*, ,PAn CHEN BLO BZANG CHOS KYI RGYAL MTSAN GYI GSUNG THOR BU 'GA' BZHUGS SO, , @001A #, ,NA MO GU RU MANYDZU GHOsh'A YA, CHOS DBYINGS DANG LAS MDUN GYI NAM MKHA'I DBUS, ,RGYAL BA'I YAB GCIG RJE BTZUN 'JAM PA'I DBYANGS, ,G-YAS PHYOGS THUB DBANG GNYIS PA TZONG KHA PA, ,G-YON PHYOGS DRIN CAN RTZA BA'I BLA MA BZHUGS, ,MTHA' SKOR RTZA BRGYUD BLA MA YI DAM LHA, ,SANGS RGYAS BYANG SEMS DPA' BO MKHA' 'GRO'I TSOGS, ,BSTAN BSRUNG RGYA MTSOS BSKOR NAS BZHUGS PA YIS, ,YE SHES PA RNAMS SPYAN DRANGS DBYER MED GYUR, ,DUS GSUM RGYAL BA'I YAB GCIG 'JAM PA'I DBYANGS, , SNYIGS DUS ZAS GTZANG SRAS PO BLO BZANG GRAGS, ,BKA' DRIN MNYAM MED RTZA BA'I BLA MA STE, ,'KHOR DANG BCAS LA SGO GSUM GUS PHYAG 'TSAL, ,MCHOD TSOGS KUN @002A *, ,'BUL SDIG LTUNG MA LUS BSHAGS, ,DGE LA YI RANG CHOS 'KHOR BSKOR MDZAD CING, ,NAM MKHA' JI SRID BRTEN PAR BZHUGS PA DANG, ,DGE TSOGS MA LUS BLA MED BYANG CHUB BSNGO, ,DUS GSUM RNAM 'DREN KUN GYI THUGS RJE DANG, ,MKHYEN RAB MA LUS GCIG TU BSDUS PA LA, ,'JAM PA'I DBYANGS DANG RGYAL BA BLO BZANG GRAGS, ,RTZA BA'I BLA ZHES BYAR MTSAN GSOL PA'I, ,SKYABS KYI DAM PAR BYANG CHUB SNYING PO'I BAR, ,SNYING NAS SKYABS MCHI GUS PAS GSOL 'DEBS NA, ,NGAN SONG 'KHOR BA'I 'JIGS PA LAS BSGRAL TE, , MCHOG DANG THUN MONG DNGOS GRUB MA LUS STZOL, ,DAL 'BYOR RNYED DKA' MYUR DU 'JIG PA DANG, ,'JIGS RUNG NGAN 'GRO'I G-YANG SA DRAN GYUR NAS, ,BSLU MED DKON MCHOG GSUM LA SKYABS 'GRO ZHING, ,SDIG SPONG DGE TSOGS SGRUB PAR BYIN GYIS RLOBS, ,'KHOR PA'I PHUN TSOGS ME 'O BAS LTAR MTHONG ZHING, ,NGES 'BYUNG TSUL KHRIMS BYANG CHUB SEMS MCHOG DANG, , @002B YANG DAG LTA DANG RIM GNYIS ZAB MO'I LAM, ,MYUR DU RGYUD LA SKYE BAR BYIN GYIS RLOBS, ,MDOR NA SKYE ZHING SKYE BA THAMS CAD DU, ,SKYABS MCHOG DAM PA GSUM GYIS 'BRAL MED DU, ,DGYES SHING RJES SU BZUNG BA'I BYIN RLABS KYIS, ,MA RNAMS DON DU SANGS RGYAS MYUR THOB SHOG ,CES PA 'DI YANG DGE SLONG BLO BZANG RNAM RGYAL GYI KHA TON DU, SH'AKYA'I DGE SLONG BLO BZANG CHOS KYI RGYAL MTSAN GYIS SMAS PA'O,, ` ,,SVA STI, BLO GROS PADMO YON TAN SBRANG RTZIS BLTAMS, ,GRAGS PA'I ME TOG PHYOGS KUN RNA PA MDZES, ,SANGS RGYAS LAS KYANG RNAM PAR SANGS RGYAS PA'I, ,RJE BTZUN BLA MA BRTZE BA'I SPYAN GYIS GZIGS, ,THOG MED DUS NAS LAS NGAN BSAGS PA'I MTHUS, ,NGAN SONG GSUM SOGS 'JIGS RUNG SKYI G-YA' BA'I, ,MI KHOM GNAS SU SNGON CHAD GTAN YUL BYAS, , KHYOD KYI THUGS RJE'I GZHAN DBANG KHO NA LAS, ,DA RES RNYED DKA'I RTEN BZANG THOB NA YANG, ,TSE 'DI'I 'DOD CHEN GDON GYIS SNYING ZIN PAS, ,'DI NANG 'KHRI BA CHOD PA'I BRTZON 'GRUS KYIS, ,NYIN MTSAN CHOS KYIS 'DA' BA DKA' MOD NA'ANG, ,RTAG 'DZIN TSE 'DI'I 'DUN MA'I GRABS BSHOM GYIS, ,LAS NGAN MI DGE'I BYA BAS DUS 'DA' BA, ,MIG CAN G-YANG LA MCHONG BA LTA BU YI, ,KHREL MED SMYON PA BDAG LA @003A *, ,THUGS RJES GZIGS, ,KHYED KYI GSUNG GI GCES PA'I MDZOD RNAMS LA, ,THOS BSAM SGOM PA TSUL BZHIN BSGRUB SEMS KYANG, ,LAG LEN THOG TU KHEL BAR MI GDA' BAS, ,MGON PO THUGS RJE'I LCAGS KYUS SKAD CIG LA, ,MI PHAM CHOS KYI MDUN SAR DRANG DU GSOL, ,DE TSE LUNG DANG RTOGS PA'I DAM CHOS KUN, ,RGYUD LA MNGON DU BYAS NAS 'GRO BA KUN, ,RGYAL BA'I GO 'PHANG MCHOG LA 'GOD PAR SHOG ,CES SH'AKYA'I DGE SLONG BLO BZANG CHOS KYI RGYAL MTSAN GYIS THOGS MED DU SMRAS PA'O,, ` ,,NA MO GU RU MANYDZU GHO sh'A YA, RGYAL BA'I MKHYEN BRTZE YON TAN RIN CHEN KUN, ,GCIG TU GRUB PA RTZA BA'I BLA MA DANG, ,DBYER MED RNAL 'BYOR NAM MKHA' LA BTUD NAS, ,DE YI SGRUB THABS NGAG 'DON RIM PA BRI, ,DPAL GDAN BZHI'I SGRUB THABS MI BRJED PAR DRAN BYED CES BYA BA BU STON THAMS CAD MKHYEN PAS MDZAD PA JI LTAR BYA BA'I DMIGS RIM, PHYAG