@00 *, ,SKYE DGU'I BDAG MO'I RTOGS BRJOD NGO MTSAR 'DAB BRGYA
RGOD PA'I PADMO ZHES BYA BA BZHUGS SO, ,

@001A #, ,NA MO GU RU RATNA TRA Y'A YA, BDE GSHEGS KUN GYIS
BSTOD DBYANGS KYI, ,RIN CHEN MDZES PA'I ME TOG TSOGS, ,LHA LAM
'GOG PAS MNGON MCHOD PA, ,SH'AKYA

SENG GE LA PHYAG 'TSAL, ,GRANGS MED BSKAL PAR LEGS SPYAD KYI,
,'BRAS BU DAR BA'I 'O 'DZIN GYI, ,MCHOD YON DAM PAS ZLA TSES
'DRA'I, ,RGYAL BA BSKRUN MDZAD BSNGAGS PAR 'OS, ,

DZAMBU BRiKshAS MDZES BYAS PA'I, ,GLING GI LANG TSO'I THIG LE
GANG, ,GRONG KHYER SER SKYA ZHES GRAGS PA, ,ROL PA GSUM GNAS
SKYED TSAL GYI, ,SPYI BOR GOM PA RNAM 'JOG PA'I, ,GRAGS PA'I

BA DAN SRID RTZER 'PHUR, ,DER NI GSER DNGUL ZANGS LCAGS KYI,
,TZA KRAS DBANG BYED RIGS DAG GI ,KHA BA'I SA 'DZIN KHROD GNAS
PA, ,SENG GE'I 'GRAM ZHES BYA BA YI, ,DPUNG PA GTUM POS

@002A *, ,MTHAR BYED KYANG, ,LAN BRGYAR PHAM BYED 'DZAM GLING GI
,GZHU THOGS KUN GYI COD PAN BYUNG, ,DE YI SNYING MTSOR RANG RIGS
LA, ,'KHOR LO'I STOBS KYIS DBANG BSGYUR BA'I, ,MI

DBANG 'BYUNG BAR SMON PA YI, ,DBU BA DKAR PO KUN NAS 'KHRIGS,
,DE NI ZAS GTZANG ZAS DKAR DANG, ,BRE BO ZAS DANG BDUD RTZI ZAS,
,GTZANG DKAR BRE BO BDUD RTZI MAR, ,GRAGS LDAN 'CHI MED GZHON

NU'I TSOGS, ,SKYENGS BYED SRAS DANG SRAS MO YIS, ,MDZES PA 'DREN
BYED STONG LDAN NI, ,NYE DBANG TSOGS KYIS BSKOR BA BZHIN, ,SNGON
TSE GNYIS SKYES SER SKYA YIS, ,SA LE SBRAM GYI KA LA SHA ,LAS

'ONGS BTUNG BYA'I PIR GYI RTZES, ,RI MOR BRIS PA'I GRONG KHYER
GYI, ,AINDRA N'I LA'I YOL GO NI, ,SH'AKYA'I RIGS KYI 'BRAS DKAR
GYIS, ,BYUR POR GTAMS PA'I LHAG 'GOD PA, ,LHA YIS BSTAN PA'I

GRONG KHYER NI, ,MKHAR NYAL GRONG KHYER LTA NA SDUG ,DUS KYIS SA
LA BAB 'DRA YOD, ,DER YANG SH'AKYA'I RIGS DAG LAS, ,LEGS PAR
SPYAD PA RAB SAD PA, ,SA LA GNAS PA'I BRGYA BYIN BYUNG, ,DE YIS

@002B BSKRUN PA'I DGA' BA'I TSAL, ,GSER DNGUL AINDRA N'I LA
DANG, ,PADMA R'A GA ZLA SHEL GYI, ,MDANGS LDAN ME TOG THOD MDZES
SHING, ,MRGAD GSAR PA'I SPU LONG GIS, ,RAB MDZES G-YU YI RKANG
'THUNG 'KHRIGS, ,SBRANG RTZI'I 'BRAS

