*, ,DGE SLONG GI BSLAB BYA SOGS NYE BAR MKHO BA 'GA' ZHIG
BZHUGS, ,

@001A #, ,NA MAS SARBBA DZNY'A NA MU NI AINDR'A YA, 'GRO BA'I
BLA MA THAMS CAD MKHYEN PA YI, ,ZHABS KYI PADMOR GUS PAS PHYAG
BYAS TE, ,PHAN MDZAD DE YIS BRTZE BAS

BCAS PA YI, ,SO THAR TSUL KHRIMS MCHOG GI BSTEN TSUL BRJOD, ,DAL
'BYOR RTEN THOB RGYAL BA'I BSTAN PA LA, ,ZHUGS LA YONGS SU
RDZOGS PA'I DPAL THOB NAS, ,PHAN

BDE'I 'BYUNG GNAS BSLAB PA RIN PO CHE, ,GROGS DANG BSAM SBYOR
PHUN TSOGS 'GAL RKYEN SHES, ,BSLAB PA YONGS SBYONG BDE BA'I
RKYEN BSTEN NAS, ,'TSO BA'I SROG

LAS KYANG NI GCES PAR BSRUNG, ,DE'I PHYIR MI MTHUN PHYOGS RNAMS
SHES BYA'I PHYIR, ,SDE LNGA'I NGO BO RAGS PA TZAM ZHIG STON,
,RANG GZHAN RMA YI SGO GSUM GANG RUNG DU, ,

@002A *, ,BCUG REG MYONG BA BDAG GIR BYAS PA DANG, ,MI GZHAN
GYIS BZUNG RIN THANG TSANG BA'I DNGOS, ,BRKU'AM BRKUR BCUG THOB
BLO SKYES PA DANG, ,MI'AM MIR CHAGS GSOD

'DOD CI RIGS PA'I, ,SBYOR BA'I RKYEN GYIS RANG SNGAR SHI BA
DANG, ,DE BZHIN MI CHOS BLA MA'I BRDZUN SMRAS PA, ,THA SNYAD
LNGA LDAN MIS GO PHAM PA'I SDE'O, ,RMA SGO GSUM LAS GZHAN PA'I
RANG

GZHAN GYI, ,SBYOR BAS KHU BA 'BYIN PAR BYED PA DANG, ,BSTEN RUNG
BUD MED LUS DANG DE 'BREL LA, ,ZAG BYED LAS GZHAN LUS KYIS REG
PA DANG, ,DE BZHIN YUL DER MTSAN NYID LNGA LDAN GYI, ,  

'KHRIG TSIG SMRA DANG 'KHRIG PA'I BSNYEN BKUR BSNGAGS, ,LAN GSUM
PHRIN GYIS SKYES PA BUD MED GNYIS, ,DBANG PO GNYIS SPRAD SMYAN
YIN MA DAG GZHIR, ,MA GSOL TSAD 'DAS KHANG PA KHANG

CHEN BYAS, ,PHAL CHER G-YOGS SHING BSKOR NA MTHAR THUG STE,
,ZHENG DU PHYED BCAS KHRU NI BCU GCIG DANG, ,DE BZHIN SRID DU
BCO BRGYAD KHANG PA'I TSAD, ,KHANG CHEN TSOGS KYI CHED YIN TSAD
DANG BRAL, ,

@002B BYA BYED SBYAR NAS DGE SLONG RNAM DAG LA, ,PHAM PAS SKUR
'DEBS GZHI MED LHAG MA DANG, ,BYA BYED MA SBYAR SNGAR BZHIN SKUR
'DEBS NI, ,BAG TZAM DGE 'DUN DBYEN GYI GTZO BO LA, ,BZHAMS BSGO
GSOL BZHI'I

LAS KYIS LDOG BYAS KYANG, ,MI GTONG MTHAR THUG DBYEN GYI RJES
'GRO DANG, ,KHYIM SUN 'BYIN DANG BKA' BLO MI BDE LA'ANG, ,BZHAMS
BSGO GSOL BZHIS MA ZLOG DNGOS GZHIR MTSUNGS, ,KHYIM SUN 'BYIN PA

GNAS DBYUNG BYAS PA LA, ,SKROD BYED DGE 'DUN RNAMS LA SMOD PA
DANG, ,CHOS DANG MTHUN PAS LTUNG BA GLENGS PA LA, ,DANG DU MI
LEN SNGON BZHIN BZLOG BYAS KYANG, ,MI GTONG BKA' BLO MI BDE'I
LHAG MA ZHES, ,

'GRO BA'I RTZA LAG PHAN PAR MDZAD PAS GSUNGS, ,RANG DBANG CHOS
GOS GSUM SOGS GRUB PA'I GOS, ,BYIN RLABS MA 'BREL 'BREL YANG
SHAN ZHUGS PA, ,ZHAG BCU LAS 'DAS 'CHANG DANG BYIN RLABS CAN, ,

CHOS GOS RNAM GSUM BRAL NAS ZHAG 'DAS TE, ,SKYA RENGS SHAR TSE
'BRAL BA'I KHA SKONG BA'I, ,RE BCAS GOS KYANG BYIN GYIS MA
BRLABS PAR, ,SO GCIG SKYA RENGS SHAR TSE ZLA 'JOG GSUNGS, ,THA
SNYAD BRGYAD LDAN

DGE SLONG MA DAG LA, ,GOS RNYING 'KHRUR BCUG ZIN TSE 'KHRUR 'JUG
DNGOS, ,BDAG NYID GOS NGES PHONGS PA MA YIN PAR, ,DE 'DRA'I DGE
SLONG MA DANG THA SNYAD LNGA, ,LDAN PA'I KHYIM PAR DAG GI RIG
BYED KYIS, ,

@003A *, ,GOS BSLANGS THOB NA LEN SLONG SPANG BA GNYIS, ,SLONG
BAR RIGS PAS LNGA LDAN KHYIM PA LAS, ,STOD G-YOGS SMAD G-YOGS
ZUNG LEN DE LAS LHAG ,THOB PA'I BLO SKYES SPANG BA'O

KHYIM PA DANG, ,PHO MO SO SOS RANG LA BSNGOS PA'I GOS, ,'BUL
LONG MED PAR BSLANGS NAS THOG PA'I TSE, ,SPAGS DANG SO SOR SPAGS
LEN SPANG BAR GSUNGS, ,SBYIN BDAG PHO NYA ZHAL TA GSUM GA YANG, ,

KHYIM PAR RIGS GCIG GOS KYI RIN BSKUR BA, ,BSKUL BSDAD DRUG
MTHAR BLANGS NA MTHAR THUG GRUB, ,DKON CING RIN CHE'I SRIN BAL
KHO NA DANG, ,BAL NAG 'BA' ZHIG DANG NI DE CHA GNYIS, ,BSRES
PA'I GDAN

GSUM GRUB TSE SPANG BAR GSUNGS, ,STAN BSHAMS SPYAD PAR BZOD PA
YOD BZHIN DU, ,LO DRUG NANG DU GNYIS PA BYED PA DANG, ,GSAR PA'I
GDING BA YOD TSE RNYING PA NAS, ,BDE GSHEGS MTHO GANG TSAD TZAM

