*, ,MKHYEN RAB DBANG PHYUG GRAGS PA BZANG PO'I RNAM THAR MDOR
BSDUS BZHUGS, ,

@001A #, ,AOm BDE LEGS SU GYUR CIG ,GANG GI SNYAN GRAGS MKHAS PA
MTHA' DAG GI ,RNA BA'I RGYAN STZAL BZANG PO'I YON TAN KUN, ,GCIG
TU BSDUS 'DRA MKHYEN

RAB DBANG PHYUG LA, ,GUS PAS BTUD NAS DE YI RNAM THAR BRI,
,MKHYEN RAB DBANG PHYUG GRAGS PA BZANG PO NI, DMAR KHAMS STOBS
LDAN TSAL DU YAB TSE THAR YAG DANG, YUM

BSAM SGYID GNYIS KYI SRAS GSUM YOD PA'I CHUNG BA YIN, BLA MA DBU
MA PA DANG 'KHRUNGS YUL YANG GCIG CING, LO LNGA DRUG LON PA'I
DUS SU BLA MA DBU MA PA DANG MJAL

NAS TSE DBANG DANG, 'JAM DBYANGS KYI RJES GNANG ZHIG ZHUS PAS
DGYES PA'I ZHAL TA BYON, YAB YUM GNYIS LA, KHYED GNYIS KYI BU
CHUNG BA 'DI CHOS SGOR CHUG LA DBUS

@002A *, ,GTZANG DU SLOB GNYER LA THONG, NGED KYI BLA MA YANG
YIN, SLOB MA YANG YIN, DKA' BZHI PA BLO BZANG GRAGS PA SOGS KYI
ZHABS LA GTUGS NA, BSTAN PA LA

PHAN THOGS CHEN PO 'ONG ZHES LUNG BSTAN MDZAD, DGUNG LO BDUN
PA'I TSE BLA MA DE NYID LA DGE BSNYEN ZHUS, RAB TU 'BYUNG DGONGS
KYANG YAB YUM RTZIGS CHES PAS RE ZHIG 'GYANGS

PA'I BAR DU, BLA MA DBU MA PA ZHING GZHAN DU GSHEGS PAS 'GYOD PA
CHE BAR BYUNG, DGUNG LO BCU BZHI LA BAB PA NA, LHO BRAG GRUB
CHEN GYI SLOB MA GSANG BDAG GIS LUNG BSTAN PA'I

MDO STOD PA GRAGS PA BLO GROS DMAR KHAMS SU BYON PA DANG MJAL,
SHIN TU DAD PA 'GRO BA BYUNG BAS PHA MA LA NAN GYIS ZHUS TE RAB
TU BYUNG, MTSAN GRAGS PA BZANG POR BTAGS, DE NAS

BLA MA DBU MA PA'I GSUNG BZHIN YAB YUM LA YANG YANG ZHUS NAS
RONG STON SMRA BA'I SENG GE YUM GYIS GDAN 'DREN DU BTANG BA'I
'GRUL PA SLOB GNYER BA 'GA' ZHIG DANG BSDEBS NAS

@002B BYON; THOG MAR 'GRUL GROGS DANG BSTUN NAS GSANG NE'U THOG
TU BYON, KUN MKHYEN RONG PO DANG MJAL, CHOS BSGANG DU 'DUG PAS
'PHREL DU CHOS GRVAR SHOG GSUNGS, NGAL GSO LONG YANG MED PAR
SLEBS PA'I

SANG NYIN RANG NAS CHOS SU 'GRIMS, DE'I TSE SBYOR BA BRTZI BA
SOGS LA THUGS RAB RTZAL CHE BAS CHOS RJE LHAG PAR MNYES NAS,
SBYOR BA BRTZI BA DANG PHAR PHYIN GYI GZHUNG 'DZIN PA MNYAM DU
GYIS GSUNG BA LTAR

MDZAD PAS, ZHAG LNGA DRUG THAL BA'I ZLA TSES DE LA BSDUS PA SHIN
TU BDE BA DANG, MNGON RTOGS RGYAN 'GREL CHUNG DANG BCAS THUGS
LA CHUD PA MNYAM DU BYUNG, ZLA BA BCO BRGYAD TZAM GYIS PHAR PHYIN
GYI GZHUNG

