@00 *, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI SNYING PO'I SNYING PO GSAL BAR LEGS PAR BSHAD PA'I RGYA MTSO LAS SKABS DANG PO'I RNAM PAR BSHAD PA BZHUGS, , @001A #, ,NA MO GU RU MANYDZU GHO sh'A YA, 'DREN PA MNYAM MED SH'AKYA'I RGYAL PO DANG, ,MI PHAM 'JAM DBYANGS KLU SGRUB THOGS MED ZHABS, ,MAR ME MDZAD DPAL KUN MKHYEN TZONG KHA PA, ,BKA' DRIN GSUM LDAN SANGS RGYAS YE SHES SOGS, ,MCHOG GSUM ZHABS KYI PADMOR PHYAG BYAS TE, ,RGYAN GYI PAD TSAL MCHOG TU RGYAS BYED PA'I, ,RNAM DPYOD NAM MKHA'I NOR BU LAS 'ONGS PA'I, ,LEGS BSHAD 'OD BRGYA'I RI MO LEGS PAR SPRO, ,DE YANG, 'JIG RTEN THAMS CAD KYI MA 'DRIS PA'I 'DZA' BSHES CHEN PO SANGS RGYAS BCOM LDAN 'DAS SHES SNYAN PA'I BA DAN SA GSUM NA G-YO BA DES, GDUL BYA'I KHAMS DANG BSAM PA DANG BAG LA NYAL JI LTA BA BZHIN GZIGS PAS, DE DANG MTHUN PA'I CHOS @002A *, ,KYI RNAM GRANGS JI SNYED CIG BKA' STZAL PA RNAMS KYI NANG NAS RAB DANG PHUL DANG GTZO BOR GYUR PA NI 'KHOR LO BAR PA RGYAS 'BRING BSDUS GSUM SOGS SHER PHYOGS KYI MDO RNAMS YIN LA, DE'I DGONGS DON LA YANG, DNGOS BSTAN STONG NYID KYI RIM PA DANG, SBAS DON MNGON RTOGS KYI RIM PA GNYIS SU YOD PA LAS, DANG PO LAS BRTZAMS TE MGON PO KLU SGRUB KYIS ZAB MO'I DON RNAMS LUNG GIS GTAN LA 'BEBS PA LA MDO KUN LAS BTUS DANG, RIGS PAS GTZO BOR GTAN LA 'BEBS PA LA DBU MA RIGS TSOGS DRUG RNAMS MDZAD PA'I DON YANG, DNGOS SMRA BA RNAMS KYIS CHOS DANG GANG ZAG BDEN GRUB TU BTAGS PA'I BSGRUB BYA BDEN GRUB 'GOG PA LA RTZA BA SHES RAB LA SOGS PA MDZAD PAS GZHAN DU BLTA BAR BYA'O; ;GNYIS PA SBAS DON MNGON RTOGS KYI RIM PA GTZO BOR STON PA LA RJE BTZUN GYIS BSTAN BCOS MNGON PAR RTOGS PA'I RGYAN MDZAD LA, DES NA RGYAN 'DI 'CHAD PA LA, BSHAD BYA RTZA BA'I @002B MDO NGOS BZUNG BA, DE'I DGONGS PA 'GREL BA'I RIM PA BSHAD PA, 'GREL PA GANG LA BRTEN NAS 'CHAD PA DANG GSUM, DANG PO NI, BOD MANG POS 'DI'I BSHAD BYA RTZA BA'I MDO NI SHER PHYOGS KYI MDO RNAMS YIN LA; DE LA YUM SRAS BCU BDUN DU GRANGS NGES TE, 'BUM, NYI KHRI, KHRI BRGYAD STONG PA, SHES RAB KHRI PA, BRGYAD STONG PA, MDO SDUD PA STE YUM DRUG DANG, SHER PHYIN BDUN BRGYA PA, LNGA BRGYA PA, SUM BRGYA PA, TSUL BRGYA LNGA BCU PA, SGO NYER LNGA PA, LNGA BCU PA RAB RTZAL RNAM GNON GYIS ZHUS PA, KO'U SHI KAS ZHUS PA, SHER PHYIN YI GE NYUNG DU, YI GE GCIG MA, SHES RAB SNYING PO STE SRAS BCU GCIG TU YOD PA'I PHYIR, YUM SRAS KYI DON BRJOD BYA MNGON RTOGS BRGYAD CHANG BAR STON MI STON GYI SHER PHYOGS KYI MDO YIN PA'I SGO NAS 'JOG ZER YANG, DE NI MI 'THAD DO, DE RNAMS LA YUM SRAS KYI DON DANG THA SNYAD GANG YANG MI 'THAD CING, MDO SDUD PA DANG, KHRI BRGYAD STONG PA SO SOR BGRANGS PAS MANG BA'I SKYON DANG SHER PHYIN ZLA BA'I SNYING PO; NYI MA'I SNYING PO, KUN TU BZANG PO, LAG NA RDO RJE, RDO RJE RGYAL MTSAN SOGS MA BGRANGS PAS GRANGS NYUNG BA'I SKYON DANG BCAS PA'I PHYIR, YANG KHA CIG GIS 'DI'I BSHAD BYA RTZA BA'I MDO LA SKOR DGU YOD DE, RGYAS PA'I RGYAS PA BAM PO LNGA BRGYA PA, 'DI RGYA NAG TU 'GYUR, RGYAS PA'I @003A *, ,'BRING BAM PO BZHI BRGYA PA, 'DI RGYA GAR NA YOD KYANG BOD DU MA 'GYUR, RGYAS PA'I BSDUS PA BAM PO SUM BRGYA PA, BOD DU 'GYUR BA'I 'BUM DU GRAGS PA, 'BRING GI RGYAS PA NYI KHRI, 'BRING GI 'BRING KHRI BRGYAD STONG PA, 'BRING GI BSDUS PA SHES RAB KHRI PA, BSDUS PA'I RGYAS PA BRGYAD STONG PA, BSDUS PA'I 'BRING YUM CHEN MO BAM PO BCO BRGYAD PA, BSDUS PA'I BSDUS PA MDO SDUD PA STE DGU YOD PA'I PHYIR, ZHES ZER KYANG, RANG LUGS LA BSHAD BYA RTZA BA'I MDO NI, RGYAS 'BRING SDUS GSUM DANG MDO SDUD PA RNAMS YIN TE, 'DI RNAMS DANG RGYAN SBYAR BA'I TSAD LDAN GYI 'GREL PA YOD CING, RTZA BAR, DE DANG DE NI MDO BZHIN DU, ZHES DANG, DE'I 'GREL BAR, RGYAL BA'I YUM RNAM PA GSUM CHAR LAS KYANG, ZHES DANG, LA LA LAS DON GZHAN LAS TSIG ,CES SOGS GSUNGS PA'I PHYIR, RGYAS 'BRING SDUS PA'I DON YANG, GDUL BYA'I BSAM NGO NAS YIN GYI, BRJOD BYA'I SGO NAS MIN TE, BRGYAD STONG DON BSDUS LAS, DE LTAR JI SKAD BSHAD RNAMS KYI, ,BRGYAD STONG 'DIR DON MA TSANG MED, CES DANG, 'GREL PA 'DIR, MKHAS PA RNAMS KYIS YUM KUN LA, ,DON BSDUS DE TZAM SHES PAR BYA, ZHES GSUNGS PA'I PHYIR, GDUL BYA'I DBANG GIS RGYAS 'BRING BSDUS GSUM DU 'JOG PA'I RGYU MTSAN YANG YOD DE, RGYAS PA LA DAD PA TSIG LHUR LEN PA'I GANG ZAG GI DBANG DU BYAS NAS, GZUGS NAS RNAM MKHYEN GYI BAR GYI 'GRES RKANG BRGYA @003B RTZA BRGYAD TSIG DON GNYIS KA GSAL BAR STON PA RGYAS PA'I MDO DANG, BAR MA LA DAD PA SPROS TE BSHAD PAS GO BA'I GDUL BYA'I DBANG DU BYAS NAS GZUGS NAS RNAM MKHYEN GYI BAR LA MI GNAS CES TSIG CUNG ZAD BSDUS PA BAR MA'I MDO DANG, BSDUS PA LA DAD PA MGO SMOS PAS GO BA'I GDUL BYA'I DBANG DU BYAS NAS CHOS THAMS CAD PHUNG KHAMS SKYE MCHED DU BSDUS NAS PHUNG PO LNGA LA MI GNAS CES TSIG SHIN TU BSDUS PA BSDUS PA'I MDO GSUNGS PA'I PHYIR TE, 'GREL CHEN LAS, TSIG LHUR LEN PA RGYAS PA LA DGA' BA'I SEMS CAN RJES SU GZUNG BA'I DON DU 'PHAGS PA STONG PHRAG BRGYA PA BSTAN TO, ,BAR MA LA DGA' BA SPROS TE BSHAD PAS GO BA'I SEMS CAN RNAMS LA RJES SU BRTZE BAS DON THAMS CAD BSDUS NAS 'PHAGS PA STONG PHRAG NYI SHU LNGA PA BSTAN TO, ,MGO SMOS PAS GO BA BSDUS PA LA DGA' BA'I SEMS CAN LA PHAN PA BSKYED PA'I PHYIR DE'I DON THAMS CAD BSDUS NAS 'PHAGS PA BRGYAD STONG PA GSUNGS PA YIN NO ZHES 'BYUNG BA'I PHYIR, GNYIS PA NI, SANGS RGYAS MYA NGAN LAS 'DAS NAS LO DGU BRGYAR NYE BA NA 'PHAGS PA THOGS MED BYON TE RJE BTZUN BSGRUBS PAS ZHAL GZIGS, BCOM LDAN 'DAS KYI RDZU 'PHRUL LA BRTEN NAS DGA' LDAN DU BYON, SHER PHYIN GYI DON MTHA' DAG DANG, BYAMS PA'I CHOS LNGA GSAN CING, 'DZAM BU GLING PAR CHOS KYI SKYES SU MNGON RTOGS RGYAN SOGS BSNAMS TE DAR BAR MDZAD, DE'I RJES SU @004A *, ,SLOB DPON PHYOGS KYI GLANG POS BRGYAD STONG PA'I DON RNAMS SO GNYIS SU BSDUS PA BRGYAD STONG DON BSDUS MDZAD DE, DE NYID LAS, RTEN DANG DBANG DU BYA BA DANG, ,LAS NI SGOM PA DANG BCAS DANG, ,RAB DBYE RTAGS DANG LTUNG BA DANG, ,PHAN YON BCAS PAR YANG DAG BRJOD, CES PAS, RTEN STON PA SANGS RGYAS, DBANG DU BYA BA 'KHOR BYANG SEMS NYAN THOS, LAS YUM LA SPYOD TSUL, SGOM PA LA RNAM G-YENG GI RTOG PA BCU'I GNYEN PO BCU; BSGOM BYA STONG NYID BCU DRUG GI RAB DBYE, BDUD LAS DAD PHYIR MI LDOG GI RTAGS, SHER PHYIN LOG PAR BZUNG NA NGAN 'GROR LTUNG TSUL, STONG GSUM RIN PO CHES BKANGS TE BYIN PA BAS SHER PHYIN LA SPYOD PA'I BSOD NAMS LHAG PA'I PHAN YON RNAMS BSTAN PA'I PHYIR, KHA CHE MCHE BA'I SDES SGO GSUM RNAM GRANGS BCU GCIG GI SGO NAS YUM DON 'GREL PA LA GNOD 'JOMS MDZAD, DE YANG SGO GSUM NI, GLENG GZHIS SKABS PHYE BA'I RJES LA DBANG PO RNON PO LA GANG GIS, GANG GI PHYIR, GONG LA, JI LTAR BSLAB TSUL BZHI STON PA BSDUS TE BSTAN PA'I SGO, DE NAS RNAM PAR SPROS PAS GO BA RNAMS LA RNAM MKHYEN LAS BRTZAMS TE DON DAM PA'I TSUL DU 'BRING DU BSTAN PA'I SGO, RGYA CHEN PO LA MOS PA LA MJUG RDZOGS PA'I BAR BDEN PA GNYIS KYI TSUL DU BSTAN PA RGYAS PAR BSHAD PA'I SGO DANG, RNAM GRANGS BCU GCIG NI, SH'A RI'I BU LA BKA' STZAL BA'I RNAM GRANGS GCIG ,RAB 'BYOR GYIS @004B BSHAD PA GCIG ,BRGYA BYIN LA BKA' STZAL PA GNYIS, RAB 'BYOR LA BKA' STZAL PA BZHI, BYAMS PA LA BKA' STZAL PA GNYIS, KUN DGA' BO LA BKA' STZAL NAS YONGS SU GTAD PA STE RNAM GRANGS BCU GCIG GO ,RGYU MTSAN DE'I PHYIR 'GREL BYED DE DAG LA SHING RTA'I SROL 'BYED DU 'JOG CES BOD MANG PO 'DOD KYANG MI 'THAD DE, BRGYAD STONG DON BSDUS KYI DBUS MTHA' DANG, THEG BSDUS KYI RJES SU 'BRANGS NAS NGO BO NYID GSUM GYI MDO DON BSHAD CING GZHUNG 'GREL GNOD 'JOMS KYI STONG NYID BCU DRUG GI SKABS SU RTZA SHES SOGS KYI LUNG DRANGS SHING, RIGS TSOGS LAS BSHAD SROL ZUR PA MIN PA'I PHYIR, ,GSUM PA LA, RGYAN GYI 'GREL PA'I GRANGS DANG, RANG LUGS 'GREL PA GANG GI RJES SU 'BRANGS NAS JI LTAR 'CHAD TSUL BSTAN PA GNYIS, DANG PO NI, GRAGS CHE BA NYER GCIG YOD DE, MDO RGYAN SBYAR BA'I 'GREL PA BCU GNYIS, MA SBYAR BA'I 'GREL PA DGU YOD PA'I PHYIR, DANG PO BCU GNYIS YOD DE, NYI KHRI DANG SBYAR BA BZHI; BRGYAD STONG PA DANG SBYAR BA GSUM MDO SDUS PA DANG SBYAR BA GSUM, 'BUM DANG SBYAR BA GCIG ,YUM GSUM GA DANG SBYAR BA GCIG RNAMS SU YOD PA'I PHYIR, DANG PO YOD DE, 'PHAGS PAS SBYAR BA'I NYI KHRI SNANG BA, BTZUN PAS MDZAD PA'I NYI KHRI RNAM 'GREL, SLOB DPON GYIS MDZAD PA'I NYI KHRI LE'U BRGYAD MA, SH'ANTI PAS MDZAD PA'I NYI KHRI DAG LDAN RNAMS SU YOD PA'I PHYIR, GNYIS PA GSUM YOD DE, SLOB DPON GYIS MDZAD PA'I BRGYAD STONG 'GREL CHEN, @005A *, ,SH'ANTI PAS MDZAD PA'I SNYING PO MCHOG ,AA BHYA KA RAS MDZAD PA'I GNAD KYI ZLA 'OD RNAMS SU YOD PA'I PHYIR, GSUM PA GSUM YOD DE, SLOB DPON GYIS MDZAD PA'I SDUD 'GREL RTOGS SLA, SANGS RGYAS YE SHES ZHABS KYIS MDZAD PA'I SDUD PA'I DKA' 'GREL, KHA CHE DHARM'A SHR'IS MDZAD PAR GRAGS PA'I SHER PHYIN MDZOD KYI LDE MIG RNAMS SU YOD PA'I PHYIR, BZHI PA YOD DE, KHA CHE DHARM'A SHR'IS MDZAD PAR GRAGS PA'I STONG PHRAG BRGYA PA'I BSHAD PA DE DE YIN PA'I PHYIR, LNGA PA YOD DE, SMRi TIS MDZAD PAR GRAGS PA'I YUM GSUM DON BRGYAD KYIS MTHUN PAR BSTAN PA ZHES BYA BA DE DE YIN PA'I PHYIR, GNYIS PA MA SBYAR BA'I 'GREL PA DGU YOD DE, SLOB DPON GYIS MDZAD PA'I 'GREL PA DON GSAL, CHOS KYI BSHES GNYEN GYIS MDZAD PA'I 'GREL BSHAD TSIG GSAL, GSER GLING PAS MDZAD PA'I 'GREL BSHAD RTOGS DKA'I SNANG BA, SHER 'BYUNG GIS MDZAD PA'I BSDUS DON; KHA CHE GZHON NU DPAL GYIS MDZAD PA'I BSDUS DON, JO BOS MDZAD PAR GRAGS PA'I BSDUS DON, RIN CHEN GRAGS PAS MDZAD PA'I 'GREL PA GRAGS CHE, BUDDH'A SHR'IS MDZAD PA'I SHES RAB SGRON ME'I PHRENG BA, AA BHYAS MDZAD PA'I THUB PA DGONGS RGYAN RNAMS SU YOD PA'I PHYIR, 'BUM 'GREL DE DHARM'A SHR'IS MDZAD PA MIN TE, DER MCHOD BRJOD DANG GLENG GZHI SBYOR BA'I SHES BYED DU, GLENG GZHI RGYAS PAR BKA' STZAL DON MCHOG RNAMS, CES @005B SOGS BSTAN BCOS RIN CHEN SGRON MA'I LUNG DRANGS PA GANG ZHIG ,DE BOD PA REG THOS PA DGAS BRTZAMS PA'I PHYIR RO, ,YUM GSUM GA DANG SBYAR BA DE DANG, DON BSDUS SGRON ME YANG SMRi TI DANG JO BOS MA MDZAD DO, ,RTZOM PA NUS CHUNG BA DANG, BRGYAD KA MNGON RTOGS SENG BZANG DANG, BUDDH'A SHR'I DZNYA NA'ANG BZHED, CES SOGS JO BO'I RJES KYI SLOB MAS BKOD PA'O, ,GNYIS PA LA, RANG GANG GI RJES SU 'BRANG BA DANG, RTZA BA'I DON 'CHAD TSUL GNYIS, DANG PO NI, SLOB DPON 'PHAGS SENG GNYIS KYI RJES SU 'BRANGS NAS 'CHAD RIGS TE, 'PHAGS PA'I 'GREL PA LTAR 'CHAD RIGS PA GANG ZHIG ,SLOB DPON GYI RJES SU 'BRANG RIGS PA'I PHYIR, DANG PO GRUB STE, 'PHAGS PA GROL SDE DE SHER PHYIN GYI MDO'I DON LA THE TSOM DANG SOM NYI SPANGS PA'I THEG CHEN 'PHAGS PA YIN PA'I PHYIR, RGYAN SNANG LAS, ,DE NYID LEGS PAR DPYAD LAS CAN, ,THEG PA CHE LA YANG DAG ZHUGS, SHES DANG, 'PHAGS PA GSAL BA'I BLO MNGA' DES NI RGYAL LA MNGON SUM NYID ZHUS NAS, SHES GSUNGS PA'I PHYIR, GNYIS PA GRUB STE, 'GREL PA DON GSAL 'DI RJOD BYED KYI TSIG NYUNG ZHING BRJOD BYA'I DON LA 'DRIL BA'I 'GREL PA GZHAN LAS KHYAD ZHUGS PA DANG SLOB DPON SENG GE BZANG PO YANG BSTAN BCOS RTZOM PA'I RGYU PHUN SUM TSOGS PA'I MKHAS PA YIN PA'I PHYIR, PHYI MA GRUB STE, YANG DAG PAR RDZOGS PA'I SANGS RGYAS NAS RTZA BA'I BLA MA'I BAR GYI MAN NGAG GI RGYUN MA CHAD PA, @006A *, ,BSTAN BCOS MTHA' DAG DANG KHYAD PAR RANG GIS BRTZAM BYA'I BSTAN BCOS DE'I DON LA MKHAS PA, YI DAM LHA'I SNANG BA THOB PA GSUM BSTAN BCOS RTZOM PA'I RGYU PHUN SUM TSOGS PA YIN PA GANG ZHIG , SLOB DPON DE GSUM GA DANG LDAN PA'I PHYIR, YI DAM GYI SNANG BA THOB STE, MKHAN PO RNAM SNANG MDZAD LA RJE BTZUN GYI SGRUB THABS ZHUS NAS BSGRUB PA MDZAD PAS, RMI LAM DU DGE SLONG GUR KUM GYI MDOG CAN ZHIG BYUNG STE, SHAR PHYOGS KHAR SA PA nIR SONGS SHIG ZER, SAD NAS DER BYON, SMYUNG GNAS MDZAD PAS, SHAR PHYOGS GANDHO LA'I STENG GI BAR SNANG LA SPRIN GYI GSEB NAS LHA MANG POS MCHOD PA BYED PA MTHONG NAS RGYU MTSAN DRIS PAS, RJE BTZUN BRGYAD STONG PA GSUNG BA LA MCHOD PA YIN ZER, YUN RING POR BLTAS PAS, RJE BTZUN SKU GSER GYI MDOG CAN, DBU LA MCHOD SDONG GIS SPRAS PA, BRGYAD STONG PA'I GLEGS BAM BSNAMS PA MTHONG BAS, KHYED KYI BSTAN BCOS DE LA 'GREL PA DU MA ZHIG SNANG BA GANG GI RJES SU 'BRANG ZHUS PAS, THAMS CAD LA LEGS PAR RTOG LA, DON 'DRIL BA'I 'GREL PA RTZOMS SHES SNANG BA THOB PA'I PHYIR, JI LTAR BRTZAMS PA YOD DE, BSTAN BCOS RTZOM PA'I SBYIN BDAG BTZAL BA'I PHYIR NUB PHYOGS SU BYON PA DANG, RGYAL PO DPAL LDAN CHOS SKYONG GIS DA LTA PHAR PHYIN 'CHAD PA LA SLOB DPON SENG 'BRANG MKHAS ZER BA THOS TE, SPYAN 'DREN PA BTANG BA DANG LAM DU 'PHRAD @006B NAS RGYAL PO DES SBYIN BDAG BYAS TE, NYI KHRI LE'U BRGYAD MA MDZAD, ,DE NAS DE'I SRAS DPAL LDAN SA SKYONG GIS SBYIN BDAG MDZAD NAS, RGYAN SNANG MDZAD DE, DE NYID LAS, YON TAN KUN GYI 'BYUNG GNAS TRI KA TRU KA'I GTZUG LAG KHANG BZANG RTZER, ,RGYAL MCHOG RGYAL RIGS NANG 'KHRUNGS DPAL LDAN SA SKYONG RING LA NI, ,DKA' 'GREL BZANG PO DE NYID SNANG BA 'DI NI BDAG GIS BYAS, ZHES GSUNGS SHING, SLOB DPON CHOS KYI BSHES GNYEN GYIS KYANG LO BCU BDUN GYI BAR DU DGE BA'I BSHES GNYEN