MA GLAN DANG, ,BAL KHUR RGYAD GRAGS LHAG TZAM 'KHYER BA DANG,
,MTSAN NYID BRGYAD DANG LDAN PA'I DGE SLONG MA, ,BAL RMEL 'JUG
DANG BYIN RLABS MA BYAS PAR, ,GSER SOGS RIN PO CHE DANG DER SMOS
LA, ,

REG DANG REG 'JUG BDAG GIR BYED PA DANG, ,SKYED KHE 'DOD PHYIR
MNGON MTSAN CAN BUN DANG, ,NYO TSONG BYAS TE BSKYED KHE THOB
PA'O, ,BYIN GYIS MA BRLABS LHUNG BZED ZHAG BCU 'DAS, ,SPYAD BZOD
YOD BZHIN LHUNG

@003B BZED GNYIS PA GRUB, ,RANG DON THAGS GLA MI STER 'THAG PA
BSKYED, ,GOS SOGS DGE SLONG LA BYIN 'PHROG CING DBRAL, ,DBYAR
NANG ZAS MIN RNYED PA BDAG GIR BZUNG, ,DE BZHIN DUS KYI DGAG
DBYE'I SNGON DANG PHYI'I, ,

MTSAMS 'DAS BGO SNGAS SBED PA 'PHYIS PA'O, ,DGE SLONG DGON PA PA
LA 'JIGS SOGS SAR, ,SNAM SBYAR ZHAG DRUG 'BRAL GNANG BDUN PA YI,
,SKYA RENGS SHAR TSE 'BRAL BA'I SPANG BAR GSUNGS, ,RAS CHEN KHAS
LEN

SNGA MA'I ZLA GCIG GONG, ,BTZAL DANG DGAG DBYE GROL NAS ZLA
PHYED 'OG ,MA SBAS NYES PA BSKYED CES STON PAS GSUNGS, ,GANG ZAG
DGE 'DUN LA BSNGOS BDAG NYID LA, ,BSGYUR ZHING THOB PA'O SMAN
BZHI CI RIGS PA, ,BYIN

LEN MA BSHIG THUN MTSAMS 'DAS GYUR NA, ,GSOG 'JOG CES BYA SPANG
BA SUM CU PA'O, ,PHAM LHAG SBOM PO NYES BYAS LAS GZHAN PA'I,
,'DU SHES BSGYUR SMRAS GO BA 'DIR BSTAN BRDZUN, ,DGE SLONG SKYON
BRJOD YUL

DES NGES PA DANG, ,DGE SLONG MTHUN PA DBYE PHYIR PHRA MA YIS,
,BRDA' PHRAD NA'O CHOS BZHIN ZHI BYAS PA'I, ,RTZOD PA SPOR 'DOD
SLAR BSLANG SKYO SNGOGS NYID, ,NYE MIN THA SNYAD LNGA LDAN KHYIM
PA MOR, ,KHRIMS GROGS MED PAR TSIG DRUG CHOS STON

DANG, ,DUS DRAN MA BYAS BSNYEN PAR MA RDZOGS DANG, ,LHAN CIG
RJES SU DAM CHOS 'DON PA DANG, ,DGE SLONG GZHAN GYI PHAM LHAG
GNAS NGAN LEN, ,BRJOD PAR MA BSKOS MA RDZOGS BRJOD PA DANG, ,MI
CHOS BLA MA THOB KYANG DGOS

@004A *, ,MED DU, ,MA RDZOGS 'PHAGS MIN SMRA DANG DGE BDUN GYIS,
,RIGS PAR BSNGOS KYANG BSHES NGOR BYAS ZHES 'PHYA, ,GSO SBYONG
TSE NA BSLAB PHRAN KHYAD DU GSAD, ,DUS DRAN RUNG BA MA BYAS SA
BON RNAMS, ,

'JOMS DANG DRANG PO'I DGE 'DUN ZHAL TA BAR, ,NYE RING BYAS ZHES
'PHYA BAR BYED PA DANG, ,TSUL BZHIN 'DRI LA GZHAN DU LAN 'DEBS
PA, ,BSGO BA RNAR GZON ZHES BYA'O CHUD 'DZA' BA'I, ,GNAS SU KHRI
SOGS

GNAS MAL BSHAMS PA DANG, ,DE BZHIN RTZVA DANG LO MA'I GDAN
BTINGS PA, ,MA BSDUS MA BCOL ZHE DGU 'DOM 'DAS DANG, ,GTZUG LAG
KHANG SNGAR GNAS PA'I DGE SLONG DAG ,'CHE BAS SKROD DANG PHYIS
GDON ZHES

BYA GNON, ,THOG SRAB KHANG STENG RTZA BA RNO BA'I KHRIR, ,LCID
BCAS 'DUS PA 'BYUNG YIN SROG CHAGS DANG, ,LDAN PA'I CHU SOGS
KYIS 'DEBS NYIN GCIG LA, ,RIM GSUM LAS LHAG GTZUG LAG KHANG BYED
DANG, ,MA BSKOS

NYE MIN DGE SLONG MAR CHOS STON, ,BSKOS KYANG DE RGYUN NYI MA
NUB NAS SKYONG, ,ZAS GOS PHYIR MIN DE DON CHOS STON ZHES, ,SMRA
DANG THA SNYAD BRGYAD LDAN DGE SLONG MA'I, ,CHOS GOS BZO DANG DE
LA CHOS GOS STER, ,KHRIMS GROGS MED

PAR DE 'DRA'I DGE SLONG MA, ,DANG BCAS BSKAM DANG CHU NANG
RGYANG GRAGS 'DAS, ,DE BZHIN DBEN PAR 'DOM GANG NANG NYID DU,
,DE 'DRA'I DGE SLONG MA DANG 'DUG 'GRENG DANG, ,DGE SLONG MA YIS
BDEN PA MA YIN PA'I, ,YON TAN BRJOD

@004B NAS SBYOR BCUG ZAS ZA BA'O, ,DGOS MED NYIN GCIG KHYIM
GNYIS YANG YANG ZA, ,MU STEGS SBYIN BDAG KHYIM DU ZHAG GCIG 'DUG
,ZAS GNYIS ZA DANG CI BDE NYE MIN PA'I, ,KHYIM LAS 'BRING TSAD
DO LHAG PHYE LEN DANG, ,DUS

RUNG ZAS SPANGS LHAG POR MA BYAS PA, ,DUS RUNG BZA' BA BCA' DANG
SPANGS PA LA, ,DE 'DRA STOB DANG MTSAMS NANG 'DUS PA LAS, ,DGOS
MED DGE SLONG BZHIR LONGS 'DUS ZA YIN, ,DUS RUNG DUS MIN ZA DANG
GSOG 'JOG ZA, ,

