*, ,BLO SBYONG DMAR KHRID SHAR RTZE CHOS RJE LA GNANG BA BZHUGS
SO, ,

@001A #, ,NA MO GU RU MANYDZU GHO sh'A YA, 'DIR BKA' GDAMS KYI
DGE BA'I BSHES GNYEN DAM PA RNAMS KYI THUGS DAM GYI MTHIL, RGYAL
BA'I GSUNG RAB THAMS CAD KYI

SNYING PO GCIG TU BSDUS PA, THEG PA CHEN PO'I BLO SBYONG ZHES
MTSAN YONGS SU GRAGS PA'I DMAR KHRID NYAMS SU LEN PAR 'DOD PAS,
SKYABS 'GRO SEMS SKYED RGYUD DANG 'DRES NGES PA

SNGON DU BTANG, THUN MONG DANG THUN MONG MA YIN PA'I DGE SEMS
KHYAD PAR CAN GYI NGANG NAS, YID RTZE GCIG TU 'DI LTAR GDON CING
BSGOM PAR BYA'O, ` ,MDUN GYI NAM MKHAR KUN TU

BZANG PO YI, ,MCHOD SPRIN RGYA MTSOS YONGS SU BSKOR BA'I DBUS,
,'DAB STONG PADMA'I LTE BAR ZLA BA'I STENG, ,RGYAL BA GNYIS PA
RJE BTZUN BLA MA DANG, ,DBYER MED LHA BCAS 'DREN PA 'OD

@002A *, ,DPAG MED, ,SKU MDOG DMAR PO ZHAL GCIG PHYAG GNYIS PA,
,TING 'DZIN PHYAG RGYA'I DBUS NA 'CHI MED KYI, ,BDUD RTZIS GANG
BA'I DRANG SRONG SNOD MCHOG BSNAMS, ,GTZUG TOR

GYIS MDZES MTSAN DPE'I GZI 'OD 'BAR, ,LI KHRI'I MDANGS LDAN CHOS
GOS GSUM GYIS KLUBS, ,'OD ZER STONG 'BAR 'JA' TSON GUR KHYIM
DBUS, ,MI PHYED RDO RJE'I SKYIL KRUNG GIS BZHUGS

PA'I; ;G-YAS G-YON PAD DKAR 'DZIN DANG MTHU CHEN THOB, ,MCHOG
GSUM 'KHOR TSOGS RGYA MTSOS YONGS BSKOR BA'I, ,SGO GSUM RDO RJE
GSUM MTSAN 'OD ZER GYIS, ,BDE BA CAN SOGS

RANG BZHIN GNAS MCHOG NAS, ,YE SHES PA RNAMS SPYAN DRANGS DBYER
MED GYUR, ` ,GANG GI DRIN GYIS SGRIB BRAL BDE BA CHE, ,SKU GSUM
MI ZAD RGYAN GYI 'KHOR LO YANG, ,SKAD CIG NYID

LA STZOL MDZAD YID BZHIN NOR, ,'OD DPAG MED MGON BLA MA'I ZHABS
LA 'DUD, ,'JIG RTEN 'DREN PA'I GTZO BO TSE DPAG MED, ,DUS MIN
'CHI BA MA LUS 'JOMS PA'I DPAL, ,MGON

@002B MED SDUG BSNGAL GYUR PA RNAMS KYI SKYABS, ,SANGS RGYAS TSE
DPAG MED LA PHYAG 'TSAL LO, ,MCHOD PA KUN 'BUL SDIG LTUNG MA LUS
BSHAGS, ,DGE LA YI RANG CHOS 'KHOR BSKOR BA'I PHYIR, ,NAM

MKHA' JI SRID GNAS PAR RTAG BZHUGS GSOL, ,'DIS MTSON DGE TSOGS
BYANG CHUB CHEN POR BSNGO, ` ,'DREN MCHOG SH'AKYA'I TOG DANG MI
PHAM MGON, ,'PHAGS PA THOGS MED NAS BZUNG SANGS

RGYAS KYI, ,YE SHES NGO BO RTZA BRGYUD BLA MA'I TSOGS, ,BKA'
DRIN MNYAM MED RNAMS LA GSOL BA 'DEBS, ,'DI PHYI'I BDE LEGS RTZA
BA ZLA MED PA, ,BSHES GNYEN DAM PA TSUL BZHIN BSTEN PA RU,
,MTHONG

NAS SGO GSUM DNGOS PO THAMS CAD KYIS, ,BKA' BZHIN MNYES PA SGRUB
PAR BYIN GYIS RLOBS, ,YANG YANG RNYED DKA' DON CHE'I DAL 'BYOR
'DI, ,DON MED 'JIG RTEN BYA BAS MI G-YENG BAR, ,NYIN MTSAN

