*, ,SA GSUM MA'I t'IKKA TSIG DON GSAL BA ZHES BYA BA BZHUGS SO,
,

@001A *, ,NA MO GU RU MANYDZU GHO sh'A YA, 'JAM DBYANGS MKHYEN
BRTZE'I PAD TSAL LAS 'ONGS PA'I, ,BLO BZANG RGYAL BA GNYIS PA'I
'DAB STONG CAN, ,RMAD BYUNG GRAGS PA'I

DRI BSUNG 'BUM 'PHRO BA, ,GANG DE'I ZHABS ZUNG SPYI BO'I RGYAN
DU BSTEN, ,MTHA' YAS RGYAL BA'I YAB GCIG 'JAM PA'I DBYANGS, ,MA
RUNGS GDUL DKA' 'DUL PHYIR GSHIN RJE'I

GSHED, ,NGUR SMRIG GAR GYIS RNAM ROL TZONG KHA PA, ,DBYER MED
ZHABS KYI PADMOR GUS BTUD NAS, ,MGON DE'I RNAM THAR YID 'PHROG
RIN CHEN PHRENG, ,SRAS KYI THU BO MKHAS GRUB CHEN PO

YIS, ,SDEBS LEGS TSIG GI LAM DU MDZES MDZAD PA, ,LEGS PAR BSHAD
KYI RTZE GCIG GUS PAS NYON, ,'DIR RGYAL BA THAMS CAD KYI MKHYEN
BRTZE'I COD PAN GANG GI DBU LA RNAM PAR

@002A *, ,'PHOS PA LNGA BRGYA PA RNAMS KYI GTZUG GI NOR BUR GYUR
CING, RJE BTZUN 'JAM PA'I DBYANGS KYI GSUNG GI BDUD RTZI NGOMS
PA MED PAR DNGOS SU GSOL BA'I TSUL BSTAN PAS, RGYAL

BA'I GSUNG RAB MTHA' DAG LA LKOG TU MA GYUR PA'I SPYAN MNGA' BA,
DKYIL 'KHOR GYI BDAG PO NYID KYIS CHOS KYI RGYAL SRID LA DBANG
BSKUR BA BDAG CAG GI DPAL LDAN BLA MA DAM PA THAMS CAD

MKHYEN PA TZONG KHA PA CHEN PO'I RNAM PAR THAR PA'I SGO NAS GSOL
BA 'DEBS PA RJE BLA MA NYID KYI SRAS KYI THU BO MKHAS GRUB THAMS
CAD MKHYEN PAS MDZAD PA'I DPAL LDAN SA GSUM MAR GRAGS PA NI,
GANG

BSHAD PAR BYA BA'I CHOS YIN NO, ,DES NA 'DI LA GSUM, SNGON DU JI
LTAR BYA BA, GSOL BA 'DEBS TSUL DANG, RTZOM PA MTHAR PHYIN PA'I
TSUL LO, ,DANG PO NI, NA MO GU RU BUDDHA ZHES PA NAS, RJES

SU BZUNG DU GSOL, ZHES PA'I BAR GYIS 'CHAD, DE YANG DON NI,
MKHAS GRUB THAMS CAD MKHYEN PAS SA GSUM MA RTZOM PA'I THOG MAR
SANGS RGYAS BYANG SEMS LA PHYAG MDZAD PA LA CHOS CAN, DGOS

@002B PA YOD DE, BDAG NYID DAM PA'I SPYOD PA DANG, MTHUN PAR
BSTAN PA DANG, RTZOM PA MTHAR PHYIN PAR BYA BA'I CHED YIN PA'I
PHYIR, DES NA GZHUNG 'DIS MCHOD BRJOD DNGOS SU BSTAN NAS, RTZOM
PAR DAM BCA' SHUGS LA

BSTAN PA YIN CING, DE LTAR BSTAN PA LA CHOS CAN, DGOS PA YOD DE,
RTZOM PA MTHAR PHYIN PA'I CHED YIN PA'I PHYIR, GNYIS PA LA
GNYIS, GSOL BA 'DEBS TSUL DNGOS DANG, GSOL BA BTAB NAS 'DOD PA'I
DON

LA SMON PA BYA TSUL LO, ,DANG PO LA GNYIS, MDOR BSTAN PA DANG,
RGYAS PAR BSHAD PA'O, ,DANG PO LA GNYIS, TSIG DON DANG, MTHA'
BCAD PA'O, ,DANG PO NI, MKHAS GRUB THAMS CAD MKHYEN PA CHOS CAN,
KHYOD KYIS

RJE BTZUN BLA MA TZONG KHA PA CHEN PO'I YON TAN LEGS PAR BSAMS
PA'I SGO NAS GSOL BA 'DEBS TSUL YOD DE, RJE BTZUN BLA MA DE NYID
GNYIS SU MED PA'I YE SHES ZUNG 'JUG GI DPAL DANG LDAN ZHING, SA
'OG SA STENG

SA BLA GSUM NA GNAS PA'I SKAL LDAN GYI 'GRO BA RNAMS KYI BLANG
DOR PHYIN CI MA LOG PAR STON PA LA MIG GCIG PU LTA BUR GYUR
CING, THAR PA DANG THAMS CAD MKHYEN PA THOB PAR 'DOD PA'I 'GRO
BA YONGS KYI SKYABS

MGON BLA NA MED PAR GYUR PA DANG, KHYAD PAR SNYIGS DUS KYI 'GRO
BA RNAMS LA DUS GSUM GYI RGYAL BA KUN LAS LHAG PA'I THUGS RJE
CHEN PO CAN GYI 'GRAN ZLA MED PA'I BLA MA MCHOG TU CHOS KYI RJES
SU 'BRANGS PA'I

@003A *, ,TSAD MAS RTOGS PAR BYAS TE GSOL BA 'DEBS PA YIN PA'I
PHYIR, GNYIS PA NI, KHO NA RE RJE BTZUN TZONG KHA PA RGYAL BA
KUN LAS LHAG PA'I THUGS RJE CAN YIN PA'I CHA NAS BSTOD PA 'DI HA
CANG MI

RIGS SO ZHE NA, BSTOD PA MDZAD PA PO CHOS CAN, KHYOD KYIS RJE
BLA MA RGYAL BA KUN LAS LHAG PA'I SGO NAS BSTOD PA LA MI RIGS PA
MED PAR THAL, RJE BLA MA DE KHYOD KYI MTSAN NYID DANG LDAN PA'I
RDO RJE SLOB DPON GANG

ZHIG ,RDO RJE SLOB MA'I BSOD NAMS KYI ZHING DU PHYOGS BCU'I
SANGS RGYAS THAMS CAD LAS KYANG RANG GI RDO RJE SLOB DPON LHAG
PAR RDO RJE 'CHANG GIS GSUNGS PA'I PHYIR, PHYI MA DER THAL, RIM
LNGA LAS, 'DI NI RANG BYUNG

BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU
STER BA'I PHYIR, ,RDO RJE SLOB DPON DE BAS LHAG ,CES GSUNGS PA'I
PHYIR DANG, AA BHI DHA NA'I RGYUD LAS KYANG, DRIN DANG LDAN PA'I
BLA MA DE, ,LAG

PA'I MTHIL LAM SNYING GI DKYIL, ,LUS KYI CHA SHAS GAR BSGOMS
KYANG, ,SANGS RGYAS STONG GI BYIN RLABS KYANG, ,GANG ZAG DE YIS
SDUD PAR BYED, CES GSUNGS PA'I PHYIR, RJE BLA MA MKHAS GRUB
THAMS CAD

MKHYEN PA'I RDO RJE SLOB DPON YIN PAS, RGYAL BA KUN LAS LHAG
PA'I THUGS RJE CAN ZHES GSUNGS PA LA MI RIGS PA MED MOD, RJE BLA
MA'I ZHABS MA ZIN PA'I GDUL BYA RNAMS KYI NGOR RGYAL BA KUN LAS
LHAG PA MI

@003B 'GRUB LA, DE'I PHYIR RGYAL BA KUN LAS LHAG PA'I THUGS RJE
CAN ZHES BRJOD PA YANG MI RIGS SO ZHE NA, RJE BLA MA CHOS CAN,
SNYIGS MA'I DUS 'DIR RGYAL BA KUN LAS LHAG PA'I THUGS RJE CAN
YIN PAR THAL, SNYIGS MA'I NGANG TSUL