SMAN BZHI BYIN LEN MA BYAS MID PA DANG, ,NYE DANG CI BDER MIN
LAS BZANG ZAS LEN, ,SROG CHAGS LDAN PA'I CHUR SPYAD SHI GRANGS
MTSUNGS, ,KHYIM PA PHO MO NYAL GSHOM SHES BZHIN DU, ,'DUG 'GRENG
GCER BU PHO MOR

ZAS BYIN DANG, ,GO MTSON THOGS PA BRGYAD YAN DMAG LA BLTA, ,DON
MED DMAG NANG ZHAG GNYIS LAS 'DAS DANG, ,G-YUL BSHAMS DKRUG
DANG RNYOG PA'I SEMS DAG GIS, ,DGE SLONG DAG LA BRDEG DANG BRDEG

GZAS DANG, DGE SLONG ZHAN GYI PHAM LHAG GNAS NGAN LEN, ,SHES
BZHIN DGOS PA MED BZHIN BCABS PA'O, ,BDE BAR GNAS PA'I DGE SLONG
ZAS GCOD DANG, DUS DRAN MA BYAS MER REG REG 'JUG PA, ,DGE 'DUN

LAS LA 'DUN PHUL SLAR LEN DANG, ,MA RDZOGS ZHAG GSUM NYAL NAS
SKYA RENGS SHAR, ,SDIG LTA'I CHOS SMRA RNAM PA LNGAS LDOG KYANG,
,MI GTONG BA'O DE 'DRA BSKRAD PA LA, ,GTAM SMRA BA DANG DGE TSUL
BSNYIL BSDAD, ,MI

@005A *, ,RUNG KHA DOG MA BSGYUR GOS 'CHANG DANG, ,DUS DRAN MA
BYAS RIN CHEN RIGS SOGS LA, ,REG CING REG TU 'JUG DANG TSA BA'I
DUS, ,MIN PAR ZLA PHYED NANG DU KHRUS BYED DANG, ,BSAMS BZHIN
DUD 'GRO GSOD

DANG DGE SLONG LA, ,DGE SLONG MIN ZHES 'GYOD PA BSKYED PA DANG,
,G-YA' 'DOD GA GA TSIL BYED SOR MO YIN, ,PHYAR G-YENG LTE BA
NUB PA'I CHU NANG RTZE, ,GNYEN MIN BUD MED LHAN CIG GROGS MED
NYAL, ,MI SDUG GZUGS

KYIS DGE SLONG SDANGS BYED DANG, ,BRKU SEMS YID GCUGS MIN PAR
DGE SLONG GI ,GOS SOGS SBED DANG RANG GIS DGE SLONG LA, ,BYIN
PA'I GOS SOGS GDENG MED LONGS SPYOD DANG, ,DGE SLONG GZHI MED
LHAG MA'I SKUR 'DEBS

DANG, ,GROGS MED BUD MED 'GROGS NAS RGYANG GRAGS 'DAS, ,SHES
BZHIN RKUN SOGS NGAN PA DANG BSDEBS NAS, ,RGYANG GRAGS 'DAS DANG
NYI SHU MA LON PA, ,RDZOGS PAR BSNYEN DANG SA BRKO BRKOR 'JUG
DANG, ,MGRON

POS DUS 'DAS NGES MED ZLA BA BZHI, ,'DAS NAS ZA DANG BSLAB PHYIR
BSGO BA LDOG ,RTZOD SEMS NYAN RNA BYAS DON GO BA DANG, ,LAS LA
'DUS NAS MA RDZOGS MA SMRAS 'GRO ,DGE 'DUN GNAS BRTAN DGE SKOS
STON PA'I BKA', ,

CHOS LDAN 'GAL BYAS MYOS 'GYUR 'THUNG BA DANG, ,PHYED YOL SKYA
RENGS MA SHAR DUS MIN DU, ,MA SMRAS GONG DU 'GRO DANG SBYIN BDAG
GIS, ,MNGAGS BZHIN DGE 'DUN SPYAN DRANGS MA YOL BAR, ,BRIMS ZHES
MA BRJOD GRONG

@005B GZHAN RGYU BA NI, ,ZAS BCAS RGYAL PO'I PHO BRANG MTSAN
'GRO DANG, ,MDO 'DON TSE NA SA BRKO ME REG LA, ,LTUNG BA DAG DOD
SHES ZHES SMRA BA DANG, ,BA SO SOGS KYI KHAB RAL BYAS BYED BCUG
,KHRU GANG LAS LHAG 'JUG MIN KHRI RKANG

BYED, ,DGE 'DUN GNAS MAL SHING BAL GYIS 'GENGS BDAL, ,GDING BA
G-YAN PA DGAB PA RAS CHEN GSUM, ,TSAD LAS LHAG PAR BYED DANG
STON PA YI, ,SKU TSAD MI LDAN BDE GSHEGS CHOS GOS BYED, ,LTUNG
BYED 'BA'

ZHIG DGU BCUR GSUNGS PA YIN, ,GRONG LAM DGE SLONG MA LAS ZAS LEN
DANG, ,KHYIM DU BSKO BSHAM LOG BYED DGE SLONG MA, ,MA ZLOG ZAS
ZA BSDAMS PA'I KHYIM LAS ZAS, ,LEN DANG 'JIGS BCAS MA BSAL KHYIM
PA

LAS, ,BLANGS TE ZA BA SO SOR BSHAGS PAR GSUNGS, ,MTHANG GOS ZLUM
POR MA BGOS BRTZENGS DANG 'JOL, ,GLANG SNA LTAR NAR LTE BA PHUR
SGRUL MGO YI, ,GDENGS KA LTAR 'PHYANG SHAM THABS RNAM PA BDUN,
,ZLUM POR MA

BGOS BRTZENGS 'JOL STOD G-YOGS GSUM, ,DRAN SHES MA BSDAMS CHOS
GOS TSUL BZHIN DU, ,MA BGOS 'DU 'DZI CA CO PHYAR G-YENG BLTA,
,GNYA' SHING GANG TZAM MI BLTA NYES BYAS LNGA, ,MGO G-YOGS CHOS
GOS

BRJES DANG PHRAG GNYIS GZAR, ,LAG GNYIS GNYA' DANG LHAG PAR
BSNOL BA LNGA, ,MCHONGS DANG BRKYANGS BSKUMS TZOG PU BRANG GIS
'GRO ,GRU BRGYANGS 'GRO DANG LNGA'O MGO BO BSGYUR, ,LUS GCU LAG
DBYUG DPUNG SPRAD

@006A *, ,LAG SBREL 'GRO ,KHYIM PAS MA BSGO MA BRTAGS LCID PHAB
BSDAD, ,RKANG STENG RKANG PA BRLA STENG BRLA DANG NI, ,LONG
STENG LONG BU KHRI 'OG RKANG PA BCUG ,RKANG PA SO SOR BRKYANGS
DANG 'DOMS SNANG BA, ,'DUG

PA'I NYES PA RNAM PA DGUR GSUNGS SO, ,LEGS PAR MA BLANGS MU DANG
KHA DA CHAD, ,'BRAS CHAN TSOD MA MNYAM BLANGS MTHAR CHAGS MIN,
,YID MA GTAD PAR SLANGS DANG BZA' BCAS NI, ,MA 'ONGS LHUNG BZED
BZED