BU'I DGA' STON LA, ,DUS RNAMS KUN TU MGRON GNYER BA'I, ,BZA'
SHING PHRENG BA TSAR DU DNGAR, ,PADMA AUTPAL KU MU DA, ,PUndA RI
KA'I STOD G-YOGS KYIS, ,MDZES PA'I 'BAB CHU LHUNG LHUNG SGROG
,RMA BYA GZHON NU GAR BYED CING, ,KO

LI MGRIN PA'I DRIL CHEN 'KHROL, ,MRGA TA YI NE'U GSING LA, ,ME
TOG SNA TSOGS GCAL BKRAM PAS, ,KUN DGA' BSKYED PA'I LUMBI'I
TSAL, ,BDAG POS RANG GI DGA' MAR BSTZAL, ,DA LAS DE LA BTZUN MO
NI, ,LUMBI NI

ZHES RAB TU GRAGS, ,RING POR MA LON GZHON NU MA, ,DES NI MA YI
DNGOS THOB STE, ,'DZAM GLING 'DREN BYED DGA' STON KUN, ,SPUNGS
'DRA'I BU MO BTZAS PAR GYUR, ,DE TSE KUN GYIS 'DI 'DRA BA'I,
,MDZES SDUG BYED PO'I SGYU MA

YIS; ;MNGON PAR SPRUL PA NYID YIN CES, ,LHA MO SGYU 'PHRUL ZHES
BYA BA, ,MING NI DON DANG LDAN PAR BYAS, ,'DI LAS STOBS KYI
'KHOR LO YIS, ,BSGYUR BA'I MI DBANG 'BYUNG 'GYUR ZHES, ,GNYIS
SKYES BRTAG PAR MKHAS PAS

BSTAN, ,SLAR YANG 'JIG RTEN MA LUS PA'I, ,MDZES KUN GZUGS CAN
BZHIN GYUR PA'I, ,DPAL DANG LDAN PA'I YID 'ONG MA, ,GNYIS PA
BSOD NAMS BZHIN DU BYUNG, ,LANG TSO'I PADMO GSAL BA 'DI, ,DPE
ZLA SPANGS SHING SGYU MA YIS, ,

@003A *, ,CHED DU LHAG PAR SPRUL PA BZHIN, ,DE PHYIR SGYU MA LHA
MDZES SAM, ,LHA MO SGYU 'PHRUL CHEN MO ZHES, ,PHYOGS KUN SGRA
'DZIN RGYAN DU BYAS, ,MTSAN BZANG SUM CU RTZA GNYIS KYIS, ,BKRA
BA'I MI MCHOG YUM 'GYUR ZHES, ,

GDANGS SNYAN RNA BA'I BCUD LEN BKYE, ,DGE MTSAN LDAN PA'I MCHED
GNYIS PO, ,PHYI NANG THABS LA MKHAS PA YIS, ,RDZING GI SBRANG
'DZIN LTAR BSKYANG CING, ,YAB KYIS GZHU BRTAN SRAS PO LA, ,BDAG
LA BUD MED RIN PO CHE, ,ZUNG MCHIS

DE LAS CI DGYES PA, ,GZHON NU ZAS GTZANG DGYES PA'I SLAD, ,BZHES
CES BYA MA RTA LA SPRINGS, ,DE NAS MI DBANG SENG 'GRAM GYIS,
,GNYIS KA'ANG GZHON NU LA 'OS MOD, ,DANG POR SGYU 'PHRUL CHEN MO
ZHES, ,NU LDAN YID 'ONG LNGA BRGYA YI, ,

'KHOR GYIS BSKOR TE BAG MAR BLANGS, ,DE NAS RE SHIG SH'AKYA'I
TSOGS, ,BDE BAR SPYOD PA'I MI MTHUN PHYOGS, ,RI BRAG BSTEN PA'I
STOBS RGYAS PA, ,GZHOM PHYIR MI YI BDAG PO MCHOG ,SENG GE'I
'GRAM LA GSOL BA'I TSE, ,

