` ,,NA MO GU RU MANYDZU GHO sh'A YA, 'DIR 'CHI
DUS SU NGES PAR DGOS PA, DPA' BO G-YUL DU 'JUG PA'I GO CHA'I
GRABS BYED PA LTA BU 'PHO BA BSDUS PA NYAMS SU LEN TSUL NI,
SKYABS 'GRO SEMS BSKYED SNGON

DU BTANG, BDE BA CAN NAS RTZA BA'I BLA MA DANG, ,DBYER MED 'OD
DPAG MED MGON SPYAN DRANGS TE, ,BDAG GI SPYI BOR DGYES BZHIN
BZHUGS PAR GYUR, ,RANG LUS DBUS KYI DRANG POR RTZA DBU MA, ,MDA'
SMYUG TZAM ZHIG MAR SNA LTE 'OG

NAS, ,YAR SNA TSANGS BUG THAL GYIS ZUG PAR BSAM, ,SNYING DBUS
RANG SEMS THIG LE RGYA SRAN TZAM, ,DKAR 'TSER 'PHUR ZHING 'PHAR
LA KHAD PA BSGO MA, ,TSE 'DI'I GNYEN 'KHOR GNAS LUS LONGS SPYOD
SOGS, ,GANG LA'ANG

CHAGS SHING ZHEN PA RAB SPANGS NAS, ,SPYI BO'I BLA MA SKYABS
GSUM KUN 'DUS LA, ,GUS PAS SKYABS 'GRO GSOL 'DEBS YANG YANG BYA,
,BSLU MED DKON MCHOG GSUM GYI NGO BO NYID, ,NGAN SONG 'JIGS LAS
SGROL BA'I DPA' BO STE,

DAG PA'I ZHING DU 'KHRID PA'I DED DPON MCHOG ,MGON PO 'OD DPAG
MED LA GSOL BA 'DEBS, ,GNAD GCOD GSHIN RJE'I 'JIGS LAS SKYAB TU
GSOL, ,'JIGS RUNG BAR DO'I 'PHRANG LAS SGRAL DU GSOL, ,BZOD DKA'
NGAN

@018A *, ,'GRO'I G-YANGS LAS DRANG DU GSOL, ,ZHING MCHOG BDE BA
CAN DER 'KHRID DU GSOL, ,RE SA GZHAN NA MED DO THUGS RJES
DRONGS, ,DE LTAR GDUNG SHUGS DRAG POS GSOL BTAB PAS, ,MGON PO'I

THUGS KA NAS 'ONGS 'OD ZER GYI, ,LCAGS KYUS RANG SEMS THIG LER
GSAL LA BTAB, ,'OG RLUNG DRAG TU 'THEN PA'I GZHU MO LA, ,HI KA
GI MDA' SBYAR BLA MA'I THUGS KAR 'PHANGS, ,DA LTA SBYONG DUS
RNAM SHES TSANGS BUG

LAS, ,MI 'DON SLAR YANG SNYING KHA'I DBUS SU 'JOG ,RGYAL BA'I
DKYIL 'KHOR BZANG ZHING DGA' BA DER, ZHES SOGS SMON LAM DAG PAS
MTSAMS SBYOR BYA, ,TSUL 'DI SDIG CAN BTZAN THABS 'TSANG RGYA'I
THABS, ,MA

SGOMS 'TSANG RGYA 'PHO BA'I MAN NGAG CES, ,BLA MED RGYUD SDE'I
SNYING PO BSDUS PA YIN, CES PA 'DI YANG 'GRO BA MANG PO LA PHAN
PA'I PHYIR, BTZUN PA BLO BZANG CHOS KYI RGYAL MTSAN GYIS SMRAS
PA'O,, ` ,,NA MO GU RU,

BKA' DRIN MNYAM MED RTZA BA'I BLA MA, ,'BRAL MED SNYING KHA'I
PADMOR BZHUGS SHIG ,RANG SEMS LA SOGS 'KHOR 'DAS CHOS RNAMS,
,BDEN PA'I DNGOS POR RDUL TZAM MED PAR, ,RTAG DANG CHAD PA
SPANGS PA'I DBYINGS DE, ,

