*, ,CHOS KYI RJE SA SKYA PAntI TA KUN DGA' RGYAL MTSAN GYI RTOGS
PA BRJOD PA DRI ZA'I GLU DBYANGS ZHES BYA BA BZHUGS SO, ,

@001A *, ,NA MO GU RU MANYDZU GHO sh'A YA, RAB MDZES LI KHRI'I
RDUL MANG MTHOR BRTZEGS AINDRA N'I LA'I COD PAN CAN, ,DMAR LJANG
MGYOGS 'GRO'I BDAG PO BYE BA'I 'OD KYIS LANG TSO

RGYAS BYAS SHING, ,SPEL LEGS RGYU SKAR DO SHAL RNAM BKRA 'DREN
BYED RAB DGA' SPUNGS 'DRA BA'I, ,'JAM PA'I DBYANGS CES SNYAN
PA'I GRAGS PA SRID NA GSOL BA DE LA 'DUD, ,'JAM DBYANGS

GZHON NU MTHON MTHING GI ,RAL KHUR RIN CHEN RGYAN SPANGS TE,
,NGUR SMIG GAR GYIS RNAM ROL BA, ,PAn CHEN CHOS RJE'I RTOGS
BRJOD BRI, ,SKAL BZANG THUB PA'I NYI MA RNAMS, ,BDUD RTZIS

MGRON DU GNYER BA'I GNAS, ,SHR'I DZAMBU D'I BA'I SNYING, ,BO DHA
BRAKshA'I M'U LA NAS, ,GSANG 'DZIN GZHAL YAS KHANG GI NGOS,
,DPAG TSAD BRGYA NI 'DAS PA'I SA, ,DGE MTSAN SKYE BO'I 'OD ZER
GYI, ,

@002A *, ,RI MO RNAM PAR BKRA BA'I KLONG, ,GDENGS CAN DBANG PO
BSRUNG BA YI, ,RIGS KYI PAD TSAL BZHAD PA'I DBUS, ,DPAL CHEN 'OD
LDAN NAM MKHA'I NOR, ,NYI KHRI LCAM ZHES SHAR

PHYOGS KYI, ,SA 'DZIN BRGYAN PA'I 'JO SGEG LAS, ,CHU STAG DPA'
BO DPYID DUS KYI, ,GRA 'DZUM RGYAS PA'I NYER DRUG LA, ,YON TAN
'DAB MA STONG LDAN PA'I, ,RGYAL SRAS PADMA DKAR PO 'KHRUNGS, ,

DE'I TSE BYIS PA THA MAL PA'I, ,SPYOD TSUL MNGAL GYI 'DAB MA YI,
,'CHING BA'I RGYA DANG LHAN CIG GROL, ,MTSAN DPE BKRA BA'I GZI
BYIN DANG, ,LTAS BZANG 'JA' TSON DRA BAS KHEBS, ,BLTAMS

MA THAG TU SAm SKRI TA'I, ,MGRIN PA'I SIL SNYAN 'KHROL BA NI,
,SGYU 'PHRUL CHEN PO'I RTZI BA LOGS KYI, ,CHU 'DZIN GOD PAR LAS
THON PA'I, ,RGYAL SRAS NYIN BYED GZHON NU BZHIN, ,KUN GZIGS

ZHING GI 'DREN PA YI, ,BSOD NAMS YE SHES DPAL LDAN ZHING, ,DON
KUN GRUB PHYIR DON MTHUN PA'I, ,MTSON GYI AUTPAL GE SAR RGOD,
,SKYE BA DU MAR RNAM DPYOD KYI, ,GRU RDZINGS BRTZON PA'I RLUNG

@002B GI DAR, ,PHYAR BAS SHES BYA'I SA MU DRA, ,RNAM MANG YANG
YANG BRGAL BA'I MTHUS, ,DENG 'DIR LAN RE ZUNG RES KYANG, ,GNAS
LNGA LA SOGS THUN MONG DANG, ,THUN MONG MIN PA'I RIG GNAS KUN,
,MKHYEN PA'I 'DREN BYED STONG RGYAS

