` ,,NA MO GU RU RATNA SIDDHA YE, DAL 'BYOR LA SNYING PO
LEN PA'I THABS MCHOG ,LAM ZAB BLA MA'I RNAL 'BYOR 'PHO BA DANG
BCAS PA NYAMS SU LEN PAR 'DOD PAS, SKYABS 'GRO SEMS BSKYED TSAD
MED BZHI

BSGOM PA SNGON DU BTANG, RANG GI MDUN GYI NAM MKHAR RIN PO CHE'I
KHRI'I STENG DU SNA TSOGS PADMA DANG ZLA BA'I GDAN LA NGO BO
SNYIGS DUS KYI RGYAL BA GNYIS PA, THAMS CAD MKHYEN PA BU STON
RIN CHEN GRUB YIN PA LA, RNAM PA

RJE BTZUN BYAMS PA MGON PO GSER GYI MDOG CAN, DBU GTZUG TOR DANG
LDAN PA MCHOG GI SPRUL SKU'I CHA BYAD CAN, SKU LA CHOS GOS NGUR
SMRIG MDANGS LDAN GSUM MDZES PAR GSOL BA, ZHAL GCIG PHYAG GNYIS
THUGS

KAR CHOS 'KHOR GYI PHYAG RGYA MDZAD PA'I, PHYAG G-YON PA'I
MTHEB MDZUB KYIS KLU SHING GI YAL GA LAM ME TOG 'BRAS BU DANG
BCAS PA SPYI BLUGS KYIS MTSAN PA 'DZIN PA, MTSAN BZANG PO SO
GNYIS DANG DPE BYAD BRGYAD CUS

BRGYAN PA, GZI BYIN NYI MA 'BUM GYI 'OD LTAR 'BAR BA'I DBUS NA
BZANG PO'I 'DUG STANGS KYIS BZHUGS PA, DE'I 'KHOR DU RGYA BOD
KYI PAn GRUB MANG PO DANG, BYANG CHUB SEMS DPA'I TSOGS DANG,
SKAL LDAN GYI LHA'I 'KHOR

@020B MANG POS BSKOR NAS, DE DAG LA THEG PA CHEN PO'I CHOS LHUG
LHUG 'DOMS PA'I GTZO BO'I SPYI BOR AOm DKAR PO, MGRIN PAR A'A:
DMAR PO, THUGS KAR H'Um SNGON PO, THUGS KA'I H'Um LAS 'OD ZER
'PHROS, DGA' LDAN GYI GNAS

NAS BLA MA DANG GNYIS SU MED PA'I RJE BTZUN BYAMS MGON 'KHOR
BCAS SPYAN DRANGS PAR BSAMS LA, DGA' LDAN MKHA' SPYOD BDE BA CAN
SOGS NAS, ,KUN MKHYEN CHOS KYI RGYAL PO RIN CHEN GRUB, ,BDAG CAG
MOS PA'I DBANG

GIS SPYAN 'DREN NA, ,'KHOR BCAS THOGS PA MED PAR GSHEGS SU GSOL,
DZA: H'Um BAm HO: PADMA KA MA LA YE STAm, ZHES SPYAN DRANGS TE
GDAN PHUL, DE NAS SGO GSUM GUS PAS YAN LAG BDUN PA 'DI LTAR 'BUL
TE, GANG GI

DRIN GYIS BDE BA CHEN PO'I GNAS, ,MCHOG DANG THUN MONG DNGOS
GRUB MA LUS PA, ,BDE BLAG STZOL MDZAD RIN CHEN LTAR GRUB PA'I,
,THAMS CAD MKHYEN PA'I ZHABS LA PHYAG 'TSAL LO, ,DUS GSUM SANGS
RGYAS THAMS

CAD 'DUS PA'I SKU, ,KHYAB BDAG RDO RJE 'DZIN PA KUN GYI DNGOS,
,DKON MCHOG GSUM GYI BDAG NYID RIN PO CHE, ,MKHAS GRUB CHEN PO'I
ZHABS LA PHYAG 'TSAL LO, ,STON PA BLA MED SANGS RGYAS RIN PO
CHE, ,SKYOB PA BLA MED  

