*, ,BKRA SHIS LHUN PO'I RIN PO CHE'I MCHOD RTEN MTHONG BAS DON
DANG LDAN CING THOS PAS RNAM PAR GROL BA'I DKAR CHAG BZHUGS, ,

@001A #, ,NA MO GU RU SH'AKYA MU NA YE, GRANGS MED GSUM DU TSOGS
GNYIS BRGYA PHRAG GIS, ,LEGS BSGRUBS 'BRAS BZANG MTSAN DPE'I ME
TOG BKRA, SKYE DGU'I

GDUNG SEL MDZAD PA'I GRIB BSIL CAN, ,THUB DBANG DPAG BSAM LJON
PAS DGE LEGS STZOL, ,LUS CAN PHAN BDE'I 'BRAS BU SMIN PA'I
ZHING, ,BSTAN PA RIN CHEN DE YANG

DKON MCHOG GI ,SKU GSUNG THUGS KYI RTEN LA RAG LAS SHING, ,KHYAD
PAR RING BSREL RNAM BZHI CI RIGS PA'I, ,SNYING PO CAN GYI BDE
GSHEGS MCHOD RTEN DANG, ,RGYAL BA'I SKU

BRNYAN BSKRUN CING DE DAG LA, ,MCHOD GANG DGE LEGS 'BYUNG GNAS
MDO LAS KYANG, ,THUB PA'I MCHOD RTEN BYED DAM BYED BCUG PA, ,MYA
NGAN 'JOMS DANG LUS KUN

@002A *, ,GRIMS PA DANG, ,RIN CHEN MDZOD MANG 'JIG RTEN GTZOR
'GYUR ZHING, ,MI DE DGRA YI TSOGS LAS RGYAL BAR 'GYUR, ,BCOM
LDAN 'DAS KYIS MCHOD RTEN RNAMS DANG NI, ,

SKU GZUGS RNAMS LA RDUL PHRAN CI YOD PA, ,DE 'DRA'I GRANGS DE
SNYED KYI RGYAL SRID DANG, ,LHA YUL SA STENG MI YIS NGES PAR
THOB, ,GZUGS DANG GZUGS MED KHAMS KYI TING 'DZIN NI, ,PHUN

SUM TSOGS PA'I SA MCHOG KUN MYONG NAS, ,THA MAR SKYE DANG RGA BA
LA SOGS PA'I, ,SDUG BSNGAL DANG BRAL SANGS RGYAS GO 'PHANG
'THOB, ,CES GSUNGS DE BZHIN 'DUL BA LUNG LAS KYANG, ,

MKHAS PA GANG ZHIG RAB TU SEMS DANG BAS, ,SANGS RGYAS MCHOD RTEN
DAG LA GOM 'DOR NA, ,DZAMBU CHU BO'I GSER GYI SRANG TSAD NI,
,STONG PHRAG BRGYA YANG DE DANG MNYAM PA MIN, ,ZHES DANG

MCHOD RTEN BSKOR BA'I PHAN YON SOGS, ,MDO RGYUD RGYA MTSOR
BSNGAGS PAS YID DRANGS TE, ,ZAD BYED NAGS KYI DPA' BO'I DUS DGE
BAR, ,SKYE DGU'I BSOD NAMS CHU GTER DBUS

@002B 'KHRUNGS PA, ,BKRA SHIS BANG RIM MTHO LDAN LHUN PO'I
DBUS, ,MTHONG BAS DON LDAN THOS PAS RNAM GROL BA'I, ,BDE GSHEGS
MCHOD RTEN 'DZAM GLING MDZES PA'I RGYAN, ,SNA TSOGS RIN CHEN LAS
GRUB

BZHUGS KHANG NI, ,BLA BRE DANG BCAS 'GRAN BZHIN LHAN CIG
BSGRUBS, ,SKYED BYED DNGUL SRANG BRGYA PHRAG TSES KYI GRANGS,
,SENG KHRI'I 'BYED SOGS ZANGS KHAL MA 'DRES CHOS, ,SGO RGYAN LA
SOGS MGUR ZHO'I SA

LE SBRAM, ,BCU PHRAG RGYU SKAR 'KHOR LO'I GRANGS LDAN LA,
,PIR THAGS DBANG PO DKON MCHOG LHUN GRUB KYI, ,RNAM DPYOD 'DAB
BRGYA'I GNYEN GYI 'OD STONG GIS, ,SGO RGYAN GSER GYI PADMA RGYAS
BYAS PAR, ,GRU