LAN DU MI YI DBANG PO DES, ,KHO BO'I LANG TSO'I DPAG BSAM SHING,
,RGA BA'I GNAM LCAGS KYIS BCOM PAS, ,TSOGS LA 'TSE BA'I TSA
GDUNG DAG ,BCIL BA'I GRIB BSIL CI ZHIG SMOS, ,'ON KYANG KHYED
KYIS DAM PA ZHIG ,SBYIN NA

GZHON NU ZAS GTZANG MA, ,DGRA RNAMS GDUL PHYIR MNGAGS CES
SMRAS, ,DE TSE KUN GYIS RGYAL PO'I BKA', ,GTZUG GI RIN CHEN DAG DANG
'GROGS, ,DE NAS SENG GE 'GRAM GYI SRAS, ,YAN LAG BZHI PA'I DPUNG
GI TSOGS, ,BSRUNG DANG

@003B GZHOM PA'I CHA BKOD PA, ,SBYIN SRAS PHAM PAR BYED PA YI,
,BRGYA BYIN G-YUL DU ZHUGS PA BZHIN, ,DPUNG BCAS DUS MTHA'I
SPRIN NAG LAS, ,MDA' MTSON RDO RJE'I ME CHAR GYIS, ,SA 'DZIN
PHRAG GNAS BSKYAB SENG TSOGS, ,SDE

DANG BCAS PA'I BRAG RI BSNYIL, ,DE NAS SH'AKYA'I TSOGS RNAMS
KYI, ,DAM TSIG GSER GYI ZHAGS PA YIS, ,BCINGS PA GROL BA'I MCHOG
BLANGS TE, ,SLAR YANG BUD MED BRGYA PHRAG LNGA'I, ,'KHOR GYIS
BSKOR BA'I SGYU 'PHRUL MA,, ,

DPAL GYI 'BYOR PAS CHUN MAR BLANGS, ,NAM ZHIG LHA MO SGYU 'PHRUL
CHE, ,SRID ZHI KUN GYI DGE LEGS KYI, ,GSER SBYANGS RDUL MANG
BRTZEGS PA YI, ,MTSAN DPE'I ME TOG RGYAS PA LTA'I, ,MI DBANG ZAS
GTZANG SRAS BSKRUN NAS, ,GNAM

BSKOS SHEL GYI THEM SKAS LAS, ,SUM CU RTZA GSUM GNAS SU GSHEGS,
,DE NAS BTZUN MO SGYU 'PHRUL MAS, ,BLTAMS MA THAG PA'I RGYAL
BA'I SRAS, ,DON KUN GRUB PA'I GZHON NU DE, ,SNA TSOGS THABS KYIS
BSKYED PA YIS, ,RGYAL

BA'I YUM ZHES SGRA SNYAN GYI, ,SIL SNYAN PHYOGS KYI MDZES MAS
DKROL, ,MTHA' DAG SKYE BO MA LUS PA, ,BYAMS PA'I NU ZHOS SKYONG
MDZAD PAS, ,SKYE DGU'I BDAG MO CHEN MO ZHES, ,GTZANG MA'I GNAS
KYANG CA COR GYUR, ,RING PO MA LON

SGYU 'PHRUL MA, ,YID BZHIN GYI NI PAD MTSO LAS, ,RGYAL SRAS DON
KUN GRUB PA YI, ,RJES 'GRO YID 'ONG STON PA'I GCUNG, ,DGA' BO'I
PUndA RI KA 'KHRUNGS, ,DE NAS BYANG CHUB SEMS DPA' NI, ,GZHON
NU'I ZOL GYIS SGYU RTZAL DANG, ,

@004A *, ,BTZUN MO'I 'KHOR DANG NGES PAR 'BYUNG, ,DKA' BA SPYOD
DANG BDUD DPUNG 'JOMS, ,BYANG CHUB SNYING POR RIM GSHEGS TE, ,MI
ZAD MKHYEN BRTZE'I RGYAN 'DZIN LAS, ,DAM CHOS BDUD RTZI'I CHAR
PHAB STE, ,SA

