*, ,G-YUNG STON RI KHROD PA'I RTOGS PA BRJOD PA NGO MTSAR RGYA
MTSO'I RBA RLABS KYI RANG SGRA ZHES BYA BA BZHUGS SO, ,

@001A #, ,NA MO GU RU MANYDZU GHO sh'A YA, GANG GI SPYAN DMAR
NYI 'OD PHRA MO YANG, ,REG PAS YA MU NA SPUN BE CON DANG, ,ZA
BYED 'BAR BA RI MO'I GNAS 'GOD PA, ,'CHI BDAG DGRA BOS DENG

'DIR DGE LEGS STZOL, ,MTHA' YAS 'OD KYIS RAL PA YONGS MDZES
PA'I, ,THUGS RJE'I RGYAN 'DZIN BCUD CHAGS GANGS LDAN GYI, ,THIG
LE TSONG 'DUS MGUR MO'I NYI SRAS PHYOGS, ,PHAN

BDE 'BRAS BU'I DGA' TSAL 'BYUNG BA'I GZHI, ,CHOS SDE CHEN PO ZHA
LU'I BYA 'DAB 'OG ,MKHAS GRUB DU MAS BSTEN PA G-YUNG GI RGYUD,
,RIG 'DZIN THABS SHES 'DUS PA SHAR RI'I RTZER, ,

RGYAL SRAS GZHON NU GSAR PA'I ZLA TSES 'KHRUNGS, ,DAM PA'I RANG
BZHIN 'GYUR BA MED PA DANG, ,YON TAN 'OD ZER RI MO 'BUM 'PHRO
BAS, ,BADZRA LAKshAR GRAGS PA DON DANG LDAN, ,MNGAL GYI

@002A *, ,RGYAL SA RNAM GROL LO ZUNG TSE, ,BSOD NAMS STOBS RGYAS
SMRA BA'I SENG GE'I DRUNG, ,SKYABS GSUM 'DZIN PA'I DGE BSNYEN
AUTPAL GYI, ,GE SAR BZHAD LDAN THUB BSTAN SGO RU ZHUGS,,

YAB RJE LAS 'ONGS RANG RIGS DBANG DANG RGYUD, ,MDOS MANG RANG
GZHAN PHAN BYED MAN NGAG GI ,GA BUR THIGS PAS GANG THUGS
BEEd'URYA'I, ,BUM BZANG YANGS PA'I GO SKABS RNAM PAR SPANGS, ,LO
NI TSES

KYI GRANGS LDAN SNGAGS 'CHANG DBANG, ,MNGA' STON SH'AKYA 'PHEL
GYI DED DPON LA, ,BRTEN NAS GSANG RNYING RGYA MTSO CHER ZHUGS
TE, ,BCU BDUN LON TSE 'CHAD PO'I GDAN KHRIR 'DZEGS, ,GNYAN STON
SH'AKA

SENG SGA STON GZI BRJID DANG, ,SHER 'BUM CHOS SKYONG 'BUM SOGS
RNYING MA YI, ,MKHAS GRUB BGRANG YAS THUGS KYI BCUD PHYUNG BA'I,
,SBRANG RTZI'I CHANG GIS MYOS PA'I BHRA MA RA, ,DBANG RGYUD MAN
NGAG

MDOS SOGS LAG LEN BRGYA'I, ,'PHUR LDING GLU DBYANGS LEN PA'I
SNYAN GRAGS KYIS, ,SA GSUM CIG CAR 'GENGS PA'I RGYAL RNGA
BRDUNGS, ,GANG TSE GSAR PA'I MYU GU CHES PHRA YANG, ,YON TAN
'BRAS BUS

@002B BRJID PA'I DPAG BSAM DBANG, ,'DI LTA'I NGO MTSAR LCAGS KYU
RNON PO YIS, ,DBANG PO'I PHYOGS KYI MI DBANG THUGS DRANGS PA'I,
,'GUGS BYED NOR BU'I 'OD 'BAR SHING RTA LA, ,SPYAN STONG MNGA'
BAS SA SRUNG BU BZHIN DU

ZHON MAS RNAM DPYOD PHUNG PO'I ZHING DU SONG, ,SA YI BRGYA BYIN
BZHED PA JI BZHIN DU, ,SNGAGS 'CHANG GZHAN GYI BLAR GNAS ZHAGS
PA YIS, ,LHA MI'I DBANG PHYUG THUGS KYI RI DVAGS BCINGS, ,MCHOD
SBYIN BRGYA PA'I DGE

