*, ,BYANG CHUB LAM GYI RIM PA'I KHRID TSIGS SU BCAD PA KHYER BDE
BA BZHUGS SO, ,

@001A #, ,NA MO GU RU MANYDZU GHO sh'A YA, BYANG CHUB LAM GYI
RIM PA GSAL BA'I SGRON ME ZHES BYA BA, RJE BTZUN DAM PA RNAMS
KYI ZHABS LA GUS PAS PHYAG 'TSAL LO, ,ZLA MED

STON PA SH'AKYA'I RGYAL PO DANG, ,DE SRAS THU BO MI PHAM 'JAM
PA'I DBYANGS, ,SHING RTA CHEN PO KLU SGRUB THOGS MED LA, ,RTAG
TU GUS PA'I YID KYIS PHYAG 'TSAL LO, ,LNGA BRGYA'I GTZUG RGYAN
JO BO

YAB SRAS DANG, ,RGYAL BA GNYIS PA BLO BZANG GRAGS PA'I DPAL,
,SRAS BCAS ZHABS SKYES 'KHOR LOS RAB MDZES PA'I, ,'DAB RGYA'I
PHRENG BA DANG BAS SPYI BOR BSTEN, ,RGYAL BA GNYIS

PA'I RING LUGS DAM CHOS KYI, ,GSANG BA'I MDZOD 'DZIN BLO BZANG
DON GRUB DANG, ,DE SRAS THU BO SANGS RGYAS YE SHES SOGS, ,ZLA
MED BLA MA RNAMS LA PHYAG 'TSAL LO, ,DUS GSUM RGYAL BA

@002A *, ,KUN GYI LAM GCIG PU, ,SHING RTA CHEN PO GNYIS KYI
BZHED PA'I GZHUNG, ,BYANG CHUB LAM GYI RIM PA RAB GSAL BA'I,
,LEGS BSHAD RIN CHEN SGRON ME BSHAD KYIS NYON, ,GANG

DAG SRID PA'I BDE LA RGYAB PHYOGS SHING, ,RANG GZHAN DON GNYIS
BSGRUB LA RAB TU BRTZON, ,DAD DANG SHES RAB LDAN PA'I GANG ZAG
DES, ,GCIG TU BRTZON PAS 'DI LTAR NYAMS SU BLANG, ,RAB 'BYAMS
MDO

RGYUD GSUNG RAB MTHA' DAG LAS, ,RMAD BYUNG YON TAN KUN GYI GZHIR
GYUR PA, ,MTSAN NYID LDAN PA'I DGE BA'I BSHES GNYEN DU, ,LEGS
PAR GSUNGS PHYIR TSUL BZHIN BSTEN PAR BYA, ,CHOS KYI BDUD RTZIS

BSKYANGS PA'I MGON RNAMS NI, ,PHYOGS BCU'I RAB 'BYAMS RGYAL BA
MTHA' DAG LAS, ,LHAG PA'I TSAD MED THUGS RJE'I GTER CHEN TE,
,GANG PHYIR THUB PA'I DBANG PO DE DAG GI ,SKU GSUNG THUGS KYI
NGO

MTSAR MDZAD PA LA, ,DNGOS SU SPYOD PA'I SKAL BA MED PA'I DUS,
,DGE BA'I BSHES GNYEN RNAMS KYIS RGYAL BA YI, ,MDZAD PA BZANG PO
DNGOS SU NYE BAR BSGRUBS, ,DGE BA'I BSHES GNYEN YON TAN CHER
LDAN

@002B YANG, ,SKYON GYIS BLTA BA DNGOS GRUB KUN GYI GEGS, ,GANG
ZHIG DE NYID SKYON DANG CHER LDAN YANG, ,YON TAN BLTA BA DNGOS
GRUB KUN GYI GZHI, ,DE PHYIR BDAG GIS DGE BA'I BSHES GNYEN
RNAMS, ,GANG YANG RUNG STE SKYON

RNAMS NGOS NAS NI, ,CI YANG MI SEMS YON TAN KUN LDAN PA'I, ,YANG
DAG RDZOGS SANGS RGYAS SU BLTA BAR BYA, ,DE LTAR BLTA BAR RIGS
PA DANG BCAS PAR, ,RDO RJE 'DZIN PAS RDO RJE SLOB DPON NI, ,RDO
RJE 'CHANG DANG THA MI

DAD NYID DU, ,LEGS PAR BLTA BA RNAM GRANGS DU MAR GSUNGS, ,KHYAD
PAR MTSAN NYID LDAN PA'I SLOB MA YIS, ,DGE BA'I BSHES GNYEN TSUL
BZHIN MCHOD PA LA, ,PHYOGS BCU'I SANGS RGYAS THAMS CAD BLA MA
DE'I, ,LUS

LA BZHUGS NAS MCHOD PA LEGS PAR BZHES, ,RDO RJE GUR LAS SNYIGS
MA BDO BA'I DUS, ,SANGS RGYAS DNGOS SU MTHONG BA'I SKAL MED LA,
,RDO RJE 'CHANG NYID SLOB DPON TSUL 'DZIN PAR, ,GSUNGS PHYIR
BDAG GI BLA MA

'DI DAG KYANG, ,RIGS KUN KHYAB BDAG RDO RJE SEMS DPA' NYID, ,YIN
ZHES BSAM PA THAG PAS YANG YANG BSAM, ,DE LTAR BSAMS PAS DE
BZHIN GSHEGS PA NI, ,SKYON DANG BCAS PA NAM YANG 'BYUNG MI SRID,
,'DI NI