DON MTHA' DAG LA MKHAS PAR GYUR TE, GSANG PHU DANG BDE BA CAN
DU
BU t'I KA GI STENG NAS GRVA BSKOR MDZAD, DE NAS SKU TSE MANG
PO'I BAG CHAGS KYIS KLU SGRUB DANG DPAL LDAN ZLA BA'I LUGS KYI
DBU MA LA

SHIN TU MOS SHING THUGS BZHED CHER YOD KYANG, KUN MKHYEN RONG
CHEN PA DE ZLA BA'I LUGS LA MI MNYES SHING, CUNG ZAD ZUR ZA YANG
YANG MDZAD PA ZHIG 'DUG PAS CI DRAG SNYAM DU YOD PA NA, NYIN

CIG GUNG RU DKA' BCU PA RGYAL MTSAN BZANG POS JA LA GDAN DRANGS,
KHYED KYIS PHAR PHYIN GYI GRVA BSKOR NI LEGS 'DUG ,DA PO TI GANG
BLTA ZER BA LA, DA DBU MA LA SHES 'DOD YOD TSUL SOGS KYI

@003A *, ,GLENG MO ZHIB TU BYUNG BAS, KHONG NA RE, KHYED DBU
MA'I LTA BA LA SHES 'DOD DE LTAR YOD NA, DGE LDAN DU RJE BTZUN
TZONG KHA PA'I DRUNG DU PHYIN NA LEGS ZER BAS, SNGAR DANG MI
'DRA BA'I DAD PA DPE

MED PA ZHIG SKYES PAS BLO 'GYUR MA THAG DGE LDAN DU BYON, DBYAR
CHOS TSUGS 'PHRAL RTZA 'JUG GNYIS KYI t'IKA CHEN GSUNG BA'I MGO
TSUGS PA DANG 'GRIG PAS RTEN 'BREL SHIN TU LEGS PA BYUNG, RJE'I
DRUNG DU MJAL BA

TZAM GYIS MIG MCHI MAS GANG ZHING BA SPU G-YOS, MI PHYED PA'I
DAD PA THOB GSUNG, DE RJES BYANG CHUB LAM RIM, SNGAGS RIM, MDO
RTZA, MNGON PA KUN BTUS, RNAM 'GREL RTZA BA SOGS KYI LUNG YANG
MANG DU GSAN,

RTZA 'JUG GNYIS KYI ZHIB BSHAD GSAN PAS DNGOS 'DZIN 'KHRUL PA'I
'CHING BA MA LUS PA RTZA BA NAS CHAD PAS, NAM MKHA' DANG LAG
MTHIL DU MTSUNGS SHING, GSER DANG BOR BA MNYAM PA'I RTOGS PA

'KHRUNGS, RJE RIN PO CHE YANG LHAG PAR MNYES DKA' BCU PA GRAGS
BZANG SNGON GYI BAG CHAGS SAD PAR 'DUG ,BSTAN PA LA PHAN PA RGYA
CHEN POR 'GYUR BAS, DA DUNG GSANG PHUR TSAD MA LA SBYONGS GSUNGS
JA DKAR

ZHO DO GNANG, DE NAS GSANG PHUR BYON, SNGAR GLING STOD DU
BZHUGS
PAS CHOS RJE DKON MCHOG RGYA MTSO'I DRUNG DU 'BYON RTZIS YOD
KYANG, KHONG MNYEL NAS SKU MTSAMS MDZAD PA DANG THUG PAS,
GLING SMAD CHOS RJE SANGS

@003B RGYAS RGYAL MTSAN PA'I DRUNG DU TSAD MA RNAM 'GREL LA
MKHAS PAR SBYANGS PAS, RING PO MA LON PAR DBU TSAD ZUNG 'BREL
GYI GRVA BSKOR MDZAD NAS DGE LDAN DU PHEBS, RJE RIN PO CHE'I
DRUNG DU GSANG 'DUS RTZA RGYUD 'GREL PAR BCAS PA

DANG; GZHAN YANG MDO SNGAGS KYI CHOS MANG DU GSAN, DE DUS RJE'I
DRUNG DU 'JIGS BYED BCU GSUM MA YI DBANG ZHUS PA'I TSE, ME TOG
GTZO BO LA PHOG PAS, RJE THAMS CAD MKHYEN PA'I GSUNG NAS, DKA'
BCU PA GRAGS BZANG

