*, ,ZHAL GZIGS DANG RDO RJE GDAN GYI RI KHROD YOL DKAR RNAMS KYI
GNAS BSTOD BZHUGS SO, ,

@001A #, ,NA MO GU RU MANYDZU GHO sh'A YA, LHAN SKYES BDE STONG
NAM MKHA'I KHYON YANGS NAS, ,MTSAN DPE SGYU 'PHRUL DRA BA'I 'JA'
TSON CAN, ,PHUN TSOGS PHAN BDE KUN GYI

SGO 'BYED PA'I, ,KHYAB BDAG NAM MKHA'I RDO RJES BDAG SKYONGS
SHIG ,RTA NAG CES GRAGS SA YI THIG LIR NI, ,SGRIB BRAL RDO RJE
'DZIN PA'I YE SHES NYID, ,BEE d'UR SA GZHIR LHA

DBANG GZUGS BRNYAN BZHIN, ,SKYON BRAL 'GOS RIGS DAM PA'I MYU GU
BZUNG, ,LANG TSO GSAR BA'I RI BONG CHES PHRA YANG, ,RNAM DPYOD
CHA SHAS RDZOGS PA'I ZLA BA DE, ,SNYING

STOBS BRTZON PA'I GRU RDZINGS GNAS BCAS TE, ,CHU SRIN BDAG PO
GLAL BZHIN BGROD DKA' BA'I, ,'PHAGS YUL RGYA MTSO CHEN PO'I NANG
ZHUGS NAS, ,DPAL RKANG JI BZHIN

@002A *, ,MKHYEN DANG SMRA BA YI, ,GNYIS LHAG BCU PHRAG BDUN GYI
DAM PA'I ZHABS, ,GTZUG RGYAN GZHAN BZHIN SPYI BO'I GZHIR BZUNG
STE, ,MDO RGYUD MAN NGAG NOR BU BRGYA PHRAG

DANG; ;KHYAD PAR 'JIG RTEN KUN GYI RIN CHEN GCIG ,KUN MKHYEN
RGYA MTSO'I GSANG BA KUN 'DUS PA'I, ,YID BZHIN RIN CHEN 'OD
CHAGS SGRON 'BAR BA, ,BSHAD SGRUB BYI DOR MCHOG GI RGYAL

MTSAN RTZER, ,MNGON MCHOD GANGS KHROD RMONGS PA'I MUN RUM TSOGS,
,MTHAR BYAS THUB BSTAN PHAN BDE'I GOS DKAR DANG, ,LHAN CIG ZLA
BA'I BLA GOS 'CHANG BA BZHIN, ,GANG GI BKA'

DRIN 'DAB STONG GE SAR LAS, ,ZAGS LDAN BSHAD SGRUB SBRANG RTZIS
RAB MYOS PA, ,MKHAS GRUB BUNG BA GZHON NU'I 'PHUR LDING GIS,
,GANG BA'I BOD YUL AOO dI YA NA DNGOS, ,DE LTAR

SGRA SGYUR DAM PA 'GOS LO ZHES, ,GRAGS SNYAN BA DAN DKAR POS
SRID PA GSUM, ,YONGS 'GENGS MKHAS SHING GRUB PA'I DBANG PO DES,
,YE SHES SGYU MA'I GAR GYIS MNGON SPRUL BA, ,YONGS

@002B DAG DAM PA RNAMS KYI GZIGS PA'I NGOR, ,SGRIB BRAL SUM CU
RTZA GNYIS BDAG NYID DNGOS, ,LHA DANG LHA MO'I RANG BZHIN GZHAL
MED KHANG, ,ZAG MED 'DOD PA'I YON TAN LNGA YIS BRGYAN, ,RGYAB
NGOS DPANG

GI RANG BZHIN MCHOD DMAR GYI, ,RIN CHEN RDUL BRTZEGS RTZE MO ZLA
SHEL GYI, ,THOR COG BCINGS NAS 'DOD DGU STZOL BA BZHIN, ,LHAS
BTZAS ZHES BYA SKYES BU MCHOG DE YIS, ,SUM CU RTZA GNYIS 'DUS

PA'I LHA TSOGS KYI, ,'DZUM ZHAL MNGON SUM GZIGS PA'I SGRUB PA'I
PHUG ,GANG 'DI SA LA GNAS PA'I 'OG MIN NYID, ,NAGS TSAL DBUS NA
RKANG 'THUNG GRANGS MANG YANG, ,SA MCHOG SBRUL GYI SNYING PO