NYON MONGS NYE BA'I NYON MONGS KYIS, ,BRAN DU BZUNG BA'I MA DAG
SPYOD PA CAN, ,'DI NI RDO RJE 'CHANG DBANG MIN SNYAM NA, ,RANG
BLO'I SKYON YIN BLA MA 'DI DAG LA, ,SKYON DE YOD NAS SNANG BA MA
YIN TE, ,LEGS PA'I KARMAS SH'AKYA'I RGYAL

@003A *, ,PO YI, ,MDZAD PA THAMS CAD SKYON DU MTHONG BA LTAR,
,BDAG NYID SNANG BA YONGS SU MA DAG PAS, ,SANGS RGYAS DNGOS KYI
BLA MA 'DI DAG GI ,MDZAD PA SKYON DU MTHONG BA MA GTOGS PA, ,SKU
GSUM MNGON

DU GYUR PA NYID YIN ZHES, ,NGES PA 'DREN PA RTZA BA'I DAD PA
YIN, ,DE NAS DGE BA'I BSHES GNYEN DE DAG GI ,RNAM PA MDUN DU
GSAL BAR BSGOMS BYAS LA, ,'DI RNAMS BDAG GI 'DREN PA DAM PA STE,
,GTI MUG GNYID KYIS

BSGRIBS PA'I SAD BYED DANG, ,'KHOR BA'I 'DAM DU BYING BA'I 'BYIN
BYED DANG, ,NGAN SONG 'JIGS PA SGROL BA'I DPA' BO STE, ,THAR LAM
GSAL BAR STON PA'I SGRON ME YIN, ,CHOS KYI BDUD RTZI'I 'O MA
LDUD BYED DE, ,NYON MONGS

NAD KUN SEL BA'I SMAN PA MCHOG ,CHOS KYI CHAR 'BEBS CHAR SPRIN
LTA BU STE, ,'DOD DGU'I DPAL STER YID BZHIN NOR BU BZHIN, ,SNYAM
DU JI LTAR PHAN BDE BSGRUBS PA YI, ,BKA' DRIN BSAMS NAS GUS PA
BSKYED PA NI, ,

BSAM PAS BSTEN PA'I GNAD RNAMS BSDUS PA YIN, ,DE LTAR RANG GI
BLA MA DE DAG RNAMS, ,'DOD PA'I DNGOS PO CUNG ZAD KYIS MCHOD
KYANG, ,PHYOGS BCU'I SANGS RGYAS THAMS CAD MCHOD PA LAS, ,'BRAS
BU CHE BAR MCHOG

TU GSUNGS PA'I PHYIR, ,LUS SROG LONGS SPYOD THAMS CAD 'BUL BA
DANG, ,KHRUS DANG BSKU MNYE DRIL PHYIS LA SOGS DANG, ,KHYAD PAR
BKA' BZHIN BSGRUB PA LA SOGS PAS, ,MNYES PA SGRUB CING MI MNYES
SPONG BA LA, ,

@003B BRTZON PAR BYED PA SBYOR BAS BSTEN PA'I TSUL, ` ,DE NAS DE
YIS NYE BAR BSTAN PA BZHIN, ,YID BZHIN NOR BU LAS KYANG CHES
LHAG PA'I, ,GNAS SKABS MTHAR THUG DON KUN 'GRUB PA'I GZHI, ,LAN
CIG TZAM ZHIG RNYED PA'I

DAL 'BYOR LA, ,BCOS MIN SNYING PO LEN 'DOD YANG YANG BSKYED,
,'DI 'DRA'I DON CHEN DAL 'BYOR THOB GYUR NAS, ,DON CHEN SNYING
PO LEN PAR MI BYED NA, ,RIN CHEN GLING DU PHYIN PA'I TSONG PA
DAG ,SGREN MO LAG PA STONG PAR RANG KHYIM BZHIN, ,'DI

LAS BSLUS PA'AM RMONGS PA GZHAN NA GANG, ,LHA DANG LHA MIN NGAN
SONG GSUM RNAMS KYI, ,RTEN LA SGRUB PA'I LONG DANG MI LDAN PA'I,
,GTAN GYI PHAN BDE DAM CHOS SGRUB PA'I RTEN, ,'DI 'DRA THOB NAS
DAM CHOS MI SGRUB NA, ,BDAG LA SEMS

MED GYUR PAR GDON MI ZA, ,'DI 'DRA'I DAL 'BYOR LAN CIG THOB PA'I
DUS, ,GTAN GYI MDUN MA BSGRUBS PAR MA BYAS NA, ,PHYIS NAS 'DI
'DRA RNYED PA SHIN TU DKA', ,MI RNAMS PHAL CHER MI DGE'I LAS LA
'JUG ,DE YI 'BRAS BU NGAN

SONG GSUM DU GSUNGS, ,MNGON MTHO'I RGYU YI GTZO BO TSUL KHRIMS
TE, ,DE DANG LDAN PA'ANG 'DI NA SHIN TU DKON, ,DE PHYIR STON PAS
NGAN 'GRO'I 'GRO BA PA, ,SA CHEN RDUL GYI GRANGS DANG MNYAM PA
DANG, ,BDE 'GRO'I 'GRO BA PHYAG SEN RTZE MO