DKAR GRU DMAR LA SOGS G-YU RNYING GI ,MDZES PA'I ME TOG PHANG
PHUNG ZE'U 'BRUR RGOD, ,MTHA' SKOR SPEL LEGS MU TIG PHRENG BA
NI, ,ZLA BA'I DO SHAL TSAR DU DAG RA BA BZHIN, ,NANG RIM DKAR
'TSER MU

TIG M'A LA'I DBUS, ,G-YU YI LJON SHING 'KHYOG LDAN GSAL BA NI,
,BSGYINGS LEGS DBANG SNGON 'JA' TSON DAG LA 'GRAN, ,SGO NANG
DNGUL SRANG BRGYA PHRAG LAS GRUB PA, ,'DREN BYED DGA' STON MA
LUS

SPUNGS PA LTA'I, ,RGYAL BA'I MDZES SKU BYIN RLABS GZI 'BAR BA,
,AINDRA'I PHUG GI THUB DBANG MNGON SUM BZHIN, ,TZANDAN DKAR PO
'BA' ZHIG SROG SHING LA, ,DE NYID BRTEN SNGAGS BDUN BRGYA RIG

@003A *, ,CHEN GYI, ,GZUNGS SNGAGS SUM BRGYA RGYA SNAG DAG GIS
BRIS, ,LHA RDZAS GSER MDOG NGOS LA STON PA YI, ,SKU BRNYAN RGYAB
NGOS DE NYID GZUNGS BKOD PA, ,MDA' YIS LHAG PA'I BRGYA PHRAG
PHYED

DANG GNYIS, ,JO BO LHA GCIG DGE BSHES SNE'U ZUR PA, ,RJE BTZUN
SA PAn RGYAL BA TZONG KHA PA, ,DGE 'DUN RGYA MTSO DE DAG RANG
RANG GI ,PHYAG ZHABS 'KHOR LO'I MTSAN LDAN PHYAG NAS MA, ,SANGS
RGYAS ZHABS

RJES DANG BCAS LEGS DKRIS SHING, ,RTZA BAR CHOS KYI RGYAL PO
TZONG KHA PA'I, ,PHYAG 'KHAR YIN NGES CIG CAR YONGS BSDAMS TE,
,RMANG DGE NAS BZUNG TOG GI BAR DU SON, ,BLA NGOS SANGS RGYAS
NAS BZUNG BSHAD

SGRUB KYI, ,BRGYUD PA SO SO'I RTZA BA'I BLA MA'I BAR, ,MTSAN
SPEL PHYAG 'TSAL SKYABS 'GRO BYIN RLOB PA'I, ,SPEL TSIG SAm SKRi
TA YI SKAD BSGYUR BA, ,'BRU GSUM DBUS SU CHUD PA BRGYA LHAG
TZAM, ,GSANG BDE 'JIGS

DUS KYEE RDOR RNAMS KYI GZUNGS, ,STONG PHRAG RE RE GZHAN YANG
RGYUD SDE BZHI'I, ,YI DAM MANG PO'I GZUNGS SNGAGS BRGYA PHRAG
BRGAL, ,KHYAD PAR RDOR SEMS YIG BRGYA BRGYA PHRAG LNGA, ,GANGS
KHROD 'GYUR RO COG GI

GZUNGS 'BUM GCIG ,DPANG LO CHEN PO'I PHYI NANG GZUNGS 'BUM
GNYIS, ,GSANG BDE 'JIGS BYED KYEE RDOR RTZA RGYUD 'GA', ,MTSAN
BRJOD DUS 'KHOR BSDUS RGYUD SBYONG RGYUD DANG, ,SMAN BLA'I MDO
DANG SDUD PA LA

@003B SOGS PA, ,MDO RGYUD SNA TSOGS DE DAG DGONGS 'GREL GYI,
,RGYA GZHUNG MANG ZHING RTZOD DUS THAMS CAD MKHYEN, ,BU STON
GSUNG RAB 'GANGS CHE PHAL CHER BZHUGS, ,KHYAD PAR RGYAL BA GNYIS
PA TZONG KHA PA'I, ,PHYAG 'GREL GSAR GYI