MANG MIN BZHIN, ,GANGS CAN GRUB PA'I SA 'DZIN GRANGS MANG YANG,
,GANG 'DIR 'GRAN ZLA GNYIS PA GZHAN YOD MIN, ,SHIN TU SRA BA RDO
RJE'I RANG BZHIN GYI, ,PHUG PA'I DBUS NAS RGYAL KUN YE

SHES NI, ,CHU RGYUN ZOL GYIS GANGG'A JI BZHIN DU, ,'GRO BA'I
GDUNG BA SEL PHYIR RGYUN MI 'CHAD, ,YAN LAG BRGYAD LDAN DAG BYED
MCHOG 'DI NI, ,'THUNGS DANG BKRUS DANG BSANGS GTOR BGYIS PAS
KYANG, ,

MI GTZANG SME BA'I DRI MA KUN SEL ZHING, ,RTZA BA'I LTUNG BA'ANG
'DAG CES DAM PAS BSNGAGS, ,G-YAS NGOS NUB PHYOGS BRLANG PO'I
BRAG RI NI, ,BSTAN BSRUNG RGYA MTSO BZHUGS PA'I PHO BRANG STE,
,BSTAN DGRA

@003A *, ,RJES GCOD DAM CAN SGRUB PA PO, ,G-YEL MED BU BZHIN
SKYONG BA'I TSUL DU GNAS, ,MDUN RI MARGAD YOL BA BRKYANGS 'DRA
LA, ,NAGS TSAL SBU LONG RGYAS PA'I LDING KHANG NAS, ,LHA BYA
GONG

MO LA SOGS GNYIS SKYES TSOGS, ,'DAB MA'I GAR BSGYUR MGRIN PA'I
RGYUD MANG SGROG ,SA 'DZIN RTZE MO RGYAL SRID SNA BDUN DANG,
,ZAG MED 'DOD PA'I BDE STONG LHA MO RNAMS, ,ZHAL GZIGS THAR PA

CHEN PO'I PHO BRANG LA, ,RTZE GCIG BSGRIMS TE MCHOD PA 'BUL BA
BZHIN, ,CHU LHA'I PHYOGS NAS 'BAB CHU'I NA CHUNG MA, ,DBU BA'I
GOS GYON LHUNG LHUNG SNYAN SGROG CING, ,DPAL LDAN 'DUS PA'I
BSHAD SGRUB

RGYUN DAG LA, ,'GRAN BZHIN RGYUN MI 'CHAD DU MDUN NAS 'BAB,
,SHAR PHYOGS SGRA SGYUR DAM PA'I YE SHES KYIS, ,SO GNYIS LHA YI
'KHOR LO RNAM SPRUL NAS, ,LEGS BSGRUBS DAL 'GROS GTAMS PA'I

RDZING BU BZANG, ,BDUD RTZI'I MCHOD YON LTA BUR KUN TU 'KHYIL,
,'DI YI NOR 'DZIN BU MO RO 'DZIN GYIS, ,DRANGS DANG DAG BYED BYA
BA BGYIS PAS KYANG, ,YAN LAG SDOM PA'I TSA BAS GDUNGS BA LA, ,GA
BUR ZLA SHEL

REG PA LTA BUR BSNGAGS, ,G-YON NGOS DBANG PO'I PHYOGS SU 'JIG
RTEN GYI, ,MIG GYUR GANG GIS MI SHIGS YI GE LAS, ,YE SHES 'JA'
TSON SKU MCHOG 'BYONGS PA'I PHUG ,AINDRA'I PHUG PA LA

@003B 'KHU'I GRUB PA'I GNAS, ,BLA YI NGOS SU GRUB PA'I DBANG
PHYUG GI ,MNGON PAR 'PHAGS PA'I YAN LAG MCHOG GI RJES, ,RGYA
'BUR GO SKABS 'BOD PA'I RGYU LTAR GSAL, ,SGRUB PHUG ZUNG DBUS
RNAL 'BYOR DBANG PHYUG DES, ,

RDO RJE'I BRAG NGOS SOR MO'I RTZE MO YIS, ,RGYAL BA'I MCHOD RTEN
RDZU 'PHRUL GYIS BRIS PA, ,LHA BCAS 'GRO BA'I BSOD NAMS ZHING
MCHOG TU, ,BYIN RLABS GZI 'OD STONG 'BAR LHAM MER BZHUGS, ,TSA
BAS GDUNGS TSE NYA RGYAS LTAR