RGYA 'CHING TSUL RNAL 'BYOR GYI YO BYAD CI DANG DKYIL 'KHOR BYA TSUL SOGS THAMS CAD MKHYEN PA NYID KYI GSUNG JI LTA BA BZHIN BYA LA, 'DIR NI DE NYID KYI GSUNG SHIN TU BRLING BA RNAMS NGAG TU 'DON TSUL BRJOD PAR BYA'O, ,RANG NYID SKAD CIG GIS RNAL 'BYOR NAM MKHA' SKU MDOG SNGON PO SNGO DKAR DMAR BA'I ZHAL GSUM PHYAG DRUG GI ,G-YAS GSUM GYIS MDA' @003B DANG PHYAG RGYA'I NU MA RDO RJE, G-YON GSUM GYIS GZHU DANG BDUD RTZI'I THOD PA DRIL BU BSNAMS PA, YUM YE SHES MKHA' 'GRO MA SKU MDOG DKAR MO ZHAL GCIG PHYAG GNYIS KYIS KHA tV'Am GA DANG THOD PA BDUD RTZIS GANG BA BSNAMS NAS YAB KYI MGUL NAS 'KHYUD PA, GNYIS KA'ANG YE SHES KYI ME RAB TU 'BAR BA'I DBUS NA YAB SEMS DPA'I SKYIL MO KRUNG GIS BZHUGS PAR GYUR, RDOR DRIL BYIN BRLABS NI, AOm Ri SV'A H'A'AM SAm H'I S'AH'A ZHES PAS BGEGS BSANGS, AOm SARBA SAm SHO DHA NI H'Um PHAt, CES PA GSUM DANG, SVA BH'A WAS STONG BAR SBYANGS, STONG PA'I NGANG LAS H'Um LAS RDO RJE RDO RJE SEMS DPA' DANG, A'A LAS DRIL BU YE SHES MKHA' 'GROR GYUR PA'I SPYI BOR AOm, MGRIN PAR A'A: THUGS KAR H'Um GIS MTSAN PA, DE LAS 'OD ZER 'PHROS, YE SHES PA DBANG LHA DANG BCAS PA SPYAN DRANGS, GNYIS SU MED PAR GYUR, DBANG GI LHAS DBANG BSKUR, MI BSKYOD PAS DBU BRGYAN PAR GYUR; MCHOD PA BYIN GYIS BRLABS LA MDOR BSDUS PHUL, TSANGS PA'I GTZUG GI NOR BU'I 'OD KYIS ZHABS GNYIS SNANG BAR MDZAD, ,SKU LA SHIN TU DAM DU 'KHYUD PA'I DRIL BU LAS BYUNG SKU 'DZIN PA, ,G-YO ZHING 'PHRO BAS BSKYOD PA'I GSANG BA LAS BYUNG PADMA GNYIS, ,DE 'DI RDO RJE SEMS DPA' MCHOG GI DBANG PHYUG DAM PA MCHOG GI GNAS, ,YAB YUM ZHU BA LAS BYUNG BA'I RDO RJE DANG DRIL BUR GYUR, DE NAS NANG MCHOD SNGAR LTAR BSANGS @004A *, ,SBYANGS, STONG PA'I NGANG LAS YAm LAS RLUNG GI DKYIL 'KHOR SNGON PO ZLA GAm G-YO PA'I BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM 'BAR BAS MTSAN PA, DE'I STENG DU KAm LAS MI MGO RLON PA'I SGYED BU GSUM GYI STENG DU, KAm LAS BYUNG BA'I THOD PA YANGS SHING RGYA CHE BA'I NANG GI SHAR DU SUm LAS DRI CHU, BYANG DU YUm LAS NGAR SNABS, NUB DU KshUm LAS BYANG SEMS DKAR PO, LHOR H'Um LAS ZLA MTSAN, DBUS SU HUm THUNG DU LAS DRI CHEN, BDUD RTZI LNGA PO RE RE'I STENG DU ZLA BA'I DKYIL 'KHOR LA AA YIG GIS MTSAN PA, SLAR YANG SHAR DU PRIm LAS BA GLANG GI SHA, BYANG DU H'Um LAS GLANG PO CHE'I SHA ,NUB TU DZ'Im LAS RTA'I SHA ,LHOR GHRIm LAS KHYI'I SHA ,DBUS SU H'Um LAS MI'I SHA ,DE RNAMS KYI 'OG TU NYI MA'I DKYIL 'KHOR LA KshUm GIS MTSAN PA, RANG GI THUGS KA'I 'OD ZER GYIS 'OG GI RLUNG G-YOS, ME SBAR BAS SHA LNGA DANG BDUD RTZI LNGA RNAMS ZHU ZHING KHOL BAR GYUR, KshUm ME'I RANG BZHIN GYIS MA DAG PA RNAMS BSREGS SHING ZHU, STENG GI AA YIG BDUD RTZI'I RANG BZHIN YANG ZHU NAS, BDUD RTZI CHAGS PA'I RO DANG LDAN PAR GYUR, AOm H'Um H'Um KshUm YUm SUm PRAm GHRAm H'Um DZ'Im H'Um SV'A H'A, YE SHES LNGA'I RANG BZHIN GYI BDUD RTZI MANG POR SPEL BA'I NANG DU HA SER PO, HO DKAR PO, HR'I SNGON POS KHA DOG DRI RO NUS PA'I SKYON BCOM PAR GYUR, HA HO HR'I: LAN GSUM BRJOD, @004B SLAR YANG HA LAS 'JIG RTEN DBANG PHYUG GSER GYI MDOG CAN, HO LAS RNAM SNANG DKAR PO, HR'I: LAS MI BSKYOD PA SNGON PO, DE RNAMS ZHU BA LAS BYUNG BA'I YE SHES KYI BDUD RTZI KHA DOG DRI RO NUS PA PHUN SUM TSOGS PAR GYUR; DE NAS MCHOD PA RNAMS SNGAR LTAR BSANGS SBYANGS, STONG PA'I NGANG LAS SUm LAS RIN PO CHE GSER GYI SNOD YANGS SHING RGYA CHE BA'I NANG DU AAm PAm H'Um PRIm KUm KshUm GUm LA SOGS PA ZHU BA LAS BYUNG BA'I MCHOD YON, ZHABS BSIL, DRI; ME TOG ,BDUG SPOS, MAR ME, ZHAL ZAS, ROL MO LA SOGS PA LHA RDZAS LAS GRUB PA DVANGS SHING THOGS PA MED PA ZAG PA MED PA'I BDE BA KHYAD PAR CAN BSKYED