PAS; ;KUN MKHYEN LHA YI DBANG POR 'GRAN, ,LO NI GCIG DMAN BCU
PHRAG GI ,LANG TSO LDAN PA'I THUGS KYI MTSO, ,KYEE RDOR LA SOGS
GSANG SNGAGS KYI, ,SGRUB THABS MANG PO'I NOR LDAN CING, ,GZHAN
LA 'DOMS PA'I SLOB

DPON GYUR, ,DE NAS ZLA DANG BCAS PA'I LOR, ,BRTAG GNYIS SANGS
RGYAS MNYAM PAR SBYOR, ,BSAM 'PHEL YID BZHIN DBANG GI RGYAL,
,LEGS BSHAD SRAD BU LA BRGYUS TE, ,SKAL BZANG MGUL PA'I RGYAN
DAG TU, ,RIN

CHEN DO SHAL GZHAN BZHIN BKOD, ,BCU BZHI'I DUS SU GUR SAM GYI,
,LEGS BSHAD GSAR PA'I ME TOG GIS, ,THUB BSTAN DGA' TSAL MDZES
BYAS PA'I, ,MCHIL PA RNON POS MKHAS RNAMS KYI, ,YID NI ZHAGS

PA MED PAR BZUNG, ,PHYI LO DPAL CHEN 'OD BZANG PO, ,'PHRE DANG
BSOD NAMS PIR RTZE MOS, ,BRIS PA GRAGS PA'I RGYAL MTSAN NI,
,G-YO BA RANG RIGS DAM PA YI, ,ZHAL SKYEN CHU SKYES GSAR PA LA,
,RAB CHAGS MDO

RGYUD MAN NGAG GI ,LUNG BSHAD DBANG DANG RJES GNANG SOGS,
,'PHAGS YUL MA DROS MTSO CHEN LAS, ,TSAD MED DZA HU'I BU MO'I
RGYUN, ,MA LUS BDAG NYID CHEN PO DE'I, ,ZAB YANGS THUGS KYI RGYA
MTSOR 'KHYIL, ,

@003A *, ,DE NAS LO GSUM 'DAS PA'I DUS, ,MNAL LAM AA PHYI'I
MCHOD RTEN DRUNG, ,'DZAM GLING MKHAS PA'I GTZUG GI RGYAN, ,NGUR
SMRIG GIS KLUBS DBYIG GI GNYEN, ,CHOS KYI MA MO MNGON PA'I
MDZOD, ,PHYE NAS

LEGS BSHAD NOR BU 'GYED, ,DER NI SGO GSUM GUS PA YIS, ,'DOD
DGU'I RIN CHEN CI YANG BLANGS, ,SAD TSE TSIG DON MA LUS PA, ,MA
'DRES 'JA' TSON BKRA BA YI, ,RI MO MDZES PAS MGON PO DE'I, ,YID
KYI GZHAL MED

KHANG CHEN BRGYAN, ,DE BZHIN RGYA GAR DBANG PO'I PHYOGS, ,RNAM
PAR RGYAL BA'I ZHING DAG GI ,'KHOR LO CAN ZHES BYA BA'I YUL,
,SLOB DPON PHYOGS GYI GLANG PO YI, ,BRAG PHUG YIN ZHES NYAMS
DGA' BAR, ,RJE BTZUN MDO DANG

BCAS PA YI, ,GLEGS BAM LDE MIG LDAN PA GTAD, ,SAD TSE RGYAL SRAS
GZHON NU DE'I, ,YID KYI LHA LAM RAB DGA' YI, ,MTSAMS SPRIN LI
KHRI'I MDANGS 'DRAS MDZES, ,DE NAS 'PHRANG BU DGE BA'I BSHES,
,ZHU STON RIN

CHEN BEE d'URYA'I, ,RGYUD MANG BSKUL BA'I SGRA DBYANGS LAS,
,DRANGS PA'I MA PHAM CHOS LNGA DANG, ,CHOS MNGON KUN BTUS GLU
DBYANGS KYIS, ,RNAM DPYOD SGRA 'DZIN DBANG POR BCAS, ,BDUD RTZIS
BRAN CING TSIM PA THOB, ,GANG TSE BCU ZUNG LANG