KUN TU SNYING PO LEN PA LA, ,BRTZON PA SHUGS DRAG SKYE BAR x,
,TSE 'DI MI RTAG CHU YI CHU LBUR LTAR, ,'CHI BAR NGES SHING NAM
'CHI CHA MED DU, ,BCOS MIN SNYING NAS DRAN PA'I DGOS MED BLOS,
,'DIR SNANG ZHEN PA

LDOG PAR x, ,'JIGS RUNG NGAN 'GRO'I G-YANGS SAS YID SKRAG NAS,
,BSLU MED DKON MCHOG GSUM LA SKYABS 'GRO ZHING, ,DKAR GNAG LAS
DANG 'BRAS BU'I TSUL RTOGS NAS, ,SDIG SPONG DGE TSOGS

@003A *, ,SGRUB PAR x, ,BDE MED SDUG BSNGAL BYE BAS MNAR BA YI,
,SRID PA'I DGA' STON ME 'OBS LTAR MTHONG NAS, ,BSLAB GSUM RNAM
DAG THAR PA'I LAM BZANG LA, ,NYAMS LEN SNYING POR

BYED PAR x, ` ,NYON MONGS MA RIG GDON GYIS YID BSGYUR BAS, ,BDAG
MED BDAG TU SNANG ZHING ZHEN PA'I YUL, ,LUNG RIGS RNON PO'I
MTSON GYIS SROG BCAD DE, ,BDAG MED GNAS LUGS

RTOGS PAR x, ,CHOS RNAMS KUN GYI RANG BZHIN GDOD MA'I GSHIS,
,DBYER MED KUN KHYAB SPROS PA'I MTHA' BRAL BA, ,STONG NYID ZAB
MO KUN GZHI'I NGANG NYID DU, ,RTZE GCIG MNYAM PAR 'JOG PAR x,
,RJES

THOB GANG SHAR SGYU MA'I RNAL 'BYOR GYIS, ,RANG BZHIN STONG DANG
RTEN 'BYUNG MI 'GAL BAR, ,PHAN TSUN GCIG GIS GCIG GROGS BYED PA
YIS, ,TSOGS GNYIS ZUNG DU 'BREL BAR x, ` ,NAM MKHA'I MTHA'

DANG MNYAM PA'I SEMS CAN TSOGS, ,RE RES KYANG NI LAN CIG MA YIN
PAR, ,YANG DANG YANG DU BDAG GI MA BYAS ZHES, ,NGES SHES GTING
NAS SKYE BAR x, ,'DI DAG RNAMS KYIS BDAG GI MA BYAS TSE, ,GDUNG
BA

KUN BSAL MTHUN PA'I YO BYAD BSGRUBS, ,RANG GI SROG LAS BDAG CAG
GCES BZUNG BA'I, ,DRIN RNAMS JI BZHIN DRAN PAR x, ,MAR GYUR 'GRO
RNAMS 'KHOR BA NGAN SONG GI ,'JIGS RUNG SDUG BSNGAL DRAG POS

@003B MNAR BA LA, ,BA SPU G-YO 'GUL MED PA'I SEMS SPANGS NAS,
,SHUGS DRAG SNYING BRTZE SKYE BAR x, ,SDUG BSNGAL PHRA MO TZAM
YANG MI 'DOD CING, ,BDE LA NAM YANG CHOG SHES MED PAR NI, ,BDAG
DANG 'GRO RNAMS KHYAD PAR MED

MTHONG NAS, ,BDAG GZHAN MNYAM PAR RTOGS PAR x, ,SDUG BSNGAL MI
'DOD DE RGYU SDIG LA RNGAMS, ,BDE BA 'DOD KYANG DGE LA DGRA LTAR
BLTA, ,SROG 'PHROG GSHED MA BUR BRDZUS LTA BU YI, ,RANG NYID
GCES 'DZIN 'JIG

PAR x, ,BSOD NAMS MIN PA'I LAS NGAN LCAGS KYU YIS, ,'DI PHYIR
GDUNG BA'I GDON BGEGS 'BYUNG PO SOGS, ,GNOD BYED THAMS CAD SPYAN
'DREN PHO NYA BA, ,RANG NYID GCES 'DZIN 'JOMS PAR x, ,RANG BDE
'DOD PAS

NYON MONGS LAS NGAN GYI, ,SNA TSOGS MTSON CHA RNON PO BRDAR BYAS
TE, ,MNGON MTHO NGES LEGS PHAN BDE'I SROG GCOD PA'I, ,GCES 'DZIN
DGRA 'DI BRLAG PAR x, ,MI SHES RMONGS PA'I SKYE BO MTHA' DAG
GIS, ,BDAG NYID

