*, ,NA MO GU RU MANYDZU GHO sh'A YA, RAB 'BYAMS RGYAL BA'I DKYIL 
'KHOR KUN GYI, ,KHYAB BDAG DPAL LDAN RDO RJE SEMS DPA', ,SNYIGS 
DUS MGON MED 'GRO BA'I DON DU, ,GANG 'DUL JI BZHIN NGUR SMRIG 
GAR GYIS, ,RNAM ROL

BKA' DRIN GSUM LDAN BLA MA, ,RJE BTZUN BLO BZANG CHOS KYI RGYAL
MTSAN, ,SNYING NAS BKA' DRIN DRAN PA'I YID KYIS, ,GDUNG BA'I
DBYANGS KYIS GSOL BA 'DEBS SO, ,TSAD MED THUGS RJE'I SPYAN GYIS
GZIGS LA, ,BDAG

DANG MAR GYUR SEMS CAN THAMS CAD, ,DENG NAS BYANG CHUB MA THOB
BAR DU, ,SKAD CIG TZAM YANG 'BRAL BA MED DANG, ,RJES SU ZUNGS LA
MCHOG DANG THUN MONG, ,BYIN RLABS BDUD RTZIS TSIM PAR MDZOD CIG
,'DAS PA'I SANGS

RGYAS MANG POS SPANGS SHING, ,DA LTA PHYOGS BCU'I 'JIG RTEN
KHAMS NA, ,'TSO ZHING GZHES PA'I SANGS RGYAS RNAMS KYIS, ,GDUL
BAR MA NUS MGON SKYABS MED PA'I, ,BDAG CAG SNYIGS MA'I 'GRO BA
DAG LA, ,

@018A *, ,KUN MKHYEN RGYAL BA'I MDZAD PA BSGRUB PA'I, ,RJE BTZUN
BLO BZANG CHOS KYI RGYAL MTSAN, ,BKA' DRIN DRAN PAS GSOL BA
'DEBS SO, ,THUGS RJES ZUNG LA BYIN GYIS RLOBS SHIG ,DENG NAS
BYANG CHUB SNYING

PO'I BAR DU, ,KHYOD MIN RE SA'I SKYABS GZHAN MED PAS, ,'BRAL MED
SPYI GTZUG NYI ZLA'I STENG DANG, ,SNYING GI PADMO'I ZE'U 'BRUR
BZHUGS LA, ,MCHOG DANG THUN MONG DNGOS GRUB KUN STZOL, ,STONG
GSUM MI MJED ZHING GI

STON PA, ,'DREN PA MNYAM MED ZAS GTZANG SRAS PO, ,BCU GNYIS
MDZAD PAS RNAM PAR ROL CING, ,ZHING BRGYA PHUN TSOGS 'OD KYIS
'GENGS PA, ,SKAL MED BDAG GIS MNGON SUM MA MTHONG, ,THUB PA'I
NYI MA DUS KYIS NUB

NAS, ,MTSAN TZAM LHAG MAR LUS PA'I DUS 'DIR, ,BDAG CAG MGON MED
'GRO BA RNAMS LA, ,RGYAL BAS GSUNGS PA'I CHOS TSUL KUN GYI,
,SNYING PO MA LUS GCIG TU DRIL NAS, ,LEGS PAR 'DOMS PAS RGYAL

BA KUN LAS, ,LHAG PA'I DRIN CAN RTZA BA'I BLA MA, ,RJE BTZUN BLO
BZANG CHOS KYI RGYAL MTSAN, ,YENGS MED DRAN PAS GSOL BA 'DEBS
SO, ,THUGS RJE CHEN PO'I SPRIN PHUNG BKRIGS LA, ,BYIN RLABS BDUD
RTZI'I CHAR RGYUN PHOB