TSO YI, ,THIG LE GSAL BAR SHAR BA'I TSE, ,MTSUR STON GZHON SENG
ZHES BYA BA'I, ,LEGS BSHAD 'OD RNO'I THUR MA YIS, ,SEMS DPA'
MCHOG DE'I BLO GROS KYI, ,'DAB BRGYA PHYI NAS RNAM NGES PA'I,
,SBRANG RTZI'I ZIL DNGAR BCUD

@003B CHAGS PAS, ,RKYANG THUR CHOS KYI SKYED TSAL DU, ,BLO GSAL
BUNG BA'I TSOGS BSDUS TE, ,BYA RGOD PHUNG PO'I RI BO BZHIN,
,'CHAD RTZOD RTZOM PA'I 'PHUR LDING GIS, ,RNAM ROL CHOS KYI
'KHOR LO BSKOR, ,PHYIR YANG CHU LHA'I NOR

'DZIN NGOS, ,ZHABS SKYES 'KHOR LOS MTSAN PA YI, ,PHUN TSOGS RI
MO 'BRI BA'I BAR, ,CHU MIG CES BYA'I CHOS KYI GRVAR, ,BSKAL
BZANG 'GRO BA'I RMONGS MUN TSOGS, ,SEL BYED SGRON ME BDUN PA
ZHES, ,SGRA BRGYA BAL GYIS RGOD

PA YI, ,ZHABS SEN RAL PA'I RGYAN DU BKOD, ,DE LAS BYUNG BA'I
CHOS MCHOG SOGS, ,BKA' DRIN GSER GYI RDO RJE NI, ,LCI BAS NON
KYANG NGAL BA SPANGS, ,GZHAN YANG MA H'A PAntI TA'I, ,PHYAG
BRNYAN DA NA SH'I LA DANG, ,SANGGHA SH'I LA

SOGS LAS KYANG, ,LEGS BSHAD 'O MA'I RGYUN BAB PA, ,MGON 'DI'I
THUGS KYI RDZING YANGS POR, ,ZLA SHEL ZHUN MA BZHIN DU 'KHYIL,
,DE NAS BDAG NYID BSTI BA'I GNAS, ,DAM PAR MKHAS PA SU GA TE,
,SHR'I SPYAN DRANGS THUN MONG

DANG; ;THUN MONG MIN PA MDO RGYUD KYI, ,LEGS BSHAD MU TIG CHAR
PHAB PAS, ,MGON 'DI'I MANG THOS GSAN PA YI, ,YANGS PA'I SNYIM PA
YONGS SU GANG, ,NAM ZHIG LANG TSO MA RGA TA'I, ,PHRENG BA NYER
BDUN LDAN PA'I TSE, ,

SH'AKYA SENG GE'I TSOGS GNYIS KYI, ,DPAL LA 'GRAN NGES MKHAN PO
DANG, ,BYANG SEMS KUN GYI SPYI BOR NI, ,YON TAN NOR BU'I LHAS MA
YIS, ,MDZES PAS LAS MDZAD DON MO RIS, ,GSANG STON TSOGS MCHOG
'DUS PA'I

@004A *, ,DBUS, ,RDZOGS PAR BSNYEN TE GANGS KHROD KYI, ,ZAS
GTZANG SRAS PO LTA BUR GYUR, ,MKHAN SLOB DBANG PHYUG SENG GE
SOGS, ,PHUN TSOGS G-YAS SU 'KHYIL BA YI, ,MGRIN PA'I SBUBS LAS
'KHRUNGS

GYUR PA'I, ,RIGS GZHUNG 'DUL MNGON PHA ROL PHYIN, ,RIGS TSOGS
DUS GSANG BDE DGYES DANG, ,LAM 'BRAS CHOS DRUG BKA' GDAMS SKOR,
,PHYAG RDZOGS ZHI SOGS RGYA BOD KYI, ,MDO RGYUD MAN NGAG SNYAN
BRGYUD TSOGS, ,YANG DAG

YANG DAG LTAR SNANG SOGS, ,SGRA DBYANGS DBYAR SKYES RNGA GSANGS
LTAR, ,SGROG PA MANG THOS MTHAR SON CING, ,TSIG DON JI BZHIN
THUGS SU CHUD, ,LEGS BSHAD RIN CHEN MA LUS PAS, ,BDAG NYID GCIG
PU RGYAN 'DOD PA'I, ,AINDRA