PAR GYUR, AOm PRA T'I TZTSA AA RGHAm MI TI ZHES PAS MCHOD YON DANG, AOm PRA T'I TZTSA SATK'A RA H'Um SV'AH'AS ZHABS BSIL DANG, AOm H'Um SV'AH'AS DRI CHAB DANG, AOm PRAm SV'AH'AS ME TOG DANG, AOm KUm SV'AH'AS BDUG SPOS DANG, AOm KshUm SV'AH'AS MAR ME DANG, AOm GUm SV'AH'AS LHA BSHOS DANG, AOm SHAPTA SV'AH'AS ROL MO'I BAR BYIN GYIS BRLABS, RANG GI LAG PA G-YAS PA'I MTHIL DU AA DMAR PO LAS NYI MA'I DKYIL 'KHOR GYI STENG DU H'Um LAS LAG PA RDO RJE RTZE LNGA PA LA GNAS PA'I SUm KshUm YUm H'Um AA LAS SKYES PA'I LHA MO DKAR PO DANG, DUD PA DANG, DUD DANG, PADMA DANG, YE SHES RNAMS MDZUB MO DANG, GUNG MO DANG, SRIN LAG DANG, MTHE'U CHUNG DANG, MTHE BONG RNAMS LA RIM BZHIN 'KHOD, LAG PA G-YON PA'I MTHIL DU SA LAS ZLA BA'I DKYIL 'KHOR GYI STENG @005A *, ,DU HR'I: LAS PADMA 'DAB MA BRGYAD PAR AOm SMRYUm HMRYUm YMRYUm KshMRYUm SOm BDUD RTZI'I YI GE RNAMS LA, GI WAm DANG, DRI MA GSUM, 'JIGS PA DANG, SA'I GDUGS DANG, RNAM SHES RNAMS G-YON PA'I MDZUB MO DANG, GUNG MO DANG, SRIN LAG DANG, MTHE'U CHUNG DANG, MTHE BONG RNAMS LA RIM BZHIN 'KHOD, RANG GI LKOG MAR HR'I: LAS PADMA 'DAB MA BRGYAD PA'I 'DAB MA GCIG LCER GYUR PA'I STENG DU RDO RJE NAS 'BRU TZAM GYI DBUS SU AOm DKAR PO, AOm AA DZI HV'A SOm BRDI NI H'Um PHAt, RANG GI SNYING GAR NYI MA'I DKYIL 'KHOR GYI STENG DU H'Um LAS RDO RJE RTZE LNGA PA LTE BA LA H'Um GIS MTSAN PA'I 'OD ZER GYIS SEMS CAN THAMS CAD KYI SDIG SGRIB SBYANGS 'DUS YONGS SU GYUR PA LAS, RIN PO CHES BRGYAN PA'I GNAS SU PAD ZLA'I GDAN LA, RANG NYID RDO RJE SEMS DPA' DUNG DANG KUNTA LTAR DKAR BA SANGS RGYAS LNGA'I COD PAN CAN, ZHAL GCIG PHYAG GNYIS PA, G-YAS RDO RJE THUGS KAR GDENGS SHING, G-YON DRIL BU DKUR BRTEN PA, RGYAN THAMS CAD KYIS BRGYAN CING, NA BZAS MDZES PA SEMS DPA'I SKYIL MO KRUNG GIS BZHUGS PA, 'OD ZER GYI 'PHRENG BA DPAG TU MED PA 'PHRO BAR GYUR; BADZRA SA TVA HAm ZHES NGA RGYAL BZUNGS, DE'I SPYI GTZUG TU KshUm, MIG GNYIS SU H'Um H'Um, RNA BA GNYIS DANG SNA GNYIS SU YUm YUm, LCER SUm MGRIN PAR SMRYUm PHRAG PA GNYIS SU HMRYUm SNYING GAR YMRYUm LTE BAR KshMRYUm RNAMS BKOD LA GO BGO , @005B AOm H'Um PHAt, AOm tUm GSUM BRJOD, AOm BADZRA TU sh+YA HO, AOm H'Um PHAt, CES BRJOD GO BGO STE BDAG BSRUNG BA'O, ,BDAG NYID RDO RJE SEMS DPAR GSAL BA'I SKU LAS 'PHROS PA'I 'OD ZER GYIS BGEGS RNAMS BSREGS, AOm BADZRA PR'A KA RA H'Um PHAt, AOm DZRUm SV'AH'A, SBYIN PA DANG TSUL KHRIMS RNAM PAR DAG PA'I RDO RJE'I RVA GUR GSUM GSUM DU GYUR, A'Om BRUm SV'AH'A, 'OG TU BZOD PA RNAM PAR DAG PA'I PHUR BUS GNOD PAR BYED PA'I BGEGS RNAMS BCOM, AOm DZAMBHA NI H'Um PHAt, RDO RJE'I RA BA CHEN POS BSKOR BAR GYUR, AOm BADZRA AA NGA KU SHA DZA, 'JIG RTEN LAS 'DAS PA'I LHA RNAMS SPYAN DRANGS, DKYIL 'KHOR GYI DBUS SU, AOm TIshthA A'A SA NA H'Um SV'AH'A, SENG GE'I KHRI DANG, AOm KA MA LA BHE SHR'I SV'AH'A, PADMA DANG ZLA BA'I GDAN LA BZHUGS SHING STENG DU GDUGS DKAR POS BRGYAN PAR GYUR, DE NAS MCHOD YON ZHABS BSIL NYER SPYOD LNGAS MCHOD LA, RDOR DRIL BLANGS TE, AOm K'A YA TU sh+YA HO, WA KA TU sh+YA HO TZITTA TU sh+YA HO, ZHES DRIL BU DKROL ZHING, LUS CAN DON PHYIR SHES RAB GSAL BTAB PA ZHES PA NAS TSOGS ZHING GSHEGS GSOL DANG TSAD MED BZHI DANG, PHA DANG MA NI BSAD PA DANG ZHES SOGS BYANG CHUB KYI SEMS KYI TSIGS BCAD BRJOD CING, DON BSAM PA'I BAR SGRUB THABS BZHIN BYA'O, ,DE NAS RANG GI SNYING GAR PADMA DKAR PO LA GNAS PA'I KshUm GI 'OD ZER GYIS BDAG DANG SEMS CAN THAMS CAD SBYANGS, AOm SVA BH'A WA SHUDDH'A: @006A *, ,SARBA DHA RM'A: SVA BH'A WA SHUDDHONYAHAm: CHOS THAMS CAD RANG BZHIN MED PA'I STONG PA NYID DU GYUR, STONG PA'I NGANG LAS YAm LAS RLUNG