BSIL ZHING, ,GRANG BAS NYEN DUS DRO BA'I DNGOS LDAN PAS, ,SNGO
LJANG LANG TSO RGYAS PA'I RTZA 'JAM GYI, ,MYU GU LANG LONG NAM
YANG RGYUN MI 'CHAD, ,DMAN MCHOG SKYE BO'I GTZANG SME'I BYE BRAG
GIS, ,MIG 'PHRUL SGYU MA'I ZLOS GAR

JI BZHIN DU, ,SGRUB CHU'I RGYUN DE'ANG SKAD CIG SKAD CIG LA,
,'GRIB DANG 'PHEL BA'I 'JO SGEG ROL PA 'DZIN, ,DE BZHIN DGE
MTSAN BZANG PO'I DUS 'BREL TSE, ,SRA BA'I BRAG NGOS NAM MKHA'
YANGS PO LAS, ,DKAR 'TSER MU

TIG DO SHAL 'THOR BA LTA'I, ,TSE CHU DKAR PO'I GRU CHAR CI YANG
'BAB, ,DER NI MDO RGYUD MAN NGAG MANG THOS SHING, ,BSLAB GSUM
RIM GNYIS BSNYEN BSGRUB BZLAS BRJOD LA, ,BRTZON PA'I RNAL 'BYOR
RNAMS KYIS DE MDZES

SHING; ;GNAS MCHOG DES KYANG SGRUB PO DE RNAMS MDZES, ,ZA ZI
'JIG RTEN BYA BA YONGS DOR NAS, ,LCANG LO CAN MTSUNGS DBEN PA'I
SGRUB GNAS 'DIR, ,SGO GSUM DGE BA'I LAS LA RTZE GCIG TU, ,SBYOR
BA'I RNAL 'BYOR

@004A *, ,MCHOG LA SNYING NAS SPRO, ,DE LAS 'ONGS PA'I DGE BAS
BDAG CAG RNAMS, ,RANG DON YID BYED 'DU 'DZI MTHA' DAG GIS, ,DBEN
PA'I BRTUL ZHUGS MCHOG LA GNAS BCAS TE, ,SKU GSUM GO 'PHANG

MYUR DU THOB PAR SHOG ,CES SGRA SGYUR GYI LOTZTSA BA 'GOS LHAS
BCAS KYI SGRUB GNAS ZHAL GZIGS PHUG PA'I GNAS BSTOD 'DI YANG,
RJE DRUNG DPAL 'BYOR RDO RJE DANG, 'GOS PHUG TU BZHUGS PA'I DGE
BA'I BSHES GNYEN

DU MAS BSKUL BA LA BRTEN NAS, DPAL 'DUS PA'I RNAL 'BYOR PA DGE
SLONG BLO BZANG CHOS KYI RGYAL MTSAN GYIS, ZHAL GZIGS SU DBU
BTZUGS TE SMRAS PA'O,, ,,*, ,NA MO GU RU MANYDZU

GHO sh'A YA, BDE GSHEGS KUN GYI GSANG GSUM YE SHES KYI, ,RANG
MDANGS MKHA' DBYINGS 'JA' TSON RI MO BZHIN, ,MTSAN DPE'I DPAL
'BAR KHYAB BDAG GRUB PA'I RJE, ,MCHOG GSUM NGO BO BLA MA'I ZHABS
BTUD

NAS; ;AOO dI YA NA SEMS NI NGAL BSO'I RI, ,SHR'I DH'A N+YA KA tA
KA LA SOGS, ,BZHIS LHAG BCU PHRAG ZUNG GNAS YON TAN RNAMS,
,YONGS 'DUS GRUB PA'I GNAS KYI RANG BZHIN BRJOD, ,DZAMBU
BRiKshAS MDZES PA'I GLING

GI GNAS, ,BSKAL BZANG THUB PA'I NYI MA PHYOGS BRGYA YIS, ,BKRA
SHIS LAS BYUNG MI GSHOR REG PA NA, ,BDE BA'I MCHOG SBYIN MA RGAD
MYU GU'I TSOGS, ,BKRAMS PA'I KHRIR BZHUGS YID SRUBS BDAG PO'I
SDE'I, ,

@004B MUN STUG MTHAR MDZAD BDUD RTZI'I MCHOG BRNYES PA'I, ,NOR
RNAMS SBYIN PA'I NGOS GYUR SHEL DKAR GYI, ,MCHOD RTEN TSAR DU
DANG RA 'DRA KEE LA SHA'I, ,PHRENG MDZES SDUD BYED SPYAN STONG
MNGA' BA YI, ,THUGS RJE MA