SGRON GSAL KHYAD 'PHAGS DANG, ,MDO SNGAGS LAM RIM GNYIS KYIS
MTSON PA YI, ,RJE BTZUN BLA MA'I GSUNG RAB PHAL CHE BA, ,THEG PA
RGYUD SDE'I RIM PA BZHIN DU BZHUGS, ,BUM STOD NGOS SU RDZOGS
PA'I SANGS RGYAS KYI, ,RING

BSREL TSEMS KYI DUM BU GLANG PO'I GDUNG, ,JO BO'I GDUNG NAG
BZHUGS GDAN PO TO BA'I, ,THUGS TSAL SHA PO SGANG PA'I GDUNG RUS
DANG, ,SA PAn ZHUN THIGS LAS GRUB BCU GCIG ZHAL, ,'PHAGS PA'I
SKU SBYAR DE YI PHYAG PHRENG

GCIG ,KHAM LUNG PA DANG DPAL LDAN PHAG GRU DANG, ,BLO BZANG
RGYAL BA GNYIS PA'I DBU SKYES DANG, ,CHOS RJE RNAM GSUM SKU
SBYAR YONGS RDZOGS DANG, ,RGYAL BA GNYIS PA'I PHYAG MTSAN RDOR
DRIL ZUNG, ,RJE BTZUN BLA MA MKHAS

GRUB RJE GNYIS KYI, ,TSEMS LAS 'KHRUNGS PA'I BUNG DKAR RNAM PA
GNYIS, ,RGYAL TSAB SKU SBYAR DUM BU MKHAS GRUB RJE'I, ,SMAN
PHRENG 'KHRUL MED RDOG PO LNGA BCU LNGA, ,'JAM DPAL RGYA MTSO
PAn CHEN DGE 'DUN GRUB, ,RNAM

GNYIS GDUNG DANG GRUB THOB DZ'A BI RA, ,NOR BZANG RGYA MTSO DGE
'DUN RGYA MTSO'I DPAL, ,BLO BZANG DON GRUB BSOD NAMS RGYA MTSO
DANG, ,SANGS RGYAS YE SHES RNAMS KYI DBU LO 'GA', ,THAMS CAD
MKHYEN PA BSOD NAMS RGYA

@004A *, ,MTSO DANG, ,MKHAS GRUB CHEN PO SANGS RGYAS YE SHES
KYI, ,DBU PAn DE NYID PHYAG DRIL BCAS PA MCHIS, ,BUM DBUS N'A
RO'I PHYAG BZO THUGS DAM RTEN, ,RDO NAG BDE MCHOG PHYAG MANG
'KHYUD GANG

DANG, ,TZANDAN DMAR PO'I THUB SKU MDA' TSAD MA, ,BYANG CHUB
SHING LAS RANG BYON BAL MO BZA'I, ,THUGS DAM SGROL MA BYIN RLABS
'BAR BA BZHUGS, ,GRO STON KHRO BU THAMS CAD MKHYEN PA MCHIMS,
,KUN MKHYEN 'PHAGS

'OD BU STON RIN PO CHE'I, ,GDUNG THAL LAS 'ONGS THUB DBANG PAR
SKU LNGA, ,MA PHAM MTSO RDE'U SGROL MA RANG BYON DANG, ,RI BO
RTZE LNGA'I KHRUS 'DAM 'JAM DBYANGS SKU, ,RGYA NAG PO tA LAR
GRAGS TZANDAN GYI, ,'PHAGS

PA'I SKU DANG DE YI ZHABS RJES RDO, ,D'I PAm KA RA'I 'BRAL SPANG
MI G-YO BA, ,BYIN RLABS CAN MTSON LI MA RNAM PA GSUM, ,G-YU
BRAG PHYAG TSA SGRA PA SHER RIN PA'I, ,GDUNG TSA RJE BTZUN MID
LA RANG BYON DANG, ,

'DUS PA'I SKU GSUM 'JIGS BYED YONGS RDZOGS KYI, ,PAR SKU GCIG
LHAG BCU PHRAG DRUG DANG LDAN, ,MNGA' BDAG MEE TRI'I BDE SKYONG
N'A RO DANG, ,MAR RNGOG LA SOGS GRUB THOB MANG PO YI, ,GSOL