YIS, ,BZHES PA'I RDUL LTAR SHIN TU NYUNG BAR GSUNGS, ,RGYA MTSOR
G-YENGS PA'I GNYA' SHING BU GA RU, ,RUS SBAL MGRIN PA CHUD PA
JI LTA BAR, ,'DI NYID THOB DKAR GSUNGS PA'I TSUL RTOGS NAS, ,DON
MED BYA BAS NAM YANG MI G-YENG

@004A *, ,BAR, ,RTZE GCIG DAM CHOS LEGS PAR BSGRUBS PA YIS,
,RNAM DAG SNYING PO BLANG BAR BYA'O ZHES, ,YANG YANG BSAM PA
GNAD KYI DAM PA YIN, ` ,DE YANG DA LTA NYID NAM BSGRUBS NA,
,DANG PO

MNGAL DU CHAGS PA NAS BZUNG STE, ,RI GZAR 'BAB CHU DRAG PO JI
BZHIN DU, ,'CHI BDAG DRUNG DU MGYOGS PAR BGRO BA LA, ,MGYOGS PAS
'BROS DANG STOBS KYIS BZLOG PA DANG, ,ZAS NOR SNGAGS DANG SMAN
GYIS BZLOG TU MED, ,GANG

DU GNAS SAM LUS NI CI THOB KYANG, ,'CHI BAS MI BRDZI GANG YANG
YOD MIN TE, ,RDO RJE'I SKU BRNYES DE BZHIN GSHEGS RNAMS KYANG,
,GDUL BYA'I DBANG GIS 'DA' BA'I TSUL STON NA, ,BDAG CAG NGES PAR
'CHI BA SMOS CI DGOS, ,DA NI

NGES PAR RING YANG LO BRGYA'I BAR, ,GNAS PA SRID TZAM DE YANG DU
MA 'DAS, ,LHAG MA LTAG CHU CHAD PA'I RDZING BU BZHIN, ,SNON PA
MED CING LO ZLA ZHAG DANG NI, ,DE YANG SKAD CIG RE RES 'DZAD PA
YI, ,'GRIB BYED BCAS PHYIN 'CHI BAR CIS

MI NGES, ,LO BRGYAR THUB KYANG RNAM DAG CHOS SGRUB PA'I, ,LONG
MED NGES PAR 'CHI BAR 'GYUR BA STE, ,DANG PO BYIS PA MTHA' MA
RGAS PA DANG, ,BAR DU SHA KHRAG STOBS KYIS DREGS PA LAS, ,NYON
MONGS 'PHEL ZHING 'JIG RTEN CHOS BRGYAD

KYIS, ,DUS RNAMS 'DA' BAS LONG MED NGES PAR 'CHI, ,DES NA TSE
'DI'I PHUN TSOGS CI 'BYOR KYANG, ,RMI LAM YUL GYI BDE BA JI
BZHIN DU, ,'CHI BA'I TSE NA DRAN PA'I YUL TZAM 'GYUR, ,DE PHYIR
DON MED TSE 'DI'I BLO BRID LA, ,YONGS

@004B SU CHAGS PA MED PAR 'CHI GRABS SU, ,RNAL MA'I CHOS SHIG
BYA ZHES THAG CHOD BYA, ,LHAG PAR 'DZAM BU GLING PA RNAMS KYI
TSE, ,RGAN GZHON BAR MA'I GO RIMS MA NGES TE, ,SNGA DRO SKYES PA
PHYI DRO 'CHI BA DANG, ,PHYI DRO SKYES PA MTSAN MO

'CHI BA DANG, ,KHA CIG MNGAL DANG DE BZHIN BTZAS TZAM DANG,
,GZHAN DAG GOG DANG YONGS SU RGYUG TZAM DANG, ,KHA CIG GZHON NU
DE BZHIN DAR MA DANG, ,LA LA RGAS NAS 'CHI BA LA SOGS PA, ,JI
SNYED MTHONG DANG THOS SHING KHYAD PAR

YANG, ,BLO BUR SHI BA'I 'GRO BA 'DI RNAMS BZHIN, ,BDAG KYANG DE
LTAR NAM 'CHI NGES PA MED, ,DENG DANG DA LTA'I TSE YANG MA NGES
PAS, ,DA LTA RANG YANG 'CHI NYEN YONG SNYAM SEMS, ,'CHI RKYEN
MANG ZHING GSON RKYEN NYUNG BA STE, ,BLO BUR

'BYUNG BA 'KHRUGS PA'I NAD LA SOGS, ,MI DANG MI MIN 'CHI BA'I
RKYEN MANG GI ,RLUNG DMAR DBUS NA SROG GI MAR ME NI, ,NAM 'JIG
MA NGES DA LTA 'JIG NYEN YOD, ,CHU YI CHU LSBUR LTA LBUR LT BU'I
LUS 'DI NI, ,TSER MA ZUG PA LTA BU'I RKYEN

GYIS KYANG, ,DA LTA NYID DU NGES PAR 'CHI SNYAM SEMS, ` ,DE LTAR
'CHI TSE LUS DANG LONGS SPYOD DANG, ,'KHOR DANG NYE DU LA SOGS
TSE 'DI YI, ,PHUN TSOGS THAMS CAD DRAN PA'I YUL TZAM DU, ,BZHAG
NAS RANG NYID