MA'I 'O MA 'KHYIL BA'I LJONGS, ,RAL PA LAS 'ONGS RGYUN BZHIN
GNOD SBYIN GYI, ,BZHON PA'I KHA NAS KLUNG CHEN LO HI TA, ,'DZUM
LDAN DAL GYIS RGYU BA'I BYANG GI PHYOGS, ,RDZU 'PHRUL SHUGS LDAN
STANG ZIL MDANGS

CHAGS PA, ,NOR BU'I SGA SRAB MDZES PA'I MGYOGS 'GRO'I STENG,
,LHUN PO LTAR BRJID LHA YI DGE BSNYEN ZUNG, ,BKA' GDAMS BSTAN PA
BSRUNG ZHING SPEL BA'I YUL, ,MKHAS DANG GRUB PA'I PAD DKAR 'DAB
STONG CAN, ,DU MAS

BSTEN CING MANG PO'I 'BYUNG GNAS KYI, ,SKYED TSAL LEGS BRIS GNAS
LA'ANG RKANG PA 'JOG ,SNYING STOBS RDZINGS LA BRTZON PA'I DAR
PHYAR TE, ,BGROD DKA' 'PHAGS YUL DUG CAN PHANG PA LAS, ,DAM CHOS
BSAM

'PHEL RIN CHEN TSOGS LEN PA, ,SKAD GNYIS SMRA BA RNAMS KYI BLAR
GNAS PAS, ,GNYIS MED GSUNG BA KUN GYI GSANG BA GSUM, ,YONGS 'DUS
SO GNYIS LHA YI ZHAL SKYIN GYI, ,ZLA SHEL ME LONG SGEG MO'I ME

LONG LTAR, ,MNGON SUM GZIGS SHING GRUB PA'I YA MTSAN YANG, ,GSAL
BAR BSTAN PA'I RDO RJE CAN GYI PHYOGS, ,DGE MTSAN BCU YI GZHON
NU YID 'ONG MA, ,MDZES SDUG 'JO SGEG ZLOS GAR BSGYUR BA'I SA,
,DER

@005A *, ,NI SDUG BSNGAL CHU SRIN 'BYUNG GNAS LAS, ,'BYUNG PO'I
TSOGS KUN YONGS SU SGROL BA'I GRU, ,THAR PA'I LAM STON 'GRO KUN
DGA' BA'I DPAL, ,BZANG PO'I DAD PA'I MCHIL BAS DBANG BSGYUR BA,
,MCHOG

GSUM CHOS BSRUNG DBA' BO d'A KI'I TSOGS, ,'CHI MED LAM BZANG
'GOG PA'I SPRIN 'KHRIGS SHING, ,BYIN RLABS MU TIG GRU CHAR STONG
PHAB NAS, ,SHIS BRJOD DBYAR SKYES SNYAN PA'I RNGA GSANGS
BRDUNGS, ,RDO RJE GDAN DANG

DBYER MED RDO RJE YI, ,GDAN DU BYIN BRLABS DE YIS PHYOGS GNYIS
BRGYAN, ,RGYAB RI LHA BCAS 'DREN PA SH'AKYA'I TOG ,MCHOG ZUNG
DBUS NA DAM CHOS STON PA BZHIN, ,SHAR DANG MDUN PHYOGS RGYAL
SRID GSER RI DANG, ,

YID 'ONG MCHOD RDZAS 'DZIN PA LHA MO'I TSOGS, ,GNAS DER MCHOD
PA'I ME TOG 'THOR BA BZHIN, ,G-YU YI SPU LONG RGYAS PA'I GOS
GYON CING, ,SNA TSOGS ME TOG PHRENG BA'I DO SHAL RGOD, ,SDONG PO
LO MA 'BRAS BU'I

BCUD CHAGS PA'I, ,BZANG PO'I SMAN GYI DRI BSUNG PHYOGS BCUR
'PHRO, ,YAN LAG BRGYAD LDAN BDUD RTZI 'O MA'I CHAB, ,RGYU SKAR
TSOM BU TSAR DU DNGAR BYAS NAS, ,SGRUB GNAS BRTEN PAR BCAS LA
MCHOD PA BZHIN, ,RTA DMAR CAN

PHYOGS SA 'DZIN NGOS DAG LA, ,RKANG BZHI PA DANG RKANG GNYIS
LDAN PA YIS, ,GOM PA'I 'DEGS 'JOG BKOD PA'I RJES MIN YANG, ,'JA'
'OD DKAR PO'I SNAM BU BRKYANGS 'DRA BA'I, ,MKHA' 'GROS PHYE
BSHUL GSAL