GSUM 'OD KYIS YONGS BKANG NAS, ,SLAR YANG SER SKYA'I SKYED TSAL
DU, ,SRID NA DPE ZLA DANG BRAL BA, ,YAB SRAS MJAL BA'I NGO MTSAR
GYIS, ,RNAM MANG GDUL BYA'I TSOGS RNAMS KUN, ,MTHA' YAS SRID
MTSO CHE LAS BSGRAL, ,

DE TSE ZAS GTZANG BTZUN MO'I MCHOG ,'DIS MTSON SH'AKYA'I MA
SRING DANG, ,BU MO'I TSOGS RNAMS THAMS CAD KYIS, ,STON PA'I ZHAL
GYI BUM BZANG LAS, ,BYUNG BA'I BDUD RTZI NGOMS PAR 'THUNGS, ,DE
NAS YONGS BGRANG 'GA'

ZHIG NA, ,BDE BAR GSHEGS PA BCOM LDAN GYI, ,ZHABS SKYES NOR BU'I
'OD CHAGS PAS, ,BKRA SHIS RI MO 'DRI BZHIN DU, ,GDUL BA'I DON DU
GZHAN DU GSHEGS, ,SLAR YANG DGE MTSAN 'BUM PHRAG BRGYA'I, ,'OD
'BAR SER SKYA'I

GRONG KHYER GYI, ,N+YA GRO DHA YI SKYED TSAL GYI, ,GTZUG LAG
KHANG CHEN SENG GE'I KHRIR, ,GSER GYI LHUN PO'I SPO BZHIN
BZHUGS, ,DE'I TSE RGYAL YUM SH'AKYA MO, ,LNGA BRGYA'I 'KHOR DANG
LHAN CIG TU, ,LHAG PAR DAD PA'I ZLA ZER GYIS, ,LAG PAD

SNYING GAR ZUM BYAS TE, ,GZHAL MED GTZUG RGYAN PHANG PA RU,
,ZHABS STEGS GSER GYI KHRI BLANGS TE, ,MGRIN PA'I DRIL CHUNG
'KHROL BA'I SGRAS, ,STON PA LA NI 'DI SKAD GSOL, ,BDAG CAG BUD
MED TSOGS RNAMS KYIS, ,MTHONG

@004B BA'I CHOS LA DGE SBYONG GI ,'BRAS BU GNYIS ZUNG 'THOB LAGS
NA, ,BSTAN LA RAB BYUNG DGE SLONG MA'I, ,DNGOS POR SPYOD CING
'TSO BA'I BAR, ,BCOM LDAN 'DAS KYI SPYAN SNGAR NI, ,TSANGS SPYOD
SPYAD PAR CI GNANG ZHES, ,LAN GSUM NAN TAN

BCAS PAS GSOL, ,DE'I TSE RGYAL BA KUN MKHYEN PA'I, ,ZHAL BZANG
BANDU DZI BA KA'I, ,GE SAR BZHAD PA'I DBUS GNAS PA, ,LJAGS YANGS
BUNG BA'I RGYUD MANG SGRAS, ,GO'U TA MI JI SRID DU, ,KHYIM NANG
DKAR BA'I GOS GYON LA, ,DE TZAM

'BA' ZHIG GIS TSANGS PAR, ,SPYOD CIG DE YIS YUN RING DU, ,PHAN
BDE BSKYED CES 'BYUNG MA GNANG, ,DE NAS THUB PA BCOM LDAN 'DAS,
,PHUN TSOGS RTZIBS STONG GIS MTSAN PA'I, ,ZHABS ZUNG 'KHOR LO'I
'DEGS 'JOG GIS, ,

NA DI KA YI YUL GSHEGS TE, ,KUN CI KA YI GNAS BZHUGS TSE, ,SKYE
DGU'I BDAG MO 'KHOR BCAS KYANG, ,RGYAL BA'I ZHABS SEN REG PA'I
RDUL, ,MCHOG STZOL BSAM 'PHEL DBANG GI RGYAL, ,MTHAR GYIS TSOL
ZHING PHYI BZHIN