GCES BZUNG RANG BDE 'DOD PA YIS, ,MNAR MED MES KYANG YANG YANG
BSREG 'GYUR BA'I, ,KHONG SKRAN RTZAD NAS THON PAR x, ,KHAMS GSUM
MGON PO THUB PA'I DBANG PO YIS, ,RANG DON YAL BAR DOR NAS GZHAN
GYI DON, ,

LEGS PAR BSGRUBS PAS GO 'PHANG MCHOG BRNYES PA'I, ,RNAM THAR
TSUL BZHIN SGRUB PAR x, ,RANG NYID GCES 'DZIN RGUD PA KUN GYI
GZHI, ,MA RNAMS GCES 'DZIN YON TAN 'BYUNG GNAS SU, ,LUNG DANG
RIGS PA'I STOBS

@004A *, ,KYIS NGES BYAS NAS, ,BDAG GZHAN MNYAM BRJE NUS PAR x,
` ,'GRO 'ONG RLUNG GI RTA LA BSKYON NAS NI, ,BDAG GI BDE DANG
DUS GSUM DGE TSOGS RNAMS, ,MKHA' MNYAM MA GYUR 'GRO LA BTANG BA
YIS, ,

ZAG MED BDE BAS TSIM PAR x, ,DRIN CAN MA RGAN RNAMS KYI SDIG
SGRIB DANG, ,BYUNG DANG 'BYUNG 'GYUR SDUG BSNGAL CI MCHIS PA,
,SNYING STOBS CHEN POS BDAG GIS BLANGS PA YIS, ,'GRO KUN SDUG
BSNGAL ZHI BAR x, ` ,MDOR

NA MAR GYUR DRIN CAN 'GRO BA RNAMS, ,BDAG NYID GCIG PUS GNAS
SKABS MTHAR THUG GI ,BDE LA 'GOD CING SDUG BSNGAL RGYU BCAS LAS,
,SGROL BA'I KHUR CHEN 'KHYER BAR x, ,BLA MED BYANG CHUB DAM PA
MA THOB NA, ,SEMS

CAN KUN DON BSGRUB PA'I MTHU MED PAS, ,'GRO KUN DON DU RDZOGS
PA'I SANGS RGYAS KYI, ,GO 'PHANG MYUR DU THOB PAR x, ,YUL GSUM
DUG GSUM DGE RTZA RNAM PA GSUM, ,DUS RNAMS KUN TU DRAN SHES TSIG
GIS SBYANG, ,

GTONG DANG LEN PA'I GO RIMS NAS BRTZAMS TE, ,TSUL BZHIN NYAMS SU
LEN PAR x, ` ,YUL NGAN NAD GDON CHOM RKUN DGRA SOGS KYI, ,MI
'DOD SDUG BSNGAL MDA' CHAR BAB NA YANG, ,SNGON BYAS

LAS NGAN 'BRAS BU RANG 'KHOR BAR, ,SHES NAS GTONG LEN SPEL BAR
x, ,SNOD BCUD SDIG PA'I 'BRAS BUS YONGS GANG TSE, ,LE LAN BDA'
ZHING KUN GYI BKA' DRIN BSAM, ,'KHRUL SNANG SKU BZHIR BSGOM DANG
SBYOR BZHI YIS, ,

@004B RKYEN NGAN LAM DU LONGS PAR x, ` ,CHOS RNAMS KUN GYI
SNYING PO GCIG DRIL BA, ,'PHEN PA GOMS PA DKAR PO SA BON DANG,
,RNAM PAR SUN 'BYIN SMON LAM STOBS LNGA YI, ,SGRUB PA SNYING POR
BYED PAR x, ` ,THUB PAS

CHOS PHUNG BRGYAD KHRI BZHI STONG KUN, ,BDAG 'DZIN 'GONG PO 'DUL
PHYIR GSUNGS SHES NAS, ,THABS SHES BYANG CHUB SEMS GNYIS NYAMS
LEN GYIS, ,SKU GSUM MNGON DU 'GYUR BAR BYIN GYIS RLOBS, ` ,DER
MA SON PA'I

TSE RABS THAMS CAD DU, ,RIN CHEN BYANG CHUB SEMS DANG MI 'BRAL
ZHING, ,BLO SBYONG DAM TSIG BSLAB BYA'I RIM PA LAS, ,NAM YANG
'DA' BA MED PAR BYIN GYIS RLOBS, ,ZHES DAL BUS BRJOD CING, DE
DAG GI DON YID MA YENGS

PAR RTZE GCIG TU BSAM PAR BYA'O, ,RTZA TSIG LAS, THEG CHEN 'PHO
BA'I GDAMS NGAG NI, ,STOBS LNGA NYID YIN SPYOD LAM GCES, ZHES
GSUNGS PA LTAR, LAM 'DI LA BRTEN PA'I 'PHO BA NYAMS SU LEN 'DOD
NA, STOBS LNGA'I