MNYES PAR BYAS TE, RMI LAM DU BCOM LDAN 'DAS BYAMS PAS LUNG BSTAN TO, ZHES DANG, RGYAL TSAB RJES KYANG, SKYED MOS TSAL DU TING 'DZIN BSGOM PA'I TSE, ,THUB PA'I DBANG POS DNGOS SU RJES BZUNG STE, ZHES GSUNGS PA'I PHYIR, GNYIS PA NI, 'O NA 'GREL PA DON GSAL LA BRTEN NAS RTZA BA'I 'CHAD TSUL DE GANG ZHE NA, DE YANG YOD DE, RTZA BAS MDO BSHAD THABS YAN LAG LNGA'I SGO NAS 'CHAD PA BZHIN DU, 'GREL PAS RTZA BA BSHAD THABS LNGA'I SGO NAS 'CHAD PA'I PHYIR, RNAM BSHAD RIG PA LAS, MDO RNAMS 'CHAD 'DOD DE DAG LA, ,NGAS NI MAN NGAG SBYIN PAR BYA, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS TE BSNYAD PAR BYA, ZHES GSUNGS, RTZA BAS MDO BSHAD THABS YAN LAG LNGA'I SGO NAS 'CHAD PA'I RGYU MTSAN YOD DE, MDO DON DON DU GNYER BA'I GDUL BYA RNAMS KYI GNAS SKABS DANG MTHAR THUG GI CHE BA STE, PHAN YON @007A *, ,MTHONG BA'I SGO NAS, MDO'I TSIG DON 'DZIN PA DANG DE LA DON GNYER GYI 'DUN PA SKYE BA'I DBANG DU BYAS NAS, THOG MAR DGOS DON GYI SGO NAS BSHAD, DGOS DON TSAD MAS GRUB NAS DNGOS BRGYAD DON BDUN CU GO RIMS MA 'CHOL ZHING MTHAR CHAGS SU NGES PA LUS LA RAG LAS PAS, DE RJES LUS MDOR BSTAN RGYAS BSHAD GNYIS KYI SGO NAS BSTAN, MDO DON ZHIB TU MTHA' CHOD PA TSIG DON YAN LAG RGYAS BSHAD LA RAG LAS PAS, DE RJES TSIG DON GYI SGO NAS 'CHAD, GZHUNG SNGA PHYI'I GO RIMS 'BREL CHAGS PA'I PHYIR MTSAMS SBYAR GYI SGO NAS 'CHAD, GZHUNG SNGA PHYI'I GO RIMS DANG, DNGOS SHUGS KYI RIM PA MI 'GAL BA BRGAL LAN LA RAG LAS PAS, MTSAMS RNAMS SU BRGAL LAN GYI SGO NAS 'CHAD PA YIN PA'I PHYIR TE, RNAM BSHAD RIG PAR, MDO DON CHE BA NYID MTHONG NAS, ,NYAN PA DANG NI 'DZIN PA LA, ,NYAN PA PO RNAMS GUS BYED PAS, ,THOG MAR DGOS PA BRJOD PAR BYA, ,DE GRUB DE NI BSDUS DON DANG, ,BSDUS PA'I DON NI TSIG DON LA, ,GO RIMS RIM PA SNGA PHYI DAG ,MI 'GAL BA NI GNYIS LAS SO, ,ZHES GSUNGS PA'I PHYIR, LNGA PO DE GZHUNG GANG GIS BSTAN PA YOD DE, RNAM PA THAMS CAD MKHYEN NYID LAM, ZHES PA NAS, BYA BA RTZOM PA'I DGOS PA YIN, ZHES PA'I BAR GYIS DGOS DON BSTAN, SHES RAB PHA ROL PHYIN PA NI, ZHES PA NAS, RNAM PA BZHIR NI YANG DAG BRJOD, CES PA'I BAR DANG, YUL @007B NI RNAM PA GSUM PO RGYU, ZHES SOGS DANG, MTSAN NYID DE YI SBYOR BA DANG, ZHES SOGS KYIS LUS KYI SGO NAS BSHAD, SEMS BSKYED PA NI GZHAN DON PHYIR, ZHES PA NAS, CHOS KYI SKU YI PHRIN LAS NI, ,RNAM PA NYI SHU BDUN DU BZHED, CES PA'I BAR GYIS TSIG DON GYI SGO NAS BSHAD, DE NAS THAMS CAD SHES PA NYID, CES PA DANG, DE NAS SENG GE RNAM BSGYINGS PA'I, ZHES SOGS KYIS MTSAMS SBYAR GYI SGO NAS BSHAD, GANG GANG DON NI GANG GANG LA, ZHES SOGS DANG, DNGOS PO BRJOD DU MED PA LA, ZHES SOGS KYIS BRGAL LAN GYI SGO NAS BSHAD PA YIN PA'I PHYIR, 'GREL PAS RTZA BA 'CHAD PA LA YANG DON GSUM STE, RJOD BYED DON LDAN GYI MTSAN BSHAD PA, BRJOD BYA DE LDAN GYI GZHUNG BSHAD PA, MDZAD PA PO DANG SGYUR BYED SOGS MJUG GI DON BSHAD PA GSUM, DANG PO LA, DNGOS DANG, ZHAR BYUNG GNYIS, DANG PO LA MTSAN BSGYUR BA, MTSAN BSHAD PA GNYIS, DANG PO NI, MNYAN YOD GNAS BCAS CAM PA KA, WA RA n'A SI YANGS PA CAN, ,RGYAL PO'I KHAB NI DRUG PA STE, ,'DI DAG GRONG KHYER CHEN POR GRAGS, ZHES BSHAD PA'I GRONG KHYER DRUG GNAS PA'I SA PHYOGS DE LA RGYA GAR ZHES PA NI 'DOD RGYAL DU THOG MAR BRDA' SBYAR BA YIN TE, 'KHRUL MED CAN SHES DANG PO YI, ,BRDA' YI SPYOD YUL GANG YIN DNGOS, ZHES GSUNGS PA'I PHYIR, YUL DE'I SKAD LA YANG, PI SHA TZI SHA ZA'I SKAD, AA WA BHR'Am SHA ZUR CHAG GI SKAD, PRA TI TA YUL MI SO SO'I @008A *, ,SKAD; SAm SKRi TA LEGS SBYAR GYI SKAD DANG BZHI LAS, LEGS SBYAR GYI SKAD DU BSTAN BCOS 'DI'I MTSAN LA, AA BHI SA MA YA SOGS BYUNG, DE BOD KYI SKAD DU BSGYUR NA, SHES RAB KYI PHA ROL TU PHYIN PA SOGS SU 'GYUR BA YIN TE, AA BHI SA MA YA NI MNGON PAR RTOGS PA, AA LANG KA RA NI RGYAN, N'A MA ZHES BYA BA, PRADZNY'A P'A RA MI TA NI SHES RAB KYI PHA ROL TU PHYIN PA, AU PA DE SHA MAN NGAG ,SHASTRA BSTAN BCOS, PRI TI 'GREL PA, ZHES PAR 'GYUR BA'I PHYIR RO, ,GNYIS PA NI, BSTAN BCOS 'DI LA MTSAN DE LTAR BRJOD PA'I RGYU MTSAN YOD DE, SHES RAB KYI PHA ROL TU PHYIN PA RGYAS 'BRING BSDUS GSUM GYI DON RTOGS DKA' BA BDE BLAG TU RTOGS PAR BYED PAS MAN NGAG ,DE YANG MNGON SUM DU RTOGS PAR BYED PAS MNGON RTOGS, 'CHOS SKYOBS KYI YON TAN GNYIS DANG LDAN PAS BSTAN BCOS, RANG BZHIN GYI RGYAN YUM GYI LUS BZANG PO LA MDZES BYED KYI RGYAN DON BDUN CUS SPRAS PA, GSAL BYED KYI RGYAN BSTAN BCOS 'DIS SNANG BAR BYED PAS RGYAN ZHES BRJOD PA'I PHYIR, DPER NA RANG BZHIN GYI RGYAN SKYES BU'I GZUGS BZANG PO LA MDZES BYED KYI RGYAN GTZUG RGYAN GDU BU LA SOGS PAS SPRAS PA, GSAL BYED KYI RGYAN ME LONG SOGS KYIS SNANG BAR BYAS PA NA SRED LDAN DGA' BA BSKYED PAS RGYAN ZHES BRJOD PA BZHIN YIN PA'I PHYIR, DE SKAD DU MDO SDE'I RGYAN LAS, GZUGS RGYAN RANG BZHIN YON TAN LDAN PA ME LONG NANG SONG BAS, ,MTHONG BA'I DBANG @008B GIS MI RNAMS RAB TU DGA' BA'I MCHOG BSKYED PA, ,DE BZHIN LEGS GSUNGS RTAG TU RANG BZHIN YON TAN LDAN PA YI, ,CHOS KYANG DON RNAMS PHYE BAS MKHAS RNAMS 'DI NA DGA' MCHOG SKYE, ZHES GSUNGS PA'I PHYIR, DES NA; THOG MAR RGYA SKAD KYI MTSAN SMOS PA'I RGYU MTSAN YOD DE, BSTAN BCOS 'DI CHOS KYI 'BYUNG GNAS RGYA GAR NAS BYUNG BAS KHUNGS BTZUN PAR BSTAN PA DANG, RGYA SKAD KYI RNAM DBYE SHES PA DANG, KHYAD PAR SAm SKRi TA'I SKAD BZHIN BTON PAS RGYUD LA BYIN RLABS 'JUG PA'I DGOS PA YOD PA'I PHYIR, BOD SKAD DU MTSAN SMOS PA LA DGOS PA YOD DE, MING DON GYI 'GREL PA SHES PA DANG, GZHUNG GI LUS RAGS PA MING TZAM GYIS SHES PAR BYA BA DANG, MING LA BRTEN NAS BRJOD BYA KHONG DU CHUD PA'I DGOS PA YOD PA'I PHYIR, MDO LAS, MING DU GDAGS PA MA MDZAD NA, ,'JIG RTEN THAMS CAD RMONGS PAR 'GYUR, ,DE BAS RMONGS PA BSAL BA'I PHYIR, ,MGON POS MING DU GDAGS PAR MDZAD, CES DANG, RNAM 'GREL LAS KYANG, SGRA RNAMS KYIS NI BRDAR BTAGS BSTAN, ,DE NI THA SNYAD CHED DU BYAS, ZHES GSUNGS PA'I PHYIR, SKAD GNYIS KA SMOS PA LA DON YOD DE, LO PAn GYI BYAS SHES DRIN GZO DANG, BSTAN BCOS KYI RNAM GRANGS SHES PA'I DGOS PA YOD PA'I PHYIR, GNYIS PA LA, BAM GRANGS DANG, 'GYUR PHYAG GNYIS, DANG PO NI, BAM PO DANG PO ZHES PA 'DI NAS BZUNG BA'I SHO LO KA SUM BRGYA LA BAM PO RER BYAS NAS LO PAn GYIS DPYAD @009A *, ,PA MDZAD PA'I RGYU MTSAN YOD DE, GZHUNG TSANG LA MANG NYUNG GI SGRO SKUR SPANG BA'I CHED DU YIN PA'I PHYIR, BAM PO'I GO DON NI, GZHUNG GI CHA MANG PO PHYOGS GCIG TU BSDOMS PA'I MING STE, RTZA DANG SHING GI PHON PO DANG BAM PO ZHES PA BZHIN NO, ,GNYIS PA NI, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,ZHES 'GYUR GYI PHYAG 'DI LTAR MDZAD PA'I RGYU MTSAN YOD DE, 'GYUR MTHAR PHYIN PA DANG, MDO SDE'I SDE SNOD KYI PHYOGS SU GTOGS PA SHES PA'I CHED DU YIN PA'I PHYIR, SHES NUS TE, SNGON GYI RGYAL BLON PAn GRUB RNAMS KYIS 'DUL BA'I SDE SNOD KYI THOG MAR THAMS CAD MKHYEN PA DANG, MNGON PA LA 'JAM DPAL DANG, MDO SDE LA SANGS RGYAS BYANG SEMS LA 'GYUR PHYAG BYED PAR BKAS BCAD PA'I PHYIR, DE LTAR BCAD PA'I RGYU MTSAN YANG YOD DE, 'DUL BA'I SDE SNOD RNAMS KYIS THAMS CAD MKHYEN PA NYAG GCIG GI MNGON SUM GYI SPYOD YUL BLANG DOR PHRA MO DANG LAS 'BRAS PHRA MO RNAMS BSTAN PA DANG, MNGON PA'I SDE SNOD KYIS LHAG PA SHES RAB KYI BSLAB PA RJE BTZUN 'JAM DPAL LTA BU'I MKHYEN RAB LAS SHES DGOS PAR BSTAN PA DANG, MDO SDE'I SDE SNOD KYIS NYAN RANG RNAMS KYIS MING TZAM YANG DKA' BA'I TING NGE 'DZIN GRANGS LAS 'DAS PA BSTAN PA DE SANGS RGYAS BYANG SEMS KYI THUN MONG MA YIN PA'I CHOS SU SHES PA'I CHED DU SO SOR 'GYUR PHYAG MDZAD PA YIN PA'I PHYIR, GNYIS PA LA, SNGON 'GRO BSHAD PA LA 'JUG PA'I YAN LAG ,DNGOS GZHI BSHAD PA NYID @009B NYE BAR 'GOD PA, MJUG BSHAD PA MTHAR PHYIN PA'I BYA BA DANG GSUM, DANG PO LA, MCHOD PAR BRJOD CING RTZOM PAR DAM BCA' BA, 'GREL PA RTZOM RIGS PAR BSGRUB PA, KHENGS SKYUNGS SHING SPRO BA SKYED PA'I RGYU MTSAN BSTAN PA GSUM, DANG PO 'CHAD PA LA, SHES RAB PHA ROL PHYIN PA LA, ZHES PA'I SHO LO GCIG STE, DE YANG PHYAG 'TSAL LO ZHES BSHAD PA'I GZHIR DRANGS, RTEN GYI GANG ZAG GANG GIS DUS NAM GYI TSE PHYAG 'TSAL BA YOD DE, SLOB DPON SENG GE BZANG POS 'GREL PA DON GSAL RTZOM PA'I THOG MAR PHYAG BTZAL BA'I PHYIR, TSUL JI LTAR PHYAG 'TSAL BA YOD DE, SGO GSUM GUS PAS PHYAG BTZAL BA'I PHYIR, ZHES 'CHAD PA LA, GUS PHYAG 'TSAL, ZHES GSUNGS, YUL GANG LA PHYAG 'TSAL BA YOD DE, GZHUNG LAM 'BRAS BU'I SHER PHYIN GSUM LA PHYAG 'TSAL BA'I PHYIR, ZHES 'CHAD PA LA, SHES RAB PHA ROL PHYIN PA LA, ZHES GSUNGS, DGOS PA GANG GI PHYIR PHYAG 'TSAL BA YOD DE, RGYAS 'BRING BSDUS PA GSUM PO DE'I RGYAN GYI TSIG LE'UR BYAS PA DAG YUM GSUM PO KUN GYI RGYAN DU 'GYUR BAR 'GREL PAS RNAM PAR DBYE BA'I PHYIR DU YIN PA'I PHYIR, ZHES 'CHAD PA LA, DE'I RGYAN TSIG LE'UR BYAS PA DAG ,KUN GYI RGYAN DU 'GYUR BA NI, ,RNAM PAR DBYE PHYIR, ZHES GSUNGS, GNYIS PA 'GREL PA RTZOM RIGS PAR BSGRUB PA LA, 'GRO LA CHAGS PAS ZHES PA NAS, MKHAS PA RNAMS KYI DBYE BA'I RIGS, ZHES PA'I BAR GSUNGS, 'DI YANG DON GSUM DU 'DU STE, PHYI'I RKYEN DGE BA'I BSHES GNYEN GYI MAN NGAG @010A *, ,DANG LDAN PAR BSGRUB PA, NANG GI RKYEN BSTAN BCOS KYI TSIG DON RTOGS PA'I SHES RAB KHYAD PAR CAN DANG LDAN PAR BSGRUB PA, RKYEN DE GNYIS TSOGS PAS NA 'GREL PA RTZOM RIGS PAR BSGRUB PA GSUM DU 'DU BA'I PHYIR, DANG PO 'CHAD PA LA 'GRO LA CHAGS PAS KUN CHAGS MDZAD, CES PA NAS, RANG DANG RJES MTHUN RNAM BSHAD BYAS, ZHES PA'I BAR GSUNGS, 'DI YANG GANG LAS 'PHROS NA, RNAM PAR DBYE PHYIR ZHES PA LAS 'PHROS, JI LTAR 'PHROS NA DE'I SKABS SU MNGON RTOGS RGYAN YUM GSUM GA'I RGYAN DU 'GREL BA'I 'GREL PA DON GSAL BA CIG RTZOM ZHES DAM BCAS PA LA, SLOB DPON KHYED KYIS DE 'DRA'I 'GREL PA RTZOM PA MI 'THAD PA THAL; SLOB DPON SNGA MA'I MAN NGAG MED PA'I SGO NAS RTZOM PA YANG MI 'THAD, YOD PA'I SGO NAS RTZOM PA YANG MI 'THAD PA'I PHYIR, DANG PO MI 'THAD TSUL NI, 'O NA KHYOD KYIS DE 'DRA'I 'GREL PA RTZOM MI RIGS PAR THAL, DE RTZOM PA LA SLOB DPON SNGA MA'I MAN NGAG YOD DGOS PA LA, KHYOD LA DE MED PA'I PHYIR, PHYI MA MA GRUB NA, KHYOD KYIS DE 'DRA'I 'GREL PA RTZOM MI RIGS PAR THAL, SLOB DPON SNGA MAS MDZAD PA'I 'GREL PA LA BRTEN PA'I MAN NGAG YOD PAS DE DANG ZLOS PA'I SKYON YOD PA'I PHYIR ZHE NA, SLOB DPON SNGA MA'I MAN NGAG YOD KYANG ZLOS PA'I SKYON MED PA'I LAN BTAB PA'I SGO NAS, SLOB DPON SNGA MA'I MAN NGAG DANG LDAN TSUL DE 'CHAD PA LA, 'GRO LA CHAGS @010B PAS; ZHES SOGS GSUNGS, DE YANG 'GREL PA 'DI 'PHAGS PA THOGS MED KYI 'GREL PA DANG ZLOS PA'I SKYON MED DE, 'PHAGS PA THOGS MED KYIS BSTAN BCOS MNGON RTOGS RGYAN YUM GSUM GA'I RGYAN DU 'GREL PAR MA MDZAD PA'I PHYIR, DE LA RNAM BSHAD MDZAD CES PA BSHAD PA'I GZHIR DRANGS, GZHUNG GANG GI NA YOD DE, BSTAN BCOS CHEN PO YUM GYI MDO'I DGONGS PA 'GREL BA'I DE NYID RNAM NGES MDZAD PA'I PHYIR, ZHES 'CHAD PA LA; BSTAN BCOS CHEN PO'I RNAM BSHAD MDZAD, CES GSUNGS, RTEN GYI GANG ZAG GANG GIS MDZAD PA YOD DE, SO SO SKYE BO'I SA LAS 'PHAGS SHING BLO GROS THOGS PA MED PA DES MDZAD PA'I PHYIR ZHES 'CHAD PA LA, 'PHAGS PA THOGS MED, CES GSUNGS, DE CHOS CAN, KHYAD CHOS GSUM DANG LDAN TE, BSAM PA PHUN TSOGS, SBYOR BA PHUN TSOGS, MDZAD PA PHUN TSOGS GSUM DANG LDAN PA'I PHYIR, DANG PO GRUB STE, RGYUD LNGA'I 'GRO BA LA SNYING RJES KUN CHAGS PA STE LHAG PAR BRTZE BAR MDZAD PA'I PHYIR, ZHES 'CHAD PA LA, 'GRO LA CHAGS PAS KUN CHAGS MDZAD, ,CES GSUNGS, GNYIS PA GRUB STE, 'GRO BA SDUG BSNGAL LAS SKYOB PA'I SBYOR BA DANG LDAN PA'I PHYIR, ZHES 'CHAD PA LA, SKYOB NYID KYIS, ZHES GSUNGS, GSUM PA GRUB STE, RJE BTZUN MI PHAM MGON PO LA YUM GYI TSIG DON MTHA' DAG GSAN CING, THUGS SU CHUD NAS DGONGS 'GREL GYI BSTAN BCOS MDZAD PA'I PHYIR, ZHES 'CHAD PA @011A *, ,LA, MI PHAM MGON LA GSAN NAS NI, ZHES GSUNGS, SLOB DPON DBYIG GNYEN GYI MAN NGAG DANG LDAN TSUL 'CHAD PA LA, 'GRO DON RTZA LAG DBYIG GI GNYEN, ZHES SOGS SHO LO KA GCIG GSUNGS, SLOB DPON DE CHOS CAN, KHYOD KYIS NYI KHRI'I DGONGS PA GZHUNG 'GREL GYIS JI LTAR BKRAL TSUL YOD DE, GZUGS SOGS KYI SHES BYA NANG SHES PA'I BDAG NYID YIN PAR SMRA BA'I SEMS TZAM PA'I GRUB MTHA' LA BRTEN NAS DGONGS PA SEMS TZAM DU BKRAL BA'I PHYIR, ZHES 'CHAD PA LA, SHES BYA NANG GI YIN PA LA, ,YANG DAG BRTEN NAS RNAM PAR BKROL, ZHES GSUNGS, SLOB DPON DBYIG GNYEN GYIS YUM GYI DGONGS PA SEMS TZAM DU BKRAL BA DE SANGS RGYAS KYI DGONGS PA JI LTA BA BZHIN YIN NAM ZHE NA MIN TE, SLOB DPON RANG NYID GNYIS STONG GI SHES PA BDEN GRUB TU MOS PA'I DBANG GIS DE LTAR BKRAL GYI, SANGS RGYAS KYI DGONGS PA DBU MAR GNAS PA'I PHYIR, ZHES 'CHAD PA LA, RANG GI MOS PA GTZOR BYAS TE, ZHES GSUNGS, SLOB DPON DE LA DBYIG GNYEN ZHES BRJOD PA'I RGYU MTSAN YOD DE, MNGON MTHO DANG NGES LEGS NI 'GRO BA'I DON YIN LA, DE THOB BYED KYI RTZA LAG STE THABS DGE TSOGS RNAMS 'PHAGS NOR GYI MCHOG TU GYUR PAS NA DBYIG DANG, DE'I SGO NAS GDUL BYA LA PHAN PA SGRUB CING, MI MTHUN PHYOGS BZLOG PAS NA GNYEN ZHES BRJOD PA'I PHYIR, ZHES 'CHAD PA LA, 'GRO DON RTZA LAG DBYIG GI GNYEN, @011B