SONG; ;SKRA BREGS SBYAR MA GYON BYAS TE, ,BCOM LDAN DE BZHIN
GSHEGS PA LA, ,BKUR STI'I 'THOR 'THUNG GIS MCHOD NAS, ,SNGON MA
JI BZHIN LAN GSUM DU, ,GSOL TSE THAMS CAD GZIGS PA YIS, ,GO'U TA
MI SKRA BREGS

SHING; ;SBYAR MA GYON PA 'BA' ZHIG GIS, ,SPYOD GSUNG RAB TU
'BYUNG MA GNANG, ,DE NAS DE DAG SGO KHANG DU, ,'DOD PA'I DPAG
BSAM 'BRAS BRAL BAS, ,YID KYI BUD SHING MYA NGAN GYIS, ,SBAR
BA'I ME CHEN GZHOM PA'I PHYIR, ,SPRIN DANG BRAL

@005A *, ,YANG MIG MKHA' LAS, ,MCHI MA'I CHAR RGYUN CI YANG BAB,
,DE TSE SHUGS RING DUD MO YI, ,LCAGS KYUS DRANGS PA'I KUN DGA'
BOS, ,DRIS SHING LDON PA'I AUTPAL PHRENG, ,SPEL MTHAR DBUGS
DBYUNG KUN

DGA' BOS, ,SA GSUM 'GRO BA'I BLA MA LA, ,BUD MED RAB TU 'BYUNG
BA DANG, ,BSNYEN PAR RDZOGS PHYIR LAN GSUM GSOL, ,DE TSE STON PA
THAMS CAD MKHYEN, ,YID 'ONG ZHAL GYI PADMO'I NGOGS, ,TSEMS DKAR
ZE'U 'BRU

RGOD BZHIN DU, ,'BYUNG PO KUN LA DPAL STER BA'I, ,BDUD RTZI
SKYUGS BZHIN 'DI SKAD STZAL, ,DAM CHOS SNYING PO 'DUL BA LA,
,BUD MED RAB TU 'BYUNG BA DANG, ,BSNYEN PAR RDZOGS PAR MA GSOL
ZHIG ,BUD MED RAB

BYUNG BSNYEN RDZOGS PA, ,RGYAL BA'I NANG MDZOD DAM PA'I CHOS,
,'DUL BA YUN RING GNAS PA'I DGRA ,BUD MED MANG ZHING SKYES PA
NYUNG, ,DER NI CHOM POS 'JOMS SLA ZHING, ,'BRAS DKAR SA LU'I
TSAL BZANG PO, ,

SER BA'I 'KHOR LOS 'JOMS PA DANG, ,BU RAM ZHING LA RTZVA YIS
BZHIN, ,BSTAN PA'I RTZA BA 'DUL BA NYID, ,YUN RING GNAS PA'I
GSHED NYID PHYIR, ,'ON KYANG JI SRID 'TSO BA'I BAR, ,DGAG CING
MTSAMS LAS MI

'DA' BAR, ,LCI BA'I CHOS BRGYAD LA BRTEN NA, ,DE NYID RAB BYUNG
BSNYEN RDZOGS CES, ,SANGS RGYAS BKA' YI 'OD DKAR GYIS, ,KUN DGA'
YID KYI KU MU DA, ,RGOD CING YUM LA RJES SU BSTAN, ,DE NAS DE
YIS THAL SBYAR

@005B TE; ;JI SKAD STZAL BA'I CHOS BRGYAD PO, ,YID NGAG SPYI BOS
BSTEN NO ZHES, ,KHAS BLANGS MOD LA 'KHOR DANG BCAS, ,DGE SLONG
MA YI DNGOS PO THOB, ,DE DAG 'KHOR LO RNAM GNYIS LA, ,BRTZON
PA'I THABS SHES