GI DKYIL 'KHOR NAG PO ZLA GAm RGYAL MTSAN GYIS MTSAN PA ZHES PA NAS RIN PO CHE GSER GYI RANG BZHIN LA RIN PO CHE SNA BDUN GYIS SPRAS PA'I PHYI'I GZHAL YAS KHANG DE'I PHYED KYI NANG DU DKYIL 'KHOR GNYIS PA ZLUM PO SGO DANG RTA BABS DANG BRAL BA RDO RJE'I PHRENG BAS BSKOR BA, DE'I NANG DU NANG GI GZHAL YAS KHANG RTA BABS MED PA GNYIS KA'ANG GRU BZHI SGO BZHI PA, PHYI MA RTA BABS BZHIS BRGYAN PA GNYIS KA'ANG PHYI NAS RIM PA BZHIN DKAR SER DMAR LJANG SNGO BA'I RTZIG PA RIM PA LNGA DANG LDAN PA, RIN PO CHE'I SNAM BU SER PO DANG, DE'I STENG DU DRIL BU DANG, DRA BA DANG DRA BA PHYED PAS BSKOR BA ZHES PA NAS LHO SGOR PADMA LA CHU SRIN GYIS MTSAN PA'I RGYAL MTSAN, SNYING PO'I DKYIL 'KHOR RI'U MIG DGU PA RDO RJES MTSAN PA'I KA BA BRGYAD KYIS BTEG PA'I RDO RJE'I GDUNG ZLUM POS BSKOR ZHING LEGS PAR PHUB BA'I STENG DU RDO RJE NOR BU RIN PO CHE'I TOG GIS SPRAS PA, NANG GI GRVA BZHIR SNA TSOGS RDO RJES MTSAN PA, DRI'I CHUS GANG ZHING SHING LO GSAR PAS KHA BRGYAN PA'I BUM PA BRGYAD DE, SHAR SGOR RGYAL DANG BKRA SHIS, BYANG SGOR DNGOS GRUB DANG RDZU 'PHRUL, NUB TU RGYAL DANG RNAM RGYAL DANG, LHO SGOR GRUB DANG 'JIGS PAS SPRAS PA GNYIS SO, ,GZHAL YAS KHANG NANG MA'I @006B SHAR DKAR, BYANG SER, NUB DMAR, LHO SNGO BA, DKYIL 'KHOR GNYIS PA THAMS CAD DMAR PO, GSUM PA SNGO BSANGS MDZES PA, DKYIL 'KHOR NANG MA'I DBUS SU RIN PO CHE DANG SENG GE'I KHRI ZHES PA NAS 'JIG RTEN PA'I GDAN BYA KHYUNG LA SOGS PA, DE'I PHYI ROL DU RDO RJE'I RA BA DANG, DRA BA DANG, PHUR BU LA SOGS PA BSRUNG BA'I 'KHOR LO ME 'BAR BAS BSKOR BAR GYUR, GTZO BO'I GDAN PADMA DKAR PO DANG NYI MA'I STENG DU AA A'A CES PA NAS NYI MA'I DKYIL 'KHOR GYI STENG DU RANG GI RLUNG SEMS KYI NGO BO H'Um, DE LAS 'PHROS PA'I 'OD ZER LAS GRUB PA'I RDO RJE MKHA' 'GRO MA SOGS PHYOGS KYI LHA MO BZHIS BSTOD CING BSKUL BA NI, DZA: DZA: DZA: DZA: CES PA NAS GCIG TU THIM PA'I H'Um ZHES BSKUL BAS, H'Um YIG ZLA NYI LA THIM ZHING 'DRES PA YONGS SU GYUR PA LAS, RDO RJE RTZE LNGA PA LTE BA LA H'Um GIS MTSAN PA, AOm BADZRA SHUDDH'A: SARBA DHA RM'A: BADZRA SHUDHONYAHAm, RDO RJE'I LTE BA'I H'Um LAS 'OD ZER 'PHROS, SEMS CAN THAMS CAD YONGS SU SBYANGS, RDO RJE SEMS DPA'I GO 'PHANG LA BKOD, TSUR 'DUS RDO RJE H'Um DANG BCAS PA YONGS SU GYUR PA LAS, BDAG NYID SENG GE'I KHRIR PADMA DKAR PO DANG NYI MA'I DKYIL 'KHOR GYI STENG DU GDUGS DKAR POS BRGYAN PA'I RNAL 'BYOR NAM MKHA' SKU MDOG SNGON PO ZHAL GSUM PA RTZA ZHAL SNGON PO KHROS PA, G-YAS ZHAL DKAR PO SGEG PA, G-YON ZHAL DMAR PO BZHAD PA, HA HA'I GANG RGYANGS SGROG CING ZHAL GDANGS PA, ZHAL @007A *, ,RE RE LA SPYAN GSUM GSUM DANG LDAN PA, DBU SKRA GYEN DU BRDZES PA LA DAR GYI COD PAN BCINGS PA, THOD PA'I PHRENG BA DANG, RDO RJES BRGYAN PA'I RTZA PHRAN DANG, SANGS RGYAS LNGA'I DBU RGYAN CAN, SBRUL GYI RGYAN GYIS BRGYAN CING NA BZA'I DMAR POS MDZES PA, PHYAG DRUG GI G-YAS GSUM NA MDA' DANG PHYAG RGYA'I NU MA RDO RJE, G-YON GSUM NA GZHU DANG THOD PA BDUD RTZIS GANG BA DRIL BU BSNAMS PA, SEMS DPA'I SKYIL MO KRUNG GIS BZHUGS SHING, 'OD ZER DPAG TU MED PA 'PHRO BA, DE'I PANG NA YUM YE SHES KYI MKHA' 'GRO MA SKU MDOG DKAR MO ZHAL GCIG PHYAG GNYIS KYIS KHA tV'Am GA DANG THOD PA BDUD RTZIS GANG BA BSNAMS NAS YAB KYI MGUL NAS 'KHYUD PA, YAB KYI MA MCHU TSAMS KYIS 'DEBS SHING, ZHABS KYI TSIGS KYIS DKRIS NAS YAB KYI RDO RJE PADMAR THIM PAR MDZAD PA, YAN LAG RGYAN THAMS CAD KYIS BRGYAN CING, SHIN TU MDZES PA'I NA BZA' GSOL BA, GNYIS KA'ANG YE SHES KYI ME 'BAR BA'I DBUS NA BZHUGS PAR GYUR, SNGAR LTAR RDO RJE'I PHYAG RGYA DANG BCAS KshUm SOGS YI GE GNAS BRGYUR DU BKOD LA BSRUNG, BADZRA