RDO RJE 'JIGS BYED LA THUGS DAM BYAS NA LEGS PO 'ONG BA 'DUG
GSUNG, DBANG GROL NAS SDE SNOD 'DZIN PA 'GA' ZHIG ,RJE RIN PO
CHE THUGS ZAB CING SGAM PAS GZHAN SU LA'ANG, DE LTAR MI GSUNG BA
LA, DMAR KHAMS

DKA' BCU PA LA DE LTAR GSUNG BA KHONG YANG SKYES BU DAM PA ZHIG
YIN PA 'DRA ZER BA BYUNG, DE NAS BZUNG STE RDO RJE 'JIGS BYED
BCU GSUM MA'I SGRUB THABS 'CHAG MED DANG, SNGAGS GSUM PO STONG
PHRAG RE BZLA BA RTAG PAR

MDZAD CING, PHYIS NI DKYIL CHOG KYANG RGYUN DU BZHES PAR GRAGS,
DE NAS RJE THAMS CAD MKHYEN PA LA MKHAN PO ZHUS, 'DUL 'DZIN
GRAGS PA RGYAL MTSAN GYIS LAS SLOB DANG, DKA' BZHI PA RIN CHEN
DPAL

GYIS GSANG STON MDZAD NAS BSNYEN RDZOGS MDZAD, 'DUL 'DZIN RIN PO
CHE'I DRUNG DU 'DUL BA'I BSLAB BYA RDZOGS PAR GSAN, DE NAS RJE
RIN PO CHE'I GSUNG NAS, 'PHAN YUL GRO SAR 'DUL BA'I SLOB GNYER
MTHAR PHYIN PA

@004A *, ,ZHIG GYIS LA BSTAN PA'I BYA BA YIN PAS, SO SOR THAR
PA'I BSLAB BYA LA NYAMS LEN GTZO BOR GYIS, BSTAN PA LA PHAN PA
'ONG GSUNG BA LTAR DMAR STON RIN PO CHE LA 'DUL BA RDZOGS PAR
GSAN,

DE DUS RJE DGE 'DUN GRUB KYANG 'DUL BA GSAN PA'I SKABS SU YOD
PAR 'DUG ,LO PHYED GNYIS TZAM SONG BA'I SKABS SU RJE RIN PO CHE
ZHING GZHAN DU GSHEGS PA'I GTAM GSAN PAS THUGS NGAL SHIN TU CHE
BA BYUNG BAS

MNAL LAM DU RJE BTZUN TZONG KHA PA SNGAR MJAL DUS KYI RNAM PA
CAN GZI BRJID RAB TU RGYAS PA ZHIG BYON NAS, KHYED DE LTAR SDUG
BSNGAL BYED MI DGOS, KHYOD KYIS BSTAN PA DANG GDUL BYA MANG PO
LA PHAN THOGS PAR

'DUG PAS RE ZHIG 'CHAD NYAN GYIS, RING POR MI THOGS PAR DGA'
LDAN DU PHRAD PAR 'GYUR RO GSUNGS NAS 'JA' YAL BA BZHIN SONG
BAS, MNAL SAD PAS YID LHAG PAR DGA' ZHING MYA NGAN YANG SRAB PAR
SONG,

RGYAL TSAB CHOS RJE DGE LDAN GYI GDAN SAR BYON PA GSAN NAS MJAL
BAR BYON, TSAD MA'I LAM BSGRIGS KYIS MTSON PA'I CHOS 'GA' ZHIG
ZHUS, RGYAL TSAB RIN PO CHE'I GSUNG GIS, GSANG PHUR RNAM 'GREL
GTZO BOR

BTON PA'I 'CHAD NYAN MDZOD, NGED KYIS DE'I MTHUN RKYEN KYANG
BYED GSUNG GSER SRANG GANG GNANG, DE LA BRTEN NAS 'CHAD NYAN GYI
RGYUN BTZUGS PAS SDE SNOD 'DZIN PA MANG DU 'DUS SHING GRVA TSOGS
KYANG CHE, LO TZTSA BA'I CHOS KHRI'I STENG