DANG 'BRAS CHAN DANG, ,TSOD MA CI RIGS LHAG 'DOD PHAN TSUN
'GEBS, ,ZAS STENG LHUNG BZED BZED DANG RNAM PA BRGYAD, ,TSUL
MTHUN MA ZOS HA CANG KHAM CHUNG CHES, ,RAN MIN ZAS MA 'ONGS PAR
GDANGS BKANG SMRA, ,TZUG

TZUG CAG CAG HU HU PHU PHU DANG, ,LCE PHYIR PHYUNG STE ZA BA'I
NYES BYAS LNGA, ,'BRUN SA RE RE ZA DANG ZAS LA 'PHYA, ,MKHUR BA
G-YAS G-YON SPO DANG RKAN SGRA GTOG ,KHAM 'PHRO BCAD NAS ZA BA
RNAM PA LNGA, ,BLNGAG DANG 'BYOG

DANG LAG SPRUG LHUNG BZED BSKYOM, ,MCHOD RTEN 'DRA BA'I ZAS
GZHOM RNAM PA LNGA, ,GZHAN GYI LHUNG BZED LA 'PHYA ZAS GOS PA'I,
,LAG PAS CHU SNOD REG DANG ZAS BCAS CHUS, ,DGE SLONG LA 'THOR
KHYIM BDAG MA DRIS

PAR; ;CI BDER 'BAGS CHU 'DOR DANG RNAM PA BZHI, ,LHAG MA NANG
LDUGS GZHI MED GAD G-YANG DKAN, ,GZAR POR 'JOG DANG 'GRENG DANG
DE GSUM DU, ,BYI DOR BYED DANG RGYUN PHYOGS LDOG BYAS NAS, ,CHU
BCU LHUNG

@006B BZED LA BRTEN BCU PHRAG GCIG ,'DUG 'GRENG NYAL STAN MTHO
BZANG MDUN LAM DBUS, ,MGO G-YOGS BRDZES GZAR LAG GNYIS GNYA'
LTAG BSNOL, ,DO KER CAN DANG ZHVA GYON COD PAN DANG, ,PHRENG BA
BCINGS DANG THOD

DKRIS RTA GLANG ZHON, ,KHYOGS LHAM 'KHAR GDUGS MTSON RAL DGRA
CHA THOGS, ,GO CHA GYON PA RNAMS LA CHOS BSHAD PA, ,DAG LA NYES
BYAS DRUG LHAG BCU PHRAG GNYIS, ,'GENG DANG PHYOGS KUN CHU DANG
RTZVA SNGON GYIS,

KHEBS PA MA GTOGS DER NI BSHAD GCI 'DOR, ,DGOS MED 'DOM GANG
TSAD LAS MTHO BA YI, ,SHING LA 'DZEG PAR MA GNANG NYES BYAS
GSUNGS, ,DE LTAR STON PAS THUGS BRTZES BCAS PA YI, ,BSLAB PA'I
MI MTHUN

PHYOGS RNAMS SHES BYAS TE, ,RANG LA GCES PAS SROG LTAR SRUNGS
SHIG CES, ,KUN LA CHOS KYI RGYAL MTSAN GSOL BA 'DEBS, ,'DIR 'BAD
DGE TSOGS STON KA'I ZLA ZER 'BUM, ,'THUNGS PA'I KUNDA LTA BUR
DKAR

BA DE; ;YANG YANG DRIN GYIS BSKYANGS PA'I 'GRO KUN GYIS, ,RNAM
'DREN 'GRO BA'I RTZA LAG THOB PHYIR BSNGO, ,BDAG KYANG 'BYON
'GYUR BSKAL BZANG LHA DANG MI'I, ,RNAM 'DREN BDE GSHEGS KUN GYI
BSTAN PA YI, ,NANG MDZOD

'DUL BA 'DZIN PA'I GTZOR GYUR NAS, ,RGYAL BA'I MDZAD PA MA LUS
BSGRUB GYUR CIG ,CES PA 'DI YANG BDAG NYID KYI SLOB MA SDE SNOD
'DZIN PA'I DGE SLONG RI KHROD PA MANG POS BSLAB PA LA GCES PAR
'DZIN PA'I THABS, ,DUS DRUG

@007A *, ,TU BSLAB BYA'I GNAS RNAMS LA SNGO BGRANG BYED PA LA,
SDOMS TSIG LAS RGYAS TZAM, NYIS BRGYA LNGA BCU RTZA GSUM GYI
NGOS 'DZIN GSAL BA ZHIG DGOS ZHES MGRIN GCIG TU YANG YANG NAN
GYIS

BSKUL BA'I NGOR, SDE SNOD 'DZIN PA BLO BZANG CHOS KYI RGYAL
MTSAN GYIS BKRA SHIS LHUN PO'I GZIMS CHUNG YID DGA' CHOS 'DZIN
DU BKOD PA'I YI GE PA NI, MDO SNGAGS RAB 'BYAMS SMRA BA BLO
BZANG BSTAN PA DAR

RGYAS KYIS BGYIS PA'O,, ,,* , ,NA MO RATNA TRA Y'A YA, SDOM GSUM
LDAN PAS NYIN ZHAG PHRUGS GCIG LA NYAMS LEN JI LTAR BYA BA'I
TSUL NOR BU RNAM PAR BKRA BA'I MDZES RGYAN CES BYA BA, CHOS

SPYOD RNAM BCU LAS GRUB GSER SBYANGS KYI, ,'KHOR LO NYIN BZHIN
BSKOR MDZAD MTHA' DAG LA, ,BTUD NAS SKAL BZANG RNAM DPYOD LDAN
PA RNAMS, ,TSUL DER JI BZHIN 'JUG PA'I RIM PA BRI, ,SDOM GSUM

LDAN PA'I DGE SLONG GIS, NYIN ZHAG PHRUGS GCIG LA DGE SBYOR JI
LTAR BYA BA'I TSUL NI, 'GRO 'CHAG NYAL 'DUG BDE SDUG CI 'DRA
ZHIG GI GNAS SKABS SU YANG, NGO TSA KHREL YOD DRAN SHES BAG DANG
LDAN PAS SDOM

GSUM SO SO'I BCAS MTSAMS PHRA ZHING PHRA BA LAS KYANG 'DA' BA
MED PA GZHIR BZUNG, RGYUD SDE BZHI PO CI RIGS DANG 'BREL BA'I
BSNYEN SGRUB CHIG DRIL DU THUN BZHI 'AM, DRUG TU BYED PA DANG,
DE DAG GI THUN MTSAMS RNAMS

@007B SU NI RANG RANG GI SGRUB THABS RNAMS NAS 'BYUNG BA LTAR
BYA, DE MIN RGYUN PAR NAM GYI SUM CHA LUS PA NA 'OD GSAL GYI
NGANG LAS BZHENGS PAR MOS TE, MI NYAL BAR RIG PA DVANGS SNYIGS
PHYE STE, DENG NAS BYANG CHUB SNYING