ZHES GSUNGS, 'PHAGS PA GROL SDE'I MAN NGAG DANG LDAN TSUL 'CHAD PA LA, 'PHAGS PA'I KHONGS SU GTOGS PA YI, ZHES SOGS GSUNGS, DE YANG RNAM PAR PHYE ZHES BSHAD PA'I GZHIR DRANGS, GZHUNG GANG GI DGONGS PA 'GREL BA GANG DU PHYE BA YOD DE, NYI KHRI'I DGONGS PA NYI KHRI SNANG BAR PHYE BA'I PHYIR, GANG ZAG GANG GIS PHYE BA YOD DE, MTHONG LAM THOB PAS NA 'PHAGS PA'I KHONGS SU GTOGS PA RNAM PAR GROL BA'I SDES PHYE BA'I PHYIR, ZHES 'CHAD PA LA, 'PHAGS PA'I KHONGS SU GTOGS PA YI, ,RNAM PAR GROL BA ZHES BYAS KYANG, ZHES GSUNGS, KYANG SGRA'I DON YOD DE, SKU MCHED GNYIS SU MA ZAD, 'PHAGS PAS KYANG PHYE ZHES PA'I DON YIN PA'I PHYIR, PHYE TSUL YOD DE, SLOB DPON DBYIG GNYEN GYIS YUM DON SEMS TZAM DU BKRAL BAR BYAS PA DE RGYAL BA'I DGONGS PA JI LTA BA BZHIN BYAS PA MIN PAR MTHONG NAS, RTAG CHAD KYI MTHA' DANG BRAL BA DBU MAR GNAS PA'I BLOS MDO RGYAN GYI DGONGS PA DBU MAR PHYE BA YIN PA'I PHYIR, ZHES 'CHAD PA LA, DES BYAS BYAS PA MIN MTHONG NAS, ,DBU MAR GNAS PA'I BLOS RNAM PHYE, ZHES GSUNGS, BTZUN PAS RNAM BSHAD MDZAD TSUL DE STON PA LA, DE YI 'OG TU ZHES SOGS GSUNGS, 'PHAGS PAS RNAM PAR BSHAD PA'I 'OG TU YUM GYI DGONGS 'GREL BYUNG TSUL YOD DE, DAD PA'I SA TSOGS LAM PHAL PA LA GNAS PA'I BTZUN PA RNAM GROL SDES NYI KHRI'I DGONGS PA 'GREL BA'I RNAM 'GREL MDZAD PA'I PHYIR, @012A *, ,TSUL JI LTAR MDZAD PA YOD DE, MNGON RTOGS RGYAN YUM GSUM KA'I RGYAN DU MA RNYED PAR RANG GIS JI LTAR RNYED PA DANG RJES SU MTHUN PAR NYI KHRI 'BA' ZHIG DANG SBYAR TE BSHAD PA'I PHYIR, ZHES 'CHAD PA LA, BSTAN BCOS MTHA' DAG MA RNYED PAR, ,RANG DANG RJES MTHUN RNAM BSHAD BYAS, ZHES GSUNGS, GNYIS PA NANG GI RKYEN BSTAN BCOS KYI TSIG DON RTOGS PA'I SHES RAB KHYAD PAR CAN DANG LDAN PAR BSGRUB PA LA, DE LTAR MKHAS PAS SNANG BYAS SHING, ZHES SOGS GSUNGS, DE'I DON YANG, SLOB DPON SENG GE BZANG PO CHOS CAN, KHYOD KYIS MNGON RTOGS RGYAN YUM GSUM GA'I RGYAN DU RNYED PA YA MTSAN ZHING, SKAL BA BZANG BA'I RGYU MTSAN YOD DE, SNGAR BSHAD PA DE LTAR MKHAS PA DE DAG GI TSIG DON CI RIGS SNANG BAR BYAS SHING, DBYIG GNYEN LA SOGS PA 'GA' ZHIG KHO NAS YUM GSUM GA'I RGYAN DU MA RNYED CING, KHYOD KYIS RGYAS 'BRING BSDUS GSUM GYI SNYING PO'I DON MNGON PAR RTOGS PA BRGYAD KYI RIM PA BSTAN, BSTAN PA LTAR DU RGYAN GYIS BKRAL, BKRAL BA LTAR RNYED NAS YUM GSUM KA'I RGYAN DU SBYAR BA'I PHYIR, GSUM PA RKYEN DE GNYIS TSOGS PAS 'GREL PA RTZOM RIGS PAR BSGRUB PA LA, DE LTAS SHIN TU RNYED DKA' BA'I, ZHES SOGS GSUNGS, DE'I DON YANG, SLOB DPON DANG, DE DANG MTSUNGS PA'I MKHAS PA RNAMS KYIS 'GREL PA 'DI LTA BU RTZOM RIGS PA YIN TE, RGYAN GYIS, MDO'I SBAS DON MNGON RTOGS KYI RIM PA DANG SNYING @012B PO'I DON BSTAN PA 'DI SHIN TU RTOGS DKA' BA SANGS RGYAS BYAMS PA'I THUGS RJE'I DBANG GIS RNYED PA YIN PA'I PHYIR, ZHES 'CHAD PA LA, ZAB MO'I LAM 'DI CI ZHIG LTAR, ,SANGS RGYAS DBANG GIS RNYED PA NI, ,MKHAS PA RNAMS KYIS DBYE BA'I RIGS, ZHES GSUNGS, MNGON RTOGS BRGYAD LA ZAB MO ZHES BRJOD PA'I RGYU MTSAN YOD DE, 'GRO DON RTZA LAG DBYIG GI GNYEN, ZHES BSHAD PA'I MKHYEN PA CAN DE LTA BUS KYANG DGONGS PA JI LTA BA BZHIN MA RNYED PAS DE LTAR BRJOD PA'I PHYIR, ZHES 'CHAD PA LA, DE LTAS SHIN TU RNYED DKA' BA, ZHES GSUNGS, GSUM PA KHENGS SKYUNGS SHING SPRO BA BSKYED PA'I RGYU MTSAN 'CHAD PA LA, RNAM PA KUN TU BDAG GIS NI, ZHES SOGS GSUNGS, SLOB DPON CHOS CAN, YUM GYI TSIG DON MTHA' DAG BDAG GI MNGON SUM GYI SPYOD YUL MIN KYANG, MNGON RTOGS RGYAN YUM GSUM GA'I RGYAN DU 'GREL BA'I 'GREL PA RTZOM PA LA SPRO BA SKYED PA'I RGYU MTSAN YOD DE, RANG GZHAN LA PHAN PA RGYA CHEN PO GDAGS PAR 'DOD PA'I DBANG GIS YIN PA'I PHYIR, 'GREL PA 'DI LTA BU LA BRTEN NAS DE LTAR NUS PA YIN TE, 'DI LTA BU'I 'GREL PA RTZOM PA DANG, SBYIN SOGS KYI BSOD NAMS BSGRUB PA RNAM MKHYEN GYI RGYUR MTHUN ZHING MTSUNGS PA YIN PA'I PHYIR TE, RNAM 'GREL LAS, 'GREL PA DANG NI RJES MTHUN THABS, ,SKYES BU'I DON NI RJOD BYED DAG ,CES GSUNGS PA'I PHYIR, 'GREL PA BRTZAMS PA LA BRTEN NAS RANG GZHAN LA PHAN @013A *, ,'DOGS NUS TE, 'DI LTA BU'I DGE BA RGYA CHEN PO RANG GZHAN GYI MTHAR THUG GI RGYUR BSNGOS SHING, DAM PA RNAMS KYIS BSNGO BA'I DON RNAMS 'GRUB PA YIN PA'I PHYIR TE, DE BSDEBS PA LAS BYUNG BA YI, ,DGE BA BDAG GIS GANG THOB PA, ,DE YIS SKYE BO THAMS CAD NI, ,BDE GSHEGS SHES RAB THOB PAR SHOG ,CES GSUNGS PA'I PHYIR, RNAM PA KUN TU BDAG GIS NI, ZHES YUM GYI DON MTHA' DAG SLOB DPON GYI MNGON SUM GYI SPYOD YUL MIN PA'I RGYU MTSAN GANG ZHE NA, DE YOD DE, YUM GYI DGONGS PA SHIN TU RTOGS DKA' BAS, SO SKYE'I MNGON SUM GYI SPYOD YUL DU BYED MI NUS SHING, BDAG NYID CHEN PO 'PHAGS PA'I MNGON SUM GYI SPYOD YUL YIN PA'I PHYIR, ZHES 'CHAD PA LA, SHES RAB MI GSAL BSTAN BCOS KUN, ,PHYI ROL GYUR BDAG GANG NA ZHIG ,'PHAGS BLO'I SPYOD YUL BDAG NYID CHE, ,BSTAN BCOS DON NI GANG NA YIN, ZHES GSUNGS, 'O NA SLOB DPON GYI MNGON SUM GYI SPYOD YUL DU MA GYUR NA NOR 'KHRUL 'BYUNG SRID PAS RTZOM YANG MI RIGS SO ZHE NA, SKYON MED DE, DAM PA SNGA MA'I MAN NGAG LA BRTEN NAS BSHAD PAS, SHAS CHER NOR 'KHRUL MI 'BYUNG LA, CI STE BYUNG NA YANG, PHAN SEMS KYI KUN NAS BSLANGS PAS MKHAS PA RNAMS KYIS BZOD PAR MDZAD PAR RIGS PA'I PHYIR, ZHES 'CHAD PA LA, 'ON KYANG SPYOD YUL MA YIN LA, ,RANG DANG GZHAN GYI DON GYI NGOR, ,BDAG GIS 'BAD BGYIS NONGS PA LA, ,SKYE BO MKHAS RNAMS @013B BZOD PAR MDZOD, ,CES GSUNGS, 'O NA RNYED PA GANG DE YA MTSAN NO ZHES 'CHAD NA, YUM DON THABS GANG LA BRTEN NAS TSOGS JI TZAM GYIS RNYED CE NA, SLOB DPON SENG GE BZANG PO CHOS CAN, KHYOD KYIS YUM DON RDZOGS PA 'BAD RTZOL CHEN POS RNYED PA YIN TE, RANG GZHAN GYI GRUB MTHA' RGYA MTSO LTA BU LA NGAL BA BYAS SHING, DGE BA'I BSHES GNYEN MNYES PAR BYED PA SOGS DKA' BA DU MA SNGON DU BTANG BA'I DUS RING MO ZHIG NA RNYED PA YIN PA'I PHYIR, ZHES 'CHAD PA LA, KYE MA GZHUNG LUGS SNA TSOGS KYIS, ,DUB PA BDAG GI NGAL BSO'I GNAS, ,SHES RAB PHA ROL PHYIN PA'I LUGS, ,RING MO ZHI GNAS MTHONG BA YIN, ZHES GSUNGS, GNYIS PA DNGOS GZHI BSHAD PA NYID NYE BAR 'GOD PA LA, 'PHAGS PA BYAMS PA ZHES PA NAS, DE KHO NA BZHIN DU BSHAD PAR BYA BA YIN NO, ,ZHES PA'I BAR BYUNG, DE YANG DON TSAN GSUM DU 'DU STE, MCHOD BRJOD BSHAD PA, RGYAS PA LA DAD PA'I GANG ZAG LA PHYE STE BSHAD PA, BSDUS DON GZHAN BSTAN PA GSUM DU 'DU BA'I PHYIR, DANG PO 'CHAD PA LA, MCHOD BRJOD RTZA 'GREL RNAMS BYUNG, MCHOD BRJOD KYI GZHUNG 'CHAD TSUL YOD DE, 'GREL PAS RTZA BA BSHAD THABS YAN LAG LNGA'I SGO NAS 'CHAD LA, MCHOD BRJOD 'GREL PAS KYANG MCHOD BRJOD BSHAD THABS LNGA'I SGO NAS 'CHAD PA'I PHYIR, DE YANG YIN TE, 'PHAGS PA BYAMS PA ZHES SOGS KYIS MTSAMS SBYOR GYI SGO NAS 'CHAD, TSIGS @014A *, ,SU BCAD PA 'DIS NI 'DI'I CHE BA'I BDAG NYID PHUL DU BYUNG BA DANG LDAN PA BRJOD DE, ZHES PAS BSDUS DON GYI SGO NAS 'CHAD, DE THOS NAS ZHES SOGS KYIS DGOS DON GYI SGO NAS 'CHAD, DE LA THAMS CAD MKHYEN PA NYID GSUM GYI ZHES SOGS KYIS BRGAL LAN GYI SGO NAS 'CHAD, NYAN THOS DANG DE'I PHYOGS SU BSLAN PA ZHES SOGS KYIS TSIG DON GYI SGO NAS 'CHAD PA'I PHYIR, DES NA, NYAN THOS ZHI BA TSOL RNAMS ZHES PA'I SKABS SU DGOS DON, BSDUS DON, TSIG DON GSUM, DANG PO NI, RGYAN RTZOM PA'I THOG MAR, RJE BTZUN GYIS YUM MKHYEN GSUM LA BSTOD PHYAG MDZAD PA LA DGOS PA YOD DE, GDUL BYA RNAMS YUM LA DANG BA BSKYED PA DANG, DE LA BRTEN NAS THAR PA DANG THAMS CAD MKHYEN PA THOB PAR 'GYUR BA DANG, GNAS SKABS BSTAN BCOS RTZOM PA MTHAR PHYIN PA'I CHED DU YIN PA'I PHYIR, DANG PO GRUB STE, GZHAN DAG RAB TU DANG BA BSKYED PA'I CHED DU, ZHES GSUNGS PA'I PHYIR, GNYIS PA GRUB STE, DAD YUL MKHYEN PA GSUM LA DANG BA'I DAD PA DE GNAS SKABS DANG MTHAR THUG GI LEGS PA THAMS CAD THOB PA'I RGYU'I GTZO BO YIN PA'I PHYIR, SHES RAB KYI PHA ROL TU PHYIN PA'I YUL CAN GYI RAB TU DANG BA NI LEGS PA THAMS CAD THOB PA'I RGYU'I GTZO BO YIN NO, ZHES GSUNGS PA'I PHYIR, RTAGS GSUM PA GRUB STE, DNGOS SU MCHOD BRJOD MDZAD KYANG SHUGS LA RTZOM PAR DAM BCAS PA LA, @014B SKYES BU DAM PAS DAM BCA'I KHUR MI 'DOR BA'I PHYIR, SHES RAB SDONG PO LAS, DAM PAS MANG PO KHAS 'CHE MI BYED CING, ZHES SOGS GSUNGS PA'I PHYIR RO, ,GNYIS PA NI, TSIGS BCAD 'DI YANG DON GNYIS SU 'DU STE, BSTOD PA DANG PHYAG 'TSAL BA GNYIS SU 'DU BA'I PHYIR, DANG PO LA YANG GNYIS TE, MKHYEN GSUM GYI YON TAN BRJOD PA DANG, 'PHAGS BZHI'I YUM BYED PA GNYIS LAS, DANG PO LA, GZHI SHES KYI YON TAN BRJOD PAS, NYER ZHIR 'KHRID TSUL 'CHAD PA LA RKANG PA DANG PO GSUNGS, LAM SHES KYI YON TAN BRJOD PAS RIGS CAN GSUM GYI DON SGRUB TSUL 'CHAD PA LA RKANG PA GNYIS PA GSUNGS, RNAM MKHYEN GYI YON TAN BRJOD DE CHOS 'KHOR BSKOR TSUL 'CHAD PA LA RKANG PA GSUM PA GSUNGS, 'PHAGS BZHI'I YUM BYED TSUL 'CHAD PA LA, NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM, ZHES GSUNGS PA'I PHYIR, GSUM PA TSIG DON NI, RJE BTZUN GYIS RGYAN RTZOM PA'I THOG MAR MKHYEN GSUM LA BSTOD PHYAG MDZAD DE, RTEN GYI GANG ZAG NYAN THOS DANG, RANG SANGS RGYAS SDUG KUN NYE BAR ZHI BA TSOL BA RNAMS PHUNG KHAMS SKYE MCHED KUN GANG ZAG GI BDAG MED PAR SHES PA NYID KYIS 'BRAS BU LHAG MA YOD MED KYI NYER ZHIR 'KHRID PAR MDZAD PA GANG YIN PA DE LA 'DUD PA'I PHYIR DANG, RTEN GYI GANG ZAG 'GRO BA LA PHAN PAR BYED PA'I BYANG SEMS RNAMS THABS LAM SHES NYID KYI 'BRAS BU @015A *, ,'JIG RTEN RIGS CAN GSUM GYI DON BSGRUB PAR MDZAD PA GANG YIN PA DANG, THUB PA SANGS RGYAS BCOM LDAN 'DAS RNAMS THABS GANG DANG YANG DAG PAR LDAN PAS, BRJOD BYA RNAM PA KUN DANG LDAN PA'I RJOD BYED SDE SNOD SNA TSOGS PA 'DI GSUNG BA'I BDAG RKYEN RNAM MKHYEN RNAMS LA 'DUD PA'I PHYIR, GNYIS PA RGYAS PA LA DAD PA'I GANG ZAG LA PHYE STE BSHAD PA LA, BSTAN BCOS KYI DGOS PA'I DON, BSDUS PA'I DON, TSIG DON GSUM, DANG PO LA, BSTAN BCOS RTZOM PA LA DGOS MED KYI DOGS PA SO SOR SPANGS NAS BRJOD BYA MKHYEN GSUM SPYI'I RNAM GZHAG BSHAD PA DANG, MDO DANG ZLOS PA'I SKYON SPANGS NAS DGOS PA YOD PAR BSGRUB PA GNYIS, DANG PO NI, 'O NA DE LTAR PHYAG 'TSAL BA DANG ZHES SOGS RTZOD RTZOD LEN 'DI RNAMS 'GREL PA GANG DU BKOD, MCHOD BRJOD DGOS 'GREL GANG GI GZHUNG YIN ZHE NA, 'DI 'DRA BA NYI SNANG NYI KHRI RNAM 'GREL, RGYAN SNANG, 'GREL PA 'DI RNAMS SU YOD LA, AAR BYANG CHUB YE SHES, 'BUM PHRAG GSUM PA, SNYING PO RGYAN RNAMS KYI DGONGS PA DGOS 'GREL GYI GZHUNG DU BZHED, LO TZTSA BA CHEN PO DANG GSER 'PHRENG SOGS KYIS MCHOD BRJOD KYI GZHUNG DU BZHED DE, GSER 'PHRENG LAS, MCHOD BRJOD KYI RTZOM PA DAM BCA' LAS 'PHROS SHING, DGOS 'GREL GYI MTSAMS SBYAR DU BKOD PA'I PHYIR, ZHES GSUNGS PA'I PHYIR, 'O NA 'DE 'DRA BA @015B DNGOS SU RTZOD PA PO YOD DAM MED, YOD NA MDO BSTAN BCOS GANG LA RTZOD, MDO LA RTZOD PA MI RIGS TE, YUM GYI MDO LAS MKHYEN PA GSUM SOGS KHYAD GZHIR BZUNG NAS STONG NYID RGYAS PAR GTAN LA PHABS ZIN PAS DOGS PA DE MED PA'I PHYIR, GNYIS PA LTAR NA BSTAN BCOS RDZOGS PAR MTHONG NAS RTZOD DAM, MCHOD BRJOD KYI TSIGS BCAD TZAM ZHIG MTHONG NAS RTZOD, CUNG ZAD KYANG MA MTHONG BAR RTZOD PA MI RIGS TE, DE LTAR PHYAG 'TSAL BA DANG ZHES SOGS BKOD PA 'BREL MED DU 'GYUR BA'I PHYIR, DANG PO LTAR NA MI 'THAD DE, BRJOD BYA GANG STON SHES NAS, SLAR DE 'DRA'I DRI BA 'BREL MED PA'I PHYIR, GNYIS PA LTAR NA, RJE BTZUN GYIS MCHOD BRJOD TZAM ZHIG GSUNGS MA THAG ,DE 'DRA BA'I DOGS PA SKYE BA'I GANG ZAG SU ZHIG YIN, MCHOD BRJOD KYIS MKHYEN GSUM KYI YON TAN BRJOD PAS YUM LA BSTOD NA, BSTOD YUL DANG MTHUN PAR BSTAN BCOS KYI LUS RTZOM PA'I NGES PA MED LA, GAL TE YOD NA, MKHYEN GSUM BRJOD BYAR BYED PA SHES BZHIN DU GANG BRJOD BYAR BYED CES RTOGS PA DANG MI LDAN PA'I DRI BA YIN PAS DE LTA BU'I DRI LAN 'DIR DON MED DO, ,'ON TE DRI BA GNYIS PA LTAR RTZOD PA PO MED KYANG, DOGS PA KHONG NA GNAS PA SLOB DPON GYIS BSUS PA YIN ZHE NA, RGYAN SNANG LAS, KHA CIG NA RE ZHES SOGS DANG, GZHAN DAG NA RE ZHES SOGS KYI DON DANG 'GAL BA SPANG DGOS SO, ,ZHE NA, SNGAR BKOD PA'I SKYON MED DE, DE LTAR RGOL BA'I @016A *, ,GANG ZAG DNGOS SU BYUNG NA LAN 'DI DAG 'PHEN PA SHES PA'I PHYIR 'GREL CHEN LAS DE LTAR GSUNGS SHING, MCHOD BRJOD DU MKHYEN GSUM LA BSTOD PAS DOGS PA DE 'DRA BA 'BYUNG RIGS LA, DE LA DE'I DMIGS PA GZHI GNYEN RNAM PA GSUM GTAN LA 'BEBS DGOS LA, DE LTAR NA BSHAD BYA YUM GYI MDO DANG ZLOS PA'I SKYON DU 'GYUR ZHES BSTAN BCOS BRTZAMS PA DGOS MED DU THAL BA'I DGOS 'GREL GYI MTSAMS SBYOR DU 'BYUNG BA DOGS PA'I GTZO BO DANG, DE NYID KYI MTHA' DPYOD PA'I YAN LAG TU YA GYAL RE RE BRJOD BYAR BYED PA LA RTZOD PA SPONG BA 'DI DAG YIN PA'I PHYIR, DE DAG GI RTZOD LAN DANG 'PHROS DON SOGS MANG DU DOGS NAS MA BRIS SO, ,GNYIS PA LA, DOGS PA BKOD NAS MTSAMS SBYAR BA, RTZA BA, 'GREL PA GSUM, DANG PO NI, MDO BSTAN BCOS KYI THUN MONG MA YIN PA'I DGOS PA'I KHYAD PAR MI SHES PA'I SKYE BA BLO GROS DMAN PA DAG RGYAS 'BRING BSDUS GSUM DU DON MNGON PAR RTOGS PA BRGYAD GSAL BAR MDZAD ZIN PAS, RJE BTZUN GYIS DE 'CHAD MI DGOS SNYAM DU DOGS PA LA, DE'I SKYON MED DE, BSTAN BCOS 'DI LA BRTEN NAS YUM DON BDE BLAG TU