MTSO LTAR BRDOL BAS RGYAL BA SRAS BCAS GZHAN GYIS 'DUL BAR MA
NUS PAR ZHING GZHAN DU GSHEGS TE, DMUS LONG LONG KHRID MED PAR
NYAM NGA BA'I PHYOGS SU RGYU BA LTA BU'I SNYIGS DUS KYI 'GRO BA
PHYIN CI LOG TU ZHUGS PA RNAMS

'DREN PA'I PHYIR DU BSAM BZHIN LEGS PAR BYON NAS, RGYAL BA'I
BSTAN PA LA MA RTOGS PA DANG, LOG PAR RTOG PA DANG, THE TSOM GYI
DRI MA RNAMS BSAL NAS MDO SNGAGS KYI LAM GYI GNAD THAMS CAD
GANG
ZAG GCIG 'TSANG RGYA

BA'I CHA RKYEN DU RIGS PA DRI MA MED PA'I SGO NAS 'DOMS PA'I
SENG GE'I SGRA DBYANGS BSGRAGS TE, BSTAN PA RIN PO CHE NYIN MO
LTAR GSAL BAR MDZAD PA YIN PA'I PHYIR, DE SKAD DU YANG LAM RIM
LAS, DENG DUS RNAL 'BYOR BRTZO RNAMS

THOS PA NYUNG, ,MANG THOS NYAMS LEN GNAD LA MI MKHAS SHING,
,PHAL CHER GSUNG RAB BLTA LA PHYOGS RE'I MIG ,LUNG DON RIGS PAS
'BYED PA'I MTHU MED PAS, ,BSTAN PA'I GNAD RNAMS RDZOGS PA'I
GDAMS PA MCHOG ,

MKHAS PA DGYES PA'I LAM DANG BRAL MTHONG NAS, ,SHING RTA CHEN
PO'I LAM 'DI BSHAD PA LA, ,BDAG GI YID NI KUN NAS SPRO BAR GYUR,
CES PA DANG, LEGS BSHAD SNYING PO LAS KYANG, LEGS BSHAD GTER
GYUR DE YI GSUNG

@004A *, ,RAB DON, ,SMRA BA'I KHYU MCHOG KLU SGRUB THOGS MED
KYIS, ,LEGS PAR BKRAL BA'I TSUL GNYIS SHING RTA'I SROL, ,JI
BZHIN 'CHAD PA'ANG 'DI LAS GZHAN NA GANG, ,RLABS CHEN SPYOD LA
RING NAS ZHUGS PA YI, ,

RGYAL SRAS RIG GNAS KUN LA MKHAS PAS KYANG, ,SHIN TU DPAG DKA'
ZAB DANG RGYA CHE'I GNAS, ,JI BZHIN RNYED NAS TSUL BZHIN 'DRIS
BYAS PAS, ,TING 'DZIN SHES RAB TSUL KHRIMS YONGS DAG PA'I, ,DGA'
STON CHEN POS

YID RAB TSIM GYUR NAS, ,RES 'GA' RGYAL LA DMIGS PA'I DAD PA
RGYAS, ,SKABS 'GAR SHING RTA CHEN PO'I BKA' DRIN DRAN, ,GZHAN
TSE MKHAS PA'I BSHES LA GUS PA DANG, ,NYAM CHUNG 'GRO LA SNYING
NAS BRTZE BA DANG, ,BSTAN PA

RIN CHEN RING DU GNAS 'DOD PA, ,'DI GSUM PHAN TSUN 'GRAN BZHIN
'PHEL BAR GYUR, ,DE TSE RING NAS NYAMS PA'I RTOGS DKA'I GNAS,
,GANG GIS BTZAL BAS BRNYED PA'I RIGS PA'I LAM, ,DE YI RNAM
'PHRUL AE MA HO NGO

MTSAR ZHES, ,GCIG PUR GNAS KYANG DGA' BA'I CA CO 'CHOR, ,DE 'DRA
DE LA SMRA BA'I ZLA BA YIS, ,'DI NI SHES RAB MCHOG GI BSAM GTAN
PA, ,TSUL KHRIMS DAG PA'I MGO LA 'DUG PA PO, ,RGYAL BA'I GDUNG
'TSO BA NGES DON RNYED

PA ZHES, ,BSTOD PA'I 'PHRENG BAS YANG DANG YANG DU BSNGAGS, CES
GSUNGS PA'I PHYIR, GNYIS PA RGYAS PAR BSHAD PA LA GSUM, SNGON
BYUNG GI MDZAD PA BSTAN PA, MA 'ONGS PA'I MDZAD PA BSTAN PA, DA
LTAR BA'I MDZAD PA

@004B BSTAN PA'O, ,DANG PO NI, RJE BLA MA CHOS CAN, SKU TSE MANG
PO'I SNGA ROL NAS BYANG SEMS KYI SPYOD PA YONGS SU RDZOGS PAR
MDZAD PA YIN TE, BSKAL PA GRANGS MED PA'I YANG CHES GRANGS MED
PA'I SNGA ROL DU RJE BTZUN 'JAM PA'I DBYANGS

KYI SRAS KYI THU BOR GYUR CING, DE'I TSE RGYAL BA DBANG PO'I TOG
GI SPYAN SNGAR MA DAG PA'I ZHING RNAMS SU ZAB MO DBU MA'I LTA BA
DANG 'BREL BA'I RDO RJE THEG PA'I LAM RGYAS PAR BYED PA'I SMON
PA MDZAD CING, KHYAD PAR ZHING 'DIR RGYAL BA SH'AKYA

THUB PA 'JIG RTEN DU BYON PA'I DUS SU PADMA'I NGANG TSUL DU GYUR
NAS RGYAL BA DE'I SPYAN SNGAR BYANG CHUB KYI SPYOD PA LEGS PAR
BLANG PA'I TSUL BSTAN PA YIN PA'I PHYIR, DES NA 'DIS THUB DBANG
GI SPYAN SNGAR BYANG CHUB TU THUGS BSKYED TSUL

DNGOS SU BSTAN PA'I SHUGS LA, RGYAL BA DBANG PO'I TOG GI SPYAN
SNGAR THUGS DAM BCAS TSUL YANG BSTAN LA, DE'I PHYIR RNAM DAG
GANGS RI MA YANG GZHUNG 'DI LAS 'PHROS PAR RIG PAR BYA'O, ,GNYIS
PA NI, RJE BLA MA CHOS CAN, SKU TSE

PHYI MA RNAMS SU YANG SEMS CAN GYI DON DU MKHAS PA DANG GRUB
PA'I TSUL GYIS RNAM PAR ROL PA YIN TE, CHOS SKU LAS MA G-YOS
BZHIN DU DGA' LDAN GYI GNAS SU RJE BTZUN GYI SRAS KYI THU BO
'JAM DPAL SNYING PO ZHES BYA BA'I TSUL BZUNG NAS

BZHUGS PAR GRAGS SHING, RING POR MI THOGS PAR NGO MTSAR RMAD
BYUNG BKOD PA'I ZHING DU BDE GSHEGS SENG GE'I NGA RO'I SKUR,
'TSANG RGYA BA'I MDZAD PA STON PA YIN PA'I PHYIR, DE LTAR YANG
GSANG BA'I BDAG POS, BLO BZANG GRAGS PA

@005A *, ,'GRAN ZLA KUN DANG BRAL, ,SH'AKYA'I RGYAL PO'I DRUNG
DU THUGS MCHOG BSKYED, ,ZHING 'DIR MDO DANG SNGAGS KYI GZHUNG
LUGS SPEL, ,'DI NAS 'PHOS TE DGA' LDAN GNAS SU 'GRO, ,'JAM DPAL
SNYING PO BYAMS PA'I

SRAS MCHOG DE, ,MYUR DU SANGS RGYAS SENG GE'I NGA ROR 'GYUR,
ZHES PA DANG, PADMA BKA' CHEMS LAS KYANG, 'JAM DPAL SPRUL PA
GDUL BYA BSTAN PA'I DPAL, ,MDO SNGAGS BSTAN 'DZIN BLO BZANG
GRAGS PA 'BYUNG, ,ZHING 'DIR

'DAS NAS BYAMS PA'I DRUNG DU 'GRO, ZHES GSUNGS PA'I PHYIR, GSUM
PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO
NI, RJE BLA MA CHOS CAN, DUS GSUM GYI RGYAL BA'I SRAS KYI THU
BO'I TSUL BZUNG NAS