AADKU SHA DZA, YE SHES KYI MKHA' 'GRO MA SPYAN DRANGS, DAM TSIG GI PHYAG RGYA BSTAN, GDAN PHUL, MCHOD YON SOGS KYIS MCHOD, DZA: H'Um BAm HO: RNAL 'BYOR NAM MKHA'I THUGS KAR NYI MA'I DKYIL 'KHOR LA BKUG CING BCUG PAS MNYES @007B PAR GYUR, AOm BADZRA K'A YA AOm, AOm BADZRA WA KA A'A: AOm BADZRA TZITTA H'Um, ZHES RDO RJE'I PHYAG RGYA DANG BCAS SGO GSUM BYIN GYIS BRLABS, GNAS SNGAR PHYAG RGYA DANG BCAS, AOm H'Um A'A: SV'AH'A, RANG GI SPYI GTZUG TU RNAM SNANG DKAR PO BYANG CHUB MCHOG GI PHYAG RGYA CAN, DPRAL BAR MI BSKYOD PA SNGON PO SA GNON GYI PHYAG RGYA CAN, RNA LTAG G-YAS SU RIN 'BYUNG SER PO MCHOG SBYIN GYI PHYAG RGYA CAN, LHAG PAR 'OD DPAG MED DMAR PO TING NGE 'DZIN GYI PHYAG RGYA CAN, RNA LTAG G-YON DU DON GRUB LJANG GU SKYABS SBYIN GYI PHYAG RGYA CAN, LNGA GA'ANG RGYAN THAMS CAD KYIS BRGYAN PA, MDZES PA'I NA BZAS KLUBS NAS BZHUGS PAR GYUR, SNGAR BSHAD PA'I DAR DBYANGS DANG MNYAM PA'I THAL MOS MNYES PAR BYA'O, ,AUNG BHA BA HAm, A'A A'A A'A A'Am RANG GI SNYING GA MDZOD SPU MGRIN PA SPYI BO BZHIR GNAS PAR GYUR, AOm YO GA SHUDH'A: SARBA DHA RM'A: YO GA SHUDHONYA HAm, ZHES RNAL 'BYOR RNAM PAR DAG PA'I NGA RGYAL DANG, AOm DZNYA NA K'A YA AA HAm ZHES BRJOD DE YE SHES KYI SKU'I NGA RGYAL 'JOG PA NI DANG PO SBYOR BA'I TING NGE 'DZIN NO, ,THABS DANG SHES RAB SNYOMS PAR ZHUGS SHING SGYU MA LTA BUR LHAG PAR MOS PAS RANG GZHAN GYI DON RDZOGS PAR BYED PA'I DKYIL 'KHOR SPRUL ZHING DBYUNG BA NI, RANG GI SNYING GAR ZLA BA'I DKYIL 'KHOR GYI STENG DU CHU'I RLUNG LA SUm, DE YONGS SU GYUR PA LAS RDO RJE MKHA' 'GRO MA DKAR MOR GYUR, AOm A'A: SV'AH'AS, SNA NAS PHYUNG, DPAG TU MED PA SPROS, SEMS CAN THAMS CAD @008A *, ,SKYABS 'GRO SEMS BSKYED SOGS LA SKAL BA JI LTA BA BZHIN DU BKOD, SLAR 'DUS LE'U TSE'I SHAR DU GLANG PO CHE'I STENG DU ROL PA'I STABS KYIS 'KHOD, RANG GI SNYING GAR ZLA BA'I DKYIL 'KHOR GYI STENG DU SA'I RLUNG A'A RING PO LAS SKYES PA'I DRAG MO SER MOR GYUR, AOm A'A: SV'AH'AS, SNA NAS PHUNG, DPAG TU MED PA SPROS, SEMS CAN THAMS CAD KYI MA RIG PA'I MUN PA BSAL, YE SHES KYI SNANG BA BSKYED, SLAR 'DUS BYANG DU RMA BYA'I GDAN LA SKYIL KRUNG PHYED PAS 'KHOD, RANG GI SNYING GAR ZLA BA'I DKYIL 'KHOR GYI STENG DU ME'I RLUNG AI LAS SKYES PA'I RO LANGS MA DMAR MOR GYUR, AOm AI SV'AH'AS, SNA NAS PHYUNG, DPAG TU MED PA SPROS, SEMS CAN THAMS CAD BYANG CHUB KYI LAM LA BKOD, SLAR 'DUS NUB TU BYA KHYUNG GI GDAN LA TZOG BU'I 'DUG STANGS KYIS 'KHOD, RLUNG GI RLUNG AI LAS SKYES PA'I GTUM MO SNGON MOR GYUR, AOm A'I SV'AH'AS, SNA NAS PHYUNG, DPAG TU MED PA SPROS, SEMS CAN THAMS CAD KYI 'DOD DON YONGS SU BSKANGS SLAR 'DUS, LHOR CI BGYI'I GDAN LA PUS MO'I SKYIL KRUNG GIS 'KHOD, DRAG MO DBU SKRA SER PO GYEN DU BRDZES PA ZHES PA NAS ME'I DKYIL 'KHOR 'BAR BA'I DBUS NA BZHUGS PA, SA CHU 'DRES PA'I RLUNG Ri LAS SKYES PA'I LHA MO SENG GE MA G-YON DKAR G-YAS SER BA'I PHYED GZUGS SENG GE'I GDONG PA CAN, PHYAG G-YAS RAL GRI 'PHYAR ZHING, G-YON SDIGS MDZUB DANG BCAS @008B PA'I ZHAGS PA 'DZIN PA, AOm R'I SV'AH'AS, SNA NAS PHYUNG, DPAG TU MED PA SPROS, BDUD THAMS CAD SKRAG PAR BYAS, SLAR 'DUS, DBANG LDAN DU SENG GE'I GDAN LA ROL PA'I STABS KYIS 'KHOR, CHU RLUNG GI RLUNG R'i LAS STAG MO STAG GI GDONG PA CAN, G-YAS DKAR G-YON SNGO BA'I PHYED GZUGS MA, PHYAG G-YAS LCAGS KYU, G-YON SDIGS MDZUB DANG BCAS PAS ZHAGS PA 'DZIN PA, AOm R'A SV'AH'AS, SNA NAS PHYUNG, DPAG TU MED PA SPROS, BDUD THAMS CAD SKRAG PAR BYAS, SLAR 'DUS, ME MTSAMS SU PHAG GI GDAN LA ZLUM PA'I STABS KYIS 'KHOD, RLUNG ME'I RLUNG Li LAS SKYES PA'I CE SPYANG GI GDONG PA CAN, G-YAS SNGO G-YON DMAR PHYAG G-YAS