GCIG PUR 'GRO BA'I TSE, ,DGE DANG MI DGE'I LAS 'BRAS MA GTOGS
PA, ,'GA' YANG RJES SU 'BRANG BA MED SNYAM SEMS, ,THOG MED DUS
NAS BSAGS PA'I SDIG PA'I LAS, ,SHIN TU MI BZAD STOBS DANG LDAN
PAS NA, ,SHI

@005A *, ,NAS 'OG TU MI LTUNG GDENG MED CING, ,GAL TE NGAN SONG
GSUM DU LHUNG GYUR NA, ,BDAG GI GNAS SKABS JI LTAR 'GYUR ZHES
SEMS, ,MI DGE'I LAS RNAMS BGYIS PA'I 'BRAS BU NI, ,YANG SOS

THIG NAG BSDUS 'JOMS DU 'BOD GNYIS, ,TSA BA RAB TU TSA BA MNAR
MED PA, ,PHAN TSUN LUS NI MTSON GYIS GSHEG PA DANG, ,STA RE SO
RNON RNAMS KYIS DUM BUR GTUBS, ,KHA CIG LCAGS LAS BYAS PA'I RI
BO ZUNG, ,RAB

TU 'BAR BA'I BAR DU TIL BZHIN BCIR, ,GZHAN DAG LCAGS LAS BYAS
PA'I KHANG PA ZUNG, ,RAB TU 'BAR BA'I NANG DU 'JUG CING SREG
,'GA' ZHIG LCAGS ZANGS 'BAR BA'I NANG DU 'TSED, ,KHA CIG LCAGS
BSREGS LAS

GRUB SA GZHI LA, ,LCAGS KYI GTUN SHING RAB TU 'BAR BAS BRDUNG,
,LA LA LCAGS LAS BYAS PA'I GSAL SHING NI, ,ME LCE 'BAR BA'I RTZE
LA BSKYON CING SREG ,GZHAN DAG PHYOGS NAS ME CHEN 'BAR BA BZHIS,
,MAR ME'I

SNYING PO LTA BUR KUN TU GDUNG, ,DE LAS GZHAN YANG SDUG BSNGAL
MI BZAD PA, ,MUN NAG 'KHYAG PA'I GCONG RONG NYAMS NGA BAR, ,LAS
KYI BU YUG 'TSUBS PA'I RLUNG CHEN GYIS, ,MI BZAD GRANG BA'I REG
PAS BTAB PA NA, ,

LUS NI TSAL BA BRGYA PHRAG DU MAR GAS, ,DE DAG LAS GZHAN ME MDAG
'KHRIGS PA'I 'OBS, ,RAB TU 'BAR BAR LHUNG NAS SREG PA DANG, ,DE
BZHIN BSHAD GCI'I 'DAM DU BYING BA LA, ,LCAGS KYI MCHU RNON MI
BZAD

@005B LDAN PA YI, ,SRIN BU BRGYA PHRAG DAG GIS DBANG CING 'DRU,
,KHA CIG LAS KYI DBANG GIS BRGYUGS PA NA, ,LAM RNAMS SPU GRI'I
SO YIS BLTAMS PA DANG, ,RAL GRI LO MA'I NAGS TSAL DAG GIS KYANG,
,GSHEG

CING SHA KHRAG DUM BUR GCOD PAR BYED, ,DE LTAR SDUG BSNGAL MI
ZAD MTHA' YAS PA, ,LO GRANGS BYE BA KHRAG KHRIG MYONG GYUR
KYANG, ,JI SRID RANG RGYUD MI DGE MA ZAD PAR, ,DE SRID SDUG
BSNGAL BAR MA CHAD DU MYONG, ,YI DVAGS

'JIG BRTEN NA YANG BKRES SKOM SOGS, ,BZOD DKA'I SDUG BSNGAL DRAG
PO SNA TSOGS TE, ,KHA CIG ZAS SKOM RNYED KYANG SER SNA YIS,
,SPYOD PAR MI NUS RANG SHA BSHAD GCIS 'TSO, ,GZHAN DAG CUNG ZAD
ZOS PA'ANG KHA

NANG DU, ,ME LCE 'BAR BAR GYUR NAS LTO BA SREG ,KHA CIG MI
GTZANG BA YANG MA RNYED PAS, ,PHAN TSUN 'THABS PA LAS BYUNG
MGRIN PA LAS, ,LBA BA BYUNG BA SMIN PA'I RNAG KHRAG 'TSAL, ,'GA'
ZHIG BLTAS PA'I GANGG'A'I

KLUNG SKEMS SHING, ,LJON SHING 'BRAS BU CAN YANG MTHONG MIN LA,
,SO GA'I DUS SU BSIL ZER CAN GYIS KYANG, ,LHAG PAR GDUNGS SHING
DGUN NI NYI MA'ANG BSIL, ,DE SOGS SDUG BSNGAL LO GRANGS LNGA
BRGYA DANG, ,

LNGA STONG KHRI SOGS DBYE BA MTHA' YAS SO, ,DUD 'GRO RNAMS KYANG
GCIG LA GCIG ZA DANG, ,DBANG MED LHA MI'I GZHAN DBANG GYUR PA
YIS, ,SHA DANG RUS PA PAGS PA LA SOGS PA, ,GZHAN DAG 'DOD PA'I
PHYIR DU