GO 'PHANG DAM PAR GSHEGS KYANG, SLAR YANG BRTZE BA'I DBANG GIS
KHA BA CAN 'DIR MA DAG PA'I 'GRO BA'I DON MDZAD PA YIN TE, MTSAN
BRJOD PAR DKA' BA BLO BZANG GRAGS PA'I DPAL ZHES BYA BA'I GSUM
LDAN RDO RJE 'DZIN PA'I

SKUR BSTAN PA YIN PA'I PHYIR, GNYIS PA LA GNYIS, RAB TU MA BYUNG
BA'I MDZAD PA DANG, RAB TU BYUNG BA'I MDZAD PA'O, ,DANG PO NI,
RJE BLA MA CHOS CAN, KLU 'BUM DGE DANG SHING SA AA CHOS GNYIS
KYI SRAS KYI TSUL BZUNG MA THAG BYIS

PA'I GNAS SKABS NAS KYANG, GSUNG RAB KLOG PA DANG LEGS SBYAR GYI
SGRA LA SOGS PA SDEB SBYOR DANG, YI GE DANG BRDA' SPROD KYI
GTZUG LAG STE GZHUNG RNAMS MA BSLABS PAR THUGS SU CHUD PA YIN
TE, TSE RABS MANG POR BSOD

@005B NAMS DANG YE SHES KYI TSOGS RGYA CHEN PO GOMS PA SMIN PA'I
MTHU DANG LDAN PAS YON TAN DE RNAMS RANG RGYUD LA LHUN GRUB
TU
RDZOGS PA YIN PA'I PHYIR, DE NAS LO GSUM PA LA GZHOL BA NA,
KARMA PA ROL PA'I RDO RJE LAS YONGS RDZOGS

DGE BSNYEN GYI SDOM PA BZHES TE, KUN DGA' SNYING PO ZHES BYA BAR
MCHAN GSOL BA YIN LA, DE'I TSE DE'I GNAS SKABS KYI KUN DGA'
SNYING PO DE CHOS CAN, 'CHING BA KUN LDAN GYI BYIS PA'I SPYOD PA
LAS YANG DAG PAR 'DAS PA YIN TE,

KHYOD SKU'I NYIN BYED YUM GYI MNGAL GYI CHU 'DZIN TE SPRIN RUM
LAS GSAL BAR BYON PA STE 'KHRUNGS MA THAG NAS SRID PA'I PHUN SUM
TSOGS PA'I DPAL 'BYOR LA YID KUN NAS SRED CING ZHEN PA'I GLOG GI
ROL RTZED DANG DUS NAM

YANG 'GROGS PA SPANGS PA YIN PA'I PHYIR, GNYIS PA LA GNYIS,
BSTAN PA'I RTZA BA SO SOR THAR PA'I SGOR RAB TU BYUNG TSUL DANG,
RTEN DE LA YON TAN BRNYES TSUL LO, ,DANG PO NI, RJE BLA MA CHOS
CAN, GZHON NU'I GNAS SKABS

NYID NAS KYANG RGYAL BAS RJES SU GNANG BA'I BRTUL ZHUGS KUN CUNG
ZAD KYANG MA SMAD PA STE MA BTANG BA YIN TE, DGUNG LO BDUN PA LA
BABS PA'I TSE MKHAN PO DON GRUB RIN CHEN DANG, SLOB DPON GZHON
NU BYANG CHUB GNYIS LAS

DGE TSUL GYI SDOM PA LEGS PAR BLANGS TE, SGO GSUM SPANG BYA BCU
SPONG BA'I TSUL KHRIMS MCHOG GIS LEGS PAR BSDAMS SHING, SKU SKYE
BA SNGA MA KUN TU BAG YOD LA G-YEL BA MED PAR RTZE GCIG TU GOMS
PA'I GOMS PA

@006A *, ,MTHU DANG LDAN PA YIN PA'I PHYIR, DUS DE DAG GI TSE
YANG, PHYAG NA RDO RJE GTUM PO DANG, JO BO RJE DPAL LDAN AA TI
SHA'I ZHAL YANG DANG YANG DU GZIGS SHING BYIN GYIS BRLABS PA'I
SNANG BA DNGOS DANG RMI LAM

CI RIGS PAR YANG YANG 'ONG BA ZHIG YOD PAR 'DUG ,GNYIS PA YON
TAN BRNYES TSUL LA BZHI, MKHAS PA'I YON TAN, BTZUN PA'I YON TAN,
BZANG BA'I YON TAN, RMAD DU BYUNG BA'I YON TAN GZHAN BRNYES TSUL
LO, ,DANG PO LA

GNYIS, MANG DU THOS PA JI LTAR BTZAL BA, SHING RTA CHEN PO GNYIS
KYI DGONGS PA JI BZHIN DU RTOGS NAS ZHABS KYIS REG PA'I RDUL
TZAM YANG LHA DANG BCAS PA'I 'GRO BA'I MCHOD RTEN DU GYUR TSUL
LO, ,DANG PO NI, DE LTAR RAB

TU BYUNG NAS DGUNG LO BCU DRUG PA'I TSE 'BRI GUNG PA'I 'BUL SDUD
DANG 'GROGS TE DBUS GTZANG DU PHEBS NAS, BLA MA RJE BTZUN RED
MDA' BA DANG SNGAGS 'CHANG KHYUNG PO LHAS PA LA SOGS PA'I MKHAS
GRUB KYI BLA MA DU MA'I SPYAN

SNGAR RTAG TU LEGS PAR BSHAD PA TSOL BA LHUR BLANGS PAS RING PO
MA LON PAR RGYA CHEN PO'I MKHYEN PA'I GTER DU GYUR PA YIN TE,
RGYAL BA'I GSUNG RAB KUN GYI TSIG DANG DON GYI CHA LA BDAG NYID
CHEN PO 'DI'I RNAM DPYOD KYI

'JUG PA THOGS PA MED PAR ZHUGS PA YIN PA'I PHYIR, 'O NA; RGYAL
BA'I GSUNG RAB RNAMS JI LTA BA BZHIN GZIGS NA, GZIGS TSUL JI LTA
BU ZHE NA, RJE BLA MA CHOS CAN, ZHIB PA STE TSIG DON GYI CHA LA
GTUGS PA MED PAR

@006B 'JUG CING, CHES CHER PHRA BA STE BLANG DOR GYI CHA SHAS
PHRA MO TZAM YANG MA 'DRES PA SO SOR 'BYED PA'I RIGS LAM DRI MA
MED PA YIS, DAM PA'I CHOS MA LUS PA'I TSIG DANG DON KUN JI BZHIN
DU GZIGS PA YIN TE, SNYING PO MED PA CHU'I LBU

BA DANG MTSUNGS PA'I TSIG PHRENG TZAM GYIS THUGS NGOMS PA MI
MNGA' ZHING, RIGS PA DRI MA MED PAS LEGS PAR DPYAD PA'I MTHUS,
MKHAS PA'I MCHOG BYE BAS KYANG MYUR DU RTOGS PAR DKA' BA'I GNAS
MA LUS PA GZIGS PA YIN PA'I

PHYIR; RJE BLA MA CHOS CAN, RTOG GE'I GZHUNG LA SBYANGS PA CHER
RLOM PA'I RGOL BA MTHA' DAG GIS MGON PO KHYOD KYIS LEGS PAR
GSUNGS PA'I GSUNG RAB KYI DON LA LAN BRGYAR BRGAL ZHING DPYAD
KYANG, DAM BCA'I DON DE NYID CHA SHAS PHRA

MO TZAM YANG RNAM PA GZHAN DU G-YO BA STE 'GYUR BA SPANGS PA
YIN TE, MDO SNGAGS KYI GSUNG RAB MTHA' DAG LA LUNG TZAM MA YIN
PAR TSAD MA'I STOBS KYIS DPYAD PAS YONGS SU DAG PA'I THUGS MNGA'
BA YIN PA'I PHYIR, GNYIS PA NI,

RJE BLA MA CHOS CAN, 'PHAGS PA'I YUL GYI SHING RTA CHEN PO RNAMS
KYI BZHED PA'I GZHUNG LUGS RNAMS KYI DGONGS PA JI LTA BA BZHIN
DU GZIGS PA GANGS KHROD 'DI NA, KHYOD LAS GZHAN NA GANG ZHIG YOD
DE MED PAR THAL, GSUNG RAB

DGONGS 'GREL DANG BCAS PA KUN KYANG KHYOD NYID 'BA' ZHIG STE KHO
NA LA GANG ZAG GCIG 'TSANG RGYA BA'I LAM DU MA TSANG BA MED PAR
GDAMS PA'I MCHOG TU SHAR BA YIN PA'I PHYIR, RJE BLA MA CHOS CAN,
MKHAS PA'I MCHOG MA LUS PA