SNOD DAD RTEN MDZAD DANG 'KHRUL MED KYI, ,MTSAN LDAN DBU THOD
DAM RDZAS GANG BAR BZHUGS, ,DAM PA RGYA GAR ZHABS RTEN YA GCIG
DANG, ,CHOS RGYAL KHRI SRONG LDE'U BTZAN ZHABS NGAR DANG, ,CHOS
SKU'I RING

@004B BSREL GZUNGS CHEN SDE LNGA PO, ,SNYING POR CHUD PA'I S'A
TZTSA SUM BRGYA DANG, ,GYA DGUS LHAG PA'I KHRI PHRAG TSANG BAR
BZHUGS, ,BANG RIM NOR LHA MOS SKYONG GTZANG RIS KYI, ,MGON PO'I
GZUNGS DANG MDO RGYUD RNAM MANG

LAS, ,BYUNG BA'I BKRA SHIS TSOGS KYIS GANG BAR BYAS, ,KHRI STENG
RMANG DGE'I MTSAMS KYI SROG SHING 'OG ,GNOD SBYIN YAB YUM BCO
BRGYAD 'KHOR LO LA, ,BZHED TSUL MI MTHUN KHE NYEN CHE BA'I
PHYIR, ,ZHIB BRTAG

TSAD LDAN MKHAS PA'I LUGS BZHIN BZHUGS, ,KHRI MTHANG GDENGS CAN
GRONG KHYER DE STENG DU, ,BAR CHAD KUN SEL YID BZHIN NOR BU YI,
,KA LA SHA BZANG SO SO'I SKU DANG GZUNGS, ,LAS BZHI'I SPEL TSIG
SBYAR BA'I GAD BU

DANG, ,RANG RANG RTEN RDZAS RIN CHEN 'BRU SNA SOGS, ,RTEN 'BREL
DAM RDZAS RGYA MTSOS GANG BA BKOD, ,DE DANG 'DAB CHAGS TSOGS KYI
BDAG PO YI, ,DBANG GI 'KHOR LO MAN NGAG BZHIN GNAS PA'I, ,STENG
DU CHOS KYI RGYAL PO TZONG KHA

PA'I, ,GSOL LHUNG ZHAL DKAR RING BSREL GYIS MDZES PA, ,BCUD KYIS
BYUR BUR GANG DBUS DZAMBHA LA, ,KHA CHE SGOM PA'I THUGS DAM LI
MA YOD, ,DBANG LDAN THAMS CAD MKHYEN PA DGE 'DUN GRUB, ,GANG
DE'I PHYAG BRIS DPAL

LDAN LHA MO DANG, ,BYANG CHUB SHING MGON GUR GYI MGON PO DANG,
,BYANG PHYOGS GLANG RU LUNG BSTAN GRAGS PA YI, ,RDO NGOS MGON PO
CHOS RGYAL LHA MO DANG, ,GNOD SBYIN SKU BRIS 'PHRIN LAS GNYER DU
GTAD, ,PHYAG DRUG

@005A *, ,MGON PO'I BE'U BUM LUGS GSUM DANG, ,BYA ROG MTSAN CAN
BE'U BUM RNAM PA GNYIS, ,GUR ZHAL GNYIS KYI RE RE RNAM SRAS KYI,
,BE'U BUM YONGS RDZOGS CHOS SKYONG GZHAN GYI YANG, ,KHUNGS

BTZUN YAG SNA MANG POS LEGS PAR GANG, ,BAR BAR RGYAB GZUNGS BKRA
BA'I DZAMBHA LA, ,SUM BRGYA LNGA BCU NGA LNGA BZHUGS PA NI,
,BYANG PHYOGS GNOD SBYIN ROL PA'I DGA' 'TSAL BZHIN, ,MDOR NA
'DZAM GLING

GNAS CHEN PHAL CHE BA'I, ,SA SNA RDO SNA 'BRU SNA RIN CHEN
DANG, ,DAR TSON DRI BZANG SMAN SNA LA SOGS PA, ,PHUN TSOGS 'DOD
DGU 'BYUNG BA'I GNAS SU BSGRUBS, ,DE DANG MTSUNGS PAR DNGUL
SRANG RIG BYED NI, ,BRGYA PHRAG

LAS 'ONGS STON PA'I SKU BRNYAN DANG, ,DNGUL SRANG BRGYAD CU LAS
GRUB MAndAL GCIG ,DNGUL SRANG RE DRUG LAS GRUB MCHOD SKONG
GNYIS, ,LEGS BSGRUBS ZAD BYED KHRUMS ZLA'I BCO LNGA NAS, ,DE
NYID MGO CAN BCU