@006A *, ,GSONG PA DANG, ,BRDEG DANG BCING SOGS SDUL BSNGAL
MTHA' YAS SO, ,DE LTAR NGAN SONG GSUM DU MI SKYE BA'I, ,BDAG LA
GDENG MED GAL TE SKYES GYUR NAS, ,SDUG BSNGAL DE DAG BZOD DAM MI
BZOD

CES, ,TSIG TZAM MIN PAR SNYING NAS LEGS BSAMS TE, ,'JIGS CHEN DE
LAS SKYOB PA'I SKYABS KYI PHUL, ,BSLU MED DKON MCHOG GSUM DU
LEGS SHES NAS, ,BSAM PA THEG PAS SKYABS SU 'GRO BA NI, ,BSLAB

BYAR BCAS LA NAN TAN BYA BA DANG, ,DKAR NAG LAS DANG 'BRAS BU'I
TSUL BSAMS TE, ,SDIG SPONG DGE BA MTHA' DAG BSGRUB PA DANG,
,BRGYA LA MI DGE'I LAS KYIS GOS GYUR NA, ,STOBS BZHI'I GNAD KUN
TSANG BA'I

BSHAGS PA GCES, ` ,DE LTAR MI DGE'I LAS RNAMS RGYANG BSRINGS
NAS, ,DGE BA'I LAS LAM BCU PO SGRUB DE YANG, ,MTHO RIS LHA MI'I
GO 'PHANG 'THOB MOD KYANG, ,LAS NYON 'CHING BA'I DRA BA MA CHOD
PAS, ,

SKYE BA'I RGYA MTSO NA RGA'I RBA RLABS 'KHRUG ,'CHI BDAG CHU
SRIN CHEN POS GANG BA SOGS, ,SDUG BSNGAL 'BYUNG GNAS NYID DU RIG
PAR BYA, ,KHYAD PAR MI LUS THOB KYANG 'DI LTA STE, ,DRI NGA MI
GTZANG RANG BZHIN MNGAL NANG DU, ,

MI GTZANG SRIN BU LTA BUR GNAS BCAS NAS, ,LAS KYI RLUNG GIS TIL
MAR BTZIR BA'AM, ,TSOR PHUNG LHUNG BA LTA BU'I SDUG BSNGAL
MYONG, ,RGAS PAS DAR LA BABS PA 'JOMS PA DANG, ,SKED PA SGUR
ZHING BZHIN RAS

@006B GNYER MAS GANG, ,MGO BO GANGS RI LTAR DKAR GOM 'GROS
'KHYOR, ,STOBS DANG DBANG PO NYAMS PA'I SDUG BSNGAL BSAM, ,LUS
KYI 'BYUNG BA 'KHRUGS PAR GYUR PA LAS, ,YID 'ONG BZA' BTUNG 'DOD
KYANG SPYOD DBANG MED, ,

MI 'DOD DPYAD RNAMS 'BAD PAS BSTAN PA DANG, ,SHA LPAGS BSKAMS
SHING LUS BKRAG NYAMS PA SOGS, ,NA BA'I SDUG BSNGAL SNYING NAS
BSAM PAR BYA, ,'CHI BAR NGES SHING SNGAR BYAS LAS LA 'GYOD, ,LUS
DANG LONGS

SPYOD GNYEN BSHES 'KHOR G-YOG SOGS, ,MI 'DOD BZHIN DU BLO BUR
'BRAL DGOS SHING, ,KHA BSKAMS MCHU BRJES DBUGS KYI PHRENG BA
BRTZEGS, ,NGAN 'GROS 'JIGS SHING 'CHI BA'I SDUG BSNGAL BSAM,
,DGRA DANG CHOM

KUN SOGS DANG 'PHRAD PA LAS, ,LUS DANG LONGS SPYOD GNOD PAS
GTZES PA DANG, ,YING 'ONG GNYEN DANG LONGS SPYOD BRAL BA LAS,
,MDANGS NYAMS SEMS LA MYA NGAN DRAG PO SKYES, ,DAG TU SMRE
SNGAGS 'DON PA'I SDUG BSNGAL

BSAM, ,RANG NYID GANG LA RE BA'I DON RNAMS KUN, ,'BAD PAS
BSGRUBS KYANG MA GRUB SDUG BSNGAL DANG, ,KHYAD PAR ZAG BCAS NYER
LEN PHUNG PO 'DI, ,SDUG BSNGAL KUN GYI SNOD DU SHES PAR BYA,
,LHA MIN NA YANG LHA YI

DPAL 'BYOR LA, ,MI BZOD SDUG BSNGAL DRAG POS GTZES PA STE,
,'THAB RTZOD LAS BYUNG LUS BCAD BRAL BA YIS, ,ZUG RDU SHIN TU MI
BZAD BSTAN PAR MCHIS, ,LHA YUL NA YANG 'CHI LTAS LNGA PHOG PA,
,SA STENG MI RNAMS

@007A *, ,'CHI BAR SHES PA BZHIN, ,YID 'ONG LUS DANG LONGS SPYOD
KUN BOR NAS, ,GCIG PUR PHA ROL 'GRO BA'I SDUG BSNGAL BSAM, ,MDOR
NA SRID PA'I BDE 'BYOR CI RGYAS KYANG, ,YID BRTEN MI RUNG DE LAS