@004B NAS CHOS GSUNGS PAS, THOG MAR KHA CIG GIS, 'DI LTAR BYED
PA MI RIGS CES PHYAG NAS DRUNG STABS BYAS PA NA, KHYED RNAMS
LOTZTSA BA'I CHOS KHRI LA MTHONG BYED, LO TZTSA BA LA SDUG LAS
GTONG BA AE YIN GSUNG, BDAG NYID LO TZTSA

BA'I SKU SKYER ZHAL GYIS 'CHES CES KYANG GLENG, DE GA'I RGYUN
GYIS DENG SANG YANG LO TZTSA BA'I BZHUGS KHRIR 'CHAD NYAN BYAS
CHOG PA DANG, RA BA STOD PA RNAMS RGYAL TSAB RJE'I GSER ZAN GYI
GRVA TSANG YIN ZER BA YANG, RGYU MTSAN DE DAG GIS

YIN PAS, DON BSDU NA RA BA STOD CES PA'I GRVA TSANG 'DI YANG
BDAG NYID CHEN PO 'DI'I THUGS RJE DANG 'PHRIN LAS KHO NA LAS
GRUB PA YIN NO, ,DE LTAR RA BA STOD DU GRAGS PA'I GRVA TSANG
BZANG PO TSUGS SHING, GRVA TSOGS CHE,

'CHAD NYAN KYANG SHIN TU 'PHEL BA'I RING NAS SKABS CIG RJE 'DI'I
MNAL LAM DU 'CHAD NYAN MDZAD PA'I PO TI MANG PO DRUNG NAS KYI
MDUN NAS MI MANG POS NUB PHYOGS SU KHYER SONG BA RMIS PAS GLO
BUR DU THUGS 'GYUR, DBUS KYI

BLA MA RNAMS LA DGONGS PA ZHUS, PHYAG PHUL, 'CHAD NYAN DU NYID
KYI RTZA SLOB GRVA CHUNG BA YON TAN RGYA MTSO BSKOS, PHYI BZHIN
'BRANGS BA'I SDE SNOD 'DZIN PA NYI SHU LHAG TZAM DANG BCAS PA
NYI MA GTZANG GI PHYOGS LA PHEBS, YAR LAM

RIN SPUNGS SU DPON NOR BU BZANG POS SNYAN GRAGS GSAN PAS BSNYEN
BKUR YANG DAG PAR BYAS, KHYED KYI GRAGS PA SNGA MO NAS THOS PAS
SEMS DGA', DA NGED KYIS GZHI DGON ZHIG 'BUL ZHING ZHABS TOG
BYED, RGYUN PAR BLA

@005A *, ,MCHOD MDZAD DGOS ZHUS PAS, BDAG 'DZIN CAN GYI DGON PA
KHO BO MI 'DOD, GNAS NGES MED KYI BYA BRAL 'CHAD NYAN ZHIG NI
BYED KYANG BYED, DA LTA YID BYED BZHIN PA YIN GSUNGS PAS, 'O NA
'CHAD

NYAN RE ZHIG 'DI GAR MDZAD PA ZHU ZHU BA LA, DA RES THOG MAR
GNAS RNYING, ZHA LU, SNAR THANG, SA SKYA SOGS KYI GNAS MJAL SMON
LAM SOGS BYED, BAR GCOD MA BYUNG NA SLAR MJAL BA SRID GSUNGS
PAS, 'O NA SLAR

NGED DPON G-YOG KYANG SHANGS 'BRONG PO SGANG DU 'ONG BAS DER
NGES PAR 'BYON DGOS ZHU BA, BDAG NYID CHEN POS ZHAL GYIS BZHES,
DE NAS LOTZTSA BA SKYABS MCHOG DPAL BZANG PO'I DRUNG DU MJAL
NAS, MDO SNGAGS KYI

CHOS BKA' MANG DU GSAN, BZHED PA LTAR GNAS CHEN PO DE RNAMS SU
PHEBS, GDAN SA CHEN PO DE DANG DE DAG TU CHOS KYI 'BREL PA YANG
NOS, KHYAD PAR SA SKYA NA RJE NGOR PA KUN DGA' BZANG PO BZHUGS
PA MJAL, TSUR