LEGS PHAM BYED PA'I, ,PHYI NANG 'DOD DGU'I PHUN TSOGS DBYAR DUS
KYI, ,DGA' MA LANG TSO DAR BA'I LO HI TAR, ,NYIN BZHIN 'GRAN
YANG SNGON GOMS BAG CHAGS KYI, ,RAB TU BYUNG NAS DAM CHOS BSGRUB
PA LA, ,RTAG TU BU LTAR

SKAD CIG G-YEL MA GYUR, ,'DI NANG LHAS BSKOS PHRA BA LTAR SNANG
YANG, ,DAM CHOS SMON PA 'GRUB PA'I MTSAMS SBYOR DU, ,MI DBANG
MTHO RIS GZHAN GSHEGS GEGS BRAL BAS, ,GANGS KHROD DBUS SU BDER
SON YUM GYI

BKAG ,'DA' BAR MA NUS LO GNYIS DON RNAMS KUN, ,GRUB PA'I RNAM
THAR JI BZHIN LUS PHRA MA'I, ,MDZES SDUG LA CHAGS SGRA GCAN
'DZIN LTA BU'I, ,RIGS KYI SRAS BSKRUN YUM GYI RE BA BSKANGS, ,DE
DAG BAR GYI BDE 'BYUNG

RAL PA'I RTZER, ,THOS BSAM CHA BDAS CAN DANG 'BRAL MA MYONG,
,SHAR PHYOGS LAS THON YO BYAD PHRA BA YANG, ,DON MED MA BYAS ZHA
LU'I BSKOR KHANG DU, ,BDE GSHEGS STONG SKU YAB RJE'I NANG RTEN
BKOD, ,MA MA'I 'DI PHYI'I RE BA

@003A *, ,YI, ,AA MRA'I 'BRAS BU BSGRUB PA'I PHYIR, ,GDAN SA
CHEN PO SA SKYA DANG, ,CHU ZHAL MAndAL RGYAN GYUR PA'I, ,JI
SNYED CHOS KYI SDE RNAMS SU, ,YUM GYI LAG PAD SOR MO YI, ,CHU
'OD KYIS PHYE RKANG 'THUNG BCUD, ,BZANG PO'I

MCHOD YON LEGS SMON RTEN, ,PHUN TSOGS 'DAB STONG ZE'U 'BRU
BZHAD, ,NAM ZHIG BDAG NYID CHEN PO DE, ,BRGYAD LHAG BCU PHRAG
GNYIS LON PA, ,KUN DGA'I DBYAR 'BRING CHES GSUM DUS, ,KHYIM GYI
'CHING BA DAM PO BCANG, ,BSKAL

BZANG MNGON SHES DRUG LDAN BDUN PA'I RNAM DKAR GYI, ,LANG TSO
CHER RGYAS BRTAN MKHAS PHUN TSOGS 'BYOR PA CAN, ,GRAGS PA GZHON
NU BSOD NAMS GRAGS PA BKRA SHIS DPAL, ,MKHAN SLOB GSANG STON DAD
PA'I DGE 'DUN TSOGS

DBUS SU, ,NGES PAR 'BYUNG BLO PHA ROL SGRIB PA'I 'JING, ,GSOL
BZHI BANG RIM LDAN PAS BSRUBS PA LAS, ,RDZOGS PAR BSNYEN PA'I
SPONG SEMS BDUD RTZI YIS, ,LEGS PAR GANG BA'I RIN CHEN BUM BZANG
RNYED, ,KHYIM GNAS MTHON

MTHING RAL PA YIS, ,MNGON MDZES SNGAGS 'CHANG GZHON NU DE, ,DRI
BRAL GOS LA TSON BZHIN DU, ,YUD KYIS THUB DBANG GNYIS PAR GYUR,
,GZHAN YANG GRUB CHEN AOORYAN PA, ,'GRO BA'I 'DREN PA RANG BYUNG
RJE, ,RGYAL BA GNYIS PA RIN CHEN

GRUB, ,RTOGS LDAN MGON PO YE SHES DANG, ,'JAM DBYANGS RGYAL
MTSAN PA LA SOGS, ,RNAM MANG MKHAS GRUB DBANG SNGON DBYAR SKYES
'KHRIGS PA LAS, ,MDO RGYUD MAN NGAG ZAB RGYAS MU TIG CHAR BAB
PAS, ,RNAM DPYOD GSER