PHA ROL GYI, ,SDUG BSNGAL MI ZAD 'DREN PAR SHES BYAS LA, ,SRID
PA'I BDE 'BYOR ME 'OBS LTA BUR GZIGS, ,DE YIS NYE BAR BSLANGS
PA'I BSAM PA YIS, ,BDE LEGS RTZA BA LHAG PA'I TSUL KHRIMS DANG,
,LHAG PA'I

SEMS DANG LHAG PA'I SHES RAB STE, ,DKAR CHOS GSUM PO 'DI DAG
'BAD PAS BSTEN, ,KHYAD PAR RANG GIS KHAS BLANGS TSUL KHRIMS NI,
,SHIN TU PHRA BA'ANG SROG GI PHYIR DAG TU, ,GTONG BAR MI BYED GO
CHA RAB BGOS NAS, ,DRANG

SRONG CHEN PO'I SPYOD PA BSTEN PAR 'TSAL, ` ,BSLAB GSUM RNAM DAG
RGYUD LA BSTEN PA LAS, ,SRID LAS GROL MOD 'ON KYANG RANG GZHAN
GYI, ,DON GNYIS BSGRUB PHYIR BYANG CHUB SEMS MCHOG LA, ,NYIN
MTSAN

KUN TU RAB GOMS BYED PA GCES, ,BDAG GI SKYE BA 'DI LA GRANGS MED
PAS, ,SRID PAR 'KHYAMS PA'I SEMS CAN THAMS CAD KYI, ,MNGAL DU
LAN CIG MIN PAR NYING MTSAMS SBYAR, ,SNYAM DU MAR SHES 'DI LA
NAN

TAN BYA, ,DE LTAR MA GYUR SEMS CAN THAMS CAD KYIS, ,RANG GI SDIG
SDUG GTAM NGAN KHYAD BSAD NAS, ,BDAG LA PHAN BDE MA LUS YANG
YANG BSGRUBS, ,SNYAM DU BSAM PA THAG PAS DRIN BSAMS NAS, ,DRIN
CAN MA

@007B RNAMS NYON MONGS GDON CHEN GYIS, ,RANG DBANG MA THOB GTI
MUG MUN PAS BSGRIBS, ,'JIGS RUNG G-YANG SAR GOM PA 'DOR BA'I
MA, ,YAL BAR 'DOR BA 'DI NI RIGS MA YIN, ,DE PHYIR BDE BAS
'PHONGS SHING SDUG

BSNGAL NI, ,BRGYA PHRAG DU MAS MNAR BA'I 'GRO BA RNAMS, ,BDE BA
MCHOG DANG 'PHRAD NA CI MA RUNG, ,BDE DANG 'PHRAD PAR GYUR CIG
CI NAS KYANG, ,BDE DANG 'PHRAD PAR BYA'O SNYAM DU BSAM, ,DE
BZHIN SDUG BSNGAL RGYU DANG BCAS

PA DANG, ,BRAL BAR GYUR CIG BRAL BAR BYA ZHES BSAM, ,DE LTAR MA
GYUR SEMS CAN MTHA' YAS PA, ,SDUG BSNGAL LAS BSGRAL BDE BA DAM
PA LA, ,CI NAS BDAG GIS DGOD PAR BYA'O ZHES, ,RMAD BYUNG LHAG
PA'I BSAM

PA RNAM DAG BSGOM, ,'ON KYANG DA LTA BDAG LA NUS PA MED, ,BDE
GSHEGS CHOS KYI SKU MNGA' SRAS BCAS LA, ,'GRO KUN SRID LAS SGROL
BA'I NUS PA MNGA', ,DE PHYIR BDAG GIS MA GYUR SEMS CAN GYI, ,DON
DU SANGS RGYAS

THOB PAR BYA SNYAM PA'I, ,RIN CHEN SEMS MCHOG TSUL BZHIN BSKYED
KYANG 'TSAL, ,DE LTAR BYANG CHUB SMON PA'I SEMS MCHOG LA, ,NGES
PA RNYED TSE SMON SEMS CHO GAS BZUNG, ,MDOR BSDUS TSUL GYI CHO
GA 'DI YIN TE, ,

SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR
DU BDAG NI SKYABS SU MCHI, ,BDAG GIS SBYIN SOGS BGYIS PA 'DI DAG
GIS, ,'GRO LA PHAN PHYIR SANGS RGYAS 'GRUB PAR SHOG ,DE NAS 'DI
DANG PHYI

@008A *, ,MAR SEMS DE DANG, ,'BRAL MED RGYU TSOGS TSANG BA BSTEN
KYANG 'TSAL, ,SLAR YANG PHYOGS BCU'I RGYAL BA SRAS BCAS RNAMS,
,MDUN DU BSAMS LA 'JUG SDOM 'DI LTAR LEN, ,JI LTAR SNGON GYI

BDE GSHEGS KYIS, ,BYANG CHUB THUGS NI BSKYED PA DANG, ,BYANG
CHUB SEMS PA'I BSLAB PA LA, ,DE DAG RIM BZHIN GNAS PA LTAR,
,BDAG KYANG 'GRO LA PHAN DON DU, ,BYANG CHUB SEMS NI BSKYED BGYI
ZHING, ,BYANG CHUB SEMS

DPA'I BSLAB PA LA, ,RIM PA BZHIN DU BSLAB PAR BGYI, ,DE NAS,
DENG DUS BDAG TSE 'BRAS BU YOD, ,MI YI SRID PA LEGS PAR THOB,
,DE RING SANGS RGYAS RIGS SU SKYES, ,SANGS RGYAS SRAS SU DA GYUR
TO, ,DA NI BDAG GIS CI