PO'I BAR DANG, CHED DU MA SHI TSUN DANG, LO 'DI DANG, ZLA BA 'DI
DANG, KHYAD PAR SANG DA TZAM GYI BAR DU, BCAS RANG GI NYES PAS
MA GOS PA'I NGANG NAS, DGRA BO BDAG 'DZIN 'GONG PO LA 'BUR 'JOMS
BYAS TE, ZAB PA

DANG RGYA CHE BA'I NYAMS LEN LA BRTZON PAR BYA'O SNYAM PA'I
'PHEN PA YANG YANG GTONG ZHING, NYIN ZHAG GCIG GI DUS DRAN RNAMS
KYANG BYAS NAS, AOm SAMBHA RA SAMBHA RA, BI MA NA SA RA MAH'A
DZA BA H'Um, AOm SMA RA SMA RA BI M'A NA SKA RA MAH'A DZA BA
H'Um

ZHES PA'I 'GYUR SNGAGS BDUN BRJOD, 'GYUR SNGAGS 'DI LA 'DRA MIN
MANG DU 'DUG KYANG, 'DI YONGS SU BSNGO BA'I 'KHOR LO'I GZUNGS SU
'DUG PA GZUNGS 'BUM LTAR BKOD PA'O, ,DE NAS, NOR BU RGYAS PA'I
GZHAL MED KHANG

NAS 'BYUNG BA'I 'PHRENG BA'I SNGAGS NI, AOm RU TZI RA MA nI PRA
WARTA YA H'Um, ZHES PA BDUN BZLAS PHRENG BA LA BTAB NA BZLAS PA
SOGS 'BUM 'GYUR DU GSUNGS PA 'DI YANG KHUNGS SHIN TU BTZUN ZHING
YID BRTAN DU RUNG

BAS LAN BDUN BRJOD PAR BYA'O, ,DE RJES DAL 'BYOR DON CHE RNYED
DKA', 'CHI BA MI RTAG PA, LAS DANG 'BRAS BU'I GNAS TSUL, 'KHOR
BA SPYI DANG BYE BRAG GI SDUG BSNGAL DRAG TU BSAMS NAS, RANG
NYAMS LA DPAGS

@008A *, ,TE MAR GYUR SEMS CAN THAMS CAD LA BYAMS PA DANG SNYING
RJES KUN NAS BSLANGS PA'I BYANG CHUB KYI SEMS KYIS SKYABS 'GRO
SEMS BSKYED TSAD MED BZHI RNAMS KHA TZAM TSIG TZAM MA YIN PA
RANG

RGYUD DANG 'DRES NGES RGYUN RING LA SHUGS DRAG PA BSGOM, DE NAS
LAM ZAB MO BLA MA'I RNAL 'BYOR RGYAS BSDUS CI RIGS PA'I SGO NAS
GSOL 'DEBS BRGYA RTZA SOGS BYAS PA'I MTHAR, SKYES BU GSUM GYI
LAM

RIM YONGS RDZOGS SHAR BSGOM GYI NGOS, TSE 'DI'I SNANG SHAS ZIL
GYIS GNON, DE RJES DKYIL 'KHOR CHEN PO'I NYAMS LEN CHAG MED YOD
TSE SO SO'I SGRUB THABS RGYAS PAR BSGOM, DE 'DRA'I NGES PA MED
NA SNGAR GYI RNAL

'BYOR DE NYID JE RGYAS SU BYAS TE, GNAS SKABS TSE'I BAR CHOD SEL
PHYIR TSE LHA CI RIGS PA'I BZLAS BRJOD KYANG CUNG ZAD BYA, NAM
NANGS PA DANG LHA LA DBANG BSKUR BA LTAR KHRUS CHAB BLANGS LA,
RTEN GYI DRUNG DU AOm NA MO MANYDZU SHRI

YE; NA MA: SU SHRI YE, NA MA: AUTTA MA SHRI YE SV'AH'A, ZHES
BRKYANGS PHYAG GSUM BYAS NA BDE BAR GSHEGS PA'I BKA' RNAMS
BKLAGS PA'I BSOD NAMS 'THOB PA DANG, PHYAG STONG 'GYUR GYI
SNGAGS SU BU STON THAMS CAD

MKHYEN PAS ZHUS DAG MDZAD PA'I GZUNGS BSDUS NAS 'BYUNG BAS
BRKYANGS PHYAG GSUM GYIS THOG DRANGS, PHYAG MCHOD RGYAS BSDUS
SKABS DANG SBYAR BA'I YAN LAG BDUN PA MAndAL DANG BCAS PA BYA,
MCHOD PA'I SKABS

@008B MCHOD PA'I SPRIN GYI GZUNGS 'DI LAN CIG BRJOD NA'ANG RGYAL
BA SRAS BCAS THAMS CAD KYI SPYAN SNGAR MCHOD PA'I CHAR CHEN PO
'BAB PAR GSUNGS PAS 'DI LTAR 'DON, NA MO RATNA TRA Y'A YA, AOm
NA MO BHA GA WA TE, BADZRA S'A RA PRA

MA RDA NE, TA TH'A GA T'A YA, AA RHA TE SA MYAKSAm BUDDH'A YA,
TA DYA TH'A, AOm BADZRE BADZRE, MAH'A BADZRE, MAH'A TE DZA
BADZRA, MAH'A BIDYA BADZRE, MAH'A BO DHI TZITTA BADZRE, MAH'A BO
DHI MAndO PA SAm KRA MA nA BADZRE, SARBA KARMA A'A WA RA nA BI
SHO DHA NA BADZRE SV'AH'A, ZHES PA DANG, DE

BZHIN DU MAndAL 'BUL BA SOGS KYI TSE'ANG, SNGAGS 'DI LAN BDUN ME
TOG LA BZLAS NAS PHUL NA, ME TOG JI SNYED PA DE SNYED BYE BA
'GYUR GYI ME TOG PHUL BAR 'GYUR BAR GSUNGS PAS 'DI LTAR, AOm NA
MO BHA GA WA TE PUshPE KE TU

R'A DZ'A YA, TA TH'A GA T'A YA, AARHA TE, SAMYAKSAm BUDDHA YA,
TA DYA TH'A, AOm PUshPE PUshPE SV'AH'A, PUshPE SU PUshPE, SU
PUshPA AU DDHA WE, PUshPA AA WA KA RI nE SV'AH'A, ZHES PA'O, ,DE
NAS SU R'U PA SOGS GTOR MA'I RIGS JI LTAR 'DOD PA GTONG, CHOS
STON

GYI TSE; DKON MCHOG RJES SU DRAN NGOS, KHA ZAS SMAN DANG 'DRA
BAR RIG PA YIS, ,'DOD CHAGS ZHE SDANG MED PAR BSTEN BGYI STE,
,RGYAGS PHYIR MA LAGS SNYEMS PA'I PHYIR MA LAGS, ,MTSAG PHYIR MA
LAGS LUS GNAS