JI BZHIN RTOGS PA LTA BA'I RGYAL PO, ,RTOGS DON SPROS BRAL ZAB
MO'I DBYINGS DE, ,BYING RGOD SKYON RNAMS LEGS PAR BSAL TE, ,DRAN
DANG SHES BZHIN GANGG'A'I RGYUN BZHIN, ,SKYONG BAR BYED PA SGOM
PA'I RGYAL PO, ,RJES THOB

@018B MNYAM GZHAG RTZI YIS ZIN PA'I, ,SGYU MA LTA BU'I RNAL
'BYOR NGANG NAS, ,SGO GSUM SDIG BRAL DGE BA'I LAM DU, ,CI DGAR
'JUG PA SPYOD PA'I RGYAL PO, ,'DI LTA'I LTA SGOM SPYOD PA'I TSUL
'DI, ,SGYU MAS RMONGS PA'I 'GRO RNAMS

KUN GYIS, ,JI BZHIN RTOGS PAR GYUR NA DGA' BA, ,RTOGS PAR GYUR
NAS GROL NA SKYID PA, CES PA'ANG SMRAS SO,, ` ,,NA MO GU RU
PADMA SIDDHA YE, RANG GANG MOS KYI RTZA BA'I BLA MA DANG, DUS
GSUM MKHYEN PA PADMA

'BYUNG GNAS DBYER MED DU BYAS NAS BLA MA'I RNAL 'BYOR BSGOM TSUL
'KHYER BDE BAR BRJOD PA NI 'DI LTAR, MDUN GYI NAM MKHAR SENG
KHRI PAD ZLA'I STENG, ,BLO BZANG RDO RJE 'CHANG DANG DBYER MED
PA'I, ,RTZA BA'I BLA MA RIG 'DZIN PADMA 'BYUNG, ,RNAM

DAG DGE SLONG RDO RJE 'DZIN PA'I TSUL, ,ZHAL GCIG PHYAG GNYIS
DGYES PA'I 'DZUM DANG LDAN, ,PHYAG G-YAS THUGS KAR RDO RJE
G-YON PA YIS, ,MNYAM GZHAG STENG NA BDUD RTZI'I THOD PA DANG,
,KHA tV'Am GA YIS MTSAN KHUNG MDZES PAR

BRGYAN, ,CHOS GOS GSUM LDAN PAn ZHU DMAR PO GSOL, ,RES 'GA' ZA
'OG BER GYIS LHAB LHUB G-YO, ,MTSAN DPE'I RGYAN LDAN GZI BYIN
'OD STONG 'BAR, ,GRANGS MED DPA' BO MKHA' 'GRO'I 'KHOR DBUS SU,
,MI PHYED

RDO RJE'I SKYIL KRUNG GIS BZHUGS PA'I, ,GNAS GSUM YI GE GSUM
MTSAN H'Um 'OD KYIS, ,PADMA 'OD DANG BDE BA CAN SOGS NAS, ,GRUB
DBANG PADMA 'BYUNG GNAS RTZA BRGYUD KYI, ,BLA MA YI DAM MKHA'
'GRO'I TSOGS DANG BCAS, ,SPYAN

@019A *, ,DRANGS DAM TSIG PA DANG DBYER MED GYUR, CES DAM TSIG
PA DANG YE SHES PA DBYER MED DU BYAS, SKYABS GNAS KUN 'DUS PA'I
BDAG NYID DU BSAMS LA BSAG SBYANG GI GNAD BSDUS PA YAN LAG BDUN

PA 'BUL BA NI, DUS GSUM SANGS RGYAS KUN GYI THUGS RJE NI,
,SNYIGS DUS 'GRO BA MA LUS 'DREN PA'I PHYIR, ,PADMA LAS 'KHRUNGS
RNAM DAG RDO RJE 'DZIN, ,BSLU MED SKYABS KYI DAM PAR GUS PHYAG
'TSAL, ,DNGOS BSHAMS

YID SPRUL PHYI NANG GSANG BA YI, ,MCHOD TSOGS KUN 'BUL SDIG
LTUNG MA LUS BSHAGS, ,DGE LA YI RANG CHOS 'KHOR BSKOR PHYIR DU,
,BSKAL BRGYAR BZHUGS GSOL 'DIS MTSON DGE BA'I TSOGS, ,MA GYUR
MKHA'