DGRA STA DANG, G-YON SDIGS MDZUB DANG BCAS PAS ZHAGS PA 'DZIN PA, AOm LA SV'AH'AS, SNA NAS PHYUNG, DPAG TU MED PA SPROS, BDEN BRAL GYI MTSAMS SU MA HE'I GDAN LA SKYIL KRUNG PHYED PAS 'KHOD, ME DANG SA'I RLUNG 'DRES PA L'i LAS SKYES PA 'UG PA MO 'UG PA'I GDONG PA CAN, G-YAS DMAR G-YON SAR, PHYAG G-YAS DBYUG PA DANG G-YON THOD PA 'DZIN PA, AOm L'i SV'AH'AS, SNA NAS PHYUNG, DPAG TU MED PA SPROS, RLUNG MTSAMS SU CE SBYANG GI GDAN LA TZOG PUS 'KHOD, THAMS CAD KYANG NA BZA' DMAR PO MNABS PA ZHES PA NAS ME DPUNG 'BAR BA'I DKYIL 'KHOR NA BZHUGS PA, CHU RLUNG GI RLUNG PHUm LAS SKYES PA'I MKHA' 'GRO MA RGYAL DBANG MO DKAR MO PHYAG GNYIS @009A *, ,ZHAL DU 'JUG PA, AOm PHUm SV'AH'AS, SNA NAS PHYUNG, DPAG TU MED PA SPROS, BDUD THAMS CAD SKRAG PAR BYAS, SLAR 'DUS, LHA RNAMS 'GUGS PA'I MDZAD PA MDZAD, SLAR 'DUS, NANG GI SHAR SGOR 'KHOD, DE BZHIN DU SA RLUNG SOGS SNGAR BZHIN SBYAR NAS, PHEm LAS 'BAR BYED MA ZHES PA NAS ME 'BAR BA'I 'OD MNGA' BA RO'I GDAN LA BZHUGS PA, RANG GI THUGS KAR ZLA BA'I DKYIL 'KHOR GYI STENG DU, HA HO HR'I: GSUM LAS SKYES PA'I SPOS MO DANG 'JU BYED MA DANG, GTUM MO GSUM PHYAG NA KA P'A LA BDUD RTZIS GANG BA BSNAMS SHING, GCIG GIS STENG NAS 'GEBS PA, AOm HA HO HR'I: SV'AH'AS, SNA NAS PHYUNG, DPAG TU MED PA SPROS, 'GRO PA'I DON BYAS SLAR 'DUS, RIM PA GNYIS PA'I SHAR DU 'KHOD, TSUL 'DI LTAR BAR GYI LHA MO LHAG MA BCU BDUN PO RNAMS KYANG SNYING GAR BSKYED, SPROS MDZAD PA MDZAD 'GOD, THAMS CAD KYANG SKU MDOG DMAR PO 'OD ZER GYI PHRENG BA 'KHRUG CING SKRA GSIL POR 'PHYANG BA SBRUL GYI RGYAN GYIS BRGYAN CING, NA BZA' SNA TSOGS MNABS PA, BZANG PO'I 'DUG STANGS KYIS BZHUGS PA, DE NAS DKYIL 'KHOR PHYI MA LA LHA DGOD PA NI, KHE SHA LAS KHYAB 'JUG SNGON PO LAG PA BZHI PA, G-YAS GNYIS 'KHOR LO DANG RAL GRI, G-YON GNYIS DBYUG PA DANG DUNG 'DZIN PA RAL PA'I THOR TZUGS KYIS NYE BAR BRGYAN CING, BYA KHYUNG GI GDAN LA 'DUG PA, AOm KHE SHA SV'AH'A, @009B SHAR SGOR 'KHOD NAS, AOm AUTPAL RA MA YE SV'AH'A, DE'I G-YON DU 'KHOD, MDOR BSDU NA SGO BZHI DANG MTSAMS BZHI'I PHYOGS SKYONG BRGYAD PO BKOD PAS CHOG CING, THAMS CAD SKU MDOG SNGON POR BYAS PAS RUNG BAR GSUNGS SO, , DE NAS LHA RNAMS ZLUM PO LA DPA' BO NYI SHU DGOD PA NI, RANG GI THUGS KAR ZLA BA'I DKYIL 'KHOR GYI STENG DU KAm LAS KENG RUS 'JIGS BYED DANG, DE'I PANG BAR YUM PADMA 'BYUNG MA, AOm KA RAm KA BHEE RA B'A YA SV'AH'A, AOm KA MA LA KA RYEE SV'AH'A, SNA NAS PHYUNG, DPAG TU MED PA SPROS, BDUD DANG BAR DU GCOD PA BSAL, SLAR 'DUS SHAR GYI RE'U MIG GI DBUS SU 'KHOD, DE BZHIN DU SGRA 'JIGS YAB YUM GYI BAR GYI LHA THAMS CAD LA SHES PAR BYA'O, ,DE THAMS CAD COD PAN RNAM PA LNGAS BRGYAN PA, GCER BU SKRA RNAM PAR GROL BA, YAB YUM PHAN TSUN 'KHYUD PA, YAB YUM THAMS CAD KYI PHYAG G-YAS KHA tV'Am GA ,G-YON THOD PA BZA' BA SNA TSOGS DANG BTUNG BA SNA TSOGS KYIS GANG BA BSNAMS PA'O, ,DE NAS SGRUB THABS NAS 'BYUNG BA LTAR, 'JIG RTEN DANG 'JIG RTEN LAS 'DAS PA'I YE SHES DGUG GZHUG PHYAG RGYA BZHIS RGYAS 'DEBS LEGS PAR BYA, SNGAR BZHIN GTZO BO'I DAM RGYA DE NYID GNAS BZHIR BZHAG LA, AOm SA MA YA YO HAm H'Um H'Um SA MA YA STVAm, AA DHI TI shthA SVA M'Am ZHES GNAS BZHI BYIN GYIS BRLABS, SNGAR BZHIN BSRUNG BA BRGYAD KYI SNGAGS 'GOD, SKU GSUNG THUGS BYIN GYIS BRLABS, SNGAR GYI PHYAG RGYAS DBANG BSKUR @010A *, ,GTZO BO LA DBU RGYAN SNGAR DANG 'DRA, PHYOGS BZHI'I MKHA' 'GRO BZHI LA RANG GI RIGS BDAG DBUS SU BYAS PA'I RIGS LNGA DANG, LHA LHAG MA THAMS CAD LA RNAL 'BYOR NAM MKHA'I DBU BRGYAN LA GO CHA BSKON PA DANG, DAR DPYANGS DANG MNYAM PA'I THAL MOS MNYES PA SNGAR BZHIN BYA'O, ,DE NAS PHYI NANG GI MCHOD PAS