@005B BAR SHAR BA 'DI, ,MGON MED SRID MTSOR 'KHYAMS PA'I YID CAN
RNAMS, ,RNAM KUN MKHYEN PA'I LAM BZANG 'DIR ZHUGS ZHES, ,GNAS
GSUM DPA' BO MKHA' 'GROS BSKUL BA'I BRDA', ,MTHANG GZHI CHU

SKYES 'DAB BRGYAD DBYIBS LEGS SHING, ,BYA LAM BLA GOS SNGON PO
RTZIBS BRGYAD PA, ,MDZES PA'I BLA BRES BLA NA RNAM PAR BKRA, ,DE
YI LTE BAR RNAM THAR SGO GSUM GYI, ,RANG BZHIN CHOS KUN 'BYUNG
GNAS ZE'U 'BRUS

BRGYAN, ,YID DGA' CHOS 'DZIN GZHAL MED KHANG CHEN NAS, ,BCOM
LDAN MA RGYAL BA LAS RGYAL BA DANG, ,NAM MKHA' DRI MED 'JAM DPAL
SNYING POR BCAS, ,RJE BTZUN YAB SRAS RNAMS KYI THUGS RJE YI,
,BYIN RLABS

GSER SBYANGS PADMA'I CHAR PHAB CING, ,GRUB MCHOG DON YOD ZHABS
DANG 'DZAM GLING GI ,RGYAN GYUR MA PHAM MGON PO'I THUGS KYI
SRAS, ,KUN DGA'I RNAM SPRUL DAM PA KUN DGA' BA'I, ,RGYAL MTSAN
'DZIN SOGS SKYES BU

MCHOG MANG POS, ,BYIN GYIS BRLABS SHING GRUB PA BRNYES PA'I
GNAS, ,KHYAD PAR SKYE BA GCIG THOGS GSAL MCHOG LTA'I, ,CHOS KYI
SNYING PO ZUNG 'JUG RDO RJE YI, ,GRUB BRNYES SKYED BYED RGYA LAS
RNAM GROL ZHING, ,NOR BU

'DZIN PA GDUL DBANG LHUM ZHUGS NAS, ,BLTAMS DANG RTZE DANG NGUR
SMRIG 'DZIN BRDZU BA'I, ,ZOL GYIS DAG PA'I ZHING LTAR LEGS
BSGYUR BA, ,CHOS BRGYAD SRID PA'I DU: KHA'I 'THOR RLUNG KUN,
,SGRIB BYED SRA BRTAN YOL

@006A *, ,BA DKAR PO ZHES, ,DON MTHUN MING GI AUTPAL SNGON PO
YIS, ,PHYOGS KYI MDZES MA'I RNA LUNG SKAL BZANG BYAS, ,BYIN
RLABS CHAR ZIM 'BEBS MKHAS PA, ,LHA DANG BLA MA'I SPRIN 'KHRIGS
SHING, ,DPAL

LDAN 'DOD KHAMS DBANG PHYUG DANG, ,MTHU LDAN DBANG GI SKYES BU
SOGS, ,YE SHES BSRUNG MA'I TSOGS KYIS KYANG, ,G-YEL MED SGRUB
PO'I STONGS GROGS MDZAD, ,SGRUB GNAS GSER GYI MCHOD STONG 'DI'I,
,GU nA

RGYAS PA'I GZI BYIN TSOGS, ,MA BZOD GANGS RI'I MGON PO YI, ,PHO
BRANG RGYA MTSO'I 'GRAM BROS SHING, ,MKHA' SPYOD LHUN PO'I STENG
DU 'PHAGS, ,DPAL GYI RI BO'I PHUN TSOGS LA 'KHU BA, ,YOL DKAR
ZHES

GRAGS GRUB PA'I BSTI GNAS KYI, ,BYANG CHUB LJON SHING RGYAS PA'I
GRIB BSIL LA, ,ZHEN LOG STAN LA CHOG SHES SKYIL KRUNG BCAS,
,SBYANGS PA'I YON TAN BCU GNYIS GOS GYON ZHING, ,DRAN SHES BAG
YOD RGYA CANG MDZES

PAR BCINGS, ,MDO RGYUD MANG THOS SDOM PA GSUM GYIS MDZES, ,BYANG
CHUB SEMD DANG YONGS 'BREL BSLAB GSUM DANG, ,RIM GNYIS ZAB MO'I
'CHI MED BDUD RTZI YIS, ,YID KYI BUM BZANG GANG ZHING RAB 'GENGS
PA'I,,

