*, ,BKRA SHIS LHUN PO'I PHYI'I MCHOD RTEN DANG RA BSGRENG DU
MCHOD RTEN BZHENGS PA'I DKAR CHAG BZHUGS, ,

@001A #, ,NA MO GU RU MANYDZU GHO sh'A YA, DUS GSUM BDE BAR
GSHEGS PA THAMS CAD KYI, ,SKYON BRAL CHOS KYI SKU YI BDAG NYID
MCHOG ,STOBS SOGS YON TAN MA LUS 'BYUNG BA'I GNAS, ,

JI SNYED MCHOD RTEN RNAMS LA PHYAG 'TSAL NAS, ,MDO RGYUD DAM PA
RNAMS KYIS CHER BSNGAGS PA'I, ,RTOG BRAL YON TAN RGYA MTSOS YID
DRANGS TE, ,RANG GZHAN DON DU RGYAL BA'I MCHOD RTEN CHE, ,MNGON
PAR

BSGRUBS PA'I DKAR CHAG MDO TZAM BRJOD, ,LHAR BCAS 'GRO BA KUN
GYI PHAN BDE'I GZHI, ,RGYAL BA'I BSTAN PA NYID LA RAG LAS SHING,
,DE YANG DE NYID TSUL BZHIN 'DZIN PA YI, ,RNAM DAG DGE 'DUN SDE
LA

RAG LAS PAR, ,GSUNGS PHYIR ZHING RNAMS RGYA MTSO'I DGE 'DUN
RNAMS, ,MTHUN CING 'KHOR LO GSUM LA BRTZON PA'I PHYIR, ,SNGON
TSE 'PHAGS YUL DBUS KYI MA GA DHAR, ,MCHOG ZUNG BZANG POS BSDUMS

@002A *, ,CHE DBYEN BZLUMS KYI, ,MCHOD RTEN BSOD NAMS BZHIN DU
BSKRUN PA LTAR, ,BOD YUL KHA BA CAN LJONGS RDO RJE'I GDAN, ,PO
TA LA MTSUNGS SPYAN RAS GZIGS DBANG GNAS, ,MAR ME MDZAD KYIS

LUNG BSTAN CHOS GRVA CHE, ,BKRA SHIS LHUN PO DPAL GYI SDE CHEN
PO, ,PHYOGS LAS RNAM PAR RGYAL BA'I GLING 'DIR NI, ,DGE LEGS MA
LUS GZUGS SU BGYIS 'DRA BA'I, ,BDE GSHEGS MCHOD RTEN LEGS PAR

BSGRUBS PA GANG, ,PHUR BU'I LO YI NAG ZLA'I DKAR TSES KYI,
,'PHROD SBYOR DGE MTSAN LDAN PA BCO LNGA'I NYIN, ,DPAL LDAN MI
BSKYOD RDO RJE'I DKYIL 'KHOR LA, ,BRTEN NAS SA YI CHO GA TSUL
BZHIN BGYIS, ,DRI MED

GZUNGS 'GREL 'DUL BA LUNG SOGS LAS, ,BSHAD PA MKHAS PAS BKRAL
BA'I PHYAG LEN LTAR, ,DAM PA'I LUGS 'DZIN DKON MCHOG LHUN GRUB
CES, ,PIR THOGS DBANG PO'I BKOD PA'I NYI 'OD KYIS, ,

GSAL BAR BYAS TSE MDZES SHING LHUN CHAGS LA, ,BYIN RLABS GZI
'BAR PHAN BDE'I 'BRAS STZOL BA'I, ,SRID DANG ZHI BA'I GDUNG SEL
CHOS SKU'I RTEN, ,SNGON MED 'DOD PA 'JO BA'I DPAG BSAM 'KHRUNGS, ,

@002B SDE SNOD GSUM SGROG BSLAB PA GSUM LDAN PA, ,BGRANG YAS
'DUN LDAN RGYA MTSO'I TSOGS RNAMS KYIS, ,BYA BA LAS KYI 'KHOR
LO'I MCHOG 'DI ZHES, ,LHAG BSAM DAG PAS LAS LA BRTZON PAR MDZAD,
,'OG

TU KLU YI BUM GTER GDENGS CAN GYI, ,DBANG PO'I SNOD BCUD 'BYOR
PAS BYUR BUR GTAMS, ,GNOD SBYIN PHO MO DGU YI 'KHOR LO YANG,
,TSAD MAR GYUR PA'I PHYAG LEN JI BZHIN DU, ,'BRU DANG DAR TSON
RIN CHEN

DU MA SOGS, ,BKRA SHIS RDZAS KYIS YONGS SU GANG BAR BYAS, ,MYUR
MDZAD BAR GCOD KUN SEL DKAR NAG GI ,BUM BZANG PHRIN LAS BZHI YI
'BYUNG GNAS YOD, ,RIN PO CHE DANG SMAN 'DAM LAS GRUB CING, ,