MCHOD, DPA' MCHOG DANG PO'I SEMS DPA' CHE, ZHES SOGS KYIS BSTOD RDO RJE THAL MO SNYING GAR BZHAG NAS; AOm SHUDDHA DHA RMYE: H'Um AA A'A AOm A'A: SV'AH'A, ZHES MNYES PAR BYAS NAS LHA'I 'KHOR LO RTZE GCIG TU BSGOM MO, BSGOM PAS SKYON SGRUB THABS LTAR BZLAS PA BYA'O, ,MJUG TU MCHOD BSTOD MDOR BSDUS BYAS, DGE BA BSNGOS TE THUN MTSAMS KYI BYA BA LA 'DUG PAR BYA'O, ,THUN GYI MTHAR GTOR MA JI LTAR BYA BA NI, SGRUB THABS SU SHIN TU GSAL ZHING, BUM BSKYED BYED NA RNAM RGYAL BUM PA'I NANG DU RTZA BA'I LHA BCU GSUM DANG, LAS BUM DU SENG GE MA BSKYED PA SOGS RIG PAS SBYAR NAS SHES PAR BYAS TE DBANG CHOG LA 'JUG PAR BYA'O, ,SMRAS PA, CHOS KYI RGYAL PO KUN MKHYEN BU STON RJE'I, ,RMAD BYUNG MKHYEN PA'I 'OD STONG ZER GYI NI, ,GDAN BZHI'I RGYUD DANG RGYA GZHUNG 'DAB BRGYA'I TSAL, ,LEGS PAR PHYE BA'I SGRUB THABS ME TOG GI ,PHANG PHUNG CHAGS PA DE YI DGONGS PA BZHIN, ,NGAG 'DON SRAD BUR 'PHRENG BA SPEL LEGS PA, ,GSER DNGUL MU TIG DO SHAL LTAR BSGRIGS TE, ,BLO @010B GSAL MGUL BA'I RGYAN DU BDAG GIS BKOD, ,'DI YI DGE BA TSE RABS THAMS CAD DU, ,RGYAL BA'I MDO SNGAGS DAM CHOS MA LUS PA, ,RGYAL BA'I DGONGS PA JI BZHIN 'DZIN PA DANG, ,'GRO BA'I DON LA MTHU DANG LDAN PAR SHOG ,CES SNYIGS DUS KYI THAMS CAD MKHYEN PA BU STON RIN PO CHES MDZAD PA'I RNAL 'BYOR NAM MKHA' SGRUB THABS NGAG 'DON DU BYED PA'I ZUR 'DEBS 'DI YANG DGE SLONG RIN CHEN CHOS LEGS KYIS NAN GYIS YANG YANG BSKUL BA LA BRTEN NAS, THAMS CAD MKHYEN PA DE NYID KYI GSUNG RAB MANG DU THOS PA'I BTZUN PA BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GZIMS KHANG DU SBYAR BA'O,, ,, *, ,SVASTI, PAD DKAR 'DZIN PAS BYIN RLABS YUL GYI LJONGS, ,DBUS GTZANG DAG ZHING DAR GYI MDUD PA'I MTSAMS, ,'DI YI SGRUB GNAS LHA YI RI BO'I 'DABS, ,DPAL GYI RI BO 'PHOS 'DRA'I SA 'DZIN LJONGS, ,RNAM GROL DON DU GNYER BA'I BSTI GNAS MCHOG ,NYIN MTSAN KUN TU PHUN TSOGS BSAM GTAN GYIS, ,'KHOR LO RGYUN MI 'CHAD PA BSKOR BA'I GNAS, ,BKRA SHIS DPAL RGYAS SGRUB SDE RGYAS GYUR CIG ,DBUS RI'I NGOS CHAGS PHUN TSOGS BSGRUB PA'I SDE, ,PHYOGS DUS KUN TU DAR ZHING RGYAS PA DANG, ,YUL PHYOGS 'DIR YANG RTAG TU BKRA SHIS SHING, ,'DOD DGU'I 'BYOR PAS KUN DGA' BSKYED GYUR CIG ,BSGRUB PA'I GRVA 'DI 'DEBS SHING RING GNAS PA'I, ,BSTAN PA'I @011A *, ,SBYIN BDAG SA YI BRGYA BYIN MCHOG ,MGON PO BKRA SHIS MCHED DANG LCAM DRAL RNAMS, ,SKU TSE BRTAN CING CAB SRID RGYAS GYUR CIG ,CES PA'ANG RJE NYID KYI GSUNGS SO,, ` ,,GRUB PA'I GNAS MCHOG DPAL LDAN KA L'A PA'I, ,DA LTA CHOS KYI SRID LA DBANG BSGYUR BA, ,RIGS LDAN CHOS KYI RGYAL PO'I ZHABS DRUNG DU, ,GUS PA'I LEGS GSOL CHOS KYI PHO NYA 'DI, ,ZHAL DKYIL BLTA DANG GSUNG GI BDUD RTZI NI, ,'THUNG PHYIR SONG BA THUGS BRTZER NYER DGONGS LA, ,BDAG GIS GSOL BA'I 'BRAS BU MCHIS PAR MDZOD, ,CES PA 'DI RGYAL KHAMS PA BLO BZANG CHOS KYI RGYAL MTSAN GYIS, SHAMBHA LA'I RGYAL PO LA PHUL BA'I ZHU YIG , ,,RIN CHEN CHOS LEGS LHAG BSAM GYIS, ,PAR 'DI BSGRUBS PA'I RNAM DKAR MTHUS, ,SHE SA BU KHRID SGRIB GNYIS KYI, ,G-YUL LAS MYUR DU RGYAL GYUR CIG ,'DI LTAR BSKRUN PA'I DGE TSOGS KYIS; ;RTAG TU DAL 'BYOR RTEN THOB NAS, ,SA LAM RTOGS PA MTHAR SON TE, ,BLA MED BYANG CHUB THOB PAR SHOG , ` ,,NA MO GU RU MANYDZU GHO sh'A YA, BGRANG YAS SKYOB PA NYID GZIGS SRAS BCAS KYI, ,THUGS RJE LAS GRUB MTHONG THOS DRAN REG GIS, ,'DOD DGU'I MCHOG STZOL YID BZHIN NOR BU YI, ,GTZO RNAMS MTSAN GYIS ME TOG PHRENG MDZES SPEL, ,BKRA SHIS LHUN PO'I PHYI NANG GI RTEN GYI NANG BZHUGS GTZO BO RAGS @011B RIM TZAM ZHIG GZHAN DANG BA 'DREN PHYIR BRJOD PA NI, STON PA'I 'PHEL GDUNG BYUNG KHYUNGS MI 'DRA BA MANG PO, SANGS RGYAS KYI TSEMS KYI DUM