DGE SLONG RNAL 'BYOR SPYOD PA DU MA YIS, ,LEGS PAR BRGYAN 'DI
AOm dI YA NA NYID, ,DA LTAR 'DI NANG CHOS BRGYAD 'CHING BA'I
TSOGS, ,SHES RAB RAL GRI RNON POS DRAL BYAS TE, ,'KHRUL MED TING
'DZIN BDE LA MNGON

@006B ROL BA'I, ,RNAL 'BYOR MCHOG DE AE MA HO BSNGAGS PAR 'OS,
,DE LTAR GRUB GNAS GRUB PA DANG BCAS PA'I, ,RANG BZHIN BRJOD 'DI
BLO BZANG DAR RGYAS KYIS, ,YANG YANG BSKUL TSE DGE SLONG SPONG
BA PA, ,BLO BZANG CHOS KYI RGYAL

MTSAN ZHES BYAS SBYAR, ,ZHES PA 'DI YANG CHOS SMRA BA'I BTZUN PA
BLO BZANG CHOS KYI RGYAL MTSAN GYIS SBYAR BA'O,, ,,MANGGA LAm,,
,, * , ,SVA STI, PAD DKAR 'DZIN PAS BYIN RLABS YUL GYI LJONGS, ,

DBUS GTZANG DAG ZHING DAR GYI MDUD PA'I MTSAMS, ,'DI YI SGRUB
GNAS LHA YI RI BO'I 'DABS, ,DPAL GYI RI BO 'PHOS 'DRA'I SA 'DZIN
LJONGS, ,RNAM GROL DON DU GNYER BA'I BSTI GNAS MCHOG ,NYIN MTSAN
KUN TU PHUN TSOGS

BSAM GTAN GYIS, ,'KHOR LO RGYUN MI 'CHAD PA BSKOR BA'I GNAS,
,BKRA SHIS DPAL RGYAS SGRUB SDE RGYAS GYUR CIG ,DBU RI'I NGOS
CHAGS PHUN TSOGS SGRUB PA'I SDE, ,PHYOGS DUS KUN TU DAR ZHING
RGYAS PA DANG, ,YUL PHYOGS

'DIR YANG RTAG TU BKRA SHIS SHING, ,'DOD DGU'I 'BYOR PAS KUN
DGA' BSKYED GYUR CIG ,SGRUB PA'I GRVA 'DI 'DEBS SHING RING GNAS
PA'I, ,BSTAN PA'I SBYIN BDAG SA YI BRGYA BYIN MCHOG ,MGON PO
BKRA SHIS MCHED DANG

LCAM DRAL RNAMS, ,SKU TSE BRTAN ZHING CHAB SRID RGYAS GYUR CIG
,CES PA'ANG RJE NYID KYIS GSUNGS SO,, ` ,,RGYAL BA KUN 'DUS RDO
RJE 'CHANG, ,SHES RAB CHEN POS CHOS KUN GZIGS, ,LEGS BSHAD

@007A *, ,SENG GE'I NGA RO SGROG ,BKA' DRIN MNYAM MED ZHABS LA
'DUD, ,DON YOD RDO RJE'I THUGS BCUD KYIS, ,GANG GI THUGS KYI BUM
BZANG GTAMS, ,BDUD RTZI'I ZEGS MA CUNG ZAD CIG ,LEGS PAR ZOS TE

MYANGS PA'I TSE, ,SGYU MA'I LUS KYI GRONG KHYER DU, ,SGYU MA'I
DGE SLONG BRDZUN PA NGAS, ,NGO MTSAR LTAS MO CI YANG MTHONG,
,RGYA MTSO MTHA' YI NGUR PA MTHONG, ,DUG SBRUL TSANG NA GNAS PA
MTHONG, ,SHING 'DAB 'DZIN PA'I RMA BYA

MTHONG, ,MUN PAR GNAS PA'I PHAG RGOD MTHONG, ,ME LCE GYEN LA
'BAR BA MTHONG, ,ZLA BA CHU YIS GANG BA MTHONG, ,RIG PA'I KHYE'U
CHUNG MDA' GZHU CAN, ,'PHRUL GYI RTA LA ZHON PA MTHONG, ,NGUR PA
TSON GYIS SNGON POR BSGYUR, ,

'JA' TSON GUR GYI NANG ZHUGS TE, ,RGYA MTSO'I MTHA' RU 'PHUR TE
THAL, ,DUG SBRUL KHA YI DUG CHU DE, ,KHYE'U CHUNG DE YI GSOS SU
GYUR, ,SBRUL DE GZHU YI CHANGS PAR DKRIS, ,RGYA MTSO GTING NAS
BSKAMS PAR BYAS, ,RMA

