*, ,NA MO GU RU MANYDZU GHO sh'A YA, DUS GSUM BDE GSHEGS KUN 
GYI SKU GSUNG THUGS, ,YE SHES NAM MKHA'I

@028B MDZOD LA DBANG BSGYUR BA, ,SRID PA GSUM NA DPE ZLA MA
MCHIS PA'I, ,BSLU MED SKYABS KYI DAM PA BLA MA RJE, ,GSOL BA
'DEBS SO DAM CHOS BSGRUB PA'I GEGS, ,RKYEN NGAN BAR CHAD ZHI BAR
BYIN GYIS RLOBS, ,RGUD PA'I 'BYUNG GNAS

RANG NYID GCES 'DZIN 'DI'I, ,KHONG SKRAN RTZAD NAS THON PAR BYIN
GYIS RLOBS, ,BYAMS DANG SNYING RJE BYANG CHUB SEMS 'BYONGS
SHING, ,BDAG MED GNAS LUGS RTOGS PAR BYIN GYIS RLOBS, ,DENG NAS
JI SRID BYANG CHUB SNYING PO'I

BAR; ;KHYOD MIN RE SA'I SKYABS GZHAN MA MCHIS PAS, ,'DI DANG BAR
DO PHYI MA'I SKABS KUN TU, ,MGON SKYABS DPUNG GNYEN MDZOD CIG
BLA MA RJE, ,GSOL BA 'DEBS SO, ,ZHES SOGS TSIG RKANG DRUG PO 'DI
RIM BZHIN SBYAR

RO; ;LAS NGAN DBANG GIS SNYIGS MA'I DUS 'DIR SKYES, ,NAD SOGS MI
'DOD SDUG BSNGAL CHAR LTAR BABS, ,MGON MED NYAM THAG 'GRO BA
BDAG CAG LA, ,'BRAL MED THUGS RJES GZIGS SHIG BLA MA RJE, ,GSOL
BA

'DEBS SO SOGS 'GRO, SDUG BSNGAL MI 'DOD DE YI RGYU LA DGA', ,BDE
'DOD DGE BA'I LAS LA DGRA LTAR BLTA, ,MIG CAN G-YANG LA MCHONGS
'DRA'I SMYON PA BDAG ,NGAN 'GRO'I 'JIGS LAS SGROL ZHIG BLA MA
RJE, ,GSOL BA

'DEBS SOGS 'GRE, SKYE RGA NA 'CHI RGUD PA'I RLABS 'KHRUG CING,
,LAS DANG NYON MONGS CHU SRIN MANG POS GTZES, ,SDUG BSNGAL RGYA
MTSOR BYING BA'I 'GRO BA RNAMS, ,SRID PA'I MTSO LAS SGROL ZHIG
BLA MA RJE, ,GSOL BA

@029A *, ,'DEBS SOGS 'GRE, ,'DAS PA'I SANGS RGYAS MANG POS
SPANGS GYUR CING, ,DA LTA'I SANGS RGYAS RNAMS KYIS MA THUL BA,
,BDAG DANG BDAG 'DRA'I SNYIGS DUS 'GRO BA LA, ,'BRAL MED THUGS
RJES GZIGS

LA BYIN GYIS RLOBS, ,KIM PA'I 'BRAS BU MNGAR BA'I DUG SDONG
LTAR, ,MNOG CHUNG NYES PA KUN GYI GZHIR GYUR PA, ,'KHOR BA'I
PHUN TSOGS BDE 'BYOR CI 'DRA LA'ANG, ,ZHEN LOG NGES 'BYUNG SKYE
BAR x, ,NGOMS MED ZAG

BCAS BDE BA PHRA MO YIS, ,YUN RING BZOD DKA'I SDUG BSNGAL SGRUB
BYED PA, ,BDE BAS SDUG BSNGAL NYO BA'I BRJE TSONG MKHAN, ,BDAG
'DZIN DON MTHUN 'JOMS PAR x, ,RKYEN NGAN SNA TSOGS 'KHRIGS PA'I
CHU 'DZIN

LAS; ;NYIN BZHIN SDUG BSNGAL DRAG PO'I CHAR BAB KYANG, ,RANG GI
SNGON BYAS LAS NGAN RNAM SMIN DU, ,SHES NAS BDAG GIR BYED PAR x,
,NAD GDON CHOM RKUN DGRA YIS GTZES PA YANG, ,MGAR BA RANG GI RAL

GRIS BSAD PA LTAR, ,RANG NYID GCES PAR 'DZIN PA'I PHUNG RGAN LA,
,LE LAN 'DAS NAS SPONG BAR x, ,BDAG NYID GCES PAR 'DZIN PA'I
GDON CHEN 'DI, ,NYES TSOGS MA LUS 'BYUNG BA'I GZHIR MTHONG NAS,
,LUNG DANG