@007A *, ,KUN GYI COD PAN LA RTAG TU NGAL BSO MDZAD PA STE SPYI
BO'I GZHI LA 'GOD PA'I ZHABS PAD KYIS RGYA MTSO'I GOS CAN TE SA
GZHI GANG LA BRIS PA STE REG PA'I RDUL PHRAN KYANG LHA DANG BCAS
PA'I 'GRO BA'I MCHOD RTEN BLA NA

MED PAR GYUR PA YIN TE, BYANG CHUB KYI SEMS DANG BSLAB PA GSUM
GYIS RGYUD PHYUG CING GZHUNG LUGS THAMS CAD GDAMS NGAG TU SHAR
BA'I DAM PAR BSHAD MA THAG PA DE'I PHYIR, NGAG DON NI, RJE BLA
MA CHOS CAN, 'GRO BA THAMS

CAD KYI MCHOD PA'I RTEN BLA NA MED PA YIN TE, GANGS KHROD KYI
MKHAS GRUB THAMS CAD KYI SPYI BOS GTUGS PA'I ZHABS KYIS REG PA'I
RDUL PHRA MO TZAM YANG LHA DANG BCAS PA'I PHYAG BYA BA'I 'OS YIN
PA'I PHYIR, DE YANG

PHYOGS 'DI'I SKYE BO DAM PA MKHAS PA DANG GRUB PAR GRAGS PA DON
DANG LDAN PA RNAMS KYIS NI, BDAG NYID CHEN PO 'DI'I ZHABS LA MA
GTUGS PA'AM, BSTOD PA'I ME TOG GIS MNGON PAR MA MCHOD PA MED DE,
'BRI

GUNG CHOS RJE GU SHRI DON GRUB RGYAL PO, STAG LUNG CHOS RJE BKRA
SHIS 'OD 'BAR, SPYAN SNGA LHA GZIGS RAS PA, MI DBANG GRAGS PA
RGYAL MTSAN KHU DBON, SPYAN SNGA BSOD NAMS BZANG PO SOGS DANG,
BYANG BA'I ZHAL NGO

DGE TSUL NAM MKHA' DPAL SOGS MI CHEN DANG, BLA MA RNGOG PA RIN
CHEN BYANG CHUB DPAL BA DANG, RGOD PHRUG GRAGS PA 'BYUNG GNAS,
KU COR RTOGS LDAN LA SOGS PA BKA' RGYUD PHYOGS KYI RNAL 'BYOR
GYI DBANG PHYUG CHEN PO

@007B RNAMS DANG, SA SKYA PA'I BSTAN PA'I RTZA LAG RONG STON
SH'AKYA RGYAL MTSAN, NGOR PA KUN DGA' BZANG PO SOGS CHOS KYI
RGYUD 'DZIN CHEN POR GRAGS PA PHAL MO CHES CHOS KYI BKA' DRIN
ZHUS SHING, KHYAD PAR DU MKHAS PA'I

DBANG PO YID BZANG RTZE PA, SEMS DPA' CHEN PO GZHON NU RGYAL
MCHOG ,CHOS KYI RJE BYAMS PA GLING PA SOGS DE DAG GIS NI RIGS
KYI COD PAN DU 'DZIN PAR MDZAD LA, BLA MA RJE BTZUN RED MDA' BA,
BLA MA DBU MA PA, LHO

BRAG PHYAG NA RDO RJE STE, RANG GI BLA MA DAM PA RNAMS KYIS
KYANG CHOS KYI BKA' DRIN ZHUS SHING, KUN MKHYEN BO DONG PA CHEN
POS KYANG DNGOS MJAL MA THUB KYANG, MKHAS PA NGANG PA'I DED
DPON BLO BZANG ZHES, ,GRAGS PA MGRIN PA'I RDZA RNGA

SGROG PA CAN, ,LEGS BSHAD GSHOG RLABS DBANG PO DE'I DRUNG DU,
,'JIGS MED BUNG BA GZHON NUS 'DI SKAD ZHU, ZHES BYA BA LA SOGS
PA SNYAN NGAG GI LAM NAS 'ONGS PA'I ZHU YIG DU MA PHUL ZHING, LO
TZTSA BA NGAG DBANG GRAGS

PAS KYANG, THUB DBANG ZHING DU KHYOD NYID 'KHOD NAS NI, ,THUB
BSTAN GSAL BA'I 'PHRIN LAS 'DI 'DRA NA, ,THUB PA'I RGYAL TSAB
BDAG GIS CI BYA ZHES, ,MI PHAM MGON DES PHRAG DOG MI MDZAD DAM,
ZHES DANG, SI TU RNAM

RGYAL GRAGS PAS KYANG, ,KLU SGRUB YAB SRAS ZHING GZHAN GSHEGS PA
NA, ,DBU MA'I LAM 'DI STON PA GZHAN MED CES, ,SGRO SKUR BRAG
RI'I PHUNG PO GZHOM SLAD DU, ,MGON KHYOD RDO RJE'I ME CHAR LTA
BUR GYUR, CES SOGS

@008A *, ,KYIS BSTOD DO, ,GZHAN YANG, SGRA PA SHES RAB RIN CHEN
GYIS SKU TSE'I STOD LA DGAG PA DU MA MDZAD KYANG, PHYIS NI RJE
BLA MA'I LEGS BSHAD LA THUGS NGES 'DRONGS TE, KHYOD BLO'I NYI
MAS GZHON NU'I DUS KYI

TSE; ;MDO DANG RGYAN GYI PAD TSAL RGYAS MTHONG NAS, ,BDAG BLO
KHENGS PA'I KU MUD LHAG PAR ZUM, ,ZAB YANGS MKHYEN BRTZE'I GTER
LA GSOL BA 'DEBS, ,BYANG PHYOGS 'DI NA TSIG LA MKHAS PA NYUNG,
,DON LA SGRO 'DOGS

CHOD PA DE BAS DKON, ,BSTAN DON NYAMS SU LEN PA SRID MTHA' TZAM,
,DE GSUM MTHAR PHYIN KHYOD LA GSOL BA 'DEBS, CES DANG, GSUNG RAB
MTHA' DAG KHYAD PAR RDO RJE'I THEG ,RGYUD SDE MTHA' DAG KHYAD
PAR 'DUS PA DANG, ,

RIM GNYIS MTHA' DAG KHYAD PAR SGYU LUS LA, ,SNGON MED LEGS BSHAD
GTER CHEN KHYOD LA 'DUD, CES PA LA SOGS PAS BSTOD DO, ,MDOR NA
DPAL YID BZANG RTZE PA CHEN PO'I ZHAL NAS, DE'I DUS SU SA CHEN
PO 'DI

RJE BTZUN TZONG KHA PA CHEN PO'I GDUGS DKAR PO GCIG GIS KHYAB
PAR MDZAD DE YOD PA YIN GSUNG, GNYIS PA NI, RJE BLA MA CHOS CAN,
BTZUN PA'I MTHAR THUG PA'I YON TAN DANG LDAN PA YIN TE, RGYAL
BA'I MKHYEN PAS JI

TZAM DU LEGS PAR DPYAD PA STE BRTAGS KYANG, KHYOD KYI THUGS LA
SDOM PA GSUM GYI BSLAB PA BCAS PA'I KHRIMS LA DRAN SHES LHOD PAR
BGYIS PA LAS BYUNG BA'I NYES PA'I CHA PHRA MO TZAM YANG GZIGS PA
SPANGS PA'I TSUL

@008B KHRIMS RNAM PAR DAG PA LA GNAS PA YIN PA'I PHYIR, GSUM PA
NI, RJE BLA MA CHOS CAN, BZANG BA'I MCHOG TU GYUR PA THUGS RJE
CHEN PO'I GTER DU GYUR PA'I YON TAN DANG LDAN PA YIN TE, KHYOD
KYI THUGS LA MNGA' BA'I SNYING RJE CHEN PO DE'I

GTING DANG MTHA' JI TZAM ZHES TE, 'DI TZAM ZHIG YOD CES YE SHES
KYI SPYAN LDAN KUN GYI'ANG GZIGS PA'I YUL LAS 'DAS PA'I BRTZE BA
DANG LDAN PA YIN PA'I PHYIR, DPER NA, RIN PO CHE DU MA'I 'BYUNG
GNAS CHU YI PHUNG POR GYUR PA'I