YANG PHYAG LAN SOGS MTHONG ZOS CHEN PO MDZAD, BDAG NYID CHEN
PO 'DI YANG THUGS MOS CHER 'KHRUNGS, GSUNG DAG RIN PO CHE LAM 'BRAS
BU DANG BCAS PA DANG, GUR ZHAL GYI RJES GNANG, SGRUB THABS BRGYA
RTZA SOGS ZAB CHOS

MANG DU ZHUS, PHYI LAM BO DONG DU RJE BTZUN PO DONG PA PHYOGS
LAS RNAM RGYAL MJAL, RGYUD SDE BZHI GA DANG 'BREL BA'I DBANG
LUNG RGYUD SDE SPYI'I RNAM GZHAG , ,DUS 'KHOR BRTAG GNYIS SOGS
RGYUD MANG PO'I BSHAD PA DANG

@005B LUNG SOGS MANG DU ZHUS, YUN MI THUNG TZAM BZHUGS, THUGS
YID GCIG TU 'DRES, DE NAS SNAR THANG DU MKHAN CHEN GRUB PA SHES
RAB PA LA YANG, SMAN BLA'I RJES GNANG, LAM MCHOG RTZA 'GREL SOGS
CHOS BKA'

MANG DU ZHUS, DE DUS RI SPUNGS NOR BZANG BA 'BRONG PO SGANG NA
BYON PA LTAR DER PHEBS, SNGAR GYI GRVA PA RNAMS KYI STENG, SKU
GSUNG THUGS KYI RNAM THAR LA DAD NAS RJES SU 'BRANGS BA'I CHOS
NYAN PA BDUN CU TZAM BYUNG BAS,

'CHAD NYAN KYANG SHIN TU 'PHEL, SNGA SOR SHANGS PA KUN MKHYEN PA
LA MGON PO PHYAG DRUG PA'I CHOS SKOR SOGS, CHOS MANG PO GSAN
'DOD YOD KYANG, ZHING GZHAN DU GSHEGS PAS MA 'GRIG ,MTSAMS SHIG
LA 'JAG

TU PHEBS NAS 'JAG CHEN BYAMS PA'I DPON PO BLO GROS DPAL BZANG LA
MGON PO'I CHOS SKOR YONGS RDZOGS, NE GU CHOS DRUG SOGS GSAN, DE
LTAR DRANG SRONG CHEN PO'I SPYOD TSUL LA GNAS NAS SO THAR GYI
BCAS

MTSAMS PHRA MO LAS KYANG MI 'DA' BAR GZHI GSUM GYI LAG LEN NYAMS
PA MED PA'I NGANG NAS 'CHAD NYAN MDZAD PAS, MKHYEN RAB DBANG
PHYUG CES GRAGS PAS SA STENG KHYAB, STAG GLING SBYOR GSUM SO SOS
RANG RANG GI SAR

'CHAD NYAN MDZAD PA LA SU THOB BYAS, 'OD YUG ,SHANGS RTA NAG
,BZHAD RNAMS SU DKA' CHEN BZHI DANG, ,LAM RIM DANG, 'DUL BA'I
BSLAB BYA SOGS KYI CHOS 'KHOR BSKOR BAS, CHU BYANG GI GRVA TSANG
CHEN MO ZHES GRAGS, DE DUS

@006A *, ,RJE DGE 'DUN GRUB KYIS GTZANG PO LHO RGYUD DU BYA BRAL
'CHAD NYAN MDZAD PAS, CHU LHO'I GRVA TSANG CHEN MO ZHES GRAGS
SHING, PHAN TSUN 'GRAN PA LTA BUR BSTAN PA RIN PO CHE RDZOGS
LDAN BZHIN GSAL BAR MDZAD

DO; ;CHUMS SDE CHEN DU CHAD NYAN SKABS SKU MTSAMS ZHAG BDUN PA
ZHIG MDZAD DUS RJE BTZUN BYAMS PA'I ZHAL GZIGS, SREG SHING DU
RNAMS SRAS MDUNG DMAR CAN GYI ZHAL GZIGS SHING LUNG BSTAN, DE'I
RKYEN GYIS RIN

