RLANGS NI, ,DUS MTHA'I CHU 'DZIN LTAR 'KHRIGS PA'I,
,GSER 'OD 'KHYUG PA'I BRANG 'GRO ZHIG ,YUL DER MYUL ZHING AA
LONG LTAR, ,BSKOR NAS 'JIGS MED 'BYUNG GNAS KYI, ,SKU LA
'KHRIL NAS GDENGS KAR BYAS, ,

DE MTHONG GDOL PA'I RGYAL PO YIS, ,SKRAG PAS GSANG BYA'I MI
RNAMS KUN, ,BDAG NYID CHEN PO LA PHUL NAS, ,GDUG PA'I SEMS CAN
BTANG BAR GSOL, ,SLOB DPON GYIS KYANG DUG GI SBRUL, ,NAGS SU
BSKRAD CING MCHOD

SBYIN RGYU, ,PHAL CHER DAM PA'I LAM LA BKOD, ,SU KHA WA RnA'I
GRONG KHYER DU, ,SBYIN PA'I 'BRAS BRAL SKYE BO'I TSOGS, ,BRTZE
BAS THUGS DAM RGYUD BSKUL TE, ,DRANG SRONG SNOD NAS NAM MKHA'I
MDZOD, ,PHYE BZHIN 'DOD DGU'I

@004B CHAR PA PHAB, ,DZA YA NA GA RA ZHES PA'I, ,GRONG KHYER
LA KshA NYI MA NI, ,'BAR BA'I SGRA CAN GYIS ZA BA, ,BDEN PA'I
CHAB KYIS BSIL MDZAD CING, ,DE BZHIN THAGS KYIS 'TSO BA'I
BU'I, ,GZUGS 'DZIN 'BAR BYED RGYAS NYAMS DANG, ,

GDUG PA'I SBRUL GYIS REG PA YI, ,LNGA BAR BGRONG PA'ANG BDEN
PAS GSOS, ,YUL DE'I BDAG PO NYI MA'I BU'I, ,GZHAN DBANG SONG
BA'I BTZUN MO YIS, ,PHUL BA AINDRA BI HA RA'I, ,BSTI GNAS SAR
PA'I DGA' TSAL DU, ,NGUR SMRIG SBRANG RTZI

'DZIN PA'I TSAL, ,MDO RGYUD BSHAD SGRUB GE SAR RGOD, ,YID 'ONG
DGE BA'I LDUM RAR NI, ,LTA LTANGS ZHAGS PAS CHOM KUN BCINGS,
,BSIL BA TSAL GYI DUD KHROD DU, ,BU GCIG SHI BA SLAR YANG
BSLANGS, ,DER NI RGYAL BA KUN GYI YUM, ,RJE

BTZUN SHES RAB GSAL BYED MAS, ,DBUGS DBYUNG MCHOG TU BSNGAGS
PAR MDZAD, ,BKRI MA LA RI BZHUGS PA'I TSE, ,TRA RAshKA YI DMAG
TSOGS KYI, ,SER BAS DPAL LDAN NA LANDRA'I, ,'BRAS BU 'JOMS PAR
PHYOGS PA'I TSE, ,MCHOD

GTOR MEN PO'I TSOGS BSHAMS TE, ,ZAN GYI 'DAB LDAN 'PHRUL 'KHOR
NI, ,RAB 'JIGS NAM MKHA'I LDING GYUR TE, ,KLA KLA'I TSOG RNAMS
PHA MTHAR BSKAD, ,RNAM MANG LUNG GI LUS RGYAS SHING, ,RIGS
PA'I MCHE SDER MI BZANG PAS, ,MU

STEGS GLANG CHEN MYOS PA YI, ,SNYING LA 'JIGS PA CI YANG BYIN,
,MDO DANG RGYUD SDE'I SHLO KA, ,'BUM PHRAG BRGYAD KYI RIN CHEN
GYIS, ,THUGS KYI BANG MDZOD YONGS BKANG NAS, ,MTHA' DAG 'GRO
LA MCHOG STZOL MDZAD, ,BCOM LDAN

@005A *, ,HE RU KA ZUNG DANG, ,RDO RJE BTZUN MO LA SOGS PA,
,LHA DANG BSRUNG MA'I TSOGS RNAMS KYIS, ,BYIN RLABS ME TOG
CHAR LTAR PHAB, ,DE LTAR SLOB DPON CHEN PO AA BHA Y'A'I, ,RNAM
THAR RIN CHEN 'BYUNG BA'I

GNAS 'DRA LAS, ,RNAM PAR DPYOD PA'I GSER GYI THUR MA YIS,
,PHRA MO'I CHU THIGS TZAM ZHIG DENG 'DIR BLANGS, ,TSUL 'DIR
YANG DAG PA DANG LTAR SNANG GI ,MI MTHUN GTAM GYI SBYOR BA
RNAM MANG PO, ,LEGS PAR BRTAGS NAS YID

BRTAN THUB PA RNAMS, ,JI BZHIN BKOD MOD 'ON KYANG BYIS PA'I
BLOS, ,NANGS PAR GYUR TSE MKHAS PA'I TSOGS RNAMS DANG, ,BLA MA
LHA DANG BSRUNG MA'I TSOGS LA BSHAGS, ,NONGS PA RGYU DANG BCAS
PA DRUNG PHYUNG NAS, ,THUN MONG

MCHOG GI DNGOS GRUB STZAL DU GSOL, ,DE LAS BYUNG BA'I DGE
TSOGS 'GRO BA KUN, ,NYAM THAG 'KHOR BA'I RGYA MTSO CHEN PO
LAS, ,RINGS PA'I TSUL GYIS BSGRAL BAR BYA BA'I PHYIR, ,MCHOG
GSUM NGO BO KUN MKHYEN THOB PHYIR

BSNGO;; ,,ZHES SLOB DPON CHEN PO AA BHA Y'A KA RA'I RTOGS PA
BRJOD PA TSANGS PA'I DBYANGS SNYAN ZHES BYA BA 'DI YANG, DGE
BA'I BSHES GNYEN SDE SNOD 'DZIN PA DU MAS BSKRUL BA LA BRTEN
NAS, RGYAL KHAMS PA SH'AKYA'I

DGE SLONG BLO BZANG CHOS KYI RGYAL MTSAN GYIS, RDO RJE PHRENG
BA'I LO RGYUS 'DRA MIN MANG PO ZHIG 'DUG PA RNAMS LA LEGS PAR
BRTAGS, LO TZTSA BA NAM MKHA' SMON LAM PHRENG BSKOR LA GSAN PA
CHE BAR 'DUG PAS, CUNG ZAD

@005B KHUNGS BTZUN PAR MTHONG BA DANG, ZHANG LO GRUB PA DPAL
GNAS BRTAN CHEN PO AA BHA Y'A'I DNGOS SLOB LEGS SPYOD 'BYUNG
GNAS KYI DNGOS KYI SLOB MAR 'DUG PAS, KHONG GIS MDZAD PA'I
RNAM THAR PHAL CHER MTHUN PAR SNANG

BAS YID BRTAN RUNG BA LTAR, LCAGS SBRUL ZLA BA LNGA PA'I YAR
NGO'I TSES BRGYAD, NYI MA ME BZHI'I 'GRUB SBYOR THOG LHAN LHUN
RAB KYI GZHIS KAR SBYAR BA'I YI GE PA NI DGE TSUL BLO BZANG
DAR RGYAS SO,, MANGGA LAm,,