@003B LDAN DGA' MA TSIM ZHING MYOS PA'I MTHUS, ,LUNG RTOGS YON
TAN RTZA BCUD ME TOG 'BRAS BUS MDZES, ,MDOR NA BDAG NYID CHEN PO
DE'I, ,RNAM THAR RANG NYID KYIS BSKRUN PA, ,BCOS LHAD SGRO SKUR
DANG BRAL BA, ,JI BZHIN 'DI SKAD

BDAG GIS THOS, ,RGYA BOD MKHAS GRUB RNAMS KYI RNAM THAR LA,
,BSAMS NAS DE DAG RJES SU SLOB 'DOD KYANG, ,DUS KYI STOBS KYIS
SANGS RGYAS BSTAN PA NYAMS, ,TSAD MAR GYUR PA'I GANG ZAG PHAL
CHER 'DAS, ,BKA' LUNG RTZOD

MED RNAMS KYANG PHAL CHER NUB, ,BDAG KYANG PHAL CHER SNYOM LAS
DBANG GYUR NAS, ,SMOS RIN CHOG PA'I THOS BSAM MA GRUB MOD, ,'ON
KYANG NGES 'BYUNG DAD PA BRTAN PO YIS, ,THOB DKA' DAL 'BYOR MI
LUS THOB DUS 'DIR, ,

'KHOR BA'I BTZON RA 'DI LAS MA THAR CING, ,RNAM GROL THAR PA'I
LAM SNA MA ZIN NA, ,DAL 'BYOR THOB KYANG THOB PA DON RE CHUNG,
,DE SNYAM BSAMS NAS GZHON NU NOR BZANG BZHIN, ,YANG DAG LAM
STON DGE BA'I BSHES GNYEN BTZAL,,

RIN CHEN GSER LA PHANGS PA'I SEMS SPANGS NAS, ,BSHES DANG NGO
DGA' ZHOR SHAM MA YIN PAR, ,BSREGS BCAD BRDAR BA'I GSER BZHIN
YONGS BRTAGS NAS, ,MKHAS PAR GRAGS PA RNAMS KYI THUGS TSOD
BLANGS, ,MAN NGAG

MNGA' BDAG RNAMS KYI THUGS MDZOD BRUS, ,BKA' LUNG RTZOD MED
RNAMS KYANG CI THOB BYAS, ,DE DAG RNAMS KYI NANG NAS KHYAD PAR
DU, ,BSTAN PA'I SNYING PO BSKYED RDZOGS GNYIS LA SBYANGS, ,DE
BZHIN GSHEGS PA'I GSUNG RAB PHAL CHER

@004A *, ,GYI; ;BRJOD BYA RAGS RIM BLO YI YUL DU BAB, ,GRUB THOB
GONG MA RNAMS KYI SGRUB GNAS SU, ,YI DAM LHA YI BSNYEN PA TSAD
DU BSKYAL, ,DAM CAN MA MGON LCAM DRAL LA SOGS PA, ,DREGS PA'I
LHA SRIN SDE BRGYAD DAM

LA BTAGS, ,TSE RABS SNGA MA'I LAS 'PHRO SAD PA'I MTHUS, ,NGES
DON MTHAR THUG RDZOGS CHEN DON DANG MJAL, ,SEMS NYID YE SANGS
RGYAS PA'I RANG ZHAL MTHONG, ,SANGS RGYAS GZHAN DU TSOL BA'I
RTZOL BA BRAL, ,MTHONG DON 'DRIS

SHING DBANG 'BYOR THOB BYED THABS, ,GSANG SNGAGS RDO RJE THEG
PA'I NYE LAM MCHOG ,BSTAN 'GA'I MAN NGAG PHYAG LEN MA CHAG PA,
,LUNG THOB TZAM LA MA BZHAG PHU THAG BCAD, ,BSNYEN CING BSGRUBS
NAS LAS SBYOR TSAD LA PHAB CES DANG, ,

DE LTAR THOS BSAM CUNG ZAD BYAS PA'I MTHUS, ,THA SNYAD TSIG LA
MKHAS PAR GYUR MOD KYANG, ,RANG GI SEMS NYID GTAN LA MA PHEBS
NA, ,MKHAS KYANG DON CHUNG LUNG STONG RJES KYIS BKANG, ,DE SNYAM
BSAMS NAS SNYING PO MED PA YI, ,BYA

BA KUN SPANGS RI KHROD DGON PA RU, ,NANG DU YANG DAG 'JOG LA BLO
GZHOL NAS, ,BSAM GTAN 'GAL RKYEN MTHA' DAG SPONG BA'I THABS,
,NGES MED DBEN GNAS RI KHROD BAS MTHA' RU, ,GNAS BCAS RI DVAGS
RMAS MA'I TSUL