BYA'I KHA YI DUG LO MA, ,BUM PA'I NA CHUNG MDZES MA DANG,
,KHYE'U CHUNG DE GNYIS RTZED MO RTZE, ,RMA BYA ME LCES BSREGS
PAR GYUR, ,DUG LO DE YANG THAL BAR BYAS, ,NYI MA ZLA BA BTZON DU
BZUNG, ,ZLA CHU SGRA GCAN KHANG PAR

BAB; ;'PHRUL RTA MA NI THANG LA RGYUG ,MDA' DES PHAG PA BSAD
BYAS NAS, ,PHAG SHA BU CHUNG RANG GIS ZOS, ,MUN PA'I NANG DU 'OD
GSAL SHAR, ,BRJOD BRAL DANG NAS THAMS CAD MTHONG, ,MCHOG TU MI
'GYUR BDE BA CHE, ,BDE

@007B CHEN YE SHES THABS KYI MCHOG ,ZUNG DU 'JUG PA RDO RJE'I
SKU, ,'DI 'DRA'I LTAS MO MTHONG 'DOD NA, ,DGE BA'I BSHES GNYEN
TSUL BZHIN STEN, ,DAM TSIG SDOM PA GCES PAR SRUNGS, ,RDO RJE'I
LUS LA GNANG DU BSNUN, ,

MED KYANG BRDZUN 'GA' SMRAS PA LA, ,MKHA' 'GRO'I BKA' CHAD MI
GNANG 'TSAL, ,BDAG LA SNYING NAS DANG BA RNAMS, ,SKYE BA BDUN
NAM BCU DRUG NAS, ,RDO RJE 'DZIN PA'I SA BRNYES SHOG ,DGE RTZA
THUB BSTAN RGYAS CHED

BSNGOS, ,SA MA YA RGYA, ZHES RNAL 'BYOR DBANG PHYUG 'DUL 'DZIN
BLO GROS SBAS PA'I RDO RJE'I GSUNG MGUR YIN LA, 'DI BLA MED LA
BRTEN NAS ZUNG 'JUG GI GO 'PHANG MNGON DU MDZAD PA'I DON BRDA'
MANG POS NYE BAR

BCINGS 'DUG PAS, JI LTA BA BZHIN RTOGS DKA' BA 'DUG NA'ANG, RANG
GI GO TSOD 'DI LTA STE, TSIGS BCAD DANG POS RJE BTZUN SHES RAB
SENG GE LA MCHOD BRJOD DANG, GNYIS PAS DE'I BKA' DRIN LAS RJE
NYID KYI

THUGS BCUD ZAB MO RNYED PA DANG, TSIG GSUM GYIS DE DON NYAMS SU
BLANGS PA LAS RANG RGYUD LA RTOGS PA KHYAD PAR CAN 'KHRUNGS PAR
BSTAN TE GO SLA'O, ,RGYA MTSO NI SRID PA'I RGYA MTSO DANG, NGUR
PA NI NYAMS LEN

GYI DGE SLONG RANG NYID YIN LA, DUG SBRUL, SHING 'DAB 'DZIN PA'I
RMA BYA, MUN PAR NYAL BA'I PHAG RGOD GSUM NI, ZHE SDANG, 'DOD
CHAGS, BDEN 'DZIN GYIS BSDUS PA'I GTI MUG RNAMS SO, ,ME LCE GYEN

@008A *, ,LA 'BAR BA NI, NANG RDO RJE'I LUS LA GNAD DU BSNUN PA
LAS BYUNG BA'I GTUM MO'I ME DANG, ZLA BA CHU YIS GANG BA NI SPYI
BO'I HAm YIG TU GRAGS PA'I KHAMS DKAR PO'I THIG LE YIN LA, RIG

PA'I KHYI'U CHUNG NI SGOM PA PO'AM, SEMS THABS SHES KYI MDA'
GZHU CAN NO, ,'PHRUL GYI RTA LA ZHON PA STE RNAM SHES DE RLUNG
GI BZHON PA CAN NO, ,NGUR PA TSON GYIS SNGON POR BSGYUR BA NI,
RIM PA DANG PO DANG GNYIS

PA'I LHA'I RNAL 'BYOR GYIS THA MAL GYI SNANG ZHEN SPANGS TE, YID
NGOR DANG, DNGOS GNAS PA'I LHA'I SKUR BSGYUR BA NI, 'JA' TSON
GUR KHYIM GYI NANG DU ZHUGS NAS TSE GCIG LA 'KHOR BA'I RGYA MTSO
SPANGS TE DE'I MTHAR 'PHUR