THAMS CAD MKHYEN PA GONG MA RNAMS GSUM SOGS, ,MKHAS GRUB MANG
PO'I GDUNG THAL BGRANG YAS DANG, ,GNAS CHEN MANG PO'I SA SNA LAS
GRUB CING, ,DRI MED GZUNGS KYI RING BSREL SNYING PO CAN, ,BU
STON THAMS

CAD MKHYEN PA'I PHYAG PAR GYI, ,MCHOD RTEN BRGYA LDAN S'ATZTSA
KHRI PHRAG GCIG ,GZHAN YANG BDE GSHEGS CHOS SKU'I RING BSREL
MCHOG ,DRI BZANG GIS SBAGS GZUNGS CHEN RNAM PA LNGA, ,CI RIGS
KHONG BZHUGS S'ATZTSA 'BUM

PHRAG GSUM, ,SH'AKYA'I RGYAL PO'I GZUNGS KYI SNYING PO CAN,
,CHIG STONG SMAN BLA'I GZUNGS BZHUGS LNGA BRGYA DANG, ,BYAMS PAS
DAM BCAS GZUNGS BZHUGS BRGYA PHRAG GCIG ,DE BZHIN MI 'KHRUGS
RIGS GSUM

@003A *, ,MGON PO DANG, ,GSANG BDE 'JIGS GSUM KYEE RDOR DUS
'KHOR DANG, ,KUN RIG BKA' GDAMS LHA BZHI LA SOGS PA'I, ,GZUNGS
CAN S'ATZTSA MANG PO SNYING POR BZHUGS, ,DZAM LA SGROL MA

RNAM RGYAL 'JAM DBYANGS DANG, ,BYAMS MGON MI 'KHRUGS RGYAL PO
TSE DPAG MED, ,DPAL LDAN 'DUS PA RJE BTZUN BLA MA'I SKU, ,RE
RE'ANG KHRI PHRAG RE YI TSAD DU MCHIS, ,BKRA SHIS DO KHA MAR
GRAGS CHOS KYI RJE, ,BYAMS

PA GLING PA'I PHYAG BZO LAS BYUNG BA, ,RJE BTZUN BLA MA'I SKU
'DRA BYIN RLABS CAN, ,DE BZHIN PHAG GRU'I SKU 'BAG BYI SA MA,
,JO BO LHA GCIG SMRi TI DZNY'A NA DANG, ,ZHANG STON G-YU BRAG
PA YI PHYAG TSA DANG, ,'PHAGS 'OD GDUNG

TSA KHRO PHU THOG THUB GSUM, ,PAn CHEN RDZA SKU PHYAG NAS MAR
GRAGS DANG, ,BYA BTANG SEMS DPA' CHEN PO'I DBU LO PHUBS, ,BZHUGS
PA'I DE NYID 'DRA SKU PHYAG NAS MA, ,GZHAN YANG PAndI TA DANG
GRUB THOB KYI, ,

SKU 'DRA BYIN RLABS CHE BA MANG DU BZHUGS, ,KHA CHE PAn CHEN
SH'AKYA SHR'I YIS, ,'CHAD NYAN MANG MDZAD BRGYAD STONG KYEE RDOR
RGYUD, ,RGYA DPE YA MTSAN RMAD DU BYUNG BA YOD, ,GSER GYI BRGYAD
STONG GLEGS BAM ZUNG GCIG

DANG, ,BDE DGYES DUS GSANG GSHED SKOR SPYOD RGYUD KYIS, ,MTSON
PA MDO RGYUD RIM PA MANG PO DANG, ,BYAMS CHOS RIGS TSOGS GSAL BA
RNAM GNYIS SOGS, ,RTZOD BRAL RGYA GZHUNG SHIN TU MANG PO DANG,
,BOD DU

@003B 'GYUR RO 'TSAL GYI GZUNGS 'BUM GSUM, ,KHYAD PAR CHOS KYI
RGYAL PO TZONG KHA PA, ,YAB SRAS RNAMS KYI GSUNG RAB PHAL CHER
BZHUGS, ,SH'AKYA'I RGYAL PO'I TSEMS KYI DUM BU DANG, ,RGYAL BA'I
YUNGS 'BRU'I 'PHEL GDUNG RNAM

PA GSUM, ,DPAL LDAN AA TI SHA YI GDUNG NAG DANG, ,MKHAS GRUB
KHYUNG PO RIN CHEN BRTZON 'GRUS KYI, ,SKU MCHIN DBU KLAD LAS
'KHRUNGS RING BSREL RE, ,SNYIGS DUS RGYAL BA GNYIS PA TZONG KHA
PA'I, ,DBU LO NA BZA' TSEMS KYI DUM