BZUNG NAS, ,PHA YUL THEM NANG GOM PA MI 'DOR BA, ,YUL GYI MNGON
ZHEN SPANGS PA'I RNAM THAR YIN, ,THOG MA MED NAS 'KHOR BA'I GNAS
'KHYAMS PHYIR, ,GNYEN DU MA GYUR SEMS CAN GCIG KYANG MED, ,PHAN
GNOD LAN

@004B CHAGS BDA' DOD YIN THAG BCAD, ,DGRA GNYEN 'DAM GA SPANGS
PA'I RNAM THAR YIN, ,BDAG 'DZIN MED PA'I SA PHUG BRAG PHUG DANG,
,RTZVA DANG LO MA'I SPYIL POR GNAS BCAS NAS, ,KA CAN KHANG BZANG
BDAG TU MI 'DZIN PA,,

GNAS LA CHAGS SEMS SPANGS PA'I RNAM THAR YIN, ,BYAMS PAS 'CHING
LA SDANG BAS MI 'CHING PHYIR, ,'DAM GA BYUNG NA BYAMS PAS SDANG
BA 'DAM, ,BYAMS RUNG SDANG RUNG 'PHRAL LA LAN MI LDON, ,ZAN GCIG
CHANG GANG

SPANGS PA'I RNAM THAR YIN, ,JI LTAR SKYID KYANG SKYID MKHAN RANG
GI SEMS, ,DE BZHIN SDUG KYANG SDUG MKHAN SEMS LAS MED, ,SEMS
DANG SEMS BYUNG 'KHRUL SHES YIN THAG BCAD, ,BDE SDUG RO SNYOMS
BYAS PA'I RNAM THAR

YIN, ,SKYON LA DNGOS DANG LTAR SNANG GNYIS YOD PHYIR, ,GZHAN
SKYON MI RTOG RTOGS KYANG BRTAGS TSAD MED, ,RANG SKYON BRTAGS
SHING DPYAD NAS TSUL MIN SPANGS, ,SGO GSUM BAG YOD BYAS PA'I
RNAM THAR YIN, ,RGYUD DRUG SKYE BZHIS

BSDUS PA'I SEMS CAN RNAMS, ,PHUNG KHAMS SKYE MCHED LAS DBANG GIS
BSDUS PHYIR, ,GDAN GSUM 'DZOM PA'I DKYIL 'KHOR YIN THAG BCAD,
,DAG SNANG PHYOGS MED 'BYONGS PA'I RNAM THAR YIN, ,PHAN BDE'I
'BYUNG GNAS

SANGS RGYAS BSTAN PA LA, ,PHAN GNOD BYED PA'I GANG ZAG MU BZHI
YOD, ,CHOS DANG CHOS MIN MU BZHI'ANG MTSUNGS THAG BCAD, ,GANG
ZAG TSAD 'DZIN SPANGS PA'I RNAM THAR YIN, ,SEMS CAN RNAM RTOG MI
MTHUN MTHA'

@005A *, ,YAS PHYIR, ,RGYAL BA'I CHOS TSUL BSAM GYIS MI KHYAB
PAS, ,MI MKHAS MKHAS RLOM RNAMS KYI NGAG MA NYAN, ,CHOS LA SGRO
SKUR SPANGS PA'I RNAM THAR YIN, ,'DUL BAR GNANG LA MDO SDER MA
BKAG CING, ,MNGON PA'I

DON DANG MTHUN NA MA GTOGS PA, ,GSANG SNGAGS SGRA BZHIN SPYOD
PA'I RJES MA 'BRANGS, ,DAM CHOS GZHUNG BZHIN BYAS PA'I RNAM THAR
YIN, ,GZHAN DON RLABS CHEN 'GRUB NA MA GTOGS PA, ,'DAG SBYAR
SMRA BCAD RI MTSAMS GANG RUNG

GIS; ;DUS 'DA' MDZAD SPYOD MI DANG MI BSTUN PA, ,SGRUB PA MTHA'
RU GDON PA'I RNAM THAR YIN, ,BUN BSKYED DANG NI GZHOGS SLONG
THOB 'JAL SPANGS, ,RNYED PAS RNYED PA MA BTZAL BAS MTHA' RU,
,LTO GOS SROG 'TSO TZAM LA CHOG