RIGS PA'I MTSON RNON BRGYA PHRAG GIS, ,BDAG 'DZIN SROG RTZA GCOD
PAR x, ,SNYING GI SBUBS SU BSOD NAMS MA YIN PA'I, ,RDZAS NGAN
BSAGS NAS MI DANG MI MIN GYI, ,GNOD BYED MA LUS YANG YANG SPYAN
'DREN PA'I,

@029B BDAG 'DZIN 'GONG PO 'JOMS PAR x, ,BDAG MED BDAG TU RMONGS
PA'I 'DU BYED KYIS, ,MING GZUGS MYU GU SDUG BSNGAL 'BRAS BU CAN,
,GRANGS MED BSGRUB PA'I 'DO MED BSO NAM MKHAN, ,PHUNG BYED DGRA
'DI 'JOMS

PAR x, ,LUS SROG 'JIG PA'I MTSON CHAR STONG BAB KYANG, ,SDIG
SPONG DGE BA BSGRUB PA'I GROGS MCHOG TU, ,MTHONG NAS RNAM GSUM
BZOD PA'I GO BGOS NAS, ,GNOD LAN PHAN PA BSGRUB PAR x, ,MDOR NA
MI 'DOD

SDUG BSNGAL CI BYUNG YANG, ,RANG NYAMS DPAGS TE SNYING RJES YID
BSKYOD DE, ,MAR GYUR 'GRO BA'I SDIG DANG SDUG BSNGAL KUN, ,ZHUM
MED DANG DU LEN PAR x, ,GAL TE LAS KYIS DMYAL BAR SKYES NA YANG,
,SKYES MA

THAG TU DMYAL BA'I SDUG BSNGAL RNAMS, ,MA LUS BDAG GI LUS LA
SMIN GYUR NAS, ,DE DAG BDE DGES GANG BAR x, ,KUN KYANG BDAG LA
MI DGA' YONGS GSHE NA, ,SNGON CHAD SDUG GSHIS NGAN PAS GZHAN DAG
LA, ,

GNOD PA'I 'BRAS BU DE PHYIR DENG NAS BZUNG, ,KHRO GTUM GSHIS
NGAN SPONG BAR x, ,PHYIN CHAD RKYEN NGAN BAR CHAD CI BYUNG YANG,
,LAS NGAN BU LON 'JAL DANG LTAS NGAN RNAMS, ,G-YANG DU LEN PA'I
DGE BA'I BSHES GNYEN DU, ,

SHES NAS YID BDE BSGOM PAR BYIN GYIS x, ,DUS NGAN SDUG BSNGAL
CHU GNYER 'DRA BA 'DI, ,YID 'BYUNG DREGS SEL 'GRO LA BRTZE BA
DANG, ,RLABS CHEN DGE TSOGS 'GRUB PA'I BSKUL MA RU, ,MTHONG BAS
DANG DU LEN PAR x, ,MA

@030A *, ,RIG DUG CHUS SPAGS PA'I RNAM SHES LA, ,JI LTAR SNANG
ZHING ZHEN PA'I DNGOS PO RNAMS, ,NAM MKHA'I PADMO JI BZHIN
MTHONG BA YI, ,BDAG MED GNAS LUGS RTOGS PAR x, ,'KHOR 'DAS BZANG

NGAN SNANG BA CI SHAR YANG, ,RTOG PAS BTAGS PA TZAM ZHIG MA
GTOGS PAR, ,GZHAN DU GRUB PA CUNG ZAD MED PA YI, ,RANG BZHIN JI
BZHIN SHES PAR x, ,SHIN TU RTOGS DKA'I CHOS KUN DE BZHIN NYID,
,RGYAL BA'I  

DGONGS PA JI BZHIN LEGS RTOGS NAS, ,ZHI LHAG ZUNG DU 'BREL BA'I
RNAL 'BYOR GYIS, ,SGRIB GNYIS G-YUL LAS RGYAL BAR BYIN GYIS
RLOBS, CES PA 'DI YANG, 'DI NANG GI CHOS BRGYAD SPANGS TE, RTZE
GCIG TU

BSGRUB PA SNYING POR BYED PA DKA' BCU 'DZIN PA BRTZON 'GRUS
RGYAL MTSAN GYIS BLA MA LA THUGS RJE BSKUL ZHING GSOL BA 'DEBS
PA, MJUG TU BDAG 'DZIN LA DGRAR BLTAS NAS SDUG BSNGAL DANG DU
LEN PA, RGYUN GYI

NYAMS LEN DU 'OS PA'I 'KHYER BDE ZHIG CES KYANG DGOS CES YANG
YANG BSKUL BA LA BRTEN NAS, DGE SLONG BLO BZANG CHOS KYI RGYAL
MTSAN GYIS BKRA SHIS LHUN PO'I GZIMS KHANG DU BRIS PA'O,, ,,