RGYA MTSO'I GTING DANG MTHA' SKYE BO THA MAL PAS JI BZHIN DU
RTOGS DKA' BA LTAR YIN PA'I PHYIR, RJE BLA MA CHOS CAN, RGYAL
BA'I SRAS KYI ZAB PA DANG RGYA CHE BA'I SPYOD PA RLABS PO CHE
KUN GYI MTHAR TE PHA ROL TU SON PAS SNYING STOBS RMAD DU

BYUNG BA DANG LDAN PA YIN TE, KHYOD KYI LHAG BSAM RNAM PAR DAG
PA'I KHYOGS LA MA BLANGS PA STE MA BRTEN PA'I LUS CAN RNAMS KYI
PHAN PA DANG BDE BA'I KHUR NI CANG MA MCHIS PA STE MED PA YIN
PA'I PHYIR, RJE BLA MA CHOS CAN, SA GSUM

SKYE DGU'I GNYEN TE PHAN PAR MDZAD PA YIN TE, BSOD NAMS DANG YE
SHES KYI TSOGS GNYIS KYIS BSDUS PA'I RANG RGYUD KYI SPYOD PA
RLABS PO CHE GZHAN LTA SMOS CI 'TSAL TE SMOS CI DGOS, THA NA
MGON PO KHYOD KYI ZHAL GYI PHYI NANG DU RGYU

BA'I DBUGS TZAM YANG 'GRO BA MTHA' DAG LA SMAN PA DANG BDE BA'I
RGYUR GYUR PA YIN PA'I PHYIR, SKYE BA DGU NI, GZUGS MED NAS
GZUGS MED DANG, DE NAS KHAMS GZHAN GNYIS DANG, GZUGS KHAMS NAS
GZUGS KHAMS

@009A *, ,DANG; DE NAS KHAMS GZHAN GNYIS DANG, 'DOD KHAMS NAS
'DOD KHAMS DANG, DE NAS KHAMS GZHAN GNYIS SU SKYE BA LA BYED PA
YANG YOD, YANG PHUNG PO LNGA DANG KHAMS BZHI LDAN LA BYED PA'I
TSUL YANG YOD DO, ,

NGAG DON NI, RJE BLA MA CHOS CAN, 'GRO BA KUN GYI MA 'DRIS PA'I
MDZA' BSHES YIN TE, THA NA ZHAL DBUGS KYI RGYU BA TZAM YANG 'GRO
BA KUN GYI PHAN BDE'I RGYUR GYUR PA'I SKYES BU YIN PA'I PHYIR,
'GA' ZHIG BLO SBYONG GI GTONG LEN GYI

SKABS DANG SBYAR BAR SNANG YANG DON MIN NO, ,BZHI PA LA GNYIS,
RMAD DU BYUNG BA'I YON TAN BRNYES TSUL DNGOS DANG, BSTAN PA LA
BYA BA MDZAD CING MTHAR MYA NGAN LAS 'DA' BA'I TSUL BSTAN NAS
LONGS SKU MNGON DU MDZAD TSUL LO, ,

DANG PO LA GNYIS, LHAG PA'I LHA DANG RGYA GAR GYI MKHAS GRUB
RNAMS KYIS ZHAL DNGOS SU BSTAN NAS DBUGS DBYUNG ZHING BYIN GYIS
BRLABS TSUL DANG, DE KHO NA NYID KYI DON MNGON SUM DU GZIGS
SHING RGYUD DON 'BYED PA LA 'KHRUL

BA'I DRI MA SPANGS PA'I SGO NAS RIM GNYIS KYI RTOGS PA KHYAD PAR
CAN BRNYES TSUL LO, ,DANG PO NI, RJE BLA MA CHOS CAN, RJE BTZUN
'JAM PA'I DBYANGS KYIS MNGON SUM DU DGE BA'I BSHES GNYEN MDZAD
NAS, DUS GSUM GYI RGYAL

BA'I THUGS KYI BCUD BSDUS PA'I ZAB RGYAS KYI GDAMS PA RGYUN MI
'CHAD PAR 'DOMS PA YIN TE, DANG POR DGA' BA GDONG DU BLA MA DANG
YI DAM THA MI DAD PAR GSOL BA BTAB PA'I TSE, RJE BTZUN 'JAM PA'I
DBYANGS KYIS KHYOD LA

@009B ZHAL DNGOS SU BSTAN CING, DE NAS BZUNG STE GSOL BA BTAB PA
NA NAM 'DOD KYI TSE NYI MA RE RE BZHIN YANG ZHAL GZIGS SHING,
LEGS PAR BSHAD PA'I BDUD RTZI'I RGYUN NGOMS MED DU GSOL BA YIN
PA'I PHYIR, 'O NA RJE BLA MA RJE

BTZUN 'JAM PA'I DBYANGS KYI SPRUL PA YIN NA, DNGOS SU CHOS GSAN
PA JI LTAR RIGS CE NA, SKYON MED DE, SAMBU tA LAS, 'CHAD PA PO
NGA CHOS KYANG NGA, ,RANG GI TSIGS LDAN NYAN PO NGA, ,ZHES
GSUNGS PA LTAR YIN PA'I PHYIR, RJE

BLA MA CHOS CAN, SNYIGS MA'I DUS KYI 'JIG RTEN 'DIR THUB PA'I
BSTAN PA PADMO'I TSAL RGYAS PAR BYED PA LA MGON PO KHYOD NI
RGYAL BA'I NYI MA JI BZHIN DU GYUR PA YIN TE, TZA RI NAS GNYAL
DU BYON PA'I LAM DU MO LA'I LA RTZAR RJE

BTZUN BYAMS PA RI BO TZAM ZHIG ZHAL GZIGS PA DE'I ZHAL NAS, RIGS
KYI BU KHYOD SANGS RGYAS 'JIG RTEN DU BYON PA 'DRA BA ZHIG 'ONG
BAR SHE PAR GYIS CES MNGON SUM DU DBUGS DBYUNG BA STE SPRO BA
BSKYED CING MCHOG TU

BSNGAGS PA YIN PA'I PHYIR, RJE BTZUN DAM PA PHYAG NA RDO RJES
NI, RJE 'DI NYID BYAMS PA'I SPRUL PAR YANG BSTAN TE, MA 'ONGS
'GRO BA'I MGON PO BYAMS MGON GYIS, ,SNYIGS DUS 'GRO LA THUGS
RJES NYER DGONGS NAS, ,GANGS

CAN DPAL DU BYON PA'I TZONG KHA PA, ,DPAL LDAN BLA MA'I ZHABS LA
PHYAG 'TSAL LO, ,ZHES GSUNGS PA YIN PA'I PHYIR, RJE BLA MA CHOS
CAN, GZHAN YANG RANG RGYUD NYON MONGS PA'I SGRIB BYED YONGS SU
DAG PAS GRANGS MED RGYAL BA

@010A *, ,RNAMS KYI SKU'I RGYAL MTSAN MNGON SUM DU GZIGS PA YIN
TE, GNYAL SMAD SENG GE RDZONG DU BZHUGS DUS, BCOM LDAN 'DAS DUS
KYI 'KHOR LO'I ZHAL GZIGS NAS, DUS KYI 'KHOR LO 'DI LA RGYAL PO
ZLA BA

BZANG PO BYON PA 'DRA BA ZHIG 'ONG ZHES LUNG BSTAN CING, RDZING
PHYI'I ZHIG GSOS MDZAD DUS, SANGS RGYAS SUM CU SO LNGA'I ZHAL
GZIGS, CHO 'PHRUL MCHOD PA DANG LHA SA'I SMON LAM MDZAD DUS,
SANGS RGYAS THAMS CAD RIGS LNGA'I

RNAM PAR BYAS TE, NAM MKHA'I KHYON KUN GANG BA'I TSUL GYIS GZIGS
LA, GZHAN YANG DPAL RDO RJE 'JIGS BYED, 'KHOR LO BDE MCHOG
,'KHOR LO CHEN PO, BCOM LDAN 'DAS THUB PA CHEN PO, RNAM RGYAL,
SGROL MA, GDUGS

DKAR, 'OD ZER CAN, SMAN BLA, TSE DPAG MED, PHYAG DRUG PA, GUR
MGON, PHYAG BZHI PA, RNAM SRAS, CHOS RGYAL, GNOD SBYIN KshETRA
P'A LA RNAMS DANG, GRUB CHEN SA RA HA, L'U AI PA, AINDRA BH'U TI
SOGS GRUB PA CHEN PO MCHOG GI