RNYED PA'I DGOS PA YOD PA'I PHYIR, ZHES 'CHAD PA LA, SKYE BO BLO GROS DMAN PA DAG ,CES SOGS KYIS MTSAMS SBYAR RNAMS GSUNGS, GNYIS PA NI, RNAM PA THAMS CAD MKHYEN NYID LAM, ZHES SOGS RKANG PA DANG PO GNYIS KYIS @016B BRJOD BYA DE BSTAN, DE NAS GCIG GIS BRJOD BYA'I KHYAD PAR DE BSTAN, DE NAS GSUM GYIS NYING DGOS BSTAN, THA MAS DGOS PAR STAN NAS 'BREL PA SHUGS LA BSTAN CING, TSIG DON NI, BSTAN BCOS 'DI CHOS CAN, BRJOD BYA KHYAD PAR CAN DANG LDAN TE, RNAM PA THAMS CAD MKHYEN PA NYID KYI LAM CHOS BCU GNAS SKABS MNGON RTOGS BRGYAD DU PHYE BA STON PAS YUM GSUM PO 'DI LAS BSHAD PA GANG YIN PA DE KHYOD KYI BRJOD BYA YIN PA'I PHYIR, BRJOD BYA MNGON RTOGS BRGYAD PO DE PHYI ROL PA SOGS DANG NYAN RANG SOGS GZHAN GYIS MYONG BA MA YIN TE, DE RNAMS KYIS SHIN TU RGYAS PA'I SDE SNOD LA THOS BSAM MA BYAS PA'I PHYIR, KHYOD KYI NYING DGOS YOD DE, SEMS BSKYED SOGS CHOS SPYOD BCU'I BDAG NYID KYI MDO'I DON THOS BSAM GYIS DRAN PA LA BZHAG NAS BLO DANG LDAN PA BYANG SEMS KYIS MTHONG ZHING THOB BYAR 'GYUR BA DE DE YIN PA'I PHYIR, BSTAN BCOS 'DI RTZOM PA LA MDO DANG ZLOS PA'I SKYON MED DE, 'DI LA BRTEN NAS MDO DON BDE BLAG TU NI RTOGS PA ZHES BYA BA BSTAN BCOS 'DI RTZOM PA'I DGOS PA YIN PA'I PHYIR, GSUM PA 'GREL PA LA, BRJOD PA NYING DGOS, DGOS PA GSUM, DANG PO 'CHAD PA LA, RNAM PA THAMS CAD MKHYEN PA NYID NI ZHES SOGS GSUNGS, GNYIS PA 'CHAD PA LA, BYANG CHUB SEMS DPA' RANG DANG GZHAN GYI DON, ZHES SOGS GSUNGS, GSUM PA 'CHAD PA LA, SHES RAB KYI PHA ROL TU PHYIN PA'I DON, ZHES SOGS GSUNGS TE, TSIG DON 'DIR @017A *, ,MA BKRAL LO, ,GNYIS PA BSDUS DON LA, LUS MDOR BSTAN PA, RGYAS PAR BSHAD PA GNYIS, DANG PO LA, BSHAD BYA 'CHAD BYED MDOR BSTAN PA, 'CHAD BYED KYI RKANG GRANGS BSHAD PA GNYIS, DANG PO NI, SHES RAB PHA ROL PHYIN PA NI, ZHES PA GNYIS LA BSTAN BCOS 'DI CHOS CAN, KHYOD KYI GZHUNG SHES RAB KYI PHA ROL TU PHYIN PA RGYAS 'BRING BSDUS GSUM NI YANG DAG PA STE, PHYIN CI MA LOG PAR BSHAD DE, RJOD BYED LA SKABS BRGYAD DANG; BRJOD BYA'I DNGOS PO YANG BRGYAD DU PHYE BA NYID KYIS BSHAD PA'I PHYIR, 'CHAD BYED GZHUNG SHER PHYIN LA SKABS BRGYAD YOD DE, RAB 'BYOR GYI LE'US RNAM MKHYEN, MTHA' GNYIS RNAM DAG GI LE'US LAM SHES, SPYOD PA KHYAD PAR CAN GYI LE'US GZHI SHES, DE BZHIN NYID KYI LE'US RNAM RDZOGS SBYOR BA, BSLAB PA YONGS SU DAG PA'I LE'US RTZE SBYOR, BSLAB PA LA RIM GYIS 'JUG PA'I LE'US MTHAR GYIS SBYOR BA, BSLAB PA YONGS SU RDZOGS PA'I LE'US SKAD CIG SBYOR, BSLAB PA'I 'BRAS BU'I LE'US CHOS SKU 'CHAD PA'I PHYIR, GNYIS PA LA MKHYEN GSUM, SBYOR BZHI, CHOS SKU GSUM LAS, DANG PO NI, RNAM KUN MKHYEN NYID LAM SHES NYID, CES SOGS GNYIS LA, MKHYEN GSUM SO SO'I NGO BO YOD DE, SEMS BSKYED SOGS CHOS BCU DANG, GZHI GNYEN RNAM PA KUN MKHYEN PA'I MTHAR PHYIN PA'I YE SHES NYID RNAM MKHYEN GYI NGO BO, THABS SHES KHYAD PAR CAN GYIS ZIN @017B PA'I THEG CHEN 'PHAGS PA'I MNGON RTOGS LAM SHES PA NYID KYI NGO BO DANG, THEG DMAN GYI MKHYEN PA'AM, THEG DMAN GYI RTOGS RIS SU GNAS PAS RAB TU PHYE BA'I 'PHAGS RGYUD KYI MKHYEN PA DE NAS THAMS CAD SHES PA NYID KYI NGO BOR 'JOG PA'I PHYIR, RNAM MKHYEN GYI MTSAN NYID DE LTAR 'JOG PA NI, THOB BYA RNAM MKHYEN DE BSTAN PA NYID KYIS LAM SPYI'I GO YUL BLO LA 'CHAR BA'I CHED DU YIN NO, ,RNAM MKHYEN LA DBYE NA, JI LTA JI SNYED DAM, SHES BYA'I RNAM PA MA LUS PA MKHYEN PA'I RNAM MKHYEN DANG, RGYU 'BRAS GTZO BO'I DON BCU MNGON SUM DU RTOGS PA'I RNAM MKHYEN GNYIS, SA MTSAMS SANGS RGYAS KYI SA KHO NA'O, ,LAM SHES KYI DBYE BA LA RTOGS RIGS KYI SGO NAS GSUM DANG, RGYU LAM SHES, 'BRAS BU LAM SHES DANG, DMAN LAM SNGON DU SONG MA SONG GI DBYE BAS DU MA YOD, SA MTSAMS THEG CHEN 'PHAGS PA MTHA' DAG LA'O, ,GZHI SHES LA 'PHAGS PA GSUM GYI DBYE BAS GSUM, MI MTHUN PHYOGS DANG MTHUN PHYOGS KYI DBYE BA SOGS YOD, SA MTSAMS 'PHAGS PA MTHA' DAG LA'O, ,GNYIS PA SBYOR BZHI 'CHAD PA LA, RNAM KUN MNGON RDZOGS RTOGS PA DANG, ZHES SOGS GSUNGS, SO SO'I NGO BO YOD DE, MKHYEN GSUM GYI RNAM PA BSDUS NAS SGOM PAR BYED PA'I SHES RAB KYIS ZIN PA'I SEMS DPA'I MNGON RTOGS, RNAM KUN MNGON RDZOGS RTOGS PA'I SBYOR BA'I NGO BO DANG, STONG NYID LA @018A *, ,DMIGS PA'I BSGOMS BYUNG GI SHES RAB KYIS ZIN PA'I SGO NAS MKHYEN GSUM BSDUS BSGOM, THEG CHEN TSOGS LAM LAS RAB TU GYUR PA'I SEMS DPA'I RNAL 'BYOR RTZE SBYOR GYI NGO BO DANG, MKHYEN GSUM GYI RNAM PA LA BRTAN PA THOB PHYIR DU MKHYEN GSUM GYI RNAM PA RIM CAN DU BSGOMS PA'I SHES RAB KYIS ZIN PA'I SEMS DPA'I RNAL 'BYOR MTHAR GYIS PA'I SPYOD PA'I NGO BO DANG, RANG GI NYER LEN DU GYUR PA'I MTHAR GYIS SBYOR BA'I STOBS LAS BYUNG BA'I SEMS DPA'I RNAL 'BYOR MTHAR THUG SKAD CIG MA GCIG GIS MNGON PAR RDZOGS PAR BYANG CHUB PA'I SBYOR BA'I NGO BO YIN PA'I PHYIR, DANG PO DANG BYANG SEMS KYI MKHYEN PA DON GCIG CING DBYE NA RNAM PA BRGYA BDUN CU RTZA GSUM BSGOMS PA'I SEMS DPA'I RNAL 'BYOR BRGYA DON GSUM YOD, GNYIS PA'I SA MTSAMS, THEG CHEN GYI SBYOR LAM DROD NAS RGYUN MTHA'I BAR DANG, RGYAS PAR DBYE NA BRGYA DON GSUM, BSDU NA BZHI YOD, GSUM PA'I SA MTSAMS, THEG CHEN TSOGS LAM NAS RGYUN MTHA'I SNGA LOGS KYI BAR DANG, DBYE NA BCU GSUM, BZHI PA'I SA MTSAMS RGYUN MTHA' KHO NA DANG, DBYE NA BZHI YOD DO, ,GSUM PA CHOS SKU 'CHAD PA LA; CHOS KYI SKU DANG, ZHES GSUNGS, DE RNAMS KYI GRANGS BSDU BA LA, DE RNAM BRGYAD, CES GSUNGS, 'BRAS BU CHOS SKU'I NGO BO YOD DE, RANG THOB BYED KYI THABS SU GYUR PA'I MKHYEN GSUM GYI RNAM PA BSGOMS STOBS @018B KYIS THOB PA'I YON TAN MTHAR THUG DE DE YIN PA'I PHYIR, DBYE NA BZHI, SA MTSAMS, SANGS RGYAS KYI SA'O, ,GNYIS PA LUS RGYAS PAR BSHAD PA LA, MKHYEN PA GSUM GYI LUS RGYAS PAR BSHAD PA, SBYOR BA BZHI'I LUS RGYAS PAR BSHAD PA, CHOS SKU'I LUS RGYAS PAR BSHAD PA GSUM, DANG PO LA RNAM MKHYEN BSHAD PA, LAM SHES BSHAD PA, GZHI SHES BSHAD PA GSUM, DANG PO LA, CHOS BCU'I RANG BZHIN BSHAD PA DANG, BSTAN BSHAD SBYAR BA GNYIS, DANG PO LA, BSAM PA DAM BCA' SEMS BSKYED BSHAD PA, DAM BCA'I DON BSGRUB PA'I THABS GDAMS NGAG BSHAD PA, DAM BCA'I DON SGRUB BYED BSGRUB PA BSHAD PA GSUM, DANG PO 'CHAD PA LA, SEMS BSKYED PA DANG, ZHES GSUNGS, DON NI, RANG GI GROGS SU GYUR PA'I GZHAN DON DU RDZOGS BYANG THOB PAR 'DOD PA'I 'DOD PA DANG MTSUNGS LDAN DU GYUR PA'I THEG CHEN LAM GYI 'JUG SGO'I RIGS SU GNAS PA'I THEG CHEN GYI GTZO BO YID KYI RNAM RIG KHYAD PAR CAN DE, SKABS 'DIR DNGOS SU BSTAN PA'I SEMS BSKYED KYI MTSAN NYID DANG, DBYE NA NYER GNYIS, SA MTSAMS THEG CHEN GYI TSOGS LAM NAS SANGS RGYAS KYI SA'I BAR RO, ,GNYIS PA 'CHAD PA LA; GDAMS NGAG DANG, ZHES GSUNGS, THEG CHEN SEMS BSKYED KYI CHED DU GNYER BYA'I THABS LEGS PAR 'DOMS PA'I RJOD BYED RNAM DAG DE THEG CHEN GDAM NGAG GI MTSAN NYID, NGO BO'I SGO NAS THEG DMAN GYI GDAM NGAG , @019A *, ,THEG CHEN GYI GDAM NGAG GNYIS, GDAMS TSUL GYIS DBYE NA, BSGRUB PA RANG GI NGO BO LA 'DOMS PA DANG, BSGRUB PA'I KHYAD CHOS LA GDAMS PA GNYIS, GDAMS DON GYI SGO NAS 'DIR BSTAN GDAM NGAG BCU; SGRAS BRJOD RIGS KYI SGO NAS DBYE NA, RJOD BYED TSIG GI GDAM NGAG DANG, BRJOD BYA DON GYI GDAM NGAG RNAMS SU YOD, SA MTSAMS, LAM MA ZHUGS NAS, SANGS RGYAS KYI SA'I BAR RO, ,GSUM PA LA, STONG NYID RTOGS PA'I BSGOMS BYUNG GI BSGRUB PA THOG MA NGOS GZUNG BA DANG, BSGRUB PA SPYI'I RNAM GZHAG GNYIS, DANG PO 'CHAD PA LA, NGES 'BYED YAN LAG RNAM BZHI, ZHES GSUNGS, RANG RGYU THEG CHEN GYI THAR PA CHA MTHUN RDZOGS RJES SU BYUNG BA'I THEG CHEN GYI DON MNGON RTOGS DE, THEG CHEN GYI SBYOR LAM GYI NGO BO DANG, DE LA DBYE NA, THEG CHEN DROD SOGS NGES 'BYED YAN LAG RNAM PA BZHI YOD, GNYIS PA LA, SGRUB PA'I RTEN DANG, BRTEN PA BSGRUB PA GNYIS, DANG PO 'CHAD PA LA, SGRUB PA YI NI RTEN GYUR PA, RKANG PA GNYIS GSUNGS, THEG CHEN BSGRUB PA YI NI RTEN GZHI BYED PAR GYUR PA'I BYANG SEMS KYI RGYUD KYI CHOS KYI DBYINGS DE BYANG SEMS BSGRUB BRTEN RANG BZHIN GNAS RIGS KYI NGO BO DANG 'DIR BSTAN BSGRUB PA'I SGO NAS BCU GSUM YOD, SPYIR GRANGS MED CING, SA MTSAMS, SEMS DPA' MTHA' DAG LA YOD, 'DIR THEG CHEN GYI SBYOR LAM DROD NAS RGYUN MTHA'I BAR RO, ,GNYIS PA LA, BSGRUB PA'I @019B DMIGS PA, CHED DU BYA BA, BSGRUB PA'I DBYE BA GSUM, DANG PO 'CHAD PA LA, DMIGS PA DAG DANG ZHES GSUNGS, THEG CHEN BSGRUB PAS SGRO 'DOGS GCAD PAR BYA BA'I GZHI, THEG CHEN BSGRUB PA'I DMIGS PA'I NGO BO, DBYE NA BCU GCIG YOD, GNYIS PA NI, CHED DANG NI, ZHES PA STE, BYANG SEMS GANG GI CHED DU BSGRUB PA LA 'JUG PA'I BSGRUB BYA MTHAR THUG THEG CHEN BSGRUB PA'I CHED DU BYA BA'I MTSAN NYID DANG NI DBYE NA GSUM, SA MTSAMS, SANGS RGYAS KYI SA KHO NA'O, ,GSUM PA 'CHAD PA LA, GO CHA 'JUG PA'I BYA BA DANG, GNYIS GSUNGS, DON YOD DE, THEG CHEN SEMS BSKYED LA BRTEN NAS CHEN PO GSUM BSGRUB PA'I BYA BAS ZIN PA'I SEMS DPA'I RNAL 'BYOR THEG CHEN BSGRUB PA'I NGO BO DANG, DE LA DBYE NA, BSAM PA RGYA CHEN GO CHA'I BSGRUB PA DANG, SBYOR BA RGYA CHEN 'JUG PA'I BYA BA DANG LDAN PA'I BSGRUB PA DANG, TSOGS GNYIS RGYA CHEN TSOGS KYI BSGRUB PA DANG NI, RNAM MKHYEN DU GDON MI ZA BAR NGES PAR 'BYUNG BA DANG BCAS PA RNAMS SU YOD, SO SO'I NGO BO YOD DE, PHAR PHYIN RE RE'I NANG DU DRUG DRUG TSANG BAR BSDUS NAS NYAMS SU LEN PAR 'DOD PA'I BSAM PA RGYA CHEN POS ZIN PA'I SEMS DPA'I RNAL 'BYOR GO BSGRUB KYI NGO BO, DBYE NA DRUG ,SA MTSAMS, SEMS DPA' MTHA' DAG LA YOD, THEG CHEN GYIS LAM 'OG MA NAS GONG MAR JE MTHO JE BZANG DU BGROD PA'I BYA BA DANG LDAN PA'I DROD YAN CHAD PA'I SEMS DPA' RNAL 'BYOR 'JUG BSGRUB KYI NGO BO, @020A *, ,DBYE NA DGU, SA MTSAMS, THEG CHEN GYI SBYOR LAM DROD NAS RGYUN MTHA'I BAR YOD, TSOGS GNYIS RGYA CHEN POS ZIN PA'I SGO NAS THEG CHEN GYI SBYOR LAM CHOS MCHOG 'BRING MAN CHAD LAS KHYAD PAR DU 'PHAGS SHING, RANG 'BRAS BYANG CHEN 'BYIN PA'I SEMS DPA'I RNAL 'BYOR TSOGS BSGRUB KYI NGO BO, DBYE NA BCU BDUN, SA MTSAMS, THEG CHEN GYI SBYOR LAM CHOS MCHOG CHEN PO NAS RGYUN MTHA'I BAR RO, ,RNAM MKHYEN DU GDON MI ZA BAR NGES PAR 'BYIN PA'I DAG SA'I RNAL 'BYOR DE NGES 'BYUNG BSGRUB PA'I MTSAN NYID, DBYE NA BRGYAD, SA MTSAMS, DAG PA SA GSUM MO, ,GNYIS PA BSTAN BSHAD SBYOR BA LA, THUB PA'I RNAM KUN MKHYEN PA NYID; CES GSUNGS, THUB PA'I DBANG PO CHOS CAN, KHYOD KYI MNGON RTOGS YOD DE, CHOS BCUS MTSON PA'I RNAM KUN MKHYEN PA NYID DE DE YIN PA'I PHYIR, BCU POS RNAM MKHYEN MTSAN TSUL YOD DE, BCU PO RANG 'BRAS RNAM MKHYEN GYI RGYUR BYAS NAS RGYUS 'BRAS BU MTSON PA LA CUNG ZAD SBYOR RUNG KYANG, GTZO BOR YUL GYIS YUL CAN MTSON PA'I TSUL GYIS YIN PA'I PHYIR, DE'I DGOS PA YOD DE, DON DU GNYER BYA'I RNAM MKHYEN DE'I RANG BZHIN CHOS SPYOD BCU PO 'DI MNGON SUM DU RTOGS LA, RTOGS TSUL, DANG POR BYANG CHUB MCHOG TU SEMS BSKYED, DE NAS BSGRUB PA BZHI NYAMS SU BLANGS, MTHAR CHEN PO GSUM MNGON DU GYUR NAS, CHOS BCU MNGON SUM DU RTOGS @020B SHING; DE LTAR BSTAN PA NA, THEG PA CHEN PO'I LAM SPYI'I LUS BLO YUL DU SHAR NAS, THOB BYA'I 'BRAS BU DE'I RANG BZHIN SHES PA'I DGOS PA YOD PA'I PHYIR, GO RIMS KYANG SEMS BSKYED THEG CHEN LAM GYI 'JUG SGOR SHES PA SOGS KYI PHYIR DANG POR BSTAN KYANG, BSKYED RIM GYI DBANG DU BYAS NA GO RIMS 'DI LTAR NGES TE, DANG PO RIGS SAD, DE NAS BYANG CHUB MCHOG TU SEMS BSKYED, BSGRUB PA'I THABS STON PA'I GDAM NGAG NYAN, GDAMS DON NYAMS SU BLANGS PAS, STONG NYID LA DMIGS PA'I BSGOMS BYUNG GI SGRUB PA SKYES, DES DMIGS PA BCU GCIG LA DMIGS SHING, CHED DU BYA BA CHEN PO GSUM GYI CHED DU BSGRUB PA BZHI'I RIM PAS NYAMS SU BLANGS PAS; CHOS BCU MNGON SUM DU RTOGS PA'I RNAM MKHYEN THOB PA YIN PA'I PHYIR, GNYIS PA LAM SHES BSHAD PA LA, CHOS BCU GCIG GIS LAM SHES MTSON PA DANG, BSTAN BSHAD SBYAR BA GNYIS, DANG PO LA, LAM SHES KYI YAN LAG DANG, YAN LAG CAN GYI LAM SHES GNYIS, DANG PO 'CHAD PA LA, MOG MOG POR BYED LA SOGS DANG, ZHES GSUNGS, DON NI, LAM SHES KYI RGYU, NGO BO, 'BRAS BU GSUM PO GANG RUNG GIS BSDUS PA'I THEG CHEN PA'I RIGS KYI YON TAN KHYAD PAR CAN DE LAM SHES KYI YAN LAG GI MTSAN NYID, DBYE NA, DE BZHIN GSHEGS PA'I RANG BZHIN GYI 'OD KYIS LAM SHES KYI MDO'I 'KHOR DU LHAGS PA'I 'DOD GZUGS KYI LHA'I 'OD MOG MOG @021A *, ,POR BYED PAS MTSON PA'I LAM SHES SKYE BA'I GEGS NGA RGYAL MNGON GYUR PA DANG BRAL BA DANG LA SOGS PA LHAN CIG BYED RKYEN SEMS BSKYED PA, NYER LEN RIGS SAD PA, LAM SHES KYI RANG BZHIN, BYED LAS DANG LNGA YOD PA'I PHYIR, GNYIS PA LA NYAN THOS KYI LAM SHES PA'I LAM SHES, RANG RGYAL GYI DE, BYANG SEMS KYI DE DANG GSUM, DANG PO 'CHAD PA LA, SLOB MA, ZHES GSUNGS, DE'I NGO BO YOD DE, THEG CHEN 'PHAGS PA'I RGYUD KYI NYAN THOS KYI RTOGS RIGS SU GNAS PA'I MKHYEN PA DE SLOB MA NYAN THOS KYI LAM SHES PA'I LAM SHES KYI NGO BO YIN PA'I PHYIR, GNYIS PA 'CHAD PA LA, BSE RU'I LAM GANG DANG, ZHES GSUNGS, DE'I NGO BO YOD DE, THEG CHEN 'PHAGS PA'I RGYUD KYI BSE RU RANG SANGS RGYAS KYI RTOGS RIGS SU GNAS PA'I LAM GANG YIN PA DE DE'I NGO BO YIN PA'I PHYIR, GSUM PA LA, THEG CHEN GYI MTHONG LAM, SGOM LAM GNYIS, DANG PO 'CHAD PA LA, 'DI DANG GZHAN PA'I, ZHES SOGS GNYIS