SHES BZUNG, ,LOG PA'I 'TSO BA SPANGS PA'I RNAM THAR YIN, ,'TSO
BA'I YO BYAD PHRAN TSEGS MA GTOGS PA, ,ZHING GZHIS MI 'DZIN SDIG
NOR MI 'CHANG BAR, ,YO BYAD CUNG ZAD LHAG KYANG YONGS SU GTONG,
,'DOD LA CHAGS PA

SPANGS PA'I RNAM THAR YIN, ,'DUL BA LAS GSUNGS GNANG BKAG DPANG
BTZUGS NAS, ,BCAS DANG RANG BZHIN KHA NA MA THO LA, ,SROG LA BAB
LA THUG KYANG 'DZEM PA 'DI, ,RGYU 'BRAS KHYAD MA BSAD PA'I RNAM
THAR YIN, ,DGRA'AM GNYEN

NAM LTOS MED GZHAN YANG RUNG, ,BDAG LA CHER BRNYAS GNOD PA CI
BYAS KYANG, ,NGAN LAN MI LDON KHON DU MI 'DZIN PA, ,KUN LA ZHE
'GRAS SPANGS PA'I RNAM THAR YIN, ,RANG NOR GZHAN GYIS BRKUS SAM
PHROGS KYANG RUNG, ,DE RJES

@005B MI GCOD GNAS SKABS MTHAR THUG TU, ,DE LA PHAN PAR 'GYUR
BA'I SMON LAM 'DEBS, ,SBYIN GNAS PHYOGS RIS MED PA'I RNAM THAR
YIN, ,GNAS SKABS BAG MI LDAN PA LTAR SNANG YANG, ,GNANG BKAG
BRTZIS NA LTUNG BAR MI 'GYUR NA, ,CHE CHED

LO 'DOD PHYIR DU TSUL MA BCOS, ,TSUL KHRIMS NGO LKOG SPANGS PA'I
RNAM THAR YIN, ,ZAG BCAS MNGON SHES TZAM YANG MA THOB CING,
,SANGS RGYAS BSTAN PA'I PHYIR DU MI 'GYUR NA, ,RANG 'DOD MNGON
SPYOD LAS LA MI BRTZON PA, ,BZOD PA'I

GO CHA GYON PA'I RNAM THAR YIN, ,SKYES MTHA' 'CHI NGES 'CHI
RKYEN 'TSAMS PA MED, ,NAM 'CHI CHA MED DRAN PA RGYUN CHAGS KYIS,
,TSUL GNAS THOS BSAM SGOM LA 'BAD PA DANG, ,BRTZON 'GRUS DANG DU
BLANGS PA'I RNAM THAR YIN, ,RNAM RTOG GANG

SKYES MI 'GEGS NGOS BZUNG NAS, ,RANG SNANG RANG STONG RANG RIG
MA 'DRES PA, ,RANG GSAL RTOG MED NGANG LA GNAS PA 'DI, ,BSAM
GTAN MNYAM PAR BZHAG PA'I RNAM THAR YIN, ,'KHOR 'DAS LAM GSUM
RNAM PA GANG SNANG

YANG, ,SNANG SRID STONG GSUM MA 'DRES YONGS SU RDZOGS, ,THA
SNYAD MTHAR 'DZIN GRUB MTHA'I RJES MA 'BRANGS, ,BDAG MED SHES
RAB THOB PA'I RNAM THAR YIN, ,SGRA TSAD SNYAN DNGAGS SDEB SBYOR
MA SBYANGS PAS, ,MKHAS PAR GRAGS

PA'I GRAGS PA BDAG LA MED, ,BLA MA'I DRIN GYIS GO RGYU RIG GCIG
GO ,SGRO 'DOGS NANG NAS CHOD PA'I RNAM THAR YIN, ,LUS KYI LAS SU
RDO RJE'I SKYIL KRUNG BCAS, ,NGAG GI LAS SU RDO RJE'I BZLAS PA
BYAS, ,YID KYI LAS SU RDO RJE SEMS

@006A *, ,DPA' BSGOMS, ,SGO GSUM RNAL DU PHAB PA'I RNAM THAR
YIN, ,MDOR NA BDAG GI RGYUN GYI LAG LEN BZHI, ,SDIG BSHAGS DGE
BSNGO SMON LAM RGYA CHEN BTAB, ,MA YENGS DRAN PA BLA MA'I ZHAL
GDAMS LA, ,