TE THAL BA DANG, DUG SBRUL KHA'I DUG CHU KHYE'U CHUNG DE'I GSOS
SU GYUR PA NI, NYON MONGS PA DE NYID LAM GYI GROGS SU BYAS PA
DANG, SBRUL DE GZHU'I CHANGS PAR DKRIS PA NI, ZHE SDANG DE NYID
SPANGS TE, SNYING RJE CHEN PO'I NGO

BOR BSKYED NAS, THABS KYI GZHU'I CHANGS PAR DKRIS PA DANG, SRID
PA'I RGYA MTSO GTING NAS BSKAMS PAR BYAS PA STE, THABS GANG GIS
BYAS NA, RMA BYA'I KHA'I DUG LO STE 'DOD YON LA CHAGS PA LAM DU
BYAS PA DANG, DE

YANG BUM PA'I NA CHUNG MDZES MA DANG, RIG PA'I KHYE'U CHUNG DE
GNYIS RTZED MO RTZE BA STE, PHYI'I THABS YE SHES KYI PHYAG RGYA
SOGS DANG MNYAM PAR SBYOR BA DANG, NANG GI THABS GTUM MO SOGS
RDO RJE'I LUS LA GNAD DU BSNUN

@008B PAS NYI MA ZLA BA BTZON DU BZUNG BA STE, RO RKYANG GI RGYU
BA DH'U T'IR BKAG NAS, LTE BA'I GTUM MO'I ME 'BAR BAS, ZLA CHU
SGRA GCAN KHANG PAR BAB PA STE, SPYI BO'I HAm YIG ZHU NAS DH'U
T'I'I LAM DU BABS PA LAS, MCHOG TU MI 'GYUR BA LHAN

CIG SKYES PA'I YE SHES KYIS STONG PA NYID MNGON SUM DU RTOGS
PA'I YE SHES KYI ME LCES RMA BYAS MTSON PA'I 'DOD CHAGS DANG,
DE'I KHA'I DUG LO 'DOD YON LA SRED PA RNAMS THAL BAR BYAS PA STE
SPANGS SHING, 'PHRUL RTA MA NI

THANG LA RGYUG PA STE, RLUNG DBU MA 'BA' ZHIG NAS RGYU BAR BYAS
PA DANG, BDE STONG GI YE SHES KYI MDA' DES GTI MUG BDEN 'DZIN
GYI PHAG PA BSAD NAS, DE SPANGS PA'I PHAG SHA BU CHUNG RANG GIS
ZOS PA STE SPANGS PA MNGON DU BYAS PA

DANG; MUN PA'I NANG BDEN 'DZIN DE SPANGS NAS, DON GYI 'OD GSAL
GYI NYI MA SHAR TE BRJOD BRAL GYI MNYAM GZHAG GI NGANG NAS JI
SNYED PA'I SHES BYA THAMS CAD MTHONG BA DANG, DE LTA BU'I 'OD
GSAL GYI YE SHES DANG, THABS KYI

SKU YONGS SU DAG PA'I KUN RDZOB SGYU MA'I LHA SKU GNYIS, SKU
DANG THUGS SU GRUB PA DE NGO BO DBYER MED DU ZUNG DU 'JUG PA'I
GO 'PHANG MNGON DU MDZAD PA'I DON NO, ,'DI 'DRA'I LTAS MO MTHONG
'DOD NA, ZHES SOGS NI, DE MNGON DU BYED PAR

'DOD NA LAM 'DI LTAR NYAMS SU LONGS SHIG ,CES SKAL LDAN GYI GDUL
BYA GZHAN LA'ANG BRTZE BAS GDAMS PA SOGS LHAG MA RNAMS GO SLA'O,
,RGYUD SDE'I NGES GSANG RTOGS DKA' RDO RJE'I MGUR, ,DAM PAS
BSKUL

@009A *, ,PHYIR G-YAR KHRAL 'TSAL BA LA, ,GNAS GSUM MKHA'
'GRO'I TSOGS KYIS BZOD MDZAD CING, ,DGE BAS 'GRO KUN LAM 'DIS
GROL GYUR CIG ,CES PA 'DI YANG MDO RGYUD MAN NGAG 'DZIN PA'I

SPONG BA PO BLO BZANG CHOS KYI RGYAL MTSAN GYIS SBYAR BA'O,,
,,MANGGA LAm,, ,, ` AOm SVA STI, PHAN BDE'I 'BYUNG GNAS RGYAL
BSTAN YONGS 'DU'I LJON, ,RAB RGYAS 'GRO KUN THAR MCHOG

'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER,
,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA
TAm,, ,,