GSUNGS, RANG RGYUD LDAN SRID ZHI GANG RUNG DU LTUNG BA 'DZIN PA'I SHES RAB KYIS ZIN PA'I THEG CHEN GYI BDEN PA MNGON RTOGS DE TSE 'DI DANG SKYE BA GZHAN PA'I YON TAN CAN GYI PHAN YON CHEN PO DANG LDAN PA'I THEG CHEN MTHONG BA'I LAM GYI NGO BO, DBYE NA, MNYAM RJES DE GANG RUNG MIN PA'I DE GSUM YOD, GNYIS PA LA, SGOM LAM GYI BYED PA DANG, BYED PA CAN GYI SGOM LAM BSHAD PA GNYIS, DANG PO 'CHAD PA @021B LA; BYED PA DANG NI ZHES GSUNGS, RANG THOB BYED KYI THABS SU GYUR PA'I THEG CHEN GYI SGOM LAM BSGOMS STOBS KYIS THOB PA'I PHAN YON DE THEG CHEN SGOM LAM GYI BYED PA'I MTSAN NYID, DBYE NA DRUG ,SA MTSAMS, THEG CHEN SGOM LAM BSGOMS PA'I SKAD CIG GNYIS PA NAS, SANGS RGYAS KYI SA'I BAR DU YOD DO, ,GNYIS PA LA, ZAG BCAS SGOM LAM, ZAG MED SGOM LAM GNYIS, DANG PO LA, MOS PA SNGO RJES SU YI RANG BA'I SGOM LAM GSUM LAS; DANG PO LA, DNGOS DANG, PHAN YON GNYIS, DANG PO 'CHAD PA LA, MOS PA DANG, ZHES GSUNGS, YUM DON GSUM PO GANG RUNG GI 'BYUNG GNAS SU YID CHES PA'I THEG CHEN GYI RJES LA MNGON RTOGS DE, MOS PA SGOM LAM GYI NGO BO DANG, DBYE NA NYER BDUN, SA MTSAMS, SA DANG PO NAS BCU PA'I BAR YOD, GNYIS PA 'CHAD PA LA, BSTOD DANG BKUR DANG BSNGAGS PA DANG, ZHES GSUNGS, RANG THOB BYED KYI MOS PA SGOM LAM BSGOMS STOBS KYIS THOB PA'I PHAN YON DE MOS PA SGOM LAM GYI PHAN YON GYI MTSAN NYID, DBYE NA, SANGS RGYAS BYANG SEMS GONG MA DGYES PA'I DBANG GIS BSTOD PA DGU DANG BKUR BA DGU DANG BSNGAGS PA DGU'I SGO NAS YON TAN BRJOD PA'I CHA NYER BDUN YOD, SA MTSAMS, MOS PA SGOM LAM BSGOMS PA'I SKAD CIG GNYIS PA NAS, SANGS RGYAS KYI SA'I BAR DU YOD, GNYIS PA 'CHAD PA LA, BSNGO DANG, ZHES GSUNGS, RANG GZHAN GANG RUNG GI DGE RTZA RDZOGS BYANG @022A *, ,GI YAN LAG TU SGYUR BAR BYED PA'I SGRA DON 'DRES RUNG DU 'DZIN PA'I THEG CHEN GYI RJES LA MNGON RTOGS DE BSNGO BA SGOM LAM GYI NGO BO, DBYE NA BCU GNYIS, GSUM PA 'CHAD PA LA, RJES SU YI RANG BA, YID LA BYED PA BLA MED DAG ,CES GSUNGS, RANG GZHAN GANG RUNG GI DGE RTZA LA DGA' BA BSGOMS PA'I THEG CHEN GYI RJES LA MNGON RTOGS DE, RJES SU YI RANG SGOM LAM GYI NGO BO, DBYE NA GNYIS, SA MTSAMS DE GNYIS KA SNGAR DANG 'DRA'O, ,GNYIS PA ZAG MED SGOM LAM LA, SGRUB PA SGOM LAM DANG, RNAM DAG SGOM LAM GNYIS, DANG PO 'CHAD PA LA, SGRUB DANG ZHES GSUNGS, RANG GI THOB BYAR GYUR PA'I RTOGS PA MTHAR THUG GI LAG RJES 'JOG BYED KYI THEG CHEN GYI ZAG MED SGOM LAM DE DE'I NGO BO, DBYE NA LNGA, GNYIS PA 'CHAD PA LA, SHIN TU DAG PA ZHES, BYA BA 'DI NI SGOM PA'I LAM, ZHES GSUNGS, RANG GI THOB BYAR GYUR PA'I SPANGS PA MTHAR THUG GI LAG RJES 'JOG BYED THEG CHEN GYI ZAG MED SGOM LAM DE DE'I MTSAN NYID, DBYE NA DGU ,'DI GNYIS NGO BO GCIG LA LDOG PA SO SOR PHYE BA, SA MTSAMS, ZAG BCAS SGOM LAM DANG 'DRA'O, ,GNYIS PA BSTAN BSHAD SBYOR BA LA, BYANG CHUB SEMS DPA' MKHAS RNAMS KYI, GNYIS GSUNGS, BYANG CHUB SEMS DPA' MKHAS PA 'PHAGS PA RNAMS CHOS CAN, KHYOD KYI @022B MNGON RTOGS YOD DE, SNGAR BSHAD PA'I LAM SHES NYID NI KHYOD KYI MNGON RTOGS DE 'DRAR BSHAD PA'I PHYIR, GSUM PA GZHI SHES LA, MTSON BYED KYI CHOS DANG, BSTAN BSHAD SBYAR BA GNYIS, DANG PO LA, 'BRAS YUM LA NYE RING GI RGYU MTSAN, RGYU MTSAN DE NYID BSGRUB PA, MI MTHUN PHYOGS DANG GNYEN PO'I DBYE BA, GZHI SHES KYI SBYOR BA BSHAD PA DANG BZHI, DANG PO 'CHAD PA LA, SHES PAS SRID LA MI GNAS SHING, ZHES SOGS GNYIS LA, GZHI KUN RDZOB LA LTOS TE SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MNGON RTOGS DE SHES PAS SRID LA MI GNAS PA'I LAM SHES KYI NGO BO YIN CING, GZHI KUN RDZOB LA LTOS TE ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA SNYING RJES ZHI MTHA' LA MI GNAS PA'I LAM SHES KYI MTSAN NYID, DES NA GZHI SHES MTSON BYED GNYIS PO DE, SHES PAS SRID MTHA' LA MI GNAS BA'I GZHI SHES ZHES SBYAR BA NI THA SNYAD LOG PA YIN NO, ,SA MTSAMS, GNYIS KA THEG CHEN GYI MTHONG LAM NAS SANGS RGYAS KYI SA'I BAR DU YOD DO, ,GNYIS PA LA, THABS MA YIN PA'I RING BA'I GZHI SHES, THABS KYIS RING BA MA YIN PA'I GZHI SHES GNYIS, DAD PO 'CHAD PA LA, THABS MA YIN PAS RING BA DANG, ZHES GSUNGS, THABS KHYAD PAR CAN DANG BRAL ZHING BDEN 'DZIN GYIS BCINGS PA'I GZHI SHES DE DE'I NGO BO, ,DE DANG MI MTHUN PHYOGS @023A *, ,KYI GZHI SHES DON GCIG GO ,GNYIS PA 'CHAD PA LA, THABS KYIS RING BA MA YIN NYID, CES GSUNGS, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG , THABS SHES KHYAD PAR CAN GNYIS KYIS ZIN PA DE DE'I MTSAN NYID, DE DANG GNYEN PHYOGS GZHI SHES DON GCIG ,GSUM PA DE NYID 'CHAD PA LA, MI MTHUN GNYEN PO'I PHYOGS DAG DANG, ZHES GSUNGS, SO SO'I NGO BO SNGAR GYIS SHES NUS SHING, SA MTSAMS, THEG DMAN GYI 'PHAGS PA LA DANG PO GNYIS DANG, THEG CHEN 'PHAGS PA LA PHYI MA GNYIS YOD DE, ,BZHI PA GZHI SHES SBYOR BA BSHAD PA LA, DBYE BA, 'DZIN STANGS, 'BRAS BU GSUM, DANG PO 'CHAD PA LA; SBYOR DANG, GNYIS PA 'CHAD PA LA, DE YI MNYAM NYID DANG, ZHES GSUNGS, GSUM PA 'CHAD PA LA, MTHONG BA'I LAM, ZHES GSUNGS, DON NI, GZHI KUN RDZOB PA'I GDOD LUGS KYI NGO BO DANG KHYAD PAR LA PHYIN CI LOG TU ZHEN PA DANG, DON DAM PA'I GDOD LUGS LA PHYIN CI LOG TU ZHEN PA GANG RUNG GI GNYEN POR BSGOMS PA'I SEMS DPA'I RNAL 'BYOR DE, 'DIR DNGOS BSTAN BYANG SEMS KYI SBYOR BA'I MTSAN NYID, DE LA DBYE NA BCU, SA MTSAMS, THEG CHEN GYI TSOGS LAM NAS RGYUN MTHA'I BAR NA YOD, 'DI'I DNGOS BSTAN GYI SBYOR BA LA THEG CHEN GYI RTOGS RIGS SU GNAS PAS KHYAB, BSTAN BYA'I GTZO BO'I SBYOR BA LA THEG DMAN GYI RTOGS RIGS SU GNAS PAS KHYAB CING @023B SHUGS BSTAN GYIS KHYAB, SHUGS BSTAN GYI SBYOR BA LA BSTAN BYA'I GTZO BOS MA KHYAB STE, BDEN 'DZIN GYIS BCINGS PA'I NYAN THOS KYI SBYOR LAM 'DI'I SHUGS LA BSTAN PA'I PHYIR RO, ,GZHI'I DBYE BA DANG, MTSAN MTSON DANG, YUL YUL CAN LA BDEN ZHEN 'GOG PA'I SHES RAB KYIS ZIN PA'I SEMS DPA'I RNAL 'BYOR DE, 'DIR DNGOS SU BSTAN PA'I BYANG SEMS KYI SBYOR BA'I MNYAM NYID KYI MTSAN NYID, DBYE NA BZHI, SA MTSAMS SNGA MA DANG 'DRA, SKABS 'DIR BSTAN THEG CHEN GYI BDEN PA MNGON RTOGS 'DIR BSTAN THEG CHEN MTHONG LAM GYI NGO BO DANG, NYAN THOS KYI MTHONG LAM 'DI'I SHUGS BSTAN YIN NO, ,GNYIS PA BSTAN BSHAD SBYOR BA LA, NYAN THOS LA SOGS, DE 'DRA KUN SHES NYID DU 'DOD, CES GSUNGS, NYAN THOS DANG LA SOGS PA RANG RGYAL 'PHAGS PA RNAMS CHOS CAN, KHYOD KYI MNGON RTOGS YOD DE, SNGAR BSHAD PA DE 'DRA BA'I KUN SHES PA NYID DU BSHAD PA DE RNAMS, RNAM GZHAG GI DBANG DU BYAS PA'I KHYOD KYI MNGON RTOGS SU 'DOD PA YIN PA'I PHYIR, 'DIR SMRAS PA, RGYAL YUM GSUM GYI DGONGS PA'I DON, ,RGYAL TSAB BZHED PA'I MKHYEN PA GSUM, ,RGYAL BA'I DGONGS PA JI BZHIN BSHAD, ,RGYAL RNAMS DGYES PA BSKYED GYUR CIG ,GNYIS PA SBYOR BA BZHI'I LUS RGYAS PAR BSHAD PA LA, DBANG DU BYA BA RGYU 'BRAS DANG, BSTAN PA RGYU 'BRAS GNYIS, DANG PO LA DBANG DU BYA BA'I RGYU RNAM RDZOGS SBYOR BA, 'BRAS BU RTZE SBYOR GNYIS, DANG PO @024A *, ,LA MTSON BYED KYI CHOS DANG, BSTAN BSHAD SBYOR BA GNYIS, DANG PO LA, DGE RTZA GSOG PA'I DBANG DU BYAS NAS SPYI'I RNAM GZHAG DANG, DGE RTZA SMIN PA'I RTEN GYI DBANG DU BYAS NAS RGYUD LA SKYE BA'I RIM PA BSTAN PA GNYIS, DANG PO LA LAM SHER PHYIN BSGOMS PA'I 'DZIN STANGS KYI DBYE BA, MNYAM GZHAG GI SBYOR BA, SBYOR BA BSGOM PA'I SKYON YON, LAM SHER PHYIN GYI RNAL 'BYOR MTSON PA'I MTSAN NYID BSHAD PA BZHI, DANG PO 'CHAD PA LA, RNAM PA ZHES GSUNGS, MKHYEN GSUM GANG RUNG GI RNAM PA BSGOM PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I GNYEN PHYOGS SHES RNAM GYI NGO BO, ,DBYE NA BRGYA BDUN CU RTZA GSUM YOD, SA MTSAMS, THEG CHEN GYI TSOGS LAM NAS RGYUN MTHA'I BAR DU YOD, 'DIR BSTAN RNAM PA MTSON BYAR BYAS NAS DE'I MTSAN NYID 'JOG PA SOGS NI MI 'THAD DE, RNAM PA ZHES BYA MTSAN NYID DE, ZHES PA'I NYI SNANG DU GNYEN PO'I MTSAN NYID BSTAN NO ZHES BSHAD PA'I PHYIR, GNYIS PA 'CHAD PA LA, SBYOR BAR BCOS RNAMS DANG, ZHES GSUNGS, YUL YUL CAN DANG GZHI LAM RNAM GSUM BDEN STONG DU MNGON SUM DU RTOGS PA'I SHES RAB KYIS ZIN PA'I SEMS DPA'I RNAL 'BYOR 'DIR GTZO BOR BSTAN PA'I SBYOR BA'I MTSAN NYID, DBYE NA BCU DGU ,SA MTSAMS, THEG CHEN GYI SBYOR LAM DROD NAS RGYUN MTHA'I BAR DU YOD, @024B DNGOS BSTAN NYI SHU YOD CING, SA MTSAMS, THEG CHEN TSOGS LAM NAS 'JOG ,BCAS RNAMS ZHES PAS SBYOR BA SGOM PA PO SOGS BSTAN NO, ,GSUM PA 'CHAD PA LA, YON TAN SKYON NI ZHES GSUNGS, RANG THOB BYED KYI THABS SU GYUR PA'I THEG CHEN GYI SBYOR BA BSGOM STOBS KYIS THOB PA'I PHAN YON DE THEG CHEN SBYOR BA'I YON TAN GYI MTSAN NYID, DBYE NA BCU BZHI, SA MTSAMS, THEG CHEN GYI TSOGS LAM SKAD CIG GNYIS PA NAS SANGS RGYAS KYI SA'I BAR DU YOD, SBYOR BA SKYE BA DANG GNAS PA DANG SBYOR BA RDZOGS PA GANG RUNG LA BAR DU GCOD PA'I BDUD LAS DE SBYOR BA'I SKYON GYI MTSAN NYID, DBYE NA ZHE DRUG ,SA MTSAMS, LAM MA ZHUGS NAS SA BDUN PA'I BAR DU YOD, BZHI PA 'CHAD PA LA, MTSAN NYID DANG, ZHES GSUNGS, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR DE LAM SHER PHYIN GYI RNAL 'BYOR GYI MTSAN NYID; DBYE NA DGU BCU RTZA GCIG ,SA MTSAMS, THEG CHEN GYI TSOGS LAM NAS RGYUN MTHA'I BAR DU YOD, GNYIS PA DGE RTZA SMIN PA'I RTEN GYI DBANG DU BYAS NAS RGYUD LA SKYE BA'I RIM PA BSHAD PA LA, SBYOR BA SKYE BA'I GNAS SKABS DANG, SMIN PA'I GNAS SKABS DANG, RTEN GYI GANG ZAG DANG, GANG ZAG GI SGOM RIM BSHAD PA BZHI, DANG PO 'CHAD PA LA, THAR DANG, ZHES GSUNGS, RNAM MKHYEN RANG RGYUD LA BSGRUB PAR MKHAS PA'I SEMS DPA'I @025A *, ,CHOS MNGON RTOGS DE 'DIR DNGOS SU BSTAN PA'I THEG CHEN GYI THAR PA CHA MTHUN GYI MTSAN NYID, DBYE NA LNGA YOD, GNYIS PA 'CHAD PA LA, DES 'BYED CHA MTHUN DANG, ZHES GSUNGS, GTZO BOR THABS KYI KHYAD PAR DU BYAS PA'I 'DIR DNGOS SU BSTAN PA'I SEMS DPA'I DON MNGON RTOGS DE 'DIR DNGOS SU BSTAN PA'I NGES 'BYED CHA MTHUN GYI MTSAN NYID, DBYE NA BCU GNYIS YOD, GSUM PA 'CHAD PA LA, SLOB PA PHYIR MI LDOG PA'I TSOGS, ZHES GSUNGS, GZUGS SOGS LA BDEN ZHEN MNGON GYUR PA LOG PA SOGS RTAGS ZHE BZHI PO GANG RUNG THOB PA'I SEMS DPA' DE SLOB PA PHYIR MI LDOG PA'I BYANG SEMS KYI TSOGS TE DGE 'DUN GYI MTSAN NYID; DBYE NA GSUM, SA MTSAMS, THEG CHEN GYI SBYOR LAM DROD NAS RGYUN MTHA'I BAR DU YOD, BZHI PA LA, SRID ZHI MNYAM NYID KYI SBYOR BA, ZHING DAG SBYOR BA, THABS MKHAS SBYOR BA DANG GSUM, DANG PO 'CHAD PA LA, SRID DANG ZHI BA MNYAM NYID DANG, ZHES GSUNGS, SRID ZHI BDEN STONG DU RTOGS PA'I SHES RAB KYIS ZIN PAS RJES THOB KYI GNAS SKABS SU YANG BDEN 'DZIN MNGON GYUR PA SKYE BA'I GO SKABS BCOM PA'I DAG SA'I YE SHES DE SRID DANG ZHI BA MNYAM PA NYID KYI SBYOR BA'I MTSAN NYID, GNYIS PA 'CHAD PA LA, ZHING DAG BLA NA MED PA NI, ZHES GSUNGS, RANG GANG DU 'TSANG RGYA 'GYUR GYI ZHING KHYAD PAR CAN 'GRUB PA'I SMON LAM SOGS DGE BA'I RTZA @025B BA NUS PA MTHU CAN DU SONG BA'I DAG SA'I YE SHES DE, ZHING DAG PA BLA NA MED PA SBYOR BA'I MTSAN NYID, GSUM PA 'CHAD PA LA, THABS MKHAS BCAS PA YIN, ZHES GSUNGS, 'BAD RTZOL RAGS PA ZHI BA'I SGO NAS 'PHRIN LAS LHUN GYIS GRUB PA'I DAG SA'I RNAL 'BYOR THABS MKHAS SBYOR BA'I MTSAN NYID, DBYE NA BCU YOD, DE GSUM GA'I SA MTSAMS DAG SA KHO NA'O, ,GNYIS PA BSTAN BSHAD SBYOR BA LA, RNAM KUN MNGON RDZOGS RTOGS PA STE, ,'DI NI, ZHES GSUNGS, RNAM KUN MNGON PAR RDZOGS PAR RTOGS PA'I SBYOR BA CHOS CAN, KHYOD MTSON BYED KYI CHOS YOD DE, SNGAR BSHAD PA'I BCU GCIG PO 'DI NI YIN PA'I PHYIR, GNYIS PA LA, SBYOR LAM RTZE SBYOR, MTHONG LAM RTZE SBYOR, SGOM LAM RTZE SBYOR, BAR CHAD MED PA'I RTZE SBYOR DANG BZHI, DANG PO 'CHAD PA LA, DE YI RTAGS DANG, ZHES SOGS GNYIS GSUNGS, SBYOR LAM THOB PA'I RTAGS DANG LDAN PA'I THEG CHEN GYI NGES 'BYED CHA MTHUN DE SBYOR LAM RTZE SBYOR GYI NGO BO, DBYE NA BZHI YOD DE, RTZE SBYOR DE'I RTAGS KYIS BSTAN PA DROD RTZE SBYOR DANG, BSOD NAMS RNAM PAR 'PHEL BA BCU DRUG TSANG BA'I RTZE MO'I RTZE SBYOR DANG, GZHAN DON LA MI PHYED PA'I BRTAN PA THOB PA'I BZOD PA'I RTZE SBYOR DANG, SEMS KUN TU GNAS PA CHOS MCHOG RTZE SBYOR STE BZHI YOD PA'I PHYIR, GNYIS PA 'CHAD PA LA, MTHONG ZHES BYA DANG, ZHES GSUNGS, MTHONG SPANGS RTOG @026A *, ,PA'I DNGOS GNYEN BYED PA'I RIGS SU GNAS PA'I THEG CHEN GYI BDEN PA MNGON RTOGS DE MTHONG BA ZHES BYA BA'I RTZE SBYOR GYI NGO BO, GSUM PA 'CHAD PA LA, SGOM PA ZHES, BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ZHES GSUNGS, SGOM SPANGS RTOG PA'I GNYEN PO BYED PA'I RIGS SU GNAS PA'I THEG CHEN GYI RJES LA MNGON RTOGS DE BSGOM PA ZHES BYA BA'I LAM GYI MTSAN NYID, DBYE BA NI, MTHONG SGOM GNYIS SO SO STE, RE RE LA, RNAM PAR RTOG PA RNAM BZHI YI, GNYEN PO RNAM PA BZHI BZHI DANG NI BCAS PA YOD DO, ,BZHI PA 'CHAD PA LA, BAR CHAD MED PA'I TING NGE 'DZIN, ZHES GSUNGS, MKHYEN GSUM BSDUS BSGOM THEG CHEN GYI TSOGS LAM LAS RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR MTHAR THUG GANG ZHIG ,RANG 'BRAS RNAM MKHYEN DNGOS SU SKYED PA DE BAR CHAD MED LAM PA'I TING NGE 'DZIN NAM RTZE SBYOR GYI MTSAN NYID, DE DANG RGYUN MTHA'I YE SHES DON GCIG ,DE'I BSAL BYA 'CHAD PA LA, LOG PAR BSGRUB DANG BCAS PA NI, ZHES