CHEN SGANG DU YUN RING DU BZHUGS SHING MTHAR YANG DE KHAR SKU
GSHEGS PA YIN, DE YANG DRUNG NOR BU BZANG POS SLAR YANG 'CHAD
NYAN YUN RING POR GNAS PA'I RKYEN DU CHOS GZHIS RGYA CHE BA ZHIG
NAN GYIS PHUL KYANG BZHES

MA 'DOD PAS, KHONG RANG GI THUGS DAM RTEN GYI GTZO BO BDAG CAG
GI STON PA'I LI MA KHRU GANG TZAM BYIN RLABS CAN DU BYED PA ZHIG
PHUL BAS RTEN 'BREL LEGS GSUNG DGYES BZHIN DU BZHES, SKABS 'GA'
RER SGRON

GSAL GYI BSHAD PA'ANG CUNG ZAD MDZAD CES GRAGS, DE LTA BU'I TSUL
GYIS SKU TSE RIL PO BSTAN PA'I KHUR CHEN BTEG PAS, SLOB MA BSTAN
PA'I BYA BA BYED PA NAM MKHA'I SKAR TSOGS DANG 'DRA BA BYUNG
ZHING, GTZO BOR GYUR PA NI,

SEMS DPA' CHEN PO GZHON NU RGYAL MCHOG ,KUN MKHYEN GRVA CHUNG
BA YON TAN RGYA MTSO, STAG TSANG LOTZTSA BA SHES RAB RIN CHEN,
BYAMS CHEN KUN DGA' BKRA SHIS, KUN MKHYEN BYAMS CHEN RAB 'BYAMS
PA, SANGS

@006B RGYAS 'PHEL, MKHAS PA DON YOD DPAL, KUN MKHYEN NAM BSOD
CHEN MO, MKHYEN RAB YON TAN DPAL 'BYUNG SOGS, MDOR NAS DGE LDAN
GNYIS KA'I LUNG RIGS SMRA BA'I SDE MTHA' DAG LA BDAG NYID CHEN
PO

'DI'I 'PHRIN LAS KYIS MA KHYAB PA MED DO, ,DE LTAR BSTAN PA DANG
'GRO BA'I DON RGYA CHEN PO MDZAD NAS, MTHAR RIN CHEN SGANG DU
DGUNG LO BRGYAD CU LA NYE BA ZLA BA GSUM PA'I TSES GSUM GYI NYIN
PHYED YOL TZAM LA, NYE

GNAS LA DE RING MCHOD PA RGYA CHEN PO SHOMS, KHO BO DGA' LDAN DU
'GRO BA'I DUS YIN NO GSUNGS NAS, SKU CUNG ZAD BSRANGS, MNYAM PAR
BZHAG PA'I NGANG NAS GSHEGS SO, ,GSUNG DI DANG RJE BLA MA'I
SNGAR

GYI LUNG BSTAN BSTUN NA DENG SANG DGA' LDAN CHOS KYI PHO BRANG
DU BZHUGS SO, ZHES BYA BA NI RJE BTZUN MKHYEN RAB DBANG PHYUG
GRAGS PA BZANG PO'I RNAM PAR THAR PA STE, SGRA PA SHES RAB RIN
CHEN GYIS MDZAD PA'I

RNAM THAR RGYAS PA ZHIG 'DUG PA LAS BSDUS, DAM PA 'DI'I DNGOS
SLOB 'GA' ZHIG GI GSUNG BGROS THOR BU BA 'GAS KYANG KHA BSKANGS
TE BRIS PA'I DGE BAS SEMS CAN THAMS CAD MKHYEN RAB DBANG PHYUG
GIS RJES

SU 'DZIN PA'I RGYUR GYUR CIG ,CES PA 'DI YANG GRVA TSANG GI
MKHAN RIN PO CHE G-YAG LUNG PA LA SOGS PA DGE BA'I BSHES GNYEN
DU MAS BSKUL BA LA BRTEN NAS, MKHYEN RAB DBANG PHYUG GI MDZAD
PA

@007A *, ,RNAM THAR LO RGYUS DU MA LAS BSDUS TE, CHOS SMRA BA'I
BTZUN PA BLO BZANG CHOS KYI RGYAL MTSAN GYIS CHOS GRVA CHEN PO
BKRA SHIS LHUN POR SBYAR BA'O,, ,,SARBA MANGGA LAm,, ,