DAM CHOS RIN PO CHE, ,'DREN PA BLA MED DGE 'DUN RIN PO CHE, ,BLA
MED DKON MCHOG GSUM LA PHYAG 'TSAL LO, ,DNGOS BSHAMS YID KYIS
SPRUL PA LAS BYUNG BA, ,LHA MI'I MCHOD SPRIN NAM MKHA'I KHYON
BKANG STE, ,BDAG LUS
@021A *, ,LONGS SPYOD DGE BA'I TSOGS DANG BCAS, ,SKYABS MGON
THUGS RJE'I GTER LA DBUL BAR BGYI, ,KHYOD KYI SKU GSUNG THUGS
DANG 'GAL BA YI, ,SDIG LTUNG MA LUS NONGS SHING 'GYOD PAS
BSHAGS, ,

RANG GZHAN DGE TSOGS KUN LA YI RANG ZHING, ,MYA NGAN MI 'DA'
RTAG TU KHYED BZHUGS NAS, ,ZAB RGYAS CHOS KYI 'KHOR LO BSKOR DU
GSOL, ,'DIS MTSON DGE BA BDAG DANG 'GRO BA RNAMS, ,KUN MKHYEN
CHOS KYI RGYAL PO BU STON

RJES; ;'BRAL MED RJES SU 'DZIN PA'I RGYU RU BSNGO, ,DE NAS BLA
MA DE NYID SKYABS GSUM KUN 'DUS KYI NGO BOR MOS LA, SANGS RGYAS
KUN 'DUS KYI NGO BO BLA MA RIN PO CHE LA GSOL BA 'DEBS SO, ,DAM
CHOS BDUD RTZI'I 'BYUNG

GNAS BLA MA RIN PO CHE LA GSOL BA 'DEBS SO, ,DGE 'DUN YONGS KYI
'DREN PA BLA MA RIN PO CHE LA GSOL BA 'DEBS SO, ,BDAG GI RE SA'I
SKYABS GNAS BLA MA RIN PO CHE LA GSOL BA 'DEBS SO, ,BDAG GI BLO
CHOS SU

'GRO BAR BYIN GYIS BRLAB TU GSOL, CHOS LAM DU LONGS PAR BYIN
GYIS BRLAB TU GSOL, CHOS MA YIN PA'I BLO SKAD CIG KYANG MI SKYE
BAR BYIN GYIS BRLAB TU GSOL, DAD PA DANG NGES 'BYUNG DANG, BYANG
CHUB KYI SEMS DANG LTA BA

RNAM PAR DAG PA DANG RIM PA GNYIS KYI RTOGS PA KHYAD PAR CAN
MYUR DU RGYUD LA SKYE BAR BYIN GYIS BRLAB TU GSOL, TSE 'DI NYID
LA PHYAG RGYA CHEN PO MCHOG GI DNGOS GRUB THOB PAR BYIN GYIS
BRLAB TU GSOL, CES GDUNG SHUGS

@021B DRAG POS GSOL BA BTAB PAS, BLA MA DANG RJE BTZUN DBYER MI
PHYED PA'I GNAS GSUM NAS, BDUD RTZI 'OD ZER DKAR DMAR MTHING
GSUM RIM BZHIN DANG CIG CAR DU BYUNG, RANG GZHAN GYI SGO GSUM DU
RIM DANG CIG CAR DU

THIMS, SGO GSUM GYI DRI MA RE RE BA DANG THUN MONG BA SBYANGS
DBANG BZHI THOB, SKU BZHI THOB PA'I NUS PA BZHAG PA'I MOS PA
BYED CING MTHAR BLA MA GNYIS PA ZHIG CHAD NAS RANG LA THIMS PAS,
BDAG NYID RJE BTZUN DNGOS SU GYUR

PAR BSAM MO, ,'PHO BA NYAMS SU LEN NA DE NAS RANG LUS DANGS
SHING GSAL BA'I DBUS DRANG POR RTZA DBU MA SBA LCAG TZAM MAR SNA
LTE 'OG DANG, YAR SNA SPYI BOR THAL GYIS ZUG PA RGYA MTHONGS KHA
PHYE BA LTA BU SNYING KHA CHOS KYI

