*, ,PAn CHEN THAMS CAD MKHYEN PA CHEN PO'I GSUNG THOR BU BA
PHYOGS GCIG TU BSDEBS PA RNAMS BZHUGS SO, ,

@001A #, ,NA MO GU RU MANYDZU GHO sh'A YA, ZHING PHYOGS BCU'I
RGYAL BA MA LUS PA'I, ,THUGS BRTZE BA'I YE SHES GCIG BSDUS NAS,
,DENG NGUR SMRIG 'DZIN

PA'I SKUR STON PA, ,RJE BLO BZANG RGYAL BA GNYIS PA'I ZHABS,
,LAM RIM GNYIS ZAB MO LTA BA'I GNAD, ,RGYUD MA DAG ZHING DU
RGYAS BYA ZHES, ,SNGON THUGS DAM

BCAS BZHIN LEGS BSGRUBS PA, ,RJE BLO BZANG, ,GNAS 'OG MIN CHOS
KYI PHO BRANG DU, ,SRAS SA BCU'I SEMS DPA'I 'KHOR DBUS SU,
,DBYINGS KHA

SBYOR BDUN LDAN RDO RJE 'DZIN, ,RJE BLO BZANG, ,PHYOGS RAB
'BYAMS ZHING KHAMS BYE BA BRGYAR, ,BDUD BCOM ZHING MNGON PAR
BYANG CHUB SOGS, ,DPAL BCU

@002A *, ,GNYIS MDZAD PA'I ZLOS GAR MKHAN, ,RJE BLO BZANG, ,RJE
DUS GSUM SANGS RGYAS KUN GYI YAB, ,SRAS GZHON NU'I TSUL 'DZIN
'JAM PA'I DBYANGS, ,

BOD GANGS CAN MGON SPRUL TZONG KHA PA, ,RJE BLO BZANG, ,THABS
MKHAS PAS GDUL DKA' 'DUL BA'I PHYIR, ,DGRA PHYI NANG GSANG BA'I
GSHIN RJE'I GSHED, ,LHA DRAG PO RDO

RJE 'JIGS BYED TSUL, ,RJE BLO BZANG, ,BLO SGRIB BRAL MKHYEN
BZANG PHA MTHA' BRGAL, ,MTSAN SNYAN GRAGS SRID PA GSUM NA G-YO,
,DPAL 'PHRIN LAS BZANG PO SKYE

DGU'I GNYEN, ,RJE BLO BZANG, ,BKA' MDO RGYUD GZHUNG LUGS MA LUS
PA, ,DON GDAMS PA'I MCHOG TU LEGS DGONGS NAS, ,RGYUD SKAL LDAN
'GRO LA 'DOMS

MDZAD PA'I, ,RJE BLO BZANG, ,LAR THUB BSTAN SHIN TU SNYIGS PA'I
DUS, ,CHOS MDO RGYUD BSLAB GSUM RIM GNYIS SOGS, ,CHES RGYAS
MDZAD RGYAL BA'I NYI MA DNGOS, ,RJE BLO BZANG,

@002B SKU KHA SBYOR BDUN LDAN LONGS SPYOD RDZOGS, ,GSUNG 'GAG
MED MI GZHIG RDO RJE'I DBYANGS, ,THUGS BDE STONG NAM MKHA'I NGO
BO NYID, ,RJE BLO BZANG, ,DUS SNYIGS MA'I MGON PO MAR ME MDZAD,
,PHYIS

THUB BSTAN MING TZAM GYUR PA'I TSE, ,SLAR YONGS RDZOGS BSTAN
PA'I DPAL DU SHAR, ,PHA KUN MKHYEN BLO BZANG GRAGS PA'I DPAL,
,SNGON RGYAL BA'I MDUN SAR PADMA'I MTSAN, ,STENG DGA' LDAN 'JAM
DPAL

SNYING POR GRAGS, ,BOD KHA BA CAN 'DIR TZONG KHA PA, ,PHA THAMS
CAD MKHYEN PA BSTAN PA'I BDAG ,BDAG DENG NAS BYANG CHUB SNYING
PO'I BAR, ,SKYABS RE SA GZHAN DU MI 'TSOL BAS, ,PHA KHYOD KYI
THUGS RJE'I

LCAGS KYU YIS, ,DUS RTAG TU RJES SU BZUNG DU GSOL, ,RJE KHYOD
ZHABS SPYI BO'I RGYAN DU BSTEN, ,GSUNG LEGS BSHAD BDUD RTZI
NGOMS MED 'THUNG, ,BKA' TSUL BZHIN BSGRUB PA'I MCHOD PA YIS, ,

MGON KHYOD MNYES BGYID PAR BYIN GYIS RLOBS, ,TSE 'DI NANG ZHEN
PA'I 'KHRI BA BCAD, ,KHAMS GSUM GYI BDE LA ZHEN PA LOG ,MA 'GRO
KUN DON DU SEMS BSKYED PAR, ,THUGS BRTZE BAS ZUNGS

SHIG THAMS CAD MKHYEN, ,BKA' MDO RGYUD GZHUNG LUGS PHA MTHAR
SON, ,DGRA BDAG 'DZIN 'BYUNG PO'I SROG RTZA BCAD, ,LAM RIM GNYIS
RNAL 'BYOR MTHAR PHYIN PAR, ,THUGS BRTZE BAS MYUR DU BYIN GYIS

@003A *, ,RLOBS, ,TSE 'DI NANG 'GAGS TSE DGA' LDAN DU, ,RJE
KHYOD DRUNG PADMO'I SBUBS LAS SKYES, ,CHOS ZAB RGYAS GDAMS PA'I
MDZOD BZUNG STE, ,MA 'GRO KUN 'DREN PAR BYIN GYIS RLOBS, ,ZHING

NGO MTSAR RMAD BYUNG BKOD PA DER, ,MGON BDE GSHEGS SENG GE'I NGA
RO YI, ,ZHAL MTHONG ZHING GSUNG LA LONGS SPYOD PA'I, ,DUS DANG
PO'I 'KHOR DU BDAG GRUB MDZOD, ,DUS 'DIR YANG RJE BTZUN BLA MA
YI, ,

LUGS BZANG PO'I 'PHRIN LAS SPEL BA LA, ,GEGS 'GAL RKYEN MING
YANG MI 'BYUNG ZHING, ,GROGS MTHUN RKYEN TSANG BA'ANG BLA MA
MKHYEN, ZHES RJE BTZUN BLA MA THAMS CAD MKHYEN PA BLO BZANG
GRAGS PA'I

DPAL LA GSOL BA 'DEBS PA DAD PA'I LJON SHING RGYAS PA'I ME TOG
CES PA 'DI YANG, SKYES TZAM NYID NAS RJE THAMS CAD MKHYEN PA
NYID LA MI PHYED PA'I DAD PA DANG LDAN PA, DGE SLONG BLO BZANG
CHOS KYI RGYAL

MTSAN GYIS SBYAR BA'O,, ,,