BU DANG, ,BU STON RGYAL TSAB DAM PA MKHAS GRUB RJE, ,DGE 'DUN
GRUB DANG SGRA PA SHER RIN PA'I, ,SKU SBYAR SKU CHOS TSAL BU DE
BZHIN DU, ,'JAM DBYANGS GTZANG PA BDUN BRGYUD CES GRAGS PA'I,
,DBU SKRA NA BZA'I DUM BU CI RIGS MCHIS, ,NOR

BZANG RGYA MTSO DGE 'DUN RGYA MTSO YI, ,GDUNG DANG DBU SKYES
BSOD NAMS RGYA MTSO YI, ,GDUNG MANG DBU SKRA LAS 'KHRUNGS RING
BSREL YOD, ,DE BZHIN RGYAL BA BLO BZANG DON GRUB KYI, ,DBU SKYES
SKU MTSAL PHYAG PHRENG NA BZA' DANG, ,RJE BTZUN

BLA MA BUDDHA DZNY'A NA YI, ,GDUNG DANG PHYAG PHRENG RING BSREL
MANG BAR BZHUGS, ,MCHOG SPRUL YON TAN RGYA MTSO'I DBU SKRA DANG,
,KHYAD PAR CHOS GRVA CHEN PO 'DI NYID KYI, ,MKHAN SLOB YONGS
GRAGS SNGON BYON MANG PO YI, ,GDUNG DANG DBU SKRA DU MA LEGS

PAR BZHUGS, ,MDOR NA 'DIR NI YI GES 'JIGS PA'I PHYIR, ,BRJOD PAR
MA SPOBS PHAN BDE'I CHAR 'BEBS PA'I, ,DAM PA MANG PO'I DAD RTEN
GZUNGS SOGS DANG, ,RTEN 'BREL DAM RDZAS BSAM GYIS MI KHYAB PA,
,MKHAS PA'I PHYAG LEN

@004A *, ,JI BZHIN LEGS BZHUGS TE, ,DPAL LDAN RDO RJE 'JIGS BYED
BCU GSUM MA'I, ,DKYIL 'KHOR ZHAL PHYE SPYAN DBYE RGYAS PAR
BGYIS, ,BZO RIG PA RNAMS YON GYIS MNYES BYAS SHING, ,RIG GROL
GNYIS LDAN

'DUS PA'I TSOGS RNAMS LA'ANG, ,MANG 'GYED RAB STON BZANG PO
MNGON BSGRUBS NAS, ,BKRA SHIS DGE BA'I ME TOG CHAR DU PHAB,
,DE'I TSE SUM RTZEN 'CHI MED TSOGS KYIS KYANG, ,'JA' 'OD GUR
PHUB ME TOG CHAR PA SOGS, ,

NGO MTSAR LHAS KYIS LHA YI LAM BKANG STE, ,MI RNAMS YID LA SPRO
DGA' CI YANG SPEL, ,DE LAS 'ONGS PA'I DGE BA'I TSOGS RNAMS
KYANG, ,BSLU MED DKON MCHOG GSUM PO DPANG GSOL TE, ,BSTAN DANG
'GRO BA'I PHAN BDE KHO

NA'I PHYIR, ,BDEN TSIG SMON LAM SHIS PA'I SGRA DBYANGS BSGRAGS,
,ZHES RIGS PAR SMRA BA BLO BZANG CHOS KYI RGYAL MTSAN GYIS SUG
BRIS SU BYAS PA'O,, ,, *, ,SVASTI, CHOS SKU BDE BA CHEN PO'I LHA

LAM DU, ,RGYA CHEN GZUGS SKU'I CHU 'DZIN 'BUM DKRIGS TE, ,DRUG
CU'I DBYANGS SGROG PHAN BDE'I CHAR 'BEBS PA'I, ,ZLA MED STON PA
DE LA BDAG CAG DAD, ,GANG TSE SH'AKYA'I RGYAL PO YIS, ,BLA MED
BYANG CHUB MCHOG BRNYES TSE, ,BSOD NAMS

ZHING DU LEGS 'KHRUNGS PA'I, ,MCHOD RTEN DAM PA'I DKAR CHAG BRI,
,BKA' DANG BSTAN BCOS DU MAR LUNG BSTAN PA, ,RGYAL BA'I GNAS
MCHOG DPAL GYI RA BSGRENG DU, ,DGE SLONG BLO BZANG CHOS KYI
RGYAL MTSAN GYIS, ,DANG BAS

@004B BSGRUBS PA'I MCHOD RTEN SOG SHING LA, ,DE NYID BRTEN
SNGAGS RGYUD SDE BZHI PO YI, ,YI DAM CHOS SKYONG MANG PO'I
GZUNGS KYIS GTAMS, ,SLOG SHING 'OG TU DPA' BO GCIG GRUB KYI,
,RGYUD NAS GSUNGS PA'I GNOD SBYIN 'KHOR LO DANG, ,'BRU