'BA' ZHIG PHYIR, ,ZHES BRJOD CING DE'I DON SEMS PA 'DUL BA DANG,
YANG; LUS KYI SRIN BU DA LTA ZANG ZING GIS BSDUS NAS MA 'ONGS PA
NA CHOS KYIS BSDU, SEMS CAN THAMS CAD KYI DON DU RDZOGS PA'I
SANGS RGYAS GYI GO

@009A *, ,'PHANG BSGRUB, DE'I PHYIR DU BZA' BTUNG LA LONGS SPYAD
PAR BYA'O SNYAM PA PHAR PHYIN THEG PA DANG, SNGAGS BLA MED LTAR
NA NANG MCHOD DANG, RGYUD SDE 'OG MA LTAR NA GTOR MA BYIN RLABS
LTAR RAM, AOm A'A: H'Um

GIS BDUD RTZIR BYIN GYIS BRLABS LA, AOm GU RU BADZRA NEE BI DYA
A'A: H'Um GIS BLA MA DANG, AOm SARBA BUDDHA BO DDHI SA TVA BHYO
BADZRA NEE BI DYA A'A: H'Um GIS SANGS RGYAS BYANG SEMS THAMS CAD
DANG, AOm DE WA d'A KI N'I SHR'I DHA RMA P'A LA SA PA

RI W'A RA BADZRA NEE BI DYA A'A: H'Um GIS YI DAM MKHA' 'GRO CHOS
SKYONG DANG BCAS PA LA 'BUL, AOm AA GRA PIndA AA SHI BHYA:
SV'AH'A, ZHES PAS PHUD LA DBANG BA'I 'BYUNG PO LA CHANG BU GCIG
DANG, AOm HA RI TE SV'AH'A, AOm HA RI TE

MAH'A BADZRA YAKshI nI HA RA HA RA SARBA P'A PAm MA KshIm
SV'AH'A, ZHES PAS 'PHROG MA BU DANG BCAS PA LA CHANG BU GNYIS
BYAS NAS, NANG GI SBYIN SREG GI SGO NAS LONGS SPYAD DE, ZAS KYI
TSOD RIG PAR BYA, MJUG TU LHAG LA DBANG BA'I

'BYUNG PO LA CHANG BU GCIG ,AOm AU TZTSIshtA PIndA AA SHI BHYA:
SV'AH'A, ZHES PAS BSNGO, BCOM LDAN 'DAS DE BZHIN GSHEGS PA DGRA
BCOM PA YANG DAG PAR RDZOGS PA'I SANGS RGYAS RIN CHEN 'OD KYI
RGYAL PO ME 'OD RAB TU

GSAL BA LA PHYAG 'TSAL LO, ,NA MA: SA MANTA TH'A BH'A R'A B'A
YA, TA TH'A GA T'A YA, AARHA TE SAMYAKSAm BU DDH'A YA, NA MO
MANYDZU SHRI YE, KU M'A RA BH'U T'A YA BO DHI SATV'A YA MAH'A
SAHV'A YA, MAH'A K'A RU nI K'A YA, TA DYA TH'A, AOm NI RNA LA
MBHE NI R'A BH'A SE DZA

@009B YE DZA YA LABDHE MAH'A MA TE DAKshE nDAKsHE nAm ME PA RI
SHODH'A YA SV'AH'A, GZUNGS 'DIS DKOR GYI PHUNG PO RI RAB TZAM
YANG 'BYONGS PAR GSUNGS SO, ,DE NAS MDO BTON LA BSNGO BA DANG,
SMON LAM GYIS RGYAS GDAB PAR BYA ZHING 'KHOR LO GSUM

PO CI RIGS PA LA 'JUG ,TSA BA'AM GUNG TSIGS GROL NAS BRGYA RTZA
SOGS GTOR MA'I RIM PA DANG, THUN MTSAMS SU SKOR RTEN DNGOS SAM
BSGOMS PA CI RIGS GSAL BTAB LA, BCOM LDAN 'DAS DE BZHIN GSHEGS
PA

DGRA BCOM PA YANG DAG PAR RDZOGS PA'I SANGS RGYAS RIN CHEN RGYAL
MTSAN LA PHYAG 'TSAL LO, ,NA MO BHA GA WA TE, RATNA KA TU R'A
DZ'A YA, TA TH'A GA T'A YA, AARHA TE SAMYAKSAm BUDDH'A YA, TA
DYA TH'A, AOm RATNE RATNE MAH'A RATNE RATNA BI DZA YA SV'AH'A,
'DI

SKOR BAR MA ZAD PHYAG STONG 'GYUR DU YANG GSUNGS SO, ,YANG; SKOR
BA'I SNGAGS, NA MO DA SHA DAKTRI K'I LA SARBA RATNA TRA Y'A YA,
NA MA: PRA DAKshA SU PRA DAKshA SARBA P'A PA BI SHO DHA NI
SV'AH'A, ZHES PA 'DI YANG PHAN YON CHE BAS BRJOD, BSOD NAMS KYI

TSOGS CHEN PO GSOG THABS ZAG PA RGYUN GTONG LA YANG BRTZON PAR
BYA STE, 'DI LTAR, MCHIL MA LA, AOm A'A: SHLEshMA A'A HA RE
BHYA: SV'AH'A, LUD PA LA AOm A'A: KHRE RA A'A HA RE BHYA:
SV'AH'A, SNABS LA, AOm A'A: BIGHA NA A'A HA RE BHYA: SV'AH'A,,

LUS KYI DRI MA LA, AOm A'A: MA LA A'A HA RE BHYA: SV'AH'A, DRI
CHEN LA, AOm A'A: BI tA A'A HA RE BHYA: SV'AH'A, DRI CHU LA, AOm
A'A: M'U TRA A'A HA RE BHYA: SV'AH'A, ZHES PA RNAMS KYI BSNGO'O,
,DE LTA BU'I TSUL GYIS NYIN PAR THUN DNGOS DANG, THUN

@010A *, ,MTSAMS KYI BYA BA DON YOD PAR BYAS TE, SROD KYI THUN
THA MA LA, YI DAM, MKHA' 'GRO CHOS SKYONG RNAMS LA BKANG GSO
RGYAS PA'AM, GTOR 'BUL RGYAS BSDUS CI RIGS PAR BYAS RJES, DGE
RTZA RNAMS

BZANG PO SPYOD PA LA SOGS PA'I BSNGO BA DANG SMON LAM RNAM PAR
DAG PAS RGYAS BTAB STE, NYAL BAR MNGON DU PHYOGS PA NA RANG
RGYUD LA BRTAGS TE, SNGAR 'PHEN PA BTANG BA LTAR BYUNG 'DUG NA
DGA' BA BSGOM, PHYIS NAS

KYANG DE LTAR BYA'O SNYAM DU BSAM, MA BYUNG 'DUG TSE 'GYOD CING
BSHAGS PA DANG, SLAN CHAD 'DI 'DRA GTAN NAS MI 'BYUNG BAR BYA'O
SNYAM DU BSAM ZHING, SANG 'DI TZAM GYI DUS SU LANGS LA DGE SBYOR
LA BRTZON PAR BYED