GSUNGS, BDEN GNYIS NGO BO GCIG LA 'DUR MI RUNG BAR 'DZIN PA'I 'DZIN PA MNGON GYUR DANG, SA BON CI RIGS PAS BSDUS PA 'DIR BSTAN BSAL BYA LOG SGRUB KYI MTSAN NYID, DBYE NA BCU DRUG YOD, GNYIS PA BSTAN BSHAD SBYOR BA LA, RTZE MO'I MNGON RTOGS ZHES GSUNGS, SNGAR BSHAD PA @026B BRGYAD PO CHOS CAN, RTZE MO'I MNGON PAR RTOGS PA MTSON BYED YIN TE, RTEN NGO BO SKYON YON CI RIGS PAS MTSON PA'I PHYIR, GNYIS PA BRTAN PA RGYU 'BRAS LA, BRTAN PA THOB DON DU BSGOM PA MTHAR GYIS SBYOR BA DANG, BRTAN PA THOB PA SKAD CIG SBYOR GNYIS, ,DANG PO 'CHAD PA LA, ,MTHAR GYIS PA, ,RNAM GSUM RNAM BCU, ZHES GSUNGS, MKHYEN GSUM GYI RNAM PA LA BRTAN PA THOB PA'I PHYIR DU, MKHYEN GSUM GYI RNAM PA RIM CAN DU BSGOMS PA'I SHES RAB KYIS ZIN PA'I SEMS DPA'I RNAL 'BYOR DE MTHAR GYIS PA'I SBYOR BA'I NGO BO, DBYE NA RNAM GSUM RNAM BCU STE BCU GSUM YOD, SA MTSAMS, THEG CHEN GYI TSOGS LAM NAS RGYUN MTHA'I SNGA LOGS KYI BAR DU YOD DO, ,GNYIS PA 'CHAD PA LA, SKAD CIG MA, ZHES SOGS PHYED GSUM GSUNGS, BYA RDZOGS KYI THUNG MTHA'I SKAD CIG MA GCIG GI YUN LAM MKHYEN GSUM GYI RNAM PA BRGYA BDUN CU RTZA GSUM, MNGON PAR RDZOGS PAR BYANG CHUB PA STE DNGOS YUL DU BYED PA'I NUS PA THOB PA'I SEMS DPA'I RNAL 'BYOR MTHAR THUG DE SKAD CIG SBYOR GYI MTSAN NYID, DBYE NA LDOG MTSAMS KYI MTSAN NYID MI 'DRA BA NYID KYIS NI RNAM PA BZHI YOD DO, GSUM PA CHOS SKU'I LUS RGYAS PAR BSHAD PA LA, NGO BO NYID LONGS RDZOGS BCAS DANG, ZHES SOGS BZHI GSUNGS, MTSAN NYID BSHAD ZIN, MTSON BYED KYI CHOS RNAM PA BZHIR NI YANG DAG BRJOD DE, NGO BO NYID SKU DANG, @027A *, ,LONGS SPYOD RDZOGS SKU DANG BCAS PA DANG, DE BZHIN DU DE GNYIS LAS GZHAN PA SPRUL PA'I SKU DANG NI CHOS SKU MDZAD PA DANG BCAS PA YOD PA'I PHYIR, GSUM PA TSIG DON BSHAD PA LA, MKHYEN PA GSUM RGYAS PAR BSHAD PA, SBYOR BA BZHI RGYAS PAR BSHAD PA, CHOS SKU RGYAS PAR BSHAD PA GSUM, DANG PO LA, DON DU GNYER BYA RNAM MKHYEN BSHAD PA, DER BGROD BYED KYI LAM SHES BSHAD PA, LAM SHES RNAM PAR DAG BYED KYI YAN LAG GZHI SHES BSHAD PA GSUM, DANG PO LA, RNAM MKHYEN THOB PA'I CHED DU DAM BCAS PA'I BSAM PA DAM BCA' BSHAD PA, DAM BCAS PA'I DON SGRUB PA'I THABS STON PA'I GDAMS NGAG BSHAD PA, GDAMS DON JI LTAR SGRUB PA'I SGRUB PA BSHAD PA GSUM, DANG PO LA, DKYUS MA MTSAN NYID DMIGS PA DANG BCAS PA BSHAD PA, 'PHROS DON DBYE BA BSHAD PA GNYIS, DANG PO LA MTSAN NYID DANG, DE NGES PA'I YAN LAG DMIGS PA BSHAD PA GNYIS, DANG PO 'CHAD PA LA, SEMS BSKYED PA NI ZHES SOGS GNYIS GSUNGS, 'DIR BSTAN SEMS BSKYED PA NI CHOS CAN, KHYOD KYI NGO BO YOD DE, SEMS CAN GZHAN SDUG BSNGAL LAS SGROL BA'I DON GYI PHYIR DU YANG DAG PAR RDZOGS PA'I BYANG CHUB THOB PAR 'DOD PA DANG MTSUNGS LDAN GYI THEG CHEN LAM GYI 'JUG SGO'I RIGS SU GNAS PA'I THEG CHEN GYI YID KYI RNAM RIG KHYAD PAR CAN DE DE YIN PA'I PHYIR, @027B GNYIS PA 'CHAD PA LA, DE DANG DE NI MDO BZHIN DU, GNYIS GSUNGS, SEMS BSKYED KYI DMIGS PA BYANG CHUB DE DANG, GZHAN DON DE NI CHOS CAN, RGYAS 'BRING BSDUS PA GSUM GA LAS BSDUS PA DANG RGYAS PA'I SGO NAS BRJOD PA YIN TE, MDO BAR PA NYI KHRI LAS, RGYAS BSDUS GNYIS KYIS BSTAN PA BZHIN DU GZHAN GNYIS LAS KYANG DON TSANG BAR BSTAN PA'I PHYIR, GNYIS PA 'CHAD PA LA, DE YANG SA GSER ZLA BA ME, ZHES SOGS SHLO KA GNYIS GSUNGS, 'DI LA BAR SKABS KYI TSIGS SU BCAD PA ZHES BRJOD PA'I RGYU MTSAN YOD DE, DKYUS MA LUS RNAM GZHAG GIS DNGOS SU MA ZIN PAR 'PHROS DON GYI TSIGS BCAD YIN PAS DE LTAR BRJOD PA'I PHYIR, 'DIR BSTAN SEMS BSKYED DE YANG CHOS CAN, RNAM PA NYI SHU RTZA GNYIS YOD DE, DKAR CHOS THAMS CAD KYI GZHI BYED PAS SA LTA BU'I SEMS BSKYED DANG, BYANG CHUB KYI BAR DU BSAM PA NYAMS PAR MI 'GYUR BAS GSER BZANG BA LTA BU DANG, DGE BA'I CHOS GONG 'PHEL DU 'GYUR BAS ZLA BA TSES PA LTA BU DANG, MKHYEN GSUM GYI SGRIB PA'I BUD SHING MNGON 'GYUR BA SREG PAS ME LTA BU DANG, GDUL BYA'I SEMS CAN TSIM PAR BYED PAS GTER LTA BU DANG, YON TAN RIN PO CHE'I 'BYUNG KHUNGS YIN PAS RIN PO CHE'I 'BYUNG GNAS LTA BU DANG, MI 'KHRUGS PAS RGYA MTSO LTA BU DANG, LAM LAS GZHAN GYIS MI PHYED PAS RDO RJE LTA BU DANG, RNAM PAR G-YENG BAS MI BSKYOD PAS RI LTA BU DANG, SGRIB GNYIS KYI NAD SEL BAS @028A *, ,SMAN LTA BU DANG, GZHAN DON YONGS SU MI GTONG BAS DGE BA'I BSHES GNYEN LTA BU DANG, JI LTAR SMON PA 'GRUB PAS YID BZHIN GYI NOR BU LTA BU DANG, GDUL BYA YONGS SU SMIN PAR BYED PAS NYI MA LTA BU DANG, GDUL BYA 'DUL BA'I SNYAN PA'I NGAG GIS CHOS STON PAS CHOS KYI GLU DBYANGS LTA BU DANG, MTHU THOGS PA MED PAS RGYAL PO LTA BU DANG, BSOD NAMS DANG YE SHES MANG PO'I SNOD DU GYUR PAS BANG MDZOD LTA BU DANG, DUS GSUM GYI 'PHAGS PA THAMS CAD DE NAS GSHEGS PAS LAM PO CHE LTA BU DANG, 'KHOR 'DAS SU MI LTUNG BAR 'GRO BAS BZHON PA LTA BU DANG, THOS PA DANG MA THOS PA'I CHOS 'DZIN PAS BKOD MA'I CHU LTA BU DANG NI, GDUL BYA 'KHOR BA LAS SGROL BA'I SNYAN PA SGROG PAS SGRA SNYAN PA LTA BU DANG, GZHAN DON GYI BYA BA THA MI DAD PAS CHU BO'I RGYUN LTA BU DANG, DGA' LDAN GYI GNAS NA BZHUGS PA DANG DE NAS 'PHO BA SOGS KUN TU STON RUNG BAS SPRIN LTA BU'I SEMS BSKYED RNAMS SU YOD PA'I PHYIR, GNYIS PA, GDAM NGAG LA, DNGOS DANG, GDAM NGAG GI DON BSGOMS PAS STONG NYID LA DMIGS PA'I BSGOMS BYUNG SKYES PA'I THOG MA BSHAD PA GNYIS, DANG PO LA, SPYI'I DBYE BA DANG, DGE 'DUN DKON MCHOG BYE BRAG TU BSHAD PA GNYIS, DANG PO 'CHAD PA LA, SGRUB DANG BDEN PA RNAMS DANG NI, ZHES SOGS SHO LO KA GNYIS GSUNGS, @028B GDAM NGAG NI CHOS CAN, BCU'I BDAG NYID DU SHES PAR BYA STE, SH'A RI'I BU BYANG CHEN SHER PHYIN LA SPYOD PA'I TSE, BYANG CHEN YOD BZHIN DU BYANG CHEN YANG DAG PAR RJES SU MI MTHONG, ZHES SOGS BSGRUB PA RANG GI NGO BO LA 'DOMS PA DANG, BYANG CHEN GZUGS STONG PA NYID LA BRTZON NA BRTZON ZHES BYA'O, ,ZHES SOGS BSGRUB PA'I DMIGS PA BDEN PA BZHI PO RNAMS LA 'DOMS PA DANG NI, BYANG CHEN SHER PHYIN LA SPYOD PA'I TSE GZUGS LA RNAM MKHYEN NYID SBYOR BAR MI BYED DE, GZUGS NYID YANG DAG PAR RJES SU MI MTHONG ZHES SOGS SGRUB PA'I RTEN SANGS RGYAS LA SOGS PA'I DKON MCHOG GSUM LA 'DOMS PA DANG, BYANG CHEN SHER PHYIN LA SPYOD PA NI, LUS DANG NGAG DANG YID GANG GIS, ZHES SOGS SGRUB PA MI NYAMS PA'I RGYU SGO GSUM GYI BYA BA NGAN PA LA MA ZHEN PAR 'DOMS PA DANG, BYANG CHEN PHAR PHYIN DRUG LA SPYOD PA'I TSE GZUGS SU MI RLOM, TSOR BAR MI RLOM, ZHES SOGS SGRUB PA 'PHEL BA'I RGYU YONGS SU MI NGAL BA'I BRTZON 'GRUS LA 'DOMS PA DANG, BYANG CHEN YE SHES DE LTA BU DANG LDAN PAS, SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED CES SOGS THEG DMAN DU MI LTUNG BA'I RGYU THEG CHEN GYI LAM NI YONGS SU 'DZIN PA LA 'DOMS PA DANG, SHA RI'I BU BYANG CHUB SEMS DPA' CHEN PO'I SHA'I MIG GIS DPAG TSAD BRGYA MTHONG BA YOD DE, ZHES SOGS SGRUB PA LA RANG DBANG DU 'JUG PA'I RGYU SPYAN SNGA LA @029A *, ,'DOMS PA DANG NI, BYANG CHEN MNGON SHES KYI PHA ROL TU PHYIN PA THOB STE, ZHES SOGS BSGRUB PA MYUR DU RDZOGS PA'I RGYU MNGON SHES KYI YON TAN DRUG LA 'DOMS PA DANG, RAB 'BYOR BYANG CHUB SEMS DPA' SEMS DPA' CHEN PO RNAMS LA, SHER PHYIN LAS BRTZAMS TE SPOBS PA SKYED CIG ,CES SOGS SPANG BYA KUN BTAGS KYI GNYEN PO MTHONG LAM LA 'DOMS PA DANG, RAB 'BYOR, 'DUS BYAS KYI DBYINGS MED PAR 'DUS MA BYAS KYI DBYINGS GDAGS PAR MI NUS SO, ZHES SOGS LHAN SKYES KYI GNYEN PO BSGOM ZHES BYA BA'I LAM LA 'DOMS PA RNAMS SU YOD PA'I PHYIR, GNYIS PA DGE 'DUN DKON MCHOG BYE BRAG TU 'CHAD PA LA, DBANG PO ZHES SOGS SHO LO KA GNYIS GSUNGS, 'DI'I GRANGS 'DREN TSUL DU MA YOD DE, BUDDH'A SHR'I DANG SHANTI PA SOGS RTZA BA'I SGRAS ZIN TSOD TZAM 'DREN, SLOB DPON 'PHAGS PAS GZHUNG GI DNGOS BSTAN BCU DRUG LA, DBANG PO RTUL DANG RNON PO DAG ,CES PAS CHAGS BRAL SNGON SONG GI ZHUGS PA GNYIS, DAD DANG MTHONG THOB CES PAS DE'I 'BRAS GNAS GNYIS, RIGS NAS RIGS ZHES PAS RGYUN ZHUGS RIGS SKYE GNYIS, BAR CHAD GCIG CES PAS PHYIR 'ONG TSE GCIG BAR CHAD GCIG PA, BAR SKYE NAS DANG, BYED DANG BYED MIN ZHES PA'I PHYIR MI 'ONG BAR 'DA', SKYE 'DA', MNGON PAR 'DU BYED DANG BCAS TE 'DA' BA, MNGON PAR 'DU BYED MED PAR 'DA' BA BZHI, 'OG MIN 'GRO ZHES PAS 'OG MIN @029B MTHAR THUG 'GRO, 'PHAR GSUM SRID RTZE'I MTHAR THUG 'GRO, GZUGS KYI CHAGS BCOM ZHES PAS 'PHAR BA GSUM, SRID RTZE'I MTHAR THUG 'GRO, GZUGS KYI CHAGS BCOM LNGA LA GONG 'PHO ZHES NYI SHU'I GRANGS GCIG DANG, MTHONG BA YI, ,CHOS LA ZHI LUS MNGON SUM BYED, CES PAS, PHYIR MI 'ONG MTHONG CHOS ZHI DANG, LUS MNGON BYED GNYIS DNGOS SU BSTAN, ,BSE RU DANG NI ZHES PAS BSE RU RANG SANGS RGYAS BSTAN NO, ,SHUGS BSTAN BZHI NI, DBANG PO RTUL DANG RNON PO ZHES PAS RGYUN ZHUGS ZHUGS PA DBANG PO RNO RTUL GNYIS LA BRGYAD PA ZHES GCIG TU DANG, RIGS NAS RIGS ZHES PAS RGYUN ZHUGS 'BRAS GNAS TZAM PO BA DANG, BAR CHAD GCIG CES PAS PHYIR 'ONG 'BRAS GNAS TZAM PO DANG, BSE RU DANG NI ZHES PAS DGRA BCOM ZHUGS PA SHUGS LA BSTAN, BSDOMS PAS NYI SHU YOD CES 'CHAD PA LA, NYI SHU'O, ZHES BYUNG BAR BZHED DE, RNAM BSHAD LAS, SLOB DPON 'PHAGS PAS GZHUNG GI DNGOS SU BSTAN PA'I 'OG MIN 'GRO NAS SRID RTZE'I MTHAR THUG 'GRO'I BAR LNGA PO GONG DU 'PHO BA ZHES NYI SHU'I YA GYAL GCIG TU BGRANGS PAS GZHUNG GIS DNGOS SU ZIN PA BCU DRUG DANG, BRGYAD PA DANG, BAR PA GNYIS KYI 'BRAS GNAS TZAM PO GNYIS DGRA BCOM ZHUGS PA DANG BZHI BSNAN NAS NYI SHUR 'CHAD DO, ZHES GSUNGS PA'I PHYIR, DES NA SLOB DPON LTAR TSIG 'BRU BSNAN NA, 'DIR BSTAN MTSON BYA DON GYI DGE 'DUN LA NYI SHU YOD DE, DE MTSON BYED, @030A *, ,MTSON BYED DPE'I DGE 'DUN LA NYI SHU YOD PA'I PHYIR, RGYUN ZHUGS ZHUGS PA, DBANG PO RTUL PO DANG RNON PO GNYIS DAG DANG, BAR PA GNYIS KYIS ZHUGS PA DANG MOS PA MTHONG THOB PA GNYIS DANG, RGYUN ZHUGS 'BRAS GNAS KHYAD PAR CAN LHA DANG MI'I RIGS NAS RIGS SKYE GNYIS DANG, PHYIR 'ONG 'BRAS GNAS KHYAD PAR CAN TSE GCIG BAR CHAD GCIG PA DANG, PHYIR MI 'ONG BAR 'DA' BA DANG, SKYES NAS 'DA' BA DANG, MNGON PAR 'DU BYED DANG BCAS PA DANG, MNGON PAR 'DU BYED MIN PA DANG, 'OG MIN MTHAR THUG 'GRO'I PHYIR MI 'ONG LAS DBYE BA'I 'PHAR BA, PHYED 'PHAR BA, GNAS THAMS CAD DU 'CHI 'PHO BA GSUM DANG, SRID RTZE'I MTHAR THUG 'GRO'I MING CAN GYI GZUGS KYI NYON MONGS LA CHAGS PA BCOM PA'I PHYIR MI 'ONG LAS DBYE BA'I PHYIR MI 'ONG MTHONG BA YI CHOS LA ZHI BA MYANG 'DAS MNGON DU BYED PA DANG, LUS MNGON BYED GNYIS, BSE RU RANG RGYAL 'DRA BA'I DGRA BCOM DANG BCAS PAS DNGOS BSTAN BCU BDUN RIGS NAS RIGS KYIS SHUGS LA BSTAN PA RGYUN ZHUGS 'BRAS GNAS TZAM PO BAR CHAD GCIG PAS SHUGS LA BSTAN PA PHYIR 'ONG 'BRAS GNAS TZAM PO, BSE RU DANG NI ZHES PAS SHUGS LA BSTAN PA DGRA BCOM ZHUGS PA STE NYI SHU YOD PA'I PHYIR, RNAM BSHAD LAS, GZHUNG GIS DNGOS SU ZIN PA BCU BDUN DANG, GSUM KHA BSKANGS NAS NYI SHUR MDZAD DO, ZHES GSUNGS, GNYIS @030B PA GDAM NGAG GI DON BSGOMS PAS STONG NYID LA DMIGS PA'I BSGOMS BYUNG SKYES PA'I THOG MA BSHAD PA LA MDOR BSTAN PA, RGYAS PAR BSHAD PA GNYIS, DANG PO 'CHAD PA LA, DMIGS PA DANG NI RNAM PA DANG, ZHES SOGS SHLOO KA GNYIS GSUNGS, BYANG CHUB SEMS DPA' SKYOB PA YI, ,SBYOR LAM DROD SOGS BZHI PO CHOS CAN, NYAN THOS BSE RU LTA BU RANG SANGS RGYAS DANG BCAS PA'I SBYOR LAM DAG LAS KHYAD PAR DU 'PHAGS PA YIN TE, DMIGS PA DANG NI RNAM PA DANG, RGYU DANG YONGS SU 'DZIN PA YIS DANG, 'JIG RTEN PA'I LAM GYI BDAG NYID JI BZHIN DU RNAM RTOG BZHI PO SPANG BYAR LDAN PA LA BRTEN PA DANG, CHUNG NGU DANG 'BRING DANG CHEN PO'I DBYE BA YOD PA RNAMS KYIS KHYAD PAR DU 'PHAGS PA'I PHYIR, GNYIS PA LA KHYAD CHOS SNGA MA GSUM BSHAD PA DANG, RTOG PA'I KHYAD CHOS BSHAD PA DANG, YONGS 'DZIN BSHAD PA GSUM, DANG PO LA DROD KYI DMIGS RNAM RGYU'I KHYAD PAR BSHAD PA, RTZE MO DANG BZOD PA DANG, CHOS MCHOG GI DMIGS RNAM RGYU'I KHYAD CHOS BSHAD PA BZHI, DANG PO 'CHAD PA LA, DMIGS PA MI RTAG LA SOGS PA RKANG PA DRUG GSUNGS, DROD KYI DMIGS RNAM GZHAG TU YOD DE, DROD CHUNG NGU'I DMIGS PA NI, MI RTAG PA LA SOGS PA'I BDEN PA'I RTEN CAN RNAM PA BCU DRUG DANG, RNAM PA NI, BDEN PA BZHI PO DE YI NI, KHYAD CHOS BCU DRUG LA BDEN PAR MNGON PAR ZHEN PA LA SOGS PA 'GOG NUS SHING, THEG PA GSUM @031A *, ,CHAR GYI RTOGS RIGS THOB PA'I THEG CHEN MTHONG LAM GYI NYE RGYU BYED PA'I DROD CHUNG NGU'I YE SHES DANG, GZUGS SOGS 'DU 'GOD BDEN PA DANG BRAL BAS KHYAD PAR DU BYAS PA'I BDEN BZHI DROD 'BRING GI DMIGS PA DANG, MING RGYUN GNAS PA DANG BRAL BA DANG, GNAS PA DON DAM PAR MED PAR RTOGS PA'I DROD 'BRING GI YE SHES DE'I RNAM PA DANG, GZUGS SOGS BRDAR BTAGS PAS KHYAD PAR DU BYAS PA DROD CHEN PO'I DMIGS PA DANG, GANG DU YANG DON DAM PAR BRJOD DU MED PAR RTOGS PA'I DROD CHEN PO'I YE SHES DE'I RNAM PA YIN PA'I PHYIR, GNYIS PA LA, RTZE MO CHUNG NGU'I DMIGS RNAM LA BDEN PA RNAM PAR MA BZHAG PA DANG, BZHAG PA GNYIS LAS, DANG PO 'CHAD PA LA, GZUGS SOGS MI GNAS DE DAG NI, ZHES SOGS GSUM LA, RTZE MO CHUNG NGU'I DMIGS RNAM GZHAG TU YOD DE, GZUGS SOGS DON DAM PAR MI GNAS PA DE DAG NI, DE'I NGO BOR BDEN PA'I RANG BZHIN MED PAS KHYAD PAR DU BYAS PA NI DE'I DMIGS PA DANG, GZUGS