NAS KYANG, ,RIGS DANG MTHUN PA'I LAS BRTZAMS TE, ,SKYON MED
BTZUN PA'I RIGS 'DI LA, ,RNYOG PAR MI 'GYUR DE LTAR BYA, ,DE NAS
ZHUM PA MED PAR RGYAL SRAS KYI, ,RLABS CHEN ZAB DANG RGYA CHE'I
SBYOR TSUL NI, ,SPYI DANG KHYAD PAR

RANG DANG GZHAN GYI RGYUD, ,SMIN BYED THABS RNAMS 'DI LTAR NYAMS
SU BLANG, ,'JIG RTEN 'DREN PAS 'JIG RTEN PHA ROL TU, ,SBYIN LAS
LHAG PA'I GNYEN MCHOG MA GSUNGS PAS, ,DE PHYIR ZANG ZING MI
'JIGS CHOS DANG NI, ,BYAMS

PA'I SBYIN PAS 'PHONGS RNAMS DBUGS DBYUNG BYA, ,RGYAL BA RNAMS
KYIS BDE 'GRO'I RGYU YI MCHOG ,RNAM DAG KHRIMS LAS GZHAN PA CANG
MA GSUNGS, ,DE SLAD TSUL KHRIMS GSUM PO DUS KUN TU, ,SROG LAS
GCES

@008B BAR BSRUNG BA'I THABS LA 'BAD, ,DAM PA RNAMS LA MDZES PA'I
RGYAN DANG NI, ,BRTUL ZHUGS KUN GYI MCHOG TU BSNGAGS PA'I PHYIR,
,BZOD PA RNAM PA 'DI GSUM RANG RGYUD LA, ,BSTAN NAS NAM YANG
KHRO BA MED PAR 'TSAL, ,

YON TAN RIGS RNAMS MTHA' DAG BRTZON 'GRUS KYI, ,RJES SU 'GRO
ZHING LDOG PAR BYED PAS NA, ,GO CHA DGE CHOS SDUD DANG SEMS CAN
GYI, ,DON BYED SPRO BA 'DI DAG RTAG TU BSTEN, ,SEMS NI KUN TU
G-YO BA'I GANG ZAG LA, ,ZHI

BA'I BDE BA THOB PA'I MTHU MED PAS, ,'JIG RTEN 'JIG RTEN 'DAS
PA'I BSAM GTAN LA, ,DRAN SHES MTHU DANG LDAN PAS MNYAM PAR GZHAG
,SHES RAB BRAL BAS THAR PA'I GRONG MCHOG TU, ,'JUG PAR CI SMOS
'JIG RTEN

DON MI 'GRUB, ,DE PHYIR DAM PA'I DON DANG KUN RDZOB KYI, ,GNAS
RNAMS RIG PA'I SHES RAB BSKYED PAR 'TSAL, ,DE LTAR BDAG RGYUD
LEGS PAR SMIN PA NA, ,BSDU BA'I DNGOS PO BZHI YI THABS MKHAS LA,
,BRTEN NAS YID

BZHIN NOR BU JI BZHIN DU, ,GZHAN DON PHUN SUM TSOGS PA SGRUB PAR
MDZOD, ,ZHI GNAS LAM DANG LDAN PA'I SHES RAB KYIS, ,NYON MONGS
RNAM PAR 'JOMS PAR GSUNGS PAS NA, ,KUN TU DGE BA'I DMIGS PA
BRTAN PO LA, ,

LOG 'GRO'I SEMS KYI GLANG CHEN MI BSRUN PA, ,MA YENGS DRAN PA'I
THAG PAS DAM BCINGS NAS, ,SHES BZHIN LCAGS KYU RNON POS DBANG DU
BYA, ,NYES PA LNGA BRAL 'DU BYED YAN LAG BRGYAD, ,BSTEN PA MED
PAR JI

@009A *, ,TZAM BSGOMS GYUR KYANG, ,RNAM DAG TING 'DZIN 'GRUB PA
MI SRID PAR, ,GSUNGS PHYIR ZHI GNAS 'GRUB PA'I RGYU RNAMS LA,
,RGYAL TSAB DAM PA'I GZHUNG BZHIN NAN TAN BYA, ,DE LTAR GOMS

PAS DE YI LUS DANG SEMS, ,SHIN TU SBYANGS PA'I BDE BAS DRANGS PA
YI, ,SKYON MED TING 'DZIN THOB PAR GYUR PA NA, ,KLU SGRUB MAN
NGAG ZLA BAS GSAL BYAS PA, ,BLO BZANG SMRA BA'I DBANG PO'I
DGONGS PA'I DON, ,TSUL

BZHIN DPYAD PA'I RIGS TSUL RDO RJE YIS, ,MTHAR 'DZIN DRA BA MA
LUS BCAD PAR BYA, ,RTAGS KYI DGAG BYA MTHAR THUG MA NGES NA,
,SHAR DU 'GRO 'DOD NUB TU 'GRO BA LTAR, ,SRID PA'I RTZA BA CHOD
PA MI SRID PAS, ,THOG MAR

DGAG BYA BZUNG LA NAN TAN BYA, ,NGA'O SNYAM DU SHAR BA'I BLO 'DI
LA, ,NGA YI SNANG TSUL JI LTAR 'DUG PA BRTAG ,SNANG TSUL BRTAGS
TSE GANG LA'ANG LTOS MED DU, ,GRUB PA'I NGA ZHIG SNANG BA NGES
PA MCHOG ,DE TSE DE LTAR GRUB