CIG ,BYAMS PA 'JAM DBYANGS SPYAN RAS GZIGS SOGS, ,SA BCU'I DBANG
PHYUG RGYAL SRAS RNAMS DANG, ,MCHOG ZUNG RAB 'BYOR 'OD SRUNGS LA
SOGS, ,'PHAGS MCHOG RNAMS DANG BGRO ZHING MOL BA'I, ,DGA' STON

@018B CHEN PO MNGON SUM MA MTHONG, ,MDA' BSNUN ZHABS SOGS GRUB
MCHOG RNAMS DANG, ,'DZAM GLING MDZES BYED RGYAN DRUG MCHOG
GNYIS, ,LNGA BRGYA'I GTZUG RGYAN JO BO YAB SRAS, ,BLO BZANG
RGYAL BA GNYIS PA'I ZHABS SOGS, ,

MKHAS SHING GRUB PA'I DAM PA RNAMS KYIS, ,RANG RANG GDUL BYA
SMIN PAR MDZAD NAS, ,DAG PA'I ZHING DU GSHEGS PA'I DUS 'DIR,
,DMIGS BUS DOR BA'I LONG BA'I TSOGS DANG, ,RNGON PAS GTZAS PA'I
RI DVAGS LTA BUR, ,NYAM

THAG MGON MED BDAG CAG RNAMS LA, ,DUS GSUM BDE GSHEGS SRAS BCAS
KUN GYI, ,THUGS KYI BCUD BSDUS ZAB MO'I GDAMS PA, ,SDUG BSNGAL
NAD KUN SEL BA'I SMAN CHEN, ,MA RIG MUN PA 'JOMS PA'I SGRON ME,
,PHAN

BDE'I MCHOG STZOL YID BZHIN NOR BU, ,DAM CHOS BDUD RTZI'I CHAR
CHEN PHAB NAS, ,DMU RGOD BDAG RGYUD THA RGOD GYONG PO, ,JI BZHIN
'DUL MDZAD THAMS CAD MKHYEN PA, ,BKA' DRIN ZLA MED SKYABS GSUM
KUN 'DUS, ,RJE

BTZUN BLO BZANG CHOS KYI RGYAL MTSAN, ,SNYING NAS DRAN PAS GSOL
BA 'DEBS SO, ,BDAG DANG MA RGAN SEMS CAN RNAMS KYI, ,'DI DANG
BAR DO PHYI MA'I 'JIGS PA, ,MA LUS DA LTA MYUR DU SKYOBS MDZOD,
,CHOS BRGYAD 'BYUNG

PO'I GDON GYIS ZIN NAS, ,TSE 'DI DON MED STONG LOG BYED DUS,
,RNYED DKA' DON CHE NAM MKHA'I GLOG 'DRAR, ,'DOMS PA'I GSUNG GI
LCAGS KYU RNON POS, ,YANG DAG SNYING PO LEN PAR BSKUL BA'I,
,BKA' DRIN MNYAM MED

@019A *, ,'GRO BA'I BLA MA, ,RJE BTZUN BLO BZANG CHOS KYI RGYAL
MTSAN, ,RTZE GCIG MOS PAS GSOL BA 'DEBS SO, ,DENG NAS SANGS
RGYAS MA THOB BAR DU, ,'BRAL MED THUGS RJES BYIN GYIS RLOBS SHIG
,NYON MONGS

DUG GSUM CHANG GIS MYOS SHING, ,LAS NGAN RLUNG SHUGS DRAG POS
'DAS PAS, ,'JIGS RUNG NGAN 'GRO'I G-YANG SA CHEN POR, ,BAG MED
GOM PA 'DOR BAR PHYOGS TSE, ,THUGS RJE NYIN MOR BYED PA'I 'OD
KYIS, ,BDE 'GRO'I

LAM BZANG GSAL BAR STON PA'I, ,BKA' DRIN 'KHOR MED BSLU MED
SKYABS MGON, ,RJE BTZUN BLO BZANG CHOS KYI RGYAL MTSAN, ,SNYING
GI KHONG NAS BKA' DRIN DRAN PAS, ,GSOL BA 'DEBS SO BYIN GYIS
RLOBS SHIG ,MTHA' MED