BU, KUN MKHYEN 'PHAGS 'OD, MCHIMS THAMS CAD MKHYEN PA, BU STON THAMS CAD MKHYEN PA SOGS KYI GDUNG THAL LAS GRUB PA'I SKU BRNYAN DANG, THOG THUB MA DU MA, KHA CHE PAn CHEN GYI PHYAG NAS MA RDZA SKU 'KHRUL MED CIG ,BAL MO BZAS SPYAN DRANGS PA'I RJE BTZUN SGROL MA'I SKU RANG BYON, RDO NAG LAS GRUB PA RJE N'A RO PAS PHYAG BZO DANG THUGS DAM RTEN MDZAD PA BDE MCHOG PHYAG MANG, RVA LO'I THUGS DAM RTEN BSIL TSAL RDO NAG LAS GRUB PA'I RDO RJE 'JIGS BYED DPA' BO GCIG PA'I SKU, RJE BTZUN TZONG KHA PA CHEN PO'I SKU PHYAG NAS MA SKU COR RTOGS LDAN LA GNANG BA'I BYIN RLABS CAN, RJE THAMS CAD MKHYEN PAS GSUNG RAB PHAL CHER RTZOM GZHI PHYAG BRIS SU BTAB PA'I SAm BHU tA, RJE BLA MA'I PHYAG MTSAN RDOR DRIL, RJE BLA MA RI KHROD LA BZHUGS PA'I ZHAL DKAR YU THUNG, RJE SANGS RGYAS YE SHES KYI PHYAG MTSAN RDOR DRIL, RGYAL BA BLO BZANG DON GRUB DANG RJE SANGS RGYAS YE SHES GNYIS KA'I PHYAG TING, THAMS CAD MKHYEN PA BSOD NAMS RGYA MTSO DANG RJE SANGS RGYAS YE SHES GNYIS KA'I DBU PAn, RJE SANGS RGYAS YE SHES KYI MGUL SGOM, KUN MKHYEN SHES RAB DPAL BZANG GI GSOL RGYAN, 'PHAGS PA'I GNAS BRTAN YAN LAG 'BYUNG GI PHYAG 'KHAR RGYA'I NGUR BA LAS GRUB PA KHUNGS BTZUN, @012A *, ,MKHAS GRUB KHYUNG PO DANG MNYAM MED RIN CHEN BRTZON 'GRUS GNYIS KA'I GDUNG BZHUGS PA RTEN GA'U MAR GRAGS PA CHA TSANG, MKHAS GRUB KHYUNG PO'I PHYAG RJES SHIN TU GSAL BA'I RDO'I SNYING PO, MGON PO KLU SGRUB KYI THUGS DAM RTEN 'PHAGS PA BRGYAD STONG PA'I RGYA DPE, DE THOG NAS KHA CHE PAn CHEN GYIS LAN MANG DU GSUNGS PA'I BYIN RLABS CAN, DAM PA DMAR PO'I THUGS NANG DU SPYAN RAS GZIGS RANG BYON BZHUGS PA, MNGA' BDAG MEE TRI PA'I DBU THOD YONGS RDZOGS, 'OD DPAG MED KYI SKU GSAL BAR BYON PA, MTSAN LDAN THOD PA DNGOS THE TSOM MED PA YONGS RDZOGS, BLA MA RTOGS LDAN 'JAM DPAL RGYA MTSO'I DBU THOD RIN PO CHE DANG 'BRU SNAS GANG BA, RJE KARMA PA RANG BYUNG RDO RJE'I ZHVA NAG 'KHRUL MED, RJE BTZUN SGROL MA'I PHYAG MTSAN DAR LJANG GU LA RJE BTZUN MA'I SKU BRNYAN BRIS PA, DGRA BCOM PA 'OD SRUNG CHEN PO'I TSEMS KYI DUM BU, JO BO CHEN PO'I GDUNG NAG; RJE BLA MA'I TSEMS, SHA BO SGANG PA'I GDUNG MA RGAD MA, THAMS CAD MKHYEN PA DGE 'DUN GRUB KYI GDUNG TSA MANG BA, BKA' GDAMS KYI DAM PA MANG PO DANG, RGYAL TSAB MKHAS GRUB RJE, THAMS CAD MKHYEN PA SNGA PHYI SOGS SKYES CHEN DAM PA MANG PO'I SKU BAL GYI RING BSREL DANG YUNGS 'BRU LTA BU'I RING BSREL MANG PO, ,THAMS CAD MKHYEN PA DGE 'DUN GRUB KYI PHYAG BRIS RDO RJE 'CHANG CHEN PO'I LAM RIM YONGS SU RDZOGS PA RNAMS @012B BZHUGS, MTHONG THOS DRAN REG DAD PAR BYED RNAMS KYI, ,GDUNG SEL PHAN BDE'I SNANG BA STZOL MDZAD PA'I, ,RTEN MCHOG GTZO BO 'GA' YI THO TZAM BRJOD, ,DGE BAS 'GRO KUN THAMS CAD GZIGS GYUR CIG ,CES RJE BTZUN BLO BZANG CHOS KYI RGYAL MTSAN GYIS BRIS PA DGE BAR GYUR CIG ,YI GE PA NI DGE TSUL BLO BZANG DBANG RGYAL LO,, ,,DGE LEGS 'PHEL,, ` ,,DGE LDAN LUNG DANG RTOGS PA'I BSTAN PA YI, ,RGYAL MTSAN PHYOGS BCUR RGYAS PA'I 'PHRIL LAS KYIS, ,RGYAL MTSO'I GOS CAN MDZES PA'I DPAL GYUR PA'I, ,DPAL LDAN BLA MA'I ZHABS LA GSOL BA 'DEBS, ,BSLU MED DKON MCHOG GSUM GYI BYIN RLABS DANG,, DRANG SRONG GRUB PA RNAMS KYI BDEN TSIG DANG, ,MTHA' DAG 'GRO 'DI'I LEGS PAR SPYAD PA'I MTHUS, ,BSHES GNYEN DAM PA SRID MTHAR ZHABS BRTAN SHOG ,DGA' LDAN SPRUL PA'I SKU'I GSOL 'DEBS SO,, ,, (GSUNG LE TSAN 'DI RNAMS CHOS GRVA 'DI KHA'I NANG RTEN GRAS KYI GSUNG 'BUM BRIS MAR BZHUGS 'DUG KYANG, DE SNGA PAR RNYING DU MA 'KHOD STABS CHU SPRE ^ RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM RNAMS PAR GSAR BRKOS SKABS NANG RTEN GRAS DANG ZHUS DAG THOG PAR DU GSAR 'JUG BGYIS PA'O,, ,