NYAMS SU LEN TSUL MDOR BSDUS 'DI LTAR BGYIS, ,GZUGS NAS RNAM
MKHYEN BAR GYIS BSDUS PA'I CHOS, ,'KHOR 'DAS LAM GSUM RNAM PA
GANG SHAR YANG, ,RANG GI SEMS YIN SEMS LAS DON GZHAN MED, ,SEMS

KYI CHOS NYID RANG GI NGO BOS STONGS, ,JI LTAR STONG YANG STONG
MKHAN GZHAN BYUNG MIN, ,SNANG STONG GNYIS DANG GNYIS MED GANG
RUNG DU, ,RIG KYANG RANG RIG YIN GYI GZHAN RIG MIN, ,DES NA 'DI
LTAR SNANG BA'I CHOS RNAMS KUN, ,SNANG

RIG STONG GSUM MA 'DRES YONGS SU RDZOGS, ,THAG CHOD YID CHES
RANG SO MA SHOR BAR, ,GANG SHAR BZO DANG BRAL BAR NYAL BA 'DI,
,G-YUNG STON HRUL PO BDAG GI NYAMS LEN LAGS, ,RANG DON CHOS SKU
MNGON DU GYUR TZA NA, ,GZHAN

DON GZUGS SKU'I 'PHRIN LAS SHUGS LA 'BYUNG, ,NAM ZHIG GDUL BYA
DUS LA BAB DUS SU, ,RTZOL MED 'GRO DON 'GRUB PA RTEN 'BREL YIN,
,ZHES GSUNGS, JI BZHIN LUNG RTOGS NOR BU YIS, ,YONGS GANG 'CHAD
RTZOD RTZOM PA'I

RLABS KYI PHRENG, ,G-YO BAS 'PHAGS YUL CHOS KYI RGYA MTSOR
'GRAN, ,MGON DE'I ZAB RGYAS BKA' YI MANDA RAS, ,BLO GROS MGUL
BA'I RGYAN DU MDZES BYAS PA, ,G-YAG SDE PAn CHEN GRUB CHEN
KARMA PA, ,ROL PA'I RDO RJE GZHAN YANG RNYING MA

@006B YI; ;RGYUD 'DZIN MKHAS GRUB DAM PA BGRANG YAS KYIS, ,GANGS
CAN BYA RGOD PHUNG PO'I RI BO BZHIN, ,RNAM DKAR MDZAD PAS RANG
GZHAN DON BSGRUBS TE, ,DPA' BO G-YUL RGYAL NOR BU LON PA BZHIN,
,GTZANG PHYOGS PHUNG PO RI BO CHE YI 'DABS,

BRAG RGYA RDO RJE'I PHO BRANG ZHES BYA BAR, ,'KHOR LOS BSGYUR
RGYAL NOR BU'I PHO BRANG NAS, ,RIN CHEN KHANG BZANG GZHAN DU
'JUG PA LTAR, ,MKHA' SPYOD RIG PA 'DZIN PA'I GNAS GSHEGS TE,
,SNA TSOGS SPRUL PA'I BKOD PA 'BUM PHRAG

GIS; ;'GRO RNAMS PHAN BDE'I DPAL LA 'GOD PAR MDZAD, ,'DI LTAR
BSKRUN PA'I RNAM DKAR CHU SHEL 'OD, ,NAM MKHA'I KHYON KUN GANG
BAS SA GSUM GYI, ,GDUNG BA'I MUN BSAL DGE LEGS KU MU DA, ,RNAM
RGYAL KUN MKHYEN ZE'U 'BRUS

MDZES GYUR CIG ,TSUL 'DI KUN MKHYEN CHEN PO'I GDAN SA PA, ,SANGS
RGYAS DPAL BZANG LA SOGS DGE BA'I BSHES, ,MANG POS BSKUL TSE
CHOS KYI RGYAL MTSAN GYIS, ,G-YUNG STON RANG GIS MDZAD PA'I
RNAM THAR LAS, ,BYUNG BA JI BZHIN

CHOS KYI SDE CHEN PO, ,BKRA SHIS LHUNG PO'I GTZUG LAG KHANG DU
SBYAR, ,DEB SNGON DU 'KHRUNGS LO SHING SPRE DANG SBREL NAS
BSNYEN RDZOGS MDZAD PAR BSHAD KYANG, RGYAL BA G-YUNG RANG
NYID KYIS MDZAD PA'I RNAM THAR DU 'DIR BKOD PA BZHIN YOD

PA; YID CHES PAR BYA'O, ,ZHES PA'I YI GE PA BLO BZANG DAR RGYAS
SO,, ,,