'KHOR BA'I RGYA MTSO CHEN POR, ,LAS DANG NYON MONGS RBA GLONG
'KHRUG CING, ,SDUG BSNGAL CHU SRIN MANG POS GZIR BA'I, ,SKYABS
MGON MED PA'I 'GRO BA MA LUS, ,BSLAB GSUM RNAM DAG GRU RDZINGS
BRTAN POS, ,THAR PA DAM

PA'I GLING DU 'KHRID PA'I, ,DED DPON BZANG PO DRIN CAN BLA MA,
,RJE BTZUN BLO BZANG CHOS KYI RGYAL MTSAN, ,GDUNG BA'I DBYANGS
KYIS GSOL BA 'DEBS SO, ,RGYUN CHAD MED PAR BYIN GYIS RLOBS SHIG
,KHREL MED RANG BDE 'DOD

PA'I SEMS KYIS, ,MYANG 'DAS DMAN PA'I PHYOGS SU ZHEN CHE, ,BYAMS
DANG SNYING RJE BYANG CHUB SEMS KYI, ,RIN CHEN SHING RTA BZANG
POR BSKYON NAS, ,SKU GSUM NOR BU'I GLING DU 'DREN PA, ,GZHAL BAR
DKA' BA'I DRIN CAN BLA MA, ,

@019B RJE BTZUN BLO BZANG CHOS KYI RGYAL MTSAN, ,SNYING NAS DRAN
PAS GSOL BA 'DEBS SO, ,RTZE GCIG GSOL BA BTAB PA'I MOD LA,
,THUGS RJE'I RGYA MTSO CHES CHER G-YOS NAS, ,BYIN RLABS BDUD
RTZIS TSIM PAR MDZOD CIG ,MI

'DOD RGUD PA KUN GYI 'BYUNG GNAS, ,MA RIG DUG CHUS MYOS PA'I MUN
NAG ,LUNG DANG RIGS PA'I 'OD ZER STONG GIS, ,GSAL BAR MDZAD PA
BSTAN PA'I SGRON ME, ,RJE BTZUN BLO BZANG CHOS KYI RGYAL MTSAN,
,BKA' DRIN CHEN PO

RJES SU DRAN PAS, ,GSOL BA 'DEBS SO BYIN GYIS RLOBS SHIG ,SGYU
MAS RMONGS PAR BYAS PA'I 'KHRUL 'KHOR, ,'KHRUL BA'I RNAM SHES
DRUG GI YUL SNANG, ,MING TZAM LAS GZHAN GRUB PA MED PA'I, ,BDEN
GNYIS GNAS

TSUL JI BZHIN STON PA, ,RMONGS PA'I MUN SEL DRIN CAN BLA MA,
,RJE BTZUN BLO BZANG CHOS KYI RGYAL MTSAN, ,GSOL BA 'DEBS SO
BYIN GYIS RLOBS SHIG ,CHOS RNAMS KUN GYI GDOD MA'I GNAS LUGS,
,SMRA BSAM BRJOD PA'I

YUL LAS 'DAS PA'I, ,CHOS NYID DE BZHIN NYID KYI RANG BZHIN,
,MNGON SUM RJEN PAR GSAL BAR STON PA'I, ,CHOS KYI RGYAL PO DPAL
LDAN BLA MA, ,RJE BTZUN BLO BZANG CHOS KYI RGYAL MTSAN, ,BKA'
DRIN DRAN PAS GSOL BA 'DEBS

SO, ,BDAG 'DZIN 'GONG PO RTZAD NAS THON CING, ,BDAG MED GNAS
LUGS MNGON SUM 'GYUR BAR, ,DA LTA NYID DU BYIN GYIS RLOBS SHIG
,DAD BRTZON DAM TSIG LDAN PA RNAMS LA, ,GRANGS MED GSUM LA 
BLTOS PA MED PAR, ,SKU