SGO NAS NYAMS SU BLANG NGO, ,DE NAS MDUN GYI TSOGS ZHING RNAMS
MTHA' NAS 'OD DU ZHU BA RIM BZHIN MGON PO 'OD DPAG MED LA BSTIM,
MGON PO 'OD DPAG MED DE NYID KYANG, BADZRA SA M'A DZA:, ZHES RDO
RJE BSDU BA'I SNGAGS RGYAS

RANG GI SPYI GTZUG TU SPYAN DRANGS TE BZHUGS SU GSOL, ,DE LTAR
SPYI BO'I RJE BLA MA DANG DBYER MED PA'I MGON PO 'OD DPAG MED DE
NYID LA, BCOM LDAN 'DAS DE BZHIN GSHEGS PA DGRA BCOM PA YANG DAG
PAR RDZOGS PA'I

@005A *, ,SANGS RGYAS 'OD DPAG TU MED PA LA PHYAG 'TSAL LO,
,MCHOD DO, ,SKYABS SU 'CHI'O, ZHES DMIGS PA DANG BCAS PAS GSOL
BA CI MANG GDAB, DMIGS PA NI, DE LTAR GSOL BA BTAB PAS BCOM

LDAN 'DAS 'OD DPAG MED KYI SKU LAS BDUD RTZI'I RGYUN BAB, RANG
DANG SEMS CAN THAMS CAD KYI LUS SEMS LA ZHUGS PAS, SDIG SGRIB
NAD GDON BAR GCOD THAMS CAD SBYANGS, LUS DVANGS GSAL 'OD KYI
RANG BZHIN CAN DU

GYUR, TSE DANG BSOD NAMS, LUNG RTOGS KYI YON TAN THAMS CAD 'PHEL
ZHING RGYAS, MTHAR 'OD DPAG MED LAS, 'OD DPAG MED GNYIS PA ZHIG
CHAD DE, RANG LA THIM PAS, RANG NYID KYANG 'OD DPAG MED DU GYUR,
RANG 'OD

DPAG MED DU GSAL BA DANG SPYI BO'I 'OD DPAG MED GNYIS KA'I THUGS
KAR SNGAGS BKOD DE, SPRO BSDU'I DMIGS PA DANG BCAS PA'I SGO NAS,
'CHI MED RNGA SGRA'I GZUNGS SAM, YANG NA TSE GZUNGS SAM AA MA RA
nI CI MANG

BZLA BAR BYA ZHING, BLO DANG RNAM DPYOD YANGS PA RNAMS KYIS NI,
'DI DAG GI RGYAB RTEN SHES BYED KHUNGS DANG BCAS PA, RGYAL SRAS
RIN PO CHE DANG, SEMS DPA' CHEN PO GZHON NU RGYAL MCHOG DANG,
KHO BO'I BLA MA MKHAS GRUB

CHEN PO SANGS RGYAS YE SHES ZHABS KYIS MDZAD PA'I BLO SBYONG GI
KHRID YIG RNAMS LA YANG BLTA BAR BYA'O, ,MJUG TU DE LAS BYUNG
BA'I DGE BA RNAMS BZANG PO SPYOD PA LA SOGS PA BSNGO BA DANG
SMON LAM RNAM PAR DAG PA'I

@005B RGYAS GDAB PAR BYA'O, ,'DIS MTSON DUS GSUM LEGS SPYAD DGE
BA'I MTHUS, ,NAM MKHA'I MTHAS KHYAB MAR GYUR 'GRO BA KUN, ,NGAN
SONG 'KHOR BA'I SDUG BSNGAL LAS GROL TE, ,THAMS CAD GZIGS PA'I
GO 'PHANG MYUR THOB

SHOG ,TSUL 'DI YANG MDO SNGAGS KYI BSTAN PA YONGS SU RDZOGS PA'I
DGE BA'I BSHES GNYEN, GDAN SA CHEN PO DPAL SNAR THANG GI MKHAN
CHEN, SHAR RTZE CHOS RJE GRAGS PA DPAL 'BYOR PAS SNGA PHYIR NAN
GYIS BSKUL BA LA BRTEN

NAS, CHOS SMRA BA'I DGE SLONG BLO BZANG CHOS KYI RGYAL MTSAN
GYIS, SA GA ZLA BA'I DKAR TSES BCO LNGA'I NYIN, BKRA SHIS LHUN
PO'I GZIMS CHUNG YID DGA' CHOS 'DZIN DU YONGS SU RDZOGS PAR SUG
BRIS SU BYAS PA LAS, DANG POR

'DRI BA'I YI GE PA NI, RNAM DPYOD PHUN SUM TSOGS PA RJE DRUNG
BLO BZANG DBANG RGYAL LO,, ,,DGE'O,, ,,*, ,AOm SVASTI, PHAN
BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO
KUN THAR MCHOG 'BRAS

BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS
SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,,