N'I LA'I LHUNG BZED NI, ,'BRAS BU BZANG PO'I SNYE MAS GANG, ,ZAB
RGYAS CHOS KYI BANG MDZOD DE, ,'CHAD PA'I RIN CHEN KHRIR BZHUGS
NAS, ,LEGS BSHAD 'OD DKAR 'BUM SPROS TE, ,MKHAS MANG KUN DA'I
TSAL RAB SPEL, ,MDO

RGYUD LUS STOBS RAB RGYAS SHING, ,RIGS PA'I MCHE SNGER MI BZAD
PAS, ,RGOL NGAN GLANG CHEN MA LUS PA'I, ,SPOBS PA'I MYOS BUM CIG
CAR DRAL, ,RNAM DPYOD LAG PA'I SOR MO YIS, ,MTHO RIS BYANG GROL
LAM MTSON PA'I, ,RNAM

MANG LEGS BSHAD PHRENG SPEL TE, ,BLO GSAL MGUL PA'I RGYAN DU
STZAL, ,CHOS DBYINGS LAS 'ONGS SGYU MA YI, ,SRIN BU KHROS PA
LTAR BRDZU BA, ,DAM CAN BSRUNG MA'I TSOGS KYIS KYANG, ,SROG
SNYING PHUL ZHING BKA' BZHIN BSGRUBS, ,

@004B DE PHYIR SNYAN GRAGS GSAR PA YIS, ,BA DAN SRID GSUM KHONGS
LAS BRGAL, ,KHYAD PAR 'PHAGS PA'I YUL KUN TU, ,YONGS RDZOGS GNAS
LNGA MKHYEN PA YI, ,PAn CHEN CHOS RJE RANG NYID KYIS, ,MDZAD
PA'I BSTAN BCOS MCHOD BRJOD

DU; ;SHES BYA KUN LA BLTA BA'I SPYAN YANGS PA, ,'GRO KUN DGE
LEGS BSGRUB PA'I THUGS RJE CAN, ,BSAM YAS 'PHRIN LAS MDZAD PA'I
STOBS MNGA' BA, ,'JAM MGON BLA MA'I ZHABS LA MGOS PHYAG 'TSAL,
,ZHES PA'I AUTPAL

GSAR PA YIS, ,GZUR GNAS 'BYUNG BA MTHA' DAG GI ,RNA LUNG MDZES
PA'I RGYAN GYUR KYANG, ,SKYON BRAL LUGS LAS PHYIR PHYOGS PA,
,KUN GYI SNYING GI TSER MAR GYUR, ,DE TSE TSANGS DANG DBANG
PHYUG GI ,RJES ZHUGS RTOG GE'I DUG CHU YI, ,

CHER MYOS NGA RGYAL RI BO MTHO, ,ZHE SDANG DUS MTHA'I ME 'BAR
ZHING, ,PHRAG DOG RLUNG DMAR 'TSUBS PA YI, ,'PHROG BYED DGA' BA
GTZOR GYUR PA'I, ,RAL PA 'CHANG BA DUG PHRAG GCIG ,RTZOD PAR
'DOD PA'I BSAM PA YIS, ,BDAG NYID

CHEN PO'I DRUNG LHAGS TE, ,DBANG PHYUG TSANGS PA'I YON TAN GYI,
,MCHING BA'I RIN CHEN MANG BKRAM NAS, ,RTZOD PA'I G-YUL GYI
STOR BA BSHAMS, ,BCU GSUM GDUGS LA BSTAN PA DAG ,DPANG BTZUGS
BCU GNYIS NYI MA'I BOR, ,CHOS

KYI RJE PHAM ZHABS 'BRING PA, ,'OD YUG BZANG RING LA SOGS PA'I,
,SMRA BA'I SENG GE DE DAG KYANG, ,'PHROG BYED 'BAR BA'I ME
MTHONG BAS, ,SKRAG PA'I YID KYIS BROS SHING BYED, ,SEMS DPA'
MCHOG DES BLA MA DAG ,LHAG PA'I LHA LA YI