SNYAM PA'I 'PHEN PA BTANG NAS, RAB GNYID DUS KYI BSRE BA DANG,
GZHAN DGE BA'I DRAN SHES DANG LDAN PAS NYAL BAR BYA STE, MGON PO
KLU'I ZHABS KYIS, RIGS PA'I BDAG NYID NYIN PAR MTHA' DAG DANG,
,MTSAN

MO'ANG THUN GYI STOD SMAD 'DAS NAS NI, ,MNAL TSE'ANG 'BRAS BU
MED PAR MI 'GYUR BAR, ,DRAN DANG LDAN PAR DE DAG PAR DU MNOL,
ZHES GSUNGS PA LTAR RO, ,DE LTAR RGYAL BA SRAS BCAS DGONGS PA'I
DON, ,

SKYES CHEN DAM PA RNAMS KYI MDZAD PA'I SROL, ,DAL 'BYOR RTEN
BZANG DON LDAN BYED PA'I THABS, ,'DI LTA'I NYAMS LEN BYED RNAMS
SKAL BA BZANG, ,SNYIGS DUS SKYE BO'I TSE LA LONG MED CING, ,SRID
PA'I PHUN TSOGS NYES

@010B MANG MNOG CHUNG BAS, ,GROGS DAG 'BRAS MED SBUN PA MA
'PHYAR BAR, ,GTAN GYI MDUN MA BSGRUBS NA MI LEGS SAM, ,SDUG
BSNGAL CHU GTER CHE LAS SGROL BA'I GRU ,DAL BRGYAD 'BYOR BCU
LDAN PA'I RTEN THOB NAS, ,

BAG MED GNYID DANG LE LOS DUS 'DA' BA, ,NGAN SONG GNAS SU LHUNG
TSE MI 'GYOD DAM, ,ZAS NOR BSAGS PA KUN GYI MTHA' 'DZAD CING,
,GNYEN MANG DU MA 'DUS KYANG SO SOR 'BRAL, ,MTHON PO'I MTHA'
RGUD SKYES PA

KUN 'CHI NA, ,ZON MED BDE BAR SDOD PA KHYOD KHOM MAM, ,DE BAS
NAM MJUG 'CHAD KA'I BUNG BA DANG, ,LONG MED DGUN NYI LTA BU'I
TSE THUNG 'DI, ,BDE DANG SDUG BSNGAL CI LTAR GYUR KYANG BLA,
,BRTZON PAS BYANG CHUB DAM PA BSGRUBS NA

LEGS, ,DE'I PHYIR 'KHOR BA SDUG BSNGAL RGYA MTSO LAS, ,SGROL BAR
BYED PA'I THABS MKHAS GRU RDZINGS 'DI, ,MDO RGYUD MAN NGAG 'DZIN
PA'I SPONG BA PA, ,BLO BZANG CHOS KYI RGYAL MTSAN ZHES BYAS
BKOD, ,DE LAS 'ONGS PA'I DGE

TSOGS KEE LA SHA'I, ,TOG LTAR DKAR BA GANG ZHIG THOB PA DES,
,SDUG BSNGAL BYE BAS MNAR BA'I 'GRO BA RNAMS, ,'DREN PA'I DED
DPON BZANG POR BDAG GYUR CIG ,CES PA 'DI NI SDE SNOD 'DZIN PA
RJE DRUNG DKON MCHOG RGYAL MTSAN

GYIS; LHAG BSAM RAB DKAR GYI DRIS LAN NANG GI ,SPYOD LAM THAMS
CAD DGE SBYOR DU, ,'KHYER BA'I RMAD BYUNG THABS MKHAS MCHOG ,CES
PA'I RGYAS BSHAD, SDOM GSUM LDAN PA'I DGE SLONG GIS NYIN ZHAG
PHRUGS GCIG LA

@011A *, ,CHOS SPYOD BYA BA'I RIM PA, MDOR NA ZAS KYI RNAL
'BYOR, PHUD MCHOG CHANG BU, YON SBYONG GI SNGAGS SOGS KYANG THUS
SHING GO BDE BA ZHIG CIS KYANG DGOS ZHES NAN GYIS BSKUL BA LA
BRTEN NAS, SH'AKYA'I

DGE SLONG BLO BZANG CHOS KYI RGYAL MTSAN GYIS, RIS MED PA'I DAM
PA MANG POS MDZAD PA'I CHOS SPYOD RAB GSAL RNAMS DANG, KHYAD PAR
THAMS CAD MKHYEN PA BU STON RIN PO CHES MDZAD PA'I RNAM MKHYEN
DU DGROD PA'I BDE LAM

GYI SNYING PO BSDUS, GZUNGS 'DI DAG DAM PA SO SOS BKOD PA GCIG
MI GCIG SNA TSOGS 'DUG PA RNAMS, LO TZTSA BA THUGS RJE DPAL BA
DANG, ZHA LU LOTZTSA BA SOGS KYIS DAG TER MDZAD PA'I DPE KHUNGS
THUB RNAMS

LA GTUGS TE DAG PAR BYAS NAS, CHOS GRVA CHEN PO BKRA SHIS LHUN
PO'I GTZUG LAG KHANG DU SUG BRIS SU BYAS PA'O,, ,,'DIS KYANG
BSTAN PA RIN PO CHE MI NUB PA'I RGYAL MTSAN DU GYUR CIG , ,,

*, ,NA MO GU RU MANYDZU GHO sh'A YA, 'DIR BSLAB BTUS LAS, 'DI
DAG RTZA BA'I LTUNG BA STE, ,SEMS CAN DMYAL BA CHEN PO'I RGYU,
,RMI LAM 'PHAGS PA NAM SNYING PO'I, ,MDUN DU 'DUG STE BSHAGS PAR
BYA, ZHES GSUNGS

PA LTAR, BYANG SEMS KYI RTZA LTUNG SOGS NYES PA BYUNG BA RMI LAM
DU 'PHAGS PA NAM MKHA'I SNYING PO'I MDUN DU BSHAGS PAR 'DOD PAS,
THO RANGS SNGA BAR LANGS TE, KHRUS BYAS, BDUG SPOS BZANG POS
BDUG ,GZHAN YANG

@011B MCHOD PA CI 'BYOR PA BSHAMS, SKYABS 'GRO SEMS BSKYED RGYUD
'KHUL NGES BYAS LA, BYANG CHUB SEMS DPA' NAM MKHA'I SNYING PO LA
SOGS PA, BLA MA RGYAL BA SRAS DANG BCAS PA SPYAN DRANGS, YAN LAG
BDUN PA BYA, RTZA

LTUNG SOGS NYES PA CI BYUNG BA DE DANG DE DAG LA BGYOD SEMS DRAG
POS BSHAGS 'DOD CHER BSKYED, SHAR PHYOGS SU PHYAG LAN GSUM BYAS
SHING BLTAS TE 'DUG LA, TSIG 'DI SKAD DU, SKYA RENGS, SKYA
RENGS, SNYING RJE