GSHOG PA ZUNG, ,BGRAD NAS SDUG BSNGAL RGYA MTSO CHE'I, ,PHA ROL
RIN CHEN GLING DU SONG, ,RGYAL BA'I YUM 'DI'I BKA' DRIN LAS,
,KHRIMS LDAN NGUR SMRIG GOS 'CHANG ZHING, ,SDE SNOD GSUM GYI DON
RTOGS NAS, ,

'CHAD RTZOD RTZOM PA'I RNGA CHEN BRDUNG, ,TING 'DZIN BDE LA RTAG
ROL ZHING, ,MNGON SHES RDZU 'PHRUL BSAM MI KHYAB, ,SRID MTSO CHE
LAS BSGRAL GYUR PA'I, ,'PHAGS MAS RGYA MTSO'I GOS CAN GANG, ,NAM
ZHIG THUB

PA'I NYI MA DE, ,DUS KYI NUB RIR GZHOL BA'I TSE, ,STON PAS DGE
'DUN MTHUN PA YI, ,BSNGAGS PA BRJOD PA'I DON DGONGS NAS, ,DGRA
RNAMS BCOM PA'I DGE SLONG MA, ,LNGA BRGYA'I TSOGS DANG LHAN CIG
TU, ,BSAMS

BZHIN SKU TSE'I 'DU BYED BTANG, ,ZAG MED ZHI BA'I DBYINGS SU
GZIMS, ,SKABS DER STON PA SANGS RGYAS KYIS, ,DE DAG PHUNG PO MA
NYAMS PAR, ,DGE SLONG RNAMS LA BSTAN MDZAD NAS, ,LTOS SHIG 'DI
RNAMS BCU PHRAG

GNYIS, ,LHAG PA'I BRGYA PHRAG LO LON KYANG, ,GZHON NU MA YI LANG
TSOR LDAN, ,ZHES SOGS RGYUD GLENG BCAS PA STZAL, ,BKUR STI MDZAD
NAS GDUNG YANG SBYANGS, ,KHAMS GSUM MGON PO RGYAL BAS KYANG,
,GDUNG LA

@006A *, ,RIM GRO CHER MDZAD NA, ,LHA DANG BCAS PA'I 'JIG RTEN
GYIS, ,MCHOD PAR 'OS PA SMOS CI 'TSAL, ,DE LTAR RGYAL BA'I YUM
GYI MDZAD PA YI, ,RTOGS BRJOD 'DAB BRGYA RGOD PA'I DPAG BSAM
'DI, ,DGE

SLONG BLO BZANG CHOS KYI RGYAL MTSAN GYIS, ,'DUL LUNG JI BZHIN
'PHAGS PA'I DBYANGS SU BSDEBS, ,'DIS MTSON DUS GSUM RNAM DKAR
DGE BA'I MTHUS, ,TSE RABS KUN TU RJE BTZUN RNAL 'BYOR MAS,
,DGYES

BZHIN 'BRAL MED RJES SU 'DZIN PA DANG, ,'GRO KUN DON DU SANGS
RGYAS MYUR THOB SHOG ,CES 'PHAGS MA SKYE DGU'I BDAG MO GO'U TA
MI'I RTOGS BRJOD NGO MTSAR 'DAB BRGYA RGOD PA'I PADMO ZHES PA
'DI YANG, BKRA

SHIS RTZE NAS CHOS MDZAD MA BLO BZANG CHOS 'DZIN GYIS, 'PHAGS MA
'DI SPYIR BUD MED MTHA' DAG DANG SGOS SU RAB BYUNG MA RNAMS LA
MCHOG TU BKA' DRIN CHE BAR 'DUG PAS RTOGS PA BRJOD PA ZHIG DGOS
CES

YANG YANG NAN GYIS BSKUL BA LA BRTEN NAS, SH'AKYA'I DGE SLONG
BLO BZANG CHOS KYI RGYAL MTSAN GYIS BKRA SHIS LHUN PO'I GZIMS
KHANG RGYAL MTSAN MTHON PO'I GZIMS CHUNG BKA' GDAMS PHO BRANG
DU SUG BRIS

SU BYAS PA LAS DGE TSUL BLO BZANG DAR RGYAS KYIS BRIS PA'O,, ,,