@005A *, ,CHAD KYI, ,GDUNG BAS RTZE GCIG GSOL BTAB PAS, ,'PHRIN
LAS LHA MOS LUNG BSTAN CING, ,'JAM PA'I DBYANGS KYIS GROGS MDZAD
PAS, ,MKHYEN BRTZE'I DBYAR SKYES KHANG BZANG LAS, ,RIGS TSUL RDO
RJE'I ME CHAR

GYIS, ,MU STEGS BRAG RI RAB MTHO BA, ,RDUL PHRAN LTA BUR PHYER
BRLAG STE, ,BCU GSUM NYI MAR RGYAL RNGA BRDUNGS, ,'KHOR GYI RAL
PA CAN DAG KYANG, ,'JIGS PAS SNYING DANG TSA BA'I DBUGS, ,LHAN
CIG MGRIN PA'I GNAS SONG STE, ,

'DAR 'DAR 'KHYOR BA'I 'GROS KYIS BROS, ,'PHROG BYED DGA' BAS 'DI
SKAD SMRAS, ,KHYOD MIN KHYOD KYI PHRAG PA G-YAS PA NA, ,DMAR
SER RAL GRI CAN DE NGAS MA THUB, ,DE SLAD KHYOD RGYAL NGA NI
PHAM PAR GYUR, ,DE SKAD SMRAS NAS CHOS

RJE'I ZHABS LA BTUD, ,'ON KYANG RTAGS MTSAN MA SPANGS PAS, ,RIG
'DZIN PADMA SAm BHA WA'I, ,BKA' BZHIN BSTAN MA BCU GNYIS KYIS,
,DAM LAS 'DA' BA MED PAR BYAS, ,DE LTAR 'CHAD RTZAD RTZOM PA YI,
,YAN LAG BZHI

PA'I DPUNG TSOGS KYIS, ,THUB BSTAN NOR GYI BLO GROS MA, ,YANGS
PA'I KHYON LA 'DOD DGUR SPYOD, ,SNGON TSE RJE BTZUN CHEN PO YIS,
,'BYUNG BAR 'GYUR BA NAM ZHIG NA, ,SKAD DANG MI RIGS GZHAN GYUR
PA, ,GNAS KYIS BSKAL

PA'I RGYAL KHAMS NAS, ,ZHVA KHRA MCHIL LHAM PAG SNA 'DRA'I,
,'DREN BYED MNGON DU GYUR PA NA, ,SOM NYI'I 'CHING BA KHROL LA
SONG, ,BDE GSHEGS BSTAN PA'I SGRON MER 'GYUR, ,DE SKAD JI LTAR
LUNG BSTAN BZHIN, ,'DZIN MAR

@005B GNAS PA GNAM BSKOS KYI, ,LTA BYED GSUM LDAN LHA CHEN POS,
,GNAS LNGA RIG PA'I PAntI TA, ,KUN MKHYEN GNYIS PA'I 'OD DKAR
CAN, ,RAL PA'I RGYAN DU 'DOD PA'I PHYIR, ,PHO NYA DOR RTA LA
SOGS PA, ,PAn CHEN CHOS RJE'I DRUNG DU LHAGS, ,

RIGS BDAG BKA' YI GSER SBYANGS KYI, ,SRAD BU SRA BAS YID BCINGS
SHING, ,BSTAN DANG 'GRO LA BRTZE BA YIS, ,DGUNG LO RE GSUM BZHES
PA'I TSE, ,ZHABS RTEN PADMO BKRA SHIS PA'I, ,GUR KUM DOG PA 'GOD
BZHIN DU, ,RE LNGA RDZOGS

PAR NYE BA'I TSE, ,SPRUL PA SDE YI LING CHU TZE, ,RGYAL PO'I PHO
BRANG CHEN POR PHEBS, ,ME LUG ZLA BA DANG PO LA, ,'GRO BA'I BLA
MA CHOS RJE DANG, ,GO DAN MI YI DBANG PO GNYIS, ,DGE LEGS GZUGS
CAN BZHIN GYUR PA'I, ,ZHAL BZANG LHAN CIG

MNGON GYUR PAS, ,LUGS GNYIS DGA' STON DPYID KYI DPAL, ,LANG TSO
DAR BA'I MDZES SDUG RGYAS, ,YU GUR BANDHE GRANGS MANG GIS,
,MTSAMS SBYAR RGYAL PO'I MCHOD GNAS DANG, ,BLA MA RNAMS KYI
GTZUG RGYAN DU, ,PAn CHEN YID BZHIN