@020A *, ,GSUM GO 'PHANG SKAD CIG NYID LA, ,STZOL MDZAD KHYAB
BDAG RDO RJE 'CHANG DBANG, ,RJE BTZUN BLO BZANG CHOS KYI RGYAL
MTSAN, ,BKA' DRIN CHEN PO RGYUN CHAD MED PAR, ,DRAN PA'I YID
KYIS GSOL BA

'DEBS SO, ,ZUNG 'JUG RDO RJE 'DZIN PA'I GO 'PHANG, ,MYUR DU THOB
PAR BYIN GYIS RLOBS SHIG ,GZHAN GYIS BRJOD MIN BDE CHEN LHAN
SKYES, ,GANG DU YANG NI RNYED PA MIN PA, ,KHYOD ZHABS BSTEN CING
KHYOD GSUNG THOS PAS,

MNGON SUM 'GYUR MDZAD BKA' DRIN ZLA MED, ,RJE BTZUN BLO BZANG
CHOS KYI RGYAL MTSAN, ,BKA' DRIN CHEN PO SNYING NAS DRAN PAS,
,SGO GSUM DANG BAS GSOL BA 'DEBS SO, ,SGRIB BRAL BDE STONG DBYER
MED LHAN SKYES, ,MYUR DU

SKYE BAR BYIN GYIS RLOBS SHIG ,DUS GSUM SANGS RGYAS KUN GYI NGO
BO, ,LUNG RTOGS DAM CHOS BDUD RTZI'I 'BYUNG GNAS, ,'PHAGS CHOGS
DGE 'DUN KUN GYI GTZUG RGYAN, ,MKHA' 'GRO CHOS SKYONG YONGS KYI
MNGA' BDAG ,BSLU

MED GTAN GYI SKYABS GNAS MTHAR THUG ,RJE BTZUN BLO BZANG CHOS
KYI RGYAL MTSAN, ,GSOL BA 'DEBS SO BYIN GYIS RLOBS LA, ,SRID
ZHI'I 'JIGS PA KUN LAS SKYOBS SHIG ,NGAN SONG 'JIGS LAS SGROL
BA'I DPA' BO, ,

SDUG BSNGAL RGYA MTSO SGROL BA'I GRU RDZINGS, ,MTHO RIS THAR PAR
'DREN PA'I DED DPON, ,BLANG DOR GSAL BAR STON PA'I NYI MA, ,GTI
MUG MUN PA SEL BA'I SGRON ME, ,DUG GSUM NAD KUN 'JOMS PA'I SMAN
PA, ,RJE BTZUN BLO

@020B BZANG CHOS KYI RGYAL MTSAN, ,SNYING NAS DRAN PAS GSOL BA
'DEBS SO, ,'BRAL MED THUGS RJES BYIN GYIS RLOBS SHIG ,SNYIGS
MA'I DUS KYI SANGS RGYAS GNYIS PA, ,THUB DBANG BSTAN PA 'DZIN
PA'I GTZO BO, ,BDAG GI 'DI

PHYI'I RE SA SKYABS GNAS, ,CHOS KUN THAMS CAD MKHYEN CING GZIGS
PA, ,RJE BTZUN BLO BZANG CHOS KYI RGYAL MTSAN, ,SGO GSUM GUS PAS
GSOL BA 'DEBS SO, ,DUS 'DI NAS BZUNG BYANG CHUB BAR DU, ,KHYOD
MIN RE SA'I

SKYABS GZHAN MED PAS, ,SHI'AM GSON NAM SKYID RUNG SDUG RUNG,
,DUS DANG GNAS SKABS JI LTAR GYUR KYANG, ,SKYABS GNAS KUN 'DUS
RJE BTZUN BLA MA, ,BLO BZANG CHOS KYI RGYAL MTSAN MKHYEN NO,
,MKHYEN BRTZE NUS

