*, ,SDIG MUN SEL BYED ZLA BA'I 'OD ZER ZHES BYA BA BZHUGS, ,

@001A #, ,NA MO GU RU SH'AKYA MU NA YE, DUS GSUM PHYOGS BCUR
BZHUGS PA YI, ,SANGS RGYAS SRAS DANG BCAS RNAMS LA, ,BYANG CHUB
SNYING POR MCHIS KYI BAR, ,GUS PAS

SKYABS SU MCHI BAR BGYI, ,BSLU MED SKYABS KYI MCHOG RNAMS LA,
,THAL MO SBYAR TE GSOL BA NI, ,TSE RABS 'DI 'AM GZHAN DAG TU,
,NYON MONGS DUG GSUM DBANG GYUR PAS, ,LUS

DANG NGAG DANG YID SGO NAS, ,MTSAMS MED LNGA DANG NYE PA LNGA,
,MI DGE'I LAM BCU BGYIS PA RNAMS, ,BSAM PA THAG PAS MGON LA
BSHAGS, ,DKON MCHOG GSUM DANG BLA MA DANG, ,

PHA MA SOGS DANG GZHAN DAG LA'ANG, ,GNOD CING 'TSE BA CI BGYIS
PA, ,THAMS CAD SNYING NAS BSHAGS PAR BGYI, ,'JIG RUNG DMYAL BA
YI DVAGS DANG, ,DUD 'GRO MTHA' 'KHOB KLA

@002A *, ,KLO DANG, ,GLEN LKUGS LOG LTA CAN SOGS SU, ,SKYE 'GYUR
LAS NGAN MA LUS BSHAGS, ,NOR DANG LANG TSO STOBS SOGS KYI, ,NGA
RGYAL DREGS PAS GZHAN DAG LA, ,BRNYAS SHING

RNAM PAR 'TSE BYAS PA, ,THAMS CAD KYANG NI BSHAGS PAR BGYI,
,MDOR NA MNGON MTHO NGES LEGS DANG, ,KUN MKHYEN YANG DAG 'GRUB
PA'I GEGS, ,MI SHES DBANG GIS BSAGS PA RNAMS, ,

SHIN TU 'GYOD PA'I SEMS KYIS BSHAGS, ,BCAS PA DANG NI RANG BZHIN
GYI, ,KHA NA MA THO SDIG PA'I LAS, ,BGYIS DANG BGYID BSTZAL YI
RANG BA, ,CI MCHIS YONGS SU BSHAGS PAR BGYI, ,THUGS

RJE CHE LDAN RGYAL RNAMS DANG, ,RGYAL SRAS BDAG NYID CHE RNAMS
KYIS, ,SDIG LDAN BDAG LA BRTZER DGONGS LA, ,NYES KUN DAG PAR
MDZAD DU GSOL, ,SNGON CHAD MI DGE BGYIS PA LA, ,DUG 'THUNGS

BZHIN DU 'GYOD SEMS KYIS, ,SLAN CHAD SROG GI PHYIR YANG NI,
,SKAD CIG TZAM YANG MI BGYID DO, ,DE LTAR BSHAGS SHING BSDAMS PA
YI, ,BSOD NAMS BDAG GIS CI THOB PA, ,DES NI BDAG DANG

@002B 'GRO BA KUN, ,MYUR DU BYANG CHUB THOB GYUR CIG ,CES, SDIG
MUN SEL BYED ZLA BA'I 'OD ZER ZHES BYA BA 'DI YANG, NANG SO BKRA
SHIS RAB BRTAN GYIS, NAN GYIS BSKUL BA LA BRTEN NAS, DGE SLONG
BLO BZANG CHOS KYI

RGYAL MTSAN GYIS THOGS MED DU BGYIS PA DGE LEGS 'PHEL BAR GYUR
CIG ,YI GE PA NI DGE TSUL BLO BZANG DBANG RGYAL LO,, ,,*, ,AOm
BDE LEGS SU GYUR CIG ,STON PA MNYAM

MED SH'AKYA'I RGYAL PO DANG, ,RGYAL TSAB DAM PA MI PHAM 'JAM
PA'I DBYANGS, ,SHING RTA CHEN PO KLU SGRUB THOGS MED SOGS, ,RTZA
BRGYUD BLA MA RNAMS LA GUS PHYAG 'TSAL, ,BDAG GIS DUS GSUM BSAGS
PA'I

DGE BA'I MTHUS, ,SDUG BSNGAL GSUM GYIS MNAR BA'I 'GRO BA KUN,
,RTAG TU LHA DANG MI YI RTEN THOB NAS, ,THAR PA'I GRONG KHYER
DAM PAR 'JUG GYUR CIG ,'DI LTAR BSKRUN PA'I DGE TSOGS GANGG'A'I
RGYUN, ,

MAR GYUR BSOD NAMS BYE BA'I CHU PHRAN DANG, ,LHAN CIG KUN MKHYEN
CHOS KYI RGYA MTSO CHER, ,ZHUGS NAS PHAN BDE 'PHEL BA'I RGYUR
GYUR CIG ,DE MA THOB PA'I TSE RABS KUN TU YANG, ,NGAN SONG GNAS
SU NAM YANG MI

SKYE BAR, ,DAL 'BYOR RTEN BZANG BSLAB GSUM NOR GYIS PHYUG ,THAMS
CAD GZIGS PA'I GO 'PHANG MYUR THOB SHOG ,SRAS BCAS RGYAL BA'I
THUGS RJE'I BYIN RLABS DANG, ,DRANG SRONG GRUB PA RNAMS KYI BDEN

@003A *, ,TSIG DANG, ,CHOS DBYINGS 'GYUR BA MED PA'I BDEN PA
YIS, ,RNAM DAG SMON PA'I GNAS 'DI 'GRUB PAR SHOG , ,,CES, SMON
PA'I TSIG 'DI YANG NANG SO BKRA SHIS RAB

BRTAN GYIS BSKUL ZHING, RANG NYID KYANG SPRO BA'I 'DUN PAS DGE
SLONG BLO BZANG CHOS KYI RGYAL MTSAN GYIS SMRAS PA'O,, ,, ` AOm
SVASTI, PHAN BDE'I 'BYUNG GNAS RGYAL BSTAN YONGS

'DU'I LJON, ,RAB RGYAS 'GRO KUN THAR MCHOG 'BRAS BZANG LA,
,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN
'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,