NOR BU BKOD, ,YANGS PA'I HOR GYI RGYAL KHAMS DE, ,MDO RGYUD
SKYED TSAL LAS 'ONGS PA'I, ,DBANG LUNG GSAR PA'I ME TOG TSOGS,
,PHANG PHUNG CHAGS PAS MDZES BYAS TE, ,'PHAGS YUL CHOS KYI 'GA'
BA'I TSAL, ,PHAM PHYIR BYED POS SPRUL PA

BZHIN, ,GANG TSE BDUN CU RDO YI SNA CAN LO'I, ,THA SKAR ZLA BAR
CHOS RJE ZHING GZHAN DU, ,PHYOGS PA'I GDUNG BAS 'DAR ZHING NOR
'DZIN G-YOS, ,SEMS DPA' MCHOG RNAMS ZHI BAR GZHOL BA NA, ,'DI
NI CHOS NYID NGA YANG DE MTSUNGS GSUNGS, ,

@006A *, ,DE NAS 'BYUNG BA PHAN TSUN 'KHRUGS PA YI, ,TSER MAS
REG TSE KLU SGRUB ZHI BA LHA, ,BYAMS MGON MKHYEN RAB DBANG PHYUG
THUGS RJE'I GTER, ,MI G-YO RGYAL YUM SGROL MA LA SOGS PAS,
,DBUGS DBYUNG LUNG BSTAN

NYER DGU'I MTSAN PHYED DUS, ,BDE GSHEGS SGRA DBYANGS MI ZAD PAR
SGROG PA'I, ,ZHAL GZIGS RGYAS 'BRING BSDUS GSUM SBAS DON ZHUS,
,THO RANGS SPYAN RAS GZIGS KYIS THUGS BSKYED STZAL, ,NYI SHAR
MKHYEN PA'I GTER GYIS THE TSOM

BSAL, ,SMIN DRUG ZLA BA'I TSES DRUG BCUD LDAN GYI, ,MCHOD PA'I
SPRIN 'KHRIGS BCU GSUM GZIMS KHANG GI ,PHYI ROL BSTAN PA'I BDAG
PO BDEN PA BZHI'I, ,'KHOR LO BSKOR LA MCHOD DANG BDEN TSIG
BSGRUBS, ,PHYI NYIN BDE MCHOG

DGYES RDOR GYI, ,ZHAL GZIGS RIG 'DZIN SDOM PA ZHUS, ,BCO LNGA'I
ZLA SHAR 'JA' TSON DBUS, ,RGYAL YUM RJE BTZUN SGROL MA GZIGS,
,GZIMS KHRI LAS BZHENGS THAL MO SBYAR, ,T'A RE GSUNG ZHING MCHOD
TSOGS SPROS, ,THO RENGS

BZOD DKA'I SDUG BSNGAL GYIS, ,MNAR BA'I 'GRO LA THUGS BRTZE BAS,
,RGYAL LA YI CHAD 'KHRUNGS PA'I TSE, ,RJE BTZUN CHEN PO BIRWA
PA, ,SHAR PHYOGS KRI nA PA BYON NAS, ,YI CHAD MA BYED JI SRID
NA, ,NYER LEN PHUNG PO YOD RING DU, ,SKYE RGA

NA 'CHI RGYUN MI 'CHAD, ,KHYOD KYANG MI YI SKYE BA NI, ,BRGYUD
MAR NYI SHU LNGA YI RJES, ,'JAM PA'I DBYANGS KYIS RJES BZUNG
BAS, ,LNGA RIGS LAM MTHAR PHYIN CING, ,RNAM MANG ZHING MANG
BRGYUD BRGYUD NAS, ,RGYA GAR SHAR PHYOGS MU MU NAR, ,

@006B MI DBANG NYI MA'I STOBS 'PHEL SRAS, ,BSTAN LA RAB BYUNG DE
YI PHYIS, ,RKANG GNYIS GTZO BO DE BZHIN GSHEGS, ,DRI MA MED PA'I
DPAL ZHES PA'I, ,SANGS RGYAS 'GYUR ZHES CHED DU BRJOD, ,SMAL BO
ZLA BA'I TSES BRGYAD LA, ,DAM TSIG