'KHOR LO'I DBUS SU RANG GI RNAM SHES THIG LE 'OD KYI RANG BZHIN
CAN RGYA SRAN TZAM 'PHAR LA KHANG, 'PHIR LA KHAD PA DES, DBU
MA'I NANG NA YAR BLTAS PAS MDUN GYI NAM MKHAR DGA' LDAN CHOS KYI
PHO BRANG GI RIN PO CHE'I

KHRIL, THAMS CAD MKHYEN PA DANG RJE BTZUN DBYER MED PA BZANG
PO'I 'DUG STANGS KYIS BZHUGS PA'I THUGS KA GSER GYI MAndAL PHYIS
PA 'DRA BA MTHONG BAS RKYEN BYAS, DE'I THUGS KAR 'PHO BA'I BSAM
PAS GSOL BA 'OG

NAS 'BYUNG BA BZHIN BTAB PAS, RJE BTZUN GYI THUGS KA NAS 'OD KYI
SBU GU PHU DUNG LTA BU BYUNG BA RANG GI SPYI BO TSANGS BUG GI
MTHA' SKOR DU ZUG CING 'BYAR BAR BSAM MO, ,DE NAS GDUNG SHUGS
DRAG POS, YON TAN RIN CHEN TSOGS KYI

@022A *, ,GTER GYUR CING, ,NYES KUN BAG CHAGS BCAS PA GTAN
SPANGS PA, ,'DZAM GLING MKHAS DANG GRUB PA'I RGYAN CIG PU, ,GSOL
BA 'DEBS SO BU STON CHOS KYI RJE, ,BYIN GYIS RLOBS SHIG BYAMS
MGON

THUGS RJE'I GTER, ,BDAG DANG BDAG 'DRA'I MA GYUR 'GRO BA RNAMS,
,GNAD GCOD BAR DO'I 'KHRUL SNANG SDUG BSNGAL DANG, ,NGAN SONG
GSHIN RJE'I 'JIGS LAS SKYAB TU GSOL, ,MGON KHYOD THUGS RJE'I 'OD
ZER LCAGS

KYU YIS, ,DGA' LDAN LHA BRGYA'I PHO BRANG NYAMS DGA' BAR, ,MA
PHAM CHOS KYI MDUN SAR DRANG DU GSOL, ,MCHOG DANG THUN MONG
DNGOS GRUB STZAL DU GSOL, ,DUS GSUM BDE GSHEGS KUN GYI SKU GSUNG
THUGS, ,YON TAN

RIN CHEN MA LUS GCIG BSDUS NAS, ,LHUN GRUB PHRIN LAS BZANG PO'I
MDZAD PA CAN, ,GSOL BA 'DEBS SO BU STON x, BYIN GYIS RLOBS SHIG
x, BDAG DANG BDAG 'DRA'I x, GNAD GCOD x, NGAN SONG GSHIN RJE'I
x,

MGON KHYOD x, DGA' LDAN x, MA PHAM x, MCHOG DANG THUN MONG x,
SNGON NAS SKU GSUM RIN CHEN MCHOG GRUB KYANG, ,SNYIGS DUS MGON
MED 'GRO BA 'DREN PA'I PHYIR, ,NGUR SMRIG 'DZIN PA'I TSUL GYIS
RNAM ROL BA, ,

GSOL BA 'DEBS x, BYIN GYIS x, BDAG DANG BDAG 'DRA'I x, GNAD GCOD
x, NGAN SONG GSHIN RJE'I x, MGON KHYOD x, DGA' LDAN x, MA PHAM
x, MCHOG DANG x, MDO RGYUD SDE SNOD RIN CHEN KUN GYI MDZOD, ,

@022B BSLAB GSUM BYANG SEMS RIM GNYIS GRUB PA'I GTZO, ,THAMS CAD
MKHYEN PA BSLU MED SKYABS KYI MCHOG ,GSOL BA x, BYIN GYIS x,
BDAG DANG BDAG x, GNAD GCOD x, NGAN SONG GSHIN RJE'I x, MGON x,
DGA' LDAN x,