SOGS DANG DE'I CHOS NYID DE DAG GCIG GI RANG BZHIN GCIG TU RTOGS PA'I RTZE MO CHUNG NGU'I YE SHES DE'I RNAM PA YIN PA'I PHYIR, GNYIS PA 'CHAD PA LA, DE MI RTAG SOGS PAR MI GNAS, ZHES SOGS RKANG PA GSUM GSUNGS, GZUGS SOGS DE RNAMS DE'I NGO BO BDEN PAS STONG BAS, GZUGS SOGS DE RNAMS DON DAM PAR MI RTAG SOGS PAR MI GNAS PA RTZE MO CHUNG NGU'I @031B DMIGS PA DANG, MI RTAG SOGS DANG DE'I CHOS NYID DE DAG GCIG GI RANG BZHIN GCIG TU RTOGS PA'I RTZE MO CHUNG NGU'I YE SHES DE'I RNAM PA YIN NO, ,RTZE MO 'BRING DANG CHEN PO'I DMIGS RNAM 'CHAD PA LA, CHOS RNAMS MI 'DZIN, GANG YIN DANG, ZHES SOGS SHO LO KA GSUNGS, RTZE MO 'BRING GI DMIGS RNAM YOD DE, CHOS RNAMS MTSAN MAR MI 'DZIN PA RTZE MO 'BRING GI DMIGS PA DANG, CHOS DE DAG BDEN PA'I MTSAN MAR MI MTHONG BA'I PHYIR TE, RGYU MTSAN GYIS, BDEN MED DU RTOGS PA'I RTZE MO 'BRING GI YE SHES DE'I RNAM PA DANG, DON DAM LA DPYOD PA'I SHES RAB KYIS NI YONGS SU RTOG PA STE, BRTAG BYA'I BDEN PA BZHI RTZE MO CHEN PO'I DMIGS PA DANG, 'KHOR GSUM GYI CHOS THAMS CAD BDEN PAR DMIGS SU MED PAR RTOGS PA'I RTZE MO CHEN PO'I YE SHES DE'I RNAM PA YIN PA'I PHYIR RO, ,GSUM PA BZOD PA 'CHAD PA LA, GZUGS SOGS NGO BO NYID MED NYID, CES SOGS DRUG GSUNGS, BZOD PA'I DMIGS RNAM BZHAG TU YOD DE, GZUGS SOGS DON DAM PAR NGO BO NYID MED PA NYID BZOD PA CHUNG NGU'I DMIGS PA DANG, DON DAM PAR GZUGS SOGS DE DAG MED PA NYID THA SNYAD PA'I NGO BO NYID DU RTOGS PA'I BZOD PA CHUNG NGU'I YE SHES DE'I RNAM PA DANG GZUGS SOGS DE DAG DON DAM PAR SKYE MED NGES 'BYUNG MED PAS KHYAD PAR DU BYAS PA BZOD PA 'BRING GI DMIGS PA DANG, DE LTAR BSGOMS PAS LUS NGAG YID GSUM RNAM PAR DAG PAR @032A *, ,RTOGS PA'I BZOD 'BRING GI YE SHES DE'I RNAM PA DANG, BDEN BZHI DE DAG DON DAM PAR MTSAN MA MED PAS KHYAD PAR DU BYAS PA BZOD CHEN GYI DMIGS PA DANG, DON DAM PAR DE'I MTSAN MAR MI BRTAN PAS YID BYED GNYIS KYI MOS PA MIN PA DANG, 'DU SHES MED PAR RTOGS PA'I BZOD PA CHEN PO'I YE SHES DE'I RNAM PA YIN PA'I PHYIR, BZHI PA LA, CHOS MCHOG GI DMIGS RNAM BYE BRAG TU BSHAD PA DANG, SPYI'I DON BSDU BA GNYIS, DANG PO 'CHAD PA LA, TING 'DZIN DE YI BYED PA NYID, CES SOGS SHO LO KA GCIG GSUNGS, CHOS MCHOG GI DMIGS RNAM GZHAG TU YOD DE, CHOS NYID SKYE BA MED PA DANG, DPA' BAR 'GRO BA SOGS KYI TING NGE 'DZIN CHOS MCHOG CHUNG NGU'I DMIGS PA DANG, TING NGE 'DZIN DE YI BYED PA LHUN GRUB TU 'JUG PA NYID DU RTOGS PA'I CHOS MCHOG CHUNG NGU'I YE SHES DE'I RNAM PA DANG, LKOG GYUR LUNG STON PAR MDZAD PA'I RGYU KHYAD PAR BA CHOS MCHOG 'BRING GI DMIGS PA DANG, DON DAM PAR 'KHOR GSUM DU RLOM PA RAGS PA ZAD PA'I CHOS MCHOG 'BRING GI YE SHES DE'I RNAM PA DANG, SGOM BYED TING 'DZIN, SGOM PA PO BYANG SEMS, BSGOM BYA SHER PHYIN GYI 'KHOR GSUM PO CHOS NYID KYI RANG BZHIN DU PHAN TSUN NGO BO GCIG PAS KHYAD PAR DU BYAS PA'I BDEN BZHI CHOS MCHOG CHEN PO'I DMIGS PA DANG, BSGOM BYA TING NGE 'DZIN MTHA' GANG DU YANG RNAM PAR MI RTOG PA SANGS RGYAS THOB PA'I @032B THABS DAM PAR RTOGS PA'I CHOS MCHOG CHEN PO'I YE SHES DE'I RNAM PA YIN PA'I PHYIR, GNYIS PA 'CHAD PA LA, DE LTAR NGES 'BYED CHA MTHUN NI, ZHES GSUNGS, THEG CHEN GYI NGES 'BYED CHA MTHUN NI, SO SOR CHUNG NGU 'BRING CHEN PO GSUM GSUM YOD PA YIN TE, GONG DU BSHAD PA DE LTAR NA'I PHYIR, GNYIS PA RTOG PA'I KHYAD CHOS BSHAD PA LA, MDOR BSTAN, RGYAS BSHAD GNYIS, DANG PO LA, GZUNG RTOG BSHAD PA, 'DZIN RTOG BSHAD PA GNYIS, DANG PO 'CHAD PA LA, GZHI DANG DE YI GNYEN PO YIS, ZHES SOGS SHO LO KA GSUNGS, GZUNG BAR RTOG PA CHOS CAN, RNAM PA GNYIS YOD DE, GZHI KUN NAS NYON MONGS PA'I RTEN CAN DANG, DE'I GNYEN PO'I RTEN CAN GNYIS YOD PA YIS SO, ,GNYIS PO DE NI CHOS CAN, SO SOR RNAM PA DGU DGU YOD DE, RMONGS PA RANG DBANG BDAG SOGS LA DMIGS PA DANG, PHUNG SOGS LA DMIGS PA'I BYE BRAG GIS DE LTAR YOD PA'I PHYIR, GNYIS PA 'CHAD PA LA, RDZAS DANG BTAGS PA'I RTEN CAN GYIS, ZHES SOGS RKANG PA BZHI GSUNGS, 'DZIN PAR RNAM PAR RTOG PA'ANG CHOS CAN, RNAM PA GNYIS SU 'DOD DE, GANG ZAG RDZAS SU YOD PA DANG, SKYES BU BRTAGS PAR YOD PA'I RTEN CAN GYIS GNYIS YOD PA'I PHYIR, GNYIS PO LA YANG DGU DGU YOD DE, RANG DBANG BDAG SOGS KYI NGO BO LA DMIGS PA DANG, PHUNG SOGS RTEN DGU YOD PA LAS RTOG PA DE BZHIN DU YOD PA'I PHYIR, GNYIS PA RGYAS PAR BSHAD PA @033A *, ,'DIR MA BRIS SO, ,GSUM PA YONGS 'DZIN BSHAD PA LA, SEMS MI 'GONG PA NYID LA SOGS, ZHES PA SHO LO KA GCIG GSUNGS, BYANG SEMS SBYOR LAM PA'I RGYUD KYI RNAM MKHYEN YID BYED DANG, STONG NYID ZAB MO LA SEMS MI 'GONG ZHING MI SKRAG PA NYID LA SOGS PA'I THABS LA MKHAS PA DANG, DE'I MI MTHUN PHYOGS NYAN RANG YID BYED DANG BDEN 'DZIN CI RIGS BOR BA'I YE SHES CHOS CAN, RNAM PA KUN TU BYANG SEMS SBYOR LAM PA'I NANG GI YONGS 'DZIN YIN TE, DE SRID ZHI'I MTHAR LTUNG BA 'GOG PA'I DE'I MNGON RTOGS YIN PA'I PHYIR, BYANG SEMS SBYOR LAM PA LA DON DAM PAR CHOS THAMS CAD NGO BO NYID MED PA SOGS STON PAR BYED PA DANG BSHES GNYEN DE YI MI MTHUN PHYOGS BDUD DANG SDIG GROGS BOR BA'I LAM STON PA'I MCHOG GI SPRUL SKU CHOS CAN, RNAM PA KUN TU SBYOR LAM PA'I PHYI'I YONGS 'DZIN YIN TE, DE LA THABS SHES YONGS SU RDZOGS PA 'DOMS PA'I DE'I BDAG RKYEN DGE BA'I BSHES GNYEN YIN PA'I PHYIR, GSUM PA GDAMS DON JI LTAR SGRUB PA'I BSGRUB PA BSHAD PA LA, BSGRUB PA'I RTEN BSHAD PA, BSGRUB PA'I DMIGS PA BSHAD PA, BSGRUB PA'I CHED DU BYA BA BSHAD PA, BSGRUB PA'I NGO BO BSHAD PA BZHI, DANG PO LA, RIGS KYI DBYE BA DANG, RTZOD SPANG GNYIS, DANG PO 'CHAD PA LA, RTOGS PA YI NI CHOS DRUG DANG, ZHES PA'I SHO LO KA GNYIS GSUNGS, SKABS 'DIR BSTAN RIGS BCU @033B GSUM YOD DE, THEG CHEN GYI NGES 'BYED CHA MTHUN BZHI, MTHONG SGOM GNYIS TE, RTOGS PA YI NI CHOS DRUG GI CHOS NYID DRUG DANG, GNYEN PO BAR CHAD MED LAM SKYE BA LA MNGON DU PHYOGS PA DANG NI, SPANG BYA'I SA BON 'GAG PAR MNGON DU PHYOGS PA'I TSUL GYIS SPONG BA DANG, SPANG BYA DE DAG YONGS SU GTUGS PA RNAM GROL LAM DANG, SRID ZHI'I MTHA' 'GOG PA'I SHES RAB SNYING BRTZER BCAS PA DANG, SLOB MA NYAN THOS DANG THUN MONG MIN PA NYID DANG, GZHAN GYI DON PHYIR, RIMS SGRUB PA DANG, JI LTA JI SNYED PA LA YE SHES RTZOL BA MI MNGA' BAR 'JUG PA'I BSGRUB PA STE BDUN PO LA BRTEN PA'I CHOS NYID BDUN TE BCU GSUM PO DE LA RIGS ZHES BYA BA YIN PA'I PHYIR, GNYIS PA LA, RTZOD PA DANG LAN GNYIS, DANG PO 'CHAD PA LA, CHOS KYI DBYINGS LA DBYER MED PHYIR, GNYIS GSUNGS, DON NI, THEG PA GSUM GYI RIGS NI THA DAD PA GSUM DU DBYER RUNG BA MA YIN PA DANG, RIGS CAN GSUM PO THAMS CAD THEG PA CHEN PO'I RIGS LA GNAS PAR THAL, DE RNAMS KYIS CHOS KYI DBYINGS LA DBYE BA BYAR MED PA GANG ZHIG ,CHOS DBYINGS RIGS YIN PA'I PHYIR, GNYIS PA 'CHAD PA LA, BRTEN PA'I CHOS KYI BYE BRAG GIS, ,DE YI DBYE BA YONGS SU BRJOD, CES GSUNGS, DON NI, RTOGS BYA CHOS DBYINGS LA DBYE BA MED KYANG, RIGS CAN GSUM DANG RIGS KYI RNAM DBYE MI RUNG BA'I SKYON MED DE, BRTEN PA'I CHOS THEG PA GSUM GYI RTOGS PA RTZAL CHE CHUNG GI BYE BRAG GIS, RTEN CHOS NYID DE YI DBYE BA YONGS SU @034A *, ,RJOD PA'I PHYIR, DPER NA, RTEN RDZA BUM GCIG NYID BRTEN PA SBRANG RTZI DANG LI KHAR LA SOGS PA'I BCUD MI 'DRA BAS SNOD THA DAD PA'I DBYE BA BYED PA BZHIN YIN PA'I PHYIR, GNYIS PA BSGRUB PA'I DMIGS PA 'CHAD PA LA, DMIGS PA CHOS RNAMS THAMS CAD DE, ZHES SOGS SHO LO KA GNYIS GSUNGS, CHOS RNAMS THAMS CAD CHOS CAN, THEG CHEN BSGRUB PA'I DMIGS PA YIN TE, DES SGRO 'DOGS GCOD PAR BYA BA'I GZHI YIN PA'I PHYIR, DMIGS PA DE YANG CHOS CAN, BCU GCIG TU YOD DE, DGE BA DANG LA SOGS PA MI DGE BA DANG LUNG MA BSTAN YIN PA DE LA YANG 'JIG RTEN PA'I LAM GYIS RTOGS PAR BYA BA PHUNG PO LNGA DANG, GANG DAG 'JIG RTEN LAS 'DAS PA'I LAM DU 'DOD PA ZAG MED KYI BSAM GTAN BZHI DANG, ZAG BCAS NYE BAR LEN PA'I PHUNG PO LNGA DANG, ZAG PA MED PA'I CHOS DRAN PA NYER GZHAG BZHI DANG, GANG DAG 'DUS BYAS LAM GYI BDEN PA DANG, 'DUS MA BYAS 'GOG BDEN DANG, SLOB MA NYAN THOS DANG THUN MONG BA'I CHOS BSAM GTAN BZHI PO RNAMS DANG, RTEN GYI GANG ZAG THUB PA'I THUN MONG MA YIN PA STOBS BCU RNAMS SU YOD PA'I PHYIR, GSUM PA BSGRUB PA'I CHED DU BYA BA 'CHAD PA LA, SEMS CAN KUN MCHOG NYID SEMS DANG, ZHES SOGS SHO LO KA GCIG GSUNGS, SEMS CAN KUN GYI MCHOG NYID DU BYED PA'I THUGS RJE CHEN PO NI SEMS CHEN PO DANG, SPANGS @034B PA MTHAR THUG SPONG BA CHEN PO DANG, RTOGS PA MTHAR THUG RTOGS PA CHEN PO DANG GSUM PO CHOS CAN, KHYOD LA CHEN PO GSUM ZHES BYA ZHING, RANG BYUNG BYANG SEMS KYI CHED DU BYA BA 'DI YIN PAR SHES PAR BYA STE, KHYOD LA DMIGS TE BYANG SEMS BSGRUB PA NYAMS LEN LA 'JUG PA'I PHYIR, BZHI PA BSGRUB PA'I NGO BO LA, BSAM PA RGYA CHE BA GO SGRUB, SBYOR BA RGYA CHE BA 'JUG SGRUB, TSOGS GNYIS RGYA CHE BA TSOGS SGRUB, RNAM MKHYEN DU GDON MI ZA BAR 'BYIN BYED NGES 'BYUNG BSGRUB PA BSHAD PA BZHI, DANG PO 'CHAD PA LA, DE DAG SO SOR SBYIN LA SOGS, ZHES PA'I SHO LO KA GCIG GSUNGS, GO CHA'I BSGRUB PA GANG YIN PA DE NI CHOS CAN, 'CHAD TSUL YOD DE, DRUG TSAN DRUG GIS MDO JI LTA BA BZHIN BSHAD PA YIN PA'I PHYIR, DRUG TSAN DRUG YOD DE, GO CHA'I BSGRUB PA DRUG PO DE DAG SO SOR SBYIN PA LA SOGS PA'I PHAR PHYIN RNAM PA DRUG DRUG TU BSDUS PA YIS 'CHAD PA'I PHYIR, GNYIS PA 'CHAD PA LA, BSAM GTAN GZUGS MED SBYIN SOGS DANG, ZHES PA'I SHO LO KA GNYIS GSUNGS, 'DIR BSTAN 'JUG SGRUB LA DGU YOD DE, 'JUG YUL THEG CHEN LA DGU YOD, DE'I DBANG GIS 'JUG BYED SGRUB PA DE LTAR YOD PA'I PHYIR, DANG PO GRUB STE, RGYU 'JIG RTEN PA'I LAM BSAM GTAN DANG, GZUGS MED PA'I SNYOMS 'JUG NYAMS SU LEN PA'I BYA BA GCIG 'JIG RTEN LAS 'DAS PA BRGYAD YOD PA'I PHYIR, GNYIS PA GRUB STE, RANG DON RTOGS PA PHUN TSOGS SGRUB BYED @035A *, ,SBYIN SOGS PHA ROL TU PHYIN PA DRUG DANG, SPANGS PA PHUN TSOGS SGRUB BYED MTHONG SGOM GYI LAM DANG, GZHAN DON SGRUB PA'I THABS BYAMS PA LA SOGS PA'I TSAD MED PA BZHI DANG, GZHAN DON RNAM PAR DAG BYED BDEN SGRUB KYI DMIGS PA MED PAR RTOGS PA DANG LDAN PA DANG, LAS BYA BYED KYI 'KHOR GSUM RNAM PAR DAG PAR RTOGS PA DANG, DGE RTZA CHED DU BYA BA GSUM GYI DON DU BSGYUR BA DANG, TSOGS GNYIS MYUR DU RDZOGS BYED MNGON SHES DRUG DANG, 'BRAS BU RNAM KUN MKHYEN PA'I TSUL LA NI 'JUG PA'I BSGRUB PA BRGYAD YOD PA'I PHYIR, DE LTAR NYAMS SU LEN PA'I 'JUG SGRUB CHOS CAN, THEG PA CHEN PO LA 'JOGS PA YIN PAR SHES PAR BYA STE, RGYU 'BRAS KYI THEG CHEN LA GONG NAS GONG DU 'JUG CING BGROD PA YIN PA'I PHYIR, GNYIS PA TSOGS SGRUB LA SPYIR BSTAN PA DANG, TSOGS GSUM BYE BRAG TU BSHAD PA GNYIS, DANG PO 'CHAD PA LA, BRTZE DANG SBYIN LA SOGS PA DRUG ,CES PA'I SHO LO KA GNYIS GSUNGS, DON NI, SHES BYA CHOS CAN, TSOGS KYI BSGRUB PA YI, RIM PA LTAR YIN PAR SHES PAR BYA STE, THOG MAR SEMS CAN SDUG BSNGAL DANG BRAL 'DOD KYI BRTZE BA SNYING RJE CHEN PO DANG, SNYING RJE'I DBANG GIS SBYIN PA LA SOGS PA'I PHAR PHYIN DRUG NYAMS SU LEN PA DANG, MNYAM GZHAG TU ZHI GNAS LHAG MTHONG DANG BCAS PA DANG, ZHI LHAG ZUNG DU 'BREL BA'I LAM NYAMS SU LEN PA GANG YIN PA DANG, GZHAN DON BYED PA'I THABS @035B LA MKHAS PA'I TSOGS GANG YIN PA DANG, DBYE BA'I DBANG DU BYAS PA YE SHES DANG NI BSOD NAMS KYI TSOGS GNYIS DANG, MTHONG BA LA SOGS PA'I LAM GYI TSOGS DANG, TSIG DON MI BRJED PAR 'DZIN PA'I GZUNGS KYI TSOGS DANG, YON TAN GYI RTEN BYED PA SA BCU'I TSOGS DANG MI MTHUN PHYOGS SPONG BA GNYEN PO RNAMS RIM PAR SKYE BA'I PHYIR, GNYIS PA LA YE SHES KYI TSOGS BYE BRAG TU BSHAD PA, LHA'I TSOGS BYE BRAG TU BSHAD PA, GNYEN PO'I TSOGS BYE BRAG TU BSHAD PA GSUM, DANG PO 'CHAD PA LA, SLOB DPON GYIS, NANG DANG PHYIR LA RNAMS DANG NI, ZHES SOGS SHO LO KA GSUM GSUNGS, STONG PA NYID NI CHOS CAN, NYI SHUR 'DOD DE, NANG SKYE MCHED DRUG BDEN PAS STONG PA NANG STONG PA NYID DANG, PHYI ROL GZUGS SOGS RNAMS BDEN PAS STONG BA PHYI STONG PA NYID DANG NI, PHYI NANG GNYIS CHAR GTOGS PA DBANG RTEN BDEN PAS STONG PA GNYIS KA STONG PA NYID DANG, STONG PA'I DNGOS PO BDEN PAS STONG BA STONG PA NYID STONG PA NYID DANG, PHYOGS BCU BDEN PAS STONG BA CHEN PO STONG PA NYID DANG, LAM GYI THOB BYA MYA NGAN LAS 'DAS PA BDEN STONG DON DAM PA STONG PA NYID DANG, RKYEN LAS SKYES PA 'DUS BYAS BDEN STONG 'DUS BYAS STONG PA NYID DANG, CIG SHOS 'DUS MA BYAS BDEN STONG 'DUS MA BYAS STONG PA NYID DANG, SNGA PHYI DANG DBUS BDEN STONG MTHA' LAS 'DAS PA STONG PA NYID DANG, 'KHOR BA'I THOG MTHA' BDEN PAS STONG PA THOG MA DANG THA MA MED @036A *, ,PA STONG PA NYID DANG, BLANG DOR BDEN STONG DOR BA MED PA STONG PA NYID DANG, GNAS LUGS BDEN STONG RANG BZHIN STONG PA NYID DANG NI, CHOS KUN BDEN STONG CHOS THAMS CAD STONG PA NYID DANG, CHOS RNAMS KYI SKYE BA LA SOGS PA BDEN STONG RANG GI MTSAN NYID STONG PA NYID DANG, 'DAS MA 'ONGS SOGS BDEN STONG MI DMIGS PA STONG PA NYID DANG, RGYU RKYEN DANG LDAN ZHING TSOGS PA BDEN STONG DNGOS PO MED PA'I NGO BO NYID STONG PA NYID DANG; CIG SHOS DNGOS PO PHUNG PO LNGA'I NGO BO BDEN PAS STONG BA DNGOS PO STONG PA NYID DANG, 'DUS MA BYAS KYI NAM MKHA' BDEN STONG DNGOS PO MED PA