NYAMS PA LEGS PAR GSOS, ,LHA YIS MCHOD PA'I TSOGS SBYAR BA'I,
,SGRA SNYAN THOS PAS NYE BAR GNAS, ,BI CI RIN CHEN GRAGS PA YIS,
,CI LAGS ZHUS PAS KHO BO CAG ,GZHAN DU 'GRO BA'I LTAS YIN
GSUNGS, ,DE'I TSE GSUNG

LAS SKYES PA'I SRAS, ,'PHAGS PA'I SPYI BOR PHYAG BZHAG NAS, ,BU
GCIG MDO RGYUD KUN GYI SNYING, ,DUS GSUM BDE GSHEGS GSHEGS PA'I
BSHUL, ,ZAB LAM BLA MA'I RNAL 'BYOR LA, ,NYAMS LEN SNYING POR
GYIS

SHIG DANG, ,GNAS SKABS MTHAR THUG DGE'O GSUNGS, ,BCU BZHI'I SKYA
RENGS SHAR BA'I TSE, ,DPA' BO MKHA' 'GRO'I TSOGS RNAMS KYIS,
,MCHOD SPRIN SPRO BA'I BSU MAR BCAS, ,CHOS DBYINGS DAG PA'I
ZHING DU GSHEGS, ,BCU

BDUN DRI BZANG LHA RDZAS KYIS, ,KLUBS TE SPUR SGROM NANG BZHUGS
NAS, ,KHRIR BKOD RGYAN GSOL MCHOD PAS MCHOD, ,NYER LNGA GE SAR
YU GUR RGYA, ,GNYIS GNYIS BOD BZHI MI BCU YIS, ,SGROM BTEG
TZANDAN DKAR DMAR SOGS, ,SPUNGS

DBUS LHA RNAMS ZHEL DU MCHOD, ,DE LAS BYUNG BA'I YA MTSAN GYI,
,BKRA SHIS RTAGS KYI RI MOS GANG, ,KHYAD PAR BDE DGYES SH'AKYA'I
GTZO, ,'JAM DBYANGS BYAMS MGON SPYAN RAS GZIGS, ,MI G-YO RJE
BTZUN SGROL MA SOGS, ,

@007A *, ,MNGON SUM BYON 'DRA'I SKU BRNYAN DANG, ,AA YIG SHA R'I
RAm SOGS KYI, ,NGO MTSAR BDUD RTZI'I CHAR PHAB PAS, ,MTHA' YAS
GDUL BYA'I SA GZHI LA, ,PHAN BDE'I LO TOG CI YANG BSKRUN, ,NOR
RGYAS NGAL BAR MA BYAS

SHING; ;RI RAB KYIS NI BSRUBS MIN YANG, ,CHOS RJE'I RNAM THAR
RGYA MTSO CHE, ,BSRUBS PA'I SNYING PO 'OD DKAR CAN, ,GANG 'DI
DAM PA'I MDZAD PA LA, ,RMONGS PA'I MUN STUG SEL BYED CING, ,BLO
GSAL MKHAS PA'I TSOGS RNAMS KYI, ,

RNAM DPYOD KU MU DA KA'I GNYEN, ,DE LTA'I DGE TSOGS RAL PA'I
CHU, ,DUS GSUM RNAM DKAR DAL 'GRO YI, ,RGYUN TSOGS RNAMS DANG
LHAN CIG TU, ,KUN MKHYEN RGYA MTSOR 'JUG GYUR CIG ,CES PA CHOS
KYI RJE SA SKYA PAntI TA'I RTOGS PA

BRJOD PA DRI ZA'I GLU DBYANGS CES BYA BA 'DI YANG, DGE BA'I
BSHES GNYEN CHEN PO DU MAS YANG YANG BSKUL BA LA BRTEN NAS,
SH'AKYA'I DGE SLONG BLO BZANG CHOS KYI RGYAL MTSAN GYIS, CHOS
GRVA CHEN PO DPAL LDAN 'BRAS SPUNGS

KYI GZIMS CHUNG NYI 'OD 'KHYIL BAR SBYAR BA'I YI GE PA NI BLO
BZANG DAR RGYAS SO,, ,,