MA PHAM x, MCHOG DANG THUN x, PHYOGS 'DIR THUB PA'I BSTAN PA RIN
CHEN SGRON, ,LEGS PAR 'DZIN CING GSAL BAR BYED PA LA, ,KUN LAS
MCHOG TU GYUR PA'I MTHU GRUB PA, ,GSOL BA x, BYIN GYIS x, BDAG
DANG BDAG

'DRA'I x, GNAD GCOD x, NGAN SONG GSHIN RJE'I x, MGON KHYOD x,
DGA' LDAN x, MA PHAM x, MCHOG DANG THUN MONG x, MTSAN TZAM THOS
PAS NGAN 'GRO'I 'JIGS 'PHROG CING, ,YID LA DRAN PAS SRID ZHI'I
GDUNG BA SEL,,

GSOL BA BTAB NA DNGOS GRUB MCHOG STZOL BA, ,GSOL BA 'DEBS SO x,
BYIN GYIS x, BDAG DANG BDAG x, GNAD GCOD x, NGAN SONG GSHIN
RJE'I x, MGON KHYOD x, DGA' LDAN x, MA PHAM x, MCHOG DANG THUN

MONG DNGOS GRUB STZAL DU GSOL, ,DE LTAR GSOL BA BTAB PAS RJE
BTZUN GYI, ,THUGS KA'I 'OD ZER LCAGS KYU LTA BU ZHIG ,'OD SBUBS
NANG BRGYUD RANG GI TSANGS BUG NAS, ,AA WA DH'U T'I'I NANG ZHUGS
SNYING DBUS KYI, ,RANG SEMS

THIG LER GSAL LA BTAB CING DRANGS, ,RANG SEMS THIG LE SKAR MDA'
'PHANGS PA BZHIN, ,HI KA; THAMS CAD MKHYEN PA'I THUGS KAR THIM
PAR GYUR, ,PHAt BDE CHEN CHOS SKU'I NGANG DU RO GCIG 'DRES,
,SLAR 'THON DE MDUN

@023A *, ,PADMO'I LTE BA LAS, ,RDZUS TE SKYES NAS RGYAL BA YAB
SRAS KYI, ,MNGON SUM ZHAL MTHONG BDE CHEN DAM CHOS LA, ,'DOD
DGUR SBYOD PA'I SKAL LDAN GYUR PAR BSAM, ,DE LTA BU'I TSUL GYIS
NYAMS SU LEN

CING; DA LTA 'PHO BA SBYONG BA'I DUS, RNAM SHES SPYI BO'I BAR DU
SONG SLAR YANG SNYING KHAR GNAS PAR BSAM ZHING, MJUG TU BSNGO BA
DANG SMON LAM GYIS BRGYAN PAR BYA'O, ,GONG GI GSOL 'DEBS DE 'PHO
BA DANG MI SBYOR NA, RKANG PA

BZHI PA BU STON CHOS RJE'I ZHABS LA GSOL BA 'DEBS CES KHYAD PAR
SBYOR, 'DI LTA BU'I TSUL GYIS GDAMS PA 'DI NI MA BSGOMS SANGS
RGYAS 'PHO BA'I GDAMS NGAG ,CES RGYUD SDE RNAMS SU BSNGAGS PA'I
PHAN YON SHIN

TU CHE ZHING ,KHYAD PAR THAMS CAD MKHYEN PA'I RNAL 'BYOR LA
BRTEN PA YIN PAS GZHAN LAS LHAG GO ,ZHES PA 'DI YANG CHOS SDE
CHEN PO ZHVA LU'I CHEN SLOB RNAMS KYI SA NAN CHER GSOL BA BTAB
PA LA BRTEN PA CHOS RJE THAMS

CAD MKHYEN PA LA MI PHYED PA'I DAD PA DANG LDAN PA CHOS SMRA BA
BTZUN PA BLO BZANG CHOS KYI RGYAL MTSAN GYIS SBYAR BA'O,,