PA'I NGA DE NYID, ,BDEN PAR GRUB PA'I PHUNG PO LNGA PO DANG,
,GCIG DANG THA DAD GANG DU GRUB PA DAG ,DE LTAR BRTAGS NAS NGA
DE PHUNG PO DANG, ,BDEN PA'I GCIG TU GRUB PA MA YIN TE, ,PHUNG
PO LNGA PO DU MAR GRUB PA'I

PHYIR, ,DE 'DRA'I NGA DE DU MAR THAL BAR GYUR, ,NGA PHUNG BDEN
PAR GRUB PA'I THA DAD DU, ,GYUR NA 'BREL MED DON GZHAN 'GYUR
BA'I PHYIR, ,NGA YI PHUNG PO NYING MTSAMS SBYOR BA SOGS, ,MI
'THAD PHYIR NA BDEN PA'I THA DAD

@009B MIN; ;DE PHYIR NGAR 'DZIN BLO NI LHAN SKYES LA, ,NGA DE
SNANG BA LTAR DU MA GRUB PAR, ,NGES PA'I NGES SHES DE NYID RGYUN
BSRINGS TE, ,GOMS PAS NGES PA BRTAN PO RNYED PA NA, ,NGA YI BA
SOGS CHOS CAN 'KHOR 'DAS KYI, ,CHOS RNAMS

KUN LA DE BZHIN BLOS SBYAR BYA, ,GANG GANG TSUL BZHIN RIG PAS
DPYAD PA LA, ,DE DE RANG BZHIN MED PAR NGES PA YI, ,SBRING
SBRING NGES SHES DAM PO DANG LDAN ZHING, ,STONG STONG SNANG NGOR
NAM MKHA' LTA BU YIS, ,SPROS KUN NYER ZHI'I

'BYINGS LA MNYAM GZHAG NA, ,LUS SEMS SHIN TU SBYANGS PA THOB PA
NA, ,LHAG MTHONG MTSAN NYID LDAN PA THOB PA LAGS, ,RJES THOB TU
YANG SNA TSOGS CHOS RNAMS KUN, ,SGYU MA MKHAN GYIS RANG GIS
SPRUL PA YI, ,SGYU MA'I RTA

GLANG MTHONG BA JI BZHIN DU, ,SNANG YANG BDEN PAR MED PA'I TSUL
RTOGS NAS, ,MA LUS SRID PA'I RTZA BA 'BYIN PA'I LAM, ,SNANG
STONG SGYU MA LTA BU'I RNAL 'BYOR GYIS, ,SRID PA'I RTZA BA MA
LUS DRUNGS NAS PHYUNGS, ,DE LTAR THUN

MONG LAM GYIS RGYUD SBYANGS NAS, ,RDO RJE 'CHANG DBANG BLA MA'I
GROGS BZANG LA, ,BRTEN NAS RIM GNYIS LAM GYIS RGYUD SBYANGS TE,
,TSE 'DIR ZUNG 'JUG BSGRUB LA BRTZON PAR BYA, ,DE LTAR RMAD
BYUNG LAM GYI RIM PA MCHOG ,

SDEB LEGS NGAG GIS RIM PAR SPEL BA 'DI, ,SNYIGS DUS RGYAL BA'I
DBANG PO TZONG KHA PA, ,DE YIS LEGS PAR BSHAD PA'I MTHU LAS YIN,
,DE SLAD YAB RJE BLA MA'I DGONGS PA'I DON, ,DPAL LDAN MAR ME
MDZAD PA'I

@010A *, ,LUGS BZANG MCHOG ,MA NOR JI BZHIN LEGS PAR BSHAD PA
LAS, ,RNAM DKAR ZLA 'OD DANG MTSUNGS KUN KHYAB NGOS, ,GANG DES
SKYE DGU KUN GYI PHAN BDE'I GZHI, ,BLO BZANG BSTAN PA PHYOGS

BCUR RGYAS PA DANG, ,'GRO KUN KUN MKHYEN GO 'PHANG MYUR THOB
SHOG ,CES, BYANG CHUB LAM GYI RIM PA GSAL BAR BYED PA'I SGRON ME
ZHES BYA BA 'DI NI, RAB 'BYAMS SMRA BA'I BSHES GNYEN BSOD NAMS
RGYAL

MTSAN GYIS BYANG CHUB LAM GYI RIM PA'I KHRID DMIGS RIM DU DRIL
BA ZHIG GYIS ZHES NAN CHER BSKUL BA LA BRTEN NAS, LAM 'DI LA
SHES NAS DAD PA THOB PA'I, DGE SLONG BLO BZANG CHOS KYI RGYAL
MTSAN ZHES

BGYI BAS, ,BLO BZANG MDUN SA DBEN SA CHOS KYI PHO BRANG DU SBYAR
BA 'DIS KYANG, RGYAL BA'I BSTAN PA YUN RING DU GNAS PAR GYUR CIG
, ,,MANGGA LAm,, *, ,AOm SVASTI, PHAN BDE'I 'BYUNG GNAS RGYAL
BSTAN

YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA,
,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN
'DZAD MED DAL 'GRO'I RGYUN 'DI SPEL,, SARBA DZA GA TAm, ,