CHEN PO, LEGS PA CHEN PO, KHYOD 'DZAM BU'I GLING DU SHAR MA THAG
TU, SNYING RJES BDAG LA YONGS SU KHEBS PAR MDZAD DU GSOL, NAM
MKHA'I SNYING PO SNYING RJE CHEN PO DANG LDAN PA LA YANG BDAG GI
TSIG GIS MYUR DU BSKUL

TE; THABS GANG GIS BDAG LTUNG BA 'CHAGS PAR 'GYUR BA DANG, THEG
PA CHEN PO'I 'PHAGS PA LAS THABS DANG SHES RAB THOB PAR 'GYUR
BA'I THABS DE BDAG GI RMI LAM DU BSTAN DU GSOL, ZHES GSOL BA
BTAB STE,

GNYID LOG PAS RMI LAM DU, BYANG CHUB SEMS DPA' NAM MKHA'I SNYING
PO CI RIGS PA'I GZUGS SU SPRUL BA DANG PHRAD NAS, LTUNG BA
'CHAGS SU 'JUG PAR GSUNGS SO, ZHES PA 'DI YANG YONGS SU RDZOGS
PA'I DGE

BA'I BSHES GNYEN RI KHROD 'DZIN PA DGE 'DUN RGYAL MTSAN GYIS
BSKUL NAS, SPONG BA PA BLO BZANG CHOS KYI RGYAL MTSAN GYIS MGON
PO ZHI BA'I LHA'I BZHED PA JI BZHIN DU BKOD PA'O,, ,,

@012A *, ,NA MO LO KE SHVA RA YA, DAM CHOS BDUD RTZI'I 'O MAS
SKYONG BA YI, ,BLA MA RNAMS DANG STON MCHOG SH'AKYA'I TOG ,DBYER
MED ZHABS KYI PADMOR PHYAG BYAS TE, ,TSE GCIG THEG MCHOG NYAMS
LEN H'Um GCIG

TU; ;DRIL BA STOBS LNGA'I NGOS 'DZIN GSAL BAR BSHAD, ,'PHEN PA'I
STOBS DANG DKAR PO SA BON STOBS, ,RNAM PAR SUN 'BYIN STOBS DANG
SMON LAM STOBS, ,GOMS PA'I STOBS TE 'DIR BSTAN STOBS LNGA'O,
,NYAMS

LEN SNYENG POR DRIL BA'I STOBS LNGA YANG, ,DANG PO SPYIR GYI
DENG NAS BYANG CHUB DANG, ,CHED DU JI SRID 'TSO DANG LO ZLA 'DI,
,KHYAD PAR DE RING NYIN ZHAG PHRUGS 'DI LA, ,BDAG 'DZIN GDON
GYIS DRANGS PA'I NYON MONGS DANG, ,NYE BA'I NYON MONGS

SKYE BA'I SKABS BCOM STE, ,BYANG CHUB SEMS GNYIS BSKYED CING
GNAS PA DANG, ,'PHEL BA'I NYAMS LEN LUS NGAG YID GSUM GYIS,
,BSTAN SNYAM YANG YANG 'PHEN PA GTONG BA YIN, ,BYANG CHUB SEMS
GNYIS MA SKYES

BSKYED PA DANG, ,SKYES ZIN GNAS DANG GONG DU SPEL BA'I PHYIR,
,TSOGS GNYIS BSAG CING SDIG SGRIB SBYONG BA LA, ,BRTZON PAR BYED
PA DKAR PO SA BON STOBS, ,RANG NYID GCES PAR 'DZIN PA'I GCOD NAD
KYIS, ,DRANGS PA'I NYON

MONGS DUG GSUM MCHAD RIG STE, ,DPE BRAL DGRA YI GTZO BOR GZUNG
BYAS NAS, ,'BUR 'JOMS BYED PA RNAM PAR SUN 'BYIN STOBS, ,DUS
GSUM RNAM DKAR PHUNG PO THAMS CAD KYANG, ,RANG GZHAN RGYUD LA
SEMS MCHOG

@012B RIN PO CHE, ,SKYE DANG GNAS DANG 'PHEL RGYUR GYUR CIG CES,
,SHUGS DRAG YANG YANG SMON PA SMON LAM STOBS, ,BRGYUD PA'I CHU
BO GSUM 'DRES GDAMS PA LAS, ,BYUNG BA'I BYANG CHUB SEMS GNYIS
SBYONG TSUL GYI, ,GNAD RNAMS

YONGS RDZOGS GNAS SKABS THAMS CAD DU, ,SGOM PAR BYED PA LNGA PA
GOMS PA'I STOBS, ,DE SKAD SMRA BA DAM PA'I MDZAD PA LA, ,BLTA
BAR 'DOD PA MANG THOS SPONG BA PA, ,DGE SLONG BLO BZANG CHOS KYI
RGYAL MTSAN TE, ,DGE BAS

'GRO KUN BYANG CHUB SEMS LDAN SHOG ,CES STOBS LNGA'I NGOS 'DZIN
MDOR BSDUS TE BRJOD PA 'DI YANG BTZUN PA BLO BZANG CHOS KYI
RGYAL MTSAN GYIS SBYAR BA'O,, ,,*, ,SVA STI, STON PA THUGS RJE
CHEN PO DANG

LDAN PA BDAG LA DGONGS SU GSOL, ,DE RING GI GNAS SKABS SU, CHOS
LDAN GYI BYA BA DANG GZHAN GYI DON DU, GLU GAR DANG ROL MO LA
SOGS PA BYED DAM BYED DU GZHUG PA DANG, ME LA REG PA DANG, REG
TU GZHUG PA DANG, RIN

PO CHE LA REG PA DANG, REG TU GZHUG PA DANG, SA BON BCOM PA
DANG, BCOM DU GZHUG PA DANG, SKYES PA GCOD PA DANG, GCOD DU
GZHUG PA DANG, LAG NYA DANG, MTSAMS BCOS DANG, ZHAG LON DANG,
RNGEN BTZOS DANG,

GSOG 'JOG BYAS PA ZA BA DANG, BYIN LEN MA BYAS PAR ZA BA DANG,
BSNYEN PAR MA RDZOGS PA DANG LHAN GCIG TU 'DON PA LA SOGS PA,
MDOR NA DGE SLONG GI KHRIMS NYIS BRGYA LNGA BCU RTZA GSUM LAS,
,DUS DRAN BSTEN DU

@013A *, ,RUNG BA RNAMS LA, STON PA THUGS RJE CAN GYIS GNANG BA
MDZAD DU GSOL, ZHES DGE SLONG GI DUS DRAN BSTEN TSUL 'DI YANG,
BTZUN PA BLO BZANG CHOS KYI RGYAL MTSAN GYIS SBYAR BA'O,, ,,

` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I
LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD
PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED
DAL 'GRO'I RGYUN

'DI SPEL, ,SARBA DZA GA TAm,, ,,