STONG PA NYID DANG, RANG BZHIN STONG PA ZHES BYA BA BDEN PAS STONG PA ZHES BYA BA BDEN PAS STONG PA RANG GI NGO BO STONG PA NYID DANG, CHOS RNAMS KYI BYED PA PO GZHAN GYI NGO BO NYID KYIS STONG PA GZHAN GYI NGO BO NYID STONG PA NYID DANG NYI SHUR YOD PA'I PHYIR, STONG GZHI NYI SHU PO CHOS CAN, RANG RANG BDEN PAR GRUB PA'I NGO BOS STONG PA YIN TE, BDEN GRUB KYI GCIG DANG BDEN GRUB KYI DU MA GANG RUNG DANG BRAL BA'I PHYIR, ZHES PA'O,, GNYIS PA LA, RGYU'I SA BSHAD PA, 'BRAS BU'I SA BSHAD PA GNYIS, DANG PO LA DGU ,SA DANG PO YONGS SPYOD BCU'I BSHAD PA, GNYIS PA BRGYAD KYI BSHAD PA, GSUM PA'I LNGA, BZHI PA'I BCU, LNGA PA LA BCU, DRUG PA LA BCU GNYIS, BDUN PA LA NYI SHU, BRGYAD PA LA BRGYAD, DGU PA LEGS @036B PA'I BLO GROS YONGS SBYONG BCU GNYIS KYI SGO NAS BSHAD PA'O, ,DANG PO 'CHAD PA LA, YONGS SU SBYONG BA RNAM BCU YIS, ZHES PA'I SHO LO KA GSUM GSUNGS, SBYONG BYED KYI CHOS YONGS SU SBYONG BA RNAM BCU YIS, SA NI DANG PO'I YON TAN 'THOB PAR 'GYUR BA YIN TE, GZHI THAMS CAD LA G-YO SGYU MED PA'I BSAM PA DANG, RANG GZHAN GYI DGOS PA LA PHAN PA'I DNGOS PO THEG CHEN NYID 'DZIN PA DANG, SEMS CAN RNAMS LA TSAD MED BZHI'I SEMS MNYAM PA NYID DANG, LUS LONGS SPYOD DGE RTZA SOGS GTONG BA LA SER SNA'I KUN 'DZIN MI SKYE BA NYID DANG, SGO GSUM GYIS DGE BA'I BSHES GNYEN MGU ZHING BSTEN PAR BYED PA DANG, THEG PA GSUM GYI DAM PA'I CHOS KYI DMIGS PA 'TSOL BA DANG, RTAG TU NGES PAR 'BYUNG BA'I SEMS NYID KYIS KHYIM LA MI DGA' BA DANG, SANGS RGYAS RJES SU DRAN PA DANG MI 'BRAL BAR SANGS RGYAS KYI SKU MTHONG BAR 'DOD CING DGA' BA DANG, DPE MKHYUD DANG SER SNA MED PAR CHOS STON PA DANG, DAM BCAS PA MTHAR PHYIN PAR BYED PAS BDEN PA'I TSIG NI SMRA BAR BYED PA STE YONGS SBYONG BCU PA YIN PAR 'DOD LA, DE BCUS SA DANG PO RTOGS PA YIN PA'I PHYIR, SBYONG TSUL YOD DE; BCU PO 'DI DAG SNYING RJE CHEN PO DANG BDEN PA'I RANG BZHIN MI DMIGS PAR RTOGS PA'I SHES RAB KYIS ZIN PA'I SGO NAS YONGS SU SBYONG BAR SHES PAR BYA BA YIN PA'I PHYIR, GNYIS PA 'CHAD PA LA, TSUL KHRIMS BYAS PA @037A *, ,GZO DANG BZOD, CES PA'I SHO LO KA GCIG GSUNGS, SA GNYIS PA LA YONGS SBYONG BRGYAD YOD DE, DGE BA CHOS SDUD SOGS TSUL KHRIMS DANG, GZHAN GYI BYAS PA GZO BA DANG, GNAD PA BYAS PA BZOD PA DANG; DGE BA SGRUB PA LA RAB TU SPRO BA'I DGA' BA DANG, SEMS CAN LA SNYING BRTZE CHE BA DANG, MKHAN PO SOGS GONG MA LA 'DUD PA'I BKUR BSTI BYED PA DANG, BLA MA DGE BA'I BSHES GNYEN LA GUS PAS CHOS NYAN PA DANG, YONGS SBYONG BRGYAD PA SBYIN PA LA SOGS PA'I PHAR PHYIN RNAMS LA BRTZON PA RNAMS SU YOD PA'I PHYIR, GSUM PA 'CHAD PA LA, THOS PAS MI NGOMS NYID DANG NI, ZHES PA'I RKANG PA DRUG GSUNGS, DON NI, SA GSUM PA'I YONGS SBYONG LNGA YOD DE, MANG DU THOS PA LA BRTZON PAS CHOS THOS PAS MI NGOMS PA NYID DANG NI, RNYED BKUR GRAGS PA SOGS ZANG ZING DON DU GNYER BA MED PAR GZHAN LA CHOS SBYIN PA DANG, RANG GI SANGS RGYAS KYI ZHING RTEN BRTEN PA KUN SPYOD PA DANG, GNOD BYED SOGS 'KHOR BA'I NYES PA MTHONG BAS, GZHAN DON LA YONGS SU MI SKYO BA DANG, RANG LA LTOS NAS MI DGE BA MI BYED PA NGO TSA SHES PA DANG, GZHAN LA LTOS NAS MI DGE BA MI BYED PA KHREL YOD PA ZHES BYA BA DANG, BDEN PAR RLOM SEMS MED PA'I BDAG NYID DE RNAM PA LNGA YOD PA'I PHYIR, BZHI PA 'CHAD PA LA, NAGS GNAS 'DOD CHUNG CHOG SHES DANG, ZHES SOGS RKANG PA DRUG GSUNGS, SA BZHI PA LA @037B YONGS SBYONG BCU YOD DE, 'DU 'DZIS DBEN PA'I DGON PA'I NAGS NA GNAS PA DANG, 'DOD PA CHUNG BA DANG, CHOG SHES PA DANG, BSOD SNYOMS PA SOGS SBYANGS PA'I YON TAN BCU GNYIS LA YI DAM BRTAN PAS YANG DAG PAR SDOM PA BSTEN PA DANG, BSLAB PA BLANGS PA YONGS SU MI GTONG BA DANG, 'DOD PA'I YON TAN RNAMS LA SMOD PA DANG, GDUL BYA DANG 'TSAM PAR MYA NGAN LAS 'DAS PA LA GZHOL BA DANG, BDOG PA KUN JI LTAR 'DOD PAR GTONG BA DANG, DGE BA SGRUB PA LA SEMS MI ZHUM PA DANG, MNGON ZHEN GYI LTA BA MED PA DANG BCU YOD PA'I PHYIR, LNGA PA 'CHAD PA LA, 'DRIS DANG KHYIM LA 'KHREN PA DANG, ZHES PA'I SHO LO KA GNYIS GSUNGS, SA LNGA PA LA YONGS SBYONG BCU YOD DE, RNYED BKUR GYI DON DU KHYIM PA DANG 'DRIS PAR BYED PA DANG, BSOD SNYOMS 'BYUNG BA'I KHYIM LA 'KHREN PAS DAD PA CAN LA KHYIM MI STON PA DANG, 'DU 'DZIR GYUR PA'I GNAS SU GNAS PA DANG NI, BDAG LA BSTOD PA DANG, GZHAN LA BRNYAS PA DANG, DE LA BRTEN NAS MI DGE BA'I LAS KYI LAM BCU LHAG PAR 'PHEL BA DANG, THOS PA SOGS KYIS RLOMS PAS GZHAN LA MI 'DUD PA'I KHENGS PA DANG, BLANG DOR PHYIN CI LOG LA ZHEN PA DANG, LOG LTA'I BLO NGAN PA 'CHANG BA DANG NI, CHAGS SOGS NYON MONGS LA BZOD PA STE PHYOGS PAR BYED PA'I CHOS BCU PO 'DI DAG NI RNAM PAR SPANGS NAS, GNYEN PO BCU BSTEN NA, SA LNGA PA NI YANG DAG PAR 'THOB PA YIN PA'I PHYIR, DRUG PA @038A *, ,'CHAD PA LA, SBYIN DANG TSUL KHRIMS BZOD BRTZON 'GRUS, ZHES SOGS SHO LO KA GNYIS GSUNGS, DON NI, SA DRUG PA LA YONGS SBYONG BCU GNYIS YOD DE, SBYIN PA DANG TSUL KHRIMS BZOD PA BRTZON 'GRUS BSAM GTAN SHES RAB STE PHAR PHYIN DRUG RAB TU RDZOGS PAS SPANG BYA DRUG SPANGS TE, SA NI DRUG PA YANG DAG PAR 'THOB PA YIN PA'I PHYIR, GNYEN POS SPANG BYA SPONG TSUL YOD DE, TSUL KHRIMS DANG BSAM GTAN GNYIS KYIS SLOB MA NYAN THOS DANG NI BSE RU RANG SANGS RGYAS KYI SA LA DGA' BA STE 'DOD PA SPONG BA DANG, BZOD PA'I PHAR PHYIN RDZOGS PAS GNOD BYED SOGS LA SKRAG PA'I SEMS SPANGS PA DANG, SBYIN PA'I PHAR PHYIN RDZOGS PAS SLONG BA POS BSLANGS NA MI ZHUM PA DANG, SBYIN PA LA SPRO DGA'I BRTZON 'GRUS RDZOGS PAS, BDOG PA KUN BTANG YANG MI DGA' BA MED PA DANG, SHES RAB KYI PHAR PHYIN RDZOGS PAS DBUL ZHING BKREN YANG SPONG PA PO MI SPONG BAR BYED PA YIN PA'I PHYIR, BDUN PA LA SPANG BYA NYI SHU SPONG BA DANG, GNYEN PO NYI SHU BSTEN PAR BSTAN PA GNYIS, DANG PO 'CHAD PA LA, BDAG DANG SEMS CAN 'DZIN PA DANG, ZHES SOGS SHO LO KA GSUM GSUNGS, SA BDUN PA'I SPANG BYA'I YONGS SBYONG NYI SHU YOD DE, BDAG TU 'DZIN PA DANG, SEMS CAN DU 'DZIN PA DANG, SROG TU 'DZIN PA DANG, GANG ZAG TU 'DZIN PA DANG, DE BZHIN DU CHAD PA DANG RTAG PA'I MTHA' DANG MTSAN MA DANG, RGYU DANG PHUNG PO DANG KHAMS DANG SKYE MCHED DAG DANG @038B NI; KHAMS GSUM PO LA GNAS BYAR BDEN PAR ZHEN PA DANG, DOR BYAR BDEN PAR CHAGS PA DANG, GONG MA'I KHYAD PAR THOB MI NUS SNYAM PA'I SEMS NI KUN TU ZHUM PA DANG, DKON MCHOG GSUM DANG TSUL KHRIMS LA DER BLTA PA'I MNGON PAR ZHEN PA DANG, STONG PA NYID LA DNGOS PO'I 'JIG BYED DU 'DZIN PAS RTZOD PA DANG, STONG NYID DE DANG KUN RDZOB 'GAL BAR 'DZIN PA'I NYES PA NI NYI SHU PA DE DAG GANG LA RNAM PAR CHAD CING SPANGS PA DE YIS NI SA NI BDUN PA 'THOB PA YIN PA'I PHYIR, GNYIS PA 'CHAD PA LA, RNAM THAR SGO GSUM SHES PA DANG, ZHES PA'I SHO LO KA BZHI GSUNGS, DON NI, SPANG BYA'I SHUGS KYIS GRUB PA'I SA BDUN PA'I GNYEN PO'I YONGS SBYONG NYI SHU YOD DE, CHOS RNAMS KYI NGO BO RGYU 'BRAS BDEN PAS STONG PAR RTOGS PA'I RNAM THAR SGO GSUM SHES PA DANG, GSAD BYA GSOD BYED, BSAD PA'I 'KHOR GSUM BDEN GRUB KYI RNAM PAR DAG PA NYID MNGON SUM DU RTOGS PA DANG, SEMS CAN LA DMIGS PA'I SNYING RJE CHEN PO DANG NI, DNGOS PO LA BDEN PAR RLOM PA MED PA DANG, CHOS THAMS CAD BDEN STONG MNYAM PA NYID DU RTOGS PA DANG, MTHAR THUG GI THEG PA'I TSUL GCIG TU SHES PA DANG, CHOS THAMS CAD DON DAM PAR MI SKYE BA SHES PA DANG, STONG NYID ZAB MO LA MI SKRAG PA'I BZOD PA SHES PA DANG, SEMS BSKYED KYIS BSDUS PA'I CHOS RNAMS BDEN MED KYI RNAM PA GCIG TU STON PA DANG, BDEN 'DZIN GYI RTOG PA KUN TU 'JOMS PA DANG, GTZANG BDE @039A *, ,RTAG BDAG SOGS KYI MTSAN MAR 'DZIN PA'I 'DU SHES MED PA DANG, 'JIG LTA SOGS LNGA SPONG BA DANG, CHAGS SOGS NYON MONGS SPONG BA DANG, ZHI GNAS KYI SGO NAS RNAM MKHYEN LA NGES PAR SEMS PA DANG LHAG MTHONG GI SHES RAB KHYAD PAR CAN RTEN 'BREL SGYU MAR SHES PA'I THABS LA NI MKHAS PA DANG, SEMS BDEN 'DZIN LAS 'DUL BA DANG, SHES BYA THAMS CAD LA THOGS PA MED PA'I YE SHES DANG LDAN PA DANG, GANG LA YANG BDEN PAR CHAGS PA'I SA STE GNAS MIN PAR RTOGS PA DANG, RANG GAR 'DOD PAR ZHING GZHAN DU NI MNYAM DU 'GRO BA DANG, GNAS SKABS KUN TU BDAG GI LUS LA DBANG SGYUR THOB PAS LUS KYI NGO BO NI STON PA NYID DANG NYI SHU YOD PA'I PHYIR RO, ,BRGYAD PA 'CHAD PA LA, SEMS CAN KUN YID SHES PA DANG, ZHES PA'I SHO LO KA GNYIS GSUNGS, SA BRGYAD PA'I YONGS SBYONG BRGYAD YOD DE, SEMS CAN KUN GYI YID CHAGS PA DANG BCAS BRAL SOGS JI LTA BA SHES PA DANG, RDZU 'PHRUL GYI MNGON PAR SHES PAS ZHING KUN TU BRTZE BA DANG, SANGS RGYAS KYI ZHING BEEd'URYA LA SOGS PA'I RANG BZHIN BZANG POR SGRUB PA DANG, CHOS KYI TSIG DON YONGS SU BRTAG PA'I PHYIR SANGS RGYAS MNYES PA'I SGO NAS BSTAN PA DANG, LHA'I MIG GIS DBANG PO MCHOG DMAN SHES PA DANG, RANG GANG DU 'TSANG RGYA BA'I RGYAL BA YI ZHING BRTEN PA SEMS CAN GYI RGYUD YONGS SU SBYONG BA DANG, LDANG 'JUG THAMS CAD DU SGYU MA LTA BUR GNAS PA DANG, SNYING RJE DANG @039B SMON LAM GYIS BSAMS BZHIN SRID PAR SKYE BA LEN PA DANG BCAS PA'I YONGS SBYONG GI LAS NI RNAM PA 'DI BRGYAD DU BSHAD PA'I PHYIR, DGU PA 'CHAD PA LA, SMON LAM DAG NI MTHA' YAS DANG, ZHES SOGS SHO LO KA GNYIS GSUNGS, SA DGU PA LA YONGS SBYANG BCU GNYIS YOD DE, PHAR PHYIN DGU RDZOGS PAS SMON LAM DAG NI MTHA' YAS PA 'GRUB PA DANG, LHA LA SOGS PA'I SEMS CAN THAMS CAD KYI SKAD KYI BYE BRAG SHES PA DANG, SPOBS PA SO SO YANG DAG PA RIG PA THOB PAS CHOS STON PA LA SPOBS PA CHU BO LTA BUR ZAD MI SHES PA DANG, SKYE BO THAMS CAD KYIS BSNGAGS PA'I MNGAL DU 'JUG PA MCHOG DANG NI, RGYAL PO DANG BRAM ZE LTA BU'I RIGS PHUN SUM TSOGS PA DANG, BU RAM SHING PA SOGS RUS PHUN SUM TSOGS PA DANG, MA SOGS BDUN BRGYUD KYI CHO 'BRANG PHUN SUM TSOGS PA DANG, RANG GI BYANG CHUB LA BZHAG CHOG PA'I 'KHOR PHUN SUM TSOGS PA DANG, BRGYA BYIN SOGS KYIS BSTOD PAR SKYE BA DAG DANG NI, SANGS RGYAS DANG GNAS GTZANG GI LHAS BSKUL TE NGES PAR 'BYUNG BA DANG, STON PA 'DI'I AA SHVAD THA DANG, BYAMS PA'I KLU SHING DANG, MAR ME MDZAD KYI N+YA GRO DHA LTA BU'I BYANG CHUB KYI SHING RNAMS DANG, STOBS SOGS KYI YON TAN PHUN SUM TSOGS PA MNGON DU GYUR PA YIN PA STE BCU GNYIS YOD PA'I PHYIR, GNYIS PA 'BRAS BU SA BCU PA 'CHAD PA LA, SA DGU 'DAS NAS YE SHES NI, ZHES PA'I SHO LO KA GCIG GSUNGS, DMAN PA SA BRGYAD DANG, RGYU'I SA DGU PO LA @040A *, ,BYANG CHUB SEMS DPA'I SA ZHES GCIG TU BGRANGS PA'I SNGA MA BRGYAD LA SHES MTHONG DANG, PHYI MA LA GNAS NAS 'DA' BA STE, SA DGU 'DAS NAS, DE'I GONG MA BCU PA'I YE SHES NI CHOS CAN, KHYOD BYANG CHUB SEMS DPA'I SA BCU PA YIN PAR SHES PAR BYA STE, MDO LAS, GANG GIS 'DA' BYAS DGU 'DAS NAS SANGS RGYAS KYI SAR GNAS PA ZHES BSHAD PA DE NI YIN PA'I PHYIR, GNYIS PA GNYEN PO'I TSOGS BYE BRAG TU 'CHAD PA LA, MTHONG DANG GOMS PA'I LAM DAG LA, ZHES PA'I SHO LO KA GCIG GSUNGS, THEG CHEN GYI MTHONG BA DANG GOMS PA STE SGOM PA'I LAM DAG CHOS CAN, KHYOD LA GNYEN PO TSOGS KYI BSGRUB PA RNAM PA BRGYAD YOD CES BYA STE, SPANG BYA GZUNG BA DANG 'DZIN PA'I RNAM RTOG BRGYAD PO RNAMS NYE BAR ZHI ZHING SPANG BAR BYA BA'I PHYIR NA LAM BRGYAD YOD PA'I PHYIR, BZHI PA NGES 'BYUNG SGRUB PA BSHAD PA LA, CHED DU BYA DANG MNYAM NYID DANG, ZHES PA SHO LO KA GNYIS GSUNGS, NGES PAR 'BYUNG SA RNAM PA BRGYAD KYI BDAG NYID 'DI NYAMS SU LEN PA'I SEMS DPA'I BYA BA CHOS CAN, KHYOD NGES 'BYUNG BSGRUB PA YIN NO ZHES SHES PAR BYA LA, DBYE NA BRGYAD YOD DE, CHED DU BYA BA RNAM PA GSUM DANG; CHOS THAMS CAD BDEN STONG MNYAM PA NYID DU RTOGS PA DANG, SEMS CAN GYI DON MTHA' YAS PA BYED PA DANG, 'BAD RTZOL GYI MTSAN MA MED PAR GZHAN DON LHUN GYIS GRUB PA DANG GSUM PO SEMS CHEN PO'I KHYAD @040B PAR RTAG CHAD KYI MTHA' LAS 'DAS PAR MI GNAS PA'I MYANG 'DAS SU NGES PAR 'BYUNG BA DANG, SPANG BYA MTHA' DAG DANG BRAL BAS RTOGS BYA'I DON THAMS CAD THOB PA'I MTSAN NYID KYI NGES PAR 'BYUNG BA GNYIS SPONG BA CHEN PO'I KHYAD PAR DANG; CHOS BCU MNGON SUM RTOGS PA MTHAR PHYIN PA'I YE SHES RNAM PA THAMS CAD MKHYEN PA NYID DANG, RNAM MKHYEN DE'I KHYAD PAR GYI LAM RDO RJE LTA BU'I TING NGE 'DZIN GYI YUL CAN GNYIS RTOGS PA CHEN PO'I KHYAD PAR TE, NGES PAR 'BYUNG BA SPYI DANG, BYE BRAG GI SGRUB PA YANG BRGYAD YOD PA'I PHYIR RO, ,SHES RAB KYI PHA ROL TU PHYIN PA RGYAS 'BRING BSDUS GSUM GYI DON BDE BLAG TU RTOGS PAR BYED PA'I PHYIR MAN NGAG ,'CHOS SKYOBS KYI YON TAN DANG LDAN PAS BSTAN BCOS, MNGON PAR RTOGS PA BRGYAD GSAL BYED KYI RGYAN CES BYA BA LAS, RAB 'BYOR GYI LE'U LAS BRTZAMS PA SKABS DANG PO'I LEGS PAR BSHAD PA'O,, ,,RGYAS 'BRING BSDUS GSUM MNGON PAR RTOGS PA YI, ,RGYAN MCHOG SNYING PO'I SNYING PO GSER SBYANGS KYI, ,NYIN BYED GZHON NU'I PHRENG BA SPEL 'DRA 'DI, ,BLO BZANG CHOS KYI RGYAL MTSAN ZHES BYAS BRIS, ,'DIS MTSON DGE BAS MAR GYUR 'GRO BA KUN, ,DGA' LDAN GZHAL MED KHANG DU BYAMS MGON GYI, ,ZHABS BSTEN GSUNG GI BDUD RTZI LEGS MYANGS TE, ,SKU GSUM BDE BA CHEN POR 'JUG PHYIR BSNGO,, ZHUS DAG ,SARBA MANGGA LAm,, ,,*,, ,AOm @041A *, ,SVASTI; PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA MANGGA LAm,,