MNYAM 'GRO RNAMS BSGRAL PHYIR DU, ,THAMS CAD GZIGS PA'I GO
'PHANG THOB PHYIR BSNGO, ,ZHES YAN LAG BDUN PA PHUL NAS SLAR
YANG, SANGS RGYAS CHOS DANG DGE 'DUN KUN GYI GTZO, ,GRUB PA'I
DBANG PHYUG PADMA 'BYUNG

GNAS DANG, ,DBYER MED DRIN CAN RTZA BA'I BLA MA LA, ,SNYING NAS
GSOL BA 'DEBS SO BYIN GYIS RLOBS, ,'DZAM GLING MKHAS DANG GRUB
PA KUN GYI RGYAN, ,MTHU STOBS DBANG PHYUG SNANG SRID ZIL GYIS
GNON, ,GANGS RI'I

KHROD 'DIR BSTAN PA'I SGRON ME SPAR, ,AURYAN RIN PO CHE LA GSOL
BA 'DEBS, ,BDE GSHEGS SNANG MTHA' YAS KYI THUGS RJE LAS,
,SINDHUR RGYA MTSOR PAD SDONG LAS 'KHRUNGS SHING, SKAL LDAN
YONGS 'DREN SRIN PO'I

@019B KHA GNON MDZAD, ,AURYAN RIN PO CHE LA GSOL BA 'DEBS, ,DE
LTAR GSOL BA BTAB PA'I BLA MA YI, ,SKU LAS 'OD ZER DKAR DMAR
MTHING KHA GSUM, ,RIM DANG CIG CAR BYUNG NAS RANG NYID KYI, ,SGO
GSUM RIM DANG LHAN CIG

THIMS PA LAS, ,SGRIB BZHI DAG CING DBANG DANG SKU BZHI THOB,
,SLAR YANG SKU LAS GNYIS PA ZHIG BYON NAS, ,DGYES SHING RANG LA
THIM PAS BDAG NYID KYANG, ,PADMA 'BYUNG GNAS SKU RU GYUR PAR
BSAM, ,DE NAS RANG GI SNYING

KHAR SNGAGS PHRENG BKOD PA LA 'OD ZER SPRO BA DANG BSDU BA'I
DMIGS PA MA YENGS PAR BYAS TE, AOm A'A: H'Um, BADZRA GU RU PADMA
SIDDHI H'Um, ZHES PA CI MANG BZLA, MJUG TU DGE BA 'DI YIS MYUR
DU BDAG ,DPAL LDAN BLA MA 'GRUB

GYUR NAS, CES SOGS DGE BA BSNGO ZHING SMON LAM DANG BKRA SHIS
KYIS BRGYAN PAR BYA'O, ,SMRAS PA, BLUN POS GANG BA'I BOD YUL MIN
GLING 'DIR, ,THUGS RJE'I 'OD ZER STONG GIS GSAL MDZAD PA, ,GRUB
PA'I DBANG

PHYUG PADMA 'BYUNG GNAS DANG, ,RANG NYID MOS PAS BLA MA DBYER
MED DU, ,RTZE GCIG GSOL BA 'DEBS PA'I NYAMS LEN GYI, ,ME TOG
PHRENG MDZES MNGON PAR SPEL BA 'DI, ,DGE SLONG BLO BZANG CHOS
KYI RGYAL MTSAN GYI, ,RNAM

DPYOD SOR MO'I RTZE YIS LEGS PAR BSKRUN, ,'DIS MTSON DGE BA KUN
DA LTAR, ,DKAR BA GANG ZHIG BSAGS PA DES, ,BDE BA CAN GYI ZHING
MCHOG TU, ,'GRO KUN BDE BLAG 'JUG GYUR CIG ,CES PA 'DI YANG DAD
LDAN

@020A *, ,SDE PA 'DZUN PA LHUN GRUB RGYAL POS, SNGA MO NAS NAN
CHER GSOL BA BTAB PA LA BRTEN NAS, CHOS SMRA BA BLO BZANG CHOS
KYI RGYAL MTSAN GYIS CHOS GRVA CHEN PO BKRA SHIS LHUN PO'I GTZUG
LAG KHANG DU SMRAS

PA'O,,