PA'I MTHU DPUNG BSKYED PA, ,THUN MONG MCHOG GI DNGOS GRUB MA
LUS, ,'BAD RTZOL MED PAR LHUN GYIS GRUB PAR, ,RJE BTZUN BLA MAS
BYIN GYIS RLOBS SHIG ,'DI LTAR BSKRUN PA'I DGE TSOGS RGYA MTSOS,
,'DI NAS SANGS

RGYAS MA THOB BAR DU, ,BLO BZANG CHOS KYI RGYAL MTSAN 'DZIN PAS,
,DGYES BZHIN RJES SU 'DZIN PAR GYUR CIG ,DENG NAS KHYOD MNYES
KHO NA BSGRUB CING, ,RGYAL BA KUN GYI LUNG DANG RTOGS PA'I,
,CHOS TSUL MA LUS LEGS

PAR BZUNG NAS, ,BLA MED BYANG CHUB THOB PAR GYUR CIG ,KHYAD PAR
BLO BZANG CHOS KYI RGYAL MTSAN, ,STOBS BCU MNGA' BA'I GO 'PHANG
BRNYES TSE, ,PHYAG TSAB SRAS KYI THU BOR GYUR NAS, ,BSTAN DANG
'GRO BA'I DPAL DU GYUR CIG 

@021A *, ,CES BLA MA'I BKA' DRIN DRAN NAS GSOL BA 'DEBS SHING
THUGS RJE BSKUL BA GRUB PA'I SPRIN SGRA ZHES BYA BA 'DI NI CHOS
BRGYAD KYI 'CHING BA SPANGS TE, 'KHRUL MED KYI LAM LA BSGRUB PA
SNYING POR BYED PA

RNAMS KYI RGYAN DU GYUR PA, RANG GI SLOB MA GNAS BCU RAB 'BYAMS
PA DGE 'DUN RGYAL MTSAN DANG, DAD PA PHUN SUM TSOGS PA'I 'BYOR
LDAN, GU SHRI SA CHEN CHOS RJE GNYIS KYIS LUS LONGS SPYOD THAMS
CAD BLTOS

MED DU PHUL NAS, BLA MA'I BKA' DRIN RJES SU DRAN ZHING, THUGS
RJE BSKUL BA MING SPEL DANG BCAS PA RGYAS PA ZHIG DGOS CES YANG
YANG NAN GYIS BSKUL BA LA BRTEN NAS, BLA MA DAM PA'I BKA' 'BANGS
THA CHUNG, MDO RGYUD

MAN NGAG 'DZIN PA'I RGYAL KHAMS PA DGE SLONG BLO BZANG CHOS KYI
RGYAL MTSAN GYIS BRDA' DANG TSIG SBYOR SOGS KYIS MA BCINGS PAR,
KUN GYIS GO BDE BAR MDO RGYUD MKHAS GRUB DAM PA RNAMS KYI BKA'
SROL BZHIN, RA

SA 'PHRUL SNANG SH'AKYA'I RGYAL PO'I PHO BRANG DU SBYAR BA'I YI
GE PA NI DGE TSUL BLO BZANG DAR RGYAS SO,, ` ,DE YANG, MING SPEL
GYI MTSAMS 'DIR, RANG GANG MOS KYI RTZA BA'I BLA MA'I MTSAN BCUG
PAS KYANG

LEGS PAR 'GYUR RO, ,BSKUL BA PO'I 'DOD PAS MING SPEL 'DI LTAR
BYAS PA LA, MDO RGYUD RNAMS DANG GRUB PA'I DBANG PO RNAMS KYI
RNAM THAR MA MTHONG BA 'GA' ZHIG GIS MTHONG NA, 'O NA TA ZHES
SDIG RKYEN DU 'GYUR NYEN

@021B CHE BAS, DAD LDAN PHAN TSUN MA GTOGS, SKAL MED RNAMS LA
GSANG NA DGE 'AM SNYAM MO,, ,,