DNGOS GRUB THOB PA DU MAS ZHAL BSTAN TE MNGON SUM DU BYIN GYIS
BRLABS PA'I SKYES BU MCHOG YIN PA'I PHYIR, GNYIS PA NI, RJE BLA
MA CHOS CAN, RGYAL BA'I GSUNG GI GCES MDZOD STONG PA RTEN 'BYUNG
GI DON 'BYED PA LA 'KHRUL

PA'I DRI MA GTAN NAS SPANGS PA YIN TE, GRUB PA'I GNAS MCHOG DPAL
GYI LHA SDINGS SU BLA MA DANG RJE BTZUN DBYER MED DU GSOL BA
BTAB PA GANG GI TSE KLU SGRUB 'PHAGS PA LHA DANG, SANGS RGYAS
BSKYANGS DANG, LEGS LDAN 'BYED

@010B DANG; ZLA BA'I ZHABS KYIS BYIN GYIS BRLABS SHING, KHYAD
PAR SANGS RGYAS BSKYANGS KYIS BYIN GYIS BRLABS PA'I MTSAN MA
BRTAN PO BYUNG BA DE YI MOD LA ZAB MO'I CHOS NYID MNGON SUM DU
RTOGS SHING, LTA BA'I SGRO 'DOGS LHAG MA MED

PAR CHOD PA YIN PA'I PHYIR, RJE BLA MA CHOS CAN, MNYAM GZHAG
DANG RJES THOB KYI RNAL 'BYOR LA GOMS PA BRTAN POR GYUR PA YIN
TE, KHYOD KYIS CHOS CAN CHOS THAMS CAD KYI CHOS NYID DGAG BYA
BDEN GRUB BKAG TZAM NAM MKHA'I

DKYIL LTA BU LA RTZE GCIG TU MNYAM PAR BZHAG PA'I TING NGE 'DZIN
MCHOG GIS LEGS PAR GOMS PAS CI 'DOD DU GNAS SHING, DE'I MTHUS
TING NGE 'DZIN DE LAS LANGS PA'I RJES THOB TU YANG CHOS CAN MA
LUS PA BDEN PAS STONG

YANG; DE DANG DER SNANG BA'I SGYU MA LTA BU'I DON THUGS SU CHUD
PA'I RNAL 'BYOR LAS SKAD CIG KYANG G-YO BA MED PA YIN PA'I
PHYIR, RJE BLA MA CHOS CAN, RGYAL BA'I DKYIL 'KHOR MA LUS PA LA
KHYAB PA'I BDAG PO 'BRAS DUS KYI YE SHE

LNGA'I RANG BZHIN GYI RDO RJE DANG, DE MTSON BYED RTAGS KYI RDO
RJE RANG GI DPAL DU 'CHANG DBANG STE 'DZIN PA DANG DBYER MED
PA'I BLA MA MCHOG YIN TE, THUB PA'I DBANG PO'I LEGS BSHAD KUN
GYI MTHAR THUG PA RGYUD SDE RGYA MTSO'I TSOGS KYI

TSIG DANG DON GYI DE NYID LEGS PAR 'BYED PA LA 'KHRUL BA'I DRI
MA MA LUS PA SPANGS PAS LKOG TU MA GYUR PA'I CHOS KYI SPYAN
MNGA' BA YIN PA'I PHYIR, RJE BLA MA CHOS CAN, KHA BA CAN 'DIR
'GRAN PA'I ZLA THAMS CAD DANG BRAL BA'I

@011A *, ,SKYES BU YIN TE, GANGS RI'I PHRENG BAS BSKOR BA'I
PHYOGS 'DIR SNGON CHAD BYON ZIN PA'I DAM PA GZHAN RNAMS KYI RNAM
DPYOD KYIS MA MYANGS PA STE YUL DU MA GYUR PA MA BSHAD LEGS PAR
SBYAR BA'I SGO NAS THON PA

THAMS CAD MKHYEN PA BSGRUB PA'I LAM GYI MTHAR THUG PA RIM PA
GNYIS LAS BRTZAMS PA'I ZAB MO'I GNAD SPYI DANG, KHYAD PAR STONG
BZHI'I RLUNG SEMS LAS SGYU MA'I SKU BSGRUB TSUL RMAD DU BYUNG BA
'PHAGS PA YAB SRAS KYI DGONGS PA

JI LTA BA BZHIN RNAM DPYOD KYIS GZIGS NAS DON DE BSGRUB PA LA
NYAMS LEN SNYING POR MDZAD PA YIN PA'I PHYIR, 'DI NI RANG BZHIN
BRJOD PA KHO NA YIN TE, TSUL 'DI LTA BU'I YON TAN MNGA' TSUL RJE
RANG NYID KYI ZHAL NAS KYANG, BY'A GHRA'I

GONG GI TZANDRA NI, ,MIG DANG ZLA BA'I GRANGS GSUM LA, ,BGRO BA
MDZAD PA'I CHU 'DRES CHUS, ,KA LA SHA BKANG STER RTZIS BYED,
,PHUL BYUNG NAS NI SUM BRGYA BCU, ,SONG ZER YAB GCIG DKYIL 'KHOR
GTZO, ,BGRO BA MDZAD PA GNYIS KYANG

SNANG, ,GRANGS BZHI PA LA RNAM PA CAN, ,KHRI YI STENG NAS RTZA
BA NI, ,GTAD NAS 'DI BDAG GYIS CES TSE, ,SNGAGS RGYAS LAN GSUM
BTEG SNGON GYI, ,DE 'DRA'I LTAS GO LNGA PA LA, ,LHO YI THUGS
BCUD DAM PA LA, ,'PHRIG TSUD DE NAS

DRUG PA LA, ,DES RNYED DE NAS BDUN PA LA, ,RTOG BSRES LAS NI
SHIN TU NGES, ,SHID ZAN ZHES PA'ANG DE NAS GO ,DE 'DRA'I NGO
MTSAR RMAD DU BYUNG, ,RJED KYI DOGS NAS YI GER BKOD, ,DE DON
BSGRUB PA MTHAR PHYIN SHOG ,CES JI SKAD

@011B BRJOD PA DANG MTHUN PA'I YON TAN BRNYES PAR GSUNGS LA, DE
RNAMS KYI DON NI GSANG BA'I RNAM THAR LAS RIG PAR BYA'O, ,'O NI
PHYOGS 'DIR SNGON CHAD GZHAN GYIS MA MYANGS CES PA DE LTAR YIN
NA, LHO BRAG MAR PA DANG, JO BO RJE

DANG, PADMA SAMBHA WA SOGS KYIS RIM GNYIS KYI GNAD ZAB MO MA
RTOGS PAR 'GYUR LA, DE LTAR NA LHO YI THUGS BCUD DAM PA LA,
,'PHRIG TSUD CES GSUNGS PA DANG 'GAL BAR 'GYUR RO ZHE NA, SKYON
MED DE, SGYU MA'I SKU BSGRUB TSUL SOGS

RIM GNYIS KYI GNAD RNAMS BLA MED KYI RTZA RGYUD RNAMS NA SBAS PA
'PHAGS PA YAB SRAS NAS RIM BZHIN BRGYUD PA'I MAN NGAG LHO BRAG
MAR PA'I THUGS BCUD MTHAR THUG PA LA BRTEN NAS, RTZA BSHAD LEGS
PAR SBYAR BA'I KHONGS

NAS THON PA'I GDAMS PA RMAD DU BYUNG BA 'DI LTA BU'I SROL 'BYED
PA PO SNGON CHAD PHYOGS 'DIR SU YANG MA BYUNG BA'I RGYU MTSAN
GYIS YIN NO, ,DON 'DI BDAG NYID CHEN PO RANG NYID KYIS KYANG
ZHAL GYIS BZHES TE, SGRON GSAL GYI MCHAN

BUR; DPAL LDAN 'DUS PA BDUD RTZI'I RGYA MTSO CHE, ,SBAS DON GSAL
BA'I KLU SGRUB MAN NGAG GIS, ,RGYUD RGYAL GDAMS PAR SHAR BA'I
NYAMS LEN DANG, ,RIGS LAM PHRA MO 'BYED PA'I RNAM DPYOD KYI,
,SRUB THAG BZANG POS DKRIS

PA'I BSHAD RGYUD KYI, ,SRUB SHING MCHOG GIS YANG YANG BSRUBS PA
LAS, ,TSIG GI ZUR PHYIN DON GYI GNAD GSAL BA, ,SNGON CHAD PHYOGS
'DIR MNGON DU MA GYUR PA'I, ,TSIG DON BDUD RTZIS GANG BA'I BUM
PA RNYED, CES GSUNGS