GSUM BCU BZHI LA, ,RAB 'BYAMS SMRA BA'I SDE DANG LHAN CIG TU,
,DPAL LDAN MI BSKYOD RDO RJE'I DKYIL 'KHOR DU, ,RGYUD SDE'I DON
BZHIN RAB TU GNAS PA MDZAD, ,STONG PHRAG BRGAL BA'I 'DUS PA RGYA
MTSO'I TSOGS, ,RAB

STON MANG 'GYED BZANG POS MNGON MCHOD DE, ,BKRA SHIS DGE MTSAN
ME TOG CHAR DU PHAB, ,GSER ZHO BRGYA PHRAG DU MA DANG BCAS PAS,
,BZO RIG PA RNAMS MNYES SHING TSIM PAR BGYIS, ,DE LAS BYUNG BA'I
RNAM

@005B DKAR PHUNG PO YANG, ,LAN DANG RNAM PAR SMIN LA MI RE BAR,
,NYAM THAG MAR GYUR 'GRO BA THAMS CAD LA, ,GNAS SKABS MTHAR THUG
PHAN BDE'I RGYU RU BSNGOS,, ` ,,YANG SMRAS PA, DE LTAR RNAM MANG
RIN CHEN LAS

GRUB PA'I, ,'JIG RTEN KUN GYI 'DREN BYED DGA' STON KUN, ,LHUN
POR BGYIS 'DRA SA STENG MDZES PA'I RGYAN, ,BDE GSHEGS BYANG CHUB
MCHOD RTEN BSKRUN PA LA, ,RGYU DNGOS SGO GSUM CI RIGS MTHUN PA'I
RKYEN, ,SGRUB BYED MA

LUS TSE RABS THAMS CAD DU, ,PHUN TSOGS MNGON MTHO DAM PA'I MGON
BZUNG STE, ,THAMS CAD GZIGS PA'I GO 'PHANG MYUR THOB SHOG ,BDAG
KYANG 'DIS MTSON RNAM DKAR PHUNG PO'I MTHUS, ,RTAG TU THUB PA'I
BRTUL ZHUGS

BZANG MNOS ZHING, ,PHYI NANG BDUD BZHI'I G-YUL LAS RNAM RGYAL
TE, ,NYAM THAG 'GRO KUN 'DREN PA'I MCHOG GYUR CIG ,DE SKAD SMRA
PO CHOS KYI RGYAL MTSAN TE, ,BLO LDAN DGA' DANG MOS PA SPEL
PHYIR DANG, ,SNYING NAS RGYAL

BA'I MCHOD RTEN BSGRUB 'DOD PA, ,DE DAG RNAMS LA'ANG PHAN PHYIR
'DI BRTZAMS SO, ,ZHES RIGS PAR SMRA BA BLO BZANG CHOS KYI RGYAL
MTSAN GYIS SBYAR BA'O,, ,, *, ,SVASTI, MCHOD RTEN MTHONG BAS
RNAM

GROL YID BZHIN GYI, ,NOR MCHOG BZHUGS PA'I GTZUG LAG KHANG DANG
'DI'I, ,SHING RTZI LOGS BRIS BLA BRE MCHOD RDZAS RNAMS, ,MA LUS
DGE SLONG CHOS KYI RGYAL MTSAN GYIS, ,BSGRUBS PA'I DGE BAS TSUL
'DIR SGO

@006A *, ,GSUM GYIS, ,MTHUN PA BSGRUBS PA'I LUS CAN MTHA' DAG
GIS, ,MTSON PA'I MKHA' MNYAM 'GRO BA MA LUS PA, ,MYUR DU THAMS
CAD MKHYEN GRONG 'JUG GYUR CIG ,'DI NANG MCHOD RDZAS PHRA MO
TSUN CHAD KYANG, ,'DOD KHAMS DBANG PHYUG MA LA GNYER DU GTAD,,
,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I
LJON, ,RAB RGYAS 'GRO KUN THAR MCHOG 'BRAS BZANG LA, ,

SPYOD PHYIR BKRA SHIS LHUN GRUB CHOS GRVA CHER, ,CHOS SBYIN
'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,