SNA RIN CHEN DU MAS YONGS GANG BA'I, ,KLU YI BUM GTER SENG
KHRI'I 'OG TU MCHIS, ,BUM SMAD NANG DU YE SHES MGON PO YI, ,BUM
PA LEGS BSGRUBS MTSAN NYID LDAN PAR BZHUGS, ,CHOS SKU'I RING
BSREL GZUNGS CHEN SDE LNGA DANG, ,DE

BZHIN GSHEGS PA'I YIG BRGYA THUB DBANG GI ,GZUNGS RING LA SOGS
CHOS SKU'I RING BSREL NI, ,SNYING POR CHUD PA'I S'ATZTSA STONG
PHRAG BZHI, ,THUB CHEN MTSAN SNGAGS LDAN PA'I MCHOD RTEN BRGYA,
,DBUS NA BYAMS MGON LI MA KHRU GANG

PA; ;GZI 'OD STONG 'BAR DGA' LDAN GNAS BZHIN BZHUGS, ,DE BZHIN
BKA' GDAMS GONG MA'I THUGS DAM RTEN, ,BDAG CAG STON PA MGON PO
'OD DPAG MED, ,BCU GCIG ZHAL DANG RGYAL YUM SGROL MA SOGS, ,BYIN

BRLABS CAN GYI GSER SKU BCU PHRAG LHAG ,RTZA RDO HRI RDO YIN
NGES GDUNG RTEN GCIG ,KHRO PHU'I THOG THUB SKU BRNYAN SKYON MED
GCIG ,BDE BAR GSHEGS PA'I 'PHEL GDUNG 'KHRUL MED GSUM, ,DPAL
LDAN AA TI SHA YI GDUNG NAG

DANG; ;'BROM STON PHYAG DAR MAR GAD GYUR PA DANG, ,DAM PA SANGS
RGYAS ZHABS CHAGS TSAL BU DANG, ,RGYAL BA GNYIS PA BLO BZANG
GRAGS PA'I DPAL, ,YAB SRAS MANG PO'I DBU LO PHYAG SEN DANG,
,THAMS CAD MKHYEN PA SNGA PHYI'I BYIN RLABS

@005A *, ,MANG; ;RGYAL BA BLO BZANG DON GRUB MKHAS GRUB CHE,
,RJE BTZUN SANGS RGYAS YE SHES RING BSREL 'GA', ,SANGS RGYAS
TSEMS KYI DUM BU LA SOGS DANG, ,RGYA BOD LO PAn MANG PO'I BYIN
BRLABS RTEN, ,MKHAS PA'I PHYAG LEN

BZHIN DU LEGS PAR BZHUGS, ,SHIS BRJOD MNGA' GSOL ME TOG CHAR DU
PHAB, ,DE LAS 'ONGS PA'I DGE TSOGS DAL 'GRO'I RGYUN, ,DUS GSUM
RNAM DKAR DZA HU'I BU MO DANG, ,LHAN CIG GEGS MED MYUR DU KUN
MKHYEN PA'I, ,YE SHES RGYA

MTSO'I DBYINGS SU 'JUG GYUR CIG ,DENG 'DIR BLO BZANG RGYAL BA'I
DBANG PO YI, ,BSTAN PA'I NYIN BYED GZI 'OD STONG 'BAR ZHING,
,SKYE DGU'I PAD TSAL MTHA' DAG PHAN BDE YI, ,'DAB STONG ZE'U
'BRUS MDZES PA BRTAN GYUR CIG ,DON 'DI'I PHYIR

DU MTHUN RKYEN GANG BSGRUBS PA, ,DE DAG MA LUS MNGON MTHO'I THEM
SKAS LA, ,BRTEN NAS SKU GSUM GZHAL MED NYAMS DGA' BAR, ,MTHONG
BA'I CHOS LA THOGS MED 'JUG GYUR CIG ,SA PHYOGS 'DI YANG KUN TU
BKRA SHIS SHOG ,KHYAD

PAR RA BSGRENG GTZUG LAG KHANG CHEN PO, ,CHOS DANG 'BYOR PA'I
PHUN TSOGS DGA' STON GYI, ,PHAN BDE'I DPAL LA ROL PA'I BKRA SHIS
SHOG ,CES RA BSGRENG DU MCHOD RTEN BTAB PA'I DKAR CHAG 'DI YANG,
BTZUN PA BLO BZANG CHOS KYI RGYAL MTSAN

GYIS SMRAS PA'O,, ,,*, SVASTI; PHAN BDE'I 'BYUNG GNAS RGYAL
BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS
BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS
SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,,