@012A *, ,PA'I PHYIR DANG, 'KHOR LO SDOM PA'I RDZOGS RIM DNGOS
GRUB KYI SNYE MAR YANG, GRUB THOB CHEN PO'I RDZOGS PA'I RIM,
,SHIN TU RTOGS PAR DKA' BA'I GNAD, ,SNGON CHAD PHYOGS 'DIR RTZA
BSHAD KYI, ,RGYUD SDES

LEGS PAR MA BKRAL BA, ,BDAG GIS BRTZON PA CHEN PO YIS, ,RING DU
'BAD LAS RNYED GYUR PA, ,DE 'DIR BSHAD PAR BYA YI NYON, ZHES
GSUNGS SHING, DE DANG MTHUN PAR PADMA THANG YIG LAS KYANG, DGE
LDAN ZHES BYA'I DGON

GNAS DAM PA RU, ,MKHAS PA'I MCHOG NYID MDO RGYUD DON LA MKHAS,
,RDO RJE 'CHANG SPRUL GSANG SNGAGS BKA' SGO 'BYED, ,'GRO BA'I
DED DPON LAM STON SA MKHAN NI, ,BLO DANG BZANG GI MTSAN CAN
SKYES BU 'BYUNG, ,GSANG

MTSAN LAS RAB RDO RJE BDE BA RTZAL, ZHES LUNG BSTAN NO, ,DES NA
MKHAS PA'I DGONGS PA JI LTAR YIN MA RTOGS PAR, BSTOD TSIG 'DI
THOS PA TZAM GYIS DUG SBRUL GYIS GLA RTZI'I DRI TSOR BA LTAR MA
BYED PAR RJE BLA MA RGYAL BA THAMS

CAD LAS LHAG PA'I THUGS RJE CAN DU RIG PAR GYIS SHIG ,RJE BLA MA
CHOS CAN, THA MAL GYI SNANG BA DANG ZHEN PA'I KUN RTOG MA LUS PA
GANG SHAR LHA'I DKYIL 'KHOR GYI 'KHOR LO'I RNAM ROL DU SNANG BA
DANG, BDAG NYID LHA DE'O SNYAM PA'I

NGA RGYAL GYIS THA MAL GYI SNANG ZHEN RGYANG BSRINGS SHING SPANG
BA YIN TE, THIG LE YUNGS 'BRU TZAM GYI NANG DU RTEN BRTEN PA'I
DKYIL 'KHOR MA LUS PA SKAD CIG GIS GSAL LAM 'DRIS PAR BSGOMS NAS
CI 'DOD KYI BAR DU 'JOG

@012B NUS PA'I PHRA MO'I RNAL 'BYOR DANG, RTEN BRTEN PA'I DKYIL
'KHOR SKYE MCHED KYI LHA DANG BCAS PA SKAD CIG GIS GSAL BA'I
GSAL SNANG DANG, NGA RGYAL LA THUN 'KHYONGS KYI BAR DU KHYOD
THUGS G-YO BA MED PAR 'JOG NUS PA'I RAGS PA'I

LHA'I RNAL 'BYOR MTHAR PHYIN PA YIN PA'I PHYIR, RJE BLA MA CHOS
CAN, RDZOGS RIM PA'I SKABS KYI BDE STONG DBYER MI PHYED PA RDO
RJE'I THUGS DANG LDAN PA YIN TE, BSKYED RIM MTHAR PHYIN PA'I 'OG
TU RDO RJE'I LUS LA GNAD DU BSNUN PAS KUN

RTOG BRGYAD CU'I BZHON PA'I RLUNG GI RGYU BA MA LUS PA DH'U
T'I'I NANG DU ZHUGS NAS GNAS SHING DNGOS PO STE SNYING KHA'I MI
SHIGS PA LA THIM PAS, STONG PA GSUM RIM GYIS DRANGS PA'I MTHAR
THAMS CAD STONG PA 'OD GSAL GYI DE KHO NA NYID

MNGON SUM DU GZIGS SHING, MNYAM GZHAG DE LAS BZHENGS PA'I TSE
GANG SHAR THAMS CAD BDE BA'I MCHOG LHAN SKYES KYI BDE CHEN DANG,
STONG PA NYID DBYER MI PHYED PA'I RNAM ROL DU SHAR BA CAN YIN
PA'I PHYIR, RJE BLA MA CHOS CAN, 'BAD

RTZOL MED PAR LHUN GYIS GRUB PA'I PHRIN LAS KYIS GRANGS MTHA'
YAS PA'I GDUL BYA'I TSOGS RNAMS RGYAL BA DGYES PA'I MDO DANG
SNGAGS KYI LAM BZANG PO LA 'KHRID PAR MDZAD PA YIN TE, BSKAL PA
DPAG TU MED PA'I SNGA ROL NAS

BSKRUN PA MTHA' YAS PA'I SMON LAM GYI STOBS MNGA' BA'I THABS
MKHAS KYIS 'JIG RTEN MA LUS PA KUN GYI SKYABS SU GYUR PA YIN
PA'I PHYIR, DE SKAD DU YANG RJE BTZUN GSANG BDAG GI LUNG BSTAN
LAS, GSANG 'DZIN LAS KYI RDO RJE LA, ,

@013A *, ,SNGON NAS NYE BAR 'BREL BA YI, ,BLO BZANG GRAGS PA 'DI
DAG NI, ,SANGS RGYAS KUN GYI SPRUL PA STE, ,PAn CHEN RKYANG GI
LUS BZUNG NAS, ,MDO DANG SNGAGS KYI DON BSHAD CING, ,NGES PA KHO
NAR 'TSANG RGYA'O, ,RGYA GAR RGYA

NAG BAL PO DANG, ,DBUS GTZANG MDO KHAMS YUL PHYOGS SU, ,SKYE BA
BZUNG ZHING 'GRO KUN RNAMS, ,THAR PA'I LAM LA 'KHRID PAR BYED,
,'JAM PA'I DBYANGS NI LHAG PA'I LHA, ,DBYANGS CAN MA NI LAS RGYA
STE, ,NGES PA KHO NAR BYANG CHUB BO, ,

'PHAGS PA'I SLOB MA 'DU BAR BYED, ,LUS 'DI BOR TSE DGA' LDAN DU,
,BYAMS PA'I DRUNG 'GRO CHOS NYAN 'GYUR, ,'JAM DPAL SNYING PO
ZHES BYA BA, ,SEMS CAN KUN LA BRTZE BA STE, ,DE NI SA BCU'I
MTHAR PHYIN TO, ,ZHES GSUNGS PA

LTAR RO, ,GNYIS PA NI, RJE BLA MA CHOS CAN, KHYOD KYIS RGYAL
BA'I BSTAN PA NYIN MOR TE NYI MA SHAR BA LTAR MDZAD PA YIN TE,
TSIG SPYI STE RNAL MA MED PAR BSHAD PA DANG SGRUB PA'I RTAGS
TZAM GYI BRTUL ZHUGS 'DZIN PA'I DGE SBYONG GI

GZUGS BRNYAN GYIS THUB PA'I BSTAN PA MING TZAM LHAG MAR GYUR PA
STE, MING TZAM ZHIG LUS PAR BYAS PA'I DUS SU BSLAB PA GSUM DANG
MDO SNGAGS KYIS BSDUS PA'I LUNG DANG RTOGS PA'I RGYAL BA'I DAM
CHOS KUN RGYAS PAR MDZAD

PA YIN PA'I PHYIR, DE SKAD DU YANG 'JAM DPAL RTZA RGYUD LAS, YI
GE DANG PO BA GRAGS PA, ,SDOM BRTZON THAMS CAD GRAGS PA YANG,
,STON PA'I BSTAN PA GSAL BYED PA, ,BSTAN PA DE TSE SA STENG DU,
,RNAM PAR NYAMS SHING SNANG

@013B MED LA, ,BSTAN PA'I GZUGS BRNYAN YID DU 'ONG, ,BYED PAR
'GYUR BA THE TSOM MED, ,THAMS CAD BYANG CHUB LUNG BSTAN TE, ,NGA
YI BYANG CHUB MCHOG THOB 'GYUR, ,DE NI 'JIG RTEN SBYIN GNAS
'GYUR, ,SRID PA GSUM GYI MTHAR YANG BYED, ,

SNGAGS DANG RGYUD LA MNGON BRTZON PAS, ,GRAGS PA 'DZIN PAR SHES
PAR BYA, ZHES LUNG BSTAN CING, BDAG NYID CHEN PO RANG NYID KYI
GSUNG LAS KYANG, RGYAL SRAS SMON LAM GANGG'I'I BYE SNYED PA,
,DAM CHOS 'DZIN PA'I SMON LAM NANG 'DUS PAR, ,

GSUNGS PHYIR DGE RTZA JI SNYED MCHIS PA RNAMS, ,KUN KYANG BSTAN
PA RGYAS PA'I CHED DU BSNGOS, ,TSUL 'DI BSAMS SHING 'DUN MA LEGS
NAS GDA', ,BKA' DRIN CHE'O RJE BTZUN MKHYEN PA'I GTER, ZHES
GSUNGS PA LTAR RO, ,RJE

BLA MA CHOS CAN, ZHING 'DIR SKU DNGOS KYIS 'DUL BA'I GDUL BYA RE
ZHIG RDZOGS NAS THA MAL PA RNAMS LA SNANG BA'I SKU YI BKOD PA DE
NI NYE BAR BSDUD PA LA KHYOD KYI THUGS GZHOL BA DE'I TSE, NGO
MTSAR BA'I LTAS DU MA MNGON DU GYUR

PA YIN TE, DPA' BO DANG MKHA' 'GRO'I LHA TSOGS DPAG TU MED PA
RNAMS KYIS MNGON PAR MCHOD PA YIS, MCHOD PA'I SPRIN BSAM YAS TE
BSAM GYIS MI KHYAB PAS NAM MKHA' GANG BA YIN PA'I PHYIR, MYA
NGAN LAS 'DA' TSUL

BSTAN PA DE'I TSE, RJE BLA MA CHOS CAN, MCHOG GI DNGOS GRUB ZUNG
'JUG RDO RJE 'CHANG GI GO 'PHANGS BRNYES PA YIN TE, SNGON SAD
DUS SU BSRE BA'I GDAMS NGAG YONGS SU RDZOGS PAR MDZAD PA'I
MTHUS, 'CHI BA'I 'OD GSAL DE NYID LAM

@014A *, ,GYI 'OD GSAL SEMS DBEN MTHAR THUG PA'I DPE'I 'OD GSAL
CHOS KYI SKUR MNGON SUM DU BSGYUR NAS, THUGS RGYUD LA BSKYED PAR
MDZAD PAR GYUR PA YIN CING, DE'I RTAGS SU PHYI ROL DU KHYOD KYI
SKU 'OD ZER

DKAR SER RAM, DMAR SER GYIS MDZES PA'I ZLA BA'I GONG BU LTA BUR
KUN GYIS MTHONG BAR GYUR LA, 'CHI BA'I 'OD GSAL DE NYID KYI
MTHAR THA MAL PA RNAMS LA BAR DO 'ONG RGYU'I DOD LA 'CHI BA'I
'OD GSAL GYI RLUNG SEMS TZAM LAS

MA DAG PA'I SGYU MA'I SKUR BZHENGS SHING, RTEN DE LA BRTEN NAS
LONGS SPYOD RDZOGS PA'I SKU MNGON DU MDZAD PA YIN PA'I PHYIR,
GNYIS PA DE STON PAR BYED PA LA, DENG NAS BRTZAMS TE ZHES SOGS
BYUNG, GSUM PA RTZOM PA MTHAR

PHYIN PA'I TSUL NI, ZHES RGYAL BA THAMS CAD KYI MKHYEN BRTZE
GCIG TU BSDUS PA'I ZHES SOGS KYIS 'CHAD DE, DON RTOGS SLA BA
DANG, YI GES HA CANG 'JIGS PA'I PHYIR MA SPROS SO, ,RDO RJE'I
TSIG LTAR SHIN TU RTOGS DKA' BA'I, ,

DON 'DI DAM PA 'GA' YIS BKRAL LO ZHES, ,GRAGS KYANG DE DAG BDAG
GIS MTHONG MA GYUR, ,'DI NI RANG BLO'I STOBS KYIS RNAM PAR PHYE,
,SLAR YANG DE NYID RIG PA'I MKHAS RNAMS KYIS, ,LEGS PAR DPYOD LA
'DI BAS

CHES LHAG PA'I, ,RNAM BSHAD SPRO BAR NUS NA GYIS SHOG DANG,
,LEGS PAR BSHAD TSE BDAG KYANG THAL MO SBYOR, ,BAR SKABS KYI
TSIGS SU BCAD PA'O, ,'DIR SMRAS PA, 'JAM DPAL DPA' BO RAL KHUR
DANG, ,KHROL KHROL RIN CHEN

@014B RGYAN SPANGS TE, ,NGUR SMRIG GAR GYIS ROL PA GANG, ,BLO
BZANG RGYAL BA GNYIS PAR GRAGS, ,SNYIGS MA PANYTZA'I BYIN ZA
YIS, ,'GRO YI BUD SHING RAB BSREGS PA'I, ,DUS 'DIR BLO BZANG
SPRIN CHEN GYIS, ,BSIL BA'I DNGOS PO CI

YANG SBYIN, ,THUB BSTAN YID 'ONG PADMA'I TSAL, ,DUS KYI ZLA BAS
REG PA LA, ,LEGS BSHAD 'OD STONG GIS MDZES PA, ,MGON KHYOD NYIN
MO'I DBANG PHYUG BZHIN, ,GANG GI MTSAN SNYAN BEE d'UR+YA'I,
,RMAD BYUNG RIN CHEN RNA RGYAN GYIS, ,

SGRA 'DZIN SKAL BZANG BYED PA YANG, ,BSOD NAMS BYE BAS BSKRUN
DGOS PAS, ,BDAG NYID CHEN PO'I BSNGAGS BYA NI, ,BLO CHUNG KHUNG
DU SHONG MIN NA, ,DAG BYED DZA HU'I BU MO 'DI, ,SKAL BZANG BLO
GROS RGYA MTSO'I GSOS, ,'JAM DBYANGS

MKHYEN BRTZE'I SNANG BRNYEN LAS GRUB AUTPAL GAR GYI RI MO BZHIN,
,RAB 'BYAMS ZHING GI RGYAL BA'I MDZAD PAS DPER 'OS MIN PA'I
THUGS RJE CAN, ,ZLA MED BLA MA MCHOG DE'I YON TAN MKHAS GRUB
CHEN POS BSNGAGS PA GANG, ,

LUNG DANG RIGS PAS LEGS PAR BKRAL 'DI MKHAS RNAMS DGYES PA'I ROL
MOR 'BUL, ,BSTOD TSIG GSAL BA'I ME TOG PHRENG, ,MNGON PAR SPEL
BA'I BYED PO GANG, ,SNYAN DNGAGS SMRA BA THAMS CAD KYI, ,COD PAN
'DZIN PA DE NYID

DO, ,DAM PA'I ZHABS SEN SPYI BO'I RGYAN DU 'DZIN, ,RGYA CHEN
MANG DU THOS PA'I LANG TSO RGYAS, ,MGRIN PA'I BUM PA LEGS BSHAD
KYIS GANG BA'I, ,SKAL BZANG RNAMS KYI KHA LA TSIG 'DI 'GYU, ,'DI
LTAR BSKRUN PA'I DGE BA'I MTHUS, ,'JAM

@015A *, ,DPAL SNYING PO'I ZHABS BSTEN CING, ,RMAD BYUNG BKOD
PA'I ZHING MCHOG DER, ,BDE GSHEGS SRAS KYI THU BOR SHOG ,CES PA
'DI NI LUNG DANG RTOGS PA'I YON TAN RMAD DU BYUNG BA'I DGE BA'I
BSHES GNYEN LEGS BSHAD

DPAL LDAN GYIS NAN CHER BSKUL BA DANG, BDAG NYID KYANG TSE RABS
THAMS CAD DU RJE BTZUN BLA MA DE NYID KYIS 'BRAL BA MED PAR RJES
SU 'DZIN PA'I RGYU TSOGS KHYAD PAR CAN LA DMIGS TE, SDE SNOD
'DZIN PA BLO BZANG CHOS KYI RGYAL MTSAN

DPAL BZANG POS CHOS GRVA CHEN PO GANGS CAN CHOS 'PHEL GYI GZIMS
KHANG DU SBYAR BA'O,, ,,'DIS KYANG RJE BLA MA'I BSTAN PA PHYOGS
DUS KUN TU RGYAS PAR BYED NUS PAR GYUR CIG , ,,